a
§ Fichteſt du dan durch (frawẽ )frawen (ſchõ )ſchon.
merck was dir darumb werd ʒuͦ loͤn
Sye lonent vngeleyche
ſehen ſy dich in dem bluͦt baden.
Sy lieſſen dir den ſelben ſchaden.
do ſprach herr dietereyche
Jch ficht durch (frawẽ )frawen (vñ)vnd durch (mã)man
vnd durch meyn ſelber ere
Do begund der ryß gar freyſſan
den ſeynen ſchweyß auch reren
Von der hytʒe die im beſchach
die herr dieterich von beren .
Von feynem mund auß brach.
§ Do ſprach der vngefuͦge man
ſolteſt eyn weyl ſeyn in dem than
Du wűrdeſt yn verbrennen.
von feűer das auß deim munde gat
Weyß wer es in dich tragen hat.
ich kan nit anders kennen.
Wenn das der teűffel in dir ſey
mit allen ſeynen knechten
Dein hytʒ die wont mir naher bey
denn held dein groſſes fechten
Do mit weycheſt dű mir mein horn
dye red die thet dem berner
Von dem ryßen ſo ʒorn
§ Jn mir iſt keynes teűffels genoß
do ſchluͦg er auff den ryßen groß.
Schryet ym aber eyn wunden
do ſprach der vngefuͦge man
Erſt wils mir an die ryemen gan
wol ʒuͦ den ſelben ſtunden
Tradt er vom berner in den wald
do er eynen ſchilt het hangen.
Den ʒuckt er fűr die hende bald
do mit kam er gegangen
Der ſchylt was als eyn ſtadelthor
erſt reűt den vogt von beren .
Das er kam auff das geſpor
§ Hye kumbt der ryße
mit eynem ſchylt.
§ Der ſchylt was mit horn wol be ⟨/reyt⟩
als vns die abenteűer ſeyt
Eyner hend dick vmb die ende
was er mit ſtahel űberʒogen
Es haben dann die buͦch gelogen
den truͦg er vor der hende
Nun wer dich edler vogt von bern .
als ob du woͤlleſt geneſen.
Jch wil dich acht tag ſtreytʒ gewern
des ſolt du ſicher weſen
Du ʒerſchrotſt mir nit (meynẽ )meynen ſchylt
er iſt noch alſo neűe·
Vnd ward noch nye durch ʒylt
§ Herr dieterich ſprach do ʒuͦ (dʼ)der friſt
ſeyd das deyn ſchylt ſo guͦt iſt
Das hilffet mich gar kleyne
dar fűr nem ich den ſyg an dir
Das ſolt du ſicher glauben mir.
nun von den helden ʒweyne.
Huͦb ſich eyn keyſerlicher ſchal
als wir noch hoͤren ſagen
Die droſchel vnd die nachtigal.
begunden geſangs vertʒagen
Von irem vngefuͦgen ſtreyt.
thyer lieffen auß dem walde
Vnd forchten irer heűt
b ij