a
Herr dieterich ſprach ich enwil
ich hab hiltbrant gemacht ein ʒil
kumb ich nit yn acht tagen
wider gen bern in mein land
ſo ſol mich der riß mit (d’)der hand
tʒu tod haben erſchlagen
Rit ich dan mit dir in dein hauß
das mir nit wol geʒeme
villeicht ſo rit der hiltbrant vß
vnd vor an riſen keme
So trib er mit ym ſinen ſpot
dein milt vnd auch dein guͤte
vergelt dir der lieb got
An den riſen ſolt mich weiſen
den ich alſo vaſt hoͤr breiſen
vnd auch vil lobs veriehen
was er der manheit an ym hat
deſt lieber in mein hant beſtat
was mir darumb ſol geſchehen
du muſt mer hoͤrn in kurtʒer friſt
iſt das ich yn do vinde
wie gar er nun der tüffell iſt
ich wird im nit ʒulinde
ich hab mit (minẽ)minem ſchwert gwalt
ſo einer lenger was den ich
dem ich darmit vergalt
b
Do ſagt das edel ʒwerglin klein
ſeit ir nit bey mir woͤllent ſein
ſo wil ich euch doch geben
Ein ſtein (d’)der iſt tugenthafft
der dient ʒu ewer mannes kraft
mag euch (friſtẽ)friſten ewer leben
das euch (wed’)weder (hũger)hunger noch durſt
vnd ſtrittent ir ein iare
von bern ir hochgelobter fürſt
was ich euch |ſag iſt ware
von bern ein hochgelobter man
wie lang is ſtreit vngeſſen
es euch nit ſchaden kan
§ Hie gibt das ʒwerglin dem
Berner ein edelen geſtein
Fieng euch der riß in ſinen thurn
darinn get menger boͤſer wurm
die moͤchten euch am leibe
doch kein ſchad gar nit geſein
von bern lieber here mein
nit meint das ich do treibe
mit euch alhie den (meinẽ)meinen tant
ʒwar nein ich vff mein |treuwen
den ſtein hab ich gar wol erkant
muͤſt mich ſunſt ymmer rewen
der ſtein iſt edel vnd geſchlacht
ward mir auß fremb den landen
ʒum ſundertraut her bracht