Mokṣopāyaṭīkā

1. Prakaraṇa: Vairāgya

Note:

*¹oṃ

svātantryākhyaguṇeritena satataṃ saṅkṣobhyamāṇān nijād²
icchāmandarakeṇa sārabharitād rūpād alolāt sadā /

svāntaḥsthaṃ svamayaṃ svabhinnasadṛśaṃ tattvāliratnoccayam³
bodhāhvaḥ⁴ pratibhāsayan parasarinnātho jayaty adbhutaḥ //

śuddhaṃ sphāṭikadarpaṇena sadṛśaṃ nityaṃ svaśaktyutthitair⁵
acchatvāt svamayīkṛtam bahuvidhair⁶ bāhyāntaraiḥ svair malaiḥ /

śaktyaitān api sarvadātmani layīkurvāṇam ādyaṃ śivam
bodhāhvam⁷ praṇato 'smi devam anaghaṃ ṣaṭkośadāvānalam //

bodhābodhavibhedabhāsanaparam⁸ bodhānvitair bodhitam
bodhābodhavihīnamūrtim amalam bodhaikasāraṃ vibhum /

bodhābodhavibhedagopanakaraṃ⁹ svasmiṃs tu tasyāpy anu
bodhaṃ taṃ śaraṇaṃ śrayāmi satataṃ sadbodhasamprāptaye //

svacchatvāśrayamātṛbhāvabhajanād vaiḍūryanāmārhatām
āsādyānv avatāranāmakalanām¹⁰ etyācchameyāspadām¹¹ /

tattvaṃ svam prakaṭaṃ vidhāya ca tataḥ svam bhāvam evāgato
yas¹² tasmai satataṃ svabhāvagurave nairguṇyadhāmne namaḥ //

acchācchasvavimarśane 'pi kuśalo vaiḍūryanāmnāśrito
yāto 'to 'nv avatārabhāvam amalaṃ tattvopadeśecchayā /

śiṣyāṇām upadiśya tattvam atha yaḥ svaṃ rūpam evāgatas
tasmai śrīnidhaye prakāśagurave sadbodhadātre namaḥ //

dehādristhamanodrumotthakalanāśākhālisandhyantarād¹³
draṣṭuṃ jāḍyaharaṃ vimarśavibhavād unmeṣarūpaṃ ravim /

lagnā ye satataṃ tadekamayatām paśyanta ātmany atho¹⁴
saṃsāre 'pi ca tatprakāśavaśato bhāte 'stu tebhyo namaḥ //

apūrvaṃ sāmarthyaṃ kim api hṛdayāgocara idam
paricchedātītaṃ jayati laghumukhyam bhagavataḥ /

vivṛttyākhye karmaṇy atimahati vākpatyaviṣaye¹⁵
yadāviṣṭo 'muṣminn api bhajati mūko 'py adhikṛtim¹⁶ //

svataḥsiddhāl labdham paramagahanaṃ yat svajanakād
rahasyaṃ saṅkṣepān niratiśayam ābhyantaram alam¹⁷ /

tad etat¹⁸ sarveṣu prakaṭayitum evātra vihito
mayāsāv udyogo na nijadhiṣaṇākhyāpanadhiyā //

svabhāvenaivāndhāḥ¹⁹ katicid apare roṣatamasā
pareṣāṃ nāpekṣā bhavati ca nijālokavibhavāt /

ato vyākhyādīpe 'prakaṭa iva nātrāsty adhikṛto²⁰
bhaved vā ko 'pīti bhramata iha yatnas tu racitaḥ //

avatārakaṇṭhaputraḥ pautro vaiḍūryakaṇṭhapādānām /

bhāskarakaṇṭho racayati vidvatkaṇṭhe vibhūṣaṇaṃ vyākhyām //

śaktyādīnām abhāve me pravṛttasya pade pade /

skhalitāni bhaviṣyanti santu santo 'valambanam //

nutvā gaṇeśaṃ vibudheśavandyaṃ vāgdevatāṃ ca pratibhāsvarūpām /

gurūṃs tathā kaulanarottamādīn karomi ṭīkāṃ śrutipātrapeyām //

gurūṇāṃ caraṇau smṛtvā kṛtvā svātmārcanaṃ svataḥ /

mokṣopāyābhidhe granthe vyākhyāṃ kurve samāsataḥ //

iha khalu kaścin mahāpuruṣaḥ²¹ śrīvālmīkinibaddhaśrīmahārāmāyaṇākhyasāgarādikāṇḍasthaśrīrāmajñānotpādakaśrīvasiṣṭhopadeśaratnaiḥ svayam āsāditasamyagjñānākhyaprakāśaḥ²² athānyān prati dayayā prakaṭīkaraṇārtham proktasāgarāt tāny uddhartukāmas taduddhṛtinirvighnasamāptigamanāya paradevatāsvarūpam paramātmānaṃ stauti

divi bhūmau tathākāśe bahir antaś ca me vibhuḥ /

yo 'vabhāty avabhāsātmā tasmai viśvātmane namaḥ //

Note:

tasmai prasiddhāya | viśvātmane sarvasāratvena sthitatvāt sarveṣām ātmabhūtāyārthāt paramātmane namaḥ | aparimitāyāṃ tatsattāyām parimitasvasattānyagbhāvarūpaḥ prahvībhāvaḥ astu | tatsattāyām eva svasattāṃ līnām bhāvayāmīti yāvat | tasmai kasmai | avabhāsātmā bāhyāntarālokagatanānāvidhabāhyāntarapadārthavṛndaviṣayajñānasārabhūtaḥ²³ | yaḥ viśvātmā | avabhāti pratyakṣam eva sphurati | yataḥ pratyakṣaṃ sphurantaḥ nānābhāsāḥ vicāraviṣayīkṛtāḥ santaḥ anirvācyatāsvarūpāyām paramātmatāyām eva viśrāmyanti | tataḥ²⁴ nānāvabhāsāvabhāsena²⁵ paramātmaivāvabhātīti bhāvaḥ | yaḥ kathambhūtaḥ | vibhuḥ vyāpakaḥ | kutra | me parimitapramātṛtāsādanena cinmātrarūpāparimitapramātṛbhāvāc cyutasyāta eva paricchinnavācakāsmacchabdavācyatāṃ gatasya parimitapramātuḥ | bahiḥ bāhye | ahantāviṣayatām anīte²⁶ pradeśe iti yāvat | punaḥ kutra | antaś ca ahantāviṣayatāṃ nīte pradeśe ca | bahiḥ kiṃrūpe | divi samastasurādhārabhūtasvargalokarūpe²⁷ | tathā bhūmau samastanarādinānāvidhabhūtādhārabhūtabhūlokarūpe | tathā tadvat | ākāśe śūnyamātrādhārabhūtākāśalokasvarūpe | etena caturdaśabhuvanānāṃ grahaṇaṃ jñeyaṃ | antaś ca kiṃrūpe | divi dyotanamātrasvarūpasvapnāvasthārūpe | bhūmau sthūlatvasādṛśyāj jāgradavasthārūpe | tathā tadvat | ākāśe śūnyamātrādhāratvasādṛśyāt suṣuptyavasthāsvarūpe | atra ca paramātmanaḥ vyāpakatvaṃ śaktiprādhānyenopādānatayā²⁸ sthitatvāt svaprādhānyena sākṣitayā sthitatvāc ceti dvividhaṃ jñeyam | evam abhīṣṭasamu-citadevatānamaskāralakṣaṇam maṅgalaṃ kṛtvā uddhariṣyamāṇasyāsya granthasyādhikāryādyanubandhacatuṣṭayaṃ vaktukāmaḥ sa evoddhṛtikāraḥ abhidheyasambandhaprayojanāny arthāt sūcayan adhikārinirūpaṇaṃ sākṣātkaroti ||

aham baddho vimuktaḥ syām iti yasyāsti niścayaḥ /

nātyantatajjño nātajjñaḥ²⁹ so 'smiñ śāstre 'dhikāravān //

Note:

*³⁰śrībhagavatkṛpākaṭākṣapātrībhūtasya yasya puruṣasya | ahamparimitapramātṛrūpaḥ aham baddhaḥ svātmabhāvena niścitadehopayogibhogajālāsaktacittaḥ | asmi katham iti śeṣaḥ | proktajālānāsaktacittaḥ kathaṃ syām³¹ bhave-yam | iti evam |niścayaḥ manasi satatam anusandhānaṃ | syāt | saḥ³² puruṣaḥ | asminn uddhariṣyamāṇe mokṣopāyākhye granthe | adhikāravān syāt | tasyaivedaṃ śāstraṃ vicāraṇīyam ity arthaḥ | saḥ³³ kathambhūtaḥ | nātyantaṃ tajjñaḥ nātyantatajjñaḥ | muktikāmatvena samyagjñānarahita 4ity arthaḥ | samyagjñānī hi muktim api na kāṅkṣati | kāṅkṣāmātrasyaiva bandhatvāt | punaḥ kathambhūtaḥ | nātajjñaḥ | bhogākāṅkṣāyāḥ muktatvāt³⁴ | atajjño hi bhogākāṅkṣāṃ³⁵ tyaktuṃ na śaknoti | atyantatajjñe kṛtakṛtyatvāt asmiñ śāstre anadhikāraḥ | atajjñe tu ayogyatayeti³⁶ vibhāgaḥ | atra paramātmatattvaikyam abhidheyam | pade pade tasyaivābhidhānāt svaviṣayajñānadvāreṇa mokṣākhyaparamaprayojanasādhakatvāc ca | sarvaśāstreṣv abhidheyasyaiva paramaprayojanasādhakatvadarśanāt | tadviṣayaṃ samyagjñānam avāntaraprayojanam | anyathā tatkāṅkṣiṇaḥ³⁷ amūrkhasyāvāntarādhikāritvaṃ na syāt | paramaprayojaṇam muktir | anyathā tatkāṅkṣiṇaḥ mumukṣoḥ paramādhikāritvaṃ³⁸ na syāt | śāstrāvāntaraprayojanayoḥ abhidheyaparamaprayojanayoś ca sādhyasādhanabhāvaḥ sambandhaḥ | adhikārī tu svakaṇṭhenaivokta iti sarvaṃ svastham ||

Note:

evam adhikāryādi nirūpya śāstroddhāram ārabhate

vālmīkir uvāca

Note:

iti³⁹ | vālmīkiḥ vālmīkināmā ṛṣiḥ | uvāca uktavān | śrīrāmam prati iti⁴⁰ śeṣaḥ | kim uvācety āśaṅkāyām āha

kathopāyān vicāryādau mokṣopāyān⁴¹ imān atha |

yo vicārayati prājño na sa bhūyo 'bhijāyate ||

Note:

kathārūpā upāyāḥ kathopāyāḥ | tān | kathānām⁴² api samyagjñānam⁴³ prati pravartakatvenopāyatvaṃ jñeyam | imān vakṣyamāṇān | nanu śrīvālmīkiḥ śrīrāmavṛttāntamayaṃ⁴⁴ śrīmahārāmāyaṇaṃ śrīrāmam praty eva katham uvācānyasyaiva hy anyavṛttāntakathanam ucitam iti cet | satyam | adyakalpe bhavaḥ śrīvālmīkir adyakalpe bhavaṃ śrīrāmam prati purātanakalpaśrīvālmīkikṛtam⁴⁵ purātanaśrīrāmavṛttāntamayaṃ śrīmahārāmāyaṇam uvāceti kecid atra samādadhate | kim asmākaṃ vyākhyāmātrapravṛttānām etadyuktatvāyuktatvacintanena | asti cātra kim api nigūḍham bījam api pauruṣam ādeyam ityādivakṣyamāṇaślokasūcitam⁴⁶ | tac ca pratibhāvatāṃ svayam eva gamyam | anyeṣāṃ tatkathanam ayuktam | ity alaṃ rahasyodghāṭanena ||

asmin rāmāyaṇe rāma kathopāyān mahāphalān /

etāṃs tu prathamaṃ kṛtvā purāham arimardana //

śiṣyāyāsmai vinītāya bharadvājāya dhīmate /

ekāgro dattavān ramyān maṇīn abdhir⁴⁷ ivārthine //

Note:

rāmety āmantraṇam | rāmasyaiva pratipādyatvāt | etān tvayā asmin samaya eva dṛṣṭān | ādau kṛtvā sampādya | asmai agre sthitāya | ekāgraḥ etasya vinayena etasmiṃl lagnacittaḥ | yugalakam ||

tata ete kathopāyā bharadvājena dhīmatā /

kasmiṃścin merugahane brahmaṇo 'gra udāhṛtāḥ //

Note:

udāhṛtāḥ kathitāḥ ||

athāsya tuṣṭo bhagavān brahmā⁴⁸ lokapitāmahaḥ /

varam putra gṛhāṇeti samuvāca mahāśayaḥ //

Note:

*⁴⁹spaṣṭam ||

Note:

bharadvājaḥ kathayati

bhagavan bhūtabhavyeśa varo 'yam me 'dya rocate /

yeneyaṃ janatā duḥkān mucyate tad udāhara //

Note:

*⁵⁰bhūtabhavyeśātītānāgatayor īśātītānāgatajñeti yāvat | udāhara kathaya ||

Note:

bharadvājavākyaṃ śrutvā śrībrahmā kathayati

guruṃ vālmīkim atrāśu prārthayasva prayatnataḥ /

tenedaṃ yat samārabdhaṃ rāmāyaṇam aninditam //

tasmiñ jñāte naro mohāt samagrāt santariṣyati /

setunevāmbudheḥ pāram apāraguṇaśālinā //

Note:

yugalakam | pāram iti pūrvārdhenāpi yojyam | ambudher iti pañcamī brahmavākyam upasaṃharati ||

ity uktvā sa bharadvājam parameṣṭhī mamāśramam /

abhyāgamat samaṃ tena bharadvājena bhūtakṛt //

Note:

parame⁵¹ cinmātrākhye uttame pade tiṣṭhati śuddhamanorūpatvād iti parameṣṭhī ||

tūrṇaṃ sampūjito devaḥ so 'rghyapādyādinā mayā /

avocan mām mahāsattvaḥ sarvabhūtahite rataḥ //

Note: cf. BhG V 25d

Note:

spaṣṭam ||

Note:

brahmā kathayati

rāmasvabhāvakathanād asmād varamune tvayā /

nodyogaḥ samparityājya ā samāpter aninditāt //

Note:

ā samāpteḥ samāptiparyantam ||

Note:

nanu kimartham udyogaṃ na tyajāmīty | atrāha

jñātenānena loko 'yam asmāt saṃsārasaṅkaṭāt /

samuttariṣyati kṣipram potenevātha sāgarāt //

Note:

athaśabdaḥ pādapūraṇārthaḥ ||

vaktuṃ tavaitam evārtham aham āgatavān⁵² ayam /

kuru lokahitārthaṃ tvaṃ śāstram ity uktavān ajaḥ //

Note:

spaṣṭam⁵³ | brahmaṇo vākyam upasaṃharati ity uktavān iti ||

rāma puṇyāśramāt tasmāt kṣaṇād antardhim āgataḥ /

muhūrtād udyataḥ proccais taraṅga iva vāriṇaḥ //

Note:

puṇyāśramāt pavitrāt madāśramāt | tasmāt tasmin samaye gṛhītāt | munayo hi⁵⁴ navīnāni navīnāny āśramāṇi gṛhṇanti | brahmā ka iva | taraṅga iva | yathā vāriṇaḥ udyataḥ pūrvam utthitaḥ taraṅgaḥ | muhūrtād antardhim āgacchati tathety arthaḥ ||

tasmin prayāte bhagavaty ahaṃ vismayam āgataḥ /

punas tatra bharadvājam apṛcchaṃ svacchayā dhiyā //

Note:

bharadvājaṃ kathambhūtam | upalakṣitaṃ kayā | svacchayā dhiyā | anyathā pṛcchanam ayuktam eva syād iti bhāvaḥ ||

Note:

kim apṛccha ity | atrāha

kim etad brahmaṇā proktam bharadvāja vadāśu me /

ity uktena punaḥ proktam bharadvājena me 'nagha //

Note:

anagha he doṣarahita rāma ||

Note:

bharadvājaḥ kathayati

etad uktam bhagavatā yathā rāmāyaṇaṃ kuru /

sarvalokahitāyāśu saṃsārārṇavapotakam //

Note:

etatpadākāṅkṣām⁵⁵ pūrayati yatheti ||

Note:

nanu tatas tava kim ity | atrāha

mahyaṃ ca bhagavan brūhi kathaṃ saṃsārasaṅkaṭe /

rāmo vyavahṛto 'py asmin bharataś ca mahāmanāḥ //

Note:

vyavahṛtaḥ vyavahāraṃ kṛtavān | apiśabdaḥ asambhāvanādyotakaḥ saṃsārasaṅkaṭe ity anena sambadhyate⁵⁶ ||

śatrughno lakṣmaṇaś cāpi sītā cāpi yaśasvinī /

rāmānuyāyinas te vā mantriputrā mahādhiyaḥ //

Note:

spaṣṭam ||

nirduḥkhatāṃ yathaite tu prāptās tad brūhi me sphuṭam /

tathaivāhaṃ tariṣyāmi tato janatayā saha //

Note:

ete rāmādayaḥ ||

Note:

śrīvālmīkiḥ śrīrāmam⁵⁷ prati kathayati

bharadvājena rājendra yadety ukto 'smi sādaram /

tadā kartuṃ vibhor ājñām ahaṃ vaktum pravṛttavān //

Note:

asmi aham | iti pūrvoktaprakāreṇa | uktaḥ⁵⁸ kathitaḥ | vibhoḥ brahmaṇaḥ ||

Note:

pravṛttim eva sphuṭayati

śṛṇu vatsa bharadvāja yathāpṛṣṭaṃ vadāmi te /

śrutena yena sammoham alaṃ dūre kariṣyasi //

Note:

alam atiśayena | śṛṇv iti pratijñāṃ sampādayitum prastāvaṃ karoti ||

tathā vyavahara prājña yathā vyavahṛtaḥ sukhī /

sarvāsaṃsaktayā buddhyā rāmo rājīvalocanaḥ //

Note:

sarvāsaṃsaktayā samastaphalāsaṅgarahitayā ||

Note:

na kevalaṃ rāma eva kiṃ tv anye 'pīty abhiprāyeṇa kathayati

lakṣmaṇo bharataś caiva śatrughnaś ca mahāmanāḥ |

kausalyā ca sumitrā ca sītā daśarathas tathā ||

Note:

spaṣṭam ||

kṛtāsthaś cāvirodhaś ca bodhapāram upāgataḥ /

vasiṣṭho vāmadevaś ca mantriṇo 'ṣṭau tathetare //

Note:

kṛtāstha iti nāma avirodha iti ca | aṣṭau mantriṇaḥ aṣṭāv amātyās | tathetare anye 'py aṣṭau mantriṇaḥ | tena ṣoḍaśa mantriṇa iti paramārthaḥ ||

Note:

itara ity asyārthaṃ sphuṭaṃ kathayati

ghṛṣṭir vikunto bhāmaś ca satyavardhana eva ca /

vibhīṣaṇaḥ suṣeṇaś ca hanumān indrajit tathā //

Note:

spaṣṭam ||

ete 'ṣṭāviṃśatiḥ proktāḥ samanīrāgacetasaḥ /

jīvanmuktā mahātmāno yathāprāptānuvartinaḥ //

Note:

yathāprāptānuvartinaḥ | na tu svaprayatnaniṣṭhā iti yāvat ||

ebhir yathā hṛtaṃ dattaṃ gṛhītam uṣitaṃ smṛtam /

tathā ced vartase putra mukta evāsi saṅkaṭāt //

Note:

ebhiḥ rāmādibhiḥ ||

Note:

bharadvājasya praśnāvasaradānārthaṃ sargāntaślokena tāvat svavākyam upasaṃharati

apārasaṃsārasamudrapātī
labdhvā parāṃ yuktim udārasattvaḥ /

na śokam āyāti na dainyam eti
gatajvaras tiṣṭhati nityatṛptaḥ //

Note:

apāraḥ yaḥ saṃsārasamudraḥ | tatra pātī patanaśīlaḥ | udārasattvaḥ utkṛṣṭadhairyayuktaḥ puruṣaḥ | parām utkṛṣṭāṃ⁵⁹ | yuktiṃ dṛśyātyantābhāvajñānalakṣaṇāṃ vakṣyamāṇāṃ yuktiṃ | prāpya | śokam apekṣālakṣaṇaṃ śokaṃ | nāyāti | tathā dainyam dīnatvam | atṛptim iti yāvat | naiti | pratyuta gatajvaraḥ apekṣāsvarūpajvararahitaḥ | ata eva nityatṛptaḥ tiṣṭhatīti śivam ||

MT_1.1

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe prathamaḥ sargaḥ ||

Note:

bharadvājaḥ pṛcchati⁶⁰

jīvanmuktasthitim brahman kṛtvā rāghavam āditaḥ /

kramāt kathaya me nityam bhaviṣyāmi sukhī yathā //

Note:

brahman śrīvālmīke | tvaṃ | jīvanmuktasthitiṃ jīvanmuktamaryādāṃ | rāghavaṃ śrīrāmam | āditaḥ kṛtvā | me kathaya śrīrāmavṛttāntadvāreṇa kathayeti bhāvaḥ | nanu kimarthaṃ kathayāmīty | atrāha | bhaviṣyāmīti | ahaṃ yathā yena jīvanmuktasthitikathanena | nityasukhī jīvanmuktyākhyamahāsukhayukto | bhaviṣyāmi ||

Note:

śrīvālmīkiḥ śrīrāmavṛttāntaśravaṇādhikāritvasampādanārthaṃ tāvat sāmānyenopadeśaṃ karoti

bhramasya jāgatasyāsya jātasyākāśavarṇavat /

apunaḥsmaraṇam manye sādho vismaraṇaṃ varam //

Note:

he sādho | aham asya puraḥ sphurataḥ⁶¹ | jāgatasya jagatsambandhinaḥ | tadviṣayasyeti yāvat | tathā ākāśavarṇavat ākāśanīlimavat | jātasya prādurbhūtasya | mithyābhātasyeti yāvat | bhramasya jagattvajñānarūpasya mithyājñānasya | apunaḥsmaraṇam punaḥsmṛtiviṣayabhāvānayanam | upekṣām iti⁶² yāvat | varam utkṛṣṭaṃ | vismaraṇam vismṛtiṃ | manye | upekṣā evātra yuktā | na vismṛtiḥ | tasyāḥ jāḍyavyāptatvād iti bhāvaḥ ||

Note:

nanu tad apunaḥsmaraṇaṃ kenopāyena bhaviṣyatīty | atrāha

dṛśyātyantābhāvabodhaṃ vinā tan nānubhūyate /

kadācit kenacin nāma sa bodho 'nviṣyatām ataḥ //

Note:

nāma niścaye | kenacit puruṣeṇa | tad apunaḥsmaraṇaṃ | dṛśyasya

Note: missing MS pages. N11: folio 5 fehlt. Ś4: Aussparung bis Ende Ṭīkā ad 12

*⁶³ajñānasughanākārā ghanāhaṅkāraśālinī /

punar janmakarī proktā malinā vāsanā budhaiḥ //

Note:

paṇḍitaiḥ vāsanā malinā uktā | kathambhūtā | ajñānasughanākārā | ajñānena cinmātrājñānena | sughanaḥ ākāraḥ yasyāḥ | sā | cinmātrājñānenaiva hi vāsanā ghanībhavanti | anyathā śuddhacinmātraikyena vāsanā kiṃviṣayā syāt | punaḥ kathambhūtā | ghanaḥ acchinnaḥ | yaḥ ahaṅkāraḥ dehādiviṣayaḥ ahambhāvaḥ | tena śālinī | vāsanāvaśenaiva hi dehādiniṣṭhaḥ ahaṅkāro ghanībhavati | punaḥ kathambhūtā | punaḥ janmakarī punar api bhavakarī | padārthabhāvena vyaktībhāvāt ||

Note:

śuddhāyāḥ⁶⁴ svarūpaṃ kathayati

punarjanmāṅkuratyaktā sthitā sambhṛṣṭabījavat /

dehāntaṃ dhriyate jñātajñeyā śuddheti socyate //

Note:

paṇḍitaiḥ sā vāsanā | śuddheti kathyate | sā kā | yā dehāntaṃ dehasthitiparyantam eva | na tu tadanantaram api | dhriyate avatiṣṭhate | yā kathambhūtā |punarjanmākhyenāṅkureṇa tyaktā | yataḥ sambhṛṣṭabījavat bharjitabījavat | sthitā | yathā sambhṛṣṭam bījam ākāramātreṇa tiṣṭhati | aṅkurasamarthaṃ na bhavati | tathā śuddhā vāsanāpy ākāramātreṇaiva tiṣṭhati | janmāṅkurotpādanasamarthā⁶⁵ na bhavatīty arthaḥ | punaḥ kathambhūtā | jñātaṃ jñeyam avaśyajñeyatvena sthitam paramātmatattvam | yayā⁶⁶ hetubhūtayā | tādṛśī | śāstravicārādirūpayā śuddhayā vāsanayaiva hi paramātmatattvaṃ jñāyate ||

Note:

śuddhāyā āśrayaviśeṣaṃ kathayati

apunarjanmakaraṇī jīvanmukteṣu dehiṣu /

vāsanā vidyate śuddhā dehe cakra iva bhramaḥ //

Note:

jīvanmukteṣu dehiṣu jīveṣu | apunarjanmakaraṇī punarjanmākārikā | śuddhā vāsanā dehe vidyate | na tu citte | kā iva | bhramaḥ iva | yathā bhramaḥ cākrākāreṇa bhramaṇaṃ | cakre vidyate | tathety arthaḥ | jīvanmuktānāṃ vāsanā⁶⁷ phalādyanusandhānānutpādikā⁶⁸ evāstīti bhāvaḥ ||

Note:

jīvanmuktalakṣaṇaṃ kathayati

ye śuddhavāsanā bhūyo na janmānarthabhājanam /

jñātajñeyās ta ucyante jīvanmuktā mahādhiyaḥ //

Note:

śuddhā vāsanā yeṣāṃ | te | tādṛśāḥ ||

Note:

sāmānyenopadeśaṃ kṛtvā śrīrāmavṛttāntam ārabhate

jīvanmuktapadam prāpto yathā⁶⁹ rāmo mahāmatiḥ /

tat te 'ham sampravakṣyāmi jarāmaraṇaśāntaye //

Note:

nanu kimarthaṃ śrīrāmajīvanmuktiprāptiṃ kathayasīty | atrāha jareti | śrīrāmajīvanmuktipadaprāptiśravaṇena hi tavāpi tadvyavahārānusāreṇa jarādiśāntir bhavatīti bhāvaḥ ||

Note:

nanu bahūpadeśakāṅkṣiṇo mama kiṃ rāmakramamātrakathanenety | atrāha

bharadvāja mahābuddhe rāmakramam imaṃ śubham /

śṛṇu vakṣyāmi tenaiva sarvaṃ jñāsyasi sarvathā //

Note:

sarvathety anena tataḥ kāpy ākāṅkṣā tava na syād iti bhāvaḥ ||

Note:

tad eva kathayati

vidyāgṛhād viniṣkramya rāmo rājīvalocanaḥ /

divasāny anayad gehe līlābhir akutobhayaḥ //

Note:

divasāni | na tu māsān | avidyamānaṃ kuto 'pi bhayaṃ yasya saḥ akutobhayaḥ | nirbhaya ity arthaḥ ||

atha gacchati kāle 'tra pālayaty avaniṃ nṛpe /

prajāsu vītaśokāsu sthitāsu vigatajvaram //

tīrthamunyāśramaśreṇīṃ draṣṭum utkaṇṭhitam manaḥ /

rāmasyābhūd bhṛśaṃ tatra kadācid guṇaśālinaḥ //

Note:

spaṣṭam | yugmam ||

rāghavaś cintayitvaivam⁷⁰ upetya caraṇau pituḥ /

haṃsaḥ padmāv iva navau jagrāha navakesarau //

Note:

pādavandanaṃ cakārety arthaḥ ||

Note:

śrīrāmaḥ pitaram prati kathayati

tīrthāni devasadmāni vanāny āyatanāni ca /

draṣṭum utkaṇṭhitaṃ tāta mamedaṃ hi bhṛśam manaḥ //

Note:

hi niścaye ||

tad etām arthanām pūrvāṃ saphalīkartum arhasi /

na so 'sti bhuvane tāta tvayā yo 'rthī vimānitaḥ //

Note:

mayādya tāvat tava kāpi prārthanā na kṛteti pūrvām ity asyābhiprāyaḥ ||

Note:

śrīrāmaprārthanām upasaṃharati

iti samprārthito rājā vasiṣṭhena samaṃ tadā /

vicāryāmuñcad evainaṃ rāmam prathamam⁷¹ arthinam //

Note:

vicāryaiva | na tu vicāram akṛtvā | prathamam arthinaṃ tatpūrvam arthibhūtam ||

śubhe nakṣatradivase bhrātṛbhyāṃ saha rāghavaḥ /

maṅgalālaṅkṛtavapuḥ kṛtasvastyayano dvijaiḥ //

vasiṣṭhaprahitair vipraiḥ śāstratajjñaiḥ samanvitaḥ /

snigdhaiḥ katipayair eva rājaputravaraiḥ saha //

ambābhir vihitāśīrbhir⁷² āliṅgyāliṅgya bhūṣitaḥ /

niragāt sa gṛhāt tasmāt tīrthayātrārtham udyataḥ //

Note:

āliṅgyāliṅgyety anena snehātiśayo dyotyate | niragāt⁷³ niryayau ||

nirgataḥ svapurāt paurais tūryaghoṣeṇa vardhitaḥ /

pīyamānaḥ purandhrīṇāṃ netrair bhṛṅgaughabhaṅguraiḥ⁷⁴ //

grāmīṇalalanālokahastapadmāpavarjitaiḥ⁷⁵ /

lājavarṣair vikīrṇātmā himair iva himācalaḥ //

āvarjayan⁷⁶ vipragaṇān pariśṛṇvan prajāśiṣaḥ /

ālokayan digantāṃś ca paricakrāma jaṅgale //

Note:

paricakrāma pādacāreṇa gatavān | tīrthayātrāyāṃ hi pādacāreṇa gamanam puṇyāvaham ||

athārabhya svakāt tasmāt kramāt kosalamaṇḍalāt /

snānadānatapodhyānapūrvakaṃ sa dadarśa ha //

Note:

haśabdaḥ nipātaḥ ||

Note:

kiṃ dadarśeti karmāpekṣāyām āha

nadīs tīrthāni puṇyāni vanāny āyatanāni ca /

jaṅgalāni vanānteṣu taṭāny abdhimahībhṛtām //

Note:

vanānteṣu sthitāni jaṅgalāni sajalāḥ deśāḥ ||

mandākinīm indunibhāṃ kālindīṃ cotpalāmalām /

sarasvatīṃ śatadruṃ ca candrabhāgām irāvatīm //

Note:

spaṣṭam ||

veṇāṃ⁷⁷ ca kṛṣṇaveṇāṃ⁷⁸ ca nirvindhyāṃ sarayūṃ tathā /

carmaṇvatīṃ vitastāṃ ca vipāśām bāhudām⁷⁹ api //

Note:

spaṣṭam ||

prayāgaṃ naimiṣaṃ caiva dharmāraṇyaṃ gayāṃ tathā /

vārāṇasīṃ śrīgiriṃ ca kedāram puṣkaraṃ tathā //

Note:

spaṣṭam ||

mānasaṃ ca kramasaras tathaivottaramānasam /

vaḍavām maḍavāṃ caiva tīrthavṛndaṃ sasodaram //

Note:

tīrthavṛndaṃ kathambhūtaṃ | sasodaraṃ sodarākhyatīrthasahitam ||

agnitīrtham mahātīrtham indradyumnasaras tathā /

sarāṃsi sarasīś caiva tathā vāpīhradāvalīm //

Note:

spaṣṭam ||

svāminaṃ kārttikeyaṃ⁸⁰ ca sāligrāmahariṃ tathā /

sthānāni ca catuṣṣaṣṭiṃ harasya girijāpateḥ //

Note:

spaṣṭam ||

nānāścaryavicitrāṇi caturabdhitaṭāni⁸¹ ca /

vindyakandarakuñjāṃś⁸² ca kulaśailasthalāni ca //

Note:

spaṣṭam ||

rājarṣīṇāṃ ca mahatām brahmarṣīṇāṃ tathaiva ca /

devānām brāhmaṇānāṃ ca pāvanān āśramāñ śubhān //

Note:

spaṣṭam ||

bhūyo bhūyaḥ sa babhrāma bhrātṛbhyāṃ saha mānadaḥ /

caturṣv api diganteṣu sarvān eva mahītaṭān //

Note:

spaṣṭam ||

Note:

sargāntaślokena tīrthayātrābhramaṇam upasaṃharati

amarakinnaramānavamānitaḥ
samavalokya mahīm akhilām imām /

upayayau svagṛhaṃ raghunandano
vihṛtadik śivalokam iveśvaraḥ //

Note:

īśvaraḥ kathambhūtaḥ | vihṛtadik vihṛtāḥ vihāraviṣayīkṛtāḥ diśaḥ yena | tādṛśaḥ⁸³ | iti śivam ||

MT_1.2

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe dvitīyaḥ sargaḥ ||

Note:

śrīrāmasya gṛhapraveśaṃ kathayati

lājapuṣpāñjalivrātair⁸⁴ vikīrṇaḥ pauravāsibhiḥ /

sa viveśa gṛhaṃ śrīmāñ jayanto viṣṭapaṃ yathā //

Note:

vikīrṇaḥ bharitaḥ |jayantaḥ indraputraḥ ||

praṇanāmātha pitaraṃ vasiṣṭham mātṛbāndhavān /

brāhmaṇān guruvṛddhāṃś ca rāghavaḥ prathamāgataḥ //

Note:

spaṣṭam ||

suhṛdbhir mātṛbhiś⁸⁵ caiva pitrā dvijagaṇena ca /

muhur āliṅganācārai rāghavo na mamau tadā //

Note:

rāghavas tadā suhṛdādibhiḥ sahakṛtaiḥ āliṅganācāraiḥ āliṅganarūpaiḥ lokācāraiḥ |na mamau mahānandayukto jāta iti bhāvaḥ ||

tasmin dṛḍhair dāśarathau priyaprakathanair mithaḥ /

jughūrṇur madhurair āśā mṛduvaṃśasvanair iva //

Note:

tasmin dāśarathau mithaḥ priyaprakathanaiḥ śrīrāmaviṣayaiḥ anyo'nyam priyakathanaiḥ | śrīrāmo gṛham prāpta ity evaṃrūpaiḥ parasparam priyakathanair iti yāvat |āśāḥ diśaḥ | jughūrṇuḥ ghūrṇim prāpuḥ | maṅgalavācibhūkampotthānād iyam uktiḥ |priyaprakathanaiḥ kathambhūtaiḥ | dṛḍhais tathā madhuraiḥ karṇasukhaiḥ | priyaprakathanaiḥ kair iva | mṛduvaṃśasvanair iva | yathā taiḥ puruṣāḥ ghūrṇanti | tathety arthaḥ ||

bahūny āsa dināny atra rāmāgamanam utsavaḥ /

mahānande janān muñcan kelikolāhalākulaḥ //

Note:

atra daśarathapure |rāmāgamanam⁸⁶ utsavaḥ⁸⁷ āsa abhūt | kiyantaṃ kālaṃ | bahūni dināni | bahudinaparyantam ity arthaḥ |utsavaḥ kiṃ kurvan | janān mahānande muñcan | āseti⁸⁸ prayoga ārṣaḥ ||

uvāsa sa sukhaṃ gehe tataḥ prabhṛti rāghavaḥ /

varṇayan vividhācārān deśācārān itas tataḥ //

Note:

itas tataḥ yatra tatra ||

prātar utthāya rāmo 'sau kṛtvā sandhyāṃ yathāvidhi /

sabhāsaṃsthaṃ dadarśendrasamaṃ svapitaraṃ tadā //

Note:

spaṣṭam ||

kathābhiḥ suvicitrābhiḥ sa vasiṣṭhādibhiḥ saha /

sthitvā dinacaturbhāgaṃ jñānagarbhābhir ādṛtaḥ //

jagāma pitranujñāto mahatyā senayāvṛtaḥ /

varāhamahiṣākīrṇaṃ vanam ākheṭakecchayā //

Note:

ākheṭecchayā mṛgayākāṅkṣayā ||

tata āgatya sadane kṛtvā snānādikaṃ kramāt /

samitrabāndhavo bhuktvā nināya sasuhṛn niśām //

Note:

spaṣṭam ||

Note:

evaṃrūpam ācāram asau naikasminn eva dine kṛtavān api tu sarvadaivety abhiprāyeṇa kathayati

evamprāyadinācāro bhrātṛbhyāṃ saha rāghavaḥ /

āgatya tīrthayātrāyāḥ samuvāsa pitur gṛhe //

Note:

spaṣṭam ||

Note:

sargāntaślokenaitad upasaṃharati

nṛpatisaṃvyavahāramanojñayā
sujanacetasi⁸⁹ candrikayā tathā /

parinināya dināni sa ceṣṭayā
śrutasudhārasapeśalayānaghaḥ //

Note:

saḥ anaghaḥ doṣarahitaḥ śrīrāmaḥ | evaṃvidhayā ceṣṭayā dināni parinināya laṅghitavān | kiṃvidhayā | nṛpativyavahāreṇa prajāvicārādinā rājavyavahāreṇa | manojñayā hṛdyayā | tathā sujanacetasi satpuruṣamanasi | candrikayā sujanahṛdayāhlādikayeti⁹⁰ yāvat | tathā śrute⁹¹ śravaṇe | sudhārasavat peśalayā | dṛṣṭatve tu kiṃ vācyam iti bhāvaḥ | iti śivam ||

MT_1.3

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe tṛtīyaḥ sargaḥ ||

*⁹²athonaṣoḍaśe varṣe vartamāne raghūdvahe /

rāmānuyāyini tathā śatrughne lakṣmaṇe 'pi ca //

bharate saṃsthite nityam mātāmahagṛhe sukham /

pālayaty avaniṃ rājñi yathāvad akhilām imām //

janyatrārthaṃ ca putrāṇām pratyahaṃ saha mantribhiḥ /

kṛtamantre mahāprājñe⁹³ tajjñe daśarathe nṛpe //

kṛtāyāṃ tīrthayātrāyāṃ rāmo nijagṛhasthitaḥ /

jagāmānudinaṃ kārśyaṃ śaradīvāmalaṃ saraḥ //

Note:

tathā ūnaṣoḍaśavarṣe satīty arthaḥ | janyatrārthaṃ vivāhārtham | kārśyaṃ kṣīṇatām ||

Note:

kārśyam eva kathayati

kramād asya viśālākṣam pāṇḍutām mukham ādadhe /

pākaphulladalaṃ śuklaṃ sālimālam ivāmbujam //

Note:

kṛśatāyāṃ hi mukhasya pāṇḍimā jāyate ||

kapolatalasaṃlīnapāṇiḥ padmāsanasthitaḥ /

cintāparavaśas tūṣṇīm avyāpāro babhūva saḥ //

Note:

saḥ śrīrāmaḥ ||

kṛśāṅgaś cintayā yuktaḥ khedī paramadurmanāḥ /

novāca kasyacit kiñcil lipikarmārpitopamaḥ //

Note:

spaṣṭam ||

khedāt parijanenāsau prārthyamānaḥ punaḥ punaḥ /

cakārāhnikam ācāram parimlānamukhāmbujaḥ //

Note:

spaṣṭam ||

evam muniviśiṣṭaṃ taṃ rāmaṃ guṇagaṇākaram /

ālokya bhrātarāv asya tām evāyayatur daśām //

Note:

muniviśiṣṭam utkṛṣṭam muniṃ | vairāgyavattvāt | asya tām eva daśāṃ rāmasambandhinīṃ kārśyādirūpām evāvasthām ||

tathā teṣu tanūjeṣu khedavatsu kṛśeṣu ca /

sapatnīko mahīpālaś cintāvivaśatāṃ yayau //

Note:

spaṣṭam ||

kā te putra ghanā cintety evaṃ rāmam punaḥ punaḥ /

apṛcchat snigdhayā vācā na cākathayad asya saḥ //

Note:

saḥ rāmaḥ | asya pituḥ ||

na kiñcit tāta me duḥkam ity uktvā pitur aṅkagaḥ /

rāmo rājīvapatrākṣas tūṣṇīm eva sma tiṣṭhati //

Note:

spaṣṭam ||

tato daśaratho rājā rāmaḥ kiṃ khedavān iti /

apṛcchat sarvakāryajñaṃ vasiṣṭhaṃ vadatāṃ varam //

Note:

sarvakāryajñaṃ sarveṣu kāryeṣu nipuṇam | anyathā pṛcchanam ayuktam eva syād iti bhāvaḥ ||

asty atra kāraṇaṃ śrīman mā rājan duḥkham astu te /

ity uktaś cintayā yukto vasiṣṭhamuninā nṛpaḥ //

Note:

śrīmat jñānākhyaphalakāritvāt | kāraṇaṃ vairāgyākhyaṃ kiñcid | asmin samaye vaktum ayuktam iti bhāvaḥ ||

Note:

upasaṃhṛtam⁹⁴ api vasiṣṭhavākyaṃ sargāntaślokena punaḥ kathayati

kopaṃ viṣādakalanāṃ vitataṃ ca harṣaṃ
nālpena kāraṇavaśena vahanti santaḥ |

sargeṇa saṃhatijavena vinā jagatyām
bhūtāni bhūpa na mahānti vikārayanti ||

Note:

santaḥ sādhavaḥ | alpena stokena | kāraṇavaśena vitataṃ kopaṃ vitatāṃ viṣādakalanāṃ⁹⁵ vitataṃ harṣaṃ ca | na vahanti na dhārayanti | alpeneti viśeṣaṇasya kāraṇety anenārthikaḥ sambandhaḥ | atra vyatirekeṇa dṛṣṭāntam āha sargeṇeti | he bhūpa | mahānti bhūtāni mahābhūtāni | jagatyāṃ jagati | sargeṇa vinā mahāsṛṣṭiṃ vinā | tathā saṃhatijavena vinā saṃhārākhyavegena vinā | na vikārayanti kāryotpattyākhyavikārayuktāni⁹⁶ tathā nāśākhyavikārayuktāni⁹⁷ ca na bhavanti | tat karoti tad ācaṣṭe iti ṇic | vikāravantīti vā pāṭhaḥ | sthityavasthāyām avāntarasargasaṃhatirūpeṇālpena kāraṇena na bhavantīti bhāvaḥ | iti śivam ||

MT_1.4

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe caturthaḥ sargaḥ ||

Note:

śrīvālmīkir bharadvājam prati⁹⁸ kathayati

ity ukte⁹⁹ munināthena sandehavati pārthive /

khedavaty¹⁰⁰ āsthite maunaṃ kañcit kālam pratīkṣiṇi //

parikhinnāsu sarvāsu rājñīṣu nṛpasadmasu /

sthitāsu sāvadhānāsu rāmaceṣṭāsu sarvataḥ //

etasminn eva kāle tu viśvāmitra iti śrutaḥ /

maharṣir āgamad draṣṭuṃ tam ayodhyāṃ narādhipam //

Note:

āgamat¹⁰¹ āgacchati sma ||

Note:

nanu kimartham¹⁰² asau āgata ity | atrāha¹⁰³

tasya yajño 'tha rakṣobhis tadā vilulupe kila /

māyāvīryabalonmattair dharmakāmasya dhīmataḥ //

rakṣārthaṃ tasya yajñasya draṣṭum aicchat sa pārthivam /

na hi śakto hy avighnena tam āptuṃ sa muniḥ kratum //

Note:

nanu kimarthaṃ taṃ rakṣārthaṃ draṣṭum aicchad ity | atrāha na hīti ||

tatas teṣāṃ vināśārtham udyatas tapasāṃ nidhiḥ /

viśvāmitro mahātejā ayodhyām abhyayāt purīm //

Note: cf. Rām I 17, 23

Note:

abhyayāt¹⁰⁴ abhigacchati sma ||

sa rājño darśanākāṅkṣī dvārādhyakṣān uvāca ha /

śīghram ākhyāta mām prāptaṃ kauśikaṃ gādhinaḥ sutam //

Note: cf. Rām I 17, 24

Note:

haśabdaḥ nipātaḥ | kim uvāceti karmāpekṣāyām uttarārdhaṃ karmatvena kathayati śīghram iti | ākhyāta kathayata | yūyam iti śeṣaḥ | gādhinaḥ gādhirājasya ||

tasya tad vacanaṃ śrutvā dvāḥsthā rājagṛhaṃ yayuḥ /

sambhrāntamanasaḥ sarve tena vākyena coditāḥ //

Note: cf. Rām I 17, 25

Note:

tena vākyena viśvāmitroktena vākyena ||

te gatvā rājabhavanaṃ viśvāmitram ṛṣiṃ tataḥ /

prāptam āvedayām āsuḥ pratīhārapatiṃ tadā //

Note: cf. Rām I 17, 26

Note:

pratīhārapatiṃ dvāsthādhikāriṇam ||

athāsthānagatam bhūpaṃ rājamaṇḍalam āsthitam /

samupetya tvarāyukto yāṣṭīko 'sau vyajijñapat //

Note:

asau yāṣṭīkaḥ pratīhārapatiḥ ||

Note:

kiṃ vyajijñapad ity | atrāha

deva dvāri mahātejā bālabhāskarasannibhaḥ /

jvālāruṇajaṭājūṭaḥ pumāñ śrīmān avasthitaḥ //

Note:

spaṣṭam ||

sa cāmarapatākāḍhyaṃ sāśvebhapuruṣāyudham /

kṛtavāṃs tam pradeśaṃ yas tejobhiḥ kīrṇakāñcanam //

Note:

spaṣṭam ||

vakty asmān āśu yāṣṭīkā nivedayata rājani /

viśvāmitro muniḥ prāpta ity anuddhatayā girā //

Note:

*¹⁰⁵

Note:

*¹⁰⁶asau puruṣaḥ asmān anuddhatayā gireti vaktīti sambandhaḥ | yāṣṭīkā¹⁰⁷ ity āmantraṇam | yūyam ity adhyāhāryam ||

iti yāṣṭīkavacanam ākarṇya nṛpasattamaḥ /

sa samantrī sasāmantaḥ prottasthe hemaviṣṭarāt //

Note:

hemaviṣṭarāt suvarṇapīṭhāt ||

padātir eva mahatāṃ rājñāṃ vṛndena pālitaḥ /

vasiṣṭhavāmadevābhyāṃ saha sāmantasaṃstutaḥ //

Note:

spaṣṭam¹⁰⁸ ||

jagāma tatra yatrāsau viśvāmitro mahāmuniḥ /

dadarśa muniśārdūlaṃ dvārabhūmāv adhiṣṭhitam //

Note:

spaṣṭam ||

Note:

kīdṛśaṃ dadarśety apekṣāyām āha

kenāpi kāraṇenorvītalam arkam ivāgatam /

brāhmeṇa tejasākrāntaṃ kṣātreṇa ca mahaujasā //

Note:

spaṣṭam ||

jarājaraḍhayā¹⁰⁹ nityaṃ tapaḥprasararūkṣayā¹¹⁰ /

jaṭāvallyā¹¹¹ vṛtaskandhaṃ sasandhyābhram ivācalam //

Note:

spaṣṭam ||

upaśāntaṃ ca kāntaṃ ca dīptam apratighaṃ tathā /

nibhṛtaṃ corjitākāraṃ dadhānam bhāsvaraṃ¹¹² vapuḥ //

Note:

apratigham apratighātākāram¹¹³ | nibhṛtaṃ komalaṃ ||

peśalenātibhīmena prasannenākulena ca /

gambhīreṇātipūrṇena tejasā rañjitaprajam //

Note:

spaṣṭam ||

anantajīvitadaśāsakhīm ekām aninditām /

dhārayantaṃ kare ślakṣṇāṃ vīṇām amlānamānasam //

Note:

ślakṣṇām peśalām ||

karuṇākrāntacetastvāt prasannamadhurekṣitaiḥ /

īkṣaṇair amṛteneva¹¹⁴ saṃsiñcantam imāḥ prajāḥ //

Note:

spaṣṭam ||

sitāsitatatāpāṅgaṃ dhavalapronnatabhruvam /

ānandaṃ ca bhayaṃ cāntaḥ prayacchantam avekṣituḥ //

Note:

avekṣituḥ paśyataḥ | atipeśalatvāt ānandadānaṃ | satejaskatvāt bhayadānam ||

munim ālokya bhūpālo dūrād evānatākṛtiḥ¹¹⁵ /

praṇanāma galanmaulimaṇimālitabhūtalam¹¹⁶ //

Note:

galad ityādi kriyāviśeṣaṇam ||

munir apy avaner īśam bhāsvān iva śatakratum /

tatrābhivādayāṃ cakre madhurodārayā girā //

Note:

spaṣṭam ||

tato vasiṣṭhapramukhāḥ sarva eva dvijātayaḥ /

svāgatādikrameṇainam pūjayām āsur ādṛtāḥ //

Note:

enaṃ viśvāmitram ||

Note:

daśarathaḥ kathayati

aśaṅkitopanītena bhāsvatā darśanena te /

sādho svanugṛhītāḥ smo raviṇevāmbujākarāḥ //

Note:

aśaṅkitam śaṅkarāhitam | upanītena prāptena ||

yad anādi yad akṣubdhaṃ yad apāyavivarjitam /

tad ānandasukham prāptā¹¹⁷ adya tvaddarśanān mune //

Note:

tvaddarśanena vayam brahmānandam prāptā iti bhāvaḥ ||

adya vartāmahe nūnaṃ dharmyāṇāṃ dhuri dharmataḥ /

bhavadāgamanasyeme yad vayaṃ lakṣyatāṃ gatāḥ //

Note:

vartāmahe tiṣṭhāmaḥ | lakṣyatām āśrayatvam | viṣayatvam iti yāvat ||

evam prakathayanto 'tra rājāno 'tha maharṣayaḥ /

āsaneṣu sabhāsthānam āsthāya samupāviśan //

Note:

samupāviśan upaviṣṭāḥ ||

sa dṛṣṭvā jvalitaṃ lakṣmyā bhītas tam ṛṣim āgatam /

prahṛṣṭavadano rājā svayam arghyaṃ nyavedayat //

Note: cf. Rām I 17, 28

Note:

nyavedayad arpitavān ||

sa rājñaḥ pratigṛhyārghyaṃ śāstradṛṣṭena karmaṇā /

pradakṣiṇam prakurvantaṃ rājānam paryapūjayat //

Note: cf. Rām I 17, 29ab (*539cd)

Note:

spaṣṭam ||

sa rājñā pūjitas tena prahṛṣṭavadanas tadā /

kuśalaṃ cāvyayaṃ caiva¹¹⁸ paryapṛcchan narādhipam //

Note: cf. Rām I 17, 29cd

Note:

spaṣṭam ||

vasiṣṭhena samāgamya prahasya munipuṅgavaḥ /

yathārhaṃ cārcayitvainam papracchānāmayaṃ tataḥ //

Note: cf. Rām I 17, 30ab (*541ab)

Note:

spaṣṭam ||

kṣaṇaṃ yathārham anyo'nyam pūjayitvā sametya ca /

te sarve hṛṣṭamanaso mahārājaniveśane //

Note: cf. Rām I 17, 31ab (*541cd)

Note:

spaṣṭam ||

yathocitāsanagatā mithaḥ saṃvṛddhatejasaḥ /

paraspareṇa papracchuḥ sarve 'nāmayam ādarāt //

Note:

spaṣṭam ||

upaviṣṭāya tasmai sa viśvāmitrāya dhīmate /

pādyam arghyaṃ ca gāś caiva¹¹⁹ bhūyo bhūyo nyavedayat //

Note: cf. Rām I *542ab;ef

Note:

spaṣṭam ||

arcayitvā ca vidhivad viśvāmitram abhāṣata /

prāñjaliḥ prayato vākyam idam prītamanā nṛpaḥ //

Note: cf. Rām I *542g-j

Note:

spaṣṭam ||

yathāmṛtasya samprāptir yathā varṣam avarṣake |

yathāndhasyekṣaṇaprāptir bhavadāgamanaṃ¹²⁰ tathā ||

Note: cf. Rām I 17, 33ab

Note:

spaṣṭam¹²¹ ||

yatheṣṭadhanasamparkaḥ putrajanmāprajāvataḥ |

svapnadṛṣṭārthalābhaś ca bhavadāgamanaṃ tathā ||

Note: cf. Rām I 17, 33cd

Note: cf. Rām I *545c

Note:

spaṣṭam ||

yathepsitena saṃyoga iṣṭasyāgamanaṃ yathā |

praṇaṣṭasya yathā lābho bhavadāgamanaṃ tathā ||

Note: cf. Rām I *544

Note: cf. Rām I 17, 33e

Note:

spaṣṭam¹²² ||

*¹²³

yathā harṣo nabhogatyā mṛtasya punar āgamāt /

tathā tvadāgamād brahman svāgataṃ te¹²⁴ mahāmune //

Note: cf. Rām I 17, 33f-h (*545d)

Note:

mṛtasya punar āgamād | ity atra yatheti śeṣaḥ | he mahāmune | te svāgatam astu ||

brahmalokanivāso hi kasya na prītim āvahet /

mune¹²⁵ tavāgamas tadvat satyam eva bravīmi te //

Note: cf. Rām I *545ef;*546

Note:

spaṣṭam ||

kaś ca te paramaḥ kāmaḥ kiṃ ca te karavāṇy aham /

pātrabhūto 'si me vipra prāptaḥ paramadhārmikaḥ //

Note: cf. Rām I 17, 34a-d

Note:

he vipra | asi tvaṃ | me pātrabhūtaḥ prāptaḥ ||

pūrvaṃ¹²⁶ rājarṣiśabdena tapasā dyotitaprajaḥ /

brahmarṣitvam anu prāptaḥ pūjyo 'si bhagavan mama //

Note: cf. Rām I 17, 35

Note:

he bhagavan | pūrvaṃ rājarṣiśabdenaiva pūjyaḥ | anu paścāt | tapasā dyotitaprajaḥ san | brahmarṣitvam prāptaḥ tvam | mama pūjyaḥ asi ||

gaṅgājalābhiṣekeṇa yathā prītir bhaven mama /

tathā tvaddarśanāt prītir antaḥ śītayatīva mām //

Note: cf. Rām I *551a-c

Note:

antaḥ manasi ||

vigatecchābhayakrodho vītarāgo nirāmayaḥ /

idam atyadbhutam brahman yad bhavān mām upāgataḥ //

Note:

mām upāgamānarham iti bhāvaḥ ||

śubhakṣetragataṃ cāham ātmānam apakalmaṣam |

candrabimba ivonmagnaṃ vedmi vedyavidāṃ vara ||

Note: cf. Rām I 17, 36c

Note:

unmagnam uditam ||

sākṣād iva brahmaṇo me tavābhyāgamanam matam /

pūto 'smy anugṛhīto 'smi tavābhyāgamanān mune //

Note: cf. Rām I *555

Note:

spaṣṭam ||

tvadāgamanapuṇyena sādho yad anurañjitam /

adya me saphalaṃ janma jīvitaṃ tat sujīvitam //

Note: cf. Rām I 17, 34ef

Note:

tvadāgamanāt¹²⁷ utpannena puṇyena | me janma me jīvitaṃ ca | yat anurañjitam svoparaktaṃ kṛtaṃ | tat tato hetoḥ | me janma saphalam bhavati | me jīvitaṃ sujīvitam bhavati ||

tvām ihābhyāgataṃ dṛṣṭvā pratipūjya praṇamya ca |

ātmany eva namāmy antar dṛṣṭendur jaladhir¹²⁸ yathā ||

Note: cf. Rām I *552

Note:

spaṣṭam ||

yat kāryaṃ yena cārthena prāpto 'si munipuṅgava /

kṛtam ity eva tad viddhi mānyo 'si hi bhṛśam mama //

Note: cf. Rām I *557

Note:

spaṣṭam ||

svakāryeṇa vimarśaṃ tvaṃ kartum arhasi kauśika /

bhagavan nāsty adeyaṃ hi tvayi yat pratipadyate¹²⁹ //

Note: cf. Rām I 17, 38ab (*558)

Note:

he kauśika¹³⁰ | tvaṃ | svakāryeṇa saha vimarśaṃ kartum arhasi kim mama kāryam astīti vicāraṃ kartum arhasīti bhāvaḥ | nanu kimartham ahaṃ svakāryeṇa saha vimarśaṃ karomīty | atrāha bhagavann iti | hi yasmāt | he bhagavan | tvayi yat pratipadyate upayujyate | tat¹³¹ adeyaṃ nāsti | tad dadāmy¹³² evety¹³³ arthaḥ ||

kāryasya ca vicāraṃ tvaṃ kartum arhasi dharmataḥ /

kartā cāham¹³⁴ aśeṣaṃ te daivatam paramam bhavān //

Note: cf. Rām I 17, 38

Note:

spaṣṭam ||

Note:

sargāntaślokena daśarathavinayoktyā¹³⁵ muner harṣagamanaṃ kathayati

idam atimadhuraṃ niśamya vākyaṃ
śrutisukham arthavidā vinītam uktam /

prathitaguṇavaśād guṇair viśiṣṭaṃ
munivṛṣabhaḥ paramaṃ jagāma harṣam //

Note: cf. Rām I 17, 39

Note:

atimadhuram utkṛṣṭamadhurākhyaguṇaviśiṣṭaṃ | śrutisukhaṃ karṇasukham | arthavidā paramārthajñena daśarathena | vinītaṃ savinayaṃ yathā bhavati tathoktaṃ kathitaṃ | tathā prathitāḥ¹³⁶ ye guṇāḥ vākyaguṇās | tadvaśāt¹³⁷ guṇaiḥ viśiṣṭam | prathitaguṇaviśiṣṭam iti yāvat | īdṛśaṃ vākyaṃ niśamya saḥ munivṛṣabhaḥ muniśreṣṭhaḥ kauśikaḥ | paramaṃ harṣaṃ jagāma | dātṛvinayena hi arthino mahān harṣo jāyate | iti śivam ||

MT_1.5

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe pañcamaḥ sargaḥ ||

*¹³⁸tac chrutvā rājasiṃhasya vākyam adbhutavistaram /

hṛṣṭaromā mahātejā viśvāmitro 'bhyabhāṣata //

Note: cf. Rām I 18, 1

Note:

spaṣṭam ||

sadṛśaṃ rājaśārdūla tavaivaitan mahītale /

mahāvaṃśaprasūtasya vasiṣṭhavaśavartinaḥ //

Note: cf. Rām I 18, 2

Note:

tavaiva na tv anyasyety arthaḥ ||

yat tu me hṛdgataṃ vākyaṃ tasya kāryavinirṇayam /

kuru tvaṃ rājaśārdūla dharmaṃ samanupālaya //

Note: cf. Rām I 18, 3

Note:

tuśabdaḥ vākyavācyasya kāryasyātikaṣṭaṃ¹³⁹ sampādanīyatāṃ dyotayati | tasya kāryanirṇayam hṛdgatavākyavācyakāryanirṇayam ity arthaḥ | nanu kimarthaṃ karomīty | atrāha dharmam iti | tavānena dharmapālanam bhaviṣyatīti bhāvaḥ ||

Note:

hṛdgataṃ vākyam prakaṭīkaroti

ahaṃ niyamam ātiṣṭhe siddhyartham puruṣarṣabha /

tasya vighnakarā ghorā rākṣasā mama saṃsthitāḥ //

Note: cf. Rām I 18, 4

Note:

ātiṣṭhe āśrayāmi ||

yadā yadā tu yajñena yaje 'haṃ vibudhavrajam /

tadā tadā me yajñaṃ taṃ vinighnanti niśācarāḥ //

Note:

yaje pūjayāmi ||

bahuśo vihite¹⁴⁰ tasmin mama rākṣasanāyakāḥ /

akiraṃs te mahīṃ yāge māṃsena rudhireṇa ca //

Note: cf. Rām I 18, 5 (*562)

Note:

spaṣṭam ||

avadhūte tathābhūte tasmin yāgakadambake /

kṛtaśramo nirutsāhas tasmād deśād apāgamam //

Note: cf. Rām I 18, 6

Note:

apāgamam apagataḥ ||

na ca me krodham utsraṣṭum¹⁴¹ buddhir bhavati pārthiva /

tathābhūtaṃ hi tat karma na śāpas tasya vidyate //

Note: cf. Rām I 18, 7

Note:

śāpadānena sa yajñaḥ naśyatīti bhāvaḥ ||

īdṛśī ca kṣamā rājan mama tasmin mahākratau /

tvatprasādād avighnena prāpayeyam mahāphalam //

Note:

he rājan | ataḥ mama tasmin mahākratau īdṛśī kṣamā bhavati | ataḥ¹⁴² aham mahāphalam taṃ kratuṃ | tvatprasādāt prāpayeyam prāpnuyām | prāpayeyam iti svārthe ṇic ārṣaḥ ||

trātum arhasi mām ārtaṃ śaraṇārthinam āgatam /

arthināṃ yan nirāśatvaṃ satām abhibhavo hi saḥ //

Note:

spaṣṭam ||

Note:

nanu kena prakāreṇāhaṃ¹⁴³ tvattrāṇaṃ karomīty | atrāha

tavāsti tanayaḥ śrīmān dṛptaśārdūlavikramaḥ /

mahendrasadṛśo vīro rāmo rakṣovidāraṇaḥ //

Note:

spaṣṭam ||

Note:

nanu tataḥ kim ity | atrāha

tam putraṃ rājaśārdūla rāmaṃ satyaparākramam /

kākapakṣadharaṃ śūraṃ jyeṣṭham me dātum arhasi //

Note: cf. Rām I 18, 8

Note:

tenaiva rakṣāparaparyāyaṃ trāṇam me bhaviṣyatīti bhāvaḥ ||

Note:

nanu kathaṃ śiśurūpo 'sau rākṣasebhyas tava makhaṃ rakṣiṣyatīty | atrāha

śakto hy eṣa mayā gupto divyena svena tejasā /

rākṣasā ye 'pakartāras teṣām mūrdhavinigrahe //

Note: cf. Rām I 18, 9

Note:

spaṣṭam ||

śreyaś cāsmin kariṣyāmi bahurūpam anantakam /

trayāṇām api lokānāṃ yena pūjyo bhaviṣyati //

Note: cf. Rām I 18, 10

Note:

spaṣṭam ||

Note:

nanu katham asau tādṛśānāṃ rākṣasānām puraḥ sthātuṃ śaknotīty | atrāha

na ca tena samāsādya sthātuṃ śaktā niśācarāḥ |

kruddhaṃ kesariṇaṃ dṛṣṭvā raṇe vana ivaiṇakāḥ¹⁴⁴ ||

Note: cf. Rām I 18, 11ab

Note:

tena¹⁴⁵ iti dvitīyāsthāne¹⁴⁶ tṛtīyā ārṣī ||

teṣāṃ ca nānyaḥ kākutsthād¹⁴⁷ yoddhum utsahate pumān |

ṛte kesariṇaḥ kruddhān mattānāṃ kariṇām iva ||

Note: cf. Rām I 18, 11cd

Note:

spaṣṭam ||

vīryotsiktā hi te pāpāḥ kālakūṭopamā raṇe |

kharadūṣaṇayor¹⁴⁸ bhṛtyāḥ kṛtāntāḥ kupitā iva ||

Note: cf. Rām I 18, 12ab

Note:

spaṣṭam ||

rāmasya rājaśārdūla sahiṣyante na sāyakān |

anāratāgatā dhārā jaladasyeva¹⁴⁹ pāṃsavaḥ ||

Note: cf. Rām I 18, 12cd

Note:

spaṣṭam ||

na ca putragataṃ snehaṃ kartum arhasi pārthiva |

na tad asti jagaty asmin yan na deyam mahātmanaḥ ||

Note: cf. Rām I 18, 13ab

Note:

spaṣṭam ||

hanta nūnaṃ vijānāmi hatāṃs tān viddhi rākṣasān |

na hy asmadādayaḥ prājñāḥ¹⁵⁰ sandigdhe sampravṛttayaḥ ||

Note: cf. Rām I 18, 13cd

Note:

hanta harṣe |nūnaṃ niścaye | ahaṃ tān rākṣasān hatān jānāmi | tvam api viddhi | nanu katham ahaṃ tvatkathanamātreṇa jānāmīty | atrāha na hīti | saṃ samyak | pravṛttiḥ | yeṣāṃ | te tādṛśāḥ ||

ahaṃ vedmi mahātmānaṃ rāmaṃ rājīvalocanam /

vasiṣṭhaś ca mahātejā ye cānye dīrghadarśinaḥ //

Note: cf. Rām I 18, 14

Note:

spaṣṭam ||

yadi dharmo mahattvaṃ ca yaśas te manasi sthitam /

tan mahyaṃ svam abhipretam ātmajaṃ dātum arhasi //

Note: cf. Rām I 18, 15

Note:

manasi sthitaṃ kāṅkṣitam | abhipretam proktaṃ kāryārtham iṣṭam ||

daśarātraś ca me yajño yasmin rāmeṇa rākṣasāḥ |

hantavyā vighnakartāro mama yajñasya vairiṇaḥ ||

Note: cf. Rām I 18, 17cd

Note:

spaṣṭam ||

atrābhyanujñāṃ kākutstha dadatām tava mantriṇaḥ /

vasiṣṭhapramukhāḥ sarve tena rāmaṃ visarjaya //

Note: cf. Rām I 18, 16

Note:

spaṣṭam ||

nātyeti kālaḥ kālajña yathāyam mama rāghava /

tathā kuruṣva bhadraṃ te mā ca śoke manaḥ kṛthāḥ //

Note: cf. Rām I 18, 18

Note:

atyeti gacchati ||

kāryam aṇv api kāle tu kṛtam ety upakāratām /

mahad apy upakāreṇa riktatām ety akālataḥ //

Note:

akālataḥ akāle ||

ity evam uktvā dharmātmā dharmārthasahitaṃ vacaḥ /

virarāma mahātejā viśvāmitro munīśvaraḥ¹⁵¹ //

Note: cf. Rām I 18, 19

Note:

spaṣṭam ||

Note:

sargāntaślokena daśarathatūṣṇīmbhāvaṃ kathayati

śrutvā vaco munivarasya mahāprabhāvas
tūṣṇīm atiṣṭhad upapannam idaṃ sa vaktum /

no yuktiyuktakathanena vinaiti toṣaṃ
dhīmān apūritamano'bhimataś ca lokaḥ //

Note:

mahāprabhāvo mahānubhāvayuktaḥ | sa daśarathaḥ | munivarasya viśvāmitrasya | vacaḥ śrutvā tūṣṇīm atiṣṭḥat | no kiñcid apy uktavān ity arthaḥ | idaṃ tūṣṇīm āsanam | upapannaṃ yuktam | bhavati | yataḥ dhīmān buddhiyuktaḥ¹⁵² | yuktiyuktakathanena vinā vaktuṃ kathayituṃ toṣaṃ¹⁵³ naiti | na kathayatīty arthaḥ | lokaś ca lokas¹⁵⁴ tu | apūritamano'bhilaṣitaḥ¹⁵⁵ vaktuṃ toṣaṃ naiti | ataḥ yuktirahitaṃ viśvāmitrasya vākyaṃ śrutvā daśarathaḥ tuṣṇīm abhūd iti bhāvaḥ | iti śivam ||

MT_1.6

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe ṣaṣṭhaḥ sargaḥ ||

*¹⁵⁶tac chrutvā rājaśārdūlo viśvāmitrasya bhāṣitam /

muhūrtam āsīn niśceṣṭaḥ sadainyaṃ caivam abravīt //

Note: cf. Rām I 19, 1

Note:

spaṣṭam ||

ūnaṣoḍaśavarṣo 'yaṃ rāmo rājīvalocanaḥ /

na yuddhayogyatām asya paśyāmi saha rākṣasaiḥ //

Note: cf. Rām I 19, 2

Note:

spaṣṭam ||

iyam akṣauhiṇī pūrṇā yasyāḥ patir aham prabho /

tayā parivṛto yuddhaṃ dāsyāmi piśitāśinām //

Note: cf. Rām I 19, 3

Note:

piśitāśināṃ rākṣasānām ||

ime hi¹⁵⁷ śūrā vikrāntā bhṛtyā astraviśāradāḥ |

ahaṃ caiṣāṃ dhanuṣpāṇir goptā samaramūrdhani ||

Note: cf. Rām I 19, 4ab

Note:

spaṣṭam ||

ebhiḥ saha tavārīṇām mahendramahatām api /

dadāmi yuddham mattānāṃ kariṇām iva kesarī //

Note:

hi yasmād | ete bhṛtyā bhavanti | aham caiṣāṃ samaramūrdhani goptāsmi | ataḥ aham ebhiḥ saha tavārīṇāṃ yuddhaṃ dadāmīti sambandhaḥ ||

bālo rāmas tv anīkeṣu na jānāti balābalam |

antaḥpurād ṛte dṛṣṭā nānenānyā raṇāvaniḥ¹⁵⁸ ||

Note: cf. Rām I 19, 7ab

Note:

spaṣṭam ||

na cāstraiḥ paramair yukto na ca yuddhaviśāradaḥ¹⁵⁹ /

na bhaṭabhrūkuṭīnāṃ ca tajjñaḥ samaramūrdhasu //

Note:

eṣa iti śeṣaḥ ||

kevalam puṣpaṣaṇḍeṣu nagaropavaneṣu ca /

udyānavanakuñjeṣu sadaiva pariśīlitaḥ //

Note:

spaṣṭam ||

vihartum eṣa jānāti saha rājakumārakaiḥ /

kīrṇapuṣpopakārāsu svakāsv ajirabhūmiṣu //

Note:

spaṣṭam ||

adya tv atitarām brahman mama¹⁶⁰ bhāgyaviparyayāt /

himenevāhataḥ padmas sampanno haritaḥ kṛśaḥ //

Note:

haritaḥ pāṇḍuḥ ||

nāttum annāni śaknoti na vihartuṃ gṛhāvanau /

antaḥkhedaparītātmā tūṣṇīṃ tiṣṭhati kevalam //

Note:

attum bhakṣitum ||

sadāraḥ sahabhṛtyo 'haṃ tatkṛte munināyaka /

śaradīva payovāho nūnaṃ niḥsahatāṃ gataḥ //

Note:

niḥsahatām utkṛśatāṃ | soḍhum aśaktatvam ||

īdṛśo 'sau suto bāla ādhinā vivaśīkṛtaḥ /

kathaṃ dadāmi taṃ tubhyaṃ yoddhuṃ saha niśācaraiḥ //

Note:

spaṣṭam ||

api bālāṅganāsaṅgād api sādho sudhārasāt /

rājyād api sukhāyaiṣa putrasneho mahāmate //

Note:

spaṣṭam ||

ye durantā mahārambhās triṣu lokeṣu khedadāḥ /

putrasnehena santo 'pi kurvate te na saṃśrayam //

Note:

santaḥ api sthitā api | saṃśrayaṃ sthitiṃ | putrasnehena te vismṛtiṃ gacchantīti bhāvaḥ ||

asavo 'tha dhanaṃ dārās tyajyante mānavaiḥ sukham /

na putrā muniśārdūla svabhāvo hy eṣa jantuṣu //

Note:

spaṣṭam ||

rākṣasāḥ krūrakarmāṇaḥ kūṭayuddhaviśāradāḥ |

rāmas tān yodhayatv¹⁶¹ ittham uktir evātiduḥsahā ||

Note: cf. Rām I 19, 7ef

Note:

kūṭayuddhaṃ chalayuddham | uktir eveti anuṣṭhānasya kā katheti bhā-vaḥ ||

viprayukto hi rāmeṇa muhūrtam api notsahe /

jīvituṃ jīvitākāṅkṣī na rāmaṃ netum arhasi //

Note: cf. Rām I 19, 8

Note:

notsahe samartho na bhavāmi | jīvituṃ jīvanakriyākartṛtām anubhavitum | jīvitākāṅkṣī mama jīvitākāṅkṣīty arthaḥ ||

navavarṣasahasrāṇi mama yātāni kauśika /

duḥkhenotpāditās tv ete catvāraḥ putrakā mayā¹⁶² //

Note: cf. Rām I 19, 10

Note:

anukampitāḥ putrāḥ putrakāḥ ||

pradhānabhūtas teṣv¹⁶³ eṣu rāmaḥ kamalalocanaḥ /

taṃ vinā te trayo 'py anye dhārayanti na jīvitam //

Note:

spaṣṭam ||

sa eva rāmo bhavatā nīyate¹⁶⁴ rākṣasān prati /

yadi tat putrahīnaṃ tvam mṛtam evāśu viddhi mām //

Note:

spaṣṭam ||

caturṇām ātmajānāṃ hi prītir atra hi me parā /

jyeṣṭhaṃ dharmamayaṃ tasmān na rāmaṃ netum arhasi //

Note: cf. Rām I 19, 11

Note:

nirdhāraṇe ṣaṣṭhī ||

niśācarabalaṃ hantum mune yadi tavepsitam /

caturaṅgasamāyuktaṃ mayā saha balaṃ naya //

Note:

spaṣṭam ||

kiṃvīryā rākṣasās te tu kasya putrāḥ kathaṃ ca te /

kiyatpramāṇāḥ ke caite iti varṇaya me sphuṭam //

Note: cf. Rām I 19, 12

Note:

spaṣṭam ||

kathaṃ tena prahartavyaṃ teṣāṃ rāmeṇa rākṣasām /

māmakair vā balair brahman mayā vā kūṭayodhinām //

Note: cf. Rām I 19, 13

Note:

rāmasyāgre sthitatvābhāvāt tenety uktam ||

sarvam me śaṃsa bhagavan yathā teṣām mayā raṇe /

sthātavyaṃ duṣṭasattvānāṃ vīryotsiktā hi rākṣasāḥ //

Note: cf. Rām I 19, 14

Note:

spaṣṭam ||

śrūyate hi mahāvīro rāvaṇo nāma rākṣasaḥ /

sākṣād vaiśravaṇabhrātā putro viśravaso muneḥ //

Note: cf. Rām I 19, 17

Note:

spaṣṭam ||

Note:

astu saḥ | tataḥ kim ity | atrāha

sa cet tava makhe vighnaṃ karoti kila durmatiḥ /

tat saṅgrāme na śaktāḥ 'smo vayaṃ tasya durātmanaḥ //

Note: cf. Rām I 19, 19cd

Note:

tat tadā ||

Note:

nanu katham asau tādṛgvīryaḥ astīty | atrāha

kāle kāle pṛthag brahman bhūrivīryavibhūtayaḥ | /

bhūteṣv abhyudayaṃ yānti pralīyante ca kālataḥ //

Note:

bhūrivīryavibhūtayaḥ mahadvīryasampadyuktāḥ | bhūteṣv iti nirdhāraṇe sap-tamī ||

adyāsmiṃs te vayaṃ kāle rāvaṇādiṣu śatruṣu /

na samarthāḥ puraḥ sthātuṃ niyater eṣa niścayaḥ //

Note:

spaṣṭam ||

tasmāt prasādaṃ dharmajña kuru tvaṃ mama putrake /

mama caivālpabhāgyasya bhavān hy asamadaivatam //

Note: cf. Rām I 19, 20

Note:

alpabhāgyasyeti | anyathā tvaṃ rāmaṃ na yācitavān iti bhāvaḥ ||

devadānavagandharvā yakṣaplavagapannagāḥ /

na śaktā rāvaṇaṃ yoddhuṃ kiṃ punaḥ puruṣā yudhi //

Note:

spaṣṭam ||

mahāvīryavatāṃ vīryam ādatte¹⁶⁵ sa sudhābhujām /

tena sārdhaṃ na śaktā smas¹⁶⁶ saṃyuge tasya vāvarāḥ //

Note: cf. Rām I 19, 22a-d

Note:

ādatte¹⁶⁷ gṛhṇāti | pratibadhnātīti¹⁶⁸ yāvat | mahāvīryān sudhābhujo 'py asau vīryarahitān karotīti bhāvaḥ | avarās tadapekṣayā nīcāḥ | vāśabdaḥ pādapūraṇārthaḥ ||

Note:

nanu rāmasya sajjanatvenaivāvaśyaṃ jayaḥ syād ity | atrāha

ayam anyatamaḥ kālaḥ pelavīkṛtasajjanaḥ /

rāghavo 'pi gato dainyaṃ yatra vārdhakajarjaraḥ //

Note:

apiśabdaḥ rāghavasya mahāsajjanatvaṃ dyotayati | vārdhakeneva jarjaraḥ vārdhakajarjaraḥ ||

atha vā lavaṇam brahman yajñaghnaṃ tam madhoḥ sutam /

kathaya tvaṃ suraprakhya kveva mokṣyāmi putrakam //

Note:

atha vā madhoḥ sutaṃ taṃ prasiddhaṃ | yajñaghnaṃ lavaṇaṃ yoddhuṃ na śaktāḥ smaḥ¹⁶⁹ iti vyavahitādhyāhṛtaiḥ saha sambandhaḥ | lavaṇo 'pi cet tava yajñavighnakārī asti tam api yoddhuṃ na śaktāḥ sma iti bhāvaḥ | he suraprakhya | tvaṃ kathaya | ahaṃ putrakaṃ kveva kutreva | mokṣyāmi | na mokṣyāmīti bhāvaḥ ||

atha necchasi ced brahmaṃs tad vidheyo 'ham eva te /

anyathā tu na paśyāmi śāśvataṃ jayam ātmanaḥ //

Note:

atha pakṣāntare | tvam putrāmokṣaṇaṃ¹⁷⁰ cet yadi | necchasi | tad ahaṃ te tava | vidheyaḥ āyattaḥ | evāsmi | tadā aham evāgacchāmīty arthaḥ | anyathā sahajavicāre kriyamāṇe | aham ātmanaḥ śāśvataṃ jayaṃ na paśyāmi | na jānāmīty arthaḥ ||

Note:

sargāntaślokena daśarathavacanam upasaṃharati

ity uktvā mṛduvacanam bhayākulo 'sāv
ālole munimatasaṃśaye nimagnaḥ /

nājñāsīt kaṇam api niścayaṃ mahātmā
prodvīcāv iva jaladhau samuhyamānaḥ //

Note:

munimatasya saṃśaye 'nuṣṭhānānanuṣṭhānarūpe¹⁷¹ sandehe | magnaḥ | ata eva bhayākulaḥ | mahātmā asau daśarathaḥ | ity evaṃ | mṛduvacanaṃ komalavacanam | uktvā | kaṇam api stokam api | niścayaṃ na ajñāsīt na jñātavān | asau kathambhūtaḥ iva | prodvīcau jaladhau samuhyamāna iva | jaladhau samuhyamāno 'pi kutra gacchāmīti niścayaṃ na jānātīti śivam ||

MT_1.7

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe saptamaḥ sargaḥ ||

*¹⁷²tac chrutvā vacanaṃ tasya snehaparyākulākṣaram /

samanyuḥ kauśiko vākyam pratyuvāca mahīpatim //

Note: cf. Rām I 20, 1

Note:

tasya daśarathasya ||

Note:

viśvāmitraḥ kathayati

kariṣyāmīti saṃśrutya pratijñāṃ hātum icchasi |

sattvavān kesarī bhūtvā mṛgatām abhivāñchasi¹⁷³ ||

Note: cf. Rām I 20, 2ab

Note:

spaṣṭam ||

rāghavānām ayukto 'yaṃ kulasyāsya viparyayaḥ |

na kadācana jāyante śītāṃśau kṛṣṇaraśmayaḥ ||

Note: cf. Rām I 20, 2cd

Note:

nanu kathaṃ rāghavānāṃ kulasyāyaṃ viparyayaḥ ayukto bhavatīty | atra dṛṣṭāntam āha | na kadācaneti ||

yadi tvaṃ na kṣamo rājan gamiṣyāmi yathāgataḥ /

hīnapratijñaḥ¹⁷⁴ kākutstha sukhī bhava sabāndhavaḥ //

Note: cf. Rām I 20, 3

Note:

spaṣṭam ||

Note:

śrīvālmīkiḥ bharadvājam prati kathayati

tasmin kopaparīte 'tha viśvāmitre mahātmani /

cacāla vasudhā kṛtsnā surāś ca bhayam āviśan¹⁷⁵ //

Note: cf. Rām I 20, 4

Note:

spaṣṭam ||

krodhābhibhūtaṃ vijñāya jaganmitram mahāmunim /

dhṛtimān suvrato dhīmān vasiṣṭho vākyam abravīt //

Note: cf. Rām I 20, 5

Note:

jaganmitraṃ viśvāmitram ||

Note:

śrīvasiṣṭhaḥ kathayati

ikṣvākūṇāṃ kule jātaḥ sākṣād dharma ivāparaḥ |

bhavān daśarathaḥ śrīmāṃs trailokye guṇabhūṣitaḥ ||

Note: cf. Rām I 20, 6ab

Note:

spaṣṭam ||

nītimān suvrato bhūtvā na dharmaṃ hātum arhasi |

munes tribhuvaneśasya vacanaṃ kartum arhasi ||

Note: cf. Rām I 20, 6cd

Note:

spaṣṭam | yugmam ||

triṣu lokeṣu vikhyāto dharmeṇa yaśasā yutaḥ /

svadharmam pratipadyasva na dharmaṃ hātum arhasi //

Note: cf. Rām I 20, 7

Note:

pratipadyasva svīkuru ||

kariṣyāmīti saṃśrutya tat te rājann akurvataḥ /

iṣṭāpūrtaḥ pated dharmas tasmād rāmaṃ visarjaya //

Note: cf. Rām I 20, 8

Note:

iṣṭāpūrtaḥ iṣṭāpūrtasvarūpaḥ | pratijñātākaraṇena hi sarvo dharmaḥ naśyati ||

guptam puruṣasiṃhena jvalanenāmṛtaṃ yathā |

kṛtāstram akṛtāstraṃ vā nainaṃ drakṣyanti rākṣasāḥ ||

Note: cf. Rām I 20, 9cd

Note: cf. Rām I 20, 9ab

Note:

kṛtāstraṃ śikṣitāstram ||

ikṣvākuvaṃśajāto 'pi svayaṃ daśaratho 'pi san /

na pālayasi ced vākyaṃ ko 'paraḥ pālayiṣyati //

Note:

spaṣṭam ||

yuṣmadādipraṇītena vyavahāreṇa jantavaḥ /

maryādāṃ na vimuñcanti¹⁷⁶ tāṃ na hātum ihārhasi //

Note:

tām maryādām ||

eṣa vigrahavān¹⁷⁷ dharma eṣa vīryavatāṃ varaḥ /

eṣa buddhyādhiko loke tapasāṃ ca parāyaṇaḥ //

Note: cf. Rām I 20, 10

Note:

parāyaṇaḥ āśrayaḥ ||

eṣo 'straṃ vividhaṃ vetti trailokye sacarācare /

naitad anyaḥ pumān vetti na ca vetsyati kaścana //

Note: cf. Rām I 20, 11

Note:

spaṣṭam ||

na ca devarṣayaḥ kecin nāmarā na ca rākṣasāḥ /

na nāgayakṣagandharvā anena sadṛśā nṛpa //

Note: cf. Rām I 20, 12

Note:

spaṣṭam ||

astram asmai kṛśāśvena paraiḥ paramadurjayam |

kauśikāya purā dattaṃ yadā rājyaṃ samanvaśāt ||

Note: cf. Rām I 20, 13;599*

Note: cf. Rām I 20, 13cd

Note:

paraiḥ¹⁷⁸ anyaiḥ | paramadurjayam atyantaṃ¹⁷⁹ jetum aśakyaṃ | samanvaśāt sa-mapālayat ||

Note:

nanu kimarthaṃ kṛśāśvenāsmai¹⁸⁰ astrāṇi dattānīty | atrāha

te hi putrāḥ kṛśāśvasya prajāpatisutopamāḥ /

enam anvacaran vīrā dīptimanto mahaujasaḥ //

Note: cf. Rām I 20, 14

Note:

hi yasmāt | prajāpatisutopamās te prasiddhāḥ | kṛśāśvasya putrāḥ | enaṃ viśvāmitram | anvacaran anucaranti sma | ataḥ putrasnehena dattavān iti bhāvaḥ ||

Note:

te putrāḥ ke ity apekṣāyām āha

jayā ca suprabhā caiva dākṣāyaṇyau sumadhyame /

tayos tu yāny apatyāni¹⁸¹ śatam paramadurjayam //

Note:

jayā ca suprabhā caiveti¹⁸² ye | dākṣāyaṇyau dakṣasya strīrūpe apatye | sumadhyame striyau | āstām | tayoḥ yāni paramadurjayaṃ śataṃ apatyāni āsan | atra ca pūrvaślokāpekṣayottaravākyagatatvād yacchabdasya tacchabdāpekṣā nāsti ||

Note:

nanu kasyāḥ katy apatyāni¹⁸³ āsann ity apekṣāyām āha

pañcāśataḥ sutāñ jajñe jayā labdhavarā purā /

vadhāyāsurasainyānāṃ te 'kṣayāḥ kāmarūpiṇaḥ //

Note: cf. Rām I 20, 16

Note:

akṣayāḥ nāśarahitāḥ ||

suprabhā janayām āsa putrān pañcāśataḥ¹⁸⁴ parān /

saṅgharṣān nāma durdharṣān durākrośān balīyasaḥ //

Note: cf. Rām I 20, 17

Note:

durdharṣān parābhavitum aśakyān | durākrośān śatrubhiḥ samare āhvātum¹⁸⁵ aśakyān ||

Note:

prāsaṅgikam upasaṃhṛtya prakṛtam anusarati

evaṃvīryo mahātejā viśvāmitro mahāmuniḥ /

na rāmagamane buddhiṃ viklavāṃ kartum arhasi //

Note: cf. Rām I 20, 19

Note:

pūrvārdham uttarārdhasya hetutvena yojyam ||

Note:

sargāntaślokena śrīvasiṣṭho vākyaṃ samāpayati

asmin mahāsattvamaye munīndre
sthite samīpe¹⁸⁶ puruṣas tu sādhuḥ /

prāpte 'pi mṛtyāv amaratvam eti
mā dīnatāṃ gaccha yathā vimūḍhaḥ //

Note:

yathā vimūḍhaḥ | mūḍhavad ity arthaḥ | iti śivam ||

MT_1.8

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe aṣṭamaḥ sargaḥ ||

Note:

śrīvālmīkir bharadvājam prati kathayati

tathā vasiṣṭhe bruvati rājā daśarathaḥ sutam /

samutsraṣṭumanā rāmam ājuhāva salakṣmaṇam //

Note: cf. Rām I 21, 1

Note:

samutsraṣṭumanāḥ dātumanāḥ ||

Note:

daśarathaḥ pratīhāram¹⁸⁷ prati kathayati

pratīhāra mahābāhuṃ rāmam satyaparākramam /

salakṣmaṇam avighnena munyarthaṃ śīghram ānaya //

Note:

spaṣṭam ||

Note:

daśarathavākyam upasaṃharati

iti rājñā visṛṣṭo 'sau gatvāntaḥpuramandiram /

muhūrtamātreṇāgatya¹⁸⁸ samuvāca mahīpatim //

Note:

spaṣṭam ||

Note:

pratīhāraḥ kathayati

deva dordalitāśeṣaripo rāmaḥ svamandire /

vimanāḥ saṃsthito rātrau ṣaṭpadaḥ kamale yathā //

Note:

spaṣṭam ||

āgacchāmi kṣaṇeneti vakti dhyāyati caikakaḥ /

na kasyacic ca nikaṭe sthātum icchati khinnadhīḥ //

Note:

spaṣṭam ||

ity ukte tena bhūpālas taṃ rāmānucaraṃ janam /

sarvam āśvāsayām āsa papraccha ca yathākramam //

Note:

spaṣṭam ||

Note:

rājapraśnam eva kathayati

kathaṃ kīdṛk sthito rāma iti pṛṣṭo mahībhṛtā /

rāmabhṛtyajanaḥ khinno vākyam āha mahīpatim //

Note:

spaṣṭam ||

dehayaṣṭim imāṃ deva dhārayanta ime vayam /

khinnāḥ khedaparimlāne vibho rāme sute tava //

Note:

he deva he rājan | dehayaṣṭiṃ dehalatāṃ | rāme rāmākhye | tava sute tava sutanimittaṃ | carmaṇi dvīpinaṃ hantītivat¹⁸⁹ ||

rāmo rājīvapatrākṣo yataḥprabhṛti cāgataḥ /

savipras tīrthayātrāyās tataḥprabhṛti durmanāḥ //

Note:

spaṣṭam ||

yatnaprārthanayāsmākaṃ nijavyāpāram āhnikam /

sāyam amlānavadanaḥ karoti na karoti vā //

Note:

spaṣṭam ||

snānadevārcanācāraparyante parikhedavān /

prārthito 'pi hi nā tṛpter aśnāty aśanam īśvaraḥ //

Note:

ā tṛpteḥ tṛptiparyantam ||

lolāntaḥpuranārībhiḥ kṛtadolābhir aṅgane /

na ca krīḍati līlābhir varādbhir¹⁹⁰ iva cātakaḥ //

Note:

varādbhiḥ¹⁹¹ sarojalaiḥ | cātakaḥ pakṣiviśeṣaḥ | sa hi varṣābindūn eva pibati ||

māṇikyamuktāsamprotā¹⁹² keyūrakaṭakāvalī /

nānandayati taṃ rājan dyauḥ pātavivaśaṃ yathā //

Note:

pātavivaśam patantam ||

krīḍadvadhūviloleṣu vahatkusumavāyuṣu /

latāvalayageheṣu bhavaty ativiṣādavān //

Note:

latāvalayageheṣu latāmaṇḍalayukteṣu gṛheṣu ||

yad ramyam ucitaṃ svādu peśalaṃ cittahāri vā /

bāṣpapūrekṣaṇa iva¹⁹³ tenaiva parikhidyate //

Note:

spaṣṭam ||

kim imā duḥkhadāyinyaḥ¹⁹⁴ prasphuranti purogatāḥ /

iti nṛttavilāseṣu kāminīḥ parinindati //

Note:

imāḥ¹⁹⁵ etāḥ kāminyaḥ ||

bhojanaṃ śayanam pānaṃ vilāsaṃ snānam āsanam /

unmattaveṣṭitam iva nābhinandati ninditam //

Note:

ninditaṃ nindāviṣayīkṛtam ||

kiṃ sampadā kiṃ vipadā kiṃ gehena kim īhitaiḥ /

sarvam evāsad ity uktvā tūṣṇīm eko 'vatiṣṭhate //

Note:

spaṣṭam ||

nodeti parihāseṣu na bhogeṣu nimajjati /

na ca tiṣṭhati kāryeṣu maunam evāvalambate¹⁹⁶ //

Note:

spaṣṭam ||

vilolālakavallaryo helāvalitalocanāḥ /

nānandayanti¹⁹⁷ taṃ nāryo mṛgyo vanataruṃ yathā //

Note:

spaṣṭam ||

ekānteṣu diganteṣu tīreṣu vipineṣu ca /

ratim āyāty araṇyeṣu vikrītavad ajantuṣu //

Note:

vikrīto hi palāyanārthaṃ janturahite¹⁹⁸ eva deśe ratim āyāti ||

vastrapānāśanādānaparāṅmukhatayā tayā /

parivraḍdharmiṇāṃ rājan so 'nuyāti tapasvinām //

Note:

tapasvinām anuyāti tapasvisambandhicaritam anukarotīty arthaḥ | na māṣāṇām aśnīyād itivat prayogaḥ ||

eka eva vasan deśe janaśūnye janeśvara /

na hasaty ekayā buddhyā na gāyati na roditi //

Note:

ekayā buddhyā sarvatyāgarūpayā matyā upalakṣitaḥ ||

Note:

punaḥ kiṃ karotīty apekṣāyām āha

baddhapadmāsanaḥ śūnyamanā vāmakarasthale /

kapolatalam ādāya kevalam paritiṣṭhati //

Note:

spaṣṭam ||

nābhimānam upādatte nāpi vāñchati rājatām /

nodeti nāstam āyāti sukhaduḥkhānuvṛttiṣu //

Note:

spaṣṭam ||

na vidmaḥ kim asau jātaḥ kiṃ karoti kim īhate /

kiṃ dhyāyati kim āyāti kathaṃ kim anudhāvati //

Note:

na vidma ity asya karmāpekṣāyām¹⁹⁹ āha kim asau jātaḥ kimartham asau jātaḥ | jananaṃ hi bhogādisevanārtham iti bhāvaḥ ||

pratyahaṃ kṛśatāṃ yāti pratyahaṃ yāti pāṇḍutām /

virāgam pratyahaṃ yāti śaradanta iva drumaḥ //

Note:

spaṣṭam ||

anuyātau tam evaitau rājañ śatrughnalakṣmaṇau /

tādṛśāv eva tasyaiva pratibimbāv iva sthitau //

Note:

spaṣṭam ||

bhṛtyai rājabhir ambābhiḥ sa pṛṣṭo 'pi punaḥ punaḥ /

uktvā na kiñcid eveti tūṣṇīm āste nirīhitaḥ //

Note:

saḥ śrīrāmaḥ | nirīhitaḥ²⁰⁰ ceṣṭitarahitaḥ | itiśabdaḥ pādapūraṇārthaḥ śrīrāmottaravākyasvarūpanirdeśaparo vā jñeyaḥ ||

āpātamātrahṛdyeṣu mā bhogeṣu manaḥ kṛthāḥ /

iti pārśvagatam bhavyam anuśāsti suhṛjjanam //

Note:

bhavyam anuśāsanayogyam ||

nānāvibhavaramyāsu strīṣu goṣṭhīkathāsu ca /

puraḥsthitam ivāsneho nāśam evānupaśyati //

Note:

spaṣṭam ||

rītimādhuryasāyāsapadasaṃsthitivarjitaiḥ²⁰¹ /

ceṣṭitair eva kākalyā bhūyo bhūyaḥ pragāyati //

Note:

saḥ²⁰² rāmaḥ | rītimādhuryasāyāsapadasaṃsthitivarjitaiḥ²⁰³ ceṣṭitair eva kevalaiḥ abhinayair evopalakṣitayā kākalyā kalasūkṣmadhvaninā | gāyati ||

samrāḍ bhaveti pārśvasthaṃ vadantam anujīvinam /

pralapantam ivonmattaṃ hasaty anyamanā muniḥ //

Note:

spaṣṭam ||

na proktam ākarṇayati prekṣate na purogatam /

karoty avajñāṃ sarvatra sumahaty api vastuni //

Note:

spaṣṭam ||

apy ākāśasarojinyām apy ākāśamahāvane /

ittham etat katham iti vismayo 'sya na jāyate //

Note:

vismayasya svarūpaṃ darśayati ittham etat katham iti ||

kāntāmadhyagatasyāpi mano 'sya madaneṣavaḥ /

na bhedayanti durbhedaṃ dhārā iva mahopalam //

Note:

spaṣṭam ||

āpadām ekam āvāsam abhivāñchasi kiṃ dhanam /

anuśāsyeti sarvasvam arthine samprayacchati //

Note:

anuśāsya anuśāsanaṃ kṛtvā ||

iyam āpad iyaṃ saṃpad ity ayaṃ kalpanāmayaḥ /

manasy abhyudito moha iti śokāt pragāyati //

Note:

spaṣṭam ||

hā hato 'ham anātho 'ham ity²⁰⁴ ākrandaparo 'pi san /

na jano yāti vairāgyaṃ citram ity eva vakty asau //

Note:

ākrandaparasya vairāgyaṃ yuktam evety apiśabdena dyotyate ||

raghukānanasālena rāmeṇa ripughātinā /

bhṛśam itthaṃ sthitenaiva vayaṃ khedam upāgatāḥ²⁰⁵ //

Note:

spaṣṭam ||

na vidmaḥ kim mahābāho tasya tādṛśacetasaḥ /

kurmaḥ kamalapatrākṣa gatir atra hi no bhavān //

Note:

spaṣṭam ||

rājānam atha vā vipram upadeṣṭāram agragam /

hasan paśum ivāvyagraḥ so 'vadhīrayati prabho //

Note:

spaṣṭam ||

prapañco 'yam iha sphāraṃ jagannāma yad utthitam /

naitad vastu na caivāham iti nirṇīya saṃsthitaḥ //

Note:

yaḥ ayam prapañcaḥ utthitam idaṃ sphāraṃ jagannāma bhavati | etad vastu paramārthasat | na bhavati | evaśabdaḥ apiśabdasyārthe | aham api vastu na ca bhavāmi | iti evaṃ | nirṇīyāsau rāmaḥ saṃsthitaḥ ||

nārau nātmani no mitre na rājye na ca mātari /

na saṃpadāpador nāntas²⁰⁶ tasyāsthā na vibhor bahiḥ //

Note:

āsthā ratiḥ ||

nirastāstho nirāśo 'sau nirīho 'sau nirāspadaḥ /

mohe na ca vimukto 'sau tena tapyāmahe vayam //

Note:

spaṣṭam ||

kiṃ dhanena kim ambābhiḥ kiṃ rājyena kim īhayā /

iti niścayavān antaḥ prāṇatyāgamanāḥ sthitaḥ //

Note:

spaṣṭam ||

bhogeṣv āyuṣi rājye ca mitre pitari mātari /

param udvegam āyātaś cātako 'vagrahe yathā //

Note:

spaṣṭam ||

tasya tādṛksvabhāvasya samagravibhavānvitam /

saṃsārajālam ābhogi prabho prativiṣāyate //

Note:

prativiṣam ivācarate prativiṣāyate ||

tādṛśaḥ syān mahāsattvaḥ ka ivāsmin mahītale /

prakṛte vyavahāre taṃ yo niveśayituṃ kṣamaḥ //

Note:

spaṣṭam ||

iti no yeyam āyātā śākhāprasaraśālinī /

āpat tām alam uddhartuṃ samudetu dayā parā //

Note:

samudetu taveti śeṣaḥ ||

Note:

sargāntaślokena rāmabhṛtyavacanaṃ samāpayati

manasi moham apāsya mahāmanāḥ
sakalam ārtimataḥ kila sādhutām /

saphalatāṃ nayatīha tamo haran
dinakaro bhuvi bhāskaratām iva //

Note:

mahāmanāḥ puruṣaḥ | ārtimataḥ ārtiyuktasya puruṣasya | manasi sakalam moham ārtisvarūpaṃ samastam²⁰⁷ moham | apāsya dūrīkṛtya | sādhutām svasmin sthitaṃ sādhubhāvaṃ | saphalatāṃ nayati | ka iva | dinakara iva | yathā dinakaraḥ bhuvi tamaḥ haran bhāskaratām saphalatāṃ nayati | tathety arthaḥ | iti śivam ||

MT_1.9

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe navamaḥ sargaḥ ||

Note:

*²⁰⁸rāmabhṛtyavacanaṃ śrutvā viśvāmitraḥ kathayati

evaṃ cet tan mahāprājñam bhavanto raghunandanam /

ihānayantu tvaritaṃ hariṇaṃ hariṇā iva //

Note:

spaṣṭam ||

eṣa moho raghupater nāpadbhyo na ca rāgataḥ /

vivekavairāgyakṛto bodha eṣa²⁰⁹ mahodayaḥ //

Note:

mahān udayaḥ muktilakṣaṇaḥ yasmāt saḥ mahodayaḥ ||

ihāyātu kṣaṇād rāmas tad ihaiva vayaṃ kṣaṇāt /

mohaṃ tasyāpaneṣyāmo maruto 'drer ghanaṃ yathā //

Note:

vayaṃ ke iva | maruta iva | yathā marutaḥ vāyavaḥ | adreḥ ghanaṃ megham | apanayanti | tathety arthaḥ ||

etasmin mārjite yuktyā mohe ca raghunandanaḥ /

viśrāntim²¹⁰ eṣyati pade tasmin vayam ivottame //

Note:

tasmin pade cinmātrākhye viśrāntisthāne ||

satyatām muditām prajñāṃ viśrāntiṃ ca sametya saḥ /

pīnatāṃ varavarṇatvam pītāmṛta ivaiṣyati //

Note:

spaṣṭam ||

nijāṃ ca prakṛtām eva vyavahāraparamparām /

paripūrṇamanā mānya ācariṣyaty akhaṇḍitām //

Note:

spaṣṭam ||

bhaviṣyati mahāsattvo jñātalokaparāvaraḥ /

sukhaduḥkhadaśāhīnaḥ samaloṣṭāśmakāñcanaḥ //

Note: cf. BhG VI 8d; XIV 24b

Note:

jñāte samyak niścite | lokānām parāvare parāvācī | pāradvayam iti yāvat | yena | saḥ ||

Note:

viśvāmitravākyam upasaṃharati

ity ukte munināthena rājā sampūrṇamānasaḥ /

prāhiṇod rāmam ānetum bhūyo dūtaparamparām //

Note:

spaṣṭam ||

etāvatā ca kālena rāmo nijagṛhāsanāt /

pituḥ sakāśam āgantum utthito 'rka ivācalāt //

Note:

spaṣṭam ||

vṛtaḥ katipayair bhṛtyair bhrātṛbhyāṃ cājagāma ha /

tat puṇyam pitur āsthānaṃ svargaṃ surapater iva //

Note:

spaṣṭam ||

dūrād eva dadarśāsau rāmo daśarathaṃ tadā /

vṛtaṃ rājasamūhena devaugheneva vāsavam //

Note:

spaṣṭam ||

vasiṣṭhaviśvāmitrābhyāṃ sevitam pārśvayor dvayoḥ /

sarvaśāstrārthatajjñena mantrivṛndena pālitam //

Note:

spaṣṭam ||

cārucāmarahastābhiḥ kāntābhiḥ samupāsitam |

kakubbhir iva mūrtābhiḥ saṃsthitābhir yathocitam ||

Note:

kakubbhiḥ digbhiḥ ||

*²¹¹

vasiṣṭhaviśvāmitrādyās tathā daśarathādayaḥ /

dadṛśū rāghavaṃ dūrād upāyāntaṃ guhopamam //

Note:

guhopamaṃ kumārasadṛśam ||

sattvāvaṣṭambhagarveṇa śaityeneva himālayam /

śritaṃ sakalasevyena gambhīreṇa svareṇa ca //

Note:

sattvasyāvaṣṭambhena hastāvalambena²¹² yaḥ garvaḥ | tena | pūrvasya ślokasya²¹³ viśeṣaṇatvena yojyam ||

saumyaṃ samaśubhākāraṃ²¹⁴ vinayodāram ūrjitam /

kāntopaśāntavapuṣam parasyārthasya bhājanam //

Note:

parasyārthasya mokṣasya ||

samudyadyauvanārambham udyogaśamaśobhitam /

anudvignam anāyāsam pūrṇaprāyamanoratham //

Note:

spaṣṭam ||

vicāritajagadyātram²¹⁵ pavitraguṇagocaram /

mahāsattvaikalobhena²¹⁶ guṇair iva samāśritam //

Note:

mahāsattvasya mahādhairyasya | yaḥ eko lobhaḥ | tatsaṅgalobhaḥ iti yāvat | tena ||

udārasāram āpūrṇam antaḥkaraṇakoṭaram /

avikṣubhitayā vṛttyā darśayantam anuttamam //

Note:

rāmam punaḥ kathambhūtam | īdṛśyā vṛttyā īdṛśam antaḥkaraṇaṃ darśayantam iti sambandhaḥ | āpūrṇam bhogān prati alaulyena²¹⁷ samantāt pūrṇam ||

Note:

śrīrāmaviśeṣaṇāny upasaṃharati

evam guṇagaṇākīrṇo dūrād eva raghūdvahaḥ /

parimeyasitācchācchasvahārāmbarapallavaḥ //

praṇanāma calaccārucūḍāmaṇimarīcinā /

śirasā vasudhākampalolamānācalaśriyā //

Note:

parimeyāḥ parimitāḥ | sitāḥ acchācchāḥ svahārāmbarapallavāḥ²¹⁸ yasya | saḥ tādṛśaḥ | śirasā kathambhūtena | vasudhāyāṃ yaḥ kampaḥ | tena lolamānasyā-calasya śrīḥ yasya | tat | tādṛśena | yugmam ||

Note:

kān praṇanāmety apekṣāyām āha

prathamam pitaram paścān munīn mānyaikam ānataḥ /

tato viprāṃs tato bandhūṃs tato 'dhikaguṇān gurūn //

Note:

pitaraṃ kathambhūtaṃ | mānyānām madhye ekam mānyaikam ||

jagrāha cātmanā dṛṣṭvā manāk svādugirā tathā /

rājalokena vihitāṃ sa praṇāmaparasparām //

Note:

spaṣṭam ||

vihitāśīr munibhyāṃ tu rāmaḥ saśamamānasaḥ /

āsasāda pituḥ puṇyaṃ samīpaṃ surasundaraḥ //

Note:

samīpaṃ nikaṭam ||

pādābhivandanarataṃ tam athāsau mahīpatiḥ /

śirasy abhyāliliṅgāśu²¹⁹ cucumba ca punaḥ punaḥ //

śatrughnaṃ lakṣmaṇaṃ caiva tathaiva paravīrahā /

āliliṅga ghanasnehaṃ rājahaṃso 'mbujaṃ yathā //

Note:

spaṣṭam | yugmam ||

utsaṅge vatsa tiṣṭheti vadaty atha mahīpatau /

bhūmau parijanāstīrṇe so 'ṃśuke 'tha nyavikṣata //

Note:

nyavikṣata upāviśat | athaśabdadvayaṃ sambandhibhedenānantaryadvayavācakam ||

Note:

daśarathaḥ kathayati

putra prāptavivekas tvaṃ kalyāṇānāṃ ca bhājanam /

janavaj jīrṇayā buddhyā khedāyātmā na dīyate //

Note:

tvayā na dīyate na deya ity arthaḥ | khedāyeti sampradāne caturthī ||

vṛddhavipraguruproktaṃ tvādṛśenānutiṣṭhatā /

padam āsādyate puṇyaṃ na moham anudhāvatā //

Note:

spaṣṭam ||

tāvad evāpado dūre tiṣṭhanti paripelavāḥ /

yāvad eva na mohasya prasaraḥ putra dīyate //

Note:

spaṣṭam ||

Note:

śrīvasiṣṭhaḥ kathayati

rājaputra mahābāho śūras tvaṃ vijitās tvayā /

durucchedā durārambhā apy amī viṣayārayaḥ //

Note:

spaṣṭam ||

kim atajjña ivājñānāṃ yogye vā mohasāgare /

vinimajjasi kallolagahane jāḍyaśālini //

Note:

spaṣṭam ||

Note:

viśvāmitra āha

calannīlotpalavyūhasamalocana lolatām²²⁰ /

brūhi cetaḥkṛtāṃ tyaktvā hetunā kena muhyasi //

Note:

he calannīlotpalavyūhasamalocana tvaṃ | cetaḥkṛtāṃ lolatāṃ tyaktvā brūhi | karmāpekṣāyāṃ vākyaṃ karmatvena kathayati hetuneti | tvaṃ kimarthaṃ muhyasīty arthaḥ ||

kiṃniṣṭhāḥ kiyatā kena kiyantaḥ kāraṇena te /

ādhayo nu vilumpanti mano geham ivākhavaḥ //

Note:

te kiyantaḥ ādhayaḥ | kiṃniṣṭhāḥ kiṃviṣayāḥ santaḥ | kiyatā kena kāraṇena manaḥ nu vilumpanti | ke iva | ākhava iva | yathā ākhavaḥ gehaṃ vilumpanti | tathety arthaḥ | nuśabdaḥ praśnadyotakaḥ ||

manye nānucitānāṃ tvam ādhīnām padam uttamaḥ /

āpatsu cāpto yo dhīro nirjitās tena cādhayaḥ //

Note:

āptaḥ vicārakārī | na hy ucitasyānucitapadatvaṃ yuktam iti bhāvaḥ ||

yathābhimatam āśu tvam brūhi prāpsyasi cānagham /

sarvam eva punar yena tava bhetsyanti nādhayaḥ //

Note:

yena sarvaprāpaṇena ||

Note:

viśvāmitravākyaṃ sargāntaślokenopasaṃharati

ity uktam asya sa mune raghuvaṃśaketur
ākarṇya vākyam ucitārthavilāsagarbham /

tatyāja khedam abhigarjati vārivāhe
barhī yathābhyanumitābhimatārthasiddhiḥ //

Note:

abhyanumitā garjanahetukenānumānena jñātā | abhimatārthasya siddhiḥ yas-ya | sa | iti śivam ||

MT_1.10

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe daśamaḥ sargaḥ ||

iti pṛṣṭo munīndreṇa samāśvāsya ca rāghavaḥ /

uvāca vacanaṃ cāru dhīrapūrṇārthamantharam //

Note:

dhīraṃ ca tat pūrṇārthena mantharaṃ nirbharaṃ ca dhīrapūrṇārthamantharam ||

Note:

itaḥ paraṃ vairāgyaprakaraṇārambhaḥ |

*²²¹smṛtvā tattvam paramagahanaṃ svasvarūpākhyam ādyaṃ
spṛṣṭvā mūrdhnā gurucaraṇayor dhūlipuñjam prayatnāt /

kṛtvā devaṃ śaraṇam aniśaṃ vighnarājaṃ ca ṭīkā
vairāgyākhye²²² prakaraṇavare tanyate bhāskareṇa //

Note:

samāśvāsanaparaṃ śrīvasiṣṭhaśrīviśvāmitrayor²²³ vākyaṃ śrutvā śrīrāmo hṛdgataṃ vairāgyam prakaṭīkaroti

*²²⁴bhagavan bhavatā pṛṣṭo yathāvad adhunā kila /

kathayāmy aham ajño 'pi ko laṅghayati sadvacaḥ //

Note:

bhavateti kulaguruṃ vasiṣṭham praty uktiḥ | kimarthaṃ kathayasīty | atrāha ko laṅghayatīti ||

Note:

svayaṃ kṛtām pratijñāṃ sampādayati

ahaṃ tāvad ayaṃ jāto nije 'smin pitṛsadmani /

krameṇa vṛddhiṃ samprāptaḥ prāptavidyaś ca saṃsthitaḥ //

Note:

tāvacchabdo vipratipattyabhāvavācakaḥ²²⁵ ||

tataḥ sadācāraparo bhūtvāham²²⁶ munināyaka /

vihṛtas tīrthayātrārtham urvīm ambudhimekhalām //

Note:

spaṣṭam ||

etāvatātha kālena saṃsārāsthām imām mama /

svaviveko jahārāntar oghas taṭalatām iva //

Note:

svavivekaḥ ko 'ham iti vicāraḥ ||

vivekena parītātmā tenāhaṃ tad anu svayam /

bhoganīrasayā buddhyā pravicāritavān idam //

Note:

spaṣṭam ||

Note:

kiṃ tvayā pravicāritam ity | atrāha

kiṃ nāmedaṃ vata sukhaṃ yo 'yaṃ²²⁷ saṃsārasaṃsṛtiḥ /

jāyate mṛtaye loko mriyate jananāya ca //

Note:

vata kaṣṭe | idaṃ sukhaṃ kiṃ nāma bhavati | na bhavatīty arthaḥ | idaṃ kiṃ | saṃsāre saṃsṛtiḥ saṃsaraṇaṃ yasya | saḥ tādṛśaḥ | yaḥ ayaṃ lokaḥ | mṛtaye yat jāyate | jananāya ca yan mriyate ||

Note:

mṛtijananarūpasya saṃsaraṇasya duḥkhatvam uktvā tadāśrayabhūtānām²²⁸ bhāvānāṃ duḥkhayuktatvaṃ kathayati

svasthitāḥ sarva eveme sacarācaraceṣṭitāḥ /

āpadām patayaḥ pāpā bhāvā vibhavabhūmayaḥ //

Note:

sacarācaraceṣṭitāḥ calanasthitirūpakriyāyuktāḥ | sarve eveme 'nubhūyamānāḥ | bhāvāḥ sthāvarajaṅgamarūpāḥ padārthāḥ | āpadām patayaḥ āpadyuktāḥ bhavanti | pūrvaślokoktajananamaraṇarūpaduḥkhāśrayatvād ity arthaḥ | bhāvāḥ kathambhūtāḥ | svasthitāḥ svasmin sthitāḥ | na tu parasparaṃ sambandhayuktāḥ | punaḥ kathambhūtāḥ | vibhavabhūmayaḥ yathāsvaṃ śaktiyuktāḥ ||

Note:

nanu katham bhāvāḥ svasthitāḥ bhavanti | parasparaṃ teṣāṃ nānāvidhasambandhadarśanād ity | atrāha

ayaḥśalākāsadṛśāḥ parasparam asaṅginaḥ /

śliṣyante kevalam²²⁹ bhāvā manaḥkalpanayā svayā //

Note:

ayam mama putrādiḥ ayam mama pitrādir iti manaḥkalpitena saṅkalpenaiva bhāvānām parasparaṃ sambandho 'sti | na tu paramārthata iti bhāvaḥ ||

Note:

nanu manasaḥ katham etāvatī śaktir astīty | atrāha

manaḥsamāyattam idaṃ jagad ābhogi dṛśyate /

manaś cāsad ihābhāti kena smaḥ parimohitāḥ //

Note:

ābhogi vistārayuktam | manasaḥ asattvam asatyabhūtapadārthānusandhānamātrarūpatvena jñeyam ||

asataiva vayaṃ kaṣṭaṃ vikrītā²³⁰ mūḍhabuddhayaḥ /

mṛgatṛṣṇāmbhasā dūre vane mugdhamṛgā iva //

Note:

asatā eva | na tu satyabhūtena | manaseti śeṣaḥ ||

na kenacic ca vikrītā vikrītā iva saṃsthitāḥ /

vata mūḍhā vayaṃ sarve janānā api śambaram //

Note:

śambaram māyām ||

kim eteṣu prapañceṣu bhogā nāma sudurbhagāḥ /

mudhaiva hi vayam mohāt saṃsthitā baddhabhāvanāḥ //

Note:

eteṣu prapañceṣu madhye |sudurbhagāḥ atiśayena durbhagatvākhyaguṇayuktāḥ | bhogā nāma kim bhavanti | āpātamātraramaṇīyatvāt na kiñcid api bhavantīty arthaḥ | hiśabdaḥ ataḥśabdārthe | hi ataḥ | vayam eteṣu bhogeṣu | baddhabhāvanāḥ | mohāt mudhaiva saṃsthitāḥ vyarthatvāt ||

ajñāte bahukālena vyartha eva vayaṃ ghane /

mohe nipatitā mugdhāḥ śvabhre mugdhamṛgā iva //

Note:

mohe bhogabhāvanākhye mohe | bahukālena bahukālaṃ tāvat ||

kim me rājyena kim bhogaiḥ ko 'haṃ kim idam āgatam /

yan mithyaivāstu tan mithyā kasya nāma kim āgatam //

Note: cf. BhG I 32cd

Note:

yat mithyā bhavati tat mithyaivāstu iti sambandhaḥ ||

Note:

avāntaram upasaṃhāraṃ karoti

evaṃ vimṛśato brahman sarveṣv eva tato mama /

bhāveṣv aratir āyātā pathikasya maruṣv iva //

Note:

spaṣṭam ||

Note:

svābhimatam āviṣkaroti

tad etad bhagavan brūhi kim idam parinaśyati /

kim idaṃ jāyate bhūyaḥ kim idam parivardhate //

Note:

kim iti katham ity asyārthe ||

jarāmaraṇam āpac²³¹ ca jananaṃ sampadas tathā /

āvirbhāvatirobhāvair vivartante punaḥ punaḥ //

Note:

bhāveṣu iti śeṣaḥ | bhāvair iti itthambhāve tṛtīyā | vivartante rūpāntaraṃ gacchanti ||

bhāvais tair eva tair eva tucchair vayam ime kila /

paśya jarjaratāṃ nītā vātair iva giridrumāḥ //

Note:

spaṣṭam ||

acetanā iva janāḥ pavanaiḥ prāṇanāmabhiḥ /

dhvanantaḥ saṃsthitā vyarthaṃ yathā kīcakaveṇavaḥ //

Note:

kīcakaveṇavo hi vyarthaṃ dhvananti ||

śāmyatīdaṃ kathaṃ duḥkham iti tapto 'smi cintayā /

jaraddruma ivogreṇa koṭarasthena vahninā //

Note:

spaṣṭam ||

saṃsāraduḥkhapāṣāṇanīrandhrahṛdayo 'py aham /

nijalokabhayād eva galadbāṣpair na rodimi //

Note:

saṃsāraduḥkhāny eva pāṣāṇāḥ | taiḥ nīrandhraṃ hṛdayaṃ yasya | saḥ tādṛśaḥ ||

śūnyasanmukhavṛttīs tu śuṣkarodananīrasāḥ²³²/

viveka eva hṛtsaṃstho mamaikānteṣu paśyati //

Note:

śūnyā vyarthāś ca tāḥ | sanmukhavṛttayaḥ sanmukhavyāpārāḥ tāḥ | ekānteṣu vivekaikapara²³³ evāsmīti bhāvaḥ ||

bhṛśam muhyāmi saṃsmṛtya bhāvābhāvamayīṃ sthitim /

dāridryeṇeva subhago dūre saṃsāracintayā //

Note:

sthitiṃ jagadākhyāṃ sthitim | ahaṃ ka iva | subhaga iva | yathā subhagaḥ dāridryeṇa muhyati | tathety arthaḥ | ataḥ saṃsāracintayā dūre | sā dūre bhavatv ity arthaḥ ||

Note:

evaṃ sāmānyena saṃsārapadārthānāṃ duḥkhadatām²³⁴ uktvā tad viśeṣeṣu pradhānabhūtāyāḥ śriyaḥ kathayati

mohayanti manovṛttiṃ khaṇḍayanti guṇānalam /

duḥkhajālam prayacchanti vipralambhaparāḥ śriyaḥ //

Note:

mohayanti avivekayuktatāṃ²³⁵ kurvanti | aiśvaryamadagrastā hi pūrvāparavicāraśūnyā eva bhavanti | vipralambhaparāḥ vañcanaparāḥ ||

Note:

evaṃ śriyaḥ²³⁶ duḥkhadatvam uktvā tat pradhānāvayavabhūtasya dhanasyāpi duḥkhadatvaṃ kathayati

cintānicayavakrāṇi nānandāya dhanāni me /

samprasūtakalatrāṇi gṛhāṇy ugrāpadāṃ yathā //

Note:

cintānicayenārjanādyartham prayuktena cintāsamūhena | vakrāṇi kuṭilāni | ugrāpadāṃ hi bahukalatrāṇi gṛhāṇi duḥkhāyaiva bhavanti ||

Note:

saṅgraheṇa svāsvāsthyaṃ kathayati

vividhadoṣadaśāparicintanaiḥ
satatabhaṅgurakāraṇakalpitaiḥ /

mama na nirvṛtim²³⁷ eti mano mune
nigaḍitasya yathā vanahastinaḥ //

Note:

vividhā yāḥ doṣadaśāḥ | tāsām paricintanaiḥ | kathambhūtaiḥ | satataṃ²³⁸ bhaṅgurāṇi yāni kāraṇāni bhogarūpāṇi kāraṇāni | taiḥ kalpitaiḥ svaviṣayatayā²³⁹ prakaṭīkṛtaiḥ ||

Note:

sarvadoṣamūlakāraṇabhūtān viṣayān sargāntaślokena nindati

khalāḥ kāle kāle niśi niśitamohaikamihikā
gatāloke loke viṣayahaṭhacaurāḥ sucaturāḥ /

pravṛttāḥ²⁴⁰ prodyuktā diśi diśi vivekaikaharaṇe²⁴¹
raṇe śaktās teṣāṃ vadata vibudhāḥ ke 'dya subhaṭāḥ //

Note:

khalāḥ atyantaduḥkhakāritvāt durjanasadṛśās | tathā sucaturāḥ aticāturyayuktāḥ | viṣayahaṭhacaurāḥ | niśi lakṣaṇayā avidyārūpāyāṃ rātrau | niśitā tīkṣṇā yā²⁴² mohaikamihikā | tayā gatāloke dūre gatavicārākhyaprakāśe | loke asmin saṃsāre | kāle kāle sarveṣu kāleṣu | diśi diśi sarvāsu dikṣu | prodyuktāḥ prakṛṣṭodyogabhājaḥ | ata eva vivekasya samyagvicārasya | yad ekaṃ haraṇaṃ kevalaṃ haraṇaṃ | tatra pravṛttāḥ²⁴³ bhavanti | he vibudhāḥ yūyaṃ | vadatādya asmin samaye | teṣāṃ viṣayahaṭhacaurāṇāṃ raṇe ke subhaṭāḥ śaktāḥ bhavanti | na ke 'pīti bhāvaḥ²⁴⁴ | iti śivam ||

MT_1.11

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe ekādaśaḥ sargaḥ ||

Note:

*²⁴⁵samanantaram eva prakṛtāṃ śrīnindāṃ²⁴⁶ vistareṇa kathayati

iyam asmin vinodāya saṃsāre parikalpitā /

śrīr mune parimohāya sāpi nūnam anarthadā //

Note:

nūnaṃ niścayena | anarthadeti viśeṣaṇadvārahetuḥ ||

Note:

anarthadatvam evāsyāḥ kathayati

ullāsabahulān antaḥ kallolān akramākulān²⁴⁷ /

jaḍān prasravati sphārān²⁴⁸ prāvṛṣīva taraṅgiṇī //

Note:

iyaṃ śrīḥ ullāsabahulān ullāsapūrṇān | akramākulān kramollaṅghananirbha-rān | tathā jaḍān jāḍyadāyitvāt jaḍarūpān | kallolān darpākhyān mahātaraṅgān | prasravati utpādayati | kā²⁴⁹ iva | taraṅgiṇīva | yathā taraṅgiṇī prāvṛṣi varṣākāle | uktaviśeṣaṇān mahātaraṅgān prasravati | tathety arthaḥ ||

cintāduhitaro bahvyo²⁵⁰ bhūridurlaliteritāḥ /

cañcalāḥ prabhavanty asyās taraṅgāḥ sarito yathā //

Note:

bhūrīṇi yāni durlalitāni durvilāsāḥ | tair īritāḥ cañcalitāḥ | utthāpitā iti yāvat ||

eṣā hi padam ekatra na nibadhnāti durbhagā /

mugdhevāniyatācāram itaś cetaś ca dhāvati //

Note:

hi niścaye | aniyatācāraṃ kāmacārata ity arthaḥ | kriyāviśeṣaṇam etat ||

janayantī paraṃ dāham parāmṛṣṭāṅgikā satī /

vināśam eva dhatte 'ntar dīpalekheva kajjalam //

Note:

spaṣṭam ||

guṇāguṇavicāreṇa vinaiva kila pārśvagam /

rājaprakṛtivan²⁵¹ mūḍhā durārūḍhāvalambate²⁵² //

Note:

rājaprakṛtivat rājasvabhāvavat | rājāpi hi guṇāguṇavicārarahitam eva pārśvagam avalambate²⁵³ ||

karmaṇā tena tenaiṣā²⁵⁴ vistāram upagacchati /

doṣāśīviṣavegasya yat kṣīravisarāyate //

Note:

kṣīrasya visaraḥ sekaḥ | sa ivācarate kṣīravisarāyate ||

tāvac chītamṛdusparśaḥ parasve ca jane janaḥ /

vātyayeva himaṃ yāvac chriyā na paruṣīkṛtaḥ //

Note:

śrīsparśe janaḥ svasmin pare ca mahākaṭhina eva bhavatīti piṇḍārthaḥ | vātyā hi himam paruṣīkarotīty upamānatvena gṛhītā ||

prājñāḥ śūrāḥ kṛtajñāś ca peśalā mṛdavaś ca ye /

pāṃsumuṣṭyeva maṇayaḥ śriyā te malinīkṛtāḥ //

Note:

spaṣṭam ||

na śrīḥ sukhāya bhagavan duḥkhāyaiva hi kalpate /

guptaṃ vināśanaṃ dhatte mṛtiṃ viṣalatā yathā²⁵⁵ //

Note:

spaṣṭam ||

śrīmān ajananindyaś ca śūraś cāpy avikatthanaḥ /

samadṛṣṭiḥ prabhuś caiva durlabhāḥ puruṣās trayaḥ //

Note:

śriyā spṛṣṭaḥ sāhaṅkāratvena jananindya eva bhavatīti bhāvaḥ ||

eṣā hi viṣamā duḥkhabhogināṃ gahanā guhā /

ghanamohagajendrāṇāṃ vindhyaśailamahāṭavī //

Note:

spaṣṭaṃ ||

Note:

punaḥ kīdṛśy astīty apekṣāyām āha

satkāryapadmarajanī duḥkhakairavacandrikā /

saddṛṣṭidīpikāvātyā kallolaughataraṅgiṇī //

Note:

kallolāḥ darparūpāḥ mahātaraṅgāḥ ||

sambhramābhrādipadavī viṣādaviṣavardhinī /

kedārikā vikalpānāṃ khadā kubhayabhoginām //

Note:

khadā guhā | kubhayāni eva bhoginaḥ sarpāḥ | teṣām ||

himaṃ vairāgyavallīnāṃ vikārolūkayāminī /

rāhudaṃṣṭrā vivekendoḥ saujanyāmbhojacandrikā //

Note:

spaṣṭam ||

indrāyudhavad ālolanānārāgamanoharā /

lolā taḍid ivotpannadhvaṃsinī jaḍasaṃśrayā //

Note:

spaṣṭam ||

capalā varjitā ratyā²⁵⁶ nakulī nakulīnajā /

vipralambhanatātparyahetūgramṛgatṛṣṇikā //

Note:

capalā cāpalyaguṇasahitā | ata eva ratyā varjitā kutrāpi ratim akurvatīty arthaḥ | tathā nakulī aticāpalatvena nakulastrīsarūpā | tathā nakulīnajā duṣṭā | akulīnajo hi duṣṭo bhavati | tathā vipralambhane paravañcane | yat tātparyam | tasya hetuś cāsau ugramṛgatṛṣṇikā kaṭhinamṛgatṛṣṇāsvarūpā ||

laharīvaikarūpeṇa kṣaṇam padam akurvatī /

calā dīpaśikhevāti durjñeyāgatigocarā //

Note:

na gatau gamane gocarā agatigocarā | dīpaśikhāpi gatau agocarā eva bhavati ||

siṃhīva vigrahavyagrakarīndrakulapātinī /

khaḍgadhāreva śiśirā tīkṣṇā tīkṣṇāśayāśrayā //

Note:

vigrahavyagraṃ yuddhavyagraṃ | yat karīndrakulaṃ hastikulaṃ | tatra patatīti tādṛśī tatsādhyatvāt | siṃhī cedṛśī bhavati | śiśirā āmukhe santāpaharitvāt | tīkṣṇāśayāḥ²⁵⁷ kaṭhinacintāḥ²⁵⁸ | āśrayaḥ yasyāḥ | sā ||

nānayopahatārthinyā durādhiparipīnayā /

paśyāmy abhavyayā lakṣmyā kiñcid duḥkhād ṛte sukham //

Note:

upahatān ajñānabādhitān²⁵⁹ | arthate ālambanatvena kāṅkṣatīti tādṛśyā ||

dvāreṇotsāritā lakṣmīḥ punar eti tamo'riṇā /

aho vata hṛtasthānā nirlajjā durjanāspadā //

Note:

tamo'riṇā gehāntargatatamonivāraṇārthaṃ kalpitena²⁶⁰ kṣudradvāreṇa ||

Note:

sargāntaślokena śrīnindāṃ samāpayati

manoramā karṣati cittavṛttiṃ
kadaryasādhyā kṣaṇabhaṅgurā ca /

vyālāvalīgarbhanivṛttadehā²⁶¹
śvabhrotthitā puṣpalateva lakṣmīḥ //

Note:

kadaryasādhyā kukarmasādhyā | śrīpakṣe vyālāvalī duḥkhāvalī | iti śivam ||

MT_1.12

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe dvādaśaḥ sargaḥ ||

Note:

evaṃ śrīnindāṃ kṛtvā jīvitanindāṃ karoti

āyuḥ pallavakoṇāgralambāmbukaṇabhaṅguram /

unmattam iva santyajya yāty akāṇḍe śarīrakam //

Note:

āyuḥ jīvitaṃ | yātīti sambandhaḥ | akāṇḍe asamaye | tatsammatirūpaṃ samayam ullaṅghyeti yāvat ||

viṣayāśīrviṣāsaṅgaparijarjaracetasām /

aprauḍhātmavivekānām²⁶² āyur āyāsakāraṇam //

Note:

spaṣṭam ||

ye tu vijñātavijñeyā viśrāntā vitate pade /

bhāvābhāvasamāśvastā āyus teṣāṃ sukhāyate //

Note:

viśrāntā ātmatve niścitāḥ | vitate aparimite | bhāvābhāveṣu pravāhāgateṣu nāśotpādeṣu | samāśvastāḥ svabhāvād apracyutāḥ ||

vayam parimitākārapariniṣṭhitaniścayāḥ /

saṃsārābhrataḍitpuñje mune nāyuṣi nirvṛtāḥ //

Note:

parimitaḥ pārimityayuktaḥ | yaḥ²⁶³ ākāraḥ dehādirūpaḥ ākāraḥ | tatra pariniṣṭhitaḥ niṣṭhāṃ²⁶⁴ gataḥ | niścayaḥ ātmaniścayaḥ | yeṣāṃ | te | nirvṛtir²⁶⁵ hi aparimitasvarūpaniṣṭhatvam iti bhāvaḥ ||

yujyate veṣṭanaṃ vāyāv ākāśasya ca²⁶⁶ khaṇḍanam /

grathanaṃ ca taraṅgāṇām āsthā nāyuṣi yujyate //

Note:

āsthā dṛḍhatāviśvāsaḥ ||

pelavaṃ śaradīvābhram asneham iva dīpakam /

taraṅgakam ivālolaṃ gatam evopalakṣyate //

Note:

āyur iti śeṣaḥ | pelavaṃ laghu ||

taraṅgapratibimbenduṃ²⁶⁷ taḍitpuñjaṃ nabho'mbudam /

grahītum āsthām badhnāmi na tv āyuṣi gatasthitau //

Note:

spaṣṭam ||

aviśrāntamanāḥ śūnyam āyur ātatam īhate /

duḥkhāyaiva vimūḍho 'ntar garbham aśvatarī yathā //

Note:

aśvatarī kharastriyām aśvāj jātā vaḍavā | tasyā garbhaḥ kukṣipāṭanaṃ vinā na niryāti ||

saṃsārasaṃsṛtāv ambhaḥpheno 'smin sargasāgare /

kāyavallyāṃ raso rājañ jīvitam me na rocate //

Note:

sargasāgare kathambhūte | saṃsāre saṃsṛtiḥ saṃsaraṇaṃ | yasya | tādṛśe | ambhaḥphenaḥ ambhovikāraḥ phenaḥ | daśaratham prati iyam uktiḥ ||

prāpyaṃ samprāpyate yena bhūyo yena na śocyate /

parāyā nirvṛteḥ²⁶⁸ sthānaṃ yat taj jīvitam ucyate //

Note:

parāyā utkṛṣṭāyāḥ ||

taravo 'pi hi jīvanti jīvanti mṛgapakṣiṇaḥ /

sa jīvati mano yasya mananena na jīvati //

Note:

mananena bhogānusandhānena ||

jātās ta eva jagati jantavaḥ sādhujīvitāḥ /

ye punar neha jāyante śeṣā jānīta gardabhāḥ //

Note:

yūyaṃ jānīta | kim ity apekṣāyām āha | śeṣā iti | śeṣā gardabhāḥ bhavanti ||

bhāro 'vivekinaḥ śāstram bhāro jñānaṃ ca rāgiṇaḥ /

aśāntaṃ ca mano bhāro bhāro 'nātmavido vapuḥ //

Note:

avivekinaḥ vivekarahitasya | bhāratvaṃ ca śāstrādeḥ samyagjñānādyarthakriyākāritvābhāvena jñeyam ||

rūpam āyur mano buddhir ahaṅkāras tathehitam /

bhāro bhāradharasyeva sarvaṃ duḥkhāya durdhiyaḥ //

Note:

durdhiyaḥ buddhirahitasya | buddhirahito hi rūpādau samatayā pāravaśyaṃ yāti | tataś ca duḥkhe nimajjati ||

aviśrāntamanaḥpūrṇam āpadām paramāspadam /

nīḍo rogavihaṅgānām āyur āyāsanaṃ dṛḍham //

Note:

āyuḥ kathambhūtam | aviśrāntam paramapadaviśrāntirahitaṃ | yan manas | tena pūrṇam ||

pratyahaṃ khedam utsṛjya śanair alam anāratam /

āśv eva janmanaḥ śvabhraṃ kālena vinikhanyate //

Note:

kālanāśyatvaṃ²⁶⁹ hi āyuṣaḥ prasiddham ||

śarīrabilaviśrāntair viṣadāhapradāyibhiḥ /

rogair nipīyate raudrair vyālair iva vanānilaḥ //

Note:

āyur iti śeṣaḥ ||

prasuvānair avacchedaṃ tucchair antaravāsibhiḥ /

duḥkhair ākṛṣyate krūrair ghuṇair iva jaraddrumaḥ //

Note:

avacchedaṃ chedanam | prasuvānair utpādayadbhiḥ | ākṛṣyate svavaśaṃ nīyate ||

nūnaṃ nigiraṇāyāśu ghanagarvam anāratam /

ākhur mārjārakeṇeva maraṇenāvalokyate //

Note:

avalokyate kadā etat grase iti dṛśyate ||

garvādiguṇagarbhiṇyā śūnyayāśaktivaśyayā /

annam mahāśaneneva jarasā parijīryate //

Note:

aśaktivaśyayā aśaktigrastayā ||

dinaiḥ katipayair eva parijñāya gatādaram /

durjanaḥ sajjaneneva yauvanenāvamucyate //

Note:

spaṣṭam ||

vināśasuhṛdā nityaṃ jarāmaraṇabandhunā /

rūpaṃ śiḍgavareṇeva kṛtāntenābhilaṣyate //

Note:

spaṣṭam ||

Note:

sargāntaślokena jīvitanindāṃ samāpayati

sthiratayā sukhahāritayā tayā
satatam ujjhitam uttama phalgu ca /

jagati nāsti tathā guṇavarjitam
maraṇamārjitam²⁷⁰ āyur idaṃ yathā //

Note:

uttamety āmantraṇam | phalgu niḥsāram | maraṇena mārjitaṃ saṅkṣiptam | iti śivam ||

MT_1.13

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe trayodaśaḥ sargaḥ ||

Note:

*²⁷¹adhunāhaṅkāranindām prastauti

mudhaivābhyutthito mohān mudhaiva parivardhate /

mithyāmayena bhīto 'smi durahaṅkāraśatruṇā //

Note:

mithyāmayena mithyāsvarūpeṇa ||

ahaṅkāravaśād eva doṣakośaḥ kadarthanām /

dadāti dīnadīnānāṃ saṃsāro vividhākṛtiḥ //

Note:

kadarthanāṃ duḥkham ||

ahaṅkāravaśād āpad ahaṅkārād durādhayaḥ /

ahaṅkāravaśād īhāpy ahaṅkāro mahāmayaḥ //

Note:

īhā bhogārthaṃ ceṣṭā ||

tam ahaṅkāram āśritya paramaṃ ciravairiṇam /

na bhuñje na pibāmy ambhaḥ kim u bhogān bhaje mune //

Note:

spaṣṭam ||

saṃsārarajjur ādīrghā mama cetasi mohinī /

tatāhaṅkāradoṣeṇa kirāteneva vāgurā //

Note:

ahaṅkāradoṣeṇāhaṅkārākhyena doṣeṇa ||

yāni duḥkhāni dīrghāṇi viṣamāṇi mahānti ca /

ahaṅkārāt prasūtāni tāny agāt khadirā iva //

Note:

agāt parvatāt ||

śamendoḥ saiṃhikeyāsyaṃ guṇipadmamahāśanim /

jñānameghaśaratkālam ahaṅkāraṃ tyajāmy aham //

Note:

spaṣṭam ||

Note:

ahaṅkāratyāgam eva karoti

nāhaṃ rāmo na me vāñchā bhāveṣu na ca me manaḥ /

śānta āsitum icchāmi svātmany eva jino yathā //

Note:

dehasyaiva rāmatvāt | mama cinmātratvād iti bhāvaḥ | śāntaḥ ahaṅkārarahitaḥ ||

ahaṅkāravaśād yad yan mayā bhuktaṃ kṛtaṃ hṛtam /

sarvaṃ tat tad avastv eva vastv ahaṅkārariktatā //

Note:

ahaṅkārariktatā ahaṅkārarāhityam ||

aham ity asti ced brahmann aham āpadi duḥkhitaḥ /

sampatsu sukhitas tasmād anahaṅkāritā dhanaḥ //

Note:

dhanayuktasya eva hi āpatsu sampatsu ca duḥkhādisparśo na bhavatīti pūrvavākye²⁷² bhāvaḥ | phalitam āha tasmād iti²⁷³ | tasmāt tato hetoḥ | anahaṅkāritā dhanaḥ dhanam bhavati | dehātmatve niścitaḥ puruṣo hi dehārtham bhogajālam icchan bhogarāhityarūpāyām āpadi duḥkhī bhavati | tatsampattirūpāyāṃ sampadi sukhī bhavati | cinmātrātmatve niścito 'haṃ na tādṛśo bhavāmīti bhāvaḥ²⁷⁴ ||

ahaṅkāram parityājya mune śāntamanās tathā /

avatiṣṭhe gatodvego bhogaughe 'bhaṅgurāspadam //

Note:

avatiṣṭhe tiṣṭhāmi | ahaṅkāraṃ kathambhūtam | bhogaughe bhogasamūhe | abhaṅgurāspadam anaśvarapratiṣṭham ||

brahman yāvad ahaṅkāravāridaḥ pravijṛmbhate /

tāvad vikāsam āyāti tṛṣṇākuṭajamañjarī //

Note:

spaṣṭam ||

ahaṅkāraghane śānte tṛṣṇānavataḍillatā /

śāntadīpaśikhāvṛttyā kvāpi yāsyati satvaram //

Note:

spaṣṭam ||

ahaṅkāramahāvindhye manomattamataṅgajaḥ /

visphūrjati ghanāsphoṭaiḥ stanitair iva vāridaḥ //

Note:

visphūrjati vilasati | ghanāsphoṭaiḥ niviḍakarṇatālaiḥ ||

iha dehamahādaryāṃ²⁷⁵ ghanāhaṅkārakesarī /

yo 'yam ullasati sphāraṃ tenedaṃ jagad ātatam //

Note:

anahaṅkāritve hi sad api jagan nāsti apekṣāviṣayatvābhāvāt ||

tṛṣṇātantulavaprotā bahujanmaparamparā /

ahaṅkārograśiḍgena kaṇṭhe muktāvalī kṛtā //

Note:

śiḍgo hi tantuprotām muktāvalīṃ kaṇṭhe karoti ||

putradārakalatrāṇi tantram mantravivarjitam /

prasāritam aneneha durahaṅkāravairiṇā //

Note:

spaṣṭam ||

pramārjite 'ham ity asmin pade svayam akhidyatā /

pramārjitā bhavanty eva sarvā eva durādhayaḥ //

Note:

spaṣṭam ||

aham ity ambude śānte śanaiḥ suśamaśālini /

manomananasammohamihikā kvāpi gacchati //

Note:

manasaḥ yaḥ mananasammohaḥ mananarūpaḥ | sa eva mihikā nīhāraḥ ||

nirahaṅkāravṛtter me maurkhyāc chokena sīdataḥ /

yat kiñcid ucitam brahmaṃs tad ākhyātum ihārhasi //

Note:

prathamam ahaṅkāraṃ svayam eva tyajāmi | paścāt tvaduktaṃ karomīti bhāvaḥ ||

Note:

sargāntaślokenāhaṅkāranindāṃ samāpayati

sarvāpadāṃ nilayam adhruvam antarastham
unmuktam uttamaguṇena na saṃśrayāmi /

yatnād ahaṅkṛtipadam parito 'tiduḥkham
śeṣeṇa māṃ samanuśādhi mahānubhāva //

Note:

ahaṅkṛtipadam ahaṅkṛtyākhyaṃ sthānam | śeṣeṇeti ahaṅkārāśrayaṇaṃ tyaktvā yat kiñcit samājñāpayasi tat sampādayāmīti bhāvaḥ | ahaṅkāraś ca idantāviṣayatvayogye dehe ahantāviṣayatvasañjananaṃ²⁷⁶ jñeyam | iti śivam ||

MT_1.14

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe caturdaśaḥ sargaḥ ||

Note:

evam ahaṅkāranindāṃ kṛtvā cittanindām prastauti

doṣair jarjaratāṃ yātaṃ satkāryād āryasevitāt²⁷⁷ /

vātāttapiñchalavavac²⁷⁸ cetaś calati cañcalam //

Note:

doṣaiḥ rāgādidoṣaiḥ | satkāryāt calati satkārye sthairyeṇa na tiṣṭhatīty arthaḥ ||

itaś cetaś ca suvyagraṃ vyartham²⁷⁹ evābhidhāvati /

dūrād dūrataraṃ dīnaṃ grāme kauleyako yathā //

Note:

kauleyakaḥ śvā ||

na prāpnoti kvacit kiñcit prāptair api mahādhanaiḥ /

nāntaḥ sampūrṇatām eti karaṇḍaka ivāmbubhiḥ //

Note:

kiñcit prāpto²⁸⁰ hi punaḥ kiñcid api na prārthayed iti bhāvaḥ ||

nityam eva manaḥ śūnyaṃ kadāśāvāgurāvṛtam /

na manāṅ nirvṛtiṃ²⁸¹ yāti mṛgo²⁸² yūthād iva cyutaḥ //

Note:

śūnyaṃ niḥsāram ||

taraṅgataralāṃ²⁸³ vṛttiṃ dadhad ālūnaśīrṇatām /

parityajya kṣaṇam api na mano yāti nirvṛtim //

Note:

ālūnaśīrṇatāṃ hastasparśāsahatvam | maticāñcalyam²⁸⁴ iti yāvat ||

mano mananavikṣubdhaṃ diśo daśa vidhāvati /

mandarāhananodbhūtaṃ kṣīrārṇavapayo yathā //

Note:

mananavikṣubdham bhogānusandhānakṣubdham ||

kallolakalanāvartam māyāmakaramālitam /

na niroddhuṃ samartho 'smi manomohamahārṇavam //

Note:

kallolarūpā yā kalanā saṅkalpaḥ | saivāvartaḥ yasya | tat | māyā viparyayajñānam ||

bhogadūrvāṅkurākāṅkṣī²⁸⁵ śvabhrapātam acintayan /

manohariṇako brahman dūraṃ viparidhāvati //

Note:

spaṣṭam ||

na kadācana me cetas tām ālūnaviśīrṇatām /

tyajaty ākulayā²⁸⁶ vṛttyā²⁸⁷ cañcalatvam ivārṇavaḥ //

Note:

ālūnaviśīrṇatāṃ hastasparśāsahatvaṃ²⁸⁸ | maticāñcalyam²⁸⁹ iti yāvat ||

cetaś cañcalayā vṛttyā cintānicayacañcuram /

dhṛtim badhnāti naikatra kesarī pañjare yathā //

Note:

cintānicayena cintāsamūhena | cañcuraṃ nirbharam ||

mano moharathārūḍhaṃ śarīrāc chamatāsukham /

haraty upagatodyogaṃ haṃsaḥ kṣīram ivāmbhasaḥ //

Note:

spaṣṭam ||

analpakalpanātalpe nilīnāś cittavṛttayaḥ /

munīndra na prabudhyante tena tapto 'ham ākulaḥ //

Note:

kalpanāgrastam²⁹⁰ eva sadāsanmano²⁹¹ 'stīti bhāvaḥ ||

kroḍīkṛtadṛḍhagranthitṛṣṇāsūtrombhitātmanā /

vihago jālakeneva brahman baddho 'smi cetasā //

Note:

granthayo 'tra rāgādirūpā jñeyāḥ ||

satatāmarṣadhūmena cintājvālābilena ca /

vahnineva tṛṇaṃ śuṣkam mune dagdho 'smi cetasā //

Note:

satatam amarṣaḥ krodha eva | dhūmaḥ yasya | tādṛśena ||

krūreṇa jaḍatāṃ yātas tṛṣṇābhāryānugāminā /

śavaḥ kauleyakeneva brahman bhukto 'smi cetasā //

Note:

spaṣṭam ||

taraṅgataralāsphālavṛttinā jaḍarūpiṇā /

taṭavṛkṣa ivaughena brahman nīto 'smi cetasā //

Note:

taraṅgavat taralāsphālā atyantacañcalā | vṛttiḥ yasya | tādṛśena ||

avāntaranipātāya śūnyenākramaṇāya ca /

tṛṇaṃ²⁹² caṇḍānileneva dūre nunno 'smi cetasā //

Note:

avāntareṣu bhogarūpeṣu paramaviśrāntirahiteṣu padeṣu²⁹³ | yaḥ nipātas | tasmai | ākramaṇāya ākramaṇārthaṃ | śūnyeneti manoviśeṣaṇam ||

saṃsārajaladher asmān nityam uttaraṇonmukhaḥ /

setuneva payaḥpūro rodhito 'smi kucetasā //

Note:

spaṣṭam ||

pātālād gacchatā pṛṣṭham pṛṣṭhāt pātālagāminā /

kūpakāṣṭhaṃ kudāmneva veṣṭito 'smi kucetasā //

Note:

spaṣṭam ||

mithyaiva sphārarūpeṇa²⁹⁴ vicāraviśarāruṇā /

bālo vetālakeneva gṛhīto 'smi svacetasā //

Note:

gṛhītaḥ svavaśīkṛtaḥ ||

vahner uṣṇataraḥ²⁹⁵ śailād api kaṣṭatarakramaḥ /

vajrād api dṛḍho brahman durnigrahamanograhaḥ //

Note:

kaṣṭataraḥ kramaḥ ullaṅghanaṃ yasya | saḥ kaṣṭatarakramaḥ | durnigrahaṃ²⁹⁶ duḥkhena nirgrahītuṃ śakyaṃ | yat manaḥ | tasya grahaḥ grahanaṃ | durnigrahamanograhaḥ ||

cetaḥ patati kāryeṣu vihagaś cāmiṣeṣv iva /

kṣaṇena viratiṃ yāti bālaḥ krīḍanakād iva //

Note:

spaṣṭam ||

jaḍaprakṛtir ālolo vitatāvartavṛttimān /

mano'bdhir īhitavyālo dūrān nayati tāta mām //

Note:

jaḍaprakṛtiḥ jaḍasvabhāvaḥ śītaprakṛtiś ca | vitatāvartā eva vṛttayaḥ yasya | saḥ | īhitāni kāṅkṣitāni eva vyālāḥ sarpāḥ | yasya | saḥ | ceṣṭāyuktasarpāś²⁹⁷ ca yasmin | saḥ²⁹⁸ | dūrān nayati nānāviṣayeṣu bhramayati²⁹⁹ ||

Note:

yadīdṛśam manas tavāsti tarhi tasya³⁰⁰ nigrahaṃ kurv ity | atrāha

apy abdhipānān mahataḥ sumerūllaṅghanād³⁰¹ api /

api vahnyaśanāt sādho viṣamaś cittanigrahaḥ //

Note:

spaṣṭam ||

Note:

nanu cittanigraho duḥsādhya³⁰² eva bhavatu | kiṃ tena setsyatīty | atrāha³⁰³

cittaṃ kāraṇam arthānāṃ tasmin sati jagattrayam /

tasmin kṣīṇe jagat kṣīṇaṃ tac cikitsyam prayatnataḥ //

Note:

spaṣṭam ||

cittād imāni sukhaduḥkhaśatāni nūnam
abhyāgatāny agavarād iva kānanāni /

tasmin vivekavaśatas tanutām prayāte
manye mune nipuṇam eva galanti tāni //

Note:

imāni anubhūyamānāni | agavarāt parvataśreṣṭhāt | nipuṇaṃ samyak ||

Note:

sargāntaślokena cittanindāṃ samāpayati

sakalaguṇajayāśā yatra baddhā mahadbhis
tam arim iha vijetuṃ cittam abhyutthito 'ham /

vigataratitayāntar nābhinandāmi lakṣmīṃ³⁰⁴
jaḍamalinaviśālām meghamālām ivenduḥ //

Note:

yatra yasmin manasi | abhyutthitaḥ udyogayukto jātaḥ | iti śivam ||

MT_1.15

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe pañcadaśaḥ sargaḥ ||

Note:

evam manonindāṃ kṛtvā tṛṣṇānindām prastauti

hārdāndhakāraśarvaryā tṛṣṇayeha durantayā /

caranti cetanākāśe doṣakauśikapaṅktayaḥ //

Note:

cetanākāśe cittākāśe | doṣāḥ rāgādayaḥ | yuktaṃ ca śarvaryāṃ kauśikaca-raṇam ||

antardāhapradāyinyā samūḍharasamārdavaḥ /

paṅka ādityadīptyeva śoṣaṃ nīto 'smi cintayā //

Note:

samūḍhaṃ dhṛtaṃ | rasamārdavam āsvādakṛtaṃ jalakṛtaṃ³⁰⁵ ca mārdavaṃ ye-na | saḥ | cintā cātra tṛṣṇā eva jñeyā³⁰⁶ | tṛṣṇāyāḥ³⁰⁷ cintārūpatvānapāyāt | evam uttaratrāpi jñeyam ||

mama cittamahāraṇye vyāmohatimirākule /

śūnye tāṇḍavinī mattā bhṛśam āśā piśācikā //

Note:

āśā tṛṣṇā ||

rajoracitanīhārā kāñcanāvacayojjvalā /

nūnaṃ vikāsam āyāti cintā me 'śokamañjarī //

Note:

nūnaṃ niścaye | cintā aśokamañjarī me vikāsam āyāti | kathambhūtā | rajasā svayam utpāditena lobhena | racitaḥ nīhāraḥ jāḍyaṃ yayā | sā | rajasā parā-geṇa | racitaḥ utpāditaḥ | nīhāraḥ yayā seti ca | kāñcanāvacayena kāñcanasaṅgraheṇa | ujjvalā jvalantī | kāñcanāvacayavat ujjvalā ca ||

alam antar bhramāyaiṣā tṛṣṇā kavalitāśayā /

āyātā vimalollāsam ūrmir ambunidhāv iva //

Note:

antar manasi | bhramāya mithyājñānāya ||

uddāmakallolaravā dehādrau vahatīva me /

taraṅgitatarākārā taratṛṣṇātaraṅgiṇī //

Note:

tarantī cāsau tṛṣṇātaraṅgiṇī taratṛṣṇātaraṅgiṇī ||

vegaṃ saṃroddhum udito vātyayeva³⁰⁸ jarattṛṇam /

nītaḥ kaluṣayā kvāpi dhiyāyaṃ cittacātakaḥ //

Note:

vegaṃ svakīyaṃ vegaṃ | dhiyā tṛṣṇāviṣṭayā buddhyā ||

yāṃ yām aham adhītāsthām āśrayāmi guṇaśriyam /

tāṃ tāṃ kṛntati me tṛṣṇā tantrīm iva kumūṣikā //

Note:

adhītāsthām śikṣitadārḍhyaṃ³⁰⁹ | dṛḍhām iti yāvat ||

payasīva jaratparṇaṃ³¹⁰ vāyāv iva jarattṛṇam /

nabhasīva śaranmeghaś cintācakre bhramāmy aham //

Note:

cintācakre tṛṣṇācakre ||

gantum āspadam ātmīyam asamarthadhiyo³¹¹ vayam /

cintājāle vimuhyāmo jāle śakunayo yathā //

Note:

ātmīyam āspadam paramātmatattvākhyaṃ nijaṃ sthānam ||

tṛṣṇābhidhānayā tāta dagdho 'smi jvālayā tathā /

yathā dāhopaśamanam āśaṅke nāmṛtair api //

Note:

spaṣṭam ||

dūraṃ dūram ito gatvā sametya ca punaḥ punaḥ /

bhramaty āśu diganteṣu tṛṣṇonmattā turaṅgamī //

Note:

spaṣṭam ||

jaḍasaṃsaṅgiṇī³¹² tṛṣṇā kṛtordhvādhogamāgamā /

kṣubdhā granthimatī nityam araghaṭṭograrajjuvat //

Note:

granthimatī rāgādigranthiyuktā ||

antar grathitayā dehe sambhramocchidyamānayā /

rajjvevāśu balīvardas tṛṣṇayā vāhyate janaḥ //

Note:

dehe śarīre | sambhrameṇa na tu yuktyā | ucchidyamānayā nāśayitum ārabdhayā | vāhyate yatra tatra nīyate ||

putradārakalatrāditṛṣṇayā³¹³ nityakṛṣṇayā /

khageṣv iva kirātyeha³¹⁴ jālaṃ lokeṣu racyate //

Note:

putrādibhir eva hi lokaḥ saṃsāre bandham āpnoti ||

bhāyayaty api dhīreham andhayaty api sekṣaṇam /

khedayaty api sānandaṃ tṛṣṇā kṛṣṇeva śarvarī //

Note:

spaṣṭam ||

kuṭilā komalasparśā viṣavaiṣamyaśaṃsinī /

dahaty api manāk spṛṣṭā³¹⁵ tṛṣṇā kṛṣṇeva bhoginī //

Note:

spaṣṭam ||

bhinatti hṛdayam puṃsām māyāmayavidhāyinī /

daurbhāgyadāyinī dīnā tṛṣṇā kṛṣṇeva rākṣasī //

Note:

māyā evāmayaḥ rogas | taṃ karotīti tādṛśī | daurbhāgyadāyinī vaivarṇyakāriṇī ||

tandrātantrīgaṇaṃ kośe dadhānā pariveṣṭitam /

nānande rājate brahmaṃs tṛṣṇājarjaravallakī //

Note:

tandrāḥ viṣayeṣv avasādāḥ | tā eva tantryas | tāsāṃ gaṇas | taṃ pariveṣṭitaṃ samyak baddhaṃ | ānande viśrāntyavasthārūpe ānande nāṭye ca ||

nityam evātimalinā kaṭukonmādaśālinī /

dīrghā tanvī ghanasnehā tṛṣṇāgahvaravallarī //

Note:

tṛṣṇā eva gahvaravallarī śvabhralatā ||

anānandakarī śūnyā niṣphalātyartham unnatā /

amaṅgalakarī krūrā tṛṣṇā kṣīṇeva mañjarī //

Note:

kṣīṇā mañjarī nissārā mañjarī ||

anāvarjitacittāpi sarvam evānudhāvati /

na cāpnoti phalaṃ kiñcit tṛṣṇā jīrṇeva kāminī //

Note:

anāvarjitacittā aramyatvād avaśīkṛtajanahṛdayā ||

saṃsāranṛtte mahati nānārasasamākule /

bhuvanābhogaraṅgeṣu tṛṣṇā jaraḍhanartakī //

Note:

nānārasāḥ sukhādirūpāḥ śṛṅgārādirūpāś ca ||

jarā kusumitā rūḍhā pātotpātaphalāvaliḥ /

saṃsārajaṅgale dīrghe tṛṣṇāviṣalatā tatā //

Note:

rūḍhā prarohaṃ gatā ||

yan na śaknoti tatrāpi dhatte tāṇḍavitāṃ gatim /

nṛtyaty ānandarahitaṃ tṛṣṇā jīrṇeva nartakī //

Note:

spaṣṭam ||

bhṛśaṃ sphurati nīhāre śāmyaty āloka āgate /

duḥkhaugheṣu padaṃ dhatte³¹⁶ tṛṣṇācapalavarhiṇī //

Note:

nīhāre mohe | āloke jñāne ||

jaḍakallolabahalā ciraṃ śūnyatarāntarā /

kṣaṇam ullāsam āyāti tṛṣṇāprāvṛṭtaraṅgiṇī //

Note:

jaḍakallolaiḥ jāḍyarūpaiḥ kallolaiḥ jalakallolaiś ca ||

naṣṭam utsṛjya tiṣṭhantaṃ vṛkṣād vṛkṣam ivā param /

puruṣāt puruṣaṃ yāti tṛṣṇā loleva pakṣiṇī //

Note:

tṛṣṇā naṣṭam puruṣam utsṛjya puruṣāt tasmān naṣṭāt puruṣāt | param anyarūpaṃ | tiṣṭhantaṃ sthitiyuktam | puruṣam ā yāti | kā iva | pakṣiṇīva | yathā pakṣiṇī naṣṭaṃ vṛkṣam parityajya vṛkṣāt tasmāt³¹⁷ naṣṭāt | aparam anyarūpaṃ | tiṣṭhantaṃ vṛkṣaṃ yāti | tathety arthaḥ ||

padaṃ karoty alaṅghye 'pi tṛptāpi phalam īhate /

ciraṃ tiṣṭhati naikatra tṛṣṇācapalamarkaṭī //

Note:

spaṣṭam ||

idaṃ kṛtvedam āyāti sarvam evāsamañjasam /

anārataṃ ca yatate tṛṣṇā ceṣṭeva daivikī //

Note:

daivikī daivasambandhinī³¹⁸ ||

kṣaṇam āyāti pātālaṃ kṣaṇaṃ yāti nabhastalam /

kṣaṇam bhramati dikkuñje tṛṣṇāhṛtpadmaṣaṭpadī //

Note:

spaṣṭam ||

sarvasaṃsāradoṣāṇāṃ³¹⁹ tṛṣṇaikā dīrghaduḥkhadā /

antaḥpurastham api yā yojayaty atisaṅkaṭe //

Note:

doṣāṇām iti nirdhāraṇe ṣaṣṭhī | dīrghaduḥkhatvam evottarārdhena kathayati antaḥpurastham iti ||

prayacchati paraṃ jāḍyam paramālokarodhinī /

mohanīhāragahanā tṛṣṇājaladamālikā //

Note:

spaṣṭam ||

sarveṣāṃ jantujālānāṃ³²⁰ saṃsāravyavahāriṇām /

pariprotamanomālās tṛṣṇā bandhanarajjavaḥ //

Note:

spaṣṭam ||

vicitravarṇā viguṇā³²¹ dīrghā malinasaṃsthitiḥ /

śūnyāśūnyāspadā tṛṣṇā śakrakārmukadharmiṇī //

Note:

malināspadatvaṃ śakrakārmukapakṣe meghāśrayatvena jñeyam ||

aśanir guṇasasyānām phalitā śarad āpade /

himaṃ sampatsarojinyās tamasāṃ dīrghayāminī //

Note:

tṛṣṇā kā | āpade āpadartham | phalitā śarat phalayuktā śarad | āpatpradety arthaḥ ||

saṃsāranāṭakanaṭī kāyālayavihaṅgamī /

mānasāraṇyahariṇī smarasaṅgītavallakī //

Note:

spaṣṭam ||

vyavahārābdhilaharī mohamātaṅgaśṛṅkhalā /

mārganyagrodhasubhagā duḥkhakairavacandrikā //

Note:

mārge nyagrodhacchāyāvat pariṇāmaduḥkhāvahety arthaḥ ||

jarāmaraṇaduḥkhānām ekā ratnasamudgikā /

ādhivyādhivilāsānāṃ nityamattā vilāsinī //

Note:

samudgikā peṭikā ||

kṣaṇam ālokavimalā sāndhakāralavā kṣaṇam /

vyomavīthīsamā tṛṣṇā nīhāragahanā kṣaṇam //

Note:

spaṣṭam ||

gacchatūpaśamaṃ tṛṣṇā kāryavyāyāmaśāntaye /

tamī ghanatamaḥkṛṣṇā yathā rakṣonivṛttaye //

Note:

kāryakṛtaḥ yaḥ vyāyāmaḥ | tasya śāntaye | tamī rātriḥ ||

tāvan muhyaty ayaṃ loko mūko vilulitāśayaḥ /

yāvad evānusandhatte tṛṣṇāviṣaviṣūcikām //

Note:

viṣaviṣūcikā viṣabhakṣaṇakṛto rogaviśeṣaḥ ||

loko 'yam akhilaṃ duḥkhaṃ cintayojjhita ujjhati /

cintāviṣūcikāmantraś cintātyāgo hi kathyate //

Note:

duḥkhaṃ cintāsvarūpaṃ duḥkhaṃ ||

tṛṇapāṣāṇakāṣṭhādi sarvam āmiṣaśaṅkayā³²² /

ādadhānā sphuraty³²³ antas tṛṣṇā matsyī hrade³²⁴ yathā //

Note:

spaṣṭam ||

rogārtir aṅgagā tṛṣṇā gambhīram api mānavam /

uttānatāṃ nayaty āśu sūryāṃśava ivāmbujam //

Note:

uttānatām uttānapāṇitvaṃ | yācakabhāvam iti yāvat ||

aho bata mahac citraṃ tṛṣṇām api mahādhiyaḥ /

duśchedām³²⁵ api kṛntanti vivekenāmalāsinā //

Note:

spaṣṭam ||

nāsidhārā na vajrāgnir na taptāyaḥkaṇārciṣaḥ /

tathā tīkṣṇā yathā brahmaṃs tṛṣṇeyaṃ hṛdi saṃsthitā //

Note:

spaṣṭam ||

kajjalāsitatīkṣṇāgrāḥ snehadīrghadaśāparāḥ /

prakāśā³²⁶ dāhadasparśās tṛṣṇā dīpaśikhā iva //

Note:

kajjalāsitāś ca tāḥ tīkṣṇāgrāś ca | snehaḥ rāgaḥ tailaṃ ca | daśā avasthā vartiś ca ||

api merūpamam prājñam api śūram api sthiram /

tṛṇīkaroti tṛṣṇaikā nimeṣeṇa narottamam //

Note:

tṛṇīkaroti laghūkarotīty arthaḥ ||

vistīrṇagahanā bhīmā ghanajālarajomayī /

sāndhakārogranīhārā tṛṣṇā vindhyamahāṭavī //

Note:

vistīrṇā cāsau gahanā ca | vindhyamahāṭavīpakṣe vistīrṇāni gahanāni yasyāḥ | seti | ghanā cāsau bandhakatvāt jālarūpā ca | tādṛśī cāsau rajomayī ca rajoguṇamayī ca | meghajālena rajasā ca vyāptety³²⁷ aṭavīpakṣe | sāndhakārā ajñānāndhyayuktā | ugranīhārā kaṭhinamohayuktā ||

Note:

sargāntaślokena tṛṣṇānindāṃ samāpayati

ekaiva sarvabhuvanāntaralabdhalakṣyā
durlakṣatām³²⁸ upagataiva puraḥsthiteva /

tṛṣṇā sthitā jagati cañcalavīcimāle
kṣīrārṇavāmbupaṭale madhureva śaktiḥ //

Note:

durlakṣatām upagataivātyantāsattvād iti bhāvaḥ | madhurā śaktiḥ mādhuryākhyo guṇaḥ | iti śivam ||

MT_1.16

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe ṣoḍaśaḥ sargaḥ ||

Note:

*³²⁹evaṃ tṛṣṇānindāṃ kṛtvā śarīranindām prastauti

ārdrāntratantrīgahano vikārī paritāpavān /

dehaḥ sphurati saṃsāre so 'pi duḥkhāya kevalam //

Note:

ārdrā raktārdrāḥ | yāḥ antratantryaḥ³³⁰ | tābhiḥ gahanaḥ durgamaḥ | vikārī rogavān ||

Note:

deham eva vistareṇa viśinaṣṭi³³¹

ajño 'pi tajjñasadṛśo valitātmacamatkṛtiḥ /

yuktyā bhavyo 'py abhavyo me na jaḍo nāpi cetanaḥ //

Note:

ajño 'pi pāṣāṇatulyatvenācetano 'pi | tajjñasadṛśaḥ pramātṛtvena bhāsamānatvāt | valiteti dehāhambhāvanayaiva paramātmacamatkāro vyavadhānaṃ yāti | yuktyā yogādirūpayā yuktyā | bhavyo 'pi śreṣṭho 'pi mokṣasādhanatvāt | me abhavyaḥ maddṛṣṭyābhavyaḥ ||

jaḍājaḍadṛśor madhye dolāyitadurāśayaḥ /

na vivekī na mūḍhātmā moham eva prayacchati //

Note:

jaḍatve pāṣāṇavat³³² ceṣṭāśrayo na syāt | ajaḍatve grāhyatāṃ na yāyād iti bhāvaḥ ||

stokenānandām āyāti stokenāyāti khinnatām /

nāsti dehasamaḥ śocyo nīco guṇabahiṣkṛtaḥ //

Note:

nīco hi stokenānandam āyāti khinnatāṃ cāyāti ||

āgamāpāyinā nityaṃ dantakesaraśālinā /

vikāsismitapuṣpeṇa pratikṣaṇam alaṅkṛtaḥ //

Note:

spaṣṭam ||

bhujaśākhaughanamito³³³ dvijānustambhasusthitaḥ³³⁴ /

locanālivanākrāntaḥ śiraḥpīṭhabṛhatphalaḥ //

Note:

spaṣṭam ||

sravadasrurasasrotā³³⁵ hastapādasupallavaḥ /

gulphavān kāryasaṅghātavihaṅgamatatāspadam //

Note:

kāryasaṅghātavihaṅgamānām tataṃ vistīrṇam | āspadam ||

sacchāyo dehavṛkṣo 'yaṃ jīvapānthagaṇāspadam /

kasyātmīyaḥ kasya para āsthānāsthe kilātra ke //

Note:

āsthānāsthe iti upekṣā evātra yukteti bhāvaḥ ||

bhārasantāraṇārthena gṛhītāyām punaḥ punaḥ /

nāvi dehalatāyāṃ ca kasya syād ātmabhāvanā //

Note:

dehapakṣe bhārasantāraṇārthena saṃsārabhārasamāptaye | dehaṃ vinā hi saṃsāro naśyati ||

dehanāmni vane śūnye bahugartasamākule /

tanūruhāsaṅkhyatarau viśvāsaṃ ko 'dhigacchati //

Note:

gartāḥ atra viṣayāḥ ||

carmasnāyvasthivalite³³⁶ śarīrapaṭahe dṛḍhe /

mārjāravad ahaṃ nāntas tiṣṭhāmy aviratadhvanau //

Note:

snāyavaḥ sūkṣmanāḍyaḥ paṭahāntare | mārjāro hi tatra na tiṣṭhati ||

saṃsārāraṇyasaṃrūḍho vilasaccittamarkaṭaḥ³³⁷ /

cintāmañjarikākāro dīrghaduḥkhaghuṇakṣataḥ //

tṛṣṇābhujaṅgamīdehaḥ kopakākakṛtālayaḥ /

smitapuṣpo drumaḥ śrīmāñ śubhāśubhamahāphalaḥ //

suskandho dorlatājālo hastastabakasundaraḥ /

pavanaspanditāśeṣasvāṅgāvayavapallavaḥ //

sarvendriyakhagādhāraḥ sujānuḥ sutvag unnataḥ /

sarasacchāyayā yuktaḥ kāmapānthaniṣevitaḥ //

mūrdhni sañjanitādīrghaśiroruhatṛṇāvaliḥ /

ahaṅkārajaradgṛddhakulāyasuṣirodaraḥ //

ucchinnavāsanājālamūlatvād durbalākṛtiḥ /

vyāyāmaviramaḥ kāyavṛkṣo 'yaṃ na sukhāya me //

Note:

ahaṅkāra eva gṛddhaḥ | tasya kulāyabhūtaṃ yat suṣiraṃ vivaraṃ | tat udare yasya | tat tādṛśaṃ | durbalākṛtiḥ śithilākṛtiḥ | vāsanayā ahambhāvena gṛhīta eva hi dehaḥ dṛḍhākṛtiḥ bhavati | vyāyāmena āghātena | viramaḥ nāśo yasya | tādṛśaḥ | kulakam³³⁸ ||

kalevaram ahaṅkāragṛhasthasya mahāgṛham /

luṭhatv abhyetu³³⁹ vā sthairyaṃ kim anena mune hi me //

Note:

na hi paragṛhasya luṭhane sthairye vā sukhaduḥkhe yukte iti³⁴⁰ bhāvaḥ ||

paṅktibaddhendriyapaśuṃ valgattṛṣṇāgṛhāṅganam /

rajorañjitasarvāṅgaṃ neṣṭaṃ dehagṛham mama //

Note:

anena dehasya grāmīṇagṛhasadṛśatvam uktam ||

kāṣṭhāsthikāṣṭhasaṅghaṭṭaparisaṅkaṭakoṭaram /

antradāmabhir ābaddhaṃ neṣṭaṃ dehagṛham mama //

Note:

kāṣṭha iti kāṣṭharūpam asthikāṣṭhaṃ | tasya yaḥ saṅghaṭṭaḥ niḥsandhibandham avasthānaṃ | tena parisaṅkaṭaṃ paritaḥ sambādhaṃ | koṭaraṃ³⁴¹ yasya | tādṛśam | antradāmabhir³⁴² antrarajjubhiḥ ||

prasṛtasnāyutantrīkaṃ raktāmbukṛtakardamam³⁴³ /

jarāmakkoladhavalaṃ neṣṭaṃ dehagṛham mama //

Note:

spaṣṭam ||

citrakṛtyabhṛtānantaceṣṭāvaṣṭabdhasaṃsthiti³⁴⁴ /

mithyāmohamahāsthūṇaṃ³⁴⁵ neṣṭaṃ dehagṛham mama //

Note:

citrakṛtyeṣu nānāvidhakāryeṣu³⁴⁶ | bhṛtāḥ dhāritāḥ | yāḥ anantaceṣṭāḥ | tābhir avaṣṭabdhā bharitā | saṃsthitiḥ yasya | tat | gṛhapakṣe citrakṛtyāni ālekhyāni | mithyāmohaḥ mithyājñānam eva mahāsthūṇā yasya | tat tādṛśaṃ | mithyājñānenaiva hi deho dhāryate ||

duḥkhārbhakakṛtākrandaṃ sukhaśayyāmanoharam /

durīhādagdhadāsīkaṃ neṣṭaṃ dehagṛham mama //

Note:

sukhāny eva śayyāḥ | tābhiḥ manoharam | durīhāḥ kutsitāḥ kāṅkṣā³⁴⁷ eva dagdhadāsyaḥ hatadāsyaḥ yasya ||

malāḍhyaviṣayivyūhabhāṇḍopaskarasaṅkaṭam³⁴⁸ /

ajñānakṣāravalitaṃ neṣṭaṃ dehagṛham mama //

Note:

viṣayīṇi indriyāṇi | kṣāram bhasma ||

gulphagulguluviśrāntajānūccastambhamastakam³⁴⁹ /

dīrghadordārusudṛḍhaṃ neṣṭaṃ dehagṛham mama //

Note:

gulguluḥ³⁵⁰ stambhādhārabhūtā śilā ||

prakaṭākṣagavākṣāntaḥ krīḍatprajñāgṛhāṅganam /

cintāduhitṛkam brahman neṣṭaṃ dehagṛham mama //

Note:

spaṣṭam ||

mūrdhajacchādanacchannakarṇaśrīcandraśālikam /

ādīrghāṅguliniryūhaṃ neṣṭaṃ dehagṛham mama //

Note:

channā āvṛtā | candraśālikā śirogṛham | niryūhaḥ bahirgatadāru ||

sarvāṅgakuḍyasañjātaghanaromayavāṅkuram /

saṃśūnyapīṭhapiṭhiraṃ neṣṭaṃ dehagṛham mama //

Note:

pīṭhapiṭhiram³⁵¹ madhyadeśaḥ ||

nakhorṇanābhanilayaiḥ śāram āraṇitāntaram³⁵² /

bhāṅkārakāripavanaṃ neṣṭaṃ dehagṛham mama //

Note:

nilayāḥ³⁵³ ālayāḥ | śāraṃ śavalam ||

praveśanirgamavyagravātavegam anāratam /

vitatākṣagavākṣaṃ ca neṣṭaṃ dehagṛham mama //

Note:

vātaḥ prāṇavātaḥ ||

jihvāmarkaṭikākrāntavadanadvārabhīṣaṇam /

dṛṣṭadantāsthiśakalaṃ neṣṭaṃ dehagṛham mama //

Note:

spaṣṭam ||

tvaksudhālepamasṛṇaṃ yantrasañcāracañcalam /

manomandākhunotkhātaṃ neṣṭaṃ dehagṛham mama //

Note:

yantravad yaḥ sañcāraḥ | tena cañcalam ||

smitadīpaprabhābhāsi kṣaṇam ānandasundaram /

kṣaṇaṃ vyāptam prabhāpūrair³⁵⁴ neṣṭaṃ dehagṛham mama //

Note:

spaṣṭam ||

samastarogāyatanaṃ valīpalitapattanam /

sarvādhisāraṅgavanaṃ neṣṭam mama kalevaram //

Note:

sarvādhaya eva sārangāḥ | teṣāṃ vanam ||

akṣarkṣakṣobhaviṣamā śūnyā niḥsārakoṭarā /

tamogahanahṛtkuñjā neṣṭā dehāṭavī mama //

Note:

akṣāṇi eva ṛkṣās | teṣāṃ yaḥ kṣobhaḥ | tena viṣamā | tamaḥ ajñānam andhakāraṃ ca ||

dehālayaṃ dhārayituṃ na śakto 'smi munīśvara /

paṅkamagnaṃ samuddhartuṃ gajam alpabalo yathā //

Note:

dehālayaṃ dehākhyaṃ gṛham ||

kiṃ śriyā kiṃ ca kāyena kim mānena kim īhayā /

dinaiḥ katipayair eva kālaḥ sarvaṃ nikṛntati³⁵⁵ //

Note:

spaṣṭam ||

raktamāṃsamayasyāsya sabāhyābhyantaram mune /

nāśaikadharmiṇo brūhi keva kāyasya ramyatā //

Note:

nāśasya ekaḥ dharmī nāśaikadharmī | tasya³⁵⁶ ||

maraṇāvasare kāyā jīvaṃ nānusaranti ye /

teṣu tāta kṛtaghneṣu kevāsthā³⁵⁷ vata dhīmataḥ //

Note:

spaṣṭam ||

mattebhakarṇāgracalaḥ kāyo lambāmbubhaṅguraḥ³⁵⁸ /

na santyajati māṃ yāvat tāvad enaṃ tyajāmy aham //

Note:

ahantāviṣayatvenāgrahaṇād iti bhāvaḥ ||

pavanaspandataralaḥ pelavaḥ kāyapallavaḥ /

jarjaras tanuvṛttaś ca neṣṭo 'yaṃ³⁵⁹ kaṭunīrasaḥ //

Note:

tanuś cāsau vṛttaś ca tanuvṛttaḥ ||

bhuktvā pītvā ciraṃ kālam bālapallavapelavam /

tanutām ety ayatnena vināśam anudhāvati //

Note:

ādau tanutām eti | tato 'yatnena vināśam anudhāvati ||

tāny eva sukhaduḥkhāni bhāvābhāvamayāny asau /

bhūyo 'py anubhavan kāyaḥ prākṛto hi na lajjate //

Note:

spaṣṭam ||

suciram prabhutāṃ kṛtvā saṃsevya vibhavaśriyam /

nocchrāyam eti na sthairyaṃ kāyaḥ kim iti pālyate //

Note:

kim iti kimarthaṃ | pālyate rakṣyate ||

jarākāle jarām eti mṛtyukāle tathā mṛtim /

samam eva viśeṣajña kāyo bhogidaridrayoḥ //

Note:

he viśeṣajña | bhogidaridrayoḥ kāyaḥ samam eva nirviśeṣam eva | jarākāle jarām³⁶⁰ eti | tathā mṛtikāle mṛtim eti | ataḥ śarīrabhogasādhanārthaṃ³⁶¹ yatno vyartha eveti bhāvaḥ ||

saṃsārāmbhodhijaṭhare tṛṣṇākuharakāntare /

suptas³⁶² tiṣṭhati mukteho mūko 'yaṃ kāyakacchapaḥ //

Note:

kacchapaḥ kūrmaḥ | kuharakaṃ randhram³⁶³ ||

dahanaikārthayogyāni³⁶⁴ kāyakāṣṭhāni bhūriśaḥ /

saṃsārābdhāv ivohyante kañcit³⁶⁵ teṣu naraṃ viduḥ //

Note:

dahanākhyo yaḥ ekaḥ arthaḥ prayojanaṃ | tatra yogyāni | kañcit jñātajñeyajīvāśrayam ity arthaḥ | teṣu iti nirdhāraṇe saptamī | anye paśava iva iti³⁶⁶ bhāvaḥ ||

dīrghadaurātmyacalayā nipātaphalayānayā /

na dehalatayā kāryaṃ kiñcid asti vivekinaḥ //

Note:

nipātaphalayā nāśaphalayā | vivekinaḥ ātmavicārayuktasya ||

majjan kardamakośeṣu jhagity evaṃ jarāṃ gataḥ /

na jñāyate yāty acirāt kva kathaṃ dehadarduraḥ //

Note:

deha eva darduraḥ³⁶⁷ bhekaḥ ||

niḥsārasakalārambhāḥ kāyāś capalavāyavaḥ /

rajomārgeṇa gacchanto dṛśyante neha kenacit //

Note:

rajomārgeṇa lobhamārgeṇa dhūlimargeṇa ca ||

vāyor dīpasya manaso gacchato jñāyate gatiḥ /

āgacchataś ca bhagavan na śarīraśarasya naḥ //

Note:

naḥ asmatsambandhina ity arthaḥ ||

baddhāśā ye śarīreṣu baddhāśā ye jagatsthitau /

tān mohamadironmattān³⁶⁸ dhig dhig astu punaḥ punaḥ //

Note:

spaṣṭam ||

nāhaṃ dehasya no deho mama nāyam ahaṃ tathā /

iti viśrāntacittā ye te mune puruṣottamāḥ //

Note:

ahaṃ tathā tadvat | ayaṃ deho | nāsmi ||

mānāvamānabahulā bahulābhamanoramāḥ /

śarīramātrabaddhāsthaṃ ghnanti doṣadṛśo naram //

Note:

doṣadṛśaḥ rāgādirūpāḥ | bahulābhamanoramatvam āmukhe jñeyam ||

śarīrasaṅgaśāyinyā piśācyā peśalāṅgayā /

ahaṅkāracamatkṛtyā chalena cchalitā vayam //

Note:

śarīrotsaṅgeti vā pāṭhaḥ ||

prajñā varākī sarvaiva kāyabaddhāsthayānayā /

mithyājñānakurākṣasyā chalitā kaṣṭam ekikā //

Note:

rākṣasī hi ekakam eva cchalayati ||

na kiñcid api yasyāsti³⁶⁹ satyaṃ tena hatātmanā /

citraṃ dagdhaśarīreṇa janatā vipralabhyate //

Note:

kiñcid api vipralambhakaraṇaṃ kim api vastu | vipralabhyate vañcyate ||

dinaiḥ katipayair eva nirjharāmbukaṇo yathā /

pataty ayam ayatnena jarjaraḥ kāyapallavaḥ //

Note:

spaṣṭam ||

kāyo 'yam acirāpāyo budbudo 'mbunidhāv iva /

vyarthaṃ kāryaparāvarte parisphurati niṣphalaḥ //

Note:

kāryaparāvarte saṃsāre ||

mithyājñānavikāre 'smin svapnasambhramapattane /

kāye sphuṭatarāpāye kṣaṇam āsthā na me dvija //

Note:

svapnasambhramapattane svapnasambhramadṛṣṭapattanatulye³⁷⁰ ity arthaḥ ||

taḍitsu śaradabhreṣu gandharvanagareṣu ca /

sthairyaṃ yena vinirṇītaṃ sa viśvasiti vigrahe //

Note:

viśvasiti viśvāsaṃ karoti ||

Note:

sargāntaślokena śarīranindāṃ samāpayati

satatabhaṅgurakāryaparamparā-
vijayi jātajayaṃ śaṭhavṛttiṣu /

sakaladoṣam idaṃ kukalevaraṃ
tṛṇam ivāham upojjhya sukhaṃ sthitaḥ //

Note:

satatabhaṅgurāḥ yāḥ kāryaparamparāḥ | tāsu vijayaḥ asyāstīti tādṛśaṃ | bhaṅgurakāryaparamparāsādhanam iti yāvat | ata eva śaṭhavṛttiṣu kutsitavyāpāreṣu | jātajayam | iti śivam ||

MT_1.17

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe saptadaśaḥ sargaḥ³⁷¹ ||

Note:

*³⁷²evaṃ śarīranindāṃ kṛtvā tatprathamāvasthārūpasya bālyasya nindām prastauti

labdhvāpi taralākāre kāryabhārataraṅgiṇi /

saṃsārasāgare janma bālyaṃ duḥkāya kevalam //

Note:

spaṣṭam ||

Note:

tatkṛtaṃ duḥkham eva vistareṇa kathayati

aśaktir āpadas tṛṣṇā mūkatā mūḍhabuddhitā /

gṛdhnutā lolatā dainyaṃ sarvam bālye pravartate //

Note:

spaṣṭam ||

roṣarodanaraudrīṣu dainyajarjaritāsu ca |

daśāsu bandhanam bālyam ālānaṃ kariṇīṣv iva ||

Note:

daśāsv iti vaiṣayike ādhāre saptamī | badhyate asminn iti bandhanam ||

na mṛtau na jarāroge na cāpadi na yauvane /

tāś cintā na nikṛntanti³⁷³ hṛdayaṃ śaiśaveṣu³⁷⁴ yāḥ //

Note:

jarā eva rogaḥ jarārogas | tasmin ||

tiryagjātisamārambhaḥ sarvair evāvadhīritaḥ /

lolo bālajanācāro maraṇād api duḥkhadaḥ //

Note:

tiryagjātivat samārambhaḥ yasya | saḥ | paśujātitulyasamārambha ity arthaḥ ||

pratibimbaṃ³⁷⁵ ghanājñānāṃ nānāsaṅkalpapelavam /

bālyam ālūnasaṃśīrṇamanaḥ kasya sukhāvaham //

Note:

bālyaṃ kathambhūtam | ālūnasaṃśīrṇam atyantacañcalaṃ | manaḥ yasmin | tat tādṛśam | ghanājñānām atyantajaḍānāṃ | pratibimbaṃ dṛṣṭāntaḥ ||

jaḍaśyāmalayājasraṃ jātabhītyā pade pade /

yad bhayaṃ śaiśave buddhyā kasyām āpadi tad bhavet //

Note:

buddhyā bhayaṃ buddhikṛtam bhayaṃ | na kasyām apīti bhavaḥ ||

līlāsu durvilāseṣu durīhāsu durāśaye /

paramam moham ādatte bālo balavadāpadam //

Note:

durāśaye kutsite citte | mohaṃ kathambhūtam³⁷⁶ balavatī āpad yasmāt | tat tādṛśam ||

vikalpakalilārambhaṃ durvilāsaṃ durāspadam /

śaiśavaṃ śāsanāyaiva puruṣasya na śāntaye //

Note:

śāsanāya māraṇāya³⁷⁷ | śāntaye sukhāya ||

ye doṣā ye durācārā duṣkramā ye durādhayaḥ /

te sarve saṃsthitā bālye durgarta iva kauśikāḥ³⁷⁸ //

Note:

kauśikāḥ ghūkāḥ³⁷⁹ ||

bālyaṃ ramyam iti vyarthabuddhayaḥ kathayanti ye /

tān mūrkhapuruṣān brahman dhig astu hatacetasaḥ //

Note:

spaṣṭam ||

yatra lolākṛti manaḥ parisphurati vṛttiṣu /

trailokyarājyam api tat kathaṃ vahati tuṣṭaye //

Note:

trailokyarājyam api trailokyarājyarūpam api | vahati prabhavati ||

sarveṣām eva sattvānāṃ sarvāvasthāsu caiva hi /

manaś cañcalatām eti bālye daśaguṇaṃ mune //

Note:

tuśabdo 'dhyāhāryaḥ | he mune | bālye tu manaḥ daśaguṇaṃ cañcalatām eti ||

manaḥ prakṛtyaiva calam bālyaṃ ca calatāvaram /

tayoḥ saṃśliṣṭayoḥ tāta kenaivāntaḥ kucāpale //

Note:

calatāyāṃ varam pradhānam | bahucalam ity arthaḥ | he tāta | tayoḥ manobālatayoḥ | saṃśliṣṭayoḥ satyoḥ | kucāpale kenaiva prakāreṇāntaḥ avasānaṃ syāt | na kenāpīty arthaḥ ||

strīlocanais taḍitpuñjair jvālāmālais taraṅgakaiḥ /

cāpalaṃ śikṣitam brahmañ śaiśavān manaso 'tha vā //

Note:

strīlocanādibhyo 'pi śaiśavaṃ calam iti bhāvaḥ ||

śaiśavaṃ ca manaś caiva sarvāsv eva hi vṛttiṣu /

bhrātarāv iva lakṣyete satatam bhaṅgurasthitī //

Note:

bhaṅgurasthitī calasthitī ||

sarvāṇi duṣṭabhūtāni sarve doṣā durāśayāḥ /

bālyam evopajīvanti śrīmantam iva mānavāḥ //

Note:

durāśayāḥ kaṭhināḥ | upajīvanti apekṣante ||

navaṃ navam prītikaraṃ na śiśuḥ pratyahaṃ yadi /

prāpnoti tad asau yāti viṣavegasya mūrchanām //

Note:

navaṃ navaṃ navīnaṃ navīnaṃ vastu ||

stokena vaśam āyāti stokenaiti vikāritām /

amedhya eva ramate bālaḥ kauleyako yathā //

Note:

spaṣṭam ||

ajasram bāṣpavadanaḥ kardamāntar jaḍāśayaḥ /

varṣokṣitasya taptasya sthalasya sadṛśaḥ śiśuḥ //

Note:

kardamāntaḥ kardamamadhye | jaḍaḥ āśayaḥ yasya | saḥ tādṛśaḥ | varṣokṣitaṃ taptasthalam apīdṛśam eva bhavati ||

bhayāhāraparaṃ dīnaṃ yathādṛṣṭābhilāṣi ca /

lolabuddhiḥ vapur dhatte bālo duḥkhāya kevalam //

Note:

spaṣṭam ||

svasaṅkalpābhilaṣitān bhāvān aprāpya taptadhīḥ /

duḥkham ety abalo³⁸⁰ bālo vinikṛtta ivāśaye //

Note:

spaṣṭam ||

durīhālabdhalakṣyāṇi³⁸¹ bahupakṣolvaṇāni³⁸² ca /

bālasya yāni duḥkhāni mune tāni na kasyacit //

Note:

durīhābhis tatkartṛkābhiḥ³⁸³ duśceṣṭābhiḥ | labdhaṃ lakṣyam āspadaṃ yaiḥ | tāni | bahuḥ yaḥ pakṣaḥ svavargaḥ | tena ulvaṇāni³⁸⁴ kaṭhināni | śarāṇām atropamānatvaṃ vyaṅgyam ||

bālo balavatāśvena manorathavilāsinā /

manasā tapyate nityaṃ grīṣmeṇeva vanasthalam //

Note:

aśvenety | atrāśv eveti pāṭhaḥ ||

vidyāgṛhagato bālaḥ parām eti kadarthanām /

ālāna iva nāgendro viṣavaiṣamyabhīṣaṇam //

Note:

spaṣṭam ||

nānāmanorathamayī mithyākalpitakalpanā /

duḥkhāyātyantadīrghāya bālatā pelavāśayā //

Note:

pelavaḥ jaḍaḥ | āśayaḥ³⁸⁵ yasyāṃ | sā³⁸⁶ tādṛśī ||

sambhṛṣṭaṃ tuhinam³⁸⁷ bhoktum indum ādātum ambarāt /

vāñchyate yena maurkhyeṇa³⁸⁸ tat sukhāya katham bhavet //

Note:

sambhṛṣṭam bharjitam ||

antaściter³⁸⁹ aśaktasya śītātapanivāraṇe /

ko viśeṣo mahābuddhe bālasyorvīruhasya ca //

Note:

antaściteḥ³⁹⁰ na tu vikasitaciteḥ³⁹¹ | citiḥ śītātapajñānam ||

uḍḍīnam abhivāñchanti pakṣābhyāṃ kṣutparāyaṇāḥ /

bhayāhāraparā nityam bālā vihagadharmiṇaḥ //

Note:

bhayāhārayoḥ parāḥ bhayāhāraparāḥ ||

śaiśave guruto bhītir mātṛtaḥ pitṛtas tathā /

janato jyeṣṭhabālāc³⁹² ca śaiśavam bhayamandiram //

Note:

jyeṣṭhabālo hi kaniṣṭhabālam parābhavatīti jyeṣṭhabālāc³⁹³ cety uktam ||

Note:

sargāntaślokena bālyanindāṃ samāpayati

sakaladoṣadaśāvihatāśayaṃ
śaraṇam apy avivekavilāsinaḥ /

iha na kasyacid eva mahāmune
bhavati bālyam alam parituṣṭidam //

Note:

aviveka eva vilāsī | tasya śaraṇaṃ gṛham | avivekāspadam ity arthaḥ | apiśabdaḥ pādapūraṇārthaḥ | iti śivam ||

MT_1.18

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe 'ṣṭādaśaḥ sargaḥ ||

Note:

*³⁹⁴evam bālyanindāṃ kṛtvā kramaprāptāṃ yauvananindām prastauti

bālyānartham atha tyaktvā pumān abhihatāśayaḥ /

ārohati nipātāya yauvanaṃ śvabhrasambhramam³⁹⁵ //

Note:

śvabhravat sambhramo yasmiṃs tādṛśam | pātaś cātra jarāgamanarūpaḥ jñeyaḥ³⁹⁶ ||

Note:

tatratyaṃ³⁹⁷ nipātaṃ vistareṇa kathayati

tatrānantavilāsasya lolasya svasya cetasaḥ /

vṛttīr anusaran yāti duḥkhād duḥkhāntaraṃ jaḍaḥ //

Note:

jaḍaḥ na tu jñānī ||

svacittabilasaṃsthena nānāsambhramakāriṇā /

balāt kāmapiśācena vivaśaḥ paribhūyate //

Note:

pūrvaślokasthaṃ tatreti padam atrāpy³⁹⁸ anuvartanīyam ||

cintānāṃ lolavṛttīnāṃ lalanānām ivābhitaḥ /

arpayaty avaśaś ceto jvālānām ātmajo yathā //

Note:

cintānāṃ kuṭumbabharaṇādiviṣayāṇāṃ | yauvane puruṣaḥ yathā lalanānāṃ cetaḥ arpayati tathā cintānām apīti piṇḍārthaḥ | ko yathātmajo bālaḥ yathā | yathā saḥ jvālānāṃ cetaḥ arpayati | tathety arthaḥ ||

te te doṣā durārambhās tatra taṃ tādṛśāśayam /

taruṇam pravilumpanti dṛśyās te naiva ye mune //

Note:

taruṇaṃ yauvanāviṣṭam puruṣam | pravilumpanti viśrānteḥ cyāvayanti | te te ke | he mune | te tava | ye doṣāḥ dṛśyāḥ naiva bhavanti | tebhyo niṣkrāntatvād iti bhāvaḥ | atha vā ye doṣāḥ te naiva nānyena dṛśyāḥ bhavantīti yojyam ||

mahānarakabījena santatabhramadāyinā /

yauvanena na ye naṣṭā naṣṭā nānyena te janāḥ //

Note:

spaṣṭam ||

nānārasamayī cintāvṛttāntanicayombhitā /

bhīmā yauvanabhūr yena tīrṇā dhīraḥ sa ucyate //

Note:

spaṣṭam ||

nimeṣabhāsurākāram ālolaghanagarjitam /

vidyutprakāśam aniśaṃ yauvanam me na rocate //

Note:

spaṣṭam ||

vividhāvartabahulam paṅkalagnaṃ jaḍāśayam /

taraṅgabhaṅguram bhīmaṃ yauvanam me na rocate //

Note:

āvartāḥ kāmavegāḥ | paṅkalagnam pāpagrastam | jaḍaḥ āśayaḥ yasmiṃs | tādṛśam ||

sarvasyāgresaram puṃsaḥ kṣaṇamātramanoharam /

gandharvanagaraprakhyaṃ yauvanam me na rocate //

Note:

sarvasya puṃsa iti jātau³⁹⁹ ekavacanam | agresaram⁴⁰⁰ avyabhicārīty arthaḥ ||

iṣuprapātamātraṃ hi sukhadaṃ duḥkhabhāsuram /

dāhadoṣapradaṃ nityaṃ yauvanam me na rocate //

Note:

iṣuprapātamātraṃ kṣanamātram ity arthaḥ ||

madhuraṃ svādu tiktaṃ ca dūṣaṇaṃ doṣabhūṣaṇam /

surākallolasadṛśaṃ yauvanam me na rocate //

Note:

madhuram āpāte | tiktam pariṇāme ||

asatyaṃ satyasaṅkāśam acirād vipralambhadam /

svapnāṅganāsaṅgasamaṃ yauvanam me na rocate //

Note:

spaṣṭam ||

kṣaṇaprakāśataralam mithyāracitacakrikam /

alātacakrapratimaṃ yauvanam me na rocate //

Note:

spaṣṭam ||

mṛdusphāratarodāram antaḥśūnyaṃ kṣaṇāt kṣatam /

śaradambudasaṅkāśaṃ yauvanam me na rocate //

Note:

spaṣṭam ||

āpātamātraramaṇaṃ sadbhāvarahitāntaram /

veśyāstrīsaṅgamaprakhyaṃ yauvanam me na rocate //

Note:

sadbhāvaḥ sattvaṃ snehaś ca ||

ye kecana durārambhās te sarve sarvaduḥkhadāḥ⁴⁰¹ /

tāruṇye sannidhiṃ yānti mahotpātā⁴⁰² iva⁴⁰³ kṣaye //

Note:

spaṣṭam ||

hārdāndhakārakāriṇyā bhairavākāravān api /

yauvanākārayāminyā bibheti bhagavān api //

Note:

hārdaṃ hṛtsambandhi | andhakāraṃ karotīti tādṛśyā | bhagavān śrīmahādevaḥ | anyeṣāṃ tu kā kathety apiśabdābhiprāyaḥ ||

suvismṛtaśubhācāram buddhivaidhuryadāyinam /

dadāty atitarām eṣa bhramaṃ yauvanavibhramaḥ //

Note:

suvismṛtaḥ śubhācāraḥ yasmiṃs | tam ||

kāntāviyogajātena hṛdi durdharṣavahninā /

yauvane dahyate jantus tarur dāvāgninā yathā //

Note:

durdharṣavahninā durnivāryeṇa kāmāgninā ||

vistīrṇāpi prasannāpi pāvany api hi yauvane /

matiḥ kaluṣatām eti prāvṛṣīva taraṅgiṇī //

Note:

spaṣṭam ||

śakyate ghanakallolabhīmā rodhayituṃ nadī /

na tu tāruṇyataralā tṛṣṇātaralitāntarā //

Note:

tāruṇyataralety anena yauvananindaiveyaṃ jñātavyā ||

sā kāntā tau stanau pīnau te vilāsās tad ānanam /

tāruṇya iti cintābhir yāti jarjaratāṃ janaḥ //

Note:

tāruṇye yauvane ||

tarattaralatṛṣṇārtaṃ yuvānam iha sādhavaḥ /

pūjayanti na tucchehaṃ jarattṛṇalavaṃ yathā //

Note:

tarantī cañcalatāṃ gacchantī | yā taralā tṛṣṇā | tayā ārtaṃ dīnaṃ ||

nāśāyaiva madāndhasya doṣamauktikadhāriṇaḥ /

abhimānamahebhasya nityālānaṃ hi yauvanam //

Note:

doṣāḥ rāgādayaḥ | abhimāna evāhaṅkāra⁴⁰⁴ eva mahebhas | tasya ||

manovipulamūlānāṃ doṣāśīviṣadhāriṇām /

roṣarodanavṛkṣāṇāṃ yauvanaṃ navakānanam //

Note:

roṣeṇa yāni rodanāni | tāny eva vṛkṣās | teṣām ||

rasakesarasambādhaṃ kuvikalpadalākulam /

duścintācañcarīkāṇām puṣkaraṃ viddhi yauvanam //

Note:

tvaṃ yauvanaṃ | duścintāḥ eva bhogaviṣayāḥ kucintā eva | cañcarīkāḥ bhramarāḥ | teṣām puṣkaram ādhārabhūtam padmaṃ | viddhi jānīhi | kathambhūtam | rasāḥ viṣayāsvādā eva | kesarāḥ kiñjalkās | taiḥ sambādhaṃ saṅkaṭaṃ | tathā⁴⁰⁵ kuvikalpāḥ kutsitāḥ vikalpā eva dalāni | taiḥ ākulaṃ nirbharitam ||

kṛtākṛtakupakṣāṇāṃ hṛtsarastīracāriṇām /

ādhivyādhivihaṅgānām ālayo navayauvanam //

Note:

kṛtākṛtau vihitāvihitau eva | kupakṣau yeṣāṃ | tādṛśānām | vihitasyāpi dharmākhyaśuddhāśuddhivyutthāpakatvena kṛtākṛtety uktam ||

jaḍānāṃ gatasaṅkhyānāṃ kallolānāṃ vilāsinām /

anapekṣitamaryādo vāridhiḥ pūrṇayauvanam //

Note:

anapekṣitamaryādaḥ maryādarahita ity arthaḥ ||

sarveṣāṃ guṇaparṇānām apanetuṃ rajastataḥ /

apanetuṃ sthito dakṣo viṣamo yauvanānilaḥ //

Note:

apanetuṃ sthitaḥ sarvāpanayanaśīlaḥ | rajasā rajoguṇena dhūlyā ca | tataḥ vyāptaḥ | viṣamaḥ yauvanānilaḥ sarveṣāṃ guṇaparṇānām apanetuṃ dūrīkartuṃ | dakṣaḥ bhavati ||

nayanti pāṇḍutāṃ vaktram⁴⁰⁶ ākulāvakarotkaṭāḥ /

ārohanti parāṃ koṭiṃ rūkṣā yauvanapāṃsavaḥ //

Note:

ākulaḥ cañcalaḥ | yaḥ avakaraḥ saṅkaraḥ | marjanīsaṅkṣiptaṃ⁴⁰⁷ raja iti yāvat | tadvat utkaṭāḥ udbhaṭāḥ ||

udbodhayati doṣālīṃ nikṛntati⁴⁰⁸ guṇāvalim /

narāṇāṃ yauvanollāso vilāso duṣkṛtaśriyāḥ //

Note:

spaṣṭam ||

śarīrapaṅkajarajaś⁴⁰⁹ cañcalām⁴¹⁰ matiṣaṭpadīm /

nibadhya mohayaty eṣa naraṃ yauvanacandramāḥ //

Note:

yauvanavaśenaiva puruṣaḥ śarīrāsakto bhavatīti bhāvaḥ ||

śarīraṣaṇḍakodbhūtā ramyā yauvanavallarī /

lagnam eva manobhṛṅgam madayaty unnatiṃ gatā⁴¹¹ //

Note:

spaṣṭam ||

śarīramarutāpotthāṃ yuvatām mṛgatṛṣṇikām /

manomṛgāḥ pradhāvantaḥ patanti viṣamāṭavīm⁴¹² //

Note:

śarīram eva maruḥ | tatra tāpotthāṃ śarīramarutāpotthāṃ | viṣamāṭavīṃ strītyādiviṣayarūpaṃ viṣamāraṇyam ||

śarīraśarvarījyotsnā cittakesariṇaḥ⁴¹³ saṭā /

laharī jīvitāmbhodher yuvatā me na rocate //

Note:

spaṣṭam ||

dināni katicid yeyam phalitā dehajaṅgale /

yuvatāśarad asyāṃ hi na samāśvāsam arhatha //

Note:

phalitā kāntābhogādiphalayuktā ||

jhagity eṣa prayāty eva śarīrād yuvatākhagaḥ /

kṣaṇenaivālpabhāgyasya hastāc cintāmaṇir yathā //

Note:

spaṣṭam ||

yadā yadā parāṃ koṭim abhyārohati yauvanam /

valganti sarasāḥ kāmās tadā nāśāya kevalam //

Note:

sarasāḥ viṣayarasapūrṇāḥ | kāmāḥ abhilāṣāḥ ||

tāvad eva vivalganti rāgadveṣapiśācikāḥ /

nāstam eti samastaiṣā yāvad yauvanayāminī //

Note:

spaṣṭam ||

nānādhikārabahale varāke kṣaṇanāśini /

kārunyaṃ kuru tāruṇye mriyamāṇe sute yathā //

Note:

spaṣṭam ||

harṣam āyāti yo mohāt puruṣaḥ kṣaṇabhaṅginā /

yauvanena mahāmugdhaḥ sa vai naramṛgaḥ smṛtaḥ //

Note:

spaṣṭam ||

mānamohamadonmattaṃ yauvanaṃ yo 'bhilaṣyati /

acireṇa sudurbuddhiḥ paścāttāpena yujyate //

Note:

paścāttāpena tannāśakṛtena ity⁴¹⁴ arthaḥ ||

te dharmyās te mahātmānas ta eva puruṣā bhuvi /

ye sukhena samuttīrṇāḥ sādho yauvanasaṅkaṭāt //

Note:

spaṣṭam ||

sukhena tīryate 'mbhodhir utkṛṣṭamakarākaraḥ /

na kallolavanollāsi sadoṣaṃ hatayauvanam //

Note:

spaṣṭam ||

Note:

sargāntaślokena yauvananindāṃ samāpayati

vinayabhūṣitam āryajanāspadaṃ
karuṇayojjvalam āvalitaṃ guṇaiḥ /

iha hi durlabham aṅga suyauvanaṃ
jagati kānanam ambaragaṃ yathā //

Note:

etādṛśaṃ yauvanam praśastam eveti bhāvaḥ | iti śivam ||

MT_1.19

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe ekonaviṃśaḥ sargaḥ ||

Note:

*⁴¹⁵evaṃ yauvananindāṃ sampādya tatprasaṅgena strīnindām prastauti

māṃsaputtalikāyāś ca yantralolāṅgapañjare /

snāyvasthigranthiśālinyāḥ striyāḥ⁴¹⁶ kim iva śobhanam //

Note:

puttalikāyāḥ putrikāyāḥ | yantravat lolaṃ yat aṅgapañjaraṃ | tasmin | putrikāpi yantrasthā bhavati | na hi kiñcid api striyāḥ śobhanam iti bhāvaḥ ||

tvaṅmāṃsaraktabāṣpāsru pṛthak kṛtvā vilocanam /

samālokaya ramyaṃ cet kim mudhā parimuhyasi //

Note:

sarvāṅgānām upalakṣaṇam etat ||

itaḥ keśā ito raktam itīyam pramadātanuḥ /

kim etayā ninditayā karotu vipulāśayaḥ //

Note:

vipulāśayasyātra ratir na yukteti bhāvaḥ ||

vāsovilepanair yāni lālitāni⁴¹⁷ punaḥ punaḥ /

tāny aṅgāny avalumpanti⁴¹⁸ kravyādāḥ sarvadehinām //

Note:

ataḥ strīṇām api kravyādā avalumpantīti⁴¹⁹ bhāvaḥ ||

meroḥ śṛṅgataṭollāsigaṅgājalarayopamā /

dṛṣṭā yasmin stane muktā hārasyollāsaśālinaḥ //

śmaśāneṣu diganteṣu sa eva lalanāstanaḥ /

śvabhir āsvādyate kāle laghupiṇḍa ivāndhasaḥ //

Note:

spaṣṭam | yugmam ||

raktamāṃsādidigdhāni karabhasya yathā vane /

tathaivāṅgāni kāminyās tat praty api hi ko grahaḥ //

Note:

spaṣṭam ||

āpātaramaṇīyatvaṃ kalpyate kevalaṃ striyāḥ /

manye tad api nāsty atra mune mohaikakāraṇe //

Note:

atra strīśarīre ||

vipulollāsadāyinyā madonmathanapūrvakam /

ko viśeṣo vikāriṇyā madirāyā iha striyāḥ⁴²⁰ //

Note:

madirāyā iti pañcamī ||

lalanālānasaṃlīnā mune mānavadantinaḥ /

prabodhaṃ nādhigacchanti dīrghair api śamāṅkuśaiḥ //

Note:

spaṣṭam ||

keśakajjaladhāriṇyas tīkṣṇāḥ prakṛtitaḥ sadā /

duṣkṛtāgniśikhā nāryo dahanti tṛṇavan naram //

Note:

spaṣṭam ||

te vandyās te mahātmānas ta eva puruṣā bhuvi /

ye sukhena samuttīrṇāḥ sādho yauvatasaṅkaṭāt //

Note:

yauvatasaṅkaṭāt strīsamūhākhyāt ||

jvalatām atidūre 'pi sarasā api nīrasam /

striyo hi narakāgnīnāṃ dāru cāru ca dāruṇam //

Note:

sarasā api striyaḥ nīrasaṃ dāru bhavantīti virodhābhāsaḥ ||

kīrṇāndhakārakavarī tarattārakalocanā /

pūrṇendubimbavadanā kumudotkarahāsinī //

līlāvilolapuruṣā⁴²¹ kāryasaṃhārakāriṇī /

paraṃ vimohanam buddheḥ kāminī dīrghayāminī //

Note:

spaṣṭam ||

puṣpābhirāmamadhurā karapallavalāsinī /

bhramarabhrūvilāsāḍhyā stabakastanadhāriṇī //

puṣpakesaragaurāṅgī naramāraṇatatparā /

dadāty uttamavaivaśyaṃ kāntā viṣamahālatā //

Note:

spaṣṭam ||

sītkārocchvāsamātreṇa bhujaṅgadalanotkayā /

kāntayoddhriyate jantuḥ kariṇyevorago bilāt //

Note:

bhujaṅgāḥ viṭāḥ sarpāś ca | uddhriyate ākṛṣyate ||

kāmanāmnā kirātena vikīrṇā⁴²² mugdhacetasām /

nāryo naravihaṅgānām aṅgabandhanavāgurāḥ //

Note:

spaṣṭam ||

lalanāvipulālāne manomattamataṅgajaḥ /

ratiśṛṅkhalayā brahman baddhas tiṣṭhati mūkavat //

Note:

spaṣṭam ||

janmapalvalamatsyānāṃ karmakoṭaravāriṇām /

puṃsāṃ durvāsanārajjur nārī baḍiśapiṇḍikā //

Note:

baḍiśe⁴²³ hi matsyagrahaṇārtham annādipiṇḍikā sthāpyate ||

mandureva turaṅgānām ālānam iva dantinām /

puṃsām abjam ivālīnām bandhanaṃ vāmalocanāḥ //

Note:

spaṣṭam ||

nānārasamayī citrā bhogabhūmir iyam mune /

striyam āśritya saṃyātā parām iha hi saṃsthitim //

Note:

spaṣṭam ||

sarveṣāṃ doṣaratnānāṃ susamudgikayānayā /

duḥkhaśṛṅkhalayā nityam alam astu mama striyā //

Note:

alam astu dūre bhavatu ||

kiṃ stanena kim akṣṇā⁴²⁴ vā kiṃ nitambena kim bhruvā /

māṃsamātraikasāreṇa karomy aham avastunā //

Note:

spaṣṭam ||

ito māṃsam ito raktam ito 'sthīni ca vāsaraiḥ /

brahman katipayair eva yāti strī viśarārutām //

Note:

itiśabda adhyāhāryaḥ ||

yās tā niṣparuṣais tūlair lālitāḥ patibhiḥ striyaḥ /

tā mune pravibhaktāṅgyaḥ⁴²⁵ svapanti pitṛbhūmiṣu //

Note:

niṣparuṣaiḥ komalaiḥ | tūlaiḥ tūlavikāraiḥ śayanīyaiḥ | pitṛbhūmiṣu śmaśāneṣu ||

yasmin ghananavasneham mukhe pattrāṅkuraśriyaḥ⁴²⁶ /

kāntena racitā brahmañ śīryate tat tu⁴²⁷ jaṅgale //

Note:

ghanaḥ⁴²⁸ navaḥ snehaḥ yatra | tat | kriyāviśeṣaṇam etat ||

keśāḥ śmaśānavṛkṣeṣu yānti cāmaraleśatām /

asthīny uḍuvad ābhānti dinair avanimaṇḍale //

Note:

dinaiḥ svalpakālenety arthaḥ ||

pibanti pāṃsavo raktaṃ kravyādāś cāpy anekaśaḥ /

carmānalaśikhā bhuṅkte khaṃ yānti prāṇavāyavaḥ //

ity eṣā lalanāṅgānām acireṇaiva bhāvinī /

sthitir mayā vaḥ kathitā kim bhrāntim anudhāvatha //

Note:

spaṣṭam ||

bhūtapañcakasaṅghaṭṭasaṃsthānaṃ lalanābhidham /

rasād abhivahatv etat kathaṃ nāma dhiyānvitaḥ //

Note:

bhūtapañcakasya yaḥ saṅghaṭṭaḥ | tasya saṃsthānaṃ racanāviśeṣaḥ | rasād abhilāṣāt | abhivahatu anuyātu ||

śākhāvitānagahanā kaṭvamlaphalaśālinī /

pratānottālatām eti cintā kāntānusāriṇī //

Note:

vitānaṃ samūhaḥ | pratānair upaśākhābhir | yā uttālatā udbhaṭatā | tām | kāntānusāriṇī kāntāviṣayā | kāntānusāriṇī cintā atyantaṃ⁴²⁹ ghanībhavatīti bhāvaḥ ||

śocyatām paramām eti taruṇas taruṇīrataḥ /

nibaddhaḥ kariṇīlobhād vindhyakhāte yathā dvipaḥ //

Note:

spaṣṭam ||

yasya strī tasya bhogecchā niḥstrīkasya na bhogabhūḥ /

striyaṃ tyaktvā jagat tyaktaṃ jagat tyaktvā sukhī bhavet //

Note:

bhogeṣu stryādirūpeṣu | bhogabhūḥ bhogecchā ||

Note:

sargāntaślokena strīnindāṃ samāpayati

āpātamātramadhureṣu duruttareṣu
bhogeṣu nāham alipakṣatipelaveṣu⁴³⁰ /

brahman rame⁴³¹ maraṇarogajarādibhītyā
śāmyāmy aham param upaimi vanam prayatnāt //

Note:

spaṣṭam | iti śivam ||

MT_1.20

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe viṃśaḥ sargaḥ ||

Note:

*⁴³²evaṃ prasaṅgāyātāṃ strīnindāṃ⁴³³ kṛtvā prakaraṇaprāptaṃ jarānindām prastauti

aparyāptaṃ hi bālatvam bālyam pibati yauvanam /

yauvanaṃ ca jarā paścāt paśya karkaśatām mithaḥ //

Note:

pibati grasate ||

himāśanir ivāmbhojaṃ vātyeva śaradambudam /

dehaṃ jarā jarayati sarit tīrataruṃ yathā //

Note:

jarayati jīrṇatāṃ nayati ||

śithilādīrghasarvāṅgaṃ⁴³⁴ jarājīrṇakalevaram /

samam paśyanti kāminyaḥ puruṣaṃ karabhaṃ tathā //

Note:

tathāśabdaḥ samuccaye ||

śvāsāyāsakadarthinyā⁴³⁵ gṛhīte jarasā jane /

palāyya gacchati prajñā sapatnyeva hatāṅganā //

Note:

śvāsāyāsaiḥ kadarthayatīti tādṛśyā ||

dāsāḥ putrāḥ striyaś caiva bāndhavāḥ suhṛdas tathā /

hasanty unmattakam iva naraṃ vārdhakakampitam //

Note:

spaṣṭam ||

duṣprajñaṃ jaraḍhaṃ dīnaṃ hīnaṃ guṇaparākramaiḥ /

gṛdhro⁴³⁶ vṛkṣam ivādīrghaṃ gardho hy abhyeti vṛddhatām //

dainyadoṣamayī dīrghā hṛdi dāhapradāyinī /

sarvāpadām ekasakhī vardhate vārdhake spṛhā //

Note:

ādīrghaṃ samantād dīrgham | gardhaḥ lobhaḥ | abhyeti āśrayati | vṛddhatām vārdhakam⁴³⁷ | yugmam ||

kartavyaṃ kim mayā kaṣṭam paratrety atidāruṇam /

apratīkārayogyaṃ hi vārdhake vardhate bhayam //

Note:

spaṣṭam ||

ko 'haṃ varākaḥ kim iva karomi katham eva vā /

tiṣṭhāmi maunam eveti dīnatodeti vārdhake //

Note:

spaṣṭam ||

gardho 'bhyudeti sollāsam upabhoktuṃ na śakyate /

hṛdayaṃ dahyate nūnaṃ śaktidausthyena vārdhake //

Note:

gardhaḥ upabhogalobhaḥ | sollāsam iti kriyāviśeṣaṇam ||

jarājīrṇabakī⁴³⁸ yāvat kāsakreṅkārakāriṇī /

rauti rogoragākīrṇā kāyadrumaśiraḥsthitā //

tāvad āgata evāśu kuto 'pi paridṛśyate /

ghanāndhatimirākāṅkṣī mune maraṇakauśikaḥ //

Note:

kāsaḥ⁴³⁹ rogaviśeṣaḥ ||

sāyaṃsandhyāprajātaiva tamaḥ samanudhāvati /

jarā vapuṣi dṛṣṭaiva mṛtiṃ samanudhāvati⁴⁴⁰ //

Note:

spaṣṭam ||

jarākusumitaṃ dehadrumaṃ dṛṣṭvaiva dūrataḥ /

mṛtibhṛṅgī drutam brahman narasyāyāti sūtsukā //

Note:

suṣṭhu⁴⁴¹ utsukā sūtsukā ||

śūnyaṃ nagaram ābhāti⁴⁴² bhāti cchinnalato drumaḥ /

bhāty anāvṛṣṭimān deśo na jarājarjaraṃ vapuḥ //

Note:

śūnyanagarādibhyo 'pi aśubham eva vṛddhatvam iti bhāvaḥ ||

kṣaṇān nigiraṇāyaiva kāsakvaṇitakāriṇī /

gṛdhrīvāmiṣam⁴⁴³ ādatte⁴⁴⁴ tarasaiva naraṃ jarā //

Note:

spaṣṭam ||

dṛṣṭvaiva sūtsukevāśu pragṛhya śirasi kṣaṇāt /

pralunāti jarā dehaṃ kumārī kairavaṃ yathā //

Note:

spaṣṭam ||

sītkārakāriṇī pāṃsuparuṣā parijarjaram /

śarīraṃ śātayaty eṣā vātyeva tarupallavam //

Note:

eṣā jarā | jarāgṛhītaḥ vātagṛhītaś ca puruṣaḥ sītkāraṃ karoti ||

jarasopahato deho dhatte jarjaratāṃ gataḥ /

tuṣāranikarākīrṇaparimlānāmbujaśriyam⁴⁴⁵ //

Note:

spaṣṭam ||

jarājyotsnoditaiveyaṃ śiraḥśikharipṛṣṭhataḥ /

vikāsayati saṃrabdhavātāṃ kāsakumudvatīm //

Note:

saṃrabdhaḥ ārabdhaḥ | vātaḥ vātarogaḥ yayā | sā | tām ||

paripakvaṃ samālokya jarākṣāravidhūsaram /

śiraḥkuṣmāṇḍakam⁴⁴⁶ bhuṅkte puṃsaḥ kālaḥ kileśvaraḥ //

Note:

śira eva kuṣmāṇḍakam phalaviśeṣaḥ ||

jarājahnusutodyuktā mūlāny asya nikṛntati /

śarīratīravṛkṣasya calasyāyūṃṣi satvaram //

Note:

udyuktā pravṛttā | āyūṃṣi mūlāni āyurākhyāni mūlāni ||

jarāmārjārikā bhuktayauvanākhutayendhitā⁴⁴⁷ /

param ullāsam āyāti śarīrāmiṣagardhinī //

Note:

spaṣṭam ||

kācid asti jagaty asmin nāmaṅgalakarī tathā /

yathā jarākrośakarī dehajaṅgalajambukī //

Note:

spaṣṭam ||

kāsaśvāsasasītkārā duḥkhadhūmatamomayī /

jarājvālā jvalaty eṣā yayāsau dagdha eva hi //

Note:

asau vṛddhaḥ ||

jarasā⁴⁴⁸ vakratām eti śuklāvayavapallavā /

tāta tanvī tanur nṝṇāṃ latā puṣpānatā yathā //

Note:

spaṣṭam ||

jarākarpūradhavalaṃ dehakarpūrapādapam /

mune maraṇamātaṅgo nūnam uddharati kṣaṇāt //

Note:

spaṣṭam ||

maraṇasya mune rājño jarādhavalacāmarā /

āgacchato 'gre niryāti svādhivyādhipatākinī //

Note:

spaṣṭam ||

na jitāḥ śatrubhiḥ saṅkhye ye niṣpiṣṭādrikoṭayaḥ /

te jarājīrṇarākṣasyā paśyāśu vijitā mune //

Note:

spaṣṭam ||

jarātuṣāradhavale śarīrasadanāntare /

śaknuvanty akṣaśiśavaḥ spandituṃ na manāg api //

Note:

akṣaśiśavaḥ indriyabālakāḥ ||

saṃsārasaṃsṛter asyā gandhakuṭyāḥ śirogatā /

dehayaṣṭyā jarānāmnī cāmaraśrīr virājate //

Note:

gandhakuṭyāḥ śirasi cāmaraṃ sthāpyate | ghaṭakuṭyā iti vā pāṭhaḥ ||

jarācandrodayasite śarīranagare sthite /

kṣaṇād vikāsam āyāti mune maraṇakairavam //

Note:

spaṣṭam ||

jarāsudhālepasite śarīrāntaḥpurāntare /

aśaktir ādhir ārtiś ca tiṣṭhanti sukham aṅganāḥ //

Note:

spaṣṭam ||

abhāvāgre sarā yatra jarā jayati jantuṣu /

kas tatreha samāśvāso mama mandamater mune //

Note:

abhāvasya maraṇasyāgre sarā ||

Note:

sargāntaślokena jarānindāṃ samāpayati

kiṃ tena durjīvitadurgraheṇa⁴⁴⁹
jarāṃ gatenāpi hi jīvyate yat /

jarā jagatyām ajitā narāṇāṃ
sarvaiṣaṇās tāta tiraskaroti //

Note:

tena prasiddhena | durjīvitadurgraheṇa kutsitajīvitākhyena duṣṭagraheṇa | jarāgatenāpi satā⁴⁵⁰ kiṃ jīvyate kimarthaṃ jīvyate | vyarthaṃ jīvyate iti yāvat | hi niścaye | he tāta | yad yasmāt kāraṇāt | jagatyāṃ jagati | ajitā jarā narāṇāṃ sarvaiṣaṇāḥ samastāḥ⁴⁵¹ ceṣṭāḥ | tiraskaroti nayati | iti śivam ||

MT_1.21

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe ekaviṃśaḥ sargaḥ ||

Note:

*⁴⁵²evaṃ jarānindāṃ kṛtvā kālanindām⁴⁵³ prastauti

vikalpakalpanānalpakalpitair alpabuddhibhiḥ /

bhedair uddharatāṃ nītaḥ saṃsārakuhakabhramaḥ //

Note:

bhedaiḥ kathambhūtaiḥ | vikalpakalpanābhiḥ analpam atyantaṃ | kalpitaiḥ | asatyabhūtair ity arthaḥ | saṃsāra eva kuhakabhramaḥ mithyābhramaḥ ||

satāṃ katham ivāstheha jāyate jālapañjare /

bālā evāttum icchanti phalam makurabimbitam //

Note:

iha jālapañjare indrajālapañjararūpe saṃsāre ity arthaḥ | bhāmetivat prayogaḥ⁴⁵⁴ | attum bhakṣitum ||

ihāpi vidyate yaiṣā pelavā sukhabhāvanā /

ākhus tantum ivāśeṣaṃ kālas tām api kṛntati //

Note:

aśeṣam iti kriyāviśeṣaṇam | tāṃ sukhabhāvanām ||

na tad astīha yad ayaṃ kālas sakalaghasmaraḥ /

grasate na jagajjātam mahābdhim iva vāḍavaḥ //

Note:

spaṣṭam ||

samastasāmānyatayā bhīmaḥ kālo maheśvaraḥ /

dṛśyasattām imāṃ sarvāṃ kavalīkartum udyataḥ //

Note:

spaṣṭam ||

mahatām api no devaḥ pratipālayati kṣaṇāt /

kālaḥ kavalitānantaviśvo viśvātmatāṃ gataḥ //

Note:

no pratipālayati na pratīkṣate | viśvātmatāṃ vyāpakatāṃ ||

yugavatsarakalpākhyaiḥ kiñcit prakaṭatāṃ gataḥ /

rūpair alakṣyarūpātmā sarvam ākramya tiṣṭhati //

Note:

sūryavārādivaśena jñātair iti śeṣaḥ ||

ye ramyā ye śubhārambhāḥ sumeruguravo 'pi ye /

kālena vinigīrṇās⁴⁵⁵ te karabheṇeva⁴⁵⁶ pallavāḥ //

Note:

spaṣṭam ||

nirdayaḥ kaṭhinaḥ krūraḥ karkaśaḥ kṛpaṇo 'dhamaḥ /

na tad asti yad adyāpi na kālo nigiraty ayam //

Note:

paunaruktyaprayogaḥ⁴⁵⁷ krodhāveśabāhulyaṃ sūcayati ||

kālaḥ kavalanaikāntamatir atti girīn api /

anantair api bhogaughair nāyaṃ tṛpto mahāśanaḥ //

Note:

mahāśanaḥ bahvāśī⁴⁵⁸ ||

haraty ayaṃ nāśayati karoty atti nihanti ca /

kālaḥ saṃsāranṛtye⁴⁵⁹ hi nānārūpair yathā naṭaḥ //

Note:

spaṣṭam ||

bhinatti pravibhāgastho bhūtabījāny anāratam /

jagaty asattayā cañcvā dāḍimāni yathā śukaḥ //

Note:

pravibhāge tiṣṭhatīti tādṛśaḥ | pravibhāgakārīty arthaḥ ||

śubhāśubhaviṣāṇāgravilūnajanapallavaḥ /

sphūrjati sphītajanatājīvarājīvinīgajaḥ //

Note:

sphītā⁴⁶⁰ sphāratvaṃ gatā | jīvarājīvinī jīvayuktā padminī ||

viriñcamajjabrahmāṇḍabṛhadvilvaphaladrumam /

brahmakānanam ābhogi param āvṛtya tiṣṭhati //

Note:

brahmāṇḍe hi viriñca eva sārabhūto bhavatīti viriñcamajjety uktaṃ | āvṛtya ācchādya | etena brahmaṇy api kālasparśa uktaḥ ||

yāminībhramarīpūrṇā racayan dinamañjarīḥ /

varṣakalpakalāvallīr na kadācana khidyate //

Note:

kāla iti śeṣaḥ | kālaḥ kiṃ kurvan | varṣakalpakalāvallī racayann iti yojyam ||

bhidyate nāvabhagno 'pi dagdho 'pi hi na dahyate /

dṛśyate nātidṛśyo 'pi dhūrtacūḍāmaṇir⁴⁶¹ mune //

Note:

atidṛśyatvaṃ kālasya ṛtuguṇādidarśanena jñeyam | na dṛśyate ākārābhāvāt | dhūrto 'pi evaṃvidho bhavatīti dhūrtacūḍāmaṇir ity uktam ||

ekenaiva nimeṣeṇa kiñcid utthāpayaty alam /

kiñcid vināśayaty uccair manorājyavad ātataḥ //

Note:

spaṣṭam ||

durvilāsavilāsinyā ceṣṭayā⁴⁶² paripuṣṭayā /

darvyeva sūpakṛt sūpaṃ janam āvartayan⁴⁶³ sthitaḥ //

Note:

āvartayan⁴⁶⁴ bhramayan ||

tṛṇam⁴⁶⁵ pāṃsum mahendraṃ ca sumerum parṇam arṇavam /

ātmasphāratayā sarvam ātmasātkartum udyataḥ //

Note:

ātmanaḥ yā sphāratā vyāpakatā | tayā | ātmasātkartum svādhīnaṃ kartum ||

krauryam atraiva paryāptaṃ lubdhatātraiva saṃsthitā /

sarvaṃ daurbhāgyam atraiva sarvam atraiva cāpalam //

Note:

atraiva asmin kāle eva | paryāptam pūrṇam ||

prerayaṃl līlayārkendū krīḍatīha nabhastale /

nikṣiptavīṭāyugalo nije bāla ivāṅgane //

Note:

vīṭā kandukaṃ ||

sarvabhūtāsthimālābhir āpādavalitākṛtiḥ /

vilasaty eṣa kalpānte kālaḥ kalpitakalpanaḥ //

Note:

kalpitāḥ kalpanāḥ jagadrūpāḥ kalpanāḥ | yena | saḥ ||

asyoḍḍāmaranṛttasya kalpānte 'ṅgavinirgataiḥ /

prasphuraty ambare merur bhūrjatvag iva vāyubhiḥ //

Note:

sphurati ākāśe bhramati ||

rudro bhūtvā bhavaty eṣa mahendro 'tha pitāmahaḥ /

śukro vaiśravaṇaś cāpi punar eva na kiñcana //

Note:

spaṣṭam ||

dhatte 'jasrotthitadhvastān sargān amitabhāsurān /

anyān anyān apy ananyān vīcīn abdhir ivātmani //

Note:

ajasram utthitāṃś ca tān dhvastāṃś ca sargān sṛṣṭīn | anyān anyān iti vīpsā | apiśabdaḥ⁴⁶⁶ ananyān ity anena sambadhyate ||

mahākalpābhidhānebhyo vṛkṣebhyaḥ pariśātayan /

devāsuragaṇān pakvān phalabhārān avasthitaḥ //

Note:

pariśātayan chedayan ||

ālolabhūtamaṣakaghuṅghumānām prapātinām /

brahmāṇḍoḍumbaraughānām bṛhatpādapatāṃ gataḥ //

Note:

ghuṅghumeti śabdānukaraṇam | uḍumbaraḥ phalaviśeṣaḥ | tatra hi maṣakāḥ bāhulyena tiṣṭhanti ||

sattāmātrakumudvatyā cijjyotsnāpariphullayā /

vapur vinodayaty eṣaḥ⁴⁶⁷ kriyāpriyatamānvitaḥ //

Note:

kriyāpriyatamānvitaḥ saḥ kālaḥ | cid eva prakāśarūpatvāt jyotsnā | tayā pariphullayā prakaṭībhūtayā | sattāmātrakumudvatyā | vapuḥ ātmānaṃ | vinodayati sadāsattayā kriyayā yuto bhavatīti ||

anantāpāyaparyantam baddhapīṭhaṃ nijaṃ vapuḥ /

mahāśailavad uttuṅgam avalambya vyavasthitaḥ //

Note:

anantāpāyaparyantam antāpāyaparyantarahitaṃ | nāśarahitam ity arthaḥ ||

kvacic chyāmatamaḥśyāmaṃ kvacit kāntiyutaṃ tatam /

dvayenāpi kramād riktaṃ svabhāvam bhāvayan sthitaḥ //

Note:

śyāmaṃ yat tamaḥ | tena śyāmaṃ | [svabhāvam bhāvayan]*⁴⁶⁸ svarūpaṃ sampādayann iti yāvat | etena rātridivase sandhyā ceti trayam uktam ||

saṃlīnāsaṅkhyasaṃsārasārayā svātmasattayā /

gurvīva bhāraghanayā⁴⁶⁹ nibaddhapadatāṃ gataḥ //

Note:

saṃlīnaḥ asaṅkhyasaṃsārāṇāṃ sāro yasyāṃ | sā | tayā | gurvī hi nibaddhapadatāṃ gacchati iti gurvīty uktam ||

na khidyate na mriyate na tiṣṭhati na gacchati /

nāstam eti na codeti mahākalpaśatair api //

Note:

spaṣṭam ||

kevalaṃ jagadārambhalīlayā ghanahelayā /

yāpayaty ātmanātmānam anahaṅkāram ānatam⁴⁷⁰ //

Note:

ghanā⁴⁷¹ helā yasyāṃ | tādṛśyā⁴⁷² | yāpayati samāpayati | ahaṅkārābhave hi kālo naśyati | svanāśakrīḍām api svayam eva karotīti bhāvaḥ ||

yāminīpaṅkakalilāṃ dinakokanadāvalīm /

kriyābhramarikām mandaṃ saraḥsu āropayan sthitaḥ //

Note:

saraḥsu arthāt bhuvanarūpeṣu | āropayan kalpayan | sūryarūpeṇeti śeṣaḥ ||

gṛhītvā bhīṣaṇaḥ kṛṣṇāṃ rajanīṃ jīrṇamārjanīm /

ālokakanakakṣodam āharaty abhito 'vanim //

Note:

āharati sammārjayati⁴⁷³ | rātriṃ vidhāya prakāśam upasaṃharatīti bhāvaḥ ||

sañcārayan kriyāṅgulyā koṇakeṣv arkadīpikām /

jagatsadmani kāruṇyāt⁴⁷⁴ kva kim astīti vīkṣate //

Note:

koṇakeṣu dikkoṇeṣu | anyo 'pi hi dīpikām prajvālya sadmani kva kim astīti paśyati ||

prekṣyāhāni nimeṣeṇa sūryākṣṇā pākavanty alam /

lokapālaphalāny atti jagajjīrṇavanād ayam //

Note:

sūryākṣṇā sūryākhyena cakṣuṣā | ahāni prekṣya kañcit kālam pratīkṣyety arthaḥ ||

jagajjīrṇakuṭīkīrṇān arpayaty ugrakoṭare⁴⁷⁵ /

krameṇa guṇavallokamaṇīn mṛtyusamudgake //

Note:

jagajjīrṇakuṭyāṃ kīrṇān vikṣiptān | anyo 'pi hi kuṭyāṃ vikṣiptān maṇīn samudgake 'rpayati ||

guṇair āpūryate yaiva lokaratnāvalī⁴⁷⁶ bhṛśam /

bhūṣārtham iva tām aṅge kṛtvā bhūyo nikṛntati //

Note:

anyo 'pi rājādiḥ⁴⁷⁷ ratnāvalīm aṅge kṛtvā līlayā kṛntati ||

dinahaṃsānusṛtayā niśendīvaramālayā⁴⁷⁸ /

tārākesarayājasraṃ capalo valayaty alam //

Note:

valayati āvṛttaṃ sampādayati | bhuvanam iti śeṣaḥ ||

śailorṇadyudharāśṛṅgajagadūrṇāyusaunikaḥ /

pratyaham pibati prekṣya tārāraktakaṇān api //

Note:

śailā eva ūrṇā⁴⁷⁹ yasya | tat | tādṛśaṃ | dyudhare dyāvāpṛthivyau eva śṛṅge yasya | tat | tādṛśaṃ ca | īdṛśaṃ ca yat jagat tad eva ūrṇāyuḥ⁴⁸⁰ meṣaḥ | tasya saunikaḥ hiṃsakaḥ ||

tāruṇyanalinīsoma āyurmātaṅgakesarī /

na tad asti na yasyāyaṃ tucchātucchasya taskaraḥ //

Note:

spaṣṭam ||

kalpakelivilāsena piṣṭapātitajantunā /

nyagbhāvodbhavahāsena⁴⁸¹ ramate svātmanātmani //

Note:

piṣṭāḥ⁴⁸² cūrṇīkṛtāḥ | ata eva pātitāḥ jantavo⁴⁸³ yena | saḥ | tādṛśena | kāla iti śeṣaḥ | tṛtīyāntatrayaṃ⁴⁸⁴ svātmanety asya viśeṣaṇatvena yojyam ||

kartā bhoktātha saṃhartā smartā⁴⁸⁵ sarvam padaṃ gataḥ /

sarvam eva karotīdaṃ na karoti ca kiñcana //

Note:

nakiñcidrūpatvāt na kiñcit karaṇaṃ jñeyam ||

Note:

sargāntaślokena kālanindāṃ samāpayati

sakalam apy akalākalitāntaraṃ
subhagadurbhagarūpadharaṃ vapuḥ⁴⁸⁶ /

prakaṭayan sahasaiva ca gopayan
vilasatīha hi kālabalaṃ nṛṣu //

Note:

sakalatvākalatvādikaṃ viṣayavibhāgena jñeyaṃ | prakaṭayan gopayan ity atra sarvanāmasthānābhāve 'pi numāgama ārṣaḥ | iti śivam ||

MT_1.22

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe dvāviṃśaḥ sargaḥ ||

Note:

*⁴⁸⁷evaṃ kālanindāṃ kṛtvā kālavilāsaṃ kathayati

asyoḍḍāmaralīlasya⁴⁸⁸ dūrāstasakalāpadaḥ /

saṃsāre rājaputrasya kālasyākalitaujasaḥ⁴⁸⁹ //

asminn ācarato dīnair mugdhair bhūtamṛgavrajaiḥ /

ākheṭakaṃ jarjarite jagajjaṅgalajālake⁴⁹⁰ //

ekadeśollasaccāruvaḍavānalapaṅkajā /

krīḍāpuṣkariṇī ramyā kalpakālamahārṇavaḥ //

Note:

spaṣṭam ||

kaṭutiktāmlabhūtāḍhyaiḥ sadadhikṣīrasāgaraiḥ /

tair eva taiḥ paryuṣitair jagadbhiḥ kālyavartanam //

Note:

kaṭutiktāmlāḥ atyantatāmasikatāmasikarājasikāḥ | kaṭvādirasaviśeṣayuktāś ca ye bhūtāḥ carācarāḥ bhūtāḥ siddhadravyāṇi ca | taiḥ āḍhyaiḥ yuktaiḥ | paredyuḥ uṣitaiḥ paryuṣitaiḥ | na tu navair ity arthaḥ | kālyavartanam prābhātikabhojanaṃ | asyeti sargādyaślokasthaṃ sarvatra yojyam ||

caṇḍī caturasañcārā sarvamātṛgaṇānvitā /

saṃsāravanavinyastanaraiṇākarṣaṇī vṛkī //

Note:

asya kālasya caṇḍīti nāmadheyā śaktiḥ | vṛkī bhavatīti sambandhaḥ | mātṛgaṇaḥ prasiddhaḥ | rājaputro 'pi ākheṭakārthaṃ vṛkīm pālayati ||

pṛthvī karatale pṛthvī pānapātrī rasānvitā /

kamalotpalakalhāralolajālakamālitā //

Note:

pṛthvī vistīrṇā ||

virāvī vikaṭāsphālo nṛsiṃho bhujapañjare /

saṭāvikaṭapīnāṃsaḥ kāntaḥ krīḍāśakuntakaḥ //

Note:

nṛsiṃhaḥ narasiṃhaḥ | rājaputrasyāpi vilāsārtham pañjare siṃho bhavati ||

alābuvīṇāmadhuraḥ śaradvyomāmalacchaviḥ /

devaḥ kila mahākālo līlākokilabālakaḥ //

Note:

mahākālaḥ saṃhārādhikārī devaviśeṣaḥ ||

ajasrasphūrjitākāro vāntaduḥkhaśarāśaniḥ /

abhāvanāmakodaṇḍaḥ parisphurati sarvataḥ //

Note:

vāntāḥ⁴⁹¹ udgīrṇāḥ⁴⁹² | duḥkhāny eva śarāśanayaḥ | yena | saḥ | abhāvanāmā cāsau kodaṇḍaḥ abhāvanāmakodaṇḍaḥ ||

Note:

sargāntaślokena kālavilāsavarṇanaṃ samāpayati

anuttamasphuritavilāsavardhito
bhraman haran parivilasan vidārayan /

jarajjagaj jaraḍhavilolamarkaṭaḥ
parisphuradvapur iha kāla īhate //

Note:

īhate nānāvidhāḥ ceṣṭāḥ karoti | iti śivam ||

MT_1.23

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe trayoviṃśaḥ sargaḥ ||

Note:

*⁴⁹³evaṃ kālavilāsam uktvā daivavilāsam prastauti

atraiva durvilāsānāṃ cūḍāmaṇir ivāparaḥ /

karoty astīti lokena daivaṃ kālaś ca kathyate //

Note:

karoti iti⁴⁹⁴ kriyākathanam | astīti sattākathanaṃ | kālo 'tra kṛtānto 'bhipretaḥ | tasyaiva daivaparyāyatvāt ||

kriyāmātrād ṛte yasya svaparispandarūpiṇaḥ /

nānyad ālakṣyate rūpaṃ karmaṇo na samīhitam //

teneyam akhilā bhūtasantatir nityapelavā /

tāpena himamāleva nītā vidhuratām⁴⁹⁵ bhṛśam //

Note:

yasya daivasya | kriyāmātraṃ vinā | na rūpam ālakṣyate | nāpi karmaṇaḥ samīhitaṃ karmālambanaṃ kāṅkṣitam | ālakṣyate | kimartham | ayaṃ kiñcit karotīti teneyam bhūtasantatir vidhuratāṃ nītā ||

yad idaṃ dṛśyate kiñcij jagadābhogimaṇḍalam /

tat tasya nartanāgāram ihāsāv abhinṛtyati //

Note:

tasya daivasya ||

Note:

asya nāmāntarakathanābhiprāyeṇāha

tṛtīyaṃ ca kṛtānteti nāma bibhrat sudāruṇam /

kāpālikavapur mattaṃ daivaṃ jagati nṛtyati //

Note:

kāpālikavapuḥ kāpālikatulyaḥ ||

Note:

asyaiva sarvādhāratvaṃ kathayati

nṛtyato hi kṛtāntasya nitāntam avirāgiṇaḥ /

nityaṃ niyatikāntāyā mune paramakāminaḥ //

śeṣaḥ śaśikalāśubhro gaṅgāvāhaś ca tau tridhā /

upavīte avītābhe ubhe saṃsāravakṣasi //

Note:

tau kau⁴⁹⁶ | śeṣaḥ gaṅgāvāhaś ca | avītābhe śobhāyukte | saṃsāra eva vakṣas | tatra ||

candrārkamaṇḍale hemakaṭake karamūlayoḥ /

līlāsarasijaṃ haste brāhmam brahmāṇḍakarṇikam⁴⁹⁷ //

Note:

brāhmam brahmaṇaḥ āsanabhūtam padmam | brahmāṇḍasya karṇikam⁴⁹⁸ karnikābhūtaṃ | tanmadhyavartitvāt ||

tārābinducitaṃ lolapuṣkarāvartapallavam /

ekārṇavapayodhautam⁴⁹⁹ ekam ambaram ambaram //

Note:

ambaram ākāśam | ambaraṃ vastram ||

evaṃrūpasya tasyāgre niyatir nityakāminī /

anastamitasaṃrambham ārambhaiḥ parinṛtyati //

Note:

ārambhaiḥ⁵⁰⁰ yamaniyamarūpaiḥ | nartakasya samīpe hi nartakī api nṛtyati ||

tasyā nartanalolāyā jaganmaṇḍapakoṭare /

aruddhaspandarūpāyā āgamāpāyacañcure //

cārubhūṣaṇam aṅgeṣu devalokāntarāvalī /

āpātālaṃ nabho lambaṃ kavarīmaṇḍalam bṛhat //

Note:

devānām yāni lokāntarāṇi | teṣām āvalī aṅgeṣu cārubhūṣaṇam bhavati | nabhaḥ kathambhūtam | āpātālam pātālaṃ tāvat | lambaṃ vyāpakaṃ | nṛtyantyāś ca kavarī lambā bhavati ||

narakālī ca mañjīramālā kalakalākulā /

protā duṣkṛtasūtreṇa pātālacaraṇe calā //

Note:

mañjīramālā kiṅkiṇīmālā ||

kastūrikātilakakaṃ kriyāsakhyopakalpitam /

citritaṃ citraguptena yāme vadanapaṭṭake //

Note:

yāme yamasambandhini | vadanapaṭṭake mukhapaṭṭake | 'rthāt yamaśāsanapaṭṭarūpake mukhe | citraguptena citritaṃ citraguptakartṛkaṃ⁵⁰¹ citritaṃ | citraguptalikhitā lipir iti yāvat | kastūrikātilakam bhavati | kathambhūtaṃ | kriyāsakhyā kriyāśaktirūpayā sakhyā | upakalpitam citraguptam āviśya racitam | sakhī hi sakhyās tilakaṃ karoti ||

kālīrūpam upasthāya kalpānteṣu kriyākulam /

nṛtyaty eṣā punar devī sphuṭacchailaghanāravam //

Note:

kālī kālaśaktiḥ | tasyā rūpam upasthāya āśritya | pūrvavṛttāpekṣayā punar iti prayogaḥ ||

paścātpralambavibhrāntakaumārarathabarhibhiḥ /

netratrayabṛhadrandhrabhūribhāṅkārabhīṣaṇaiḥ //

lambalolaśaraccandravitīrṇaharamūrdhajaiḥ /

uccaraccārumandāragaurīkavaricāmaraiḥ //

uttāṇḍavācalākārabhairavādaratumbakaiḥ /

raṇatsahasrarandhrendradehabhikṣākapālakaiḥ //

śuṣkā śarīrakhaṭvāṅgabhaṅgair āpūritāmbaram /

bhāyayaty ātmanātmānam api kṛṣṇair ghanāsitam //

Note:

kulakam | śuṣkā śoṣaṇadharmayuktā | prakṛtatvāt iyaṃ niyatiḥ | ātmanā ghanāsitam atyantakṛṣṇam | ātmānam api bhāyayati bhayāviṣṭaṃ karoti | anyeṣāṃ tu kā katheti bhāvaḥ | ātmānam kathambhūtam | śarīrasya ye khaṭvāṅgabhaṅgāḥ arthāt khaṭvāṅgabhaṅgarūpāḥ avayavāḥ | taiḥ āpūritāmbaram | śarīrakhaṭvāṅgaiḥ kathambhūtaiḥ | paścād ityādi | paścātpralambaḥ ata eva vibhrāntaḥ bhraman | kaumāraḥ kumārasambandhī | rathabarhī yeṣāṃ | taiḥ | bhāṅkārāḥ vātakṛtāḥ jñeyāḥ | lambaś cāsau lolaś ca yaḥ śaraccandras | tena vitīrṇāḥ dattāḥ | kṛtā iti yāvat | haravat⁵⁰² mūrdhajāḥ yeṣāṃ | taiḥ | yathā harasya keśāḥ⁵⁰³ candrakalayā⁵⁰⁴ bhāsitāḥ bhavanti | tathāsyāḥ pūrṇena śaraccandreṇeti bhāvaḥ | uccaraccārumandārā vilasaccārumandārā | yā gaurīkavarī | sā eva cāmaraṃ yeṣāṃ⁵⁰⁵ | taiḥ | uttāṇḍavaḥ⁵⁰⁶ cāsau acalākāraḥ | bhairavaḥ mahābhairavaḥ⁵⁰⁷ | sa evādaratumbakaḥ⁵⁰⁸ ādaraviṣayaḥ vādyabhāṇḍaviśeṣaḥ yeṣāṃ | taiḥ | raṇanti sahasrarandhrāṇi netrarūpāṇi⁵⁰⁹ randhrasahasrāṇi yasya | tādṛśaḥ yaḥ indradehaḥ | sa eva bhikṣākapālakaṃ yeṣāṃ | taiḥ | tathā kṛṣṇaiḥ | idaṃ ca sthūladṛṣṭyartham bāhyadhyānam uktam | sūkṣmadṛṣṭīn prati tu bhaṅgyā kumārādiṣv api niyatisparśaḥ uktaḥ ||

viśvarūpaśiraścakracārupuṣkaramālayā⁵¹⁰ /

tāṇḍaveṣu vivalgantī mahākalpeṣu rājate //

Note:

viśvarūpasya virājo | yat śiraścakraṃ⁵¹¹ | tad eva cārupuṣkaramālā | tayā ||

pramattapuṣkarāvartaḍamarūḍḍāmarāravaiḥ /

tasyāḥ kila palāyante kalpānte tumburādayaḥ //

Note:

ḍamaravaḥ vādyabhāṇḍaviśeṣāḥ | uḍḍāmarāḥ udbhaṭāḥ | tumbureti gandharvanāma ||

nṛtyato 'nte kṛtāntasya candramaṇḍalahāsinaḥ /

tārakācandrakācāruvyomapiñchāvacūlinaḥ⁵¹² //

ekasmiñ śravaṇe dīrghā himavān asti mudrikā /

apare 'pi mahāmeruḥ kāntā kāñcanakarṇikā //

Note:

ante kalpānte | candramaṇḍalam eva hāsaḥ | tadyuktasya | candrakāṇi [...]*⁵¹³| tābhiḥ cāru yat | vyomaiva piñchaṃ⁵¹⁴ | tad avacūlaṃ śirobhūṣaṇaṃ yasya | tādṛśasya | mudrikā śvetaḥ karṇābharaṇaviśeṣaḥ ||

atraiva kuṇḍale lole candrārkau gaṇḍamaṇḍale /

lokālokācalaśreṇī sarvataḥ kaṭimekhalā //

Note:

gaṇḍamaṇḍale gaṇḍabhittau | kaṭisthā mekhalā⁵¹⁵ kaṭimekhalā ||

itaś cetaś ca gacchantī vidyudvalayavarṇikā /

anilāndolitā bhāti⁵¹⁶ nīradāṃśukapaṭṭikā //

Note:

vidyudvalaya eva varṇikā bhūṣaṇaviśeṣaḥ yasyās | tādṛśī vidyudvalayavarṇikā ||

musulaiḥ paṭṭisaiḥ śūlaiḥ prāsais tomaramudgaraiḥ /

tīkṣṇaiḥ kṣīṇajagadvrātakṛtāntair iva sambhṛtaiḥ //

saṃsārabandhanādīrghe pāśe kālakaracyute /

śeṣabhogamahāsūtre protair mālāsya śobhate //

Note:

saṃsārabandhanārtham | ā samantād | dīrghe | asya samanantaroktasya⁵¹⁷ | daivāparaparyāyasya kṛtāntasya ||

jīvollasanmakarikāratnatejobhir ujjvalā /

saptābdhikaṅkaṇaśreṇī bhujayor asya bhūṣaṇam //

Note:

jīvena ullasantaḥ | sajīvā iti yāvat | makarāḥ yāsāṃ | tāḥ | kaṅkaṇeṣv api makarikāḥ bhavanti | kiṃ tu nirjīvāḥ ||

vyavahāramahāvartā sukhaduḥkhaparamparā /

rajaḥpūrṇā tamaḥśyāmā romālī tasya rājate //

Note:

vyavahārāṇām mahāvartāḥ⁵¹⁸ punaḥ punar āgamanāni yasyāṃ | sā | tādṛśī sukhaduḥkhaparamparā tasya romālī⁵¹⁹ rājate | kathambhūtā | rajaḥpūrṇā rajoguṇabharitā | tathā tamaḥśyāmā tamoguṇamalinā | romālī⁵²⁰ api āvartayuktā rajaḥpūrṇā tamaḥśyāmā ca bhavati ||

evamprāyāṃ sa kalpānte kṛtāntas tāṇḍavodbhaṭām /

upasaṃhṛtya nṛtyehāṃ sṛṣṭyā saha maheśvaraḥ //

punar hāsyamayīṃ⁵²¹ nṛttalīlāṃ sarvasvarūpiṇīm /

tanotīmāṃ jarāduḥkhaśokābhinayabhūṣitām //

Note:

sṛṣṭyā saha niyatyā saha | punaḥ sargārambhe | imāṃ jagadrūpām ||

Note:

sargāntaślokenaitat samāpayati

bhūyaḥ karoti bhuvanāni vanāntarāṇi
lokāntarāṇi janajālakakalpanāṃ ca /

ācāracārukalanāṃ ca calācalāṃ ca
paṅkād yathārbhakajano racanām akhinnaḥ //

Note:

calācalām atyantacalām | iti śivam ||

MT_1.24

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe caturviṃśaḥ sargaḥ ||

Note:

*⁵²²evaṃ daivavilāsam uktvā phalitam āha

vṛtte 'sminn eva caiteṣāṃ kālādīnām mahāmune /

saṃsāranāmni kaivāsthā mādṛśānām bhavatv iha //

Note:

ata iti śeṣaḥ | vṛtte carite | ādiśabdena daivādīnāṃ grahaṇam ||

vikrītā iva tiṣṭhāma etair daivādibhir vayam /

dhūrtaiḥ prapañcacaturair mugdhā vanamṛgā iva⁵²³ //

Note:

spaṣṭam ||

eṣo 'nāryasamācāraḥ kālaḥ kavalanonmukhaḥ⁵²⁴ /

jagaty avirataṃ⁵²⁵ lokam pātayaty āpadarṇave //

Note:

spaṣṭam ||

dahaty ante durāśābhir daivo dāruṇaceṣṭayā /

lokam puṣpanikāśābhir jvālābhir dahano yathā //

Note:

spaṣṭam ||

dhṛtiṃ vidhurayaty ekāmayadārūpavallabhā /

strītvāt svabhāvacapalā niyatir niyamonmukhī //

Note:

āmayadā rogadāyinī | na rūpeṇa vallabhā arūpavallabhā ||

grasate 'viratam bhūtajālaṃ sarpa ivānilam /

kṛtāntaḥ karkaśācāro jarāṃ nītvā jagadvapuḥ //

Note:

jagad eva vapuḥ yasya | tādṛśaḥ ||

yamanirghṛṇarājendro nārtaṃ nāmānukampate /

sarvabhūtadayācāro jano durlabhatāṃ gataḥ //

Note:

ārtaṃ dīnam ||

sarvā eva mune phalguvibhavā bhūtajātayaḥ /

duḥkhāyaiva durantāya dāruṇā lobhabhūmayaḥ //

Note:

phalguvibhavāḥ nissāravibhavayuktāḥ ||

āyur atyantataralam mṛtyur ekas tu niṣṭhuraḥ /

tāruṇyaṃ cātitaralam bālyaṃ jaḍatayā hṛtam //

Note:

spaṣṭam ||

kalākalaṅkito loko bandhavo bhavabandhanam /

bhogā bhavamahārogās tṛṣṇā ca mṛgatṛṣṇikā //

Note:

kalābhiḥ paravañcanākhyābhiḥ kalābhiḥ | kalaṅkitaḥ⁵²⁶ ||

śatravaś cendriyāṇy eva satyaṃ yātam asatyatām /

praharaty ātmanaivātmā mana eva manoripuḥ //

Note:

ātmā | ātmanā svayam | praharaty ātmānaṃ | durvikalpair iti śeṣaḥ | mana eva aśuddhamanaḥ⁵²⁷ eva | na tv anyaḥ | manoripuḥ śuddhasya manaso ripuḥ bhavati ||

ahaṅkāraḥ kalaṅkāya buddhayaḥ paripelavāḥ /

kriyā duṣphaladāyinyo līlāḥ strīniṣṭhatāṃ gatāḥ //

Note:

paripelavā atīkṣṇāḥ ||

vāñchāviṣayaśālinyaḥ sacamatkṛtayaḥ kṛtāḥ /

nāryo doṣapatākinyo rasā nīrasatāṃ gatāḥ //

Note:

vāñchāviṣayāś ca tāḥ śālinyaś ca āpātaramaṇīyāś ca | tādṛśyaḥ nāryaḥ | sacamatkṛtayaḥ camatkārayuktāḥ | kṛtāḥ kalpitāḥ | bhāvitā iti yāvat | kīdṛśyaḥ nāryaḥ | doṣapatākinyaḥ | rāgādidoṣamayatvāt rāgādidoṣapatākinyaḥ | rasāḥ śāstrādiviṣayāḥ abhilāṣāḥ | nīrasatāṃ śuṣkatāṃ gatāḥ ||

vastv avastutayā cāttaṃ dattaṃ cittam ahaṅkṛtau /

abhāvarodhitā⁵²⁸ bhāvā bhavānto nādhigamyate //

Note:

asmābhiḥ | vastu satyaṃ vastu | avastutayā deho 'ham ity evaṃrūpeṇa avastubhāvenāttaṃ gṛhītaṃ | tathā cittam ahaṅkṛtau dattam ahaṅkāragrastaṃ kṛtam ity arthaḥ | bhāvāḥ⁵²⁹ abhāvarodhitāḥ nāśagṛhītāḥ | na jñātā iti śeṣaḥ | ataḥ bhavāntaḥ nādhigamyate na prāpyate ||

tapyate kevalaṃ sādho matir ākulitāntarā /

rāgorago⁵³⁰ vilasati virāgaṃ nopagacchati //

Note:

virāgaṃ rāgābhāvaḥ⁵³¹ | nopagacchati nāgacchati ||

rajoguṇahatā dṛṣṭis tamaḥ samparivardhate /

na cādhigamyate sattvaṃ tattvam atyantadūrataḥ //

Note:

tattvam paramārthaḥ ||

sthitir asthiratāṃ yātā mṛtir āgamanonmukhī /

dhṛtir vaidhuryam āyāti ratir nityam avastuni //

Note:

avastuni avastubhūte dehādau ||

matir māndyena malinā pātaikaparamaṃ vapuḥ /

jvalatīva jarā dehe pravisphūrjati duṣkṛtam //

Note:

māndyena jāḍyena ||

yatnenāyāti yuvatā dūre sajjanasaṅgatiḥ /

gatir na vidyate kācit kvacin nodeti satyatā //

Note:

yuvatā lakṣaṇayā stryāsaktiḥ ||

mano vimuhyatīvāntar muditā dūrato gatā /

nojjvalā karuṇodeti dūrād āyāti nīcatā //

Note:

spaṣṭam ||

dhīratādhīratām eti pātotpātaparo janaḥ /

sulabho durjanāśleṣo durlabhaḥ sādhusaṅgamaḥ //

Note:

dhīratā⁵³² adhīratām eti naśyatīty arthaḥ ||

āgamāpāyino bhāvā bhāvanā bhavabandhanī /

nīyate kevalaṃ kvāpi nityam bhūtaparamparā //

Note:

nīyate | kāleneti śeṣaḥ ||

diśo⁵³³ 'pi hi na dṛśyante deśo 'py avyapadeśabhāk /

śailā api hi śīryante⁵³⁴ kaivāsthā mādṛśe⁵³⁵ jane //

Note:

deśaḥ avyapadeśabhāk deśeti vyapadeśaṃ na bhajatīti⁵³⁶ tādṛk syāt | deśasyāpi deśeti nāma kālena na syād ity arthaḥ | yatredṛśānām īdṛśā daśā bhaviṣyanti tatra mādṛśe jane kā eva āsthā ko viśvāsaḥ syād iti bhāvaḥ ||

dravanty api samudrāś ca śīryante tārakā api /

siddhā api na sidhyanti kaivāsthā mādṛśe jane //

Note:

spaṣṭam ||

adyate 'sattayāpi dyaur bhuvanaṃ cāpi bhajyate /

dharāpi yāti vaidhuryaṃ kaivāsthā mādṛśe jane //

Note:

asattayā nāśena | dyaur api adyate grasyate ||

dānavā api dīryanti dhruvo 'py adhruvajīvitaḥ /

amarā api māryante kaivāsthā mādṛśe jane //

Note:

māryante | kāleneti śeṣaḥ ||

śakro 'py ākramyate śakrair yamo 'pi hi niyamyate /

vāyor apy asty avāyuṣṭvaṃ kaivāsthā mādṛśe jane //

Note:

śakraiḥ navīnaiḥ śakraiḥ ||

somo 'pi vyomatām eti mārtāṇḍo 'py eti khaṇḍanam /

rugṇatām agnir⁵³⁷ apy eti kaivāsthā mādṛśe jane //

Note:

vyomatām | nāśam ity arthaḥ ||

parameṣṭhy apy⁵³⁸ aniṣṭhāvān harate harim apy ajaḥ /

bhavo 'py abhavatāṃ yāti kaivāsthā mādṛśe jane //

Note:

bhavo 'py śrīmahādevo 'pi | abhavatām amahādevabhāvam ||

kālaḥ śakalatām eti niyatiś cāpi nīyate /

kham apy ālīyate 'nante kaivāsthā mādṛśe jane //

Note:

anante antarahite kasmiṃścid vastuni ||

aśravyāvācyadurdarśatantreṇājñātamūrtinā /

bhuvanāni viḍambyante kenāpi⁵³⁹ bhramadāyinā //

Note:

aśravyaṃ tathā avācyaṃ tathā durdarśaṃ tantraṃ vañcanopāyaḥ | yasya | tādṛśena | kenāpīti anirvācyenety arthaḥ ||

ahaṅkārakalām etya sarvatrāntaravāsinā /

na so 'sti triṣu lokeṣu yas teneha na badhyate //

Note:

dehādau ātmabhāvaḥ ahaṅkāraḥ | tena kenāpīty arthaḥ ||

śilāśailakaṭapreṣu sāśvasūto divākaraḥ /

vanapāṣāṇavan nityam avaśaḥ paridolyate //

Note:

śilāyuktāḥ⁵⁴⁰ śailāḥ śilāśailāḥ | teṣāṃ kaṭaprāḥ samūhāḥ | teṣu paridolyate dolanaṃ kāryate ||

dharāgolakam antaḥsthasurāsuragaṇāspadam⁵⁴¹ /

veṣṭyate dhiṣṇyacakreṇa pakvākṣoṭam iva tvacā //

Note:

dharāgolakam bhūgolaṃ | veṣṭyate veṣṭanayuktaṃ kriyate | dhiṣṇyacakreṇeti karaṇe tṛtīyā ||

divi devā bhuvi narāḥ pātāle 'surabhoginaḥ /

kalpitāḥ kalpamātreṇa nīyante jarjarāṃ daśām //

Note:

asurabhoginaḥ daityasarpāḥ | kalpamātreṇa kalpamātraparimāṇena ||

kāmaś ca jagatīśānaraṇalabdhaparākramaḥ /

akrameṇaiva vikrānto lokam ākramya valgati //

Note:

īśānena yaḥ raṇaḥ | tena labdhaḥ parākramaḥ | yena | tādṛśaḥ ||

vasanto mattamātaṅgo madaiḥ kusumavarṣanaḥ⁵⁴² /

āmoditakakupcakraś ceto nayati vakratām //

Note:

madaiḥ madavāribhiḥ | vakratāṃ kāmakalāvidagdhatvam | kāmaprasaṅgeneha vasantābhidhānam ||

anuraktāṅganālokalocanālokitākṛti /

spaṣṭīkartum manaḥ śakto na viveko mahān api //

Note:

mahān api vivekaḥ manaḥ spaṣṭīkartuṃ śuddhīkartuṃ | śakto na bhavati | manaḥ kathambhūtaṃ | anurakto yaḥ aṅganālokaḥ⁵⁴³ | tasya yat locanālokitam⁵⁴⁴ dṛṣṭipātas | tadvad ākṛtiḥ⁵⁴⁵ yasya | tādṛśam | atyantacalam ity arthaḥ ||

paropakārakāriṇyā parārtyā paritaptayā /

buddha eva sukhī manye svārthaśītalayā⁵⁴⁶ dhiyā //

Note:

buddhaḥ jñānī | svārthe svaprayojane | śītalayā | na svārthanimittam paritaptayeti yāvat ||

utpannadhvaṃsinaḥ kālavaḍavānalapātinaḥ /

saṅkhyātuṃ kena śakyante kallolā jīvitāmbudheḥ //

Note:

jīvitāmbudheḥ kallolāḥ jīvā⁵⁴⁷ ity arthaḥ ||

sarva eva narā mohād durāśāpāśapātinaḥ /

doṣagulmakasāraṅgā nigīrṇā janmajaṅgale //

Note:

doṣagulmakasāraṅgāḥ doṣapriyā ity arthaḥ | mṛgo gulmapriyo bhavati | nigīrṇāḥ grastāḥ | moheneti śeṣaḥ | sāraṅgā api⁵⁴⁸ pāśapātinaḥ jaṅgale kirātena grastā bhavanti ||

saṅkṣīyate jagati janmaparamparāsu
lokasya tair iha kukarmabhir⁵⁴⁹ āyur etat /

ākāśapādapalatākṛtapāśakalpaṃ
yeṣām phalaṃ na hi vicāravido 'pi vidmaḥ //

Note:

ākāśapādapalatākṛtapāśakalpam asad ity arthaḥ | iha karma kurvantīti bhāvaḥ ||

Note:

sargāntaślokenaitat samāpayati

adyotsavo 'yam ṛtur eṣa tatheha yātrā
te bāndhavāḥ sukham idaṃ sa viśeṣabhogaḥ /

itthaṃ mudhaiva kalayan svavikalpajālam
ālolapelavamatir galatīha lokaḥ //

Note:

ālolapelavamatir aticañcalasvalpabuddhir⁵⁵⁰ ity arthaḥ | svavikalpajālam ity anena utsavādīnām atyantāsattvam uktam | iti śivam ||

MT_1.25

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe pañcaviṃśaḥ sargaḥ ||

Note:

*⁵⁵¹punar api saṃsāradurvilasitam eva kathayati

anyac⁵⁵² ca tātātitarām aramye
manorame veha jagatsvarūpe /

na kiñcid apy eti tad arthajātaṃ
yenātiviśrāntim upaiti cetaḥ //

Note:

aham bravīmīti śeṣaḥ | he tātāham anyac ca bravīmi | kim bravīṣīty apekṣāyām āhātitarām iti | manorame vā manorame iva | arthajātam padārthasamūhaḥ | atyantaviśrāntau hi satyām anyārthaviṣayākāṅkṣā na punar udbhaved iti bhāvaḥ ||

bālye gate kalpitakelilole
vayomṛge dāradarīṣu kīrṇe /

śarīrake jarjaratām prayāte
vidūyate kevalam eva lokaḥ //

Note:

vayomṛge yauvanākhye mṛge | jarjaratāṃ vṛddhatvaṃ | vidūyate santapyate ||

jarātuṣārābhihatāṃ śarīra-
sarojinīṃ dūratare vihāya /

kṣaṇād gate jīvitacañcarīke
janasya saṃsārasaro viśuṣkam //

Note:

vihāya tyaktvā | jīvitacañcarīke jīvitākhye bhramare ||

yadā yadā pākam upaiti nūnaṃ
tadā tadeyaṃ navam ātanoti /

jarābharānalpanavaprasūnaṃ
vijarjarā kāyalatā narāṇām //

Note:

nūnaṃ niścaye | navam iti kriyāviśeṣaṇam | tena na paunaruktyam | āścaryaṃ ca pākaṃ gatāyāḥ latāyāḥ navaprasūnasya navam ātananam ||

tṛṣṇānadī sāratarapravāha-
grastākhilānantapadārthajātā /

taṭasthasantoṣasuvṛkṣamūla-
nikāṣadakṣā vahatīha loke //

Note:

spaṣṭam ||

śarīranauś carmanibaddhabandhā
bhavāmbudhāv⁵⁵³ ālulitā bhramantī /

pravroḍyate pañcabhir indriyākhyair
adho vahantī makarair adhīnā //

Note:

pañcabhir indriyākhyaiḥ makaraiḥ śarīranauḥ⁵⁵⁴ pravroḍyate magnā sampādyate iti sambandhaḥ | ālulitaṃ samantāc cañcalam ||

tṛṣṇālatākānanacāriṇo 'mī
śākhāśataṃ kāmamahīruheṣu /

paribhramantaḥ kṣapayanti kāmam
manomṛgā no phalam āpnuvanti //

Note:

kāmaṃ niścaye | tṛṣṇālatānāṃ yat kānanam | tatra carantīti tādṛśās | tathā paribhramantaḥ paribhramaṇaśīlāḥ⁵⁵⁵ | amī manomṛgāḥ | kāmamahīruheṣu⁵⁵⁶ kānanagateṣu paramakāmākhyavṛkṣeṣu | gatam śākhāśataṃ⁵⁵⁷ | arthāt avāntarakāmarūpaṃ śākhāśataṃ | kṣapayanti cālayanti | svaviṣayaṃ kurvantīti yāvat | tathāpi phalaṃ no āpnuvanti ||

kṛcchreṣu dūrāstaviṣādamohāḥ
svāmyeṣv anutsiktamanoḥbhirāmāḥ /

sudurlabhāḥ samprati sundarībhir
anāhatāntaḥkaraṇā mahāntaḥ //

Note:

kṛcchreṣu āpatsu | svāmyeṣu sampatsu | anutsiktaṃ darparahitaṃ sat | manaḥ | tenābhirāmāḥ⁵⁵⁸ ||

taranti mātaṅgaghaṭātaraṅgaṃ
raṇāmbudhiṃ ye mayi te na śūrāḥ /

śūrās ta eveha manastaraṅgaṃ
ye svendriyāmbhodhim imaṃ⁵⁵⁹ taranti //

Note:

spaṣṭam ||

akliṣṭaparyantaphalābhirāmā
na dṛśyate kasyacid eva kācit /

kriyā durāśāhatacittavṛtter
yām etya viśrāntim upaiti lokaḥ //

Note:

spaṣṭam ||

kīrtyā jagad dikkuharam pratāpaiḥ
śriyā gṛhaṃ sattvabalena lakṣmīm /

ye pūrayanty akṣatadhairyabandhā
na te jagatyāṃ sulabhā mahāntaḥ //

Note:

spaṣṭam ||

apy antarasthaṃ giriśailabhitter
vajrālayābhyantarasaṃsthitaṃ vā /

sarvaṃ samāyānti samiddhavegāḥ
sarvāḥ śriyaḥ santatam āpadaś ca //

Note:

śilānām iyaṃ śailā | sā cāsau bhittiḥ śailabhittiḥ⁵⁶⁰ | gireḥ śailabhittiḥ giriśailabhittis | tasyāḥ ||

putrāś ca dārāś ca dhanaṃ ca buddhyā
prakalpyate tāta rasāyanaṃ ca /

sarvaṃ tu tan nāma karoty athānte
yatrātiramyā viṣamūrchanaiva //

Note:

prakalpyate kalpanayā bhāvyate | rasāyanam | amṛtam iva | caśabda ivārthaḥ | ante pariṇāme ||

viṣādayukto viṣamām avasthām
upāgataḥ kāyavayo'vasāne /

bhāvān smaran svān⁵⁶¹ abhidharmariktāñ
jano jarāvān abhidahyate 'ntaḥ //

Note:

kāyavayo'vasāne vṛddhatve | bhāvān abhilāṣān | abhitaḥ dharmeṇa riktān⁵⁶² abhidharmariktān | antaḥ manasi ||

kāmārthadharmāptikṛśāntarābhiḥ
kriyābhir ādau divasāni nītvā /

cetaś caladbarhiṇapiñchalolaṃ⁵⁶³
viśrāntim āgacchatu kena puṃsām⁵⁶⁴ //

Note:

kāmārthadharmāṇāṃ yā āptiḥ | tayā kṛśāntarābhiḥ niḥsārābhiḥ | mokṣārthaṃ na kaścit kriyāṃ karotīti bhāvaḥ ||

purogatair apy anavāptarūpais
taraṅgiṇītuṅgataraṅgakalpaiḥ /

kriyāphalaiḥ daivavaśād upetair
viḍambyate bhinnarucir hi lokaḥ //

Note:

hi niścaye | viḍambyate vañcyate | kriyāphalānāṃ ca anavāptarūpatvaṃ kṣaṇanaśvaratvena jñeyam ||

imāny amūnīti vibhāvitāni⁵⁶⁵
kāryāṇy aparyantamanoramāṇi /

janasya jāyājanarañjanena
jaṭājarāntaṃ jarayanti cetaḥ //

Note:

jāyājanarañjaneneti hetau tṛtīyā | jaṭānāṃ yā jarā | tadantam ||

parṇāni śīrṇāni yathā tarūṇāṃ
sametya janmāśu layam prayānti /

tathaiva lokāḥ svavivekahīnāḥ
sametya gacchanti kuto 'py ahobhiḥ //

Note:

svavivekahīnāḥ ātmavicārarahitāḥ ||

itas tato dūrataraṃ vihṛtya
praviśya gehaṃ divasāvasāne /

vivekilokāśrayisādhukarma-
rikte 'hni yāte ka upaiti nidrām //

Note:

spaṣṭam ||

vidrāvite śatrujane samaste
samāgatāyām abhitaś ca lakṣmyām /

sevyanta etāni sukhāni yāvat
tāvat samāyāti kuto 'pi mṛtyuḥ⁵⁶⁶ //

Note:

spaṣṭam ||

kuto 'pi saṃvardhitatuccharūpair
bhāvair amībhiḥ kṣaṇadṛṣṭanaṣṭaiḥ /

vilobhyamānā janatā jagatyāṃ
na vetty upāyātam aho na yātam //

Note:

kuto 'pi anirvācyāt kasmāccid vastunaḥ | bhāvaiḥ padārthaiḥ | upāyātam bhāvaviṣayajanma | yātam bhāvaviṣayasaraṇam ||

yiyāsubhiḥ kālamukhaṃ kriyante
janaiḍakais⁵⁶⁷ te hatakarmabandhāḥ /

ye pīnatām⁵⁶⁸ eva balād upetya
śarīrabandhe nanu te bhavanti //

Note:

janaiḍakaiḥ⁵⁶⁹ janākhyaiḥ meṣaiḥ | te hatakarmabandhāḥ kutsitakarmaprapañcāḥ | kriyante | te ke | ye pratisvaṃ⁵⁷⁰ sthitāḥ yebalād⁵⁷¹ haṭhena | pīnatām eva na tu kṣīnatām | etya āgatya | te tava | śarīrabandhe śarīrabandhārthaṃ | nanu bhavanti niścayena bhavantīty arthaḥ | karmavaśād eva hi puruṣaḥ dehabandham prāpnoti ||

ajasram āgacchati satvareyam
anārataṃ gacchati satvaraiva /

kuto 'pi lolā janatā jagatyāṃ
taraṅgamālā kṣaṇabhaṅgureva //

Note:

janatā janasamūhaḥ ||

prāṇāpahāraikaparā narāṇām
mano manohāritayā haranti /

raktacchadāḥ ṣaṭpadacañcalākṣyo
viṣadrumālolalatāḥ striyaś ca //

Note:

haranti svavaśīkurvanti mohayanti ca | raktacchadāḥ raktapattrāḥ raktādharāś ca | lolalatāḥ lolaśākhāḥ | lakṣaṇayā lolabhujāś ca ||

ito 'nyataś copagatā mudhaiva
samānasaṅketanibandhabhāvā /

yātrāsamāsaṅgasamā⁵⁷² narāṇāṃ
kalatramitravyavahāramāyā //

Note:

saṅketaḥ gantavyo deśaḥ | yathā yātrāyām mārge janā anyo'nyaṃ rātrau militvā prabhāte samānaṃ gantavyaṃ deśaṃ gacchanti | tathā saṃsāre 'pi putrādibhiḥ militvā mṛtvā paralokākhyaṃ deśaṃ gacchanti | atas teṣu bhāvabandhanaṃ na yuktam iti bhāvaḥ ||

pradīpaśāntiṣv iva bhuktabhūri-
daśāsv atisnehanibandhanīṣu /

saṃsāramāyāsu calācalāsu
na jñāyate tattvam atāttvikīṣu //

Note:

atisnehaḥ rāgādhikyaṃ tailādhikyaṃ ca | sa nibandhanaṃ kāraṇaṃ yāsāṃ | tāḥ | tādṛśīṣu calācalāsu aticañcalāsu | atāttvikīṣu asatyāsu ||

saṃsārasaṃrambhakucakrikeyam
prāvṛṭpayobudbudabhaṅgurāpi /

asāvadhānasya janasya buddhau
cirasthirapratyayam ātanoti //

Note:

atyantam bhramyamāṇā cakrikāpi asāvadhānasya janasya buddhau sthiratāpratyayam ādadhāti | atyantavairāgyāviṣṭatvāt kuśabdaprayogaḥ ||

śobhojjvalā dainyavaśād vinaṣṭā
guṇāḥ sthitāḥ samprati jarjaratve /

āśvāsanā dūrataram prayātā⁵⁷³
janasya hemanta ivāmbujasya //

Note:

jarjaratve nāśaunmukhye | janasyāśvāsanā janakartṛkam āśvāsanam ||

punaḥ punar daivavaśād upetya
svadehabhāreṇa kṛtāpakāraḥ /

vilūyate yatra taruḥ kuṭhārair
āśvāsane tatra hi kaḥ prasaṅgaḥ //

Note:

yatra daivavaśāt punaḥ punaḥ upetya upāgatya | svadehabhāreṇa śākhopaśākhabhāreṇa | kṛtaḥ apakāro⁵⁷⁴ yasya | saḥ⁵⁷⁵ taruḥ kuṭhāraiḥ janena lūyate | hi niścaye | tatra tasmin saṃsāre | āśvāsane kaḥ prasaṅgaḥ kā yuktatā bhavati | upetyety asya kṛtety anena⁵⁷⁶ sahaikakartṛtvam⁵⁷⁷ bṛhadbhayāya⁵⁷⁸ eva bhavatīti bhāvaḥ ||

manoramasyāpy atidoṣavṛtter
antar vighātāya samutthitasya /

viṣadrumasyeva janasya saṅgād
āsādyate samprati mūrcchanaiva //

Note:

atiśayena doṣe vṛttir yasya | saḥ⁵⁷⁹ | tasya ||

kās tā dṛśo⁵⁸⁰ yāsu na santi doṣāḥ
kās tā diśo yāsu na duḥkhadāhaḥ /

kās tāḥ prajā yāsu na bhaṅguratvaṃ
kās tāḥ kriyā yāsu na nāma māyā //

Note:

māyā kapaṭaḥ⁵⁸¹ ||

kalpābhidhānakṣaṇajīvino 'pi
kalpaughasaṅkhyākalane viriñcāḥ /

ataḥ kalāśālini kālajāle
laghutvadīrghatvadhiyo 'py asatyāḥ //

Note:

kalpaughānāṃ kalane gaṇane | kriyamāṇe iti śeṣaḥ | kriyamāṇe sati viriñcā api brahmāṇaḥ api | kalpābhidhānakṣaṇajīvinaḥ bhavanti | phalitam āhāta iti | kalāḥ⁵⁸² kalpādirūpāḥ | tābhih śālini ||

sarvatra pāṣāṇamayā mahīdhrā
mṛdā mahī dārubhir eva vṛkṣāḥ /

māṃsair janāḥ pauruṣabaddhabhāvā
nāpūrvam astīha vikārahīnam //

Note:

pauruṣe puruṣakāre | baddhāḥ⁵⁸³ bhāvāḥ yeṣāṃ | te ||

ālokyate cetanayānuviddhaḥ
payonibaddho 'ṇucayo nabhaḥsthaḥ /

pṛthagvibhāgena padārthalakṣmyā
etaj⁵⁸⁴ jagan netarad asti kiñcit //

Note:

cetanayā anuviddhaḥ⁵⁸⁵ vyāptaḥ | nabhaḥsthaḥ⁵⁸⁶ payonibaddhaḥ jalāvaṣṭabdhaḥ⁵⁸⁷ | aṇucayaḥ paramāṇusamūhaḥ | padārthalakṣmyāḥ pṛthagvibhāgena padārthalakṣmīsambandhinā pṛthak vibhāgena | ālokyate | uktaviśeṣaṇāḥ paramāṇava eva nānārthabhāvena dṛśyante iti yāvat | etaj jagad asti | itarat anyat | kiñcij jagan nāsti | padārthanānābhāvasyaiva jagattvāt | ataś cātra kiṃ ramyatvaṃ kiṃ vāramyatvam iti bhāvaḥ ||

camatkṛtiś ceha manasviloke
cetaścamatkārakarī narāṇām /

svapne 'pi sādho viṣayaṃ kadācit
keṣāñcid apy eti na citrarūpā //

Note:

iha⁵⁸⁸ saṃsāre | manasviloke iti nirdhāraṇe | teṣām api manasvinām madhye⁵⁸⁹ saṃsāre cittānandakarī⁵⁹⁰ keṣām api camatkṛtir nāstīti piṇḍārthaḥ ||

adyāpayāte tv api kalpanāyā
ākāśavallīphalavanmahattve /

udeti nālobhalavāhatānām
udāravṛttāntamayī kathaiva //

Note:

adyāsmin vairāgyasamaye | kalpanāyāḥ saṃsārakalpanāyāḥ | udāravṛttāntamayī kathā adhyātmaśāstrakathā | alobhalavāhatānāṃ⁵⁹¹ lobharahitānām asmākam ity arthaḥ | etadanubhave tu kā kathety evaśabdābhiprāyaḥ ||

ādātum icchan padam uttamānāṃ
svacetasaivopahato 'dya lokaḥ /

pataty aśaṅkam paśur adrikūṭād
ānīlavallīdalavāñchayeva //

Note:

spaṣṭam ||

avāntaranyastanirarthakāṃsa-
cchāyālatāpattraphalaprasūnāḥ⁵⁹² /

śarīra eva kṣatasampadaś ca
śvabhradrumā adyatanā narāś ca //

Note:

śvabhradrumāḥ kathambhūtāḥ | avāntare na tu viśrāntisthāne | nyastāni sthāpitāni | nirarthakāni anyeṣām upayogitvābhāvena arthaśūnyāni | aṃsacchāyālatāpattraphalaprasūnāni⁵⁹³ yaiḥ | te | adyatanāḥ narāḥ kathambhūtāḥ | śarīre eva svaśarīrārtham eva | na tu paropakārārthaṃ | kṣatasampadaḥ⁵⁹⁴ | aṃsaśabdo⁵⁹⁵ 'tra lakṣaṇayā drumaskandavācakaḥ | anyat svayam abhyūham ||

kvacij janā mārdavasundareṣu
kvacit karāleṣu ca⁵⁹⁶ sañcaranti /

daśāntarāleṣu nirantareṣu
vanāntaṣaṇḍeṣv⁵⁹⁷ iva kṛṣṇaśārāḥ //

Note:

daśāntarāleṣu daśāmadhyeṣu ||

dhātur navāni divasam prati bhīṣaṇāni
ramyāṇi cāvalulitākhilamānavāni /

kāryāṇi kaṣṭaphalapākahatodayāni
vismāpayanti na śaṭhasya manāṃsi keṣām //

Note:

dhātuḥ daivasya | divasam prati⁵⁹⁸ pratidivasaṃ | avalulitāḥ cāñcalyaṃ nītāḥ | akhilāḥ mānavāḥ yaiḥ | tāni | śaṭhasyeti dhātāram prati kopātiśayaṃ sūcayati ||

Note:

sargāntaślokenaitat samāpayati

janaḥ kāmāsakto vividhakukalāvedanaparaḥ
samaḥ svapne 'py asmiñ jagati sulabho nādya sujanaḥ /

kriyā duḥkhāsaṅgād vidhuravidhurā nūnam akhilā
na jāne netavyā⁵⁹⁹ katham iva daśā jīvitamayī //

Note:

kāmāsaktaḥ svapnayojanamātraparaḥ | āvedanam prakaṭīkaraṇam | iti śivam ||

MT_1.26

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe ṣaḍviṃśaḥ sargaḥ ||

Note:

*⁶⁰⁰evaṃ jagato nityatām uktvātha⁶⁰¹ tadviparyāsaṃ kathayati

yac cedaṃ dṛśyate kiñcij jagat sthāvarajaṅgamam /

tat sarvam asthiram brahman svapnasaṅgamasannibham //

Note:

spaṣṭam ||

Note:

asthiratvam eva vistarataḥ kathayati

śuṣkasāgarasaṅkāśo nikhāto yo 'dya dṛśyate /

sa prātar abhrasaṃvīto nagaḥ sampadyate mune //

Note:

nikhātaḥ gartaḥ ||

yo vanavyūhavistīrṇo vilīḍhagagano 'calaḥ /

dinair eva sa yāty urvīsamatāṃ kūpatāṃ ca vā //

Note:

vilīḍhagaganaḥ⁶⁰² vyāptākāśaḥ ||

yad aṅgam adya saṃvītaṃ kauśeyasragvilepanaiḥ /

digambaraṃ tad eva śvo dūre viśaritāvaṭe //

Note:

śvo dine | viśaritā viśīrṇo bhavitā ||

yatrādya nagaraṃ dṛṣṭaṃ vicitrācāracañcalam /

tatraivodeti divasaiḥ saṃśūnyāraṇyadhanvatā //

Note:

dhanvā maruḥ ||

yaḥ pumān adya tejasvī maṇḍalāny adhitiṣṭhati /

sa bhasmakūṭatāṃ rājan divasair adhigacchati //

Note:

maṇḍalāni deśān | bhasmakūṭatām bhasmacayabhāvam ||

araṇyānī mahābhīmā yā nabhomaṇḍalopamā /

patākācchāditākāśā saiva sampadyate purī //

Note:

spaṣṭam||

yā latāvalitā bhīmā bhāty adya vipināvalī /

divasair eva sā yāti mune marumahīpadam //

Note:

marumahīpadam marumahībhāvam ||

salilaṃ sthalatāṃ yāti sthalī bhavati vāribhūḥ /

viparyasyati sarvaṃ hi sakāṣṭhāmbutṛṇaṃ jagat //

Note:

viparyasyati viparyāsaṃ yāti ||

anityaṃ yauvanam bālyaṃ śarīraṃ dravyasañcayāḥ /

bhāvād bhāvāntaraṃ yānti taraṅgavad anāratam //

Note:

bhāvāt⁶⁰³ ekasmāt svarūpāt | bhāvāntaram anyat svarūpam ||

vātāttadīpakaśikhālolaṃ jagati jīvitam /

taḍitsphuraṇasaṅkāśā padārthaśrīr jagattraye //

Note:

vātāttā vātagṛhītā ||

viparyāsam iyaṃ yāti bhūribhūtaparamparā /

bījarāśir ivājasram prathamānaḥ punaḥ punaḥ //

Note:

prathamānaḥ upyamānaḥ ||

manaḥpavanaparyastabhūribhūtarajaḥpaṭā⁶⁰⁴ /

pātotpātaparāvartavarābhinayabhūṣitā //

ālakṣyate sthitir iyaṃ jāgatī janitabhramā /

nṛttāveśavivṛtteva saṃsārārabhaṭīnaṭī //

Note:

manaḥpavanena paryastāḥ īritāḥ | ye bhūribhūtās | te eva rajaḥpaṭaḥ rajovṛtaḥ paṭaḥ | yasyāḥ | sā | parāvartaḥ⁶⁰⁵ punarāvṛttirūpo bhramaḥ | jāgatī sthitiḥ jagadrūpā sthitiḥ | nṛtte ya āveśaḥ | tatra vivṛttā pravṛttā | saṃsāre saṃsārākhye raṅge | yā ārabhaṭī | tasyāḥ naṭī | ārabhaṭī raudrarasavṛttiviśeṣaḥ ||

gandharvanagarākāraviparyāsavidhāyinī /

apāṅgabhaṅgurodāravyavahāramanoramā //

taḍittaralam ālokam ātanvānā punaḥ punaḥ /

saṃsārarañjanā brahman nṛttamatteva rājate //

Note:

saṃsārasya rañjanā rāgaḥ | nṛttamatteva rājate | kathambhūtā | gandharvanagarākāraḥ yaḥ viparyāsaḥ | taṃ vidadhātīti tādṛśī | tathāpāṅgavat bhaṅguraḥ | apāṅgeṣu ca bhaṅguraḥ | yaḥ udāravyavahāraḥ | tena manoramā | tathā taḍittaralam aticañcalam | ālokaṃ svaviṣayaṃ jñānaṃ svaśarīraprakāśanaṃ ca | punaḥ punaḥ ātanvānā ||

divasās te mahāntas te saṃpadas tāḥ kriyāś ca tāḥ /

sarvaṃ smṛtipadaṃ yātaṃ yāmo vayam api kṣaṇāt //

Note:

te divasā iti sambandhaḥ | tacchabdena pūrvānubhūtānāṃ divasānāṃ smaraṇam ||

pratyahaṃ kṣayam āyāti pratyahaṃ jāyate punaḥ /

adyāpi hatarūpāyā nānto 'syā dagdhasaṃsṛteḥ //

Note:

spaṣṭam ||

tiryaktvam puruṣā yānti tiryañco⁶⁰⁶ naratām api /

devāś cādevatāṃ⁶⁰⁷ caite kim eveha vibho sthiram //

Note:

tiryagādīnām puruṣatvādigamanaṃ svabhāvadvāreṇa jñeyam atha vā janmadvāreṇa ||

racayan raśmijālena rātryahāni punaḥ punaḥ /

ativāhya raviḥ kāyaṃ⁶⁰⁸ vināśāvadhim īkṣate //

Note:

ativāhya pravartayitvā ||

brahmā viṣṇuś ca rudraś ca sarvā vā bhūtajātayaḥ /

nāśam evānudhāvanti salilānīva vāḍavam //

Note:

spaṣṭam ||

dyauḥ kṣamā vāyur ākāśam parvatāḥ sarito diśaḥ /

vināśavāḍavasyaitat⁶⁰⁹ sarvaṃ saṃśuṣkam indhanam //

Note:

sudāhyatvasūcakaṃ saṃśuṣkam iti ||

dhanāni bandhavo bhṛtyā mitrāṇi vibhavāś ca ye /

vināśabhayabhītasya sarvaṃ nīrasatāṃ gatam //

Note:

mameti śeṣaḥ ||

svadante tāvad evaite bhāvā jagati dhīmataḥ /

yāvat smṛtipathaṃ yāti na vināśakurākṣasaḥ //

Note:

spaṣṭam ||

kṣaṇam aiśvaryam āyāti kṣaṇam eti daridratā /

kṣaṇaṃ vigatarogatvaṃ kṣaṇam āgatarogatā //

Note:

spaṣṭam ||

pratikṣaṇaṃ viparyāsadāyinā mahatāmunā /

jagadbhrameṇa ke nāma dhīmanto 'pi na mohitāḥ //

Note:

spaṣṭam ||

tamaḥpaṅkasamālabdhaṃ kṣaṇam ākāśamaṇḍalam /

kṣaṇaṃ kanakaniḥṣyandakomalālokasundaram⁶¹⁰ //

kṣaṇaṃ jaladanīlābjamālāvalitakoṭaram /

kṣaṇam uḍḍāmararavaṃ kṣaṇam mūkam avasthitam //

kṣaṇaṃ tārāvilasitaṃ kṣaṇam arkeṇa bhūṣitam /

kṣaṇam indukṛtāhlādaṃ kṣaṇaṃ sarvabahiṣkṛtam //

āgamāpāyaparayā sthityā saṃsthitanāśayā /

na bibhetīha saṃsāre dhīro 'pi ka ivānayā //

Note:

sthityā jagatsthityā | adhīrasya tu kā katheti bhāvaḥ ||

āpadaḥ kṣaṇam āyānti kṣaṇam āyānti sampadaḥ /

kṣaṇaṃ janmātha maraṇam mune kim iva na kṣaṇam //

Note:

sarvaṃ kṣaṇe eveti bhāvaḥ ||

prāg āsīd anya eveha tātas tv anyetaro dinaiḥ /

apy ekarūpam bhagavan kiñcid asti na susthitam⁶¹¹ //

Note:

tātaḥ daśarathaḥ | anyasmāt⁶¹² itaraḥ anyetaraḥ ||

ghaṭasya paṭatā dṛṣṭā paṭasyāpi ghaṭasthitiḥ /

na tad asti na yad dṛṣṭaṃ viparyasyati saṃsṛtau⁶¹³ //

Note:

dṛṣṭeti kālāntare mṛttvādidvāreṇa viparyasyati viparyāsaṃ gacchati ||

aśūreṇa hataḥ śūra ekenāpi śataṃ hatam /

prākṛtāḥ prabhutāṃ yātāḥ sarvam āvartate jagat //

Note:

āvartate parivṛttim bhajate ||

janateyaṃ viparyāsam ajasram anugacchati /

jaḍaspandaparāmarśāt taraṅgānām ivāvalī //

Note:

janatā janasamūhaḥ | jaḍaḥ yaḥ spandaḥ | tena parāmarśāt sparśāt | jāḍyād iti yāvat | jalaspande yaḥ parāmarśaḥ | tasmād iti ca ||

bālyam adya dinair eva yauvanaśrīs tato jarā /

dehe 'pi naikarūpatvaṃ kāsthā bāhyeṣu vastuṣu //

Note:

spaṣṭam ||

kṣaṇam ānanditām eti kṣaṇam eti viṣāditām /

kṣaṇam saumyatvam āyāti sarvasmin naṭavan manaḥ //

Note:

sarvasmin sarveṣu prāṇiṣu ||

itaś cānyad itaś cānyad itaś cānyad ayaṃ vidhiḥ /

racayan vastu nāyāti khedaṃ līlāsv ivārbhakaḥ //

Note:

spaṣṭam ||

cinoty unmādayaty atti nihanty āhanti cātmasāt /

jagajjātam idaṃ dhātā pātotpātaśatair iha //

Note:

cinoti vardhayati | unmādayati unmādayuktaṃ karoti | atti bhakṣayati | nihanti nāśayati | ātmasāt svādhīnaṃ karoti | āhanti samantān nāśayati ||

kṣaṇenānyad dinenānyat prātar anyad itas tataḥ /

racayan vañcanādakṣo vidhir dṛṣṭo na kenacit //

Note:

na dṛṣṭaḥ indriyāviṣayatvāt ||

yad adya tat tu na prātar yat prātas tat tu nādya ca /

yad anyadā tu tan nādya sarvam āvartatetarām //

Note:

spaṣṭam ||

santatānīha duḥkhāni sukhāni viralāni ca /

satataṃ rātryahānīva vivartante naram prati //

Note:

santatāni avicchinnāni | naram prati pratipuruṣam ||

āvirbhāvatirobhāvabhāgino⁶¹⁴ bhavabhāvinaḥ /

janasya sthiratāṃ yānti nāpado na ca sampadaḥ //

Note:

āvirbhāvatirobhāvau bhajatīti tādṛśasya | bhave saṃsāre | bhāvaḥ prādurbhāvaḥ asyāstīti tādṛśasya ||

padāt padam ayam pāpaḥ sarvam āpadi pātayan /

helāvivalitāśeṣaḥ khalaḥ⁶¹⁵ kālalavaḥ sthitaḥ //

Note:

gacchann iti śeṣaḥ | helayā na tu yatnena | vivalitaṃ rūpāntaraṃ nītam | aśeṣam | yena | saḥ ||

Note:

sargāntaślokenaitat samāpayati

samaviṣamadaśāvipākabhinnās
tribhuvanabhūtaparamparāphalaughāḥ /

samayapavanapātitāḥ patanti
pratidinam ātatasaṃsṛtidrumebhyaḥ //

Note:

samaviṣamadaśānāṃ yaḥ vipākaḥ pariṇāmaḥ | tena bhinnāḥ | tadyuktā iti yāvad | iti śivam ||

MT_1.27

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe saptaviṃśaḥ sargaḥ ||

Note:

*⁶¹⁶evaṃ jagadviparyāsam⁶¹⁷ uktvā tatkṛtāṃ viraktatām pratipādayati

iti medhopadāvāgnidagdhe⁶¹⁸ mahati cetasi /

prasphuranti na bhogāśā mṛgatṛṣṇāḥ⁶¹⁹ sarassv iva //

Note:

iti medhā eva upadāvāgni davāgnisamīpaṃ⁶²⁰ | tena dagdhe ||

pratyahaṃ cātikaṭutām eti saṃsārasaṃsthitiḥ /

kālapākavaśollāsirasā nimbalatā yathā //

Note:

kālena yaḥ pākaḥ⁶²¹ | tasya vaśena ullāsī rasaḥ | yasyāḥ | sā ||

vṛddhim āyāti daurjanyaṃ saujanyaṃ yāti tānavam /

karañjakarkaśe rājan pratyahaṃ janacetasi //

Note:

rājann iti daśaratham prati kathanaṃ | karañjavat kaṇṭakavat⁶²² | karkaśe | ato janasaṅgān mama viratiḥ jāteti bhāvaḥ | evam uttaratrāpi bhāvayojanā kāryā ||

bhajyate bhuvi maryādā jhagity eva diśam prati /

śuṣkeva māṣaśimikā ṭāṅkārakaṭhināravam //

Note:

spaṣṭam ||

rājyebhyo bhogapūgebhyaś cintāvanto mahīśvarāḥ⁶²³ /

nirastacintākalikā varam ekāntaśīlatā //

Note:

rājyebhyaḥ rājyārthaṃ | phalitam āha nirasteti | ata ity adhyāhāryam ||

nānandāya mamodyānaṃ na sukhāya mama śriyaḥ /

na harṣāya mamārthāśā śāmyāmi manasā saha //

Note:

śāmyāmi nakiñcidbhāvanārūpāṃ⁶²⁴ śāntiṃ gacchāmi ||

anityaś cāsukho lokas tṛṣṇā tāta durutsahā /

cāpalopahataṃ cetaḥ kathaṃ yāsyāmi nirvṛtim //

Note:

spaṣṭam ||

nābhinandāmi maraṇaṃ nābhinandāmi jīvitam /

yathā tiṣṭhāmi tiṣṭhāmi tathaiva vigatajvaram //

Note:

anena ca jīvanmuktapadaprāptiḥ sūcitā | yathāsthitatvaṃ hi jīvanmuktiṃ vinā na sambhavati ||

kim me rājyena kim bhogaiḥ kim arthena kim īhitaiḥ /

ahaṅkāravaśād etat sa eva galito mama //

Note:

ahaṅkārābhāve hi nakiñcidrūpaḥ puruṣaḥ kiṃ rājyādibhiḥ karoti ||

janmāvalivaratrāyām indriyagranthayo dṛḍhāḥ /

ye lagnās tadvimokṣārthaṃ ye yatante ta uttamāḥ //

Note:

tadvimokṣārtham indriyagranthīnāṃ vimokṣārtham ||

dalitam māninīlokair mano makaraketunā⁶²⁵ /

komalaṃ khuraniṣpeṣaiḥ kamalaṃ kariṇā yathā //

Note:

māninīlokair iti karaṇe tṛtīyā | makaraketuneti⁶²⁶ kartari ||

adya cet svasthayā buddhyā munīndra na cikitsyate /

bhūyaś cittacikitsāyāṃ kaḥ kilāvasaraḥ⁶²⁷ kutaḥ //

Note:

adya sakalasāmagryānvite samaye |svasthayā sāmagrīcintāhīnayā ||

Note:

nanu viṣayasevanaṃ tyaktvā kimarthaṃ cikitsāparo bhavatīty | atrāha

viṣaṃ viṣayavaiṣamyaṃ na viṣaṃ viṣam ucyate /

janmāntaraghnā viṣayā ekadehaharaṃ viṣam //

Note:

viṣayakṛtaṃ vaiṣamyam viṣayavaiṣamyam | janmāntare ghnanti janmāntaraghnāḥ vāsanārūpeṇa sthitatvāt ||

Note:

te eva tvāṃ kathaṃ tyajantīty | atrāha

na sukhāni na duḥkhāni na mitrāṇi na bandhavaḥ /

na jīvitaṃ na maraṇam bandhāya jñasya cetasaḥ //

Note:

bandhāya rāgadveṣarūpabandhārtham⁶²⁸ | jñasya vivekayuktasya ||

Note:

nanu tava jñatvam kuto 'stīty apekṣāyāṃ jñatvakaraṇam eva prārthayate

tad bhavāmi yathā brahman pūrvāparavidāṃ vara /

vītaśokabhayāyāso⁶²⁹ jñas tathopadiśāśu me //

Note:

spaṣṭam ||

vāsanājālavalitā duḥkhakaṇṭakasaṅkaṭā⁶³⁰ /

nipātotpātabahalā bhīmarūpājñatāṭavī //

Note:

spaṣṭam ||

krakacograviniṣpeṣaṃ soḍhuṃ śakto 'smy aham mune /

saṃsāravyavahārotthaṃ nāśāviṣamavaiśasam //

Note:

āśayā kṛtaṃ viṣamaṃ kaṭhinaṃ |vaiśasaṃ hiṃsanam | āśāviṣamavaiśasam ||

idaṃ nāstīdam astīti vyavahārijanabhramaḥ /

dhunotīdaṃ calaṃ ceto rajorāśim ivānilaḥ //

Note:

dhunoti kampayati ||

tṛṣṇātantulavaprotajīvasañcayamauktikam /

cidacchāṅgatayā nityam prakaṭaṃ cittanāyakam⁶³¹ //

saṃsārahāram aratiḥ kālavyālavibhūṣaṇam /

troṭayāmy aham akrūrāṃ vāgurām iva kesarī //

Note:

cid eva accham aṅgaṃ svarūpaṃ | yasya | saḥ | tasya bhāvaḥ tattā | tayā | cinmayatvenety arthaḥ | prakaṭaṃ vedyatāṃ gataṃ | anyathā hy acinmayatvād vedyaṃ kathaṃ syāt | cidaviruddhasya cidviṣayībhūtasyaiva vedyatvayogāt | hāro 'pi prakaṭo viśado bhavati | cittam eva nāyakaḥ utpādakaḥ madhyamaṇiś ca yasya | taṃ | akrūrāṃ komalām ||

nīhāraṃ hṛdayāṭavyām manastimiram āśu me /

kenacij jñānadīpena bhinddhi tattvavidāṃ vara //

Note:

hṛdayaṃ hṛtkamalam eva aṭavī araṇyaṃ | tatra nīhāraṃ | kenacit mayā vaktum aśakyenety arthaḥ ||

vidyanta eveha na te mahātman
durādhayo na kṣayam āpnuvanti /

ye saṅgamenottamamānasānāṃ
niśātamāṃsīva niśākareṇa //

Note:

he mahātman | iha loke | te durādhayo na vidyante ye uttamānāṃ saṅgamena kṣayaṃ nāpnuvanti uttamamānasasaṅgamena durādhayo naśyantīti bhavaḥ ||

Note:

sargāntaślokenaitat samāpayati

āyur vāyuvighaṭṭitābjapaṭalīlambāmbuvad bhaṅguram
bhogā meghavitānamadhyavilasatsaudāminīcañcalāḥ⁶³² /

lolo yauvanalālanājalarayaś cety ākalayya drutam
mudraivādridṛḍhārpitā⁶³³ nanu mayā citte ciraṃ śāntaye //

Note:

vitānaṃ samūhaḥ | lālanā vilāsaḥ | mudrā maunaṃ | viṣayāvedanam iti yāvat | kathambhūtā | adrivat parvatavat | dṛḍhā | iti śivam ||

MT_1.28

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe aṣṭāviṃśaḥ sargaḥ ||

Note:

*⁶³⁴evaṃ viraktatām pratipādya vairāgyakṛtāvasthākathanam prastauti

evam abhyutthitānarthasārthasaṅkaṭakoṭaram /

jagad ālokya nirmagnam manomananakardame //

mano me bhramatīvedaṃ sambhramaś copajāyate /

gātrāṇi parikampante pattrāṇīva jarattaroḥ //

Note:

abhyutthitaḥ abhyudayaṃ gataḥ | yaḥ anarthasārtha⁶³⁵ anarthasamūhaḥ | tena saṅkaṭaṃ sambādhaṃ | koṭaram madhyaṃ yasya | tat | manasaḥ yat mananam saṅkalpāparaparyāyo mananākhyo dharmaḥ | sa eva kardamaḥ | tasmin | sambhramaḥ āvegaḥ | gātrāṇi aṅgāni ||

anāptottamasantoṣacaryotsaṅgākulā matiḥ /

śūnyāspadā⁶³⁶ bibhetīha bālevālpabaleśvarā //

Note:

anāptaḥ | uttamasantoṣasya caryāyāḥ kriyāyāḥ | utsaṅgaḥ aṅkaḥ | yayā | sā | tādṛśī cāsau | ata evākulā ca | bālāpi anāptapriyasakhyutsaṅgā ākulā bhavati | alpabalaḥ īśvaraḥ patir | yasyāḥ | sā | tādṛśī | alpabaleśvarā śūnyāspadā ca bālā hi sphuṭam eva bibheti ||

vikalpebhyo luṭhanty etāś cāntaḥkaraṇavṛttayaḥ /

śvabhrebhya iva sāraṅgyas⁶³⁷ tucchālambaviḍambitāḥ⁶³⁸ //

Note:

vikalpebhyaḥ luṭhanti anyasmād vikalpād anyaṃ vikalpaṃ yāntīty arthaḥ | atha vā mohaṃ⁶³⁹ gacchantīti | antaḥkaraṇavṛttayaḥ kathambhūtāḥ | tucchāḥ āpātamātramadhuratvena niḥsārāḥ | ye ālaṃbāḥ viṣayās | tair viḍambitāḥ vañcitāḥ⁶⁴⁰ | svonmukhāḥ kṛtā iti yāvat ||

avivekāspadabhraṣṭāḥ kaṣṭe rūḍhā na satpade /

andhakūpam ivāpannā varākāś cakṣurādayaḥ //

Note:

kaṣṭe viṣayākhye kaṭhine pade ity⁶⁴¹ arthaḥ ||

nāvasthitim upāyāti na ca yāti yathepsitam /

cintā jīveśvarāyattā kāntevāpriyasadmani //

Note:

avasthitiṃ sthairyam | yathepsitaṃ svepsitam artham | jīva eva īśvaraḥ patiḥ⁶⁴² | tasyāyattā vaśyā | na tu svādhīnā ||

jarjarīkṛtya vastūni tyajantī bibhratī tathā /

mārgaśīrṣāntavallīva dhṛtir vidhuratāṃ gatā //

Note:

jarjarīkṛtya nirvidya⁶⁴³ | bibhratī | navānīti śeṣaḥ | dhṛtiḥ lakṣaṇayā dhairyayuktā buddhiḥ ||

apahastitasarvārtham anavasthitir āsthitā /

gṛhītvotsṛjya cātmānam avasthitir avasthitā //

Note:

apahastitāḥ hastād atītāḥ | sarve arthāḥ yatra | tat | niṣprayojanam ity arthaḥ | anavasthitiḥ aratiḥ⁶⁴⁴ | āsthitā dṛḍhībhūtā | avasthitiḥ ratiḥ | ātmānaṃ gṛhītvā utsṛjya cāvasthitā śithilāsthitety⁶⁴⁵ arthaḥ ||

calitācalitenāntar avaṣṭambhena me matiḥ /

daridrācchinavṛkṣasya mūleneva viḍambyate //

Note:

daridrair ācchinno mūladeśaṃ tāvac chinnaś cāsau vṛkṣas | tasya | mūlena kartrā | calitācalitena kṣaṇam acalitena | avaṣṭambhena dhairyeṇa⁶⁴⁶ | upalakṣitā me matiḥ karmabhūtā | viḍambyate 'nukriyate | mama matiḥ chinnavṛkṣamūlavad aṅkurajananāsamarthāstīti bhāvaḥ ||

cetaś cañcalam ābhogi bhuvanāntarvihāri ca /

sambhramaṃ na jahātīdaṃ svavimānam ivāmaraḥ //

Note:

ābhogi vikalpākhyābhogayuktam ||

ato 'tuccham anāyāsam anupādhi gatabhramam /

kiṃ tat sthitipadaṃ sādhu yatra śaṅkā na vidyate //

Note:

sthiteḥ yogyam padaṃ sthitipadaṃ | śaṅkā nāśaśaṅkā ||

sarvārambhasamārambhāḥ sujanā janakādayaḥ /

vyavahāraparā eva katham uttamatāṃ gatāḥ //

Note:

sarvārambheṣu samārambhaḥ⁶⁴⁷ yeṣāṃ | te | sarvakāriṇa iti yāvat | sujanāḥ sajjanāḥ ||

lagnenāpi kilāṅgeṣu bahunā⁶⁴⁸ bahumānada /

kathaṃ saṃsārapaṅkena pumān iha na lipyate //

Note:

na lipyate svāveśenotpāditaiḥ sukhaduḥkhaiḥ⁶⁴⁹ pāpapuṇyaiḥ vā na gṛhyate ||

kāṃ dṛṣṭiṃ samupāśritya bhavanto vītakalmaṣāḥ /

mahānto vicarantīha jīvanmuktā mahāśayāḥ //

Note:

tāṃ mamāpi kathayeti⁶⁵⁰ bhāvaḥ ||

lobhayanto bhayāyaiva viṣayābhogabhoginaḥ /

bhaṅgurākāravibhavāḥ katham āyānti bhavyatām //

Note:

bhayāyaiva na tu sukhāya | viṣayāḥ bhogāḥ | bhogayuktāḥ bhoginaḥ bhogabhoginaḥ | puṣṭaśarīrayuktasarpasvarūpā ity arthaḥ | bhaṅgurākāraḥ naśvarasvabhāvaḥ | vibhavaḥ utpattisthānaṃ yeṣāṃ | tādṛśāḥ | bhavyatām rāgānutpādakatvena ramaṇīyatām⁶⁵¹ ||

mohamātaṅgamṛditā kalaṅkakalitāntarā /

param prasādam āyāti śemuṣīsarasī katham //

Note:

kalaṅko 'tra bhogānusandhānarūpo jñeyaḥ | śemuṣī buddhiḥ | sā eva sarasī ||

saṃsāra eva nivasañ jano vyavaharann api /

na bandhaṃ katham āyāti padmapattre payo yathā //

Note:

spaṣṭam ||

ātmavat tṛṇavad vedaṃ sakalaṃ janayañ jagat /

katham uttamatām⁶⁵² eti manomanmatham aspṛśan //

Note:

janayan utpādayan | lakṣaṇayā jānan ity arthaḥ | mano hi jñānadvāreṇaiva sarvaṃ janayati | ubhayathāpi mokṣa eveti bhāvaḥ ||

kam mahāpuruṣam pāram upayātam bhavodadheḥ /

ācāreṇānusṛtyāyaṃ⁶⁵³ jano yāti na duṣkṛtam //

Note:

spaṣṭam ||

kiṃ tad yad ucitaṃ śreyaḥ kiṃ tat syād ucitam phalam /

vartitavyaṃ ca saṃsāre kathaṃ nāmāsamañjase //

Note:

asamañjase viṣame ||

tat tvaṃ kathaya me kiñcid yenāsya jagataḥ prabho /

vedmi pūrvāparāṃ dhātuś ceṣṭitasyāsamasthitim //

Note:

yena kathitena | pūrvāparām antadvayayuktāṃ | samagrām iti yāvat | asamasthitiṃ viṣamāṃ sthitiṃ | jagataḥ kathambhūtasya⁶⁵⁴ | dhātuś ceṣṭitasya brahmaceṣṭitarūpasya ||

hṛdayākāśaśaśinaś cetaso malamārjanam /

yathā me jāyatām brahmaṃs tathā nirvighnam ācara //

Note:

malamārjanam saṃśayākhyamalamārjanam ||

kim iha syād upādeyaṃ kiṃ vā heyam athetarat /

kathaṃ viśrāntim āyātu cetaś capalam adrivat //

Note:

atha itarad upekṣyaṃ kim asti ||

kena pāvanamantreṇa duḥsaṃsṛtiviṣūcikā /

śāmyatīyam anāyāsam āyāsaśatakāriṇī //

Note:

spaṣṭam ||

kathaṃ śītalatām antar ānandatarumañjarīm /

pūrṇacandra ivākṣīṇāṃ rākām āsādayāmy aham //

Note:

rākām pūrṇimām ||

prāpyāntaḥpūrṇatām antar na śocāmi yathā punaḥ /

santo bhavantas tattvajñās tathaivopadiśantu mām //

Note:

spaṣṭam ||

Note:

sargāntaślokenaitat samāpayati

anuttamānandapadapradhāna-
viśrāntiriktaṃ hi mano mahātman /

kadarthayantīha bhṛśaṃ vikalpāḥ
śvāno vane deham ivālpajīvam //

Note:

kadarthayanti mathnanti | iti śivam ||

MT_1.29

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe ekonatriṃśaḥ sargaḥ ||

Note:

*⁶⁵⁵evaṃ vairāgyakṛtām avasthām uktvopāyam praṣṭum prastāvaṃ karoti

proccavṛkṣacalatpattralambāmbulavabhaṅgure⁶⁵⁶ /

āyuṣīśānaśītāṃśukalāmṛduni dehake //

kedāraviraṭadbhekakaṇṭhatvakkoṇabhaṅgure /

vāgurāvalaye jantoḥ suhṛtsvajanasaṅgame //

vāsanāvātavalitakadāśātaḍiti sphuṭe /

mohaughamihikāmeghe ghanaṃ sphūrjati garjati //

nṛtyaty uttāṇḍavaṃ caṇḍe lole lobhakalāpini /

suvikāsini sasphoṭam anarthakuṭajadrume //

krūre kṛtāntamārjāre sarvabhūtākhuhāriṇi /

aśrutaspandasañcāre kuto 'py uparipātini //

ka upāyo gatiḥ kā vā kā cintā kaḥ samāśrayaḥ /

keneyam aśubhodarkā⁶⁵⁷ na bhavej jīvitāṭavī //

Note:

īśānaśītāṃśukalā śrīmahādevaśiraḥsthā⁶⁵⁸ candrakalā | raṭataḥ bhekasya kaṇṭhatvak⁶⁵⁹ atyantabhaṅgurā bhavati | iti tasyā upamānatvena grahaṇam | mihikāmeghe nīhārayukte meghe | kathambhūte | vāsanāvātena valitā yā kadāśā | sā eva taḍit yasya | tādṛśe | sphuṭe prakaṭe | uttāṇḍavam udbhaṭaṃ | sasphoṭaṃ sphoṭanayuktaṃ | saśabdam ity arthaḥ | kṛtāntamārjāre kathambhūte | aśrutaspandaḥ sañcāro yasya | tādṛśe | aśubhodarkā aśubhottaraphalā | jīvitam evāṭavī vanam ||

na tad asti pṛthivyāṃ vā divi deveṣu vā kvacit /

sudhiyas tuccham apy etad yan na yāti naramyatām //

Note:

naramyatām iti nasamāso 'yam | aramyatām ity arthaḥ | sarvatra sarvaṃ sudhiyaḥ aramyatām eva yātīti⁶⁶⁰ bhāvaḥ | apiśabdaḥ pādapūraṇārthaḥ ||

ayaṃ hi dagdhasaṃsāro⁶⁶¹ nīrandhrakalanākulaḥ /

kathaṃ susvādutām eti nīraso mūrkhatāṃ vinā //

Note:

mūrkhatābhāve tu susvādutāṃ naitīti bhāvaḥ ||

āśāprativiṣā kena kṣīrasnānena ramyatām /

upaiti puṣpaśubhreṇa madhuneva suvallarī //

Note:

āśā eva prativiṣā tiktadravyaviśeṣaḥ | kena kiṃrūpeṇa ||

apamṛṣṭamalodeti kṣālanenāmṛtadyutiḥ /

manaścandramasaḥ kena tena kāmakalaṅkinaḥ //

Note:

apamṛṣṭaṃ naṣṭaṃ | malaṃ yasyāḥ | sā | tena keneti praśnaḥ | manaścandramasaḥ kathambhūtasya | kāma eva kalaṅkaḥ asyāstīti tādṛśasya ||

dṛṣṭasaṃsāragatinā dṛṣṭādṛṣṭavināśinā /

kena vā vyavahartavyaṃ saṃsāravanavīthiṣu //

Note:

dṛṣṭā saṃsāragatiḥ⁶⁶² yena | saḥ | tādṛśena | tathā dṛṣṭādṛṣṭayoḥ vināśaḥ asyāstīti tādṛśena | padārthadharmādharmādyatītena jīvanmukteneti yāvat | kena kena prakāreṇa | saṃsāravanavīthiṣu vyavahartavyaṃ vyavahāraḥ kartavyaḥ ||

rāgadveṣamahārogā bhogapūrvātipūtayaḥ /

kathaṃ jantor na bādhante⁶⁶³ saṃsārāraṇyacāriṇaḥ //

Note:

rāgadveṣā eva mahārogāḥ⁶⁶⁴ | te saṃsārāraṇyacāriṇo jantoḥ kathaṃ na bādhante | kathambhūtāḥ⁶⁶⁵ | bhogāḥ pūrvaṃ kāraṇaṃ yeṣāṃ | te | tādṛśāś ca te 'tipūtayaś cātiśayena pūtigandhāś⁶⁶⁶ ca | rāgādigataḥ pūtiḥ | arthād dharṣāmarṣau jñeyau | rogapakṣe tu prasiddhārtha eva ||

kathaṃ ca vīravairāgnau patatāpi⁶⁶⁷ na dahyate /

pāvake pārateneva rasena rasaśālinā //

Note:

kṣatriyajātitvād iyam uktiḥ | pāratena rasena pāratākhyena rasena ||

Note:

tarhi vyavahāram eva mā kurv ity | atrāha

yasmāt kila jagaty asmin vyavahārakriyāṃ vinā /

na sthitiḥ sambhavaty abdhau patitasyājalā yathā //

Note:

sthitiḥ⁶⁶⁸ avasthānam ||

rāgadveṣavinirmuktā sukhaduḥkhavivarjitā /

kṛśānor⁶⁶⁹ dāhahīneva śikhā nāstīha satkriyā //

Note:

spaṣṭam ||

manomananamāninyāḥ satāpābhuvanatraye /

kṣayayuktiṃ vinā nāsti brūta tām alam uttamāḥ //

Note:

satāpam ā samantād | bhuvanatrayaṃ | tasmin | manomananamāninyāḥ kṣayayuktiṃ vinā nāsti | tāpanivārakam iti śeṣaḥ | ataḥ⁶⁷⁰ he uttamāḥ | yūyaṃ tāṃ kṣayayuktiṃ | brūta kathayatety arthaḥ | ābhuvanatrayam ity atra āṅśabdo 'bhivyāpakatve samasyate | ānagaram itivat ||

vyavahāravato yuktyā duḥkhaṃ nāyāti me yayā /

atha vāvyavahārasya brūta tāṃ gatim uttamāḥ //

Note:

avyavahārasya vyavahārarahitasya | gatiṃ yuktim ||

tat kathaṃ kena vā kiṃ vā kṛtam uttamacetasā /

pūrvaṃ yenaiti viśrāmam paramam pāvanam manaḥ //

Note:

kenottamacetasā pūrvaṃ tat kiṃ kṛtaṃ kathaṃ vā kṛtaṃ | tat kim mameti śeṣaḥ | yena mama manaḥ pāvanaṃ sat paramaṃ viśrāmam eti ||

yathā jānāsi bhagavaṃs tathā mohanivṛttaye /

brūhi me sādhavo yena yūyaṃ nirduḥkhatāṃ gatāḥ //

Note:

nanu katham ahaṃ vaktuṃ śaknomīty⁶⁷¹ atrāha sādhava iti ||

atha vā tādṛśī brahman yuktir yadi na vidyate /

na yuktim mama vā kaścid vidyamānām api sphuṭam //

svayaṃ caiva na cāpnomi tāṃ viśrāntim anuttamām /

tad ahaṃ tyaktasarveho nirahaṅkāratāṃ gataḥ //

na bhokṣye na⁶⁷² pibāmy ambu nāham paridadhe 'mbaram /

karomi nāhaṃ vyāpāraṃ snānadānāśanādikam //

Note:

he brahmann | atha vā yadi tādṛśī yuktir na vidyate | vidyamānām api yuktiṃ kaścin mama na | brūyād iti śeṣaḥ | svayaṃ ca tāṃ viśrāntiṃ yathātathālabdhayā yuktyā kṛtaṃ viśrāmam | atijāḍyān nāpnomi | tadāhaṃ nirahaṅkāratāṃ gato 'ta eva tyaktasarvehaḥ san | na bhokṣye | tilakam ||

na ca tiṣṭhāmi kāryeṣu sampatsv āpaddaśāsu ca /

na kiñcid api vāñchāmi dehatyāgād ṛte mune //

Note:

spaṣṭam ||

kevalaṃ vigatāśaṅko nirmamo gatamatsaraḥ /

maunam eveha tiṣṭhāmi lipikarmasv ivārpitaḥ //

Note:

spaṣṭam ||

atha krameṇa santyajya saśvāsocchvāsasaṃvidam⁶⁷³ /

sanniveśaṃ tyajāmīmam anarthaṃ dehanāmakam //

Note:

śvāsaś cocchvāsaś ca | tau śvāsocchvāsau | tābhyāṃ saha vartate iti saśvāsocchvāsā | tādṛśī saṃvit | tāṃ | sanniveśaṃ saṃsthānam ||

Note:

nanu samatāviṣayatvena svasambandhitayā sthitasya dehasya tyāgaḥ kathaṃ sidhyatīty | atrāha

nāham asya na me dehaḥ śāmyāmy asnehadīpavat⁶⁷⁴ /

sarvam eva parityajya tyajāmīdaṃ kalevaram //

Note:

spaṣṭam ||

Note:

sargāntaślokena śrīrāmavākyam upasaṃharati

ity uktavān amalaśītakarābhirāmo
rāmo mahattaravivekavikāsicetāḥ /

tūṣṇīm babhūva purato mahatāṃ ghanānāṃ
kekāravaśramavaśād iva nīlakaṇṭhaḥ //

Note:

nīlakaṇṭhaḥ mayūraḥ⁶⁷⁵ | iti śivam ||

MT_1.30

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe triṃśaḥ sargaḥ ||

Note:

*⁶⁷⁶śrīvālmīkiḥ śrībharadvājam prati kathayati

vadaty evam manomohavinivṛttikaraṃ vacaḥ /

rāme rājīvapattrākṣe tasmin rājakumārake //

sarve babhūvus tatrasthā vismayotphullalocanāḥ /

dhṛtāmbarā deharuhair giraḥ śrotum ivodgataiḥ //

virāmavāsanāpāstasamastabhavavāsanāḥ /

muhūrtam amṛtāmbhodhivīcīvilulitā⁶⁷⁷ iva //

Note:

deharuhaiḥ romabhiḥ | dhṛtāmbarāḥ dhṛtavastrāḥ | romakañcukānvitāḥ⁶⁷⁸ ity arthaḥ | deharuhaiḥ kathambhūtair iva | giraḥ śrīrāmagiraḥ śrotum udgataiḥ utthitair iva | virāmavāsanayā nivṛttivāsanayā⁶⁷⁹ | apāstāḥ⁶⁸⁰ tyaktāḥ | samastāḥ bhavavāsanāḥ yaiḥ | te vilulitāḥ cañcalīkṛtāḥ ||

tā giro rāmabhadrasya tasya citrārpitair iva /

saṃśrutāḥ śṛṇukair⁶⁸¹ antar ānandaparipīvaraiḥ //

Note:

śṛṇukaiḥ⁶⁸² śrotṛbhiḥ ||

Note:

śṛṇukān⁶⁸³ eva viśeṣeṇa kathayati

vasiṣṭhaviśvāmitrādyair munibhiḥ saṃsadi sthitaiḥ /

jayantaghṛṣṭipramukhair mantribhir mantrakovidaiḥ //

Note:

spaṣṭam ||

nṛpair daśarathaprakhyaiḥ pauraiḥ pāraśavādibhiḥ /

sāmantai rājaputraiś ca brāhmaṇair brahmavādibhiḥ //

Note:

spaṣṭam ||

tathā bhṛtyair amātyaiś ca pañjarasthaiś ca pakṣibhiḥ /

krīḍāmṛgair gataspandais turaṅgair gatacarvaṇaiḥ //

Note:

gatacarvaṇaiḥ tyaktabhojanaiḥ ||

kausalyāpramukhaiś caiva nijavātāyanasthitaiḥ /

saṃśāntabhūṣaṇārāvair aspandair vanitāgaṇaiḥ //

Note:

spaṣṭam ||

udyānavallīnilayair viṭaṅkanilayair api /

akṣubdhapakṣatatibhir vihagair viratāravaiḥ //

siddhair nabhaścaraiś caiva tathā gandharvakinnaraiḥ /

nāradavyāsapulahapramukhair munipuṅgavaiḥ //

Note:

spaṣṭam ||

anyaiś ca devadeveśavidyādharamahoragaiḥ /

rāmasya tā vicitrārthā mahodārā giraḥ śrutāḥ //

Note:

spaṣṭam ||

atha tūṣṇīṃ sthitavati rāme rājīvalocane /

tasmin raghukulākāśaśaśāṅkasamasundare⁶⁸⁴ //

sādhuvādagirā sārdhaṃ siddhasārthasamīritā /

vitānakasamā vyomnaḥ puṣpavṛṣṭiḥ papāta ha //

Note:

spaṣṭaṃ ||

Note:

puṣpavṛṣṭiṃ viśinaṣṭi

mandārakośaviśrāntabhramaradvandvanādinī /

madirāmodasaundaryamuditonmadamānavā //

Note:

spaṣṭam ||

vyomavātavinunneva tārakāṇām paramparā /

patiteva dharāpīṭhaṃ svargastrīhasitacchaṭā //

Note:

spaṣṭam ||

vṛṣṭiṣv ekaśaranmeghalavāvalir iva cyutā /

haiyaṅgavīnapiṇḍānām⁶⁸⁵ īriteva paramparā //

Note:

vṛṣṭiṣu vṛṣṭyantaḥ⁶⁸⁶ ||

himavṛṣṭir ivodārā muktāhāracayopamā /

aindavīraśmimāleva kṣīrormīṇām ivātatiḥ //

Note:

spaṣṭam||

kiñjalkāmodavalitā bhramadbhṛṅgakadambakā /

sītkāragāyadāmodamadhurāniladolitā //

Note:

sītkāreti śabdānukaraṇam ||

prabhramatketakavyūhā prasaratkairavotkarā /

prapatatkundavalayā valatkuvalayālayā //

Note:

spaṣṭam ||

āpūritāṅganārāmagṛhacchādanacatvarā /

udgrīvapuravāstavyavaranārīvilokitā //

Note:

aṅganāni cārāmāś ca gṛhacchādanāni ca catvarāṇi ca | tāni⁶⁸⁷ āpūritāni aṅganādīni yayā | sā | darśanotsuko hi udgrīvo bhavati ||

nirabhrotpalasaṅkāśavyomavṛṣṭir anākulā /

adṛṣṭapūrvā sarvasya janasya janitasmayā //

Note:

spaṣṭam⁶⁸⁸ ||

adṛṣṭapūrvasiddhaughakarotkarasamīritā /

sā muhūrtacaturbhāge puṣpavṛṣṭiḥ papāta ha //

Note:

*⁶⁸⁹ha iti nipātaḥ pādapūraṇārthaḥ ||

āpūritasabhāloke śānte kusumavarṣaṇe /

imān siddhagaṇālāpāñ śuśruvus⁶⁹⁰ te sabhāgatāḥ //

Note:

spaṣṭam ||

Note:

siddhagira eva kathayati

ākalpaṃ siddhasenāsu bhramadbhir abhito divam /

apūrvam adya tv asmābhiḥ śrutaṃ śrutirasāyanam //

Note:

śrutau karṇe | rasāyanam amṛtam ||

yad anena kilodāram uktaṃ raghukulendunā /

vītarāgatayā tad dhi vākpater⁶⁹¹ apy agocaram //

Note:

spaṣṭam ||

aho vata mahat puṇyam adyāsmābhir idaṃ śrutam /

vaco rāmamukhodbhūtam amṛtāhlādakaṃ dhiyaḥ //

Note:

spaṣṭam ||

Note:

sargāntaślokaṃ kathayati

upaśamāmṛtasundaram ādarād
adhigatottamatāpadam eṣa yat /

kathitavān ucitaṃ raghunandanaḥ
sapadi tena vayam pratibodhitāḥ //

Note:

pratibodhitāḥ⁶⁹² jñānayuktāḥ sampāditāḥ⁶⁹³ | iti śivam ||

MT_1.31

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe ekatriṃśaḥ sargaḥ ||

Note:

siddhā eva parasparaṃ⁶⁹⁴ kathayanti⁶⁹⁵

pāvanasyāsya vacasaḥ proktasya raghuketunā /

nirṇayaṃ śrotum ucitaṃ vakṣyamāṇam maharṣibhiḥ //

nāradavyāsapulahapramukhā munipuṅgavāḥ /

āgacchatāśv avighnena sarva eva maharṣayaḥ //

patāmaḥ paritaḥ puṇyām etāṃ dāśarathīṃ sabhām /

nīrandhrakanakāmbhojām padminīm iva ṣaṭpadāḥ //

Note:

spaṣṭam ||

Note:

śrīvālmīkiḥ śrībharadvājam prati kathayati

ity uktvā sā samastaiva vyomāvāsanivāsinī /

tām papāta sabhāṃ tatra divyā muniparamparā //

Note:

vyomni yaḥ āvāsaḥ | tatra nivasatīti tādṛśī ||

Note:

muniparamparāṃ viśinaṣṭi

agrasthitamarutpṛṣṭharaṇadvīṇamunīśvarā /

payaḥpīnaghanaśyāmavyāsamecakitāmbarā //

Note:

agre sthitāḥ marutaḥ yasyāṃ | sā | tādṛśī cāsau pṛṣṭhe ca⁶⁹⁶ raṇadvīṇāḥ munīśvarāḥ yasyāṃ | sā | tādṛśī ||

bhṛgvaṅgiraḥpulastyādimunināyakamaṇḍitā⁶⁹⁷ /

cyavanoddālakośīraśaralomādipālitā //

Note:

spaṣṭam ||

parasparaparāmarśād⁶⁹⁸ duḥsaṃsthānamṛgājinā /

lolākṣamālāvalayā sukamaṇḍaludhāriṇī //

Note:

parāmarśāt saṅghaṭṭāt ||

tārāvalir ivānyonyakṛtaśobhātiśāyinī /

kausumī vṛṣṭir anyeva dvitīyevārkamaṇḍalī //

Note:

spaṣṭam ||

tārājāla ivāmbhodo vyāso hy atra vyarājata⁶⁹⁹ /

tāraugha iva śītāṃśur nārado 'tra vyarājata //

Note:

spaṣṭam ||

deveṣv iva svarādhīśaḥ pulastyo 'tra vyarājata /

āditya iva devānām aṅgirāś ca vyarājata //

Note:

spaṣṭam ||

athāsyāṃ siddhasenāyām patantyāṃ nabhaso rasāt /

uttasthau munisampūrṇā tadā dāśarathī sabhā //

Note:

spaṣṭam ||

miśrībhūtā virejus⁷⁰⁰ te nabhaścaramahīcarāḥ /

parasparavṛtāṅgābhā bhāsayanto diśo daśa //

Note:

parasparaṃ vṛtā⁷⁰¹ aṅgānām ābhā yaiḥ | te ||

Note:

nabhaścaramahīcarān viśinaṣṭi

veṇughaṇṭāvṛtakarā⁷⁰² līlākamaladhāriṇaḥ /

dūrvāṅkurākrāntaśikhāḥ sacuḍāmaṇimūrdhajāḥ //

Note:

spaṣṭam ||

jaṭākaṭaprakapilā maulimālitamastakāḥ /

prakoṣṭhagākṣavalayā māṇikyavalayānvitāḥ⁷⁰³ //

Note:

jaṭākaṭapreṇa jaṭāsamūhena | kapilāḥ ||

cīravalkalasaṃvītāḥ srakkauśeyāvaluṇṭhitāḥ /

vilolamekhalāpāśāś calanmuktākalāpinaḥ //

Note:

spaṣṭam ||

vasiṣṭhaviśvāmitrau tān pūjayām āsatuḥ kṣaṇāt /

arghyaiḥ pādyair vacobhiś ca nabhaścaramahāgaṇān //

Note:

spaṣṭam ||

sarvācāreṇa siddhaugham pūjayām āsa bhūpatiḥ /

siddhaugho⁷⁰⁴ bhūpatiṃ caiva kuśalapraśnavārtayā //

Note:

spaṣṭam ||

tais taiḥ praṇayasaṃrambhair anyo'nyam prāptasatkriyāḥ /

upāviśan viṣṭareṣu nabhaścaramahīcarāḥ //

Note:

praṇayasaṃrambhaiḥ⁷⁰⁵ snehasaṃrambhaiḥ⁷⁰⁶ ||

vacobhiḥ puṣpavarṣeṇa sādhuvādena cābhitaḥ /

rāmaṃ tam pūjayām āsuḥ puraḥ praṇatam āsthitam //

Note:

spaṣṭam ||

āsāṃ cakre ca tatrāsau rājalakṣmyā⁷⁰⁷ virājitaḥ /

viśvāmitro vasiṣṭhaś ca vāmadevaś ca mantriṇaḥ //

Note:

asau śrīrāmaḥ ||

nārado devaputraś ca vyāsaś ca munipuṅgavaḥ /

marīcir atha durvāsā munir āṅgirasas tathā //

Note:

spaṣṭam ||

kratuḥ pulastyaḥ pulahaḥ śaralomā munīśvaraḥ /

vātsyāyano bharadvājo vālmīkir munipuṅgavaḥ //

Note:

spaṣṭam ||

uddālaka ṛcīkaś ca śaryātiś cyavanas tathā /

ūṣmapāś ca ghṛtārciś ca śāluḍir vāluḍis tathā //

Note:

spaṣṭam⁷⁰⁸ ||

ete cānye ca bahavo vedavedāṅgapāragāḥ /

jñātajñeyā mahātmānaḥ saṃsthitās tatra nāyakāḥ //

Note:

nāyakāḥ śreṣṭhāḥ ||

vasiṣṭhaviśvāmitrābhyāṃ saha te nāradādayaḥ /

idam ūcur anūcānā rāmam ānamitānanam //

Note:

anūcānāḥ sāṅgavedajñāḥ ||

aho vata kumāreṇa kalyāṇaguṇaśālinī /

vāg uktā paramodāravirāgarasagarbhiṇī //

Note:

spaṣṭam ||

pariniṣṭhitavākyārthasubodham ucitaṃ sphuṭam /

udāram priyacaryārham avihvalam aviplutam //

abhivyaktapadaṃ caiva niṣṭhaṃ spaṣṭaṃ ca tuṣṭimat /

karoti rāghavaproktaṃ vacaḥ kasya na vismayam //

Note:

pariniṣṭhitaḥ ākāṅkṣārahitaḥ | vākyārthaḥ yasmin⁷⁰⁹ | tat pariniṣṭhitavākyārthaṃ | tādṛśam ca tat subodhaṃ ca tat | sphuṭam prakaṭārtham | priyacaryām priyavyavahāram arhatīti tādṛśam | avihvalaṃ vyākulatārahitam | aviplutaṃ kenāpi bādhitum aśakyam | tuṣṭimat śrotuḥ tuṣṭikāritvena tuṣṭimat ||

śatād ekatamasyaiva⁷¹⁰ sarvodāracamatkṛteḥ /

īpsitārthārpaṇaikāntadakṣā bhavati bhāratī //

Note:

sarvebhyaḥ udārā⁷¹¹ udbhaṭā | camatkṛtiḥ camatkāro | yasya | tādṛśasya | na tu sarve etādṛśāḥ bhavantīti bhāvaḥ ||

Note:

śrīrāmam prati kathayati

kumāra tvāṃ vinā kasya vivekaphalaśālinī⁷¹² /

evaṃ vikāsam āyāti prajñā vanalatā yathā //

Note:

spaṣṭam ||

prajñādīpaśikhā yasya rāmasyeva hṛdi sthitā /

prajvalaty alam ālokakāriṇī sa pumān smṛtaḥ //

Note:

spaṣṭam ||

raktamāṃsāsthiyantrāṇi bahūny atitatāni ca /

padārthān apakarṣanti nāsti teṣu sacetanam //

Note:

atitatāni bahūni raktamāṃsāsthiyantrāṇi⁷¹³ dehaniṣṭhāḥ puruṣā iti yāvat | santi kathambhūtāni | padārthān apakarṣanti jāḍyena jetṝṇi | kiṃ tu teṣu kiñcid api raktamāṃsāsthiyantram sacetanaṃ vicārayuktaṃ | nāsti | kaścid api puruṣaḥ sacetano nāstīty arthaḥ ||

janmamṛtyujarāduḥkham anuyānti punaḥ punaḥ /

vimṛśanti na saṃsārapaśavaḥ parimohitāḥ //

Note:

vimṛśantīty atrāpi janmamṛtyujarāduḥkham ity etad eva karma | saṃsārapaśavaḥ ajñāninaḥ ||

kathañcit kvacid evaiko dṛśyate vimalāśayaḥ /

pūrvāparavicārārho yathāyam arisūdanaḥ //

Note:

pūrvāparavicārārhaḥ samyagvicārayogyaḥ ||

anuttamacamatkāraphalāḥ subhagamūrtayaḥ /

bhavyā hi viralā loke sahakāradrumā iva //

Note:

bhavyāḥ vivekayuktāḥ ||

samyagdṛṣṭir jagajjātau svavivekacamatkṛtiḥ /

asmin bhavyamatāv antar iyam anyeva⁷¹⁴ dṛśyate //

Note:

asmābhiḥ | bhavyamatau asmin garbharūpe śrīrāme | samyagdṛṣṭiḥ samyagdṛṣṭisvarūpā | iyaṃ svavivekacamatkṛtiḥ ātmavivekacamatkāraḥ | jagajjātau jagatsthitau | anyā iva navīnā iva | dṛśyate⁷¹⁵ ||

sulabhāḥ subhagā lokāḥ phalapallavaśālinaḥ /

jāyante taravo deśe na tu candanapādapāḥ //

Note:

subhagāḥ ākāramātreṇa manoharāḥ ||

vṛkṣāḥ prativane santi satyaṃ suphalapallavāḥ /

na tv apūrvacamatkāro lavaṅgaḥ sulabhaḥ sadā //

Note:

spaṣṭam ||

jyotsneva śītā śaśinaḥ sutaror iva mañjarī /

puṣpād āmodalekheva⁷¹⁶ dṛṣṭā rāmāc⁷¹⁷ camatkṛtiḥ //

Note:

camatkṛtiḥ vairāgyarūpety arthaḥ ||

asmād uddāmadaurātmyadaivanirmāṇanirmiteḥ /

dvijendrā dagdhasaṃsārāt sāro hy atyantadurlabhaḥ //

Note:

he dvijendrāḥ | dagdhasaṃsārāt kathambhūtāt | atyantavaiṣamyakāritvena uddāmadaurātmyaṃ yad daivaṃ vidhiḥ | tasya yat nirmāṇaṃ racanaṃ | tataḥ nirmitiḥ sampattir | yasya | saḥ | tādṛśāt | nirmāṇanirmityoḥ sāmānyaviśeṣabhāvena bhedo draṣṭavyaḥ | atra vairāgyotkarṣāt daivam prati asūyā na yukteti⁷¹⁸ nānyathā śaṅkitavyam ||

yatante sārasamprāptau ye yaśonidhayo dhiyā /

dhanyā dhuri satāṃ gaṇyās tā eva⁷¹⁹ puruṣottamāḥ //

Note:

spaṣṭam ||

na rāmeṇa samo 'stīha triṣu lokeṣu kaścana /

vivekavān udārātmā mahātmā⁷²⁰ ceti no matiḥ //

Note:

spaṣṭam ||

Note:

sargāntaślokena vairāgyaprakaraṇaṃ samāpayati

sakalalokacamatkṛtikāriṇo
'py abhimataṃ yadi rāghavacetasaḥ /

phalati no tad ime vayam eva hi
sphuṭataram munayo hatabuddhayaḥ //

Note:

abhimataṃ samanantaroktasya praśnasyottaram | iti śivam ||

MT_1.32

iti śrībhāskarakaṇṭhaviracitāyāṃ śrīmokṣopāyaṭīkāyāṃ vairāgyaprakaraṇe dvātriṃśaḥ sargaḥ ||

Note:

śrotṝṇām bhāvanāveśasatkṛtasvāntaśālinām /

vairāgyākhyaprakaraṇavyākhyā satphaladāstv iyam //

yacchaktyāveśavaśataḥ sāmarthyaṃ kāryagocaram /

bhāvānām astu yatno 'yaṃ tatkāryatvena niścitaḥ //

vāsanābījarāgākhyadrumonmūlanapaṇḍitaḥ /

vairāgyākhyaḥ payaḥpūraḥ sphuratān mama mānase //

iti śivam ||

iti śrīkāśmīramaṇḍalāntarvartyārādhyapādamahāmāheśvaravaiḍūryakaṇṭhātmajaśrīmadavatārakaṇṭhaputraśrībhāskarakaṇṭhaviracitāyāṃ śrīmokṣopāyaṭīkāyāṃ vairāgyākhyam prakaraṇaṃ samāptam ||*⁷²¹

2. Prakaraṇa: Mumukṣuvyavahāra (2,5.5-2,20.13)

Note: missing MS pages

[dvau huḍāv iva yudhyete puruṣārthau samāsamau /

ātmīyaś cānyadīyaś ca jaya]ty atibalas tayoḥ //

Note:

samāsamau arthānarthotpādakatvāt samaviṣamau | ātmīyaḥ ucchāstraḥ | anyadīyaḥ śāstroktaḥ iti | dvau puruṣārthau huḍāv iva yudhyete yuddhaṃ kurutaḥ | tatrāpi samaḥ śāstroktaḥ | asamaḥ ucchāstra iti vibhāgaḥ | tatra tayoḥ dvayoḥ puruṣārthayoḥ madhye | atibalo⁷²² jayati | huḍaḥ śṛṅgasahito mṛgaviśeṣaḥ ||

Note:

tad evāha⁷²³

anarthaḥ prāpyate yatra śāstritād api pauruṣāt /

anarthakaṃ tu balavat tatra jñeyaṃ svapauruṣam //

Note:

yatra puruṣeṇa śāstritād api pauruṣāt anarthaḥ prāpyate tatra anarthakam anarthotpādakaṃ⁷²⁴ svapauruṣam aśāstrīyaṃ pauruṣaṃ | balavaj jñeyam | tanmadhye praviṣṭād balavataḥ svapauruṣād evāsau anartha utpanna iti jñeyam iti bhāvaḥ | arthāt tu yatra anarthaḥ na prāpyate tatra śāstrīyam eva balavaj jñeyam | dvayoḥ pauruṣayoś ca sarvatra sandhir asti asahāyasyaikakasyotthānāsaṃbhavāt ||

Note:

puruṣasya kartavyaṃ darśayati

paraṃ pauruṣam āśritya dantair dantān vicūrṇayan /

śubhenāśubham udyuktaḥ prāktanaṃ pauruṣaṃ jayet //

Note:

paraṃ pauruṣam śāstroktaṃ pauruṣam | udyuktaḥ udyogayuktaḥ | prāktanaṃ pauruṣam vāsanākhyam prāktanam | api śubhaṃ śubhakāry eva | yataḥ śubhā vāsanaiva mokṣadāyinī proktety aśubham ity uktam ||

prāktanaḥ puruṣārtho 'sau māṃ niyojayatīti dhīḥ /

balād adhaspadīkāryā pratyakṣād adhikā na sā //

Note:

pratyakṣeṇa tu pauruṣasyaiva niyojane sāmarthyaṃ dṛṣṭam ity etad abhipretya pratyakṣād adhikā na sety uktam ||

tāvat tāvat prayatnena yatitavyaṃ svapauruṣaṃ /

prāktanaṃ pauruṣaṃ yāvad aśubhaṃ śāmyati svayam //

Note:

svapauruṣaṃ yatitavyam śāstrānusāreṇa svaviṣayaṃ prati yatnayuktaṃ kāryaṃ | yatitavyam iti ṇicyuktaḥ prayogaḥ ||

doṣaḥ śāmyaty asandehaṃ prāktano 'dyatanair guṇaiḥ /

dṛṣṭānto 'tra hyastanasya doṣasyādyaguṇaiḥ kṣayaḥ⁷²⁵ //

Note:

spaṣṭam ||

asaddaivam adhaḥ kṛtvā nityam udyuktayā dhiyā /

saṃsārottaraṇaṃ bhūtyai yatetādhātum ātmani //

Note:

bhūtyai muktirūpāyaiśvaryāya ||

na gantavyam anudyogaiḥ sāmyaṃ puruṣagardabhaiḥ /

udyogas tu yathāśāstraṃ lokadvitayasiddhaye //

Note:

spaṣṭam ||

saṃsārakuharād asmān nirgantavyaṃ⁷²⁶ svayaṃ balāt /

pauruṣaṃ yatnam āśritya hariṇevāripañjarāt //

Note:

saṃsārakuharāt saṃsāraśvabhrāt | hariṇā siṃhena | aripañjarāt aribhūtāt pañjarāt ||

pratyahaṃ pratyavekṣeta naraś caritam ātmanaḥ /

saṃtyajet paśubhis tulyaṃ śrayet satpuruṣocitam //

Note:

pratyavekṣeta kīdṛśam iti vimarśaviṣayaṃ kuryāt ||

kiṃcitkāntānnapānādikalilaṃ komalaṃ gṛhe /

vraṇe kīṭa ivāsvādya vayaḥ kāryaṃ na bhasmasāt //

Note:

kalilaṃ pāpajanakam | komalaṃ āmukhe komalatayā pratibhāsamānam | vraṇe randhre ||

śubhena pauruṣeṇāśu śubham āsādyate phalam /

aśubhenāśubhaṃ nityaṃ daivaṃ nāma na kiṃcana //

Note:

spaṣṭam ||

pratyakṣadṛṣṭam utsṛjya yo 'numānamanās tv asau /

svabhujābhyām imau sarpāv iti prekṣya palāyatām //

Note:

svabhujābhyām iti pañcamī ||

daivaṃ saṃprerayati mām iti mugdhadhiyāṃ mukham /

adṛṣṭaśreṣṭhadṛṣṭīnāṃ dṛṣṭvā lakṣmīr nivartate //

Note:

adṛṣṭā | śreṣṭhā uttamā | dṛṣṭiḥ pauruṣākhyā dṛṣṭiḥ | yaiḥ teṣām ||

tasmāt puruṣayatnena vivekaṃ pūrṇam āśrayet /

ātmajñānamahārthāni śāstrāṇi pravicārayet //

Note:

ātmajñānam eva mahān arthaḥ yeṣāṃ tāni ||

citte cintayatām arthaṃ yathāśāstraṃ nijehitaiḥ /

asaṃsādhayatām eva mūḍhānāṃ dhig durīpsitam //

Note:

nijehitaiḥ svapauruṣaiḥ | durīpsitam duṣṭakāṅkṣitam ||

pauruṣaṃ ca na cānantaṃ na yatnam abhivāñchate /

na yatnenāpi mahatā tailam āsādyate 'śmanaḥ //

Note:

pauruṣam anantaṃ antarahitaṃ | na ca bhavati | kiṃ tu niyatam eva bhavati | pauruṣaṃ kartṛ | yatnam na abhivāñchate na svotpādakatvena kāṅkṣate | yatnena svasya⁷²⁷ niyamaṃ na laṅghayati iti yāvat | puruṣo mahatāpi yatnena svasmin niyataṃ pauruṣaṃ na laṅghayituṃ śaknotīti bhāvaḥ | etad dṛṣṭāntena sugamaṃ karoti | na yatneneti ||

Note:

pūrvoktam evārthaṃ sphuṭayati

yathā ghaṭaḥ parimito yathā parimitaḥ paṭaḥ /

niyataḥ parimāṇasthaḥ puruṣārthas tathaiva vaḥ //

Note:

ataḥ svapauruṣāviṣaye ākāśagamanādau na yatitavyam iti bhāvaḥ ||

sa ca śāstrārthasatsaṅgasamācārair nijaṃ phalam /

dadātīti svabhāvo 'yam anyathānarthasiddhaye //

Note:

anyathā śāstrārthasatsaṅgasamācārāṇām abhāve ||

svarūpaṃ pauruṣasyaitad daivaṃ vyavaharan naraḥ /

yāti niṣphalayatnatvaṃ na kadācana kaścana //

Note:

pauruṣasya svarūpam daivam vyavaharan daivam iti nāmnā vyavaharan | na tu paramārthato daivam iti jānann iti yāvat ||

dainyadāridryaduḥkhārtā apy anye puruṣottamāḥ /

pauruṣeṇaiva yatnena yātā devendratulyatām //

Note:

spaṣṭam ||

ā bālyāc caivam abhyastaiḥ śāstrasatsaṅgamādibhiḥ /

guṇaiḥ puruṣayatnena svo 'rthaḥ saṃprāpyate hi taiḥ //

Note:

svo 'rthaḥ mokṣākhyaḥ kāṅkṣito 'rthaḥ | puruṣeṇeti śeṣaḥ | hiśabdaḥ niścaye | taiḥ prasiddhaiḥ guṇair iti karaṇe tṛtīyā | yatneneti tu hetau ||

Note:

upasaṃhāraṃ karoti

iti pwratyakṣato dṛṣṭam anubhūtaṃ kṛtaṃ śrutam /

daivottham iti manyante ye hatās te kubuddhayaḥ //

Note:

kṛtam śrutam⁷²⁸ anuṣṭhitam | sarvam daivāt uttham asti | iti ye manyante | te kubuddhayaḥ hatāḥ naṣṭāḥ ||

ālasyaṃ yadi na bhavej jagaty anarthaḥ
ko na syād bahudhaniko bahuśruto vā /

ālasyād iyam avaniḥ sasāgarāntā
saṃpūrṇā narapaśubhiś ca nirdhanaiś ca //

Note:

narapaśubhiḥ ajñānibhiḥ | nirdhanaiḥ daridraiḥ | tasmād dhanakāṅkṣibhiḥ mokṣakāṅkṣibhir vā pauruṣam eva kāryam iti bhāvaḥ ||

Note:

pauruṣānuṣṭhānaprakāraṃ kathayati

bālye gate 'viratakalpitakelilole
paugaṇḍamaṇḍanavayaḥprabhṛti prayatnāt /

satsaṅgamaiḥ padapadārthavibuddhabuddhiḥ
kuryān naraḥ svaguṇadoṣavicāraṇāni⁷²⁹ //

Note:

avirataṃ kalpitā yā keliḥ | tayā lole⁷³⁰ bālye | bālabhāve gate sati | puruṣaḥ paugaṇḍasyāvasthāviśeṣasya maṇḍanabhūtaṃ yat vayaḥ | tataḥ prabhṛti yauvanāt prabhṛti iti yāvat | prayatnāt yatnena | svaguṇadoṣavicāraṇāni kuryāt | kaiḥ kṛtvā | satsaṅgamaiḥ sādhusaṅgamaiḥ | satsaṅgamābhāve hi svaguṇadoṣavicāraṇam aśakyakriyam eva | puruṣaḥ kathaṃbhūtaḥ | padapadārthavibuddhabuddhiḥ | padapadārthayoḥ vibuddhā buddhiḥ yasya | tādṛśaḥ | padapadārthajña ity arthaḥ ||

Note:

śrīvālmīkiḥ sargāntaślokena bharadvājaṃ prati tatratyaṃ dināvasānaṃ kathayati

ity uktavaty atha munau divaso jagāma
sāyantanāya vidhaye 'stam ino jagāma /

snātuṃ sabhā kṛtanamaskaraṇā jagāma
śyāmākṣaye ravikaraiś ca sahājagāma //

Note:

munau vasiṣṭhe | iti evam | uktavati sati | divasaḥ jagāma avasānaṃ gataḥ | yataḥ inaḥ sūryaḥ | astaṃ jagāma | sabhā dāśarathī sabhā | kṛtanamaskaraṇā kṛtamuninamaskārā satī | sāyantanāya vidhaye sāyaṃ sandhyārthaṃ | snātuṃ jagāma | sā sabhā śyāmākṣaye rātrikṣaye | ravikaraiḥ sūryakaraiḥ | saha ājagāma ca | iti śivam ||

MT_2.5

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe pañcamaḥ sargaḥ ||

Note:

prabhāte⁷³¹ śrīvasiṣṭhaḥ śrīrāmaṃ prati pūrvasargoktavastuphalitaṃ kathayati

tasmāt prākpauruṣaṃ daivaṃ nānyat⁷³² tat projjhya dūrataḥ /

sādhusaṅgamasacchāstrair jīvam uttārayed balāt //

Note:

tasmāt pūrvasargoktāt hetoḥ | prākpauruṣaṃ prāktanaṃ pauruṣaṃ | daivam bhavati | anyat pauruṣād bhinnaṃ kiṃcid daivam | na bhavati | ataḥ puruṣaḥ tat daivaṃ | dūrataḥ projjhya arthāt adyatanaṃ śubhaṃ pauruṣam āśritya | sādhusaṅgamasacchāstraiḥ hetubhūtaiḥ | jīvam balāt haṭhena | uttārayet | saṃsārād iti śeṣaḥ ||

yathā yathā prayatnaḥ syād bhaved āśu phalaṃ tathā /

iti pauruṣam evāsti daivam astu tad eva vaḥ //

Note:

prayatnaḥ pauruṣam | tat yuṣmābhiḥ aṅgīkṛtaṃ daivam | vaḥ eva yuṣmākam evāstu ||

duḥkhād yathā duḥkhakāle hā kaṣṭam iti kathyate /

hākaṣṭaśabdaparyāyas tathā hā daivam ity api //

Note:

tathā hā kaṣṭam itivat hā daivam iti dīnānām evoktir astīti bhāvaḥ ||

prāksvakarmetarākāraṃ daivaṃ nāma na vidyate /

bālaḥ prabalapuṃseva taj jetum iva śakyate //

Note:

prāksvakarmaṇaḥ prāktanasvakarmaṇaḥ | itarākāram daivaṃ nāma na vidyate | prāktanāt svakarmaṇaḥ pṛthaksattāṃ na bhajate ity arthaḥ | ataḥ puṃsā tat daivaṃ | jetuṃ śakyate keneva | prabalapuṃsā iva | yathā tena bālo jetuṃ śakyate tathety arthaḥ ||

hyastano duṣṭa ācāra ācāreṇādya cāruṇā /

yathāśu śubhatāṃ yāti prāktanaṃ kukṛtaṃ tathā //

Note:

adyācāreṇa adya kṛtenācāreṇa | tathā tadvat | prāktanaṃ kukṛtam adyatanena sukṛtena śubhatāṃ yāti ||

tajjayāya yatante ye na lābhalavalampaṭāḥ /

te mūḍhāḥ prākṛtā dīnāḥ sthitā daivaparāyaṇāḥ //

Note:

tajjayāya kuvāsanārūpaprāktanāśubhapauruṣajayāya | lābhalave sāṃsārikapadārthāptirūpe lābhaleśe | laṃpaṭāh lobhayuktāḥ | prākṛtāḥ nīcāḥ ||

pauruṣeṇa kṛtaṃ karma daivād yad abhinaśyati /

tatra nāśayitur jñeyaṃ pauruṣaṃ balavattaram //

Note:

nāśayituḥ nāśakasya kālādeḥ ||

yad ekavṛntaphalayor apy ekaṃ śūnyakoṭaram /

tatra prayatnaḥ sphuritas tathā tadrasasaṃvidaḥ⁷³³ //

Note:

ekasmin vṛnte sthitau phalau ekavṛntaphalau | tayoḥ api madhyāt ekaphalaṃ śūnyakoṭaram sārarahitamadhyaṃ yat bhavati | arthāt dvitīyaṃ sārabharitamadhyaṃ jñeyam | tatra tasmin sthāne | tadrasasaṃvidaḥ tayoḥ phalayoḥ yā rasarūpā saṃvit | tasyāḥ tadrasasyeti yāvat | tathā tena prakāreṇa | yatnaḥ pauruṣaṃ sphuritaḥ | raseneva tādṛśaṃ pauruṣaṃ kṛtaṃ yenaikaṃ phalaṃ sārarahitaṃ saṃpannaṃ | na tv anyaśaṅkitasya⁷³⁴ daivasyātra kāpi śaktir astīti bhāvaḥ ||

yat prayānti jagadbhāvāḥ saṃsiddhā api saṃkṣayam /

kṣayakārakayatnasya tatra jñeyaṃ mahad balam //

Note:

kṣayakārakasya nāśakartuḥ kālasya | yaḥ yatnaḥ pauruṣam | tasya ||

bhikṣuko maṅgalebhena nṛpo yat kriyate balāt /

tad amātyebhapaurāṇāṃ prayatnasya mahat phalam //

Note:

maṅgalebhena maṅgalahastinā | bhikṣukaḥ nṛpaḥ rājā | balāt yat kriyate amātyebhapaurāṇāṃ rājyapradātṝṇāṃ mantrimaṅgalahastināgarāṇāṃ⁷³⁵ | prayatnasya tadrājyadānarūpasya pauruṣasya sahaphalaṃ bhavati | na daivasya ||

pauruṣenānnam ākramya yathā dantair vicūrṇyate /

alpaṃ pauruṣam ākramya tathā śūreṇa cūrṇyate //

Note:

yathā dantaiḥ pauruṣeṇa annam ākramya svavaśīkṛtya | cūrṇyate | tathā śūreṇādyatanapauruṣayuktena puruṣeṇa | alpaṃ prāktanatvena jīrṇaprāyaṃ | pauruṣaṃ ākramya cūrṇyate ||

anubhūtaṃ hi mahatāṃ lāghavaṃ yatnaśālināṃ /

yatheṣṭaṃ viniyujyante te taiḥ karmasu loṣṭavat //

Note:

hi yasmāt | asmābhiḥ yatnaśālināṃ pauruṣaśālināṃ | mahatāṃ lāghavaṃ cāturyam | anubhūtaṃ pratyakṣaṃ dṛṣṭam | kathaṃ anubhūtam ity | atrāha | yatheṣṭam iti | yataḥ taiḥ yatnaśālibhiḥ | te arthāt pauruṣarahitāḥ puruṣāḥ | yatheṣṭaṃ svecchānusāreṇa | loṣṭavat karmasu viniyujyante ||

śaktasya pauruṣaṃ dṛśyam adṛśyaṃ vāpi yad bhavet /

tad daivam ity aśaktena buddham ātmany abuddhinā //

Note:

śaktasya mahatā pauruṣeṇa yuktasya | dṛśyasya puruṣāder adṛśyasya kālādeś ca | dṛśyam adṛśyaṃ vā yat pauruṣaṃ bhavet | abuddhinā samyagjñānarahitena | aśaktena tadapekṣayā śaktirahitena puruṣeṇa | tat śaktasya pauruṣam | ātmani svasmin viṣaye | daivaṃ buddham jñātam⁷³⁶ | anyathā daivena me kṛtam iti⁷³⁷ na brūyāt ||

bhūtānāṃ balavadbhūtayatno daivam iti sthitam /

tasthuṣām apy adhiṣṭhātṛvatām etat sphuṭaṃ mithaḥ //

Note:

balavadbhūtayatnaḥ | bhūtānām kṣudrabhūtānāṃ upari | daivam iti sthitam bhavati | puruṣo hi yatra na paryāpto bhavati tatraiva daivena me kṛtam iti kathayati | na kevalam etan mayaiva jñātaṃ kiṃtv anyair apīty āha | tasthuṣām iti | apiśabdaḥ samuccaye⁷³⁸ | mithaḥ anyo'nyam | adhiṣṭhātṛvatāṃ tasthuṣām prerakayuktānāṃ sthitānām puruṣāṇām api | etat mayā uktaḥ arthaḥ | sphuṭaṃ prakaṭo bhavati | te hi parasparaṃ kṣudrataratamādibhedenādhiṣṭheyāḥ bhavanti | utkṛṣṭataratamādibhedena tv adhiṣṭhātāraḥ | adhiṣṭhātā eva cādhiṣṭheyaṃ prati daivam | ataḥ eteṣu madukto 'rthaḥ sphuṭa eva bhavati iti bhāvaḥ ||

Note:

nanu bhikṣukarājyaviṣaye 'yaṃ nyāyo nāstīty | atrāha

śāstramātyebhapaurāṇām⁷³⁹ avikalpyā svabhāvadhīḥ /

sā yā bhikṣukarājyasya kartrī dhartrī prajāsthiteḥ //

Note:

śāstā⁷⁴⁰ purohitaḥ | sa ca amātyaś ca | ibhaś ca maṅgalahastī ca | paurāś ca | teṣām | sā svabhāvadhīḥ svabhāvāt utthitā bhikṣurājyadānarūpā buddhiḥ | avikalpyā nāśayitum aśakyāśaktā iti yāvat bhavati | sā kā | yā bhikṣukarājyasya kartrī bhavati | taddvāreṇa prajāsthiteḥ dhartrī ca bhavati | ato 'trāpy ayam eva nyāya iti bhāvaḥ | iyaṃ hi rītiḥ | yatra deśe rājā mriyate | tasya putraś ca na syāt | tatra maṅgalahastī yaṃ namati | tam eva rājānaṃ kurvantīti ||

aihikaḥ prāktanaṃ hanti prāktano 'dyatanaṃ balāt /

sarvadā puruṣaspandas tatrānudvegavāñ jayī //

Note:

puruṣaspandaḥ pauruṣam | tatra dvayoḥ pauruṣayoḥ madhye | anudvegavān udvegarahitaḥ | lakṣaṇayā atibala ity arthaḥ ||

Note:

nanu tatra kaḥ prāyaḥ balavān astīty | atrāha

dvayor adyatanasyaiva pratyakṣād balitā bhavet /

daivaṃ jetum ato yatnair bālo yūneva śakyate //

Note:

pratyakṣāt pratyakṣapramāṇena | dṛśyate hi adyatanaḥ śubhācāraḥ hyastanam aśubhaṃ nāśayan | phalitam āha | daivam iti | ataḥ yatnaiḥ adyatanaiḥ pauruṣaiḥ | daivaṃ prāktanaṃ pauruṣaṃ | jetum śakyate | keneva | yūneva | yathā yūnā bālaḥ jetuṃ śakyate tathety arthaḥ ||

meghena nīyate yad vā vatsaropārjitā kṛṣiḥ /

meghasya puruṣārtho 'sau jayaty adhikayatnavān //

Note:

atrāpi na daivasya kācic chaktir astīti bhāvaḥ ||

krameṇopārjite 'py arthe naṣṭe kāryā na kheditā /

na balaṃ yatra me śaktaṃ tatra kā paridevanā //

Note:

balam pauruṣam | na hi janaḥ aśakyaḥ rājyādivastuprāptyarthaṃ pratyahaṃ paridevanāyukto⁷⁴¹ bhavatīti bhāvaḥ ||

yan na śaknomi tasyārthe yadi duḥkhaṃ karomy aham /

tad amānitamṛtyor me yuktaṃ pratyaharodanam //

Note:

amānitamṛtyoḥ tāvad⁷⁴² mṛtyupātam⁷⁴³ api anaṅgīkurvataḥ ||

deśakālakriyādravyavaśato visphuranty amī /

sarva eva jagadbhāvā jayaty adhikayatnavān //

Note:

bhāvāḥ mṛtyvādirūpāḥ padārthāḥ ||

Note:

phalitaṃ kathayati

tasmāt pauruṣam āśritya sacchāstraiḥ satsamāgamaiḥ /

prajñām amalatāṃ nītvā saṃsārāmbunidhiṃ tara //

Note:

amalatām rāgādimalarāhityam ||

prāktanaś caihikaś cāsau puruṣārthau phaladrumau /

aihikaḥ puruṣārthaś ca jagaty abhyadhikas tayoḥ //

Note:

phalotpādakau drumau phaladrumau ||

karma yaḥ prāktanaṃ tucchaṃ na nihanti śubhehitaiḥ /

ajño jantur anīśo 'sau vāṅmanaḥsukhaduḥkhayoḥ //

Note:

karma pauruṣam | anīśaḥ asamarthaḥ | vāṅmanaḥsukhaduḥkhau apy asau nāśayituṃ na śaknoti | śarīraduḥkhanāśe tu kā katheti bhāvaḥ ||

yas tūdāracamatkāraḥ sadācāravihāravān /

sa niryāti jaganmohān mṛgendraḥ pañjarād iva //

Note:

sadācāreṇa sādhvācāreṇa | vihāraḥ vidyate yasya | tādṛśaḥ | sa iti | sa eva śubhapauruṣabhājanam iti bhāvaḥ ||

kaścin māṃ prerayaty evam ity anarthakukalpane /

yaḥ sthito dṛṣṭam utsṛjya tyājyo 'sau dūrato 'dhamaḥ //

Note:

dṛṣṭam pratyakṣadṛṣṭaphalaṃ pauruṣam ||

vyavahārasahasrāṇi yāny upāyānti yānti ca /

yathāśāstraṃ vihartavyaṃ teṣu tyaktvā sukhāsukhe //

Note:

yathāśāstram svaśāstrānatikrameṇa | vihartavyaṃ vihāraḥ kāryaḥ ||

yathāśāstram⁷⁴⁴ anucchinnāṃ maryādāṃ svām anujjhataḥ /

upatiṣṭhanti sarvāṇi ratnāny ambunidher iva //

Note:

svām svajātyanusāriṇīm | upatiṣṭhanti samīpam āgacchanti | sarvāṇi sakalāni śreyāṃsi ||

svārthaprāpakakāryaikaprayatnaparatā budhaiḥ /

proktā pauruṣaśabdena sā siddhyai śāstrayantritā //

Note:

svārthaprāpake svaprayojanasādhake kārye | ekam atyantaṃ | prayatnaparatā śāstrayantritā śāstrabuddhā ||

kriyāyāḥ spandadharmiṇyāḥ⁷⁴⁵ svārthasādhakatā svayam /

sādhusaṅgamaśāstrārthatīkṣṇayābhyūhyate dhiyā //

Note:

spandadharmiṇyāḥ spandasvarūpāyāḥ kriyāyāḥ | svārthasādhakatā svayam anyanirapekṣaṃ bhavati | sādhusaṅgamaśāstrārthatīkṣṇayā dhiyā sambandhinī svārthasādhakatā abhyūhyate vivecyate | kā svārthasādhakatā | śubhā | kā śubheti vyavasthāpyate ity arthaḥ ||

anantaṃ samatānandaṃ paramārthaṃ vidur budhāḥ /

sa yebhyaḥ prāpyate 'nantaṃ te sevyāḥ śāstrasādhavaḥ //

Note:

sarvatra samadarśitvaṃ samatā | tadrūpaḥ ānandaḥ samatānandaḥ | paramārtham paramopādeyaṃ | saḥ samatānandaḥ | pauruṣam āśrityopāsyaḥ ||

prāktanaṃ pauruṣaṃ tac ced daivaśabdena kathyate /

tad yuktam etad etasmin nāsti nāpavadāmahe //

Note:

tat prasiddhaṃ | prāktanaṃ pauruṣaṃ daivaśabdena cet yadi | kathyate | yuṣmābhir iti śeṣaḥ | tat kathanaṃ | yuktaṃ bhavati | yata etat samatānandaprāptyupāyatvam⁷⁴⁶ | etasmin nāsti | ataḥ vayaṃ nāpavadāmahe tadapavādaṃ na kurmaḥ | upekṣāviṣayatvād iti bhāvaḥ ||

mūḍhaiḥ prakalpitaṃ daivam anyad yais te kṣayaṃ gatāḥ /

nityaṃ svapauruṣād eva lokadvayahitaṃ bhavet //

Note:

anyat prāktanapauruṣāt | kṣayam anudyogakṛtaṃ nāśam ||

hyastanī duṣkriyābhyeti śobhāṃ satkriyayā yathā /

adyaivaṃ prāktanī tasmād yatnāt satkāryavān bhava //

Note:

adyatanayeti śeṣaḥ | yathā adyatanayā satkriyayā hyastanī duṣkriyā śobhāṃ abhyeti | evam tathā | prāktanī prāgjanmabhavā⁷⁴⁷ vāsanārūpā duṣkriyā⁷⁴⁸ | adya adyatanayā sacchāstrasevanādirūpayā satkriyayā | śobhām śuddhatvam abhyeti | ataḥ tvam satkāryavān bhava ||

karāmalakavad dṛṣṭaṃ pauruṣād eva yat phalam /

mūḍhaḥ pratyakṣam utsṛjya⁷⁴⁹ daivamohe nimajjati //

Note:

mūḍhaḥ daivāt phalavādī ajñānī | pratyakṣam pratyakṣapramāṇasiddhaṃ pauruṣam utsṛjya | daivamohe daivarūpe bhrame majjati | kutaḥ tat | tat kutaḥ yat yataḥ | asmābhiḥ phalam karāmalakavat pauruṣād eva dṛṣṭam pratyakṣam anubhūtam ||

sakalakāraṇakāryavivarjitaṃ
nijavikalpabalād upakalpitam /

tad anapekṣya hi daivam asanmayaṃ
śraya śubhāśaya pauruṣam ātmanaḥ //

Note:

sakalāni yāni kāryakāraṇāni | taiḥ varjitam | atyantāsatsvarūpam ity arthaḥ | ata eva nijavikalpabalāt upakalpitam saṃpāditaṃ | tat asanmayaṃ daivam anapekṣya | he śubhāśaya | tvam ātmanaḥ pauruṣaṃ āśraya | daivavaśo mā bhaveti bhāvaḥ ||

śāstraiḥ sadācaritajṛṃbhitadeśadharmair
yat kalpitaṃ phalam atīva ciraprarūḍham /

tasmin hṛdi sphurati no 'param eti cittam
aṅgāvalī tad anu pauruṣam etad āhuḥ //

Note:

śāstraiḥ sacchāstraiḥ | satāṃ sādhūnāṃ | yat ācaritaṃ ācāraḥ | tena pravṛttaḥ | avicchinnapravāheṇāgatāḥ ye deśadharmāḥ | taiḥ cātīva ciraprarūḍhaṃ⁷⁵⁰ atyantabahukālāt prabhṛti prasiddhaṃ | yat phalaṃ kalpitam sādhyatvena niścitaṃ bhavati | tasmin phale | hṛdi sphurati saṃpādanīyatayā vilasati sati | cittam aparam proktaphaletaraṃ⁷⁵¹ vastu yat | no eti na gacchati | tad anu cittānantaraṃ | aṅgāvalī hastādyavayavapaṅktir | api aparaṃ yat | no eti | api tu tatsādhanaikaparaṃ bhavati | paṇḍitāḥ etat pauruṣam āhuḥ kathayanti | na tu yathā tathā hastādicālanam iti bhāvaḥ ||

buddhvaiva pauruṣaphalaṃ puruṣatvam etad
ātmaprayatnaparataiva sadaiva kāryā /

neyā tataḥ saphalatāṃ paramām athāsau
sacchāstrasādhujanapaṇḍitasevanena //

Note:

puruṣeṇa etat svenānubhūyamānaṃ | puruṣatvam puruṣabhāvam | pauruṣaphalaṃ | pauruṣaṃ pūrvaślokoktasvarūpapauruṣaṃ | phalaṃ yasya | tādṛk | buddhvā eva | ātmaprayatnaparatā pauruṣanirvṛttatvam⁷⁵² | sadā eva kāryā | tataḥ karaṇānantaraṃ | puruṣeṇāsau ātmaprayatnaparatā | sacchāstrasādhujanapaṇḍitasevanena paramām utkṛṣṭām | saphalatām mokṣākhyaphalayuktatām neyā | athaśabdaḥ pādapūraṇārthaḥ ||

daivapauruṣavicāracārubhiś cetasā caritam ātmapauruṣam /

nityam eva jayatīti bhāvitaiḥ kārya āryajanasevanodyamaḥ //

Note:

puruṣaiḥ āryajanasevanodyamaḥ kāryaḥ | kathaṃbhūtaiḥ | daivapauruṣayoḥ yaḥ vicāraḥ svarūpavivecanaṃ | tena cārubhiḥ | punaḥ kathaṃbhūtaiḥ | manasā iti evam | bhāvitaiḥ niścitaiḥ iti | kim iti | caritam anuṣṭhitam | ātmapauruṣam nityam sadā jayati | sarvaphalajanakatvāt sarvotkarṣeṇa vartata iti ||

Note:

sargāntaślokenāpy etad eva kathayati

janmaprabandhamayam āmayam eṣa jīvo
buddhvaihikaṃ sahajapauruṣam eva siddhyai /

śāntiṃ nayatv avitathena varauṣadhena
pṛṣṭena tuṣṭiparapaṇḍitasevanena //

Note:

jīvaḥ puruṣaḥ | aihikaṃ iha loke śakyatvena sthitaṃ pauruṣaṃ | siddhyai siddhyarthaṃ buddhvā | tataḥ tadāśrayaṇenānuṣṭhitena tuṣṭiparapaṇḍitasevanena hetunā | pṛṣṭena tasmād eva paṇḍitāt pṛṣṭena | avitathena saphalena | varauṣadhena samyagjñānākhyavarauṣadhena | janmaprabandhamayam janmasantānarūpaṃ | āmayam rogaṃ | śāntiṃ nayatu | iti śivam ||

MT_2.6

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuvyavahāraprakaraṇe ṣaṣṭhaḥ sargaḥ ||

Note:

oṃ atyantopādeyatvena punar api pauruṣacarcām eva prastauti

prāpya vyādhivinirmuktaṃ deham alpādhivedhitam /

tathātmānaṃ samādadhyād yathā bhūyo na jāyate //

Note:

alpo yaḥ ādhiḥ jīvanopāyādinimittā cittapīḍā | tena vedhitam tāḍanāyuktam⁷⁵³ kṛtam | samādadhyāt cinmātratattve samādhānayuktaṃ kuryāt ||

daivaṃ puruṣakāreṇa yo 'tivartitum icchati /

iha cāmutra ca jayet sa saṃpūrṇābhivāñchitaḥ //

Note:

daivam anudyogarūpam daivam | saṃpūrṇe abhivāñchite bhogamokṣarūpe kāṅkṣite⁷⁵⁴ yasya saḥ ||

ye samudyogam utsṛjya sthitā daivaparāyaṇāḥ /

te⁷⁵⁵ dharmam arthakāmau ca nāśayanty ātmavidviṣaḥ //

Note:

ātmavidviṭtvaṃ ca teṣāṃ bhogamokṣarūpātmakakāryanāśakatvāj jñeyam ||

saṃvitspando manaḥspanda indriyaspanda eva ca /

etāni puruṣārthasya rūpāṇy ebhyaḥ phalodayaḥ //

Note:

ebhyaḥ saṃvidādispandebhyaḥ ||

Note:

saṃvittattvād⁷⁵⁶ eva pauruṣotthānaṃ kathayati

yathā saṃvedanaṃ cetas tathāntaḥspandam ṛcchati /

tathaiva kāyaś calati tathaiva phalabhoktṛtā //

Note:

yathā yena prakāreṇa | saṃvedanam saṃvidaḥ sphuraṇam syāt | tathā tena prakāreṇa | cetaḥ antaḥspandam⁷⁵⁷ saṃkalpākhyām ceṣṭām | ṛcchati gacchati | tathaiva cittaspandānusāreṇa eva | kāyaḥ calati hitāhitaprāptiparihārarūpāṃ kriyāṃ prati ceṣṭate | tataḥ tathaiva kāyacalanānusāreṇaiva | phalabhoktṛtā bhavati | jīvasyeti śeṣaḥ ||

ābālam etat saṃsiddhaṃ yatra yatra yathā tathā /

daivaṃ tu na⁷⁵⁸ kvacid dṛṣṭam ato jayati pauruṣam //

Note:

ābālaṃ bālaparyantam | etat maduktam | phalitam āhāta iti ||

puruṣārthena deveśagurur eṣa bṛhaspatiḥ /

śukro daityendragurutāṃ puruṣārthena cāsthitaḥ //

Note:

deveśasya guruḥ deveśaguruḥ ||

dainyadāridryaduḥkhārtā api sādho narottamāḥ /

pauruṣeṇaiva yatnena yātā devendratulyatām //

Note:

devendratulyatām indrasāmyam ||

mahānto vibhavāḍhyā ye nānāścaryasamāśrayāḥ /

pauruṣeṇaiva doṣeṇa narakātithitāṃ gatāḥ //

Note:

doṣeṇa doṣahetunā⁷⁵⁹ | ucchāstriteneti yāvat ||

bhāvābhāvasahasreṣu daśāsu vividhāsu ca /

svapauruṣavaśād eva vivṛttā bhūtajātayaḥ //

Note:

vivṛttāḥ rūpāntaraṃ gatāḥ | bhāvābhāvādyāviṣṭāḥ saṃpannā iti yāvat ||

śāstrato gurutaś caiva svataś ceti trisiddhitā /

sarvatra puruṣārthasya na daivasya kadācana //

Note:

tribhiḥ prakāraiḥ siddhitā trisiddhitā | phalam iti śeṣaḥ | svataḥ śāstrādi⁷⁶⁰ vinā svapratibhāmātrād eva | kecid dhi śāstrāt siddhā bhavanti | kecit gurutaḥ | kecit svataḥ ||

aśubheṣu samāviṣṭaṃ śubheṣv evāvatārayet /

yatnena cittam ity āśu sarvaśāstrārthasaṃgrahaḥ //

Note:

aśubheṣu bhogārjanarūpeṣv aśubhakāryeṣu ||

yac chreyo yad atucchaṃ ca yad apāyavivarjitam /

tat tad ācara yatnena putreti guravaḥ sthitāḥ //

Note:

putra he śiṣya | sthitāḥ | upadeṣṭṛtveneti śeṣaḥ ||

yathā yathā prayatno me phalam āśu tathā tathā /

ity ahaṃ pauruṣād eva phalabhāṅ na tu daivataḥ //

Note:

ity evaṃ | niścayavān bhaved iti bhāvaḥ ||

pauruṣād dṛśyate siddhiḥ pauruṣaṃ dhīmatāṃ kramaḥ /

daivam āśvāsanāmātraṃ duḥkhapelavabuddhiṣu //

Note:

duḥkhena pelavā udyogāsahā | buddhiḥ yeṣāṃ teṣu ||

pratyakṣapramukhān nityaṃ pramāṇaṃ pauruṣaḥ kramaḥ /

phalato dṛśyate loke deśāntaragamādikāt //

Note:

asmābhiḥ pauruṣaḥ puruṣasambandhī kramaḥ | pādacālanādirūpaṃ pauruṣam iti yāvat | deśāntaragamādikāt phalataḥ phalāt | nityaṃ pramāṇaṃ arthakriyākāri⁷⁶¹ dṛśyate | phalataḥ kathaṃbhūtāt | pratyakṣaṃ pratyakṣapramāṇaṃ | pramukhaṃ grāhakatvena pradhānaṃ yasya | tādṛśāt pratyakṣadṛṣṭād ity arthaḥ | ataḥ pauruṣam eva saphalaṃ | na daivam iti bhāvaḥ ||

bhoktā tṛpyati nābhoktā gantā gacchati nāgatiḥ /

vaktā vakti na cāvaktā pauruṣaṃ saphalaṃ nṛṇām //

Note:

spaṣṭam ||

pauruṣeṇa durantebhyaḥ saṃkaṭebhyaḥ subuddhayaḥ /

samuttaranty ayatnena na tu mūkatayānayā //

Note:

mūkatayā daivaparatvarūpeṇa⁷⁶² udyogarāhityena ||

yo yo yathā prayatate⁷⁶³ sa sa tadvat phalaikabhāk /

na tu tūṣṇīṃ sthiteneha kenacit prāpyate phalam //

Note:

tadvat tathā | tūṣṇīṃ sthitena udyogarahitena tiṣṭhatā ||

śubhena puruṣārthena śubham āsādyate phalam /

aśubhenāśubhaṃ rāma yathecchasi tathā kuru //

Note:

spaṣṭam ||

puruṣārthaphalaprāptir deśakālavaśād iha /

prāptā cireṇa śīghraṃ vā yāsau daivam iti smṛtā //

Note:

prāptiḥ prāpteti kāryaṃ karoti itivat prayogaḥ | asau puruṣārthaphalaprāptiḥ ||

na daivaṃ dṛśyate dṛṣṭyā na ca lokāntare sthitam /

uktaṃ daivābhidhānena svaṃ loke karmaṇaḥ phalam //

Note:

spaṣṭam ||

puruṣo jāyate loke vardhate kṣīyate punaḥ /

na tatra dṛśyate daivaṃ jarāyauvanabālyavān //

Note:

tatra puruṣe ||

deśād deśāntaraprāptir hastasthadravyadhāraṇam /

vyāpāraś ca tathāṅgānāṃ pauruṣeṇa na daivataḥ //

Note:

spaṣṭam ||

arthaprāpakakāryaikaprayatnaparatā budhaiḥ /

proktā pauruṣaśabdena sarvam āsādyate 'nayā //

Note:

arthaprāpakaṃ yat kāryaṃ | tatra ekam kevalaṃ | prayatnaparatā ||

anarthaprāptikāryaikaprayatnaparatā tu yā /

soktā pronmattaceṣṭeti na kiṃcit prāpyate 'nayā //

Note:

anarthaprāptau anarthaprāptyarthaṃ yat kāryam | tatra ekam prayatnaparatā ||

kriyāyāḥ spandadharmiṇyāḥ svārthasādhakatā svayam /

sādhusaṅgamasacchāstratīkṣṇayonnīyate dhiyā //

Note:

unnīyate niścīyate ||

anantaṃ samatānandaṃ paramārthaṃ svakaṃ viduḥ /

tad yebhyaḥ prāpyate yatnāt sevyās te śāstrasādhavaḥ //

Note:

svakam paramārtham nijaṃ paramaprayojanam ||

sacchāstrādiguṇo matyā sacchāstrādiguṇān matiḥ /

vardhete te mitho 'bhyāsāt sarobdāv iva kālataḥ //

Note:

sacchāstrādirūpaḥ guṇaḥ matyā⁷⁶⁴ bhavati | buddhirahitasya sacchāstrādau pravṛttyabhāvāt | matiḥ sacchāstrādiguṇāt bhavati | te sacchāstrādiguṇamatī | mithaḥ anyonyaṃ | abhyāsāt vardhete vṛddhiṃ gacchataḥ | kāv iva | sarobdāv iva | yathā sarobdau saromeghau | kālataḥ mithaḥ vardhete tathety arthaḥ | kadācid dhi saraḥ meghavṛṣṭena jalena vardhate | kadācit tu meghaḥ sarasaḥ gṛhītena jaleneti ||

ābālyād alam abhyastaiḥ śāstrasatsaṃgamādibhiḥ /

guṇaiḥ puruṣayatnena svo 'rthaḥ saṃprāpyate hitaḥ //

Note:

puruṣayatnena pauruṣeṇābhyastaiḥ anuśīlitaiḥ | svaḥ arthaḥ mokṣākhyaṃ nijaṃ prayojanam ||

pauruṣeṇa jitā daityāḥ sthāpitā bhuvanakriyāḥ /

racitāni jagantīha viṣṇunā na tu daivataḥ //

Note:

spaṣṭam ||

Note:

sargāntaślokena śrīrāmasya pauruṣaṃ kartavyatvenopadiśati

jagati puruṣakārakāraṇe 'smin
kuru raghunātha ciraṃ tathā prayatnam /

vrajasi tarusarīsṛpābhidhānāṃ
subhaga yathā na daśām aśaṅkam eva //

Note:

jagati kathaṃbhūte | puruṣakāraḥ pauruṣaṃ kāraṇaṃ yasya | tādṛśe | cinmātrapauruṣād eva hi jagad utpannam | prayatnam pauruṣam | tarusarīsṛpābhidhānāṃ daśāṃ tarvādirūpatām ity arthaḥ | tarvādayo hi pauruṣarāhityenaiva duḥkham anubhavantīti teṣāṃ grahaṇaṃ kṛtam | iti śivam ||

MT_2.7

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuvyavahāraprakaraṇe saptamaḥ sargaḥ ||

Note:

oṃ punaḥ daivanirākaraṇaṃ karoti | oṃ

nākṛtir na ca karmāṇi nāspadaṃ na parākramaḥ /

tan mithyājñānavat prauḍhaṃ daivaṃ nāma kim ucyate //

Note:

pūrvārdhe yasyeti śeṣaḥ ||

svakarmaphalasaṃprāptāv idam ittham itīha yāḥ /

giras tā daivanāmnaitāḥ prasiddhiṃ samupāgatāḥ //

Note:

idam ittham iti gira⁷⁶⁵ idaṃ itthaṃ saṃpannam iti vācaḥ ||

tathaiva mūḍhamatibhir daivam astīti niścayaḥ /

ātto⁷⁶⁶ duravabodhena rajjāv⁷⁶⁷ iva bhujaṅgamaḥ //

Note:

ātto⁷⁶⁸ gṛhītaḥ | duravabodhena ajñānena | ivaśabdaḥ yathāśābdārthe ||

hyastanī duṣkriyābhyeti śobhāṃ satkriyayā yathā /

adyaivaṃ prāktanī tasmād yatnāt satkāryavān bhava //

Note:

gatārtho 'yam ||

mūḍhānumānasaṃsiddhaṃ daivaṃ yasyāsti durmateḥ /

daivād dāho 'stu mā veti vaktavyaṃ tena pāvake //

Note:

mūḍhānumānasaṃsiddhaṃ daivaṃ yasya durmateḥ ajñāninaḥ | asti paramārthasad⁷⁶⁹ asti | tena durmatinā | pāvake agnau sthitvā | daivād dāhaḥ astu māstu veti vaktavyam | tatra tv asau naitad vaktuṃ śaknoti dāhaikalabdher iti bhāvaḥ ||

daivam eveha cet karma puṃsaḥ kim iva ceṣṭayā /

snānadānāśanādārān⁷⁷⁰ daivam eva kariṣyati //

Note:

karma karmasaṃpādakam ity arthaḥ | na caitat saṃbhavati akiṃcitkurvataḥ snānādyanupapatter iti bhāvaḥ ||

kiṃ vā śāstropadeśena mūko 'yaṃ puruṣaḥ kila /

saṃcāryate tu daivena kiṃ kasyehopadiśyate //

Note:

saṃcāryate saṃcaraṇaśīlaḥ saṃpādyate | kim iti | kena iti śeṣaḥ | daivāṅgīkāre na ko 'pi kasyāpy upadeśaṃ kuryād iti bhāvaḥ ||

na ca niḥspandatā loke dṛṣṭeha śavatāṃ vinā /

spandaś ca phalasaṃprāptis tasmād daivaṃ nirarthakam //

Note:

spaṣṭam ||

Note:

nanu daivena sahaiva puruṣaḥ kāryaṃ karotīty | atrāha

na cāmūrtena daivena mūrtasya sahakartṛtā |

hastādīn īhataś caiva na daivena kvacit kṛtam ||

Note:

amūrtena mūrtirahitena⁷⁷¹ daivena | hastādīn īhataḥ ceṣṭataḥ | mūrtasya puruṣasya | sahakartṛtā ca na bhavati | ataḥ daivena kṛtam daivakartṛkaṃ kāryaṃ | kvacit na bhavati ||

Note:

nanu manobuddhyādivad amūrtasyāpi daivasya mūrtena saha kartṛtvam asty evety | atrāha

manobuddhivad apy etad daivaṃ nehānubhūyate /

āgopālaṃ kila prājñais tena daivam asat sadā //

Note:

mṛtaśarīre kartṛtvādarśanān manobuddhī kalpyete | na ca daivasyātra kaścid upayoga iti | na tatkalpanāvasara iti bhāvaḥ ||

Note:

nanu kadācit tasmād eva dṛśyāt⁷⁷² śarīrādeḥ kāryaṃ dṛṣṭaṃ kadācin na dṛṣṭam iti adṛṣṭasya daivasya kalpanā yuktaivety | atrāha

pṛthak ced buddhir anyo 'rthaḥ saiva cet kānyatā tayoḥ /

kalpanā vā pramāṇaṃ cet pauruṣaṃ kiṃ na kalpyate //

Note:

buddhiḥ jñānaṃ | pṛthak cet yady asti | tadārthaḥ anya ekasmāt dvitīyaḥ pṛthag iti yāvat | asti buddhiḥ sā eva | na tu bhinnā ced bhavati | tadā tayoḥ arthayoḥ kā anyatā bhavati | ato 'tra kevalasaddṛśyāc⁷⁷³ charīrāder eva kāryaṃ bhavatv iti bhāvaḥ | nanv atra buddhipṛthaktvopayogo nāsti | kalpanāyā eva pramāṇatvād ity | atrāha | kalpaneti | kalpanā prathamaṃ pramāṇaṃ nāsti ced | vāsti | tadā pauruṣaṃ kiṃ na kalpyate | kalpanayā saṃbhāvyate samānanyāyatvāt ||

Note:

punar api prakṛtaṃ mūrtāmūrtayoḥ sahakartṛtvāsaṃbhavam eva kathayati

nāmūrtena ca saṅgo 'sti nabhaseva vapuṣmataḥ⁷⁷⁴ /

mūrtaṃ ca dṛśyate lagnaṃ tasmād daivaṃ na vidyate //

Note:

vapuṣmataḥ mūrtasya śarīriṇaḥ | amūrtena mūrtirahitena⁷⁷⁵ daivena | saṅgaḥ sahakartṛtvaṃ nāsti | keneva | nabhasā iva | nanu tathāpi amūrtam eva kartṛ bhavatv ity | atrāha | mūrtaṃ ceti | asmābhiḥ mūrtam eva lagnaṃ kāryalagnaṃ dṛśyate | ataḥ tasyaiva kartṛtvaṃ yuktam iti bhāvaḥ | phalitaṃ kathayati | tasmād iti | tasmāt tato hetoḥ | daivaṃ na vidyate | tatkalpanāyāḥ nirastatvāt ||

viniyoktātha bhūtānām asty anyat tajjagattraye /

śeratāṃ⁷⁷⁶ bhūtavṛndāni daivaṃ sarvaṃ kariṣyati //

Note:

viniyoktā prerakaḥ | anyad daivākhyaṃ anyat vastu | śeratām kāryeṣv anudyogaṃ bhajantām ||

daivenetthaṃ⁷⁷⁷ niyukto 'smi kiṃ karomīdṛśaṃ sthitam /

samāśvāsanavāg eṣā na daivaṃ paramārthataḥ //

Note:

īdṛśam sthitam īdṛśam saṃpannam ||

mūḍhaiḥ prakalpitaṃ daivaṃ tatparās te kṣayaṃ gatāḥ /

prājñās⁷⁷⁸ tu puruṣārthena padam uttamam āgatāḥ //

Note:

tatparāḥ svayaṃkalpitadaivaparāḥ | te mūḍhāḥ | puruṣārthena pauruṣeṇa | uttamaṃ padam mokṣākhyam utkṛṣṭaṃ sthānam ||

ye śūrā ye ca vikrāntā ye prājñā ye ca paṇḍitāḥ /

tais taiḥ kair iva loke 'smin vada daivaṃ pracakṣyate //

Note:

pracakṣyate kathyate | na kenāpi pracakṣyate iti bhāvaḥ ||

kālavidbhir vinirṇītā yasyāsti cirajīvitā /

sa cej jīvati saṃchinnaśirās tad daivam uttamam //

Note:

kālavidbhiḥ daivajñaiḥ ||

kālavidbhir vinirṇītaṃ pāṇḍityaṃ yasya rāghava /

anadhyāpita evāsau tajjñaś ced daivam uttamam //

Note:

tajjñaḥ paṇḍitaḥ ||

viśvāmitreṇa muninā daivam utsṛjya dūrataḥ /

pauruṣeṇaiva saṃprāptaṃ brāhmaṇyaṃ⁷⁷⁹ rāma nānyathā //

Note:

spaṣṭam ||

amībhir na parai rāma puruṣair munitāṃ gataiḥ /

pauruṣeṇaiva saṃprāptā ciraṃ gaganagamitā //

Note:

amībhiḥ pauruṣayuktair ebhir eva | paraiḥ pauruṣarahitaiḥ sāmānyajantubhiḥ | gaganagamitā paramākāśacāritvam ||

utsādya devasaṃghātāṃś cakrus tribhuvanodare /

pauruṣeṇaiva yatnena sāmrājyaṃ dānaveśvarāḥ //

Note:

utsādya bādhitvā | devasaṃghātān devasamūhān | dānaveśvarāḥ hiraṇyākṣyādayaḥ ||

ālūnaśīrṇam ābhogi jagad ājahrur ojasā /

pauruṣeṇaiva yatnena dānavebhyaḥ⁷⁸⁰ sureśvarāḥ //

Note:

ālūnaśīrṇam aticañcalam ||

rāma pauruṣayuktyaiva salilaṃ dhāryate na vā /

ciraṃ karaṇḍake yuktyā na daivaṃ tatra kāraṇam //

Note:

karaṇḍake randhrayukte kāṇḍasādhite dravyaviśeṣe | kenacit prayogena hi karaṇḍe 'pi jalaṃ tiṣṭhati ||

haraṇādānasaṃrambhavibhramabhramabhūmiṣu /

śaktatā dṛśyate rāma na daivasyauṣadher⁷⁸¹ iva //

Note:

haraṇetyādy upalakṣaṇaṃ sarvakriyāṇām ||

Note:

sargāntaślokenaitat samāpayati

sakalakāraṇakāryavivarjitaṃ
nijavikalpavaśād upakalpitam /

tvam anavekṣya hi daivam asanmayaṃ
śraya śubhāśaya pauruṣam uttamam //

Note:

gatārtho 'yam | iti śivam ||

MT_2.8

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe 'ṣṭamaḥ sargaḥ ||

Note:

oṃ atra śrīrāmaḥ pṛcchati

bhagavan sarvadharmajña pratiṣṭhām alam āgatam /

yal loke tad vada brahman daivam evaṃ kim ucyate //

Note:

he bhagavan | brahman vasiṣṭha | kathaṃbhūta | sarvadharmajña | tvam vada | yat daivam loke evam pratiṣṭhām prasiddhim | āgataṃ | tat paṇḍitaiḥ kiṃrūpaṃ kathyate | na hi asiddhaṃ vastu prasiddhim āyāti iti bhāvaḥ ||

Note:

śrīvasiṣṭhaḥ uttaraṃ kathayati

pauruṣaṃ sarvakāryāṇāṃ kartṛ rāghava netarat /

phalabhoktṛ ca sarvatra na daivaṃ tatra kāraṇam //

Note:

he rāghava | pauruṣaṃ sarvakāryāṇāṃ kartṛ bhavati | itarat anyat daivādi | kartṛ na bhavati | na kevalaṃ kartr eva | kiṃ tu phalabhoktṛ ca bhavati | svāviṣṭapuruṣadvāreṇeti bhāvaḥ | daivaṃ tatra kāraṇaṃ na bhavati | ato daivaṃ nāstīti bhāvaḥ ||

daivaṃ na kiṃcit kurute na ca bhuṅkte na vidyate /

na dṛśyate nādriyate kevalaṃ⁷⁸² kalpanedṛśī //

Note:

īdṛśī daivam eva sarvaṃ karotīty evaṃrūpā | na ca kalpanāyāḥ satyatvam iti bhāvaḥ ||

siddhasya pauruṣeṇeha phalasya phalaśālinām /

śubhāśubhā vā saṃpattir daivaśabdena kathyate //

Note:

paṇḍitaiḥ phalaśālināṃ phalabhājāṃ | pauruṣeṇa śubhāśubhena pauruṣeṇa | siddhasya phalasya śubhā aśubhā vā saṃpattiḥ daivaśabdena kathyate | ajñavyavahārārtham iti śeṣaḥ ||

pauruṣoparatā nityam iṣṭāniṣṭasya vastunaḥ /

prāptir iṣṭāpy aniṣṭā vā daivaśabdena kathyate //

Note:

paṇḍitaiḥ pauruṣe uparatā niṣṭhāṃ gatā | iṣṭāniṣṭasya vastunaḥ iṣṭā aniṣṭā vā prāptiḥ daivaśabdena kathyate⁷⁸³ | apiśabdaḥ pādapūraṇārthaḥ ||

bhāvī tv avaśyam evārthaḥ puruṣārthaikasādhanaḥ /

yaḥ so 'smiṃl lokasaṃghāte daivaśabdena kathyate //

Note:

bhāvī bhavanaśīlaḥ | puruṣārthaḥ pauruṣam ekaṃ sādhanaṃ yasya | tādṛśaḥ | lokasaṃghāte lokasamūhe ||

na tu rāghava lokasya kasyacit kiṃcid eva hi /

daivam ākāśakalpaṃ hi karoti na karoti vā //

Note:

hi yasmādarthe | ākāśakalpam ākāśavad atyantatuccham | na hi vandhyāsutaḥ kasyacit kiṃcit⁷⁸⁴ karoti na karoti veti bhāvaḥ | dvitīyo hiśabdaḥ niścaye ||

puruṣārthasya siddhasya śubhāśubhaphalodaye /

idam itthaṃ sthitam iti yoktis tad daivam ucyate //

Note:

ukteḥ svarūpaṃ kathayati | idam itthaṃ sthitam⁷⁸⁵ itīti | siddham⁷⁸⁶ saṃpannam ||

itthaṃ mamābhavad buddhir itthaṃ me niścayo hy abhūt /

iti karmaphalāvāptau yoktis tad daivam ucyate //

Note:

itthaṃ karmaphalasādhanarūpā | karmaphalasyāvāptau prāptau | uktimātram eva daivam iti bhāvaḥ ||

iṣṭāniṣṭaphalaprāptāv evam ityarthavācakam /

āśvāsanāmātravaco daivam ity eva kathyate //

Note:

āśvāsanāmātravacaḥ kathaṃbhūtaṃ | evam | iti yaḥ arthaḥ | tasya vācakam niyamavācakam ity arthaḥ ||

śrīrāmaḥ pṛcchati

bhagavan sarvadharmajña prāg yat karmopasaṃcitam /

tad etad daivam ity uktam apamṛṣṭaṃ kathaṃ tvayā //

Note:

prāk pitrantargatabījatāvasthāyām | apamṛṣṭam nāśitam ||

Note:

śrīvasiṣṭhaḥ uttaraṃ kathayati

sādhu rāghava jānāsi śṛṇu vakṣyāmi te 'khilam /

daivaṃ nāstīti te yena sthirā buddhir bhaviṣyati //

Note:

spaṣṭam ||

Note:

tad eva kathayati

yā magnā vāsanā pūrvaṃ babhūva kila bhūriśaḥ /

saiveyaṃ karmabhāvena nṝṇāṃ pariṇatiṃ gatā //

Note:

pūrvam pitrantargatabījatāvasthāyām | bhūriśaḥ bhūriprakāreṇa | vartamānā yā vāsanā śubhāśubhā vā bhāvanā | magnā | bīje iti śeṣaḥ bhavati | sā eveyaṃ nṝṇāṃ karmabhāvena karmarūpeṇa | pariṇatiṃ rūpāntaraṃ | gatā | tadanurūpam eva sarve karma kurvantīti bhāvaḥ ||

jantur yadvāsano nāma tatkarmā bhavati kṣaṇāt /

anyakarmānyabhāvaś cety etan naivopapadyate //

Note:

anyabhāvaḥ anyavāsanā ||

grāmago grāmam āpnoti pattanārthī ca pattanam /

yo yo yadvāsanas tat tat sa sa prayatate tathā //

Note:

grāmagasya ca grāmagamanavāsanā sphuṭā evānyathā na yāyāt ||

yad eva tīvrasaṃvegād iha karma kṛtaṃ purā /

tad eva daivaśabdena paryāyeṇa hi kathyate //

Note:

iha ihalokaparalokatayā dvirūpe saṃsāre | purā pitrantargatabījatāvasthāyām | karmakaraṇaṃ cātra pitṛdvāreṇaiva jñeyam ||

Note:

upasaṃhāraṃ karoti

evaṃ daivaṃ svakarmāṇi karma prauḍhā svavāsanā /

vāsanā manaso nānyā mano hi puruṣaḥ smṛtaḥ //

Note:

evam anena prakāreṇa | svakarmāṇi prāk kṛtāni nijakarmāṇi | daivaṃ bhavati | prauḍhā vāsanā karma bhavati | tadanusāreṇaiva tasya prakṛtatvāt⁷⁸⁷ | vāsanā manasaḥ anyā na bhavati | hi niścaye | manaḥ puruṣaḥ bhavati | ataḥ daivasya puruṣād vyatiriktā sattā nāstīti bhāvaḥ ||

Note:

punar apy etad eva kathayati

yad daivaṃ tāni karmāṇi karma sādho mano hi tat /

mano hi puruṣas tasmād daivaṃ nāstīti niścayaḥ //

Note:

karmety atra yacchabdādhyāhāraḥ | yat karma | tat mano bhavati ||

ekam eva mano jantor yathā prayatate hi yat /

nūnaṃ tat tad avāpnoti svata eva na daivataḥ //

Note:

spaṣṭam ||

manaś cittaṃ vāsanā ca karma daivaṃ svaniścayaḥ /

rāma puṃniścayasyaitāḥ saṃjñāḥ⁷⁸⁸ sadbhir udāhṛtāḥ //

Note:

puṃniścayasya puṃrūpasya niścayasya | puruṣasyeti yāvat ||

evaṃnāmā hi puruṣo dṛḍhabhāvanayā yathā /

nityaṃ prayatate rāma phalam āpnoty alaṃ tathā //

Note:

evaṃnāmā mana ityādināmayuktaḥ ||

Note:

upasaṃhāraṃ karoti

evaṃ puruṣakāreṇa sarvam eva raghūdvaha /

prāpyate netareṇeha tasmāt sa śubhado 'stu te //

Note:

saḥ puruṣakāraḥ | śubhado jīvanmuktākhyaśubhaphalapradaḥ⁷⁸⁹ | te ity upalakṣaṇam | tena sarveṣāṃ śubhaphalapradaḥ bhavatu ity arthaḥ ||

Note:

śrīrāmaḥ pṛcchati

prāktanaṃ vāsanājālaṃ niyojayati māṃ yathā /

mune tathaiva tiṣṭhāmi kṛpaṇaḥ kiṃ karomy aham //

Note:

ataḥ pauruṣaṃ kiṃcid api nāstīti bhāvaḥ ||

Note:

śrīvasiṣṭhaḥ uttaraṃ kathayati

ata eva hi he rāma śreyaḥ prāpnoṣi śāśvatam /

svaprayatnopanītena pauruṣeṇaiva nānyathā //

Note:

hi niścaye | ata eva pūrvoktāt kāraṇād eva | pauruṣeṇa kathaṃbhūtena | svaprayatnopanītena | rāhoḥ śira itivad ayaṃ prayogaḥ ||

dvividho vāsanāvyūhaḥ śubhaś caivāśubhaś ca te /

prāktano vidyate rāma dvayor ekataro 'tha vā //

Note:

vāsanāvyūhaḥ vāsanāsamūhaḥ | atha vā pakṣāntare | dvayoḥ madhye | ekataraḥ śubhaḥ aśubho vā asti ||

vāsanaughena śuddhena tatra ced adya nīyase /

tat krameṇa śubhenaiva padaṃ prāpnoṣi śāśvatam //

Note:

nīyase svānusāreṇa⁷⁹⁰ karma kāryase | padam mokṣākhyaṃ sthānaṃ ||

atha ced aśubho bhāvas tvāṃ yojayati saṅkaṭe /

prāktanas tad asau yatnāj jetavyo bhavatā balāt //

Note:

aśubho bhāvaḥ aśubhā vāsanā | balāt haṭhāt ||

Note:

nanv anyaḥ cetanārūpaḥ kaścin māṃ prerayati | tat katham ahaṃ svayaṃ kiṃcit kartuṃ śaknomīty | atrāha

prājña⁷⁹¹ cetanāmātras⁷⁹² tvaṃ na dehas tvaṃ jaḍātmakaḥ /

tad eva cetasy anyena cet tat tvaṃ kveva vidyase //

Note:

he prājña | asmiñ śloke vakṣyamāṇe upadeśe yogyatvam | cetanāmātraḥ asi tvam | jaḍaḥ dehaḥ nāsi | tad eva cetanāmātram eva san | tvam anyena⁷⁹³ hetukartṛbhūtena kṛtvā | cet yadi | cetasi citikriyāṃ prati kartṛtvaṃ bhajasi | tat tadā | tvam na vidyase nāsi | tasyaiva sattvāt | na hi dvayoḥ sattā yuktā vyarthatvāt ||

Note:

punar api pūrvaślokottarārdhaniścitam artham eva kathayati

anyas tvāṃ cetayati cet tat tvayy asati ko 'paraḥ /

kam imaṃ cetayet tasmād anavasthā na vāstavī //

Note:

anyaḥ tvām cet cetayati citikriyākartṛtvam⁷⁹⁴ prerayati | tat tadā | tvayi asati pūrvoktayuktyā sattām abhajati sati | sa iti⁷⁹⁵ kam imam kiṃrūpam⁷⁹⁶ | idantāspandaṃ⁷⁹⁷ tvāṃ | cetayet citikriyākartṛtvaṃ prati prerayet | na hy asataḥ preraṇaṃ yuktam iti bhāvaḥ | ataḥ anyaḥ kaścit preryaḥ kalpanīyaḥ | so 'pi tvatsamānayogakṣema eveti kutrāpi preryatayā viśrāntir na syād | ataḥ tvam eva preryaprerakabhāvena sthito 'sīty abhiprāyeṇopasaṃhāraṃ karoti | tasmād iti | tasmāt tato hetoḥ | anavasthā preryānavasthitiḥ | vāstavī paramārthabhūtā | na bhavati | tavaiva preryaprerakatvābhyāṃ sthitatvāt | ato na kaścit tavānyaḥ prerakaḥ astīti bhāvaḥ ||

Note:

prakṛtam anusarati

śubhāśubhābhyāṃ mārgābhyāṃ vahantī vāsanāsarit /

pauruṣeṇa prayatnena yojanīyā śubhe pathi //

Note:

yojanīyā pravartanīyā | bhogatyāgaparāmarśākhyaṃ śubhānusandhānam eva satataṃ kāryam iti bhāvaḥ ||

aśubheṣu samāviṣṭaṃ śubheṣv evāvatārayet /

svamanaḥ puruṣārthena balena balināṃ vara //

Note:

samāviṣṭam saṃlīnam | avatārayet nayet ||

aśubhāc calitaṃ yāti śubhaṃ tasmād apītarat /

jantoś cittaṃ tu paśuvat tasmāt tat pālayed balāt //

Note:

aśubhāt bhogārjanaparāmarśarūpāt aśubhānusandhānāt | tasmād api śubhād api | pālayed⁷⁹⁸ aśubhāt rakṣet ||

samatāsāntvanenāśu na drāg iti śanaiḥ śanaiḥ /

pauruṣeṇa⁷⁹⁹ prayatnena pālayec cittabālakam //

Note:

samatā sarvam idaṃ brahmety evaṃrūpā buddhiḥ | tayā yat sāntvanam samāśvāsanaṃ tena | na drāg iti na jhaṭiti | etasyārthaṃ svakaṇṭhena kathayati | śanaiḥ śanair iti samyagvicāreṇa | na tu prāṇarodhanādirūpeṇa haṭhenety arthaḥ ||

vāsanaughas tvayā pūrvam abhyāsena ghanīkṛtaḥ /

śubho vāpy aśubho rāma śubham adya ghanīkuru //

Note:

adya | madupadeśeneti śeṣaḥ ||

prāgabhyāsavaśād yātā yadā te vāsanodayam /

tadābhyāsasya sāphalyaṃ viddhi tvam arimardana //

Note:

abhyāsasya samastasyābhyāsasya ||

idānīm api te yāti ghanatāṃ vāsanānagha /

abhyāsavaśatas tasmāc chubhābhyāsam upāhara //

Note:

idānīm asmin janmani | upāhara ānaya ||

pūrvaṃ ced ghanatāṃ yātā nābhyāsāt tava vāsanā /

vardhiṣyate tu nedānīm api tāta sukhī bhava //

Note:

vāsanārāhityamātrasyaiva parame pade yatatvāt⁸⁰⁰ iti bhāvaḥ ||

saṃdigdhāyām api bhṛśaṃ śubham eva samāhara /

asyāṃ tu vāsanāvṛddhau śubhād doṣo na kaścana //

Note:

asyāṃ vāsanāvṛddhau saṃdigdhāyām kim abhyāsād vardhate na veti sandehaviṣayāyām⁸⁰¹ api satyāṃ | tvaṃ bhṛśaṃ śubham eva samāhara abhyāsaviṣayīkuru | yataḥ śubhāt kaścana doṣo na bhavati ||

Note:

sandehasyāyuktatāṃ kathayati

yad yad abhyasyate loke⁸⁰² tanmayenaiva bhūyate /

ity ākumāraṃ prajñeṣu dṛṣṭaṃ sandehavarjitam //

Note:

loke saṃsāre | puruṣeṇeti śeṣaḥ ||

śubhavāsanayā yuktas tad atra bhava bhūtaye /

paraṃ pauruṣam āśritya vijityendriyapañcakam //

Note:

bhūtaye jīvanmuktākhyasaṃpatprāptaye⁸⁰³ ||

avyutpannamanā yāvad bhavān ajñātatatpadaḥ /

guruśāstrapramāṇais tu nirṇītaṃ tāvad ācara //

Note:

avyutpannamanāḥ jñānarahitaḥ | ata evājñātatatpadaḥ ajñātabrahmākhyotkṛṣṭasthānaḥ | nirṇītam tatpadanirṇayam | bhāve ktaprayoge nirṇītam iti siddham ||

tataḥ kaṣāyapākena nūnaṃ vijñātavastunā /

śubho 'py asau tvayā tyājyo bhāvanaugho nirādhinā //

Note:

kaṣāyapākena lakṣaṇayā parakoṭiprāptyā | bhāvanaughaḥ nirṇayarūpaḥ vāsanāsamūhaḥ | nirādhinā śubhavāsanākhyacittapīḍārahitena ||

Note:

sargāntaślokena śrīrāmasyāvasthānam anuṣṭheyatvenopadiśati

yad atisubhagam āryasevitaṃ tac
chubham anusṛtya manojñabhāvabuddhyā /

adhigamaya padaṃ sadāviśokaṃ
tad anu tad apy avamucya sādhu tiṣṭha //

Note:

tvaṃ | yat atisubhagam ata evāryasevitam bhavati | tac chubhaṃ⁸⁰⁴ pauruṣam | manojñabhāvā śubhavāsanā yā matiḥ | tayā karaṇabhūtayā | anusṛtya satatānuṣṭhānaviṣayatāṃ nītvā | aviśokaṃ duḥkharahitaṃ | padaṃ jīvanmuktirūpaṃ sthānaṃ | adhigamaya prāpnuhi | ārṣaḥ svārthe ṇic | tad anu kālāntare | tad api jīvanmuktipadam api avamucya | sādhu samyak | tiṣṭha videhamuktau sthirībhavety arthaḥ | iti śivam ||

MT_2.9

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe navamaḥ sargaḥ ||

Note:

oṃ paramam upasaṃhāraṃ karoti

ataḥ pauruṣam āśritya śreyase nityabāndhavam /

ekāgraṃ kuru cittaṃ tvaṃ śṛṇu coktam idaṃ mama //

Note:

uktam upadeśam ||

avāntarābhipātīni svārūḍhāni manoratham /

pauruṣeṇendriyāṇy āśu saṃyamya samatāṃ naya //

Note:

avāntareṣu bhogarūpeṣu madhyameṣu viśrāntisthāneṣu | na tu paramātmarūpe parame viśrāntisthāne | abhipātīni patanaśīlāni | manorathaṃ cittānusandhānam | svārūḍhāni suṣṭhu ārūḍhāni | indriyāṇi saṃyamya pratyāhṛtya | samatāṃ rāgadveṣarahitatvam naya | anyathā na śroṣyasīti bhāvaḥ ||

ihāmutra ca siddhyarthaṃ puruṣārthaphalapradām /

mokṣopāyamayīṃ vakṣye saṃhitāṃ sārasammitām //

Note:

mokṣopāyamayīṃ mokṣasya yaḥ upāyaḥ tanmayīm tadvācakām ity arthaḥ | saṃhitām śāstram | sārasammitām sāratulyām ||

apunargrahaṇāyāntas tyaktvā saṃsāravāsanām /

saṃpūrṇau śamasantoṣāv ādāyodārayā dhiyā //

sapūrvāparavākyārthavicāraviṣayādṛtam /

manaḥ samarasaṃ kṛtvā sānusandhānam ātmani //

sukhaduḥkhakṣayakaraṃ mahānandaikasādhanam /

mokṣopāyam imaṃ rāma vakṣyamāṇaṃ mayā śṛṇu //

Note:

he rāma | tvaṃ mayā vakṣyamāṇaṃ mokṣopāyaṃ śṛṇu | kiṃ kṛtvā | apunargrahaṇāyetyādi | suṣuptau tyaktām api vāsanāṃ puruṣaḥ punaḥ gṛhṇātīti apunargrahaṇāyety uktam | antaḥ manasi | anyathā na śrotuṃ śaknoṣīti bhāvaḥ | ādāya gṛhītvā | manaḥ kathaṃbhūtaṃ | ātmani samarasam ekarasam | na tu viṣayeṣu vikṣiptaṃ | tathā sapūrvāparaḥ saṃpūrṇaḥ yaḥ vākyārthavicāraḥ | sa eva viṣayaḥ saṃcārasthānam | tatrādṛtam ||

imāṃ mokṣakathāṃ śrutvā saha sarvair vivekibhiḥ /

padaṃ yāsyasi nirduḥkhaṃ nāśo yatra na vidyate //

Note:

padam viśrāntisthānam ||

Note:

evaṃ śrīrāmasya pauruṣam āśrayaṇīyatvenopadiśya viśvāmitrapreraṇayā⁸⁰⁵ smṛtaṃ brahmoktam upadeśaṃ kathayituṃ prastāvaṃ karoti

idam uktaṃ purākalpe brahmaṇā parameṣṭhinā /

sarvaduḥkhakṣayakaraṃ paramāśvāsanaṃ dhiyaḥ //

Note:

idaṃ vakṣyamāṇaṃ | dhiyaḥ buddheḥ | paramāśvāsanam utkṛṣṭaṃ āśvāsanakāri ||

Note:

śrīrāmaḥ pṛcchati

kenoktaṃ kāraṇenedaṃ brahman pūrvaṃ svayaṃbhuvā /

kathaṃ ca bhavatā prāptam etat kathaya me prabho //

Note:

idaṃ vakṣyamāṇaṃ jñānam ||

Note:

śrīvasiṣṭhaḥ uttaraṃ kathayati

asty anantavilāsātmā sarvagaḥ sarvasaṃśrayaḥ /

cidākāśo 'vināśātmā pradīpaḥ sarvavastuṣu //

Note:

cidākāśaḥ cid iti nāmadheyaḥ ākāśaḥ cidākāśaḥ | saḥ asti paramārthasan bhavati | kathaṃbhūtaḥ | anantāḥ aparicchinnāḥ | ye vilāsāḥ sargāvabhāsanasaṃkocanarūpāḥ vilāsāḥ te | ātmā svarūpaṃ yasya saḥ | tathā sarvagaḥ sarvavyāpakatvāt upacāreṇa sarvagantā | na hi mukhyaṃ sarvagatvam asya saṃbhavati niṣkriyatvena gamikriyānāśrayatvāt⁸⁰⁶ | punaḥ kathaṃbhūtaḥ | sarveṣām samastānāṃ bhāvābhāvasvarūpāṇāṃ padārthānāṃ | saṃśrayaḥ sphūrtipradatvena sattāpradatvena cāśrayaḥ | punaḥ kathaṃbhūtaḥ | avināśātmā vināśasyāpi sākṣitayā sattāpradatvena ca tena rahitaḥ ātmā yasya saḥ | na hi svasphūrtipradasya svasattāpādakasya ca kaścit āvaraṇaṃ kartuṃ śaktaḥ tadāvṛtau svasyāpy asiddhatvāt | punaḥ kathaṃbhūtaḥ | sarvavastuṣu pradīpaḥ prakāśakatvāt | nanu kutrāsāv astīti cen | na | sarvatra vartamānasya kutreti vaktum aśakyatvāt | nanu tathāpi kathaṃ nāsau sarvatra dṛśyate iti ced | asad etat | draṣṭrekasvarūpe tasmin kathaṃ na dṛśyata ity asyāpi vaktum aśakyatvāt | tathāpi ko 'sāv iti cet | yaḥ pṛcchati sa eveti brūmaḥ | nanu kaḥ pṛcchati iti cet | ahantayā atiprākaṭyena bhāsamānaḥ saḥ svayam eva svāntaḥ vicāryatām ity alaṃ rahasyodghāṭanena ||

Note:

tataḥ kim ity | atrāha

spandāspandasamākārāt⁸⁰⁷ tato viṣṇur ajāyata /

spandamānarasāpūrāt taraṅgaḥ sāgarād iva //

Note:

spandāspandayoḥ sṛṣṭyāveśaudāsīnyayoḥ⁸⁰⁸ samākārāt cittvākhyasamānākārayuktāt | tataḥ tasmāc cidākāśāt | viṣṇuḥ bhāvisṛṣṭisthitikārī⁸⁰⁹ nārāyaṇākhyo devatāviśeṣaḥ | samaṣṭirūpaṃ śuddhabuddhitattvaṃ cājāyata⁸¹⁰ | saṃhārakāraṇasya śuddhāhaṅkārarūpasya rudrasya kathanaṃ sṛṣṭimātrakathanākāṅkṣayā⁸¹¹ na kṛtam | viṣṇuḥ ka iva | taraṅga iva | yathā spandamānarasāpūrāt sāgarāt taraṅgaḥ jāyate tathety arthaḥ ||

sumerukarṇikāt tasya digdalād dhṛdayāmbujāt /

tārakākesaravataḥ parameṣṭhī vyajāyata //

Note:

tasya nārāyaṇasya śuddhabuddhitattvasya ca | sumerukarṇikāt tathā tārakākesarāt hṛdayāmbujāt hṛtkamalāt tadantargatāt brahmāṇḍāt iti yāvat | bhāvisarvajagadādhāratvayogyāt svarūpaleśāc⁸¹² ca | parameṣṭhī bhāvisṛṣṭyutpattikārī brahmākhyo devatāviśeṣaḥ | samaṣṭirūpaṃ śuddhamanastattvaṃ ca vyajāyata ||

vedavedārthadeveśamunimaṇḍalamālitam /

so 'sṛjat sakalaṃ sargaṃ vikalpaughaṃ yathā manaḥ //

Note:

sakalaṃ jagat bāhyatvena bhāsamānaṃ samastaṃ jagat | samaṣṭibhūtaśuddhamanastattvarūpāt | parameṣṭhina eva hi sarvaṃ jagad utpannam | atropamānatvaṃ vyaṣṭirūpasya manasaḥ jñeyam | samaṣṭirūpasya manasaḥ⁸¹³ upameyatvāt ||

jambudvīpasya koṇe 'smin varṣe bhāratanāmani /

sa sasarja janaṃ putrair ādhivyādhipariplutam //

Note:

janam mānavajanam | putraiḥ prajāpatibhiḥ kṛtvā sāmānyajanaiś ca ||

Note:

janaṃ viśinaṣṭi

bhāvābhāvaviṣaṇṇāṅgam utpātadhvaṃsatatparam /

sarge 'smin bhūtajātīnām āpyāyanakaraṃ param //

Note:

bhūtajātīnāṃ devādīnām | āpyāyanakaram havyakavyādidvāreṇa tṛptikaram ||

janasya tasya duḥkhaṃ sad dṛṣṭvā sakalalokakṛt /

jagāma karuṇām īśaḥ putraduḥkhād yathā pitā //

Note:

tasya janasya mānavajanasya | īśaḥ brahmā śuddhamanastattvaṃ ca | karuṇāṃ dayām | atra ca śuddhamanasaḥ karuṇā sṛjyamānasmṛtikāracittāveśadvāreṇa jñeyety alaṃ rahasyodghāṭanena ||

Note:

nanu tataḥ kim akarod ity | atrāha

ka eteṣāṃ hatāśānāṃ duḥkhasyānto hatāyuṣām /

syād iti kṣaṇam ekāgraś cintayām āsa bhūtapaḥ //

Note:

hatāśānāṃ naṣṭānāṃ | hatāyuṣāṃ naśvarāṇāṃ | antaḥ avasānaṃ ||

Note:

brahmaṇaḥ cintām upasaṃharati

iti saṃcintya bhagavān sasarja punar īśvaraḥ /

tapo dharmaṃ ca dānaṃ ca satyaṃ tīrthāni caiva ha //

Note:

sasarja svayaṃ | kṛteṣu smṛtiśāstreṣu janān prati kartavyatvena dṛṣṭavān ity arthaḥ ||

etat sṛṣṭvā punar devaś cintayām āsa bhūtakṛt /

puṃsāṃ nānena sarvasya duḥkhasyānta iti svayam //

Note:

spaṣṭam ||

Note:

punaḥ kena puṃsāṃ sarvasya duḥkhasyāntaḥ bhaviṣyatīty āśaṅkya cintayati

nirvāṇaṃ nāma paramaṃ sukhaṃ yena punar janaḥ /

na jāyate na mriyate taj jñānād eva labhyate //

Note:

tan nirvāṇaṃ kena syād ity āśaṅkya cintayati | taj jñānād iti | tat nirvāṇam | jñānāt eva paramātmatattvajñānāt eva | na tu tapaḥprabhṛtibhyaḥ labhyate ||

Note:

evakāraprayogayogyatāṃ svayam⁸¹⁴ eva sādhayati

saṃsārottaraṇe jantor upāyo jñānam eva hi /

tapo dānaṃ tathā tīrtham aṇūpāyaḥ prakīrtitaḥ //

Note:

aṇūpāyaḥ avāntaropāyaḥ ||

Note:

tarhi janānāṃ jñānaṃ kathaṃ setsyatīty āśaṅkya cintayati

tat tāvad duḥkhamokṣārthaṃ janasyāsya mahātmanaḥ /

pratyagraṃ taruṇopāyam āśu prakaṭayāmy aham //

Note:

iyaṃ cintā tu utpādayiṣyamāṇajñānopadeśakāracintāveśadvāreṇa jñeyā ||

Note:

parameṣṭhicintām upasaṃharati

iti saṃcintya bhagavān brahmā kamalasaṃbhavaḥ /

manasā parisaṃkalpya mām utpāditavān imam //

Note:

mām proktasvacintodbhavasthānabhūtānām upadeśakārāṇāṃ madhye mukhyabhūtaṃ tvādṛśajanajñānotpādanasamarthaṃ mokṣopāyākhyaśāstropadeśakaṃ vasiṣṭhākhyaṃ mām | manaseti rāhoḥ⁸¹⁵ śira itivat prayogaḥ ||

Note:

nanu kenopādānakāraṇena tvam utpanna ity | atrāha

kuto 'py utpanna evāśu tato 'haṃ samupasthitaḥ /

pitus tasya puraḥ śīghram ūrmir ūrmer ivānagha⁸¹⁶ //

Note:

kuto 'pi anirvācyāt kasmāccid upādānakāraṇāt | utpannaḥ aham | tataḥ tasya pituḥ puraḥ śīghram upasthitaḥ prāptaḥ | ka ivotpannaḥ | ūrmir ūrmer iva paramārthavicāre sarveṣām utpattir adṛśyeveti sāmānyotpattir evātroktety alaṃ rahasyodghāṭanena ||

Note:

kīdṛśaḥ tvam upasthitaḥ kiṃ ca kṛtavān ity | atrāha

kamaṇḍaludharo nāthaḥ sakamaṇḍalunā mayā /

sākṣamālaḥ sākṣamālaṃ sa praṇamyābhivāditaḥ //

Note:

sākṣamālam⁸¹⁷ iti pūrvakālakriyāviśeṣaṇam | etena svasya dhyānam uktam ||

Note:

tataḥ tava tena kim uktaṃ kṛtaṃ cety | atrāha

ehi putreti mām uktvā sa svābjasyottare dale /

śukle 'bhra iva śītāṃśuṃ yojayām āsa pāṇinā //

Note:

atra śuddhamanaḥsparśaḥ mayi jātaḥ iti bhaṅgyā uktam ||

mṛgakṛttiparīdhāno mṛgakṛttinijāmbaram /

mām uvāca pitā brahmā sa haṃsaḥ⁸¹⁸ sārasaṃ yathā //

Note:

mām vasiṣṭhākhyaṃ mām | vacanaṃ cātrāntaraḥ parāmarśaḥ jñeyaḥ ||

Note:

kim uvācety | atrāha

muhūrtamātraṃ te putra ceto vānaracañcalam /

ajñānam abhyāviśatu śaśaḥ śaśadharaṃ yathā //

Note:

āntarabhāvena sthitaśuddhacittavaśenaiva hi sarveṣām ajñānitvaṃ jñānitvaṃ ca bhavati | etena prathamaṃ svasya jñānitvaṃ dyotitam ||

Note:

brahmavacanam upasaṃharati

iti tenāśu śaptaḥ san vicārasamanantaram /

ahaṃ vismṛtavān sarvaṃ svarūpam amalaṃ dvijaḥ //

Note:

ahaṃ dvijaḥ vasiṣṭhākhyaḥ brāhmaṇaḥ | svaṃ svarūpaṃ | vismṛtavān vyasmārṣam iti sambandhaḥ ||

athāhaṃ dīnatāṃ yātaḥ sthito 'saṃbuddhayā dhiyā /

duḥkhaśokābhisaṃtapto jāto jana ivādhamaḥ //

Note:

asaṃbuddhayā niścayarahitayā ||

kaṣṭaṃ saṃsāranāmāyaṃ doṣaḥ katham ivāgataḥ /

iti cintitavān⁸¹⁹ antas tūṣṇīm eva vyavasthitaḥ //

Note:

aham iti cintitavān iti saṃbandhaḥ | etena ajñānitvānantaram svasya vairāgyaprādurbhāvaḥ sūcitaḥ ||

athābhyadhāt sa māṃ tātaḥ putra kiṃ duḥkhavān asi /

duḥkhopaghātaṃ māṃ pṛccha sukhī nityaṃ bhaviṣyasi //

Note:

athābhyadhāt uktavān | etena vairāgyānantaram mama jñānaṃ prati aunmukhyaṃ jātam iti sūcitam ||

Note:

nanu tatas tvayā kiṃ kṛtam ity | atrāha

tataḥ pṛṣṭaḥ sa bhagavān mayā sakalalokakṛt /

hemapadmadalasthena saṃsāravyādhibheṣajam //

Note:

etena mayā svayam eva vimarṣaḥ kṛta iti sūcitam ||

Note:

nanu tvayāsau kiṃ pṛṣṭas⁸²⁰ tena ca kim uktaṃ ity | atrāha

kathaṃ nātha mahad duḥkham ayaṃ saṃsāra āgataḥ /

kathaṃ ca kṣīyate jantor iti pṛṣṭena tena me //

taj jñānaṃ subahu proktaṃ yaj jñātvā pāvanaṃ param /

ahaṃ pitur api prāyaḥ kilādhika iva sthitaḥ //

Note:

pituḥ ādhikyam śuddhamanastattvātilaṅghanena⁸²¹ prāptā cinmātratā jñeyā | etena svasya svataḥsiddhatvam⁸²² uktam | trividhā hi siddhāḥ uttarottaram utkarṣavantaḥ santi | gurutaḥ śāstrataḥ svata iti ||

tato viditavedyaṃ⁸²³ māṃ nijaprakṛtim āsthitam /

sa uvāca jagatkartā vaktā sakalakāraṇam //

Note:

mayi idaṃ sphuritam ity āntaro 'bhiprāyaḥ ||

Note:

kim uvācety | atrāha

śāpenājñapadaṃ nītvā pṛcchakas tvaṃ mayā kṛtaḥ /

putrāsya⁸²⁴ jñānasārasya samastajanasiddhaye //

Note:

mama madhye evedam ajñatvaṃ prādurbhūtam āsīt iti mama sphuritam iti bhāvaḥ ||

Note:

punaḥ kim uvācety | atrāha

idānīṃ śāntaśāpas tvaṃ paraṃ bodham upāgataḥ /

saṃsthito 'ham ivaikātmā kanakaṃ kanakād iva //

Note:

idānīm ahaṃ jñānī jāta ity api mama sphuritam iti bhāvaḥ ||

Note:

tato 'pi punaḥ kim uvācety | atrāha

gacchedānīṃ mahāpīṭhe jambudvīpāntarasthitam⁸²⁵ /

sādho bhāratavarṣaṃ tvaṃ lokānugrahahetunā //

Note:

spaṣṭaṃ⁸²⁶ ||

tatra kriyākāṇḍaparās tvayā putra mahādhiyaḥ /

upadeśyāḥ kriyākāṇḍakrameṇa kramaśālinaḥ //

Note:

spaṣṭam ||

viraktacittāś ca tathā mahāprājñā virāgiṇaḥ /

upadeśyās tvayā sādho jñānenānandadāyinā //

Note:

tataḥ ahaṃ vairāgyarahitānāṃ karmakāṇḍadvāreṇopadeśaṃ karomi | viraktānāṃ tu jñānakāṇḍadvāreṇety api sphuritam | anyathā tvadupadeśe 'py ahaṃ na pravarteyam iti bhāvaḥ ||

Note:

brahmavākyam upasaṃharati

iti tena niyukto 'haṃ pitrā kamalayoninā /

iha rāghava tiṣṭhāmi yāvad bhūtaparaṃparā //

Note:

yāvad bhūtaparaṃparety upadeṣṭṛbhūtajñānisāmānyenoktam svasya cirajīvitvena vā | bāhya arthas tu⁸²⁷ sphuṭatayā na pratipadam uktaḥ ||

Note:

sargāntaślokenaitat samāpayati

kartavyam asti mama neha hi kiṃcid eva
sthātavyam ity abhimanā bhuvi saṃsthito 'smi /

saṃśāntayā satatasuptadhiyeva vṛttyā
kāryaṃ karomi na ca kiṃcid ahaṃ karomi //

Note:

hi niścaye | mama samastajñānisantānasya vasiṣṭhākhyasya ca | iha loke | kiṃcit⁸²⁸ eva kartavyaṃ nāsti paramātmatattvaprāptyā kṛtakṛtyatvāt | tathāpi aham bhuvi bhūmau | saṃsthitaḥ asmi | kathaṃbhūtaḥ | sthātavyam mayā ihāvaśyaṃ | niyatyanurodhena⁸²⁹ sthātavyam iti evam abhimanāḥ abhiniviṣṭamanāḥ niścitamanā iti yāvat | ahaṃ saṃśāntayā lābhālābhānusandhānarūpakṣobharahitayā vṛttyā vā | pāreṇa kāryam śarīrayātrānimittaṃ karma | akaraṇe pratyavāyanimittaṃ nityaṃ karma ca karomi | vṛttyā kayā iva | satatasuptā yā dhīḥ | tayā ivātyantaśāntayety arthaḥ | tathāpi ahaṃ kiṃcid api na ca karomi nāhaṃ karteti niścayānubhāvād ity arthaḥ | iti śivam ||

MT_2.10

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe daśamaḥ sargaḥ ||

Note:

pūrvasargoktasyopasaṃhārakāṅkṣayā⁸³⁰ parāmarśaṃ karoti

etat te kathitaṃ sarvaṃ jñānāvataraṇaṃ bhuvi /

mayā svam īhitaṃ caiva kamalodbhavakalpitam //

Note:

svam īhitam nijaceṣṭitam | kamalodbhavena brahmaṇā śuddhamanastattvena ca | kalpitam āvirbhāvitaṃ iti | anena prakāreṇaiveha jñānam ihāvatīrṇam iti bhāvaḥ ||

tad idaṃ paramaṃ jñānaṃ śrotum adya tavānagha /

bhṛśam utkaṇṭhitaṃ ceto mahataḥ sukṛtodayāt //

Note:

tat brahmaṇā uktam ||

Note:

śrīrāmaḥ pṛcchati

kathaṃ brahman bhagavato⁸³¹ loke jñānāvatāraṇe /

sargād anantaraṃ buddhiḥ pravṛttā parameṣṭhinaḥ //

Note:

kathaṃ kimarthaṃ⁸³² ity arthaḥ ||

Note:

śrīvasiṣṭhaḥ uttaraṃ kathayati

parame brahmaṇi brahmā svabhāvavaśataḥ svayam /

jātaḥ spandamayo nityam ūrmir ambunidhāv iva //

Note:

parame utkṛṣṭacinmātrasvarūpe⁸³³ | spandamayaḥ parimitāhaṃparāmarśamayaḥ ||

sṛṣṭvaivam ātataṃ sargaṃ sargasya sakalā gatīḥ /

bhūtabhavyabhaviṣyatsthā dadarśa parameśvaraḥ //

Note:

dadarśa | jñānanetreṇeti śeṣaḥ ||

satkriyākramakālasya kṛtādeḥ kṣaya āgate /

moham ālokya lokānāṃ kāruṇyam agamat prabhuḥ //

Note:

moham bhaviṣyantam ity arthaḥ ||

tato mām īśvaraḥ sṛṣṭvā jñānenāyojya cāsakṛt /

visasarja mahīpīṭhe lokasyājñānaśāntaye //

Note:

mām vasiṣṭhākhyaṃ mām | jñānena paramātmajñānena | āyojya saṃyojya ||

yathāhaṃ prahitas tena tathānye 'pi maharṣayaḥ /

sanatkumārapramukhā nāradādyāś ca bhūriśaḥ //

Note:

etena ye bhūtā bhaviṣyantaś copadeṣṭāraḥ santi tatrāpīyam eva rītir astīti sūcitam ||

kriyākrameṇa puṇyena tathā jñānakrameṇa ca /

manomahāmayottabdham uddhartuṃ lokam īritāḥ //

Note:

īritāḥ visarjitāḥ | kiṃ kartum | lokam adhikāribhedāt kriyākrameṇa jñānakrameṇa ca uddhartum | lokaṃ kathaṃbhūtam | mana eva mahāmayaḥ mahārogaḥ | tenottabdham baddham ||

maharṣibhis tatas tais tu kṣīṇe kṛtayuge purā /

kramāt kriyākrame śuddhe pṛthivyāṃ tanutāṃ gate //

kriyākramavidhānārthaṃ maryādāniyamāya ca /

pṛthagdeśavibhāgena bhūpālāḥ parikalpitāḥ //

Note:

spaṣṭam ||

bahūni smṛtiśāstrāṇi yajñaśāstrāṇi cāvanau /

dharmakāmārthe siddhyarthaṃ kalpitāny uditāny atha //

Note:

parikalpitāni kṛtāni | maharṣibhir iti śeṣaḥ | yal⁸³⁴ lokaiḥ teṣām upadeśaḥ na śruta iti bhāvaḥ | athaśabdaḥ uttaraślokena saṃbandhanīyaḥ⁸³⁵ ||

kālacakre vahaty asmiṃs tato vigalite krame /

pratyahaṃ bhojanapare jane śālyarjanonmukhe //

dvandvāni saṃpravṛttāni viṣayārthaṃ mahībhujām /

daṇḍyatāṃ saṃprayātāni bhūtāni bhuvi bhūriśaḥ //

Note:

dvandvāni dvandvayuddhāni | viṣayārtham deśārtham | daṇḍyatāṃ daṇḍayogyatām | paradāragamanādipāpakaraṇāt iti bhāvaḥ ||

tato yuddhaṃ vinā bhūpā⁸³⁶ mahīṃ pālayituṃ kramāt /

asamarthās tad āyātāḥ prajābhiḥ saha dīnatām //

Note:

spaṣṭam ||

teṣāṃ dainyāpanodārthaṃ samyaksṛṣṭikramāya ca /

tato 'smadādibhiḥ proktā mahatyo jñānadṛṣṭayaḥ //

Note:

teṣām rājñām ||

adhyātmavidyā teneyaṃ pūrvaṃ rājasu varṇitā /

tad anu prasṛtā loke rājavidyety udāhṛtā //

Note:

rājavidyā rājaguhyam ityādinā gītādau rājavidyāśabdena vyavahārāt iti bhāvaḥ ||

rājavidyā⁸³⁷ rājaguhyam adhyātmagrantham uttamam /

jñātvā rāghava rājānaḥ parāṃ nirduḥkhatāṃ gatāḥ //

Note:

rājaguhyam iti adhyātmavidyāyāḥ aparaṃ nāma ||

atha rājasv atīteṣu bahuṣv amalakīrtiṣu /

asmād daśarathād rāma jāto 'dya tvam ihāvanau //

Note:

spaṣṭam ||

tava cātiprasanne 'smiñ jātaṃ manasi pāvanam /

nirnimittam idaṃ cāru vairāgyam arimardana //

Note:

nirnimittam bībhatsādirūpaṃ⁸³⁸ nimittaṃ vinā ||

Note:

nanu nirnimittavairāgyena ko 'tiśayaḥ mamāstīty | atrāha

sarvasyaiva hi bhavyasya sādhor api vivekinaḥ /

nimittapūrvaṃ vairāgyaṃ jāyate rāma rājasam //

Note:

spaṣṭam ||

idaṃ tv apūrvam utpannaṃ camatkārakaraṃ satām |

tavānimittaṃ vairāgyaṃ sāttvikaṃ svavivekajam ||

Note:

spaṣṭam ||

bībhatsaṃ viṣamaṃ dṛṣṭvā ko nāma na virajyate /

satāṃ tūttamavairāgyaṃ vivekād eva jāyate //

Note:

bībhatsam bībhatsarasālambanam dravyam ||

te mahānto mahāprajñā nimittena vinaiva hi /

vairāgyaṃ jāyate yeṣāṃ ta evāmalamānasāḥ //

Note:

amalamānasatvaṃ vinā hi nirnimittaṃ vairāgyaṃ notpadyate iti bhāvaḥ ||

svavivekacamatkāraparāmarśaviraktayā /

rājate hi dhiyā jantur yuveva vanamālayā //

Note:

svavivekasya yaḥ camatkāraḥ | tasya yaḥ parāmarśaḥ | tena viraktayā bāhyapadārtharāgarahitayā | na tu bībhatsena viraktayā ||

parāmṛśya vivekena saṃsāraracanām imām /

virāgaṃ ye 'dhigacchanti ta eva puruṣottamāḥ //

Note:

spaṣṭam ||

svavivekavaśād eva vicāryedaṃ punaḥ punaḥ /

indrajālaṃ parityājyaṃ sabāhyābhyantaraṃ balāt //

Note:

indrajālam saṃsārākhyam indrajālam | parityājyam samantāt tyāgaviṣayatāṃ neyam ||

śmaśānam āpadaṃ dainyaṃ dṛṣṭvā ko na virajyate /

tad vairāgyaṃ paraṃ śreyaḥ svato yad abhijāyate //

Note:

spaṣṭam ||

akṛtrimavirāgas tvaṃ mahattām alam āgataḥ /

yogyo 'si jñānasārasya bījasyeva mṛdusthalam⁸³⁹ //

Note:

spaṣṭam ||

prasādāt parameśasya nāthasya paramātmanaḥ /

tvādṛśasya śubhā buddhir vivekam anudhāvati //

Note:

na tv atrātmaprayatnaḥ kaścit prabhavatīti bhāvaḥ ||

kriyākrameṇa mahatā tapasā niyamena ca /

dānena tīrthayātrābhiś cirakālavivekataḥ⁸⁴⁰ //

duṣkṛte kṣayam āpanne paramārthavicāraṇe /

kākatālīyayogena buddhir jantoḥ⁸⁴¹ pravartate //

Note:

kākatālīyayogenety anena kriyākramādeḥ śaithilyaṃ sūcitam | kākatālīyena paramātmavicāraṇanimittabuddhiyogaḥ⁸⁴² | tāvat tu kriyākramādir avaśyam anuṣṭheyaḥ | tasyāpi leśataḥ taṃ praty upāyatvāt | na ca⁸⁴³ tatraiva maṅktavyam | sadgurūpāsāder anyasya mukhyasyopāyasyāpi sattvāt ity alam ||

kriyāparās tāvad alaṃ cakrāvṛttibhir ādṛtāḥ /

bhramantīha janā yāvan na paśyanti⁸⁴⁴ paraṃ padam //

Note:

kriyāparāḥ kriyām evopāyatvena⁸⁴⁵ manyamānāḥ | param padam cinmātrākhyam utkṛṣṭaṃ sthānam | cakrāvṛttibhiḥ kriyāparāḥ paunaḥpunyena⁸⁴⁶ sakriyāratā ity arthaḥ ||

yathābhūtam imaṃ dṛṣṭvā saṃsāraṃ tanmayīṃ dhiyam /

parityajya paraṃ yānti nirālānā gajā iva //

Note:

yathābhūtam dṛṣṭvā yathāsti tathā dṛṣṭvā | tanmayīṃ saṃsāramayīm | param uttīrṇam śuddhacinmātratattvam | yānti tadrūpaṃ svātmānam anubhavanti ||

viṣameyam anantehā rāma saṃsārasaṃsṛtiḥ /

dehamuktā mahātantur vinā jñānaṃ na naśyati //

Note:

anantāḥ īhāḥ bhāvābhāvarūpāḥ ceṣṭāḥ yasyāḥ | tādṛśī saṃsārasaṃsṛtiḥ saṃsārasaraṇiḥ | dehamuktā nāma⁸⁴⁷ mahātantuḥ dehamuktā mahātantuḥ | jñānam cinmātratattvajñānam ||

jñānayuktiplavenaiva saṃsārābdhiṃ sudustaram⁸⁴⁸ /

mahādhiyaḥ samuttīrṇā netareṇa raghūdvaha //

Note:

jñānarūpā yā yuktiḥ upāyaḥ | sa eva plavaḥ | tena ||

tām imāṃ jñānayuktiṃ tvaṃ saṃsārāṃbhodhitāriṇīm⁸⁴⁹ /

śṛṇuṣvāvahito buddhyā nityāvahitayānayā //

Note:

avahitayā buddhyā vinā śrotuṃ na śaknoṣīti bhāvaḥ ||

yasmād anantasaṃrambhā jagato duḥkharītayaḥ /

cirāyāntar dahanty etā vinā yuktim anindita //

Note:

yuktim jñānākhyāṃ yuktim ||

śītavātātapādīni⁸⁵⁰ dvandvaduḥkhāni rāghava /

jñānayuktiṃ vinā kena sahyatāṃ yānti sādhuṣu //

Note:

kena kenānyenopāyena | na kenāpīty arthaḥ | atra tu bālavṛddhayoḥ⁸⁵¹ maricabhakṣaṇaṃ dṛṣṭāntatvena yojyam ||

āpatanti pratipadaṃ yathākālaṃ dahanti ca /

duḥkhacintā naraṃ mūḍhaṃ tṛṇam agniśikhā iva //

Note:

duḥkhadāyinyaḥ cintāḥ duḥkhacintāḥ | tāś ca bhogaviṣayāḥ jñeyāḥ ||

prājñaṃ vijñātavijñānaṃ samyagdarśinam ādhayaḥ /

na dahanti vanaṃ varṣadabdam⁸⁵² agniśikhā iva //

Note:

prājñaṃ kathaṃbhūtam | vijñātam anubhūtam | vijñānaṃ vijñānarūpam ātmatattvaṃ yena tam | ādhayaḥ cintāḥ | vanaṃ kathambhūtam | varṣantaḥ abdāḥ⁸⁵³ meghāḥ yasya tat ||

ādhivyādhiparāvarte saṃsāramarumārute⁸⁵⁴ /

kṣubhite 'pi na tattvajño bhajyate kalpavṛkṣavat //

Note:

ādhivyādhyoḥ parāvartaḥ⁸⁵⁵ paunaḥpunyenāvṛttiḥ yasmin | tādṛśe kṣubhite bhāvābhāvākhyaḥ kṣobhayukte | na bhajyate harṣaśokavaśaṃ na yāti | saṃsāramarumārute kṣubhite satīti⁸⁵⁶ yojyam | kalpavṛkṣo 'pi mārute kṣubhite sati na bhajyate ||

tattvaṃ jñātum ato yatnād dhīmān eva hi dhīmatā /

prāmāṇikaḥ prabuddhātmā praṣṭavyaḥ praṇayānvitaṃ //

Note:

prāmāṇikaḥ pramāṇavaktā | prabuddhaḥ jñātaḥ | ātmā cinmātrarūpaḥ paramātmā yena | saḥ prabuddhātmā | praṇayānvitam yācñāsahitam⁸⁵⁷ | etadvyatiriktas tu pṛṣṭaḥ viruddham eva kiṃcid brūyād iti bhāvaḥ ||

prāmāṇikasya pṛṣṭasya vaktur uttamacetasā /

yatnena vacanaṃ grāhyam aṃśukeneva kuṅkumam //

Note:

yatnenāvadhānena ||

atattvajñam anādeyavacanaṃ vāgvidāṃ vara /

yaḥ pṛcchati naraṃ tasmān nāsti mūḍhataro 'paraḥ //

Note:

na tattvaṃ jānātīti tādṛśam | dehādāv ātmābhimāninam ity arthaḥ ||

prāmāṇikasya tajjñasya vaktuḥ pṛṣṭasya yatnataḥ /

nānutiṣṭhati yo vākyaṃ nānyas tasmān narādhamaḥ //

Note:

vākyaṃ nānutiṣṭhati taduktavākyavācyam⁸⁵⁸ arthaṃ na saṃpādayati ||

tajjñatātajjñate pūrvaṃ vaktur nirṇīya kāryataḥ /

yaḥ karoti naraḥ praśnaṃ pṛcchakaḥ sa mahāmatiḥ //

Note:

kāryataḥ na tu vacanamātrāt | vacanamātreṇa hi bahavaḥ brahmajñāninam ātmānam darśayanti ||

anirṇīya pravaktāraṃ bālaḥ praśnaṃ karoti yaḥ /

adhamaḥ pṛcchakaḥ sa syān na mahārthasya bhājanam //

Note:

bālaḥ bālavat mūḍhaḥ | mahārthasya mokṣākhyasya paramaprayojanasya ||

pūrvāparasamādhānakṣamabuddhāv anindite /

pṛṣṭaṃ prājñena vaktavyaṃ nādhame paśudharmiṇi //

Note:

prājñena buddhimatā guruṇā | pṛṣṭaṃ praśnaviṣayīkṛtaṃ vastu | anindite | tathā pūrvāparayoḥ pūrvāparavākyabhāgārthayoḥ | yat samādhānam anyo'nyaviruddhatāpanayanam | tatra kṣamā buddhiḥ yasya | tādṛśe praṣṭari⁸⁵⁹ vaktavyam | adhame ata eva paśudharmiṇi mūḍhatayā paśusadṛśe praṣṭari | na vaktavyam vyarthatvāt ||

prāmāṇikārthayogyatvaṃ pṛcchakasyāvicārya vā /

yo vakti tam iha prājñāḥ prāhur mūḍhatamaṃ naram //

Note:

pṛcchakasya mūḍhataratvāt asya mūḍhatamatvam | bahūnāṃ jātiparipraśne hi mūḍhatamaḥ⁸⁶⁰ | pṛcchakād api mūḍhaḥ asau kiṃ brūyād iti bhāvaḥ ||

tvam atīva guṇādhāraḥ pṛcchako raghunandana /

ahaṃ ca vaktuṃ jānāmi sa ca yogo 'yam āvayoḥ //

Note:

saḥ tava guṇādhārapṛcchakatvam mama tādṛk vaktṛtvam iti yogaḥ sadṛśasaṃbandhaḥ ||

yad ahaṃ vacmi tad yatnāt⁸⁶¹ tvayā śabdārthakovida /

etad vastv iti nirṇīya hṛdi kāryam akhaṇḍitaṃ //

Note:

nirṇayasvarūpaṃ kathayati | etad iti | etat śrīvasiṣṭhoktaṃ vastu | paramārthasatyam bhavati | pūrvaṃ bhaktimātreṇaiva madvacanaṃ satyatayā grāhyaṃ | tataḥ tatsatyatā svayam eva prakaṭībhaviṣyati | anyathāraṃbhamātre eva svavikalpakṛtābhiḥ sūkṣmekṣikābhiḥ tava kiṃcid api na setsyatīti bhāvaḥ ||

Note:

nanu yadi tvaduktaṃmayi na lagati tadā kiṃ kāryam ity | atrāha

mahān asi virakto 'si tajjño 'si janatāsthitau /

tvayi vastu lagaty antaḥ kuṅkumāmbu yathāṃśuke //

Note:

yataḥ tvam mahān na tu⁸⁶² nīcaḥ asi | nīco hi nīcatayā svalpenāpi kṣubhyati | tathā viraktaḥ saṃsārikapadārtheṣu viraktaḥ asi | anyathā hi padārthāviṣṭabuddheḥ te yogyatā na syāt | tathā janatāyāḥ sthitau racanāyāṃ | tajjñaḥ nipuṇaḥ asi | anyathā hi taddṛṣṭāntānusāreṇa proktaḥ upadeśaḥ tvayi na laget | ataḥ vastu maduktaparamārthatattvaṃ | tvayi lagati | kiṃ yathā | kuṅkumāmbu yathā | yathā tat aṃśuke lagati tathety arthaḥ ||

uktāvadhānaparamā⁸⁶³ paramārthavivecinī /

viśaty arthaṃ tava prajñā jalamadhyam ivārkabhā //

Note:

ukte madukte | yat avadhānam | tad eva paramam grāhyatvenotkṛṣṭaṃ yasyāḥ | tādṛśī | tathā paramārthasya maduktavākyāntarārthasya | vivecinī tava prajñā artham madvākyārthaṃ | viśati vartamānasamīpe vartamānā | atra dṛṣṭāntam āha | jaleti ||

yad yad vacmi tavādeyaṃ hṛdi kāryaṃ prayatnataḥ /

na cet praṣṭavya evāhaṃ na tvayeha nirarthakam //

Note:

ādeyaṃ ādānārham tat tad ity adhyāhāryam ||

Note:

nanu tvadvākyahṛtkaraṇe kaḥ prayāsaḥ asti yenaivaṃ bravīṣīty | atrāha

mano hi capalaṃ rāma saṃsāravanamarkaṭam /

saṃrodhya hṛdi yatnena śrotavyā paramārthagīḥ //

Note:

hi yasmāt | manonirodhe 'vaśyaṃ prayāsaḥ | taṃ vinā ca madvākyahṛtkaraṇaṃ na saṃbhavati | ato 'sty eva madvākyahṛtkaraṇe prayāsa iti bhāvaḥ ||

Note:

nanu svakīyaṃ bāndhavajanaṃ tyaktvā kathaṃ tvadvākyamātraparo bhaveyam ity | atrāha

avivekinam ajñānam asajjanaratiṃ janam /

ciraṃ dūrataraṃ kṛtvā pūjanīyā hi sādhavaḥ //

Note:

avidyamānam jñānaṃ yasya tam ajñānam | asajjanebhyaḥ viratiḥ⁸⁶⁴ sajjaneṣu ratiś ca prathamaṃ mokṣasādhanam iti bhāvaḥ ||

Note:

nanu sādhupūjanena mama kiṃ setsyatīty | atrāha

nityaṃ sajjanasaṃparkād viveka upajāyate /

vivekapādapasyaite bhogamokṣau phale smṛte //

Note:

spaṣṭam ||

Note:

kathaṃ vivekasyedṛśaḥ prabhāvo 'stīty | atrāha

mokṣadvāre dvārapālāś catvāraḥ parikīrtitāḥ /

śamo vicāraḥ saṃtoṣaś caturthaḥ sādhusaṃgamaḥ //

Note:

etaiḥ vyastaiḥ samastair vā vinā⁸⁶⁵ na kaścin mokṣaṃ prāpnotīti vivekasya mokṣasādhakatvam astīti bhāvaḥ ||

ete sevyāḥ⁸⁶⁶ prayatnena catvāro dvau trayo 'thavā /

dvāram udghāṭayanty ete mokṣarājagṛhe balāt //

Note:

spaṣṭam ||

ekaṃ vā sarvayatnena prāṇāṃs tyaktvā samāśrayet /

etasmin vaśage yānti catvāro 'pi vaśaṃ yataḥ //

Note:

etasmin ekasmin | ekaś cātrottaraślokānurodhena vivekī jñeyaḥ ||

Note:

nanu katham ekenaiva kāryaṃ setsyatīty | atrāha

saviveko hi śāstrasya jñānasya tapaso dyuteḥ /

bhājanaṃ bhūṣaṇākāro bhāskaras tejasām iva //

Note:

bhūṣaṇabhūtaḥ ākāraḥ yasya | tādṛśaḥ ||

Note:

vivekaparipanthinaḥ prajñāmāndyasyānarthotpādakatvaṃ kathayati

ghanatām upayātaṃ hi prajñāmāndyam acetasāṃ /

yāti sthāvaratām ambu jāḍyāt pāṣāṇatām iva //

Note:

prajñāmāndyam ghanatām upayātaṃ sat | sthāvaratām yāti iti saṃbaddhaḥ ||

Note:

nanu yady ahaṃ prajñāmāndyena vivekayogyo⁸⁶⁷ na syāṃ tarhi kiṃ kāryam ity | atrāha

tvaṃ tu rāghava saujanyaguṇaśāstrārthadṛṣṭibhiḥ /

vikāsitāntaḥkaraṇaḥ sthitaḥ padma ivodaye //

imāṃ jñānadṛśaṃ śrotum avaboddhuṃ ca sanmate⁸⁶⁸ /

arhasy uddhṛtakarṇasthajantur vīṇādhvaniṃ yathā //

Note:

sujanasya bhāvaḥ saujanyam | tadyuktāḥ guṇāḥ⁸⁶⁹ saujanyaguṇāḥ | te ca śāstrārthadṛṣṭayaś ca | tābhiḥ vikāsitaṃ prajñāmāndyarahitam antaḥkaraṇaṃ yasya saḥ | tathā uddhṛtaṃ niṣkāsitaṃ | karṇasthaṃ jantumalaṃ yasya saḥ | tādṛśaḥ | ato vivekayogya evāsīti bhāvaḥ ||

Note:

nanu katham etad ity | atrāha

vairāgyābhyāsayogena samasaujanyasaṃpadā /

tat padaṃ prāpyate rāma yatra nāśo na vidyate //

Note:

abhyāsaḥ sacchāstrābhyāsaḥ | tat padam vivekākhyaṃ sthānam ||

Note:

atyantamukhyabhūtasya vivekasya vardhanopāyam āha

śāstraiḥ sajjanasaṃparkapūrvakais sutapodamaiḥ⁸⁷⁰ /

ādau saṃsāramuktyarthaṃ prajñām evābhivardhayet //

Note:

tapaḥ bāhyendriyāṇāṃ nigrahaḥ | damaḥ āntarāṇāṃ ||

saṃsāraviṣavṛkṣo 'grasekam āspadam āpadām |

añjanaṃ mohayāminyā maurkhyaṃ yatnena nāśayet ||

Note:

mohaḥ viparyāsaḥ | añjanena hi māntrikāḥ divāpi yāminīṃ prakaṭayanti ity añjanam ity uktam ||

Note:

nanu mama maurkhyaṃ kathaṃ naśyatīty | atrāha

etad eva ca maurkhyasya paramaṃ viddhi nāśanam /

yad idaṃ prekṣyate śāstraṃ kiṃcitsaṃskṛtayā dhiyā //

Note:

nāśanam nāśakaraṇam | kiṃcitsaṃskṛtayā kiṃcitpadapadārthajñānamātreṇa⁸⁷¹ | na tu kṣobhotpādakena mahatā vyākaraṇajālajñānena | saṃskṛtayā saṃskārayuktayā ||

durāśāsarpagatena⁸⁷² maurkhyena hṛdi valgatā /

cetaḥ saṃkocam āyāti carmāgnāv iva yojitam //

Note:

durāśāḥ bhogāśāḥ eva sarpāḥ | tāsāṃ gatena | maurkhyād eva durāśā niryāntīti bhāvaḥ | saṃkocam cidvimarśākhyavikāsarāhityam ||

prājñe yathārthabhūteyaṃ vastudṛṣṭiḥ prasīdati /

dṛg ivendau nirambhodasakalāmalamaṇḍale //

Note:

iyaṃ mayā vakṣyamāṇā | vastudṛṣṭiḥ paramārthadṛṣṭiḥ | prasīdati prasannā bhavati | tasmin naiva viśrāntiṃ bhajatīti bhāvaḥ ||

pūrvāparavicārārthacārucāturyaśālinī /

savikāsā matir yasya sa pumān iti kathyate //

Note:

pūrvāparavicāraviṣayīkṛtaḥ arthaḥ pūrvāparavicārārthaḥ | tatra yat cārucāturyaṃ | tena śālinī ||

Note:

tvam apīdṛśo 'sīti sargāntaślokena kathayati

vikasitena sitena manomuṣā
varavicāraṇaśītalarociṣā /

guṇavatā hṛdayena virājase
tvam amalena nabhaḥ śaśinā yathā //

Note:

vikasitena vivekākhyavikāsayuktena | sitena malarāhitena | manomuṣā manohāriṇā | varavicāraṇam eva śītalā ruk yasya | tādṛśena guṇavatā maitryādiguṇayuktena⁸⁷³ hṛdayena | tvaṃ virājase | kiṃ yathā | nabho yathā | yathā⁸⁷⁴ tat amalena nīhārādimalādūṣitena | śaśinā virājate tathety arthaḥ | iti śivam ||

MT_2.11

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuvyavahāraprakaraṇe ekādaśaḥ sargaḥ ||

Note:

śrīrāmasya buddhisamādhānāya punar api śrīrāme samyakpraṣṭṛtvaṃ⁸⁷⁵ svasmiṃś ca samyagvaktṛtvaṃ kathayati

paripūrṇamanā mānyaḥ praṣṭuṃ jānāsi rāghava /

vetsi coktaṃ ca tenāhaṃ pravṛtto vaktum ādarāt //

Note:

he rāghava | paripūrṇam bhogāśārāhityena tṛptaṃ | manaḥ⁸⁷⁶ yasya | tādṛśaḥ | ata eva mānyaḥ tvam | praṣṭuṃ jānāsi | uktaṃ maduktaṃ | vetsi ca | tenāhaṃ tava vaktum ādarāt pravṛttaḥ | anyathā na brūyām iti bhāvaḥ ||

rajastamobhyāṃ rahitāṃ śuddhasattvānupātinīm⁸⁷⁷ /

matim ātmani saṃsthāpya jñānaṃ śrotuṃ sthiro bhava //

Note:

ātmani na tu bāhyavastuṣu | saṃsthāpya samyak sthāpayitvā ||

vidyate tvayi sarvaiva pṛcchakasya guṇāvalī /

vaktur guṇālī ca mayi ratnaśrīr jaladhau yathā //

Note:

spaṣṭam ||

āttavān asi vairāgyaṃ vivekāt saṅgajaṃ muneḥ |

candrakānta ivārdratvaṃ lagnacandrakarotkaraḥ ||

Note:

āttavān gṛhītavān | asi tvam ||

ciram ā śaiśavād eva tavābhyāso 'sti sadguṇaiḥ /

śuddhaḥ śuddhasya dīrghaiś ca padmasyevātisaṃtataiḥ //

Note:

guṇaiḥ vairāgyādibhiḥ | tantubhiś⁸⁷⁸ ca | atisaṃtataiḥ atiśayenāvicchinnaiḥ⁸⁷⁹ ||

Note:

phalitam āha

ataḥ śṛṇu kathāṃ vakṣye tvam evāsyā hi bhājanam /

na hi candraṃ vinā śuddhā savikāsā kumudvatī //

Note:

kathāṃ brahmoktāṃ svataḥsphuritāṃ⁸⁸⁰ vā mokṣakathāṃ | itaḥ paraṃ brahmoktam evopadeśaṃ śrīvasiṣṭhaḥ śrīrāmāya karotīti jñeyam ||

Note:

brahmoktāṃ mokṣakathāṃ prastauti⁸⁸¹

ye kecana samārambhā yāś ca kāścana dṛṣṭayaḥ /

te ca tāś ca pade dṛṣṭe niḥśeṣaṃ yānti vai śamam //

Note:

pade cinmātrākhye | dṛṣṭe svātmatayā anubhūte | vai niścaye | śamam śāntim ||

Note:

nanu etā dṛṣṭayaḥ adya tāvat kasyacic chāntiṃ gatā adya vā nety | atrāha

yadi vijñānaviśrāntir na bhaved bhavyacetasaḥ /

tad asyāṃ saṃsṛtau sādhuś cintāṃ soḍhuṃ saheta kaḥ //

Note:

bhavyacetasaḥ sādhoḥ | yadi vijñānaviśrāntiḥ vijñāne vijñānasvarūpe ātmani | viśrāntiḥ saṃsāradṛṣṭināśadvāreṇa viśrāmaḥ | na bhavet | tat tadā | asyāṃ etādṛgduḥkharūpāyāṃ | saṃsṛtau saṃsāre | kaḥ sādhuḥ cintāṃ viśrāmānāsādanāvyabhicāriṇīṃ saṃsāracintāṃ saheta | na ko 'pīty arthaḥ | asmadādivad⁸⁸² iti śeṣaḥ | viśrāmāsādanena tasya cintā eva nāsti yenāsau iha tiṣṭhatīti bhāvaḥ ||

Note:

nanu bhavyasya cintā kutra gacchatīty | āha

paraprāptyā vilīyante sarvā mananavṛttayaḥ /

kalpāntārkagaṇāsaṅgāt kulaśailaśilā ivā //

Note:

parasya paramātmanaḥ prāptyā | sarvāḥ mananavṛttayaḥ manomananavyāpārāḥ cintā iti yāvat | bhavyasya vilīyante | atra dṛṣṭāntam āha | kalpānteti ||

duḥsahā rāma saṃsāraviṣāveśaviṣūcikā /

yogagāruḍamantreṇa pāvanena praśāmyati //

Note:

saṃsāra eva viṣāveśakṛtā viṣūcikā viṣūcikākhyo rogaviśeṣaḥ | sā saṃsāraviṣāveśaviṣūcikā⁸⁸³ | gāruḍamantreṇa hi viṣāveśaḥ naśyati ||

Note:

saḥ yogaḥ kathaṃ prāpyata ity apekṣāyāṃ gadyena kathayati

sa ca yogaḥ sujanena⁸⁸⁴ saha śāstrārthavicārāt | paramārthajñānamayo labhyata eva ||

Note:

labhyata evetyantaṃ | ṭīkā | saḥ mananavṛttivilayahetuḥ yogaḥ sujanena saha śāstrārthavicārāt labhyata eva | na tu na labhyate | saḥ kathaṃbhūtaḥ | paramārthasya cinmātratattvasya | yat jñānaṃ tanmayaḥ | na tu prāṇarodhanādirūpaḥ ||

Note:

nanu yadi vicāreṇāpi na kiṃcit setsyati tarhi kiṃ kāryam ity / atrāha

avaśyam iha hi vicāre kṛte sakaladuḥkhakṣayo bhavatīti mantavyam ||

Note:

mantavyam ityantaṃ | spaṣṭam ||

Note:

phalitaṃ kathayati

nāto vicāradṛṣṭayo 'vahelayā⁸⁸⁵ draṣṭavyāḥ | vicāravaśataḥ puruṣeṇa sakalam idam ādhipañjaraṃ sarpeṇa tvacam iva paripakvāṃ parityajya vigatajvareṇa⁸⁸⁶ śītalāntaḥkaraṇena⁸⁸⁷ vinoda iva jagad akhilam ālokyate⁸⁸⁸ samyagdarśanavatā ||

Note:

samyagdarśanavatetyantaṃ | ṭīkā | yataḥ paramārthatattvaṃ vicārād eva labhyate ataḥ vicāradṛṣṭayaḥ vicārākhyāḥ dṛṣṭayaḥ | avahelayā anādareṇa | na draṣṭavyāḥ | nanu kiṃ vicāreṇa setsyatīty | atrāha | vicāreti | vicāravaśataḥ⁸⁸⁹ samyagdarśanavatā⁸⁹⁰ samyagdarśanayuktena satā puruṣeṇa |akhilam bāhyam ābhyantaraṃ ca sarvaṃ | jagat vinoda iva krīḍā ivālokyate | tadbhāvābhāvaprayuktaharṣaśokarahitatvāt | puruṣeṇa kathaṃbhūtena | sakalam idam anubhūyamānam | ādhipañjaram vikalpākhyaṃ pañjaram | sarpeṇa paripakvāṃ⁸⁹¹ tvacam iva parityajya vigatajvareṇa tāparahitenāta eva śītalāntaḥkaraṇena ||

Note:

nanv asamyagdarśanavattvasya ko doṣo yena vicārāt samyagdarśanavattvam āśrīyate ity | atrāha

asamyagdarśanavato hi paraṃ duḥkham idaṃ | viṣamo hy atitarāṃ saṃsārarogo bhogīva daśati | asir iva cchinatti | śara iva vedhayati | rajjur iva veṣṭayati | pāvaka iva dahati | rātrir ivāndhayati | aśaṅkitaparipātitaparuṣapāṣāṇa iva vivaśīkaroti | harati⁸⁹² prajñāṃ | nāśayati sthitim | pātayati mohāndhakūpe | tṛṣṇayā jarjarīkaroti | na tad asti kiṃcid duḥkhaṃ saṃsārī yan na prāpnoti ||

Note:

prāpnotītyantaṃ | ṭīkā | param agrakoṭiṃ yātam | nanu kena kṛtaṃ duḥkham asyāsamyagdarśanavataḥ syād ity | atrāha | viṣama iti | vedhayati tāḍayati | viśeṣeṇa kathanam aśakyaṃ jñātvā sāmānyena kathayati | na tad iti | saṃsārī saṃsārayuktaḥ | ataḥ saṃsārakṛtam evehāsamyagdarśanavato duḥkham astīti bhāvaḥ ||

Note:

nanu viṣayarūpo 'yaṃ saṃsāra evam eva bhavati | kim asmākaṃ karotīty | atrāha

duranteyaṃ kila viṣayaviṣamaviṣaviṣūcikā | yadi na cikitsyate tad atitarāṃ narakanagaranikaraphalānubandhinī tat tat karoti | yatra śitāsiśatapāta utpalatāḍanam | agnidāho himāvaseko | 'ṅgavikartanaṃ candanacakrakaracanā | ghūrṇadvātāntaḥ paripeṣo 'ṅgaparimālanam | anavaratānalajvālāvicalitacāmaranārācanikaranipāto nidāghavinodanadhārāgṛhaśīkaravarṣaṇam | śiraśchedaḥ⁸⁹³ sukhanidrā | mūkīkaraṇaṃ pāṭavamudrā mahān upacayaḥ ||

Note:

mahān upacaya ityantaṃ | ṭīkā | durantā nāśayitum aśakyā | viṣayāḥ saṃsārikāḥ bhogāḥ | te eva viṣamaviṣaviṣūcikā | sā yadi na cikitsyate | tat tadā | atitarām narakanagarāṇāṃ yaḥ nikaraḥ samūhaḥ | sa eva phalaṃ | tasya anubandhaḥ pravāhena pravartanaṃ | saḥ asyām astīti tādṛśī satī sā | tat tat tādṛśaṃ tādṛśaṃ duḥkhaṃ karoti | tat kim ity apekṣāyām āha | yatreti | yatra yasmin duḥkhe sati | yadduḥkham apekṣyeti yāvat⁸⁹⁴ |ghūrṇan sphuran yaḥ vātaḥ⁸⁹⁵ | tasyāntaḥ madhye | paripeṣaḥ cūrṇībhāvaḥ | aṅgaparimālanam aṅgakomalatāpādakaṃ mardanaṃ bhavati | vātamadhye cūrṇībhāvād api tatkaṣṭataram iti bhāvaḥ | anavaratāḥ yāḥ analajvālāḥ | tā eva vicalitacāmarāṇi yasmin | tādṛśaḥ yaḥ nārācanikaraḥ | tasya nipātaḥ | nidāghasya arthāt nidāghakṛtatāpasya | vinodanārthaṃ⁸⁹⁶ dūrīkaraṇārthaṃ yāni dhārāgṛhāṇi | teṣāṃ ye śīkarāḥ | teṣāṃ varṣaṇaṃ bhavati | pāṭavamudrāḥ pāṭavasya cāturyasya | mudrā saṃkocaḥ | kṛśateti yāvat | mahān upacayaḥ vṛddhiḥ bhavati ||

Note:

phalitaṃ kathayati

tad evaṃvidhe kaṣṭaceṣṭāsahasradāruṇe saṃsāracapalayantre 'smin rāghava nāvahelā kartavyā | avaśyam idaṃ hi vicāraṇīyam ||

Note:

vicāraṇīyam ityantaṃ | ṭīkā | tat tato hetoḥ | he rāghava | evaṃvidhe pūrvoktamahākaṭhinaduḥkhadāyini | ata eva kaṣṭaceṣṭāsahasradāruṇe asmin anubhūyamāne | saṃsāra eva capalayantram tasmin | avahelā kiṃ mamāyaṃ karotīti anādaraḥ | na kartavyā | punaḥ kiṃ kāryam ity | atrāhāvaśyam iti | paṇḍitaiḥ avaśyam idam ayaṃ saṃsāraḥ | vicāraṇīyam | kim ayam | idam iti vicāraviṣayatāṃ nayet ||

Note:

anyat kiṃ karaṇīyam ity | atrāha

evaṃ cāvaboddhavyam yathā kilāsti vicārāc chreyo'vāptir iti ||

Note:

itītyantaṃ | ṭīkā | puruṣeṇaivaṃ ca boddhavyam niśceyam | evaṃ kathaṃ | yathā kila niścaye | vicārāt śreyo'vāptiḥ mokṣaprāptir astīti ||

Note:

nanv ayaṃ vivekaḥ kasyacid asty athavā nety | atrāha

anyac ca raghukulendo | yadi naite mahānto munayo maharṣayaś ca viprāś ca rājānaś ca jñānakavacenāvaguṇṭhitaśarīrās tat katham aduḥkhakṣamā api duḥkhamayīṃ tamovṛttipūrvakasaṃsārakadarthanām anubhavantaḥ satatam eva muditamanasas tiṣṭhanti ||

Note:

tiṣṭhantītyantaṃ | ṭīkā | he raghukulendo | aham anyac ca | bravīmīti śeṣaḥ | yadi ete puraḥsthāḥ⁸⁹⁷ | mahāntaḥ munayaḥ maharṣayaś ca viprāś ca rājānaś ca jñānakavacena vivekākhyakavacenāvaguṇṭhitāni valitāni | śarīrāṇi yeṣāṃ te | tādṛśāḥ jñānayuktā iti yāvat | na bhavanti | tat tadā | ete munyādayaḥ aduḥkhakṣamāḥ api katham duḥkhamayīṃ | tathā tamovṛttipūrvikā tamovṛttikāraṇā | yā saṃsārakadarthanā saṃsārakleśaḥ | tām anubhavantaḥ | satatam eva na tu abhimataprāptyā kadācid eva | muditamanasaḥ tiṣṭhanti | ataḥ asty evaiṣāṃ⁸⁹⁸ viveka iti bhāvaḥ ||

Note:

gadyāṃśayuktena padyenātra hetuṃ kathayati

iha hi

vikautukā vigatavikalpaviplavā
yathā sthitā hariharapadmajādayaḥ /

narottamāḥ samadhigatātmadīpakās
tathā sthitā jagati vibuddhabuddhayaḥ //

Note:

padyāntaṃ | ṭīkā | hi yasmāt |iha jagati | narottamāḥ narebhyaḥ samastamanuṣyebhyaḥ teṣāṃ madhye vā uttamāḥ śreṣṭhāḥ | tathā samadhigataḥ vivekavibhavena samyag anubhūtaḥ | ātmā eva paramātmā eva | dīpaḥ yaiḥ te | tādṛśāḥ vibuddhabuddhayaḥ vivekayuktabuddhayaḥ pūrvoktāḥ munyādayaḥ | tathā tiṣṭhanti | tathā katham ity apekṣāyām āha | vikautukā iti | vikautukāḥ viṣayākāṅkṣārahitāḥ | ādiśabdenendrādīnāṃ grahaṇam ||

Note:

phalitaṃ kathayati

tathā ca

parikṣīṇe mohe galati ca ghane 'jñānajalade
parijñāte tattve samadhigata ātmany abhimate /

vicāryāryaiḥ sārdhaṃ galitavapuṣor vai sadasator
dhiyā dṛṣṭe tattve ramaṇam aṭanaṃ jāgatam idam //

Note:

padyāntaṃ⁸⁹⁹ | ṭīkā | tathā ca sati | vai niścaye | āryaiḥ sadbhiḥ sārdham | vicārya saṃsāram ātmatattvaṃ ca vicārya | mohe ajñānakārye sāvadhānatve parigalite sati | tataḥ ghane nibiḍe | ajñānajalade ajñānam eva ca | galati sati | tataḥ sadasatoḥ sadasadbuddhiviṣayībhūtayoḥ arthayoḥ | sadasadbuddhiparigalanena galitavapuṣoḥ satoḥ | tataḥ abhimate paramopādeye | ātmani tattve jīvākhye tattve | parijñāte dehādivyatiriktatayā samyak niścite sati | na kevalaṃ parijñāte kiṃ tu samadhigate dehādityāgena svātmatayā samyag anubhūte sati | tataḥ tattve jīvādisākṣitayā sthite śuddhacinmātratattve | dhiyā galanonmukhayā buddhyā | dṛṣṭe jīvasattāpradatvena dṛṣṭe sati | idam kriyamāṇam | jāgataṃ jagatsaṃbandhi | aṭanam śarīrayātrānimittaṃ vyavaharaṇam | ramaṇam krīḍā bhavati | padārthaniṣṭabhāvābhāvakṛtaharṣaśokasparśakāritvābhāvād iti bhāvaḥ ||

Note:

anyac ca kathayāmīty āha

anyac ca rāghava

prasanne cittattve hṛdi savibhave valgati pare
samābhogībhūtāsv akhilakalanādṛṣṭiṣu puraḥ /

śamaṃ yāntīṣv antaḥkaraṇaghaṭanāsv āhitarasaṃ
dhiyā dṛṣṭe tattve ramaṇam aṭanaṃ jāgatam idam //

Note:

padyāntaṃ | ṭīkā | he rāghavāham anyac ca bravīmi | kiṃ bravīṣīty | atrāha | prasanne iti | pare uttīrṇe | cittattve śuddhacinmātrākhye tattve | prasanne svaprakāśanaparatayā prasādonmukhe sati | ata eva tasmin pare cittattve savibhave śaktisahite | hṛdi sattvabhāvena sthite | hṛdi valgati⁹⁰⁰ sphurati sati | vimarśaviṣayatām āyāte satīti yāvat | tataḥ akhilakalanādṛṣṭiṣu⁹⁰¹ samastajīvādikalanārūpāsu dṛṣṭiṣu | samābhogībhūtāsu satīṣu | vyāpakacinmātrasvarūpatāsādanena vistārarahitāsv api vistārayuktāsu saṃpannāsu satīṣu | tataḥ antaḥkaraṇaghaṭanāsu antaḥkaraṇaracanāsu | āhitarasaṃ svecchayā | śamaṃ cinmātrasvarūpe layaṃ | puraḥ agre yāntīṣu | tataś ca dhiyā galanonmukhayā buddhyā | tattve śuddhacinmātrākhye tattve | dṛṣṭe ātmatayānubhūte sati | idaṃ jāgatam aṭanaṃ ramaṇaṃ bhavati ||

Note:

punar api pūrvābhiprāyeṇaivāha

anyac ca

rathaḥ sphāro dehas turagaracanā cendriyagatiḥ
parispando vātād aham akalitānantaviṣamaḥ /

paro vārvā dehī jagati viharāmīty anaghayā
dhiyā dṛṣṭe tattve ramaṇam aṭanaṃ jāgatam idaṃ //

Note:

sargāntaślokaṃ tāvat | ṭīkā | dehaḥ sthūladehaḥ | sphāraḥ sarvatra sphuraṇaśīlaḥ | rathaḥ bhavati | indriyagatiḥ indriyaracanā turagaracanā bhavati | heyopādeyarūpādiprāptiparihārārthaṃ darśanādidvāreṇa deharathacālakatvāt | parispandaḥ⁹⁰² turagaracanābhūtānāṃ indriyagatīnāṃ ceṣṭā dehaṃ prati preraṇasāmarthyaṃ vātāt bhavati | vātena hi indriyāṇi darśanādikriyābhāñji santi dehaṃ cālayanti | vā pakṣāntare | dehī dehābhimānī jīvaḥ | arvā turagaḥ bhavati | paryantataḥ⁹⁰³ tasyaiva dehacālakatvāt⁹⁰⁴ | puraḥ dehādibhyaḥ uttīrṇaśuddhacinmātrarūpaḥ aham jagati viharāmi vihāraṃ karomi | ahaṃ kathaṃbhūtaḥ | akalitāni svātmatvaniścayena duḥkhadatvenāniścitāni | anantāni viṣamāni sukhaduḥkharūpāḥ saṃkaṭāḥ yena | tādṛśaḥ | rājā hi rathādibhyaḥ paraḥ san akalitānantanimnonnataś ca bhavati | iti anena niścayena | anaghayā svasmin baddhatvajñānādidoṣarahitayā | dhiyā galanonmukhayā buddhyā | tattve proktasvarūpe tattve | dṛṣṭe sati | idam jāgatam aṭanaṃ ramaṇaṃ bhavati | iti śivam ||

MT_2.12

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe dvādaśaḥ sargaḥ ||

Note:

oṃ pūrvoktāṃ dṛṣṭim anūdya tadavaṣṭaṃbhena subuddhīnāṃ vicaraṇaṃ kathayati

etāṃ dṛṣṭim avaṣṭabhya puṣṭātmānaḥ subuddhayaḥ /

vicaranty asamunnaddhā⁹⁰⁵ mahānto 'bhyuditā iva //

Note:

etāṃ pūrvasargoktām⁹⁰⁶ | avaṣṭabhya satataṃ vimarṣaviṣayaṃ kṛtvā | puṣṭātmānaḥ | puṣṭaḥ atyantābhivyaktiyogyatāṃ gataḥ | ātmā śuddhacinmātrākhya ātmā yeṣāṃ te | tādṛśāḥ asamunnaddhāḥ darparahitāḥ | abhyuditāḥ iva prāptarājyā⁹⁰⁷ iva ||

na śocanti na yācante na vāñchanti śubhāśubham /

sarvam eva ca kurvanti kurvanti na ca kiṃcana //

Note:

sarvam eva pravāhāgataṃ sarvam eva | kurvanti kartavyam iti niścayena kurvanti | kiṃcana na kurvanti svasmin kartṛtvābhimānābhāvāt ||

svastham evāvatiṣṭhanti svasthaṃ kurvanti yānti ca /

heyopādeyatāpakṣarahitāḥ svātmani sthitāḥ //

Note:

svastham ity ubhayatra kriyāviśeṣaṇaṃ niścitam ity arthaḥ | heyopādeyatāpakṣarahitāḥ upekṣāpakṣe sthitā ity arthaḥ ||

āyānti ca na cāyānti vanaṃ yānti na yānti ca /

na kurvanty api kurvanti na vadanti vadanti ca //

Note:

atra sarvatrāpi kriyākaraṇaṃ jīvanmuktatayāśritadehādidvāreṇa jñeyam | akaraṇaṃ tv aśuddhacinmātratvadvāreṇety alam ||

ye kecana samārambhā yāś ca kāścana dṛṣṭayaḥ /

heyādeyadṛśo yās tāḥ kṣīyante 'dhigate pade //

Note:

kṣīyante līyante | parapadarūpatayaiva⁹⁰⁸ sphuranti iti yāvat ||

parityaktasamastehaṃ mano madhuravṛttimat /

sarvataḥ sukham abhyeti candrabimba iva sthitam //

Note:

madhuravṛttimat maitrīyuktam ||

api nirmananārambham apy astākhilakautukam /

ātmany eva na māty antar indāv iva rasāyanam //

Note:

ātmany eva na māti na prabhavati | atyantānandamayatvād iti bhāvaḥ | mananārambharahitasya kautukarahitasya ca ānandena svātmani amānaṃ na yuktam iti lokaprasiddhir apiśabdābhiprāyaḥ | rasāyanam amṛtam ||

na karotīndrajālāni nānudhāvati vāsanām /

bālacāpalam utsṛjya pūrṇam eva virājate //

Note:

indrajālāni mantrādiprabhāvena siddhāni ākāśagamanādīni | vāsanām nānudhāvati api tu tato nivṛttim eva karoti | bālavat cāpalam bālacāpalam utsṛjya | pūrṇam tṛptisahitaṃ yathā bhavati | tathā virājate ||

Note:

ātmatattvāvalokanasyaiva pūrvoktāsu vṛttiṣu kāraṇatvaṃ gadyena kathayati

evaṃvidhā hi vṛttaya ātmatattvāvalokanāl labhyante | nānyatas | tasmād vicāreṇātmaivānveṣṭavya upāsanīyo jñātavyo yāvajjīvaṃ puruṣena netarad iti ||

Note:

itītyantaṃ | ṭīkā | hi yasmāt | evaṃvidhāḥ pūrvoktāḥ | vṛttayaḥ vyāpārāḥ | ātmatattvasya paramātmasvarūpasya | yad avalokanaṃ | tasmād eva | puruṣeṇa labhyante | nānyataḥ | tasmād puruṣeṇa yāvajjīvaṃ vicāreṇātmaivānveṣṭavyaḥ | kiṃrūpo 'sāv iti vimarśanīyaḥ | tataḥ upāsanīyaḥ | upāsanaṃ cātra avicchinnapravāheṇānusandhānaviṣayīkaraṇam eva jñeyam | tataḥ jñātavyaḥ | sthūladehādivyatirekena sthūladehavat niḥsaṃśayam ātmatattvena jñātavyaḥ | itarat sthūladehādi | na jñātavyam | itiśabdaḥ gadyasamāptau ||

Note:

nanv ātmāvalokanaṃ kartavyatvena tvayā pratipāditaṃ | tadavalokanaṃ kathaṃ setsyatīty | atra padyenāha

svānubhūteḥ suśāstrasya guroś caivaikavākyatā /

yatrābhyāsena tenātmā santatenāvalokyate //

Note:

svā nijā | yā anubhūtiḥ | tasyāḥ | suśāstrasya śobhanaśāstrasya | guroḥ sadguroś | ca iti trayasya | yatra yasmin abhyāse | ekavākyatā arthāt melanaṃ syāt | santatenāvicchinnena | tenābhyāsena karaṇena | puruṣeṇa kartrā | ātmāvalokyate ||

avahelitaśāstrārthair avajñātamahājanaiḥ⁹⁰⁹ /

kaṣṭām⁹¹⁰ apy āpadaṃ prāpto na mūḍhaiḥ samatām iyāt //

Note:

svasthas tu katham iyād ity apiśabdābhiprāyaḥ ||

Note:

etatprasaṅgena maurkhyaṃ nindati

na vyādhir na viṣaṃ nāpat tathā nāmāsti bhūtale /

khedāya svaśarīrasthaṃ maurkhyam eva yathā nṛṇām //

Note:

spaṣṭam ||

kiṃcitsaṃskṛtabuddhīnāṃ śravyaṃ śāstram idaṃ yathā /

maurkhyāpahaṃ tathā śāstram anyad asti na kiṃcana //

Note:

kiṃcitsaṃskṛtabuddhīnām padapadārthajñānām ity arthaḥ | śravyam śravaṇārham | idaṃ mokṣopāyākhyam | maurkhyāpahaṃ maurkhyam upahantīti maurkhyāpaham ||

idaṃ śravyaṃ sukhakaraṃ kathādṛṣṭāntasundaram /

aviruddham aśeṣeṇa śāstravākyārthabandhunā //

Note:

kathābhiḥ vakṣyamāṇāḥ dṛṣṭāntāḥ kathādṛṣṭāntāḥ | taiḥ sundaram | śāstravākyānāṃ yaḥ arthaḥ | sa eva bandhuḥ | tena aviruddham | śāstrārthānusārīty arthaḥ ||

āpado yā duruttārā yāś ca tucchāḥ kuyonayaḥ /

tās tā maurkhyāt prasūyante khadirāt kaṇṭhakā iva //

Note:

spaṣṭam ||

varaṃ śarāvahastasya caṇḍālāgāravīthiṣu /

bhikṣārtham aṭanaṃ rāma na maurkhyahatajīvitam //

Note:

aṭanaṃ bhramaṇam ||

imam ālokam āsādya mokṣopāyamayaṃ janaḥ /

andhatām eti na punaḥ kaścin mohatamasy api //

Note:

ālokam paratattvaprakāśakatvāt ālokasvarūpam ||

tāvan nayati saṃkocaṃ tṛṣṇā śyāmā narāmbujam /

yāvad vivekasūryasya noditā vimalā prabhā //

Note:

spaṣṭam ||

saṃsāraduḥkhamokṣārthaṃ mādṛśaiḥ saha bandhubhiḥ /

svarūpam ātmano jñātvā guruśāstrapramāṇataḥ //

Note:

mādṛśaiḥ sādhubhir ity arthaḥ | guruśāstrākhyaṃ yat pramāṇaṃ pramākaraṇaṃ | tasmāt guruśāstrapramāṇataḥ | jñātvety asyānantaraṃ stheyam iti śeṣaḥ⁹¹¹ ||

jīvanmuktāś carantīha yathā hariharādayaḥ /

yathā brahmarṣayaś cānye tathā vihara rāghava //

Note:

vihara harṣāmarṣarahitatvena krīḍāṃ kuru ||

anantānīha duḥkhāni sukhaṃ kṣaṇalavopamam /

nātaḥ sukheṣu badhnīyād dṛṣṭiṃ duḥkhānubandhiṣu //

Note:

duḥkhānubandhiṣu duḥkhānuviddheṣu ||

Note:

punaḥ kiṃ kāryam ity | atrāha

yad anantam anāyāsaṃ tat padaṃ sārasiddhaye /

sādhanīyaṃ prayatnena puruṣeṇa vijānatā //

Note:

anantam trividhaparicchedarahitam | anāyāsaṃ āyāsasādhyatvābhāvāt | sārasiddhaye paramapuruṣārthasiddhaye | sādhanīyaṃ svopalabdhiviṣayatāṃ neyam | vijānatā kiṃcinmātrajñānayuktena mūrkhasyātrānadhikaratvāt ||

ta eva puruṣārthasya bhājanaṃ puruṣottamāḥ /

anuttamapadālambi mano yeṣāṃ gatajvaram //

Note:

avidyamāna uttamaḥ yasmāt tat anuttamam niratiśayam iti yāvat | tādṛśaṃ yat padam | tat ālambate iti tādṛśam ||

saṃbhogāśanamātreṣu rājyādiṣu sukheṣu ye /

saṃtuṣṭā duṣṭamanaso viddhi tān andhadundubhān //

Note:

andhadundubhān⁹¹² andharājilān | asamyag darśitvād ity arthaḥ ||

ye śaṭheṣu duranteṣu duṣkṛtārambhaśāliṣu /

dviṣatsu mitrarūpeṣu bhaktā vai bhogabhogiṣu //

te yānti durgamād durgaṃ duḥkhād duḥkhaṃ bhayād bhayam /

narakān narakaṃ mūḍhā mohamantharabuddhayaḥ //

Note:

mitrarūpeṣu dviṣatsu ā mukhe sukhakāritvāt mohamantharā mohanirbharā | buddhiḥ yeṣāṃ te | tādṛśāḥ ||

parasparavināśotke śreyasyau na kadācana /

sukhaduḥkhadaśe rāma taḍitprasarabhaṅgure //

Note:

spaṣṭam ||

ye viraktā mahātmānaḥ suviviktā bhavādṛśaḥ /

puruṣān viddhi tān vandyān bhogamokṣaikabhāginaḥ //

Note:

bhogabhāktvaṃ caiṣāṃ pravāhagatam eva jñeyaṃ | na yatnasādhitam ||

vivekaṃ param āśritya vairāgyābhyāsayogataḥ⁹¹³ /

saṃsārasaritaṃ ghorām imām āpadam uttaret //

Note:

abhyāsaḥ sacchāstrābhyāsaḥ | āpadam āpadrūpām ||

na suptavyaṃ tu saṃsāramāyāsv iha hi jānatā /

viṣamūrcchanasaṃmohadāyinīṣu vivekinā //

Note:

na suptavyam avahelā na kartavyā ||

saṃsāram imam āsādya yas tiṣṭhaty avahelayā /

jvalitasya gṛhasyoccaiḥ śete tārṇasya so 'ntare //

Note:

tārṇasya tṛṇanirmitasya ||

yat prāpya na nivartante yad āsādya na śocyate /

tat padaṃ śemuṣīlabhyam asty evātra na saṃśayaḥ //

Note:

śemuṣīlabhyam eva buddhilabhyam eva | na tu bāhyayatnalabhyam ||

Note:

nanu yadi tat padaṃ nāsti tat kiṃ śemuṣyā labhyate ity | atrāha

nāsti cet tad vicāreṇa doṣaḥ ko bhavatāṃ bhavet /

asti cet tat samuttīrṇā bhaviṣyatha bhavārṇavāt //

Note:

spaṣṭam ||

pravṛttiḥ puruṣasyeha mokṣopāyavicāraṇe /

yadā bhavaty āśu tadā mokṣabhāgī sa ucyate //

Note:

spaṣṭam ||

anapāyi nirāśaṅkaṃ svāsthyaṃ vigatavibhramam /

na vinā kevalībhāvaṃ vidyate bhuvanatraye //

Note:

svāsthyam svasthatā | kevalībhāvaṃ vinā advitīyatāṃ vinā ||

tatprāptāv uttamaprāptau na kleśa upayujyate /

na mitrāṇy upakurvanti na dhanāni na bāndhavāḥ //

Note:

tatprāptau kevalībhāvaprāptau | kleśaḥ śārīrikaḥ kleśaḥ ||

na hastapādacalanaṃ na deśāntarasaṃgamaḥ /

kleśātiśayasādhyo vā na tīrthāyatanāśrayaḥ //

Note:

asminn arthe hastapādādicalanaṃ na bhavati | deśāntarasaṃgamaḥ ca na bhavati | ayam arthaḥ kleśātiśayasādhyaḥ na bhavati | tīrthāyatanāśrayaḥ⁹¹⁴ ca na bhavati ||

puruṣārthaikasādhyena vāsanaikārthakarmaṇā /

kevalaṃ tan manomātrajayenāsādyate padam //

Note:

puruṣeṇa tat kevalībhāvākhyaṃ padam | evalam manomātrajayena āsādyate prāpyate | manomātrajayena kathaṃbhūtena | puruṣārthena pauruṣeṇa | ekam kevalaṃ sādhyena | punaḥ kathaṃbhūtena vāsanaikārthakarmaṇā | vāsanā bhāvanā | sā eva ekārthaḥ | tasya karmaṇā | bhāvanāmātrasādhyenety arthaḥ ||

vivekamātrasādhyaṃ tadvicāraikāntaniścayam /

tyajatā duḥkhajālāni nareṇa tad avāpyate //

Note:

tadvicāreṇa tadviṣayeṇa vivekena | ekaṃ kevalaṃ | niścayaḥ yasya | tam | vicāraniśceyam ity arthaḥ | tat kevalībhāvākhyaṃ padam ||

sukhasevyāsanasthena tadvicāravatā svayam /

na śocyate padaṃ prāpya na ca bhūyo 'bhijāyate //

Note:

tadvicāravatā kevalībhāvavicārayuktena | tat padaṃ kevalībhāvākhyaṃ padam ||

tat samastasukhāsārasīmāntaṃ sādhavo viduḥ /

tad anuttamaniṣṣyandaṃ param āhū rasāyanam //

Note:

spaṣṭam ||

kṣayitvāt sarvabhāvānāṃ svargamānuṣyayor dvayoḥ /

sukhaṃ nāsty eva salilaṃ mṛgatṛṣṇāsv ivaitayoḥ //

Note:

svargamānuṣyayoḥ svarlokamanuṣyalokayoḥ ||

ato manojayaś cintyaḥ śamasaṃtoṣasādhanaḥ /

anantaśamasaṃbhogas tasmād ānanda āpyate //

Note:

ataḥ kāraṇāt | puruṣeṇa manojayaḥ cintyaḥ | kathaṃbhūtaḥ | śamasaṃtoṣau sādhanaṃ yasya | tādṛśaḥ puruṣaḥ | tasmāt manojayāt | anantaśamasya saṃbhogaḥ camatkāraḥ | śamāsvādarūpaḥ iti yāvat | ānandaḥ āpyate prāpyate ||

jīvatā gacchatā caiva bhramatā patatā tathā /

rakṣasā dānavenāpi devena puruṣeṇa vā //

manaḥpraśamanodbhūtaṃ tat prāpya paramaṃ sukhaṃ /

vikāsiśamapuṣpasya vivekoccataroḥ⁹¹⁵ phalam //

vyavahārapareṇāpi kāryavṛndam acinvatā /

bhānunevāmbarasthena nojjhyate na ca vāñchyate //

Note:

jīvatā gacchatā bhramatā | atha⁹¹⁶ patatā | upalakṣaṇaṃ caitat | sarvāḥ kriyāḥ⁹¹⁷ kurvateti yāvat | rakṣasā dānavenāpi devena puruṣeṇa vā manaḥpraśamanodbhūtaṃ tathā vikāsiśamapuṣpasya⁹¹⁸ vivekoccataroḥ⁹¹⁹ phalam | tat paramaṃ sukham nirvāṇākhyaṃ sukhaṃ | prāpyāmbarasthena bhānunā iva nojjhyate na ca vāñchyate sūryavat upekṣām eva sarvatra kriyate ity arthaḥ | rakṣaḥprabhṛtinā kathaṃbhūtena | vyavahārapareṇāpi kāryavṛndam kāryasamūham | acinvatā nāhaṃkarteti niścayāt svakṛtatvenānanubhavatā ||

manaḥ praśāntam atyacchaṃ viśrāntaṃ gatavibhramam /

anīhaṃ vigatābhīṣṭaṃ nābhivāñchati nojjhati //

Note:

anīham vikalpākhyaceṣṭārahitam | vigatābhīṣṭam abhīṣṭam idam iti niścayarahitam | pravāhāgatam upekṣayā eva karotīti bhāvaḥ ||

Note:

pūrvataraṃ prakṛtānāṃ⁹²⁰ śamādidvārapālānāṃ nirṇayaṃ prastauti

mokṣadvāre dvārapālān imāñ śṛṇu yathākramam /

yeṣām ekatamāsaktyā mokṣadvāre praviśyate //

Note:

ekatamāsaktyā⁹²¹ ekatamāsevanena ||

Note:

tatrāpi prathamoddiṣṭaṃ śamaṃ nirūpayati

duḥkhadoṣadaśā dīrghā saṃsāramarumaṇḍalī /

jantoḥ śītalatām eti śītalena śamāmbunā //

Note:

duḥkhadoṣarūpā daśā yasyāṃ sā duḥkhadoṣadaśā ||

śamenāsādyate śreyaḥ śamo hi paramaṃ padam /

śamaḥ śivaṃ śamaḥ śāntiḥ śamo bhrāntinivāraṇam //

Note:

paramaṃ padam cinmātrākhyam utkṛṣṭaṃ sthānam ||

puṃsaḥ praśamatṛptasya śītalācchatarātmanaḥ /

śamatoṣitacittasya śatrur apy eti mitratām //

Note:

dveṣeṇaiva hi śatruḥ śatruḥ bhavati | sa ca tasya nāstīti tasya śatruḥ mitratām etīti bhāvaḥ ||

śamacandramasā yeṣām⁹²² āśayaḥ samalaṃkṛtaḥ /

kṣīrābdhīnām ivodeti teṣāṃ paramaśuddhatā //

Note:

paramaśuddhatā vāsanākhyamalarāhityam ||

hṛtkuśeśayakośeṣu yeṣāṃ śamakuśeśayam⁹²³ /

satāṃ vikasitaṃ⁹²⁴ te hi dvihṛtpadmāḥ samā hareḥ //

Note:

harer dvihṛtpadmatvaṃ nābhisthasya padmasya sthitatvāj jñeyam ||

śamaśrīḥ śobhate yeṣāṃ mukhendāv akalaṅkite /

te 'mī kulendavo vandyāḥ saundaryavijitendavaḥ //

Note:

akalaṅkitatvam evātra indujaye hetuḥ ||

trailokyodaravartinyo nānandāya tathā śriyaḥ /

sāmrājyasaṃpatpratimā yathā śamavibhūtayaḥ //

Note:

spaṣṭam ||

yāni duḥkhāni yās tṛṣṇā duḥsahā ye durādhayaḥ /

tat sarvaṃ śāntacetassu tamo 'rkeṣv iva naśyati //

Note:

spaṣṭam ||

mano hi sarvabhūtānāṃ prasādam anugacchati /

na tathendau yathā śānte jane janitakautukam //

Note:

prasādam prasannatām ||

śamaśālini sauhārdavati sarveṣu jantuṣu /

sujane paramaṃ tattvaṃ svayam eva prasīdati //

Note:

paramaṃ tattvam paramātmatattvaṃ⁹²⁵ | svayam evāyatnam eva | prasīdati svarūpadarśanākhyaṃ prasādaṃ karotīty arthaḥ ||

mātarīva paraṃ yānti viṣamāṇi mṛdūni ca /

viśvāsam iha bhūtāni sarvāṇi śamaśālini //

Note:

viṣamāṇi hiṃsāni⁹²⁶ | mṛdūni komalāni ||

na rasāyanapānena na lakṣmyāliṅganena ca /

tathā sukham avāpnoti śamenāntar yathā janaḥ //

Note:

antaḥ manasi ||

sarvādhivyādhivalitaṃ⁹²⁷ krāntaṃ tṛṣṇāvaratrayā /

manaḥ śamāmṛtāsekaiḥ⁹²⁸ samāśvāsaya rāghava //

Note:

samāśvāsaya śītalaya ||

yat karoṣi yad aśnāsi śamaśītalayā dhiyā /

tat te 'tisvadate svādu netarat tāntamānasam //

Note:

svadate rocate | camatkāraṃ karotīti yāvat | tāntam mlāniyuktaṃ kṛtaṃ | mānasaṃ yena tat ||

śamāmṛtarasāsnātaṃ⁹²⁹ mano yām eti nirvṛtim /

chinnāny api tayāṅgāni manye rohanti rāghava //

Note:

śamāmṛtarasāsnātaṃ manaḥ yāṃ nirvṛtiṃ eti | he rāghavāhaṃ manye | tayā nirvṛtyā | chinnāny api aṅgāni rohanti ||

na piśācā na rakṣāṃsi na daityā na ca śatravaḥ /

na ca vyāghrabhujaṅgādyā dviṣanti śamaśālinam //

Note:

spaṣṭam ||

susaṃnaddhasamastāṅgaṃ praśamāmṛtavarmaṇā /

vedhayanti na duḥkhāni śarā vajraśilāṃ iva //

Note:

vedhayanti tāḍayanti ||

na tathā rājate rājā mānyāntaḥpurasaṃsthitaḥ /

samayā svasthayā vṛttyā yathopaśamaśobhitaḥ //

Note:

vṛttyā vyāpāreṇa⁹³⁰ ||

prāṇāt priyataraṃ dṛṣṭvā tuṣṭim eti na tāṃ janaḥ /

yām āyāti janaṃ śāntam⁹³¹ avalokya samāśayam //

Note:

samāśayam samacetasam ||

samayā śamaśālinyā vṛttyā yaḥ sādhu vartate /

abhinanditayā loke jīvatīha sa netaraḥ //

Note:

vartate tiṣṭhati | itaraḥ aśāntaḥ ||

anuddhatamanāḥ śāntaḥ sādhu karma karoti yat /

tat sarvam abhinandanti tasyemā bhūtajātayaḥ //

Note:

abhinandanti stuvanti ||

Note:

śāntasvarūpanirṇayadvāreṇa śamasvarūpaṃ niścinoti

śrutvā spṛṣṭvā ca dṛṣṭvā ca bhuktvā ghrātvā śubhāśubham /

na hṛṣyati glāyati yaḥ sa śānta iti kathyate //

Note:

upekṣā eva śāntir iti bhāvaḥ ||

yaḥ samaḥ sarvabhāveṣu nābhivāñchati nojjhati /

jitvendriyāṇi yatnena sa śānta iti kathyate //

Note:

spaṣṭam ||

tuṣārakarabimbācchaṃ mano yasya nirākulam /

maraṇotsavayuddheṣu sa śānta iti kathyate //

Note:

spaṣṭam ||

sthito 'pi na sthita iva na hṛṣyati na kupyati /

yaḥ suṣuptamanāḥ svasthaḥ sa śānta iti kathyate //

Note:

suṣuptamanāḥ harṣāmarṣānusandhānarahitaḥ⁹³² ||

amṛtasyandasubhagā yasya sarvajanaṃ prati /

dṛṣṭiḥ prasarati prītā sa śānta iti kathyate //

Note:

spaṣṭam ||

spaṣṭāvadātayā buddhyā yathaivāntas tathā bahiḥ /

dṛśyante yasya kāryāṇi sa śānta iti kathyate //

Note:

kapaṭarāhityād iti bhāvaḥ ||

apy āpatsu durantāsu kalpānteṣu dahatsv api /

tucchehaṃ na mano yasya sa śānta iti kathyate //

Note:

tuccheham tucchopāyaparam ||

yo 'ntaḥ śītalatāṃ yāto⁹³³ yo bhāveṣu na majjati /

vyavahārī na saṃmūḍhaḥ sa śānta iti kathyate //

Note:

na majjati rāgodrekeṇāsakto na bhavati | vyavahārī vyavahārakārī | na saṃmūḍhaḥ na vyavahārarahitaḥ | vyavahārarahitasya hi amajjanaṃ vyavahārābhāvakṛtam eva na śāntikṛtam ||

ākāśasadṛśī yasya nityaṃ svavyavahāriṇaḥ /

kalaṅkam eti na matiḥ sa śānta iti kathyate //

Note:

svaḥ nijaḥ | vyavahāraḥ asyāstīti tādṛśasya ||

tapasviṣu bahujñeṣu yājakeṣu nṛpeṣu ca /

balavatsu guṇāḍhyeṣu śamavān eva rājate //

Note:

spaṣṭam ||

śamasaṃsaktamanasāṃ mahatāṃ guṇaśālinām /

udeti nirvṛtiś cittāj jyotsneva himarociṣaḥ //

Note:

spaṣṭam ||

sīmānto guṇapūgānāṃ pauruṣaikāntabhūṣaṇam /

saṃkaṭeṣv abhayasthānaṃ śamaḥ śrīmān virājate //

Note:

spaṣṭam ||

Note:

sargāntaślokena śamanirūpaṇaṃ samāpayati

śamam amṛtam ahāryam āryajuṣṭaṃ
param avalambya padaṃ paraṃ prayātāḥ /

raghutanaya yathā mahānubhāvāḥ
kramam anupālaya siddhaye tam eva //

Note:

he raghutanaya | mahānubhāvāḥ puruṣāḥ | amṛtam amṛtarūpam | ahāryam anāśyam āryajuṣṭam |śamaṃ pūrvoktasvarūpaṃ śamaṃ avalambya | paraṃ padaṃ paracitsvarūpam utkṛṣṭaṃ sthānaṃ | yathā prayātāḥ | tvam tam tathāvidham | kramam siddhaye anupālaya | iti śivam ||

MT_2.13

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe trayodaśaḥ sargaḥ ||

Note:

oṃ vivekanirṇayaṃ prastauti

śāstrāvabodhāmalayā dhiyā paramapūtayā | /

kartavyaḥ kāraṇajñena vicāro 'niśam ātmanaḥ //

Note:

kāraṇajñenakiṃ | kena saṃpadyate iti jānatā puruṣeṇa | dhiyā ātmanaḥ vicāraḥ aniśam kartavyaḥ" ||

Note:

nanu vicāreṇa kiṃ setsyati ity | atrāha

vicārāt tīkṣṇatām etya dhīḥ paśyati paraṃ padam /

dīrghasaṃsārarogasya vicāro hi mahauṣadham //

Note:

param padam śuddhacinmātrākhyaṃ mahāsthānam ||

āpadvanam anantehāparipallavitākṛti⁹³⁴ /

vicārakrakacacchinnaṃ naiva bhūyaḥ prarohati //

Note:

anantāḥ yāḥ īhāḥ ceṣṭāḥ | tābhiḥ⁹³⁵ paripallavitā puṣṭībhūtā | ākṛtiḥ yasya tat ||

moheṣu bandhunāśeṣu saṃkaṭeṣu bhrameṣu ca /

sarveṣv eva mahāprājña vicāro hi satāṃ gatiḥ //

Note:

gatiḥ śaraṇam ||

na vicāraṃ vinā kaścid upāyo 'sti vipacchame /

vicārād aśubhaṃ tyaktvā śubham āyāti dhīḥ satām //

Note:

spaṣṭam ||

balaṃ buddhiś ca tejaś ca pratipattiḥ kriyāphalam /

phalanty etāni sarvāṇi vicāreṇaiva dhīmataḥ //

Note:

pratipattiḥ jñānam | avivekena tu kṛtāni etāni anartham⁹³⁶ evotpādayantīti bhāvaḥ ||

yuktāyuktamahādīpam abhivāñchitasādhakam /

sphāraṃ vicāram āśritya saṃsārajaladhiṃ taret //

Note:

yuktāyuktamahādīpaṃ idaṃ yuktaṃ idaṃ tv ayuktam iti prakāśakam ity arthaḥ | sphāraṃ vistīrṇam ||

ālūnahṛdayāmbhojaṃ mahāmohamataṅgajam /

vidārayati śuddhātmā vicārodārakesarī //

Note:

vidārayati vināśayati ||

mūḍhāḥ kālavaśeneha yad gatāḥ paramaṃ padam /

tad vicārapradīpasya vijṛmbhitam anuttamam //

Note:

kālena hi mūḍhā api śuddhacinmātrākhyaṃ paramaṃ padaṃ prāpnuvanti | vijṛmbhitam vilasitam | anuttamam niratiśayam ||

rājyāni saṃpadaḥ sphāro bhogo mokṣaś ca śāśvataḥ /

vicārakalpavṛkṣasya phalāny etāni rāghava⁹³⁷ //

Note:

spaṣṭam ||

yā vivekavilāsinyo matayo mahatām iha /

na tā vipadi majjanti tumbakānīva vāriṇi //

Note:

vivekavilāsaḥ āsām astīti vivekavilāsinyaḥ ||

vicārodayahāriṇyā dhiyā vyavaharanti ye /

phalānām atyudārāṇāṃ bhājanaṃ hi bhavanti te //

Note:

vicārodayena hāriṇyā manoharayā ||

mūrkhahṛtkānanasthānām āśāprasararodhinām /

avicārakarañjānāṃ mañjaryo⁹³⁸ duḥkharītayaḥ //

Note:

āśā mokṣāśā | tasyāḥ yaḥ prasaraḥ | taṃ rundhantīti tādṛśānām dikprasararodhināṃ ca | karañjānāṃ kaṇṭakavṛkṣāṇām | duḥkharītayaḥ duḥkharacanāḥ ||

kajjalakṣodamalinā madirāmodadhāriṇī /

avicāramayī nidrā yātu te rāghava kṣayam //

Note:

kajjalakṣodena mantrasaṃskṛtena | kajjalakṣodena malinā ghanā | kajjalakṣodavat malinā cātyantakāluṣyāt | madirā modaṃ dhārayatīti tādṛśī | madirāmodenāpi nidrā ghanībhavati | avicāramayī avicārasvarūpā tām eva kṣayaṃ nayeti bhāvaḥ ||

mahāpady api dīrgheṣu sadvicāraparo naraḥ /

na nimajjati moheṣu tejorāśis⁹³⁹ tamassv iva //

Note:

moheṣu kiṃ karomīty evaṃrūpeṣu ||

mānase sarasi svacche vicārakamalotkaraḥ /

nūnaṃ vikasito yasya himavān iva bhāti saḥ //

Note:

mānase sarasi hṛdayākhye sarasi mānasākhye sarasīti ca ||

vicāravikalā yasya matir māndyam upeyuṣaḥ /

tasyodety aśaniś candrān mudhā⁹⁴⁰ yakṣaḥ śiśor iva //

Note:

vicāravikalā vicārarahitā | māndyaṃ jāḍyaṃ | candrāt citsūryapratibimbarūpatvena candratulyāt saṃsārāt | aśaniḥ⁹⁴¹ bhāvābhāvakṛtaharṣāmarṣarūpaṃ vajram āścaryaṃ ca candrād aśaner utpādaḥ ||

duḥkhaṣaṇḍakavalmīkaṃ vipannavalatāmadhuḥ /

rāma dūre parityājyo nirviveko narādhamaḥ //

Note:

narādhamaḥ kiṃ | duḥkhaḥ ṣaṇḍakānāṃ valmīkam | valmīke hi kaṇṭakaṣaṇḍakāni bhavanti | punaḥ kaḥ | vipad eva navalatā | tasyāḥ madhuḥ vasantaḥ ||

ye kecana durārambhā durācārā durādhayaḥ /

avicāreṇa te bhānti vetālās tamasā yathā //

Note:

durārambhāḥ kutsitāḥ kāryārambhāḥ ||

avicāriṇam ekāntajaraddrumasadharmakam /

akṣamaṃ sādhukāryeṣu dūre kuru raghūdvaha //

Note:

ekānte janarahite⁹⁴² deśe | sthitaḥ jaraddrumaḥ | tasya sadharmakam sadṛśam | sādhukāryeṣu cittanirodhādiṣu | phaladānena paropakārarūpeṣu ca śubhakāryeṣu ||

viviktaṃ hi mano jantor āśāvaivaśyavarjitam /

parāṃ nirvṛtim abhyeti pūrṇaś candra ivātmani //

Note:

viviktam vivekayuktam | āśāvaivaśyavarjitam iti viśeṣaṇadvāreṇa hetuḥ | āśāvaivaśyasyaiva nirvṛtirodhakatvāt ||

vivekitoditā dehaṃ sarvaṃ śītalayaty alam /

alaṃkaroti cātyantaṃ jyotsneva bhuvanam navā //

Note:

navā śaratkālīnā ||

paramārthapatākāyā dhiyo dhavalacāmaram /

vicāro rājate janto rajanyām iva candramāḥ //

Note:

paramārthasya śuddhacinmātratattvākhyaparamārthasya | patākāyāḥ pradarśakatvasāmānyena cihṇabhūtapatākārūpāyāḥ dhiyaḥ⁹⁴³ | dhavalacāmaram śobhādāyakatvena dhavalacāmararūpam ||

vicāracāravo bhāvā bhāsayanto diśo daśa /

bhānti bhāskaravad bhagnabhūyobhavabhayāmayāḥ //

Note:

bhāvāḥ manuṣyādirūpāḥ padārthāḥ | bhāvāḥ kathaṃbhūtāḥ | bhagnāḥ bhūyāṃsi bhavabhayāni evāmayāḥ yaiḥ te | bhāskaro 'pi daśa diśaḥ bhāsayati ||

bālasya svamanomohakalpitaḥ prāṇahārakaḥ /

rātrau tamasi vetālo vicāreṇa vilīyate //

Note:

spaṣṭam ||

sarva eva jagadbhāvā avicāreṇa⁹⁴⁴ cāravaḥ /

avidyamānasadbhāvā⁹⁴⁵ vicāraviśarāravaḥ //

Note:

sarva eva jagadbhāvāḥ jagatpadārthāḥ | avicāreṇa vicārarāhityena | cāravaḥ bhavanti | kathaṃbhūtāḥ | avidyamānasadbhāvāḥ | ata eva ca vicāraviśarāravaś ca vicārāsahatvāt ||

puṃso nijamanomohakalpito 'nalpaduḥkhadaḥ /

saṃsāraciravetālo vicāreṇa vilīyate //

Note:

spaṣṭam ||

samasvacchaṃ nirābādham anantamananāśrayam /

viddhīmaṃ kevalībhāvaṃ vicāro 'grataroḥ phalam //

Note:

samaṃ ca tat svacchaṃ samasvacchaṃ | nirābādham kenāpi pramāṇena bādhayitum aśakyam | anantasyāparicchinnasya svātmatattvasya | yat mananam parāmarśaḥ | tasyāśrayam lakṣaṇayā sādhakam ||

acalasthitinodāraprakaṭābhogatejasā /

tena niṣkāmatodeti śītatevoditendunā //

Note:

udāraprakaṭābhogaṃ udbhaṭaprakaṭavistāraṃ | tejaḥ yasya | tādṛśena | niṣkāmatā kāmanārāhityam | uditaś cāsāv induḥ | tena ||

Note:

nanu niṣkāmatayā kiṃ setsyatīty | atrāha

cintājvaramahauṣadhyā sādhuś cittaniṣaṇṇayā /

tayottamatvapradayā nābhivāñchati nojjhati //

Note:

tayā niṣkāmatayā | nābhivāñchati nojjhati sarvatropekṣām eva bhajate ity arthaḥ ||

Note:

punaḥ kiṃ karotīty | atrāha

tatsadālambanaṃ cetaḥ sphāram ābhāsam āgatam /

nāstam eti na codeti kham ivātitatāntaram //

Note:

sā niṣkāmatā sadā ālambanam āśrayo yasya | tat tatsadālambanam | tathā sphāraṃ sphuraṇaśīlaṃ | ābhāsam āgatam vivekayuktaṃ jātam ity arthaḥ ||

na jahāti na cādatte nottāmyati na śāmyati /

kevalaṃ sākṣivat paśyañ⁹⁴⁶ jagad ātmani tiṣṭhati //

Note:

nottāmyati na kṣubhyati ||

na ca śāmyati nāpy antar nāpi bāhye 'vatiṣṭhati /

na ca naiṣkarmyam ādatte na ca karmāṇi majjati //

Note:

sarvatropekṣayaiva vartate iti bhāvaḥ ||

upekṣate gataṃ vastu saṃprāptam anuvartate /

na kṣubdho nāti cākṣubdho bhāti pūrṇa ivārṇavaḥ //

Note:

anuvartate niranusandhānam pravartate | ati atiśayena ||

evaṃrūpeṇa manasā mahātmāno mahāśayāḥ /

jīvanmuktā jagaty asmin viharanti hi yoginaḥ //

Note:

spaṣṭam ||

uṣitvā suciraṃ kālaṃ dhīrās te yāvadīpsitam /

tanum ante parityajya yānti kevalatāṃ tatām //

Note:

kevalatām videhamuktatām | yāvadīpsitam ity anena sarvam eva bhagavatkṛtam teṣām īpsitam evāstīti sūcitam ||

ko 'haṃ kasya ca saṃsāra ity āpady api dhīmatā /

cintanīyaṃ prayatnena sapratīkāram ātmanā //

Note:

kim uta vaktavyaṃ saṃpadīty apiśabdābhiprāyaḥ | sapratīkāram pratīkārasahitam | na tu cintanamātreṇaiva | pratīkāraś cātra bhogatyāga eva jñeyaḥ ||

kāryasaṃkaṭasandehaṃ rājā jānāti rāghava /

niṣphalaṃ saphalaṃ vāpi vicāreṇaiva nānyathā //

Note:

bahir api vicārasyaiva sāmrājyam iti bhāvaḥ ||

vedavedāntasiddhāntasthitayaḥ sthitikāraṇam /

nirṇīyante vicāreṇa dīpeneva bhuvo niśi //

Note:

vedavedāntarūpāḥ sthitayaḥ maryādāḥ vedavedāntasthitayaḥ⁹⁴⁷ | sthitikāraṇam saṃsāramaryādākāraṇabhūtāḥ ||

anaṣṭam andhakāreṣu bahutejassv ajihmitam /

paśyaty api vyavahitaṃ vicāraś cārulocanam //

Note:

ajihmitam tejo'bhimukhe hi cakṣuṣi pratīghātena jihmitatvaṃ parivartitatvaṃ bhavati | tac cātra nāstīty arthaḥ ||

vivekāndho hi jātyandhaḥ śocyaḥ sarvasya durmatiḥ /

divyacakṣur vivekātmā jayaty akhilavastuṣu //

Note:

sarvasya śocyaḥ sarvaiḥ śocanīya ity arthaḥ | vivekaḥ ātmā pradhānaṃ yasya saḥ vivekātmā vivekānvita ity arthaḥ | jayati sarvotkarṣeṇa vartate ity arthaḥ ||

paramātmamayī pālyā mahānandaikasādhanī /

kṣaṇam ekaṃ parityājyā na vicāracamatkṛtiḥ //

Note:

pālyā rakṣaṇīyā ||

vicāracāruḥ puruṣo mahatām api rocate /

paripakvaṃ camatkāri sahakāraphalaṃ yathā //

Note:

spaṣṭam ||

vicārakāntamatayo nānekeṣu punaḥ punaḥ /

luṭhanti duḥkhaśvabhreṣu jñātordhvagatayo narāḥ //

Note:

jñātāḥ adhigatā | ūrdhve uttīrṇe cinmātre | gatiḥ yaite ||

na virauti tathā rogī nānarthaśatajarjaraḥ /

avicāravinaṣṭātmā yathājñaḥ pariroditi //

Note:

nānarthaśatajarjara ity atra caśabdo 'dhyāhāryaḥ | avicāreṇāvivekena vinaṣṭaḥ vismṛtaḥ | ātmā pāramārthikaṃ svarūpaṃ yasya | tādṛśaḥ ||

varaṃ kardamakīṭatvaṃ śvabhrakaṇṭakatā varam /

varam andhaguhāhitvaṃ na narasyāvicāritā //

Note:

spaṣṭam ||

sarvānarthanijāvāsaṃ sarvasādhutiraskṛtam /

sarvadauḥsthityasīmāntam avicāraṃ parityajet //

Note:

sarve ye anarthāḥ | teṣāṃ nijaḥ svakīyaḥ | āvāsaḥ sarvānarthaśrayam ity arthaḥ ||

nityaṃ vicārayuktena bhavitavyaṃ mahātmanā /

bhavāndhakūpe patatāṃ vicāro hy avalambanam //

Note:

hi yasmādarthe | avalambanam ādhāraḥ ||

svayam evātmanātmānam avaṣṭabhya vicārataḥ /

saṃsāramohajaladhes tārayet svamanomṛgam //

Note:

ātmanā manasā | ātmānaṃ paramātmānam | avaṣṭabhya bhāvanayā gṛhītvā ||

Note:

vicārasya svarūpaṃ kathayati

ko 'haṃ katham ayaṃ doṣaḥ saṃsārākhya upāgataḥ /

nyāyeneti parāmarśo vicāra iti kathyate //

Note:

nyāyena yuktyā | parāmarśaḥ santatabhāvanam ||

andhāndhamohamukharaṃ ciraṃ duḥkhāya kevalam /

kṛtaṃ śilāyā hṛdayaṃ durmateś cāvicāriṇaḥ //

Note:

atiṣayenāndham andhāndham⁹⁴⁸ | tādṛśaṃ ca tat mohamukharaṃ ca | jāḍyena viparyāsayuktam ity arthaḥ | duḥkhāya svasya parasya ceti jñeyam ||

bhāvābhāvagrahotsargadṛśām iha hi rāghava /

na vicārād ṛte tattvaṃ jñāyate⁹⁴⁹ sādhu kiṃcana //

Note:

grahaḥ grahaṇaṃ | utsargaḥ tyāgaḥ ||

vicārāj jñāyate tattvaṃ tattvād viśrāntir ātmani /

tato manasi śāntatvaṃ sarvaduḥkhaparikṣayaḥ //

Note:

tattvam cinmātrākhyaṃ paramaṃ tattvam | ātmani śuddhacinmātrarūpe ātmani | śāntatvasya svarūpaṃ kathayati | sarveti | sarvaduḥkhakṣayasyaiva śāntirūpatvāt ||

Note:

sargāntaślokena vicāranirūpaṇaṃ samāpayati

saphalatā phalate bhuvi karmaṇāṃ
prakaṭatāṃ kila gacchata⁹⁵⁰ uttamāt /

sphuṭavicāradṛśaiva vicāritā
śamavate bhavate 'pi virocatām //

Note:

kila niścaye | bhuvi karmaṇāṃ saphalatā phalate | sphuṭavicāradṛśaiva sphuṭā yā vicāradṛk | tayaiva | uttamāt viśeṣataḥ | prakaṭatāṃ gacchataḥ vivekasyaiva sarvaprakaṭane śaktatvāt | ataḥ iyaṃ vicāritā⁹⁵¹ śamavate bhavate 'pi virocatām | iti śivam ||

MT_2.14

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe caturdaśaḥ sargaḥ ||

Note:

oṃ evaṃ vicārasvarūpaṃ nirṇīya tṛtīyasya saṃtoṣasya svarūpaṃ kathayati

saṃtoṣo 'pi paraṃ śreyaḥ saṃtoṣaḥ sukham ucyate /

saṃtuṣṭaḥ param abhyeti viśrāmam arisūdana //

Note:

saṃtuṣṭaḥ saṃtoṣayuktaḥ puruṣaḥ ||

saṃtoṣaiśvaryasukhināṃ ciraviśrāntacetasām /

sāmrājyam api sādhūnāṃ jarattṛṇalavāyate //

Note:

spaṣṭam ||

saṃtoṣaśālinī buddhī rāma saṃsāravṛttiṣu /

viṣamāsv apy anudvignā na kadācana dūyate //

Note:

na dūyate saṃtapyate saṃtuṣṭavān ||

saṃtoṣāmṛtapānena ye parāṃ tṛptim āgatāḥ /

bhogaśrīr atulā teṣām eṣā prativiṣāyate //

Note:

prativiṣā ivācarate prativiṣāyate | prativiṣā tiktadravyaviśeṣaḥ ||

na tathā tarpayanty etāḥ pīyūṣarasavīcayaḥ /

yathā hi madhurāsvādaḥ saṃtoṣo doṣanāśanaḥ //

Note:

spaṣṭam ||

Note:

saṃtuṣṭasvarūpakathanadvāreṇa saṃtoṣasvarūpaṃ kathayati

aprāptavāñchām utsṛjya saṃprāpte samatāṃ gataḥ /

adṛṣṭakhedākhedo 'ntaḥ sa saṃtuṣṭa ihocyate //

Note:

saṃprāpte pravāhāgate ||

ātmanātmani saṃtoṣaṃ yāvad yāti na mānasam /

udbhavanty āpadas tāval latā iva manovanāt //

Note:

ātmanā svena | na tu bhogādinā ||

saṃtoṣaśītalaṃ cetaḥ śuddhavijñānadṛṣṭibhiḥ /

bhṛśaṃ vikāsam āyāti sūryāṃśubhir ivāmbujam //

Note:

saṃtuṣṭasyaiva jñāne adhikāra iti bhāvaḥ ||

āśāvaivaśyavivaśe⁹⁵² citte saṃtoṣavarjite /

mlāne vaktram ivādarśe na jñānaṃ pratibimbati //

Note:

pratibimbati lagati ||

ajñānaghanayāminyā saṃkocaṃ na narāmbujam /

yāty asāv udito yasya nityaṃ saṃtoṣabhāskaraḥ //

Note:

tat narāmbujam ajñānaghanayāminyā saṃkocaṃ na yāti | tat kim | yasyāsau saṃtoṣabhāskaraḥ nityam udito bhavati ||

akiṃcano 'py asau jantuḥ sāmrājyasukham aśnute /

ādhivyādhivinirmuktaṃ saṃtuṣṭaṃ yasya mānasam //

Note:

spaṣṭam ||

nābhivāñchaty asaṃprāptaṃ prāptaṃ bhuṅkte yathākramam /

yaḥ sasomyaḥ sadācāraḥ saṃtuṣṭa iti kathyate //

Note:

spaṣṭam ||

saṃtoṣaparitṛptasya mahataḥ pūrṇacetasaḥ /

kṣīrābdher iva śuddhasya mukhe lakṣmīr virājate //

Note:

spaṣṭam ||

pūrṇatām alam āśritya svātmany evātmanā svayam /

pauruṣeṇa prayatnena tṛṣṇāṃ sarvatra varjayet //

Note:

pūrṇatāṃ tṛptatām | ātmanā eva | na tu bhogair ity arthaḥ ||

saṃtoṣāmṛtapūrṇasya svāntaḥ śītalatā svayam /

sthairyam āyāty ariktasya śītāṃśor iva śāśvatam //

Note:

svāntaḥ svamanasi | ariktasya pūrṇasya ||

saṃtoṣapuṣṭamanasaṃ bhṛtyā iva maharddhayaḥ /

rājānam upatiṣṭhante kiṃkaratvam upāgatāḥ //

Note:

yathā kiṃkaratvam upāgatāḥ bhṛtyāḥ rājānam upatiṣṭhante tathā saṃtoṣapuṣṭamanasaṃ⁹⁵³ maharddhayaḥ upatiṣṭhante ||

ātmanaivātmani svacche saṃtuṣṭe puruṣe sthite /

praśāmyanty ādhayaḥ sarve prāvṛṣīvāśu pāṃsavaḥ //

Note:

svacche rāgādimalarahite ||

nityaṃ śītalayā nāma kalaṅkaparihīnayā /

puruṣaḥ śuddhayā vṛttyā bhāti pūrṇatayenduvat //

Note:

nāma niścaye | kalaṅkahīnayā asantoṣākhyamalarahitayā ||

Note:

saṃtoṣavivecanaṃ sargāntaślokena samāpayati

samatayā matayā guṇaśālināṃ
puruṣarāḍ iha yaḥ samalaṃkṛtaḥ /

tam amalaṃ praṇamanti nabhaścarā
api mahāmunayo raghunandana //

Note:

spaṣṭam | iti śivam ||

MT_2.15

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe pañcadaśaḥ sargaḥ ||

Note:

oṃ evaṃ saṃtoṣasvarūpaṃ nirṇīya caturthaṃ satsaṃgaṃ nirūpayati

viśeṣeṇa mahābuddhe saṃsārottaraṇe nṛṇām /

sarvatropakarotīha sādhuḥ sādhusamāgamaḥ //

Note:

spaṣṭam ||

sādhusaṃgataror jātaṃ vivekakusumaṃ śubham /

rakṣanti ye mahātmāno bhājanaṃ te phalaśriyaḥ //

Note:

phalaśriyaḥ mokṣākhyaphalalakṣmyāḥ ||

śūnyam ākīrṇatām eti mṛtir apy utsavāyate /

āpat saṃpad ivābhāti vidvajjanasamāgame //

Note:

śūnyaṃ śūnyadeśaḥ | ākīrṇatām lokabharitadeśatām ||

himam āpatsarojinyā mohanīhāramārutaḥ /

jayaty eko jagaty asmin sādhu sādhusamāgamaḥ //

Note:

sādhu⁹⁵⁴ samyak ||

paraṃ vivardhanaṃ buddher ajñānatarunāśanam /

samutsāraṇam ādhīnāṃ viddhi sādhusamāgamam //

Note:

samutsāraṇam nāśanam ||

vivekaḥ paramo dīpo jāyate sādhusaṃgamāt /

manoharojjvalo nūnam aśokād iva gucchakam //

Note:

spaṣṭam ||

nirāmayāṃ nirābādhāṃ nirvṛtiṃ nityapīvarīṃ⁹⁵⁵ /

anuttamāṃ prayacchanti sādhusaṃgavibhūtayaḥ //

Note:

spaṣṭam ||

api kaṣṭatarāṃ prāptair daśāṃ vivaśatāṃ gataiḥ /

manāg api na saṃtyājyā mānavaiḥ sādhusaṃgatiḥ //

Note:

spaṣṭam ||

sādhusaṃgatayo loke sanmārgaśubhadīpakāḥ /

hārdāndhakārahāriṇyo bhāso jñānavivasvataḥ //

Note:

spaṣṭam ||

yaḥ snātaḥ śītasitayā sādhusaṃgatigaṅgayā /

kiṃ tasya dānaiḥ kiṃ tīrthaiḥ kiṃ tapobhiḥ⁹⁵⁶ kim adhvaraiḥ //

Note:

spaṣṭam ||

nīrāgāś chinnasaṃdehā galitagranthayo⁹⁵⁷ 'nagha /

sādhavo yadi vidyante kiṃ tapastīrthasaṃgrahaiḥ //

Note:

galitagranthayaḥ naṣṭakāmākhyagranthayaḥ ||

viśrāntamanaso vandyāḥ prayatnena pareṇa hi /

daridreṇeva maṇayaḥ prekṣaṇīyā hi sādhavaḥ //

Note:

spaṣṭam ||

satsamāgamasaundaryaśālinī dhīmatāṃ matiḥ /

kamalevāpsarovṛnde sarvadaiva virājate //

Note:

kamalā lakṣmīḥ ||

tenāmalavilāsasya padasyāgrāvacūlatā /

grathitā yena bhavyena na tyaktā sādhusaṃgatiḥ //

Note:

tena puruṣeṇa | amalavilāsasya śuddhasphuraṇayuktasya | padasya cinmātrākhyasya sthānasya | agrāvacūlatā śirobhūṣaṇatā | grathitā yena bhavyena daivaprakṛtikena | sādhusaṃgatiḥ na tyaktā sādhusaṃgatiḥ kāryaiva⁹⁵⁸ cinmātrākhye pade rājate iti bhāvaḥ ||

vicchinnagranthayas tajjñāḥ sādhavaḥ sarvasammatāḥ /

sarvopāyena⁹⁵⁹ saṃsevyās te hy upāyā bhavāmbudhau //

Note:

spaṣṭam ||

ta ete narakāgnīnāṃ saṃśuṣkendhanatāṃ gatāḥ /

yair dṛṣṭā helayā santo narakānalavāridāḥ //

Note:

spaṣṭam ||

dāridryaṃ maraṇaṃ duḥkham ityādiviṣamo bhramaḥ /

saṃpraśāmyaty aśeṣeṇa sādhusaṃgamabheṣajaiḥ //

Note:

spaṣṭam ||

Note:

sarvān upāyān saṃkalpayati

saṃtoṣaḥ sādhusaṃgaś ca vicāro 'tha śamas tathā /

eta eva bhavāmbhodhāv upāyās taraṇe nṛṇām //

Note:

spaṣṭam ||

saṃtoṣaḥ paramo lābhaḥ satsaṃgaḥ paramā gatiḥ /

vicāraḥ paramaṃ jñānaṃ śamo hi paramaṃ sukhaṃ //

Note:

ataḥ paraṃ lābhādi nāstīti parapadābhiprāyaḥ ||

catvāra ete vimalā upāyā bhavabhedane /

yair abhyastās ta uttīrṇā mohavārer bhavārṇavāt //

Note:

mohavāreḥ mohākhyajalayuktāt ||

ekasminn eva caiteṣām abhyaste vimalodaye /

catvāro 'pi kilābhyastā bhavanti sudhiyāṃ vara //

Note:

spaṣṭam ||

eko 'py eko 'pi sarveṣāṃ eṣāṃ prasavabhūr iva /

sarvasaṃsiddhaye tasmād yatnenaikaṃ samāśrayet //

Note:

prasavabhūḥ utpattisthānam ||

satsamāgamasaṃtoṣavicārās tv avicāritam /

pravartante śamasvacche vahanānīva sāgare //

Note:

vahanāni jalaspandāḥ | avicāritam asandeham ||

vicārasaṃtoṣaśamāḥ satsamāgamaśālini /

pravartante śriyo jantau kalpavṛkṣāśrite yathā //

Note:

spaṣṭam ||

vicāraśamasatsaṃgāḥ saṃtoṣavati mānave /

pravartante prapūrṇendau saundaryādyā⁹⁶⁰ guṇā iva //

Note:

spaṣṭam ||

satsaṃgasaṃtoṣaśamā vicāravati sanmatau /

pravartante mantrivare rājanīva jayaśriyaḥ //

Note:

mantriṇāṃ mantrajñānāṃ | vare śreṣṭhe ||

Note:

phalitam āha

tasmād ekatamaṃ nityam eteṣāṃ raghunandana /

pauruṣeṇa mano jitvā yatnenābhyāhared guṇam //

Note:

tasmāt eteṣāṃ caturṇāṃ madhye | ekatamaṃ guṇaṃ saṃtoṣādirūpaṃ guṇaṃ | abhyāharet arjayet⁹⁶¹ ||

paraṃ pauruṣam āśritya jitvā cittamataṅgajam /

yāvad eko guṇo nāptas tāvan nāsty uttamā gatiḥ //

Note:

spaṣṭam ||

pauruṣeṇa prayatnena dantair dantān vicūrṇayan /

yāvan nābhiniviṣṭaṃ te mano rāma guṇārjane //

devo bhavātha yakṣo vā puruṣaḥ pādapo 'tha vā /

tāvat tava mahābāho nopāyo 'stīha kaścana //

Note:

guṇārjane saṃtoṣādyarjane ||

ekasminn eva phalite guṇe balam upāgate /

kṣīyante sarva evāśu doṣā⁹⁶² viṣadacetasaḥ //

Note:

doṣāḥ rāgādayaḥ ||

guṇe vivṛddhe vardhante guṇā doṣakṣayāvahāḥ /

doṣe vivṛddhe vardhante doṣā guṇavināśinaḥ //

Note:

spaṣṭam ||

manomahāvane hy asmin veginī vāsanāsarit /

śubhāśubhabṛhatkūlā nityaṃ vahati jantuṣu //

Note:

spaṣṭam ||

sā hi svena prayatnena yasminn eva nipātyate /

kūle tenaiva vahati yathecchasi tathā kuru //

Note:

hi niścaye | sā vāsanāsarit ||

Note:

sargāntaślokenaitat samāpayati

puruṣayatnajavena manovane
śubhataṭānugatāṃ kramaśaḥ kuru /

varamate nijabhāvamahānadīm
iha hi tena manāg api nohyase //

Note:

puruṣayatnajavena pauruṣavegena | nijabhāvanadīṃ svavāsanāmahānadīṃ | nanu kimarthaṃ tāṃ taṭagatāṃ karomīty apekṣāyām āha | iha hīti | hi yasmāt | tena tasyāḥ śubhataṭānugamanena | tayā nijabhāvamahānadyā tvam na uhyase vivaśatayā yatra tatra na nīyase | taṭagatayā ca nadyā na⁹⁶³ kiṃcit uhyate | iti śivam ||

MT_2.16

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe ṣoḍaśaḥ sargaḥ ||

Note:

phalitaṃ kathayati

evam āttaviveko yaḥ sa bhavān⁹⁶⁴ iva rāghava /

yogyo jñānagiraḥ⁹⁶⁵ śrotuṃ rājeva nayabhāratīḥ //

Note:

he rāghava | evaṃ sati | yaḥ puruṣaḥ | āttaviveko bhavati | saḥ | bhavān iva | jñānagiraḥ śrotuṃ yogyo bhavati| ka iva | rājā iva yathā rājā nayabhāratīḥ nītivākyāni śrotuṃ yogyaḥ bhavati | tathety arthaḥ ||

avadāto 'vadātasya vijñānasya mahāśayaḥ /

jaḍasaṅgojjhito yogyaḥ śaradīndor yathā nabhaḥ //

Note:

avadātaḥ śamādisevanena rāgādimalarahitaḥ nirmalaś ca | avadātasya śuddhacinmātraviṣayatvena śuddhasya sitasya ca | jaḍasaṅgena mūḍhasaṅgenojjhitaḥ tyaktaḥ | tam akurvāṇa ity arthaḥ | jaḍānāṃ lakṣaṇayā meghānāṃ saṅgena ujjhitaḥ iti ca ||

tvam etayākhaṇḍitayā guṇalakṣmyā samāśritaḥ /

manomohaharaṃ vākyaṃ vakṣyamāṇam idaṃ śṛṇu //

Note:

spaṣṭam ||

puṇyakalpadrumo yasya phalabhārānataḥ sthitaḥ /

muktaye jāyate jantos tasyedaṃ śrotum udyamaḥ //

Note:

idam etat śāstram ||

pāvanānām udārāṇāṃ parabodhaikadāyinām /

vacasāṃ bhājanaṃ bhūtyai bhavyo⁹⁶⁶ bhavati nādhamaḥ //

Note:

bhavyaḥ divyaprakṛtiḥ ||

mokṣopāyābhidhāneyaṃ saṃhitā sārasammitā /

triṃśad dve ca sahasrāṇi jñātā nirvāṇadāyinī //

Note:

saṃhitā śāstram | sārasammitā sāratulyā | jñātā samyak vicāritā ||

Note:

nanu kim anayā setsyatīty | atrāha

dīpe yathā vinidrasya⁹⁶⁷ jvalite saṃpravartate /

āloko 'nicchato 'py evaṃ nirvāṇam anayā bhavet //

Note:

yathā dīpe prajvalite | anicchataḥ api ālokānākāṅkṣiṇo 'pi | ardhanidrasyārdhaprabuddhasya | ālokaḥ saṃpravartate | evam anayā saṃhitayā | nirvāṇam brahmaṇy ātyantiko layo | bhavet ||

svayaṃ jñātā śrutā vāpi bhrāntiśāntyaiva saukhyadā /

āptoktivarṇitā sadyo yathāmṛtataraṅgiṇī //

Note:

āptoktivarṇiteti śrutety asya viśeṣaṇadvāreṇa hetuḥ ||

yathā rajjvām ahibhrāntir vinaśyaty avalokanāt /

tathaitatprekṣaṇāc chāntim eti saṃsāraduḥkhitā //

Note:

etasyāḥ saṃhitāyāḥ prekṣaṇam vicāraṇam etatprekṣaṇam | tasmāt ||

yuktiyuktārthavākyāni kalpitāni pṛthak pṛthak /

dṛṣṭāntasārasūktāni cāsyāṃ prakaraṇāni ṣaṭ //

Note:

mayā ṣaṭ prakaraṇāni asyāṃ kalpitāni vihitāni| kathaṃbhūtāni | arthasahitāni vākyāni arthavākyāni | yuktiyuktāni⁹⁶⁸ arthavākyāni yeṣu | tāni| punaḥ kathaṃbhūtāni | dṛṣṭāntaiḥ sāram śreṣṭham sūktaṃ yeṣu | tāni ||

Note:

prakaraṇaṣaṭkam viśeṣato nirdiśati

vairāgyākhyaṃ prakaraṇaṃ prathamaṃ parikīrtitam /

vairāgyaṃ vardhate yena sekeneva marau taruḥ //

Note:

nanu kiṃ tena saṃpadyata ity | atrāha | vairāgyam iti ||

Note:

kiyatpramāṇaṃ tat kṛtam ity apekṣāyām āha

sārdhaṃ sahasraṃ granthasya yasmin hṛdi vicārite⁹⁶⁹ /

prakāśā śuddhatodeti maṇāv iva vimārjite //

Note:

granthasyeti jātāv ekavacanam| tat vairāgyaprakaraṇaṃ granthasya ślokānāṃ sārdhaṃ sahasraṃ bhavati| tat kiṃ | yasmin hṛdi vicārite sati | prakāśā prakaṭā | śuddhatā rāgādimalarāhityaṃ udeti | kasminn iva | mārjite śodhite maṇau iva | yathā vimārjite maṇau śuddhatodeti | tathety arthaḥ ||

mumukṣuvyavahārākhyaṃ tataḥ prakaraṇaṃ kṛtam /

sahasramātraṃ granthasya sūktigranthena sundaram //

Note:

sūktirūpaḥ yaḥ granthaḥ vākyam | tena sundaram | tadyuktam ity arthaḥ ||

Note:

nanu kiṃ tatra kathyate ity | atrāha

svabhāvo hi mumukṣūṇāṃ narāṇāṃ yatra varṇyate /

evaṃsvabhāvo mokṣasya yogya ity avagamyate //

Note:

nanu varṇanena kiṃ setsyatīty | atrāha | evaṃsvabhāva⁹⁷⁰ iti ||

athotpattiprakaraṇaṃ dṛṣṭāntākhyāyikāmayam /

pañcagranthasahasrāṇi vijñānapratipādanam //

Note:

vijñānapratipādanam vijñānapratipādakam ity arthaḥ ||

jāgatī draṣṭṛdṛśyaśrīr ahaṃ tvam itirūpiṇī /

anutthitaivotthiteva yatreti parivarṇyate //

Note:

spaṣṭam ||

yasmiñ śrute jagad idaṃ śrotrāntar budhyate 'khilam /

sāsmadyuṣmat savistāraṃ salokākāśaparvatam //

piṇḍagrahavinirmuktaṃ nirbhittikam aparvatam /

pṛthvyādibhūtarahitaṃ saṃkalpa iva pattanam //

Note:

yasmin yasmin utpattiprakaraṇe | sāsmadyuṣmat ahaṃtvaṃyuktam | budhyate ity | atra śrotreti kartṛtvenādhyāhāryam| kīdṛśaṃ budhyate ity apekṣāyām āha | piṇḍagrahetyādi | saṃkalpe hi pattanam īdṛg eva bhātīti dṛṣṭāntatvenopāttam ||

Note:

punaḥ kīdṛg budhyate ity | atrāha

svapnopalabdhabhāvābhaṃ manorājyavad ātatam /

gandharvanagaraprakhyam arthaśūnyopalambanam //

Note:

svapnopalabdhabhāvābhaṃ svapnadṛṣṭapadārthasadṛśam ity arthaḥ | gandharvāḥ svāvāsārthaṃ kalpanayākāśe nagaraṃ kalpayanti | tad eva gandharvanagaram | arthaśūnyaṃ satyabhūtaghaṭādyartharahitaṃ | upalambanaṃ jñānaṃ yasmin ||

dvicandravibhramābhāsaṃ mṛgatṛṣṇāmbuvat tatam /

nauyānalolaśailābhaṃ satyalābhavivarjitam //

Note:

spaṣṭam ||

cittabhramapiśācābhaṃ nirbījam api bhāsuram /

kathārthapratibhānābhaṃ vyomamuktāvalīnibham //

Note:

nirbījaṃ kāraṇarahitaṃ | kathāyāḥ yaḥ arthaḥ varṇanīyaḥ padārthaḥ | tasya yat pratibhānaṃ pura iva sphuraṇaṃ | tenābhā yasya | tat | kathāyāṃ hi varṇanīyaḥ padārthaḥ puraḥstha⁹⁷¹ iva pratibhāti | vyometi | bhrameṇa hi vyomni muktāvalī dṛśyate ||

kaṭakatvaṃ yathā hemni taraṅgatvaṃ yathāmbhasi /

yathā nabhasi nīlatvam asad evotthitaṃ tathā //

Note:

kaṭakādi yathā hemni asad evotthitaṃ bhavati tathāsad evotthitaṃ⁹⁷² jagad budhyate iti pūrveṇaiva sambandhaḥ ||

abhitti raṅgarahitam upalabdhimanoharam /

svapne vā vyomni vā citram⁹⁷³ akarma cirabhāsuram //

Note:

vāśabdadvayaṃ pakṣāntaradyotakaṃ | svapne dṛṣṭaṃ citram⁹⁷⁴ vā budhyate | vyomni bhrameṇa dṛṣṭaṃ citram vā budhyate | citraṃ kathaṃbhūtaṃ | abhitti bhittirahitaṃ | tathā raṅgarahitam raṅgadravyarahitam | punaḥ kathaṃbhūtaṃ | akarma anirmiti | tathā ciraṃ bhāsvaram cirabhāsuram | etaiḥ viśeṣaṇaiś ca citrasya lokottaratvam uktam ||

avahnir eva vahnitvaṃ dhatte citrānalo yathā /

tathā dadhaj jagacchabdarūpārtham asadātmakam //

Note:

tathā tadvat | asadātmakam asatsvarūpam | jagacchabdarūpārtham bhāvapradhāno nirdeśaḥ | jagad iti yacchabdarūpaṃ tasyārthatvaṃ dadhat budhyate tathā | kathaṃ | yathā citrānalaḥ avahniḥ adāhakatā⁹⁷⁵ anagniḥ san | asadātmakaṃ vahnitvaṃ dhatte dhārayati ||

taraṅgotpalamālāḍhyadṛṣatpattram⁹⁷⁶ ivotthitam /

cakraśūtkāracūrṇasya malarāśim ivoditam //

Note:

taraṅgotpalamālābhiḥ āḍhyaṃ yat dṛṣatpattram śilāpattram | tad ivotthitaṃ budhyate | śilāpattre hi taraṅgākāraḥ utpalākārāś ca rekhāḥ bhavanti | tā evātra taraṅgotpalamālāḥ jñeyāḥ | padārthāś cātra taraṅgotpalamālāsthānīyāh | punaḥ kīdṛg budhyate ity | atrāha | cakreti | cakrasya bhrāmyamāṇasya cakrasya | yat śūtkāracūrṇam | tasya malarāśim iva uditaṃ budhyate | bhrāmyamāṇena cakreṇa hi saśūtkāraṃ bhūmeḥ rajaḥ uttiṣṭhati ||

śīrṇaparṇaṃ bhraṣṭanaṣṭaṃ grīṣme vanam ivārasam /

maraṇavyagranṛttābhaṃ śilāstrīhāsyahāsadam //

Note:

śilāstrīhāsyavat hāsadam ||

andhakāragṛhaikaikanṛttam unmattaceṣṭitam /

praśāntājñānanīhāraṃ vijñānaśaradambaram //

Note:

andhakāragṛhe yat ekaikasya nṛttam tadrūpaṃ budhyate | sarvathā cāsatyataram eva budhyate iti iha tāvad abhiprāyaḥ | itaḥ paraṃ cinmātramayaṃ cinmātrasthaṃ ca budhyata ity abhiprāyeṇāha | praśānteti | śrotrā asminn utpattiprakaraṇe śrute sati idaṃ praśāntājñānanīhāraṃ jñānaśaradambaraṃ budhyate ||

samutkīrṇam iva stambhe citraṃ bhittāv ivāhitam /

paṅkād ivābhiracitaṃ sacetanam acetanam //

Note:

stambhe cinmātrākhye stambhe | samutkīrṇam iva budhyate | tathā bhittau cinmātrākhyāyāṃ bhittau | citram ivāhitaṃ kṛtaṃ budhyate | paṅko 'tra cinmātrasvarūpaṃ jñeyaṃ | sacetanaṃ cinmātrasāratvāt | acetanaṃ grāhyatvāt ||

tataḥ sthitiprakaraṇaṃ caturthaṃ parikalpitam /

trīṇi granthasahasrāṇi svākhyānākhyāyikāmayam //

Note:

śobhanākhyāḥ ākhyānākhyāyikāḥ | tanmayam ||

Note:

nanu sthitiprakaraṇe kim uktam ity | atrāha

itthaṃ jagad ahaṃbhāvarūpaṃ sthitim upāgatam /

draṣṭṛdṛśyakramaprauḍham⁹⁷⁷ ity atra parivarṇitam⁹⁷⁸ //

Note:

ahaṃbhāvarūpasya jagataḥ sthitir evātra prāyaśo nirṇīyate iti bhāvaḥ ||

daśadiṅmaṇḍalābhogabhāsuro 'yaṃ jagadbhramaḥ /

ittham abhyāgato vṛddhim iti tatrocyate ciram //

Note:

ciram bahukālam | bāhulyeneti yāvat ||

upaśāntiprakaraṇaṃ⁹⁷⁹ tataḥ pañcasahasrikam /

pañcamaṃ pāvanaṃ proktaṃ munisantatisundaram //

Note:

munisantatibhiḥ dṛṣṭāntatayā vakṣyamāṇābhiḥ munisantatibhiḥ | sundaram ramaṇīyam ||

Note:

nanv atra kiṃ varṇyata ity apekṣāyām āha

idaṃ jagad ahaṃ tvaṃ ca sa iti bhrāntir utthitā /

ity asau śāmyatīty asmin kathyate ślokasaṅgrahe //

Note:

idaṃ jagat ahaṃ tvaṃ ca saḥ | iti evaṃrūpā | bhrāntiḥ utthitā | iti satī eva | śāmyati | iti evam | asmin upaśāntiprakaraṇe kathyate | asmin kathaṃbhūte | ślokānāṃ saṅgrahaḥ yasmin saḥ | tādṛśe | sa iti paramakāraṇaparāmarśaḥ ||

Note:

nanv etacchravaṇena kiṃ setsyatīty | atrāha

upaśāntiprakaraṇe śrute śāmyati saṃsṛtiḥ /

praspaṣṭā vibhrameṇaiva kiṃcillabhyopalambhanā //

Note:

saṃsṛtiḥ kathaṃbhūtā | vibhrameṇaiva viparyayajñānenaiva praspaṣṭā | punaḥ kathaṃbhūtā | kiṃcit leśena | labhyam upalambhanaṃ sparśaḥ yasyāḥ sā | anyathā nirvāṇaprakaraṇaṃ vyarthaṃ syāt iti bhāvaḥ ||

Note:

nanu tataḥ saṃsṛtiḥ kīdṛśī tiṣṭhatīty apekṣāyām āha

śatāṃśaśiṣṭā bhavati saṃśāntabhrāntirūpiṇī /

anyasaṃkalpacittasthā nagaraśrīr ivāsatī //

Note:

spaṣṭam ||

alabhyaiva svapārśvasthasvapnayuddhavirāvavat /

śāntasaṃkalpamattābhrabhīṣaṇāśaniśabdavat //

Note:

saṃkalpe dṛṣṭaṃ mattābhram saṃkalpamattābhram | śāntaṃ yat saṃkalpamattābhram | tasya yaḥ bhīṣaṇaḥ aśaniśabdaḥ | tadvat ||

vismṛtasvapnasaṃkalpanirmāṇanagaropamā /

bhaviṣyannagarodyānasotsavaśyāmalāṅgikā //

Note:

vismṛtau yau svapnasaṃkalpau | tayoḥ nirmāṇaṃ yasya | tādṛśaṃ yat nagaraṃ | tenopamā yasyāḥ sā | tathā bhaviṣyannagarodyāne sotsavā samadanā⁹⁸⁰ | yā śyāmalā śyāmākhyā strī | tadvat aṅgaṃ svarūpaṃ yasyāṃ sā | tādṛśī ||

naśyajjihvocyamānograkathārthānubhavopamam /

anullikhitacittasthacitravyāpteva bhittibhūḥ //

Note:

punaḥ kathaṃbhūtā | naśyajjihvena | na tu naṣṭajihvena | ucyamānā yā ugrakathā | tasyāḥ yaḥ arthaḥ | tasya yaḥ anubhavaḥ | tenopamā yatra tat | tādrśam | kā iva | anullikhitāni⁹⁸¹ cittasthāni ca tāni citrakṛccittasthāni ca yāni citrāṇi | taiḥ vyāptā bhittibhūr iva ||

parivismāryamāṇācchakalpanānagarīnibhā /

sarvartumadanutpannavaramardāsphuṭākṛtiḥ //

Note:

parivismāryamāṇā | na tu vismāritā | yā acchā bhittirahitā | kalpanānagarī | tasyāḥ nibhā sadṛśī | sarvāsām ṛtumatīnām anutpannasya⁹⁸² varasya mardaḥ mardanam | tadvat asphuṭā ākṛtiḥ yasyāḥ sā | nikaṭavartitvena buddhāv ārūḍhatvajñāpanārtham ṛtumatīnām ity uktam ||

bhāvipuṣpavarākāravasantarasarañjanā /

antarlīnataraṅgaughasaumyavārisaritsamā //

Note:

bhāvī puṣpākhyo varākāraḥ yasya saḥ | tādṛśo yaḥ vasantarasaḥ | tadvat rañjanā yasyāḥ sā | tatsadṛśīty arthaḥ | antarlīnaḥ taraṅgaughaḥ⁹⁸³ yasyāḥ sā antarlīnataraṅgaughā | tādṛśī cāsau saumyavārisarit saumyavāriyuktā⁹⁸⁴ nadī | tayā samā sadṛśī | etair viśeṣaṇaiś copaśāntiprakaraṇaśravaṇānantaraṃ buddhyārohamātrasvarūpā sṛṣṭis tiṣṭhatīti sūcitam ||

nirvāṇākhyaṃ prakaraṇaṃ tataḥ ṣaṣṭham udāhṛtam /

śiṣṭo granthaḥ parīmāṇaṃ tasya jñeyaṃ mahārthadam //

Note:

tataḥ upaśāntiprakaraṇānantaraṃ | śiṣṭaḥ granthaḥ sārdhaṣoḍaśasahasrāṇi parīmāṇam ||

Note:

nanu kiṃ tacchravaṇena setsyatīty | atrāha

buddhe tasmin bhavec chrotā nirvāṇaḥ śāntakalpanaḥ /

acetyacitprakāśātmā vijñānātmā nirāmayaḥ //

Note:

nirvāṇaḥ brahmaṇi līnaḥ | vijñānātmā śuddhajñānasvarūpaḥ | nirāmayaḥ dṛśyākhyāmayarahitaḥ ||

paramākāśakośācchaḥ śāntasarvabhavabhramaḥ /

nirvāhitajagadyātraḥ kṛtakartavyasusthitaḥ⁹⁸⁵ //

Note:

nirvāhitā avasānaṃ nītā jagadyātrā yena saḥ | tādṛśaḥ | kṛtaṃ samāptaṃ | kartavyaṃ yena kṛtakartavyaḥ | tādṛśaś cāsāv | ata eva susthitaś ca ||

samastavitatārambhavajrastambho nabhonibhaḥ /

vinigīrṇayathāsaṃsthajagajjālātitṛptimān //

Note:

samastāḥ ye vitatārambhāḥ | teṣu vajrastambhaḥ avicala ity arthaḥ | nabhonibhaḥ śarīrayātrārthaṃ kṛtair api karmabhir aliptatvāt ākāśasadṛśaḥ | vinigīrṇaṃ citsvarūpe svātmani līnīkṛtaṃ | yat jagajjālaṃ | tenātitṛptimān nirapekṣa ity arthaḥ ||

ākāśībhūtaniḥśeṣarūpālokamanaskṛtiḥ /

kāryakāraṇakartṛtvaheyādeyadaśojjhitaḥ //

Note:

rūpam viṣayaḥ | ālokaḥ tadgrahaṇopāyaḥ | manaskṛtiḥ manaskāraḥ | ālokena gṛhītasya rūpasya manasi anusandhānam iti yāvat ||

sadeha eva nirdehaḥ sasaṃsāro 'py asaṃsṛtiḥ /

cinmayo //hanapāṣāṇajaṭharajaṭharopamaḥ⁹⁸⁶ //

Note:

sadehaḥ sattvaśeṣaṃ tāvat śarīrasya sthitatvāt | nirdehaḥ śarīre 'bhimānābhāvāt | cinmayaḥ citsvarūpa aham iti niścayāt | ghanapāṣāṇasya yat jaṭharam | tasya yat jaṭharam | tenopamā yasya saḥ | tādṛśaḥ acetyacinmayatvāt ||

cidādityas tapaṃl loke 'py andhakārodaropamaḥ /

paraprakāśarūpo 'pi param āndhyam ivāgataḥ //

Note:

cidādityaḥ cidādityasvarūpaḥ | ata eva loke tapann api | na hi citsparśarahitaḥ kaścit bhāvaḥ saṃbhavati | sattve 'pi tasya asaṃkalpatvaprasaṅgāt | andhakārodaropamaḥ andhakārasya yat udaraṃ | tenopamā yasya | tādṛśaḥ padārthavibhāgarahitatvāt | na hi andhakārodare padārthavibhāgaḥ bhavati | paraprakāśarūpo 'pi uttīrṇacitprakāśarūpo 'pi | param āndhyam āgataḥ iva na kiṃciddraṣṭṛtvāt⁹⁸⁷ ||

ruddhasaṃsṛtidurlīlaḥ prakṣīṇāśāviṣūcikāḥ /

naṣṭāhaṃkāravetālo dehavān akalevaraḥ //

Note:

spaṣṭam ||

kasmiṃścid romakoṭyagre tasyeyam avatiṣṭhate /

jagallakṣmīr mahāmeroḥ puṣpe kvacid ivālinī //

Note:

kaśmiṃscit atisūkṣmatayā vaktum aśakye svapnavad iti śeṣaḥ | svapne hi puruṣasya kasmiṃścid aṃśe svapnajagad avatiṣṭhate ||

paramāṇau paramāṇau cidākāśasya koṭare /

jagallakṣmīsahasrāṇi dhatte kṛtvā ca paśyati //

Note:

cidākāśasya svarūpabhūtasya cinmātrākāśasya | koṭare madhye sthite | paramāṇau paramāṇau jagallakṣmīsahasrāṇi kṛtvā dhatte dhārayati | na kevalaṃ dhatte | kiṃ tu sākṣitayā sthitatvāt paśyati ca ||

Note:

nanu katham asau jagallakṣmīsahasrāṇy antarvartayatīty⁹⁸⁸ | atra sargāntaślokenāha

pravitatā hṛdayasya mahāmate
hariharābjajalakṣaśatair api /

tulanam eti na muktimato bata
pravitatāsti na nūnam avastunaḥ //

Note:

bata niścaye | he mahāmate | muktimataḥ nirvāṇaprakaraṇaśravaṇadvāreṇa muktiyuktasya puruṣasya | hṛdayasya pravitataḥ bhāvapradhāno nirdeśaḥ | tena hṛdayasya pravitateti arthaḥ | sā hariharābjajalakṣaśatair api tulanaṃ māpanaviṣayatāṃ na eti | yataḥ avastunaḥ avastubhūtasya hariharābjādirūpasya bhāvavṛndasya pravitatā | nūnaṃ niścaye | nāsti | na cāvastunā vastumāpanaṃ yuktaṃ | tathā ca noktadeśaprasaṅga iti bhāvaḥ | iti śivam ||

MT_2.17

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe saptadaśaḥ sargaḥ ||

Note:

oṃ śrotṛpravṛttyarthaṃ svena kriyamāṇasya granthasyānyavilakṣaṇatvena samyagjñānaṃ prati paropāyatvaṃ kathayati

asyāṃ vācitamātrāyāṃ paro bodhaḥ pravartate /

bījād iva yato vyuptād avaśyaṃbhāvi satphalam //

Note:

asyāṃ mokṣopāyābhidhāyāṃ saṃhitāyāṃ | bodhaḥ kaḥ | yataḥ yasmāt bodhāt | satphalaṃ mokṣākhyaṃ śubhaṃ phalam | avaśyaṃbhāvi bhavati | kasmād iva | vyuptād bījād iva ||

Note:

nanu mahāmunipraṇītāni śāstrāntarāṇi tyaktvā kim iti idam eva śāstraṃ gṛhṇāmīty | atrāha

api pauruṣam ādeyaṃ śāstraṃ ced⁹⁸⁹ yuktibodhakam /

anyat tv ārṣam api tyājyaṃ bhāvyaṃ nyāyaikasevinā //

Note:

pauruṣam puruṣanirmitam | ādeyaṃ grahītavyaṃ | yuktibodhakam sattarkabodhakam | anyat yuktyabodhakam | ārṣam ṛṣinirmitam | atra ca pratibhānvitaiḥ kaścid abhiprāyo boddhavyaḥ yo 'smābhiḥ ārambha eva⁹⁹⁰ pratibhāvatāṃ svayaṃ jñeyatvena tadrahitānām akathanīyatvena coktaḥ ||

yuktiyuktam upādeyaṃ vacanaṃ bālakād api /

anyat tṛṇam iva tyājyam apy uktaṃ padmajanmanā //

Note:

atrāpi pratibhāvadbhiḥ ārambhe svayaṃ jñeyatvenokto 'rthaḥ svayaṃ boddhavyaḥ | na ca tadbodhenāsmiñ śāstre anādaraḥ kāryaḥ pratibhāvattvahāneḥ | evam uttaratrāpi yatra tatra svayam abhyūhyam ||

Note:

punar apy etad eva bhaṅgyantareṇa kathayati

yo 'mbhas tātasya kūpo 'yam iti kaupaṃ pibet kaṭu /

tyaktvā gāṅgaṃ puraḥsthaṃ taṃ ko 'nuśāsati rāgiṇam //

Note:

yaḥ puruṣaḥ | puraḥsthaṃ gāṅgaṃ toyaṃ tyaktvā | ayaṃ kūpaḥ tātasya nijasya pituḥ bhavati | iti etadarthaṃ | kaupaṃ kūpasambandhi | kaṭu ambhaḥ pibet | tam anurāgiṇaṃ⁹⁹¹ pitṛviṣayarāgākhyadoṣayuktaṃ | kaḥ anuśāsati upadiśati | nāsāv upadeśārhaḥ iti bhāvaḥ | ayam atrābhiprāyaḥ | yaḥ puruṣaḥ | sadyuktiyuktam api pauruṣaṃ vacanaṃ | pauruṣeyam idam iti tyajati | tadrahitam api ārṣaṃ vacanaṃ | ārṣam ity etāvanmātreṇa gṛhṇāti | tasyopadeśo⁹⁹² na kāryaḥ iti ||

Note:

prakṛtam evānusarati

yathoṣasi pravṛttāyām āloko 'vaśyam eṣyati /

asyāṃ vācitamātrāyāṃ svavivekas tathaiṣyati //

Note:

uṣasīty ārṣaṃ strītvam | svavivekaḥ ātmavivekaḥ ||

śrutāyāṃ prājñavadanād buddhāyāṃ svayam eva vā /

śanaiḥ śanair vicāreṇa buddhau saṃskāra āgate //

pūrvaṃ tāvad udety antar bhṛśaṃ saṃskṛtavākyatā /

śuddhā muktā latevoccair yā sabhāsthānabhūṣaṇam //

Note:

spaṣṭam ||

Note:

nanu viraktasya mama kiṃ saṃskṛtavākyatayā prayojanam ity | atrāha

parā virāgatodeti mahattvaguṇaśālinī /

sā yayā sneham āyānti rājāno 'jagarā api //

Note:

virakteṣu hi ajagaratulyāḥ rājāno 'pi sneham āyānti ||

pūrvāparajñaḥ sarvatra naro bhavati buddhimān /

padārthānāṃ yathā dīpahasto niśi sulocanaḥ //

Note:

sarvatra sarveṣu vyavahāreṣu ||

lobhamohādayo doṣās tānavaṃ yānty alaṃ śanaiḥ /

dhiyo diśaḥ samāsannaśarado mihikā yathā //

Note:

lobhamohādayaḥ kāḥ | yathā mihikāḥ⁹⁹³ samāsannaśaradaḥ pratyāsannaśaratkālāyāḥ diśaḥ tānavaṃ yānti | tathety arthaḥ ||

kevalaṃ samapekṣante vivekābhyasanaṃ dhiyaḥ /

na kācana phalaṃ dhatte svabhyāsena vinā kriyā //

Note:

nanu kimarthaṃ vivekābhyāsam apekṣante ity | atrāha | na kācaneti ||

manaḥ prasādam āyāti śaradīva mahat saraḥ /

paraṃ sāmyam upādhatte nirmandara ivārṇavaḥ //

Note:

prasādaṃ rāgādimalarahitatvāt nairmalyam | param niratiśayam | sāmyaṃ samatākhyaṃ guṇam | upādhatte dhārayati | atrāpi manasa eva kartṛtvam ||

nirastakālimā vajraśikhevāstatamaḥpaṭā /

parijvalaty alaṃ prajñā padārthapravibhāginī //

Note:

nirastaḥ dūre gataḥ | kālimā kāluṣaṃ | yasyāḥ sā ||

dainyadāridryadoṣādyā dṛṣṭayo darśitāntarāḥ /

na nikṛntanti marmāṇi sasaṃnāham iveṣavaḥ //

Note:

darśitaṃ vivecitaṃ | antaram sārākhyaḥ āntaraḥ bhāgaḥ yāsāṃ tāḥ | niḥsāratvena jñātā ity arthaḥ ||

hṛdayaṃ nāvalumpanti bhīmāḥ saṃsṛtibhītayaḥ /

puraḥsthitam api prājñaṃ mahopalam ivākhavaḥ //

Note:

hṛdayaṃ kathaṃbhūtam api | puraḥsthitam api agre sthitam api | punaḥ kathaṃbhūtam | prājñam ||

kathaṃ syād āditā janmakarmaṇor daivapuṃstvayoḥ /

ityādisaṃśayagaṇaḥ śāmyaty ahni yathā tamaḥ //

Note:

daivapuṃstvayoḥ daivapauruṣayoḥ | āditā kāraṇatvam ||

sarvathā sarvabhāveṣu saṃgatir upaśāmyati /

yāminyām iva yātāyāṃ prajñāloka upāgate //

Note:

sarvabhāveṣu tyāgādānārheṣu samasteṣu padārtheṣu | sarvathā saṃgatiḥ tyāgādānārūpā sambandhaḥ upaśāmyati | kasmin sati | pratijñāloka upāgate sati | kadeva | yāminyāṃ rātrau yātāyām iva satyām | upekṣā eva sarvatrāyātīti bhāvaḥ ||

samudrasyeva gāmbhīryaṃ sthairyaṃ meror iva sthitam /

antaḥśītalatā cendor ivodeti vicāriṇaḥ //

Note:

spaṣṭam ||

sā jīvanmuktatā tasya śanaiḥ pariṇatiṃ gatā /

śāntāśeṣavikalpasya bhavaty āviśya yoginaḥ⁹⁹⁴ //

Note:

sā prasiddhā | āviśya āveśaṃ kṛtvā ||

sarvārthaśītalā śuddhā paramālokadā sudhīḥ /

paraṃ prakāśam āyāti jyotsneva sakalaindavī //

Note:

sarvārtheṣu bhāvābhāvayukteṣu samasteṣu padārtheṣu | śītalā harṣāmarṣākhyatāparahitā | śuddhā rāgādirahitā | paramālokaṃ cinmātrālokaṃ dadhātīti tādṛśī | śobhanā cāsau dhīḥ sudhīḥ | aindavī indusambandhinī ||

hṛdyākāśe vivekārke śamālokini nirmale |

anarthasārthakartāro nodyanti kaliketavaḥ ||

Note:

śama eva ālokaḥ asyāstīti tādṛśe | kaleḥ kalahasya kṣobhasya | ketavaḥ cihnabhūtāḥ rāgādayo doṣāḥ | sūryodaye ca ketavaḥ dhūmaketavaḥ nodyanti ||

śāmyanti śuddhim āyānti saumyās tiṣṭhanti sūnnate /

acañcalajaḍās tṛṣṇāḥ śaradīvābhramālikāḥ //

Note:

na cañcalajaḍāḥ acañcalajaḍāḥ ||

yatkiṃcanakarī krūrā grāmyatā vinivartate /

dīnānanā piśācānāṃ līleva divasāgame //

Note:

yatkiṃcanakarī ayuktakāriṇī | grāmyatayā⁹⁹⁵ hi puruṣaḥ yatkiṃcid eva karoti ||

dharmabhittau bhṛśaṃ lagnāṃ dhiyaṃ dhairyadhuraṃ gatām /

ādhayo na vilumpanti vātāś citralatām iva //

Note:

dharma eva bhittiḥ | tasyāṃ lagnāṃ | ata eva dhairyadhuraṃ gatām dhairyayuktām⁹⁹⁶ iti yāvat | dharmayukto hi dhīro bhavati | citrarūpā latā citralatā | tām ||

na pataty avaṭe jantur viṣayāsaṅgarūpiṇi /

kaḥ kila jñātasaraṇiḥ śvabhre samanudhāvati //

Note:

viṣayāsaṅgarūpiṇi⁹⁹⁷ bhogāsaktirūpe | etad eva uttarārdhena samarthayati | kaḥ kileti ||

sacchāstrasādhuvṛttānām avirodhini karmaṇi /

ramate dhīr yathāprāpte sādhvīvāntaḥpurājire //

Note:

sacchāstreṇa mokṣopāyākhyasacchāstrāvagāhanena sādhuvṛttaṃ caritaṃ yeṣāṃ te | tādṛśānāṃ | yathāprāpte pravāhāgate | na tu yatnād ṛte ||

jagatāṃ koṭilakṣyeṣu yāvantaḥ paramāṇavaḥ /

teṣām ekaikaśo 'ntaḥsthān sargān paśyaty asargadhīḥ //

Note:

asargā dhīḥ yasya saḥ | āścaryaṃ cāsargadhiyaḥ paramāṇau paramāṇau sargadarśanam | sargabījabhūtacinmātravyāptijñānena paramāṇau paramāṇau sargadarśanaṃ jñeyam ||

mokṣopāyāvabodhena śuddhāntaḥkaraṇaṃ janam /

na khedayati bhogaugho na cānandayati kvacit //

Note:

bhogeṣūpekṣām evāsau bhajate iti bhāvaḥ ||

paramāṇau paramāṇau sargavargā nirargalam /

ye patanty utpatanty ambuvīcivat tān sa paśyati //

Note:

patanti līnā bhavanti | utpatanti prādurbhavanti ||

na dveṣṭi saṃpravṛttāni na nivṛttāni kāṅkṣati /

kāryāṇy eṣa prabuddho 'pi niṣprabuddha iva drumaḥ //

Note:

abuddhatvam asya svātmani niṣprabuddhatvaṃ saṃsāre jñeyam ||

Note:

nanu kīdṛg atiśayo⁹⁹⁸ 'sya syād ity | atrāha

dṛśyate lokasāmānyo yathāprāptānuvṛttimān /

iṣṭāniṣṭaphalaprāptau hṛdaye na parājitaḥ //

Note:

lokasāmānyaḥ na tv atiśayavān | yathāprāpte pravāhāgate | anuvṛttiḥ anuvartanaṃ | vidyate yasya | saḥ yathāprāptānuvṛttimān | hṛdaye manasi | na parājitaḥ harṣāmarṣāvaśībhūtaḥ ||

buddhvedam akhilaṃ śāstraṃ vācayitvā vivecya vā /

anubhūyata evaitan na tūktaṃ varaśāpavat //

Note:

yuṣmābhiḥ etat pūrvoktaṃ phalaṃ anubhūyata eva | nanu pratyavāyaśaṅkayā katham etadanubhave śaktā bhavāma ity apekṣāyām āha | na tūktam iti | mantrādivad iti śeṣaḥ ||

Note:

nanu durbodhe 'smin kathaṃ pravṛttiṃ kurma ity | atrāha

śāstraṃ subodham evedaṃ nānālaṃkārabhūṣitam /

kāvyaṃ rasaghanaṃ cāru dṛṣṭāntaiḥ pratipādakam //

Note:

dṛṣṭāntaiḥ pratipādakam iti subodhatve viśeṣaṇadvāreṇa hetuḥ ||

budhyate svayam evedaṃ kiṃcitpadapadārthavit⁹⁹⁹ /

svayaṃ yas tu na vettīdaṃ śrotavyaṃ tena paṇḍitāt //

Note:

budhyate jānāti | nanu yasya padapadārthavittvaṃ nāsti tasya kiṃ kāryam ity | atrāha svayam iti ||

Note:

nanv etacchravaṇena kiṃ setsyatīty | atrāha

asmiñ śrute mate jñāte tapodhyānajapādikam /

mokṣaprāptau tu tasyeha na kiṃcid upayujyate //

Note:

śrute śravaṇaviṣayatāṃ nīte | mate mananaviṣayatāṃ nīte | jñāte nidadhyāsite | tasya śravaṇādau pravṛttasya ||

etacchāstraghanābhyāsāt paunaḥpunyena vīkṣitāt /

jantoḥ pāṇḍityapūrvaṃ hi cittasaṃskārapūrvakam //

ahaṃ jagad iti prauḍho draṣṭṛdṛśyapiśācakaḥ¹⁰⁰⁰ /

piśāco 'rkodayeneva svayaṃ śāmyaty avighnataḥ //

Note:

etena bāhyam api prayojanam āntaram api ca setsyatīti¹⁰⁰¹ kathitam ||

bhramo jagad ahaṃ ceti sthita evopaśāmyati /

svapnamohaḥ parijñāta iva no ramayaty alam //

Note:

sthita eva | na tu mantrādiprayogavaśenāntarbhūtiṃ gataḥ | nanu sthitasyopaśamanaṃ katham ity | atrāha | svapnamoha iti | arasakasya sthitasyāpi śāntir eva jñeyā kṣobhakāritvābhāvāt iti bhāvaḥ ||

yathā saṃkalpanagare puṃso harṣaviṣāditā /

na bādhate tathaivāntaḥ parijñāte jagadbhrame //

Note:

antaḥ manasi | parijñāte samyak niścite | harṣaviṣāditā na bādhate iti tathāśabdenānukṛṣyate ||

citrasarpaḥ parijñāto na sarpabhayado yathā /

dṛśyasarpaḥ parijñātas tathā na sukhaduḥkhadaḥ //

Note:

parijñātaḥ citrasarpo 'yam iti samyaṅ niścitaḥ | dṛśyākhyaḥ sarpaḥ dṛśyasarpaḥ ||

parijñānena sarpatvaṃ citrasarpasya naśyati /

yathā tathaiva saṃsāraḥ sthita evopaśāmyati //

Note:

spaṣṭam ||

Note:

nanu paramārthaprāptir asmākam atiduṣkaraiva | tathā ca tatprāptyartham etacchāstrāvagāhanam ayuktam evety | atrāha

sumanaḥpallavāmarśe¹⁰⁰² kiṃcidvyatikaro bhavet /

paramārthapadaprāptau na tu vyatikaro 'sti naḥ //

Note:

sumanaḥpallavāmarśe¹⁰⁰³ puṣpapallavāmarde¹⁰⁰⁴ | vyatikaraḥ yatnaḥ | naḥ yuktijñānām asmākam | na tv ayuktijñānāṃ bhavatām ity arthaḥ ||

Note:

vyatikarābhāvam eva kathayati

gacchaty avayavaspandaḥ sumanaḥpatramardane /

iha dhīmātrabodhas tu nāṅgāvayavabodhanam //

Note:

gacchati upayukto bhavati | anekārthatvād dhātūnāṃ gacchatir atrāsminn arthe vartate | aṅgāvayavānāṃ śarīrāvayavānām | bodhanam cālanam ||

sukhāsanopaviṣṭena yathāsambhavam aśnatā /

bhogajālaṃ sadācāraviruddheṣu na tiṣṭhatā //

yathākṣaṇaṃ yathādeśaṃ pravicārayatā sukham /

yathāsambhavasatsaṅgam idaṃ śāstram athetarat //

āsādyate mahājñānabodhaḥ saṃsāraśāntidaḥ /

sa bhūyo yena nāyāti yoniyantraprapīḍanam //

Note:

yathāsambhavam na tu prayatnasādhitam | sadācāraviruddheṣu tiṣṭhato hi hānopādānakāritvarūpo doṣaḥ āyātīti na tiṣṭhatety uktam | yathākṣaṇam pratikṣaṇam | sukham sukhadāyi¹⁰⁰⁵ | yathāsambhavaḥ satsaṅgo yatra tat | idaṃ śāstraṃ mayā vakṣyamāṇamokṣopāyākhyam śāstraṃ | itarat etatsadṛśam anyacchāstraṃ vā | mahājñānarūpaḥ bodhaḥ mahājñānabodhaḥ | sa ity asya pūrvārdhena sambandhaḥ ||

etāvaty eva ye bhūtā bhogān prāpya rase sthitāḥ /

svamātṛviṣṭhākrimayaḥ kīrtanīyā na te 'dhamāḥ //

Note:

etāvati rase parimite rase | bhūtāḥ sāmānyajantavaḥ ||

Note:

evaṃ śāstramāhātmyam uktvā śrīrāmaṃ saṃmukhīkaroti

śṛṇu tāvad idānīṃ tvaṃ kathyamānam idaṃ mayā /

rāghava jñānavistāraṃ buddhisāratarāntaram //

Note:

buddheḥ sārataram antaram yasya tat | buddhyatiśāyīty¹⁰⁰⁶ arthaḥ ||

Note:

madhye śrīrāmakṛtāṃś codyān āśaṅkyāha

yayedaṃ śrūyate śāstraṃ tāṃ tu vistarataḥ śṛṇu /

vicāryate tathārtho 'yaṃ yayā ca paribhāṣayā //

Note:

yayā paribhāṣayā yuktyā | idaṃ śāstraṃ śrūyate | tvaṃ tāṃ vistarataḥ śṛṇu | tathā yayā ca vicāryate | tāṃ ca śṛṇv iti pūrveṇa sambandhaḥ ||

Note:

paribhāṣām eva kathayati

yenehānanubhūte 'rthe dṛṣṭenārthāvabodhanam¹⁰⁰⁷ /

bodhopakāraphaladaṃ taṃ dṛṣṭāntaṃ vidur budhāḥ //

Note:

yena dṛṣṭenārthena | ananubhūte arthe arthāvabodhanam jñānam bhavati | budhāḥ tam dṛṣṭāntam āhuḥ | kathaṃbhūtaṃ | bodhākhyaḥ ya upakāraḥ | tad eva phalaṃ | tad dadhātīti tādṛśam ||

Note:

dṛṣṭāntadāne kiṃ phalam ity | atrāha

dṛṣṭāntena vinā rāma nāpūrvo 'rtho 'vabudhyate /

yathā dīpaṃ vinā rātrau bhāṇḍopakaraṇaṃ gṛhe //

Note:

bhāṇḍopakaraṇaṃ bhāṇḍasāmagrī ||

yair yaiḥ kākutstha dṛṣṭāntais tvaṃ mayehāvabudhyase /

sarve sakāraṇās te hi prāpyaṃ tu sad akāraṇam //

Note:

prāpyam prāpaṇīyaṃ | sat sanmātrākhyaṃ¹⁰⁰⁸ vastu ||

Note:

nanu sarvāṇi¹⁰⁰⁹ dārṣṭāntikāni etādṛśāni eva santy utānyāny¹⁰¹⁰ athety apekṣāyām āha

upamānopameyānāṃ kāryakāraṇatoditā /

varjayitvā paraṃ brahma sarveṣām eva vidyate //

Note:

*¹⁰¹¹dṛṣṭāntadārṣṭāntikānām paraṃ brahma varjayitvā | uditā udayanaśīlā | kāryakāraṇatā vidyate | brahma na kāryam asti nāpi kāraṇam ity arthaḥ | ato¹⁰¹² na brahmasadṛśāni sarvāṇi dārṣṭāntikāni iti bhāvaḥ ||

Note:

phalitaṃ kathayati

brahmopadeśadṛṣṭānto yasya veha hi kathyate /

ekadeśasadharmatvaṃ tatrātaḥ parigṛhyate //

Note:

hi niścaye | ataḥ kāraṇāt | iha loke | yasya vā brahmopadeśadṛṣṭāntaḥ kathyate tatra brahmadṛṣṭānte | ekadeśasadharmatvaṃ ekadeśasadṛśatvaṃ | parigṛhyate | na tu sarvathā sadṛśatvam dārṣṭāntikasya¹⁰¹³ brahmaṇaḥ kāryakāraṇatvāyogyāt | dṛṣṭāntasya tu kāryatayā kāraṇatayā ca sthitatvād iti bhāvaḥ ||

yo yo nāmeha dṛṣṭānto brahmatattvāvabodhane /

dīyate sa sa¹⁰¹⁴ boddhavyaḥ svapnadṛṣṭajagadgataḥ //

Note:

svapnadṛṣṭajagadgataḥ bhramarūpaḥ ity arthaḥ ||

Note:

phalitam āha

evaṃ sati nirākāre brahmaṇy ākāravān katham /

dṛṣṭānta iti nodyanti mūrkhavaikalpikoktayaḥ //

Note:

nodyanti nottiṣṭhanti | asmābhir ata¹⁰¹⁵ eva pratyuktatvād iti bhāvaḥ ||

anyā siddhaviruddhādidṛk dṛṣṭāntapradūṣaṇe /

svapnopamatvāj jagataḥ samudeti na kācana //

Note:

anyā pūrvoktāyāḥ dṛṣṭeḥ sakāśāt itarā kā | na kāpi | siddhaviruddhādidṛk¹⁰¹⁶ idaṃ siddhaṃ idaṃ viruddham ityādirūpā uktiḥ | jagataḥ svapnopamatvāt dṛṣṭāntapradūṣaṇe dṛṣṭāntapradūṣaṇārtham na samudeti | ādiśabdenedaṃ leśena siddhaṃ viruddhaṃ veti¹⁰¹⁷ dṛṣṭer grahaṇam | svapnopame jagati idaṃ siddhaṃ idam viruddham iti¹⁰¹⁸ | kathanaṃ na yuktaṃ sarvasyāyuktatvād iti bhāvaḥ ||

avastu pūrvāparayor vartamānavicāritaṃ /

yathā jāgrat tathā svapnaḥ siddham¹⁰¹⁹ ābālam akṣatam //

Note:

pūrvāparayoḥ bhūtabhaviṣyator arthayoḥ | avastu bhāvapradhāno nirdeśaḥ | avastutvam asattvam vartamānavicāritaṃ bhavati | vartamāne hi bhūtasya gatatvāt bhaviṣyataḥ anāgatatvāt asattvaṃ vicārapadavīm āyāti | tadabhinnasya vartamānasyāpi avastutvam¹⁰²⁰ aparihāryam eveti svayam eva jñeyam | ataḥ ābālam bālaparyantaṃ | yathā svapnaḥ tathā jāgrad iti | akṣataṃ samyak | siddham bhavati ||

svapnasaṃkalpanadhyānavaraśāpauṣadhādibhiḥ /

ye 'rthās ta iha dṛṣṭāntās tadrūpatvāj jagatsthiteḥ //

Note:

ye 'rthā¹⁰²¹ ity | atra dṛṣṭā iti śeṣaḥ | tadrūpatvāt svapnādyartharūpatvāt | ata ihāsatyaiḥ padārthaiḥ satyasya brahmaṇaḥ upamānopameyabhāvaḥ ekadeśasādharmyeṇeti¹⁰²² bhāvaḥ ||

Note:

nanu tvayā kṛteṣv anyeṣu grantheṣu kā vārtety | atrāha

mokṣopāyakṛtā granthakāreṇānye 'pi ye kṛtāḥ /

granthās teṣv iyam evaikā vyavasthā bodhyabodhane¹⁰²³ //

Note:

mokṣopāyakṛtā granthakāreṇa mayety arthaḥ | bodhyasya bodhanīyasya brahmatattvasya | bodhane kathane | vyavasthā rītiḥ ||

Note:

nanu kathaṃ svapnasadṛśatvaṃ jagato 'stīty | atrāha

svapnābhatvaṃ ca jagataḥ śrute śāstre 'vabhotsyate¹⁰²⁴ /

śīghraṃ na pāryate vaktuṃ vāk kila kramavartinī //

Note:

avabhotsyate¹⁰²⁵ jñātuṃ śakyate | tarhi yugapad eva sarvaṃ śāstraṃ kathayety | atrāha | śīghram iti | vācaḥ kramavartitvaṃ sphuṭam eva | na hi ekaṃ vākyam anirvāhya dvitīyādikaṃ vākyaṃ vaktuṃ śakyate ||

svapnasaṃkalpasudhyānanagarādyupamaṃ jagat /

yatas ta eva dṛṣṭāntās¹⁰²⁶ tasmād bhāntīha netare //

Note:

yataḥ jagat | svapnasaṃkalpasudhyāneṣu dṛṣṭāḥ ye nagarādayaḥ | teṣāṃ upamā yasya | tādṛśaṃ bhavati | tasmāt ta eva sudhyānanagarādaya¹⁰²⁷ eva dṛṣṭāntāḥ bhānti asmākaṃ buddhau sphuranti | itare satyabhūtāḥ nagarādayaḥ | na bhānti ayuktatvāt ||

akāraṇaṃ kāraṇinā yad bodhāyopamīyate /

na tatra sarvasādharmyaṃ sambhavaty upamābhramaiḥ //

Note:

akāraṇaṃ kāraṇarahitaṃ brahma | kāraṇinā kāraṇayuktenākāśādinā | upamābhramaiḥ anyopamādṛṣṭasarvathāsādharmyarūpaiḥ viparyayaiḥ ||

upameyasyopamānād ekāṃśena sadharmatā /

aṅgīkāryāvabodhāya dhīmatā nirvivādinā //

Note:

dhīmatā na tv adhīmatā | sa hi ārambha eva vivādapara eva tiṣṭhatīti bhāvaḥ ||

Note:

nanv ekena dharmeṇa sadṛśena upamānaṃ katham upameyasya pratītiṃ kartuṃ śaknotīty | atra dṛṣṭāntaṃ sādhayati

arthāvalokane dīpād ābhāmātrād ṛte kila /

na sthālatailavartyādi¹⁰²⁸ kiṃcid apy upajāyate //

Note:

ābhāmātrāt prakāśamātrarūpāt | sthālam pātram ||

Note:

etad eva dārṣṭāntikayuktaṃ kathayati

ekadeśasadharmatvād upameyāvabodhanam /

upamānaṃ karoty aṅga dīpo 'rthaṃ prabhayā yathā //

Note:

prabhayā prabhākhyenaikadeśena ||

dṛṣṭāntasyāṃśamātreṇa bodhyabodhodaye sati /

upādeyatayā grāhyo mahāvākyārthaniścayaḥ //

Note:

na tu dṛṣṭāntamātra eva sthātavyam iti bhāvaḥ ||

na kutārkikatām etya nāśanīyā prabuddhatā /

anubhūtyapalāpāttair¹⁰²⁹ apavitrair vikalpitaiḥ //

Note:

prabuddhatā jñānitā | kutārkikāḥ hi ārambha eva codyān dattvā prabuddhatāṃ nāśayanti | vikalpitaiḥ kathaṃbhūtaiḥ | anubhūte yaḥ apalāpaḥ nihnavaḥ | tena āttaiḥ gṛhītaiḥ ||

Note:

nanu purāṇāni śāstrāṇi ca tyaktvā kimarthaṃ tvaduktaṃ śāstraṃ gṛhṇīmaḥ ity | atrāha

vicāraṇād anubhavakāri vāṅmaya-
prasaṅgatām upagatam asmadādiṣu /

striyoktam apy aparam athāpi vaidikaṃ
vaco vacaḥpralapanam eva nāgamaḥ //

Note:

asmadādiṣu prāmāṇikeṣu | striyā uktam api strīkartṛkaṃ pralapitam api | vāṅmayaprasaṅgatām śāstraprasaṅgatām | śāstratvam iti yāvat | upagatam | kathaṃbhūtaṃ tat | vicāraṇāt anubhavakāri | atha pakṣāntare | vaidikaṃ vacaḥ api vacaḥpralapanam eva pralāpa eva bhavati | nāgamaḥ bhavati anubhavakāritvābhāvād ity arthaḥ ||

Note:

sargāntaślokenāpy etad eva kathayati

asmākam asti matir aṅga tayeti sarva-
śāstraikavākyakaraṇaṃ phalitaṃ yato 'taḥ /

prātītikārthamayaśāstranijāṅgapuṣṭāt
saṃvedanād itarad asti na naḥ pramāṇam //

Note:

he aṅga | asmākaṃ matir asti iti | ataḥ hetoḥ | asmākaṃ tayā buddhyā | sarvaśāstraikavākyakaraṇaṃ yataḥ phalitam | ataḥ hetoḥ | naḥ asmākaṃ | saṃvedanāt jñānāt | anyat pramāṇaṃ nāsti | sarvasmiñ śāstre saṃvedanam evāsmābhiḥ pramāṇaṃ dṛṣṭam | ato 'smākam api tad eva pramāṇam iti bhāvaḥ | saṃvedanāt kathaṃbhūtāt | prātītikaḥ pratīter āgataḥ | na tu kalpitaḥ | yaḥ arthaḥ¹⁰³⁰ | tanmayam yat śāstraṃ | tad eva nijāṅgam upakārakatvāt svāṅgaṃ | tena puṣṭāt vṛddhiṃ gatāt ||

MT_2.18

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe aṣṭādaśaḥ sargaḥ ||

Note:

oṃ pūrvoktam evārthaṃ punar api spaṣṭayati

viśiṣṭāṃśasadharmatvam upamāneṣu gṛhyate /

ko bhedaḥ sarvasādṛśye tūpamānopameyayoḥ //

Note:

viśiṣṭāṃśena kāryasādhakenāṃśena | sādharmyaṃ sādṛśyam | ekāṃśenāpi kāryasya siddhatvān na ko 'pīty arthaḥ ||

dṛṣṭāntabuddhād ekātmajñānaśāstrārthavedanāt /

mahāvākyārthasaṃvittyā śāntir nirvāṇam ucyate //

Note:

ekam kevalam | ātmajñānaṃ pratipādyatvena yasmin | tādṛśaṃ yat śāstraṃ | tasya yo 'rthaḥ | tasya vedanāt vicārāt | utpannayā mahāvākyārthasaṃvittyā | garbhīkṛtāvāntaravākyamahāvākyārthaparicchedena¹⁰³¹ | siddhā śāntiḥ manaḥkṣobharāhityaṃ | paṇḍitaiḥ nirvāṇam ucyate | vedanāt kathaṃbhūtāt | dṛṣṭāntaiḥ buddhāt jñātāt siddhād iti yāvat ||

Note:

upasaṃhāraṃ karoti

tasmād dṛṣṭāntadārṣṭāntavikalpollasitair alam /

yayā kayācid yuktyāśu mahāvākyārtham āśrayet //

Note:

alam kṛtam | naitaiḥ prayojanam ity arthaḥ ||

śāntiḥ śreyaḥ paraṃ viddhi tatprāptau yatnavān bhavet /

bhoktavya odanaḥ prāptaḥ kiṃ tatsiddhivikalpitaiḥ //

Note:

śāntiḥ manovikalparūpakṣobharāhityam | siddhivikalpitaiḥ katham etat sampannam iti vikalpaiḥ ||

akāraṇaṃ kāraṇibhir bodhārtham upamīyate /

upamānais tūpameyasadṛśair ekadeśataḥ //

Note:

akāraṇaṃ kāraṇarahitabrahma | ekadeśataḥ ekena dharmeṇa ||

sthātavyaṃ neha bhogeṣu vivekavikalātmanā /

upalodarasaṃjātaparipīnāndhabhekavat //

Note:

spaṣṭam ||

dṛṣṭāntair yuktibhir yatnād vāñchitaṃ tyajatetarat /

vicāraṇavatā bhāvyaṃ śāntiśāstrārthaśālinā //

Note:

vāñchitaṃ abhilaṣitam | itarat vicāravyatiriktam | śāntiś ca śāstrārthaś ca tābhyāṃ śālate iti tādṛśena ||

śāstropaśamasaujanyaprajñātajjñasamāgamaiḥ¹⁰³² /

antarāntarasampannadharmyārthopārjanakriyaḥ //

tāvad vicārayet prājño yāvad viśrāntim ātmani /

samprayāty apunarnāśāṃ śāntiṃ turyapadābhidhām //

Note:

śāstraṃ ca upaśamaś ca saujanyaṃ ca prajñā ca tajjñasamāgamaś ca | taiḥ upalakṣitaḥ | antarāntare madhye madhye sampannāḥ | dharmyānāṃ dharmād¹⁰³³ anapetānāṃ arthānām upārjanam | tasya¹⁰³⁴ kriyāḥ yasya saḥ | tādṛśaḥ prājñaḥ tāvat vicārayet | yāvat apunarnāśāṃ¹⁰³⁵ pradhvaṃsābhāvarahitāṃ | turyapadābhidhāṃ turyapadeti nāmadheyām | ātmani viśrāntiṃ ātmaviśrāntilakṣaṇāṃ śāntim | samprayāti ||

Note:

nanv ātmani viśrāntyā kiṃ setsyatīty | atrāha

turyaviśrāntiyuktasya pratīrṇasya bhavārṇavāt /

jīvato 'jīvataś caiva gṛhasthasyātha vā yateḥ //

na kṛtenākṛtenārtho na śrutismṛtivibhramaiḥ /

nirmandara ivāṃbhodhiḥ sa tiṣṭhati yathāsthitam //

Note:

jīvataḥ jīvanmuktasyājīvataḥ videhamuktasya | arthaḥ prayojanam | nanu katham asau tiṣṭhatīty | atrāha | nirmandara iti | saḥ viśrāntiyuktaḥ ||

ekāṃśenopamānānām upameyasadharmatā /

boddhavyā bodhyabodhāya na stheyaṃ codyacañcunā //

Note:

codyena cañcuḥ vittaḥ¹⁰³⁶ | prasiddha iti yāvat | iti codyacañcuḥ codyaśīlenety arthaḥ ||

yayā kayācid yuktyāśu boddhavyaṃ bodhyam eva te /

muktaye tan na paśyanti vyākulāś codyacañcavaḥ //

Note:

te iti kartari ṣaṣṭhī | tvām iti śeṣaḥ | vyākulāḥ codyacañcavaḥ¹⁰³⁷ | tat tadā | tvām na paśyanti | kim utādhigacchantīti bhāvaḥ ||

Note:

codyacañcoḥ lakṣaṇaṃ kathayati

hṛdaye saṃvidākāśe viśrānte 'nubhavātmani /

vastuny anarthaṃ yaḥ praṣṭā codyacañcuḥ sa ucyate //

Note:

hṛdaye manasi | viśrānte 'pi anubhavātmani saṃvidākāśe cidākāśe | vastuni yaḥ anartham saṃśayarūpam anartham | praṣṭā pṛcchakaḥ¹⁰³⁸ bhavati | paṇḍitaiḥ saḥ codyacañcuḥ ucyate | svānubhavāviṣṭe 'pi vastuni yaḥ punaḥ punaḥ codyān utpādayati saḥ codyacañcur iti bhāvaḥ ||

abhimānavikalpāṃśair ajño jñaptiṃ vikalpayan /

bodhaṃ malinayaty antar mukhaṃ sarpa ivāmalam //

Note:

abhimānenāhaṃ samyak codanaśīla ity abhimānena kṛtaiḥ vikalpāṃśaiḥ | codyarūpaiḥ vikalpāṃśaiḥ | antaḥ svasmin | ajñaḥ svām jñaptiṃ buddhiṃ | vikalpayan vikalpayuktāṃ kurvan | bodhaṃ malinayati bhedamālinyadūṣitaṃ karoti | ataḥ tvayā vyarhāḥ vikalpāḥ | na kāryā iti bhāvaḥ ||

Note:

upadeśe upayogyānāṃ pramāṇāṃ nirṇayaṃ prastauti

sarvapramāṇasattānāṃ padam abdhir apām iva /

pramāṇam ekam eveha pratyakṣaṃ rāma tac chṛṇu //

Note:

sarvāsām anumānādibhedabhinnānām samastānāṃ pramāṇasattānāṃ | abdhir ivāpāṃ sthānaṃ¹⁰³⁹ āśrayaṃ | ekam pratyakṣam eva iha loke pramāṇam asti | na hi anumānādayaḥ pratyakṣaṃ vinā sthātuṃ śaknuvanti | he rāma | tvam tat pratyakṣaṃ nāma pramāṇaṃ | śṛṇu ||

Note:

pratyakṣam eva kathayati

sarvārthasāram adhyakṣaṃ vedanaṃ vidur uttamāḥ /

nūnaṃ tat prati yat siddhaṃ tat pratyakṣam udāhṛtam //

Note:

uttamāḥ śreṣṭhāḥ | sarvārthānāṃ sāraprakāśanadvāreṇa siddhipradatvāt sārabhūtaṃ vedanaṃ jñānam eva | adhyakṣaṃ viduḥ sārabhūtavastuvācakatvād adhyakṣaśabdasya | he rāma | nūnaṃ niścaye | tat prati vedanarūpaṃ adhyakṣaṃ prati | yat siddhaṃ bhavati | paṇḍitaiḥ tad vastu pratyakṣam udāhṛtam | akṣaṃ prati siddhaṃ pratyakṣam iti vyutpatteḥ | akṣaśabdasya ca bhāmetivad adhyakṣavācakatvam ||

Note:

tataḥ kim ity | atrāha

anubhūter vedanasya pratipatter yathāsthitam /

pratyakṣam iti nāmeha kṛtaṃ jīvaḥ sa eva ca //

Note:

ataḥ paṇḍitaiḥ | anubhūteḥ anubhūtirūpasya | pratipatteḥ pratipattirūpasya | vedanasya | iha loke | yathāsthitam na tv anyathā saṃbhāvitaṃ | pratyakṣam iti nāma kṛtam | vedanasyaiva vedanaṃ prati siddhatvād anyasya sarvasya tasmiṃl layāsādanāt sa eva jīvaḥ bhavati | vedanād anyasya śarīrādeḥ pāṣāṇatulyatvena jīvatvāyogāt anubhūtipratipattyoḥ sphuṭatvāsphuṭatvakṛto bhedo jñeyaḥ ||

Note:

padārthānām etadrūpatvam eva kathayati

sa eva saṃvit sa punar ahaṃtāpratyayātmakaḥ /

sa yayodeti saṃvittyā sā padārtha iti smṛtā //

Note:

sa eva jīva eva | ārohāvasthāyāṃ¹⁰⁴⁰ saṃvit bhavati | sa evāvarohāvasthāyāṃ¹⁰⁴¹ ahaṃtāpratyayātmakaḥ bhavati | saḥ ahaṃtāpratyayātmakaḥ jīvaḥ | yayā saṃvittyā yena ghaṭādisaṃvedanena rūpeṇa | udeti sphurati | sā saṃvittiḥ | paṇḍitaiḥ padārtha iti smṛtā | na hi padārthasya saṃvittivyatirekeṇa pṛthaksvarūpam asti | sattve 'py asan¹⁰⁴² kalpatvāt | na hi saṃvittiṃ vinā sat sat bhavati ||

Note:

padārthānāṃ jagattvaṃ kathayati

sa saṃkalpavikalpādyaiḥ kṛtanānākramo bhramaiḥ /

jagattayā sphuraty ambu taraṅgāditayā yathā //

Note:

saḥ padārthaḥ | saṃkalpavikalpādyaiḥ saṃkalpavikalpaprabhṛtibhiḥ pramātṛniṣṭaiḥ viparyayajñānaiḥ | kṛtanānākramaḥ san | jagattayā sphurati | kiṃ yathā | ambu yathā | yathā tat taraṅgāditayā sphurati tathety arthaḥ ||

Note:

nanu śuddhasya vedanasya katham evaṃrūpatā sampannety | atrāha

prāg akāraṇam evāśu sargādau sargalīlayā /

sphuritvā kāraṇībhūtaṃ pratyakṣaṃ svayam ātmani //

Note:

pratyakṣaṃ vedanarūpaṃ pratyakṣaṃ | prāk sargāt prāk | akāraṇam eva sat | sargādau sargonmukhatāsamaye¹⁰⁴³ | sargalīlayā sphuritvā | ātmani sargarūpe svātmani | svayaṃ svātantryeṇa | kāraṇībhūtam | na ca svātantryakṛte katham iti paryanuyogaḥ yuktaḥ iti bhāvaḥ ||

Note:

nanu vedanarūpasya jīvasya kāraṇatvaṃ kiṃrūpam astīty | atrāha

kāraṇatvaṃ vicāro 'sya jīvasyāsad api sthitaṃ /

sad ivāsyāṃ jagadrūpasampattau vyaktim āgatam //

Note:

jagadrūpasampattau vicāraḥ vimarśaḥ | asya śuddhavedanarūpasya jīvasya | vā kāraṇatvaṃ bhavati | kathambhūtaṃ kāranatvaṃ | asad api paramārthataḥ asatsvarūpam api | sad iva sthitam | punaḥ kathambhūtaṃ | abhivyaktiṃ prākaṭyaṃ gatam ||

Note:

nanu punar api kiṃ tasya jīvasya kāraṇatvaṃ naśyaty atha vā nety | atrāha

svayam eva vicāras tu sanañarthaṃ svakaṃ vapuḥ /

nāśayitvā karoty āśu pratyakṣaṃ paramaṃ padam //

Note:

svayam eva vicāraḥ sanañarthaṃ svābhāvayuktaṃ | svakaṃ vapuḥ nijavicārākhyaṃ svarūpaṃ nāśayitvā | paramaṃ padaṃ kāraṇatvānavacchinnaṃ svasvarūpaṃ | pratyakṣaṃ karoti | vicāravaśād eva | punar api jīvasya kāraṇatvaṃ naśyatīti bhāvaḥ ||

Note:

nanu vicāraḥ kathaṃ paramaṃ padaṃ pratyakṣīkarotīty apekṣāyām āha

vicārayan vicāro 'pi nātmānam adhigacchati /

yadā tadā nirullekhaṃ param evāvaśiṣyate¹⁰⁴⁴ //

Note:

vicāraḥ vimarśaḥ | ātmānaṃ vicārayan¹⁰⁴⁵ kiṃrūpo 'ham iti vimarśaviṣayīkurvan | yadā ātmānaṃ nādhigacchati na kiṃcidrūpatvāt na labhate | tadā nirullekhaṃ vimarśarahitaṃ | paraṃ padaṃ śuddhacinmātrākhyaśreṣṭhaṃ svarūpam | evāvatiṣṭhate vicāraṇīyābhāvād ity arthaḥ ||

Note:

nanu puruṣa¹⁰⁴⁶ etasyām avasthāyāṃ buddhīndriyakarmāṇi karoti na vety | atrāha

manasy anīhite śānte tair buddhīndriyakarmabhiḥ /

neha kaiścit kṛtair artho nākṛtair apy abhāvanāt //

Note:

manasi vicārasvarūpe manasi | anīhite svakriyām akurvati | ata eva śānte sati | puruṣasya taiḥ prasiddhaiḥ | kaiścid¹⁰⁴⁷ buddhīndriyakarmabhiḥ¹⁰⁴⁸ kṛtaiḥ | arthaḥ na bhavati | akṛtaiś cārthaḥ na bhavati | kutaḥ | abhāvanāt bhāvanārāhityāt | nairapekṣyād iti yāvat ||

Note:

nanu tadā¹⁰⁴⁹ karmendriyāṇāṃ kā vārtety | atrāha

manasy anīhite śānte na pravartanta eva te /

karmendriyāṇi karmādāv asaṃcāritayantravat //

Note:

karmendriyāṇāṃ tasyām avasthāyāṃ pravartanam eva nāsti | kā vārtā tatkarmaṇāṃ syād iti bhāvaḥ | etādṛśī cāvasthā jīvanmuktānāṃ durlabhaiva | na hi sarvadā te atraiva tiṣṭhanti | videhamuktās tu sarvadā etanmayā evety¹⁰⁵⁰ alaṃ bahunā ||

Note:

vedanarūpavicāraśāntyaiva manaḥśāntir bhaviṣyatīty abhiprāyeṇāha

manoyantrasya calane kāraṇaṃ vedanaṃ viduḥ /

prāṇālī dārumeṣasya¹⁰⁵¹ rajjur antargatā yathā //

Note:

paṇḍitāḥ manomantrasya calane vedanam eva kāraṇaṃ viduḥ | vedanānantaram eva hi manaḥ calati | prāṇālī asya manasaḥ antargatā rajjuḥ bhavati | kasya | yasya dārumeṣasya yathā | ayaṃ bhāvaḥ | manaḥ dārumeṣatulyam | prāṇālī rajjutulyā | vedanam rajjugrāhakatulyam | iti vedanasyaiva manaḥpravṛttau kāraṇatvāt | yuktā tacchāntau tacchāntir iti ||

Note:

nanu bhavatu vedanaśāntyā manaḥśāntiḥ | vedanakṣobhena manasaḥ kṣobhe sati jagat kuto niryātīty | atrāha

rūpālokamanaskārapadārthādyākulaṃ jagat /

vidyate vedanasyāntar vāte 'ntaḥ spandanaṃ yathā //

Note:

padārthāḥ rūpādhārabhūtāni dravyāṇi | ato vedanād eva rūpādirūpam jagan niryātīti bhāvaḥ ||

Note:

nanu svabhāvataḥ śuddhasya vedanasyāntaḥ katham etad astīty | atrāha

sarvātmavedanaṃ śuddhaṃ yathodeti tadātmakam /

bhāti prasṛtadikkālabāhyāntārūpadehakam //

Note:

śuddham kenāpi rūpeṇāpariniṣṭhitam | ata eva sarvātmavedanam yathodeti tadātmakaṃ bhāti sphurati | na tu tanmadhye malam iva jagad astīti bhāvaḥ | kathambhūtaṃ vedanaṃ | dik kālaś ca bāhyaṃ cāntaś ca | tat digādi¹⁰⁵² | prasṛtaḥ vistāraṃ gataḥ | digādirūpaḥ dehaḥ svarūpaṃ yasya | tat prasṛtadikkālabāhyāntārūpadehakam ||

Note:

punaḥ punaḥ ślokāntareṇa¹⁰⁵³ tad eva pratipādayati

draṣṭaiva dṛśyatābhāsaṃ svaṃ rūpaṃ dhārayan sthitaḥ /

svaṃ yathā¹⁰⁵⁴ tatra yad rūpaṃ pratibhāti tathaiva tat //

Note:

draṣṭā eva vedanasvarūpaḥ draṣṭā eva | dṛśyatayā bhāsate | iti tādṛśaṃ svarūpaṃ dhārayan sthitaḥ bhavati | tatra sati tasyeti śeṣaḥ | tasya draṣṭuḥ svaṃ rūpaṃ yathā bhāti sphurati | tat svaṃ rūpaṃ | tathaiva bhavati | nānyathā svapnavad iti śeṣaḥ ||

sarvam ātmā yathā yatra saṃkalpatvam ivāgataḥ /

tiṣṭhaty āśu tathā tatra tadrūpa iva rājate //

Note:

sarvam ātmā bhavati | ataḥ sa ātmā yatra yathā tiṣṭhati tatra tathā tadrūpa iva rājate | paramārthatas¹⁰⁵⁵ tu na rājate | svarūpe tathaiva sthitatvād itīvaśabdopādānam | ātmā kathambhūta¹⁰⁵⁶ iva | saṃkalpatvaṃ saṃkalpabhāvaṃ | gata ivānyathā nānārūpatvam asya na yujyeteti bhāvaḥ ||

sarvātmakatayā draṣṭur dṛśyatvam iva yujyate /

draṣṭṛtvaṃ¹⁰⁵⁷ draṣṭṛsadbhāve dṛśyasya tv asti¹⁰⁵⁸ nāsataḥ //

Note:

draṣṭuḥ sarvātmakatayā śuddhatayā sthitena sarvabhāvena | dṛśyatvaṃ yujyata iva | paramārthatas tu na yujyate draṣṭṛtvād apracyuter itīvaśabdopādānaṃ | asataḥ svarūpeṇāsataḥ | dṛśyasya draṣṭṛtvaṃ¹⁰⁵⁹ nāsti | draṣṭṛtayā¹⁰⁶⁰ sambhāvite svasmin svāpekṣatvenātmāśrayāpatteḥ ||

Note:

phalitaṃ kathayati

akāraṇakam evāto brahmakalpam idaṃ sthitam /

pratyakṣam eva nirmātṛ tasyāṃśās tv anupādhayaḥ //

Note:

ataḥ akāraṇakam paramārthataḥ śuddhasya brahmaṇaḥ akartṛkatvāt kāraṇarahitam | idaṃ jagat | brahmakalpam brahmasadṛśaṃ | sthitaṃ bhavati | kathambhūtam jagat | pratyakṣam eva sphuṭam eva | nirmātṛ¹⁰⁶¹ pramātṛrahitam¹⁰⁶² śuddhasya brahmaṇo mātṛtāyogād | anyathā aśuddhatāpatteḥ | nanu mā bhavatu brahmaṇaḥ kāraṇatvaṃ mātṛtvaṃ¹⁰⁶³ vā | tadaṃśānāṃ tu tad bhavatv ity | atrāha | tasyāṃśā iti | tu pakṣāntare | tasya brahmaṇaḥ | aṃśāḥ anupādhayaḥ kāraṇatvādirūpopādhirahitā bhavanti | anyathā taddvāreṇa tasyāpi sopādhitvaprasaṅgāt ||

Note:

evaṃ prāsaṅgitvaṃ parityajya prakṛtam evānusarati

svayatnamātretararūpako yas
tad daivaśabdārtham apāsya dūre /

śūreṇa sādho padam uttamaṃ tat
svapauruṣeṇaiva hi labhyate 'ntaḥ //

Note:

yaḥ svayatnamātrakāt itararūpakaḥ itararūpatvena kalpitaḥ | tad daivaśabdārthaṃ dūre apāsya | he sādho | śūreṇa tat uttamaṃ padaṃ antaḥ svapauruṣeṇa mānasikena pauruṣeṇa | labhyate ||

Note:

sargāntaślokena vicārāvadhiṃ kathayati

vicārayācāryaparamparāṇāṃ
matena satyena sitena tāvat /

yāvad viśuddhāṃ svayam eva buddhām
anantarūpāṃ paratām upaiṣi //

Note:

tvam satyena sitena doṣarahitena | ācāryaparamparāṇāṃ matena matānusāreṇa | tāvat tāvatkālaṃ vicāraya | yāvat paratām uttīrṇacidrūpatām upaiṣi | paratām kathambhūtām | viśuddhām cetyākhyamalarahitām | punaḥ kathambhūtām | svayam evāvabuddhām anubuddhām | punaḥ kathambhūtām | anantarūpām aparicchinnasvarūpām | iti śivam ||

MT_2.19

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe ekonaviṃśaḥ sargaḥ ||

Note:

mumukṣor vyavahāraṃ saṃgṛhya kathayati

āryasaṃgamayuktyādau prajñāṃ vṛddhiṃ nayed balāt /

tato mahāpuruṣatā mahāpuruṣalakṣaṇaiḥ //

Note:

puruṣaḥ ādau āryasaṃgamayuktyā sādhusaṃgākhyenopāyena | buddhiṃ vṛddhiṃ vivekakṣamatvaṃ nayet | tataḥ buddhyāsādhitaiḥ mahāpuruṣalakṣaṇaiḥ mahāpuruṣatā bhavet ||

Note:

nanu mahāpuruṣaguṇair vinā mahāpuruṣatā kathaṃ sidhyatīty¹⁰⁶⁴ apekṣāyāṃ tadguṇāharaṇam eva kartavyatvena kathayati

yo yo yena guṇeneha puruṣaḥ pravirājate /

śikṣeta taṃ tam evāśu tasmād buddhivivṛddhaye //

Note:

buddhyā vivṛddhayeti vā pāṭhaḥ | āryasaṃgamayuktyā vivṛddhayā buddhyā ity arthaḥ | anyathā buddhivṛddhyabhāve kathaṃ paraguṇagrahaṇasāmarthyaṃ syāt ||

Note:

nanu tarhi guṇagrahaṇaṃ suṣamam eveti¹⁰⁶⁵ mahāpuruṣatāpi susādhyaiva syād | ity atrāha

mahāpuruṣatā tv eṣā śamādiguṇaśālinī /

samyagjñānaṃ vinā rāma siddhim eti na kasyacit //

Note:

ataḥ samyagjñānam evāryasaṃgamayuktyā prathamaṃ sādhyam iti bhāvaḥ ||

Note:

nanu samyagjñānena kiṃ setsyatīty | atrāha

jñānāc chamādayo yānti vṛddhiṃ satpuruṣakramāt /

ślāghanīyāḥ phalenāntar vṛṣṭer iva navāṅkurāḥ //

Note:

jñānāt kathambhūtāt | satpuruṣakramāt | na tv asatpuruṣakramāt | kramaḥ paripāṭī | ādiśabdena damādīnāṃ grahaṇam | vṛṣṭer iti pañcamī ||

Note:

nanu śamādibhir api kiṃ syād ity apekṣāyām āha

śamādibhyo guṇebhyaś ca vardhate jñānam uttamam /

annātmakebhyo yajñebhyaḥ śālivṛṣṭir ivottamā //

Note:

uttamam paramātmaviṣayatvena sarvebhyo jñānebhyaḥ śreṣṭham ||

Note:

phalitam āha

guṇāḥ śamādayo jñānāc chamādibhyas tathā jñatā /

parasparaṃ vivardhete¹⁰⁶⁶ ete 'bdasarasī yathā //

Note:

ataḥ jñānāc chamādayaḥ | śamādibhyo jñānaṃ | yathā abdebhyo meghebhyaḥ saraḥ | sarasaḥ meghā iti piṇḍārthaḥ ||

Note:

punar apy etad eva kathayati

jñānaṃ satpuruṣācārāj jñānāt satpuruṣakramaḥ /

parasparaṃ gatau vṛddhiṃ jñānasatpuruṣakramau //

Note:

satpuruṣācārāt śamāder ity arthaḥ ||

Note:

nanu jñānaśamayoḥ saṃpattau puruṣasya kena yatnenottamapadaprāptir bhavatīty | atra sadṛṣṭāntam uttaraṃ kathayati

yathā kamalarakṣiṇyā gītyā vitatatārayā¹⁰⁶⁷ /

khagotsādena sahito¹⁰⁶⁸ gītānandaḥ prasādhyate //

jñānasatpuruṣehābhyām akartrā kartṛrūpiṇā /

tathā puṃsā niricchena samam āsādyate padam //

Note:

yathā kamalarakṣiṇyā gopikayā kartryā | vitatā cāsau tārā ceti tādṛśyā gītyā karaṇabhūtayā | khagānāṃ yaḥ utsādaḥ dhānyād apāsanaṃ | tena sahitaḥ gītānandaḥ prasādhyate | na hi tasyāḥ tatra yatno 'sti | gītimātreṇaiva gītānandakhagotsādayoḥ¹⁰⁶⁹ siddhatvāt | mṛgāṇāṃ¹⁰⁷⁰ hi ayaṃ svabhāva eṣa yat gītiṃ śrutvā bhakṣyam api tyajantīti | tathā kartrā nāhaṃ karteti niścayāt kartṛtvaleparahitena kartṛrūpiṇā kartṛvad bhāsamāneneti yāvat | puruṣeṇa kartrā | jñānasatpuruṣehābhyāṃ jñānaśamādibhyāṃ karaṇābhyāṃ | ayatnena yatnarahitam eva | padam śuddhacinmātrākhyam uttamaṃ padaṃ | samāsādyate prāpyate | jñānaṃ śamādikaṃ cety etanmātrakam evātropāyaḥ | nānyat kiṃcid iti bhāvaḥ | puruṣeṇa kathambhūtena | niricchena jñānaśamādipūrṇatayā padaprāptāv apīcchārahitena | anyathecchārūpasya kṣobhasya sthitatvāt pūrṇatā na syād iti bhāvaḥ ||

Note:

mumukṣuvyavahāraprakaraṇābhidheyaṃ vastūpasaṃharati

sadācārakramaḥ prokto mayaiṣa raghunandana /

tathopadiśyate samyag ayaṃ jñānakramo 'dhunā //

Note:

proktaḥ etadyuktasyaiva vakṣyamāṇe jñānakrame 'dhikāritvād iti bhāvaḥ | nanv adhunā kiṃ karoṣīty apekṣāyām āha | tathopadiśyata iti | tathā sadācārakramavat | jñānakramaḥ brahmopadiṣṭā svātmajñānaparipāṭī ||

Note:

prakaraṇamāhātmyaṃ kathayati

idaṃ yaśasyam āyuṣyaṃ puruṣārthaphalapradam /

tajjñād āptātmaśāstrārthāc chrotavyaṃ kila dhīmatā //

Note:

bāhyadṛṣṭīn saṃmukhīkartum iti āyuṣyam iti ca idaṃ mumukṣuvyavahārākhyaṃ prakaraṇam | puruṣārthaphalapradam mokṣadam | tajjñāt kathambhūtāt | āptaḥ samyaṅ niścitaḥ | ātmaśāstrāṇām adhyātmaśāstrāṇām | arthaḥ yena | tasmāt ||

Note:

nanv etacchravaṇena kiṃ syād ity | atrāha

śrutvā tu buddhinairmalyād balād yāsyasi satpadam /

yathā katakasaṃśleṣāt prasādam avaśam payaḥ //

Note:

tvam etac chrutvā | siddhāt buddhinairmalyāt | balāt ayatnam eva | satpadaṃ yāsyasi | atrottarārdhena dṛṣṭāntam āha | yatheti | katakam jalaśuddhikārī dravyaviśeṣaḥ ||

Note:

nanu katham etacchravaṇena puruṣaḥ¹⁰⁷¹ satpadaṃ yātīty | atra sargāntaślokenottaraṃ kathayati

viditavedyam idaṃ hi mano mune¹⁰⁷²
vivaśam eva hi yāti¹⁰⁷³ paraṃ padam /

yad avabuddham akhaṇḍitam uttamaṃ
tad avabodhadaśāṃ na jahāti hi //

Note:

he mune munikarmānvitatvāt munirūpaśrīrāma | hi yasmāt | viditavedyaṃ manaḥ vivaśam eva paraṃ padaṃ yāti | ato viditavedyatvakāriṇaḥ etacchāstraśravaṇāt satpadaprāptir¹⁰⁷⁴ yuktaiveti bhāvaḥ | nanu viditavedyam api manaḥ yadi kadācid viditavedyatāṃ¹⁰⁷⁵ jahāti tadā kiṃ kāryam | ity atrāha | yad iti | manasā yat uttamaṃ na tv adharaṃ bhogarūpaṃ vastu | avabuddhaṃ samyaṅ niścitam | tat manaḥ | tadavabodhadaśāṃ tasyottamasya vastunaḥ | yo 'vabodhaḥ tasya daśāṃ | hi niścayena | na jahāti | viditavedyo hi kadācid api viditavedyatāṃ na jahātīti tātparyam | iti śivaṃ śivaṃ śivam iti ||

MT_2.20

iti śrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuprakaraṇe viṃśaḥ sargaḥ ||

Note:

śrotṝṇāṃ bhāvanāveśasatkṛtasvāntaśālinām |

mumukṣuvyavahāroktivyākhyā satphaladāstv iyam ||

yacchaktyāveśavaśataḥ sāmarthyaṃ kāryagocaram |

bhāvānām astu yatno 'yaṃ tatkāryatvena niścitaḥ ||

svātmalābhamahodāraphalayogyatvabhāvanaḥ |

mumukṣuvyavahāro 'yaṃ sphuratān mama mānase ||

iti śivam ||

Note:

iti śrīkāśmīramaṇḍalāntarvartyārādhyapādamahāmāheśvaravaiḍūryakaṇṭhātmajaśrīmadavatārakaṇṭhaputraśrībhāskarakaṇṭhaviracitāyāṃ śrīmokṣopāyaṭīkāyāṃ mumukṣuvyavahāraprakaraṇaṃ samāptam | iti śivam ||

3. Prakaraṇa: Utpatti (3,1.1-41; 3,3.13-3,12.4; 3,13.50-3,16.41)

Note:

śrīrāmāya¹⁰⁷⁶ namaḥ | oṃ

kṛtvā cittaṃ svabodhasmaraṇavinihataṃ¹⁰⁷⁷ prauḍhamohāndhakāraṃ
smṛtvā jñānapradāṃ tāṃ sumahitavibhavāṃ śrīguroḥ pādukāṃ ca /

dhyātvā vighnāntakaṃ taṃ śivasutam anaghaṃ śrīgaṇeśaṃ sureśam
utpattyākhyāvagāhiprakaraṇavivṛtis tanyate bhāskareṇa //

Note:

evaṃ mumukṣuvyavahārākhye prakaraṇe vakṣyamāṇopadeśādhikāritvasampādananimittaṃ¹⁰⁷⁸ vyavahāraṃ pratipādya tacchravaṇamātreṇa ca śrīrāmaṃ prāptatadanuṣṭhānaphalaṃ vibhāvya¹⁰⁷⁹ prapañcasyānutpattisatattvotpattijñānam upādeyabhūtamokṣaprāptau mūlakāraṇatayā niścitya tadupapādakam utpattiprakaraṇam¹⁰⁸⁰ ārabhamāṇaḥ vakṣyamāṇabrahmaikatvāśrayaṇena guruśiṣyabhāvānupapattiṃ puraskṛtya svavyatiriktaśiṣyopadeśabhāvena¹⁰⁸¹ paraprayuktaṃ codyam abhiśaṅkamānaḥ taduddhāranimittabhūtaṃ brahmaikatve 'pi svapnadṛṣṭāntena padārthabhedagrāhakaṃ brahmavidanubhavaṃ prathamaṃ¹⁰⁸² kathayati ||

vāgbhābhir brahmavid brahma bhāti svapna ivātmani /

yad-idaṃ-tat-sva-śabdārthair yo yad vetti sa vettu tat //

Note:

uttaravākyasthaṃ¹⁰⁸³ vettīti padaṃ pūrvavākye 'pi yojanīyaṃ | tenāyam arthaḥ | brahmavit brahmajñānī | vetti anubhavati | kim iti karmāpekṣāyāṃ paśya mṛgo dhāvatītivat vākyaṃ karmatvena kathayati vāgbhābhir iti | brahma nānāpadārthabhāvena bṛṃhitaṃ¹⁰⁸⁴ kim api sūkṣmaṃ vastu | bhāti vilasati | sphuratīti yāvat | kaiḥ bhāti | yad-idaṃ-tat-sva-śabdārthaiḥ | yadādisarvanāmaśabdavācyabhūtaiḥ padārthaiḥ | tadrūpeṇeti yāvat | itthambhāve tṛtīyā | padārthānāṃ ca yadādisarvanāmavācyatvaṃ vastūpalakṣaṇaṃ | yatra sarvanāma¹⁰⁸⁵ prayujyate dravyam ity ucyate | so 'rthaḥ bhedyatvena vivakṣita ity abhiyuktasmaraṇāt jñeyam | kutrādhāre bhāti | ātmani svabhittau | tadvyatiriktasya dvitīyasyābhāvāt | idaṃ bhānaṃ ca arthāt jāgratkālīnaṃ¹⁰⁸⁶ jñeyam | svapnasya dṛṣṭāntatayopādānāt suṣupteḥ śūnyamātrabhānāspadatvāc ca | yad-idaṃ-tat-sva-śabdārthaiḥ kābhiḥ¹⁰⁸⁷ | vāgbhābhiḥ | vāg atra samānaviṣayatvena vikalpaḥ abhipretaḥ | tena vikalpabhānarūpair ity arthaḥ | bhāsamānā ete padārthāḥ hi svapnapadārthavat vikalparūpā eva | tatsāratayā sthitasya śuddhacinmātrasyaiva vastutaḥ¹⁰⁸⁸ arthatvāt | kasminn iva bhāti | svapne iva | yathā svapne | brahma svapnapadārthatayā bṛṃhitam | ātmākhye vastuni | ātmani svabhittau | vāgbhābhiḥ vikalpabhānabhūtaiḥ | yad-idaṃ-tat-sva-śabdārthaiḥ bhāti | tathā ity arthaḥ | svapne hi ātmabhāvena¹⁰⁸⁹ sthitasya brahmaṇaḥ padārthabhāvena bhānaṃ sarvasākṣikam eva | nanv anye bauddhādayaḥ sarvathā padārthāpahnavaṃ kurvanti | tat kathaṃ tvayaivam uktam ity āha yo yad iti | yaḥ yaḥ kaścit brahmavidaḥ bauddhādiḥ yat yat padārthānāṃ sarvathā asattvādi vetti anubhavati | saḥ tat vettu anubhavatu | kim asmākaṃ tadvedanena | brahmavidvedane eva tātparyāt iti bhāvaḥ | atra ca yacchabdaḥ idamāditrayeṇa saha samānādhikaraṇyadarśanāt sāmānyaniṣṭhaḥ | śiṣṭāḥ idamādayaḥ trayaḥ viśeṣaniṣṭhāḥ | tatrāpi idaṃśabdaḥ pratyakṣavedyaniṣṭhaḥ iti sarvanāmacatuṣkenaiva sarvapadārthākṣepasiddhāv anupayuktatvād anyeṣām akathanam iti jñeyam | atha vā brahmavid ity āmantraṇapadaṃ brahmajñānādhikṛte śrīrāme viśiṣṭādhikāritvasūcanāya prayuktaṃ | tathā ca sphuṭa evārthaḥ | nāpi duryojakatvākhyadoṣāpattiḥ ||

Note:

proktabrahmavidanubhavāśrayaṇena śaṅkāviṣayīkṛtaṃ paraprayuktaṃ codyaṃ pariharati

nyāyenānena sarvasmin sarge brahmāmbare sati /

kim idaṃ kasya vakṣīti codyacañcur nirākṛtaḥ //

Note:

anena nyāyena anayā padārthānāṃ brahmamayatve 'pi bhedasādhikayā brahmavidanubhavarūpayā yuktyā | na tu padārthānāṃ sarvathāpahnavakāriṇyā bauddhādiyuktyā | sarge sṛjikriyākarmaṇi bhāvajāte | brahmāmbare brahmākāśarūpe | sati | tvam kiṃrūpaḥ | tvam kim idaṃ kiṃrūpam idaṃ śāstraṃ | kasya kiṃrūpasya śiṣyasya | vakṣi kathayasi | sarvasya brahmaikarūpatvāt | iti evaṃrūpaṃ | yat codyam ākṣepaḥ | tena cañcuḥ prasiddhaḥ | evaṃrūpacodyakārīti yāvat | nirākṛtaḥ pratikṣiptaḥ bhavati | tena vitta iti cañcuppratyayaḥ¹⁰⁹⁰ | vittaḥ prasiddha ity arthaḥ | nanu katham etena codyanirāsaḥ | ucyate | brahmavidā paramārthena brahmaikatve 'pi vyavahāradaśāyāṃ svapnatulyasya śiṣyasya yādṛśo yakṣaḥ tādṛśo balir iti nyāyāśrayaṇena tadrūpopadeśakaraṇaṃ yuktam eva svapnatulyasya jagataḥ aṅgīkaraṇāt | sarvathā padārthāpahnavakāriṇāṃ bauddhādīnām evedaṃ codyaṃ yuktam iti ||

Note:

evaṃ śaṅkitacodyanirāsaṃ kṛtvā svopadeśaṃ prati śrotṝn saṃmukhīkaroti

ahaṃ tāvad yathājñānaṃ yathāvastu yathākramam /

yathāsvabhāvaṃ vacmīdaṃ tat sarvaṃ śrūyatāṃ budhāḥ //

Note:

tāvacchabdaḥ sākalye | ahaṃ vasiṣṭhākhyaḥ guruḥ | idaṃ mokṣopāyābhidhaṃ śāstraṃ | tāvat sākalyena | vacmi kathayāmi | kathaṃ vacmi | yathājñānam jñānānusāreṇa | tathā yathāvastu vastvanusāreṇa¹⁰⁹¹ | tadvat yathākramam kramānusāreṇa | punaḥ katham | yathāsvabhāvaṃ svabhāvānusāreṇa | jñānādayaḥ catvāra eva hi śāstrapravṛttinimittabhūtāḥ | tat tato hetoḥ¹⁰⁹² | he budhāḥ | yuṣmābhiḥ sarvam śrūyatām śravaṇagocarīkriyatām | budhā ity āmantraṇapadaṃ budhānām evaitacchāstraśravaṇe adhikāritvaṃ sūcayati | sarvam ity anena sakalam idaṃ śrutvā paramaprayojanāvāptiḥ bhaviṣyatīty ardhād utthāya na gantavyam iti sūcitam ||

Note:

evaṃ śravaṇayogyaṃ budhavargaṃ saṃmukhīkṛtyotpattiprakaraṇatātparyārthaṃ ślokena saṅgṛhya kathayati

svapnavat paśyati jagac cinnabho dehavinmayam /

svapnasaṃsāradṛṣṭāntā ihaivāntaḥ samanvitāḥ //

Note:

cetayati pāṣāṇaprakhyaṃ karaṇavargaṃ svāveśena cetanakriyākartṛtve prerayatīti cit sarvāntargataṃ kim api śuddhaṃ tattvaṃ | atha vā cetatīti cit citikriyākartṛbhūtaṃ kim api tattvam | sā eva nabhaḥ sarvavyāpakatvāt ākāśaṃ | tat cinnabhaḥ cidākāśaḥ | jagat gamanaśīlam dṛśyaprapañcaṃ | svapnavat paśyati svapnavat svayaṃ kalpayitvā anubhavati | kīdṛśaṃ jagat | dehavinmayaṃ | dehavit deho 'ham iti jñānam | ahaṅkāra iti yāvat | tasya vikāraḥ dehavinmayaṃ ahaṅkārasvarūpaṃ | na tu śuddham ity arthaḥ | nanu svapnaḥ kim iha dṛṣṭāntatvena datta ity | atrāha svapneti | svapne dṛṣṭāḥ saṃsārāḥ svapnasaṃsārāḥ | te eva dṛṣṭāntāḥ nirṇayasthānāni | te svapnasaṃsāradṛṣṭāntāḥ ihaivāsmin jāgratprapañce evāntaḥ | samyak | na tu āmukha eva | anvitāḥ sambaddhāḥ bhavanti | kalpanāmātrasiddhatvāt | ataḥ svapnasya dṛṣṭāntatvam uktam iti bhāvaḥ ||

Note:

saṅgraheṇoktam arthaṃ mūḍhabuddhiṣu praveśanāya svataḥ sarvajñaṃ śrīrāmaṃ madhyekṛtya vistārayituṃ prastauti

mumukṣuvyavahāroktimayāt prakaraṇāt param /

athotpattiprakaraṇaṃ mayedaṃ parikathyate //

Note:

mumukṣuvyavahārasyoktiḥ prācuryeṇa prastutā yasmin | tat mumukṣuvyavahāroktimayaṃ | tādṛśāt prakaraṇāt | mumukṣuvyavahārākhyāt prakaraṇād iti yāvat | param anyat | parikathyate samyak kathyate ||

Note:

pratijñātaprakaraṇārambhaṃ karoti

bandho 'yaṃ dṛśyasadbhāvo dṛśyābhāve na bandhanam /

na sambhavati dṛśyaṃ tu yathedaṃ tac chṛṇu kramāt //

Note:

ayam anubhūyamānaḥ | bandhaḥ dṛśyāsaktatvaṃ | dṛśyasadbhāvaḥ dṛśyena dṛśikriyāviṣayeṇa bhāvajātena | sadbhāvaḥ svarūpalābhaḥ | draṣṭāraṃ prati sphuraṇam iti yāvat | yasya | saḥ tādṛśaḥ bhavati | dṛśyābhāve sati bandhanaṃ bandhaḥ | na bhavati | na hi rajjvabhāve bandhanaṃ dṛṣṭam | nanu sato dṛśyasya katham abhāvaḥ setsyatīty | atrāha na sambhavatīti | tuśabdaḥ sambhavinaḥ śuddhadraṣṭuḥ sakāśāt dṛśyasya vyatirekadyotakaḥ | dṛśyaṃ na sambhavati sambhavanakriyākartṛtvaṃ na bhajati | svapnanyāyena pratītimātrasiddhatvāt | nanu katham etad ity | atrāha yathedam iti | idaṃ dṛśyāsambhavanaṃ | yathā bhavati | tat kramāt śṛṇu ||

Note:

nanu kimartham utpattiprakaraṇam eva prathamaṃ kathayasīty apekṣāyām āha

utpadyate yo jagati sa eva kila vardhate /

sa eva mokṣam āpnoti svargaṃ vā narakaṃ ca vā //

Note:

dharmādharmollaṅghanena mokṣam | dharmeṇa svargam | adharmeṇa narakam iti vibhāgaḥ ||

Note:

nanu tataḥ kim ity | atrāha

atas teṣv avabodhārthaṃ tat tāvat kathayāmy aham /

utpattiṃ saṃsṛtāv eti pūrvam eva hi yo yathā //

Note:

yataḥ utpattyādīnām ekādhikaraṇatvaṃ asti | ataḥ teṣu kramabhāviṣu utpattyādiṣu madhye¹⁰⁹³ | avabodhārthaṃ tvajjñānārthaṃ | ihāsmin prakaraṇe | aham tāvat prathamaṃ | tat kathayāmi | tat kiṃ | yaḥ puruṣaḥ | yathā yena prakāreṇa | saṃsṛtau saṃsaraṇasvabhāve saṃsāre | pūrvam eva sargādau eva | utpattim eti brahmaṇaḥ vyatiriktatvena sattāṃ bhajati | tato 'nantaraṃ sthitiprakaraṇādau vardhanādikam api kathayāmīti bhāvaḥ | hiśabdaḥ niścaye | ata evāsya prakaraṇasyotpattiprakaraṇam iti nāmāpi bhavatīti jñeyam ||

Note:

tatra tāvat saṅkṣepakathanaṃ¹⁰⁹⁴ pratijānīte

idaṃ prakaraṇārthaṃ tvaṃ saṅkṣepāc chṛṇu rāghava /

tataḥ prakathayiṣyāmi vistaraṃ te yathepsitam //

Note:

he rāghava | tvam idam jagadutpattirūpaṃ | prakaraṇārthaṃ utpattiprakaraṇābhidheyaṃ | saṅkṣepāt saṅkṣepeṇa śṛṇu | tataḥ saṅkṣepānantaram | yathepsitaṃ īpsitānusāri vistaraṃ kathayiṣyāmi | saṅkṣepakathanena vinā tvatsandehānutthānāt vistareṇa kathanaṃ na sambhavati | sandehaviṣayatvāt vistarasyeti bhāvaḥ ||

Note:

pratijñātāṃ saṅkṣepataḥ jagadutpattiṃ kathayiṣyan prapañcākrāntabuddheḥ śiṣyasya vidhimukhena mūlakāraṇasvarūpakathanam ayuktaṃ jñātvā sthūṇānikhanananyāyam āśritya jagannāśamukhena mūlakāraṇasvarūpaṃ kathayituṃ¹⁰⁹⁵ prastauti

yad idaṃ dṛśyate sarvaṃ jagat sthāvarajaṅgamam | /

tat suṣupta iva svapnaḥ kalpānte pravinaśyati //

Note:

asmābhiḥ yat | idam purovarti | sthāvarajaṅgamaṃ sthāvarajaṅgamasvarūpa | jagat naśvaraṃ bhāvajātaṃ | dṛśyate anubhūyate | tat kalpānte āntarārthavivakṣāyāṃ sarvadṛśyakṣayarūpāyāṃ turyāvasthāyāṃ viśeṣataḥ tadatītāvasthāyāṃ ca | bāhyārthavivakṣāyāṃ tu kālāntarabhāvini¹⁰⁹⁶ pralayakāle | pravinaśyati prakarṣeṇa saṃskārākhyāt mūlād ādhārād¹⁰⁹⁷ naśyati | mūlakāraṇabhāvenāvasthānāt adarśanaṃ yāti¹⁰⁹⁸ | ka iva | svapna iva | yathā suṣupte svapnaḥ naśyati | tathety arthaḥ | nanu suṣuptau jagato bījabhāvenāvasthānāt anyathā punarbhavāyogāt katham ayam upamānopameyabhāvaḥ siddhyatīti cen | na | staimityākhyasya sāmānyadharmasyobhayatrāpy avasthānāt sāmānyadharmamātrāśrayaṇenaiva¹⁰⁹⁹ hi upamānopameyabhāvaḥ uttiṣṭhati | iti na ko 'pi virodhaḥ ||

Note:

yatsvarūpaprakaṭanārtham ayaṃ yatnaḥ kṛtaḥ tan mūlakāraṇaṃ śeṣatvena kathayati

tataḥ stimitagambhīraṃ na tejo na tamas tatam /

anākhyam anabhivyaktaṃ yat kiñcid avaśiṣyate //

Note:

tataḥ prapañcanāśānantaram | yat kiñcit kenāpi nāmnā vaktum aśākyaṃ kim api sūkṣmaṃ vastu | śiṣyate śeṣatayā tiṣṭhati | tasyāpi nāśe nāśopalabdhur abhāvena sampanno 'pi prapañcanāśaḥ | asatkalpa eva syād iti bhāvaḥ | nanu nāmataḥ tad vastu kathaṃ noktam ity | atra viśeṣaṇadvāreṇa¹¹⁰⁰ hetum āhānākhyam iti | anākhyam ākhyākartṛtvena sthitatvāt ākhyākarmatāṃ netum aśakyam | nanu kathaṃ tad anākhyam¹¹⁰¹ astīty | atrāpi viśeṣaṇadvāreṇa hetum āhānabhivyaktam iti | anabhivyaktam atisūkṣmatvāt | bāhyāntaratvena sthitair¹¹⁰² indriyair apratyakṣīkṛtam ity arthaḥ | bāhyāntarendriyāpratyakṣasya cānākhyatvaṃ sphuṭam eva | vāgindriyasyāpi agamyatvāt | nanv anabhivyaktatvam api kathaṃ tasyāstīty | atrāpi viśeṣaṇadvāreṇa hetum āha na tejo na tama iti | cetyakalitaṃ cinmātraṃ tejaḥ | taccetyaṃ tamaḥ | atha vā sūryādikaṃ tejaḥ | andhakāraḥ tamaḥ tadvyatiriktasvarūpam ity arthaḥ | tathā ca tasyānabhivyaktatvam eva | tejastamasor eva abhivyaktiviṣayatvāt | tathāpi śūnyatāpattim āśaṅkya viśeṣaṇam āha tatam iti | sarvatra protasvarūpam ity arthaḥ | śūnyatve kathaṃ tatatvaṃ syād iti bhāvaḥ | kena svarūpeṇa tasya protatvam astīty | atrāha stimitagambhīram iti | stimitaṃ ca tat gambhīraṃ ceti stimitagambhīram | cinmātrarūpatvena cetyabhāvarūpasya prasaraṇasyābhāvāt niḥspandam¹¹⁰³ | nirālambanatvena svabhinnasyāvagāḍhuḥ abhāvāt duravagāhaṃ cety arthaḥ | ataś ca nirālambaśuddhacinmātrarūpatayā protam astīti bhāvaḥ | yady api nāsargaṃ tiṣṭhati | param iti vakṣyamāṇanītyā¹¹⁰⁴ tasya tattvasya prapañcodbhāvanaṃ prati sarvadaiva spando vartata eveti | śuddhatayā sthitasya tasyopalabdhiḥ kadāpi na sambhavaty eva | tathāpi deśād deśāntaraṃ dūram ityādivakṣyamāṇanītyā¹¹⁰⁵ madhyavṛttiṣu sadā tadupalabdhiḥ sambhavaty eveti na vimukhena bhavitavyam | videhamuktānāṃ tu sarvadā tanmayatvam api sambhavati | yataḥ asya cinmātratattvasyedṛśa eva mahimā bhavati | yat sarvadā viśvamayaṃ tad uttīrṇaṃ ca bhavatīti na kiñcid viruddham ||

Note:

nanu yadi tat tattvam anākhyam asti tat kathaṃ budhaiḥ tasya tattvasya ṛtaṃ ātmetyādikāḥ sañjñāḥ kṛtāḥ ity | atrāha

ṛtam ātmā paraṃ brahma satyam ityādikā budhaiḥ /

kalpitā vyavahārārthaṃ yasya sañjñā mahātmanaḥ //

Note:

budhaiḥ tatsākṣātkāravadbhiḥ | kalpitāḥ kalpanayā bhāvitāḥ | vyavahārārthaṃ śiṣyopadeśākhyavyavahārasampādanārtham | na tu kiñcit pravṛttinimittam upādāya ṛtādikāḥ sañjñāḥ tatra pravartante iti bhāvaḥ ||

Note:

nanu tat īdṛśaṃ bhavatu¹¹⁰⁶ | kiṃ tata ity | atrāha

sa tathābhūta evātmā svayam anya ivollasan /

jīvatām upayātīva bhāvināmakadarthanām //

Note:

tathābhūta eva paramārthataḥ proktāt svarūpād apracyuta eva | saḥ ātmā proktaviśeṣaṇayuktam sarvadā bhātatvena sātatyagamanakriyākartṛbhūtaṃ cinmātrākhyaṃ tattvam | jīvatām sātatyagamanaviruddhasvabhāvaprāṇadhāraṇakriyākartṛbhūtaṃ jīvabhāvam | upayātīva gacchatīva | saḥ ātmā kim kurvan | anya ivollasan | svayaṃ svaviṣayatāsādanena svavyatiriktaṃ | cetyarūpa iva ullasan | svaparāmarśanamātreṇaiva hi cinmātrasya cetyarūpo jīvādibhāvaḥ bhavati | tathābhūta iti padam ivaśabdadvayasya yogyatāṃ kathayati | na hi tathābhūtasya paramārthataḥ atathābhāvo yuktaḥ | na hi sadā jalabhāvāt apracyutasya jalasya taraṅgatāsādane 'pi paramārthataḥ ajalabhāvo yuktaḥ | jīvatāṃ kathambhūtāṃ | bhāvināmakadarthanām | bhāvinīṃ agre | bhavanaśīlā nāmakadarthanā jīveti nāmarūpā | kadarthanā mālinyaṃ yasyāḥ | tām | jīveti nāmayogyām ity arthaḥ | bhāvitvaṃ ca nāmnaḥ vaikharīprādurbhāve jñeyam ||

Note:

adhunā tasyaiva jīvatvānantarabhāvinīṃ manastāṃ kathayati

tataḥ sa jīvaśabdārthakalanākulatāṃ gataḥ /

mano bhavati maunātma mananān mantharībhavan¹¹⁰⁷ //

Note:

tataḥ jīvabhāvānantaram¹¹⁰⁸ | saḥ ātmā | manaḥ bhavati | kīdṛśaṃ manaḥ | maunātma | sahajasvarūpavimarśāsāmarthyaṃ maunaṃ | tadrūpam kutaḥ bhavatīty | atra hetugarbhaṃ viśeṣaṇam āha | mantharībhavann iti | yataḥ mantharībhavan¹¹⁰⁹ alasībhavan bhavati ity arthaḥ | kutaḥ mantharībhavan ity apekṣāyām āha | mananād iti | mananāj jīvatvamananākhyāt dharmāt | mananaparatvenaiva hi ātmā svaparāmarśaṃ prati mantharībhavati | tataḥ manorūpaṃ bhavati | kathambhūtaḥ saḥ | jīvaśabdārthakalanākulatām | jīvasya vācakaḥ śabdaḥ jīvaśabdaḥ | tasya yaḥ arthaḥ aṇurūpaḥ jīvaḥ | tasya yaḥ kalanā svarūpatayā parāmarśaḥ | tayā yā ākulatā | tām gataḥ | ayaṃ bhāvaḥ | sarvathā cetyavyatiriktasvarūpaṃ cinmātraṃ prathamaṃ cittvenāham iti svaparā-marśaṃ karoti | tatra grāhakatayā sthitasya bhāgasya cid iti nāma | grāhyatayā sthitasya tu jīvatvaṃ | tataḥ tasya jīvasya svasmin aṇutvaparāmarśo bhavati | tad eva ca tasya manastvam iti ||

Note:

phalitaṃ kathayati

manaḥ sampadyate tena mahataḥ paramātmanaḥ /

susthirād asthirākāras taraṅga iva vāridheḥ //

Note:

tena tataḥ hetoḥ | manaḥ aṇurūpaṃ cittaṃ | mahataḥ vyāpakāt | paramātmanaḥ sampadyate prādurbhavati | ka iva | taraṅga iva | yathā susthirāt¹¹¹⁰ vāridheḥ samudrāt | asthirākāraḥ taraṅgaḥ sampadyate | tathety arthaḥ | atra ca susthiratvaṃ taraṅgāpekṣayā jñeyam ||

Note:

manasaḥ¹¹¹¹ utpattim uktvā tatkāryabhūtasya jagataḥ utpattiṃ kathayati

tat svayaṃ svairam evāśu saṅkalpayati nityaśaḥ /

teneyam indrajālaśrīr vitateva vitanyate //

Note:

tat paramātmoktaṃ manaḥ | svayam | na tu anyat kiñcit madhyekṛtya | svairam svecchayā | na tu parapreraṇayā | saṅkalpayati saṅkalpaṃ karoti | ataḥ tena manasā | iyam anubhūyamānā | indrajālaśrīḥ mithyābhātattvena indrajālavat bhāsamānatvāt indriyajālasampadrūpā sṛṣṭiḥ | vitanyate vistāryate | kathambhūteva | vitateva vistīrṇā iva | paramārthataḥ aṇusvarūpe manasi sthitatvāt vaitatyarahitetīvaśabdopādānam ||

Note:

paramātmotthān manasaḥ sṛṣṭyutthānakathanaphalam āha

yathā kaṭakaśabdārthaḥ pṛthaktvārho 'sti kānake /

na nāma kaṭake tadvaj jagacchabdārthatā pare //

Note:

yathā kaṭakaśabdārthaḥ kaṭakaśabdābhidheyabhūtaḥ sanniveśaviśeṣaḥ | pṛthaktvārhaḥ | arthāt kānakāt¹¹¹² pṛthaktvayogyaḥ na bhavati | kva sthitasya kaṭakaśabdasyārthaḥ | kānake kaṭake kanakanirmite kaṭake ity arthaḥ | tadvat pare jagacchabdārthatā bhavati | tadvad ity anena dṛṣṭāntagataṃ sarvam ākṣipyate | tenāyam arthaḥ | tadvat tathā | pare | arthāt proktanītyā jagattayā sthite uttīrṇe cinmātre | sthitasya jagacchabdasyārthaḥ parāt pṛthaktvārhaḥ na bhavati ||

Note:

mūḍhabuddhiṣu saṅkramaṇārthaṃ punar apy etad eva kathayati

brahmaṇy evāsty ananyātma yathāsthitam idaṃ jagat /

na jagacchabdakārtho 'sti hemnīva kaṭakāditā //

Note:

yathāsthitam anena prakāreṇaiva sthitaṃ | na tv anyaṃ prakāram āsādyeti yāvat | idaṃ jagat brahmaṇi bṛṃhite cinmātre | ananyātma ananyasvarūpaṃ asti | tatra jagacchabdakārthaḥ¹¹¹³ | jagacchabdakasya jagad iti śabdasya | arthaḥ brahmavyatiriktapadārtharacanārūpaṃ abhidheyam | na bhavati | tattayābhimatasya jagataḥ brahmatvasādhanāt | jagacchabdakārthaḥ kā iva | kaṭakāditā iva | yathā kaṭakāditā kaṭakādibhāvaḥ | hemni nāsti | tathety arthaḥ ||

Note:

asattvasādhikām ata evoktārthadārḍhyakāriṇīṃ manasaḥ sakāśāt jagadutpattim anuvadati

asataivāsatī tāpanadyeva laharī calā /

manasaivendrajālaśrīr jāgatī pravitanyate //

Note:

manasā eva | na tv anyena kenacit | jāgatī jagatsambandhinī | jagatsvarūpeti yāvat | indrajālaśrīḥ indrajālasampat | pravitanyate | kathambhūtenaiva | asatā eva asatsvarūpeṇaiva | na hi brahmavyatirekeṇa manasaḥ pṛthak sattā asti | kathambhūtendrajālaśrīḥ¹¹¹⁴ | asatī svakāraṇabhūtamanovat asatsvarūpā | manasā kayeva | tāpe bhāsamānā nadī tāpanadī | tayā iva | yathā asatyā tāpanadyā asatī calā laharī pravitanyate | tathety arthaḥ | nanu kathaṃ pūrvaśloke kanakakaṭakasya dṛṣṭāntatvaṃ iha tāpanadīlaharyāḥ iti cet | satyam | pūrvaśloke jagataḥ paramārthataḥ brahmarūpatvakathanārthaṃ kanakakaṭakasya dṛṣṭāntatvaṃ | asmin śloke tu tasyaivānupapattinivāraṇāya brahmavyatirekeṇāsattvakathanārthaṃ tāpanadīlaharyāḥ dṛṣṭāntatvam ity ekaphalasādhakatvān na dṛṣṭāntadvayasya vaiṣamyam | jagataḥ manonirmāṇatvābhāve hi paramārthasattvaṃ prāpnoti | tathā ca bhinnasattābhājaḥ tasya brahmatvakathanam ayuktaṃ syāt | na hi ghaṭe paṭo 'yam iti vaktuṃ yuktam | ity anupapattinivāraṇāyāsya ślokasyopanyāsaḥ | iti tadantargatasya dṛṣṭāntasyāpi tadartham eva saḥ yuktaḥ ||

Note:

jāgatīm indrajālaśriyaṃ viśinaṣṭi

avidyā saṃsṛtir bandho māyā moho mahat tamaḥ /

kalpitānīti nāmāni yasyāḥ sakalavedibhiḥ //

Note:

sakalavedibhiḥ sarvajñaiḥ ||

Note:

adhunā proktāyāḥ indrajālaśriyāḥ sakāśāt mokṣakāṅkṣiṇaṃ śiṣyaṃ jñātvā mokṣasvarūpanirūpaṇaṃ vinā śiṣyasya mokṣāvāptim ajānan mokṣasvarūpanirūpaṇam api tadviruddhabandhasvarūpajñānaṃ vināśakyaṃ manyamānaḥ tatsvarūpanirūpaṇaṃ pratijānīte | bandhasyeti /

bandhasya tāvad rūpaṃ tvaṃ kathyamānam idaṃ śṛṇu |

tataḥ svarūpaṃ mokṣasya jñāsyasīndusamānana //

Note:

bandhasya indrajālaśrīsvarūpadṛśyāsaktatvasya | anupādeyabandhasvarūpanirūpaṇapratijñayā vyākulībhūtaṃ śiṣyaṃ samāśvāsayati tata iti | tataḥ bandhasvarūpakathanānantaram | mokṣasya dṛśyanairapekṣasya | heyanirūpaṇānantaram upādeyanirūpaṇasya yuktatvād iti bhāvaḥ ||

Note:

bandhasvarūpaṃ kathayati

draṣṭur dṛśyatvasattāṅga bandha ity abhidhīyate /

draṣṭā dṛśyavaśād baddho dṛśyābhāvād vimucyate //

Note:

he aṅga | paṇḍitaiḥ dṛśyasattā dṛśyasadbhāvaḥ | draṣṭuḥ dṛśikriyākartuḥ | bandhaḥ abhidhīyate | bhāvapratyayaḥ pādapūraṇārthaḥ | etad evānvayavyatirekābhyāṃ āśvāsayogyaṃ karoti draṣṭeti | dṛśyavaśāt dṛśyavaśena | dṛśyasattāvaśeneti yāvat | dṛśyābhāvāt dṛśyāsattayā | viṣayasya bhāve viṣayiṇo 'pi bhāvāt | tadabhāve tasyāpy abhāvāt iti hetudvayaṃ vākyadvaye svayaṃ yojyam ||

Note:

tatra dṛśyasvarūpaṃ kathayati

jagat tvam aham ityādi sargātmā¹¹¹⁵ dṛśyam ucyate /

yāvad etat sambhavati tāvan mokṣo na vidyate //

Note:

jagat bandhahetuḥ dṛśyaprapañcaḥ | tvam tato mokṣākāṅkṣī śiṣyaḥ | aham ity upadeṣṭā | ādiśabdena mokṣasya grahaṇam | tasyāpi dṛśyatvānapāyāt | paṇḍitaiḥ jagat tvam aham ityādi dṛśyam dṛśikriyākarmocyate | kuta ity ākāṅkṣāyām viśeṣaṇadvāreṇa hetuṃ kathayati | sargātmeti | sṛjyamānasvarūpa ity arthaḥ | sṛjyamānasya ca dṛśyatvaṃ sphuṭam eva darśanapūrvakatvāt | sarjanasya ca darśanapūrvakatvaṃ tad aikṣatetyādiśrutisāmarthyāt¹¹¹⁶ jñeyam | asya bandhahetutvam anuvadati | yāvad iti | yāvat etat idaṃ jagadādidṛśyam¹¹¹⁷ | sambhavati sattāyuktaṃ bhavati | tāvat mokṣaḥ na vidyate | bandhanimittasya sthitatvāt | sattāmātreṇaiva ca dṛśyasya bandhanimittatvasvabhāvatvāt ||

Note:

nedam iti vacanakathanamātreṇaiva śāntadṛśyatvābhimānayuktaṃ śiṣyaṃ prati āha

nedaṃ nedam iti vyarthaiḥ pralāpair nopaśāmyati /

saṅkalpajanakair dṛśyavyādhiḥ pratyuta vardhate //

Note:

idam anubhūyamānaṃ | idaṃ dṛśyam | na bhavati | idaṃ dṛśyaṃ na bhavati iti evaṃrūpeṇa sthitaiḥ vyarthaiḥ dṛśyaśāntyākhyaphalarahitaiḥ | tathā saṅkalpajanakaiḥ niṣedhākhyasaṅkalpotpādakaiḥ | pralāpaiḥ unmattapralāpaiḥ | dṛśyavyādhiḥ dṛśyākhyo rogaḥ | nopaśāmyati niṣedharūpatayā sthitatvāt | pratyuta vardhate vṛddhiṃ yāti | niṣedhākhyasaṅkalpavardhakatvāt | nanu kathaṃ niṣedhasya dṛśyatvaṃ | satyam | draṣṭṛviṣayatvāt¹¹¹⁸ niṣedho 'pi hi draṣṭuḥ svataḥ bhinnatayā bhāti ||

Note:

nanu nedam iti vacanamātreṇa¹¹¹⁹ dṛśyaśāntiḥ mā bhavatu | tarkādibhiḥ tacchāntiṃ sādhayāmaḥ ity | atrāha

na ca tarkabharakṣodair na tīrthaniyamādibhiḥ /

sato dṛśyasya jagato yasmād ete vicārakāḥ //

Note:

tarkabharāṇāṃ bhedapradhānatvena dṛśyasatyatvāpādakānāṃ tarkasamūhānāṃ | ye kṣodāḥ vicāraṇāni | taiḥ dṛśyavyādhiḥ nopaśāmyati | tathā tīrthaniyamādibhiḥ dṛśyavyādhiḥ nopaśāmyati | yataḥ ete tarkabharādayaḥ dṛśyasya jagataḥ¹¹²⁰ sataḥ vicārakāḥ satyatvavicārakā bhavanti | tatra tarkāṇāṃ sākṣād eva padārthasādhakatvaṃ¹¹²¹ | tīrthādīnāṃ tu svargādiphalaniṣṭhatvāt | na hy asatyaniṣṭhatvaṃ yuktam ||

Note:

nanu tarkāḥ sad api jagat paryante bhāgataḥ anityatvena kathayantīti teṣām api bhāgataḥ dṛśyaśāntyupapādakatvam asty evety | atrāha

jagad dṛśyaṃ tu yady asti na śāmyaty eva tat kvacit /

nāsato vidyate bhāvo nābhāvo vidyate sataḥ¹¹²² //

Note:

dṛśyam dṛśikriyāviṣayībhūtaṃ¹¹²³ | jagat naśvarasvabhāvaṃ bhāvajātaṃ | yady asti yadi paramārthasat bhavati | tat tadā | kvacit kutrāpi deśe kāle vā | na śāmyati śāntiṃ na vrajati | yataḥ asataḥ astikriyākartṛtvam abhajataḥ | bhāvaḥ sattā | na bhavati | tathā sataḥ astikriyākartṛtvaṃ bhajataḥ | abhāvaḥ asattā | nāsti | svarūpahāniprasaṅgād iti bhāvaḥ ||

Note:

dṛśyaparamārthasattve doṣam āha

acetyacitsvarūpātmā¹¹²⁴ yatra yatraiṣa tiṣṭhati /

draṣṭā tatrāsya dṛśyaśrīḥ samudety apy aṇūdare //

Note:

citā svayam āvirbhāvyasvaviṣayīkṛtaṃ bhāvajātaṃ cetyaṃ | avidyamānaṃ cetyaṃ yasyāṃ | sā acetyā | proktasvarūpacetyavyatirikteti yāvat | tādṛśī yā cit | tatsvarūpaḥ tanmayaḥ | ātmā svarūpaṃ yasya | saḥ acetyacitsvarūpātmā¹¹²⁵ | yatra yatra yasmin yasmin deśe | yasyāṃ yasyām avasthāyām iti yāvat | tiṣṭhati | aṇūdare 'pi paramasūkṣmodare 'pi | tatra tasmin deśe | asya draṣṭuḥ | dṛśyaśrīḥ samudeti prādurbhavati | nanu tādṛśe sūkṣmatare deśe 'rme katham etādṛśasya prapañcasyāvasthānaṃ sambhavati | satyam | sthūladṛśyasaṃskārotpāditayā smṛtyā tatra tasya prādurbhāvaḥ sidhyaty eva [---]tvāt ||

Note:

atha tapodhyānādibhiḥ¹¹²⁶ satyadṛśyaśāntyabhimānagrastān prati kathayati

draṣṭur asti jagad dṛśyaṃ tat pramṛṣṭam¹¹²⁷ idaṃ mayā /

tyaktaṃ tapodhyānajapair iti kāñcikatṛptivat //

Note:

draṣṭuḥ dṛśikriyākartuḥ | jagat dṛśyam svabhinnatayā dṛśikriyāviṣayo¹¹²⁸ bhavati | tat jagadrūpaṃ dṛśyaṃ | mayā tapodhyānajapaiḥ tyaktam śāntiṃ nītam | iti etat | kāñcikatṛptivat kāñcikadravyeṇa mama tṛptir jāteti vacanavat bhavati | yathā tṛptyarthaṃ bhakṣitena kāñcikadravyeṇa pratyuta kṣut eva jāyate | tathā svabhinnadevatārādhanārtham anuṣṭhitaiḥ tapaḥprabhṛtibhiḥ api dṛśyavṛddhir eva jāyate iti bhāvaḥ ||

Note:

nanu dṛśyaṃ satyaṃ bhavatu | mokṣāvasthāyāṃ dṛśyān nirgatasyāta¹¹²⁹ eva viśeṣaguṇāsaṃvedanapātratāṃ gatasyātisūkṣmasya jīvasyedaṃ dṛśyaṃ kiṃ karoti | na hi suptasya bāhyajagatkṛtaṃ vyākulatvaṃ dṛśyate ity | atrāha

yadi nāma jagad dṛśyam asti tat pratibimbati /

paramāṇūdare 'py asmiṃś cidādarśe na saṃśayaḥ //

Note:

jagat naśvaram dṛśyajātam | yadi nāmāsti yadi nāma paramārthasat bhavati | tadā paramāṇūdare 'pi atisūkṣmamadhye 'pi | asmin ātmatvena sthite | cidādarśe cinmakure | pratibimbati pratibimbatvena saṅkrāmati ||

Note:

katham etad ity | atrāha

yatra tatra sthitaṃ rāma yathādarśe prabimbati /

adridyūrvīnadīśādi cidādarśe tathaiva hi //

Note:

he rāma | hi yasmāt kāraṇāt | yathā yatra tatra sthitaṃ vastu | ādarśe prabimbati pratibimbati | tathaiva tadvat eva | adridyūrvīnadīśādi adrayaś ca dyauś ca ūrvī ca nadīśāḥ samudrāś ca | te adridyūrvīnadīśāḥ | te ādiḥ yasya jagataḥ | tat adridyūrvīnadīśādi | tādṛśaṃ jagat | cidādarśe cinmakure | pratibimbati¹¹³⁰ | svabhāvasya tyaktum aśakyatvāt | ayaṃ bhāvaḥ | sphurattā¹¹³¹ eva hi sattā bhavati | sā ced dṛśye paramārthataḥ asti tadā sphurattāmātramayī¹¹³² cinmātratvāt | sā svasphurattātvataḥ kadāpi na vyatiriktā bhavet iti kadāpi cidādarśaḥ dṛśyapratibimbarahito na bhavet iti ||

Note:

tathā ca mokṣābhāvaprasaṅga ity abhiprāyeṇāha

tatas tatra punar duḥkhaṃ jarā maraṇajanmanī /

bhāvābhāvagrahotsargāḥ sthūlasūkṣmacalācalāḥ //

Note:

tataḥ yadi cidādarśaḥ dṛśyasadbhāvena punaḥ punaḥ pratibimbayukto bhavet | tadā tatra tasmin cinmātre | punaḥ duḥkhaṃ bhavet | tathā jarā bhavet | tadvat maraṇajanmanī bhavetāṃ | tathā bhāvābhāvagrahotsargāḥ prādurbhāvanāśādānatyāgāḥ bhaveyuḥ | saṃsārasyaitatsvarūpatvāt | duḥkhādayaḥ kathambhūtāḥ | sthūlasūkṣmacalācalāḥ | tatra jāgratkālīnānāṃ sthūlatvam acalatvaṃ ca | svapnakālīnānāṃ sūkṣmatvam calatvaṃ ceti vibhāgaḥ | suṣuptau duḥkhādibhānābhāvāt | tathā ca sthūlasūkṣmaduḥkhādirūpasaṃsāragrastatvena jīvasya kadāpi muktiḥ na syād iti bhāvaḥ ||

Note:

nanu bhavatu dṛśyaṃ paramārthasat | tathāpi samādhiparāṇām anartham utpādayituṃ kāsya śaktir ity | atrāha

idaṃ pramārjitaṃ dṛśyaṃ mayā nātrāham āsthitaḥ /

etad evākṣayaṃ bījaṃ samādhau saṃsṛtismṛteḥ //

Note:

mayā idam dṛśyam pramārjitam samādhyupāyena nāśitam | yataḥ aham atra āsthitaḥ āsthāyuktaḥ nāsmi | etad eva pūrvārdhoktaṃ vastu eva | samādhau dṛśyoparamasvarūpe samādhāne | saṃsṛtismṛteḥ dṛśyasmṛteḥ | akṣayaṃ bījaṃ syāt | saṃsṛtiviṣayasya dṛśyasya saṃsṛtiśabdavācyatvaṃ lakṣaṇayā jñeyam | ayaṃ bhāvaḥ | samādhipariṇatasya dṛśyapramārjanaṃ tadanāsthā ca siddhatvena sphurati na vā | na cet tadā sampannam apy etad dvayam asad eva | sphurattāyāḥ eva paramārthataḥ sattāsvarūpatvāt | sphurati cet tadāsthitā eva saṃsṛtismṛtiḥ | tadbījasya sphuraṇasya sthitatvāt | nanu tvadabhimate dṛśyātyantābhāve¹¹³³ 'pi ayaṃ doṣaḥ prasajati | sphurati cet dṛśyātyantābhāvaḥ tat sthitam eva dṛśyaṃ | sphuraṇākhyasya bījasya sthitatvāt | na cet tad asann eva dṛśyātyantābhāvaḥ | iti cen | na | na hi dṛśyātyantābhāvavādinaḥ sarvoparamasvarūpaḥ samādhiḥ dṛśyātyantābhāvatayā abhipretaḥ yena proktadoṣaprasaṅgaḥ syāt | kiṃ tu dṛśyātyantābhāvaniścayamātram eva tasyopayogi | na hi rajjusarpanivāraṇārthaṃ mantrapaṭhanaṃ yuktam | api tu nāyaṃ sarpa iti sarpātyantābhāvaniścayamātrasyaiva tatropayogaḥ | atyantābhāvaniścayaś ca guruśāstrasaṅgodbhūtenādhiṣṭhānabhūtacinmātravijñānenaiva sidhyati¹¹³⁴ | na pāṣāṇabhāvāpādakaiḥ samādhibhir ity alaṃ prapañcena ||

Note:

na kevalaṃ jagatsatyatvavācyabhyupagatadṛśyoparamasvarūpasya samādheḥ dṛśyabījadhāratvamātram evāsty | api tu kāryakaraṇe asāmarthyam apy astīty abhiprāyeṇāha

sati tv asmiñ jagaddṛśye nirvikalpasamādhinā /

na cākṣayasuṣuptatvaṃ turyaṃ vāpy upapadyate //

Note:

tu pakṣāntare | asmin jagaddṛśye jagatsvarūpe dṛśye sati | sati paramārthasati sati | nirvikalpasamādhinā sarvoparamasvarūpeṇa samādhānena | akṣayasuṣuptatvaṃ turyaṃ vāpi nopapadyate na sidhyati¹¹³⁵ | akṣayasuṣuptatvaṃ videhamuktagocarā¹¹³⁶ turyātītāvasthā | turyaṃ jīvanmuktagocarā turyāvasthā ||

Note:

anupapattim eva sādhayati

vyutthāne hi samādhīnāṃ¹¹³⁷ suṣuptānta ivākhilam /

jagadduḥkham idam bhāti yathāsthitam akhaṇḍitam //

Note:

hi yasmāt kāraṇāt | samādhīnāṃ vyutthāne avaśyabhāvini samādhibhyaḥ vyutthāne | samādheḥ vyutthānāvasthāyām iti yāvat | yathāsthitam pūrvavat sthitam | ata eva akhaṇḍitam kenāpy aṃśena na nyūnam | akhilaṃ samastaṃ | idam jagadduḥkham bhāti sphurati | kasminn iva | suṣuptānta iva | ayaṃ bhāvaḥ | yathā rātrau suṣuptiṃ gatasyāta eva vismṛtasamastajagatprapañcasya tataḥ prabhāte prabuddhasya puruṣasya punaḥ api pūrvavat jagatprapañcaḥ sphurati | tathā yena tenopāyena sarvoparamasvarūpasamādhiṃ¹¹³⁸ gatasya puruṣasyāvaśyambhāvini vyutthānasamaye punar api pūrvavat jagatprapañcaḥ avaśyaṃ sphuraty eva | anyathā asmadabhimatātyantābhāvaprasaṅgāt¹¹³⁹ | tathā ca mātulānībhakṣaṇavat kṣaṇamātraṃ jagaduparamasādhakena samādhinā sarvadā jagadabhāvasvarūpasya turyasya tadatītasya ca siddhir na yukteti ||

Note:

etenāyātāṃ samādheḥ niṣphalatāṃ kathayati

prāptaṃ bhavati he rāma tat kiṃ nāma samādhibhiḥ /

bhūyo 'narthanipāte 'pi kṣaṇasāmye hi kiṃ sukham //

Note:

kiṃ nāma prāptaṃ bhavati | kiñcid api prāptaṃ na bhavatīty arthaḥ | katham etad ity atrāha bhūya iti | hi yasmāt | bhūyo 'narthapāte | bhūyaḥ anarthanipātaḥ bhedarūpānarthanipātaḥ | yasmin | tādṛśe kṣaṇasāmye 'pi kṣaṇaṃ sphuraṇaśīlāyāṃ samatāyām api | kiṃ sukhaṃ bhavati | yataḥ kṣaṇabhātaṃ sāmyaṃ sukhadaṃ na bhavati | tataḥ tatprāptyāpi kiñcit prāptaṃ na bhavatīti bhāvaḥ | apiśabdaḥ sāmyasya asandigdham sukhāspadatvaṃ dyotayati ||

Note:

nanu samādhau satataṃ līnasya vyutthānābhāvena kathaṃ bhūyaḥ jarāduḥkhaprādurbhāvaḥ syād ity | atrāha

yadi vāpi samādhāne nirvikalpe sthitiṃ vrajet /

tad akṣayasuṣuptābhaṃ tan manye nāmalaṃ padam¹¹⁴⁰ //

Note:

puruṣaḥ nirvikalpe samādhāne nirvikalpasamādhau | sthitiṃ satataṃ līnatāṃ | yadi vā vrajet yadi vā gacchet | ahaṃ manye | tat tadāpi | tat nirvikalpasamādhānam | amalaṃ padam jāḍyamalarahitaṃ śuddhacinmātrākhyaṃ mahāsthānaṃ | na bhavati | dṛśyadarśanāsāmarthyarūpasya jāḍyākhyasya malasya suptivat sthitatvāt | tat kathambhūtam | akṣayasuṣuptābham turyātītāvasthāvat bhāsamānaṃ | na tu tatsvarūpam | kālāntare 'vaśyambhāvinaḥ vyutthānasya sthitatvāt | na ca turyātītāvasthāyāḥ vyutthānaṃ kadāpi sambhavati | cinmātre atyantalayībhāvāt ||

Note:

dṛśyasatyatvavādinaḥ nirvikalpasamādhir eva na sambhavati | sthitivrajanasya tu kā kathety abhiprāyeṇāha

prāpyate sati dṛśye 'smin na ca tan nāma kenacit /

yatra tatra kilāyāti cittabhrāntyā jagadbhramaḥ //

Note:

nāma niścaye | asmin anubhūyamāne jagati sati | sati paramārthe sati | kenacit kenāpi puruṣeṇa | tat nirvikalpasamādhānaṃ | na prāpyate | yataḥ yatra tatra sthitasyāpi samādhideśe taditaradeśe vā sthitasya puruṣasya | cittabhrāntyā | citte sthitā bhrāntiḥ jagatsatyatvabhramaḥ cittabhrāntiḥ | tayā jagadbhramaḥ | kila niścaye | āyāti | ayaṃ bhāvaḥ | yathā dṛśyasatyatāyāṃ niścitaḥ puruṣaḥ rātrau supto 'pi dṛśyaṃ paśyaty eva | tathā samādhiṃ gato 'pi paśyed eva samānanyāyatvāt | tathā ca dṛśyasatyatvavādinaḥ nirvikalpasamādhir eva na sambhavati | tatra sthitivrajanasya tu kā katheti ||

Note:

nanu dṛśyasatyatve niścitasyāpi yathā tathā prayuktena dhāraṇopāyena na kiñcid bhānarūpo nirvikalpasamādhiḥ¹¹⁴¹ sidhyaty evety | atrāha

draṣṭātha yadi pāṣāṇarūpatāṃ bhāvayan balāt /

kilāste tat tadante 'pi bhūyo 'syodeti dṛśyatā //

Note:

draṣṭā pramātā | yadi balāt kenāpi haṭhaprayogena | pāṣāṇarūpatāṃ bhāvayan āste tiṣṭhati | tad api tadāpi | asya svasmin pāṣāṇabhāvaṃ bhāvayataḥ draṣṭuḥ | tadante avaśyabhāvini pāṣāṇabhāvānte | dṛṣyatā paṭādiviṣayaḥ dṛśyabhāvaḥ | udeti sphurati | na hi jīvataḥ sarvadā pāṣāṇabhāvabhāvanaṃ śakyaṃ | tathā ca dṛśyatve niścitasya sthiraḥ nirvikalpasamādhiḥ na sidhyaty eveti bhāvaḥ ||

Note:

pāṣāṇarūpatāgamanasyāsambhavaṃ kathayati

na ca pāṣāṇatātulyā¹¹⁴² nirvikalpasamādhayaḥ /

keṣāñcit sthitim āyānti sarvair ity anubhūyate //

Note:

pāṣāṇatāyāḥ tulyāḥ pāṣāṇatātulyāḥ | vikalparahitā ity arthaḥ | pāṣāṇatābhāvanam eva tasya draṣṭuḥ pāṣāṇabhāvaṃ nāśayati | na hi pāṣāṇaḥ svaṃ pāṣāṇatvaṃ bhāvayituṃ śaknotīti bhāvaḥ ||

Note:

yathātathāsiddhasyāpi pāṣāṇabhāvasya na paramapadatvaṃ yuktaṃ jaḍatvānapāyād | iti kathayati

na ca pāṣāṇatātulyā rūḍhiṃ yātāḥ samādhayaḥ /

bhavanty agryaṃ padaṃ śāntaṃ cidrūpam ajam avyayam //

Note:

rūḍhiṃ pariṇāmam | ayaṃ bhāvaḥ | dṛśyadarśanāsāmarthyena jaḍatvānapāyāt pāṣāṇabhāvasya cinmātratvam ayuktam | cinmātraṃ hi sarvadā cetyacetanasamartham eva bhavati | svātantryeṇa tu yadi kadācit tac cetanaṃ na karoti tena nāsya jāḍyāpātaḥ | na hi śaktaḥ puruṣaḥ svātantryeṇa kāryam akurvan aśakta iti vaktuṃ yujyate iti ||

Note:

pūrvoktam upasaṃharati

tasmād yadīdaṃ sad dṛśyaṃ tan na śāmyet kadācana /

śāmyet tapojapadhyānair dṛḍham ity ajñakalpanā //

Note:

tasmāt uktahetoḥ | yadi dṛśyaṃ sat bhavati

Note: missing MS pages

Note:

yatvena parabodhatvāyogāt | tad eva nirvāṇamātram eva | cittamātraṃ padmajabhāvena sthitaṃ śuddhaṃ cittaṃ | āste | tat cittamātram | vasudhāditām paramārthasantaṃ¹¹⁴³ pṛthvyādibhāvaṃ | na yāti | nirvāṇasvarūpaśuddhabodhamayatvāt | ata eva padmajasya ādhibhautikadehābhāva iti bhāvaḥ ||

Note:

nanu pratijīvaṃ manobhedasya sthitatvān nānāvidhāni manāṃsi santi | tat kathaṃ padmajarūpāt manasaḥ eva jagadutpattiḥ uktety | atrāha

sarveṣāṃ bhūtamanasāṃ saṃsāravyavahāriṇām /

prathamo 'sau praticchandaś cittadehaḥ svatodayaḥ //

Note:

saṃsāre vyavaharantīti tādṛśānāṃ sarveṣāṃ bhūtamanasāṃ madhye | asau padmajaḥ | prathamaḥ praticchandaḥ bhāvimanaḥsṛṣṭikāraṇaṃ prathamaṃ pratibhānam bhavati | cinmātrasyeti śeṣaḥ | asau kathambhūtaḥ | cittadehaḥ śuddhamanorūpaḥ | punaḥ kathambhūtaḥ | svatodayaḥ | svatayā svabhāvena | na tu anyatayā | udayaḥ navīnaḥ prādurbhāvaḥ yasya | saḥ | udayānantaram api pūrvabhāvenaiva sthita ity arthaḥ | ata eva asmād evotpattikathanam iti bhāvaḥ ||

Note:

prathamapraticchandatvam asya sādhayati

asmāt pūrvāt praticchandād ananyaitatsvarūpiṇī /

iyaṃ pravisṛtā sṛṣṭiḥ spandadṛṣṭir ivānilāt //

Note:

asmāt padmajākhyāt | pūrvāt prathamāt | praticchandāt | iyam anubhūyamānā | sṛṣṭiḥ | pravisṛtā prasāraṃ gatā | kathambhūtā | ananyā etasmād avyatiriktā | ata eva etatsvarūpiṇī etanmayī | kā iva | spandadṛṣṭir iva | yathā spandarūpā dṛṣṭiḥ | spanda iti yāvat | anilāt pravisṛtā bhavati | tathety arthaḥ | ato 'syaiva prathamapraticchandatvaṃ yuktam iti bhāvaḥ ||

Note:

upasaṃhāraṃ karoti

pratibhānākṛter asmāt pratibhāmātrarūpadhṛt /

vibhāty evam ayaṃ sargaḥ satyānubhavavat sthitaḥ //

Note:

evaṃ sati | pratibhānākṛteḥ pratibhānasvarūpāt | asmāt padmajāt | ayaṃ sargaḥ idaṃ sṛjikriyāviṣayo dṛśyamaṇḍalaṃ | pratibhāmātrarūpadhṛt eva pratibhānamātrarūpadhārī eva | na tu sthūlabhūtamayarūpadhārī | vibhāti sphurati | na hi dravaguṇayuktāt jalāt dravaguṇarahitaḥ taraṅgaḥ utpadyate | ayaṃ sargaḥ kathambhūtaḥ | sthitaḥ | kathaṃ | satyānubhavavat satyaḥ anubhavaḥ yasya | saḥ satyānubhavaḥ | sa iva tadvat | paramārthatas tu svapnavat pratibhānamātram eveti vatigrahaṇam ||

Note:

atra dṛṣṭāntadvayaṃ kathayati

dṛṣṭānto 'tra svapnapuraṃ svapnastrīsurataṃ tathā /

asad apy arthasampattyā satyānubhavabhāsvaram¹¹⁴⁴ //

Note:

atrāsmin sthāne | sargasya pratibhānamātrarūpatāyām iti yāvat | svapnapuraṃ svapnadṛṣṭaṃ puraṃ | tathā tadvat | svapnastrīsurataṃ svapnadṛṣṭastrīsurataṃ | dṛṣṭāntaḥ bhavati | kathambhūtam | asad api pratītimātrasāratvenāsatsvarūpam api | arthasampattyā arthakriyāsampādanena¹¹⁴⁵ | satyānubhavabhāsvaram¹¹⁴⁶ satyānubhavayuktavastuvat bhāsanaśīlam ||

Note:

padmajasya dehābhāve 'pi dehabhānaṃ kathayati

apṛthvyādimayo bhāti vyomākṛtir adehakaḥ /

sadeha iva bhūteśaḥ svātmabhūḥ puruṣākṛtiḥ //

Note:

apṛthvyādimayaḥ pṛthvyādivyatiriktasvarūpaḥ | ata eva vyomākṛtiḥ ākāśākṛtiḥ | ata eva ca adehaḥ ādhibhautikadeharahitaḥ | svātmabhūḥ padmajaḥ | sadeha iva bhāti sphurati | sadehakāryanānāvidhaprapañcakartṛtvāt | svātmabhūḥ kathambhūtaḥ | bhūteśaḥ sarvabhūtotpādakatvena sarvabhūtasvāmī | punaḥ kathambhūtaḥ | puruṣākṛtiḥ puruṣavat ākṛtiḥ yasya | saḥ tādṛśaḥ | anyathā śāstreṣu caturmukhatvakalpanāṃ na kuryād ity arthaḥ ||

Note:

asyodayaśāntī tadabhāvaṃ ca kathayati

sa cit saṅkalparūpatvād udety apy atha śāmyati /

svāyattatvāt svabhāvasya nodeti na ca śāmyati //

Note:

cit paramārthataḥ citsvarūpaḥ | saḥ padmajaḥ | saṅkalparūpatvāt cinmātrāśrayasvaparāmarśasvarūpasaṅkalparūpatvenodeti prādurbhavati | atha udayānantaram | upaśāmyaty api śāntiṃ vrajati ca | saṅkalpasyodayaśāntiniyatādhāratvāt | tathā saḥ padmajaḥ | svabhāvasya cinmātrākhyasya svarūpasya | svāyattatvāt¹¹⁴⁷ tad evāham iti parāmarśaviṣayatvāt | na udeti na ca śāmyati | na hi svabhāvāparaparyāyasya sadābhātasya cinmātrasyodayaśāntī yukte iti | tatra svātmatve niścitasya tatsvarūpasya¹¹⁴⁸ ca padmajasyāpi te na yukte iti bhāvaḥ ||

Note:

athāsyaiva jagatkāraṇatvaṃ kathayati

brahmā saṅkalparahitaḥ pṛthvyādirahitākṛtiḥ /

kevalaś cittamātrātmā kāraṇaṃ trijagatsthiteḥ //

Note:

saṅkalparahitaḥ ātivāhikadeharahitaḥ | tathā pṛthvyādirahitākṛtiḥ sthūladeharahitaḥ | ata eva kevalaḥ advitīyaḥ | cinmātrarūpa iti¹¹⁴⁹ yāvat | tathātve 'pi cittamātrātmā śuddhasaṅkalparūpaśuddhacittasvarūpaḥ | brahmā padmajaḥ | trijagatsthiteḥ trijagatsattāyāḥ | kāraṇam bhavati ||

Note:

nanu advitīyāc cinmātrāt kasya preraṇayā śuddhamanorūpaḥ padmajaḥ uttiṣṭhatīty | atrāha

saṅkalpa eṣa kacati yathā nāma svasambhavaḥ /

vyomātmaiṣa tathā bhāti bhavatsaṅkalpaśailavat //

Note:

nāma niścaye | yathā eṣaḥ sarvaiḥ anubhūyamānaḥ saṅkalpaḥ | svasambhavaḥ svotthaḥ | na tu parasambhavaḥ | kacati sphurati | tathā eṣaḥ śuddhamanorūpaḥ padmajaḥ svasambhavaḥ | bhāti sphurati | kathaṃ | bhavatsaṅkalpaśailavat | saṅkalpe dṛṣṭaḥ śailaḥ saṅkalpaśailaḥ | bhavataḥ saṅkalpaśailaḥ bhavatsaṅkalpaśailaḥ | sa iva bhavatsaṅkalpaśailavat | yathā bhavataḥ saṅkalpaśailaḥ svasambhavaḥ bhāti | tathety arthaḥ | saṅkalpasya ca svataḥ sphuraṇaṃ sarveṣu prasiddham eveti | sa eva sāmānyaviśeṣabhāvābhyāṃ dvir upamānatvenopāttaḥ ||

Note:

asya padmajasyādhibhautikadeharāhityaṃ¹¹⁵⁰ tribhiḥ ślokaiḥ sahetukaṃ kathayati

ātivāhikataikāntavismṛtyā dṛḍharūḍhayā /

ādhibhautikatā yena mudhā bhāti piśācavat //

idamprathamatodyogasamprabuddhamahāciteḥ |

nodeti śuddhasaṃvittvād ātivāhikavismṛtiḥ ||

ādhibhautikatā tena nāsyodeti piśācikā /

asatyā mṛgatṛṣṇeva mithyā jāḍyabhramapradā //

Note:

yena yataḥ hetoḥ | dṛḍharūḍhayā prauḍhiṃ gatayā | ātivāhikataikāntavismṛtyā | ātivāhikatāyāḥ ātivāhikabhāvasya | sūkṣmatāyā iti yāvat | yā ekāntavismṛtiḥ atyantavismaraṇaṃ | tayā | ādhibhautikatā ādhibhautikabhāvaḥ | sthūlatā iti yāvat | piśācavat mudhā asatyaṃ | bhāti sphurati | aśuddhasya manasaḥ iti śeṣaḥ | tena tataḥ kāraṇāt | asya śuddhamanorūpasya padmajasya | piśācikā mithyābhūtapiśācarūpā | ādhibhautikatā ādhibhautikabhāvaḥ | sthūlabhāva iti yāvat | na bhāti na sphurati | ādhibhautikatā kathambhūtā | jāḍyasya jaḍatāyāḥ | bhramaṃ vaipulyaṃ | prakarṣeṇa dadātīti tādṛśī | ādhibhautikatāsādanena hi manasaḥ jāḍyam adhikībhavati | ādhibhautikatā punaḥ kathambhūtā | asatyā asatyaṃ bhātety arthaḥ | kā¹¹⁵¹ iva | mṛgatṛṣṇā iva | yathā mṛgatṛṣṇā asatyā bhavati | tathety arthaḥ | nanu ādhibhautikatā ātivāhikatāvismṛtikāraṇikā bhavatu | kathaṃ sā tena śuddhamanorūpe padmaje na bhavatīty | atra ślokatrayamadhyagaṃ dvitīyaṃ ślokaṃ samarthakatvena kathayati idam iti | idamprathamatayā tatpūrvaṃ | yaḥ udyogaḥ svaparāmarśaṃ prati ābhimukhyaṃ | tena samprabuddhā svaparāmarśayuktā | yā mahācitiḥ cinmātram | tasya | tatsvarūpasyeti yāvat | asya śuddhamanorūpasya padmajasya | śuddhasaṃvittvāt bhedamalārūṣitasaṃvidyuktatvena | ātivāhikavismṛtiḥ bhāvapradhānanirdeśāśrayaṇena ātivāhikatāvismaraṇam | nodeti na sphurati | ata evāsyātivāhikatāvismṛtikāraṇikā ādhibhautikatā na bhavatīti bhāvaḥ | dṛṣṭaṃ hi svam eva¹¹⁵² bhedarūṣitasaṃvidaḥ aśuddhasya manasa eva sthūlapurādibhāvena bhānam iti nātrāyastam ||

Note:

padmajasya manomātrarūpatvena tatkāryasya jagato 'pi manomātrarūpatvaṃ yogyatayā atidiśati

manomātraṃ yadā brahmā na pṛthvyādimayātmakaḥ /

manomātram ato viśvaṃ yad yatas tat tad eva hi //

Note:

yadeti yata ity asyārthe | yadā yataḥ | brahmā padmajaḥ | manomātraṃśuddhamanomātraṃ bhavati | ataḥ viśvaṃ manomātraṃ bhavati | yataḥ | yat vastu | yataḥ yasmāt vastunaḥ | bhavati | sattākartṛtāṃ bhajati | tat vastu | tad eva bhavati | mṛdaḥ¹¹⁵³ sattākartṛtvaṃ bhajataḥ ghaṭasya mṛttvadarśanāt | ato jagataḥ manovat anutpattisatattvā evotpattir iti bhāvaḥ ||

Note:

nanu padmajasya svakāraṇabhūtacinmātravyatiriktasahakārikāraṇābhāvena cinmātrasthūlatāmātrarūpam manomātrarūpatvam astu | tajjasya jagataḥ adṛṣṭādisahakārikāraṇasadbhāvāt kathaṃ manomātrarūpatvaṃ yujyate ity | atrāha

ajasya sahakārīṇi¹¹⁵⁴ kāraṇāni na santi yat /

tajjasyāpi na santy eva tāni tasmāt tu kānicit //

Note:

ajasya padmajasya | yat yataḥ kāraṇāt | sahakārīṇi kāraṇāni na santi | tu niścaye | tasmāt tataḥ kāraṇāt | tajjasya tasmād utpannasya jagataḥ | kānicit tāni kānicit sahakārīṇi | na santy eva | manaḥkāryāṇām adṛṣṭādīnāṃ manaḥ prati sahakāritvāyogāt | na hi yo yasmāt utpadyate sa eva tatsahakārī bhavitum arhati | svotpattisamaye svayam asattvāt | anyān praty eva sahakārikāraṇatvābhyupagame svotpattau sahakārikāraṇāntarāpekṣāyāḥ sthitatvāt | anyathā svasyāpi parān prati sahakārikāraṇatvāyogāt ||

Note:

nanu tato 'pi kim ity | atrāha

kāraṇāt kāryavaicitryaṃ tenātrāsti na kiñcana /

yādṛśaṃ kāraṇaṃ śuddhaṃ kāryaṃ tādṛg iha sthitam //

Note:

tena | yataḥ jagataḥ sahakārikāraṇāni¹¹⁵⁵ na santi | tasmāt | atra padmajajagadviṣaye¹¹⁵⁶ | kāraṇāt kāryavaicitryaṃ kāryabhedaḥ | kiñcana leśenāpi | nāsti | daṇḍādisahakārikāraṇasānnidhye eva mṛdo ghaṭākhyakāryavaicitryasya dṛṣṭatvāt | ataḥ iha kāraṇaṃ yādṛśaṃ śuddhaṃ bhavati | kāryam tādṛk sthitaṃ bhavati | bhinnatāpādakānāṃ sahakārikāraṇānām abhāvāt | ataḥ cinmātram eva jagad iti bhāvaḥ ||

Note:

phalitaṃ siddhāntaṃ kathayati

kāryakāraṇatādy atra na kiñcid upapadyate /

yādṛg eva paraṃ brahma tādṛg eva jagattrayam //

Note:

yataḥ atra cinmātrapadmajayoḥ padmajajagatoś ca | kāryakāraṇatādi kāryakāraṇabhāvādi | kiñcit leśenāpi | nopapadyate | ataḥ paraṃ brahma śuddhacinmātraṃ | yādṛśaṃ bhavati | jagattrayam padmajādirūpam jagattrayam | tādṛśaṃ bhavati | kāryakāraṇabhāvāder eva bhedāpādakatvāt ||

Note:

nanu cinmātrād utpannasya śuddhamanorūpasya padmajasya cinmātrarūpatvaṃ bhavatu | śuddhamanorūpāt padmajād utpannasya trailokyasya tu kathaṃ tad yuktam ity | atrāha

manastām iva yātena brahmaṇā tanyate jagat /

ananyad ātmanaḥ śuddhād dravatvam iva vāriṇā //

Note:

manastām padmajety aparanāmadheyayuktaśuddhamanobhāvam | yāteneva gateneva | brahmaṇā padārtharūpatayā bṛṃhitena śuddhacinmātreṇa | śuddhāt ātmanaḥ svasmāt | ananyat abhinnam | idaṃ jagat tanyate vistāryate | svātmani prakaṭīkriyata iti yāvat | keneva | vāriṇeva yathā vāriṇā | ātmanaḥ ananyat dravatvam ādyaspandanāsamavāyikāraṇabhūtaḥ dravatvākhyaḥ guṇaḥ | vistāryate | tathety arthaḥ | manastāyām api paramārthataḥ cinmātratvānapāyād ivaśabdopādānam | ataḥ jagato 'pi cinmātrād utpannatvena cinmātratvam eva yuktam iti bhāvaḥ ||

Note:

nanu tarhi katham ayaṃ bhedo bhāsate ity | atrāha

manasā tanyate sarvam asad evedam ātatam /

yathā saṅkalpanagaraṃ yathā gandharvapattanam //

Note:

manasā padmajeti prasiddhena śuddhamanasā | ātataṃ samantāt sphurat | idam tanuḥ¹¹⁵⁷ bhāsamānaṃ | idaṃ samastaṃ jagat | tanyate paraṃ brahmaṇaḥ bhinnayā sattayā prakaṭīkriyate | idaṃ sarvaṃ kathambhūtam | asad eva asatsvarūpam eva | na tu satsvarūpaṃ | kiṃ yathā | saṅkalpanagaraṃ yathā | yathā saṅkalpanagaraṃ asad eva bhavati | tathety arthaḥ | punaḥ kiṃ yathā | gandharvapattanaṃ yathā | yathā gandharvapattanaṃ | yathā gandharvapattanaṃ sad eva bhavati | tathety arthaḥ | gandharvāḥ hi svāvāsārthaṃ kalpanayā śūnye nagaraṃ racayanti | tad eva gandharvanagaram ucyate | cinmātrād utthitena manasā eva idaṃ bhinnatayā vistāryate | anyathā manasaḥ kimartham utthānaṃ syād iti bhāvaḥ ||

Note:

atyantaniścayatvena punar api ādhibhautikatāyāḥ asatyatvaṃ kathayati

ādhibhautikatā nāsti rajjvām iva bhujaṅgatā /

brahmādayaḥ prabuddhās tu kathaṃ tiṣṭhantu tatra te //

Note:

brahmādaya ity | ādiśabdena śuddhabuddhirūpasya viṣṇoḥ śuddhāhaṅkārarūpasya rudrasya ca grahaṇam | prabuddhāḥ atyantaśuddhatvena prakṛṣṭena bodhena yuktāḥ ||

Note:

daṇḍāpūpikānyāyenādhibhautikatāyāḥ asatyatāṃ punar api kathayati

ātivāhika evāsti na prabuddhamateḥ kila /

ādhibhautikadehasya carcaivātra kutaḥ kathaṃ //

Note:

kileti niścaye | prabuddhamateḥ samyak niścitamateḥ puruṣasya | ātivāhika eva ativahanaśīlaḥ sūkṣmaḥ deha eva | nāsti | svasmin cinmātrarūpatājñānāt | atrāsmin prabuddhamatau | ādhibhautikadehasya carcā eva kathā eva | kutaḥ syāt | kathaṃ syāt ||

Note:

ādhibhautikadeharahitāt padmajād utpannasya jagataḥ asatyatvaṃ kathayati

manonāmno manuṣyasya vividhākāradhāriṇaḥ /

manorājyaṃ jagad iti satyarūpam iva sthitam //

Note:

vividhān ākārān dhārayatīti tādṛśasya manonāmnaḥ mana iti nāmadheyayuktasya | manuṣyasya ādhibhautikadeharahitasya padmajākhyasya manuṣyasya | manorājyam manaḥkalpanā | jagad iti sthitam jagadrūpeṇa sthitam | bhavati | jagat kathambhūtam iva | satyarūpam iva | paramārthatas tu kalpanāmātrarūpatvān na satyarūpam itīvaśabdopādānam | svapnasya cātra dṛṣṭāntatvaṃ sphuṭam eveti nātrāyastam | manonāmnaḥ manuṣyasya manorājyam iti rāhoḥ śira itivaj jñeyam ||

Note:

nanu śāstreṣu caturmukhasya kasyāpi devaviśeṣasyaiva padmajatvam uktam asti | tat kathaṃ tvayā śuddhasya manasa eva tad uktam ity | atrāha

mana eva viriñcaṃ tvaṃ viddhi saṅkalpanātmakam /

svavapuḥ sphāratāṃ nītvā manasedaṃ vitanyate //

Note:

tvam | saṅkalpanātmakam cinmātroktasvaparāmarśasvarūpam | manaḥ śuddhaṃ manaḥ | viriñcaṃ padmajaṃ | viddhi jānīhi | yataḥ svavapuḥ svasvarūpam | sphāratāṃ vistīrṇatāṃ | nītvā | manasā idaṃ jagat | vitanyate vistāryate | utpādyate iti yāvat | viriñcasya hi viriñcatvam etad eva | yaj jagad utpādyate tac ca manasā eva svapnanyāyena sphuṭam utpādyate | iti tasyaiva viriñcatvam yuktam | caturmukhadevaviśeṣakalpanā tu sthūladṛṣṭīn praty eveti bhāvaḥ ||

Note:

viriñcamanasoḥ atyantam abhinnatvaṃ kathayati

viriñco manaso rūpaṃ viriñcasya mano vapuḥ /

pṛthvyādi vidyate nātra tena pṛthvyādi kalpitam //

Note:

viriñcaḥ padmajaḥ | manasaḥ śuddhasya manasaḥ | rūpaṃ svarūpaṃ | bhavati | manaḥ śuddhaṃ manaḥ | viriñcasya padmajasya | vapuḥ svarūpaṃ | bhavati | utpādanākhyaikakāryakāritvāt | atrānayoḥ viriñcamanasoḥ | pṛthvyādi na vidyate | śuddhacinmātrotthitatvena śuddhacinmātratvānapāyāt | tena tataḥ kāraṇāt | pṛthvyādi bhūmyādi | kalpitam kalpanāyām¹¹⁵⁸ bhāvitaṃ bhavati | svapnavad iti śeṣaḥ ||

Note:

nanu viriñcarūpaṃ manaḥ upādānakāraṇaṃ vinā kathaṃ jagad utpādayati | na hi kuśalasyāpi kulālasya¹¹⁵⁹ mṛdākhyam upādānakāraṇaṃ vinā ghaṭodbhāvane śaktir astīty | atrāha

padmākṣe padminīvāntar manohṛdy asti dṛśyatā /

manodṛśyadṛśau bhinne na kadācana kiñcana //

Note:

svārthe bhāvapratyayaḥ ārṣaḥ | tenāyam arthaḥ | dṛśyatā dṛśyam | manohṛdi manaso 'ntaḥ | asti tiṣṭhati¹¹⁶⁰ | sarvaśaktiyuktāc cinmātrāt tathaivotthānāt | anyathā dṛśyabhāvena sphuraṇāyogāt | kā iva | padminīva | yathā padminī kamalinī | padmākṣe padmabīje | antaḥ asti | tathety arthaḥ | padminyāś ca padmākṣāntargatatvaṃ tataḥ nirgamenānumeyam | na hi yat yadantar na bhavati tat tataḥ niryāti | nirjalāt ghaṭād iva jalam | ataḥ manodṛśyadṛśau manodṛk dṛśyadṛk ca | kadācana jātu | kiñcana leśenāpi | bhinne na bhavataḥ | upādānopādeyabhāvena sthitatvāt | ataḥ svato bhinnasyopādānakāraṇasyātrāpekṣā nāstīti bhāvaḥ ||

Note:

etad eva dṛṣṭāntāntareṇa dṛḍhayati¹¹⁶¹

tathā cātra¹¹⁶² bhavatsvapnasaṅkalpaś cittarājyadhīḥ /

svānubhūtyaiva dṛṣṭāntas tasmād dhṛdy asti dṛśyabhūḥ //

Note:

spaṣṭam ||

tasmāc cittavikalpasthaḥ piśāco bālakaṃ yathā /

vinihanty evam eṣāntar draṣṭāraṃ dṛśyarūpikā //

Note:

draṣṭāram manorūpaṃ draṣṭāram ||

yathāṅkuro 'ntar bījasya saṃsthito deśakālataḥ /

karoti bhāsuraṃ dehaṃ tanoty evaṃ hi dṛśyadhīḥ //

Note:

idaṃ ślokatrayaṃ ca prathamasargāntyabhāge gatam¹¹⁶³ iti na punar āyastam ||

Note:

sargāntaślokena siddhāntaṃ kathayati

sac cen na śāmyati kadācana dṛśyaduḥkhaṃ
dṛśye tv aśāmyati na boddhari¹¹⁶⁴ kevalatvam /

dṛśye tv asambhavati boddhari boddhṛbhāvaḥ
śāmyet sthite 'pi hi tad asya vimokṣam āhuḥ //

Note:

idam anubhūyamānam dṛśyaduḥkham dṛśyākāraṃ duḥkham | sat paramārthasat | cet¹¹⁶⁵ bhavati | tadā kadācit na śāmyati | nābhāvo vidyate sata iti nyāyād ity arthaḥ | dṛśye aśāmyati sati | boddhari draṣṭari | kevalatvaṃ kevalībhāvaḥ | aboddhṛrūpateti yāvat | na bhavati | svavyatiriktasya dṛśyasthabodhyatayā sthitatvāt | mokṣābhāvaprakāram uktvā mokṣaṃ kathayati | dṛśya iti | tu pakṣāntare | dṛśye asambhavati sati | uktanyāyena anutpattisatattvotpattiyukte sati | boddhari draṣṭari | boddhṛbhāvaḥ śāmyet śāntiṃ vrajet | na hi dṛśyarahitasya draṣṭuḥ draṣṭṛtvaṃ nāma kiñcid asti | dṛśye kathambhūte 'pi | sthite 'pi | bhāsamānatvāt sthitiṃ bhajaty api | nanu tena boddhṛbhāvaśamanena kiṃ setsyatīty | atrāha | hi tad asyeti | hi niścaye | paṇḍitāḥ tat boddhṛbhāvaśamanam | asya boddhuḥ | vimokṣaṃ viśiṣṭāṃ muktim | āhuḥ kathayanti | dṛśyānaunmukhyasyaiva mokṣatvād | iti śivam ||

MT_3.3

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe tṛtīyaḥ sargaḥ ||

Note:

oṃ śrīvālmīkiḥ bharadvājaṃ prati kathayati

kathayaty evam uddāmavacanaṃ munināyake /

śrotum ekarase jāte jane mauna iva sthite //

śānteṣu kiṅkiṇījālasvaneṣu spandanaṃ vinā /

pañjarāntarahārītaśukeṣv apy astakeliṣu //

suvismṛtavilāsāsu sthitāsu lalanāsv api /

citrabhittāv iva nyaste samaste rājasadmani //

muhūrtaśeṣam abhavad divasaṃ madhurātapam /

vyavahāro ravikaraiḥ saha tānavam āyayau //

Note:

munināyake śrīvasiṣṭhe | evam anena prakāreṇa | uddāmavacanam arthagūḍhaṃ vacanaṃ | kathayati sati | ata eva maune iva sthite maunākhyavratayukta iva sthite | jane sabhājane | śrotum ekarase kevalāsvādayukte | jāte sati | tathā spandanaṃ vinā svādhārabhūtastryādikṛtaṃ spandanaṃ vinā | svādhārabhūtastryādikṛtaspandarāhityenety¹¹⁶⁶ arthaḥ | kiṅkiṇījālasvaneṣu satsu | tathā pañjarāntareṣu sthitāḥ ye hārītaśukāḥ | teṣu api astakeliṣu tyaktakrīḍeṣu satsu | tathā lalanāsu suvismṛtavilāsāsu atyantavismṛtavilāsāsu | sthitāsu satīṣu | tathā samaste rājasadmani sakale rājagṛhe | citrabhittau nyaste iva citralikhite iva sati | madhurātapam mandātapam | divasam muhūrtaśeṣam ghaṭikādvayaśeṣam | abhavat | tathā vyavahāraḥ lokavyavahāraḥ | ravikaraiḥ saha tānavam āyayau ||

Note:

anyat kiṃ tadābhūd ity apekṣāyām āha

vavur utphullakamalaprakaronmadamāṃsalāḥ /

vāyavo madhuraspandaṃ śravaṇārtham ivāgatāḥ //

Note:

vāyavaḥ madhuraspandam komalaspandam | vavuḥ vānti sma | kathambhūtāḥ | utphullāḥ ye kamalaprakarāḥ kamalasamūhāḥ | teṣu unmadāḥ saṅkocakāritvāt udgatarūpāḥ¹¹⁶⁷ ca te māṃsalāś ca | tādṛśāḥ vāyavaḥ | kathambhūtā iva | śravaṇārtham¹¹⁶⁸ munivākśravaṇārtham | āgatā iva | yo 'pi śravaṇārtham āgacchati so 'pi madhuraspandam eva vāti ||

śrutaṃ cintayituṃ bhānur ivāhoracanābhramam /

tatyājaikāntam agamac chūnyam astagires taṭam //

Note:

bhānuḥ sūryaḥ | ahoracanābhramam dinanirmāṇārthaṃ bhramaṇam | tatyāja tyaktavān | tathā śūnyaṃ | ata eva ekāntam vijanam | astagireḥ taṭam agamat gatavān | kiṃ kartum iva | śrutam śravaṇaviṣayīkṛtam munivākkadambakam | cintayitum iva mananaviṣayīkartum iva | yo 'pi hi śrutaṃ kiñcid upadeśādikaṃ cintayitum icchati so 'pi kriyārūpam bhramam tyajati | ekāntaṃ ca gacchati ||

uttasthur mihikārambhaśyāmatā vanabhūmiṣu /

vijñānaśravaṇād antaḥ śītalāḥ śāntatā iva //

Note:

vanabhūmiṣu mihikārambhaśyāmatāḥ nīhārārambhaśyāmatāḥ | uttasthuḥ prādurbhūtāḥ | dināvasāne hi mihikāḥ uttiṣṭhanti | mihikārambhaśyāmatāḥ kā iva | śāntatāḥ iva kṣobharāhityānīva | yathā śītalāḥ santāpanāśakatvena śītalasvabhāvāḥ | śāntatāḥ | vijñānaśravaṇāt śrīvasiṣṭhoktavijñānaśravaṇena | antaḥ śrotṛjanamanassu | uttasthuḥ | tathety arthaḥ ||

babhūvur alpasañcārā janā daśasu dikṣv api /

sāvadhānatayā śrotum iva santyaktaceṣṭitāḥ //

Note:

dināvasāne svabhāvasiddhaṃ janānām alpasañcāritvam śravaṇārtham kṛtena ceṣṭitatyāgenotprekṣitam¹¹⁶⁹ ||

chāyā dīrghatvam ājagmur vāsiṣṭhaṃ varṇanakramam /

iva śrotum aśeṣāṇāṃ vastūnāṃ dīrghakandharāḥ //

Note:

sāyaṃsamaye hi chāyāḥ dīrghībhavanti | yo 'pi kiñcic chrotum icchati so 'pi dīrghakandharo bhavatīti svabhāvadvayakathanam ||

pratīhāraḥ puraḥ prahvo bhūtvāha vasudhādhipam /

deva snānadvijārcāsu kālo hy atigato bhṛśam //

Note:

prahvo bhūtvā namno bhūtvā | kim āheti karmāpekṣāyām uttarārdham karmatvena kathayati deveti | hi niścaye ||

Note:

śrīvasiṣṭhakṛtaṃ vāksaṃharaṇaṃ kathayati

tato vasiṣṭho bhagavān saṃhṛtya¹¹⁷⁰ madhurāṃ giram /

adya tāvan mahārāja śrutam etāvad astu vaḥ //

prātar anyad vadiṣyāma¹¹⁷¹ ity uktvā maunavān abhūt /

ity ākarṇyaivam astūktvā¹¹⁷² bhūpatir bhūtivṛddhaye //

puṣpārghyapādyasammānadakṣiṇādānapūjayā¹¹⁷³ /

sa devarṣimunīn¹¹⁷⁴ viprān pūjayām āsa sādaram //

Note:

śrotṝn śravaṇotsukān jñātvā āha prātar iti | ākarṇyaiva¹¹⁷⁵ | na tu prativādaṃ¹¹⁷⁶ kṛtvā | saḥ daśarathaḥ ||

athottasthau sabhā sarvā sarājamunimaṇḍalā /

kuṇḍalākīrṇaraśmyoghapariveśāvṛtānanā //

Note:

sabhā janasamūhaḥ | sabhāṃ viśinaṣṭi | kuṇḍaleti¹¹⁷⁷ | kuṇḍalānām ākīrṇaḥ samantāt visārī yaḥ raśmyoghaḥ kiraṇasamūhaḥ | tasya yaḥ pariveśaḥ maṇḍalaṃ | tenāvṛtāni janamukhāni | sabhāsamukhāni¹¹⁷⁸ yasyāṃ | sā ||

parasparāṃsasaṅghaṭṭaraṇatkeyūrakaṅkaṇā /

hārabhārāhatasvarṇapaṭṭābhorastaṭāntarā //

Note:

parasparaṃ aṃsasaṅghaṭṭāḥ | tena milantaḥ | ata eva raṇantaḥ keyūrāḥ kaṅkaṇāni ca yasyāṃ | sā | hārabhāraiḥ āhatāni suvarṇapaṭṭābhāni¹¹⁷⁹ urastaṭāntarāṇi urastaṭamadhyāni yasyāṃ | sā ||

śekharotsargaviśrāntaprabuddhamadhupavrajaiḥ /

saghuṅghumaśirobhāgā patadbhir iva mūrdhajaiḥ //

Note:

śekhareṣu sabhāsadapuṣpaśekhareṣu | utsargeṇa gandhodgiraṇena | viśrāntāḥ viśrāntiyuktāḥ | tathā prabuddhāḥ gandhaghrāṇane caturāḥ | ye madhupāḥ bhramarāḥ | teṣāṃ vrajaiḥ samūhaiḥ | saghuṅghumaśirobhāgā ghuṅghumaśabdayuktajanaśirodeśayuktā | madhupavrajaiḥ kair iva | patadbhiḥ patanaśīlaiḥ | mūrdhajaiḥ keśair iva kṛṣṇavarṇatvāt ||

kāñcanābharaṇoddyotakanakīkṛtadiṅmukhāḥ¹¹⁸⁰ /

buddhisthamunivāgarthasaṃśāntendriyavṛttayaḥ¹¹⁸¹ //

jagmur nabhaścarā vyoma bhūcarā bhūmimaṇḍalam /

cakrur dinasamācāraṃ svaṃ sarve sveṣu sadmasu //

Note:

kāñcanābharaṇānāṃ yaḥ uddyotaḥ prakāśaḥ | tena kanakīkṛtāni kanakarūpāṇi kṛtāni | diṅmukhāni yaiḥ | te tādṛśāḥ | tathā buddhisthaḥ buddhau sphuraṇaśīlaḥ | na tu vismāritaḥ | yaḥ munivāgarthaḥ | tena saṃśāntāḥ svaviṣayān prati anaunmukhyaṃ gatāḥ | indriyavṛttayaḥ indriyavyāpārāḥ ye | te tādṛśāḥ | nabhaścarāḥ ākāśacāriṇaḥ | vyoma jagmuḥ | bhūcarāḥ bhūmimaṇḍalam jagmuḥ | tataḥ sarve samastāḥ nabhaścarādayaḥ | sveṣu sadmasu nijeṣu gṛheṣu | svaṃ dinasamācāraṃ cakruḥ ||

etasminn antare śyāmā yāminī samadṛśyata /

janasaṅghātanirmukte gṛhe bālāṅganā¹¹⁸² yathā //

Note:

etasmin antare asmin samaye | śyāmā rātriḥ | yāminī yāmayuktā | janasaṅghātanirmukte janasamūhatyakte ||

deśāntaraṃ bhāsayituṃ yayau divasanāyakaḥ /

sarvatrālokakartṛtvam eva sātpuruṣaṃ¹¹⁸³ vratam //

Note:

ālokakartṛtvam ālokakartṛbhāvaḥ | sātpuruṣaṃ satpuruṣasambandhinam ||

udabhūd abhitaḥ sandhyā tārānikaradhāriṇī /

utphullakiṃśukavanā vasantaśrīr ivoditā //

Note:

udabhūt prādurbhūtā ||

cūtanīpakadambāgragrāmacaityagṛhodare /

nililyire khagāś citte¹¹⁸⁴ tadaṇḍavṛttayo yathā //

Note:

khagāḥ pakṣiṇaḥ | nililyire¹¹⁸⁵ nilīnāḥ | kutra | cūtanīpakadambāgragrāmacaityagṛhodare | cūtāś ca nīpāś ca kadambāgrāṇi ca grāmacaityāni ca gṛhodarāṇi ca | tatra | khagāḥ kāḥ yathā | tāḥ¹¹⁸⁶ vṛttayaḥ yathā | yathā tāḥ vṛttayaḥ śrāvakajanamanovyāpārāḥ | citte nililyire | tathety arthaḥ ||

Note:

sandhyārāgāvirbhāvaṃ kathayati

bhānor bhāsā bhūṣitair meghaleśaiḥ
kiñcit kiñcit kuṅkumacchāyayeva¹¹⁸⁷ /

pāścātyo 'driḥ¹¹⁸⁸ pītavāsās tamo'bdhes
tārāhāraśrīyutaḥ khaṃ sametaḥ //

Note:

kuṅkumacchāyayā iva kuṅkumaracanāsadṛśayā | bhānoḥ bhāsā sūryasya bhāsā | kiñcit kiñcit bhūṣitaiḥ | pītatāṃ nītair iti yāvat |meghaleśaiḥ meghakhaṇḍaiḥ | upalakṣitaḥ pāścātyaḥ adriḥ astaśailaḥ | tamo'bdheḥ tamaḥākhyasya samudrasya | pītavāsāḥ śrīnārāyaṇaḥ āsīt | pītavāsoyuktaś cāsīt | bhānoḥ bhāsā bhūṣitānāṃ meghaleśānām eva pītavāsorūpatvāt | abdheś ca pītavāsasā śrīnārāyaṇena yuktatvaṃ yuktaṃ eva | pāścātyaḥ adriḥ kathambhūtaḥ | tārāhāraśrīyutaḥ | tārā eva hāraḥ yasya | saḥ tārāhāraḥ | śriyā śobhayā | yutaḥ | śrīyutaḥ | tārāhāraś cāsau śrīyutaś ca tārāhāraśrīyutaḥ | punaḥ kathambhūtaḥ | kham ākāśaṃ | sametaḥ gataḥ | ākāśavyāpīty arthaḥ | anyathā tārāhāratvam asambhavi syāt | śrīnārāyaṇasya ca tārāhārayuktatvaṃ lakṣmīyuktatvaṃ balyākramaṇena khasametatvaṃ¹¹⁸⁹ ca sthitam eva ||

Note:

sandhyāśāntipūrvaṃ tamaḥsamutthānam kathayati

pūjām ādāya sandhyāyāṃ prayātāyāṃ yathāgatam /

andhakārāḥ samuttasthur vetālavalayā¹¹⁹⁰ iva //

Note:

spaṣṭam ||

avaśyāyakaṇaspandī helāvidhutapallavaḥ /

komalaḥ kumudāśaṃsī vavāv āśītalo 'nilaḥ //

Note:

kumudāśaṃsī kumudagandheneti bhāvaḥ ||

paramāndhyam upājagmur diśo 'pi sphuṭatārakāḥ /

lambadīrghatamaḥkeśyo¹¹⁹¹ vidhavā iva yoṣitaḥ //

Note:

lambāni dīrghatamāṃsy eva keśāḥ yāsāṃ | tāḥ ||

āyayau bhuvanaṃ¹¹⁹² tejaḥkṣīrapūreṇa pūrayan /

rasāyanamayākāraḥ śaśikṣīrārṇavo nabhaḥ //

Note:

tejaḥ eva kṣīrapūraḥ | tena | rasāyanamayākāraḥ amṛtamayākāraḥ ||

jagmus timirasaṅghātāḥ palāyya kvāpy adṛśyatām /

śrutajñānagiraś cittān mahīpānām ivājñatāḥ //

Note:

śrutāḥ jñānagiraḥ vasiṣṭhoktāḥ jñānavācaḥ yena | tat | tādṛśāt | mahīpānāṃ daśarathaprabhṛtīnāṃ | ajñatāḥ maurkhyāṇi ||

ṛṣayo bhūmipālāś ca munayo brāhmaṇās tathā /

cetasīva vicitrārthāḥ svāspadeṣu viśaśramuḥ //

Note:

vicitrārthāḥ śrīvasiṣṭhagirāṃ sambandhino nānāvidhā arthāḥ | svāspadeṣu svagṛheṣu¹¹⁹³ | viśaśramuḥ viśrāntiṃ cakruḥ ||

yamakāyopamā śyāmā yayau timiramāṃsalā /

āyayau mihikākārā tatra teṣām uṣā śanaiḥ //

Note:

yamakāyopamā yamaśarīrasadṛśī | uṣā | teṣām ṛṣīṇāṃ bhūmipālānāṃ ca ||

alakṣyatām upājagmus tārā nabhasi bhāsurāḥ /

prabhātapavaneneva hṛtāḥ kuṅkumavṛṣṭayaḥ //

Note:

spaṣṭam ||

dṛśyatām ājagāmārkaprabhonmīlitalocanā¹¹⁹⁴ /

vivekavṛttir mahatāṃ manasīva navodgatā //

Note:

vivekavṛttiḥ vivekākhyo manovyāpāraḥ ||

sabhāṃ punar upājagmur nabhaścaramahīcarāḥ /

hyastanena krameṇaiva kṛtaprātastanakramāḥ //

Note:

nabhaścaramahīcarāḥ hyastanena krameṇa eva sabhām ājagmur iti sambandhaḥ ||

sā pūrvasanniveśena viveśa vipulā sabhā /

babhūvāspanditākārā vātamukteva padminī //

Note:

pūrvasanniveśena pūrvaracanayā | aspanditākāratvaṃ ca sabhāyāḥ śrīvasiṣṭhopadeśaśravaṇakutūhalena jñeyam ||

atha prasaṅgam āsādya rāmo madhurayā girā /

uvāca muniśārdūlaṃ vasiṣṭhaṃ vadatāṃ varam //

Note:

prasaṅgam āsādya | anyathā dhārṣṭyākhyadoṣaprasaṅgaḥ syād iti bhāvaḥ ||

Note:

kim uvācety apekṣāyām āha

bhagavan manaso rūpaṃ kīdṛśaṃ vada me sphuṭam /

yasmāt teneyam akhilā tanyate doṣamañjarī //

Note:

kiṃ tava manorūpakathanenety | atrāha yasmād iti | tena manasā | iyam sṛṣṭirūpā ||

Note:

śrīvasiṣṭhaḥ uttaraṃ kathayati

rāmāsya manaso rūpaṃ na kiñcid api dṛśyate /

nāmamātrād ṛte vyomno yathā śūnyajaḍākṛteḥ //

Note:

he rāmāsmābhiḥ asya manasaḥ nāmamātrād ṛte nāmamātravyatirekeṇa | kiñcid api rūpaṃ na dṛśyate | nāmamātram eva manasaḥ asti¹¹⁹⁵ na rūpam iti bhāvaḥ | asya manasaḥ kathambhūtasya | śūnyā vicārāsahatvena na kiñcidrūpā | jaḍā sākṣigrahaṇāpekṣasiddhikatvena¹¹⁹⁶ jāḍyaguṇayuktā | ākṛtiḥ svarūpaṃ yasya | tat | tādṛśasya kasya yathā | vyomnaḥ yathā | yathā vyoma śūnyajaḍākṛti bhavati | tathety arthaḥ ||

Note:

etad eva dṛḍhīkaroti

na bāhye nāpi hṛdaye sadrūpaṃ vidyate manaḥ /

sarvatraiva sthitaṃ caitad viddhi rāma yathā nabhaḥ //

Note:

manaḥ bāhye sadrūpaṃ na vidyate bāhyendriyaiḥ adṛśyamānatvāt | hṛdaye 'pi hṛdayadeśe 'pi | sadrūpaṃ na vidyate | na hi hṛdayadeśe mano nāma kiñcil¹¹⁹⁷ labhyate | he rāma | tvam | etat manaḥ | sarvatraiva bāhye hṛdaye ca | sthitaṃ viddhi jānīhi | saṅkalpākhyasya tatkāryasya bāhye hṛdaye ca sphuramāṇatvāt | saṅkalpo 'pi hi bāhyaṃ ghaṭādikaṃ hṛdayasthaṃ sukhādikaṃ ca viṣayīkaroti | manaḥ kiṃ yathā | nabho yathā | yathā nabhaḥ sarvatraiva sthitaṃ bhavati | tathety arthaḥ ||

Note:

nanu tathāpy asya¹¹⁹⁸ svarūpaṃ vaktavyaṃ | na hi sarvathā¹¹⁹⁹ asataḥ sarvatra sthitatvaṃ yuktam ity | atrāha

idam asyāsad utpannaṃ mṛgatṛṣṇāmbusannibham /

rūpaṃ tu śṛṇu saṅkṣepād dvitīyendubhramopamam //

Note:

tvaṃ | asya manasaḥ | asat utpannam mithyā prādurbhūtam | ata eva mṛgatṛṣṇāmbusannibham | tathā dvitīyendubhramopamam | idam anubhūyamānam | rūpaṃ svarūpaṃ | saṅkṣepāt śṛṇu ||

Note:

manaḥsvarūpam eva kathayati

sādho yad etad arthasya pratibhānaṃ prathāṃ gatam /

sato vāpy asato vāpi tan mano viddhi netarat //

Note:

he sādho | sataḥ asataḥ vā arthasya padārthasya | yat etat pratibhānam sphuraṇam | padārthatayā anusandhānam iti yāvat | prathāṃ dārḍhyaṃ | gataṃ bhavati | tvaṃ tat manaḥ viddhi | itarat tārkikādibhiḥ vikalpitaṃ paramāṇvādirūpaṃ | manaḥ na bhavati | sataḥ asato veti vādibhedam āśrityoktam ||

Note:

punaḥ punaḥ etad eva kathayati

yad arthapratibhānaṃ tan mana ity abhidhīyate /

anyan na kiñcid apy asti mano nāma kadācana //

Note:

arthapratibhānam artheṣv arthatāsphuraṇam ||

saṅkalpanaṃ mano viddhi saṅkalpāt tan na bhidyate /

yathā dravatvāt salilaṃ tathā spando yathānilāt //

Note:

spaṣṭam ||

yatra saṅkalpanaṃ tatra tan mano 'ṅga tathā sthitam /

saṅkalpamanasī bhinne na kadācana kecana //

Note:

yatra yasyām avasthāyāṃ | saṅkalpanaṃ bhavati | he aṅga | tatra tasyām avasthāyāṃ | tat prasiddhaṃ | manaḥ tathā tena saṅkalpanākhyena rūpeṇa | sthitaṃ bhavati | kecana anirvācye | saṅkalpamanasī | kadācana jātu | bhinne na bhavataḥ | ekasvarūpatvāt ||

satyam asty athavāsatyaṃ yad arthapratibhāsanam /

tāvanmātraṃ mano viddhi tad brahmaiṣa pitāmahaḥ //

Note:

satyam athavā asatyaṃ yat arthapratibhāsanam arthasphuraṇam | asti | tvaṃ | tāvanmātraṃ tat arthapratibhāsanam | manaḥ cittaṃ | viddhi jānīhi | tat arthapratibhāsanarūpaṃ manaḥ | eṣaḥ śāstreṣu kathitaḥ | pitāmahaḥ pitāmahety aparaparyāyaḥ brahmā bhavati | sarvasṛṣṭikāraṇatvāt | sṛṣṭikāraṇasyaiva śāstreṣv api brahmatvakathanāt ||

Note:

svapnādau sarvair anubhūyamānātivāhikadeharūpatvaṃ manasaḥ kathayati

ātivāhikadehātmā mana ity abhidhīyate /

ādhibhautikabuddhis tu sadā dhīs tu cirasthitiḥ //

Note:

paṇḍitaiḥ ātivāhikasya kṣaṇāntare varṣaprāpyadeśaprāptyā sphuṭam ativahanaśīlasya | dehasyārthāt svapnasaṅkalpādau pratibhāsamānasya dehasyātmā svarūpaṃ | mana ity abhidhīyate | na tu tārkikābhimataḥ paramāṇuḥ | na hi tasya proktasvarūpam ativahanaṃ yujyate | tadārabdhe sthūladehe tadadarśanāt | etatprasaṅgena buddhidārḍhyasyādhibhautikadehatvaṃ¹²⁰⁰ sādhayati ādhibhautiketi | tu vyatireke | paṇḍitaiḥ ādhibhautikabuddhiḥ¹²⁰¹ ādhibhautikadehākārā buddhiḥ | ādhibhautikadehasvarūpam iti yāvat | cirasthitiḥ dhīḥ iti dārḍhyaṃ gatā ātivāhikadehaviṣayā buddhir iti | sadābhidhīyate | manaḥsvarūpātivāhikadehaviṣayā buddhir eva hi dārḍhyaṃ gatādhibhautikabhāvena sphurati | na tu māṃsamayaḥ ādhibhautiko nāma kaścit¹²⁰² pṛthag asti yathā tathā sato 'pi tasya buddhiviṣayatvaṃ vinā asatkalpatvāt¹²⁰³ | buddhiviṣayatve tu buddhirūpatvānapāyāt | viṣayo hi sa evocyate yaḥ viṣayyagrastha¹²⁰⁴ iva bhāsate | anyathā pītadravyasyāpi nīlajñānaviṣayatvāpātāt | dvitīyaḥ tuśabdaḥ pādapūraṇārthaḥ ||

Note:

dṛśyatvasādhanārthaṃ manasaḥ dṛśyaparyāyatvaṃ kathayati

avidyā saṃsṛtiś cittaṃ mano bandho malaṃ tamaḥ /

iti paryāyanāmāni dṛśyasya vidur uttamāḥ //

Note:

ataḥ manaḥ dṛśyam evānyathā dṛśyaparyāyatvam asya na syād iti ||

Note:

nanu padārthagrāhakatayā bhāsamānasya manasaḥ kathaṃ dṛśyaparyāyatvaṃ yuktam ity | atrāha

na hi dṛśyād ṛte kiñcin manaso rūpam asti hi /

dṛśyaṃ cotpannam evaitan neti vakṣyāmy¹²⁰⁵ ahaṃ punaḥ //

Note:

hi yasmāt kāraṇāt | dṛśyād ṛte kiñcit dṛśyavyatiriktaṃ kiñcit | manasaḥ rūpaṃ | hi niścayena | nāsti | ataḥ manasaḥ dṛśyaparyāyatvaṃ yuktam iti bhāvaḥ | nanu tato 'pi kim ity | atrāha dṛśyaṃ ceti | etat dṛśyaṃ ca utpannaṃ na bhavati | pūrvam uktatvāt | ataḥ manaḥ api anutpannam eva bhavatīti bhāvaḥ | nanu dṛśyānutpannatve mama pūrvaṃ niścayo na jāta ity atrāhetīti | aham iti etat dṛśyānutpannatvam | punaḥ vakṣyāmi | durbodhatvād iti bhāvaḥ ||

Note:

dṛśyānutpannatvam eva kathayati

yathā kamalabīje 'ntaḥ sthitā kamalamañjarī /

mahācitparamāṇvantas tathā dṛśyaṃ jagat sthitam //

Note:

yathā kamalamañjarī kamalabīje padmākṣe | antaḥ sthitā bhavati | anyathā agre nirgamāsambhavaprasaṅgāt | tathā dṛśyam jagat dṛśikriyāviṣayībhūtaṃ jagat | mahācitparamāṇvantaḥ | mahācit aparicchinnā cit | sā evātisūkṣmatvāt paramāṇuḥ | tasyāntaḥ madhye | sthitaṃ bhavati | anyathā kutaḥ asyāḥ nirgamaḥ syāt iti bhāvaḥ | ato dṛśyasya mahācitaḥ pṛthaktvābhāvenānutpannatvam eveti paramo bhāvaḥ ||

Note:

etad eva punaḥ punaḥ kathayati

prakāśasya yathāloko yathā vātasya copanam /

yathā dravatvaṃ payaso dṛśyatvaṃ draṣṭur īdṛśam //

Note:

ālokaḥ arthaprākaṭyahetuḥ guṇaviśeṣaḥ | copanaṃ spandaḥ | draṣṭṛvyatiriktadṛśyasya¹²⁰⁶ sattā nāstīti bhāvaḥ ||

aṅgadatvaṃ yathā hemni mṛganadyāṃ yathā jalam /

bhittir yathā svapnapure tathā draṣṭari dṛśyadhīḥ //

Note:

spaṣṭam ||

Note:

anena nyāyena draṣṭuḥ dṛśyamayatvaṃ yat siddhaṃ tad api malatvenonmṛjyatayā pratijānīte

evaṃ draṣṭari dṛśyatvam ananyad iva yat sthitam /

tad apy unmārjayāmy āśu tvaccittādarśato malam //

Note:

evaṃ sati | draṣṭari dṛśikriyākartari | ananyat uktanyāyenābhinnaṃ | yat dṛśyatvam dṛśikriyāviṣayatvaṃ | sthitam iva bhavati | ahaṃ | malam malabhāvena sthitam | tat api draṣṭur abhinnaṃ dṛśyatvam api | tvaccittādarśataḥ tvaccittadarpaṇāt | unmārjayāmi | yena sarvathā tvanmanasi dṛśyasparśo na syād | asattvenāpi bhāsamānaṃ dṛśyaṃ leśato duḥkhadam eva bhavatīti bhāvaḥ | nanu draṣṭur abhinnasya dṛśyatvasya kathaṃ malatvaṃ | vyatiriktasyaiva malatvād iti cet | satyam | draṣṭā¹²⁰⁷ svābhinnatvenāpi niścitaṃ dṛśyatvaṃ svabhinnatvam api āpādayati | svabhinnatvākhyaṃ pratiyoginaṃ vinā svābhinnatvasyāsiddher iti svabhinnatvāpādakasya dṛśyasya malatvaṃ sphuṭam eveti na ko 'pi virodhaḥ ||

Note:

nanu kimarthaṃ draṣṭur ananyatvena¹²⁰⁸ sthitasya malarūpasya api dṛśyatvasyonmārjanaṃ karoṣīty | atrāha

yad draṣṭur asyādraṣṭṛtvaṃ dṛśyābhāve bhaved balāt /

tad viddhi kevalībhāvam ata evāsataḥ sataḥ //

Note:

asya ātmatvena sthitasya | draṣṭuḥ dṛśikriyākartuḥ | dṛśyābhāve sati | balāt balena | svaprayatnaṃ vineti yāvat | yat adraṣṭṛtvaṃ bhavet | na hi dṛśyaṃ vinā draṣṭuḥ draṣṭṛtvaṃ nāma kiñcid asti | śaktibhāvena sthitasyāpi tasya svarūpatvānapāyāt | tvam | tat adraṣṭṛtvaṃ | kevalībhāvam muktiṃ | viddhi jānīhi | draṣṭuḥ dṛśyānaunmukhyamātrasyaiva muktitvāt | draṣṭuḥ kathambhūtasya | ata evāsataḥ¹²⁰⁹ sataḥ | draṣṭṛtvāpekṣayā asataḥ | kevalībhāvāpekṣayā sataḥ | na hy asataḥ kevalībhāvaḥ yuktaḥ | tathā cānirvācyasyety arthaḥ | ataḥ kevalībhāvasiddhaye sarvathā dṛśyonmārjanam eva kāryam iti bhāvaḥ ||

Note:

nanu dṛśyābhāvaprabhāvāt siddhe 'pi adraṣṭṛtve kevalībhāvo na sidhyati¹²¹⁰ | dṛśyaviṣayasya rāgādeḥ suṣuptivat vāsanābhāvena sthitatvād ity | atrāha

tattām upagate bhāve rāgadveṣādivāsanā /

śāmyaty aspandite vāte spandasaṅkṣubdhatā yathā //

Note:

bhāve antare tattve | tattām dṛśyābhāvakṛtāṃ adraṣṭṛtām | upagate sati | rāgadveṣādivāsanā pūrvaṃ bhātadṛśyaviṣayarāgadveṣādisaṃskāraḥ | śāmyati śāntiṃ vrajati | āśrayaviṣayayoḥ abhāvāt | suṣuptau tu āśrayaviṣayayoḥ vāsanābhāvena sthitatvāt tadanugatayoḥ rāgadveṣādikayor api vāsanābhāvenāvasthānam asti | na hi suṣuptau draṣṭṛdṛśyayoḥ¹²¹¹ samūlaṃ nāśaḥ asti | tataḥ utthitasya punaḥ tadāsthābhāvaprasaṅgāt | na hi samūlaṃ naṣṭe āsthā yuktā | dṛśyābhāve niścitānāṃ tu bhāsamāne 'pi dṛśye kadācid āsthā na vidyate | atra svamana eva sākṣikam ity alaṃ prapañcena | rāgadveṣādivāsanā kā yathā | spandasaṅkṣubdhatā yathā | yathā vāte aspandite sati | vātakṛtā spandasaṅkṣubdhatā spandarūpā saṅkṣubdhatā | naśyati | tathety arthaḥ | ataḥ dṛśyābhāvakṛtasyādraṣṭṛtvasya kevalībhāvatvaṃ yuktam eveti bhāvaḥ ||

Note:

etad eva atidurbodhatvāt punaḥ punaḥ kathayati

asambhavati sarvasmin digbhūmyākāśarūpiṇi /

prakāśye yādṛśaṃ rūpaṃ prakāśasyāmalaṃ bhavet //

trijagat tvam ahaṃ ceti dṛśye 'sattām upāgate /

draṣṭuḥ syāt kevalībhāvas tādṛśo vimalātmanaḥ //

Note:

digbhūmyākāśarūpiṇi digbhūmyākāśasvarūpe | prakāśye prakāśanīye vastujāte | asambhavati sati | sambhavakriyākartṛtvam abhajati sati | prakāśasya sūryaprakāśasya | yādṛśam amalaṃ śuddham | indriyātītam iti yāvat | rūpaṃ bhavet | na hi sūryamaṇḍalāt¹²¹² niṣkrāntaḥ bhittau apatitaḥ prakāśaḥ netragamyaḥ bhavati | trijagat tvaṃ ahaṃ ceti dṛśye asattām abhāvam | upāgate sati | draṣṭuḥ dṛśyaprakāśakatayā sthitasya draṣṭuḥ | tādṛśaḥ kevalībhāvaḥ amalarūpatvaṃ | syāt bhavet | draṣṭuḥ kathambhūtasya | amalātmanaḥ cetyamalarūṣitacinmātrasvarūpasyānyathā kevalībhāvāparaparyāyaḥ nirmalībhāvaḥ ayuktaḥ syāt ||

anantākhilaśailādipratibimbe hi yādṛśī /

syād darpaṇe darpaṇatā kevalātmasvarūpiṇī //

ahaṃ tvaṃ jagad ityādau praśānte dṛśyasambhrame /

syāt tādṛśī kevalatā sthite draṣṭary avīkṣake //

Note:

dārṣṭāntikagataṃ praśānte iti¹²¹³ padaṃ dṛṣṭānte 'pi yojanīyaṃ | tenāyam arthaḥ¹²¹⁴ | hi niścaye | anantāḥ ye akhilāḥ śailādayaḥ | tadrūpe pratibimbe praśānte sati | dārṣṭāntikatayā gṛhīte darpaṇe pratibimbabhāvam abhajati sati iti yāvat | darpaṇe kevalātmasvarūpiṇī kevaladarpaṇākhyasvarūpamayī | yādṛśī darpaṇatā syāt | ahaṃ tvaṃ jagad ityādau dṛśyasambhrame dṛśyākāre sambhrame | dṛśye iti yāvat | praśānte sati | tataḥ avīkṣake dṛśikriyām akurvati | sthite draṣṭari | tādṛśī kevalatā syāt | yathā pratibimbābhāve śuddhaṃ darpaṇamātram eva tiṣṭhati tathā dṛśyābhāve śuddhaḥ draṣṭā eva tiṣṭhatīti bhāvaḥ ||

Note:

dṛśyābhāvāsambhavaṃ manyamānaḥ śrīrāmaḥ pṛcchati

sac cen na śāmyatīdaṃ vā nābhāvo vidyate sataḥ /

asattāṃ ca na vidmo 'smin dṛśye doṣapradāyini //

Note:

vāśabdaḥ yataḥśabdārthe | idaṃ dṛśyaṃ | sat sattābhāk cet | cet yadi bhavati | tadā na śāmyati | yataḥ sataḥ sattābhajataḥ¹²¹⁵ | abhāvaḥ na vidyate | svarūpahāniprasaṅgāt | anyathā vahner api dāhakatvahāniḥ syāt | nanu tarhi asad eva bhavatv¹²¹⁶ ity | atrāha asattāṃ ceti | doṣapradāyini rāgādisvarūpadoṣapradāyini | asataḥ doṣapradāyitvaṃ na¹²¹⁷ yuktaṃ vandhyāsutasyāpi tattvāpatter iti bhāvaḥ ||

Note:

phalitam āha

tasmāt katham iyaṃ śāmyed brahman dṛśyaviṣūcikā /

nānodbhavabhramakarī duḥkhasantatidāyinī //

Note:

nānodbhavaḥ citrotpattiḥ | yaḥ bhramaḥ mithyājñānam | taṃ karotīti tādṛśī ||

Note:

unmārjayāmīti pratijñāṃ¹²¹⁸ saphalīkartuṃ śrīvasiṣṭhaḥ uttaraṃ kathayati

asya dṛśyapiśācasya śāntyai mantram imaṃ śṛṇu /

rāmātyantam ayaṃ yena mṛtim eṣyati naṅkṣyati //

Note:

he rāma | tvam | asya puraḥsphurataḥ | dṛśyapiśācasya śāntyai | imam vakṣyamāṇavākyakadambakasvarūpaṃ | mantraṃ śṛṇu | yena mantreṇa | ayaṃ dṛśyapiśācaḥ¹²¹⁹ | atyantam mṛtim traikālikam abhāvam | eti gacchati | tataḥ vinaṅkṣyati adarśanaṃ yāti | yuktaṃ ca piśācasya mantreṇa maraṇam adarśanaṃ ca ||

Note:

mantram eva kathayati

yad asti tasya nāśo 'sti na kadācana rāghava /

yasmāt tan naṣṭam apy antar bījabhūtaṃ bhaved dhṛdi //

Note:

he rāghava | yat vastu | sattāṃ bhajati | tasya nāśaḥ kadācana jātu | na sambhavati | yasmāt tat vastu | naṣṭam api kenacit parābhimatena samavāyikāraṇanāśādinā¹²²⁰ naṣṭam api | hṛdi antaḥ mānasāntaḥ | bījabhūtam | bījabhāvena sthitam vā sattārūpeṇa¹²²¹ sthitam iti¹²²² yāvat | bhavati | dṛśyate hi¹²²³ naṣṭam api vastu hṛdi punaḥ punaḥ āvartamānam ||

Note:

nanu tataḥ ko doṣaḥ ity | atrāha

smṛtibījā¹²²⁴ cidākāśe punar udbhūya dṛśyadhīḥ /

lokaśāilāmbarākāraṃ doṣaṃ vitanute 'tanum //

Note:

smṛtibījā smṛtikāraṇikā | dṛśyadhīḥ dṛśyākārā dhīḥ | dṛśyam iti yāvat | cidākāśe udbhūya prādurbhūya | atanum mahāntam | lokaśailāmbarākāram doṣam punaḥ vitanute sūkṣmaprapañcabhāvena viśeṣeṇa vistārayati | svapne dṛṣṭatvāt ||

Note:

nanu tato 'pi kim ity | atrāha

itthaṃ nirmokṣadoṣaḥ syān na ca tasyāṃśasambhavaḥ /

yasmād devarṣimunayo dṛśyante muktibhājanam //

Note:

itthaṃ sati | nirmokṣadoṣaḥ mokṣābhāvaprasaṅgarūpaḥ doṣaḥ | syāt | sthūlasūkṣmabhāvena dvividhasya dṛśyābhāvasyaiva mokṣatvāt | nanu bhavatu saḥ doṣaḥ | kim asmākaṃ kariṣyatīty | atrāha na ceti | tasya nirmokṣadoṣasya | aṃśenāpi sambhavaḥ na ca bhavati | yasmāt devarṣimunayaḥ muktibhājanaṃ dṛśyante ||

Note:

punar apy etad eva kathayati

yadi syāj jagadādīdaṃ tat syān mokṣo na kasyacit /

bāhyastham astu hṛtsthaṃ vā dṛśyaṃ nāśāya kevalam //

Note:

yadi idam jagadādi syāt sattāṃ bhajet | tadā kasyacit kasyāpi pramātuḥ | mokṣaḥ dṛśyān muktiḥ | na syāt | yathā tathā sambhāvite 'pi dṛśyanāśe smṛtiprabhāvāt sūkṣmatayā punaḥ dṛśyasphuraṇāt | yataḥ dṛśyam bāhyastham sthūlarūpam astu | hṛtstham sūkṣmarūpaṃ vā astu | nāśāya bandhākhyanāśotpādārtham bhavati | kṣobhakatvāviśeṣād iti bhāvaḥ | ādiśabdena suṣuptistaimityādeḥ grahaṇam | tasyāpi dṛśyatvād ||

Note:

nanu tarhi kiṃ kāryam ity | atrāha

tasmād imāṃ pratijñāṃ tvaṃ śṛṇu rāmātibhīṣaṇām /

yām uttareṇa granthena nūnaṃ tvam avabudhyase //

Note:

atibhīṣaṇatvaṃ ca pratijñāyāḥ asambhavapravṛttatvena jñeyam ||

Note:

śrīrāmāvabodhanimittam uttaragrantham eva kathayati

ayam ākāśabhūtādirūpo 'haṃ ceti lakṣitaḥ /

jagacchabdasya rāmārtho nanu nāsty eva kaścana //

Note:

he rāma | nanu niścaye | ākāśabhūtādirūpaḥ | tathā ahaṃ ceti lakṣitaḥ niścitaḥ | ayam jagacchabdasyārthaḥ abhidheyam | paramārthataḥ nāsty eva sattāṃ na bhajati eva | na tu sattābhāg bhūtvā naśyati | tathā ca sati na nirmokṣadoṣaprasaṅgaḥ | na hi asataḥ bandhakatvaṃ dṛṣṭam iti bhāvaḥ | ākāśasya bhūtatve 'pi prādhānyena pṛthaṅnirdeśaḥ | ādiśabdena bhūtakāryāṇāṃ grahaṇam ||

Note:

nanu puraḥsphurataḥ ahamādikasya jagataḥ kathaṃ sarvathā sattvaṃ yuktam ity | atrāha

yad idaṃ dṛśyate kiñcid dṛśyajālaṃ purogatam /

evaṃ brahmaiva tat sarvam ajarāmaram avyayam //

Note:

asmābhiḥ yad idaṃ purogataṃ dṛśyajālaṃ nīlasukhādirūpaḥ dṛśyasamūhaḥ | dṛśyate anubhūyate | tat sarvam ajarāmaram deharahitatvāt tanmātragatajarādirahitam | tathā avyayam nāśarahitam | brahmaiva jagattayā bṛṃhitaṃ śuddhacittattvam eva | evam jagadbhāvena bhavati | dṛśyate hi jalasya taraṅgabhāvena¹²²⁵ bhavanam | tathā ca sati bhāsamānasyāpi jagataḥ asattvaṃ yuktam eva | na hi jale bhāsamānasyāpi taraṅgasya sattvaṃ dṛṣṭam iti bhāvaḥ ||

Note:

dṛśyasya brahmamātratvam eva dṛḍhīkaroti

pūrṇe¹²²⁶ pūrṇaṃ prasarati pare śāntaṃ paraṃ¹²²⁷ sthitam /

vyomany evoditaṃ vyoma brahma brahmaṇi tiṣṭhati //

Note:

pūrṇe nirapekṣe | prasarati sañcāraṃ karoti | svarūpasthe pare uttīrṇe | brahmaṇi bṛṃhite vastuni | atra saptamyantaiḥ śuddhacittattvasya kathanaṃ | prathamāntaiḥ tadrūpasya jagataḥ jñeyam | nanu kathaṃ pūrṇatvādiguṇayukte śuddhacittattve 'vasthānaṃ yuktam | nyūnasyādhike avasthānadarśanāt | sat-yam | avasthānam atrādheyabhāvena nāsti yenoktadoṣaprasaṅgaḥ syāt | kiṃ tu tanmātratābhāveneti nātra doṣaprasaṅgaḥ | ity alaṃ prapañcaiḥ ||

na dṛśyam asti no dṛk ca na draṣṭā na ca darśanam /

na śūnyaṃ na¹²²⁸ jaḍaṃ no cic chāntam evedam ātatam //

Note:

dṛśyam dṛśikriyākarma | nāsti sattāṃ na bhajati | dṛk dṛśikriyā | no asti | draṣṭā dṛśikriyākartā | ca nāsti | darśanam dṛśikriyāsādhyaṃ phalaṃ | ca nāsti | sarveṣāṃ eṣāṃ pratītimātrasāratvāt | nanu tarhi etad abhāva evāstī-ty | atrāha na śūnyam iti | śūnyam dṛśyādyabhāvaḥ | ca nāsti | na hi sar-vathā asataḥ bhānaṃ yuktaṃ | śaśiśṛṅgāder api bhānāpatteḥ | nanu tarhi jāḍyam eva syāt | jāḍye hi sarveṣām asattā¹²²⁹ eva bhavatīty | atrāha na jaḍam iti | bhāvapradhānanirdeśaḥ jaḍam jaḍatvam | nāsti | tattve hi dṛśyādibhānam ayuktaṃ syāt | nanu tarhi śiṣṭā cid eva syād ity | atrāha no cid iti | cit cinmātram | no asti | cetyāpekṣatvena tasyāḥ sthitatvāt | cetyasya coktanyāyenāsambhavāt | nanu tarhi kim asti | na hi sarvathā asattā buddhyai ārohatīty | atrāha śāntam iti | ātataṃ samantāt sphuratsvarūpam | idam sarvam dṛśyādikam | śāntam | bhavati | cetyakṣobharahitaṃ cinmātraṃ bhavati ||

Note:

atra niścayam anāpnuvan śrīrāmaḥ muneḥ asambhavārthābhidhāyitvam āsañjayati

vandhyāputreṇa piṣṭo 'driḥ śaśaśṛṅgaṃ pramāyate /

prasārya bhujasaṅghātaṃ śilā nṛtyati tāṇḍavam //

sravanti sikatās tailaṃ paṭhanty upalaputrikāḥ /

garjanti citrajaladā itīvedaṃ vacaḥ prabho //

Note:

taveti śeṣaḥ | he prabho | idam tava vacaḥ | iti bhavati | evaṃrūpaṃ bhavati iti | kim iti | vandhyāputreṇetyādi | janaiḥ śaśaśṛṅgaṃ pramāyate pramātum ārabhyate ity arthaḥ | pramāyate iti prayogaḥ ārṣaḥ | sarvathā asambaddhārthābhidhāyy eva tava vacanam iti bhāvaḥ | asambhavārthapratipādakatvāropaprakāśitāvinayanirāsanārthaṃ prabho ity āmantraṇam ||

jarāmaraṇaduḥkhādiśailākāśamayaṃ jagat /

nāstīti kim idaṃ nāma bhavatāpi mamocyate //

Note:

na hi pratyakṣam anubhūyamānasya jarādirūpasya bhāvajātasyāpahnavaḥ¹²³⁰ yukta iti bhāvaḥ | apiśabdaḥ śrīvasiṣṭhasyāsambhavavāditvāyogyatvasūcanārthaḥ | mamety anena svasya sacchiṣyatvaṃ dyotayati ||

Note:

yathety etat satyam evāsti tarhi yuktaṃ kathayety | anenābhiprāyeṇāha

yathedaṃ na sthitaṃ viśvaṃ notpannaṃ na ca vidyate /

tathā kathaya me brahman yenaitan niścitaṃ bhavet //

Note:

etat sthityādyabhāvaḥ ||

Note:

śrīvasiṣṭha uttaraṃ kathayati

nāsamanvitavāg asmi śṛṇu rāghava kathyate /

yathedam asad ābhāti vandhyāputra ivāravī //

Note:

aham vasiṣṭhākhyaḥ aham | asamanvitā asambaddhā | vāg yasya | saḥ | tādṛśaḥ nāsmi | he rāghava | tvaṃ śṛṇu | idaṃ jagat | yathā yena prakāreṇa | asat bhāti | tvāṃ prati sphurati | mayā tathā kathyate | idaṃ ka iva | āravī vandhyāputra iva | āravakārī vandhyāputra iva | yathā saḥ asat bhāti | tathety arthaḥ ||

Note:

tad eva kathayati

idam ādāv anutpannaṃ sargādau tena nāsty alam /

idaṃ hi manasā bhāti svapnādau pattanaṃ yathā //

Note:

idam dṛśyaṃ jagat | ādau ādibhūte | sargādau cinmātrasya cetyonmukhatārūpe sargārambhe | anudbhūtaṃ āsīt | paramārthataḥ cinmātrabhāvād acyuteḥ | tataḥ bhinnayā sattayāśritaṃ na āsīt | na hi bahir api mṛdaḥ¹²³¹ utpadyamānasya ghaṭasya mṛdaḥ bhinnā sattā dṛśyate | tena tataḥ kāraṇāt | idam jagat | alam atiśayena | nāsti sattāṃ na bhajati | svapnapattanavat cinmātrasākṣitāmātreṇa labdhasattākatvāt | nanu tarhi katham idaṃ bhāsate ity | atrāha idam iti | hi niścaye | idaṃ dṛśyam jagat | manasā vikalpena | bhāti dṛśyatayā sphurati | kim iva | pattanam iva | yathā svapnādau pattanaṃ manasā bhāti | tathety arthaḥ ||

Note:

nanu satsvarūpeṇa manasā bhātasya dṛśyasya sattvaṃ yuktam evety | atrāha

mana eva ca sargādāv anutpannam¹²³² asadvapuḥ /

tathaitac chṛṇu vakṣyāmi yathaitad anubhūyate //

Note:

sargādau proktasvarūpe sargārambhe | manaḥ eva anutpannam | ata evāsadvapuḥ asatsvarūpaṃ bhavati | tvaṃ śṛṇu | yathā tvayā etat anubhūyate | aham tathā etat vakṣyāmi ||

Note:

nanu prakṛtaṃ dṛśyāsattvakathanaṃ vihāya mano'sattvakathanam ayuktam ity | atrāha

mano dṛśyamayaṃ doṣaṃ tanotīmaṃ kṣayātmakam /

asad evāsadākāraṃ svapnaḥ svapnāntaraṃ yathā //

Note:

manaḥ imam puraḥ bhāsamānam | kṣayātmakam naśvarasvabhāvam | dṛśyamayaṃ doṣam dṛśyasvarūpaṃ doṣaṃ | tanoti vistārayati | manaḥ kathambhūtam | asad eva sphuraṇamātrarūpatvāt asatsvarūpam eva | dṛśyamayaṃ doṣaṃ kathambhūtam | asadākāram asatsvarūpam | asatā vistāryamāṇatvāt | na hy asatā vistāritaṃ sat bhavituṃ yogyam | vandhyāputravistāritasya vāgjālasyāpi sattāpatteḥ | manaḥ kaḥ yathā | svapno yathā | yathā asatsvarūpaḥ svapnaḥ asadākāraṃ svapnāntaraṃ tanoti | tathety arthaḥ | dṛśyate hi svapne svapnāntaram iti nātra vivādaḥ ||

Note:

svāśrayabhūtaṃ dehaṃ praty api asyaiva kāraṇatvaṃ kathayati

tat svayaṃ svairam evāśu saṅkalpayati dehakam /

teneyam indrajālaśrīr vitatena vitanyate //

Note:

tat manaḥ | idaṃ dehakam ātmatayā bhāsamānaṃ sthūladeham | āśu śīghraṃ | svayam anyasāhāyyānapekṣaṃ | svairam svecchayā | saṅkalpayati saṅkalpamātreṇa sampādayati | punar api prakṛtam eva kathayati teneyam iti | tena manasā | iyam dṛśyatvena bhāsamānā ||

Note:

uktam arthaṃ sargāntaślokena saṅgṛhya kathayati

sphurati gacchati valgati yācate bhavati majjati saṃharati svayam /

aparatām upayāty api kevalaṃ calati cañcalaśaktitayā manaḥ //

Note:

upalakṣaṇaṃ caitat | tena yā kācit kriyā iha bhavati sā manaḥkṛtā eva bhavatīti saṅkṣiptārtha iti śivam ||

MT_3.4

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe caturthaḥ sargaḥ ||

Note:

evaṃ manonirṇayam avaśyakartavyatayā śrutvā śrīrāmaḥ pṛcchati

bhagavan muniśārdūla kim iveha mano bhrame /

vidyate katham utpannaṃ mano māyāmayaṃ kutaḥ //

Note:

bhagavan muniśārdūla he bhagavan muniśreṣṭha | iha bhrame asmin jagadrūpe bhrame | manaḥ kim iva vidyate kiṃsvarūpam ivāsti | tathā katham utpannam kena prakāreṇa prādurbhūtam | manaḥ māyāmayaṃ māyāsvarūpaṃ kutaḥ bhavati ||

Note:

tatrāpy ādau utpattim eva kathayety¹²³³ abhiprāyeṇāha

utpattim ādāv iti me samāsena vada prabho /

pravakṣyasi¹²³⁴ tataḥ śiṣṭaṃ vaktavyaṃ vadatāṃ vara //

Note:

he prabho | tvam | me iti utpattim manoniṣṭhām utpattim | matpṛṣṭaṃ śiṣṭaṃ syāt | tat pravakṣyasi kathayiṣyasi | svayam eva śiṣṭatvād iti bhāvaḥ ||

Note:

śrīvasiṣṭha uttaraṃ kathayati

mahāpralayasampattāv asattāṃ samupāgate¹²³⁵ /

aśeṣadṛśye sargādau śāntam evāvaśiṣyate //

Note:

mahāpralayasya turyākhyasyāvasthāviśeṣasya mahākalpāntasamayasya vā | sampattau pūrṇatāyāṃ satyāṃ | sargādau aśeṣadṛśye sṛṣṭisaṃhāratatsaṃskārarūpe samaste dṛśye | asattām adarśanam | samupāgate sati | śāntam eva śanaiḥ śanaiḥ sargādināśasākṣitākhyāt kṣobhād api niṣkrāntam kim apy anirvācyaṃ tattvam evāvaśiṣyate śiṣṭam bhavati | atra sargaḥ svaviṣayaṃ padārthajātasākṣi prati¹²³⁶ | saṃhāraḥ svasādhyam padārthābhāvaṃ | saṃskāraḥ padārthasaṃskāraṃ padārthābhāvaṃ | tayoḥ saṃskāraḥ padārthasaṃskāraṃ padārthābhāvasaṃskāraṃ ceti vibhāgo jñātavyaḥ ||

Note:

śāntāvaśiṣṭam eva sphuṭaṃ kathayati

āste 'nastamito bhāsvān ajo devo nirāmayaḥ /

sarvadā sarvakṛt sarvaḥ paramātmā maheśvaraḥ //

Note:

paramātmā sarveṣāṃ paramārthataḥ ahantāviṣayatayā bhāsamānam kim apy āntaraṃ tattvam | āste tiṣṭhati | prathamam mahāpralayasākṣibhāvena tadanantaram api yathā tathā kalpyamānānāṃ svābhāvānāṃ sākṣibhāvena sthitatvāt | atra sarvadā sthitasyātmanaḥ sthitivartamānatākathanaṃ pramātrapekṣayā prayuktatvāt na doṣāvaham | kathambhūtaḥ asau paramātmety apekṣāyāṃ viśeṣaṇāni kathayati anastamita iti¹²³⁷ | anastamitaḥ yathā tathā kalpitasya svāstasyāpi grāhakatvena sthitatvāt phalataḥ astarahitaḥ | bhāsvān sākṣitayā sarvaprakāśakatvāt sūryasvarūpaḥ | āścaryaṃ ca bhāsvataḥ anastamitatvam | ajaḥ janmarahitaḥ | prādurbhūtiḥ hi janma | sā ca tasya na yuktā | ātmatvena sadā prādurbhūtatvāt | na hy ātmanaḥ aprādurbhūtatvaṃ kadāpi yuktam | svāprādurbhūter api grāhakatayā sthitatvāt | devaḥ krīḍāśīlaḥ | anyathā etādṛśaṃ jagat kathaṃ prādurbhavet | akrīḍāśīlo hi hastacālanamātrād api parāṅmukho bhavati | nirāmayaḥ māyākhyarogāt¹²³⁸ niṣkrāntaḥ | anyathā māyākhyāmayagrastatvāt māyāprerakatvam ayuktam syāt | na hi āmayagrastaḥ āmayaprerako bhavati | sarvadā sarvakṛt sarveṣu deśeṣu kāleṣu ca sarvakārī | anyathā anubhūyamānaḥ sarvadā sarvodbhavaḥ ayuktaḥ syāt | sarvaḥ sarvasvarūpaḥ | anyathā padārthānāṃ kiṃmayatvaṃ syāt | maheśvaraḥ paramaniyantā | anyathā sarve svasvabhāve niyatāḥ na syuḥ ||

Note:

punar api tam eva viśinaṣṭi

yato vāco nivartante¹²³⁹ yo muktair avagamyate¹²⁴⁰ /

yasya cātmādikāḥ sañjñāḥ kalpitā na svabhāvajāḥ //

Note:

vācaḥ samastāḥ laukikāḥ vaidikāś ca vācaḥ | yataḥ yasmāt paramātmanaḥ | nivartante | vāk hi saṅketaṃ puraskṛtya vastuni pravartate | saṅketaś ca paramātmani kartum aśakyaḥ | bāhyāntaḥkaraṇāgocaratvāt | indriyagocare eva vastuni hastagrāhikayā saṅketakaraṇaṃ dṛśyate | tarhi asau nāstīty | atrāha yo muktair iti | muktaiḥ eva dṛśyānāsaktacittaiḥ eva | na tu laukikaiḥ | yaḥ avagamyate ātmatayā jñāyate | muktāḥ hi śuddhaṃ kim api tattvaṃ ātmatayā jānanti | anyathā muktatvāyogāt | tathā cāsattā asya na yukteti bhāvaḥ | nanu vācāṃ tataḥ nivartanakathanam ayuktaṃ ātmādiśabdānāṃ tadvācakatvāt ity | atrāha yasya ceti | tattvajñair iti śeṣaḥ | kalpitāḥ pravṛttinimittam anapekṣyaiva tailapāyikādisañjñāvat¹²⁴¹ kalpanayā sthāpitāḥ ||

Note:

nanu yadi saḥ eka evāsti tat kathaṃ sāṅkhyādibhiḥ puruṣādayaḥ kathitā ity | atrāha

yaḥ pumān sāṅkhyadṛṣṭīnāṃ brahma vedāntavādinām /

vijñānamātraṃ vijñānavidām ekāntanirmalam //

Note:

sāṅkhyadṛṣṭīnāṃ sāṅkhyadarśanaratānām | sāṅkhyāḥ hi prakṛtivyatiriktam jīvāparaparyāyaṃ¹²⁴² puruṣam eva śeṣatvena kathayanti | sa ca vicāryamāṇaḥ uktaparamātmarūpatve eva viśrāmyatīti yuktam uktaṃ yaḥ pumān sāṅkhyadṛṣṭīnām iti | evaṃ sarvatra yojyam | tathā ca nāmabhedasyaiva sthitatvān noktadoṣaprasaṅga iti bhāvaḥ | nanu śrīvasiṣṭhena kiṃ darśanam āśrityedaṃ śāstram uktam iti cet | satyam | sarveṣāṃ darśanānāṃ sāram āśritya etenedaṃ śāstraṃ kṛtam | anyathā sarvamatāṅgīkāraḥ ayuktaḥ syāt | bāhulyena vedāntaśāstracarcā atra dṛśyate | tadapekṣayā stokena mahārahasyabhūtasya śivaśāstrasyāpi ity alam aprakṛtacintanena | brahma ajñānāśrayaviṣayībhūtam śāntam cittattvam | vijñānamātram ghaṭapaṭādiviṣayaṃ nirākāraṃ jñānam ||

yaḥ¹²⁴³ śūnyavādināṃ śūnyaṃ bhāsako¹²⁴⁴ yo 'rkatejasām /

vaktā smartā ṛtaṃ bhoktā draṣṭā kartā sadaiva yaḥ //

Note:

śūnyam suṣuptau anubhūyamānaṃ na kiñcittvaṃ | upalakṣaṇaṃ caitat | tena sarveṣāṃ darśanānāṃ¹²⁴⁵ yat vastu viśrāntisthānaṃ bhavati tad asāv eveti jñeyam | punaḥ kathambhūto 'sau bhavatīty | atrāha bhāsaka iti | yaḥ arkatejasām arkādisvarūpāṇāṃ tejasāṃ | bhāsakaḥ netrākhyādhiṣṭhānaviśeṣādhiśrayaṇena prakāśakaḥ bhavati | tathā yaḥ sadā eva nityam eva | ṛtam satyatayā | paramārthataḥ iti yāvat | vaktā smartā bhoktā draṣṭā kartā bhavati | samastavaktrādyātmatvena sthitatvāt | ṛtam iti kriyāviśeṣaṇam ||

sad apy asad yo¹²⁴⁶ jagati yo dehastho 'pi dūragaḥ /

citprakāśo hy ayaṃ yasmād āloka iva bhāsvataḥ //

Note:

yaḥ ātmā | sad api etāvataḥ jagadbhramasyādhiṣṭhānatayā sthitatvāt satsvarūpam api¹²⁴⁷ | asat bhavati | bāhyāntaḥkaraṇāgocaratvāt | yaḥ ātmā | dehasthaḥ api pāṣāṇarūpasya dehasyānyathā ceṣṭāśrayatvāyogāt tatrastho 'pi | dūragaḥ bhavati | anyathākāśasthitānāṃ sūryādīnāṃ grahaṇaṃ na syāt | hi niścaye | ayaṃ citprakāśaḥ padārthacetanarūpaḥ prakāśaḥ | yasmāt bhavati | ka iva | āloka iva | yathā ālokaḥ padārthadarśanam | bhāsvataḥ sūryād | bhavati | tathety arthaḥ ||

yasmād viṣṇvādayo devāḥ sūryād iva marīcayaḥ /

yasmāj jaganty anantāni budbudā jaladher iva //

Note:

devāś cādhyātmikāḥ ādhidaivikāś ceti dvividhāḥ jñeyāḥ | tatra ādhidaivikāḥ prasiddhāḥ | ādhyātmikā yathā | manaḥ brahmā | buddhiḥ viṣṇuḥ | ahaṅkāraḥ rudraḥ | indriyādayaḥ¹²⁴⁸ devā iti | jaganty api evaṃ dvividhāni jñeyāni | tāny api ādhidaivikāni prasiddhāni | ādhyātmikāni tu mānasikāḥ¹²⁴⁹ saṅkalpāḥ jñeyāḥ ||

yaṃ yānti dṛśyavṛndāni payāṃsīva mahārṇavam /

ya ātmānaṃ padārthaṃ ca prakāśayati dīpavat //

Note:

dṛśyavṛndāni yam draṣṭṛrūpam¹²⁵⁰ yaṃ | yānti yasmin layībhavantīty arthaḥ | yaḥ śuddhacitsvarūpaḥ yaḥ |ātmānam cinmātrasvarūpam svātmānam | tathā padārthaṃ¹²⁵¹ jātau ekavacanam | padārthāṃś ca dīpavat prakāśayati prakaṭīkaroti ||

ākāśe yaḥ śarīre ca dṛśatsv apsu latāsu ca /

pāṃsuṣv adriṣu vāteṣu pātāleṣu ca saṃsthitaḥ //

Note:

yaḥ ātmā | ākāśe śarīre ca | tathā dṛśatsu śilāsu | apsu latāsu ca pāṃsuṣu rajassu | adriṣu parvateṣu | vāteṣu pātāleṣu ca saṃsthitaḥ bhavati | upalakṣaṇaṃ caitat | tena sarvatra sthāvare sthita iti jñeyam | sthāvareṣu sthitatvaṃ ātmanaḥ katham astīti cet | satyam | sarve sthāvarāḥ tāvat vicāryamāṇāḥ anirvācyatāyām eva viśrāmyanti | anirvācyatā eva ca ātmanaḥ svarūpam iti na kaścid virodhaḥ | atha vā sthāvarāḥ tāvat ātmayuktāḥ nirātmakāḥ vā | nirātmakatve kiṃrūpatvaṃ teṣāṃ syāt | sātmakatve tu sphuṭam eva teṣv ātmanaḥ avasthānam iti yojyam ||

yaḥ plāvayati saṃrabdhaṃ puryaṣṭakam itas tataḥ /

yena mūkīkṛtā mūḍhāḥ śilādhyānam ivāsthitāḥ //

Note:

yaḥ ātmā | puryaṣṭakam antaḥkaraṇatrayaṃ tanmātrapañcakam itisvarūpaṃ¹²⁵² puryaṣṭakaṃ | arthāc¹²⁵³ cetanavargam | itaḥ tataḥ plāvayati yatra tatra gamayati | ceṣṭāṃ kārayatīti yāvat | mūḍhāḥ jaḍāḥ | yena sāratayā sthitena ātmanā | mūkīkṛtāḥ vimarśāsamarthāḥ kṛtāḥ santaḥ | śilādhyānam śilāvat dhyānam | āsthitāḥ iva bhavanti | atyantajaḍā iva bhavantīti yāvat | mūḍhānām api paramārthataḥ śuddhacinmātrarūpatvāt ivaśabdaprayogaḥ ||

vyoma yena kṛtaṃ śūnyaṃ śailā yena ghanīkṛtāḥ /

āpo drutāḥ kṛtā yena dīpto yasya vaśād raviḥ //

Note:

yena sarvaśaktitvāt nistattvarūpatām āśritena yenātmanā | vyoma vyāpyatayā sthitam ākāśam | śūnyam nistattvasvarūpaṃ | kṛtam | tathā yena mṛcchilābhāvaṃ śritena yenātmanā | śailāḥ¹²⁵⁴ svavyāpyāḥ parvatāḥ | ghanīkṛtāḥ nibiḍāḥ sampāditāḥ | tathā yena dravatvabhāvaṃ gatena yenātmanā | āpaḥ svavyāpyāni jalāni | drutāḥ dravatvākhyaguṇayuktāḥ | kṛtāḥ | tathā raviḥ vyāpyabhāvena sthitaḥ sūryaḥ | yasya vaśāt dīpanaśīlatejobhāvaṃ gatasya yasyātmanaḥ vaśena | dīpto bhavati | upalakṣaṇaṃ caitat ||

prasaranti yataś citrāḥ saṃsārāsāravṛṣṭayaḥ /

akṣayāmṛtasampūrṇād ambhodād iva vṛṣṭayaḥ //

Note:

akṣayam nāśarahitam | yat amṛtam ānandarasaḥ | tena sampūrṇāt nirbharāt | yataḥ yasmāt ātmanaḥ | saṃsārāsāravṛṣṭayaḥ saṃsārarūpāḥ dhārāsāravṛṣṭayaḥ | prasaranti sañcaraṃ yānti | kā iva | vṛṣṭayaḥ iva | yathā akṣayāmṛtasampūrṇāt avināśijalapūrṇāt | ambhodāt meghāt | vṛṣṭayaḥ prasaranti | tathety arthaḥ ||

āvirbhāvatirobhāvamayyas tribhuvanormayaḥ /

sphuranty avirataṃ yasmin ghṛṇāv iva marīcayaḥ //

Note:

āvirbhāvatirobhāvamayyaḥ āvirbhāvatirobhāvayuktāḥ | tribhuvanormayaḥ¹²⁵⁵ | yasmin arthāt samudrarūpe | yasmin aviratam sphuranti | kā iva | marīcayaḥ iva | yathā ghṛṇau sūrye | marīcayaḥ sphuranti | tathety arthaḥ ||

nāśarūpo 'vināśātmā yo 'ntaḥsthaḥ sarvavastuṣu /

gupto yo vyatirikto 'pi sarvabhāveṣu saṃsthitaḥ //

Note:

avināśātmā yathā tathā sambhāvitasya svanāśasyāpi sākṣitayā sthitatvāt vināśarahitaḥ | yaḥ ātmā | nāśarūpaḥ bhavati | nāśabhāvenāpi sthitatvāt | anyathā ātmarahitasya nāśasya kena rūpeṇa bhānaṃ syāt | tathā vyatiriktaḥ api śuddhacinmātrarūpatvena samastapadārthottīrṇasvarūpaḥ api | yaḥ ātmā | sarvabhāveṣu saṃsthitaḥ bhavati | sāratayā sthitatvāt | viruddhaṃ ca avināśinaḥ vināśarūpatvam sarvabhāvavyatiriktasya sarvabhāveṣu saṃsthitatvam | yaḥ ātmā kathambhūtaḥ | sarvavastuṣu antaḥsthaḥ | antaḥ niyāmakatvena sthitaḥ | ata eva guptaḥ bahiḥ adṛśyaḥ ||

prakṛtivratatir vyomni jātā brahmāṇḍasatphalā /

cittamūlendriyadalā yena nṛtyati vāyunā //

Note:

prakṛtiḥ jaganmūlakāraṇabhūtaṃ kim api tattvam | sā eva vratatiḥ latā | yena vāyunā yenātmarūpeṇa vātena | nṛtyati kāryabhāvena pariṇāme kartṛtvaṃ bhajati | anyathā kāryavargagatajaḍatvānyathānupapattyā jaḍarūpāyāḥ tasyāḥ kāryabhāvena pariṇāmaṃ prati kartṛtvāyogāt | prakṛtivratatiḥ¹²⁵⁶ kathambhūtā | vyomni na kiñcidrūpatayā ākāśasvarūpe cinmātre | jātā prādurbhūtā | tathā brahmāṇḍam eva satphalaṃ yasyāḥ | sā | tādṛśī | tathā cittam eva mūlaṃ yasyāḥ | sā | tādṛśī | tathā indriyāṇy eva dalāṇi yasyāḥ | sā | tādṛśī | cittamūlatvena prakṛteḥ pratītimātrasiddhatvamātram uktam iti brahmāṇḍamūlakāraṇabhūtāyāḥ prakṛteḥ kathaṃ tadantargatapuruṣacinmātramūlatvam uktam iti na paryanuyojyam ||

yaś¹²⁵⁷ cinmaṇiḥ prakacati pratidehasamudgakam /

yasminn indau sphuranty etā jagajjālamarīcayaḥ //

Note:

cinmaṇiḥ cid eva maṇiḥ | prakāśakatvāt ratnam | tatsvarūpaḥ yaḥ ātmā | pratidehasamudgakam sarveṣu dehasamudgeṣu | prakacati jīvabhāvena sphura-ti | anyathā dehāntargatānāṃ jīvānāṃ kiṃrūpatvaṃ syāt | yuktaṃ ca samudgake ratnaprakacanam | etāḥ puraḥ dṛśyamānāḥ | jagajjālamarīcayaḥ | yasmin indau sphuranti | anyathā kimādhāram āsāṃ bhānaṃ syāt | na hi nirādhārasya jagajjālasya sphuraṇaṃ buddhim ārohati | marīcitvaṃ ca jagajjālasya citprakāśaviṣayatvena citprakāśatānapāyāj jñeyam | acidrūpo hi cidviṣayatāyogyo na bhavati | viruddhatvena tatsānnidhye tasya sannidhānāsambhavāt ||

praśāntacidghane yasmin sphuranty amṛtavarṣiṇi /

dhārājalāni bhūtāni dṛṣṭayas taḍitaḥ sphuṭāḥ //

Note:

amṛtavarṣiṇi ānandavarṣiṇi | praśāntacidghane yasmin nirapekṣaśuddhacidākhyameghasvarūpe yasmin ātmani | bhūtāni samastāḥ padārthāḥ | dhārājalāni | dṛṣṭayaḥ tadviṣayāṇi jñānāni | sphuṭāḥ prakaṭāḥ | taḍitaḥ sphuranti | yuktaṃ ca jalavarṣiṇi meghe dhārājalānāṃ taḍitāṃ ca sphuraṇam | ānandavarṣitvaṃ cātmanaḥ parapremāspadatvena¹²⁵⁸ jñeyam | na hi ānandāvarṣī parapremāspado¹²⁵⁹ bhavati | ānandavarṣiṇi putrādau eva premāspadatvadarśanāt | ātmanaḥ parapremāspadatvaṃ¹²⁶⁰ ca sarveṣu svasākṣikam eveti nāyastam ||

camatkurvanti vastūni yadālokanayā mithaḥ /

asaj jātam asad yena yena sat¹²⁶¹ sattvam āgatam //

Note:

vastūni bhoktṛbhogyarūpāṇi bhāvajātāni | mithaḥ anyo'nyasmin | yadālokanayā yaddarśanena | yaddarśanabhāveneti yāvat | camatkurvanti ānandam anubhavanti | yaddarśanam eva teṣāṃ camatkārakāraṇam astīti yāvat | mithyā iti sāmānyākṣepeṇoktam | ayaṃ bhāvaḥ | bhoktāraḥ tāvat iṣṭāniṣṭān¹²⁶² bhogyān anubhūya bhogyāntaranirapekṣā jāyante | anyathā tatkālaṃ viṣayīkṛtasya bhogyasya¹²⁶³ bhogaḥ samāptiṃ na vrajet | tatkālaṃ bhogyāntaranirapekṣatvaṃ ca tatra teṣāṃ camatkārānubhavanaṃ vinā na sidhyati¹²⁶⁴ | ekasmin viṣaye anubhūyamānena camatkāreṇaiva hi puruṣaḥ anyeṣu viṣayeṣu nirapekṣo bhavati | sa ca camatkāraḥ vicāryamāṇaḥ nairapekṣyakāraṇatvāt ātmasvarūpa eva bhavati | paramaviśrāntipadasvarūpasya ātmana eva nairapekṣyakāraṇatvāt iti yuktam eva bhoktuḥ bhogyeṣu yaddarśanarūpaṃ camatkārakāraṇam¹²⁶⁵ iti | anubhavamātragamye 'smin vastuni pratibhāvadbhiḥ svayam api yatanīyam ity alaṃ prapañcena | tathā yena sākṣitayā sthitena yenātmanā | asat asat jātam | tathā yena tādṛśena yenātmanā | sat sattvam āgatam | sākṣiṇaṃ vinā sadasadgatayoḥ sattvāsattvayoḥ asaṅkalpatvāt ||

calatīdam anicchasya kāyāyo yasya sannidhau /

jaḍaṃ paramaratnasya śāntam ātmani tiṣṭhataḥ //

Note:

anicchasya icchādhāramate rahitatvāt¹²⁶⁶ icchārahitasya | ata evātmani śānte | tiṣṭhataś calanecchākhyakṣobharahitaṃ tiṣṭhataḥ | yasya paramaratnasya sannidhau jaḍaṃ grāhyaikarūpatvena acetanam | idaṃ kāyāyaḥ¹²⁶⁷ śarīrākhyam ayaḥ | calati ceṣṭāṃ karoti | kāyaceṣṭākāraṇatvenābhimatasya prāṇasyāpi ātmaśaktiyuktatvena¹²⁶⁸ paramārthataḥ kāyacalanakāraṇatvāyogāt | bāhyaratnagatajaḍatvarāhityadyotanārthaṃ paramapadopādānam | yuktam ca ayasaḥ ayaskāntākhyaratnasannidhāne¹²⁶⁹ calanam ||

niyatir deśakālau ca calanaṃ spandanaṃ kriyāḥ /

iti yena gataṃ sattāṃ sarvasattvābhigāminā //

Note:

niyatiḥ¹²⁷⁰ padārtheṣu niyamādāyakaḥ śaktiviśeṣaḥ | deśaḥ padārthādhārabhūtaḥ vastuviśeṣaḥ | kālaḥ sūryacārādyanumeyaḥ kalanāmātrasvarūpaḥ padārthaparivartikārakaḥ ko 'pi vastuviśeṣaḥ | calanam sāmānyacalanam | spandanaṃ¹²⁷¹ kriyāviṣayā ceṣṭā | kriyā pākādirūpaṃ karma | upalakṣaṇaṃ caitat | iti etat | sarvasattvābhigāminā samastasattāviṣayapadārthavyāpakena | yenātmanā | sattāṃ gatam | vyāpakenaiva hi vyāpyaṃ sattāṃ labhate ||

śuddhasaṃvinmayatvād yaḥ khaṃ bhaved vyomavittayā /

padārthavittayārthatvam avatiṣṭhaty aniṣṭhitaḥ //

Note:

śuddhasaṃvinmayatvāt | śuddhā kenāpi rūpeṇa niṣṭhāṃ na gatā | yā saṃvit saṃvedanaṃ | tatsvarūpatvāt | aniṣṭhitaḥ kenāpi rūpeṇa niṣṭhāṃ na gataḥ | yaḥ | vyomavittayā vyomāham iti saṃvidyuktatvena | khaṃ vyoma | bhavati | padārthābhāvarūpaṃ bhavatīty arthaḥ | padārthavittayā padārtho 'ham iti saṃvidyuktatvena | arthatvam padārthabhāvam | avatiṣṭhati āśrayati | upasargasāmarthyāt tiṣṭhater āśrayaṇam arthaḥ | ghaṭatve niṣṭhitaḥ ghaṭaḥ paṭatāṃ na yātīti aniṣṭhita ity uktam ||

Note:

sargāntaślokenātmamāhātmyavarṇanaṃ samāpayati

kurvann apīva jagatāṃ mahatām ananta-
spandaṃ na kiñcana karoti kadācanāpi /

svātmany anastamayasaṃvidi nirvikāre
tyaktodayasthitimatiḥ sthita eka eva //

Note:

ya iti śeṣaḥ | yaḥ ātmā mahatām jagatām anantaspandam kurvan api iva jagatprādurbhāvānyathānupapattyā mahājagadviṣayam anantaṃ spandaṃ kurvann apīva | kadācana kiñcana na karoti atiśuddhena kartṛtvābhimānābhāvāt | anyathā ivaśabdaprayogāyogāt | yaḥ kathambhūtaḥ | anastamayasaṃvidi | anastamayā yathā tathā kalpitasya svāstamayasyāpi sākṣitvenāvasthānāt paramārthataḥ astamayarahitā | yā saṃvit | tatsvarūpe | tathā nirvikāre rāgadveṣādirūpebhyaḥ vikārebhyaḥ niṣkrānte | svātmani svasvarūpe | sthitaḥ | punaḥ kathambhūtaḥ | tyaktā udayasthityoḥ jagadviṣayoḥ udayasthityoḥ | matiḥ yena | saḥ | tādṛśaḥ | jagataḥ udaye sthitau arthāt saṃhāre ca nirapekṣa ity arthaḥ | iti śivam ||

MT_3.5

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe pañcamaḥ sargaḥ ||

Note:

oṃ evaṃ paramātmanaḥ svarūpaṃ māhātmyaṃ ca pratipādya śrīrāmaṃ tatprāptiṃ prati tvaramāṇaṃ jñātvā sugamaṃ tatprāptyupāyaṃ kathayati

asya devātidevasya parasya paramātmanaḥ /

jñānād eva parā siddhir na tv anuṣṭhānakhedadā¹²⁷² //

Note:

asya proktasvarūpasya | devātidevasya niratiśayakrīḍāśīlasya dyotanaśīlasya ca niratiśayaparamātmanaḥ | jñānād eva jñānākhyād upāyād eva | siddhiḥ prāptirūpā siddhiḥ | bhavati | asya siddhiḥ anuṣṭhānakhedadā | anuṣṭhānena yaḥ khedaḥ | taṃ dadātīti tādṛśī | na bhavati ||

Note:

nanv anuṣṭhānaṃ vinā kathaṃ yuktatā syād ity | atrāha

atra jñānam anuṣṭhānaṃ na tv anyad upayujyate /

mṛgatṛṣṇājalabhrāntiśāntivedanarūpi tat //

Note:

atra asyāṃ ātmaprāptirūpāyāṃ siddhau | jñānam anuṣṭhānaṃ siddheḥ kāryasādhakaḥ prayatnaḥ | bhavati | anyat jñānākhyānuṣṭhānavyatiriktaṃ kāyavyāpārākhyaṃ | anuṣṭhānaṃ nopayujyate | tat jñānam | mṛgatṛṣṇāyāṃ yā jalabhrāntiḥ | tasyāḥ śāntiḥ | yena | tat | tādṛśaṃ yat vedanam | tadvat rūpam | asyāstīti tādṛśaṃ bhavati | samyagjñānarūpaṃ bhavatīty arthaḥ ||

Note:

nanv īdṛśo 'sāv ātmā kutra tiṣṭhatīty | atrāha

na caiṣa dūre nākāśe nālabhyo viṣamo na ca /

svānandabhāsarūpo¹²⁷³ 'sau svadehād eva labhyate //

Note:

eṣaḥ ātmā | dūre na ca bhavati | svaśarīrāntarvartitvāt | etena dūrasthamahātīrthāśrayatvaśaṅkā nivāritā | eṣaḥ ātmā | ākāśe na bhavati | etena uparisthabhuvanāśrayatvaśaṅkā nivāritā | eṣaḥ ātmā | alabhyaḥ labdhum aśakyaḥ | na bhavati | sadā labdhatvāt | anyathā ātmatvāyogyatvāt | etena durlabhatvaśaṅkā nivāritā¹²⁷⁴ | eṣaḥ ātmā | viṣamaḥ kaṭhinaḥ | na ca bhavati | parapremāspadatvāt | na hi kaṭhine premāspadatvaṃ yuktam | paratvaviśeṣitasya tu premnaḥ kā kathā | etena aiśvaryaleśamadagrastarājādivat krauryāśaṅkā nivāritā | puruṣeṇa svānandabhāsarūpaḥ¹²⁷⁵ bhogādiviṣayanirapekṣasvayambhātānandapratibhāsasvarūpaḥ | asau ātmā | svadehād eva¹²⁷⁶ labhyate | svānandabhāsarūpa ity anena viṣamatvanirāsaḥ | svadehād ity anena dūrasthatvākāśasthatvayoḥ nirāsaḥ | labhyate ity anena alabhyatvanirāsaḥ ||

Note:

nanu tapaḥprabhṛtināpi kecid ātmaprāptiṃ kathayantīty | atrāha

kiñcin nopakaroty atra tapodānavratādikam /

svabhāvamātraviśrāntim ṛte nātrāsti sādhanam //

Note:

atra asyāṃ ātmaprāptirūpāyāṃ siddhau | tapodānavratādikam kiñcit nopakaroti leśenāpi upakāraṃ¹²⁷⁷ na karoti | bāhyāṅgatvena ārādupakārakatvāt | tapaḥprabhṛtinā hi sattvaśuddhir eva bhavati | nātmaprāptiḥ | atra asyāṃ ātmaprāptau | svabhāvaviśrāntim ṛte svarūpaviśrāntiṃ vihāya | sādhanaṃ na bhavati ||

Note:

svabhāvaviśrāntau asamarthān prati upāyaṃ kathayati

śāstrasatsaṅgasadyogiparataivātra kevalam /

sādhanaṃ¹²⁷⁸ bodhanaṃ mohajālasya yad akṛtrimam //

Note:

atra asyām ātmaprāptau | śāstraṃ ca adhyātmaśāstraṃ | tac ca satsaṅgasadyoginaḥ ca¹²⁷⁹ śāstrasatsaṅgasadyoginaḥ¹²⁸⁰ | tatra paratā ekaniṣṭhatvam | eva | na tu tapaḥprabhṛtikam | sādhanaṃ upāyaḥ | bhavati | sādhanaṃ kiṃ | yat mohajālasya jagati jagattvajñānākhyasya mithyājñānaprapañcasya | lakṣaṇayā jagati jagattvajñānākhyasya mohajālayuktasya puruṣasyākṛtrimaṃ sahajaṃ | bodhanaṃ brahmaivedam¹²⁸¹ ity | evaṃbodhakāri bhavati ||

Note:

śāstrādiparatāphalabhūtasyātmaviśrāntim¹²⁸² prati sādhanabhūtasya mukhyam upāyatvaṃ kathayati

ayaṃ sa deva ity eva samparijñānamātrataḥ /

jantor na jāyate duḥkhaṃ jīvanmuktatvam eti ca //

Note:

ayam ahantayā idantayā ca puraḥsphuraṇaśīlaḥ ahaṅkārādikaḥ saṃsāraḥ | saḥ sarveṣāṃ paramārthataḥ ātmabhāvena sthitatvāt prasiddhaḥ | devaḥ dyotanaśīlaṃ krīḍāśīlaṃ ca cittattvaṃ bhavati | ity eva etāvanmātreṇaiva | samparijñānamātrataḥ samyagjñānamātreṇa | jantoḥ duḥkhaṃ na jāyate | pravāhāgatasya duḥkhasyāpi cinmātratvajñānāt | saḥ jantuḥ jīvanmuktatvaṃ caiti prāpnoti | śarīrasānnidhye 'pi muktatvāt ||

Note:

sādhanabhāvena prasiddhasya tapaḥprabhṛtikasyāsādhanatvam asahamānaḥ ātmanaḥ sulabhatve nikaṭavartitve ca sandihānaś ca śrīrāmaḥ pṛcchati

samparijñātamātreṇa kilānenātmanātmani /

punar doṣā na bādhante maraṇādyāḥ kadācana //

Note:

ātmani svasmin | samparijñātamātreṇa ahamādijagadadhiṣṭhānatayā samyaṅniścitena | anena ātmanā maraṇādyāḥ doṣāḥ na bādhante | na hi cinmātratāṃ gatasya dehagatāḥ maraṇādyāḥ bādhāṃ kartuṃ samarthāḥ bhavanti ||

Note:

tarhi jñātajñeyatvena maunam eva kurv ity | atrāha

devadevo mahān eṣa kuto dūrād avāpyate /

tapasā kena tīvreṇa kleśena kiyatātha vā //

Note:

asmābhiḥ eṣaḥ devadevaḥ kutaḥ dūrāt kiyataḥ dūrāt | avāpyate | tathā kena tīvreṇa tapasā avāpyata atha vā kiyatā kleśena prāṇarodhanādirūpeṇa kleśena | avāpyate | na hi īdṛśasya devadevasya tapaādikaṃ prāṇarodhanādikaṃ ca vinā prāptiḥ yujyate | sarveṣāṃ tatprāptiprasaṅgāt | na hi sarve tatprāptibhājaḥ dṛśyante | na cānavāptasya jñānaviṣayatvaṃ¹²⁸³ yuktaṃ | prāptasya ghaṭāder eva tadviṣayatādarśanād iti bhāvaḥ ||

Note:

śrīvasiṣṭhaḥ uttaraṃ kathayati

svapauruṣaprayatnena vivekena vikāsinā /

sa devo jñāyate rāma na tapassnānakarmabhiḥ¹²⁸⁴ //

Note:

he rāma | svapauruṣaprayatnena nijamānasikapauruṣākhyaprayatnasvarūpeṇa | tathā vikāsinā vikāsayuktena vicāreṇa | ko 'ham idaṃ jagac ca kim ity evaṃrūpeṇa vivekena | puruṣeṇa sa devaḥ jñāyate | tapaḥsnānakarmabhiḥ na jñāyate | cittādiśodhanamātraparatvāt teṣām | jñāyate ity anena jñānamātram evātra sādhanīyaṃ | nāvāptiḥ | na hi puraḥsthāyāṃ śuktau rajatabhramayuktasya śuktyavāptiṃ kāṅkṣamāṇasyāpi śuktyavāptiḥ sadhanīyā | śuktir eveyam ity evaṃrūpasya jñānamātrasyaiva sādhanīyatvāt iti dyotitam | kuto dūrād ity asyātyantāsaṅgatattvenottarākathanam¹²⁸⁵ ||

Note:

rāgādiyuktasya tapaādeḥ sphuṭam eva asādhanatvam | tadrahitasya tu sādhanatve 'pi rāgādirāhityasyaiva sādhanatvaṃ yuktam ity abhiprāyeṇāha

rāgadveṣatamaḥkrodhamadamātsaryavarjanam /

vinā rāma tapodānaṃ kleśa eva na vāstavam //

Note:

tapaś ca dānaṃ ca tat tapodānaṃ | vāstavam sahajabhāvakṛtaṃ ||

rāgādyupahate citte vañcayitvā paraṃ dhanam /

yad arjyate tato dānād yasyārthas tasya tat phalam //

Note:

tataḥ tasya dhanasya | sārvavibhaktikaḥ tasilNote: Vgl. Pāṇ 5.4.44, vārtt.1 [II 436]. ||

rāgādyupahate citte vratādi kriyate ca yat /

sa dambhaḥ procyate tasya phalam asti manāṅ na vā //

Note:

vāśabdaḥ pakṣāntare ||

Note:

phalitaṃ kathayati

tasmāt puruṣayatnena mukhyam auṣadham āharet /

sacchāstrasajjanāsaṅgaṃ saṃsṛtivyādhināśane //

Note:

āharet arjayet | kuryād iti yāvat | saṃsṛtivyādhināśane saṃsṛtyākhyavyādhināśanārtham¹²⁸⁶ ||

atraikaṃ pauruṣaṃ yatnaṃ varjayitvetarā gatiḥ /

sarvaduḥkhakṣayaprāptau na kācid upapadyate //

Note:

atrāsyām ātmaprāptau | pauruṣaṃ yatnam sacchāstravicārādirūpaṃ | gatiḥ upāyaḥ | sarvaduḥkhakṣayaprāptau samastaduḥkhakṣayaprāptirūpāyāṃ ||

Note:

nanu tat pauruṣaṃ kīdṛg astīty | atrāha

śṛṇu tat pauruṣaṃ kīdṛg ātmajñānasya labdhaye /

yena śāmyanty aśeṣeṇa rāgadveṣaviṣūcikāḥ //

Note:

tvaṃ śṛṇu | kīdṛk kīdṛśaṃ | tat pauruṣaṃ ātmajñānasya labdhaye bhavati | yena pauruṣeṇa | rāgadveṣaviṣūcikāḥ aśeṣeṇa śāmyanti | anyathā ātmajñānalabdhihetutvaṃ tasya na syād iti bhāvaḥ ||

Note:

pratijñātaṃ pauruṣasvarūpakathanam eva karoti

yathāsambhavayā vṛttyā lokaśāstrāviruddhayā /

santoṣasantuṣṭamanā bhogagardhaṃ parityajan //

yathāsambhavam udyogād anudvignatayā svayā /

sādhusaṅgamasacchāstraparatāṃ prathamaṃ śrayet¹²⁸⁷ //

Note:

yathāsambhavayā sambhavānusariṇyā | na tu prayatnasādhitayā | vṛttyā jīvikayā | bhogagardhaṃ bhogalobham ||

yathāprāptārthasantuṣṭo yo garhitam upekṣate /

sādhusaṅgamasacchāstrarataḥ śīghraṃ sa mucyate //

Note:

garhitam anyāyāgatam dhanādikam ||

Note:

nanu kathaṃ saḥ śīghraṃ mucyate ity | atrāha

vicāraṇāparijñātasvabhāvasya mahāmateḥ /

anukampyā bhavanty ete brahmaviṣṇvindraśaṅkarāḥ //

Note:

vicāraṇayā sādhusaṅgādiprabhāvasiddhena vicāreṇa | parijñātaḥ dehādivyatiriktatvena niścitaḥ | svabhāvaḥ svarūpaṃ | yena | saḥ | tādṛśasya mahāmateḥ buddhiyuktasya puruṣasya | ete brahmaviṣṇvindraśaṅkarāḥ anukampyāḥ¹²⁸⁸ | kīdṛśāḥ¹²⁸⁹ | eṣāṃ jagajjananādivyāpāraparatārūpā vipad astīty evaṃrūpānukampāviṣayāḥ bhavanti | kim u vaktavyaṃ tasya śīghraṃ mokṣaḥ kathaṃ syād iti bhāvaḥ ||

Note:

nanu prathamaṃ tāvat tvayā sādhusaṅgatir evopāyatvenoktā | sa sādhur eva kaḥ syād yasya saṅgatiḥ kriyate ity | atrāha

bhṛśaṃ yaṃ sujanaprāyaṃ lokāḥ sādhuṃ pracakṣate /

sa viśiṣṭaḥ sa sādhuḥ syāt taṃ prayatnena saṃśrayet //

Note:

sujanaprāyam bāhulyena sujanam | prāyapadenāsādhutve 'pi | prayojanavaśād bāndhavaiḥ uktasujanatve puruṣe sādhutve 'pi paranindaikarasikakhalajanaproktāsādhujanatve puruṣe sādhutvāsādhutvayoḥ nirāsaḥ ||

Note:

sādhunirṇayaṃ kṛtvā śāstranirṇayaṃ karoti

adhyātmavidyā vidyānāṃ¹²⁹⁰ pradhānaṃ tatkathāśrayam /

śāstraṃ sacchāstram ity āhur mucyate tadvicāravān //

Note:

vidyānām samastajñānānāṃ madhye | adhyātmavidyā ātmajñānaṃ | pradhānaṃ bhavati | ataḥ paṇḍitāḥ tatkathāśrayam adhyātmavidyākathāvācakam | śāstram sacchāstram ity āhuḥ | tadvicāravān proktasacchāstravicārayuktaḥ puruṣaḥ | mucyate saṃsārakṛtāt bandhanāt mukto bhavati | ataḥ adhyātmaśāstram evātropayuktam astīti bhāvaḥ ||

Note:

sacchāstrādeḥ utpannasya vivekasya mukhyopāyatvaṃ sargāntaślokena sphuṭīkṛtya kathayati

sacchāstrasatsaṅgamajair vivekais
tathā vinaśyanti balān malāni /

yathā jalānāṃ katakānuṣaṅgād
yathā jaḍānām abhayopayogāt //

Note:

malāni rāgādirūpāṇi | janapakṣe rajorūpāṇi | katakam jalaśuddhikārī dravyaviśeṣaḥ | dvitīyaṃ dṛṣṭāntaṃ kathayati | yathā jaḍānām iti | jaḍānāṃ svavivekahīnānām | abhayopayogāt | abhayena kenacid dattenābhayena | kṛtaḥ yaḥ upayogaḥ samāśvāsanākhyaḥ upayogaḥ | tasmāt malāni rajjusarpādikṛtabhayarūpāṇi malāni | vinaśyanti | tathety arthaḥ | vivekināṃ abhayaṃ¹²⁹¹ svavicāreṇa vinaśyantīti¹²⁹² jaḍānām ity uktam | iti śivam ||

MT_3.6

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe ṣaṣṭhaḥ sargaḥ ||

Note:

dūradeśagamanaṃ upāyajālaprayogaṃ ca vinātmāvāptim amanyamānaḥ śrīrāmaḥ punar api pūrvoktam eva praśnaṃ karoti

ya eṣa devaḥ kathito yasmiñ jñāte vimucyate /

vada kvāsau sthito devaḥ katham enam ahaṃ labhe¹²⁹³ //

Note:

tvayā yaḥ eṣaḥ devaḥ kathitaḥ | tathā yasmin deve | jñāte sati | puruṣeṇa vimucyate muktiḥ prāpyate | tvam vada | asau devaḥ kva sthitaḥ bhavati | aham enam amuṃ devaṃ | katham kaiḥ upāyaiḥ | labhe prāpnomi ||

Note:

śrīvasiṣṭhaḥ uttaraṃ kathayati

ya eṣa devaḥ kathito naiṣa dūre 'vatiṣṭhate /

śarīre saṃsthito nityaṃ cinmātram iti viśrutaḥ //

Note:

mayā yaḥ eṣaḥ devaḥ kathitaḥ | eṣaḥ dūre dūradeśe | nāvatiṣṭhate | yataḥ cinmātram iti viśrutaḥ prasiddhaḥ | eṣaḥ nityaṃ śarīre sthitaḥ bhavati | anyathā pāṣāṇatulyasya śarīrasyāpi mṛtaśarīravat ceṣṭāśrayatvaṃ na syāt | na ca śarīrasthasya dūrasthatvaṃ vaktuṃ yuktaṃ | svahastayor api dūrasthatvāsaṃyogāt¹²⁹⁴ iti bhāvaḥ ||

Note:

nanu tarhi dehaparimāṇaḥ evāsau syāt | tathā ca dehavad anityatvam apy asya syād ity | atrāha

eṣa sarvam idaṃ viśvaṃ na viśvaṃ tv eṣa sarvagaḥ /

vidyate hy eṣa evaiko na tu viśvābhidhāsti dṛk //

Note:

eṣaḥ ātmā | sarvam idam viśvam sarvam idaṃ jagat¹²⁹⁵ | bhavati | sarvaṃ sāratvena sthitatvāt | tu pakṣāntare | sarvagaḥ sa ca sāratvena sarvapadārthagaḥ | eṣaḥ viśvaṃ na bhavati | hi yasmāt | eṣa eka eva vidyate | viśvābhidhā dṛk viśvanāmā dṛṣṭiḥ | viśvam iti yāvat | na asti | bhāsamānasyāpi viśvasya¹²⁹⁶ taddṛṣṭyā¹²⁹⁷ etadrūpatvānapāyāt | na hi taraṅgākrānte jale taraṅgābhidhā dṛk bhavati | bhāsamāneṣv api taraṅgeṣu vivekijanadṛṣṭyā jalatvānapāyāt ||

Note:

nanu śaśibhṛdādayo 'pi mahādevatāsvarūpāḥ santy | tat¹²⁹⁸ katham tvayā vidyate hy eṣa evaika ity uktam ity | atrāha

cinmātram eṣa śaśibhṛc cinmātraṃ garuḍadhvajaḥ¹²⁹⁹ /

cinmātram eva tapanaś cinmātraṃ kamalodbhavaḥ //

Note:

eṣaḥ sṛṣṭisaṃhārakatvena prasiddhaḥ | śaśibhṛt śrīmahādevaḥ | cinmātraṃ bhavati | nanu katham etad iti cet | satyaṃ | śaśibhṛt sacetano 'sti cetanārahito vā | acetanatve pāṣāṇarūpasya tasya jagadgatasyāvaratulyayogakṣematvam eva | sacetanatve tu sphuṭam cinmātram eva tadbhāvena sphurati | nanu tarhi śaśibhṛtkīṭayoḥ samatvam eva syād iti cet | kenoktaṃ nāstīti | nanu kāryavilakṣaṇatādarśanād¹³⁰⁰ bhedaḥ kalpyate | ayuktam eva kalpyate | na hi agnikaṇamahāgnicayayoḥ kāryavailakṣaṇyena¹³⁰¹ bhedaḥ kalpayituṃ yuktaḥ | nanu agnikaṇamahāgnicayayoḥ kāryavailakṣaṇyaṃ nāsti dāhākhyasyaikasya kāryasya darśanāt iti cet | śaśibhṛtkīṭayor api | kiṃrūpaṃ kāryavailakṣaṇyam asti jñānakriyāyāḥ karaṇakriyāyāś caikatvāt | yas tu bahvalpatākṛto bhedaḥ asti | saḥ dṛṣṭānte 'py astīti na ko 'pi virodhaḥ | evam anyatrāpi yojyam | garuḍadhvajaḥ sthityadhikārī | tapanaḥ brahmāṇḍagatavastupākakārī sūryaḥ | kamalodbhavaḥ sargādhikārī śrībrahmā | ābhyantarārthavivakṣāyāṃ śaśibhṛt ahaṅkāraḥ | garuḍadhvajaḥ buddhiḥ | tapanaḥ prāṇaḥ | kamalodbhavaḥ manaḥ | iti yojyam ||

Note:

śrīrāmaḥ pṛcchati

bālā api vadanty etad yadi cetanamātrakam /

jagad ity eva kevātra nāma syād upadeśatā //

Note:

yadi jagat cetanamātrakam bhavati | ity eva bhavati | etad eva satyaṃ bhavatīti yāvat | tadā bālā api etat vadanti | sarve eva hi cetanāparaparyāyajīvamayaṃ jagat kathayanti | ataḥ atra upadeśatā nāma kā syāt | ajñātajñāpanasyaivopadeśatvāt | atra bālā ity anena vijñānavādināṃ bauddhānāṃ grahaṇam | te eva hi vijñānāparaparyāyasya cetanasyātmatvaṃ kathayanti ||

Note:

śrīvasiṣṭhaḥ uttaraṃ kathayati

cinmātraṃ cetanaṃ viśvam iti yaj jñātavān asi /

na kiñcid etad vijñātaṃ bhavatā bhavatāraṇam //

Note:

cetanaṃ cinmātraṃ cetanākhyaṃ cinmātram | viśvaṃ bhavati | iti evam | asi tvam | yat jñātavān | bhavatā etat kiñcit leśenāpi | bhavatāraṇam saṃsārāt tārakaṃ | na vijñātam | cinmātrapadārthānabhijñatvāt | cinmātrapadārthajñānamātreṇaiva hi ca saṃsāraḥ naśyati ||

Note:

katham etad ity | atrāha

cetanaṃ nāma saṃsāro jīva eṣa paśuḥ smṛtaḥ /

etasmād eva niryānti jarāmaraṇavīcayaḥ //

Note:

nāma niścaye | cetanaṃ saṃsāraḥ bhavati | cinmātrasthasya cetyaunmukhyasyaiva cetanatvāt cetyaunmukhyasyaiva ca saṃsāratvāt | saṃsāro hi saṃsaraṇam ucyate | saṃsaraṇaṃ ca svasthānāt utthānaṃ | cinmātrasya ca cetyaunmukhyasamaye śuddhacinmātratārūpāt svasthānāt utthānaṃ bhavaty evānyathā cetyaunmukhyatvaṃ nāma kiṃ syāt | paṇḍitaiḥ eṣaḥ cetanarūpaḥ saṃsāraḥ | paśuḥ svarūpajñānarahitatvena paśutulyaḥ | jīvaḥ smṛtaḥ | jīvanakriyākartā hi jīvaḥ ucyate | cetanaṃ ca jīvanam eva | ataḥ tadvati tadupacārāt cetanasyaiva jīvatvam bhavati | tadvati tadupacārāśrayaṇaṃ tv atra paramārthataḥ śuddhacinmātrarūpasya jīvasya jīvatve jīvanakriyāvyatiriktasādhanāntarabuddhinirāsārthaṃ kṛtam | nanu tato 'pi kim ity | atrāhaitasmād eveti | jarāmaraṇavīcayaḥ śarīrādigatāḥ jarāmaraṇataraṅgāḥ | etasmād eva asmāc cetanāt eva | niryānti nirgacchanti | prādurbhavantīti yāvat | svapnadraṣṭari¹³⁰² na svapnaśarīragatāḥ jarāmaraṇavīcaya iti bhāvaḥ ||

Note:

punar apy etad eva kathayati

paśur ajño hy amūrto 'pi duḥkhasyaivaiṣa bhājanam /

cetanatvāc cetatīdam atyanarthaḥ svayaṃ sthitaḥ //

Note:

amūrtaḥ sthūlasūkṣmaśarīravyatiriktaḥ | tathā duḥkhasyaiva svayam utpādyamānaprapañcarūpasya duḥkhasyaiva | bhājanaṃ pātrabhūtaḥ | tadrūpatayā śuddhacinmātrāt utthānāt | anyathā utthānasyāpi vyarthatvāt | tathā ajñaḥ śuddhacinmātrākhyasvasvarūpaparāmarśahīnaḥ | ata eva paśuḥ api paśutulyo 'pi san | eṣaḥ jīvaḥ | cetanatvāt cetanamātrasvarūpatvāt | idam agre sphuratsvarūpam ahaṅkārādikaṃ¹³⁰³ jagat | cetati svasphūrtiviṣayaṃ karoti | cetanasya hy etad eva cetanatvaṃ yat kiñcic cetatīti cetanatvād ity uktam | nanu taccetanena kiṃ sampannam ity | atrāhātīti | tataḥ atyanarthaḥ jagadrūpaḥ mahān anarthaḥ | svayaṃ tadicchāṃ vinā | sthitaḥ prādurbhūtaḥ | atra ca svapnasya dṛṣṭāntatvaṃ sphuṭam eveti nāyastam ||

Note:

nanv asya cetanasyedaṃ duḥkhaṃ kiṃ kadācic chrāmyed apīty | atrāha

cetyanirmuktatā yā syād acetyonmukhatātha vā /

asya sā bharitāvasthā tāṃ jñātvā nānuśocati //

Note:

cetyāt nirmuktatā prathamaṃ svātantryeṇa cetyābhimukhībhūya tataḥ vicāradvāreṇa tataḥ niṣkrāntiḥ | yā bhavati | atha vā acetyonmukhatā cetyānaunmukhyam eva | yā bhavati | asya cetanasya | sā bharitāvasthā pūrṇāvasthā | bhavati | svarūpabhūtena cinmātratvena pūrṇatvāt | tāṃ bharitāvasthāṃ | jñātvā paramārthasvarūpatvena niścitya | nānuśocati saṃsārākhyaduḥkhabhāk na bhavati | bharitāvasthānena svasmin sthitāyāḥ cetanatāyāḥ asatyatvajñānena tadukte¹³⁰⁴ duḥkhe 'py asatyatvajñānāt | atra ca cetyanirmuktatā jīvanmuktatāvasthāyāṃ bhavati | acetyonmukhatā videhamuktatāvasthāyām iti vibhāgo jñeyaḥ ||

Note:

nanu tadā asya cetanasya kīdṛśī avasthā bhaviṣyatīty | atrāha

bhidyate hṛdayagranthiś chidyante¹³⁰⁵ sarvasaṃśayāḥ /

kṣīyante cāsya karmāṇi tasmin dṛṣṭe parāpare¹³⁰⁶ //

Note:

tasmin sarvātmatvena sthitatvāt prasiddhe | parāpare pararūpacinmātrāpararūpacetanasvarūpe mahācinmātre | dṛṣṭe paramārthataḥ ātmabhāvena niścite sati | asyāṃ bharitāvasthāyāṃ jñātāyām iti yāvat | asya cetanasya | hṛdayagranthiḥ bhogādiviṣayā | bhidyate¹³⁰⁷ naśyate | tṛptatvāt | tathā sarvasaṃśayāḥ padārthasvarūpaviṣayāḥ sarve sandehāḥ | chidyante | cinmātrasāratāniścayāt | tathā karmāṇi śarīrayātrānimittaṃ kṛtāni karmāṇi | kṣīyante | lepānādāyakatvāt ||

Note:

nanu tarhi atyantopādeyabhūtaṃ acetyonmukhatvam evāhaṃ sādhayāmīty | atrāha

tasya cetyonmukhatvaṃ tu cetyāsambhavanaṃ vinā /

roddhuṃ na śakyaṃ dṛśyaṃ tu cetyaṃ śāmyatu vai katham //

Note:

tasya cetanasya | cetyonmukhatvam cetanatvāpādakaṃ cetyaunmukhyam | cetyāsambhavanaṃ vinā roddhuṃ śakyaṃ na bhavati | na hi tūlapiṇḍe patitaḥ agniḥ śānto bhavati | nanu tarhi cetyam eva nāśayāmi ity | atrāha cetyam iti | dṛśyaṃ dṛśyasvarūpaṃ cetyam¹³⁰⁸ | kathaṃ śāmyatu | na śāmyaty eva sataḥ nāśāyogāt | ayaṃ bhāvaḥ | cetyaṃ yadi asti tarhi kathaṃ śāmyet | yadi nāsti tadā cetyānaunmukhyaṃ svayam eva siddhaṃ bhavatīti | na tadāharaṇe jñānamātraṃ vinā prayatno yuktaḥ | na hi vandhyāputranāśacintā kenāpi kriyate iti ||

Note:

atra śrīrāmaḥ pṛcchati

sādhusaṅgamasacchāstraiḥ saṃsārārṇavatārakaḥ¹³⁰⁹ /

dṛśyate paramātmā yaḥ sa brahman vada kīdṛśaḥ //

Note:

he brahman | puruṣeṇa sādhusaṅgamasacchāstraiḥ | saṃsāra eva durlaṅghyatvena arṇavaḥ | tasmāt tārakaḥ | yaḥ paramātmā dṛśyate | tvam vada | saḥ kīdṛśaḥ bhavati ||

Note:

śrīvasiṣṭhaḥ¹³¹⁰ śrīrāmapraśnam anādṛtya pūrvoktam evārthaṃ kathayati

yad etac cetanaṃ jīvo viśīrṇo janmajaṅgale /

etam ātmānam icchanti ye te 'jñāḥ paṇḍitā api //

Note:

yad etat cetanam janmajaṅgale viśīrṇaḥ paricchinnatāṃ gataḥ | jīvaḥ bhavati | etam ye ātmānam icchanti te paṇḍitāḥ api dehātmābhimānibhyaḥ sakāśāt kiñcinmātram vicāriṇaḥ api | ajñāḥ bhavanti | anātmani jīvo ātmatvadarśanāt ||

Note:

katham etad ity | atrāha

jīva eveha saṃsārāś cetanād duḥkhasantateḥ /

asmiñ jñāte na¹³¹¹ vijñātaṃ kiñcid bhavati kutracit //

Note:

saṃsārāḥ jāgradādibhedabhinnāḥ saṃsārāḥ | duḥkhasantateḥ¹³¹² cetanāt saṃsāragataduḥkhasantateḥ | svāśrayatayā anubhavanāt jīve eva bhavanti | ataḥ asmin saṃsārāśraye jīve | jñāte sati | lakṣaṇayā prāpte sati | kiñcit vijñātaṃ jñānaviṣayīkṛtaṃ | lakṣaṇayā prāptaṃ | na bhavati ||

Note:

tarhi kasya jñānena kiñcit prāptaṃ bhavatīty | atrāha

jñāyate paramātmā ced rāma tad duḥkhasantatiḥ /

kṣayam eti viṣāveśaśāntāv iva viṣūcikā //

Note:

he rāma | paramātmā proktasya jīvasya sāratayā sthitam paramātmatattvam | cet yadi | jñāyate | lakṣaṇayā prāpyate | tat tadā | duḥkhasantatiḥ saṃsārarūpā duḥkhasantatiḥ | kṣayam nāśam | eti gacchati | tadaiva kiñcit prāptaṃ bhavatīty arthaḥ | kā iva | viṣūcikā iva | yathā sā viṣāveśaśāntau kṣayam eti | tathety arthaḥ ||

Note:

śrīrāmaḥ paramātmasvarūpaśravaṇākāṅkṣānirbharatvena kathanāyogyatvāc chrīvasiṣṭhenānādṛtam api ātmasvarūpapraśnaṃ punaḥ karoti

rūpaṃ kathaya me brahman yathāvat paramātmanaḥ /

yasmin dṛṣṭe naro mohāt samagrāt¹³¹³ santariṣyati //

Note:

rūpam svarūpam | yathāvat samyak ||

Note:

śrīvasiṣṭhaḥ ākāṅkṣānirbharatvena śrīrāmasyādhikāritvaṃ niścityottaraṃ kathayati

deśād deśāntaraṃ dūraṃ prāptāyāḥ saṃvido vapuḥ /

nimeṣeṇaiva yan madhye tad rūpaṃ paramātmanaḥ //

Note:

deśāt ālambanīkṛtāt ekasmāt saṃvedyarūpāt deśāt | dūraṃ atyantavilakṣaṇam | deśāntaram ālambanaviṣayīkriyamāṇam anyasaṃvedyākhyam deśāntaram | nimeṣeṇaiva ekasmin nimeṣe eva | na tu madhye mauḍhyam anubhūya | prāptāyāḥ ālambanabhāvena¹³¹⁴ gṛhṇantyāḥ | saṃvidaḥ dṛśyagrahaṇonmukhāyāḥ citaḥ | madhye pūrvāparasaṃvedyarāgārūṣitāyāṃ madhyāvasthāyāṃ |*¹³¹⁵ yat vapuḥ bhavati yat anirvācyaṃ svarūpaṃ bhavati | tad eva | na tu tatsadṛśam anyat | paramātmanaḥ samastajīvātmasārabhūtasya paramātmatattvasya | rūpaṃ bhavati | sarvamayatve 'pi sarvottīrṇatvāt | nanu pūrvasaṃvedyam ālambanīkṛtya¹³¹⁶ tadaivottarasaṃvedyam ālambanīkurvantyāḥ saṃvidaḥ kim idaṃ madhyaṃ nāma yatrasthāyāḥ citaḥ paramātmarūpatā uktā | ucyate | pūrvasaṃvedyena rañjitāyāḥ saṃvidaḥ svaṃ nirmalaṃ rūpam aprāpyottarasaṃvedyena kariṣyamāṇasya rāgasyāyuktatvāt nirmalasvarūpatāmayaṃ madhyam avaśyam evāstīti jñātavyam | yathā nīlīrāgarañjitasya paṭasya pītarāgakaraṇecchayā¹³¹⁷ prakṣālaṇena sphuṭīkṛtaṃ śuddhapaṭatāmayaṃ madhyaṃ bhavati | anyathā kariṣyamāṇasya pītarāgasya karaṇāsambhavāt | nanu pūrvasaṃvedyaviṣayā saṃvit pūrvam eva kṣīṇā | uttarasaṃvedyaviṣayā¹³¹⁸ tu navīnā jātā | tathā ca madhyaṃ nāma śūnyam evāstīti | kiṃ śūnyarūpa evātmāstīti cet | na | uttarasaṃvedyagrahaṇakāle pūrvasaṃvedyasmṛtyanupapatteḥ¹³¹⁹ | na hi pūrvasaṃvedyagrahaṇakālasthāṃ madhye śuddharūpatayā sthitāṃ uttarasaṃvedyagrahaṇakāle 'pi sthitām ekāṃ saṃvidam antareṇa pūrvasaṃvedyaviṣayā¹³²⁰ smṛtiḥ upapadyate | etena saṃvedyoparāgarahitaṃ jāḍyārūṣitaṃ saṃvittattvaṃ paramātmatvenoktam | atra cābhyāsaṃ kurvatām acirād ayatnenaiva paramātmalābho bhaviṣyaty | asyaiva ca madhyadhāmāveśa iti nāmāstīty alaṃ rahasyodghāṭanena | atra ca sadṛśayoḥ saṃvedyayoḥ madhyam atidurlabham iti dūram ity uktam ||

atyantābhāva evāsti saṃsārasya jagatsthiteḥ /

yasmin bodhamahāmbhodhau tad rūpaṃ paramātmanaḥ //

Note:

yasmin bodhamahāmbhodhau bodhākhye mahāsamudre | jagatsthiteḥ jagatsattāsvarūpasya | saṃsārasya | atyantābhāva eva budbudavat traikālikaḥ abhāvaḥ eva | asti | tat paramātmanaḥ rūpaṃ bhavati | ayaṃ bhāvaḥ | mumukṣuḥ sacchāstrādibhiḥ prathamaṃ rajjusarpādidṛṣṭāntena tataḥ kanakakaṭakādidṛṣṭāntena dṛśyasya brahmavyatiriktasattābhāvaṃ¹³²¹ niścitya śuddhacittattvaikye jātaniścayaḥ yadā abhyāsabalena sarvatra śuddhacittattvamātram evānubhavati suvarṇakāra iva kaṭakādiṣu suvarṇatām tadā tasya jñānam yatsvarūpaṃ bhavati tad eva paramātmasvarūpam¹³²² iti | nanu jagatpratiyogikaḥ atyantābhāvaḥ na sambhavati | pūrvaṃ bhūtatvāt jagataḥ jagadatyantābhāve niścitasyāpi hi pūrvaṃ jagad bhāsamānam āsīd eveti ced | asat etat | paurvakālikaṃ mithyābhānaṃ hi vastunaḥ uttarakāle niścitaṃ traikālikābhāvapratiyogitvaṃ¹³²³ na nihanti | pūrvaṃ rajjau bhāte sarpe 'pi atyantābhāvapratiyogitvaghātitvaprasaṅgāt | pūrvaṃ sarpatvena bhātāyāṃ¹³²⁴ rajjau tu sarve sarpasya traikālikātyantābhāvapratiyogitvaṃ sphuṭam eva paśyantīti na ko 'pi virodhaḥ ||

draṣṭṛdṛśyakramo yatra sthito 'py astam alaṃ gataḥ /

yad anākāśam ākāśas tad rūpaṃ paramātmanaḥ //

Note:

sthitaḥ api pratyakṣaṃ bhāsamāno 'pi | draṣṭṛdṛśyakramaḥ ayaṃ draṣṭā idaṃ dṛśyam ity evaṃrūpaḥ kramaḥ | yatra yasmin vastuni¹³²⁵ | alaṃ atiśayena | samyag iti yāvat | astaṃ layaṃ | gataḥ bhavati | nanu sthitasya draṣṭṛdṛśyakramasya katham anyasmin layasambhavaḥ | tathā cānena dvāreṇa paramātmasvarūpakathanam ayuktam eveti cen | na | draṣṭṛdṛśyau¹³²⁶ tāvat kasyacit sākṣiṇaḥ bhātau bhavataḥ na vā | na cet kathaṃ tarhi tayoḥ draṣṭṛdṛśyatve sidhyataḥ¹³²⁷ | yathā tathā tatsiddhau api kathaṃ tayoḥ vyavasthā sidhyati¹³²⁸ | ayaṃ draṣṭaivedaṃ¹³²⁹ dṛśyam eveti bhātau¹³³⁰ cet tarhi tasmin layaḥ tayoḥ sukaraḥ eva | na hi svapnasākṣiṇam atikramya svapnabhāte draṣṭṛdṛśye kenāpi svarūpeṇa yukte sambhavataḥ iti na kaścid virodhaḥ | tathā yat vastu | anākāśam grāhakaikasvabhāvatvena grāhyatvābhāvāt grāhyaikasvarūpākāśavyatiriktam api sat | ākāśaḥ¹³³¹ bhavati | vyāpakatvasvacchatvādiguṇaiḥ ākāśaśabdavācyo bhavatīty arthaḥ | tat tad eva vastu | na tu tatsadṛśam anyat kiñcit | paramātmanaḥ rūpaṃ bhavati ||

aśūnyam iva yac chūnyaṃ yasmiñ śūnye jagat sthitam /

sargaughe sati yac chūnyaṃ tad rūpaṃ paramātmanaḥ //

Note:

śūnyam bāhyāntaḥkaraṇāgrāhyatvena na kiñcid rūpaṃ | yat vastu | aśūnyam iva kiñcid iva | bhavati | anyathā jagadrūpabhramādhiṣṭhānatvāsambhavāt | na hi asad vastu kasyacid adhiṣṭhānībhavitum arhati | vandhyāputrasyāpi maitrabhramādhiṣṭhānatvaprasaṅgāt | tathā śūnye proktanyāyena śūnyasvarūpe | yasmin | jagat sthitaṃ sattābhāk bhavati | mṛdīva ghaṭādayaḥ | anyathā jagataḥ kiṃrūpatvaṃ syāt iti bhāvaḥ | tathā sargaughe sṛṣṭisamūhe | sati adhiṣṭheyatayā kāryatayā vā sthitiṃ bhajati sati | yat śūnyam svavyatiriktavasturahitam eva¹³³² | bhavati | na hi rajjau sarpāvasthānena mṛdi vā ghaṭāvasthānena svavyatiriktavastuyuktatvaṃ kalpayituṃ śakyate | tat paramātmanaḥ rūpaṃ bhavati ||

yan mahācinmayam api bṛhatpāṣāṇavat sthitam /

jaḍaṃ tv ajaḍam evāntas tad rūpaṃ paramātmanaḥ //

Note:

yat yat vastu | mahācinmayam api samastajagatsākṣitānyathānupapattyā mahācitprakāśasvarūpam api sat | bṛhatpāṣāṇavat sthitaṃ bhavati | mahājaḍam iva bhavati | atiśāntatvena svaparāmarśe 'pi svātantryeṇa vimukhatvāt | yat kathambhūtaṃ tu | antaḥ pāramārthike svarūpe | ajaḍam eva sat | jaḍaṃ tu jaḍam iva ity arthaḥ | idaṃ viśeṣaṇadvayam yathāsaṅkhyātikrameṇa¹³³³ pūrvārdhoktasyārthasya samarthakatvena jñeyam | tat paramātmanaḥ rūpaṃ bhavati ||

sabāhyābhyantaraṃ sarvaṃ yena samprāpya saṅgamam /

svarūpasattām āpnoti tad rūpaṃ paramātmanaḥ //

Note:

sarvaṃ sabāhyābhyantaraṃ bāhyābhyantaratvena vartamānaṃ samastaṃ jagat | yena sākṣitayā sthitena yena vastunā | saṅgamaṃ sambandhaṃ | prāpya | yadviṣayatvaṃ prāpyeti yāvat | svarūpasattām prātisvikasya rūpasya sattām | prāpnoti | sākṣipratītau sphuraṇaṃ vinā hi sato 'pi nīlasukhādeḥ sattā asatkalpā eva dṛśyate | tat paramātmanaḥ rūpaṃ bhavati ||

prakāśasya yathāloko yathā śūnyatvam ambare /

tathedaṃ saṃsthitaṃ yatra tad rūpaṃ paramātmanaḥ //

Note:

prakāśasya tejasaḥ | yathā ālokaḥ padārthaprākaṭyahetuḥ bhāsvaratākhyo guṇaviśeṣaḥ bhavati | yathā vā śūnyatvam śūnyabhāvaḥ | ambare ākāśe | bhavati | tathā tadvat | idam jagat | yatra yasmin adṛśye vastuni | sthitaṃ bhavati | tat paramātmanaḥ rūpaṃ bhavati | ayaṃ bhāvaḥ | yathā bhāsamānaḥ ālokaḥ svapradhānatvena na kathyate | anyathā prakāśaguṇatvakathanānupapatteḥ | prakāśaś ca vicāryamāṇaḥ anirvācyatām evāvagāhate | tathā bhāsamānam idaṃ jagat api anirvācye kasmin citsārabhūte pradhāne sthitam iti jñeyam | yasmin tu sthitam asti tad eva paramātmā bhavatīti | nanv etaiḥ anumānagamyasya kasyāpi vastunaḥ paramātmatvaṃ sādhitam | tathā cāsau paramātmā kalpita iti jñeyam | anumānagamyasya kalpitatvāt | nirvikalpapratyakṣamātragamyasya svalakṣaṇasyaiva paramārthasattvād iti ced | asad etat | upadeśyasya pratikṣaṇaṃ madhyāvasthāsu ātmatvena pratyakṣaṃ sphuraṇaśīlam apy ātmatayā ajñātam paramātmasvarūpaṃ | ciravismṛtapuraḥsthitabāndhavavat¹³³⁴ tavātmā bhavatīti na ko 'py atra pratibhāvataḥ prati anumānasparśaḥ | apratibhāvatāṃ tv atrādhikāra eva nāstīty alaṃ paradoṣaguṇavicāraṇena ||

Note:

śrīrāmaḥ pṛcchati

sarvataḥ paramātmaiṣa kathaṃ nāmābhibudhyate /

iyato 'sya jagannāmno dṛśyasyāsambhavaḥ kutaḥ //

Note:

asmābhiḥ | eṣaḥ jagadvyatiriktasvarūpaḥ | paramātmā | sarvataḥ sarvatra | sarvāsv avasthāsv iti yāvat | kathaṃ nāma abhibudhyate | yataḥ iyataḥ bāhyāntaravyāpakasya | asya dṛśyasya asambhavaḥ kutaḥ syāt | jāgrati hi sthūlaṃ jagat sphurati | svapne svapnajagat | suṣuptau jāḍyam | etābhyaḥ vyatiriktā tu avasthā nāstīti¹³³⁵ | ayaṃ ca praśnaḥ sarvadā paramātmamayatvāsādanākāṅkṣiṇā śrīrāmeṇa jāgrati pratikṣaṇaṃ sphuramāṇāḥ śuddhaparamātmasvarūpamayyaḥ¹³³⁶ madhyāvasthāḥ anāśritya kṛtaḥ ||

Note:

śrīvasiṣṭhaḥ uttaraṃ kathayati

bhramasya jāgatasyāsya jātasyākāśavarṇavat /

atyantābhāvasambodho yadi rūḍhibalaṃ bhavet //

taj jñātaṃ brahmaṇo rūpaṃ bhaven nānyena karmaṇā /

dṛśyātyantābhāvatas tu ṛte nānyā śubhā gatiḥ //

Note:

ākāśavarṇavat jātasya prādurbhūtasya | asya puraḥsphurataḥ | jagata¹³³⁷ iti yāvat | atyantābhāvasambodhaḥ atyantābhāvajñānam | na tu nāśanākhyaḥ | rūḍhi siddhiyuktaṃ | balaṃ yatra | tat | tādṛśaṃ | bhavet yadi syāt | tat tadā | brahmaṇaḥ paramātmanaḥ | rūpaṃ svarūpaṃ | jñātaṃ bhavet | anyena karmaṇā etadvyatiriktena tapaḥprabhṛtinā | na bhavet | yataḥ dṛśyātyantābhāvataḥ ṛte dṛśyātyantābhāvād ṛte | anyā śubhā gatiḥ śubhaḥ upāyaḥ | na bhavati | dṛśyātyantābhāvaś ca jñānadvāreṇaiva sidhyati¹³³⁸ | prayatnasādhitasya abhāvasya pradhvaṃsābhāvatvād iti śuktau rajatātyantābhāvavat mṛdi ghaṭātyantābhāvavad¹³³⁹ vātyantābhāvasambodhasyopāyatvakathanam ||

Note:

nanu samyagjñānadvāreṇa siddhasya dṛśyatvarūpajagadatyantābhāvasyaiva kathaṃ paramātmaprāptau upāyatvam astīty | atrāha

atyantābhāvasampattau dṛśyasyāsya yathāsthiteḥ /

śiṣyate paramārtho 'sau budhyate jñāyate tataḥ //

Note:

yathāsthiteḥ evam eva vartamānasya | na tu prayatnanāśitasya | asya dṛśyasya jagadrūpasya dṛśyasya | atyantābhāvasampattau atyantābhāvasya sampattau | śuktau bhātarajatātyantābhāvavat mṛdi bhātaghaṭātyantābhāvavad vā siddhau satyāṃ | asau paramārthaḥ dṛśyādhiṣṭhānabhūtaḥ dṛśyasārabhūtaḥ vā asau paramātmā¹³⁴⁰ | śiṣyate śeṣatvena sthito bhavati | rajatātyantābhāvajñāne iva śuktiḥ ghaṭātyantābhāvajñāne iva vā mṛt | tadvyatirekeṇānyasya kasyāpy asattvāt tataḥ puruṣeṇāsau budhyate | astīti parokṣapratītyā niścīyate | tataḥ tadanantaram | jñāyate | aham ity aparokṣapratītyā niścīyate ||

Note:

nanu jñānopāyikaḥ dṛśyātyantābhāvo mā sidhyatu prāṇarodhanādyupāyajālasādhitayā¹³⁴¹ vismṛtyā eva paramātmajñānaṃ bhaviṣyatīty | atrāha

na cid apratibimbāsti dṛśyābhāvād ṛte kvacit /

kva vinā pratibimbena kilādarśo 'vatiṣṭhate //

Note:

cit sākṣibhāvena sthitam cittattvam | dṛśyābhāvād ṛte svasākṣibhāvasiddhāt dṛśyābhāvāt ṛte | apratibimbā dṛśyapratibimbarahitā | dṛśyasākṣitām akurvatīti yāvat | kvacin na bhavati | svabhāvatyāgaprasaṅgāt | atra samarthakaṃ dṛṣṭāntaṃ kathayati | kva vineti | na hi bimbasattāyāṃ pratibimbarahitaḥ ādarśaḥ dṛśyate iti bhāvaḥ | nanv anyadeśasthe bimbe sattāṃ bhajaty api ādarśaḥ pratibimbarahitaḥ dṛśyate | tathā bahiḥ dṛśyasattā bhavatu | prāṇarodhādidvāreṇa bahiḥ aprasarantī cit dṛśyasparśarahitā bhaviṣyatīti cet | asad etat | atyantābhāvajñānaṃ vinā dṛśyabījasya nāśayitum aśakyatvāt | anyathā nidritasyāntaḥ svapnaprapañcabhānaṃ na syāt | nanu tasya prāṇarodhādyupāyarāhityāt svapnapratibhānam astīti cet | tarhi dṛśyātyantābhāvajñānahīnān kapaṭarahitān prāṇarodhādikāriṇaḥ eva pṛccha | kiṃ yuṣmākaṃ svapnapratibhānam asti na veti | nanu kapaṭarahitāḥ dṛśyātyantābhāvajñānayuktā api asmābhiḥ pṛṣṭā eva | tair api svasya svapnapradarśakatvam uktam | ucyatāṃ nāma kā hāniḥ | yathā jāgrati bhāsata eva jagataḥ atyantābhāvajñānaṃ teṣām¹³⁴² asti tathā svapne 'pi | na hi te bhāsamānam eva dṛśyaṃ dṛśyatayā paśyanti | kiṃ tu brahmatayety alaṃ prapañcena ||

Note:

nanu tathāpi dṛśyātyantābhāvena vinaivātmatattvaṃ paśyāma ity | atrāha

jagannāmno 'sya dṛśyasya sattāsambhavanaṃ¹³⁴³ vinā /

budhyate paramaṃ tattvaṃ na kadācana kenacit //

Note:

asya puraḥsphurataḥ | jagannāmnaḥ jagad iti nāmadheyayuktasya | dṛśyasya dṛśikriyāviṣayasya bhāvajātasya | sattāsambhavanaṃ vinā atyantābhāvaṃ vinā | kenacit puruṣeṇa | kadācit | paramaṃ tattvam paramātmākhyaṃ tattvam | na budhyate na jñāyate | tasmāt dṛśyātyantābhāvaḥ samyagjñānopāyena sādhyaḥ iti bhāvaḥ ||

Note:

dṛśyāsattāyāṃ sandihānaḥ śrīrāmaḥ pṛcchati

iyato dṛśyajālasya brahmāṇḍasya jagatsthiteḥ /

mune katham asattāsti kva meruḥ sarṣapodare //

Note:

vaipulyakathanam | yathā meruḥ sarṣapodare astīti kenacid ukte sati | tasmin asambhavārthapratipādakatvam eva viśrāmyati | tathā jagataḥ sattā nāstīti pratipādake tvayy apīti bhāvaḥ ||

Note:

śrīvasiṣṭhaḥ uttaraṃ kathayati

dināni katicid rāma yadi tiṣṭhasy akhinnadhīḥ /

sādhusaṅgamasacchāstraparamas tad aham kṣaṇāt //

pramārjayāmi te dṛśyaṃ bodho mṛgajalaṃ yathā /

dṛśyābhāve draṣṭṛtā ca śāmyed bodho 'vaśiṣyate //

Note:

he rāma | tvaṃ | cet yadi katicit dināni kiyanti dināni | akhinnadhīḥ¹³⁴⁴ anudvignamatiḥ san | saṃmukhadhīḥ sann iti yāvat | sādhusaṅgamasacchāstraparamaḥ tiṣṭhasi | tat tadā | ahaṃ kṣaṇāt te tava | tvāṃ pratīti yāvat | dṛśyam dṛśyarūpaṃ jagat | pramārjayāmi nāśayāmi | jñānadvāreṇātyantābhāvayuktatvaṃ¹³⁴⁵ sampādayāmīti yāvat | kaḥ yathā | bodho yathā | yathā bodhaḥ samyagjñānam | mṛgatṛṣṇājalaṃ pramārjayati | tathety arthaḥ | anena sādhusaṅgādeḥ dṛśyātyantābhāvajñānaṃ prati mukhyam upāyatvam uktam | nanu dṛśyamārjanena kiṃ setsyatīty | atrāha dṛśyābhāve iti | dṛśyābhāve jñānadvāreṇa dṛśyābhāve siddhe sati | draṣṭṛtā ca śāmyet layaṃ vrajet | nanu tarhi abhāva eva śiṣyate ity | atrāha bodha iti | bodhaḥ dṛśyadraṣṭratyantābhāvasākṣibhūtaṃ śuddhacittattvaṃ | śiṣyate avaśiṣṭaṃ bhavati | anyathā siddhasyāpi dṛśyātyantābhāvasya asatkalpatvaṃ syāt ||

Note:

nanu kathaṃ dṛśyamātrātyantābhāvenaiva draṣṭṛtā śāntiṃ vrajatīty | atrāha

draṣṭṛtvaṃ sati dṛśye 'smin dṛśyatvaṃ saty avekṣake /

ekatvaṃ sati hi dvitve dvitvaṃ caikatvavedane //

Note:

asmin puraḥsphuraṇaśīle | dṛśye dṛśikriyāviṣaye bhāvajāte | sati sattāṃ bhajati sati | draṣṭṛtvam paramārthataḥ śuddhacinmātrasvarūpadraṣṭṛviṣayaḥ draṣṭṛbhāvaḥ syāt | viṣayasadbhāvena dṛśikriyāṃ prati kartṛtvasambhavāt | taṇḍulādiṣu hi satsu tadviṣayāṃ pākakriyāṃ prati kartṛtvaṃ bhajataḥ puruṣasyaiva pācakatvaṃ bhavati | na kevalaṃ dṛśyasattayā draṣṭuḥ eva draṣṭṛtā bhavati | api tu draṣṭṛsattayāpi¹³⁴⁶ dṛśyasya dṛśyatvam astīty abhiprāyeṇāha dṛśyatvam iti | avekṣake prekṣake | draṣṭarīti yāvat | sati sattām¹³⁴⁷ bhajati sati | dṛśyatvam paramārthataḥ śuddhacinmātrasvarūpadṛśyāśrayaḥ dṛśyabhāvaḥ syāt | na hi pācakena pākakriyāviṣayīkṛtaṃ taṇḍulādikam odanāvasthādyaparaparyāyaṃ pācyabhāvam¹³⁴⁸ avalambate¹³⁴⁹ | ataḥ anyo'nyāpekṣatvena dṛśyamātrātyantābhāvena draṣṭṛviṣayā draṣṭṛtā naśyaty eveti bhāvaḥ | draṣṭṛtvadṛśyatvānyo'nyāśrayakathanaprasaṅgena tayoḥ ekatvadvitvayor api anyo'nyāśrayaṃ kathayati ekatvam iti | ekatvam mukhyatayā pūrvaṃ gaṇanārhe draṣṭari gatam ekatvam | dvitve avaratayā paścād gaṇanārhadṛśyagate dvitve | sati sattāṃ bhajati sati | syāt | dvitvābhāve gaṇanasyaiva apravṛtteḥ | gaṇanaṃ hi dvitvādikaṃ¹³⁵⁰ vīkṣyaiva vyavasthātuṃ pravartate | dvitvādyabhāve tu kimarthaṃ tasya pravartanaṃ syāt | vyavasthāyāḥ svayaṃ vṛttau ca tatprathamāvayavabhūtasya ekatvasya sphuṭā evāsiddhiḥ | tathā dvitvam dṛśyagataṃ dvitvam | ekatvavedane ekatvākāre vedane | draṣṭṛgate ekatve iti yāvat | sati | syāt | ekaṃ vigaṇayyaiva dvitīyo gaṇanaviṣayatāṃ yātīti sphuṭā eva hi ekatvaṃ vinā dvitvasya anupapattiḥ¹³⁵¹ ||

Note:

phalitaṃ kathayati

ekābhāve dvayor eva siddhir bhavati nātra hi /

dvitvaikyadraṣṭṛdṛśyatvakṣaye sad avaśiṣyate //

Note:

hi niścaye | ataḥ atra anayoḥ ekatvadvitvayoḥ madhye | ekābhāve ekasya dvitvasya vā abhāve sati | dvayoḥ eva ubhayoḥ dvitvaikatvayoḥ eva | siddhiḥ na bhavati | nanu tataḥ kiṃ setsyatīty | atrāha dvitvaikyeti | dvitvaikyayoḥ draṣṭṛdṛśyayoś ca kṣayaḥ dvitvaikyadraṣṭṛdṛśyakṣayaḥ | tasmin sati sat dvitvādisākṣitvena sthitaṃ sadākhyaṃ¹³⁵² vastu | avaśiṣyate avaśiṣṭaṃ bhavati ||

Note:

vyavahitaṃ dṛśyapramārjanapratijñāṃ punar api karoti

ahantādi jagad dṛśyaṃ sarvaṃ te¹³⁵³ mārjayāmy aham /

atyantāsattvasaṃvittyā manomakurato malam //

Note:

aham | ahantādi ahambhāvapramukham | malaṃ malabhūtaṃ | sarvaṃ dṛśyaṃ jagat | te manomakurataḥ tvanmanodarpaṇāt | atyantāsattvasaṃvittyā atyantābhāvajñānena | dṛśyaviṣayātyantābhāvajñānotpādaneneti yāvat | pramārjayāmi | yuktaṃ ca makurāt malāpamārjanam ||

Note:

nanv etāvataḥ dṛśyasya pramārjanaṃ kathaṃ kartuṃ śaknoṣīty | atrāha

nāsato vidyate bhāvo nābhāvo vidyate sataḥ | /

yat tu nāsti svabhāvena kaḥ kleśas tatpramārjane //

Note:

asataḥ sattākartṛtvam abhajataḥ | bhāvaḥ sattā | na vidyate | śaśaśṛṅgasyāpi sattāpatteḥ | sataḥ sattākartṛtvaṃ bhajataḥ | abhāvaḥ asattā | na vidyate | svarūpahāniprasaṅgāt | na ca svarūpahāniḥ yuktā | agner api agnitvahāniprasaṅgāt | yat¹³⁵⁴ svarūpeṇa nāsti | tatpramārjane kaḥ kleśaḥ bhavati | na hi śaśiśṛṅgatroṭane kasyāpi yatnaḥ dṛṣṭaḥ ||

Note:

nanu tathāpi pravartane¹³⁵⁵ kim āyātam ity | atrāha¹³⁵⁶

jagad ādāv anutpannam yac cedaṃ dṛśyate tatam /

tat svātmany eva vimale brahma cittvāt svabṛṃhitam¹³⁵⁷ //

Note:

jagat ādau prathamaṃ eva | anutpannaṃ bhavati | ataḥ jagatpramārjane kleśo nāstīti bhāvaḥ | nanu yadi jagat prathamam evānutpannaṃ bhavati¹³⁵⁸ tarhi kim idaṃ bhāsata ity | atrāha yac cedam iti | yac cedam yac caitat | tatam vistāritasvarūpaṃ kiñcit dṛśyate | tat brahma eva brahmākhyaṃ vastu eva | vimale svātmani śuddhacinmātrasvarūpāyāṃ svabhittau | cittvāt svabṛṃhitaṃ¹³⁵⁹ atiśayena bṛṃhāgataṃ bhavati | anyathā brahmatvāyogāt | bṛṃhāyuktam eva hi brahmocyate | na ca vastuni bṛṃhaṇaṃ nāmānyavastunaḥ utpattiḥ vaktuṃ śakyate | jale¹³⁶⁰ 'pi dravatvāt prādurbhūtasya taraṅgatayā bṛṃhaṇasyānyavastūtpattitvaprasaṅgāt | na ca mūrkho 'pi jale taraṅgānām anyatvam aṅgīkaroti | cidrūpasyātmana eva svapnapadārthabhāvena bṛṃhaṇaṃ dṛṣṭam iti cittvād ity uktam ||

Note:

punaḥ punar etad eva kathayati

jagan nāma na cotpannaṃ na cāsti na ca dṛśyate /

hemnīva kaṭakāditvaṃ kim etanmārjane śramaḥ //

Note:

nāma niścaye | jagat na cotpannaṃ bhavati | na ca asti | na ca dṛśyate | brahmaṇa evaitadrūpatayā sthitatvāt | jagat kim iva | kaṭakāditvam iva | yathā hemni bhāsamānaṃ kaṭakāditvaṃ nāsti | hemnaḥ eva tadrūpatayā sthitatvāt | tathā ity arthaḥ | ataḥ etatpramārjane śramaḥ kiṃ bhavati | brahmatājñānamātreṇaiva pramārjitatvāt | na hi hemni bhāsamānaṃ kaṭakāditvaṃ aśakyapramārjanaṃ bhavati | hematājñānamātreṇaiva tasya pramārjitatvāt ||

Note:

etāvata āśvāsarahitaṃ śiṣyaṃ jñātvā tasya samāśvāsanaṃ karoti

tathaitad vistareṇeha vakṣyāmo bahuyuktibhiḥ /

abādhitaṃ¹³⁶¹ yathā nūnaṃ svayam evānubhūyate //

Note:

vayam | etat pūrvoktaṃ vastu | vistareṇa bahuyuktibhiḥ tathā ihāsmin śāstre | vakṣyāmaḥ | nūnaṃ niścaye | yathā tvayā etat abādhitaṃ svayam evānubhūyate ||

Note:

prakṛtam eva kathayati

ādāv eva hi notpannaṃ yat tasyehāstitā kutaḥ¹³⁶² /

kuto marau jalasarid dvitīyendau kuto grahaḥ //

Note:

hi niścaye | yat vastu | ādāv eva utpannaṃ na bhavati | tasyehāstitā sattvam | kutaḥ bhavati | atra dṛṣṭāntadvayam kathayati kuta ityādi ||

yathā vandhyāsuto nāsti yathā nāsti marau jalam /

yathā nāsti nabhovṛkṣas¹³⁶³ tathā nāsti jagadbhramaḥ //

Note:

jagadbhramaḥ jagadrūpaḥ bhramaḥ | jagad iti yāvat ||

Note:

tarhi kim idaṃ bhāsate ity | atrāha

yad idaṃ dṛśyate rāma tad brahmaiva nirāmayam /

etat purastād vakṣyāmo yuktito na giraiva vaḥ //

Note:

asmābhiḥ yat idaṃ dṛśyate | tat nirāmayam bhāvābhāvākhyāmayarahitam | brahmaiva bhavati | vayam | etat purastāt agre | yuktitaḥ yuktibhiḥ | vaḥ yuṣmākam | vakṣyāmaḥ | na girā eva vakṣyāmaḥ | sārvavibhaktikas tasilNote: Vgl. Pāṇ 5.4.44, vārt.1 [II 436]. ||

Note:

sargāntaślokena yuktiyuktavākyopekṣāṃ tyājyatvena kathayati

yan nāma yuktibhir iha pravadanti tajjñās¹³⁶⁴
tatrāvahelanam ayuktam udārabuddheḥ | /

yo yuktiyuktam avamatya vimūḍhabuddhyā
kaṣṭāvaho bhavati taṃ vidur ajñam eva //

Note:

nāma niścaye | avahelanam upekṣā | kaṣṭāvahaḥ kaṣṭadāyī | asambhavaprayatnair ātmana iti śeṣaḥ | iti śivam ||

MT_3.7

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe saptamaḥ sargaḥ ||

Note:

śrīrāmaḥ pṛcchati

kayaitaj jñāyate yuktyā katham etat prasidhyati /

nyāye 'nubhūta etasmin na jñeyam avaśiṣyate //

Note:

etat dṛśyāsatyatvam | nanu kimartham atra yuktiṃ pṛcchasīty | atrāha nyāyeti | yataḥ etasmin nyāye | nyāyena anubhūte sati | jñeyam nāvaśiṣyate | yuktiśravaṇena sarvasya jñātatvāt ||

Note:

śrīvasiṣṭhaḥ vistarakathanapratijñāṃ sampādayiṣyann uttaraṃ kathayati

bahukālam iyaṃ rūḍhā mithyājñānaviṣūcikā /

jagannāmnī vicārākhyād ṛte mantrān na śāmyati //

Note:

ārūḍhā buddhau satyatayā sphuritā | jagataś ca mithyājñānarūpatvaṃ śuktirajatavaj jñeyam | yuktaś ca viṣūcikāyāḥ mantreṇa nāśaḥ ||

Note:

vakṣyamāṇopadeśaśravaṇaṃ prati śrīrāmaṃ dṛḍhīkaroti

vadāmy ākhyāyikā rāma yā imā bodhasiddhaye /

tāś cec chṛṇoṣi tat sādho mukta evāsi buddhimān //

Note:

ākhyāyikāḥ upadeśakārīṇi ākhyānāni | bodhasiddhaye dṛśyātyantābhāvajñānasiddhaye | muktaḥ dṛśyenāspṛṣṭaḥ ||

Note:

aśravaṇe daṇḍaṃ kathayati

no ced udvegaśīlatvād ardhād¹³⁶⁵ utthāya gacchasi /

tat tiryagdharmiṇas te 'dya¹³⁶⁶ kiñcin nāpi tu setsyati //

Note:

tvaṃ no cet śṛṇoṣi | atha vā udvegaśīlatvāt ardhād utthāya gacchasi | tat tadā | tiryagdharmiṇaḥ paśutulyasya | te | kiñcid api na setsyati ||

Note:

nanu dṛḍhatayā śravaṇenāpi yadi kiñcin na setsyati tadā kiṃ kāryam ity | atrāha

yo yam arthaṃ prārthayate tadarthaṃ yatate tathā /

so 'vaśyaṃ tad avāpnoti na cec chrānto nivartate //

Note:

yaḥ puruṣaḥ | yam artham yat vastu | prārthayate prārthanāviṣayaṃ karoti | tathā tadanukalpena¹³⁶⁷ | na tv anyathā | yatate | saḥ avaśyaṃ tat āpnoti | cet yadi | śrāntaḥ na nivartate ||

Note:

nanv aham asmin prārthite vastuni kiṃrūpaṃ yatnaṃ karomīty | atrāha

sādhusaṅgamasacchāstraparo bhavasi rāma cet /

tad dinair eva vā māsaiḥ prāpnoṣi paramaṃ padam //

Note:

niratiśayapratibhāvattve dinaiḥ | anyathā māsair | iti vibhāgaḥ ||

Note:

śrīvasiṣṭhasādhutve niścitaḥ śrīrāmaḥ ātmajñānaprabodhanimittaṃ śāstraṃ pṛcchati

ātmajñānaprabodhāya śāstraṃ śāstravidāṃ vara /

kiṃnāma tatpradhānaṃ syād yasmiñ jñāte¹³⁶⁸ na śocyate //

Note:

ātmajñānaprabodhāya ātmajñānāvirbhāvārtham | na śocyate dṛśyāsaktirūpaṃ śocanaṃ nānubhūyate ||

Note:

śrīvasiṣṭha uttaraṃ kathayati

ātmajñānapradhānānām idam eva mahāmate /

śāstrāṇāṃ paramaṃ śāstraṃ mahārāmāyaṇābhidham //

Note:

ātmajñānaṃ pradhānaṃ vācyatayā sārabhūtaṃ yeṣāṃ | te | tādṛśānām | idaṃ rāmāyaṇābhidham ayam mahārāmāyaṇākhyaḥ itihāsaḥ | nanu śrīvālmīkinā svenopanibaddhe śrīmahārāmāyaṇe śrīrāmavṛttāntakathanaprasaṅgataḥ śrīrāmaṃ prati śrīvasiṣṭhena kṛtaḥ upadeśaḥ nibaddhaḥ yaḥ kenāpi dayālunā asmāc chrīmahārāmāyaṇād uddhṛtaḥ¹³⁶⁹ tat katham upadeśakālānantarabhāvinaḥ śrīmahārāmāyaṇasya śrīvasiṣṭhena idam ity anena parāmarśaḥ kṛtaḥ | anena hi śrīmahārāmāyaṇasya śrīvasiṣṭhakṛtatvaṃ dyotate iti cet | ārambhe¹³⁷⁰ evāsmābhiḥ ayaṃ nirṇayaḥ kṛtaḥ | kiṃ punaḥ punaḥ pṛcchasi | yataḥ tatra pratibhāvatāṃ svayam asyārthasyāvabodhakatvaṃ uktam | tadrahitānāṃ tv anadhikāraḥ uktaḥ | iti pratibhām eva pṛccha | yadi na pratibhā asti tadānadhikāritvān maunam eva kāryam ity alaṃ prapañcena ||

Note:

śrīmahārāmāyaṇam eva praśaṃsati

itihāsottamād asmāt paro bodhaḥ pravartate /

sarveṣām itihāsānām ayaṃ sāra udāhṛtaḥ //

Note:

asmāt rāmāyaṇākhyāt ||

śrute 'smin vāṅmaye yasmāj jīvanmuktatvam akṣatam /

udeti svayam evāta idam evātipāvanam //

Note:

vāṅmaye śāstre ||

sthitam evāstam āyāti jagaddṛśyaṃ vicāraṇāt /

yathā svapne parijñāte svapnārthād eva bhāvanā //

Note:

sthitam eva na tu mudgarādiprahāraiḥ nāśaṃ nītam | atra dṛṣṭāntam āha yatheti | bhāvanā satyatābhāvanā | evakāraḥ pādapūraṇārthaḥ | ayaṃ bhāvaḥ | yathā svapne jāgradavasthāyāṃ asatyatayā parijñāte sati | tatrānubhūtaiḥ bhāvābhāvaiḥ harṣāmarṣau na jñāyete | anyathā hi jāgraty anubhūtair atītair api bhāvābhāvair iva tatratyaiḥ bhāvābhāvaiḥ harṣāmarṣotpādaḥ syāt | tathā mahārāmāyaṇavicāraṇena dṛśye asatyatayā jñāte sati dṛśyaviṣayaiḥ bhāvābhāvaiḥ harṣāmarṣau na jñāyete iti ||

Note:

nanv anyāny api śāstrāṇi santy¹³⁷¹ eva | tat katham asyaivāsādhāraṇakāraṇatvaṃ kathayasīty | atrāha

yad ihāsti tad anyatra yan nehāsti na tat kvacit /

idaṃ samastavijñānaśāstrakośaṃ vidur budhāḥ //

Note:

yat iha asmin rāmāyaṇe | asti sāmastyena vidyate | tat anyatra anyaśāstreṣu | asti vyastatvena bhavatīty arthaḥ | yat iha nāsti tat kvacit kutrāpi śāstre | nāsti | ataḥ budhāḥ samastaśāstrasārajñāḥ | idam etat śrīmahārāmāyaṇaṃ | samastavijñānaśāstrakośaṃ sakalādhyātmaśāstrabhāṇḍāgāraṃ | viduḥ jānanti ||

Note:

uktalakṣaṇaśrīmahārāmāyaṇaśravaṇe phalaṃ kathayati

ya idaṃ śṛṇuyād nityaṃ tasyodāracamatkṛteḥ /

bālasyāpi paraṃ bodhaṃ buddhir eti na saṃśayaḥ //

Note:

bālasyāpi mūrkhasyāpīty arthaḥ | paṇḍitasya tu kā katheti bhāvaḥ ||

Note:

etadvimukhasya kartavyaṃ kathayati

yasmai nedaṃ tv abhavyāya rocate duṣkṛtodayāt /

vicārayatu yatkiñcit sa śāstraṃ jñānavāṅmayam //

Note:

abhavyāya āsurasvabhāvayuktāya | jñānavāṅmayam jñānavākyanirbharam ||

Note:

nanu muktikāmasya mama kim etacchravaṇenety | atrāha

jīvanmuktatvam¹³⁷² asmiṃs tu śrute samanubhūyate /

svayam eva yathā pīte¹³⁷³ nīrogatvaṃ varauṣadhe //

Note:

svayam eva ayatnam eva ||

śrūyamāṇe hi śāstre 'smiñ śrotā vetty etad ātmanā /

yathāvad idam asmābhir na tūktaṃ varaśāpavat //

Note:

etat maduktaṃ vastu | nanu yady etacchravaṇe pravṛttasya kiñcit pratyavāyādi syāt tadā kiṃ kāryam ity | atrāha idam iti | varaśāpavat varaśāpayuktam | mantravad iti śeṣaḥ ||

Note:

sargāntaślokena svātmavicārasya dṛśyātyantābhāvajñāne asādhāraṇakāraṇatvaṃ kathayati

śāmyati saṃsṛtiduḥkham idaṃ te
svātmavicāramahākathayaiva /

no dhanadānatapaḥśrutavedais¹³⁷⁴
tatkathanojjhitayatnaśatena //

Note:

te tava¹³⁷⁵ | idaṃ dṛśyasvarūpaṃ¹³⁷⁶ | saṃsṛtiduḥkham janmākhyaṃ duḥkhaṃ | svātmavicāramahākathayā | svātmavicārasya¹³⁷⁷ | yā mahākathā anyo'nyaṃ mahatī kathā | tayaiva śāmyati | dhanadānatapaḥśrutavedaiḥ idaṃ saṃsṛtiduḥkham no śāmyati | ataḥ bhavitavyam iti śeṣaḥ | ataḥ kāraṇāt puruṣeṇa | tasya svātmavicārasya | yat kathanam sādhubhiḥ saha anyo'nyakathanaṃ | tadarthaṃ ujjhitāni tyaktāni | yatnaśatāni kathanavyatiriktāni yatnaśatāni | yena | saḥ | tādṛśena bhavitavyam | iti śivam ||

MT_3.8

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe 'ṣṭamaḥ sargaḥ ||

Note:

oṃ pūrvasargāntaślokārtham eva sphuṭaṃ kathayati

taccittās tadgataprāṇā bodhayantaḥ parasparam /

kathayantaś ca taṃ nityaṃ tuṣyanti ramayanti ye //

teṣāṃ jñānaikaniṣṭhānām ātmajñānavicāraṇāt /

sā jīvanmuktatodeti videhonmuktataiva yā //

Note:

taccittāḥ | tasmin svātmavicāre | cittaṃ yeṣāṃ | te | tādṛśāḥ | tathā tasmin svātmavicāre | gatāḥ niṣṭhāṃ gatāḥ | prāṇāḥ bāhyendriyāṇi yeṣāṃ | te | tādṛśāḥ | tathā tam ātmavicāraṃ | parasparam bodhayantaḥ | tathā taṃ ātmavicāraṃ | kathayantaś ca ye sādhavaḥ | tuṣyanti tuṣṭiyuktāḥ¹³⁷⁸ bhavanti | tathā ramayanti anyān tuṣṭiyuktān sampādayanti | ātmajñānaikaniṣṭhānāṃ ātmavicāraikaparāṇāṃ | teṣāṃ puruṣāṇām | ātmajñānavicāraṇāt sā jīvanmuktatā udeti prādurbhavati | yā videhamuktataiva bhavati | niḥśeṣaṃ dehābhimānābhāvāt ||

Note:

śrīrāmaḥ pṛcchati

brahman videhamuktasya jīvanmuktasya lakṣaṇam /

brūhi yena tathaivāhaṃ yate śāstradṛśā dhiyā //

Note:

jīvanmuktasyety atra caśabdo 'dhyāhāryaḥ | yate yatnaṃ karomi | lakṣaṇam svarūpapratiṣṭhāpakaḥ dharmaḥ | dhiyā buddhyā | kathambhūtayā | śāstram eva dṛk netre | yasyāḥ¹³⁷⁹ | sā | tādṛśyā | śāstrānusāriṇyety arthaḥ ||

Note:

śrīvasiṣṭha uttaraṃ kathayati

yathāsthitam idaṃ yasya vyavahāravato 'pi ca /

astaṃ gataṃ sthitaṃ vyoma sa jīvanmukta ucyate //

Note:

vyavahāravato 'pi viśvapadārtheṣu vyavahāraṃ kurvato 'pi | yasya puruṣasya | yathāsthitam anena prakāreṇaiva sthitam | na tu kenāpi prayatnena nāśitasvarūpaṃ | idam puraḥsphuraṇaśīlaṃ jagat | astaṃ¹³⁸⁰ gataṃ nāśaṃ gataṃ | ata eva vyoma śūnyarūpaṃ bhavati | paṇḍitaiḥ sa jīvanmuktaḥ ucyate | bhāsamānasya jagataḥ śuktikārajatavat asatyatvadarśitvaṃ jīvanmuktalakṣaṇam iti bhāvaḥ ||

bodhaikaniṣṭhatāṃ yāto jāgraty eva suṣuptavat /

ya āste vyavahartaiva sa jīvanmukta ucyate //

Note:

bodhe dṛśyātyantābhāvajñānapūrvake ātmajñāne | ekaṃ kevalaṃ | niṣṭhā ratiḥ yasya | saḥ bodhaikaniṣṭhaḥ | tasya bhāvaḥ tattā | tām yātaḥ gataḥ | yaḥ puruṣaḥ | jāgraty eva jāgradavasthāyām eva | tatrāpi vyavahartaiva pravāhāgatavyavahārakāry eva | suṣuptavat suṣuptyāviṣṭa iva | āste | niranusandhāna āste iti yāvat | paṇḍitaiḥ saḥ jīvanmuktaḥ ucyate | dṛśyate ca stryādiniṣṭhasya puruṣasya¹³⁸¹ jāgrati vyavahartur¹³⁸² eva sataḥ suṣuptavad avasthitir iti nāyastam ||

nodeti nāstam āyāti sukhe¹³⁸³ duḥkhe mukhaprabhā /

yathāprāptasthiter yasya sa jīvanmukta ucyate //

Note:

yathāprāptasthiteḥ pravāhāgataniṣṭhasya | yasya | sukhe duḥkhe ca mukhaprabhā nodeti nāstam āyāti harṣāmarṣarāhityāt | paṇḍitaiḥ saḥ jīvanmuktaḥ ucyate ||

yo jāgarti suṣuptastho yasya jāgran na vidyate /

yasya nirvāsano bodhaḥ sa jīvanmukta ucyate //

Note:

yaḥ puruṣaḥ | jāgarti bāhyapadārthaviṣayaṃ bodhaṃ bhajati | kathambhūtaḥ | suṣupte suṣuptau iva tiṣṭhatīti | tādṛśaḥ | ekacinmātratāniścayena bāhyaprapañcānusandhānarahitatvāt | tathā yasya puruṣasya | jāgrat laukikā jāgradavasthā | na vidyate turyamayatvāt | jīvanmukto hi jāgrati sarvaṃ cinmātramayaṃ paśyan turyāvasthāviṣṭa eva bhavati | tathā yasya nirvāsanaḥ¹³⁸⁴ ahaṃmamatārūpavāsanārahitaḥ | bodhaḥ bāhyadehādipadārthajñānaṃ | bhavati | paṇḍitaiḥ sa jīvanmukta ucyate ||

rāgadveṣabhayādīnām anurūpaṃ carann api /

yo 'ntar vyomavad atyacchaḥ sa jīvanmukta ucyate //

Note:

yaḥ puruṣaḥ | rāgadveṣabhayādīnām anurūpaṃ caran api | rāgādhāre putrādau ratiṃ bhajan api | dveṣādhāre śatrau vimukho bhavan api | bhayakāraṇāt siṃhādeḥ calan api | antaḥ manasi | vyomavat atyacchaḥ atinirmalaḥ bhavati | putrādiviṣayasya ratyādeḥ pravāhabalena niranusandhānakaraṇāt¹³⁸⁵ | anusandhāna eva hi manasi malaṃ bhavati | paṇḍitaiḥ saḥ jīvanmuktaḥ ucyate | ādiśabdena dehādiviṣayāṇām¹³⁸⁶ asmitādīnāṃ grahaṇam ||

yasya nāhaṅkṛto bhāvo buddhir yasya na lipyate | /

kurvato 'kurvato vāpi sa jīvanmukta ucyate //

Note:

yasya puruṣasya | ahaṅkṛtaḥ bhāvaḥ ahaṅkāramayī cittavṛttiḥ | nāsti | sarvatra brahmakartṛtvadarśanāt | tathā yasya puruṣasya | buddhiḥ na lipyate lepayuktā na kriyate | rāgādirūpaiḥ pāpair iti śeṣaḥ | paṇḍitaiḥ saḥ jīvanmukta ucyate | yasya kathambhūtasya | kurvataḥ śarīrayātrānimittaṃ pravāhāgataṃ vā karma kurvataḥ | tathā kenāpi kāraṇena akurvataḥ vā | tatra karaṇakāle niranusandhānakaraṇāt akaraṇakāle śuddhacinmātraparāmarśaniṣṭhatvāt ahambhāvadhīleparāhityaṃ jñeyam ||

yaś¹³⁸⁷ conmeṣanimeṣābhyāṃ vidheḥ pralayasambhavau /

paśyet trilokyāḥ khasamaḥ sa jīvanmukta ucyate //

Note:

khasamaḥ ākāśasadṛśaḥ | yaḥ puruṣaḥ | trilokyāḥ vidheḥ bhvādibāhyatrilokīvidhānasya¹³⁸⁸ jāgradādyāntaratrilokīvidhānasya ca | unmeṣanimeṣābhyāṃ | arthāt paramātmatayā niścitasya cittattvasya unmeṣeṇa cetyānaunmukhyākhyena prādurbhāvena | nimeṣeṇa cetyaunmukhyākhyena svarūpagopanena | pralayasambhavau paśyati saṃhārotpattī | tathā tirobhāvāvirbhāvau paśyati | paṇḍitaiḥ saḥ jīvanmuktaḥ ucyate | atha vā svaparāmarśaḥ unmeṣaḥ | tatrāpi upekṣā nimeṣaḥ | tathā ca unmeṣeṇa sambhavaḥ | nimeṣeṇa pralayaḥ | iti yathāsaṅkhyaṃ vihāyaiva sambandhaḥ kāryaḥ ||

bhoktaiva yo na bhokteva¹³⁸⁹ śuddhabodhaikatāṃ gataḥ /

buddhaḥ supta ivāste 'ntaḥ sa jīvanmukta ucyate //

Note:

śuddhabodhaikatāṃ śuddhabodhenaikatvaṃ gataḥ | yaḥ puruṣaḥ | buddhaḥ bodhayuktaḥ san | antaḥ suptaḥ iva āste tiṣṭhati | niranusandhānatvāt | yaḥ kathambhūta iva | bhoktā eva bhujikriyākartṛtvaṃ bhajann eva | abhoktā iva svasmin śuddhabodhatājñānena bhoktāham ity abhimānābhāvāt | paṇḍitaiḥ saḥ jīvanmuktaḥ ucyate ||

nityaṃ draṣṭaiva cādraṣṭā jīvann eva mṛtopamaḥ /

vyavahartaiva śailābhaḥ sa jīvanmukta ucyate //

Note:

yaḥ draṣṭaiva dṛśikriyākartṛtvaṃ bhajann eva | na tv andhavat tiṣṭhan | adraṣṭā bhavati | tathā yaḥ jīvann eva jīvanakriyākartṛtvaṃ bhajann eva | mṛtopamaḥ bhavati | mṛtasadṛśaḥ bhavati | mṛtavat bhogādivāñchābhāvāt | tathā yaḥ vyavahartā eva vyavahāraṃ kurvan eva | śailābhaḥ bhavati | tattvataḥ¹³⁹⁰ kṣobharāhityāt | paṇḍitaiḥ saḥ jīvanmuktaḥ ucyate ||

yasmān nodvijate loko lokān nodvijate ca yaḥ /

harṣāmarṣabhayonmuktaḥ sa jīvanmukta ucyate //

Note:

lokaḥ sāmānyalokaḥ | yasmāt nodvijate udvegakāraṇābhāvena udvegaṃ na yāti | tathā yaḥ lokāt na udvijate niṣprayojanatvāt | svaprayojanaparaḥ eva hi yebhyaḥ svaprayojanaṃ na paśyati tebhyaḥ udvijate | yaḥ kathambhūtaḥ | harṣāmarṣabhayonmuktaḥ harṣāmarṣabhayarahitaḥ | svasmin śuddhabodhaikatājñānāt | paṇḍitaiḥ saḥ jīvanmuktaḥ ucyate ||

śāntasaṃsārakalanaḥ¹³⁹¹ kalāvān¹³⁹² api niṣkalaḥ /

yaḥ sacitto 'pi niścittaḥ sa jīvanmukta ucyate //

Note:

śāntā ātmani cinmātratādarśanena layaṃ gatā | saṃsārakalanā yasya | saḥ | tādṛśaḥ | yaḥ puruṣaḥ | kalāvān api jñānākhyakalāyukto 'pi | niṣkalaḥ kalābhyaḥ niṣkrāntaḥ bhavati | svasya niṣkalacinmātratājñānāt | tathā yaḥ sacittaḥ api śuddhasattvasvarūpacittayuktaḥ api | niścittaḥ cittān niṣkrāntaḥ bhavati | malinacittābhāvāt | paṇḍitaiḥ saḥ jīvanmuktaḥ ucyate ||

yaḥ samastārthajāteṣu vyavahāry api śītalaḥ /

parārtheṣv iva pūrṇātmā sa jīvanmukta ucyate //

Note:

pūrṇātmā nirapekṣaśāntacinmātratvena tṛptātmā | yaḥ samastārthajāteṣu pravāhāgateṣu sakaleṣu prayojanasamūheṣu | śītalaḥ kim ayaṃ sidhyati na veti santāparahitaḥ bhavati | keṣv iva | parārtheṣv iva | yathā laukikaḥ parārtheṣu śītalaḥ bhavati | tathety arthaḥ | paṇḍitaiḥ sa jīvanmuktaḥ ucyate ||

Note:

jīvanmuktim uktvā kramaprāptāṃ¹³⁹³ videhamuktiṃ kathayati

jīvanmuktapadaṃ tyaktvā dehe¹³⁹⁴ kālavaśāt kṣate /

cid yāty adehamuktatvaṃ pavanaḥ spandanām iva //

Note:

cit lakṣaṇayā cidbhāvatāgataḥ jīvanmuktaḥ | dehe śarīre | kālavaśāt niyativaśena | kṣate naṣṭe sati | jīvanmuktapadam jīvanmuktatāṃ | tyaktvā | adehamuktatvaṃ videhamuktabhāvaṃ | yāti | ka iva kāṃ tyaktvā | pavana iva spandanām | yathā pavanaḥ spandanām ceṣṭākaraṇam | tyajati | tathety arthaḥ | pavanaḥ spandatām iveti vā pāṭhaḥ ||

Note:

jīvanmuktavat tasyāpi lakṣaṇāni leśataḥ kathayati

videhamukto nodeti nāstam eti na śāmyati /

na san nāsan na dūrasthaṃ na cāhaṃ na ca vetarat //

Note:

videhamuktaḥ anahambhāvena gṛhītasya dehasyāpy abhāvena videhamuktiṃ gataḥ puruṣaḥ | na udeti sadoditacinmātrabhāvena avasthānāt | tathā astam na eti | yathā tathā kalpitasya tadastasya tataḥ evotthānāt | anyathāsambhavāt | tathā na śāmyati saṃsārabhānābhāvaprasaṅgāt | na sat bhavati | bāhyāntarakaraṇāgocaratvāt | tathā asat na bhavati | etādṛkprapañcabhāvena bhānābhāvaprasaṅgāt | na hi śaśaśṛṅgaṃ kenāpi rūpeṇa bhātuṃ¹³⁹⁵ śaknoti | tathā dūrasthaṃ na bhavati | sarveṣām ahantāsāratvena sthitatvāt | tathā ahaṃ na bhavati | paricchinnaḥ pramātā na bhavati | aparimitapramātṛtvena sthitatvāt | tathā itarat parimitaṃ prameyaṃ | na bhavati | aparimitaprameyabhāvena sthitatvāt ||

Note:

viśvottīrṇatām uktvā viśvamayatāṃ leśataḥ kathayati

sūryo bhūtvā pratapati viṣṇuḥ pāti jagattrayam /

rudraḥ sarvān saṃharati sarvān sṛjati padmajaḥ //

Note:

asau śuddhacinmātratāṃ yātaḥ videhamuktaḥ sūryo bhūtvā sūryabhāvam āsādya | pratapati tāpakriyākartṛtvaṃ bhajati | tathā viṣṇuḥ bhūtvā jagattrayaṃ pāti rakṣati | evaṃ sarvatra yojyam | eṣāṃ sūryādīnāṃ ca bāhyāntaratvena dvaividhyaṃ jñeyam | bāhye hi sūryaḥ yaḥ vyomni dṛśyate | āntaras tu prāṇaḥ | sūryavat śarīrapākakāritvāt | tathā viṣṇuḥ buddhiḥ | tadvat saṅkalpasthitikāritvāt | tathā rudraḥ ahaṅkāraḥ | tadvat sarvasaṅkalpānāṃ svasmin layīkaraṇāt | tathā padmajaḥ manaḥ | tadvat saṅkalpotpādakatvāt | evaṃ yathāsambhavaṃ sarvatra yojyam | nanu kathaṃ videhamuktaḥ sūryādicarācarapadārthabhāvam āgatya tadgatāḥ sarvāḥ kriyāḥ¹³⁹⁶ karotīti cet | satyam | tatra carāḥ tāvat sphuṭam eva antaryāmiśuddhacittattvādhiṣṭhitāḥ¹³⁹⁷ lakṣyante | anyathā maraṇāvasthāṃ gateṣv api teṣu prāgvat kriyādhāratvaprasaṅgāt | nanu tatkriyāyāṃ prāṇa eva prerakaḥ dṛśyate | niṣprāṇānām acaraśarīrāṇāṃ¹³⁹⁸ niṣkriyatvadarśanāt | asad etat | na hi prāṇo nāmātra prerakatve samarthaḥ¹³⁹⁹ kaścic cetana iva lakṣyate | kiṃ tv anyasya kasyāpi svatantrasya cetanasya preraṇayā | devadattapreryamāṇakandukavat¹⁴⁰⁰ nirgamapraveśakārīva dṛśyate iti śuddhasya cinmātrasyaiva carāntaryāmitvena caragatakriyākartṛtvaṃ jñāyate | acareṣv api dṛśyamāṇā avasthitikriyā kriyātvāt caragatakriyāvat tatkṛtā eva jñeyā | yataḥ yatra sākṣāc cetanatayā bhāsamānānāṃ carāṇāṃ svakriyāyām asāmarthyam asti tatra sākṣāj jaḍatvena bhāsamānānāṃ acarāṇāṃ kā kathā kriyākāritve | tena yathā adhiṣṭhātṛbhūtena devadattena kvacit sthāpitāḥ stambhādayaḥ tiṣṭhanti¹⁴⁰¹ tathā svāntargatena kenāpi tattvena sthāpitāḥ acarāḥ tiṣṭhantīti jñeyam | tatra devadattasya tebhyaḥ bahiḥsthatā¹⁴⁰² pratyakṣam eva¹⁴⁰³ dṛśyate iti na tatra tasya tadantargatatvaṃ kalpyate | atra tu bahiḥ sthūlasya kasyāpy adarśanāt tadantargatatvaṃ kalpyate | bahirgatatvam api tasya na virudhyate ity āstām etat | evaṃ ca śuddhacinmātre paryavasitaṃ sarvakriyākartṛtvaṃ tanmayatāgate tasminn api siddham eva | samudre līnasya jalabindoḥ iva samudraguṇaviśiṣṭatvam | avaśiṣṭaṃ mṛtaśarīram api pakṣākṣiptam¹⁴⁰⁴ eva jñeyam | nanu tathāpi videhamuktaḥ sarvāḥ kriyāḥ karotīty etāvanmātram eva siddham | na tu sarvaṃ bhūtvety etat siddham | tatra kā vārteti cet | satyam | tatreyaṃ vārtā | carācarāḥ bhāvāḥ kimmayāḥ iti vicāryamāṇe tatsvarūpaṃ hastagrāhābhāvāt anirvācyatāyām eva viśrāmyati | anirvācyatā eva ca śuddhacittattvasya svarūpam iti śuddhacidrūpatāṃ gatasya videhamuktasya sarvabhāvo yukta eveti na ko 'pi virodhaḥ | etac ca śuddhacittattvasvarūpam anubhavatsu pratyakṣasiddham eva | tadavidvadarthe tu ayaṃ prayatnaḥ kṛta ity alaṃ prapañcena ||

khaṃ bhūtvā pavanaskandhān dhatte sarkṣasurāsurān /

kulācalagaṇo bhūtvā lokapālapurāspadam //

Note:

sarkṣasurāsurān nakṣatradevāsurasahitān | kulācalagaṇaḥ bhūtvā lokapālapurāspadaṃ bhavatīti sambandhaḥ ||

bhūmir bhūtvā bibhartīmāṃ lokasthitim akhaṇḍitām /

tṛṇagulmalatā bhūtvā dadāti phalasantatim //

Note:

spaṣṭam ||

bibhraj jalānalākāraṃ jvalati bhavati drutaḥ /

candro 'mṛtaṃ prasravati mṛtiṃ hālāhalaṃ viṣam //

Note:

jalākāraṃ bibhrad drutaḥ dravaguṇayuktaḥ | bhavati | analākāraṃ bibhrat jvalatīty yojyam | candro bhūtvā hālāhalaṃ¹⁴⁰⁵ bhūtveti sambandhanīyam ||

tejaḥ prakaṭayaty āśās tanoty āndhyaṃ tamo bhavat /

śūnyaṃ sad vyomatām eti giriḥ san rodhayaty alam //

Note:

rodhayati rodhanaṃ karoti ||

karoti jaṅgamaṃ cittve sthāvaraṃ sthāvarākṛtiḥ /

bhūtvārṇavo valayati bhūstriyaṃ valayo yathā //

Note:

cittve cidbhāve sthitvā | cidbhāvayukto bhūtveti yāvat | jaṅgamaṃ karoti sthāvarākṛtiḥ san¹⁴⁰⁶ sthāvaraṃ karoti | arṇavaḥ bhūtvā bhūstriyaṃ bhūr eva strī | tām valayati samantāt paryanteṣu āvṛṇoti | ko yathā | valayo yathā | yathā valayaḥ striyaṃ | arthāt strībhujaṃ | valayati | tathety arthaḥ ||

paramārkavapur bhūtvā prakāśe 'ntar visārayan /

trijagattrasareṇvoghaṃ śāntam evāvatiṣṭhati //

Note:

paramārkavapuḥ citsūryavapuḥ | bhūtvā | prakāśe prakāśarūpāyāṃ svabhittau | trijagattrasareṇvoghaṃ trijagadākhyaṃ paramāṇusamūhaṃ | visārayan vistārayan | śāntam eva sākṣibhāvena sthitatvāt tatkṛtakṣobharahitam evāvatiṣṭhati | yuktaṃ cārkasya prakāśe trasareṇvoghavisāraṇaṃ śāntam avasthānaṃ ca ||

Note:

viśeṣakalanām aśakyāṃ jñātvā sāmānyena kathayati

yat kiñcid idam ābhāti bhātaṃ vā bhām upaiṣyati /

kālatrayagataṃ dṛśyaṃ tad asau sarvam eva vā //

Note:

vā pakṣāntare | yat kiñcit idaṃ jagat | bhātam pūrvaṃ sphuritaṃ | tathā ābhāti adya sphurati | tathā bhām sphuraṇam | upaiṣyati agre āgamiṣyati | tat kālatrayagatam sarvaṃ dṛśyam asau uktaḥ videhamuktaḥ | bhavati ||

Note:

atra śrīrāmaḥ pṛcchati

katham evaṃ vada brahman bhūyate viṣamā hi me /

dṛṣṭir eṣā tu duṣprāpā durākramyeti¹⁴⁰⁷ niścayaḥ //

Note:

he brahman | tvaṃ vada kathaya | puruṣeṇa evam etādṛgguṇayuktena videhamuktena | katham bhūyate kathaṃ sampadyate | hi yasmāt kāraṇāt | me niścayaḥ | iti evaṃ | bhavati | iti kim | iti viṣamā kaṭhinā | eṣā pūrvoktā | dṛṣṭiḥ videhamuktirūpā dṛṣṭiḥ | duṣprāpā durākramyā ca bhavati ||

Note:

śrīvasiṣṭha uttaraṃ kathayati

muktir eṣocyate rāma brahmaitat samudāhṛtam /

nirvāṇam etat kathitaṃ śṛṇu samprāpyate katham //

Note:

he rāma | paṇḍitaiḥ eṣā etat videhamuktatvaṃ | muktiḥ ucyate | jīvanmuktatvasya sattvarūpacittāśrayatvenāmuktikalpatvāt | paṇḍitaiḥ etat brahma samudāhṛtam kathitam | sarvapadārthabhāvena bṛṃhaṇābhāktvāt | paṇḍitaiḥ etat nirvāṇaṃ kathitam sarvathā parimitāhantāyāḥ layībhāvāt | tvaṃ śṛṇu etat puruṣeṇa kathaṃ prāpyate ||

yad idaṃ dṛśyate dṛśyam ahaṃtvattādisaṃyutam /

sato 'py asyāpy anutpattyā buddhyā vaitad avāpyate //

Note:

asmābhiḥ | ahaṃtvattādisaṃyutaṃ yad idam dṛśyaṃ jagat | dṛśyate anubhūyate | sataḥ api evam eva sthitasyāpi | asya jagataḥ | anutpattyāḥ buddhyā anutpannam evedam ity evaṃrūpasya abhāvasya jñānenaiva | tajjagadviṣayānutpannatvajñāneneti yāvat | etat uktaguṇaṃ videhamuktatvam | avāpyate prāpyate | apivāśabdau evaśabdārthe | etena dṛśyātyantābhāvasya videhamuktiṃ prati kāraṇatvam uktam ||

Note:

śrīrāmaḥ punaḥ pṛcchati

videhamuktās trailokyaṃ sampadyante yadā tadā /

manye te sargatām eva gatā vedyavidāṃ vara //

Note:

videhamuktāḥ yadā yadi | trailokyaṃ sampadyante | he vedyavidāṃ vara | ahaṃ manye | tadā te sargatām eva gatāḥ sargabhāvam eva gatāḥ bhavanti | sargāntargatapadārthabhāvenaiva sphuraṇāt ||

Note:

śrīvasiṣṭha uttaraṃ kathayati

vidyate cet tribhuvanaṃ tat tattāṃ samprayāntu te /

yatra trailokyaśabdārtho na sambhavati kaścana //

tatra trilokatāṃ yātaṃ brahmety uktyarthadhīḥ kutaḥ |

tasmān no sambhavaty anyā jagacchabdārthakalpanā ||

Note:

tribhuvanaṃ sargaḥ |ced¹⁴⁰⁸ yadi | vidyate satyaṃ bhavati | tat tadā | te videhamuktāḥ | tattām tribhuvanatāṃ | samprayāntu samyak gacchantu | yatra yasmin sthāne | kaścana trailokyaśabdārthaḥ trailokyaśabdayuktaḥ arthaḥ | trailokyaśabdārthaḥ trailokyākhyaḥ śabdaḥ tadarthaś ceti yāvat | na sambhavati | tatra tasmin sthāne | ity uktyarthadhīḥ evaṃrūpoktyarthākārā dhīḥ | evaṃrūpā uktiḥ evaṃrūpaḥ arthaś ceti yāvat | kutaḥ bhavati | trailokyaśabdārthayor asambhavāt | na sambhavatīty arthaḥ | iti kim | iti brahma lakṣaṇayā videhamuktaḥ | trilokatāṃ sargatāṃ | yātaṃ bhavati | upasaṃhāraṃ karoti tasmād iti | tasmāt tato hetoḥ | anyā brahmaṇaḥ anyā | jagacchabdārthakalpanā jagacchabdārtharūpā kalpanā | na bhavati ||

Note:

anena prasaṅgena jagadbrahmaṇoḥ aikyam eva punaḥ punaḥ kathayati

ananyac chāntam ābhāsamātram ākāśanirmalam /

brahmaiva jagad ity eva satyaṃ satyāvabodhinaḥ //

Note:

jagat kartṛ | ananyat sarvarūpatvena sthitatvāt svavyatiriktavasturahitaṃ | śāntaṃ svarūpe viśrāntam | ābhāsamātrakam ābhāsamātrasvarūpam | ākāśanirmalam ākāśavat svaccham | brahma eva bhavati | ity eva etad eva | satyāvabodhinaḥ satyajñānayuktasya | satyaṃ bhavati ||

Note:

atra dṛṣṭāntaṃ kathayati

yathā hi hemakaṭake vicāryāpi na dṛśyate /

kaṭakatvaṃ kvacin nāma ṛte nirmalahāṭakam //

Note:

yathā hīti dṛṣṭāntatvadyotakam | asmābhiḥ | hemakaṭake suvarṇavalaye | vicāryāpi vicārayitvāpi | nirmalahāṭakam ṛte kaṭakatvaṃ nāma kvacit na dṛśyate | yathā kaṭakaṃ hemaiva bhavati tathā jagat brahmaiva bhavatīti pūrvaślokadṛṣṭāntatayā yojyam uttaraślokadvayaṃ ca ||

Note:

dvitīyaṃ dṛṣṭāntaṃ kathayati

jalād ṛte payovīcau nāhaṃ paśyāmi kiñcana /

vīcitvaṃ tvādṛśair dṛṣṭaṃ yat¹⁴⁰⁹ tu nāsty eva tatra hi //

Note:

ahaṃ payovīcau jalataraṅge | jalād ṛte kiñcana na paśyāmi payovīcau nāsti ||

Note:

tṛtīyaṃ dṛṣṭāntaṃ kathayati

spandatvaṃ pavanād anyan na kadācana kutracit /

spanda eva sadā vāyur jagat tasmān na vidyate //

Note:

kadācana kutrāpi kāle | kutracit kutrāpi¹⁴¹⁰ deśe | spandatvam pavanāt anyat na bhavati | yataḥ vāyuḥ spanda eva bhavati | phalitaṃ kathayati jagad iti | yataḥ jagataḥ brahmatve dṛṣṭāntatrayam asti tasmāt jagat na vidyate | ataś ca videhamuktasya sargatāgamanaṃ kathaṃ bhavatīti bhāvaḥ ||

Note:

punar api pūrvoktam artham eva sadṛṣṭāntaṃ kathayati

yathā śūnyatvam ākāśas tāpa eva marau jalam /

teja eva yathāloko brahmaiva trijagat tathā //

Note:

spaṣṭam ||

Note:

śrīrāmaḥ pṛcchati

atyantābhāvasampattyā jagaddṛśyasya muktatā /

yayodeti mune yuktyā tāṃ mamopadiśottamām //

Note:

he mune | jagaddṛśyasya jagadrūpasya dṛśyasya | yayā yuktyā atyantābhāvasampattyā atyantābhāvasampādanena | muktatā udeti | tvam mama uttamāṃ niratiśayām¹⁴¹¹ | tām yuktiṃ | upadiśa | jagadviṣayasyātyantābhāvasya muktatāsādhane kathaṃ sāmarthyam astīty atra yuktiṃ kathayeti bhāvaḥ ||

Note:

nanu yuktim eva kiṃ punaḥ punaḥ pṛcchasīty atrottarakathanapūrvaṃ praśnāntaraṃ karoti

mithaḥ sampannayor draṣṭṛdṛśyayor ekasaṅkṣaye /

dvayābhāve sthitiṃ yāte nirvāṇam avaśiṣyate //

dṛśyasya jagatas tasmād atyantānudbhavo yathā /

brahma cetthaṃ svabhāvasthaṃ budhyate vada me tathā //

Note:

uktanītyā mithaḥ sampannayoḥ yataḥ tvayaivaitad uktam iti śeṣaḥ | yataḥ tvayā eva uktaṃ mithaḥ sampannayoḥ uktanītyā mithaḥ siddhayoḥ | draṣṭṛdṛśyayoḥ madhye | ekasaṅkṣaye sati | tataḥ dvayābhāve sthitiṃ yāte sati | nirvāṇaṃ kaivalyam | avaśiṣyate | tasmāt tataḥ kāraṇāt | dṛśyasya jagataḥ dṛśyasvarūpasya jagataḥ | atyantānudbhavaḥ atyantābhāvasvarūpā atyantānutpattiḥ | yathā yayā yuktyā | budhyate jñāyate | tathā brahma jagadbhāvena bṛṃhitaṃ śuddhacittattvaṃ | itthaṃ jagadrūpeṇa | svabhāvasthaṃ svarūpasthaṃ | yathā budhyate | tvaṃ tathā ca me vada kathaya ||

Note:

rasāveśenonmattavat punar api dṛśyātyantābhāvasiddhiyuktiṃ brahmaṇaḥ itthaṃsvabhāvāvasthitiyuktiṃ ca pṛcchati

kayaitaj jñāyate yuktyā katham etat prasidhyati | /

etasmiṃs tu mune siddhe na sādhyam avaśiṣyate //

Note:

etat ayaṃ dṛśyātyantābhāvaḥ idam brahmaṇaḥ itthaṃsvabhāvāvasthānaṃ ca | nanu kimartham atra punaḥ punaḥ praśnān karoṣīty | atrāha etasmin iti | he mune | etasmin siddhe sati | sādhyam sādhanīyaṃ | nāvaśiṣyate avaśiṣṭaṃ na bhavati | muktimātrasyaivākāṅkṣitatvāt tasya cānenaiva siddhatvāt ||

Note:

śrīvasiṣṭhaḥ uttaraṃ kathayati

bahukālam iyaṃ rūḍhā mithyājñānaviṣūcikā | /

nūnaṃ vicāramantreṇa nirmūlam upaśāmyati //

Note:

nūnaṃ niścaye | iyaṃ mithyājñānaviṣūcikā śuddhacinmātre dṛśyam idam ity evaṃrūpo jñānaviśeṣaḥ | rūḍhā manasi satyatvena bhātā | yuktaṃ ca mantreṇa viṣūcikāyāḥ upaśamanam | vicāraś cātra kiṃrūpam idaṃ dṛśyam ity evaṃrūpo jñeyaḥ ||

Note:

nanv asmin samaye mayā kṛta eva leśato vicāraḥ | tat katham idaṃ dṛśyaṃ na śāntam ity | atrāha

na śakyate jhagity eva samucchedayituṃ kṣaṇāt /

samaprayatane hy adrau samārohāvarohaṇe //

Note:

samucchedayituṃ nāśayitum | uttarārdhenaitat samarthayati sameti | yathā kaścit parvatāgram ārūḍhaḥ tataś cāvataritum icchan na jhagity evāvatarituṃ śaknoti | tathā cirarūḍhā dṛśyasatyatāpratītiḥ na jhagiti dūrīkartuṃ śakyate iti bahukālaṃ vicāraḥ kartavya iti bhāvaḥ ||

Note:

yuktikathanaṃ phalitatvena pratijānīte

tasmād abhyāsayogena yuktyā nyāyopapattibhiḥ /

jagadbhrāntir yathā śāmyet tathedaṃ kathyate śṛṇu //

Note:

tasmāt tato hetoḥ | abhyāsayogena vicārābhyāsayuktyā¹⁴¹² | tathā yuktyā svabuddhikṛtayā yuktyā | tathā nyāyopapattibhiḥ nyāyaśāstreṣūktābhiḥ yuktibhiḥ | jagadbhrāntiḥ dṛśyasvarūpajagadbhramaḥ | yathā yena prakāreṇa | śāmyet | tathā tena prakāreṇa | idam vakṣyamāṇaṃ vāgjālaṃ | mayā kathyate | tvaṃ tat śṛṇu śravaṇaviṣayaṃ kuru ||

Note:

nanu tacchravaṇena mama kiṃ setsyatīty | atrāha

vadāmy ākhyāyikāṃ rāma yām imāṃ bodhasiddhaye /

tāṃ cec chṛṇoṣi tat sādho mukta evāsi buddhimān //

Note:

spaṣṭam ||

Note:

samanantarakṛtāṃ pratijñāṃ sampādayan prakaraṇārambhe pratijñātaṃ savistarakathanaṃ prastauti

athotpattiprakaraṇaṃ mayedaṃ tava kathyate | /

yaḥ kilotpadyate rāma tena muktena bhūyate //

Note:

athaśabdaḥ ānantaryārthaḥ saṅkṣepakathanānantaratāṃ dyotayati | kimartham utpattiprakaraṇam eva prathamaṃ kathyate ity | atrāha yaḥ kileti¹⁴¹³ | ataḥ muktikathane pravṛttair asmābhiḥ utpattiprakaraṇakathanam eva kāryam | anyathā nirādhārāyāḥ mukteḥ kathanam ayuktaṃ syād iti bhāvaḥ ||

Note:

vistareṇa kathayiṣyamāṇe 'sminn utpattiprakaraṇe tvaṃ kiṃ kathayasīty | atrāha

iyam itthaṃ jagadbhrāntir bhāty ajātaiva khātmikā /

ity utpattiprakaraṇe kathyate 'smin mayādhunā //

Note:

iyam puraḥsphuraṇaśīlā | jagadbhrāntiḥ jagadākāraḥ bhramaḥ | itthaṃ anayā yuktyā | ajātā eva anutpannā eva | ataḥ khātmikā ākāśasvarūpā satī | bhāti sphurati | iti etat | mayā adhunā asmin utpattiprakaraṇe kathyate ||

Note:

utpattiprakaraṇam eva kathayiṣyan sthūṇānikhanananyāyenotpattimūlakāraṇabhūtaśuddhacinmātraprakaṭanārtham ādau tadāvarakaprapañcalayaṃ tāvat kathayati

yad idaṃ dṛśyate kiñcij jagat sthāvarajaṅgamam | /

sarvaṃ sarvaprakārāḍhyaṃ¹⁴¹⁴ sasurāsurakiṃnaram //

tan mahāpralaye prāpte rudrādipariṇāmini /

bhavaty asad adṛśyaṃ ca kvāpi yāti vinaśyati //

Note:

*¹⁴¹⁵kiñcit anirvācyasvarūpam | sarvaprakārāḍhyaṃ samastabhāvābhāvādiprakārayuktaṃ | mahāpralaye turyākhye avasthāviśeṣe mahākalpāntasamaye ca | rudrādipariṇāmini rudrādilayayukte | rudro 'tra ahaṅkāraḥ saṃhārādhikārī śrīmahādevo jñeyaḥ | ādiśabdena buddhyādeḥ sṛṣṭisthityadhikāriṇaḥ¹⁴¹⁶ viṣṇvādeś ca grahaṇam | adṛśyam bāhyendriyāgocaram | nanu katham adṛśyaṃ ca bhavatīty | atrāha kvāpīti | kvāpi yāti anirvācye kasmin cittattve ekatāṃ yāti | anyatayā sphuratīti yāvat | ata eva vinaśyati adarśanaṃ gacchati | na hi bhāsamānasya sarvathā vināśo yuktaḥ | śuktikārajatasyāpi sarvathā vināśaprasaṅgāt | na hi śuktikārajataṃ sarvathā vinaśyati | kiṃ tu śuktibhāvena sphurati ||

Note:

nanu bhāsamānasyaitasya jagataḥ nāśe kiṃ śiṣyate | bhāsamānasya śuktikārajatasya nāśe hi śuktikā śiṣyate ity | atrāha

tataḥ stimitagambhīraṃ na tejo na tamas tatam /

anākhyam anabhivyaktaṃ sat kiñcid avaśiṣyate //

Note:

tataḥ dṛśyanāśānantaram | kiñcit arthāt dṛśyavināśasākṣisvarūpaṃ kim api¹⁴¹⁷ anirvācyaṃ vastu | śiṣyate śiṣṭaṃ bhavati | anyathā bhāsamānasya iyataḥ jagataḥ kutrāvasthānaṃ syān | na hi bhāsamānasya vināśo ghaṭasvarūpanāśavat yuktaḥ | śuktikārajatanāśavad anyarūpatayā sphuraṇamātrarūpatvāt | anyarūpatayā sphuraṇaṃ prādhānyaṃ¹⁴¹⁸ vinā nopapadyata iti | kiñcit kathambhūtam | stimitagambhīram | stimitam cetyaunmukhyākhyaspandarahitam | gambhīram svaviṣayāvagāhitrabhāvenāvagāhanakriyāviṣayatvābhāvena ca avagāhitum aśakyam | tādṛśaṃ ca tat tādṛśaṃ ceti | punaḥ kathambhūtaṃ | na tejaḥ śuddhacinmātrarūpatvena jīvādisvarūpalaukikacetanavyatiriktam ity arthaḥ | tathā na tamaḥ jaḍapadārthavyatiriktam ity arthaḥ | atha vā cinmātrarūpatvena cetyasvarūpabāhyatejastamovyatiriktam iti jñeyam | punaḥ kathambhūtam | sarvatrānusyūtam¹⁴¹⁹ | punaḥ kathambhūtam | anākhyam ākhyākartṛtvenāvasthānāt¹⁴²⁰ ākhyāviṣayatvābhāvāc cākhyātum aśakyam ity arthaḥ | punaḥ kathambhūtaṃ | anabhivyaktam bāhyāntaḥkaraṇāgocaratvena aprakaṭasvarūpam | kṛtaś ca pūrvam eṣāṃ viśeṣaṇānāṃ hetuhetumadbhāvena śṛṅkhalābandha iti na punar āyastam ||

Note:

avaśiṣṭatayā proktaṃ vastu punar api vistareṇa viśinaṣṭi

na śūnyaṃ nāpi cākāśaṃ na dṛśyaṃ na ca darśanam /

na ca bhūtapadārthaugho yad anantatayā sthitam //

Note:

anantatayā anantabhāvena | sthitaṃ yat vastu | śūnyaṃ na bhavati | tattve hi jagadadhiṣṭhānatvam ayuktaṃ syāt | na hi¹⁴²¹ śūnyaṃ kasyāpi adhiṣṭhānaṃ dṛṣṭam | tatra bhāsamānasya picchikādeḥ¹⁴²² nāyanaraśmyadhiṣṭhānatvāt | tathā yat vastu | ākāśaṃ na bhavati | proktanyāyena śūnyavyatiriktatvāt | ākāśasya ca śūnyaikamayatvāt | yat dṛśyaṃ na bhavati | kevaladraṣṭṛsvarūpatvāt | yat vastu | darśanam na bhavati | draṣṭṛdṛśyānapekṣasiddhikatvāt | yat bhūtapadārthaughaḥ na bhavati | tattve hi jaḍaṃ syāt ||

kim apy avyapadeśātma¹⁴²³ pūrṇāt pūrṇatarākṛti¹⁴²⁴ /

na san nāsan na sadasan nābhāvo bhavanaṃ na ca //

Note:

pūrṇāt pūrṇatvenābhimatāt ākāśādeḥ | pūrṇatarākṛti pūrṇatarākāram | yat vastu | kim apy avyapadeśātma kim apy anirvācyasvarūpaṃ bhavati | tathā yat sat na bhavati | [...]Note: Explikation des Vorangegangenen sowie ‘pratīka 'nāsadḥ'’ haplographisch verloren? jagadadhiṣṭhānatvāyogāt | tathā yat sadasat na bhavati | ubhayadoṣaprasaṅgāt | tathā yat abhāvaḥ na bhavati | tadviruddhābhāvatayāpy avasthānāt ||

cinmātraṃ cetyarahitam anantam ajaraṃ śivam /

anādimadhyaparyantaṃ yad anādhi nirāmayam //

Note:

yat evaṃvidhaṃ bhavati | evaṃvidhaṃ kīdṛg ity apekṣāyām āha cinmātram ityādi | cinmātram kevalaṃ citsvarūpam | ata eva cetyarahitam cetyārūṣitam | anantam svāntasyāpi sākṣitvena sthitatvāt | tatra hi anādimadhyaparyantam ādimadhyaparyantavyavasthākārideśakālabhāsakatvāt ādimadhyaparyantarahitam | anādhi cittābhāvena tadāśritādhirahitam | nirāmayam bhāvābhāvādisvarūparogarahitam ||

yasmiñ jagat prasphurati dṛṣṭimauktikahaṃsavat /

yaś¹⁴²⁵ cedaṃ yaś¹⁴²⁶ ca naivedaṃ devaḥ sadasadātmakaḥ //

Note:

yasmin vastuni | jagat prasphurati adhiṣṭheyatayā vilasati | kathaṃ | dṛṣṭimauktikahaṃsavat | dṛṣṭau sphuritau mauktikahaṃsau dṛṣṭimauktikahaṃsau | tāv iva tadvat | rogavaśena hi dṛṣṭyavayavabhūtāḥ raśmayaḥ mauktikabhāvena haṃsabhāvena cākāśe sphuranti | sadasadātmakaḥ sadasatsvarūpaḥ | anirvācya iti yāvat | yaḥ devaḥ | yaḥ krīḍāśīlaḥ dyotanaśīlaś ca | idaṃ idantayā viṣayīkṛtaṃ bhāvajātaṃ bhavati | sārabhāvena sthitatvāt | yaḥ devaḥ idaṃ na bhavati | ahantāsāratvena¹⁴²⁷ sthitatvāt ||

akarṇajihvo 'nāsātvaṅnetraḥ¹⁴²⁸ sarvatra sarvadā /

yaḥ śṛṇoty āsvādayati jighran spṛśati paśyati //

Note:

akarṇajihvaḥ¹⁴²⁹ śrotrendriyarasanendriyarahitaḥ | tathā anāsātvaṅnetraḥ ghrāṇendriyatvagindriyanetrendriyarahitaḥ | yaḥ sarvatra sarvadeśeṣu | sarvadā sarvakāleṣu | śṛṇoti samastaśabdaśravaṇakriyāṃ karoti¹⁴³⁰ | āsvādayati samastāsvādāsvādanakriyāṃ¹⁴³¹ karoti | jighran bhavati | samastagandhaśiṅghaṇakriyāṃ kurvan bhavati | spṛśati¹⁴³² samstasparśasparśanakriyāṃ¹⁴³³ karoti | paśyati samastarūpadarśanakriyāṃ karoti | samastadeśakālagatasamastaprasādasamastendriyasāratvena¹⁴³⁴ sthitatvāt śravaṇādikriyākartṛtvābhimānagrastasamastadeśakālagatasamastapramātṛbhāvena vā sthitatvāt | na cendriyasāratvena sthitasyāsyānyendriyāpekṣā yuktā | indriyāṇām indriyāntaranairapekṣyeṇa tatsārasyāpi tadvat tadapekṣāyāḥ ayuktavāt | kalpyamānānām api teṣāṃ etatsāratvaṃ vinā nakiñcidrūpatvāpatteḥ | etatsāratve tu etasyaiva tadbhāvenāpi sthitatvāt | sarvapramātṛbhāvena sthitatve api nendriyāntarāpekṣā | tadindriyair evendriyamattvena indriyāntarāṇām anupayogitvāt ||

sa eva sadasadrūpaṃ yenālokena lakṣyate /

sargacitram anādyantaṃ kharūpaṃ cāpy arañjanam //

Note:

sa eva cinmātrasvarūpaḥ san draṣṭṛtām āpannaḥ sa eva | na tv anyaḥ kaścit | yenālokena yatsvarūpeṇa | sargacitraṃ¹⁴³⁵ jagadrūpaṃ citram¹⁴³⁶ | citprakāśena lakṣyate dṛśyate | cidālokaṃ vinā draṣṭuḥ jagaddarśanāsambhavāt | kathambhūtaṃ sargacitraṃ¹⁴³⁷ | sadasadrūpaṃ | phalataḥ sadasadbhyām anirvacanīyam | punaḥ kathambhūtam | anādyantam anādyantacinmātrasāratvenādyantarahitam ity arthaḥ | punaḥ kathambhūtaṃ ca | kharūpaṃ ca | ābhāsamātrarūpatvena svapnavat ākāśarūpaṃ cety arthaḥ | punaḥ kathambhūtam | arañjanam bhāsamānābhiḥ bhāvābhāvarañjanābhiḥ¹⁴³⁸ śuddhatvena paramārthato muktam ity arthaḥ | apiśabdaḥ pādapūraṇārthaḥ ||

ardhonmīlitadṛgbhrūbhūmadhyatārakavaj jagat /

vyomātmaiva sadābhāsaṃ svarūpaṃ yo 'bhipaśyati //

Note:

yaḥ svarūpaṃ cinmātrākhyaṃ svabhāvaṃ¹⁴³⁹ | jagat naśvaracetyarūpaṃ | paśyati svagocarīkaroti | kathambhūtam jagat | vyomātmaiva paramārthato jagadrūpatābhāvāt nakiñcidrūpam eva | punaḥ kathambhūtaṃ | sadābhāsaṃ sad ivābhāsata iti sadābhāsam | paramārthato na sad ity arthaḥ | kathaṃ paśyati | ardhonmīlitadṛgbhrūbhūmadhyatārakavat | ardham unmīlitā dṛk yena | saḥ ardhonmīlitadṛk | bhruvau eva bhūḥ sthānaṃ | tasyā madhyaṃ bhrūbhūmadhyaṃ | ardhonmīlitadṛśaḥ¹⁴⁴⁰ bhrūbhūmadhye bhāsamānā yā tārakā | tadvat | ardhonmīlitanetraḥ¹⁴⁴¹ puruṣaḥ svabhrūmadhye svadṛṣṭiraśmim eva tārakākārāṃ yathā paśyati | tathety arthaḥ | abhinayagamyaś cārthaḥ ||

yasyānyad asti na vibhoḥ kāraṇaṃ śaśaśṛṅgavat /

yasyedaṃ ca jagat kāryaṃ taraṅgaugha ivāmbhasaḥ //

Note:

yasya vibhoḥ kāraṇaṃ nāstīty arthaḥ | nanu kathaṃ nāsya kāraṇam asti | satyam | tatkāraṇaṃ cidrūpam acidrūpaṃ vā | nāntyaḥ cidrūpaṃ prati acidrūpakāraṇatvāyogāt | ādye tu sa eva cidrūpaḥ cidrūpasya svasya kāraṇaṃ kathaṃ syāt | iti sarvasya jagataḥ tatkāryatvaṃ kathayati yasyedam iti | jagataḥ cinmātrakāryatvaṃ svapnajagadvaj jñeyam ||

jvalataḥ sarvato 'jasraṃ cittasthālīṣu tiṣṭhataḥ /

yasya cinmātradīpasya bhāsā bhāti jagattrayam //

Note:

yasya cinmātradīpasya | dīpatvaṃ cāsya prakāśakatvena jñeyam | bhāsā indriyadvāranirgatayā¹⁴⁴² citprabhayā | jagattrayam avasthātraye bhāsamānaṃ prapañcatrayaṃ | bhāti sphurati | kathambhūtasya | sarvataḥ sarvatra | jvalataḥ sarvaṃ prakaṭayituṃ samarthasyety arthaḥ | punaḥ kathambhūtasya | cittasthālīṣu cittarūpeṣu pātreṣu | tiṣṭhataḥ sārabhāvena sthitavataḥ | yuktaṃ ca dīpasya pātreṣv avasthānam | yady api suṣuptau cittaṃ līyata eva tathāpi bījatvenātrāsyāvasthānāt evam uktam | bahir api bhūrbhuvassvarākhyaṃ jagattrayaṃ cittenaiva bhāti ||

yaṃ vinārkādayo 'py ete prakāśās timiropamāḥ /

sati yasmin pravartante trijaganmṛgatṛṣṇikāḥ //

Note:

yaṃ vinā cakṣurindriyasārabhāvena sthitaṃ yaṃ vinā | ete dṛśyamānāḥ | arkādayo 'pi timiropamā andhakārasadṛśāḥ | bhavanti | cakṣuṣā aprakāśitāḥ sūryādayo hi sphuṭam evāndhakārasadṛśā eva | satīti | yathā sūryasannidhāne mṛgatṛṣṇikāḥ pravartante | tathā yatsannidhāne trijagad ity arthaḥ ||

saspande samudetīva niḥspande 'ntargateva ca /

iyaṃ yasmiñ jagallakṣmīr alāta iva cakratā //

Note:

yasmin saspande dṛśyaunmukhyākhyaspandayukte¹⁴⁴³ sati | jagallakṣmīḥ samudetīva | niḥspande sati | antargateva tadantargateva ca bhavati | paramārthato nodeti nāntargacchatīti ivaśabdopādānam | kasminn ivālāta iva | yathālāte saspande bhrāmite sati | cakratā cakrākāratvam | udeti | aspande sati | alātāntargateva bhavati | tathety arthaḥ ||

jagannirmāṇavilayavilāso vyāpako mahān /

spandāspandātmako yasya svabhāvo nirmalo 'kṣayaḥ //

Note:

jagannirmāṇavilayavilāsaḥ jagatsṛṣṭisaṃhāravilāsaḥ | yasyākṣayaḥ nāśarahitaḥ | nirmalaḥ bhedamālinyādūṣitaḥ | mahān mahattvayukta | ata eva vyāpakaḥ | svabhāvaḥ svarūpam eva | bhavati | na tv anyat | kathaṃ | sṛṣṭisaṃhāravilāsaḥ cetyamāno 'cetyamāno vā ity¹⁴⁴⁴ etasyāsatkalpatvād alaṃ taccintayādye cidviṣayatayā cidantargatatvāt tadrūpa eveti na virodhaḥ | kathambhūtaḥ | spandāspandātmakaḥ spandāspandasvarūpaḥ | tatra sṛṣṭivilāsaḥ spandamayaḥ | aspandamayaḥ saṃhāravilāsaḥ ||

spandāspandamayī yasya pavanasyeva sarvagā /

sattā nāmnaiva bhinneva vyavahārān na vastutaḥ //

Note:

yasya spandāspandamayī sattā | cetyaunmukhyayuktā sattā spandamayī | tadrahitāspandamayī¹⁴⁴⁵ | vyavahārān nāmnaiva vyavahārārthaṃ kṛtena nāmnā eva | bhinnā iva | kathambhūtā | sarvagā viśve taduttīrṇe ca svarūpe gatā | kasyeva | pavanasyeva | pavanasya spandamayī sattā yayā vṛkṣādayaḥ kampante | 'spandamayī ākāśasvarūpā | nanu kathaṃ spandāspandamayyāḥ¹⁴⁴⁶ sattāyā ekatvaṃ | satyaṃ | saspandasya niḥspandasya¹⁴⁴⁷ ca jalasyaikatvaṃ yathā nipuṇair niścīyate tathātrāpīti na virodhaḥ ||

sarvadaiva prabuddho yaḥ supto yaḥ sarvadaiva ca /

na prasupto na buddhaś ca yaḥ sarvatraiva sarvadā //

Note:

yaḥ sarvadaiva sarvāsu daśāsv eva | prabuddhaḥ sākṣitayāvasthānāt prakṛṣṭajñānayukta eva | yaḥ sarvadā eva suptaś ca | tatparāmarśarahitatvāt suptiṃ gataś ca bhavati | yaḥ sarvatraiva sarvadeśeṣu eva | sarvadā sarvāvasthāviśeṣeṣu | prasupto na bhavati | nityaṃ bodharūpatvāt | buddhaś ca na bhavati | upekṣayā svaparāmarśe 'pi vimukhatvāt ||

yadaspandaḥ śivaṃ śāntaṃ yatspandas trijagatsthitiḥ /

spandāspandavilāsātmā ya eko bharitākṛtiḥ //

Note:

iti | yadaspandaḥ yaccetyaunmukhyarāhityam | śāntaṃ kṣobharahitaṃ | śivam ānandaḥ | bhavati | yatspandaḥ yaccetyaunmukhyam | trijagatsthitiḥ trijagatsattā | bhavati | yaḥ ekaḥ spandāspandavilāsātmā cetyaunmukhyatāyuktatadrahitasvarūpaḥ | bhavati | kathambhūtaḥ | bharitākṛtiḥ | bharitā sarvamayī | ākṛtiḥ svarūpaṃ yasya | tādṛśaḥ | ekasya yugapatspandamayatvaṃ vaicitryāvaham ||

āmoda iva puṣpeṣu na naśyati vināśiṣu /

pratyakṣastho 'py athāgrāhyaḥ śauklyaṃ śuklapaṭeṣv iva //

Note:

yaḥ vināśiṣu padārtheṣu | na naśyati tannāśe 'pi tadupādānatayā sūkṣmatvenāvasthānāt | na hi ghaṭe naṣṭe 'pi tadapekṣayā sūkṣmam upādānabhūtaṃ mṛtsvarūpaṃ naśyati | ka ivāmoda iva | yathā puṣpe naṣṭe 'pi tadāmodaḥ ākāśe bhrāmyan kiñcit kālaṃ na naśyati | tathety arthaḥ | yaḥ agrāhyaḥ kenāpi bāhyenāntareṇa vendriyeṇa grahītuṃ¹⁴⁴⁸ śakyo na bhavati | kathambhūto 'pi | pratyakṣastho 'pi pratyakṣe vartamāno 'pi | na hi kasyacit svātmāpratyakṣaḥ nāham atrāsmīti | kim iva | śauklyam iva | yathā paṭe vartamānaṃ śuklatvaṃ pratyakṣam api na hastena grāhyaṃ bhavati | tathety arthaḥ ||

mūkopamo 'pi yo vaktā mantā¹⁴⁴⁹ yo 'py upalopamaḥ /

yo bhoktā nityatṛpto 'pi kartā yaś cāpy akiñcana //

Note:

yaḥ vaktā bhavati | sarvavaktṛrūpatayā sthitatvāt | kathambhūto 'pi | mūkopamo 'pi mūkopamatvaṃ cāsya nirvikalpatvāt | yaḥ mantāpi jñātā | na hi taṃ vinā ko 'py anyo mantā nāma syāt | upalopamaḥ bhavati | cinmātrasvarūpatvena mantṛtvaleparahitatvāt | yaḥ nityatṛpto 'pi parānandarūpatvena sarvadaiva svenaiva tṛpto 'pi | bhoktā bhavati | bhoktuḥ tadrūpatānapāyāt | yaḥ kartāpi¹⁴⁵⁰ sarvakartṝṇāṃ sāmarthyāpādakatvena kartṛtvam āpanno 'pi | akiñcana bhavati | kiñcanātra¹⁴⁵¹ kartā jñeyaḥ | kartāto¹⁴⁵² na bhavatīty arthaḥ | akartṛtvaṃ cāsya nakiñcanatvenaiva jñeyam | kartṛtvasya kiñcidrūpatvāt ||

yo 'naṅgo 'pi samastāṅgaḥ sahasrakaralocanaḥ /

na kiñcit saṃsthitenāpi yena vyāptam idaṃ jagat //

Note:

yaḥ anaṅgo 'pi śuddhacinmātratvenāṅgarahito 'pi | samastāṅgo bhavati | yaḥ kathambhūtaḥ | sahasrakaralocanaḥ | sahasrapadam atrānantatāvācakaṃ | tena anantakaralocana ity arthaḥ | anantakaralocanatvaṃ cāsyānantadehe svātmabhūtatayā jñeyam | sahasreti viśeṣaṇadvāreṇa hetuḥ | tathā yena sarvam idaṃ vyāptam | anyathā kiṃmayam etat syād iti bhāvaḥ | yena kathambhūtenāpi | na saṃsthitenāpi kutrāpi na vartamānenāpi | kathaṃ | kiñcit leśenāpīty arthaḥ | nasaṃsthitatvaṃ vāsya grahītum aśakyatvāt ||

nirindriyabalasyāpi yasyāśeṣendriyakriyāḥ /

yasya nirmanaso 'py etā manonirmāṇarītayaḥ //

Note:

yasyāśeṣendriyakriyāḥ bhavanti | kathambhūtasyāpi | nirindriyabalasyāpi | aśeṣendriyakriyatvam asyendriyasārarūpatayā¹⁴⁵³ | yasya nirmanaso 'pi nirvikalpacinmātratayā manorūpasyāpi | manonirmāṇarītayaḥ bhavanti | anyathā yena tena rūpeṇa bhāsamānānām āsāṃ kuta utthānaṃ syāt ||

yadanālocanād bhānti saṃsāroragabhītayaḥ /

yasmin dṛṣṭe palāyante sarvathā sarvadetayaḥ //

Note:

yadanālocanāt yadviṣayasamyagjñānābhāvāt | saṃsāroragabhītayaḥ saṃsārākhyasarpodbhavāni bhayāni | bhānti vilasanti | yathā rajjusamyagjñānābhāvāt uragabhītayaḥ sphurantīty uragapadābhiprāyaḥ | paramātmājñānād eva hi tasmin saṃsāraḥ tadbhītayaś¹⁴⁵⁴ ca bhānti | yasmin paramātmani | dṛṣṭe svarūpatvenānubhūte sati | sarvathā sarvaprakāreṇa vartamānā | ītayaḥ bādhāḥ | sarvadā sarvakāleṣu | palāyante dūre gacchanti | ītīnāṃ palāyanam ītirūpatāviparyayeṇa paramātmarūpatājñānam eva | tāsām api paramārthataḥ tadrūpatvāt ||

sākṣiṇi sphāra ābhāse dhruve dīpa iva kriyāḥ /

sati yasmin pravartante citrehāḥ spandapūrvikāḥ //

Note:

sākṣiṇi sarvāsāṃ¹⁴⁵⁵ staimityaspandāvasthānāṃ grāhakatvena sākṣibhūte | sphāre vyāpake | ābhāse sphurattaikasāre | dhruve udāsīne | yasmin sati sannidhimātraṃ bhajati sati | citrehāḥ¹⁴⁵⁶ nānāvidhāḥ manovyāpārāḥ¹⁴⁵⁷ | kathambhūtāḥ | spandapūrvikāḥ śarīraceṣṭāḥ¹⁴⁵⁸ | pravartante | tatsahitā ity arthaḥ | asati āntare kasmin cittattve vikalpānāṃ śarīraceṣṭānāṃ cotthānaṃ yuktaṃ na syād iti bhāvaḥ | kā iva | kriyā iva lokakriyā iva | yathā dīpe sannidhimātraṃ bhajati lokakriyā svayam eva pravartante | tathety arthaḥ ||

yasmād ghaṭapaṭākārapadārthaśatapaṅktayaḥ /

taraṅgakaṇakallolavīcayo¹⁴⁵⁹ vāridher iva //

Note:

yasmād upādānabhūtāt | yataḥ ghaṭapaṭākārapadārthaśatapaṅktayaḥ ghaṭapaṭasvarūpāḥ padārthaśatasamūhāḥ | bhavanti | yady api paramāṇvāder evopādānatvam anyair uktaṃ tathāpi cetanān prati tasyopādānatvābhāvāt kim api cetanācetanasvarūpam upādānaṃ kalpyam iti na vivādaḥ | kā¹⁴⁶⁰ iva | taraṅgakaṇakallolavīcaya iva | yathā tāḥ ambudheḥ bhavanti | tathety arthaḥ ||

sa evānyatayodeti yaḥ padārthaśatabhramaiḥ /

kaṭakāṅgadakeyūranūpurair iva kāñcanam //

Note:

sa eva cidākhyo 'pūrvarūpeṇa vartamāna evānyatayānyasvarūpeṇodeti udayaṃ yāty | anyasvarūpatām iva bhajata ity arthaḥ | kaiḥ kṛtvā | padārthaśatabhramaiḥ padārthaśatarūpāḥ bhramāḥ | taiḥ | padārthaśatair ity arthaḥ | śatapadaṃ cātrānantatāparam | kim iva | kāñcanam iva | yathā kāñcanaṃ | tad eva kaṭakāṅgadakeyūranūpurair udeti | tathety arthaḥ ||

yas tvam ekāvabhāsātmā yo 'ham ete janāś ca ye /

yaś ca na tvam abuddhātman¹⁴⁶¹ nāhaṃ naite janāś ca yaḥ //

Note:

he abuddhātman¹⁴⁶² adya tāvat ajñātaparamātmatattva | ekāvabhāsātmā¹⁴⁶³ kevalajñānasvarūpaḥ | yaḥ tvam upadeśyabhūtaḥ asti | tvattayā bhātīty arthaḥ | yaḥ aham upadeśakabhūtaḥ asti | mattayā bhātīty arthaḥ | yaś ca ya ete janāḥ asti | tattayā¹⁴⁶⁴ bhātīty arthaḥ | sarvatra sāratayā sthitatvāt¹⁴⁶⁵ | nanu paricchinna eva tarhy asau nety āha yaś ceti | tvattādivikalparahitaśuddhacinmātrarūpeṇa paramārthataḥ sthitatvād ity arthaḥ ||

anyevāvyatiriktaiva saivāseva ca bhaṅgurā /

payasīva taraṅgālī yasmin sphurati dṛśyabhūḥ //

Note:

bhaṅgurā naśvarasvabhāvā | dṛśyabhūḥ | dṛśyaṃ¹⁴⁶⁶ dṛśikriyāviṣayo bhāvajātaṃ | tad eva bhūḥ nānāracanādhāratvāt bhūmiḥ | sā yasminn ādhārabhūte | sphurati vilasati | citsvarūpasya¹⁴⁶⁷ dṛśyādhāratvaṃ svapnadṛṣṭāntena jñeyaṃ | kathambhūtaivāvyatiriktaiva¹⁴⁶⁸ tato vyatirekam anāpannaiva | anyevānyavat | bhāsamānety arthaḥ | avyatiriktasyānyatābhāsanaṃ vaicitryāvahaṃ | vyatirekābhāve 'pi jātivyaktyor iva aikyābhāvam āśaṅkya tanmayatāṃ kathayati saiveti | saiva na tu leśenāpy atadrūpatāmatī¹⁴⁶⁹ | aseva atadvad bhāsamānā | keva | taraṅgālīva | taraṅgālyāḥ ca payasi tadrūpatāyām apy atadrūpatayeva bhāsanaṃ sarvapratītisiddham eva ||

yataḥ kālasya kalanā yato dṛśyasya dṛśyatā /

mānasī kalanā yena yena bhāsāṃ vibhāsanam //

Note:

kālasya vartamānādyupādhyasahitasya vastunaḥ | yataḥ kalanā kalpanā bhavati | na hy āntaraṃ kalpayitāraṃ vinā kālasya kalpanā yukteti bhāvaḥ | yataḥ dṛśyasya dṛśyatā bhavati | na hi draṣṭāraṃ vinā dṛśyasya dṛśyatvam upapadyate | yena mānasī kalanā bhavati | na hi sākṣiṇaṃ vinā mano 'pi sidhyati | yena bhāsāṃ ghaṭādijñānānāṃ | vibhāsanaṃ sphuraṇaṃ¹⁴⁷⁰ | bhavati | na hi jñātāraṃ vinā jñānāny utpadyante ||

kriyāṃ rūpaṃ rasaṃ gandhaṃ sparśaṃ śabdaṃ ca cetanam /

yad vetsi tad asau devo yena¹⁴⁷¹ vetsi tad apy¹⁴⁷² asau //

Note:

kriyām ity anena vetsīty asya sthāne karoṣīty etat sambandhanīyam | tenāyam arthaḥ | tvaṃ | kriyāṃ yat karoṣi | tat karaṇam | api asau pūrvoktaḥ | devaḥ krīḍākārī | bhavati | yena karmendriyeṇa karoṣi | tat karmendriyam | apy asau devaḥ bhavati | tathā rūpaṃ rasaṃ gandhaṃ sparśaṃ śabdaṃ yad vetsi tad vedanam | asau devaḥ bhavati | yena dhīndriyapañcakena vetsi tad apy asau devaḥ bhavati | tathā cetanam saṅkalpādikaṃ | yad vetsi tad asau devaḥ bhavati | yenāntaḥkaraṇena | vetsi tad apy asau devaḥ bhavati | etena kriyāphalasya tatkaraṇasya ca tanmayatā kathitā¹⁴⁷³ | kartus tu sā nirvivādasiddhaiva ||

Note:

evaṃ viśeṣaṇadvāreṇa tatsvarūpam uktvā¹⁴⁷⁴ tatpraveśopāyam āha

draṣṭṛdarśanadṛśyānāṃ madhye yad darśanaṃ sthitam /

sādho tadavadhānena svātmānam avabudhyase //

Note:

he sādho paramātmabodhārha | tvaṃ tadavadhānena tatrāvadhānadānena | svātmānaṃ svarūpabhūtaṃ paramātmānam¹⁴⁷⁵ | avabudhyase jānāsi | tatra kutra | draṣṭṛdarśanadṛśyānāṃ trayāṇāṃ | madhye | yad darśanaṃ sthitaṃ bhavati | ayam atra nirṇayaḥ | sarvo vyavahāraḥ tāvat tripuṭyām eva sampadyate | tatra draṣṭā kartā | darśanaṃ kriyā | dṛśyam ālambanabhūtaṃ karma | yadviṣayā kriyotpadyate | karaṇaṃ tv asādhāraṇakāraṇarūpam etebhyo na vyatiricyate | sāmagryā eva karaṇatvāt | tatrāhaṃ draṣṭety abhimānagrastād draṣṭuḥ grāhyaikarūpadṛśyaviṣayaṃ darśanam utpadyate | 'nyathā tayoḥ draṣṭṛdṛśyatāyogāt | draṣṭābhimānagrastatvān na jhagiti śuddhīkartuṃ śakyate | dṛśyaṃ tv atyantajaḍatayā tattulyayogakṣemam evātaḥ tau hitvā darśana evāvadhānaṃ vihitaṃ | nanu darśanam apy āśrayaviṣayadoṣeṇa dūṣitaṃ | natarāṃ śuddhīkartuṃ śakyate | satyaṃ | draṣṭari sthitāyā ahantāyāḥ dṛśyasthāyāḥ jaḍatāyāś ca nivāraṇam aśakyam eva | leśata ubhayasparśadūṣitasya darśanasya tu aṃśabhāvena sthitadoṣadvayanivāraṇaṃ suśakam eva | tatreyaṃ rītiḥ | darśanaṃ madrūpaṃ nāsti | sphuṭaṃ madvyatiriktatvāt | madvyatiriktatvaṃ cāsya draṣṭṛtvābhāvāt¹⁴⁷⁶ dṛśyarūpam api nāsti | grāhakatvāt | ataḥ tābhyāṃ vyatiriktaṃ kim api grahītum aśakyam avyapadeśyaṃ darśanaṃ nāmāstīti siddhā darśanasya paramātmarūpatā | tato draṣṭṛdṛśyayoś¹⁴⁷⁷ ca sā siddhataraiva | na hi darśanasambandhavilaye draṣṭṛdṛśyayoḥ¹⁴⁷⁸ sthitiḥ sambhavati | darśanāśrayatvenaiva draṣṭur draṣṭṛtvāt¹⁴⁷⁹ | tadviṣayatvena ca dṛśyasya dṛśyatvāt¹⁴⁸⁰ | athavā darśanam atra darśanecchākālīnaṃ jñeyaṃ | tad dhi tadā āśrayaviṣayoparāgābhāvena śuddhatayaiva sphurati | paścāt tu sthūlatāṃ yāti ||

Note:

pūrvoktaṃ sargāntaślokena saṅgṛhṇāti

ajam ajaram ajāḍyaṃ śāśvataṃ brahma nityaṃ
śivam amalam anādyaṃ vandhyavedyair anindyam /

sakalakalanaśūnyaṃ kāraṇaṃ kāraṇānām
anubhavanam avedyaṃ vedanaṃ vittvam antaḥ //

Note:

vittvaṃ vettīti yāvat¹⁴⁸¹ | antaḥ bhavati | sarvasya dṛśyajātasya paryavasānarūpaṃ bhavati | mahāpralaye śiṣyate iti yāvat | kathambhūtaṃ | ajam sarvadaiva vartamānatvāt | ajaraṃ śarīravyatiriktatvāt | ajāḍyaṃ manovyatiriktatvāt | śāśvataṃ viśvātmakatve 'pi svarūpād acyutatvāt | brahma jagadrūpeṇa bṛṃhaṇāt | nityaṃ kālatrayānapāyitvāt | śivaṃ sukhaikarūpatvāt | amalaṃ bhedamālinyarahitatvāt | anādyaṃ kasyāpi tadādyatvenāvartamānatvāt | vandhyavedyaiḥ vyarthavedyair | anindyam akadarthitaṃ | tatsthair¹⁴⁸² bhāvābhāvair adūṣitatvāt | sakalakalanaśūnyaṃ¹⁴⁸³ nirvikalpasvarūpatvāt | kāraṇānāṃ kāraṇatvenābhimatānāṃ brahmādīnāṃ | kāraṇaṃ | teṣām apy ākṛtimattvena sakāraṇatvāt | anubhavanam anubhavasvarūpaṃ | anubhava eva pūrvoktaviśeṣāṇāṃ sambhavāt | anubhavasvarūpatve¹⁴⁸⁴ 'pi vedyamālinyam āśaṅkyāhāvedyam iti | avedyaṃ vedyasparśādūṣitaṃ | vedanam | acetyacidrūpam iti yāvat | iti śivam ||

MT_3.9

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe navamaḥ sargaḥ ||

Note:

oṃ | atra moham āpanna iva śrīrāmaḥ pṛcchati

mahāpralayasampattau yad etad¹⁴⁸⁵ avaśiṣyate /

bhavatv etad anākāraṃ nāma nāsty atra saṃśayaḥ //

Note:

atra saṃśayo nāsti | etat vastu | anākāram ākārarahitaṃ | bhavatu | atra mamāpi viśvāso 'stītīti bhāvaḥ | etat kiṃ | mahāpralayasampattau sarvabhāvakṣaye | yat etat sad vastu | avaśiṣyate avaśiṣṭatayā tiṣṭhati ||

Note:

bahir anubhūyamānākārarahitaśūnyādivasturūpatānirāsas tu tasya na yujyata iti kathayati

na śūnyaṃ katham etat syān na prakāśaḥ kathaṃ bhavet /

kathaṃ vā na tamorūpaṃ kathaṃ vā naiva khātmakam //

Note:

tat śūnyaṃ kathaṃ na bhavet | tad eva bhavatv ity arthaḥ | evaṃ sarvatra yojyam | prakāśaḥ mahābhūtaprakāśaḥ | khātmakam ākāśarūpam ||

kathaṃ vā naiva cidrūpaṃ jīvo vā na kathaṃ bhavet /

kathaṃ na buddhitattvaṃ syāt kathaṃ vā na mano bhavet //

Note:

cidrūpatvasyāpi tatra paramārthatayā nivāraṇād etad uktam ||

kathaṃ vā na na kiñcit syāt kathaṃ vā sarvam ity api /

anayā ca vacobhaṅgyā mama moha ivoditaḥ //

Note:

na kiñcit kenāpi rūpeṇa sthitaṃ na bhavati | nakiñcittvasyāpi nirākaraṇāt | sarvam ity api kathaṃ vā na bhavati ||

Note:

śrīvasiṣṭha uttaram āha

viṣamo 'yam ati praśno bhavatā samudāhṛtaḥ /

bhinadmy enaṃ tv ayatnena naiśaṃ tama ivāṃśumān //

Note:

atiśabdo bhinnakramaḥ | bhavatā ayaṃ praśnaḥ ativiṣamaḥ durbodhataraḥ | samudāhṛtaḥ | tu viśeṣe | 'haṃ enam ayatnena sukhenaiva | bhinadmi | manogranthirūpatvāt praśnasya bhinadmīti kathanam | ka ivāṃśumān iva sūrya iva | aṃśumān yathā naiśaṃ niśāsambandhi | tamaḥ bhinatti | tathety arthaḥ ||

Note:

praśnam eva bhinatti

mahākalpāntasampattau yat tat sad avaśiṣyate /

tad rāma na yathā śūnyaṃ tad idaṃ śṛṇu kathyate //

Note:

mahākalpāntasampattau turye turyātīte mahāpralayasamayaniṣpattau vā | tat prasiddhaṃ kenāpi apalapitum aśakyaṃ | he rāma | tat yacchabdakathitaṃ sad vastu | yathā yena prakāreṇa | śūnyaṃ na bhavati | tat tam eva prakāram | idaṃ samanantaram eva kathyamānaṃ | śṛṇu | yato mayā kathyate ||

Note:

tad eva kathayati

anutkīrṇā¹⁴⁸⁶ yathā stambhe saṃsthitā sālabhañjikā /

tathā viśvaṃ sthitaṃ tatra tena śūnyaṃ na tat padam //

Note:

anutkīrṇā takṣakāreṇa nistakṣya¹⁴⁸⁷ na prakaṭīkṛtā | stambhe saṃsthitatvam asyā agre prakaṭībhāvāt | viśvasya sadrūpe sthitatvam¹⁴⁸⁸ adyaiva bhāsamānatvād | iti tu viśeṣaḥ | tat padaṃ paramātmākhyaṃ padam | yadi tac chūnyaṃ syāt tadā jagat kutra bhūyāt¹⁴⁸⁹ | niradhiṣṭhānasya bhramasyāyuktatvād iti bhāvaḥ | bhedenaiva bhātīty anutkīrṇety uktam ||

Note:

etad evam vistaraṃ kathayati

ayam itthaṃ mahābhogo jagadākhyo 'vabhāsate /

satyo bhavatv asatyo vā yatra¹⁴⁹⁰ tatra kva śūnyatā //

Note:

ayam anubhūyamānaḥ vistāraḥ | satyo bhavatu satsvarūpo¹⁴⁹¹ bhavākhyaḥ¹⁴⁹² | jagad iti nāmadheyaḥ | mahābhogaḥ mahāvistāraḥ | satyo bhavatu satsvarūpo¹⁴⁹³ bhavatv| asatyo vāsatsvarūpo vā bhavatu | saḥ yatra ādhārabhūte yasmin vastuni | avabhāsate sphurati | tatra kva śūnyatā | na yukteti bhāvaḥ ||

yathā na putrikāśūnyaḥ stambho 'nutkīrṇasālikaḥ /

tathā tāta jagad brahma tena śūnyaṃ na tat padam //

Note:

anutkīrṇasālikaḥ anutkīrṇaputrikaḥ | dārṣṭāntike¹⁴⁹⁴ yojayati tatheti | he tāta he pūjya | tathety anena pūrvavākyasthaṃ neti śūnya iti ca padadvayam ākṛṣyate | tenāyam arthaḥ | tathā brahma¹⁴⁹⁵ jagacchūnyaṃ na bhavati | phalitam āha teneti ||

somyāmbhasi yathā vīcir na cāsti na ca nāsti ca /

tathā jagad brahmaṇīdaṃ śūnyāśūnyapadaṃ gatam¹⁴⁹⁶ //

Note:

somyāmbhasi kṣobharahite jale | na cāsti | tadānīm alabhyatvāt | na ca nāsti | agre sphuṭībhaviṣyamāṇatvāt | dārṣṭāntikam āha tatheti | bhāsamānatvād aśūnyapadaṃ gataṃ | paramārthato nakiñcidrūpatvāc chūnyapadaṃ gatam iti yojyam ||

Note:

nanu tarhi putrikādisādṛśyena siddhā eva brahmaṇi jagatsthitir ity | atrāha

deśakālādiśāntatvāt putrikāracanaṃ drume /

sambhavaty ajadhātau tu kena nāntar¹⁴⁹⁷ vimuhyate //

Note:

drume lakṣaṇayā stambhe | putrikāracanaṃ deśavaśena kālavaśena kartrādivaśena¹⁴⁹⁸ ca sambhavati | tu viśeṣe | ajadhātau navīnaprādurbhāvarahitacidākhyamūlakāraṇaviṣaye | 'ntaḥ manasi | kena puruṣeṇa | na muhyate mohitena bhūyate | 'pi tu sarveṇaivety arthaḥ | kuto muhyate | deśakālādiśāntatvāt | ādiśabdena kartrādīnāṃ¹⁴⁹⁹ grahaṇam | deśakālakartrādiśānter¹⁵⁰⁰ ity arthaḥ | tacchāntiś cātra śuddhacinmātratayaiva jñeyā | mohaś ca deśakālādisparśarahite brahmaṇi kathaṃ jagad bhāti ity evaṃrūpo jñeyaḥ ||

Note:

phalitam āha

tat stambhaputrikādy etat paramārthajagatsthiteḥ /

ekadeśena sadṛśam upamānaṃ na sarvataḥ //

Note:

yataḥ deśakālādisambhavena stambhe putrikāracanaṃ yuktaṃ | tacchāntyā tu ciddhātau tu na yuktam | tat¹⁵⁰¹ tato hetoḥ | etat samanantaram evoktaṃ stambhaputrikādi | ādiśabdena vīcyambhasor grahaṇam | paramārthe yā jagatsthitis | tasyāḥ ekadeśena śūnyatānivāraṇamātreṇa | sadṛśam upamānaṃ bhavati | na sarvataḥ na sarveṇa prakāreṇa | na bhavatīty arthaḥ ||

Note:

jagadādhāratvena śūnyatvaṃ nirasya tadrūpatayā nirasyati

na kadācid udetīdaṃ parasmān na ca śāmyati /

idaṃrūpaṃ kevalaṃ sad brahma svātmani saṃsthitam //

Note:

parasmāt paramātmanaḥ | nanu yadi jagan nodeti na ca śāmyati tarhi kim idaṃ bhāsata ity | atrāha idam iti | kevalam advitīyaṃ | sat satsvarūpaṃ | brahma bṛṃhitaṃ vastu | svātmani svasvarūpe | saṃsthitaṃ bhavati | kathambhūtaṃ idaṃrūpaṃ | idaṃ śāntyudayasahitaṃ jagat | rūpaṃ svarūpaṃ | yasya | tat | tādṛśaṃ | śāntyudayasahitasya jagato brahmatvaṃ brahmāśrayabṛṃhāviṣayatvena jñeyaṃ | bṛṃhāviṣayo hi brahmasvarūpam eva bhavati | tathā ca brahmaṇaḥ śūnyatvaṃ na yuktam iti bhāvaḥ ||

Note:

aśūnyatvāsambhavena śūnyatvanirāsam āha

aśūnyāpekṣayā śūnyaśabdārthaparikalpanā /

aśūnyatvāsambhavataḥ śūnyatvāśūnyate kutaḥ //

Note:

aśūnyatvāpekṣayāśūnyatvasya kiñcidrūpatvasyāpeksayā tad apekṣyety arthaḥ | śūnyatvaparikalpanā | śūnyatvasya nakiñcidrūpatvasya | parikalpanā kalpanaṃ | bhavati | tataḥ kim ity | atrāha aśūnyatveti | aśūnyatvāsambhavataḥ uktayuktyā kiñcidrūpatvāsambhavena | śūnyatvāśūnyate¹⁵⁰² nakiñcittvakiñcittve¹⁵⁰³ | kutaḥ | na sta ity arthaḥ | sāpekṣayor ekanāśe dvayor api nāśād iti bhāvaḥ | kiñcidrūpatvābhāvaś ca nirālambaśuddhacinmātratayā jñeyaḥ ||

Note:

śūnyatvaṃ nivārya prakāśarūpatvaṃ nivārayati

brahmaṇy ayaṃ prakāśo hi na sambhavati bhūtajaḥ /

sūryānalendutārādi kutas tatra kilāvyaye //

Note:

ayaṃ netreṇa dṛśyamāṇaḥ | bhūtajaḥ agnyādibhūtotpannaḥ | prakāśaḥ tejaḥ | hi niścaye | brahmaṇi vyāpake vastuni | na sambhavati | cinmātratayā taduttīrṇatvāt | atra hetutvenottarārdham āha sūryeti | kilaśabdo hetutvadyotanārthaḥ | avyaye nāśarahite | sūryādīnām ākṛtimattvena nāśasambhavān nātra sthitir yuktā | tadrūpatāyās tu kā kathā¹⁵⁰⁴ iti bhāvaḥ ||

Note:

tamorūpatvaṃ nivārayati

mahābhūtaprakāśānām abhāvas tama ucyate /

mahābhūtābhāvajaṃ tu tenātra na tamaḥ kvacit //

Note:

tejo'bhāvasyaiva tamastvaṃ vādibhiḥ pratipāditam iti bhāvaḥ | phalitam āha mahābhūteti | tu viśeṣe | mahābhūtābhāvajaṃ lakṣaṇayā mahābhūtaprakāśābhāvāt jātaṃ | tadrūpam iti yāvat | tamo | 'tra sadvastuni | tena mahābhūtaprakāśābhāvatvena¹⁵⁰⁵ hetunā | nāsti | kutra | kvacit kasminn apy aṃśe mahābhūtasthityāyatane¹⁵⁰⁶ | mahābhūtapratiyogikābhāvāsambhavena tamo 'py atra na yuktaṃ | tadrūpasya tu kā katheti bhāvaḥ ||

Note:

nanu tejaso 'bhāve kathaṃ tat prakāśata ity | atrāha

svānubhūtiprakāśo 'sya kevalaṃ vyomarūpiṇaḥ /

yo 'ntar asti sa tenaiva na tv anyenānubhūyate //

Note:

vyomarūpiṇaḥ nakiñcidrūpasyāsya sadvastunaḥ | svānubhūtiḥ svāsvarūpabhūtā cāsāv anubhūtiḥ anubhavaḥ | svānubhūtiḥ | saiva prakāśaḥ prākaṭyakaraṇabhūtaṃ tejaḥ | svānubhūtyaivāsau bhāti na bāhyatejasety arthaḥ | kathambhūtad ity | atrāha yo 'ntar iti | yo 'ntar asti | puruṣeṇa sa tenaivākaraṇabhūtena tenaivānubhūyate | svapratītiviṣayatāṃ nīyate | na tv anyena | anyasya¹⁵⁰⁷ tatra praveśāsambhavāt | svayam evāsāv anubhavo 'nubhavitānubhavanam anubhūtiviṣayaś ceti | na tatra kasyāpy apekṣeti bhāvaḥ ||

Note:

prakṛtam anusandhatte

muktaṃ tamaḥprakāśābhyām ity etad ajaraṃ padam /

ākāśakośam evainaṃ viddhi kośaṃ jagatsthiteḥ //

Note:

iti anena prakāreṇa | etat avaśeṣatayā kathyamānam | ajaraṃ jarādoṣarahitaṃ | padaṃ sthānaṃ | tamaḥprakāśābhyāṃ tamasā prakāśena ca | muktaṃ bhavati | khātmakatvam asya nivārayituṃ prastauti | ākāśeti | tvam enaṃ paramātmānam | ākāśakośam eva ākāśamadhyam eva | jagatsthiteḥ kośaṃ bhāṇḍāgāraṃ | viddhi jānīhi ||

Note:

dṛṣṭāntenaitad eva dṛḍhayati¹⁵⁰⁸

bilvasya bilvasaṃjñasya yathā bhedo na kaścana /

tatheha brahmajagator na manāg api bhinnatā //

Note:

bilvasya bilvaphalasya | bilvasañjñasya bilveti saṃjñāpravṛttinimittasya vastunaḥ | yathā yena prakāreṇa | kaścana ko 'pi | bhedaḥ nāsti | tathā tena prakāreṇehāsmiṃl¹⁵⁰⁹ lokatraye | brahmajagator¹⁵¹⁰ manāg api bhinnatā na bhavati | yad eva brahma tad eva jagat | yad eva jagat tad eva brahmeti bhāvaḥ | bilvasya bilvamadhyasyeti vā pāṭhaḥ ||

Note:

nanu tathāpi prakṛte kim āyātam ity | atrāha

salile 'ntar yathā vīcir mṛdo 'ntar ghaṭako yathā /

tathā yatra jagatsattā tat kathaṃ khātmakaṃ bhavet //

Note:

salile jale | 'ntaḥ vīciḥ yathā bhavati | tathā tena prakāreṇa | yatra yasminn upādānabhūte | jagatsattā bhavati | tad vastu | khātmakam ākāśasvarūpaṃ | kathaṃ bhavet ||

Note:

cidrūpatānivāraṇārthaṃ prakriyām ārabhate

mṛjjalādyupamānaśrīḥ sākārātra samā na sā /

brahma tv ākāśaviśadaṃ tasyāntaḥsthaṃ tathaiva tat //

Note:

mṛjjalādyupamānaśrīḥ | atra brahmaviṣaye | samā yogyā | na bhavati | kuta ity apekṣāyām āha | sākāreti | yataḥ sākārā ākārasahitā bhavati | sākāratvena kathaṃ mṛjjalāder upamānayogyatvam ity | atrāha brahmeti | tuḥ¹⁵¹¹ viśeṣe | brahmākāśaviśadaṃ nirākāraṃ | bhavati | sākārasya mṛdādeḥ nirākāraṃ brahma prati upamānatvaṃ na yuktam iti bhāvaḥ | phalitam āha | tasyeti | tat tato hetoḥ | tadantaḥsthaṃ tadantare sthitaṃ¹⁵¹² | jagat¹⁵¹³ tathaiva nirākāraṃ bhavatīty arthaḥ ||

Note:

punar apy upasaṃhāravyājena jagato nirākāratvaṃ sādhayati

tasmād yādṛk cidākāśam ākāśād api nirmalam /

tadantaḥsthaṃ tādṛg eva jagacchabdārthabhāg api //

Note:

ākāśād¹⁵¹⁴ api nirmalatvaṃ cidākāśasya jaḍatvābhāvena jñeyam | tadantaḥsthaṃ jagat | tādṛg eva nirākāram eva bhavati | kathambhūtam api | jagacchabdārthabhāg api | bhāvapradhāno nirdeśaḥ | tena jagadrūpatayā bhāsamānatvena jagacchabdārthatābhāg apīty arthaḥ ||

marice 'ntar yathā taikṣṇyam ṛte bhoktur na lakṣyate /

cinmātratvaṃ parākāśe tathā cetyakalāṃ vinā //

Note:

yathā kenacit marice 'ntaḥ maricāntare | sthitaṃ taikṣṇyaṃ tiktatā | bhoktuḥ ṛte na lakṣyate na dṛśyate | bhoktari tu sati tenaiva lakṣyate ity arthaḥ | tathā parākāśe paramātmani | sthitaṃ cinmātratvaṃ | cetyakalāṃ cetyāṃśaṃ vinā | na lakṣyate | cetyacarvaṇād eva hi cinmātrasya cinmātratā jñāyate ||

Note:

phalitam āha

tasmāc cid apy acidrūpā cetyariktatayātmani /

jagattā tādṛśy¹⁵¹⁵ eveyaṃ tādṛṅmātrātmatāvaśā //

Note:

tasmāt tato hetoḥ | cetyariktatayā cetyarāhityenātmani cinmātrākhye svasvarūpe | cid api acid eva bhavati | cetyasyaiva pūrvanayena cinmātratādṛḍhīkaraṇasāmarthyāt¹⁵¹⁶ tasya cātrābhāvāt | tasyābhāvaś cātra brahmāntaḥsthatvena brahmatayaiva jñeyaḥ | brahmābhinne jagaty api acittvam atidiśati | jagatteti | iyaṃ jagattāpi | tādṛśī eva cidrūpabrahmābhinnatvenācidrūpaiva bhavati | atra hetutayā viśeṣaṇam āha | tādṛṅmātrātmatāvaśeti | yataḥ tādṛṅmātrātmatāyāḥ acidrūpabrahmamātrasvarūpatāyāḥ | vaśā āyattā | acidbrahmasvarūpiṇīty arthaḥ | etena brahmajagatoḥ sarvathābhedo 'pi sādhitaḥ | na brahmaṇo 'cidrūpamātratā¹⁵¹⁷ | tasyā agre 'pi sādhyamānatvāt ||

Note:

nanu jagataḥ sarvathābhinnatve rūpālokamanaskārāḥ kiṃrūpā ity | atrāha

rūpālokamanaskārās tanmayā eva netarat /

yathāsthitam ato viśvaṃ suṣuptaṃ turyam eva vā //

Note:

rūpālokamanaskārāḥ | rūpaṃ nīlapītādi | ālokaḥ taddarśanam karaṇabhūtaḥ prakāśo vā | manaskāraḥ mānasaḥ parāmarśaḥ | tadviṣayāḥ ete tanmayā eva | evaśabdārtham āha netarad iti | tanmayatvaṃ caiṣāṃ tadviṣayatvaṃ vināsatkalpatvāt | phalitam āha yatheti | ato hetoḥ | viśvaṃ jagat | yathāsthitam anena prakāreṇaiva vartamānaṃ | na tu yayā kayāpi śaktyāntardhim āpāditaṃ | suṣuptaṃ bhavati | suṣuptau bhedasaṃskāram āśaṅkyāha turyam iti | turyasvarūpacinmātraikamayam eva vā bhavatīty arthaḥ ||

Note:

jagataḥ turyarūpabrahmatvena yogino vyavahāre 'pi brahmamayatām āha

tena yogī suṣuptātmā vyavahāry api śāntadhīḥ /

āste brahma nirābhāsaṃ sarvabhāsāṃ samudgakam //

Note:

tena pūrvoktena hetunā | yogī jagadbrahmaikatve samāhitaḥ | brahma brahmasvarūpam | āste | kuta evaṃrūpa āste | yataḥ vyavahāry api vyavahāraṃ kurvāṇo 'pi | śāntadhīḥ kṣobharahitabuddhiḥ | īdṛśo 'pi kutaḥ | yataḥ suṣuptātmā prapañcaṃ prati suptāntaḥkaraṇaḥ | prapañcaṃ prati suptamanaso hi śāntadhītvaṃ yuktam eva | kathambhūtaṃ brahma | nirābhāsaṃ nānābhāsebhyo niṣkrāntaṃ | taduttīrṇam ity arthaḥ | punaḥ kathambhūtaṃ | sarvabhāsāṃ¹⁵¹⁸ sarveṣāṃ ghaṭapaṭādijñānānāṃ | samudgakam udbhūtisthānam ||

Note:

punar api prakṛtaṃ brahmajagadabhedam eva kathayati

ākāriṇi yathā saumye sthitas toye dravakramaḥ /

anākṛtau tathā viśvaṃ sthitaṃ tatsadṛśaṃ pare //

Note:

ākāriṇi bāhyendriyagrāhyasvarūpayukte | saumye kṣobharahite | toye | dravakramaḥ ādyaspandanāsamavāyikāraṇabhūtaguṇaviśeṣaparipāṭī | yathā sthitaḥ bhavati | tathānākṛtau pare parabrahmaṇi | viśvaṃ¹⁵¹⁹ sthitaṃ bhavati | kathambhūtaṃ | tatsadṛśam anākṛtīty arthaḥ | saumye jale yathā sphuṭībhaviṣyamāṇatvena kiñcittvārho¹⁵²⁰ 'pi dravākhyo guṇaḥ tanmayaḥ | tathā bhāsamānatvena bhinnatvārho 'pi prapañcaḥ brahmamaya iti bhāvaḥ ||

Note:

abhedam uktvā tattvam eva kathayati

pūrṇāt pūrṇaṃ¹⁵²¹ prasarati nirākārān nirākṛti¹⁵²² /

brahmaṇo viśvam ābhātaṃ tad viśvārthavivarjitam //

Note:

pūrṇād brahmaṇaḥ | pūrṇarūpaṃ jagat | prasarati vilasati | prasaraṇaṃ cātra prapañcākrāntabuddhiṃ¹⁵²³ śiṣyaṃ prayuktam | nirākārāt brahmaṇaḥ | nirākṛti jagat | prasarati | ataḥ brahmaṇaḥ yad viśvam ābhātaṃ bhānam āgataṃ | tat viśvārthavivarjitam viśvārthaiḥ ghaṭapaṭādibhiḥ vivarjitaṃ¹⁵²⁴ bhavati | brahmaikamayaṃ bhavatīty arthaḥ ||

pūrṇāt pūrṇaṃ prasarati saṃsthitaṃ pūrṇam eva tat /

ato viśvam anutpannaṃ yac cotpannaṃ tad eva tat //

Note:

pūrṇād brahmaṇaḥ | pūrṇarūpaṃ jagat | prasarati vilasati | prasaraṇaṃ saṃsthitaṃ bhavati | na tu tatprasaraṇena kācit khaṇḍanāsya¹⁵²⁵ jāyate ity arthaḥ | phalitam āhāta iti | ataḥ pūrvoktād dhetoḥ | viśvam anutpannaṃ bhavati | brahmatvena tasya sadā sthitatvāt | viśvānutpannatvam asahamānaṃ praty āha yac ceti | yat cotpannaṃ bhavati | tat tad eva brahmaiva | bhavati | utpannasyāpi brahmatvāviruddhatvād ity arthaḥ ||

Note:

etāvatyā prakriyayā siddham acidrūpatvaṃ brahmaṇaḥ kathayati

cetyāsambhavatas tasmin pade keva cidarthatā /

āsvādakāsambhavato marice keva tīkṣṇatā //

Note:

ata ity adhyāhāryam | ato hetoḥ | cetyāsambhavataḥ | cetyasya cidviṣayasya jagato | 'sambhavataḥ | tasmin pade brahmasvarūpe pade | keva cidarthatā cicchabdapravṛttinimittatā | bhavati | na kāpīty arthaḥ | cetyaviṣayīkaraṇenaiva hi citaḥ cid iti nāma yuktam | cetyābhāve tu tan na yuktam | cetyābhāvaś ca savistaraṃ pūrvaṃ sādhitaḥ | cidarthatāniṣedhaś cātra taduttīrṇatayā jñeyaḥ na jaḍatayeti | atra samarthakaṃ dṛṣṭāntam āha āsvādaketi | keva na kāpīty arthaḥ | āsvādakāsambhavata āsvādakāsambhavena ity arthaḥ ||

Note:

punar apy etad eva kathayati

satyeveyam asatyaiva citeś cittoditā pare /

abhāvāt pratibimbasya pratibimbārhatā¹⁵²⁶ kutaḥ //

Note:

citeḥ cittā citsambandhī cidbhāvaḥ | pare paramātmani | asatyaiva paramārthato 'satsvarūpaiva satī | satyeva¹⁵²⁷ satyavad | uditātra dṛṣṭāntam āha abhāvād iti | darpaṇasyeti śeṣaḥ | yathā darpaṇasya pratibimbārhatā pratibimbenaiva jñāyate | tadabhāve tu sā na jñāyate | evaṃ parasya cittā cetyenaiva jñāyate | tadabhāve tu kuto jñāyate iti bhāvaḥ ||

Note:

jīvādirūpatānirāsārthaṃ paramātmatattvaṃ viśinaṣṭi

paramāṇor api paraṃ tad aṇīyo 'py aṇīyasaḥ /

śuddhaṃ sūkṣmaṃ paraṃ śāntaṃ tad ākāśodarād api //

Note:

tat brahma | paramāṇor api param aṇīyaḥ atisūkṣmaṃ | bhavati | kathambhūtād api | aṇīyaso 'pi dvyaṇukādyapekṣayā sūkṣmatarād api | sūkṣmataratvaṃ cāsya bāhyendriyāgrāhyatvena jñeyam | tat brahma | kathambhūtaṃ | śuddhaṃ rāgādirajo'dūṣitaṃ | sūkṣmaṃ | param uttīrṇaṃ | śāntaṃ sarvapracāraśūnyaṃ | kasmād api | ākāśodarād api ||

dikkālādyanavacchinnarūpatvād ativistṛtam /

tad anādyantam ābhāsaṃ bhāsanīyavivarjitam //

Note:

tat brahmātivistṛtam ativistīrṇaṃ bhavati | kutaḥ | dikkālādyanavacchinnarūpatvāt | ādiśabdena vastuparigrahaḥ trividhaparicchedaśūnyatvād ity arthaḥ | nanu katham asya digādiparicchedaśūnyatvaṃ | tathātve 'py ativistṛtatvam iti cet | dik tāvat cetyamānā na vā | na cet tarhi svayam evāsiddhā katham anyaṃ paricchedayet | cetyamānā cet tarhi citaiva sā paricchinnā kathaṃ tāṃ paricchedayet | evaṃ kālāder api jñeyam | digādibhiḥ paricchinnam eva paricchinnaṃ bhavati | tadabhāve tv ativistṛtam eveti sthitam asyātivistṛtatvam¹⁵²⁸ | punaḥ kathambhūtam | anādyantaṃ yathā tathā kalpyamānayor¹⁵²⁹ apy ādyantayoḥ sākṣitvād ādyantarahitam | punaḥ kathambhūtaṃ | bhāsanīyavivarjitam ābhāsajñeyarahitajñānasvarūpam¹⁵³⁰ ity arthaḥ ||

Note:

proktaviśeṣaṇāvaṣṭambhena jīvādirūpatām asya nivārayati

cidrūpam eva no yatra labhyate tatra jīvatā /

kathaṃ syāc cittatākārā vāsanānilarūpiṇī //

Note:

yatraivaṃvidhaguṇaviśiṣṭe brahmaṇi | cidrūpam eva bhāvapradhāno nirdeśaḥ cidrūpatvam eva¹⁵³¹ | no labhyate pūrvanyāyena¹⁵³² nānubhūyate | tatra tādṛśe brahmaṇi | jīvatā jīvabhāvaḥ | kathaṃ syāt | kathambhūtā | cittatākārā¹⁵³³ cetyaśayanāviṣṭaṃ cittatvaṃ cittaṃ | tadrūpiṇīty arthaḥ | punaḥ kathambhūtā | vāsanānilarūpiṇī | cetyabhāvanā vāsanā | saiva calattayānilaḥ | tadrūpiṇī | śuddhā cidrūpatāpi yatra nāsti cetyaśayanāviṣṭāyā¹⁵³⁴ jīvatāyāḥ kā tatra vārteti bhāvaḥ ||

Note:

cidrūpatvābhāvenaiva yugapajjīvāditāṃ nirākaroti

cidrūpānudayād eva tatra nāsty eva jīvatā /

na buddhitā na cittattvaṃ nendriyatvaṃ na vāsanāḥ //

Note:

cidrūpānudayād eva citsvarūpānudbhūter eva | na tv anyena hetunā | tadrūpānudayas tu pūrvaṃ kathitaḥ | sūkṣmarūpeṇa sthitā cetyabhāvanā vāsanā | nanu cidrūpānudayena katham atra jīvāditā nāsti | satyaṃ | ciducchūnatāyā eva jīvādibhāvena tadrūpatvānudaye yuktam eva jīvatādyabhāvatvam iti na virodhaḥ ||

Note:

phalitam āha

evaṃ sthitaṃ layārambhapūrṇam apy ajaraṃ padam /

asmaddṛṣṭyā sthitaṃ śāntaṃ śūnyam ākāśato 'dhikam //

Note:

layārambhapūrṇaṃ sthitam api ajaraṃ jarākhyaśarīradharmarahitaṃ | padaṃ paramātmalakṣaṇaṃ sthānam | asmaddṛṣṭyākāśataḥ ākāśāpekṣayādhikaṃ śāntaṃ | tathā śūnyaṃ nakiñcidrūpaṃ | sthitaṃ bhavati | katham | evaṃ pūrvoktayā yuktyety arthaḥ ||

Note:

paramātmasvarūpaṃ durbodhaṃ jñātvā punar api śrīrāmaḥ pṛcchati

paramārthasya kiṃ rūpaṃ tasyānantacidākṛteḥ /

punar etat samācakṣva nipuṇaṃ bodhavṛddhaye //

Note:

tvaṃ punaḥ nipuṇaṃ samyak | bodhavṛddhaye paramātmaviṣayajñānavṛddhaye | etat samācakṣva kathaya | etat kiṃ | tasya prasiddhasyānantacidākṛteḥ digādyaparicchinnacitsvarūpasya | paramārthasya satyasvarūpasya paramātmanaḥ | kiṃ rūpam astīti ||

Note:

śrīvasiṣṭha uttaram āha

mahāpralayasampattau sarvakāraṇakāraṇam /

śiṣyate yat paraṃ brahma tad idaṃ varṇyate śṛṇu //

Note:

mahāpralayasampattau turye turyātīte mahākalpāntasamaye vā | kāraṇakāraṇaṃ mūlakāraṇaṃ | yat paraṃ brahma jagadbhāvena bṛṃhāṃ gataṃ paramātmalakṣaṇaṃ vastu | śiṣyate mahāpralayasākṣibhāvena śiṣṭaṃ bhavati | mayā tad idaṃ varṇyate | 'taḥ tvaṃ śṛṇu ||

Note:

paramātmasvarūpam eva varṇayati

nāśayitvā svam ātmānaṃ manaso vṛttisaṅkṣaye /

yad rūpaṃ yad anākhyeyaṃ tad rūpaṃ tasya vastunaḥ //

Note:

tasya vastunaḥ paraṃ brahmāparaparyāyasya paramātmalakṣaṇasya vastunaḥ | tat rūpaṃ bhavati | tat kiṃ | yat tad rūpaṃ | śiṣyata iti śeṣaḥ | śiṣyate svanāśasākṣibhāvena śiṣṭaṃ bhavati | kasya | manasaḥ | kiṃ kṛtvā | svam ātmānaṃ nāśayitvā śuddhacinmātre layaṃ nītvā | kasmin sati | vṛttisaṅkṣaye vṛttināśe sati ity arthaḥ | tad rūpaṃ kiṃ | yat anākhyeyaṃ bhavati | atiśuddhatvena ākhyāyogyaṃ na bhavatīty arthaḥ | ayaṃ bhāvaḥ | manasaiva manaḥ chittveti¹⁵³⁵ nyāyena kiñcinmātraṃ samyakjñānena saṃsārakalanābhyo niṣkrāntaṃ śuddhaṃ manaḥ bhāvanābalena śuddhāśuddhavṛttikṣayeṇa hetunā śuddhāśuddhaṃ svaṃ rūpaṃ nāśayati¹⁵³⁶ | tataḥ tan manaḥ śuddhatare kutrāpy anākhyeye layībhūtam anākhyeyaṃ bhavati | etadrūpatā ca suṣuptau sarvair anubhūyate | kiṃ tu mūḍhatāmiśrā | tac ca mano yadā tādṛk syāt tadāsya paramātmatābhāvaḥ bhavatīti | tatraiva yoginā sāvadhānena bhāvyam iti ||

nāsti dṛśyaṃ jagad draṣṭā dṛśyābhāvād vilīnavat /

bhātīti bhāsanaṃ yat syāt tad rūpaṃ tasya vastunaḥ //

Note:

tasya vastunaḥ paramātmalakṣaṇasya vastunaḥ | tad rūpaṃ bhavati | tat kiṃ | yad iti evaṃ | bhāsanaṃ¹⁵³⁷ sphuraṇaṃ syāt | iti kim | iti dṛśyaṃ dṛśikriyāviṣayo | jagat nāsti pratītimātrasiddhatvāt | draṣṭā dṛśikriyākartā | dṛśyābhāvād vilīnavat līna¹⁵³⁸ iva | bhātīti | ayaṃ bhāvaḥ | pūrvaṃ samyagjñānena¹⁵³⁹ dṛśyātyantābhāvo yuktyā niśceyaḥ | tataḥ dṛśyātyantābhāvena¹⁵⁴⁰ draṣṭāpi layībhūta iva bhavati | tataś ca draṣṭā dṛśyaṃ ca nāstīti sphurati | tatsphuraṇaṃ ca draṣṭṛdṛśyaleparahitatvena nakiñcidrūpatvād anākhyeyaṃ bhavati | tad eva ca paramātmasvarūpam iti | tatra yoginā sāvadhānena bhāvyam iti ||

citer jīvasvabhāvo¹⁵⁴¹ yo yadi cetyonmukho vapuḥ /

cinmātraṃ vimalaṃ śāntaṃ tat tat kāraṇakāraṇam //

Note:

tat prasiddhaṃ | tac cinmātraṃ | kāraṇakāraṇaṃ mūlakāraṇabhūtaṃ paramātmasvarūpaṃ bhavati | tat cinmātraṃ kiṃ | citeḥ jīvopādānakāraṇabhūtāyāḥ citeḥ | vapuḥ svarūpaṃ | cinmātrasvarūpatvāt citeḥ | punaḥ¹⁵⁴² kathambhūtaṃ | vimalaṃ cetyamālinyenādūṣitaṃ | punaḥ kathambhūtaṃ | śāntaṃ cetyakṣatakṣobharahitaṃ | tat cinmātraṃ kiṃ | yaḥ jīvasvabhāvaḥ jīvasya rūpo | bhavati | svabhāvaśabdāpekṣayā yacchabdasya puṃliṅgatā | nanu kadāsau jīvasvabhāvo bhavatīty āha yadīti | yadi cetyonmukhaḥ syāt | cetyonmukhāyāḥ citer eva jīvatvāt | ayaṃ bhāvaḥ | yac cinmātraṃ cetyonmukhaṃ sat jīvatāṃ yāti tad eva samyagjñānena¹⁵⁴³ cetyāsattvaṃ niścitya śuddhīkṛtaṃ sat anākhyeyaṃ bhavati | tad eva ca paramātmarūpam¹⁵⁴⁴ iti | tatra yoginā sāvadhānena bhāvyam iti | citiś ca svaparāmarśakāritayā parāmarśakartṛtvena parāmarśaviṣayatvena ca dvividhāsti | tatra prathamāyāḥ cinmātram iti nāma dvitīyasyāḥ citir iti ||

aṅguṣṭhasyātha vāṅgulyā vātādyasparśane sati /

jīvataś¹⁵⁴⁵ cetaso rūpaṃ yat tat paramam ātmanaḥ //

Note:

rūpam iti śeṣaḥ | tat paramam utkṛṣṭaṃ vastu | paramātmanaḥ rūpaṃ bhavati | tat kiṃ | cetasaḥ manasaḥ | yad rūpaṃ bhavati | kathambhūtasya cetasaḥ | jīvataḥ svavyāpāraṃ prati samarthasya | na tu mūrchādyavasthāvat¹⁵⁴⁶ tatrāśaktasya | tadā hi tasya mūḍhatvam eva bhavati | na paramātmatvam | kasmin sati | aṅguṣṭhasyātha vāṅgulyā | upalakṣaṇaṃ caitat | sarvaśarīrāvayavānāṃ vātādyasparśane sati | ādiśabdena tejaḥprabhṛtīnāṃ¹⁵⁴⁷ grahaṇam | asparśanam asparśaḥ | ayaṃ bhāvaḥ | puruṣasya yasmin kasmiṃścic charīrāvayave kasyāpi dravyasya sparśe asati tadā nirālambam¹⁵⁴⁸ eva tad avayavavyāpi caitanyaṃ bhavet | tadā tadavayavamātrānusandhānaparasya tasya bāhyagrahaṇasamartham api manaḥ śuddhanirālambācetyacinmātrarūpaparamātmarūpam¹⁵⁴⁹ eva tiṣṭhatīti | tadaiva sarvāḥ manovṛttīḥ vihāya yoginā sāvadhānena parīkṣyam iti ||

asvapnāyā anantāyā ajaḍāyā¹⁵⁵⁰ ghanasthiteḥ /

yad rūpaṃ ciracintāyās¹⁵⁵¹ tat tadānagha śiṣyate¹⁵⁵² //

Note:

he 'nagha rāgādidoṣarahita¹⁵⁵³ | tat vastu | tadā mahātmalayasamaye¹⁵⁵⁴ | śiṣyate | tat kiṃ | yat rūpaṃ bhavati | kasyāḥ | ciracintāyāḥ | ciraṃ sarvarātraṃ | kṛtā yā cintā prāpteṣṭaviṣayam ādhyānam | tasyāḥ cintāviśeṣaṇāny āhāsvapnāyā ityādi | asvapnāyāḥ svapnatvenāpariṇatāyāḥ | jāgrati kriyamāṇā cintā svapnatvena pariṇamate | svapnatayā pariṇatatve tu anāyattatayānyaviṣayiṇy¹⁵⁵⁵ api syād iti yuktam uktam asvapnāyā iti | anantāyāḥ acchinnasantānatvena pravṛttāyāḥ | anyā kācic cintā tatra madhye nāyātīty arthaḥ | ajaḍāyāḥ kācid dhi cintā nairantaryeṇa kriyamāṇā mūrchām¹⁵⁵⁶ āvahati | tannivāraṇārtham ajaḍāyā iti viśeṣaṇam | ghanasthiteḥ | ghanā nibiḍā | cintyamānasyāpi praveśam adadhatī | sthitir avasthānaṃ | yasyāḥ | sā | tādṛśyāḥ | nirālambāyā ity arthaḥ | ayaṃ bhāvaḥ | jāgrati kriyamāṇā chinnā jāḍyadoṣarahitā cintyamānasparśadūṣitā cintācchinnabodhamayācetyacinmayatām eva yāty | acetyacinmayam eva ca paramātmarūpam iti yoginā tatra sāvadhānena bhāvyam iti ||

yad vyomno hṛdayaṃ yad vā śilāyāḥ pavanasya ca /

tasyācetyasya cidvyomnas tad rūpaṃ paramātmanaḥ //

Note:

tasya prasiddhasya | acetyasya sparśādūṣitasya | cidvyomnaḥ bhānākāśarūpasya | paramātmanaḥ rūpaṃ svarūpaṃ | tat bhavati | tat kiṃ | yat vyomnaḥ hṛdayaṃ śūnyākhyaṃ | bhavati | yad vā | yat hṛdayaṃ | śilāyāḥ pavanasya ca bhavati | tatra śilāyā hṛdayaṃ anyasya praveśānarhaṃ sūkṣmāvayavanaividdhyarūpaṃ bhavati | pavanasya hṛdayaṃ mṛgyamānaṃ śūnyatāyām eva viśrāmyati | nanv etena jaḍatvam asyāyātam iti cen | na | cidvyomna iti nāmadheyakathanena tannivāraṇāt | vicāre kriyamāṇe vyomādīnāṃ hṛdayaṃ yathāyathaṃ śūnyarūpam anyapraveśām arhaṃ¹⁵⁵⁷ bhavati | tādṛg eva ca paramātmano rūpam iti yoginā tatra sāvadhānena bhāvyam ||

acetyasyāmanaskasya jīvato yā kriyāvataḥ /

syāt sthitiḥ sā parā śāntā sattā tasyādyavastunaḥ¹⁵⁵⁸ //

Note:

parā utkṛṣṭā | śāntā kṣobharahitā | sattāvasthitiḥ | tasyādyavastunaḥ paramātmalakṣaṇasya vastunaḥ | sā syāt | sā kā | yā sthitiḥ sattā syāt | kasya | jīvataḥ jīvayuktasya puruṣasya | na tu mṛtasya | kathambhūtasyācetyasya | samyagjñānena¹⁵⁵⁹ cetyābhāve niścitatvāt | cetyarahitasyāta evāmanaskasya manorahitasya | punaḥ kathambhūtasya | kriyāvataḥ calanādikriyākāriṇaḥ | ayaṃ bhāvaḥ | cetyaṃ prati manovyāpāram akurvan ata eva sarvathānusandhānaśūnyaḥ puruṣaḥ calanādikriyākārī yādṛśo bhavati tādṛg eva sṛṣṭyādivyāpārakāri param ātmatattvaṃ bhavatīti | tatra¹⁵⁶⁰ yoginā sāvadhānena bhāvyam iti ||

citprakāśasya yan madhyaṃ prakāśasya ghanasya ca /

darśanasya ca yan madhyaṃ tad rūpaṃ brahmaṇo viduḥ //

Note:

paṇḍitāḥ | brahmaṇaḥ nānāpadārthabhāvena bṛṃhitasya paramātmanaḥ | tad rūpaṃ viduḥ jānanti | tat kiṃ | citprakāśasya cita utthitasya cetyaprakāṭyarūpasya prakāśasya | yat madhyaṃ madhyāvasthā | bhavati | tathā ghanasya nibiḍasya | prakāśasya sūryamaṇḍalāder utthitasya | yan madhyaṃ madhyāvasthā | bhavati | tathā darśanasya draṣṭur utthitāyāḥ dṛśikriyāyāḥ | yan madhyaṃ madhyāvasthā | bhavati | ayaṃ bhāvaḥ | citprakāśasya bāhyaprakāśasya darśanasya ca tisro 'vasthā bhavanti | ādyāvasthā madhyāvasthāntyāvasthā | tatra bāhyaprakāśasyādityāder utthānasamaye yādyāvasthā sādityasparśadūṣitā | yā ca padārthaprakāśanasamaye 'ntyāvasthā sā padārthasparśadūṣitā | madhyāvasthā tu śuddhaprakāśasvarūpānākhyā ca bhavati | tādṛg eva ca paramātmasvarūpam iti | tatra yoginā sāvadhānena bhāvyam | citprakāśadarśanayor apy evaṃ yojyam | citprakāśasya darśanasya ca parimitatvāparimitatvamātrakṛto bhedo jñeyaḥ ||

vedanasya prakāśasya dṛśyasya tamasas tathā /

vedanaṃ yad anādyantaṃ tad rūpaṃ paramātmanaḥ //

Note:

tat paramātmanaḥ rūpaṃ bhavati | tat kiṃ | yad vedanam anusandhānaṃ | bhavati | kathambhūtam | anādyantaṃ nairantaryeṇa pravṛttam | sāntarasyaiva hi madhye punaḥ punaḥ sāditvaṃ sāntatvaṃ ca bhavati | kasya | prakāśasyārthaprakāśarūpasya | vedanasya jñānasya | punaḥ kasya | tamasaḥ grāhyaikasvarūpasya | dṛśyasya avaśyadarśanīyatayā kalpitasya kasyacid devatāviśeṣasya¹⁵⁶¹ | ayaṃ bhāvaḥ | jñānadhāraṇā jñeyaikarūpadevatādhāraṇā ca nairantaryeṇa pravartamānā jñānaikamayatayā devataikamayatayā ca pariṇatā satī ekasvarūpaparamātmarūpā bhavatīti | tatra yoginā sāvadhānena bhāvyam | atha vā vedanasya jñānakaraṇasya | prakāśasya | dṛśyasyālokābhām Note: ? kṛtacakṣurgrāhyasya¹⁵⁶² | tamasaḥ bāhyatamasa iti yojyam | bāhyatejasaḥ bāhyatamasaś ca dhāraṇāyāḥ kaiścid uktatvāt ||

yato jagad udetīva nityānuditarūpy api /

vibhinnavad ivābhinnaṃ tad rūpaṃ pāramātmikam //

Note:

tat pāramātmikam paramātmasambandhi | rūpaṃ bhavati | kiṃ tat | yataḥ yasmāt | jagad udetīva udayaṃ yātīva | bhāsamānatvāt | kathambhūtam api | nityānuditarūpy api nityam anuditaṃ | paramārthataḥ cinmātrarūpatayā jagadrūpeṇāprādurbhūtaṃ rūpam asyāstīti | tādṛśam api | punaḥ kathambhūtam | abhinnaṃ tanmayaṃ | punaḥ kathambhūtaṃ | sthitam iti śeṣaḥ | sthitaṃ vartamānaṃ | kathaṃ | vibhinnavat vibhinnam iva | paramārthataḥ bhinnatvanirāsāya vatiśabdopādānam | ayaṃ bhāvaḥ | yataḥ sūkṣmatarād vastuna idaṃ jagat payasa iva vīcikadambakaṃ niryāti | tad eva paramātmano rūpam iti | tatra yoginā sāvadhānena bhāvyam iti ||

vyavahāraparasyāpi yat pāṣāṇavad āsanam /

avyomna eva vyomatvaṃ tad rūpaṃ pāramātmikam //

Note:

tat pāramātmikam paramātmasambandhi | rūpaṃ bhavati | kiṃ tat | yat vyavahāraparasyāpi vyavahāraṃ kurvāṇasyāpi | pāṣāṇavat āsanaṃ sthitiḥ | bhavati | tad āsanaṃ kiṃ | avyomna eva jaḍatvādivyomadharmarahitatvenākāśasvarūpavyatiriktasya eva | vyomatvaṃ vyomabhāvaḥ | ayaṃ bhāvaḥ | vyavahāraṃ kurvann api puruṣaḥ tatratyasiddhyasiddhyanusandhānarahitaḥ paramātmarūpa eva bhavatīti | tatra yoginā sāvadhānena bhāvyam iti ||

vedyavedanavettṛtvarūpatrayam idaṃ punaḥ /

yatrodety astam āyāti tat tat paramam uttamam¹⁵⁶³ //

Note:

tat tat prasiddhaṃ | paramam utkṛṣṭaṃ | uttamam niratiśayam paramātmalakṣaṇaṃ vastu | bhavati | tat kiṃ | yatra yasmin | idam anubhūyamānaṃ | vedyaṃ vidikriyāviṣayo | vedanaṃ vidikriyā | vettā vidikriyākartā¹⁵⁶⁴ | teṣāṃ bhāvaḥ vedyavedanavettṛtvam | tadākhyaṃ rūpatrayaṃ vedyavedanavettṛtvarūpatrayaṃ udeti astaṃ yāti | ayaṃ bhāvaḥ | vedyāditripuṭī cetyamānatvena kutracic cinmātrākhye vastuni udeti layībhavati ca | tad eva paramātmano rūpam¹⁵⁶⁵ iti | yoginā tatra sāvadhānena bhāvyam iti ||

vedyavedanavettṛtvaṃ yatredaṃ pratibimbati /

abuddhyādau mahādarśe tad rūpaṃ paramaṃ smṛtam //

Note:

paṇḍitaiḥ | tat paramaṃ utkṛṣṭaṃ | rūpaṃ paramātmalakṣaṇaṃ svarūpaṃ | smṛtam | tat kiṃ | yatra mahādarśe vedyavedanavettṛtvaṃ vedyāditripuṭī | pratibimbati pratibimbatayā sphurati | kathambhūte | 'buddhyādau buddhyādirahite | yuktaṃ cādarśasya buddhyādirahitatvam | ādarśasya jāḍyena buddhyādirahitatvam asya uttīrṇatveneti viśeṣaḥ | ayaṃ bhāvaḥ | vedyāditripuṭī kṣaṇa eva sphuramāṇā kṣaṇa eva ca layabhāginī svasphūrtyāśrayasya kim api mālinyam anādadhatī pratibimbatayaiva bhāti | yataḥ pratibimbam api kṣaṇa eva sphurati kṣaṇa eva ca layībhavati svāśrayasya makurādeḥ mālinyaṃ na dadhāti | tava vedyāditripuṭīpratibimbāśrayaṃ tripuṭīvyatiriktaṃ kim api vastu svīkāryam | anyathā tripuṭīpratibimbāyogāt | tac ca tādṛśaṃ svīkriyamāṇam anākhyam eva bhavati | tad eva ca paramātmatattvam iti | tatra yoginā sāvadhānena bhāvyam iti ||

manaṣṣaṣṭhendriyātītaṃ¹⁵⁶⁶ yad rūpaṃ syān mahāciteḥ /

jaṅgame sthāvare vāpi tat sargānte 'vaśiṣyate //

Note:

tat vastu | sargānte mahāpralaye | 'vaśiṣyate | tat kiṃ | yat mahāciteḥ cinmātrasya | rūpaṃ syāt | kathambhūtaṃ | manaṣṣaṣṭhendriyātītaṃ | mana eva ṣaṣṭhaṃ yeṣāṃ | tāni manaḥṣaṣṭhāni | tāni ca tānīndriyāṇi manaḥṣaṣṭhendriyāṇi | tāny atītaṃ manaḥṣaṣṭhendriyātītaṃ | tadagocaram ity arthaḥ | kutra | jaṅgame sthāvare vāpi | ayaṃ bhāvaḥ | jaṅgame cittatvaṃ tāvan nirvivādam eva | sthāvare tṛṇādāv api tathaiva parvatādāv api | tṛṇādyudgamena naiva nirṇītam | na¹⁵⁶⁷ | na hi niścetanāt kasyāpy udgamo yuktaḥ | mṛtaśarīrād romādyudgamādarśanāt¹⁵⁶⁸ | tathā ca yena rūpeṇa sarvatra cid asti tad anākhyam eva | tad eva ca paramātmatattvam iti | tatra yoginā sāvadhānena bhāvyam iti ||

sthāvarāṇāṃ hi¹⁵⁶⁹ yad rūpaṃ tac ced bodhamayaṃ bhavet /

manobuddhyādinirmuktaṃ tat pareṇa samaṃ bhavet //

Note:

hiśabdopādānaṃ pādapūraṇārthaṃ¹⁵⁷⁰ | tat pareṇa paramātmanā¹⁵⁷¹ | samaṃ tulyaṃ | bhavet syāt | tat tadā¹⁵⁷² | kadā | tat bodhamayaṃ bodhanasvarūpaṃ | cet syāt | tat kiṃ | sthāvarāṇāṃ yad rūpaṃ bhavati | ayaṃ bhāvaḥ | sthāvarāṇāṃ rūpaṃ avaśyaṃ kṣobharahitam eva kiṃ tu jāḍyadūṣitam | ataḥ jāḍyaṃ vihāya jñeyāsparśenaiva svaṃ jñānatattvaṃ kṣobharahitaṃ kāryaṃ | tataś ca paramātmaprāptir bhavatīti | tatra yoginā sāvadhānena bhāvyam iti | etāś ca dhāraṇāḥ pratyekaṃ paramātmaprāptyupāyabhūtā iti sphuṭīkṛtāḥ iti ||

Note:

sargāntaślokena pūrvoktam upasaṃharati

brahmārkaśakraharaviṣṇusadāśivādi-
śāntau śivaṃ paramam etad ihaikam āste /

śiṣṭaṃ pradiṣṭam avinaṣṭam akaṣṭam
iṣṭaṃ miśraṃ na miśram aṇunāśritam¹⁵⁷³ āśritena //

Note:

etat svātmatvena sthitaṃ | śivaṃ parānandasvarūpaṃ | paramam¹⁵⁷⁴ utkṛṣtaṃ | vastu | āste svasvarūpe tathaiva tiṣṭhati | na tu naśyati | kasyāṃ satyāṃ | brahmārkaśakraharaviṣṇusadāśivādiśāntau¹⁵⁷⁵ satyāṃ | ādiśabdena surāditṛṇāntānāṃ grahaṇam | brahmādīnāṃ tattadbhuvanādhipatīnāṃ | śāntirūpe mahākalpāntasamaye sati | haraḥ saṃhārakārī | sadāśivaḥ sarvasya svamayatāpādanenānandakārī | atha vā brahmādīnāṃ saṅkalpotpattyādikāriṇāṃ manaḥprabhṛtīnāṃ | śāntau turyākhye satīty arthaḥ | kathambhūtaṃ | śiṣṭaṃ pradiṣṭaṃ sarvaśāntisākṣitayā śeṣatvena kathitaṃ | punaḥ kathambhūtam | avinaṣṭam nāśāgocaraṃ | punaḥ kathambhūtam | akaṣṭaṃ subodhaṃ | punaḥ kathambhūtam | iṣṭaṃ sarvasya priyatamaṃ | punaḥ kathambhūtaṃ | miśraṃ nānābhāvābhāvasvarūpaṃ | punaḥ kathambhūtaṃ | na miśraṃ śuddhacinmātrarūpaṃ | punaḥ kathambhūtam | aṇunā parimitenāśritena dharmabhūtena jagatāśritam ādhāratvena gṛhītam | iti śivam ||

MT_3.10

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe daśamaḥ sargaḥ ||

Note:

oṃ śrīrāmaḥ pṛcchati

idaṃrūpam idaṃ dṛśyaṃ jagan nāmāsti bhāsuram /

mahāpralayasampattau bho brahman kva nu gacchati //

Note:

idaṃ puraḥ sphurat | dṛśyaṃ dṛśikriyāviṣayo | jagan nāma jagadākhyaṃ vastu | asti paramārthata evāsti | anyathā bhāsamānatvāyogāt | kathambhūtam idaṃrūpam | idam anubhūyamānabhāvābhāvamayaṃ | rūpaṃ svarūpaṃ yasya | tat idaṃrūpam | tataḥ kim ity | atrāha mahāpralayeti | bho brahman | idam eva jagat mahāpralayasampattau kva nu gacchati | kaṃ deśaṃ yātīty arthaḥ ||

Note:

śrīvasiṣṭho 'py etatsadṛśaṃ kiñcit pṛcchati

kuta āyāti kīdṛg vā vandhyāputraḥ kva gacchati /

kva yāti kuta āyāti vada vā vyomakānanam //

Note:

kutaḥ āyāti | utpattisamaye ity arthaḥ | kīdṛg vā kiṃsvarūpo vā | yāti | kva gacchati | nāśasamaya ity arthaḥ | etatsadṛśaḥ tava praśna iti bhāvaḥ ||

Note:

śrīrāmo 'trottaraṃ dadhāti

vandhyāputro vyomavanaṃ naivāsti na bhaviṣyati /

kīdṛśī dṛśyatā tasya kīdṛśī tasya nāstitā //

Note:

vartamānabhaviṣyanniṣedhena bhūtaniṣedho 'py ākṣiptaḥ | tataḥ kim ity | atrāha kīdṛśīti | dṛśyatā darśanayogyatā | lakṣaṇayāstiteti yāvat ||

Note:

śrīvasiṣṭhaḥ śrīrāmoktam uttaraṃ dṛṣṭāntīkṛtyottaram āha

vandhyāputravyomavane yathā na staḥ kadācana /

jagadādy akhilaṃ dṛśyaṃ tathā nāsti kadācana //

Note:

jagadādīty ādiśabdena pralayaḥ gṛhyate | kadācana kadāpīty arthaḥ ||

Note:

phalitam āha

na cotpannaṃ na ca dhvaṃsi yat kilādau na vidyate /

utpattiḥ¹⁵⁷⁶ kīdṛśī tasya nāśaśabdasya kā kathā //

Note:

kileti niścaye | yat vastu | ādau pūrvaṃ | na cotpannaṃ bhavati | na ca dhvaṃsi bhavati | nāśabhāg api na bhavati | tathā na vidyate sthitiviṣayatāṃ ca na yāti | tasya kīdṛśī kiṃrūpā | utpattir bhavati | utpattyabhāve ca nāśaśabdasya kā kathā | etad vaktum api na yuktam iti bhāvaḥ ||

Note:

śrīrāmaḥ punaḥ pṛcchati

vandhyāputranabhovṛkṣakalpanā tāvad asti hi /

sā yathā nāśajanmāḍhyā tathaivedaṃ na kiṃ bhavet //

Note:

tāvacchabdo vipratipattyabhāvadyotakaḥ | hi niścaye | vandhyāputrādikalpanābhāve vandhyāputretyādikathaiva na yuktā syād iti bhāvaḥ | tataḥ kim ity | atrāha sā iti | sā vandhyāputrādikalpanā | asatyatve 'pi nāśajanmāḍhyā nāśajanmayuktā | yathā bhavati | tathedaṃ dṛśyam | asatyatve 'pi nāśajanmāḍhyaṃ kiṃ na bhavet | bhavatv ity arthaḥ | tathā ca kva nu gacchatīti praśno yukta eveti bhāvaḥ ||

Note:

anyatra striyi dṛṣṭasya putrasyāropeṇa yuktaiva vandhyāputrakalpanātra tu dṛśyasya kva yatrāpi¹⁵⁷⁷ sattaiva nāstīti na tatkalpanā yuktety uttaraṃ śrīvasiṣṭho bhaṅgyāntareṇāha

phullasyātulabhuḥ¹⁵⁷⁸ samyag ālakaiḥ kuru kolanam /

niranvayā yathaivoktir jagatsattā tathaiva hi //

Note:

hi niścaye | jagatsattā tathaiva tena prakāreṇaiva | niranvayā kam apy artham anuddiśya pravṛttā | vyartheti yāvat | bhavati | tathā kathaṃ | phullasyetyādi kolanam ityantoktir yathā niranvayā bhavati ||

Note:

niranvayatvam eva dṛṣṭāntāntaraiḥ pratipādayati

yathā sauvarṇakaṭake dṛśyamānam api sphuṭam /

kaṭakatvaṃ tu nāsty eva jagattvaṃ tu tathā pare //

Note:

yathā sauvarṇakaṭake sphuṭaṃ dṛśyamānam api kaṭakatvaṃ nāsti paramārthataḥ suvarṇaikamayatvāt | pare cinmātre | jagattvaṃ tathaiva nāstīty arthaḥ ||

ākāśe ca yathā nāsti śūnyatvaṃ vyatirekavat /

jagattvaṃ brahmaṇi tathā nāsty evāpy upalabdhimat //

Note:

caśabdaḥ samuccaye¹⁵⁷⁹ | vyatirekavat vyatirekayuktam | ākāśaśūnyatvayoḥ vyatirekānupalabdher ity arthaḥ | dārṣṭāntikam āha jagattvam iti | jagattvam jagadrūpatvam | tathā tena prakāreṇa | brahmaṇi vyāpake citsvarūpe | nāsty eva | vicārāsahatvād ity arthaḥ | kathambhūtam api | upalabdhimad api bhāsamānatvena upalabdham apīty arthaḥ ||

kajjalān na yathā kārṣṇyaṃ śvaityaṃ ca na yathā himāt /

pṛthag evaṃ bhaved buddhaṃ jagan nāsti pare pade //

Note:

yathā¹⁵⁸⁰ kārṣṇyaṃ kṛṣṇatā | kajjalāt pṛthak na bhavet | tathā śvaityaṃ śvetatā | himād yathā pṛthaṅ na bhavet | buddhaṃ paramārthena niścitaṃ | jagat | pare pade paramātmani | evaṃ tathā | pṛthak nāsti | pare pade iti saptamīdvayaṃ pañcamīsthāne jñeyam ||

yathā śaityaṃ ca śaśino na himād vyatiricyate /

brahmaṇo na tathā sargo vidyate vyatirekavān //

Note:

caśabdaḥ samuccaye¹⁵⁸¹ | yathā śaityaṃ śītatā | himāt śītalāt | śaśinaḥ | na vyatiricyate nādhikā¹⁵⁸² bhavati | tathā sargaḥ brahmaṇaḥ vyatirekavān bhedavān | na bhavati ||

Note:

guṇiguṇanidarśanenaikyam¹⁵⁸³ uktvā jagato bhramasiddhatayā aikyaṃ kathayati

marunadyāṃ yathā toyaṃ dvitīyendau yathendutā /

nāsty evaivaṃ jagan nāsti dṛṣṭam apy amalātmani //

Note:

dārṣṭāntikaṃ kathayati evam iti | amalātmani śuddhacitsvarūpe paramātmani | evam tathā | dṛṣṭam api bhātam api | jagan nāstīty arthaḥ | nanu pūrvaṃ kaṭakādayaḥ dṛṣṭāntatvenopāttā iha tu marujalādīti vaiṣamyam āpatitam iti cen | na | pūrvadṛṣṭāntaiḥ brahmaikarūpatvaṃ jagata uktam | ihāsatyatvam | phalatas tu sarveṣāṃ dṛṣṭāntānāṃ brahmaikatāyām eva tātparyam iti na kiñcid viruddham ||

Note:

punar apy etad eva dṛṣṭāntāntareṇa dṛḍhayati¹⁵⁸⁴

saṃvidvilocanāloko bhāty ayaṃ saṃvidambare /

jagadākhye 'male vyomni dṛṣṭimuktāvalī yathā //

Note:

ayaṃ ātmatvena pratyakṣe sthitaḥ | saṃvidvilocanālokaḥ | saṃvid eva cid eva | vilocanaṃ prakāśakatvasāmyena netraṃ | tasyālokaḥ raśmiḥ | bhāti padārthabhāvena sphurati | kutra | jagadākhye jagannāmni | saṃvidambare cidākāśe | kā yathā | dṛṣṭimuktāvalī yathā | yathā sā amale vyomni bhūtākāśe | sphurati | tathety arthaḥ | ayaṃ bhāvaḥ | yathā netrān nirgatāḥ raśmayaḥ ākāśe sphurantaḥ muktāvalīrūpeṇa dṛśyante | tathā cita utthitāḥ cidālokākhyāḥ raśmayaḥ jagadākhye cidambare sphurantaḥ nānāpadārtharūpeṇa dṛśyante iti ||

cidākāśe cidākāśaś cittvād yaḥ¹⁵⁸⁵ kacati svayam /

tad eva tena rūpaṃ svaṃ jagad ity avabudhyate //

Note:

cidākāśaḥ¹⁵⁸⁶ cidākāśe cidākāśākhyāyāṃ svabhittau | cittvāc cidbhāvena | kacati sphurati | aham iti svaparāmarśaviṣayo bhavatīti yāvat | parāmarśābhāve hi tasya cittvam eva na syāt | tena tena cidākāśena | tat kacanākhyaṃ svaṃ rūpaṃ | jagad ity avabudhyate jñāyate | kacanarūpatvād eva jagataḥ ||

Note:

prakṛtam anusarati

ādāv eva hi yan nāsti kāraṇāsambhavāt svayam /

vartamāne 'pi tan nāsti nāśaḥ syāt tatra kīdṛśaḥ //

Note:

hi niścaye | yat yat jagadākhyaṃ vastu | kāraṇāsambhavāt ādau eva svayaṃ nāsti | tat vartamāne 'pi nāsti | tatra tasmin vastuni | nāśaḥ vandhyāputradṛṣṭāntena śaṅkitaḥ nāśaḥ | kīdṛśaḥ kiṃrūpaḥ | syāt viṣayābhāvenāyogyatvān na syād ity arthaḥ ||

Note:

nanu paramātmalakṣaṇasya kāraṇasya sadbhāvāt kāraṇāsambhavaḥ katham udety | atrāha

kvāsambhavadbhūtajāḍyaṃ pṛthvyāder jaḍavastunaḥ /

kāraṇaṃ bhavituṃ śaktaṃ chāyāyā ātapo yathā //

Note:

bhūteṣu dṛśyamānaṃ jāḍyaṃ bhūtajāḍyam | asambhavat bhūtajāḍyaṃ yasya | tat asambhavadbhūtajāḍyaṃ | arthāt cidākhyaṃ vastu | pṛthvyādeḥ jaḍavastunaḥ kāraṇaṃ bhavituṃ kva śaktaṃ | na śaktam ity arthaḥ | atra dṛṣṭāntam āha chāyāyā iti | ātapasya chāyāyā¹⁵⁸⁷ nāśakatvena sphuṭaṃ chāyākāraṇatvāyogād dṛṣṭāntatā ||

Note:

nanu kāraṇābhāve 'pi jagad astu ity | atrāha

kāraṇābhāvataḥ¹⁵⁸⁸ kāryaṃ nedaṃ¹⁵⁸⁹ tat kiñcanoditam /

yat tatkāraṇam evāsti tad evettham avasthitam //

Note:

tat pūrvoktād dhetoḥ | kāraṇābhāvataḥ kāraṇābhāvāt | idam anubhūyamānaṃ | kāryaṃ jagadākhyaṃ kāryam | uditam utpannaṃ | nāsti | kathaṃ | kiñcana leśenāpīty arthaḥ | punaḥ kim etad dṛśyata ity | atrāha yad iti | tad eva vastu | itthaṃ jagadrūpeṇāvasthitaṃ vartamānaṃ bhavati | tad eva kiṃ | yat vastu | tatkāraṇam etasya jagataḥ kāraṇatvena śaṅkitaṃ vastu | eva bhavati | na tv anyat kiñcid iti bhāvaḥ ||

ajātam eva yad bhāti saṃvido bhānam eva tat /

yaj jagad dṛśyate svapne saṃvitkacanam eva tat //

Note:

yad vastu | ajātam eva bhāti | tat saṃvido jñānasya | bhānam eva tathātvena sphuraṇam eva | bhavati | atrānurūpaṃ dṛṣṭāntam āha yad iti | tat ity anena jagataḥ parāmarśaḥ | svapnasya saṃvitkacanarūpatvaṃ sarvapratītisiddham eveti dṛṣṭāntatvena gṛhītam ||

saṃvitkacanam evāntar yathā svapnajagadbhramaḥ /

sargādau brahmaṇi tathā jagatkacanam ātatam //

Note:

antaḥ manasi | svapnajagadbhramaḥ¹⁵⁹⁰ svapnajagadrūpo bhramaḥ | svapnajagad iti yāvat | sargādau¹⁵⁹¹ buddhyāropite sargārambhe | tathāśabdena saṃvitkacanam ākṣipyate | ātatam vistīrṇam ||

yad idaṃ dṛśyate kiñcit tat sad evātmani sthitam /

nāstam eti na codeti jagat kiñcit kadācana //

Note:

yat idam anubhūyamānaṃ | kiñcit vastu | dṛśyate | tat sad eva sad vastv eva | svātmani cinmaye svasvarūpe | sthitaṃ bhavati | phalitam āha nāstam iti | ata ity adhyāhāryaṃ | cinmātrākhyena rūpeṇa sadaiva sthitatvād iti bhāvaḥ ||

yathā dravatvaṃ salilaṃ spandatvaṃ pavano yathā /

yathā prakāśa ābhāso¹⁵⁹² brahmaiva trijagat tathā //

Note:

na hi kaścit dravatvādi salilādeḥ pṛthakkṛtya darśayituṃ samartha iti bhāvaḥ | prakāśaḥ sūryādiprakāśaḥ | ābhāsaḥ arthaprākaṭyaṃ ||

yathā puram ivāste 'ntar vid eva svapnasaṃvidi /

tathā jagad ivābhāti svātmaiva paramātmani //

Note:

yathā svapnasaṃvidi¹⁵⁹³ svapnajñāne | svapnāvasthāyām iti yāvat | antaḥ antaḥkaraṇe | vid eva jñānam eva | puram ivābhāti vilasati | tathā svātmaiva paramātmani | paramātmetyākhyāyāṃ svabhittau | jagad ivābhāti | na tv anyaj jagan nāmāstīti bhāvaḥ ||

Note:

atra śrīrāmaḥ pṛcchati

evaṃ cet tat kathaṃ brahman sughanapratyayaṃ vada /

idaṃ dṛśyaviṣaṃ jātam asatsvapnānubhūtivat //

Note:

he brahman | tvaṃ vada | evaṃ cet pūrvoktaḥ prakāro yadi bhavati | tat tarhi | idam anubhūyamānaṃ | dṛśyaviṣaṃ | dṛśyam eva mohādāyakatvena viṣaṃ viṣadravyaṃ | sughanapratyayaṃ | sughanaḥ pratyayaḥ āśvāsaḥ yasmin | tat | tādṛśaṃ | kathaṃ kena hetunā | jātam utpannaṃ | katham | asatsvapnānubhūtivat | asatī yā svapnānubhūtiḥ svapnākārā anubhūtiḥ | svapnam iti yāvat | tadvat ||

Note:

dṛśyātyantāsambhavaṃ vinā muktim amanyamānaḥ tam eva vistareṇa pṛcchati

sati dṛśye kila draṣṭā sati draṣṭari dṛśyatā /

ekasattve dvayor bandho muktir ekakṣaye dvayoḥ //

Note:

kileti niścaye | dṛśyasattāyāṃ draṣṭṛsattā¹⁵⁹⁴ bhavati | draṣṭṛsattāyāṃ ca dṛśyasattā bhavati | yataḥ tvayaiveti¹⁵⁹⁵ bhāvaḥ | phalitam āha ekasattveti | dvayoḥ madhye ekasattve bandhaḥ syāt | dvayoḥ madhye ekakṣaye muktiḥ syāt | tasmāt muktyartham ekakṣaya eva sādhyaḥ iti bhāvaḥ ||

Note:

nanu tatrāpi kiṃ punaḥ punaḥ dṛśyātyantābhāvam eva pṛcchasīty | atrāha

atyantāsambhavo yāvad buddho dṛśyasya nākṣayaḥ /

tāvad draṣṭur adraṣṭṛtvaṃ¹⁵⁹⁶ na sambhavati mokṣadam //

Note:

buddhaḥ samyak jñātaḥ | akṣayaḥ avicchinnaḥ | adraṣṭṛtvaṃ¹⁵⁹⁷ adraṣṭṛbhāvaḥ¹⁵⁹⁸ | śuddhacinmātrateti yāvat | dṛśyātyantābhāvasya sukaratvād draṣṭṛtānirāsasya¹⁵⁹⁹ ca dṛśyātyantābhāvaṃ vinā duṣkaratvāc ca punaḥ punaḥ dṛśyātyantābhāvapraśna iti bhāvaḥ ||

Note:

nanu dṛśyātyantābhāve tava kiṃ prayojanaṃ | dṛśyadhvaṃsenāpi kāryasiddher ity | atrāha

dṛśyaṃ cet sambhavaty ādau paścāt kṣayam upāgatam /

tad dṛśyasmaraṇānartharūpo¹⁶⁰⁰ bandho na naśyati //

Note:

tat tadā | dṛśyasmaraṇānartharūpaḥ dṛśyasmaraṇam evānarthaḥ | saḥ rūpaṃ yasya | saḥ tādṛśaḥ bandhaḥ | na naśyati nāśaṃ na yāti | pūrvaṃ satyatayā jñātasya tato naṣṭasyārthasya smaraṇaṃ hi durnivāram eva | yathā mātrāder iti bhāvaḥ | tat kadā | cet yadi | ādau pūrvaṃ | dṛśyaṃ sambhavati satyatayā upapattimad bhavati | paścāt kṣayaṃ¹⁶⁰¹ nāśam | upāgataṃ bhavati | tasmāt traikālika evābhāvo 'trāṅgīkaraṇīya iti bhāvaḥ ||

Note:

nanu naṣṭasya dṛśyasya kā smṛtir bhavatīty | atrāha

yatra kvacana saṃsthasya svādarśasyeva cidgateḥ /

pratibimbo lagaty eva sargasmṛtimayo hy ayam //

Note:

hi niścaye | ayaṃ samanantaram uktaḥ | sargasmṛtimayaḥ sargasmaraṇasvarūpaḥ | pratibimbaḥ lagaty evāvaśyaṃ lagati | kasyāḥ | cidgateḥ citprakārasya | kasyevādarśasyeva | yathā yatra kvacana saṃsthitasyādarśasya padārthasānnidhye pratibimbo lagati tathā yatra kvacana sthitāyāḥ cidgateḥ sūkṣmatvena sthitadṛśyasānnidhyāt pratibimbo lagatīty arthaḥ ||

Note:

tarhi muktiḥ kadā sambhavatīty | atrāha

ādāv eva hi notpannaṃ dṛśyaṃ nāsty eva cet svayam /

draṣṭṛdṛśyabhramābhāvāt¹⁶⁰² tat¹⁶⁰³ sambhavati muktatā //

Note:

dṛśyaṃ dṛśikriyāviṣayo bhāvajātaṃ | ādāv eva prathamam eva | svayaṃ svabhāvenānutpannaṃ ajātaṃ sat | cet yadi | nāsty eva | tat tadā | muktatā sambhavati upapattiyuktā bhavati | kutaḥ | draṣṭṛdṛśyabhramābhāvāt¹⁶⁰⁴ | ayaṃ bhāvaḥ | dṛśyātyantābhāve sati puruṣasyedaṃ dṛśyam iti bhramaḥ śāmyati | tacchāntau cāhaṃ draṣṭeti bhramo 'pi śāmyaty eva | tataś ca śuddhacinmātrasvarūpa evāsau śiṣyate | tad eva ca muktir iti ||

Note:

praśnam upasaṃharati

tasmād asambhavanmukter mama protsāhayuktitaḥ /

atyantāsambhavaṃ dṛśye kathayātmavidāṃ vara //

Note:

he ātmavidāṃ vara śreṣṭha | tasmāt tato hetoḥ | asambhavanmukteḥ dṛśyātyantābhāvajñānaṃ vinānupapadyamānamukteḥ | mama | dṛśye vartamānam atyantāsambhavaṃ | kathaya | kutaḥ | protsāhayuktitaḥ prakṛṣṭam udyogaṃ kṛtvety arthaḥ ||

Note:

śrīvasiṣṭha uttaram āha

asad eva yathā bhāti jagat sarvātmakaṃ tathā¹⁶⁰⁵ /

śṛṇv ahaṃ kathayā rāma dīrghayā kathayāmi te //

Note:

tvaṃ śṛṇu | ahaṃ tathā taṃ prakāraṃ | kathayāmi | kayā | dīrghayā savistarayā | kathayā vākyaprabandhena | tathā kathaṃ | sarvātmakaṃ samastadṛśyasvarūpaṃ | jagat | yathā yena prakāreṇa | asad eva bhāti budbudau asatyatayā sphurati ||

Note:

nanu kimarthaṃ dīrghayā kathayā kathayasīty | atrāha

vyavasāyakathāvākyair yāvat tan nānuvarṇitam /

na viśrāmyati te tāvad dhṛdi pāṃsur yathā hrade //

Note:

vyavasāyakathāvākyaiḥ | vyavasāyasya viśiṣṭasya niścayasyotpādikā kathā vyavasāyakathā | tadabhidhāyakaiḥ vākyaiḥ vyavasāyakathāvākyaiḥ | tat dṛśyāsattvaṃ | yāvat nānuvarṇitaṃ syāt | tāvat te hṛdi na viśrāmyati na sthitiṃ karoti | ko yathā | pāṃsur yathā | yathā pāṃsū¹⁶⁰⁶ rajaḥ | hrade na viśrāmyati | tathety arthaḥ ||

Note:

nanu dṛśyātyantābhāvajñānena kiṃ mama setsyatīty | atrāha

atyantābhāvam asyās tvaṃ jagatsargabhramasthiteḥ /

buddhvaikadhyānaniṣṭhātmā vyavahāraṃ kariṣyasi //

Note:

tvaṃ vyavahāraṃ paramparāyātaṃ¹⁶⁰⁷ rājyarūpaṃ vyavahāraṃ | kariṣyasi kūṭakārṣāpaṇavyavahāravat kariṣyasi | na tu vairāgyāvasthāvat tadvimukho bhaviṣyasi | mūḍhatvāvasthāvad vā tadāsaktaḥ | tvaṃ kathambhūtaḥ | ekadhyānaniṣṭhātmā | ekasya cinmātrākhyasya vastunaḥ | dhyāne cintāyāṃ | niṣṭhā yasya | tādṛśaḥ ātmā sattvarūpaṃ manaḥ yasya | saḥ | tādṛśaḥ | antaḥ cinmātradhyāna ekaniṣṭhaḥ | bahiḥ¹⁶⁰⁸ vyavahārabhāg api bhaviṣyasīty arthaḥ | kiṃ kṛtvā | asyāḥ anubhūyamānāyāḥ¹⁶⁰⁹ | jagatsargabhramasthiteḥ | jagatsargarūpā jagatsṛṣṭirūpā | yā bhramasthitiḥ bhramadārḍhyaṃ | tasyāḥ atyantābhāvaṃ traikālikābhāvaṃ¹⁶¹⁰ | buddhvā jñātvety arthaḥ ||

Note:

nanu tato 'pi kim ity apekṣāyāṃ phalāntaram api kathayati

bhāvābhāvagrahotsargasthūlasūkṣmacalācalāḥ /

dṛśas tvāṃ vedhayiṣyanti na mahādrim iveṣavaḥ //

Note:

dṛśyātyantābhāvajñāne sati bhāvābhāvagrahotsargasthūlasūkṣmacalācalāḥ dṛśaḥ tvāṃ na vedhayiṣyanti harṣāmarṣotpādanarūpāṃ tāḍanāṃ na kurvanti | bhāvaḥ udbhūtiḥ | abhāvaḥ antardhiḥ | grahaḥ grahaṇaṃ | utsargaḥ tyāgaḥ | bhāvādīnām api dṛśyatayātyantābhāvasya sampannatvān na tatkṛtā tāḍanā tava bhaviṣyati | na hi vandhyāputreṇa kaścit tāḍita iti bhāvaḥ | tāḥ kā iva | iṣavaḥ iva | yathā iṣavaḥ mahāntaṃ parvataṃ na vidhyanti | tathety arthaḥ ||

Note:

dṛśyātyantābhāvakathanaṃ pratijānīte

sa eṣo 'sty eka evātmā na dvitīyāsti kalpanā /

jagad atra yathotpannaṃ tat te vakṣyāmi rāghava //

Note:

saḥ prasiddhaḥ | eṣaḥ sarveṣām aparokṣatvena vartamānaḥ | eka evāsti | evaśabdārthaṃ sphuṭayati neti | dvitīyā kalpanā dṛśyamayī kalpanā | nāsti | tathā ca dṛśyātyantābhāvaḥ sphuṭa eveti bhāvaḥ | tarhi bhāsamānaṃ jagat katham astīty | atrāha jagad iti | atrādvitīye brahmaṇi | jagat yathā utpannaṃ tat te vakṣyāmi | tenaiva dṛśyātyantābhāvaḥ sphuṭībhaviṣyatīti bhāvaḥ ||

Note:

sargāntaślokenaitat saṅgṛhṇāti

tasmād imāni sakalāni vijṛmbhitāni
yo hīdam aṅga sakale sakalaṃ mahātmā /

rūpāvalokanamanomananaprakāśa-
kośāspadaṃ¹⁶¹¹ svayam udeti ca līyate ca //

Note:

tasmāt paramātmalakṣaṇāt upādānakāraṇāt | imāni anubhūyamānāni | vijṛmbhitāni dṛśyarūpāṇi vilāsitāni | mṛda iva ghaṭā niryāntīti śeṣaḥ | tasmāt kasmāt | hi niścaye | he aṅga | yaḥ sakalaṃ samastadṛśyaprapañcarūpaṃ bhūtvā | svayaṃ svenaivodeti ca udayaṃ yāti ca | vilīyate layaṃ yāti ca | yaḥ mahātmā kiṃ | rūpāvalokanamanomananaṃ manaskāraḥ | prakāśaḥ indriyeṇālokitasya rūpasya manomananadvāreṇa sākṣibhūte cinmātre sphuraṇam | teṣāṃ kośarūpam āspadaṃ sthānaṃ | tatraivaite¹⁶¹² tiṣṭhanti | tata eva ca niryāntīty arthaḥ | iti śivam ||

MT_3.11

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe ekādaśaḥ sargaḥ ||

Note:

oṃ | vakṣyāmīti pratijñāṃ¹⁶¹³ sampādayati

etasmāt paramāc chāntāt padāt paramapāvanāt /

yathedam utthitaṃ viśvaṃ tac chṛṇūttamayā dhiyā //

Note:

etasmāt samanantaram eva pratipāditasvarūpāt | paramāt sarvotkṛṣṭāt | śāntāt prapañcakṣobharahitāt | paramapāvanāt pāvanānām api pāvakatvena niratiśayapāvanāt | padāt parātmalakṣaṇāt sthānāt | yathā yena prakāreṇedam anubhūyamānaṃ | viśvaṃ jagat | utthitaṃ prādurbhūtaṃ | tat taṃ prakāram | uttamayotkṛṣṭayā | dhiyā | śṛṇu | etenottamadhīr evādhikāritvenoktaḥ ||

Note:

tad eva kathayati

suṣuptaṃ svapnavad bhāti bhāti brahmaiva sargavat /

sarvam ekaṃ ca tac chāntaṃ tatra tāvat kramaṃ śṛṇu //

Note:

suṣuptaṃ suṣuptiḥ | svapnavat svapna iva | bhāti sphurati | ghananidrāta utthitasya eva svapnaprādurbhāvāt | brahmaiva sargabhāvena bṛṃhitaṃ cinmātrākhyaṃ vastu eva | sargavat sarga iva | bhāti | nanu tarhi jagadupādānabhūtaṃ brahma jagadvad eva jaḍaṃ syāt | kāryavaiguṇyayuktasya kāraṇasyādarśanāt ity | atrāha sarvam iti | tat brahma | sarvaṃ bhavati | ekaṃ ca bhavati | śāntaṃ ca bhavati | sarvathāścaryam eva tad iti bhāvaḥ | nanu katham utpadyata ity | atrāha tatreti | tāvacchabdaḥ sākalye ||

Note:

kramam eva kathayati

tasyānantaprakāśātmarūpasyātatacinmaṇeḥ /

sattāmātrātma kacanaṃ yad ajasraṃ svabhāvataḥ //

tad ātmani svayaṃ kiñcic cetyatām iva gacchati /

agṛhītātmakaṃ saṃvidīhāmarṣaṇasūcakam //

Note:

Note: missing MS pages

Note:

mānatvaṃ ca cidviṣayatvaṃ | tac ca citsambandhaḥ | citāthācidrūpasya sambandho¹⁶¹⁸ na yujyate viruddhatvāt | na hi tejastamasoḥ sambandhaḥ kvāpi dṛṣṭaḥ | citaś ca śāntatvam uktanyāyena cetyāsambhavenaiva siddham iti ||

brahmaiva kacati svaccham ittham ātmātmanātmani /

cittvād dravatvāt salilam ivāvartatayātmani //

Note:

itthaṃ jagadrūpatayā | svacchaṃ cetyamalarahitaṃ | ātmanā svayam | ātmani bhittibhūte svasvarūpe | ātma sarvātmabhūtaṃ | brahmaiva kacati bhāti | kutaḥ | cittvāt cidbhāvāt | cetyarūpajagattayābhāne cittvam eva tasya na syād iti bhāvaḥ | atra¹⁶¹⁹ dṛṣṭāntam āha dravatvād iti | yathā salilaṃ dravatvāt ātmani salilākhye svarūpe | āvartarūpeṇa sphurat bhavati | tathety arthaḥ ||

asad evedam ābhāti sad ivehānubhūyate /

vinaśyaty asad evānte svapne svamaraṇaṃ yathā //

Note:

idaṃ jagat | asad eva bhāti vilasati | asmābhiḥ sad iva sadvat | iha parātmasvarūpe | 'nubhūyate | 'nte saṃhāre | asad eva vinaśyati | atra dṛṣṭāntam āha svapna iti ||

Note:

jagadatyantābhāvaṃ vistareṇoktvā siddhāntabhūtaṃ brahmamayatvaṃ¹⁶²⁰ tasya kathayati

atha vājasvarūpatvāt sadaivedam anāmayam /

akhaṇḍitam anādyantaṃ jñātamātrāmbarodaram //

Note:

atha vā idaṃ jagat | sadaivājasvarūpatvāt janmarahitacinmātrasvarūpatvāt | anāmayam pūrvoktādhāratvādheyatvādirogarahitaṃ bhavati | na tv abhāvayuktam | tadabhāvaś ca tadākrāntabuddhīn satyaṃ tadrūpam apaśyataḥ praty evoktaḥ | kathambhūtam idaṃ | akhaṇḍitaṃ pūrṇasvarūpaṃ | anādyantaṃ ādyantarahitam | jñātamātrāmbarodaram | jñātamātram eva | na tu mudgarādiprahāraiḥ nāśitaṃ sat | ambarodaram samyagjñānenālocitaṃ hi jagat ambarodaram eva bhavati ||

Note:

sargāntaślokena pūrvoktaṃ saṅgṛhṇāti

ākāśa eva parame prathamaḥ prajeśo
nityaṃ svayaṃ kacati śūnyatayā samānaḥ /

sa hy ātivāhikavapur na tu bhūtarūpī
pṛthvyādi tena na sad asti yadā na jātam //

Note:

prathamaḥ ādyaḥ | prajeśaḥ brahmā | parame sarvottīrṇe | ākāśe cidākāśe | nityaṃ sadā | svayaṃ svenaiva | kacati sphurati | tathā ca pūrvoktā sarvā prakriyā sargārambhaṃ vinā atuṣṭamanasaḥ praty eveti bhāvaḥ | kathambhūtaḥ | śūnyatayā śūnyabhāvena | samānaḥ śuddhatvena tatsamānaḥ | na tu tadrūpaḥ jaḍatvāpatteḥ | hi niścaye | saḥ prajeśaḥ | ātivāhikavapuḥ sūkṣmaśarīramayaḥ | bhavati | na tu bhūtarūpaḥ | tu viśeṣe | saḥ sthūlapṛthvyādibhūtarūpī na bhavati | tena tadabhūtarūpitākhyena hetunā | pṛthvyādi sat nāsti | nanu prajeśasyāpṛthvyādirūpatayā kathaṃ na pṛthvyādi sat astīty | atrāha yadeti | yata ity asyārthe | yataḥ jātam utpannaṃ | nāsti | śuddhamanorūpasya prajeśasya tadrūpatāgrahaṇena pṛthvyāder jātatvaṃ syān | na tu pūrvanyāyena prajeśasya tadrūpatāgrahaṇaṃ sambhavaty | ataḥ pṛthvyāder api jātatvaṃ na sambhavatīti bhāvaḥ | iti śivam ||

MT_3.13

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe trayodaśaḥ sargaḥ ||

Note:

oṃ | evaṃ jagato 'tyantābhāvaṃ paramātmaikamayatāṃ ca punaḥ punaḥ uktvā tāvanmātram eva sādhanīyaṃ jñātvā punar api tad eva kathayati

itthaṃ jagad ahantādi dṛśyaṃ jātaṃ na kiñcana /

ajātatvāc ca nāsty eva yac¹⁶²¹ cāsti param eva tat //

Note:

ahantādi ahantāprabhṛti | dṛśyaṃ jagat itthaṃ pūrvaprakāreṇa | kiñcana leśenāpi | na jātaṃ bhavati | tataḥ kim ity | atrāha ajāteti | jagat ajātatvāt | caśabdaḥ pādapūraṇārthaḥ | nāsty eva | nanu katham ajātatvena jagato 'sattvaṃ sādhayasi¹⁶²² bhāsamānatvena sattvād ity | atrāha yac ceti | tat param eva uttīrṇaṃ cinmātram eva | bhavati | na tu jagat | tat kiṃ | yat asti yat bhāsamānatvena nirākartuṃ na śakyata ity arthaḥ ||

Note:

nanu tarhi pūrvaṃ sādhitā jīvatā katham astīty | atrāha

paramākāśa evāsau jīvatāṃ cetati svayam /

niḥspandāmbhodhijaṭhare salilaṃ spandatām iva //

Note:

asau pūrvoktaḥ | paramākāśa eva cinmātrākāśa eva | svayaṃ svena | jīvatāṃ jīvabhāvaṃ | cetati anubhavati | kim iva | salilam iva | yathā niḥspandāmbhodhijaṭhare¹⁶²³ niḥspandasamudramadhye¹⁶²⁴ | sthitaṃ jalaṃ spandatāṃ | spandaśabdenātra spandayukto lakṣyate | spandayuktatāṃ | cetati | cetanaṃ cātra tadyogyatāmātram eva | na hi tatra salilasya saspandatā kenāpy aṃśena yuktā | evaṃ brahmaṇy api jīvatāyogyatvamātram eva | na tu tatra¹⁶²⁵ jīvatā nāma kācid asti | salile 'gre¹⁶²⁶ saspandatāyuktatvāt yogyatājñānaṃ | brahmaṇi jīvarūpatayā bhāsaneneti viśeṣaḥ ||

Note:

etad eva nānābhaṅgībhiḥ pratipādayati

ākāśarūpam ajahad eva vettīva dṛśyatām /

svapnasaṅkalpaśailādāv iva cidvṛttir āntarī //

Note:

asau paramākāśaḥ dṛśyatām dṛśyabhāvaṃ¹⁶²⁷ | vetti iva anubhavati iva | kathambhūta eva | ākāśarūpaṃ cinmātrākāśākhyaṃ rūpam | ajahad eva | tattyāge tu vedanam asya na syād iti bhāvaḥ | kevāntarī ahamparāmarśasya sārabhūtāntaḥkaraṇopahitā | cidvṛttir iva sā yathā | svapnasaṅkalpaśailādau svapne saṅkalpe ca svaviṣayīkṛte svasvarūpaparvatādau sthitāṃ | dṛśyatāṃ vetti | śailo 'yam iti | tathety arthaḥ ||

pṛthvyādirahito deho yo virāḍātmano mahān /

ātivāhika evāsau cinmātrācchanabhomayaḥ //

Note:

pṛthvyādirahitaḥ sthūlapṛthvyādisparśādūṣitaḥ | virāḍātmanaḥ virāṭsvarūpatayā sthitasya paramātmanaḥ | mahān vyāpakaḥ | yo deho 'sti | saḥ ātivāhika eva sūkṣma eva | bhavati | atra hetutvena viśeṣaṇam āha cinmātreti | yataḥ cinmātrākhyanirmalākāśasvarūpaḥ | cinmātramayasya śarīrasyātivāhikatvaṃ svapne dṛṣṭam iti nāyastam ||

akṣayasvapnaśailābhaḥ sthirasvapnapuropamaḥ /

citrakṛtsthitacittasthacitrasainyasamākṛtiḥ //

anikhātamahāstambhaputrikaughasamopamaḥ¹⁶²⁸ /

brahmākāśe 'nikhātātmā sustambhe sālabhañjakaḥ¹⁶²⁹ //

ādyaḥ prajāpatiḥ pūrvaṃ svayambhūr iti viśrutaḥ¹⁶³⁰ /

prāktanānāṃ svakāryāṇām abhāvād apakāraṇaḥ //

Note:

ādyaḥ kāraṇabhūtaḥ | svayambhūr iti viśrutaḥ | svayambhūr iti nāmnā prasiddhaḥ | prajāpatiḥ | pūrvaṃ sargārambhe | apakāraṇaḥ kāraṇarahitaḥ | bhavati | kutaḥ | prāktanānāṃ svakāryāṇāṃ pūrvakalpakṛtakarmaṇām | abhāvāt | karmaṇāṃ ca janmahetutvaṃ sarvaśāstreṣu prasiddham eva | kāryāṇām abhāvaś cāsya cinmātrataḥ sadya utthitatvena jñeyaḥ | kiṃrūpo 'sau | akṣaya ityādi | akṣayaḥ itarasvapnaśailavat kṣaṇikatvadoṣarahitaḥ yaḥ svapnaśailaḥ | tadvad ābhā yasya | sa akṣayasvapnaśailābhaḥ | sthirasvapnapuropamaḥ | itarasvapnapuravailakṣyeṇa sthiraṃ sthirākāraṃ | yat svapnapuraṃ | tasyopamā yasya | saḥ | etena viśeṣaṇadvayenātivāhikatāyām apy asya sthiratoktā | citrakṛti sthitaṃ cittaṃ citrakṛtsthitacittaṃ | tatrasthaṃ yat citrasainyam agre prakaṭībhavad ālekhyasainyaṃ | tena samākṛtiḥ svarūpaṃ yasya | saḥ citrakṛtsthitacittasthacitrasainyasamākṛtiḥ¹⁶³¹ | anikhāto 'nutkīrṇaḥ | yaḥ mahāstambhaputrikaughaḥ | tena samā upamā yasya | saḥ anikhātamahāstambhaputrikaughasamopamaḥ | brahmākāśe sustambhe anikhātātmā anutkīrṇasvarūpaḥ | sālabhañjakaḥ mahatī putrikā | anikhāteti viśeṣaṇasyaiveyaṃ vyākhyā | etena viśeṣaṇadvayena brahmaikamayatāsyoktā ||

mahāpralayaparyanteṣv ādyāḥ kila pitāmahāḥ /

mucyante sarva evātaḥ prāktanaṃ karma teṣu kim //

Note:

sarve eva ādyāḥ pitāmahāḥ mahāpralayaparyanteṣu | paryantaśabdenātra udrekatā vivakṣitā | mucyante cinmātrākhye svarūpe layībhavanti | phalitam āhātaḥ iti | ato hetoḥ | teṣu sarveṣu ādyeṣu pitāmaheṣu | prāktanaṃ karma kiṃ bhavati | na kiñcid apīty arthaḥ | tathā ca | sarve 'pi te 'pakāraṇā eveti bhāvaḥ ||

moktavya eva kuḍyātmā dṛśyo 'dṛśyaś ca saṃsthitaḥ /

na ca dṛśyaṃ na ca draṣṭā na sraṣṭā sarvam eva ca //

praticchandaḥ padārthānāṃ sarveṣām eṣa eva saḥ /

asmād udeti jīvālī dīpālī dīpakād iva //

Note:

eṣa sa eva pūrvoktaḥ prajāpatir eva | sarveṣāṃ padārthānāṃ praticchandaḥ samaṣṭirūpaḥ ābhāsaḥ | bhavati | sarveṣām ābhāsānām etatsvarūpatvāt | kathambhūto 'sau | moktavya eva moktuṃ madhye gantuṃ śakya eva | kuḍyātmā | kuḍyaṃ hi rodhakatvena madhye gantuṃ na śakyate | 'yaṃ tu apūrvam eva kuḍyaḥ | moktavyatvam asya sarveṣāṃ dṛśyasañcārāṇāṃ praveśanirgamamahattvāt | kuḍyatvaṃ tu sarvādhāratvena | punaḥ kathambhūtaḥ | dṛśyaḥ saṃsthitaḥ dṛśyarūpeṇāsthitaḥ | adṛśyaś ca sthitaḥ draṣṭṛrūpeṇa¹⁶³² ca sthitaḥ | cinmātrābhāsaśuddhamanorūpaprajāpatirūpatvād draṣṭṛdṛśyayoḥ¹⁶³³ | punaḥ kiṃ | na dṛśyaṃ na ca draṣṭā na sraṣṭā na sṛjikriyākartā sarvottīrṇarūpatvāt | punaḥ kiṃ | sarvam eva ca | nanu katham ayaṃ praticchandaḥ astīty | atrāha asmād iti | yataḥ asmāt prajāpateḥ | jīvālī udeti prādurbhavati | nanu mṛdo ghaṭālī rajjusamūhāt vā sarpālīnyaṃ¹⁶³⁴ tathā udeti | na tayoḥ tatpraticchandatvaṃ dṛśyate ity | atrāha dīpālīti | vivartapariṇāmābhyām anya eva praticchandyapraticchandakarūpaḥ prakāraḥ atrāstīti bhāvaḥ ||

saṅkalpa eva saṅkalpāt kilaiti kṣmādivarjitaḥ /

kṣmādimān iva niṣkuḍyaḥ svapnāt svapnāntaraṃ yathā //

Note:

kileti niścaye | kṣmādivarjitaḥ ābhāsarūpatvena sthūlapṛthvyādirahitaḥ | kṣmādimān iva bhāsamānatvena tatsahita iva bhāsamānaḥ | niṣkuḍyaḥ bhāsamānaiḥ kuḍyarūpaiḥ parvatādibhiḥ hīnaḥ | saṅkalpaḥ jagadākhyaḥ saṅkalpaḥ | saṅkalpāt śuddhamanorūpād brahmaṇaḥ | eti prādurbhavati | atra dṛṣṭāntam āha svapnād iti | svapnāt saṅkalparūpāt | svapnāntaraṃ saṅkalparūpam anyasvapnam | yathaiti | tathety arthaḥ ||

asmād eva praticchandāj jīvāḥ samprasaranty amī /

sahakārikāraṇānām abhāvāc¹⁶³⁵ ca sa eva te //

Note:

asmāt prajāpatināmnaḥ | praticchandāt ābhāsāt | amī pratyaksaṃ sphuramāṇāḥ | jīvāḥ | samprasaranti sañcāraṃ yānti | tarhi tata utpannatvena tato bhinnā eva syur ity | atrāha sahakārīti | te jīvāḥ | sa eva bhavanti | na tu tato bhinnāḥ | kutaḥ | sahakārikāraṇānām prāktanakarmarūpāṇāṃ sahakārikāraṇānām | abhāvāt | sahakārikāraṇābhāve kāryaṃ kāraṇarūpam eveti hi prasiddhiḥ ||

sahakārikāraṇānām abhāve kāryakāraṇam /

ekam etad ato nānyaḥ parasmāt sargavibhramaḥ //

Note:

kāryaṃ ca tat kāraṇaṃ ca kāryakāraṇaṃ | parasmāt dṛśyāpekṣayā utkṛṣṭāt prajāpateḥ | sargavibhramaḥ sargavilāsaḥ ||

brahmaivādyo virāḍātmā virāḍātmaiva sargatā /

jīvākāśaḥ sa evetthaṃ sthitaḥ¹⁶³⁶ pṛthvyādy asad yataḥ //

Note:

brahma eva brahmatattvam evādyaḥ virāḍātmā virāṭsvarūpo paramātmā | bhavati | virāḍātmā eva sargatā¹⁶³⁷ sargaḥ | bhavati | pādapūraṇārtho bhāvapratyayaḥ | upasaṃhāraṃ karoti jīveti | sa pūrvoktaḥ | jīvākāśa¹⁶³⁸ eva cetyatvāditanmātrāntavalitacinmātrākhyaḥ jīvākāśa eva | itthaṃ prajāpatyādisargarūpeṇa | sthito bhavati | atra hetum āha pṛthvyādīti | yataḥ yasmāt kāraṇāt | pṛthvyādi asat bhavati ||

Note:

jīvākāśa iti śrutvā kiñcit saṃśayam āpannaḥ śrīrāmaḥ pṛcchati

kiṃ syāt parimito jīvarāśir āho anantakaḥ /

āhosvid asty anantātmā jīvapiṇḍo 'calopamaḥ //

Note:

jīvarāśiḥ jīvākāśatvenoktaḥ jīvapuñjaḥ¹⁶³⁹ | parimitaḥ kiṃ syāt āho anantakaḥ aparimitaḥ syāt | āhosvit anantātmā jīvapiṇḍaḥ acalopamaḥ parvataprakhyaḥ | asti | rāśiḥ bhinnatvena vartamānānāṃ samūhaḥ | piṇḍaḥ mṛtpiṇḍavat eka eva kaścij jīvamayaḥ piṇḍa iti bhedaḥ ||

Note:

nanu kiṃ tava rāśipiṇḍatvayoḥ¹⁶⁴⁰ praśnenety āśaṅkyāha

dhārāḥ payomuca iva śīkarā iva vāridheḥ /

kaṇās¹⁶⁴¹ taptāyasa iva kasmān niryānti jīvakāḥ //

Note:

dhārā jaladhārāḥ | śīkarāḥ jalakaṇāḥ | taptāyasaḥ vahnyabhijvalitāt ayasaḥ | kaṇāḥ vahnimayāḥ leśāḥ | kasmād iti | jīvarāśeḥ jīvapiṇḍasya vānaṅgīkāre eteṣāṃ niryāṇaṃ na sambhavatīti bhāvaḥ ||

Note:

praśnam upasaṃharati

iti me bhagavan brūhi jīvajālavinirṇayam /

jñātam etan mayā prāyas tad eva prakaṭīkuru //

Note:

he¹⁶⁴² bhagavan tvaṃ | iti pṛṣṭaṃ | jīvajālavinirṇayaṃ me brūhi | etāvad uktvā tvayā kiṃ na śrutam ity | atrāha jñātam iti | mayā etat prāyaḥ bāhulyena | jñātam | na tv aśeṣeṇātaḥ tad eva prakaṭīkuru yenāśeṣeṇa jānāmīti bhāvaḥ ||

Note:

śrīvasiṣṭha uttaram āha

eka eva na jīvo 'sti rāśīnāṃ sambhavaḥ kutaḥ /

śaśaśṛṅgaṃ samuḍḍīya prayātītīva te vacaḥ //

Note:

paramārthataḥ eka eva jīvo nāsti | tvatpṛṣṭānāṃ rāśīnāṃ sambhavaḥ kutaḥ syāt | etatpraśnasyāsambaddhārthatvaṃ kathayati śaśeti | śaśaśṛṅgaṃ samuḍḍīya prayāti iti etadvacanasadṛśaṃ | te vacaḥ asti | ādau śaśaśṛṅgam eva nāsti¹⁶⁴³ | kā¹⁶⁴⁴ kathā taduḍḍayanasya¹⁶⁴⁵ | tathā jīva eva nāsti | kā kathā tadrāśyāder iti bhāvaḥ ||

Note:

sarvam etat pṛṣṭaṃ nirākaroti

na jīvo 'sti na jīvānāṃ rāśayaḥ santi rāghava /

na caikaḥ parvataprakhyo jīvapiṇḍo 'sti kaścana //

Note:

paramārthataḥ sarvasya śuddhacinmātraikamayatvāt jīvo nāsti | he rāghava | jīvānāṃ¹⁶⁴⁶ rāśayo na santi | na ca ekaḥ kaścana parvataprakhyaḥ jīvapiṇḍo 'sti | ataś ca tvatpraśno 'yaṃ¹⁶⁴⁷ na yukta iti bhāvaḥ ||

Note:

āśīḥprakāreṇa niścayam asya kartavyatvena kathayati

jīvaśabdārthakalanāḥ samastakalanānvitāḥ /

na ca kāścana santīti niścayo 'stu¹⁶⁴⁸ tavācalaḥ //

Note:

taveti niścayaḥ ayaṃ niścayaḥ | acalaḥ sthiro | 'stu | iti kiṃ | iti jīvaśabdārthakalanāḥ | tāḥ samastakalanānvitāḥ samastābhiḥ ahambhāvādikalanābhiḥ¹⁶⁴⁹ anvitāḥ | na santi ||

Note:

nanu jīvādīnāṃ pratyakṣeṇa sphuraṇāt katham ayaṃ niścayaḥ yuktaḥ¹⁶⁵⁰ syād ity | atrāha

śuddhaṃ cinmātram amalaṃ brahmāstīha hi sarvagam /

tad yathā sarvaśaktitvād vindate yāṃ svayaṃ kalām //

cinmātrānukrameṇaiva sampraphullāṃ latām iva |

nanu mūrtām amūrtāṃ vā tām evāśu prapaśyati ||

Note:

hi niścaye | śuddhaṃ cinmātraṃ śuddhacinmātrasvarūpam | ata evāmalaṃ brahmāsti | kathambhūtaṃ | sarvagam samastadeśakālavyāpakam | tataḥ kim ity | atrāha tad iti | tat brahma | sarvaśaktitvāt yataḥ sarvaśaktir asti | tataḥ yāṃ jīvādimayīṃ | kalāṃ kalanāṃ | yathā yena prakāreṇa | svayaṃ svena | na tu pāratantryeṇa | vindate svopalabdhiviṣayaṃ karoti | kathambhūtāṃ kalāṃ | cinmātrānukrameṇa cinmātraparipāṭyā¹⁶⁵¹ | latām iva latāvat | sampraphullāṃ vikasitāṃ | cinmātrasyaiva hīyaṃ¹⁶⁵² paripāṭī yat kalanāḥ vikāsayati | nanu niścaye | tāṃ kalanāṃ | mūrtām amūrtāṃ vā sthūlāṃ sūkṣmāṃ vāśu tasminn eva kṣaṇe | prapaśyati sampannām eva paśyati | tathā ca | jīvaḥ paramārthataḥ svayaṃ siddho nāsti | kasya rāśitā piṇḍatā vā bhaved iti bhāvaḥ ||

Note:

nanu yadi brahma jīvādi paśyati tadā tadbhinnam evaitat syāt | svabhinnasyaiva dṛṣṭigocaratvād ity | atrāha

jīvo buddhiḥ¹⁶⁵³ kriyāspando mano dvitvaikyam ity api /

svasattāṃ prakacantīṃ tāṃ niyojayati vedane //

Note:

tat brahma | tāṃ prasiddhāṃ | svasattāṃ svasphurattāṃ¹⁶⁵⁴ | vedane niyojayati vedanaviṣayāṃ karoti | paśyatīti yāvat | svasattāṃ kathambhūtāṃ | jīvaḥ buddhiḥ kriyāspandaḥ hitāhitaprāptiparihārārthāś ceṣṭāḥ | manaḥ | dvitvaṃ ca tat aikyaṃ ca dvitvaikyam | ity api etadrūpeṇa | kacantīṃ sphurantīṃ | tathā ca | dṛṣṭigocaratve 'pi na jīvāder bhinnatvaṃ yuktam iti bhāvaḥ ||

Note:

nanu brahmasattā kathaṃ jīvādibhāvena sphuratīty | atrāha

sābuddhaivaṃ bhavaty eva bhaved brahmaiva bodhataḥ /

abodhaḥ prekṣayā¹⁶⁵⁵ yāti nāśaṃ na tu sa budhyate //

Note:

sā brahmasattābuddhā brahmasattābhāvenājñātā satī | evaṃ bhavati eva jīvādirūpatayā bhāsata eva | bodhataḥ brahmasattābhāvena jñānāt | brahmaiva bhavet | sattātadvatoḥ bhedābhāvāt | nanu jīvādeḥ brahmasattābhāvena brahmamayatve 'pi brahmasattāviṣayas tu yaḥ abodha āsīt saḥ abodhatvena jñātaḥ san ghaṭādivat tathaiva tiṣṭhati | tathā ca na brahmaikamayatā sidhyati¹⁶⁵⁶ ity | atrāha abodha iti | abodhaḥ prekṣayā bodhena | nāśaṃ yāti | tu pakṣāntare | saḥ abodhaḥ | na budhyate¹⁶⁵⁷ bodhaviṣayo na sampadyate viruddhatvāt tadudbodhakāle eva naṣṭatvāt | na hi tamaḥ tejoviṣayo bhavatīti bhāvaḥ ||

Note:

etad eva dṛṣṭāntena dṛḍhīkaroti

yathāndhakāro dīpena prekṣyamāṇaḥ praṇaśyati /

na cāsya jñāyate tattvam abodhasyaivam eva hi //

Note:

yathāndhakāraḥ dīpena prekṣyamāṇaḥ draṣṭum ārabdhaḥ | praṇaśyati | asyāndhakārasya | tattvaṃ svarūpaṃ | na ca jñāyate | puruṣeṇeti śeṣaḥ | dārṣṭāntike yojayati abodhasyeti | hi niścaye | 'bodhasyājñānasyaivam eva tattvaṃ na jñāyate ity arthaḥ ||

Note:

jīvasya brahmatvam upasaṃharati

evaṃ brahmaiva jīvātmā nirvibhāgo nirantaraḥ /

sarvaśaktir anādyanto mahācitsārarūpadhṛt //

Note:

evaṃ pūrvoktaprakāreṇa | jīvātmā brahmaiva bhavati | brahmatvāpādakāny asya viśeṣaṇāny āha nirvibhāga iti | nirvibhāgaḥ vibhāgarahitaḥ | na hi jīvasvarūpe kaścid vibhāgo 'sti niravayavatvāt | nirantaraḥ prakāśanirbharitatvena madhye 'vakāśahīnaḥ | sarvaśaktiḥ sarvaśaktitvaṃ cāsya svapnādau pratyakṣadṛṣṭam eva | anādyantaḥ¹⁶⁵⁸ ādyantarahitatvaṃ cāsyādyantaparicchedakatvenaiva siddham | na hi paricchedyaḥ paricchedakasya paricchedaṃ kartuṃ śaknoti¹⁶⁵⁹ | mahācitsārarūpadhṛt | mahācit vimarśaśaktiḥ | tasyāḥ sāraḥ prakāśaḥ | tasya rūpaṃ dhārayati mahācitsārarūpadhṛt | prakāśasvarūpa ity arthaḥ ||

Note:

sarvathaiva bhedakalanāṃ nirākaroti

sarvānantatayā tv asya na kācid bhedakalpanā /

vidyate yā hi kalanā sā tad evānubhūtitaḥ //

Note:

tu viśeṣe | 'sya brahmaṇaḥ | sarvānantatayā sarvaś cāsāv anantaś ca sarvānantaḥ | tasya bhāvaḥ sarvānantatā | tayā | kācid bhedakalanā bhedākārā kalanā | bheda iti yāvat | nāsti | sarvarūpasyānantasya ca bhedāyogāt | na hi ghaṭādyapekṣayānantasya ghaṭaśarāvādisarvarūpasya mṛdādeḥ ghaṭabhedo yuktaḥ | nanu sarvatvam anantatvaṃ ca asarvāt sāntāc¹⁶⁶⁰ ca bhedakam eva | tathā ca tābhyām eva tasya bhedaḥ sampadyata ity | atrāha vidyata iti | hi yasmādarthe | yā kalanā¹⁶⁶¹ bhedakalanā | vidyate | sā tad eva brahmaiva | bhavati | kuto | 'nubhūtitaḥ anubhūtisvarūpataḥ | ayaṃ bhāvaḥ | yā kācit kalanāsti sānubhūtā na vā | na cet sā svayam asiddhā brahmaṇi bhedaṃ kathaṃ kuryāt | anubhūtā cet tarhi anubhavarūpaivānubhavasya ca cidrūpatvena brahmatvaṃ siddham eveti | brahmaiva sā bhaved iti ||

Note:

atra śrīrāmaḥ pṛcchati

evam etat kathaṃ brahmann ekajīvecchayākhilāḥ /

jagajjīvā na yujyante mahājīvaikatāvaśāt //

Note:

he brahman | etat tvayoktam | evaṃ bhavati | satyam eva bhavatīty arthaḥ | sarveṣāṃ jīvānāṃ tatraikajīvecchānuvartitvam āśaṅkate | katham iti | akhilāḥ jagajjīvāḥ | jagati sthitā jīvāḥ jagajjīvāḥ | mahājīvaikatāvaśāt¹⁶⁶² | mahājīvena cetyatvāditanmātrāntaprapañcavalitacinmātrākhyamahājīvena | yā ekatā aikyaṃ | tasyāḥ vaśāt vaśena | ekajīvecchayā ekasya kasyāpi sāmānyajīvasyecchayā | kathaṃ na yujyante | ayaṃ bhāvaḥ | sarveṣāṃ jīvānāṃ proktasvarūpamahājīvaikamayatve¹⁶⁶³ ekasmin jīve uditayecchayā sarveṣāṃ jīvānāṃ yogo yuktaḥ ||

Note:

śrīvasiṣṭha uttaram āha

mahājīvātma tad brahma sarvaśaktimayātmakam /

sthitaṃ yatheccham eveha nirvibhāgaṃ nirantaram //

Note:

mahājīvātma mahājīvaḥ¹⁶⁶⁴ | tat brahma iha yathecchaṃ svecchāsadṛśaṃ | sthitaṃ bhavati | tat brahma kathambhūtaṃ | sarvaśaktimayātmakam | sarvaśaktimayaḥ sarvaśaktinirbharaḥ | ātmā yasya | tat | tādṛśam | sarvaśaktimayātmakatvaṃ ca brahmaṇaḥ sarvaśaktīnāṃ tata evotthānāt | punaḥ kathambhūtaṃ | nirvibhāgaṃ akhaṇḍasvarūpatvena vibhāgān niṣkrāntam | punaḥ kathambhūtaṃ | nirantaram prakāśākhyasārabharitam ||

Note:

nanu brahma yathecchaṃ sthitaṃ bhavatu | tataḥ kim ity | atrāha

yad evecchati tat tasya bhavaty āśu mahātmanaḥ /

pūrvaṃ tu naśyatīcchā cid ato dvitvam udeti tat //

Note:

tat brahma | yad evecchati icchāviṣayaṃ karoti | tad eva | na tv anyat | tasya mahātmanaḥ vyāpakasvarūpasya brahmaṇaḥ | āśu icchākṣaṇe eva | bhavati sampadyate | ekatecchānāśena dvitvotpattim¹⁶⁶⁵ asmāt kathayati pūrvam iti | cit icchā | nīlam utpalam itivat cidviśeṣitecchā jñeyā | cidviśeṣitatvaṃ cātra cidviṣayatvaṃ jñeyam | yata ity adhyāhāryam | tenāyam arthaḥ | yataḥ cit icchā | cidrūpa eva bhavāmīty evaṃrūpā ekatecchā | pūrvaṃ prathamasargārambhe | 'taḥ saptamyarthe tasil asmin brahmaṇi | tuśabdaḥ ivārthe | naśyati tu susphūrtyaviṣayatārūpaṃ¹⁶⁶⁶ nāśaṃ yātīva | paramārthataḥ tu na naśyati tasyāḥ sarvatrānugamāt | iti tuśabdopādānam | cidviṣayecchānāśaś ca cetyaviṣayecchodbhūter eva jñeyaḥ | tat tasmāt kāraṇāt | dvitvaṃ cetyasvarūpajīvādirūpeṇa sthito dvidhābhāvaḥ | udeti prādurbhavati | ekatecchānāśahetubhūtatayā dvitvecchayā eva dvitvam udetīti bhāvaḥ ||

Note:

dvitvodayānantaraṃ śaktikriyākramakaraṇaṃ kathayati

paścād dvitvavibhaktānāṃ svaśaktīnāṃ prakalpitaḥ /

anenetthaṃ hi bhavatīty evaṃ tena kriyākramaḥ //

Note:

paścāt | tena brahmaṇā | dvitvavibhaktānāṃ | dvitvena dvidhābhāvena | vibhaktānāṃ vibhāgena sthāpitānāṃ | svaśaktīnāṃ | ity evaṃ iti prakāreṇa | kriyākramaḥ¹⁶⁶⁷ kalpitaḥ | hi niścaye | ity evaṃ kathaṃ | anena¹⁶⁶⁸ sampadyate ||

Note:

sampannaṃ sveṣṭaṃ kathayati

śaktyādyayā tayā brāhmyā niyamo yaḥ prakalpitaḥ /

taṃ¹⁶⁶⁹ vinā nodayo 'nyāsāṃ pradhānecchaiva rohati //

Note:

tayā prasiddhayādyayā mūlakāraṇabhūtayā | brāhmyā brahmasambandhinyā | śaktyā | yaḥ niyamaḥ svecchāsadṛśī niyatiḥ | prakalpitaḥ | taṃ niyamaṃ | vinā ṛte | 'nyāsāṃ jīvasthānānām | udayo na syāt | ata ity adhyāhāryam | ataḥ pradhānecchaiva rohati | pradhānasya mahājīvātmabhūtasya brahmaṇaḥ | icchaiva rohati jīvecchārūpeṇa pariṇamate | tathā ca pradhānecchānuvartitvam eva | na sā niyamakāritvam uktam | iha tu tacchakter iti cen | na | śaktitadvator abhedāt ||

Note:

etad eva nānāracanābhiḥ kathayati

yasyā jīvābhidhānāyāḥ¹⁶⁷⁰ śaktyā yecchā phalaty asau /

pradhānaśaktiniyamānuṣṭhānena vinā na tu //

Note:

yasyāḥ jīvābhidhānāyāḥ śaktyāḥ śaktirūpasya yasya jīvasya | yā icchā phalati phalayuktā bhavati | tasyā ity adhyāhāryam | tasyāḥ śakteḥ asau icchā | pradhānaśaktiniyamānuṣṭhānena vinā | pradhānaśakteḥ brahmaśakteḥ | yat niyamānuṣṭhānaṃ niyamakaraṇaṃ | tad vinā na bhavati | svarūpam eva na labhate | kā kathā tatphalasyeti bhāvaḥ ||

pradhānaśaktiniyamaḥ supratiṣṭho bhaven na cet /

tat phalaṃ śaktyaśaktatvān nehitānāṃ kvacid bhavet //

Note:

pradhānaśakteḥ brahmaśakteḥ | niyamaḥ pradhānaśaktiniyamaḥ | supratiṣṭhaḥ susthiraḥ | na ced bhavet yadi na syāt | tat tadā | rohitānāṃ kvacit kutrāpi deśe kāle vā | phalaṃ na syāt | kutaḥ | śaktyaśaktatvāt | śaktyā brahmaśaktyā | lakṣaṇayā tanniyamena | yat śaktatvaṃ phalaṃ prati sāmarthyaṃ | tadabhāvaḥ aśaktatvaṃ | tasmāt śaktyaśaktatvāt | yataḥ rohitānāṃ nānāvidhānāṃ kriyāṇāṃ phalaṃ vidyate 'taḥ anumīyate ko 'pi niyamo 'sti yena kriyāṇāṃ phalotpādanaṃ prati sāmarthyam astīti bhāvaḥ ||

Note:

prakṛtam anusarati

evaṃ brahma mahājīvo vidyate 'ntādivarjitaḥ¹⁶⁷¹ /

jīvatkoṭimahākoṭī¹⁶⁷² bhavaty atha na kiñcana //

Note:

evaṃ pūrvoktaprakāreṇa | brahmāntādivarjitaḥ antamadhyādirahitaḥ | mahājīvaḥ vidyate | kuto niryānti jīvakā iti pūrvataroktasya¹⁶⁷³ praśnasyottaram āha jīvatkoṭīti | tat brahma | jīvatkoṭimahākoṭī | jīvatāṃ jīvanakriyākartṛkāṇāṃ | koṭimahākoṭī koṭimahākoṭisaṅkhye¹⁶⁷⁴ | bhavati svayam eva tadrūpo bhavati | na tu tato jīvāḥ niryāntīti bhāvaḥ | atha tathāpi | na kiñcana bhavati | cinmaye svarūpe tathaiva sthitatvāt ||

Note:

nanu brahma kena jīvatāṃ yātīty | atrāha

cetyasaṃvedanāj jīvo bhavaty āyāti saṃsṛtim /

tadasaṃvedanād rūpaṃ śamam āyāti saṃsṛteḥ //

Note:

cetyasaṃvedanāt cidviṣayabhūtabhāvajātaparāmarśāt | brahma jīvo bhavati | tataḥ saṃsṛtiṃ yāti¹⁶⁷⁵ sukhaduḥkhalepasvarūpasaṃsārabhāk bhavati | nanu kadācit saṃsṛtir asya nivartate na vety | atrāha tad iti | tadasaṃvedanāt cetyāparāmarśāt | asyety adhyāhāryam¹⁶⁷⁶ | asya jīvasya | saṃsṛteḥ saṃsārasya | rūpaṃ śamaṃ śāntiṃ | yāti ||

Note:

nanu saṃsṛtyupaśamena jīvasya kiṃ sampadyata ity | atrāha

evaṃ kaniṣṭhajīvānāṃ jyeṣṭhajīvakriyākramaiḥ /

samudety ādyajīvatvaṃ tāmrāṇām iva hematā //

Note:

evaṃ sati saṃsṛtyupaśame sati | jyeṣṭhajīvasya brahmaṇaḥ | kriyākramaiḥ jyeṣṭhajīvakriyākramaiḥ | kaniṣṭhajīvānām ādyajīvatvaṃ brahmatvaṃ | samudeti prādurbhavati | jyeṣṭhajīvakriyākramā atra brahmakṛtāḥ kriyākramā¹⁶⁷⁷ jñātavyāḥ | brahmakṛtakriyākramasyaiva jīvānāṃ brahmatvāpādane samarthatvāt | atra dṛṣṭāntam āha tāmrāṇām iti¹⁶⁷⁸ | svarṇakārakriyākramaiḥ tāmrāṇāṃ yathā hematvaṃ samudeti | tathety arthaḥ ||

Note:

pūrvataroktaṃ smarati

atrānante parākāśe ittham eṣa gaṇo 'py asan /

khātmaiva sann ivodeti ciccamatkaraṇātmakaḥ¹⁶⁷⁹ //

Note:

itthaṃ pūrvoktakrameṇātrānante parākāśe prasiddhe 'parimeye cidākāśe | eṣaḥ pūrvoktaḥ | gaṇaḥ cetyatvādirūpaḥ prapañcaḥ | asann api sann ivodeti | kathambhūtaḥ | khātmaiva nakiñcidrūpa eva | punaḥ kathambhūtaḥ | ciccamatkaraṇātmakaḥ¹⁶⁸⁰ | citaḥ yat camatkaraṇaṃ svaśaktyāsvādakaraṇaṃ | tat ātmā svarūpaṃ yasya | saḥ ciccamatkaraṇātmakaḥ | camatkaraṇaṃ vinā svatantrāyāḥ citeḥ cetyonmukhatāyogāt ||

Note:

nanu camatkaraṇārtham anyāpekṣāyā¹⁶⁸¹ avaśyambhāvāt kuto 'syāḥ svatantrādīty¹⁶⁸² | atrāha

svayam eva camatkāro yaḥ samāgamyate citā /

bhaviṣyannāmadehādi tad ahambhāvanaṃ viduḥ //

Note:

yaḥ camatkāraḥ citā saha svayaṃ cidāśrayeṇa svaviṣayena ca yatnena vinā | samāgamyate svayaṃ samāgamaviṣayatāṃ¹⁶⁸³ bhajati | paṇḍitāḥ tad ahambhāvanam ahaṅkāraṃ | viduḥ | ahaṅkāro 'pi ciccamatkāra eva | kā kathā jīvasyeti ahambhāvagrahaṇābhiprāyaḥ | kathambhūtaṃ | bhaviṣyannāmadehādi | bhaviṣyat nāma ca dehādi ca yasya | tat | nāmāhaṅkārety abhidhā | dehaḥ sthūlasūkṣmarūpaḥ | cinnairapekṣyadyotanāya samāgamyata iti karmakartṛvyapadeśaḥ ||

Note:

prakṛtaṃ cidaikyaṃ¹⁶⁸⁴ bahuvistareṇa kathayati

cito yaḥ syāc cidālokas tanmayatvād anantakaḥ /

sa eṣa bhuvanābhoga iti tasyāḥ prabimbati //

Note:

citaḥ anantasvabhāvasya citprakāśasya | yaḥ ālokaḥ¹⁶⁸⁵ bhāvaprakaṭanahetuḥ svabhāvaviśeṣaḥ | syād asti | kathambhūtaḥ | tanmayatvāt cinmayatvād | anantakaḥ cidvad aparimeyaḥ | aparimeyatvaṃ ca citaḥ parimātur abhāvena svayaṃ svasmin parimātṛtāsambhavāc ca jñeyam | sa eṣaḥ pūrvoktaḥ viṣayasya svavyatiriktasya cidālokaḥ | tasyāḥ¹⁶⁸⁶ citaḥ | bhuvanābhoga iti bhuvanavistāro 'yam¹⁶⁸⁷ iti | pratibimbati mālinyānādāyakatvena pratibimbabhāvena sphurati ||

pariṇāmavikārādiśabdaiḥ saiva cid avyayā /

tādṛgrūpyād abhedyāpi svaśaktyaiva vibudhyate //

Note:

svaśaktyā eva pramātṛbhāvena sphurantyā nijaśaktyā eva kartryāvyayā nāśarahitā | saiva cit pariṇāmavikārādiśabdaiḥ¹⁶⁸⁸ vibudhyate vijñāyate | śabdasyārthabodhaṃ prati kāraṇatvaṃ suprasiddham eveti nāyastam | kathambhūtāpi | tādṛgrūpyāt cidrūpatāyāḥ | abhedyāpi bhinnīkartum ayogyāpi | nanu svarūpād abhinnatve kathaṃ pariṇāmādiśabdavācyatvaṃ asyā iti cet | satyam | yathā toyaṃ svarūpād abhinnam api taraṅgatām āsādya¹⁶⁸⁹ toyapariṇāmaśabdena tadvikāraśabdena ca kathyate tatheyam apīti na virodhaḥ ||

avicchinnavilāsātma svato yat svadanaṃ citaḥ /

acetyasya prakāśasya jagad ity eva tat sthitam //

Note:

acetyasya prakāśasya cetyaleparahitaprakāśarūpāyāḥ citaḥ | svayam ayatnena | yat svadanaṃ svaśaktyāsvādaḥ bhavati | kathambhūtam | avicchinnavilāsātma | avicchinavilāsaḥ chedarahitasphuraṇayuktaḥ | ātmā yasya | tat avicchinnavilāsātma | tat svadanaṃ jagad ity eva jagatsvarūpeṇa | sthitaṃ bhavati ||

ākāśād api sūkṣmaiṣā yā śaktir vitatā citaḥ /

sā svabhāvata evainām ahantāṃ paripaśyati //

Note:

yā eṣā ākāśād api sūkṣmāparicchedyā¹⁶⁹⁰ | vitatā sarvatra vyāptā | citaḥ śaktiḥ sāmarthyaṃ asti | sā cit | svabhāvata eva svasattayaiva | na tu yatnādinā | enāṃ proktaviśeṣaṇāṃ | ahantāṃ paripaśyati ahaṅkārabhāvena cetati ||

ātmany ātmātmanaivāsyā yat prasphurati vārivat /

jagadantam ahantāṇuṃ tad evāsau prapaśyati //

Note:

asyāḥ citaḥ | ātmā sphurattākhyaṃ svarūpam | ātmani sphurattākhye svarūpe svasvarūpe | ātmanā svabhāvena | na tu yatnena | yat sphurati vilasati | kathaṃ | vārivat jalavat | tad eva¹⁶⁹¹ sphuraṇam evāsau cid | ahantāṇuṃ prapaśyati parimitāhantārūpatayā¹⁶⁹² parāmṛśati | kīdṛśam ahantāṇuṃ | jagadantam jagatparyantam ||

camatkārakarī cāru yac¹⁶⁹³ camatkurute citiḥ /

iyaṃ svātmani tasyaiva jagannāma kṛtaṃ tatam //

Note:

camatkārakarī camatkārakaraṇa[ ? ]syaiva | tataṃ vistīrṇaṃ | jagannāma jagad iti nāma | kṛtaṃ | tayaiveti śeṣaḥ ||

citaś cittvam ahaṅkāraḥ saiva rāghava kalpanā /

tanmātrādi cid evāto dvitvaikatve kva saṃsthite¹⁶⁹⁴ //

Note:

citaḥ cittvam ahaṅkāraḥ bhavati | ahaṅkāratayā cittvasyaiva pariṇāmād ity arthaḥ | he rāghava | saivāhaṅkāra eva | kalpanā bhavati | kalpanāpadāpekṣaṃ strītvaṃ | ataḥ tanmātrādi ahaṅkārotpannaṃ tanmātrādikam | cid eva bhavati | tanmātrakāraṇasyāhaṅkārasya cittvāt | dvitvaikatve kva saṃsthite bhavataḥ | na sta iti bhāvaḥ | nanu dvitvaṃ mā bhavatu | ekatvaṃ kathaṃ nāstīti cen | maivaṃ | svapratipakṣaṃ dvitvaṃ vinaikatvasyāpy asiddheḥ | na hi chāyāṃ vinā prakāśaḥ prakāśo bhavati anirvācyatvāt ||

Note:

evaṃ cidekamayatvaṃ sarvasya prasādhya bhedatyāgaṃ śiṣyaṃ prati anuṣṭheyatvena vidadhāti

jīvahetāv asantyāge tvaṃ cāhaṃ¹⁶⁹⁵ ceti santyaja /

śeṣaṃ sadasator madhye bhavetyarthātmako¹⁶⁹⁶ bhavet //

Note:

puruṣaḥ | ityarthātmakaḥ | itiśabdākṣiptagurūpadeśavākyārthātmakaḥ | tatpara iti yāvat | bhavet | itiśabdākṣiptaṃ gurūpadeśam āha tvaṃ cāhaṃ ceti tyaja¹⁶⁹⁷ | yena jīvatā dūre gacchatīti bhāvaḥ | punaḥ kiṃrūpaḥ tiṣṭhāmīty | atrāha śeṣam iti | sadasatoḥ madhye sthitaṃ sattvāsattvābhyām anirvacanārhaṃ | śeṣaṃ sarvaprapañcabādhe 'pi sākṣitayā śuddhaṃ cinmātraṃ | bhava ||

Note:

evaṃ śiṣyaṃ prati abhedaṃ vidheyatvenoktvā tatkṛpayā punar apy abhedam eva kathayati

citā yathādau kalitā svasattā sā tathoditā /

abhinnā dṛśyate vyomnaḥ sattāsatte 'tha vedmy aham //

Note:

citādau sargārambhe | svasattā sphurāmītirūpā nijā sattā | yathā yena jīvādirūpeṇa | kalitā | asyā ity adhyāhāryam | asyāḥ citaḥ sā sattā | tathā¹⁶⁹⁸ tena rūpeṇoditā prādurbhūtā satī | cidākāśāt abhinnā dṛśyate | jñānibhir iti śeṣaḥ | aham ity anena sattāsāmānyapramātā kathitaḥ | athāhaṃ sattāsatte vedmi jānāmi | na tu tathāstīti bhāvaḥ ||

citkhaṃ¹⁶⁹⁹ khaṃ jagadīhāḥ khaṃ kham abdhivibudhācalāḥ /

khākāraciccamatkārarūpatvān nānyad asti hi //

Note:

citkhaṃ¹⁷⁰⁰ kham ākāśaṃ bhavati | jagadīhāḥ | jagatāṃ hitāhitaprāptiparihārārthāḥ ceṣṭāḥ | khaṃ bhavanti | abdhiś ca vibudhāś cācalāś ca | te api kham eva bhavanti | atra hetutvenottarārdham āha khākāreti | hi yasmādarthe | khākāraḥ yaḥ ciccamatkāraḥ¹⁷⁰¹ | sa eva rūpaṃ yasya | saḥ | tasya bhāvaḥ tattvaṃ | tasmāt khākāraciccamatkārarūpatvāt | anyat nāsti | yataḥ sarvaṃ kharūpaṃ ciccamatkāramātrarūpaṃ bhavatīty arthaḥ ||

yo yadvilāsas tasmāt sa na kadācana bhidyate¹⁷⁰² /

api sāvayavāt tattvāt kaivānavayave kathā //

Note:

yaḥ yadvilāsaḥ yasya sphuraṇaṃ bhavati | saḥ sāvayavāt¹⁷⁰³ tattvād api tasmāt kadā na jātu na | bhidyate | na hi kaścit taraṅgaṃ toyāt bhinnaṃ vadatīti¹⁷⁰⁴ bhāvaḥ | anavayave avayavarahite | svapne 'pi tad¹⁷⁰⁵ vācyam iti bhāvaḥ ||

Note:

nanu citaḥ jagadrūpatve 'pi tadgrāhiṇyā anyasyāś¹⁷⁰⁶ citaḥ sadbhāvāt nābhedamayatety | atrāha

citer nityam acetyāyāś cin nāsty avitatākṛteḥ /

yad rūpaṃ jagato rūpaṃ tattatsphuraṇarūpiṇaḥ //

Note:

nityam acetyāyāḥ cetitum¹⁷⁰⁷ ayogyāyāḥ | citeḥ cit svagrāhiṇī cit | nāsti cidrūpatvahāner iti bhāvaḥ | citeḥ kathambhūtāyāḥ | avitatākṛteḥ | sūkṣmatayāvitatā kutrāpi na sthitākṛtiḥ rūpaṃ yasyāḥ | sā | tasyāḥ | nanu etad asiddhaṃ | sphurāmītirūpeṇa yuktatvād ity | atrāha yad rūpam iti | yad rūpaṃ | yat sphurāmītyādikaṃ | rūpaṃ bhavati | tad ity adhyāhāryam | tat jagata eva rūpam | na tu citeḥ | mukhyataḥ cititvaṃ hi sphurāmīty asya grāhikāyāḥ citer eva | sphurāmīti grāhyarūpāyās tu gauṇaṃ cititvaṃ¹⁷⁰⁸ bhavad api na jagattvaṃ vyabhicarati | kathambhūtasya jagataḥ | tattatsphuraṇarūpiṇaḥ¹⁷⁰⁹ | tattatsphuraṇāni sphurāmītyādīni | rūpaṃ yasya | tat | tasya tattatsphuraṇarūpiṇaḥ | yat kiñcic cetyatām āyāti tat sarvaṃ jagad evety arthaḥ ||

mano buddhir ahaṅkāro bhūtāni girayo diśaḥ /

iti paryāyaracanā citas tattvāj jagatsthiteḥ //

Note:

mano buddhir ityādirūpeṇoktā śabdasantatiḥ | citaḥ paryāyaracanā bhavati | kutaḥ | jagatsthiteḥ manobuddhyādirūpāyāḥ jagatsthiteḥ | tattvāt cidrūpatvāt | sarve śabdāḥ cidvācakā eveti bhāvaḥ ||

citaś cittvaṃ jagad viddhi nājagac¹⁷¹⁰ cittvam asti hi /

ajagattvād acic cit syād bhāvābhedāj jagat kutaḥ //

Note:

citaḥ¹⁷¹¹ sambandhi cittvaṃ cidbhāvaṃ | yena sā cid iti nāmayogyā bhavati sa ko 'pi dharmaḥ | tam iti yāvat | jagat viddhi jānīhi | atra hetum āha neti | hi yasmāt kāraṇāt | cittvam ajagat jagato vyatiriktaṃ | nāsti | cetyarūpajagadabhāve 'nirvācyāyāḥ citaḥ sphuṭaṃ cittvāyogyatvāt | avāntaraṃ phalitam āha ajagad iti | ata ity adhyāhāryam | ato hetoḥ | cit ajagattvād dhetor | acit syāt cinnāmayogyā na syāt | yadi jagan na syād anirvācyāyāḥ citer api cittvaṃ na syād iti bhāvaḥ | paramaṃ phalitam āha bhāvābhedād iti | bhāvābhedāt pūrvanyāyasiddhena cijjagator abhedena siddhāt padārthābhedāt | jagat kutaḥ kathaṃ | syāt | cittvajagator abhede sati cittvasya cidekamayatayā cita eva sarvathā sthitatvāt jagan nāstīti bhāvaḥ ||

citer maricabījasya nijā yāntaś camatkṛtiḥ /

saivaiṣā jīvatanmātramātraṃ jagad iti sthitā //

Note:

citeḥ cinnāmnaḥ | maricabījasyāntaḥ madhye | yā camatkṛtiḥ arthāt tīkṣṇatāsthānīyaḥ svaśaktyāsvādākhyaḥ camatkāraḥ | bhavati | saivaiṣā jagad iti jagadrūpeṇa¹⁷¹² | sthitā bhavati | kathambhūtaṃ jagat | jīvatanmātramātraṃ kevalaṃ jīvapañcatanmātrasvarūpaṃ | na tu sthūlabhūtamayaṃ | svapnanyāyena sthūlatāyā asatyatvāt ||

cittvāt svaśaktikacanaṃ yad ahambhāvanaṃ citeḥ /

jīvaḥ spandātmakarmātmā bhaviṣyadabhidho hy asau //

Note:

citeḥ svaśaktikacanaṃ svaśaktisphuraṇarūpaṃ | ahambhāvanaṃ yad asti | kutaḥ | cittvāt cidbhāvākhyāt hetoḥ | hi niścaye | asau svaśaktisphuraṇaṃ | jīvaḥ bhavati | jīvāpekṣayā puṃliṅgatā | kathambhūto jīvaḥ | spandātma kiñcitsphuraṇarūpaṃ | yat karma | tat ātmā svarūpaṃ | yasya | spandātmakarmātmā citspandarūpa evety arthaḥ | punaḥ kathambhūtaḥ | bhaviṣyadabhidhaḥ vaikharīprādurbhāva ity arthaḥ ||

yac cic cittvena kalanaṃ susampādyābhidhārthadik /

vyavacchedavikārais¹⁷¹³ tad bhidyate 'to¹⁷¹⁴ na vidyate //

Note:

cit ārṣaḥ ṣaṣṭhīlopaḥ citaḥ | yat cittvena cidbhāvena | kalanaṃ paricchedaḥ | bhavati | kathambhūtaṃ | susampādyā¹⁷¹⁵ sukhena sampādayituṃ śakyābhidhārthadik nāmārthaleśaḥ yena | tat susampādyābhidhārthadik | paricchinnasyaiva hi vastunaḥ nāma tadvācyatvaṃ ca kartuṃ śakyaṃ | tat bhidyate citaḥ bhinnatvena sthīyate | kaiḥ | vyavacchedavikāraiḥ | cittaṃ na spṛśatīti yāvat | bhavantu¹⁷¹⁶ jaḍebhyaḥ bhinnatāpādanāni | ta eva vikārāḥ¹⁷¹⁷ | taiḥ | tadyuktatvād iti yāvat | cito bhinnaṃ | kā hānir ity | atrāhāta iti | ataḥ cito bhinnatvāt | na vidyate | cidbhinnasya cetyamānatāyogāt | tadayoge ca sato 'pi | tasyāsaṅkalpatvāt | cidrūpatvena kalanābhāvena vyarthasya cittvasyāpy abhāvaḥ | cittvābhāve ca jagato 'bhāvaḥ | tadabhāve ca śuddhasya cinmātrasyaiva sāmrājyam iti bhāvaḥ ||

Note:

nanu bhavatu cidekamayatvaṃ sarvasya | tadaṃśabhūtayoḥ kartṛkarmaṇos tu parasparaṃ bhedo durnivāra ity | atrāha

citspandarūpiṇor asti na bhedaḥ kartṛkarmaṇoḥ /

spandamātraṃ¹⁷¹⁸ bhavet karma sa eva puruṣaḥ smṛtaḥ //

Note:

citspandarūpiṇoḥ citsphūrtyākhyarūpayuktayoḥ | kartṛkarmaṇoḥ bhedaḥ nāsti | katham etad ity | atrāha spandeti | spandamātraṃ karma bhavet | bahiḥspandasyaiva karmatvadarśanāt | sa eva puruṣaḥ smṛtaḥ | paṇḍitair iti śeṣaḥ | ayaṃ bhāvaḥ | antaḥ¹⁷¹⁹ vicāryamāṇaṃ¹⁷²⁰ jñānaṃ vinā na kiñcil labhyate | ghaṭapaṭādiś ca bahirbhūtaḥ | ataḥ jñānasya taiḥ saha ko 'pi sambandho nāstīti śuddhaṃ jñānaṃ śiṣṭaṃ | sa eva¹⁷²¹ ca citaḥ sphuraṇākhyaḥ spandaḥ | tad eva karma | bahiḥsthitasya śarīracalanādirūpasya karmaṇo 'pi tatpūrvakatvāt | tat tattvam¹⁷²² eva | sa eva ca puruṣaḥ | antar anyasyānupalambhāt bahiḥśarīrasya mṛtpiṇḍarūpasya puruṣatvāyogāt iti siddhaṃ karmaṇaḥ puruṣatvam ||

Note:

sarvasya jīvāder vargasyaikatvaṃ sādhayati

jīvaś cittve parispandaḥ puṃsāṃ cittaṃ sa eva ca /

manas tv indriyarūpaṃ san nānānānaiva gacchati //

Note:

jīvaḥ cittve cidbhāve | citsvarūpa iti yāvat | parispandaḥ bhavati | puṃsāṃ sa eva karmāparaparyāyaṃ¹⁷²³ cittaṃ bhavati | parispanda eva ca | citspandatvavyatiriktasya jīvasya cittasya vābhāvāt | tu viśeṣe | mana eva citspandarūpaṃ cittam | indriyarūpaṃ sat | nānānānātvaṃ gacchati | cittaṃ kathambhūtam eva | anānaiva | paramārthataḥ ekatvāt nānātvarahitaṃ | idam atra tātparyam | jīvas tāvat citspanda eva | taccittam api vikalpātmakaṃ tathaiva | tad eva ca cittam indriyarūpeṇa pariṇamate | tataś ca svapariṇāmabhūtendriyadvāreṇa bahir nirgatya rūpādipañcakasvarūpaviṣayarūpatām āpadyate | tataś ca tadādhārabhūtapañcakatām āsādyate | tataś ca tatkāryabhāvena pariṇamate iti citspanda eva sthūlasūkṣmabhāvarūpeṇa sthitaḥ | sa ca cidavyatirikta iti sarvaṃ cidrūpam eva sthitam iti ||

śāntāśeṣaviśeṣaṃ hi citprakāśacchaṭā jagat /

kāryakāraṇakāditvaṃ tasmād anyan na vidyate //

Note:

hi yasmāt arthe | 'śeṣaṃ samastaṃ jagat citprakāśacchaṭā citprakāśe siddhapadārthapaṅktimayatvāt citprakāśapaṅktiḥ | bhavati | kathambhūtaṃ | śāntāśeṣaviśeṣaṃ | śāntāḥ cinmātre pralīnāḥ | aśeṣāḥ samastāḥ | viśeṣāḥ bhāvāḥ yasya | tat | tasmāt tato hetoḥ | kāryakāraṇakāditvam anyat cinmātrāt pṛthak | na vidyate | kāryakāraṇatvāder api jagattvena citprakāśacchaṭātvānapāyāt¹⁷²⁴ ||

acchedyo 'ham adāhyo 'yam akledyo 'śoṣya eva ca /

nityaḥ satatagaḥ sthāṇur acalo 'ham iti sthitam //

Note:

sarvasya jīvāder jagataḥ citprakāśamayatve sati iti sthitam bhavati | ayaṃ niścaya eva pratiṣṭhito bhavati iti | kim iti | ahaṃ citprakāśarūpaḥ¹⁷²⁵ aham | acchedyaḥ¹⁷²⁶ aśarīravat chedayogyo nāsmi | evam adāhyo 'yam ity ādāv api sambandhanīyam | ahaṃ nityo 'smi | nityatve viśeṣaṇadvāreṇa hetum āha satataga iti | sarvakālaga ity arthaḥ | punaḥ kathambhūtaḥ | sthāṇuḥ svasvarūpe dṛḍhaṃ sthitaḥ | atrāpi hetum viśeṣaṇatvenāhācala iti | yataḥ niṣkampa ity arthaḥ ||

Note:

nanu cidekamayatve sati vādinaḥ kimarthaṃ vivadanti ity | atrāha

vivadante yathā hy atra vivadante tathā bhramaiḥ /

bhramanto na vayaṃ tv ete jātā vigatavibhramāḥ //

Note:

vādina iti śeṣaḥ | vādinaḥ tārkikādayaḥ | atra citprakāśe | yathā yena prakāreṇa | vivadante vivādaṃ kurvanti | tathā bhramaiḥ mithyājñānaiḥ | vivadante | jñātatattvānāṃ vivādābhāvāt | tathā hi | tārkikāḥ ātmānaṃ jñānaguṇaṃ saṃsāriṇaṃ ca kathayanti | sāṅkhyāḥ udāsīnaṃ jñānarūpam api paramāṇurūpam | cārvākā bhūtarūpaṃ | bauddhāḥ śūnyarūpaṃ | vedāntinaḥ śāntasvarūpaṃ | evam anye 'py anyat kiñcit | yady api ete 'dhikārikṛpayaiva vivadante tathāpi adhikāriṇāṃ tattatpadaniṣṭhānām adhaḥsthaṃ padaṃ parityajyordhvapadagamanārthaṃ vādināṃ bhramaḥ uktaḥ | yadi vādinaḥ bhrameṇa vivadante tarhi yūyaṃ kathaṃ sthitāḥ ity | atrāha bhramanta iti | tu vyatireke | ete vayaṃ vigatabhramāḥ vādyuktanānāguṇottīrṇaśuddhacinmātrāṅgīkārāt dūrībhūtamithyājñānāḥ | jātāḥ | kathambhūtāḥ | na bhramanta ity arthaḥ | nanu śrīvasiṣṭhena tanmatanirāsapareṇa vivāda eva kṛtaḥ | maivam | bodhanārthatanmatanirāse 'pi cinmātrāṅgīkāreṇaiva sarvamatāṅgīkārāt | cinmātraṃ hi sarve 'ṅgīkurvanty eva | kiṃ tu tadviśeṣeṣu vivadante ||

Note:

punar api cidekamayatvam eva kathayati

dṛśye mūrte 'jñasaṃrūḍhe vikārādi pṛthag bhavet /

nāmūrte tajjñakacite citkhe sadasadātmani //

Note:

mūrte sthūle | dṛśye dṛśikriyāviṣaye bhāvajāte | kathambhūte | 'jñasaṃrūḍhe | ajñeṣu mūrkheṣu | saṃrūḍhe dṛḍhībhūte | mūrkhajñāte iti yāvat | vikārādi | ādiśabdāt pariṇāmāder grahaṇam | pṛthak bhavet | sthūlasya dṛśyasya vikārādidharmādhikaraṇatve yogyatāstīti bhāvaḥ | amūrte sūkṣme | tajjñakacite tattvajñeṣu sphurite | citkhe cidākāśe | vikārādi pṛthak na bhavet | kathambhūte citkhe¹⁷²⁷ | sadasadātmani sadasatsvarūpe | vikārādi yadi sat tadāpi tanmayam eva | yady asat tadāpi tathaiveti bhāvaḥ ||

cittattvaṃ cetyarasataḥ śaktīḥ kālādināmikāḥ /

tanoty ākāśaviśadāś cinmadhuśrīḥ svamañjarīḥ //

Note:

cinmadhuśrīḥ cidākhyāvasantalakṣmīḥ | kālādināmikāḥ kāladeśādināmayuktāḥ | śaktīḥ svamañjarīḥ tanoti vistārayati | kutaḥ | cetyarasataḥ cetyāsvādena yuktam¹⁷²⁸ | yuktaṃ ca vasantalakṣmyāḥ rasena mañjarītananam | śaktīḥ kiṃ | cittattvam cinmātrarūpiṇya eva¹⁷²⁹ | śaktitadvator abhedāt | punaḥ kathambhūtāḥ | ākāśaviśadāḥ | na tu bhāsamānasthūlarūpayuktāḥ ||

Note:

svabhāvena cinmātrasya cetyarūpatayā sphuraṇaṃ kathayati

svayaṃ vicitraṃ sphurati citkañcukam anāhatam /

svayaṃ vicitraṃ kacati cidratnam apakāraṇam //

Note:

citkañcukam | kañcukaṃ lakṣaṇayā paṭaḥ | cidākhyaḥ paṭaḥ | svayaṃ svabhāvena | vicitraṃ sphurati citrapaṭavat vicitratāyuktaṃ bhavatīty arthaḥ | vicitratā cārthacetyakṛtā jñeyā | tathā cidratnaṃ svayaṃ vicitraṃ kacati | ratnasya ca kacanaṃ yuktam eva | svayam ity asyārthaṃ svayam evāhāpakāraṇaṃ iti ||

svayaṃ vilakṣaṇaspandaś cidvāyur ajaḍātmakaḥ /

svayaṃ vicitravalanaṃ cidvāri na nikhātagam //

Note:

vilakṣaṇaspandaḥ bāhyavāyoḥ vyatiriktaspandayuktaḥ | atra hetutvena viśeṣaṇam āha ajaḍātmaka iti | jaḍājaḍayoḥ spando 'vaśyaṃ vilakṣaṇa eva syād iti bhāvaḥ | vāri nikhātagaṃ sat | vicitravalanaṃ vicitrasphuraṇaṃ bhavati | cidvāri tu nikhātagaṃ sat | vicitravalanaṃ na bhavati¹⁷³⁰ ||

svayaṃ vicitradhātūccaiś¹⁷³¹ cicchṛṅgam apanirmitam /

svayaṃ citrarasollāsā cijjyotsnā satatoditā //

Note:

uccaiḥ cicchṛṅgam apanirmitam nirmāṇarahitam | vicitradhātu | vicitrā¹⁷³² nānāvidhāḥ | dhātavaḥ bhūtākhyāni kāraṇadravyāṇi¹⁷³³ | yasmin | tat | bhavati | śṛṅgam api vicitradhātu vicitragairikādidhātuyuktaṃ bhavati | kiṃ tu nirmitam | svayaṃ cijjyotsnā citrarasollāsā nānāvidhacetyarasollāsayuktā | tayā satatoditā bhavati | bāhyajyotsnāpi vicitrāmṛtarasollāsayuktā bhavati | kiṃ tu śuklapakṣa evoditā bhavati ||

svayaṃ sadaiva prakaṭaś cidāloko 'malātmakaḥ /

svayam astaṅgatevājñe jñe jñānād uditā citiḥ //

Note:

ālokasya prakaṭatāguṇayuktatvāt iti bhāvaḥ | svayam iti | citiḥ svayaṃ ajñe mūrkhe | 'staṅgateva bhavati | astaṅgatatvaṃ ca asyāḥ sthitāyāḥ api jñānāviṣayībhāva evāta ivaśabdopādānam | citiḥ svayaṃ jñe jñānayukte | jñānād uditā bhavati | yathākāśe jvalann api sūryo 'ndhaṃ praty anuditaḥ | netrasahitaṃ prati tūditaḥ | evam iyam¹⁷³⁴ apīti bhāvaḥ ||

svayaṃ jaḍeṣu jāḍyena padaṃ sauṣuptam āgatā /

svayaṃ spandi tathāspandi cittvāc citimahānabhaḥ //

Note:

citiḥ jaḍeṣu sthāvarādiṣu | jāḍyena jaḍabhāvena | svayaṃ sauṣuptapadaṃ suṣuptisthānam | āgatā bhavati | citimahānabhaḥ¹⁷³⁵ cidākhyo mahākāśaḥ | svayam spandi sphurattāyuktaṃ¹⁷³⁶ bhavati | tathā tena prakāreṇāspandi śāntatāyukto¹⁷³⁷ bhavati | bāhyākāśasya tu vātarūpeṇa saspandatvaṃ svarūpeṇāspandatvam ||

Note:

guṇini guṇavat citi¹⁷³⁸ jagataḥ sadasattvaṃ kathayati

citprakāśaprakāśo hi jagad asti ca nāsti ca /

cidākāśaikaśūnyatvaṃ jagad asti ca nāsti ca //

Note:

hi niścaye | citprakāśaprakāśaḥ | citprakāśasya cidākhyasya tejasaḥ | prakāśaḥ ālokākhyaguṇabhūtaḥ | jagat asti ca nāsti ca | cakāraḥ¹⁷³⁹ svayaṃ astitvanāstitvayoḥ samapradhānatvaṃ dyotayati | ayaṃ bhāvaḥ | yathā tejorūpe guṇini ālokākhyo guṇaḥ bhedena bhāsamānatvāt asti | tato vyatirekeṇa labdhum aśakyatvān nāsti | tathā jagad api cidākhye¹⁷⁴⁰ ādhārabhūte guṇini bhāsamānatvād asti | tadvyatirekeṇa labdhum aśakyatvān nāstīti | evam agre 'pi yojyam | cidākāśeti | cidākāśasyaikaṃ śūnyatvaṃ śūnyatvākhyo guṇaḥ | cidākāśaikaśūnyatvam ||

cidālokamahārūpaṃ¹⁷⁴¹ jagad asti ca nāsti ca /

cinmārutaghanaspando jagad asti ca nāsti ca //

Note:

mahārūpaṃ bhāsuraḥ śuklākhyaguṇaḥ | cinmāruteti | spandasya ca vāyuguṇatvaṃ prasiddham eva ||

cidghanadhvāntakṛṣṇatvaṃ jagad asti ca nāsti ca /

cidarkālokadivaso jagad asti ca nāsti ca //

Note:

dhvāntasya ca kṛṣṇatvaṃ guṇaḥ | cidarketi | divasasyārkālokānuvidhāyitvāt tadguṇatvam ||

Note:

pūrvoktaṃ dṛḍhayituṃ¹⁷⁴² sarvathā cidguṇatvam eva jagataḥ kathayati

citkajjalarajaḥśailaparamāṇur jagadbhramaḥ /

cidagnyauṣṇyaṃ jagallekhā jagac cicchaṅkhaśuklatā //

Note:

cit eva kajjalarajaḥśailaḥ añjanādriḥ | tasya paramāṇuḥ | paramāṇoḥ parvataguṇatvaṃ tadāśritatvenopacārāj jñeyam | jagadākāraḥ jagadbhramaḥ | jagad iti yāvat | jagallekhā jagatpaṅktiḥ ||

jagac cicchailajaṭharaṃ cijjaladravatā¹⁷⁴³ jagat /

jagac cidikṣumādhuryaṃ citkṣīrasnigdhatā jagat //

Note:

jagat cicchailasya jaṭharam antaḥsthaḥ sārarūpaḥ bhāgaḥ | bhavati | dravatā dravatvaṃ | snigdhatā snehākhyo guṇaḥ ||

jagac ciddhimaśītatvaṃ¹⁷⁴⁴ cijjvālājvalanaṃ jagat /

jagac citsarpiṣi sneho vīciś citsarito jagat //

Note:

cijjvālā cidākhyāgniśikhā | tasyā jvalanaṃ jvalanakriyā | vīceḥ racanārūpatvāt jalaguṇatvam ||

jagac citkṣaudramādhuryaṃ jagac citkanakāṅgadam /

jagac citpuṣpasaugandhyaṃ cillatāgraphalaṃ jagat //

Note:

rūpatvena guṇatvam | phalasya latāguṇatvaṃ tadāśritatvenopacārāt ||

Note:

phalitam āha

citsattaiva jagatsattā jagatsattaiva cidvapuḥ /

atra bhedavikārādi na khe malam iva sthitam //

Note:

ataḥ citsattaiva jagatsattā bhavati | jagatsattaiva cidvapur bhavati | na hi guṇasattā guṇino bhinnā guṇisattā ca guṇād bhinnā bhavatīti bhāvaḥ | atra cijjagatoḥ | bhedavikārādi | ādiśabdena pariṇāmāder grahaṇam | sthitaṃ na bhava-ti | kim iva | khe ākāśe | malam iva ||

Note:

jagataḥ sadasanmayatām upasaṃharati

itīdaṃ sanmayatvena sadasad bhuvanatrayam /

avikalpyatadātmatvāt sattāsatte tad eva vā //

Note:

iti pūrvoktaprakāreṇa | bhuvanatrayaṃ bhūrbhuvaḥsvarākhyaṃ jāgradādikaṃ vā bhuvanatritayaṃ | sanmayatvena satsvarūpacidvikāratvena | sadasad bhavati | mūlakāraṇāyāḥ citaḥ sadasadasattve sattāsattādhāratvakṛtaṃ bhedam āśaṅkyāha avikalpyeti | vāśabdaḥ pakṣāntaradyotakaḥ | tad eva tribhuvanam eva | sattāsatte bhavati | kutaḥ | avikalpyatadātmatvāt | avikalpyaḥ sattvāsattvavikalpāyogyaḥ | yaḥ tadātmā cidātmā | tasya bhāvaḥ tattvaṃ| tasmāt | ayaṃ bhāvaḥ | sadasad iti padadvayam astināstikriyākartāraṃ kathayati | tathā ca kartṛkarmavikalpaḥ durnivāraḥ | sattāsatte tu śuddhanirālambāstināstikriyāvācake¹⁷⁴⁵ 'vikalpyaṃ citsvarūpam eva kathayataḥ | tadabhinnasya tribhuvanasyāpi sattāsattātvam eva yuktaṃ | na sadasattvam iti ||

Note:

nanu jagadbrahmaṇor avayavāvayavibhāvo 'stu ity | atrāha

avayavāvayavitāśabdārthau¹⁷⁴⁶ śaśaśṛṅgavat /

anubhūtyapalāpāya kalpitau yair dhig astu tān //

Note:

yaiḥ jaḍaiḥ | anubhūtyapalāpāya jagaccidaikyākhyam anubhavam apalapituṃ | avayavāvayavitāśabdaḥ avayavāvayavibhāvākhyaḥ śabdaḥ | arthaḥ tadvācyaḥ sambandhaviśeṣaḥ | tau avayavāvayavitāśabdārthau | kalpitau svavikalpena sambhāvitau | kathaṃ kalpitau | śaśaśṛṅgavat | yathā kaścid bahir asad api śaśaśṛṅgaṃ kalpayati | tathety arthaḥ | tān dhig astu te dhikkāraviṣayā evety arthaḥ | dhikkāraviṣayatvaṃ ca teṣāṃ avayavābhinnasyāvayavinaḥ bhedena jñānāt | na hy avayavabhinno 'vayavī nāma kaścid astīti bhāvaḥ ||

na vidyate jagad yatra sādridyūrvīnadīśvaram /

cidekatvāt prasaṅgaḥ syāt kas tatretaravibhrame //

Note:

yatra yasmin cidrūpākhye sthāne | sādridyūrvīnadīśvaram parvatākāśabhūmisamudrasahitaṃ¹⁷⁴⁷ | jagat | cidekatvāt cidaikyāt | na vidyate | tatretaravibhrame ṣaṣṭhyarthe saptamī | itarasya tatkāryarūpasya bhramasya | kaḥ prasaṅgaḥ ||

Note:

citaḥ sarvamayatvaṃ śilādṛṣṭāntena kathayati

śilāhṛdayapīnāpi svākāśaviśadaiva cit /

dhatte 'ntar akhilaṃ śāntaṃ sanniveṣaṃ yathā śilā //

Note:

cit śāntaṃ paramārthato bhāvābhāvādikṣobharahitaṃ | akhilaṃ samastaṃ | sanniveśaṃ cetyākhyaṃ racanāviśeṣam | antaḥ svamadhya eva | dhatte | kathambhūtaiva | śilāhṛdayapīnāpi | prakāśākhyasārabharitatvena śilāhṛdayavat pīnāpi satī | svākāśaviśadaiva | suṣṭhu ākāśavat viśadā nirmalā eva | na tu jagadantardhāraṇe yogyā | atra dṛṣṭāntam āha yatheti | śilā yathā sāreṇa pūritāpi lekhaughākhyaṃ sanniveśaṃ antar dhatte | tathety arthaḥ ||

Note:

nanu tathāpy ahaṃ praṣṭā bhinna evāsmy | anyathā praśnāyogād ity | atrāha

padārthanikarākāśe tvam ākāśalavopamaḥ¹⁷⁴⁸ /

tvattāmattātmatātvattāmattollekhā na santi te //

Note:

padārthanikarākāśe | padārthānāṃ nikaraḥ samūhaḥ | sa eva nakiñcidrūpatvenāvakāśaḥ | tasmin | tanmadhya ity arthaḥ | tvaṃ praṣṭā | ākāśalavopamaḥ asi | phalitam āha tvatteti | ataḥ te tava praṣṭuḥ | tvattāmattātmatātvattāmattollekhāḥ | tvattāmattātmatayā tvadbhāvamadbhāvarūpatvena | sthitāḥ ullekhāḥ | tvattāmattollekhāḥ tvadbhāvamadbhāvavikalpāḥ | tvadbhāvarūpatvena¹⁷⁴⁹ sthitāḥ tvattāvikalpāḥ | madbhāvarūpatvena sthitā mattāvikalpāḥ | na santi | ākāśarūpatvāt ||

Note:

pallavadṛṣṭāntena prakṛtaṃ citaḥ sarvamayatvaṃ kathayati

pallavāntaralekhaughasanniveśavad ātatam /

anyānanyātmakam idaṃ dhatte¹⁷⁵⁰ 'ntaś cit svabhāvataḥ //

Note:

cit | idaṃ cetyam | antaḥ svamadhye | dhatte | kutaḥ¹⁷⁵¹ | svabhāvataḥ | nanu kayāpi prayojanāpekṣayā kathambhūtaṃ | anyānanyātmakam | anyaḥ svataḥ bhinnaḥ | ananyaḥ svato 'bhinnaḥ | ātmā yasya | tat anyānanyātmakam | punaḥ kathambhūtam | ātataṃ vistārayuktam | kathaṃ dhatte | pallavāntare pallavamadhye sthitaḥ | lekhaughasanniveśaḥ iva pallavāntaralekhaughasanniveśavat | pallave lekhaughasya ca bhāsamānatvena bhinnatvaṃ pṛthakkṛtya labdhum aśakyatvād abhinnatvaṃ ca sphuṭam¹⁷⁵² sthitam evety upamānam ||

samastakāraṇaughānāṃ kāraṇādipitāmaham /

svabhāvato 'kāraṇātma cittvaṃ viddhy anubhūtitaḥ //

Note:

tvaṃ | cittvaṃ cidbhāvaṃ | svabhāvataḥ svarūpeṇānubhūtitaḥ svānubhavena | na tu matkathanamātreṇākāraṇātma akāraṇaḥ | kāraṇarahitaḥ ātmā svarūpaṃ yasya | tat | tādṛśaṃ | viddhi jānīhi | kathambhūtaṃ¹⁷⁵³ | kāraṇanāmnādibhūtaḥ¹⁷⁵⁴ yaḥ pitāmahaḥ | tatsvarūpaṃ kāraṇādipitāmahaṃ | keṣāṃ kāraṇānāṃ | samastakāraṇaughānāṃ | samastasya dṛśyasya | ye kāraṇaughāḥ | teṣām | ayaṃ bhāvaḥ | sarvasya dṛśyasya kāraṇāni pañcatanmātrāṇi | teṣāṃ kāraṇam ahaṅkāraḥ | tatkāraṇaṃ cittvam iti ||

Note:

nanu jagadvat cid api asatyaiva bhavatv ity | atrāha

na cāsattvam acetyāyāś cito vācāpi sidhyati /

yad asti tad udetīti dṛṣṭaṃ bījād ivāṅkuram //

Note:

acetyāyāḥ cetyamalādūṣitāyāḥ | citaḥ asattvaṃ vācāpi na sidhyati vaktum apīdaṃ na yogyam ity arthaḥ | atra hetutvenottarārdham āha yad iti | yataḥ yad asti tad udeti anyatayā prādurbhavati | iti dṛṣṭam asmābhir iti śeṣaḥ | atra dṛṣṭāntam āha bījād iti | ayaṃ bhāvaḥ | yathā bījabhāvena sthitam aṅkuraṃ bījāt udeti | tathā cinmātrasvarūpeṇa sthitaṃ cetyam api | tathā ca cetyānyathānupapattyā cinmātrasyāsatyatvaṃ na yuktam iti ||

Note:

sargāntaślokena pūrvoktaṃ saṅgṛhṇāti

gaganam iva suśūnyabhedam asti
tribhuvanam aṅga mahācito 'ntar asyāḥ /

paramapadamayaṃ samastadṛśyaṃ tv
idam iti niścayavān¹⁷⁵⁵ bhavānubhūteḥ //

Note:

he aṅga | tribhuvanaṃ asyāḥ mahācitaḥ cinmātrasyāntaḥ madhye | suśūnyabhedam | suśūnyaḥ atiśayena nakiñcidrūpaḥ¹⁷⁵⁶ | bhedo yasya | tat | sarvathā svarūpabhedarahitam ity arthaḥ | asti | kim iva | gaganam iva | yathā gaganaṃ bhedarahitam asti | tathety arthaḥ | phalitam āha parameti | ataḥ tvaṃ iti niścayavān¹⁷⁵⁷ evaṃ niścayayukto | bhava | kuto | 'nubhūtitaḥ svānubhavena | na tu maduktyā kṛtena śraddhāmātreṇa iti | kim iti | samastadṛśyaṃ paramapadamayaṃ sarvottīrṇacitsvarūpam eva | bhavati ||

Note:

śrīvālmīkir bharadvājaṃ prati tatratyaṃ sargāntaślokena dināvasānaṃ kathayati

ity uktavaty atha munau divaso jagāma
sāyantanāya vidhaye 'stam ino jagāma /

snātuṃ sabhā kṛtanamaskaraṇā jagāma
śyāmākṣaye ravikaraiś ca sahājagāma //

Note:

iti pūrvoktaṃ | munau śrīvasiṣṭhe | uktavati kathayati sati | atha pūrvaślokoktopadeśānantaram | divasaḥ dinaṃ | jagāma gataḥ | atra hetum āha astam iti | yataḥ inaḥ sūryaḥ | astaṃ jagāma | sabhā śrotṝṇāṃ sabhā | sāyantanavidhaye sāyantanāgnihotrādyarthaṃ | snātuṃ jagāma | snānaṃ¹⁷⁵⁸ vinā kutrāpi vidhāv adhikārābhāvāt | sā sabhā śyāmākṣaye rātryavasāne | dinādāv iti yāvat | ravikaraiḥ sūryakiraṇaiḥ | saha | punaḥ ājagāmāgatā | śravaṇārtham iti śeṣaḥ | iti śivam ||

MT_3.14

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe caturdaśaḥ sargaḥ ||

Note:

oṃ śrīvasiṣṭhaḥ pūrvadine kathyamānam upastauti

jagad ākāśam evedaṃ yathā hi vyomni mauktikam /

vimale bhāti khātmaiva jagac cidgagane tathā //

Note:

idam anubhūyamānaṃ | jagat | ākāśam eva bhavati | atra hetutvena dṛṣṭāntayuktaṃ vākyam āha yathā hīti | hi yasmādarthe¹⁷⁵⁹ | yasmāt jagat vimale cidgagane cidākāśe | tathā bhāti | kathambhūtam eva | khātmaiva cidākāśasvarūpam eva | tathā kathaṃ | yathā vyomni bhūtākāśe | mauktikaṃ muktāsamūho | bhāti | ayaṃ bhāvaḥ | yathā gagane bhramadṛṣṭyā dṛśyamānaṃ mauktikam ākāśam eva tathā cidgagane dṛśyamānaṃ jagad api cidgaganam eveti ||

anutkīrṇaiva bhātīva trijagatsālabhañjikā /

citstambhe na ca sotkīrṇā na cotkartātra vidyate //

Note:

citstambhe cidākhye stambhe | trijagatsālabhañjikā trijagadākhyā putrikānutkīrṇaiva satī | bhātīva | paramārthatas tu na bhātītīvaśabdopādānam | nanu kimarthaṃ notkīrṇāstīty | atrāha na ceti | sā jagadākhyā putrikā | na cotkīrṇā | arhapratyayārtho 'tra svayaṃ boddhavyaḥ | utkartuṃ yogyā na bhavati | nakiñcidrūpatvāt | na cātrotkartā utkaraṇakartā | vidyate | dvaitābhāvāt ||

samudre 'ntar jalāspandāḥ svabhāvād acyutā api /

vidi vedyā¹⁷⁶⁰ bhavantīva pare dṛśyavidas tathā //

Note:

yathety adhyāhāryam | samudre 'ntaḥ samudrāntarbhāge sthitāḥ | jalāspandāḥ taraṅgāḥ | svabhāvād acyutā api jalākhyāt svarūpād abhraṣṭā api | yathā vidi jñāne viṣaye | vedyāḥ vīcitayā vedituṃ yogyā | bhavantīva | paramārthatas tu na bhavantīti ivaśabdopādānam | tathā pare uttīrṇe citsvarūpe | dṛśyavidaḥ dṛśyarūpā¹⁷⁶¹ vidaḥ | dṛśyānīti yāvat | bhavantīva ||

jalāntargatasūryābhājālakāracanāny¹⁷⁶² api /

jagadbhānaṃ prati sthūlāny aṇuṃ prati yathācalāḥ //

Note:

jalasyāntargatā¹⁷⁶³ sūryābhā jalāntargatasūryābhā | tasyāḥ jālakāracanāni¹⁷⁶⁴ jalāntargatasūryābhājālakāracanāny api | svabhāvaś cāyaṃ jalāntargatā sūryābhā jālakarūpā sampadyate | tāni jagadbhānaṃ prati tathā sthūlāni bhavanti | yathācalāḥ parvatāḥ | aṇuṃ prati sthūlāḥ bhavanti ||

Note:

uktaṃ dṛṣṭāntasthūlatvaṃ dṛḍhayati¹⁷⁶⁵

jagadbhānam abhānābhaṃ brahmaṇo 'vyatirekataḥ /

jalasūryāṃśujālaṃ tu vyatirekānubhūtidam //

Note:

jagadbhānam abhānābhaṃ bhavati | kutaḥ | brahmaṇaḥ avyatirekataḥ brahmarūpatvād ity arthaḥ | tu vyatireke | jalasūryāṃśujālaṃ vyatirekānubhūtidam bhedaprathākāri bhavati | ato 'tra sthūlatvaṃ yuktam iti bhāvaḥ ||

anubhūtāny apīmāni jagati vyomarūpiṇi /

pṛthvyādīni na santy eva svapnasaṅkalpayor iva //

Note:

vyomarūpiṇi cinmātrākāśasvarūpe | jagati | kayor iva | svapnasaṅkalpayor iva | svapne saṅkalpe ca anubhūtāny api pṛthvyādīni | yathā na santi | tathety arthaḥ ||

piṇḍagrāhaḥ sad ity asmin vijñānākāśarūpiṇi /

marunadyāṃ jalam iva na sambhavati kutracit //

Note:

grahaṇaṃ grāhaḥ | piṇḍavat grāhaḥ piṇḍagrāhaḥ | sad iti piṇḍagrāhaḥ¹⁷⁶⁶ sadvyavahārahetuḥ piṇḍagrāhaḥ | vijñānākāśarūpiṇi asminn anubhūyamāne | bhavati | kutracit kutrāpi | leśena sambhavati | atra dṛṣṭāntam āha marunadyām iti ||

Note:

nanv asatsvarūpe jagati dṛśyatā kathaṃ bhāti ity | atrāha

jagaty apiṇḍagrāhe 'smin saṅkalpanagaropame /

marau sarid ivābhāti dṛśyatā bhrāntirūpiṇī //

Note:

avidyamānaḥ piṇḍavat grāhaḥ yasya | tasmin apiṇḍagrāhe | saṅkalpanagaropame saṅkalpollikhitanagarasadṛśe | 'smin jagati dṛśyatā dṛśyabhāvaḥ | bhrāntirūpiṇī mithyājñānarūpā | bhāti vilasati | keva | marau marudeśe | sarid iva ||

Note:

bhramarūpatvenāsadrūpasya jagataḥ svapnavat tulādeśāpūraṇaṃ¹⁷⁶⁷ kathayati

svapnādriṇeva jagatā tulādeśau na kaucana /

pūritau kalanonmuktā dṛśyaśrīr vyoma kevalam //

Note:

svapnādriṇeva svapnādrivat | jagatā tulādeśau pūritau na bhavataḥ | gurutvasyāsadrūpatvāt tulāpūraṇaṃ | vistārasyāsadrūpatvāt deśāpūraṇaṃ | etac¹⁷⁶⁸ ca svapnādau sarvapratītisiddham eveti tasya dṛṣṭāntatā | phalitam āha kalaneti | kalanonmuktā dṛśyatvākhyakalanāmuktā ||

varjayitvājñavijñātajagacchabdārthabhāvanām /

jagadbrahmakhaśabdānām¹⁷⁶⁹ arthe nāsty eva bhinnatā //

Note:

ajñaiḥ citsvarūpajñānaśūnyaiḥ | vijñātā svānubhavaviṣayīkṛtā | jagacchabdārthabhāvanā | jagad iti śabdasya | tadarthasya ca bhāvanānusandhānaṃ | tāṃ ajñavijñātajagacchabdārthabhāvanāṃ varjayitvā parityajya | jagadbrahmakhaśabdānām arthe bhinnatā bhedo | nāsty eva¹⁷⁷⁰ | paryāyarūpā evaite śabdā ity arthaḥ | ajñasyājñātatattvatayā jagataḥ ākāśarūpatvaṃ na siddham iti jagatsatyatvaniṣṭhāyāḥ tadbhāvanāyāḥ parityāga uktaḥ ||

idaṃ tv acetyacinmātrabhānor bhānaṃ nabhaḥ prati /

tathā sūkṣmaṃ yathā meghaṃ prati saṅkalpavāridaḥ //

Note:

tu viśeṣe | acetyacinmātrabhānoḥ cetyādūṣitacitsūryasya | bhānam ābhāsaḥ | idaṃ jagat | nabhaḥ prati bāhyākāśāpekṣayā | tathā tena prakāreṇa | sūkṣmaṃ bhavati | yathā meghaṃ prati jāgraddṛṣṭameghāpekṣayā | saṅkalpavāridaḥ svavikalpollekhitaḥ meghaḥ sūkṣmo bhavati ||

yathā svapnapuraṃ svacchaṃ jāgratpuravaraṃ prati /

tathā jagad idaṃ svacchaṃ saṅkalpitajagat prati //

Note:

yathā laukikabuddhyā | jāgratpuravaraṃ prati svapnapuraṃ svacchaṃ kevalābhāsarūpatvena sthūlatākhyamalarahitaṃ | bhavati | tathā jñānidṛṣṭyā | idaṃ jāgraty anubhūyamānaṃ | jagat | saṅkalpitajagat prati svacchaṃ saṅkalpākhyamalarahitaśuddhacinmātrarūpatvāt nirmalaṃ bhavati | yady api jñāninaḥ svapnapuram api tādṛśam eva tathāpy ajñabodhanārtham evam uktam ||

tasmād acetyacidrūpaṃ¹⁷⁷¹ jagad vyomaiva kevalam /

śūnyau vyomajagacchabdau paryāyau viddhi cinmayau //

Note:

tasmāt pūrvoktāt hetoḥ | acetyacidrūpaṃ śuddhacinmātrarūpaṃ | jagat | kevalaṃ vyomaiva bhavati | phalitam āha śūnyāv iti | ataḥ śūnyau piṇḍagrāhābhāvena nakiñcidrūpau | cinmayau citsvarūpau | vyomajagacchabdau paryāyau viddhi ekārthavācakatvāt ||

Note:

vakṣyamāṇavṛttāntākāṅkṣayā pūrvoktam upasaṃharati tribhiḥ

tasmān na kiñcid utpannaṃ jagadādīha dṛśyakam /

anākhyam anabhivyaktaṃ yathāsthitam avasthitam //

Note:

tasmāt cidekamayatvāt hetoḥ | jagadādi dṛśyaṃ kiñcit leśenāpi | utpannaṃ na bhavati | kathambhūtaṃ | anākhyaṃ nāmānarham | atra hetutvena viśeṣaṇam āhānabhivyaktam indriyāgocaram | anyarūpatvena anabhivyaktasya hi nāmāyuktam | nanu tarhi apūrvatvaṃ jagataḥ syād ity āśaṅkya viśeṣaṇam āhāvasthitam iti | avasthitaṃ tiṣṭhat | kathaṃ | yathāsthitaṃ | yathaiva pūrvaṃ tathaiva | na tv apūrvatayety arthaḥ | yathā pūrvaṃ sarpatayā jñātā rajjuḥ tataḥ rajjutayā jñātāpi pūrvavad eva tiṣṭhati | na tv anyarūpatāṃ prāpnoti | tathety bhāvaḥ ||

jagad eva mahākāśaṃ cidākāśam abhittimat /

tad deśasyāṇumātrasya tulāyāś cāprapūrakam //

Note:

jagat¹⁷⁷² cidākāśam eva bhavati | kathambhūtaṃ cidākāśaṃ | mahākāśaṃ bāhyākāśāpekṣayā¹⁷⁷³ mahattvāt mahākāśākhyāyuktam | punaḥ kathambhūtam | abhittimat | jīvādiprapañcaḥ tattaddharmādhāratayā bhittiḥ | tadrahitam | phalitam āha tad iti | ataḥ tat cidākāśamayaṃ jagat | gurutvābhāvena vaipulyābhāvena cāṇumātrasya deśasya tulāyāś cāpūrakam bhavati | pūraṇakāri na bhavati ||

Note:

tad eva punaḥ viśinaṣṭi

ākāśarūpam evācchaṃ piṇḍagrahavivarjitam /

vyomni vyomamayaṃ citraṃ saṅkalpapuravat sthitam //

Note:

ākāśarūpam eva nakiñcidrūpam eva | acchaṃ śuddhabodhasvarūpaṃ | piṇḍagrahavivarjitam | piṇḍavat yaḥ¹⁷⁷⁴ grahaḥ | tena varjitam | yuktaṃ cākāśasya piṇḍagraharahitatvaṃ | vyomni cidākāśe | vyomamayaṃ cidākāśamayaṃ¹⁷⁷⁵ | citram ālekhyaṃ | saṅkalpapuravat saṅkalpollikhitapuravat | sthitam vyavatiṣṭhamānaṃ | saṅkalpapurasya cākāśamayatvaṃ tulādeśāpūrakatvaṃ ca yuktam eveti siddhaḥ sarvasya jagataḥ vivakṣitaḥ atyantābhāvaḥ | yac cotpattiḥ pūrvam uktā sāpy anutpattikalpatvenātyantābhāvasyaiva sādhanīti na pūrvāparavirodhaḥ ||

Note:

atha jagataḥ tulādeśādyapūrakatvasādhakaṃ mahāvṛttāntaṃ vṛttāntakāmān prati kṛpayā kathayati

atredaṃ maṇḍapākhyānaṃ śṛṇu śravaṇabhūṣaṇam /

niḥsandeho¹⁷⁷⁶ yathaiṣo 'rthaś¹⁷⁷⁷ citte viśrāntim eṣyati //

Note:

tvam | atra jagato deśādyapūrakatve | maṇḍapākhyānaṃ | maṇḍapeti nāmnā prasiddham ākhyānaṃ maṇḍapākhyānaṃ | śṛṇu | kathambhūtaṃ | śravaṇabhūṣaṇaṃ śravaṇārham ity arthaḥ | tataḥ kim ity | atrāha niḥsandeha iti | yathā yena | niḥsandehaḥ sandehān niṣkrāntaḥ | eṣaḥ pūrvoktaḥ | arthaḥ | citte tvaccitte | viśrāntim eṣyati ||

Note:

tvarayāviṣṭaḥ¹⁷⁷⁸ śrīrāmaḥ maṇḍapākhyānaṃ prati śrīvasiṣṭhaṃ prārthayati

sadbodhavṛddhaye brahman samāsena vadāśu me /

maṇḍapākhyānam akhilaṃ yena bodho vivardhate //

Note:

jagataḥ tulādeśāpūrakatvajñānaṃ sadbodhaḥ | tasya vṛddhaye | phalitam āha yeneti | yena uditenety arthaḥ ||

Note:

śrīvasiṣṭhaḥ maṇḍapākhyānam eva kathayati

abhūd asmin mahīpīṭhe kulapadmo vikāsavān /

padmo nāma nṛpaḥ śrīmān bahuputro 'tikośavān¹⁷⁷⁹ //

Note:

asmin mahīpīṭhe padmo nāma nṛpaḥ abhūt | tasyaiva nānāvidhāni viśeṣaṇāny āha kuleti | vikāsavān kulapadmaḥ | padmasya ca vikāso yuktaḥ | padmaśabdo 'tra lakṣaṇayā śreṣṭhavācakaḥ | atikośavān bahubhāṇḍāgārayuktaḥ ||

maryādāpālane 'mbhodhir dviṣattimirabhāskaraḥ /

kāntākumudinīcandro doṣatṛṣṇāhutāśanaḥ //

Note:

ambhodheḥ maryādapālanaṃ prasiddham eva | kāntākumudinīcandraḥ | candratvam¹⁷⁸⁰ asya tadvikāsakāritvena | doṣatṛṣṇāhutāśanatvaṃ doṣatṛṣṇādāhakatvena ||

merur vibudhavṛndānāṃ yaśaścandrodbhavārṇavaḥ /

saraḥ sadguṇahaṃsānāṃ kalākamalabhāskaraḥ //

Note:

vibudhāḥ paṇḍitāḥ | ta eva vibudhā devāḥ | teṣāṃ | meruḥ bahukāñcanapradatvenāśrayatvena ca meruparvatasadṛśaḥ | yaśa iti | yaśaḥcandrodbhave 'rṇavaḥ samudraḥ | sadguṇarūpāṇāṃ haṃsānāṃ saraḥ | kalā eva kamalāni | teṣāṃ vikāsapradatvena bhāskaraḥ ||

śātravāmbhodapavano mattamātaṅgakesarī /

samastavidyādayitaḥ sarvāścaryaguṇākaraḥ //

Note:

śātravaṃ śatrusamūhaḥ | sa evāmbhodaḥ meghaḥ | tasya pavanaḥ nāśakāritvāt | mātaṅgā atra śatrusenā yā vivakṣitāḥ | samastā yā vidyārūpāḥ nāyikāḥ | tāsāṃ dayitaḥ patiḥ | sarve ca te āścaryabhūtāḥ guṇāḥ | teṣām ākaraḥ utpattisthānam ||

śūrārisāgarakṣobhavilasanmandarācalaḥ /

vilāsapuṣpaughamadhuḥ saubhāgyakusumāyudhaḥ //

Note:

śūrāś ca te 'rayaḥ | tadrūpaḥ yaḥ sāgaraḥ | tasya kṣobhe vilasan mandarācalaḥ | vilāsā vibhramā eva | puṣpāṇi | teṣāṃ yaḥ oghaḥ¹⁷⁸¹ | tasya madhuḥ vasantaḥ | vikāsakāritvāt | saubhāgyena subhagabhāvena | kusumāyudhaḥ kāmaḥ ||

līlālatālāsyamarut sāhasotsavakeśavaḥ /

saujanyakairavaśaśī durlīlālatikānalaḥ //

Note:

līlā iva latā | tasyā lāsye nartane | marut | līlāyukta ity arthaḥ | sāhasam eva hitāhitānapekṣaṃ karma¹⁷⁸² eva | utsavaḥ mahaḥ | tasya keśavaḥ viṣṇuḥ | tasya hiraṇyākhyādivadhasāhasakāritvād upamānatvaṃ | saujanyam eva kairavaṃ | tasya vikāsakāritvāt śaśī candraḥ | durlīlālatikānāṃ dāhakatvād analaḥ agniḥ ||

tasyāsīt subhagā bhāryā līlā nāma vilāsinī /

sarvasaubhāgyavalitā kamalevoditāvanau //

Note:

tasya padmākhyasya rājñaḥ | līlā nāma bhāryā līlākhyā bhāryāsīt | asyā viśeṣaṇāny āha subhageti | subhagā praśastarūpayuktā | vilāsinī vilāsayuktā | sarvasaubhāgyaiḥ valitā bharitāvanau bhūmau | kamalevoditā utpannā ||

sarvasampattivalitā līlāmadhurabhāṣiṇī /

sānandamandacalitā dvitīyendūdayasmitā //

Note:

līleti | līlayā madhuraṃ bhāṣiṇī | sānandeti | sānandaṃ mandaṃ calitaṃ yasyāḥ¹⁷⁸³ | sā | dvitīyeti | dvitīyendūdayabhūtaṃ smitaṃ yasyāḥ | sā ||

alakālimanohārivadanāmbhojaśālinī¹⁷⁸⁴ /

śītāṅgī karṇikāgaurī jaṅgameva sarojinī //

Note:

alakālyā manohāri yat vadanāmbhojaṃ¹⁷⁸⁵ | tena śālinī | śītāṅgī śiśirāṅgī | karṇiketi | karṇikāvad gaurī | keva | jaṅgamā sañcāriṇī | sarojinīva | sarojiny api alimanohāri ambhojaśālinī śītāṅgī karṇikayā gaurī bhavati ||

latāvilāsakundaughahāsinī rasaśālinī /

prabālahastā puṣpāḍhyā madhuśrīr iva dehinī //

Note:

śālinī¹⁷⁸⁶ śṛṅgārasuśālinī | prabāleti | prabālavat hastau yasyāḥ | sā | puṣpeti | puṣpair ābharaṇabhūtaiḥ puṣpair | āḍhyā | keva | dehinī mūrtimatī | madhuśrīr iva | sāpi kundaughaiḥ hāsinī | rasena vasantarasena | śālinī ca bhavati | śeṣaṃ samānam ||

avadātā tanuḥ puṇyā janatāhlādadāyinī /

gaṅgeva gāṃ gatā devanadī haṃsavilāsinī //

Note:

avadātā tanuḥ sitāṅgī | puṇyā bhāgyavatī | janateti | janatāyāḥ āhlādadāyinī | haṃseti | haṃsavat vilāsayuktā | keva | gāṃ bhūmiṃ | gatā | devanadī gaṅgeva | sāpi tādṛśy eva bhavati ||

tasya bhūtalapuṣpeṣoḥ sakalāhlādadāyinaḥ /

paricaryāṃ ciraṃ kartum¹⁷⁸⁷ anyā ratir ivoditā //

Note:

puṣpeṣoḥ rateḥ paricaryāṃ kartuṃ yuktatvāt etad uktam ||

Note:

sargāntaślokena tasyāḥ satīguṇān āha

udvigne prodvignā muditā mudite samākulākulite /

pratibimbasamā kāntā saṅkruddhe kevalaṃ bhītā //

Note:

sā kāntā | tasyeti śeṣaḥ | tasya rājñaḥ | pratibimbasamāsīt | kathambhūtā | tasmin prodvigne sati | prodvignā | tasmin mudite sati | muditā | tasmin samākule sati | samākulā | tasmin saṅkruddhe sati | kevalaṃ bhītā | etāvanmātreṇaiva kevalaṃ sā viruddhāsīd iti bhāvaḥ | iti śivam ||

MT_3.15

iti śrībhāskarakaṇṭhaviracitāyāṃ śrīmokṣopāyaṭīkāyām utpattiprakaraṇe pañcadaśaḥ sargaḥ ||

Note:

oṃ tasya rājñaḥ tayā rājñyā saha krīḍām āha

bhūtalāpsarasā sārdham ananyavanitāpatiḥ /

akṛtrimapremarasaṃ sa reme kāntayā tayā //

Note:

sa rājā | tayā līlākhyayā | kāntayā sahākṛtrimaḥ premarasaḥ yatra tat akṛtrimapremarasaṃ | vakṣyamāṇeṣu¹⁷⁸⁸ sthāneṣu vakṣyamāṇaiḥ krīḍāviśeṣaiḥ | reme | tayā kiṃrūpayā | bhūtalāpsarasā | sa kathambhūtaḥ | ananyavanitāpatiḥ nānyavanitāyāḥ patiḥ | tasyām eva rata ity arthaḥ ||

Note:

krīḍāsthānāny āha

udyānavanagulmeṣu tamālagahaneṣu¹⁷⁸⁹ ca /

puṣpamaṇḍapatalpeṣu latāvalayasadmasu //

Note:

udyānavaneṣu vihitāni yāni gulmāni veśmāni | teṣu | puṣpeti | puṣpaiḥ kṛtāni yāni maṇḍapatalpāni | teṣu | maṇḍapaḥ janāśrayaḥ | latāvalayasadmasu latāmaṇḍalagṛheṣu ||

puṣpāntaḥpuraśayyāsu puṣpasambhāravīthiṣu /

vasantodyānadolāsu krīḍāpuṣkariṇīṣu ca //

Note:

puṣpaiḥ racitā yāḥ antaḥpuraśayyāḥ | tāsu | puṣpeti | puṣpasambhāreṇa puṣpasamūhena yuktāḥ vīthyaḥ¹⁷⁹⁰ mārgāḥ | tāsu | vasanteti | vasante racitāḥ udyānadolāḥ | tāsu ||

candanadrumaṣaṇḍeṣu santānakataleṣu ca /

kadambanimbageheṣu pāribhadrodareṣu ca //

Note:

ṣaṇḍāḥ samūhāḥ | santānakāḥ drumaviśeṣāḥ | kadambeti | kadambanimbataleṣu racitāni yāni¹⁷⁹¹ gehāni | teṣu | pāribhadreti | pāribhadrāḥ vṛkṣaviśeṣāḥ ||

śailakandarakaccheṣu vātāyanapureṣu ca /

sarittaṭakaṭapreṣu vāraṇoparisadmasu //

Note:

śailakandareṣu sthitāḥ ye kacchāḥ | teṣu | vātāyaneti | vātāyanayuktāni ca tāni purāṇi gṛhoparigṛhāṇi | teṣu | sarid iti | sarittaṭānāṃ ye kaṭaprāḥ samūhāḥ | teṣu | vāraṇeti | vāraṇoparikṛteṣu sadmasu ||

grīṣme tuṣāraharmyeṣu latāmaṇḍapakeṣu ca /

hemamandiravṛkṣeṣu muktāmāṇikyabhittiṣu //

Note:

tuṣāraharmyeṣu śītalagṛheṣu | hemeti | hemamandiropariropitāḥ ye hemamandiravṛkṣāḥ | teṣu | mukteti | muktāmāṇikyaiḥ racitāḥ bhittayaḥ yeṣāṃ gṛhāṇāṃ | teṣu ||

vikasatkundamandāramakarandasugandhiṣu /

vasantavanajāleṣu kūjatkokilamāliṣu¹⁷⁹² //

Note:

vasante puṣpitāni yāni vanajālāni | teṣu | vikasad iti kūjad iti ca viśeṣaṇadvayaṃ vasantavanajāleṣv ity asyaiva ||

nānāratnatṛṇānāṃ ca sthaleṣu¹⁷⁹³ mṛdudīptiṣu /

nirjhareṣu tarattāraśīkarāsāravarṣiṣu //

Note:

nānā ca tāni ratnabhūtāni tṛṇāni | teṣāṃ | sthaleṣu¹⁷⁹⁴ kathambhūteṣu | mṛdudīptiṣu kamaleṣv ity arthaḥ | nirjhareti | nirjhareṣu kathambhūteṣu | tarad iti | tarantaḥ utthitavantaḥ ye tārāḥ udbhaṭāḥ | śīkarāḥ jalakaṇāḥ | teṣām āsāraḥ dhārāsārāḥ | taṃ varṣanti | tādṛśeṣu ||

śailānāṃ hemamāṇikyaśilāphalahakeṣu¹⁷⁹⁵ ca /

devarṣimunigeheṣu dūrapuṇyāśrameṣu ca //

Note:

śailānāṃ hemamāṇikyotpattisthānabhūtāni yāni śilāphalahakāni | teṣu ||

kumudvatīṣu phullāsu¹⁷⁹⁶ smerāsu nalinīṣu ca /

vanasthalīṣu phullāsu phullāsūtpalinīṣu¹⁷⁹⁷ ca //

Note:

smerāsu phullāsu ||

Note:

krīḍāsthānāny uktvā krīḍāprakārān āha

prahelikābhir ākhyānais tathaivākṣaramuṣṭibhiḥ /

aṣṭāpadair bahūddyotais tathā gūḍhacaturthakaiḥ //

Note:

ākhyānaiḥ vṛttāntakathanaiḥ | akṣaramuṣṭibhiḥ krīḍāviśeṣaiḥ ||

nāṭakākhyāyikābhiś ca ślokair bindumatībhramaiḥ /

deśabhāṣāvibhāgaiś ca nagaragrāmaceṣṭitaiḥ //

Note:

nāṭakeṣūktā yā ākhyāyikāḥ | tābhiḥ | bindumatībhramaiḥ krīḍāviśeṣaiḥ | deśeti | deśabhāṣāṇāṃ vibhāgaiḥ vibhāgakaraṇaiḥ | nagareti | nagaraceṣṭitaiḥ grāmaceṣṭitaiś ceti yojyam ||

sragdāmamālyavalanair nānābharaṇayojanaiḥ /

līlāvilolacalanair¹⁷⁹⁸ vicitrarasabhājanaiḥ //

Note:

valanaiḥ parivartanaiḥ | nāneti | nānābharaṇānāṃ yojanaiḥ anyo'nyaṃ¹⁷⁹⁹ saṃyojanaiḥ | līleti | līlayā vilolāni yāni calanāni gamanāni | taiḥ kathambhūtaiḥ | vicitreti | vicitrāṇāṃ nānāvidhānāṃ | rasānāṃ śṛṅgārādīnāṃ | bhājanaiḥ pātraiḥ ||

ārdrakramukakarpūratāmbūlīdalacarvaṇaiḥ /

phullapuṣpalatākuñjadehagopanakharvaṇaiḥ //

Note:

carvaṇaiḥ carvitaiḥ | phulleti | phullapuṣpāś ca tāḥ latāḥ | tāsāṃ yāni kuñjāni | teṣu | dehagopanā śarīraguptikaraṇaṃ | tadarthaṃ yāni kharvaṇāni¹⁸⁰⁰ hrasvībhavanāni | taiḥ ||

samālambhanalīlābhir dolārohaṇavibhramaiḥ /

gṛhe kusumadolābhir anyo'nyāndolanakramaiḥ //

Note:

samālambhanaṃ aṅgarāgakaraṇam | anyo'nyeti | anyo'nyaṃ parasparam | āndolanam¹⁸⁰¹ dolākampanaṃ | tasya kramaiḥ ||

nauyānayugyahastyaśvadāntoṣṭrādigamāgamaiḥ /

jalakelivilāsena parasparasamukṣaṇaiḥ //

Note:

nauyānaṃ ca yugyabhūtair vāhanabhūtaiḥ | hastyaśvadāntoṣṭrādibhiḥ | gamāgamāś ca | taiḥ | dānto valīvṛndaḥ | paraspareti | parasparam anyo'nyaṃ | samukṣaṇāni secanāni | taiḥ ||

nṛttagītakalālāsyatāṇḍavodbhaṭavṛttibhiḥ /

saṅgītakaiḥ saṅkathanair vīṇāmurajavādanaiḥ //

Note:

nṛttādyā yā udbhaṭāḥ udriktāḥ | vṛttayaḥ vyāpārāḥ | tābhiḥ ||

Note:

punar api krīḍāsthānāny āha

udyāneṣu sarittīravṛkṣeṣu vanavīthiṣu /

antaḥpureṣu harmyeṣu teṣu teṣu tathā tathā //

Note:

tathā tathā pūrvoktaiḥ nānāvidhaiḥ krīḍāviśeṣaiḥ ||

sā bālā sukhasaṃvṛddhā tasya praṇayinī priyā /

ekadā cintayām āsa śubhasaṅkalpaśālinī //

Note:

tasya padmākhyasya rājñaḥ | praṇayinī patnī | sā līlākhyā¹⁸⁰² | bālā | ekadā ekasmin dine | cintayām āsa cintāṃ kṛtavatī | kathambhūtā | sukhasaṃvṛddhā | punaḥ kathambhūtā | śubheti | śubhasaṅkalpena vakṣyamāṇena praśastena saṅkalpena | śālinī ||

Note:

kiṃ cintayām āsety | atrāha

prāṇebhyo 'pi priyo bhartā mamaiṣa jagatīpatiḥ /

yauvanollāsalakṣmīvān kathaṃ syād ajarāmaraḥ //

Note:

mama esaḥ bhartā ajarāmaraḥ jarāmaraṇākhyadoṣarahitaḥ | kathaṃ syāt kena hetunā syād ity anvayaḥ | prāṇebhyaḥ jīvebhyaḥ ||

bhartrānena sahottuṅgastanī kusumasadmasu /

kathaṃ svairaṃ ciraṃ kāntā rameyābdaśatāny aham //

Note:

ahaṃ kāntānena bhartrā sahābdaśatāni kathaṃ rameya kenopāyena varṣaśatāni krīḍāṃ kuryām ity arthaḥ ||

tathā yateya kramatas tapojapayamehitaiḥ /

rajanīśarucī rājā yathā syād ajarāmaraḥ //

Note:

ata ity adhyāhāryam | ato 'haṃ tathā tapojapayamehitaiḥ karaṇabhūtaiḥ | ato yatnaṃ karomi | yathā rajanīśaruciḥ candraprabhā¹⁸⁰³ | rājājarāmaraḥ syāt ||

jñānavṛddhāṃs tapovṛddhān vidyāvṛddhān ahaṃ dvijān /

pṛcchāmi tāvan maraṇaṃ kathaṃ na syān nṛṇām iti //

Note:

ahaṃ jñānavṛddhān tapovṛddhān tathā vidyāvṛddhān dvijān iti tāvat pṛcchāmi iti | kim iti | nṛṇāṃ maraṇaṃ kathaṃ na syāt kena hetunā na syāt ||

Note:

tasyāḥ saṅkalpam uktvā bāhyaprayatnam āha

athānāyyāśu sampūjya dvijān papraccha sānatā /

amaratvaṃ kathaṃ viprā bhaved iti punaḥ punaḥ //

Note:

atha saṅkalpānantaram | ānāyyety atra | parijanair iti śeṣaḥ | punaḥ punar iti icchodrekadyotanaparam ||

Note:

viprā uttaraṃ kathayanti

tapojapayamair devi samastāḥ siddhasiddhayaḥ /

samprāpyante 'maratvaṃ tu na kadācana labhyate //

Note:

siddhasiddhayaḥ | siddhānāṃ siddhiyuktānāṃ | siddhayaḥ | tu vyatireke ||

Note:

dvijebhyaḥ svepsitāsiddhiṃ śrutvā punar api taccintām āha

ity ākarṇya dvijamukhāc¹⁸⁰⁴ cintayām āsa sā punaḥ /

idaṃ svaprajñayaivāśu bhītā priyaviyogataḥ //

Note:

svaprajñayaiva | na tu taduktānusāreṇa ||

Note:

kiṃ cintayām āsety | atrāha

maraṇaṃ bhartur agre me yadi daivād bhaviṣyati /

tat sarvaduḥkhanirmuktā saṃsthāsye sukham ātmani //

Note:

bhartṛmṛtiduḥkhādarśanād iti bhāvaḥ ||

atha varṣasahasreṇa bhartādau mriyate yadi /

tat kariṣye tathā yena jīvo gehān na yāsyati //

Note:

varṣasahasreṇeti padam āśīrdyotakam | atha yadi¹⁸⁰⁵ bhartādau varṣasahasrānte mriyate tat tadā | tathā tam upāyaṃ | kariṣye yena jīvaḥ bhartṛjīvaḥ | gehāt na yāsyati ||

Note:

tataḥ kim ity | atrāha

tadbhramād bhartṛjīve 'smin nije śuddhāntamaṇḍape /

bhartrāvalokitā nityaṃ nivatsyāmi¹⁸⁰⁶ yathāsukham //

Note:

ahaṃ tadbhramāt | bhartāvalokate mām iti bhramāt | nityaṃ sadā | yathāsukhaṃ nivartsyāmi¹⁸⁰⁷ | kathambhūtāhaṃ | asmin bhartṛjīve nije svakīye | śuddhāntamaṇḍape mayā sādhitenopāyena sthite sati | bhartrāvalokitā vīkṣitā ||

adyaivārabhyaitadarthaṃ devīṃ jñaptiṃ sarasvatīm /

japopavāsaniyamair ā toṣaṃ pūjayāmy aham //

Note:

adyaiva | na tu śvaḥ | etadarthaṃ bhartṛjīvasya svagehān nirgamābhāvārtham | jñaptiṃ devīṃ svapratibhāṃ devīṃ | ā toṣaṃ prasādaparyantam | nanu jñaptyārādhanatayā kutaḥ śrutam | jñaptiprasādād eveti brūmaḥ | sarvatra jñaptiprasādasyaiva kāraṇatvāt | agre vakṣyamāṇaḥ jñaptyupadeśaś ca svapratibhākṛtaḥ jñeyaḥ | yataḥ yat yat līlayā kṛtaṃ śrutaṃ vā tat svapratibhayaiva | yad api gurvādimukhena śrūyate tad api svapratibhayaiva | sarvatra svapratibhāyāḥ sthitatvāt ||

Note:

cintānantaraṃ tatprayatnaṃ kathayati

iti niścitya sā nātham anuktvaiva¹⁸⁰⁸ varāṅganā /

yathāśāstraṃ cacārograṃ tapo niyamam āsthitā //

Note:

niyamam āsthitāśritā | taṃ vinā tapaso vyarthatvāt ||

Note:

tat tapaḥ viśeṣaṇadvāreṇa kathayati

trirātrasya trirātrasya paryante¹⁸⁰⁹ kṛtapāraṇā /

devadvijaguruprājñavidvatpūjāparāyaṇā //

Note:

trirātrasya trirātrasyeti vīpsāyāṃ dvitvam ||

snānadānatapodhyānanityodyuktaśarīrikā /

sarvāstikyasadācārakāriṇī kleśakāriṇī //

Note:

snānādiṣu nityam udyuktaṃ ceṣṭāyuktaṃ | śarīraṃ yasyāḥ | sā | sarveti¹⁸¹⁰ | āstikyaḥ āstikayogyaḥ | kleśaḥ taporūpaḥ ||

yathākālaṃ yathodyogaṃ yathāśāstraṃ yathākramam /

toṣayām āsa bhartāram aparijñātatatsthitim //

Note:

aparijñātā | tasyā līlāyāḥ | trayam etat tapaḥ karotīty evaṃrūpā sthitir | yena | saḥ ||

trirātraśatam evaṃ sā bālā niyamaśālinī /

anāratataponiṣṭham atiṣṭhat kaṣṭaceṣṭayā //

Note:

anārateti | anārataṃ tapasi niṣṭhā yatra | tat | kriyāviśeṣaṇam etat | kaṣṭaceṣṭayā rātritrayānantaraṃ pāraṇādirūpayā duḥkhadayā ceṣṭayā ||

Note:

atha jñaptiprasādam āha

trirātrāṇāṃ śatenātha pūjitā¹⁸¹¹ pratimām itā /

tuṣṭā bhagavatī gaurī vāgīśīdam uvāca tām //

Note:

atha niyamānantaram | vāgīśī jñaptiḥ | gaurī śuddhasvarūpā | vāgīśītvam asyāḥ vācāṃ mūlakāraṇatvena jñeyaṃ | pratimām itā śilādipratimām āśritā | svayā pratibhayā pratimāyām ābhāsena tasyāḥ darśanaṃ dattavān¹⁸¹² iti bhāvaḥ ||

Note:

jñaptyā kathyamānaṃ vākyam āha

nirantareṇa tapasā bhartṛbhaktyatiśāyinā /

parituṣṭāsmi te vatse gṛhāṇa varam īpsitam //

Note:

nirantareṇācchinnena ||

Note:

jñaptivākyaṃ śrutvā rājñī tāṃ stauti

jaya janmajarājvālādāhadoṣaśaśiprabhe /

jaya hārdāndhakāraughanivāraṇaraviprabhe¹⁸¹³ //

Note:

śaśiprabhāyāḥ dāhadoṣanivārakatvaṃ¹⁸¹⁴ raviprabhāyāḥ cāndhakāranivartakatvaṃ prasiddham eva ||

amba māṃ trijaganmātas trāyasva kṛpaṇām imām /

idaṃ varadvayaṃ dehi yad iha prārthaye śubham //

Note:

kṛpaṇāṃ dīnāṃ | śubham iti varadvayaviśeṣaṇam ||

Note:

varadvayamadhye ekaṃ kathayati

ekaṃ tāvad videhasya bhartur jīvo mamāmbike /

asmād eva hi mā yāsīn nijāntaḥpuramaṇḍapāt //

Note:

varadvayamadhye ekam idaṃ varaṃ dehi | kim ity apekṣāyām āha videheti | videhasya mṛtasya | mā yāsīt mā gacchatu ||

Note:

dvitīyaṃ kathayati

dvitīyaṃ tvāṃ mahādevi prārthaye 'haṃ yadā yadā /

darśanāya varārthena tadā me dehi darśanam //

Note:

dvitīyam idaṃ dehi | kim ity apekṣāyām āha tvām iti | he devi | ahaṃ tvāṃ yadā darśanāya prārthaye tadā tvaṃ varārthena varānurodhena | darśanaṃ dehi ||

Note:

varadvayam aṅgīkṛtya jñaptya

Note: missing MS pages

4. Prakaraṇa: Sthiti (4,1.1-4,24.19, 4,25.12-4,33.26)

Note:

*¹⁸¹⁵oṃ atha sthitiprakaraṇaṃ vyākhyāyate | oṃ

pratyakjyotiḥ kim api paramam bhāvayitvātha devaṃ
dhyātvā citte bhavabhayaharaṃ śrīgaṇeśaṃ vibhuṃ ca /

maulau kṛtvā gurucaraṇayor dhūlipuñjaṃ ca ṭīkā
sthityākhye ḥsmin prakaraṇavare tanyate bhāskareṇa //

Note:

evam utpattiprakaraṇe ḥnutpattirūpāṃ jagadutpattim pratipādya tacchravaṇena ca tatra śrīrāmam pratītibhājaṃ nirvarṇya tadanantaraṃ yogyaṃ sthitiprakaraṇārambhaṃ karoti

athotpattiprakaraṇād anantaram idaṃ śṛṇu /

sthitiprakaraṇaṃ rāma jñātaṃ nirvāṇakāri yat //

Note:

athaśabdo maṅgalamātraprayojanaḥ | idaṃ vakṣyamāṇam | sthitiprakaraṇaṃ kim | yat jñātaṃ śravaṇamanananidadhyāsanaviṣaye¹⁸¹⁶ kṛtaṃ sat | nirvāṇam brahmaṇi ātyantikaṃ layaṃ karotīti tādṛśam | bhavati ||

Note:

sthitiprakaraṇam eva kathayati

evaṃ tāvad idaṃ viddhi dṛśyaṃ jagad iti sthitam /

ahaṃ cetyādy anākāram bhrāntimātram asanmayam //

Note:

tāvat tvam evaṃ viddhi | anyat svayam eva jñāsyasīti bhāvaḥ | evaṃ katham ity apekṣāyām āha idam iti | jagad iti | jagad iti nāmadheyena sthitam | idaṃ dṛśyam puraḥsphurat | dṛśikriyāviṣayo bhāvajātam | aham ityādi ca bhavati | kathambhūtam | anākāram bhrāntimātram asanmayaṃ ca ||

akartṛkam anaṅgaṃ ca gagane citram¹⁸¹⁷ utthitam /

adraṣṭṛkaṃ¹⁸¹⁸ sānubhavam anidraṃ svapnadarśanam //

Note:

gagane cidākāśe | citram ālekhyam¹⁸¹⁹ iva | uditam prādurbhūtam | kīdṛk citram | akartṛkam kartṛrahitam | anaṅgam niḥsvarūpam | punaḥ kim | svapnadarśanam svapnadarśanasvarūpam | svapnadarśanam kathambhūtam | adraṣṭṛkam draṣṭṛrahitam¹⁸²⁰ | sānubhavam draṣṭranubhavaviṣayatāṃ¹⁸²¹ gatam | anidram nidrādoṣādṛṣṭam¹⁸²² | atrālaukikatvakathanena¹⁸²³ vismayakāritve eva bharaḥ kṛtaḥ ||

bhaviṣyatpuranirmāṇaṃ citrasaṃstham ivoditam /

markaṭānalatāpābham¹⁸²⁴ ambvāvartavad¹⁸²⁵ āsthitam //

Note:

bhaviṣyatpurasya ca nakiñcidrūpatvaṃ sphuṭam eva | markaṭasyānalatvenābhāsamānaḥ analaḥ markaṭānalaḥ | tasya yaḥ tāpaḥ | tasyābhā yasya | tat | markaṭo hi kam api phalaviśeṣam agnibhrameṇa gṛhṇāti | āsthitam sthitiyuktam ||

sadrūpam api¹⁸²⁶ niḥśūnyaṃ tejaḥ sauram ivāmbare /

ratnābhājālam iva khe dṛśyamānam abhittimat //

Note:

sadrūpam cinmātrasāratvāt | niḥśūnyam nakiñcittvāt | ambare hi sauraṃ tejaḥ sadrūpam api¹⁸²⁷ niḥśūnyam iva bhātīti tasyopamānatvena grahaṇam ||

saṅkalpapuravat prauḍham anubhūtam asanmayam /

kathārthapratibhānātma¹⁸²⁸ na kvacit sthitam asti ca //

Note:

kathāyāḥ anena kathyamānāyāḥ kathāyāḥ | yaḥ arthaḥ | tasya yat pratibhānam sphuraṇam | tadātma tatsvarūpam | kathāḥ¹⁸²⁹ śravaṇakāle hi śrotuḥ tadarthaḥ puraḥ iva pratibhāti | na kvacit sthitam vicārāsahatvāt | asti ca pratibhāsamānatvāt ||

niḥsāram apy¹⁸³⁰ atīvāntaḥsāraṃ svapnācalopamam /

bhūtākāśam ivākārabhāsuraṃ śūnyamātrakam¹⁸³¹ //

Note:

niḥsāram piṇḍagrahābhāvāt | atīvātiśayenāntaḥsāram cinmātrasāratvāt | ākārabhāsuram¹⁸³² nīlarūpayuktākārabhāsvaram ||

śaradabhram ivāgrastham alakṣyakṣayam ākṣayi /

varṇo vyomatalasyeva dṛśyamānam avastukam //

Note:

spaṣṭam ||

svapnāṅganāratākāram arthaniṣṭham anarthakam /

citrodyānam ivotphullam¹⁸³³ arasaṃ sarasākṛti¹⁸³⁴ //

Note:

arthaniṣṭham retaḥsravākhyārthakriyāratam | anarthakam prabhāte ḥdṛśyamānatvāt vṛthābhātam | punaḥ kathambhūtam | arasam āsvādarahitam api | sarasākṛti sarasā ivākṛtiḥ yasya | tat | kim iva | utphullaṃ citrodyānam ālekhyodyānam | iva | tasyāpi¹⁸³⁵ arasatve ḥpi sarasākṛtitvam prasiddham ||

prakāśam iva nistejaś citrārkānalavat sthitam /

anubhūtam manorājyam ivāsatyam avāstavam //

Note:

spaṣṭam ||

citrapadmākara¹⁸³⁶ iva sārasaugandhyavarjitam /

śūnye prakacitaṃ nānāvarṇam ākāritātmakam //

Note:

śūnye acetyacinmātrākhyāyāṃ¹⁸³⁷ śūnyabhittau | ākāritaḥ ākārayuktaḥ¹⁸³⁸ | ātmā yasya | tādṛśam ||

paramārthena śuṣyadbhir bhūtapelavapallavaiḥ¹⁸³⁹ /

tataṃ jaḍam asārātma¹⁸⁴⁰ kadalīstambhabhāsuram¹⁸⁴¹ //

Note:

tataṃ vyāptam ||

sphāritekṣaṇadṛśyāndhakāracakrakavat tatam¹⁸⁴² /

atyantam abhavadrūpam api pratyakṣavat sthitam //

Note:

sphāritekṣaṇasya dṛśyāni yāni andhakāracakrakāṇi | tadvat tatam | abhinayagamyaś cāyam arthaḥ ||

vār budbuda ivābhogi śūnyam antaḥ sphuradvapuḥ /

rasātmakaṃ satyarasam avicchinnakṣayodayam //

Note:

rasātmakam icchāsvarūpaṃ jalasvarūpaṃ ca | satyarasaṃ | satyasya cinmātratattvasya | rasaḥ¹⁸⁴³ yasya | tat | cinmātratattvenaiva¹⁸⁴⁴ puṣṭiṃ gatam ity arthaḥ ||

nīhāra iva vistāri gṛhītaṃ san na kiñcana /

jaḍaṃ śūnyāspadaṃ śūnyaṃ keṣāñcit paramāṇuvat //

Note:

keṣāñcit sthūlabuddhīnāṃ tārkikāṇām ||

kiñcid bhūtamayo ḥstīti sthitaṃ śūnyam abhūtakam /

gṛhyamāṇam asadrūpaṃ niśātama ivotthitam //

Note:

ayaṃ saṃsāraḥ kiñcit bhūtamayaḥ astīti sthitam bhāsamānam | etair viśeṣaṇaiḥ samastaḥ sthitiprakaraṇārthaḥ saṅgṛhyoktaḥ¹⁸⁴⁵ | sthitiprakaraṇe evaṃrūpāyā jagatsthiter vaktum iṣṭatvāt¹⁸⁴⁶ ||

Note:

śrīrāmaḥ pṛcchati¹⁸⁴⁷

mahākalpakṣaye dṛśyam āste¹⁸⁴⁸ bīja ivāṅkuram¹⁸⁴⁹ /

pare bhūya udety etat tata eveti kiṃ vada //

Note:

iti kim etad eva kim asti atha vā neti | vada kathaya ||

evambodhāḥ kim ajñāḥ¹⁸⁵⁰ syur uta tajjñā iti sphuṭam /

yathāvad bhagavan brūhi sarvasaṃśayaśāntaye //

Note:

evam pūrvaślokoktarūpaḥ | bodhaḥ yeṣāṃ | te | tādṛśāḥ ||

Note:

śrīvasiṣṭha uttaram āha¹⁸⁵¹

idam bīje ḥṅkura iva dṛśyam āste mahākṣaye /

brūte¹⁸⁵² yaḥ param ajñatvam¹⁸⁵³ etat tasyātiśaiśavāt //

Note:

atiśaiśavāt atimaurkhyāt ||

Note:

hetukathanam avaśyopadeśyatvenāha¹⁸⁵⁴

sparśe kiṃ tad asambaddhaṃ katham etad avāstavam /

viparīto¹⁸⁵⁵ bodha eṣa vaktuḥ śrotuś ca maurkhyakṛt //

Note:

asambaddhaṃ tat kim bhavati | na kiñcid apīty arthaḥ | etat avāstavam asambaddhaṃ | katham bhavati | sparśe āmukhe¹⁸⁵⁶ ity | eṣa viparītaḥ bodhaḥ vaktuḥ śrotuś ca maurkhyakṛt bhavati | etat anena hetunā asambaddham bhavati iti vaktuḥ vaktavyam | anena hetunā etat avāstavaṃ na bhavatīti śrotuḥ paryanuyogaḥ kāryaḥ | anyathā tayoḥ maurkhyam eveti bhāvaḥ ||

Note:

phalitam āha

bījakāle ḥṅkura iva jagad āste¹⁸⁵⁷ itīha yā /

buddhiḥ sāsatpralāpārthā¹⁸⁵⁸ mūḍhā śṛṇu kathaṃ kila //

Note:

ata ity adhyāhāryam | asatpralāpārthā asatpralāpasyevārthaḥ yasyāḥ¹⁸⁵⁹ | sā | asatpralāparūpeti yāvat | mūḍhā jaḍā | kathaṃ kena hetunā | hetvakathane mamāpi maurkhyāpātaḥ syād iti bhāvaḥ ||

bījam bhavet svayaṃ dṛśyaṃ cittādīndriyagocaraḥ¹⁸⁶⁰ /

vaṭadhānādi dhānyādi yuktam atrāṅkurodbhavaḥ //

Note:

cittādīndriyagocaraḥ¹⁸⁶¹ | ata eva dṛśyam vaṭadhānādi tathā dhānyādi bījam bhavet | atra dhānādirūpe tathā dhānyādirūpe bīje | aṅkurodbhavaḥ yuktam bhavati ||

manaḥṣaṣṭhendriyātītaṃ yaḥ¹⁸⁶² khād atitarām api /

bījaṃ tad bhavituṃ śaktaṃ svayambhūr jagataḥ¹⁸⁶³ katham //

Note:

manaḥ ṣaṣṭhaṃ yeṣām | tāni manaḥṣaṣṭhāni | tādṛśāni ca tānīndriyāṇi | tāny atītam | svayambhūḥ cinmātram ||

ākāśād api sūkṣmasya¹⁸⁶⁴ parasya paramātmanaḥ /

sarvākṣānupalabhyasya kīdṛśī bījatā katham //

Note:

spaṣṭam ||

sat sūkṣmam asadābhāsam asad eva hy ataddṛśām /

kīdṛśī bījatā tatra bījābhāve kuto ḥṅkuraḥ //

Note:

sat api yat cinmātrākhyaṃ vastu | ataddṛśām na tasmin dṛk yeṣām | te | tādṛśām | cinmātrajñānarahitānām iti yāvat | asad eva bhavati | atra hetum āha | asadābhāsam iti | asadvat ābhāsaḥ yasya | tat | tādṛśam | atrāpi hetutvena viśeṣaṇam āha sūkṣmam iti | sūkṣmatvād asadābhāsatvam¹⁸⁶⁵ | asadābhāsatvād asattvam ity arthaḥ | tatra tasmin cinmātrākhye vastuni | bījatā kīdṛśī bhavati | na bhavati | sthūlasyaiva bījatvayogād ity arthaḥ | bījābhāve aṅkuraḥ jagadākhyaḥ aṅkuraḥ | kutaḥ bhavati | naiva yukta ity arthaḥ ||

gaganāṅgād api svacche śūnye tatra pare pade /

kathaṃ santi jaganmerusamudragaganādayaḥ //

Note:

gaganāṅgāt svacchatvaṃ jāḍyākhyamālinyarahitatvāt jñeyam ||

nakiñcid yat kathaṃ kiñcit tatrāste vastv avastuni /

asti cet tat kathaṃ tatra vidyamānaṃ na dṛśyate //

Note:

yat cinmātram | bāhyāntaḥkaraṇātītatvāt nakiñcid bhavati | tatra tasmin | avastuni nakiñcidrūpe cinmātre | indriyagamyatvena¹⁸⁶⁶ kiñcidrūpaṃ vastu jagadākhyaṃ vastu | katham āste | tathāpi cet asti tatra vidyamānaṃ kathaṃ na dṛśyate | tarhi vidyamānatvam evāsya yuktaṃ syād iti bhāvaḥ | nanu jagataḥ vidyamānatvaṃ kathaṃ nāsti iti cet | vicārāsahatvān nāstīti brūmaḥ | yo hi vicāraṃ sahate tasyaiva vidyamānatvam | yathā rajjusarpāpekṣayā rajjoḥ ||

nakiñcidātmanaḥ kiñcit katham eti kuto ḥtha vā /

śūnyarūpād ghaṭākāśāj jāto ḥdriḥ kva kutaḥ kadā¹⁸⁶⁷ //

Note:

pūrvaślokavyākhyayaiva gatārtho ḥyaṃ ślokaḥ¹⁸⁶⁸ ||

pratipakṣe kathaṃ kiñcid āste chāyātape yathā /

katham āste tamo bhānau katham āste hime¹⁸⁶⁹ ḥnalaḥ //

Note:

kiñcit kim api | pratipakṣe katham āste | pratipakṣe avasthānaṃ kasyāpi na yuktam iti bhāvaḥ | viśeṣeṇaitad eva darśayati cchāyetyādi ||

merur āste katham aṇau kutaḥ kiñcid anākṛtau /

tadatadrūpayor aikyaṃ kva cchāyātapayor iva //

Note:

dṛṣṭāntāni viśeṣatayoktvā dārṣṭāntikam api tattayaiva kathayati kutaḥ kiñcid iti | kiñcit indriyagamyatvāt kiñcidrūpaṃ jagat | anākṛtau indriyāgamyatvenākārarahite cinmātre | kutaḥ na yuktam etad iti bhāvaḥ | nanv ekatve na bījāṅkuratvam anayor astīty atrāha tadatad iti | tadatadrūpayoḥ atyantabhinnayoḥ ||

sākāre vaṭadhānādāv aṅkuro ḥstīti yuktimat /

anākāre mahākāraṃ jagad astīty ayuktimat //

Note:

spaṣṭam ||

deśāntare yac ca narāntare ca
buddhyādisarvendriyaśaktyadṛśyam /

nāsty eva tattadvidhabuddhibodhe
nakiñcid ity eva tad ucyate ca //

Note:

deśāntare ca asmin deśe anyasmin deśe ca | narāntare ca tvayi anyeṣu nareṣu ca | kālasyāpy etad upalakṣaṇam | tena kālāntare cety¹⁸⁷⁰ api jñeyaṃ | tenāyam arthaḥ | buddhyādīnāṃ sarvendriyaśaktīnāṃ cādṛśyaṃ yat vastu | deśāntare narāntare ca tattadvidhabuddhibodhe | tattadvidhāḥ tattatprakārāḥ | yāḥ buddhayaḥ¹⁸⁷¹ | tāsāṃ yaḥ¹⁸⁷² bodhaḥ | tatra | nāsti¹⁸⁷³ | tadviṣayo nāstīti yāvat | paṇḍitaiḥ¹⁸⁷⁴ tat nakiñcid ity eva ucyate kathyate ||

Note:

tataḥ kim ity atrāha

kāryasya tat kāraṇatām prayātam
vaktīti yas tasya vimūḍhabodhaḥ /

kair nāma tatkāryam udeti tasmāt
svaiḥ kāraṇaughaiḥ sahakārirūpaiḥ //

Note:

tat nakiñcid iti nāmārhaṃ vastu | kāryasya kāraṇatām¹⁸⁷⁵ prayātam bhavati | iti yaḥ vakti | tasya vimūḍhabodhaḥ bhavati | nāsau tajjña iti bhāvaḥ | sahakārikāraṇābhāvena¹⁸⁷⁶ tasya kāraṇatāṃ nivārayati tatkāryam iti | svaiḥ nijaiḥ | sarvasya nakiñcidrūpacinmātrasvarūpatvena¹⁸⁷⁷ sahakārikāraṇasattā nāstīti bhāvaḥ ||

Note:

etena siddhaṃ siddhāntaṃ sargāntaślokena kathayati

durbuddhibhiḥ kāraṇakāryabhāvaṃ
saṅkalpitaṃ dūratare vyudasya /

yad eva tat satyam anādimadhyaṃ
jagat tad eva sthitam ity avehi //

Note:

durbuddhibhiḥ kubuddhiyuktaiḥ | saṅkalpitaṃ svasaṅkalpenollikhitam | na tu paramārthasantaṃ kāryakāraṇabhāvaṃ jagadbrahmaviṣayaṃ kāryakāraṇabhāvam | vyudasya parityajya | tvam iti avehi satyatayā niścinu iti | kim iti | anādimadhyam ādimadhyayor api sākṣitvena sthitatvāt ādimadhyarahitam | yat eva | tat prasiddham | satyam satyabhūtam cinmātrākhyaṃ vastu asti¹⁸⁷⁸ | tad eva na tu tatkāryam¹⁸⁷⁹ | jagat asti | iti śivam¹⁸⁸⁰ ||

MT_4.1

iti śrībhāskarakaṇṭhaviracitāyāṃ śrīmokṣopāyaṭīkāyāṃ¹⁸⁸¹ janyajanakanirākaraṇaṃ sthitiprakaraṇe prathamaḥ sargaḥ ||

Note:

vasiṣṭha¹⁸⁸² uvāca

athaitadabhyupagame vacmi vedyavidāṃ vara /

samastakalanātīte mahācidvyomni nirmale //

jagadādyaṅkuras tatra yady asti tad asau tadā /

kair ivodeti kathaya kāraṇaiḥ sahakāribhiḥ //

Note:

he¹⁸⁸³ vedyavidāṃ vara | athāham etat bījatvam | aṅgīkṛtya | vacmi kathayāmi | kiṃ vakṣīty apekṣāyām āha samasteti | samastakalanātīte sarvakāryakāraṇabhāvādikalanātīte | nirmale cetyākhyamalādūṣite | sahakāribhiḥ kāraṇaiḥ sahakārikāraṇaiḥ | yugmam ||

sahakārikāraṇānām abhāve vāṅkurodgatiḥ /

vandhyākanyā ca dṛṣṭeha na kadācana kenacit //

Note:

vāśabdaḥ pādapūraṇārthaḥ | caśabdaḥ samuccaye ||

sahakārikāraṇānām abhāve yac ca voditam¹⁸⁸⁴ /

mūlakāraṇam evātmā tat svabhāve sthitaṃ tathā //

Note:

yat ca jagadākhyaṃ kāryam | sahakārikāraṇānām abhāve uditam kāraṇāt anyatayā prādurbhūtam bhavati | tat tathā tena prakāreṇa | svabhāve svasvarūpe | sthitam | mūlakāraṇam ātmā mūlakāraṇabhūta ātmaiva bhavati | na kāryam | sahakārikāraṇasambhava eva kāryatvadarśanāt¹⁸⁸⁵ ||

sargādau sargarūpeṇa brahmaivātmani tiṣṭhati¹⁸⁸⁶ /

yathāsthitam anākāraṃ kva janyajanakakramaḥ //

Note:

sargādau cetyonmukhatāsamaye ||

atha pṛthvyādayo ḥnye vā kuto ḥpy āgatya kurvate /

sahakārikāraṇatvaṃ tat pūrvaivātra dūṣaṇā //

Note:

pūrvā dūṣaṇeti | sargāgame yā dūṣaṇā asti sā eva sahakāryabhimatapṛthvyādyāgame¹⁸⁸⁷ ḥpy astīty arthaḥ ||

Note:

phalitam āha

tasmāt pare jagac chāntam āste tat sahakāraṇaiḥ /

vinā prasaratīty uktir bālasya na vipaścitaḥ //

Note:

tasmāt tato hetoḥ¹⁸⁸⁸ | jagat pare śāntam bījatvena sthitam asti | sahakāraṇaiḥ sahakārikāraṇaiḥ vinā | tat prasarati ity uktiḥ bālasya mūrkhasya | bhavati | vipaścitaḥ paṇḍitasya | na bhavati ||

Note:

paramaphalitaṃ kathayati

tasmād rāma jagan nāsīn na cāsti na bhaviṣyati /

cetanākāśam evācchaṃ kacatīttham ivātmani //

Note:

he rāma | tasmāt jagat nāsīt na cāsti na ca bhaviṣyati sahakārikāraṇābhāvāt | punaḥ kim etat sphuratīty | atrāha cetaneti | accham cetyarahitaṃ | cetanākāśam cinmātrākāśam | ātmani ittham jagadrūpeṇa | sphurati iva kacati iva ||

atyantābhāva evāsya jagato vidyate yadā /

tadā brahmedam akhilam iti sad rāma nānyathā //

Note:

anyathā asat ||

Note:

nanu prāgabhāvādir eva kathaṃ nātrāsti | kim atyantābhāvenety | atrāha

pūrvapradhvaṃsanānyoḥnyābhāvair¹⁸⁸⁹ yad upaśāmyati /

aśāntam eva tac citte na śāmyaty eva tad yataḥ //

Note:

pūrvapradhvaṃsanānyoḥnyābhāvaiḥ¹⁸⁹⁰ prāgabhāvena pradhvaṃsābhāvena anyoḥnyābhāvena ca | yat śāmyati tat aśāntam eva bhavati | yataḥ tat vastu | citte manasi | na śāmyati saṃskāratvena sthitatvāt | tasmād atyantābhāva evātra yukta iti bhāvaḥ ||

atyantābhāvam evāto jagaddṛśyasya sarvadā /

varjayitvetarā yuktir nāsty evānarthasaṅkṣaye¹⁸⁹¹ //

Note:

jagaddṛśyasyātyantābhāva eva jagadrūpasyānarthasya kṣaye yuktiḥ nānyat kiñcid iti piṇḍārthaḥ ||

cidākāśasya bodho ḥyaṃ jagadādīti yat sthitam /

ayaṃ so ḥham idaṃ rūpālokacittakalādy api //

Note:

idaṃ jagadādīti yat sthitam asti | ayam cidākāśasya bodha eva bhavati | nānyat | ādiśabdena pralayasya grahaṇam | jagadādīti viśeṣeṇa¹⁸⁹² kathayati ayaṃ so ḥham ityādi | cittakalā manaskāraḥ ||

idam arkādi pṛthvyādi tathedaṃ vatsarādi ca /

ayaṃ kalpaḥ kṣaṇaś¹⁸⁹³ cāyam ime maraṇajanmane //

Note:

spaṣṭam ||

ayaṃ kalpāntasaṃrambho mahākalpānta eṣa saḥ /

ayaṃ sa sargaprārambho bhāvābhāvakramas tv asau //

Note:

spaṣṭam ||

lakṣāṇīmāni kalpānām imā brahmāṇḍakoṭayaḥ¹⁸⁹⁴ /

ime brahmendranicayā imā viṣṇvādiśaktayaḥ //

Note:

viṣṇvādirūpāḥ śaktayaḥ viṣṇvādiśaktayaḥ ||

ete ceme pariṇatā ime bhūya upāgatāḥ /

imāni dhiṣṇyajālāni deśakālakalā imāḥ¹⁸⁹⁵ //

Note:

ete ime pariṇatāḥ mṛtāḥ ||

Note:

upasaṃhāraṃ karoti

mahācitparamākāśam anāvṛttam anantakam /

yathā pūrvaṃ sthitaṃ śāntam ity evaṃ kacati svayam //

Note:

anāvṛttam āvṛttirahitam | anantakam antarahitam | śāntam svasmin svarūpe eva sarvadā nilīnam | mahācitparamākāśam | iti anena prakāreṇa | evam jagadrūpeṇa | kacati sphurati ||

paramāṇusahasrāṃśabhāsa etā mahāciteḥ /

svabhāvabhūtā evāntaḥsthitā nāyānti yānti no //

Note:

mahāciteḥ antaḥsthitāḥ¹⁸⁹⁶ | ata eva svabhāvabhūtāḥ | paramāṇoḥ yaḥ sahasrāṃśaḥ | tatparimāṇāḥ bhāsaḥ dīptayaḥ | etāḥ sargaparamparāḥ¹⁸⁹⁷ | na āyānti no yānti sadā sthitatvāt ||

svayam antaś camatkāro yas samudgīryate citā /

tat sargabhānam bhātīdam bhārūpaṃ na ca bhittimat //

Note:

citā cinmātreṇa | antaḥsthitaḥ¹⁸⁹⁸ yaḥ camatkāraḥ svarūpaparāmarśarūpaḥ āsvādaḥ | bahiḥ samudgīryate samyak udgīryate | tat¹⁸⁹⁹ idaṃ samudgiraṇaṃ | sargabhānam bhāti | idaṃ kathambhūtam | bhārūpam jñānasvarūpam | na bhittimat bhittirahitam ||

nodyanti na ca naśyanti nāyānti na ca yānti ca /

mahāśilāntarlekhānāṃ sanniveśa ivācalāḥ //

Note:

sargā¹⁹⁰⁰ iti śeṣaḥ¹⁹⁰¹ ||

ime sargāḥ prasphuranti svataḥ svātmani nirmale /

nabhasīva nabhobhāgā nirākārā nirākṛtau //

Note:

svataḥ svabhāvena ||

dravatvānīva toyasya spandā iva sadāgateḥ /

āvartā iva vāmbhodher guṇino vāthavā guṇāḥ //

Note:

pūrvaślokadṛṣṭāntatvenaiva yojyam ||

*¹⁹⁰²vijñānaghana evaikam idam ittham iva sthitam /

sodayāstamayārambham anantaṃ śāntam ātatam //

Note:

vijñānaghane jñānaikasvarūpe cinmātratattve | idam jagat ||

sahakāryādihetūnām abhāve śūnyatā jagat /

svayambhūr jāyate ceti kilonmattakaphūtkṛtam //

Note:

unmattakaphūtkṛtam unmattapralāpaḥ ||

Note:

sargāntaślokena phalitaṃ kathayati

praśāntasarvārthakalākalaṅko
nirastaniḥśeṣavikalpatalpaḥ /

cirāya vidrāvitadīrghanidro¹⁹⁰³
bhavābhayo bhūṣitabhūḥ prabuddhaḥ //

Note:

tasmād ity adhyāhāryam | tasmāt tvam bhava | kīdṛśa ity apekṣāyāṃ viśeṣaṇāny āha praśānta ityādi | praśāntaḥ brahmaikatāvijñānena prakarṣeṇa śāntaḥ | sarvārtharūpaḥ¹⁹⁰⁴ kalaṅkaḥ yasya | saḥ | nirastā niḥśeṣavikalpā eva talpam yena | saḥ | vidrāvitā dīrghanidrā avidyārūpā dīrghanidrā yena | saḥ | ata eva prabuddhaḥ samyagjñānayuktaḥ | ataḥ abhayaḥ bhayarahitaḥ | iti śivam¹⁹⁰⁵ ||

MT_4.2

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe dvitīyaḥ sargaḥ ||

Note:

*¹⁹⁰⁶

Note:

śrīrāmaḥ pṛcchati¹⁹⁰⁷

mahāpralayasargādau prathamo ḥsau prajāpatiḥ /

smṛtyātmā jāyate sarge smṛtyātmaiva tato jagat //

Note:

*¹⁹⁰⁸prathamaḥ prajāpatiḥ śuddhamanorūpaḥ brahmā | smṛtyātma smṛtirūpam ||

Note:

śrīvasiṣṭhaḥ uttaraṃ kathayati¹⁹⁰⁹

mahāpralayasargādāv evam etad raghūdvaha /

smṛtyātmaiva bhavaty ādau prathamo ḥsau prajāpatiḥ //

Note:

evam etat etat satyam evety arthaḥ ||

tatsaṅkalpātma ca jagat smṛtyātmaivam¹⁹¹⁰ idaṃ tataḥ /

iti saṅkalpanagaraṃ sthitam pūrvaprajāpateḥ //

Note:

tatsaṅkalpātma smṛtisvarūpaprajāpatisvarūpam¹⁹¹¹ ||

iti sthite ḥpi sā rāma tasya pūrvaprajāpateḥ¹⁹¹² /

sthitir na sambhavaty eva nabhasīva¹⁹¹³ mahādrumaḥ //

Note:

sā smṛtirūpā ||

Note:

śrīrāmaḥ pṛcchati¹⁹¹⁴

na sambhavati kim brahman sargādau prāktanī smṛtiḥ /

mahāpralayasammohair¹⁹¹⁵ naśyati prāksmṛtiḥ katham //

Note:

mahāpralayasammohaiḥ mahāpralayakṛtābhiḥ mūrcchābhiḥ ||

Note:

śrīvasiṣṭha uttaraṃ kathayati¹⁹¹⁶

prāṅmahāpralaye prājña pūrve brahmādayaḥ purā /

kila nirvāṇam āyātās te ḥvaśyam brahmatāṃ gatāḥ //

Note:

nirvāṇam¹⁹¹⁷ muktim ||

prāktanyāḥ kaḥ smṛtes smartā tasmāt kathaya suvrata /

smṛtir¹⁹¹⁸ nirmūlatāṃ yātā smartur muktatayā yataḥ //

Note:

spaṣṭam ||

ataḥ smartur abhāve sā smṛtiḥ kodetu kiṃ katham /

avaśyaṃ hi mahākalpe sarve mokṣaikabhāginaḥ //

Note:

spaṣṭam¹⁹¹⁹ ||

nānubhūte ḥnubhūte ca svataś cidvyomni yā smṛtiḥ /

sā jagacchrīr iti prauḍhā dṛśyābhāve hi citprabhā //

Note:

svataḥ na tu prajāpatirūpagrahāt | nānubhūte pūrvānanubhūte viṣaye | anubhūte pūrvam anubhūte viṣaye | cidvyomni yā smṛtiḥ bhavati | sā jagacchrīr iti prauḍhā bhavati | na prajāpatismṛtir iti¹⁹²⁰ bhāvaḥ | kuta etad ity | atrāha dṛśyeti | hi yasmāt | dṛśyābhāve smṛtirūpadṛśyābhāve | citprabhā eva bhavati | na prajāpatiprabhā ||

Note:

athavālam anayā smṛtikalpanayā | yataḥ citprabhaiva jagad astīty abhiprāyenāha

bhāti saṃvitprabhaivāccham anādyantāvabhāsinī /

yat tad etaj jagad iti svayambhūr iti ca sthitam //

Note:

anādyantāvabhāsinī sadā bhātatvenādyantāvabhāsarahitā | saṃvitprabhā eva acchaṃ yat¹⁹²¹ bhāti tat etat jagad iti sthitam bhavati | svayambhūr iti ca sthitam bhavati | ataḥ smṛteḥ svayambhuvaś ca na kāpi sattāstīti bhāvaḥ ||

anādikālasaṃsiddhaṃ yad bhānam brahmaṇo nijam /

sa ātivāhiko deho virājo jagadākṛtiḥ //

Note:

anādikālasaṃsiddham satatasiddham | brahmaṇaḥ cinmātratattvasya | yat nijaṃ svasambandhi | bhānam bhavati | saḥ virājaḥ virāḍrūpasya prajāpateḥ | ātivāhikaḥ dehaḥ bhavati | kathambhūtaḥ | jagadākṛtiḥ¹⁹²² samastajagatsvarūpaḥ ||

paramāṇāv idam bhāti jagat sabhuvanatrayam /

deśakālakriyādravyadinarātrikramānvitam //

Note:

dravyam kriyāviṣayaḥ padārthaḥ | paramāṇvantas tribhuvanābhānam indrasya¹⁹²³ nirvāṇaprakaraṇe vakṣyati¹⁹²⁴ ||

paramāṇum prati tatas tasyāntas¹⁹²⁵ tādṛg eva ca /

bhāti bhāsvaritākāraṃ¹⁹²⁶ tādṛggirikulāvṛtam¹⁹²⁷ //

Note:

tataḥ tato hetoḥ | tasya paramāṇvantarvartinaḥ tribhuvanasya | prati paramāṇum antaḥ pratiparamāṇumadhye | tādṛk eva na tv anyarūpam | bhāsvaritākāraṃ¹⁹²⁸ tādṛggirikulāvṛtam tādṛśaparvatasamūhākulam¹⁹²⁹ | arthāt tribhuvanam bhāti ||

tatrāpi tādṛgākāram evam praty aṇum ātatam /

dṛśyam ābhāti bhārūpam etad aṅga na vāstavam //

Note:

tatrāpi pratyaṇuvartini tribhuvane¹⁹³⁰ ḥpi | bhārūpam jñānasvarūpam | phalitam āha etad iti | he aṅga | ataḥ etat tribhuvanam | vāstavam paramārthasat | na bhavati | svapnavad bhārūpatvāt ||

ity asty anto na saddṛṣṭer asaddṛṣṭeś ca vā kvacit /

asyās tv abhyuditam buddham abuddham prati vānagha //

Note:

iti anena prakāreṇa | saddṛṣṭeḥ cinmātradṛṣṭeḥ | asaddṛṣṭeḥ cetyadṛṣṭeḥ vā | anto ḥvasānam | nāsti | asyāḥ saddṛṣṭer asaddṛṣṭeś ca | abhyuditam abhyudayaḥ | prādurbhāva iti yāvat | buddham prati abuddham prati vā bhavati | buddham prati saddṛṣṭeḥ abhyudayaḥ¹⁹³¹ asaddṛṣṭeḥ abuddham pratīti kramo jñeyaḥ ||

Note:

nanu ekā eva bhāsamānā jagadākhyā dṛṣṭir asti | tat katham uktam buddham prati saddṛṣṭer anto nāsti asaddṛṣṭer abuddham pratīty | āha

buddham pratīdam brahmaiva kevalaṃ śāntam avyayam /

abuddham prati tu dvaitam bhāsuram¹⁹³² bhuvanānvitam //

Note:

idam eva jagat | buddhasya saddṛṣṭyā bhāti | abuddhasyāsaddṛṣṭyā | yathā ekaḥ rajjuḥ buddham prati rajjutayā bhāti | abuddham prati sarpatayeti bhāvaḥ ||

yathedam bhāsuram bhāti jagad aṇḍakajṛmbhitam /

tathā koṭisahasrāṇi bhānty anyāny¹⁹³³ apy aṇāv aṇau //

Note:

spaṣṭam ||

yathā stambhe putrikāntas tasyāś cāṅgeṣu putrikā /

tasyāś ca putrikāsty aṅge tathā trailokyaputrikā //

Note:

trailokyākhyā¹⁹³⁴ putrikā trailokyaputrikā ||

na bhinnā na ca saṅkhyeyā yathādrau paramāṇavaḥ /

tathā brahmabṛhanmerau trailokyaparamāṇavaḥ //

Note:

spaṣṭam ||

sūryaughāṃśuṣv asaṅkhyātuṃ śakyante laghavo¹⁹³⁵ ḥṇavaḥ /

nānādyantāś cidāditye¹⁹³⁶ trailokyaparamāṇavaḥ //

Note:

spaṣṭam ||

yathāṇavo vahanty arkadīptiṣv apsu rajaḥsu ca /

tathā vahante cidvyomni trailokyaparamāṇavaḥ //

Note:

spaṣṭam ||

śūnyānubhavamātrātma bhūtākāśam¹⁹³⁷ idaṃ yathā /

sargānubhavamātrātma¹⁹³⁸ cidākāśam idaṃ tathā //

Note:

śūnyasya¹⁹³⁹ yaḥ anubhavaḥ | tanmātram ātmā svarūpaṃ yasya | tat ||

sargas tu sargaśabdārthatayā buddho nayaty adhaḥ /

sa brahmaśabdārthatayā buddhaḥ śreyo bhavaty alam //

Note:

śreyaḥ mokṣarūpam ||

Note:

sargāntaślokenāpy¹⁹⁴⁰ etad eva kathayati

vijñānātmā śāsitā viśvabījam
brahmaivādyaṃ svaṃ cidākāśamātraṃ /

tasmāj jātaṃ yat tad eveti vedyaṃ
viddhi svāntar bodhasambodhamātram¹⁹⁴¹ //

Note:

vijñānātmā jñānaikasvarūpaḥ¹⁹⁴² | śāsitā prerakaḥ | svam sarveṣām ātmatvena sthitam | cidākāśamātram ādyam brahmaiva viśvabījaṃ viśvasya bījam iva bījam | na tu sākṣād bījam | tasya samanantaram eva nirākṛtatvāt | bhavati | tasmāt tādṛśāt brahmaṇaḥ¹⁹⁴³ | yat jātam bhavati | tat tad eva bhavati | iti ato hetoḥ | tvam vedyam vidikriyāviṣayam bhāvajātam | svāntaḥ svamanasi | bodhasya yaḥ sambodhaḥ svaparāmarśaḥ | tanmātraṃ viddhi¹⁹⁴⁴ jānīhi | liṅgasaṅkaro ḥliṅgatvadyotanārthaḥ | iti śivam¹⁹⁴⁵ ||

MT_4.3

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe tṛtīyaḥ sargaḥ ||

Note:

*¹⁹⁴⁶

*¹⁹⁴⁷indriyagrāmasaṅgrāmasetunā bhavasāgaraḥ |

tīryate netareṇeha kenacin nāma karmaṇā //

Note:

*¹⁹⁴⁸indriyagrāmeṇendriyasamūhena | yaḥ saṅgrāmaḥ | sa eva setuḥ | tena ||

śāstrasatsaṅgamābhyāsaiḥ saviveko jitendriyaḥ /

atyantābhāvam evāsya dṛśyaughasyāvagacchati //

Note:

avagacchati jānāti ||

etat te kathitaṃ sarvaṃ svarūpaṃ rūpiṇāṃ vara /

saṃsārasāgaraśreṇyo yathāyānti prayānti ca //

Note:

he rūpiṇāṃ vara | mayā te | arthāt saṃsārasāgaraśreṇīnāṃ sarvam svarūpam | kathitam | tathā saṃsārasāgaraśreṇyāḥ yathāyānti prayānti ca | tad api kathitam ||

bahunātra kim uktena manaḥ karmadrumāṅkuram¹⁹⁴⁹ /

tasmiṃś chinne jagacchākhaś chinnaḥ karmatarur bhavet //

Note:

karmataruḥ kathambhūtaḥ | jaganty eva śākhāḥ yasya | saḥ | tādṛśaḥ ||

manaḥ sarvam idaṃ rāma tasminn antaś cikitsite /

cikitsito ḥyaṃ sakalo janmajālamayo bhavaḥ //

Note:

spaṣṭam ||

tad etaj jāyate loke mano malalavākulam /

manaso vyatirekeṇa dehaḥ kva kila dṛśyate //

Note:

jāyate jagattayā utpadyate | malalavākulam saṅkalpākhyamalaleśākulam¹⁹⁵⁰ ||

dṛśyātyantāsambhavanam ṛte nānyena hetunā /

manaḥpiśācaḥ¹⁹⁵¹ praśamaṃ yāti kalpaśatair api //

Note:

dṛśyātyantāsambhavanaṃ dṛśyātyantābhāvam ||

etac ca sambhavaty eva manovyādhicikitsane /

dṛśyātyantāsambhavātma paramauṣadham uttamam //

Note:

manovyādhicikitsane¹⁹⁵² kārye | sambhavaty eva prabhavaty eva ||

mano moham upādatte mriyate jāyate punaḥ /

kasyacit tu prasādena badhyate mucyate punaḥ //

Note:

kasyacid anākhyasya cinmātrasya ||

sphuratītthaṃ jagat sarvaṃ citte mananamanthare /

śūnya evāmbare sphāre gandharvāṇām puraṃ yathā //

Note:

mananamanthare mananabharite ||

manasīdaṃ jagat kṛtsnaṃ sphāraṃ sphurati cāsti ca /

puṣpaguccha ivāmodas tatsthas tasmād ivetaraḥ //

Note:

sphāram vistīrṇam ||

yathā tilakaṇe tailaṃ guṇo guṇini vā yathā /

yathā dharmiṇi vā dharmas tathedam manasi sthitam //

Note:

spaṣṭam ||

yathāmbhasi taraṅgaugha indau dvīndubhramo yathā /

mṛgatṛṣṇā yathā tāpe saṃsāraś cittake tathā //

Note:

spaṣṭam ||

raśmijālaṃ yathā sūrye yathālokaś¹⁹⁵³ ca tejasi /

yathauṣṇyaṃ citrabhānau¹⁹⁵⁴ ca manasīdaṃ tathā jagat //

Note:

spaṣṭam ||

śaityaṃ yathaiva tuhine yathā nabhasi śūnyatā /

yathā cañcalatā vāyau manasīdaṃ tathā jagat //

Note:

spaṣṭam ||

Note:

sargāntaślokenāpy¹⁹⁵⁵ etad eva kathayati

mano jagaj jagad akhilaṃ tathā manaḥ
parasparaṃ tv avirahitaṃ sadaiva hi /

tayor dvayor manasi nirantaraṃ kṣate
kṣataṃ jagan na tu jagati kṣate manaḥ //

Note:

nirantaram atiśayena | tayoḥ dvayor iti nirdhāraṇe ṣaṣṭhī | tasmān mana eva samyagjñānādyupāyena nāśanīyam iti bhāvaḥ | iti śivam ||

MT_4.4

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe caturthaḥ sargaḥ ||

Note:

*¹⁹⁵⁶

Note:

śrīrāmaḥ pṛcchati¹⁹⁵⁷

bhagavan sarvadharmajña pūrvāparavidāṃ vara /

ayam manasi saṃsāraḥ sphāraḥ katham iva sthitaḥ //

Note:

manasi paramāṇurūpe manasi | sphāraḥ vistīrṇaḥ ||

yathāyam manasi sphāra¹⁹⁵⁸ ārambhaḥ sphurati sphuṭam /

dṛṣṭāntadṛṣṭyā sphuṭayā tathā kathaya me ḥnagha //

Note:

ārambhaḥ jagadākhya ārambhaḥ ||

Note:

śrīvasiṣṭha uttaraṃ kathayati¹⁹⁵⁹

yathaindavānāṃ viprāṇāṃ¹⁹⁶⁰ jaganty avapuṣām api /

sthitāni jātadārḍhyāni manasīdaṃ tathā sthitam //

Note:

avapuṣām mṛtatvena śarīrarahitānām ||

lavaṇasya yathā rājñaś¹⁹⁶¹ cendrajālākulākṛteḥ /

caṇḍālatvam anuprāptaṃ tathedam manasi sthitam //

Note:

indrajālena aindrajālikaprayuktenendrajālenākulā ākṛtir yasya | saḥ ||

bhārgavasya ciraṃ kālaṃ svargabhogabubhukṣayā /

bhogeśvaratvaṃ ca yathā tathedam manasi sthitam //

Note:

bhārgavasya śukrasya ||

Note:

śrīrāmaḥ pṛcchati¹⁹⁶²

bhagavan bhṛguputrasya svargabhogabubhukṣayā /

katham bhogādhināthatvaṃ saṃsāritvam babhūva ca //

Note:

bhogādhināthatvaṃ kiṃ saṃsāritvaṃ saṃsārabhāvaḥ ||

Note:

śrīvasiṣṭhaḥ uttaram āha¹⁹⁶³

śṛṇu rāma purā vṛttaṃ saṃvādam bhṛgukālayoḥ /

sānau mandaraśailasya tamālaviṭapākule //

Note:

spaṣṭam ||

purā mandaraśailasya sānau kusumasaṅkule /

atapyata tapo ghoraṃ kasmiṃścid bhagavān bhṛguḥ //

Note:

spaṣṭam ||

tam upāste sma tejasvī bālaḥ putro mahāmatiḥ /

śukraḥ sakalacandrābhaḥ prakāśa iva bhāskaram //

Note:

spaṣṭam ||

bhṛgur varavane tasmin samādhāv eva saṃsthitaḥ /

sarvakālaṃ samutkīrṇo vanopalatalād iva //

Note:

āsīd ity adhyāhāryam ||

śukraḥ kusumaśayyāsu kaladhautābjinīṣu ca /

mandāratarudolāsu bālo ḥramata līlayā //

Note:

ramaṇe hetum āha bāla iti ||

vidyāvidyādṛśor madhye śukro prāptamahāpadaḥ /

triśaṅkur iva rodoḥntar avartata tadā kila //

Note:

rodoḥntaḥ rodasyoḥ dvyāvāpṛthivyor | antaḥ madhye ||

nirvikalpasamādhisthe sa kadācit pitary atha¹⁹⁶⁴ /

avyagro ḥbhavad ekānte jitārir iva bhūmipaḥ //

Note:

spaṣṭam ||

dadarśāpsarasaṃ tatra gacchantīṃ nabhasaḥ pathā /

kṣīrodamadhyalulitāṃ lakṣmīm iva janārdanaḥ //

Note:

apsarasaṃ viśinaṣṭi

mandāramālyavalitām mandānilacalālakām /

hārijhāṅkārigamanāṃ sugandhitanabhoḥnilām¹⁹⁶⁵ //

Note:

spaṣṭam ||

lāvaṇyapādapalatām madaghūrṇitalocanām /

amṛtīkṛtataddeśāṃ¹⁹⁶⁶ dehendūdayakāntibhiḥ //

Note:

spaṣṭam ||

kāntām ālokya tasyābhūd ullāsataralam manaḥ /

dṛṣṭe nirmalapūrṇendau vapur ambunidher iva //

Note:

spaṣṭam ||

Note:

sargāntaślokena suravadhūtvam¹⁹⁶⁷ asya kathayati¹⁹⁶⁸

manasijeṣuśatāhatam āśaye
sa parirudhya manas tadanūśanāḥ¹⁹⁶⁹ /

vigalitetaravṛttitayātmanā
suravadhūmaya eva babhūva saḥ //

Note:

āśaye hṛddeśe | parirudhya anyābhyaḥ vṛttibhyaḥ baddhvā | iti śivam ||

MT_4.5

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe pañcamaḥ sargaḥ ||

atha tām manasā dhyāyaṃs tatraivāmīlitekṣaṇaḥ /

ārabdhavān manorājyam idam ekaḥ kilośanāḥ¹⁹⁷⁰ //

Note:

uśanāḥ¹⁹⁷¹ śukraḥ ||

eṣā hi lalanā vyomni¹⁹⁷² sahasranayanālaye /

samprāpto ḥyam ahaṃ svargam ālolasurasundaram //

Note:

sahasranayanālaye svarge ||

ime te mṛdumandārakusumottaṃsasundarāḥ¹⁹⁷³ /

dravatkanakaniḥṣyandavilāsivapuṣaḥ surāḥ //

Note:

spaṣṭam ||

imās tā locanollāsasṛṣṭanīlābjavṛṣṭayaḥ¹⁹⁷⁴ /

mugdhā hāsavilāsinyaḥ kāntā hariṇadṛṣṭayaḥ //

Note:

spaṣṭam ||

ime te kaustubhoddyotā anyoḥnyapratibimbitāḥ /

viśvarūpopamākārā maruto mattakāśinaḥ //

Note:

viśvarūpasya viṣṇoḥ | samaḥ ākāraḥ yeṣāṃ | te | maruto devaviśeṣāḥ¹⁹⁷⁵ ||

airāvaṇakaṭāmodaviraktamadhupaśrutāḥ /

imās tāḥ kākalīgītā gīrvāṇagaṇagītayaḥ //

Note:

kākalīgītāḥ kākalīgītākhyāḥ ||

iyaṃ sā kanakāmbhojacaradvairiñcasārasā /

mandākinītaṭodyānaviśrāntasuranāyikā //

Note:

spaṣṭam ||

ete te yamacandrendrasūryānilajalānalāḥ /

lokapālās tanūddyotakīrṇadīptojjvalārciṣaḥ //

Note:

spaṣṭam ||

ayaṃ sa suravikrāntahetikaṇḍūyitānanaḥ /

airāvaṇo raṇaddantaprotadaityendramaṇḍalaḥ //

Note:

suraiḥ devaiḥ | vikrāntahetibhiḥ¹⁹⁷⁶ kaṇḍūyitam ānanam yasya | saḥ ||

ime te bhūtalasthānā vyomatārakatāṃ gatāḥ /

vaimānikāś calaccāruhāracāmarakuṇḍalāḥ //

Note:

bhūtale sthānaṃ yeṣām | te bhūtalasthānāḥ ||

imās tā vividhodyānamaṇimandiramaṇḍitāḥ /

vimānapaṅktayaś cārucāmīkaramayātapāḥ //

Note:

cārucāmīkaramayaḥ ātapaḥ uddyotaḥ yāsām | tāḥ ||

merūpalatalāsphālaśīkarākīrṇadevatāḥ /

etās tāḥ kīrṇamandārā gaṅgāsalilavīcayaḥ //

Note:

merūpalataleṣu yaḥ āsphālaḥ vighaṭṭanam¹⁹⁷⁷ | tena ye śīkarāḥ | taiḥ ākīrṇāḥ devatāḥ yābhis | tāḥ¹⁹⁷⁸ ||

etāḥ prasṛtamandāramañjarīpuñjapiñjarāḥ /

dolālolāpsaraḥśreṇyaḥ śakropavanavīthayaḥ //

Note:

spaṣṭam ||

ime te kundamandāramakarandasugandhayaḥ /

candrāṃśunikarākārāḥ¹⁹⁷⁹ pārijātasamīraṇāḥ //

Note:

spaṣṭam ||

puṣpakesaranīhārapaṭavāseraṇotsukaiḥ /

latāṅganāgaṇair vyāptam idaṃ tan nandanaṃ vanam //

Note:

puṣpakesaram eva nīhāraḥ¹⁹⁸⁰ | sa eva paṭavāsaḥ | tasya yat īraṇam cālanam | tatrautsukaiḥ ||

kāntagītaravānandapranartitasurāṅganau¹⁹⁸¹ /

imau tau vallakīsnigdhasvarau nāradatumburū //

Note:

spaṣṭam ||

ime te puṇyakartāro bhūribhūṣanabhūṣitāḥ /

vyomany uḍḍayamāneṣu vimāneṣu sukhaṃ sthitāḥ //

Note:

spaṣṭam¹⁹⁸² ||

madamanmathamattāṅgya imās tāḥ surayoṣitaḥ /

deveśvaraṃ niṣevante vanaṃ vanalatā iva //

Note:

spaṣṭam ||

candrāṃśujālakusumāś cintāmaṇigulucchakāḥ¹⁹⁸³ /

kalpavṛkṣa ime pakvaratnastavakadanturāḥ¹⁹⁸⁴ //

Note:

spaṣṭam ||

iha tāvad imaṃ śakram aham āsanasaṃsthitam /

dvitīyam iva deveśam pūjayaivābhivādaye //

Note:

deveśam mahādevam ||

iti sañcintya śukreṇa manasaiva śacīpatiḥ /

tenābhivāditas tatra dvitīya iva vai bhṛguḥ //

Note:

manasā eva na tu kāyena ||

atha sādaram utthāya śukraḥ śakreṇa pūjitaḥ /

gṛhītahastam ānīya samīpa upaveśitaḥ //

Note:

spaṣṭam ||

dhanyas tvadāgamenādya svargo ḥyaṃ¹⁹⁸⁵ śukra śobhate /

uṣyatāṃ ciram eveha śakra ittham uvāca tam //

Note:

spaṣṭam ||

atha tatropaviśyāsau bhārgavaḥ śobhitānanaḥ¹⁹⁸⁶ /

śriyaṃ jahāra śaśinaḥ sakalasyāmalasya ca //

Note:

spaṣṭam ||

Note:

sargāntaślokenāsya¹⁹⁸⁷ naratvatyāgaṃ kathayati

sakalasuragaṇābhivandito ḥsau
bhṛgutanayaḥ śatamanyupārśvasaṃsthaḥ /

cirataram¹⁹⁸⁸ atulām avāpa tuṣṭiṃ
naramatim ujjhitavān alam babhūva //

Note:

asau śukraḥ | naramatim naro ḥham iti buddhim | alam atiśayena | ujjhitavān babhūva sampannaḥ | devatvam eva svasmin jñātavān iti bhāvaḥ | iti śivam ||

MT_4.6

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ṣaṣṭhaḥ sargaḥ ||

iti śukraḥ puram prāpya vaibudhaṃ svena cetasā /

visasmāra nijam bhāvam prāktanaṃ vyasanaṃ vinā //

Note:

iti evam | śukraḥ svena cetasā vaibudham puram prāpya | vyasanam apsaroviṣayām āsaktiṃ | vinā | sarvaṃ nijam prāktanam bhāvam visasmāra | vyasanasyāpi mānuṣabhāve evodbhūtatvāt prāktanatvaṃ jñeyam ||

muhūrtam atha viśramya tasya pārśve śacīpateḥ¹⁹⁸⁹ /

svargaṃ vihartum uttasthau svarvāsiparicoditaḥ //

Note:

svarvāsiparicoditaḥ amaracoditaḥ ||

svargaśriyaṃ samālokya lolalocanalāñchitam /

straiṇaṃ draṣṭuṃ jagāmāsau nalinīm iva sārasaḥ¹⁹⁹⁰ //

Note:

straiṇam strīsamūham ||

tatra tām mṛgaśāvākṣīṃ kāntām adhyāgatām asau /

dadarśa vipināntaḥsthām bhṛṅgaś cūtalatām iva //

Note:

tām pūrvam manuṣyaloke ḥnubhūtām ||

tām ālokya lasallolavilāsavalitākṛtim /

āsīd vilīyamānāṅgo jyotsnayendumaṇir yathā //

Note:

spaṣṭam ||

vilīyamānasarvāṅgas tām avaikṣata kāminīm /

candrakānta iva jyotsnāṃ śītalāṃ khe vilāsinīm //

Note:

spaṣṭam ||

tenāvalokitā sāpi tatparāyaṇatāṃ gatā /

niśānte cakravākena kāntena parikūjitā¹⁹⁹¹ //

Note:

spaṣṭam ||

rasād vikasator¹⁹⁹² nūnam anyoḥnyam anuraktayoḥ /

prātar arkanalinyor yā śobhā saiva tayor abhūt //

Note:

tayoḥ śukrāpsarasoḥ ||

saṅkalpitārthadāyitvād deśasya madanena sā /

sarvāṅgaṃ vivaśīkṛtya śukrāyaiva samarpitā //

Note:

deśasya svargadeśasya | saṅkalpitārthadāyitvāt | madanena asau apsarāḥ | sarvāṅgaṃ sarveṣu aṅgeṣu | vivaśīkṛtya | śukrāya samarpitā dattā | sarvasaṅkalpadāyinaḥ svargadeśasyaiva māhātmyam etat | yan madanenāsau vivaśīkṛtya śukrāya samarpiteti¹⁹⁹³ bhāvaḥ ||

petuḥ smaraśarās tasyā mṛduṣv aṅgeṣu bhūriśaḥ /

palāśeṣv iva padminyā dhārā navapayomucaḥ¹⁹⁹⁴ //

Note:

spaṣṭam ||

sā babhūva smarādhūtā lolālivalayālakā /

mandavātavinunnāyā mañjaryāḥ sahadharmiṇī //

Note:

spaṣṭam ||

nīlanīrajanetrāṃ tāṃ haṃsavāraṇagāminīm /

madanaḥ kṣobhayām āsa pūraḥ kamalinīm iva //

Note:

pūraḥ jalapūraḥ ||

atha tāṃ tādṛśīṃ dṛṣṭvā śukraḥ saṅkalpitārthabhāk /

tamaḥ saṅkalpayām āsa saṃhāram iva bhūtakṛt //

Note:

saṅkalpayām āsa saṅkalpenotpāditavān ||

triviṣṭapasya deśo ḥsau babhūva timirākulaḥ /

bhūlokasyāndhatamaso lokālokataṭo yathā //

Note:

spaṣṭam ||

lajjāndhakāratīkṣṇāṃśau tasmiṃs timiramaṇḍale /

pratiṣṭhām āgate tasya mithunasyeva manmathe //

teṣu sarveṣu bhūteṣu gateṣv abhimatāṃ diśam /

tasmāt pradeśād bhūlokaṃ dinānte vihageṣv iva //

sā dīrghadhavalāpāṅgā pravṛddhamadanā tathā /

ājagāma bhṛgoḥ putram mayūrī vāridaṃ yathā //

Note:

timiramaṇḍale kasmin | lajjā¹⁹⁹⁵ evāndhakāraḥ | tasya | tīkṣṇāṃśau sūrye | nāśakatvāt ||

dhavalāgāramadhyasthe paryaṅke parikalpite /

viveśa bhārgavas tatra kṣīroda iva mādhavaḥ //

Note:

spaṣṭam ||

sā pādāv avalambyāsya vivaśeva¹⁹⁹⁶ varānanā /

rarāja ca surebhasya pādalagneva padminī //

Note:

vivaśā parāyattaḥ ||

uvāca cedaṃ lalitaṃ lasatsnehotkayā girā /

vaco madhuram ānandi vilāsi valitākṣaram //

Note:

spaṣṭam ||

paśyāmalenduvadana maṇḍalīkṛtakārmukaḥ /

abalām anubadhnāti mām eṣa kimanaṅgakaḥ //

Note:

kutsitaḥ anaṅgaḥ kimanaṅgakaḥ¹⁹⁹⁷ ||

pāhi mām abalāṃ nātha dīnāṃ tvaccharaṇām iha /

kṛpaṇāśvāsanaṃ sādho viddhi saccaritavratam //

Note:

spaṣṭam ||

snehadṛṣṭim ajānadbhir mūḍhair eva mahāmate /

praṇayā avagaṇyante na rasajñaiḥ kadācana //

Note:

praṇayāḥ lakṣaṇayā praṇayayuktāḥ¹⁹⁹⁸ | avagaṇyante avamanyante ||

aśaṅkitopasampannaḥ praṇayo ḥnyoḥnyaraktayoḥ /

adhaḥkaroti niṣyandaṃ cāndram āsvāditam priya //

Note:

cāndraṃ niṣyandam amṛtam ||

na tathā sukhayaty eṣā cetas tribhuvaneśatā /

yathā parasparānandī snehaḥ prathamaraktayoḥ //

Note:

spaṣṭam ||

tvatpādasparśaneneyaṃ samāśvastāsmi mānada /

candrapādaparāmṛṣṭā yathā niśi kumudvatī //

Note:

spaṣṭam ||

saṃsparśāmṛtapānena tava jīvāmi sundara /

candrāṃśurasapānena cakorī capalā yathā //

Note:

spaṣṭam ||

mām imāṃ caraṇālīnām bhramarīṃ karapallavaiḥ /

āliṅgyāmṛtasampūrṇe satpadmahṛdaye¹⁹⁹⁹ kuru //

Note:

caraṇayoḥ ā samantāt | līnām caraṇālīnām ||

ity uktvā puṣpamṛdvaṅgī sā tasya patitorasi /

vyāghūrṇitālinayanā sutarāv iva mañjarī //

Note:

spaṣṭam ||

Note:

sargāntaślokena kathayati

tau dampatī tatra vilāsakāntau
vilesatus tāsu vanasthalīṣu²⁰⁰⁰ /

kiñjalkagaurānilaghūrṇitāsu²⁰⁰¹
mattau dvirephāv iva padminīṣu //

Note:

spaṣṭam | iti śivam²⁰⁰² ||

MT_4.7

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe saptamaḥ sargaḥ ||

iti cittavilāsena ciram utprekṣitaiḥ priyaiḥ /

praṇayair²⁰⁰³ bhārgavasyāsīt tuṣṭaye sasamāgamaḥ //

Note:

sasamāgamaḥ tayā apsarasā saha samāgamaḥ ||

mandāradāmākulayā vaibudhāsavamattayā /

tadā tena tayā sārdhaṃ dvitīyenāmalendunā //

vihṛtam mattahaṃsāsu hemapaṅkajinīṣu ca /

taṭeṣv amaravāhinyāḥ²⁰⁰⁴ saha kinnaracāraṇaiḥ //

Note:

vaibudhāsavaḥ amṛtam ||

pītam indudalasyandi devaiḥ saha rasāyanam /

pārijātalatājālanilayeṣu vilāsinā //

Note:

spaṣṭam ||

cārucaitrarathodyānalatādolāsu²⁰⁰⁵ līlayā /

ciraṃ vilasitaṃ vyagraiḥ saha vidyādharīgaṇaiḥ //

Note:

spaṣṭam ||

nandanopavanābhogo mandareṇeva vāridhiḥ /

bhṛśam ullolatāṃ nītaḥ pramathaiḥ saha śāmbhavaiḥ //

Note:

śukreṇa śāmbhavaiḥ śambhusambandhibhiḥ | pramathaiḥ rudragaṇaiḥ | saha | nandanopavanābhogaḥ bhṛśam ullolatām nītaḥ ||

bālahemalatājālajaṭilāsu darīṣu ca /

bhrāntam unmattarāgeṇa mairavīṣv abjinīṣu ca //

Note:

śukreṇa kartrā bhrāntam bhramaḥ kṛtaḥ | śukreṇa kathambhūtena | unmattarāgeṇa udriktarāgeṇa ||

kailāsavanakuñjeṣu tayā saha vilāsinā /

hārendudhavalā rātriḥ kṣapitā gaṇagītibhiḥ //

Note:

gaṇagītibhiḥ gandharvādigītakṛtaiḥ vinodair ity arthaḥ ||

gandhamādanaśailasya viśramyopari sānuṣu /

sā tena kanakāmbhojair āpādam abhimaṇḍitā //

Note:

āpādam pādaparyantam ||

lokālokataṭānteṣu vicitrāścaryahāriṣu /

krīḍitaṃ kṛtahāsena rāma²⁰⁰⁶ tena tayā saha //

Note:

spaṣṭam ||

mandarāntarakaccheṣu sārdhaṃ hariṇaśāvakaiḥ /

avasat sa samāḥ ṣaṣṭiṃ kalpitāmaramandiraḥ //

Note:

kalpitam kalpanayā sampāditam | amaramandiram devagṛham | yena | saḥ ||

kṣīrārṇavataṭeṣv²⁰⁰⁷ asya vanitāsahacāriṇaḥ /

kṣīṇaṃ kṛtayugād ardhaṃ śvetadvīpajanaiḥ saha //

Note:

spaṣṭam ||

gandharvanagarodyānalīlāviracanair asau /

sṛṣṭānantajagatsṛṣṭeḥ kālasyānukṛtiṃ gataḥ //

Note:

spaṣṭam ||

athāvasad asau śukraḥ purandarapure punaḥ /

sukhaṃ caturyugāny aṣṭau hariṇekṣaṇayā saha //

Note:

spaṣṭam ||

puṇyakṣayānusandhānāt tataś cāvanimaṇḍale /

tayaiva saha māninyā papātāpahṛtākṛtiḥ //

Note:

spaṣṭam ||

parālūnasamastāṅgo hṛtasyandananandanaḥ /

cintāparavaśo dhvastaḥ samitīvāhato bhaṭaḥ //

Note:

hṛte syandananandane rathanandanopavane yasya | saḥ | bhaṭapakṣe hṛtaḥ syandananandanaḥ praśastarathaḥ yasya | saḥ ||

patitasyāvanau tasya cintayā saha dīrghayā /

śarīraṃ śatadhā yātaṃ śilāpātīva nirjharaḥ //

Note:

spaṣṭam ||

saṃśīrṇayor dehakayoś citte te vāsanāvṛte /

viceratus tayor vyomni nirnīḍau vihagau yathā //

Note:

spaṣṭam ||

tatrāviviśatuś cāndraṃ te citte raśmijālakam /

prāleyatām upetyāśu śālitām atha jagmatuḥ //

Note:

prāleyatām avaśyāyabhāvam ||

śālīṃs tān bhuktavān pakvān daśārṇeṣu dvijottamaḥ /

śaukrāñ śukrāṅganāgarbhān mālaveṣu ca bhūpatiḥ //

Note:

śaukrān śukrasambandhinaḥ | tadupādānabījanimittānīti yāvat | śukrāṅganā garbhe yeṣām | tān ||

ajāyatośanāḥ²⁰⁰⁸ pūrvaṃ daśārṇeṣu dvijottamāt /

nṛpād uttamasaubhāgyān mālaveṣu tadaṅganā //

Note:

tadaṅganā śukrāṅganā | apsarāḥ iti yāvat ||

sa tatra vavṛdhe bālaḥ sā tatra vavṛdhe ḥṅganā /

tau pūrvadampatī jātau svarbhraṣṭāv iva bhūtale //

Note:

spaṣṭam ||

atha ṣoḍaśavarṣo ḥbhūc chukraḥ sāraṅganāmabhṛt /

pitur gṛhe yauvanavāñ śrīmān viprakumārakaḥ //

Note:

*²⁰⁰⁹sāraṅgeti nāma bibhartīti sāraṅganāmabhṛt²⁰¹⁰ ||

mālānāmasurastrī sā kumārī rājasadmani /

bhṛṅgekṣaṇā gatā vṛddhiṃ latā varavane yathā //

Note:

spaṣṭam ||

rājaputrī tato mālā pūjayām āsa śaṅkaram /

labheyam prāktanaṃ siddham patim ity aniśaṃ śubhā //

Note:

spaṣṭam ||

atha mālavabhūpasya yajñe dvijasabhāgatam /

mālā dadarśa sāraṅgam pitrā saha samāgatam //

Note:

spaṣṭam ||

taṃ dṛṣṭvā sānavadyāṅgī prāktanasnehabhāvitā /

dṛṣṭacandrendumaṇivat snehasvinnāṅgikā babhau //

Note:

prāktanasnehena pūrvajanmasnehena | bhāvitā vāsitā ||

tato yajñasabhāmadhye dāśārṇadvijadārakam /

bhartṛtve²⁰¹¹ varayām āsa sā mālā mālavātmajā //

Note:

spaṣṭam ||

kramāt kṛtavivāhāya tasmai vārdhakajarjaraḥ /

mālaveśo ḥkhilaṃ rājyam pratipādya vanaṃ yayau //

Note:

vārdhakajarjaraḥ jarājarjaraḥ | pratipādya dattvā ||

sa sāraṅgas tayā sārdhaṃ tasmin mālavamaṇḍape /

cakārātisukhī rājyaṃ śakravac charadāṃ śatam //

Note:

spaṣṭam ||

atha kālena mahatā cañcalatvāc ca cetasaḥ /

apriyatvam mitho yātau dampatī tau vidher vaśāt //

Note:

spaṣṭam ||

sāraṅgas tu jarājīrṇaḥ pātasajjakalevaraḥ /

dadhre śvasanaśaithilyāj jīrṇaparṇasavarṇatām //

Note:

śvasanaśaithilyāt vātaśaithilyāt ||

jāyājanavirāgeṇa²⁰¹² vārdhakātiśayena ca /

maraṇam mandamandeho nirīho²⁰¹³ ḥbhinananda saḥ //

Note:

spaṣṭam ||

atha nīrasarājyasya duḥkhātiśayaśaṃsinaḥ /

araṇya iva vetālo moho ḥtighanatāṃ gataḥ //

Note:

spaṣṭam ||

mohāndhakūpapatitam bhogāsaṅgād anāratam /

avivekinam ajñānam asajjanaparāyaṇam //

Note:

spaṣṭam ||

jahārainaṃ tato mṛtyus tṛṣṇākavalitāśayam /

pataṅgam iva maṇḍūkaḥ kṛtākrandam akiñcanam //

Note:

akiñcanam asamartham ||

tataḥ karmaphalam bhuktvā svam paratra śubhāśubham /

aṅgeṣu dhīvaro jātaḥ sa durbhāvavaśāt tadā //

Note:

durbhāvavaśāt durvāsanāvaśāt ||

tatra dhīvarakarmāṇi kurvan sa śaradāṃ śatam /

duḥkhajarjaracetastvād vairāgyaṃ samupāyayau //

Note:

spaṣṭam ||

duḥkhaṃ saṃsāra ity evaṃ cintayan bhāskaraṃ tataḥ /

sampataṃs²⁰¹⁴ tena sañjātaḥ sūryavaṃśe mahānṛpaḥ //

Note:

sampatan śaraṇaṃ gacchan ||

śubhabhāvavaśāt so ḥtha kiñcij jñānam avāptavān /

jajñe nṛpatanuṃ tyaktvā guruḥ sarvopadeśakaḥ²⁰¹⁵ //

Note:

spaṣṭam ||

mantrāsādhitasiddhir hi so ḥtha vidyādharo ḥbhavat /

kalpam ekaṃ tu bubhuje tato vaidyādharīm purīm //

Note:

spaṣṭam ||

kalpāvasānasamayaṃ nītvā pavanarūpayā /

tanvā sṛṣṭau pravṛttāyām bhūyo jāto muneḥ sutaḥ //

Note:

spaṣṭam ||

tato munīnāṃ samparkāt tapasy ugre vyavasthitaḥ /

avasan merugahane manvantaram aninditaḥ //

Note:

spaṣṭam ||

tatra tasya samutpanno mṛgyāḥ putro narākṛtiḥ /

tatsnehena param moham punar abhyāyayau kṣaṇāt //

Note:

mṛgyāḥ mṛgīsakāśāt ||

putrasyāsya dhanam me ḥstu guṇāś cāyuś ca śāśvatam /

ity anāratacintābhir jahau satyām²⁰¹⁶ avasthitim //

Note:

satyām avasthitim satyabhūtaṃ dharmaparatvam ||

dharmacintāparibhraṃśāt putrārtham bhogacintanāt /

kṣīṇāyuṣaṃ tam aharan mṛtyuḥ sarpa ivānilam //

Note:

spaṣṭam ||

bhogaikacintayā sārdhaṃ sa samutkrāntacetanaḥ /

prāpya madreśaputratvam āsīn madramahīpatiḥ //

Note:

madreśaputratvam madradeśabhūpasutatvam ||

madradeśe ciraṃ kṛtvā rājyam ucchinnaśātravaḥ /

jarām abhyājagāmātra himāśanim ivāmbujaḥ²⁰¹⁷ //

Note:

spaṣṭam ||

madrarājatanuṃ taṃ tu tapovāsanayā saha /

tatyāja tena jāto ḥsau tapasvī tāpasātmajaḥ //

Note:

saḥ madrarājatanuṃ tatyājeti sambandhaḥ | tena tanutyāgena ||

samaṅgāyā mahānadyās taṭam āsādya tāpasaḥ /

tapas tepe mahābuddhiḥ sa rāma vigatajvaraḥ //

Note:

samaṅgā nadībhedaḥ ||

Note:

sargāntaślokena śukrasya sukhāvasthānaṃ kathayati

vividhajanmadaśāvivaśāśayaḥ
samanusṛtya śarīraparamparām /

sukham atiṣṭhad asau bhṛgunandano
varanadīsutaṭe dṛḍhavṛkṣavat //

Note:

varanadīsutaṭe samaṅgākhyāyāḥ utkṛṣṭāyāḥ nadyāḥ śobhane tīre | iti śivam ||

MT_4.8

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe aṣṭamaḥ sargaḥ ||

iti cintayatas tasya śukrasya pitur agrataḥ /

jagāmātitarāṃ kālo bahusaṃvatsarātmakaḥ //

Note:

spaṣṭam ||

atha kālena mahatā pavanātapajarjaraḥ /

kāyas tasya papātorvyāṃ chinnamūla iva drumaḥ //

Note:

spaṣṭam ||

manas tu cañcalābhogaṃ tāsu tāsu daśāsu ca /

babhrāmātivicitrāsu vanarājiṣv ivaiṇakaḥ //

Note:

spaṣṭam ||

bhrāntam udbhrāntam abhitaś cakrārpitam ivākulam /

manas tasya viśaśrāma samaṅgāsaritas taṭe //

Note:

cakrārpito hi udbhramati ||

anantavṛttāntaghanām pelavāṃ sudṛḍhām api /

tāṃ saṃsṛtidaśāṃ śukro videho ḥnubhavan sthitaḥ //

Note:

tāṃ saṃsṛtidaśām samaṅgātaṭatāpasasambandhinīṃ saṃsāradaśām | videhaḥ sthūladeharahitaḥ ||

mandarācalasānusthā sā tanus tasya dhīmataḥ /

tāpaprasarasaṃśuṣkā carmaśeṣā babhūva ha //

Note:

spaṣṭam ||

śārīrarandhrapravahadvātaśītkārarūpayā /

ceṣṭāduḥkhakṣayānandāt kākalyeva sma gāyati //

Note:

tasya sā tanuḥ | ceṣṭāyā yat duḥkham pīḍā | tasya kṣayāt ya ānandaḥ | tataḥ hetoḥ | kākalyā kalasūkṣmayā gānavācā | gāyati sma iva | kathambhūtayā | śārīrarandhreṣu pravahan yaḥ vātaḥ | tena śītkāraḥ dhvaniviśeṣaḥ | sa eva rūpaṃ yasyāḥ | tādṛśyā ||

prāṇānusmaraṇocchvāsam iva vāṣpaṃ sma muñcati²⁰¹⁸ /

caṇḍānilavilāsena lulitvā vanabhūmiṣu //

Note:

vāṣpam kathambhūtam | prāṇāṇām pūrvaṃ sthitānām yad anusmaraṇam anukṣaṇaṃ smaraṇam | tena ucchvāsaḥ vṛddhiḥ yasya | tat | vāṣpatvaṃ cātrāvaśyāyasya jñeyam ||

Note:

tanum eva viśinaṣṭi

manovarākam avaṭe luṭhitam bhavabhūmiṣu /

hasantīvātiśubhrābhrasitayā dantamālayā //

Note:

bhavabhūmiṣu sthite avaṭe apsarorūpe avaṭe ||

darśayantī svakaṃ śūnyaṃ²⁰¹⁹ vapur akṣṇor²⁰²⁰ akṛtrimam /

mukhāraṇyajaratkūparūpayā gartaśobhayā //

Note:

punaḥ kathambhūtā | akṣṇoḥ²⁰²¹ svasyākṣiyugalasya | mukham evāraṇyam | tasya jaratkūpatayā gartaśobhayā | tadvyājeneti yāvat | svaṃ vapuḥ śūnyaṃ darśayantī | śūnyā evāham asmīti darśayantīti yāvat | mṛtaśarīrasya ca mukhe māṃsaśeṣāt garto jāyate ||

tāpopataptā saṃsiktā varṣājalabhareṇa sā /

pāṃsunā pavanotthena duṣkṛteneva rūṣitā //

Note:

sā iti tanūparāmarśaḥ²⁰²² ||

śuṣkakāṣṭhavad²⁰²³ ālolā pāteṣu kṛtajhāṅkṛtā /

dhārānikarapātena vinunnā jaladāgame //

Note:

vinunnā preritā | cāliteti yāvat ||

prāvṛḍnirjharapūreṇa²⁰²⁴ plutā girinadītaṭe /

tāramārutaśītkārā vanopala iva sthitā²⁰²⁵ //

Note:

tāraḥ mārutaśītkāraḥ yasyāṃ sā | vanopala iva vanopalavat | sthitā ||

vakrā śuṣkāntratantrī²⁰²⁶ ca pūtā jhāṅkārakāriṇī /

araṇyalakṣmīvīṇeva śūnyacarmamayodarī //

Note:

araṇyalakṣmyāḥ vīṇā araṇyalakṣmīvīṇā | sā iva ||

Note:

nanu tādṛśī tasya tanuḥ vanahiṃsraiḥ kathaṃ na bhuktety | atrāha

rāgadveṣavihīnatvāt tasya puṇyāśramasya tu /

mahātapastvāc ca bhṛgor na bhuktā mṛgapakṣibhiḥ //

Note:

puṇyāśramasya ca rāgadveṣavihīnatvam tatrasthaprā--ṇirāgadveṣavihīnatvena²⁰²⁷ jñeyam ||

Note:

sargāntaślokenāpy etad eva kathayati

yamaniyamakṛśīkṛtāṅgayaṣṭeś
carati tapaḥ sma bhṛgūdvahasya cetaḥ /

tanur atha pavanāpanītaraktā
ciram aluṭhan mahatīṣu sā śilāsu //

Note:

yamaniyamakṛśīkṛtāṅgayaṣṭeḥ bhṛgūdvahasya śukrasya | cetaḥ tapaḥ carati sma | atha sā tanuḥ pavanāpanītaraktā satī mahatīṣu śilāsu aluṭhat luṭhitavatī²⁰²⁸ | iti śivam ||

MT_4.9

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe navamaḥ sargaḥ ||

atha varṣasahasreṇa divyena parameśvaraḥ /

bhṛguḥ paramasambodhād virarāma samādhitaḥ //

Note:

samādhitaḥ kathambhūtāt | paramasambodhāt jñeyamālinyādūṣitajñānarūpāt | na tu mūrcchārūpāt ||

nāpaśyad agre tanayaṃ taṃ nayāvanatānanam /

sīmāntaṃ guṇasīmāyāḥ²⁰²⁹ puṇyam mūrtam iva sthitam //

Note:

spaṣṭam ||

apaśyat kevalaṃ kālaṃ kaṅkālam purato mahat /

dehayuktam ivābhāgyaṃ dāridryam iva mūrtimat //

Note:

kālam kṛṣṇam | kaṅkālam karaṅkam | abhāgyam bhāgyaviparyayaḥ ||

Note:

kaṅkālaṃ viśinaṣṭi

tāpaśuṣkavapuḥ kṛttirandhrasphuritatittiri /

saṃśuṣkāntrodaraguhāchāyāviśrāntadarduram²⁰³⁰ //

Note:

tittirayaḥ kīṭaviśeṣāḥ ||

netragartakasaṃsuptaprasūnavanakīṭakam /

makṣikāpañjaraprotakośakārikrimivrajam //

Note:

makṣikāpañjareṣu pañjarākāreṇopaviṣṭeṣu makṣikāsamūheṣu | protaḥ kośakārakrimivrajaḥ yasmin | tat ||

prāktanīm upabhogehām iṣṭāniṣṭaphalapradām²⁰³¹ /

dhārādhautāntayā²⁰³² tanvā hasac chuṣkāsthimālayā //

Note:

hasat hasad ivety arthaḥ ||

śiroghaṭena śubhreṇa sampannenenduvarcasā /

viḍambayac ca karpūraplutaliṅgaśiraḥśriyam²⁰³³ //

Note:

induvarcasā candramahasā | liṅgam śivaliṅgam ||

ṛjvā saṃśuṣkasitayā svāsthimātrāvaśeṣayā /

grīvayātmānusṛtayā dīrghīkurvad ivākṛtim //

Note:

ātmānusṛtayā | ātmanā svena | anusṛtayā sambaddhayā ||

mṛṇālikāpāṇḍurayā dhārāvadhutamāṃsayā /

nāsāsthilatayā vaktraṃ kṛtasīmākramaṃ dadhat //

Note:

kṛtasīmākramam kṛtamaryādākramam ||

dīrghakandharayā nūnam uttānīkṛtavaktrayā /

prekṣamāṇam iva prāṇān utkrāntān ambarodare //

Note:

nūnam vitarke ||

jaṅghorujānudordaṇḍair dviguṇaṃ dīrghatāṃ gataiḥ /

pramimāṇam ivāśāntaṃ dīrghādhvaśramabhītitaḥ //

Note:

āśāntam digantam ||

udareṇātinimnena carmaśeṣeṇa śoṣiṇā /

pradarśayad ivājñasya hṛdayasyātiśūnyatām //

Note:

spaṣṭam ||

prekṣya tac chuṣkakaṅkālam ālānam iva dantinaḥ /

pūrvāparaparāmarśam akurvan bhṛgur utthitaḥ //

Note:

bhṛguḥ kiṃ kurvan | putrasnehena pūrvāparaparāmarśam²⁰³⁴ akurvan | yoginām api hi kadācit prakṛtivaśāt dehapātaṃ tāvat pūrvāparaparāmarśahīnatvaṃ jāyate | kiṃ tu teṣāṃ tat kṣaṇikam eveti | utthitaḥ svātmatattvaparāmarśāt uccalitaḥ ||

ālokasamakālaṃ hi pratibhātaṃ tato bhṛgoḥ /

ciram utkrāntajīvaḥ kim matputro ḥyam iti kṣaṇāt //

Note:

tataḥ utthānānantaram | ālokasamakālam putrakaṅkāladarśanasamakālam²⁰³⁵ | bhṛgoḥ iti pratibhātam sphuritam iti | kim iti | ayam matputraḥ ciram bahukālād ārabhya | utkrāntajīvaḥ kim katham | sampanna ity arthaḥ ||

acintayata evāsya bhaviṣyattābalaṃ tataḥ /

kālam prati babhūvāśu kopaḥ paramadāruṇaḥ //

Note:

atha bhaviṣyattābalam bhavitavyatābalam | acintayataḥ tatkṣaṇotthapūrvāparavimarśarāhityenāvimṛśataḥ | asya bhṛgoḥ | kālam prati cinmātrasthakriyāvaicitryarūpe kāle | paramadāruṇaḥ kopaḥ babhūva ||

akāla eva matputro nītaḥ kim iti kopitaḥ /

kālāya śāpam utsraṣṭum bhagavān upacakrame //

Note:

akāle tadyuganiyatamanuṣyāyurasamāptirūpe kālābhāve | idam atra tātparyam | nirvikalpasamādhinā śuddhacinmātratāṃ yātaḥ asau bhṛguḥ | tasmāt samādheḥ utthitaḥ | tataḥ bāhyasparśena kiñcinmātraṃ sphaṭikavad²⁰³⁶ āsraṣṭum ārabdhaḥ | tatra prathamam akāle putram mṛtaṃ dṛṣṭvā vivaśībhūtaḥ | samanantarakālānubhūtena cinmātrarūpeṇa svena kṛtaṃ kriyāvaicitryarūpaṃ kālaṃ nāśayitum aicchat | yaś ca kālāgamaḥ sa kathaṃ svayaṃ kṛtaṃ svabhāvasahacaram etaṃ nāśayāmīti vivekāgama eva jñeyaḥ | ity āstāṃ rahasyodghāṭanena ||

athākalitarūpo ḥsau kālaḥ kavalitaprajaḥ /

ādhibhautikam āsthāya vapur munim upāyayau //

Note:

akalitarūpaḥ | akalitam paramātmagatatvena sthitatvāt prameyatām agatam | rūpaṃ yasya | saḥ | ādhibhautiko dehaḥ paramārthataḥ vicārarūpaḥ eva jñeyaḥ | bāhyān²⁰³⁷ prati tu devatārūpaḥ ||

Note:

kīdṛśaḥ upāyayāv ity apekṣāyām bāhyadevatārūpatvam bāhyadṛṣṭīn prati kathayati

khaḍgapāśadharaḥ śrīmān kuṇḍalī kavacānvitaḥ /

ṣaḍbhujaḥ ṣaṇmukho²⁰³⁸ bahvyā vṛtaḥ kiṅkarasenayā //

Note:

spaṣṭam ||

yaccharīrasamutthena jvālājālena valgatā /

phullakiṃśukavṛkṣasya babhārādreḥ śriyaṃ nabhaḥ //

Note:

spaṣṭam ||

yatkarasthatriśūlāgraniṣṭhyūtair agnimaṇḍalaiḥ /

virejur uditair āśāḥ kānakair iva kuṇḍalaiḥ //

Note:

spaṣṭam ||

yatpāśaśvasanāyastaśikharā medinībhṛtaḥ /

dolām iva samārūḍhāś celuḥ petuś ca ghūrṇitāḥ //

Note:

āyastaśikharā ākṛṣṭaśikharāḥ ||

yatkhaḍgamaṇḍaloddyotaśyāmam bimbaṃ vivasvataḥ /

kalpadagdhajagaddhūmaparyākulam²⁰³⁹ ivābabhau //

Note:

spaṣṭam ||

sa upetya mahābāhuḥ kupitaṃ tam mahāmunim /

kalpakṣubdhābdhigambhīraṃ sāntvapūrvam uvāca ha //

Note:

saḥ kālaḥ ||

vijñātalokasthitayo mune dṛṣṭaparāvarāḥ /

hetunāpi na muhyanti kim u hetum vinottamāḥ //

Note:

dṛṣṭaḥ svarūpatvenānubhūtaḥ | parāvaraḥ parāvararūpeṇa sthitaṃ cinmātratattvam | yaiḥ | te ||

tvam anantatapā vipro vayaṃ niyatipālakāḥ /

tena sampūjyase pūjya sādho netarayecchayā //

Note:

anantatapāḥ aparimitatapāḥ | tena anantatapastvena²⁰⁴⁰ ||

mā tapaḥ kṣapaya kṣubdhaiḥ kalpakālamahānalaiḥ /

yo na dagdho ḥsmi me tasya kiṃ tvaṃ śāpena dhakṣyasi //

Note:

yo ḥsmi yo ḥham | cinmātrakriyāvaicitryarūpasya kālasya kadāpi²⁰⁴¹ dāhāsambhavāt iti bhāvaḥ | dhakṣyasīti | daha bhasmīkaraṇa ity²⁰⁴² asya lṛḍantasya prayogaḥ ||

saṃsārāvalayo grastā nigīrṇā rudrakoṭayaḥ /

bhuktāni viṣṇuvṛndāni kena śāptā vayam²⁰⁴³ mune //

Note:

spaṣṭam ||

bhoktāro hi vayam brahman bhojanaṃ yuṣmadādayaḥ /

svayaṃ niyatir eṣā hi nāvayor etad īhitam //

Note:

āvayoḥ yuṣmākam asmākam ca | īhitam kāṅkṣitam ||

svayam ūrdhvam prayāty agniḥ svayaṃ yānti payāṃsy adhaḥ /

bhoktāram bhojanaṃ yāti sṛṣṭiś cāpy antakaṃ svayam //

Note:

antakam kālam ||

idam ittham mune rūpam asyeha paramātmanaḥ²⁰⁴⁴ /

svātmani svayam evātmā svata eva vijṛmbhate //

Note:

vijṛmbhate vicitrābhiḥ kriyābhiḥ vilasati ||

neha kartā na bhoktāsti dṛṣṭyā naṣṭakalaṅkayā /

bahavaś ceha kartāro dṛṣṭyānaṣṭakalaṅkayā //

Note:

naṣṭakalaṅkayā dṛṣṭyā samyagdṛṣṭyā | anaṣṭakalaṅkayā dṛṣṭyā asamyagdṛṣṭyā ||

kartṛtākartṛte brahman kevalam parikalpite /

asamyagdarśanenaiva na samyagdarśanena vaḥ //

Note:

spaṣṭam ||

puṣpāṇi taruṣaṇḍeṣu bhūtāni bhuvaneṣu ca /

svayam āyānti yāntīha kalpyate hetutā vidheḥ //

Note:

mūḍhaiḥ iha vidheḥ hetutā kalpyate kalpanayā bhāvyate | na tu paramārthataḥ hetutā kasyāpy asti | kevalasya śuddhacinmātrasyaiva sthitatvāt ||

abbimbitasya candrasya calane kartrakartṛte /

na satye nānṛte yadvat tadvat²⁰⁴⁵ kālasya sṛṣṭiṣu //

Note:

kālasya kriyāvaicitryarūpasya mama ||

mano mithyābhramāl loke kartṛtākartṛtāmayam /

karoti kalanāṃ rajjvām bhrāntekṣaṇa ivāhitām //

Note:

spaṣṭam ||

Note:

phalitam āha

tena mā gā²⁰⁴⁶ mune kopam āpadām īdṛśaḥ kramaḥ /

yad yathā tat tathaivāstu satyam ālokayākulaḥ //

Note:

āpadām kramaḥ īdṛśa eva bhavati | etāḥ sarveṣām evāyāntīti bhāvaḥ | yat yathā asti | tat tathaivāstu | ākulaḥ ākulībhūtaḥ tvam | satyam ālokaya | pravāhāyāte śubhāśubhajāle mā kṣobhaṃ gaccheti bhāvaḥ ||

na vayam prabhutārthena nābhimānavaśīkṛtāḥ /

svato hevākavaśataḥ kevalaṃ niyatau sthitāḥ //

Note:

vayam prabhutārthena prabhutāprayojanena | niyatau bhagavatkṛte niyamane | na²⁰⁴⁷ sthitāḥ | na cābhimānavaśīkṛtāḥ santaḥ sthitāḥ | kiṃ tu svataḥ svabhāvataḥ utthitāt | hevākavaśataḥ niyatau kevalaṃ sthitāḥ | kiñcid apy atrāsmāsv adhīnaṃ nāstīti bhāvaḥ ||

prakṛtavyavahārehāṃ niyatāṃ niyater vaśāt /

prājñaḥ samanuvarteta nābhimānamahātamāḥ //

Note:

niyatām śāstraniyatām | prājñaḥ kathambhūtaḥ | na abhimāna evāhaṅkartety abhimāna eva tamaḥ yasya | tādṛśaḥ ||

kartavyam eva kriyate kevalaṃ kāryakovidaiḥ /

sauṣuptīṃ vṛttim āśritya kayācid api nāśayā //

Note:

prājñaiḥ sarvaṃ phalānusandhānarahitam eva kriyate iti bhāvaḥ ||

kva sā jñānamayī dṛṣṭiḥ kva mahattvaṃ kva dhīratā /

mārge sarvaprasiddhe hi kim andha iva muhyasi //

Note:

sā samanantaram evānubhūtā | sarvaprasiddhe laukike ||

trikālāmaladarśitvaṃ dhārayann api cetasi /

avicārya jagadyātrāṃ kim mūrkha iva muhyasi //

Note:

trikālāmaladarśitvam²⁰⁴⁸ pūrvāparavimarśabhājanatvam ||

svakarmaphalapākotthām avicārya daśāṃ sute /

kim mūrkha iva sarvajña mudhā māṃ śaptum arhasi //

Note:

spaṣṭam ||

dehinām iha sarveṣāṃ śarīraṃ dvividham mune /

kiṃ na jānāsi vā deham ekam anyan manoḥbhidham //

Note:

deham sthūladeham | anyat dvitīyam ||

tatra deho jaḍo ḥtyarthaṃ vināśaikaparāyaṇaḥ /

manas tūtthānaniyataṃ kadarthāt kṣīyate na vā //

Note:

utthāne saṅkalparūpe udyoge | niyataṃ manaḥ | kadarthāt kleśāt | kṣīyate | atha vā tenāpi | na kṣīyate ||

catureṇa yathā sādho rathaḥ sārathinohyate /

kurvatā kiñcana svehāṃ deho ḥyam manasā tathā //

Note:

uhyate svābhimataṃ deśam prati nīyate ||

asat saṅkalpya kriyate sac charīraṃ vināśyate /

kṣaṇena manasā paṅkapuruṣaḥ śiśunā yathā //

Note:

asat avidyamānam | sat vidyamānam ||

cittam eveha puruṣas tatkṛtaṃ kṛtam ucyate /

tad baddhaṃ kalanāhetoḥ kalanāstaṃ vimucyate //

Note:

kalanāhetoḥ saṅkalpākhyāt kāraṇāt | kalanāstam astakalanam ||

ayaṃ deha idaṃ netram idam aṅgam idaṃ śiraḥ /

idaṃ sphāravikāraṃ tan mana evābhidhīyate //

Note:

manaḥ kathambhūtam | idaṃ sphāravikāram | idam iti sphāraḥ sphuraṇaśīlaḥ | vikāraḥ yasya | tādṛśam | manaḥ paṇḍitais tad abhidhīyate | tat kim | ayaṃ dehaḥ idaṃ netram idam aṅgam idam śiraḥ iti yad bhavati ||

mano hi jīvaj jīvākhyaṃ niścāyakatayā tu dhīḥ /

ahaṅkāro ḥbhimānitvān nānātvaṃ tv idam eti hi //

Note:

jīvat jīvanakriyākartṛtām bhajat | niścāyakatayā niścayakartṛtvena | abhimānitvāt deho ḥham ity abhimānakartṛtvena | nānātvajīvādirūpaṃ nānātvam ||

dehavāsanayā cetas tv anyāni svāni ceddhayā /

pārthivāni²⁰⁴⁹ śarīrāṇi santīva paripaśyati //

Note:

cetaḥ iddhayā dehavāsanayā deho ḥham iti vāsanayā | anyāni parakīyāni | svāni svakīyāni | pārthivāni śarīrāṇi santi iva paśyati anubhavati ||

ālokayati cet satyaṃ tad asatyamayīm manaḥ /

śarīrabhāvanāṃ tyaktvā paramāṃ yāti nirvṛtim //

Note:

manaḥ satyam samyak | cet ālokayati | tat tadā | asatyamayīm asatyasvarūpām | śarīrabhāvanāṃ tyaktvā | paramāṃ nirvṛtim cinmātramayatārūpam ānandam | yāti ||

Note:

phalitam āha

tan manas tava putrasya samādhau tvayi saṃsthite /

svamanorathamārgeṇa durād dūrataraṃ gatam //

Note:

yataḥ mana eva sarvatra kartṛ asti tat tato hetoḥ ||

idam auśanasaṃ tyaktvā deham mandarakandare /

prayātaṃ vaibudhaṃ sadma nīḍoḍḍīnaḥ khago yathā //

Note:

auśanasam śukrasambandhi ||

tatra mandārakuñjeṣu pārijātagṛheṣu ca /

nandanodyānaṣaṇḍeṣu lokapālapurīṣu ca //

Note:

spaṣṭam ||

mune caturyugāny aṣṭau viśvācīṃ devasundarīm /

asevata mahātejāḥ ṣaṭpadaḥ padminīm iva //

Note:

spaṣṭam ||

tīvrasaṃvegasampannasvasaṅkalpopakalpite /

atha puṇyakṣaye jāte nīhāra iva śārvare //

Note:

spaṣṭam ||

pramlānakusumottaṃsaḥ svinnāṅgāvalayālasaḥ²⁰⁵⁰ /

sa papāta tayā sākaṃ kālapakvam phalaṃ yathā²⁰⁵¹ //

vaibudhaṃ tat parityajya nabhasy eva śarīrakam /

bhūtākāśam athāsādya vasudhāyām ajāyata //

Note:

spaṣṭam ||

āsīd dvijo daśārṇeṣu kosaleṣu mahīpatiḥ /

dhīvaro ḥṅgamahāṭavyāṃ haṃsas tripathagātaṭe //

Note:

spaṣṭam ||

sūryavaṃśī nṛpaḥ pauṇḍre sauraḥ sālveṣu daiśikaḥ /

kalpaṃ vidyādharaḥ śrīmān dhīmān atha muneḥ sutaḥ //

Note:

pauṇḍre deśe | sūryavaṃśī nṛpaḥ jātaḥ | sālveṣu sauraḥ sūryakulotpannaḥ | daiśikaḥ guruḥ | utpannaḥ ||

madreṣv²⁰⁵² atha mahīpālas tatas tāpasabālakaḥ /

vāsudeva iti khyātaḥ samaṅgāyās taṭe sthitaḥ //

Note:

spaṣṭam ||

anyāsv api vicitrāsu vāsanāvaśataḥ svayam /

viṣamāsv eva putras te cacārānantayoniṣu //

Note:

spaṣṭam ||

Note:

anyapadavyākhyāṃ kurvan samaṅgātaṭatāpasajanmanaḥ pūrvabhāvīni janmāntarāṇy asya kathayati

abhūd vindhyavane gopaḥ kirataḥ kekayeṣu ca /

sauvīreṣu ca sāmantas traigartaś caiva daiśikaḥ //

Note:

traigartaḥ trigartadeśasambandhī ||

vaṃśagulmaḥ kirāteṣu hariṇaś cīrajaṅgale /

sarīsṛpas tālatale tamāle vanakukkuṭaḥ //

Note:

spaṣṭam ||

ayaṃ sa putro bhavato bhūtvā mantravidāṃ varaḥ²⁰⁵³ /

prajajāpa purā vidyāṃ vidyādharapadapradām //

Note:

prajajāpa japitavān | vidyām mantram ||

tenāsau²⁰⁵⁴ bhagavan brahman vyomni vidyādharo mahān /

hārakuṇḍalakeyūrī līlānicayalāsakaḥ //

Note:

bhagavan brahman | asau te putraḥ | tena japena | vidyādharaḥ abhūt | kīdṛśo vidyādharaḥ abhūd ity apekṣāyāṃ viśeṣaṇāṇy āha hāreti ||

nāyikānalinībhānuḥ puṣpacāpa ivāparaḥ /

vidyādharīṇāṃ dayito gandharvapurabhūṣaṇam //

Note:

spaṣṭam ||

sa kalpāvadhim²⁰⁵⁵ āsādya dvādaśādityadhāmani /

jagāma bhasmaśeṣatvaṃ śalabhaḥ pāvake yathā //

Note:

spaṣṭam²⁰⁵⁶ ||

jagannirmāṇarahite sphāre nabhasi sā tataḥ /

vāsanā tasya babhrāma nirnīḍā vihagī yathā //

Note:

spaṣṭam ||

atha kālena sañjāte vicitrārambhakāriṇi /

saṃsārāḍambarārambhe brāhmī rātriviparyaye //

sā manovāsanā tasya vātavyāvalitā satī /

kṛte brāhmaṇatām etya jātādya vasudhātale //

Note:

kṛte kṛtayuge | yugmam ||

vāsudevābhidhāno ḥsau mune viprakumārakaḥ /

jāto matimatām madhye samadhītākhilaśrutiḥ //

Note:

spaṣṭam ||

kalpaṃ vidyādharo bhūtvā nadyā adya mahāmune /

tapaś carati te putraḥ samaṅgāyās taṭe sthitaḥ //

Note:

spaṣṭam ||

Note:

sargāntaślokena jaraḍhayonigamanaṃ²⁰⁵⁷ kathayati

vividhaviṣamavāsanānuvṛttyā
khadirakarañjakarālakoṭarāsu /

jagati jaraḍhayoniṣu²⁰⁵⁸ prayāto
gahanatarāsu²⁰⁵⁹ ca kānanasthalīṣu //

Note:

jaraḍhayonipakṣe khadirakarañjakarālāsu nānāvidhaduḥkhasaṅkaṭāsu | iti śivam²⁰⁶⁰ ||

MT_4.10

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe daśamaḥ sargaḥ ||

adyoddāmataraṅgaughajhāṅkāraraṇitānile /

tīre varataraṅgiṇyāḥ tapas tapati te sutaḥ //

Note:

varataraṅgiṇyāḥ samaṅgāyāḥ | tapati carati ||

jaṭāvān akṣavalayī²⁰⁶¹ jitasarvendriyabhramaḥ /

tatra varṣaśatāny aṣṭau saṃsthitas tapasi sthire //

Note:

spaṣṭam ||

yadīcchasi mune draṣṭuṃ taṃ svaputramanobhramam /

tat samunmīlya vijñānanetram āśu vilokaya //

Note:

svaputrākāram manobhramam svaputramanobhramam | svaputram iti yāvat ||

ity ukte jagadīśena²⁰⁶² kālena samadṛṣṭinā /

muniḥ sañcintayām āsa jñānākṣṇā tanayehitam //

Note:

spaṣṭam ||

dadarśa ca muhūrtena pratibhāsavaśād²⁰⁶³ asau /

putrodantam aśeṣeṇa buddhidarpaṇabimbitam //

Note:

dadarśa jñānadṛṣṭyā dṛṣṭavān ||

punar mandarasānusthāṃ kāle kālāgrasaṃsthitām /

samaṅgāyās taṭād etya viveśa svatanum bhṛguḥ //

Note:

kāle svalpakāle | kālāgrasaṃsthitām kālapurovartinīm ||

vismayasmerayā dṛṣṭyā kālam ālokya kāntayā /

vītarāgam²⁰⁶⁴ uvācedaṃ vītarāgo munir vacaḥ //

Note:

kālasya samavartitvāt vītarāgitvam ||

Note:

bhṛguḥ kathayati

bhagavan bhūtabhavyeśa bālā vayam anābilā /

tvādṛśām eva dhīr deva trikālāmaladarśinī //

Note:

bālāḥ mūrkhāḥ | anāvilety asya uttarārdhena sambandhaḥ ||

nānākāraṃ vikārāḍhyā satyevāsatyarūpiṇī /

vibhramaṃ janayaty eṣā dhīrasyāpi jagadgatiḥ //

Note:

jagadgatiḥ jagadracanā ||

tvam eva deva jānāsi tvadabhyantaravarti yat /

rūpam asyā manovṛtter indrajālavidhāyakam //

Note:

tvadabhyantaravarti tvanmadhyavarti ||

matputrasyāsya bhagavan mṛtyuḥ kila na vidyate /

tenemam mṛtam ālokya jātaḥ sambhramavān²⁰⁶⁵ aham //

Note:

śukrasya cirajīvitvāt ||

akṣīṇajīvitam putraṃ kālo me nītavān iti /

niyater vaśato deva tvacchāpecchā mamoditā //

Note:

niyater iti | mama yā tvacchāpecchā jātā sāpi niyatir eva | ato mama na ko ḥpi doṣa iti bhāvaḥ ||

na tu vijñātasaṃsāragatayo vayam āpadam /

sampadaṃ vāpi gacchāmo harṣāmarṣavaśaṃ kila //

Note:

prāpyeti śeṣaḥ | āpadam prāpya | sampadaṃ vā prāpyeti ||

ayuktakāriṇi krodhaḥ prasādo yuktakāriṇi /

kartavya iti rūḍheyaṃ sāṃsārī bhagavan sthitiḥ //

Note:

ataḥ tvayy ayuktakāritvam āśaṅkya²⁰⁶⁶ mayā krodhaḥ kṛta iti bhāvaḥ ||

idaṃ kāryam idaṃ neti yāvajjīvaṃ jagatkramaḥ /

yāvad agniḥ sthitā tāvad auṣṇyadāhādidṛṣṭayaḥ //

Note:

spaṣṭam ||

idaṃ kāryam idaṃ neti heyā yasya jagatsthitiḥ²⁰⁶⁷ /

tasyaitatsamparityāgo heya eva jagadguro²⁰⁶⁸ //

Note:

yasya | idaṃ kāryam idaṃ na kāryam | iti evaṃrūpā²⁰⁶⁹ | jagatsthitiḥ heyā bhavati | tasya tatsamparityāgo ḥpi heya eva | tattyāgasyāpi jagatsthitirūpatvāt | ato mayā pūrvasthitiḥ²⁰⁷⁰ na tyakteti bhāvaḥ ||

kevalaṃ tānayīṃ cintām anālokya yadā vayam /

bhagavan bhavate kṣubdhā yātāḥ smas²⁰⁷¹ tena vācyatām //

Note:

tānayīṃ tanayasambandhinīm | vācyatām tvatkrodhakāritvarūpanindāyogyatām ||

tvayedānīm ahaṃ deva smāritas tanayehitam /

samaṅgāyās taṭe tena dṛṣṭo ḥyaṃ tanayo mayā //

Note:

spaṣṭam ||

manye jagati bhūtānāṃ dve śarīre na²⁰⁷² sarvaga /

mana eva śarīraṃ hi yenedam bhāvyate²⁰⁷³ jagat //

Note:

he sarvaga | aham manye | ihaloke bhūtānāṃ dve śarīre na²⁰⁷⁴ bhavataḥ | hi yasmāt | mana eva śarīram bhavati | yena manasā | idaṃ jagat bhāvyate bhāvanayā prakaṭīkriyate ||

Note:

kāla āha

samyag uktaṃ tvayā brahmañ śarīram mana eva naḥ /

karoti dehaṃ saṅkalpya kumbhakāro ghaṭaṃ yathā //

Note:

spaṣṭam ||

karoty akṛtam ākāraṃ kṛtaṃ nāśayati kṣaṇāt /

saṅkalpena mano mohād bālo vetālakaṃ yathā //

Note:

mohāt ajñānāt ||

tathā ca sambhrame svapnamithyājñānādibhāsvarāḥ /

gandharvanagarākārā dṛṣṭā manasi śaktayaḥ //

Note:

spaṣṭam²⁰⁷⁵ ||

sthūladṛṣṭidṛśaṃ²⁰⁷⁶ tv etām avalambya mahāmune²⁰⁷⁷ /

puṃso manaḥ śarīraṃ ca kāyau dvāv²⁰⁷⁸ iti kathyate //

Note:

sthūladṛṣṭirūpā dṛk sthūladṛṣṭidṛk | tām ||

manomanananirmāṇamātram etaj jagattrayam /

na san nāsad iva sphāram²⁰⁷⁹ uditaṃ netaran mune²⁰⁸⁰ //

Note:

etat jagat | manasaḥ yat mananam mananākhyo dharmaḥ | tanmātram eva bhavati | kathambhūtam | na sat nāsat anirvacanīyam ity arthaḥ | punaḥ kathambhūtam | sphāram ivoditam sphuraṇaśīlam iva prādurbhūtam | paramārthatas tu noditam itīvaśabdopādānam | mātraśabdasyārthaṃ svakaṇṭhena kathayati netarad iti ||

cittadehāṅgalatayā bhedavāsanayeddhayā /

dvicandratvam ivājñānān nānāteyaṃ samutthitā //

Note:

cittākhyasya dehasyāṅgalatayā aṅgalatārūpayā | bhedavāsanayā dvaitavāsanayā | iddhayā puṣṭayā satyā | iyaṃ jagadrūpā²⁰⁸¹ | nānātā samutthitā prādurbhūtā | kim iva | dvicandratvam iva | yathā dvicandratvam ajñānāt samuttiṣṭhati | tathety arthaḥ ||

bhedavāsanayā bahvyā padārthanicayam manaḥ /

bhinnam paśyati sarvatra ghaṭāvaṭapaṭādikam //

Note:

bahvyā vistīrṇayā | sarvatra sarveṣu deśeṣu kāleṣu ca ||

kṛśo ḥtiduḥkhī mūḍho ḥham etāś cānyāś ca bhāvanāḥ /

bhāvayat svavikalpotthā yāti saṃsāratām manaḥ //

Note:

saṃsāratām saṃsārabhāvam ||

mananaṃ kṛtrimaṃ rūpam mamaitan na patāmy aham /

iti tattyāgataḥ śāntaṃ ceto brahma sanātanam //

Note:

tattyāgataḥ mananatyāgataḥ | sanātanam anādi ||

Note:

yathetyādiṃ²⁰⁸² nirāmayā ityantam ekaṃ dṛṣṭāntaṃ vistareṇa kathayati

yathā pravitate ḥmbodhau tate ḥnekataraṅgiṇi /

somyaspandamayānekakallolāvaliśālini²⁰⁸³ //

vāryātmani same svacche śuddhe²⁰⁸⁴ svāduni śītale /

avināśini vistīrṇe mahāmahimani²⁰⁸⁵ sphuṭe //

tryaśras taraṅgaḥ²⁰⁸⁶ svaṃ rūpam bhāvayan sa svabhāvataḥ /

tryaśro ḥsmīti vikalpena²⁰⁸⁷ karoti svena kalpanām //

bhraśyaṃś caiva paribhraṣṭarūpo ḥsmīti talātalam /

bhāvayan bhūtalaṃ yāti tādṛgbhāvanayā tayā //

utthitaṃ ca balād ūrdhvam utthito ḥsmīti bhāvitaḥ /

tais tair vikalpais tadbhāvaṃ vikalpayati²⁰⁸⁸ sābhidham //

sasūryapratibimbas tu prakāśo ḥsmīti bhāvitaḥ /

sarajaḥpuñjapātas tu malino ḥsmīti bhāvitaḥ //

saratnaraśmijālas tu śobhate dīptayā śriyā /

tuṣārabharaviddhas tu śītalo ḥsmīti vindati //

sataṭācaladāvāgnipratibimbojjvaladvapuḥ /

bibheti vata dagdho ḥsmīty āttamīnaś ca kampate //

pratibimbitavelādritaṭapakṣivanadrumaḥ /

mahān ārambhasaṃrambhasaṃyuto ḥsmīti rājate //

vimalollasanotpannadhvastalolaśarīrakaḥ /

khaṇḍaśaḥ pariyāto ḥsmīty āttākranda²⁰⁸⁹ ivāravī //

na cormayas te jaladher vyatiriktāḥ payorasāt /

na caikaṃ rūpam eteṣāṃ kiñcit sann apy²⁰⁹⁰ asanmayam //

na ca te nyūnadairghyādyā guṇās teṣu ca teṣu ca /

normayaḥ saṃsthitā abdhau na ca tatra²⁰⁹¹ na saṃsthitāḥ //

kevalaṃ svasvabhāvasthasaṅkalpavikalīkṛtāḥ /

naṣṭānaṣṭāḥ punar jātā jātājātāḥ²⁰⁹² punaḥ kṣatāḥ //

parasparaparāmarśān nānātām upayānty alam /

ekarūpāmbusāmānyamayā eva nirāmayāḥ //

Note:

anekataraṅgiṇi anekataraṅgayukte | somyaspandamayyaḥ somyajalaspandarūpāḥ | anekakallolāvalayaḥ | tābhiḥ śālini²⁰⁹³ | etādṛśe vāryātmani | yathā saḥ prasiddhaḥ tryaśraḥ tryaśrākāraḥ taraṅgaḥ | svaṃ rūpam tryaśrarūpam svaṃ rūpam | bhāvayan pramātāram prati prakaṭīkurvan | svabhāvataḥ utthitena svena svasmād | avyatiriktena tryaśro ḥsmīti vikalpena kalpanām tryaśrākārakalpanām | karoti | na kevalam etām eva karoti | kiṃ tv anyā api kriyāḥ karoti ity āha bhraśyaṃś²⁰⁹⁴ cetyādi | saḥ tryaśraḥ taraṅgaḥ paribhraṣṭo ḥsmīti bhāvayan | ata eva bhraśyan²⁰⁹⁵ | tataḥ talātalam talātalākhyam | bhūtalam | tayā tādṛgbhāvanayā | yāti gacchati | utthitam iti | saḥ tryaśraḥ taraṅgaḥ ūrdhvam utthito ḥsmīti bhāvitaḥ | ata eva utthitaś ca taiḥ taiḥ vikalpaiḥ utthānavikalpaiḥ | sābhidham abhidhāsahitam | tadbhāvam utthānabhāvam | vikalpayati vikalpena sampādayati | sasūryeti spaṣṭam | saratneti spaṣṭam | sataṭeti | āttamīnaḥ | mīnaiḥ ātta āttamīnaḥ | pratibimbiteti²⁰⁹⁶ spaṣṭam | vimala iti | vimalaṃ yat ullasanam²⁰⁹⁷ | tena utpannaṃ yat dhvastaṃ dhvaṃsaḥ | tena lolaṃ²⁰⁹⁸ śarīraṃ yasya | saḥ | na cormaya²⁰⁹⁹ iti | te pūrvoktāḥ | pūrvam ekavacanaṃ jātyapekṣayā jñeyam | teneha bahuvacanaprayogaḥ | na ceti | te ca ūrmayaḥ | teṣu guṇeṣu | na bhavanti | kevalam iti | svasvabhāvasthaḥ svasvarūpasthaḥ | yaḥ vikalpaḥ taraṅgatāsādanarūpaḥ vikalpaḥ | tena vikalīkṛtāḥ payasaḥ ucchinnāḥ kṛtāḥ | paraspareti²¹⁰⁰ | parasparam anyoḥnyam | yaḥ parāmarśaḥ nikaṭe avasthitiḥ | tasmāt | nānātām upayānti | kathambhūtāḥ | ekaṃ rūpam yat ambusāmānyam | tanmayāḥ eva | ata eva nirāmayāḥ nāśotpādākhyarogarahitāḥ ||

Note:

dṛṣṭāntam uktvā dārṣṭāntikaṃ kathayati dvābhyām

tathaivāsmin pravitate site śuddhe nirāmaye /

brahmamātraikavapuṣi brahmaṇi sphārarūpiṇi²¹⁰¹ //

sarvaśaktāv anādyante pṛthagvad apṛthakkṛtāḥ /

saṃsthitāḥ śaktayaś citrā vicitrācāracañcalāḥ //

Note:

sitapadasyārthaṃ svakaṇṭhena kathayati śuddhe iti | nirāmaye cetyākhyād āmayāt niṣkrānte | brahmamātram ekam kevalam | vapuḥ svarūpaṃ yasya | tādṛśe | sphāram sphuraṇaśīlam | vapur asyāstīti | tādṛśe | etādṛśe brahmaṇi | apṛthakkṛtāḥ śaktayaḥ | tathaiva taraṅgavat | pṛthagvat saṃsthitāḥ bhavanti | yugmam ||

nānāśakti hi nānātvam eti svavapuṣi sthitam /

bṛṃhitam brahmaṇi brahma payasīvormimaṇḍalam //

Note:

brahma śuddhaṃ cinmātratattvam | brahmaṇi svavapuṣi brahmākhye svasvarūpe | bṛṃhitam jagadrūpayā bṛṃhitatayā²¹⁰² yuktaṃ sat | nānātvam nānābhāvam | eti gacchati | kathambhūtam | nānāśakti | anyathā nānātvagamanaṃ yuktaṃ na syād iti bhāvaḥ | brahma kim iva bṛṃhitam | payasi ūrmimaṇḍalam iva ||

Note:

nanu yadi paṭādirūpeṇa brahmaiva bṛṃhitam asti tarhi padārthānām pratyekaṃ niyataṃ rūpaṃ katham astīty | atrāha

nānārūpakarūpatvād vairūpyaśatakāriṇī /

niyatir niyatākārā padārtham adhitiṣṭhati²¹⁰³ //

Note:

nānārūpakam yat rūpam | tadyuktatvāt vairūpyaśatakāriṇī padārthānām prati niyatarūpākhyavirūpatāśatakāriṇī | niyatiḥ niyatyākhyā śaktiḥ | padārtham²¹⁰⁴ adhitiṣṭhati svavaśaṃ karoti | brahmaṇaḥ utpannayā niyatiśaktyā eva padārthānām pratyekaṃ niyataṃ rūpam astīti bhāvaḥ ||

Note:

sāmānyenoktvā stokaṃ viśeṣeṇa kathayati

jaḍā jāḍyam upādatte cittvam āyāti cinmayī²¹⁰⁵ /

vāsanārūpiṇī śaktiḥ svasvarūpasthitātmanaḥ //

Note:

vāsanārūpiṇī vāsanārūpeṇa sthitā | svasvarūpasthitaḥ yaḥ ātmā | tasya | śaktiḥ niyatiśaktiḥ | jaḍā jāḍyavāsanārūpiṇī bhūtvā | jāḍyam upādatte gṛhṇāti | yena sthāvaraṃ rūpam prakaṭīkaroti | cinmayī cetanatvavāsanārūpiṇī²¹⁰⁶ bhūtvā | cittvam āyāti | yena jaṅgamaṃ rūpam prakaṭīkaroti ||

Note:

phalitam āha

brahmaivānagha tenedaṃ sphārākāraṃ vijṛmbhate /

nānārūpaiḥ parispandaiḥ paripūrṇa ivārṇavaḥ //

Note:

he anagha | tena tataḥ hetoḥ²¹⁰⁷ | idaṃ sphārākāram jagat | brahmaiva vijṛmbhate vilasati | ka iva | paripūrṇaḥ arṇavaḥ²¹⁰⁸ iva | yathā saḥ nānārūpaiḥ parispandaiḥ taraṅgākhyaiḥ parispandaiḥ | vijṛmbhate | tathety arthaḥ ||

nānātāṃ svayam ādatte nānākāravihārataḥ /

ātmaivātmany ātmanaiva samudrāmbha ivāmbhasi //

Note:

nānākārārtham nānākāragrahaṇārtham | yaḥ vihāraḥ krīḍā | tasmāt ||

vyatiriktā na payaso vicitrā vīcayo yathā /

vyatiriktā na sarveśāt samagrāḥ kalanās tathā //

Note:

sarveśāt sarvaniyāmakatvena sthitāt cinmātratattvāt | kalanāḥ jagadrūpāḥ kalanāḥ ||

stambhapuṣpalatāpattraphalakorakayuktayaḥ /

yathaikasmiṃ sthitā bīje tathā brahmaṇi śaktayaḥ //

Note:

śaktayaḥ jagadrūpāḥ śaktayaḥ ||

nānākartṛtayā nānāśaktitā puruṣe yathā /

tathaivātmani sarvajñe sarvadā sarvaśaktitā //

Note:

sarvaśaktitāyām hetum āha sarvajña iti | yadi hi sarvaśaktiḥ na syāt tarhi sarvajñaḥ na syāt | sarvajñatvam cātra sarvakartṛtāyāṃ viśrāntam | na hi yaḥ sarvaṃ na jānāti saḥ sarvaṃ karoti | kulālādau ghaṭādijñānasya niyatatvena darśanāt ||

vicitravarṇatā yadvad dṛśyate kaṭhinātape /

vicitraśaktitā tadvad deveśe sadasanmayī //

Note:

spaṣṭam ||

vicitrarūpodetīyam avicitrāt sthitiḥ śivāt /

ekavarṇāt payovāhāc chakracāpalatā yathā //

Note:

spaṣṭam ||

ajaḍāj jaḍatodeti jāḍyabhāvanahetukā /

ūrṇanābhād yathā tantur yathā puṃsaḥ suṣuptatā //

Note:

jāḍyasya jaḍatvasya | yat bhāvanam saṅkalpanam | tad eva hetuḥ yasyāḥ | tādṛśī ||

acittaś caitasīṃ śaktiṃ svabandhāyecchayā śivaḥ /

tanoti tāntavaṃ kośaṃ²¹⁰⁹ kośakārakrimir yathā //

Note:

acittaḥ atyantaśuddhatvena cittarahitaḥ | tāntavaṃ²¹¹⁰ tantusambandhi ||

svecchayātmātmano brahman bhāvayitvā svakaṃ vapuḥ /

saṃsārān mokṣam āyāti svālānād iva vāraṇaḥ //

Note:

ātmā ātmanaḥ | ātmasambandhinyā svecchayā | svakam nijam | vapuḥ cinmātrākhyaṃ svarūpam | bhāvayitvā svasvarūpatvena bhāvanāviṣayatāṃ nītvā | saṃsārāt deho ḥham iti bhāvanārūpāt saṃsārāt | mokṣam muktim²¹¹¹ | āyati | ka iva | vāraṇaḥ iva | yathāsau²¹¹² svālānāt mokṣam āyāti | tathety arthaḥ | svecchāśabdo ḥtra icchāmātravācakaḥ ||

yad eva bhāvayaty ātmā satatam bhāvitaḥ svayam /

tayaivāpūryate śaktyā śīghram eva mahān api //

Note:

yad eva yām eva śaktim | satatam bhāvitaḥ sadā vāsitaḥ | mahān api vyāpako ḥpi san ||

bhāvitā śaktir ātmānam ātmatāṃ nayati kṣaṇāt /

anantam api kham prāvṛṇmihikā mahatī yathā //

Note:

bhāvitā bhāvanāviṣayīkṛtā | ātmatām | śaktirūpaḥ yaḥ ātmā | tattām | mihikāpakṣe ātmatām mihikātvam ||

yā śaktir uditā śīghraṃ yāti tanmayatām ajaḥ /

yām eva tu sthitiṃ yātas tanmayo bhavati drumaḥ²¹¹³ //

Note:

ajaḥ janmarahitaḥ śuddhaṃ cinmātratattvam | sthitim ādhārarūpam bhūmim | drumasya ādhārabhūtabhūmyanurūpatvenārohaṇāt ||

na mokṣo mokṣa īśasya na bandho bandha ātmanaḥ /

bandhamokṣadṛśau loke na jāne protthite kutaḥ //

Note:

īśasyātmanaḥ | ātmanaḥ īśasya | tarhi bandhamokṣau kasya bhavata ity | atrāha²¹¹⁴ bandheti | bandhamokṣayor utthānam eva paramārthato nāstīti kā tadādhāracinteti bhāvaḥ ||

nāsya bandho na mokso ḥsti tanmayaś caiva lakṣyate /

grastaṃ nityam asatyena²¹¹⁵ māyāmayam aho jagat //

Note:

asyātmanaḥ | paramārthataḥ²¹¹⁶ bandhaḥ nāsti | mokṣo ḥpi²¹¹⁷ nāsti | kiṃ tu āmukhataḥ tanmayaḥ bandhamokṣamayaḥ | lakṣyate | nanu tarhi jagati bandhamokṣakalanā katham astīty | atrāha²¹¹⁸ | jagacchabdenātra jagadgatāḥ pramātāraḥ lakṣyante | aho āścarye | jagat jagadgatāḥ pramātāraḥ | asatyena asatyabhūtena bandhamokṣākhyena kenāpi | grastam svakalanāviṣṭaṃ kṛtam | atra hetuṃ viśeṣaṇadvāreṇāha māyāmayam²¹¹⁹ iti | māyāmayatvād evāsatyena²¹²⁰ grastatvam iti bhāvaḥ ||

Note:

nanu katham ātmā bandhamokṣādikalanāgrasta iva sampanna ity | atrāha

yadaiva cittaṃ kalitam akalena²¹²¹ kilātmanā /

kośakīṭavad ātmāyam anenāvalitas tadā //

Note:

akalena akhaṇḍatvāt kalārahitena | anenātmanā yadaiva cittaṃ kalitam kalanayā prakaṭīkṛtam | tadānenātmanā kośakīṭavat kośakārakrimivat | ātmā svasvarūpam | āvṛtaḥ | bandhamokṣādikalanārūpeṇa kośenāvṛtaḥ ||

Note:

nanv etenātmanā kalitam manaḥ kasmād upādānān nirgatam ity | atrāha

ananyarūpās tv anyatvavikalpitaśarīrakāḥ /

manaḥśaktaya etasmād imā niryānti koṭiśaḥ //

Note:

ananyarūpāḥ abhinnāḥ | imāḥ pṛthaktvena vartamānāḥ ||

tatsthās tajjāḥ pṛthagrūpāḥ samudrād iva vīcayaḥ /

tatsthās tajjāḥ pṛthaksthāś ca candrād iva marīcayaḥ²¹²² //

Note:

tatsthāḥ tasmin paramātmani sthitāḥ | tajjāḥ tasmāt paramātmanaḥ jātāḥ | etāḥ manaḥśaktayaḥ pṛthagrūpāḥ bhavanti | kā iva | vīcaya iva | yathā vīcayaḥ samudrāt pṛthagrūpāḥ bhavanti | tathety arthaḥ | dvitīyaṃ dṛṣṭāntaṃ kathayati tatsthā iti ||

asmin spandamaye sphāre paramātmamahāmbudhau /

cijjale vitatābhoge cinmātrarasaśālini //

kāścit sthitā haribrahmarudracidvalanādhikāḥ²¹²³ /

laharyaḥ prasphuranty etāḥ svabhāvodbhāvitātmikāḥ //

Note:

spandamaye ahaṃvimarśamaye | ahaṃvimarśasyaivātra spandatvāt | sphāre vistīrṇe | cit cetyonmukhā²¹²⁴ cit | sā eva jalam yasmin | tādṛśe | cinmātram cetyānunmukhā cit | sā eva rasaḥ yasmin | tādṛśe | rasaḥ jalasya sārabhūtaḥ āsvādākhyo guṇaḥ jñeyaḥ | etādṛśe paramātmamahāmbudhau | kāścit²¹²⁵ etāḥ laharyaḥ cillaharyaḥ | prasphuranti | laharyaḥ kathambhūtāḥ sthitāḥ | haribrahmarudrarūpāḥ²¹²⁶ yāḥ cidvalanā citspandāḥ | tāḥ adhikam yāsām²¹²⁷ | tādṛśyaḥ sthitāḥ | punaḥ kathambhūtāḥ | svabhāvāt udbhāvitaḥ prakaṭībhāvaṃ gataḥ | ātmā yāsām | tāḥ | kāścil laharyaḥ haribrahmarudrarūpatayā sphurantīti bhāvaḥ²¹²⁸ ||

kāścid yamamahendrārkavahnivaiśravaṇādikāḥ /

ghnanti kurvanti tiṣṭhanti laharyaś capalaiṣaṇāḥ //

Note:

capalāḥ eṣaṇāḥ icchāḥ | yāsām²¹²⁹ | tāḥ ||

kāścit kinnaragandharvavidyādharasurādikāḥ /

utpatanti patanty ugrā laharyaḥ parivalgitāḥ //

Note:

parivalgitāḥ spanditāh ||

kāścit kiñcitsthitākārā²¹³⁰ yathā kamalajādikāḥ /

kāścid utpannavidhvastā yathā suranarādikāḥ //

Note:

kiñcit kālaṃ sthitaḥ ākāraḥ yāsām | tāḥ kiñcitsthitākārāḥ ||

krimikīṭapataṅgādigonāsājagarādikāḥ /

kāścit tasmin mahāmbhodhau sphuranty eteṣu binduvat //

Note:

eteṣv iti bahuvacanam pādapūraṇārtham | tenaitasmin mahāmbhodhāv iti yojyam ||

kāścic calānanamṛgagṛdhravañjulakādayaḥ /

sphuranti girikuñjeṣu velāvanataṭeṣv iva //

Note:

spaṣṭam ||

sudīrghajīvitāḥ kāścit kāścid atyalpajīvitāḥ /

svatucchabhāvanāt²¹³¹ tucchāt kāścit tucchaśarīrikāḥ //

Note:

kāścit²¹³² tucchāt asatyāt | svatucchabhāvanāt svaviṣayāt tucchavikalpanāt²¹³³ | tucchaśarīrikāḥ bhavanti ||

saṃsārasvapnasaṃrambhe kāścit sthairyeṇa bhāvitāḥ /

svavikalpahatāḥ kāścic chaṅkante susthiraṃ jagat //

Note:

sthairyeṇa sthiratayā | bhāvitāḥ sthiro ḥyaṃ saṃsāra iti vāsanāyuktāḥ kṛtāḥ ||

alpālpabhāvanāḥ kāścid dainyadoṣavaśīkṛtāḥ /

kṛśo ḥtiduḥkhī mūḍho ḥham²¹³⁴ iti duḥkhair dṛḍhīkṛtāḥ //

Note:

atra bhāvanāyāḥ alpālpatvam atimauḍhyena jñeyam ||

kāścit sthāvaratāṃ yātāḥ kāścid devatvam āgatāḥ /

kāścit puruṣatām prāptāḥ kāścid dānavatāṃ gatāḥ //

Note:

spaṣṭam ||

Note:

sargāntaślokena pūrvoktam evārthaṃ saṅkṣipya kathayati

kāścit sthitā jagati kalpaśatāny analpāḥ
kāścid vrajanti paramam puruṣaṃ suśuddhāḥ²¹³⁵ /

brahmārṇavāt samuditā laharīvilolāś
citsaṃvido hi mananāparanāmavatyaḥ²¹³⁶ //

MT_4.11

iti śrībhāskarakaṇṭhaviracitāyāṃ śrīmokṣopāyaṭīkāyām ekādaśaḥ sargaḥ ||

surāsuranarākārā imā yāḥ saṃvido mune /

brahmārṇavād abhinnās te satyam etan mṛṣetarat //

Note:

etat | surāsuranarākārā yāḥ saṃvidaḥ | brahmārṇavād abhinnatvam | itarat bhinnatvam | surāsuranarāṇām prādhānyāt grahaṇam ||

Note:

surāsuranarākārāḥ saṃvidaḥ viśinaṣṭi

mithyābhāvanayā brahman svavikalpakalaṅkitāḥ /

na brahma vayam ity antarniścayena hy adhogatāḥ //

Note:

kalaṅkitatve uttarārdhena hetuṃ kathayati na brahmeti | hiśabdaḥ yasmādarthe ||

brahmaṇo vyatiriktatvam brahmārṇavagatā api /

bhāvayantyo vimuhyanti bhīmāsu bhavabhūmiṣu //

Note:

bhīmāsu duḥkhadāyitvenātyantabhayānakāsu ||

yā etāḥ saṃvido brāhmyo mune naikakalaṅkitāḥ /

etat tat karmaṇām²¹³⁷ bījam atha karmaiva viddhi vā //

Note:

etāḥ surāsuranarākāratvena pūrvam uktāḥ | saṃvidaḥ parāmarśāḥ | brāhmyaḥ brahmasambandhinyaḥ | naikakalaṅkitāḥ na ekena prakāreṇa kalaṅkitāḥ | bahuprakāreṇa kalaṅkitā ity arthaḥ | tat etat tā etāḥ brāhmīḥ saṃvidaḥ | karmaṇām bījam kāraṇam | viddhi | atha vā karmaiva viddhi²¹³⁸ | karmatveneṣṭasya bāhyakarmaṇaḥ etadanu praṇītatvāt²¹³⁹ | na hi saṃvitparāmarśam antareṇa bāhyakarmaṇaḥ utthānaṃ dṛṣṭaṃ yuktaṃ vā ||

Note:

etāsām eva samastajagannimittatvaṃ kathayati

saṅkalparūpayaivāntar mune kalanayaitayā /

karmajālakarañjānām bījamuṣṭyā karālayā //

imā jagati vistīrṇe śarīropalapaṅktayaḥ /

tiṣṭhanti parivalganti rudanti ca hasanti ca //

ābrahmastambhaparyantaṃ spandanaiḥ pavano yathā /

ullasanti niyacchanti mlāyanti vihasanti ca //

Note:

he mune | saṅkalparūpayā saṅkalpasvarūpayā | karmajālakarañjānām bījamuṣṭyā karmajālakāraṇabhūtayeti yāvat | ata eva vikarālayā bhayānakayā | etayā kalanayā saṃvidrūpayā kalanayā | vistīrṇe jagati ābrahmastambhaparyantaṃ śarīropalapaṅktayaḥ śarīrapāṣāṇapaṅktayaḥ | tiṣṭhanti²¹⁴⁰ parivalganti rudanti ca hasanti ullasanti niyacchanti mlāyanti vihasanti ca²¹⁴¹ upalakṣaṇaṃ caitat | sarvāḥ kriyāḥ kurvantīty arthaḥ | mṛtaśarīreṣu pūrvoktakriyāṇām adarśanāt | ko yathā | pavano yathā | yathā pavanaḥ svāntaḥsthaiḥ spandanaiḥ nānāvidhāḥ²¹⁴² kriyāḥ karoti | tathety arthaḥ ||

tā etāḥ kāścid atyacchā yathā hariharādayaḥ /

kāścid alpavimohasthā yathoraganarāmarā //

Note:

spaṣṭam ||

kāścid atyantamohasthā yathā tarutṛṇādayaḥ /

kāścid ajñānasammūḍhāḥ krimikīṭatvam āgatāḥ²¹⁴³ //

Note:

spaṣṭam ||

kāścit tṛṇavad uhyante dūre brahmamahodadheḥ /

aprāptabhūmikā etā yathoraganarādayaḥ //

Note:

aprāptabhūmikāḥ aprāptapārāḥ²¹⁴⁴ ||

taṭamātraṃ samālokya kāścit khedam upāgatāḥ /

jātājātā nikhanyante kṛtāntajaradākhunā //

Note:

taṭamātraṃ samālokya na tv āsādya | tadāsādane hi punaḥ punaḥ kṛtāntanikhananaṃ na yuktaṃ syāt | taṭaś cātra cinmātraviśrāntirūpo jñeyaḥ ||

kāścid antaram āsādya brahmatattvamahāmbudheḥ /

gatās tattām aśokāya haribrahmaharādikāḥ //

Note:

tattām brahmatām | aśokāya śokābhāvāya ||

alpamohānvitāḥ kāścit tam eva brahmavāridhim /

adṛṣṭarāgarogaugham²¹⁴⁵ avalambya vyavasthitāḥ //

Note:

avalambya svātmatvenāśritya | kāścit jīvanmuktarūpā ity arthaḥ ||

kāścid bhoktavyajanmaughā bhuktajanmaughakoṭayaḥ²¹⁴⁶ /

vandhyāḥ prakāśatāmasyaḥ²¹⁴⁷ saṃsthitā bhūtajātayaḥ //

Note:

prakāśatāmasyaḥ²¹⁴⁸ prakṛṣṭatamaso²¹⁴⁹ gūṇayuktaḥ | ata eva vandhyā samyagjñānākhyaphalarahitāḥ ||

kāścid ūrdhvād adho yānti tathādhastān mahat padam /

ūrdhvād ūrdhvataraṃ kāścid adhastāt kāścid apy adhaḥ //

Note:

adhaḥ paśuyoniṃ narakaṃ vā | mahat padam²¹⁵⁰ mānuṣyaṃ svargaṃ vā ||

Note:

sargāntaślokena siddhāntaṃ kathayati

bahusukhaduḥkhakasaṅkaṭā kriyeyam
paramapadāsmaraṇāt samāgateha /

paramapadāvagamāt prayāti nāśaṃ
vihagapatismaraṇād viṣavyatheva //

Note:

vihagapateḥ gāruḍikamantradevatārūpasya garuḍasyeti śivam²¹⁵¹ ||

MT_4.12

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe dvādaśaḥ²¹⁵² sargaḥ ||

Note:

oṃ | śrīvasiṣṭhaḥ śrīrāmam praty āha

vicārayantas tattvajñā iti te jāgatīr gatīḥ /

samaṅgāyās taṭāt tasmāt praceluś cañcalāṃśavaḥ //

Note:

jāgatīḥ jagatsambandhinīḥ | gatīḥ racanāḥ ||

kramād ākāśam ākramya nirgatyāmbudakoṭaraiḥ /

samprāpuḥ siddhamārgeṇa mandaraṃ hemakandaram //

Note:

koṭarair iti | koṭarebhyaḥ ity asyārthe ||

adhityakāyāṃ tasyādrer ārdraparṇāvaguṇṭhitām /

dadarśa bhārgavaḥ śuṣkām pūrvajanmodbhavāṃ tanum //

Note:

spaṣṭam ||

uvāca cedaṃ he tāta tanvī tanur iyaṃ hi sā /

yā tvayā sukhasambhogaiḥ purā samabhilālitā //

Note:

spaṣṭam ||

iyaṃ sā mattanur yasyā mandārakusumotkaraiḥ /

racitāḥ śītalāḥ śayyā merūpavanabhūmiṣu //

Note:

sā iti | na tv anyā ||

iyaṃ sā mattanur mattadevastrīgaṇalālitā /

sarīsṛpamukhakṣuṇṇā paśya śete dharātale //

Note:

spaṣṭam ||

nandanodyānaṣaṇḍeṣu mama tanvā yayānayā /

ciraṃ vilasitaṃ seyaṃ śuṣkakaṅkālatāṃ gatā //

Note:

vilasitam iti bhāve ktaḥ ||

surāṅganāṅgasaṃsaṅgād uttuṅgānaṅgaraṅgayā²¹⁵³ /

cetovṛttyā rahitayā tanveha mama śuṣyate //

Note:

śuṣyate bhāve lakāraḥ ||

teṣu teṣu vilāseṣu tāsu tāsu daśāsu ca /

tathā tā bhāvanā baddhvā kathaṃ svastho ḥsi dehaka //

Note:

tāḥ bhāvanāḥ surastrīviṣayāḥ | svastho ḥsi cañcalatārahitatvāt | anukampito dehaḥ dehakaḥ | tasyāmantraṇaṃ dehaketi ||

hā tano kvāvabhagnāsi tāpasaṃśoṣam āgatā /

karaṅkatām prayātāsi mām bhāvayasi durbhage //

Note:

karaṅkatām kaṅkalatām | he durbhage tano | tvam mām bhāvayasi kiṃ smarasi | atisnehākulatvād iyam uktiḥ ||

dehenāhaṃ vilāseṣu yenaiva mudito ḥbhavam /

kaṅkalatām upagatāt tasmād eva bibhemy aham //

Note:

yena dehenāhaṃ vilāseṣu muditaḥ abhavam | kaṅkalatām upagatāt tasmād eva dehāt | aham bibhemi ||

tārājālasamākāro yatra hāro ḥbhavat purā /

mamorasi nilīyante²¹⁵⁴ paśya tatra pipīlakāḥ //

Note:

nilīyante laganti²¹⁵⁵ ||

dravatkāñcanakāntena lobhaṃ nītā varāṅganāḥ /

yena madvapuṣā tena paśya kaṅkalatohyate //

Note:

uhyate dhāryate ||

paśya me²¹⁵⁶ vitatāsyena tāpasaṃśuṣkakṛttinā /

matkaṅkālakuvaktreṇa vitrāsyante vane mṛgāḥ //

Note:

vitrāsyante vikārayuktatvena trāsayuktāḥ kriyante ||

paśyātisaṃśuṣkatayā śavodaradarī mama /

prakāśārkāṃśujālena vivekeneva śobhate //

Note:

śavodaram mṛtaśarīrodaram eva darī ||

mattanuḥ pariśuṣkeyaṃ sthitottānā vanāvanau /

vairāgyaṃ nayatīvātmatucchatvenāmbarasthitān //

Note:

ambarasthitān devān ||

śabdarūparasasparśagandhalobhavimuktayā /

nirvikalpasamādhyeva mama tanvoṣyate girau //

Note:

mama tanvā kathambhūtayā | nirvikalpe vikalpaniṣkrānte cinmātre | samādhiḥ yasyāḥ | sā | tādṛśyā ||

saṃśānte cittavetāle yām ānandakalāṃ tanuḥ /

yāti tām api rājyena jāgatena na gacchati //

Note:

jāgatena jagatsambandhinā ||

paśya viśrāntasarvehaṃ vigatāśeṣakautukam /

nirastakalpanājālaṃ sukhaṃ śete kalevaram //

Note:

spaṣṭam ||

cittamarkaṭasaṃrambhasaṅkṣubdhaḥ kāyapādapaḥ /

tathā vegena calati yathā mūlāni kṛntati //

Note:

mūlakṛntanam vyāvahārikakṣobharūpaṃ jñeyam ||

cittānarthavimukto ḥsau gajābhraharivibhramam /

nāyam paśyati me dehaḥ parānanda iva sthitaḥ //

Note:

gajābhraharīṇām gajameghasiṃhānām²¹⁵⁷ | vibhramam vilāsam | cāñcalyam iti yāvat | na paśyati nānubhavati ||

sarvāśājvarasammohamihikāśaradāgamam /

acittatvaṃ²¹⁵⁸ vinā nānyac chreyaḥ paśyāmi jantuṣu //

Note:

spaṣṭam ||

ta eva sukhasambhogasīmāntaṃ samupāgatāḥ /

mahādhiyaḥ śāntadhiyo ye yātā vimanaskatām //

Note:

spaṣṭam ||

sarvaduḥkhadaśāmuktāṃ saṃśāntāṃ vigatajvarām /

diṣṭyā paśyāmy amananāṃ vane tanum imām aham //

Note:

spaṣṭam ||

Note:

atra śrīrāmaḥ pṛcchati

bhagavan sarvadharmajña bhārgaveṇa tadā kila /

subahūny upabhuktāni śarīrāṇi punaḥ punaḥ //

bhṛguṇotpādite kāye tat tasmiṃs tasya kim mune /

mahān atiśayo jātaḥ paridevanam eva vā //

Note:

atiśayaḥ atiśayajñānam ||

Note:

śrīvasiṣṭha uttaraṃ kathayati

śukrasya kalanā rāma yāsau jīvadaśāṃ gatā /

karmātmikā samutpannā bhṛgor²¹⁵⁹ bhārgavarūpiṇī //

Note:

kalanā śukrajīvaprādurbhāvakārī samvidākhyaḥ spandaḥ | śukrasya jīvadaśām śukrasambandhijīvāvasthām | bhṛgor iti pañcamī | seti śeṣaḥ ||

sā hīdamprathamatvena sametya paramāt padāt /

bhūtākāśapadam prāpya vātavyāvalitā satī //

prāṇāpānapravāheṇa praviśya hṛdayam bhṛgoḥ /

krameṇa vīryatām etya sampannauśanasī tanuḥ //

Note:

idamprathamatvena tatpūrvatvena | sametya samyak utthāya | auśanasī tanuḥ śukraśarīrarūpā | yugmam ||

vihitabrāhmasaṃskārā tataḥ sā pitur agragā /

kālena mahatā prāptā śuṣkakaṅkālarūpatām //

Note:

spaṣṭam ||

idamprathamam²¹⁶⁰ āyātā yadā sā brahmaṇas²¹⁶¹ tanuḥ /

atas tām prati śukreṇa tadā tat paridevitam //

Note:

idamprathamam tatpūrvam²¹⁶² | tat paridevitam tādṛśam²¹⁶³ paridevanaṃ kṛtam ||

vītarāgo ḥpy aniccho ḥpi samaṅgāviprarūpavān /

svāṃ śuśoca tanuṃ śukraḥ svabhāvo hy eṣa dehajaḥ //

Note:

spaṣṭam ||

kiṃ tu pradarśitaṃ tena śokavyājena dhīmatām /

vairāgyapratipattyai tat²¹⁶⁴ pṛthaktvaṃ dehadehinoḥ //

Note:

kiṃ tv iti pakṣāntare | tathā ca paropakārārtham eva śukreṇa paridevanaṃ²¹⁶⁵ kṛtam iti bhāvaḥ ||

jñasyājñasya ca dehasya yāvajjīvam ayaṃ kramaḥ /

lokavad vyavahāro yat saktyāsaktyātha vā sadā //

Note:

atha vā pakṣāntare | dehasya vyavahāraḥ iti sambandhaḥ | yad vā lakṣaṇayā | dehasya dehina ity arthaḥ | tathā ca jñasya dehasyājñasya vā dehasyety arthaḥ | jñasyāsaktyā ajñasya saktyeti kramo jñeyaḥ ||

ye parijñātagatayo ye cājñāḥ paśudharmiṇaḥ /

lokasaṃvyavahāreṣu te sthitā vanajālavat //

Note:

vanajālam sthitatvamātre upamānaṃ jñeyam ||

vyavahārī yathaivājñas tathaiva kila paṇḍitaḥ /

vāsanāmātrabhedo ḥtra kāraṇam bandhamokṣayoḥ //

Note:

vāsanāmātrabhedaḥ śuddhatvāśuddhatvena jñeyaḥ ||

yāvac charīraṃ tāvad dhi duḥkhe duḥkhaṃ sukhe sukham /

asaṃsaktadhiyo dhīrā darśayanty aprabuddhavat //

Note:

darśayanti anyān prati darśayanti | na tu svayam paśyanti ||

sukheṣu sukhitā²¹⁶⁶ nityaṃ duḥkhitā duḥkhavṛttiṣu /

mahātmāno hi dṛśyante nūnam antas tu śītalāḥ //

Note:

śītalāḥ sukhaduḥkhakṛtakṣobharahitāḥ ||

stambhasya²¹⁶⁷ pratibimbāni kṣubhyanti na vapuḥ sthiram /

jñasya karmendriyāṇy eva kṣubhyanti na manaḥ sthiram //

Note:

sthiraṃ vapuḥ dṛḍhaṃ stambhākhyaṃ svarūpam | kṣubhyantīty antargataṇic | kau prayogau | te na kṣobhayantīty²¹⁶⁸ arthaḥ | karmendriyāṇy upalabdhyākhyakarmakārīṇi jñānendriyāṇīty arthaḥ ||

calācalatayā tajjño²¹⁶⁹ lokavṛttiṣu tiṣṭhati /

adhaḥsthitir²¹⁷⁰ iva svaccham pratibimbeṣu²¹⁷¹ bhāskaraḥ //

Note:

calācalatayā atyantacāñcalyena | bhāskaraḥ kathambhūtaḥ | adhaḥ adhodeśe | sthitiḥ avasthānaṃ yasya | saḥ ||

santyaktalokakarmāpi baddha evāprabuddhadhīḥ /

atyaktamohalīlo ḥpi mukta eva prabuddhadhīḥ //

Note:

prabuddhadhītvāprabuddhadhītvayor evātra bandhamokṣau prati kāraṇatvam iti bhāvaḥ ||

muktabuddhīndriyo mukto baddhakarmendriyo ḥpi hi /

baddhabuddhīndriyo²¹⁷² baddho muktakarmendriyo ḥpi hi //

Note:

hiśabdaḥ prasiddhau ||

sukhaduḥkhadṛśor loke bandhamokṣadṛśos tathā /

hetur buddhīndriyāṇy eva tejāṃsīva prakāśane //

Note:

prakāśane arthaprakaṭatākaraṇe ||

bahir lokocitācāras tv antar ācāravarjitaḥ /

samo ḥsann iva tiṣṭha tvaṃ saṃśāntasakalaiṣaṇaḥ //

Note:

antaḥ manasi ||

sarvaiṣaṇāvimuktena svātmanātmani tiṣṭhatā /

kuru karmāṇi kāryāṇi nūnaṃ sāmanasi sthitiḥ //

Note:

he rāma | tvam | sarvaiṣaṇāvimuktena | ata eva ātmani na tu anātmarūpeṣu viṣayeṣu | tiṣṭhatā ātmanā manasā | kāryāṇi niyatāni | karmāṇi kuru | nūnaṃ niścayena | sā amanasi sthitiḥ manasi sthitiḥ na bhavati ||

ādhivyādhimahāvarte garte saṃsāravartmani /

mamatogrāndhakūpe ḥsmin mā patātapadāyini //

Note:

mamatogrāndhakūpe kathambhūte | saṃsāravartmani saṃsārarūpe mārge | garte gartatayā sthite ||

na tvam bhāveṣu no bhāvās tvayi tāmarasekṣaṇa /

śuddhabuddhasvabhāvas tvam ātmasaṃsthaḥ sthiro bhava //

Note:

tvam sākṣibhūtaśuddhacinmātrarūpaḥ tvam | ātmasaṃsthaḥ śuddhabuddhasvabhāvasvātmaparaḥ²¹⁷³ | na tu dehādiparaḥ ||

Note:

sargāntaślokenottaraṃ samāpayati

vyapagatamamatāmahāndhakāram
padam amalaṃ vigataiṣaṇaṃ sametya /

prabhavasi yadi cetaso mahātmaṃs
tad atidhiye mahate sate namas te //

Note:

vyapagatam mamatārūpam mahāndhakāram yasya | tat | tādṛśam | ata evāmalam vigataiṣaṇam tṛptatayā samastākāṅkṣārahitam | padam cinmātrākhyam padam | sametya svātmatvena vibhāvya | yadi cetasaḥ prabhavasi cetaḥ jetuṃ samartho bhavasi | he mahātman | tat tadā | te tubhyam | namaḥ astu | kathambhūtāya | atidhiye utkṛṣṭabuddhaye | mahate mahattvayuktāya | sate sanmātrasvarūpāya | iti śivam ||

MT_4.15

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe pañcadaśaḥ²¹⁷⁴ sargaḥ ||

athākṣipya vacas tasya tanayasya tadā bhṛgoḥ /

uvāca bhagavān kālo vaco gambhīraniḥsvanam //

Note:

ākṣipya²¹⁷⁵ ākṣepaviṣayaṃ kṛtvā | bhṛgoḥ tanayasya śukrasya ||

Note:

kālaḥ kathayati

samaṅgātāpasīm²¹⁷⁶ etāṃ tanuṃ santyaja bhārgava /

praviśemāṃ tanuṃ sādho nagarīm iva pārthivaḥ //

Note:

samaṅgātāpasīm samaṅgātāpasasambandhinīm ||

kāle pūrvajayā tanvā tapaḥ kṛtvānayā punaḥ /

gurutvam asurendrāṇāṃ kartavyam bhavatānagha //

Note:

spaṣṭam ||

mahākalpānta āyāte bhavatā bhārgavī tanuḥ /

apunargrahaṇāyaiṣā tyājyā pramlānapuṣpavat //

Note:

spaṣṭam ||

jīvanmuktapadam prāptas tanvā prāktanarūpayā /

mahāsurendragurutāṃ kurvaṃs tiṣṭha mahāmate //

Note:

prāktanarūpayā śukrākhyayā ||

kalyāṇam astu vāṃ yāmo vayaṃ tv abhimatāṃ diśam /

na kiñcid api tac cittaṃ yasya nābhimatam bhavet //

Note:

nanu kathaṃ tavāpy abhimatam astīty | atrāha na kiñcid iti | tat kiñcid api na bhavati | yasya cittasyābhimatam nāsti | ato mamāpi sacittatvād abhimatam astīti bhāvaḥ ||

ity uktvā muñcatoḥ²¹⁷⁷ puṣpaṃ tayoḥ so ḥntaradhīyata /

taptāṃśur iva rodasyoḥ samam aṃśubhir aṃśumān //

Note:

taptāṃśuḥ sūryaḥ | rodasyoḥ dyāvāpṛthivyoḥ ||

gate tasmin bhagavati tām uktvā bhavitavyatām /

vicārya bhārgavo ḥbhedyāṃ niyatāṃ niyater gatim //

kālakāraṇasaṃśuṣkām bhāvipuṣpaśubhodayām /

viveśa tāṃ tanum bālāṃ sulatām iva mādhavaḥ //

Note:

abhedyām bhettum aśakyām | kālākhyaṃ yat kāraṇam | tena śuṣkām | mādhavaḥ vasantaḥ | lakṣaṇayā vāsantikaḥ rasaḥ | bhāvī puṣpavat śubhaḥ udayaḥ yasyāḥ | tām ||

sā brāhmaṇatanur bhūmau vivarṇavad anaṅgikā /

papāta kampitā tūrṇam chinnamūlā latā yathā //

Note:

brāhmaṇatanuḥ samaṅgātāpasatanuḥ ||

tasyām praviṣṭajīvāyām putratanvām mahāmuniḥ /

cakārāpyāyanam mantraiḥ sakamaṇḍaluvāribhiḥ²¹⁷⁸ //

Note:

āpyāyanam pūraṇam ||

sarvanāḍyaḥ²¹⁷⁹ tatas tanvyās tasyāḥ²¹⁸⁰ pūrṇā virejire /

saritaḥ prāvṛṣīvāmbupūrapūritakoṭarāḥ //

Note:

spaṣṭam ||

nalinī prāvṛṣīvāsau madhāv iva navā latā /

yadā pūrṇā tadā tasyāḥ prāṇāḥ²¹⁸¹ pallavitā babhuḥ //

Note:

asau bhārgavatanuḥ | pūrṇā prāṇapūrṇā | tasyāḥ tanvāḥ²¹⁸² | pallavitāḥ apānādirūpeṇocchūnāḥ ||

atha śukraḥ samuttasthau vahatprāṇasamīraṇaḥ /

rasamārutasaṃyogād āmūlam iva vāridaḥ //

Note:

āmūlam mūlād ārabhya ||

puro ḥbhivādayām āsa pitaram pāvanākṛtiḥ /

prathamollāsito meghaḥ staniteneva parvatam //

Note:

spaṣṭam ||

pitātha prāktanīṃ tasyāpy āliliṅga tanuṃ tataḥ /

snehārdravṛttir jaladaś cirād giritaṭīm iva //

Note:

spaṣṭam ||

bhṛgur dadarśa sasneham prāktanīṃ tānayīṃ tanum /

matto jāto ḥyam ity āsthā haraty api mahāmatim //

Note:

tānayīm tanayasambandhinīm | nanu tādṛgjñānayuktena tena kathaṃ tānayī tanuḥ sasnehaṃ dṛṣṭety | atrāha matta iti ||

matputro ḥyam iti sneho bhṛgum apy aharat tadā /

paratātmīyatā ceyaṃ yāvadākṛti bhāvinī //

Note:

paratā parabhāvaḥ | ātmīyatā ātmīyabhāvaḥ | yāvadākṛti yāvaccharīram | bhāvinī aparihāryā ||

babhūvatuḥ pitāputrau tāv athānyoḥnyaśobhitau /

niśāvasānamuditāv arkapadmākarāv iva //

Note:

niśāvasāne prabhāte | muditau²¹⁸³ ||

Note:

atraivānyadṛṣṭāntadvayaṃ kathayati

cirasaṅgamasambaddhāv iva cakrāhvadampatī /

ghanāgamaghanasnehau mayūrajaladāv iva //

cirakāladṛḍhotkaṇṭhayogyayā kathayā tayā /

sthitvā tatra muhūrtaṃ tāv athotthāya mahāmatī //

samaṅgādvijadehaṃ tam bhasmasāt tatra cakratuḥ /

ko hi nāma jagajjāta ācāraṃ nānutiṣṭhati //

Note:

ācāram lokācāram²¹⁸⁴ ||

evaṃ tau kānane tasmin pāvane bhṛgubhārgavau /

saṃsthitau tapasā dīptau divīva²¹⁸⁵ śaśibhāskarau //

Note:

spaṣṭam ||

ceratur jñātavijñeyau jīvanmuktau jagadgurū /

deśakāladaśaugheṣu suśamaṃ susthiraṃ tapaḥ //

Note:

tapaḥ kathambhūtam | śobhanaḥ śamaḥ yasmin | tat | tādṛśam ||

athāsuragurutvaṃ sa śukraḥ kālena labdhavān /

bhṛgur apy ātmano yogye pade ḥtiṣṭhad anāmaye //

Note:

ātmanaḥ yogye pade videhamuktyākhye pade ||

Note:

sargāntaślokena śukravṛttāntaṃ saṅkṣipya kathayati śukro ḥsāv iti |

śukro ḥsau prathamam iti krameṇa jāta
etasmāt paramapadād udārakīrtiḥ /

svenāśu smṛtipadavibhrameṇa paścād
evaṃ ca pravilulito daśāntareṣu //

Note:

etasmāt²¹⁸⁶ sarveṣām ātmatvena puro vartamānāt | paramapadāt cinmātrākhyāt uttamāt sthānāt | daśāntareṣu samaṅgātāpasatvaparyanteṣv avasthāviśeṣeṣu²¹⁸⁷ | iti śivam ||

MT_4.16

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe²¹⁸⁸ ṣoḍaśaḥ sargaḥ ||

Note:

oṃ | śrīrāmaḥ pṛcchati

bhagavan bhṛguputrasya pratibhā sānubhūtitaḥ /

yathāsya saphalā jātā tathānyasya na kim bhavet //

Note:

he bhagavan | asya samanantaroktena vṛttāntena²¹⁸⁹ varṇitasya | bhṛguputrasya | sā pratibhā tat nānāyonigamanarūpam pratibhānam | anubhūtitaḥ anubhavāt hetoḥ | saphalā arthakriyākhyaphalayuktā | jātā | anyathā hi bhṛgusambandhī svasambandhī vā samaṅgātāpasaviṣayo ḥnubhavaḥ na yuktaḥ syāt iti bhāvaḥ | tathā tadvat | anyasya śukravyatiriktasya puruṣasya | sā pratibhā saphalā kim katham | na bhavet | na hi svapne pratibhātaṃ svasmin gajāditvam pratyakṣam anubhūyate ||

Note:

śrīvasiṣṭho ḥtrottaraṃ kathayati

idamprathamam utpannā sā tadā brahmaṇaḥ padāt /

śuddhā matir bhārgavasya nānyajanmakalaṅkitā //

Note:

idamprathamam tatpūrvam | yataḥ bhārgavasya śukrasya | brahmaṇaḥ padāt sadyaḥ utthitatvāt²¹⁹⁰ | sā nānāyonipratibhānaviṣayā | buddhiḥ | śuddhā pūrvajanmavāsanānicayākaluṣitā | āsīt | tataḥ tasya sā nānāyonigamanarūpā pratibhā saphalā jātā | anye tu pūrvatamam utpannatvāt madhye nānājanmāntarotthavāsanājālakalaṅkitāḥ²¹⁹¹ santaḥ na svapratibhānam pratyakṣam anubhavantīti bhāvaḥ ||

Note:

nanv asyāḥ śuddhāyāḥ mateḥ svarūpaṃ kīdṛg astīty | atrāha sarvaiṣaṇānām²¹⁹² iti |

sarvaiṣaṇānāṃ saṃśāntau śuddhā cittasya yā sthitiḥ /

tat sattvam ucyate saiṣā vimalā cid udāhṛtā //

Note:

sarvaiṣaṇānām²¹⁹³ nānābhogyajālaviṣayāṇāṃ samastānām icchānām | śāntau suṣuptyādiprabhāvena samyagjñānādinā vā śamane sati | cittasya manasaḥ | yā sthitiḥ yat avasthānam | asti | paṇḍitaiḥ tat sattvam ucyate | sā eva vimalā cit vimalā matiḥ | udāhṛtā | kiṃ ca iyam eva śuddhā matiḥ idamprathamam utpannasya ca bhavati jīvanmuktasya ca bhavati | idamprathamam utpannasya bāhyonmukhā | jīvanmuktasya tu tyajyamānabāhyeti viśeṣaḥ ||

Note:

viśeṣaṇenoktvā sāmānyena kathayati

mano nirmalasattvātma yad bhāvayati yādṛśam /

tat tathāśu bhavaty eva yathāvarto ḥrṇave ḥmbhasaḥ //

Note:

nirmalasattvātma pūrvaślokoktanirmalasattvasvarūpam | manaḥ | yat yādṛśam yena prakāreṇa yuktam | bhāvayati anusandhānaviṣayatāṃ nayati | tat vastu | āśu tathā tena prakāreṇa yuktam | bhavati | tat vastu ka iva | āvartaḥ iva | yathā arṇave sthitaḥ ambhasaḥ āvartaḥ sadyaḥ anyaprakārayukto bhavati | tathety arthaḥ ||

Note:

anena vṛttāntena siddhaṃ svamanīṣitaṃ kathayati

yathā bhṛgusutasyaiṣa vibhramaḥ proditaḥ svayam /

pratyekam apy evam eva dṛṣṭānto ḥtra bhṛgoḥ sutaḥ //

Note:

yathā bhṛgusutasya eṣaḥ samanantaroktaḥ | vibhramaḥ nānāyonipratibhāsarūpo vibhramaḥ | svayam svabhāvena | proditaḥ prādurbhūtaḥ | evam eva tathaiva | pratyekam pratipuruṣam | udeti | sarve eva svamanaḥpratibhāsarūpam eva jagat paśyantīti bhāvaḥ | asyārthasya dṛḍhīkaraṇārtham punar api śukrasya dṛṣṭāntatvaṃ kathayati dṛṣṭānto ḥtreti ||

Note:

etad eva nānādṛṣṭāntaiḥ sugamaṃ karoti

bījasyāṅkurapattrādi svaṃ camatkurute yathā /

sarveṣām bhūtasaṅghānām bhramaṣaṇḍas tathaiva hi //

Note:

yathā bījasya svam na tv anyabījasādhāraṇam | aṅkurapattrādi | camatkurute ucchūnatārūpam ānandaṃ karoti | hi niścaye | sarveṣām bhūtasaṅghānām bhūtasamūhānām | svaḥ ananyasādhāraṇaḥ bhramaṣaṇḍaḥ jagadrūpaḥ bhramaṣaṇḍaḥ | tathaiva camatkurute nānāsvādasaukhyaṃ karoti | sādhāraṇatvena bhāsamāno ḥpy ayaṃ saṃsāraḥ pratyekam bhinna eveti bhāvaḥ ||

yad idaṃ dṛśyate viśvam evam evākhilaṃ hi tat /

pratyekam uditam mithyā mithyaivāstam upaiti ca //

Note:

asmābhiḥ yad idaṃ viśvam saṃsāraḥ | dṛśyate anubhūyate | hi niścaye | evam evānena prakāreṇa | sthitam eva tat | akhilaṃ viśvam | mithyā pratyekam uditam udeti | vartamāne ktaḥ²¹⁹⁴ | mithyā evāstam upaiti ca paracitsvarūpatvena sarvadaiva tathaiva sthitatvāt | satyabhūtodayāstamayaviṣayatvāyogād²¹⁹⁵ iti bhāvaḥ ||

nāstam eti na codeti jagat kiñcana kasyacit /

bhrāntimātram idam māyā mudhaiva parijṛmbhate //

Note:

idam jagat | māyā māyārūpam ||

yathāsmatpratibhāsasthaḥ so ḥyaṃ saṃsāraṣaṇḍakaḥ /

tathā teṣāṃ sahasrāṇi mitho ḥdṛṣṭāni santi hi //

Note:

yathā asmatpratibhāsasthaḥ saḥ ayam sarvendriyātītacinmātrarūpatvenendriyātīto ḥpi san idantayā sphuritaḥ saṃsāraṣaṇḍaḥ asti | tathā teṣām saṃsāraṣaṇḍānām | sahasrāṇi santi | nanu kathaṃ tāni na dṛśyante ity apekṣāyāṃ viśeṣaṇam āha mitho ḥdṛṣṭānīti | mithaḥ anyoḥnyam | adṛṣṭāni darśanaviṣayatāṃ na nītāni ||

Note:

mithoḥdarśanadṛṣṭāntaṃ²¹⁹⁶ kathayati

svapnasaṅkalpanagaravyavahārāḥ parasparam /

pṛthag yathā na dṛśyante tathaite saṃsṛtibhramāḥ //

Note:

yathā anyasya svapnādi anyo²¹⁹⁷ nānubhavati tathānyasya saṃsāram anyo nānubhavatīti²¹⁹⁸ piṇḍārthaḥ | nanu kathaṃ sargānām pratipuruṣam bhedaḥ iti cet | na | ekasminn eva vastuni puruṣabhedena heyatvopādeyatvadarśanāt²¹⁹⁹ ||

Note:

upasaṃhāraṃ karoti

evaṃ nagaravṛndāni nabhaḥsaṅkalparūpiṇām²²⁰⁰ /

santi tāni na dṛśyante mitho jñānadṛśaṃ vinā //

Note:

evaṃ sati | nabhasi yaḥ saṅkalpaḥ purādisaṅkalpaḥ | tadvat rūpaṃ yeṣām | tādṛśānāṃ nagarāṇāṃ vṛndāni samūhāḥ | santi | samāse upasarjanībhūtasya nagarapadasya viśeṣaṇadānam²²⁰¹ ārṣam | taiḥ nagaravṛndaiḥ tāni nagaravṛndāni | jñānadṛśaṃ vinā²²⁰² cinmātrajñānākhyāṃ dṛṣṭiṃ vinā | mithaḥ anyoḥnyam | na dṛśyante nānubhūyante | jñānadṛśā tu dṛśyante eva | ata evāhaṃ tān paśyāmi tvaṃ na paśyasīti bhāvaḥ ||

Note:

sarvaprasiddhānām piśācādīnām apy etadrūpatvaṃ kathayati

piśācayakṣarakṣāṃsi santy evaṃrūpakāṇi hi /

saṅkalpamātradehāni sukhaduḥkhamayāni ca //

Note:

spaṣṭam ||

Note:

svasminn apy etadrūpatvam evātidiśati

evam eva vayaṃ²²⁰³ ceme sampannā raghunandana /

svasaṅkalpātmakākārā mithyāsatyatvabhāvitāḥ²²⁰⁴ //

Note:

mithyāsatyatve svasatyatāyām | bhāvitāḥ bhāvanāyuktāḥ ||

Note:

evaṃ stokaṃ viśeṣeṇoktvā punar api sāmānyena kathayati

evaṃrūpaiva hi pare vartate sargasaṃsṛtiḥ /

na vāstavī vastutas tu saṃsthiteyam²²⁰⁵ avastuni //

Note:

evaṃrūpā pratibhāsarūpā | pare uttīrṇe cinmātre | sargeti nāmadheyā saṃsṛtiḥ sargasaṃsṛtiḥ | na vāstavī asatyarūpā | tu pakṣāntare | vastutaḥ paramārthataḥ | iyaṃ sargasaṃsṛtiḥ | avastuni śūnye | sthitā bhavati | vastutvena sthite cinmātre avastubhūtasargādhāratvāyogāt ||

Note:

pūrvoktanyāyena siddhasya svābhīṣṭasyopasaṃhāraṃ karoti

pratyekam uditaṃ viśvam evam eva mudhaiva hi /

navagulmakarūpeṇa vāsantikaraso²²⁰⁶ yathā //

Note:

evam pūrvoktaprakāreṇa | vāsantikarasaḥ vasantasambandhī rasaḥ ||

prathamo ḥyaṃ svasaṅkalpaḥ suprathām āgatas tathā /

yathātipāramārthyena dṛḍhenetthaṃ vibhāvyate //

Note:

ayam prathamaḥ brahmaṇaḥ tatpūrvatvenotthitaḥ | svasaṅkalpa eva | tathā tena prakāreṇa | suprathām atirūḍhim | gataḥ | yathā ittham anena prakāreṇa | dṛḍhenāvicalatā | atipāramārthyenātiparamārthabhāvena | vibhāvyate niścīyate | janair iti śeṣaḥ ||

pratyekam uditaṃ cittaṃ svasvabhāvodarasthitam /

idam²²⁰⁷ itthaṃsamārambhaṃ jagat paśyad vinaśyati //

Note:

svaḥ ātmīyaḥ | svabhāvaḥ cinmātrākhyaṃ svarūpam | tasyodare udara ivodare²²⁰⁸ | na tu sākṣād udare | sthitam vartamānam | pratyekam ekasmin ekasmin pratyekam | uditam utpannam | cittam | itthaṃsamārambham dṛśyamānārambhayuktam | idaṃ jagat paśyat anubhavat | vinaśyati svarūpaparāmarśāt bhraśyatīty arthaḥ ||

pratibhāsavaśād asti nāsti vastvavalokanāt /

dīrghaḥ svapno jagajjālam ālānaṃ cittadantinaḥ //

Note:

pratibhāsavaśāt | na hi asataḥ pratibhāsaḥ yukta iti bhāvaḥ | vastvavalokanāt paramārthāvalokanāt | na hi samyagjñānena jagat tiṣṭhati | jagajjālam kaḥ | dīrghaḥ svapnaḥ ||

cittasattaiva hi jagaj jagatsattaiva cittakam /

ekābhāve dvayor nāśas tac ca satyavicāraṇāt //

Note:

tat ekābhāvaḥ | satyavicāraṇāt satyavicārāt ||

Note:

śrīrāmakṛtasya praśnasyottaram anusmarati

śuddhasya pratibhāso hi satyo bhavati cetasaḥ /

niṣkalaṅke hi lagati paṭe kuṅkumarañjanā //

Note:

atra dṛṣṭāntam āha niṣkalaṅka iti | niṣkalaṅke malarahite ||

anyenānāhṛtasyānyo guṇo ḥvaśyaṃ vivardhate /

anākrāntasya saṅkalpaiḥ pratibhodeti cetasaḥ //

Note:

anāhṛtasya anākrāntasya | dṛṣṭāntam uktvā dārṣṭāntikaṃ kathayati anākrāntasyeti | pratibhā pratibhāsaḥ | udeti saphalatvena prādurbhavati ||

suvarṇo na sthitiṃ yāti malavaty aṃśuke yathā /

ekā dṛṣṭiḥ sthitiṃ yāti na mlāne cittake tathā //

Note:

suvarṇaḥ śobhanaḥ śuklādivarṇaḥ | mlāne saṅkalparūṣite ||

pramārjanād iva maṇes²²⁰⁹ tāmrasyeva ca yuktitaḥ /

ciram ekadṛḍhābhyāsāc chuddhir bhavati cetasaḥ //

Note:

ekasmin samyagjñānādau | yaḥ dṛḍhābhyāsaḥ nairantaryeṇa taccintanam | tasmāt ||

Note:

śrīrāmaḥ pṛcchati

pratibhāsātmani jagaty ete kālakriyākramāḥ /

sodayāstamayā jātāḥ kathaṃ śukrasya cetasaḥ //

Note:

pratibhāsātmani jagati sphuritānāṃ kālakriyākramāṇāṃ²²¹⁰ sodayāstamayatvam na yuktam | tac ca śukracetasaḥ²²¹¹ kathaṃ jātam iti bhāvaḥ ||

Note:

śrīvasiṣṭhaḥ uttaram āha

yādṛg jagad²²¹² idaṃ dṛṣṭaṃ śukreṇa pitṛmātṛtaḥ /

tādṛk tasya sthitaṃ citte mayūrāṇḍe mayūravat //

Note:

pitṛmātṛtaḥ utpannena śukreṇa yādṛk idaṃ jagat dṛṣṭam | tat tasya śukrasya | citte tādṛk sthitam āsīt | katham | mayūravat | yathā mayūrāṇḍe mayūraḥ asti | tathety arthaḥ ||

svabhāvakośāt svaditaṃ tad anena kramoditam /

bījenāṅkurapattrādilatāpuṣpaphalaṃ yathā //

Note:

tataḥ anena śukreṇa | tat cittasthaṃ jagat | svabhāvakośāt cittarūpaḥ yaḥ svabhāvaḥ | tadrūpāt kośāt | kramoditam sat svaditam āsvādaviṣayīkṛtam | atra dṛṣṭāntam āha bījeneti ||

jīvo yadvāsanāsāras tad evāntaḥ prapaśyati /

svapna evātra dṛṣṭānto dīrghasvapnas tv idaṃ jagat //

Note:

nanu katham atra svapnaḥ dṛṣṭāntaḥ astīty | atrāha dīrghasvapna eveti | dīrghatvam cātra cirapratibhāsavaśāj jñeyam ||

pratyekam udito rāma nanu saṃsāraṣaṇḍakaḥ /

rātrau sainyanarasvapnajālavat²²¹³ svātmani sphuṭaḥ //

Note:

rātrau hi sainyanarasvarūpaṃ svapnajālam pratyekam pṛthag | udeti ||

Note:

śrīrāmaḥ pṛcchati

eṣa²²¹⁴ saṃsṛtiṣaṇḍaugho mithaḥ sammilati svayam /

no vāpi yadi tan me tvaṃ yathāvad vaktum arhasi //

Note:

eṣaḥ saṃsṛtiṣaṇḍaughaḥ svayam svabhāvena | mithaḥ anyoḥnyam | yadi milati yadi vā no milati api | tvam etat yathāvat samyak | vaktum arhasi samyak kathayeti yāvat ||

Note:

śrīvasiṣṭha uttaram āha

malinaṃ hi mano ḥvīryaṃ na mithaḥ śleṣam arhati /

ayo ḥyasīvāsantapte śuddhe tapte tu līyate //

Note:

hi niścaye | malinam rāgādimaladūṣitam | ata evāvīryam | manaḥ mithaḥ anyoḥnyam | śleṣam melanam | nārhati | kim iva | aya iva | yathāyaḥ asantapte ayasi śleṣaṃ nārhati | tathety arthaḥ | tu pakṣāntare | manaḥ | śuddhe manasi | līyate milati | ayaś ca santapte ḥyasi līyate ||

cittatattvāni śuddhāni sammilanti parasparam /

ekarūpāṇi toyāni yānty aikyaṃ nābilāni hi //

Note:

spaṣṭam ||

Note:

sargāntaślokenāpy etad eva kathayati

śuddhir hi cittasya vivāsanatvam
abhūtasaṃvedanarūpam ekam /

tasyāḥ suṣuptātmapadāt prabudhya
tanmātrayuktyā parasaṅgam eti //

Note:

hi niścaye | abhūtasaṃvedanātma asiddhapadārthasaṃvedanasvarūpam | vivāsanatvam padārthaviṣayabhāvanākhyasaṃskārarāhityam | ekam kevalam | cittasya śuddhiḥ bhavati | tat cittam | suṣuptātma suṣuptasvarūpam | yat padam sthānam | tasmāt | tasyāḥ śuddheḥ hetoḥ | prabudhya turyākhyam bodham prāpya | tanmātrayuktyā sūkṣmabhūtayogena | parasaṅgam anyaiḥ saha śleṣam | eti gacchati | tanmātrayuktyā melanaṃ ca svena²²¹⁵ saha sarvasyaikopādānatvajñānam eva jñeyam | iti śivam ||

MT_4.17

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe saptādaśaḥ²²¹⁶ sargaḥ ||

Note:

oṃ | nanu kathaṃ tanmātrayuktyā cetaḥ anyaiḥ saha milatīty | atrāha

sarvasaṃsṛtiṣaṇḍeṣu bījarūpakalātmanaḥ /

tanmātrapratibhāsasya pratibhāse na bhinnatā //

Note:

bījarūpā bījasvarūpā²²¹⁷ | yā kalā | tadātmanaḥ tatsvarūpasya | sthūlabhūtabījarūpasyeti yāvat | tanmātrapratibhāsasya pañcatanmātrākārasya pratibhāsasya | sarvasaṃsṛtiṣaṇḍeṣu samasteṣu sargarūpeṣu²²¹⁸ ṣaṇḍeṣu | pratibhāse sphuraṇe | bhinnatā nāsti | mṛda iva ghaṭādiṣu sphuraṇe | ataḥ tanmātrayuktyā cittasyānyamelanaṃ yuktam eveti bhāvaḥ | tanmātrāṇi ca sthūlabhūtabījabhūtāni²²¹⁹ saṃskāramātraśarīrāṇi ākāśādibhyo²²²⁰ buddhyā pṛthakkṛtāni pañca śabdādīni jñeyāni ||

Note:

na kevalaṃ sargaiḥ saha melanam eva tanmātrayuktyā bhavati kiṃ tu brahmaṇi melanam api tayaivety abhiprāyeṇāha

pravṛttir vā nivṛttir vā tanmātrāpattipūrvakam /

sarvasya jīvajātasya suṣuptatvād anantaram //

Note:

sarvasya jīvajātasya jīvasamūhasya | suṣuptatvāt suṣuptabhāvāt | anantaram paścāt | pravṛttiḥ vā anyasargaiḥ saha melanaṃ vā | nivṛttir vā sargebhyaḥ nivṛttirūpam brahmaṇi melanaṃ²²²¹ vā | tanmātrāpattipūrvakam tanmātrayogapūrvakam eva | bhavati | suṣuptau sargāṇām bījatvenāvasthānāt nivṛttyasambhavaḥ sargāṇām prākaṭyenānavasthānāt pravṛttyasambhava iti suṣuptatvād anantaram ity uktam | anantaram iti kathanena ca suṣupter atrāvaśyambhāvaḥ sūcitaḥ | brahmasargayoḥ setutvena sthitāyāḥ suṣupter avaśyambhāvasya suspaṣṭatvāt | atra ca pravṛttiḥ jīvanmuktānāṃ nivṛttiḥ videhamuktānām iti viṣayavibhāgo draṣṭavyaḥ | itareṣām²²²² pravṛttis tu ajñānamūlatvena neha vaktuṃ yuktā ||

Note:

prakṛtatvāt pravṛtteḥ tanmātrāpattipūrvakatvam pṛthak kathayati

pravṛttibhājo²²²³ ye jīvās te tanmātrapadaṃ gatāḥ /

tanmātraikatayā²²²⁴ sargān mithaḥ paśyanti kalpitān //

Note:

ye jīvāḥ jīvanmuktasvabhāvāḥ jīvāḥ | pravṛttibhājaḥ sattvaśeṣatayā pravṛttiyuktāḥ bhavanti | te tanmātraikatayā tanmātrayuktyā | kalpitān paramārthatayā kalpitasvarūpān | sargān | mithaḥ anyoḥnyam | paśyanti | jīvanmuktānām manāṃsy anyoḥnyam milantīty atra paramaṃ rahasyam ||

tanmātraikyapraṇālena citrāḥ sargajalāśayāḥ /

parasparaṃ sammilanti ghanatāṃ yānti cābhitaḥ //

Note:

tanmātrāṇām pañcatanmātrāṇām | yad aikyam | tad eva praṇālaḥ jalapravāhamārgaḥ | tena | ghanatām²²²⁵ ghanībhāvam ||

Note:

nanu sarve sargaughāḥ²²²⁶ tanmātraikyapraṇālena milanty atha vā katipaye evety | atrāha

kecit pṛthak sthitim itāḥ pṛthag eva layaṃ gatāḥ /

kecin mithaḥ sammilitā jagatṣaṇḍāḥ sthitāḥ kṛtāḥ //

Note:

kecid aśuddhamatayaḥ | uttarārdhe kecit śuddhamatayaḥ | kṛtāḥ kalpitāḥ | na tu sahajāḥ ||

Note:

nanv etādṛśāḥ sargaughāḥ kasminn ādhāre sthitāḥ bhavantīty | atrāha

jagatṣaṇḍasahasrāṇi yatrāsaṅkhyāny aṇāv aṇau /

aparasparalagnāni kānanam brahma nāma tat //

Note:

aparasparalagnāni anyoḥnyam asaṅkīrṇāni | aṇau aṇau pratyaṃśam ||

mithaḥ sa melanaṃ²²²⁷ naiti ghanatāṃ samupāgataḥ /

yad yad yatra yathā rūḍhaṃ tat tat paśyati netarat //

Note:

ghanatām ghanībhāvam | gataḥ sargaḥ | mithaḥ sa melanaṃ naiti na gacchati | yataḥ saḥ sargaḥ | lakṣaṇayā tatrasthaḥ²²²⁸ pramātā | yat yat yatra rūḍham paricitam | tat tat tatra paśyati | na itarat | atra pramātur aśuddhamatitvaṃ hetutvena bahuśaḥ uktam ||

vartamānamanorājyavaśāj jīvaparamparāḥ /

parasparaṃ sammilitāḥ sargāṇāṃ rūḍhibhāvanāḥ //

Note:

vartamānam yat manorājyam saṅkalpaḥ | tadvaśāt | jīvaparamparāḥ parasparaṃ sammilitāḥ bhavanti | samānamanorājyatvāj jīvāḥ parasparam milantīti bhāvaḥ | jīvaparamparāḥ kathambhūtāḥ | sargāṇāṃ rūḍhau satyatāyām | bhāvanāḥ yāsām | tāḥ | ayam bhāvaḥ²²²⁹ | śuddhamatīnāṃ sargāḥ tanmātraikyapraṇālena²²³⁰ sarvadā milanti | aśuddhamatīnāṃ tu kadācid ekasaṅkalpatveneti ||

Note:

nanu katham iyaṃ dehasattā prākaṭyaṃ gatā yadvaśoditasaṅkalpākhyamalāvṛtabuddhīnāṃ tanmātraikyapraṇālenānyasargaiḥ saha melanaṃ na bhavatīty | atrāha

dehasattā bhṛśaṃ rūḍhā dehābhāvas tu vismṛtaḥ²²³¹ /

dehatvaparirūḍhatvāc cidvyomnā vismṛtātmanā //

Note:

cidvyomnā dehatvaparirūḍhatvāt cidvyomakartṛkāt dehabhāve parirūḍhatvāt | cidvyomnā svātmatvena bhāvitāt dehabhāvāt iti yāvat | dehasattā rūḍhā prarohaṃ gatā | tu pakṣāntare²²³² | dehābhāvaḥ paramārthasan dehapratiyogikas traikāliko ḥbhāvaḥ | cidvyomnā kathambhūtena | vismṛtātmanā vismṛtasvarūpeṇa | vismṛtaḥ vismṛtiṃ nītaḥ ||

Note:

athānyena dṛṣṭāntenānyasargaiḥ sammelanaṃ²²³³ kathayati

yathā śuddhaprāṇamarut paraprāṇābhivedhanāt /

vetti vedhyamanorājyaṃ tathā sargān narāśrayī //

Note:

yathā śuddhaprāṇamarut²²³⁴ prāṇāyāmādinā śuddhaprāṇaḥ | prāṇayogīti yāvat | paraprāṇābhivedhanāt | paraprāṇeṣu yat abhivedhanam abhivyāptiḥ | tasmāt | parapurapraveśād iti yāvat | vedhyamanorājyam | vedhyasya abhivyāpyasya puruṣasya | manorājyaṃ vetti | tathā tadvat | narāśrayī tanmātrapraṇālenānyapuruṣāviṣṭaḥ jīvanmuktaḥ puruṣaḥ²²³⁵ brahmaṇaḥ prathamam utthitaḥ puruṣo vā | sargān²²³⁶ āśritapuruṣasargān | vetti ||

Note:

evaṃ śrīrāmakṛte praśne uttaraṃ samyag²²³⁷ uktvā pūrvatra yatra tatroktāni viśīrṇāni upadeśavākyāni kathayati

sarveṣāṃ jīvarāśīnām ātmāvasthātrayaṃ²²³⁸ śritaḥ /

jagratsvapnasuṣuptākhyam²²³⁹ atra deho na kāraṇam //

Note:

atra avasthātrayāśrayaṇe ||

evam ātmani jīvatvam anyāvasthātrayātmani /

tāpāmbhasīva vīcitvam asmin kacati dehatā //

Note:

anyāvasthātrayātmani | anyat svavyatiriktatvena bhāsamānam | yat avasthātrayam jāgradādyavasthātrayam | tat | ātmā svarūpaṃ yasya | tādṛśe | asmin²²⁴⁰ jīvatvāvacchinne | ātmani ||

citkalāpadam āsādya suṣuptāntapade sthitam /

buddho nivartate²²⁴¹ jīvo mūḍhaḥ sarge pravartate //

Note:

citkalāpadam turyākhyam padam | buddhaḥ citkalāvimarśanasamarthaḥ | nivartate punaḥ viṣayeṣv āsaktiṃ na bhajate | pravartate²²⁴² viṣayāsaktim bhajate ||

svabhāvaśuddhir hi yadā tadā maitrī pravartate /

dvayor ekatvarūpaiva susauhārdanidarśanā //

Note:

maitrī kathambhūtā eva | dvayoḥ ekatvarūpā eva | dvayor ekatvam eva hi maitrīśabdārthaḥ | punaḥ kathambhūtā | susauhārdanidarśanā | susauhārdam²²⁴³ praśastamitrabhāvaḥ | nidarśanam dṛṣṭāntaḥ yasyāḥ | sā | susauhārde hi dvayor ekatvam eva bhavati ||

ajñaḥ suṣuptāt sambuddho jīvaḥ kaścit svasargabhāk /

sarvagatvāc²²⁴⁴ citaḥ kaścit parasargeṇa nīyate²²⁴⁵ //

Note:

svasargabhāk suṣuptāvasthāyāḥ pūrvaṃ yādṛksvabhāva āsīt | tādṛksvabhāva evety arthaḥ | parasargeṇa nayanam svabhāvaparivṛttiḥ jñeyā | śukrādisargadṛṣṭāntena vā parasarganayanaṃ yojyam ||

Note:

nanu tasmin sarge ḥnyaḥ sargaḥ kutrāsti yenāsau nīyata ity | atrāha

sarge sarge pṛthagrūpaṃ²²⁴⁶ santi sargāntarāṇy api /

teṣv apy antaḥsthasargaughāḥ kadalīdalapīṭhavat //

Note:

yathā kadalīdaleṣv antar anyāni dalāni santi teṣv antar apy anyāni tathā sargeṣv api sargāntarāṇi santi | teṣv antar apy anyāni santīti piṇḍārthaḥ ||

sarge sargāntarāpūrapattrapīvaravṛttimān /

svabhāvaśītalo brahmakadalīdalamaṇḍapaḥ //

Note:

sarge ekasmin sarge | yaḥ sargāntarāpūraḥ anyasargasamūhaḥ | sa²²⁴⁷ eva pattrāṇi | taiḥ pīvarā bṛṃhaṇarūpā | vṛttiḥ sthitiḥ yasya | saḥ | tādṛśaḥ ||

kadalyām anyatā nāsti yathā pattraśateṣv api /

brahmatattve ḥnyatā nāsti tathā sargaśateṣv api //

Note:

spaṣṭam ||

bījāt phalaṃ rasād bhūtvā yathā bījam punar bhavet /

tathā brahma mano bhūtvā bodhād brahma punar bhavet //

Note:

yathā phalam bījāt upādānabhūtāt²²⁴⁸ bījāt | bhūtvā prādurbhūya | rasāt hetoḥ | punaḥ bījam bhavet | tathā brahma mano bhūtvā bodhāt | punaḥ brahma bhavet ||

rasakāraṇakam bījam phalabhāvena jṛmbhate /

brahmakāraṇako jīvo jagadrūpeṇa jṛmbhate //

Note:

spaṣṭam²²⁴⁹ ||

rasasya kāraṇaṃ kiṃ syād iti vaktuṃ na yujyate /

svabhāvo nirviśeṣatvāt paraṃ vaktuṃ na yujyate //

Note:

kathaṃ na yujyata ity | atrāha svabhāva iti | svabhāvaḥ param kevalam | nirviśeṣatvāt | vaktum abhiyogaviṣayatāṃ netum | na yujyate | svabhāvasyābhiyoge kriyamāṇe aviśeṣāt sarveṣu svabhāveṣv abhiyogaḥ prāpnotīti nirviśeṣatvād iti padasyābhiprāyaḥ ||

na cāsattā sarvamaye vaktuṃ kvacana śakyate /

nākāraṇe kāraṇādi pare vāsty ādikāraṇe //

Note:

asataḥ sarvamayatvāyogāt iti bhāvaḥ | nākāraṇa iti | akāraṇe na vidyate kāraṇaṃ yasya | tādṛśe | ādikāraṇe pare utkṛṣṭe cinmātre | kāraṇādi na asti | ādikāraṇatvāpāyād²²⁵⁰ iti bhāvaḥ ||

bījaṃ jahan nijavapuḥ phalībhūtaṃ vilokyate²²⁵¹ /

brahmājahan nijavapuḥ phalam bījaṃ ca saṃsthitam //

Note:

brahmaṇaḥ bījatvāvasthāne nijavapuṣaḥ ahānam eva hetuḥ ||

bījasyākṛtimat sarvaṃ tenānākṛti tatpadam /

na yujyate samīkartuṃ tasmān nāsty upamā śive //

Note:

sarvam samastam svarūpam | bījasyākṛtimat bhavati | tena tato hetoḥ | śive śuddhacinmātratattve | upamā nāsti ||

kham eva jāyate khābhān na ca taj jāyate ḥnyadṛk /

ato na jātaṃ vā jātaṃ viddhi brahmanabho jagat //

Note:

khābhāt atyantanairmalyenākāśatulyāt brahmaṇaḥ | kham eva jāyate | nanu katham etad ity āha | na ceti | caśabdo hetau | yataḥ tat jagannāma kham | anyadṛk brahmetaradṛgrūpam | na jāyate notpadyate | phalitaṃ kathayati ata iti | ataḥ paramārthato | na jātam | ābhāsataḥ²²⁵² jātaṃ vā | jagat²²⁵³ brahmanabhaḥ brahmākāśam | viddhi ||

dṛśyam paśyan svam ātmānaṃ na draṣṭā samprapaśyati /

prapañcākrāntasaṃvitteḥ kasyodeti nijā sthitiḥ //

Note:

draṣṭā dṛśyam dṛśikriyāviṣayībhūtam bhāvajātam | paśyan | svam ātmānam²²⁵⁴ draṣṭṛrūpam²²⁵⁵ nijam ātmānam | na paśyati nānubhavati | prapañcenākrāntā svonmukhatāṃ nītā | saṃvittiḥ yasya | tādṛśasya | kasya puruṣasya | nijā sthitiḥ²²⁵⁶ svaṃ svarūpam | udeti sphurati | na kasyāpīty arthaḥ ||

mṛgatṛṣṇājalabhrāntau satyāṃ keva vidagdhatā /

vidagdhatāyāṃ satyāṃ tu kevāsau mṛgatṛṣṇikā //

Note:

ato vidagdhatā eva satsaṅgamādinā poṣaṇīyeti bhāvaḥ ||

ākāśaviśado draṣṭā sarvago ḥpi na paśyati /

netraṃ nijam ivātmānaṃ dṛśībhūtam aho bhramaḥ //

Note:

ākāśavad viśadaḥ²²⁵⁷ śuddhacinmātrarūpatvenātyantanirmalaḥ | draṣṭā | dṛśībhūtam dṛśyabhāvaṃ gatam | ātmānam draṣṭākhyam ātmānam | na paśyati | kim iva | netram iva | yathā netraṃ nijam ātmānaṃ na paśyati²²⁵⁸ | tathety arthaḥ | aho bhramaḥ bhavati ||

ākāśaviśadam brahma yatnenāpi na labhyate /

dṛśye dṛśyatayādṛṣṭe tv asya lābhaḥ sudūrataḥ //

Note:

kuto²²⁵⁹ na labhyate ity | atrāha dṛśya iti | tena dṛśye dṛśyatvādarśanam eva brahmalabdhir iti bhāvaḥ ||

tvādṛksthūlo ḥvadhānena vinā yatra na dṛśyate /

tatrātidūrodastaiva draṣṭuḥ sūkṣmasya dṛśyatā //

Note:

yatra yasmin viṣaye | avadhānena vinā tvādṛksthūlaḥ na dṛśyate | tatra tasmin viṣaye | sūkṣmasya draṣṭuḥ dṛśyatā atidūrodastā eva bhavati | tvādṛg iti dehābhiprāyeṇoktiḥ ||

draṣṭā draṣṭaiva bhavati na tu spṛśati dṛśyatām /

dṛśyaṃ ca dṛśyate tena draṣṭā rāma na dṛśyate //

Note:

draṣṭā dṛśikriyākartā | draṣṭā eva bhavati | asau draṣṭā dṛśyatām dṛśyabhāvam | na spṛśati | he rāma | tena draṣṭrā | dṛśyaṃ dṛśyate yena | dṛśyasya dṛśyatvam astīti bhāvaḥ | tena draṣṭrā | draṣṭā draṣṭṛrūpaḥ svātmā | na dṛśyate | atisūkṣmatvād iti²²⁶⁰ bhāvaḥ ||

draṣṭaiva sambhavaty eko na tu dṛśyam ihāsti hi /

draṣṭā sarvātmako dṛśyaṃ sthitaś cet keva dṛśyatā //

Note:

sambhavatīti | tasyaiva vicārasahatvād iti bhāvaḥ | sarvātmakaḥ draṣṭā dṛśyaṃ sthitaḥ dṛśyatayā sthitaḥ | cet bhavati | tadā dṛśyatā kā iva bhavati | avaśyaṃ ca svapnanyāyena draṣṭuḥ dṛśyatayāvasthānam aṅgīkartavyam ||

Note:

nanu kathaṃ draṣṭā²²⁶¹ dṛśyatvena tiṣṭhatīty āśaṅkya dṛṣṭāntaṃ kathayati

sarvaśaktimatā rājñā yat yat sampādyate yathā /

tat tat tathā bhavaty āśu sa evodeti tattayā //

Note:

yathā sarvaśaktimatā samrāṭtvena sarvaśaktiyuktena | rājñā | yat yat vastu | yathā sampādyate sampādanakriyāviṣayatāṃ nīyate | tat tat vastu | āśu tathā bhavati sampadyate | vicāre kriyamāṇe sa eva rājā eva | tattayā tattadvasturūpeṇa | udeti sphurati | ayam bhāvaḥ | yathā sarvaśaktimān rājā svāvyatiriktajñānadvāreṇa jñānavivartabhūtasampadyamānavastutayā sphurati | tathā draṣṭā²²⁶² svāvyatiriktadṛśikriyādvāreṇa dṛśikriyāvivartabhūtadṛśyamānapadārthatayā sphuratīti ||

yathā madhurasollāsaḥ ṣaṇḍo bhavati bhāsuraḥ /

rasatām ajahac²²⁶³ caiva phalapuṣpadalonnataḥ //

cidullāsas tathā jīvo bhūtvā bhavati dehakaḥ /

cinmātratāṃ tām ajahad eva darśanadṛṅmayaḥ²²⁶⁴ //

Note:

darśanadṛṅmayaḥ karmasādhano ḥyaṃ darśanaśabdaḥ | tena dṛśyadṛṅmayaḥ²²⁶⁵ ity arthaḥ | yugmam ||

nānāṣaṇḍasahasraughair advitīyair nijātmanaḥ /

yathodeti raso bhaumaś cit tathodety ahambhramaiḥ //

Note:

bhaumaḥ bhūmisambandhī ||

cidrasollāsavṛkṣāṇāṃ kacatām ātmanātmani /

dṛśyaśākhāśatāḍhyānām iha nānto ḥvagamyate //

Note:

cid eva rasaḥ | tasya yaḥ ullāsaḥ | tasya vṛkṣāṇām jagatām iti yāvat ||

ṣaṇḍaḥ pratyekam evāntar yathā rasacamatkṛtim /

svādayaty evam eṣā cit pṛthak paśyati saṃsṛtīḥ //

Note:

rasena kṛtām ucchūnatārūpāṃ camatkṛtim rasacamatkṛtim ||

yā yodeti²²⁶⁶ yathā yasyā jīvaśakteḥ svasaṃsṛtiḥ /

tām tāṃ tathaiti sā svāntaś²²⁶⁷ cid bhūtabhuvanasthitim //

Note:

udeti sphurati | cit citsvarūpā²²⁶⁸ | sā jīvaśaktiḥ | svāntaḥ svamadhye | tāṃ tām bhūtabhuvanasthitim | bhūtānāṃ tadādhārabhūtānām | bhuvanānāṃ ca saṃsthitim saṃsthām | eti prāpnoti ||

jīvasaṃsṛtayaḥ²²⁶⁹ kāścit pramilanti parasparam /

svayaṃ vihṛtya saṃsāre śāmyanti cirakālataḥ //

Note:

kāścit śuddhamatiyuktāḥ | cirakālataḥ dehapātānantaram ||

sūkṣmayā parayā dṛṣṭyā svam paśyasy anayā tathā /

jagajjālasahasrāṇi paramāṇvantareṣv api //

Note:

tvam | svam cinmātrākhyaṃ svātmānam | anayā asmin prakaraṇe proktayā | parayā utkṛṣṭayā | sūkṣmayā sūkṣmavastuviṣayatvena sūkṣmarūpayā | dṛṣṭyā samyagjñānena | paśyasi²²⁷⁰ anubhavasi²²⁷¹ | tathāśabdaḥ samuccaye | tathā paramāṇvantareṣv api jagajjālasahasrāṇi paśyasi | apiśabdaḥ paramāṇvantareṣu jagajjālasahasradarśanāsambhavadyotakaḥ ||

bhittau nabhasi pāṣāṇe jvālāyām anile jale /

santi saṃsāralakṣyāṇi tile tailam ivākhile //

Note:

jagadbījabhūtacinmātrasāratveneti bhāvaḥ ||

śuddham eti yadā cetas tadā²²⁷² jīvo bhavec citiḥ /

śuddhā ca sā sarvagatā tena sammelanam mithaḥ //

Note:

sā cit | tena śuddhatvena ||

sarveṣām padmajādīnāṃ svasattābhramapūrakaḥ /

jagaddīrghamahāsvapnaḥ svayam antaḥ samutthitaḥ //

Note:

svasattābhramapūrakaḥ svasattābhramakārīty²²⁷³ arthaḥ ||

svapnāt svapnāntaraṃ yānti kāścid bhūtaparamparāḥ /

tenopalambhaḥ kuḍyādāv āsāṃ dṛḍhataraḥ sthitaḥ //

Note:

kāścid bhūtaparamparāḥ bhūtapaṅktayaḥ | svapnāt ekasmāt saṃsṛtirūpāt svapnāt | svapnāntaram anyasaṃsṛtirūpaṃ svapnam | yānti | tena tataḥ hetoḥ | āsām svapnāt svapnāntaraṃ gatānām bhūtapaṅktīnām | kuḍyādau dṛḍhataraḥ²²⁷⁴ upalambhaḥ sthitaḥ asti | idaṃ kuḍyam ityādirūpaṃ jñānam asti ||

yad yatra cid bhāvayati tat tatrāśu bhavaty alam /

tayā svapne ḥpi yad dṛṣṭaṃ tatkāle satyam eva tat //

Note:

tayā citā ||

cidaṇor antare santi samastānubhavāṇavaḥ /

yathā bījāntare pattralatāpuṣpaphalāṇavaḥ //

Note:

samastāḥ samastaghaṭapaṭādyākārāḥ | anubhavāṇavaḥ anubhavaleśāḥ²²⁷⁵ ||

paramāṇuṃ jagad antar²²⁷⁶ dhatte citparamāṇukaḥ /

līnam ākāśam ākāśe dvaitaikyabhramam utsṛja //

Note:

citparamāṇukaḥ cidrūpaḥ paramāṇuḥ | jagat paramāṇum jagadrūpam paramāṇum | antaḥ svātmabhittau | dhatte dhārayati | phalitam āha līnam iti | ataḥ ākāśam jagadākhyam ākāśam | ākāśe cidākhya ākāśe | līnam bhavati | etasya phalaṃ kathayati dvaitaikyam iti | ataḥ tvam dvaitaikyabhramam utsṛja tyaja | ekatayāpi vaktum aśakyasya kevalasya cinmātrasya sthitatvāt ||

deśakālakriyādyākhyaiḥ svair evāṇubhir eva cit /

aṇūn anubhavaty antar itarāṇor asambhavāt //

Note:

svair eva svarūpabhūtair eva | aṇūn nānābhūtarūpān aṇūn | antaḥ svasmin | itarāṇoḥ deśādirūpasya cidvyatiriktasyāṇoḥ ||

svayaṃ sarvasya kacitaḥ svacchaś cidaṇuṣaṇḍakaḥ /

brahmādeḥ kīṭaniṣṭhasya dehadṛṣṭyānubhāvitaḥ //

Note:

dehadṛṣṭyā anubhāvitaḥ anubhavaviṣayatāṃ nītaḥ | kīṭaniṣṭhasya kīṭāvasānasya | anubhāvita ity atra svārthe ṇic ārṣaḥ ||

kacitaṃ kiñcid eveha vastutas tu na kiñcana /

svayaṃ svatvaṃ svādayante dvaitaṃ citparamāṇavaḥ //

Note:

punaḥ kim etat sphuratīty | atrāha svayam iti | citparamāṇavaḥ cilleśāḥ | dvaitam ghaṭapaṭādirūpadvaitasvarūpam | svatvam svabhāvam | svādayante camatkāraviṣayatāṃ nayanti ||

svayam prakacati sphāradehaś cidaṇuṣaṇḍakaḥ /

netrādikusumadvāraiḥ saṃvidāmodam udgiran //

Note:

sphāradehaḥ sphārasvarūpaḥ | saṃvidāmodam ghaṭapaṭādijñānarūpam²²⁷⁷ āmodam ||

sampaśyatītarān kaścid bahīrūpeṇa cidghanān /

sarvagatvād anāśatvād dṛśyabījasya vai citeḥ //

Note:

kaścit puruṣaḥ | jāgradavasthāviṣṭa iti yāvat | citeḥ dṛśyabījasya cidākhyasya dṛśyabījasya | sarvagatvāt tathā anāśatvāt | cidghanān citsvarūpatvena cidbharitān | itarān svato bhinnatvena bhātān padārthān | bahīrūpeṇa paśyati bāhyā ete iti anubhavati ||

antar evākhilaṃ kaścit paśyaty avikalaṃ jagat /

tatrātikālaṃ kalanād unmajjati nimajjati²²⁷⁸ //

Note:

kaścit svapnāvasthāviṣṭa iti yāvat | antar eva svasminn eva | na tu bāhye ||

svapnāt svapnāntaraṃ tatra tathā paśyan punaḥ punaḥ /

mithyāvaṭeṣu luṭhitaḥ śileva śikharacyutā //

Note:

kaścit kiṃ kurvan | svapnāt svapnāntaram punaḥ punaḥ paśyan iti pūrveṇaiva sambandhaḥ | kaścit kathambhūtaḥ | mithyā vyartham | avaṭeṣu bhāvābhāvākhyeṣv avaṭeṣu | luṭhitaḥ | kā iva | śikharacyutā śilā iva ||

kecit sammīlitāḥ kecid ātmany eva bhrame sthitāḥ /

magnāḥ svasaṃvidrasataḥ sphuranto²²⁷⁹ dehiṣaṇḍakāḥ //

Note:

kecit suṣuptyavasthāviṣṭāḥ | sammīlitāḥ nidrāgrastāḥ | ātmani ajñānavalite svātmani | dehiṣaṇḍakāḥ jīvasamūhāḥ ||

Note:

turyāvasthāviṣṭān kathayati²²⁸⁰

svayam antaḥ prapaśyanti ye jagajjīvasambhramam /

taiḥ kaiścit tat tathā dṛśyam asatsvapnavad āśritam //

Note:

ye jīvanmuktāḥ jīvāḥ | jagajjīvasambhramam jagadākhyaṃ jīvasambhramam | antaḥ manasi | paśyanti | na tu bahiḥ²²⁸¹ | taiḥ kaiścit tat dṛśyaṃ tathā āśritam antastvenaivāśritam | katham | asatsvapnavat²²⁸² | turyāvasthāviṣṭā jīvanmuktā hi bāhyam api jagat svapnavad antaḥstham evānubhavanti bhramasvarūpatvadarśanāt ||

sarvātmatvāt svabhāvasya tad dṛśyaṃ satyam ātmani /

sarvago vidyate yatra tatra sarvam udeti hi //

Note:

tat dṛśyam ātmani svasmin svarūpe | satyam bhavati | kutaḥ | svabhāvasya cinmātrākhyasya svabhāvasya | sarvātmatvāt sarvarūpeṇa vartamānatvāt | ayam bhāvaḥ | dṛśyaṃ draṣṭrapekṣayā siddhena dṛśyatvenāsatyam api sat | sarvarūpatvāvasthitacinmātrāparaparyāyasvabhāvasāratvena svasvarūpe satyam eveti | nanu katham etad ity | atrāha sarvaga iti | hi yasmāt | sarvagaḥ sarvavyāpakaṃ svabhāvāparaparyāyam cinmātratvam²²⁸³ | yatra vidyate | tatra sarvam dṛśyam | udeti prādurbhavati | ataḥ svabhāvabhūtacinmātravat tatsattāvinābhāvi dṛśyam api satyam eveti bhāvaḥ ||

jīvāntaḥ pratibhāsasya sargasya punar antare /

jīvaṣaṇḍa udety uccais tasyāntar itaro ḥpi ca //

Note:

spaṣṭam ||

jīvāntar jāyate jīvas tasyāntar api jīvakaḥ /

sarvatra rambhādalavaj jīvabījam prajīvati //

Note:

prajīvati prakṛṣṭāyāḥ jīvanakriyāyāḥ kartṛtvam bhajati ||

dṛśyabuddhiparāvṛddhi samam etad anantakam /

hemnīva kaṭakāditvam parijñaptyaiva naśyati //

Note:

anantakam antarahitatvena bhāsamānam | etat dṛśyam | parijñaptyaiva cinmātram evedam iti jñānenaiva | na tv anyena kenāpi hetunā | samam yugapat | na tu krameṇa | naśyati adarśanaṃ yāti | cinmātrarūpatvenānubhūyamānatvasiddher ity arthaḥ | etat kathambhūtam | dṛśyabuddhyā dṛśyam idam iti buddhyā | parā utkṛṣṭā | ā samantāt | vṛddhiḥ yasya | tat | etat kim iva | kaṭakāditvam iva | yathā hemni sthitaṃ kaṭakāditvam parijñaptyā hemaivedam iti jñānena naśyati | tathety arthaḥ ||

vicāro yasya nodeti ko ḥhaṃ kim idam ity alam /

tasyādyantāvimukto ḥsau²²⁸⁴ dīrgho jīvajvarabhramaḥ //

Note:

ādyantāvimuktaḥ²²⁸⁵ avicchinnapravāhaḥ | jīvo ḥham iti jvararūpaḥ bhramaḥ jīvajvarabhramaḥ ||

vicāraḥ phalitas tasya vijñeyo yasya sanmateḥ /

dinānudinam āyāti tānavam bhogagṛdhnutā //

Note:

vijñeya ity | atra paṇḍitair iti śeṣaḥ | bhogagṛdhnutā bhogākāṅkṣā ||

yathā dehopayuktaṃ hi karoty ārogyam auṣadham /

tathendriyajaye nyasto vivekaḥ phalito bhavet //

Note:

dehopayuktam dehe prayuktam | phalitaḥ mokṣākhyavyavahite phalayuktaḥ | indriyajayasyaiva mokṣam prati sākṣād upāyatvād iti bhāvaḥ ||

viveko ḥsti vacasy eva citre ḥgnir iva bhāsvaraḥ /

yasya tena parityaktā duḥkhāyaiva vivekitā //

Note:

yasyety asya pūrvārdhena sambandhaḥ | parityakteti²²⁸⁶ cittābhiprāyeṇoktam ||

yathā sparśena pavanaḥ sattām āyāti no girā /

tathecchātānavenaiva viveko ḥsyeti budhyate //

Note:

spaṣṭam ||

citrāmṛtaṃ nāmṛtam eva viddhi
citrānalaṃ nānalam eva viddhi /

citre ḥṅganā nūnam anaṅganaiva
vācā vivekas tv aviveka eva //

Note:

yathā citrasthasyāmṛtādeḥ tṛptyādyarthakriyākāritvābhāvāt anamṛtādirūpatvam eva | tathā kevalaṃ vācaiva kathyamānasya | ata eva indriyajayāsādhakasya vivekasya mokṣākhyārthakriyākāritvābhāvād²²⁸⁷ avivekatvam eveti bhāvaḥ ||

Note:

punaḥ kīdṛk puruṣo vivekī²²⁸⁸ asty | atra sargāntaślokenāha

pūrvaṃ vivekena tanutvam eti
rāgo ḥtha vairaṃ ca samūlam eva /

paścāt parikṣīyata eva yatra
sa pāvanas tatra vivekitāsti //

Note:

yatra yasmin puruṣe | rāgaḥ atha vairaṃ ca dveṣaḥ | vivekena vicāreṇa | pūrvam prathamam | tanutvam tānavam | eti gacchati | paścāt tanutvānantaram | kṣīyate²²⁸⁹ eva naśyaty eva | saḥ puruṣaḥ | pāvanaḥ asti | tatra tasmin puruṣe | vivekitā vicārayuktatvam | asti | na tu vākyamātreṇa sadasannirṇāyake ity arthaḥ | iti śivam ||

MT_4.18

iti śrībhāskarakaṇṭhaviracitāyāṃ śrīmoksopāyaṭīkāyāṃ sthitiprakaraṇe ḥṣṭādaśaḥ sargaḥ²²⁹⁰ ||

Note:

atidurbodhatvena punar api pūrvoktam evārthaṃ kathayati

jīvabījam param brahma sarvatra kham iva sthitam /

tena jīvodarajagaty api jīvo ḥsty anekadhā²²⁹¹ //

Note:

jīvānām bījam prādurbhavasthānam | param brahma kham ivākāśavat | sarvatra dṛśyatayābhimate samaste jagajjāle | sthitam svarūpasāratayā sthitam bhavati | tena tato hetoḥ | jīvasya yat udaram madhyapradeśaḥ | tatrasthitaṃ yat jagat svapnādirūpaṃ jagat | tasmin api anekadhā nānāvidhasthāvarajaṅgamātmakaprakāreṇa nānāprakāro | jīvo ḥsti ||

Note:

tataḥ kim ity apekṣāyām āha

cidghanaikaghanātmatvāj jīvāntar jīvajātayaḥ /

kadalīdalavat santi kīṭā iva narodare //

Note:

ataḥ²²⁹² cidghanena ekam kevalam | ghanaḥ ātmā yasya | saḥ | tasya bhāvaḥ cidghanaikātmatvam | tasmāt hetoḥ | jīvāntaḥ jīvānām madhye | jīvajātayaḥ kadalīdalavat santi | kadalīdaleṣu hy antar anyāni dalāni santi | jīvajātayaḥ²²⁹³ ke iva | kīṭā iva | yathā narodare kīṭāḥ santi | tathety arthaḥ ||

Note:

nanu jīvaḥ kuta utpadyate ity | atrāha

yo yo rāma yathā grīṣme kalkasvedād bhavet krimiḥ /

tattannāma tathā cittvāt khaṃ jīvībhavati svataḥ //

Note:

he rāma | grīṣme grīṣmakāle | kalkasvedāt²²⁹⁴ | kalko malam | sa ca svedaś ca | tat kalkasvedam | tasmāt | yaḥ yaḥ krimiḥ yathā yena rūpeṇa | bhavet jāyate | kham ākāśam | cittvāt²²⁹⁵ tathā tena rūpeṇa | svataḥ jīvībhavati | kham kathambhūtam | tattannāma tasya tasya krimer nāma yasya | tat | ayam bhāvaḥ | grīṣme tāvat nānāvidhāḥ krimayaḥ kalkasvedāt jāyante | teṣāṃ śarīraṃ tāvat kalkasvedamayam bhavatu | taccālakas tu jīvaḥ jīvatvānyathānupapattyā cittvayuktam ākāśam eva | kalkasvedasya śarīramātrasampādane parisamāptatvāt tadanyasyāsannidhānāc²²⁹⁶ ca | atas sarve jīvāḥ ākāśārūpā eveti ||

yathā yathā yatante te jīvakāḥ svātmasiddhaye /

tathā tathā bhavanty āśu vicitropāsanakramaiḥ //

Note:

te ākāśamayāḥ | jīvakāḥ | svātmasiddhaye²²⁹⁷ yathā yathā yatante vicitropāsanākramaiḥ yatanarūpaiḥ nānāvidhair upāsanākramaiḥ | tathā tathā bhavanti²²⁹⁸ ||

Note:

sāmānyenoktvā viśeṣeṇa kathayati

devān devayajo yakṣayajo yakṣān vrajanti hi /

brahma brahmayajo yānti yad atucchaṃ tad āśrayet //

Note:

phalitam āha yad iti | ata ity adhyāhāraḥ | ataḥ puruṣaḥ yat atuccham bhavati | tat āśrayet²²⁹⁹ ||

Note:

nanu tarhi śukraḥ kathaṃ svayatanaṃ vinā nānārūpatāṃ gata ity | atrāha

sa śukro bhṛguputro hi nirmalatvāt svasaṃvidaḥ /

baddhaḥ prathamadṛṣṭena dṛśyenāśu svabhāvataḥ //

Note:

saḥ pūrvaprakaraṇoktaḥ | bhṛguputraḥ śukraḥ | hi niścaye | idamprathamatāvaroheṇa svasaṃvidaḥ nirmalatvāt prathamadṛṣṭena dṛśyena svabhāvataḥ prayatanaṃ vināśu²³⁰⁰ baddhaḥ svonmukhaḥ kṛtaḥ | ato na virodha iti bhāvaḥ ||

abhijātāparimlānā bālā yat prathamam puraḥ /

saṃvit prāpnoti tadrūpā bhavaty anyā na kācana //

Note:

abhijātā śuddhā | ata evāparimlānā tāvat kāluṣyam²³⁰¹ agatā | bālā brahmaṇaḥ sadyaḥ utthitā | saṃvit | prathamam ādau | yat puraḥ paśyati | tadrūpā bhavati | anyā brahmaṇaḥ pūrvataram utthitā | kācana saṃvit | na bhavati yatnaṃ vinā na bhavati | yatnena tu bhavaty eva | anyathā²³⁰² mokṣābhāvaprasaṅgāt ||

Note:

pūrvaṃ sphuritam²³⁰³ praśnaṃ śrīrāmaḥ asmin samaye²³⁰⁴ pṛcchati

jāgratsvapnadaśābhedam bhagavan vaktum arhasi /

kathaṃ ca jāgraj jāgrat syāt svapno ḥjāgrat katham bhavet //

Note:

kiṃ kathayāmīty apekṣāyām āha katham iti | jāgrat jāgrat kathaṃ syāt | svapnaḥ ajāgrat svapnaḥ | katham bhavet | etad eva kathaya me iti²³⁰⁵ bhāvaḥ ||

Note:

śrīvasiṣṭha uttaraṃ kathayati

sthirapratyayayuktaṃ yat taj jāgrad iti kathyate /

asthirapratyayaṃ²³⁰⁶ yat syāt sa svapnaḥ samudāhṛtaḥ //

Note:

sthirapratyayena sa evāyam ity evaṃrūpapratyabhijñāyāṃ²³⁰⁷ kṣameṇa sthirajñānena | yuktaṃ yat bhavati | paṇḍitaiḥ taj jāgrad iti kathyate | yat asthirapratyayam pratyabhijñākṣamāsthirajñānayuktam | syāt | paṇḍitaiḥ saḥ svapnaḥ samudāhṛtaḥ kathitaḥ ||

Note:

jāgratsvapnayoḥ kadācitsambhavayuktaṃ svapnajāgrattvaṃ²³⁰⁸ kathayati

jāgrac²³⁰⁹ cet kṣaṇadṛṣṭaḥ²³¹⁰ syāt svapnaḥ kālāntarasthitaḥ /

taj jāgrat svapnatām eti svapno jāgrattvam ṛcchati //

Note:

jāgral lakṣaṇayā²³¹¹ jāgrajjñānaviṣayībhūtaṃ vastu | cet yadi | kṣaṇadṛṣṭaḥ kṣaṇam eva dṛṣṭaḥ | syāt | arthāt tataḥ naṣṭaḥ | tathā svapnaḥ svapnajñānaviṣayībhūtaṃ vastu | kālāntarasthitaḥ svapnakālād anyasmin kāle ḥpi sthitaḥ | cet syāt | kadācid dhi svapnadṛṣṭam api vastu prabhāte pratyakṣaṃ dṛśyate | tat tadā | jāgrat jāgradvastugrāhakaṃ jñānam | svapnatām eti asthirapratyayatvāt | svapnaḥ svapnavastugrāhakaṃ jñānam | jāgrattvam ṛcchati sthirapratyayatvāt ||

Note:

nanu katham etad ity | atrāha

jāgratsvapnadaśābhedo na sthirāsthiratāṃ vinā /

samaḥ sadaiva sarvatra samastānubhavo ḥnayoḥ //

Note:

yataḥ jāgratsvapnadaśābhedaḥ sthiratāsthiratāṃ vinā na bhavati | ataḥ kṣaṇikajāgrataḥ svapnatvaṃ sthirasvapnasya jāgrattvaṃ yuktam eveti bhāvaḥ | atra samastānubhavam pramāṇatvena kathayati sama iti | anayoḥ jāgratsvapnayoḥ | samasteṣu sthitaḥ anubhavaḥ samastānubhavaḥ | sadā sarveṣu kāleṣu | sarvatra sarveṣu deśeṣu | samaḥ eva bhavati | sthirāsthiratāṃ vineti atrāpi²³¹² sambandhanīyam ||

Note:

phalitam āha

yad eva sthiratām eti taj jāgrad iti kathyate /

kṣaṇabhaṅgātmakaḥ svapno yathā bhavati tac chṛṇu //

Note:

ataḥ yad eva sthiratām eti paṇḍitaiḥ tat svapno ḥpi san jāgrad iti kathyate | yaḥ kṣaṇabhaṅgātmakaḥ saḥ jāgrad api san²³¹³ svapnaḥ bhavati | yathaitad bhavati tvam tat śṛṇu | yathā jāgratsvapnayoḥ sthiratvāsthiratvam asti tathā śṛṇv ity arthaḥ ||

Note:

tad eva kathayati

jīvadhātuḥ śarīre ḥntar vidyate yena jīvyate /

tejo vīryaṃ jīvadhātur ityādyabhidham aṅga tat //

Note:

jīvākhyaḥ dhātuḥ jīvadhātuḥ | śarīre ḥntaḥ vidyate | yena jīvadhātunā | śarīraṃ jīvyate prāṇadhāraṇakriyāṃ kāryate | jīvyata iti ṇicantaḥ prayogaḥ | he aṅga | tat saḥ jīvadhātuḥ | tejo vīryaṃ jīvadhātur ityādyabhidham bhavati | atra ca dhātuśabdaḥ majjādivat śarīrāntaś cāritvasādṛśyāt upacāreṇa prayuktaḥ ||

vyavahārī yadā kāyo manasā karmaṇā girā /

bhavet tadā sa sampanno jīvadhātuḥ prasarpati //

Note:

yadā yasmin kāle | kāyaḥ | manasā karmaṇā svāśritayā kriyayā | girā ca | vyavahārī vyavahārayukto | bhavet | tadā saḥ jīvadhātuḥ sampannaḥ sampūrṇaḥ san | prasarpati sarvasmiñ śarīre sañcāraṃ karotīty arthaḥ ||

Note:

tataḥ kim ity | āha

tasmin prasarpaty aṅgeṣu sparśāt saṃvid udeti hi /

puṣṭatvāt saiti cittākhyām antarlīnajagadbhramā //

Note:

tasmin saṃvinmaye jīvadhātau | prasarpati sati | aṅgeṣu sparśāt jīvadhātusparśāt | hi niścaye | saṃvit jīvadhātuspandabhūtā śītoṣṇādisañcetanarūpā saṃvit | udeti prādurbhavati | sā saṃvit | antarlīnajagadbhramā satī | puṣṭatvāt jīvadhātuprasarpaṇena puṣṭatvāt | cittākhyām eti | nanu antarlīnajagadbhramatvaṃ saṃvidaḥ katham iti cet | satyam | saṃvit tāvat jīvadhātoḥ utpadyate | jīvadhātuś ca pitṛjīvadhātoḥ utthānasamaye jagadbhramayukta eva uttiṣṭhati | pitṛjīvadhātor antarlīnajagadbhramatvāt | ataḥ saṃvido ḥpy antarlīnajagadbhramatvaṃ siddham ||

sekṣaṇādiṣu randhreṣu prasarpantī bahirmayam /

nānākāravikārāḍhyaṃ²³¹⁴ rūpam ātmani paśyati //

Note:

sā saṃvit | īkṣaṇādirandhreṣu²³¹⁵ prasarpantī satī | bahirmayam bahiḥsvarūpam | nānākāravikāraiḥ ghaṭapaṭādirūpaiḥ ākāravikāraiḥ | āḍhyaṃ rūpam | ātmani paśyati vimṛśati | antar iva saṅkalpasiddhaghaṭapaṭāditām | na caitat katham iti vācyam | svapne dṛṣṭatvāt | yathā svapne saṃvid eva nānārūpair bhāti | tathā bahir apīti na virodhaḥ ||

tat sthiratvāt tayaivātha jāgrad ity avagamyate /

jāgratkrama iti proktaḥ suṣuptādikramaṃ śṛṇu //

Note:

tayā eva saṃvidā eva | na tv anyena dehādinā jaḍena | tat nānākāravikārāḍhyaṃ nijaṃ svarūpam | sthiratvāt kam api kālam tathaiva sthitatvāt | jāgrad ity avagamyate jñāyate | jāgratprakriyopasaṃhārapūrvaṃ suṣuptādiprakriyāṃ vaktum pratijānīte jāgratkrama iti ||

Note:

suṣuptādikramam eva kathayati

manasā karmaṇā vācā yadā kṣubhyati²³¹⁶ no vapuḥ /

śānta ātiṣṭhati svaccho jīvadhātus tadā tv asau //

Note:

na kṣubhyati śrāntatvāt | vyavahāraṃ na karotīty arthaḥ | tadā tasmin kāle | jīvadhātuḥ svacchaḥ suptaprasarpaṇākhyamalaḥ | ata eva śāntaḥ kṣobharahitaḥ | ā samantāt | tiṣṭhati | tuśabdo niścaye | yady api suṣuptaviṣayaḥ śrīrāmakṛtaḥ praśno nāsti tathāpi jāgratsvapnayor avaśyam madhyavartitvāt suṣuptinirṇayaḥ | na hi jāgrataḥ nirgatya suṣuptim agatvā svapnagamanam puruṣasya yuktam | setuvat sarvatra maryādātvena suṣupteḥ sthitatvāt | yady api śuddhacid api sarvatra madhye setutvena vartata eva tathāpi vidyuddyotaratnavat²³¹⁷ sthūladṛṣṭyaviṣayatvāt tasyāḥ setutvākathanam | sūkṣmadṛṣṭīn prati tv anupayogāt kathanaṃ na yuktam ||

Note:

tadā kiṃ sampatsyate ity | atrāha

samatām āgatair²³¹⁸ vātaiḥ kṣobhyate²³¹⁹ na hṛdantare /

nirvātasadane dīpo²³²⁰ yathālokaikakārakaḥ //

Note:

samatām manaḥkṛtakṣobhābhāvāt samavāhitvam | āgataiḥ vātaiḥ prāṇaiḥ | asau jīvadhātuḥ hṛdantare na kṣobhyate kṣobhayukto na kriyate | anena manonāśena prāṇarodhaḥ prāṇarodhena ca manonāśaḥ sampatsyate iti sūcitam | tatrāpi keṣāñcit prāṇarodhena manonāśaḥ mataḥ | asmākaṃ tu samyagjñānasādhitena manonāśenaiva prāṇarodhaḥ | sa cet tatra sahakārī tan na doṣaḥ | tataḥ sarvathā manonāśaḥ prāṇarodhena | manonāśas tu madirādiprayuktamanonāśavan nātyantika iti matam | atra pratibhānvitā eva pramāṇam ity alam bahunā | jīvadhātuḥ²³²¹ ka iva | dīpa iva | yathā nirvātasadane vātaiḥ ālokaikakārakaḥ dīpo na kṣobhyate | tathety arthaḥ ||

Note:

tataḥ kiṃ sampadyata ity | atrāha

tataḥ sarati nāṅgeṣu saṃvit kṣubhyati tena no /

na cekṣaṇādīny āyāti randhrāṇy āyāti no bahiḥ //

Note:

tataḥ sa jīvadhātuḥ | aṅgeṣu na sarati sañcāraṃ na karoti | tena jīvadhātusaraṇena | saṃvit jīvadhātuspandarūpā saṃvit | no kṣubhyati na udeti | sā saṃvit īkṣaṇādīni randhrāṇi na cāyāti bahiḥ no āyāti ||

Note:

tadāsau kutra tiṣṭhatīty apekṣāyām āha

jīve ḥntar eva sphurati tailasaṃvid yathā tile /

śītasaṃvid dhima iva snehasaṃvid yathā ghṛte //

Note:

asau saṃvit jīve ḥntaḥ svadharmibhūtajīvamadhye eva | sphurati | kā iva | tailasaṃvid iva tailākārā saṃvit | tailasaṃvit tailam iti yāvat²³²² | yathā sā tile sphurati | tathety arthaḥ | evam anyasmin dṛṣṭāntadvaye ḥpi yojyam ||

Note:

nanu tadā jīvaḥ kiṃ karotīty | atrāha²³²³

jīvaḥ kālakalāṃ kāñcit tiṣṭhan²³²⁴ śāntatayātmani /

daśām āyāti sauṣuptīṃ saumyavātāṃ vicetanām //

Note:

tadā jīvaḥ kāñcit atisūkṣmatayā vaktum aśakyām | kālakalāṃ kālaleśaṃ tāvat | śāntatayā ātmani jñānātmani svarūpe | tiṣṭhan prathamaṃ tiṣṭhan | tataḥ vicetanām²³²⁵ ajñānamayīm | saumyavātām²³²⁶ samavāhiprāṇām | sauṣuptīṃ daśām āyāti | anena jāgratsuṣuptayor madhye sūkṣmadṛṣṭibhiḥ vedyaḥ madhyadhāmapraveśaḥ uktaḥ | anenaiva cābhiprāyeṇa nidrādau jāgarasyānta ityādy uktam | ity alaṃ rahasyodghāṭanena ||

Note:

nanu suṣupta eva jīvaḥ kṣobharāhityāt kathaṃ na turyavān astīty apekṣāyām āha

jñātvā cetasy uparate śāmyan vyavaharann api /

jāgratsvapnasuṣupteṣu prabuddhas turyavān smṛtaḥ //

Note:

jñātvā śuddhacinmātrarūpaṃ svātmānaṃ samyag jñātvā | cetasi vikalpasvarūpe manasi | uparate līne sati | vyavaharann api śarīrayātrānimittaṃ vyavahāraṃ kurvann api | śāmyan vyavahārakṛtaṃ kṣobham atyantanaipuṇyāt agacchan | tathā jāgratsvapnasuṣupteṣu prabuddhaḥ kīdṛgrūpāṇy etānīti samyagjñānayuktaḥ | na tu jaḍaḥ | paṇḍitaiḥ turyavān smṛtaḥ | suṣuptas tu naitādṛśo ḥstīti nāsau turyavān iti bhāvaḥ ||

Note:

svapnaṃ nirūpayitum prastauti

sauṣuptāt somyatāṃ yātaiḥ prāṇaiḥ sañcālyate yadā /

sa jīvadhātus sā saṃvit tataś cittatayoditā //

Note:

suṣuptam eva sauṣuptam | tasmāt | somyatāṃ yātaiḥ vātaiḥ | yadā suṣuptapariṇāmakāle | sa jīvadhātuḥ cālyate | tataḥ tadā | sā saṃvit jīvadhātuspandarūpā saṃvit | cittatayā cittabhāvena | uditā prādurbhūtā²³²⁷ | bhavati ||

Note:

cittatayā uditya²³²⁸ kiṃ karotīty | atrāha

svāntaḥsaṃsthaṃ jagajjālam bhāgabhāgaiḥ kramabhramaiḥ /

paśyati svāntar evāśu sphāram bījam iva drumam //

Note:

tataḥ sā cittarūpā saṃvit svāntaḥsaṃstham saṃskārarūpeṇa svātmani sthitam | jagajjālaṃ svāntar eva na tu bāhye | āśu²³²⁹ kramabhramaiḥ na tu sahajakramayuktaiḥ | bhāgabhāgaiḥ padārtharūpaiḥ leśaleśaiḥ | paśyati²³³⁰ anubhavati | kim iva | bījam iva | yathā sphāram aṅkuronmukham²³³¹ | bījam | drumam svāntaḥ paśyati | anyathā tannirgamānupapatteḥ | tathety arthaḥ ||

Note:

tad eva viśeṣataḥ kathayati

jīvadhātur yadā vātaiḥ kiñcit saṅkṣobhyate bhṛśam /

tadohyate ḥmbara iva paśyaty ātmani khe gatim //

Note:

vātabāhulyasvabhāva evāyaṃ yat puruṣaḥ svapne khe gatim paśyatīti vākyārthaḥ ||

yadāmbhasā plāvyate ḥsau tadā vāryādisambhramam /

antar evānubhavati svāmodaṃ kusumaṃ yathā //

Note:

asau jīvadhātuḥ | ambhasā kapharūpeṇa jalena | plāvyate pūryate | vāryādisambhramam udakaplavādirūpaṃ sambhramam ||

yadā pittādinākrāntas tadāgnyauṣṇyādisambhramam /

antar evānubhavati sphāram bahir ivākhilam //

Note:

paramārthatas²³³² tu na bahiḥ sphāram iti ivaśabdopādanam ||

raktāpūrṇo raktavarṇān deśakālān bahir yadā /

paśyaty anubhavātmatvāt tatraiva ca nimajjati //

Note:

yadā raktāpūrṇaḥ raktapūritaḥ | syāt | tadā bahiḥ raktavarṇān deśakālān paśyati | na kevalam paśyati | tatraiva ca nimajjati ||

Note:

nanu nānāvyavahārān katham paśyatīty | atrāha

sevate vāsanāṃ yāṃ tāṃ so ḥntaḥ paśyati nidritaḥ /

pavanakṣobhitai randhrair bahir akṣādibhir yathā //

Note:

saḥ jīvadhātuḥ | yām śubhāśubharūpām | vāsanāṃ sevate nidritaḥ san | tām antaḥ paśyati | kathaṃ tathā | tathā katham pavanakṣobhitaḥ akṣādibhiḥ randhraiḥ netrādidvāraiḥ | yathā bahiḥ paśyati ||

Note:

saṅgṛhya svapnalakṣaṇaṃ kathayati

anākrantendriyacchidro yad akṣubdho ḥntar eva saḥ /

saṃvidānubhavaty āśu sa svapna iti kathyate //

Note:

saḥ jīvadhātuḥ | anākrantendriyacchidraḥ antar eva akṣubdhaḥ bāhyakṣobharahitaḥ san | saṃvidā saṃvidākhyena dharmeṇa²³³³ | svapne yat anubhavati jagadviṣayam anubhavaṃ karoti | paṇḍitaiḥ sa svapna iti kathyate ||

Note:

jāgrallakṣaṇaṃ kathayati

samākrantendriyacchidro yat kṣubdho bāhyasaṃvidā /

paripaśyati taj jāgrad ity āhur matimattamāḥ //

Note:

atiśayena matimantaḥ matimattamāḥ | jāgratsvapnayor eva pṛṣṭatvāt tayor evehopasaṃhāre²³³⁴ saṅgraheṇa lakṣaṇābhidhānam | na suṣupteḥ ||

Note:

sargāntaślokenaitad upasaṃharati

iti viditavatā tvayādhunāntaḥ
prathitamahāmatineha satyatāsthā /

asati jagati naiva bhāvanīyā
mṛtihṛtisaṃsṛtidoṣabhāvanīyā //

Note:

iti evam | viditavatā jñātavatā | ata eva prathitā visṛtiṃ gatā | mahāmatiḥ yasya | tādṛśena tvayā | asati jagati adhunā antaḥ manasi | satyatāsthā satyam idam ity evaṃrūpā āsthā | na bhāvanīyā bhāvanāviṣayatāṃ na neyā | satyatāsthā kā | yā | mṛtiś ca hṛtiś ca saṃsṛtiś ca tāḥ mṛtihṛtisaṃsṛtayaḥ | tā eva doṣāḥ | tān bhāvayati sampādayatīti tādṛśī | bhavati | saṃsārasatyatāsthāyāṃ hi tadgatāḥ mṛtyādidoṣāḥ bādhante | tadasatyatāsthāyāṃ tu tā api asatyabhūtā eva kām bādhāṃ kartuṃ śaknuvanti | na hi vandhyāputraḥ kañcid bādhate | iti śivam ||

MT_4.19

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ekonaviṃśaḥ sargaḥ²³³⁵ ||

Note:

oṃ | evaṃ śrīrāmeṇa madhye pṛṣṭaṃ jāgradādisvarūpaṃ nirṇīya prakṛtam evānusandadhāti

etat te kathitaṃ sarvam manorūpanirūpaṇe /

mayā rāghava nānyena kenacin nāma hetunā //

Note:

etat sarvam yo yathā yatate saḥ tathā bhavatīty etat samastam | mayā | he rāghava | manorūpanirūpaṇe manonirūpaṇanimittam | te kathitam | anyena hetunā na kathitam vyarthatvāt ||

Note:

manonirūpaṇam eva karoti²³³⁶

dṛḍhaniścayavac ceto yad bhāvayati bhūriśaḥ /

tattāṃ yāty analāśleṣād ayaḥpiṇḍo ḥgnitām iva //

Note:

bhūriśaḥ abhyāsena ||

bhāvābhāvagrahotsargadṛśaś cittena kalpitāḥ /

nāsatyā nāpi satyās²³³⁷ tā manaścāpalakāraṇāḥ //

Note:

manaścāpalam eva kāraṇaṃ yāsām | tāḥ manaścāpalakāraṇāḥ | manaścāpalakāraṇaṃ hi rajjusarpādikam arthakriyākāritvābhāvena na satyam bhavati | bhāsamānatvenāsatyaṃ ca na bhavati ||

mano hi hetuḥ kartṛ syāt kāraṇaṃ ca jagatsthiteḥ /

viśvarūpatayaivedaṃ tanoti malinam manaḥ //

Note:

hi niścaye | manaḥ jagatsthiteḥ hetuḥ nimittakāraṇaṃ kartṛ | kartṛ kārakaḥ | kāraṇam samavāyikāraṇam asamavāyikāraṇaṃ ca | bhavati | yataḥ idam manaḥ malinam vāsanāmaladūṣitaṃ sat | viśvarūpatayā idam jagat | tanoti | nātrānyaḥ kaścit kārakatvaṃ yātīti bhāvaḥ | svapnasya cātra dṛṣṭāntatvaṃ sphuṭam eva ||

mano hi puruṣo rāma tan niyojyaṃ śubhe pathi /

tajjayaikāntasādhyā hi sarvā jagati bhūtayaḥ //

Note:

niyojyam preraṇīyam | śubhe pathi vivekasvarūpe | hi yasmāt | jagati sarvāḥ vibhūtayaḥ bhogamokṣarūpāṇy aiśvaryāṇi | tasya manasaḥ | yaḥ jayaḥ śubhe pathi niyojanam | tena sādhyāḥ bhavanti ||

Note:

nanu śarīrasya puruṣatvena sthitatvāt kathaṃ cakṣuṣālabhyamānasya manasaḥ puruṣatvaṃ kathayasīty | atrāha

śarīraṃ cet śarīraṃ syāt kathaṃ śukro mahāmatiḥ /

agamad vividham bhedam bahudehasamudbhavam //

Note:

śarīram sthūlaśrīram | śarīram lakṣaṇayā²³³⁸ puruṣaḥ | cet syāt | tadā saḥ śukraḥ | bahudehebhyaḥ samudbhavaḥ yasya | tādṛśam vividham bhedam | katham agamat | śarīrasyaikenaiva rūpeṇa sthitatvāt ||

Note:

phalitaṃ kathayati

tasmāc cittaṃ hi puruṣaḥ²³³⁹ puruṣaś cittam eva hi /

yanmayaṃ ca bhavaty etat tad avāpnoty asaṃśayam //

Note:

hi niścaye | etat cittam | yanmayam yadviṣayānusandhānamayam ||

Note:

paramaphalitam āha

yad atuccham anāyāsam anupādhi gatabhramam /

yatnāt tadanusandhānaṃ kuru tattāṃ ca yāsyasi //

Note:

ataḥ yat vastu | atuccham anāyāsam āyāsasādhyatārahitam | anupādhi tathā gatabhramam | bhavati | tvam tadanusandhānaṃ kuru | tataḥ tattām atucchatvādidharmarahitavastubhāvam | yāsyasi ||

Note:

sargāntaślokenāpy etad eva kathayati²³⁴⁰

abhipatati manaḥsthitiṃ²³⁴¹ śarīraṃ
na tu vapurācaritam manaḥ prayāti /

abhipatatu tavātra tena satyaṃ
subhaga manaḥ prajahātv asatyam anyat //

Note:

spaṣṭam | iti śivam ||

MT_4.20

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe viṃśaḥ sargaḥ²³⁴² ||

Note:

atra śrīrāmaḥ pṛcchati

bhagavan sarvadharmajña saṃśayo me mahān ayam /

hṛdi vyāvartate lolaḥ kallola iva sāgare //

Note:

vyāvartate sphurati ||

dikkālādyanavacchinne tate nitye nirāmaye /

mlānā saṃvin manonāmnī kutaḥ keyam upasthitā //

Note:

dikkālādibhiḥ aparicchinne svaparicchedakasya paricchedaṃ kartum aśakyatvāt | ādiśabdena vastvādeḥ grahaṇam | tate vyāpake | nitye prākpradhvaṃsātyantābhāvarahite | nirāmaye kalanākhyarogarahite²³⁴³ | mlānā saṅkalpavikalparūpatvena malinā | manonamnī | iyaṃ saṃvit saṃvidākhyaḥ spandaḥ | kutaḥ upasthitā | naitasyā upasthānam atra yuktam iti bhāvaḥ ||

yasmād anyan na nāmāsti na bhūtaṃ na bhaviṣyati /

kutaḥ kīdṛk kathaṃ tasya kalaṅkaḥ kutra vidyate //

Note:

yasmāt śuddhacinmātratattvāt | anyat bhinnaṃ vastu | nāma niścaye | nāsti na bhūtaṃ na bhaviṣyati | tasya kalaṅkaḥ manorūpaḥ kalaṅkaḥ | kutaḥ vidyate kīdṛk vidyate kathaṃ vidyate | kutra vidyate sarvathā sambhavānupapatteḥ na vidyate ity arthaḥ ||

Note:

śrīvasiṣṭhaḥ uttaraṃ kathayati

sādhu rāma tvayā proktaṃ jñātā te mokṣabhāginī /

matir uttamaniḥṣyandā nandanasyeva mañjarī //

Note:

uttamaniḥṣyandā śreṣṭhapravāhā ||

pūrvāparavicārārthatatpareyam matis tava /

samprāpsyati²³⁴⁴ padam proccair yat prāptaṃ śaṅkarādibhiḥ //

Note:

pūrvāparavicārarūpaḥ yaḥ arthaḥ | tatra parā | proccaiḥ padam mokṣākhyaṃ śreṣṭhaṃ sthānam ||

Note:

tarhi matpraśnasyottaraṃ kathayety | atrāha

praśnasyāsya tu he²³⁴⁵ rāma na kālas tava samprati /

siddhāntaḥ kathyate yatra tatrāyam praśna ucyate //

Note:

mayāyam praśna ucyate kṛtottaraḥ sampādyate iti sambandhaḥ ||

Note:

nanu yadi siddhāntakāle ḥsau praśnaḥ tava smṛtipathaṃ nāyāsyati tadā kiṃ kāryam ity | atrāha

siddhāntakāle bhavatā praṣṭavyo ḥham idam padam /

karāmalakavat tena²³⁴⁶ siddhāntas te bhaviṣyati //

Note:

karāmalakavat prayatnarahitam ||

Note:

nanv asmin samaya eva kathaṃ na kathayasīty | atrāha

siddhāntakāle praśnoktir eṣā tava virājate /

prāvṛṣy eva hi kekoktir yuktā śaradi haṃsagīḥ //

Note:

spaṣṭam ||

sahajo nīlimā vyomni śobhate prāvṛṣaḥ kṣaye /

prāvṛṣi tu danūdagrapayodapaṭalotthitaḥ²³⁴⁷ //

Note:

prāvṛṣaḥ kṣaye śaradi | tu pakṣāntare | prāvṛṣi nīlimā śobhate | kathambhūtaḥ | danuvat dānavamātṛvat²³⁴⁸ | udagraṃ yat payodapaṭalam | tasmād utthitaḥ jātaḥ ||

Note:

etad upasaṃhṛtya prakṛtam evānusarati

ayam prakṛta ārabdho manonirṇaya uttamaḥ /

yadvaśāj janatājanma tad ākarṇaya suvrata //

Note:

ayam uttamaḥ manonirṇayaḥ asmābhiḥ²³⁴⁹ ārabdhaḥ | kathambhūtaḥ | prakṛtaḥ prakaraṇavaśena prāptaḥ | enam eva śṛṇv iti bhāvaḥ | he suvrata | yadvaśāt janatājanma janasamūhajanma bhavati | tvam tad ākarṇaya śṛṇu | manonirṇayāṅgabhūtatvād iti bhāvaḥ ||

Note:

tad eva kathayati

evam prakṛtir eveyam manomananadharmiṇī /

karmeti rāma nirṇītaṃ sarvair eva mumukṣubhiḥ //

Note:

he rāma | evaṃ sati | pūrvasargokte niścaye paramārthatayā sthite sati | manasaḥ yat mananam anusandhānākhyo vyāpāraḥ | taddharmiṇī tatsvarūpiṇī | iyam prakṛtiḥ eva jagadupādānarūpā mūlaprakṛtir eva | sarvaiḥ mumukṣubhiḥ karmeti nirṇītam | manomananam eva karmeti piṇḍārthaḥ ||

śṛṇu lakṣaṇabhedena tan nānāmatatāṃ katham /

vāgmināṃ vadatāṃ yātaṃ citrābhiḥ śāstradṛṣṭibhiḥ //

Note:

tvaṃ śṛṇu | tat manomananarūpaṃ karma | lakṣaṇabhedena | vāgminām vādinām | nānāmatatām | kathaṃ yātam | tad eva kathayāmīti bhāvaḥ | vāgminām kathambhūtānām | citrābhiḥ nānāvidhābhiḥ | śāstradṛṣṭibhiḥ śāstrarūpābhiḥ dṛṣṭibhiḥ | vadatāṃ vivādaṃ kurvatām | anyathā matabhedo²³⁵⁰ na syāt ||

Note:

tad eva kathayati

yaṃ yam bhāvam upādatte mano mananacañcalam /

taṃ tam eti ghanāmodamadhyasthaḥ pavano yathā //

Note:

mananena mananākhyena dharmeṇa | cañcalam nānāpadārthayāyi | manaḥ | yaṃ yam bhāvam śubham aśubhaṃ vā padārthamananodbhūtaṃ vāsanāviśeṣam | upādatte gṛhṇāti | taṃ tam eti tattadanusandhānamayo bhavatīty arthaḥ | ko yathā | pavanaḥ yathā | yathā ghanāmodamadhyasthaḥ pavanaḥ āmodam eti | tathety arthaḥ²³⁵¹ ||

tatas tam eva nirṇīya tam eva ca vikalpayan /

antas tayā rañjanayā rañjayan²³⁵² svām ahaṅkṛtim //

tanniścayam upādāya tatraiva rasam ṛcchati /

tanmayatvaṃ śarīre tu tato buddhīndriyeṣv api //

Note:

tataḥ tat manaḥ²³⁵³ | tam eva bhāvam | nirṇīyānusandhāya | tathā niścitya | tam eva ca na tv anyat | vikalpayan punaḥ punaḥ parāmṛśan²³⁵⁴ | tayā tadbhāvarūpayā | rañjanayā rāgadravyeṇa | svām ahaṅkṛtim nijām ahaṅkāravṛttim | rañjayan uparaktāṃ kurvan | mama kadā etat syāt iti parāmṛśann iti yāvat | tataḥ tanniścayam tasya bhāvasya niścayam | camatkārakāri idam ity evaṃrūpaṃ niścayam | upādāya | tatraiva tasmin śubhe aśubhe vā vāsanāviśeṣe eva | rasam āsvādam | āsaktim iti yāvat | ṛcchati gacchati | tataḥ tadanantaram | tu niścaye | śarīre²³⁵⁵ tanmayatvam bhavati | anyathā tatsvarūpe bāhye padārthe pravṛttiparihārarūpāyāḥ ceṣṭāyā asambhavāt na kevalaṃ śarīre eva kiṃ tu buddhīndriyeṣv api tanmayatvam bhavati | anyathā teṣām api tatra punaḥ punaḥ svakriyākāritvāyogāt | karmendriyāṇāṃ tu śarīreṇaiva grahaṇam | tathā hi | bāhye puruṣaḥ prathamaṃ kapitthādikam bhuṅkte | tataḥ tasya manaḥ tasya phalasya vāsanām antaḥ dhārayati | tataḥ vāsanārūpasya tasyaivānusandhānam punaḥ punaḥ karoti | tataḥ vāsanārūpeṇa tena svām ahaṅkṛtiṃ²³⁵⁶ rañjayati | tataḥ tadāśritāni buddhīndriyāṇy api tad eva pratisammukhāni bhavanti | tataḥ tadāśrayaṃ śarīraṃ tat praty eva ceṣṭāṃ karotīti | yugmam ||

Note:

nanu kutaḥ etad²³⁵⁷ ity | atrāha

yanmayaṃ hi mano rāma dehas tadanu tadvaśāt /

tattām āyāti gandhāntaḥ²³⁵⁸ pavano gandhatām iva //

Note:

yanmayam yadbhāvamayam | tattām tanmayatām ||

buddhīndriyeṣu valgatsu karmendriyagaṇas tataḥ /

sphurati svata evorvīrajo lola ivānile //

Note:

sphurati svāṃ kriyām prati sammukhībhavati | svata eva preraṇāṃ vinā | karmendriyagaṇaḥ kim iva | urvīraja iva | yathā urvīrajaḥ anile lole sati | svata eva sphurati | tathety arthaḥ ||

karmendriyagaṇe kṣubdhe svaśaktim prathayaty alam /

karma niṣpadyate sphāram pāṃsujālam ivānilāt //

Note:

svaśaktim svakāryam prati nijaṃ sāmarthyam | prathayati vistārayati | karma viṣayādānarūpaṃ karma | niṣpadyate sampadyate ||

Note:

phalitaṃ kathayati

evaṃ hi manasaḥ karma karmabījam manaḥ smṛtam /

abhinnaiva tayoḥ sattā yathā kusumagandhayoḥ //

Note:

evaṃ hi sati | manasaḥ manaḥsakāśāt | karma utpadyate iti śeṣaḥ | paṇḍitaiḥ | manaḥ | karmaiva bījam yasya | tat | tādṛśam | smṛtam | karmaṇaḥ manaḥ utpadyate iti bhāvaḥ | phalitam āhābhinneti | ataḥ etayoḥ karmamanasoḥ | sattā abhinnaiva bhavati | kayoḥ yathā | kusumagandhayoḥ yathā | na hi manoḥnuvṛttiṃ vinā śarīrāśrayam bāhyam api karma sampadyate | na ca hi karmasādhitavāsanāmātrarūpatāṃ vinā mano nāma kiñcid astīti bhāvaḥ ||

yādṛśam bhāvam ādatte dṛḍhābhyāsavaśān manaḥ /

tathā spando ḥsya karmākhyas tathā śākhā vimuñcati //

Note:

yādṛśam śubham aśubhaṃ vā | śākhāḥ saṅkalparūpāḥ ||

tathā kriyāṃ tatphaladāṃ niṣpādayati cādarāt /

tatas tad eva cāsvādam anubhūyāśu badhyate //

Note:

śarīradvāreṇeti śeṣaḥ | tad eva bhāvaviṣayīkṛtaṃ vastv eva | badhyate ghanataraṃ tadvāsanāviṣṭo bhavatīty arthaḥ ||

Note:

punar apy etad eva kathayati

yaṃ yam bhāvam upādatte tat tad vastv iti vindati /

tac chreyo ḥnyat tu nāstīti niścayo ḥsya prajāyate //

Note:

vastu satyabhūtam ||

dharmārthakāmamokṣārtham prayatante sadaiva hi /

manāṃsi dṛḍhabhāvāni pratipattyā svayaiva hi //

Note:

svayā pratipattyā na tu parapreraṇayā ||

Note:

yadartham iyam prakriyā kṛtā tad eva kathayati

manobhiḥ kāpilānāṃ tu pratipattiṃ nijām alam /

urarīkṛtya²³⁵⁹ nirṇīya kalpitāḥ śāstradṛṣṭayaḥ //

Note:

kāpilānām kapilānusāriṇām | sāṅkhyānām iti yāvat | manobhiḥ²³⁶⁰ | nijām pratipattim niścayam | urarīkṛtya²³⁶¹ |śāstradṛṣṭayaḥ prakṛtipuruṣapratipādikāḥ śāstradṛṣṭayaḥ | kalpitāḥ ||

Note:

kāpilān eva viśinaṣṭi

mokṣe tu nānyathā prāptir iti bhāvitacetasaḥ /

svāṃ dṛṣṭim pravivṛṇvantaḥ²³⁶² sthitāḥ svaniyamabhramaiḥ //

Note:

bhāvitam bhāvanāyuktam | cetaḥ yeṣām | te | svena kṛtā ye niyamabhramāḥ | taiḥ²³⁶³ | eṣām api manovaśād eva matabhedo ḥstīti bhāvaḥ ||

vedāntavādino buddhyā brahmedam iti dṛḍhayā /

yuktiṃ śamadamopetāṃ²³⁶⁴ nirṇīya parikalpya ca //

muktau tu nānyathā prāptir iti bhāvitacetasaḥ /

svāṃ dṛṣṭim pravivṛṇvantaḥ sthitāḥ svaniyamabhramaiḥ //

Note:

yuktim śravaṇādirūpam upāyam ||

vijñānavādino buddhyā sphuratsvabhramarūpayā /

svāṃ dṛṣṭim pravivṛṇvanti svair eva niyamabhramaiḥ //

Note:

vijñānavādinaḥ vijñānādvaitavādinaḥ bauddhāḥ | svāṃ dṛṣṭim vijñānam evedam itirūpām | pravivṛṇvanti prakaṭīkurvanti ||

ārhatādibhir²³⁶⁵ anyaiś ca svayābhimatayecchayā /

citrāś citrasamācārāḥ kalpitāḥ śāstradṛṣṭayaḥ //

Note:

ādiśabdena cārvākādīnāṃ grahaṇam ||

nirnimittotthasaumyāmbubudbudaughair ivotthitaiḥ /

svaniścayair iti prauḍhā nānākārā hi rītayaḥ //

Note:

nirnimittotthāḥ²³⁶⁶ ye saumyāmbubudbudaughāḥ | tair iva akasmād | utthitair | ity arthaḥ | rītayaḥ śāstrarītayaḥ ||

sarvāsām eva caitāsāṃ rītīnām eka ākaraḥ /

mano nāma mahābāho maṇīnām iva sāgaraḥ //

Note:

sarvāsām sāṅkhyādipraṇītānām | ākaraḥ utpattisthānam ||

na nimbekṣū kaṭusvādū śītoṣṇau nendupāvakau /

yad yathā manasābhyastam upalabdhaṃ tathaiva tat //

Note:

kaṭusvādū tiktamadhurau | anyathā cittavṛttibhedena heyopādeyatvaṃ na syāt | yad eva hi yasya heyatvena sthitaṃ tad evānyasyopādeyatayā ||

Note:

phalitaṃ kathayati

yas tv akṛtrima ānandas tadartham prayateta na vai /

manas tanmayatāṃ neyaṃ tenāsau samavāpyate //

Note:

ata ity adhyāhāryam | yataḥ kasmiṃścid api bāhye vastuni svabhāvena svādutā nāsti | ataḥ yaḥ akṛtrimaḥ bhogādiviṣayanirapekṣatvena sthitatvāt svābhāvikaḥ | ānandaḥ svātmarūpaḥ ānandaḥ | bhavati | puruṣaḥ tadartham | vai niścaye | yateta²³⁶⁷ | nanu kena yatnenāsau prāpyate ity | atrāha mana iti | puruṣeṇa²³⁶⁸ manaḥ saṅkalpātmakaṃ²³⁶⁹ cittam | tanmayatām svātmabhūtānandarūpatām | neyam | adhyātmaśāstropadiṣṭamārgeṇa tatparāmarśaikapravaṇaṃ kāryam ity arthaḥ | tena manasaḥ tanmayatvanayanamātreṇa yatnenāsau akṛtrimaḥ ānandaḥ | prāpyate ||

Note:

nanu sukhaduḥkhavaśīkṛtam manaḥ kathaṃ tanmayatāṃ neyam ity | atrāha

dṛśyaṃ saṃsāraḍimbasthaṃ tuccham parijahan manaḥ /

tajjābhyāṃ sukhaduḥkhābhyāṃ nāvaśaḥ parikṛṣyate //

Note:

saṃsāra eva ḍimbaḥ bālaḥ | tatra tiṣṭhatīti tādṛśam | dṛśyam dṛśikriyāviṣayam bhāvajātam | jahat svaunmukhyāviṣayatāṃ nayat | manaḥ | tajjābhyām dṛśyotpannābhyām | sukhaduḥkhābhyām | nāvaśaḥ parikṛṣyate na balātkāreṇāsvādhīnīkriyate²³⁷⁰ | avaśa iti āviṣṭaliṅgam ||

Note:

nanu dṛśye ko doṣo ḥstīty | atrāha

apavitram asadrūpam mohanam bhayakāraṇam²³⁷¹ /

dṛśyam ābhāsam ābhogi bandham mā bhāvayānagha²³⁷² //

Note:

anagha | dṛśyabhāvanānarhatvaṃ dṛśyam mā bhāvaya manoḥnusandhānaviṣayam mā kuru | kimarthaṃ na bhāvayāmīty apekṣāyāṃ viśeṣaṇāny āha apavitram ityādi | apavitram rāgādirūpapāpotpādakatvāt pavitratārahitam | asadrūpam kiṃrūpam iti vicārāsahatvāt pāramārthikasattārahitam | mohanam anātmany ātmatvarūpamohotpādakam | bhayakāraṇam mṛtyādyupādānabhayahetum | ābhāsam ābhāsamātrasvarūpam | na tu vastutayā sthitam | ābhogi vistārayuktam | bandham ātmajñānam prati rodhakatvāt bandhasvarūpam ||

māyaiṣā²³⁷³ sā hy avidyaiṣā bhāvanaiṣā bhayāvahā /

saṃvidas tanmayatvaṃ yat tat karmeti vidur budhāḥ //

Note:

eṣā dṛśyabhāvanā | sā svasiddhā | māyā bhavati | eṣā avidyā bhavati | eṣā bhayāvahā bhāvanā vāsanā | bhavati | nanu tarhi karma kiṃrūpam astīty | atrāha saṃvida iti | saṃvidaḥ manorūpāyāḥ²³⁷⁴ saṃvidaḥ | tanmayatvam dṛśyamayatvam | yad bhavati | budhāḥ tat karmeti viduḥ | karmāpi eṣaiveti bhāvaḥ ||

Note:

nanu manaḥ kiṃrūpam asti yena kṛtā dṛśyabhāvanā māyādināmatvenoktety | atrāha

draṣṭur dṛśyaikatānatvaṃ viddhi tvam mohanam manaḥ /

bhramāyaiva ca tan mithyā mahīmakkolakarmavat //

Note:

draṣṭuḥ dṛśikriyākartuḥ | dṛśyaikatānatvam dṛśyam prati sammukhatām | mohanam mohakāri | mano viddhi | tat bhramāya bhramotpādāya sat | mithyā bhavati | ābhāsamātratvena vastusat na bhavatīty arthaḥ | katham | mahyām mṛttikāyām | makkolakarma sudhālepaḥ | tadvat | yathā mṛttikāyāṃ²³⁷⁵ kṛtasudhālepaḥ vastutaḥ san nāsti | mṛttikāyāḥ eva tathā sthitatvāt sudhāyāḥ lepatayaiva bhāvāt | tathā cinmātre bhāsamānam manaḥ vastutaḥ nāsti cinmātrasyaiva tathā sthitatvāt ity arthaḥ ||

Note:

nanu kathaṃ draṣṭṛdṛśyaikatānatārūpam²³⁷⁶ manaḥ mithyārūpam astīty | atrāha

dṛśyatanmayatā yaiṣā svabhāvasyānubhūyate /

saṃsāramadirā seyam avidyety ucyate budhaiḥ²³⁷⁷ //

Note:

asmābhiḥ | svabhāvasya draṣṭṛrūpasya svabhāvasya | yā dṛśyatanmayatā dṛśyaikatānatā | dṛśyate | budhaiḥ sā iyam bhramotpādakatvāt saṃsāramadirārūpā avidyeti ucyate | ato manaḥ avidyārūpam evāvastubhūtam ity arthaḥ ||

Note:

ko ḥnarthaḥ anayāvidyayā kriyate ity | atrāha

anayopahato lokaḥ kalyāṇaṃ nādhigacchati /

bhāsvaraṃ tapanālokam paṭalāndhekṣaṇo yathā //

Note:

anayā draṣṭuḥ dṛśyatanmayatārūpayā | avidyayā | kalyāṇam svātmani viśrāntirūpam | paṭalam netrarogaviśeṣaḥ ||

Note:

nanu sā kuta utpadyata ity | atrāha

svayam utpadyate sā ca saṅkalpād vyomavṛkṣavat /

asaṅkalpanamātreṇa svayam eva vinaśyati //

Note:

utpadyate prādurbhavati | nanu sā kathaṃ naśyati ity | atrāhāsaṅkalpanamātreti | asaṅkalpanamātreṇa saṅkalpākaraṇamātreṇa | ata evāha svayam iti | na hi asaṅkalpanaṃ²³⁷⁸ yatnaḥ | api tu saṅkalpanam eva ||

Note:

nanv avidyānāśena kiṃ sampadyate ity | atrāha

asaṅkalpanamātreṇa bhāvanāyām mahāmate /

kṣīṇāyāṃ svaprasādena vimarśena vilāsinā²³⁷⁹ //

asaṃsaṅge padārtheṣu sarveṣu sthiratāṃ gate /

satyadṛṣṭau prasannāyām asatye kṣayam āgate //

nirvikalpacid acchātmā sa ātmā samavāpyate /

nāsattā yasya no sattā na sukhaṃ nāpi duḥkhitā //

Note:

bhāvanāyām avidyāyām | vimarśena svātmavicāreṇa | kathambhūtena | svaprasādena svātmaprasādenotpanneneti śeṣaḥ | punaḥ kathambhūtena | vilāsinā vistārayuktena | asaṃsaṅge anāsaktau | satyaviṣayā dṛṣṭiḥ satyadṛṣṭiḥ | tasyām prasannāyām | siddhāyām iti yāvat | asatye asatyabhūte dṛśye ity²³⁸⁰ arthaḥ | ātmā kathambhūtaḥ | nirvikalpaḥ dṛśyaviṣayavikalpaniṣkrāntā yā cit tadrūpaḥ | acchaḥ ātmā svarūpaṃ yasya | tādṛśaḥ | na tu acidrūpadehādisvarūpa ity arthaḥ | ato nāvidyānāśasya vaiphalyam iti bhāvaḥ | kīdṛśo ḥsāv ātmety apekṣāyām āha nāsatteti | yasya ātmanaḥ | asattā na bhavati | sarveṣām ātmatvena sphuraṇāt | na hi kaścin nāham asmīti bravīti | bruvāṇaś copahāsapātram eva | tathā²³⁸¹ sattā no bhavati | bāhyāntaḥkaraṇāviṣayatvāt śaśaśṛṅgavat²³⁸² | sukham lakṣaṇayā sukhitā | na bhavati | sukhāder antaḥkaraṇādhikaraṇatvād | anyathā suṣuptādāv api bhānaprasaṅgāt²³⁸³ | duḥkhitā duḥkhādhikaraṇatvam | na bhavati | proktahetoḥ ||

Note:

punaḥ kiṃ tatrāsti ity | atrāha

kevalaṃ kevalībhāvo yasyāntar upalabhyate /

abhavyayā bhāvanayā na cittendriyadṛṣṭibhiḥ //

Note:

samyagjñānayuktena puruṣeṇa | yasyātmanaḥ | antaḥ svabhittau | kevalībhāvaḥ śuddhacinmātratāṃ vinā samastābhāvaḥ | kevalaṃ labhyate | upacārāl labhyate ity uktiḥ | labdhaikarūpasya²³⁸⁴ labhyatāyogāt | paramārthas tu labhyānapekṣam²³⁸⁵ | labdhṛtvam api tatra na yuktam ity alam vikalpāpādikayā vācā | tanmuvraṇayā²³⁸⁶ vā abhavyayā bhāvanayā na labhyate | cittendriyadṛṣṭibhiś ca na labhyate²³⁸⁷ ||

ātmano ḥnanyabhūtābhir api yaḥ parivarjitaḥ /

vāsanābhir anantābhir vyomeva vanarājibhiḥ²³⁸⁸ //

Note:

yaḥ ātmā | ātmanaḥ ananyabhūtābhir api svasvarūpabhūtābhir api | vāsanābhiḥ parivarjitaḥ bhavati | śuddhacinmātrasvarūpatvāt | vāsanānāṃ cātmarūpatvaṃ tadviṣayatvaṃ vināsiddhabhāvaprayuktam eva jñeyam | na hi cinmātrāviṣayīkṛtā vāsanā vāsanā bhavati | viṣayīkṛtiś ca svasambandhina eva yuktā | sambandhaś ca vicāritaḥ san ekatāyāṃ viśrāmyati | dvitve tu virodhalabdhasiddheḥ dvitvād eva sambandhānupapatteḥ | na hi viruddhayoḥ tamaḥprakāśayoḥ sambandhaḥ yukta ity alam bahunā | yaḥ kim iva | vyoma iva | yathā vyoma vanarājibhiḥ parivarjitaḥ bhavati | tathety arthaḥ ||

Note:

nanu yadi kevalaḥ sa evātmāsti tarhi dṛśyarūpaḥ bandhaḥ kuta āgata ity | atrāha

sandigdhāyāṃ yathā rajjvāṃ sarpatvaṃ tadvad eva hi /

cidākāśātmanā bandhas tv abaddhenaiva kalpitaḥ //

Note:

yathā puruṣeṇa sandigdhāyāṃ rajjvāṃ sarpatvam kalpyate | hi niścaye | tadvad eva cidākāśātmanā cidākāśasvarūpeṇātmanā | abaddhenaiva satā | bandhaḥ dṛśyākhyo bandhaḥ | kalpitaḥ kalpanayā sampāditaḥ ||

Note:

nanu kalpita eṣa bandhaḥ kathaṃ naśyatīty | atrāha

kalpitaṃ kalpitaṃ vastu pratikalpanayānyayā /

tad evānyatvam ādatte kham ahorātrayor iva //

Note:

kalpitaṃ kalpitaṃ vastu sarvaṃ kalpitavastu | anyayā svasmād²³⁸⁹ bhinnayā | pratikalpanayā | tad eva sat | anyatām ādatte | kim iva | kham iva | yathā kham ahorātrayoḥ tad eva sat anyatām ādatte | tathety arthaḥ | ataḥ pratikalpanayaiva kalpitasya nāśa iti bhāvaḥ ||

Note:

nanv atucchatvādiguṇaviśiṣṭaḥ kalpito nāstīti kathaṃ saḥ kalpyate yena tucchatvādiguṇaviśiṣṭasaṃsārakalpanā naśyati | na ca kalpanāṃ vinā kalpanāyāḥ nāśaḥ śakyakriyaḥ ayasaḥ ivāyo vinety | atrāha

yad atuccham anāyāsam anupādhi gatabhramam /

tat tatkalpanayā tādṛk tat sukhāyaiva kalpate //

Note:

yat vastu | atuccham tucchaguṇarahitam²³⁹⁰ | anāyāsam āyāsasādhyatvarahitam | anupādhi upādhitvenābhimatasyāpi tattāvyabhicārāt upādhirahitam | gatabhramam śuddhasatyabodhasvarūpatvāt bhramasparśarahitam | bhavati | tat tad vastu | tatkalpanayā tasyātucchatvādeḥ kalpanayā eva | tādṛk atucchādirūpam | bhavati | śuddhe svarūpe tucchatvātucchatvādisāpekṣaśabdāvakāśābhāvāt | nanu tarhi tad api heyam evety | atrāha tat sukhāyaiveti | tat atucchatvādiguṇakaṃ vastu kalpitam api | sukhāyaiva tucchatvātucchatvarahitaśuddhasvarūpaviśrāntaya²³⁹¹ eva | bhavati | tathā cātucchatvādiguṇakakalpanayā pratipakṣabhūtayā tucchatvādiguṇakakalpanā nāśayituṃ śākyeti bhāvaḥ ||

Note:

nanu satyabhūtasya dṛśyarūpasya bandhasya kathaṃ kalpanāmātreṇa nāśaḥ śakyakriyaḥ ity | atrāha

śūnya eva kusūle ḥntaḥ siṃho ḥstīti bhayaṃ yathā /

śūnya eva śarīre ḥntar baddho ḥsmīti bhayaṃ tathā //

Note:

kusūlaḥ siṃhabandhanārthaṃ yantrarūpaṃ koṣṭhakam | dṛśyarūpo bandhaḥ satyo ḥpi²³⁹² bhavatu | tathāpi paramārthataḥ śuddhacidrūpasya bhavataḥ saḥ bandhakārī na bhavati | na hy ambaraṃ rajjubhiḥ badhyate iti bhāvaḥ ||

yathā śūnye kusūle ḥntaḥ prekṣya siṃho na labhyate /

tathā saṃsārabandhārhaḥ prekṣitaḥ san na labhyate //

Note:

spaṣṭam ||

Note:

nanu tarhi idaṃ jagat ayam aham ity evam bandhabadhyarūpā pratītiḥ katham astīty | atrāha

idaṃ jagad ayaṃ cāham itīyam bhrāntir utthitā /

bālānāṃ śyāmale²³⁹³ kāle chāyā vaitālikī yathā //

Note:

śyāmale²³⁹⁴ kāle rātrau | idaṃ jagat ayam aham ity evaṃrūpā pratītiḥ | bhrāntir evotthitā bhavati iti piṇḍārthaḥ ||

Note:

nanu etādṛśī bhrāntiḥ katham utthitety | atrāha

kalpanāvaśato jantor bhāvābhāvāḥ²³⁹⁵ śubhāśubhāḥ /

kṣaṇād asattām āyānti sattām api punaḥ punaḥ //

Note:

kalpanāvaśataḥ svavikalpavaśataḥ ||

Note:

etad eva viśeṣataḥ kathayati

mātaiva gṛhiṇībhāvagṛhītā kaṇṭhalambinī /

karoti gṛhiṇīkāryaṃ²³⁹⁶ suratānandadāyinī //

Note:

bhrameṇeti śeṣaḥ ||

kāntaiva mātṛbhāvena gṛhītākaṇṭhalambinī /

dūraṃ vismārayaty eva manmathonmādabhāvanām //

Note:

ihāpi bhrameṇeti śeṣaḥ | iyaṃ cāvasthā madhyamapāpiprabhṛtīnāṃ jñeyā²³⁹⁷ | mahāpāpināṃ tu atrāpi ratir eva jāyate ||

Note:

phalitam āha

bhāvānusāriphaladam padārthaugham avekṣya ca /

na jñeneha padārtheṣu rūpam ekam udīryate //

Note:

jñena padārthatattvajñena²³⁹⁸ puruṣeṇa | padārthaugham bhāvānusāriphalaṃ dadātīti tādṛśam | avekṣya | iha loke | padārtheṣv ekaṃ rūpaṃ na udīryate na kathyate ||

dṛḍhabhāvanayā ceto yad yathā bhāvayaty alam /

tat tatphalaṃ tadākāraṃ tāvatkālam prapaśyati //

Note:

cetaḥ | yat vastu | dṛḍhabhāvanayā yathā bhāvayati anusandhatte | tatphalam bhāvanāphalabhūtam | tat | tadākāram | tāvatkālam tasmin samaye | prapaśyati | svapnaś cātra dṛṣṭāntatvena jñeyaḥ ||

Note:

siddhāntaṃ kathayati

na tad asti na yat satyaṃ na tad asti na yan mṛṣā /

yad yathā yena nirṇītaṃ tat tathā tena lakṣyate //

Note:

nirṇīṭam bhāvitam | anyathā ekam eva vastu ekasya harṣadam anyasya duḥkhadaṃ na syād iti bhāvaḥ ||

bhāvitākāśamātaṅgaṃ vyomahastitayā manaḥ /

vyomakānanamātaṅgīṃ vyomasthām anudhāvati //

Note:

bhāvitākāśamātaṅgam sat | manaḥ | vyomahastitayā vyomahastibhāvena | vyomahastī bhūtveti yāvat²³⁹⁹ | vyomakānanamātaṅgīm anudhāvati | kathambhūtām | kānanādhārabhūte vyomni tiṣṭhatīti tādṛśīm ||

Note:

paramaphalitam āha

tasmāt saṅkalpam eva tvaṃ sarvabhāvamayātmakam /

tyaja rāghava susvasthaḥ svātmanaiva bhavātmani //

Note:

sarvabhāvamayaḥ sarvapadārthasvarūpaḥ | ātmā yasya | tat | saṅkalpa eva hi bahiḥ nānākāraiḥ sphurati | tyaja mā prādurbhāvaya | prādurbhūte ḥpi upekṣām eva kurv ity arthaḥ | na hi sarvathā tyāgaḥ videhamuktiṃ yāvat śakyakriyaḥ ||

Note:

nanu katham āgacchantaṃ saṅkalpaṃ tyajāmīty | atrāha

maṇir hi pratibimbānām pratiṣedhakriyām prati /

aśakto jaḍabhāvena na tu rāma bhavādṛśaḥ //

Note:

jaḍabhāvena jaḍatayā | bhavādṛśaḥ tvādṛkcetanaḥ | saṅkalpatyāgo hi saṃvedanasādhyaḥ | tac ca tavāsty eveti bhāvaḥ ||

Note:

tyāgopāyaṃ kathayati

yad yan manomaṇau rāma taveha pratibimbati /

tad avastv iti nirṇīya mā tenāgaccha rañjanām //

Note:

rañjanām uparaktatvam ||

Note:

upāyāntaraṃ kathayati

tad eva satyam iti vāpy abhinnam paramātmanaḥ /

manvānas tvam anādyantam bhāvayātmānam ātmanā //

Note:

sarvasya paramātmanaḥ abhinnatvabhāvanena hi anādyantātmabhāvanam eva sampadyate ||

cetasi pratibimbanti ye bhāvās tava rāghava /

rañjayantv anyasaktātman mā te tvāṃ sphaṭikaṃ yathā //

Note:

he rāghava | kathambhūta | anyasmin bhāvebhyaḥ bhinnasvarūpe paramātmani | saktaḥ ātmā manaḥ yasya | tādṛśa | anyathā pratibimbitabhāvarañjanābhāvo na yukta iti bhāvaḥ | tvām kaṃ yathā | sphaṭikaṃ yathā | yathā²⁴⁰⁰ anyarāgayuktaṃ sphaṭikam anyarāgakṛtā rañjanā na rañjayati | tathety arthaḥ ||

Note:

nanu kathaṃ rañjanābhāvo dehaṃ tāvat śakya ity | atra sargāntaślokena²⁴⁰¹ kathayati

sphaṭikam apamalaṃ yathā viśanti
prakaṭatayā navarañjanā vicitrāḥ /

iha hi vimananaṃ tathā viśantu
prakaṭatayā bhuvaṇaiṣaṇā bhavantam //

Note:

vimananam mananākhyamanodharmarahitam | yathā nirmalaṃ sphaṭikaṃ vicitrāḥ rañjanā viśanti | tathā mananāparaparyāyānusandhānarāhityena śuddham bhavantam api padārthasaṅkalpanārūpāḥ rañjanā viśantv iti piṇḍārthaḥ | lepākāriṇī rañjanā yady āyāti tadā na kācid dhānir iti bhāvaḥ | iti śivam ||

MT_4.21

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ekaviṃśaḥ sargaḥ²⁴⁰² ||

Note:

pūrvoktam evārthaṃ sthitiprakaraṇavācyatayā sthitatvāt punar api kathayati

jantoḥ kṛtavicārasya vigaladvṛtticetasaḥ /

mananaṃ tyajato jñatvāt kiñcit parigatātmanaḥ //

dṛśyaṃ santyajato heyam upādeyam upeyuṣaḥ /

draṣṭāram paśyato dṛśyam adraṣṭāram apaśyataḥ //

asuptasya pare tattve jāgarūkasya jīvataḥ /

suptasya ghanasammohamaye saṃsāravartmani //

paryantātyantavairasyād araseṣu raseṣv api /

bhogeṣv ābhogaramyeṣu nīrasasya²⁴⁰³ nirāśiṣaḥ //

vrajaty ātmāmbhasaikatvaṃ jīrṇajāḍye manasy alam /

galaty apagatāsaṅge himapūra ivātape //

taraṅgitāsu kallolajālalolāntarāsu ca /

śāmyantīṣv atha tṛṣṇāsu nadīṣv iva ghanātyaye //

saṃsāravāsanājāle khagajāla ivākhunā /

troṭite cādṛḍhagranthiśleṣe vairasyaraṃhasā //

katakam phalam āsādya yathā vāri prasīdati /

tathā vijñānavaśataḥ svabhāvaḥ samprasīdati //

Note:

jantoḥ puruṣasya | vijñānavaśataḥ śuddhātmajñānavaśena | svabhāvaḥ svasvarūpam | tathā prasīdati nirmalībhavati | tathā katham | yathā katakam phalam āsādya vāri prasīdati | keṣu satsu prasīdatīty apekṣāyām āha vrajaty ātmetyādi | apagatāsaṅge naṣṭāsaktyākhyadoṣe | jīrṇajāḍye jāḍyanirgate | ata eva galati galanonmukhe | manasi | ātmāmbhasā paramātmākhyajalena saha | ekatvaṃ vrajati sati | kasminn²⁴⁰⁴ iva | ātape tāpadeśe | sthite himapūre iva | punaḥ kāsu satīṣu | atha tadanantaram | tṛṣṇāsu śāmyantīṣu satīṣu | kathambhūtāsu | taraṅgitāsu vṛddhiyuktāsu | kallolajālaiḥ vikalpasvarūpaiḥ kallolasamūhaiḥ²⁴⁰⁵ | lolam antaram yāsām | tāḥ | tādṛśīṣu | kāsv iva | nadīṣv iva | yathā tāḥ ghanātyaye śaradi | śāmyanti | tathety arthaḥ | punaḥ kasmin sati | saṃsāravāsanājāle vairasyaraṃhasā ākhunā iva khagajāle troṭite sati | kathambhūte | adṛḍhaḥ | granthīnām kāmādirūpāṇāṃ granthīnām | śleṣaḥ sambandhaḥ yasya | tādṛśe | jantoḥ²⁴⁰⁶ kathambhūtasya | kṛtaḥ vicāraḥ ko ḥhaṃ kasya saṃsāra ity evaṃrūpaḥ vivekaḥ yena | tādṛśasya | vigaladvṛtticetaḥ yasya | tādṛśasya | jñasyaiva hi mananatyāge śaktir astīti jñatvād ity uktam | kiñcit parokṣatayā | na tv aparokṣatayety²⁴⁰⁷ arthaḥ | upādeyam arthāt śuddhadraṣṭṛrūpam | dṛśyam | draṣṭāram draṣṭṛrūpam | paśyataḥ | adraṣṭāram draṣṭṛvyatiriktam | apaśyataḥ | raseṣv api suptasyeti yojyam | nirāśiṣaḥ āśārahitasya | kulakam ||

Note:

anyat kiṃ tasya sampatsyate ity | atrāha

nīrāgaṃ nirupāsaṅgaṃ nirdvandvaṃ nirupāśrayam /

viniryāti mano mohād vihagaḥ pañjarād iva //

Note:

nirupāsaṅgam āsaktirahitam | nirupāśrayam nirapekṣam | mohāt anātmany ātmābhimānarūpād avicārāt ||

śāntasandehadaurātmyaṃ gatakautukavibhramam /

paripūrṇāntaraṃ cetaḥ pūrṇendur iva rājate //

Note:

kautukam atra padārthaviṣayaṃ jñeyam | paripūrṇam sahajānandanirbharam | antaram yasya | tādṛśam ||

janitottamasaundaryā dūrodastanatonnatā /

samatodeti sarvatra śāntavāta ivārṇave //

Note:

janitam uttamaṃ saundaryam yayā | sā | samatayā hi puruṣaḥ sadaiva prasannavadano bhavati | dūrodastā natonnatā bhāvapradhāno nirdeśaḥ | natonnatatā | yasyām | sā ||

andhakāramayī mūḍhā jāḍyajarjaritāntarā /

tanutām eti saṃsāravāsaneva prage kṣapā //

Note:

ivaśabdaḥ kṣapety anena sambadhyate ||

dṛṣṭacidbhāskarā prajñāpadminī puṇyapallavā /

vikasaty amaloddyotā prātar dyaur iva rūpiṇī //

Note:

spaṣṭam ||

prajñā²⁴⁰⁸ hṛdayahāriṇyo bhuvanāhlādanakṣamāḥ /

sattvalakṣmyaḥ pravartante sakalendor ivāṃśavaḥ //

Note:

sattvalakṣmyaḥ sattvaguṇasampadaḥ ||

Note:

upasaṃhāraṃ karoti

bahunātra kim uktena jñātajñeyo mahāmatiḥ /

nodeti naiva yāty astam abhūtākāśakośavat //

Note:

na udeti astaṃ nāyāti cinmātrākhyāt svasvarūpān na cyavata ity arthaḥ | abhūtākāśakośavat²⁴⁰⁹ paramākāśamadhyavat ||

vicāraṇāparijñātasvabhāvasyoditātmanaḥ /

anukampyā bhavanty ete brahmaviṣṇvindraśaṅkarāḥ //

Note:

vicāraṇayā parijñātaḥ svabhāvaḥ svasvarūpaṃ yena | tādṛśasya | anukampyāḥ teṣv api sṛṣṭinirmāṇādikṣobhadarśanāt asya dayā jāyate ity arthaḥ ||

prakaṭākāram apy antar nirahaṅkāracetasam /

nāpnuvanti vikalpās tam mṛgatṛṣṇāmbv ivaiṇakāḥ²⁴¹⁰ //

Note:

nāpnuvanti svavaśaṃ na kurvanti | prakaṭākārasya cāhaṅkārarāhityam āścaryakāry eva ||

taraṅgavad amī lokāḥ prayānty āyānti cābhitaḥ /

kroḍīkuruta ātmotthe na jñam maraṇajanmanī //

Note:

kroḍīkurutaḥ vaśīkurutaḥ | dehābhimānābhāvena tatsthamṛtijanmābhimānābhāvāt ||

āvirbhāvatirobhāvau saṃsāro netaraḥ kramaḥ /

iti tābhyāṃ samāloke ramate na sa khidyate //

Note:

iti evaṃrūpābhyām | tābhyām āvirbhāvatirobhāvābhyām²⁴¹¹ | saḥ | samāloke tattattvaprakāśe sati | ramate | na khidyate | jñātavastutattvo hi vastubhiḥ ramata eva na khidyate | ajñātatattvasyaiva²⁴¹² rajjvādiṣu sarpādibhayakṛtakhedadarśanāt ||

na jāyate na mriyate kumbhe kumbhanabho yathā /

bhūṣite dūṣite vāpi dehe tadvad ihātmavān //

Note:

dehābhimānābhāvād iti bhāvaḥ ||

viveka udite śīte mithyābhramabharoditā /

kṣīyate vāsanā sābhre mṛgatṛṣṇā marāv iva //

Note:

mithyārūpaḥ yaḥ bhramabharaḥ | tenoditā | sābhre hi marau mṛgatṛṣṇā kṣīyata eva | tāpa eva tasyā utthānāt ||

ko ḥhaṃ katham idaṃ veti yāvan na pravicāritam /

saṃsārāḍambaraṃ tāvad andhakāropamaṃ sthitam //

Note:

andhakāro ḥpi kiṃrūpo ḥyam iti vicāraḥ²⁴¹³ | tāvad eva tiṣṭhati ||

mithyābhramabharodbhūtaṃ śarīram padam āpadām /

ātmabhāvanayā nedaṃ yaḥ paśyati sa paśyati //

Note:

yaḥ idaṃ deham | ātmabhāvanayā na paśyati | saḥ paśyati samyak paśyati iti piṇḍārthaḥ ||

deśakālavaśotthāni na mameti gatabhramam /

śarīrasukhaduḥkhāni yaḥ paśyati sa paśyati //

Note:

mama śuddhacinmātrasya mama ||

ātmānam itarac²⁴¹⁴ caiva dṛśā nityāvibhinnayā /

sarvaṃ cijjyotir eveti yaḥ paśyati sa paśyati //

Note:

cijjyotiḥ śuddhacitprakāśarūpam ||

apāraparyantanabhodikkālādi kriyānvitam /

aham eveti sarvatra yaḥ paśyati sa paśyati //

Note:

nabhaś ca dik ca kālaś²⁴¹⁵ ca | te ādiḥ yasya jagataḥ | tat nabhodikkālādi apāraparyantam pāraparyantarahitaṃ ca tat | nabhodikkālādirūpaṃ jagat aham evāsmi | ahantāsārasya cinmātratattvasyaiva sarvamayatvena sthitatvāt | anyathāham iti sarvatra na sphuret | jaḍeṣv adarśane ḥpi cetanavat sattābhāktvāviśeṣāt | tatrāpi tatsphuraṇānumānasya śakyatvāt²⁴¹⁶ na sarvatrety asyānupapatteḥ | kathambhūtaṃ tat | kriyānvitam | ādiśabdākṣiptāyā api kriyāyāḥ pṛthak nirdeśaḥ prādhānyakhyāpanārthaḥ | iti evam | sarvatra sarveṣu deśeṣu kāleṣu ca | yaḥ paśyati saḥ paśyati | nānya ity arthaḥ ||

vālāgralakṣabhāgāt tu koṭiśaḥ parikalpitaḥ /

ahaṃ sūkṣma iti vyāpī yaḥ paśyati sa paśyati //

Note:

sūkṣmasya vyāpitvam āścaryāvaham | sūkṣmatvaṃ cātra bāhyāntaḥkaraṇātītatvena draṣṭavyam ||

sarvaśaktir anantātmā sarvabhāvāntarasthitaḥ /

advitīyaś cid ity antar yaḥ paśyati sa paśyati //

Note:

cit cidātmā | bhavati | kathambhūtaḥ | sarvaśaktiḥ anyathā nānārūpaṃ jagat na prādurbhavet | anantātmā antasyāpi tasminn eva nigīrṇatvāt tadrahitaḥ²⁴¹⁷ | na hi nigīrṇa eva nigarituḥ rūpam ācchādayituṃ śaktaḥ | sarveṣām bhāvānām antare sthitaḥ sarvabhāvāntarasthitaḥ | anyathāham iti na sphuret | advitīyaḥ dvitīyatvena matasyāpi tadrūpatvānapāyāt dvitīyarahitaḥ | iti evam | antaḥ manasi | na tu cakṣuṣā | yaḥ paśyati sa paśyatīti ||

ādhivyādhibhayodvigno jarāmaraṇajanmavān /

deho nāham iti prājño yaḥ paśyati sa paśyati //

Note:

prājñaḥ śuddhacinmātratattve ātmatvaniścayavān ||

tiryag ūrdhvam adhastāc ca vyāpako mahimā mama /

na dvitīyo mamāstīti yaḥ paśyati sa paśyati //

Note:

mama śuddhacinmātrarūpasya mama | na tu dehādirūpasya ||

mayi sarvam idam protaṃ sūtre maṇigaṇā iva /

cittantur aham eveti yaḥ paśyati sa paśyati //

Note:

kathaṃ tvayi sarvam protam ity | atrāha cittantur iti | tantau hi muktā protāḥ bhavanti | tantutvaṃ ca citaḥ vyāpakatayā sūkṣmatayā ca jñeyam ||

nāhaṃ na cānyad astīha brahmaivāsti na cāsti tat /

itthaṃ sadasator madhyaṃ yaḥ paśyati sa paśyati //

Note:

iha loke | aham paricchinnadehādirūpaḥ aham | nāsmi | anyat matto bhinnatvena sthitaṃ jagat | na cāsti | suṣuptau adarśanāt | brahma vyāpakaṃ cinmātratattvam²⁴¹⁸ | evāsti paramārthataḥ sattām bhajate | sarvathābhāvasya vaktum aśakyatvāt | na hi nirādiṣṭo²⁴¹⁹ no bhramaḥ sambhavati | tat brahma | nāsti ca | bāhyāntaḥkaraṇātītatvāt | ittham evam | sadasatoḥ madhyam sandhibhūtaṃ śuddhacinmātrākhyaṃ²⁴²⁰ vastu | yaḥ paśyati sa paśyati ||

yan nāma kiñcit trailokyaṃ sa eko ḥvayavo mama /

taraṅgo ḥbdhāv ivety antar yaḥ paśyati sa paśyati //

Note:

mama śuddhacinmātrarūpasya mama | svapne hi cinmātrāvayavabhūtaṃ jagat sarvo ḥnubhavati ||

śocyā pālyā mayaiveyaṃ svaseyam me kanīyasī /

trilokī pelavety uccair yaḥ paśyati sa paśyati //

Note:

pelavā nāśabhīruḥ | kanīyasī svasā cedṛśy eva bhavati ||

ātmatāparate tvattāmatte²⁴²¹ yasya mahātmanaḥ /

bhāvād uparate nūnaṃ sa paśyati sulocanaḥ //

Note:

bhāvāt manasaḥ | sarvatra cinmātratvadarśanād iti bhāvaḥ ||

cetyānupātarahitaṃ cidbhairavamayaṃ vapuḥ /

āpūritajagajjālaṃ yaḥ paśyati sa paśyati //

Note:

cetyānupātarahitaḥ yaḥ cidbhairavaḥ sarvagrāsakatvāt cidākhyaḥ bhairavaḥ | tanmayaṃ vapuḥ svarūpam ||

sukhaṃ duḥkham bhavo ḥbhāvo vivekakalanāś ca yāḥ /

ahaṃ na veti nūnaṃ vā paśyan na parihīyate //

Note:

sukhaṃ duḥkhaṃ bhavaḥ abhāvaḥ vivekakalanāś cāham asmi iti paśyan | etan na vāsmi iti vā paśyan | na parihīyate na hānim prāpnoti | ubhayathāpi śuddhacinmātrasvarūpatvāpteḥ | na hi śuddhacinmātraṃ vinā kaścid vyāpakaḥ uttīrṇo vā bhavati ||

svātmasattāparāpūrṇe jagaty anyena varjite /

kim me heyaṃ kim ādeyam iti paśyan sadṛg²⁴²² naraḥ //

Note:

svātmanaḥ śuddhacinmātrarūpasya svātmanaḥ | yā sattā sphūrtirūpā sattā | tayā parāpūrṇe sāratvena sthitatvāt nirbharite | anyathāham iti sphuraṇāyogāt | tathā anyena cinmātravyatiriktena | varjite jagati | kiṃ heyam bhavati | svātmanaḥ heyatvāyogāt na kiñcid apīty arthaḥ | kim ādeyam bhavati | svātmanaḥ sarvadā prāptatvāt na kiñcid apīty arthaḥ | iti evam | paśyan anubhavan | naraḥ | sadṛk dṛṣṭisahito | bhavati | anye ḥndhā ity arthaḥ ||

apratarkyam anābhāsaṃ sanmātram idam ity alam /

heyopādeyakalanā yasya kṣīṇā namāmi tam //

Note:

idam jagat | apratarkyam tarkitum aśakyam | anābhāsam śānte svasvarūpe sthitatvād ābhāsarahitam | sanmātram evāsti | iti anena²⁴²³ niścayena | yasya puruṣasya | heyopādeyakalanā kṣīṇā | ahaṃ tam puruṣam | namāmi | sa eva sarvebhya utkṛṣṭa iti bhāvaḥ ||

ya ākāśavad ekātmā sarvabhāvagato²⁴²⁴ ḥpi san /

na bhāvarañjanām eti sa mahātmā maheśvaraḥ //

Note:

yaḥ puruṣaḥ | ākāśavat ekātmā sarvavyāpakātmā | sarvabhāvagataḥ²⁴²⁵ api san śarīrayātrānimitteṣu sarveṣu padārtheṣu vyavahārayukto ḥpi san | bhāvarañjanām | bhāve manasi | rañjanām harṣāmarṣarūpāṃ rañjanām | na eti | saḥ mahātmā mahāpuruṣaḥ | maheśvaraḥ bhavati mahāśaktiyuktatvāt ||

tamaḥprakāśakalanāmuktaḥ kālātmatāṃ gataḥ /

yaḥ somyaḥ susamaḥ svasthas taṃ naumi padam āgatam //

Note:

yaḥ | tamaḥprakāśayoḥ jāḍyacittvayoḥ | yā kalanā | tayā muktaḥ | kālasya kriyāvaicitryarūpasya kālasya | ātmatām sattādāyakatvena svarūpatām | gataḥ | somyaḥ śītalaḥ | svasthaḥ svasvarūpe eva sthitaḥ | bhavati | tam padam āgataṃ naumi | apūrvaś cātra sūrya uktaḥ ||

Note:

sargāntaślokenāpy etad eva kathayati

yasyodayāstamayasaṅkalanākalāsu
citrāsu cāruvibhavāsu jagadgatāsu /

vṛttiḥ samaiva sakalaikagater anantā
tasmai namaḥ paramabodhavate śivāya //

Note:

sakalaikagateḥ samastaikaśaraṇasya | cāruvibhavāsu praśastasāmarthyayuktāsu | citrāsu nānāvidhāsu | udayāstamayayoḥ yāḥ saṅkalanāḥ ghaṭṭanāḥ | tadrūpāsu jagadgatāsu kalāsu | anantā nāśarahitā | vṛttiḥ manovṛttiḥ | samaiva bhavati | anantatvaṃ cātra darḍhyatāpekṣam uktam²⁴²⁶ | tasmai paramabodhavate parātmatattvabodhayuktāya | śivāya²⁴²⁷ śivībhūtāya puruṣāya | namaḥ astu | śivaś ca samavṛttiḥ sakalaikagatiḥ paramabodharūpaś ca bhavatīti śivam ||

MT_4.22

iti śrībhāskarakaṇṭhaviracitāyāṃ mokṣopāyaṭīkāyāṃ sthitiprakaraṇe dvāviṃśaḥ sargaḥ²⁴²⁸ ||

Note:

oṃ | punar api vivekina eva māhātmyaṃ kathayati

sa uttamapadālambī cakrabhramavad āsthitaḥ /

śarīranagare rājyaṃ kurvann api na lipyate //

Note:

uttamam padam cinmātrākhyaṃ śreṣṭhaṃ sthānam | ālambata ity uttamapadālambī | cakrabhramavat āsthitaḥ samantāt sthitaḥ | niranusandhānaṃ ceṣṭāyāṃ sthita iti yāvat | saḥ jīvanmuktaḥ | śarīranagare rājyaṃ kurvann api na lipyate | tajjaiḥ sukhaduḥkhaiḥ na gṛhyate ity arthaḥ | rājāpi uttamapadālambī sarvatra bhraman nagare rājyaṃ kurvan bhavati ||

tasyeyam bhogamokṣārthaṃ tajjñasyopavanopamā²⁴²⁹ /

sukhāyaiva na duḥkhāya svaśarīramahāpurī //

Note:

sukhāyaiva ātyantikamokṣarūpasukhasādhanatvāt | na duḥkhāya duḥkhalepābhāvāt ||

Note:

atra śrīrāmaḥ pṛcchati

nagarītvaṃ śarīrasya kathaṃ nāma mahāmune /

etāṃ cādhivasan²⁴³⁰ yogī kathaṃ rājyasukhaikabhāk //

Note:

spaṣṭam ||

Note:

śrīvasiṣṭha uttaram āha

ramyeyaṃ dehanagarī rāma sarvaguṇānvitā /

jñasyānantavilāsāḍhyā svālokārkaprakāśitā //

Note:

svālokaḥ ātmaprakāśaḥ | sa evārkaḥ | tena prakāśitā parāmarśadvāreṇa svam prati prākaṭyaṃ nītā ||

Note:

sarvaguṇatvam eva kathayati

netravātāyanoddyotaprakāśabhuvanāntarā²⁴³¹ /

karapratolīvistāraprāptapādopajaṅgalā²⁴³² //

Note:

netre eva vātāyane | tayoḥ yaḥ uddyotaḥ prakāśaḥ | tena prakāśāni prakaṭāni | bhuvanāntarāṇi bhuvanamadhyāni yasyām | sā | nagaryām api nagaradvāranirmitaiḥ vātāyanaiḥ bhuvanāntarāṇi dṛśyāni bhavanti | karau eva pratolyau viśikhe | tābhyām prāptau pādāv eva upajaṅgalau jaṅgalasamīpadeśau yasyāḥ | sā | nagaryaś ca upajaṅgalaṃ tāvat pratolī bhavati ||

romarājilatāgulmā²⁴³³ tvagaṭṭālakamālitā²⁴³⁴ /

gulphagulguluviśrāntajaṅghorustambhamaṇḍalā //

Note:

tvag evāṭṭālakam prākāraḥ | tena bhūṣitā | gulguluḥ stambhādhārabhūtā śilā²⁴³⁵ ||

rekhāvibhaktapādograśilāprathamanirmitā /

carmamarmasirāsārasandhisīmā manoramā //

Note:

rekhābhyāṃ vibhakte ye | pādau evograśile | tayoḥ prathamaṃ nirmitā | prathamanirmāṇe hi kṛtavibhāgāḥ śilāḥ²⁴³⁶ sthāpyante | carmamarmasirāsāraḥ carmamarmasirāsamūha eva | sandhisīmāḥ sandhimaryādāḥ yasyāḥ | sā ||

ūrudvayakavāṭāgranirmitopasthanirgamā²⁴³⁷ /

kacatkacāvalīkācadalapracchādanāvṛtā //

Note:

ūrudvayam eva kavāṭe | tayoḥ ye agre | tābhyāṃ nirmitaḥ kavāṭaracanāyuktaḥ kṛtaḥ | upastha eva gudasthānam eva | nirgamaḥ dvāradeśaḥ yasyāḥ | sā | kacantī yā kacāvalī²⁴³⁸ | sā eva kācadalaiḥ nirmitam pracchādanam | tenāvṛtā ||

bhrūlalāṭāsyasacchāyavadanodyānaśobhitā /

dṛṣṭipātotpalākīrṇakapolavipulasthalā //

Note:

bhrūlalāṭāsyaiḥ sacchāyam yat vadanam | tad evodyānam | tena śobhitā ||

vakṣaḥsthalasaraḥsyūtakucapaṅkajakorakā²⁴³⁹ /

ghanaromāvalicchannaskandhakrīḍāśiloccayā²⁴⁴⁰ //

Note:

ghanaromāvalicchannā²⁴⁴¹ cāsau skandhakrīḍāśiloccayā²⁴⁴² ca ||

udaraśvabhranikṣiptasvanneṣṭabhakṣyakarparā²⁴⁴³ /

dīrghakaṇṭhabilodgīrṇavātasaṃrambhaśabditā //

Note:

udaraśvabhre udaragarte | nikṣiptāni yāni svannāni śobhanānnāni | taiḥ | tadvyājeneti yāvat | iṣṭabhakṣyakarparā iṣṭabhakṣyabhagnapātram yasyāḥ | sā | rājanagaryām api iṣṭabhakṣyapātrāṇi bhavanti | dīrgham yat kaṇṭhabilam | tasmin | udgīrṇaḥ sañcārī | yaḥ vātaḥ | tasya yaḥ saṃrambhaḥ | tena śabditā śabdayuktā kṛtā | nagaryām api bileṣu vātaśabdo bhavati ||

hṛdayāpaṇanirṇītayathāprāptārthabhūṣitā /

anārataṃ navadvārapravahatprāṇanāgarā //

Note:

hṛdayam evāpaṇaḥ niṣadyā²⁴⁴⁴ | tasmin nirṇītā upādeyatvena niścitāḥ | ye yathāprāptārthāḥ²⁴⁴⁵ svapravāhāgatārthāḥ | taiḥ bhūṣitā | nagaryā api āpaṇeṣu arthā nirṇīyante ||

āsyasphārakhadādṛṣṭadantāsthiśakalākulā /

mukhakhadābhramajjihvācillācarvitabhojanā //

Note:

nagaryām api khadāsu māṃsabhakṣakaiḥ tyaktāni asthiśakalāni bhavanti | cillā pakṣiviśeṣaḥ ||

romaśaṣpabharacchannakarṇakoṭarakūpakā /

sphikśṛṅkhalāñcitopāntapṛṣṭavistīrṇajaṅgalā //

Note:

sphijau eva śṛṅkhale | tābhyām añcitopāntam²⁴⁴⁶ ramyopāntam | pṛṣṭam eva vistīrṇajaṅgalam yasyāḥ | sā²⁴⁴⁷ | nagaryā api jaṅgalasandhiṣu caurādipratibandhārthaṃ śṛṅgalāḥ bhavanti ||

gudocchinnāraghaṭṭāntaruddhṛtānantakardamā /

cittodyānamahīvalgadātmacintāvarāṅganā //

Note:

guda evocchinnāraghaṭṭaḥ troṭitāraghaṭṭayantraḥ | tenāntaḥ antaḥpradeśāt | uddhṛtaḥ niṣkāsitaḥ | anantaḥ kardamaḥ | arthāt śakṛdrūpaḥ kardamaḥ yasyāḥ | sā | nagaryā api kardamam uddharanti | cittodyāneti²⁴⁴⁸ | jñacitte hi rātrindinam ātmacintā eva sphurati ||

dhīvaratrādṛḍhābaddhacapalendriyamarkaṭā /

vadanodyānahasanapuṣpodgamamanoramā //

Note:

jño hi dhīrajjvā capalendriyāṇi badhnāti | vadanodyāneti | udyāne ca puṣpodgamo yukta eva ||

svaśarīrapurī jñasya sarvasaubhāgyasundarī /

sukhāyaiva na duḥkhāya paramāya hitāya ca //

Note:

svaśarīrapurī proktasarvapurīguṇā nijaśarīranagarī | paramāya hitāya mokṣarūpāyety arthaḥ ||

Note:

ajñasyeyaṃ sukhadāsty atha²⁴⁴⁹ vā nety | atrāha

ajñasyeyam anantānāṃ²⁴⁵⁰ duḥkhānāṃ kośamālikā /

jñasya tv iyam anantānāṃ sukhānāṃ kośamālikā //

Note:

kośamālikā bhāṇḍāgāramālā | anantaduḥkhotpādikety arthaḥ | ajñātaśuddhatattvasya tasyaitadarthaṃ rātrindinaṃ santāpabhāktvāt iti bhāvaḥ | nanu tarhi jñasyāpi īdṛśy eva syād ity | atrāha jñasya tv iti | tuśabdaḥ vyatirekadyotakaḥ | jñātaśuddhātmatattvasya tasyaitadarthaṃ santāpabhāktvābhāvāt | na hy anyārtham anyaḥ santāpabhāg bhavatīti bhāvaḥ ||

Note:

nanu tarhi nāśakāle iyaṃ jñasya duḥkhadā bhaviṣyatīty | atrāha

na kiñcid asyāṃ naṣṭāyāṃ jñasya naṣṭam arindama /

sthitāyāṃ saṃsthitaṃ sarvaṃ teneyaṃ jñasukhāvahā //

Note:

etadvyatiriktaśuddhacinmātrasvarūpatvād iti bhāvaḥ | nanu tarhi sthitikāle ḥpy asyānayā na kiñcit prayojanam ity | atrāha sthitāyām iti | sarvaṃ saṃsthitam²⁴⁵¹ samastajīvanmuktyupayogikāryasādhakatvād iti bhāvaḥ | upasaṃhāraṃ²⁴⁵² karoti teneyam iti ||

Note:

nanv asyāḥ kaiścid rathatvam apy uktam ity | atrāha

yad enāṃ jñaḥ samāruhya saṃsāre viharaty alam /

aśeṣabhogamokṣārthaṃ teneyaṃ jñarathaḥ smṛtaḥ //

Note:

enām śarīrapurīm ||

śabdarūparasasparśagandhabandhuśriyo²⁴⁵³ yataḥ /

anayaiva hi labhyante teneyaṃ jñasya lābhadā //

Note:

nanu śabdādilābhena jñasya ko lābho ḥstīti cen | na | śabdādidvāreṇa paramātmatattvaśaktinicayajñānarūpasya lābhasya sthitatvāt ||

sukhaduḥkhakriyājālaṃ yadaiṣodvahati svayam /

tadaiṣā rāma sarvatra sarvavastubharakṣamā //

Note:

eṣā dehanagarī | jño hi sukhādikaṃ śarīrasyaiva jānāti na svasya ||

tasyāṃ śarīrapuryāṃ hi rājyaṃ kurvan gatabhramaḥ /

jñas tiṣṭhati gatavyagraṃ svapuryām iva vāsavaḥ //

Note:

gatabhramaḥ etām prati ahamabhimānarahitaḥ | gatavyagram nirākulam ||

na kṣipaty avaṭāṭope manomattaturaṅgamam /

na lobhadvandvarūpāya prajñāputrīm prayacchati //

Note:

avaṭāṭope viṣayarūpe śvabhrāḍambare²⁴⁵⁴ | lobhākhyo²⁴⁵⁵ yaḥ dvandvarūpaḥ | tasmai | prajñāputrīṃ na prayacchati | lobhagrastām prajñāṃ na karotīti bhāvaḥ ||

ajñānapararāṣṭraṃ ca na randhraṃ tv asya paśyati /

saṃsārāribhayasyāntarmūlāny eṣa nikṛntati //

Note:

ajñānam eva pararāṣṭram lakṣaṇayā²⁴⁵⁶ ripubhūto rājā | na paśyati | gamanasya tu kā kathā | asya ajñānarājñaḥ | randhram | tu evaśabdārthe | na paśyati | jitatvāt²⁴⁵⁷ ||

tṛṣṇāsāraparāvarte kāmasaṅkṣobhadurgrahe /

na nimajjanti paryastasukhaduḥkhākṣadevane //

Note:

tṛṣṇāsārasya parāvartaḥ āvṛttiḥ yasmin | tādṛśe | kāmasya yaḥ saṅkṣobhaḥ | tena durgrahe | paryastau preritau | yau sukhaduḥkhākṣau sukhaduḥkhe evākṣau | tayoḥ yat devanam krīḍanam | dyūtam iti yāvat | tatra na nimajjanti | rājño hi dyūtamajjanaṃ doṣa eva | akṣadevanam²⁴⁵⁸ api tṛṣṇākāmavalitam eva bhavati²⁴⁵⁹ ||

karoty avirataṃ snānam bahir antar api kṣaṇāt /

saritsaṅgamatīrtheṣu manorathagatiḥ kramāt //

Note:

bahiḥ bāhye | antaḥ manasi | mana eva svādhīnatvāt rathaḥ | tena gatiḥ yasya | saḥ | antaḥ snānaṃ tu ciddhradanimajjanam eva jñeyam ||

sakalākṣijanādṛśyaḥ puraprekṣāparāṅmukhaḥ /

dhyānanāmni sukhaṃ nityaṃ tiṣṭhaty antaḥpurāntare //

Note:

purasya śarīrasya | nagarasya ca rājāpi sakalajanādṛśyaḥ puraprekṣāparāṅmukhaś caran pure tiṣṭhati | dhyānaṃ cātra svātmabhūtaśuddhacinmātratattvaparāmarśa eva jñeyaḥ ||

sukhāvahaiṣā nagarī nityam pramuditātmanaḥ /

bhogamokṣapradā divyā śakrasyevāmarāvatī //

Note:

jñasyeti śeṣaḥ ||

sthitayā saṃsthitaṃ sarvaṃ kiñcin naṣṭaṃ na naṣṭayā /

yayā puryā mahīpasya sā kathaṃ na sukhāvahā //

Note:

spaṣṭam ||

vinaṣṭe dehanagare jñasya naṣṭaṃ na kiñcana /

ākrāntakumbhakośasya khasya kumbhakṣaye yathā //

Note:

spaṣṭam ||

vidyamānaṃ ghaṭaṃ vāyuḥ kila spṛśati nāsthitam /

yathā tathaiva dehī svāṃ śarīranagarīm imām //

Note:

asthitam naṣṭam | dehī dehād vyatiriktam ātmānaṃ jānānaḥ tajjñaḥ²⁴⁶⁰ ||

atrastha eṣa bhagavān ātmā sarvagato ḥpi san /

svavikalpakṛtām bhuktvā puṃstām adhigatātmadṛk //

kurvann api na kurvāṇaḥ samyak sarvakriyonmukhaḥ /

kadācit prakṛtān sarvān kāryārthān adhitiṣṭhati //

Note:

atrasthaḥ dehasthaḥ | apiśabdaḥ sarvagatasya puṃstābhoge virodhaṃ dyotayati²⁴⁶¹ | adhigatātmadṛk tajjñaḥ | na tu mūrkhaḥ | tasyaivaṃvidhatvāsambhavāt | kurvan śarīrādidvāreṇa kurvan | na kurvāṇaḥ nāhaṃ karteti niścayāt | kāryārthān karaṇīyāni prayojanāni | adhitiṣṭhati kartavyatvena niścinoti | prakṛtān pravāhāgatān | na tu svavimarśena kalpitān ||

Note:

nanu yadi kadācid etat karoti tarhi anyadā kiṃ karotīty | atrāha

kadācil līlayālolaṃ vimānam adhirohati /

anāhatagatiṃ kāntaṃ vihartum amalam manaḥ //

Note:

kadācid asau tajjñaḥ²⁴⁶² ātmalīlayā manaḥ vimānam manorūpaṃ vimānam | adhirohati | kiṃ kartum | vihartum āntaraṃ vihāraṃ kartum | manovimānaṃ kathambhūtam | alolam cañcalatārahitam | punaḥ kathambhūtam | anāhatā kvacid apratihatā | gatiḥ yasya | saḥ | tam | vimānaśabdāpekṣayā puṃstvam | amalam rāgādimalarahitam | ata eva kāntam ||

Note:

nanu tatra kiṃ karotīty | atrāha

tatrastho lokasundaryā satataṃ śītalāṅgayā /

ramate nāma yo maitryā nityaṃ hṛdayasaṃsthayā //

Note:

saḥ tajjñaḥ tatrasthaḥ manovimānasthaḥ | lokasundaryā²⁴⁶³ lokapriyayā | nityaṃ hṛdayasthayā satataṃ śītalāṅgayā maitryā maitryākhyayā striyā | ramate | kadācid antarmukhaḥ san maitrīmaya eva bhavatīti bhāvaḥ ||

Note:

na kevalam maitry eva tasya kāntāsti yāvad anye dve apīty āha

dve kānte tiṣṭhatas tasya pārśvayoḥ satyataikate /

indor iva viśākhe dve samāhlāditacetasī //

Note:

spaṣṭam ||

jña imān akhilāṃl lokān duḥkhakrakacadāritān /

vālmīkān iva²⁴⁶⁴ pīṭhasthaḥ pṛṣṭhād arka ivekṣate //

Note:

lokān kathambhūtān | duḥkham eva krakacaḥ | tena dāritān pīḍitān | vālmīkān pipīlikāḥ | pṛṣṭhād pṛṣṭham āruhyety arthaḥ ||

ciram pūritasarvāśaḥ sarvasampattisundaraḥ /

apunaḥkhaṇḍanāyenduḥ pūrṇāṅga iva rājate //

Note:

sarvasampattyā sarvasampadā | sundaraḥ ||

sevyamāno ḥpi bhogaugho na khedāyāsya jāyate /

kālakūṭaḥ kileśasya kaṇṭhe pratyuta rājate²⁴⁶⁵ //

Note:

khedāya nāśadvāreṇeti bhāvaḥ ||

Note:

nanu kathaṃ nāsāv asya khedāya bhavatīty | atrāha

parijñāyopabhukto hi bhogo bhavati tuṣṭaye /

vijñāyāśvāsito²⁴⁶⁶ maitrīm eti cauro na śatrutām //

Note:

parijñāya samyak niścityātmarūpatvena jñātvety arthaḥ | ātmarūpatvena hi jñāto bhogaḥ naṣṭo ḥpi khedaṃ na dadāti svātmarūpatayā sthitatvāt²⁴⁶⁷ | na cātmano nāśaḥ yuktaḥ | nāśe ḥpi nāśasākṣitayā sthitatvāt ||

naranārīnaṭaughānāṃ kalahe dūragāminā /

jñena yātreva subhagā bhogaśrīr avalokyate //

Note:

anyo ḥpi nipuṇaḥ naṭaughānāṃ kalahe dūraṃ gacchati | yātrām tadārabdhaṃ nāṭyaṃ ca paśyati ||

aśaṅkitopasamprāptā grāmayātrā yathādhvagaiḥ /

prekṣyate tadvad evājñair vyavahāramayī kriyā //

Note:

niranusandhānam eva prekṣata iti bhāvaḥ ||

ayatnopanateṣv akṣi digdravyeṣu yathā puraḥ /

nīrāgam eva patati tadvat kāryeṣu dhīradhīḥ //

Note:

ayatnopanateṣu digdravyeṣu yathā akṣi netram | nīrāgam rāgarahitam | patati | dhīradhīḥ tajjñabuddhiḥ | kāryeṣu tadvat patati | rāgarahitam evāsau kāryāṇi karotīti bhāvaḥ ||

indriyāṇāṃ na harati prāptam arthaṃ kadācana /

na dadāti tathā prāptaṃ sampūrṇo jño ḥvatiṣṭhate²⁴⁶⁸ //

Note:

sampūrṇatvaṃ hy etad eva yat prāptasya grahaṇam aprāptasyāvāñchanam iti ||

aprāptacintāḥ²⁴⁶⁹ samprāptasamupekṣāś ca sanmatim /

nākalpayanti taralā piñchaghātā ivācalam //

Note:

na ākalpayanti na cañcalīkurvanti ||

saṃśāntasarvasandeho galitākhilakautukaḥ /

saṅkṣīṇakalpanājālo jñaḥ saṃrāḍ iva śobhate //

Note:

spaṣṭam ||

ātmany eva na māty antaḥ svātmanātmani jṛmbhate /

sampūrṇāpāraparyantaḥ kṣīrārṇava ivātmavān //

Note:

na māti | ānandanirbharatvāt svātmanātmani jṛmbhate | nāntaḥ²⁴⁷⁰ kañcid anyam paśyatīti bhāvaḥ | sampūrṇaś cāsau apāraparyantaś ca sampūrṇāpāraparyantaḥ ||

bhogecchākṛpaṇāñ jantūn dīnān dīnendriyāṇi ca /

anunmattamanāḥ śānto hasaty unmattakān iva //

Note:

tadāsaktau tu kā²⁴⁷¹ katheti bhāvaḥ ||

icchato ḥnyanijāṃ jāyāṃ yathaivānyena hasyate /

indriyasyecchato bhogaṃ tathaiva jñena hasyate //

Note:

yathā anyasya nijām anyanijām²⁴⁷² | tādṛśīm bhāvinīm bhāryām icchataḥ | anyārtham bhāryām icchata iti yāvat | puruṣasya | yathā anyena hasyate hāsaḥ kriyate | tathaiva indriyasya bhogam icchataḥ ajñasya | jñena hasyate ||

tyajantaṃ svasukhaṃ sāmyam mano viṣayavidrutam /

aṅkuśeneva nāgendraṃ vicāreṇa vaśaṃ nayet //

Note:

sāmyaṃ svasukham sāmyākhyam ātmānandam | vicāreṇa kiṃsārā ime bhogā ity evaṃrūpeṇa ||

bhogeṣu prasaro yasyā manovṛtteḥ pradīyate /

sāpy ādāv²⁴⁷³ eva hantavyā viṣasyevāṅkurodgatiḥ //

Note:

sā manovṛttiḥ | ādau prasaradānāt prāk | yasyāḥ tu na dīyate tasyāḥ kā kathety apiśabdābhiprāyaḥ ||

Note:

nanu prathamaṃ hatāyāḥ paścāt prasaradāne kim phalam ity | atrāha

tāḍitasya²⁴⁷⁴ hi yaḥ paścāt sammānaḥ so ḥpy²⁴⁷⁵ anantakaḥ /

śāler grīṣmopataptasya kuseko ḥpy amṛtāyate //

Note:

sammānaḥ ādaraḥ | prasaradānam iti yāvat ||

Note:

nanu katham etad ity | atrāha

anārtena hi sammāno bahumāno na budhyate /

pūrṇānāṃ²⁴⁷⁶ saritām prāvṛṭpūraḥ svalpaṃ virājate //

Note:

hi yasmāt | anārtenādṛṣṭapīḍanena | sammānaḥ bahumānaḥ na budhyate na jñāyate | etad dṛṣṭāntena samarthayati pūrṇānām²⁴⁷⁷ iti | pūrṇānāṃ saritām prāvṛṭpūraḥ svalpam tokam | virājate | janamanaāhlādakāritvābhāvād ity arthaḥ | janamano hi kṣīṇānāṃ nadīnām prāvṛṭpūradarśanena sānandam bhavati ||

pūrṇas tūpakṛto ḥpy anyat punar apy abhivāñchati /

jagatpūraṇayāpy ambu gṛhṇāty ekārṇavo ḥkhilam //

Note:

jagatpūraṇayā yukto ḥpīti śeṣaḥ ||

manaso nigṛhītasya yā paścād bhāgamaṇḍanā /

tām evālabdhavistāralabdhatvād bahu manyate //

Note:

bhāgamaṇḍanā leśena pūraṇā | tām eva bhāgamaṇḍanām eva | alabdhavistāraś cāsau labdhaś ca alabdhavistāralabdhaḥ | tasya bhāvaḥ tattvam | tasmāt | alabdhavistāraḥ labdhaḥ hi svalpam api bahu manyate ||

baddhamukto mahīpālo grāmamātreṇa tuṣyati /

parair abaddho nākrānto rājyenāpi na tuṣyati //

Note:

ādau baddhaḥ paścān muktaḥ baddhamuktaḥ | tathā nigṛhītam manaḥ bhogaleśenaiva tuṣyatīti bhāvaḥ ||

Note:

indriyanigrahadvāreṇa manonigrahasya sādhyatvād indriyanigraham eva kathayati

hastaṃ hastena sampīḍya dantair dantān²⁴⁷⁸ vicūrṇya ca /

aṅgāny aṅgair ivākramya jaya svendriyaśātravān //

Note:

viṣayeṣu pravṛttāni indriyāṇi samyagjñānabalena pratyāharaṇīyānīti bhāvaḥ ||

jetum anyaṃ kṛtotsāhaiḥ puruṣair udbubhūṣubhiḥ²⁴⁷⁹ /

pūrvaṃ hṛdayaśatrutvāj jñātavyānīndriyāṇy alam //

Note:

anyam rājādirūpam | udbhavitum icchubhiḥ udbubhūṣubhiḥ²⁴⁸⁰ | jñātavyāni śatrutveneti śeṣaḥ | hṛdayaśatrutvam cendriyāṇām bhogān praty ākarṣaṇakāritvena jñeyam ||

Note:

manojayayuktānām praśaṃsāṃ karoti

etāvati dharaṇitale
subhagās²⁴⁸¹ te sādhucetanāḥ puruṣāḥ /

puruṣakathāsu ca gaṇyā²⁴⁸²
na jitā ye na cetasā svena //

Note:

spaṣṭam²⁴⁸³ ||

Note:

sargāntaślokenāpy etad eva kathayati

hṛdayabile kṛtakuṇḍala
ulbaṇakalanāviṣo manobhujagaḥ /

yasyopaśāntim āgata
uditaṃ tam arindamaṃ²⁴⁸⁴ vande //

Note:

sa eva sarvotkṛṣṭa iti bhāvaḥ | iti śivam ||

MT_4.23

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe trayoviṃśaḥ sargaḥ²⁴⁸⁵ ||

Note:

nanu tarhīndriyajaye kaḥ kleśa ity | atrāha

mahānarakasamrājo mattaduṣkṛtavāraṇāḥ /

āśāśaraśalākāḍhyā durjayā hīndriyārayaḥ //

Note:

mattaduṣkṛtāny eva vāraṇā yeṣām | te | āśā eva śaraśalākāḥ yeṣām | tādṛśāḥ | samrājaḥ api vāraṇayuktāḥ śarayuktāś ca bhavanti ||

svāśrayam prathamaṃ dehaṃ kṛtaghnā nāśayanti ye /

te kukāryamahākośā durjayāḥ svendriyārayaḥ //

Note:

nāśayanti asambhavino bhogān prati ceṣṭāṃ kārayanti ||

kalevarālayam²⁴⁸⁶ prāpya viṣayāmiṣagardhataḥ /

akṣagṛdhrā²⁴⁸⁷ vivalganti kāryākāryograpakṣiṇaḥ //

Note:

kāryākārye²⁴⁸⁸ eva ugrau pakṣau yeṣām | te | tādṛśāḥ ||

vivekatantujālena gṛhītā yena te śaṭhāḥ /

tasyāṅgāni na lumpanti pāṣāṇakavalaṃ yathā //

Note:

te akṣagṛdhrāḥ | gṛdhrā²⁴⁸⁹ hi pāṣāṇakavalaṃ na lumpanti ||

āpātaramaṇīyeṣu ramante viṣayeṣu ye /

atyantavirasānteṣu patanti narakeṣu te //

Note:

atyantaṃ virasaḥ²⁴⁹⁰ antaḥ yeṣām | teṣu | viṣayeṣv ity asya viśeṣaṇam etat ||

vivekadhanavān asmin kukalevarapattane /

indriyāribhir antaḥsthair avaśo nābhibhūyate //

Note:

asmin anubhūyamāne | kukalevare nindite śarīre | balavān hi aribhiḥ nāvaśo ḥbhibhūyate ||

na tathā sukhitā bhūyo mṛṇmayograpurījuṣaḥ /

yathā svādhīnamanasaḥ svaśarīrapurīśvarāḥ //

Note:

mṛṇmayograpurījuṣaḥ bāhyanagarīrājānaḥ | svādhīnamanasa iti viśeṣaṇadvāreṇa hetuḥ ||

svākrāntendriyabhṛtyasya sugṛhītamanoripoḥ /

vasanta iva mañjaryo vardhante buddhabuddhayaḥ //

Note:

buddhānām jñāninām | buddhayaḥ | buddhabuddhayaḥ ||

prakṣīṇacittadarpasya nigṛhītendriyadviṣaḥ /

padminya²⁴⁹¹ iva hemante²⁴⁹² kṣīyante bhogavāsanāḥ //

Note:

bhogavāsanāḥ bhogasaṃskārāḥ ||

tāvan niśīva vetālyo valganti hṛdi vāsanāḥ /

ekatattvadṛḍhābhyāsād²⁴⁹³ yāvan na vijitam manaḥ //

Note:

vijite tu manasi na valgantīti bhāvaḥ | ekatattvam sarvavyāpakaṃ śuddhacinmātratattvam ||

bhṛtyo ḥbhimatakartṛtvān mantrī satkāryakāraṇāt /

sāmantaḥ svendriyākrānter mano manye vivekinaḥ //

Note:

sāmantaḥ śatrujaye adhikṛtaḥ ||

lālanāt snigdhalalanā pālanāt pāvanaḥ pitā /

suhṛd uttamaviśvāsān mano²⁴⁹⁴ manye manīṣiṇām //

Note:

lālanāt lālanākāritvāt | snigdhalalanā snehayuktā cāsau | lalanā strī ||

svālokitaṃ śāstradṛśā sudhyātaṃ svanunāthitam /

prayacchati parāṃ siddhiṃ tyaktvātmānam manaḥpitā //

Note:

suṣṭhur anunāthitam yācitam | ātmānaṃ tyaktvā nāśayitvā | mano hi svātmānaṃ nāśayitvaiva hitaṃ sampādayati | pitāpi putrasya svaprāṇatyāgena hitaṃ karotīti tasyopamānatvam ||

sughṛṣṭaḥ suparāmṛṣṭaḥ sudhṛtaḥ svanubodhitaḥ /

suguṇāyojito bhāti hṛdi hṛdyo manomaṇiḥ //

Note:

maṇipakṣe svanubodhitaḥ samyakparīkṣitaḥ | suguṇeṣu praśasteṣu guṇeṣu tantuṣu ca | ā samantāt | yojitaḥ ||

janmavṛkṣakuṭhārāṇi tathodarkodayāni ca /

diśaty eṣa manomantrī karmāṇi śubhakarmaṇaḥ //

Note:

udarkaḥ uttaraphalabhūtaḥ | udayaḥ yeṣām | tāni | śubhakarmaṇaḥ śubhakarmakāriṇaḥ puruṣasya ||

Note:

phalitam āha

evam manomaṇiṃ rāma bahupaṅkakalaṅkitam /

vivekavāriṇā siddhyai prakṣālyālokavān bhava //

Note:

siddhyai cinmātrasvarūpaparamātmatattvalābhākhyāyai²⁴⁹⁵ siddhyai | ālokavān prakāśavān | maṇiprakṣālako ḥpi tamasi ālokavān bhavati | ratnālokasya vidyamānatvāt ||

bhavabhūmiṣu bhīmāsu vivekavitato ḥpi san /

mā patotpātapūrṇāsu vivaśaḥ prākṛto yathā //

Note:

bhīmāsu bhayapradāsu | mā pata mā gaccha | vivekavān apy ahaṃ yadi gacchāmy api | kim mama²⁴⁹⁶ setsyatīti niścaye ḥpi mā²⁴⁹⁷ gaccheti dyotayitum²⁴⁹⁸ apiśabdaḥ | prākṛtaḥ vivekarahitaḥ | patane tu tvam api vivekavān nāsīti bhāvaḥ ||

saṃsāramāyām uditām anarthaśatasaṅkulām /

mā mahāmohamihikām imāṃ tvam avadhīraya //

Note:

māvadhīraya kim mām iyaṃ karotīty avagaṇanāviṣayam mā kuru ||

vivekam param āśritya buddhyā satyam avekṣya ca /

indriyārīn²⁴⁹⁹ alaṃ jitvā tīrṇo bhava bhavā[rṇavāt]*²⁵⁰⁰ //

Note: missing MS pages

Note:

viśeṣaṇadvaye ḥpi hetutvena jñeyam ||

ratnayantramayānantadaityanirjitavāsavaḥ /

himaśītānalajvālānirmitodyānamaṇḍapaḥ²⁵⁰¹ //

Note:

ratnayantramayāḥ māyodbhāvitāḥ ratnayantrasvarūpāḥ | ye ḥnantā²⁵⁰² daityāḥ | taiḥ nirjitaḥ vāsavaḥ | yena | saḥ ||

sarvartukusumodyānajitanandanacandanaḥ²⁵⁰³ /

māyāsarpahṛtavyālamalayācalacandanaḥ //

Note:

māyāsarpaiḥ²⁵⁰⁴ hṛtavyālāni dūrīkṛtasahajasarpāṇi²⁵⁰⁵ | malayācalacandanāni yasya | saḥ ||

hemastrīlokalāvaṇyajihmitāntaḥpurāṅganaḥ /

krīḍārthaspardhayeśānahatacakragadādharaḥ //

Note:

hemastrīlokena māyodbhāvitena suvarṇāṅganālokena | lāvaṇyena jihmitāḥ jitāḥ | antaḥpurāṅganāḥ yasya | saḥ | krīḍārtham māyayā udbhāvitā spardhā krīḍārthaspardhā | tayā | īśānena mahārudreṇa | hataḥ cakragadādharaḥ viṣṇuḥ yasya | saḥ ||

ajasroḍḍīnaratnaughatārāḍhyasvapurāmbaraḥ /

nānākusumasambhārajānudaghnakṛtāṅganaḥ //

Note:

spaṣṭam ||

niśāsv akhilapātālaśatacandranabhastalaḥ /

svasālabhañjikālokagītigītaguṇotkaraḥ //

Note:

spaṣṭam ||

māyairāvaṇanāgendravidrutāmaravāraṇaḥ /

trailokyavibhavotkarṣapūritāntaḥpurāntaraḥ //

Note:

spaṣṭam ||

sarvasampattisubhagaḥ sarvaiśvaryasamanvitaḥ /

samastadaityasāmantavanditāgryānuśāsanaḥ //

Note:

spaṣṭam ||

mahābhujavanacchāyāviśrāntāsuramaṇḍalaḥ /

sarvāmbudhiguhāsāraratnakuṇḍalamaṇḍitaḥ //

Note:

sarvāmbudhayaḥ eva guhāḥ | tāsāṃ sārāṇi yāni ratnāni | teṣāṃ kuṇḍalāni | tair maṇḍitaḥ ||

tasyotsāditadevasya kaṭhinoḍḍāmarākṛteḥ /

babhūva vipulaṃ sainyam āsuraṃ suranāśanam //

Note:

utsāditāḥ khedaṃ nītāḥ devāḥ yena | tādṛśasya ||

tasmin māyābale supte deśāntaragate tathā /

tatsainyāntaram ājagmuś²⁵⁰⁶ chidram prāpya kilāmarāḥ //

Note:

tasya śambarasya²⁵⁰⁷ | yat sainyam | tasyāntaram madhyam | chidram avasaram | prāpya | anyathā teṣāṃ śaktir nābhūd iti bhāvaḥ ||

atha śambaradaityena dudrikahvadrumādayaḥ /

rakṣārtham mattasāmantāḥ svasenāsu niyojitāḥ //

Note:

niyojitāḥ preritāḥ ||

tān apy antaram āsādya jaghnur²⁵⁰⁸ gīrvāṇanāyakāḥ /

vyomāntaracarāḥ śyenāḥ kalaviṅkān ivākulān //

Note:

tān api dudrikahvadrumādīn api | antaram āsādyāvakāśaṃ labdhvā | jaghnuḥ²⁵⁰⁹ ghnanti sma ||

senāpatīn punaś cānyāṃś²⁵¹⁰ cakārāsurasattamaḥ /

capalān udbhaṭārāvāṃs²⁵¹¹ taraṅgān iva sāgaraḥ²⁵¹² //

Note:

spaṣṭam ||

devās tān api tasyāśu jaghnus tena sa kopavān²⁵¹³ /

jagāmāmaranāśāya paripūrṇas triviṣṭapam //

Note:

paripūrṇaḥ mahāsainyayuktaḥ²⁵¹⁴ ||

tatrāsya māyābhītās te surā antardhim āyayuḥ /

merukānanakuñjeṣu mṛgā gaurīguror iva //

Note:

kuñjeṣv iti niṣkṛṣya²⁵¹⁵ gaurīguror ity anena sambandhanīyam ||

krandatkṣudrāmaragaṇaṃ²⁵¹⁶ vāṣpaklinnasurīmukham²⁵¹⁷ /

śūnyaṃ dadarśa sa svargaṃ kalpakṣīṇajagatsamam //

Note:

saḥ śambaraḥ ||

vihṛtya kupitas tatra labdham āhṛtya śambaraḥ /

lokapālapurīr dagdhvā jagāmātmīyam ālayam //

Note:

labdham hastāgataṃ ratnajātam ||

evaṃ dṛḍhatarībhūte dveṣe dānavadevayoḥ /

devāḥ svargam parityajya dikṣu jagmur adarśanam //

Note:

dveṣe vaire ||

atha śambaradaityena ye ye senādhināyakāḥ /

kriyante yatnatas tāṃs tāñ jaghnur yatnaparāḥ surāḥ //

Note:

spaṣṭam ||

yāvad udvegam āpannaḥ śambaraḥ kopavān bhṛśam /

tārṇo ḥbhi vātam anala iva jajvāla cocchvasan //

Note:

ka iva jajvāla | tārṇaḥ tṛṇodbhūtaḥ | anala iva | yathā saḥ vātam abhi jvalati | tathety arthaḥ ||

trailokyam api cānviṣya na devāṃl labdhavān atha /

pareṇāpi prayatnena sukṛtānīva duṣkṛtī //

Note:

spaṣṭam ||

sasarja māyayā ghorān asurāṃs trīn mahābalān /

balarakṣārtham uditān kālān mūrtim ivāsthitān //

Note:

kālān yamān ||

nirmitā māyayā bhīmāḥ kalpapādapabāhavaḥ /

udagus te mahākāyāḥ pakṣakṣubdhā ivādrayaḥ //

Note:

udaguḥ utthitāḥ ||

dāmo vyālaḥ kaṭaś ceti nāmabhiḥ parilāñchitāḥ /

yathāprāptaikakartāraś cetanāmātradharmiṇaḥ //

Note:

yathāprāptaikakartāraḥ niranusandhānā ity arthaḥ ||

Note:

tān eva viśinaṣṭi

abhāvāt karmaṇāṃ te ca prāktanānām avāsanāḥ /

nirvikalpakacinmātraparispandaikakarmiṇaḥ //

Note:

te ca traya āsan kathambhūtāḥ | sadyaḥ utthitatvena prāktanānāṃ karmaṇām abhāvāt avāsanāḥ vāsanārahitāḥ | punaḥ kathambhūtāḥ | nirvikalpakam vikalparahitam | yat cinmātram | tasya yaḥ parispandaḥ | tadrūpam ekam karma eṣām astīti tādṛśāḥ | nirvikalpaceṣṭā ity arthaḥ ||

karmabījaṃ kalāṃ tanvīṃ dadhānā²⁵¹⁸ mananābhidhām /

apuṣṭāṃ kṛtrimām antar ādāyodayam āgatāḥ //

Note:

punaḥ kathambhūtāḥ | karmabījam karmabījabhūtām | tanvīm alpām | mananābhidhām kalāṃ dadhānāḥ | ata eva apuṣṭāṃ kṛtrimām āhāryām | tām mananābhidhāṃ kalām ādāya | udayam prādurbhāvam | āgatāḥ | anyathā brahmaṇaḥ utthānaṃ na syād iti bhāvaḥ ||

pāramparyeṇa te hy atra kākatālīyavad bhaṭāḥ /

prakṛtām anuvartante kriyām ujjhitavāsanāḥ //

Note:

pāramparyeṇa paramparāpekṣayā | na tu prayojanam anusandhāya ||

ardhasuptā yathā bālāḥ svāṅgair iṅganti kevalam /

vāsanātmābhimānābhyāṃ hīnās te tadvad eva hi //

Note:

vāsanā cātmābhimānam ca | tābhyām ||

nābhipātaṃ na cāpātaṃ vidus te na palāyanam /

na jīvitaṃ na maraṇaṃ na raṇaṃ ca jayājayau //

Note:

abhimukham pātaḥ abhipātaḥ | tam | āpatanam āpātaḥ ||

kevalaṃ sainikān agre dṛṣṭvābhihananodyatān /

abhijaghnuḥ parān ājau prahāradalitādrayaḥ //

Note:

parān śatrubhūtān ||

śambaraś²⁵¹⁹ cintayām āsa parituṣṭamanāḥ pure /

vijeṣyate hi matsenā māyāsurasurakṣitā //

Note:

kiṃ cintayām āsety | atrāha vijeṣyate iti | māyayā utpāditāḥ asurāḥ māyāsurāḥ | taiḥ surakṣitā matsenā | hi niścaye | vijeṣyate vijayam prāpsyati ||

iṣṭāniṣṭābhir ete hi vāsanābhiḥ samujjhitāḥ /

tato raṇe bibhyati no vidravanti ca na sthirāḥ //

Note:

iṣṭāniṣṭavāsanāyukta eva hi śatrum balayuktaṃ jñātvā bibheti vidravati ceti bhāvaḥ ||

yad ete na palāyante devair abhihatā api /

tad eṣātibalā senā mamedānīṃ vyavasthitā //

Note:

viśeṣeṇāvasthitā vyavasthitā ||

Note:

sargāntaślokena śambaracintāṃ samāpayati

atibalāsuradordrumapālitā
mama camūḥ²⁵²⁰ sthiratām alam eṣyati /

amaravāraṇadantavighaṭṭaneṣv
amaraparvatahemamahī yathā //

Note:

amaraparvatasya sumeroḥ | hemamahī suvarṇabhūmiḥ | iti śivam ||

MT_4.25

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe pañcaviṃśaḥ sargaḥ²⁵²¹ ||

Note:

śambaracintām upasaṃharati

iti nirṇīya daityendro dāmavyālakaṭānvitām /

senāṃ sampreṣayām āsa bhūtalaṃ devanāśinīm //

Note:

spaṣṭam ||

daityāḥ sāgarakuñjebhyaḥ kandarebhyaḥ surācalāt /

udagur bhīmanirhrādāḥ sapakṣagirilīlayā //

Note:

udaguḥ utthitāḥ | sapakṣāḥ pakṣayuktāḥ | ye girayaḥ | teṣāṃ yā līlā | tayā ||

rodasīkoṭaraṃ hastaprahārahatabhāskaram /

dānavāḥ pūrayām āsur dāmavyālakaṭeritāḥ //

Note:

dāmavyālakaṭeritāḥ dāmavyālakaṭapreritāḥ ||

athottasthur nikuñjebhyaḥ kandarebhyaḥ surācalāt /

pralayānta ivākṣubdhā bhītāḥ svarvāsināṃ gaṇāḥ //

Note:

ā samantāt kṣubdhāḥ ākṣubdhāḥ | svarvāsinām devānām ||

devāsurapatākinyos tad yuddham abhavat tayoḥ /

akālolbaṇakalpāntabhīṣaṇam²⁵²² bhuvanāntare //

Note:

tat prasiddham ||

petuḥ pralayaparyastasacandrārkādrivad divaḥ /

śirāṃsi kuṇḍalodvāntatejaḥpītatamāṃsy adhaḥ //

Note:

pralaye paryastāḥ vāteritāḥ | ye sacandrārkāḥ adrayaḥ | tadvat | śirāṃsi divaḥ ākāśāt | adhaḥ bhūmau | petuḥ | śirāṃsi kathambhūtāni | kuṇḍalaiḥ udvāntam udvamitam | yat tejaḥ | tena pītaṃ tamaḥ | yaiḥ | tāni ||

jughūrṇur bhaṭanirmuktasiṃhanādavirāvitāḥ /

pralayānilasampūraiḥ sāṭṭahāsā²⁵²³ ivādrayaḥ //

Note:

aṭṭahāsayuktā api ghūrṇanti ||

rejur ātmaśilātulyahetipātārtavṛttayaḥ²⁵²⁴ /

kulācalataṭā bhītavibhrāntaharimaṇḍalāḥ //

Note:

kulācalataṭāḥ²⁵²⁵ rejuḥ | kathambhūtāḥ | ātmanaḥ ātmasambandhinyaḥ | yā śilāḥ | tābhiḥ tulyāḥ | yā hetayaḥ | tāsāṃ yaḥ pātaḥ | tenārtā dīnā | vṛttiḥ sthitiḥ yeṣām | tādṛśāḥ²⁵²⁶ | punaḥ kathambhūtāḥ | bhītāni ata eva vibhrāntāni harimaṇḍalāni siṃhamaṇḍalāni yeṣām | te ||

ceruḥ parasparāghātahatahetisamutthitāḥ²⁵²⁷ /

lolānalakaṇāḥ kalpaviśīrṇā iva tārakāḥ //

Note:

spaṣṭam ||

vilesū raktamāṃsaughapūrṇaikārṇavatīragāḥ /

kalpatālatanūttālā vetālās tāratālinaḥ //

Note:

vilesuḥ vilasanti sma | vetālāḥ bhūtaviśeṣāḥ | tāratālinaḥ udbhaṭavādyayuktāḥ ||

prasphuradrudhirāsāraśāntapāṃsupayodhare /

vyomni hetihatakṣuṇṇamaulikuṇḍalakoṭayaḥ //

Note:

hetihatānāṃ yodhānām | kṣuṇṇā nipatitāni | yāni maulikuṇḍalāni | teṣāṃ koṭayaḥ vyomni | vilesur iti pūrveṇa sambandhaḥ ||

babhūvur bhāskarākāraiḥ kalpabhūruhabāhubhiḥ /

prahāradalitādrīndrair²⁵²⁸ daityair nirvivarā diśaḥ //

Note:

nirvivarāḥ nīrandhrāḥ ||

jagmur jvaladasivrātapātapātitabhittayaḥ /

kaṇaprakaratāṃ śailāḥ kalpāgnivalitā iva //

Note:

kalpāgnivalitāḥ kalpāgnibhramitāḥ ||

devāḥ tejaḥ samājagmur aśvamedhaidhitā iva /

asurān anusasrus tāñ jaladān iva vāyavaḥ //

Note:

spaṣṭam ||

jagṛhus tān athākramya jaradākhūn ivotavaḥ²⁵²⁹ /

rejuḥ surāsurāḥ²⁵³⁰ phullavanalolādrivad divi //

Note:

devāḥ tān asurān | jagṛhuḥ iti sambandhaḥ | otavaḥ viḍālāḥ ||

te ḥnyoḥnyam pūrayām āsuḥ śastrapūrair diśo daśa /

vanāni kusumavrātaiḥ sumeror iva mārutāḥ //

Note:

spaṣṭam ||

ghoraṃ samabhavad yuddhaṃ devadānavasainyayoḥ /

rodorandhroḍumbarāntar²⁵³¹ mahāmaṣakasaṅghayoḥ //

Note:

rodorandhra²⁵³² eva dyāvāpṛthivīrandhra eva uḍumbarāntaḥ uḍumbaraphalamadhyam²⁵³³ | tatra mahāmaṣakasaṅghayoḥ mahāmaṣakasamūhayoḥ | uḍumbarāntaḥ²⁵³⁴ hi maṣakāḥ bhavanti ||

athodapatad ullāsair²⁵³⁵ lokapālebhamaṇḍalaiḥ /

kalpābhraiḥ pūritākāro dāruṇaḥ samarāravaḥ //

Note:

ullāsaiḥ²⁵³⁶ ūrdhvagatahastaiḥ | kalpābhraiḥ kalpābhratulyaiḥ | udapatat utthitaḥ ||

Note:

samarāravaṃ vistareṇa viśinaṣṭi

piṇḍagraheṇa nabhasi²⁵³⁷ bhūbhāga²⁵³⁸ iva kuṭṭimam /

muṣṭigrāhyo mahāmeghamantharodarapīvaraḥ //

Note:

samarāravaḥ kathambhūtaḥ | nabhasi piṇḍagraheṇa muṣṭigrāhyaḥ | kim iva | kuṭṭimam iva | yathā kuṭṭimam bhūbhāge piṇḍagraheṇa muṣṭigrāhyam bhavati | tathety arthaḥ ||

prathamāpātasampiṣṭaśastraśailaraṭattaṭaḥ /

sphuṭaddhṛdayaniḥsattvakarkaśākrandaghargharaḥ //

Note:

prathamāpāta eva sampiṣṭāḥ ye śastrabhūtāḥ śailāḥ | taiḥ raṭantaḥ taṭāḥ yasya | saḥ | sphuṭaddhṛdayāḥ ye niḥsattvāḥ dhairyarahitāḥ | teṣāṃ yaḥ karkaśākrandaḥ | tena ghargharaḥ ghargharaśabdayuktaḥ ||

pralayapratyayollāsikalpābhrāravabṛṃhaṇaḥ /

dvādaśādityasaṅghaṭṭadravatkāñcanasannibhaḥ²⁵³⁹ //

Note:

pralayapratyaye pralayasamaye | ullāsī yaḥ kalpābhrāravaḥ | tadvat bṛṃhaṇaṃ yasya | saḥ | dvādaśādityānāṃ yaḥ saṅghaṭṭaḥ kalpānte anyoḥnyaṃ saṅghaṭṭanam | tena dravat yat kāñcanam | tena sannibhaḥ | avicchinnapravāhatvena tulya ity arthaḥ ||

brahmāṇḍakuḍyasaṅghaṭṭāt parāvṛtyāvaniṃ²⁵⁴⁰ gataḥ /

mahāsrotaḥpayaḥpūraḥ setvāhata ivākaram //

Note:

punaḥ kathambhūtaḥ | brahmāṇḍakuḍyasaṅghaṭṭāt²⁵⁴¹ parāvṛtya²⁵⁴² avaniṃ gataḥ | ka iva | mahāsrotaḥpayaḥpūra iva | yathā saḥ setvāhataḥ san ākaram utpattisthānaṃ gacchati | tathety arthaḥ ||

calatsapakṣaśailendrapakṣavātabaladhvaniḥ /

kaṭhināpūraṇoḍḍīnasphuṭaśailendrakandharaḥ²⁵⁴³ //

Note:

calantaḥ ye sapakṣāḥ²⁵⁴⁴ śailendrāḥ | teṣāṃ yaḥ pakṣavātaḥ | tena yaḥ baladhvaniḥ balayuktaḥ śabdaḥ | tadrūpaḥ | kaṭhinaiḥ kāṭhinyayuktair āyudhair | āpūraṇena uḍḍīnāḥ²⁵⁴⁵ sphuṭaṃ śailendrakandharāḥ yasya | saḥ ||

mandaroddhūtadugdhābdhisaṅkṣobhasadṛśāṃśakaḥ /

pratiśrudghuṅghumāsphoṭaghaṭitadvīpajantubhūḥ²⁵⁴⁶ //

Note:

mandaroddhūtaś cāsau dugdhābdhiḥ ca²⁵⁴⁷ | tasya yaḥ saṅkṣobhaḥ | tena sadṛśāḥ²⁵⁴⁸ aṃśāḥ bhāgāḥ yasya | saḥ | pratiśrudrūpo yaḥ ghuṅghumaśabdānuvedhaḥ | tena ghaṭitāḥ melitāḥ | dvīpāś ca jantubhuvaś ca | yena | saḥ ||

senayoḥ kruddhayor āsīd yuddham uddhatadānavam /

niṣpiṣṭanagaragrāmagirikānanamānavam //

Note:

tayoḥ senayoḥ yuddham āsīt | kathambhūtam ity apekṣāyāṃ yuddhaṃ vistareṇa viśinaṣṭi uddhatetyādi ||

mahāhetiśatacchinnadānavācalapūrṇadik /

anyoḥnyahatahetyadricūrṇapūrṇāmbarodaram //

Note:

mahāhetīnāṃ yāni śatāni | taiḥ chinnāḥ ye dānavācalāḥ | taiḥ pūrṇāḥ diśaḥ yasya | tat ||

bhusuṇḍīmaṇḍalāsphoṭasphuṭanmeruśiraḥśatam /

śaramārutanirlūnadaityadevāsurāmbujam //

Note:

āsphoṭaḥ tāḍanam | śareti | mārutena ca ambujāni lūyante ||

cakrāvartaśatabhrāntadevadaityajarattṛṇam /

senāpravāhakallolavalanāvalitāmbaram //

Note:

cakrāṇām āyudhaviśeṣāṇām | ye āvartāḥ bhramaṇāni | teṣāṃ yāni śatāni | teṣu bhrāntāḥ cakrabhramayuktāḥ | devadaityā eva jarattṛṇaṃ yatra | tat | senāpravāhānāṃ ye kallolāḥ vyūharūpāḥ kallolāḥ | teṣāṃ yā valanāḥ valganāḥ | tābhiḥ valitaṃ vṛttam | ambaraṃ yasya | tat ||

hetyadripātaniṣpiṣṭapatadvaimānikavrajam /

hastānītābdhivāryoghaplāvitavyomapattanam²⁵⁴⁹ //

Note:

plāvitam īritam ||

vahanmahāstrāvartāsiśūlaśaktinadīśatam /

śailapakṣodbhaṭāsphoṭajaḍabrahmāṇḍamaṇḍalam //

Note:

mahāstrāṇy eva cakrāṇy evāvartāḥ yeṣām | tāni mahāstrāvartāni | vahanti mahāstrāvartāni asiśūlaśaktinadīśatāni yasmin | tat | āsphoṭaḥ saśabdaṃ tāḍanam | tena jaḍam śabdaśravaṇaśaktirahitam ||

daityapārṣṇiprahāraughapatallokeśapattanam²⁵⁵⁰ /

nārīhalahalārāvaravatkanakamandiram //

Note:

halahaleti śabdānukaraṇam ||

luṭhaddaityācaloddhūtamattārṇavajalādribhiḥ /

dhautaraktanabho yodhamuktanādadravadvrajam //

Note:

luṭhantaḥ patantaḥ | ye daityā evācalāḥ | tair uddhūtāḥ ye mattārṇavāḥ | teṣāṃ ye jalādrayaḥ mahormayaḥ | taiḥ kṛtvā dhautaṃ raktanabhaḥ raktayuktaṃ nabhaḥ yasya | tat | yodhaiḥ muktaḥ yaḥ mahānādaḥ siṃhanādaḥ | tena dravantaḥ dhāvantaḥ | vrajāḥ arthāt dīnasamūhāḥ yatra | tat ||

lokapānekapāmbhodacchannacchannāryamānvitam /

punaḥ surāsuroddyotair dṛṣṭasainyakulākulam //

Note:

lokapānām lokeśānām | ye anekapāḥ hastinaḥ | te evāmbhodāḥ meghāḥ | taiḥ channacchannaḥ atiśayenāvṛtaḥ | yaḥ aryamā sūryaḥ | tenānvitam | tarhi tatra tair anyoḥnyaṃ kathaṃ dṛṣṭam ity | atrāha punar iti | punaḥ pakṣāntare | surāsurāṇāṃ ye uddyotāḥ śarīraprakāśāḥ | taiḥ kṛtvā dṛṣṭaṃ yat sainyakulam sainyasamūhaḥ | tenākulam nirbharam ||

sapakṣaparvatākāradānavādrigamāgamaiḥ /

vahatpacapacāśabdabhūribhākkarabhīṣaṇam²⁵⁵¹ //

Note:

pacapaceti śabdānukaraṇam | bhākkareti ca ||

āyudhādrivibhinnogradaityaparvatanirjharaiḥ /

raktair aruṇitāśeṣavasudhārṇavaparvatam //

Note:

spaṣṭam ||

utsannarāṣṭranagaravipinagrāmagahvaraiḥ /

dhṛtāsaṅkhyāsurebhāśvamanuṣyarathaparvatam //

Note:

utsannāḥ vinaṣṭāḥ | ye rāṣṭranagaravipinagrāmāḥ²⁵⁵² | teṣāṃ gahvaraiḥ randhrarūpaiḥ madhyabhāgaiḥ | dhṛtāḥ asaṅkhyāḥ asurebhāśvamanuṣyarathaparvatāḥ yasya | tat ||

sutālottālanārācarājirecitacāraṇam /

muṣṭiprahārapiṣṭāṃsamattairāvaṇavāraṇam //

Note:

sutālavat uttālāḥ ye nārācāḥ | teṣāṃ yā rājiḥ | tayā recitāḥ rahitāḥ | cāraṇāḥ devaviśeṣāḥ yasya | tat ||

kalpābhrapaṭalāsāradhārādalitaparvatam²⁵⁵³ /

mahāśaniviniṣpeṣapiṣṭoḍḍīnakulācalam //

Note:

āsāraḥ śilāmayo ḥtra jñeyaḥ ||

kupitāgnijvalajjvālājālair jvalitadānavam /

ekāñjalipuṭānītasamudrotsāditānalam //

Note:

utsāditaḥ nirvāpitaḥ ||

cāndraśaityādisambhāraśilīkṛtamahājalam /

vanavyūhendhanāgnyarcirdrāvitāmbuśiloccayam //

Note:

śītena hi jalam pāṣāṇībhavati | vaneti parvatāḥ api vigalanti smety arthaḥ ||

astranirmitadurvāratamaḥkalpāntarātrikam /

māyāsūryagaṇoddyotapītātanutamaḥpaṭam //

Note:

spaṣṭam ||

māyāgnivarṣanipatatkalpāntagaṇavarṣaṇam²⁵⁵⁴ /

saśīkārāgnipavanaśastrasaṅghaṭṭakarṣaṇam //

Note:

māyāgnivarṣeṇa nipatatkalpāntagaṇavat varṣaṇam yatra | tat | saśīkārau śīkāraśabdayuktau | agnipavanau yatra | tat | tādṛśaḥ yaḥ śastrasaṅghaṭṭaḥ | tena karṣaṇam devāsurakarṣaṇam yatra | tat ||

vajravarṣavinirdhūtaśailavarṣāstrasambhavam /

nidrābodhāstrayuddhāḍhyaṃ savarṣāvagrahāstrakam //

Note:

vajravarṣeṇa vinirdhūtaḥ śailavarṣarūpāṇām astrāṇāṃ sambhavaḥ yatra | tat | nidrābodhakārīṇi astrāṇi nidrābodhāstrāṇi | taiḥ yad yuddham | tenāḍhyam | varṣāvagrahakārīṇi astrāṇi varṣāvagrahāstrāṇi²⁵⁵⁵ | saha taiḥ vartate iti tādṛśam ||

vahatkrakacavṛkṣāstraṃ jalāgnyastraraṇānvitam /

brahmāstrayuddhaviṣamaṃ tamastejoḥstraśāritam //

Note:

śāritam citrīkṛtam ||

astrodgīrṇāyudhānekanīrandhrasakalāmbaram /

śilāvarṣāstravalitaṃ vahnivarṣāstrabhāsuram //

Note:

astrārtham brahmāstrādyartham | udgīrṇāni tyaktāni | yāni āyudhānekāni āyudhasamūhāḥ | taiḥ nīrandhraṃ sakalāmbaraṃ yat | tat ||

patākāmṛṣṭaśaśakaiś cakracītkāragarjitaiḥ /

muhūrtena rathair laṅghitodayāstamayācalam //

Note:

patākābhiḥ mṛṣṭaḥ śaśakaḥ arthāt candraśaśaḥ yais | taiḥ ||

vajraprahārāviratamriyamāṇamahāsuram /

śukrāmaramahāvidyājāyamānāparāsuram //

Note:

amaramahāvidyā sañjīvinī vidyā | devānāṃ tu svayam eva maraṇaṃ nāsti | amaratvāt iti teṣām maraṇaṃ vyathā eva jñeyam ||

śubhagrahamahāketupālitānām itas tataḥ /

utpātamaṅgalaughānāṃ yuddhair uddhatakandharam //

Note:

śubhagrahāḥ maṅgalāni pālayanti | ketuḥ upalakṣaṇam pāpagrahāṇām | pāpagrahāḥ hi utpātān pālayanti ||

sādrikhorvīsamudradyu jagad rudhiravāribhiḥ /

phullaikakiṃśukavanaṃ kurvad durvāravairataḥ //

Note:

punaḥ kathambhūtam | durvāravairataḥ jagat rudhiravāribhiḥ kṛtvā phullaikakiṃśukavanaṃ kurvat²⁵⁵⁶ | jagat kathambhūtam | sādrikhorvīsamudradyu parvatākāśabhūmisamudrasvargasahitam ||

parvatapratimāsaṅkhyaśavapūrṇamahārṇavam /

samagrataruśākhāṃsalambalolamahāśavam //

Note:

mahārṇavā atra²⁵⁵⁷ raktasya jñeyāḥ ||

nīyamānaiḥ svavātāktaiḥ²⁵⁵⁸ pakṣapuṣpalasatphalaiḥ /

tālottālaiḥ śaravrātavanair²⁵⁵⁹ vyāptanabhastalam //

Note:

vātenāktaiḥ preritaiḥ | pakṣapuṣpāṇi²⁵⁶⁰ ca tāni lasatphalāni²⁵⁶¹ ca | phalam atra śalyaṃ jñeyam ||

parvatapratimāsaṅkhyakabandhavanabāhubhiḥ /

nṛtyadbhiḥ patitāmbhodavimānasuratārakam //

Note:

patitāḥ ambhodavimānasuratārakāḥ yasya | tat ||

śaraśaktigadāprāsapaṭṭisaprotaparvatam /

lokasaptakavibhraṣṭakuḍyakhaṇḍācitāmbaram //

Note:

lokasaptakasya kuḍyāny apatann iti bhāvaḥ ||

anāratarasanmattakalpābhradṛḍhadundubhi /

pṛṣṭhaśabdaśravonnādapātālatalavāraṇam²⁵⁶² //

Note:

pṛṣṭhaśabdasya²⁵⁶³ yaḥ śravaḥ śravaṇam | tenonnādāḥ pātālatalavāraṇāḥ yatra | tat ||

vināyakakarākṛṣṭadīrghadānavaparvatam /

ekadiktaṭaniḥspandasiddhasādhyamarudgaṇam //

Note:

spaṣṭam ||

palāyamānagandharvakinnarāmaracāraṇam /

śavībhūtakṣatakṣīṇapatadgandharvanāyakam //

Note:

spaṣṭam ||

kiñcillabdhajayaprāyadaityadānavamaṇḍalam /

dūyamānasurānīkam²⁵⁶⁴ ekāntodvignavāsavam //

Note:

spaṣṭam ||

uttarāśāmiladvahniraktahetivṛhatprabham /

pratikṣaṇaṃ lasaddāhaprakāśatimirolbaṇam²⁵⁶⁵ //

Note:

uttarāśayā uttaradiśā | milan yaḥ vahniḥ | tena raktā hetīnāṃ vṛhatyaḥ prabhāḥ yatra | tat | devamandiradāhottho ḥtra vahnir jñeyaḥ | pratikṣaṇam kṣaṇe kṣaṇe | lasan yaḥ dāhaḥ gṛhadāhaḥ | tena ye prakāśatimire | tābhyām ulbaṇam²⁵⁶⁶ | timiram atra dhūmakṛtaṃ jñeyam ||

Note:

sargāntaślokena samīracalanaṃ kathayati

vavur aśaninipātapiṇḍitāṅgā
dalitaśilāśakalā diśām mukheṣu /

pralayasamayasūcakāḥ surāṇām
urutaraghargharaghasmarāḥ samīrāḥ //

Note:

samīrāḥ vātāḥ | diśām mukheṣu vavuḥ vānti sma | kathambhūtāḥ | aśanīnāṃ yaḥ nipātaḥ | tena piṇḍitāny²⁵⁶⁷ aṅgāni yeṣām | tādṛśāḥ | aśaninipātenaikatra militā ity arthaḥ | ata eva dalitāḥ śilāśakalāḥ yaiḥ | te tādṛśāḥ | urutaraḥ yaḥ ghargharaḥ ghargharaśabdaḥ | tena ghasmarāḥ²⁵⁶⁸ śabdāntaragrāsakāriṇa ity arthaḥ | iti śivam ||

MT_4.26

iti bhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe ṣaḍviṃśaḥ²⁵⁶⁹ sargaḥ ||

Note:

tataḥ kiṃ sampannam ity | atrāha

tasmiṃs tadā vartamāne ghore samarasambhrame /

devāsuraśarīreṣu patatsv adridaleṣv iva //

vahatsv abhrapravāheṣu gaṅgāpūreṣv ivāmbarāt /

dāmni veṣṭitadevaughe muktakṣveḍāghanārave //

vyāle nijakarākṛṣṭipiṣṭasarvasurālaye /

kaṭe kaṭhinasaṃrambhasaṅgarācchāditāmare //

airāvaṇe kṣīṇamade palāyanaparāyaṇe /

pravṛddhe dānavānīke madhyāhna iva bhāskare //

pātitāṅgāyudhārdhāni prasravadrudhirāṇi ca /

payāṃsīva visetūni devasainyāni dudruvuḥ //

Note:

pātitāni arthāt asuraiḥ bhūmau pātitāni | aṅgānām āyudhānāṃ cārdhāni yeṣām | tāni cchinnāṅgāni cchinnāyudhāni ceti yāvat | ata eva prasravat rudhiraṃ yeṣām | tānīti tādṛśāni devasainyāni dudruvuḥ bhayena drutāni | kānīva | visetūni payāṃsīva | kasmin sati | tasminn ityādi | dāmni dāmākhye mahāsure | kaṭhinasaṃrambhaṃ yat saṅgaram saṅgrāmaḥ | tatra ācchāditāḥ amarāḥ yena | tādṛśe sati | kulakam ||

dāmavyālakaṭās tāni ciram antarhitāny api /

anujagmur lasannādam indhanānīva pāvakāḥ //

Note:

tāni devasainyāni | anujagmuḥ paścād dhāvanti sma | antarhitānām²⁵⁷⁰ anugamanaṃ na yuktam ity apiśabdo dyotayati ||

anviṣṭān api yatnena nālabhantāsurāḥ²⁵⁷¹ surān /

ghanajālavanoḍḍīnān²⁵⁷² siṃhā hariṇakān iva //

Note:

spaṣṭam ||

alabdheṣv amaraugheṣu dāmavyālakaṭās tadā /

jagmuḥ pātālakośasthaṃ prabhum pramuditāśayāḥ //

Note:

prabhuṃ śambaram ||

atha devā viṣaṇṇās te kṣaṇam āśvasya vai yayuḥ /

jayopāyāya vijitā brahmāṇam amitaujasam //

Note:

viṣaṇṇāḥ mūrchitāḥ | āśvasya cetanāṃ labdhvā ||

teṣām āvirabhūd²⁵⁷³ brahmā raktaraktānanaśriyām²⁵⁷⁴ /

sāyaṃ raktīkṛtāmbūnām abdhīnām iva candramāḥ //

Note:

raktena rudhireṇa | raktam ānanaṃ yeṣām | te | tādṛśānām | sāyam sāyaṃsandhyayety arthaḥ | candramaso vā raktīkaraṇe kartṛtvaṃ jñeyam | udayakāle tasya raktatvāt | tadā sāyam sāyaṃsamaya ity arthaḥ ||

praṇamya te surās tasmai tam arthaṃ śambareritam /

samyak prakathayām āsur dāmavyālakaṭakramam //

Note:

te surāḥ śambareritam śambaraprādurbhāvitam | tam dāmavyālakaṭakramam artham dāmādikramākhyaṃ vastu | praṇamya tasmai²⁵⁷⁵ | samyak prakathayām āsuḥ ||

tam ākarṇyākhilam brahmā vicārya ca vicāravit /

uvācedaṃ surānīkam āśvāsanakaraṃ vacaḥ //

Note:

tam dāmavyālakaṭakramam | surānīkam devasainyam ||

Note:

brahmā kathayati

hanta varṣasahasrānte śambareṇa hareḥ kramāt /

martavyam amareśasya tāvat kālam pratīkṣyatām //

Note:

hanta kaṣṭe | śambareṇa kartrā | varṣasahasrānte amareśasya hareḥ viṣṇoḥ | kramāt yuddhākhyāt kramāt | martavyam maraṇīyam | tāvat kālam asau na mariṣyatīti bhāvaḥ | yuṣmābhiḥ tāvat kālam pratīkṣyatām ||

Note:

nanu tarhi tāvat kālam bādhāṃ kurvataḥ dāmādīn kiṃ kurma ity | atrāha

dāmavyālakaṭān etān adya tv amarasattamāḥ /

yodhayantaḥ palāyadhvam māyāyuddhena dānavān //

Note:

he amarasattamāḥ | yūyam etān dāmavyālakaṭān dānavān māyāyuddhena yodhayantaḥ yuddhaṃ kārayantaḥ santaḥ | palāyadhvam ||

Note:

nanu asmatpalāyanena kim eṣāṃ setsyatīty | atrāha

yuddhābhyāsavaśād eṣām makurāṇām ivāśaye /

ahaṅkāracamatkāraḥ pratibimbam upaiṣyati //

Note:

eṣām dāmādīnām | ahaṅkāracamatkāraḥ vayaṃ yuddhe jayinaḥ smaḥ ity evaṃrūpo ḥhambhāvāsvādaḥ | āśaye manasi | pratibimbam upaiṣyati ||

Note:

nanu tato ḥpi kiṃ setsyatīty | atrāha

gṛhītavāsanās tv ete dāmavyālakaṭāḥ surāḥ²⁵⁷⁶ /

sujayā vo bhaviṣyanti jālalagnāḥ khagā iva //

Note:

vāsanāyā eva vakṣyamānanayena vaivaśyakāritvāt ||

Note:

nanv adya kathaṃ na jetuṃ śakyā ete ity | atrāha

adya tv avāsanā ete sukhaduḥkhavivarjitāḥ /

dhairyeṇārīn²⁵⁷⁷ vinighnanto devadurjayatāṃ gatāḥ //

Note:

tu pakṣāntare | adya²⁵⁷⁸ avāsanāḥ ahaṃvāsanārahitāḥ | ata eva sukhaduḥkhavivarjitāḥ | ata eva dhairyeṇa arīn vinighnantaḥ | devadurjayatām yuṣmaddurjayatām iti yāvat | gatāḥ | sukhādirahito hi bhītirahitatvād durjayo bhavati ||

Note:

nanu vāsanayā²⁵⁷⁹ katham ete vaśyā bhaviṣyantīty | atrāha

vāsanātantubaddhā ye āśāpāśavaśīkṛtāḥ /

vaśyatāṃ yānti te loke rajjubaddhāḥ khagā iva //

Note:

ye vāsanātantubaddhā ahaṃvāsanātantubaddhāḥ | bhavanti | te āśāpāśavaśīkṛtāḥ santaḥ | loke vaśyā bhavanti | te ke iva | rajjubaddhāḥ khagā iva | ayam bhāvaḥ | puruṣaḥ antaḥsthitayāhaṃvāsanayā mamedam bhavatv etan mā bhavatv ity evaṃrūpayāśayāviṣṭo bhavati | tayā ca dainyaṃ gacchati | tena parasya vaśyo bhavatīti ||

Note:

nanu vāsanārahitāḥ kathaṃ durjayā bhavantīty | atrāha

ye hi nirvāsanā dhīrāḥ sarvatrāsaktabuddhayaḥ /

na hṛṣyanti²⁵⁸⁰ na kupyanti durjayās te mahādhiyaḥ //

Note:

sarvatra heye upādeye vā | asaktā rāgadveṣarūpayā āsaktyā rahitā | buddhiḥ yeṣām | tādṛśāḥ | upādeyarāgena heyadveṣeṇaiva ca puruṣaḥ jeyo bhavati | anyathā viditanayāḥ rājānaḥ dravyadānena śatrūn jetuṃ na yateran | tadabhāve tu svaśarīre ḥpi rāgarahitaḥ puruṣaḥ na kenāpi jetuṃ śakyate iti bhāvaḥ | dveṣasyāsaktitvam āsaktyutpādakatvena jñeyam | dveṣeṇa hi heyān nivṛttaḥ puruṣaḥ upādeye dṛḍhataraṃ rāgāparaparyāyāsaktiyukto bhavati ||

yasyāntarvāsanārajjvā granthibandhaḥ²⁵⁸¹ śarīriṇaḥ /

mahān api bahujño ḥpi sa bālenāpi jīyate //

Note:

anyathā bāleṣv api dhanāḍhyeṣu vidyāvayovṛddhāḥ praṇāmaṃ na kuryur iti bhāvaḥ ||

ayaṃ so ḥham idaṃ me tad ity ākalitakalpanaḥ /

āpadām pātratām eti payasām iva sāgaraḥ //

Note:

ākalitā ā²⁵⁸² samantāt dhṛtā | kalpanā saṅkalpaḥ yena | saḥ | āpadām mamaitad bhavatv etan mā bhavatv ity evaṃrūpāṇām ||

iyanmātraparicchinno yenātmā bhavya bhāvitaḥ /

sa sarvajño ḥpi sarvatra parāṃ kṛpaṇatāṃ gataḥ //

Note:

he bhavya he indra | yena ātmā svasvarūpam | iyanmātraparicchinnaḥ | iyanmātraṃ cāsau dehādimātrarūpaś cāsau | ata eva paricchinnaś ceti tādṛśaḥ | bhāvitaḥ bhāvanāviṣayīkṛtaḥ | saḥ puruṣaḥ | sarvajñaḥ api sarvatra parāṃ niratiśayām | kṛpaṇatām dīnatām | gataḥ gacchatīty arthaḥ | dehaniṣṭho hi dehahitam icchann avaśyam eva kṛpaṇatām eti ||

anantasyāprameyasya yeneyattā prakalpitā /

ātmatattvasya tenātmā svātmanaivāvaśīkṛtaḥ²⁵⁸³ //

Note:

anantasyāntasākṣitvena sthitatvāt tadrahitasya | aprameyasya kevalam pramātṛrūpeṇa sthitatvāt prameyatām aspṛśamānasya²⁵⁸⁴ | ātmatattvasya | yena iyattā dehāvacchinnatvākhyam iyanmātratvam | prakalpitā kalpanayā bhāvitā | tenājñāninā | svātmanaiva ātmāvaśīkṛtaḥ²⁵⁸⁵ | avaśyambhāvi hi dehāvacchinnasya bhogavaivaśyam ||

Note:

nanu katham etad astīty | atrāha

ātmano vyatiriktaṃ yat kiñcid asti jagattraye /

tatropādeyabhāvena baddhā bhavati bhāvanā //

Note:

*²⁵⁸⁶ātmanaḥ paricchinnatvena bhāvitasyātmanaḥ | yat kiñcit vyatiriktam²⁵⁸⁷ | bhāvitam iti śeṣaḥ | bhāvitam²⁵⁸⁸ asti | tatra aprāptatvābhimānena utpannena upādeyabhāvena upādeyatayā | bhāvanā baddhā bhavati | bhāvanābandhasyaiva ca vaivaśyam iti nāmeti bhāvaḥ ||

Note:

bhāvanābandhasya vaivaśyeti nāmayuktatākāri duḥkhakāraṇatvaṃ kathayati

āsthāmātram anantānāṃ duḥkhānāṃ kāraṇaṃ viduḥ /

anāsthāmātram abhitaḥ sukhānāṃ kāraṇaṃ viduḥ²⁵⁸⁹ //

Note:

āsthāmātram bhāvanābandhamātram ||

Note:

sāmānyena samarthanaṃ kṛtvā viśeṣaṃ smarati

dāmavyālakaṭā yāvad anāsthā bhāvasaṃsthitau /

tāvan na nāma jeyā vo maṣakāṇām ivānilāḥ //

Note:

anāsthāḥ āsthārahitāḥ | bhāvasaṃsthitau dehādipadārthasaṃsthitau ||

antarvāsanayā jantur dīnatām anuyātayā /

jito bhavaty anyathā tu maṣako ḥpy amarācalaḥ //

Note:

anyathā vāsanārāhitye ||

vidyate vāsanā yatra tatra cāyāti dīnatā /

guṇāguṇānuviddhatvaṃ sato dṛṣṭaṃ hi nāsataḥ //

Note:

yatra ca vāsanā vidyate tatra dīnatā āyāti | pādapūraṇārthaḥ caśabdaḥ | hi yasmāt | guṇāguṇānuviddhatvam dīnatāpādakaṃ hitāhitānubandhitvam | sataḥ vāsanayāhitadehasattākasya | dṛṣṭam | asataḥ vāsanārāhityena śuddhacinmātrarūpatayāsatkalpasya | na dṛṣṭam ||

Note:

phalitam āha

ayaṃ so ḥham mamedaṃ cety evam antaḥ svavāsanām /

yathā dāmādayaḥ śakra bhāvayanti tathā kuru //

Note:

ata iti śeṣaḥ | he śakra | yathā dāmādayaḥ ayaṃ so ḥham mamedaṃ cety evaṃrūpāṃ svavāsanām ahaṅkāravāsanām | antaḥ manasi | bhāvayanti vikalpayanti | tathā kuru | tataḥ jeyā bhaviṣyantīti bhāvaḥ ||

Note:

nanu kathaṃ na te mama jeyā bhaviṣyantīty | atrāha

yā yā janasya vipado bhāvābhāvadaśāś ca yāḥ /

tṛṣṇākarañjavallyās²⁵⁹⁰ tā mañjaryaḥ²⁵⁹¹ kaṭukomalāḥ //

Note:

tṛṣṇā eva duḥkhakāritvāt kaṇṭakavallī²⁵⁹² | tasyāḥ ||

vāsanātantubaddho ḥyaṃ loko²⁵⁹³ viparivartate /

sā suvṛddhātiduḥkhāya sukhāyocchedam āgatā //

Note:

viparivartate vaiparītyam bhajati | sā vāsanā | ucchedam nāśam ||

dhīro ḥpy atibahujño ḥpi kulajo ḥpi mahān api /

tṛṣṇayā badhyate jantuḥ siṃhaḥ śṛṅkhalayā yathā //

Note:

badhyate vivaśaḥ kriyate | tṛṣṇāgrasto hi sphuṭam eva vivaśo bhavati ||

dehapādapasaṃsthasya hṛdayālayaśāyinaḥ /

tṛṣṇācittakhagasyāsya vāgurā parikalpitā //

Note:

spaṣṭam ||

dīno vāsanayā lokaḥ kṛtāntenāpakṛṣyate /

rajjveva bālena khago vivaśo ḥniśam ucchvasan //

Note:

kṛtāntena mamatārūpeṇa yamena | mamatāyā²⁵⁹⁴ eva śrīvyāsena kṛtāntatvābhidhānātNote: Vgl. MBh XIV 13,3-7. Vgl. auch M°V I 130 (Hanneder 1998: 80f; 183). ||

alam āyudhabhāreṇa saṅgarabhramaṇena ca /

vāsanāṃ saviparyāsāṃ yuktyaiva tvaṃ ripoḥ kuru //

Note:

saviparyāsām viparyāsayuktām | ripoḥ dāmāditrayarūpasya | āyudhādibhiḥ tava na kiñcid api setsyatīti bhāvaḥ ||

antar akṣubhite dhairye ripor amaranāyakāḥ /

na śastrāṇi na śāstrāṇi na cāstrāṇi jayanti vaḥ //

Note:

akṣubhite vāsanārāhityena kṣobharahite sati ||

dāmavyālakaṭās tv ete yuddhābhyāsavaśena ca /

ahaṅkāramayīm antas te grahīṣyanti vāsanām //

Note:

ahaṅkāramayīm vayaṃ yotsyāma ity evaṃrūpām ||

yadi te yantrapuruṣāḥ śambareṇa vinirmitāḥ /

vāsanāṃ nāśrayiṣyanti yāsyanti tad ajayyatām²⁵⁹⁵ //

Note:

yantrapuruṣāḥ anusandhānarahitā iti yāvat ||

tat tāvad yuktiyuddhena tān prabodhayatāmarāḥ /

yāvad abhyāsavaśato bhaviṣyanti savāsanāḥ //

Note:

prabodhayata vāsanāyuktān kuruta ||

tato vadhyā bhaviṣyanti bhavatām baddhabhāvanāḥ /

tṛṣṇāprotāśayā loke na kecana napelavāḥ²⁵⁹⁶ //

Note:

nanu yadi kadācit tato ḥpi vadhyā na bhaviṣyanti tataḥ kiṃ kāryam ity | atrāha tṛṣṇeti | tṛṣṇāprotāśayāḥ tṛṣṇānuviddhamanasaḥ | pelavāḥ²⁵⁹⁷ dīnāḥ | tṛṣṇāgrastāḥ sarve eva pelavā bhavanti | ataḥ te ḥpi bhaviṣyanty eveti bhāvaḥ ||

Note:

sargāntaślokena brahmavākyaṃ samāpayati

samaviṣamam idaṃ jagat samagraṃ
samupagataṃ sthiratāṃ svavāsanātaḥ /

calati ca laharībharo yathābdhāv
ata iha saiva cikitsyatām prayātā //

Note:

samaviṣamam sukhaduḥkhamayam | idam anubhūyamānam | samagraṃ jagat | svavāsanātaḥ ahaṅkāravāsanātaḥ | sthiratāṃ samupāgatam | sā vāsanā | iha loke | calati ca sphulati ca | ka iva | laharībhara iva | yathā laharībharaḥ abdhau samudre | calati | tathety arthaḥ | ataḥ sā vāsanā eva | cikitsyatām cikitsāyogyatām | prayātā bhavatīti śivam ||

MT_4.27

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe saptaviṃśaḥ sargaḥ ||

Note:

brahmaṇaḥ antardhānaṃ kathayati

ity uktvā bhagavān devas tatraivāntardhim āyayau /

velāvanataṭe śabdaṃ kṛtvevāmbutaraṅgakaḥ //

Note:

tatraiva tasmin sthāna eva | na tv anyatra gatvā | antardhim vyavadhānam ||

surās tv ākarṇya tadvākyaṃ jagmuḥ svām abhito diśam /

kamalāmodam ādāya vanamālām ivānilāḥ //

Note:

spaṣṭam ||

dināni katicit sveṣu kānteṣu sthirakāntiṣu /

dvirephā²⁵⁹⁸ iva padmeṣu mandireṣu viśaśramuḥ //

Note:

spaṣṭam ||

kañcit kālaṃ samāsādya svātmodayakaraṃ śubham /

cakrur dundubhinirghoṣam pralayābhraravopamam //

Note:

spaṣṭam ||

atha daityaiḥ saha vyomni taiḥ pātālatalotthitaiḥ /

kālakṣepakaraṃ ghoram punar yuddham²⁵⁹⁹ avartata //

Note:

kālakṣepakaram na tu śambaravadhakāri | tanmaraṇasya varṣasahasrānte brahmaṇā proktatvāt ity arthaḥ²⁶⁰⁰ | devānām iti²⁶⁰¹ śeṣaḥ | samavartata samabhavat ||

vavur asiśaraśaktimudgaraughā
musulagadāparaśūgracakrasaṅghāḥ /

aśanigiriśilāhutāśavṛkṣā
ahigaruḍādimukhāni cāyudhāni²⁶⁰² //

Note:

kīdṛśaṃ yuddhaṃ samavartatety apekṣāyām āha vavur iti | vavuḥ vānti sma | devadaityavisṛṣṭā iti śeṣaḥ ||

māyākṛtāyudhamahāmbughanapravāhā
kṣipram prati pratidiśam parinirjagāma /

pāṣāṇaparvatamahītaṭavṛkṣalakṣa-
kṣubdhāmbupūraghanaghoṣavatī nadī drāk //

Note:

māyākṛtaḥ²⁶⁰³ rākṣasaiḥ māyayā sampāditaḥ | āyudhamahāmbunaḥ²⁶⁰⁴ āyudhayuktasya mahājalasya | ghanaḥ pravāhaḥ yasyāḥ | sā | tathā pāṣāṇaparvataṃ²⁶⁰⁵ kṣipram prati kṣipraṃ kṣipram | mahītaṭavṛkṣāṇāṃ lakṣeṣu kṣubdhaḥ sañcaraṇaśīlaḥ | yaḥ ambupūraḥ²⁶⁰⁶ āyudhayuktaḥ²⁶⁰⁷ ambupūraḥ | tena ghanaḥ ghoṣaḥ vidyate yasyāḥ | sā | tādṛśī nadī āyudhamayī nadī | drāk śīghram | pratidiśaṃ²⁶⁰⁸ nirjagāma nirgatā ||

Note:

kena pratidiśaṃ nirjagāmeti karaṇāpekṣāyāṃ saviśeṣaṇam āha

madhyapravāhavahadulmukaśūlaśaila-
prāsāsikuntaśaratomaramudgareṇa²⁶⁰⁹ /

gaṅgopamāmbuvalitāmaramandireṇa
sarvāsu dikṣv aśanivarṣaṇakarṣaṇena //

Note:

aśaniyuktaṃ varṣaṇam aśanivarṣaṇam | tena yat karṣaṇam diśaḥ prati nayanam | tena kṛtvā nirjagāmeti pūrveṇa sambandhaḥ | varṣeṇa hi nadyaḥ diśaḥ vyāpnuvanti | aśanivarṣaṇakarṣaṇena kathambhūtena | madhye pravāheṇa vahanti ulmukaśūlaśailaprāsāsikuntaśaratomaramudgarāṇi yatra | tat | tādṛśena | punaḥ kathambhūtena | sarvāsu dikṣu²⁶¹⁰ gaṅgopamaṃ yat ambu | tena valitāni amaramandirāṇi yena | tat | tādṛśena ||

*²⁶¹¹pṛthvyādidāruṇaśarīramayī prahāra-
dānagrahe gaganaraśmiśarīrikaiva /

yā yopaśāmyati surāsurasiddhasenā
māyākṛtā punar udeti rasena saiva //

Note:

yā yā | prahārāṇāṃ dānagrahe pṛthvyādivat dāruṇaṃ yat śarīram | tanmayī api | prahārāṇāṃ dāne grahaṇe ca samarthāpīti yāvat | paramārthataḥ māyārūpatvāt gaganasya yā raśmiḥ | śūnyam iti yāvat | tadrūpaṃ śarīram yasyāḥ | sā | tādṛśī eva satī | upaśāmyati mriyate | sā surāsurasiddhasenā punaḥ udeti eva | kathambhūtā | rasena icchayā | māyākṛtā māyayā kṛteti tādṛśī | arthāt indraśambarābhyām ||

śailopamāyudhavighaṭṭitabhūdharāṇi²⁶¹²
raktāmbupūraparipūrṇamahārṇavāni /

devāsurendrasuraśailavirūḍhakunta-
tālīvanāni kakubhāṃ vadanāny athāsan //

Note:

devāsurendrā eva suraśailāḥ sumeravaḥ | teṣu rūḍhāni | kuntā eva tālīvanāni | yeṣām | tāni ||

udgīrṇakuntaśaraśaktigadāsicakrā
helānigīrṇasuradānavamuktaśailā /

kāṣakvaṇatkrakacadantanakhogramālā
jīvānvitāpatad athāyasasiṃhavṛṣṭiḥ²⁶¹³ //

Note:

atha āyasasiṃhavṛṣṭiḥ ayomayānāṃ siṃhānāṃ varṣaṇam | apatat | kathambhūtā | udgīrṇam sahapatitam | kuntaśaraśaktigadāsicakram²⁶¹⁴ yasyāḥ²⁶¹⁵ | sā | punaḥ kathambhūtā | helayā nigīrṇāḥ grastāḥ | suradānavaiḥ muktāḥ praharaṇabhūtāḥ | śailāḥ yayā | sā | kāṣe kāṣapāṣāṇe | kvaṇan gharṣaṇavaśena śabdāyamānaḥ | yaḥ krakacaḥ | tadvat ye dantanakhāḥ | teṣām ugrā mālā yasyāḥ | sā | tathā jīvānvitā jīvayuktā ||

ujjvālalocanaviṣajvalanātapodyad-
digdāhadarśitayugāntadineśasenā /

uḍḍīyamānaparidīrghamahīmahīdhrā
mattābdhivad viṣadharāvalir ullalāsa //

Note:

viṣadharāṇām sarpāṇām | āvaliḥ paṅktiḥ | mattābdhivat mattasamudravat | ullalāsa ullasati sma | kathambhūtā | ujjvālaḥ udgatajvālaḥ | yaḥ locanaviṣajvalanaḥ | tasya yaḥ ātapaḥ | tenodyan | yaḥ digdāhaḥ | tena darśitā yugāntadineśānām kalpāntasūryāṇām | senā²⁶¹⁶ paṅktiḥ | yayā | sā | uḍḍīyamānāḥ uḍḍayanaśīlāḥ²⁶¹⁷ | paridīrghāḥ | mahyāḥ sambandhinaḥ mahīdhrāḥ parvatāḥ | yasyāḥ²⁶¹⁸ | sā ||

unnādavajramakarotkarakarkarāntar-
ikṣābdhivīcivalayair valitācalendraiḥ /

āsīj jagat sakalam eva susaṅkaṭāṅgam
āvartibhir vividhahetinadīpravāhaiḥ //

Note:

unnādāni yāni vajrāṇi | tāny eva makarāḥ | teṣāṃ ya utkaraḥ | tena karkaraḥ karkarākhyaḥ śabdaviśeṣaḥ yasya | tat | tādṛśaṃ yat antarikṣam | tad evābdhiḥ samudraḥ | tasya vīcivalayaiḥ vīcimaṇḍalarūpaiḥ | tathā valitāḥ āvṛtāḥ | acalendrāḥ yaiḥ | te | tādṛśaiḥ | tathā āvartibhiḥ bhramayuktaiḥ | vividhahetayaḥ eva nadīpravāhāḥ | taiḥ | susaṅkaṭāṅgam atyantapūrṇasvarūpam | sakalam eva jagat āsīt ||

śailāstraśastragaruḍācalamālitocca-
nāgāṅganāsuragaṇāṅganam²⁶¹⁹ antarikṣam /

āsīt kṣaṇaṃ jaladhibhiḥ kṣaṇam agnipūraiḥ
pūrṇaṃ kṣaṇaṃ dinakaraiḥ kṣaṇam andhakāraiḥ //

Note:

kṣaṇaṃ kṣaṇam ity anena jaladhyādīnām māyākṛtatvam²⁶²⁰ uktam | antarikṣam kathambhūtam | śailarūpāṇi astraśastrāṇi śailāstraśastrāṇi | teṣām madhye ye garuḍācalāḥ māṇikyaparvatāḥ | taiḥ mālitāḥ dhṛtāḥ | uccā nāgāṅganāś cāsuragaṇāṅganāś ca²⁶²¹ yena | tat | surāṅganānāṃ tu sākṣād evākāśe sthitir iti tāsām akathanam | garuḍeti gakārasya dīrghābhāvaḥ ārṣaḥ | mantrodbhāvitās tu śailāḥ astrarūpāḥ sākṣāt prahitāḥ śastrarūpāḥ ||

garuḍaguḍaguḍākulāntarikṣa-
pravisṛtahetihutāśaparvataughaiḥ /

jagad abhavad asahyakalpakāla-
jvalitasurālayabhūtalāntarālam //

Note:

garuḍānām yaḥ guḍaguḍaḥ guḍaguḍāśabdaḥ | tenākulam yad antarikṣam | tatra pravisṛtāḥ ye hetihutāśaparvataughāḥ | taiḥ kṛtvā | jagat | asahyaḥ yaḥ kalpakālaḥ pralayakālaḥ | tatraiva²⁶²² jvalitāni surālayabhūtalāntarāṇi yasya | tat | tādṛśam abhavat ||

udapatan vasudhātalato ḥsurā
gaganam adritaṭād iva pakṣiṇaḥ /

atibalād apatan vibudhā bhuvi
pralayacālitaśailaśilā iva //

Note:

atibalād ity asya pūrvārdhena sambandhaḥ ||

śarīrarūḍhonnatahetivṛkṣa-
vanāvalīlagnamahāgnidāhāḥ /

surāsurāḥ prāpur athāmbarāntaḥ
kalpānilāndolitaśailaśobhām //

Note:

atha surāsurāḥ ambarāntaḥ ākāśamadhye | kalpānilenāndolitāḥ ye śailāḥ | teṣāṃ śobhām prāpuḥ | kathambhūtāḥ | śarīrarūḍhāḥ yāḥ²⁶²³ unnatahetayaḥ | tā eva vṛkṣavanāvalī | tasyāṃ lagnāḥ | mahāgneḥ tatsaṅghaṭṭotthasya mahataḥ agneḥ | dāhaḥ yeṣām | te | tādṛśāḥ ||

surāsurādrīndraśarīramuktai
raktapravāhair abhito bhramadbhiḥ /

babhāra pūrṇam parito ḥmbarābdhiḥ
sandhyāruṇodyacchatagaṅgam aṅgam //

Note:

surāsurā evādrīndrāḥ | teṣāṃ yāni śarīrāṇi | tebhyaḥ muktaiḥ | ata evābhitaḥ bhramadbhiḥ raktapravāhaiḥ kṛtvā | ambarābdhiḥ ākāśākhyaḥ samudraḥ | sandhyāruṇāḥ udyatyaḥ śataṃ gaṅgā yasya | tādṛśam aṅgam pūrṇam samyak | babhāra ||

girivarṣaṇam ambuvarṣaṇaṃ
vividhogrāyudhavarṣaṇaṃ tathā /

viṣamāśanivarṣaṇaṃ ca te
śamam anyoḥnyam athāgnivarṣaṇam //

anayan nayamārgakovidā
dalitāśeṣagirīndrabhittayaḥ /

sasṛjuś ca samaṃ samantataḥ
kakubaṅgeṣv iva puṣpavarṣaṇam //

Note:

atha naye astraśāntiśāstre²⁶²⁴ | kovidāḥ nipuṇāḥ | te devāsurāḥ | etāni varṣaṇāni samantataḥ śamam anayan | etāni kāni | girivarṣaṇam ityādi | na kevalaṃ śamam anayan | kiṃ tu kakubaṅgeṣu sasṛjuś ca | kim iva | puṣpavarṣaṇam iva | te kathambhūtāḥ | dalitā aśeṣagirīndrāṇām bhittayaḥ yaiḥ | te | tādṛśāḥ | yugmam ||

devāsurāḥ²⁶²⁵ sarasasaṅgarasambhramārtā²⁶²⁶
anyoḥnyam aṅgadalanākulahetihastāḥ /

dāmendraḍimbadahanāḥ pṛthupīṭhapīṭhaiḥ
kīrṇāsṛjo nabhasi babhramur ākṣipantaḥ //

Note:

devāsurāḥ nabhasi babhramuḥ | kathambhūtāḥ | sarasam vīrarasasahitam | yat saṅgaram saṅgrāmaḥ | tatra yaḥ saṃrambhaḥ udyogaḥ | tenārtāḥ vyākulāḥ | anyoḥnyam aṅgadalanārtham ākulahetayaḥ hastāḥ yeṣām | te | tādṛśāḥ | dāmendrayoḥ ḍimbadahanāḥ²⁶²⁷ manaḥsantāpakāritvāt cañcalāgnayaḥ | tatrāpi dāmnaḥ devāḥ indrasyāsurāḥ iti vibhāgaḥ | pṛthupīṭhāḥ pṛthusaṃsthānāḥ | ye pīṭhāḥ aṃsādipīṭhāḥ | taiḥ kīrṇāsṛjaḥ vikṣiptarudhirāḥ | tathā ākṣipantaḥ anyoḥnyam ākṣepaṃ kurvantaḥ²⁶²⁸ ||

chinnaiḥ śiraḥkarabhujorubharair²⁶²⁹ bhramadbhir
ākāśakośaśalabhair aśivais tadānīm /

āsīj jagajjaṭharam abhravarair ivograir
ābhāskaraṃ²⁶³⁰ sthagitadiktaṭaśailajālam //

Note:

chinnaiḥ | ata eva bhramadbhiḥ | ata eva ca ākāśe śalabhaiḥ śalabharūpaiḥ | aśivaiḥ amaṅgalakāribhiḥ | śiraḥkarabhujorubharaiḥ | jagajjaṭharam ābhāskaram sūryaṃ tāvat | sthagitāni diktaṭāni śailajālāni ca yasya | tat | tādṛśam āsīt | taiḥ kair iva | abhravarair iva uttamameghair iva ||

mattānalaṃ kṣubdhajalānilārkaṃ²⁶³¹
daladvanaṃ śīrṇasurāsuraugham /

brahmāṇḍam ākhaṇḍitakuḍyakoṇam
akālakalpāntakarālam āsīt //

Note:

ā samantāt | khaṇḍitāḥ kuḍyakoṇāḥ yasya | tat | tādṛśam ||

bhrāntam bhṛśam bhramitadiktaṭam adrikūṭair
ātmapramāṇaghanahetihatai raṇadbhiḥ /

kūjadbhir ārtibhir ivāgraguhaughavātaiḥ
krandadbhir āpatitasiṃharavair adabhraiḥ //

Note:

adrikūṭaiḥ kartṛbhiḥ | bhṛśam bhrāntam bhramayuktaiḥ jñātam | katham bhrāntam | bhramitāni bhramayuktāni kṛtāni | diktaṭāni yatra | tat | adrikūṭaiḥ kathambhūtaiḥ | ātmapramāṇā adrikūṭapramāṇāḥ | yāḥ ghanahetayaḥ | tābhiḥ hatāḥ | taiḥ | ata eva raṇadbhiḥ | punaḥ kathambhūtaiḥ | guhaughāgrāṇāṃ vātāḥ agraguhaughavātāḥ | taiḥ | tadvyājeneti yāvat | ārtibhir iva kūjadbhiḥ | ārtyā yukto hi kūjati | punaḥ kathambhūtaiḥ | āpatitāḥ ye siṃhāḥ | teṣāṃ ye ravāḥ | taiḥ | tadvyājeneti yāvat | krandadbhiḥ ravaiḥ kathambhūtaiḥ | adabhraiḥ utkaṭaiḥ ||

māyānadījaladhiyodhaghanāgnidāhair
vṛkṣaiḥ surāsuraśavair acalaiḥ śilaughaiḥ /

bhrāntaṃ śirastraśaraśaktigadāstravarṣair
vātāvakīrṇavanaparṇavad ambarāntaḥ //

Note:

ambarāntaḥ ākāśamadhyam | vātenāvakīrṇam²⁶³² valitam | yat vanaparṇam | tadvat | bhrāntam bhramayuktam āsīt | kaiḥ bhrāntam āsīt | na hi ambaramadhyasya bhramo yukta ity apekṣāyām āha māyānadītyādi | ambarāntaś cāriṇām māyānadyādīnām eva bhramaḥ ambarāntaḥ bhramatvenāropitaḥ ||

adrīndrapakṣaparimāṇagamāgamaika-
durvārahastataladāruṇatāḍanair drāk²⁶³³ /

āsīt patadbhaṭaśarīragirīndraghāta-
vibhraṣṭadevapurapūrṇajalārṇavaughaḥ //

Note:

adrīndrapakṣaparimāṇāś ca te gamāgamaikadurvārāś ca | tādṛśāḥ ye hastāḥ | teṣāṃ yāni talāni | taiḥ yāni tāḍanāni | taiḥ kṛtvā | drāk śīghram | patantaḥ ye bhaṭaśarīrāṇy eva girīndrāḥ | teṣāṃ ye ghātāḥ | taiḥ bhraṣṭāni yāni devapurāṇi | taiḥ pūrṇajalaś cāsau arṇavaughaḥ samudrasaptakam | saḥ | āsīt jāta ity arthaḥ ||

ghanaghuṅghumapūritāntarikṣā
kṣatajākṣālitabhūdharāntarālā /

rudhirahradavṛttivartinī vā
bhuvanābhogaguhā tadākulābhūt //

Note:

bhuvanābhogaḥ bhuvanavistāraḥ | sa eva guhā | tadā tasmin samaye | ākulā abhūt | kathambhūtā²⁶³⁴ | ghanaḥ yaḥ ghuṅghumaḥ yuddhakolāhalaḥ | tenāpūritam antarikṣam yasyāḥ | sā | tādṛśī | kṣatajaiḥ rudhiraiḥ | ā samantāt | kṣālitāni bhūdharāntarālāni yasyāḥ | sā | rudhirahradarūpā yā vṛttiḥ sthānam | tatra vartata iti tādṛśī | sthitau sthitimatītivat prayogaḥ | guhā ca maṣakaghuṅghumapūritāntarikṣā vṛṣṭikṣālitabhūdharāntarālā hradavartinī ca bhavati ||

Note:

sargāntaślokena asya raṇasya saṃsārasāmyaṃ kathayati

anantadikprasaravikārakāriṇī
kṣayodayonmukhasukhaduḥkhadāyinī /

raṇakriyāsurasurasaṅghasaṅkaṭā
tadābhavat khalu sadṛśīha saṃsṛteḥ //

Note:

khalu niścaye | sā raṇakriyā iha samsṛtisadṛśī²⁶³⁵ abhavat | kathambhūtā | anantadikṣu yaḥ prasaraḥ | tena vikāram hiṃsākhyaṃ vikāram | karotīti tādṛśī | kṣayodayonmukhe ye sukhaduḥkhe | te dadātīti tādṛśī | asurasurasaṅghena saṅkaṭā sambādhā | saṃsṛtir api prasareṇa bandhākhyaṃ vikāraṃ karoti | sukhaduḥkhadāyinī²⁶³⁶ nānāpadārthasaṅkaṭā²⁶³⁷ ca bhavati | iti śivam ||

MT_4.28

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe aṣṭāviṃśaḥ sargaḥ ||

Note:

yuddham upasaṃharati

evamprāyākulārambhair asurair asuhāribhiḥ /

mahāsāhasasaṃrabdhair ārabdhamaraṇai raṇaiḥ //

māyayātha vivādena sandhinā vigraheṇa ca /

palāyanena dhairyeṇa cchadmanopāyanena ca //

kārpaṇyenāstrayuddhena²⁶³⁸ svāntardhānaiś ca bhūriśaḥ /

kṛtaḥ sa samaro²⁶³⁹ devais triṃśad varṣāṇi pañca ca //

Note:

devaiḥ triṃśat pañca ca varṣāṇi pañcatriṃśadvarṣāṇi | asuraiḥ saha | saḥ samaraḥ kṛtaḥ | kena kena prakāreṇa kṛta ity apekṣāyām māyayetyādi²⁶⁴⁰ | upāyanena samīpagamanena²⁶⁴¹ | kārpaṇyena dīnatayā | svāntardhānaiḥ māyodbhāvitaiḥ nijagopanaiḥ | asuraiḥ kathambhūtaiḥ | evamprāyaḥ bāhulyenaitādṛśaḥ | samārambhaḥ yeṣām | taiḥ | asuhāribhiḥ jīvahāribhiḥ | mahāsāhase saṃrabdhāḥ saṃrambhayuktāḥ | taiḥ | punaḥ kathambhūtaiḥ | raṇaiḥ kṛtvā ārabdham maraṇam yaiḥ | te | tādṛśaiḥ | tilakam ||

varṣāṇi divasān māsān daśāṣṭau pañca sapta ca /

varṣāṇi petur vṛkṣāgnihetyambvaśanibhūbhṛtām //

Note:

vṛkṣāgnihetyambvaśanibhūbhṛtām varṣāṇi vṛṣṭayaḥ | petuḥ | kiyantaṃ kālam | daśa varṣāṇi | aṣṭau māsān | pañca sapta ca dvādaśeti yāvat | divasān | arthāt anyasmin kāle sandhyādir evābhūt iti jñeyam ||

etāvatā tu kālena dṛḍhābhyāsād²⁶⁴² ahaṅkṛteḥ /

dāmādayo ḥham ity āsthāṃ jagṛhur grastacetasaḥ //

Note:

ahaṅkṛteḥ vayaṃ yotsyāma ity evaṃrūpasyāhaṅkārasya | grastam ahaṅkāragrastam | cetaḥ yeṣām | te | tādṛśāḥ ||

naikaṭyātiśayād yadvad darpaṇam bimbavad bhavet /

abhyāsātiśayāt tadvat te ḥpy ahaṅkāritāṃ gatāḥ //

Note:

naikaṭyātiśayāt sānnidhyodrekāt | bimbavat pratibimbayuktam ||

yadvad dūrataraṃ vastu nādarśe pratibimbate /

padārthavāsanā tadvad anabhyāsān na jāyate //

Note:

dūrataram bahudūrāt | padārtheṣu yuddhādibhāveṣu | vāsanā mayedaṃ kṛtam ity evaṃrūpaḥ saṃskāraḥ ||

yadā dāmādayo jātā jātāhaṅkāravāsanāḥ /

tadā me²⁶⁴³ jīvitam me²⁶⁴⁴ ḥrtha iti dainyam upāgaman //

Note:

yadā dāmādayaḥ dāmavyālakaṭāḥ | jātā utpannā | ahaṅkāravāsanā yeṣām | te | tādṛśāḥ²⁶⁴⁵ | jātāḥ sampannāḥ | tadā me jīvitam me artha iti evaṃrūpam | dainyam dīnatām | upāgaman upāgatāḥ | ahaṅkārābhāve hi bhittirahitam mamatārūpaṃ dainyaṃ na syāt eva | tatsattāyāṃ tu prāptādhāratvena tad durnivāram eveti bhāvaḥ ||

bhayavāsanayā grastā mohavāsanayā hatāḥ /

āśāpāśanibaddhās te tataḥ kṛpaṇatāṃ gatāḥ //

Note:

tataḥ dainyopāgamanānantaram | te dāmādayaḥ | bhayasya dehanāśaśaṅkādyutpannāyā bhīteḥ | yā vāsanā saṃskāraḥ | tayā grastāḥ vaśīkṛtāḥ | tathā mohasya anātmani śarīrādau ātmatvabhāvanārūpasyājñānasya | yā vāsanā | tayā hatāḥ bādhitāḥ | āśāpāśaiḥ svātmatvābhimānaviṣayīkṛtaśarīrādyarthaṃ dhanādiviṣayaiḥ āśāpāśaiḥ | nibaddhāḥ svādhinīkṛtāḥ | kṛpaṇatām dainyasya parāṃ kāṣṭhām²⁶⁴⁶ | gatāḥ ||

Note:

nanu tataḥ kiṃ teṣāṃ sampannam ity | atrāha

mudhaiva hy²⁶⁴⁷ anahaṅkārair mamatvam upakalpitam /

rajjvām bhujaṅgatvam²⁶⁴⁸ iva dāmavyālakaṭais tataḥ //

Note:

hi niścaye | anahaṅkāraiḥ ahaṅkārarahitaiḥ | dāmavyālakaṭaiḥ | tataḥ ahaṅkāravaśena dainyagamanānantaram | mamatvam mamatā | mudhā eva vyartham eva | upakalpitam kalpanayā dṛḍhīkṛtam | kim iva | rajjvām bhujaṅgatvam iva | atyantam mithyābhūtam ity arthaḥ ||

Note:

mamatvam eva kathayati

āpādamastakaṃ dehalateyam bhavatu sthirā /

mameti tṛṣṇākṛpaṇā dīnatāṃ te samāyayuḥ //

Note:

spaṣṭam ||

sthirībhavatu me dehaḥ sukhāyāstu dhanam mama /

iti baddhadhiyāṃ teṣāṃ dhairyam antardhim āyayau //

Note:

spaṣṭam ||

avāsanatvād vapuṣām anāsthatvāt suradviṣām /

yābhūt prahāraparatā mārjitaivāśu sābhavat //

Note:

suradviṣām dāmavyālakaṭānām | avāsanatvāt vāsanārāhityāt | tathā vapuṣām anāsthatvāt śarīrāsthārahitatvāt²⁶⁴⁹ | yā prahāraparatā abhūt pūrvam āsīt | sā āśu mārjitā²⁶⁵⁰ naṣṭā | abhavat | ahaṅkāraprabhāvena dehanāśādibhayotpādāt ity arthaḥ ||

kathaṃ sthirā jagaty asmin bhavema iti²⁶⁵¹ cintayā /

vedhitā dīnatāṃ jagmuḥ padmā iva nirambhasaḥ //

Note:

vedhitāḥ vyāptāḥ ||

teṣāṃ tv arthānnapāneṣu svāhaṅkṛtimatāṃ ratiḥ /

babhūva bhavabhāvasthā bhīṣaṇā bhavabhāginī //

Note:

svā ahaṅkṛtir dehaviṣayaḥ ahaṅkāraḥ vidyate yeṣām | te | tādṛśāḥ | teṣāṃ ratiḥ āsaktiḥ | rāga iti yāvat | bhavabhāvasthā saṃsārikapadārthaviṣayā | bhavabhāginī saṃsārapradā ||

atha tasmin raṇe bhītyā sāpekṣatvam upāyayuḥ /

mattebhagaṇasaṃrabdhā vane hariṇakā iva //

Note:

sāpekṣatvam mā mariṣyāma ity evaṃrūpāpekṣāsahitatvam | bhītyā maraṇabhayena | hariṇakāḥ kathambhūtāḥ | mattebhānām yaḥ gaṇaḥ | tena saṃrabdhāḥ kṣobhayuktāḥ kṛtāḥ ||

Note:

sāpekṣatvam eva spaṣṭayati

mariṣyāmo mariṣyāma iti cintāhatāśayāḥ /

mandam mandaṃ kila²⁶⁵² bhremuḥ kupitairāvaṇe raṇe //

Note:

bhremuḥ bhramanti sma ||

śarīraikārthināṃ teṣām bhītānām maraṇād iti /

alpasattvatayā mūrdhni kṛtam āpatpradam padam //

Note:

śarīram ekam kevalam | arthayante iti tādṛśānām | tathā maraṇād bhītānām | teṣām mūrdhni | iti pūrvoktaprakāreṇa | alpasattvatayā kartryā | padaṃ kṛtam | alpasattvās te jātā²⁶⁵³ iti bhāvaḥ | padaṃ kathambhūtam | āpatpradam vipatpradam²⁶⁵⁴ ity arthaḥ ||

atha pramlānasattvās te hantum agragatam bhaṭam /

na śekur indhanakṣīṇā havir dagdhum ivāgnayaḥ //

Note:

pramlānasattvāḥ naṣṭadhairyāḥ | na śekuḥ na samarthāḥ jātāḥ | kṣīṇam indhanaṃ yeṣām | te indhanakṣīṇāḥ ||

vibudhānām praharatāṃ sudamyatām²⁶⁵⁵ upāgatāḥ /

kṣatavikṣatasarvāṅgās tasthuḥ sāmānyavad bhaṭāḥ //

Note:

vibudhānām devānām | sudamyatām sunigrāhyatām ||

bahunātra kim uktena maraṇād bhītacetasaḥ /

daityā deveṣu valgatsu dudruvuḥ²⁶⁵⁶ samarājirāt //

Note:

spaṣṭam ||

teṣu dravatsu sarveṣu sarvato dānavādriṣu /

dāmavyālakaṭākhyeṣu vikhyāteṣv asurālaye //

taddaityasainyam apatat khād vidrutam itas tataḥ /

kalpāntapavanādhūtaṃ tārājālam ivābhitaḥ //

Note:

spaṣṭam ||

Note:

kutrāpatad ity apekṣāyām āha

amarācalakuñjeṣu śikharāṇāṃ śilāsu ca /

taṭeṣu vārirāśīnām payodapaṭaleṣu ca //

Note:

spaṣṭam ||

sāgarāvartagarteṣu śvabhreṣv atha saritsu ca /

jaṅgaleṣu diganteṣu jvalatsu vipineṣu ca //

Note:

spaṣṭam ||

tadraṇotsannakośeṣu²⁶⁵⁷ grāmeṣu nagareṣu ca /

aṭavīṣūgrayakṣāsu maruṣūdyaddavāgniṣu //

Note:

teṣām asurāṇām | raṇena utsannaḥ viśīrṇaḥ | kośaḥ madhyaṃ yeṣām | teṣu ||

lokālokācalānteṣu parvateṣu hradeṣu ca /

andhradramiḍakāśmīrapārasīkapureṣu²⁶⁵⁸ ca //

Note:

spaṣṭam ||

nānāmbhodhitaraṅgāsu gaṅgājalaghaṭāsu ca /

dvīpāntareṣu dūreṣu jambuṣaṇḍalatāsu ca //

Note:

dūreṣu dūravartiṣu ||

sarvataḥ parvatākārāḥ patitās te ḥsurālayaḥ²⁶⁵⁹ /

visphoṭitāṅgacaraṇā vibhinnakarabāhavaḥ //

Note:

spaṣṭam ||

śākhālagnāntratantrīkā muktaraktavahacchaṭāḥ /

vyastāṅgakhuramūrdhāno niṣkrāntakupitekṣaṇāḥ //

Note:

niṣkrānte bhūmau patite | kupite īkṣaṇe yeṣām | te ||

svāyudhā valanāvegacchinnakaṅkaṭahetayaḥ /

dūrāpātaviparyastapatannānāvidhāṃśukāḥ //

Note:

dūrāt yaḥ āpātaḥ | tena viparyastāni viparyāsaṃ gatāni | ata eva patanti aṃśukāni yeṣām | te | tādṛśāḥ ||

kaṇṭhalagnaśirastrāṇakhaṭatkārograbhītayaḥ /

śilāśitaśikhāprotadehabhāgāvalambinaḥ //

Note:

kaṇṭhalagnāni yāni śirastrāṇāni²⁶⁶⁰ | teṣāṃ yaḥ khaṭatkāraḥ śabdaviśeṣaḥ | tataḥ ugrā bhītiḥ²⁶⁶¹ yeṣām | te | tādṛśāḥ ||

śalmalyagradṛḍhāpātaprotakaṅkaṭaśaṅkavaḥ /

suśilāphalakāsphālaśatadhāśīrṇamastakāḥ //

Note:

śalmalyagreṣu vṛkṣaviśeṣāgreṣu | yaḥ dṛḍhaḥ | ā samantāt | pātaḥ | tena protaḥ kaṅkaṭaśaṅkavaḥ kavacakīlakāḥ yeṣām | te | tādṛśāḥ ||

Note:

sargāntaślokena samāptiṃ karoti

sarva eva sakalāsu saśastrāḥ
pātamātrasamanantaram eva /

dikṣu nāśam agamann asurendrāḥ
pāṃsavo ḥmbudhigatāḥ payasīva //

Note:

spaṣṭam ||

MT_4.29

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇa ekonatriṃśaḥ²⁶⁶² sargaḥ ||

Note:

oṃ | tadā dāmādayaḥ kīdṛśāḥ sampannā ity | atrāha

iti tuṣṭeṣu deveṣu dānaveṣu hateṣu ca /

dāmavyālakaṭā dīnā babhūvur bhayavihvalāḥ //

Note:

spaṣṭam ||

Note:

nanu śambaraḥ kiṃ kṛtavān²⁶⁶³ ity | atrāha

jajvāla kupitaḥ kopī kalpāntāgnir iva jvalan /

śambaraḥ śamitānīko²⁶⁶⁴ dāmavyālakaṭān prati //

Note:

dāmādīn prati śambaraḥ kupito ḥbhūd iti piṇḍārthaḥ ||

śambarasya bhayād gatvā pātālam atha saptamam /

dāmavyālakaṭās tasthus tyaktvā dānavamaṇḍalam //

Note:

spaṣṭam ||

yamasya kiṅkarās tatra vetālatrāsanakṣamāḥ /

kukuhā nāma tiṣṭhanti narakārṇavapālakāḥ //

Note:

spaṣṭam ||

taiḥ sārdhaṃ nītavantas te tatra dāmādayo ḥvadhim /

daśavarṣasahasrāntām āttānantakuvāsanāḥ //

Note:

taiḥ kukuhaiḥ | sārdham | daśavarṣasahasrāntām daśavarṣasahasrasaṅkhyāparyantām | avadhim kālāvadhim | te dāmādayaḥ nītavantaḥ nayanti sma | te kathambhūtāḥ | āttāḥ dhāritāḥ | kuvāsanāḥ dhanādiviṣayāḥ ninditāḥ saṃskārāḥ | yaiḥ | tādṛśāḥ ||

iyam me vanitā ramyā mameyam prabhuteti ca /

kukuhasnehabaddhānāṃ kālas teṣāṃ vyavartata //

Note:

vyavartata pariṇato ḥbhūt ||

dharmarājo ḥtha taṃ deśaṃ kadācit samupāyayau /

mahānarakakāryāṇāṃ vicārārthaṃ yadṛcchayā //

Note:

spaṣṭam ||

aparijñātam enaṃ te dharmarājaṃ trayo ḥsurāḥ /

na praṇemur vināśāya sāmānyam iva kiṅkaram //

Note:

aparijñātam iti viśeṣaṇadvāreṇa hetuḥ ||

atha vaivasvatenaite jvalitaśvabhrabhūmiṣu /

vihitabhrūparispandam ādeśena niveśitāḥ //

Note:

spaṣṭam ||

tatra te karuṇākrandāḥ sasuhṛddārabāndhavāḥ /

dagdhāḥ saparṇaviṭapā vṛkṣā iva davānalaiḥ //

Note:

spaṣṭam ||

svayā vāsanayā jātās tayaiva krūrayā²⁶⁶⁵ punaḥ /

vadhakarmakarākārāḥ kairātā rājakiṅkarāḥ //

Note:

vadhakarma kurvantīti vadhakarmakarāḥ | tadvat ākāraḥ yeṣām | te | tādṛśāḥ | atyantahiṃsakā ity arthaḥ ||

tajjanmātha parityajya jātāḥ suhmeṣu vāyasāḥ /

tadante gṛdhratāṃ²⁶⁶⁶ yātās tato ḥpi bakatāṃ gatāḥ //

Note:

tajjanma rājakiṅkarajanma | suhmeṣu janapadaviśeṣeṣu²⁶⁶⁷ ||

śavaratvaṃ trigarteṣu meṣatvam barbareṣu ca /

magadheṣv atha kīṭatvaṃ cakrus te vaktrabuddhayaḥ //

Note:

vaktrabuddhayaḥ iti viśeṣaṇadvāreṇa hetuḥ ||

anubhūyetarām atra citrāṃ yoniparamparām /

adya matsyāḥ sthitā rāma kaśmīrāraṇyapalvale²⁶⁶⁸ //

Note:

atra pūrvokteṣu deśeṣu | itarām yoniṃ śavaratvādibhinnām ||

Note:

kathambhūtāḥ te tatra sthitā ity | atrāha

dāvāgnikvathitālpālpapaṅkakalkānupāyinaḥ²⁶⁶⁹ /

na mriyante na jīvanti jarajjambālajarjarāḥ //

Note:

kalkam malam ||

Note:

saṅgṛhya²⁶⁷⁰ pūrvoktayonikleśaṃ kathayati

vicitrayonisaṃrambham anubhūya punaḥ punaḥ /

bhūtvā bhūtvā punar naṣṭās taraṅgā jaladhāv iva //

Note:

proktanyāyeneti bhāvaḥ ||

Note:

sargāntaślokena dāmādivṛttāntaṃ tāvat sthāpayati

bhavajaladhigatās te vāsanāvātanunnās
tṛṇam iva ciram ūḍhā deharūpais taraṅgaiḥ /

upaśamam anuyātā rāma nādyāpy anantam
parikalaya mahattvaṃ dāruṇaṃ vāsanāyāḥ //

Note:

ūḍhāḥ īritāḥ | upaśamam vāsanārāhityam | phalitaṃ kathayati anantam iti | ata iti śeṣaḥ | he rāma | yataḥ dāmādibhiḥ vāsanāvaśata evaṃvidhā yātanā prāptā ataḥ tvaṃ vāsanāyāḥ ahaṃmametirūpāyā vāsanāyāḥ | anantam antarahitam | dāruṇam kaṭhinam | mahattvam parikalaya niścinu | iti śivam ||

MT_4.30

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe triṃśaḥ sargaḥ ||

Note:

oṃ | pūrvoktam anusmārayati

ataḥ prabodhāya tava vacmi rāma mahāmate /

dāmavyālakaṭanyāyo mā te ḥstv iti na līlayā //

Note:

prabodhāya vāsanāvaśyaṃ tyājyety evaṃrūpāya²⁶⁷¹ prakṛṣṭabodhāya | na līlayeti | līlayā parihāsena | parihāsārtham iti yāvat | na | vacmi | avañcakatvād iti bhāvaḥ ||

Note:

dāmādivṛttāntāvaṣṭambhena nānāvidham upadeśam prastauti

avivekānusandhānāc²⁶⁷² cittam āpadam īdṛśīm /

anantataraduḥkhāya parigṛhṇāti helayā //

Note:

avivekasya anātmani dehādāv ātmābhimānarūpasyāvicārasya | anusandhānāt sphuraṇāt | cittam kartṛ | īdṛśīm dāmādyanubhūtāpatsadṛśīm²⁶⁷³ | āpadam karmabhūtām | anantataraduḥkhāya anantataraduḥkhārtham | helayā prayatnaṃ vinā | parigṛhṇāti anubhavati | ato ḥviveka eva tyājya iti bhāvaḥ ||

Note:

vāsanātyāgam prati uttejanāya dāmādibhir anubhūtāṃ vipadaṃ kathayati

kva kilāmaravidhvaṃsiśambarānīkanāthatā /

kva tāpataptajambālajalajarjaramīnatā //

Note:

uttarārdhe kaśmīreṣv iti śeṣaḥ ||

kva dhairyam amarānīkavidrāvaṇakaram mahat /

kva kirātamahīpālakṣudrakiṅkararūpatā //

Note:

spaṣṭam ||

kva nāma nirahaṅkāracitsattvodāradhīratā²⁶⁷⁴ /

kva mithyāvāsanāveśād ahaṅkārakukalpanā //

Note:

nirahaṅkāram deho ḥham iti sthūlāhaṅkārarahitam | yat cit cidrūpam | sattvam sattvākhyam manaḥ | tena yā udāradhīratā maraṇādibhayarāhityena udārabhāvaḥ dhīrabhāvaś ca | sā kva nāma bhavati | mithyābhūtā yā vāsanā saṃskāraḥ | tasyā āveśāt āveśena utpannā | ahaṅkārakukalpanā deho ḥham ity evaṃrūpāhaṅkārarūpā ninditā kalpanā | kva bhavati | anayor antaraṃ svayam eva paśyeti bhāvaḥ ||

śākhāpratānagahanā saṃsāraviṣamañjarī /

ahaṅkārāṅkurād eva samudetīyam ātatā //

Note:

iyam puraḥsphurantī | ātatā vistīrṇā | śākhāpratānaiḥ nānāpadārtharūpaiḥ śākhāsamūhaiḥ | gahanā durgamā | saṃsāra eva viṣamañjarī viṣalatā kartrī | ahaṅkāra evāṅkuraḥ bījam | tasmāt udeti prādurbhavati | ahaṅkārābhāve kasya kiṃrūpaḥ saṃsāraḥ syāt | suṣuptau hi ahaṅkāravilaye sarve saṃsāraṃ nānubhavantīti bhāvaḥ ||

Note:

phalitaṃ kathayati

ahaṅkāram ato rāma mārjayāntaḥ prayatnataḥ /

ahaṃ na kaścid eveti mārjayitvā sukhī bhava //

Note:

he rāma | yasmāt ahaṅkāra evāpad asti ataḥ tvam ahaṅkāram deho ḥham ityādirūpaṃ sthūlam ahaṅkāram | antaḥ manasi | prayatnataḥ samyagjñānākhyaprayatnena | mārjaya utpuṃsaya | tataḥ kim mama setsyatīty | atrāha aham iti | aham sthūladehādirūpaḥ aham | naiva kaścit asmi | śuddhacinmātratattvasyaiva sattābhāktvayogāt²⁶⁷⁵ | iti evam | arthāt ahaṅkāram²⁶⁷⁶ mārjayitvā tvam sukhī dehādinairapekṣyakṛtamahāsukhayuktaḥ²⁶⁷⁷ | bhava | dehādyapekṣāvaśād²⁶⁷⁸ eva hi puruṣaḥ duḥkhī bhavati | nanu dehaṃ tāvat dehāpekṣā kva gacchatīti cen | na gacchati | kiṃ tu tadviṣayāhambhāvahīnatayā tadbhāvābhāvacintāḥ na vyākulīkurvanti | tadyātrāmātranimittaṃ kṛtasya pravāhāgatasya prayatnasya tu na tādṛśī duḥkhakāritāstīty alam ||

Note:

nanv ahaṅkāreṇa ko doṣa utpādyate yena puruṣo duḥkhī bhavatīty | atrāha

ahaṅkārāmbudacchannam paramārthendumaṇḍalam /

rasāyanamayaṃ śītam adṛśyatvam upāgatam //

Note:

paramārthaḥ paramopādeyabhūtaḥ paramātmā | sa evāhlādakāritvāt induḥ | tasya maṇḍalam sarvavyāpakaṃ svarūpam | ahaṅkāra eva deho ḥham ity evaṃrūpaḥ ahaṅkāraḥ eva | ambudaḥ meghaḥ | tena channam āvṛtaṃ sat | adṛśyatvam ahamparāmarśaviṣayatvāyogyatām | upāgatam | dehābhimānāviṣṭo hi puruṣaḥ paramārthataḥ svarūpabhūtam api cinmātratattvaṃ nāhantayā parāmṛśati | tat kathambhūtam | rasāyanamayam mahānairapekṣyādhāratvenāmṛtasvarūpam | ata eva śītam apekṣāsvarūpasantāparahitam | ataś ca sukhasvarūpaparamātmācchādakatvena yuktam evāhaṅkārasya santāpakāridoṣotpādakatvam iti bhāvaḥ ||

Note:

ahaṅkāraprabhāvenaiva tvam prādurbhūto ḥsīty abhiprāyeṇāha

ahaṅkārapiśācāttā dāmavyālakaṭās trayaḥ /

gatāḥ sattām asanto ḥpi māyāmāhātmyadānavāḥ //

Note:

māyāyāḥ śambarāmbaraprayuktāyāḥ māyāyāḥ | māhātmyena prabhāvena | dānavāḥ dānavarūpatāṃ yātāḥ | ata evāsantaḥ²⁶⁷⁹ api trayaḥ damavyālakaṭāḥ | ahaṅkāra eva piśācaḥ²⁶⁸⁰ | tenāttāḥ gṛhītāḥ santaḥ | sattām vayaṃ dāmādaya ity evaṃrūpāṃ sattām | gatāḥ | evaṃ tvam api māyāmāhātmyena manuṣyarūpatāṃ yātaḥ | ata evāsan api svāhaṅkāravaśād eva svasattām anubhavasīti bhāvaḥ ||

Note:

nanu te dāmādayaḥ kaśmīreṣu kasmin palvale santīty | atrāha

kaśmīreṣu mahāpadmasarasītīrapalvale²⁶⁸¹ /

adya matsyāḥ sthitā rāma śevālalavalālasāḥ //

Note:

spaṣṭam ||

Note:

atra śrīrāmaḥ pṛcchati

nāsato vidyate bhāvo nābhāvo vidyate sataḥ²⁶⁸² /

te hy asantaḥ kathaṃ santaḥ sampannā iti me vada //

Note:

hi yasmāt | asataḥ sattākartṛtvam abhajataḥ | bhāvaḥ sattā | nāsti | śaśiśṛṅgādāv adarśanāt | sataḥ sattākartṛtām bhajataḥ | abhāvaḥ asattā | nāsti | paṅkanikṣipte bīje adarśanāt | ataḥ asantaḥ śambaramāyodbhāvitatvena sattākartṛtvam abhajanto ḥpi | te dāmādayaḥ | santaḥ sattāyuktāḥ | kathaṃ sampannāḥ | iti evam | me vada kathayety arthaḥ²⁶⁸³ ||

Note:

śrīvasiṣṭha uttaraṃ kathayati

evam etan mahābāho nāsad bhavati hi kvacit /

kadācit kiñcid apy etad bṛhad bhavati vā tanu //

Note:

etat tvayoktaṃ vastu | evam bhavati | hi yasmāt | asat vastu | kvacit kutrāpi deśe kāle vā | sat na bhavati sattāṃ na bhajati | arthāt sad asad veti jñeyam | nanu tarhi katham indriyāgocaratvenāsatām paramāṇūnām indriyalabhyatvena satsvarūpasya ghaṭasya bhāvaḥ dṛśyate sataḥ ghaṭasya kālavaśataḥ asatsvarūpaparamāṇutā cety | atrāha kadācid iti | kiñcit api paramārthataḥ anirvacanīyasanmātrarūpatvenāvasthitam api | etat pratyakṣeṇānumānena ca puraḥsphurat sattvāsattvābhyāṃ jñātaṃ ghaṭaparamāṇvādirūpaṃ vastu | bṛhat bhavati tanu vā bhavati | tathā ca nātra sato ḥsattvam asato vā sattvam iti bhāvaḥ ||

Note:

tathā ca dāmādiṣu ko nyāya ity | atrāha

kim asat sat sthitam brūhi kiṃ tat sad²⁶⁸⁴ vāpy asat sthitam /

nidarśanenānenaiva kariṣye tvadvibodhanam //

Note:

tvam prathamam brūhi | kim bravīmīty apekṣāyām āha kim itīti | kim vastu | sad api bhavat | asat sthitam asadrūpaṃ sampannam | kiṃ vāsat api bhavat | sat sthitam sadrūpaṃ sampannam | nanu matkathanena kiṃ setsyatīty | atrāha nidarśaneneti | tataḥ aham anena nidarśanena tvaduktena dṛṣṭāntena | tvadvibodhanaṃ kariṣye | anyathā tvaṃ na śroṣyasīti bhāvaḥ ||

Note:

śrīrāmaḥ kathayati

santa eva sthitāḥ santo brahman vayam amī kila /

dāmādayas tv asanto ḥpi vacmi santaḥ sthitā iti //

Note:

kila niścaye | he brahman | amī pratyakṣaṃ sphurantaḥ | vayam | santaḥ eva santaḥ sthitāḥ bhavāmaḥ | na hi asmākam asattvaṃ kenāpi prakāreṇa yuktam parasparam ālāpādyarthakriyāsambhavāt | tu pakṣāntare | dāmādayaḥ asantaḥ api śambaramāyodbhāvitatvenāsanto²⁶⁸⁵ ḥpi santaḥ | santaḥ sthitāḥ bhavanti | aham iti evam | vacmi bravīmi ||

Note:

śrīvasiṣṭhaḥ anena nidarśanena śrīrāmasya bodhanaṃ karoti

yathā dāmādayo rāma sthitā māyāmayā iha /

asatyā eva satyābhā mṛgatṛṣṇāmbupūravat //

tathaiveme vayam api sasurāsuradānavāḥ /

asatyā eva valgāmo yāma āyāma eva ca //

Note:

māyāmayāḥ māyāsvarūpāḥ | iha asmin saṃsāre | dṛṣṭāntam uktvā dārṣṭāntikaṃ kathayati tathaiveme vayam iti | ime parasparam ālāpaṃ kurvantaḥ | yāmaḥ āyāmaḥ iti sarvāsāṃ kriyāṇām upalakṣaṇam | sarvaṃ kurma ity arthaḥ ||

Note:

nanu vayaṃ kathaṃ dāmādivad asadrūpā ity | atrāha

alīkam eva tvadbhāvo madbhāvo ḥlīkam eva ca /

anubhūto ḥpy asadrūpaḥ svapne svamaraṇaṃ yathā //

Note:

tvadbhāvaḥ rāmeti nāmnaḥ tava sattā | alīkam eva asatyam eva bhavati | madbhāvaḥ vasiṣṭheti nāmadheyasya mama sattā ca | alīkam eva bhavati | kathambhūtaḥ tvanmadbhāvaḥ | anubhūtaḥ api asmin samaye anubhūyamāno ḥpi | asadrūpaḥ | atra viśvāsotpādakaṃ dṛṣṭāntaṃ kathayati svapna iti | ayam bhāvaḥ | yathā puruṣaḥ svapne svamaraṇam asatyam eva paśyati | anyathā svapnadraṣṭur abhāvena kaḥ svamaraṇam paśyet | tathā tvadbhāvamadbhāvāv api āvām paśyāvaḥ | anyathā tvayi tvattāyām eva mayi mattāyām²⁶⁸⁶ eva niṣṭhitāyāṃ tvam mām prati tvam iti na paśyeḥ | svam praty aham iti tvayi tvattvasya mayi mattvasya niṣṭhitatvāt iti | anubhūta iti vartamāne niṣṭhāprayogaḥ ||

Note:

etad eva dṛṣṭāntāntareṇa²⁶⁸⁷ kathayati

mṛto bandhur yathā svapne ḥpy anubhūto ḥpy asanmayaḥ /

mṛto ḥyam iti ca jñaptir bhaved evam idaṃ jagat //

Note:

yathā mṛtaḥ bandhuḥ svapne anubhūtaḥ api asanmayaḥ asatya eva | bhavati | caḥ hetvarthe | ca yataḥ | mṛto ḥyam iti jñaptiḥ jāgratkālīnaḥ bodhaḥ yataḥ asti | evam anena prakāreṇa | anubhūtam api jagat asad bhavati | jñānināṃ nāstīty atadviṣayo bodho bhavati | ajñānāṃ tu suṣuptikālīnaḥ | anyathā nāsīd iti jāgratkālīnaparāmarśāsambhavād iti²⁶⁸⁸ bhāvaḥ ||

Note:

nanu tarhi sarveṣāṃ kathaṃ na²⁶⁸⁹ maduktānuguṇyenaiva bodho ḥstīty | atrāha

eṣā hi mūḍhaviṣayā noktir eva virājate /

abhyāsena vinodeti nānubhūter apahnavaḥ //

Note:

hi niścaye | mūḍhaviṣayā eva | na tu tajjñaviṣayā | eṣā uktiḥ taveti śeṣaḥ | tava na virājate na śobhate | tajjñatvād²⁶⁹⁰ iti bhāvaḥ | nanu tarhi tvanmadbhāvānubhūteḥ kiṃ karomīty²⁶⁹¹ | atrāha abhyāseneti | abhyāsena viruddhānubhavābhyāsena | vinā | anubhūteḥ pūrvasyāḥ anubhūteḥ | apahnavaḥ nodeti | ataḥ tvam api tvadbhāvasadbhāvāsatyatānubhavam eva kuru yena tvadbhāvasadbhāvānubhūtiḥ na syād iti²⁶⁹² bhāvaḥ ||

Note:

nanv abhyāsena vinā katham anubhūter apahnavaḥ na sampadyate ity | atrāha

niścayo²⁶⁹³ ḥntaḥ prarūḍho yaḥ sa yatnābhyasanaṃ vinā /

nāśam āyāti loke ḥsmin na kadācana kasyacit //

Note:

niścayaḥ anubhavaḥ | antar manasi | prarūḍhaḥ dṛḍhībhūtaḥ | svabhāva evāyam iti bhāvaḥ ||

Note:

nanu tarhi karuṇākrāntāḥ²⁶⁹⁴ tajjñāḥ sarveṣāṃ kathaṃ naitad evopadiśantīty²⁶⁹⁵ | atrāha

idaṃ jagad asad brahma satyam ity eva vakti yaḥ /

tam unmattam ivonmattā²⁶⁹⁶ vimūḍhā vihasanty alam //

Note:

idam puraḥ sphurat | jagat asat bhavati | brahma bāhyāntaḥkaraṇāviṣayaṃ²⁶⁹⁷ saccinmātrarūpam brahmākhyaṃ vastu | sat bhavati | iti evam | yaḥ vakti kathayati | tam tajjñam | unmattāḥ svārthāparijñānena unmattarūpāḥ | vimūḍhāḥ ajñāḥ | unmattam iva vihasanti | tadupadeśaśravaṇasya tu kā kathety | ato ḥsau na vaktīti bhāvaḥ ||

Note:

nanu kimarthaṃ te taṃ hasantīty | atrāha

akṣībakṣībayor aikyaṃ²⁶⁹⁸ kva kilehājñatajjñayoḥ /

āndhyaprakāśayor bodhe syāc chāyātapayor iva //

Note:

akṣībakṣībayoḥ svātmānandākhyamadhupānena tadapānena ca saṃsāram prati vismaraṇāvismaraṇaśīlayoḥ | tajjñājñayor bodhe anubhave | aikyam parasparasammatirūpam aikyam | kva syāt | na syād ity arthaḥ | na hi kṣībākṣībayor iha bodhe sammatiḥ dṛśyata iti bhāvaḥ | ataḥ ete hasantīty āśayaḥ | tayoḥ kayor iva | chāyātapayor iva | yathā āndhyaprakāśarūpayoḥ chāyātapayoḥ bodhe²⁶⁹⁹ padārthaprakaṭanākhye bodhe²⁷⁰⁰ | aikyaṃ nāsti | tathety arthaḥ ||

Note:

nanu kimarthaṃ tayoḥ bodhe aikyaṃ nāstīty | atrāha

yatnenāpy anubhūte ḥrthe satye kartum apahnavam /

tajjño ḥjñaś ca na śaknoti śava ākramaṇaṃ yathā //

Note:

anubhūte | ata eva satye satyatayā jñāte | arthe cinmātrākhye jagadākhye ca vastuni | tajjñaḥ ajñaḥ ca yatnenāpi apahnavaṃ kartuṃ na śaknoti | puraḥsphurattvāt | na hi puraḥ sphurat vastu kaścid apahnotuṃ śaknoti | ata eva tayoḥ bodhe aikyaṃ nāstīti bhāvaḥ | kaḥ yathā na śaknoti | śavo²⁷⁰¹ yathā | yathā śavaḥ ākramaṇam padārthākramaṇam | na śaknoti | tathety arthaḥ ||

Note:

nanu tarhi ajño ḥpy etad eva kathayatv ity | atrāha

brahma sarvaṃ jagad iti vaktuṃ tajjñasya yujyate /

yato ḥvidyānanubhave sa tad evānubhūtavān //

Note:

sarvaṃ jagad brahma bhavati | iti evam | vaktum tajjñasya cinmātrākhyabrahmasvarūpajñasya²⁷⁰² | yujyate | yataḥ sa eva tajjñaḥ eva | tat brahma | anubhūtavān dṛṣṭavān | kasmin sati | avidyāyāḥ ananubhave jagatpadārtharūpaiḥ bhāvābhāvaiḥ upalakṣitāyāḥ avidyāyāḥ adarśane sati ||

Note:

punar api etad eva kathayati

prabuddhaviṣaye hy eṣā rāma vāk pravirājate /

buddhasyāsmīti rūpeṇa kila nāsty eva kiñcana //

Note:

he rāma | eṣā vāk sarvam brahmeti vāk | prabuddhākhyo yaḥ viṣayaḥ yogyo deśaḥ | tatra pravirājate | arthāt abuddhaviṣaye na rājate iti jñeyam | nanu kathaṃ tatraiva rājate ity | atrāha buddhasyeti | yataḥ iti śeṣaḥ | yataḥ buddhasya kiñcana kiñcid api śarīrādikam | asmīti rūpeṇa nāsti asmīti jñānaviṣayaṃ nāsti | ayam bhāvaḥ | ajñaḥ deho ḥham iti niścitaḥ tadupayogīni vastūny api satyānīti jānāti | anyathā tadarthaṃ rātrindinam prayatnaparatvāyogāt | jñas tu dehābhimānābhāvāt tadupayogiṣu satyatāṃ na jānāti | anyathā tadviṣayāyā upekṣāyā ayogāt | iti tajjñasyaiva sarvam brahmeti vaktuṃ yuktaṃ nājñasyeti²⁷⁰³ ||

Note:

nanu tajjñasyāsyā anubhūteḥ kadācid apahnavo ḥsti na vety | atrāha

brahmaivedam paraṃ śāntam ity evānubhavan sudhīḥ /

apahnavaḥ svānubhūteḥ kartuṃ tasya na yujyate //

Note:

sudhīḥ jñaḥ | idam jagat | śāntam param brahmaiva bhavati | ity eva evam eva | anubhavan bhavati | ataḥ tasya jñasya | asyāḥ svānubhūteḥ apahnavaḥ kartuṃ na yujyate yukto na bhavati ||

Note:

nanu tarhi tvaṃ kathaṃ śrīvasiṣṭha iti nāmayogyo ḥsīty | atrāha

parasmād vyatirekeṇa nāham ātmani kiñcana /

hemanīvormikāditvaṃ na mayy asti vasiṣṭhatā²⁷⁰⁴ //

Note:

aham vasiṣṭhākhyaḥ aham | ātmani svasmin | parasmāt uttīrṇāt cinmātrāt | vyatirekeṇa nāsmi | tvaṃ tu yat paśyasi tat paśyeti bhāvaḥ | ato mayi vasiṣṭhatā²⁷⁰⁵ vasiṣṭheti nāmayogyatā | nāsti | kim iva | ūrmikāditvam iva | yathā ūrmikāditvaṃ hemani nāsti | tathety arthaḥ | ato ḥham api vasiṣṭho nāsmīti bhāvaḥ ||

Note:

nanu yadi tvaṃ svātmanīdṛśo ḥsi tarhi mūḍhaḥ kīdṛśo ḥstīty | atrāha

bhūtatvavyatirekeṇa mūḍho nātmani kiñcana /

ūrmyādibuddhau hemeva nājñe ḥsti paramārthatā //

Note:

mūḍhaḥ cinmātrasvarūpaparamātmajñānahīnaḥ | ātmani | bhūtatvavyatirekeṇa²⁷⁰⁶ dehabhāvād ṛte | kiñcana kiñcid api | nāsti | tajjñas tu taṃ yadrūpam paśyati tadrūpam paśyatv iti bhāvaḥ | yataḥ ajñe paramārthatā paramārthabhūtacinmātrabhāvaḥ | nāsti | sa hi svaṃ cinmātrarūpaṃ na paśyati | kim iva | hemeva | yathā ūrmyādibuddhau ūrmikādibuddhau sati | hema nāsti | tathety arthaḥ ||

Note:

saṅgṛhya kathayati

mithyāhantāmayo mūḍhaḥ satyaikātmamayaḥ sudhīḥ /

yujyate na kvacin nāma svabhāvāpahnavo ḥnayoḥ //

Note:

mūḍhaḥ ajñaḥ | mithyābhūtā yā ahantā dehaviṣayaḥ ahaṅkāraḥ | tanmayaḥ bhavati | sudhīḥ tajjñaḥ | satyaḥ satyabhūtaḥ | yaḥ ekātmā sarvavyāpakaḥ paramātmā | tanmayaḥ bhavati | nāma niścaye | anayoḥ mūḍhasudhiyoḥ | svabhāvasya mithyāhaṅkārākhyasya paramārthākhyasya ca svarūpasya | apahnavaḥ apalāpaḥ | kvacit na yujyate | na hi puraḥ sphurat svasvarūpaṃ kaścid apahnotuṃ śaknoti ||

Note:

etad eva sadṛṣṭāntam āha

yo yanmayas tasya tasmin yujyate ḥpahnavaḥ katham /

puruṣasya ghaṭo ḥsmīti vākyam unmattataiva²⁷⁰⁷ hi //

Note:

yaḥ puruṣaḥ | yanmayaḥ niścayadvāreṇa yatsvarūpaḥ syāt | tasya puruṣasya | tasmin svarūpe | apahnavaḥ katham syāt | hi yasmāt | puruṣasya ghaṭo²⁷⁰⁸ ḥsmīti vākyam unmattatā eva bhavati | ataḥ brahmātmatve niścitasya jñasya sthūladehātmatve niścitasyājñasya ca svānubhūter apahnavaḥ na yukta iti bhāvaḥ ||

Note:

prakṛtam phalitatvenānusmarati²⁷⁰⁹

tasmān neme vayaṃ satyā na ca dāmādayaḥ kvacit /

asatyās te vayaṃ ceme nāsti naḥ khalu sambhavaḥ //

Note:

yataḥ svapratītisiddham evāsmākaṃ dāmādīnāṃ ca svarūpaṃ tasmāt tato hetoḥ | ime vayaṃ satyāḥ na bhavāmaḥ | dāmādayaś ca satyāḥ na bhavanti | pratyuta te dāmādayaḥ | asatyāḥ bhavanti | ime vayaṃ cāsatyā bhavāmaḥ | yataḥ naḥ sthūlarūpāṇām asmākam | sambhavaḥ sattāyogyatā | nāsti | na hi pratītimātreṇāsad vastu sad bhavitum arhati | śaśaśṛṅgāder api sattvaprasaṅgād iti bhāvaḥ ||

Note:

nanu tarhi tajjñasyāpi cinmātrākhyaṃ svarūpam asmadādivat²⁷¹⁰ pratītisiddham evāstīti so ḥpi asad eva syād ity | atrāha

satyasaṃvedanaṃ śuddham bodhākāśaṃ nirañjanam /

satyaṃ sarvagataṃ śāntam asty anastamitodayam //

Note:

satyam yat saṃvedanam | tadrūpaṃ ghaṭādisaṃvedyādūṣitasaṃvedanarūpam iti yāvat | na hi ghaṭādisaṃvedyopahitasya saṃvedanasya satyatvaṃ yuktam | saṃvedyanāśena tasyāpi naṣṭakalpatvāt | nāpi saṃvedyasya²⁷¹¹ satyatvaṃ yuktam | pratītimātrasāratvāt | śuddham cetyākhyamalādūṣitam²⁷¹² | ata eva nirañjanam nirlepam | satyam sarvasāratvena sthitatvāt satyaṃ rūpaṃ | sarvagatam sākṣitayā sāratvena ca sthitatvāt sarvavyāpakam | śāntam svasvarūpe viśrāntam | anastamitodayam²⁷¹³ bodhākāśam cinmātrākāśam | asti paramārthataḥ sattām bhajati | ataḥ pratītimātrasiddhatvābhāvāt paramārthasati cinmātrasvarūpe svatayā niścitasya jñasya nāsatyatvam iti²⁷¹⁴ bhāvaḥ ||

Note:

cidātmānam eva punaḥ punaḥ viśinaṣṭi

sarvaṃ sat tac²⁷¹⁵ ca niḥśūnyaṃ nakiñcid iva saṃsthitam /

tatra vyomni vibhāntīmā nijā bhāso ḥṅga dṛṣṭayaḥ //

Note:

sat sarvopādanatvena sthitatvāt satsvarūpam | na hi asat upādānībhavitum arhati | ata eva niḥśūnyam śūnyetarasvarūpam | tathāpi nakiñcit iva sthitam bāhyāntaḥkaraṇāgocaratvāt śūnyavat tiṣṭhat | tat cinmātrākhyaṃ vastu | sarvam samastaṃ jagat | bhavati | atra hetutvenottarārdhaṃ kathayati tatreti | yata iti śeṣaḥ | yataḥ tatra vyomni cinmātrākāśe | imāḥ puraḥ sphurantyaḥ | dṛṣṭayaḥ jagadrūpāḥ pratītayaḥ | vibhānti sphuranti | dṛṣṭayaḥ kāḥ | nijāḥ bhāsaḥ nijāni kacakāni²⁷¹⁶ | na tu svavyatiriktā ity arthaḥ | sarvasaṃvitsākṣikeṇa svapnadṛṣṭānte etat svasiddham eveti nātrāyastam ||

Note:

etad eva sadṛṣṭāntaṃ kathayati²⁷¹⁷

yathā taimirikākṣasya sahajā eva dṛṣṭayaḥ /

keśoṇḍukādivad bhānti tathemās tatra sṛṣṭayaḥ //

Note:

yathā taimirikākṣasya timirarogopahatanetrasya puruṣasya | sahajāḥ eva | na tv āgantukāḥ | dṛṣṭayaḥ netraraśmayaḥ | keśoṇḍukādivat keśakūrcādivat | bhānti sphuranti | tathā tatra cinmātrākhya ākāśe²⁷¹⁸ | imāḥ sṛṣṭayaḥ bhānti | etā api cinmātraraśmirūpā eveti bhāvaḥ | ādiśabdena dvicandrādeḥ grahaṇam ||

Note:

nanu kena yatnena nijaraśmirūpaṃ²⁷¹⁹ jagad asau karotīty | atrāha

sa ātmānaṃ yathā vetti tathānubhavati kṣaṇāt /

cidākāśas tato ḥsatyam api satyaṃ tadīkṣaṇāt //

Note:

saḥ cidākāśaḥ | ātmānam svasvarūpam | yathā yena prakāreṇa yuktam | vetti jānāti | tathā tena prakāreṇa²⁷²⁰ yuktam | anubhavati sākṣāt paśyati | ataḥ asatyam api jagat | tadīkṣaṇāt cidākāśasya vīkṣaṇāt | satyam bhavati | svapnajagad iva svapnadraṣṭrā²⁷²¹ vīkṣaṇāt | ato yatnarahitam evāsau etat karotīti bhāvaḥ ||

Note:

phalitaṃ siddhāntaṃ kathayati

na satyam asti nāsatyam iha tasmāj jagattraye /

yad yathā vetti cidrūpaṃ tat tathodety asaṃśayam //

Note:

tasmāt tato hetoḥ | iha jagattraye kiñcit na satyam asti nāpi asatyam asti | cidrūpam cidātma | yat vastu | yathā vetti | tat tathā asaṃśayam udeti | svapnavad iti śeṣaḥ ||

Note:

anena phalitaṃ dāmādisāmyaṃ svasya kathayati

yathā dāmādayas tadvad eveme ḥbhyuditā vayam /

satyāsatyāḥ kim atrāṅga tān praty api vikalpanā //

Note:

ata iti śeṣaḥ | ataḥ yathā dāmādayaḥ satyāsatyāḥ bhāsamānatvena satyāḥ paramārthatas tv asatyāḥ | abhyuditāḥ prādurbhūtāḥ bhavanti | ime vayaṃ tadvad²⁷²² eva satyāsatyāḥ abhyuditāḥ bhavāmaḥ | tulyanyāyāt²⁷²³ iti bhāvaḥ | he aṅga | ataḥ atra ihaloke | tān praty api tān praty eva | vikalpanā satyatvakalpanā | kim asti | yadi svasatyaṃ kalpayasi tarhi tān api kurv iti bhāvaḥ ||

Note:

nanu kathaṃ dāmādīnām asmākaṃ²⁷²⁴ ca parasparaṃ sāmyam astīty | atrāha

asyānantasya cidvyomnaḥ²⁷²⁵ sarvagasya nirākṛteḥ²⁷²⁶ /

cid udeti yathā yāntas tathā sā tatra bhāty alam //

Note:

asyātmatvena sphurataḥ | anantasya antasākṣitvenāpi sthitatvād antarahitasya | sarvagasya sarvavyāpakasya | nirākṛteḥ paricchinnākārarahitasya | cidvyomnaḥ cidākāśasya | sambandhinī yā cit cidākhyaḥ spandaḥ | antaḥ svabhittau | yathā yena rūpeṇa | udeti sphurati | sā cit | tatra tasyāṃ cinmātrabhittau | tathā tena rūpeṇa | bhāti kacati | svapnavat iti śeṣaḥ ||

Note:

nanu tathāpi kim prakṛte āyātam ity | atrāha

yatra dāmādirūpeṇa saṃvit prakacate²⁷²⁷ svayam /

tathāsau tatra sampannā tathākārānubhūtitaḥ //

Note:

tathākārasya dāmādyākārasya yānubhūtiḥ | tataḥ ||

asmadādisvarūpeṇa saṃvid yatroditā svayam /

tathāsau tatra sampannā tathākārānubhūtitaḥ //

Note:

tathākārasyāsmadādyākārasya | yā anubhūtiḥ | tataḥ | tathā ca dāmādibhiḥ sahāsmākaṃ sāmyam eveti bhāvaḥ ||

svasvapnapratibhāsasya jagad ity abhidhā kṛtā /

cidvyomno vyomavapuṣas tāpasyeva mṛgāmbutā //

Note:

vyomavapuṣaḥ atyantaśuddhatvād vyomasvarūpasya | cidvyomnaḥ sambandhinaḥ | svaḥ yaḥ svapnapratibhāsaḥ | tasya jagad iti abhidhā jagad iti nāma | kṛtā | cidvyomneti bhāvaḥ | kā iva | mṛgāmbutā iva | yathā tāpasya mṛgāmbutāmbu iti nāma kriyate | tathety arthaḥ ||

Note:

nanu tarhi sarvaṃ cidvyoma jaganmayam eva kim astīty | atrāha

yatra prabuddhaṃ cidvyoma tatra dṛśyābhidhā kṛtā /

yatra suptaṃ tu tenaiva tatra mokṣābhidhā kṛtā //

Note:

cidvyoma yatra yasminn aṃśe | prabuddham jagadrūpasvaparāmarśayuktam | bhavati | tatra tenaiva cidvyomnaiva | dṛśyābhidhā kṛtā | yatra yasmin bhāge | suptam jagadrūpasvarūpāmarśarahitam | bhavati | tatra tenaiva mokṣābhidhā kṛtā | tathā ca na sarvaṃ cidvyoma jagatsamayevāstīti bhāvaḥ ||

Note:

nanu tarhi cidvyomnaḥ sāṃśatvam āgatam ity | atrāha

na ca tat kvacid āsuptaṃ na prabuddhaṃ kadācana /

cidvyoma kevalaṃ dṛśyaṃ jagad ity avagamyatām //

Note:

paramārthavicāre kriyamāṇe tat cidvyoma | kvacit kutrāpy aṃśe | kadācana jātu | āsuptaṃ na bhavati | prabuddhaṃ ca na bhavati | tatsākṣikayoḥ svāpaprabodhayoḥ tadvyatirekeṇa sattāyā ayogāt | na ca tad eva tasya viśeṣakam bhavati²⁷²⁸ | ghaṭasyāpi ghaṭaviśeṣakatvaprasaṅgāt²⁷²⁹ | ataḥ paramārthavicārayuktena tvayā dṛśyaṃ jagat kevalam svāpabodhādidharmarahitam | cidvyometi avagamyatām jñāyatām | proktanyāyena mokṣajagattvāpādakayoḥ cinmātrāśrayayoḥ svāpabodhayor asambhavāt ||

Note:

atyantarahasyatvāt punaḥ pūrvaślokapūrvārdhoktam evārthaṃ kathayati

nirvāṇam eva sargaśrīḥ sargaśrīr eva nirvṛtiḥ /

nānayoḥ śabdayor arthabhedaḥ paryāyayor iva //

Note:

nirvāṇam acetyacinmātram | nirvṛtiḥ nirvāṇam | yathā taraṅgajalayoḥ bhedo na yuktaḥ | tathā sarganirvāṇayor api bhedo na yukta iti bhāvaḥ ||

Note:

nanu tarhi jagad iti śabdajñānayoḥ kā gatir ity | atrāha

paramārthe jagad iti rūpaṃ vetti svayaṃ svakam /

yathā taimirikaṃ cakṣuḥ keśoṇḍukam ivekṣitam //

Note:

asau acetyacidātmā paramārthe²⁷³⁰ paramārthabhūte svasvarūpe | svayaṃ jagad iti rūpaṃ vetti | jagadrūpatām paśyatīti yāvat | kim iva | cakṣur iva | yathā taimirikam taimirikasambandhi cakṣuḥ svakam raśmirūpaṃ svātmānam | keśoṇḍukam iva vetti | tathety arthaḥ | svakaṃ kathambhūtam | īkṣitam svasmād bahiḥprasaraṇena dṛṣṭam | anyathā atīndriyatvahāneḥ | atīndriyaṃ hi indriyaṃ sarvair uktam ||

Note:

nanu tarhi keśoṇḍukavat bhāsamānatvāt jagat kiñcid asti | tat katham asya nirvāṇarūpatvam uktam ity | atrāha

na tat keśoṇḍukaṃ kiñcit²⁷³¹ sā hi dṛṣṭis tathā sthitā /

naivaṃ dṛśyam idaṃ kiñcid itthaṃ cidvyoma saṃsthitam //

Note:

tat bhāsamānam | keśoṇḍukaṃ kiñcid api na bhavati | hi yasmāt | sā dṛṣṭiḥ taimirikadṛṣṭiḥ²⁷³² | tathā keśoṇḍukarūpeṇa | sthitā bhavati | yataḥ sahasraśaḥ anviṣyamāṇam api keśoṇḍukaṃ hastagrāhyaṃ na bhavati | na cānyat tatra tadadhiṣṭhānatvayogyaṃ vastv asti | ato jñāyate dṛṣṭir eva tathātvena bhāsate iti²⁷³³ bhāvaḥ | proktaṃ nyāyam prakṛte ḥpi saṅghaṭayati naivam iti | evam idam jagat | kiñcit na bhavati | cidvyoma cidākāśam | ittham jagadrūpeṇa | saṃsthitam bhavati | svapne hi cidvyomnaḥ jagadrūpeṇa saṃsthitir dṛṣṭā | ato na virodha iti bhāvaḥ ||

Note:

siddhāntaṃ kathayati

sarvatra sarvam idam asti yathānubhūtaṃ
no kiñcana kvacid ihāsti ca nānubhūtam /

śāntaṃ sad ekam idam ātatam ittham āste
santyaktaśaṅkam apabhedam atas tvam āssva²⁷³⁴ //

Note:

yathānubhūtam evam eva nānātvenānubhūtam | idam sarvam sarvatrāsti | bhāsamānatvāt | nānubhūtam anubhavaviṣayatām agataṃ sat | kvacit kutracid api deśe | kiñcit leśenāpi | no asti | abhāsamānatvāt | anubhūtatvam ananubhūtatvaṃ ca jagataḥ jāgradādau suṣuptādau ca sarveṣāṃ svapratītisākṣikam eveti²⁷³⁵ | nātrāyāso²⁷³⁶ yuktaḥ | nanu tarhi sarvadā sat kim astīty | atrāha śāntam iti | śāntam anubhavitṛtvena sthitatvāt anubhūtatvānanubhūtatvākhyavikārarahitam²⁷³⁷ | ekam advitīyam | ātatam samantāt vyāpakam | idam ātmatvena puraḥ sphurat | ittham anubhūtatvānanubhūtatvavikāragrastajagadrūpatvena sphurad iti śeṣaḥ | sat sanmātrākhyaṃ vastu | āste²⁷³⁸ sarvadā tiṣṭhati | ananubhūtatvāvasthāyām api svānanubhūtyanubhavitṛtvena²⁷³⁹ sthitatvāt | phalitaṃ kathayati santyakteti | ataḥ tvam santyaktaśaṅkam jagatsatyatvaśaṅkārahitam | abhedam²⁷⁴⁰ bhedabuddhirahitam | āssva tiṣṭha ||

Note:

sargāntaślokenāpy etad²⁷⁴¹ eva kathayati

śilodarākāraghanam praśāntam
mahācito rūpam idaṃ kham accham²⁷⁴² /

naivāsti nāstīti dṛśau kvacit sto
yac²⁷⁴³ cāsti tat sādhu tad eva bhāti //

Note:

idam accham kham nakiñcidrūpatvāt nirmalaṃ jagadākhyam ākāśam | mahācitaḥ rūpam svarūpam | bhavati | mahācitaḥ rūpaṃ kathambhūtam | śilodarasya yaḥ ākāraḥ | tadvad ghanam | cidghanam ity arthaḥ | ata eva praśāntam cetyākhyakṣobharahitam²⁷⁴⁴ | svapnajagataḥ sphuṭaṃ cinmātrarūpatvadarśanād iti bhāvaḥ | nanu tarhi bhāvābhāvabuddhiḥ katham astīty | atrāha naivāstīti | asti nāstīti dṛśau bhāvābhāvabuddhī | kvacit naiva staḥ | ābhāsamātrarūpatvād ity arthaḥ | nanu tathāpi²⁷⁴⁵ katham bhāsamānayoḥ bhāvābhāvayoḥ apahnavaḥ kartuṃ śakyata ity | atrāha yac cāstīti²⁷⁴⁶ | yac ca bhāvābhāvarūpaṃ kiñcit tvaddṛṣṭyā asti | tat sādhu samyak | tad eva mahācidrūpam eva | asti | tad vinā sākṣirahitasya tasyāsatkalpatvāt²⁷⁴⁷ | tatpratītisiddhatve tu svapnapadārthavat tattvānapāyāc²⁷⁴⁸ ceti śivam ||

MT_4.31

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇa ekatriṃśaḥ sargaḥ²⁷⁴⁹ ||

Note:

oṃ | śrīrāmaḥ pṛcchati

satām apy asatām eva bālayakṣapiśācavat²⁷⁵⁰ /

dāmavyālakaṭādīnāṃ duḥkhasyāntaḥ katham bhavet //

Note:

duḥkhasya nānāyonibhramaṇarūpasya ||

Note:

śrīvasiṣṭha uttaraṃ kathayati

dāmavyālakaṭārthaṃ tais tadaiva yamakiṅkaraiḥ /

prārthitena yamenoktam idaṃ śṛṇu raghūdvaha //

Note:

spaṣṭam ||

Note:

yamavākyaṃ kathayati

yadā viyogam eṣyanti śroṣyanti ca nijāṃ kathām /

dāmādayas tadā muktā bhaviṣyantīty asaṃśayam //

Note:

itiśabdaḥ yamavākyasamāptau ||

Note:

atra śrīrāmaḥ pṛcchati

svavṛttāntam imaṃ kutra kadā kathaya te katham /

śroṣyanti bhagavan kena varṇyamānaṃ yathākramam //

Note:

he bhagavan | tvaṃ yathākramaṃ kathaya | te dāmādayaḥ | imaṃ svavṛttāntaṃ kutra deśe | kadā kāle | kena varṇyamāṇam | katham kena prakāreṇa | śroṣyanti ||

Note:

śrīvasiṣṭha uttaraṃ kathayati

kaśmīreṣu mahāpadmasarasītīrapalvale²⁷⁵¹ /

bhūyo bhūyo ḥnubhūyaite matsyayoniparamparām²⁷⁵² //

ālānitāśayā lolāḥ kālena layam āgatāḥ /

tatraiva padmasarasi te bhaviṣyanti sārasāḥ //

Note:

ālānitāśayāḥ baddhamanasaḥ ||

tatra kalhāramālāsu sarojapaṭalīṣu ca /

śevālavaravallīṣu taraṅgavalanāsu ca //

lalatkumudadolāsu nīlotpalalatāsu ca /

śīkaraughābhralekhāsu śītalāvartavṛttiṣu //

saraḥsārasasambhogān bhuktvā bhuvanabhūṣaṇāḥ /

vihṛtya suciraṃ kālam alam āgataśuddhayaḥ //

te viyuktā bhaviṣyanti muktaye labdhayuktayaḥ /

rajaḥsattvatamāṃsīva bhedaprāptyā yadṛcchayā //

Note:

taraṅgarūpāḥ yāḥ valanāḥ dolāviśeṣāḥ | tāsu | saraḥsārasānāṃ sambhogāḥ | tān | sārasocitān bhogān ity arthaḥ | āgataśuddhayaḥ prāptakāṣāyapākāḥ | ata eva bhuvanabhūṣaṇāḥ ārṣam puṃstvam | labdhā yuktiḥ viyogarūpā yuktiḥ yaiḥ | te | tādṛśāḥ | yadṛcchayā na tu prayatnena | te kānīva | rajaḥsattvatamāṃsīva | yathā tāni yadṛcchayā siddhayā | bhedaprāptyā viyuktāni bhaviṣyanti | tathety arthaḥ ||

kaśmīramaṇḍalasyāntar nagaraṃ nagaśobhitam /

nāmnādhiṣṭhānam²⁷⁵³ ity etac chrīmat tatra bhaviṣyati //

Note:

spaṣṭam ||

pradyumnaśikharaṃ²⁷⁵⁴ nāma tasya madhye bhaviṣyati /

śṛṅgaṃ laghu sarojasya kośacakram ivodare //

Note:

kośacakram karṇikā ||

tasya mūrdhni girer gehaṃ²⁷⁵⁵ ko ḥpi rājā kariṣyati /

abhraṅkaṣamahāsālaṃ śṛṅge śṛṅgam ivāparam //

Note:

spaṣṭam ||

gṛhasyeśānakoṇādriśirobhittivraṇodare /

tasyāniśam aviśrāntavātoddhūtatṛṇāṅkite //

ālaye dānavo²⁷⁵⁶ vyālaḥ kalaviṅko bhaviṣyati /

prathamālpaśrutacchāttra ivārtharahitāraṭiḥ //

Note:

kalaviṅkaḥ kathambhūtaḥ | artharahitam āraṭati kūjatīti artharahitāraṭiḥ | ka iva | prathamam alpaśrutaḥ chāttraḥ prathamālpaśrutacchāttraḥ | sa iva | alpaśrutaḥ chāttro hi artharahitam eva raṭati | tataḥ kālena tu sārtham api raṭatīti prathamagrahaṇam ||

tasminn eva tadā kāle tatra rājā bhaviṣyati /

śrīyaśaskaradevākhyaḥ²⁷⁵⁷ śakraḥ svarga ivāparaḥ //

Note:

spaṣṭam ||

dānavo dāmanāmā tu maṣakas tasya sadmani /

bhaviṣyati bṛhatstambhapṛṣṭhacchidre²⁷⁵⁸ mṛdudhvaniḥ //

Note:

spaṣṭam ||

Note:

kaṭāvasthām prastauti²⁷⁵⁹

adhiṣṭhānābhidhe tasminn evogranagare tadā /

ratnāvalīvihārākhyo²⁷⁶⁰ vihāro ḥpi bhaviṣyati //

Note:

vihāraḥ krīḍāpradeśaḥ ||

tasmiṃs tadbhūmipāmātyo narasiṃha iti śrutaḥ /

karāmalakavad dṛṣṭabandhamokṣo bhaviṣyati //

Note:

tasmin tatra vihāre | tasya bhūmipasyāmātyaḥ tadbhūmipāmātyaḥ ||

bhaviṣyati gṛhe tasya krīḍanakrakaraḥ khagaḥ /

kaṭo māyāsuro nāma kṛtahiñjīrapañjaraḥ //

Note:

kṛtaḥ hiñjīrapañjaraḥ lohapañjaraḥ yasya | tādṛśaḥ ||

sa nṛsiṃho nṛpāmātyaḥ²⁷⁶¹ ślokair viracitām imām /

dāmavyālakaṭādīnāṃ kathayiṣyati saṅkathām //

Note:

nṛsiṃhaḥ narasiṃhaḥ | dāmavyālakaṭādīnām sambandhinīṃ kathām | ādiśabdena śambarādīnāṃ grahaṇam ||

sa kaṭaḥ krakaraḥ śrutvā tāṃ kathāṃ saṃsmṛtātmabhūḥ /

śāntamithyāhamaṃśo²⁷⁶² ḥntaḥ paraṃ nirvāṇam eṣyati //

Note:

krakaraḥ pakṣaviśeṣarūpaḥ | sa kaṭaḥ tām svasambandhinīṃ kathāṃ śrutvā | saṃsmṛtā ātmabhūḥ svotpattiḥ yena | tādṛśaḥ | ata eva śāntaḥ mithyārūpaḥ ahamaṃśaḥ yasya | tādṛśaḥ san | param utkṛṣṭam | nirvāṇam brahmaṇy ātyantikaṃ layam | eṣyati gamiṣyati ||

pradyumnaśikharaprāntavāstavyaḥ kalaviṅkakaḥ /

tathaiva svakathāṃ śrutvā paraṃ nirvāṇam eṣyati //

Note:

tathaiva kaṭavat eva ||

rājamandiradārvantar vraṇavāstavyatāṃ gataḥ /

maṣako ḥpi prasaṅgena śrutvā śāntim upaiṣyati //

Note:

prasaṅgena kathāprasaṅgena ||

Note:

saṅgṛhya kathayati

pradyumnaśṛṅgāc²⁷⁶³ caṭako maṣako rājamandirāt /

vihārāt krakaraś ceti mokṣam eṣyanti rāghava //

Note:

spaṣṭam ||

Note:

upasaṃhāraṃ karoti

eṣa te kathitaḥ sarvo²⁷⁶⁴ dāmavyālakaṭakramaḥ /

māyeyam eva sāṃsārī²⁷⁶⁵ śūnyaivātyantabhāsurā //

bhramayaty²⁷⁶⁶ aparijñātā mṛgatṛṣṇāmbudhīr iva /

saṃśāmyati parijñātā mṛgatṛṣṇāmbudhīr iva //

Note:

evam dāmādivat | aparijñātā kiṃrūpeyam ity avicāritā ||

mahato ḥpi padād evaṃ rāmājñānavaśād adhaḥ /

patanti mohitā mūḍhā dāmavyālakaṭā iva //

Note:

evam dāmādivat ||

Note:

padād adhaḥpātam eva kathayati

kva bhrūkṣepaviniṣpiṣṭamerumandarasahyatā /

kva rājagṛhadārvantar²⁷⁶⁷ vraṇe maṣakarūpatā //

Note:

spaṣṭam ||

kva capeṭacchaṭāmātrapātitārkendubimbatā /

kva pradyumnagirau gehe²⁷⁶⁸ bhittivraṇavihaṅgatā //

Note:

spaṣṭam ||

kva puṣpalīlayālolakaratolitamerutā /

kvārṣyaśṛṅge²⁷⁶⁹ nṛsiṃhasya gṛhe krakarapotatā //

Note:

arṣyaśṛṅge²⁷⁷⁰ pradyumnaśṛṅge ||

Note:

nanu katham āpatataḥ satyabhūtasyādhaḥpātasya nivṛttiḥ śakyakriyety | atrāha²⁷⁷¹

cidākāśo hi mithyaiva rajasārañjitaprabhaḥ /

svarūpam atyajann eva virūpam iva budhyate²⁷⁷² //

Note:

hi yasmāt | cidākāśaḥ mithyā rajasā rajoguṇākhyadūlyā | ārañjitaprabhaḥ rūṣitaprakāśaḥ | svarūpam cittvākhyaṃ svarūpam | atyajann eva | virūpam iva | bhāvapradhāne nirdeśaḥ | virūpatvam iva | svarūpaviruddhaṃ jaḍatvam iva | budhyate²⁷⁷³ anubhavati | paramārthatas tu na budhyate²⁷⁷⁴ itīvaśabdopādānam | ataḥ rajjusarpāpātavat virūpatvāparaparyāyādhaḥcyutyāpātaḥ na durvāra iti bhāvaḥ ||

Note:

punar apy etad eva kathayati

svayaiva vāsanābhrāntyā satyayevāpy²⁷⁷⁵ asatyayā /

mṛgatṛṣṇāmbubuddhyeva yāti jantur avāntaram //

Note:

jantuḥ cidekasāraḥ dehābhimānī jīvaḥ | svayā svāvyatiriktayā | vāsanābhrāntyā śarīre ātmatvavāsanārūpeṇa bhrameṇa | avāntaram viśrāntipradeśād bhinnaṃ śarīrāhambhāvākhyam avāntaram pradeśaṃ | yāti | kathambhūtayā | paramārthataḥ asatyayāpi bhāsamānatvāt satyayā | ayam bhāvaḥ | yathā puruṣaḥ kañcid deśaṃ gantukāmaḥ taddeśavāsanākṛtayā bhrāntyāvāntarapradeśān yāti | tathā jīvaḥ citsvarūpaṃ svātmānaṃ gantukāmaḥ tadvāsanākṛtayā bhrāntyā deharūpe ātmani tiṣṭhatīti | ataḥ vāsanākṛta evādhaḥpāto ḥstīti | vāsanayā kayeva | mṛgatṛṣṇāmbubuddhyā iva | yathā mṛgaḥ viśrāntisthānabhūtaṃ jaladeśaṃ gantukāmaḥ mṛgatṛṣṇāmbubuddhyā marudeśe tiṣṭhati | tathety arthaḥ ||

Note:

nanu kenopāyenādhaḥpāto nivartate ity | atrāha

taranti te bhavāmbhodhiṃ svapravāhadhiyaiva ye /

śāstreṇāsad idaṃ dṛśyam iti nirvāsanaṃ²⁷⁷⁶ sthitāḥ //

Note:

te puruṣāḥ | svapravāhabuddhyā eva svapravāhena sthitāḥ | na tu gurvādipreritā yā buddhiḥ | tayā eva | bhavāmbhodhim taranti te | ke ye | śāstreṇopāyabhūtenādhyātmaśāstreṇa iti | nirvāsanam dṛśyasaṃskārarahitam | sthitā iti | kim iti | idam anubhūyamānam²⁷⁷⁷ | dṛśyam | asat sattārahitam | bhavati | pratītimātrasāratvāt ity arthaḥ | ataḥ śāstrasyaivātra mukhyam upāyatvam iti²⁷⁷⁸ bhāvaḥ ||

Note:

śuṣkatarkāṇām etadupāyatvaṃ nirvārayati

tārārāvavikārīṇi śuṣkatarkamatāni ye /

yānti śvabhrajalāny²⁷⁷⁹ āśu nāśubhaṃ nāśayanti te //

Note:

ye puruṣāḥ | tāraḥ udbhaṭaḥ | yaḥ ārāvaḥ kathanam | sa eva vikāraḥ | tadyuktāni tārārāvavikārīṇi | śuṣkāḥ paramātmatattvanirṇayākhyarasarāhityena mukhaśoṣakārighaṭapaṭādinirṇayākhyapāruṣyeṇa ca śuṣkatulyāḥ | ye tarkāḥ tarkābhāsāḥ | tadyuktāni matāni śuṣkatarkamatāni | yānti | tāny evopāyatvenāśrayam | te²⁷⁸⁰ puruṣāḥ | aśubham saṃsārākhyam anartham | na nāśayanti | api tu nānāvikalpagrastatvād vardhayanty eveti bhāvaḥ | śuṣkatarkamatāni kāni | śvabhrajalāni²⁷⁸¹ śvabhrajalatulyānīti yāvat | śvabhrajalāny api tārārāvavikārīṇi śuṣkāni duṣprāpatvāt malānāśakāni ca bhavanti ||

Note:

nanu tarhi keṣām aśubhanāśaḥ sampadyata ity | atrāha

svānubhūtiprasiddhena mārgeṇāgamagāminā /

na vināśo bhavaty aṅga gacchatām patatām iva //

Note:

he aṅga | svā nijā | yā anubhūtiḥ anubhavaḥ | tena prasiddhena svānubhavasiddheneti yāvat | tathā āgamam sacchāstram | anugacchatīti tādṛśena mārgeṇa gacchatām vināśaḥ aśubhanāśarūpaḥ²⁷⁸² vināśaḥ | na bhavati | teṣām aśubhaṃ na²⁷⁸³ naśyatīty arthaḥ | teṣāṃ keṣām iva | patatām iva | yathā patatām kumārgaluṭhitānām | vināśo bhavati | tathaiṣāṃ na bhavatīti vyatirekadṛṣṭāntaḥ | svamataviruddhanivartanāya svānubhūtiprasiddhenety uktam [...]*²⁷⁸⁴ ||

Note:

nanu yadi tarkamatāśrayaṇenānarthaprāptiḥ syāt tarhi tadapekṣayā sāṃsāriko vyavahāra²⁷⁸⁵ eva śreyān ity | atrāha

idam me syād idam me syād iti buddhimatām matiḥ /

svena daurbhāgyadainyena na bhasmāpy upatiṣṭhate //

Note:

idam vastu | me mama | syāt bhavatu | idam me syād iti evam | buddhimatām buddhiyuktānām | matiḥ buddhiḥ | svena daurbhāgyadainyena nijena mamatākhyadāridryakṛtena dīnatvena | bhasmāpi nopatiṣṭhate na prāpnoti | anekārthatvāt dhātūnām upapūrvaḥ²⁷⁸⁶ tiṣṭhatir atra prāptyarthe vartate | āśāmayasya sāṃsārikavyavahārasyātmaprāptyupāyatve nāmāpi grahītuṃ na yogyam iti²⁷⁸⁷ | kā kathā śuṣkatarkāt śraiṣṭhyasyeti bhāvaḥ ||

Note:

proktasāṃsārikavyavahārarahitasya śubhaprāptiṃ kathayati

vetti nityam udārātmā trailokyam api yas tṛṇam /

taṃ tyajanty āpadaḥ sarvā rasateva jarattṛṇam //

Note:

yaḥ udārātmā mamatākhyadāridryarahitaḥ | nityam na tu abhimatavastuprāptikāla²⁷⁸⁸ eva | trailokyam api tṛṇaṃ vetti | tam puruṣam | sarvāḥ āpadaḥ tyajanti | atṛpter evāpacchabdapravṛttinimittatvāt | āpadaḥ kā iva | rasatā iva | pādapūraṇārtho bhāvapratyayaḥ | rasaḥ iva | yathā rasaḥ jarattṛṇaṃ tyajati | tathety arthaḥ ||

Note:

nanu sarvaṃ tyajataḥ kathaṃ śarīrayātrā sidhyatīty²⁷⁸⁹ | atrāha

parisphurati yasyāntar nityaṃ sattvacamatkṛtiḥ /

brāhmam aṇḍam ivākhaṇḍaṃ lokeśāḥ pālayanti tam //

Note:

yasya puruṣasya | sattvacamatkṛtiḥ | sattvasya sarvatyāgarūpasya dhairyasya | camatkṛtiḥ camatkāraḥ | antaḥ manasi | sphurati | na tu dambhālasyādinā vacanamātre eva sphurati | taṃ lokeśāḥ akhaṇḍam samyak | pālayanti | kim iva | brahmāṇḍam iva | atyantanirlobhasya kāryam brahmāṇḍakāryam iva svayam eva sampadyata iti bhāvaḥ ||

Note:

nanu yadi kadācit tasya durantā vipat syāt tadā kiṃ kāryam ity | atrāha

apy āpadi durantāyāṃ naiva rantavyam akrame /

rāhur apy akrameṇaiva pibann apy amṛtam mṛtaḥ //

Note:

durantāyām api antarahitāyām²⁷⁹⁰ | bahvyām apīti yāvat | āpadi vicārayuktena puruṣeṇa | akrame śāstrādiviruddhe krame | na rantavyam na laganīyam | arthāt svapravāhāgate krame rantavyam iti jñeyam [...]*²⁷⁹¹ | ataḥ krama eva kārya iti bhāvaḥ ||

Note:

kramapradarśakaṃ sacchāstrādikam²⁷⁹² praśaṃsati

sacchāstrasādhusamparkam arkam ugraprakāśadam /

ye śrayanti na te yānti mohāndhyasya punar vaśam //

Note:

mohāndhyasyākramarūpasyety arthaḥ ||

Note:

sacchāstrādisevanād utpannān maitryādiguṇān praśaṃsati

avaśyā vaśyam āyānti yānti sarvāpadaḥ²⁷⁹³ kṣayam /

avaśyam bhavati śreyaḥ kreyaṃ yasya guṇair yaśaḥ //

Note:

avaśyāḥ śatravaḥ | śreyaḥ mokṣākhyam paramakalyāṇam | kreyam grāhyam | utpādyam iti yāvat | guṇaiḥ sacchāstrādisevanotpāditaiḥ maitryādiguṇaiḥ | tasmāt yaśaütpādakān guṇān evāśrayed iti bhāvaḥ ||

Note:

guṇalubdhatvam praśaṃsati

yeṣāṃ guṇeṣv asantoṣo rāgo yeṣāṃ śrutam prati /

satye vyasanino ye ca te narāḥ paśavo ḥpare //

Note:

asantoṣaḥ²⁷⁹⁴ apūrṇatā | śrutam adhyātmaśāstram | apare etebhyaḥ vyatiriktāḥ ||

Note:

guṇotpāditaṃ yaśaḥ praśaṃsati

yaśaścandrikayā yeṣām bhāsitaṃ janahṛnnabhaḥ /

teṣāṃ kṣīrasamudrāṇāṃ nūnam mūrtau sthito hariḥ //

Note:

yeṣām puruṣāṇām | sambandhinyā yaśaścandrikayā maitryādiguṇotpāditayā yaśaścandrikayā | janahṛnnabhaḥ janahṛdayaḥ ākāśaḥ²⁷⁹⁵ | bhāsitam | teṣāṃ kṣīrasamudrāṇām candrikotpādakatvasāmyāt kṣīrasamudratulyānām | nūnam niścayena | mūrtau hariḥ śrīnārāyaṇaḥ | sthitaḥ bhavati | teṣām manasi bhagavān satatam eva sphuratīti bhāvaḥ | yuktaṃ ca kṣīrasamudramūrtau śrīharyavasthānam ||

bhuktam bhoktavyam akhilaṃ dṛṣṭā draṣṭavyadṛṣṭayaḥ /

kim anyad bhavabhaṅgāya bhūyo bhogeṣv alubdhatā //

Note:

yuṣmābhiḥ akhilam bhoktavyam bhuktam²⁷⁹⁶ | kiñcidbhogadvāreṇa tatsamānayogakṣemāḥ sarve bhogā bhuktā ity arthaḥ | draṣṭavyāḥ darśanīyāḥ | dṛṣṭayaḥ dṛṣṭāḥ | atrāpi pūrvavat eva yojyam | bhūyaḥ punaḥ | anyat itarat bhoktavyaṃ draṣṭavyaṃ vā | kim asti | kiñcid api nāstīty arthaḥ | ataḥ bhavabhaṅgāya saṃsāranāśāya | alubdhatā lobharāhityam | dhāryatām iti śeṣaḥ ||

yathākramaṃ yathāśāstraṃ yathācāraṃ yathāsthiti /

sthīyatām mucyatām antar bhogagārdhyam avāstavam //

Note:

yathācāram svācārasadṛśam | na tv ācārāntaraniṣṭhatayā | tattve hi ayuktaṃ²⁷⁹⁷ kāritvaṃ syāt | yathāsthiti | na tu gṛhasthaḥ san vanasthatayā vanastho vā san gṛhasthatayety arthaḥ | antaḥ manasi | bhogagārdhyam bhogeṣu gardhaḥ lobhaḥ yasya | saḥ bhogagardhaḥ | tasya bhāvaḥ | tat ||

saṃstavaḥ kriyatāṃ kīrtyā guṇair gaganagāmibhiḥ /

trāyante mṛtyunopetaṃ na kadācana bhogakāḥ //

Note:

yuṣmābhiḥ | gaganagāmibhiḥ guṇaiḥ maitryādiguṇaiḥ | utpannayā²⁷⁹⁸ kīrtyā saha | saṃstavaḥ paricayaḥ | kriyatām | nanu bhogaiḥ saha saṃstavaṃ tyaktvā kīrtyā saha kimarthaṃ kurma ity | atrāha trāyanta iti | ye tādṛśyām maraṇāvasthāyāṃ nopayujyante kiṃ taiḥ saha saṃstaveneti bhāvaḥ ||

Note:

guṇotpāditayaśoyuktān praśaṃsati

gāyanti siddhasundaryo yeṣām indusitaṃ yaśaḥ /

gītibhir gaganābhoge te jīvanti mṛtāḥ pare //

Note:

pare proktayaśorahitāḥ ||

Note:

nanu yadi proktaguṇārjanenāpi na kiñcit setsyati tadā kiṃ kāryam ity | atrāha

paramam pauruṣaṃ yatnam āsthāyādāya sūdyamam /

yathāśāstram anudvegam²⁷⁹⁹ ācārāt ko na siddhibhāk //

Note:

ācārāt guṇārjanarūpāt ācārāt ||

Note:

nanu yadā kadācin mayā guṇārjane yatnaḥ kṛta eva kiṃ tena sampannam ity | atrāha

yathāśāstraṃ viharatā²⁸⁰⁰ tvarā kāryā na siddhiṣu /

cirakālaparāpakvā siddhiḥ puṣṭaphalā bhavet //

Note:

spaṣṭam ||

Note:

phalitaṃ kathayati

vītaśokabhayāyāsam agardham apayantraṇam /

vyavahāro yathāśāstraṃ kriyatām mā vinaśyatām //

Note:

agardham lobharahitam | apayantraṇam bandhanarahitam ||

jīvo jīrṇāndhakūpeṣu bhaveṣv antardhim āgataḥ /

bhavatām bhūribhaṅgānām adhunoddhriyatām ataḥ //

Note:

bhūribhaṅgānām bahunāśayuktānām | bhavatām | jīvaḥ jīrṇāndhakūpeṣu duḥkhadatvena jīrṇāndhakūparūpeṣu²⁸⁰¹ | bhaveṣu | antardhim gataḥ | kṣīṇa²⁸⁰² iti yāvat | bhavati | ataḥ yuṣmābhiḥ adhunā saḥ jīvaḥ uddhriyatām | andhakūpamagnasya hi uddharaṇam avaśyam eva kāryam iti bhāvaḥ ||

itaḥ prabhṛti mā bhūyo gamyatām adharād adhaḥ /

idaṃ nirdhāryatāṃ²⁸⁰³ śāstram astram āpannivāraṇe //

Note:

yuṣmābhiḥ²⁸⁰⁴ | itaḥ prabhṛti asmān madupadeśāt prabhṛti | bhūyaḥ punaḥ | adharād adhaḥsthānād | adhaḥ mā gamyatām | yuṣmābhiḥ | idam maduktam | etac chāstram | nirdhāryatām niścīyatām | idam kim | āpannivāraṇe astram astrabhūtam āpannivārakam ity²⁸⁰⁵ arthaḥ ||

raṇe rabhasanirlūnavāraṇe prāṇam ujjhatām /

kim arthamātrayā kāryam āryāḥ śāstram²⁸⁰⁶ avekṣyatām //

Note:

arthamātrayā dhanaleśena²⁸⁰⁷ arthamātrārtham | raṇādikāryaṃ tyaktvā idam eva śāstram avekṣyatām iti piṇḍārthaḥ ||

idam bimbam idaṃ nimbam iti matyā vicāryatām /

svayā parapreraṇayā yāta mā paśavo yathā //

Note:

idam bimbam bimbaphalam bhavati | idaṃ nimbam nimbaphalam bhavati | iti evam | svayā matyā buddhyā | vicāryatām | parapreraṇayā mā yāta mā gacchata | ke yathā | paśavo yathā | yathā²⁸⁰⁸ paśavaḥ parapreraṇayā yānti tathā yūyam mā yātety arthaḥ ||

daurbhāgyadāyinī dīnā śubhahīnāvicāraṇā /

ghanadīrghamahānidrā tyajyatāṃ samprabudhyatām //

Note:

yuṣmābhiḥ²⁸⁰⁹ | avicāraṇā avicārākhyā ghanadīrghā cāsau mahānidrā | sā tyajyatām | kathambhūtā sā | daurbhāgyadāyinī āśārūpadāridryadāyinī | tāṃ tyaktvā samprabudhyatām | yuktaś ca nidrātyāgānantaram prabodhaḥ ||

suptaiḥ mā sthīyatāṃ vṛddhamandakacchapavac chanaiḥ /

utthānam aṅgīkriyatāṃ jarāmaraṇaśāntaye //

Note:

yuṣmābhiḥ | vṛddhamandakacchapavat suptaiḥ svātmavicāre vimukhaiḥ | mā sthīyatām | vṛddhamandakacchapo hi suptaḥ tiṣṭhati²⁸¹⁰ | śanaiḥ krameṇa | jarāmaraṇaśāntaye mokṣāya | utthānam udyogaḥ | aṅgīkriyatām nirvāṇamukhyopāyabhūtaṃ sacchāstravicārādi kriyatām ity arthaḥ ||

Note:

nanu sukhasādhanadhanādyarjanam apahāya kimartham²⁸¹¹ anyat kurma ity | atrāha

anarthāyārthasampattir bhogaugho bhavarogadaḥ /

āpade²⁸¹² sampadaḥ sarvāḥ sarvatrānādaro jayaḥ //

Note:

arthasampattiḥ anarthāya duḥkhāya bhavati | arjanādau kleśahetutvāt | bhogaughaḥ bhavarogadaḥ bhavati | rāgādyutpādakatvāt | sampadaḥ śriyaḥ | āpade bhavanti | tāpakāridarpādidoṣotpādakatvāt | sarvatra samaste dhanādau bhāvajāte | anādaraḥ tyāgādānavyatiriktasvarūpā upekṣā | jayaḥ bhavati ||

lokatantrānusāreṇa vicārād vyavahāriṇām /

śāstrācārāviruddhena²⁸¹³ karmaṇā śarma sidhyati //

Note:

lokatantrānusāreṇa²⁸¹⁴ lokācārānusāreṇa | vicārāt iti lyaplope pañcamī | tena vicāraṃ kṛtvety arthaḥ ||

Note:

sargāntaślokenāpy etad eva kathayati

svācāracārucaritasya viviktavṛtteḥ
saṃsāraduḥkhalavasaukhyadaśāsv agṛdhnoḥ /

āyur yaśāṃsi ca guṇāś ca sahaiva lakṣmyā
phullanti mādhavalatā iva satphalāya //

Note:

svācāreṇa śobhanācāreṇa | cārucaritam yasya | saḥ | tādṛśasya | viviktā viśiṣṭā | vṛttiḥ vyāpāro²⁸¹⁵ yasya | saḥ | tādṛśasya | tathā duḥkhalavarūpāḥ ca tāḥ saukhyadaśāḥ duḥkhalavasaukhyadaśāḥ | saṃsārasya yāḥ duḥkhalavasaukhyadaśāḥ | tāsu agṛdhnoḥ lobharahitasya puruṣasya | āyuḥ yaśāṃsi guṇāś cety etāni vastūni | lakṣmyā sahaiva satphalāya mokṣākhyāya śobhanāya phalāya | phullanti vikasanti | mokṣam utpādayantīty arthaḥ | etāni vastūni kā iva | mādhavalatāḥ iva | yathā mādhavalatāḥ vasantalatāḥ | satphalāya phullanti | tathety arthaḥ | iti śivam ||

MT_4.32

iti śrībhāskarakaṇṭhaviracitāyāṃ śrīmokṣopāyaṭīkāyāṃ sthitiprakaraṇe dvātriṃśaḥ sargaḥ²⁸¹⁶ ||

Note:

punar api pūrvoktam evārthaṃ kathayati

sarvātiśayasāphalyāt sarvaṃ sarvatra sarvadā /

sambhavaty eva tasmāt svaṃ śubhodyogaṃ na santyajet //

Note:

sarveṣām atiśayānām yat sāphalyam saphalatā | tato hetoḥ | sarvatra sarveṣu deśeṣu | sarvadā sarveṣu kāleṣu | sarvaṃ sambhavaty eva²⁸¹⁷ | yataḥ atiśayaprayuktānāṃ²⁸¹⁸ sarveṣāṃ yatnānāṃ sāphalyam asti | ataḥ sarvatra sarvadā sarvaṃ sambhavaty eveti yāvat | phalitaṃ kathayati tasmād iti | tasmāt tato hetoḥ | puruṣaḥ svaṃ śubhodyogaṃ na santyajet ||

Note:

viśeṣeṇa udyogasya sāphalyaṃ kathayati

mitrasvajanabandhūnāṃ nandinānandadāyinā²⁸¹⁹ /

sarasīśvaram ārādhya mṛtyur apy upanirjitaḥ //

Note:

nandinā nandirudreṇa ||

sarvotkarṣeṇa vartante devā api vimarditāḥ /

dānavair dānavāryāḍhyair gajaiḥ padmākarā iva //

Note:

gajaiḥ²⁸²⁰ kathambhūtaiḥ | dānavāriṇā madajalenāḍhyaiḥ yuktaiḥ ||

maruttanṛpater yajñe saṃvartena maharṣiṇā /

brahmaṇevāparaḥ sargo racitaḥ sasurāsuraḥ //

Note:

spaṣṭam ||

mahātiśayayuktena viśvāmitreṇa vipratā /

bhūyo bhūyaḥ prayuktena duṣprāpā tapasārjitā //

Note:

spaṣṭam ||

piṣṭātakāmbu duṣprāpaṃ rasāyanam ivāśnatā /

durbhagenedṛśenāptaḥ kṣīroda upamanyunā //

Note:

piṣṭātakāmbu | piṣṭamiśritaṃ²⁸²¹ jalam | īdṛśena durbhagena etādṛśena daridreṇa | āptaḥ | īśvarārādhanayeti śeṣaḥ ||

trailokyamallāṃs tṛṇavan nighnan viṣṇvabjajādikān /

yuktyātiśayadārḍhyena²⁸²² kālaḥ śvetena²⁸²³ kālitaḥ //

Note:

yuktyā īśvarārādhanarūpeṇopāyena | śvetena rājaviśeṣeṇa | kathambhūtena | atiśaye yatnātiśaye | dārḍhyam dṛḍhatā yasya | tādṛśena ||

praṇayena yamaṃ jitvā kṛtvā vacanasaṅgaram /

paralokād upānītaḥ sāvitryā satyavān patiḥ //

Note:

praṇayena snehena | upānīta ity anena sambandhaḥ | vacanasaṅgaram vacanasaṅgrāmam ||

Note:

viśeṣeṇoktvā sāmānyena kathayati

na so ḥsty atiśayo loke yasyāsti²⁸²⁴ na phalaṃ sphuṭam /

bhavitavyaṃ vicāryātaḥ sarvātiśayaśālinā //

Note:

atiśayaḥ yatnātiśayaḥ | phalitaṃ kathayati bhavitavyam iti | ataḥ sarvebhyaḥ yaḥ atiśayaḥ udyogākhyaḥ | tena śālatīti tādṛśena puruṣeṇa | vicārya bhavitavyam | aśubhaphalasampādakatvād aśubho yatnaḥ na kārya iti bhāvaḥ ||

Note:

nanu ko yatnaḥ śubho ḥsti | yatnātiśayavān bhavāmīty apekṣāyām āha

ātmajñānam aśeṣāṇāṃ²⁸²⁵ sukhaduḥkhadaśādṛśām /

mūlaṃ kaṣakaraṃ tasmād bhāvyaṃ tatrātiśāyinā //

Note:

ātmajñānam ko ḥham ity evam ātmavicāraḥ | aśeṣāṇām samastānām | sukhaduḥkhadaśādṛśām | mūlaṃ kaṣakaraṃ mūlataḥ nāśakaram | bhavati | ātmavicāreṇa hi cidātmani ātmatvena prāpte śarīrānāsthāyāṃ ca jātāyāṃ śarīrānubaddhasukhaduḥkhādisparśo na bhavati | tasmāt tato hetoḥ | puruṣeṇa | tatra ātmajñāne | atiśayinā atiśayayuktena | bhāvyam ||

Note:

nanu dṛśyakṛtaṃ sukhaṃ tyaktvā kimartham atyantabhogatyāgasādhye ātmajñāne puruṣo lagatīty | atrāha

nānayopahatārthinyā dṛśyadṛṣṭyātiduṣṭayā /

duḥkhād ṛte nirābādhaṃ sukhaṃ kiñcid avāpyate //

Note:

upahataḥ naṣṭaḥ | arthaḥ puruṣārthaḥ | asyām astīti tādṛśyā | ata evātiduṣṭayā dṛśyarūpayā dṛṣṭyā dṛśyadṛṣṭyā | dṛśyeneti yāvat | duḥkhād ṛte duḥkhāmiśram | ata eva nirābādham bādharahitam | kiñcit sukhaṃ na avāpyate | yadi kiñcit prāpyate ḥpi duḥkhamiśram evety arthaḥ ||

Note:

nanu sarvasya brahmamayatvāt dṛśyadṛṣṭirūpasyāśamasya tannāśarūpasya²⁸²⁶ śamasya ca ko bhedaḥ yenaivaṃ kathayasīty | atrāha

aśamaḥ paramam brahma śamaś ca paramam padam /

yady apy evaṃ tathāpy enam praśamaṃ viddhi śaṅkaram //

Note:

yady apy evam bhavati | evam katham | aśamaḥ dṛśyakṣobhaḥ | paramam brahma bhavati | śamaś ca dṛśyanāśaś ca | paramam padam bhavati | tatsāratvāt | tathāpi²⁸²⁷ tvam enam praśamam dṛśyanāśam | śaṅkaram kalyāṇakāriṇam | viddhi | śamāśamarūpabrahmaprāptim praty upāyatvāt | nanv aśamasya brahmatvaṃ na sidhyati²⁸²⁸ | satyam | brahmatvaṃ tvayā kiṃ jñātam | sukhakāritvam iti cen | na | sukhaduḥkhakāritvavyatiriktasya brahmatvayogāt²⁸²⁹ | ataḥ sukhakārivat duḥkhakāriṇo ḥpi svarūpamātraprādhānyena brahmatvānapāyān²⁸³⁰ na tvaccodyāvakāśaḥ | nanu tarhi ānandaikarūpatvaṃ katham brahmaṇaḥ kathayantīti cet | tatratya ānandaḥ na tvadanubhūta[ ]ttirūpānandarūpo²⁸³¹ bhavati | kiṃ tu apekṣārāhityamātrarūpa evāsau | sarvam brahmeti jñānena hi sarvatra heyopādeyatāvyatiriktā²⁸³² mahānandarūpā tṛptyaparaparyāyā upekṣā jāyate | sā ca sarvatra sambhavatīti alaṃ codyena ||

Note:

kartavyam upadiśati

abhimānam parityajya śamam āśritya śāśvatam /

vicārya prajñayāryatvaṃ kuryāt sajjanasevanam //

Note:

abhimānam mayedṛśaḥ śamaḥ kṛta ity evaṃrūpaṃ darpam | śamam dṛśyakṣobharāhityam | āryatvam sādhutvam | vicārya kenedaṃ sidhyatīti vicāraviṣayaṃ kṛtvā ||

Note:

nanu āryatvasādhanam prasiddhaṃ tapastīrthādikaṃ tyaktvā kim ity aprasiddhaṃ sajjanasevanaṃ kartavyatvenopadiśasīty | atrāha

na tapāṃsi na tīrthāni na śāstrāṇi jayanti vaḥ /

saṃsārasāgarottāre sajjanāsevanaṃ yathā //

Note:

saṃsārasāgarāt yaḥ āryatvakaraṇadvāreṇa uttāraḥ | tasmin na jayanti na prabhavanti ||

Note:

nanu kiṃlakṣaṇo ḥsau sajjanaḥ yasya sevanaṃ kartavyatvenopadiśasīty | atrāha

lobhamoharuṣāṃ yasya tanutānudinam bhavet /

yathāśāstraṃ viharataḥ svakarmasu sa sajjanaḥ²⁸³³ //

Note:

yathāśāstraṃ svakarmasu śarīrayātrānimitteṣu²⁸³⁴ nijeṣu karmasu²⁸³⁵ | viharataḥ krīḍayā yatnaṃ kurvataḥ | yasya puruṣasya | anudinam²⁸³⁶ lobhamoharuṣāṃ tanutā bhavet | saḥ sajjanaḥ bhavati²⁸³⁷ ||

Note:

nanu mūrkhaśrotriyā api lobhāditānavayuktā dṛśyante²⁸³⁸ | teṣāṃ saṅgenāpi kiñcit setsyaty²⁸³⁹ atha vā nety | atrāha

adhyātmaviduṣaḥ²⁸⁴⁰ saṅgāt tasya sā dhīḥ pravartate /

atyantābhāva evāsya²⁸⁴¹ yayā dṛśyasya dṛśyate //

Note:

adhyātmaviduṣaḥ²⁸⁴² adhyātmaśāstrajñasya | tasya lobhāditānavavataḥ sajjanasya | saṅgāt | puruṣasya sā dhīḥ pravartate | sā kā | yayā dhiyā kāraṇabhūtayā | puruṣeṇa | asya puraḥsphurataḥ | dṛśyasyātyantābhāvaḥ traikālikaḥ abhāvaḥ²⁸⁴³ | dṛśyate | ata indriyāsāmarthyādinā lobhāditānavavato ḥpi mūrkhasya saṅgān na kiñcid api setsyatīti bhāvaḥ ||

Note:

nanu dṛśyātyantābhāvadarśanena kiṃ setsyatīty | atrāha

dṛśyātyantābhāvatas tu param evāvaśiṣyate /

anyābhāvavaśād āśu jīvas²⁸⁴⁴ tatraiva līyate //

Note:

tu niścaye | dṛśyātyantābhāvataḥ lakṣaṇayā dṛśyātyantābhāvadarśanād dhetoḥ | param dṛśyādhiṣṭhānatvān muktam²⁸⁴⁵ uttīrṇaṃ cinmātrākhyaṃ vastu | eva | avaśiṣyate avaśeṣatvena dṛśyate | nanu tato ḥpi kiṃ syād ity | atrāhānyābhāveti | tataḥ anyasya²⁸⁴⁶ paravastuvyatiriktasya | abhāvāt | jīvaḥ draṣṭṛtvena sthitaḥ jīvaḥ | tatraiva parasmin vastuny eva | līyate | so ḥpi tadrūpatvena²⁸⁴⁷ dṛśyate iti yāvat | jīvanmuktābhiprāyeṇaivamarthaḥ kṛtaḥ | videhamuktābhiprāyeṇa tu dṛśyātyantābhāvaḥ jīvalayaḥ ca[ ]śenopādhimukta²⁸⁴⁸ eva jñeyaḥ ||

Note:

atyantābhāvasvarūpaṃ kathayati

na cotpannaṃ na caivāsīd dṛśyaṃ na ca bhaviṣyati /

vartamāne ḥpi²⁸⁴⁹ naivāsti param evāsty aveditam²⁸⁵⁰ //

Note:

vartamāne vartamānakāle | nanu yadi dṛśyaṃ nāsīt nāsti na bhaviṣyati tarhi kim asti | na hi abhāvasya etādṛk prapañcādhiṣṭhānatvaṃ yuktam ity | atrāha param eveti | param sākṣitvena sthitatvāt sarvottīrṇaṃ cinmātram²⁸⁵¹ | eva | asti | svapne tasyaiva prapañcādhiṣṭhānatvena dṛṣṭatvāt | tat kathambhūtam | aveditam vedyarahitam | aveditam iti karmaṇi ktaḥ²⁸⁵² ||

Note:

nanu katham etad astīty | atrāha

etad yuktisahasreṇa darśitaṃ darśyate²⁸⁵³ ḥpi ca /

sarvair evānubhūtaṃ²⁸⁵⁴ hi darśayiṣyāmi cādhunā //

Note:

etat dṛśyaṃ nāsīt nāsti na bhaviṣyatīty etat | nanu katham aprasiddham etat darśitam²⁸⁵⁵ darśyate darśayiṣyasi cety | atrāha sarvair iti | hi yasmāt | etat sarvair anubhūtam vartamāne ktaḥ | anubhūyate ity arthaḥ | suṣuptāv iti śeṣaḥ | suṣuptau hi sarve dṛśyātyantābhāvam anubhavanti ||

Note:

abhyāsārtham punaḥ etad eva kathayati

yathedam akhilaṃ śāntaṃ trijagat saṃvidambaram /

idaṃ tattvaṃ tv asattvādi kuto ḥtra syāt kathañcana //

Note:

idam anubhūyamānam | akhilaṃ trijagat | śāntam saṃvedyākhyakṣobharahitam | saṃvidambaram cidākāśam bhavatīti yathā iti yat bhavati | idam tat | tattvam paramārthaḥ bhavati | tu vyatireke | atra saṃvidākāśarūpe jagati | asattvādi | asattvam acinmayatvaṃ cety evamādi | kathañcana kutaḥ syāt kathañcanāpi na syād ity arthaḥ | dṛṣṭaṃ ca svapnajagataḥ²⁸⁵⁶ saṃvidākāśātmakatvam²⁸⁵⁷ iti na virodhaḥ ||

Note:

nanu tarhi jagad iti śabdapratyayau kathaṃ rūḍhiṃ gatāv ity | atrāha

cic camatkurute cāru cañcalācañcalātmani /

yat tayaiva tad evedaṃ jagad ity avabudhyate //

Note:

cañcalā bāhyonmukhatve spandānuviddhā | cit | acañcalātmani paramārthataḥ tathāsthitatvāt acañcale svasvarūpe | cāru samyak | yat camatkurute svarūpāmarśarūpam āsvādaṃ karoti | tayā eva na tv anyena | tad eva camatkaraṇam eva | jagad iti avabudhyate jñāyate | na jagannāma kiñcid aparaṃ vastu asti | cidāśrayaviṣayasya svātmaparāmarśasyaiva jagattvād iti bhāvaḥ ||

Note:

nanu tathāpi katham bheda iva dṛśyata ity | atrāha

trailokyarūpo ḥnubhavaś²⁸⁵⁸ cidādityāṃśumaṇḍalam /

kva vendvaṃśumator bhedo nirvikatthana kathyatām //

Note:

trailokyarūpaḥ trailokyākāraḥ | anubhavaḥ | trailokyam iti yāvat | cid evādityaḥ | tasyāṃśumaṇḍalam | bhavati | he nirvikatthana he amṛṣāvādin | tvayā kathyatām | kim ity apekṣāyām āha | kveti | indvaṃśumatoḥ jalamaṇḍalapratibimbitasūryāṃśumaṇḍalarūpasya indoḥ sūryasya ca | bhedaḥ kva bhavati | kasmin kāle deśe vā bhavati | yathā jalapratibimbitasūryāṃśumaṇḍalarūpasya candrasya sūryasya ca bhāsamāno ḥpi bhedaḥ paramārthataḥ nāsti | tathā bāhyāntaḥkaraṇapratibimbitacidādityāṃśumaṇḍalarūpasya jagataḥ cidādityasya ca bhāsamāno ḥpi bhedaḥ²⁸⁵⁹ nāsty evety arthaḥ²⁸⁶⁰ ||

Note:

sarvathā bhedābhāvaṃ kathayati

svabhāvato ḥsyāś²⁸⁶¹ ciddṛṣṭer ye unmeṣanimeṣaṇe /

jagadrūpānubhūtes tāv etāv astamayodayau²⁸⁶² //

Note:

svabhāvataḥ yatnarahitam | asyāḥ ātmatvena puraḥsthāyāḥ²⁸⁶³ | ciddṛṣṭeḥ cidākhyāyāḥ dṛṣṭeḥ | ye unmeṣaṇanimeṣaṇe²⁸⁶⁴ svavyatiriktaparāmarśarūpam unmeṣaṇaṃ svamātraparāmarśarūpaṃ nimeṣaṇaṃ ca bhavataḥ | tau eva unmeṣanimeṣau eva | jagadrūpā yā anubhūtiḥ | jagad iti yāvat | tasyāḥ astamayodayau bhavataḥ | nimeṣaṇam astamayaḥ | unmeṣaṇam udayaḥ | atha vā unmeṣaṇam svarūpaprasāraḥ | nimeṣaṇam svarūpasaṅkocaḥ | iti kṛtvā unmeṣaṇam astamayaḥ | nimeṣaṇam udaya iti yojyam | tathā ca bhedagandho ḥpi nāsti | na hi unmeṣanimeṣavataḥ²⁸⁶⁵ unmeṣanimeṣau bhinnau iti bhāvaḥ | etac ca svapne suṣuptau ca sarvapratītisākṣikam eveti nātrāyastam ||

Note:

kāraṇatvena samastajagatpradhānabhūtāhaṅkāravarṇanam prastauti

ahamartho ḥparijñātaḥ paramārthāmbare malaḥ /

parijñāto ḥhamarthas tu paramārthāmbaram bhavet //

Note:

ahamarthaḥ aham iti śabdābhidheyaṃ vastu | aparijñātaḥ paramārthataḥ kiṃrūpo ḥyam ity ajñātaḥ san | paramārthāmbare cinmātrākāśe | malaḥ bhavati | deharūpatayāvasthānena²⁸⁶⁶ tadācchādakatvāt²⁸⁶⁷ | ācchādakatvam eva hi malasya svarūpam | tu vyatireke | parijñātaḥ paramārthataḥ evaṃrūpo ḥsāv iti jñātaḥ san | paramārthāmbaram cinmātrākāśa²⁸⁶⁸ eva bhavati | tadrūpatāyām eva viśrāmāt ||

Note:

abhyāsārtham punaḥ punaḥ etad eva kathayati

ahambhāvaḥ parijñāto nāhambhāve²⁸⁶⁹ bhavaty alam /

ekatām ambunevāmbu yāti cinnabhasātmanā //

Note:

parijñātaḥ paramārthataḥ kiṃniṣṭho ḥyam iti jñātaḥ | ahambhāvaḥ ahaṅkāraḥ | ahambhāve nimittasaptamī | sthūlāhambhāvanimittaṃ na bhavati | kuta etad ity | atrāhaikatām iti | yataḥ saḥ ahambhāvaḥ cinnabhasā cidākāśarūpeṇa | ātmanā²⁸⁷⁰ ekatāṃ yāti | kim iva | ambu iva | yathāmbu ambunā ekatāṃ yāti | tathety arthaḥ | paramārthataḥ kiṃniṣṭho ḥyam iti ahaṅkāraparamārthasvarūpe jñāte sati ahaṅkāraḥ paramātmaniṣṭho bhavati | tataḥ śarīraniṣṭhatārūpām parimitatāṃ nāyātīti bhāvaḥ ||

Note:

nanu katham parijñātaḥ ahambhāvaḥ cidātmanā ekatvaṃ yāti ity | atrāha

ahamādijagaddṛśyaṃ kila nāsty eva vastutaḥ /

avaśyam eva tat kasmāc chiṣyate ḥhaṃvicāriṇaḥ //

Note:

kila niścaye | ahamādi

Note: missing MS pages

*] ; (Schreiberspruch:) N11 oṃ śrīgaṇeśāya namaḥ; Ś4 oṃ namo bhagavate vāsudevāya // oṃ ()

saṅkṣobhyamāṇān nijād] ; N11: °ṇāt svajād (s.m. auf übergeklebtem Papier) ()

tattvāliratnoccayam] ; N11: °ścayam ()

bodhāhvaḥ] ; Ś4: °āhṇaḥ ()

svaśaktyutthitair] ; N11: su° ()

bahuvidhair] ; Ś4: °dhaiḥ ()

bodhāhvam] ; Ś4: °āhṇaḥ ()

bodhābodhavibhedabhāsanaparam] ; Ś4: °vibodhabhā° ()

bodhābodhavibhedagopanakaraṃ] ; N11: bodhe bo°; Ś4: °kaṃraṃ ()

avatāranāmakalanām] ; Ś4: a*va*tā°; N11: °kula° ()

etyācchameyāspadām] ; N11: °neyā° ()

yas] ; N11: yaḥ ()

dehādristhamanodrumotthakalanāśākhālisandhyantarād] ; N11: °morthaka-nāśakhā° ()

atho] ; N11: artho ()

vākpatyaviṣaye] ; N11: vākyatya° ()

adhikṛtim] ; N11: abhi° ()

alam] ; N11: idṛm (s.m. auf übergeklebtem Papier) ()

etat] ; N11: etatat ()

svabhāvenaivāndhāḥ] ; N11: prabodhenai° (s.m. auf übergeklebtem Papier) ()

adhikṛto] ; N11: vyākhyāyāṃ me khalu ka iva cātrārūpa° (s.m. auf übergeklebtem Papier) ()

mahāpuruṣaḥ] ; N11: oṃ iha... ()

āsāditasamyagjñānākhyaprakāśaḥ] ; N11: °prakāśaḥ || ()

bāhyāntarālokagatanānāvidhabāhyāntarapadārthavṛndaviṣayajñānasārabhūtaḥ] ; N11: °ālo(ga)ka° ()

tataḥ] ; Ś4: tat(aḥ)*o* ()

nānāvabhāsāvabhāsena] ; N11: °bhāne°; Ś4: °bhā(-)*s*e° ()

anīte] ; Ś4: (a)*ā*nī° ()

samastasurādhārabhūtasvargalokarūpe] ; N11: °ādhā*ra*bhū° ()

śaktiprādhānyenopādānatayā] ; Ś4: °pr*ā*dhā° ()

nātajjñaḥ] ; Ś4: nātyantam ajño no tajjñaḥ ()

*] ; N11, Ś4: śrīvālmīkir uvāca|| ()

syām] ; Ś4: syāt ()

saḥ] ; Ś4: sa ()

muktatvāt] ; Ś4: om. ity arthaḥ mukta° (aberratio occuli) ()

bhogākāṅkṣāṃ] ; Ś4: bhog*ā*° ()

ayogyatayeti] ; Ś4: °kṛtyatvāt punaḥ kathambhūtaḥ nātajjñaḥ bhogakāṅkṣāyāḥ muktayogyatayeti (aberratio occuli) ()

tatkāṅkṣiṇaḥ] ; N11: °kāṅkṣiṇaḥ (mumukṣaḥ) ()

paramādhikāritvaṃ] ; N11: °ādhi(kāri)kāvi ()

iti] ; N11, Ś4: uvāceti ()

prati iti] ; N11: pratīti ()

mokṣopāyān] ; Ś4: °yānn ()

kathānām] ; Ś4: kathāmām ()

samyagjñānam] ; N11, Ś4: samyak ()

śrīrāmavṛttāntamayaṃ] ; Ś4: °ntaṃma° ()

purātanakalpaśrīvālmīkikṛtam] ; N11: °kalpa*śrī*°; Ś4: om. °kalpa° ()

ityādivakṣyamāṇaślokasūcitam] ; MṬ(II) 18.2a; vgl. MṬ(III) 8.8; Slaje 1994: 169ff. ()

abdhir] ; N11: aḥkir ()

brahmā] ; Ś4: °hma° ()

*] ; N11: *bharadvāja uvāca*(s.m.); Ś4: bharadvāja uvāca ()

*] ; N11, Ś4: brahmovāca ()

parame] ; N11: (uttame) pa° ()

āgatavān] ; N11, Ś4: °vānn ()

spaṣṭam] ; N11: *spaṣṭam* ()

hi] ; N11: *hi* ()

etatpadākāṅkṣām] ; N11: °pada°; Ś4: °par*ā*° ()

sambadhyate] ; N11, Ś4: °ddhya° ()

śrīrāmam] ; Ś4: om. °rāmam ()

uktaḥ] ; Ś4: °ṇoktaḥ ()

utkṛṣṭāṃ] ; N11: utyaṣṭām; Ś4: °rā(n)*ṃ* utkṛṣṭā(n)*ṃ* ()

pṛcchati] ; Ś4: kathayati ()

sphurataḥ] ; Ś4: om. puraḥ ()

iti] ; Ś4: °kṣāmīti ()

*] ; N11: [ajñānasughanākā]rā ()

śuddhāyāḥ] ; Ende Textaussparung Ś4 ()

janmāṅkurotpādanasamarthā] ; N11: °pādasam°; Ś4: °pāda*na*sam° ()

yayā] ; N11, Ś4: °thā ()

vāsanā] ; N11: v*ā*sa° ()

phalādyanusandhānānutpādikā] ; Ś4: °lānu° ()

yathā] ; Ś4: °th*ā* ()

cintayitvaivam] ; Ś4: °aiva(ṃ)m ()

prathamam] ; N11: °prathasamarth*i*nam ()

vihitāśīrbhir] ; Ś4: °śībhir ()

niragāt] ; Ś4: °gān ()

bhṛṅgaughabhaṅguraiḥ] ; N11: bhṛṃ(ghau)*gau*° ()

grāmīṇalalanālokahastapadmāpavarjitaiḥ] ; N11: °k(ā)aha°...°dmā(sa)*pa*° ()

āvarjayan] ; Ś4: °yin ()

veṇāṃ] ; N11: veṇṇāṃ Note: Nebenform; Pinnow 1951: 442f. ()

kṛṣṇaveṇāṃ] ; N11: °veṇṇāṃ wie oben ()

bāhudām] ; N11, Ś4: bahu°; bāhu° mit Ś1, Ś3, N10 sowie Pinnow 1951: 341f. ()

kārttikeyaṃ] ; N11, Ś4: kārti° ()

caturabdhitaṭāni] ; Ś4: °tathā° ()

vindyakandarakuñjāṃś] ; Ś4: °ntāṃś ()

tādṛśaḥ] ; Ś4: °śā ()

lājapuṣpāñjalivrātair] ; Ś4: °taiḥ ()

mātṛbhiś] ; Ś4: bhrā° (wie N/Ed); mā° bei Ś1, Ś3, N10 ()

rāmāgamanam] ; Ś4: °āganam ()

utsavaḥ] ; Ś4: °va ()

āseti] ; N11: (a)*ā*se° ()

sujanacetasi] ; Ś4: sva° ()

sujanahṛdayāhlādikayeti] ; Ś4: sva° ()

śrute] ; N11: *śrute* ()

*] ; N11: oṃ ()

mahāprājñe] ; N11, Ś4: °pra° ()

upasaṃhṛtam] ; Ś4: °saṃha° ()

viṣādakalanāṃ] ; N11: °lānāṃ ()

kāryotpattyākhyavikārayuktāni] ; Ś4: °ktyā° ()

nāśākhyavikārayuktāni] ; Ś4: naśā°; N11: n(ā)aśā° ()

prati] ; Ś4: om. prati ()

ukte] ; N11, Ś4: °kto ()

khedavaty] ; Ś4: kheṭā°; N11: kheṭa° ()

āgamat] ; Ś4: °mad ()

kimartham] ; Ś4: kim ()

atrāha] ; Ś4: ātrā° ()

abhyayāt] ; Ś4: °yād ()

*] ; Ś4 zieht Strophe 13 vor Strophe 12. ()

*] ; Ś4: spaṣṭam a° ()

yāṣṭīkā] ; N11, Ś4: °ka ()

spaṣṭam] ; N11: *spaṣṭam* ()

jarājaraḍhayā] ; N11: °*ḍha*° ()

tapaḥprasararūkṣayā] ; N11: °raṃ tū° ()

jaṭāvallyā] ; N11, Ś4: °valyā ()

bhāsvaraṃ] ; N11: bhāsu° ()

apratighātākāram] ; N11, Ś4: °ākāri ()

amṛteneva] ; N11, Ś4: °naiva ()

evānatākṛtiḥ] ; Ś4: °ānanā ()

galanmaulimaṇimālitabhūtalam] ; Ś4: °mānita° ()

prāptā] ; N11: °pt*ā* ()

caiva] ; Ś4: kuśalaṃ ca -- caiva; N11: ...c(ā)apiyaṃ caiva; wir wie Ś1, Ś3, N10 ()

caiva] ; N11: cai ()

bhavadāgamanaṃ] ; Ś4: °ne ()

spaṣṭam] ; N11: *spaṣṭam* ()

*] ; N11: (atra janmety atra caśabdādhyāhāraḥ) ()

te] ; N11: *te* ()

mune] ; N11, Ś4: munes ()

pūrvaṃ] ; N11, Ś4: pūjyo ()

tvadāgamanāt] ; Ś4: °nād ()

jaladhir] ; N11: dṛṣṭer dur° ()

pratipadyate] ; Ś4: yad upayujyate; N11: pratipadyate *upayujyate* ()

kauśika] ; N11: *he kauśika* ()

tat] ; Ś4: tat tad ()

dadāmy] ; N11, Ś4: dadhā° ()

evety] ; Ś4: °mīnety ()

cāham] ; N11, Ś4: vā° ()

daśarathavinayoktyā] ; N11, Ś4: °ktaṃ ()

prathitāḥ] ; N11: daśa*rathena prathitāḥ* (s. m. i. m.) ()

vaśāt] ; Ś4: °śād ()

*] ; Ś4: oṃ ()

kāryasyātikaṣṭaṃ] ; Ś4: °ṣṭa° ()

vihite] ; N11: °hate ()

utsraṣṭum] ; N11, Ś4: °sṛṣṭuṃ ()

ataḥ] ; Ś4: ata ()

prakāreṇāhaṃ] ; Ś4: °āha ()

ivaiṇakāḥ] ; N11: °k*ā*ḥ ()

tena] ; N11: °neti ()

dvitīyāsthāne] ; Ś4: °yasthā° ()

kākutsthād] ; N11: °sthyād ()

kharadūṣaṇayor] ; Ś4: °ṣayoḥ ()

jaladasyeva] ; N11, Ś4: °syaiva ()

prājñāḥ] ; Ś4: °jñā ()

munīśvaraḥ] ; Ś4: °rāḥ ()

buddhiyuktaḥ] ; Ś4: °ktā ()

toṣaṃ] ; Ś4: °ṣāṃ ()

lokas] ; N11: lokāś ca lokās ()

apūritamano'bhilaṣitaḥ] ; Ś4: °ṣataḥ ()

*] ; N11: oṃ ()

hi] ; Ś4: om. hi Note: cf. Rām I 19, 5ab ()

raṇāvaniḥ] ; N11: raṇā(d bahiḥ)*vaniḥ* ()

yuddhaviśāradaḥ] ; Ś4: buddhivi° ()

mama] ; N11: brahma*n*(he)*ma*ma ()

yodhayatv] ; Ś4: °yitv ()

mayā] ; N11: māyā ()

teṣv] ; Ś4: tv eṣv ()

nīyate] ; N11: °t(o)*e* ()

ādatte] ; N11, Ś4: ādha° ()

smas] ; N11: sma ()

ādatte] ; N11: ādha° ()

pratibadhnātīti] ; N11: °*tī*ti ()

smaḥ] ; Ś4: sma ()

putrāmokṣaṇaṃ] ; N11: putr*ā*° ()

'nuṣṭhānānanuṣṭhānarūpe] ; Ś4: °ṣṭhānānu° ()

*] ; N11, Ś4: oṃ ()

abhivāñchasi] ; Ś4: °vāccha° ()

hīnapratijñaḥ] ; Ś4: °jñā ()

āviśan] ; N11, Ś4: °viśat ()

vimuñcanti] ; Ś4: naiva mu° ()

vigrahavān] ; Ś4: °nān ()

paraiḥ] ; Ś4: °rair ()

atyantaṃ] ; N11, Ś4: °anta° ()

kṛśāśvenāsmai] ; Ś4: kṛśvā° ()

apatyāni] ; N11: °a*pa*tyā° ()

caiveti] ; N11, Ś4: caiti ()

apatyāni] ; Ś4: °ny ()

pañcāśataḥ] ; Ś4: pañca° ()

āhvātum] ; N11: āhūtum; Ś4: āhṛtum ()

samīpe] ; Ś4: °ṣe ()

pratīhāram] ; Ś4: °hāra ()

muhūrtamātreṇāgatya] ; Ś4: °āgaga° ()

carmaṇi dvīpinaṃ hantītivat] ; Mbh ad Pāṇ 2,3,36 vārtt. 6 (I 458,18) ()

varādbhir] ; N11, Ś4: lolābhir dha°; wir wie Ś1, Ś3, N10 ()

varādbhiḥ] ; N11, Ś4: dha° ()

māṇikyamuktāsamprotā] ; Ś4: °prāpto ()

iva] ; N11, Ś4: eva ()

duḥkhadāyinyaḥ] ; Ś4: °nyāḥ ()

imāḥ] ; Ś4: imā ()

evāvalambate] ; N11, Ś4: °lambh° ()

nānandayanti] ; Ś4: °yati ()

janturahite] ; Ś4: °hita ()

karmāpekṣāyām] ; Ś4: karma° ()

nirīhitaḥ] ; N11, Ś4: nirehi° ()

rītimādhuryasāyāsapadasaṃsthitivarjitaiḥ] ; N11: °sthi*ti*° ()

saḥ] ; Ursprünglich pratīka einer möglichen Lesart ‘sa gāyati’ statt ‘pra-gāyati’? ()

rītimādhuryasāyāsapadasaṃsthitivarjitaiḥ] ; Ś4: °para°, N11: °pa(r)*d*a° ()

ity] ; N11: ha*m i*ty ()

upāgatāḥ] ; N11: t*ā*ḥ ()

nāntas] ; Ś4: tān° ()

samastam] ; Ś4: °sta° ()

*] ; N11: oṃ ()

eṣa] ; Ś4: eva ()

viśrāntim] ; Ś4: °śrātim ()

*] ; Ś4 zieht Strophe 13 nebst Ṭīkā vor Strophe 12. ()

hastāvalambena] ; N11: hastākalaṃbhena; Ś4: °lambhe° ()

ślokasya] ; Ś4: ślokasya pūrvasya ()

samaśubhākāraṃ] ; N11: sam(ā)aśubh*ā*° ()

vicāritajagadyātram] ; Ś4: °jagatraṃ; N11: °gady*ā*° ()

mahāsattvaikalobhena] ; Ś4: °sattvena lo° ()

alaulyena] ; Ś4: alo° ()

sitāḥ acchācchāḥ svahārāmbarapallavāḥ] ; N11: svarapa° ()

abhyāliliṅgāśu] ; N11, Ś4: ābhyā° ()

lolatām] ; N11, Ś4: lolu° ()

*] ; N11: oṃ ()

vairāgyākhye] ; N11: °ārkhye ()

śrīvasiṣṭhaśrīviśvāmitrayor] ; Ś4: °ṣṭhavi° ()

*] ; N11: oṃ ()

vipratipattyabhāvavācakaḥ] ; N11: °pra*ti*pa° ()

bhūtvāham] ; N11: °bhūtā° ()

'yaṃ] ; N11: y(o)*e*yaṃ; Ś4: yeyaṃ ()

tadāśrayabhūtānām] ; Ś4: taṭā° ()

kevalam] ; N11: °l(ā)aṃ; Ś4: °lāṃ ()

vikrītā] ; N11: Interlin. s. m.: ?āmitāḥ ()

āpac] ; N11: °paś ()

śuṣkarodananīrasāḥ] ; N11: °ṣka(nī)ro° ()

vivekaikapara] ; Ś4: °rā ()

duḥkhadatām] ; Ś4: duḥkhatām ()

avivekayuktatāṃ] ; Ś4: °ktātāṃ ()

śriyaḥ] ; N11: °śriyāḥ ()

nirvṛtim] ; Ś4: nivṛ° ()

satataṃ] ; N11: satata° ()

svaviṣayatayā] ; N11: °tayā(tayā) ()

pravṛttāḥ] ; Ś4: °ttā ()

vivekaikaharaṇe] ; N11: °vivai° ()

yā] ; N11, Ś4: °kṣṇayā ()

pravṛttāḥ] ; Ś4: °ttā ()

bhāvaḥ] ; Ś4: °va ()

*] ; N11, Ś4: oṃ ()

śrīnindāṃ] ; Ś4: °ndā ()

akramākulān] ; Ś4: °lam ()

sphārān] ; N11: sph*ā*° ()

kā] ; Ś4: ka ()

bahvyo] ; Ś4: °hyo ()

rājaprakṛtivan] ; N11: °kṛ*ti*° ()

durārūḍhāvalambate] ; N11, Ś4: °lambha° ()

pārśvagam avalambate] ; Ś4: °lambha° ()

tenaiṣā] ; N11: tainai° ()

yathā] ; Ś4: tathā ()

ratyā] ; Ś4: ramyā ()

tīkṣṇāśayāḥ] ; Ś4: °śayā ()

kaṭhinacintāḥ] ; Ś4: °ntā ()

ajñānabādhitān] ; Ś4: °tāt ()

kalpitena] ; Ś4: kalpa° ()

vyālāvalīgarbhanivṛttadehā] ; N11: vyā(lī)*lā*valī(raṃ)*ga*rbha° ()

aprauḍhātmavivekānām] ; Ś4: °tmāvi°; N11: °tm(ā)avi° ()

yaḥ] ; Ś4: ya ()

niṣṭhāṃ] ; N11: °ṣṭh*ā*ṃ ()

nirvṛtir] ; N11, Ś4: °vṛttir ()

ca] ; Ś4: om. ()

taraṅgapratibimbenduṃ] ; N11: °eduṃ ()

nirvṛteḥ] ; Ś4: °vṛtteḥ ()

kālanāśyatvaṃ] ; Ś4: °nāśi°; N11: °nāś(ya)*i*° ()

maraṇamārjitam] ; Ś4: °ramā° ()

*] ; N11: oṃ ()

pūrvavākye] ; N11: *pūrvavākye* ()

iti] ; Ś4 om. phalitam āha; vgl. jedoch nächste FN. N11: *phalitam āha* ()

bhāvaḥ] ; Ś4: phalitam āha; N11: (phalitam āha) ()

dehamahādaryāṃ] ; Ś4: °ham ahaṃ darpāṃ; N11: °maha° ()

ahantāviṣayatvasañjananaṃ] ; Ś4: °tvāsañ°; N11: °tv*ā*saṃjanaṃ ()

āryasevitāt] ; Ś4: °tam ()

vātāttapiñchalavavac] ; Ś4: °piccha°; N11: °lavavaś ()

vyartham] ; N11: vya(kta)*rtha*m ()

prāpto] ; Ś4: °pno ()

nirvṛtiṃ] ; Ś4: nivṛ° ()

mṛgo] ; Ś4: mṛgyo ()

taraṅgataralāṃ] ; Ś4: taraga° ()

maticāñcalyam] ; N11: (i)ati°; Ś4: ati ()

bhogadūrvāṅkurākāṅkṣī] ; Ś4: °ṅkura° ()

ākulayā] ; N11: °l(ā)a*yā* ()

vṛttyā] ; Ś4: °ttyā (cintānicayacañcuram) ()

hastasparśāsahatvaṃ] ; N11, Ś4: hastā° ()

maticāñcalyam] ; Ś4: ati° ()

kalpanāgrastam] ; Ś4: °pra° ()

sadāsanmano] ; N11: °sa*nma*(da)no ()

tṛṇaṃ] ; N11: °ṇ(ā)aṃ ()

padeṣu] ; Ś4: om. padeṣu ()

sphārarūpeṇa] ; N11, Ś4: sthāra° ()

uṣṇataraḥ] ; Ś4: °tarāc ()

durnigrahaṃ] ; Ś4: °grahaḥ ()

ceṣṭāyuktasarpāś] ; N11, Ś4: °rpaś ()

saḥ] ; Ś4: om. saḥ ()

bhramayati] ; Ś4: °ma*ya*ti ()

tasya] ; Ś4: tasya tarhi ()

sumerūllaṅghanād] ; Ś4: samerūlaṅ° ()

duḥsādhya] ; N11: cittraṃ ... °sādha ()

atrāha] ; Ś4: ātrā° ()

lakṣmīṃ] ; Ś4: °kṣmī ()

jalakṛtaṃ] ; Ś4: om. jalakṛtaṃ ()

jñeyā] ; Ś4: °yaḥ ()

tṛṣṇāyāḥ] ; Ś4: °yā ()

vātyayeva] ; N11: °evā ()

śikṣitadārḍhyaṃ] ; N11; Ś4: °ḍhyāṃ ()

jaratparṇaṃ] ; Ś4: tyar° ()

asamarthadhiyo] ; Ś4: asartha° ()

jaḍasaṃsaṅgiṇī] ; Ś4: °sargiṇī ()

putradārakalatrāditṛṣṇayā] ; Ś4: °trāṇi ()

kirātyeha] ; Ś4: °ratye° ()

spṛṣṭā] ; Ś4: sṛṣ° ()

dhatte] ; N11, Ś4: datte ()

tasmāt] ; Ś4: °smān ()

daivasambandhinī] ; N11: °badhi° ()

sarvasaṃsāradoṣāṇāṃ] ; Ś4: sarvaṃ ()

jantujālānāṃ] ; N11: °nā ()

viguṇā] ; N11: °ṇ(ā)a; Ś4: °ṇa ()

āmiṣaśaṅkayā] ; N11: āsi° ()

sphuraty] ; N11, Ś4: °ranty ()

hrade] ; N11: hṛde ()

duśchedām] ; N11: ducche° ()

prakāśā] ; N11, Ś4: °śāḥ ()

vyāptety] ; Ś4: rajasā vyāptyety ()

durlakṣatām] ; Ś4: °lakṣya° ()

*] ; N11: oṃ ()

antratantryaḥ] ; N11: °try(ā)aḥ ()

viśinaṣṭi] ; N11, Ś4: viśana° ()

pāṣāṇavat] ; Ś4: °vac ()

bhujaśākhaughanamito] ; Ś4: °mi(mā)*to* ()

dvijānustambhasusthitaḥ] ; N11: °ānnu° ()

sravadasrurasasrotā] ; Ś1, Ś3: °asra°; N10: °asru° ()

carmasnāyvasthivalite] ; Ś4: °āsthi° ()

vilasaccittamarkaṭaḥ] ; N11, Ś4: villa° ()

kulakam] ; N11: *kulakam* ()

abhyetu] ; N11: °e*tu* ()

iti] ; N11: °kte *i*ti iti; Ś4: iti iti ()

koṭaraṃ] ; N11: *koṭaraṃ* ()

antradāmabhir] ; N11, Ś4: °dhāma° ()

raktāmbukṛtakardamam] ; Ś4: °ānu° ()

citrakṛtyabhṛtānantaceṣṭāvaṣṭabdhasaṃsthiti] ; N11: °sthiti(ḥ); Ś4: °sthitiḥ ()

mithyāmohamahāsthūṇaṃ] ; N11: °sthū(n)*l*aṃ; Ś4: °sthūnaṃ ()

nānāvidhakāryeṣu] ; Ś4: °vikār° ()

kāṅkṣā] ; Ś4: kākṣā ()

malāḍhyaviṣayivyūhabhāṇḍopaskarasaṅkaṭam] ; N11, Ś4: mālā° ()

gulphagulguluviśrāntajānūccastambhamastakam] ; Ś4: °guggu° ()

gulguluḥ] ; Ś4: guggu° ()

pīṭhapiṭhiram] ; N11, Ś4: °ra° ()

āraṇitāntaram] ; Ś4: °rani° ()

nilayāḥ] ; N11, Ś4: °yaḥ ()

prabhāpūrair] ; So auch Ś1, Ś3, N10 ()

nikṛntati] ; Ś4: °kṛtanti ()

tasya] ; Ś4: yasya ()

kevāsthā] ; Ś4: kaivā° ()

lambāmbubhaṅguraḥ] ; N11: °ābu° ()

'yaṃ] ; N11: naiṣṭo *yaṃ*; Ś4: naiṣṭo ()

jarākāle jarām] ; Ś4: je° ()

śarīrabhogasādhanārthaṃ] ; Ś4: °sādhāraṇā° ()

suptas] ; Ś4: °pnas ()

randhram] ; N11: *kaccha° randhram* ()

dahanaikārthayogyāni] ; N11: raha° ()

kañcit] ; Ś4: kaś° ()

iti] ; N11: iveti ()

darduraḥ] ; N11, Ś4: °durāḥ ()

mohamadironmattān] ; N11: °ma(c)iro°, Ś4: °maciro° ()

api yasyāsti] ; N11: api Note: unleserlich āsti; Ś4: api---sti; Ś1, Ś3: yasyāsti; N10: yasyāsya ()

svapnasambhramadṛṣṭapattanatulye] ; Ś4: °lya ()

sargaḥ] ; N11, Ś4: °śo 'dhyāyaḥ ()

*] ; N11: oṃ; Ś4: namo rāmāya || ()

nikṛntanti] ; Ś4: °kṛta° ()

śaiśaveṣu] ; N11: śai(ṣa)śa° ()

pratibimbaṃ] ; Ś4: °mbe ()

kathambhūtam] ; N11, Ś4: °bhūte ()

māraṇāya] ; N11: ma*ra*ṇā° ()

kauśikāḥ] ; N11, Ś4: °kaḥ ()

ghūkāḥ] ; Ś4: kauśiko'lūkaḥ ()

abalo] ; Ś4: ana° ()

durīhālabdhalakṣyāṇi] ; Ś4: lakṣā° ()

bahupakṣolvaṇāni] ; N11, Ś4: °ollva° ()

tatkartṛkābhiḥ] ; N11 tilgt Śāradā-Zeichen ‘ta’ aus ‘tat’° durch Nāgarī-Zeichen. ()

ulvaṇāni] ; N11, Ś4: ullva° ()

āśayaḥ] ; N11: aśa° ()

sā] ; Ś4: saḥ ()

tuhinam] ; N11: tu(di)*hi*° ()

maurkhyeṇa] ; Ś4: °rkhye na ()

antaściter] ; Ś4: °citter ()

antaściteḥ] ; Ś4: °citter ()

vikasitaciteḥ] ; Ś4: °citter ()

jyeṣṭhabālāc] ; N11: °lāś ()

jyeṣṭhabālāc] ; N11: °lāś; Ś4: °laś ()

*] ; Ś4: śrīrāmāya namaḥ ||; N11: oṃ ()

śvabhrasambhramam] ; Ś4: °bhramasaṃ° ()

jñeyaḥ] ; N11: pā° jñeyaḥ i. m. teilw. unleserlich ()

tatratyaṃ] ; Ś4: tatra ()

atrāpy] ; Ś4: ātrā° ()

jātau] ; Ś4: °tāv ()

agresaram] ; N11: saras ()

sarvaduḥkhadāḥ] ; N11: °khaṃ° ()

mahotpātā] ; Ś4: °ta ()

iva] ; Ś4: ivā° ()

evāhaṅkāra] ; Ś4: ivāhaṅ° ()

tathā] ; Ś4: tayā ()

vaktram] ; Ś4: vakram ()

marjanīsaṅkṣiptaṃ] ; N11: marjaṃttī° ()

nikṛntati] ; Ś4: °kṛntanti ()

śarīrapaṅkajarajaś] ; N11, Ś4: śarīraṃ ()

cañcalām] ; Ś4: capalāṃ ()

gatā] ; N11: °tāḥ ()

viṣamāṭavīm] ; Ś4: viṣayā° ()

cittakesariṇaḥ] ; Ś4: cittra° ()

ity] ; N11: °nāśaṃ kṛ°; Ś4: °nāśaṃ kṛtenety ()

*] ; Ś4: śrīrāmāya namaḥ || ()

striyāḥ] ; Ś4: °yaḥ ()

lālitāni] ; N11: l*ā*li° ()

avalumpanti] ; N11: av(i)a° ()

avalumpantīti] ; N11, Ś4: eva lum° ()

striyāḥ] ; Ś4: °yaḥ ()

līlāvilolapuruṣā] ; N11, Ś4: °paru° ()

vikīrṇā] ; Ś4: °kīrṇāṃ ()

baḍiśe] ; Ś4: °śo ()

akṣṇā] ; N11, Ś4: akṣā ()

pravibhaktāṅgyaḥ] ; Ś4: °ktyāṅgyāḥ ()

pattrāṅkuraśriyaḥ] ; Ś4: pannā°; N11: pa-(?)ā° ()

tu] ; Ś4: tantu° ()

ghanaḥ] ; N11: °na(ṃ)*ḥ* ()

atyantaṃ] ; Ś4: °anta° ()

alipakṣatipelaveṣu] ; N11: °pakya° ()

rame] ; Ś4: name ()

*] ; Ś4: śrīrāmāya namaḥ; N11: oṃ ()

strīnindāṃ] ; Ś4: strīṃ ()

śithilādīrghasarvāṅgaṃ] ; N11: śililā° ()

śvāsāyāsakadarthinyā] ; N11, Ś4: śvāsayā° ()

gṛdhro] ; N11, Ś4: °ddhro ()

vṛddhatām vārdhakam] ; Ś4 setzt ‘ādīrghaṃ vārdhakam’ vor Strophe 7. ()

jarājīrṇabakī] ; °4: °bake ()

kāsaḥ] ; N11, Ś4: kāmaḥ ()

samanudhāvati] ; Ś4: samunu° ()

suṣṭhu] ; Ś4: sra° ()

ābhāti] ; Ś4: āyā° ()

gṛdhrīvāmiṣam] ; N11, Ś4: °ddhrī° ()

ādatte] ; N11, Ś4: ādha° ()

tuṣāranikarākīrṇaparimlānāmbujaśriyam] ; Ś4: °kīrṇaṃ ()

śiraḥkuṣmāṇḍakam] ; Ś4: °ke ()

bhuktayauvanākhutayendhitā] ; N11, Ś4: °edhi° ()

jarasā] ; Ś4: jārā° ()

durjīvitadurgraheṇa] ; Ś4: °heheṇa ()

satā] ; Ś4: su° ()

samastāḥ] ; N11, Ś4: °astā ()

*] ; N11: śrīrāmāya namaḥ ()

kālanindām] ; Ś4: *kṛtvā kālanindāṃ* ()

prayogaḥ] ; Vgl. Mbh I 6,25; 111,24 ()

vinigīrṇās] ; Ś4: nirvi° ()

karabheṇeva] ; Ś4: °ṇaiva ()

paunaruktyaprayogaḥ] ; Ś4: °uktyā ()

bahvāśī] ; N11: °āśīḥ ()

saṃsāranṛtye] ; N11, Ś4: °yaṃ ()

sphītā] ; N11, Ś4: °tāḥ ()

dhūrtacūḍāmaṇir] ; N11: dhūrtaḥ ()

ceṣṭayā] ; N11: °yayā ()

āvartayan] ; Ś4: °vatta° ()

tṛṇam] ; Ś4: tṛṇa° ()

apiśabdaḥ] ; N11: śabdaḥ ()

eṣaḥ] ; N11, Ś4: ekaḥ ()

*] ; N11, Ś4: om. ()

bhāraghanayā] ; N11, Ś4: gurvyeva tāra° ()

ānatam] ; N11, Ś4: āru° ()

ghanā] ; Ś4: °na° ()

tādṛśyā] ; N11, Ś4: °śīṃ ()

sammārjayati] ; Ś4: samār° ()

kāruṇyāt] ; Ś4: °ṇyat ()

ugrakoṭare] ; Ś4: agra° ()

lokaratnāvalī] ; Ś4: °valīṃ ()

rājādiḥ] ; Ś4: °ādi ()

niśendīvaramālayā] ; Ś4: niśondī° ()

ūrṇā] ; N11: (tū)*ū*rṇā ()

ūrṇāyuḥ] ; N11: (tū)*ū*rṇā° ()

nyagbhāvodbhavahāsena] ; Ś4: nyaṅ° ()

piṣṭāḥ] ; Ś4: °ṣṭā ()

pātitāḥ jantavo] ; Ś4: jantu° ()

tṛtīyāntatrayaṃ] ; Ś4: °āṃnta° ()

smartā] ; N11, Ś4: °hantāḥ sattā ()

vapuḥ] ; N11: °pu(t)*ḥ* ()

*] ; Ś4: śrīrāmāya namaḥ ()

asyoḍḍāmaralīlasya] ; Ś4: °marasya lī° ()

kālasyākalitaujasaḥ] ; Ś4: kālasya ka° ()

jagajjaṅgalajālake] ; Ś4: °ṅgajā° ()

vāntāḥ] ; Ś4: °ntā ()

udgīrṇāḥ] ; Ś4: °rṇā ()

*] ; Ś4: śrīrāmāya namaḥ; N11: oṃ ()

iti] ; Ś4: °tīti ()

vidhuratām] ; N11: °ritām ()

kau] ; N11: ko ()

brahmāṇḍakarṇikam] ; Ś4: °rṇikām; N11: °rṇik(ā)am ()

brahmāṇḍasya karṇikam] ; Ś4: °rṇikām; N11: °rṇik(ā)am ()

ekārṇavapayodhautam] ; N11: °payaudhau° ()

ārambhaiḥ] ; Ś4: °mbhair ()

citraguptakartṛkaṃ] ; N11: °ka*rtṛkaṃ* ()

haravat] ; Ś4: °van ()

keśāḥ] ; Ś4: °śāś ()

candrakalayā] ; N11: °k(ā)ala° ()

yeṣāṃ] ; Ś4: °ṣā ()

uttāṇḍavaḥ] ; Ś4: °vaś ()

mahābhairavaḥ] ; Ś4: om. mahā° ()

ādaratumbakaḥ] ; N11: (sva)tu*mba*kaḥ ()

netrarūpāṇi] ; N11: *netrarūpā*; Ś4: °rūpā ()

viśvarūpaśiraścakracārupuṣkaramālayā] ; Ś4: °śaraśca° ()

śiraścakraṃ] ; Ś4: °cakre ()

tārakācandrakācāruvyomapiñchāvacūlinaḥ] ; Ś4: °picchāvacūlitaḥ ()

*] ; N11, Ś4: weitere Analyse des Kompositums fehlt. ()

piñchaṃ] ; Ś4: picchaṃ ()

mekhalā] ; Ś4: °sthāname° ()

bhāti] ; N11: °tā(n)bhāti; Ś4: °tātmāti° ()

samanantaroktasya] ; Ś4: °anantaḥ ārokta°; N11: °anaṃ*taḥ*(ā)rokta° ()

vyavahārāṇām mahāvartāḥ] ; N11, Ś4: °āvartā ()

sukhaduḥkhaparamparā tasya romālī] ; Ś4: °māvalī ()

romālī] ; Ś4: °māvalī ()

hāsyamayīṃ] ; Ś4: °mayī ()

*] ; Ś4: śrīrāmāya namaḥ; N11: oṃ ()

iva] ; N11: °gā*i*va(yam) ()

kavalanonmukhaḥ] ; N11: k(e)ava° ()

avirataṃ] ; N11: °ra(haṃ)*taṃ* ()

kalaṅkitaḥ] ; N11: (aṅkitaḥ) kalaṅ° ()

aśuddhamanaḥ] ; Ś4: °mana ()

abhāvarodhitā] ; Ś4: °rodi° ()

bhāvāḥ] ; Ś4: °vā ()

rāgorago] ; N11, Ś4: garora° ()

rāgābhāvaḥ] ; Anakoluth des Autors? ()

dhīratā] ; N11, Ś4: °rata ()

diśo] ; Ś4: dṛśyo ()

śīryante] ; N11, Ś4: śīrṣa° ()

mādṛśe] ; N11: °dṛśo ()

bhajatīti] ; Ś4: bhava° ()

agnir] ; Ś4: agnim ()

apy] ; Ś4: °ṣṭhyāpi ()

kenāpi] ; N11, Ś4: kenacid ()

śilāyuktāḥ] ; N11, Ś4: °ktā ()

antaḥsthasurāsuragaṇāspadam] ; Ś4: antastha° ()

kusumavarṣanaḥ] ; Ś4: °ṣaṇai ()

aṅganālokaḥ] ; N11: a(thā)ganā° ()

locanālokitam] ; N11, Ś4: °tām ()

ākṛtiḥ] ; Ś4: °tir ()

svārthaśītalayā] ; N11, Ś4: śīlata° ()

jīvā] ; N11: °l*ā*ḥ jīv*ā*ḥ ()

api] ; N11, Ś4: ati° ()

kukarmabhir] ; N11: ku*ka*rma° ()

aticañcalasvalpabuddhir] ; N11, Ś4: °pelavam aticañca° ()

*] ; Ś4: śrīrāmāya namaḥ; N11: oṃ ()

anyac] ; N11: anyaś ()

bhavāmbudhāv] ; Ś4: °dhau vā° ()

pañcabhir indriyākhyaiḥ makaraiḥ śarīranauḥ] ; Ś4: °nau ()

paribhramaṇaśīlāḥ] ; Ś4: °bhramana° ()

kāmamahīruheṣu] ; N11, Ś4: kāmā° ()

śākhāśataṃ] ; N11, Ś4: °gataṃ ()

ābhirāmāḥ] ; N11, Ś4: °rāmaḥ ()

imaṃ] ; Ś4: ime ()

śailabhittiḥ] ; N11: *śailabhittiḥ* ()

svān] ; Ś4: sarasvān ()

riktān] ; N11, Ś4: °ktāṃ ()

caladbarhiṇapiñchalolaṃ] ; Ś4: °piccha° ()

puṃsām] ; Ś4: pusām ()

vibhāvitāni] ; N11: vibhāvibhāvitāni ()

mṛtyuḥ] ; Ś4: mṛttuḥ ()

janaiḍakais] ; N11: janai(ru)*ḍa*° ()

pīnatām] ; Ś4: pīnana° ()

janaiḍakaiḥ] ; N11: janai(ru)*ḍa*° ()

pratisvaṃ] ; Ś4: °sva ()

balād] ; N11, Ś4: om. ()

yātrāsamāsaṅgasamā] ; N11: y*ā*trā° ()

prayātā] ; N11, Ś4: °yātāṃ ()

kṛtaḥ apakāro] ; Ś4: kṛtāpa° ()

saḥ] ; N11: *sa*; Ś4: sa ()

anena] ; N11: kṛte*ty a*°; Ś4: kṛtye° ()

sahaikakartṛtvam] ; Ś4: kartṛka° ()

bṛhadbhayāya] ; N11: °bhay*ā*(nāśā)ya ()

saḥ] ; Ś4: sas ()

dṛśo] ; Ś4: dṛśyo ()

kapaṭaḥ] ; Ś4: °ṭāḥ ()

kalāḥ] ; N11, Ś4: °lpāḥ ()

baddhāḥ] ; N11: °ddhaḥ ()

etaj] ; N11: (jā)*e*taj ()

cetanayā anuviddhaḥ] ; N11: a*nu*vi° ()

nabhaḥsthaḥ] ; Ś4: nabha° ()

jalāvaṣṭabdhaḥ] ; N11: (vā)*ja*lā° ()

iha] ; N11: (viṣaye) iha ()

madhye] ; N11: *madhye* ()

cittānandakarī] ; N11: °k(ā)arī ()

alobhalavāhatānāṃ] ; N11: (ā)alobha° ()

cchāyālatāpattraphalaprasūnāḥ] ; Ś4: °rthakāsac° ()

aṃsacchāyālatāpattraphalaprasūnāni] ; Ś4: asac° ()

kṣatasampadaḥ] ; N11: °dāḥ ()

aṃsaśabdo] ; Ś4: asaccha° ()

ca] ; Ś4: om. ()

vanāntaṣaṇḍeṣv] ; Ś4: vantānta° ()

divasam prati] ; N11: pratiḥ ()

netavyā] ; N11: n(ī)*e*ta° ()

*] ; Ś4: śrīrāmāya namaḥ; N11: oṃ ()

uktvātha] ; N11, Ś4: °ārtha° ()

vilīḍhagaganaḥ] ; Ś4: °nā ()

bhāvāt] ; Ś4: °vād ()

manaḥpavanaparyastabhūribhūtarajaḥpaṭā] ; N11: °ṭāḥ; Ś4: °ṭaḥ ()

parāvartaḥ] ; Ś4: °rtāḥ ()

tiryañco] ; Ś4: tirañ° ()

cādevatāṃ] ; Ś4: ca de° ()

kāyaṃ] ; Ś4: kāya° ()

vināśavāḍavasyaitat] ; Ś4: °syetat ()

kanakaniḥṣyandakomalālokasundaram] ; Ś4: °niṣyanda° ()

susthitam] ; Ś4: °sthi(ra)*ta*m ()

anyasmāt] ; N11: anyāt i°; Ś4: anyān i° ()

saṃsṛtau] ; N11, Ś4: °tiḥ ()

āvirbhāvatirobhāvabhāgino] ; Ś4: °bhāvino ()

khalaḥ] ; Ś4: khala° ()

*] ; Ś4: śrīrāmāya namaḥ; N11: oṃ ()

jagadviparyāsam] ; Ś4: °ryām ()

medhopadāvāgnidagdhe] ; N11, Ś4: °āgnir ()

mṛgatṛṣṇāḥ] ; Ś4: °ṣṇā ()

davāgnisamīpaṃ] ; Vgl. Pāṇ 2.1.6 ()

pākaḥ] ; Ś4: °kas ()

kaṇṭakavat] ; Ś4: kaṇṭavat ()

mahīśvarāḥ] ; Ś4: maheś° ()

nakiñcidbhāvanārūpāṃ] ; N11, Ś4: °bhāvana° ()

makaraketunā] ; N11: °nāḥ ()

makaraketuneti] ; N11: °taneti ()

kilāvasaraḥ] ; N11: °r(ā)aḥ ()

rāgadveṣarūpabandhārtham] ; N11: °ndhā*rtham* ()

vītaśokabhayāyāso] ; Ś4: °sau ()

duḥkhakaṇṭakasaṅkaṭā] ; N11: °kaṇṭasaṃ° ()

cittanāyakam] ; Ś4: cita° ()

meghavitānamadhyavilasatsaudāminīcañcalāḥ] ; N11, Ś4: °vilasā° ()

mudraivādridṛḍhārpitā] ; N11: °rpitāṃ ()

*] ; Ś4: śrīrāmāya namaḥ; N11: oṃ ()

anarthasārtha] ; Sic! ()

śūnyāspadā] ; N11: °spandā ()

sāraṅgyas] ; Ś4: °ragyas ()

tucchālambaviḍambitāḥ] ; N11; Ś4: °ālambha° ()

mohaṃ] ; Ś4: °he ()

vañcitāḥ] ; Ś4: om. ()

ity] ; Ś4: padety ()

patiḥ] ; Ś4: °tis ()

nirvidya] ; N11, Ś4: nirviśya ()

aratiḥ] ; Ś4: °tir atir ()

śithilāsthitety] ; N11: śi(vi)*thi*lā° ()

dhairyeṇa] ; N11: °rye na ()

sarvārambheṣu samārambhaḥ] ; Ś4: °mbhāḥ ()

bahunā] ; N11: °tā ()

sukhaduḥkhaiḥ] ; N11: (kṛtvā)su° ()

kathayeti] ; N11: °thayat(ī)eti ()

ramaṇīyatām] ; N11: °ya*tā*m ()

uttamatām] ; N11: utuma° ()

ācāreṇānusṛtyāyaṃ] ; N11: °ānṛsṛ°; Ś4: °ānṛsatyā° ()

kathambhūtasya] ; Ś4: kathe° ()

*] ; Ś4: śrīrāmāya namaḥ; N11: oṃ ()

proccavṛkṣacalatpattralambāmbulavabhaṅgure] ; N11: °lambābu° ()

aśubhodarkā] ; Ś4: °rko ()

śrīmahādevaśiraḥsthā] ; N11, Ś4: °rasthā ()

raṭataḥ bhekasya kaṇṭhatvak] ; Ś4: °tvag ()

yātīti] ; N11: °ramya*tā*m; Ś4: °tām eveti ()

dagdhasaṃsāro] ; N11: °(ra)*ro* ()

dṛṣṭā saṃsāragatiḥ] ; Ś4: °tir ()

bādhante] ; N11, °4: °dhyante ()

mahārogāḥ] ; Ś4: °gās ()

kathambhūtāḥ] ; Ś4: °tā ()

pūtigandhāś] ; Ś4: pūtir ()

patatāpi] ; Ś4: pati° ()

sthitiḥ] ; Ś4: °tir ()

kṛśānor] ; Ś4: °no ()

ataḥ] ; N11, Ś4: ata ()

śaknomīty] ; Ś4: °tum aśaktomī° ()

na] ; Ś4: °kṣyeva ()

saśvāsocchvāsasaṃvidam] ; Ś4: °socchvāsaṃ° ()

asnehadīpavat] ; Ś4: °yāmi sne° ()

mayūraḥ] ; N11, Ś4: °ra ()

*] ; N11: oṃ ()

amṛtāmbhodhivīcīvilulitā] ; N11, Ś4: °vīcīr vi° ()

romakañcukānvitāḥ] ; Ś4: °itā ()

nivṛttivāsanayā] ; N11: nivṛti° ()

apāstāḥ] ; N11, Ś4: °stā ()

śṛṇukair] ; N11, Ś4: śṛṇva° ()

śṛṇukaiḥ] ; N11, Ś4: śṛṇva° ()

śṛṇukān] ; N11, Ś4: śṛṇva° ()

raghukulākāśaśaśāṅkasamasundare] ; Ś4: °sminn ambu° ()

haiyaṅgavīnapiṇḍānām] ; N11, Ś4: haiyya° ()

vṛṣṭiṣu vṛṣṭyantaḥ] ; Ś4: vṛṣṭipuṣpavṛṣṭy° ()

tāni] ; N11: *tāni* ()

spaṣṭam] ; Ś4: om. ()

*] ; N11: (darśanotsuko hi udgrīvo bhavati hai) ha ()

śuśruvus] ; N11: śu(śru)śru° ()

vākpater] ; N11, Ś4: vākya° ()

pratibodhitāḥ] ; Ś4: °tā ()

sampāditāḥ] ; Ś4: °tā ()

parasparaṃ] ; Ś4: param° ()

kathayanti] ; Ś4: °nti || rāma || ()

ca] ; N11, Ś4: om. ()

bhṛgvaṅgiraḥpulastyādimunināyakamaṇḍitā] ; Ś4: bhṛṅgv° ()

parasparaparāmarśād] ; N11, Ś4: °rṣād ()

vyarājata] ; N11, Ś4: virā° ()

virejus] ; N11: (vya)*vi*° ()

parasparaṃ vṛtā] ; N11, Ś4: vṛttā ()

veṇughaṇṭāvṛtakarā] ; Ś4: °ākṛta° ()

māṇikyavalayānvitāḥ] ; Ś4: °valānv° ()

siddhaugho] ; N11: siddho° ()

praṇayasaṃrambhaiḥ] ; N11: °rabhaiḥ ()

snehasaṃrambhaiḥ] ; N11: °rabhaiḥ ()

rājalakṣmyā] ; N11: rājya° ()

spaṣṭam] ; Ś4: om. ()

yasmin] ; Ś4: °smiṃs ()

ekatamasyaiva] ; Ś4: °syeva ()

sarvebhyaḥ udārā] ; N11: °rāḥ ()

vivekaphalaśālinī] ; Ś4: vikeka° ()

atitatāni bahūni raktamāṃsāsthiyantrāṇi] ; N11: °māṃsā(ṃ)° ()

anyeva] ; N11, Ś4: anyaiva ()

dṛśyate] ; Ś4: °yante ()

āmodalekheva] ; N11: āmeda° ()

rāmāc] ; N11: °māś ()

yukteti] ; N11: °ty asūyānāyu°; Ś4: °ti asūryānā° ()

eva] ; N11: °ṇyā--va ()

mahātmā] ; N11: Hier Textabbruch aufgrund Verlust des letzten Blattes. ()

*] ; Schreiberspruch: śubham astu sarvajagatām || ()

atibalo] ; °l⟨aṃ⟩[o] ()

evāha] ; °āh‘ānarthaḥ ...’ ()

anarthotpādakaṃ] ; °pāda[kaṃ] ()

kṣayaḥ] ; kṣa⟨ṇ⟩[y]aḥ ()

nirgantavyaṃ] ; °ga[n]ta° ()

svasya] ; °sva⟨---⟩[sya] ()

kṛtam śrutam] ; śr[utam] ()

svaguṇadoṣavicāraṇāni] ; s⟨u⟩[va]° ()

lole] ; lol⟨y⟩e ()

prabhāte] ; *prabhāte* ()

nānyat] ; nānya(sta)t ()

tadrasasaṃvidaḥ] ; °ra⟨m⟩[s]a° ()

anyaśaṅkitasya] ; °sy(ā)a° ()

mantrimaṅgalahastināgarāṇāṃ] ; °n⟨a⟩[ā]garā° ()

jñātam] ; jñā⟨n⟩[t]am ()

iti] ; i[ti] ()

samuccaye] ; °u⟨ś⟩[c]ca° ()

śāstramātyebhapaurāṇām] ; śāstr⟨ā⟩[a]° ()

śāstā] ; ś⟨a⟩[ā]stā ()

paridevanāyukto] ; pari⟨v⟩[d]e⟨d⟩[v]anā° ()

tāvad] ; ⟨tadvat⟩ [tāvad] ()

mṛtyupātam] ; °tyu⟨ḥ⟩[-]pā° ()

yathāśāstram] ; °śāstr⟨ā⟩[a]m ()

spandadharmiṇyāḥ] ; °ṇyā[ḥ] ()

samatānandaprāptyupāyatvam] ; samatā⟨samatā⟩nanda° ()

prāgjanmabhavā] ; °jan⟨bh⟩[ma]° ()

duṣkriyā] ; °kriy⟨ay⟩ā ()

utsṛjya] ; utsṛ⟨ṣṭā⟩[jya] ()

ātīva ciraprarūḍhaṃ] ; °ḍha[ṃ] ()

proktaphaletaraṃ] ; p[r]okta° ()

pauruṣanirvṛttatvam] ; °ni[r]vṛ[tta]° ()

tāḍanāyuktam] ; °n*ā*° ()

kāṅkṣite] ; °pūrṇ⟨au⟩[e] °vāñchit⟨au⟩[e] °rūp⟨au⟩[e] kāṅkṣit⟨au⟩[e] ()

te] ; te⟨r⟩ ()

saṃvittattvād] ; °tat[t]vād ()

cetaḥ antaḥspandam] ; °spa[n]dam ()

na] ; n⟨u⟩[a] ()

doṣahetunā] ; °h⟨o⟩[e]tu° ()

śāstrādi] ; °ādi⟨ṃ⟩ ()

arthakriyākāri] ; *kri* ()

daivaparatvarūpeṇa] ; dai*va* ()

prayatate] ; °yatat(o)e ()

guṇaḥ matyā] ; ⟨s⟩[m]atyā ()

idam ittham iti gira] ; gira(ḥ) ()

ātto] ; ā(r)tto ()

rajjāv] ; rajj⟨v⟩āv ()

ātto] ; ā(r)tto ()

paramārthasad] ; °sa⟨n⟩[d] ()

snānadānāśanādārān] ; °dārā[n] ()

mūrtirahitena] ; mūr⟨h⟩[t]i° ()

dṛśyāt] ; dṛśyā(ḥ)*t* ()

kevalasaddṛśyāc] ; °val[a]° ()

vapuṣmataḥ] ; °mat⟨ā⟩[aḥ] ()

mūrtirahitena] ; °te[na] ()

śeratāṃ] ; śerat(e)āṃ ()

daivenetthaṃ] ; °n(o)[e]tthaṃ ()

prājñās] ; °jñ⟨a⟩[ā]s ()

brāhmaṇyaṃ] ; °ṇy(e)aṃ ()

dānavebhyaḥ] ; °bhy⟨o 'su°⟩[aḥ su°] ()

daivasyauṣadher] ; d⟨e⟩[ai]va° ()

kevalaṃ] ; °l⟨e⟩[aṃ] ()

iṣṭāniṣṭasya vastunaḥ iṣṭā aniṣṭā vā prāptiḥ daivaśabdena kathyate] ; *iṣṭāniṣṭasya ... kathyate* ()

kasyacit kiṃcit] ; °ci[t] ()

idam itthaṃ sthitam] ; sthi(r)*t*am ()

siddham] ; si⟨---⟩[ddham] ()

prakṛtatvāt] ; pra(vṛ)kṛ° ()

saṃjñāḥ] ; °jñā[ḥ] ()

jīvanmuktākhyaśubhaphalapradaḥ] ; °bha⟨te⟩pha° ()

svānusāreṇa] ; °s⟨v⟩ā° ()

prājña] ; °jña⟨ś⟩ ()

cetanāmātras] ; °n⟨a⟩[ā]mā° ()

tvam anyena] ; °na⟨ṃ⟩ ()

citikriyākartṛtvam] ; °tvam⟨aḥ asiḥ⟩ ()

iti] ; ⟨s(a)ot(i)ā⟩ [sa iti] ()

kiṃrūpam] ; °pa⟨s⟩[m] ()

idantāspandaṃ] ; °spa[n]da° ()

pālayed] ; °ye[d] ()

pauruṣeṇa] ; p⟨o⟩[au]ru° ()

yatatvāt] ; °t[a]tvāt ()

sandehaviṣayāyām] ; °[yā]yām ()

loke] ; °k⟨o⟩[e] ()

jīvanmuktākhyasaṃpatprāptaye] ; °v⟨i⟩[a]nmu° ()

tac chubhaṃ] ; *bhavati tac chubhaṃ* ()

viśvāmitrapreraṇayā] ; pr⟨a⟩[e]raṇ⟨ī⟩[a]yā ()

gamikriyānāśrayatvāt] ; °yā*nā*śra° ()

spandāspandasamākārāt] ; °nda(ḥ)sa° ()

sṛṣṭyāveśaudāsīnyayoḥ] ; °au⟨y⟩[d]āsī° ()

bhāvisṛṣṭisthitikārī] ; °vi⟨ṃ⟩sṛ° ()

ājāyata] ; °t(e)a ()

sṛṣṭimātrakathanākāṅkṣayā] ; °nā(ṃ)*kāṃ*kṣa° ()

svarūpaleśāc] ; °śā⟨ś⟩[c] ()

manasaḥ] ; ma⟨l⟩[n]a° ()

svayam] ; sva⟨v⟩[y]am ()

rāhoḥ] ; °ho[ḥ] ()

ivānagha] ; iv(i)ā° ()

sākṣamālam] ; °la[m] ()

haṃsaḥ] ; °sa(ṃ)⟨s⟩[ḥ] ()

cintitavān] ; ⟨saṃ⟩cin[ti]tavān ()

pṛṣṭas] ; *kiṃ pṛṣṭa*[s] ()

śuddhamanastattvātilaṅghanena] ; (a)śu° ()

svataḥsiddhatvam] ; °ta*ḥ*si° ()

viditavedyaṃ] ; °t⟨i⟩[a]ve° ()

putrāsya] ; °tr*ā*sya ()

jambudvīpāntarasthitam] ; °pā[n]ta° ()

spaṣṭaṃ] ; *spaṣṭaṃ* ()

tu] ; °rtha(ḥ a)stu ()

kiṃcit] ; °cit⟨d⟩ ()

niyatyanurodhena] ; °anu(na)ro° ()

pūrvasargoktasyopasaṃhārakāṅkṣayā] ; °rv⟨o⟩[a]° ()

bhagavato] ; °t*o* ()

kimarthaṃ] ; kim(i)a° ()

utkṛṣṭacinmātrasvarūpe] ; °kṛṣ⟨ṇ⟩[ṭ]a° ()

yal] ; ya⟨dā⟩[l] ()

saṃbandhanīyaḥ] ; °ya(ā)ḥ ()

bhūpā] ; °pā⟨ḥ⟩ ()

rājavidyā] ; °dyā⟨ṃ⟩ ()

bībhatsādirūpaṃ] ; *⟨v⟩[b]ī⟨v⟩[bh]atsādirūpaṃ* ()

mṛdusthalam] ; bījasy⟨ai⟩[e]va mṛ⟨ḍ⟩[d]u° ()

cirakālavivekataḥ] ; °t(ā)aḥ ()

jantoḥ] ; °to*ḥ* ()

buddhiyogaḥ] ; °ga⟨ṃ⟩[ḥ] ()

ca] ; c(ā)a ()

paśyanti] ; °ya[n]ti ()

evopāyatvena] ; °p(o)āya° ()

paunaḥpunyena] ; °ye[na] ()

nāma] ; nā[ma] ()

sudustaram] ; °r(ā)am ()

saṃsārāṃbhodhitāriṇīm] ; °āṃ⟨b⟩[bh]odhi° ()

śītavātātapādīni] ; °vā(t)[t]āta° ()

bālavṛddhayoḥ] ; °yo*ḥ* ()

varṣadabdam] ; °ṣada⟨gdh⟩[bd]am ()

varṣantaḥ abdāḥ] ; ab⟨dh⟩[d]āḥ ()

saṃsāramarumārute] ; °rā⟨r⟩va[r]te s⟨ā⟩[aṃ]sā° ()

ādhivyādhyoḥ parāvartaḥ] ; °v(ā)ar° ()

satīti] ; satī*t⟨ī⟩[i]* ()

yācñāsahitam] ; yā⟨ñc⟩[cñ]ā° ()

taduktavākyavācyam] ; ta⟨b⟩[d]ukta° ()

praṣṭari] ; p⟨ṛ⟩[ra]° ()

mūḍhatamaḥ] ; [mū]⟨ḍ⟩[ḍh]atama⟨c⟩[ḥ] ()

yatnāt] ; °nā[t] ()

tu] ; ⟨r⟩t⟨a⟩[u] ()

uktāvadhānaparamā] ; ukt⟨v⟩ā° ()

viratiḥ] ; °ti*ḥ* ()

vinā] ; vi⟨r⟩nā ()

sevyāḥ] ; s(o)ev° ()

vivekayogyo] ; °yog[y]o ()

sanmate] ; sa⟨t⟩[n]° ()

guṇāḥ] ; guṇāḥ (guṇāḥ) ()

sutapodamaiḥ] ; su⟨ṃ⟩tapoda⟨bh⟩[m]aiḥ ()

kiṃcitpadapadārthajñānamātreṇa] ; °pad[a]pa° ()

durāśāsarpagatena] ; durāś*ā*sarpaga⟨nr⟩tena ()

maitryādiguṇayuktena] ; ⟨p⟩[m]ai° ()

yathā] ; *yathā* ()

samyakpraṣṭṛtvaṃ] ; °p⟨ṛ⟩[ra]° ()

manaḥ] ; °n⟨ā⟩[a]ḥ ()

śuddhasattvānupātinīm] ; °ān[u]pā° ()

tantubhiś] ; ta[n]tu° ()

atiśayenāvicchinnaiḥ] ; °āv*i*° ()

svataḥsphuritāṃ] ; °ta[ḥ]sphurit*ā*ṃ ()

prastauti] ; *brahmoktāṃ ... prastauti* ()

asmadādivad] ; asm⟨ā⟩[a]d° ()

saṃsāraviṣāveśaviṣūcikā] ; s⟨ā⟩[a]ṃ° ()

sujanena] ; °n⟨a⟩[e]n⟨e⟩[a] ()

'vahelayā] ; °he⟨na⟩la° ()

vigatajvareṇa] ; vi⟨kala⟩[gata]° ()

śītalāntaḥkaraṇena] ; °ānt(ā)aḥ° ()

ālokyate] ; °ya[te] ()

vicāravaśataḥ] ; °ra⟨ḥ⟩va° ()

samyagdarśanavatā] ; °śa*na*va° ()

paripakvāṃ] ; °pakv⟨a⟩[ā]ṃ ()

harati] ; har(i)a° ()

śiraśchedaḥ] ; °ra⟨c⟩[ś]che° ()

yāvat] ; °ti ⟨ta⟩ yā° ()

vātaḥ] ; °t(ā)aḥ ()

vinodanārthaṃ] ; °da*n*ā° ()

puraḥsthāḥ] ; °ra[ḥ]° ()

evaiṣāṃ] ; ev⟨e⟩[ai]ṣāṃ ()

padyāntaṃ] ; °dy⟨a⟩[ā]° ()

hṛdi valgati] ; val⟨ā⟩[ga]t*i* ()

akhilakalanādṛṣṭiṣu] ; °ṣṭi(ra)ṣu ()

parispandaḥ] ; °s⟨ph⟩[p]a° ()

paryantataḥ] ; °ta(bhū)taḥ ()

dehacālakatvāt] ; deh(ā)a° ()

asamunnaddhā] ; (ā)asam° ()

pūrvasargoktām] ; *etāṃ* pū[r]va° ()

prāptarājyā] ; *prāpta*° ()

parapadarūpatayaiva] ; °rū⟨ṣ⟩[p]a° ()

avajñātamahājanaiḥ] ; °ma⟨n⟩*h*ā° ()

kaṣṭām] ; kaṣṭ⟨a⟩[ā]m ()

śeṣaḥ] ; *jñātvety ... śeṣaḥ* ()

andhadundubhān] ; (ṭheṣu duranteṣu) andha(taṃ)du° ()

vairāgyābhyāsayogataḥ] ; °ābhy*ā*sa° ()

tīrthāyatanāśrayaḥ] ; °y(e)a*ḥ* ()

vivekoccataroḥ] ; °o⟨ś⟩[c]ca° ()

atha] ; atha⟨ṃ⟩ ()

kriyāḥ] ; °yā*ḥ* ()

vikāsiśamapuṣpasya] ; °kās*i*śa° ()

vivekoccataroḥ] ; °o⟨ś⟩[c]ca° ()

prakṛtānāṃ] ; °tā*nāṃ* ()

ekatamāsaktyā] ; e(ai)ka° ()

yeṣām] ; °ṣā⟨ṃ⟩m ()

śamakuśeśayam] ; °ku⟨l⟩[ś]eśa° ()

vikasitaṃ] ; °k(ā)asi° ()

paramātmatattvaṃ] ; °tva[ṃ] ()

hiṃsāni] ; °sā⟨ṇ⟩[n]i ()

sarvādhivyādhivalitaṃ] ; °vyā⟨l⟩[dh]i° ()

śamāmṛtāsekaiḥ] ; °kai[ḥ] ()

śamāmṛtarasāsnātaṃ] ; °ras⟨a⟩[ā]snā° ()

vyāpāreṇa] ; vy*ā*pā° ()

śāntam] ; °ta⟨ṃ⟩m ()

harṣāmarṣānusandhānarahitaḥ] ; °marṣ⟨a⟩[ā]nu° ()

yāto] ; yā(ṃ)to ()

anantehāparipallavitākṛti] ; °ti(ḥ) ()

tābhiḥ] ; ⟨n⟩[t]ā° ()

anartham] ; ⟨ā⟩[a]n° ()

rāghava] ; °va(ḥ) ()

mañjaryo] ; ma[ñ]ja° ()

tejorāśis] ; °śi⟨*ḥ*⟩[s] ()

mudhā] ; ⟨s⟩[m]u° ()

aśaniḥ] ; °ni*ḥ* ()

janarahite] ; ja⟨ṃ⟩na° ()

dhiyaḥ] ; °y(ā)aḥ ()

avicāreṇa] ; °r⟨a⟩[e]ṇa ()

avidyamānasadbhāvā] ; °v⟨a⟩[ā] ()

paśyañ] ; °śya⟨ṃ⟩[ñ] ()

vedavedāntasthitayaḥ] ; °sthitayaḥ (sthitayaḥ) ()

andhāndham] ; °ā[n]dham ()

jñāyate] ; jñ*ā*(ttvād viśraṃ)yate ()

gacchata] ; °t⟨i⟩[a] ()

vicāritā] ; °t⟨aḥ⟩[ā] ()

āśāvaivaśyavivaśe] ; āśāv⟨e⟩[ai]v⟨e⟩[a]śya° ()

saṃtoṣapuṣṭamanasaṃ] ; °s⟨ā⟩[a]ṃ ()

sādhu] ; sādhu(ḥ) ()

nityapīvarīṃ] ; ni⟨n⟩[t]ya° ()

tapobhiḥ] ; °bhi*ḥ* ()

galitagranthayo] ; galita⟨galita⟩° ()

kāryaiva] ; °ti[ḥ] kāry⟨e⟩[ai]va ()

sarvopāyena] ; sarv⟨e⟩[o]pā° ()

saundaryādyā] ; saunda[r]yā° ()

arjayet] ; arja*ye*t ()

doṣā] ; d⟨e⟩[o]ṣā ()

na] ; [na] ()

bhavān] ; ⟨mahān⟩ [bhavān] ()

jñānagiraḥ] ; jñāna(ṃ) ()

bhavyo] ; bhavy*o* ()

vinidrasya] ; v*i*ni° ()

yuktiyuktāni] ; yukt⟨a⟩[i]yu° ()

vicārite] ; vi⟨d⟩[c]ārite ()

evaṃsvabhāva] ; *evaṃ* ()

puraḥstha] ; pura[ḥ]stha ()

tathāsad evotthitaṃ] ; *tathā ... °taṃ* ()

citram] ; cit⟨t⟩[r]am ()

citram] ; cit⟨t⟩ram passim ()

adāhakatā] ; °katā(t) ()

taraṅgotpalamālāḍhyadṛṣatpattram] ; °dṛ⟨ś⟩[ṣ]at° ()

draṣṭṛdṛśyakramaprauḍham] ; ⟨dṛṣṭyā⟩[draṣṭṛ]° ()

parivarṇitam] ; °varṇit[am] ()

upaśāntiprakaraṇaṃ] ; °śānti⟨ḥ⟩ ()

samadanā] ; sa*ma*danā ()

anullikhitāni] ; °ulli[khi]tā° ()

sarvāsām ṛtumatīnām anutpannasya] ; °panna[sya] ()

antarlīnaḥ taraṅgaughaḥ] ; tar(i)aṅgau° ()

saumyavāriyuktā] ; s*au*myavāri(sadṛśī)° ()

kṛtakartavyasusthitaḥ] ; kṛta(ḥ)° ()

hanapāṣāṇajaṭharajaṭharopamaḥ] ; °jaṭhara(ṃ)jaṭha° ()

kiṃciddraṣṭṛtvāt] ; °d⟨ṛ⟩[ra]ṣṭṛ° ()

antarvartayatīty] ; °vart[ayatī]⟨e⟩ty° ()

ced] ; ce⟨t⟩[d] ()

eva] ; = MṬ (Ms Vairāgya°) 3r,3-5. ()

rāgiṇaṃ] ; °rāgi⟨n⟩[ṇ]aṃ ()

tasyopadeśo] ; ⟨ta⟩tasyo° ()

yathā mihikāḥ] ; yathā mihikāḥ ⟨yathā yathā mihikāḥ⟩ ()

yoginaḥ] ; °⟨t⟩[n]aḥ ()

grāmyatayā] ; °⟨h⟩[t]ayā ()

dhairyayuktām] ; °kt*ā*m ()

viṣayāsaṅgarūpiṇi] ; °ṣ(ā)*yā*saṃga° ()

atiśayo] ; °y*o* ()

kiṃcitpadapadārthavit] ; °v*i*t ()

draṣṭṛdṛśyapiśācakaḥ] ; ⟨dṛṣṭa⟩[draṣṭṛ]° ()

setsyatīti] ; °tī*ti* ()

sumanaḥpallavāmarśe] ; °ā⟨s⟩[m]ar⟨ṣ⟩[ś]e ()

sumanaḥpallavāmarśe] ; °mar⟨ṣ⟩[ś]e ()

puṣpapallavāmarde] ; °ma⟨n⟩[r]de ()

sukhadāyi] ; °kh(ā)dā° ()

buddhyatiśāyīty] ; °ddhya*ti*śā° ()

dṛṣṭenārthāvabodhanam] ; °⟨r⟩[b]odha° ()

sanmātrākhyaṃ] ; °mā[trā]° ()

sarvāṇi] ; °rvā*ṇi* ()

utānyāny] ; utā[nyā]ny ()

*] ; (hmopadeśadṛṣṭānto yasya veha hi kathyate) ()

ato] ; at*o* ()

dārṣṭāntikasya] ; dā[r]ṣṭā° ()

sa] ; ⟨m⟩[s]a ()

ata] ; a[ta] ()

siddhaviruddhādidṛk] ; siddh⟨e⟩[a]° ()

veti] ; vet⟨t⟩i ()

iti] ; iti ⟨bhāvaḥ⟩ ()

siddham] ; °ddha[m] ()

avastutvam] ; °st⟨a⟩[u]tvam ()

ye 'rthā] ; ['r]thā ()

ekadeśasādharmyeṇeti] ; °s⟨a⟩[ā]dharmye⟨v⟩[ṇ]eti ()

bodhyabodhane] ; °⟨d⟩[dh]yabo° ()

'vabhotsyate] ; 'va⟨b⟩[bh]o° ()

avabhotsyate] ; ava⟨b⟩[bh]o° ()

dṛṣṭāntās] ; °ntā⟨t⟩[s] ()

tasmāt ta eva sudhyānanagarādaya] ; su[dhyā]na° ()

sthālatailavartyādi] ; °va⟨n⟩[r]tyā° ()

anubhūtyapalāpāttair] ; °bhūty⟨ā⟩[a]pa° ()

arthaḥ] ; arth(ā)*aḥ* ()

garbhīkṛtāvāntaravākyamahāvākyārthaparicchedena] ; °kṛtā(ṃ)vā° ()

śāstropaśamasaujanyaprajñātajjñasamāgamaiḥ] ; °ta[j]jña° ()

dharmād] ; °rm⟨y⟩ād ()

tasya] ; °na(ṃ)[m] | [ta]sya ()

yāvat apunarnāśāṃ] ; °punnanā° ()

vittaḥ] ; vit⟨u⟩[ta]ḥ ()

vyākulāḥ codyacañcavaḥ] ; °va[ḥ] ()

pṛcchakaḥ] ; p⟨ra⟩[ṛ]° ()

sthānaṃ] ; °n⟨ā⟩[a]ṃ ()

ārohāvasthāyāṃ] ; ā⟨hāro⟩[rohā]° ()

evāvarohāvasthāyāṃ] ; °āv⟨u⟩[a]ro° ()

asan] ; asa⟨ṃ⟩*n* ()

sargonmukhatāsamaye] ; [sargo]nmu° ()

evāvaśiṣyate] ; °v⟨i⟩[a]śi° ()

ātmānaṃ vicārayan] ; vic(i)*ā*r(ā)yan(i) ()

puruṣa] ; nan⟨v⟩[u] ⟨a⟩° ()

kaiścid] ; kai[ś]° ()

buddhīndriyakarmabhiḥ] ; °y(ā)k⟨i⟩[a]rma° ()

tadā] ; *ta*dā ()

evety] ; ev⟨a⟩[e]ty ()

dārumeṣasya] ; dā*ru*⟨na⟩me° ()

digādi] ; di(haḥ svarūpaṃ yasya)gādi ()

ślokāntareṇa] ; [ślokān]ta° (?) ()

yathā] ; ya(tha)thā ()

paramārthatas] ; °mā⟨tā⟩[rtha]tas ()

kathambhūta] ; °t⟨ā⟩[a] ()

draṣṭṛtvaṃ] ; d⟨ṛ⟩[ra]° ()

asti] ; [tv a]sti ()

dṛśyasya draṣṭṛtvaṃ] ; d⟨ṛ⟩[ra]° ()

draṣṭṛtayā] ; d⟨ṛ⟩[ra]° ()

nirmātṛ] ; °mā[tṛ] ()

pramātṛrahitam] ; °hi[ta]m ()

mātṛtvaṃ] ; °tv⟨e⟩[aṃ] ()

sidhyatīty] ; si⟨d⟩dh[y]a° ()

eveti] ; su⟨ś⟩[ṣ]am[am] eveti ()

vivardhete] ; °vardh⟨an⟩[e]te ()

vitatatārayā] ; °⟨yā⟩*tā*ra° ()

sahito] ; °hit⟨aṃ⟩[o] ()

gītānandakhagotsādayoḥ] ; °da⟨sya⟩*kha*go° ()

mṛgāṇāṃ] ; °gā⟨n⟩[ṇ]āṃ ()

puruṣaḥ] ; °ṣa⟨ṃ⟩[ḥ] ()

mune] ; °ne⟨r⟩ ()

yāti] ; yā⟨n⟩ti ()

satpadaprāptir] ; sa⟨ṃ⟩[t]pa° ()

viditavedyatāṃ] ; °ya⟨ya⟩tāṃ ()

śrīrāmāya] ; śrī r⟨a⟩[āmāya] ()

svabodhasmaraṇavinihataṃ] ; °hata[ṃ] ()

vakṣyamāṇopadeśādhikāritvasampādananimittaṃ] ; va⟨--⟩[kṣyam]āṇopa° ()

vibhāvya] ; °bh⟨-⟩[ā]vya ()

utpattiprakaraṇam] ; utp⟨--⟩[atti]pr⟨---⟩[akara]ṇam ()

svavyatiriktaśiṣyopadeśabhāvena] ; °deś⟨----⟩[abhāvena(?)] ()

prathamaṃ] ; °anu⟨---⟩[bhavaṃ pra]tha° ()

uttaravākyasthaṃ] ; u⟨--⟩[ttara]vākyasthaṃ ()

bṛṃhitaṃ] ; bṛ⟨--⟩[ṃhitaṃ] ()

sarvanāma] ; ya⟨--⟩[tra sa]rva⟨-⟩[n]āma ()

jāgratkālīnaṃ] ; jā⟨-⟩[grat]kā° ()

kābhiḥ] ; ka(thambhūtaiḥ)[ā]*bhiḥ*. ()

vastutaḥ] ; *va*stutaḥ ()

ātmabhāvena] ; ātm(ā)abhā° ()

cañcuppratyayaḥ] ; Vgl. Pāṇ 5.2.26. ()

vastvanusāreṇa] ; °s⟨v⟩āreṇa ()

hetoḥ] ; het⟨a⟩[o]ḥ ()

madhye] ; ⟨s⟩[m]adhye (tava) ava°: Tilgung eines ursprünglichen Explicans ‘tava’ eines ‘te’ der Mūla- ()

saṅkṣepakathanaṃ] ; katha⟨ṃ⟩naṃ ()

kathayituṃ] ; katha(nama)yituṃ ()

kālāntarabhāvini] ; °ra(m)*bh*ā° ()

ādhārād] ; mūlā*d ā*dhār⟨-⟩[ād] ()

yāti] ; °ti⟨ṃ⟩ ()

sāmānyadharmamātrāśrayaṇenaiva] ; (a)s*ā*⟨pt⟩[m]ānya° ()

viśeṣaṇadvāreṇa] ; °dvāre*ṇa* ()

anākhyam] ; ta*d a*nā° ()

sthitair] ; sthi(ā)tair ()

niḥspandam] ; ni[ḥ]spa° ()

vakṣyamāṇanītyā] ; 3.1.12a ()

ityādivakṣyamāṇanītyā] ; 3.7.17a ()

bhavatu] ; °t⟨v⟩u ()

mantharībhavan] ; °va⟨t⟩[n] ()

jīvabhāvānantaram] ; °ram⟨ḥ⟩ ()

mantharībhavan] ; °va⟨t⟩[n] ()

susthirāt] ; s⟨va⟩[u]sthi° ()

manasaḥ] ; mana(ḥ)saḥ ()

kānakāt] ; °kā⟨n⟩[t] ()

jagacchabdakārthaḥ] ; °cha[bda]kā° ()

endrajālaśrīḥ] ; kath⟨e⟩[am]° ()

sargātmā] ; °ā(tiḥ)*di*sa° ()

tad aikṣatetyādiśrutisāmarthyāt] ; ChU 6.2.3. ()

jagadādidṛśyam] ; °ā*di*dṛ° ()

draṣṭṛviṣayatvāt] ; d⟨ṛ⟩[ra]ṣṭṛ° ()

vacanamātreṇa] ; °na(ṃ)mā° ()

dṛśyasya jagataḥ] ; °sya (dṛ) ja° ()

padārthasādhakatvaṃ] ; °tv(ā)aṃ ()

sataḥ] ; BhG 2.16ab. ()

dṛśikriyāviṣayībhūtaṃ] ; dṛś⟨ya⟩[i]kri° ()

acetyacitsvarūpātmā] ; āh⟨ā⟩[a a]cety(e)a°; ()

acetyacitsvarūpātmā] ; *citsvarūpātmā* ()

tapodhyānādibhiḥ] ; *prādurbhāvaḥ si⟨d⟩dhyaty eva ---tvāt ||2⟨6⟩[7]|| atha tapodh⟨---⟩[yānādi(?)]bhiḥ* ()

pramṛṣṭam] ; pra⟨sya⟩*mṛ*ṣṭam ()

dṛśikriyāviṣayo] ; dṛś⟨ya⟩[i]kriyāviṣayo⟨viṣayo⟩ ()

nirgatasyāta] ; °tasyā(tasyā)ta ()

pratibimbati] ; °ba(sya)ti ()

sphurattā] ; °ra[t]tā ()

sphurattāmātramayī] ; °ra[t]tāmātramay(ā)⟨*am*⟩[ī] ()

dṛśyātyantābhāve] ; dṛśyā⟨ṃ⟩tya° ()

sidhyati] ; °⟨d⟩dhya° ()

videhamuktagocarā] ; °tvaṃ (turyaṃ vā) vi° ()

samādhīnāṃ] ; °nā[ṃ] ()

sarvoparamasvarūpasamādhiṃ] ; °pa(ṃ)sa° ()

asmadabhimatātyantābhāvaprasaṅgāt] ; °aṃ*tā*(ktā)bhā° ()

padam] ; [pa]dam ()

nirvikalpasamādhiḥ] ; °dhi*ḥ* ()

pāṣāṇatātulyā] ; °tā(ṃ)tu° ()

paramārthasantaṃ] ; °sant⟨u⟩[a]ṃ ()

satyānubhavabhāsvaram] ; °bhā⟨su⟩[sva]ram ()

arthakriyāsampādanena] ; °da(naṃ)nena ()

satyānubhavabhāsvaram] ; ⟨na⟩ satyā° ()

svāyattatvāt] ; °ya(tu)*tta*tvāt ()

tatsvarūpasya] ; °*rū*pa° ()

iti] ; °rū⟨--⟩[paḥ](tvepi) iti ()

padmajasyādhibhautikadeharāhityaṃ] ; °k(ā)[a]*deha*rā° ()

kā] ; k⟨a⟩[ā] ()

eva] ; e[va] ()

mṛdaḥ] ; °da*ḥ* ()

sahakārīṇi] ; °āh⟨ā⟩[a a]jasy(e)[a] s(i)[a]ha° ()

sahakārikāraṇāni] ; ⟨--⟩[saha]kā° ()

padmajajagadviṣaye] ; padmaja⟨dvi⟩ja[gad]*vi*ṣaye ()

tanuḥ] ; ⟨manum⟩[tanus(?)] ()

kalpanāyām] ; °yā[m] ()

kulālasya] ; °śal(āhi)[a]*syāpi* ku° ()

tiṣṭhati] ; a⟨ṃ⟩(ta)sti *ti*ṣṭhati ()

dṛḍhayati] ; d⟨ra⟩[ṛ]° ()

cātra] ; c⟨e⟩(ti spaṣṭam) [ā]tra ()

gatam] ; Vgl. YV 3.1.45-47. ()

boddhari] ; n(o)[a] b⟨a⟩*o*ddha° ()

cet] ; ce[t] ()

svādhārabhūtastryādikṛtaspandarāhityenety] ; °sp(ā)[a]nda° ()

udgatarūpāḥ] ; °r⟨ur⟩[ū]pāḥ ()

śravaṇārtham] ; °ṇā[rtha]m ()

ceṣṭitatyāgenotprekṣitam] ; °tyāg⟨a⟩[e]not° ()

saṃhṛtya] ; °tya⟨ṃ⟩ ()

vadiṣyāma] ; °ṣ⟨m⟩[y]ā° ()

astūktvā] ; āka[r]ṇyaivam ast⟨a⟩[ū]ktvā ()

puṣpārghyapādyasammānadakṣiṇādānapūjayā] ; °rghya⟨m⟩[p]ā° ()

devarṣimunīn] ; °rṣi⟨r⟩mu° ()

ākarṇyaiva] ; 3.4.12c bei Ś1: ākarṇyaiva sambhūktā bhūpatir ()

prativādaṃ] ; pra⟨d⟩[t]i° ()

kuṇḍaleti] ; ku[ṇḍa]le° ()

sabhāsamukhāni] ; °sa⟨da⟩mu° ()

hārabhāraiḥ āhatāni suvarṇapaṭṭābhāni] ; °ṭṭā*bhā*⟨tā⟩ni ()

kāñcanābharaṇoddyotakanakīkṛtadiṅmukhāḥ] ; °di⟨ṃ⟩ṅmu° ()

buddhisthamunivāgarthasaṃśāntendriyavṛttayaḥ] ; (muddhiddha)*buddhistha*° ()

bālāṅganā] ; °ā[ṅ]ga° ()

sātpuruṣaṃ] ; (sātpuruṣaṃ)*satpu*[sātpuruṣaṃ] ()

citte] ; citt(r)e*tte* ()

nililyire] ; °ly⟨a⟩[i]re ()

tāḥ] ; 3.4.22d bei Ś1, Ś3: tadā tā vṛttayo yathā ()

kuṅkumacchāyayeva] ; °y⟨ai⟩[e]va ()

'driḥ] ; °cā⟨n⟩tyo⟨ddh⟩['dr]iḥ ()

khasametatvaṃ] ; °tat⟨t⟩vaṃ ()

vetālavalayā] ; °y⟨a⟩[ā] ()

lambadīrghatamaḥkeśyo] ; °k⟨o⟩[e]śyo ()

bhuvanaṃ] ; (tu)*bhu*va° ()

svagṛheṣu] ; *vicitrārthāḥ ... svagṛheṣu* ()

ājagāmārkaprabhonmīlitalocanā] ; °bho⟨r⟩[n]mī° ()

asti] ; [a]sti ()

sākṣigrahaṇāpekṣasiddhikatvena] ; °ka⟨-⟩[tve]na ()

kiñcil] ; kiñci(nna)l ()

asya] ; a*sya* ()

sarvathā] ; sarva(ta)*thā*⟨ḥ⟩ ()

buddhidārḍhyasyādhibhautikadehatvaṃ] ; °dārḍhya⟨māna⟩syā° ()

ādhibhautikabuddhiḥ] ; ā⟨t⟩[dh]i° ()

kaścit] ; nām⟨ā⟩[a] ka⟨ḥ⟩[ś]cit ()

asatkalpatvāt] ; asa(ṃ)*t*ka° ()

viṣayyagrastha] ; °y⟨i⟩[ya]gra° ()

vakṣyāmy] ; v(ākyā)[a]*kṣyā*my ()

draṣṭṛvyatiriktadṛśyasya] ; °rikta⟨ḥ⟩dṛś° ()

draṣṭā] ; °ṣṭ⟨r⟩ā ()

ananyatvena] ; °ya⟨t⟩tve° ()

ata evāsataḥ] ; ev⟨a⟩[ā]sa° ()

sidhyati] ; si⟨d⟩dhya° ()

draṣṭṛdṛśyayoḥ] ; d⟨ṛ⟩[ra]ṣṭṛ° ()

sūryamaṇḍalāt] ; °maṇḍalā*t* ()

iti] ; i⟨d⟩[t]i ()

arthaḥ] ; artha(ā)ḥ ()

sattābhajataḥ] ; satt(ā)⟨ṃ⟩[ā]° ()

bhavatv] ; °va⟨ṃ⟩tv ()

na] ; *na* ()

pratijñāṃ] ; 3.4.51c ()

dṛśyapiśācaḥ] ; °śā⟨ś⟩[c]aḥ ()

samavāyikāraṇanāśādinā] ; °nā⟨n⟩[ś]ādi° ()

sattārūpeṇa] ; sa(m)*ttā* ()

iti] ; i*ti* ()

hi] ; °ya(ti)*te hi* ()

smṛtibījā] ; °bījā⟨c⟩ ()

taraṅgabhāvena] ; °ga(vā)bhā° ()

pūrṇe] ; pūr⟨ś⟩[ṇ]e ()

paraṃ] ; °r(e)*aṃ* ()

na] ; n⟨o⟩[a] ()

asattā] ; asa(nt)[tt]ā ()

bhāvajātasyāpahnavaḥ] ; °tasy*ā*pa° ()

mṛdaḥ] ; mṛ(ā)daḥ ()

anutpannam] ; °ādāv a(rā)nut° ()

kathayety] ; °yety(i) ()

pravakṣyasi] ; °ṣy(ā)asi ()

samupāgate] ; °ā⟨m⟩[g]ate ()

prati] ; p[r]ati ()

iti] ; i(mi)ti ()

māyākhyarogāt] ; °ākhy⟨ā⟩[a]ro° ()

nivartante] ; TaittUp 2.4. ()

avagamyate] ; (e)ava° ()

tailapāyikādisañjñāvat] ; °jñ*ā*° ()

jīvāparaparyāyaṃ] ; °ra⟨ma⟩pa° ()

yaḥ] ; ⟨yaḥ⟩ yaḥ ()

bhāsako] ; °sa*ko* ()

darśanānāṃ] ; °rśa*nā*nāṃ ()

yo] ; asa⟨tyo⟩[d yo] ()

api] ; a*pi* ()

ādayaḥ] ; indr[iy]ādayaḥ ()

mānasikāḥ] ; ⟨s⟩[m]ā° ()

draṣṭṛrūpam] ; d⟨ṛ⟩[ra]° ()

padārthaṃ] ; °rth⟨e⟩[aṃ] ()

itisvarūpaṃ] ; °ka*m it⟨ya⟩[is]va*rū°(?) ()

arthāc] ; arthā⟨ś⟩[c] ()

śailāḥ] ; °lā[ḥ] ()

tribhuvanormayaḥ] ; °no⟨n⟩[r]ma° ()

prakṛtivratatiḥ] ; °ti⟨r⟩vra° ()

yaś] ; ya⟨ḥ⟩[ś] ()

parapremāspadatvena] ; °āspa⟨n⟩da° ()

parapremāspado] ; °āspa⟨n⟩do ()

parapremāspadatvaṃ] ; °āspa⟨n⟩da° ()

sat] ; s⟨ā⟩[a]t ()

iṣṭāniṣṭān] ; °ṣṭā⟨m⟩[n] ()

bhogyasya] ; °gya⟨ṃ⟩sya ()

sidhyati] ; si⟨d⟩dhya° ()

camatkārakāraṇam] ; °rak⟨a⟩[ā]ra° ()

rahitatvāt] ; °ta⟨t⟩tvāt ()

idaṃ kāyāyaḥ] ; °y(o)āyaḥ ()

ātmaśaktiyuktatvena] ; °śakt[i]° ()

ayaskāntākhyaratnasannidhāne] ; a(ṣu)*ya*s° ()

niyatiḥ] ; [niyatiḥ] ()

spandanaṃ] ; s⟨a-⟩[pandanaṃ] ()

anuṣṭhānakhedadā] ; °⟨duḥkha⟩[kheda]dā ()

svānandabhāsarūpo] ; °nand⟨ā⟩[a]bhāsarūp⟨e⟩[o] ()

nivāritā] ; °t⟨a⟩[ā] ()

svānandabhāsarūpaḥ] ; °bhāsa⟨*sva*⟩rū° ()

svadehād eva] ; ⟨ai⟩[e]va ()

upakāraṃ] ; upa⟨h⟩[k]ā° ()

sādhanaṃ] ; °⟨ne(mo)⟩[naṃ] ()

ca] ; ⟨ṛte⟩ [ca] ()

śāstrasatsaṅgasadyoginaḥ] ; °saṅga[sad]yo° ()

brahmaivedam] ; °da(ṃ)m ()

śāstrādiparatāphalabhūtasyātmaviśrāntim] ; °nti[m] ()

jñānaviṣayatvaṃ] ; °na⟨ṃ⟩vi° ()

tapassnānakarmabhiḥ] ; °pass⟨u⟩[nā]na° ()

asyātyantāsaṅgatattvenottarākathanam] ; a(ṃ)syā° ()

saṃsṛtyākhyavyādhināśanārtham] ; sa[ṃ]sṛ° ()

śrayet] ; °vam(i) udy(i)o*gād ... śrayet* ()

ete brahmaviṣṇvindraśaṅkarāḥ anukampyāḥ] ; °yā[ḥ] ()

kīdṛśāḥ] ; °ś⟨ī⟩[āḥ] ()

vidyānāṃ] ; BhG 10.32c ()

abhayaṃ] ; ⟨u⟩[a]bha° ()

vinaśyantīti] ; ⟨-⟩[vi]naś° ()

labhe] ; kathito (naiṣa dūre 'vatiṣṭhate śarīre saṃsthito nityaṃ cinmātram iti viśrutaḥ) *yasmin ... ()

dūrasthatvāsaṃyogāt] ; °tv⟨aa⟩[ā]saṃ° ()

jagat] ; sar⟨-⟩[va]m idaṃ ⟨ti⟩[ja]gat ()

viśvasya] ; °śva(ja)sya ()

taddṛṣṭyā] ; *ta*[d]dṛ° ()

tat] ; ⟨e⟩(ṣṭyā) tat ()

garuḍadhvajaḥ] ; °⟨ḍeśvaraḥ⟩[ḍadhvajaḥ] ()

kāryavilakṣaṇatādarśanād] ; kāry⟨ā⟩[a]vi° ()

kāryavailakṣaṇyena] ; °ṇyen[a] ⟨āsti dāhākhyasyaikasya⟩ ()

svapnadraṣṭari] ; °ṣṭ⟨u⟩[a]ri ()

ahaṅkārādikaṃ] ; aha[ṅ]kā° ()

tadukte] ; ? ()

chidyante] ; °granthi[ś] ⟨c⟩chid° ()

parāpare] ; °rā⟨v⟩[p]a° ()

bhidyate] ; ⟨ch⟩[bh]id° ()

cetyam] ; °tya[m] ()

saṃsārārṇavatārakaḥ] ; s(ā)aṃ° ()

śrīvasiṣṭhaḥ] ; °ṣṭha[ḥ] ()

na] ; n⟨-⟩[a] ()

duḥkhasantateḥ] ; du[ḥ]kha° ()

samagrāt] ; sa⟨y⟩[m]a° ()

ālambanabhāvena] ; °lam⟨bh⟩[b]a° ()

*] ; ⟨yat vapuḥ bhavati⟩ ()

ālambanīkṛtya] ; °lam⟨bh⟩[b]a° ()

pītarāgakaraṇecchayā] ; °[c]ch⟨ā⟩[a]yā ()

uttarasaṃvedyaviṣayā] ; °ṣayā⟨t⟩ ()

pūrvasaṃvedyasmṛtyanupapatteḥ] ; °patt⟨o⟩[eḥ] ()

pūrvasaṃvedyaviṣayā] ; °saṃv(i)*e*dya° ()

brahmavyatiriktasattābhāvaṃ] ; °bh(i)āvaṃ ()

paramātmasvarūpam] ; par[am]ātma° ()

traikālikābhāvapratiyogitvaṃ] ; ⟨nai⟩[trai]kā° ()

bhātāyāṃ] ; bhā⟨n⟩[t]ā° ()

vastuni] ; °st⟨ū⟩[u]° ()

draṣṭṛdṛśyau] ; Sic! ()

sidhyataḥ] ; si⟨d⟩dhya° ()

sidhyati] ; si⟨d⟩dhya° ()

draṣṭaivedaṃ] ; d⟨ṛ⟩[ra]° ()

bhātau] ; Sic! ()

ākāśaḥ] ; °śa⟨m⟩[ḥ] ()

eva] ; eva ⟨tayā vā sthitiṃ bhajati sati yat śūnyam svavyatiriktavasturahitam eva⟩ ()

yathāsaṅkhyātikrameṇa] ; yath⟨a⟩[ā]saṃ° ()

ciravismṛtapuraḥsthitabāndhavavat] ; °ndha[va]vat ()

nāstīti] ; °stī⟨s⟩t⟨ī⟩[i] ()

śuddhaparamātmasvarūpamayyaḥ] ; °ma⟨dh⟩[y]yaḥ ()

jagata] ; [‘jāgatasya bhramasya’(?)] jagata iti ()

sidhyati] ; si⟨d⟩dhya° ()

ghaṭātyantābhāvavad] ; °va[va]d ()

paramātmā] ; °tmā(rtha) ()

prāṇarodhanādyupāyajālasādhitayā] ; prāṇ⟨ā⟩[a]° ()

teṣām] ; °ṣā⟨ṃ⟩m ()

sattāsambhavanaṃ] ; (parā)*sattā*° ()

akhinnadhīḥ] ; °dhī[ḥ] ()

jñānadvāreṇātyantābhāvayuktatvaṃ] ; °tv⟨ā⟩[aṃ] ()

draṣṭṛsattayāpi] ; °tta*yā*pi ()

sattām] ; °ttā[m] ()

pācyabhāvam] ; °va⟨ṃ⟩m ()

avalambate] ; °lam⟨bh⟩[b]a° ()

dvitvādikaṃ] ; °k(i)[a]ṃ ()

anupapattiḥ] ; anu[pa]pa° ()

sadākhyaṃ] ; °ā(kyaṃ)*khyaṃ* ()

te] ; sarva(ṃ)[ṃ] t(o)[e] ()

yat] ; *yat* ()

pravartane] ; °rta⟨t⟩[n]e ()

atrāha] ; atr(ām ity atr)āha ()

svabṛṃhitam] ; s⟨u⟩[va]° ()

bhavati] ; bha⟨ṃ⟩va° ()

cittvāt svabṛṃhitaṃ] ; s⟨u⟩[va]° ()

jale] ; °l(o)e ()

abādhitaṃ] ; a(rdhauci)*bādhi*taṃ ()

kutaḥ] ; °sti(bhākta)*tā ku*taḥ ()

nabhovṛkṣas] ; °kṣ(ā)as ()

tajjñās] ; °jñ⟨a⟩[ā]s ()

ardhād] ; ar⟨th⟩[dh]ād ()

'dya] ; [']dya⟨ḥ⟩ ()

tadanukalpena] ; tad⟨ā⟩[a]nu° ()

jñāte] ; °⟨n⟩[t]e ()

uddhṛtaḥ] ; °dh⟨a⟩[ṛ]taḥ ()

ārambhe] ; N11, fol. 3r, 3-5. ()

santy] ; sa[n]ty ()

jīvanmuktatvam] ; °kt(i)a° ()

pīte] ; ⟨m⟩[p]ī⟨n⟩[t]e ()

dhanadānatapaḥśrutavedais] ; °śrut(e)a° ()

tava] ; *te tava* ()

dṛśyasvarūpaṃ] ; ⟨śṛī⟩[dṛ]śya° ()

svātmavicārasya] ; s[v]ā° ()

tuṣṭiyuktāḥ] ; tu(ṣya)ṣṭi° ()

yasyāḥ] ; °syā[ḥ] ()

astaṃ] ; a⟨nata⟩*staṃ* ()

puruṣasya] ; pu*ruṣasya* ()

vyavahartur] ; °ha[r]tur ()

sukhe] ; °kh⟨a⟩[e] ()

yasya nirvāsanaḥ] ; ni[r]v⟨o⟩[ā]sa° ()

niranusandhānakaraṇāt] ; °na⟨ṃ⟩ka° ()

dehādiviṣayāṇām] ; °ṣ⟨ā⟩[a]yā° ()

yaś] ; ya⟨c⟩[ś] ()

bhvādibāhyatrilokīvidhānasya] ; bh⟨ūr⟩[v]ādi° ()

bhokteva] ; °kt⟨ai⟩[e]va ()

tattvataḥ] ; °tva⟨t⟩ta[ḥ] ()

śāntasaṃsārakalanaḥ] ; °kal(p)a° ()

kalāvān] ; °l⟨a⟩[ā]vān ()

kramaprāptāṃ] ; °ma⟨ḥ⟩prā° ()

dehe] ; °h(o)e ()

bhātuṃ] ; °t⟨a⟩[u]ṃ ()

kriyāḥ] ; °yā[ḥ] ()

antaryāmiśuddhacittattvādhiṣṭhitāḥ] ; °citta[t]tvā° ()

acaraśarīrāṇāṃ] ; °nā⟨ṃ⟩*m a*cara° ()

samarthaḥ] ; °rth(ā)aḥ ()

devadattapreryamāṇakandukavat] ; °māṇa⟨ḥ⟩ka° ()

tiṣṭhanti] ; °ṣṭha[n]ti ()

bahiḥsthatā] ; °hi[ḥ]stha° ()

eva] ; °ṣa⟨s⟩[m] eva ()

pakṣākṣiptam] ; (ācāra)pa° ()

hālāhalaṃ] ; °lāh(ā)alaṃ ()

san] ; san ⟨sthāvarākṛtiḥ san⟩ ()

durākramyeti] ; °ākra(ś)[m]y⟨a⟩[e]ti ()

ced] ; ce[d] ()

yat] ; ya⟨ṃ⟩[t] ()

kutrāpi] ; °trā(di)pi ()

niratiśayām] ; nira[ti]śay*ā*[m] ()

vicārābhyāsayuktyā] ; °cār⟨o⟩[ā]bhyā° ()

yaḥ kileti] ; °l(o)e(tpidyate rāma)[ti] ()

sarvaprakārāḍhyaṃ] ; °rā(bhyāṃ)*ḍhyaṃ* ()

*] ; (d iti) kiñ° ()

sṛṣṭisthityadhikāriṇaḥ] ; °ty⟨ā⟩[a]dhi° ()

api] ; (i)api ()

prādhānyaṃ] ; [prā]dhā° ()

sarvatrānusyūtam] ; sarv(ejaḥ)atrā° ()

ākhyākartṛtvenāvasthānāt] ; ākhyā[kar]tṛ° ()

hi] ; n⟨ā⟩[a] h[i] ()

picchikādeḥ] ; pi⟨ṃ⟩[c]chi° ()

avyapadeśātma] ; °deś⟨y⟩ā° ()

pūrṇatarākṛti] ; °ti⟨ḥ⟩ ()

yaś] ; ya⟨c⟩[ś] ()

ahantāsāratvena] ; °sār(ā)atve° ()

'nāsātvaṅnetraḥ] ; °tva⟨ḍ⟩[ṅ]ne° ()

akarṇajihvaḥ] ; (ā)a° ()

karoti] ; °vaṇ(i)akri° ... °ti(r) ()

samastāsvādāsvādanakriyāṃ] ; ā(r)svā° ... sam(e)astās[v]ā[dā]svāda⟨ś⟩[na]kri° ()

spṛśati] ; sp⟨a⟩[ṛ]śa° ()

samstasparśasparśanakriyāṃ] ; °rśasp⟨ṛ⟩[ar]śa° ()

samastadeśakālagatasamastaprasādasamastendriyasāratvena] ; °kāl(ā)agata° ()

sargacitraṃ] ; °ci⟨t⟩traṃ ()

citram] ; °ci⟨t⟩traṃ ()

sargacitraṃ] ; °ci⟨t⟩traṃ ()

bhāvābhāvarañjanābhiḥ] ; Sic! ()

svabhāvaṃ] ; °bhā⟨r⟩[v]aṃ ()

ardhonmīlitadṛśaḥ] ; °lit(ā)adṛ° ()

ardhonmīlitanetraḥ] ; °lit(e)ane° ()

indriyadvāranirgatayā] ; °gat(ā)ayā(ṃ) ()

dṛśyaunmukhyākhyaspandayukte] ; °aunm⟨au⟩[u]khyā° ()

ity] ; [i]ty ()

āspandamayī] ; ta(tra)dra° ()

spandāspandamayyāḥ] ; °mayyā[ḥ] ()

niḥspandasya] ; ni[ḥ]spa° ()

grahītuṃ] ; g⟨ṛ⟩[ra]h° ()

mantā] ; mant*ā* ()

yaḥ kartāpi] ; ka(tra)rtā° ()

kiñcanātra] ; k⟨aṃ⟩[iñ]ca° ()

kartāto] ; ⟨na⟩ kar° ()

asyendriyasārarūpatayā] ; °y⟨ā⟩[a]sā° ()

tadbhītayaś] ; ⟨u⟩[ta]dbhī° ()

sarvāsāṃ] ; °rvā(sta)sāṃ ()

citrehāḥ] ; ci⟨t⟩tre° ()

manovyāpārāḥ] ; °rāḥ (pravartante) ()

śarīraceṣṭāḥ] ; °ṭā[ḥ] ()

taraṅgakaṇakallolavīcayo] ; °v⟨idha⟩[īca]yo ()

kā] ; k⟨a⟩[ā] ()

abuddhātman] ; °tm(ā)an ()

abuddhātman] ; °tman(ā)⟨m⟩ ()

ekāvabhāsātmā] ; °tm*ā* ()

tattayā] ; [as]ti tat⟨u⟩[ta]yā ()

sthitatvāt] ; °tvā⟨nn⟩(i)[t] ()

dṛśyaṃ] ; °ya[ṃ] ()

citsvarūpasya] ; °sy(ā)a ()

aivāvyatiriktaiva] ; °t⟨e⟩[ai]vā° ()

atadrūpatāmatī] ; °rūp[at]ā° ()

sphuraṇaṃ] ; °ṇaṃ (vinā mano 'pi sidhyati) ()

yena] ; *ye*na ()

apy] ; tad a(vā)py ()

kathitā] ; ka⟨śc⟩[th]i° ()

uktvā] ; °pa⟨-⟩[m u]ktvā ()

paramātmānam] ; °tmān(ā)am ()

draṣṭṛtvābhāvāt] ; d⟨ṛ⟩[ra]ṣ° ()

draṣṭṛdṛśyayoś] ; d⟨ṛ⟩[ra]ṣ° ()

draṣṭṛdṛśyayoḥ] ; d⟨ṛ⟩[ra]ṣ° ()

draṣṭṛtvāt] ; d⟨ṛ⟩[ra]ṣ° ()

dṛśyatvāt] ; °tvāt (77) ()

vittvaṃ vettīti yāvat] ; [‘vittvaṃ’] vettīti ⟨jātasya paryavasānarūpaṃ bhavati mahāpralaye śiṣyate iti⟩ yāvat ()

tatsthair] ; °sthai[r] ()

sakalakalanaśūnyaṃ] ; °nya[ṃ] ()

anubhavasvarūpatve] ; °⟨t⟩tve(ve) ()

etad] ; eta(tt)*d* ()

anutkīrṇā] ; °rṇ*ā* ()

nistakṣya] ; °ta⟨r⟩kṣya ()

sthitatvam] ; °tva(ṃ)m ()

bhūyāt] ; bh⟨ā⟩[ū]° ()

yatra] ; °(ta)tra ()

satsvarūpo] ; °s⟨u⟩[va]rū° ()

bhavākhyaḥ] ; °v*ā*khyaḥ ()

satsvarūpo] ; °s⟨u⟩[va]rū° ()

dārṣṭāntike] ; dā[r]ṣṭā° ()

tathā brahma] ; °hm(ā)a ()

gatam] ; (śa)*ga*tam ()

nāntar] ; nā[n]t⟨u⟩[a]r ()

kartrādivaśena] ; ka[r]⟨t⟩trādi° ()

kartrādīnāṃ] ; ka[r]⟨t⟩trādī° ()

deśakālakartrādiśānter] ; °ka[r]⟨t⟩trādi° ()

tat] ; tat(ā) ()

śūnyatvāśūnyate] ; °āśūny[at]e ()

nakiñcittvakiñcittve] ; °tv⟨ā⟩[a]kiñ° ()

kathā] ; °th⟨a⟩[ā] ()

mahābhūtaprakāśābhāvatvena] ; °t⟨ā⟩[a]pra° ()

mahābhūtasthityāyatane] ; °y⟨ā⟩[a]ta° ()

anyasya] ; [a]nya° ()

dṛḍhayati] ; d⟨ra⟩[ṛ]ḍha° ()

ehāsmiṃl] ; °ṇehā(ṃ)smiṃl ()

brahmajagator] ; °gat⟨i⟩[or] ()

tuḥ] ; So nur hier. ()

sthitaṃ] ; °anta(vya)re *sthi*(jñe)taṃ ()

jagat] ; °gat(e) ()

ākāśād] ; ⟨a⟩[ā]kāś° ()

tādṛśy] ; t*ā*dṛ° ()

cinmātratādṛḍhīkaraṇasāmarthyāt] ; °ṇa⟨ṃ⟩sām° ()

'cidrūpamātratā] ; °tra⟨m⟩tā ()

sarvabhāsāṃ] ; ⟨sarvabhāsāṃ⟩ sarva° ()

viśvaṃ] ; °v⟨e⟩[aṃ] ()

kiñcittvārho] ; °ci⟨nna⟩[t]tvā° ()

pūrṇaṃ] ; pūrṇāt⟨makaṃ⟩ [pūrṇaṃ] ()

nirākṛti] ; °ti⟨ḥ⟩ ()

prapañcākrāntabuddhiṃ] ; °nt⟨e⟩[a]bu° ()

vivarjitaṃ] ; (bhava) vi° ()

khaṇḍanāsya] ; °nā⟨nā⟩sya ()

pratibimbārhatā] ; °bimbā(m)rha° ()

satyeva] ; °ty⟨ai⟩[e]va ()

asyātivistṛtatvam] ; °ti[vi]stṛ° ()

kalpyamānayor] ; °mā⟨ṇ⟩[n]a° ()

ābhāsajñeyarahitajñānasvarūpam] ; °sa⟨ṃ⟩jñe° ()

eva] ; ev(o)a ()

pūrvanyāyena] ; °ye[na] ()

cittatākārā] ; citt[at]ā° ()

cetyaśayanāviṣṭāyā] ; °⟨c⟩[ś]aya° ()

chittveti] ; chi[t]tve° ()

nāśayati] ; (bhava)⟨ti⟩[n]āśa° ()

bhāsanaṃ] ; °sa⟨mā⟩naṃ ()

līna] ; lī⟨l⟩[n]a ()

samyagjñānena] ; °ya⟨k⟩[g]jñā° ()

dṛśyātyantābhāvena] ; °ā(tyantā)[tyantā]bhā° ()

jīvasvabhāvo] ; °sva(m)*bh*ā° ()

punaḥ] ; °na⟨ṃ⟩[ḥ] ()

samyagjñānena] ; °ya⟨k⟩[g]jñā° ()

paramātmarūpam] ; °ra(jñamse)[mā]tma° ()

jīvataś] ; °v⟨i⟩[a]taś ()

mūrchādyavasthāvat] ; °va⟨r⟩[t] ()

tejaḥprabhṛtīnāṃ] ; t⟨ai⟩[e]jaḥ° ()

nirālambam] ; °lam⟨bh⟩[b]am ()

śuddhanirālambācetyacinmātrarūpaparamātmarūpam] ; °lam⟨bh⟩[b]ā° ()

ajaḍāyā] ; a*ja*ḍā° ()

ciracintāyās] ; °ci⟨t⟩[n]tā° ()

śiṣyate] ; ⟨-⟩[śi]ṣyate ()

rāgādidoṣarahita] ; °hi[ta] ()

mahātmalayasamaye] ; °hā⟨p⟩[t]ma° ()

anāyattatayānyaviṣayiṇy] ; °yat⟨u⟩[ta]ta° ()

mūrchām] ; mū[r]chām ()

arhaṃ] ; a[r]haṃ ()

tasyādyavastunaḥ] ; °syā(nya)*dya*va° ()

samyagjñānena] ; °ya⟨k⟩[g]jñā° ()

tatra] ; ⟨-⟩[ta]t[r]a ()

devatāviśeṣasya] ; deva(sya)tā° ()

kṛtacakṣurgrāhyasya] ; °ābhā(vā)m ⟨-⟩[?]kṛ° ()

uttamam] ; °ma⟨n⟩[m] ut° ()

vidikriyākartā] ; °yā⟨vettā⟩[kartā] ()

rūpam] ; °pa(ṃ)m ()

manaṣṣaṣṭhendriyātītaṃ] ; y⟨onmuk⟩[ātī]taṃ ()

na] ; na ⟨hi⟩ ()

romādyudgamādarśanāt] ; °r⟨a⟩[ād ro]mādy° ()

hi] ; ⟨dv⟩[h]i ()

pādapūraṇārthaṃ] ; °opā[dānaṃ pā]dapū°...°rtha⟨ḥ⟩[ṃ] ()

paramātmanā] ; °nā (iti) ()

tadā] ; [tat] tadā ()

aṇunāśritam] ; a⟨n⟩[ṇ]u° ()

paramam] ; °ra[ma]m ()

brahmārkaśakraharaviṣṇusadāśivādiśāntau] ; °ā⟨bh⟩[d]i° ()

utpattiḥ] ; °tti[ḥ] ()

yatrāpi] ; [ya]trā° ()

phullasyātulabhuḥ] ; ⟨p⟩[ph]ulla° ()

samuccaye] ; °u⟨ś⟩[c]ca° ()

yathā] ; (śvaityaṃ śvetatā himād) yathā ()

samuccaye] ; °u⟨ś⟩[c]a° ()

nādhikā] ; Kongruenz mit Explicans! ()

guṇiguṇanidarśanenaikyam] ; guṇ⟨a⟩[i]gu° ()

dṛḍhayati] ; d⟨ra⟩[ṛ]ḍha° ()

yaḥ] ; y⟨ā⟩[a]ḥ ()

cidākāśaḥ] ; °ś⟨e⟩[a]ḥ ()

chāyāyā] ; °y*ā*yā ()

kāraṇābhāvataḥ] ; °ta*ḥ* ()

nedaṃ] ; n⟨ai⟩[e]daṃ ()

svapnajagadbhramaḥ] ; °bh[r]amaḥ ()

sargādau] ; °ād⟨o⟩[au] ()

ābhāso] ; °kāśa⟨m⟩ ā(kā)*bhā*⟨ś⟩[s]o ()

yathā svapnasaṃvidi] ; *yathā sva*[pna]saṃ° ()

draṣṭṛsattā] ; d⟨ṛ⟩[ra]ṣṭṛ° ()

tvayaiveti] ; Vgl. MṬ ad 3.9.38-39. ()

adraṣṭṛtvaṃ] ; ad⟨ṛ⟩[ra]ṣṭṛ° ()

adraṣṭṛbhāvaḥ] ; ad⟨ṛ⟩[ra]ṣṭṛ° ()

draṣṭṛtānirāsasya] ; d⟨ṛ⟩[ra]ṣṭṛ° ()

dṛśyasmaraṇānartharūpo] ; °po⟨ṃ⟩ ()

paścāt kṣayaṃ] ; kṣ⟨e⟩[a]yaṃ ()

draṣṭṛdṛśyabhramābhāvāt] ; d⟨ṛ⟩[ra]ṣṭṛ° ()

tat] ; ⟨s⟩[t]at ()

draṣṭṛdṛśyabhramābhāvāt] ; d⟨ṛ⟩[ra]ṣṭṛ° ()

tathā] ; (ku)tathā ()

yathā pāṃsū] ; °ṃs⟨u⟩[ū] ()

paramparāyātaṃ] ; °rā(bhāvajñānena)yā° ()

bahiḥ] ; °hi[ḥ] ()

anubhūyamānāyāḥ] ; °anu(ma)bhū° ()

traikālikābhāvaṃ] ; tr⟨e⟩[ai]kālik⟨a⟩[ā]° ()

kośāspadaṃ] ; °(ho)no° ()

tatraivaite] ; °traiv⟨e⟩[ai]te ()

pratijñāṃ] ; 3.11.34d ()

paramārthato] ; °that⟨e⟩[o] ()

tadvyatirekeṇa] ; t(ā)ad° ()

yat kacanaṃ] ; °na[ṃ] ()

ātataḥ] ; °⟨tā⟩[taḥ] ()

sambandho] ; °ndh⟨e⟩[o] ()

atra] ; atr⟨ā⟩[a] ()

brahmamayatvaṃ] ; °ma⟨dh⟩[y]a° ()

yac] ; ya⟨ś⟩[c] ()

sādhayasi] ; °yas(eva)[i] ()

niḥspandāmbhodhijaṭhare] ; ni[ḥ]° ()

niḥspandasamudramadhye] ; ni[ḥ]° ()

tatra] ; [ta]tra ()

'gre] ; 'g⟨n⟩[r]e ()

dṛśyabhāvaṃ] ; °va[ṃ] ()

anikhātamahāstambhaputrikaughasamopamaḥ] ; °⟨mū⟩[pu]trikau° ()

sālabhañjakaḥ] ; °k⟨ā⟩[a]ḥ ()

viśrutaḥ] ; °t(ā)aḥ ()

citrakṛtsthitacittasthacitrasainyasamākṛtiḥ] ; °cit⟨r⟩[t]astha° ()

draṣṭṛrūpeṇa] ; d⟨ṛ⟩[ra]ṣṭṛ° ()

draṣṭṛdṛśyayoḥ] ; d⟨ṛ⟩[ra]ṣṭṛ° ()

sarpālīnyaṃ] ; °nya[ṃ] ()

abhāvāc] ; °vā⟨ś⟩[c] ()

sthitaḥ] ; °⟨tvā⟩[taḥ] ()

virāḍātmā eva sargatā] ; °rgat⟨aḥ⟩[ā] ()

jīvākāśa] ; jīv⟨a⟩[ā]kā° ()

jīvapuñjaḥ] ; °ñja[ḥ] ()

rāśipiṇḍatvayoḥ] ; °śi⟨ḥ⟩pi° ()

kaṇās] ; °ṇā(su)s ()

he] ; h⟨aṃ⟩[e] ()

nāsti] ; °ga⟨---⟩[m] e[va nā]sti ()

kā] ; *kā* ()

taduḍḍayanasya] ; °uḍḍ⟨u⟩[a]ya° ()

jīvānāṃ] ; °nā[ṃ] ()

'yaṃ] ; ya[ṃ] ()

'stu] ; 'st⟨i⟩[u] ()

ahambhāvādikalanābhiḥ] ; °bhi[ḥ] ()

yuktaḥ] ; ⟨na⟩ yuktaḥ ()

cinmātraparipāṭyā] ; °pā*ṭyā* Note: =°āradā-akṣara ()

hīyaṃ] ; °syaiva (sthūlāṃ sūkṣmāṃ) hīyaṃ ()

buddhiḥ] ; °ddhi[ḥ] ()

svasphurattāṃ] ; °ra[t]tāṃ ()

prekṣayā] ; °dha[ḥ] pre° ()

sidhyati] ; °⟨d⟩dhya° ()

na budhyate] ; °⟨d⟩dhya° ()

anādyantaḥ] ; °nta⟨ṃ⟩[ḥ] ()

śaknoti] ; (na) śak° ()

sāntāc] ; °ntā⟨ś⟩[c] ()

yā kalanā] ; °nā⟨ya⟩(ḥ) ()

mahājīvaikatāvaśāt] ; °jī⟨ve⟩vaikatā⟨vatā⟩° ()

proktasvarūpamahājīvaikamayatve] ; °pam⟨ā⟩[a]h⟨a⟩[ā]jī° ()

mahājīvaḥ] ; °va[ḥ] ()

dvitvotpattim] ; °tv(e)*o*tpa° ()

susphūrtyaviṣayatārūpaṃ] ; °sphūrt(i)ya° ()

kriyākramaḥ] ; °ma*ḥ* ()

anena] ; (hi niścaye) ane° ()

taṃ] ; t(ā)aṃ ()

jīvābhidhānāyāḥ] ; °yā[ḥ] ()

'ntādivarjitaḥ] ; °vo (bhaviṣy(?)ātoṃtisaṃsṛtiva)[vidyate 'ntādiva]rji° ()

jīvatkoṭimahākoṭī] ; °v⟨ā⟩[a]tko° ()

pūrvataroktasya] ; 3.14.16d ()

koṭimahākoṭisaṅkhye] ; °ṭi(ī)⟨r⟩ ()

saṃsṛtiṃ yāti] ; ⟨v⟩[y]ā° ()

adhyāhāryam] ; ⟨ā⟩[a]dhyā° ()

kriyākramā] ; °⟨-⟩[kra]mā ()

iti] ; ⟨āha⟩[iti] ()

ciccamatkaraṇātmakaḥ] ; °k⟨ā⟩[a]raṇā° ()

anyāpekṣāyā] ; °kṣ⟨a⟩[ā]yā ()

svatantrādīty] ; °ād⟨e⟩[ī]ty ()

samāgamaviṣayatāṃ] ; °ma⟨ṃ⟩vi° ()

cidaikyaṃ] ; cidai(dapaṃ)kyaṃ ()

yaḥ ālokaḥ] ; °ka[ḥ] ()

tasyāḥ] ; °syā[ḥ] ()

'yam] ; 'ya⟨ṃ⟩m ()

saiva cit pariṇāmavikārādiśabdaiḥ] ; °ṇā[ma]vi° ()

āsādya] ; °sād⟨ayaṃ⟩[ya] ()

sūkṣmāparicchedyā] ; °⟨t⟩[d]yā ()

tad eva] ; (parimitāhantārūpatayā) tad ()

parimitāhantārūpatayā] ; °āhant*ā*rū° ()

yac] ; ya⟨ś⟩[c] ()

saṃsthite] ; °te⟨ḥ⟩ ()

cāhaṃ] ; ⟨d⟩[c]āhaṃ ()

bhavetyarthātmako] ; a⟨kt⟩[rth]ā° ()

tvaṃ cāhaṃ ceti tyaja] ; [tvaṃ cāhaṃ(?)] ceti ()

tathā] ; (tena)[ta]thā ()

citkhaṃ] ; Zu komponieren aufgrund von Bhāskaras Deutung von ‘jagadīha’ als Kompositum. ()

citkhaṃ] ; °[khaṃ] ()

ciccamatkāraḥ] ; yaḥ ciccamatkāraḥ ⟨yaḥ ciccamatkāraḥ⟩ ()

bhidyate] ; ⟨v⟩[bh]id° ()

saḥ sāvayavāt] ; °ya⟨vat⟩vāt ()

vadatīti] ; °tī[ti] bhā° ()

tad] ; (na) tad ()

anyasyāś] ; °syā⟨c⟩[ś] ()

cetitum] ; °t⟨a⟩[u]m ()

cititvaṃ] ; cit⟨t⟩i° ()

tattatsphuraṇarūpiṇaḥ] ; tatta[t]sphu° ()

nājagac] ; °ga⟨ś⟩[c] ()

citaḥ] ; °t⟨ā⟩[a]ḥ ()

jagadrūpeṇa] ; saiv⟨e⟩[ai]ṣā jagad iti jagadrūpeṇa ⟨saiveṣā jagad iti jagadrūpeṇa⟩ ()

vyavacchedavikārais] ; °⟨dh⟩[v]ikā° ()

'to] ; [']⟨n⟩[t]o ()

susampādyā] ; °dy⟨a⟩[ā] ()

bhavantu] ; °va[n]tu ()

vikārāḥ] ; °rā[ḥ] ()

spandamātraṃ] ; °⟨sātvaṃ⟩[mātraṃ] ()

antaḥ] ; *antaḥ* ()

vicāryamāṇaṃ] ; °ṇ⟨e⟩[aṃ] ()

eva] ; [sa e]va ()

tattvam] ; [tat]tvam ()

karmāparaparyāyaṃ] ; °ya[ṃ] ()

citprakāśacchaṭātvānapāyāt] ; °ṭ⟨a⟩[ā]tvā° ()

citprakāśarūpaḥ] ; °pa[ḥ] ()

acchedyaḥ] ; °dya[ḥ] ()

citkhe] ; cit⟨tv⟩[kh]e ()

yuktam] ; [yuktam(?)] ()

eva] ; ⟨-⟩[e]va ()

bhavati] ; [na] bhavati ()

vicitradhātūccaiś] ; °⟨tuś cec⟩[tūccaiś] ()

vicitrā] ; vi[ci]t⟨t⟩[r]ā ()

kāraṇadravyāṇi] ; °⟨n⟩[ṇ]i ()

iyam] ; iyam ⟨ayam⟩ ()

citimahānabhaḥ] ; °tiḥma° ()

sphurattāyuktaṃ] ; °ra[t]tā° ()

śāntatāyukto] ; Kongruenz mit Explicans! ()

citi] ; °ti⟨ḥ⟩ ()

cakāraḥ] ; °ra[ḥ] ()

cidākhye] ; °ākhy⟨o⟩[e] ()

cidālokamahārūpaṃ] ; ci*dā*lo° ()

dṛḍhayituṃ] ; d⟨ra⟩[ṛ]° ()

cijjaladravatā] ; ci⟨cchaila⟩[jjala]° ()

ciddhimaśītatvaṃ] ; °ma⟨h⟩[ś]ī° ()

śuddhanirālambāstināstikriyāvācake] ; °lam⟨bh⟩[b]ā° ()

avayavāvayavitāśabdārthau] ; °rth⟨o⟩[au] ()

parvatākāśabhūmisamudrasahitaṃ] ; °śa(samu)bhūmi° ()

ākāśalavopamaḥ] ; °vo⟨malaḥ⟩[pamaḥ] ()

tvadbhāvarūpatvena] ; °v⟨ā⟩[a]rū° ()

dhatte] ; ⟨varte⟩[dhatte] ()

kutaḥ] ; k⟨va⟩[u]° ()

sphuṭam] ; °ṭam (eve) ()

kathambhūtaṃ] ; °t(ā)aṃ ()

ādibhūtaḥ] ; °ṇ⟨ā⟩[a]nā° ()

niścayavān] ; °ca[ya]vān ()

nakiñcidrūpaḥ] ; [na]kiñcid° ()

iti niścayavān] ; °ya⟨y⟩[v]ān ()

snānaṃ] ; snā(tuṃ)naṃ ()

yasmādarthe] ; °mā⟨t⟩[d]a° ()

vedyā] ; °⟨ś⟩[d]yā ()

dṛśyarūpā] ; °śya(vi)rū° ()

jalāntargatasūryābhājālakāracanāny] ; j⟨ā⟩[a]lā° ()

jalasyāntargatā] ; j(ā)ala° ()

jālakāracanāni] ; °k⟨a⟩[ā]ra° ()

dṛḍhayati] ; d⟨ra⟩[ṛ]° ()

sad iti piṇḍagrāhaḥ] ; °gr⟨a⟩[ā]haḥ ()

tulādeśāpūraṇaṃ] ; °va⟨r⟩[t] tu° ()

etac] ; eta⟨ś⟩[c] ()

jagadbrahmakhaśabdānām] ; jaga(ccha)dbra° ()

nāsty eva] ; °sty(ī) eva ()

acetyacidrūpaṃ] ; ac(i)etya° ()

jagat] ; °gat⟨ī⟩ ()

bāhyākāśāpekṣayā] ; °kāś⟨a⟩[ā]pe° ()

yaḥ] ; y⟨ā⟩[a]ḥ ()

cidākāśamayaṃ] ; ci(tra)dā° ()

niḥsandeho] ; °deh⟨a⟩[o] ()

'rthaś] ; °thai⟨-⟩[ṣo ']rthaś ()

tvarayāviṣṭaḥ] ; tvar[ay]ā° ()

'tikośavān] ; °k⟨e⟩[o]śa° ()

candratvam] ; °kumudinī[candraḥ] ⟨kānta⟩[candra]tvam ()

oghaḥ] ; yaḥ (vikāsakāritvāt) oghaḥ ()

karma] ; karm⟨ai⟩[a] ()

yasyāḥ] ; °syā[ḥ] ()

alakālimanohārivadanāmbhojaśālinī] ; al⟨i⟩[a]kā° ()

vadanāmbhojaṃ] ; °bho⟨nn⟩[j]aṃ ()

śālinī] ; (alakālyā manohāri yat vadanāmbhojaṃ tena śālinī śītāṅgī) śā° ()

kartum] ; °rtu⟨ṃ⟩m ()

vakṣyamāṇeṣu] ; °⟨n⟩[ṇ]eṣu ()

tamālagahaneṣu] ; °l⟨ā⟩[a]ga° ()

vīthyaḥ] ; v⟨e⟩[ī]° ()

yāni] ; yā⟨ḥ⟩[ni] ()

kūjatkokilamāliṣu] ; kū⟨ṭ⟩[j]at° ()

sthaleṣu] ; sth⟨ū⟩[a]° ()

hemamāṇikyaśilāphalahakeṣu] ; °la(na)ha° ()

phullāsu] ; ⟨dgu⟩[phu]° ()

phullāsūtpalinīṣu] ; (phū)phullā° ()

līlāvilolacalanair] ; °ca[la]nair ()

anyo'nyaṃ] ; any⟨e⟩[o]° ()

kharvaṇāni] ; ⟨sva⟩[kha]rva° ()

āndolanam] ; ā⟨r⟩[n]do° ()

līlākhyā] ; ⟨n⟩[l]īlā° ()

candraprabhā] ; Explikation ohne Berücks. des Bahuvrīhi-Charakters! ()

dvijamukhāc] ; °khā⟨ś⟩[c] ()

atha yadi] ; °di (varṣa) ()

nivatsyāmi] ; °va⟨r⟩tsyā° ()

yathāsukhaṃ nivartsyāmi] ; °va⟨r⟩tsyā° ()

anuktvaiva] ; °ktv⟨e⟩[ai](ve)va ()

paryante] ; pary⟨ā⟩[a]nte ()

sarveti] ; *snānādiṣu°... sarveti* ()

pūjitā] ; °tā⟨ṃ⟩ ()

dattavān] ; Sic! ()

hārdāndhakāraughanivāraṇaraviprabhe] ; ⟨dāhā⟩[hārdā]ndha° ()

dāhadoṣanivārakatvaṃ] ; °ni⟨ra⟩vā° ()

*] ; Schreibersprüche N17, Ś6: oṃ namaḥ śivāya saccidānandasvarūpāya. N17: oṃ namo namaḥ oṃ namo gurave oṃ namo vighnahartre oṃ namaḥ sarasvatyai || ()

śravaṇamanananidadhyāsanaviṣaye] ; N17, Ś6: °nidadhyā°; so auch MṬ (II) ad 18,35 (p. 144). ()

citram] ; N17, Ś6: cittam ()

adraṣṭṛkaṃ] ; Ś6: adraṣṭṛkaṃ; N17: adraṣṭya° ()

ālekhyam] ; N17: ālekhyam; Ś6: ālekham ()

draṣṭṛrahitam] ; Ś6: adraṣṭṛkam draṣṭṛrahitam; N17: adraṣṭya° draṣṭya° ()

draṣṭranubhavaviṣayatāṃ] ; N17: °ṣṭanu°; Ś6: °ṣṭānu° ()

nidrādoṣādṛṣṭam] ; Ś6: °doṣādṛṣṭam; N17: °doṣṭā° ()

atrālaukikatvakathanena] ; N17, Ś6: °ālaukitva° ()

markaṭānalatāpābham] ; Ś6: °tāpābham; N17: °tāmābham ()

ambvāvartavad] ; Ś6: °āvartavad; N17: °āvartāvad ()

api] ; N17: °pam (i)a(ṣ)pi ()

api] ; Ś6: api; N17: ipi ()

kathārthapratibhānātma] ; N17: °bhānātma; Ś6: °bhātā° ()

kathāḥ] ; Von Verbalhandlung śru- (in śravaṇa°) abhängiger Akkusativ Plural? ()

apy] ; N17: ap(i)y ()

śūnyamātrakam] ; N17; Ś6: śūra° ()

ākārabhāsuram] ; N17: °bhāsuram; Ś6: °bhāsvaram ()

ivotphullam] ; N17: °phullam; Ś6: °phulam ()

sarasākṛti] ; N17, Ś6: °ākṛtiḥ ()

tasyāpi] ; N17: tasyā°; Ś6: tathā° ()

citrapadmākara] ; N17: °dmā(ta)*ka*ra. Silbe °ra als °āradā-Zeichen. ()

acetyacinmātrākhyāyāṃ] ; N17: acety(i)a° ()

ākārayuktaḥ] ; N17, Ś6: akāritaḥ akāra° ()

bhūtapelavapallavaiḥ] ; N17: bhūtapelava°; Ś6: bhūtale lava° ()

asārātma] ; Ś6: jaḍasamārāma; N17: jajum asārā° ()

kadalīstambhabhāsuram] ; Ś6: °stambha°; N17: °stambhā*bhā*su° ()

tatam] ; Ś6: °vat tatam; N17: °varttitaṃ ()

rasaḥ] ; N17: °saḥ; Ś6: °sa ()

cinmātratattvenaiva] ; N17: °mātratattve°; Ś6: °mātratve° ()

saṅgṛhyoktaḥ] ; N17: °gṛhy(e)*o*ktaḥ ()

iṣṭatvāt] ; N17: iṣṭatvāt; Ś6: iṣṭuvān ()

pṛcchati] ; N17: °rāmaḥ pṛcchati; Ś6: °rāma uvāca ()

āste] ; Ś1, Ś3: dṛśyam āste; Ś6: dṛśyam āpte; N17: dṛṣṭ(i)yam āpte ()

ivāṅkuram] ; N17, Ś1, Ś3, Ś6: aṅkuram (neutr.) ()

ajñāḥ] ; N17: ajñāḥ; Ś6: ajñā ()

āha] ; N17: uttaram āha; Ś6: uvāca ()

brūte] ; N17: brūte; Ś6: bhūte ()

ajñatvam] ; Ś6: ajñatvam; N17: a(j)atvam ()

avaśyopadeśyatvenāha] ; N17: °deśya°; Ś6: °deśa° ()

viparīto] ; N17: °parīto; Ś6: °pareto ()

āmukhe] ; N17, Ś6: āsukhe ()

āste] ; N17, Ś3 a.c., Ś6: āste ()

sāsatpralāpārthā] ; N17: °pralā*pā*rthā ()

yasyāḥ] ; N17, Ś6: yasyā ()

cittādīndriyagocaraḥ] ; N17: °īn*dr*iya° ()

yaḥ] ; N17: ya(ḥ)*t*; Ś1: yaḥ; Ś3: yah; Ś6: yad ()

jagataḥ] ; N17: jagataḥ; Ś6: jana° ()

sūkṣmasya] ; N17: °kṣma*sya* ()

asadābhāsatvam] ; N17: °satva(sa)m ()

indriyagamyatvena] ; N17: °tve*na* ()

kadā] ; N17: *ka*dā ()

ślokaḥ] ; Ś6 om.: pūrva° → ślokaḥ ()

hime] ; N17: *hi*me ()

cety] ; N17: *tvayi → ce*ty ()

buddhayaḥ] ; N17: °y(ā)aḥ ()

yaḥ] ; N17: yaḥ; Ś6: ye ()

nāsti] ; N17, Ś6: narāsti ()

paṇḍitaiḥ] ; N17: p(i)aṇ° ()

kāraṇatām] ; N17: °ṇ(āṃ)*atāṃ* ()

sahakārikāraṇābhāvena] ; N17: °ṇ*ā*bhā° ()

nakiñcidrūpacinmātrasvarūpatvena] ; N17: °rūpa*ci*nm*ā*trasva° ()

asti] ; Ś6: asti; N17: (saṃ)sti ()

tatkāryam] ; Ś6: °kāryam; N17: °kar° ()

śivam] ; Ś6 om.: iti śivam ()

śrīmokṣopāyaṭīkāyāṃ] ; N17, Ś6: °mokṣopāyaviracitāyāṃ ()

vasiṣṭha] ; Ś6: śrīva° ()

he] ; Ś6: oṃ he ()

voditam] ; N17: v(e)*o*di° ()

kāryatvadarśanāt] ; N17: °rya*tva*dar° ()

tiṣṭhati] ; Ś6: °ṣṭha°; N17: °ṣṭa° ()

sahakāryabhimatapṛthvyādyāgame] ; Ś6: sahakāryibhi° ()

hetoḥ] ; N17, Ś6: °to ()

pūrvapradhvaṃsanānyoḥnyābhāvair] ; N17, Ś6: °pradhvaṃsinā° ()

pūrvapradhvaṃsanānyoḥnyābhāvaiḥ] ; N17, Ś6: °pradhvesanā° ()

evānarthasaṅkṣaye] ; Ś6: nāsty evā°; N17: nāste vā° ()

viśeṣeṇa] ; N17: viśeṣeṇa; Ś6: viṣeṣaṇaṃ ()

kṣaṇaś] ; Ś1, Ś3: kalpaḥ kṣaṇaś; N17, Ś6: kalpakṣaṇaś ()

brahmāṇḍakoṭayaḥ] ; Ś1: °koṭayaḥ; N17, Ś3, Ś6: °keṭayaḥ ()

imāḥ] ; Ś6: imā ()

antaḥsthitāḥ] ; N17, Ś6: antasthitaḥ ()

sargaparamparāḥ] ; Ś6: °paraparamparāḥ ()

antaḥsthitaḥ] ; N17, Ś6: antasthitaḥ ()

tat] ; N17: *tat* ()

sargā] ; Ś6: sarga ()

śeṣaḥ] ; N17: °ṣ(ā)aḥ ()

*] ; Vgl. BĀU II 4,12 ()

vidrāvitadīrghanidro] ; N17, Ś6: nidrāvita° ()

sarvārtharūpaḥ] ; N17: °rvā*rtha*rū° ()

śivam] ; Ś6 om.: iti śivam ()

*] ; Ś6: iti śrībhāskaraviracitāyāṃ sthitiprakaraṇe sargaḥ ||2|| ()

pṛcchati] ; Ś6: oṃ śrīrāma uvāca ()

*] ; Ś6: oṃ pra° ()

kathayati] ; Ś6 om.: uttaraṃ kathayati ()

smṛtyātmaivam] ; Ś6: °ātmavam ()

smṛtisvarūpaprajāpatisvarūpam] ; N17: (pra)smṛti° ()

pūrvaprajāpateḥ] ; N17, Ś6: °pate ()

nabhasīva] ; Ś1, Ś3: nabhasīva; N17, Ś6: nabhasy eva ()

pṛcchati] ; Ś6 om.: pṛcchati ()

mahāpralayasammohair] ; N17: °pr(ya)alaya° ()

kathayati] ; Ś6 om.: uttaraṃ kathayati ()

nirvāṇam] ; Ś6: nirvāṇa ()

smṛtir] ; Ś3: smṛtir; N17, Ś1, Ś6: smṛti° ()

spaṣṭam] ; Ś6 om.: spaṣṭam ()

iti] ; N17: °tir i*ti* ()

yat] ; N17: *yat* ()

jagadākṛtiḥ] ; N17, Ś6: °ākṛti ()

indrasya] ; Ś6: °bhuvanam in° ()

vakṣyati] ; Vgl. YV VII 13-14; M° VI 170-171 ()

tasyāntas] ; Ś6: tasyāṃtasyāntas ()

bhāsvaritākāraṃ] ; Ś1, Ś3, Ś6: bhāsvaritā°; N17: bhāsuritā° ()

tādṛggirikulāvṛtam] ; N17, Ś1, Ś3, Ś6: °kulam punaḥ ()

bhāsvaritākāraṃ] ; Ś6: bhāsvaritā°; N17: bhāsuritā° ()

tādṛśaparvatasamūhākulam] ; Ś6: °parvata°; N17: °pacata° ()

tribhuvane] ; N17: °tri(pu)bhu° ()

abhyudayaḥ] ; N17: °dṛṣṭeḥ abhyudayaḥ; Ś6: °dṛṣṭer anto nāsti ()

bhāsuram] ; N17: bhāsuram; Ś6: bhāsvaram ()

anyāny] ; N17: °any*ā*° ()

trailokyākhyā] ; N17, Ś6: trailokā° ()

laghavo] ; N17: l(ā)agha° ()

cidāditye] ; Ś6: °āditye; N17: °ādityo ()

bhūtākāśam] ; N17: °ānubh(ā)ava° ()

sargānubhavamātrātma] ; N17: sargānu°; Ś6: sarvānu° ()

śūnyasya] ; N17: śūnyasya; Ś6: anyasya ()

sargāntaślokenāpy] ; Ś6 om.: sargāntaślokenāpy ()

bodhasambodhamātram] ; Ś6: °sambodha°; N17: °sambhodha° ()

jñānaikasvarūpaḥ] ; N17: jñānaika°; Ś6: jñāneka° ()

brahmaṇaḥ] ; N17: °ma*ṇaḥ* ()

viddhi] ; Ś6: viddhi; N17: viddhir ()

śivam] ; Ś6 om.: iti śivam ()

*] ; Ś6: bhāskarakaṇṭhaviracitāyāṃ sargaḥ ||3|| ()

*] ; Ś6: śrīvasiṣṭhaḥ ()

*] ; Ś6: oṃ in° ()

karmadrumāṅkuram] ; N17, Ś1, Ś3, Ś6: °āṅkuraḥ ()

saṅkalpākhyamalaleśākulam] ; N17: *saṅkalpā° → °kulam* ()

manaḥpiśācaḥ] ; Ś6: °śācaḥ; N17: °śāca ()

manovyādhicikitsane] ; Ś6: °dhi(vi)cikit° ()

yathālokaś] ; N17: °āl(e)*o*° ()

citrabhānau] ; N17: °aurṣṇyaṃ °(m)*bh*ānau ()

sargāntaślokenāpy] ; Ś6 om.: sargāntaślokenāpy ()

*] ; Ś1 (p. 325): samāptaś cāyaṃ utpattiprakaraṇaṃ ||124|| ()

pṛcchati] ; Ś6: oṃ śrīrāma uvāca ()

sphāra] ; Ś6: sphāra; N17: °raḥ ()

kathayati] ; Ś6 om.: uttaraṃ kathayati ()

viprāṇāṃ] ; Vgl. YV III 85-88 ()

rājñaś] ; Vgl. YV III 104-109 ()

pṛcchati] ; Ś6 om.: pṛcchati ()

āha] ; Ś6 om.: uttaram āha ()

atha] ; N17: ath(ā)a ()

sugandhitanabhoḥnilām] ; N17: namoḥnilām; Ś6: nabhoḥlilām ()

amṛtīkṛtataddeśāṃ] ; Ś1, Ś3: amṛtī°; N17, Ś6: amṛte ()

suravadhūtvam] ; N17: °dhū*tvam* ()

kathayati] ; Ś6: Mūla und Kommentar von hier an nicht mehr weiter ausgeführt. ()

tadanūśanāḥ] ; N17, Ś3: °ūśanāḥ; Ś1: °ūśanaḥ. Nominativ uśanāḥ auch IV 6,1d; IV 8,21a. ()

kilośanāḥ] ; N17, Ś3: °ośanāḥ; Ś1: °ośan*ā*ḥ. ()

uśanāḥ] ; N17: uśanāḥ; Ś6: oṃ uśanāḥ ()

vyomni] ; N17: vy(e)*o*mni ()

mṛdumandārakusumottaṃsasundarāḥ] ; N17: °su*mo*ttaṃ° ()

locanollāsasṛṣṭanīlābjavṛṣṭayaḥ] ; Ś3: °sṛṣṭanīlābjavṛṣṭayaḥ°; Ś1: °(sṛ)*vṛ*ṣṭanīlābjavṛṣṭayaḥ°; N17: °vṛṣṭanīlābjasṛṣṭayaḥ° ()

devaviśeṣāḥ] ; N17, Ś6: °viśeṣaḥ ()

vikrāntahetibhiḥ] ; N17: °vikrānta°; Ś6: °vikrānti° ()

vighaṭṭanam] ; N17: °ghaṭ*ṭa*nam ()

tāḥ] ; Ś6: yābhis tāḥ; N17: yābhitāḥ ()

candrāṃśunikarākārāḥ] ; N17: °ā[ṃ]śu° ()

nīhāraḥ] ; Ś6: Ende der Abschrift. ()

kāntagītaravānandapranartitasurāṅganau] ; N17: °prana⟨ṃ⟩rtita° ()

spaṣṭam] ; N17: *spaṣṭam* ()

cintāmaṇigulucchakāḥ] ; N17: °gul⟨ū⟩[u]ccha° ()

pakvaratnastavakadanturāḥ] ; N17: °ratnās tavaka° ()

ḥyaṃ] ; Ś1, Ś3: dhanyas tvadāgamenādya svargo ḥyaṃ (N17 vom Schreiber ausgespart) ()

śobhitānanaḥ] ; Ś1, Ś3: śobhitā°; N17: ś- -tā° ()

sargāntaślokenāsya] ; N17: sa[r]gānta° ()

cirataram] ; Ś1, Ś3: °taram; N17: °talam ()

śacīpateḥ] ; N17: °pat(i)*e*ḥ ()

sārasaḥ] ; N17: *straiṇaṃ → sārasaḥ* ()

parikūjitā] ; N17: *pari*kū° ()

vikasator] ; N17: vikas(i)ato*r* ()

samarpiteti] ; N17: *dattā → samarpite*ti ()

navapayomucaḥ] ; (vana)*nava*pa⟨th⟩[y]omu° ()

lajjā] ; lajj⟨a⟩[ā] ()

vivaśeva] ; N17: °ś(o)eva ()

kimanaṅgakaḥ] ; [kim]anaṅ° ()

praṇayayuktāḥ] ; N17 : °ya[yu]ktāḥ ()

satpadmahṛdaye] ; N17: °hṛ*da*ye ()

vanasthalīṣu] ; N17: °l*ī*ṣu ()

kiñjalkagaurānilaghūrṇitāsu] ; N17: °rṇi*tā*su ()

śivam] ; N17: *iti śivam* ()

praṇayair] ; Mit Ś1, Ś3. N17: praṇa⟨v⟩[y]air ()

amaravāhinyāḥ] ; N17: °hinyā[ḥ] ()

cārucaitrarathodyānalatādolāsu] ; N17: °(ra)*la*tādolāsu ()

rāma] ; N17: (rāyā)[rā]ma ()

kṣīrārṇavataṭeṣv] ; N17: °taṭ⟨ī⟩[e]ṣv ()

ajāyatośanāḥ] ; Ś1, Ś3: °nāḥ; N17: °nā*ḥ*. Vgl. auch IV 5,18b; IV 6,1d. ()

*] ; N17: (spaṣṭam) ()

sāraṅganāmabhṛt] ; N17: sāraṅg⟨ā⟩[a]° ()

bhartṛtve] ; N17: -r- aus bhartṛtve als Superskript gemäß °āradā. ()

jāyājanavirāgeṇa] ; N17: j*ā*yā° ()

nirīho] ; Mit Ś1, Ś3. N17: manda⟨s⟩[m]andeho ni⟨n⟩[r]īho ()

sampataṃs] ; N17: samp⟨ṛ⟩[a]taṃs ()

sarvopadeśakaḥ] ; N17: sarv(e)*o*pa° ()

satyām] ; N17: saty(a)*ā*m ()

ivāmbujaḥ] ; N17: °ja⟨m⟩[ḥ] ()

muñcati] ; N17: s(a)*ma* ()

śūnyaṃ] ; N17: (rū)*śū*nyaṃ ()

akṣṇor] ; N17: akṣṇ(e)*o*r ()

akṣṇoḥ] ; N17: akṣṇ(e)*o*ḥ ()

tanūparāmarśaḥ] ; N17: tan⟨o⟩[ū]parā° ()

śuṣkakāṣṭhavad] ; N17: °kāṣṭ[h]a° ()

prāvṛḍnirjharapūreṇa] ; N17: °vṛ⟨ṭa⟩[ḍ]nir° ()

sthitā] ; N17: °t⟨aḥ⟩[ā] ()

śuṣkāntratantrī] ; N17: °ān⟨d⟩[t]ra° ()

tatrasthaprā--ṇirāgadveṣavihīnatvena] ; N17: tatra*stha*prā Note: Raum für 2 akṣaras ausgespart ṇirā° ()

luṭhitavatī] ; N17: luṭhi[ta]vatī ()

guṇasīmāyāḥ] ; N17: °s⟨e⟩[ī]māyāḥ ()

saṃśuṣkāntrodaraguhāchāyāviśrāntadarduram] ; N17: °guhā⟨ś⟩ chāyāviśrāntad⟨u⟩[a]rduram ()

iṣṭāniṣṭaphalapradām] ; N17: °pha*la*pra° ()

dhārādhautāntayā] ; N17: °ā⟨r⟩[n]tayā ()

karpūraplutaliṅgaśiraḥśriyam] ; N17: °pl⟨a⟩[u]ta° ()

pūrvāparaparāmarśam] ; N17: pūrvā*para*parā° ()

putrakaṅkāladarśanasamakālam] ; N17: °k*ā*lam ()

sphaṭikavad] ; N17: °ka*va*d ()

bāhyān] ; N17: °hy⟨a⟩[ā]n ()

ṣaṇmukho] ; Ś1, Ś3: ṣaḍbhujaḥ ṣaṇmukho; N17: ṣaṇmukho ṣaṭbhujaḥ ()

kalpadagdhajagaddhūmaparyākulam] ; Ś1, Ś3: °paryākulam; N17: °pa(-)*yī*kulam ()

anantatapastvena] ; N17: [a]nantatapas° ()

kadāpi] ; N17: ka(rya)dā° ()

ity] ; DhP I 1040 ()

vayam] ; Ś1,Ś3: vayam; N17: varam ()

paramātmanaḥ] ; N17: °pa⟨na⟩[ra]mā° ()

tadvat] ; N17: ta*dva*t ()

gā] ; Ś1,Ś3: gā; N17: ga ()

na] ; N17: om.: na ()

trikālāmaladarśitvam] ; N17: °darśi⟨ta⟩tvam ()

pārthivāni] ; N17: °vā⟨ṇ⟩[n]i ()

svinnāṅgāvalayālasaḥ] ; N17: svin[n]āṅgā°; Ś3: svinnāṅgā°; Ś1: svinnāṅga°. Svinnāṅgā = substantiviertes Bahuvrīhi, Bezug auf devasundarī in 55 b. Vgl. auch (IV) 8,15. ()

yathā] ; N17: (spaṣṭam) ()

madreṣv] ; N17: madr⟨ī⟩[e]ṣv ()

varaḥ] ; N17: vara[ḥ] ()

tenāsau] ; N17: ten*ā*sau ()

kalpāvadhim] ; N17: sa⟨ṅ⟩kalpā°; vgl. 73a. ()

spaṣṭam] ; N17: *spaṣṭam* ()

jaraḍhayonigamanaṃ] ; N17: °ḍha*yoni*ga°. Zur Orthographie (jaraḍha) vgl. MṬ (I) p. 9. ()

jaraḍhayoniṣu] ; N17: jara⟨ḍa⟩[ḍha]yo° ()

gahanatarāsu] ; N17: °hana⟨na⟩[ta]rā° ()

śivam] ; N17 om.: iti śivam ()

akṣavalayī] ; N17: (e)akṣa° ()

jagadīśena] ; N17: °gad⟨e⟩[ī]śe° ()

pratibhāsavaśād] ; N17: (prati)prati° ()

vītarāgam] ; N17: v⟨e⟩[ī]ta° ()

sambhramavān] ; N17: °vān(n) ()

āśaṅkya] ; N17: ā⟨kā⟩śaṅkya ()

jagatsthitiḥ] ; N17: °ga*t*sthi° ()

jagadguro] ; N17: °guro⟨ḥ⟩ ()

evaṃrūpā] ; N17: °pā(ṃ) ()

pūrvasthitiḥ] ; N17: °sthi*tiḥ* ()

smas] ; N17: yātā[ḥ] sma[s] ()

na] ; N17: °re(ṇa) *na* ()

bhāvyate] ; N17: °v(i)*ya*te ()

na] ; N17: °re(ṇa) *na* ()

spaṣṭam] ; N17: spaṣṭa(ṣṭa)m ()

sthūladṛṣṭidṛśaṃ] ; N17: °dṛś⟨y⟩aṃ ()

mahāmune] ; N17: °mune⟨ḥ⟩ ()

dvāv] ; Ś1,Ś3: kāyau dvāv; N17: kāyo dvā ()

sphāram] ; N17: ⟨a⟩[i]va(-)*sphā*ram ()

mune] ; N17: mune⟨ḥ⟩ ()

jagadrūpā] ; N17: °pā(nāṃ) ()

yathetyādiṃ] ; N17: °ādi[ṃ] ()

somyaspandamayānekakallolāvaliśālini] ; N17: °kal[l]olā° ()

śuddhe] ; N17: śuddh⟨a⟩[e], vgl. 43b. ()

mahāmahimani] ; N17: °him(i)ani ()

taraṅgaḥ] ; N17: °raṅga[ḥ] ()

vikalpena] ; N17: *vi*kalpe*na* ()

vikalpayati] ; N17: (vika)vikalpa° ()

āttākranda] ; N17: ā⟨*r*⟩[t]tā° ()

apy] ; Ś1, N17: sann apy; Ś3: san n*ā*py; N/Ed: san nāpy ()

tatra] ; Ś1,Ś3: tatra; N17: tava ()

jātājātāḥ] ; N17: jātā⟨ḥ⟩ jātāḥ ()

śālini] ; N17: °li(ri)ni ()

bhraśyaṃś] ; N17: bhraś[y]aṃś ()

bhraśyan] ; N17: bhraś[y]an ()

pratibimbiteti] ; N17: (sa)pratibimbi° ()

ullasanam] ; N17: °sa*nam* ()

lolaṃ] ; N17: lo*laṃ* ()

cormaya] ; N17: co⟨n⟩[r]maya ()

paraspareti] ; N17: °pare(sye)ti ()

sphārarūpiṇi] ; N17: (kulakam) ()

bṛṃhitatayā] ; N17: bṛṃhita[ta]yā ()

adhitiṣṭhati] ; N17: *nānārūpaka° → °tiṣṭhati* ()

padārtham] ; N17: (padā)padā° ()

cinmayī] ; N17: °may⟨e⟩[ī] ()

cetanatvavāsanārūpiṇī] ; N17: °tana*tva*vā° ()

hetoḥ] ; N17: °to[ḥ] ()

arṇavaḥ] ; N17: a(varṇa)*rṇava*ḥ ()

kośaṃ] ; N17: ⟨śokaṃ⟩ [kośaṃ] ()

tāntavaṃ] ; N17: tān[t]avaṃ ()

muktim] ; N17: (ā)mukt(ā)im ()

yathāsau] ; N17: [iva |] *yathāsau* ()

drumaḥ] ; N17: °m(ā)aḥ ()

atrāha] ; N17: atrā*ha* ()

asatyena] ; N17: a⟨ni⟩[sa]tyena ()

paramārthataḥ] ; N17: °ra*mā*rtha° ()

ḥpi] ; N17: *pi* ()

atrāha] ; N17: *katham → °āha* ()

māyāmayam] ; N17: °ā⟨s⟩[m]ayam ()

evāsatyena] ; N17: *asatyabhūtena bandha° evāsatyena* ()

akalena] ; N17: °taṃ ⟨s⟩aka° ()

marīcayaḥ] ; N17: *ma*⟨v⟩[r]īca° ()

haribrahmarudracidvalanādhikāḥ] ; N17: °ci⟨t⟩[d]va° ()

cetyonmukhā] ; N17: cety(e)*o*nmu° ()

kāścit] ; N17: kā⟨ḥ⟩[ś]ci(d)*t* ()

haribrahmarudrarūpāḥ] ; N17: °ru(dra)dra° ()

yāsām] ; N17: y*ā*sāṃ ()

bhāvaḥ] ; N17: °v(ā)aḥ ()

yāsām] ; N17: y*ā*sāṃ ()

kiñcitsthitākārā] ; N17: °ā⟨rākā⟩[kārā] ()

svatucchabhāvanāt] ; N17: °nā[t] ()

kāścit] ; N17: kā⟨ḥ⟩[ś]cit ()

tucchavikalpanāt] ; N17: tuccha⟨tu⟩vikalp[an]āt ()

ḥham] ; N17: °ḍho (ya)ham ()

suśuddhāḥ] ; N17: su(śru)śu° ()

mananāparanāmavatyaḥ] ; N17: °vaty(ā)aḥ ()

karmaṇām] ; N17: karma⟨jam⟩[ṇām] ()

viddhi] ; N17: *atha → viddhi* ()

praṇītatvāt] ; N17: pr⟨āṇi⟩[aṇī]ta° ()

tiṣṭhanti] ; N17: °ṣṭha[n]ti ()

ca] ; N17: *ulla° → ca* ⟨ca⟩ ()

nānāvidhāḥ] ; N17: °vidhā[ḥ] ()

āgatāḥ] ; N17: °t⟨a⟩[ā]ḥ ()

aprāptapārāḥ] ; N17: °pār⟨a⟩[ā]ḥ ()

adṛṣṭarāgarogaugham] ; Ś1,Ś3: adṛṣṭarāgarogau°; N17: adṛṣṭaṃ nāgarogau° ()

bhuktajanmaughakoṭayaḥ] ; N17: °ṭa(kaḥ)*yaḥ* ()

prakāśatāmasyaḥ] ; N17: pra⟨kāmatvam asyaḥ⟩[kāśatāmasyaḥ] ()

prakāśatāmasyaḥ] ; N17: pra⟨kāmatām asyāḥ⟩[kāśatāmasyaḥ] ()

prakṛṣṭatamaso] ; N17: °ta[ma]so ()

padam] ; N17: °dam (mahatpadam) ()

śivam] ; N17: *vihaga° śivam* ()

dvādaśaḥ] ; N17: °daś⟨ā⟩[aḥ] ()

uttuṅgānaṅgaraṅgayā] ; Ś1,Ś3: uttuṅgā°; N17: uṅgā° ()

nilīyante] ; N17: °ya⟨t⟩[n]te ()

laganti] ; N17: °yaṃnt(ī)*e* (gala)*laga*° ()

me] ; N17: °śy⟨e⟩[a] ()

gajameghasiṃhānām] ; N17: °gha⟨m⟩[s]iṃhā° ()

acittatvaṃ] ; N17: aci⟨n⟩[t]ta° ()

bhṛgor] ; N17: °go[r] ()

idamprathamam] ; N17: °ma⟨ṃ⟩m ()

brahmaṇas] ; Ś1,Ś3: brahma°; N17: brāhma° ()

tatpūrvam] ; N17: °[r]vam ()

tādṛśam] ; N17: (vī)tā° ()

tat] ; N17: ta[t] ()

paridevanaṃ] ; N17: pari⟨veda⟩[deva]° ()

sukhitā] ; Ś1,Ś3: sukhi°; N17: sukha° ()

stambhasya] ; N17: [s]tambha° ()

kṣobhayantīty] ; N17: °ya[n]tī° ()

tajjño] ; N17: ta[j]jño ()

adhaḥsthitir] ; N17: adha[ḥ]° ()

pratibimbeṣu] ; Ś1: svaccham pra°; Ś3,N17: svacchapra° ()

baddhabuddhīndriyo] ; N17: b⟨u⟩[a]ddhabuddhī° ()

śuddhabuddhasvabhāvasvātmaparaḥ] ; N17: °r(ā)aḥ ()

pañcadaśaḥ] ; N17: °ñca*da*⟨ṣṭā⟩[śa]ḥ ()

ākṣipya] ; N17: ⟨a⟩[ā]kṣip° ()

samaṅgātāpasīm] ; N17: °t*ā*pa° ()

muñcatoḥ] ; N17: °to[ḥ] ()

sakamaṇḍaluvāribhiḥ] ; N17: °ṇḍa*lu*vā° ()

sarvanāḍyaḥ] ; °ḍya(ta)s ()

tasyāḥ] ; °sy*ā*ḥ ()

prāṇāḥ] ; N17: °ṇā[ḥ] ()

tanvāḥ] ; N17: °nvā[ḥ] ()

muditau] ; N17: °t⟨o⟩[au] ()

lokācāram] ; N17: (yugmam) ()

divīva] ; N17: °v⟨e⟩[ī]va ()

etasmāt] ; N17: et(ā)a° ()

avasthāviśeṣeṣu] ; N17: °śe[ṣe]ṣu ()

sthitiprakaraṇe] ; N17 om.: sthitiprakaraṇe ()

vṛttāntena] ; N17: vṛt[t]ā° ()

utthitatvāt] ; N17: °tvā[t] ()

nānājanmāntarotthavāsanājālakalaṅkitāḥ] ; N17: °tarot⟨-⟩[tha]vā° ()

sarvaiṣaṇānām] ; N17: sarv⟨e⟩[ai]° ()

ktaḥ] ; Pāṇ 2.3.67: ktasya ca vartamāne ()

satyabhūtodayāstamayaviṣayatvāyogād] ; N17: °ṣa*ya*tvā° ()

mithoḥdarśanadṛṣṭāntaṃ] ; N17: °rśana⟨ṃ*ta*⟩dṛ° ()

anyo] ; N17: an⟨t⟩yo ()

nānubhavatīti] ; N17: °anyo⟨nyānu⟩ [nānu]bha° ()

heyatvopādeyatvadarśanāt] ; N17: °tvopā(ye)deya° ()

nabhaḥsaṅkalparūpiṇām] ; N17: °bha(sa)*ḥ*saṅ° ()

viśeṣaṇadānam] ; N17: vi(ṣe)śe° ()

vinā] ; N17: °nā(na) ()

vayaṃ] ; N17: vay⟨o⟩[aṃ] ()

mithyāsatyatvabhāvitāḥ] ; N17: mith[y]ā° ()

saṃsthiteyam] ; N17: °sthit⟨aiv⟩[ey]am ()

vāsantikaraso] ; N17: v*ā*sa° ()

idam] ; N17: ⟨dra⟩[i]daṃ ()

ivodare] ; N17: °dare(ṇa) ()

maṇes] ; N17: maṇe[s] ()

kālakriyākramāṇāṃ] ; N17: °kramā⟨n⟩[ṇ]āṃ ()

śukracetasaḥ] ; N17: śukra⟨ṃ⟩ce° ()

jagad] ; N17: j(īv)*ag*ad ()

sainyanarasvapnajālavat] ; N17: °na*ra*sva° ()

eṣa] ; N17: eṣ(ā)a ()

svena] ; N17: (t)me(ta)lan(e)aṃ ca sven⟨e⟩[a] ()

saptādaśaḥ] ; N17: [śrī]bhāska[ra]kaṇṭha[vi]raci[tā]yāṃ śrī[mo]kṣopā[ya]ṭīkāyāṃ sthi[tipra]kara[ṇe] saptā[da]ś⟨ā⟩[aḥ] ()

bījasvarūpā] ; N17: °*sva*rū° ()

sargarūpeṣu] ; N17: °[rū]peṣu ()

sthūlabhūtabījabhūtāni] ; N17: °bīj(ā)abhū° ()

ākāśādibhyo] ; N17: (ākāśādi)ākā° ()

melanaṃ] ; N17: °naṃ(m api) ()

itareṣām] ; N17: *pravṛttiḥ → itareṣām* ()

pravṛttibhājo] ; N17: °tti(va)bhā° ()

tanmātraikatayā] ; N17: °ka(pa)ta° ()

ghanatām] ; N17: °⟨nānā⟩[natā]m ()

sargaughāḥ] ; N17: °r(mai)*gau*° ()

melanaṃ] ; N17: sa⟨ṃ⟩ melanaṃ ()

tatrasthaḥ] ; N17: °sth(ā)aḥ ()

bhāvaḥ] ; N17: *jīvaparamparāḥ katham° bhāvaḥ* ()

tanmātraikyapraṇālena] ; N17: °aik[y]a° ()

vismṛtaḥ] ; N17: °t(ā)aḥ ()

pakṣāntare] ; N17: tu pakṣāntare prarohaṃ gatā ()

sammelanaṃ] ; N17: sa[m]me° ()

śuddhaprāṇamarut] ; N17: śu*ddha*prāṇa° ()

puruṣaḥ] ; N17: (brahma)pu° ()

sargān] ; N17: °rgā*n* ()

samyag] ; N17: sa⟨s⟩[m]° ()

ātmāvasthātrayaṃ] ; N17: °śīnā[m ā]tmā° ()

jagratsvapnasuṣuptākhyam] ; N17: °s⟨va⟩[u]ṣu° ()

asmin] ; N17: a*smin* ()

nivartate] ; N17: °rtat⟨o⟩[e] ()

pravartate] ; N17: *pravartate* ()

susauhārdam] ; N17: su⟨m⟩[s]au° ()

sarvagatvāc] ; N17: °tvā⟨ś⟩[c] ()

nīyate] ; N17: °ya[te] ()

pṛthagrūpaṃ] ; N17: pṛth(i)ag° ()

sa] ; N17: *unleserliche Silbe* [sa] ()

upādānabhūtāt] ; N17: ⟨a⟩[u]pādā° ()

spaṣṭam] ; N17: °ṣṭam (yujyata) ()

ādikāraṇatvāpāyād] ; N17: °ṇa*tvā*pā° ()

vilokyate] ; N17: phal(aṃ bījaṃ ca saṃsthitaṃ) *ībhūtaṃ vilokyate* ⟨bījasyākṛtimat sarvaṃ tenānākṛti tatpadam⟩ ()

ābhāsataḥ] ; N17: ⟨a⟩[ā]bhāsa° ()

jagat] ; N17: °(ga)gat ()

ātmānam] ; N17: ā(tmā)tmā° ()

draṣṭṛrūpam] ; N17: °ṣṭ(ā)*ṛ*rū° ()

sthitiḥ] ; N17: °ti[ḥ] ()

viśadaḥ] ; N17: vi⟨ṣ⟩[ś]a° ()

paśyati] ; N17: °śy⟨e⟩[a]ti ()

kuto] ; N17: °to⟨ṃ⟩ ()

iti] ; N17: i*ti* ()

draṣṭā] ; N17: d⟨ṛ⟩[ra]ṣṭā ()

draṣṭā] ; N17: *svāvyatirikt⟨ā⟩[a]jñānadvāreṇa jñā[na]vivarta° draṣṭā* ()

ajahac] ; N17: °ha⟨ś⟩[c] ()

darśanadṛṅmayaḥ] ; N17: °dṛ⟨ṃ⟩[ṅ]ma° ()

dṛśyadṛṅmayaḥ] ; N17: °dṛ⟨ṃ⟩[ṅ]ma° ()

yodeti] ; N17: yod⟨ai⟩[e]° ()

svāntaś] ; N17: sā ⟨m⟩[s]vā° ()

citsvarūpā] ; N17: *cit cit*sva⟨m⟩[r]ū° ()

jīvasaṃsṛtayaḥ] ; °y(ā)aḥ ()

paśyasi] ; N17: °⟨m⟩[s]i ()

anubhavasi] ; N17: °(m)*s*i ()

tadā] ; N17: tadā⟨s tadā⟩ ()

svasattābhramakārīty] ; N17: sva⟨m⟩[s]at° ()

dṛḍhataraḥ] ; N17: °ḍha(sthitaḥ)ta° ()

anubhavaleśāḥ] ; N17: °ś*ā*ḥ ()

antar] ; Unmetrisch. Ś1: jaga*n*ty antar; Ś3: jaganty antar ()

ghaṭapaṭādijñānarūpam] ; N17: °*jñāna*° ()

nimajjati] ; N17: °ti (nimajjati) ()

sphuranto] ; Ś1,Ś3: sphuranto; N17: sphurato ()

kathayati] ; N17: *tur° → °ti* ()

bahiḥ] ; N17: bahi[ḥ] ()

asatsvapnavat] ; N17: °va*t* ()

cinmātratvam] ; N17: °tv⟨e⟩[am] ()

ḥsau] ; N17: °ādya⟨t⟩[n]tāvimukto ⟨m⟩[ḥs]au ()

ādyantāvimuktaḥ] ; N17: ⟨adyaṃtā⟩[ādyantā]° ()

parityakteti] ; N17: °ty(o)akte° ()

mokṣākhyārthakriyākāritvābhāvād] ; N17: °ābhā(va)vād ()

vivekī] ; N17: °k*ī*(na) ()

kṣīyate] ; N17: °yat⟨y⟩[e] ()

sargaḥ] ; N17: śrī[mo]kṣo[pā]ya[ṭī]kā[yāṃ] sthi[ti]pra[ka]ra[ṇe ḥ]ṣṭā[da]śaḥ [sar]gaḥ ()

anekadhā] ; N17: °(dā)*dhā* ()

ataḥ] ; N17: a(ṃ)taḥ ()

jīvajātayaḥ] ; N17: *kadalīdalavat → °jātayaḥ* ()

kalkasvedāt] ; N17: kalk⟨ā⟩[a]° ()

cittvāt] ; N17 cit[t]vāt ()

tadanyasyāsannidhānāc] ; N17: °nā⟨ś⟩[c] ()

svātmasiddhaye] ; N17: ⟨yathā yathā⟩ svātma° ()

bhavanti] ; N17: °va[n]ti ()

āśrayet] ; N17: *atuc° → °yet* ()

vināśu] ; N17: °ā*śu* ()

kāluṣyam] ; N17: kāl⟨baṣpa⟩[uṣya]m ()

anyathā] ; N17: °*thā* ()

sphuritam] ; N17: °rvaṃ (pū) [s]phu° ()

samaye] ; N17: ⟨m⟩[s]ama° ()

iti] ; N17: °thaya⟨t⟩ [m]e [i]ti ()

asthirapratyayaṃ] ; N17: °ra(ṃ)pra° ()

evaṃrūpapratyabhijñāyāṃ] ; N17: °rūpa(ṃ)pra° ()

svapnajāgrattvaṃ] ; N17: °grat[t]vaṃ ()

jāgrac] ; N17: °gra⟨ś⟩[c] ()

kṣaṇadṛṣṭaḥ] ; N17: °ṣṭa⟨ṃ⟩[ḥ] ()

lakṣaṇayā] ; N17: °yā(t) ()

atrāpi] ; N17: *atrāpi* ()

san] ; N17: sa⟨t⟩[n] ()

nānākāravikārāḍhyaṃ] ; N17: °rā*ḍhy*(ā)aṃ ()

īkṣaṇādirandhreṣu] ; ⟨ro⟩[ī]kṣa° ()

kṣubhyati] ; N17: kṣubh⟨i⟩[ya]ti ()

vidyuddyotaratnavat] ; N17: °dyot(i)aratna° ()

āgatair] ; N17: °tai⟨ḥ⟩[r] ()

kṣobhyate] ; N17: kṣ(e)*o*bh° ()

dīpo] ; N17: °p(e)*o* ()

jīvadhātuḥ] ; N17: °tu[ḥ] ()

yāvat] ; N17: taila*saṃ° → yāvat* ()

atrāha] ; N17: a(tranya)trā° ()

tiṣṭhan] ; N17: °ṣṭha⟨ṃ⟩[n] ()

vicetanām] ; N17: °nā[m] ()

saumyavātām] ; N17: sau⟨s⟩[m]ya° ()

prādurbhūtā] ; N17: °du[r]bhū° ()

uditya] ; N17: ud⟨e⟩[i]° ()

āśu] ; N17: ā*śu* ()

paśyati] ; N17: (śu)pa° ()

aṅkuronmukham] ; N17: °onmu⟨ṇ⟩[kh]am ()

paramārthatas] ; N17: °ārtha*ta*s ()

dharmeṇa] ; N17: ⟨dh-r-e⟩[dharme]ṇa. Vgl. MṬ ad (IV) 19,21a. ()

evehopasaṃhāre] ; N17: ev⟨ai⟩[e]ho° ()

sargaḥ] ; N17: °vira[ci]tā[yāṃ] śrī[mo]kṣo[pā]ya[ṭī]kā[yāṃ] sthiti[pra]ka[ra]ṇe [e]ko[na]viṃ[śaḥ] sar[gaḥ] ()

karoti] ; N17: (ka)ka° ()

satyās] ; N17: sa(stya)tyās ()

lakṣaṇayā] ; N17: [śarīram] lakṣa° ()

puruṣaḥ] ; Ś1,Ś3: hi puruṣaḥ; N17: puruṣo hi (unmetrisch) ()

kathayati] ; N17: °ya*ti* ()

manaḥsthitiṃ] ; N17: ⟨si⟩[ma]naḥ° ()

sargaḥ] ; N17: i[ti] śrī[bhā]ska[ra]kaṇṭha[vi]ra[ci]tā[yāṃ] śrī[mo]kṣo[pā]ya[ṭī]kā[yāṃ] sthi[tipra]ka[ra]ṇe [viṃ]śa[ḥ] sar[gaḥ] ()

kalanākhyarogarahite] ; N17: °hi*te* ()

samprāpsyati] ; Ś1,Ś3: samprāpsyati; N17: samprāśyati ()

he] ; N17: (t)*h*e ()

tena] ; N17: °va⟨r⟩[t] tena ()

danūdagrapayodapaṭalotthitaḥ] ; N17: Pāda c) ummetrisch; Pāda d): °lo⟨s⟩[t]thitaḥ ()

dānavamātṛvat] ; N17: dā⟨vana⟩[nava]° ()

asmābhiḥ] ; N17: ārabdho manonirṇa*ya uttamaḥ | → manonirṇa*yaḥ asmābhiḥ ()

matabhedo] ; N17: °d(e)*o* ()

arthaḥ] ; N17: *ko yathā → arthaḥ* ()

rañjayan] ; N17: °jaya⟨ṃ⟩[n] ()

manaḥ] ; Keine Genus-Kongruenz mit den Partizipien. ()

parāmṛśan] ; N17: °mṛś⟨y⟩an ()

śarīre] ; N17: °rī*re* ()

ahaṅkṛtiṃ] ; N17: °ti[ṃ] ()

etad] ; N17: (eva) etad ()

gandhāntaḥ] ; Ś1,Ś3: gandhāntaḥ; N17: gacchantaḥ ()

urarīkṛtya] ; N17: u⟨tt⟩[r]arī° ()

manobhiḥ] ; N17 :*ma*no° ()

urarīkṛtya] ; N17: °kṛt[y]a ()

pravivṛṇvantaḥ] ; N17: °nt(ā)aḥ ()

taiḥ] ; N17: tai[ḥ] ()

śamadamopetāṃ] ; Vgl. Brahmasūtra III 4,27: śamadamādyupetaḥ syāt ... ()

ārhatādibhir] ; N17: (a)*ā*rhatā° ()

nirnimittotthāḥ] ; N17: °nimit[t]o° ()

yateta] ; N17: °tet⟨e⟩[a] ()

puruṣeṇa] ; N17: °ṣe(a)ṇa ()

saṅkalpātmakaṃ] ; N17: saṅk⟨e⟩[a]lpā° ()

balātkāreṇāsvādhīnīkriyate] ; N17: balā*t*kāreṇ⟨a⟩[ā]svādhīnī° ()

bhayakāraṇam] ; N17: bha⟨v⟩[y]a° ()

bhāvayānagha] ; N17: °va(na)yā° ()

māyaiṣā] ; N17: m(a)[ā]yai° ()

manorūpāyāḥ] ; N17: °rūp*ā*° ()

mṛttikāyāṃ] ; N17: °kā*yāṃ* ()

draṣṭṛdṛśyaikatānatārūpam] ; N17: d⟨ṛ⟩[ra]ṣṭṛ° ()

budhaiḥ] ; dṛśy(e)at(i)a*nmayatā → budhaiḥ* ()

asaṅkalpanaṃ] ; N17 *a*saṅ° ()

vilāsinā] ; N17: °sin(i)*ā* ()

ity] ; N17: *i*ty ()

tathā] ; N17: *tathā* ()

śaśaśṛṅgavat] ; N17: °tvā*t* śaś⟨i⟩[a]° ()

bhānaprasaṅgāt] ; N17: °g*ā*t ()

labdhaikarūpasya] ; N17: labdh⟨e⟩[ai]ka° ()

labhyānapekṣam] ; N17: *labhyā⟨unleserlich⟩[na?]pekṣaṃ* ()

tanmuvraṇayā] ; N17: tanmuvraṇayā (sic) ()

labhyate] ; N17 : ⟨la⟩[na] labh° ()

vanarājibhiḥ] ; Ś1,Ś3,N17: ghana°; MṬ: vana° ()

svasmād] ; N17: °sm*ā*d ()

tucchaguṇarahitam] ; N17: tuccha⟨tū⟩gu° ()

tucchatvātucchatvarahitaśuddhasvarūpaviśrāntaya] ; N17: tucchatvātuccha[tva]ra° ()

ḥpi] ; N17: *pi* ()

śyāmale] ; N17: ⟨dh⟩[ś]yāma° ()

bhāvābhāvāḥ] ; Ś1,Ś3: bhāvā°; N17: bhābhā° ()

gṛhiṇīkāryaṃ] ; N17: °ṇī(bhā)kā° ()

jñeyā] ; N17: ⟨s⟩[m]adhyamapāpi⟨2 Silben unleserlich⟩[prabhṛ?]tīnāṃ jñeyā⟨ḥ⟩ ()

padārthatattvajñena] ; N17: padā[rtha]ta° ()

yāvat] ; N17: bhū⟨y⟩[tv]eti yā[va]t ()

yathā] ; N17:*yathā* ()

sargāntaślokena] ; N17: sa⟨--⟩[rgān]ta° ()

sargaḥ] ; N17: i[ti] śrī[bhā]ska[ra]ka[ṇṭha]vi[ra]ci[tā]yāṃ śrī[mo]kṣo[pā]ya[ṭī]kāyāṃ [sthi]ti[pra]ka[ra]ṇe e[ka]⟨k⟩[]viṃ[śa]⟨ti⟩ḥ [sa]rgaḥ ()

nīrasasya] ; N17: nīra[sa]sya ()

kasminn] ; N17: (e)ka° ()

kallolasamūhaiḥ] ; N17: °⟨m⟩[s]amūhaiḥ ()

jantoḥ] ; N17: ja[n]toḥ ()

aparokṣatayety] ; N17: °kṣa*ta*ye° ()

prajñā] ; N17: praj[ñ]ā ()

abhūtākāśakośavat] ; °*kośa*vat ()

ivaiṇakāḥ] ; N17: °āmb[v] ivai° ()

āvirbhāvatirobhāvābhyām] ; N17: ⟨a⟩[ā]vir° ()

ajñātatattvasyaiva] ; N17: °sy⟨e⟩[ai]va ()

vicāraḥ] ; N17: °cāra⟨ṃ⟩[ḥ] ()

itarac] ; N17: °ra⟨ś⟩[c] ()

kālaś] ; *kā*laś ()

śakyatvāt] ; N17: °sphuraṇānu⟨p⟩[m]ānasya śak⟨ṛ⟩[ya]tvāt ()

tadrahitaḥ] ; N17: ta⟨v⟩[d]ra° ()

cinmātratattvam] ; N17: °ta[t]tvam ()

nirādiṣṭo] ; N17: ⟨niradiṣṭā⟩ [nirādiṣṭo] ()

śuddhacinmātrākhyaṃ] ; N17: °mā[trā]khyaṃ ()

tvattāmatte] ; N17: °⟨s⟩[m]atte ()

sadṛg] ; N17: °dṛ⟨k⟩[g] ()

anena] ; N17: °ne[na] ()

sarvabhāvagato] ; N17: °bhā⟨gava⟩[vaga]to ()

sarvabhāvagataḥ] ; N17: °bhā(gava)*vaga*to ()

uktam] ; N17: ukt(i)am ()

śivāya] ; N17: °vā*ya* ()

sargaḥ] ; N17: i[ti] śrī[bhā]ska[ra]ka[ṇṭha]vi[ra]ci[tā]yāṃ mo[kṣo]pā[ya]ṭī[kā]yāṃ [sthi]ti[pra]ka[ra]ṇe [dvā]viṃ⟨tiḥ⟩[śaḥ sa]rgaḥ ()

tajjñasyopavanopamā] ; N17: ta[j]jña° ()

cādhivasan] ; N17: °va*sa*n ()

netravātāyanoddyotaprakāśabhuvanāntarā] ; N17: °no(ddya)ddyota° ()

karapratolīvistāraprāptapādopajaṅgalā] ; N17: °vist*ā*raprāpt⟨ā⟩apāda° ()

romarājilatāgulmā] ; N17: °(lā)*rā*ji° ()

tvagaṭṭālakamālitā] ; N17: a⟨ṭū⟩[ṭṭā]la° ()

śilā] ; N17: °bhūtālitā. Akṣara bhū in °āradā-Schrift. Text gemäß MṬ (I) 17,25. ()

śilāḥ] ; N17: °lā[ḥ] ()

ūrudvayakavāṭāgranirmitopasthanirgamā] ; N17: ⟨rū⟩[ū]ru° ()

kacāvalī] ; N17: (cakāva)*kacāva*lī ()

vakṣaḥsthalasaraḥsyūtakucapaṅkajakorakā] ; N17: °(ku)kuca° ()

ghanaromāvalicchannaskandhakrīḍāśiloccayā] ; Ś1,Ś3: °channa°; N17: °romāva*li*chattra° ()

ghanaromāvalicchannā] ; N17: °romāvali⟨ḥ chattrā⟩[cchannā] ()

skandhakrīḍāśiloccayā] ; N17: skan⟨d⟩[dh]a° ()

udaraśvabhranikṣiptasvanneṣṭabhakṣyakarparā] ; N17: °svan[n]eṣṭa° ()

niṣadyā] ; N17: niṣ⟨i⟩[a]dyā ()

yathāprāptārthāḥ] ; N17: °rth*ā*ḥ ()

añcitopāntam] ; N17: °top*ā*ntam ()

sā] ; N17: sā⟨ḥ⟩ ()

cittodyāneti] ; N17: citt⟨e⟩[o]dyā° ()

atha] ; N17: °sty a*tha* ()

anantānāṃ] ; N17: anant⟨a⟩[ā]nāṃ ()

saṃsthitam] ; N17: *saṃ*sthi[ta]m ()

upasaṃhāraṃ] ; N17: upa⟨ṃmā⟩[saṃ]hāraṃ ()

śabdarūparasasparśagandhabandhuśriyo] ; N17: °bandh⟨ū⟩[u]° ()

śvabhrāḍambare] ; N17: °bhrā(ta)*ḍa*ṃ⟨bha⟩[ba]re ()

lobhākhyo] ; N17: °ākhy⟨ā⟩[o] ()

lakṣaṇayā] ; N17: °kṣa⟨la⟩[ṇa]yā ()

jitatvāt] ; N17: *jitatvāt* ()

akṣadevanam] ; N17: °d⟨i⟩[e]vanam ()

bhavati] ; N17: *rājño → bhavati* ()

tajjñaḥ] ; N17: ta[j]jñaḥ ()

dyotayati] ; N17: °ta*ya*ti ()

tajjñaḥ] ; N17: ta[j]jñaḥ ()

lokasundaryā] ; N17: °da[r]yā ()

iva] ; N17: iv⟨i⟩[a] ()

rājate] ; N17: *bhogaugho → rājate* ()

vijñāyāśvāsito] ; Ś1,Ś3: °śvāsito; N17: °svāmito ()

sthitatvāt] ; N17: °tayā (savadāsthidā) sthi° ()

ḥvatiṣṭhate] ; N17: °t(i)*e* ()

aprāptacintāḥ] ; N17: °cintā[ḥ] ()

nāntaḥ] ; N17: nān⟨yaṃ⟩[taḥ] ()

kā] ; N17: tadā⟨s(e)aktait(i)ukā(ṃ)⟩[saktau tu kā] ()

anyanijām] ; N17: a*nya*ni° ()

ādāv] ; N17: sā⟨m⟩[p]y ā° ()

tāḍitasya] ; N17: °ḍi⟨-⟩[ta]° ()

ḥpy] ; N17: so ⟨hy⟩ [ḥpy] ()

pūrṇānāṃ] ; N17: pū[r]ṇā° ()

pūrṇānām] ; N17: pū[r]ṇā° ()

dantān] ; N17: °ntā⟨r⟩[n] ()

udbubhūṣubhiḥ] ; N17: °bhūṣ(i)u° ()

udbubhūṣubhiḥ] ; N17: °bubhūṣ⟨i⟩ubhiḥ ()

subhagās] ; Ś1,Ś3: subhagās; N17: su-- ()

gaṇyā] ; Ś1,Ś3: gaṇyā; N17: -- ()

spaṣṭam] ; N17: *spaṣṭam* ()

arindamaṃ] ; Ś1,Ś3: arindamaṃ; N17: arin-- ()

sargaḥ] ; N17: iti śrī[bhā]ska[ra]kaṇ[ṭha]vi[ra]ci[tā]yā[ṃ śrī]mo[kṣo]pā[ya]ṭī[kā]yāṃ [sthitiprakaraṇe tra]yo[viṃ]śa[ḥ] sa[rgaḥ] ()

kalevarālayam] ; N17: ka(re)le° ()

akṣagṛdhrā] ; N17: °gṛ⟨d⟩dhrā ()

kāryākārye] ; N17: °ry(e)[e] ()

gṛdhrā] ; N17: °gṛ⟨d⟩dhrāḥ | gṛ⟨d⟩dhrā ()

virasaḥ] ; N17: °rasa(ṃ)*ḥ* ()

padminya] ; N17: °mi⟨ṇ⟩[n]ya ()

hemante] ; N17: °ma[n]te ()

ekatattvadṛḍhābhyāsād] ; N17: °bhyā[sā]d ()

mano] ; N17: °viśvāsā⟨t⟩[n] mano ()

cinmātrasvarūpaparamātmatattvalābhākhyāyai] ; N17: cinm*ā*tra° ()

mama] ; N17: kim mama ⟨kim mama⟩ ()

mā] ; N17: bhayapradāsu *mā pata → 'pi mā* ()

dyotayitum] ; N17: °tay⟨a⟩[i]tum ()

indriyārīn] ; N17: indr[i]yā° ()

*] ; N17: ergänzt nach Ś1,Ś3. Bl. 50 (Originalzählung) fehlt. ()

himaśītānalajvālānirmitodyānamaṇḍapaḥ] ; N17: hima*śī*⟨hī⟩tā° ()

ḥnantā] ; N17: [ḥ]na⟨na⟩ntā ()

sarvartukusumodyānajitanandanacandanaḥ] ; N17: sarva⟨t⟩[r]tu° ()

māyāsarpaiḥ] ; N17: m*ā*yā° ()

dūrīkṛtasahajasarpāṇi] ; N17: °pā⟨n⟩[ṇ]i ()

ājagmuś] ; N17: °gmu[ś] ()

śambarasya] ; N17: śa[m]ba° ()

jaghnur] ; N17: ja(gmu)*ghnu*r ()

jaghnuḥ] ; N17: °ghn⟨a⟩[u]ḥ ()

cānyāṃś] ; N17: cā⟨s⟩[n]yāṃś ()

udbhaṭārāvāṃs] ; N17: udbhaṭ⟨a⟩[ā]rā° ()

sāgaraḥ] ; N17: °ga⟨v⟩[r]aḥ ()

kopavān] ; Ś1,Ś3: sa kopavān; N17: sakopakān ()

mahāsainyayuktaḥ] ; N17: °⟨m⟩[s]ainya° ()

niṣkṛṣya] ; N17: °k⟨ra⟩[ṛ]ṣya ()

krandatkṣudrāmaragaṇaṃ] ; Ś1,Ś3: krandatkṣu°; N17: krandan kṣu° ()

vāṣpaklinnasurīmukham] ; N17: ⟨vā⟩vāṣpa° ()

dadhānā] ; N17: --[dadhā]nā ()

śambaraś] ; N17: °ra[ś] ()

camūḥ] ; N17: °mū[ḥ] ()

sargaḥ] ; N17: i[ti] śrī[bhā]ska[ra]kaṇ[ṭha]vi[ra]ci[tā]yāṃ [śrī]mo[kṣo]pā[ya]ṭī[kā]yāṃ [sthi]ti[pra]ka[ra]ṇe [pañ]ca[viṃ]śaḥ [sa]rgaḥ ()

akālolbaṇakalpāntabhīṣaṇam] ; N17: °ol⟨l⟩baṇa° ()

sāṭṭahāsā] ; N17: °hā[sā] mit Ś1;Ś3. ()

ātmaśilātulyahetipātārtavṛttayaḥ] ; N17: °tā⟨n⟩[r]tavṛ° ()

kulācalataṭāḥ] ; N17: °lā⟨ta⟩[ca]la° ()

tādṛśāḥ] ; N17: yeṣām ⟨taiḥ⟩ tādṛśāḥ ()

parasparāghātahatahetisamutthitāḥ] ; N17: °ra(ṃ)*s*parā° ()

prahāradalitādrīndrair] ; N17: °ā⟨n⟩drīn° ()

ivotavaḥ] ; N17: iv(au)*o*ta° ()

surāsurāḥ] ; N17: °sur(ā)[ā]ḥ ()

rodorandhroḍumbarāntar] ; N17: ro⟨dh⟩[d]orandhroḍ⟨a⟩[u]mbarā° ()

rodorandhra] ; N17: ro⟨dh⟩[d]o° ()

uḍumbaraphalamadhyam] ; N17: ⟨uḍambha⟩[uḍumba]rāntaḥ ⟨uḍambha⟩[uḍumba]raphala° ()

uḍumbarāntaḥ] ; N17: ⟨uḍambha⟩[uḍumba]rā° ()

ullāsair] ; N17: u⟨nn⟩[ll]āsair mit Ś1; Ś3: uttālair. ()

ullāsaiḥ] ; N17: u⟨nn⟩[ll]āsair ()

nabhasi] ; N17: na(ra)*bha*si ()

bhūbhāga] ; N17: bhū⟨t⟩[bh]āga ()

dvādaśādityasaṅghaṭṭadravatkāñcanasannibhaḥ] ; N17: °āditya(ānāṃ yaḥ)saṅghaṭ⟨ṭh⟩[ṭ]a° ()

parāvṛtyāvaniṃ] ; N17: °vṛt⟨t⟩yā° ()

brahmāṇḍakuḍyasaṅghaṭṭāt] ; N17: °ghaṭ[ṭ]āt ()

parāvṛtya] ; N17: °vṛt⟨t⟩ya ()

kaṭhināpūraṇoḍḍīnasphuṭaśailendrakandharaḥ] ; N17: °kan⟨d⟩[dh]araḥ. Vgl. Schmidt, Nachtr. sowie MṬ (IV) 26,48d. ()

sapakṣāḥ] ; N17: sa*pa*° ()

uḍḍīnāḥ] ; N17: °n⟨a⟩[ā]ḥ ()

pratiśrudghuṅghumāsphoṭaghaṭitadvīpajantubhūḥ] ; N17: °ghaṭ⟨ṭ⟩ita° ()

ca] ; N17: °ābdhiḥ [ca] ()

sadṛśāḥ] ; N17: ⟨m⟩[s]adṛśāḥ ()

hastānītābdhivāryoghaplāvitavyomapattanam] ; N17: °vāry(e)*o*gha° ()

daityapārṣṇiprahāraughapatallokeśapattanam] ; N17: °pat[t]anam mit Ś1;Ś3 ()

vahatpacapacāśabdabhūribhākkarabhīṣaṇam] ; N17: °bhā⟨ṅ(k)k*ā*ra⟩[bhākkara]°, mit MṬ. Ś1;Ś3: bhāṅkāra° ()

rāṣṭranagaravipinagrāmāḥ] ; N17: rāṣṭ[r]a° ()

kalpābhrapaṭalāsāradhārādalitaparvatam] ; N17: kal[p]ā° mit Ś1;Ś3 ()

māyāgnivarṣanipatatkalpāntagaṇavarṣaṇam] ; N17: °rṣa(mava)nipa° ()

varṣāvagrahāstrāṇi] ; N17: °hā*strā*ṇi ()

kurvat] ; N17: ku[r]° ()

atra] ; N17: °vā *a*tra ()

svavātāktaiḥ] ; N17: °ā⟨ṃ⟩ktaiḥ ()

śaravrātavanair] ; N17: °va⟨t⟩[n]air ()

pakṣapuṣpāṇi] ; N17: °pā⟨n⟩[ṇ]i ()

lasatphalāni] ; N17: (sa)lasat° ()

pṛṣṭhaśabdaśravonnādapātālatalavāraṇam] ; N17: pṛṣ⟨ṭ⟩[ṭh]a° ()

pṛṣṭhaśabdasya] ; N17: pṛṣ⟨ṭ⟩[ṭh]a° ()

dūyamānasurānīkam] ; N17: °rā*nī*kam ()

lasaddāhaprakāśatimirolbaṇam] ; N17: °ol⟨l⟩ba° ()

ulbaṇam] ; N17: *lasan → u⟨llv⟩[lb]aṇam* ()

piṇḍitāny] ; N17: piṇḍ⟨a⟩[i]tā° ()

ghasmarāḥ] ; N17: °r*ā*ḥ ()

ṣaḍviṃśaḥ] ; N17: °viṃśa⟨ti⟩ḥ ()

antarhitānām] ; N17: a[n]tar° ()

nālabhantāsurāḥ] ; N17: °ntā*surāḥ* ()

ghanajālavanoḍḍīnān] ; N17: °oḍḍīnā⟨s⟩[n] ()

āvirabhūd] ; N17: *ā*vir° ()

raktaraktānanaśriyām] ; N17: *rakta*raktā° ()

tasmai] ; N17: *tasmai* ()

surāḥ] ; Ś1 gloss.: he ()

dhairyeṇārīn] ; N17: °rī⟨r⟩[n] ()

adya] ; N17: *adya* ()

vāsanayā] ; N17: °n(ā)a*yā* ()

hṛṣyanti] ; N17: h⟨yā⟩[ṛ]ṣ° ()

granthibandhaḥ] ; N17: gra⟨ṅkti⟩[nthi]°; Ś1, Ś3: granthi° ()

ā] ; N17: °tā [ā] sam° ()

svātmanaivāvaśīkṛtaḥ] ; N17: °t⟨ā⟩[a]ḥ ()

aspṛśamānasya] ; Sic! ()

ātmāvaśīkṛtaḥ] ; N17: °t(ā)aḥ ()

*] ; N17: (bhayata iti śeṣaḥ yataḥ) ātmanaḥ ()

vyatiriktam] ; N17: [vya]ti° ()

bhāvitam] ; N17: bhāvita⟨p⟩[m] ()

viduḥ] ; N17: *anā° → viduḥ* ()

tṛṣṇākarañjavallyās] ; N17: °lly⟨a⟩[ā]s ()

mañjaryaḥ] ; N17: °rya[ḥ] ()

kaṇṭakavallī] ; N17: kaṇ⟨ṭha⟩[ṭa]ka° ()

loko] ; N17: lok⟨e⟩[o]; Ś1, Ś3: loko ()

mamatāyā] ; N17: mamatāyā⟨yā⟩ ()

ajayyatām] ; N17: °ja(y)*yy*a° ()

napelavāḥ] ; N17: lok⟨o⟩[e] na kecana [na]pelavāḥ; Ś1, Ś3: loke na kecana napelavāḥ. Zu anderweitigem Gebrauch von na-Samāsas vgl. auch MṬ (I) 30,7. ()

pelavāḥ] ; N17: pe⟨valāḥ⟩[lavāḥ] ()

dvirephā] ; N17: °ph*ā* ()

yuddham] ; N17: y[u]d° ()

arthaḥ] ; N17: °kṣepaka*ram → ity arthaḥ* ()

iti] ; N17: i*ti* ()

cāyudhāni] ; N17: °dhāni (ca) ()

māyākṛtaḥ] ; N17: °kṛta[ḥ] ()

āyudhamahāmbunaḥ] ; N17: āyu(dha)dha° ()

pāṣāṇaparvataṃ] ; N17: °parv[at]aṃ. Konstruktion unklar. ()

ambupūraḥ] ; N17: ⟨j⟩ambu° ()

āyudhayuktaḥ] ; N17: āyu*dha*° ()

pratidiśaṃ] ; N17: °śaṃ (śīghram) ()

prāsāsikuntaśaratomaramudgareṇa] ; N17: °āsi⟨ktaṃ⟩[kun]ta° ()

dikṣu] ; N17: °kṣ⟨va⟩[ṣu] ()

*] ; N17: (prahārāṇāṃ dāne grahaṇe ca samarthāpīti yāvat) pṛthvyādi° ()

śailopamāyudhavighaṭṭitabhūdharāṇi] ; N17: °yu⟨ddh⟩[dh]a°; mit Ś1, Ś3. ()

athāyasasiṃhavṛṣṭiḥ] ; N17: °siṃh(ā)a° ()

kuntaśaraśaktigadāsicakram] ; N17: °śakti⟨ḥ⟩ga° ()

yasyāḥ] ; N17: °syā[ḥ] ()

senā] ; N17: ⟨m⟩[s]e° ()

uḍḍayanaśīlāḥ] ; N17: °l*ā*ḥ ()

yasyāḥ] ; N17: yasyā[ḥ] ()

nāgāṅganāsuragaṇāṅganam] ; N17: °to⟨ś⟩[c]anā° ()

māyākṛtatvam] ; N17: m*ā*yā° ()

ca] ; N17: °ganā[ś] *cāsuragaṇāṅganāś* ()

tatraiva] ; N17: °tr⟨e⟩[ai]va ()

yāḥ] ; N17: y*ā*ḥ ()

astraśāntiśāstre] ; N17: (samāyaḥ śāstraṃ) astra° ()

devāsurāḥ] ; N17: devā⟨s⟩ su° ()

sarasasaṅgarasambhramārtā] ; Gemäß MṬ: sarasa-saṅgara-saṃrambha-ārtā (unmetrisch). ()

ḍimbadahanāḥ] ; N17:⟨b⟩[ḍ]imba° ()

kurvantaḥ] ; N17: °vant⟨e⟩[a]ḥ ()

śiraḥkarabhujorubharair] ; N17: °bharai⟨ḥ⟩[r] ()

ābhāskaraṃ] ; N17: ābhā⟨m⟩[s]karaṃ ()

kṣubdhajalānilārkaṃ] ; N17: °ān⟨a⟩[i]lā°; mit Ś1, Ś3. ()

vātenāvakīrṇam] ; N17: t(e)[e]nā° ()

drāk] ; N17: ⟨ḍ⟩[dr]āk ()

kathambhūtā] ; N17: °bhūt⟨aḥ⟩[ā] ()

samsṛtisadṛśī] ; N17: °sṛt⟨ī⟩[i]sa° ()

sukhaduḥkhadāyinī] ; N17: °duḥ[kha]dā° ()

nānāpadārthasaṅkaṭā] ; N17: °saṅ⟨gh⟩[k]aṭā ()

kārpaṇyenāstrayuddhena] ; N17: °āstr⟨e⟩[a]yu°; mit Ś1,Ś3. ()

samaro] ; N17: ⟨m⟩[s]am° ()

māyayetyādi] ; N17: mā⟨m⟩[y]a° ()

samīpagamanena] ; samīpagamanena = i.m. glossiert Ś1. ()

dṛḍhābhyāsād] ; N17: °ḍh⟨a⟩[ā]bhyās⟨y⟩ād ()

me] ; N17: m(o)*e* ()

me] ; N17 m⟨o⟩[e] ()

tādṛśāḥ] ; N17: °śā[ḥ] ()

kāṣṭhām] ; N17: kāṣṭ[h]ām ()

hy] ; N17: (na) hy ()

bhujaṅgatvam] ; N17: °jjvā⟨ṃ tu⟩[m bhu]jaṅ° ()

śarīrāsthārahitatvāt] ; N17: śarīr*ā*sthā° ()

mārjitā] ; N17: m*ā*rji° ()

iti] ; Ś1: bhavemeti ca; Ś3: bhavāma iti ()

kila] ; N17: k⟨l⟩ila ()

jātā] ; N17: jā[tā] ()

vipatpradam] ; N17: āpatp[r]adam vipatp[r]adam ()

sudamyatām] ; sudamyatām = ra-gaṇa! Ś1: sudasyutvaṃ, korr. i.m.: sudasyutām; Ś3: sudamyatvaṃ ()

dudruvuḥ] ; N17: d⟨r⟩udru° ()

tadraṇotsannakośeṣu] ; N17: °raṇ*o*tsa° ()

andhradramiḍakāśmīrapārasīkapureṣu] ; N17: °⟨ḍ⟩[dr]amiḍa° ()

ḥsurālayaḥ] ; N17: surā(l)*r*ay(ā)aḥ; Ś1: ḥsurālayaḥ; Ś3: surārayaḥ ()

śirastrāṇāni] ; N17: °ṇā*ni* ()

bhītiḥ] ; N17: °ti[ḥ] ()

ekonatriṃśaḥ] ; N17: °raṇe --- [ekonatriṃśaḥ] ()

kṛtavān] ; N17: °vān⟨n⟩ ()

śamitānīko] ; N17: °ān⟨eke⟩[īko] ()

krūrayā] ; N17: k[r]ūrayā ()

gṛdhratāṃ] ; N17: gṛ⟨d⟩dhra° ()

janapadaviśeṣeṣu] ; N17: °śe[ṣe]ṣu ()

kaśmīrāraṇyapalvale] ; N17: °pa⟨l⟩lva° ()

dāvāgnikvathitālpālpapaṅkakalkānupāyinaḥ] ; N17: °kva⟨p⟩[th]itālpālpapaṅkakalkānu⟨y⟩[p]āyinaḥ mit Ś1,Ś3 ()

saṅgṛhya] ; N17: °*gṛ*hya ()

evaṃrūpāya] ; N17: °tyājy[ety] evaṃ° ()

avivekānusandhānāc] ; N17: °nā⟨ś⟩[c] ()

dāmādyanubhūtāpatsadṛśīm] ; N17: °śī[m] ()

nirahaṅkāracitsattvodāradhīratā] ; N17: °kāra⟨ṃ⟩ cit° ()

sattābhāktvayogāt] ; N17: °bhā⟨t⟩[k]tva° ()

ahaṅkāram] ; N17: śu*ddha° → ahaṅkā*ram ()

dehādinairapekṣyakṛtamahāsukhayuktaḥ] ; N17: °su*kha*yu° ()

dehādyapekṣāvaśād] ; N17: dehādy(i)ape° ()

evāsantaḥ] ; N17: °āsa⟨t⟩[n]taḥ ()

piśācaḥ] ; N17: °c⟨ā⟩[a]ḥ ()

mahāpadmasarasītīrapalvale] ; N17: °pa⟨l⟩lva°; zu Mahāpadmasaras (‘ancient name of Volur lake’) vgl. RT IV 593 (nebst Anm.) sowie Stein 1900, vol. 2: 423f. Vgl. (IV) 32,5ab. ()

sataḥ] ; BhG II 16ab ()

arthaḥ] ; N17 :(e)ar° ()

sad] ; N17: sat⟨t⟩[d] ()

śambaramāyodbhāvitatvenāsanto] ; N17: °vita⟨t⟩tve° ()

mattāyām] ; N17: ⟨s⟩[m]at° ()

dṛṣṭāntāntareṇa] ; N17: °ṣṭān*tā*nta° ()

iti] ; N17: i*ti* ()

na] ; N17: *na* ()

tajjñatvād] ; N17: °jñ⟨ā⟩[a]° ()

karomīty] ; N17: °ro*mī*ty ()

iti] ; N17: syā*d i*ti ()

niścayo] ; N17: niśc⟨i⟩[a]° ()

karuṇākrāntāḥ] ; N17: °nt*ā*ḥ ()

evopadiśantīty] ; N17: °diś⟨y⟩a° ()

ivonmattā] ; N17: °ma⟨k⟩[t]tā ()

bāhyāntaḥkaraṇāviṣayaṃ] ; N17: °ya⟨ḥ⟩[ṃ] ()

aikyaṃ] ; N17: ⟨e⟩[ai]k° ()

bodhe] ; N17: b*o*dhe ()

bodhe] ; N17: bodh⟨y⟩e ()

śavo] ; N17: ś(e)avo ()

cinmātrākhyabrahmasvarūpajñasya] ; N17: °pa*jña*sya ()

nājñasyeti] ; N17: °sy⟨a⟩[e]ti ()

vasiṣṭhatā] ; N17: va⟨m⟩[s]iṣṭha° ()

bhūtatvavyatirekeṇa] ; N17: °ta⟨t⟩tva° ()

unmattataiva] ; N17: °t⟨e⟩[ai]va ()

ghaṭo] ; N17: °ṭ⟨e⟩[o] ()

phalitatvenānusmarati] ; N17: °ta⟨t⟩tve° ()

asmadādivat] ; N17: °pa*m a*smad° ()

saṃvedyasya] ; N17: *saṃvedanasya → saṃvedyasya⟨sa⟩* ()

cetyākhyamalādūṣitam] ; N17: °ā⟨r⟩[d]ū° ()

anastamitodayam] ; N17: °y⟨ā⟩[a]m ()

iti] ; N17: i[ti] ()

tac] ; N17: ta⟨ś⟩[c] ()

kacakāni] ; Konjektur für N17: kavavāni. ()

kathayati] ; N17: °ya⟨n⟩ti ()

ākāśe] ; N17: °khy(e)a [ā]kā° ()

nijaraśmirūpaṃ] ; N17: ni*ja*ra° ()

prakāreṇa] ; N17: *pra*kā° ()

svapnadraṣṭrā] ; N17: °draṣṭ⟨y⟩[r]ā ()

tadvad] ; N17: °va(ya)d ()

tulyanyāyāt] ; N17: °nyāy⟨y⟩āt ()

asmākaṃ] ; N17: °smā*kaṃ* ()

cidvyomnaḥ] ; N17: cid*vyo*mnaḥ ()

nirākṛteḥ] ; N17: °te[ḥ] ()

prakacate] ; N17: °t⟨ī⟩[e]; mit Ś1. ()

bhavati] ; N17: [bha]va° ()

ghaṭaviśeṣakatvaprasaṅgāt] ; N17: *na ca → °prasaṅgāt* ()

paramārthe] ; N17: °rthe (paramārthe) ()

kiñcit] ; N17: ⟨c⟩[k]iñ° ()

taimirikadṛṣṭiḥ] ; N17: °ka(sya)dṛ° ()

iti] ; N17: *i*ti ()

āssva] ; N17: āssva⟨ḥ⟩ ()

eveti] ; N17: °ti(ti) ()

nātrāyāso] ; N17: nā⟨yā⟩trā*yā*so ()

anubhūtatvānanubhūtatvākhyavikārarahitam] ; N17: °bhūta*tvānanubhūta*tvā° ()

āste] ; N17: ā⟨sa⟩ste ()

svānanubhūtyanubhavitṛtvena] ; N17: °bhav⟨a⟩[i]tṛ° ()

abhedam] ; Sic! a[pa]bhedam ? ()

etad] ; N17: e(ta)tad ()

accham] ; N17: (ā)accham ()

yac] ; N17: ya⟨ś⟩[c] ()

cetyākhyakṣobharahitam] ; N17: °khya*ra*hi° ()

tathāpi] ; N17: *dṛśau → tathāpi* ()

cāstīti] ; N17: °īti (ca) ()

tasyāsatkalpatvāt] ; N17: °hita*sya ta*syā° ()

tattvānapāyāc] ; N17: °yā⟨ś⟩[c] ()

sargaḥ] ; N17: °karaṇ⟨e ---⟩[a eka°] ()

bālayakṣapiśācavat] ; N17: °la(kṣa)yakṣa° ()

mahāpadmasarasītīrapalvale] ; Vgl. (IV) 31.10 ()

matsyayoniparamparām] ; N17: °ni(ṃ)pa° ()

nāmnādhiṣṭhānam] ; Zu Namen und Topographie der alten Haupstadt Kaschmirs vgl. Stein 1900, vol. 2: S. 362; 439ff. RT III 99 (nebst Anm.). ()

pradyumnaśikharaṃ] ; Hāraparvat in °rīnagar, vgl. Stein loc. cit. S. 443f; RT III 460 sowie Anm. ad RT III 339-349. ()

gehaṃ] ; N17: g⟨o⟩[e]haṃ ()

dānavo] ; N17: d(i)āna° ()

śrīyaśaskaradevākhyaḥ] ; Reg. 939-948 A.D., vgl. Stein 1900, vol. 1: 103f; RT V 469 - VI 114. ()

bṛhatstambhapṛṣṭhacchidre] ; N17: °stam*bha*pṛ° ()

prastauti] ; N17: kaṭ*ā*va° °st⟨o⟩[au]ti ()

ratnāvalīvihārākhyo] ; Vgl. RT III 476. ()

nṛpāmātyaḥ] ; N17: °mā(dya)tyaḥ ()

śāntamithyāhamaṃśo] ; N17: °ha⟨s⟩[m]aṃ° ()

pradyumnaśṛṅgāc] ; N17: °gā⟨ś⟩[c] ()

sarvo] ; n17: °rv*o* ()

sāṃsārī] ; N17: saṃ⟨m⟩[s]ā° ()

bhramayaty] ; N17: °y(ā)aty ()

rājagṛhadārvantar] ; N17: °a[n]tar ()

gehe] ; N17: °h⟨ar⟩[e] ()

kvārṣyaśṛṅge] ; N17: kv*ā*r° ()

arṣyaśṛṅge] ; N17: °śṛṅ[ge] ()

atrāha] ; N17: (e)atrā° ()

budhyate] ; N17: °⟨d⟩[dh]ya° ()

budhyate] ; N17: °⟨d⟩dhya° ()

satyayevāpy] ; N17: satya⟨m⟩[y]evā° ()

nirvāsanaṃ] ; N17: °vā(ma)sa° ()

anubhūyamānam] ; N17: °māna[m] ()

iti] ; N17: i*ti* ()

śvabhrajalāny] ; N17: ś⟨u⟩[va]bhra° ()

te] ; N17: te (te) ()

śvabhrajalāni] ; N17: ś⟨u⟩[va]bhra° ()

aśubhanāśarūpaḥ] ; N17: aśubh(ā)anāśa° ()

na] ; N17: [na] ()

*] ; N17: *[ ]* Ergänzung nicht ausgeführt. ()

vyavahāra] ; N17: vya*va*hā° ()

upapūrvaḥ] ; N17: °rva*ḥ* ()

iti] ; N17: °gya*m i*ti ()

abhimatavastuprāptikāla] ; N17: °mat⟨t⟩a° ()

sidhyatīty] ; N17: si⟨d⟩dhya° ()

antarahitāyām] ; N17: °yāṃ(m a) ()

*] ; N17: *[ ]* Ergänzung nicht ausgeführt. ()

sacchāstrādikam] ; N17: °str*ā*di° ()

sarvāpadaḥ] ; N17 °d(ā)aḥ ()

asantoṣaḥ] ; N17: °ṣ(ā)aḥ ()

ākāśaḥ] ; N17: [ā]kā° ()

bhuktam] ; N17: *bhuktam* ()

ayuktaṃ] ; N17: °kta[ṃ] ()

utpannayā] ; N17: utp⟨ā⟩[a]nna° ()

anudvegam] ; N17: anud⟨yo⟩[ve]gam; zu (an)udyoga vgl. MṬ (II) 5,12 sowie MṬ ad (IV) 32,57. Ś1, Ś3, N/Ed: anudvegam. ()

viharatā] ; N17: °tā⟨s⟩ ()

jīrṇāndhakūparūpeṣu] ; N17: °⟨r⟩[k]ūparūpeṣu ()

kṣīṇa] ; N17: kṣī⟨n⟩[ṇ]a ()

nirdhāryatāṃ] ; N17: ni[r]dhā° mit Ś1, Ś3. ()

yuṣmābhiḥ] ; N17: °ṣm⟨a⟩[ā]° ()

ity] ; N17: i(ta)*ty* ()

śāstram] ; N17: ś(r)āstram ()

dhanaleśena] ; N17: °⟨śele⟩[leśe]na; als Randglosse in Ś1; Randglosse Ś3: dhanalavena. ()

yathā] ; N17: [yathā] ()

yuṣmābhiḥ] ; N17: °ṣm⟨a⟩[ā]° ()

tiṣṭhati] ; N17: °ṣṭhat*i*⟨ḥ⟩ ()

kimartham] ; N17: °a[r]tham ()

āpade] ; N17: °de⟨ḥ⟩ ()

śāstrācārāviruddhena] ; N17: *vicārād → °ddhe⟨ṣu⟩[na]*; mit Ś1, Ś3. ()

lokatantrānusāreṇa] ; N17: °ta[n]trā° ()

vyāpāro] ; N17: °r(o)[o] ()

sargaḥ] ; N17: ⟨---⟩ [dvātriṃśaḥ sargaḥ] ()

eva] ; N17: eva (bhedaḥ yenaivaṃ kathayasīty atrāha) ()

atiśayaprayuktānāṃ] ; N17: °ya*pra*yu° ()

nandinānandadāyinā] ; N17: °da(nā)dāyi° ()

gajaiḥ] ; N17: (ga)ga° ()

piṣṭamiśritaṃ] ; N17: °ṣṭ(i)a° ()

yuktyātiśayadārḍhyena] ; N17: °dā[r]ḍhye° ()

śvetena] ; N17: °te⟨m⟩[n]a ()

yasyāsti] ; N17: °ā(ti)sti ()

aśeṣāṇāṃ] ; N17: a(ṣe)śe° ()

tannāśarūpasya] ; N17: t⟨--⟩[annā]śa° ()

tathāpi] ; N17: *tathāpi* ()

sidhyati] ; N17: °(ddha)*dhya*ti ()

brahmatvayogāt] ; N17: °g⟨a⟩[ā]t ()

brahmatvānapāyān] ; N17: °pāyā⟨-⟩[n] ()

ttirūpānandarūpo] ; N17: °bhūta⟨-⟩[ ]tti° ()

heyopādeyatāvyatiriktā] ; N17: °tir⟨e⟩[i]ktā ()

sajjanaḥ] ; N17: °mas[u] sa sa⟨-⟩[jja]naḥ ()

śarīrayātrānimitteṣu] ; N17: °mit[t]eṣu ()

karmasu] ; N17: ka[rma]su ()

anudinam] ; N17: °ṣa[s]yā⟨--⟩[nudi]nam ()

bhavati] ; N17: °va⟨-⟩[ti] ()

dṛśyante] ; N17: dṛ⟨-⟩[śyan]te ()

setsyaty] ; N17: °ci*t se*tsya° ()

adhyātmaviduṣaḥ] ; N17: adhyā⟨-⟩[tma]° ()

evāsya] ; N17: °ā⟨-⟩[s]ya ()

adhyātmaviduṣaḥ] ; N17: °ṣ⟨ā⟩[a]ḥ ()

abhāvaḥ] ; N17: abhā⟨-⟩[vaḥ] ()

jīvas] ; N17: jī⟨-⟩[vas] ()

muktam] ; N17: mu⟨-⟩[ktam] ()

anyasya] ; N17: a⟨-⟩[nya]sya ()

tadrūpatvena] ; N17: °pa⟨--⟩[tvena] ()

śenopādhimukta] ; N17: ca⟨--⟩[ ]śenopā° ()

ḥpi] ; N17: p⟨a⟩[i] ()

aveditam] ; N17: °st[y] ave° ()

cinmātram] ; N17: °m⟨-⟩[ā]tram ()

ktaḥ] ; N17: ⟨-⟩ [ktaḥ] ()

darśyate] ; N17: darś[y]a° ()

evānubhūtaṃ] ; N17: (o)evā° ()

darśitam] ; N17: da[r]śi° ()

svapnajagataḥ] ; N17: °pna(ṃ)ja° ()

saṃvidākāśātmakatvam] ; N17: °śāt⟨s⟩[m]a° ()

ḥnubhavaś] ; N17: °va⟨c⟩[ś] ()

bhedaḥ] ; N17: *paramārthataḥ → bhedaḥ* ()

arthaḥ] ; N17: ar⟨-⟩[thaḥ] ()

ḥsyāś] ; N17: asyā⟨c⟩[ś] ()

astamayodayau] ; Vgl. Spandakārikā 1.1. ()

puraḥsthāyāḥ] ; N17: °ra[ḥ]sthā° ()

unmeṣaṇanimeṣaṇe] ; N17: °ṣa*ṇanime*ṣaṇe ()

unmeṣanimeṣavataḥ] ; N17: °va⟨n⟩taḥ ()

deharūpatayāvasthānena] ; N17: ⟨-⟩[de]ha° ()

tadācchādakatvāt] ; N17: °cch*ā*da° ()

cinmātrākāśa] ; N17: °tr⟨a⟩[ā]kā° ()

nāhambhāve] ; N17: °v(e)⟨*o*⟩[e] ()

ātmanā] ; N17: ātman*ā* ()

Mokṣopāya with Bhāskarakaṇṭha's Ṭīkā

1. Prakaraṇa: Vairāgya

2. Prakaraṇa: Mumukṣuvyavahāra (2,5.5-2,20.13)

3. Prakaraṇa: Utpatti (3,1.1-41; 3,3.13-3,12.4; 3,13.50-3,16.41)

4. Prakaraṇa: Sthiti (4,1.1-4,24.19, 4,25.12-4,33.26)