S. 391
Ein Lied von der Fronica wie sie von Hyerusalem gen Rom ist kuen. Jn dem brieff don des Regenbogens
Bild
S. 392
S. 393
O
Ssser got nach dein gnaden stet mein
begir send einen engel ausz dem hymell
her zu mir / das ich ein puch mit innigkeyt ge=
mache dir / das ich vonn deinnem angesicht /
mg sprechen vnd singen
Wie das vō hierusalem hin gen Rome kam /
vnd auch dem krancken keyser schwere seuchē
nam / Fronica also kund ich euch des puches
sta / on gottes hylff vermag ich nicht / das
wirdig puch volpringen.
Jn gottes namen ichs den leutten kunde / Jn
gottes ere so heb ichs die lieder an / wer sy nn
hrt mit innigkeyt weib oder man / denn mag
desselben tages nymer leyd bestan / habens zu
got dem herren pflicht vnd leben one sunde.
¶ Die deinen gt die bit ich du vil zarter gott /
verleich mir herr ein klugen sin vnnd weysen
Rat / das ich dich mg geloben got frue vnd
spat / vnnd das ich auch dein antlicz herr / mit
frewden mg anschawen
O Herr deyn gt erzeygest vnns gar manig=
falt / darumb soll wir dich loben beyde Jung
A ij
S. 394
vnnd alt / das du vns herr auff erden hie liest
dein gestalt / vnd dye beleyb in grosser ere / hie
Fronica der frawen.
Herr got das wir das puch volpringen / Vnd
das da vonn gelobet werdt dein suesser nam /
dein angesicht v das ist also wunesam / hilff
herr das wir in deynem willen werden zam /
bey dir in frewden ymmermer / da soll wir fro
lich singen
¶ Zu Rom ein Keyser gar gewaltiglichen sasz
zerrissen vnnd zeruallen ym sein palast wasz /
darin so sach man wachssen nessel vnnd das
grasz / sein fensterwerck was im zerstrt zerual
len vnd zerrissen.
Der selbig Kaiser was Tyberius genant nach
der Tyber die da fleust bey Rom durch wal=
henlandt / dem dyenten knig fursten graffen
all zu handt / nun ffen ich des buches ort / das
ir es solt hye wissen
Der hett ein seuchen mocht keyn man geps=
sen / Zwelff meyster waren all an im verzweyf=
felt gar / den seuchen hett er vierundzweinczig
S. 395
iare zwar / im leyb so was er faull das sag ich
euch furwar / er was auch lam hab ich gehrt
an henden vnd an fuessen
¶ Der selbig keyser was so gar eynn frummer
man / das seyt noch vorgen Rom halt|nie kein
frummer kam / die stern vnd der mon die sun=
nen pet er an / er liesz im machen ein abtgot / v
sylber vnd von golde.
Den liesz er seczenn in den tempel auff ein stein
fur ander herren thet er im grosz ere alleyn / vor
dem abtgot da stunden abtgter gemeyn / der
Keyser im grosz ere empott / das er im helffen
solde.
Er kund in vor den seuchen nit erneren / Fur=
war das sahē seine diener all nit gern / wan sie
mochtē seines rats nit wol enperen / sie sprach
en all wer soll vns furbasz weyszheyt lern / nun
stirbt vnns der keyser tod / des kund wir nicht
erweren.
¶ Zu Hyerusalem da wart auch gekaufft einn
mayd / sie wart gen Rom gefurt als vnns die
schryfft sagt / die Rmer hetten sie vmb
fre=
A iij
S. 396
de mer gefragt / wie es stund in der heydenn=
schafft / vnd in der Juden lande.
Dye meydt sprach ich sag euch alles das ich
weysz / mich fieng ein heyd vnd furt mich feyl
da in dem kreysz / Got sendt ein edelen Rmer
durch seins herczen reysz / der mich lst ausz ia=
mers krafft / mit gelt vnd mit gewande
Junckfraw die leng wl wir sein nicht empe=
ren / Nun saget vnns wie es stet in dem lande
dort / was ir gesehen habt vnd was ir habt ge=
hrt / das wir dem Keyser sagten soliche gutte
wort / sagt vns wie lang wart ir in hafft das
wll wir hren geren.
¶ Die iunckfraw sprach da von so het ich vill
zu sagen / wen ichs bedenck so musz ich aber da
mer klagen in grosser ere bin ich gewesen pey
meynen tagē / nun musz ich hye gefangen sein /
gar eygen vnd elende
Nun wil ich euch die rechten warheit hie ver
iehen / was grosser zeichen in dem landt vil ge
schehen / als ye keyn man gehret hat oder ge=
sehen / das ist denn Jden ein grosse pein das
S. 397
si es nit kden wenden
Sie gend darauff wie sie es mchten strenn /
Sich hat ein newer glaub erhebt in dem ge=
schlecht / darumb iden v heyden wider eyn=
ander fecht / vnnd kunden des glauben eynes
weren nit mit recht / sagt vns furbasz zart iūck
fraw fein/ das wll wir gern hren.
¶ Sye sprach got hat den Jden ein meyster
gesandt / man spricht das er dar kummen sey
ausz kriechen land / wen er anrrt mit seynner
kunstenreichen handt / vnd ist er siech er wirtt
gesundt / von seuchen hie auff erden
Man spricht also das Jhesus sey der namen
sein / er kan ausz wasser machē guten plancken
weyn / Pylatus spricht er sey dar kumen vber
reyn / Er ist gar lang wol spricht seyn mund /
auch kan er gut geperden
Junckfraw die leng wll wir sein nit verhen=
gen / die iunckfraw sprach ein teyl dye halten
in fur got / Einn teyll der Juden treyben ausz
ym yrenn spot / Das dritteteyl das suchet ein=
nen falschen rat / v wie sie in yn kurczer stund
A iiij
S. 398
von seynem leben prengen
¶ Sye sprachen iunckfraw wer die red gencz=
lichen war / das wir das vor den Keyser sagtē
offenbar / Vnnd der ist siech gelegen hye vill
manig iar / ir wrdt von aller sorg erlst / vnd
kumbt in grosse ere.
Dye iunckfraw sprach ich thue euch hye dye
warheit kund im volget nach ein grosser schar
zu aller stund / darumb das er der sichē macht
so vil gesund / sie werden all vonn ym getrost /
die volgen seyner lere.
Sndt er vergibt das sag ich euch furware /
darumb so tragen im die iden grossen neydt
das er dem volck so vil der gutten lere geit / im
volget nach ein grosse schar zu aller zeyt / vnd
was er vor dē volck da kost / das ist gar offen=
bare.
¶ Gar schier die red wol fur den krancken key
ser kam / da er in seynnem pette lag siech vnnd
lam / wie bald er da von seynen Frsten rat ge
nam / wan er het gar stet bey im / die besten R
mer alle.
S. 399
Sye sprachen was gepecz du Edler Keyser
her / was ist dein will vnd was ist deines hercz
en beger / Filisian sprach Keiser du solt wissen
mer / nun sag vns herr ob vns zymbt / dein rat
vnd vns gefalle
Wir sein betrbt Keyser in dem reyche / dar=
umb das zwelff meyster ann dir verweyffelt
han / vnnd dir mit iren knsten seind all ab ge=
stan / des sind betrbt Herr hie all dein dienst=
man / kind man vnnd weib herr das vernim /
von vns allen geleiche
¶ Der keyser sprach mir seyn gar fremde mer
geseyt / Nun rat darzu ob es euch sey lieb oder
leyd / mir ist zuwissenn das ein heydennysche
meyd / sey kumen von der Juden land / die hat
man pracht gefangen
Vonn der so hab ich wunderliche wortt ge=
hrt / Filosian der nam die iunckfraw auff ein
ort / Er sprach zu yr vil manche suesse wort /
iūckfraw ich bin zu euch gesant / des last euch
nit verlangen.
Sagt mir Junckfraw ob yr den man nicht
S. 400
kennet / Der in den landen treybt so vill der wū
derreych / sie sprach ir tdler Frst ich sag euch
sicherleych / auff erden hye so lebt keynn man
so kunstenreych / er ist den leutten wol gekant /
Jesus ist er genennet
¶ Filosian der frewet sich der Liebenn mer / er
sprach nun sagt mir zarte iunckfraw on gefer /
darnach stet gar sicherlych meynes herczē ger
wo hat er solche wunder than / oder in welch
em lande
Dye meyd dye sprach ich sag euch edler herr
meinn / zu chana in dem dorff da thet er wun=
der schein / da macht der herr ausz eynem was=
ser guten weynn / er ist der aller weyste man /
sein kunst ist manger hande
Zu Naym dort in der Gallilea lande / Da was
eyner witwen sun todt vnd lag auff der par /
der herr der kam gegangen zu den zeytten dar /
erweckt in auff vom tod das sag ich euch fur=
war / des was gar fro Filosian / vnd thecz dem
Keyser bekande
¶ Der Keyser sprach ich klag euch allenn hye
S. 401
mein not / vnnd das mich tdten wil mein ey=
gen plut so rot / das mich nit zu im nemen will
der reinne tod / des schrey ich hewt o wee der
klag / v meiner grossen schwere
Da sprach zu im der Edel Frst Filosian / O
edler Keyser hr wir wissen einen man / der ist
mit seynen knsten also wol gethan / wlt ir in
haben auff ein tag / er sol euch kummen here /
Nun wlt ir in han er mag euch villeicht wer
den / Die weyl ich mag gereytten farenn oder
geen / vnnd mit gesundtem leyb auff meynnen
fuessen steen / vind ich in dort ich will in bitten
vnnd auch iehen / das er mir nichcz versagenn
mag / wes ich in bit auff erden
¶ Der keyser sprach Filosian ich sag dir danck
Nun weyst du selber wol / das ich bynn also
kranck / vnd wolt dir nun die reyse werden nit
zu lang / das mir das leben wrd gespart / bisz
du den meyster prechte
Filosian sprach Keyser du solt nit verzagen
nun hr ich vonn ym also grosse wunder sa=
gen / er weckt auff dye gestorben sein vor ma=
S. 402
nichenn tagenn / das saget mir die iunckfraw
zart / ich such in wol mit rechte
Filosian sprach die reysz die wil ich wagenn /
Jch wil erfaren die zeychen vnd sein geperde /
er trstet alle die wer sein hilff begert / wer ynn
anrfft der lest er keynnes vngewert / ich will
mich richten auff dye fart / ich wyll ynn zwar
erfragen.
¶ Mein lieber freundt Filosian bysz nit zu lasz
ich schwer bey meyner kronn vnnd eren thust
du das / du solt vermgen ewigklichen dester
basz / gegen mir alhye vnd sol ich leben / vnnd
deyne kynder alle
Filosian nym silber vnnd das rote golt / nym
edel steyn vnd auch darzu dein reychen soldt /
sicz in ein schyff nym alles das dein hercz wolt
rosz vnnd man mit paner schweben / far hyn
mit reychem schalle
Vnnd wilt du in suechen in der Juden lande /
Finst du in dort so pring mir in mit eren here /
du solt in vber geben nach seynes herczen ger /
ist yemandt in dem land vnd der im sey gefer /
S. 403
du solt im guten fride geben / bey leben v bey
hande
¶ Nun ist er gott so solt du in auch beten ann /
wan du solt gepieten pfaffen frawen v man
vnd allen Frsten das sie im sein vnderthan /
das er sich genedigkleych / wll vber mich er=
barmen
Filosian verny die meynē wort gar ebenn /
mit grossem schacz solt du im selber vber gebē /
hat er den todt verdient du solt yn lassen leben
das solt du gepietten gar geleich / den reychen
vnd den armen
So das er hye meyn leben mach gerechte / Fi=
losian vernym die meynen wort noch basz / ist
yemandt in dem land vnd der im sey gehasz /
du solt von vnser wegen auch vermgen das
das du yn treibest ausz dem reich / mit alle seim
geschlechte.
¶ Filosian der Frst vnd auszerwelte helt / het $
an des Keysers hoff dye bestenn auszerwelt /
wol sechczig Ritter wurden im yn eyn schyff
gezelt / er liesz im laden einen kyl / mit gelt vnnd
S. 404
gũter speysen
Der Keyser der was fro vnnd er denn herren
rieff / vnd wen yr kumbt hyn auff den wilden
wag so tieff / v des wil ich euch geben da eyn
gutten brieff / ob man euch nit gelauben will /
die warheit solt ir weysen
Mein paner gut solt ir frlich auff steckē wer
das ansicht das man euch woll gelaubē musz
vnd sagt in dort von mir den meinen werden
grsz / ich werd sein noch fro wrd mir meyn=
ner seuchenn pusz / ia vindt man noch der leut
so vil / die ser wurden erschrecken
¶ Filosian sasz in ein schiff vnd fuer von dan /
vnder seim panner hett er mer dann hundert
man / die im da von dem keyser waren vnder=
than / der kiel hyn anff dem wasser flosz / tieff
auff der tyber vnde
Vnd auff der reysz da was er wol eyn ganczes
iar / ein wynter vnd ein sumer sag ich euch fur
war / bisz das er kam zu eynem grossen schyffe
dar er thet dem ancker eynen stosz / tieff in des
meres grunde
S. 405
Sie richten zu vnd furen da zu lande / Des key
sers fan wart auff gericht gar offenbar / die iū
den vnnd die heyden wurden sein gewar / vor
grossem leyde raufften sie ausz part vnd har /
weyb man vnd kynd ir leyd was grosz / vnnd
wunden ser ir hende.
¶ Die iuden die erschracken vonn des paners
schweben / ein poten liessen sie gen Hierusalem
ein streben / der tag was heylig das volck was
da heymen eben / der pot der rieff des Keysers
fan / zu lande kumen were
Die iden vnd die heyden hetten vor gehrtt /
wie von den rmern solt werden yr ee zerstrt /
des waren sie von frewden in grosz leid bekert
vnd Pilatus das besan / sein hercz kam ym inn
schwere
Sye richtten zu als in grossen eren / Die iden
lyessen ander ding da vnderwegen / mit lobge
sang so giengen sie in schon entgegē / ein schar
der andern weychtn must da auff den stegen /
sie rfften alle weyb vnnd man / bysz wilku
Rmisch here.
S. 406
¶ Filosian der dancket schn den Jden
dan
mit zchtiglichen mut vnd das er sprach also
nun danck ich got v byn des ausz der massen
fro / das wir seindt hie ein gāczes iar / das musz
wir alle reysen.
Pylatus sprach ich hab es gar wol vernumē
wie das des keysers fann zu lande solte kumen
er sprach des sol wir alle haben guten frumen
weyb vnd kind die leutte zwar / die man wyt=
wen vnd weysen
Pylatus sprach ich frewe mich lyeber mere /
Jch hab gericht funffczehen iar in dieser stat /
vnd auff dem land das mir nie kam des Key=
sers rat / so nahent als er nun mit leyb hye bey
mir gat / ich bin sein fro sag ich furwar / das ir
seyt kumen here
¶ Filosian sie furten auff des Keysers sal / dye
iuden vnnd die heyden trieben reychen schal /
das es so weyt inn der grossen stat erhal / Sie
dienten ym yn grosser not so recht gar keyser=
leychen
Sye seczten yn wol auff eynn ksz was pfelle=
S. 407
rein / sie trugen ym fur granat v den planckē
wein / ein gulden peckē das was voller finger=
lein / die waren all von golde rot / vnd von ge=
stein so reychen
Filosian sasz auff dem stul v dachte / wie das
er des keysers schenck gryff weiszlich ann / vor
ym da stundē auch wol mer dan tausent man
doch stund vor im des Keysers auff gerichter
fan / sie musten thun was er gepot / die brieff er
mit im prachte
¶ Filosian der nam Pylatum bey der hannd /
wilt wissen warūb vns der keyser hat gesandt
das wir seind kumen her in dyese fremde land
er lest euch alle ser grssen / das yr mich solt be
richten.
Die rmer vnd der keyser haben wol vernumē
sie hiessen vns her ziehen dem keyser zu frumē /
man sagt in dort wie das einn meyster her sey
kumen / der kunde alle seuchen pssen / vnd die
mit wortten schlichten
Man spricht er kund die todten machen leben
Man sagt vns dort das Jesus sey der namen
B
S. 408
seyn / er kan ausz reynem wasser machen plāck
en wein / wo findt ich in nun sag du mir dem
willen dein / so wil ich dir des Keysers suessen
mit ganczen trewen geben
¶ Pylatus der erschrack v kam in grosse not
vor leyd so wart er pleych vor schrecken wart
er rot / Er sprach vil edler frst warlich der ist
tod / vnd furwar so sag ich das / vnnd red das
auff mein trewe.
Vnd des erschrack der edel furst Filosian / er
stund vnd sach Pylatum also veintlich an / er
sprach wie mcht gesterben also ein knstlich
man / auff in so warff er grossen hasz / sein hercz
kam in rewe.
Vnd wie mocht also ein behender mēsch ster=
ben / Vnd der die todten lewt kan machen wi=
der leben / die lamen schlecht den plinden ir ge
sichte geben / Pilate dise red di soltu merckenn
eben / bescheyde mich der mere basz / das recht
ist nit dein erben
¶ Pylatus sprach hrt iden hayden vberall /
die sich gesammelt haben her auff dyesen sal /
S. 409
der frst der klaget vnsers herren keysers qual
er fraget mich vmb ein meister klug / der sey in
diesen landen
Des hab ich in berichtet gar inn kurzcer frist /
wie das der selbe meyster hye gestorben ist / es
ist auch war er hett inn im gar scharpffe list /
die kunst vnd die er bey im trug / die waren ma
nicher handen
Von seinem todt so wil ich gar nicht wissen /
Her Frst ir fraget auch die selbenJuden do /
Annas Cayphas vnd auch der Centurio / die
warenn alle drey bey seynem tod gar no / das
man yn an ein krecze schlug / vor not die stein
auff rissen.
¶ Die Jden sprachenn edler Frst Filosian /
habt gutten mut seyt vnbekmert vmb denn
man / west ir die grossen vbel die er hat gethan
er hat vns pracht so gar zu nicht / mit seynner
newen lere
Filosian sprach wie kumbt das das er ist todt
das wil ich warlich wissen hye on allen spot /
yr Edler Frst da hat man ynn gekreuczigt
B ij
S. 410
tod / Pylatus het ein falsch gericht vnd ander
iuden mere
Der Frst der sprach wie hat er das erworbē /
Das ir in habt mit nagel an ein kreucz geschla=
gen / nun hab ichs nie gehrt bey allen meynen
tagen / Pylate du solt mir die rechten warheyt
sagen / ich will doch wissen die geschicht / war
vmb er sey gestorben
¶ Pylatus sprach herr Furst ich wil euch sa=
gen das / er macht die plinden gesehent v den
siechen basz / darumb im trugent zwar die J
den grossen hasz / sie suchten manchen falschē
syn / wie sie in wlten tdten
Pylatus sprach herr Frst ich wil euch sagen
mee / sie gaben schuld er wer eyn strer yrer ee /
sie thetten ym mit geyssel vnd mit besen wee /
das ich gericht sasz vber in / das must ich thun
mit ntten
Die iuden hetten vmb in ein gedinge / cayphas
der pracht seinen Junger eynen an / das er ver
kauffe Jesum den vil guten man / vnd der des
todtes warlich nie keyn schlud gewan / er gab
S. 411
yn vmb ein kleyn gewyn / vmb dreyssig pfen=
ninge.
¶ Pilatus sprach herr frst wlt ir hren basz /
die erste vrsach die kumbt her von Cayphas /
vnd auch von sennem schweher annas wisset
das / die giengen darauff alle zeyt / wie sie ynn
mchten fahen
Der herr der kam geritten herr an dem palm=
tag / etlich empoten ym grosz ere als ich euch
sag / Cayphas mit dem gelerten falsches rates
pflag / sie sammelten sich nahent v weit vnd
kamen ym so nahen
Am grndonerstag spat in eynem garten / da
wart der herr verraten vnd gegeben hyn / von
seynem iunger eynem gar vmb kleyn gewynn /
sie kamen gar behende dar vnd fiengen yn / sie
ttten yn durch hasz vnnd neyt / vnd schlugen
yn gar harte
¶ Filosian der sasz vnnd was erzrnet gar / er
sprach yr iuden nemt der red gar eben war / er
far ich dye warheyt als kleyn als vmb eyn
harr / ich frcht es werde euch zu schwer / des
B iij
S. 412
gib ich euch mein trewen
Pylatus der sagt mir er wer eyn fruer man /
an seynem tod da was er gar vnschuldig an /
wan ir schryt all mit lautter stymme / Kreczi
gen / nach seinem todt stundt all ewer ger / das
mag euch noch wol rewen.
Habt euch meyn trew es beleybt nit vngeroch
en / Pylate v ir Jden habt ir recht gethan /
das ir getttet habt hie diesen guten man / ynn
neyd vnd hasz vnnd des er nie keyn schuld ge=
wan / vnd wirt der keyser yn der mer / ewer ee
die wirt zerprochen
¶ Do trat her fur der iuden bischoff cayphas
Pilate richter warumb darstu reden das / das
wir da vnsern neyd vnd den grossen hasz / sol=
ten han auff den man geleyt / des will ich dich
bezeygen
Grossen gewalt thustu vns vor den Frsten
frey / bey tag vnd nacht so was doch ye deinn
will dar bey / vnd was ich sag v das es gencz
lich war sey / Her Frst das sey euch geklagt /
die schuld die was sein eygen
S. 413
Er lebt noch thet pilatus streng gerichte nun
weysz ich wol das ich in hret vnde sach / das
er was gottes sun als er da selber sprach / vnd
er gar stettiglichen vnser feyer prach / das hab
ich dyr gar dyck geseytt / das hyeltest du fur
nichte
¶ Pylatus sprach herr Cayphas nun wist yr
wol da er dort stund seyt ich die warheyt redē
sol / das ir in saht vnd das sein leib was wun=
den vol / da wolt ich in leben lan / vnd barra=
bam han getōttet
Da rffent ir alle mit lauter stym als grosz /
nun wysz Pylate du bist nit des Keyser genosz
lest du den man so werden wir aller frewden
plosz / das ich gericht must lassen gan / dar zu
wart ich genttet
Die Jden hetten gar eynn grosz gesprechte /
Jch sprach ir tttet ewerē Knig das ist war
yr schryet all nun hab wir keynen knig zwar
dan einen Rmischenn Keyser sag wir offen=
bar / dem woll wir wesen vnderthan / das hal
ten vnser rechte
B iiij
S. 414
¶ Filosian der Frst der was erzrnet sere / er
sprach vnd solt es kosten leyb vnd gut v ere /
es musz gerochen werdē glaubent mir der me
re / das ir all mit gleychem rat / habt disen man
verderbet.
Jr fuert inn vonn Pylato zu herodian / recht
samb er wer eyn thore vnnd ein gauckel man /
die meyste menig spricht er hab keyn vbel ge=
thann / das wirt auff euch sag ich euch drat /
vnd auff ewre kinder geerbet
Gelaubenr mir yr mst seyn all entgeldtenn /
Weyb vnd man vnnd all ewer kind die nach
euch kumen / die sollen dises tods nemen keyn /
nen frumen / vnd all ewer ere vnnd weyszheyt
wirt von euch genumen / wen nach vil manig
iar hyn gat / sein todt wirt sich erst melden.
¶ Da trat her fuer der alte Annas auff der fert
er sprach mich wundert das er was so woll
egert / wan er doch vnser Jden also vill ver=
kert / das machet als seyn falscher mund / mitt
seyner zaubereye
Jch kent in wol seyn vater was einn zymmer
S. 415
man / vnnd auch sein muter die vns vmb den
lon hie span auch so lasz er selber spenn als ich
gedencken kan / er vber hub sich alle stund / der
seinen gramaczeye
Mich verwundert seyner scharpffen liste / Er
was ein meyster vnnd kund in das gestirn se
hen vnd allen wandel kund er auch wol selber
spehen / er west das was von ane genge was
geschehen / weysz vnnd auch wort vnnd allen
grund / der menschen er wol wyste.
¶ Der Frst der sprach ich sag euch vnnd all
ewren geschlecht / hie beyde graffen fursten rit
ter vnnd knecht / wie mcht ein man geteylen
ein geystliches recht / das yr eynen frummen
man / solt one schuld verderben
Jr Jden ir werdt all bey recht gar wol beli=
ben / v het ir da die sach dem keyser zu geschri
ben / vnd was der man vor ewren augen hatt
getriben / so dorfft man euch on argen wann /
kein schuld darumb zu erben
Pylatus da keyn schuld nit haben wolte / Dye
Jden sprachen da her Frst hrt vns noch
S. 416
basz / Pylatus sprach da er vber in gericht sasz
ich mag dich tdten leben lassen hrst du das /
er liesz yn ser mit geysseln schlahē / das er weis=
sagen solte
¶ Nun hrt ir Jden ich hab Pylatū gefragt
so bit ich euch das yr mir al die warheit sagt /
ich hab euch vnsers herren keisers not geklagt
die klag ich euch hye allen dar / helfft mir das
leyd abkeren
Der keyser vnd die Jden wissen das dar bey
wie das der meyster hie gar nahent bey euch
sey / nun saget mir wol von dem selben meister
frey / daran thut ir mir liebe zwar / vnd ewrem
rechten herren.
Durch seynen willen so byn ich her kummen /
Fnd ich in hy so precht ich yn mit eren fort /
vnnd geschicht nun das so habt yr grosse ere
dort / bring ich ynn nit ich forcht ewer ee dye
werd zu strt / weyb vnnd kinde die leutte gar /
die nemen sein keyn frumen
¶ Zwen Jungern sprachen herr die iuden het=
ten rat / tag vnnd nacht vnd alle zeyt fr vnnd
S. 417
auch spat / wie sie yn mchten bringenn vmb
sein leben drat / das red wir wol auff vnser eyd
er lernt vns also schne
Sye fiengen in vnnd furten in da fr Annas /
vnd im sein zarter leyb von plut was also nasz
vor tages zeyt fuerten sie yn fuer Cayphan / sie
legten ym an ein purpur kleyd / v setzten ym
auff ein krone
Dye was gemacht von scharpffen dorn her=
te / das im das plut vber sein zartes antlicz flosz
maria weynt ir iamer der was also grosz / sye
sprach den ich bekleydet hab den sich ich plosz
so gar in grossem herczen leyd / yn eines diebes
geferte
¶ Nun hrt herr Furst wir wllen euch da sa
gen mer / sie luden ym auff seynnen ruck eynn
kreucz was schwer / das must er selber tragen
zu der marter her / daran schlugen sie yn war=
lich / er wart daran gehangen
Sye huben auff das krecz mit einem grossen
schal / sie styssens nider in des steynes klufft zu
tal / Das ym seyn wundenn ryssen auff gancz
S. 418
vberal / v er vergosz sein plut so reich / es was
vmb yn ergangen
Daran leyd er den tod mit grossem schmerczē /
Longinus der Ritter im in seyn seyten stach /
das im sein hercz do in desz todes zil zerbrach /
er ward gesehen christen glauben er veriach /
er sprach mein sund die rewen mich / von gātz=
em meinem herczen
¶ Die iuden die erschracken von der red so ser /
sie sprachen al genadt vns edler Frst so her /
wol von dem man so het wir dir zu sagen mer
wen wir dirs alles drften sagen / von manich
er hande sachen.
Sye sprachen edler furst ob du es wllest h=
ren / er thet die leut in allen landen ser betorn / er
sprach also er wlt vnnseren tempel zerstren /
v den do wider in dreyen tagen / auff richten
vnd auch machen
Den seynnen todt hat er wol erworbenn / Ge=
lobt sey got wir han darmit zu schaffen nicht /
Pylatus der sasz selber vber in gericht / pylatus
sprach yr Jden het euch vor verpflicht / Jr
S. 419
habt in an ein creucz geschlagenn / daran ist er
gestorben
¶ Pylatus sprach ir Jden rede was ir wlt /
wan cayphas der hat an im die grstē schuldt
du vnnd dein schweher Annas wardt ym do
nye holt / ir habt vill falscher list erdacht / bisz
das ir in gefienget
Vnd nach seim tod so gundet ir alle ser werbē
Cayphas der sprach es wer besser Jhesus solt
sterben / Dan alle welt gemeynigklych hie solt
verderben / Jr quelt in wol einn halbe nacht /
bysz ir zu gericht ginget
Jr kumbt fur mich das ich euch richten solte /
Jr spracht er het dye leut verkert von Galilee
v het in ser geschlagen / ich sprach was wlt
ir mee / nun richt ich nit ir furt inn zu Herodes
ee / wie schier ir in herwider bracht / vnd fund
an im keyn schulde
¶ Der Frst der sasz in zorn sein farb die gund
sich rtten / Die Jden stunden all vor im yn
grossen ntten / ach Edler Frst wir habenn
nyemant nit zuttten sie sprachē all weltliche
S. 420
recht / die sein vns gar genumen.
Pylatus sprach ir iuden habt ein solchen mut
das ir laugent fur alles das ir ye do thuet / nun
spracht ir doch vber vnns so sol gen sein plut/
vnd vber alles Judysch geschlecht / v all vn
ser nachkumen
Auff seynnen todt so wardt ir gar verflyssen /
warumb gabt ir ewer gelt das er euch wardt
verrat / ich weysz doch wol inn aller falscheyt
ir das that / ir sprachet er het dem Keyser sein=
nen zynsz verpot / hie stet vil Ritter vnd knecht
die vmb die sach wol wissen
¶ Centurius ein Ritter der stundt auch do bei
herr Frst nun wlt ir wissen wie es darumb
sey / der selbig man gab nicht des Keysers zoll
frey / Die seinen mncze er gebot / das man sye
solte geben
Jr Jden ir wart all mit ewren augen plint /
Er sprach furwar er wer des warenn gottes
kint / er was gewaltig steyne vogel vnnd den
wint / darumb kam er yn grosse not / v gieng
ym an sein leben
S. 421
Pilate nun gedencke wie du sprachest / do wir
nun in der sinagog gesammelt worn / vnd do
man vnns zusamen lud / man schelt eyn horn
darumb was deinen dienern ausz der massenn
zorn / das sie yn prechten yn den todt / v dich
an ym gerechest
¶ Pylatus sprach zu handt ir Edlen Rmer /
nun wendet vonn mir ewer veintliche beger /
vnnd glaubt nit an der Jden rath so ser / ich
bin vnschuldig das sprich ich / v schwer bey
ewren hulden
Do im die iden thetten grossen vngefug / mit
geyseln vnnd mit pesen man in ser schlug / ich
fand an im keinn schuldt / darumb ich meynn
hendt zwug / er stund vor yn so iemerlich / den
tod den must er dulden
Sye kaufften in darumb wardt er verratenn /
Sye schryen all vber vns so soll gen sein plut /
darumb so halt ich das ir endt nit werd gut /
das sie dem herren beweystē grossen vbermut
des wil ich gar verzeyhen mich die Juden es
selber theten
S. 422
¶ Symeon ein burger redet ausz der gemeyn /
meyn Pylate du wlst im doch helffenn also
kleyn / du meinst du wst an seynem todt vn=
schuldig seyn / v das wl wir beweysen schir /
wie du es hast begangen.
Dein mundt der kan wol schlychten v mach
en schlecht / was du nit wollest thun / das hiest
du deinen knecht / du meinest do du habest ye
gerichtet recht vnd do der herre stund vor dir
gebunden vnd gefangen.
Du woltest nun das recht gerichtet were / v
wie sprachest du do got d' herre nit entsprach /
do er die marter vnd den todt vor ym an sach /
vnnd im gewalt vnnd grosses vngemach ge=
schach / noch grsser lyeb hetest du keyn gyr /
du richtest ym gar schwere.
¶ Der Edel mensch Lazarus her fur do trat /
wie lieblich er die Rmer zuvernemē pat / was
got der herr wunders an mir begangen hatt /
wan ich was todt nun hat er mir / das lebenn
wider geben
Jr werden Rmer last euch des nit ser ver=
S. 423
duncken / ich lag vier tag vnd nacht in der erd
versuncken / got nam mein sel ausz der heyssen
hellenfuncken / zu meynem leyb hat er sye schyr
geschicket wider eben.
Wie mcht ich das verschweygen vnnd ver=
dulden / seyt das vil hie sein die all die warheyt
yehen / die es mit iren augen haben an gesehen
was got der herr der zeychen liesz an mir ge=
schehen / des herren gt vnd sein begir / das an
mir haben wolden.
¶ Pylate dise rede hastu gar wol gehrt / wye
man dich vber zeuget hie mit rechtem wortt /
das du verhēget hast den vber schwerē mort /
des must du hewt an disem tag / des Keysers
seyn gefangen
Nun nemt pylatum hyn gefangen do zuhāde
vnnd legt ym an seinn bayn von eysen starcke
bandt / v mit dem halszs so schmydt yn vest
wol an eyn wandt / das er mir von dem leych
nam sag / darnach ist mich belangen.
Jst yemant hie der weysz wo er ist begraben /
der weyse mich do hin entlichen zu der stund
C
S. 424
dē wil ich gebē mer zu lon dan tausent pfunde
sein pests das wil ich werben vnd bleyb ich ge
sundt / von mir sol er gar one klag / des keysers
hulde haben
¶ Joseph vnd nicodemus sprachen beid also
O edler Frst last ewren zornn weset fro / wyr
wllen euch noch heut bringē also no / do wir
den leyb begrabē han / mit wird in hohen erē /
Vnnd wir wunden in yn zendel zu der stund /
wir kaufftē salbē mer dan fur hundert pfundt
gar wirdigklichen thet wirs seinem leibe kund
da sahen wol sechs Ritter an / die mochtē das
nit weren
Vonn yn der herr ist mit gewalt erstandenn /
Vnd do er ausz dem grabe trat der werde de=
gen / do hub er auff sein handt v gab in seyn=
nen segen / sie lagen al v kunden sich do nicht
geregen / er schyed von in v trug den fan / yn
seyner lincken hand
¶ Der edel weyse Lucas vnnd auch Cleophas
bezegten alle bayd mit eyner styme das / wir
wissen das der herre bey vnns was / in eynem
S. 425
gaden er vns fand / die thr was beschlossen
Do gieng der herr mit vns ausz auff einē wag
alle samet redten von im nit zu treg / von seiner
marter er mit vnns zu reden pflag / der vonn
wardt vnser hercz verbrant / wir waren vnuer
drossen
Wir paten in das er solt bey vns bleyben / Er
bleyb bey vns vnnd nam das prot do yn seyn
handt / er gesegent es vnnd prach es er wardt
vns bekant / vor vnsern sichtigklichen augen
er verschwant / das nem wir auff vnser seel v
leibe.
¶ Nun hrt Herr Frst noch wllen wir euch
sagen mee / vnns waren lette kumen her von
Galilee / die sahen yn zu hymel faren one wee /
darumb das er vns alle trst / er zoch sich auff
gar hohe
Zwen Engel sprachen von dem hymel do zu
handt / ir man vonn gallilie sagt was ist ewer
standt / das yr auff secht wir haben genumen
das hchste pfandt / darumb das er euch hat
erlst / wol von der tefel trohe
C ij
S. 426
Vnd das ist war ob ir vns das glaubet / nach
seyner vrstendt ist er vns zu hylffe kumen / dar
umb so schuff er seynen willen vns zu frumen
dem tefel hat er alle seyne krafft genumen / er=
lst vnns ausz der helle rost / die hat er gar be=
raubet
¶ Der Frst der raysz ab sein gewant vor gro=
sem zornn / Er schray awe das ich auff erd ye
wardt geborn so ich die weyten reysz also hab
verlorn / das klagt ich got in seynem thron / dē
hchsten got so frone.
Er rfft awe das mich meyn muter ye gebar
nuu bin ich ausz gewesen lenger dan ein Jar /
ich forcht das ich mit eren nymer kumme dar
sol ich also verloren han / Dye Keyserlichenn
krone
Des musz ich woffen in den hymel schreyen /
Vnd das die iden han verderbt denn man so
reyn / vnnd dem wir Rmer gar mit ganczem
trewe meyn / das mst ir Jden vber tausent
Jar beweyn / ir vnd die kint her abraham / yr
aygen vnd ir freyen
S. 427
¶ Longinus ein plinder ritter do gesehene
wart der sprach ir Edler Frst ich weisz euch
auff die fart / ich weys ein armes weyb das ist
vonn edler art / die hat ein tuch do stet an des
herren angesicht
Das hab ich wol bei ir gesehen manich stund
sye geb es nit vmb ein land noch vmb tausent
pfund / wer es an sicht vnd ist er siech er wird
gesund / wil sye es selber gern hann / so nemt yr
irs mit nichte
Herr ob ir wlt ich wil ir poten senden / ich bin
euch vor last ir geschehen keynn gewalt / nun
weysz ich wol Fronica dye hat seynn gestalt /
glaubt mir furwar es hat keins menschē hant
gemalt / ir solt ir das mit willen lan / v sie dar
mit nit pfenden
¶ Der Furst sprach Longinus ich danck dyr
guter mer / lasz behend die frawen fur mich ku
men her / ich will dir volgen alles nach deyns
herczē ger / ir sol kein vngemach ergan / des gib
ich dir mein trewe
Gar schyer ein schneller potte do wart ausz ge
C iij
S. 428
sandt / v das die frawe zu dem Frsten kam
zu handt / der selben frawen nam was Froni=
ca genant / do sy der Frst do plicket an / seyn
freud die wart im newe
Der Furst begund ir dyse wort verkundē / Fro
nica mir hat gesagt ein edelman / du habst ein
euch do stet des herren antlycz an / das gib du
mir ob ichs vmb dich verdienē kan / mit allem
meynem gut so schon / vnd mit allen meynen
frenden
¶Fronica dye erschrack vnd kam in grosz ar=
beyt /das er sy vmb das antlycz pat das was
ir leyt / sye laugent ser dar fur mit gannczer vn=
derschaydt / der Frst der rff so wart mir nye
auff erd die weyl so lange
Fronica nn vernim die meinen wort gar ebē
ich mag dich tdten will ich oder lassen leben
vnd wilt du mir mit lieb nit dise kleynat geben
so must du dich fur aygen ye / vnnd geben mir
gefangen.
Fronica sprach ee lasz ich mich verderbē / auff
dein droen ich ein kleyne sorge hab / nun waysz
S. 429
ich wol das mirs meynn lieber Herre gab
ich
wils behaltē bisz das ich kume in me grab / ich
hab verzigen mich alhie / frend landes vnnd
der erben
¶ Der Frst der sprach Fronica nun glaub du
mir / was ich dir hie gelob das wil ich haltenn
dir / ich wil dich bringen an die aller hchsten
zier / so sie ye wardt an geleyt / das Ysrahelisch
geschlechte
Er sprach Feronica nym mit dir deinn pestes
gewandt / sicz in ein schyff vnd zech mit mir
do zuhandt / ich wil dich bringen in das aller
beste Landt / dir sollen dienen bysz gemeyt / dye
Ritter vnd knechte
Also das ich etwas zu lande brenge / Fronica
nun vernym gar recht ich wil dir sagenn / dye
meinen wort die las dir also wol behagē / wilt
du mit mir darumb darffest du nyemant fra=
gen / so mache dich gar schier bereyt / v saum
dich nicht die lenge
¶ Sie sprach vil Edler Frst ich thu euch
sorgē pusz / get mit mir armē frawen heim lieb=
C iiij
S. 430
lich vnd susz / mit alle ewrem volck wlle v
parfusz / v helfft mir es entpfahen schan / mit
wirden hie auff erden.
Er sprach zu ir es soll geschehen do zuhandt /
wie vil der weysen poten wuren ausz gesandt /
wol in der stat vnd vor dem thor vnd auff dē
landt / die iuden heyden riten dan / auff rossen
vnd auff pferden.
Sye zohen hyn mit einem schnen gesange sie
het das tuch in eyner laden ym dem stro do es
der Frst an sach er wardt von herczen fro / zu
alle seynem volcke er do sprach also / wol her
ir lieben dienstman bewart sy vor gedrange.
¶ Die iuden vnd die heyden hetten das hausz
vmb rungen / mit lauter stime sie wider eynan
der sungen / vnnd sich die esel mit den melern
ser drungen / vnd das die rosz an allen spot / vō
schweysz do wurden nasse
Die heyden sungen in ir weysz missileus / die iu
den mit einander sungen iudi
c
us / die edel fraw
sprach nun bisz gegrst iesus / der himel vnnd
erd erschaffen hat / in rechter zirckel masse.
S. 431
Sie zeiget es also mit hohen erenn. Das tuch
was vierecket leynē vnd weysz / der Frst viell
nider zu der erden creucze weisz / er sprach wol
do das sein gepet mit ganczem fleysz / er sprach
genad mir herr mein got / eynn schpffer aller
herren
¶ Der Frst liesz pieten das sie stygen von den
pferden vnd solten knien all gemeinlich zu der
erden / vnd solten im helffen anpetten den vill
werden / vnd den die iudem mit gewalt / hetten
lesterlich verderbet.
Fronica die nam do in ir handt das tuch / mit
hohen eren sye es zu dem schyffe trug / Filosi=
an der thet den iden einen fluch / er sprach yr
Jden iunck vnnd alt / Jr all darumb noch
sterbet
Er nam pylatum selber do gefangen / Er liesz
yn fueren an eyner ketten als ein hund / vol vn
kesch was im kyn nasz vnd auch sein mund /
er liesz in schnelle werffen in des schyffes grūd
er liesz in an schmiden gar pald / gar vest an ey
sen stangen
S. 432
¶ Der Frst der schied vngesegent von iden
dan / er nam mit im die seynen willen hetten ge
thon / pylatum vnd die gutē frawen Fronica /
sie furen den achten tage schon / sie zu der Ty=
ber kamen.
Sye furen do die Tyber auff wol zu der statt /
mit allē seynen gesind er do zu lande trat / nun
mgt ir hren wie er sein gesind pat / das si die
frawen lobesan / in grosse hut do nomen
Nun hrt wie er sprach zu der vil heren Froni
ca got der hat erfullet vnser ger / was ich dyr
hab gelobt des will ich dich gewer / Seyt das
wir mit gesunden leyb seind kummen her / des
wil ich fraw dich het entpfan in also grossen
eren
¶ Filosian der het vor poten ausz gesant er liesz
die rmer wissen v thet in bekāt / v das er wi
der kumen wer ausz heyden landt / des freten
sich die Rmer do / v zogen ausz mit schalle
Die gancz gemein iunck vnd alt der gancze rat
beleitten in mit grossen eren durch die stat bisz
das er furbas auff des Keysers pruck ein trat /
S. 433
er kerr sich vmb vnnd sprach also / got danck
euch Rmer alle
Er trat do fur den Keyser so geschwinde / sein
plut erschrack do er den Kayser ane sach / nun
mgt ir hren wie gar trawrigklich er sprach
vil lieber herr mir ist gar leydt dein vngemach
doch bin ich des im herczen fro / das ich dich
leben finde
¶ Der Keyser warff sein augen auff v plickt
yn an / er sprach bistus mein lieber freunt Filo=
sian / wo bist du so lang gewesen mit deynen
dienstman / ich sprich bey meinē trewen zwar
nach dir was mir gar ange
Er sprach edler Keyser herr das ist mir layt /
ich hab auff dyser Reysz gehabt grosz arbeyt /
ich nem doch nicht das gut das alle welt hye
treyt / das ich als vil als noch ein iar / solt aus=
sen sein so lange
Filosian was bringst du guter mere / Bist du
gesundt zu lande doch herwider kumen / hast
du erworben deinen willen vns zu frumē / oder
hast du icht schaden dort dar von genumen /
S. 434
Brinstu den meyster also klar / mit deinen diene
ren here.
¶ Ach neyn ich herr ich hab gelidtenn grosse
not / Do ich dar kam die herschafft mir grosz
eer enpot / ich fragt nach im zuhant sy sprach
en er wer todt / die iuden vnd pylatus rat / dye
hetten in getttet
Nun sag du mir Filosian getrewer man / dye
meinen wort die solt du doch also verstan / v
was hat er den iuden dort zu leyd gethan / wes
was die schuld welch vbel that / hat sie datzu
gentet.
Nichts anders herr dan vmb sein gute lere Fi
losian weyst du ich oder hast vernumen / von
wem die sach vber in zu wegen sey her kumen
das sie dem guten man sein lebenn han genu=
men / nun sag mir es vnd thu es drat / das ich
erfar die mere
¶ Zwar Herr die Jden gaben pylato all die
schuld / gemeynlich iunck v alt die heten seyn
keyn huld / vmb sein rechte leer enpfieng er do
grosz vngeduld / darumb so warn sie gemeyt /
S. 435
die Jden all gemeyne
Nun sage mir Filosian getrewes vasz / was
thetest du pylato widervmb das / auch den iu
den vmb das sy iren neyd vnnd has / han an
dem guten man geleit die schnden vnnd gar
vnreyne
Jch bin betrebet warlich vmb die mere / Jch
bring pylatum her gefangenn all zuhand / ich
liesz in schmyden mit dē halsz vest an ein want
ich legt im an sein peyn von eysen veste pand /
vnd hab in bewart mit arbeyt / vnd bringt yn
mit mir here.
¶ Der Kayser sprach was sol der vngetrewe
hund / man soll in schnelle werffen in der tyber
grund / v sol ich siecher man nymer werden
gesundt / Das musz got in seynem reych / dort
ewigklich erbarmen.
Filosian kanst du mir finden keynen fund / ist
dir nit darumb wyssenlichen oder kunt / war
mit er doch die siechenn let machet gesundt /
kanst du mir einen Rat geleych / hie geben mir
vil armen.
S. 436
Also das ich mein leben lenger friste / wan ich
des langen legers nymer werde fro / v es dye
leng vmb mich nit mag geweren do / ich musz
vergeen recht als eyn faules haber stro / vnnd
das auff velden vnd in deich / do wirt zu eynē
miste.
¶ Filosian des Keysers Rat zu essenn lud / Er
sprach vil lieber Herr habt einen gutenn mut /
nun hoff ich doch alle ewre ding werdē noch
gut / sollent ir gancz gelauben han / vnd haben
got vor augen.
Jch hab in einem schyff gebracht ein weib so
schon / die hat ein tuch do steet des herrē ant=
licz an / das sollen ir in hohen eren hie entpfan /
vnnd solt das wirdig petten an / mit andacht
gar an schawen
Jch saczt ir do mein trew zu einem pfande / v
als das sie do heymen het das liesz sie dort / sye
hat mir nach geuolget her auff meyne wort /
ir werdt gesunt / wlt ir daran gelauben fort /
ich hab sie pracht an argenn wan / mit mir do
her zu lande
S. 437
¶ Der Kayser sprach nun wo ist mein getre=
er rat / ist yemant hie der lieb zu meinem dienst
hat / der lasz gepieten auff dem land vnd in der
stat / das sich die lewt all richtē zu / mit fannen
vnd mit kertzen
Man liesz gepieten in der stat vnnd auff dem
land / das man solt petten fasten feyren all zu
hand / vnd sich die lewt all zieren in ir best ge=
wand / man solt das thon des morgen fr / mit
also reynem herczen
Vnnd es entpfahen gar yn grossen eren / er sey
begeben oder do bey vnbegeben / vnd das wir
alle gar nach gottes hulden strebenn / ich wil
ym dyenen vnd die weyl ich hab mein leben /
ich will in alzeyt loben nun / furbas vnd ymer
meren
¶ Des morgens kam vil volckes an des schif=
fes port / sie sungen news gesang das vor nye
was gehrt / Filosian v der trat in des schifes
ort / er sprach Fronica lobesan / nun lasz deynn
kleynot schawen
Fronica die stund auff zu hant v was bereit /
S. 438
v sie het angelegt ir aller bestes klayt / si gieng
do hyn do sy das kleynot het geleyt / sie zeyget
das gar wol gethan / dē manen v den frawē.
Sie nam das tuch zu iren beyden henden Fro
nica die was auch bereit aldo zuhant / mit dē
Frstenn so trat sie furbas auff das landt / do
wardt ir wol die aller grste eer bekant / v al=
le die es sahen an / die knietten auff dem sanden
¶ Vil volckes das do kniet auff dem sande da
die sungen alle sambt misericordia / die man die
giengen vor die frawen nach / beleytten sie v
kamen schier / hyn auff des Keysers veste
Filosian der danckt den Rmern vber al / vnd
mit der frawen trat er furbasz in den sal/ v do
der Keyser innen lag in grosser qual / er sprach
nach ewers herczen gyr / bring ich die liebsten
geste
do trat sie fur den keiser also linde / feronica do
alleine vor dem pette stundt / das tuch legt sie
im auff das antlicz vnd mundt / do stundt der
krancke Keiser auff v wardt gesundt / frlich
yn also zarter zyer / geleych eim iungen kynde.
S. 439
¶ Der Keyser der stund auff vnnd kert vonn
sechen rost / er sprach Jesus du bist mein her
vnd trost / vnd der mich hie von krancken se=
chen hat erlst / den wil ich haben fur ein got /
furbasz vnd ymer mere.
Fronica stund auff vnd kndet gottes wortt /
do es der keiser mit innigkeyt gehrt / er sprach
ich wil im warlich ymer dienen fort / nun sag
mir fraw an allē spot / was sein die seinen lere
Das ich im mit fleyse mg gedienen / das pa=
ter noster ist das aller pest gepet / v last euch
tauffen vnnd seit in dem glauben stet / das sein
die ler die got seinen lieben iungern thet / dē sol=
let ir dienē also drot / damit schied si vō hinen.
¶ Der Keyser liesz sich tauffen vnnd wart do
gesundt / er liesz Pylatum sencken in der Tyber
grundt / Darinnen so leyt er noch bisz auff die
hewtigen stundt / Tyberius begund noch basz
den christen glauben meren /
Vespasianus wardt gewaltig in dem reych /
nach Tyberius tod lebet nit der seinn geleych /
er het ein schweren prechen / vnnd der im ent=
schleich / vnnd wen der prech sich vben was /
sein fred wardt sich verkeren.
D
S. 440
An seinē seuchen was er ser verdorben / bisz das
Filosian im pracht fronica schon / v auch das
tuch do stet des herrē antlicz an / do er gelaubt
er wardt erlst vō seinē pan / nun seind si todt
in solicher masz / den preysz habens erworben.
¶ Der keyser lisz sich tauffen v gelaubt zu hāt
do im fronica thet die rechtē ler bekant / darūb
der keyser het sein poten ausz gesant / er sprach
ir herren voller tugent / wir sollen got hie eren.
Dem selben Keyser wardt do all seinn schwer
entwant / herr Vespasian
9
also was sein nam
genant / der selb
*
vil genaden an der frawenn
fant / von dem s
***
vnsers herre iugent / dar=
noch thet ser meren
Er het ein sechenn was vor nye gehrt / Die
websen wonten im vorn in der nasen sein / dar
vonn der Keyser layd so grosse schwere pein /
auff in wardt gelegt das edel tuch so reyn / die
webssen ym ausz der nasen flugent / Das nest
wardt in verstret
¶ Ein grosses zeychen an dem Keyser do ge=
schach / v do im got der herr genam sein vn=
gemach / Er kert sich vmb vnd knyet nider v
sprach / gelobt seyst du mein herr vnd got / yn
S. 441
deinem hchsten throne.
Der Keyser der stund auff vnd pflag vill gu=
ter wicz wi pald er hiesz die frawen zu im nider
sicz / vnd fragt sie wan ir kumen wer das fron
antlycz sie sprach mir gabs mein herr yn not /
doch also recht so schone
Do man in furt in grossem leide here / v d' do
thet nie kein sund noch missethat / die idē fien
gē in v prachtē in in not / sie schlugē in do an
ein Crecz do starb er drat / vnd das geschach
durch neyd v spot / vnd vmb sein rechte lere.
¶ Der keiser zu seinem bestē diener sprach / nun
weisz got wol das mir so leide nie geschach / er
sprach nun helfft mir rechen dises vngemach
si sprachē al das sol sein / vil edler keiser here
Der grymig Keyser wolt der Reysz nit lenger
peyt / mit vierhalbenthausent Rmern gund
er sich bereyt / er zoch do hynn vber das wilde
meer so preyt / Er sprach Hyerusalem so feyn /
ich wil dich vmme keren.
Jr schnden Jden habt an got geprochen /
Jr psen falschen hunde was gieng euch not
an / das ir verderbet habent disen guten man /
vnd der euch alle dingk schon machet vntter
D ij
S. 442
than / Jr habt gettt den schpffer mein / das
bleibt nit vngerochen.
¶ Der keyser wart in dē landt gar wol erhrt /
er styfftet in dē land do prennen v mort / vnd
was der iden waren wurdē all bethort / man
wag si al gar gering / die iden vngehewre
Die thrn vnd die stat aldo zerbrochen wart /
vnd was ir was den lag es in ntten also hart
die iden musten han ein grosse schwere fart /
des keisers zoren nit vergieng / sein gut die was
im schwere.
Die vngunst teylt er mit in do fleyssig / Als yn
nun het sein sin vnd auch sein mut gelert / wie
got durch sie vmb dreyssig pfenning verkauf=
fet wart / do thet der Keyser nach der schndē
Jden art / er gab ir auch vmb eyn pfennyng
der schnden Jden dreyssig
¶ Die Fronica behielt das antlycz wunnygk=
leych / wol vor dem Frsten gieng si do sicher
leich / vnd do si furbas kamē in das Rmisch
reych / wen es der Keyser plicket an / er sprach
wol mir den stunden
Seyt das antlycz also grosse kreffte hat / Der
Keyser sprach wol ist nun mein getrewer rat /
S. 443
nun west ich gern wie es vmb denn leichnam
stat / sol ich dan vugerochen lan / seinn marter
vnd sein wunden
Der leychnam der bleybt nymer vngerochen
Titus der kunig vnnd Vespasianus auff der
fart / Tiberi
9
der keyser der reysz nicht do spart
so das Hyerusalem dreymal zu strt wardt /
kein stein bleib auff dem andern stan / die stat
wardt gar zu prochen
¶ Tiberi
9
der keyser wardt erzrnet seer / schnell
vnd auch bald sprach er also zu seinem her fur
basz sollen sie habē nymer keyne wer / also wur
den ir dreyssig geben vmb ein pfenning
V do des keysers mut also ergangē was mit
seinē herrē er do auff das wasser sasz / v zoch
do wider heim gen rom in sein palast v hettē
all froliches leben / mit mancher hande dinge /
Also ist der Keyser do gestorben / vnnd durch
des willen das fron antlycz genn Rom kam /
man het es lieb durch Jesu christ den werden
stam / vnd noch hetiges tags die christen lo=
besam / got sol ir sel pflegen eben / den preysz ha
bens erworben
¶ Der herren vil danckten dem waren got so
D iij
S. 444
zart / vnd do das landt v auch die stat gewu
nen wart / vnd auch zustret als ein vngetreu=
er gart / nun dancket alle got so klar / in seynem
hchsten reiche
Des herren antlicz noch aldo zu rome ist / wer
es mit innigkeyt anrffet der geneust / das vns
zu leczte liesz der ware Jesu christ / kein heyltum
findet mā nindert zwar / dz im do sey geleiche.
Darumb sol wir es pillich gern eren / v wen
wir hie an vnserem letzten ende ligen / v vns
der welte frede haben gar verzigen / vnd das
wir vnsern feinden allen obgesigē / das es vns
allen wider far / des helff vns got der herre
¶ Wan vns got alle hat zu hoher eer erkorn /
darumb er wart von eyner reynen meyd gebo
rn / das er vns wolt erlsen wir waren verlo=
ren / durch vns er grosse marter leydt / des sey
gelobt sein name
Der nit gelaubet hie an seyne reynne wort / der
wirt gescheyden als den Jden geschahe dort
wan in darumb geschehē ist vil manich mort
der herr vō der idischeyt / in grossen schmercz
en kame.
Wer ym des danckt mit innigkeit des herczen
S. 445
der ist selig als Jesus selber sprach furwar / do
er sein fronen leichnam gab sein iungern zwar
als offt ir das thut vnd gedenckt meynes ley=
den gar / der wirt ewiger pein gefreyt / der mir
danckt meines schmerczen
¶ Jch Regenbog ich man dich du vil zartter
got / der von deim angesicht hye wol gesungē
hat / ich pit dich herr vergib vns vnnser misse=
tat / ein lauttere peicht ein ware rew / gib vnns
vor vnserm ende
Dein warer leychnā vnser letzte speyse sey / vnd
mach vns herr vō grossen haubte sundē frey /
in allen ntten so soltu vns wonen bey / v des
heyligen geystes trew / in vnser hercze sende
Das wir erfullet werdē gottes lere / des bit ich
dich du suesser got du werder stam / der vō dē
himel zu der reynen meyde kam / vnd fur vns
aller menschen sundt hye auff sich nam / nach
disem leben vnns vernew / vnser freud v ym=
mer mere.Amen
Wolffgang Huber./