Bl. 1r
Die Fronica in dem brieff don.
I
O
Ssser got nach dein genaden steet
meiu gyr.send einē engel ausz dem hi
mel her czu mir.das ich ein puch mit ynnig
keit gemache dir.das ich vō deniem ange/
sicht mg sprechē vnde singen.
Wie das vō ierusalem hyn gen rome kam.
v auch dē krancken keyser schwerē seuch
Bl. 1v
en nam.Fronica also vō ich euch des puch
es stam.on gottes hylff vermag ich nicht
das wirdig buch verpringen
An gottes eer ich es dē leutē knde.in got
tes namē so heb ich die lied' an.wer sy nun
hrt mit innigkeit weib oder man.dē mag
des selben tages nymer leid bestan.habens
czu got dē herrē pflicht v lebē one sünde.
2
D
ie deinen gt die bit ich du vil czartter
got.verleich mir her ein klugē syn v weys
en rat.das ich dich mg.gelob got fr v
auch spat.v das auch dein antlicz her.mit
freuden mg anschawe.
O herr dein gt beczeichē vns gar manig/
falt darvmb sl wir dich loben pede iunck
v alt das dn vns liest auff erdē hie die de
gestalt.vnd die beleib in grosser eer.hie fro
nica der frawen.
Herre got das wir das puch verpringē.v
das da von gelobet werd dein ssser nam.
dein angesicht vnd das ist also wunnesam
hylff herr das wir in deinē willen werden
zam.bey dir in freudē ymer mer.do sl wir
frlich singen.
Bl. 2r
C
zu rom ein keyser gar gewaltigklichen
sas.czu rissen vnd czu vallen im sein palast
was.darin do sach mā wachsen nessel v
das gras.sein vensterwerck was im zustrt
czu vallen vnd czu rissen.
Der selbig keyser was liberius genant.dort
nach der tyfer fleust bey rom durch walhē
landt.dem dienten knig fursten grafen al
czu handt.so offen ich des puches ort.das
ir es hie solt wissen.
Der het ein seuchen mocht kein mā gepüs/
sen. czwelff meyster waren all an im ver/
czweifelt gar.den seuchē het er fier vnd czw
einczig iare czwar. im leib so was er faul das
sag ich euch fur war.er was auch lamb hab
ich gehrt.an hendē vnd an fssen.
4.
D
er selbig keyser was so gar eī frūmer mā
das seid nach vor nye weyser keyser san.die
stern v den mon die sunē pet er an.er liesz
im machē ein aptgot vō sylber v vō golde
Den liesz er seczenn in den tempel auff ein
steinn.fur ander herrenn thet er ym grosz
eer allein.wol vor dem aptgot stundenn
atpgtter gemein.der keyser im grosz eer er
Bl. 2v
pot.das er ym helffen solte
Er kund in vor den seuchē nit erneren.fur
war das sahē seine diener all nit gerē.wa
sy en mochten seines rates nit enperen.sy
sprachen all wer soll vns furbas weyszheit
ler.vnd stirbt vns nun der keyser tod.des
knd wir nit erweren.
5.
C
zu ierusalem da wart auch gekaufft ein
meid.sy wart gen rom gefiert als vns noch
die schrifft seit.die rmer hettē sy v frem
de mer gefreyt.wie es stiend in der heyden
schafft.vnd in der iuden lande.
Die meyd sprach ich sag euch alles das ich
weisz.mich fieng ein heidē v fiert mich feil
in dē kreisz.got sendt ein edlen rmer durch
seins herczē reisz.dz er mich lst ausz iamers
krafft.mit gelt vnd mit gewande.
Junckfraw die leng wl wir sein nicht en
peren vnd sagēt vns wie es stet in dē lande
dort.was ir gesehen habt vnd was ir habt
gehrt.das wir dem keyser sagē solche gute
wort.sagt vns wie lāg wart ir in hafft das
wl wir hren geren.
6.
D
ie iunckfraw sprach da vō so het ich vil
Bl. 3r
czu sagē.wen ichs bedenck so musz ich aber
do mer klagen.in grosser eer byn ich gewe
sen bey meinen tagen.nun musz ich hie ge
fangen sein.gar eygen vnd ellende.
Nun wil ich euch die rechten warheit hie
veriechen.was grosser czeichē in dem lan/
de vil geschehen.als sy kein mā gehrt hat
oder gesehē.dz ist den iuden ein grosz pein
das sys nit knnen wende.
Sie gend dar auff wie sy es mchtē stren
sich hat ein newer gelaub erhebt in dem ge
schlecht.dar vmb iuden v heyden wider
einander vecht.vnd knnen des gelauben
weren nit mit recht.sagt vns furbas czart
iunckfraw fein.dz wl wir gerē hren.
7.
S
y sprach got hat den iuden meyster ge/
sant.man spricht das er dar kuen sey ausz
kriechē land.wen er an rrt mit seiner kn
stenreichen hant.vnd ist er siech er wirt ge
sund.von seuchen hie auff erden.
Mā spricht also dz iesus sey d' name sein er
kan ausz wasser machen gutten plancken
wein.pylato spricht er sey dar kuen ber
rein.er ist gar lanck wol spricht sein mund
Bl. 3v
auch kan er gut geperden.
Junckfraw dy leng wl wir sein nicht ver
henngen.die iunckfraw ein teil die halten
in fur got.ein teil der iuden treiben ausz im
iren spot.das drytte teil das suchet einē fal
schen rot.vnnd wie sy in czu kurczer stund
von seinem leben prengen.
8.
S
y sprachen iunckfraw wer die red gencz
lichē war.das wir das vor dem keyser sag
ten offenbar.vnd der hat siech gelegen hie
vil manig iar.ir wrt vō al eer sorg erlst
vnd kempt in grosse ere.
Die iunckfraw sprach ich thu euch hie die
warheit kundt.im volget nach ein grosse
schar czu aller stund.dar v das er der sich
en mach so vil gesundt.sy werdē all von im
getrst. die volgen seiner lere.
Snt er vergibt das sag ich euch fur ware
dar vmb so tragen im die iuden grossenn
neyd.das er dē volck so vil der sssen lere
geyt im volget nach ein grosse schar czu al/
ler czeit.vnd was er vor dem volck do kost
das ist war offenbare.
9.
W
ie schier die red wol fur dē krancken key
Bl. 4r
ser kam.do er in seinē pete lag siech v auch
lam.wy schnel er do vō seinē furstē rot genā
wā er het doch gar stet bey im.dy bestē rm
Sy sprachen was gepecz du C er alle
edler keyser herr.was ist dein wil vnd was
ist deines herczen ger.filosyan sprach keyser
du solt wiszen wer. nū sag vns herre ob vns
czim.dein rot vnd vns gefalle.
Wir sein betrbet keyser in dē reiche. dar
vmb das czwelff meyster an dir verzwei:
felt han.vnd dir mit iren knsten seind all
ab gestan.des sint betrbet herr hie al dein
dienstman kind man v weib herr das ver
nym.von vns allen geleiche.
10.
D
er keyser sprach mir sein gar fremde mer
geseit.nun rat darczu ob es euch sey lieb od'
leid.mir ist czu wyssen das ein heydnische
meyd.sey kumē von der iudē land.hat mā
vns pracht gefangen.
Von d' so hab ich wūderlyche wort gehrt
fylosyan der nā dy iūckfraw auff ein ort.er
sprach czu ir vil manig ssse gute wort.iūck
fraw ich bin zu euch gesant des lat euch nit
Sagt mir iunckfraw ob ir dē C langen.
Bl. 4v
man icht kennet.der in den landē treybet
vil der wūder reich.sy sprach ir edler furst
ich sag euch sicherleich.auff erden hie so
lebt kein man so knstekliech.er ist den leu
ten wol bekant.iesus ist er genent.
11.
F
ilosyan der frewet sich der lieben mer.
er sprach nun sagt mir czarte iunckfraw on
gefer.dar nach gar sicherlich meins herczē
ger.wo hat er solche wunder thon.oder
in welchem lande.
Die meyd die sprach ich sag euch edler her
re mein.czu chana in dē dorff do let er wū
der schein.do macht der herr ausz einē was
ser klaren wein.er ist der aller weiste man
sein kunst ist manger hande.
Czu naym dort in d' gallilea lande.do wz
einer wytben sun tod lag auff der par.der
herr der kam gegangen czu dē czeitten dar.
er weckt in auff vom tod das sag ich euch
fur war.der was gar fro filosian.vnd thecz
dem keyser kunde.
12.
D
er keyser sprach ich klag euch allen hie
mein not.vnd das mich todten wil mein
eygen plut so rot.des mich nit czu im nemē
Bl. 5r
wil der reine tod.des schrey ich heut awe
der klag.vnd meiner grossen schwerē.
Da sprach czu im der edel furst fylosyan. O
edler keyser herr wir wyssen einen mā der
ist mit seinen knsten also wol gethō.wlt
ir in haben auff einen tag.er sol euch kum/
men here.
Wlt ir in hon er mag euch villeicht wer
den.die weil ich mag gereitten faren oder
geen.wol mit gesuntē leib auff meinen fs
sen steen.vind ich in dort ich wil in pitten
vnde flen.das er mir nit versagē mag.wes
ich in bit auff erden.
13.
D
er keyser sprach filosyan ich sag dir dan
ck.nun weist du selber wol das ich byn all
so kranck.v wlt dir nun die reyse werdē
nit czu lanck.das mir mein leben wrd ge
spart.pis du den meyster brechte.
Fylosyan sprach meyster du solt nit czag
en.nun hr ich von im also grosse wunder
sagen.er weckt auff die gestorben sein vor
mangen tagen.das saget mir die iūckfraw
czart.ich such in wol mit rechte.
Fylosian sprach die reys dy wil ich wagē
Bl. 5v
ich wil erfarē dy zeichē v seȳ geperd.er tr
stet alle dy wer seiner hilf begert.wer in an
ruft d' lest er keines vngewert.ich wil mich
richtē auff dy fart ich wil in czwar erfrage.
M
ein lieber frend fylosyan pys nicht czu
lasz.ich schwer bey meīer kron v erē tustu
dz.du solt vermgē ewigklichē dester pas.
gēmir alhy v sol ich lebē.v deīer kind' alle
Fylosyan nym sylber v das rote golt. nim
edelstein v auch dar czu dē reichē solt.syczt
in ein schyff nim alles das dein hercze wolt
rosz v auch man mit paner schweben far
hyn mit reichem schalle.
Wilt du in suchē in d' iudē lande. finst du
in dort so pring mir in mit eren her.du solt
in vber gebē nach seines herczen ger.ist ye/
māt in dē lande der im sey gefer.du solt ym
gutē fride gebē.bey leben v bey handē
15
U
nd ist er got so soltu in an pettē.wan du
solt gepietē pfaffen frawē vnde mā.v al/
len furstē das sy im sein vntertan.v das er
sich genedigklich wl vber mich erparmē
Fylosyan nym die meinē wort gar eben
mit grossem schacz soltu in selber vber gebē
Bl. 6r
hat er dē tot verdiet du solt in lassen lebē
das solt gepietē gar geleich.dē reichē v dē
So das er hie mein lebē mach ge C armē.
rechte fylosian nym dy meinē wort noch
pasz.ist yemāt in dē lāde d' im sey gehasz.du
solt vō vnser wegē auch mgē wid dz du ī
treibst ausz dē reich.mit allē seī geschlechte.
F
ylosyan der furst d' ausz erwelte helt.het
an des keysers hof die pestē ausz der werlt.
woll lxczig ritter wurden yn eim schyff ge/
czelt. er liesz im ladē einē kil.mit gelt v gut
Der keyser der was fro dē her ⁌ ter speysen.
rē rieff.v wen ir kumpt hin auff dē wildē
wag so tieff v des wil ich euch gebē do eī
gutē brieff.ob man euch nit gelaubē wil.dy
warheit solt ir weysen.
Mein panir gut slt ir frlich auff recken.
wer das ansicht das mā euch wol gelaubē
musz v sagt in dort vō mir dē meinē werdē
grusz.ich werd so noch fro v wrd mir mei
ner seuchē pusz ia sint mā noch der leut so
vil.die seer wurdē erschrecken.
F
ylosyan sasz in eim schyff vnnd fur von
da vnter seim pānir het er mer dā hūdert
Bl. 6v
man. die ym all von dem keyser waren vn
derthon.der kyel hyn auff dē wasser flosz
tieff auff der tyffer vnde.
Wol auff der reis do was er wol ein gancz
es iar.ein winter v ein sumer sag ich euch
fur war.bys das er kam czu einem grossenn
schyffe dar. er thet dem ancker einen stosz.
tieff in des meres grunde.
Sy richten czu v furen do czu lande.des
keysers fan wart auff gericht gar offenbar
die iuden vnd die heyden wurden sein ge/
war.vor grossem leid so raufftē sy ausz bart
vnd har.weib man vnnd kind ir leid was
grosz.vnd wunden ser ir hende.
18.
D
ie iuden die erschracken vor des panersz
schweben. die potten liessen sy gen ierusa=
lem ein streben.der tag was heylig das vol
ck was do heymen eben. der pot der rieff
des keysers fan.czu lande kumen were.
Die iuden vnnd die heyden hetten vor ge
hrt. wie von den rmern solt werden ir ee
czu strt. des waren von freuden do in leid
bekrt.v pylato das besan. sein hercz kam
im in schwere.
Bl. 7r
Do richt vns czu in also hocher ere. dy iudē
lyssen and' dīg do vnter wegē.mit lobgesāg
so giengē sy im schon entgegē. eī schar d' an
d'rn must weichē auff dē stegē. do rffeu ser
frawē v mā pysz wilkum rmisch here.
19.
F
ilosyan der dancket schon den iuden do
mit czchtigklichē mut vnd das er sprach
also.nun danck ich got v byn sein ausz der
massen fro.das wir sein hie ein ganczes iar
das hab wir her gereyset.
Pylat
9
sprach furwar ich hab es wol ver/
numen.wie dz des keysers fan czu lande sol
te kumen.er sprach des sll wir alle haben
gutten frumen.weib vnde kind leute czwar
die ma wytben weysen.
Pylat
6
sprach ich frew mich lieber mere.
ich han gericht.xv.iar in diser stat. v auff
dē land das mir nie kam des keysers rat. so
nahēt als er nun mit leibe bey mir gat. ich
byn sein fro sag ich fur war. das ir seit kum
men here.
20.
F
ilosyan sy furten auff des keysers sal.die
iuden vnd die heyden triben reichen schal
sy dienten ym in grosser not. so recht gar
Bl. 7v
keyserlichen.
Sy seczten in wol auff ein ksz was pfelle
rein. sy trugen im fur granat vnd den planc
ken wein. vnd auch gulden peck was vol/
ler vingerlein.die waren all von golde rot
vnd von gestein so reichen.
Fylosyan sasz auff dem stul vnnd dachte.
wie das er des keysers schenck weyszlichen
gryff an. vor im do stunden auch wol mer
den tausent man.vnd auch dar czu des key
sers auffgerichter fan.sy musten thon was
er gepot.die brieff er mit im prachte.
21.
F
ylosyan der nam pylato bey der handt.
wilt wyssen war vmb vns der keyser hat
gesandt. das wir sein kummen her in dise
fremde landt. er lett euch alle sere grssenn
das ir mich slt berichten.
Die rmer vnd der keyser haben wol ver/
nuen. sy hiessen vns her cziehen dem key
ser czu frummenn. man sagt yn dortt wie
das ein meyster her sey kummen. der knd
wol allen seuchen pssen. vnd die mit wor
ten schlichten.
Man spricht er knd die todten machen le
Bl. 8r
ben man sagt vns dort das iesus sey der na
me sein. er kan ausz reinem wasser machen
plancken wein. wo find ich in nun sag du
mir den willen dein. so wil ich dir des key/
sers süssen. mit ganczē trewen geben.
22.
P
ylatus der erschrack vnnd kam in grosse
not. vor leid so ward er pleich vor schreckē
wardt er rott. er sprach vil edler furst wer/
lich der mā ist todt. fur war vnd so sag ich
euch das. v red esz auff mein trewe.
Vnd des erschrack der edel furst filosyan. er
stund vnd sach pylato also feintlich an. er
sprach wy mht sterben also ein knstlich
man. auff in so warff er grossenn hasz. sein
hercz kam im in rewe.
Wie mcht also behender mēsch sterben
vnd der die todten leut kan machen wider
leben. der lamen schlecht den plinten ir ge
sichte geben. pylato dise red die sol du merc
ken eben. bescheide mich der mere pas. das
recht ist nit dein erben.
23.
P
ylatus sprach hrt iuden heydē vberal
die sich gesamet habē her auff disen sal.der
furst der klaget vnsers herrē keysers qual.er
Bl. 8v
fragt mich v ein meyster klug. der sey in
dysen landen.
Des hab ich in berichtet gar in kurczer frist
wie das der selbe meyster hie gestorben ist.
.es ist auch war er het in ym gar scharpffe
list.die knst v die er bey ym trug.die wa=
ren manger handen.
Vō seinē tod so wil ich gar nit wissen her
frst ir fraget auch dy selbē iudē do. annas
kayffas vnd auch der czenturio. die waren
al drei bey seinē tot gar no.dz mā in an eī kr
eucze schlug vor not dy stein auff ryssen.
24.
D
ie iudē sprachē edler furst filosyan.habt
gutten mut seit vnbekmert vmb den man
west ir die grossen bel die er hat gethō. er
hat vns pracht so gar czu nicht. mit seiner
newen lere.
Fylosyan sprach wie kumbt das das er ist
tod.das wil ich werlich wissen gar on allē
spot.ir edler furst do het mā in gekreucziget
pylato het ein falsch gericht. v etlich iudē
Der frst d' sprach wie hat er das er mere.
worbē.das ir in habt mit nagel an ein kre=
ucz geschlagenn.nun hab ichs nye gehrt
Bl. 9r
bey allen meinen tagen.pylate du solt mir
die rechten warheit sagen.ich wil ye wys/
sen dy geschicht warv er sey gestorbē.
25.
P
ylatus sprach herr furst ich will euch sa/
gē das.er macht die plinten sehen vnd den
sichen pas. dar vmb im trugen czwar die iu
*
en grossen hasz.sy suchten mangen falschē
sin.wie sy in wolten toten.
Pylatus sprach herr furst ich will euch sa
gē wie. sy gabē schuld er wer ein strer irer
ee.sy teten im mit geisel v mit pesem we
das ich gericht sas vber yn. das must ich
thon mit nten.
Die iuden heten vmb in ein gedingē. kay
fas der pracht der seinen iūger einē an. das
er verkauffet iesus den vil guten man. vnd
der des todes werlich nye kein schuldt ge/
wan. er gab in v ein klein gewin. newer
vmb dreyssig pfenning.
26.
P
ylatus sprach her furst wlt ir hrē pas
dy erste vrsach dy kumpt her vō dē kayffas
vnd auch von seinem schweher annas wis
set das. die giengen dar auff alle czeit. wie
sy in mchten fahen.
Bl. 9v
Der her der kam geritten an dem palm tag
etlich erputen ym grosz eer als ich euch sag
kayffas mit dē gelerten falsches rates pflag
sy sampten sich nahent v weit. vnd kamē
im so nahen.
Am antag gar spot in einē garten. do wart
der herr veratten vnd gegeben hin.vō sein
er iunger einen gar vmb klein gewin. die
kamen alle dar vnd fingent in. sy totten in
durch hasz vnd neyd. vnd schlugen in gar
harten.
27.
F
ylosyan der sas vnd was erczrnet gar
er sprach ir iudē nempt d' red gar eben war
der far ich die warheit als klein als v ein
har. ich frcht es werd euch gar czu schwer
des gib ich euch mein trewen.
Pylatus der sagt mir er wer ein frūmer mā
an seine tod do was er gar vnschuldig an
wan ir schrirt all mit lauter stye kreuczi=
gan. nach seinē tod stund all ewer ger. das
mag euch noch wol rewen.
Habt euch mein trew es pleibt nit vnge/
rochen. pylate v ir iuden hapt ir recht ge
tan. das ir getttet habt hie disen gutē mā
Bl. 10r
in neyd vnd hasz v des er nye kein schu=
ldt gewan. vnd wirt der keyser i der mer
ewer eer die wirt czu prochen
28.
D
a trat her fur der iudē pischoff herr kay
fas. pylate richter war vmb darstu reden
das. das wir do vnser neyd vnd den gros
sen hasz. solten han auff den mann geleitt
des wil ich dich beczaigen.
Grossen gewalt tust du vns vor dem furs
ten frey. pey tag vnd nacht so was doch ye
dein wil da pey. tag vnd was ich sag vnd
das genczlichen war sey. herr furste das
sey euch gekleit. die schuldt die was sein
aygen.
Er lebt noch thet pylat
9
streng gerichte
nun weysz ich wol das ich in hret vnde
sach. das er was gottes sun als do selber
sprach. vnd er gar stettigklichen vnser fey
re prach. das hab dir gar dick gesait das hil
test du fur nichte.
29.
P
ylatus sprach herr kayffas hrt v wist
ir wol. do er dort stund seint ich die war/
heit reden soll. da ich in sach vnd das sein
leib was wunden vol
Bl. 10v
do wolt ich in lebē lan v barrabā gettet
Do rfft ir all mit lauter stymme also grosz
nun wysz pylate du pist nit des keysers gn/
os. lest du dē man so werd wir aller freudē
plos. das ich gericht must laszen gan. dar zu
ward ich genttet.
Die iuden hettē gar ein grosz gespreche. ich
sprach ir tttet ewren knig das ist war. ir
schriret all nun hab wir keinē knig czwar
danē ein rmischē keyser offenpar. dē wl
wir wesen untertan das haltē vnser rechte
F
ylosyan der furst der was erczrnet seer
er sprach vnd solt es kostē leib vnd gut vnd
eer. es musz gerochen werdē gelaubet mir d'
mer. das ir all mit geleichem rat. hab disen
man verderbet.
Jr furt in vō pylato hyn zu herodan. recht
sam er wer ein tore vnd ein gauckelmā. dy
maiste mēg die spricht er hab kein bel tan
das wirt auff euch geerbett
Gelaubet mir ir mst sein all entgeldenn.
weib vnd man vnd all ewer kind die nach
euch kumē. dy sllē dises todes nemē keinē
frūmen vnd al ewer eer v weyszheit wirt
Bl. 11r
euch gar benmuē. wen nach vil manig iar
hyn gat. sein tod wirt sich erst meldē.
31.
D
a trat her fr d' alte annas auff der fart
der sprach mich wūdert das er was so wol
gelert wan er doch vnser iuden also vil ver
kert. das machet als sein falscher mūt. mit
seiner czaubereye.
Jch kent in wol sein vater was ein czymēr
man. vnd auch sein muter die vns v den
lan hie span. auch las er selber spen als mir
bedencken kan. er vberhub sich alle stund.
der seinen gramaczeye.
Mich vber wundert seinē scharpffen liste
er was ein meyster kund in das gestirē sehē
vnd allen wandel kund er auch wol selber
spehē. er west wol was vō ane genge was
geschehen weis vnd auch wort vnd allen
grunt der menschen er weste.
32.
D
er furst der sprach ich sag euch v al ew
er geschlecht. hie pede groffen fursten ritter
vnde knecht. wie mcht ein mā geteilē ein
geistliches recht. vnd das ir einē frumē mā
solt one schuld verderben.
Jr iudē ir wert all bey recht gar wol belibē
Bl. 11v
v het ir do ewer sach dem keyser czu gesch
riben. vnd was der man vor ewren augen
hot getriben so dorfft man euch on argen
wan. kein schulde dar vmb czu erben.
Pylatus do kein schuld nit habē wolde. dy
iuden sprachen do herr furst hrt vns noch
pas. pylatus sprach do er vber in gericht
sas. ich mag dich tten leben lassen hrstu
das. er liesz in seer mit geysel schlan. das er
weyssagen solde.
33.
N
un hrt ir iuden ich han pylatū gefragt
so pitt ich euch das ir mir all die warheyt
sagt. ich hab euch vnsers herrē keysers not
geklagt. die klag ich euch hie allen dar. hel
fft mir das leid abkren.
Der keyser v dy romer wissen das do pey
wie das d' meyster hie gar nahēt bey euch
sey. nun saget mir wol von dem selben mei
ster frey dar an thut ir mir liebe zwar v e
rem rechtē herren.
Durch seinen willen so byn ich her kuen
fnd ich in hie so precht ich in mit eren fort
vnd geschicht das so vnd habt ir grosz eere
dort. pring ich sein nit ich frcht eer ee dy
Bl. 12r
wert zu strt weib v auch kind dy let all
gar. die nemen sein kein frūmen.
34.
C
zwen iūger sprachen herr die iuden het
ten rat. tag vnde nacht v alle czeit fr vnd
auch spat. wie sy in mchtē bringē v sein
lebē drat. das red wir wol auff vnser ayd er
lert vns also schone.
Sy fingē in v frtē in fur ānas v im sein
czarter leib vō plut so gar nas was vor tage
czeit frten sy in fr dē kayffas v legtē an
ein purper kleit. v seczten auff ein krone.
Die was gemacht vō scharpffen doren hr
te. das im sein plut vber sein czartes antlcz
flosz maria weint ir iamer d' was also grosz
sy sprach dē ich bekleidet hab dē sich ich pl=
osz. so gar in grossem herczen leid. in eins
dibs geferte.
35.
N
un hrt herr furst wir wllē euch do sa
gē mer. sy luden im auff seinē ruck ein kreucz
was schwer. das er must selber tragen czu d'
marter her. dar an schlugen sy in werleich
vnd wart dar an gehangen.
Sy huben mit dem kreucze auff mit gros=
sem schall. sy styssens nyder in des steines
Bl. 12v
klufft zu tal. das im sein wundē ryssen auff
gancz ber al. v er vergosz sein plut so reich
es was vmb in ergangen.
Dar an led er dē todt mit grossem schmercz
en langin ein ritter der im in sein seytē sta/
ch. das im sein hercze in des todes czil zu pra
ch er wart gesehē cristen glaubē er veriach
er sprach mein snt die rewen mich vonn
ganczen meinem herczen.
36.
D
ie iuden die erschracken vō der red gar
seer. vnd sprachen all genad vns edler furst
so her. wol von dem man so het wir dir czu
sagen mer. we wir dirs alles drften sagē
von manger hande sachen.
Sy sprachen edler furst ob du es wlest h
ren. er tet dy leut in allen landē seer betrn
v sprach also er wolt vnser tempel strn
vnd den do in dreyen tagen. auff richtenn
vnd auch machen.
Den seinen todt hat er gar wol der worbē
gelobt sey got wir han do mit czu schaffen
nicht. pylat
9
sas selber vber in gericht
pylatus sprach ir iuden het euch vor ver/
pflicht. vnd hebt in an ein krecz geschla/
Bl. 13r
gen. dar an ist er gestorben.
37.
P
ylatus sprach ir iuden redet was ir wlt
wa kayffas czwar der hat an im die mai/
sten schuldt. du vnd dein schweher annas
wart im doch nye holt. ir habt vil falscher
list erdacht. pis das ir in gefinget.
Vnd nach seim tod so gunt ir alle sere wer
ben. kayffas der sprach es wer pesser iesus
solt sterben. wen alle welt gemeinlichē hie
sol derbē ir quelt in wol ein halbe nacht
pis ir czu gericht ginget.
Jr kumpt fur mich das ich euch richten sol
de. ir spracht er hert die let verkert vō gal
lile vnd ir het im thon mit den gaysel also
we. nun richt ich nicht ir frt in czu hero/
des ee wie schir ir in her wider pracht. vnd
funt an im kein schulde.
38.
D
er furst der sas in zorē sein farb gund sich
rtten. die iuden stunden all vor in. in gros
sen ntten. ach edler herr wir habē nymāt
nit czu ttten. sy sprachen alle weltlich re=
cht. die sein vns gar benumen.
Pylatus sprach ir iuden habt ein solchen
mut. dar ir laugent fr alles das ir ye do
Bl. 13v
thut. nū spracht ir doch vber vns so
sol gen
sein plut. vnd vber als iudisch geschlecht
vnd vber noch kumen.
Auff seinen todt so wart ir gar verflissen
war v gapt ir ewr gelt das er euch wart
verrat. ich weisz doch wol in ganczer falsch
eit ir das tat. ir spracht er het dem keyser
seinen czins verpat. hie stet vil ritter vnde
knecht die v die sach wol wyssen.
39.
C
zenturio ein ritter der stund auch do bey
ir fursten wlt ir wissen wie es dar v sey
der selbe man gab nit des keysers czolle frey
die seinen mncze er gepot. das man sy solte
geben.
Jr iuden ir wart all mit ewren augē plint
er sprach fur war er wer des waren gottes
kindt. er was gewaltig steine wogel v dē
wt dar v kam er in grosse not. v ging im
an sein leben.
Pylate nun gedencke wie du sprechest. do
wir nun in der synagog gesamet waren v
do mā vns czu samē lud mā schelt ein horn
do was den deinen dinern so rechte czorn
das sy in prochten in den todt. vnd dich an
Bl. 14r
im gerechest.
40.
P
ylatus sprach czu hant ir edler furst rm
er. nun wendet von mir ewer so veintliche
beger vnd gelaubt an der iuden rahe nicht
so ser. ich byn vnschuldig das sprich ich v
schwer bey ewren hulden.
Do im die iudē tetten grossen vngefug. mit
geiseln. vnd mit pesen man in seer do schlug
ich fand an im kein schuld dar v ich mein
hend czwug. er stund vor so iemerlich. den
tot must er dulden.
Sy kaufften in dar vmb war er verraten
sy schriren all vber vns so sol gen sein plut
dar v so halt ich das ir ende nit wert gut
das sy dē herrē do beweysen vbermut. des
wil ich gar verczaichen mich. die iuden sel
ber taten.
41.
S
yman ein burger redet laut ausz der ge/
mein. pylate du wolst im doch helffen also
klein. du meinst du wolst an seinem tod vn
schuldig sein. v das wl wir beweisen sch
yr. wie du es host begangen.
Dein mundt der kan wol schlichten vnnd
auch machē schlecht. was du nit woldest
Bl. 14v
thun das hiest du deinen knecht. du main
est doch du habest ye gerichtet recht. v do
der herre stūd vor dir gepundē v gefangē.
Du woldest nun das recht gerichtet were.
vnd wie sprachstu do got der herre nit ent
sprach. do er die marter vnd den tot vor im
an sach. vnd im gewalt vnnd grosses vnge
mach geschach. noch grosser lieb hest du
kein gyr. du richtest im gar schwere.
42.
D
er edel mensche laserus herfure trat wy
lyplich er die rmer czu vernewen pat. vnd
was der herre wunders do begangen hat.
v ich was tot nun hat er mir. das lebē wi
der geben.
Jr werden rmer lost euch des nit seer ver
duncken. ich lag vier tag vnd vier nacht in
der erd versuncken. got nam mein sele ausz
der heyssen helle funcken. czu meinem leibe
er sy schier. geschicket wider eben.
Wie mcht ich das verschweygen v ver
dulden. seint das der leute also vil hie vor
euch sten. vnd all mit iren augen die war/
heit an seen. was got der herr der czeichen
lis an mir gescheen. des herren gt v sein
Bl. 15r
begyr. das an mir haben wolden.
43.
P
ylate dise red hastu gar wol gehrt. das
mā dich vber czeget mit der warheit wort
das du verhenget hast den vber schwerenn
mort. des mustu het an disem tag. des key
sers sein gefangen.
Nun nempt pylatū hyn gefang al czu hant
vnd legt im an sein pein von eysen starcke
pant. v mit in dē halse vest do an ein wāt
v czeigt mir wo der leichnā lag. dar nach
musz mich belangen.
Weysz yemant hie vnd wo er ist begraben
der weyse mich do hyn endlich czu der stūd
dem wil ich geben mer czu lon den tausent
pfunt. sein pestes wil ich werben v pleib
ich gesunt. von mir sol er gar one klag. des
keysers hulde haben.
44.
I
osep vnd nicodemus sprachen ped also
o edler lost eren czorē weset fro. wir wllē
euch noch heute pringē olso no. do wir dē
leichnā grabē han. mit wird in hoher ere.
Vnd wir wunden in do in czendel czu der
stūd. wir kaufften salbē mere dē fur hūdert
pfunt. gar wirdigklich tet wir sy seinē leibe
Bl. 15v
kundt. das sachen wol sechs ritter an die
mochten des nit weren.
Vor in der herr ist mit gewalt erstandē v
do er ausz dem grabe trat der werde degen
do hub er auff sein hant vnd gab in seinen
segen. sy lagen all v kunden sich do nicht
geregen. er schied von in vnd trug den fan
in seinen peden henden.
45.
D
er weise lucas luce v auch kleaffas. be
czeugten alle drey mit einer stye das. wir
wissen werlich wol das der herr bey vns
was. in einē gaden er vns fant. die thr die
was verschlossen.
Do ging der herre mit vns ausz auff einen
weg. wir alle samet rettē vō im nit czu treg
von seiner marter er mit vns czu redē pfleg
da von wart vnser hercz enprant. wir wa/
ren vnuerdrossen.
Wir paten in das er solt bey vns bleibē. er
bleib bey vns vnd nam das prot do in sein
hant. er segent es vnd prach es er wart vns
bekant. vor vnser augē angesicht er versch
want. das nē wir auff das hchste pfant
auff vnser sel vnd leben.
46.
Bl. 16r
N
un hrt herr furst wir wllē euch noch
sagen mee. vns waren lete kumen her vō
gallile. die sahen in czu hymel faren. one we
dar vmb das er vns alle trost. v czoch sich
auff gar hohen.
C
zwen engel sprachen auch do czu vns all
czu hant. ir/uemet vō gallile ir man bekant
das ir auf secht ir habt genūmē hhe pfant
das er euch also het erlst vō d' teufel iohē.
V
nd das ist war ob ir vns des gelaubet. na
ch seiner vrstend ist er vns czu hylffe kum.
dar v so/schuff er seinē willē vns zu frum
dē teufel hat er alle seine krafft benumen er
lst vns ausz d' helle rost v die hat er berau
bet.
47.
D
er furst zu reisz das sein gewant vor gros
sem czorn er schrey awe das ich auff erd ye
wart geporen. sol ich die weiten reysz also
haben verloren. das klag ich got in seinem
thron. dem hhsten got so frone.
E
r rfft awe das mich mein muter ye ge/
par. nun byn ich ausz gewesen lenger dē ein
iar. ich frcht das ich mit eren nymer kū/
me dar. sol ich also verloren han die keyser
Bl. 16v
lichen krone.
Des musz ich waffen in den hymel schryen
vnd das die iuden han verderbt den man
so rein. vnd das wir rmer euch mit ganczē
trewen mein. das must ir iudē ber tausent
iar bewein. ir vnd die kind her aberhan. in
aygen must ir freyen.
48.
D
er longinus d' ritter dar gesendet wart
er sprach ir edler furst ich weisz euch auf dy
fart. ich weisz ein armes weib das ist von
guter art. dy hat ein tuch do stet es an. des
herren angesichte.
D
as hab ich wol bey ir gesehē manig stūd
sy geb es nicht vmb ein lant noch vmb tau
sent pfunt. wer es ansicht vnd ist er sich er
wirt gesunt. will sy es selber geren han. so
nempt ir es mit nichte.
H
err ob du wilt ich wil ir pottē senden.ich
pit euch herr lot ir geschehen kein gewalt
nun weisz ich wol fronica hot dy sein ge/
stalt. gelaubt fur war es hat keins menschē
hant gemalt. ir slt ir es mit willen lan. v
auch do mit nit pfenden.
49.
D
er furst sprach longin
9
ich danck dir gut
Bl. 17r
ter mer. las schnelligkleichen die frawen
fur mich kumen her. ich wil dir volgen al/
les nach deins herczen gyr. ir sol kein vnge/
mach ergan. des gib ich dir mein trewe.
W
ie schyr ein schneller potte do wart ausz
gesant. vnd das die frawe czu dē furst kam
czu hant der selben.frawē nam was fronica
genant. do sy der furst do plicket an.sein fre
d die ward im newen.
D
er furst der gund dise wort verkundē fro
nica, es mir geseit ein edel mā. du habst ein
tuch do stet des herrē antlicz. dz gib du mir
obs ich v dich v´dinē kan.mit allē meinē
gut so schō. v mit al meinē freundē.
50.
F
ronica die erschrack vnd kam in grosz ar
beit. das er sy v das antlcz pat das ir leit
sy laugent ser do fur mit ganczer vntersch=
eyt. der furst der rff so ward mer nye auff
erd die weil so langen.
F
ronica nun vernym die meinen wort gar
eben. ich mag dich ttē wil ich oder lassen
leben. vnd wiltu mir mit lieb nit dise klei/
not geben. so mustu dich fur eygen ye v ge
ben mir gefangen.
Bl. 17v
Fronica sprach ee las ich mich verderben.
wol auff dein droē ich ein kleine sorge hab
nun weysz ich wol das myrs meyn lieber
herre gab. ich wils behalten pys das ich
kum in mein grab. ich hab verczygen mich
all hie frend landes vnd der erben.
51.
D
er furst sprach fronica gelaub du mir.
was ich gelobe hie das wil ich halten dir.
ich wil dich pringen an die aller hchsten
zir. vnd so sy ye ward an geleit. dem israhel
geschlechte.
Er sprach fronica nim mit dir dein pest ge
wandt. syczt in mein schyff vnd czeuch mit
mir do all czu handt. ich will dich mit mir
pringen yn das peste landt. dir sllen din
en so gemeidt. die ritter vnd die knechte.
Vnd das ich auch etwas czu lande prenge
fronica nun vernim gar recht ich wil dir sa
gen. die meinen wort dy lasz dir also wol be
hagen. wiltu mit mir dar vmb so darfft du
nymant fragen. so mache dich gar schier be
reit. vnd saum dich nit die lenge.
52.
S
y sprach vil edler furst ich thu euch sor/
gen pusz geet mit mir armen frawen heym
Bl. 18r
leyplich v sus. mit allem ewrē volck wl
len vnd auch parfusz vnd helfft mir es en/
pfahen schan. mit wirden hie auff erden.
Er sprach czu ir es sol geschehē all czu hant
wie vil der weisen poten warē ausz gesant
wol in der stat vnd vor dem thor vnd auff
dem lant. die iuden heyden ritten dan.auff
rossen vnd auf pferden.
Sy czogen hyn mit eim reichen gesange sy
het das tuch in einer laden in dem stro. do
es der furst an sach er wart von herczen fro
czu allen seinē volcke er do sprach also. wol
her ir lieben dinst man. bewart sy vor ge/
drange.
53.
D
ie iudē vnd die heyden hetten das haus
v rungē. mit lauter stie sy wider ein an
der/sungen. vnd sich die esel mit den me/
lern sere drungen vnd das die rosz on allen
spot. von schweysz do wurden nasse.
Die heidē sungē in ir weysz o messi
9
. sy alle
mit einander sungē iudicus die edel frawe
sprach gelobet seyst iesus der hymel erd be/
schaffen hat. in rechter czirckel masse.
Sy czeiget es in also hohen eren. das tuch
Bl. 18v
was weisz vnd vierecket gar wol czu preysz
der furst vil nider czu der erden kreucze weis
vnd er sprach genad mir herr mein got. ge/
waliger schopfferen.
54.
D
er furst liesz piten das sy stygen von den
pferden. vnd solten knyen all gemeinlich
czu der erden. v solten im all helffen anpe
ten den werden. vnd den die iuden mit ge/
walt. han lesterlich verderbet.
Die fronica dy nam do in ir hant. das tuch
mit grossen eren sy es czu dem schyffe trugh
fylosyan der thet den iuden einen fluch er
sprach ir iuden iunck v alt. ir all noch dar
vmb sterbet.
Er nam pylatum selber do gefangē. er liesz
in furen an einer kettē. vol vnkesch was
sein was sein kung v auch dar zu sein mūt
er liesz in schnelle werffen in des schiffs gr
unt. man gunt in an schmiden gar palt. gar
vest an eysen stangen.
55.
D
er furst der schied vngesegent von iud
dan. er nam mit im die seinē willen thete
schan. pylatum vnd die gutte frawe froni
can. in ach tagen so furen sy frlich dar fan
Bl. 19r
czu der tyfer sy kamen.
Do furen sy auff der tyfer wol czu der stat
vnd das er do mit seinē volck czu lande trat
nun mgt ir hren wie er sein gesinde pat
das sy die frawen lobesan. in grosse hut do
namen
56.
N
un hrt wie er sprach zu der vil herrē fro
nica got der hot erfllet vnser ger. was ich
dyr han gelobt des will ich sein gewer
seint das wir mit gesunden leib sein kumen
her. des wil ich fraw dich het enpfan. in
also hohen eren.
Fylosyan vnd der het potten ausz gesant
er liesz die rmer wissen vnd thet in bekant
vnd das er wider kumen wer ausz heyden
landt. die rmer frewten sich aldo vnd czu/
gen ausz mit schalde.
Die gancz gemeine iunk vnd auch alt der
gancz rat. beleiten in mit grossen eren durch
die stat. pis das er fur pas auff des keysers
purck ein trat. er krt sich vmb vnd sprach
also. got danck euch rmer alle.
Vnd trat f den keyser so geschwynde. sein
plut erschrack do er den keyser ane such. nū
Bl. 19v
mgt ir hrē wie gar trbigklich er sprach
villieber her mir ist gar fro. das ich dich le=
bent vinde.
57.
D
er keyser sach in an mit seinē augē schan
er sprach bistu mein lieber freunt fylosyan
wo pist so lang gewest mit deinē dinst mā
ich sprich bey meinē trewē czwar. nach dir
was mir gar ange.
Er sprach ir edler keyser das ist mir gar leid
ich hab auff diser reis gehabt grosz arbeit
ich nem doch nit das gut das alle welt hie
treyt. das ich als vil als noch ein iar. solt
aussen sein so lange.
Fylosyan was sagstu guter mere. bist du ge
sunt czn lande doch her wider kum. hostu er
worben deinen willen vns czu frum. oder
hostu icht schaden dort do von genumen
pringstu den meister also klar. mit deinen
diner here.
58.
A
ch neyn ich herr ich hab gelyden grosse
not. do ich dar kam die herschafft mir grosz
eer der pot. ich fragt noch im czu hant sy sp
rachen er wet tot. die iuden vnd pylat
9
rat
die hetten in getttet.
Bl. 20r
Nun sag du mir fylosyan getrewer mā. die
meinē wort die soltu doch also verstan. v
was hat er dē iuden do czu leid gethan. wesz
was dy schuld welch vbel tat hat sy dar czu
gentet.
Herr anders nit don v sein rechte lere. fy
losyan weystu icht oder host vernomē. vō
wem die sache vber in sey here kum. das sy
guten man sein leben han czu drum nun sag
mir es vnd thu es drat. das ich der far die
mere.
59.
D
ie iuden gaben alle sambt pylato schult
gemeinlich iunck vnd alt die hetten sein
kein hult sein rechte ler die iudē do nit wol
tē dult. ir czeugnus die was in falscheit der
iuden gar gemeine.
Vnd sag du mir filosyan du trees fas. was
test du dem pylato wider vmbe das. auch
den iuden das sy iren neyd vnd hasz han an
den guten man geleit. die schenden gar vn
reine.
Jch pin betrubt werlichen vmb die mere
ich pryng pylatum her gefangenn all czu
handt ich liesz yn schmyden mit dem halsz
Bl. 20v
vest an ein want. ich legt im an sein peyn
von eysen veste pant. vnd ich mit grosser
arebeit. pylatum euch pring here.
60.
D
er keyser sprach was sol mir d' vntrewe
hundt. man sol in schnelle werffen in der
tyfer grundt. vnd sol ich sicher man nymer
werden gesundt. das msse got in seinem
reich. dort ewigklich erparmen.
Fylosyan kanst du mir vinden keinen funt
ist dir icht wissenlichen worden kunt. wo
mit er doch die siechen let machet gesunt
kanst du mir einen rat geleich. gegeben mir
vil armen.
Also das ich mein leben lenger fryste wan
ich des langen legers nymer wirde fro. vnd
es die leng vmb mich nicht mag geweren
do. ich musz vergen recht als ein faules ha/
berstro. vnd das auff velden vnd in tach
do wirt czu einem miste.
61.
F
ylosyan des keysers rat czu essen laut. er
sprach vil lieber herr habt einē guten mut
vnd hoff ich doch all ewre dinck werden
noch gut. des sult ir gancz gelauben han v
habes got vor augen
Bl. 21r
Jch hab in einē schyff geprocht ein weyb
so schon. die hat eiu tuch do stet des herren
antlcz an. das slt ir in hohen eren hie enpf
an. ir slt das anpeten so fran. mit andacht
gar on laugen.
Jch seczt ir do mein trew czu einem pfande
v als das sy do heimē het dz liesz sy dort. sy
hat mir nach gefolget her auf meine wort
ir wert gesunt vnd wlt ir es gelabē fort
ich hab sy pracht on argen wan. wol mit
mir her czu landen.
62.
D
er keyser sprach wo ist mein getrewer
rat. ist yemant do der lieb zu meinem dinste
hatt er lausz gepite auff dem landt vnd in
der stat. das sich die let all richten czu. mit
fannen vnd mit kirczen.
Man liesz gepiten in der stat v auff dem
landt. das man solt peten fasten feyren all
zu handt. v sich die let all cziren in ir pest
gewant. man solt das thun des morgen fr
mit also reinem herczen.
Vnd es enpfahen gar in hohen eren er sey
begeben oder do bey vnbegebē v das wir
alle gar nach gottes hulde streben. ich wil
Bl. 21v
im dinen vnd die weil ich mein leben. ich
wil in alczeit loben nun. furpas vnd ymer
meren.
63.
D
es morgens kam vil vockes an das schyf
fes port. sy sungē news gesangt das vor nye
was gehort. fylosyā v der trat in des sch=
yffes art. er sprach fronica lobesam nun lasz
dein kleinet schawen.
Fronica die stund auff czu hant. v was be
reit. v sy het an gelegt ir alles pestes kleit.
sy ging do hin do sy das kleinot het geleit. sy
czeiget es gar wol gethan. den mannen vnd
den frawen.
Sy nam das tuch czu iren peden henden
fronica die was auch bereit aldo czu handt
mit dem fursten trat sy hin fur pas auff das
landt do ward ir wol die aller grste eer be
kant. vnd alle die es sachen an. die knyten
auff dem sande.
64.
F
yl volckes das do knyet auff dem san/
de do. die sungen all gar wol misericordia
die man die gingen vor die frawen gingen
na. beleiten sy vnd kamē schir hin auff des
keysers vesten:
Bl. 22r
Fylosyan der danckt dē rmern vberal. v
mit der frawen trat er fur pas in dē sal. v
da der krancke keyser lag iu grosser qual. er
sprach nach ewres herczē gyr. pring ich die
liebste geste:
Do trat sy fur den keyser also linde. fronica
do alleine vor dem pete stūd. das tuch legt
sy im auff das antlcz v den mund do stūd
der krancke keyser auff v wart gesunt fr
lich in also czartter czyr. geleich eim iungen
kinde.
65.
D
er keyser der stund auff v kert vō seuch
en rost. er sprach iesus du pist mein herr v
auch mein trost. v der mich hie vō kranck
em seuchen hat erlost. den wil ich habē fur
ein got. auch fur pas ymer mere.
Fronica die stund auff vnd kndet gottes
wort. vnd es der keyser do mit ynnigkeit ge
hort. er sprach werlich ich ym ymer dinen
dort. nū sag an fraw on allē spot. was sein
die seinen lere.
Vnd das ich ym mit fleysse gnug gedinen
das pater noster ist. das aller pest gepet ir
last euch tauffen v seit in dem glaubē stet
Bl. 22v
das seint die ler die got sein lieben iungern
thet. dem solt ir dinen also drot. do mit sch=
yd sy von hynnen.
66.
D
er keyser wart gelaubig do er wardt ge/
sundt. er liesz pylatum sencken in der tyffer
grundt. dor in do leyt er noch pysz auff die
hetig stund tiberius der kundt noch pas.
hie den glauben meren.
Vespianus der wardt gewaltig in dē reich
nach tiberi
9
tot lept nit der sein geleich. er
het ein schweren prechen vnd der ym ent/
schleich. vud wen der prech sich vben was
sein freud gund sich verkeren.
An seinē seuchen was er seer verdorben pis
das fylosyan im pracht fronica schon vnd
auch das tuch do stet des herrē antlcz an
do er gelaubt er wart erlst vō seinē pan. nū
sein sy tod in solcher masz dē preysz habens
der worben.
67.
D
er keyser liesz sich tauffen vnd gelaubt
czu handt. do im fronica thet die rechtē leer
bekant. do v der keyser het sein poten ausz
gesant. er sprach ir herrē voller tugent wir
sllen got hie eren.
Bl. 23r
Dem selben keyser wart do all sein schwer
entwant. herr vespianus also was sein nā
genant. der selb so vil genadē an der fraw
fand von dē sich vnsers herren ingunt. an
im thet grszlich mern.
Er het ein seuchē was vor nye gehret. die
webssen kruchē im auch yn der nasen sein.
da von der keyser led so grosse schwere pein
auff in so wart gelegt das edel tuch so rein
die websen ausz der nasen flugent das nest
wart in czu stret.
68.
E
in grosses czeichen an dem keyser do ge=
schach. v do im got der herre nam sein vn=
gemach. er kert sich vmb v knyet nyder vn/
de sprach. gelobt seystu herre got. dort in dē
hchsten trone.
Der keyser der stund auff v pflag vil gut/
ter wycz wie pald er hiesz die frawen czu im
nyder syczt. vnd fragt sy wan ir kumen das
fran antlcz sy sprach mir gabs mein her in
not. doch also recht gar schone.
Man frt in ausz in grossem leit dē herren
vnd er doch thet doch nye kein snt noch
missetat. die iuden fingen in vnd prachten
Bl. 23v
in czu nat. sy schlugen in do an ein kreucz do
starb er drat vnd das geschach durch neyd
vnd spot. vnd v sein rechte leren.
69.
D
er keyser do czu seinē pesten diner sprach
nun weisz got wol das mir so leyde nye ge/
schach. er sprach nun helff mir rechē dises
vngemach. sy sprachen alle das sol sein. vil
edler keyser herren.
Der gryming keyser wolt der reysz nit leng
er peit. mit vierdhalb hundert rmer gund
er sich bereit. v czoch do hyn vber das wil
de mer so pereit er sprach ierusalem so vein
ich wil dich vmb me keren.
Jr schnden iuden habt an got geprochen
ir valschen psen iuden was ging euch not
an. das ir verderbet habet disen guten mā
vnd der euch dise lant schon machet vnter
than. ir habt gett dē schpffer mein. das
pleibt nit vngerochen.
70.
D
er keyser der wart in dem landt gar wol
erhrt. er stiffet in dem land do prennen v
auch mort. vnd was der iuden waren wur
den betrt. mā wag sy alle gar gering. die iu
den vngehewre.
Bl. 24r
Die thren vnd die stat all do czu prochen
wardt. v was ir was den lag es do in nt
tē also hart. des keysers czorn nicht verging
sein gt die was in thewre.
Die vngunst teilt er mit in flyssig als yn
nun het sein syn vnd auch sein mut gelart
wie gott durch sy v dreyssig pfeing ver=
kauffet wardt. do thet nach der schnden
iuden artt. vnd gab ir auch vmb ein pfen/
ning. der schnden iuden dreyssig.
71.
D
ie fronica behilt das antlcz wunigkle=
ich. wol dem werden fursten ging sy sicher
leich. vnd do sy fur pas kamen in das rm=
isch reych. wen es der keysser plycket an er
sprach wol mich der sunden.
Seint das antlcz doch also grosse kraffte
hat. der keyser sprach wo ist nū mein getre=
er rat. nun west ich geren wie es vmb den
leichnam stat. sol ich den vngerochen lan.
seiu martter vnd sein wunden.
Der leichnam pleibt der beleibt nit vnge/
rochen. thytus der knig vnd vespyanus
auff der fart. thyberius der kysser vor der
Bl. 24v
rays nicht spart. so das ierusalem drey mol
czu strt wart. kein stein plieb auff dem an
dern stan. die stat wart czu prochen.
72.
D
er edel keyser ward auch do erzrnet ser
schnel v auch pald sprach er al do czu seinē
her fr pas sllen sy habē nymer keine wer
also wurden ir dreyssig geben. newer vmb
einen pfenning.
Vnd do des keysers mut aldo ergangē was
mit seinem herrē er do auff das wasser sas
vnd czoch do wider haym gen rom in sein
pallas vnd hetten all frliches leben. mit
manger hande dingen.
Secht also ist der keyser sint gestorben. v
durch der willen das antlcz gen rome kam
man het es lieb durch iesu crist den werden
stam. vnd noch heutiges tags die cristen lo
besam. got sol ir seel pflegen gar eben. den
preys habens der worben.
73.
D
er herren vil danckten den waren gott
so czart. vnd do das lant vnd auch die statt
gewōnen wart czu storet als ein vngetrew
er gart. nun dancket alle got so klar. in seinē
hchsten reiche.
Bl. 25r
Des herren antlcz noch al do czu rome ist
wer es mit ynnigkeit an rffet der genyst
das vns czu lecze d' ware iesu crist kein heyl
tum vint man nyndert czwar. das sich ym
mg geleichen.
Dar vmb sol wir es pillich geren eren. vnd
wen wir hie an vnserm leczten ende lygen
v vns der welte freude habē gar verczygē
vnd das wir vnsern veindē allen angesigē
vnd das vns das allen wider far. des helff
vns got so herren.
74.
W
a vns got alle hat czu hoher freud erko
ren. dar vmb er wart vō einer reinen meyd
geporen. das er vns wolt erlsen wir warē
verloren. durch vns er grosse martter lait.
des sey gelobt sein name.
Wer nit gelaubet hy an seine reine wort d'
wirt gescheyden als dē iudē geschach dort
sy mssen habē hie durch die idischeit in
grossen schmerczen kame.
Wer im des danck mit ynnigkeit des hercz
en der ist selig als cristus selber sprach fur
war. do er sein fronē leichnam gab sein iun
gern zwar. als offt ir das thut vnd gedenck
Bl. 25v
meins laiden gar der wirt ewiger pein ge/
freit. der mir danckt meines schmerczē
75.
I
ch regenpog ich man dich du vil czarter
got. der von deim angesicht hie wol gesun
gen hot. ich pit dich herr vergyb vns vnser
myssetat. ein gancze peicht ein ware rew.
die gyb vns vor dem ende.
Dein warer leichnam vnser lecze speyse sey
v mach vns herr vō grossen haubt sundē
frey. in allen ntte so soltu vns wonen pey
vnd des heyligen geistes trew. in vnser her
cze sende.
Das wir erfullet werdē gottes lere. des pit
ich dich du susser got du werder sta. d' vō
dem hymel czu der reinen meyde kam. vnd
fur vns aller menschen sund hie auff sich
nam. nach disem leben vns ver new vnser
freud ymmer mere amen.
Gedruckt vnd volendt czu Nrnberg von peter wagner Jm
xcvii
Jar