Bl. 32r
Ein lied von der Fronica wie sie vonn Hierusalē gen Rom ist kumen. Jm brieff thon des Regenbogens
Bl. 32v
O
Ssser got nach dein gnadē stet mein
begir send einen engel ausz dem hymel
her zu mir / das ich ein puch mit innigkeyt ge=
mache dir / das ich von deinnem angesicht /
mg sprechen vnd singen.
Wie das vō Hierusalem hin gen Rome kam /
v auch dem krancken keyser schwere seuchen
nam / Fronica also kund ich euch des puches
sta / on gottes hilff vermag ich nicht / das
wirdig puch volbringen.
Jn gottes namen ichs den lewtten kunde / Jn
gottes ere so heb ichs die lieder an / wer sie nun
hrt mit innigkeyt weyb oder man / den mag
desselben tages nymer leyd bestan / habensz zu
got dem herren pflicht vnd leben one sunde.
¶ Die deinen gt die pit ich du vil zarter got /
verleich mir herr ein klugen syn vnnd weysen
Rat / das ich dich mg geloben got frwe vnd
spat / vnnd das ich auch dein antlicz herr / mit
frewden mg anschawen.
O herr dein gt erzeygest vns gar manigfalt /
darumb soll wir dich loben beyde Jung vnd
alt / das du vns herr auff erden hie liest dein ge
stalt / vnd die beleybin grosser ere / hie Fronica
der frawen
Herr got das wir das puch volbringen / Vnd
Bl. 33r
das da von gelobet werdt dein suesser nam /
dein angesicht v das ist also wunesam / hilff
herr das wir in deinem willen werdē zam / bey
dir in frewden ymmermer / da soll wir frolich
singen.
¶ Zu Rom ein Keyser gar gewaltiglichen sasz
zerrissen vnd zeruallen ym sein Palast wasz /
darin so sach man wachssen nessel vnnd das
grasz / sein fensterwerck was im zerstrt zerual
len vnd zerrissen.
Der selbig Keyser was Tyberius genāt nach
der Tyber die da flest bey Rom durch wal=
henlandt / dem dienten knig fursten graffen
all zu hand / nun ffen ich des buches ort /das
ir es solt hye wissen.
Der het ein seuchē mocht kein man gepssen /
Zwelffmeyster waren all an im verzweyffelt
gar / den seuchen het er vierundzweintzig iare
zwar / im leyb so was er faul das sag ich euch
furwar / er was auch lam hab ich gehrt an
henden vnd an fuessen.
¶ Der selbig Keyser was so gar ein frummer
man / das seyt noch vor gen Rom halt nie kein
frummer kam / die stern vnd der mon die sun=
nen pett er an / er liesz im machen ein abtgot /
von sylber vnd von golde.
A ij
Bl. 33v
Den liesz er setzen in den tempel auff ein stein
fur ander herren thet er im grosz ere allein / vor
dem abtgot da stunden abtgter gemein / der
Keyser im grosz ere empott / das er im helffen
solde.
Er kund in vor den seuchen nit erneren / Fur=
war das sahen seine diener al nit gerē / wa sie
mochten seines rats nit wol enperē / sie sprach
en all wer soll vns furbasz weyszheyt lern / nun
stirbt vnns der Keyser todt / des kundt wir
nicht erweren.
¶ Zu Hyerusalem da wart auch gekawfft ein
mayd / sie wart gen Rom gefurt als vns dye
schrifft sagt / die Rmer hettē sie vmb fremde
mer gefragt/ wie es stund in der heydēschafft /
vnd in der Juden lande.
Dye meydt sprach ich sag euch alles das ich
weysz / mich fieng ein heyd vnd furt mich feyl
da in dem kreysz / Got sendt ein edelen Rmer
durch seins hertzen reysz / der mich lst ausz ia=
mers krafft / mit gelt vnd mit gewande.
Junckfraw die leng wl wir sein nicht empe=
ren / Nun saget vns wie es stett in dem lande
dort / was ir gesehen habt vnd was ir hab ge=
hrt / das wir dem Keyser sagten soliche gutte
wort / sagt vns wie lang wart ir in hafft das
Bl. 34r
wll wir hren geren.
¶ Die iunckfraw sprach da von so het ich vill
zu sagē / wen ichs bedenck so musz ich aber da
mer klagen in grosser ere pin ich gewesen pey
meinen tagē / nun musz ich hie gefangen sin /
gar eygen vnd elende.
Nun wil ich euch die rechten warheit hie ver=
iehen / was grosser zeichen in dem landt vil ge
schehen / als ye kein man gehret hat oder ge=
sehen / das ist den Jden ein grosse pein das
sie es nit knden wenden.
Sie gend darauff wie sie es mchten stren /
Sich hat ein newer glawb erhebt in dem ge=
schlecht / darumb jden v heyden wider ein=
ander fecht / vnnd kunden des glawben eines
weren nit mit recht / sagt vns furbasz zart ick
fraw fein / das wll wir gern hren.
¶ Sie sprach got hat den Jden ein meyster
gesandt / man spricht das er dar kummen sey
ausz kriechen land / we er anrrt mit seinner
kunstreychen handt / v ist er siech er wirt ge=
sundt / von sechen hie auff erden.
Man spricht also das Jhesus sey der namen
sein / er kan ausz wasser machen gutē plancken
weyn / Pylatus spricht er sey dar kumen vber
reyn / Er ist gar lang woll spricht sein mund /
Ai ij
Bl. 34v
auch kan er gut geperden.
Junckfraw die leng wl wir sein nit verhen=
gen / die iunckfraw sprach ein teyl dye halten
in fur got / Ein teyl der Jden treyben ausz im
yren spot / Das dritteyl das suchet einen falsch
en rat / vnd wie sie in kurtzer stund von seinem
leben prengen.
¶ Sie sprachen iunckfraw wer die red gentz=
lichen war / das wir das vor den Keyser sagtē
offenbar / Vnd der ist siech gelegen hie vill ma
nig iar / ir wrdt vō aller sorg erlst / v kumbt
in grosse ere.
Die iunckfra sprach ich thue euch hie die war
heyt kund im volget nach ein grosse schar zu
aller stund / darumb das er der sichen macht
so vil gesund / sie werden all von ym getrost /
die volgen seiner lere.
Sndt er vergibt das sag ich euch furware /
darumb so tragen im die iden grossen neydt
das er dem volck so vil der guten lere geyt / im
volget nach ein grosse schar zu aller zeyt / vnd
was er vor dē volck da kost / das ist gar offen=
bare.
¶ Gar schier die red wol fur den krancken key
ser kam / da er in seinem pette lag siech v lam
wie pald er da von seinen Frsten rat genam /
Bl. 35r
wa er het gar stet bey im / die pesten Rme
alle.
Sie sprachen was gepetzt du Edler Keyser
her / was ist dein wil vnd was ist deines hertz=
en beger / Filosian sprach Keyser du solt wissen
mer / nun sag vns herr ob vns zymbt / dein rat
vnd vns gefalle
Wir sein betrbt Keyser in dem reyche / dar=
umb das zwelff meyster an dir verzweyffelt
han / vnd dir mit iren knsten seind all ab ge=
stan / des sind betrbt Herr hie all dein dienst=
man / kind man vnd weyb herr das vernym /
von vns allen geleyche.
¶ Der keyser sprach mir sein gar frembde mer
geseyt / Nun rat darzu ob es euch sey lieb oder
leyd / mir ist zuwissen das ein heydennische
meyd / sey kumen von der Jden land / die hat
man pracht gefangen
Von der so hab ich wunderliche wort gehrt
Filosian der nam die iunckfraw auff ein ort /
Er sprach zu ir vil manche suesse wort / iunck
fraw ich pin zu euch gesant / des last euch nit
verlangen
Sagt mir Junckfraw ob ir den man nicht
kennet / Der in den landen treybt so vil der wū
derreych / sie sprach ir edler Frst ich sag euch
A iiij
Bl. 35v
sicherleych / auff erden hie so lebt kein man so
knstenreych / er ist den lewtten woll bekant /
Jhesus ist er genennet.
¶ Filosian der frewet sich der lieben mer / er
sprach nun sagt mir zarte junckfraw on gefer /
darnach stet gar sicherlich meines hertzen ger
wo hat er solche wunder than / oder in welch=
em lande.
Dye meyd die sprach ich sag euch edler herr
mein / zu Chana in dem dorff da thet er wun=
der schein / da macht der herr ausz einē wasser
guten weyn / er ist der aller weyste man / sein
kunst ist manger hande.
Zu Naym dort in der Gallilea lande / Da was
einer witwen sun todt vnd lag auff der par /
der herr der kam gegangen zu den zeytten dar /
erweckt in auff vom tod das sag ich euch fur
war / des was gar fro Filosian / v thetz dem
Keyser bekande.
¶ Der Keyser sprach ich klag euch allen hye
mein not / v das mich tdten wil mein eygen
plut so rot / das mich nit zu im nemen wil der
reyne tod / des schrey ich hewt o wee der klag /
vnd meiner grossen schwere.
Da sprach zu im der Edel Frst Filosian / O
edler Keyser hr wir wissen einen man / der ist
Bl. 36r
mit seinen knsten also wol gethan / wlt ir in
haben auff ein tag / er sol euch kummen here /
Nun wlt ir in han er mag euch villeicht wer
den / Dye weyl ich mag gereytten faren oder
geen / vnnd mit gesundtem leyb auff meinen
fuessen steen / findt ich in dort ich wil in pitten
vnnd auch jehen / das er mir nichts versagen
mag / wes ich in pit auff erden.
¶ Der keyser sprach Filosian ich sag dir danck
Nun weyst du selber woll / das ich pin also
kranck / vnd wolt dir nun die reyse werden nit
zu lang / das mir das leben wrd gespart / bisz
du den meyster prechste.
Filosian sprach Keyser du solt nit verzagen
nun hr ich von ym also grosse wunder sagē /
er weckt auff die gestorben sein vor manichen
tagen / das saget mir die iunckfraw zart / ich
such in wol mit rechte
Filosian sprach die reysz die wil ich wagen /
Jch wil erfaren die zeychen vnd sein geperde /
er trstet alle dye wer sein hilff begert / wer yn
anrfft der lest er keynes vngewert / ich will
mich richten auff die fart / ich wil in zwar er=
fragen.
¶ Mein lieber freundt Filosian bisz nit zu lasz
ich schwer pey meiner kron vnd eren thust du
Bl. 36v
das / du solt vermgē ewigklichen dester basz /
gegen mir alhye vnd soll ich leben / vnd deyne
kinder alle.
Filosian nym silber vnd das rote golt / nym
edel stein vnd auch darzu dein reychen soldt /
sitz in ein schyff nym alles das dein hertz wolt
rosz vnnd man mit paner schweben / far hyn
mit reychem schalle.
Vnd wilt du in suechen in der Jden lande /
Finst du in dort so pring mir in mit eren here /
du solt in vber geben nach seines hertzen ger /
ist yemandt in dem land vnd der im sey gefer /
du solt im guten fride geben / pey leben vnnd
pey hande.
¶ Nun ist er got so solt du in auch peten an /
wa du solt gepieten pfaffen frawen v man
vnd alle Frsten das sie im sein vnderthan /
das er sich genedigkleych / wll vber mich er=
barmen.
Filosian verny die meinen wort gar eben /
mit grossem schatz solt du im selber vber gebē.
hat er den todt verdient du solt in lassen leben
das solt du gepieten gar geleych / den reychen
vnd den armen.
So das er hie mein leben mach gerechte / Fi=
losian vernym die meinen wort noch pasz / ist
Bl. 37r
yemandt in dem landt vnd der im sey gehasz /
du solt von vnser wegen auch vermgen das
das du yn treibest ausz dem reich / mit alle seim
geschlechte.
¶ Filosian der Frst vnd auszerwelte helt / het
an des Keysers hoff dye pesten auszerwelt /
woll sechtzig Ritter wurden im in ein schyff
gezelt / er liesz im laden einen kyl / mit gelt vnd
guter speysen.
Der Keyser der was fro v er den herrē rieff /
vnd wen ir kumbt hyn auff den wilden wag
so tieff / v des wil ich euch geben da ein guten
brieff / ob man euch nit gelawben will /dye
warheyt solt ir weysen
Mein paner gut solt ir frlich auff steckē wer
das ansicht das man euch wol gelaubē musz
vnd sagt in dort von mir den meinen werden
grusz / ich werd sein noch fro wrd mir mein=
ner seuchen pusz / ya findt man noch der lewt
so viel / die ser wurden erschrecken.
¶ Filosian sasz in ein schyff vnd fur von dan /
vnter seim Paner het er mer dan hūdert man /
die im da von dem Keyser waren vnterthan /
der kyel hyn auff dem wasser flosz / tieff auff
der Tyber vnde.
Vnd auff der reysz da was er wol ein gantzes
Bl. 37v
iar / ein winter vnd ein sumer sag ich euch fur
war / bisz das er kam zu einem grossen schyffe
dar er thet dem ancker einen stosz / tieff in des
meres grunde.
Sie richten zu v furen da zu lande / Des key=
sers Fa wart auff gericht gar offenbar / dye
Jden v die heyden wurden sein gewar / vor
grossem leyde raufften sie ausz part vnd har /
weyb man vnd kind ir leyd wasz grosz / vnnd
wunden ser ie hende.
¶ Dye Juden die erschracken von des paners
schweben / ein potten liessen sie gen Hierusalem
ein streben / der tag was heilig das volck was
da heymen eben / der pot der rieff des Keysers
Fa / zu lande kumen were.
Die iden vnnd die heyden hetten vor gehrt /
wie von den rmern solt werdē yr ee zerstrt /
des waren sie von frewdē in grosz leyd bekert
vnd Pilatus das besa / sein hertz kam ym in
schwere.
Sie richten zu als in grossen eren / Die Jden
liessen ander ding da vnderwegen / mit lobge=
sang so giengen sie in schn entgegē / ein schar
der andern weychen must da auff den stegen /
sie rfften alle weyb vnnd man / bisz wilkue
Rmisch here.
Bl. 38r
¶ Filosian der dancket schn den Jden da=
mit zchtiglichen mut vnd das er sprach also
nun danck ich got v pin des ausz der massen
fro / das wir seindt hie ein gātzes iar / das musz
wir alle reysen.
Pylatus sprach ich hab es gar woll vernumē
wie das des keysers Fa zu lande solte kumen
er sprach des sol wir alle haben guten frumen
weyb vnd kind die lewtte zwar / die man wit=
wen vnd weysen.
Pilatus sprach ich frewe mich lieber mere /
Jch hab gericht funfftzehen iar in dieser stat /
vnd auff dem land das mir nie kam des Key=
sers rat / so nahent als er nun mit leyb hie pey
mir gat / ich pin sein fro sag ich furwar / das ir
seyt kumen here.
¶ Filosian sie furten auff des Keysers sall / die
Jden vnd die heyden trieben reychen schall /
das es so weyt in der grossen stat erhall / Sie
dienten im in grosser not so recht gar Keyser=
leychen.
Sie setzten in wol auff ein ksz was pfellerein /
sie trugen ym fur granat vnnd den plancken
wein / ein guldē pecken das was voller finger=
lein / die waren all von golde rot / vnd von ge=
stein so reychen.
Bl. 38v
Filosian sasz auff dem stul v dachte / wie das
er des Keysers schenck gryff weylich an / vor
ym da stundē auch wol mer dan tausent man
doch stund vor im des Keysers auff gerichter
Fan / sie musten thun was er gepot / dye brieff
er mit im prachte.
¶ Filosian der nam Pylatum pey der hand /
wilt wissen warūb vns der keyser hat gesandt
das wir seind kumen her in diese fremde landt
er lest euch alle ser grssen / das ir mich solt be
richten.
Die rmer v der keyser haben wol vernumē
sie hiessen vns her ziehen dem keyser zu frumē /
man sagt in dort wie das ein meyster her sey
kumen / der kunde alle seuchen pssen / vnd die
mit wortten schlichten.
Man spricht er kund die todten machen lebē
Man sagt vns dort das Jesus sey der namen
sein / er kan ausz reynem wasser machē planck
en wein / wo findt ich in nun sag du mir den
willen dein / so wil ich dir des Keysers suessen
mit gantzen trewen geben.
¶ Pylatus der erschrack v kam in grosse not
vor leyd so wart er pleych vor schrecken wart
er rot / Er sprach vil edler frst warlich der ist
tod / vnd furwar so sag ich das / vnd red das
Bl. 39r
auff mein trewe.
Vnd des erschrack der edel Frst Filosian / er
stund vnd sach Pylatum also veintlich an / er
sprach wie mcht gesterben also ein knstlich
man / auf in so warff er grossen hasz / sein hertz
kam in rewe.
V wie mocht also ein behender mensch ster=
ben / Vnd der die todten lewt kan machen wi=
der leben / die lamen schlecht den plinden ir ge
sichte geben / Pylate dise red die soltu mercken
eben / bescheyde mich der mere pasz / das recht
ist nit dein erben.
¶ Pylatus sprach hrt iden hayden vberal /
die sich gesammelt haben her auff diesen sall /
der furst der klaget vnsers herren keysers qual
er fraget mich vmb ein meyster klug / der sey in
diesen landen.
Des hab ich in berichtet gar in kurtzer frist /
wie das der selbe meyster hie gestorben ist / es
ist auch war er het in im gar scharpffe list / die
kunst vnd die er pey im trug / dye waren ma=
nicher handen.
Von seinem todt so wil ich gar nicht wissen /
Her Frst ir fraget auch die selben Jden do /
Annas Cayphas vnd auch der Centurio / die
waren alle drey pey seinem todt gar no / das
Bl. 39v
man in an ein kretze schlug / vor not die stein
auff rissen.
¶ Dye Jden sprachen edler Frst Filosian /
habt gutten mut seyt vnbekmert vmb den
man / west ir die grossen vbel dy er hat gethan
er hat vns pracht so gar zu nicht / mit seyner
newen lere
Filosian sprach wie kumbt das das er ist todt
das wil ich warlich wissen hye on allen spot /
yr edler Frst da hat man in gekretzigt tod /
Pylatus het ein falsch gericht vnd ander J=
den mere.
Der Frst der sprach wie hat er das erworbē /
Das ir in habt mit nagel an ein kretz geschla
gen / nun hab ichs nie gehrt pey allen meinen
tagen / Pylate du solt mir die rechten warheyt
sagen / ich wil doch wissen die geschicht / war
vmb er sey gestorben.
¶ Pylatus sprach herr Frst ich will euch sa=
gen das / er macht dy plinden gesehent v den
siechen basz / darumb im trugent zwar die J
den grossen hasz / sie suchten māchen falschen
syn / wie sie in wlten tdten
Pylatus sprach herr Frst ich wil euch sagen
mee / sie gaben schuld er wer ein strer yrer ee /
sie thetten ym mit geyssel vnd mit besen wee /
Bl. 40r
das ich gericht sasz vber in / das must ich thun
mit ntten.
Die iden hetten vmb in ein gedinge / cayphas
der pracht seinen Junger einen an / das er ver=
kauffe Jesum den vil guten man / vnd der des
todtes warlich nie kein schuld gewan / er gab
yn vmb ein klein gewyn / vmb dreyssig pfen=
ninge.
¶ Pilatus sprach herr frst wlt ir hren basz /
die erste vrsach die kumbt her von cayphas /
vnd auch von seinem schweher Annas wisset
das / die giengen darauff alle zeyt wie sie yn
mchten fahen.
Der herr der kam geritten heer an dem Palm=
tag / etlich empoten ym grosz ere als ich euch
sag / Cayphas mit dem gelerten falsches rates
pflag / sie sammelten sich nahent v weit vnd
kamen ym so nahen.
Am grndonerstag spatt in einem garten / da
wart der herr verraten vnd gegeben hin / von
seinem iunger einem gar vmb klein gewin / sie
kamen gar behende dar vnnd fiengen yn / sye
ttten in durch hasz vnd neydt / vnd schlugen
yn gar harte.
¶ Filosian der sasz vnd was erzrnet gar / er
sprach yr iden nembt der red gar eben war /
B
Bl. 40v
erfar ich dye warheyt als kleyn als vmb ein
harr / ich forcht es werde euch zu schwer / des
gib ich euch mein trewen.
Pylatus der sagt mir er wer ein fruer man /
an seinem tod da was er gar vnschuldig an /
wa ir schryet al mit lawtter stye / Kretzi=
gen / nach seinem tod stund all ewer ger / das
mag euch noch woll rewen
Habt euch mein trew es beleybt nit vngeroch
en / Pylate v ir Jden habt ir recht gethan /
das ir getttet habt hie diesen gutten man / yn
neyd vnd hasz vnnd des er nie kein schuld ge=
wan / vnd wirt der keyser yn der mer / ewer ee
die wirt zerprochen
¶ Do trat her fur der jden bischoff cayphas
Pylate richter warumb darstu redē das / das
wir da vnsern neyd vnd den grossen hasz / sol=
ten han auff den man geleyt / des wil ich dich
bezeygen.
Grossen gewalt thustu vns vor den Frsten
frey / pey tag vnd nacht so was doch ye dein
wil dar pey / vnd was ich sag v das es gentz
lich war sey / Herr Frst das sey euch geklagt /
die schuld die was sein eygen.
Er lebt noch thet pilatus streng gerichte nun
weysz ich wol das ich in hret vnde sach / das
Bl. 41r
er was gottes sun als er da selber sprach / vnd
er gar stettiglichen vnser feyer prach / das hab
ich dir gar dick geseyt / das hyelttest du fur
nichte.
¶ Pylatus sprach herr Cayphas nun wist ir
wol da er dort stund seyt ich die warheit redē
sol / das ir in saht vnd das sein leib was wun=
den vol / da wolt ich in leben lan / v Barrabā
han getttet.
Da rffent ir alle mit lawtter stym als grosz /
nun wisz Pylate du pist nit des Keyser genosz
lest du den man so werden wir aller frewden
plosz / das ich gericht must lassen gan / dar zu
wart ich genttet
Die Jden hetten gar ein grosz gesprechte /
Jch sprach ir tttet ewren Knig das ist war
yr schryet all nun hab wir keynen knig zwar
dan einen Rmischen Keyser sag wir offen=
bar / dem wol wir wesen vnderthan / das hal
ten vnser rechte.
¶ Filosian der Frst her was erzrnet sere / er
sprach vnd solt es kosten leyb vnd gut v ere /
es musz gerochen werden glawbent mir der
mere / das ir all mit gleychem rat / habt diesen
man verderbet.
Jr fuert yn von Pylato zu Herodian / recht
B ij
Bl. 41v
samb er wer ein thore vnnd ein gauckel man /
dye meyste menig spricht er hab kein vbel ge=
than / das wirt auff euch sag ich euch drat / v
auff ewre kinder geerbet.
Gelawbent mir yr mst sein all entgeldten /
Weyb vnnd man vnd all ewer kind die nach
euch kumen / die sollen dises tods nemen key=
nen frumen / vnd all ewer ere vnnd weyszheit
wirt von euch genumen / wen nach vil manig
iar hyn gat / sein todt wirt sich erst melden.
¶ Da trat her fur der alte Annas auff der fert
er sprach mich wundert das er was so woll
gelert / wan er doch vnser Jden also vil ver=
kert / das machet als sein falscher mund / mit
seiner zawbereye
Jch kent in woll sein vater was ein zymmer
man / vnnd auch sein muter die vns vmb den
lon hie spa auch so lasz er selber spe als ich
gedencken kan / er vber hub sich alle stund / der
seinen gramatzeye.
Mich verwundert seiner scharpffen liste / Er
was ein meyster vnnd kund in das gestirn se=
hen / v allen wandel kund er auch wol selber
spehen / er west das was von ane genge was
geschehen / weysz vnnd auch wort vnd allen
grund / der menschen er wol wyste.
Bl. 42r
¶ Der Frst der sprach ich sag euch vnd all
ewren geschlecht / hie peyde graffen fursten rit
ter vnd knecht / wie mcht ein man geteylen
ein geystliches recht / das yr einen frummen
man / solt one schuld verderben.
Jr Jden ir werdt all pey recht gar wol beli=
ben / v het ir da die sach dem keyser zu geschri
ben / vnd was der man vor ewren augen hat
getriben / so dorfft man euch on argen wa /
kein schuld darumb zu erben
Pylatus da kein schuld nit haben wolte / Dye
Jden sprachen da her Frst hrt vns noch
basz / Pylatus sprach da er vber in gericht sasz
ich mag dich tdten leben lassen hrst du das /
er liesz yn ser mit geysseln schlahē / das er weis=
sagen solte
¶ Nun hrt ir Jden ich hab Pylatū gefragt
so pit ich euch das ir mir all die warheit sagt /
ich hab euch vnsers herrn keysers not geklagt
die klag ich euch hie allen dar / helfft mir das
leyd abkeren.
Der keyser vnd die Jden wissen das dar pey
wie das der meyster hie gar nahent pey euch
sey / nun saget mir wol von dem selben meister
frey / daran thut ir mir liebe zwar / vnd ewrem
rechten herren.
B iij
Bl. 42v
Durch seinen willen so pin ich her kummen /
Fnd ich in hie so precht ich in mit eren fort /
vnnd geschicht nun das so habt yr grosse ere
dort / bring ich ynn nit ich forcht ewer ee dye
werd zu strt / weyb vnd kinde die lewtte gar /
die nemen sein kein frumen.
¶ Zwen Jungern sprachen herr die iden het=
ten rat / tag vnd nacht vnd alle zeyt fr vnd
auch spat / wie sie yn mchten bringen vmb
sein leben drat / das red wir wol auff vnser eyd
er lernt vns also schne.
Sye fiengen yn vnd furtten in da fur Annas /
vnd im sein zarter leyb von plut was also nasz
vor tages zeyt fuerten sie yn fur Cayphan / sie
legten ym an ein purper kleyd / v setzten ym
auff ein krone
Dye was gemacht von scharpffen dorn her=
te / das im das plut vber sein zartes antlitz flosz
maria weynt yr jamer was also grosz / sie
sprach den ich bekleydet hab den sich ich plosz
so gar in grossem hertzen leyd / yn eines diebes
geferte.
¶ Nun hrt herr Frst wir wllen euch da
sagen mer / sie luden ym auff seinen ruck ein
kretz was schwer / das must er selber tragen
zu der marter her / daran schlugen sie yn war=
Bl. 43r
lich / er wart daran gehangen.
Sye huben auff das kretz mit einem grossen
schal / sie styssens nider in des steynes klufft zu
tal / Das ym sein wundenn ryssen auff gantz
vberal / v er vergosz sein plut so reich / es was
vmb yn ergangen.
Daran leid er den tod mit grossem schmertzē /
Longinus der Ritter im yn sein seyten stach /
das im sein hertz do in des todes zyll zerbrach /
er ward gesehen christen glawben er verjach /
er sprach mein sund die rewen mich / vō gantz
em meinem hertzen.
¶ Die iden erschracken von der red so ser /
sie sprachen al genadt vns edler Frst so her /
wol von dem man so het wir dir zu sagē mer
wen wir dirs alles drsten sagen / von manich
hande sachen.
Sye sprachen edler furst ob du es wllest h=
ren / er thet die lewt in allen landen ser betorn /
er sprach also er wlt vnsern tempel zerstren /
v den do wider in dreyen tagen / auf richten
vnd auch machen.
Den seinen todt hat er woll erworben / Ge=
lobt sey got wir han darmit zu schaffen nicht
Pylatus der sasz selber vber in gericht / pylatus
sprach yr Jden het euch vor verpflicht / Jr
B iiij
Bl. 43v
habt in an ein krtz geschlagen / dar an ist er
gestorben.
¶ Pylatus sprach ir Jden rede was ir wlt /
wa cayphas der hat an im die grstē schuld
du v dein schweher Annas wardt im do nie
holt / ir habt vil falscher list erdacht / bisz das
ir in gefienget
Vnd nach seim tod so gundet ir alle ser werbē
Cayphas der sprach es wer pesser Jesus solt
sterben / Dan alle welt gemeynigklich hie solt
verderben / Jr quelt in woll ein halbe nacht /
bisz ir zu gericht ginget.
Jr kumbt fur mich das ich euch richten solte /
Jr spracht er het die lewt verkert von Galilee
v het in ser geschlagen / ich sprach was wlt
ir mee / nun richt ich nit ir furt yn zu Herodes
ee / wie schier ir in herwider bracht / vnd fund
an im kein schulde.
¶ Der Frst der sasz in zorn sein farb die gund
sich rtten / Die Jden stunden all vor ym yn
grossen ntten / ach Edler Frst wir haben
nyemāt nit zuttten / sie sprachen all weltliche
recht / die sein vns gar genumen.
Pylatus sprach ir iuden habt ein solchen mut
das ir lawgēt fur alles das ir ye do thut / nun
spracht ir doch vber vns so soll gen sein plut /
Bl. 44r
vnd vber alles Jdisch geschlecht / v all vn=
ser nachkumen.
Auff seinen todt so wardt ir gar verflyssen /
warumb gabt ir ewer gelt das er euch wardt
verrat / ich weysz doch wol in aller falschheyt
ir das that / ir sprachet er het dem Keyser sein=
nen zynsz verpot / hie stet vill Ritter v knecht
die vmb die sach woll wissen.
¶ Centurius ein Ritter der stund auch do pey
herr Frst nun wlt ir wissen wie es darumb
sey / der selbig man gab nicht des Keysers zoll
frey / Die seinen mntze er gepot / das man sye
solte geben.
Jr Jden ir wart all mit ewren augen plint /
Er sprach furwar er wer des waren gottes
kint / er was gewaltig steyne vogel vnnd den
wint / darumb kam er yn grosse not / v gieng
ym an sein leben
Pilate nun gedencke wie du sprachest / do wir
nun in der sinagog gesammelt worn / vnd do
man vns zusamen lud / man schelt ein horn
darumb was deinen dienern ausz der massen
zorn / das sie in prechten in den todt / vnd dich
an im gerechest.
¶ Pylatus sprach zu handt ir Edlen Rmer /
nun wendet von mir ewer feindtliche beger /
Bl. 44v
vnnd glawbt nit an der Jden radt so ser / ich
pin vnschuldig das sprich ich / v schwer pey
ewren hulden.
Do im die iden thetten grossen vngefug / mit
geyseln vnd mit pesen man yn ser schlug / ich
fandt an im kein schuldt / darumb ich mein
hendt zwug / er stund vor yn so jemerlich / den
tod den must er dulden.
Sye kaufften in darumb wardt er verraten /
Sye schryen all vber vns so soll gen sein plut /
darumb so halt ich das ir endt nit werd gut /
das sie dē herren beweysten grossen vbermut
des wil ich gar verzeyhen mich die Jden es
selber theten.
¶ Symeon ein burger redet ausz der gemein /
mein Pylate du wlst ym doch helffen also
klein / du meinst du wlst an seinem todt vn=
schuldig sein / v das wl wir beweysen schir /
wie du es hast begangen.
Dein mundt der kan wol schlichten v mach
en schlecht / was du nit wollest thun / das hiest
du deinen knecht / du meinest do du habest ye
gerichtet recht vnd do der herre stund vor dir
gepunden vnd gefangen.
Du woltest nun das recht gerichtet were / v
wie sprachest du do got d' herre nit entsprach /
Bl. 45r
do er die marter vnd den todt vor im an sach /
vnd ym gewalt vnnd grosses vngemach ge=
schach / noch grsser lyeb hettest du kein gyr /
du richtest ym gar schwere.
¶ Der Edel mensch Lazarus her fur do trat /
wie lieblich er die Rmer zuuernemē pat / was
got der herr wunders an mir begangen hat /
wa ich was todt nun hat er mir / das leben
wider geben.
Jr werden Rmer last euch des nit ser ver=
duncken / ich lag vier tag vnd nacht in der erd
versuncken / got nam mein seel ausz der heysen
hellefuncken / zu meinem leyb hat er sie schyr
geschicket wider eben.
Wie mcht ich das verschweygen vnd ver=
dulden / seyt das vil hie sein die all die warheyt
yehen / die es mit iren augen haben an gesehen
was got der herr der zeychen liesz an mir ge=
schehen / des herren gt vnd sein begir / das an
mir haben wolden.
¶ Pylate dise red hastu gar woll gehrt / wie
man dich vber zeget hye mit rechtem wort /
das du verhēget hast den vber schwerē mort /
des must du hewt an disem tag / des Keysers
sein gefangen.
Nun nembt pylatū hyn gefangen do zuhādt
Bl. 45v
vnnd legt ym an sein payn von eysen starcke
pandt / v mit dem halszs so schmidt yn vest
wol an ein wandt / das er mir von dem leych=
nam sag / darnach ist mich belangen.
Jst yemant hie der weysz wo er ist begraben /
der weyse mich do hin entlichen zu der stund
dē wil ich gebē mer zu lon dan tausent pfundt
sein pests das wil ich werben v bleyb ich ge=
sundt / von mir sol er gar one klag / des keysers
hulde haben.
¶ Joseph vnd nicodemus sprachen baid also
O edler Frst last ewren zorn weset fro / wir
wllen euch noch het bringē also no / do wir
den leyb begrabē han / mit wird in hohen erē /
Vnd wir wunden in yn zendel zu der stund /
wir kaufftē salbē mer dan fur hundert pfundt
gar wirdiglichen thet wirs seinem leibe kund
da sahen wol sechs Ritter an / die mochtē das
nit weren.
Von in der herr ist mit gewalt erstanden / V
do er ausz dem grabe trat der werde degen /
do hub er auff sein handt vnnd gab in seinen
segen / sie lagen all vnd kunden sich do nicht
geregen.er schyed von in v trug den Fan / in
seiner lincken handt.
¶ Der edel weyse Lucas vnd auch Cleophas
Bl. 46r
bezegten alle payd mit einer stye das / wir
wissen das der herre pey vns was / in einem
gaden er vns fand / die thr was beschlossen /
Do gieng der herr mit vns ausz auff einē wag
alle samet redten von im nit zu treg / von seiner
marter er mit vns zu reden pflag / dar von
wardt vnser hertz verbrant / wir waren vnuer
drossen.
Wir paten in das er solt bey vns bleyben / Er
bleyb bey vns vnnd nam das prot do in sein
handt / er gesegent es vnnd prach esz er wardt
vns bekandt / vor vnsern sichtigklichen augen
er verschwant / das nem wir auff vnser seel v
leybe
¶ Nun hrt Herr Frst noch wllen wir euch
sagen mee / vns waren lewtte kumen her von
Galilee / die sahen yn zu hymel faren one wee /
darumb das er vns alle trst / er zoch sich auff
gar hohe.
Zwen Engel sprachen von dem hymel do zu
handt / ir man von Galilee sagt was ist ewer
standt / das ir auff secht wir haben genumen
das hchste pfandt / darumb das er euch hat
erlst / wol von der tewffel trohe.
Vnd das ist war ob ir vns das glaubet / nach
seiner vrstendt ist er vns zu hilffe kumen / dar=
Bl. 46v
umb so schuff er seinen willen vns zu frumen
dem tewffel hat er alle seine krafft genumen /
erlst vns ausz der helle rost / die hat er gar be=
rawbet.
¶ Der Frst der raysz ab sein gewant vor gro=
sem zorn / Er schray awe das ich auff erd ye
ward geporn so ich die weyten reysz also hab
verlorn / das klagt ich got in seinem thron / dē
hchsten got so frone.
Er rfft awe das mich mein muter ye gebar
nun pin ich ausz gewesen lenger dan ein Jar /
ich forcht das ich mit eren nymer kumme dar
soll ich also verloren han / Dye Keyserlichen
krone.
Des musz ich woffen in den hymel schreyen /
Vnd das die jden han verderbt den man so
reyn / vnd dem wir Rmer gar mit gantzem
trewe mein / das mst ir Jden vber tawsent
Jar beweyn / ir vnd die kint her Abraham / yr
aygen vnd ir freyen.
¶ Longinus ein plinder ritter der do gesehent
wart der sprach ir Edler Frst ich weisz euch
auff die fart / ich weisz ein armes weyb das ist
von Edler art / die hat ein tuch do stet an des
herren angesicht.
Das hab ich wol pey ir gesehē manich stund
Bl. 47r
sie geb es nit vmb ein land noch vmb tawsent
pfund / wer es an sicht vnd ist er siech er wird
gesund / wil sie es selber gern han / so nembt yr
irs mit nichte.
Herr ob ir wlt ich wl ir poten senden / ich pit
euch vor last ir geschehen keyn gewalt / nun
weysz ich woll Fronica dye hat sein gestalt /
glawbt mir furwar es hat keyns menschen
handt gemalt / ir solt ir das mit willen lan / v
sie dar mit nit pfenden
¶ Der Frst sprach Longinus ich danck dir
guter mer / lasz behend die frawen fur mich ku
men her / ich will dir volgen alles nach deins
hertzen ger / yr soll kein vngemach ergan / des
gib ich dir mein trewe.
Gar schier ein schneller potte do wart ausz ge=
sandt / v das die frawe zu dem Frsten kam
zu hand / der selben frawen nam was Fronica
genāt / do sie der Frst do plicket an / sein fred
die wart im newe.
Der Frst begund ir dise wort verkundē / Fro
nica mir hat gesagt ein edelman / du habst ein
tuch do stet des herren antlytz an / das gib du
mir ob ichs vmb dich verdienē kan / mit allem
meinem gut so schon / vnnd mit allen meinen
frenden.
Bl. 47v
¶ Fronica die erschrack vnd kam in grosz ar=
beyt / das er sie vmb das antlytz pat das was
ir leyt / sie lawgent ser dar fur mit gantzer vn=
derschaydt / der Frst der rff so wart mir nye
auff erd die weyl so lange.
Fronica nun vernim die meinen wort gar ebē
ich mag dich tdten will ich oder lassen leben
vnd wilt du mir mit lieb nit dise kleynat geben
so must du dich fur aygen ye / vnd geben mir
gefangen.
Fronica sprach ee lasz ich mich verderbē / auff
dein droen ich ein kleyne sorge hab / nun waysz
ich woll das mirs mein lieber Herre gab ich
wils behaltē bisz das ich kume in mein grab /
ich hab verzygen mich alhie / freund landes
vnd der erben.
¶ Der Frst der sprach Fronica nun glawb
du mir / was ich dir hie gelob das wil ich hal=
ten dir / ich wil dich bringen an die aller hch=
sten zyer / so sie ye wardt an geleyt / das Isra=
helisch geschlechte.
Er sprach Feronica nym mit dir dein pestesz
gewandt / sitz in ein schyff vnd zech mit mir
do zuhandt / ich wil dich bringen in das aller
peste Landt / dir sollen dienen bysz gemeyt / dye
Ritter vnd knechte.
Bl. 48r
Also das ich etwas zu lande brenge / Fronica
nun vernym gar recht ich will dir sagen / dye
meinen wort die lasz dir also wol behagē / wilt
du mit mir darumb darffest du nyemant fra=
gen / so mache dich gar schier bereyt / v saum
dich nicht die lenge.
¶ Sie sprach vil Edler Frst ich thu euch sor=
gen pusz / get mit mir armen frawen heim lieb=
lich vnd susz / mit alle ewrem volck wllen v
parfusz / v helfft mir es entpfahen schon / mit
wirden hie auff erden.
Er sprach zu ir es soll geschehen do zuhandt /
wie vil der weysen poten wuren ausz gesandt /
wol in der stat v vor dem thor v auff dem
landt / die jden heyden riten dan / auff rossen
vnd auff pferden.
Sie zohen hin mit einem schnen gesange sie
het das tuch in einer laden ym dem stro do es
der Frst an sach er wardt von hertzen fro / zu
alle seinem volcke er do sprach also / woll her
ir lieben dienstman bewart sie vor gedrange.
¶ Die jden vnd die heyden hetten das hawsz
vmb rungen / mit lawter stye sie wider ein=
nander sungē / v sich die esel mit den melern
ser drungen / vnd das die rosz an allen spot / vō
schweisz do wurden nasse.
C
Bl. 48v
Die heyden sungen in ir weysz missileus / die j
den mit einander sungen judicus / die edel fraw
sprach nun pisz gegrst Jesus / der himel vnd
erd erschaffen hat / in rechter zirckel masse.
Sye zeyget es also mit hohen eren / Das tuch
was vierecket leynen vnd weisz / der Frst fiel
nider zu der erden cretze weisz / er sprach woll
do das sein gepet mit gantzem fleisz / er sprach
genad mir herr mein got / ein schpffer aller
herren.
¶ Der Frst liesz pitten das sie stygen von den
pferden vnd solten knien all gemeinlich zu der
erden / vnd solten im helffen anpetten den vill
werden / vnd den die jden mit gewalt / hetten
lesterlich verderbet.
Fronica die nam do in ir handt das tuch / mit
hohen eren sie es zu dem schiffe trug / Filosian
der thet den Jden einen fluch / er sprach yr
Jden iunck vnnd alt / Jr all darumb noch
sterbet.
Er nam Pylatum selber do gefangen / Er liesz
in furen an einer ketten als ein hundt / vol vn=
kesch was im kyn nasz v auch sein mundt /
er liesz in schnelle werffen in des schyffes grūd
er liesz in an schmiden gar pald / gar vest an
eysen stangen
Bl. 49r
¶ Der Frst der schied vngesegent von jden
dan / er nam mit im die seinen willen hetten ge
thon / Pylatū vnd die guten frawen Fronica /
sie furen den achten tage schon / sie zu der Ty=
ber kamen.
Sye furen do die Tyber auff wol zu der stat /
mit allē seinen gesind er do zu lande trat / nun
mgt ir hren wie er sein gesind pat / das si die
frawen lobesan / in grosse hut do nomen
Nun hrt wie er sprach zu der vil heren Fro=
nica got der hat erfullet vnser ger / was ich dir
hab gelobt des wil ich dich gewer / Seyt das
wir mit gesunden leyb seind kummen her / des
wil ich fraw dich het enpfan in also grossen
eren.
¶ Filosian der het vor pottē ausz gesant er liesz
die rmer wissen v thet in bekāt / v dz er wi=
der kumen wer ausz heyden landt / des freten
sich die Rmer do / v zogen ausz mit schalle.
Die gantz gemein iunck vnd alt der gantze rat
beleitten in mit grossen eren durch die stat bisz
das er furbasz auff des Keysers pruck ein trat /
er kert sich vmb vnnd sprach also / got danck
euch Rmer alle
Er trat do fur den Keyser so geschwinde / sein
plut erschrack do er den Keyser ane sach / nun
C ij
Bl. 49v
mgt ir hren wie gar trawrigklich er sprach
vil lieber herr mir ist gar leyd dein vngemach
doch pin ich des im hertzen fro / das ich dich
leben finde
¶ Der Keyser warff sein augen auff v plickt
yn an / er sprach pistus mein lieber freunt Filo
sian / wo pist du so lang gewesen mit deinen
dienstman / ich sprich pey meinē trewen zwar
nach dir was mir gar ange.
Er sprach edler Keyser herr das ist mir leydt /
ich hab auff dieser Reysz gehabt grosz arbeyt /
ich nem doch nicht das gut das alle welt hye
treyt / das ich als vil als noch ein iar / solt aus=
sen sein so lange.
Filosian was bringst du guter mere / Bist du
gesundt zu lande doch herwider kumen / hast
du erworbē deinen willen vns zu frumē / oder
hast du icht schaden dort dar von genumen /
bringstu den meyster also klar / mit deinen di=
eneren here.
¶ Ach neyn ich herr ich hab gelidtten grosse
not / Do ich dar kam die herschafft mir grosz
eer enpot / ich fragt nach im zuhant sie sprach
en er wer todt / die jden vnd Pylatus rat / die
hetten in getttet.
Nun sag du mir Filosian getrewer man / dye
Bl. 50r
meinen wort die solt du doch also versta / v
was hat er den jden dort zu leyd gethan / wes
was die schuld welch vbel that / hat sie darzu
gentet.
Nichts anders herr dan vmb sein gute lere Fi
losian weyst du icht oder hast vernumē / von
wem die sach vber in zu wegen sey her kumen
das sie dem gutten man sein leben han genu=
men / nun sag mir es vnd thu es drat / das ich
erfar die mere
¶ Zwar Herr die Jden gaben pylato all dye
schuld / gemeynlich junck v alt die heten sein
kein huld / vmb sein rechte leer enpfieng er do
grosz vngeduld / darumb so warn sie gemeyt /
dye Jden all gemeyne.
Nun sage mir Filosian getrewes vasz / was
thetest du Pylato widerumb das / auch den
jden vmb das sie iren neyd vnd hasz / han an
dem guten man geleyt die schnden vnd gar
vnreyne.
Jch pin betrbet warlich vmb die mere / Jch
bring Pylatum her gefangen all zuhand / ich
liesz in schmiden mit dē halsz vest an ein want
ich legt im an sein peyn von eysen veste pand /
vnd hab in bewart mit arbeyt / vnd bringt yn
mit mir here.
C iij
Bl. 50v
¶ Der Keyser sprach was soll der vngetrewe
hund / man soll in schnelle werffen in d' Tyber
grund / v soll ich siecher man nymer werden
gesundt / Das musz got in seinem reych / dort
ewigklich erbarmen.
Filosian kanst du mir finden keinen fund / ist
dir nit darumb wissenlichen oder kunt / war
mit er doch die siechen lewt machet gesundt /
kanst du mir einen Rat geleych / hie geben mir
vil armen.
Also das ich mein leben lenger friste / wa ich
des langen legers nymer werdt fro / v es die
leng vmb mich nit mag geweren do / ich musz
vergeen recht als ein fawles haber stro / vnd
das auff velden v in deych / do wirt zu eynē
miste
¶ Filosian des Keysers Rat zu essen lud / Er
sprach vil lieber Herr habt einen gutten mut /
nun hoff ich doch alle ewre ding werdē noch
gut / sollent ir gantz gelauben han / vnd haben
got vor augen.
Jch hab in einem schyff gebracht ein weyb so
schon / die hat ein tuch do stet des herren ant=
litz an / das sollen ir in hohen eren hie entpfan /
vnd solt das wirdig petten an / mit audacht
gar an schawen.
Bl. 51r
Jch satzt ir do mein trew zu einem pfande / v
als das sie do heymen het das liesz sie dort / sie
hat mir nach geuolget her auff meine wort /
ir werd gesundt / wlt ir daran gelawben fort /
ich hab sie pracht an argen wan / mit mir do
her zu lande.
¶ Der keyser sprach nun wo ist mein getrewer
rat / ist yemandt hie der lieb zu meinem dinst
hat / der lasz gepieten auff dem land v in der
stat / das sich die lewt all richten zu / mit Fan=
nen vnd mit kertzen
Man liesz gepieten in der stat vnd auff dem
land / das man solt petten / fasten / feyren all zu
hand / vnd sich die lewt all zyeren in ir pest ge=
wand / man solt das thon des morgē fr / mit
also reynem hertzen
Vnd es entpfahen gar yn grossen eren / er sey
begeben oder do pey vnbegeben / vnd das wir
alle gar nach gottes hulden streben / ich will
ym dyenen vnd die weill ich hab mein leben /
ich wil in al zeyt loben nun / furbasz vnd ymer
meren
¶ Des morgens kam vil volckes an des schyf=
fes port / sie sungen newes gesang das vor nye
was gehrt / Filosian v der trat in des schyf=
fes ort / er sprach Fronica lobesan / nun lasz dein
C iiij
Bl. 51v
kleynot schawen
Fronica die stund auff zuhant v was bereit /
v si het angelegt ir aller pestes klayt / si gieng
do hin do sie das kleynot het geleyt / sie zeyget
das gar wol gethan / dē manē v den frawē.
Sie nam das tuch zu iren peyden hendē Fro=
nica die was auch bereit aldo zuhandt / mit dē
Frsten so trat sie furbasz auff das landt / do
ward ir woll die aller grste eer bekant / v al=
le die es sahē an / die knietten auff dem sanden.
¶ Vil volckes das do kniet auff dem sande da
die sungen alle sambt misericordia / die man dy
giengen vor die frawen nach / beleytten sie v
kamen schier / hyn auff des Keysers veste
Filosian der danckt den Rmern vber al / vnd
mit der frawen trat er furbasz in den sall / vnd
do der Keyser ynnen lag in grosser quall / er
sprach nach ewers hertzen gyr / bring ich dye
liebsten geste.
do trat sie fur den keyser also linde / Feronica
do alleine vor dem pette stundt / das tuch legt
sie im auff das antlitz v mundt / do stundt d'
krancke Keyser auff v wardt gesunt / frlich
yn also zarter zyer / geleych eim iungen kinde.
¶ Der Keyser der stund auff vnnd kert von
sechen rost / er sprach Jesus du pist mein her
Bl. 52r
vnd trost / v der mich hie von krancken se=
chen hat erlst / den wil ich haben fur ein got /
furbasz vnd ymer mere.
Fronica stund auff vnd kndet gottes wort /
do es der keyser mit innigkeit gehrt / er sprach
ich will im warlich ymer dienen fort / nun sag
mir fraw an allē spot / was sein die seinen lere.
Das ich im mit fleyse mg gedienen / das pa=
ter noster ist das aller pest gepet / v last euch
tawffen v seyt in dem glawben stet / das sein
die ler die got seinen liebe jngern thet / dē sol=
let ir dienē also drot / damit schied si vō hinen.
¶ Der Keyser liesz sich tawffen vnd wart do
gesundt / er liesz Pylatum sencken in der Tyber
grundt / Darinnen so leyt er noch bisz auff die
hewtigen stund / Tyberius begund noch pasz
den christen glawben meren
Vespasianus wardt gewaltig in dem reych /
nach Tyberius tod lebet nit der sein geleych /
er het ein schweren prechen / vnd der im ent=
schleych / vnd wen der prech sich vben was /
sein frewd wardt sich verkeren
An seinē sechen was er ser verdorbē / pisz das
Filosian im pracht Fronica schon / v auch dz
tuch do stet des herrē antlitz an / do er gelaubt
er ward erlst vō seinē pa nun seind sie todt
Bl. 52v
in solicher masz / den preysz habens erworben.
¶ Der keyser lisz sich tauffen v gleaubt zu hāt
do im Fronica thet die rechtē ler bekāt/ darūb
der keyser het sein poten ausz gesandt / er sprach
ir herrē voller tugent / wir sollen got hie eren.
Dem selben Keyser wardt do all sein schwer
entwant / herr Vespasian
9
also was sein nam
genant / der selbig vil genaden an der frawen
fant / von dem sich vnsers herren iugent / dar=
nach thet ser meren.
Er het ein sechen was vor nye gehrt / Dye
websen wonten im vorn in der nasen sein / dar
von der Keyser layd so grosse schwere pein /
auff in wardt gelegt das edel tuch so reyn / die
websen ym ausz der nasen flugent / Das nest
wardt in verstret.
¶ Ein grosses zeychen an dem Keyser do ge=
schach / v do im got der herr genam sein vn=
gemach / Er kert sich vmb v knyet nyder v
sprach / gelobt seyest du mein herr vnd got / yn
deinem hchsten throne.
Der Keyser der stund auff v pflag vill guter
witz wie pald er hiesz die frawen zu im nyder
sitz / vnd fragt sie wan ir kumen wer das fron
antlytz sie sprach mir gabs mein herr yn not /
doch also recht so schone.
Bl. 53r
Do mā in furt in grossem leyde here / v d' do
thet nie kein sund noch missetat / die jdē fien=
gē in v prachtē yn in not / si schlugē in do an
ein Cretz do starb er drat / vnd das geschach
durch neyd u spot / v vmb sein rechte lere.
¶ Der keiser zu seinem pestē diener sprach / nun
weisz got wol das mir so leide nie geschach / er
sprach nun helfft mir rechē dieses vngemach
sie sprachē al das sol sein / vil edler keyser here.
Der grymig Keyser wolt der Reysz nit lengrr
peyt / mit vierhalbenthawsent Rmern gund
er sich bereyt / er zoch do hin vber das wilde
meer so preyt / Er sprach Hyerusalem so feyn /
ich wil dich vmme keren.
Jr schnden Jden habt an got geprochen /
Jr psen falschen hunde was gieng euch not
an / das ir verderbet habend disen guten man /
vnd der euch alle dingk schon machet vntter
than / Jr habt gettt den schpffer mein / das
bleybt nit vngerochen
¶ Der keyser wart in dē landt gar wol erhrt /
er stifftet in dē land do prennen v mort / vnd
was der jden waren wurdē all bethort / man
wag sie all gar gering / die jden vngehewre.
Die thrn vnd die stat aldo zerbrochen wart /
v was ir was den lag es in ntten also hart
Bl. 53v
die jden musten han ein grosse schwere fart /
des Keysers zoren nit vergieng / sein gut dye
was im schwere
Die vngunst teylt er mit in do fleyssig / Als yn
nun het sein syn vnd auch sein mut gelert / wie
got durch sie vmb dreyssig pfenning kauffet
wardt / do thet der Keyser nach der schnden
Jden art / er gab ir auch vmb ein pfenning
der schnden Jden dreyssig.
¶ Die Fronica behielt das antlytz wunnigk=
leych /wol vor dem Frsten gieng si do sicher
leych / v do sie furbasz kamē in das Rmisch
reych / wen es der Keyser plicket an / er sprach
wol mir der stunden.
Seyt das antlitz also grosse kreffte hat / Der
Keyser sprach wo ist nun mein getrewer rat /
nun west ich gern wie es vmb den leychnam
stat / sol ich dan vngerochen lan / sein marter
vnd sein wunden.
Der leychnam der bleybt nymer vngerochen
Tytus der Knig vnd Vespasianus auff der
fart Tiberi
9
der keyser der reysz nicht do spart
so das Hyerusalem drymal zu strt wardt /
kein stein bleyb auff dem andern stan / die stat
wardt gar zu prochen
¶ Tiberi
9
der keyser wardt erzrnet seer / schnell
Bl. 54r
v auch pald sprach er also zu seinem her fur
basz sollen sie habē nymer keine wer / also wur
den ir dreyssig geben vmb einen pfenning
V do des keysers mut also ergangē was mit
seinē herrē er do auff das wasser sasz / v zoch
do wider heim gen rom in sein palast v hetē
all froliches leben / mit mancher hande dinge.
Also ist der Keyser do gestorben / vnd durch
des willen des fron antlytz gen Rom kam /
man het es lieb durch Jesu christ den werden
sta / vnd noch hetiges tags die christen lo=
besam / got sol ir sel pflegen eben / den preysz ha
bens erworben.
¶ Der herren vil danckten dem waren got so
zart / vnd do das landt v auch die stat gewu
nen wart / v auch zustret als ein vngetreer
gart / nun dancket alle got so klar / in seynem
hchsten reyche
Des herrē antlytz noch aldo zu rome ist / wer
es mit innigkeit anrffet der genest / das vns
zu letzte liesz der ware Jesu christ / kein heyltum
findt mā nindert zwar / dz im do sey geleiche.
Darumb soll wir es pillich gern eren / v wen
wir hie an vnserem letzten ende ligen / v vns
der welre frede haben gar verzygen / v das
wir vnsern feinden allen obgesigē / das es vns
Bl. 54v
allen wider far / des helff vns got der herre.
¶ Wa vns got alle hat zu hoher eer erkorn /
darumb er wart vō einer reynē meyd geporn /
das er vns woll erlsen wir waren verloren /
durch vns er grosse marter leydt / des sey ge=
lobt sein name.
Der nit gelawbet hie an seine reyne wort / der
wirt gescheyden als den Jden geschahe dort
wa in darumb geschehē ist vil manich mort
der herr vō der jdischeyt / in grossen schmertz
en kame.
Wer ym des danckt mit innigkeit des hertzen
der ist selig als Jesus selber sprach furwar / do
er sein fronen leychnā gab sein iungern zwar
als offt ir das thut vnd gedenckt meines ley=
den gar / der wirt ewiger pein gefreyt / der mir
danckt meines schmertzen.
¶ Jch Regenpog ich man dich du vil zartter
got / der von deim angesicht hie wol gesungē
hat / ich pit dich herr vergib vns vnser misse=
tat / ein lawttere peycht ein ware rew / gib vns
vor vnserm ende
Dein warer leychnā vnser letzte speyse sey / v
mach vns herr vō grossen haubte sundē frey /
in allen nten so soltu vns wonen pey / v des
heyligen geystes trew / in vnser hertze sende.
Bl. 55r
Das wir erfullet werdē gottes lere / des pit ich
dich du suesser got du werder sta / der von
dem himel zu der reynen meyde kam / vnd fur
vns aller menschen sundt hie auff sich nam /
nach diesem leben vns vernew / vnser frewd
vnd ymmer mere. Amen
¶ Gedrūckt zu Nrmberg durch Wolffgang Huber. Anno 15 Xij