Bl. 1r
Ein lied von der Fronica wie sie von Jerusalen gen Rom ist kūmen Jn dem brieff don des Regenbogens.
Bl. 1v
O
Susser got nach dein gnadē stet me
begir send einen engel ausz dem hymel
her zu mir. das ich ein buch mit innikeit ge=
mache dir. das ich von deinem angesicht.
mug sprechen vnde singen.
¶ Wie das von Jerusalem hyn gen Rome
kam. v auch dem krācken Keyser schwere
seuchē nam. Fronica also kund ich euch des
buches stam ann gottes hylff vermach ich
nicht. das wirdig buch volbringen.
¶ Jn gottes namē ichs den leutē kunde Jn
gotes ere so heb ichs die lieder an. wer sie nū
hrt mit innigkeyt weib ader man. den mag
desselbē tages nyer leyd bestan. habes zu
got dem herrē pflicht vnd leben ane sunde.
¶ Die deinē gt die bit ich du vil zarter got
verleich mir herr ein klugen syn vnd weysen
Rat. das ich dich mg geloben got frue v
spat. v das ich auch dein antlicz herr. mit
freuden mg anschawen.
¶ O herr dein gt erzeigest vns gar manig=
falt. darumb soll wir dich loben beyde iung
vnd alt. das du vns herr auff erden hie liest
deyn gestalt. vnnd die beleyb in grosser ere.
Bl. 2r
die fronica der frawen.
¶ Herr gott das wir das buch volbringen.
Vnnd das do von gelobet werd dein susser
nam. dein angesicht vnd das ist also wune
sam. hilff herr das wir in deinem willē wer
den zam. bey dir in freudenn ymmermer. do
soll wir frolich singen.
¶ Zu Rom eyn Keyser gar gewaltigklichen
sasz. zerrissen vnnd zeruallen im seim pallast
wasz. darin so sach man wachssen nessel v
das grasz. sein fensterwerck was im zerstret
zeruallen vnd zerrissen.
¶ Der selbig kayser was Tyberius genandt.
nach d' Tyber die do fleust bey Rom durch
walhenlandt. dem dientē kunig fursten gra
fen all zu hanndt. nun ffen ich des buches
ort. das ir es solt hie wissen.
¶ Der hett ein seuchen mocht kein man ge=
pssen. Zwelff meyster waren all an im ver=
zweyffelt gar. den seuchen hett er vier vnd=
zweinczig iare zwar. ym leyb so was er faul
das sag ich euch furwar. er was auch lam
hab ich gehort. an henden vnd an fssen.
¶Der selbig kayser was so gar ein frummer
a ij
Bl. 2v
man / das seyt noch vor gen Rom halt nye
kein fruer kam / die stern vnd den mon die
sonnen bet er an / er liesz im machen ein abt=
got / von silber vnd von golde.
¶ Den liesz er setzē in den tempel auff ein stein
fur ander herren thet er ym grosz er alleyn /
vor dem abgot do stundē abtgter gemein /
der Keyser ym grosz ere empot / das er ym
helffen solde.
¶ Er kund in vor den seuchen nit ernerē Fur
war das sahen seine diener all nit gern / wan
sie mochten seines rats nit wol entperen / sie
sprachen all wer sol vns furbasz weyszheyt
lern / nun stirbt vns der keyser tod / des kund
wir nicht erweren.
¶ Zu Jerusalē do wart auch gekaufft eyn
meyd / sie wart gen Rom gfurt als vns die
schryfft sagt / die Rmer hettē sie vmb fre
de mer gefragt / wie es stund in der heyden=
schafft / vnnd in der iuden lande.
¶ Die mayd sprach ich sag euch alles dz ich
weysz / mich fieng ein Heyd vnnd furt mich
feyl do in dem kreysz got send ein edelen R=
mer durch seyns hertzen reysz / der mich lst
Bl. 3r
ausz iamers krafft / mit gelt v mit gewādt.
Jūckfraw die leng wl wir seyn nicht em=
peren / Nun saget vnns wie es stet inn dem
landes dort / was ir gesehen habt v was ir
habt gehort / dz wir dē Keyser sagten solche
gute wort / sagt vns wie lāg wart ir in haft
das wl wir hren geren.
¶ die iunckfraw sprach do von so het ich
vil zu sagen / wenn ichs bedenck so musz ich
aber do mer klagen in grosser ere bin ich ge=
wesen bey meinen tagē / nun musz ich hie ge=
fangen sein / gar eygen vnd elende.
¶ Nun wil ich euch die rechten warheit hie
veriehen / was grosser zeychen in dem lande
vil geschehen / als ye keyn man gehrt hatt
ader gesehē / das ist den iudē ein grosse peyn
das sie es nicht kunden wenden.
¶ Sie gend darauff wie sie es mchtē strē /
Sich hat ein newer glaub erhebt in dem ge
schlecht / darūb iuden v heyden wider ein=
ander fecht / vnd kunden des glauben eynes
wern nit mit recht / sagt vnns furbasz zart
iunckfraw fein / das wol wir gern hren.
¶ Sie sprach got hat den iuden ein meister
Bl. 3v
gesand. man spricht das er dar kummē sey
ausz kriechen land. wen er anrurt mit seiner
kunstenreichen handt. v ist er siech er wirt
gesundt. von seuchen hie auff erden.
¶ Mā spricht also das Jesus sey der namē
seȳ. er kan ausz wasser machē gutē planckē
wein. Pilatus spricht er sey dar kumen vber
rein. er ist gar lang|wol spricht sein mundt.
auch kan er gut geberden.
¶ Junckfraw die leng wl wir sein nit ver=
hengen. die iunckfraw sprach ein teil die hal
ten in fur got. ein teill der iuden treiben ausz
im iren spot. das drytteteyl das suchet eynen
falschen rot. v wie sie yn in kurczer stundt.
von seinem leben brengen.
¶ Sie sprachen iunckfraw wer die rede gēcz
lichen war. das wir das vor dē Keyser sag
ten offenbar vnd der ist siech gelegen hie vil
manig iar. ir wurdt vō aller sorg erlost. vd
kumbt in grosse ere.
¶Die iunckfraw sprach ich thu euch hie die
warheyt kund. ym volget nach einn grosse
schar zu aller stund. darūb das er der siechē
machet so vil gesund. sie werden al von ym
Bl. 4r
getrost die
da
volgen seiner lere.
¶ Sundt er vergibt das sag ich euch furwa
re. darumb so tragen ym die iuden grossenn
neyd. das er dem volck so vil der gutenn lere
geyt. ym volget nach ein grosse schar zu al=
ler zeyt. vnd was er vor dem volck do kost.
das ist war offenbare.
¶ Gar schier die red wol fur den kranckenn
keyser kam. do er in seinē bette lag siech vnd
lam. wie baldt er do von seynen Fursten rat
genam. wan er het gar stet bey ym. die bestē
Rmer alle.
¶ Sie sprachē was gebeuczt du Edeler Key
ser her. was ist dein will vnd was ist deines
hercenn ger. Filosian sprach Keyser du solt
wissen mer. nun sag vns herr ob vns zymbt
dein rat vnnd vns gefalle.
¶ Wir sein betrubet Keyser in dē reiche. dar
umb das zwelff meyster an dir verzweyffelt
han. v dir mit iren knsten seind all ab ge=
stan. des sind betrubt herr hie al dein dienst
man. kindt man vnd weyb herr das vernim
von vns allen geleyche.
¶ Der keyser sprach mir seyn gar frēde mer
a iiij
Bl. 4v
Geseyt / nun rat dar zu ob es euch sey lieb ad'
leyd / mir ist zu wissen das ein heydennische
meyd / sey kumē von der iuden land / die hat
man bracht gefangen.
¶ Von der so hab ich wunderliche wort ge
hort / Filosiann der nam die iunckfraw auff
ein ort / er sprach zu ir vil manche gute suesse
wort / iūckfraw ich bin zu euch gesand / des
last / euch nicht verlangen.
¶ Sagt mir iunckfraw ob ir den man nicht
kennet / Der in denn landen treybt so vill der
wūderreich / sie sprach ir edler Furst ich sag
euch sicherleich / auff erden hye so lebt keyn
man so kunsten reich / er ist den denn leutten
wol bekant / Jesus ist er genennet.
¶ Filosian der frewet sich der liben mer /
er sprach nun sagt mir zartte iunckfraw an
gefer / darnach stett gar sicherlych meynes
herczen ger / wo hat er solche wunder than
ader in welchem lande.
¶ Die meid die sprach ich sag euch edler herr
mein|zu Chana in dem dorff do thet er wun
der schein / do macht der herr ausz einē was=
ser guten weyn / er ist der aller weyste man /
Bl. 5r
sein kunst ist mancher hande.
¶ Zu Naym dort in der gallilea lannde / Do
was einer witwen sun todt v lag auff der
bar. der herr der kam gegangē zu den zeitten
dar. erwerckt in auff vō tod das sag ich euch
furwar. des was gar fro Filosian. v thecz
dem Keyser bekandt.
¶ Der keyser sprach ich klag euch allen hie
mein not. v das mich todten wil meyn ey
gen plut so rot. dz mich nit zu im nemen wil
der reine tod. des schrey ich hewt o we der
klag. vnd meiner grossen schwere.
¶ Do sprach zu im d' Edel Furst Filosiā. O
edler Keyser hr wir wissen einen man. der
ist mit seinen kunsten also wol gethan. wlt
ir in habē auff ein tag. er sol euch kumē here
¶ Nun wolt ir yn han er mag euch villeicht
werden. Die weyl ich mag gereytten farenn
ader geen. v mit gesundtē leyb auff meinē
fuessen steen. vind ich in dort ich wil in bittē
vnd auch flehen. das er mir nichcz versagē
mag. wes ich in bit auff erden.
¶Der Keyser sprach Filosian ich sag dir
danck. nun weyst du selber wol das ich bin
Bl. 5v
also kranck. vnd wolt dir nun die reyse wer=
den nit zu lang. das mir das leben wurd ge=
spart. byst du den meyster brechste.
¶ Filosian sprach keyser du solt nit verzagē
nun hr ich von ym also grosse wunder sa=
gen. er weckt auff die gestorben sein vor mā
gen tagē. das saget mir die iunckfraw zart.
ich such yn mit rechte.
¶ Filosian sprach die reysz die wil ich wagē
Jch wil erfaren die zeychen v sein geberdt.
er trstet alle die wer seiner hilff begert. wer
yn anrufft der lest er keynes vngewert. ich
wil mich richten auff die fart. ich will ynn
zwar erfragen.
¶ Mein lieber freundt. Filosian bysz nit czu
lasz. ich schwer bey meyner kron vnnd eren
thustu das. du solt vermugen ewigklichē
dester basz. gen mir alhie vnnd sal ich leben
vnd deine kynder alle.
¶ Filosian nym silber v dz rote golt. nym
edel stein v auch darczu dem reichen soldt.
sicz in eynn schyff nym alles das dein hercze
wolt. rosz vnde man mit paner schweben.
far hyn mit reichem schalle.
Bl. 6r
¶ Vnnd wilt du in suchen in der iuden land
Finst du in dort so bring mir in mit erē her.
du solt in vber geben nach seines herczē ger
ist yemādt in dem land v der im sey gefer.
du solt ym guten fride geben. bey leben vnd
bey hande.
¶ Nun ist er got so solt du yn auch betenn
an. wann du solt gebietten pfaffen frawen
vnde man. vnd allen Fursten das sie ym sein
vnderthan. das er sich genedigklich. woll
vber mich erbarmen.
¶ Filosian vernym die meinē wort gar eben
mit grossem schatz solt du in selber vber ge=
bē. hat er den tod verdient du solt in lassenn
lebenn. das sol du gebietten gar gleich denn
reichen vnnd den armen.
¶ So das er hie meyn leben mach gerechte.
Filosian vernym die meinē wort noch basz
ist yemandt in dem land vnd der ym sey ge=
hasz. du solt von vnser wegen auch verm=
gen das. das du yn treybest ausz dem reich.
mit alle seym geschlechte.
¶ Filosian d' furst v ausz erwelte helt. het
an des Keysers hoff die besten auszerwelt.
Bl. 6v
wol sechczig ritter wurden ym in ein schyff
gezelt / er liesz im laden einen kyll. mit gelt v
guter speysen.
¶ Der Keyser der was fro v er den herren
rieff / v wen ir kumbt hyn auff den wilden
wag so tieff / vnd des wil ich euch geben da
ein gutten brieff / ob man euch nit glauben
wil / die warheyt solt ir weysen.
¶ Mein paner gut sol ir frolich auff stecken
wer das ansicht das man euch wol gelau=
ben musz / v sagt ir dort vō mir den meynē
werden grusz / ich werd sein noch fro wrd
mir meyner seuchen bsz / ia vind man noch
der leut so vil / die ser wurden erschrecken.
¶ Filosian sasz in ein schiff v fuer vō dan
vnder seym panner het er mer dan hundert
man die ym do von dem keyser waren vn=
derthan der kyel hyn auff dem wasser flosz /
tieff auff der Tyber vnde.
V auff der reysz do was er wol ein gāczes
iar / ein winter v ein suer sag ich euch fur
war / bysz das er kam zu einē grossen schiffe
dar / er thet dem ancker eynen stosz / tieff inn
des meres grundt.
Bl. 7r
¶ Sie richten zu v furen do zu lande / Des
keysers fan wart auff gericht gar offenbar
die iuden v die heyden wurdē sein gewar /
vor grossem leyde raufften sie ausz part v
har / weib man vnd kind ir leyd was grosz /
vnd wunden ser ir hende.
¶ Die iuden die erschracken von des paners
schweben / ein boten liessen sie gen Jerusalē
ein strebē / d' tag was heylig das volck was
do heymen eben / der bot der rieff des keysers
fann / zu lande kummen were.
¶ Die iuden v die heyden hettē vor gehrt
wie von den Rmern solt werden yr ee zer=
strt / des waren sie von frewden grosz leyd
bekert / v Pilatus das besan / sein hertz kam
ym schwere.
¶ Sie richten zu als in grossen eren / Die iu=
den liessen ander ding do vnderwegen / mite
lobgesang so giengen sie in schon entgegenn
ein schar der ander weychen must do auff
den stegen / sie rufften alle weib vnnd man /
bysz wilkum Rmischer herre.
¶ Filosian der dancket schon den iuden do
mit zuchtigklichē mut v das er sprach also
Bl. 7v
nun danck ich got vnnd byn des ausz d' mas
sen fro. das wir seint hie ein ganczes iar. dz
musz wir alle reysen.
¶ Pilatus sprach ich hab es gar wol vernu
menn. wie das des keyserfan czu lande solte
kumen. er sprach des sol wir alle habē guten
frumen. weyb vnd kindt die leutte zwar. die
man wytwen vnnd weysen.
¶ Pilatus sprach ich frewe mich lieber mere
Jch hab gericht funffczehē iar in dyser stat
v auff dem land das mir nie kam des Key
sers rat. so nahent als er nun mit leib hie bei
mir gat. ich bin sein fro sag ich furwar. das
ir seyt kummen here.
¶ Filosian sie furten auf des keysers sal. die
iuden vnnd die heyden trieben reichen schal.
das es so weyt yn der grossen stat erhal. sie
dientenn ym in grosser not so recht gar key=
serleichen.
¶ Sie secten yn wol auff ein kusz was pfelle
rein. sie trugen in fur granat v den planck
en wein. ein gulden pecken das was voller
fingerleyn. die waren all von golde rot. vnd
von gestein so reychen.
Bl. 8r
¶ Filosian sasz auff dem stul v dachte. wie
das er des keysers schēck gryff weyszlich an
vor im do stunden auch wol mer dan Tau=
sent man. doch stundt vor ym des Keysers
auffgerichter fann. sie musten thun was er
gebot. die brieff er mit ym brachte.
¶ Filosian der nam Pylatū bey der handt
wilt wissen warumb vns der keyser hat ge=
sand. das wir seind kumen her in dyse frem=
de land. er last euch alle seer grussen. das yr
mich berichten.
¶ Die rmer vnd der Keyser haben wol ver
numen. sie hiessen vns her ziehen dem keyser
zu frumē. man sagt in dort wie das ein mey=
ster her sey kumen. der knd alle seuchē bus=
sen. vnd die mit wortten schlichten.
¶ Man spricht er kund die todten machē le
ben. Man sagt vns dort das Jesus sey der
name sein er kan ausz reinem wasser machē
plancken wein. wo findt ich yn nun sag du
mir den willen dein so wil ich dir des Key=
sers suessen. mit ganczen trewen geben.
¶ Pylatus der erschrack vnd kam yn grosse
not. vor leyd so wart er pleich|vor schrecken
Bl. 8v
wart er rot / er sprach vil edler furst warlich
der ist todt / vnd furwar so sag ich das / vnd
red das auff mein trewe.
¶ V des erschragk der edel furst Filosian /
er stūd v sach Pylatū also veintlich an / er
sprach wie mocht gesterben also eyn kunst=
lich man / auff yn so warff er grossen hasz
sein hertz kam ym in rewe.
¶ Vnd wie mocht also behender mēsch ster
ben / Vnd der die todten lewt kan machē wi
der leben / die lamen schlecht den plinden yr
gesichte gebē / pilate dise rede die soltu merck
en eben / bescheyde mich der mere basz / das
recht ist nicht dein erben.
¶ Pylatus sprach hrt iuden heydē vberal
die sich gesalt haben her auff dyesen sal /
der Furst der klaget vnsers herren Keysers
qual / er fraget mich vmb ein meyster klug /
der sey in dysen landen.
¶ Des hab ich in bericht gar in kurtzer frist
wie das der selbe meyster hye gestorben ist /
es ist auch war er het ynn ym gar scharffe
list / die kunst vnd die er bey ym trug / die wa=
ren mancher handen.
Bl. 9r
¶ Von seinem todt so wil ich gar nicht wis
sen. Herr Furst ir fraget auch die selbē iuden
do Annas. Cayphas vnd auch der Centu=
rio. die waren alle drey bey seynem todt gar
no. das man yn an ein kreutze schlueg. vor
not. die stein auff ryssen.
¶ Die iuden sprachen edler Furst Filosian.
habt gutten mut seit vnbekmert vmb den
mann. west yr die grossen vbel die er hat ge=
than. er hat vns bracht so gar zu nicht. mit
seyner newen lere.
¶ Filosian sprach wie kumbt das das er ist
todt. das wil ich warlich wissen hie an al=
len spot. yr Edler Furst do hat man yn ge=
kreutzigt tod. Pylatus het ein falsch gericht
vnd ander iuden mere.
¶ Der Furst d' sprach wie hat er das erwor=
ben. Das ir in habt mit nageln an ein kreutz
geschlagen. nun hab ichs nie gehrt bey al=
len meinen tagen. Pylate du solt mir die rech
ten warheyt sagen. ich wol doch wissen die
geschichte. war vmb er sey gestorben.
¶ Pylatus sprach herr Furst ich wil euch
sagē das. er machet die plindē gesehēt v dē
b
Bl. 9v
sichen basz. darumb in trugent zwar die iu=
den grossen hasz. sie suchten manchē falschē
syn. wie sie in wolten todten.
¶ Pylat
9
sprach herr Furst ich wil euch sa
genn mee. sie gabenn schuld er wer ein strer
irer ee. sie theten ym mit geysseln vnd mit be=
sen wee. das ich gericht sasz vber in. dz must
ich thun mit nten.
¶ Die iudē hetten vmb in ein gedinge. Cay=
phas der bracht seynen Junger einen an. dz
er verkaufft Jesum den vil guten man. vnd
der des todtes warlich nye keyn schuldt ge=
wan. er gab yn vmb ein kleyn gewyn. vmb
dreyssigk pfennige.
¶ Pylatus sprach herr Furst wolt ir hren
basz. die erste vrsach die kumbt her vō Cay=
phas. v auch vō seinem schweher Annas
wyssent das. die giengen dar auff alle zeyt.
wie sie in mchten fahen.
¶ Der herr d' kam geritten her an dem palm
tag. etlich empotē ym grosz eer als ich euch
sag. Cayphas mit dem gelerten falsches ra=
tes pflag. sie saelten sich nahent v weyt
vnd kamen ym so nahen.
Bl. 10r
¶ Am grndonerstag spat in einem garten.
Do wart der herr verraten v gegebē hyn.
von seynem iunger einem gar vmb klein ge=
wyn. sie kamen gar behende dar v fiengen
yn. sie ttten yn durch hasz vnd neyd. vnnd
schlugen in gar harte.
¶Filosian der sasz v wasz erzernet gar. er
sprach yr iuden nemt der red gar eben war.
erfar ich die warheyt als klein als vmb eyn
har. ich forcht es werde euch zuschwer. des
gib ich euch mein trewen.
¶ Pylatus der saget mir er wer ein frumer
mā. an seinē tod do was er gar vnschuldig
an. wann ir schryrt alle mit lautter stymme
Kreutzigen. nach seynē todt stundt all ewer
ger. das mag euch noch wol rewen.
¶ Habt euch mein trew es beleibet nit vnge=
rochen. Pylate v ir iuden habt ir recht ge=
than. das ir getttet habt hie disen guttenn
man. yn neyd vnd hasz vnd des er nie keyn
schuld gewan. vnd wirt der keyser ynn der
mer. ewer ee die wirt zerbrochen.
¶ Do trat her fur der iuden byschoff Cay=
phas Pylate richter warumb darstu reden
bij
Bl. 10v
das. das wir do vnsern neid v den grossen
hasz. soltē han auff den man geleit. das wil
ich dich bezeygen.
¶ Grossen gewalt thustu vns vor dē Furstē
frey. bey tag v nacht so was doch ye dein
wil dar bey. v was ich sag v das es gēcz
lich war sey. her Furst das sey euch geklagt
die schuld die was sein eygen.
¶ Er lebt noch |thet Pylatus streng gericht
Nun weysz ich wol das ich yn hret vnde
sach. das er was gottes sun als er do selbe
sprach. vnd er gar stettigklichen vnser feyer
brach. das hab ich dir gar dick geseyt. das
hieltestu fur nichte.
¶ Pylatus sprach herr Cayphas nun wist
yr wol do er dort stund sind ich die warheit
redē sol. das ir in sacht v das sein leib was
wunden vol. do wol ich yn leben lon. vnnd
Barrabam han getttet.
¶ Do rufft ir alle mit lautter stym als grosz
nun wysz pylate du bist nit des Keysers ge=
nosz. lest du den man so werd wir alle frew=
den plosz. das ich gericht must lassen gann.
darzu wart genttet.
Bl. 11r
Die iuden hettenn gar einn grosz gesprechet.
Jch sprach yr tttet eweren Kunig das ist
war. yr schryhet al nun hab wir keinen Ku
nig zwar. dan einen Rmischen Keyser sag
wir offenbar. dem wol wir wesenn vnder=
than. das halten vnser rechte.
¶ Filosian der Furst der was erzurnet sere.
er sprach v solt es kosten leib vnd gut vnd
ere. es musz gerochen werden glaubent mir
der mere. das ir all mit gleichem radt. habt
dysen man verderbet.
¶ Jr fuert in von pylato zu herodian. recht
samb er wer eyn thore v ein kauckel man.
die meyste menig spricht er hab kein vbel ge=
than. das wirt auff euch sag ich euch drat.
vnd auff ewre kind geerbet.
¶ Gelaubent mir yr must sein all entgelden
Weyb vnd man vnd al ewre kind die nach
euch kumen. die sollen dises todes nemē key=
nen frumen. v alle ewre ere vnd weyszheyt
wirt vō euch genumē. wen nach vil manig
iar hin gath. sein todt wir sich erst melden.
¶ Do trat her fuer d' alte Annas auff d' fart
er sprach mich wūdert das er was so woll
b iij
Bl. 11v
gelert. wan er doch vnser iuden also vil ver=
kert. das machet als sein falscher mund. mit
seiner zaubereye.
¶ Jch kent in wol sein vater was ein zyer
man. v auch sein muter die vns vmb den
lon hie spā auch so lasz er selber spen als ich
gedencken kan. er vber hub sich alle stundt.
der seinen gramatzeye.
¶ Mich vberwundert seiner scharffen liste
Er was ein meister v kunde in das gestirn
sehen. v allen wandel kunt er auch wol sel
ber spehen. er west das |was vō anbegenge
was geschehen. weysz vnd auch wort vnd
allen grund. der menschen er wol wyste.
¶ Der Furst der sprach ich sag euch vnd al
ewren geschlecht. hie beide Grafen Fursten
Ritter vnnd knecht. wie mcht ein man ge=
teylen ein geystliches recht. das ir eynen frū=
men man. solt ane schult verderben.
¶ Jr iuden ir werdt all bey recht gar wol be
liben. v het ir do die sach dem keyser zu ge=
schriben. vnd was der man vor ewrē augen
hat getriben. so dorfft man euch an argenn
wan. kein schuld darumb zu erben.
Bl. 12r
¶ Pylatus do kein schult nit habē wolte. die
iuden sprachen do her Furst hrt vns noch
basz. Pylatus sprach do er vber yn gericht
sasz. ich mag dich tten leben lassen hrstu
das. er liesz yn ser mit geysseln schlahen. das
er weyssagen solte.
¶ Nun hrt ir iuden ich hab Pylatum ge=
fragt. so bit ich euch das yr mir al die war=
heyt sagt. ich hab euch vnsers herrē keysers
not geklagt. die klag ich euch hie allen dar.
helfft mir das leyd ab keren.
¶ Der keyser v die iudē wissen das dar bey
wie das der meyster hie gar nahent bey euch
sey. nun saget mir wol von dem selben mey=
ster frey. daran thut yr mir liebe zwar. vnnd
ewrem rechten herren.
¶ Durch seinen willen so bin ich her kumen
Fund ich in hie so brecht ich in mit ern fort
vnd geschicht nun das so habt ir grosse ere
dort bring ich yn nit ich forcht ewer ehe die
werd zu strt. weyb vnd kind die leutte gar.
die nemen sein kein frumen.
¶ Zwen iunger sprachen herr die iuden he.=
ten rat. tag vnd nacht vnd alle zeit fru vnd
biiij
Bl. 12v
auch spat. wie sie in mchten bringen vmb
sein leben drat. das red wir wol auff vnser
eyd. er lernt vns also schone.
¶ Sie fiengen in v furtē in do fur Annas.
vnd im sein zarten leyb vonn plut was also
nasz. vor tages zeyt fuerten sie in fuer Cay=
phan. sie legten ym an ein purpur kleidt v
seczten ym auff ein krone.
¶ Die was gemacht vonn scharffen dornn
herte. Das im das plut vber sein zartes ant
licz flosz. Maria weynt ir iamer d' was all
so grosz. sie sprach den ich bekleydet hab dē
sich ich plosz. so gar in grossen herczen leyd.
in eines diebes geferte.
¶ Nun hort herr Furst wir wollen euch do
sagen mer. sie luden ym auff seinen ruck eyn
kreucz was schwer. das must er selber tragē
zu der marter her. daran schlugē sie in war=
lich. er wart daran gehangen.
¶ Sie hubē auff das kreucz mit einē grossen
schal. sie stissens nyeder in des steines klufft
zu tal. das im sein wunden ryssen auff gancz
vberal. vnnd er vergosz sein plut so reich. es
was vmb in ergangen.
Bl. 13r
Dar an leyd er dē tod mit grossem schmer=
czē. Longin
9
der ritter ym in sein seyttē stach
das im sein hercz do in des todes zil zerbrach
er ward gesehen christē glauben er veriach. er
sprach mein sund die rewen mich. vō gācz=
em meinem herczen.
¶ Die iuden die erschrackē von der red so ser
sie sprachē al genadt vns edler Furst so her
wol vō dem man so het wir dir zu sagē mer
wen wir dirs alles dorsten sagen. von man
cher hande schaden.
¶ Sie sprachē Edler Furst ob du es wollest
hrn. er thet die leut in allē landē ser betorn.
er sprach also er wolt vnserē tempel zerstorn
v den do wieder in dreyē tagē. auff richten
vnd auch machen.
¶ Den seinē tod hat er wol erworbē. Gelobt
sey gott wir han dar mit zu schaffen nicht.
Pylat
9
der sasz selber vber in gericht. Pylat
9
sprach ir iudē het euch vor pflicht. ir habt
in an ein kreucz geschlagē. daran ist er gestor=
¶ Pylatus sprach ir iuden redt was ⁌ ben
ir wolt. wann Cayphas der hat an ym die
grosten schuldt. du v dein schweher Aas
Bl. 13v
ward ym do nie holt. ir habt vil falscher list
erdacht. bisz das ir in gefienget.
¶ Vnd nach seim tod so gundt ir alle ser wer
ben Cayphas der sprach es wer besser iesus
solt sterben. Dan alle welt gemeynigklich hie
solt derben. ir quelt in wol ein halbe nacht
bysz ir zu gericht ginget kombt fur mich dz
ich euch richten soltte. Jr spracht er het die
leut kert vō Galilee. v het in ser geschlagē
ich sprach wz wolt ir mee. nun richt ich nit
ir furt in zu Herodes ee. wie schier ir in herwi
der bracht v fund an im kein schulde.
¶ Der furst der sasz in zorn sein farb die gunt
sich rten. die iuden stundē al vor ym in gro
sen nten. ach Edler Furst wir haben nye=
mant nit zu ttten. sie sprachen all weltliche
recht. die sein vns gar genumen.
¶ Pylat
9
sprach ir iudē habt ein solchē mut.
das ir laugent fur alles dz ir ye do thuet. nū
spracht ir doch vber vns so sol gien sein plut
vnd vber alles Judisch geschlecht. vnnd all
vnser nachkumen.
¶ Auff sein todt so wardt ir gar flyssen.
warūb gabt ir ewer gelt das er euch wardt
Bl. 14r
verrat. ich weysz doch wol in aller falschen
ir dz that. ir sprechet er het dem Keyser sey=
nen zynsz verpat. hie stet vil Ritter vnd kne=
cht. die vmb die sach wol wissen.
¶ Centuri
9
ein Ritter der stund auch do bey
Herr Furst nun wolt ir wissen wie es darūb
sey. der selbig man gab nicht des keysers zol
frey. die seynen mncz er gebot. das man sie
¶ Jr iudē ir wart al mit eern ⁌ solte gebē
augē plint. er sprach furwar er wer des wa=
rē gottes kint. er wz gewaltig stein vogel v
den wint. darumb kam er in grosse not. vnd
gieng ym an sein leben.
¶ Pylate nun gedencke wie du sprechest. Do
wir nun in der Sinagog gesaelt worn. v
do man vns zu samē lud mā schelt ein horn
darumb was deinē dienern ausz der massen
zorn. das sie yn brechten in den todt. vnnd
dich an ym gerechest.
¶ Pylat
9
sprach zuhandt ir Edlen Rmer
nun wendet von mir ewer veintliche beger.
v glaubt nit an der iudē rach so ser. ich bin
vnschuldig dz sprich ich. v schwer bey ew
¶ Do ym die iuden thetten ⁌ ren hulden.
Bl. 14v
grossen vngefug / mit geyseln vnd mit pesen
mā in ser schlug. ich fand an ym keyn schult
darumb ich mein hendt zwug. er stund vor
yn so yemerlich. den todt den must er duldē
¶ Sie kaufftē in darumb wart er verratē.
Sie schryen all vber vns so sol gen sein plut
darumb so halt ich das ir endt nicht werdt
gut. das sie dem herren beweysten grossenn
vber muth. des wil ich gar ver zeyhen mich /
die iuden es selber thaten:
¶ Symon ein burger redet laut ausz der ge=
meyn Pylate du wolst im doch helffen also
klein. du meinst du wolst an seinem tod vn
schuldig seyn. vnd das woll wir beweysen
schir. wie du es hast begangen.
¶ Dein mundt der kan wol schlichten vnd
machen schlecht. was du nit wollest thun
das hiestu deynen knecht. du meynest do du
habest ye gerichtet recht v do d' herre stūd
vor dir. gebunden vnd gefangen.
¶ Du woltest nun das recht gerichtet were
Vnnd wie sprachest du do got der herre nit
entsprach. do er die marter vnd den tod vor
im an sach. v im gewalt v grosses vnge=
Bl. 15r
mach geschach / noch grosser lieb hettest du
keyn gyr. du richtest ym gar schwere.
¶ Der edle mensch Lazarus her fur do trat
wie lieblich er die Rmer zuuernemen pat.
was got der herr wunders an mir begangē
hat. wan ich was todt nun hat er mir. das
leben wieder geben.
¶ Jr werdē Rmer last euch des nit ser ver
dunckē. ich lag vier tag v nacht in der erd
suncken. got nam mein sel ausz der heyssen
hellefuncken. zu meinem leib hat er sie schir
geschicket wieder eben.
¶ Wie mocht ich das schweigē v duldē
Seyd das vil hie seyn die all die warheyt ye
hen. die es mit iren augen haben angesehen
was got der herr der zeychen liesz an mir ge
schehen. des herrē gt v sein begir. das an
mir haben wolden.
¶ Pylate dise red hastu gar wol gehrt. wie
man dich vber zeuget hie mit rechtem wort
das du henget hast dē vber schwerē mort
des must du heut an disem tag. des Keysers
sein gefangen.
¶ Nun nemt pylatū hin gefangē do zuhād
Bl. 15v
vnnd legt ym an seyn pein von eysen starcke
bandt. vnd mit dem halsz so schmidt in vest
wol an ein wandt. das er mir vō dem leych
nam sag. darnach ist mein belangen.
¶ Jst yemāt hie der weisz wo er ist begrabē
der weyse mich do hyn entlichē zu der stund
dem wil ich geben mer zu lon dan tausendt
pfundt sein pests dz wil ich werbē v bleyb
ich gesundt. von mir sol er gar ane klag. des
Keysers hulde haben.
¶ Joseph v Nicodem
9
sprachē beyd also
O edler Furst last ewren zorn weset fro. wir
wollen euch noch heut bringen also no. do
wir den leib begraben han. mit wird in ho=
¶ Vnd wir wundē yn in zēdel ⁌ hen eren.
zu der stundt wir kaufften salben mere dan
fur hundert pfundt. gar wirdigklichen thet
wirs seinem leib kunt. das sahen wol sechs
Ritter an. die mochten das nit weren.
¶ Von in der herr ist mit gewalt erstanden.
Vnd do ausz dem grabe trat der werde de=
gen. do hub er auff sein handt v gab in sein
en segen. sie lagen al v kundē sich do nicht
geregen. er schied vō in v trug den fan. yn
Bl. 16r
seyner lyncken hande.
¶ Der edel weyse Lucas v auch Cleophas
bezeugten alle beyd mit einer stie das. wir
wissen das der herre bey vns was. in einem
gaden. er vns fand. die thr wz beschlossen
¶ Do ging der herr mit vns ausz auff eynen
wag. alle samet redten vō ym nit zu treg. vō
seiner marter er mit vns zu reden pflag. dar
von wardt vnser hercz verbrant. wir warē
vnuerdrossen.
¶ Wir batē in dz er solt bey vns bleybē Er
bleyb bey vns vnd nam das brot do in sein
handt. er gesegent es vnd brach es er ward
vns bekandt. vor vnsern sichtigklichē augē
er erschwant. das nem wir auff vnser sel v
¶ Nun hrt Herr Furst noch w

llē ⁌ leibe
wir euch sagen mee. vns waren leutte kumē
her von Galilee. die sahen in zu hyel faren
ane wee. darūb das er vns alle trst. er zoch
sich auff gar hohe.
¶ Zwen Engel sprahē vō dem hyel do zu
handt. ir man vō galilee sagt was ist ewer
standt. das ir auff seht wir haben genumen
das hchste pfandt. darūb das er euch hat
Bl. 16v
erlost. wol vō der teufel trohe. Vnnd das ist
war ob er vns das glaubet. Nach seiner vr
stendt ist er vns zu hylffe kūmē. darumb so
schuff er seynen willen vns zu frumen. dem.
teufel hat er alle seine krafft benumen. erl

st
vns ausz d' helle rost. die hat er gar beraubet.
¶ Der furst der reysz ab sein gewant vor gro
sem zorn. er schrey awue das ich auff erd ye
wart geborn so ich die weyte reysz also hab
verlorn. das klag ich gott in seynem thron.
dem hochsten got so frone. Er rufft awe dz
mich mein mutter ye gebar. nun bin ich ausz
gewesen lenger dan ein iar. ich forcht daz ich
mit eren nymer kome dar. sol ich also verlo=
ren han. die Keyserlichenn krone. Des musz
ich woffen in den hyel schreyn. Vnnd das
die iuden han verderbt den man so rein. vnd
dē wir Romer gar mit ganczē trewe meyn.
das must ir iuden vber tausent iar beweyn.
ir v die kynt her abrahā. ir eygē v ir freyē.
¶ Longin
9
ein blinder Ritter der do gesehēt
wart d' sprach ir Edler Furst ich weysz euch
auff die fart. ich weysz ein armes weyb das
ist von Edler art. die hat ein tuch do stet an
Bl. 17r
des herren angesicht. Das hab ich wol bey
ir gesehen manich stund. sie geb es nit vmb
ein land noch v tausent pfund. wer es an
sicht v ist er siech er wirt gesund. wil sie es
selber gern han. so nembt ir irs mit nichte.
¶ Herr ob ir wolt ich wil ir botē sendē Jch
bitt euch vor|last ir geschehen keyn gewalt.
nū weystz ich wol frōica die hat sein gestalt.
glaubt mir furwar es hat keyns menschen
handt gemalt. ir solt ir das mit willen lan.
vnd sie darmit nit pf
e
nden.
¶ Der Furst sprach Longinus ich dāck dir
guter mer. lasz behennd die frawe fur mich
kummen her. ich wil dir volgen alles nach
deins herczē ger. ir sol kein vngemach ergan
des gib ich dir meyn trewe. Gar schyr eynn
schnelle botte do wart ausz gesandt. v das
die frawe zu dem Fursten kam zu handt der
selben frawen nam was Fronica genant. do
sie d' furst do blicket an. seyn freud die wart
ym newe. Der Furst begund ir dise wart ver
kunden. Fronica mir hat gesagt ein edelman
du habest ein tuch do stet des herren antlicz
an. das gib du mir ob ichs v dich verdien
c
Bl. 17v
en kan. mit allem meinem gut so schon. vnd
mit allen meinen freunden.
¶ Fronica die erschrack v kam in grosz ar=
beyt. das er sie vmb das antlicz bat das wz
ir leyt. sie laugent ser dar fur mit ganczer vn
derscheyt. der Furst d' ruff so wardt mir nye
auff erd die weyl so lange. Fronica nun ver
nym die meinē wort gar eben. ich mag dich
tdten wil ich ader lassen leben. v wilt du
mir nit mit lieb dise kleinot gebē. so must du
dich fur eygē ye. v geben mir gefangē. Fro
nica sprach ee lasz ich mich verderben. Auff
dein droē ich ein kleine sorge hab. nun weysz
ich wol dz mirs me liber herre gab ich wilsz
behaltē bysz dz ich kūme  me grab. ich hab
zigē mich alhie. frund landes v der erbē.
¶ Der Furst der sprach Fronica nun glaub
du mir. wz ich dir hie gelob dz wil ich halten
dir. ich wil dich bringen an die aller hochstē
zier. so sie ye wardt an geleydt. das Ysrahe=
lysch geschlechte. Er sprach Fronica nym
mit dir dein pests gewandt. sicz in ein schiff
vnd zeuch mit mir do zu handt. ich wil dich
bringen in das aller beste Land. dir sollen die
Bl. 18r
nen bysz gemeyt. die Ritter vnd knechte.
¶ Also das ich etwas zu lande brenge. Froni
ca nun nym gar recht ich wil dir sagē. die
meinen wort die lasz dir also wol behagenn.
wilt du mit mir darumb darffest du niemāt
fragen. so mache dich gar schier bereyt. vnd
sawm dich nit die lenge.
¶ Sie sprach vil Edler Furst ich thu euch
sorgē bsz. get mit mir armē frawē heym lieb
lich vnnd susz. mit all ewrem volck wllen
vnnd parfusz. vnnd helfft mir es entpfahen
schon. mit wirden hie auff erden. Er sprach
zu ir es sol geschehen do zuhandt. wol in der
weysen boten wuren ausz gesandt. wol in d'
stat v vor dē thor v auff dē lant. die iudē
heydē ritter dan. auff rossen v auff pferdē
¶ Sie zohē hyn mit einem schnen gesange
Sie het das tuch in eyner laden in dem stro
do es der Furst an sach er wart vō herczenn
fro. zu alle seinē volck er do sprach also: wol
her ir liebē dienstmā bewart sie vor gedrāge
¶ Die iuden v die heydē hetten das hausz
vmb rungen. mit lauter styme sie wieder eyn
and' sungen. v sich die esel mit den meulern
c ij
Bl. 18v
ser drungē. v das die rosz an allen spot. vō
schweysz do wurden nasse Die heyden sun=
gen in yr weysz misseleus. die iudē mit einan=
der sungen Judicus. die Edel frawe sprach
nun bysz gegrust Jesus. der hyel v erd er=
schaffenn hat. in rechter zirckel masse. Sie
zeyget es also mit hohē eren. Das tuch was
viercket leinen vnd weysz. Der Furst viel ni=
der zu d' erden kreuczweysz. er sprach wol do
das seyn gebet mit ganczem fleysz. er sprach
genad mir herr mein got. ein schpffer aller
¶ Der furst liesz gebietē das sie stygē ⁌ herrē
von den pferden v solten knyen all gemein
lich zu der erden. v solten ym helffen an bet
ten den vil werden. v den die iuden mit ge=
walt. hetten lesterlich verderbet. Fronica
die nam do in yr handt das tuch. mit hohē
eren sie es zu dem schiffe trug. Filosian der
thet den iuden einen fluch. er sprach ir iuden
iunck vnd alt. Jr all darumb noch sterbet
baldt
¶ Er nam pylatū selber do gefangē Er liesz
yn furen an einer kettē als ein hundt. vol vn
keusch was im sein nasz v auch sein mūdt.
er liesz ynn schnelle werffenn in des schyffes
Bl. 19r
grundt. er liesz sie an schmiden gar bald. gar
vest an eysen stangen.
¶ Der Furst der schied vngesegent von iudē
dan. er nam mit ym die seinen willen hetten
thon. pylatum vnd die gute fraw Fronicā
sie furen den achtē tag schon. sie zu d' Tiber
kamē. Sie furen do die Tiber auff wol zu d'
stat. mit alle seinē gesinde er do zu lāde trat.
nun mgt ir hren wie er sein gesind bat dz
sie die fraw lobesan. in grosse hut do nomen
¶ Nun hort wie er sprach zu der vil heren.
Fronica got der hat erfullet unser ger. was
ich dir hab gelobt des will ich dich gewer.
seyt das wir mit gesundē leyb seynd kumen
her. des wil ich fraw dich heut entphan. in
also grossen eren.
¶ Filosian der het vor boten ausz gesandt er
liesz die Rmer wissen v thet in bekā. vnnd
das er wider kumen wer ausz heyden landt
des freuten sich die Rmer do v zogē ausz
mit schalle v die gācz gemeyn iunck v alt
der gancze Rat. beleyten in mit grossen eren
durch die stat. bysz das er furbasz auff des
Keysers brck ein trat. er kert sich vmb vnd
c iij
Bl. 19v
sprach also. got danck euch Rmer alle
!
¶ Er trat do fur den Keyser so geschwinde
Sein plut erschrack do er dē keyser an sach.
nun mgent ir hren wie gar traurigklich er
sprach. vil lieber herr mir ist gar leydt deyn
vngemach. doch bin ich des ym herczē fro.
das ich dich leben finde.
¶ Der keyser warff sein augē auff v plickt
yn an. er sprach bistus mein lieber freunt Fi=
losian. wo bist so lange gewesen mit deynen
dienstmā. ich sprich bey meynē trewē zwar.
nach dir was mir gar ange. Er sprach ed=
ler Keyser herr das ist mir leyt. ich hab auff
dyeser Reysz gehabt grosz erbeyt. ich nem
doch nicht das gut das alle welt hie treyt.
dz ich als vil als noch ein iar. solt aussen sein
so lange. Filosian was bringstu guter me=
re. Bist du
g
esundt zu lande doch herwider
kumen hast du erworben deinē willē vns zu
frumē. ader hast du icht schadē dort do von
genumē. bringstu den meyster also klar. mit
deinen dienern here.
¶ Ach neyn ich herr ich hab gelidten grosse
not. do ich dar kam die herschafft mir grosz
Bl. 20r
ee enpot. ich fragt nach im zuhāt sie sprach
en er wer todt. die iuden v pylatus rat. die
hetten in gettet Nun sag du mir Filosian
getrewer man. die meinen wortt die solt du
doch also verstan. v was het er den iuden
dort zu leyd gethā. wes wz die schuld welch
vbel that. het sie dar zu genttet. Nichtz
e
anders her dan vmb sein gute lere. Filosian
weyst du icht ader hast numen. von wem
die sach vber in zu wegen sey her kumen. das
sie dem guten man seyn leben han genumen
nun sag mir es v thu es drat. das ich erfur
die mere.
¶ Zwar herr die iuden gaben pylato all die
schuld. gemeinlich iunck v alt die hettē sein
kein huld. vmb sein rechte ler entpfieng er do
grosz vngeduld. darūb so warn sie gemeyt.
die iuden alle gemeyne. nun sage mir Filosi=
an getrewes vas was thetest du pÿlato wi=
derumb das auch den iudē vmb das sie irē
neyd v hasz. han an dē gutē man geleit die
schnden v gar vnreyne. Jch bin betre=
bet warlich v die mere. Jch bringt pilatū
her gefangē all zu hant. ich liesz in schmyden
ciiij
Bl. 20v
mit dem halsz vest an ein wandt. ich legt im
an sein pein vō eysen veste band. v hab yn
bewart mit arbeit. v bring in mit mir here
¶ Der Keyser sprach was sol der vngetre
hund. man sol in schnelle werffen in d' Tiber
grund. v sol ich siecher man nymer werdē
gesund das musz got in seynem reych. dort
ewigklich erbarmen. Filosian kanst du mir
finden keynen fund. ist dir nit darūb wyssen
lichē ader kunt. warmit er doch die siechen
leut machet gesundt. kanst du mir einē Rat
geleich hie gebenn mir vil armenn. Also das
ich mein leben lenger friste. Wan ich des lan
gen legers nymer wirde fro. vnnd es die leng
vmb mich nit mag gewerē do. ich musz ver=
geen recht als ein faules haber stro. v das
auff veldē v in teych. do wirt zu einē miste.
¶ Filosian des Keysers Rat zu essen ludt. er
sprach vil lieber herr habt einē gutē mut. nū
hoff ich doch alle ere ding werdē noch gut
sollent ir gācz gelaubē han. v habē got vor
augen. Jch hab in einē schyff gebracht eyn
weyb so schon. die hat ein tuch do steet des
herrē antlicz an. das sollē ir in hohen erē hie
Bl. 21r
entpfan / v solt dz wirdig betten an. mit an=
dacht gar an laugen. Jch sact ir do meynn
trew zu einem pfande V als das sie do hey
mē het das liesz sie dort. sie hat mir nach ge
volget her auff meyne wort. ir wert gesundt
wlt ir darā gelaubē fort. ich hab sie bracht
an argen wan. mit mir her zu lande.
¶ Der Keyser sprach nū wo ist mein getreu=
er rath. ist yemant hie die lieb zu meinē dinst
hat. der lasz gebitten auff dem land v in der
stat. das sich die leut al richtē zu. mit fannē
v mit kerczē Man liesz gebietten in der stat
v auff dem land. das man solt betē
t
fastē
feyrē al zuhand. vnd sich die leut al zyrē in ir
best gewand. man solt das thun des morgē
fru. mit also reinem herczē. Vnd es entpfahē
gar in grossen eren. Er sey begebē ad' do bey
vnbegebē. vnd das wir alle gar nach gottes
hulden streben. ich wil ym dienē v die weyl
ich hab mein lebē ich wil in alzeyt lobē nun.
furbas vnd ymmer meren.
¶ Des morgens kam vil volckes an des schi
ffes port. sie sungē news gesangg das vor nie
was gehort. Filosian v der trat in des schy
Bl. 21v
fes ort. er sprach Fronica lobesann. nun lasz
dein kleinot schawē. Fronica die stund auff
zu hāt v was bereyt. v sie het angelegt ir
aller bestes k
l
eyt. sie gieng do hyn da sie das
kleynot het geleyt. sie zeyget das gar wol ge=
than. den manen v den frawen. Sie nam
das tuch zu iren beyden henden. Fronica die
was auch bereyt aldo zuhādt. mit dē Furstē
so trat sie furbas auff das landt. do wardt
ir wol die aller groste eer bekannt v alle die
es sahen an. die knieten auff dem sanden.
¶ Vil volckes das do kniet auff dē sande da
die sungen alle sambt misericordia. die man
die giengē vor die frawen giengen nach. be
leytten sie v kamen schir. hyn auff des key=
sers veste. Filosian der danckt den Rmern
vber al. v mit der frawen trat er furbas in
den sal. v do der Keyser innē lag in grosser
qual. er sprach nach ewers herczē gyr. bring
ich die liebstē geste. do trat sie fur denn key=
ser also linde Fronica do alleyne vor dem pe
te stundt. das tuch legt sie ym auff das ant=
lycz v den mundt. do stundt d' krancke Key
ser auff vnd wardt gesundt. frolich in also
Bl. 22r
zarter zyer. geleych eym iungen kynde.
¶ Der Keyser der stund auff vnnd kert von
seuchen rost. er sprach Jhesus du bist meyn
herr v trost. Vnd der mich hie vō kranckē
seuchen hat erlst. den wil ich habē fur eyn
got. furbasz vnd ymer mere. Fronica stundt
auff vnd kndet gottes wort. do es der Key
ser het mit ynnikeit gehort. er sprach ich wil
ym warlich ymmer dienē fort. nun sag mir
fraw an allen spot. was sein die seynen ler.
Das ich ym mit fleysz mge gedienen. Das
pater noster ist das aller best gepet. vnd last
euch tauffen v seyt in dē glaubē stet. dz sein
die ler die got seinē liebē iungern thet. dē sol=
let ir dinē also drot. do mit schiet sie vō hinē
¶ Der Keyser liesz sich tauffen v wart do
gesundt. er liesz pilatū senckē in d' Tiber grūt
darinnē so leit er noch bysz auff die heutigen
stundt. Tyberius begundt noch basz. dē Cri
sten glaubenn meren. Vespasianus wardt
gewaltig in dem reych. nach Tyberius tod
lebet nit der sein geleych. er hett ein schwern
brechē v der ym entschleich. vnnd wen der
brech sich ben was. sein freud wardt sich
verkerenn. an seinenn seuchē was er ser ver=
Bl. 22v
dorben. Bysz das Filosian ym bracht Fro=
nica schon. v auch dz tuch do stet des her=
ren antlicz ann. da er gelaubet er wart erlost
von seynem pan. nun seind sie todt in sollich
er masz. den preysz habens erworben.
¶ Der Keyser liesz sich tauffen v glaubt zu
hāt. do ym fronica thet die rechtē ler bekant
darumb der Keyser hett sein botten ausz ge=
sant. er sprach ir herren voller tugenth. wyr
sollen got hie eren. Dem selben Keyser wart
do al sein schwer entwāt. herr Vespasian
9
also was sein nam genant. der selbig vil ge=
naden an der frawē fant. von dem sich vn=
sers herren tugent. darnach thet ser meren.
¶ Er het ein seuchenn was vor nye gehort.
Die websen wontē ym vorn in d' nasen sein.
dar von der Keyser leydt so grosse schwere
peyn. auff in so wardt gelegt das edel tuch
so reyn. die webssen ym ausz der naszen flu=
gent. das nest wardt yn verstret.
¶ Ein grosses zeychē an dem Keyser do ge=
schach. vnd do ym got der herr genam sein
vngemach. Er kert sich vmb v knyet nid'
vnnd sprach. gelobt seyst du mein herr vnd
Bl. 23r
got. in deinem hchstenn throne. Der Key=
ser d' stund auff v pflag vil guter wicz wie
bald er hiesz die frawe zu ym nieder sicz. vnd
fragt sie won ir kumen wer das fron antlicz
sie sprach mir gabs mein herr in not. doch
also recht so schone. Do man in furt in gros
sem leyde here. v der do thet nie keyn sund
noch missetat. die iuden fingen in v brach
tē yn in not. sie schlugen in do an ein Creucz
do starb er drat. v dz geschach durch neid
vnd spot. vnd vmb sein rechte lere.
¶ Der Keyser do zu seynem bestenn diener
sprach. nun weysz got wol das mir so leyde
nie geschach. er sprach nun helfft mir rechen
dises vngemach. sie sprachē alle das sol sein
vil edeler Keyser here. Der grymig Keyser
wolt d' Reysz nit lenger beyt. mit vierhalb=
tausennt Rmernn gundt er sich bereyt. er
zoch do hyn vber das wilde meer so preyt.
er sprach Jerusalē so fein. ich wil dich vme
keren. Jr schnden iudenn habt an got ge=
brochen Jr bsen falschē hunde was gieng
euch not an. das ir verderbet habent dysen
guten man. vnnd der euch alle dingk schon
Bl. 23v
machet vnter than. ir habt gettt dē schp
fer mein. das bleybt nit vngerochen.
¶ Der Keyser wart in dem lādt gar wol er=
hort. er stifftet in dem land do prennen vnd
mort. vnd was der iuden waren wurden all
bethort. man wag sie alle gar gering. die iu=
den vngehewre. Die thrm vnd die stat all
do zubrochen wart. v was ir was den lag
es in nten also hart. die iuden musten han
eyn grosse schwere fart. des Keysers zorenn
nit vergieng. seyn gt die was ym schwere.
¶ Die vngunst theylt er mit yn do fleyssigk.
Als in nun het sein sin v auch sein mut ge=
lort wie got durch sie vmb dreysig pfening
verkauffe ward. do thet der Keyser nach d'
schnden iuden art. er gab ir auch vmb ein
pfening. der schnden iuden dreyssig.
¶ Die Fronica behielt das antlicz wunnig=
klich. wol vor dē Furstē gienge sie do sicher
lich. vnnd do sie furbas kamē in das Rm=
misch reych wen es der Keyser plicket ann.
er sprach wol mir der stundenn. Seyt das
antlicz also grosse krefft hat. d' keyser sprach
wo ist nun meyn getrewer Rhat. nun west
Bl. 24r
ich gern wie es vmb den leychnam statt. sol
ich dan vngerochen lan. sein marter v sein
wundenn. Der leychnam der bleybt nymer
vngerochen. Titus der Kunig v Vespasi=
anus auff der fart. tiberius der Keyser der
reysz nicht do spart. so dar Jerusalem drey=
mal zu stort wardt. keyn stein bley auff dem
andern stann. die stat wardt. gar zu brochen.
¶ Tiberius der Keyser wardt erzrnet seer.
schnell vnd auch bald sprach er also zu seinē
her furbasz sollē sie haben nymer keine wer.
also wurdē ir dreysig gebē v einē pfeninge
¶ Vnd do des Keysers mut also ergangenn
was. mit seinen herrē er do auff das wasser
sasz. v zoh do wider heim gen rom in sein
pallast. vnnd hetten all frliches leben. mit
mancher hande dinge. Also ist der Keyser
do gestorbē. Vnd durch des willē das fron
antlicz gen Rom kam. mā het es lieb durch
Jesu crist den werdē stam. v noch hetig
es tags die Cristē lobesam. got sol ir sel pfle
gen eben. den preysz habens erworben.
¶ Der herren vil dancktē dem waren got so
zart vnd do das landt vnd auch die stat ge=
Bl. 24v
wunē wart. v auch zustrt als ein vntreu
er gart. nū dācket alle got so klar. in seinē hg
sten reiche. Des herren antlicz noch aldo zu
Rome ist. wer es mit inigkeit anruffet d' ge=
nist. dz vns zu leczte liesz d' ware iesu crist. kein
heyltū findet mā nindert zwar. dz ym do sey
geleich. Darū sol wir es billich gern erē. Vnd
wē wir hie an vnserē lecztē ende ligē v vns
d' welte freude habē gar zigē. v dz wir vn
sern veindē allē obgesigē. dz es vns allē wid'
far. des helff vns got d' herre
¶ Jch regēbog
ich mā dich du vil zarter got. der vō dem an
gesicht hie wol gesungē hat. ich bit dich herr
gib vns vnser missetat. ein lautere beicht e
ware re gib vns vor vnserm ende. dein wa
rer leichnā vnser leczt speise sei. v mach vns
herr vō grossen haubt sundē frey. in allē n=
ten so solt du vns wonē bey. v des heyligē
geystes tre. in vnser herczē sende. Dz wir er=
fulet werdē gotes lere. Dz bit ich dich du sus=
er got du werd' stā. d' vō dē hiel zu d' reynē
meide kam. v fur vns aller mēschē sund hie
auff sich nā nach disez lebē vns ne. vnser
freudt vnd ymer mere. Amen.
de Lombardicā
hostl
Legēda. Lj. g.