Bl. 43r
Dis ist fronica buch
S
Vszer got aller diner gnaden
bin ich begir
/
Sende von hymel
einen engel her zu mir
/
Daz ich ein buch
mit ynnekeit gemache dir Vnd wol von
diner angesichte moge sprechin vnd
singen
/
Wie die von Jherusalem hyn gein
rome qwamen
/
Vnd eyme swachen keẏser
sucht benam
/
Veronica so nennē ich des
buches stam
/
Det mir got sin hulffe nicht
So mochte ichs nit follenbrengen /
Got zu erin wil ich iz den luden konden
Jn syme namē hebe ich diese lieder an
Wer is mit ynnekeit horet frauwen oder
man
/
Dem mag iz des selbin dages nit
wol mysselingen
/
Vnd habent sie zu gode
pliecht Vnd hudent sich vor sunden
¶
Vmb dine gnade bit ich dich zarter got
Daz du mir gebist clugen sin vnd wysen
rat
/
Daz ich dich moge geloben an aller
stat
/
Vnd auch daz wir din antlicze her
mit freuden ane schauwen
/
Erzeyge
vns dine gnade herre manigfalt
/
Dar
Bl. 43v
vmb so sullen wir dich loben billich
jüng vnd alt daz du vff erden hast
gelaszin din gestalt die da bleip mit
groszen erin fronica der frauwen /
Nu hilff herre got daz ich daz buch
follenbrenge vnd daz gelobet werde
din werder name / Vnd din antlicze
daz ist also wonnesam / Daz wir daz
selbe werden schauwen ane / Dort mit
freuden mermere / So wil ich frolich
singen /
¶
W
ie ein keyser geweldeclich zu rome
sasz / zu riszen vnd zu fallen ist ym sin
palas / Dar yn so sicht man wahszen
neszeln vnd grasz Sin finsterwerg ist
ym zu storet sin palas ist zu fallen
D
er selbe keyser
T
yberius waz sich ge-
nant / Noch der tyber die da fluszet
durch Walen lant / Konige forsten gra-
fen dienten ym zu der hant / Hie ich
uch vffen des buches ort / Daz ir iz
moget gewiszen /
D
er selbe keyser
hatte ein suchte die konde em nẏmant
Bl. 44r
gebuszen / zwolff meyster waren alle an
ym vorzwyfelt gar / Die suchte hatte
er an ym gehubet vier vnd zwenczig
Jar / Er was fule ym lybe daz sagen
ich uch vorwar
/
Er was lam ich singē
fort an henden vnd an fuszen
¶
D
er selbe keyser waz sich gar ein
fromer man / Daz sijt noch vor kein
wyser heyden keyser gein rome me in
qwam /
S
onne vnd mone vnd auch
die sterren die bette er an / Er liesz
em machen eynē aptgot von sylber
vnd von golde /
D
en liesz er seczin in
den tempel vff einen stein vor andern
fursten det er ym groszen dinst allein
vor dem lamē konige da stunden vier
aptgode gemeyn /
D
er keyser ym grosz
ere erbot daz er ym helffen sulde / Er
kunde yn von der suchte nit ernerin
Daz sahen alle sine romer gar vngern
Sie mochten sines rades nit gar wol
enbern /
S
ie sprachen wer sal vns
vorbasz wysen oder lerin / Stirbet
Bl. 44v
vns der keyser dot /
D
es mogen wir
nit gewerin /
C
zu jherusalem kaufft
er ein heydenische meit
S
ie wart
gein rome gefort als vns die schrifft
nu seit /
D
ie romer hatten sie vmb
fremde mere gefreit Wie iz stunde
in der heydenschafft vnd in der juden
lande - Die junffrauwe sprach ich sage
iz wol als ich iz weisz /
M
ich fing ein
heyden vnd furte mich feil in einen
kreysz / Got eyme edeln romer durch
sin hercze reisz / Daz er mich loste
von dodes crafft mit gulde vnd sydē
gewande
¶
S
ie sprachen junffrauwe wir woln
sin lenger nicht inbern sagent vns
wie hant ir gesehin waz hant ir ge=
hort / adder wie stet iz in yenem
lande dort /
D
az wir dem keyser balde
laszen wiszen fort / Wie lange warent
ir behafft daz wollen wir horen gern
¶
D
ie junffrauwe sprach da von hette
ich ein lange sage Wan ich iz bedencke
so nuwet sich myn sende clage Jch
Bl. 45r
bin in groszen erin erzogen manchē
dag Nu musz ich arme gefangen sin
gar eygen vnd elende doch wil ich
die rechte warheit hie vorjehin
E
sz sint in yenem landen also grosze
zeichen geschehin so sie ein man
noch mochte ye gehoren noch gese=
hen / Js ist den juden ein swere phin
Sie mogent iz nit gewenden /
S
ie
gent dar vff wie sie iz mogent
storen /
S
ich hat ein nuwer glaube
erhaben in eymē geslecht /
D
az wẏ=
der juden heyden alle sere ficht /
vnd mogent iz doch gewerin nit
mit keyme recht / Sie sprachen nü
sagent vns junffrauwe fin daz wollen
wir horen gerne
¶
S
ie sprach got hat den juden einē
meyster dar gesant /
M
an sprichet
er sij komen ferre vsz kriechen lant
Wen er beruret mit siner meyster=
lichen hant /
J
st er siech er wirt ge
sunt waz suchte er hat vff erden
Bl. 45v
Man sprichet daz jhesus sij der na=
me sin /
E
r kan vsz waszer machen
guden win /
P
ylatus sprichet er mo=
ges nit komen von dem rein / Er ist
lang wol sprichet sin mont vnd
kan auch gude geberde / Der warheit
wil ich lenger nit virhengen / Ein
deil der juden halden en vor einen
got die heydenschafft dryben vsz
ym alle erin spot / Daz dritte deil
suchent einen falschen rat / Wie sie
yn in korczer stünt von syme lebin
brengen /
¶
S
ie sprachen junffrauwe wer die
rede nü genczlich war / Daz wir
daz vor dem keyser sageten offenbar
Der da siech gelegen ist also lange
jar /
J
r wordent noch von uwerin
sorgen erlost Vnd qwemet in grosze
ere /
D
ie junffrauwe sprach die rech=
te warheit dün ich uch kont /
J
m
folget noch ein grosze schar zu aller
stunt /
D
asz er der siechen machet
also vil gesunt / Sie werdent alle
von ym gedrost die do folgent
Bl. 46r
siner lere /
E
r vorgebit sunde daz sa=
ge ich uch virwar /
D
ar vmb so dra=
gent ym die juden groszen nit / Daz
er dem folcke so vil der suszen lere git
yme folget noch ein grosze schar zu
aller zijt / Waz er vor dem folcke koset
sin lere ist offenbar
e
¶
Da die rede nu vor den krancken key=
ser qwam /
D
a er in syme bette lag
siech vnd lam / Vil balde er rat zu allen
sinen fursten nam
/
D
a warent stedes
by yme die besten romere alle
/
Sie
sprachen waz gebiedet ir edeler keyser
here / Wie stet uwer synne oder uwers
herczin gir
/
Vollusion sprach keyser
wir wollen wiszen mere
/
Wie stat din
synne oder wie iz dyme rode gefalle
Wir sin betrubet keyser in dyme riche
/
Sijt daz die zwolff meyster alle an
dir vorzwyfelt han
/
Vnd sie mit yren
konsten sint auch abe gestan
/
Sie
sint betrubet keyser alle dine man
Wyb vnd man daz vornym die romer
alle gliche
¶
Der keyser sprach nü sin mir wonderliche
Bl. 46v
mere geseit / nü redent zu ob iz uch
allen wol beheit mir ist wol kont
daz ein heydensche meyt /
S
ij komē
vsz der juden lant die hat man bracht
gefangen / Von der so han ich won-
derliche mere gehort /
V
oll
ü
sion der
furte die junffrauwe vff ein ort /
E
r redet ir zu mit manchē suszen lindē
wort / Er sprach ich bin zu uch gesant
Jungfrauwe des last uch nit virlangē
Vnd sagent mir ob ir den man it ken=
nent der in dem lande dribet also
grosze wonder riche / Die junffrauwe
sprach edeler furste lobelich jsz lebit
vff erdin nirgen sin gelich / Er ist den
luden wol bekant / Jhesus ist er genennet /
¶
Der keyser sch ich clage uch alle mẏne
not / Daz mich doden wil myn eygen
blut so rot / Vnd nit zu eme wil nemē
der bitter dot /
D
es schrye ich lude
uwe der clage vnd myner groszen swere
D
a sch der getruwe furste vollusion
Jr edeler keyser here wir wiszen einē
man / Der ist mit synen konsten also
Bl. 47r
wol getan Vnd wiltü yn han vff einē
dag er sal dir komen her / Wiltu yn han
Er mag dir gar wol werden /
D
ie wyle
ich mag faren ryden oder gen /
O
der mit
gesundem lybe vff mynē fuszen gesten
finde ich yn dort ich wil yn bydden vnd
flehen / Daz er mir nit vorsagen mag
waz ich yn bydde vff erden
¶
D
er keyser sprach vollusyon daz wolde
ich dir sagen dang / Nu sehestu wol daz
mir myn lebin ist zu krang / Wolde dir
die reyse nicht werden alczu lang
D
az mir myn lebin worde gespart daz
man mir den meyster brechte /
V
ollu=
syon sprach keyser du salt glauben han
daz er dir mit synen konsten wol ge=
helffen kan / Man sprichet von yme daz
er die doden du vfferstan / Daz saget
mir die jungfrauwe zart ich suche yn
wol mit rechte / V
¶
V
ollusyon sprach die reyse wil ich wogē
Jch han erfarn sin zeichen vnd sin
geferte /
E
r drostet/allen
die
siner hulffe
begert / Wer yn an ruffet er let nymant
vngewert / Jch wil mich machen vff
Bl. 47v
die fart vorbaz ich nit fragen
¶
D
er keyser sprach vollusyon wiltü
nicht sin zu lasz /
J
ch sweren by mẏner
cronen eren dustu daz / Du salt dich
merme vormogen destu basz von
mir alhie sal ich lebin Vnd dine
kinder alle Vollusyon / Nu nym du
sylber vnd golt vnd edel gestein / Dar
zu gebe ich dir richen solt sicze in
ein schiff nym alles daz din hercze
wil Ros vnd man mit banyr swebin
Vnd far hin mit schalle / Vnd du yn
suchen yn der juden lant / Findestu
en dort so brenge yn vns mit eren
her / Du salt yn vber gebin wol noch
synes herczin ger /
S
y yman in dem
lande der ym sij gefer / Du salt ym
guden fryden gebin /
B
y halsz vnd
auch by henden / Vnd ist er dan ein
got dü salt yn selbir beden an / Vnd
vnd gebut aller der wernde wip vnd
man / Vnd allen fursten daz sie yme
sin vndertan / Vff daz er gnedeclich
sich vber mich wolle erbarmen /
Vollusyon vernem die rede ebin
Bl. 48r
du salt ym selber mit groszem schacze
vber gebin habe ymant den dot vor=
dienet den laz man lebin / Daz gebüt
yn allen glich den richen vnd den armē
Also daz er mir myn lebin mache hie
noch recht / Vollusyon vornem die
rede vorbasz / sy ymant in dem lande der
ym sy gehasz / Du salt von vnsern wegē
wol vormogen daz / Daz du sie vor=
drybest vsz dem riche Mit allem erem
geslechte /
¶
V
ollusyon der furste vnd der getruwe
hilt / Der hatte ym die besten vsz des
keysers hoff vszerwelt / Wol sechczig
ritter worden ym gezalt / Er liesz
em laden einen kiel mit gelde vnd
guter spyse /
D
er keyser allen sinen
dienern zu yme rieff / Er sprach
Jch wil uch gebin einen brieff / Wan
ir komet vber den wilden woge dieff
O
be man uch nicht gleuben wil / Die
warheit sult ir wysen / Min banier
gut daz sult ir yrlich vff dün steckē
wer daz ane sicht daz man uch wol
Bl. 48v
glauben musz / Vnd sagent eme von
mir den mynen fruntlichen grusz
Jch were noch fro vnd worde mir
myner langen suchte busz / So fint
man doch der lude vil die ir werdent
erschrecken
¶
V
ollusyon drat in ein schiff vnd fur
von dan / Vnd^ sinem banyr hatte
er wol dusent man /
D
ie waren ym
von des keysers wegen vndertan
Er fure hin den waszers dosz von der
tyber vnder / Vff der fart da waz
er wol ein ganczes jar / Ein soer
vnd einē winther daz ist war / Bis
daz sie qwamen hin zu eyme schiffe
dar / Sie gaben dem encker einen
stosz /
D
az er vil vff des meres gründe
Sie bucten zu vnd machten sich zu
lande /
D
es keysers fan wart vff ge=
richt sie qwamen dar juden vnd
heyden erschracken da sie iz worden
gewar / Von groszem leyde raüfften
sie vsz bart vnd har /
W
ybe vnd
man ir leit waz grosz sie wonden
ire hende
Bl. 49r
¶
D
ie juden erschracken da sie daz
banier sahen swebin / Sie schicketē
boden balde hin gein iherusalem / Der
dag waz heylig die lude worent alle
da heẏm /
D
er bode riff des keysers fan
zu lande komen were /
S
ie hatten vor=
mals wol gehort / Wie daz von den
romern sulde ir Ee werden zu stort /
Des wart in ir mut so gar vmb kort
Da pylatus daz virsan sin hercze daz
brante in swere /
D
ie Romer zogen
dar mit groszen erin /
D
ie juden lieszen
alle ding vnderwegen / Mit also
schonem gesāge gyngen sie dem
fursten entgegen / Also mit erin vnd
mit schonheit wolden sie sin plegē
Sie sprochen alle wyp vnd man
sijt wilkomē ir romschen herren /
Vollusyon der dancket ye dem folcke
da Mit zuchticklichem mūde er sch
also / Nu sin wir komen her des bin
werlich fro /
W
ir sin gewest ein gan=
czes jar /
D
a wir alles musten reysen
Pylatus sprach nu han ich vorm
a
ls
Bl. 49v
wol vornomen Wie des keysers
fan zu lande her sulde komen / Des
han wir alle guden fromen Wẏbe
vnd manne alle gar wiedewen
vnd weysen /
Z
ware so frauwe ich
mich der mere /
J
ch han gerichtet
funffczehin jar in dieser stat / Daz
mir nie so nahe
ni
qwam des keẏ=
sers rat Als ir so frūmer hie nü
bij mir stat / Des bin ich fro iz ist
wol was daz er
ist
syt
komen her /
¶
S
ie furten den fursten vff des
keysers sal /
J
uden vnd heyden drie=
ben groszen schal /
D
az iz so wit
hin vber die stat erhal /
S
ie dien=
ten ym getrade so rechte keyser=
lichen /
S
ie saczeten en vff ein kos=
sen was sich bellekin /
M
an drug
ym dar granat vnd den aller bes=
ten win / Ein guldin beckin daz
waz vol fingerlin /
D
ie woren
alle von gulde rot /
V
on edelin
gesteine so riche /
D
er furste
Bl. 50r
sas dar by vnd gedachte wie er
des keysers sache wirdecklichen
lechte an /
V
or ym stunden juden hey=
den me wan dusent man / Auch
stünt by eme des keysers vff ge=
stecketer fan / Die musten dun waz
er gebot /
D
ie brieffe er mit yme
brachte /
¶
D
er furste der nam pylatus by der
hant / Er sprach weystu war vmb
wir sin her gesant /
D
az wir sin ko=
men so ferre in diese frēmede lant
D
er keyser let uch alle gruszen daz
du mich salt berichten /
D
er keyser
vnd die romer habent wol vorno=
men /
S
ie schicketen vns vsz vnd
hieszen vns nit lange sumen / Wie
ein meyser sij her in disz lant beko=
men
D
er kanne wol alle kranckheit
buszen vnd auch mit worten slichtē
Man sprichet von ym daz er die
doden mache lebin / Vnd auch jhesus
sij der name sin / Vnd konne vsz reynē
waszer machen blancken win /
Bl. 50v
pylatus nü bescheyde mich durch
den willen myn /
S
o wil ich dir des
keysers hulde mit ganczen truwen gebin
¶
Pylatus erschrag vnd quam in
grosze not /
V
on schrecken wart er
bleich von forchtē rot /
E
r sprach
edeler furste werlich der man ist
dot / Jch sage uch daz vnd sprech iz
vff myn truwe /
D
es erschrag der
getruwe furste vollusyon / Er stünt
vnd sach pẏlatus also fintlich an
Wie mochte also balde ersterbin
so ein behender man /
V
ff in so warff
er groszen hasz /
S
in hercze daz qual
in ruwen /
E
r sprach wie konde ein
behender man ersterben /
D
er doch
selbir kan die doden machen lebin
Vnd die lamen gan vnd den blin=
den gesichte gebin /
P
ylatus nü
bescheyde mich der mere ebin /
J
ch
sagen dir daz disz gerichte ist nit
din erbe
¶
P
ylatus sprach hort ir juden heẏdē
Bl. 51r
vber al / Vnd alle die sich gesament
han vff diesen sal /
D
ieser furste
claget vnsers herren des keysers
qwal / Vnd fraget noch einem meyster
clug /
D
er wonet in diesem lande /
D
az han ich ẏm gesaget garin korczer
frist /
D
az der selbe man hie bij vns
erstorben ist /
E
sz ist wol war er
hatte bij ym gar scharpe list / Die
konst die er bij ym drug die waz so
mancher hande / Vmb sinen dot han
ich anders nicht gewiszen /
H
er furst
so fragēt die juden die hie stan /
Centurio annas vnd kayphas / Die
qwamen alle drye zu syme dode gan
da man yn an ein crucze slug /
D
ie
stein von leyde vff riszen /
¶
P
ylatus sprach her furste ich wil
uch sagen me /
S
ie gaben ym schult
er were ein zu storer hie der
E
e
Da macht ich ym mit geiszeln vnd
mit ruden we /
D
az ich uber gerich=
te sasz uber yn Daz must ich dün
von noden / Pylatus sprach her furst
Bl. 51v
ich sagen uch daz daz er macht die
lamen gan den siechen baz / Sie such=
ten manchen falschen sin / Wie sie
yn mochten getoden
C
ayphas bracht
siner jungern einē an daz er yn vor=
kauffte den vil guden man /
D
er doch
der sache kein schult gewan /
E
r gap
en yn vmb cleyn gewyn wol driszig
phennige /
¶
Da drat heřfur der juden bischoff
cayphas /
R
ichter pylatus war vmb
redestu daz /
D
az wir vnsern nit vnd
groszen hasz /
H
aben an den guden
man geleit /
D
es wil ich dich beczugē
Soliche gewalt dustu vns vor dem
fursten hie /
N
u waz doch din wille
vnd din rat da bẏ /
D
ag vnd nacht
zu allen zijden ye / Her furste daz sij
auch uch gecleit / Die schult die waz
sin eygen / Er lebet noch vnd dot sin
strenges gerichte /
S
o horte ich da
by
vnd
sagete daz er were gotes
son mit mūde er virgach die vnser
Bl. 52r
fyer er stetlich zu brach daz han wir
ym dicke vnd vil geseit /
D
a hilt ers
gar vornichte /
¶
D
er furste der sprach uwer sage uwer
rede sint gar slecht /
J
r fursten bischoff
ritter vnd knecht /
W
ie mochte man
gesprechen ein geistlich recht Vnd
eynen guden man also ane schult
vordirben / Jr juden ir werent wol by
beszerm recht blieben hettent ir uwer
sache dem keyser geschrieben /
A
lles
daz er vor uwern augen hette getriebē
Jr juden hettent ir daz getan / So blie=
bent ir ane ergen /
P
ylatus sprach dar
an han ich keyne schült / Die gemeynde
schrey uber lude her furste vorhoret
vns basz / Pylatus sprach der vber ym
zu gerichte sasz Jch mag dich doden oder
lebindig laszen horestu daz / Er liesz
yn sere mit geiszeln slan / Da er nit wis=
sagen wolde /
¶
D
a ging herfur der alde annas vff der
fart / Mich wondert herre wie er were
also wol gelart /
D
az er hat vnser
Bl. 52v
juden also vil bekart /
D
az machet als
sin falscher mont Vnd mit der zaúbe
rie /
J
ch kant in wol sin vader waz ein
zymmerman /
S
in muder hie den luden
vmb lon span /
S
o lasz er selbir spene
des mir wol gedencken kan /
E
r was
snelle zu aller stünt mit der gramaciē
Mich wondert herre der sinen clugen
liste / Er was ein meyster vnd konde
an dem gestirne sehin /
A
llen wandel
mochte er selbir gar wol spehin
Waz von angende ye waz geschehin /
Mut vnd sin ganczen grunt der herczē
er wol wiste /
¶
D
er furste der sprach ir juden ich
han pylatus gefraget / Jch gebut uch
allen daz ir mir die warheit saget
Jch han vnsers herren des keysers
not geclaget / Nü bit ich uch alle
samet daz ir mir helffet kerin /
Der keyser vnd die romer wiszent
wol /
D
az hie ein meister wone / Er
sij ferre nahe oder wie bescheydent
mich wie iz vmb den meyster ge da
Bl. 53r
dut ir mir liebe an Vnd uwerm rechten
herren / Mir sin durch sinen willen
her bekomē / Finde ich in hie ich brenge
yn wol mit erin dort / Nu helffet mir
so werbe ich uwer bestes fort / Dut ir
des nit ich forchte uwer Ee die werde
zu stort /
W
ybe vnd kinde vnd auch die
manne / Jr nemet sin keinen fromen
¶
D
ie juden erschracken der rede vnmas=
zen sere / Sie sprachen genadet ir edel=
ler
herre
furste vnd auch ein herre /
Mir hetten uch ob ym noch vil zu
clagen / Mir dursten wir iz uch gesagē
Mit mancher hande sachen /
O
b ir
daz alles von vns wollent horen /
Er begunde die lude in diesem lande
gar sere bedoren / Er sprach erwolde
vns vnsern tempel gar zu storen /
Vnd an dem dritten tage vff richten
vnd machen / Den sinen dot den hat
er wol erworben /
G
ot sy gelobet
daz wir da mit han zu schaffen nicht
pylatus der sasz selbir vber ym zu
gericht /
P
ylatus sprach ir juden ir
Bl. 53v
hant ye dar zu geplicht Vnd hant
in an ein crucze geslagen dar an er
erstorben ist /
¶
D
er furste der sasz von zorne sin far=
be begunde roden /
D
ie juden stunden
alle vor ẏm in groszen noden / Sie sprach=
en her furste wir mogen worlich
nyman gedoden Alle werntlich recht
die sint vns gar benomen / Pylatus
sprach ir juden ir hant solichen müt
Jr leuckent alles daz ir hude gedut
Nu schruwet ir doch daz uber uch
erginge sin blut / Vnd uber uwer
geslichte vnd vber uwer noch be=
komen /
V
ff sinen dot so woret ir
gar vorfliszen war vmb gabent ir
gelt daz er uch wart vorraden /
Nu weisz ich wol vmb groszen nit
vnd hasz ir daz dodent / Jr sprachent
er hette dem keyser sinen zins vor=
boden / Hie sint ritter vnd knecht
die dar vmb wol wiszen / Centurio
ein ritter der stunt nahe da bij
Bl. 54r
Er sprach her furste nü horet wie der
sache sy / Der selbe man gap nie key=
sers zulle fry / Die mūcze die der key=
ser hat er sprach die sulde man
gin
ge=
bin / Der furste der sprach ir juden ir
worent mit sehinden augen blint
da er daz redet da waz er werlich
godes kint Vnd er mochte wegen sonne
vnd mon sterne vnd alle wint / Des
qwam er in grosze not / Jr bracht yn
vmb daz lebin / Pylatus man dencket
wol wie du sprechest da wir juden
in der synagoge woren / Vnd wir zu
einander zu samen riffen mit eyme
jage horn pylatus dasz dir vnd dinē
knechten
det
zorn daz man dir nit dar
zu gebot / An jhesus du daz rechtest
¶
Pylatus sprach ir juden sagent waz
ir wolt /
S
o hat cayphas an yme die
meyste scholt /
E
r vnd sin sweher wordē
ym nie holt /
S
ie hant manchen list
erdacht Vnd ee sie yn gefingen /
N
och
syme dode begundent ir alle sere
werbin Cayphas sprach esz were ye
Bl. 54v
beszer jhesus storbe dan alle diese
wernt vorderben muste
J
r qvelent
en eine halbe nacht /
E
e ir vor gerich=
te gingent / Jr qwament vor mich
vnd daz ich richten solde /
J
r sprach=
ent ir hette vorkerit die lant zu
galylee da lis ich yn mit ruden
slan vnd sprach waz wolt ir me
Jch schicket in hin vor konig herodes
Jr hattent yn schier her wyder bracht
An ym fundet ir keine scholde
¶
Pylatus sprach ir edeler furste
vnd auch ir romer / Wendet von mir
uwer fintliche ger gleubet vorbaz
nit an der juden sage mer / Jch bin
vnschuldig daz sprech ich vnd swe=
re es by uwern hulden / Do ym die
juden wolden dun den groszen vn=
gefug / Dar vmb so straffet ich
sie doch werlich gar genug / Des
moles da ich myn hende getwug
selbir da virsan er sich daz sie yn
doden wolden / Sie kaufften yn ee
daz er wart virraden vnd schrü=
Bl. 55r
went alle daz vber vns ergange
sin blut / Daz wonsche ich noch daz
nūmer werde ir ende gut / Wan
sie bewyseten also groszen vbermüt
D
az wil ich gar virzijhen mich wan
sie iz selber doden /
¶
H
er symeon ein burger redt der
wysen rat /
W
ie kanstu dich so wol
vorsprechen du richter pylat / Daz
du wilt sin so gar vnschuldig an
der dat /
N
u wil ich dich bescheyden baz
wie du iz hast begangen /
D
in mont
kan wol leucken vnd machen slecht
Daz du nicht wolte dun daz hiesz du
dinen knecht du woltest nü daz
du vber yn hettest gericht recht
Do du er vor dich gefurt wart gebon=
den vnd gefangen /
D
u woldest nü
daz recht gerichtet were / Wie sprech
du da got der herre nit insprach /
Vnd er sinen dot vnd auch sin bitter
martel sach /
D
az mit gewalt so
grosz vnrecht an ym geschach Wie
clein ging dir zu herczin daz da
Bl. 55v
weynten die romere /
¶
D
er gude mentsche lazarus herfore
drat /
W
ie gutlich er sich die romer
da vornemen bat / Nu horet waz
wonders got der herre an mir began=
gen hat / Jch waz dot so hat he mir
daz lebin wieder gegebin /
J
r romer
ir solt uch an ym nit vorduncken /
Jch lag vier dage vier nacht in dem
ertrich gar vorsuncken /
D
a nam er
myn sele vsz der helle funcken vnd
hatte sie dem lichham schier widder
geschicket ebin /
D
er warheit mag ich
lenger nicht vordulden / Hie sint lude
die mir der warheit helffen iehen
die es mit erin sichtlichen augen hat=
ten gesehin waz zeichen got der her=
re an mir da liesz geschehen Sin
gude vnd sin werde gir daz an myr
haben wolde /
¶
D
er furste sprach pylatus daz hastu
wol gehort /
D
az du hast vorhenget
den vnschuldigen mort /
D
es müstu
hie vnd ob ich mag des keysers sin
Bl. 56r
gefangen Jr romer helffent mir in
fahen alczu hant /
V
nd legent ym
von ysen uber sin beyne starcke ge=
bant / Vnd smydet en mit dem halse
an eine want /
D
az he mir auch die
warheit sage / Wie iz sij gegangen /
Jst ymant hie der wisze wo der lich-
ham lyge begraben / Der wyse mich
yn balde / An dyser stunt dem wil
ich zu lone gebin hundert phunt /
S
in bestes wil ich werbin blyben
ich gesunt /
S
o sal er auch von dy=
sem tage des keysers hulde haben
¶
J
oseph vnd nycodemus sprachen
also / Jr edeler furste nü laszent uweṝ
zorn vnd blybēt fro wir wol
l
en uch
noch hude mit dem lybe brengen dar
da wir yn begraben han mit wirdē
groszen erin wir wonden yn in ein
zendel daz
D
un wir uch kont wir
kaufften mirre wyrauch wol uff
hundert phunt wir begruben yn an
dem andern morgen er erstunt daz
sahen sehs ritter an die mochten
Bl. 56v
es nicht gewerin /
A
lso ist der herre
mit gewalt erstanden / Do er vs dem
grabe schreit der werde degin / Mit siner
hant det er vor sich den segin daz sahen
ritter wol die mochten nit ein glit
geregen /
E
r schreit von yn er fort
einē fan in siner linckten hende
¶
D
er edel vnd wyse lucas vnd cleophas
de beczugeten beyde mit gemeyner
stẏme daz herfurste gewerlich der herre
by vns was yn eyme gaden er vns fant
die tore waren beslosze /
A
uch gingen
wir von iericho her vff eynem wege
wir woren beyde mude Vnd do by trege
noch siner erstende er selber rede mit
vns plege /
D
a wart vnser hercze en=
brant wir sin vnvordroszen / Wir bodē
yn er sulde bij vns blyben / Er bleyp
by vns /
D
as brot nam er in die hant
er segent is vnd brach es da myde wart
er vns bekant vor vnsern sichtlichen
augen
E
r vorswant daz nemen wir uff
daz hoste phant vnser selbis lybe
Bl. 57r
¶
H
erfurst noch wollen wir uch sagen
me / Es qwamen lude dort von galylee /
Die sagen daz er zu hymel fure ane we
daz er in die wolcken qwam hohe in des
hymels trone / Zwen engel von dem
hẏmel qwamen da zu hant sie sprachen
ir manne von gallilea wes wartent
ir waz ist uwer stant wir han inphangē
hie daz aller hoste phant der uch mit
gewalt nam von des dufels zogen /
Her furste daz ist war ob ir iz wollet
gleuben Von siner erstenden waz er
zu der hellen komen / Dem tufel hat er
alle sine macht benomen / Den sinen
frunden schuff er also guden fromen /
Junck vnd alt / Even vnd adam hat er
dar vsz geraubet
¶
D
er furst zert abe sin gewant von
zorn
E
r sprach uwe daz ich ye wart
geborn /
S
al ich myn lange reyse nü
han vorlorn /
D
az wil ich gode von hẏ=
mel clagen in syme hosten trone / Der
furste sprach uwe daz mich myn muder
Bl. 57v
ye gebar Nü bin ich usz gewesin me
wan ein ganczes jar / Jch focht ich
moge mit erin nūmer komen dar /
Daz ich nicht gehelffen mag der keyser
liches cronen /
D
es mocht ich woffen
in den hymel schryen /
D
az vns die
juden hant gedot den reynen vnd wir
romer sie mit ganczen truwen meynē
A
brahams kinden ich daz sagen den
eygen vnd nit den fryhen /
¶
Longinus ein blinder Ritter gesehin wart
E
r sprach edeler furste ich wil uch
brengen al vff die fart Jch weysz ein
arme frauwe die ist von edeler art
Die hat ein duch da ist an des herrē
angesichte
J
ch han iz gesehin dicke
vnd wol zu mancher stünt /
S
ie gebe
is nicht vmb ein lant vnd auch vmb
hundert phunt /
W
er iz an sicht ist er
siech er wirt gesunt / Vnd wil sie iz nit
gerne lan /
S
o nemet iz ir mit nichte
Wollet ir ich wil ir boden senden vnd
bit uch daz ir geschee kein gewalt
Esz ist des herren forme vnd sin ge
Bl. 58r
stalt vnd hat auch keines mentschen
hant nie gemalet Wil sie iz dan selber
han
/
Da mit sult ir sie nit phenden /
¶
Der furst der sprach longin ich dang dir
der guden mere / Nü heisz die selbe frau=
we balde brengen vor mich her /
J
ch
wil erfullen alle dines herczin ger
/
Sie
sal kein vngemach bestan /
D
es gebe
ich dir myn trüwe
/
Vil
schier
da wart
ein sneller bode gesant
/
Hin noch der fraü=
wen / Die da hatte daz selbe gewant /
Fronica ist die edel frocht genant
/
Do
sie der furste blicket an sine freude die
wart ym nuwe
/
Der furste begunde ir
die rede selbir konden
/
Fronica myr
hat geseit ein edel man
/
Du habest ein
duch da sij des herren antzlicz an daz
gip du mir obe ichs vmb dich virdie=
nen kan
/
Des wil ich dich geniszen lan
vnd alle dine frunde
¶
Fronica erschrag vnd qwam in arbeit
da er sie vmb daz antlicz bat ir geschach
nie so leit
/
Sie leuckent vnd sparet
da die warheit
/
Vornüwet wart des
fursten clage
/
Er sprach nü wart mir
Bl. 58v
nie so bange / Der furste sprach fronica
vernym mich ebin / Jch mag dich selber
doden oder laszen lebin wiltu mir daz
antlicze nit mit willen gebin / So mustu
sin vff diesen dag der myn gefangen
Fronica sprach vnd sollet ir mich vor=
derben vor uwerm drauwen ich kein
sorge habe / Jch weisz doch wol daz
mirs got myn herre selber gap / Jsz
mus by mir vorlyben bis in myn grap
Jch liesz Ee frunde vnd moge vnd alle
myn erbe /
¶
D
er furste der sprach fronica gleube
du mir waz ich dir vorheisz daz wil
ich halden dir Jch wil dich brengen
in die aller grosten Ere /
S
o sie ie
wart an geleit dem jsrahelschen ge=
slechte / Fronica nym mit dir daz selbe
gewant /
S
icze in ein schiffe far mit
mir zu hant /
J
ch wil dich brengen
in daz aller beste lant /
D
ir sal die=
nen so gemeit ritter vnd knechte
Also daz ich etwaz brenge da hin zu
lande Fronica nü mercke waz ich dir
sagen /
D
ie mynen rede lasz dir alle
Bl. 59r
zijt wol behagen / Wiltu mit mir dar
vmb saltü nyman fragen /
S
o mache
dich bereit balde hin zu hande /
¶
Fronica sprach her furste ich dun uch
sorgen bus / gat mit
mir
armen frauwē
in myn hüs / Jr vnd uwer folck alles
wollen vnd barfusz laszent iz in phahē
schon mit erin vnd in groszen wirden
D
er furste der sprach daz sal geschehin
nu zu hant /
S
chier worden boden snelle
vsz gesant durch die stat vor die
phorten vff daz lant / Da sach man
juden heyden komen vff mulen vnd
vff pherden / Sie qwamen also mit
lobelichem gesange daz duch daz lag
in eyner laden vnder stro /
D
a iz der
furste ane sach Er wart nie so fro /
B
alde sprach er zu syme gesinde do
J
r lieben myne dinstman behudet
mich vor gedrange /
¶
Juden vnd heyden hatten daz hus
vmb rungen Also daz sie alle mit ein
ander sungen daz vff den rossen die
wait von sweisze
da
wart so naszē
Bl. 59v
Die juden sungen in ire wyse Meditus /
D
ie heyden sungen alle misericordius
Fronica die sprach gelobet sijstu jhesus
der hymel vnd erden gemacht hat in
rechter zirckel masze / Fronica zeugete
daz duch mit groszen erin daz waz
sich viereckecht vnd da bẏ wisz / Der
furste der sprach sin gebet also mit
groszem flisz /
E
r vil da vor mit den
armen cruczewisz Er sprach mȳ herre
myn got ein schepper aller herren
¶
D
er furst der hiesz gebieden daz sie
stunden von den pherden vnd alle sa=
met knyeten mit den knyen vff die
erden vnd helfēt mir loben vnd biddē
hie den werden den die juden mit ge-
walt also hant vorderbit / Fronica
nam in yre hant daz duch Mit groszen
erin sie iz zu dem schiffe drug / Der
furste der det den juden manchen fluch
Er sprach ir juden junck vnd als ir
muszent alle dar vmb sterbin
¶
Der furst der furt pylatus hin gefan=
gen / Er liesz in smyden an eine keden
Bl. 60r
/
als einen hunt / Grulich was sin hals
sin kele vnd auch sin mūt
w
man warff
in dieff da in des schiffes grunt / Der
furste der slug in also balde gar feste
in eine brangen
¶
Der furst der gesegent der juden nit
er for von dan /
E
r nam mit ym die sinē
willen hatten gedan /
D
az antlicze vnd
die guden fronica /
E
r fur hin an dem
achten dage sie zu der tyber qwamen
Er fur daz waszer vff nit ferre von
der stat bit her mit syme folcke zu lan=
de drat / Gern moget ir horen wie
er sin gesinde bat daz
sie
die frauwe lo=
besam in ire hute nemen / Wie er sch
daz moget ir horen gern / Fronica got
hat erfullet vnsers herczin gir Daz
wir mit gesundem lybe sin komen
her / Waz ich dir gelobet han des sel=
bis ich dich gewer Jch wil inphahen
lan mit werde groszen erin
¶
Der furst der hat vor hin boden vsz ge
sant hin zu romern Vnd det in bekant
wie daz er were wieder komen vsz
der juden lant /
D
es woren die romer
Bl. 60v
alle fro Sie lieffen vsz mit schalle /
Junck vnd alt Vnd auch der gancze rat
Die beleiten yn mit groszen erin durch
die stat / bis daz er uff des keysers
palas drat / Er kart sich vmb alda /
Er sprach got danck uch ir romer alle
Vollusion drat vor den keyser swinde
Sin blut erschrag da er in erst ane
sach / Mit suszen worten linde er da
zu eme sprach / Edeler keyser mir ist
leit uwer vngemach /
D
och bin ich wer=
lich fro daz ich uch lebindig finden /
¶
D
er keyser warff sin augen vff vnd
blicket yn an / Vnd bistus dan myn
alder rat vollusyon / Wo bistu so lan=
ge gewesin mit dynem man / Esz isz wol
war mir waz vmb dich gar bange / Er sprach
edeler keyser here ist mir leit / Jch han
erleden also grosze arbeit / Jch neme
nicht alles gut daz die erde dreit
daz ich noch ein jar were usz also
lange /
D
er keyser sch sage an brengest
du icht guder mere / Oder sijt ir alle
gesunt her wieder komen / Oder hant
uch die juden dort
ust
genomen /
Bl. 61r
Er sprach nü sage dar wie mochte ir
sijt do here
¶
E
r sprach edeler keyser ich han erlieden
grosze not /
D
a ich dar qwam die her=
schafft mir grosz ere erbot /
J
ch fraget
noch yme man saget mir daz er were
dot / Die juden mit pylatus rat die hattē
yn gedodet /
D
er keyser sprach vollusion
myn getruwer man /
D
ie myne rede die
saltu allezijt wol verstan /
S
age an
waz hatte er den juden dort zu leyde
gedan / Waz waz die schult wel mysze=
dat hat sie dar zu genodet / Er sch
herre
sage an hastu dort icht vornomē
von wem die sache vber yn zu wege
sij komen /
D
az sage mir daz musz dir
gegen mir fromen sage an gedrat
Jch horte sie gerne die mere
¶
D
er furste der sprach die juden gabē
pylatus die schult die gemeynde jung
vnd alt was ym dar vmb nit holt /
Sin lere die bracht die juden also
grosz vngedolt des woren sie doch gar
gemeit die juden alle gemeyne
Der keyser sprach vollusyon myn ge=
Bl. 61v
getruwes fasz /
S
age an waz det du pẏ=
latus wieder vmb daz / Daz er sinen
nit vnd groszen hasz / Hat an den guden
man geleit /
D
es muszent sie vber du=
sent jar beweynen / Zwar mich betru=
bet diese mere /
E
r sprach ich nam yn
mit mir gefangen her zu hant /
J
ch
leit ym vber sin beyne starcke bant /
Jch smyt in mit dem halse an des schif=
fes want / Her furste daz sij uch geseit
J
ch brenge in mit mir her
¶
D
er keyser sprach waz sal der vnge=
truwe hunt / Man sal yn snelle werffen
dieff werffen yn der tyber grunt vnd
sal ich armer siecher nūmer werden
gesunt /
D
az musze got in dieser zijt
ewecklich erbarmen /
V
ollusyon kans=
tu finden keinen funt /
J
st dir dar vmb
icht wiszen oder worden kunt / Wo
mede er dort die armen siechen macht
gesunt /
D
az sage du mir an allen nit
mir krancken vnd vil armen / Also obe
ich myn lebin mochte hie gefristen / Jch
kan mynes langen legers nūmer werdē
fro / Js in mag in dieser zijt nicht lange
Bl. 62r
gewerin Also mir geschiet recht als ein
vorfallen stro daz vff eyme felde lijt
vnd wirt zu eynem myste
¶
Vollusyon des keysers ratman zu eszin
lut / Er sprach edeler keyser herre nu ha=
bet eynen guden müt / Jch hoffen alle u=
wer ding daz sulle werden gut Jr sollet
einen festen glauben han / Vnd habet
got vor augen / Jch han in mynen schiff
her bracht ein wybes name / Die hat ein
duch da ist vns herren antlicze an
Daz sullet ir willeclich laszen enpham
schon bettet iz wirdeclichen an Daz hat
sie mir erleybet / Jch saczet ir dort myn
truwe zu eynem phande / Waz sie hat daz
hat sie gelaszen dort / Sie ist mir noch
gezogen vff myne wort / Jr werdent
gesunt Vnd wolt ir dar an glauben vort
Jch han sie mit mir an argen wan bis
here bracht zu lande /
¶
D
er keyser sprach wo ist nü myn ge-
truwer rat / Jst yman hie der liebe zu
mir hat / Der heisz gebyeden uff dem
lande vnd in der stat daz sich die
lude bereyden zu mit fanen vnd mit
kerczen / Man sal gebieden in der stat
Bl. 62v
Vnd vff dem lande / Daz sie fasten vnd
firen alczu hant Vnd sich die lude besze=
erin in ir beste gewant wir wollen sie
morgen fruwe enphan / Mit allen reynē
herczen wir wollen sie lan in phan mit
also groszen erin / Man sal gebieden
er sy ergebin oder vnergebin / Daz
wir allesamet noch sinen hulden str=
bin / Jch wil ym dienen ewecklich die wile
ich ver mag gelebin sinen willen ich
nu du vorbasz vermere
¶
D
es morgens fru qwam grosze werlt
zu schiffes ort / Sie sungen nuwen ge=
sang der vor nie waz gehort Vollusy=
on der drat hin vber schiffes bort /
Er sprach zu ir frauwe lobesam / lat
uwer cleynat schauwen / Fronica
wart also schier bereit / Sie ging
da hin da sie daz selbe cleynot hatte
geleit /
S
ie hatte esz gewickelt in ir
aller bestes cleit /
S
ie zeugete esz
also wol getan den mannen vnd den
frauwen / Fronica die nam daz duch
in ir beyde hende fronica die wart
bereit aldo zu hant /
S
ie drat vor=
Bl. 63r
basz mit dem forsten vff daz lant
Da wart ir die aller groste freude
bekant / Alle die daz sahen an die
knyeten zu dem sande /
¶
E
yme grosze wernt die knywet vff
dem sande da Sie sungen alle mise=
ricordia die mannen drungen vor
die frauwen da sie becleytē sie iz qua=
men mere hin vff des keysers feste
Vollusyon sch got danck uch ir romer
uber al /
E
r fort die frauwe mit yme
in den sal /
D
a der krancke keyser
lag in groszer qwal /
E
r sprach edeler
keyser her dir komen liebe geste Fronica
drat vor den keyser linde /
D
a fronica
vor des keysers bette stünt / Daz duch
leit sie ym uber daz antlicz vnd den
mont /
D
a stunt der krancke keyser
vff vnd wart gesunt / Frolich von aller
suchte swere glich eyme cleynen kinde /
¶
D
er keyser wart erlost von aller such=
te rost / Er sprach werlich du bist mȳ
got du bist myn drost /
D
er mich von
groszer kranckheit hat erlost den
Bl. 63v
wil ich han vor einen got vorbas
vermere Fronica stunt vff vnd
kondet gotes wort Da der junge key=
ser daz von ir erhorte /
E
r sprach
ich wil yme ewigklichen dienen fort /
E
r sprach nu saget mir frauwe an
allen spot waz sint die sinen lere /
Also daz ich yme moge mit flisze
gedienē / Sie sprach daz pater noster
daz ist daz erste gebet vnd habe
got liep vnd bis in ganczē glauben
stede /
D
az sint die lere die got sinē
lieben jungern det /
D
u salt auch
halden die zehen gebot Also beschiet
sie yene
¶
F
ronica nam mit/ir daz antlicze won=
necklich / Mit ir so ging der keyser
edel sicherlich /
E
r becleit sie vorbasz
in daz romsche riche / Wan iz der key=
ser blicket an /
E
r sprach wol mich
der selgin stunde /
S
ijt daz antlicze
also vil creffte hat /
S
o wolde ich ger=
ne wiszen wie iz vmb den lichnam stat
Der keyser sprach wo ist nu myn
Bl. 64r
getrüwer rat /
S
al ich vngerochē
lan sin martel vnd sin wonden zwar
D
er licham musz ye werden geroch=
en
T
ytus der konig vnd Vespasia=
nus /
B
ereiten sich vff der fart
T
yberius der reyse nit lenger da in
spart
S
ie zogen da hin gein Jheru=
salem esz was in hart kein stein
bleyp uff dem andern stan Die stat
die wart zu brochen
¶
T
yberius sin mut der wart erzor=
net sere /
G
ar snellecklich er sprach
zu sinem here / Man sal in laszen
vorbasz nūmerme kein were / Man
sal driszig juden wer sie wil vmb
einen phennig gebin /
D
a des key=
sers mut alzu gangen waz Dar
noch er mit syme folcke herwieder
vff daz waszer sasz /
S
ie foren do
hin gein rome in yren palas /
S
ie
hatten alle frolich lebin mit manch=
er hande dingen /
A
lso ist der selbe
man gestorbin /
T
yberius der edel
keyser lobesam /
D
urch sinen
Bl. 64v
willen daz antlicz hin gein rome
qwam
E
r vnd alle sine werden
dinstman /
G
ot wolle ir sele
dort aller phlegen den prisz hant
sie erworben
¶
I
ch regenboge bitte dich vil zar=
ter got der die lude mit^ syme
angesichte gesunet hat daz er
vns behude hie vnd dort vor
myssedat /
E
yn rechte bicht vnd
ware ruwe vorlich vns herre an
vnserm ende / Vnd spyse vns mit
dyme licham als dir vns lobe=
lich sy /
V
nd mache vns herre von
allen heubet sunden frij / Hilff
vns in allen noden gestant vns
by /
D
urch dines heyligen geistes
dru in vnser hercze den sende / Also
daz in vns erfollet werde din
lere /
D
es bit ich dich got zarter
du werder stam / Der von dem
hymel vnder einer maget bruste
qwam Vnd aller mentschen
Bl. 65r
sunde vff sinen rucke nam / Mache
vns freude dort nü durch diner
martel ere
A
men daz werde
war