atha prathamo 'dhyāyaḥ
athātaḥ paśupateḥ pāśupataṃ yogavidhiṃ vyākhyāsyāmaḥ //
athātaḥ paśupateḥ pāśupataṃ yoga-vidhiṃ vyākhyāsyāmaḥ //
bhasmanā triṣavaṇaṃ snāyīta //
bhasmanā triṣavaṇaṃ snāyīta //
bhasmani śayīta //
bhasmani śayīta //
anusnānaṃ //
anusnānaṃ //
nirmālyaṃ //
nirmālyaṃ //
liṅgadhārī //
liṅga-dhārī //
āyatanavāsī //
āyatana-vāsī //
hasitagītanṛttaduṃduṃkāranamaskārajapyopahāreṇopatiṣṭhet //
hasita-gīta-nṛtta-duṃduṃ-kāra-namaskāra-japya-upahāreṇa upatiṣṭhet //
mahādevasya dakṣiṇāmūrteḥ //
mahā-devasya dakṣiṇā-mūrteḥ //
ekavāsāḥ //
eka-vāsāḥ //
avāsā vā //
avāsā vā //
mūtrapurīṣaṃ nāvekṣet //
mūtra-purīṣaṃ na avekṣet //
strīśūdraṃ nābhibhāṣet //
strī-śūdraṃ na abhibhāṣet //
yady avekṣed yady abhibhāṣet //
yady avekṣed yady abhibhāṣet //
upaspṛśya //
upaspṛśya //
prāṇāyāmaṃ kṛtvā //
prāṇa-āyāmaṃ kṛtvā //
raudrīṃ gāyatrīṃ bahurūpīṃ vā japet //
raudrīṃ gāyatrīṃ bahu-rūpīṃ vā japet //
akaluṣamateḥ //
akaluṣa-mateḥ //
carataḥ //
carataḥ //
tato 'sya yogaḥ pravartate //
tato 'sya yogaḥ pravartate //
dūradarśanaśravaṇamananavijñānāni cāsya pravartante //
dūra-darśana-śravaṇa-manana-vijñānāni ca asya pravartante //
sarvajñātā //
sarva-jñātā //
manojavitvam //
mano-javitvam //
kāmarūpitvam //
kāma-rūpitvam //
vikaraṇaḥ //
vikaraṇaḥ //
dharmitvaṃ ca //
dharmitvaṃ ca //
sarve cāsya vaśyā bhavanti //
sarve ca asya vaśyā bhavanti //
sarveṣāṃ cāvaśyo bhavati //
sarveṣāṃ ca avaśyo bhavati //
sarvāṃś cāviśati //
sarvāṃś cā aviśati //
sarveṣāṃ cānāveśyo bhavati //
sarveṣāṃ ca anāveśyo bhavati //
sarve cāsya vadhyā bhavanti //
sarve ca asya vadhyā bhavanti //
sarveṣāṃ cāvadhyo bhavati //
sarveṣāṃ ca avadhyo bhavati //
abhītaḥ //
abhītaḥ //
akṣayaḥ //
akṣayaḥ //
ajaraḥ //
ajaraḥ //
amaraḥ //
amaraḥ //
sarvatra cāpratihatagatir bhavati //
sarvatra ca apratihata-gatir bhavati //
ity etair guṇayukto [guṇair yukto] bhagavato mahādevasya mahāgaṇapatir bhavati //
ity etair guṇa-yukto [guṇair yukto] bhagavato mahā-devasya mahā-gaṇa-patir bhavati //
atredaṃ brahma japet //
atra idaṃ brahma japet //
sadyojātaṃ prapadyāmi //
sadyo-jātaṃ prapadyāmi //
sadyojātāya vai namaḥ //
sadyo-jātāya vai namaḥ //
bhave bhave nātibhave //
bhave bhave na atibhave //
bhajasva mām //
bhajasva mām //
bhavodbhavaḥ //
bhavodbhavaḥ //
atha dvitīyo 'dhyāyaḥ
vāmaḥ //
vāmaḥ //
devasya //
devasya //
jyeṣṭhasya //
jyeṣṭhasya //
rudrasya //
rudrasya //
kalitāsanam //
kalita-āsanam //
sārvakāmika ity ācakṣate //
sārva-kāmika ity ācakṣate //
amaṅgalaṃ cātra maṅgalaṃ bhavati //
amaṅgalaṃ ca atra maṅgalaṃ bhavati //
apasavyaṃ ca pradakṣiṇam //
apasavyaṃ ca pradakṣiṇam //
tasmād ubhayathā yaṣṭavyaḥ //
tasmād ubhayathā yaṣṭavyaḥ //
devavat pitṛvac ca //
devavat pitṛvac ca //
ubhayaṃ tu rudre devāḥ pitaraś ca //
ubhayaṃ tu rudre devāḥ pitaraś ca //
harṣāpramādī //
harṣa-apramādī //
caryāyāṃ caryāyām //
caryāyāṃ caryāyām //
māhātmyam avāpnoti //
māhātmyam avāpnoti //
atidattam atīṣṭam //
atidattam atīṣṭam //
atitaptaṃ tapas tathā //
atitaptaṃ tapas tathā //
atyāgatiṃ gamayate //
atyāgatiṃ gamayate //
tasmāt //
tasmāt //
bhūyas tapaś caret //
bhūyas tapaś caret //
nānyabhaktis tu śaṃkare //
na anya-bhaktis tu śaṃkare //
atredaṃ brahma japet //
atra idaṃ brahma japet //
vāmadevāya namo jyeṣṭhāya namo rudrāya namaḥ //
vāma-devāya namo jyeṣṭhāya namo rudrāya namaḥ //
kālāya namaḥ //
kālāya namaḥ //
kalavikaraṇāya namaḥ //
kala-vikaraṇāya namaḥ //
balaprathamanāya namaḥ //
bala-prathamanāya namaḥ //
sarvabhūtadamanāya namaḥ //
sarva-bhūta-damanāya namaḥ //
mano'manāya namaḥ //
mano-'manāya namaḥ //
atha tṛtīyo 'dhyāyaḥ
avyaktaliṅgī //
avyakta-liṅgī //
vyaktācāraḥ //
vyakta-ācāraḥ //
avamataḥ //
avamataḥ //
sarvabhūteṣu //
sarva-bhūteṣu //
paribhūyamānaś caret //
paribhūyamānaś caret //
apahatapāpmā //
apahata-pāpmā //
pareṣāṃ parivādāt //
pareṣāṃ parivādāt //
pāpaṃ ca tebhyo dadāti //
pāpaṃ ca tebhyo dadāti //
sukṛtaṃ ca teṣām ādatte //
sukṛtaṃ ca teṣām ādatte //
tasmāt //
tasmāt //
pretavac caret //
pretavac caret //
krātheta vā //
krātheta vā //
spandeta vā //
spandeta vā //
maṇṭeta vā //
maṇṭeta vā //
śṛṅgāreta vā //
śṛṅgāreta vā //
api tat kuryāt //
api tat kuryāt //
api tad bhāṣet //
api tad bhāṣet //
yena paribhavaṃ gacchet //
yena paribhavaṃ gacchet //
paribhūyamāno hi vidvān kṛtsnatapā bhavati //
paribhūyamāno hi vidvān kṛtsna-tapā bhavati //
atredaṃ brahma japet //
atra idaṃ brahma japet //
aghorebhyaḥ //
aghorebhyaḥ //
atha ghorebhyaḥ //
atha ghorebhyaḥ //
ghoraghoratarebhyaś ca //
ghora-ghoratarebhyaś ca //
sarvebhyaḥ //
sarvebhyaḥ //
śarvasarvebhyaḥ //
śarva-sarvebhyaḥ //
namas te astu rudrarūpebhyaḥ //
namas te astu rudra-rūpebhyaḥ //
atha caturtho 'dhyāyaḥ
gūḍhavidyā tapa ānantyāya prakāśate //
gūḍha-vidyā tapa ānantyāya prakāśate //
gūḍhavrataḥ //
gūḍha-vrataḥ //
gūḍhapavitravāṇiḥ //
gūḍha-pavitra-vāṇiḥ //
sarvāṇi dvārāṇi pidhāya //
sarvāṇi dvārāṇi pidhāya //
buddhyā //
buddhyā //
unmatavad eko vicareta loke //
unmatavad eko vicareta loke //
kṛtānnam utsṛṣṭam upādadīta //
kṛta-annam utsṛṣṭam upādadīta //
unmatto mūḍha ity evaṃ manyante itare janāḥ //
unmatto mūḍha ity evaṃ manyante itare janāḥ //
asanmāno hi yantrāṇāṃ sarveṣām uttamaḥ smṛtaḥ //
asan-māno hi yantrāṇāṃ sarveṣām uttamaḥ smṛtaḥ //
indro vā agre asureṣu pāśupatam acarat //
indro vā agre asureṣu pāśupatam acarat //
sa teṣām iṣṭāpūrtam ādatta //
sa teṣām iṣṭa-āpūrtam ādatta //
māyayā sukṛtayā samavindata //
māyayā sukṛtayā samavindata //
nindā hy eṣānindā tasmāt //
nindā hy eṣa ānindā tasmāt //
nindyamānaś caret //
nindyamānaś caret //
aninditakarmā //
anindita-karmā //
sarvaviśiṣṭo 'yaṃ panthāḥ //
sarva-viśiṣṭo 'yaṃ panthāḥ //
satpathaḥ //
sat-pathaḥ //
kupathās tv anye //
kupathās tv anye //
anena vidhinā rudrasamīpaṃ gatvā //
anena vidhinā rudra-samīpaṃ gatvā //
na kaścid brāhmaṇaḥ punar āvartate //
na kaścid brāhmaṇaḥ punar āvartate //
atredaṃ brahma japet //
atra idaṃ brahma japet //
tatpuruṣāya vidmahe //
tat-puruṣāya vidmahe //
mahādevāya dhīmahi //
mahā-devāya dhīmahi //
tan no rudraḥ pracodayāt //
tan no rudraḥ pracodayāt //
atha pañcamo 'dhyāyaḥ
asaṅgaḥ //
asaṅgaḥ //
yogī //
yogī //
nityātmā //
nitya-ātmā //
ajaḥ //
ajaḥ //
maitraḥ //
maitraḥ //
abhijāyate //
abhijāyate //
indriyāṇām abhijayāt //
indriyāṇām abhijayāt //
rudraḥ provāca tāvat //
rudraḥ provāca tāvat //
śūnyāgāraguhāvāsī //
śūnya-āgāra-guhā-vāsī //
devanityaḥ //
deva-nityaḥ //
jitendriyaḥ //
jita-indriyaḥ //
ṣaṇmāsān nityayuktasya //
ṣaṇ-māsān nitya-yuktasya //
bhūyiṣṭhaṃ saṃpravartate //
bhūyiṣṭhaṃ saṃpravartate //
bhaikṣyam //
bhaikṣyam //
pātrāgatam //
pātra-āgatam //
māṃsam aduṣyaṃ lavaṇena vā //
māṃsam aduṣyaṃ lavaṇena vā //
āpo vāpi yathākālam aśnīyād anupūrvaśaḥ //
āpo va āpi yathā-kālam aśnīyād anupūrvaśaḥ //
godharmā mṛgadharmā vā //
go-dharmā mṛga-dharmā vā //
adbhir eva śucir bhavet //
adbhir eva śucir bhavet //
siddhayogī na lipyate karmaṇā pātakena vā //
siddha-yogī na lipyate karmaṇā pātakena vā //
ṛcam iṣṭām adhīyīta gāyatrīm ātmayantritaḥ //
ṛcam iṣṭām adhīyīta gāyatrīm ātma-yantritaḥ //
raudrīṃ vā bahurūpīṃ vā //
raudrīṃ vā bahu-rūpīṃ vā //
ato yoga pravartate //
ato yoga pravartate //
oṃkāram abhidhyāyīta //
oṃ-kāram abhidhyāyīta //
hṛdi kurvīta dhāraṇām //
hṛdi kurvīta dhāraṇām //
ṛṣir vipro mahān eṣaḥ //
ṛṣir vipro mahān eṣaḥ //
vāgviśuddhaḥ //
vāg-viśuddhaḥ //
maheśvaraḥ //
maheśvaraḥ //
śmaśānavāsī //
śmaśāna-vāsī //
dharmātmā //
dharma-ātmā //
yathālabdhopajīvakaḥ //
yathā-labdha-upajīvakaḥ //
labhate rudrasāyujyam //
labhate rudra-sāyujyam //
sadā rudram anusmaret //
sadā rudram anusmaret //
chittvā doṣāṇāṃ hetujālasya mūlam //
chittvā doṣāṇāṃ hetu-jālasya mūlam //
buddhyā //
buddhyā //
saṃcittam //
saṃcittam //
sthāpayitvā ca rudre //
sthāpayitvā ca rudre //
ekaḥ kṣemī san vītaśokaḥ //
ekaḥ kṣemī san vīta-śokaḥ //
apramādī gacched duḥkhānām antam īśaprasādāt //
apramādī gacched duḥkhānām antam īśa-prasādāt //
atredaṃ brahma japet //
atra idaṃ brahma japet //
īśānaḥ sarvavidyānām //
īśānaḥ sarva-vidyānām //
īśvaraḥ sarvabhūtānām //
īśvaraḥ sarva-bhūtānām //
brahmaṇo 'dhipatir brahmā //
brahmaṇo 'dhipatir brahmā //
śivo me astu //
śivo me astu //
sadā //
sadā //
śivaḥ //
śivaḥ //