Der
innerliche und geistliche
F
riede
Oder der
Friede Gottes/ So wol desselben mit
uns/ als unserer mit und in Gott/ samt dessen Befoͤrderungs-mitteln und hindernuͤssen.
Einfaͤltig nach dem grunde Goͤtt- lichen worts
Vorgestellet
von
Philipp Jacob Spenern/
D. Seniore
und Predigern deß
Mi- nisterii
in Franckfurt.
Franckfurt/
Jn Verlag
Joh. David Zunners/
Druckts Joh. Georg Drullmanns Wittib.
Anno M DC LXXXVI.
Hebr.
XIII,
20. 21.
GOTT aber deß friedens/ der von den todten außgefuͤhret hat den grossen Hirten der schaafe/ durch das blut deß ewigen Te- staments unseren HErrn JEsum. Der ma- che euch fertig in allem guten werek zu thun seinen willen/ und schaffe in euch/ was fuͤr ihm gefaͤllig ist durch JEsum CHrist/ welchem seye ehre von ewigkeit zu ewig- keit. Amen.
Dem Wol-Edlen/ Vest und
Hochgelehrten Herrn
Georg Wilhelm Spenern
/
JCto.
Hochgraͤfflichen Hanauischen Regierungs- und
Consistorial-
Rath/ Meinem hertzgeliebten und wehr- testen Bruder
/ Und seiner geliebten Hauß-ehre/
Der Wol-Edlen/ viel-Ehr- und
Tugendreichen Frauen
Maria Elisabetha Spenerin/ gebohrnen Reichmaͤnnin/ Meiner gleichfals hertzgeliebten und wehrten Frauen Schwester
/
)( 2
Wuͤnsche
Wuͤnsche ich
in meinem und der lieben meinigen namen auß grund unserer hertzen
Von dem Himmlischen Vatter
/ und geber aller guten und vollkomme- nen gaben/ zu dem auß seiner weisesten fuͤgung juͤngst angetretenen heyrath Gnade und allen Himmlischen segen in geistlich und leiblichen/ zeitlich und ewigen guͤtern/ Die reiche Gnade.
deß Heiligen Geistes
/
zu heiligung ihrer beyder ehestandes/ in-
bruͤnstigem staͤtem gebet/ Gottseliger erbauung ihrer selbst unter einander/ und einer Christlichen haußkirchen/
Bestaͤndige gesundheit/ und auß ihrem
keuschen ehebette solche leibes-fruͤchten/ welche sie hinwiederumb dem Vatter uͤber alles/ was kinder heisset/ mit sorg- faͤltiger/ zu seinem wolgefallen/ und nicht nach der welt aͤhnlichkeit gerichteter/ aufferziehung treulich zufuͤhren moͤ- gen/
Gluͤck-
Gluͤcklichen fortgang dero haußhaltung/
in deroselben allezeit so viel zu finden/ was zu ihrer nothdurfft und liebes- wercken genug seyn mag/
Angenehme und gesegnete treue beyhuͤlffe
eines von dem andern zu erleichterung aller dieses lebens beschwehrlichkeiten/
Milderung alles jemahl denselben noͤthig-
achtenden und zuschickenden creutzes/
Und also freudigen anfang/ erwuͤnschten
fortgang und seligen schluß ihres ange- tretenen standes/
Vornemlich aber
(mit zueygnung dieses Frieden- Tractaͤtleins/)
Von dem
Glorwuͤrdigsten Friedefuͤrsten JESU CHRISTO
allen Frieden/
den ewigen gnaden-frieden GOttes ge-
gen sie/
den troͤstlichen frieden mit GOTT in staͤ-
ter kraͤfftiger fuͤhlung deß glaubens/
den suͤssen von allen sorgen weltlicher eytel-
keit/ liebe deß irꝛdischen/ oder widerwaͤr-
tigkeiten/
tigkeiten/ unzerstoͤhrten frieden ihres ge- muͤthes in GOtt/
den allgemeinen frieden und ruhestand ih-
rer zeiten/
den freundlichen frieden mit jederman/ mit
denen sie ausser hauß und in demselben umbzugehen haben/
den liebreichen frieden unter ihnen selbst/
welchen der friedens- und ehe- feind auff keinerley weise nie stoͤhren moͤge/
den seligen frieden einer froͤlichen heim-
fahrt/
und den herꝛlichsten frieden in der frieden-
statt deß Jerusalems droben ohne ende/
Also eine vollkommene erfuͤllung deß laͤngst
auffs kuͤnfftig außgesprochenen unserer seligen Eltern segens/
so dann ihrer selbst eigener nach Goͤttlichem
willen gerichteter wuͤnsche und verlangen/
Jhr
getreuer Bruder und vorbitter
Philipp Jacob Spener
/
D.
Franckfurt am Maͤyn/ den 26.
Nov.
1685.
Jn
Jn JESU Namen. Amen. Von dem frieden GOttes oder geistlichen frieden Vorrede An alle Kinder deß Friedens. Liebste Bruͤder und Schwestern in unserem Friedenfuͤrsten JEsu.
E
S sind fast merckwuͤrdige worte/ mit welchen unser liebste Heyland gerad vor dem antritt seines leidens die letzte seine pre- digt an seine liebe Juͤnger Jo- han. 16/ 33. beschlossen/ und so bald darauff in dem folgenden Capitel sich zu seinem Himmli- schen Vatter in dem gebet gewendet hat:
Sol- ches habe ich mit euch geredet/ daß ihr in mir friede habet. Jn der welt habt ihr angst/ aber seyd getrost/ ich habe die welt uͤberwunden.
Er erinnert uns 1. unseres zu- stands in der welt: da haben wir
angst
/ und eine solche angst/ die dem friedē entgegen steeht/ daher einen unfrieden und kampff in sich fasset/
A
mit
mit welchem die welt und dero Fuͤrst uns angreif- fet/ und das leben sauer macht. Ach ja freylich/ angst und unfriedens gnug in der welt!
Auß- wendig streit/ inwendig forcht
/ heisset das
Symbolum
des treuen streiters JEsu Christi des lieben Pauli/ 2. Cor. 7/ 5. Von dem auch jeglicher unter uns so viel mehr erfahren und kosten muß/ als ihn der HERR auch in andern jenem Apostel naͤher und gleicher zu werden wuͤrdiget. Wir fuͤhlen unfrieden in uns selbsten/ und
sehen ein ander gesetz in unsern gliedern/ daß da widerstreitet dem gesetz in unserem ge- muͤth/ und nimmet uns gefangen in der suͤnden gesetz/ welches ist in unsern glie- dern.
Rom. 7/ 21. Da gehets wahrhafftig nicht ruhig her/ wann
das fleisch geluͤstet wider den geist/ und der geist wider das fleisch/ und dieselbige widereinander sind/ das wir nicht thun was wir wollen.
Gal. 5/ 17. Ob dann schon der geist den frieden su- chet/ und lieber staͤts in seinem GOtt ruhete/ so muß er gleichwol an den kampff/ und so wol des fleisches streit gegen sich empfinden/ als seiner- seits sich selbsten demselben maͤchtig entgegen setzen/ daruͤber seine ruhe nicht wenig verstoͤhret wird. Es aͤngsten auch die begangene suͤnden/ und der durch dero erinnerung in uns empfindlich entbrennende Zorn GOttes/ da seine troͤstungen nicht so bald denselben widerum besaͤnfftigen/ die bußfertige seele/ daß es auch dann und wann mit David heisset Psal. 38/ 4.
Es ist kein fried in meinen geheinen fuͤr meinersuͤnde.
Und
v. 9.
Jch
v. 9.
Jch heule vor unruhe meines her- tzens.
Kommet es an eusserliches leiden/ so will das gemůth sich nicht so gleich geben/ noch kan sich darein finden/ daß es sich mit goͤttlichem willen vergnuͤgte/ und alles was demselben gefaͤllet/ sich gleichermassen stracks gefallen liesse/ sondern es gehet etwa ein kampff vorher biß der geist das un- gedultige fleisch unter sich und zur ruhe bringet. Es heisset abermal bey einem David Psalm. 42/ 12.
Was betruͤbstu dich meine seele/ und bist so unruhig in mir? Harre auff Gott/ denn ich werde ihm noch dancken/ daß Er meines angesichts huͤlffe/ und mein Gott ist.
Heisset es von den welt kindern/ und dero zeitlichen sorgen/ damit sie sich martern Psalm. 39/ 7.
Sie machen ihnen viel vergeblicher unruhe/ sie samlen/ und wissen nicht/ wer es kriegen wird:
so ist auch bey den Juͤn- gern des HERRN das zu aͤngstlichen sorgen ge- neigte fleisch/ welches bey jenen solchen unruhe ursach ist/ noch nicht so voͤllig todt/ daß es nicht unruhige gedancken machte/ denen widerstanden werden/ und es also neue unruhe geben muß. Jetzo nicht zusagen/ wo der HERR selbsten sich in einen grausamen verwandelt/ und gegen die seelen/ die er liebet/ eine feindliche gestalt annim- met/ und fast vollends allen frieden und dessen empfindung aus der seele wegnimmet/ wo nichts anders als die groͤssesie angst und unfriede fol- gen kan.
Gibet es nun so viel unruhe in denen/ welche zu dem frieden beruffen sind/ was wollen wir
A 2
dann
dann ausser ihnen hoffen? Es heisset von der gottlosen unfrieden/ Esa. 57/ 20. 21.
Die gott- losen sind wie ein ungestuͤm meer/ das nicht still seyn kan/ und seme wellen koth und unflat außwerffen. Die gottlosen haben nicht friede/ spricht mein GOTT.
Wann dann unter solche gottlose alle die jenige gehoͤren/ die nicht unter den kindern GOttes be- griffen sind/ diese aber mitten unter jenen un- schlachtigen und verkehrten leben muͤssen/ so muͤssen sie auch von jener unruhigem geist staͤts ge- plaget werden/ daß es ihnen nicht so gut wird/ nach ihrem verlangen das leben in friede zubrin- gen zu koͤnnen: dann ob sie wol mit niemand kei- nen unfrieden anfangen/ weder zancken und strei- ten/ noch mit krieg und schwerdt die friedliche verunruhigen/ vielmehr
dem frieden nach ja- gen gegen jederman
Hebr. 12/ 14. so koͤnnen sie dannoch nicht in frieden bleiben/ sondern es heis- set Psal. 120/ 7.
Jch halte friede/ aber wenn ich rede/ so fahen sie krieg an
/ und goͤnnet ihnen also der stoͤhren friede ihre ruhe nicht. Son- derlich aber wo der HERR dessen grimm nicht eine zeitlang zuruͤcke haͤlt/ und den seinigen eine frist athem zuholen goͤnnet/ so hoͤret er nie auff die bekenner der Wahrheit zu verfolgen/ und sie auch in dem aͤusserlichen so viel zuplagen und zu verunruhigen/ als weit seine verhengnuͤß gehet: womit er zwar an ihnen erfuͤllet/ was zu ihrem besten in dem weisen und guͤtigen rath GOttes beschlossen ist/ Ap. Gesch. 14/ 22. daß sie
durch viel truͤbsal muͤssen in das reich GOttes
ein-
eingehen:
aber es gehet mit kampff her/ und wissen sie wenig von frieden: sie erinnern sich a- ber dabey/ was der HERR gesagt Luc. 12/ 51.
Meinet ihr/ daß ich herkommen bin/ friede zu bringen auff erden? Jch sage nein/ sondern zwitracht. Denn von nun an werden fuͤnff in einem hause uneins seyn/ drey wider zwey/ und zwey wider drey.
So heisset es ja/ in der welt habt ihr angst.
Gleichwol will uns unser Heyland nicht bloß in angst und unfrieden lassen/ sondern 2. zeiget er einen frieden/ den wir haben sollen/
daß ihrin mir friede habt.
Weil sie ihn nicht in sich selbs/ und in ihrer zur unruhe geneigten verdorbenen natur/ viel weniger in der streit- und kriegsuͤch- tigen welt finden/ so sollen sie ihn haben in Chri- sto dem Friedenfuͤrsten. Dann weil er sich selbs seinen Juͤngern zu eigen gibet/ ja uns von dem Vatter geschencket ist/ so hat der jenige den frie- den in ihm/ der ihn hat/ als welcher lauter friede und leben ist. So hat er versprochen/ daß er mit seinem Vatter und Geist kommen wolle zu seinen glaubigen/ und daselbs wohnung machen. So wohnet dann der friede in solchen seelen/ und der Heilige Geist laͤsset sie davon soviel schmecken/ als ihnen seelig seyn mag. Dieses ist der wahre frie- de/ hoͤher als daß die welt an denselben reichen/ tieffer als daß sie ihn einsehen und stoͤhren koͤnte. Daher solang als die welt mit ihrem Fuͤrsten un- sern Heyland muß den jenigen bleiben lassen/ wo zu er von seinem Vatter gemacht ist/ und ihn we-
A 3
der
der von seinem thron zu stuͤrtzen/ noch auß seinem pallast/ welchen er sich erwehlet/ außzutreiben dermag/ so lang muß sie uns auch/ nach dem sie uns auß allem uͤbrigen frieden gesetzet hat/ den je- nigen lassen/ der in Christo und in ihm uns gege- ben/ und allein wuͤrdig ist solches herrlichen nah- mens. Also die in sich selbst suͤnder und unge- rechte/ in CHristo die einig voͤllige gerechtigkeit haben und wahrhafftig besitzen/ die haben auch friede in ihm/ da sie in ihnen selbs und um sich mit lauter unfriede sich plagen muͤssen/ und da- her offters des jenigen/ was sie in sich haben/ und dessen in dem glauben versichert sind/ wenig ge- wahr werden.
Woher komt aber 3. daß in Christo solcher friede ist/ und wir denselben in ihm haben koͤnnen? Er sagt:
Jch habe die welt uͤberwunden:
die welt nemlich mit ihrem fuͤrsten/ von dem alle unruhe/ unfried und streit herkommet/ dahero wo sie nicht uͤberwunden waͤren/ nimmermehr friede seyn koͤnte. Aber der HERR hat solches gantze reich/ so die welt heisset/ dessen fuͤrst der Teuffel/ seine gantze krafft die suͤnde/ und die un- terthanen dero knechte/ und also natuͤrlicher weise alle menschen sind/ uͤberwunden: Da er mit sei- nem gehorsam/ leiden und sterben vor die suͤnde bezahlet und gebuͤsset/ damit dem Satan alle sei- ne gewalt und recht genommen/ allen denen a- ber auß solchem hoͤllischē reich/ und auß der macht der obrigkeit der finsternuͤß außzugehen/ freyheit und krafft erworben hat/ welche seine wolthat an sich kraͤfftig seyn lassen wollen. Damit behaltet
zwar
zwar der Satan biß auff die zeit seines letzten ge- richts viele gewalt uͤber alle die jenige/ die sich durch den Geist CHristi nicht helffen lassen wol- len/ daß er noch unauffhoͤrlich rumort/ und lau- ter unfrieden wuͤrcket/ in den kindern des unglau- bens/ so viel mehr als er wenig zeit ihm uͤbrig zu seyn weiß: Weil auch der Himmlische Vatter seinen kindern zu ihrer pruͤffung und mehrerer reinigung von aller in ihnen steckenden weltlichen lust nützlich findet/ von aussen angefochten/ und also vor suͤnden verwahret zu werden/ so laͤsset er noch dem uͤberwundenen feinde zu/ daß er sie ver- unruhigen/ und den jenigen frieden ihnen stoͤh- ren darff/ welcher ihnen nicht nuͤtzlich seyn wuͤr- de. Ja er laͤsset sie auch die innerliche unruhe fuͤhlen/|welche er sonsten/ wo er wolte/ im augen- blick wegnehmen koͤnte. Jndessen ists ein uͤber- wundener feind/ welcher zumal dem Siegesfuͤr- sten nichts mehr anhaben/ sondern auch nur vor seinem ansehen erzittern muß/ gegen die seinige auch nichts mehr sich unterstehen darff/ als ihm beliebig ist zu ihrem besten zu vergoͤnnen. Also ste- cket alle ursach des friedens in solchem des HErꝛn sieg/ daß nicht nur er selbs im frieden ist/ als ei- ner der uͤber seine feinde nunmehr herrschet/ und mit einem winck sie alzumal/ da sie sich empoͤren wolten/ niderlegen kan/ sondern daß auch alle die ihn vor und bey sich haben/ in ihm ihren frieden wissen/ als der versoͤhnung mit GOtt und ihrer erloͤsung/ so dann der gewalt ihres Heylands/ wider welchen ihre feinde nichts vermoͤgen/ in dem glauben versichert. So lassen sie dann den eus-
A 4
serlichen
serlichen menschen nach Goͤttlichem weisen und guͤtigen rath mit unfriede noch eine weile geuͤbet werden/ da sie ihren innerlichen menschen/ mit dem Christus sich vereiniget/ in dem frieden zu bleiben wissen.
Es zeiget aber der HERR auch 4. das mit tel/ wie wir solches seines sieges/ und folglich des friedens moͤgen theilhafftig werden:
Solches habe ich zu euch geredet.
Jst also das wort des HErrn von der liebe seines Vatters/ von seinem außgang vom Vatter/ von seinem hingang wiederum zu ihm/ von dem Troͤster/ welchen er fenden werde/ von der kuͤnfftigen freude/ die nach dem leiden der seinigen warte/ das jenige ge- segnete mittel/ dadurch wir/ wo wir ihm seine krafft bey uns lassen/ und es annehmen/ so bald in die gemeinschafft Ehristi/ seines siegs und frie- dens kommen. Dann es ist dasselbe
Wort
/ welches
Geist und Leben
ist Joh. 6/ 63. der le- bendige saamen/ darauß der
Glaube
gewuͤrcket Rom. 10/ 17. und wir auß demselben
widerge- bohren
werden/ 1. Petr. 1/ 23. dadurch komt
Christus zu wohnen in den Hertzen
Eph. 3/ 17. und mit ihm alles sein
reich
/ welches
gerechtigkeit ist/ fried und freude in dem H. Geist
/ Rom. 14/ 17.
Wo nun solcher friede erlanget/ und unsere seele des sieges Christi in dem glauben theilhaff- tig worden ist/ so folget 5. so bald dessen frucht/ wann der HERR sagt:
Aber seyd getrost.
Die angst mit dero uns die welt durch ihren un- friede zusetzet/ macht uns schuͤchtern und verzagt/ wo wir gedencken an unsere schwach heit/ und an
die
die macht der feinde/ welche uns aufechten/ denen wir aber viel zu gering zu widerstehen sind/ da zappelt und bebet das hertz der jenigen/ die nir- gend anders hin als auff sich und ihre feinde se- hen. Haben wir aber dem wort des HERRN von seinem sieg platz gegeben/ das wir solchen in dem glauben ergriffen/ so wird nicht nur solcher glaube immer gestaͤrcket/ jemehr er sich seines Heylands sieg vorstellet/ und in demselbigen ersie- het/ sondern es waͤchset der muth/ daß man gantz getrost wird/ fuͤr den feinden nicht fliehet/ viel- mehr ihnen getrost entgegen gehet/ und jemehr man durch die erfahrung geuͤbet wird/ sich auch der truͤbsal und unruhe freuet und rühmet/ je nach dem der friede/ so in dem grund der seelen ist/ sich in dero eusserliche kraͤsste außgiesset. Da werden helden/ die vorhin verzagt waren/ und gehet ein in seinen eigenen und anderer augen kleiner David einem jeden Goliath ohnerschrocken und getrost in dem nahmen des HErrn unter augen.
Liebste Bruͤder und Schwestern
/ wir verlangen ja alle/ dann auch diese begierde natuͤrlich ist/ nach frieden und ruhe. Wornach haben wir dann fleissiger zutrachten/ als nach einem frieden/ der uns nie wider entnom̃en werde? Woran haben wir uns mehr zuergoͤtzen/ als daß der HERR uns einen solchen frieden erworben und geschencket habe? Sind dann alle guͤter un- sers Heils hoch und theur zu achten/ so ist es die- ser friede nicht weniger/ ja vielmehr eines der allervornehmsten/ an dessen betrachtung wir uns zu erquicken haben. Wir leben in einer zeit/ da
A 5
man
man sagen mag/ daß wieder erfuͤllet werde/ was schon einmal geheissen hat Matth. 24/ 6.
Jhr werdet hoͤren kriege/ und geschrey von kriegen.
Wir erfahren/ das keinem von und unter menschen gemachten/ ja wol theur-be- schworenen frieden sicher zu trauen seye/ und moͤ- gen leute seyn/ die noch kein hohes alter errei- chet/ und dannoch nicht nur eines ewigen frie- dens anfang und ende erlebet haben: und wo- her kommets/ daß man so offt friede machen/ und deßwegen zusammen tretten muß/ als weil kein gemachter friede laͤnger gehaltē zuwerden pfleget/ als etwa des maͤchtigern theils nutzen mit sich zu bringen scheinet? So moͤchte man sagen/ es reite noch der rothe reuter auff erden herum/ dem
gegeben war den frieden zu nehmen von der erden/ und daß sie sich untereinander erwuͤrgeten/ und ihm ein groß schwerdt gegeben ward
/ Offenb. Johan. 6/ 4. Wir sehen auch die macht Babels immerzu wachsen/ welches noch weiter truncken werden solle von dem blut der heiligen/ und sich an denjenigen blutstuͤrtzungen/ welche laͤngst auß der huren grausamkeit verursachet und veranlasset worden/ nicht ersaͤttigen lassen wird/ sondern mit seinem letzten aber hesstigsten grimm/ auch sein gericht ihm uͤber den halß ziehen solle: also ist vergebens/ daß wir uns zu dieser zeit fried und ruhe bey un- serm Gottesdienst einbilden wolten/ vielmehr was wir an andern/ welche in der canceley Babels in gleicher verdamnuͤß mit uns stehen/ und das urtheil auff alle einerley art laͤngst und so offt
gefaͤllet
gefaͤllet ist/ so vielfaͤltig taͤglich erfuͤllet zu werden sehen und hoͤren/ muͤssen wir uns auch vorzuste- hen/ die rechnung uns machen.
Wohin dann/ wo man uns nirgend dulden noch friede wird lassen wollen
?
Meine Lieb- sten
/ es warten nicht nur allein der jenigen/ welche bestaͤndig an dem HErrn hangen bleiben/ und in krafft des siegs JEsu die Welt zuuͤberwin- den trachten/ ja den Drachen uͤberwunden durch
das blut des Lammes/ und durch das wort ihres zeugnuͤsses/ da sie ihr leben nicht geliebet haben biß an ihren todt.
Offenb. Johan. 12/ 11. die haͤuser des friedens und stoltzer ruhe droben in der herrlichkeit und ewigkeit/ wo vollkommener friede und ewige ruhe ist: sondern auch in dem lande des unfriedens ist noch friede vor die kinder des friedens: aber wie wir gehoͤret haben/ nicht in ihnen selbs/ noch in der welt/ sondern in ihrem Christo und dessen heiliger einwohnung bey ihnen. Wer dieses erken- net und in seiner seele besitzet/ der hat friede mitten unter allem trompetenschall/ trommelschlag/ ge- prassel der stuͤcke/ zischen der feurballen/ oder was sonsten die menschliche grausamkeit/ und des Teuffels boßheit/ zuschaden des menschlichen geschlechts und zerstoͤhrung alles friedens erson- nen hat/ da sonsten ausser solchem himmlischen frieden kein augenblick friede seyn koͤnte.
Also bleibet dieser allein unsere zuversicht und unser trost in aller angst: auch haben wir uns denselben so viel fleissiger in das Hertz zu trucken/ und uns damit zu staͤrcken als weniger ohne den-
A 6
selben
selben uns in der welt übrig bleibet/ damit wir uns erhalten/ oder darauff verlassen koͤnten. Hiezu gehoͤret also eine fleissige und andaͤchtige betrachtung deß worts deß Evangelii/ so ein friedens-wort ist/ und auß seiner krafft/ was wir davon hoͤren/ auch in die hertzen truͤcket.
Lasset uns also/
Meine Lieben
/ fleissig seyn/ zu betrachten unsers theuren Heylandes vortreff- lichen sieg und die gesamte damit uns verdiente guͤter/ sonderlich aber diesen frieden/ als eine herꝛliche crone derselben/ damit solches wort da- von in unseren hertzen lebendig werde/ und wir kosten moͤgen die suͤssigkeit dieses honigs/ de
r
uns allezeit so viel anmuthiger schmaͤcket/ als mehr wir ihn kauen und in dem mund behalten.
Jch wil nach meinem armen vermoͤgen euch et- was desselben vortragen/ dessen fleissige kostung und betrachtung/ in der furcht deß HErrn/ und mit dessen anruffung nicht vergebens seyn kan/ sondern eure seelen mit einem vergnuͤglichen ge- schmack erfuͤllen wi d.
Jhr sehet hie vor augen einige uͤber den geist- lichen frieden durch GOttes gnade angestellte bet
r
achtungen/ welche daher die gelegenheit ge- nommen/ da auff eines Christlichen Freundes vorschlag in meinem so genannten
Collegio
die erbauliche frage vor etlichen Jahren vorgetragen worden:
Wie man zu dem wahren frieden Gottes gelangē/ auch in demselbenerhaltē werden/ uñ zunehmē moͤge?
Darauff dann in unterschiedlichen mahlen von mehrern guten Freunden/ was jeglichem der HErr vor erkaͤnt-
nuͤß
nuͤß uͤber diese materie gab/ außgefuͤhret/ und von mir nach gewohnheit das samtlich vorgekom- mene zusammen gefasset wurde.
Wann dann nun zu diesen unseren zeiten/ wo in der welt der friede aller orten krachet/ solche materie Gott
-
liebenden seelen vor andern erbau- lich seyn/ und sie in und auff die kuͤnfftige truͤbsa- len auffs neue staͤrcken kan/ so habe nicht ohne nutzen erachtet/ selbige vorige handlungen besser in ordnung zu bringen/ und aller orten das wei- ter noͤthige nach verleyhung Goͤttlichen bey- standes beyzusetzen/ und hiemit zum Truck zu geben.
Der HErr aber deß friedens/ von dem wir al- lein allen frieden zu erwarten haben/ segne solche in seiner forcht abgefaßte arbeit an allen/ welche unter euch dieselbe zu lesen gelegenheit haben/ und einiges stuͤndlein zu weilen daran wenden werden/ daß dieses sein wort von dem frieden ein lebendiger saame werde/ darauß in staͤrckung deß glaubens ein herꝛliches gewaͤchs deß friedens in euren seelen auffgehe/ und mehr und mehr reiff werde zu herꝛlicher frucht/ getroster gedult in allem leiden/ freudiger bekaͤntnuͤß in der verfol- gung/ kraͤfftigem sieg über die welt/ und was den frieden stoͤhren wolte: Damit ihr alle moͤget in euch die wahrheit dessen hie geruͤhmten erfah- ren/ und von grund der seelen sprechen/ und sin- gen:
GOtt ist unsere zuversicht und staͤr- cke/ eine huͤlffe in den grossen noͤthen/ die uns troffen haben. Darumb fuͤrchten wir uns nicht/ wann gleich die welt unter-
A 7
gienge
/
gienge/ und die berge mitten ins meer sincken. Wann gleich das meer wuͤtet und wallet/ und von seinem ungestuͤmm die berge einfielen.
(Also/ wann aller friede und ruhe umb uns auß und hinweg ist/)
Dannoch sol die statt Gottes fein lustig bleiben mit ihren bruͤnnlein/ da die heiligen wohnun- gen deß Hoͤchsten sind. Gott
(der der friede seibsten ist/)
ist bey ihr drinnen/ darum wird sie wol
(und in frieden)
bleiben. GOTT hilfft ihr fruͤhe
/ Psal. 46. Ach/ dieses alles ge- be euch der HErr auch in dieser betrachtung zu schmaͤcken/ und daß ihr dessen faͤhig werdet/ so heilige er euch durch und durch von allem/ was dem frieden entgegen stehet: so werdet ihr ewig gnug haben. Lebet wol in unserem JEsu/ und er- bittet mir auch von Jhm gleichen frieden/ selbst zu schmaͤcken die guͤter dieses friedens/ die ich euch zeige/ und auch meine seele nach solchem sůs-
fen
geschmack hungerig ist. Ja/
der friede GOttes/ welcher hoͤher ist/ dann alle ver-
nunfft/ bewahre unsere hertzen und sinne in Christo
JESU
. Amen.
Das
Das erste Capitel. Der Friede GOttes gegen uns.
§. 1.
A
Lles das jenige/ was wir unter dem nahmen des
goͤttlichen friedens
begreiffen: haͤnget dermassen anein- ander/ daß es in gewisser maaß eines ist/ oder doch eines auß dem andern fliesset. Jn dessen weil wir eine sache nicht wol begreif- fen koͤnnen/ wo nicht das jenige/ so nur etlicher massen unterschieden ist/ auch un- terschieden vorgetragen wird/ und die spruͤ- che der heiligen Schrifft/ darinnen des frie- dens gedacht wird/ nicht gantz in einer ab- sicht davon reden/ so haben wir billich solchen frieden GOttes in unterschiedliche arten abzutheilen/ und moͤchten wir son- derlich sagen/ daß derselbe dreyerley seye.
1. Der friede GOttes mit uns/ 2. unser friede mit GOTT/ 3. unser friede in GOTT.
Der erste ist die goͤtt- liche gnade selbs/ dadurch er sich mit uns
befrie-
befriediget hat und zufrieden ist/ die an- dern arten sind in uns: jener ist die quelle/ diese die außfluͤsse in uns: jener ist die beschaffenheit des goͤttlichen Hertzens ge- gen uns/ diese aber die bewandnuͤß unsers hertzens theils gegen GOTT/ theils gegen uns selbs und alle andere creaturen.
§. 2.
Wir wollen aber zuerst handlen von dem
frieden Gottes gegen uns
/ daß nemblich GOtt mit uns friede haͤlt/ und da wir seine feinde gewesen/ hingegen auch seine gerechtigkeit nicht anders als uns zuwider seyn koͤnnen/ sich doch mit uns ver- soͤhnet/ friede gemacht hat/ und denselben haͤlt. Dessen art und fundament bestehet nun in folgendem. Wir waren feinde GOttes von natur/ als die wir die suͤnde/ welche GOTT eusserst zuwider ist/ und seine gerechtigkeit bestreitet/ an uns haben/ und auff die welt bringen/ daher unser tichten und trachten nach der art des Sa- tans/ dessen feindlicher schlangensaamen in Adam uns vergifftet/ und mit einem haß gegen alles gute/ und also gegen GOtt selb- sten/ erfuͤllet hat/ gesinnet/ folglich GOtt hoͤchstens zuwider ist/ und was also auß solcher unsrer alten natur kommet/ ist lau-
ter
ter feindliches wesen/ dann es gehet alles auß und zu eigener ehre/ nutzen und lust/ machet also uns selbsten zu unserem letzten zweck/ welche ehre GOTT allein gebuͤh- ret/ der folglich gleichsam von seinem thron dadurch bey uns entsetzet wird. Eine solche feindschafft aber kan Goͤttliche Gerechtig- keit nicht leiden/ sondern solte dieselbe bil- lich ein solches ihr rebellisches geschoͤpff wie- derum vertilgen/ oder vielmehr mit ewiger pein straffen. Daher gleichsam ein offe- ner krieg zwischen GOTT und uns war. Es heisset recht/
da wir noch feinde wa- ren.
Rom. 5/ 10.
§. 3.
Wie aber diese feindschafft auff- gehoben/ und auß lauter barmhertzigkeit GOttes/ die uns nicht darinnen verderben lassen wolte/ (massen nicht Er/ sondern wir den schaden von der feindschafft hatten/) friede gemachet worden/ beschreibet uns die heilige Schrifft: nemlich daß der Sohn GOttes nach dem guͤtigen rath seines Himmlischen Vatters sich in das mittel schlagen muͤssen/ in dem angenommenen fleisch/ darin er unser bruder worden/ auff daß wir zu seinen verdiensten recht haͤtten/ mit seinem gehorsam/ leiden und sterben un-
sere
sere suͤnde gebuͤsset/ der durch die suͤnden be- leidigten gerechtigkeit ein genuͤge gethan/ damit aber GOTT/ der solches opffer als gnugsam angenommen/ versoͤhnet hat. Weil aber gleichwol goͤttlicher weißheit und gerechtigkeit nicht gemaͤß gewesen/ ob wol ein genuͤge vor die suͤnde geleistet wor- den/ daß wir anders als in einer gewissen ordnung solches von CHristo gestiffte- ten friedens geniessen solten/ welche ord- nung in der buß und glauben bestehet/ als hat GOtt durch das wort des Evangelii solchen frieden uns verkuͤndigen und anbie- ten lassen/ damit wir denselben annehmen und darein treten moͤchten.
§. 4.
Hievon lauten nun die stellen der Schrifft/ 2. Cor. 5/ 18. u. f.
Gotthat uns mit ihm selber versoͤhnet durch Je- sum Christ/ uñ das amt gegeben/ das die versoͤhnung predigt. Denn Gott war in Christo/ und versoͤhnet die welt mit ihm selber/ und rechnet ih- nen ihre suͤnde nicht zu/ und hat un- ter uns auffgerichtet das wort von der versoͤhnung. So sind wir nun bottschaffter an Christi statt/ denn GOTT vermahnet durch uns. So bitten wir nun an Christi statt/ lasset
euch
euch versoͤhnen mit GOtt. Denn er hat den/ der von keiner suͤnde wußte/ fuͤr uns zur suͤnde gemacht/ auff daß wir wuͤrden in ihm die ge- rechtigkeit/ die fuͤr Gott gilt
Rom. 5/ 8. 9. 10. 11.
Darum preiset Gott seine liebe gegen uns/ daß Christus fuͤr uns gestorben ist/ da wir noch suͤn- der waren; so werden wir je viel- mehr durch ihn behalten werden fuͤr dem zorn/ nach dem wir durch sein blut gerecht worden sind. Dann so wir GOtt versoͤhnet sind durch den todt seines Sohns/ da wir noch feinde waren/ vielmehr werden wir seelig werden durch sein leben/ so wir nun versoͤhnet sind. Nicht allein aber das/ sondern wir ruͤhmen uns auch Gottes/ durch unsern HErrn JEsum
C
hrist/ durch welchen wir nun die versoͤhnung empfangen ha- ben.
Ephes. 2/ 14. 15. 16. 17.
Er
(Chri- stus JEsus)
ist unser friede/ der auß beyden eins hat gemacht/ und hat abgebrochen den zaun/ der dazwi- schen war/ in dem daß er durch sein fleisch wegnahm die
f
eindschafft/
nem-
nemlich das gesetz/ so in geboten gestellet war/ auff daß er auß zweyen einen neuen menschen in ihm selber schaffete/ und friede machte/ und daß er beyde versoͤhnete mit GOtt in einem leibe/ durch das cr
e
utz/ und hat die feindschafft getoͤdtet durch sich selbs/ und ist kommen/ hat verkuͤndiget im Evangelio den frieden/ euch die ihr ferne waret/ und denen die nahe waren.
Esa. 53/ 5.
Die straff ligt auff ihm/ auff daß wir frieden haͤtten/ und durch seine wunden sind wir geheilet.
§. 5.
Auß diesen spruͤchen sehen wir/ was zu diesem frieden gehoͤret. 1. Der jeni- ge der versoͤhnet wird/ und doch auch die versoͤhnung selbs anordnet und anbeut/ ist GOtt. 2. Der friedemacher und versoͤh- ner ist der Sohn GOttes/ der als der mittler gesandt worden/ und in das fleisch kommen ist/ daher er auch
Friedefuͤrst
genennet wird/ Esa. 9/ 6. so dann bey sei- ner geburt von den himmlischen Heerscha- ren gesungen worden:
Ehre sey GOtt in der hoͤhe/ friede auf erden/ und den menschen ein wolgefallen.
Luc 2. 14.
3. Das
3. Das mittel der versoͤhnung selbs ist sei- ne genugthuung an die Goͤttliche gerech- tigkeit/ damit wir ohne dero verletzung zur gnade wiederum zugang haͤtten. 4. Die versoͤhnte sind/ was die erwerbung und anerbietung anlangt/ die gantze welt/ die vorhin nahe und ferne waren/ Juden und Heyden/ unter welchen auch damit zu- gleich friede gemacht/ hingegen der unter- scheid/ und folglich die feindschafft/ auffge- hoben worden: was aber die frucht an- langt/ gehet sie die jenige an/ welche sich durch solches wort der versoͤhnung mit GOTT versoͤhnen lassen. 5. Das mit- tel die menschen zu der frucht und genuß des friedens zubringen/ ist das wort der versoͤhnung/ und das amt das dieselbe predigt/ wovon es heisset Esa. 52/ 7.
Wie lieblich sind auff den bergen die fuͤsse der boten/ die da friede verkuͤndi- gen.
Rom. 10/ 15. 6. Die art bestehet darinnen/ daß GOTT seinen zorn gegen einen menschen/ der das wort der versoͤh- nung annimmet/ fahren laͤsset/ ihm die ge- rechtigkeit Christi zueignet/ und ihm also zur gerechtigkeit in ihm machet/ und ferners alle seeligkeit ihm mit zutheilen bereit ist.
Das
Das heisset dann/ daß er mit uns friede habe/ und mit uns zufrieden seye: und wie wir singen:
Nun ist groß fried ohn unterlaß/ all fehde hat nun ein ende.
§. 6.
Nun dieses friedens theilhafftig zu werden und zu bleiben ist das einige mittel die
wahre buß
/ dann darinnen las- sen wir uns mit GOtt versoͤhnen; Wie wir dann sehen/ daß die boten dieses frie- dens/ wie deroselben Herr und erster vor- gaͤnger JESUS selbst gethan/ aller or- ten dem verstand nach diese Predigt ge- fuͤhret haben:
Thut buß/ und glaubet an das Evangelium
/ Marc. 1/ 15. Es muß sich bey dem menschen finden erstlich die hertzliche erkaͤntnuͤß und bekaͤntnuͤß der suͤnden: Dann obwol solche erkaͤntnuͤß und reue das hertz/ das vorher in einer fal- schen ruhe gestanden/ und in seinen suͤnden ihm wol zu seyn gemeynet/ mehr verunru- higet/ und also dem frieden vielmehr entge- gen zu stehen scheinet/ so ist es gleichwol noͤthig/ daß wir zur rechten gruͤndlichen erkaͤntnuͤß unsers elendes gebracht wer- den/ damit wir die vortrefflichkeit der gna- den gleichfalls hoch schaͤtzen lernen. Das Hauptwerck aber in der buß und eigentli-
che
che mittel dieses friedens ist der wahre Glaube an GOttes gnade und CHristi verdienst/ dadurch wir die gerechtigkeit er- langen/ und also in dem frieden mit Gott stehen. Welche wahrheit von dem glau- ben/ daß er uns allein gerecht und selig ma- che/ sonderlich in dem Neuen Testament an so vielen orten/ vornehmlich am deut- lichsten von dem lieben Paulo/ getrieben wird/ daß hier die sache nicht mit mehrerem außzufuͤhren stehet/ sondern am leichte- sten/ in den Episteln/ an die Roͤmer/ Epheser/ Philipper und Galater/ nachzu- lesen ist: Auff welche letztere der liebe Apo- stel noch zu letzt dieses siegel trucket/ c. 6/ 16.
Wie viele nach dieser regel
(nemlich
daß in CHristo JESU weder be- schneidung noch vorhaut
/ noch wie er in der gantzen Epistel gegen die falsche Apostel getrieben hatte/ die wercke deß Ge- setzes/ ja auch nicht deß glaubigen Abra- hams/
etwas gelte/ sondern eine neue creatur;
oder wie er sagt c 5/ 6.
Der glaube/ der durch die liebe thaͤtig ist/) einher gehen/ uͤber dieseye friede und barmhertzigkeit/ und uͤber den Jsrael Gottes.
§. 7. Hin-
§. 7.
Hingegen sind die
hindernuͤs- sen
dieses friedens und demselben entge- gen/ die gottlosigkeit und unbußfertigkeit/ der unglaube/ und der in der sicherheit be- findliche falsche friede. Was die
gott- losigkeit und unbußfertigkeit
anlan- get/ darinnen der mensch in seinen suͤnden fortfaͤhret/ ist solche als ein staͤts waͤhren- der krieg gegen GOTT/ dessen gerechten und heiligen willen der muthwillige suͤnder fort und fort bestreitet. Nun wil uns GOtt umb der versoͤhnung seines Sohns willen willig unsere vorige suͤnde verzeyhen/ da wir nemlich die versoͤhnung in wahrer buß annehmen/ und auffhoͤren wollen/ sei- nen zorn ferner zu reitzen: aber GOtt zu- muthen wollen/ daß ohn eracht unserer staͤts fortwaͤhrenden boßheit und freveler suͤnden er nichts destoweniger mit uns zu frieden seyn/ und sich nach unserem wolge- fallen von uns immer aͤffen lassen muͤßte/ das hiesse aller seiner gerechtigkeit/ ja aller billichkeit/ die auch unter menschen statt hat/ vergessen; in dem sich niemand in der welt zu einem solchẽ frieden verstehet/ indem die andere parthey sich vorbehielte/ im̃erfort erlaubnuͤß zu haben/ der anderen alles leid
anzu-
anzuthun. So mag es also auch in diesem verstand heissen/ Esa. 48/ 22.
Die gottlo- sen/ spricht der HERR/ haben kei- nen frieden.
§. 8.
Es ist aber auch diesem frieden entgegen
der unglaube
/ wo der mensch/ da er seiner suͤnde gewahr wird/ deroselben versoͤhnung nicht allein auß der gnade GOttes in dem verdienst seines Seligma- chers suchet od
e
r annimmet/ sondern ent- weder zu andern menschen und dero hei- ligkeit seine zuflucht nimmet/ oder auff seine eigene wercke und froͤmmigkeit sich verlaͤs- set/ auß deroselben alleine/ oder zum theil seine seligkeit zu erlangen/ (womit wahr- hafftig der ehre CHristi/ so allein unsere gerechtigkeit seyn solte/ viel zu nahe ge- treten wird/) oder aber allerdings sonsten solches opffer CHristi verstoͤßt/ und in sei- nen suͤnden verzweiffelt.
§. 9.
Endlich ist auch dieses friedens hindernuͤß
der falsche frieden
in fleisch- licher sicherheit/ welcher leider die klippe ist/ daran so viele scheitern/ und an ihrer selig- keit schiffbruch leiden/ welche sonsten eine buchstaͤbliche erkaͤntnuͤß haben/ und solche vor einen wahren glauben haltende/ sich in
B
dem
dem Goͤttlichen frieden zu stehen fest/ aber vergebens/ einbilden. Der jenigen/ die mit ihrer eigenen froͤmmigkeit und wercken vor GOtt zu erscheinen sich unternehmen/ sind endlich in unserer Kirchen kaum einige; so ist die offenbahre verzweifflung so gemein nicht; ja/ auch mag die zahl der jenigen nicht eben die groͤßste seyn/ welche in der- gleichen offentlicher gottlosigk it/ schand und lastern leben/ dabey sie ihr hertz und gewissen ohnauffhoͤrlich verdammte/ und ihnen keine hoffnung der seligkeit liesse. Aber wolte GOtt/ der hauffe der jenigen waͤre nicht so groß/ welche in der that un- bußfertig sind/ nach der welt und ihren luͤ- sten/ nicht aber nach den regeln ihres Hey- landes/ noch dem trieb deß Heiligen Gei- stes/ wandlen/ in augenlust/ fleischeslust und hoffaͤrtigem leben/ wie es in der welt brauch und lauff ist/ und doch dabey/ weil sie eben keine solche laster begehen/ die auch von der weltlichen Obrigkeit gestrafft zu werden verschuldeten/ sondern noch ein und ander gutes dem ansehen nach zu wei- len mit thun/ dabey der wahren
Religion
beypflichten/ dem offentlichen Gottes- dienst beywohnen/ beten/ und solche
aͤusser-
aͤusserliche uͤbungen mit verrichten/ gantz in den gedancken stehen/ daß sie bey GOtt in gnaden und im frieden seyen/ und das ver- trauen/ welches sie mit ihrem fleischlichen leben dannoch auff die gnade GOttes se- tzen/ vor den wahren rechten glauben hal- ten/ und sich damit vor seelig schaͤtzende/ ihr gewissen eine weil damit befriedigen und besaͤnfftigen. Wie aber ihre einbildung nicht der wahre glaube ist/ wie sie meinen/ so ist es auch nichts mit dem frieden GOt- tes/ in dem sie zu stehen gedencken. Es ge- het ihnen in gewisser maaß/ wie jenen Weißh. 14/ 22.
Sie liessen sich nicht daran begnuͤgen/ daß sie in Gottes erkaͤntnuͤß irreten/ sondern ob sie gleich in einem wilden wuͤsten wesen der unwissenheit
(oder sicherheit)
le- beten/ nennten sie doch solchen krieg und uͤbel friede.
Jst aber gewiß ein ge- faͤhrliches thun/ indem sich solche leute gefaͤhrlich selbs betriegen/ und nicht weni- ger als die offenbahre gottlose ausser dem frieden GOttes stehen/ viel schwehrer aber dazu als jene gebracht werden moͤgen. Dann wer in einem solchen stande stehet/ daß ihm seine suͤnde allerdings unter augen
B 2
leuch-
leuchten/ und das gewissen keine ruhe laͤsset/ sondern ihm so offt Goͤttliches gericht tro- het/ der kan so viel eher zur erkaͤntnuͤß der suͤnden/ und zu wahrer buß gebracht wer- den. Aber welcher sich einmal fest uͤberre- det/ er stehe im frieden mit GOTT/ und sich durch seinen eingebildeten glauben dar- innen staͤrcket/ hat keinen trieb zur buß/ und meinet nicht derselben zubedoͤrffen; so trachtet er nicht zu dem frieden Gottes zu- gelangen/ in dem zustehen er es vor eine außgemachte sache haͤlt. Es heisset auch von solchen Hiob. 21/ 13.
Sie werden alt bey guten tagen/ und erschrecken kaum ein augenblick vor der hoͤlle;
Und Psalm. 10/ 5.
Er faͤhret fort in seinem thun immerdar
/ (er will noch recht darzu haben)
deine gerichte sind ferne von ihm
/ (man kan ihn dessen nicht uͤberreden/ daß er seiner suͤnden wegen in deinem gericht lige.) Geschihet es auch/ daß zuweilen solchen leuten das gewissen auff- wachet/ und da es rege worden/ ihren frie- den stoͤhren will/ so achten sie solches vor versuchungen und pfeile des Teuffels/ oder vor eine anfechtung/ trachten nur an statt der wahren buß/ dazu sie solches treiben
will/
will/ dagegen zustreiten/ und sich nur mehr in ihrem fleischlichen vertrauen auff das ver- dienst Christi zu staͤrcken: da es gleichwol der finger/ und eine ruͤhrung des Heiligen Geistes ist/ der sie zur erkaͤntnuͤß ihres ge- faͤhrlichen standes bringen/ und auß jenem falschen frieden herauß ziehen will/ damit sie in ernstlicher buß faͤhig werden/ daß er den lebendigen glauben in ihnen wuͤrcke/ und sie damit zu dem genuß des Goͤttlichen friedens gelangen. Wie dann dieses wol die einige art ist/ wie solchen leuten wieder geholffen werden kan: sonsten bleiben sie in ihrer sicherheit das gantze leben durch/ und werden erst in der todes stund/ oder bey ih- rem abschied/ (da es nun auff ewig verloh- ren und zuspat ist) gewahr/ wie gar an- ders sie mit GOTT gestanden/ als ihre einbildung sie beredet hatte. Weswegen es dann mit denen viel besser stehet/ die auch gar um jenen frieden immer kaͤmpffen muͤs- sen/ da ihnen die anfechtung ihren glauben und zustand in zweiffel ziehen will/ als die ohne kampff sein zugeniessen meinen/ da doch auch dieser friede einen staͤten streit wi- der den Satan/ die welt und das eigen
B 3
fleisch
fleisch neben sich haben/ und dadurch erhal- ten werden soll.
Das zweyte Capitel. Unser friede mit GOTT.
§. 1.
D
Er friede GOttes gegen uns/ welchen wir jetzo betrachtet haben/ ist alles uͤbri- gen Goͤttlichen friedens in uns ursach/ gleich wie die Sonne alles liechts und waͤrme/ so auß ihr in den andern coͤrpern entstehet. Es sind aber dessen vornehm- lich zwo wuͤrckungen/ nemlich
unser frie- de mit GOTT
/ und
unser friede in GOtt.
(Der wolverdiente
Theologus D. Lutkeman
in Vorgeschmack Goͤttlicher guͤte 2. 13. nennets
1. einen frieden im gewissen/ 2. eine ruhe und stilligkeit im gemuͤthe.
) Von dero ersten wir in diesem Capitel zuhandeln haben.
§. 2.
Es moͤchte aber
unser friede mit Gott
auch in dem verstand genom- men werden/ daß wir im frieden mit Gott seyen/ und dessen versoͤhnung und gnade geniessen/ aber also ist solcher friede aller-
dings
dings einer mit dem vorigen. Hie aber verstehen wir unter diesem nahmen etwas anders/ nemlich die jenige ruhe und be- schaffenheit unserer seelen/ nach dero wir mit GOTT wol zufrieden sind/ also ein hertzliches vertrauen zu ihm tragen/ und etwa ein gefuͤhl seiner gnade und friedens gegen uns in unserer seele haben/ deßwegen hinwiederum gegen ihm liebreich gesinnet sind. Daß also solcher friede nichts an- ders ist/ als die krafft des glaubens/ der unsere seele beruhiget in der erkaͤntnuͤß der gnade GOttes/ und sie hinwieder in liebe zu GOtt neiget.
§. 3.
Dieser friede kan nicht besser ver- standen werden/ als wo wir bedencken/ wie sonsten natuͤrlicher weise unser hertz gegen GOtt gesinnet seye. So waren wir nun zwar von GOtt also erschaffen/ daß wir so wol ein gutes vertrauen als eine liebe zu ihm haͤtten/ weil in unserer natur ein auß- truck seines willens und seiner heiligkeit war/ da hingegen gleichgesinnete natuͤrlicher wei- se sich schon gegeneinander lencken: Es ist aber solche gute natur durch die suͤnde in uns verdorben/ und hingegen durch den schlangen-saamen eine solche art in uns ge-
B 4
wuͤr-
wuͤrcket worden/ die GOTT gerad zuwi- der ist/ und also an dem guten einen eckel und verdruß hat/ hingegen zu dem jenigen was boͤß ist/ eine zuneigung in sich hat/ darinn stecket schon ein heimliche feindschafft gegen GOtt/ von dem das gute komt: so viel mehr/ weil GOTT solches gute von uns haben will/ und uns mit schweren straffen trohet/ wo wir uns dessen nicht befleissen. Sonderlich ist das hauptgebot an uns/ daß GOtt solte unser letster zweck in allem seyn/ und also alles was wir thaͤ- ten und vornaͤhmen/ von uns um seinet willen geschehen/ und nach seinem willen und zu seiner ehre gerichtet werden. Hin- gegen ist unsere verderbnuͤß nunmehr/ daß sich der mensch zu seinem eigenen goͤtzen ma- chet/ seinem willen in allem folget/ und al- les auß absicht auff seine ehre/ nutzen und lust thut oder unterlaͤsset/ daher sich in al- len dingen suchet/ folglich GOtt seine ehre raubet. Ferner daß wir/ da wir zu vorneh- mern und bessern guͤtern erschaffen sind/ die ewig waͤhren/ und in denen wir recht un- sers Gottes geniessen koͤnten/ leider jetzo auf ein fleischliches wesen verfallen sind/ und unser wol seyn in den irrdischen dingen su-
chen
chen wollen/ welche zu unseres aͤusserlichen menschen vergnuͤgung/ und dessen luͤsten erfuͤllung gehoͤren. Wann dann GOtt auff sein recht bey uns tringet/ verbeut uns/ uns selbst zusuchen/ will hingegen vielmehr haben/ daß wir uns selbs ver- laͤugnen sollen/ eiffert auch gegen die fleisch- liche luͤste/ so verdreust dieses den men- schen/ der gern nach seinem eigenen willen leben moͤchte/ und meinet/ es geschehe ihm gar uͤbel dabey/ daß er seine freyheit nicht haben solle; wie nun auch sonsten bey uns gleich ein widerwillen entstehet/ wo sich uns jemand wiedersetzet/ und wir davor hal- ten/ daß uns unrecht und schaden geschehe/ also erhebet sich dadurch alsobalden ein so viel mehrer wiederwillen gegen GOTT/ weil nicht nur derselbe anders als wir gesin- net ist/ sondern will uns auch noͤtigen/ daß wir ihm sollen gleich gesinnet seyn/ und trohet uns/ wann wir solches nicht seyn wuͤrden. Ja jemehr Goͤttliches gesetz auff uns tringet/ so vielmehr waͤchset sol- cher haß/ und meinet das fleisch/ GOTT thue ihm groß unrecht/ da er es in solche enge spannen/ und ihm alle seine lust verbieten will/ haͤlt auch deßwegen GOtt vor seinen
B 5
feind/
feind/ der ihm nichts gutes goͤnne/ sondern alles wehre/ worinnen uns wol waͤre/ weil es das jenige vor gut haͤlt/ was ihm ange- nehm ist. Das ist das erste des hasses ge- gen GOtt.
§. 4.
Dieser haß wird weiter vermeh- ret/ wo wir ferner gewahr werden/ daß wir auch solches/ was GOtt in dem gesetz von uns erfordert/ nicht halten koͤnnen/ und also wegen unserer angebohrnen und uͤbrigen suͤnden unter seinem zorn ligen/ und deßwe- gen ewig verlohren seyn muͤssen/ da wir auch bey uns oder einiger creatur hinwider keine huͤlffe nicht sehen/ sondern das gewis- sen/ so bald es rege wird/ uns nur von den straffen GOttes prediget. Weil dann nun der mensch in seiner verderbnuͤß sich uͤ- ber alles liebet/ und also seiner suͤnden straff nicht uͤber sich ergehen lassen will/ so hasset er GOtt/ der ihm solche trohet/ und ist seinem gericht feind; und wie ein uͤbel- thaͤter/ welcher seiner mißhandlung wegen sich besorget eines grausamen und schmaͤh- lichen todes/ wolte/ daß keine obrigkeit/ oder dieselbe entweder nicht geneigt/ oder nicht so maͤchtig waͤre/ ihn zu straffen/ weil er aber sie nicht abschaffen kan/ auffs wenigste
ihr
ihr feind ist; also ist bey dem fleischlichen hertzen allezeit der haß gegen Gottes gerech- tigkeit/ und ehe er verdamt wuͤrde/ wolte der mensch lieber/ daß kein GOtt/ oder der- selbe nicht gerecht noch allmaͤchtig waͤre; stuͤnde es auch in seiner hand/ so stuͤrtzete er GOtt von seinem thron/ welches also eine offenbare feindschafft gegen GOtt ist/ die so vielmehr zunimmet/ als mehr Goͤttliches gesetz in den menschen tringet/ ihm das boͤse verbeut/ und die straffen trohet. Das ist also recht das jenige/ was der liebe Apo- stel saget Rom. 8/ -.
Fleischlich ge- sinnet seyn/ ist eine feindschafft wi- der GOTT/ sintemal es dem gesetz Gottes nicht unterthan ist/ dennes vermag es auch nicht.
Welche letzte wort auch ferner weisen/ wie es dem fleisch unmuͤglich seye/ solchen haß ab
z
ulegen/ und sich mit willen dem gesetz zu unterwerf- fen/ als welches seiner natur zuwider ist. Daher ist auch zumercken/ weil dieser haß so tieff in dem hertzen stecket/ daß auch bey den glaubigen zuweilen einige dessen bewe- gungen auffsteigen/ ob sie wol nach dem geist hertzlich mißfallen daran haben/ und sich dessen vor GOtt schaͤmen/ auch auffs
B 6
tieffste
tieffste daruͤber demuͤthigen: sie fuͤhlen aber solches gemeiniglich um die zeit/ wo ihnen GOTT seinen trost und empfindlichkeit seiner gnade entzeucht/ daß sie nicht anders bey sich befinden/ als daß der HERR ih- nen gantz zuwider/ und ihnen feind seyn muͤste/ wie auch ihre klagen daruͤber auß- brechen/ wo denn gemeiniglich ein heimli- ches murren/ ein unvergnuͤgen/ und also ein subtiler widerwillen gegen GOTT sich offenbahret. Welches alles so vielmehr zeiget/ wie starck denn solches bey den noch unwiedergebohrnen seyn muͤsse/ da nichts ist/ so denselben haß hindert.
§. 5.
Hierauß sehen wir also/ ob schon GOtt mit uns frieden gemacht hat/ daß er uns der suͤnden wegen/ um der versoͤhnung Christi willen nicht verfolgen wolle/ nemlich da wir solchen frieden mit glauben anneh- men/ daß damit doch noch unser hertz gegen Gott zum frieden nit geneiget seye/ sondern es muͤsse in demselben eine gantze aͤnderung vorgehen/ daß wir auch mit GOtt zufrie- den seyen/ und also der friede recht von bey- den seiten gleichsam gemacht wuͤrde. Hiezu war also noͤthig/ daß GOTT in unserm hertzen wiederum ein vertrauen zu ihm er-
weckete/
weckete/ zu erkennen/ wie gut er es mit uns meine/ und daß er nicht unser feind waͤre. Dieses ist nun geschehen/ da er seinen Sohn auß liebe vor uns gesandt/ und durch den- selben das werck der versoͤhnung hat ver- richten lassen/ damit er seine liebe genug- sam gegen uns bezeuget/ auch solche ver- soͤhnung uns anerbieten/ und zu dero an- nehmung uns einladen laͤsset. Wo nun solches wort ohne widersetzlichkeit angehoͤ- ret wird/ so erkennet der mensch die liebe GOttes gegen sich/ er erkennet/ was die wahre guͤte des heils seyen/ welche ihm Gott anerbietet/ und gegen dieselbe die jenige/ wornach zutrachten das fleisch ihn treibet/ nichts zu achten seyen. Daß es also kein haß sondern eine grosse liebe Gottes gegen ihn seye/ selbs in dem/ wo ihn GOTT durch sein gesetz von dem boͤsen abhalten will/ weil in der suͤnde/ wo ers nur recht erkennete/ der seelen niemal wol/ die tugend aber/ dazu ihn das gesetz treibet/ derselben vortrefflich- stes gut/ und ein stuͤck ihrer seeligkeit seye. Erkennet nun der mensch solches wahr- hafftig/ und in dem liecht des Geistes/ so faͤllet soviel von der natuͤrlichen feindschafft gegen GOTT wiederum dahin/ als sich
B 7
dieses
dieses erkaͤntnuͤß erstrecket. Dann da die feindschafft theils auß der furcht der straff wegen der verschuldeten verdamnuͤß/ theils auß der falschen einbildung/ daß GOTT auß haß in dem gesetz das jenige uns ver- biete/ worinnen uns wol seye/ entstehet; so wird beydes auffgehaben/ da der mensch sihet/ GOtt biete ihm/ wo ers glaubig an- nehmen wolle/ die vergebung der suͤnden und die befreyung von der ewigen verdam- nuͤß auß gnaden an/ ohne einige seine wuͤr- digkeit/ welches je eine grosse liebe ist; so dann alles was er von ihm fordere/ darin- nen suche er sein/ des menschen/ eigenes bestes und wahre wolfahrt. Wie dann nun diese beyde gruͤnde der feindschafft sind/ so faͤllet mit ihnen auch diese dahin. Wie wir auch sehen/ daß in dem gemeinen leben einer den jenigen nicht mehr vor seinen feind halten wird/ der ihm alle liebe thut/ und es hertzlich gut mit ihm meinet.
§. 6.
Also sehen wir/ daß der vorige friede GOttes mit uns der grund unsers friedens seye/ nach dem nemlich derselbige uns in dem goͤttlichen wort vorgetragen/ und auß dessen krafft der glaube in uns ge- wuͤrcket ist: dann wie der glaube so bald
solche
solche versoͤhnung annimmet/ und sich zu- eignet/ so wird das hertz des menschen wiederum ruhig/ und entsetzet sich nicht mehr vor GOtt auff eine knechtische art/ dessen liebe es erkennet/ liebet auch denjeni- gen/ zu dem es dergleichen treues vertrauen gefasset hat. Hievon heissets nun Rom. 5/
1. Nun wir dann sind gerecht
(und also der versoͤhnung CHristi theil- hafftig)
worden/ durch den glau- ben/ haben wir friede mit GOTT/ durch unsern HERRN JEsum CHrist
/ nemlich nicht nur/ daß GOTT mit uns zufrieden ist/ welches in der gerech- tigkeit stecket/ sondern/ daß wir auch mit GOtt zufrieden sind/ und ein hertzliches vertrauen zu ihm haben: davon er sobald ferner saget/
durch welchen wir einen zugang haben im glauben/ zu dieser gnade/ darinnen wir stehen und ruͤh- men uns der hoffnung der zukuͤnff- tigen herrligkeit/ die Gott geben solle.
Dahin auch die folgende wort ge- hoͤren. v. 5.
Dann die liebe Gottes ist außgegofsen in unser hertz/ durch den Heiligen Geist/ welcher uns ge- geben ist.
Hierauß erhellet gnugsam die
art
art dieses friedens/ und wie er sich auff jenen gruͤndet/ dann wo der glaubige erst- lich jenes friedens und versoͤhnung ver- sichert ist/ trauet er nachmal ferner seinem Himmlischen Vatter alles gutes zu/ und glaubet/ daß er ihm die seeligkeit geben/ und alles sein leiden/ ja selbs seine noch an- klebende suͤnde/ und des Teuffels verfuͤhrun- gen/ zu seinem besten in allen stuͤcken richten werde: welches alles auß der wuͤrckung des kindlichen H. Geistes herkommet/ der in den hertzen das jenige bezeuget/ worauß dieser friede herkommet. Hievon lasset uns einige freudige glaubens- wort
Stephani Prætorii
anhoͤren/ der also schreibet in sei- nem tractaͤtlein von dem friedẽ Gottes (daß auch der gottselige
Statius
solche wort sei- ner schatz-kammer einverleibet
pag.
489.)
So ist nun diß die meinung S. Pau- li
Coloss. 3/ 15.
daß ein Christ ein friedsam hertz oder gewissen haben/ und ein friedsam leben fuͤhren solle auff erden/ ohne jenige sorge seiner seeligkeit/ ohne betruͤbnuͤß seiner suͤnden/ und ohne forcht goͤttliches zorns und gerichts. Sein hertz soll ihm seyn wie ein stilles waͤsserlein/
wel-
welches von keinem winde gereg
t
wird. Es soll ihm seyn/ wie Adams hertz war vor dem fall/ daß er ru- higlich einschlaffen und erwachen koͤnne. Ja es soll ihm seyn/ wie ei- nes Engels hertz im Himmel/ be- wahret durch einen solchen frieden/ der hoͤher ist/ denn alle vernunfft. Denn David weissaget
Psalm. 72/ 7.
daß die lieben Christen zur zeit des reichs Christi leben sollen
in abun- dantia pacis,
in uͤberfluß des friedens. Der friede soll, taͤglich in ihren her- tzen wachsen und zunehmen/ wie ein wasser von den schneebergen.
Esaias aber spricht 32/ 17. 18.
Daß die Chri- sten leben sollen
in pulchritudine pacis,
in schoͤnem friede/ wie unter rosen und lilien/ ja wie unter dem glantz des Himmels/ und daß sie wohnen sollen in sicheren wohnungen und in stoltzer ruhe. Lieber was ist doch stoltze ruhe? Stoltze ruhe ist/ wann ein hertz im erkantnuͤß und glauben Christi so gegruͤndet und geuͤbet ist/ daß es nunmehr weder Mosen noch Teuffel/ noch die kluge welt ach-
tet/
tet/ sondern sie alle saͤmptlich ver- achtet und verlachet/ da sie am greulichsten sind. Denn weil Chri- stus des gesetzes erfuͤllung ist/ allen so ihm anhangen: Was hat dann Moses mit solchen zuthun/ und wie solten sie dazu kommen/ daß sie sich von ihm solten verunruhigen lassen? Weil sie ihm durch Christum uͤberfluͤssig genug gethan/ ja mehr gethan/ als es nie gefodert hat.
Welche wort dieses lieben glaubens- leh- rers auch in seinem verstand/ den er un- serm
Luthero
und vielen dessen orten von der freudigkeit des glaubens abgelernet hat/ recht zufassen sind/ daß er nicht alle/ son- dern die aͤngstliche sorgen seiner seeligkeit/ nit alle/ sondern die zaghaffte betruͤbnuͤß seiner suͤnden/ nicht alle/ sondern knechtische forcht seines zorns außschliesset/ wie anderswo zuersehen/ und billich ist/ daß wir eines solchen gottseeligen mannes wort allezeit/ wo es seyn kan/ mit liebe verstehen: zu- weilen aber einiges/ wo er sich verredet/ ihm zu gut zu halten wissen. Wir setzen aber noch einen ort desselben hieher:
Eins faͤllt mir hier noch ein/ daß David sagt
Psalm.
Psalm. 85/ 8.
Justitia \& pax sese oscula- buntur:
Gerechtigkeit und friede werden sich untereinander kuͤssen. Das ist/ zur zeit CHristi wird es so lieblich und freundlich in der welt zugehen: fuͤrnemlich aber in den hertzen der glaubigen/ das eitel glaube und friede wird darinnen vorhanden seyn. Ja daß sich glaube und friede mit einander hertzen und kuͤssen werden. Der glaube wird ein gefallen an seinem toͤchterlein ha- ben/ das toͤchterlein wiederum ein gefallen an seiner mutter. Die wer- den sich untereinander freundlich begegnen/ und lieblich zulachen/ sich umfahen/ hertzen und kuͤssen/ in grosser freude JEsu Christi. Denn wenn man glaubet/ daß man ge- recht ist fuͤr GOtt/ so hat man auch friede mit GOtt
/ Rom. 5.
§. 7.
Lasset uns nun sehen die mittel/ da- durch wir zu diesem frieden gelangen/ und darinnen beharren/ und auch wachsen moͤ- gen/ das ist/ daß unser hertz sich beruhige in dem vertrauen und liebe GOttes/ vor- nehmlich mit einer empfindlichkeit. So
mag
mag nun das erste mittel seyn die
bußfer- tige reue
uͤber die suͤnde. Zwar solte diese dem frieden vielmehr entgegen zuseyn schei- nen/ als daß sie ein mittel dazu waͤre: gleich- wie aber in dem natuͤrlichen die außsaube- rung der wunden/ welche etwa mit gros- sen schmertzen/ und damit dem menschen weher geschicht/ als ihm die wunde selbs nicht gethan haͤtte/ ein mittel ist/ zu folgen- der linderung und heilung der schmertzen/ so muͤssen in dem geistlichen die buß und reue die jenige seyn/ welche unsere wunden einiger massen außsaͤubern und außwaschen/ da- mit nichts unerkantes boͤses also stecken bleibe/ das wo obenhin geheilet wird/ nachmal die wunde unterkoͤtigt machte/ und neue noch schwehrere schmertzen ver- ursachte. Jst also noͤthig/ daß man in seiner buß seiner ja nicht selbsten schone/ sondern sein wesen fleissig untersuche/ und was suͤndlich vorhanden ist/ so wol erken- ne/ und fich leyd seyn lafse/ alsvornehm- lich mit ernstlichem vorsatz von sich ablege. Ein solches hertz/ welches keine solche suͤnde mehr in sich hat/ die es nicht angreiffen/ sondern derselben schonen wolte/ ist alsdann erst recht faͤhig des innerlichen friedens und
der
der empfindlichkeit der gnade GOttes: Will man aber nicht an die demuͤtige er- kantnuͤß/ und wo dieselbe noͤthig ist/ bekant- nuͤß/ so folget/ was David klaget Psalm. 32/ 3. u. f.
Da ichs wolte verschwei- gen/ verschmachten meine gebeine durch mein taͤglich heulen. Dann deine hand war tag und nacht schwer auff mir/ daß mein safft ver- trocknet/ wie es im sommer duͤrre wird. Sela. Darum bekenne ich dir meine suͤnde/ und verhaͤle meine missethat nicht. Jch sprach/ ich wil dem HERRN meine uͤbertre- tung bekennen/ da vergabestu mir die missethat meiner suͤnde.
Da se- hen wir/ wie kein empfindlicher friede in das hertz kommen koͤnne/ wo man sich der bußfertigen erkantnuͤß und bekantnuͤß wegert.
§ 8.
Hiebey ist auch zu mercken/ ob wol die empfindung der schmertzen der suͤnden und des goͤttlichen zorns in der reue/ nicht in unserer macht stehet/ in welcher maaß wir sie haben wollen/ oder nicht haben wollen/ sondern solches allein in GOttes hand und freyheit beruhet/ wieviel er einen
jeg-
jeglichen auß solchem bittern kelch trincken lassen wolle; daß dannoch gemeiniglich die jenige/ welche am allermeisten von innen die schmertzen und hoͤllen aͤngsten gespuͤhret/ nachmal am allermeisten auch zuschmecken bekommen die suͤssigkeit des empfindlichen trostes: und die etwa mit David geklagt Psal. 38/ 4. v. f.
Es ist nichts gesundes an meinem leibe fuͤr deinem dreuen/ und ist kein fried in meinen gebeinen fuͤr meiner suͤnde. Denn meine suͤn- de gehen uͤber mein haupt/ wie eine schwere last sind sie mir zuschwer worden.
Und ferner:
Jch heule vorun- ruhe meines hertzens:
sind abermal ge- meiniglich/ welche nachmal zu einer viel em- pfindlichern ruhe nach solchem ungestuͤm kom̃en wie sich der Himmel nach schwerem gewitter offt also erhellet/ daß das gute wet- ter darnach lange desto bestaͤndiger ist. Es breitet der HERR durch solche schwerere aͤngsten die seelen dazu/ damit sie nachmal des folgenden friedens sich desto besser wis- sen zugebrauchen/ und nicht sicher dabey werden. Wie dann der HERR unsere schwachheit kennet/ wie leicht wir aller sei- ner goͤttlichen geistlichen gaben/ sonderlich
wo
wo sie in einer mehrern maaß sind/ dar er- leuchtung/ des trosts und anderer himli- schen guͤter/ uns zur uͤberhebung mißbrau- chen koͤnnen/ daher der einem Paulo deß- wegen hernach einen pfahl in das fleisch gi- bet/ damit solchem uͤbel gewehret werde/ der fuͤhret andere vorhin in die hoͤlle/ ehe sie et- was von dem Himmel kosten sollen/ damit sie
sich ihr lebtag scheuen vor solcher betruͤbnuß ihrer seelen.
Esa. 38/ 15. und auch in der folgenden freude wissen/ wer sie seynd.
§. 9.
Gleich wie aber nicht nur bey des menschen bekehrung die buß und reue vor dem glauben hergehet/ sondern weil in un- serm gantzen leben die suͤnde an uns uͤberig bleibet/ auch folglich dasselbe gantz hindurch eine staͤte reue und buß-uͤbung bleiben solle; wie wir auch in unserm Catechismo die be- deutung des untertauchẽs des wassers in der Tauff also erklaͤren/ daß
der alte Adam in uns durch taͤgliche reue und buß solle ersaͤufft werden und sterben/ mit allen suͤnden und boͤsen luͤsten:
So ist eben sowol diese reue ein gesegnetes mittel des friedens/ und der empfindlichen goͤttlichen gnade. Daher hat man sich
nicht
nicht nur auch mehrmal der vorigen suͤn- den seines lebens zuerinnern/ damit man vor dero vergebung seiner guͤte ernstlich danck- bar werde/ sondern sich auch taͤglich seiner suͤnden wegen zu untersuchen/ wie wir vor GOtt stehen/ was an uns seinem willen gemaͤß oder zuwider seye/ damit wir/ was wir also vor suͤnden an uns finden/ uns wahrhafftig lassen leyd seyn/ und uns vor GOTT demuͤthigen. Geschiehet solches nicht/ und man gehet ohne sorge in sicherheit dahin/ ohne auff sich und sei- nen zustand acht zu haben/ oder man will seine suͤnde nicht erkennen/ sondern gar behaupten/ und recht dabey behalten/ oder achtet sie doch gering/ und schlaͤget die erin- nerungen/ wo der Heilige Geist durch seine straffende gnade in dem gewissen uns ruͤh- ret/ in den wind/ oder will die ansetzende traurigkeit/ dadurch GOtt etwas gutes in uns wuͤrcken/ und das hertz zu seiner gnade bereiten wolte/ als eine melancolie und einge- ben des Satans vertreiben/ sucht wol gar durch weltliche freude und lustige gesell- schafft den gedancken zuwehren/ und will noch bey seiner unerkantlichkeit den frieden mit GOTT behalten/ und sich troͤsten;
so
so betriegt sich der mensch schaͤndlich/ faͤllet entweder gar in eine solche fleischliche sicher- heit/ darinnen er allgemach erhartet/ und haͤlt immer seine sorglosigkeit vor den rech- ten frieden/ den er auch deßwegen nicht stoͤhren lassen will; oder wo nachmal die traurigkeit uͤberhand nimmet/ muß er mit desto schrecklichern aͤngsten buͤssen/ daß er den ersten ruͤhrungen so lange kein gehoͤr gegeben/ und kommet desto laͤngsamer zu dem wahren frieden. Welcher aber nie/ so zu- reden/ vieles zusammen kom̃en laͤst/ sondern seine wunden taͤglich von dem eyter saͤu- bert/ ob er wol seine bußschmertzen fuͤhlet/ die einigerley massen die empfindung seines friedens hindern wird gleichwol gemeinig- lich wiederum soviel eher dazu kommen/ und sich beftaͤndiger darinnen erhalten.
§. 10.
Jndessen muß man auch der traurigkeit in der taͤglichen buß nicht all- zusehr und unmuͤssig nachhengen/ als wel- che eine bereitung des hertzens seyn muß/ des trostes und friedens recht faͤhig zuwerden/ nicht aber den genuß desselben zu hindern/ und uns in steter angst zubehalten. Daher wo man die krafft der suͤnden und goͤttli- chen zorns so viel in sich empfunden/ daß
C
da-
dadurch ein rechtschaffener haß gegen die suͤnde gewuͤrcket worden/ so solle man seine gedancken davon ab-und auff die gnaden- lehr wenden/ sich auß den spruͤchen des Evangelii auffzurichten und zutroͤsten/ da- mit das hertz in ruhe komme. Wie auch Paulus befiehlet uͤber den in den bann ge- thanen/ aber nunmehr bußfertigen/ blut- schaͤnder 2. Cor. 2/ 7.
Daß ihr nun fort ihm destomehr vergebet und troͤstet/ auff daß er nicht in allzugrosser traurigkeit versincke.
Und folgends:
Auff daß wir nicht uͤbervortheilt werden vom Satan/ dann uns nicht unbewust/ was er im sinn hat.
Und so ists freylich/ ob wol die bußtraurig- keit an sich selbs gut/ und ein sehr heilsa- mes werck/ daß dannoch der Satan/ wen er davon nicht hat abhalten/ oder in sicher- heit behalten koͤnnen/ nachmal trachtet auff der andern seiten zubeschaͤdigen/ durch unmaͤssigkeit in derselben/ und verhaltung alles trostes/ darauß endlich verzweiffelung/ oder doch dieses erfolget/ daß der mensch zu der rechten freudigkeit und frieden nicht kommen kan/ daruͤber aber manch anderes gutes auch geschlagen wird. Weßwegen
auch
auch den jenigen/ welche ihr Christenthum sich einen ernst wollen seyn lassen/ zwar zu rahten ist/ daß sie ihnen ihre suͤnden/ und wie viel ihnen noch an dem guten mangele/ wie unvollkommen die erneuerung seye/ wie viel hingegen sie noch von dem fleisch an sich fuͤhlen muͤssen/ wol vor augen stellen/ damit sie dadurch in der demuth und vor- sichtigkeit erhalten werden; aber dieses muß dabey seyn/ daß sie bey solcher betrach- tung durchauß nicht stehen bleiben/ son- dern allezeit eben so viel an die ihnen von GOtt widerfahrne barmhertzigkeit/ an die vergebung ihrer suͤnden/ und wie sie in dem reich der staͤts uͤber ihnen waltenden gnade stehen/ daß ihre seeligkeit nicht auff ihrer vollkommenheit der erneuerung und hei- ligkeit/ sondern auff dem glauben und der demselben zugerechneten heiligkeit unsers JEsu beruhe/ item an die gnaden-schaͤtze/ die sie bereits in unserm Heyland haben/ so dann auch an das gute/ was GOTT bereits bey ihnen gewuͤrcket/ und wie weit er sie gleichwol gebracht habe/ gedencken/ und solches alles wol uͤberlegen. Geschiehet a- ber solches nicht/ sondern man bleibet an seiner suͤnde und dero beaͤngstigung kleben/
C 2
man
man kan das hertz zu GOTT nicht mit rechtem kindlichen vertrauen erheben/ noch vor ihm so zuversichtlich beten/ welches al- les unserem frieden mit GOTT gerad ent- gegen ist/ und ihn hindert. Ja es hindert auch solches an dem recht Christlichen le- ben. Dann ob man zwar meinen solte/ daß solche leut sich staͤts desto angelegener lassen seyn/ das gute zuthun/ so nicht bloß dahin zulaͤugnen steht/ so ist doch bey sol- chem gehorsam uñ fleiß allzuviel knechtisches und gezwungenes/ und gefaͤllet GOTT bey weitem so nicht. Hingegen will er solche Christen haben/ die kindlich gegen ihn gesinnet seynd/ seine guͤte erkennen/ und also ihre opffer ihm mit freuden bringen/ als der
einen froͤlichen geber
/ (nicht nur in dem was er andern gibet/ sondern da er ihm seinen gehorsam bringet)
lieb hat/
2. Cor. 9/ 7. Daher er auch von den be- truͤbten die opffer nicht verlangte: wie er dorten den Jsraeliten befiehlet/ daß sie sol- ten uͤber ihr geheiligtes sagen koͤnnen/ 5. B. Mos. 26/ 14.
Jch habe nicht davon gessen in meinem leyde/ und habe nichts davon gethan in unreinig- keit
/ (davon unser
Lutherus
fein glossirt:
Got-
GOttes opffer soll froͤlich/ rein und heilig seyn
) Darauff auch gesehen wird Hose. 9/ 4.
Jhr opffer soll seyn/ wie der betruͤbten brod/ an welchem un- rein werden/ alle die davon essen/ denn ihr brod muͤssen sie vor sich selbs essen/ und ihr brod soll nicht in des HErren hauß gebracht werden.
Diese freudigkeit aber wird maͤchtig ge- schlagen/ durch das staͤte versitzen auff die blosse betrachtung dessen/ was uns noch mangle. Wer aber erkennet die ihm ge- schenckte vergebung der suͤnden/ der dienet GOTT so viel treulicher zur danckbar- keit/ und solches mit freuden: der das je- nige betrachtet/ was gleichwol GOTT schon in der erneuerung bey ihm außgerich- tet/ greifft das werck auch ferner mit soviel getrosterer freudigkeit an/ als der da siehet/ wie seine arbeit nicht umsonst seye. Also muͤssen wir zwar vor uns sehen/ wie weit wir noch von dem ziel sind/ damit uns solches zu desto mehrerem fleiß anspohre/ aber wir muͤssen doch auch hinter uns se- hen/ wie viel wegs wir gleichwol schon zu- ruͤck gelegt haben/ damit wir nicht den muth sincken lassen. Das ist alsdann die
C 3
rechte
rechte art/ wie man zu diesem frieden mit GOtt gelangen/ auch darinnen gefoͤrdert und erhalten werden moͤge.
§. 11.
Wir haben also das eine mittel gesehen/ so unser hertz zu solchem frieden be- reitet/ nun haben wir 2. das rechte eigent- liche mittel zubetrachten/ worauß dieser friede an sich selbs entftehet und erwaͤchset. Solches ist nun
das Wort des Evan- gelii:
dann wie dieses der edle saame ist/ darauß der gantze neue mensch gebohren wird/ so gehoͤret auch zu dessen krafft die- ser friede. Es gehoͤret aber dazu/ wo sol- ches wort seine krafft bey uns ereignen sol- le/ daß dann demselben auch platz gegeben/ und es recht gebraucht werde. Wer also nach diesem frieden mit GOTT und dessen empfindlichkeit trachtet/ der lasse sich be- fohlen seyn/ das goͤttliche Wort/ sonder- lich des Evangelii/ (dann darauß empfan- gen wir den Heiligen Geist/ der ein Geist dieses friedens ist/ und denselben wuͤrcket/ nicht aber auß dem gesetz/ Gal. 3/ 2.) fleis- sig zuhoͤren/ zulesen und zubetrachten: folglich solle er/ wo er in der Schrifft und in der Bibel/ oder andern gottseeligen buͤ- chern lieset/ nicht allein auff dasjenige sehen/
was
was ihm vorgestellet wird/ wie er leben/ und sich staͤts der besserung befleissigen solle. (welches zwar freylich geschehen/ aber noch nicht vor das einige stuͤck des Christen- thums geachtet werden muß/) sondern vornehmlich auch auff die gnaden-lehr des Evangelii/ auf das wort der versoͤhnung 2. Cor. 5. in welchem uns erstlich Gott selbs hat lassen durch JEsum Christum frieden verkuͤndigen Ap. Gesch. 10/ 36. und nechst ihm auch seine boten
frieden und gutes verkuͤndigen
/ Rom. 10/ 15. Daher man sich solche davon handlende spruͤche bekant machen/ sie hertzlich erwegen/ und so zu reden durch die offtere daͤuung oder betrachtung derselben/ den darinnen steckenden safft herauß zuziehen/ und seinen innern men- schen darauß zu naͤhren und zustaͤrcken trachten solle/ als welches gewißlich seine speise ist. Sagte also David von dem gesetz Psalm. 119/ 165.
Grossen frieden haben/ die dein gesetz lieben
/ so moͤ- gen wir solches so viel mehr von dem wort des friedens sagen. Also da Paulus von den Colossern verlangt Coloss. 3/ 15.
Der friede GOttes regiere in euren her- tzen
/ so setzet er bald darauff:
Lasset
C 4
das
das wort Christi unter euch reich- lich wohnen in aller weißheit.
Also je reichlicher das Wort CHristi bey uns wohnet/ und in unsere hertzen sich tieff ein- seneket/ so viel kraͤfftiger und bestaͤndiger wird der friede GOttes in uns wohnen/ der durch jenes mittel von dem Heiligen Geist gewuͤrcket wird. Hievon redet nach seiner art sehr wol der gottselige
Steph. Præ- torius
in seinem tractaͤtlein von dem frie- den:
Es kommet das oelzweiglein innerliches oder geistliches friedens auß dem munde des Heiligen Gei- stes/ oder auß der predigt des Ev- angelii/ welches ist
doctrina pacis,
(die lehr des friedens) wie es S. Paulus nen- net Ephes. 6/ 15.
Denn wenn das lie- be Evangelium von dem verdienst und wolthaten JEsu Christi lauter und rein geprediget/ und mit wah- rem Glauben angenommen wird/ so bringt es den gewissen frieden/
Esa. 32.
Alsdann sitzet ein mensch mit seinen lieben kindern und freun- den unter seinem weinstock und fei- genbaum ohne scheu.
Mich. 4.
und schlaͤfft des nachts mit frieden.
Prov.
Proverb. 3.
Cubabis \& non pavebis: \& dulcis erit somnus tuus.
Jn dem nach- folgenden treibet er deßwegen auch den befehl GOttes an die prediger: da es heist:
Staͤrcket die muͤden haͤnde/ under- quicket die strauchlende knie: sagt den verzagten hertzen/ seyd getrost/ fuͤrchtet euch nicht.
Jtem/
Troͤstet/ troͤstet mein volck/ redet mit Jeru- salem freundlich.
§. 12.
Wir muͤssen aber zum allerfoͤrdi- sten in solchem wort des Evangelii/ und auß demselben warnehmen und betrachten die grosse liebe des Himmlischen Vatters Johan. 3/ 16. wie er die aller liebe unwuͤr- dige welt dannoch so mitleidentlich gelie- bet habe/ daß er sichs auch das allergroͤs- seste/ nemlich seinen Sohn/ und demnach mehr/ als er an einige andere creatur gewen- det/ kosten lassen. Wir muͤssen betrach- ten die liebe unsers Heylandes selbsten/ wel- cher durch dieselbe sich bewegen lassen/ von dem thron seiner herrlichkeit sich herab zu- lassen/ und um unsert willen alles zuthun und zu leyden/ was uns obgelegen waͤre. Daher eine der heilsamen betrachtungen/ so zu diesem frieden dienen/ ist die betrach-
C 5
tung
tung des todes und aufferstehung Christi/ mit deroselben fruͤchten/ daß er
um un- serer suͤnde willen dahin gegebẽ/ und zu unserer gerechtigkeit aufferwecket seye.
Rom. 4/ 25. Denn wir finden/ daß deme unser friede zugeschrieben wird/ nem- lich der friede GOttes mit uns/ der aber des unserigen mit ihme grund ist/ Eph. 2/ 15. 16.
Daß er friede machte/ und daß er beyde versoͤhnete mit GOTT/ in einem leibe durch das creutz/ und hat die feindschafft getoͤd- tet durch sich selbs/ und ist kom- men/ hat verkuͤndiget im Evange- lio den frieden.
Coloss. 1/ 20.
Damit daß er friede machet durch das blut an seinem creutz/ durch sich selbs.
Esa. 53/ 5.
Die straff ligt auff ihm/ auff daß wir frieden haͤtten.
Wie also das leyden und der tod des HERRN der preiß gewesen/ damit uns der friede erkauffet worden: so war seine aufferstehung das jenige/ dadurch er in sei- ne herrlichkeit/ und in den stand eingien- ge/ darinnen er uns vermoͤchte seinen frie- den zuschencken/ und uns darein zusetzen: weswegen er Johan. 20/ 19. 21. als er das erste mahl nach seiner aufferstehung wie-
derum
derum zu seinen Juͤngern kam/ ihnen zwey- mahl sagte/
Friede seye mit euch:
auch kurtz drauf sie als die friedens-herolden und gesandten mit solcher friedens bottschafft in die welt außschickte. Wer auff diese weise das leyden und tod/ auch aufferste- hung CHristi/ nicht bloß nach der histo- rie/ sondern nach dieser seiner frucht/ recht andaͤchtig betrachtet/ und mit freuden da- von singt/ (dazu unser schoͤnes lied:
Nun freut euch lieben Christen gemein/
stattlich dienen kan/) der wird gewiß fin- den/ wie die krafft dieser glaubens-geheim- nuͤssen sich auch in seine seele ziehen/ die- selbe auffmuntern/ darinn seine erkantnuß lebendig machen/ und sie in einen mehreren frieden versetzen werde.
§. 13.
Wie nun die betrachtung der ursach unsers Heils auß dem Evangelio von solcher grossen krafft ist/ so ist nit weniger zu sagen von der betrachtung der guͤter unsers Heils/ die durch Christi tod erworben/ und durch seine aufferstehung uns gebracht worden sind: Also wer in dem frieden bekraͤfftigt werden will/ betrachte auß goͤttlichem wort ferner die grosse seeligkeit/ die der HERR seinen kindern gibet/ ja bereits gegeben und
C 6
ge-
geschencket hat. Wie er sie zu seinen kin- dern angenommen/ auß solcher vaͤtterlichen liebe sie versichret/ vor sie in geistlichem und leiblichem zusorgen/ ihrer schohnet/ alles zu ihrem besten richtet/ mit ihrer schwachheit gedult traͤget/ ihnen die gerechtigkeit sei- nes Sohnes schencket/ die begangene suͤn- de/ und auch noch anklebende schwach- heiten/ mit schuld und straff vergibet/ ihrer obwol in schwachheit und mit vieler un- vollkommenheit verrichtende wercke mit gnaden ansehend sich gefallen laͤsset/ ja zu belohnen verspricht/ seinen Heiligen Geist schencket/ durch denselben sie erleuchtet/ regieret/ treibet/ straffet/ troͤstet/ in dem angefangenen guten erhaͤlt/ des kuͤnfftigen erbes versichert/ oder gar einigen vorge- schmack desselben zukommen laͤsset/ und was solcher wolthaten noch unzaͤhlich mehrere seyn/ die gleichwol zu jenen haupt- arten gehoͤren: darauß zuerkennen ist/ daß warhafftig die glaubige/ solten sie auch in einem/ der welt nach/ elendesten stande seyn/ dennoch warhafftig seelig/ und die guͤter/ dero sie geniessen/ mit solchem nah- men genennet zu werden wuͤrdig seyen. Wie nun alle dieselbe in dem Goͤttlichen Wort hin und wider auffgezeichnet und
geruͤh-
geruͤhmet anzutreffen sind/ also sollen wir solche fleissig betrachten/ und die vortreff- lichkeit derselben gegen andere dieser welt guͤter vergleichen. Je mehr wir sie aber er- wegen und erkennen werden/ so viel mehr wird solche darauß vorleuchtende Goͤtt- liche gnade und liebe in uns das vertrauen gegen GOTT/ der uns so herrlich besee- liget/ samt der liebe zu ihm staͤrcken/ daß der friede in der seele mehr empfindlich wer- de. Wer aber von solchen guͤtern nichts weißt noch verstehet/ (so mit unrecht unter dem nahmen der einfalt passiren will/ da doch einfalt und unwissenheit weit von ein- ander unterschieden sind/) oder an vielen derselben zweiffelt (da doch durch die gruͤnd- liche betrachtung dem zweiffel am besten zu- begegnen waͤre) da ist kein wunder/ daß er wenig von solchem frieden/ so wol als dem vertrauen und liebe zu GOtt/ empfindet.
§. 14.
Dasjenige aber/ was vor allen andern am fleissigsten zuerwegen/ und un- ser hertz darauff fest zusetzen ist/ ist der arti- cul der
rechtfertigung/
als recht der mittelpunct des gantzen Evangelii: daß wir uns nehmlich der wahrheit in demsel- bigen auß GOttes wort versichern/ und sie offt betrachtende/ desto tieffer in die seele
C 7
trucken:
trucken: wie wir einmal
ohne verdienst/
(oder etwas dessen was von unsern werckē/ und obschon wuͤrcklich an uns habender froͤmmigkeit moͤchte davor gehalten seyn/ vor goͤttlichem gericht dazu zugelten/)
auß gnaden gerecht werden/ durch die erloͤsung/ so durch JEsum Christum geschehen ist/ welchen GOTT hat vorgestellet zu einem gnadenstul durch den glauben in seinem blut/
Rom. 3/ 24. 25. Daß also von GOttes seiten das urtheil/ da er uns von unseren suͤnden loß und gerecht spricht/ auß pur lauter gnade geschiehet/ weil er uns dasje- nige/ was CHristus gethan und gelitten hat/ und sein verdienst/ als unser eigenthum zurechnet/ wie einer der eines andern zah- lung vor den schuldener annimmet; von der menschen seite aber seye es allerdings allein der glaube/ der darzu in solchem werck nicht nach seiner wuͤrdigkeit/ nicht nach seiner staͤrcke oder schwachheit/ oder worinnen er etwas zu der gerechtigkeit selbs thaͤte/ sondern nur als eine jenes geschenck annehmende hand angesehen werde. Wer diese lehre recht gruͤndlich gefaßt/ und der Heilige Geist sie in seinem hertzen lebendig
ein-
eingetruckt hat/ der hat die gewißheit sei- ner seeligkeit: dann daß dem glauben das gantze verdienst Christi/ und alle dessen ge- rechtigkeit geschencket/ folglich der mensch wahrhafftig seelig werde/ ist die krafft die- ser lehr von der rechtfertigung: des glau- bens aber/ und daß derselbe/ wie schwach er waͤre/ gleichwol wahrhafftig und leben- dig seye/ kan er auß dessen empfindung o- der den fruͤchten ohn zweiffentlich gewiß seyn. So stehet ihm also seine seeligkeit fest/ sonderlich wo er dieses recht verstehen gelernet/ daß nicht nur die vorhergegangene suͤnden vergeben werden/ sondern daß auch die noch wuͤrcklich anklebende suͤndliche schwachheiten/ des glaubens und des gna- denbundes wegen/ nicht zugerechnetwerden sollen/ nach dem spruch Rom. 8/ 1.
So ist nun nichts verdamliches an de- nen/ die in Christo JEsu sind/ die nicht nach dem fleisch wandlen/ son- dern nach dem Geist;
und also das fleisch/ daß sie noch an sich haben/ das sie noch zu dem boͤsen reitzet/ ist ihnen/ weil sie in CHristo JEsu sind/ nicht verdam- lich. Wo aber die seele der seeligkeit ge- wiß ist/ da ist sobald friede und grosses
ver-
vertrauen zu
GOTT
. Wo aber kein rechter grund in diesem articul gefaßt wor- den/ sondern man den guten wercken noch einigen platz laͤsset/ daß wir durch diesel- bige die seeligkeit erwerben muͤßten/ da ist staͤte forcht und angst/ weil wir niemal/ ob der wercke gnug/ auch dieselbe rein genug seyen/ gantz versichert waͤren: wel- che ungewißheit aber allen frieden schreck- lich stoͤhret. Daher wir sehen/ wie leider in dem Papstum/ weil man die seeligkeit nicht will bloß als ein geschenck dem glau- ben geschehen annehmen/ sondern es auch zum theil den wercken oder tugenden zu- schreibt/ dadurch man sie erwerben muͤste/ keine rechtschaffene gewißheit der seeligkeit ist/ noch seyn kan: weswegen sie auch/ wo man eine gewißheit lehret/ solches vor eine vermessenheit verdammen. Daher geschi- het aber/ daß die gewissen keine ruhe noch bestaͤndigen friede in sich haben koͤnnen/ da fucht man bald dieses bald jenes werck/ walfahrt/ geluͤbd/ oder wol gar das clo- ster-leben/ damit das hertz etwas sich zu- frieden gebe: aber die ruhe ist bey jedem gar kurtz/ und zeiget das gewissen bald die nichtigkeit dessen vor GOttes gericht: da-
mit
mit faͤllt das vertrauen hin/ und muß man wiederum was anders versuchen/ biß man sich allerdings ermuͤdet. Solle aber auch noch zuletst/ und an dem ende/ eine seele/ zu einer solchen zuversicht kommen/ damit sie vor GOTT erscheinen doͤrffe/ so kans nicht anders geschehen/ als wo GOTT endlich eine seele kraͤfftig ruͤhret/ daß sie an allen wercken und eigener heiligkeit verzage/ hingegen allein auß dem blutigen verdienst Christi ihre seeligkeit in dem glauben suche. Welches nichts anders ist/ als endlich in der that die lehre ihrer kirchen nach einem stuͤck verwerffen: und doch ist es das einige mittel/ dadurch GOTT noch einige auß solcher kirche erhaͤlt/ die mit
Bernhardo
und andern sich allein an das recht zum Himmelreich halten/ welches der HERR JEsus verdient hat. Jm uͤbrigen wer- den wir finden/ je mehr ein mensch in die- sem articul der rechtfertigung hat die wahr- heit erkant/ soviel bequemer ist er zu die- sem frieden des hertzens/ und freudig in seinem GOTT; wie unsers lieben
Lu- theri
exempel bezeuget hat/ welcher diese wahrheit wol so tieff/ als einiger von der Apostel zeit an/ eingesehen/ aber auch in
ei-
einem solchen frieden mit GOTT gestan- den hat/ daß er als ein kind mit seinem vatter mit demselben umgangen ist. Hin- gegen wo wir offtmals in unserem frieden verstoͤhret werden/ und die ursache unter- suchen/ wird sich meistens geben/ daß es auß einer anfechtung gekommen/ welcher auß diesem articul vornehmlich geantwor- tet werden muß: wie dann die wahrheit des articuls/ ob sie schon mit dem verstand gefaßt/ doch nicht sobald oder leicht in das hertz eingetruckt wird/ daß nicht einige zweiffel dagegen auffsteigen solten.
§. 15.
Zu diesem wort GOttes/ welches auch das mittel deß friedens ist/ gehoͤret nicht weniger die heilige
Absolution
oder loßzehlung von suͤnden/ wo sie mit bußfer- tigem und glaubigem hertzen gesucht und erhalten wird. Wir wissen/ daß unser Hey- land das wort der versoͤhnung unter uns auffgerichtet/ und dasselbe der Kirchen an- befohlen hat/ daß sie es durch ihre verord- nete Diener fuͤhren solte. Daher haben solche nicht nur solches wort insgemein zu verkuͤndigen/ wie bereit GOtt seye/ allen suͤndern gnade zu erzeigen/ und die verge- bung wiederfahren zu lassen/ sondern wo
einige
einige solches trostes bedoͤrfftig sind/ und sie dero buß zu erkennen achten/ moͤgen sie denselben besonders solche vergebung an- kuͤndigen/ und also ihre suͤnde vergeben/ wie der HErꝛ seinen Juͤngern befohlen hat/ Johan. 20. Daher/ weil wir wissen/ daß Christus in seiner ordnung wil kraͤff- tig seyn/ koͤnnen wir versichert seyn/ wem also auff seine wahre buß seine suͤnden von dem Diener auff erden vergeben werden/ dem sollen sie auch in dem Himmel verge- ben seyn. Wer also dieser staͤrckung sich be- noͤthiget fuͤhlet/ und solche verlanget/ ob er wol damit an dem menschen nit klebet/ da- her auff dessen wuͤrdigkeit oder unwuͤrdig- keit nicht sihet/ sondern weißt/ daß die ver- gebung urspruͤnglich von GOTT allein herkomme/ jedoch seinen trost in der ord- nung suchet/ die der HERR unserer schwachheit zu behuff eingesetzet/ kan sich/ daß auch solches wort deß HErrn an ihm nicht werde unkraͤfftig seyn/ versichern: und mag auch solches nicht wenig darzu thun/ wie den glauben/ also auch den frieden deß hertzens/ zu staͤrcken und zu vermehren.
§. 16.
Diesem ist nicht unaͤhnlich der
segen/
welchen die Prediger etwa bey dem
ersten
ersten anspruch der Gemeinde oder bey dem schluß deß Gottesdienstes zu ertheilen pfle- gen. Welches man auch nicht vor eine blosse gantz unsruchtbare ceremonie zu hal- ten/ wie es meistentheils geschihet/ und man kaum daran gedencket/ sondern ach- tung darauff zu geben hat. Es haben/ so zu reden/ den ersten segen in dem Neuen Testament der Engel Heerscharen gespro- chen/ da sie bey der geburt unsers Heylan- des sangen:
Ehre seye GOTT in der hoͤhe/ Friede auff erden/ und den menschen ein wolgefallen/
Luc. 2/ 14. so auch nicht ohne krafft wird gewesen seyn: so denn ordentlicher weise hat gleich- wol GOtt auch in dem Alten Testament davon befehl gethan/ im 4. B. Mos. 6/ 23. u. f.
Also sollet ihr sagen zu den kin- dern Jsrael/ wann ihr sie segnet: Der HERR segne dich/ und behuͤte dich. Der HErꝛ lasse sein angesicht leuchten uͤber dir/ und sey dir gnaͤ- dig. Der HErꝛ hebe sein angesicht uͤber dich/ und gebe dir friede. Dann ihr solt meinen namen auff die kin- der Jsrael legen/ daß ich sie segne.
Also wolte der HErr krafft dazu geben/
da
da sein name auff die kinder Jsrael gelegt wuͤrde/ und sie alsdann wahrhafftig seg- nen. So sagt der HERR auch zu sei- nen Juͤngern Luc. 10/ 5. u. f.
Wo ihr in ein hauß kommt/
(nemlich in ihrer da- mahligen gesandschafft zur predigt deß Evangelii/)
da sprechet zu erst: Friede sey in diesem hauß. Und so daselbst wird ein kind deß friedens seyn/ so wird euer fried auff ihm beruhen/ wo aber nicht/ so wird sich euer friede wieder zu euch wenden.
Also solte wahrhafftig auß dem friedens-wunsch bey denen jenigen/ welche sich dessen nicht unwuͤrdig machten/ eine geistliche krafft und gnade sich erzeigen/ und uͤber sie kom- men der friede/ der ihnen gewuͤnschet wor- den. Also sind wir gewiß/ wo ein Diener GOttes in der Gemeinde/ da man in dem namen JESU und zu seinem dienst ver- samlet ist/
gnade/ barmhertzigkeit und friede
derselben anwuͤnschet/ daß solches so viel seye/ als versichere er sie sol- cher guͤter/ die ihnen durch das wort ange- tragen wuͤrden/ und wer sie dann in ihrem amt an Christi stelle/ der durch sie die ver- soͤhnung predigen und verkuͤndigen laͤsset/
ansihet/
ansihet/ der mag solchen segen/ als von dem HErrn so wol herkommend ansehen/ als dorten Luc 24/ 51. er seine Juͤnger vor seiner Himmelfahrt gesegnet hat. Und wer dann im glauben solches wort deß HErꝛn annimmet/ der wird dadurch in dem frie- den GOttes gestaͤrcket werden. Wer aber solche friedens-wuͤnsche und segen nicht achtet/ sondern es vor eine blosse ceremonie haltet/ daran nichts gelegen/ und davon keine krafft zu erwarten/ hindert selbst an sich die krafft deß worts/ zu dero genuß der glaube noͤthig waͤre: Und daher kommets/ daß wir so wenig gefuͤhl davon haben. Es solte aber auch eben dieses uns Predigern eine erinnerung seyn/ daß wir in solchem wunsch und segen selbst mit andacht vor dem HErrn und seiner Gemeinde stehen/ gedencken/ was wir reden/ und also auch diese wort nicht anders als GOttes wort außsprechen mit glauben und von grund unserer seelen. Jndeme etwa auch unsere kaltsinnigkeit in ertheilung dieses segens ursach seyn mag/ daß andere offt keine krafft darvon fuͤhlen/ sondern daß/ da wirs als eine blosse ceremonie halten/ auch nichts mehr als durch eine blosse ceremonie
außge-
außgerichtet wird. Was wir aber von Predigern/ und ihrem segen in offentlichen versamlungen gesagt/ laͤßt sich auch nit nur von ihnen verstehen/ wo sie auch anderswo mit ihren Zuhoͤrern umbgehen/ und den- selben gnade und Friede anwuͤnschen/ daß auch solcher friede mit glauben und an- dacht von ihnen angenommen nicht ohne krafft bey diesen bleibet/ sondern es erstre- cket sich in gewisser maaß auch auff andere Christen: Dann wie denselben befohlen ist/ als denen/ die den segen ererben sollen/ daß sie auch andere
segnen/
1. Petr. 3/ 9. ja gar die jenige auch/ die ihnen fluchen und sie verfolgen/ Matth. 5/ 44. Rom. 12/ 14. so kan ihr segen auch nicht allerdings ohne nutzen oder krafft seyn/ dann der HErꝛ nichts unnuͤtzliches befiehlet/ sondern wo eine glaubige seele einen andern segnet/ und ihm bey einiger gelegenheit gnade und frie- de (dann darnach sollen wir Christen mei- stens verlangen/ und also auch andern sonderlich solche guͤter goͤnnen/) anwuͤn- schet/ da ists gewiß/ wo der andere dessen faͤhig ist/ und solches auch/ als etwas geist- liches/ so wir ohne andacht weder reden noch hoͤren sollen/ annimmet/ daß er eine
vermeh-
vermehrung solches friedens in sich erlan- get; Und waͤre also den jenigen/ welche in anfechtung wegen deß mangels der em- pfindlichkeit solches friedens stehen/ dieses sehr nuͤtzlich/ wo sie auch offt von andern glaubigen mitbruͤdern besprochen/ gnade und friede ihnen angewuͤnsehet/ und sie da- hin verwisen wuͤrden/ solches nicht gering zuhalten: da es nicht ohne nutzen abgehen wuͤrde.
§. 17.
Wie zu dem Goͤttlichen Wort allezeit die heilige Sacramenten als dessen siegel gehoͤren/ also haben wir sie auch hier nicht zu trennen/ daher wir als das dritte mittel der staͤrckung dieses in- nerlichen friedens anfuͤhren
die heilige Tauff/
nicht zwar ob muͤßte dieselbige mehrmal widerholet werden/ da es doch an dem einmaligen bunde/ den GOTT darinnen mit uns gemacht hat/ genug ist: sondern wie dieselbe fleissig betrachtet/ und damit derselbigen einmalige krafft immer bey uns erneuret wird. Dann weil der gedachte bund GOttes in der Tauff/ nicht auff eine gewisse zeit mit uns gemachet wird/ sondern das gantze leben durch waͤhret/ so gar daß den jenigen/ die auch auß demsel-
ben
ben allerdings außgeschritten sind/ dannoch der ruͤckweg dazu noch offen stehet/ so ha- ben wir die Tauff anzusehen als einen brun- nen/ auß welchem stets krafft und trost fliesset/ deren theilhafftig zuwerden nichts anders erfordert wird/ als der annehmende glaube/ zu dessen uͤbung diese betrachtung gehoͤret. Es lehret uns GOttes Wort von der heiligen Tauff Rom. 6/ 3. u. f. daß wir
in CHristi tod getaufft/
wie auch
zu gleichem tod
und gleichheit
der aufferstehung
gepflantzet seyen: welches nichts anders gesagt ist/ als von GOTT also angenommen sein/ daß wie unser Hey- land in seinem leyden in dem Goͤttlichen gericht sich an unseren platz gestellet/ und was uns gebuͤhrete vor sich uͤbernommen/ also wir hingegen in der Tauff an seine stelle gestellet werden/ daß es nicht anders solle geachtet werden/ als ob wir selbs alles ge- than und gelitten haͤtten/ was derselbe ge- than und gelitten: damit heißt in seinen todt und aufferstehung getaufft seyn/ in die voͤllig gemeinschafft alles leidens/ todes und aufferstehung CHristi/ also aller sei- ner erworbener und gebrachter gerechtigkeit/ vor GOttes gericht gesetzet werden. Es
D
lehret
lehret uns die Schrifft ferner Gal. 3/ 27.
Wie viel euer getaufft sind/ die ha- ben CHristum angezogen/
daß wir also Christum in der Tauff anziehen/ auff eine solche weise/ daß wir vor GOTT als Christus selbs angesehen werden/ weil derselbe der Sohn und Erbe seines Vatters ist/ daß wir durch die mittheilung alles sei- nes rechten/ auch in die kind- und erbschafft GOttes gesetzet werden: ja nicht sowol wir als Christus in uns lebet Galat. 2/ 20. Wir hoͤren ferner auß der Schrifft/ daß durch die Tauff
unsere suͤnden abge- waschen werden/
Apost. Gesch. 22/ 16. ja daß wir darinnen seelig werden/ so nicht nur 1. Petr. 3/ 21. sondern noch außfuͤhr- licher stehet Tit. 3/ 5. u. f.
Nicht um der wercke willen der gerechtigkeit/ die wir gethan haͤtten/ sondern nach seiner grossē barmhertzigkeit machet er uns seelig/ durch das bad der wie- dergeburt und erneuerung des Hei- ligen Geistes: Welchen er außge- gossen hat uͤber uns reichlich durch JEsum Christum unsern Heyland/ auff daß wir durch desselben gnade gerecht und erben seyen des ewigen
lebens
lebens nach der hoffnung/ das ist gewißlich wahr.
Wo wir abermahl vernehmen/ daß uns die seeligkeit bereits in der Tauff geschencket worden/ daß in der- selben die widergeburt geschehen/ und die erneuerung angefangen worden seye/ daß der Heilige Geist auffs reichlichste bereits uͤber uns außgegossen worden/ der seine wohnung nicht mehr mit willen verlaͤsset/ ja wo er auch außgestossen worden/ solche offtmahl wieder suchet/ daß wir die ge- rechtigkeit und erbschafft des ewigen lebens nach der hoffnung empfangen haben. Welches je die Tauffe vortrefflich herauß- gestrichen und geruͤhmet heißt. Wie wir nun alle wolthaten GOttes fleissig zube- trachten haben/ also auch diese/ die eine zusammenfassung ist aller der vortrefflichstē wolthaten. Sonderlich aber muͤssen wir dieses dabey erwegen/ daß alle diese guͤter uns auff immer geschencket/ und weil sie nicht mit einer
condition
unserer wercke/ sondern als eine gnaden-gabe gegeben wer- den/ so lang von uns behalten werden/ als wir in dem glauben/ dessen zeugnuͤß wir auß seinen fruͤchten bey uns schon finden koͤnnen/ und also nicht in zweiffel zustehen
D 2
be-
bedoͤrffen/ und also im gnaden-stande blei- ben. Wie nun die speise und staͤrckung des glaubens ist/ das Wort des Evangelii von den gnaden-gaben/ also ist auch die- ses wort von den theuren guͤtern des Hēils in der Tauff/ eine rechte speise des glau- bens/ und je fleissiger wir dieselbe in der be- trachtung kosten/ und gleichsam dersel- ben safft suchen außzutrucken/ je mehr wird unserm glauben krafft zuwachsen/ hingegen eben dadurch die empfindung solcher gnade/ und der darinnen bestehen- der friede vermehret und gestaͤrcket werden. Wie dann nichts ist/ was uns solchen frieden verunruhigen und goͤttliche gnade in zweiffel ziehen moͤchte/ (als worauß alle angst und unfriede entstehet/) dem nicht auß dem reichthum der Tauff-gnade/ auß dem ewigen bund der vergebung der suͤn- den/ auß der versicherung der einwohnung des Heiligen Geistes zur gnuͤge koͤnte ge- antwortet/ und die macht solcher stuͤr- me abgeleinet werden. Daher auch die leute/ welche fleissig an ihre Tauffe geden- cken/ und sich darinnen uͤben/ allezeit vor andern freudig/ und mit trost erfuͤl- et seyn werden. Weßwegen wir auch die
gele-
gelegenheit uns angenehm sollen seyn lassen/ wo wir je zuweilen auch einiger heiligen tauff-
action
beywohnen moͤgen/ uns so viel nachtruͤcklicher der einmal ertheilten gnade und empfangenen guͤter zuerinnern/ dieselbe samt und sonders zuerwegen/ und uͤber dieselbe schaͤtze uns zuerfreuen.
§. 18.
Hierzu setzen wir billich 4. das andere Sacrament/ nemlich
das heili- ge Abendmal:
wo nicht nur die ein- setzung desselbigen/ und darauß hervor- leuchtende liebe unsers Heylandes gegen uns das vertrauen zu GOtt trefflich staͤr- cken kan/ sondern gleiche staͤrckung soviel mehr von der wuͤrdigen niessung der pfand unserer erloͤsung/ welche uns darinnen ge- reichet werden/ zuerwarten ist. Wir wissen/ daß uns in solchem theuren Sacrament gegeben werde/ der leib des HERRN: ein auß hertzlicher liebe gegen uns zu erwer- bung eines bruͤderlichen rechten/ auß un- serm saamen/ angenommener leib/ ein zu einem wahrhafftigen versoͤhn-opffer dahin gegebener/ und von dem Vatter darvor auffgenommener leib/ ein lebendigmachen- des/ und mit Goͤttlicher fuͤlle erfuͤlletes fleisch/ so eine Goͤttliche und Himmlische
D 3
krafft
krafft in uns wuͤrcken kan: also auch das blut des HERREN/ ein wahrhafftes GOttes/ und doch auch zu einer bluts- freundschafft angenommenes menschliches blut/ ein rechtes vergossenes opffer- und versoͤhnungs-blut/ so in das allerheiligste gebracht/ und die gantze versoͤhnung voll- kommen damit gemacht worden ist. Je herrlicher diese Goͤttliche speise und tranck an sich selbsten sind/ soviel mehrere krafft geben sie auch denen jenigen/ welche dersel- ben in dem glauben/ und also wuͤrdiglich geniessen. So wird also unser glaube trefflich in solchem andaͤchtigen gebrauch gestarcket/ wo wir in diesem heingen Sa- crament ansehen den todt und sterben un- sers Heylandes/ zu dessen gedaͤchtnuͤß und verkuͤndigung solches liebesmahl eingesetzet worden/ und es uns sozureden vor augen gestellet wird; wo wir darinnen ansehen/ die liebe des Vatters/ der seinen Sohn vor uns in den todt gibet/ und uns hie abermal zur speise schencket/ da sobald der schluß folget/
wie solte er uns mit ihme nicht alles schencken.
Rom. 8/ 33. Wo wir darinnen ansehen die vollkommenheit der erloͤsung/ die auff eine solche hohe art
erwor-
erworben worden/ so dann die guͤtigkeit des liebsten Heylandes/ der sich so genau als speise und tranck mit uns vereinigen will/ damit wir auß dero krafft einer Goͤttlichen natur theilhafftig/ und in gesundem ver- stand in dieselbe verwandelt werden. Also diese theure guͤter/ so in dem heiligen Nacht- mal stecken/ sind lauter treffliche staͤrckun- gen unsers glaubens und unserer rechtferti- gung/ die in der gemeinschafft des ver- dienstes CHristi bestehet/ darauff
der friede
folget/ Rom. 5/ 1. Wißwegen auch mit fleiß bey jedem communicanten die worte von dem diener also eingerichtet wer- den:
Das ist der leib unsers Heylan- des JESU CHristi vor eure juͤnde dahin gegeben: Das ist das blut JEsu Christi vor eure suͤnde ver- gossen:
damit also wie sonsten der glau- be die allgemeine wolthaten GOttes auff sich
applic
iren/ und ihm selbs zueignen muß/ also der prediger demselben zuhuͤlffe kommet/ und die allgemeine dargebung des leibes und vergiessung des blutes Chri- sti selbs/ auff einen jeglichen besonders mit seinen worten
applic
ret. Also bleibet das heilige Abendmal recht ein
friedens-mal/
D 4
dar-
darinnen der HERR/ so uns so freund- lich darinnen
tracti
ret/ uns seines friedens versichert/ wir aber in dem frieden des hertzlichen vertrauens und liebe gestaͤrcket werden.
§. 19.
Das 5. mittel setze ich nun/ das andaͤchtige
gebet.
Es ist dieser friede ei- ne theure gabe GOttes/ daher derselbe auch wol wuͤrdig/ daß wo wir sie von ihm verlangen/ wir auch ihn darum hertzlich und instaͤndig anruffen. Zwar ist der HERR auch ehe wir bitten/ das jenige uns zugeben bereitwillig/ was uns gut ist/ wie er uns soviel unzehliche guͤter ungebe-
t
en gibet/ aber es ist doch das gebet ein stuͤck der Goͤttlichen ordnung/ die von uns erfordert wird/ daß wir mit erkantnuß unserer duͤrfftigkeit/ weil wir von ihm alles haben muͤssen/ und seines unerschoͤpffli- chen reichthums/ darauß er uns alles ge- ben kan/ so dann unverbundener freyheit/ da er uns zugeben nichts schuldig ist/ viel- mehr von uns als bettlern flehentlich ange- langet werden muß/ ihn preisen: damit wir zwar abermal nichts verdienen/ jedoch seiner gnade faͤhig werden. So muͤssen wir dann zu diesem
Vatter des liechts/
von
von dem alle gute und vollkomme- ne gaben von oben herab kommen
muͤssen Jacob. 1/ 17. unter welche gaben gewißlich auch dieser friede gehoͤret/ uns mit gebet wenden/ damit wir denselben erlangen. Haben dorten die kinder Korah zusprechen ursach: Psalm. 85/ 8.
Ach daß ich hoͤren solte/ daß GOTT der HERR redete/ daß er friede zusagte seinem volck und seinen hei- ligen:
da etwa meistens auff den welt- lichen frieden mag gesehen werden: wie viel mehr haben wir solche wort zugebrau- chen ursach von dem geistlichen und himm- lischen frieden/ der an sich edler/ uns noͤ- thiger/ deßwegen aber GOTT soviel be- reitwilliger ist/ ihn uns zugeben? So ge- hoͤret ja der friede GOttes mit zu dem reich GOttes/ als welches darinnen bestehet. Rom. 14/ 16. wo dann Christus uns in der zweyten bitte heisset/ umb die zukunfft seines reichs beten/ so hat er uns damit gewie- sen/ daß wir auch um solchen frieden zu- beten/ aber dabey uns zuversichern haben/ daß eben deswegen wir in solcher bitte
nach seinem willen
beten/ und folglich der er- hoͤrung gewiß seyn moͤgen/ 1. Johan. 5/ 14.
D 5
Wie
Wie dann in diesem eben die staͤrcke des ge- bets bestehet/ daß wir mit einem solchen glauben und vertrauen beten/ als die ge- wißlich von dem HErrn das gebetene er- langen werden/ dessen wir von dergleichen art guͤtern allerdings gewisse verheissungen haben. Hingegen daß wir so wenig dieses friedens/ wie auch anderer geistlicher guͤ- ter/ gemeiniglich haben/ sorge ich/ daß mei- stentheils die ursach seye Jacob. 4/ 2. 3. daß wir nicht darum beten/ sondern offt kaum gedencken/ daß wir solcher gabe beduͤrfftig find/ oder da wir beten/ daß wir nicht also beten wie wir solten/ nemlich mit ei- nem solchen vertrauen/ welches GOTT seine guͤtige verheissung vorhaͤlt/ sodann auch mit einer solchen anhaltenden bestaͤn- digkeit/ nicht muͤde zuwerden/ sondern dasjenige mehrmal zubeten/ dessen erfolge wir-nicht sobald auff die etlichmalige bitte spuͤhren. Wir haben aber auch um die- sen frieden nicht nur zu beten/ zu der zeit/ da wir in dessen ermangelung und unem- pfindlichkeit stehen/ sondern eben da wir denselben besitzen und geniessen/ muͤssen wir gleichwol unauffhoͤrlich um dessen er- haltung ansuchen/ dann er ein solches liecht
und
und waͤrme in uns ist/ die nicht in uns ste- cket/ sondern so zu reden in einem staͤten außfluß GOttes auff uns bestehet; verbir- get sich unsere Sonne einmal hinder die wolcken/ so ist das liecht dahin/ und die waͤrme waͤhret nicht mehr lang/ daß also wir von diesem GOTT des friedens unab- laͤssig zubeten haben/ daß er sein angesicht nicht vor uns verbergen wolle/ da es sonsten sobald um unsern frieden gethan waͤre.
§. 20.
Jn allem gebet/ und also auch in diesem gebet vor den innerlichen frieden/ haben wir auch sonderlich acht zugeben auf unser hertz und dessen bewandnuß/ ja auch auff GOttes antwort in demselben. Es hat der HERR versprochen/ Esa. 65/ 24.
Ehe sie ruffen/ will ich antworten/ wenn sie noch reden/ will ich hoͤren.
Es antwortet aber GOTT auff das ge- bet nit nur durch die wuͤrckliche leistung o- der gebung des jenigen/ darum man ihn gebeten hat/ sondern offtmals vorher in waͤhrendem gebet durch trost/ freudigkeit und dergleichen wuͤrckungen: Wie wir dor- ten sehen Philip. 1/ 4. daß Paulus sein ge- bet vor die Philipper
mit freuden
thut/ das ist in seiner seelen allemal eine freudig-
D 6
keit
keit des Heiligen Geistes empfande/ darauß aber soviel gewisser schlosse/ daß solch gebet dem HERRN gefaͤllig und erhoͤret seye. So geschiehet es noch manchmal/ daß ein glaubiger Christ in seinem gebet/ oder wo er solches schliesset/ einen kraͤfftigen trost und freude empfindet/ die eine wuͤrckung des Heiligen Geistes ist/ und er zwar auß er- mangelung derselben/ daß sein gebet von GOTT gar verworffen seye/ nicht zu- schliessen hat/ aber wo sich solche wuͤrckung ereignet/ soviel gewisser/ daß der HErr ihm das gebet angenehm seyn lasse/ zuschliessen und solches vor eine gewihrige antwort zu- achten hat: Da sihet er gleichsam/ daß er eine gnaͤdige audientz erlanget/ und thut wol/ daß er bey solchem heissen eysen drauff schmidet/ oder sich solcher bewandnuß sei- nes hertzens/ die er nicht eben allezeit glei- cher massen findet/ alsdann weiter gebrau- chet/ mit gebet vor dem gnadenthron an- zuhalten/ und sich seiner bitte immer mehr zuversichern. Geschiehet dieses/ so ist so wol/ was er von einer solchen antwort fuͤh- let/ bereits ein stuͤck dieses friedens/ als wird in fortsetzung solches gebets/ und da sothaner goͤttlichen wuͤrckung ferner nachge-
haͤnget
haͤnget wird/ dieser immer weiter vermeh- ret. Hingegen hindert man vielfaͤltig die jenige krafft/ die wir von dem gebet in uns haben solten/ wo man in seinem hertzen/ wie uns zumuth werde/ keine achtung gi- bet/ aber eben damit weiset/ daß wir selbs von unserm gebet wenig halten muͤssen/ weil wir gleichsam keine antwort erwarten wollen; nicht anders als einer/ der einem grossen Koͤnig zwar eine
supplication
zuuͤ- berreichen die gnade gehabt/ aber sobald davon lieffe/ und nicht erwarten wolte/ was vor eine gnaͤdige
resolution
er erlan- gen moͤchte/ so der Koͤnig selbs zu seiner verachtung anziehen koͤnte. Wie nun solche beobachtung des hertzens bey allem gebet/ da auch um etwas aͤusserliches ge- beten wird/ uns noͤthig ist/ so ist sie so- viel mehr noͤthig bey dem gebet um diesen frieden/ der etwas innerliches ist/ und nicht anders als in der seele gefuͤhlet wird; daß wir wol acht geben/ ob der Geist deß HERRN auff unser gebet eine regung in dem hertzen erwecken wolle/ da wir anfien- gen etwas mehr von solchem frieden zuspuͤ- ren/ und solches gefuͤhl alsdann weiter zu- nehmen wuͤrde/ wo wir jener bewegung
D 7
nach-
nachsetzten; wie ich nicht zweiffele/ daß etwa manchmal GOTT in unsern seelen etwas dergleichen zu wurcken anfange/ so immer weiter wachsen wuͤrde/ wo wir nicht mit unachtsamkeit solches verstoͤhrten/ und uns also dessen verlustigten: da alsdann auch gleiche wuͤrckung/ die ein und ander- mal verstossen worden/ nicht immer auffs neue wiederkommet.
§. 21.
Dieses fuͤhret uns auff die be- obachtung 6. eines sechsten mittels/ so mir nennen moͤgen
die beobachtung unsers hertzens/
welche in der Schrifft gemei- niglich
wachen
genennet/ und mit dem beten zusammen gesetzet wird/ und wie zu soviel anderem guten also sonderlich zu die- sem frieden ein treffliches thun kan. Es gehoͤret aber zu solcher staͤten beobachtung des hertzens unterschiedliches. Zum aller- foͤrdersten stets in demselben acht zugeben/ auff dessen bewegungen/ und was sich dar- innen hervor thut/ entweder von regun- gen des Heiligen Geistos/ oder auch hin- wider des fleisches. Auff jene muß genau acht gegeben werden/ wo sich dieselbe ein- finden/ damit wir sie nicht unachtsam vor- bey streichen lassen/ und damit vieles ver-
saumen/
saumen/ in dem sie nachmal nicht eben so bald wiederum zukommen pflegen: wo- durch geschiehet/ daß sowol manches un- terbleibet/ was sonsten zu unserem frieden dienlich waͤre/ alß auch wo man nachmal seiner versaumnuͤß gewahr wird/ daß uns unser gewissen daruͤber beschuldigt/ und also sehr verunruhigen kan. Auff die regun- gen deß fleisches aber hat man eben sowol fleissig acht zugeben/ damit man densel- ben nicht platz/ noch sie erstarcken lasse/ son- dern die schlangeneyer/ ehe die Basilisken darauß schlieffen/ beyzeiten zertrete. Dieses dienet dazu/ damit wir unsere seele in dem stande und reinigkeit behaltē/ daß der HErr darinnen wohnen/ und sein friede darin- nen bleiben koͤnne/ welcher aber nicht platz hat/ da die unruhige luͤste herrschen; sie herr- schen aber bald/ wo man nicht genau auff seiner hut ist/ und deroselben erstes auffstei- gen/ da ihnen noch kraͤfftig widerstanden werden mag/ bey zeiten warnimmet. Wer also seine augen nicht auch staͤts inner sich gekehret hat/ die bewandnuß seiner seelen warzunehmen/ geraͤth offt/ ehe er sichs versi- het/ in solche faͤlle/ die das gewissen verletzen/
und
und also offt auff eine gute zeit allen frieden deß hertzens zerstoͤhren.
§. 2
2
.
Es gehoͤret auch zu dieser beob- achtung deß hertzens/ daß man die gegen- wart GOttes in demselben warnehme. Es ist GOTT das jenige unendliche le- bendige Wesen/ welches
Himmel und erden erfuͤllet/
Jerem. 23. Daher ist es uns allezeit nahe; ja es heisset mit wahrheit von ihm/ Apost. Gesch. 17/ 28.
Jnihm le- ben/ weben und sind wir:
Daß er uns deßwegen viel naͤher als die lufft/ die umb uns ist/ ja uns aller orten durchtringet. Diese gegenwart fuͤhlen wir nun in allem/ was wir fuͤhlen: Dann wo ich mich be- wege/ und was ich vor ein gefuͤhl habe/ koͤnte solches ohne Goͤttliche lebendige krafft nicht seyn/ und zeiget uns also deß HErren gegenwart an/ dessen krafft in allen gefuͤhlet wird. Es ist aber noch eine andere gegenwart der gnaden/ da die gantze Heilige Dreyeinigkeit der glaubigen her- tzen/ ja ihre leiber und seelen bewohnet/ und mit denselben innerst vereiniget ist. Nun ist der HERR der GOtt deß frie- dens/ und bringet aller orten friede mit sich/ als seines pallastes zierrath. Daher
haben
haben wir genau auff uns und den zu- stand in uns acht zu geben/ daß wir solches einwohners in uns gewahr werden/ wel- ches geschihet durch die jenige wuͤrckun- gen/ damit er sich und seine gegenwart in uns bezeuget/ wie die waͤrme/ die wir fuͤh- len/ der naͤhe deß feuers zeugnuͤß ist. Ha- ben wir nun auß solchem gefuͤhl die zeug- nuͤssen der gegenwart GOttes in uns/ so ist solches die trefflichste befoͤrderung un- seres friedens/ weil es uns der gnaden ver- sichert. Also haben wir den HERRN auff zweyerley art zu suchen/ ausser uns und in uns. Ausser uns nicht nur in der natur und in den geschoͤpffen/ da seine fußstapffen kaͤntlich sind/ und bezeu- gen/ daß er uns auch daselbst nahe/ sondern auch in seinem wort/ da Er sich uns offenbahret/ und solches zum mittel gebrauchet/ bey uns in gnaden ein zuziehen: Jn uns aber haben wir ihn zu suchen/ da wir auff seine gnaden-gegenwart/ in dero Er sich als ein lebendiges und kraͤfftiges Wesen erweiset/ achtung geben: nicht an- ders/ als wir auch die lufft/ die umb und in uns ist/ nicht anderwaͤrtlich suchen noch weit nachlauffen doͤrffen/ sondern nur
dessen
dessen gegenwart warnehmen und fuͤhlen doͤrffen.
§. 23.
Wo wir aber auff solche gegen- wart GOttes acht geben/ und insgesamt an GOTT gedencken wollen/ ist es noth/ daß wir unsere sinne und gedancken vor vielem außschweiffen verwahren/ vielmehr gantz dieselbe von allen geschoͤpffen ab-und gleichsam in sich ziehen/ alsdann mit aller seiner krafft in GOtt zu tringen/ da/ so zu reden/ nichts mehr in der seele/ so wir nach vermoͤgen von allem andern außgelaͤhret/ uͤbrig bleibe/ als GOtt selbsten/ der darin- nen wohnet/ und in solchem zustand von der auff ihn allein gerichteten seele am ei- gentlichsten und kraͤfftigsten gespuͤhret wer- den kan. Kommet es nun dazu/ so ist es der hoͤchste friede/ dann da ruhet die seele in GOTT/ als in ihrem
centro,
so sie in sich findet/ und ist ihr als ein fisch in seinem wasser/ darinnen als seinem element/ sein wolseyn und ruhe sich findet. Es laͤsset sich aber solches nicht wol anders thun/ als/ wie gedacht/ in einem ernstlichen abziehen der seelen von allem uͤbrigen/ was nicht GOtt ist/ als dessen sie sonst nicht so leicht
bey
bey sich gewahr wird/ so lange ihr gefuͤhl noch starck auff etwas anders gerich- tet ist.
§. 24.
Das siebende mittel moͤchte seyn das
sorgfaͤltige vorsehen vor suͤnden und befleissigung der heiligung.
Jst also noͤthig/ sich vor allen wissentlichen und muthwilligen suͤnden zu huͤten. Jn dem sonsten/ da man dieselbe begehet/ nicht nur die empfindung Goͤttlicher gnade/ und also unser friede mit GOTT/ sondern auch dessen friede mit uns/ durch sie wahr- hafftig auffgehoben wird: auch wo solches geschehen/ ob wol der mensch wider zur buß und gnade kommet/ wird doch ge- meiniglich eine gute zeit die empfindung dergnade zu ruͤck bleiben/ und das hertz mehr unfrieden fuͤhlen. Ja man muß sich be- fleissigen/ nicht nur der aͤusserlichen suͤnden sich zu enthalten/ sondern auch inwendig die liebe der welt mehr und mehr abzule- gen. Es heisset: 1. Joh. 2/ 15. 16.
Habt nicht lieb die welt/ noch was in der welt ist. So jemand die welt lieb hat/ in dem ist nicht die liebe deß Vatters. Dann alles was in der
welt
welt ist/ (nemlich fleisches-lust/ und der augenlust/ und hoffaͤrtiges leben/) ist nicht vom Vatter/ son- dern von der welt.
Hie hoͤren wir/ daß die liebe der welt/ auch wie sie in sol- chen innerlichen luͤsten bestehet/ so fern nem- lich dieselbe in dem hertzen herꝛschen/ nicht stehen mag mit der liebe deß Vatters: Oh- ne diese aber ist kein friede. Also wer an- faͤnget an die welt sich mit seinem hertzen zu haͤngen/ bilde sich nicht ein/ daß er zu ei- nigem wahren frieden kommen moͤge/ son- dern entweder wird sein gewissen ihn staͤts verunruhigen/ und seine schuld vorstellen/ oder wo es schlaͤfft/ so ist es noch aͤrger/ und wird der arme mensch mit einem fal- schen frieden betrogen/ und meynet friede zu haben/ da kein friede ist/ sondern ein so viel gefaͤhrlicher krieg/ oder vielmehr ist er von dem Satan uͤberwunden/ der nun- mehr
das seine in frieden
(Luc 1
/ 21.)
besitzet.
Also kans geschehen/ daß man all sein voriges gut deß friedens wieder verliehret/ und es wol nimmermehr oder doch schwehrlich wieder bekommet. Wir doͤrffen auch keine suͤnde in solcher absicht vor gering achten/ dann jede mit willen
gethan/
gethan/ kan unseren frieden stoͤhren. Als der liebe Apostel Eph. 4/ 29. befohlen/ daß man
kein faul geschwaͤtz auß seinem munde gehen lassen
solle/ welches man insgemein vor eine geringe suͤnde achtet/ so setzet er gleich dazu/
und betruͤbet nicht den Heiligen Geist GOttes/ damis ihr versiglet seyd auff den tag der er- loͤsung:
Damit er uns lehret/ es moͤge durch solches faule geschwaͤtz der Heilige Geist betruͤbet werden/ da dann gewiß kei- ne empfindlichkeit seines friedens/ die von ihm allein kommen muß/ behalten werden kan. Von diesem mittel redet auch der Christliche
Stephanus Prætorius
in seinem
Tractat
von dem frieden GOttes/ uͤber den spruch Coloss. 3/ 5.
Diß Evangelische spruͤchlein zeiget an/ was fuͤr ein hertz ein Christ gegen GOTT ha- ben/ und in was massen er sein leben allhier auf erden anstellen und fuͤhren solle. Dann weil die lieben Christen fuͤr allen andern menschen sonderlich hohe leute sind/ erloͤset von allem schaden/ darein sie Adam gebracht/ und in die vorige herr- lichkeit gesetzet/ die sie vor dem fall
hat-
hatten/ ists billich und recht/ daß sie nicht schlecht dahin leben/ wie andere Heiden/ sondern herrlich/ wie Christen/ ihrem hohen stande wuͤrdig. Daher fuͤhret S. Paulus diese vermahnung/ daß er schreibt
Ephes. 4/ 1.
Jch ermahne euch/ lie- ben bruͤder/ daß ihr wandelt wuͤr- diglich eurem beruff/ darinnen ihr beruffen seyd. Ob er sagen wolt/ ihr seyd gerecht/ und Gottes liebe kinder/ und seyd beruffen zu dem ewigen leben. Darum wendet fleiß an/ daß ihr auch ein solch leben fuͤhret/ welches euer herrlichkeit und eurem beruff geziehmet:
Und Cap. 5/ 15.
Wandelt fuͤrsichtig- lich/ das ist/ auß hohem verstande deß Geistes GOttes/ wie sichs eignet und gebuͤhret. Dann
heisset
accu at diligentia animi intenti ambulare.
Fein vernuͤnfftig und bedachtsam wandeln.
Philip. 2/ 15. spricht er/
daß die lieben Chri- sten in ihrem leben daher leuchten sollen/ wie Sonn und Mond/ und andere schoͤne/ helle liechter/ daß
sich
sich ein jeder ihres glaubens segne und verwundere.
§. 25.
Hingegen dienet zu befestigung dieses friedens die heiligung trefflich. Wir
machen
damit unsern
beruff und er- wehlung fest.
2. Petr. 1/ 10. nicht auff GOttes seiten/ dann den
moͤgen seine gaben nimmer gereuen.
Rom. 11/ 29. sondern auff unserer seiten/ daß wir dero gewiß seyn moͤgen: Diese gewißheit aber ist der unmittelbarste grund unsers frie- dens. Weil auch der heilige wandel und der eiffer dazu ein warhafftiges kenn- zeichen deß glaubens ist/ auff dem hinwie- derum alle gewißheit unserer gemeinschafft an der gnade GOttes/ und unseren heils- guͤtern beruhet/ so wird das hertz immer durch solche uͤberzeugung auß den fruͤch- ten von der wahrheit seines glaubens/ zu der empfindung solches friedens bequem gemacht: hingegen den anfechtungen am kraͤfftigsten widerstanden. Der liebe Jo- hannes lehret uns diese kunst. 1. Johan. 3/ 18. 19. 20.
Daran erkennen wir/ daß wir auß der wahrheit
(und also auß GOTT wiedergebohren)
sind/ und koͤnnen unser hertz fuͤr ihm stillen/
und
(und also zu einem frieden bringen/ wo es durch anfechtung verunruhiget worden/)
daß so uns unser hertz verdammt/
und es uns also an der empfindlichkeit deß glaubens/ darinn wir die seeligkeit zu haf- ten wissen/ manglet/
daß
GOTT
groͤsser ist denn unser hertz/ und er- kennet alle dinge:
kan also in unsers hertzen tieffstem grund das jenige bey uns erkennen/ was seine gnade in uns ge- wuͤrcket/ aber so tieff verborgen hat/ daß wir es nicht gewahr werden koͤnnen. Woran kennen wirs aber? An dem was der heilige Apostel vorher vermahnungs weise gesprochen:
Meine kindlein/ lasset uns nicht lieben mit worten/ noch mit der zungen/ sondern mit der that und mit der wahrheit.
Wo wir nun dieses bey uns finden/ daran er- kennen wir/ auß der wahrheit zuseyn: und vermoͤgen dann dadurch auffs neue unser hertz zustillen/ und zu einer friedlichen ru- he zubringen. So liget uns dann hoch daran/ daß wir solcher redlichen und Christlichen liebe versichert seyen/ daß wir solche in unsern hertzen haben/ so sich durch die fleissige uñ willige außuͤbung dero wercke
offen-
offenbahret. Daher sonderlich die guͤtigkeit gegen arme ein treffliches mittel unsers frie- dens ist. Der heilige Paulus/ als er seine Corinther zur milden steur vor die arme heiligen zu Jerusalem vermahnete/ fuͤhret auch dieses argument/ 2. Corinth. 9/ 8. 9. 10.
GOTT aber kan machen/ das aller- ley gnade unter euch reichlich seye/ daß ihr in allen dingen volle gnuͤge habt/ und reich seyd zu allen guten wercken: Wie geschrieben ste- het/ Er hat außgestreuet/ und gegeben den armen/ seine gerech- tigkeit bleibet in ewigkeit. Der a- ber saamen reichet dem saͤemann/ der wird je auch das brod reichen zur speise/ und wird vermehren euren saamen/ und wachsen lassen das ge- waͤchse eurer gerechtigkeit/ daß ihr reich seyd in allen dingen mit aller einfaͤltigkeit/ welche wuͤrcket durch uns dancksagen GOtt.
Unter diese gnade/ gute wercke/ und gewaͤchß der ge- rechtigkeit/ ja unter die dinge/ darinnen er den Corinthern verspricht/ daß sie reich werden sollen/ gehoͤret gewißlich auch dieser Himmlische friede. Und wann dem jeni-
E
gen
gen/ der sich
des duͤrfftigen annimmet/
Psalm. 41/ 2. 4. allerley seegen/ sonderlich aber auch dieses versprochen wird/
daß der HERR ihn erquicken werde auff seinem siechbette/
so ist solche er- quickung vielmehr eine beruhigung seiner seele/ und empfindlicher innerlicher friede/ als andere leibliche erleichterung. Wie es dann auch vor dem HERRN billich ist/ daß er die jenige/ welche auß liebe zu ihm ih- ren naͤchsten mit wolthat in seiner duͤrfftig- keit/ da sich gewiß auch unruhe der seelen auß den sorgen findet/ getroͤstet/ und also be- ruhiget/ auch von ihm getroͤstet/ und da sie diesen frieden von ihm bitten/ gnaͤdig erhoͤ- ret werden.
§. 26.
Hieher gehoͤret auch als ein stuͤck der danckbarkeit/ und also unserer pflicht gegen GOTT/ daß man diesen frieden/ als eine theure gabe GOttes erkenne/ hoch schaͤtze/ allen zeitlichen guͤtern und frie- den weit vorziehe/ daher soviel angelegen- licher nach demselben verlange/ wo wir aber etwas davon bey uns finden/ die Himmli- sche guͤte davor danckbarlich preise/ uñ sorg- faͤltig seye fort und fort ihn zu verwahren. Dann GOTT will ja seine guͤter hochge-
halten
halten haben/ die jenige aber deroselben nicht wuͤrdig halten/ welche bezeugen/ daß ihnen wenig daran gelegen seye. Sonder- lich solle auch dabey eine demuͤthige erkant- nuͤß unsrer unwuͤrdigkeit sein/ daß wir zwar solches Goͤttlichen geschencks uns erfreuen und gebrauchen/ aber erkennen/ wir seyens weder vor uns selbs/ noch in vergleichung gegen andere wuͤrdig/ sondern es seye blosser- dings die barmhertzigkeit des HERRN/ dero wir dasselbe zudancken haben. Daher der gebrauch wiederum auch in hertzlicher demuth geschehen muß/ daß wir uns deß- wegen niemand anders vorziehen/ oder in der gabe als einem eigenthum prangen doͤrffen. Vielmehr waͤre dieses der nech- ste weg/ dadurch wir solche verliehren/ und GOTT verursachen moͤchten/ das gege- bene uns wieder zuentziehen/ und an danck- barere besser anzuwenden. Es ist auch zu dem gesagten ferner zusetzen/ daß man/ da der HErr die gnade solches empfindlichen friedens wiederfahren hat lassen/ auch mit demselben vorsichtig umgehe/ wo mans mit andern zuthun hat. Es will sich nicht geziehmen/ daß man allerdings solche gna- de verhaͤle/ und damit gleichsam verleugne/
E 2
oder
oder GOTT um die jenige frucht bringe/ welche ihm zu seinem preiß von der uns ge- schenckten gabe gehoͤret: also hat man gleich wie vor sich selbs GOtt dem HER- ren darvor demuͤthigst zudancken/ wo man hoffen kan/ daß solches etwas zu dem preiß GOttes thun/ oder andere seelen erbauen kan. Aber es gehoͤret gleichwol eine Christ- liche klugheit auch zu diesem werck. Gegen rohen welt-menschen ziehmet sichs nicht/ viel davon zuruͤhmen/ als die es vor eine blosse einbildung und traum halten/ daher solches himmlische Gut verlachen und laͤ- stern/ wir uns aber damit solcher suͤnde theil- hafftig machen wuͤrden/ die wir solches
hei- ligthum
und edle
perlen
heiliger halten sollen/ als solcherley
schweinen und hun- den vorzuwerffen.
Matth. 7. Womit doch nicht verboten wird/ mit guter beschei- denheit und vorsichtigkeit zuweilen gegen einige auch weltmenschen/ der sache etwas zugedencken/ wo wir einige hoffnung ha- ben koͤnnen/ daß sie etwas dardurch be- wogen werden moͤchten/ die sache und dero wahrheit zuuntersuchen/ und auch darnach zutrachten/ da sonsten keine begierde bey ihnen jemal nach etwas entstehen kan/ da-
von
von sie allerdings nichts wissen. Was aber andere Christliche mitbruͤder anlanget/ mit denen mag man wol davon handlen/ und was vor gnade der HERR uns erzeiget/ preisen; jedoch wiederum nicht zuviel da- von gegen schwache und angefochtene ge- dencken/ als bey welchen/ was wir von uns und der habenden gnade ruͤhmen/ nur gleichsam lauter pfeile seyn wuͤrden/ ihre seelen mehr zuverwunden/ und ihren man- gel/ daß sie nicht gleiches fuͤhlen/ als ein zeugnuͤß zuachten/ daß sie von GOTT verstossen seyn muͤßten/ der sie dieses theu- ren guts/ damit er seine kinder beselige/ nicht wuͤrdige. Gehoͤret also eine Christ- liche vorsichtigkeit zu dem gebrauch sotha- nen gutes/ damit man dadurch nutzen schaffe/ nicht aber schaden thue: insgesamt muß auch fleissig gehuͤtet werden/ daß was wir von solcher gabe ruͤhmen/ auß reinem hertzen geschehe/ nicht uns selbsten damit groß zumachen/ und ehre darinn zu suchen/ sondern den HERRN zupreisen/ und den naͤchsten auffzumuntern. Son- sten mag jeglicher mißbrauch uns leicht um unsern schatz bringen/ oder doch verursa-
E 3
chen/
chen/ daß uns der HERR denselben tieff verberge.
§. 27.
Wie wir nun also von diesem frieden und dessen beforderungs mitteln ge- handlet haben/ so ist noch ferner hinzu zu- setzen/ daß zwar solcher friede ordentlicher weiß empfindlich seye/ und seyn solle/ es koͤnne aber auch an der empfindlichkeit des- selben manglen/ nicht nur den jenigen/ die solchen auch wahrhafftig nicht in sich haben/ sondern auch bey wahren glaubi- gen/ bey welchen also der friede sowol als andere fruͤchte deß Geistes/ Galat. 5/ 22. sich nothwendig finden muß. Wir sehen solche klagen in dem Buch Hiobs/ die da zeigen/ daß seine seele auß der ruhe und frie- de gesetzet gewesen/ daß er nichts deroselben gefuͤhlet: Er vergleichet mit kurtzen wor- ten seinen vorigen und gefolgten zustand/ Cap. 3/ 26.
Warich nicht gluͤckselig? War ich nicht fein stille? Hatte ich nicht gute ruhe?
und also friede:
Und komt solche unruhe?
Jn den Psal- men lautets offt sehr klaͤglich: Psalm. 88/ 16. 17.
Jch leide dein schrecken/ daß ich schier verzage. Dein grimm gehet uͤber mich/ dein schrecken
druͤ-
druͤcket mich.
Jn solchem stand fuͤhlet sich je nichts von friede. Also wann es heis- set Psalm. 77/ 8. 9. 10.
Wird dann der HERR ewiglich verstossen/ und keine gnade mehr erzeigen? Jsts dann gantz und gar auß mit seiner guͤte? und hat die verheissung ein ende? Hat dann GOTT vergessen gnaͤdig zuseyn/ und seine barmher- tzigkeit fuͤr zorn verschlossen?
so sind solches worte eines zwar nicht an Goͤttli- cher gnade verzweiffelten/ sondern sich nach derselben bearbeitenden/ aber von dem frie- den Gottes nichts in sich fuͤhlenden hertzens. Der hochbetraͤngte Prophet Jeremias fuͤh- ret das Zion also klagende in Klagl. 3/ 17.
Meine seele ist auß dem frieden ver- trieben/ ich muß deß guten verges- sen.
Er selbs bittet auch dagegen Jerem. 17/ 17.
Sey du mir nur nicht schreck- lich/ meine zuversicht in der noth:
Jn dem wo der HERR uns in unserer see- le anfaͤngt schrecklich zuerscheinen/ so lang kein friede mehr platz haben kan. So fin- den sich noch immerfort der jenigen seelen nicht wenige/ welche der HERR in diesem angstbad schwitzen/ uñ eine geraume zeit auß-
E 4
halten
halten laͤsset/ daß sie nichts als schrecken an statt trostes/ an statt friedens lauter un- ruhe fuͤhlen/ und der HERR ihnen also die empfindlichkeit solches vortrefflichen gu- tes entzeucht/ daß sie kaum jemahl oder eine lange zeit nichts von demselben empfin- den/ nachdem er ihre schwachheit kennet/ wie sie dessen/ (als er dorten von seinem Paulo uͤber seine offenbahrungen auch vor- gesehen hatte/ und deßwegen eine artzeney ihm dagegen verordnet/ zu welcher auch zimlicher unfriede in seiner seele mag gehoͤret haben/) zu ihrer eigenen gefahr mißbrau- chen moͤchten. Wie kan aber friede in der seele seyn/ da sie ihn nicht empfindet? Da doch solche empfindlichkeit selbsten zu der natur deß friedens zugehoͤren scheinet. Wir haben zumercken/ es verhalte sich mit den Goͤttlichen wuͤrckungen bey unserer seele nicht gleichermassen/ wie bey den jenigen dingen/ die natuͤrlicher weise derselben einge- trucket sind. Von diesen dingen moͤgen wir wol meistens sagen/ daß wo dero empfind- ligkeit nicht ist/ die sache auch selbs nicht seye: als welche ordentlich allein in die kraͤfften der seelen eingetrucket sind/ wo sie empfunden werden/ aber nicht tieffer eintringen. Was
aber
aber das Goͤttliche anlangt/ so wohnet GOtt in dem geist/ in dem tieffsten grund der seelen/ und dero wesen selbs/ viel innerer als ihre kraͤfften/ darinnen sie ausser sich gehet; da sind denn auch seines geistes wuͤr- ckungen/ dahero wo derselben außfluß in die außwuͤrckende kraͤfften nicht geschiehet/ son- dern zuruͤck gehalten wird/ ob wol die sache in der seele ist/ so komts doch nicht allzeit zur empfindlichkeit/ welche mehr in dem aͤusser- lichen stehet. Fragt sichs aber/ was dann darinn solcher friede sey? So ist die ant- wort/ es seye noch die jenige krafft GOt- tes in dem Hertzen/ daß dasselbe unter aller unruhe und zweiffel/ so in den kraͤfften der seelen kaͤmpffen/ dannoch an dem HER- REN halte/ nach seiner gnade sich erstre- cke/ und in derselben beruhe/ das ist auff nichts anders sich zusetzen begehre/ und al- so sich dessen versehende/ daß der HERR mit ihm zufriedẽ seye/ mit ihm uñ seiner gna- de auch zufrieden seye: daher das jenigen welches ohne solchen innersten frieden/ der in dem grunde ist/ nicht seyn koͤnte/ wahr- hafftig bey einer solchen seele sich findet/ nemlich die verwerffung alles falschen frie- dens/ darinnen eine fleischliche seele sonsten ihre ruhe suchet/ ein haß gegen allem dem
E 5
was
was GOTT zuwider ist/ welcher schon zeiget/ daß wir deß HERREN freunde/ und also im friede mit ihm sind/ die wir seine feinde und alles ihm widrige eben derowe- gen hassen/ weil es ihm zuwider seye/ eine begierde ihm/ dem HERRN/ mehr und mehr zugefallen/ eine vorziehung deß frie- dens mit ihm vor alles/ was diewelt hoch- schaͤtzet/ da sich die seele dessen versichern kan: ob ihr auff einer seite alle herrlichkeit der welt/ und die muͤglichkeit solche zuerlan- gen/ auff der anderen seite die gnade und friede ihres GOTTES gestellet/ und eine freye wahl gestattet wuͤrde/ daß sie doch willig nach diesem theil greiffen wolte. Diese dinge/ sage ich/ erweisen unfehlbar- lich/ daß in dem grund der seelen das jeni- ge seye/ und also sie im frieden/ nicht aber in einer widrigkeit gegen GOTT/ stehen muͤsse/ auß deme jene außfluͤsse/ die nicht anders als auß solcher quelle kommen/ sich in den kraͤfften der seelen empfindlich zei- gen. Daß wir also sehen/ daß auch ohne die empfindung etwas wahrhafftiges seyn muͤsse/ daß dieser friede ist: und heisset in solchem fall sonderlich von diesem
frieden GOttes
Philip. 4/ 7.
daß er hoͤher
seye
seye dann alle vernunfft/
und also mit dero kraͤfften nicht begriffen werden koͤnne.
§. 28.
Was in diesem fall der unem- pfindlichkeit zuthun seye/ laͤsset sich dieses orts nicht außfuͤhren/ in dem vieles darzu gehoͤrte/ so der absicht der vorgenommenen kuͤrtze nicht gemaͤß waͤre/ nur moͤgen wir dieses mercken/ und als das 8. mittel der befoͤrderung deß friedens ansehen/ daß man sich
willig dem willen GOttes un- terwerffe/
und weil wir wissen/ daß an der empfindung nicht alles/ sondern allein an der gnade GOttes gelegen seye/ zwar nach jener auch in geziehmender ordnung trachte/ aber solches niemal anders thue/ als mit unterwerffung unter Goͤttlichen gnaͤdigen willen. Also wo wir erstlich zu der bekehrung gelangen/ so ist dieses auch eines der guͤter/ nach dem wir begierde ha- ben moͤgen/ wir sollen auch GOTT darum bitten/ aber immer dabey geden- cken/ wo derselbe finden solte/ daß uns solche empfindlichkeit nicht so dienlich seye/ noch seine ehre an uns befoͤrdern wuͤrde/ daß wir uns auch mit seiner gnade begnuͤ- gen/ und wider seinen willen nicht murren
E 6
wol-
wolten: Stehen wir in dem genuß dessel- ben/ haben wir abermahl solches gut zwar hoch/ aber den geber noch viel hoͤher zuschaͤ- tzen/ der wahrhafftigen
resolution,
auch damit zufrieden zuseyn/ ob der HERR uns solches gut wieder entziehen/ und auff eine andere art unsern glauben und gedult uͤben wolte: Geschiehet es dann/ daß wir dieses gefuͤhl nach seinem willen wiederum verliehren/ oder nach allem angewandten fleiß dazu nicht kommen koͤnnen/ will uns geziehmen/ (nechst dem daß in jenem fall/ wann uns das gewissen uͤberzeugt/ auß eig- ner schuld solches verlohren zuhaben/ uns gebuͤhret/ mit wahrer buß uns unter die hand GOttes zudemuͤthigen/) den heili- gen willen GOttes auch darinnen zuer- kennen/ und zuglauben/ daß es vor sich und auch uns besser seye/ daß derselbe an uns vollbracht werde/ als daß wir das jenige geniessen/ was uns anmuthiger waͤre. Da- bey wir erkennen muͤssen/ es seye dieses eine freye gabe Gottes/ die er nach seinem wol- gefallen gebe oder nicht gebe/ so beruhe auch sein wolgefallen allezeit auff dergleichen ur- sachen/ die seiner Weißheit/ guͤte und ge- rechtigkeit gemaͤß/ folglich auch von uns/
ob
ob wir sie schon nicht absonderlich begreif- fen/ mit demuth zuverehren sind. Wor- auß billich diese bereitwilligkeit in unserer seelen seyn muß/ daß wir/ ob es muͤglich waͤre/ solcher empfindung wider GOttes wolgefallen zugeniessen/ dannoch auß liebe zu dem HERRN derselben lieber entra- then/ als seinem willen entgegen seyn wolten. Stehet ein hertz also/ so stehet es recht/ und in dem hoͤchsten frieden/ ob schon keine fuͤh- lung da waͤre. Es wird aber der HERR demselben desto eher und lieber das jenige gut widerfahren lassen/ dessen es seinet willen sonsten gern manglen wolte: und wuͤrde den meisten angefochtenen eben damit am besten und ehisten gerathen/ und ihre hertzen zufrieden gebracht/ wo sie sich
resolviren
koͤnten/ nicht mit vieler angelegenheit/ wo der wille deß HERRN das gegentheil zu wollen scheinet/ den empfindlichen trost und frieden zusuchen/ sondern sich auch solches verlangens umb des HErrn willen zubegeben/ da wuͤrde gewißlich von dem HErrn dessen mehr erlangt werden/ auff das man sich zu verzeihen gedencket: wie hingegen das allzueyffrige und ungedultige trachten nach dem gut/ das mit gedult er-
E 7
wartet
wartet werden muß/ nicht nur das hertz desto mehr verunruhiget/ und auß allem frieden setzet: sondern auch GOTT verursachet/ uns das jenige laͤnger vorzuenthalten/ was man ihm mit unbesche denheit abzuzwingen sich unterstehet. Hieher gehoͤret nicht we- niger/ daß man auch um GOttes und der liebe deß naͤchsten willen/ wo dieselbe etwas von uns/ es seye in amtsgeschaͤfften/ oder an- dern liebeswercken/ erfordert/ daß wir un- sern geistlichen uͤbungen/ gebet/ gesang/ be- trachtungen/ und dergleichen/ da wir son- sten damit den frieden GOttes in uns zu- befoͤrdern gewohnet sind/ abbrechen/ solches gern thun/ und also willig seyen/ lieber auch dessen/ was wir in
s
olchen uͤbungen/ zu un- serer seelen beruhigung/ zuwege bringen koͤn- ten/ zu entrathen/ als etwas dessen zu un- terlassen/ was wir sehen/ den willen GOt- tes an uns zu seyn. Wo zwar geschehen wird/ daß doch in der that uns nichts ab- gehen/ und der HERR auff andere weise
in uns wuͤrcken werde/ was wir in absicht auff ihn an uns selbs versaͤumen.
Das
Das dritte Capitel. Von unserem frieden in GOtt.
§. 1.
N
Ach dem wir also unsern frieden mit GOTT besehen haben/ so ist noch uͤbrig auch zuhandlen von dem
frieden in GOTT/
mit welchem wort wir nichts anders verstehen/ als die jenige ruhe der seelen/ da sie der gnade GOttes versichert/ nunmehr mit allem dem/ was ihr von Gott oder einiger creatur zustoͤsset/ wol zufrieden bleibet/ sich uͤber nichtes aͤngstiget oder ver- unruhiget/ sondern sich alles um deß HEr- ren willen wolgefallen laͤsset. Ein vorneh- mer lehrer (
Flac. in clave P.
1.) beschrei- bet ihn also/ wie wirs im Teutschen geben moͤchten:
Es seye dieser friede der jenige/ da wir uns auff GOtt ver- lassende/ und ihm gehorchende/ auch sein creutz getrost tragende/ und in ihm beruhende/ die ungemache die- ser welt nicht fuͤrchten/ sondern sa- gen: Jst GOTT fuͤr uns/ wer mag
wider
wider uns seyn? oder/ Was sollen mir menschen thun? sind auch ge- gen andere nicht zornig oder neidig/ auch werden also mit vielerley be- gierden und leidenschafften zerstos- sen/ hingerissen/ gequaͤlet und ge- martert/ wie vorher/ sondern ru- hen und schlaffen gleichsam in dem schoß GOttes deß guͤtigsten Vat- ters/ mit ruhigem gemuͤth/ wissen- de/ daß er uns seinen Sohn geschen- cket habe/ uñ mit ihm alles schencken werde.
Der geistreiche
P.
Egardus stei- get etwas hoͤher in beschreibung dieses frie- dens/ und redet also davon (im Christenth. S. Pauli nach der Epistel an die Roͤmer
T.
1.) uͤber Rom. 15.
Der friede ist ruhe in GOTT/ daß die seele sich laͤuterlich und einfaͤltiglich in Gott versencket/ die creaturen verlaͤugnet/ an Gott allein hanget/ auff Gott allein sihet/ und an ihm ihre lust und genuͤge hat. Denn Gott ist der seelen ruhe/ centrum/ stadt und wohnung. Ausser Gott kan sie nicht ruhen und still seyn.
Wir moͤ- gen den vorigen beysetzen
Prætorii
beschrei-
bung
bung uͤber Coloss. 3/ 15.
Er ist nicht ein leiblicher friede/ hergeflossen auß lie- be und freundschafft deß Teuffels und der welt/ auch nicht allein bruͤ- derliche einigkeit unter den Chri- sten/ sondern ist ein geistlicher/ in- nerlicher und sieghafftiger friede deß hertzens/ erwachsen auß dem wah- ren erkaͤntnuͤß und glauben Christi/ dadurch aller unfriede/ so der Teuf- fel und menschen in uns erregen koͤn- nen/ gestillet wird.
§. 2.
Dieser friede ist eine frucht deß vorigen/ und muß denselben zum grunde haben/ dann deßwegen und sofern kan der mensch mit allem/ was vorgehet/ zufrie- den seyn/ und ein ruhiges hertz ohne be- aͤnstigung behalten/ weil und sofern er ver- sichert ist/ in Christo einen gnaͤdigen Gott und Vatter zuhaben/ daher das ansehen der so theuren guͤter deß Heils/ deren man in demselbigẽ versichert ist/ so dañ die gewißheit seiner weißheit/ guͤte und vorsorge entstehet. Dann auß diesen dingen folget/ daß nichts dessen/ was ihm auffstoͤsset/ ihm koͤnne boͤß oder schaͤdlich seyn/ sondern alles sey ihm gut/ oder werde zum besten von GOTT
geschi-
geschicket werden/ damit wird alle aͤngst- liche unruhe gehoben/ die daher entstehet/ daß der mensch das jenige/ was er sihet/ vor boͤse oder schaͤdlich achtet/ daher dessen gern entuͤbriget waͤre/ da er aber nicht sihet/ wie ers von sich abwenden koͤnte: wo frey- lich so unmuͤglich ist/ daß das hertz nicht muͤsse in unruhe kommen/ so wenig es muͤglich ist/ daß es wider die natur nicht solte das ihm wahrhafftig boͤse hassen/ und daß ihm gute lieben. Weil wir aber den vo- rigen frieden mit GOTT/ und die ver- sicherung desselben/ allein in und von Chri- sto haben/ so haben wir auch diesen frieden in GOTT nicht anders/ als in und auß CHristo. Daher es von beyden heißt/ wie wir oben gesehen/ Johan. 16/ 33.
Sol- ches habe ich mit euch geredet/ daß ihr in mir friede habet. Jn der welt habt ihr angst/
(und wo ihr diese nur in sich/ und euer unvermoͤgen gegen sie an- sehet/ daher nicht anders als lauter verder- ben von ihr erwarten koͤnnet/)
aber seyd getrost/ ich habe die welt uͤberwun- den/
und also mit meinem verdienst die ver- gebung der suͤndẽ/ und den frieden mit Gott euch erlangt/ so dann die herrlichkeit an-
getre-
getreten/ in dero mir kein feind zumaͤchtig ist/ dessen list und gewalt ich nicht von den meinigen koͤnte kraͤfftiglich abwenden. Jn diesem Sieges-fuͤrsten JESU haben wir also diesen frieden/ den er uns erworben/ und wir alsolang geniessen/ als wir durch den glauben in ihm sind.
§. 3.
Lasset uns nun die befoͤrderungs mittel solches friedens in GOTT besehen. Da mercke ich nun billich voran/ weil eben dieser friede auß dem friede mit GOTT entspringet/ daß dann eben die jenige mit- tel/ welche wir zu jenem erfordert/ zu die- sem nicht weniger gehoͤren: als da sind buß/ Goͤttliches wort/ die heilige Sacramen- ten/ gebet und dergleichen: so wir aber nicht hie zu widerholen haben/ sondern oben nochmal besehen werden moͤgen. Hier aber wollen wir nun einige absonderliche mittel besehen/ oder einige der vorigen mit einer besondern
application
auff diese art des friedens richten. Unter denen seye dann 1. das erste
die vergnuͤgung mit und in Gott/
daß wir recht erkennen lernen/ was GOTT/ und wie er das hoͤchste gut/ ja al- les in ihm seye/ daher der jenige der ihn ha- be/ alles mit ihm habe: aber daß es eine le-
ben-
bendigt erkantnuß werde/ nit in gedancken und worten allein/ sondern mit einer kraͤffti- gen uͤberzeugung deß hertzens/ daß wir nicht anders glauben koͤnten/ und das hertz dazu selbs geneigt finden. Wo nun der mensch dieser wahrheit recht uͤberfuͤhret ist/ und hingegen nach dem vorigen frieden ei- ne versicherung bey sich hat/ daß er gnade bey GOTT und GOTT selbs habe/ so erkennet er so bald/ daß ihm nichts war- hafftiges gutes mangele/ denn was er gu- tes beduͤrffte/ wuͤrde nothwendig auff ihn/ auß dieser quelle alles guten/ die in ihm woh- net/ außfliessen muͤssen/ also auch daß ihm nichts wahrhafftig ihm boͤses begegnen koͤnne: Wer aber nicht anders als so den- cket/ und in seiner seelen dessen versichert ist/ der mag noch in seinem fleisch/ darein diese uͤber zeugung nicht komt/ einige natuͤr- liche angst und forcht fuͤhlen/ aber in sei- nem geist bleibet jener friede fest gegruͤndet. Da heissets mit freuden:
Hastu Gott so hats nicht noth: und warum solt ich mich denn graͤmen/ hab ich doch Christum noch/ wer will mir den nehmen?
Welches uns also zuschliessen Paulus gelehret hat/ Rom. 8/ 31.
Jst
Gott
Gott fuͤr uns/ wer mag wider uns seyn?
Also was kan uns schaͤdlich seyn/ was kan uns manglen? Also auch laͤngst vorher saget David. Psalm. 23/ 1.
Der HERR ist mein hirte.
Was habe ich vor nutzen davon?
mir wird nichts manglen.
Einige gelehrte erklaͤren den Hebraͤischen namen GOTTES ירש/ so in dem Teutschen
allmaͤchtig
pfleget gegeben zu werden/ daß er soviel heisse
der gnugsam ist/
von ש und יר: frey- lich ja ist GOTT genugsam ihm selbs/ als der zu seiner seeligkeit nichts ausser sich bedarff/ und uns/ die wir auch nichts wei- ter bedoͤrffen/ dafern wir ihn haben. Die- ses ist auch ziemlich die meinung Assaphs/ Psalm. 73/ 25. 26.
Wann ich nur dich habe/ so frage ich nichts nach Him- mel und erden. Wenn mir gleich leib und seel verschmachtet/ so bistu doch Gott allezeit meines hertzens trost und mein theil.
Welche wort wahr- hafftig auff diesem grunde beruhen/ und den zustand deß hertzens vorstellen/ welches in diesem frieden stehet/ daß ihm an nichts gelegen seye/ als nur daß es den HERRN habe/ ausser dem verlangt es nichts.
War-
Warum? dann es weißt/ es hat in dem HErren/ dessen Himmel und erden ist/ alles was ihm zu seinem genuß noͤthig ist. Was solte es dann weiter mit angelegenheit verlangen? da ja eben solches verlangen ein zeugnuͤß seyn wuͤrde/ daß es ihm noch mehr noͤthig/ und GOTT/ den es habe/ noch nicht vor gnugsam hielte. Daher kan sichs wol leib und seel/ nemlich in sich/ (dann in GOTT behaͤlt es alles/) ver- schmachten lassen/ und weißt doch/ es verlie- re nichts. Sind warhafftig worte/ welche eine tieffe weißheit in sich haben/ da aber die vernunfft/ so wir uns in dieselbe tieffer ein- lassen/ sich darinnen verliehret/ und keinen grund mehr finden kan/ ob sie wol selbs insgemein diese wahrheit in ihrem liecht begreiffet/ daß was wir GOtt nennen et- was seyn muͤsse/ welches alles gute in sich fasse und habe/ und man also in ihm alles bekomme: aber das ist ihr zu hoch/ von sich selbs außzugehen/ und zu erkennen/ wie man in einem andern ausser sich alles behal- te/ und wahrhafftig habe. Daher wir je den HERRN demuͤthigst anzuflehen ha- ben/ daß er uns dieser worte/ welche so offt/ aber fast nur dem schall nach/ gebrauchet
wer-
werden/ verstand und krafft in das hertz trucken wolle/ so haben wir einen frieden/ welchen wir hoͤher als alle welt zuschaͤtzen haben. Vornehmlich wann wir bedencken/ daß wir ihn in CHristo haben/ und also in ihm alle schaͤtze unserer seeligkeit wahr- hafftig besitzen: welche ja genug sind un- sere sonsten unersaͤttliche begierde zuerfuͤllen. Es verdienen einige wort unsers vortreff- lichen
D. Lutkemans
hieher gesetzt zuwer- den 2/ 13/ 33.
Es muß die seele vor allen dingen lust und begierd nach GOTT haben/ wo sie will ruhe fin- den. Denn GOtt ist der seelen ru- hestatt. Wie kein stein in der lufft ruhet/ sondern eilet nach der erden/ denn die erde ist seine ruhestaͤtt/ also findet die seele keine ruhe in einigen dingen/ biß sie zu GOtt komme/ da ruhet sie:
und bald:
Also schweif- fet die unvergnuͤgliche seele herum/ faͤlt von einem auffs ander/ und kan nirgends soviel finden/ daß sie begnuͤ- get werde/ biß sie zu GOTT kom- me/ darinn sie alles findet Drum in der irrdischen ergoͤtzlichkeit lust suchen/ und den unmuth stillen wol-
len
len/ ist als wann ich unreine haͤnde mit koth wasche/ und feur mit oel außlesche. GOtt ist eine gewisse wahrhafftige ruhe/ denn in GOtt ist alles gut ohne maaß und ziel/ und ohne vermischung einiges boͤsen. GOTT ist mein reichthum in ar- muth/ meine ehre in verachtung/ mein ruhm in verleumdung/ meine staͤrckein schwachheit/ mein trost in truͤbsal/ meine freude in traurigkeit/ meine gerechtigkeit in den suͤnden/ mein leben im todt/ GOTT ist mei- ner seelen alles/ warum solte er denn nicht meine begierde stillen? Der glaubigen seelen/ die diß weiß/ hungert und durstet immer nach GOTT/ kan und will sich nicht stillen lassen/ biß sie in GOTT ru- he/ also ist GOTT der seelen ruhe- statt. Als GOtt in der schoͤpffung Himmels und erdeu/ den menschen zuletzt erschaffen hatte/ ruhete er/ damit hat er angedeutet/ daß die seele deß menschen solte seine ruhe- statt seyn. Wie nun GOtt die see- le zu seiner ruhestaͤtt verordnet/ so
bezeugt
bezeugt er damit/ daß der seelen ruhestaͤtt hinwider nirgends anders seyn solle/ als in GOtt.
§. 4.
Wie wir aber GOTT/ alß das einige gnugsame und vergnuͤgende gut muͤs- sen recht lernen erkennen/ so muͤssen wir auch
die weißheit und guͤtigkeit sei- nes willens
gleichfals lernen erkennen/ daß wir in wahrheit glauben/ sein wille seye allezeit und in allen dingen besser/ alß unser und einiger creatur wille. Dann wie koͤnte auß dem hoͤchsten selbs-gut etwas anders alß hoͤchst gutes entspringen und herkom- men? Zwar kommet uns manchmal der wille GOttes wunderlich und nicht so gut vor/ wie er uns angeruͤhmet wird/ und auch die vernunfft bezeuget/ wie deß hoͤchsten guts wille seyn muͤsse; aber wo sie ihn in diesem und jenem besihet/ findet sie ihn gar an- ders als sie ihn vermuthet/ und wird irre druͤber/ wann sie meinet/ daß sein wille in sovielem gantz widersinnisch seye/ in dem er offt seine eigene ehre mehr hindere als foͤr- dere/ und vornehmlich seiner kinder bestes nicht dermassen/ wie sie in ihrer klugheit und gutmeinen gedaͤchten/ verschaffe. Aber die schuld ist hie nicht an GOTT/ sondern
F
an
an uns/ und betreuget sich die vernunfft in ihrer groͤssesten weißheit/ da sie gemeinet etwas klar zusehen/ woran es der Goͤttli- chen weißheit mangle/ und sie dieses und jenes versehen habe. Albere kinder wun- dern sich offt/ wo alte leute einige dinge thun/ welche sie nicht begreiffen/ und jethoͤ- richter sie sind/ je thoͤrichter kommet ihnen jener wesen vor/ weil sie es nicht auff kin- dische art machen: auff eine solche art ge- het es uns auch. Wo wir aber uns die- ses fest eintrucken/ daß der Goͤttliche wille in allem der beste seye/ so ist dieses die statt- lichste befoͤrderung unserer seelen-ruhe und friedens/ der hingegen nimmermehr da seyn kan/ so lang wir es anders verlangten/ und es besser zuseyn glaubten/ wo es GOtt nach unserm rath machte.
§. 5.
Das 2. mittel mag ich wol nen- nen/ die
verlaͤugnung unser selbs.
Wie nun diese unterschiedliches in sich fasset/ also haben wir sie mit mehrerem zu untersuchen. Es ist aber solche verlaͤugnung vornehm- lich die verlaͤugnung unserer eigenen fleisch- lichen liebe/ da wir natuͤrlich jetzo in unserer verderbnuͤß uns also lieben/ daß wir mei- nen/ alles muͤsse unsere ehre/ nutzen/ lust und
begier-
begierde befoͤrdern/ und wie wir dieselbe in allem suchen/ so muͤssen andere ebenfalß ihnen solches vor uns lassen angelegen seyn. So lang aber dieser sinn und selbs-liebe bey uns herrschet/ so lang ist nicht muͤg- lich/ zu einiger ruhe oder frieden zukommen. Sondern weil es unmuͤglich ist/ daß wir unsern zweck der ehre/ nutzen und lust alle- mahl erreichen/ noch andere dahin bringen koͤnnen/ daß sie uns in allem fuͤgen/ in dem dieselbe natuͤrlich gesinnet/ gleiches auch vor sich/ was wir vor uns/ suchen/ welches immer einander entgegen stehet/ so ist diese allen nun anklebende unordentliche selbs- liebe/ gleich wie die ursach alles streits und unruhe zwischen den menschen untereinan- der/ also auch der unruhe/ so in den hertzen aller menschen stecket/ daher wie die quelle aller uͤbrigen suͤnden/ also auch unsre eigent- liche plage. Sehen wir einen geitzigen an/ so ist sein hertz nimmer ruhig noch zufrie- den/ sondern es verunruhigen dasselbe jetzt die begierde nach reichthum/ jetzt die betruͤb- nuͤß/ daß er nicht so viel erwerben kan/ bald die forcht etwas zuverliehren/ bald der schre- cken/ wo er den verlust gewahr wird: und ist also eine solche seele nimmer in ruhe/ weil
F 2
sie
sie das jenige plaget/ beyde was sie hat und nicht hat. Wer die ehre suchet/ hat es nicht besser: als der nimmer ehre genug empfaͤn- get/ sondern stets mehrere haben will/ und wo nicht jederman den goͤtzen anbeten will/ sich erbaͤrmlich druͤber hermet und graͤmet. Jener Haman stunde in den hoͤchsten eh- ren in deß Ahasveri reich/ die er auch erkante und ruͤhmte/ aber dabey bekannte/ er habe in allem kein genuͤge/ so lang er sehe den Ju- den Mardachai an des koͤnigs thor sitzen/ weil sich derselbe vor ihm nicht buͤcken wolte. Esth. 5/ 13. Also kan der allergeringste/ ja ein eingebildeter/
affront
oder schimpff/ der einem solchen ehrgeitzigen begegnet/ seine seele mehr verunruhigen/ als alle ehr die er ge- niesset/ dieselbe befriedigen/ gleich wie auch einem geldbegierigen zu seines gemuͤths plag und unruhe mehr thut der verlust einer ge- ringern summa/ als ihn das viele so er hat ergoͤtzet. Nicht weniger wer in den wol- luͤsten ersoffen ist/ hat gleichfals keine ruhe/ sondern kaum ist eine wollust vorbey/ so hat er nach einer andern einen eben so gros- sen hunger/ und kan davor nicht ruhen. Deßwegen wo ein friede in unser hertz kommen solle/ so muß jene selbs-liebe ver-
laͤug-
laͤugnet/ und die begierde nach diesen din- gen abgeleget werden. Hievon sagt
D. Lutkeman
sehr fein 2/ 13/ 50.
Auß der begierde weltlicher dinge entstehet hoffart/ wenn wirs erlangen und hochachten: sorg und bekuͤmmer- nuͤß/ wenn wir darnach trachten: haß wenn uns jemand zuwidern ist; neid wenn wirs bey andern sehen: das alles hindert uns/ und haͤlt uns auff wie ein starcker wind/ daß wir zu unserer ruhe nicht kommen.
§. 6.
Damit man aber solche verleug- nung bey sich befoͤrdere/ moͤgen ge
w
isse be- trachtungen vieles thun. Also wo uns unser fleisch die gedancken der ehrsucht will beybringen/ und damit unsern frieden ver- stoͤhren/ so lasset uns gedencken/ wie so gar wir menschen keiner ehre wuͤrdig seyen/ oder dieselbe uns gebuͤhre/ sondern daß wir vielmehr verschuldet haͤtten ewige verach- tung und schande/ daher es ja unbillich/ sich das jenige anmassen zuwollen/ was uns nicht gehoͤret/ sondern sobald GOTT zugewiesen werden solle:
Nicht uns/ HERR/ nicht uns/ sondern deinem namen gib ehre/ um deine gnade
F 3
und
und wahrheit/
Psalm. 115/ 1. Lasset uns gedencken/ wie noch dazu/ was wir in der welt ehre nennen/ nichts als ein eiteler wind seye/ und mehr in einer einbildung als wahrheit bestehe/ davon wir nichts als anderer haß/ und desto mehr widerwaͤr- tigkeit/ so dann unruhe unserer seele ha- ben/ ja auch daß sie auß gerechtem gericht gemeiniglich als der schatte vor dem jenigen fliehe/ der sie erhaschen will/ und ihr nach- folget: vornehmlich aber/ daß wir zu einer solchen ehre beruffen seyen/ welche etwas wahrhafftiges und bestaͤndiges ist/ nem- lich in GOttes huld und vereinigung zuste- hen/ darinnen wir seiner ehren theilhafftig werden moͤgen. Wie er sagt 1. Sam. 2/ 30.
Wer mich ehret/ den wil ich auch ehren.
Und Johan. 12/ 26.
Wer mir dienen wird/ den wird mein Vatter ehren.
Dieses ist eine ehre/ welche die seele nicht verunruhiget/ sondern befriedi- get/ die uns kein mensch rauben kan/ son- dern nicht sowol eine aͤngstliche forcht da- bey/ als nur eine sorgfaͤltige vorsichtigkeit sie nicht selbs zuverliehren erfordert. Diese gedancken moͤgen uns leicht die ehrsuͤchtige begierden helffen verlaͤugnen. Jsts aber
wol-
wollust/ welche uns durch ihre begierden verunruhiget/ so lasset uns erwegen/ worin- nen alle solche wollust bestehe/ ob nicht/ wo wir die sache recht untersuchen/ sich offen- bahren werde/ daß fast alle wollust/ welche ins gemein auß antrieb deß fleisches uns reitzet/ mehr viehisch als menschlich/ auffs wenigste uns mit den unvernuͤnfftigen thie- ren in dem meisten gemein seye; da es ja sich nicht ziehmet/ uns so sehr zuernidrigen/ daß wir das jenige/ was uns nicht nach der na- tur/ welche wir gegen den thieren be- sonder haben/ sondern in den jenigen stuͤcken/ da etwas gemeines unter uns ist/ zukommet/ vor ein sonderbares gut achten/ deme nachstreben/ und unsere ruhe damit verstoͤhren wolten. Sihet man aber die lust und ergoͤtzlichkeit an/ welche auß den dingen komt/ die in dem gemuͤth sind/ so ist zwar in denselben etwas wichtigers/ aber doch nicht so rein/ daß es nicht mit vieler ei- telkeit/ nach fleissiger untersuchung/ ver- mischet solte befunden werden. Stellen wir uns aber vor die jenige freude und erqui- ckung deß geistes/ die auß Goͤttlichen din- gen entstehet/ davon wir entweder selbs ei- nen geschmack gehabt/ oder aber doch auß
F 4
der
der Schrifft und von andern davon hoͤ- ren/ soll uns alle anmuth zu anderer freu- de und wollust vergehen/ und wir sie nicht wuͤrdig achten/ uns damit zuverunruhigen/ da hingegen jene geistliche lust die seele in ei- ne treffliche ruhe bringet/ und den frieden neben sich hat. Wie die begierde/ nach reichthum die seele verunruhige/ haben wir auch gehoͤret; damit wir aber auch solche verlaͤugnen/ dienet wol zu betrach- ten/ wie uns aller reichthum nicht soviel nutze/ daß wir darum die ruhe der seelen verschertzen wolten. Es geniesset endlich der allerreichste/ wo er gleichsam den letsten zweck seines geitzes erreichet hat/ (welches dannoch auch unmuͤglich ist/ weil der geitz unerfaͤttlich bleibet/ wie viel er auch bekom- met/) nichts mehrers von allem sein ē gut als der jenige/ welcher von seiner arbeit nur seine blosse nothdurfft erlanget: Dieser hat seine nothduͤrfftige speiß/ tranck und decke/ so dann maͤssige nachtruhe/ uͤber welche auch der reicheste nicht mehr erwerben/ oder feines guts weiter geniessen kan/ bey wei- tem aber auch in solchen stuͤcken soviel nicht als der andere geniesset/ weil das gemuͤth allzusehr fort und fort verunruhiget ist.
Jsts
Jsts dann wehrt/ eine solche haͤrter tru- ckende last mit verlust der ruhe der seelen zu kauffen? Zugeschweigen/ daß aller reich- thum in den groͤssesten gefahren uns nichts helffen kan/ und uns zuletst verlassen muß. Wo man hieran gedencket/ und dabey er- weget/ daß wir auch
reich in GOtt
seyn koͤnnen Luc. 12/ 21. und
welches seye der reichthum seines herrlichen er- bes an seinen Heiligen
Eph. 1/ 18. so dañ daß dieser reichthum gewiß/ keinem ungluͤck unterworffen/ und das gemuͤth mehr be- ruhiget als in unfrieden setzet/ so wird etwa nicht so schwer werden/ die unordentliche und unruhige begierde nach zeitlichen guͤ- tern zu verleugnen/ sondern da werden auch die
reich
sind
in dieser welt/ nicht hof- fen auff den ungewissen reichthum/ sondern auff den lebendigen GOtt/ der uns dargibt reichlich allerley zu geniessen/ gutes thun/ reich wer- den an guten wercken/ gern geben/ behuͤlfflich seyn/ schaͤtze samlen/ ih- nen selbs einen guten grund auffs zukuͤnfftige/ daß sie ergreiffen das ewige leben.
1. Tim. 6/ 17 18. 19. An solche ewige guͤter werden sie allen ihren geitz
F 5
an-
anwenden: und mit wahrheit singen:
Mach mich an meiner seelen reich/ so hab ich genug hie und ewiglich;
Weil also eine solche seele/ die diese ver- unruhigende begierden/ so auß fleisch- licher eigen liebe herkomt/ verleugnet/ zu dem wahren frieden allein bequem ist/ so stehet freylich auch diese verlaͤugnung unter den befoͤrderungs mitteln.
§. 7.
Es ist aber die selbs-liebe nicht nur allein starck in der groͤbern begierde/ nach reichthum/ geld oder lust/ sondern auch auff eine subtielere art
in dem eigenen willen/
da wir immer meinen/ es muͤste uns und andern/ ja in der gantzen welt/ also ergehen/ wie wir gern haͤtten/ und nach unsern gedancken meinen/ daß es am besten waͤre. Welche versuchung auch den jenigen offt hart zusetzet/ welche bereits in ihrem Christenthum ziemlich zugenommen haben/ und mitauffrichtigen hertzen GOtt und das gute lieben/ daß sie doch meinen/ es muͤste alles nach der regel ihrer guten ge- dancken/ wie sie meinen/ daß die Goͤttliche ehr am besten koͤnte in allen stuͤcken befoͤrdert werden/ ergehen/ und wo es dann nicht so ergehet/ wie sie davor gehalten/ nicht nur
sich
sich uͤber die suͤnde der menschen/ welche un- recht thun/ das gute hindern/ und die ge- richte GOttes gegen sich reitzen/ betruͤben/ denselben busse wuͤnschen/ und mit ihrem jammer/ den sie sich zuziehen/ mitleiden tragen/ (welches die Christliche schuldigkeit in solchem stande ist/) sondern nicht zufrie- den sind/ daß dergleichen geschehe/ und entweder auff eine groͤbere art gegen GOt- tes gerechtigkeit und guͤte heraußfahren/ o- der doch ihres hertzens widerspruch und Goͤttliche verhaͤngnuͤß/ ohne welche ja nichts geschehen koͤnte/ bey sich fuͤhlen. Welches gewiß eine starcke unruhe in den hertzen erwecket/ und dero frieden stoͤhret. Also sehen wir/ wie auch die Heiligen Got- tes vielen anstoß hierinnen gefunden/ daß es GOtt den gottlosen in der welt so wol gehen lasse/ da unserer vernunfft deucht/ er solte vielmehr staͤts mit seinen gerichten hin- der ihnen her seyn/ damit er ihrem muth- willen bey zeiten wehrete/ auffs wenigste nicht so viel suͤnden von ihnen geschehen/ und die seinige nicht so betruͤblich unter- truckt werden liesse. Assaph thut seine beicht hievon Psalm. 73/ 3.
Es verdroß mich auff die ruhmraͤtigen/ da ich
F 6
sahe
sahe daß den gottlosen so wolgieng.
Und v. 15. 16. 17.
Jch haͤtte auch schier so gesagt/ wie sie/ aber fihe/ damit haͤtte ich verdamt alle deine kinder/ die je gewesen sind. Jch gedachte ihm nach/ daß ichs begreiffen moͤch- te/ aber es war mir zuschwer. Biß daß ich gieng in das heiligthum Gottes/ und mercket auff ihr ende:
Ferner v. 21.
Aber es thut mir wehe im hertzen/ und sticht mich in meinen nieren/ daß ich muß ein narr seyn/ und nichts wissen.
m. f. w. Vor ihm fuͤhret Job gleiche klage/ und kan sich auch nicht sowol in diese Goͤttliche regierung richten/ Cap. 21/ 7.
Warum leben dann die gottlosen/ werden alt und neh- men zu mit guͤtern?
Jeremias will fast mit dem HErren
expostuli
ren. Cap. 12/ 1.
HERR wann ich gleich mit dir rechten wolte/ so behaͤltestu doch recht/ dennoch muß ich vom recht mit dir reden. Warum gehets doch den gottlosen sowol/ und die ver- aͤchter haben alles die fuͤlle?
David aber vermahnet hierinnen zur stilligkeit und ruhe deß gemuͤths Psalm 37/ 1.
Erzuͤrne
dich
dich nicht uͤber die boͤsen/ sey nicht neidisch uͤber die uͤbelthaͤter.
v. 7.
Sey stille dem HERREN/ und warte auff ihn/ erzuͤrne dich nicht uͤber den/ dem sein muthwille gluͤcklich fortgehet. Stehe ab vom zorn/ und lasse den grimm/ erzuͤrne dich nicht/ daß du auch uͤbel thust.
Dieses alles weiset uns/ wie viel unruhe auch in guten seelen uͤber dieses Goͤttliche regiment entstehe/ und sie also auß ihrem frieden setze/ wo sie nicht dem fleisch weh- ren. Dazu ist die gefahr dieser versuchung soviel groͤsser/ weil uns dazu deucht/ daß wir darinnen vor GOTT eyffern/ und gantz recht haben; fast auff die art/ wie dorten Jonas 4/ 9. sprach:
Billich zuͤr- ne ich biß an den todt.
Jndessen ist sie wahrhafftig eine verborgenen selbs-liebe: daß wir nemlich uns so weise zuseyn dun- cken/ daß wir verstehen/ was in allen din- gen das beste seye/ und wie es hergehen solle/ daher uns stets einbilden/ es muͤsse auch also gehen/ oder es gehe nicht recht: so dann daß wir unserem willen eine meh- rere freyheit lassen/ als ihm gebuͤhret/ da er nicht anders als nach dem hoͤhern willen
F 7
GOt-
GOttes willen sich regen solte. Daher die- ser unruhe nicht besser gesteuret werden kan/ als mit vorstellung/ wie es einmahl gewiß seye/ GOtt seye so weiß und gut/ daß sein wille ohne außnahm im̃er der beste seye/ der nichts anders als gutes oder solches gesche- hen lasse/ worauß er gutes zumachen ver- stehet/ deßwegen wo wir das gute schaͤtzen/ nicht nach deme wie es dieser oder jener crea- tur/ sondern wie es der gantzen
universitati
und ordnung geschoͤpff/ sonderlich aber der noͤthigen verherrlichung GOttes das beste seye/ so koͤnnen wir versichert seyn/ ob wol einige/ und zwar viele boͤses thun/ so seye die- ses doch wahrhafftig gut/ daß es der HErr zulasse. Begreiffen wir die ursachen nicht/ warum solches allemal das beste seye/ son- dern meinen gerade das gegentheil zu erken- nen/ so ists doch gewiß allein die ursach unsers unverstandes/ und da wir dermal- eins alle solche geheimnuͤssen der Goͤttli- chen heiligen regierung/ warum der HErr ein jedes gethan/ oder geschehen lassen/ mit auffgedecktem angesicht sehen werden/ so werden wir dero weißheit erkennen/ sollen aber ietzo solches eben sowol von ihr glau- ben/ biß wir es sehen werden. Wo dann
diese
diese erkaͤntnuͤß zum grunde geleget/ und so in dem hertzen/ daß dasselbe davon uͤberzeu- get ist/ wie einmal es allezeit so seyn solle/ wie der HERR es schicket/ und wie billich es seye/ daß sein wille uͤber alles herrsche/ so werden wir uns dazu gewehnen/ auch wahrhafftig nicht anders zu wollen/ als was der HERR will/ daher mit allem was geschihet zufrieden seyn. Welches ein treff- liches stuͤck dieses friedens ist/ den wir hie be- trachten.
§. 8.
Dem obigen ist nicht ungleich/ son- dern ein stuͤck deß uns verunruhigenden wil- lens/ daß uns deucht/ wie bey andern nichts als nach unserem willen ge- schehen muͤsse/ so solle noch viel weniger uns in unserem thun anderes begegnen als was wir erwarten/ vornehmlich wo wir meinen etwas gutes vorzuhaben. Es ge- hoͤret aber zu der verlaͤugnung unserer selbs/ und befoͤrderung unserer ruhe eben sowol die verlaͤugnung dieser einbildung und ei- genen willens. Daher muͤssen wir uns staͤts diese warheit vorstellen/ davon Jere- mias sagt cap. 10/ 23.
Jch weiß HErr/ daß deß menschen thun stehet nicht in seiner gewalt/ und stehet in nie-
mand
mand macht/ wie er wandele oder sei- nen gang richte.
Uñ zwar dabey/ daß eben dieses zugeschehen gantz billich/ und uns nuͤtz- lich seye. Darauß dann folgen wird/ daß wir/ was wir unseres beruffs zu seyn erken- nen/ und zu GOttes ehre dienlich achten/ in seiner forcht und anruffung treulich/ vorsichtig und angelegentlich thun/ a- ber dabey uns nicht aͤngstigen/ wie die sache abgehen/ und was drauß folgen wer- de/ sondern es dem HErrn blosser dings befehlen/ ja wo wir nach allem unseren vermoͤgen/ und nach bestem wissen und ge- wissen eine sache gethan/ wir haben aber nichts/ oder nicht was wir gesucht/ außge- richtet/ oder muͤssen wol gar sehen/ daß wi- driges darauß entstanden/ und unser gu- tes andern zum anstoß worden waͤre/ zwar uns dabey pruͤffen/ ob eine schuld dessen bey uns seyn moͤchte/ die wir bußfertig und mit reue zuerkennen haͤtten/ aber nicht wi- der GOtt zu murren/ der unsere absicht/ die doch gut gewesen/ nicht habe segnen wollen/ noch anders druͤber betruͤbet zuseyn/ als so- fern wir etwa meꝛcketen/ daß wir selbs ursach waͤren/ daß der HErr uns zu seinem werck- zeug nicht haͤtte brauchen wollen. Hingegen
sollen
sollen wir alsobalden uns damit vergnuͤ- gen/ daß es besser seye/ daß der wille deß HERRN auch in unseren besten anschlaͤ- gen mit dero zuruͤckhaltung erfuͤllet werde/ als wo es auch muͤglich waͤre/ daß es dem unserigen gegen ihm gelingen koͤnte. Son- derlich weil wir auch dabey versichert sind/ was wir in redlicher einfalt deß hertzens/ und im glauben/ zu dem dienst GOttes zuthun/ uns vorgenommen und unterstan- den haben/ obs wol zuruͤck gehen muß/ seye doch nicht vergebens/ sondern bleibe dem HERRN angenehm/ und werde noch seinen gnaden-lohn haben: ja auch dieses/ da wir unsere hoffnung und begier- de zu deß HERRN ehre in dieser sache unser vornehmen zu erfuͤllen/ auff erkaͤnt- nuͤß/ daß sein wille dagegen gewesen/ ihm willig unterwerffen und auffopffern/ wer- de von ihm als ein neuer dienst angenom- men/ als ein zeugnuͤß der liebe/ daß wir uns um seinet willen deß jenigen begeben/ wor- auff wir sonsten viele hoffnung gesetzet haͤt- ten. Wir sehen auch/ daß anderen GOtt angenehmen leuten dergleichen begegnet. Das exempel deß lieben Davids ist bekant/ 2. Sam. 7. daß derselbige sich vorgenom-
men
men hatte/ ein hauß dem HErrn zubauen: die sache war an sich so gut/ und deß man- nes meinung so rein/ daß auch der Pro- phet Nathan/ ehe besonders das wort deß HERRN zu ihm geschahe/ solches bil- lichte/ und ihn/ daß der HERR mit ihm seye/ versicherte. Er muste ihm aber nachmalen anzeigen/ daß er der mann nicht seye/ durch welchen solches geschehen solle. Jndessen hatte GOTT der rath Davids nicht mißfallen/ sondern er laͤst ihn dabey seiner gnade versichern/ daß er auch eine sonderliche vortreffliche verheissung bey sol- cher gelegenheit ihm wiederfahren liesse. Womit wir sehen/ daß David zufrieden gewesen/ sich nicht daruͤber geaͤngstiget/ son- dern weil die ehre seinem Sohn Salomon bestimmet war/ demselben einen stattlichen vorrath gesamlet/ und noͤthige mittel/ auch fuͤrbilde dazu hinderlassen. Also da die Apostel nach dem befehl deß HERRN ei- nen hertzlichen eiffer und begierde hatten/ an allen orten ihren Heyland und das Evan- gelium zuverkuͤndigen/ auch dadurch jeder- man zu bekehren/ so musten sie doch erfah- ren/ daß der HERR sie an unterschied- lichen orten selbs hinderte/ sein Wort zu-
reden
reden Apost. Gesch. 16/ 7. 8. daß auch der Satan sie einige mal hinderte 1. Thess. 2/ 18. oder insgemein ihnen hindernuͤssen in den weg kamen/ Rom. 1/ 13. daß sie an vielen orten wenig oder nichts außgerichtet/ noch die leute bekehret/ vielmehr gelegenheit ge- wesen/ daß viele sich nur hefftiger wider- setzet/ und sich schrecklicher versuͤndiget/ also das Evangelium vielen
ein geruch deß todes zum tode worden
/ 2. Cor. 2/ 16. da sie wol verlangt haͤtten/ daß es allen moͤchte ein geruch deß lebens zum leben seyn. Ob nun wol dermassen ihnen viel wider ihr verlangen begegnete/ waren sie doch mit al- lem zufrieden/ beklagten und strafften der widerspenstigen boßheit und gerichte/ aber liessen dem HERRN seine freye macht/ jedes orts sovielen segen zuverleihen/ als ihm gefaͤllig waͤre. Diesem exempel haben wir auch zufolgen/ wo wir anders unser hertz in einem frieden behalten wollen/ daß wir damit zufrieden seyn/ so wir thun/ was der HErr von uns fordert/ und uns alles ge- fallen lassen/ wie ers wolle abgehen lassen/ in demuth uns nicht wuͤrdig achtende/ daß er vieles durch uns lasse außgerichtet wer- den/ und uns an seiner gnade und willen
ver-
vergnuͤgende. So wird gewißlich der frie- de soviel mehr in unserem hertzen befestiget werden/ als gewisser die unruhe ist/ wann wir was in unserer hand nicht ist/ den auß- gang nach unserem willen einzurichten/ noͤ- tigen wollen.
§. 9.
Das dritte mittel unsers friedens mag gesetzet werden/
die wahre hoch- haltung der geistlichen/ und gering- schaͤtzung der irrdischen guͤter.
Hiezu gehoͤret also/ daß wir fleissig gedencken/ an die theure gnaden-schaͤtze unsers heils/ die wir in CHristo haben/ und
den Geist auß GOTT erlangen/ daß wir wis- sen koͤnnen/ was uns von GOTT gegeben ist.
1. Corinth. 2/ 12. Wir ha- ben daher in hertzlicher forcht GOttes/ und mit andacht/ in der Schrifft zulesen/ und darauß nachzusinnen/ was vor vortreffliche guͤter wir von GOTT bekommen/ und sonderlich in der heiligen Tauff erlanget ha- ben. Wir haben zubetrachten die guͤter/ in dero wuͤrcklichem besitz die glaubigen bereits allhier stehen; was es vor ein hoher adel seye/ GOttes kinder worden zuseyn/ was es vor ein reichthum seye/ in deß Himlischen Vatters guͤte und vorsorge aller geistlichen
und
und zeitlichen nothdurfft versichert zu seyn/ was es vor ein freudiges leben/ daß wir vor unsere erhaltung nicht zusorgen beduͤrffen/ sondern/ alles GOTT uͤberlassen moͤgen. Was es vor eine seeligkeit seye/ Christum mit seiner gerechtigkeit und allem verdienst zu eigen zu besitzen/ und ihn zur gerechtig- keit zu haben/ daher wuͤrcklich von aller suͤn- de/ dero schuld und herrschafft/ auch dero straff/ so dann von dem todt/ von deß Teuf- fels gewalt/ und von der hoͤlle frey zuseyn: Was es vor eine wuͤrde seye/ den Heiligen Geist zu seinem inwohner/ zu seinem leh- rer/ leiter/ vermahner/ troͤster zuhaben/ und seiner unauffhoͤrlichen bewahrung/ (wo wir ihn nicht selbs von uns stossen/) ver- sichert zuseyn: und was mehr solche guͤ- ter seynd/ die uns schon in gewisser maaß in diesem leben von dem himmlischen Vat- ter außgeantwortet sind. Wir haben auch zugedencken an die guͤter jener herrlichkeit|/ welche denen/ die in dem glauben beharren/ bereitet sind/ da sie
wissen/ wann er der HERR erscheinen wird/ daß sie ihm gleich seyn werden/ da sie ihn sehen werden/ wie er ist 1. Joh. 3/ 2.
Wie sie nemlich den HErrn sehen
sollen
sollen mit ihren augen/ und von seiner glo- rie also durchleuchtet werden/ daß dieselbe in ihnen leuchte/ als das liecht der Son- nen/ so einen crystall/ der drinnen haͤnget/ durchscheinet: Wie sie nun gantz vollkom- men ohne suͤnde seyn/ und in dem herrlich- sten bilde Gottes an seel und leib glaͤntzen/ wie die verklaͤrten leiber/ als so zureden/ lau- ter Sonnen scheinen; wie sie von den rei- chen guͤtern deß hauses der Majestaͤt gantz erfuͤllet/ und von der himmlischen wonne als gleichsam truncken werden sollen: und was dergleichen guͤter sind/ die wir so gar nicht begreiffen/ daß wir auch die wort/ die wir darvon gebrauchen/ nicht nach dero tieffe und hoͤhe verstehen koͤnnen. Daher es auch bedarff/ daß wir staͤts den Vatter vornehmlich in dem stuͤck anruffen/ daß er uns
gebe den Geist der weißheit/ und der offenbahrung zu seiner selbs er- kaͤntnuͤs/ und erleuchtete augen un- sers verstaͤndnuͤsses/ daß wir erken- nen moͤchten/ welche da seye die hoffnung unsers beruffs/ und wel- cher seye der reichthum seines herrli- chen erbes an seinen Heiligen.
Ephes. 1/ 17. 18. Wie zwar solche erkantnuß eine
gnaden-
gnaden-gabe und wuͤrckung deß Heiligen Geistes ist/ so muͤssen wir gleichwol ihrer theilhafftig zuwerden/ uns befleissen/ solche guͤter mehr und mehr anzusehen und zube- trachten/ in dem auß solcher betrachtung wir immer mehr und mehr in solcher er- kaͤntnuͤß gestaͤrcket werden/ auch die liebe dazu zunehmen. Ein geitziger dencket staͤts an seinen reichthum/ und belustiget sich/ wo er seine kleinodien/ gold und silber offt und viel sehen kan/ da ihm nichts ange- nehmers sonsten begegnen koͤnte: daher auch je mehr er sie besihet/ je inniglicher er sie zu lieben fortfaͤhret. Wir aber haben an unsern Himlischen Schaͤtzen nichts ge- ringers/ sondern so viel vortrefflichers/ daher wir auch recht unser werck davon machen muͤssen/ staͤts daran zugedencken/ und wo es geschehen kan/ davon zureden. Hingegen hat man dabey auch immer/ der ewigen guͤter vortrefflichkeit bey sich zuer- hoͤhen/ sich die nichtigkeit und eitelkeit der irrdischen nachtruͤcklich vor augen zustellen: wie sie doch so gar das jenige nit seyen/ dar- auß wir seelig zuschaͤtzen/ oder wer sie nicht in maͤnge hat/ unseelig zu achten waͤre. Wir wissen ja/ daß die seelige in jener ewig-
keit
keit von solchen irrdischẽ guͤtern nichts ha- ben/ aber nichts destoweniger vollkommen seelig sind/ und diesen koth nicht begehren: Weßwegen auch wir uns weniger muͤssen leid seyn lassen/ wo wir solche guͤter nicht in uͤberfluß haben/ als daß wir noch in der welt etwas davon beduͤrffen. Diese dop- pelte erkantnuß der wahren und falschen guͤter erhaͤlt den frieden in unsern hertzen. Dann da sonsten/ wo es uns an diesem oder jenem mangeln will/ was der fleischliche sinn verlangte/ nothwendig folget/ daß der mensch daruͤber verunruhiget wird/ ja die forcht es zuverliehren/ und die ungewiß- heit das was wir haben zubehalten/ allezeit verunruhiget/ so bleibet hingegen ein solches gemuͤth in einer staͤten ruhe/ wie es ihm auch in dem leiblichen ergehe/ welches war- hafftig verstehet/ daß ihm an allem dem we- nig gelegen seye/ was ihm mangeln oder entgehen kan/ | hingegen daß seine wahre guͤter einig und allein die jenige seyen/ die er in GOTT und durch denselben in seiner seele hat. Dann wie solte der sich um et- was hermen/ der da glaubet/ es seye nicht viel werth/ und der weißt/ daß er das jenige habe und behalte/ worinnen er wahrhafftig seelig ist.
§. 10.
§. 10.
Diesem mittel ist nun sehr nahe/ und fliesset auß demselben 4.
die reini- gung deß hertzens von aller welt- liebe.
Daß man nemlich/ wo man die beyderley guͤter/ die geistliche und die irrdi- sche/ recht hat einzusehen/ und den unter- scheid darunter/ gelernet/ die unordentliche liebe gegen diese irrdische und zeitliche able- ge/ und glaube/ sie seyen dero nicht wehrt/ unsere seele aber zu edel/ als sich mit dersel- ben zubeflecken. Hat man sie nicht/ so muͤssen sie auch nicht so geliebet werden/ daß man sie mit angelegenheit und begier- lichkeit suchte: hat man sie aber/ daß man sie als etwas fremdes besitze/ und vielmehr unser leib und aͤusserliches derselben genies- sen/ als unsere seele darauff ruhe. Es muß heissen Psalm 62/ 11.
Faͤllet euch reich- thum zu
/ (gleiches ist auch zusagen von ehre/ hoheit/ guten freunden/ liebe der men- schen/ bequemlichkeit dieses lebens/)
so haͤnget das hertz nicht daran.
Dann alle diese dinge koͤnnen uns etwa nutzen/ so lang sie ausser uns sind/ und wir uns der- selben nach Goͤttlicher ordnung brauchen/ sobald sie aber in das hertz kommen/ und dasselbige eine liebe dazu heget/ so schaden
G
sie.
sie. Sie sind eine kugel/ damit wir spielen/ oder auch unser geschaͤfft treiben moͤgen: wir muͤssen uns aber nicht drauff stellen: in jenem fall laͤufft sie da und dorthin/ und wir bleiben in ruhe/ wo wir aber darauff stehen wollen/ so haben wir nimmer festen stand. Also alslang das hertz sich auff et- was leget mit einer liebe/ so muß es in eben der ungewißheit und unruhe stehen/ als solche sache selbs unbestaͤndig und vieler ge- fahr unterworffen ist. Alles dieses aber laͤsset sich nicht zuwege bringen/ das ist die liebe deß zeitlichen ablegen/ ohne die oben
recommendirte
erkantnuß der besten guͤ- ter/ so der liebe wuͤrdig sind: weil ja das menschliche hertz auß seiner unvollkommen- heit allezeit etwas ausser sich haben muß/ auff dem es beruhe/ hat es nun nichts festes/ so greifft es nach dem was es hat: wie ei- ner der in dem wasser in gefahr schwebet/ wo er nichts festes ergreiffen kan/ in der angst nach jeglichem reise/ das ihn doch nicht halten mag/ greiffet/ aber solches fahren laͤsset/ bald er etwas bessers erbli- cket. Also unser hertz von der liebe der welt- lichen dinge abzuziehen/ ist kein fuͤglicher mittel/ als ihm die dinge vorzulegen/ die es
lieben
lieben solle/ und wo es sie recht erkent/ alles leicht davor fahren laͤsset. Wie auch der geitzigste/ welcher einen schatz von etwas kupffergeld in der kiste haͤtte/ am allerleich- testen dahin gebracht wuͤrde/ daß er/ wie lieb er ihn sonsten gehabt/ ihn willig fahren liesse/ wo man ihm tausendmahl soviel gold und edelgestein geben wuͤrde. Daß wir aber sehen/ wie sehr die liebe der welt und aller creaturen/ wie sie ausser GOTT sind/ an dem frieden hindere/ so ist ferner zu mercken/ daß bey solcher liebe die liebe deß Vatters nicht seyn koͤnne. 1. Johan. 2/ 15. Vielweniger kan sie sich denn daselbs offen- bahren/ und den frieden wuͤrcken. Jch setze billich auch hieher einige schoͤne wort unsers theuren
D. Lutkemans
2/ 13/ 537. denn nachdem er die ursach gezeigt/ war- um unsere seele/ da ihr ruhstaͤtt in GOtt ist/ nicht nach solcher ruhe sich natuͤrlich sehne/ wie andere dinge zu ihrer ruhe nicht mit arbeit erst doͤrffen gebracht werden/ sondern daß sie vielmehr vor GOtt fliehe: nemlich daß solches seye unsere verderbnuͤß/ dadurch die seele von GOTT abgewendet ist/ sagt er herlich:
So ist nun kein an- der weg zur ruhe/ als daß die seele
G 2
die
die eitelkeit fahren laͤsset/ und mit ihrer lust und behaͤglichkeit sich zu GOTT wende/ auff ein geistlich und himmlisch gut. Da findet die verirrte schwalbe ihr nest/ das ist der seelen eigentliches hauß. Nie- mand ist sicherer und ruhiger als daheim/ wenn er in sich kehret/ seine sinne und gedancken ins hauß seines hertzens behaͤlt/ alda die statt Got- tes ist. Wenn Jacob auß seines vatters hauß außziehet und alleine ist/ erscheinet ihm GOTT. Wenn die sinne das aͤusserliche verlassen/ und sich kehren zu dem innerlichen gut/ zu dem sitz Christi/ zu dem reich GOttes/ das in uns ist/ alsdenn findet sie GOtt und ruhe/ und volle gnuͤge in GOtt.
§. 11.
Wie nun die grobe welt-liebe auß unserem hertzen zuschaffen ist/ damit die wahre liebe GOttes darinnen platz haben moͤge/ also haben wir auch wol acht zuge- ben/ daß auch diese rein seye/ und wir nicht etwa die geistliche gaben/ und dero empfind- lichen genuß/ vielmehr als den HERRN selbs lieben. Es ist solche liebe/ da sich der
mensch
mensch in die geistliche gaben/ und in die em- pfindlichkeit der gnaden-wuͤrckungen/ also verliebet/ daß es ihm mehr darum als um den HERRN selbs zuthun/ daher ohne jene mit ihm und seiner blossen gnade nicht wahrhafftig zufrieden ist/ gantz unbillich/ alldieweil ja GOTT selbs mehr ist/ als alle seine gnaden-guͤter/ und also densel- ben nachgesetzt/ oder vornehmlich ihrent- wegen geliebet zuwerden/ der es vor sich am wuͤrdigsten ist/ nit verdienet hat. Ja es waͤre solche liebe vielmehr eine subtile eigen- liebe/ als wahrhafftige liebe GOttes. Da- her sie auch das gemuͤth in keinen frieden setzet/ sondern in seiner unruhe laͤsset/ oder noch in mehrere stuͤrtzet. Dann weil solche gnaden-guͤter und empfindung nicht in un- serer macht im geringsten stehen/ sondern blosse freywillige geschencke GOttes sind/ welche er dazu nicht jedem/ noch zu jeden zeiten versprochen hat/ daher ihrer viel der- selben lang entrathen muͤssen/ und welche sie gehabt/ offt wiederum dieselbe verliehren koͤnnen/ so ist das hertz wegen der unmaͤssi- gen begierde darnach/ wegen der aͤngstli- chen sorge uͤber dero muͤglichen verlust/ und wegen der forchtsamen betruͤbnuͤß/ wo man
G 3
in
in mangel stehet/ und sie auffs neue ent- rathen muß/ in einem staͤten unfriede sowol auß der unordentlichen liebe dieser/ ob schon geistlichen guͤter/ als sonsten auß der andern welt-liebe. Wo sich aber die seele gewaͤh- net/ mit GOTT allein zufrieden zuseyn/ und sich damit an ihm zuvergnuͤgen/ was er allen und allezeit zuseyn bereit ist/ so ist sol- ches ein stattlicher grund eines bestaͤndigen friedens.
§. 12.
Mit dem obigen kommet zimlich uͤberein/ doch mag es als das fuͤnffte mittel deß friedens angesehen werden/
die able- gung und verlaͤugnung der bauch- sorge
/ oder der mißtrauigen aͤngstlichen sorge deß zeitlichen. Hiezu dienen sonder- lich die jenige betrachtungen/ auß denen der HERR JEsus/ der diese suͤnde so gern auß den hertzen der seinigen außgewurtzelt haben wolte/ Matth. 6/ 24. u. f. seine be- weißthuͤme fuͤhret. 1. Wie es unmuͤg- lich seye/ neben solchen sorgen/ und da man mit seinem hertzen an dem Mammon hange/ GOtt zugleich zu dienen/ daher die- ser allen den dienst/ welcher ihm mit solcher bewandnuß deß hertzens geleistet wird/ nicht als einen wahren ihm gefaͤlligen dienst an-
nim-
nimmet. Nun werden wir ja nicht wollen davor angesehen seyn/ daß wir uns deß dienstes GOttes begeben/ und also ihm nicht mehr dienen wolten/ als welches der verzweiffeltste grad der gottlosigkeit waͤre. Wollen wir aber dann dem HErrn die- nen/ so lasset uns ihm auch darinnen glau- ben zustellen/ daß wir uns dieses innerlichen dienstes deß Mammons/ so in dessen liebe und sorge bestehet/ begeben. 2. Wie es die hoͤchste unbillichkeit seye/ dem Himmli- schen Vatter nicht so viel zuzutrauen/ da er uns das groͤsseste ohne unser sorgen ge- geben/ nemlich das leben und den leib/ daß er uns nicht auch das jenige/ was zu dero- selben erhaltung noͤthig/ eben so gern wer- de geben wollen/ daß es also unserer aͤngst- lichen sorge nicht bedarff. Zu dem 3 da wir ja sehen/ daß der allgemeine Vatter dergleichen auch an den Voͤgeln und blu- men thue/ und ihnen das jenige ohne ihr sorgen und arbeiten beschere/ daß jene/ was zu dero lebens erhaltung noͤtig/ jegliches sein koͤrnlein an seinem ort/ diese den safft in der erden finden muͤssen/ der sie erhaͤlt/ und sich in ihnen in so schoͤne gestalt und farben verwandelt/ worauß leicht zuschlies-
G 4
sen
sen/ der HERR werde nicht weniger thun/ an den jenigen creaturen/ die er zu etwas hoͤheres/ und daß seine ehre mehr an ihnen gepriesen werden solte/ erschaffen hat. 4. Wie gleichwol alles sorgẽ nichts außrichten wuͤrde/ ob sich einer zu todt marterte/ seiner laͤnge eine eele zuzusetzen: also werde sich ehe einer zum narren sorgen/ als etwas mit seinem sorgen an sich selbs zu seiner nahrung außrichten/ sondern er habe die- selbe in anruffung und vertrauen Goͤttli- cher gnade/ und auß seiner arbeit/ nach Goͤttlicher ordnung zuerwarten/ die sorge aber deme zu uͤberlassen/ der mit nachtruck sorgen kan. 5. Daher stehe solches sor- gen den Heyden vielmehr an/ die von Got- tes reicher und milden guͤte/ auch vaͤt- terlicher vorsorge/ wenig wissen/ als den je- nigen/ welchen sich GOTT geoffenbah- ret hat/ und die davor angesehen seyn wollen/ daß sie sein Vatterhertz warhaff- tig kennen/ aber mit dem jenigen eben ver- laͤugnen wuͤrden/ wo sie sich den Heiden auch darinnen gleich arteten. 6. Dann sie muͤssen entweder nicht glauben/ daß er ihr Vatter/ und vaͤtterlich gesinnet seye/ oder zweiffelen/ ob er auch wisse/ was und
wie
wie viel sie beduͤrffen: welches aber beydes die ehre deß HERRN sehr schmaͤlerte/ in dem er ja durch so vieles bißher bezeuget/ daß er der jenige Vatter seye/ der wisse/ was sie bedoͤrffen. Welches zu glauben seine kinder in der that muͤssen bezeugen/ wie sie es mit worten bekennen. 7. Hin- gegen stehe uns eine andere sorge vor/ daran wir alle kraͤfften der Seelen und deß Gei- stes anzuwenden haben/ nemlich zu trach- ten nach dem reich GOttes und nach seiner gerechtigkeit. Dieses sind die guͤter/ dar- auß unserer seelen/ an dero uns immer mehr als an dem leib gelegen ist/ und daher was zu ihrer wolfahrt dienet/ allem vorgezogen werden muß/ heil befordert wird/ und sol- ches in zeit und ewigkeit. Daher je der sorge vor dieselbe/ die uns gantz/ und was in uns ist/ erfordert/ nichts entzogen/ und auff diesen madensack/ der doch in die ver- wesung einmal gehen muß/ zur ungebuͤhr gewandt werden doͤrffe. 8. Sollen wir noch dazu diesen vortheil davon haben/ daß wo wir uns deß unziehmlichen sorgens ent- halten/ das jenige was unserm leib noͤthig ist/ dannoch nicht außbleiben solle/ son- dern von dem HERRN/ (wo wir in sei-
G 5
ner
ner ordnung deß gebets und arbeit bleiben) ohne unser aͤngstliches sorgen zugeworffen werden solle: Wer wolte aber dann nicht lieber auß der hand eines guͤtigen Vatters das jenige erwarten/ was ihm derselbe um- sonst verspricht/ als sich selbs darum mar- tern. Sonderlich weil wir wissen/ daß dieser lieber Vatter so gesinnet ist/ daß er gern vor uns sorget/ wo wirs ihm uͤber- lassen/ und uns zuruffen laͤsset: 1. Petr. 5/ 7.
Alle eure sorge werffet auff ihn/ denn er sorget fuͤr euch:
hingegen sich unsere sorge als ein zeichen deß mißtrauens sehr uͤbel gefallen laͤsset/ und zur straff sei- ne sorge zuruͤck zeucht/ daß weil wir ja ihn nicht wollen machen lassen/ sondern uns selbs versorgen/ und ihn also hindern (gleichsam als ein ungeschickter/ welcher ei- nen trefflichẽ meister/ der an einem kunststuͤck arbeitet/ das er allein machen kan/ immer in die arbeit faͤlt/ aber die sache mehr ver- derbet/ und ihn endlich unwillig machet/) er uns dann machen und zappeln laͤsset/ daß wir uns zu tode/ wo nicht gar in die hoͤlle/ sorgen/ und gewahr werden/ was wir mit unserem verbotenen sorgen außgerichtet. 9. Er schliesset auch endlich damit/ daß es
eine
eine grosse thorheit seye: in dem ja die sorge an sich nichts anmutiges/ sondern der seele so beschwerlich ist/ als immermehr dem leib die schwerste arbeit seyn kan (eine
, die so zureden das gemuͤth zerschneidet/) daß man sich so gern damit plage/ und also da ohne das in diesem menschlichen elend jeglicher tag seine eigene plage hat/ es dabey nicht lasse/ sondern vorher und ehe es zeit ist/ heut die last deß morgenden tages auff sich nehme. Und so ists auch/ daß da der friede und ruhe unserer seelen eines der vergnuͤglichsten guͤter in dieser zeitlich- keit ist/ daß derselbe immerdar durch diese bauchsorge verstoͤhret wird/ und nicht muͤglich ist/ zu einer wahren ruhe zukom- men/ man reinige dann die seele von dieser selbs-plage/ die uns GOtt nicht aufferleget/ sondeꝛn unsere thorheit sich damit unwissend straffet.
§. 13.
Eine treffliche befoͤrderung aber dieser ablegung der unnuͤtzen sorgen/ und also auch deß friedens/ ist diese/ wann wir lernen mit wenigem zufrieden seyn/ und we- der mehr als nahrung und kleider/ darinnen unsere aͤusserste nothdurfft bestehet/ verlan- gen/ noch in denselben das maaß mit un-
G 6
fern
fern begierden uͤberschreiten/ welches unserer natur erhaltung erfordert. Es ist zwar eben dieses ein stuͤck unserer verderbnuͤß/ daß unsere unordentliche begierde gemeiniglich unsere nothdurfft/ nicht nach der wahr- heit/ sondern nach der einbildung/ misset/ und sie also viel weiter als sie ist außdaͤhnet/ daher uns immer aͤrmer machet/ wo wir bedencken/ daß allezeit der jenige soviel aͤr- mer seye/ der und so viel er mehr bedarff: da hat sich die welt so viel regeln deß stands und staats gemacht/ was jeglicher uͤber sei- ne nahrung und kleider haben muͤsse/ und dessen er meinet so wenig entrathen zukoͤn- nen/ als er jener nicht ermanglen kan. Also auch will unser appetit/ auch wider die re- geln der gesundheit/ viel ein mehrers haben/ als die erhaltung deß lebens in speiß und tranck erforderte/ sondern es muß an die vergnuͤgung deß geschmacks/ und gemei- niglich verderbung der gesundheit/ mehr ge- wendet werden/ als das jenige kostet/ da- von wir unsern hunger und durst zur noth- durfft loͤschen und saͤttigen haͤtten koͤnnen: Nicht weniger sind der jenigen wenig/ wel- che in den kleidern damit zufrieden seynd/ daß ihre bloͤsse bedecket/ und der leib vor
dem
dem jenigen/ was ihm schaden haͤtte moͤ- gen/ beschirmet werde/ sondern da muß an schmuck und zierrath/ auch an eingebil- deten wolstand/ abermahl vielmehr geleget werden/ als an die redliche nothdurfft. Daher die natur ein gar weniges von jeglichem erforderte/ so auch in Goͤttlicher ordnung durch die arbeit unschwehr ohne weitlaͤufftige sorgen erworben werden koͤn- te/ so will hingegen die arbeit oder habende mittel ins gemein bey den meisten zu bestrei- tung der eingebildeten nothdurfft nicht auß- langen/ daher das hertz nicht nur mit viel sorgen erfuͤllet/ sondern offters zu man- chen suͤnden und ungerechtigkeit verfuͤhret wird. Da hingegen/ wo man mit we- nigem zu frieden zuseyn gelernet/ und mit vorstellung Goͤttlichen willens/ deß nutzens der vergnuͤgsamkeit und deß schadens deß uͤberflusses/ auch gewohnheit also zuleben/ jene einbildung bey sich außgeschaffet/ das gemuͤth in vergnuͤglicher ruhe bleibet. Die- ses lehret uns auch die Schrifft/ und ermah- net uns deßwegen so treulich. 1. Tim. 6/ 6. 7. 8. 9. 10.
Es ist ein grosser gewinn/ wer gottselig ist/ und laͤsset ihm ge- nuͤgen/ denn wir haben nichts in die
G 7
welt
welt gebracht/ darum offenbahr ist/ wir werden auch nichts hinauß bringen/ wann wir aber nahrung und kleider haben/ so lasset uns be- gnuͤgen. Dann die da reich wer- den/
(und also nicht mit der nothdurfft zufrieden seyn/ sondern mehr haben/)
wollen/ die fallen in versuchung und stricke/ und viel thoͤrichter und schaͤdlicher luͤste/ welche ver- sencken die menschen ins verderben und verdamnuͤß. Dann geitz ist ei- ne wurtzel alles uͤbels/ welches hat etliche geluͤstet/ und sind vom glau- ben irre gegangen/ und machen ih- nen selbs viel schmertzen.
Diese schmertzen erklaͤret daselbs unser lieber
Lu- therus
in der Randgloß sehr fein zu unse- rer absicht:
Nemlich mit sorgen und aͤngsten/ und unruhe/ tag und nacht/ um das gut/ daß sie es nim- mer frohe werden. Wie auch Chri- stus den reichthum dornen verglei- chet/ um solches stechens und sor- gens willen.
Matth. 13/ 22. Nicht we- niger sind die wort Pauli bedencklich Hebr. 13/ 5.
Euer wandel sey ohne geitz/
und
und lasset euch begnuͤgen an dem/ daß da ist/
(mit ablegung der begierde nach anderem unnothwendigen/)
denn er hat gesagt: Jch will dich nicht verlassen noch versaͤumen.
Also ist wahrhafftig der jenige am reichesten/ der seinen begierden hat abzubrechen gelernet/ mit wenigem außzukommen weißt/ und ein elender sclave seiner hertznagenden sorgen zuwerden nicht noͤthig hat.
§. 14.
Das 6. mittel deß friedens mag seyn/
die vermeydung der vermessen- heit/
daß man nemlich nichts mit willē thue oder vornehme/ davon man nicht/ so viel moͤglich ist/ in seiner seelen Goͤttlichen willens versicherung habe/ damit man in dem werck selbst/ und wo es nunmehr ver- richtet ist/ sich getrost darauff verlassen koͤn- ne/ daß die sache ihm gefaͤllig seye/ und wir fein wort/ gebot und verheissungen vor uns haben. Wo wir dieses gewiß sind/ so ist man getrost in seinem werck/ obs auch schwehr damit hergehet/ und wir vielen widerstand spuͤhren/ daß man gleichwol trachtet fortzufahren/ und sein gewissen zu retten: Solte es geschehen/ wie es etwa offt geschihet/ daß man auch in solchen
wercken
wercken nicht allemahl durchtringet/ noch was man gewolt/ außrichtet/ so wird doch das hertz nicht sehr damit verunruhiget/ sondern man weißt/ daß dannoch unser werck GOTT gefallen habe/ und ein ge- horsam gegen ihm gewesen seye/ ob dann schon sein wille dißmahl nicht gewesen/ daß wir das verlangte außrichteten/ (welches wir seinem rath und dessen weisen/ ob et- wa uns unbekanten/ ursachen willig uͤber- lassen/) so seye dannoch unser angewandte muͤhe nicht vergebens oder unnuͤtzlich ge- wesen/ als die wir deß HERRN willen an uns damit erfuͤllet/ und unserer pflicht ein gnuͤgen gethan/ weßwegen unsere treue dem HErrn nicht weniger gefaͤllig gewe- sen seye/ als ob wir alles außgerichtet haͤtten. Hingegen/ da wir auß fuͤrwitz und vermessenheit einige dinge uͤbernehmen zu thun/ die uns nicht zukommen/ und da- von wir weder befehl noch verheissung von dem HErrn haben/ ist solches eine staͤte unterhaltung der unruhe. So lang wir noch damit umbgehen/ wo uns das gewis- sen uͤberzeuget/ daß wir es mehr auß eige- nem als Goͤttlichem rath uͤbernommen ha- ben/ so wird das gemuͤth unruhig/ man
wil
wil nicht gern zu ruͤck gehen und ablassen/ hingegen ist man billich furchtsam vor das kuͤnfftige: Spuͤhret man widerstand/ so zappelt das hertz/ ob wir auch fortfahren sollen/ da wir es ansehen/ als stehe uns GOTT selbst entgegen: Schlaͤgets uͤbel auß/ so naget uns das gewissen/ daß wir nicht nur die muͤhe vergebens angewandt/ sondern den schaden/ welchen wir etwa daher leiden/ oder andern zugewachsen ist/ uns selbst und ihnen verursachet/ und dessen rechenschafft zu geben haben: Bessert auch GOtt endlich unseren fehler/ und laͤssets eben nicht so uͤbel außschlagen/ als es ge- schehen haͤtte koͤnnen/ so sehen wir zwahr auffs neue Goͤttliche unverdiente guͤte/ aber es bleibet doch das hertz nicht ohne fuͤhlung einiger angst/ da es sihet/ worein es sich ge- stuͤrtzt haͤtte/ ob wol GOtt nach seiner guͤ- te die sache wiederumb zu recht gebracht. Hie kommet uns Sirach wol zu statten/ c. 3/ 21. u. f.
Stehe nicht nach hoͤ- herem stande/ und dencke nicht uͤber dein vermoͤgen/ sondern was GOtt dir befohlen hat/ deß nimme dich staͤts an. Dann es frommet dir nichts/ daß du gaffest nach dem/ das
dir
dir nicht befohlen ist; Und was dei- nes amts nicht ist/ da laß deinen fuͤrwitz. Dann dir ist vor mehr be- fohlen/ weder du kanst außrichten. Solcher duͤnckel hat viel mehr be- trogen/ und ihre vermessenheit hat sie gestuͤrtzet. Dann wer sich gern in gefahr gibt/ der verdirbt darinnen: und einem vermessenen menschen ge- hets endlich uͤbel auß. Ein vermes- sener mensch macht ihm selbst viel ungluͤcks/
(und also bringet er sich umb seinen innerlichen frieden/)
und richtet einen jammer nach dem andern an.
Welches alles unser jetzt besagtes zur gnuͤ- ge bekraͤfftiget/ und uns zeiget/ wie die ver- messenheit GOtt versuchet/ also stuͤrtze sie sich selbst in die gefaͤhrlichste versuchung/ darauß sie so leicht ihr nicht helffen kan/ und wo es ja GOtt thut/ solches nothwen- dig mit vieler unruhe abgehen muß. Daß wir aber wissen/ was vermessenheit seye oder nicht/ so zeiget uns Sirach eben dasselbe: Nemlich alles solches verdienet den namen der vermessenheit/ was man thut ohne Goͤttlichen befehl und beruff; Wobey gleichwol in acht zu nehmen/ daß ein jegli-
cher
cher mensch seinen doppelten beruff habe/ nach deren einem er nach seinem stand und ordnung/ darein ihn GOTT in der welt gesetzet hat/ seine absonderliche pflichten hat/ darzu er auß solchem amt oder stande verbunden ist. Uber denselben aber ist noch der allgemeine Christen-beruff/ da uns al- len alles das jenige obliget/ was der HErꝛ seinen Christen anbefohlen hat: Wo wir nun etwas desselbigen zu einiger zeit ver- richten/ moͤgen wir gewiß seyn/ daß solches unser beruff gewesen/ ja/ wir durch die ge- legenheit solches zu thun auffs neue darzu beruffen worden seyen.
§. 15.
Das naͤchste mittel 7. achte ich
die maͤssigung der geschaͤfften.
Zwahr ists an dem/ daß wir in die welt nicht umb unser selbst willen/ auch gar nicht einmahl allein umb unsers geistlichen willen/ in die welt gesetzt sind/ sondern umb GOttes und deß Naͤchsten willen; daher/ was sonderlich das jenige anlangt/ was dieser von uns be- darff/ wir mit allerhand geschaͤfften und arbeiten umbzugehen/ und dazu die kraͤff- ten unserer seelen und leibes/ als zu dem zweck/ dazu sie uns gegeben/ anzuwenden haben: Dahingegen muͤssiggang vieler
suͤnden
suͤnden gelegenheit ist/ auch unsere schwach- heit jetzo kaum ertragen mag/ staͤts mit bloß himmlischen dingen umbzugehen: Zudeme/ daß eben dieses das Goͤttliche straff-urtheil ist/ dazu wir verdammt sind/ 1. B. Mos. 3/ 19.
im schweiß unsers an- gesichts unser brodt zu essen/
und also unser leben zuzubringen/ welchem
sententz
wir uns nicht zu entziehen erlaubnuͤß ha- ben. Jndessen hat uns der HErr dazu nicht gesetzet/ daß solche aͤusserliche wercke die jenige bemuͤhung unsers lebens seyn sollen/ sondern es ist uns befohlen auch vor unsere seele zu sorgen/ dero nothdurfft in unterschiedlichen stuͤcken erfordert/ eine von andern geschaͤfften befreyete zeit zu haben/ in dero wir ohne hindernuͤß an unsere seele gedencken/ und daran auff unterschiedliche art arbeiten moͤchten. Nun hat uns zwahr GOTT den Sabbathtag vornehmlich darzu verordnet/ und uns auff denselben unserer arbeit/ dazu wir sonsten verdammet sind/ gleichsam frey gesprochen/ daher er auch einmahl zu diesem einig-nothwendig- sten lauterlich angewendet/ und mit willen oder ohne noth/ unserer seelen versorgung nichts davon entwendet werden solle: Aber
es
es ist solche sorge der seelen ein viel weiter- greiffendes werck/ als daß sichs fast alles in solchen einigen tag einschrencken lassen wolte/ oder mit demselben allerdings genug waͤre/ sondern wir sollen billich auch an- dere zeit die woche uͤber haben/ da wir un- sere seelen von dem dienst deß vergaͤngli- chen abziehen/ und sie in ihre ruhe eingehen lassen moͤchten. Solle also dieses gesche- hen/ so muͤssen wir unsere geschaͤfften trach- ten/ so viel an uns ist/ und ohne verletzung der liebe deß naͤchsten geschehen kan/ nach moͤglichkeit einzuschrencken/ und uns hin- gegen der jenigen uͤberfluͤssigen geschaͤfften/ dero man wol entrathen koͤnte/ und die uns nicht so wol Goͤttlicher wille als unser belieben oder andere fleischliche ursachen aufferlegen/ zu entladen. Welches am meisten in den jenigen geschaͤfften noͤthig ist/ so nicht nur den leib und dessen glieder zur arbeit fordern/ unter welcher offtmals ungehindert die seele in sich gehen/ und ih- rer selbst wahrnehmen kan/ sondern welche auch das gemuͤth mit sorgen erfuͤllen/ und es also zu gleicher zeit mit der seelen-sorge umbzugehen untuͤchtig machen: Welcher- ley art die meiste geschaͤfften der Gelehrten
und
und die Amts-verrichtungen sind/ wie nicht weniger die kauffmanschafft/ und was dero anhaͤngig ist: vor welchen lebens-ar- ten eben umb dieser ursach willen/ der so ver- achte bauer-stand und andere arbeiten einen grossen vorzug in dem geistlichen haben. Damit dann nun ein jeglicher offt einiges stuͤndlein gewinnen moͤge/ zu seinem GOtt andaͤchtiger zu beten/ seiner seelen zustand zu untersuchen/ darinnen der Goͤttlichen wuͤrckungen und deß friedens gewahr zu werden/ und also auch darinnen das geistli- che dem andern vorzuziehen/ so muß er sich nicht nur gewehnen/ mitten unter seinen verrichtungen mehrmahl gleichwol sein hertz auch zu GOtt zuerschwingen/ und sich dem zu empfehlen/ (auff welche art die ge- schaͤffte auch an sich selbst nicht an GOttes gnade hindern/) sondern auch immer trach- ten einige freyheit zu bekommen/ da dieses sein einiges werck seye. Dahero/ wo seine geschaͤffte allzu viele sind/ hat ein jeder zu un- tersuchen/ was er unter denselben ohne ver- letzung der liebe GOttes und deß naͤch- sten am besten außlassen koͤnte/ umb sich alsdann eines theils seiner last zu seiner see- len bestem zu entschuͤtten. Wohin auch gehoͤret/ wann die haußhaltung allzu
weit-
weitlaͤufftig ist/ und abermahl ohne schmaͤ- lerung der liebe deß naͤchsten enger gefas- set werden kan/ daß man sie auch gern zu- sammen ziehe/ und etwa/ was von zeitli- chem gewinn damit abgehet/ vor keinen schaden achte/ gegen die jenige zeit/ die man zu seiner seelen bestem eruͤbriget. Dieses al- les wird dazu dienlich seyn/ damit das ge- muͤth/ welches von den geschaͤfften auch staͤts in unruhe gehalten wird/ daß es kaum wahrnehmen kan/ ob es in ruhe oder un- ruhe stehe/ mehrmahl in eine voͤllige ruhe komme/ welche nachmahl durch die fol- gende maͤssige geschaͤffte nicht so bald ver- stoͤhret wird. Hierauff gehet auch die ab- sicht deß heiligen Apostels Pauli/ wann er 1. Cor. 7/ 2. 32. 33. 34. nicht nur von den knechten saget:
Bistu ein knecht beruf- fen/
(da dir also zu deinem Gottes dienst und sorge der seelen wenig zeit uͤbrig gelassen und vergoͤnnet wird/)
sorge dir nicht/
(weil nemlich der HERR dich in solchen stand selbst gesetzet hat/ und dißmahl nicht mehr von dir fordert/
doch kanst du frey werden/
(nemlich auff gerechte weise/)
so brauche deß viel lieber/
(damit du nemlich in der freyheit uͤber deine zeit so viel besser dispotziren/ und deiner
seelen
seelen ihre nothdurfft verschaffen moͤgest/) sondern auch um der ursach den Jungfraͤu- lichen und ledigen stand/ darbey der ge- schaͤfften noch weniger sind/ dem verhey- ratheten/ wo die haußhaltung der sorgen und arbeiten mehr machet/ weit vorziehet/ und deßwegen den jenigen/ die dazu tuͤch- tig sind/ jenen absonderlich rathet/ wann er sagt: Jch wolte aber/ daß ihr ohne sorge waͤhret:
Wer ledig ist/ der sorget
(mit weniger hindernuͤß/)
was dem HErrn angehoͤret/ wie er dem HErrn ge- falle: Wer aber freyhet/ der sorget
(nicht nur allein gemeiniglich mit unrecht zu viel/ sondern auch selbst auß erforderung der menschlichen nothdurfft mit einigem abbrechen der geistlichen sorge/)
wie er dem weib gefalle.
(damit die einigkeit erhalten/ und die nothdurfft der haußhal- tung zu wege gebracht werde.) Daher zeigt er auch zu letzt v. 35. seinen endlichen zweck/ der da seye:
Daß ihr staͤts und unverhindert dem HERRN die- nen koͤnnet.
Auß welchem allen folget/ daß dann nach moͤglichkeit die geschaͤffte zu ringern sind; dazu wir auch ohne das so viel bereiter solten seyn/ wann uns nicht
das
das irrdische auß unserer verderbnuß allzu- viel an das hertz gewachsen waͤre/ weil wir gehoͤret/ daß die arbeiten nunmehr eine art einer straffe sind/ und niemand gern mit willen mehr straffe sich selbs auffladet. Hieher gehoͤret/ was der theure
D. Lucke- man
sagt 2/ 13/ 138.
Zwar die liebe er- forderts offt und unser beruff/ daß wir mit aͤusserlichen und weltlichen geschaͤfften muͤssen umgehen/ denn es muß ein unterscheid seyn zwischen der seelen/ wenn sie zuhause im him- mel ist/ im klaren anschauen GOt- tes/ und wann sie noch auffm we- ge ist. Doch muß ein Christ sich fuͤrsichtig in weltlichen geschaͤfften verhalten/ daß er dadurch nicht al- so eingenommen werde/ daß es ihm zuschwer falle/ wider zu kehren zu sei- ner ruhe. Mustu der welt gebrau- chen/ du glaubige seele/ so thue es mit forcht ohne sicherheit/ und seh- ne dich immer nach der innerlichen ruhe in GOtt.
§. 16.
Auß einer gleichen ursach mag die
achte
stelle unter den mitteln deß in- nerlichen friedens haben/
die enthaltung
H
vieler
vieler gesellschafft.
Wer mit vielen leu- ten stets umgehet/ hoͤret immer von vieler- ley solchen dingen/ und wird damit einge- flochten/ welche die innere ruhe mehr ver- stoͤhren als befoͤrdern: soviel mehr weil lei- der die meisten leute so bewandt/ daß unser innerer mensch von deroselben umgang in allen stuͤcken eher anstoß und hindernuͤß als befoͤrderung zuerwarten hat: und jener alte etwa nicht unwahr geredet/ da er davor gehalten/ so offt er unter viele menschen außkomme/ komme er fast weniger als ein mensch/ daß ist immerdar mit einigem nachtheil seiner seelen/ anheim. Daher wer ohne verletzung seines amts und beruffs/ o- der auch Christlicher liebe/ meistens in seinem hause bleiben kan/ hat seinen zustand soviel gluͤcklicher zuachten: wie dann solche soviel mehr gelegenheit darauß haben/ ihr gemuͤth in einem unzerstoͤhrten frieden zubehalten. Darinnen wir gewisse handwercker vor an- dern lebensarten preisen moͤgen. Hiezu waͤre auch eine nicht unebene gelegenheit ge- wesen/ wo bey der
reformation
einige cloͤ- ster/ mit abschneidung alles aberglaubens/ einbildung deß verdienstes uñ mehrerer voll- kommenheit/ zwang der geluͤbde/ faulheit/
und
und was sonsten an den Paͤpstischen cloͤ- stern zustraffen ist/ waͤren beybchalten wor- den/ darinnen personen/ so ein stilles leben lieben/ sonderlich aber unter vielem wesen und tumult ihr gemuͤth in der stille zuhal- ten/ oder auch sonsten ohne anstoß dar- unter zuleben/ nicht vermoͤgen/ beysam- men lebten/ fleissig nach jedes vermoͤgen arbeiteten/ und GOTT/ und dem naͤch- sten/ soviel es solches orts geschehen koͤnte/ dieneten. Welches bey ihrer vielen ein statt- liches mittel zu einem bestaͤndigen frieden in der seele seyn wuͤrde.
§. 17.
Wie nun die viele gesellschafft da- durch das gemuͤth verunruhiget/ weil man von vielerley dingen/ die uns nichts ange- hen/ und dannoch unterschiedlicherley
aftecten
bey uns erregen/ hoͤret/ also ge- schiehets auch dadurch/ weil eben vermit- tels vieler gesellschafft auch zu manchem un- nuͤtzen geschwaͤtz anlaß gegeben wird; wie hingegen dieses das
neundte
mittel der ru- he seyn mag/
die enthaltung von un- nuͤtzen reden.
Wir hoͤren auß unsers Heylandes munde Matth. 12/ 36. daß der mensch an jenem tag
von einem jegli- chen unnuͤtzen wort rechenschafft
H 2
ge-
geben
solle: daher das unnuͤtze geschwaͤtz/ das ist das reden/ so weder noͤthig/ noch entweder denen die da reden/ oder die da hoͤren/ in geistlichem oder leiblichem nuͤtzlich ist/ eine schwehrere suͤnde seyn muß/ als mans glaubt/ und davor gehalten wird/ weil die wort eben keine pfeile/ so schadeten sie ja nichts/ da doch solche unnuͤtze reden nicht nur ein mißbrauch sind deß menschli- chen verstandes und zunge/ so uns zu nuͤtz- licherem zweck gegeben sind/ auch dabey die zeit noͤthigern verrichtungen hinwegneh- men/ sondern auch in der seele mancher- ley zerstreuung machen/ dadurch dieselbe sowol zu Goͤttlichen wuͤrckungen unbe- quem wird/ als vornehmlich die ruhe der- selben hindert. Daher wann der liebe Pau- lus Ephes. 4/ 29. 30. gesaget:
Lasset kein faul geschwaͤtz auß eurem mun- de gehen/ sondern was nuͤtzlich zur besserung ist/ da es noth thut/ daß es holdseelig seye zu hoͤren:
setzet er sobald dazu:
und betruͤbet nicht den Heiligen Geist GOttes/ damit ihr versigelt seyd auff den tag der erloͤ- sung;
so laͤsset sich darauß abnehmen/ ob nicht eben durch jegliches unnuͤtzes reden
der
der Heilige Geist gar außgetrieben wird/ daß er doch auffs wenigste dadurch betruͤ- bet/ und gewißlich seine wuͤrckungen starck unterbrochen werden/ womit ja der friede vergehet.
§. 18.
Das
zehende
mittel der erhal- tung deß friedens gibet uns unser Heyland an die hand Matth. 11/ 29.
Nehmet auff euch mein joch/ und lernet von mir/ dann ich bin sanfftmuͤthig/ und von hertzen demuͤthig/ so wer- det ihr ruhe finden vor eure seele:
Nemlich daß solches seye die
sanfftmuth.
Wir wissen/ wie der zorn und unwillen uͤber anderer verhalten/ ein so verunruhigen- der
affect
seye/ welcher allen frieden deß ge- muͤths zerstoͤhret/ und es gantz auß seiner ordnung bringet: so ist dann hingegen die sanfftmuth die jenige tugend/ dadurch das gemuͤth in einer staͤten ruhe erhalten wird. Daher man sich dahin gewehnen und be- fleissen solle/ mit allen denen/ mit welchen wir sonderlich taͤglich umzugehen haben/ mit sanfftmuth umzugehen/ das ist mit dero fehlern/ gebrechen/ grobheit/ und was uns sonsten an ihnen mißfaͤllet/ gedult zu haben/ und ja nicht zugedencken/ daß wirs
H 3
dahin
dahin bringen wollen/ daß alle andere sich nach uns richten/ und in allem gehorchen werden: sondern vielmehr glauben/ sowol als andere von uns unsere weise/ die etwa ihnen beschwerlich ist/ und wir sie kaum selbs an uns wissen/ dulden muͤssen/ ja wie GOTT mit solcher sanfft- und lang- muth uns traͤget/ eben sowol seyen wir schuldig anderen mit gleicher sanfftmuth zu- begegnen/ und ihnen manches zu gut zu halten. Ja was auch die unserige/ so uns zum gehorsam unterworffen sind/ betrifft/ ists abermahl vergebens/ daß wir hoffen wolten/ alle und alles in die jenige ordnung zubringen/ wie wir das modell in unserm kopff gemacht haben/ vielmehr muͤssen wir uns dazu entschliessen/ sie zwar mit fleiß da- hin anzuhalten/ damit sie thun/ was wir vor das beste achten/ und ihnen vorgeschrie- ben haben/ aber ihnen auch nachmal man- ches zu uͤbersehen/ wo sie es versehen. Ge- schihet dieses nicht/ sondern man eyffert sich uͤber alles/ so ist stuͤndliche ursach in einer haußhaltung/ (also auch sonsten in dem gemeinen leben/) sich zu verunruhigen/ und hat kein friede platz in dem gemuͤth. Hin- gegen da der Apostel Coloss. 3/ 12.
die
sanfft-
sanfftmuth
erfordert hatte/ samt
der de- muth und gedult/
(darvon auch folgen solle/) und ferner gesprochen/
und ver- traget einer den andern/ und verge- bet euch untereinander/ so jemand klage hat wider den andern/
setzet er dieses als die frucht: v. 15.
und der frie- de GOttes regiere in euren hertzen/ zu welchem ihr auch beruffen seyd in einem leibe:
Zum zeugnuͤß wie die sanfftmuth solches friedens befoͤrderungs mittel seye.
§. 19.
Es ist aber auch eine sanfftmuth gegen die eigentliche beleidiger oder feinde/ so wir sonsten
gedult
nennen/ wie der Apostel auch also in nechstem spruch ge- redet hat. Diese ist eben sowol soviel of- fenbahrer ein mittel deß friedens/ als hinge- gen der zorn und rache gegen die feinde das gemuͤth auß aller ruhe setzet. Also wo man von einem andern/ auch boͤßlich/ es seye nun an ehre oder gut/ angegriffen und be- leidiget worden/ so mag man auch/ dafern es soviel wehrt/ und nicht davon noch mehr sorge und unruhe zubefahren ist/ or- dentliche huͤlffe und schutz suchen/ oder wel- ches in denen dingen/ die ohne uns zu an-
H 4
derem
derem guten untuͤchtig zu machen erduldet werden koͤnnen/ das rathsamste/ solle man es bloß dahin verschmertzen und ertragen/ nimmermehr aber sich einige rache vorneh- men/ viel weniger außuͤben. Zwar solte man meynen/ dieses verunruhigte das gemuͤth am allermeisten/ da man also des- selben außbrechende
affecten
zuruͤck halten und zaͤhmen muͤste: so ists auch nicht ohn/ daß es nicht eben ohne verunruhigung her- gehe/ da man sich dermassen gewalt thun muß/ jedoch wo mit anruffung GOttes eine Christliche
resolution
gefasset wird/ le- get solcher jast deß gemuͤths bald/ und ist nichts gegen der unruhe der jenigen/ welche sich von der rache einnehmen lassen/ und deßroegen tag und nacht mit grimm tichten und trachten/ wie sie mittel und wege fin- den/ ihren muth wiederum an dem feinde zu kuͤhlen. Das aber/ wo man recht acht gibet/ was man daruͤber vor unruhe und verdruß in seinem hertzen leidet/ mehr pla- ge ist/ als was man mit der rache selbs dem beleidiger anthun kan: daruͤber aber insge- samt der edle innerliche friede verschertzet wird. Darauß wir dann absehen koͤnnen/ wie weiß und guͤtig auch diese verordnung
unsers
unsers Heylandes seye/ wann er seinen Juͤn- gern alle rache verboten/ und damit ge- wißlich ihnen keinen schaden zuthun be- gehret/ sondern vielmehr sie davon zu- ruͤcke zeucht/ worinn sie ihnen selbs den groͤ- sten schaden thun wuͤrden: welches wir auch in andern geboten C Hristi warneh- men koͤnnen/ die ob sie dem fleisch und seiner freyheit sehr widerlich vorkom- men/ dannoch allemahl zu unserm besten gemeynet sind. Hierauß folget/ daß auch/ da uns aller orten der frieden mit al- len menschen anbefohlen wird. Hebr. 12/ 14.
Jaget nach dem frieden gegen jeder- man.
Rom. 12/ 18.
Jst es muͤglich/ so viel an euch ist/ so habt mit allen menschen friede/
dieser friede mit un- serem naͤchsten ein rechtes mittel deß innern friedens sowol seye/ als der aͤusserliche un- friede mit andern/ den innerlichen frieden allerdings stoͤhret. Jm uͤbrigen redet von dieser gedult/ und dero befoͤrderung zum frieden/ sehr wol der gottselige Arnd Wahr. Christenthum 3/ 9. p. 46.
Um der liebe deß creutzes Christi willen sein creutz williglich tragen/ bringet dem hertzen endlich grosse freude
H 5
und
und friede. Darum wer in seinem außwendigen oder in wendigen creutz gedultig leidet ohne klage/ ob gleich sein hertz sehr verwundet wird/ und er leidet das zu liebe den heiligen wunden Christi/ demselben werden seine wunden und schmertzen innig- liche freude bringen Denn wer sich GOTT also im creutz laͤsset/ deme wird GOtt endlich selbs zu trost und zum friede. Und dieser friede ist ein recht Goͤttlich kleynod und suͤssig- keit/ so der inwendige mensch schme- cket/ von welchem friede niemand sagen/ oder denselben verstehen kan/ dann der ihn selbs hat/ und das ist der friede/ der hoͤher ist denn alle ver- nunfft/
Ph l. 4.
§. 20.
Wir haben auch oben auß Matth. 11/ 29.
die demuth
hoͤren prei- sen/ die wir dann als das
eilffte
mittel deß friedens ans hen koͤnnen. Wo hochmuth ist/ da ist staͤts unruhe/ und sind wir nicht leicht mit GOTT oder menschen zufrie- den; jener macht es uns nicht allemal recht/ sondern wir bilden uns immer ein/ wir seyen eines mehrern von GOTT wuͤrdig/
als
als er uns etwa wiederfahren laͤsset: diese moͤgen uns leicht etwas thun/ daß wir da- vor halten/ es seye uns nicht ehr gnug wi- derfahren. Daher ein solcher mensch eben deßwegen elend und erbarmens wuͤrdig ist/ welcher also gesinnet/ indem eine jede gebaͤr- de deß andern gegen ihm/ oder ein nicht auff die goldwage gelegtes wort/ ihn in den har- nisch jagen/ und seine ruhe verftoͤhren kan. Hingegen wer von hertzen demuͤthig ist/ sich keiner ehre wuͤrdig achtet/ noch dieselbe von andern suchet/ laͤsset sich damit nicht verunruhigen/ ob ihm andere nicht eben mit ehrerbietung zuvor kommen; ja wurck- liche schimpff betruͤben und verdriessen ihn so viel weniger/ als weniger er sich dadurch verletzet achtet: damit bleibet die seele in dem frieden/ und schmecket dessen suͤssigkeit/ in dem der hochmuͤtige sich fort und fort selbs quaͤlet.
§. 21.
Hierzu moͤgen wir auch zum
zwoͤlfften
auß dem vorigen Capitel diese beyde mittel widerholen/
gebet und fleis- sige bewahrung/ oder wacht uͤber un- sere seele
. Wir muͤssen freylich diese gabe so wol als alle andere von dem GOTT deß friedens erbeten/ daß dieser
friede
H 6
unsere
unsere hertzen und sinne bewahre in CHristo JESU.
Philip. 4. daß der HERR alles selbs von uns abhalte/ was von uns oder andern unsern frieden ver- stoͤhren wolte: ohne dieses gebet moͤchte alle unsere sorge und fleiß der uͤbrigen mit- tel nicht genugsam seyn: dann dieser friede eine solche zarte sach ist/ daß auch eine gerin- ge gemuͤths bewegung denselben uns zu zer- stoͤhren faͤhig waͤre: so ist unser fleisch selbs mehr zur unruhe geneiget/ und feyret auch der Satan nicht/ selbs und durch die boͤse welt/ uns um diese edle gabe zubringen/ bey dero genuß seine uͤbrige anlaͤuffe ihm bey uns weniger angehen. Wie nothwendig das gebet zu diesem frieden seye/ sehen wir auch also auß angefuͤhrtem ort/ Philip. 4. da der Apostel die verheissung deß friedens allein denen gibet/ welche in allen dingen ihre bitte und gebet und flehen mit danck- sagung fuͤr GOTT lassen kund werden. welches fein von unserm lieben
Luthero
be- mercket wird
Tom. 2. Lat 363. a.
(auff teutsch
damit niemand vermessentlich getraue auß seinen kraͤfften in wi- derwaͤrtigkeit zu solcher gedult oder friede kommen zu koͤnnen/ oder daß
er
er widerwertigkeiten verachten/ und nichts achten wolte/ oder wie et- liche zusagen pflegen/ daß sie die sache GOTT bloß dahin uͤberlassen: sondern man muß anhalten mit be- ten/ flehen/ bitten/ dancksagen/ und also nicht sorgen/ im vertrauen/ daß GOTT nahe seye. Dann der Apo- stel gibt keinen den frieden GOttes zum behuͤter ihrer hertzen/ als welche mit gebet und lob GOTT erstlich bekant worden seyen.
Gleichermassen will auch
das wachen uͤber unsere sec- len
hochnoͤthig seyn/ daß man staͤts auff den zustand seiner seele inwendig/ was so- wol vor reitzungẽ deß fleisches/ als regungen deß geiftes sich ereignen/ so dann außwen- dig auff die drauß fliessende wort und wer- cke/ achtung gebe. Dann weil der friede so leicht durch allerhand anstoͤsse deß gewis- sens verstoͤhret/ nicht aber nachmal so leicht wiederum ersetzet werden kan/ so ist vieler behutsamkeit und wachtsamkeit von- noͤthen: Ja wo dieses nicht zu den vori- gen mitteln kommet/ moͤchten dieselbe das jenige nicht außrichten/ was wir darauß vor nutzen haben sollen/ hingegen gibt
H 7
solches
solches acht geben auff sich selbs den uͤbri- gen ihre krafft. Es kan und soll auch hie- her wol gezogen werden die untersuchung deß hertzens/ wie dasselbige sich zu allen zeiten/ und was von diesem frieden dar- innen/ sich befinde: und solches sonderlich in den gelegenheiten/ wanns etwa hart wi- dergehet. Zum exempel/ daß wir acht ge- ben/ wo wir an den todt gedencken/ oder in eine ploͤtzliche todesgefahr gerathen/ o- der uns sonsten eine sondere noth anstoͤst/ wie es in unseren hertzen stehe/ und wie uns zu muth seye/ ob wir nemlich in dem gemuth ruhig bleiben/ oder ob das hertz zappele/ und aller friede zerrinnen wolle. Da werden wir gewahr werden/ wie schwach oder starck wir stehen/ und wor-
innen wir beduͤrffen uns ferner zustaͤr- cken und Goͤttliche gna- de zu suchen.
Das
Das vierdte Capitel. Von den hindernuͤssen deß in- nerlichen friedens.
§. 1.
N
Achdem wir die beyde arten unsers frie- dens mit und in GOTT/ sampt dero- selben befoͤrderungs mitteln besehen/ wird nicht undienlich seyn/ daß wir nun auch etwas von den hindernuͤssen derselben handlen: dann obwol das jenige was den mitteln entgegen stehet/ schon alles als hin- dernuͤssen angesehen werden kan/ so sind doch einige dinge/ welche bequemer vor hin- dernuͤssen angefuͤhret/ als dero gegentheil so eigentlich den mittelen zugerechnet wer- den kan: zu dem auch einige solche mittel erzehlet worden sind/ zu dero weiterer er- klaͤrung dienlich ist/ daß das gegentheil hin- wider auch unter die hindernuͤssen gerech- net werde. Wir setzen aber die hindernuͤs- sen beyder arten unsers friedens zusammen/ weil sie gemeiniglich alle auch beydẽ/ ob zwar eine mehr dieser/ andere mehr jener art/ ent- gegen sind.
§. 2. So
§. 2.
So moͤgen wir dann als die
er- ste
hindernuͤß ansehen/
die einbildung/ als muͤssten alle geistliche gnaden- gaben GOttes/ sonderlich aber dieser friede/ staͤts empfindlich in uns seyn.
Dann wo wir uns einmal solches tieff ein- getruckt/ und man nachmal das jenige was man verlangt/ nicht immer bey sich fuͤhlet/ so ist die angst stracks vorhanden/ daß wir es dann auch nicht haben muͤßten/ in dem wir die Goͤttliche wuͤrckung sonsten wol bey uns gewahr werden wuͤrden. Son- derlich entstehet darauß die anfechtung/ da man den glauben nicht bey sich/ oder doch nicht in der freudigkeit/ wie wir bey andern sehen/ und etwa auch an uns zu andern mahlen gewahr worden/ fuͤhlet/ und dar- auß schliessen will/ daß man ihn auch nicht habe/ womit leicht aller friede dahin faͤl- let/ als der sich aller auff den glauben gruͤn- det. Dieser hindernuͤß ist nun auff unter- schiedliche art zubegegnen. 1. Daß offt- mals die natuͤrliche und leibliche leibes be- schaffenheit deß menschen eine mitursach deß mangels solches fuͤhlens seyn moͤge: Wie dann gewisse
tempetamenten
und leibes zustaͤnde den menschen in eine staͤte
trau-
traurigkeit bringen oder darinnen erhalten/ bey welcher als dann nichts freudiges/ es seye geistlich oder weltliches/ hafften/ oder zu rechter fuͤhlung kommen will/ sondern es ist einẽ traurigen offt alles/ womit man ihn auffrichten will/ gantz zuwider/ und mag ihn eher unwillig als froͤlich machen: das macht/ daß das hertz mit jenem
affect
also eingenommen/ daß dessen was ihm entge- gen ist/ nichts hineintringen kan: wie nun bey solcher bewandnuß deß gemuͤths leib- lich keine freude platz hat/ also auch ist es alsdann natuͤrlicher weise alles dessen in dem geistlichen unfaͤhig/ was es sonsten solte erfreuen und auffmuntern: und kan also der glaube nicht mit einer das hertz recht vergnuͤgender freudigkeit gefuͤhlet werden. 2. Jst ferner in obacht zunehmen/ daß uns GOTT seine gaben nicht eben allezeit mit einer solchen empfindlichkeit zugeben zuge- sagt/ sondern seine gewisse ursachen habe/ warum er offtmahl solche fuͤhlung zuruͤck halte/ da wir aber mit den andern kenn- zeichen auß den sruͤchten uns vergnuͤgen sollen.
§. 3
Sonderlich 3. ist wol zu mercken/ daß der wahre seligmachende glaube viel
andere
andere zeugnuͤssen habe/ als die empfindli- che freudigkeit in unserem hertzen/ dann ob wol dieselbige/ wo sie ist/ billich als ein vor- treffliches zeugnuͤß desselben angesehen wer- den mag/ so sind doch noch andere dessen eigenschafften und fruͤchten/ welche nicht weniger gewisse zeugnuͤssen desselben sind/ als die fuͤhlung. Ja wir muͤssen uns in dem urtheil von unserem zustand offtmals vielmehr von der fuͤhlung abziehen/ als zu fest daran uns hefften. Sintemahlen diese uns leicht/ auff beyde seiten/ betriegen kan. Wie vielfaͤltig geschihet/ daß leute/ welche gleichwol in herꝛschenden suͤnden leben/ und also zu dem wahren glauben in solchem stande untuͤchtig sind/ nichts destoweniger in einer starcken einbildung deß glaubens stehen/ und denselben also zu fuͤhlen mey- nen/ daß sie daher in die groͤßste sicherheit verfallen/ als die sich nicht außreden lassen wollen/ daß sie in dem glauben nicht stehen solten/ den sie gar starck in sich zu empfin- den glauben; und deßwegen nicht achten/ obschon die fruͤchten der heiligung nicht vorhanden sind. Hingegen betreugt man sich auch/ wo man an der empfindung al- lein hanget/ und auß dero mangel/ wann
dannoch
dannoch die fruͤchten der heiligung vor- handen sind/ den mangel deß glaubens schliessen wil. Da uns doch der liebe Jo- hannes 1. Joh. 3/ 18. 19. u. f. auch in dem stand/ da uns unser hertz verdammt/ und also die fuͤhlung deß friedens nicht gegen- waͤrtig ist/ lehret/ unsere wiedergeburt auß der wahrheit/ auß der redlichen und thaͤtigen liebe deß naͤchsten/ die wir bey uns spuͤhren/ schliessen. Demnach sohen wir/ daß die fuͤh- lung so gar nicht das einige gewisse zeug- nuͤß seye/ daß sie auch allein nicht genug waͤre/ hingegen weg seyn koͤnne. Also ha- ben wir vielmehr auff die jenige fruͤchten und zeugnuͤssen zu sehen/ welche allezeit und allein bey dem glauben sich finden: Sind diese vorhanden/ so ist auch wahrhafftig der glaube da/ ob uns wol die freudigkeit deß trostes mangelt/ und wir also densel- ben darinnen nicht fuͤhlen. Dergleichen fruͤchten sind nun eine innige liebe zu Gott/ und innerer trieb demselben treulich zu die- nen/ eine freude an der gelegenheit solches zu thun/ und auch/ wo wir es gethan ha- ben/ eine betruͤbnuͤß/ daß wir es nicht so voͤlligthun koͤnnen/ oder auch/ wo es etwa versehen worden/ eine freude/ wo wir an-
dere
dere gutes thun sehen/ dadurch unseres lie- ben GOttes name gleichwol/ auch geprie- sen wird/ eine behutsamkeit in verwahrung deß gewissens/ damit man dasselbe ja nicht wider Goͤttliche liebe verletzen moͤge/ und was andere zeugnuͤssen der liebe GOttes seyn moͤgen. Ferner ist auch die liebe deß naͤchsten/ da sie wahrhafftig ist/ ebenfalls eine frucht deß glaubens/ und wie wir auß 1. Joh. 3/ 18. gesehen haben/ unserer wie- dergeburt/ sonderlich wo uns unsers naͤch- sten geistliches heyl hertzlich angelegen ist/ daß wir uͤber dessen befoͤrderung oder hin- dernuͤß/ dorten erfreuet/ hier betruͤbet seyen/ daß wir vor ihn von grund der seelen beten uñ Gottdanckẽ/ daß wir das wenige pfund/ so uns der HErr mag gegeben haben/ gern/ wo wir es zu thun vermoͤgen/ zu seinem geistlichen besten anwenden/ sonderlich mit rath/ trost/ vermahnung/ gern an hand gehen/ und so viel an uns ist/ verlangten/ daß wir uns doch insgesamt moͤchten zu unsers nebenmenschen bestem widmen und heiligen koͤnnen. Sonderlich ist die liebe der feinde/ da sie hertzlich ist/ ein treffliches zeugnuͤß der neuen geburt/ und daß wir unserem Himmlischen Vatter aͤhnlich
seyen/
seyen/ welches ohne glauben nicht gesche- hen kan: Wie nicht weniger auff eine an- dere art auch die liebe der Bruͤder/ dann wie die natuͤrliche blut-liebe der bluts- freundschafft/ also ist nicht weniger jene ein zeugnuͤß/ auß einem geist gebohren zu seyn. Alle diese und andere rechte Christliche tu- genden sind zeichen deß glaubens/ worauß sie entstehen: wie nicht weniger die betruͤb- nuͤß uͤber die suͤnde und ernstlicher haß da- gegen/ von der busse zeugen/ dabey der glaube gewiß ist. Wo sich dann diese gedachte stuͤcke finden/ sie werden sich aber wahrhafftig bey allen glaubigen finden/ und finden sich gemeiniglich bey denen/ welche uͤber den mangel der empfindlich- keit deß glaubens klagen/ in ziemlichem grad) da ist so gewiß der glaube/ als einiges feuer/ kohlen oder heimlicher brand seyn muß/ wo man einen rauch auffzugehen si- het. Daher/ welche in einer anfechtung stehen/ sich darauß dessen/ woran sie son- sten zweiffeln/ versichern/ und damit ihr hertz befriedigen koͤnnen.
§. 4.
Wir moͤgen hiezu 4. setzen/ daß/ wo solche liebe leute etwa recht auff sich acht geben wollen/ sie auch von ihrem glau-
ben
ben selbst ein gefuͤhl bey sich finden werden. Sie fuͤhlen ja ein hertzliches verlangen nach der gnade GOttes und den guͤtern ihres heyls/ die sie wahrhafftig allem andern in der gantzen welt vorziehen/ und willig das irꝛdische umb jener willen verlassen wolten/ wie sie dann in solchem ihrem anfechtungs- stande gemeiniglich nichts ihres zeitlichen freuet/ ja wol alles ein eckel wird/ weil sie meynen in mangel und gefahr jener guͤter zu stehen. Nun solches hochhalten der gnade C Hristi/ und das daher entstehende ver- langen ist ein vornehmes stuͤck deß glau- bens/ ob wol nicht so vergnuͤglich als die empfindliche und freudige zuversicht der- selben guͤter/ die man in sich zu besitzen ge- wahr wird: indessen ists nicht weniger eine Goͤttliche wuͤrckung/ und so wol es heisset von den glaubigen/ das ihnen geschihet/ wie sie geglaubet haben/ und ihr glaube al- les erlanget/ so heisset es nicht weniger von diesen Matth. 5/ 6.
Seligsind/ die da hungert und duͤrstet nach der ge- rechtigkeit/ dann sie sollen satt werden.
Welches nicht gesagt/ noch sol- chem hunger gleiche krafft mit dem glau- ben zugeschrieben werden koͤnte/ wo nicht
wahr-
wahrhafftig ein glaube darinnen steckte/ und von
GOTT
davor erkant wuͤrde. Der gottselige
D. Luͤtkeman.
sagt sehr wol hievon im Vorgeschm. Goͤttl. guͤte. 2/ 13/ 531.
Ruchlose suͤnder/ die in ih- rer sicherheit hingehen/ die fuͤhlen offtmahls keinen zorn/ solten sie darumb nicht unter dem zorn seyn
:
Das muß nicht seyn. Also halte auch dafuͤr/ wann eine geaͤngstigte seele hungerig und durstig ist nach dem trost GOttes/ und fuͤhlet in ihr keinen trost/ solte darumb kein trost fuͤr sie seyn/ oder solte sie kei- nen frieden haben? Nicht also: Sie stehet im frieden mit GOTT/ aber sie empfindets nicht. Diß ist die zeit/ da der glaube probiret wird/ ob er auch recht an GOttes ver- heissungen halten will. Dann er muß sich gruͤnden nicht auff unser fuͤhlen/ sondern auff GOttes ver- heissen.
So sehr aber dieser mangel deß gefuͤhls liebe seelen aͤngsten/ und so wol den frieden mit GOtt als in GOtt in ih- nen stoͤhren kan/ da sie meynen/ daß der glaube bey ihnen nicht seye/ so ein vortreff-
liches
liches mittel ist hingegen zu ihrer beruhi- gung/ wo sie gelernet/ daß diese geistliche wuͤrckungen auch ohne empfindung bey den kindern GOttes seyn koͤnnen/ und wahrhafftig seyen/ und nachmal auch deß glaubens versicherung auff gedachte art bey sich bekom̃en: da gibet sich das hertz zu frieden/ und troͤstet sich auß GOttes wort dessen gnade/ ohne sie zu fuͤhlen: Darauß als dann auch nicht mehr so schwehr ist/ bey andern anstoͤssen doch in frieden zu blei- ben. Sie lernen alsdann mehr und mehr wider die vernunfft und fuͤhlen zu glau- ben/ warten dabey auff die angenehme zeit/ da sie der HErr offenbahrlicher wi- derum sein angesicht sehen lassen wolle/ und sprechen mit David: Psal. 42/ 12.
War- umb betruͤbst du dich meine seele/ und bist so unruhig in mir
:
Harre auff GOTT/ dann ich werde ihm noch dancken/ daß er meines ange- sichts huͤlffe/ und mein GOtt ist.
Auß gesagtem aber mit emander wird zur gnuͤge erhellen/ ob wol scheinen solte/ daß ohne empfindlichkeit kein frieden seyn koͤn- te/ daß es doch nichts unmoͤgliches seye/ sondern derselbe in dem grund der seele
bleiben
bleiben moͤge/ da in den aͤusserlichen auß- bruͤchen der unfriede fast allein gespuͤh- ret wird.
§. 5.
Es ist zum andern eine hindernuͤß deß friedens insgesamt/ die noch
in dem fleisch wohnende suͤnde/
welche durch ihre regung sich auch bey den widergebohr- nen annoch starck weiset/ ja wuͤtet und to- bet/ daß der geist offt gnug zuthun hat/ derselbigen zu widerstehen. Ob nun wol solches gefuͤhl den frieden mit GOTT nicht allerdings auffhebet/ als welcher/ mit seinem grunde dem glauben/ noch so lange bleibet/ als man sich noch gegen solchen feind kraͤfftig wehret: so wird doch das gefuͤhl deß friedens soviel mehr unterbrochen/ als jener suͤnde krafft gefuͤhlet wird. Daher komt Pauli sehnliche klag. Rom. 7/ 24.
Jch elender mensch/ wer will mich erloͤsen auß dem leibe dieses todes:
die gewißlich nicht ohne unruhe der seelen außgestossen werden kan. Jedoch richtet sich eine seele/ wann sie sich erholet/ wieder- um mit Paulo gleichfals auff. v. 25.
Jch dancke GOtt durch JEsum Chri- stum unsern HErꝛn:
welcher nemlich mich von solcher dienstbarkeit erloͤset hat und
J
noch
noch erloͤset:
So diene ich nun mit dem gemuͤth dem gesetz GOttes/ aber mit dem fleisch dem gesetz der suͤnden.
Dieses solte abermal ein schlech- ter trost scheinen/ und uns der seligkeit we- nig versichern: es folget aber ferner:
So ist nun nichts verdamliches/ an de- nen die in Christo JEsu sind/ die nicht nach dem fleisch wandlen/ son- dern nach dem geist.
Dieser trost ist endlich der jenige/ welcher das hertz recht zum frieden bringet.
§. 6.
Die dritte hindernuͤß deß friedens ist/
das aͤusserliche leyden;
dieses ver- stoͤhret gemeiniglich/ auffs wenigste bey denen noch weniger geuͤbten/ den frieden o- der die ruhe unserer seele. Dann/
alle zuͤchtigung/ wann sie da ist/ duͤncket sie uns nicht freude/ sondern traurig- keit seyn/
Hebr. 12/ 11. was aber traurig- keit ist/ und also als etwas uns widriges und boͤses empfunden wird/ dienet nicht zur ruhe/ sondern verunruhiget solange/ als noch etwas vom fleisch bey uns uͤbrig ist/ als welches an das leyden ungern kom- met/ weil es der natur zuwider ist: Wie nun da das fleisch die meisterschafft hat/
als
als bey denen unwiedergebohrnen/ solche empfindlichkeit deß leydens eine solche un- ruhe wuͤrcket/ die in ungedultige geberden/ worte und wercke offters außbricht/ so wi- derstehen zwar die glaubige dieser ihres fleisches ungedult/ und bereiten ihr hertz zur gedultigen auffnehmung: aber dieses gehet nicht ohne streit ab/ welcher auffs wenigste die empfindlichkeit deß friedens solange fast gar hinwegnimmet. Wo aber das leyden uͤberstanden/ oder durch viele erfahrung der innere mensch gestaͤrcket/ mit weniger gewalt seine begierden zaͤhmen kan/ so fol- get/ was der Apostel gedachten orts weiter saget:
Aber darnach wird sie geben eine friedsame frucht der gerechtig- keit/ denen die dadurch geuͤbet sind.
Also muß erstlich Rom. 5/ 4.
die gedult erfahrung wuͤrcken/
daß man eine weil geuͤbet worden in gedultigem leiden/ wenn die erfahrung die
hoffnung
wuͤrcken solle/ auff dero das hertz friedlich beruhet. Ob nun wol vor dieser erfahrung und uͤbung die meiste krafft deß uns verunruhigenden fleisches sich zeiget/ so ist doch menschliche schwachheit so groß/ daß auch offt bey gros- sen Heiligen/ und die der HERR lange
J 2
in
in solcher schul geuͤbet hat/ die deßwegen weit darinnen solten gekommen seyn/ in eini- gen leiden/ wo sie sonderlich schwer sind/ und lang anhalten/ die reitzungen zur ungedult sich staͤrcker ereignen/ als sie selbs nicht von sich vermuthet haͤtten/ daher sie mit betruͤb- nuͤß mit solchem feind/ der uͤberwunden geschienen/ gleichsam auffs neue den kampff antreten/ und uͤber unruhe des her- tzens klagen muͤssen/ darauß sie aber er- kennen/ daß sie der HERR auch damit demuͤtige/ und vor geistlicher hoffart be- wahre/ da er sie ihrer schwachheit so em- pfindlich gewahr werden laͤsset/ sich desto- weniger jemal auff sich selbs/ sondern alle- zeit allein auff deß HERRN gnade zuver- lassen.
§. 7.
Es kommet aber offt noch eine andere anfechtung dazu/ die da macht/ daß durch das aͤusserliche leyden der innerliche friede sehr zerstoͤhret werde/ nemlich wo uns diese gedancken auffsteigen/ daß solches leyden uns ein zeugnuͤß seye der goͤttlichen ungnade/ dann wo wir in deß Himmli- schen Vatters huld und gnade stuͤnden/ wuͤrde ers uns ja nicht auff diese weise erge- hen lassen. Dieses ist ein einwurff der ver-
nunfft
nunfft/ die wo sie GOTT angefangen et- was zuerkennen/ und weißt/ daß er gnaͤdig und gerecht ist/ ausser der Goͤttlichen er- laͤuchtung nicht anders kan/ als schliessen/ wo dann GOTT eine liebe zutrage/ da lasse ers solchen menschen wolergehen/ und wuͤrde einen/ den er vor gerecht haͤlt/ mit schwerem leyden zubelegen/ seiner gerechtig- keit/ seiner guͤte aber zuwider seyn/ so hart mit den jenigen zuverfahren/ welche er lie- bet. Daher wir sehen/ wie nicht nur allein dorten die freunde Jobs auß seinen schwe- ren leyden geschlossen/ er muͤsse bey GOtt nicht in gnaden seyn/ sondern denselben mit heucheley schwerlich erzuͤrnet haben/ die- weil er einen solchen jammerstand uͤber ihn verhaͤnget/ sondern wie auch David Ps. 37. Assaph. Psalm. 73. Jeremias Cap. 12. uͤber das gluͤck der gottlosen klagen. Welches alles auß solcher einbildung unsrer natuͤrlichen vernunfft/ die Goͤttliche gerech- tigkeit und guͤte nach menschen art urtheilet/ herkommet. Wo nun diese anfechtung auch anfaͤngt starck anzusetzen/ da ist das leyden doppelt/ und wie dasselbe an sich selbs den aͤusserlichen menschen plaget/ so bestreitet hingegen diese anfechtung den in-
J 3
nern
nern menschen/ und will uns den glauben umstossen/ welches ohne starcke verunruhi- gung deß hertzens nicht geschehen kan. Hingegen aber laͤßt sich nicht besser kaͤmpf- fen/ und wiederum das geaͤngstete hertz befriedigen/ als mit andaͤchtiger betrachtung der beschaffenheit deß creutzes selbsten/ und deß darinnen steckenden Goͤttlichen raths/ wie nemlich derselbe laͤngsten also abgefas- set seye/ daß die jenige/ die er hertzlich liebet/ und denen er das reich und erbe beschieden hat/ durch viele truͤbsal bewaͤhret werden/ und also vor der welt das ansehen der von
GOTT
verstossenen gewinnen muͤssen. Daher/ weil solches deß Vatters rath uͤber seine liebste kinder ist/ das leyden deß Goͤtt- lichen zorns anzeige ja nicht seyn kan. Also heissets 1. Thessal. 3/ 3.
daß nicht je- mand weich wuͤrde in diesen truͤbsa- len. Denn ihr wisset/ daß wir da- zu gesetzet sind.
Paulus und Barna- bas Apost. Gesch. 14/ 22.
staͤrckten die seelen der Juͤnger/ und ermahneten sie/ daß sie im glauben blieben/ und daß wir durch viel truͤbsal muͤssen in das reich GOttes gehen
. Hebr. 12/ 5. und ferner heissets gar außtruͤcklich:
Mein
sohn
sohn/ achte nicht gering die zuͤchti- gung deß HERRN/ und verzage nicht/
(achte es nicht vor ein gewisses zeug- nuͤß der Goͤttlichen ungnade/)
wann du von ihm gestraffet wirst. Denn wel- chen der HERR lieb hat/ den zuͤch- tiget er. Er staͤupet aber einen jeg- lichen Sohn/ den er auffnimmet. So ihr die zuͤchtigung erduldet/ so erbeut sich euch GOtt als kindern/ denn wo ist ein Sohn/ den der Vat- ter nicht zuͤchtiget
:
Seyd ihr aber ohne zuͤchtigung/ welcher sie alle sind theilhafftig worden/ so seyd ihr bastarte/ und nicht kinder.
Welches uns alles
Christi
eigen exempel lehret/ der da
leyden/ und
darnach erst
inseine herr- lichkeit eingehen mußte.
Luc. 24/ 26. Nun ist uns aber von Christo
das reich
nicht anders
beschieden/
als
wie
es ihm
sein Vatter beschieden
hat. Luc. 22/ 29. da sich also das leyden nicht davon ab- scheiden laͤsset.
§. 8.
Ob nun schon dieses bereits ge- nug solte seyn/ das hertz zufrieden zu stellen/ daß es sich das aͤusserliche leyden nicht als ein zeugnuͤß der Goͤttlichen ungnade achte/
J 4
so
so wird solches noch vielmehr bestaͤtiget/ wo man dabey gruͤndlich bedencket/ was vor grossen nutzen unser innere mensch von solchem leyden nach Goͤttlichem rath habe und haben koͤnne.
Ob unser aͤusserli- cher mensch verweset/
(dieses geschiehet aber in allerley leyden/ so den kraͤfften deß leibes und der seele zusetzen/)
so wird doch der innerliche von tag zu tag erneu- ret.
2. Cor. 4/ 16. Wir haben je unsrem al- ten Adam/ als unserem aͤrgsten feind/ laͤng- sten den tod geschworen/ und bestehet un- sere staͤte Christen-uͤbung darinn/ daß wir ihn/ das fleisch/ mit seinen luͤsten und be- gierden creutzigen und toͤdten: nun bey gu- ten tagen erstarcket er gemeiniglich nicht we- nig/ in dem der eigene wille alsdann fin- det/ worinnen er beruhet; hingegen nach dem das leyden dem eigenen willen immer entgegen/ und ihn mit gewalt bricht/ so entgehet dadurch dem alten Adam eine zim- liche krafft/ auffs wenigste werden wir zu solcher zeit desto maͤchtiger ihn zu uͤberwin- den: und thut uns also GOTT durch das leyden den jenigen dienst/ welchen einer einem schwachen kaͤmpffer/ der dem gegner nicht gewachsen waͤre/ erzeigte/ wenn er
diesen
diesem eine maulschelle gebe/ daß er daumel- te/ da er also darnach desto besser zuuͤberwin- den waͤre. So ist das leyden eine art ei- ner artzeney/ damit unterschiedlichen kranckheiten bey uns geholffen werden kan. Wer haͤlt es aber vor einen zorn und haß deß
medici,
da derselbe in einer hart anse- tzenden kranckheit/ eine ob zwar etwa har- te/ schmertzliche und lange cur mit ihm vor- nimmet? Man glaubet ja/ es seye solches eine frucht seiner liebe und vorsorge/ ob es auch biß an glieder abnehmen gehen muͤßte. Jst nun dieses/ warum wolten wir dann das jenige nicht eben sowol der lie- be vielmehr als dem haß GOttes zuschrei- ben/ da zwar seine artzeney-mittel zimlich scharff beissen? um soviel mehr/ weil wir uns zu seiner weißheit dessen versehen koͤn- nen/ was wir von keinem leiblichen
medico
hoffen duͤrffen/ sondern sehen/ wie manch- mal dieselbe in ihren curen fehlen/ und die
patient
en mit vergeblichen/ ja offters wie der außgang gibet/ ob schon guter mey- nung/ schaͤdlichen artzeneymitteln martern. Der HERR aber verstehet wahrhafftig unsere kranckheit/ und wie deroselben zu helffen/ er thut in den mitteln keinen miß-
J 5
griff/
griff/ und liebet uns dabey so zaͤrtlich/ daß er unserer schwachheit wol bewust/ nicht ein quintlein leydens mehr auffleget/ auch nicht ein augenblick laͤnger uns darunter li- gen laͤsset/ als ers uns noͤthig zu seyn befin- det. Diese betrachtungen/ wo sie recht in das hertz kommen/ vermoͤgen die gewalt jener anfechtung wegen Goͤttlicher ungnade auß dem leyden/ rechtschaffen zubrechen/ und uns wieder in ruhe zusetzen. Es sind einige wort deß etlichmal bereits angefuͤhrten
D.
Luͤtkemans wuͤrdig hie gelesen zu werden:
Wie das creutz dich nicht von Gott scheiden kan/ also auch nit von dei- ner ruhe/ sondern befoͤrdert dich viel- mehr zur ruhe. Dann da sonst in guten tagen man Gottes leicht ver- gessen kan/ fuͤhret uns das liebe creutz bey der hand wieder zuruͤcke zu GOTT. Thut truͤbsal und creutz sowol bey mir/ daß es mein hertz entbloͤsset von allen dingen/ so blei- bet nichts uͤbrig als GOtt/ der kan mir nicht genommen werden. Als- dann lerne ich allein auff GOTT vertrauen. So bald aber ich mich GOtt in meiner truͤbsal lasse/ sobald
wird
wird GOtt meiner seelen trost und freude.
Und bald:
Wenn GOTT die hoffnung recht pruͤfen will/ muͤs- sen alle dinge/ alle gaben entzogen werden/ daß meine seele bloß auff GOtt stehe Bin ich denn zufrie- den/ so hab ich gewiß den frieden. Da hoffe ich/ ob schon nichts zu- hoffen ist. Da stehe ich entbloͤsset von allen dingen/ mit der hoffnung gekroͤnet/ die bringt mir trost und fried/ und laͤsset nicht zuschanden werden.
§. 4.
Eine starcke verstoͤhrung deß frie- dens 4. ist auch
die forcht/ nicht be- staͤndig in dem guten zubleiben.
Wie wir so offt hoͤren/ daß gute seelen ihres gegenwaͤrtigen znstandes versichert sind/ und den frieden mit GOTT in sich em- pfinden/ aber sie aͤngstigen sich allzusehr/ ob sie auch werden bestaͤndig beharren/ und nicht etwa kuͤnfftig/ sonderlich an dem letsten ende zuruͤck fallen/ dadurch dann alles vorige gute wuͤrde vergebens werden. Wo diese angst starck ansetzet/ so setzet sie die seele in grosse unruhe/ und verstoͤhret den frieden. Nun ist zwahr die
J 6
sorge
sorge vor die kuͤnfftige bestaͤndigkeit an sich selbs so nothwendig/ als gefaͤhrlich hinge- gen die sicherheit ist/ da man in den tag hinein lebet. Es bleibet auch an die jeni- ge/ die in gutem stande stehen/ die Apo- stolische vermahnung Philipper. 2/ 12.
Schafft daß ihr seelig werdet mit forcht und zittern. Dann GOTT ists/ der in euch wuͤrcket beyde das wollen/ und das thun/ nach seinem wolgefallen.
Also stehets dann nicht in unsern haͤnden/ und duͤrffen wir es nicht drauff wagen/ die gnade GOttes einige- mahl muthwillig zuversaͤumen/ als die wir sie allezeit wieder haben moͤchten. Es heiffet 1. Corinth. 10/ 12.
Wer sich laͤs- set duͤncken/ er stehe/ mag wol zu- sehen/ daß er nicht falle.
Nochmals 1. Petr. 5/ 8.
Seyd nuͤchtern und wa- chet/ denn euer wiedersacher der Teuffel gehet umher/ wie ein bruͤl- lender loͤwe/ und suchet welchen er verschlinge/ dem widerstehet fest im glauben.
Also seye es ferne/ daß wir einiges gemuͤth zur sicherheit verleiten/ und die noͤtige sorge verbieten wolten/ die darinnen bestehen solle/ daß wir uns fleissig
vor
vor aller gefahr vorsehen/ da unsere geist- liche feinde uns um unser heil bringen/ und von den richtigen wegen GOttes abziehen wollen/ uns von denselben nicht betriegen zulassen/ hingegen in der ordnung zu blei- ben/ die uns der HERR vorgeschrieben/ auch uns darein gesetzet hat/ und in der- selben seiner gnaden-wuͤrckung uns hertz- lich zuuͤberlassen/ dieselbe aber auch nicht zuversaͤumen. Wie aber auß dem jeni- gen/ daß wir gleichwol fleissig vor unsere nahrung arbeiten/ und in solcher arbeit maͤssiglich sorgen sollen/ die mißtrauige und aͤngstliche bauchsorge nicht recht gemacht wird/ sondern suͤnde bleibet; also ist auch ein anderes jene Christliche sorgfaͤltigkeit vor die bewahrung unsers heils/ daß
wir uns fuͤrsehen/ daß wir nicht verlieh- ren/ was wir erarbeitet haben/ son- dern vollen lohn empfahen.
2. Joh. 8. ein anderes die mißtrauige sorge/ wegen un- serer bestaͤndigkeit: jene bestehet mit dem frieden/ und verwahret uns vor sicherheit/ diese aber verstoͤhret allen frieden/ und ste- het dem glauben entgegen. Daher wir deroselben staͤts entgegen zusetzen haben/ die treue unsers Himmlischen Vatters/
J 7
wel-
welcher uns nicht zu unserem verderben/ sondern zu der seligkeit also beruffen hat/ daß er seiner seits nichts unterlassen will/ was zu unserer ends-beharrlichkeit noͤthig ist/ sind wir dann nun dieses heiligen vor- satzes/ daß wir auch uns seiner gnaden re ierung uͤberlassen/ und deroselben nicht widerstreben wollen/ befleissen uns auch dessen in der that/ so haben wir nicht ur- sach uns zuverunruhigen/ sondern alles was unser fleisch uns gegen die gewißheit einwerffen mag/ gehet nicht weiter/ als daß es nicht unmuͤglich seye/ daß wir das heil wieder verlieren koͤnten/ welches wir auch nicht laͤugnen: aber die Goͤttliche gnade versichert uns/ daß wir es nicht verliehren werden. Und dieses ist die art zuschliessen/ der Apostel. 1. Corinth. 1/ 8. sagt Pautus:
Welcher auch wird euch fest behal- ten biß ans ende/ daß ihr unstraͤff- lich seyd auff den tag unsers HErrn JEsu CHristi.
Woher kan der Apostel die Corinthier dessen versichern? Darauß:
Denn GOTT ist treu/ durch wel- chen ihr beruffen seyd/ zur gemein- schafft seines Sohns JEsu Christi unsers HERRN.
Also muß die treue
Got-
Gottes dieses in sich fassen/ daß sie ihrer seits alles dazu thun was noͤthig seye/ damit wir in der gemeinschafft bleiben/ dazu sie uns beruffen hat. Dann was waͤre dieses vor eine treue/ da der HERR uns zu der ge- meinschafft seines Sohns gebracht/ dabey wol wuͤste/ daß wir nicht von selbsten drin- nen bleiben koͤnnen/ und uns doch auch die zum bleiben noͤthige gnade nicht geben wolte/ darauß er aber wol wuͤste/ daß wir dann abfallen/ und nur desto schwehrer verdamt werden muͤsten? Eine solche treue/ oder vielmehr untreue/ muͤssen wir uns von GOTT nicht versehen. Also ist Paulus eben von den Philippern/ die er mit forcht und zittern ihre seligkeit schaf- fen heisset/
desselbigen in guter zuver- sicht/ daß der in ihnen angefangen habe das gute werck/ der werde es auch vollfuͤhren biß an dentag JE- su Christi.
Philip. 1/ 6. Die ursachsstecket in den worten selbs verborgen/ dann es waͤre wider die weißheit und guͤte GOttes/ etwas wichtiges anfangen/ und es nachmal selbs stecken lassen wollen: welches nit leicht ein kluger thut. Stehet uns nun vor au- gen/ es gehoͤre gleichwol ein grosses darzu/
voll-
vollkommen zu werden: so bittet nicht nur Paulus 1. Thessal. 5/ 23.
Er aber der GOTT deß friedens heilige euch durch und durch/ und euer Geist gantz/ samt der seele und leib/ muͤße behalten werden unstraͤfflich/ auff die zukunfft unsers HErrn JESU CHristi:
sondern er thut auch diese troͤst. liche versicherung v. 24.
Getreu ist er/ der euch ruffet/ welcher wirds auch thun.
Also beduͤrfft ihrs nicht zuthun/ die ihr auch dazu viel zuschwach seyd/ son- dern er wird es thun. Fuͤrchten wir uns vor den versuchungen/ die uns betreffen moͤgen/ und uns etwa zu starck werden duͤrfften: so ruffet abermal Paulus seinen Corinthiern/ (die er dazu gerad vorher vor dem fall gewarnet/) 1. Corinth. 10/ 13.
GOtt ist getreu/ der euch nicht laͤs- set versuchen uͤber euer vermoͤgen/ sondern machet/ daß die versuchung so ein ende gewinne/ daß ihrs koͤn- net ertragen.
Diese verheissungen wol erwogen/ und in das hertz getruckt/ brechen abermal die gewalt dieser anfechtung/ und bringen den frieden wieder.
§. 10.
Obwol das heilige Wort Got-
tes
tes in der Schrifft/ das jenige mittel ist/ darauß der friede CHristi herkommet/ wie wir auß Joh. 16/ 33. gesehen haben/ nem- lich wo damit recht/ und nach der absicht GOttes/ umgegangen wird/ so haben wir hingegen als die fuͤnffte hindernuͤß desselben anzusehen/
die unordentliche und fuͤr- witzige behandlung der H. Schrifft.
Es ist uns diese darzu gegeben/ nicht nur allein daß wir unsere lebens schuldigkeit und regeln darauß lernen sollen/ sondern daß wir auch unsern glauben darauß er- langen und staͤrcken/ welcher zweck auch gewiß erreichet wird von den jenigen/ wel- che die Schrifft lesen und hoͤren/ nicht auß fuͤrwitz/ vieles zuwissen/ sich damit sehen zulassen/ und also dieselbe zum mittel ihrer fleischlichen absichten zumachen/ (wobey kein segen ist/) sondern auß derselben das liecht zuerlangen/ so uns zur erkantnuͤß GOttes und seines Sohns noͤthig ist. Dann welche dieses nach Goͤttlicher ord- nung suchen/ und den HERRN um seinen Geist anruffen/ die werden zwahr nicht eben alle hohe geheimnuͤssen gleich be- greiffen/ oder die gantze Schrifft verstehen lernen/ aber sie werden gleichwol auß de-
nen
nen allerleichtesten und deutlichsten Spruͤ- chen in dem Goͤttlichen liecht alles das je- nige lernen/ was zu ihrer seligkeit gehoͤrig ist/ und also eine ruhe in ihrer seelen dar- uͤber befinden. Wo man aber uͤber das Goͤttliche Wort kommet/ und vergisset der Christlichen einfalt und deß rechten zwecks/
scrupuliret
hingegen darinnen zu viel/ und wil dinge darauß verstehen/ die nicht nur uͤber den natuͤrlichen verstand/ sondern auch uͤber das kindliche maaß der gnaden/ so uns nur gegeben ist/ gehen/ hin- gegen uns zur heiligkeit nicht nothwendig sind/ faͤllt man gemeiniglich in diese wol- verdiente straffe/ daß man nur sein hertz da- mit aͤngstiget und beunruhiget/ also den in- nerlichen frieden in sich verstoͤhret. Moͤch- te man zwahr sagen: Es seye ja
die gantze Schrifft von GOTT eingegeben nutz zur lehre/ zur straffe/ zur bes- serung/ zur zuͤchtigung in der ge- rechtigkeit.
1. Timoth. 3/ 16. D
a
her wir uns auch dieselbe gantz zuverstehen sol- len lassen angelegen seyn: so will ich nicht nur der gantzen Schrifft billich solches zeugnuͤß lassen/ (und wie solte etwas un- nuͤtzliches von dem Heiligen Geist jemal
einge-
eingegeben seyn worden?) ich will auch nicht straffen den gottseligen fleiß einer jeden seelen/ die in der erkantnuß GOttes zu wachfen verlanget/ welche begierde unserer allgemeinen pflicht gemaͤß ist/ da sie ver- langte/ alles von GOTT offenbahrte/ mehr und mehr zur verherrlichung Gottes an sich einzusehen: aber ich erinnere dieses allein/ daß jegliche das ihr gegebene maß auch wol pruͤffen/ und sich nicht weiter er- strecken solle/ als ihr das ziel gesetzet ist. Also wo ein glaubiges hertz uͤber die Schrifft kommet/ fasset es sein vornehmstes auß den deutlichsten und hellesten Spruͤchen dersel- bigen/ darauff es seinen glauben gruͤnden/ und sich damit beruhigen kan: kommen ihm andere Spruͤche vor/ die es nicht gleich begreiffen kan/ ruffet es zwahr den HErrn um mehrere gnade an/ und dencket der sache in der forcht deß HERRN weiter nach/ dancket auch seiner guͤte/ da sie ihm das ver- borgen gewesene nunmehr auffschliesset/ wo es aber die sache noch nicht fasset/ oder ei- ne meynung darauß fliessen wolte/ welche seinem auß der hellen warheit gefaßten glau- ben entgegen waͤre/ so erkennet es/ das ihm jetzt bestimmte maaß der gnaden erstrecke
sich
sich noch so weit nicht/ und er fasse den sinn deß Heiligen Geistes in solchen orten nicht/ glaubet indessen/ daß auch das darinnen enthaltene/ so er noch nicht verstehet/ die wahrheit seye. Auff eine solche art bleibet das hertz in ruhe/ stehet in der demuth/ und laͤsset ihm seinen glauben und frieden nicht verstoͤhren: Weißt dannoch/ daß auch die jenige ort und reden der Schrifft nicht oh- ne nutzen sind/ die es nicht fasset/ aber sich erinnert/ daß die Schrifft ein allgemein Buch aller kinder GOttes/ nicht aber um seinet willen allein geschrieben seye/ daher andern gern goͤnnet/ daß auch dieselbe sol- che dinge und weißheit/ welche ihm zu hoch sind/ in der Schrifft finden/ die sie nach ihrem hoͤhern maaß nuͤtzlich verstehen.
§. 11.
Wir haben dessen ein bekantes exempel/ in der materie von der
gnaden- wahl/
welche in einfaͤltigen spruͤchen der Schrifft so deutlich uns vorgestellet ist/ daß eine GOtt-liebende seele zu ihrer selig- keit gnug darinnen finden/ und sich zu frie- den begeben kan. Hingegen finden sich an- dere stellen und spruͤche/ welche sehr hart lauten/ und wo wir sie nicht recht fassen koͤnnen/ allerley scrupel gegen jenen ein-
faͤltigen
faͤltigen glauben uns machen/ und man- che in schreckliche unruhe deß gemuͤthes se- tzen/ also allen frieden verstoͤhren. Da ist aber/ wo solches geschihet/ die schuld der je- nigen selbst/ welche das allerdings oder doch ihnen nicht geoffenbahrte wissen wol- len/ und dinge forschen/ welche uͤber ihr vermoͤgen sind: Vielmehr solten sie bey ei- ner einfaͤltigen wahrheit fest stehen bleiben/ in der furcht deß HERRN bedencken/ ob sie die andere orte damit vergleichen koͤnnen; wo ihnen aber solches zu schwehr faͤllet/ glauben/ es seye dannoch alles Goͤtt- liche wort wahr/ und keines dem andern entgegen/ von mir hingegen werde nicht er- fordert/ daß ich in allen stuͤcken dasselbe von allen einwuͤrffen deutlich muͤsse retten koͤnnen/ da mirs nicht gegeben ist/ wol aber/ daß ich alles annehmen/ und heilig glauben solle. Damit behaͤlt GOTT sei- ne ehre/ es bleibet der glaube von Goͤttli- cher liebe/ guͤte/ treue/ wahrheit und barm- hertzigkeit/ samt daher entstehendem frieden/ in meinem hertzen unumbgestossen/ und ruf- fen wir uͤber die nebens-dinge/ die wir nicht gnug fassen und erklaͤhren koͤnnen/ mit Paulo auß Rom. 11/ 33.
O welch
eine
eine tieffe deß reichthums beyde der weißheit und erkaͤntnuͤß GOttes
:
Wie gar unbegreifflich sind seine gerichte/ und unerforschlich seine wege
:
So sehen wir auß allem/ daß der rechte gebrauch Goͤttlichen worts friede bringe/ geschihet das gegentheil/ so ists des- sen mißbrauch.
§. 12
Diesen bereits erzehlten moͤgen wir noch eine sechste hindernuͤß beysetzen/ die da ist
die unwissenheit Goͤttlichen willens/ was wir zu thun haben/ sonderlich in mittel-dingen.
Wo wir im gewissen versichert sind/ dieses und je- nes/ was wir thun oder thun wollen/ seye GOtt gefaͤllig/ so bleibet das hertz in ruhe: Jst aber zweiffel da/ so verunruhiget sol- cher/ und ob man daruͤber eine sache thut/ wird der frieden destomehr verstoͤhret. Ja/ welcher in den jenigen dingen/ die gantz frey sind/ er aber etwas gewisses vor suͤnde haͤlt/ ohnerachtet desselben es gleichwol thut/ verliehret nicht nur den frieden mit GOtt/ durch die verletzung seines gewissens/ son- dern er mag wol gar den frieden GOttes mit sich verliehren: wie Paulus uns lehret Rom 14/ 23.
Wer aber daruͤber zweif-
felt/
felt/ und isset doch/ der ist verdamt/ dann es gehet nit auß dem glauben.
Daher er diese wichtige lehre gibet/ v. 5.
Ein jeglicher seye in seiner meynung gewiß.
Welches eben das mittel gegẽ diese hindernuͤß ist/ daß man nemlich sich trach- te auß Goͤttlichem worte gewiß zu machen/ was in diesem und jenem stuͤck sein wille an uns seye/ was uns geboten/ was verboten/ was frey gelassen seye: Das erste mit eyffer zu thun/ das andere sorgfaͤltig zu lassen/ in dem dritten uns allemahl darnach zu richten/ wie es die liebe mag erfodern/ und zu jederzeit die umbstaͤnde an hand geben. Auf solche art/ und wo wir alsdann solcher unserer freyheit uns weißlich gebrauchen/ so wird der friede nicht verstoͤhret/ sondern erhalten. Welches auch die ursach ist/ daß man der gewissen zu schohnen/ solche von
GOTT
freygelassene mittel-dinge nicht leicht mit menschlichen geboten verbieten/ oder mit allerhand ordnungen zu sehr ein- schrencken solle/ als welches der weg ist/ viele gewissen zu verunruhigen. Weßwe- gen wir sehen/ wie der liebe Apostel Paulus/ ob er wol den Corinthiern auß gewissen
ursachen
ursachen den ehestand ziemlich mißrathet/ dannoch außtruͤcklich bedinget 1. Cor. 7/ 35.
Solches sage ich zu eurem nutz/ nicht daß ich euch einen strick an den halß werffe.
Wie er auch in solcher materie deutlich einen unterscheid machet unter dem/ was deß HErrn befehl/ und seine gu- te meynung und rath sey. v. 6. 10. 25. 40. Welcher regel/ wo allezeit nachmahl in der Kirche nachgefolget worden/ nicht so viel verwirrungen der gewissen wuͤrden gefolget seyn. Gleiche ursach wird es auch gewesen seyn/ darauß diese worte Jacobi auff dem
Concilio
zu Jerusalem herkommen/ Ap. Gesch. 15/ 16.
Darumb beschliesse ich/ daß man denen/ so auß den Heyden zu GOtt sich bekehren/ nicht unruhe
mache/
und also ihre gewissen be- schwehre.
Das
Das fuͤnffte Capitel. Von vortrefflichkeit dieses frie- dens und dessen erkantnuß.
§. 1.
W
Ir wollen noch zum schluß zuletzt kuͤrtzlich betrachten/ wie vortrefflich dieser Goͤttliche friede/ und also an dessen erkantnuß viel gelegen/ deßwegen die da- hin anwendende muͤhe nicht uͤbel angewen- det seye. 1. Jst derselbe ein vornehmes stuͤck deß reiches CHristi. Rom. 14/ 17.
Das reich Christi ist nicht essen und trincken/ sondern gerechtigkeit/ frie- de und freude in dem Heiligen Geist.
Was nun zu diesem reich gehoͤret/ dazu wir beruffen sind/ das kan je nicht gering geachtet werden: weil uns auch unser Hey- land um die zukunfft seines reichs/ und also auch dieses stuͤcks desselben zubitten ge- lehret hat. Sind wir dann als glaubige auß der obrigkeit der finsternuͤß errettet/ und in sein reich versetzet/ Col. 1. so sollen wir desselben und aller seiner guͤter billich theil- hafftig werden: deßwegen ziehmet sichs
K
auch/
auch/ daß wir wissen und verstehen/ was solcher friede seye/ und was wir vor ein unschaͤtzbares gut an demselben besitzen. Wie wir ja dem HERRN davor nicht hertzlich dancken koͤnten/ von dem wir die nothdurfft nicht wissen. So dienet es auch zu ehren deß reichs Christi/ daß dassel- be seye und erkannt werde/ als ein reich deß friedens/ darinnen nicht lauter elend an- zutreffen/ wie die vernunfft davon urthei- let/ sondern warhafftiger friede/ aber ein friede der art seines reichs/ welches geistlich ist/ gemaͤß/ darinn die jenige/ so
zu ihm kommen/ ruhe finden vor ihre seelen/
Matth. 11. davon er auch
friedefuͤrst
heisset. Esa. 9. und
Koͤnig deß friedens
Hebr. 7/ 2. Wer also diesen frieden ruͤh- met und hochschaͤtzet/ der thut damit die groͤste ehre diesem Koͤnig an. Der theure lehrer
D. Luͤtkeman.
fuͤhret auch hiezu an den Spruch Esa. 11/ 10.
Seine ruhe wird ehre seyn.
Und erklaͤrets also:
Nemlich es wird eine uͤberauß selige herꝛliche ruhe seyn. CHristus wird damit ehre einlegen. Die ehre der see- len die in Christo ruhet/ ist fuͤr Gott und allen heiligen Engeln viel groͤs-
ser
ser als der welt herꝛlichkeit/ und uͤ- bertrifft alle Koͤnigliche Majestaͤt. CHristi ruhe muß ehre seyn.
Der mehrmalig angesuͤhrte
Stephan. Prætorius
nennet ihn auch fein Christi Testament:
Ein friedsam hertz ist das Testament JEsu Christi/ welches er den seinen auff erden gelassen hat.
Wie er spricht Johan. 14/ 27.
Meinen frie- den lasse ich euch/ nemlich zum Schatz und Testament/ dabey ihr meiner gedencken sollet. Denn ich weiß euch nichts hoͤhers noch bes- sers zugeben Dieser friede ist der
scopus
gewesen/ welchen Christus in seinem gantzen
officio
angesehen/
wie Esaias Cap. 35. spricht:
Die straff ligt auff ihm/ damit wir friede haͤtten. Und ist dazu unser beruff/ dazu wir beruffen sind/ spricht Paulus. Denn es ist GOttes ernster wille/ daß wir nicht im unfriede sondern im friede leben/ und ihm ohne forcht und sorge dienen sollen unser leben- lang/ in heiligkeit und gerechtigkeit/ die ihm gefaͤllig ist.
§. 2.
Es dienet zum preiß dieses Goͤtt-
K 2
lichen
lichen friedens 2. daß mit demselben
die geistliche freude
ins gemein vereinbart ist/ wie wir auß Rom. 14/ 1
. gesehen/ da friede und freude in dem Heiligen Geist beysammen stehen/ und sie auch beyde Galatern am 5/22. unter die fruͤchten deß Geistes gezehlet werden. Wo die seele in unfriede und unruhe stehet/ da mangelts an betruͤbnuͤß nicht/ hingegen bringet die- ser friede eine wahrhafftige freude mit sich/ welche soviel reiner und durchtringender ist/ als die ursach derselben geistlich und einer rechtschaffenen freude wol wuͤrdig ist.
§. 3.
Hierauß folget 3. daß also dieser friede die vornehmste erleichterung dieses menschlichen elends/ in dem der mensch immer im streit seyn muß/ zu erkennen seye. Lebet man in der welt in frieden/ so leidet man andere ungemach leicht/ und ist mit dem frieden vergnuͤgt/ wie viel mehr dann soll uns dieser friede angenehm seyn/ und uns die uͤbrige last/ die uns darinnen ob- ligt/ weil wir im staͤten kampff mit dem teuffel/ welt und eigenem fleisch stehen/ und gleichsam zu felde ligen muͤssen/ versuͤssen? Ja dieser friede ist billich uns desto lieber/ und denckẽ wir an densell en soviel vergnuͤg- licher/ dieweil es fast der einige ist/ dessen
wir
wir uns in dieser grundsuppe der welt/ dar- innen sonsten alles wiedereinander ist/ und aller friede von der erde weggenommen zu- seyn scheinet/ versichern koͤnnen/ und wel- cher so tieff in unserm hertzensgrund woh- net/ daß ihn keine feindliche macht mit ge- walt uns zu nehmen vermag.
§. 4.
Hier zu gehoͤret 4. daß er
unser hertz und sinne bewahret in Christo JEsu/
wie der Apostel redet Phil. 4/ 7. Er bewahret sie/ als gleichsam mit einer starcken
garnison
und besatzung/ wie der- gleichen auch
1
. Petr. 1/ 5.
Goͤttlicher macht
zugeschrieben wird/ welche uns
durch den glauben bewahre zur see- ligkeit.
Von diesem Spruͤchlein redet unser lieber
Lutherus
nach seiner manier sehr wohl:
Tom. II. Lat. f.
163. (so ich zwahr nur uͤbersetzt Teutsch hieher uͤbertra- ge/)
Der weißt den weg deß friedens/ welcher uͤber alle vernunfft ist/ der beyderseits gleich gesinnet bleibet/ daß er wo ihm reichthum zufaͤllet/ das hertz nit daran haͤnget/ und nicht abweichet/ wo die zeit deß krieges kommet.
Und darnach:
Die gottlo- sen/ weil sie den glauben nicht ha-
K 3
ben/
ben/ muͤssen wo es uͤbel hergehet/ auff dem sand stehen/ darauß fol- get/ wie es mit dem ihrigen gehet oder faͤlt/ so reisset es sie mit. Dar- um finden sie keinen frieden/ weil sie ihn in dengeschoͤpffen suchen/ weil diese auß ihrer natur nicht bestehen moͤgen.
Und noch nachtruͤcklicher/ Kir- chen-Postill Wintertheil.
f.
17.
b.
u. f.
Spricht jemand/ wann ich verfol- get wuͤrde/ werde ich dieweil muͤde/ und wuͤste
:
Paulus spricht: Nicht/ der friede GOttes wird dich bewah- ren: dieser friede Gottes ist nicht zu verstehen von dem friede/ damit GOTT bey ihm selbs stille und zu- frieden ist/ sondern den er uns gibt ins hertz/ daß wir zufrieden sind. (Gleich wie das Wort GOTTES heisset/ daß wir auß ihm reden/ hoͤ- ren und glauben.) Es ist GOttes gabe/ darum heissets/
sein friede:
auch darum daß er mit GOtt friede machet/ ob wir wol bey den men- schen unfriede haben. Derselbige spricht er/
ist hoͤher/ denn alle sinn/ ver- nunfft
und verstaͤndnuͤß. Das mustu
nicht
nicht also verstehen/ daß ihn nie- mand fuͤhlen noch empfinden moͤge/ dann sollen wir mit GOTT friede haben/ so muͤssen wirs je fuͤhlen im hertzen und im gewissen: wie koͤnte sonst unser hertz und sinn bewahret werden durch ihn
:
Sondern also soltu es verstehen/ wann truͤbsal und widerwaͤrtigkeit komt uͤber die/ so nicht wissen mit gebet zu Gott zu fliehen/ und sorgfaͤltig sind/ so fahren sie zu/ und suchen auch friede/ aber nur den die vernunfft begreifft und erlanget. Die vernunfft aber weißt von keinem frieden/ denn von de- me/ wann das uͤbel auffhoͤret. Die- ser friede schwebet nicht uͤber ver- nunfft/ sondern ist ihr gemaͤß: darum toben und streben sie auch der vernunfft nach/ biß daß sie densel- bigen frieden durch abthun deß uͤ- bels erlangen/ es seye mit gewalt oder mit list: also wer eine wunde hat/ verstehet und suchet die gesund- heit. Aber die an GOtt sich freuen/ lassen ihnen benuͤgen/ daß sie mit GOtt friede haben: bleiben maͤnn-
K 4
lich
lich in truͤbsal/ begehren nicht den frieden/ den die vernunfft stimmet/ nemlich deß uͤbels auffhoͤren/ son- dern stehen fest/ und warten der in- wendigen staͤrcke durch den glau- ben/ fragen nichts darnach/ ob das uͤbel kurtz/ lang/ zeitlich oder ewig sey und bleibe/ lassens GOTT wal- ten immerhin/ wollen nicht wissen/ wann/ wie/ wo und durch welchen. Darum thut ihnen GOTT auch wieder die gnade/ und schaffet ihrem uͤbel ein solch end/ mit so grossem vortheil/ daß kein mensch haͤtte koͤnnen gedencken und wuͤnschen. Sihe das heißt der friede deß creu- tzes/ der friede GOttes/ der friede deß gewissens/ der Christliche frie- de. Der machet/ daß der mensch auch außwendig stille/ und mit je- derman zufrieden ist/ und niemand verunruhiget. Denn das begreifft noch thut keine vernunfft/ daß ein mensch solt unter dem creutz lust/ unter dem unfriede friede haben. Es ist ein GOttes werck/ das niemand bekant ist/ denn dem/ der es erfahren
hat:
hat: davon auch droben gesagt ist. Rom. 15. GOTT der hoffnung er- fuͤlle euch mit aller freude und frie- den im glauben/ daß er da nennet friede im glauben/ daß nennet er hie frieden GOttes. So zeiget S. Paulus damit an/ daß wer sich in GOTT freuen und gelindlich leben will/ dem wird der Teuffel ein creutz aufftreiben/ daß er ihn von der meynung jage/ und wende sein hertz um. Darum muͤsse er dagegen ge- ruͤstet seyn/ daß er seinen frieden da- hin stelle/ da ihn der Teuffel nicht erlangen kan/ nemlich in GOTT/ und muß nicht dencken/ wie er deß loß werde/ daß der Teuffel auff ihn treibet/ sondern muß ihn lassen sei- nen muthwillen uͤben/ so lange biß GOTT selbs komme/ und machts ein ende. So wird sein hertz/ sinn und meynung bewahrt und erhalten im friede. Dann auch die gedult nicht moͤchte die laͤnge bestehen/ wo das hertz nicht uͤber sich selbs im hoͤ- hern friede bestuͤnde/ und ließ ihm benuͤgen/ daß es mit GOTT friede
K 5
hat.
hat. Hertz und sinn soll hie nicht ver- standen werden/ von natuͤrlichen willen und verstaͤndnuß/ sondern wie sie S. Paulus selbs deutet/ hertz und sinne in CHristo JEsu/ das ist den willen und verstand/ den er in Christo/ und von Christo/ und un- ter Christo hat und fuͤhret/ das ist der glaube und liebe mit allem ihren wesen/ wie der gesinnet und genei- get ist gegen GOTT und den men- schen/ das ist nichts anders/ denn daß er auß hertzen GOtt vertrauet und liebet/ und geneiget ist mit hertz und sinn/ zu thun GOTT und den naͤchsten/ was und mehr er kan. Sol- chen sinn und hertz suchet der Teuf- fel/ mit furcht/ schrecken/ todt und allem ungluͤck abzuwenden/ und menschen ding auffrichten/ daß der mensch trost und huͤlffe bey sich selbs und bey den menschen suche/ so ist er dann schon von GOtt auff seine ei- gene sorge gefallen.
§. 5.
Es ist die treffliche krafft deß Gei- ftes/ die in diesen theuren Lehrer von GOtt geleget worden/ auch die materie selbs/ wol
wuͤrdig
wuͤrdig/ daß wir auch noch andere seine ge- dancken uͤber diesen ort anfuͤhren: Er redet aber
Tom. 1. epist. 19. a. b.
(ins Teutsch versetzt) also:
Du suchest zwahr frie- den/ und strebest nach demselbigen/ aber nicht in rechter ordnung. Denn du suchest ihn/ wie ihn die welt gi- bet/ nicht wie CHristus. Weistu nicht/ daß GOtt deßwegen wun- derbarlich ist in seinem volck/ daß er seinen frieden gesetzt hat mitten in den unfrieden/ das ist aller anfech- tungen/ wie er sagt/ herꝛsche mit- ten unter deinen feinden
Psalm. 110.
Also hat nicht der jenige friede/ wel- chen niemand verunruhiget/ denn das ist welt-friede/ sondern der jeni- ge/ den alle und alles beunruhiget/ er aber alles mit grossen freuden ge- ruhig uͤbertraͤget. Du sagst mit Jsrael/ friede/ friede/ und ist kein friede. Sage du vielmehr mit Chri- sto/ creutz/ creutz/ und ist alsdann kein creutz. Dann sobald hoͤ- ret das creutz auff ein creutz zu seyn/ alsbald du froͤlich sprechen wirst/ ach gesegnetes creutz/ kein holtz ist
K 6
dir
dir gleich.
Und wiederum:
Das heist der friede deß HERRN/ der alle sinne uͤbertrifft/ das ist nicht gefuͤh- let noch empfunden wird/ noch ge- dacht werden kan. Aller gedancken kan ihn nicht sehen noch verstehen/ als wer das creutz gern duldet/ in allem was er angefochten fuͤhlet/ gedencket/ verstehet. Der erfaͤhret nachmal solchen frieden. Dann er setzet allen unsern sinn/ wercke und gedancken unter diesen frieden/ und hat ihn an das creutz gehefftet/ das ist/ an viele unruhe und betruͤbnus- sen. Darum ists ein friede uͤber alle sinn und alles/ was wir gedencken und wuͤnschen/ nemlich unvergleich- lich besser. Diesen suche/ so wirstu ihn finden/ als wo du die betruͤbnuß mit freuden auffnimmest/ als son- derliche heiligthum/ und den frieden nicht nach deiner meynung und sinn suchest und wehlest.
Wir setzen end- lich hinzu die wort deß lieben Mannes uͤ- ber Coloss. 3/ 15.
Der friede GOttes regiere in euren hertzen.
Daruber die randglosse lautet:
Das ist/ er seye mei-
ster/
ster/ und erhalte euch in allen an- fechtungen/ daß ihr nicht murret wider GOTT/ sondern auff GOtt trotzen moͤget/ nach dem was Chri- stus saget
Johan. 16/ 33.
in der welt habt ihr angst/ in mir friede.
(Mit deme dessen fleissiger
Discipul Prætorius
uͤberein komt/ da er euch diese wort also erklaͤret:
Der friede GOttes habe euer hertz gantz inne/ und er setze sich mitten darein/ wie ein Groß- fuͤrst/ und herrsche darinn/ und lasse keinen unfried zu euch einkommen.)
Anderswo schreibet
Lutherus
auff diese weise. Kirchenpost. Winterth.
f. 267. b.
Er spricht/ der friede Gottes solle regieren/ und die oberhand haben in unsern hertzen/ als solt er sagen/ will der friede deß fleisches und der welt nicht bleiben/ und muͤsset aͤus- serlich sehen und hoͤren/ daß zur un- einigkeit und unfrieden reichet/ wol- an/ so last doch euer hertz in GOTT friede haben Der friede in GOTT ist der friede/ zu dem wir durchs Evangelium beruffen sind/ und nicht der welt/ fleisch oder teuffels
K 7
frie-
friede/ sondern er schwebet uͤber alle sinnen/ und bleibet auch stille/ nicht allein zur zeit deß friedens/ sondern auch wann die suͤnd/ tod/ teuffel/ fleisch/ welt und alles ungluͤck to- ben.
§. 6.
Es sind noch einige wort des geistreichen
P. Egardi
uͤber Philip. 4/ 7. (
Tom. I. pag.
43.) wuͤrdig hie gelesen zu werden:
Daß man im Christenthum wachse und stehen bleibe/ muß der friede GOttes im hertzen herrschen/ denn das reich Gottes im menschen ist nicht anders denn fried und freud im Heiligen Geist/
Rom. 14/ 17.
Wie kan die seele in GOTT zunehmen/ die in der unruhe stehet/ und GOt- tes gnade nicht empfindet
:
Der- halben so wuͤnschet der Apostel den Philippern/ daß der friede Gottes ihre hertzen und sinne in CHristo JEsu bewahre. Der friede Gottes ist eine liebliche empfindung der gnade GOttes/ oder eine geistliche ruhe der seelen in GOTT/ wann sie in GOTT/ dessen gnade sie in Chri- sto schmecket/ stille ist/ und an ihm
und
und seiner gnade und liebe/ die ihre freude ist/ ein genuͤge hat/ und teuf- fel und welt nicht fuͤrchtet. Davon sagt David Psalm.
116/ 7. Sey nun wieder zufrieden meine seele/ denn der HERR thut dir guts.
Die seele kan in keinen dingen ruhen und stille seyn/ ohne allein in GOTT/ wel- cher ist das ewige/ hoͤchste/ unwan- delbare/ einfaltige und vollkomme- ne gut und alles gut. Creatur ist nichtig und vergaͤnglich/ unbestaͤn- dig und wandelbar/ darum findet die seele darinnen keine ruhe/ denn sie muß einen gewissen grund haben/ darauff sie baue. Derohalben so ist alleine GOTT/ der allezeit bleibet/ das er ist/ und deß jahre kein ende haben/ sondern immer bleiben/ der seelen wahre ruhe und sabbath. Psal. 102/ 28. Seine gnade/ liebe und barmhertzigkeit ist der seelen suͤsser trost/ krafft und leben Es ist aber der friede GOttes oder seelen ruhe hoͤher denn alle vernunfft/ denn er ist geistlich und verborgen im her- tzen. Vernunfft aber ist fleisch/ daß
sie
sie die hohen himmlischen und geist- lichen sachen nicht kan fassen und begreiffen/ J. Corinth. 2/ 14. Der geist kan nicht vom fleisch/ sondern vom geist erkannt werden. Ver- nunfft verstehet nicht die wuͤrckung GOttes in der seelen/ und die lieb- liche gemeinschafft mit GOTT/ welcher der seelen sich mittheilet/ sich ihrer auffs lieblichste offenbahret/ und mit ihr ein heimlich gespraͤch uͤber alle vernunfft und verstand hat. Johann. 14/ 21. Darnach ver- nunfft kan GOTT nicht sehen und finden an seiner heiligen verborgenen staͤtte/ und auff seinem stul wegen ihrer grobheit. Wenn ein heiliger und goͤttlicher mensch sich von ihm selbs und allen creaturen in das wahre lautere liecht Gottes kehret/ und darinn bleibet/ so weißt er auch von keinem andern dinge/ denn von GOTT/ denn er stehet in der abge- scheidenheit/ darinn nichts denn GOTT gesehen wird. Wenn er a- ber wieder zu ihm selber komt/ zu wuͤrckung der vernunfft/ so weißt
dar-
darvon vernunfft nichts/ denn die- ser goͤttliche zug ist ihr unbegreiff- lich. GOTT ist ein liecht/ und wird im liecht gesehen/ 1. Johan. 5. Vernunfft aber ist in geistlichen sa- chen finsternuͤß. Da der Apostel Paulus war in den dritten himmel entzucket/ und seiner selbs und aller creaturen hatte vergessen/ kam er zur beschauunge Goͤttlicher heim- lichkeit. Da er aber wieder zu ihm selbs kam/ zu uͤbung der vernunfft/ konte er nicht sagen/ was er gesehen hatte/ denn es war uͤber alle ver- nunfft. Darum sagt er/ daß er ha- be gehoͤrt/ unaußsprechliche wort/ die kein mensch kan sagen 2 Corinth. 12/ 4. Weil dann der friede GOttes ist uͤber alle vernunfft/ so weiß und verstehet auch kein fleischlicher mensch und weltkind/ was dieser edle friede Gottes seye/ wie suͤß und kraͤfftig er seye. Wo GOtt nicht in Christo wohnet/ da ist auch der friede Gottes nicht. GOTT aber wohnet nicht nach gnade in einem fleischlichen menschen/ sondern in ei-
ner
ner glaubigen und frommen seelen/ welche allein diesen frieden Gottes empfindet und schmecket. Vernunfft ist eine feindschafft wider GOTT/ denn sie ist fleischlich. Wie kan a- ber in der feindschafft friede gefun- den werden. Vernunfft laͤugnet/ daß friede mit GOTT seye/ denn sie siehet auff das aͤussere/ und kennet Gottes hertz in CHristo nicht. Darnach weil der friede Got- tes ist uͤber alle vernunfft/ so kan niemand desselbigen theilhafftig werden/ es seye dann/ daß er lasse sinn/ vernunfft und vernuͤnfftige wuͤrckung/ und alles was vernunfft begreiffen und erkennen kan/ und komme zur vereinigung mit GOTT im glauben. Denn so lange der mensch folget seiner vernunfft/ und nicht auß derselbigen tritt in den einfaͤltigen glauben/ so lange wird er nichts vom friede Gottes in seinem hertzen haben. Der friede Gottes aber/ der uͤber alle vernunfft ist/ ist deß hertzens krafft/ staͤrcke/ liecht und leben. Denn der Apostel wuͤnschet/
daß
daß der friede Gottes der Philipper hertz und sinne in CHristo JEsu be- wahre. So das hertz durch den frieden Gottes in Christo erquicket und gestaͤrcket wird/ so kan es nicht erhalten und bewahret werden: denn es hat allenthalben anstoͤsse/ von innen und von aussen/ vom teuffel und welt/ und kan nicht durch sich selbs ohne Gottes gnaden bestehen Johan. 16/ 33.
Jn der welt/
sagt Christus/
habt ihr angst/ aber in mir friede.
Wer an JEsum Christum glaubet/ der hat den frieden Got- tes/ welcher ist das hoͤchste gut deß menschen/ und wahre seligkeit Oh- ne diesen frieden ist der mensch le- bendig todt/ und in der hoͤlle. Was kan elenders seyn/ denn mit GOTT nicht friede haben in Christo/ oder den frieden Gottes in Christo im hertzen nicht empfinden
:
Was ist aller aͤusserlicher leiblicher friede der welt/ wenn nicht ist dieser innere geistliche friede in CHristo
:
Jener gehoͤret in das zeitliche leben/ und vergehet mit derzeit: dieser aber ge-
hoͤret
hoͤret in das ewige leben/ und blei- bet in ewigkeit. Der innere geistliche friede kan seyn/ ob kein aͤusserlicher friede ist/ oder ob angst/ noth/ truͤb- sal/ armuth/ verfolgung ist. Friede ist im unfriede/ ruhe in der unruhe.
Hiemit haben wir diesen vortrefflichen Leh- rer auff eine hohe art von dem frieden re- dende gehoͤret/ und zu glauben/ daß auch solches die wahrheit seye: nur daß noch zu mercken ist/ daß er eigenlich von einem hohen grad/ und dem stande der empfindlichkeit rede: da hingegen andere angefochtene seelen sich darauß keinen anstoß machen doͤrffen/ sondern was c. 4. §. 2. u. f. gelehrt worden/ zubehalten haben.
§. 7.
So ist also das jenige ja vor- trefflich/ wodurch unsere sinne und hertzen bewahret werden: hiezu setzen wir 5. daß auch dieser friede mit und in GOTT ei- ne ursach und stattliche befoͤrderung seye/
deß friedens mit den menschen.
Je groͤsser nun auch dieses gut/ und wol eines der allertheuresten ist/ unter denen/ welche wir in dieser zeit haben/ so viel wuͤrdiger ist der jenige friede/ der dasselbe auch befoͤr- dert. Es geschiehet aber auff diese weise.
Aller
Aller unfriede unter menschen kommet da- her/ daß sich der mensch niemal mit dem seinigen vergnuͤgen/ sondern immer mehr von guͤtern/ ehre oder dergleichen haben will: weil nun solches ins gemein mit an- derer nachtheil geschehen/ und was diesem zuwaͤchset/ jenen abgehen muß/ so wi- dersetzen sich andere: darauß entstehet aller krieg und streit gemeiniglich. Wann aber eine seele die gnade ihres
GOTTES
recht erkant hat/ und dessen frieden bey sich spuͤhret/ auch mehr und mehr sich gewaͤh- net hat/ die guͤter ihres heils sich dermassen vorzustellen/ daß sie in dero erkantnuß und gefuͤhl zunehme/ so kommet sie mehr und mehr dahin/ daß sie gantz befriediget ist/ und diese friedsame geniessung ihrer innern guͤter ihre begierden so saͤttiget/ daß sie nichts weiter/ viel weniger etwas/ darin- nẽ dem naͤchstẽ abbruch geschehe/ verlanget: ja gar wo der naͤchste auch mit unrecht streit anheben will/ und sie den frieden auch mit einigem verlust dessen was ihr gebuͤhret er- kauffen kan/ halt sie ihren frieden in sich viel zutheur/ als soviel an ihr ist zuzugeben/ daß durch aͤusserlichen unfrieden ihre inne- re ruhe verstoͤhret wuͤrde. Also wirds den
Juͤn-
Juͤngern CHristi soviel leichter auß ihrem innern frieden/ dem befehl ihres Heylandes nachzusetzen. Marc. 9/ 50.
Habt friede untereinander
Rom. 12/ 18.
Jsts muͤglich so viel an euch ist/ so habt mit allen menschen friede.
Hebr. 12/ 14.
Jaget nach dem friede gegen je- derman.
Unser theure
Lutherus
zeiget auch/ wie der geistliche friede die einigkeit und friede unter den Christen befoͤrdere/ uͤ- ber Rom. 15/ 14. (
Tom. 2. Lat. f. 348. b.
) dessen wort in dem Teutschen etwa also lauten moͤchten:
Er erfuͤlle euch mit aller freud und friede/ das ist/ er lehre euch/ daß ihr Christum voͤllig erkennet/ auß dessen erkantnuß ge- schehen wird/ daß ihr uͤber dieses allen gemeine gut euch erfreuet/ und also untereinander friede habet. Diese freude und diesen friede/ die da ist in dem glauben CHristi Joh. 16/ 33 in mir habt ihr friede. Jch will nicht/ daß ihr euch freuen sol- let in suͤnden/ noch den frieden der welt haben/ sondern in CHristo/ den ihr nicht sehet/ sondern glaubet/ in dem/ weil er ihnen allen gemein
ist/
ist/ ihr nichts habt/ daß einer dem andern mißgoͤnne oder darum er zan- cke/ sondern daß ihr euch unterein- ander freuet einmuͤtig im frieden: es kan aber nichts anders also gemei- niglich besessen werden/ als was im glauben besessen wird/ das ist Chri- stus. Denn alles andere gebiehret traurigkeit und neid/ und zwietracht unter den menschen.
Welche wort nicht wenig auch erlaͤutern moͤgen das je- nige/ was da stehet Ephes. 4/ 3.
Seyd fleissig zu halten die einigkeit im geist durch das band deß friedens.
§. 8.
Sonderlich aber wuͤrcket solcher friede den frieden mit andern/ welche etwa in dem glauben und erkantnuß Christi ir- ren. Von der welt verkuͤndiget unser Hey- land/ daß sie einen blinden eiffer haben/ und wer es nicht mit ihnen halten will/ ver- folgen/ folglich mit gewalt zu ihrer mey- nung noͤthigen werden wollen: also daß ihr eiffer so weit gehen werde/ daß sie/ wo sie die Diener und Juͤnger Christi
toͤdten
wird/
meynen werde/ sie thue Gott einen dienst daran.
Joh. 16/ 2. Das macht/ es ist in ihr/ wo sie es auch am besten mey-
net/
net/ dannoch die art deß Friedens fuͤrstens nicht/ dessen reich friede ist/ sondern der geist der welt/ welcher an unfriede lust hat/ und immer an zwang und mord gedencket. Hingegen welche den frieden GOttes in ihrer seele haben/ und also die art deß reichs ihres Heylandes haben recht erkennen ler- nen/ wie sie sonsten jederman lieben/ und nach dem wir allererst gehoͤret haben/ mit jederman willig friede halten/ also lieben sie auch die jenige/ welche mit ihnen nicht eine erkantnuß haben/ tragen erbarmen mit dero irrthumen/ trachten sie zwahr in sanfftmuth zu der wahrheit/ auß dem wort der wahrheit zu leiten und zu unterrichten/ beten deßwegen vor sie hertzlich/ und leuch- ten ihnen zu ihrer bekehrung mit heiligem exempel/ als einer frucht ihrer wahrheit/ vor: halten es auch vor eine grosse freude/ da sie auff eine solche friedfertige art/ als boten und kinder deß friedens jemand ge- winnen/ und eine seele retten koͤnnen. Sie brauchen aber keine gewaltsame/ noch andere als friedliche/ mittel/ sondern ha- ben einen abscheu vor allen denselben/ als denen wissend ist/ daß sie GOTT in die herrschafft der gewissen nicht eingriff zu
thun
thun haben/ daß das reich CHristi/ so nicht von dieser welt ist/ und in dem man nirgend verletzen noch verderben wird. Esa. 11/ 11. mit weltlicher macht und kampff gegen dessen feinde nicht beschuͤtzet oder er- weitert werden solle/ und daß der glaube nicht durch außwuͤrckung eines hasses/ sondern durch die liebe thaͤtig seye. Also bleibet ihr friede gegen andere unauffgeho- ben/ und die auch irrglaubige vor ihnen/ wann sie schon die macht in haͤnden haͤt- ten/ im frieden. Welches die Christen von anbeginn deß Neuen Testaments/ so lange sie noch bey der wahrheit CHristi allerdings geblieben/ und noch nicht da- von abzuweichen angefangen/ allezeit an sich gezeiget/ daß sie die verfolgungen zulei- den willig gewesen/ nimmermehr aber den frieden deß glaubens wegen verstoͤhret/ noch jemand auch wegen irrthums verfol- get/ oder mit gewalt zu der von ihnen er- kanten wahrheit genoͤthiget haben.
§. 9.
Zu obigen moͤgen wir noch se- tzen 6. daß dieser friede seye der rechte
sab- bath der seelen/
wie der mehrbelobte
D. Lutkeman.
dahin den Spruch fuͤhret
L
Hebr.
Hebr. 4/ 9. 10.
Es ist noch eine ru- he fuͤrhanden dem volck GOttes. Wer aber zu seiner ruhe kommen ist/ der ruhet auch von seinen wer- cken/ gleich wie GOTT von sei- nen.
Dabey er diese fernere erklaͤrung gibet:
Wir wissen wie GOTT am siebenden tage nach der erschoͤpf- fung himmels und erden geruhet. Das war der erste sabbath. Nun spricht der Geist/ daß noch ein an- der sabbath vorhanden seye/ da wir muͤssen ruhen von unsern wercken. Wie das geschicht vollkommen im himmel/ da wir GOTT gantz wer- den gelassen seyn/ der da alles in allem seyn wird. Also geschichts auch hie bey den glaubigen in ge- wisser maaß: nemlich wenn wir absagen unserem fleischlichen wil- len/ und ruhen in GOttes willen/ so haͤlt die seele ihren rechten sab- bath.
§. 10.
Zu der wuͤrde dieses friedens mag auch 7. dienen/ daß dieser friede gleichsam der jenige sanffte wagen seye/
auff
auff welchem die kinder deß friedens bey ih- rem abschied in den himmel fahren. Wie dorten Simeon saget: Luc. 2/ 29.
HERR/
nun laͤssest du deinen die- ner im friede fahren/ wie du gesa- get hast.
Jm frieden/ in einer voͤlligen versicherung deiner gnade/ in einer zufrie- denheit mit deinem willen/ in einer freu- digkeit auß dem ansehen der herrlichkeit/ in die man eingehen solle/ und solche in dem glauben vor sich sihet/ ja laͤngst in demselbigen besessen hat. Nun was uns zu unserer letsten zeit bevorstehet/ davon fleissig und offt zugedencken/ und guten bericht zuhaben/ ist so noͤthig als etwas anders jemal seyn koͤnte. So viel mehr weil/ welches wir als das achte hinzusetzen moͤgen/ solches friedsame hinfahren ein eingang ist in den ewigen frieden/ und ewi- ge unzerstoͤhrliche ruhe/ wo alles was wir von dem frieden bißher geruͤhmet haben/ erst recht in seine vollkommenheit gehet. Wir haben hie frieden mit GOTT/ aber es mangelt nicht nur hie manchmal an der empfindung solches trostes/ sondern es ist solches ein friede/ welcher noch wieder ver-
L 2
lohren
lohren werden kan/ und offt verlohren wird/ daher seine besitzung nie gantz sicher ist: zugeschweigen/ daß die seele uͤber sol- chem frieden auffs wenigste mehrmahl mit anfechtungen zukaͤmpffen hat. Dorten a- ber ists ein friede/ der nunmehr unzerstoͤr- lich ist/ und ohne einige verunruhigung im- merfort waͤhret. Unser friede in GOtt/ dessen wir hie geniessen/ ist auch noch sehr unvollkommen/ und weil die guͤter/ wel- che unsere seelen saͤttigen sollen/ nicht an- ders als noch stuͤckweise erkannt werden/ so ist unser vergnuͤgung daran niemal so voll- kommen und voͤllig/ daß uns nicht an- dere begierden verunruhigten/ wir sind auch noch nicht so starck/ daß nicht allerley an- stoͤsse und leyden/ ob sie uns wol nicht gar den frieden nehmen koͤnnen/ dannoch des- selben genuß zimlich saur machen und schwaͤchen. Dorten aber ist der friede nach der maß der erkaͤntnuß/ da man alles von angesicht sihet/ und
GOTT
alles in al- lem ist gantz vollkommen/ so dann nichts zu ersinnen/ daß uns nur diesen frieden zu verunruhigen sich unterstuͤnde. Da heis- sets recht/ was dorten von den seelen der
gerech-
gerechten stehet: B. Weißh. 3/ 3.
Sie sind im friede.
Ja da wird in dem hoͤch- sten verstand erfuͤllet/ was dorten stehet Esa. 32. 17. 18.
Und der gerechtigkeit furcht wird friede seyn/ und der ge- rechtigkeit nutz wird ewige stille und sicherheit seyn/ daß mein volck in haͤusern deß friedens wohnen wird/ in sicheren wohnungen und in stoltzer ruhe.
Eya waͤren wir da/ Eya waͤren wir da!
Nun/ der GOtt der hoff- nung erfuͤlle uns mit aller freu- de und friede im glauben/ daß wir voͤllige hoffnung haben durch die krafft deß Heiligen Geistes/ Rom. 15/ 13. Der HERR deß friedens gebe uns frieden allenthalben/ und auff allerley weise. 2. Thessal. 3/ 16. Der GOtt deß friedens trete
L 3
den
den Satan unter unsere fuͤsse in kurtzem. Rom. 10/ 20. Ja der GOTT deß friedens (1. Thessal. 5/ 23. 24.) heilige uns durch und durch/ und unser geist samt der seele und leib muͤsse behalten werden unstraͤfflich/ auff die zukunfft unsers HER- REN JESU CHristi. Ge- treu ist er/ der uns ruffet/ wel-
cher wirds auch thun.
AMEN,
Ord-
Ordnung der materien/
und innhalt deß gantzen Werckleins.
Vorrede.
Der Spruch Johan. 16/ 33.
pag.
1.
angst in der welt:
vielerley unfriede auch bey den frommen/ 2. Cor. 7/ 5. Rom. 7/ 23. Gal. 5/ 17. Psalm. 38/ 4. 9. Psalm. 42/ 12. 39/ 7.
p.
1.
2. bey den gottlosen. Esa. 57/ 20. 21. Psalm 120/ 7. Apostel Geschicht. 14/ 21. Luc. 12/ 51.
p.
3.
daß ihr in mir friede habt.
p.
5.
ich habe die welt uͤberwun- den.
p.
6.
Solches habe ich zu euch ge- redet
das mittel.
p.
8.
die frucht.
aber seyd getrost.
p.
8.
Jetzige zeit deß unfriedens. Matth. 24/ 6. Offenbah. 6/ 4.
p.
9.
unser frie- de in dem unfrieden. Offenbah. 12/ 11.
p.
11.
unsere seeligkeit. Gelegenheit dieser Schrifft.
p.
12.
wunsch. Psalm 46.
p.
13.
Das
I.
Capitl.
Vom frieden GOttes gegen uns.
§.
I.
Dreyerley Goͤttlicher friede.
15.
II.
Frie- de Gottes gegen uns.
Unsere feindschafft
L 4
gegen
gegen GOTT. Rom. 5/ 10. 16.
III.
Christi versoͤhnung. 17.
IV.
Spruͤche 2. Corinth. 5/ 18. Rom. 5/ 8. und f. Ephes. 2/ 14. und f. Esa. 53/ 5.
p.
18.
V.
Der versoͤhnte/ und der friedenmacher Luc. 2/ 14. das mittel/ die versoͤhnte/ das mittel deß genusses Esa. 52/ 7. Rom. 10/ 15. die art. 20.
VI.
Das mittel/
die wahre buß
Marc. 1/ 15. Gal. 6/ 16.
p.
22.
VII.
Hindernuͤssen die gottiosigkeit Esa. 48/ 22.
p.
24.
VIII.
Unglaube 25
IX.
Der falsche friede in fleischlicher ficherheit. Buch der Weißheit am 14/ 22. Job. 21/ 13. Psalm. 10/ 5.
p.
25.
Das
II.
Capitel.
Unser friede mit GOTT.
§.
I.
Unser friede mit GOtt
30.
I.
Des- sen beschreibung.
30.
III.
Unser natuͤrlicher haß gegen
GOTT
wegen deß gesetzes.
31.
IV.
Und der suͤnden angetroheten straffen
34.
Rom. 8/ 7. einiges gefuͤhl auch bey den glau- bigen
35.
V.
Wie GOTT solchen unsern haß auffhebe
36.
VI.
Dieser friede gruͤndet sich auff den vorigen 38. Rom. 9/ 1.
Prætorii
glaubens wort. Psalm 72/ 7. Esa. 32/ 17. 18.
p.
40.
VII.
Die mittel dieses friedens. 1.
bußfertige reue.
Psalm. 32/ 3. und ferner
p. 44.
VIII.
GOTT
gibt einigen mehr von den bußaͤngsten. Psalm 38/ 4. Esa. 38/ 15.
p.
45.
IX.
Die reue im gautzen Chri-
sten-
stenthum fortgesetzt
47.
X.
Doch muß solche traurigkeit gemaͤssiget werden 49. 2. Corinth. 2/ 7. damit die freudigkeit nicht auffgehoben werde 2. Corinth. 9/ 7. 5. Buch Mos. 26/ 14. Hose. 9/ 4.
p.
52.
XI.
2.
Das wort deß Evangelii
p.
54. Galat. 3/ 2. 2. Corinth. 5/ 19. Rom. 10/ 15. Psalm. 119/ 165. Col. 3/ 15.
p.
55.
Prætorn
wort Ephes. 6/ 15.
p.
56.
XII.
Die wolthaten deß Evangelii/ sonder- derlich der todt und aufferstehung CHristi. Rom. 4/ 25. Ephes. 2/ 15. 16. Coloss 1/ 20. Esa. 53/ 5. Johan. 20/ 19. 21.
p.
57.
XIII.
Betrachtung der guͤter unsers heils.
59.
XIV.
Sonderlich der rechtfertigung. Rom. 3/ 24. 25. Rom. 8/ 1.
p.
61.
XV.
das wort der
absolution.
66.
XVI.
Der seegen deß predigers Luc. 2/ 14. 4. Buch Mos. 6/ 23. Luc. 10/ 5.
p.
67. dabey der prediger erinne- rung/ und anderer 1. Petr. 3/ 9.
p.
70.
XVII.
3.
Die Sacramenten. Die Tauff
Rom. 6/ 3. Ga at. 3/ 27. Apostel Ge- schicht 22/ 16. Tit. 3/ 5. 1. Petr. 3/ 21.
p.
72.
XIIX.
4.
Das heilige Abendmal.
Rom 5/ 1. ein friedensmahl
p.
77.
XIX.
5.
Das gebet
Psalm 85/ 9. 1. Johan. 5/ 14.
p.
80.
XX.
Achtgebung in dem gebet auff die bewandnuß deß hertzens Esa. 65/ 24. Philip. 1/ 4.
p.
83.
XXI.
6.
Die beob- achtung unsers hertzens/
oder wachen.
86.
XXII.
Die warnehmung der gegen- wart GOttes in den hertzen Apost. Geschicht 17/ 28.
p.
88.
XXIII.
Die abziehung deß
L 5
her-
hertzens von allen creaturen.
90.
XXIV.
7
Vorsehung vor suͤnden und fleiß der heiligung
1. Johann. 2/ 15. 16. Ephes. 4/ 29.
p.
91.
Prætorii
wort Ephes. 4/ 15. Phil. 2/ 15.
p.
93.
XXV.
Nutzen der heiligung auch in den anfechtungen das hertz zu versichern. 2. Petr. 1/ 10. 1. Johan. 3/ 18. 19. 20.
p.
95. guͤtigkeit an armen 2. Corinth. 9/ 8. 9. Psalm. 41/ 2.
.
p.
97.
XXVI.
Hertzlich und demuͤ- tige erkandnuß solches gnaden-geschencks: auch vorsichtiger gebrauch
98.
XXVII.
Die empfindlichkeit kan diesem frieden manglen Job. 3/ 26. Psalm. 88/ 16. 17. 77/ 8. 9. 10. Klagl. 3/ 17. Jerem. 17/ 17.
p.
102. Ob muͤglich daß doch der friede da seye/ und wor- innen er bestehe
104.
XXIIX.
8.
Willige unterwerffung unter den willen GOt- tes/
bey dem mangel der empfindung
107.
Das 3. Capitel.
Unser friede in GOTT.
§.
I.
Unser friede in GOTT.
Beschreibung auß
Flacio. Egardo. Prætorio.
II.
Grund in dem vorigen frieden Johan. 16/ 33.
p.
13.
III.
Beforderungs mittel 115. 1.
Vergnuͤ- gung mit und in GOtt
117. Psalm. 23/ 1. Rom. 8/ 31. ירש Psalm 73/ 25. 26. 119.
IV.
Erkandnuͤß der weißheit und guͤtigkeit seines willens
121.
V.
2.
Verlaͤugnung unser selbs.
Unrnhe deß steischlichen her-
tzens
tzens
122.
VI.
Betrachtung wider die ehr- sucht Psalm 115/ 1. 1. Sam. 2/ 30.
p.
125. lust 127. reichthum Luc. 12/ 21. Ephes. 1/ 18. 1. Timoth. 6/ 17. 18. 19.
p.
128.
VII.
verlaͤugnung deß eigenen willens und sinnes uͤber Goͤttliche regierung Psalm. 73/ 3. und f. Job. 21/ 7. Jerem. 12/ 1. Psalm 37/ 1. Jon. 4/ 9.
p.
130.
IIX.
Auch in dingen/ da wir gutes vorgehabt. Jerem. 10/ 23. 2. Sam. 7. Apostel Geschicht 16/ 6. 7. Rom. 1/ 13. 1. Thess. 2/ 18. 2. Corinth. 2/ 16.
p.
135.
IX.
3.
Wahre hochhaltung der geistlichen und geringschaͤtzung der nichtigen guͤter
1. Corinth. 2/ 12. 1. Johan. 3/ 2. Ephes. 1/ 17. 18.
p.
140.
X.
4.
Die reinigung deß hertzens von der welt liebe
Psalm. 62/ 11.
p.
145. Luͤtkemans wort
147.
XI.
Auch der subtilern selbsliehe/ da wir uns in dem geistlichen suchen.
148.
XII.
5.
Die ver- laͤugnung der bauchsorge
Matth. 6/ 24. und ferner. 1. Petr. 5/ 7.
p.
150.
XIII.
Ge- wohnheit mit wenigem vergnuͤgt zuseyn. 1. Timoth. 6/ 6. und f. Hebr. 13/ 5.
p.
5
55.
XIV.
6.
Vermeydung der vermessen- heit
Sirach 3/ 21. und beobachtung eigenen beruffs
159.
XV.
7.
Die maͤssigung der geschaͤfften
163. 1. Buch Mos. 3/ 19. 1. Corinth. 3/ 21. 32. 33. 34.
Lutkemanni
wort
169.
XVI.
8.
Die enthaltung vieler gesellschafft
169.
XVII.
9.
Die ver- meydung unnuͤtzer reden
Matth. 12/ 36. Ephes. 4/ 29. 30.
p.
171.
XIIX.
10.
Die
sanfft-
sanfftmuth
Matth. 11/ 29. Coloss. 3/ 12.
173.
XIX.
Auch gedult gegen die feinde und enthaltung aller rache Rom. 12/ 18. Hebr. 12/ 14.
p.
175.
XX.
11.
Die demuth
Matth. 11/ 29.
p.
178.
XXI.
12.
Gebet und fleissige wache uͤber die seele
179.
Das 4. Capitel.
Hindernuͤssen deß innerlichen friedens.
§.
I.
Die hindernuͤssen
p.
183.
II.
1.
Einbil- dung von der staͤten empfindlichkeit der gnaden-gaben
185.
III.
Der glau- be hat noch andere zeugnuͤssen 1. Johan. 3/ 18. u. f.
p.
185.
IV. Jst doch auch alsdann noch einige fuͤhlung da in dem verlangen 189. Luͤtkemann Matth. 5/ 6.
p.
191.
V.
2.
Die im fleisch noch wohnende suͤnde
Rom. 7/ 24. 25.
p.
193.
VI.
3.
Das aͤusserliche leyden
Hebr. 12/ 11. Rom. 5/ 4.
p.
194.
VII.
Anfechtung daß das leyden ein zeichen der ungnade. 1. Thess 3/ 3. Apost. Geschicht 14/ 22. Hebr. 12/ 5. und f. 24. 26. 22. 20.
p.
196.
IIX.
Nutzen deß leydens 2. Corinth. 4/ 16.
p.
199. D. Luͤtkemans stelle
202.
IX.
4.
Furcht nicht bestaͤndig zu bleiben
Philip. 2/ 12. 1. Corinth. 10/ 12. 2. Johan. 8. 1. Corinth. 1/ 8. Psalm 1/ 6. 2. Thess. 5/ 23. 1. Corinth. 10/ 13.
p.
203.
X.
5.
Die un- ordentliche und fuͤrwitzige behandlung der Schrifft
2. Timoth. 3/ 16.
p.
208.
XI.
XI.
Articul der gnaden wahl Rom. 11/ 33.
p.
212.
XII.
6.
Unwissenheit Goͤttli- chen willens/ sonderlich in mitteldm- gen
Rom. 14/ 5. 23. Apostel Geschicht 15/ 29.
p.
214.
Das 5. Capitel.
Von vortrefflichkeit dieses friedens und dessen erkantnuß.
§.
I.
Weil er 1. ein stuͤck deß reichs CHristi 217. Rom. 14/ 17. Esa. 9. Hebr. 7/ 2. Esa. 11/ 10.
Lutkem.
218. Bey
Prætorio
Christi Testament. Johan. 14/ 27. 219.
II.
2. Weil die geistliche freude darauß entstehet Rom. 14/ 17. Galat. 5/ 22. 219.
III.
3. Weil er eine erleuchterung deß unfriedens dieses lebens.
220.
IV.
4. Weil er die hertzen und finne bewahret Phil. 4/ 7.
Lutheri
erklaͤrung
221.
V.
Noch fernere stellen
Lutheri.
226.
VI. Egardi
230.
VII.
Weil 5. er die befoͤrderung deß friedens mit dem naͤch- sten Marc. 9/ 20. Hebr. 12/ 14. 236.
Lutherus IIX.
Sonderlich auch gegen falschglaubige
239
IX.
Weil 6. darinnen der sabbath der seele
Lutkem.
241.
X.
Weil 7. er der Simeons wagen und 8. in der ewigen seligkeit dessen vollkommenheit.
242.
Errata.
p. 49. l. 21. pro
unmuͤssig
lege
unmaͤssig.
p. 151. l. 21. pro
jenige
lege
ihrige.
ENDE
.