Martin Opitzen
Schaͤfferey Von der Nimfen Hercinie.
Gedruckt zum Brieg/
In verlegung David Muͤllers Buch-
handlers
in Breßlaw.
1630.
Dem Hochwolgebornen Herrn/ Herrn Hansen Vlrichen/ Schaff- Gotsch genant/ des Heiligen Roͤmischen
Reiches Semper-Freyen/ von vnd auff Kinast/ Greif- fenstein vnd Kemnitz/ Frey Herrn auff Trachenberg/ Herrn zur Praußnitz vnd Schmiedeberg/ auff Gierßdorff/ Hertwigswalde vnd Rauschke; Roͤm. Kays. auch zue Hungarn vnd Boͤhaimb Koͤn. Maͤy. Cammerern/ Kriegesrhate/ vnd Obristen/ meinem Gnaͤdigen Herren.
H
Ochwolgeborner Herr/ Gnaͤdiger Herr vndt Obrister; Die Deutsche sprache/ von welcher etzliche jhare her hoffnung gewesen/ daß sie/ sonderlich durch vermittelung Poͤe- tischer schrifften/ des eingemengten wesens der außlaͤnder ehist moͤchte befreyet/ vnd in jhre alte ziehr vnd reinigkeit wiederumb eingesetzt werden/ hatt zu jhrem vngluͤcke gleich eine solche zeit an- getroffen/ da nicht die gewalt der waffen/ die auff landt vndt leute vndt nicht auff bestreitung der wißenschafft angesehen/ sondern die menschen aller tugendt dermaßen gehaͤßig sindt/ daß guete gemuͤ- ter/ so hierbey das jhrige zue thun sich vnterwunden/ nichts anders als einen theils verachtung/ andern theils mißgunst darvon getra- gen haben Diesem schreibet man zu tunckel/ jenem gar zue deutsch: welche bedencken moͤchten/ daß der/ den die warheit in die augen sticht/ seynes wandels vnd lebens wegen jhm nicht muße wol be- wußt sein; die andern aber/ sich nicht vber die vnverstaͤndtligkeit derer die schreiben/ sondern vber den vnverstandt beklagen solten/ daß sie nichts gelernet haben. Mitt denen/ welche fůr geben/ man
A ij
koͤnne
koͤnne gleichwol der frembden woͤrter/ bey hofe vndt anderer gele- genheit/ in satzschrifften/ vnterredungen vndt auffwarten/ uͤbel ent- beren/ wil ich es fast darumb halten/ daß sich zue besorgen/ solte man die Welschen vndt Frantzoͤsischen sachen alle außmustern/ so wuͤrden beydes jhre hochgefaͤhrliche reisen zue lande vndt see/ die zue erlernung der sprachen fuͤrnemlich gerichtet gewesen/ den groͤs- sesten theil jhres nutzens nicht erlangen/ vndt dann jhr ansehen/ daß nemlich auff einwerffung solcher hoͤffligkeiten nicht wenig be- ruhet/ vmb ein merckliches geschmaͤlert werden.
Etzliche vernichten die Poeterey gar miteinander: die als leute von keiner vernunfft/ auch keiner antwort wuͤrdig sindt. Etzliche/ vndt diese die kluͤgesten/ gestehen zwar/ daß hierdurch die sprache mercklich verbeßert/ die beredtsamkeit in schwang gebracht/ vndt viel guetes herfuͤr gesucht werde sagen aber/ es geschehe doch nicht ohn verletzung der alten einfalt/ vndt deutschen fromen sitten: weil in dieser art buͤchern gleichwol nicht wenig zue finden sey/ daß aͤrgerniß zue vermeiden wol koͤndte nachbleiben. Wie nun frey- lich zue wuͤndtschen were/ daß edele gemůter jhre stattliche beschaf- fenheiten lieber an sonst etwas/ als eine vndt andere außschrei- tung verwenden vndt anlegen wolten so mußen wir doch auch ge- stehen/ daß eben in solchen weltlichen schrifften (der heiligen lobge- saͤnge/ der buͤcher von Kriegesthaten vndt friedenskuͤnsten/ der gluͤckwůndtschungen/ der trostgetichte/ der naturbeschreibungen/ vndt was dergleichen ist/ zue geschweigen) viel herrliche exempel/ lehren vndt vnterweisungen herfuͤr leuchten/ vmb derer willen man wol ein auge zuedrucken/ vndt einen solchen dornstrauch/ an- gesehen daß er viel liebliche rosen tregt/ vnaußgerottet laßen kan. Dieses buch/ Gnaͤdiger Herr/ wie es dem ersten ansehen nach auch mitt einer vberbleibung der jugendt bekleidet zue sein scheinet; also
wirdt
wirdt es in der that viel ein anders erweisen/ wann es jhm zuevor durch erwehnung einer liebe/ die ich fuͤglicher mir/ wiewol sie mir niemals in den sinn ist kommen/ als einem andern antichten wol- len/ die liebe des lesers (weil man ie heutiges tages der eitelkeit so gern augen vndt hertze goͤnnet) wirdt erbuhlet haben. Der jnnhalt beruhet kuͤrtzlich darauff: Es befinden sich bey anbrechen der mor- genroͤthe drey gelehrte Poeten/ von denen der eine dem Hochfuͤrst- lichen Hause Lignitz vndt Briegk nicht weniger als ich verbunden/ vndt E. Gn. wol bekandt ist/ nebenst mir/ der ich mehr den namen als das verdienst habe/ vmb die lustigen berge/ waͤlder vndt wiesen so E. Gn. gehoͤrig sindt/ reden vnter gestalt der hirten (wie vorzei- ten Theocritus/ Virgilius/ Nemesianus/ Calpurnius/ heutiges tages Sannazar/ Balthasar Castilion/ Laurentz Gambara/ Rit- ter Sidney/ Der von Vrfe vndt andere/ gethan haben) von tu- gendt/ von reisen vndt dergleichen so lange/ biß sie vnter dem Rie- sengefilde vndt Flintzberge an der lustigen bach des Zackens auff die werthe Nimfe Hercinie treffen/ welche jhnen in den hoͤlen vnd kluͤfften der erden die vrspruͤnge der fluͤße hiesiger gegendt/ jhre vndt jhrer schwestern gemaͤcher vndt lustige grotten hoͤfflich zeiget/ fuͤr allen dingen aber E. Gn. vndt derselbten hochrhuͤmlichen Vor- fahren thaten vndt gedaͤchtniß entwirfft vnd zeiget. Hierauff sie nach enturlaubung sich selbiger orten weiter vmbsehen/ vndt nechst anderem verlauffe/ auch betrachtung des Warmen Brunnens/ welchen E. Gn. newlicher zeit durch jhren artlichen baw noch an- genemer gemacht hatt/ mitt dem tage vndt abschiede der Sonnen jhre vnterredung beschließen. Wie ich die erfindung an seinem ort/ vndt dem vrtheile des Lesers anheimgestellet sein laße; also wirdt sie doch zum wenigsten anderen/ denen beßere gaben vndt mehr zeit als mir verlihen sindt/ hoffentlich anlaß reichē/ vnsere sprache/
A iij
darinnen
darinnen sich vormals keiner dergleichen zue erdencken/ bemuͤhet hatt/ auch mit dieser nicht weniger nutzbaren als lustigen art schrif- ten mehr vndt mehr zue bereichern E. Gn. belangendt/ Gnaͤdiger Herr/ halte ich mich wol versichert/ wie von Deroselbten eine ge- raume zeit her ich allen gnaͤdigen willen vndt wolmeinen gespuͤret; also werde E. Gn. auch meiner Hereinien vorwitze verzeihen/ vndt hiesige Schrifft/ so zue E Gn. wolverdientem lobe vndt vnsterb- ligkeit angesehen ist/ Ihrer gnaͤdigen augen wuͤrdigen/ solche auch zum wenigsten ein geringes pfandt vndt anzeigung sein laßen/ daß/ Gnaͤdiger Herr/ ich jederzeit sey vndt verbleibe
E. Gn.
Glatz/ zue außgange des 1629 Ihares.
gehorsamber Diener
Martin Opitz.
Mar-
Martin Opitzen Schaͤfferey von der Nimfen Hercinie.
E
S lieget dißeits dem Sudetischen gefilde/ wel- ches Boͤhaimb von Schlesien trennet/ vnter dem anmuti- gen Riesenberge ein thal/ deßen weitschweiffiger vmbkreiß einem halben zirckel gleichet/ vndt mitt vielen hohen warten/ schoͤnen baͤchen/ doͤrffern/ maierhoͤfen vndt schaͤffereyen erfuͤllet ist. Du koͤndtest es einen wohnplatz aller frewden/ eine froͤliche einsamkeit/ ein lusthauß der Nimfen vndt Feldtgoͤtter/ ein meisterstuͤcke der Natur nennen. Daselbst befandt ich mich/ nach dem ich die zeit zue vertreiben/ vndt meinen gedancken desto freyer nach zue hen- gen/ vor zweyen tagen von einem andern orte/ welcher eben mitt diesem gebirge graͤntzet/ vndt des außgestandenen vbels wegen bey jtzo schwebenden jaͤmmerlichen kriegen/ nicht vnbekandt ist/ entwiechen war.
Der Monde machte gleich mehr stunden zue den traͤwmen/
Der stock stundt ohne wein/ das obst war von den baͤwmen/
Der strenge Nortwindt nam den puͤschen jhre ziehr/
Vndt auff die Wage tratt der Scorpion herfuͤr;
Mitt einem worte: Es war zue ende des Weinmonats/ als die hir- ten im felde ein fewer zue machen/ vndt der ackersmann/ welcher nun vber winter außgeseet/ seinen rock herfuͤr zue suchen begundte. Ich war vorige nacht auß muͤdigkeit beydes von sorgen vndt dem wege so harte entschlaffen/ daß ich nicht erwachte/ biß die muter der gestirne die Nacht verruckt war/ vndt die schoͤne Morgenroͤthe anfieng sich vndt zuegleich alles mitt jhr zue zeigen.
Vndt kanst du dennoch/ fieng ich wieder mich selbst an/ der-
maßen
maßen auff guetes vertrawen ruhen/ nach dem du zu gehorsamben dem jenigen/ dem du freylich das beste theil deiner wolfarth zue- dancken hast/ der dich singen leßt was du wilt/ von derselbten ge- wiechen bist/ ohn welche dich keine froͤligkeit ergetzte/ vndt mitt welcher dich kein vnfall betruͤbete? Oder/ schlaͤffest du darumb/ da- mit sie dir/ weil du jhrer gegenwart nicht genießen kanst/ zum min- sten durch die wolthaten eines trawmes koͤnne gezeiget werden? Vnter dieser rede sprang ich auff/ vnd gruͤßete die lieblichen stra- len der Sonnen/ welche von den spitzen der berge herab blincketen/ vndt mich gleichsam zue troͤsten schienen; woruͤber ich dann in mei- nung mir selber ein hertze zue machen/ auff diese worte gerhiete:
Weil mein Verhengniß wil/ vndt lest mir nicht das gluͤcke
Bey dir/ mein Augen trost/ zue leben nur allein/
So giebet zwar mein sinn sich mitt gedult darein/
Doch sehnt vndt wuͤndtschet er auch stuͤndtlich sich zueruͤcke.
Es ist ja lauter nichts wo diese schoͤne blicke/
Diß liecht das mich verblendt/ des guͤldnen haares schein
Das mein gemuͤte bindt/ diß lachen nicht kan sein/
Der mundt/ vndt alles das wormit ich mich erquicke.
Die Sonne macht mir kalt/ der tag verfinstert mich;
Ich geh’/ vndt weiß nicht wie; ich geh’vndt suche dich
Wohin du nie gedenckst. was macht mein trewes lieben?
Ich seh’ vndt finde nichts; der mangel deiner ziehr
Hatt alles weggeraubt: zwey dinge sindt noch hier:
Das elendt nur/ vndt ich der ich darein vertrieben.
Aber/ sagte ich weiter/ was beschuldige ich mein Verhengniß? fliehe ich nicht auß eigener wahl fuͤr jhr/ vndt fuͤr mir selbst? Wo- ferren du mir meine augen/ so durch die deinigen geraubet sindt/ wiedergiebest/ verhoffe ich/ mein Liecht/ dich zue sehen/ ehe noch das auge der welt die Sonne in das herzueruͤckende jhar se-
hen wirdt.
hen wirdt. Was fuͤr ein Verhengniß aber wil ich kurtz hernach an- klagen? was fuͤr eine huͤlle werde ich finden/ zue bedeckung deßen verbrechens/ daß ich mein Vaterlandt mitt so weit entlegenen Provinzen vertauschen/ die meinigen sampt dem groͤßeren theile meines hertzens hinter laßen/ vndt mich in ein freywilliges elendt verjagen wil? Es ist eine boͤse gewohnheit/ das wir menschen ge- meiniglich auff das gluͤck schelten/ welches wir vns doch auff dem eigenen amboß vnserer boßheit geschmiedet haben: oder wollen die zeitfuͤr gerichte laden/ die/ wann sie ie was boͤses begehen kan/ nichts aͤrgers thut/ alß daß sie sich vns so reichlich vndt milte ver- leihet. Armer schaͤffer! Wilt du lieben/ warumb bleibst du nicht wo du wirst geliebet? Oder gedenckest du der liebe zue entfliehen/ so entfleuch erstlich deiner eigenen person/ vndt laß das gemuͤte zue lieben daheimbe; wo du anders nicht einen krancken mitt dir fuͤh- ren/ vndt seine siecheit durch die bewegung mehr erwecken wilt. Soll dir ie die freyheit/ welche dir von kindtheit an gefallen/ zue theile werden/ so sey nicht allein anderswo/ sondern auch anders/ vndt segele mitt gebundenen augen vndt verstopfften ohren zue der gedult dem hafen des kummers/ welche dich sampt jhrer muter der zeit in gewuͤndtschte sicherheit setzen kan.
Mitt solchen vndt dergleichen gedancken schlug ich mich eine lange weile/ biß ich in dem hin vndt wieder gehen nahe bey einem klaren quelle/ das mitt anmutigem rauschen vndt murmeln von einer klippen herab fiel/ zue einer glatten vndt hohen tannen kam/ die mir dann bequem zue sein schiene/ ein gedaͤchtnuͤß meiner sor- gen zue verwahren. Schnitte ich also auff jhre rinde nachfol- gendts
Sonnet.
B
Es ist
Es ist gewagt; ich bin doch gantz entschloßen Jetzt noch ein mal zue laßen vnser landt/ Vndt hin zue ziehn wo auch ist mordt vndt brandt/ Wo auch das feldt mitt blute wirdt begoßen.
Es ist gewagt: heißt aber diß genoßen Der liebe frucht
?
ist diß des feste bandt Der waren gunst? schlaͤfft deine trewe handt? Ist deiner lust gedaͤchtniß gantz beifloßen?
Wo bleibet dann der mundt/ die augen/ dieses haa
r
Vndt was sonst mehr dein trost vndt kummer war? Was thue ich dann? ich bin selbselbst verlohren
Verlier ich sie: verbleib’ ich dann allhier So ist doch nichts als wanckelmuth an mir: Ich habe recht den wolff jetzt bey den ohren.
Ich schnitzte noch uͤber dem letzten worte/ als mir ein lieblich- es gethoͤne vnterschiedener querpfeiffen vndt wolklingender music zue ohren kam. Wiewol ich mich nun besorgete/ daß durch solche ankunfft anderer mir meine einsamkeit/ bey der ich mir jetziger be- schaffenheit nach nicht ließ uͤbel sein/ moͤchte abgestrickt werden: so zwang mich doch die begiehr die jenigen zue erkennen/ welche der schoͤnen einstimmung wegen entweder der Musen soͤhne/ oder auch die Musen selbst zue sein schienen/ daß ich jhrer/ weil sie son- derlich gerichts auff mich zue giengen/ erwartete. Wie ein ploͤtz- liehes vndt großes liecht die augen fuͤr seinem schimmern nicht se- hen leßt/ also blendete vndt verwirrete mir die vnverhoffte doch ge- wuͤndtschte gegenwart der berhuͤmbten hirten/ vndt meiner vor diesem liebsten mitgesellen/ Nuͤßlers/ Buchners vndt Venators/ hertze vndt sinnen. Seidt jhr es/ sagte ich; oder muß auch ewer schaten mein fasterliegendes gemuͤte auff zue richten an diesen ort kommen/ dahin ich nicht allein von allen menschen/ sondern
auch
auch von allen geschaͤfften entwiechen bin? Ja/ wir sindt es/ hub Venator an/ vndt ich fůr meine person/ habe endtlich zue wercke gerichtet/ was ich dir laͤngst gedrewet; auch vnserem Buchner/ wie- wol er kuͤmmerlich einen gefunden/ dem er seine herde indeßen ver- trawen koͤnnen/ dennoch anlaß gegeben/ dich vndt deinen Nuͤßler/ der sich dir zue gefallen auch mitt vns hieherwerts erhaben hatt heim zue suchen.
Hieruͤber empfingen wir einander saͤmptlich. Vndt du Bru- der/ fieng ich wieder Buchnern an/ bist mir ein angenemer gast in diesen orten. Ich zweiffele nicht/ sagte er; aber du mir ein fluͤchti- ger wirth. Jetzt habe ich erfahren/ daß der jenige niergendt sey/ der allenthalben ist. Es hatt seinen ort/ sagte Nuͤßler/ daß du dem/ der es so gnaͤdig mitt dir meinet/ folge zue leisten/ von den gruͤnen wie- sen vndt fruchtbaren feldern vnserer Hauptstadt dahin gewiechen bist/ wo wir dich ehegestern gesucht/ vndt von dannen wir der trifft nach hieherwerts gegangen sindt. Welche notwendigkeit aber le- get dir auff/ die zeit dermaßen absonderlich zue verschließen/ vndt in solcher einsamkeit herumb zue wandern? Du weißest wol/ gab ich zur antwort/ daß ein mensch der gedancken hatt/ niemals we- niger allein ist/ als wann er allein ist. Vnd was sindt es fuͤr gedan- cken? sprach Venator: solten sie wol an jener tannen stehen? (dann sie hatten mir von ferren zuegesehen.) Wie gern ich sie auff was anders leiten wollen/ traten sie dennoch hinan/ vndt lasen. Zwey wiederwertige dinge/ sagte eben er Venator; lieben/ vndt reisen. Ich habe freylich gehoͤret/ daß du deinem Vaterlande auff etzliche monat guete nacht geben/ vndt in dem koͤnigreiche darauß ich new- lich abgereiset bin/ die ziehr der staͤdte/ die schule der leutseligkeit/ die muter der gueten sitten auff der insel der Seyne begruͤßen wilt. Es wirdt dich aber der strenge dienst/ in dem du dich befindest/
B ij
nicht
nicht weit kommen laßen. Der jenige gab ich zur antwort/ dem ich getre wlich auff zue warten verbunden bin/ ist so gar mitt mir zue frieden/ daß er mir nicht allein diesen spatzierweg zue erlauben/ son- dern auch allen gnaͤdigen vorschub zu thun auß gewoͤhnlicher leut- seligkeit vndt liebe gegen mir verheißen hatt. Hieran ist kein zweif- fel/ sagte er; wann ich aber dem bawme gegenuͤber glauben soll/ so steckest du in einer solchen dienstbarkeit/ welche dir dem beduͤncken nach so angenem ist/ daß du jhr deine freyheit/ wie hoch du sie/ vndt billich von jugendt an gehalten hast/ willig auffopfferst. Ich lachte/ vndt Die warheit zue bekennen/ gab ich zur antwort/ du koͤmpst fast auff die meinung meines nechsten liedes. Ey laß es vns doch auch hoͤren/ sprach er; gefelt vns der innhalt nicht/ so ergetzen vns doch die worte. Vieleicht auch diese schwerlich/ sagte ich; dann sie nicht wenig von der einfalt an sich haben/ welche sie loben. So ist es auch jetzundt nicht zeit zue singen/ weil vns Gott vndt das ge- neigte Glůck erst zuesammen fůgen. Doch dein weiteres guetach- ten herauß zue locken/ soll mich die muͤhe nicht rewen. Sang ich derowegen/ so guet ich es gelernet/ folgender maßen:
Ist mein hertze gleich verliebet In ein schlechtes maͤgdelein/ Die mich troͤstet vndt betruͤbet/ Soll ich darumb vnrecht sein? Liebste/ deiner schoͤnheit liecht Mindert sich durch einfalt nicht.
Was das Gluͤcke dir nicht schencket/ Das verdient doch deine ziehr/ Vndt worauff mein hertze dencker Solches hast du gantz bey dir; Was mein hertze denckt hast du/ Vndt das hertze selbst darzue.
Ein
Ein bestendiges gemuͤte/ Das auß keiner furchte weicht/ Sucht jhm gleichfalls ein gebluͤte/ Eine seele die jhm gleicht/ Sieht fuͤr allen dingen an Trew auff die es bawen kan.
Niemandt wirdt mir vnrecht geben; Gohe brunst bringt furcht vndt neidt; Deiner liebe frucht/ mein Leben/ Ist begabt mitt sicherheit/ Die ich einig mir erkiest/ Vndt mein reiches ermutt ist.
Dich mitt rhue besitzen koͤnnen Ist mein trost vndt gantze lust: Bleib auff deinen trewen sinnen/ Liebste/ wie du jetzundt thust; Meine freyheit soll allein Deiner liebe dienstbar sein.
Der liebe dienstbar sein/ hub Venator an/ heißet die liebe zum herren haben: dann welcher dienet/ muß einen herren haben dem er dienet. Ist jhm nicht also? Ja sagte ich. Ein herr redte er weiter/ ist der jenige/ der das was er wil/ oder nicht wil/ zue thun oder zue laßen macht hatt. Wirdt dich nun die liebe zue halten begehren/ die mehr einem tyrannen als einem herren aͤhnlich siehet/ weil sie nicht allein den leib/ sondern auch das freye theil des menschen das gemuͤte zum sclaven macht/ so schawe du/ wie es vmb deinen vor- satz stehen wirdt. Gehe aber in dich/ vndt bedencke/ ob du mehr vr- sache hast/ diesem vnbarmhertzigen herren zue dienen; oder mehr vermoͤgen/ jhn selbst dienstbar zue machen. Wann die liebe der- gleichen beschaffenheit an sich hette/ wie wir vns einbilden/ vndt nicht vnter jhrem scheinbaren glantze ein greifflicher betrug steckte/
B iij
so koͤn-
so koͤndten wir sie fuͤr einen regenten paßiren laßen; angesehen/ daß sie uͤber alle furcht vndt notwendigkeit sitzen/ vndt jhre frey- heit vnbeleidigt wißen wil. Sie verwundert sich uͤber kein reich- thumb/ sie fuͤrchtet keinen koͤnig/ schewet kein gerichte/ vndt pfle- get keinen todt zue fliehen. Sie leßt sich durch kein fewer/ kein waß- ser/ keinen degen/ kein thier noch menschen/ keine hoffnung des gluͤckes/ noch verlust der wolfarth von jhrem vorsatze bringen. Was andere meiden das verachtet sie; vndt was andern schwer fuͤrkompt/ das macht sie jhr leichte. Sie schwimmet durch die teuf- fe der fluͤße/ se gelt im vngewitter/ vndt klettert uͤber alle berge. Sie hatt alles in jhrer gewalt/ vndt macht jhr alle gewalt vnterwuͤrf- fig. Ein herrliches wesen/ wann diß alles auß einem muthe der tu- gendt/ vndt nicht auß verwegenheit/ offtmals auch auß verzweiffe- lung/ herrhuͤrete; wann jhre endtursache mitt den vmbstaͤnden uͤ- berein stimmete/ ja wann sie nicht eben die jenige were/ daruͤber so viel hirtengetichte schreyen/ welche auff allen schawplaͤtzen gezei- get/ vndt in allen fabeln verklaget wirdt; voll wuͤtens/ voll vnge- dult/ voll weinens vndt jammers ist. Worzue wirdt sie dann dar- zue verursacht? Durch die schoͤnheit; wirft du sagen. Wo
l
es ist natuͤrlich/ daß ein mensch sich an natuͤrlichen sachen erlustige Ich zweiffele aber sehr/ ob es mitt einer solchen schoͤnheit/ die von denen welche mitt der rechten Schoͤnheit vnbekandt sindt dermaßen gepriesen wirdt/ nicht eben bewandt sey wie mitt den Egyptischen tempeln vorzeiten; die zwar an sich selber kost- bar vndt praͤchtig erbawt gewesen: hettest du aber einen gott da- rinnen gesucht/ so wuͤrdest du an siat seiner etwan einen bock/ einen affen/ oder eine katze gefunden haben. Wilt du sehen was schoͤn- heit ist/ so mußt du die augen der vernunfft zue rhate nemen/ vndt jhr die vnbaͤndige begiehr der liebe/ wie das pferdt dem zaume/ den bogen dem schuͤtzen/ das schiff dem stewerruder/ das werckzeug end- lich dem meister vnterwuͤrffig machen. Dann wie die vernunfft ohn die liebe vnvollkommen ist also ist die liebe fast vnbesonnen/ wann sie der vernunfft nicht gehorchet. Dieser gehorsa
me
man ist nichts anders als der vernunfft vndt liebe vermaͤhlung/ die kue- gleich vndt mitteinander hitzig vnd in einem rennen auff die schoͤn- heit zue eilen. Welcher nun dieselbte in dem leibe/ in den vmb- schweiffenden augen/ gebleichten haaren/ gemahlten wangen/ vndt was dem anhengig ist/ suchen wil/ der findet eußerlich eine schnoͤde vergengligkeit/ ein zerbrechliches guet/ einen stuͤndtlichen raub/ einen piltz der zuegleich leuchtet vndt vergehet; inwendig a- ber offtmals wanckelmuth/ betrug/ vndt wie etwan vnsere Poͤeten am besten hiervon zue reden wißen. Von denen ich gleichwol ei- nen/ doßen name aber nicht verhanden ist/ kaum loben kan/ der ein wenig zue sehr vber die schnur haͤwet/ vnd gar sagen darff:
Vertrawe dich der see/ dem Frawenzimmer nicht;
Die weil kein glaß so baldt als jhre gunst zerbricht.
Kein weib ist guet/ vndt ist ja eines oder zwey/
So weiß ich nicht wie guet auß bòsem worden sey.
Andere sprechen:
Wer jhnen glaubt fengt windt auff mitt der handt/
Pfluͤgt in das meer/ vndt seet in den sandt;
welche worte ich sie dann verfechten laße. Wiewol auch eine stol- tze abgefuͤhrte Dame/ (dann also nennen sievnsere auffwarter) die niergendt schoͤner ist als in jhrem eigenen spiegel/ offtmals mit gleicher muͤntze bezahlt wirdt/ als in welcher kundtschafft sich ein- heimbische vndt frembde zue spielen pflegen/ nicht liebe zue suchen/ welche bey einem vnbestendigen weibe nur uͤbel angeleget ist/ son- dern sich mitt jhrem anmutigen gespreche vndt buhlerischen sitten zue erlůstigen. Diese aber wie klug sie auch ist/ mercket doch nicht/
daß jhr
daß jhr solche hoͤffligkeit mehr der ergetzung/ als liebe wegen er- zeigt werde. Darumb wie sie durch jhr taͤgliches auffnemen vndt taͤgliches verstoßen andere schertzet/ also wirdt sie von andern wie- der geschertzt. Ein mal ist es gewiß/ daß eine solche liebe gemeinig- lich eine arbeit des muͤßigganges/ eine hoffnung der vnbedachtsam- keit/ vndt darumb eine beherrscherinn eines knechtischen hertzens ist/ weil diese fluͤchtige schoͤnheit mehrmals mitt so vielem auffwar- ten/ flehen/ weinen vndt fußfallen/ dergleichen zue thun ein edeles gemuͤte in reiffes bedencken nimpt/ wil bedienet werden. Soll a- ber je die liebe recht antreffen/ so muß sie die vernunfft zum gefehr- ten haben/ muß den eußerlichen sinnen/ sonderlich aber den augen/ welche als zwey vnachtsame thuͤrhuͤter zum offtern allerhandt fal- sche meinungen zue dem gemuͤte einlaßen/ den muth brechen/ vndt durch vrtheil vndt verstandt von der außwendigen schoͤnheit zue der inwendigen/ welche durch diese angenemer gemacht wirdt/ dringen koͤnnen. Wie die blumen so an sich selber schoͤne sindt/ dennoch anmutiger zue sein scheinen/ wann sie vnter einem klaren waßer herfuͤr leuchten: also ist die bluͤte des gemuͤtes/ wann sie mitt einem schoͤnen leibe vmbhuͤllet ist. So soll nun die schoͤnheit des leibes nichts anders sein als ein fůrfechter der bluͤte der tugendt/ vndt als ein heroldt einer groͤßeren schoͤnheit weder sie nicht ist: als wie der glantz/ welcher sich diesen morgen von hiesigem gefilde blicken ließ/ ein vorbote der guͤldenen Sonnen war. Wie ferner Pythagoras die Sonne fuͤr einen gott/ Anaxagoras fuͤr einen stein ansahe; also wirdt die schoͤnheit anders von den begierden/ anders von der vernunfft angesehen/ welche auch von dieser jnner- lichen schoͤnheit allgemach zue der jenigen steigen lernet/ die dem was allenthalben ist seine schoͤnheit verliehen hatt. Alß dann wie- derfehret vns wie etwan menschen/ welche jhre gantze lebenszeit in
einer
einer finsteren hoͤlen zuegebracht/ vndt an stat des liechtes nur ei- nen schatten der coͤrper vndt dinge die bey vns auff erden sindt er- kieset/ dieselbten auch fuͤr die rechten vndt warhafftigen gehalten haben. Dann wie es vermuthlich ist/ wann sie auß dem tunckelen an das klare lietht kommen solten/ daß sie nicht allein alles was sie zuevor gesehen/ sondern auch sich selbst als betrogene leute verach- ten wuͤrden: also auch vnsere gemůter/ wann sie der vergenglichen schoͤnheit entronnen/ vndt durch die schoͤnheit der tugendt einen weg zue der goͤttlichen gefunden haben/ so fangen sie jhren eitelen wahn vndt vorige thorheit von hertzen an zue verdammen. Wie nun ein mensch in einem bilde die kunst/ vndt nicht das bildt/ in ei- ner pflantze die frucht/ vndt nicht die pflantze/ liebet: also mußen wir in einem schoͤnen frawenzimmer nicht die gestalt/ sondern/ wo sie verhanden ist/ die schoͤnheit des gemuͤtes/ vndt in dem gemuͤte die schoͤnheit deßen von dem sie hergerhuͤret/ erheben vndt hoch- halten. Vndt hergegen/ wie wir den vrsprung aller schoͤnheit uͤber alles zue ehren schuldig sindt/ also sollen wir seinenthalben auch die schoͤnheit des gemuͤtes/ vndt dieser wegen die schoͤnheit des leibes lieben; weil sie sich nicht weniger zueweilen darinnen blicken leßt/ als die edelsten fluͤße/ die wann sie sich in das meer außgießen/ den vorigen suͤßen geschmack vndt lautere farbe in dem gesaltzenen waßer dennoch nicht baldt verlieren. Das uͤbrige/ was von eite- len gedancken gesucht wirdt/ ist nicht eine liebe/ sondern eine begier: dann die liebe siehet auff die schoͤnheit/ die begier auff die wollust/ welche wann sie herr/ vndt die vernunfft knecht ist/ so mußt du jhr folgen/ sie befehle was sie wolle. Kanst du aber der wollust ie nicht entberen/ so wiße daß keine groͤßere als ein befiendiges gemuͤte ist/ das mitt einem gueten gewißen begleitet wirdt. Daßelbige leßt sich keine liebe/ keine falsche lust/ keine betruͤbende froͤligkeit/ keine
C
furchte
furchte noch hoffnung vonseinem ehrlichen vorsatze dringen. Was wilt du doch der jenigen dienen/ welther du zue gebieten hast? welche du mitt dem zaume der vernunfft anhalten/ mitt der schaͤrffe einer freyen entschließung als eine leibeigene magdt von dir verstoßen kanst? Die frucht der schoͤnheit/ die im gemuͤte bestehet/ die nicht zuegleich mitt den zaͤhnen wurmstichig/ mitt den haaren greiß/ mitt der stirnen geruntzelt/ mitt den wangen bleich/ mitt den augen trieffendt vndt tunckel wirdt/ die mitt der zeit gewalt nichts zue thun hatt/ dieselbte wirdt dich uͤber landt vnd see/ durch waßer vndt waffen/ in gluͤck vndt wiederwertigkeit begleiten. Ist dir aber vn- moͤglich der jenigen liebe zue hinterlaßen/ die vieleicht in deinen augen schoͤner ist/ als in anderer leute/ vndt die wir drey auch nur nicht zue kennen begehren; so kanst du bey glauben sicherer hier bleiben; dann eine solche lust wird nur uͤbel sein fort zue bringen.
Eine stattliche rede/ mein Bruder/ sagte ich/ vndt die leicht- lich zue erkennen giebt/ in was fůr einer schulen/ bey was du fuͤr ei- nem manne (der allein exempels genung ist/ daß ein weißer mann dem gluͤcke die wage halten/ vndt dem vngestirne der zeiten gebieten kan) an den trechtigen feldern des Reines/ wo die Elle vndt Breusche von jhm verschluckt werden/ vorwiechener zeit ge- lebet hast deiner eigenen geschickligkeit/ welcher Apollo vndt der himmel nichts versaget/ zue geschweigen es leßt sich aber derglei- chen viel behertzter reden/ als in das werck richten. Doch verhoffe ich eine solche maͤßigkeit in der liebe zue treffen/ daß sie mich an meinem fuͤrhaben dennoch nicht verhindern soll. Wer seinem la- ster/ gab Venator zur antwort/ eine maße sucht/ ist eben als wolle er glauben/ einer der sich von jenem gaͤhen felsen stůrtzete/ koͤnne sich wann es jhm geliebte im herab fallen besinnen vndt wieder- halten. Dann wie diß zue thun vnmoͤglich; also kan ein verwirrtes
vndt
vndt erhitztes gemuͤte sich weder hinterziehen/ noch an dem orte wo es wil verbleiben. Es weiß auch derjenige/ welcher allbereit lie- bet/ so wenig mitt was maße er heben soll; als wenig einer/ dem man die augen außgeßochen hatt/ weiß wo er hin soll gehen.
Ich muß jhn gleichwol nicht gar huͤlffloß laßen/ fieng Nuͤß- ler an/ vndt bilde mir gaͤntzlich ein/ daß er jhm auff der Poeten art/ welche/ der Natur nichts nach zue geben/ offtmals sachen erden- cken/ die nie gewesen sindt/ noch sein werden/ eine liebe mache/ die er nie in denn sinn gebracht/ vndt zum theile anderer leute buhl- schafften/ eitelkeiten vndt můßige vnrhue durch seine ertichtete fuͤr- bilden/ zum theile die einsamkeit/ darinnener sich dieser zeit befin- det/ lieber mitt diesem/ als mitt nichts thun erleichtern wolle. Steckt aber auch etwas von dem anmutigen uͤbel bey jhm/ das vnseren standes leuten nicht vngemein ist/ so schaͤtze ich jhn freilich weniger gluͤckselig als die jenige/ welcher er mitt seiner Poeterey ein vnsterbliches lob vndt geruͤchte vervrsachen wirdt; wiewol das Frawenzimmer dergleichen offtmals entweder nicht versiehet/ o- der vnsere getichte lieber als vns hatt. Ich hoffe aber gaͤntzlich/ das reisen/ darzue mir bißher niemals der wille/ sondern das gluͤck vndt die vmbstaͤnde meiner gantzen wolfahrt gemangelt haben/ werde jhm in kůrtzen was anders an die handt geben.
Vndt ob ich wol/ liebster mittgeselle/ sagte er zue mir/ deine abwesenheit kaum mitt gedultigem hertzen werde ertragen koͤn- nen/ so finde ich doch nicht/ wann ich meine ergetzligkeit deinem fromen nachsetzen wil/ was ich dir aller beschaffenheit nach beß- sers rhaten/ oder auch wuͤndtschen solle. Wie ein waßer das nie- mals gereget wirdt/ endtlich anfengt zue faulen vndt stincken: also werden auch vnsere gemuͤter durch vbermaͤßige rhue traͤge vndt verdroßen gemacht; welche weil sie etwas himmlisches sindt/ so
C ij
sollen
sollen sie auch billich dem himmel/ der ohn vnterlaß in bewegung ist/ nachfolgen. Vndt wann du diesen großen menschen die welt ansiehest/ was leßt darinnen vngereiset? Die Sonne vmbwan- dert den erdenkreiß alle tage: der Monde/ vndt der gantze poͤfel des gestirnes/ haben jhre wanderschafft/ troͤsten durch jhr liebliches an- blicken die vmbschweiffenden/ vndt zeigen den jrrenden haͤusern den schiffen wo sie hin sollen. Hast du nie gesehen/ wie die see von jhrem vfer zue rechter zeit hinweg geflohen/ vndt auff gewiße stun- de allzeit ist zueruͤck gekehret? Die vierfuͤßigen thiere lauffen von einer wildtniß in die andere; die fische steigen auß der see in die flůße; die voͤgel/ welche jetzundt hauffen weise in jhr winterquartir geflogen sindt/ werden mitt dem anbrechenden fruͤlinge wieder hie- her vndt zue felde kommen. Ja die gantze Natur giebt vns anlaß zum reisen/ vndt wil vns gleichsam zeigen/ daß wir auff ein vater- landt gedencken sollen/ welches nicht krieget noch bekrieget wirdt/ vndt die stete herbrige aller fromen wandersleute ist. Zwar wir pfle gen von Natur das jenige landt zue lieben/ deßen athem wir erst- lich geschoͤpfft/ das wir zum ersten getreten/ dem wir vnsere kindt- heit vndt aufferziehung zue dancken haben/ vndt darinnen vns lufft/ waßer/ flůße/ aͤcker vndt alle gelegenheit am besten bekandt sindt wir reisen aber darumb/ daß wir jhm nach vnserer zueruͤck- kunfft/ vndt erlernung frembder voͤlcker sprachen vndt sitten/ desto rhuͤmlicher sein moͤgen/ vndt mitt dem was wir auff gemerckt zue staten kommen. Dann mitt diesem bedinge/ mein Bruder/ wirst du hinweg gelaßen/ daß du/ wann der außgang dem vorsatze uͤber- ein stimmet/ vns deiner uͤber die zeit nicht entberen laßest. Ander- werts den fuß ein zue setzen/ verursacht ein stetes verlangen nach den seinigen/ vndt gemeiniglich einen neidt bey denen/ wohin wir vnseren zuestandt gepflantzt haben. Wiewol auch nicht ohn vrsach:
dann
Dann durch befoͤderung frembder bleiben die einheimischen da- hinden stehen; vndt wann solches nicht maͤßig geschiehet/ muß endtlich mißvertrawen/ vnrhue/ auch wol gar verenderung des allgemeinen wesens darauß erwachsen: welches die alten Roͤmer wol wußten/ vndt heutiges tages die klugen fischer in der Adria- tischen see zimlich in acht nemen. Zur Pestzeit/ wann die todten- graͤber in ein hauß gehen/ so kan man leicht gedencken/ daß je- mandt darinnen gestorben sey: also zeiget die einnemung der auß- laͤnder (welches aber allein von der uͤberhaͤufften menge zue ver- stehen ist) daß nur der gemeine nutz in letzten zuͤgen liegt.
Von dir wil ich mir nicht einbilden/ daß du dich eines vndt anderes truͤbes woͤlcklein vnsers Vaterlandes vertreiben laßest; dann du ja auß der aschen in das fewer/ vndt an die jenigen orte gedenckest/ wohin das freßende wuͤten der waffen/ vndt die rache der gesuchten beleidigung/ sich auß hiesigen winckeln erst recht zue wenden/ vndt alles auff eine merckliche verenderung angesehen zue sein scheinet. Ich mache mir viel mehr rechnung/ daß die lie- be der deinigen/ vndt die rhue welche dir bißher so gnaͤdig ist ver- liehen worden/ deinen fuß offtermals zueruͤcke ziehen/ vndt dei- ner entschließung dieses vndt jenes in den weg wollen werffen. Wie nun freylich ein freundt ein lebendiger schatz ist/ der lange ge- sucht/ kaum gefunden/ vndt schwerlich verwahret wirdt: so ist doch die vngefaͤrbte liebe an keinen ort gebunden/ vndt jhre ab- wesenheit wirdt zum theil durch das gedaͤchtniß voriger gesell- schafft/ zum theil durch schreiben/ welches die rechten fußstapffen vndt kennezeichen trewer gemuͤter sindt/ nicht wenig ertraͤglicher gemacht. So weiß ich auch nicht/ wie gar zue siete gemeinschafft vns gemeiniglich zart/ vndt auch deßen uͤberdruͤßig macht/ was
C iij
im
im leben das beste ist. Zue geschweigen/ was du auch an jenem orte entweder allbereit fuͤr grosse berhuͤmbte leute zu freunden hast/ oder doch bekommen wirst: welche nur zue sehen ich fuͤr ein theil meiner gluͤckseligkeit schaͤtzen wolte. Ist ferner etwas dergleichen/ weßen dich Venator beschuldiget/ vndt liebest der schoͤnheit we- gen/ so wirdt auch solches verlangen eher verschwinden als du jetzt vermeinen magst. Eines fuchsschwaͤntzers freundtschafft besteht nicht lange/ weil die heucheley vndt anmaßung der falschen war- heit durch die zeit verzehret wirdt: wer nun der schoͤnheit oder ziehr wegen liebet/ der giebet nur einen schmarotzer bey dem welchen er liebet/ vndt sindt also seine guete worte auff kein ewiges angese- hen. So mußt du auch wißen/ ob du wieder geliebet wirst/ oder nicht: dann ich wil nicht hoffen/ daß du auß der jenigen zahl sey- est/ welche sich selbst einer gegenliebe bereden wo sie nirgendt ist/ vndt wie jener sindt/ der jhm in seiner froͤlichen bloͤdigkeit einbil- dete/ alle schiffe die auß Indien segelten weren seine; gieng an den port/ frewete sich uͤber jhrer gueten ankunfft/ hieß außladen/ vnd was der narrheit mehr war: auch uͤber diß mit seinem bruder zůrn- te/ daß er jhm durch die aͤrtzte von solcher reichen thorheit abhelf- fen lassen/ vndt jhn seiner besten lust beraubet hette.
So bist du in aller zeiten historien vndt exempeln dermaßen durchtrieben/ daß du wol weißest/ wie das frawenzimmer nicht allein offtmals die wangen/ sondern auch die worte zue faͤrben pfleget/ vndt daß kein waßer geschwinder eintrucknet als weiber- threnen. Wie ich dir ferner mitt trawrigen augen nachschawe/ so bin ich der hoffnung/ der wahren welche du zue holen außzeuchst/ die kein Zoͤllner anhalten/ kein seerauber versencken/ kein fewer verzehren kan/ ehist durch dich zue genießen. Du bist in dem alter/ da die besten reisegesellen wahl vndt vrtheil mitt dir ziehen/ vndt
wirst
wirst nicht nach art etlicher jungen leute/ an siat der tugendt eine nichtige wißenschafft/ einen leichten schatten der hoͤffligkeit vndt gueter uͤbungen ertappen; weßen die außlaͤnder/ welchen man jh- re leichtfertigkeit/ laster vndt gauckeley thewer genung bezahlen muß/ in die faust hinein lachen. Von welcher jungen purß new- lich einer sagte; sie kaͤmen jhm fuͤr/ wie wann man etwan eine wandt ansiehet/ vndt auß tunckelen striechen vndt zuͤgen vermei- net/ als ob koͤpffe von thieren/ waßer vndt waͤlder daran stuͤnden/ da doch nichts dergleichen verhanden were: dann alle gebrechen mußten in jhren augen eine tugendt sein/ also daß sie eine hofferti- gen Spanier anders nicht als ehrbahr/ einen vnverschaͤmten Welschen freundtlich/ einen leichtsinnigen Frantzosen behertzt/ einen springerischen Engellaͤnder hurtig/ vndt einen versoffenen Deutschen lustig vnd vertraͤwlich zue nennen pflegeten. Du hast die sitten der hoͤfe/ da so viel much vndt schmincke verkaufft wirdt/ zimlich erfahren; vndt wirst wißen/ daß wie daselbst/ also auch auff reisen eine sparsame Zunge/ vndt ein verschloßenes hertz hoch von noͤthen sindt. Letzlich wann dich der fahrmann des leibes das gemuͤte/ durch so viel festungen/ staͤdte vndt Laͤnder fuͤhren wirdt/ wann du augen vndt sinnen zum genuͤgen fuͤllen/ vndt die muͤdig- keit des weges mitt ergetzung/ diese mitt jener vermengen wirst/ so schawe zue/ daß du die segel deines lebens nach dem leitsterne der vnvergaͤngligkeit allzeit wendest/ vndt die weltlichen dinge al- so ansehest/ daß du betrachtest/ es beherrsche sie keiner nicht beßer/ als der jenige welcher sie verachten kan.
Aber/ sagte Nuͤßler/ was halten wir vnsere gaͤste mitt ande- ren reden auff/ weil jhnen vieleicht lieber wore/ in diesen plaͤtzen vndt gefilden sich vmb zue schawen? Sie ließen es jhnen belieben/ satzten sich zuvor etwas vnter den schatten der hohen baͤwme/ vndt
erzehl-
erzehlten von diesem vndt jenem/ was es theils in eines jeglichen seinem vaterlande/ theils mitt jhrem eigenen zuestande fuͤr beschaf- fenheit hette. Als sie nachmals vermeinten weiter zue gehen/ vndt die gelegenheit selbiger orte zue besichtigen/ kamen sie ohn gefehr an eine schoͤne bach/ die mitt jhrem silberglaͤntzenden waßer die au- gen/ vndt mitt dem lieblichen geraͤusche ohren vnd sinnen ergetzete. Ein edeles fluͤßlein/ fieng Venator an/ vndt weil die berge dermas- sen nahe sindt/ so muß es nicht weit hiervon entspringen. Laßt vns/ sagte Buchner/ ein wenig daran hinauff spatzieren. Wir wa- ren fast an den wurtzeln des schneegebirges/ als wir einer Nimfe/ die an einer frischen grotte oder hoͤle auff den lincken arm gelehnet lag/ gewahr worden/ welche mitt einem subtilen durch scheinen- den schleyer bekleidet war/ die haare/ so mitt einem gruͤnen krantze geziehret/ auff eine frembde art auffgebunden hatte/ vnd vnter der rechten handt ein geschirr von dem weißesten marmor hielte/ dar- auß das quell des baͤchleins geronnen kam. Wiewol wir nun uͤber dem ploͤtzlichen anschawen nicht allein erschracken/ sondern auch im zweiffel stunden/ ob wir stehen solten oder lauffen/ fieng doch die schoͤneste creatur/ oder viel mehr goͤttinn/ mitt anmutiger stim- me also an zue singen:
Ihr hirten/ die jhr kompt zue schawen
Die quelle/ diese berg’ vndt awen/
Ihr hirten/ lauffer nicht vor mir/
Ich bin des ortes Nimfe hier.
Der Zacken den jhr mich seht gießen/
Der minste von den kleinen fluͤßen/
Fuͤhrt oben silber klare flut/
Sein reiner sandt tregt goldt vndt guet.
Warumb sich freundt vndt feinde neiden/
Darbey koͤnnt jhr die schaffe weiden.
Wer
Wer goldt zue waschen erst gelehrt/
Hatt ja die menschen hoch versehrt!
Die goͤtter lieben solche sinnen/
Die guͤldinn’ einfalt lieben koͤnnen;
So kompt/ jhr hirten/ schawet an/
Was ich/ vndt kein mensch zeigen kan.
Wir stunden verwundert vnd bestuͤrtzt/ weren auch auß schre- cken zueruͤck gelauffen/ wann sie mich nicht mit hoͤfflicher demut bey der handt genommen/ vndt die andern zue folgen vermahnet hette. Als wir in die hoͤle hinein kamen/ sahen wir nichts fuͤr vns als ein lauteres waßer/ das sich gegen jhr wie ein berg aufflehne- te/ vnd wir also trucken hindurch giengen. Von dannen befunden wir vns in einer fast kůhlen grotte/ auß welcher nicht allein dieses waßer saͤmptlich gefloßen kam/ sondern auch andere stroͤme durch verborgene gaͤnge vndt adern der felsen hinauß drungen. Diß ist/ sagte sie/ die springkammer der flůße/ darvon so viel felder be- feuchtet/ so viel flecken vndt staͤdte versorget werden. Diese kleine- re bach (darauff sie dann mit jhren schneeweißen fingern zeigete) ist auch ein theil des Zackens an dem jhr hieher gegangen seidt/ vndt wirdt nicht ferren von dem gebirge mitt dem andern vermen- get. Hier zur seiten sehet jhr den vrsprung desfischreichē klaren Bo- bers/ der jhm in einem schattichten walde sein thor gesucht hatt/ da- rauß er sich durch berg vndt thal zwinget vndt windet/ vndt/ nach dem er bey Hirschberg den Zacken in sich geschluckt/ auch etzliche staͤdte/ darunter/ sagte sie zue mir/ dein nicht allein dir sondern auch vns Nimfen liebes/ aber erschoͤpfftes Vaterlandt ist/ be- gruͤßet hatt/ endtlich an dem ende des landes Schlesien seinen strom vndt namen der Oder/ dem haupte vndt regentinn der Schlesischen flůße/ zuegleich einantwortet. Wie dann die goldt-
D
fůhrende
fůhrende wilde Katzbach/ derer brunnen nechst darbey herauß quillet/ nicht weit von Parchwitz dergleichen thut. Stracks ober- halb dieser krieget der durchbrechende Queiß/ da zur seiten die hochfallende Aupe/ vndt/ wo jhr den glatten kieß sehet/ die Iser jhren vrsprung; welcher wir zwar wenig waßer/ dennoch aber so viel andere reiche gaben verliehen/ daß sie den mangel des gewaͤs- sers darmit wol ersetzen kan. Ich hette aus beg
i
ehr fast angefan- gen zue fragen: sie aber/ die es mir am gesichte ansahe; dieser große strom/ sprach sie/ der gerichts fuͤr euch mitt solchem stru- deln vndt prausen herauff steiget/ ist die Elbe/ so von jhrer ge- burtsstat den hohen Alben die wir uͤber vns haben den namen be- kommen hatt.
Wie wir vns nun uͤber den seltzamen dingen der Natur ver- wunderten/ vndt den vnerschoͤpfften lauff der gewaͤßer bestuͤrtzt in augenschein genommen/ auch von wegen des großen gethoͤnes vndt rauschens der auffspringenden fluten fast das gehoͤr verloh- ren hatten/ gieng sie durch ein weißes thor/ welches vns von mar- morstein zue sein beduͤnckte/ fůr vns her/ vndt; Beschawet nun/ sagte sie/ das ort/ welches fuͤr mannes augen zwar sonst verschlos- sen ist. In diesem Erdengemache pflege ich sampt meinen schwe- stern der Thalien/ Arethusen/ Cydippen/ Opis vndt den andern die zeit zue vertreiben. Diese anmutige hoͤle war nach art der al- ten tempel zirckelrundt/ vndt in zimlicher hoͤhe. Ringes vmbher stunden gefrorene cristallen saͤulen/ welche von der gruͤnen bewach- senen erden biß an die decke reichten/ vndt mitt jhrem durchsichti- gen glantze das gantze zimmer erleuchteten. Mitten innen saßen die Nimfen/ alle bluͤende vndt jung von antlitz/ auff gruͤnen tep- pichen in einem kreiße vmbher/ sponnen/ stickten vndt neheten an der subtilesten leinwadt/ hatten allerhandt liebliche gespreche/ vndt
erwehnte
erwehnete gleich damals eine/ wie die stoltze weberinn Arachne der Minerven kampff angeboten; weil aber jhre arbeit der himmli- schen nicht zuegesagt/ sich selbst erhenckt habe/ vndt nachmals in eine spinne verwandelt worden sey: daß sie nunmehr als ein bey- spiel der vermeßenheit fuͤr den augen aller welt wircken vndt weben muße. Wer seine hoffart an den vnsterblichen außlaßen wil/ fieng eine braͤunlichte an/ so Lycorias sein solte (vnsere begleiterian a- ber hieße Hereinie) dem bekoͤmpt es ja allzeit uͤbel; vndt erzehlte wie der naͤrrische Midas mitt seiner blockpfeiffen den Apollo auß- gefodert/ vndt endtlich nicht allein nicht den danck/ sondern auch gar eselsohren davon bekommen habe: welches er zwar/ gemei- nem gebrauche der menschen nach/ verbergen wollen/ solches auch seinem diener zue offenbahren verboten habe. Dieser aber/ dem gaͤntzlich zue schweigen vnmoͤglich gewesen/ were zue einem schilffichten orte gegangen/ hette seine heimligkeit den rhoren ver- trawet/ die/ wann der windt daran geschlagen/ nachmals alle zue schreyen angefangen:
Midas hatt eselsohren
. Sie lachten/ vndt; Es moͤgen wol rhore sein/ fieng eine andere an/ darmit gelehrte leute schreiben/ vndt die jenigen fuͤr der gantzen welt zue schanden machen/ welche mitt jhrem vnbesonnenen vr- theile von hurtigen vndt gelehrten gemuͤtern wol zue erkennen ge- ben/ daß sie Midas gleichen sindt.
Nicht weit von jhnen lagen etzliche lauten/ geigen vndt andere musicalische instrumente; auch koͤcher vndt pfeile/ die sie/ wann sie nebenst den Waldtgoͤtinnen vndt Bergnimfen sich mitt dem gesaͤgdte ergetzen/ zue gebrauchen pflegen. An der wandt wa- ren vnterschiedene historien mitt kleinen muscheln vndt kleinen steinlein/ vndt zwar so kuͤnstlich/ eingelegt/ daß wir hinzu giengen/
D ij
vndt
vndt es mehr fuͤr eines Apellens werck als fuͤr sonst etwas ansa- hen. Vnter andern stundt die geschichte/ wie der Jupiter/ welchen sein Vater Saturn freßen wollen/ dem aber die Muter Rhea ei- nen stein in die windeln gewickelt/ vndt zue verschlucken gegeben habe/ von jhren der Nimfen schwestern sey erhalten/ vndt durch einen adler bedienet worden. Baldt darneben/ wie andere auß jh- nen den Bacchus bey Nisa in Asien erzogen/ welche Jupiter nachmals zur danckbarkeit hinauff genommen/ vndt zue den Hya- den/ dem schoͤnen gestirne/ das vns gemeiniglich regen ankuͤndi- get/ gemacht habe. An einem andern orte/ wie die Nimfen Erato/ Pemfredo vndt Dino dem Perseus flůgel vndt tasche (welche jhm gleichwol von den mahlern der himmlischen bilder abgestrickt wirdt) geliehen/ durch derer hůlffe er der Medusen das haupt ab- geschlagen/ vndt endtlich die Andromeden/ der stoltzen Caßiopeen tochter/ von dem grawsamen meerwunder erloͤset. Ferner wie die Syrinx/ als sie fůr dem Pan geflohen/ in die pfeiffe so Mercurius nachmals gebraucht; wie andere Flußnimfen von dem erzuͤrnten Achelous in die Echinadischen inseln verwandelt worden; vndt was allhier zue erzehlen nicht gelegenheit ist.
Kompt weiter/ sagte Hereinie/ vndt beschawet die wohnung Thetis der vnsterblichen muter der Nimfen/ wann sie durch die verborgenen gaͤnge des erdtreichs mitt jhren seeroßen hieher zue fahren/ vndt vns zue besuchen pfleget. Wir giengen in begleitung aller anderen Najaden/ denen die gelben haare vmb den zarten halß vndt bruͤste/ vndt die duͤnnegewebten maͤntel vmb jhre bloße leiber flogen/ durch eine aͤrtzinne pforte/ vndt kamen in einen koͤst- lichen saal von großer laͤnge vndt breite. Der boden war an sich selbst cristallinn/ vndt mitt allerhandt schlangen/ fischen vndt meer wundern von anderer art berhůmbten steinen dermaßen eingefuͤ-
get
get/ daß wir im ersten anschawen fast nicht trawen vndt aufftre- ten wolten; deßen dann die Nimfen mitt einem suͤßen anblicke saͤmptlich lachten. An der gewoͤlbeten decke/ die mitt blawen lazur- steinen uͤber vnd ůber belegt war/ vnd durch welche auß zweyen run- den cristalliñen fenstern der anmutige tag den gantzẽ platz von oben her beleuchtete/ schiene nicht weniger von eben dieser koͤstlichen ar- beit das gefluͤgel als in den wolcken herumb schweben/ vndt man- gelte/ vnsers beduͤnckens/ nichts als die stimme. Auff beyden seiten stunden in gleicher zahl vndt abtheilung seßel von agsteine/ deren einer vmb den andern roth oder gelbe war. Hinten/ wie auch ge- gen der foͤderthůr zue/ waren zwey verguͤldete altare/ auff deren ei- nem dem großen Ocean/ auff dem andern der Thetis geopffert wardt. Nicht weit von einem jeglichen sprungen auß zweien wei- ten silbernen becken oder schalen/ so ingleichen von silbernen Si- renen gehalten worden/ sehr anmutige quelle/ die eine blancke me- talline kugel in die hoͤhe trieben/ vndt darmit spieleten; auch gleich wieder herab fielen/ vndt von sich selbst verschluckt vndt stets wie- derumb auffgestoßen worden. In der mitten war eine lange tafel von polirtem steine/ an welche Thetis mitt jhnen speise vndt tranck zue nemen pfleget.
Ihr hirten/ fieng Hereinie an/ wir wißen was der himmel vndt die Musen euch verliehen/ vndt mitt was fuͤr begiehr der wis- senschafft jhr behafftet seidt. So laßet euch nun/ indeßen das mei- ne Schwestern den Vnsterblichen jhren dienst erzeigen/ vnd jhr gebůrliches opffer fuͤrtragen/ von mir zeigen/ was die gemelde vnd schrifften an den waͤnden allhier in sich halten. Wißet/ sagte sie ferner/ daß alles was jhr biß anher gesehen vndt noch sehen wer- det/ in heimische außbeute/ in diesen gruͤnden geseiffet/ in diesen waͤßern gewaschen/ hier gefunden vndt gearbeitet sey. Der weiße
D iij
chalce-
chalcedonier/ der schwartze cristall/ der violbraune amethist/ der blawe saffir/ der striemichte jaspis/ die tunckelrothen granaten/ der fleischfarbene carniol/ der rothgelbe gifftfeindt der hyacinth/ der gelbichte beryll/ der vielfaͤrbichte achat/ der gelbe topazier/ welchen jhr in der handt jenes adlers (vndt zeigte einen adler an der de- cken darauff Ganymedes saß) als einen plitz fuͤnckeln sehet/ der helle demant/ sindt alle hier zue hause. Diese perlen/ dieses silber/ diß goldt ist in floͤtzen vndt quaͤrtzen/ flaͤmmicht vndt koͤrnicht in hiesigen reichen gefilden vndt gegenden an zue treffen; des zinnes/ kupffers/ eisens glases vndt allen deßen was die magdt des hoͤch- sten Gottes vndt die guͤtige muter der menschen die Natur sonst gebiehret/ zue geschweigen. Hiermit fuhrte sie vns erstlich wiede- rumb der pforten zue/ daruͤber folgende reime stunden:
Ihr blinden sterblichen/ was zieht jhr vndt verreist
In beydes Indien? was wagt jhr seel vndt geist
Fuͤr jhren knecht den leib? jhr holet krieg vndt streit/
Bringt auß der newen welt auch eine weltvoll leidt.
Ihr pfluͤgt die wilde see/ vergeßet ewer landt/
Sucht goldt das eisern macht/ vndt habt es bey der handt.
Den demant findet kaum der schwartze Moor so weiß/
Der jaspis ist vns schlecht/ die perlen tregt der Queiß.
Gieher mensch/ die Natur/ die Erde tuffet dir:
Wohin? nach guete: bleib: warumb? du hast es hier.
Nechst diesen Versen/ die in eine schwartze steinerne platten gehawen waren/ folgeten auff der einen seiten viel historien vndt bilder von erschaffung der welt; von der guͤldenen/ silbernen/ irr- denen vndt letzlich eisernen zeit; von dem himmelstuͤrmerischen Gi- ganten; der uͤberschwemmung des erdtbodens; alles in der ordnung wie es Hesiodus/ Apollodorus/ Hyginus vndt andere/ sonderlich der sinnreicheste vnter allen Poeten in seinen verwandelungsbuͤch-
ern
ern (darumb es allhier zue wiederholen vnnoͤtig ist) verzeichnet haben. Auff der andern seiten stundt erstlich eine landttafel/ darin- nen vnterschiedene berge/ schloͤßer/ flůße vndt felder zue sehen wa- ren. Dieses/ sagte sie/ ist die gelegenheit hiesiger orte/ deren groͤße- stes theil von langer zeit her die edelen Schaffgotschen/ weßen ge- schlechtes verlauff jhr in folgenden gemelden vndt schrifften biß auff jetzigen werthen helden vernemen sollet/ beherrschen Ihr vhr- altes gebluͤte/ jhre tugendt/ jhre loͤbliche thaten/ vndt sonderlich die stille rhue/ welcher wir vnter jhnen als gleichsam schutzgoͤttern biß- anhero genoßen/ hatt verdienet/ jhnen bey vns allhier diß gedaͤcht- niß auff zue richten. Damit ich aber euch/ als denen so zue nach- suchung der alten zeiten sonderlich lust tragen/ etwas außfuͤhrung thue/ so wißet daß wie hiesiges hohe risengefilde/ hiesiger flintzberg vndt schneegebirge anfaͤnglich von natůrlichen erbursprůnglichen deutschen/ den Mareomannen/ Marsingern vndt dergleichen be- wohnt/ also auch von jhnen zueweilen der Hartz oder Hereini- sche waldt/ darvon ich heiße/ zueweilen das Sudeten oder Sud- oͤden gebirge sey genennt worden: biß die Sarmatischen Win- den (nicht die Wandalischen Voͤlcker) jhre Vistul oder Weixel uͤberschritten/ vndt sich dieser vndt anderer lande bemaͤchtigt ha- ben. Daß aber dennoch allzeit etwas von Deutschen uͤbrig ver- blieben sey/ koͤnnet jhr dannenher von euch selbst schließen/ daß der name Boͤmen/ welcher allbereit vor anderthalb tausendt jharen vndt viel zeiten vor der Winden einfall berhůmbt gewesen/ noch heutiges tages nicht verloschen ist; wie dann auch ein theil dieser berge die Alpe oder Elbe vndt dergleichen/ bey jhren altern woͤr- tern biß anjetzo verblieben sindt. Hetten ewere Deutschen mit sol- chem fleiße denckwůrdige große thaten auffschreiben/ als verrich- ten koͤnnen/ oder die blutigen kriege fuͤr etzlichen hundert jharen
mitt
mitt den leuten nicht auch zuegleich das gedaͤchtniß derselbten vndt alle geschickligkeit außgerottet/ so koͤndte der edelen Schoffe (dann also worden sie vormals genennet) werther name/ vndt die tapf- ferkeit welche sie zue beschuͤtzung des vaterlandes angewendet/ euch mehr vor augen gestellet werden: bey vns haben wir jhren rhum allein von der zeit auffgemercket/ seidt vnsere baͤche vnter jhrem schirme ruhig gefloßen/ vndt sie besitzer der orte/ die zum theile hier entworffen stehen/ gewesen sindt.
Hieruͤber trat sie fort/ vndt; Dieser/ sagte sie/ welchen jhr in gantzem kuͤriß stehen sehet/ ist der frey werthe heldt Gothardt/ o- der/ wie damals den alten zue reden beliebet hatt/ Gotsche Schoff/ der seinen kindeskindern mitt dem groͤßeren lobe vndt auffnemen auch seinen namen/ deßen sie sich saͤmptlich rhůmen/ uͤbergeben hatt. Wir wißen nicht anders/ als daß sein vater Vlrich Schoff geheißen/ vndt fast fuͤr dreyhundert jharen Burggraff zue Kins- berg gewesen sey. Edele Nimfe/ fieng ich an/ wann ein mensch ei- ne goͤttin zue fragen macht hatt/ warumb daß seine rechte faust gleichsam blutig abgebildet ist? Vor Erfurt/ gab sie zur antwort/ hielte er sich bey gelegenheit eines außfalles so wol/ das jhn der Feldherr/ keyser Carl der vierdte/ alßbaldt fuͤr sich fodern ließ/ jhm seine wolverdiente gnade persoͤnlich an zue tragen/ vndt die handt zue bieten. Er aber/ der vom wuͤrgen der feinde erst zuruͤck gekehret/ hatt die blutigen finger an seine blancke ruͤstung gewischt/ vndt al- so den Keyser mitt dieser werthen faust geehret; welcher jhn dann zum ritter geschlagen/ vndt das hochadliche wapen mit vier rothen striechen deßentwegen geziehret hatt/ daß seine nachkommenen nicht allein wißen moͤchten/ wie jhr adel/ der vor alter von treffli- chen thaten hergerhuͤret/ ingleichen von trefflichen thaten ver- mehrt worden sey: sondern auch durch dieses zeichen als einen leb-
hafftigen
hafftigen zunder zue dergleichen solten angeregt/ vndt auffgemun- tert werden. Wannenher aber ist der gruͤne bawm in eben diesem wapen? fragte ich. Der sieghaffte Bolco/ sagte sie/ Hertzog zur Schweidnitz vndt Jawer/ deßen bruders tochter Carl der vierdte zur ehe hatte/ liebte jetzt erwehnten Gothardt Schoff seinen waf- fentraͤger des loͤblichen verhaltens vndt vieler hohen lugenden we- gen dermaßen/ daß er jhm hiesigen riesenberg/ die traͤchtige Iser sampt angraͤntzenden boͤhaimbischen walde/ das birgguet Schmie- deberg neben aller zuegehoͤr/ wie auch das feste schloß oder berg- hauß Kinast/ auß fuͤrstlicher miltigkeit zue erbeigen uͤbergab vndt verehrete; darumb dann der Kieferbawm oder Kinast zue dem vhr- alten wapen ist gezogen worden. Mitt Friedeberg aber/ das jhr in der tafel gegen dem gebirge zue am Queiße liegen sehet/ wie auch mitt der stadt Greiffenberg/ welche der himmlischen weberinn Mi- nerven dermaßen lieb ist/ vndt der festung oder dem berghause Greiffenstein/ so hertzog Boleslaus der Heiligen Hedwigen Soh- nes Sohn erbawet/ hatt jhn vorbemeldeter Keyser beschencket; daß also die besitzung hiesiger orte ein lauteres verdienst der tu- gendt ist.
Allerschoͤneste Nimfe/ sagte Nuͤßler/ wir mußen gleichwol die reime darbey vngelesen nicht laßen. Sie stellete es vns an- heim/ vndt gab so viel zueverstehen/ sie weren darumb eingehaw- en. Ritters Gotschen uͤberschifft war diese:
Ich werde recht von dir mein werther stamm geehret/
Weil ich dir namen/ rhum vndt wapen hoch vermehret;
Die roten striche hatt kein geldt noch gunst erdacht/
Der Keyser hatt sie nur gelobt/ der feindt gemacht.
Vnter dem wapen neben seiner tafel:
E
Schaw
Schaw hier den edlen schildt als ie der tag beschienen:
Was zeigt der frische bawm? die tugendt muß siets gruͤnen:
Vndt was das schaff? ein mensch soll guer vndt guetig sein;
Das blut? wo guet nicht hilfft/ schlag mitt der faust darein.
Nachfolgende drey/ redte Hercinie ferner/ sindt ritter Got- hardts Soͤhne. Der erste zur rechten handt eben des namens; deßen drey Soͤhne/ Vlrich/ Gotsche vndt Hans/ welcher fast fuͤr anderthalb hundert jharen gestorben/ gleich vnter jhm sindt. Der dritte/ so zur lincken/ Henrich oder Hentze Schoff auff Kem- nitz/ deßen zwey Soͤhne/ Henrich vndt Peter/ auch vnter jhm stehen. Der andere/ in der mitten/ ist Hans Schoffgotsche auff Kinast/ den wir in seinen nachkommenen noch anietzo bluͤhen vnd wachsen sehen. Die sechse/ wie jhr sie ordentlich nacheinander allhier gesetzt findet/ sindt seine Soͤhne. Der aͤltere ist Christoff/ den ein anderer edelmann wenig adesich vnversehens erschossen hatt. Der andere Ernst des namens/ welcher darumb ein zue- sammen gerolltes schreiben in der faust hatt/ weil er der Fuͤrsten- thuͤmber Schweidnitz vndt Jawer Cantzler gewesen; wie dann solche Cantzelley nebenst dem ampte des Hoffrichters zur Schweid nitz/ von etzlichen hundert jharen an den Herren Schaffgotschen eigenthuͤmblich hatt zuegehoͤrt. Der dritte ist Jeronymus der bloͤdtsinnige. Der vierdte Antonius. Er siehet schwartz auß; sagte einer von vns. Man hatt jhn auch/ gab Hercinie zur ant- wort/ wie er sich dann selbst/ den Reppelgotschen geheißen/ ist ein statlicher mann/ vndt mitt einer gebornen Freyinn von Schumburg vermaͤhlt gewesen. Der fuͤnffte Caspar. Der letz- te Vlrich/ ein streitbarer mann/ der mitt seiner strengen faust die ritterschafft auff der Buntzlischen heiden gewonnen; wie auff sei- nem schwerdte/ das noch verhanden/ zu lesen ist. Doch besagt es auch die uͤberschrifft:
Des
Des ritters rhuͤm ich mich/ die weil ich obgesieget:
Ich bin kein kriegesinann der niemals hatt gekrieget/
Kein ritter ohne feindt/ kein reuter ohne pferdt;
Wer von mir wißen wil/ der frage noch mein schwerdt.
Wie nun Christoff/ Jeronymus vndt Ernst leibeserben nicht gelaßen; also sehet jhr vnter einem ieglichen der andern jhre Soͤh- ne. Des Antons sindt Fridrich/ Ernst/ Vlrich/ Ritter Anton/ welcher mitt einer ketten vmb die armen abgebildet/ weil er von den Saracenen gefangen/ an den pflug gespannet vndt sehr uͤbel gehalten worden/ wie wol er endtlich in seinem Vaterlande ver- schieden; Ritter Hans Kayserljcher Rhat vnd Caͤmmerer/ vndt Bernardt auff Rurlach; deren kindeskinder theils noch bey leben. Vber dem Anton waren diese worte eingegraben:
Ich wardt gefangem zwar/ vndt habe viell erlitten/
Du wilder Saracen/ nach dem ich dich bestritten:
Doch was dann hast du jetzt von mir in deiner handt?
Der himmel hatt den geist/ den leib das Vaterlandt.
Caspar/ redete Hereinie weiter/ wie jhr sehet/ hatt fuͤnff Soͤh- ne hinterlaßen: Watzlawen/ der jhm durch reisen vndt geschicklig- keit großes ansehen gemacht/ Hansen/ Christoffen/ Casparn (deßen einiger Sohn Adam/ Freyherr auff Trachenberg vndt Praußnitz/ wiewol er zwey gem
a
hlinn/ deren die letzte eine Graͤf- finn war/ gehabt/ ohn erben gestorben ist) vndt Balthasern/ der vier Soͤhne erzeuget: wie dann der letzte ritterliche heldt Vlrich/ der fast vierzig jhar uͤber die Fuͤrstenthuͤmber Schweidtnitz vndt Jawer Hauptmann gewesen/ vndt in die neunzig jhar alt worden/ Wolffen vndt Hansen erzeuget/ deßen Wolffens Sohnes Sohn Vlrich oder Vdalrich (vielmehr Adelreich) zu seiner Vorfah- ren thaten auch die liebe der weißheit gebracht/ vndt einen artli-
E ij
chen
chen Poeten gegeben hatt; wie er selbst von sich redendt allhier ein- gefuͤhrt wirdt:
Soll ich mich schaͤmen dann des namens der Poeten?
Ist kunst vndt wißenschafft dem adel nicht von noͤthen?
Standt bluͤet durch verstandt: hett ich nicht standt gehabt/
So hette mich verstandt mitt adel doch begabt.
Obberhuͤrte vier des Herrn Balthasars Soͤhne/ Freyher- ren/ sindt der zur rechten Herr Balthasar auff Langenaw/ der zur lincken handt Herr Caspar zue Trachenberg/ der neben diesem Herr Watzlaw auff Bernßdorff/ vndt der in der mitten oben an der in krieges vndt friedens tugenden erfahrene Herr/ Herr Christoff/ vnter deßen Sohne/ dem Hoch wolgebornen Herrn/ Herrn Hansen Vlrichen/ dem freyen vnverzagten helden/ dieses vorgebirge/ diese waͤlder vndt brunnen/ vndt wir Nimfen solcher thue/ solchen friedens genießen/ daß wir die angraͤntzenden fewer der blutigen Bellonen/ dieses klaͤgliche getuͤmel der waffen biß an- hero zwar von ferren angeschawet haben vndt gehoͤret/ aber (welches zue einer gueten stunden geredet sey) nie erfahren duͤrffen.
Hierauff schwiege die leutselige Hercinie etwas stille; ich aber lase die reimen/ so bey Herren Christoffen seliger gedaͤchtniß ver- zeichnet waren:
An tugendt bin ich recht/ vndt linckisch auch/ gewesen:
Warumb? dieweil ich diß geschrieben vndt gelesen
Was thaten wuͤrdig ist/ vndt gleichfals diß gethan
Was der so thaten lobt gar wol beschreiben kan.
In deßen fragen die andern wegen der sachen die nach jhm stunden. Hier zue nechsie/ fieng sie an/ ist seine tapffere/ hoffverstaͤn dige gemahlinn/ des vhralten geschlechtes der Freyherren von Promnitz/ welcher vnsterbligkeit vndt verdienst eine groͤßere zeit
bedoͤrffen/
bedoͤrffen/ als daß sie allhier koͤnnen erzehlt werden. Sehet aber jhre uͤberschrifft.
Ich bin in diese welt von heldenstamme kommen/
Die ziehr der helden hatt zur ehe mich genommen/
Ein heldt der kam auß mir an dieses liechtes schein/
Wie solte dann nicht ich auch eine heldinn sein?
Von jetzigem erst gemeldeten regenten/ sagte die Nimfe/ koͤn- net jhr den inhalt folgen der tafeln weitleufftig vernemen. Seine hohe beschaffen heiten/ sein verstandt in anschlaͤgen/ sein muth im streiten/ seine ritterliche thaten verdienten zwar von allen edelen gemuͤtern sinnreicher Poeten in das register der ewigkeit eingetra- gen zue werden/ er aber/ als ein vollkommener Heldt/ ist auch mitt solcher demut begabet/ daß er nicht gern von jhm rhuͤmen leßt/ was doch die that vndt warheit selber redet. Was jhr aber allhier sehet/ haben die Parcen/ Clotho/ Lachesis vndt Atropos/ als sie jhm auff befehl des himmels die faden des lebens gesponnen/ ein helliglich gesungen/ vndt mitt buchsiaben von demant dem roste der zeit zue- gegen in dlesen schwartzen cristall versetzt. Wir verwunderten vns nicht so sehr uͤber der menge der edelen gesteine/ als uͤber der fuͤr- trefflichen arbeit/ welche von solcher kuͤnst vndt schoͤnheit war/ das wir wol abnemen kundten/ menschen haͤnde wuͤrden dergleichen nach zue thun sich vmbsunst bemuͤhet haben. Das getichte aber vndt weißagung der Parcen waren von worte zue worte diese:
Brich an/ du schoͤner tag/ vndt komm/ du edles kindt/
Dem goͤtter/ vndt das hauß der goͤtter günstig sindt/
Der himmel/ vndt auch wir. wir haben zwar gewunden
Ein garn/ ein weißes garn zue seines lebens stunden;
Wo ist die farbe hin? die faden werden goldt.
Brich an tag/ komm o kindt! die goͤtter sindt dir holdt/
E iij
Ihr
Ihr himmel/ vndt wir auch: sie wollen dich begaben/
Dir schencken diß was viel wol wuͤndtschen/ wenig haben.
Mars seinen großen muth/ vndt Jupiter verstandt.
Komm an/ dein guͤldnes garn das waͤchst vns in der handt/
Vndt spinnt sich selber auff. schaw hier die schoͤnen blicke
Der heldinn welche dich mitt solchem gueten gluͤcke
Der liechten Sonnen zeigt/ der heldinn die jetzt dir
Das leben/ vndt hernach des lebens beste ziehr
Die tugendt geben wirdt du wirst zwar waise werden
Durch deines Vatern todt/ der kuͤrtzlich dieser erden
Soll geben guete nacht/ wie vnser buch vermag;
Doch die durch welche du gebracht wirst an den tag
Wirdt nicht nur muter sein/ wirdt auch mitt vatersinnen
Zur waren tugendt lust dich baldt gewehnen koͤnnen/
Dir zeigen einen weg wohin der gehen soll/
Stracks wann er gehen leint/ der edlen lobes voll
Wil brechen durch die zeit du wirst fuͤr allen dingen
Auff jhrem armen noch am liebsten hoͤren klingen
Die trummel vndt trompet/ wirst reißen mitt der handt
Auff einen degen zue/ der etwan an der wandt
Mag auffgehend er sein. das mittel dich zue schweigen
Wirdt sein ein blanckes helm/ ein schoͤnes roß zue zeigen/
Die lantz vndt rennebahn. ein solches tocken spiel
Liebt erstlich baldt ein kindt das nicht versa wern wil
In seiner muter schoß. wann dann zue deinen tagen
Die sprache kommen wirdt/ so wirst du lernen fragen
Nach dem was ritterschafft vndt lob der ahnen ziehrt;
Wirst werden zue der lust der weißheit angefuͤhrt/
Kein feindt der buͤcher sein. wirst Rom begierig hoͤren
In jhrer sprache selbst/ dich laßen von jhr lehren
Durch was fuͤr witz/ vndt krafft sie jhr die gantze welt/
Was Titan uͤberscheint/ zum fuͤßen hatt gefellt.
Es
Es wirdt von rapfferkeit/ von strengem kriegeswesen
Dir Leipzig/ Tuͤbingen vndt Altorff weiter lesen/
Vndt sagen/ daß ein heldt der große thaten liebt/
Den thaten noch mehr schein durch kunst vndt klugheit giebt.
Biß daß der hohe sinn dich vber berge tieget/
Wo Freyheit jhren grundt tieff in die see geleget
Von langen zeiten an/ vndt Nereus eine stadt/
Die aber laͤnder zwingt/ zue seinem weibe hatt.
Dann wirft du nechst darbey ein gast Antendrs werden/
So lange Cynthia sechs mal den kreiß der erden
Mitt gantzem liechte fuͤllt: du wirst hier deinen standt/
Dein edles ritterblut/ auch zeigen mitt der handt/
Die offtmals sagen muß was mancher fuͤhrt im hertzen;
Wirst kunst zur mannheit thun/ vndt mitt dem degen schertzen/
Induͤnfftig ernst zue sein; wirst legen deine zeit/
Die zeit so guͤldinn ist/ an guͤldne tapfferkeit/
An sprachen vndt verstandt. wirst hin nach Rom verreisen/
Vndt an den Tiberstrom daselbst dir laßen weisen
Wo Rom gewesen sey: hier stundt die ziehr der welt/
Wirdt sprechen wer dich fuͤhrt; hier war der tugendt feldt/
Das ort von dem sich ließ der erdenkreiß beschoͤnen.
Auff dieses solt du sehn die muter der Sitenen/
Der welt Sirene selbst; vndt Bajas/ vndt jhr badt/
Was Cuma/ was Puzol fuͤr lust vndt wunder hatt/
Der schaw platz der natur. dich wirdt zue roße setzen
Das bluͤende Florentz; es soll sich selbst ergetzen
Der weißen Nimfen schar am hohen Apennin/
Wann deine freye faust des pferdes stoltzen sinn
Wirdt brechen durch den zaum/ baldt sichet laßen fliegen
Mitt schaͤumender begier/ den winden ob zue siegen.
Dann leßest du die flut der see dich nach Meßan/
Von hier nach Malta zue/ von Malta auff Drapan
Den
Den Lilibeer port mitt vollem segel tragen/
Darffst gegen Africa nach Tunis zue dich wegen/
Machst die Tyrrhener see dir weit vndt breit bekandt/
Biß Napolis dich setzt noch ein mal an sein landt/
Das reiche Napolis/ vndt dann auff Pisa sendet/
Diß wieder nach Florentz/ wo zwar der weg sich endet/
Nicht aber auch der fleiß; du wirst auffs newe hier
Die gantze sommers zeit vermehren deine ziehr
Durch sprachen vndt verstandt. hierauff nach Luca ziehen/
Von dar nach Genua wo krieg vndt friede bluͤhen/
Vndt auff Minerven stadt das kuͤnstliche Milan/
Vndt was die tafel hier sonst mehr nicht faßen kan:
Biß endtlich Spanien dir in den sinn wirdt kommen/
Das nunmehr beydes hauß der Sonnen eingenommen/
Vndt jhm verbunden hatt: dein weg soll Franckreich sein/
Der sitten meisterinn/ der kuͤnste liecht vndt schein/
An vieh vndt leuten reich/ das weit vndt breit beschloßen
Mitt starcken klippen steht/ mitt waͤßern gantz vmbfloßen;
Verwahret mitt der see. du wirst durch Delsinat
Hin auff Marsilien/ von da auff Arelat/
Vndt ferner an den fuß der schneeichten Pirenen/
Die jhre spitzen fast biß an die wolcken lehnen/
Wo du begruͤßen solt zum ersten Arragon/
Vndt dann nicht ohn gefahr das stoltze Barcelon/
Tottosa vndt Sagunt berhuͤmbt vom hungerleiden/
Die Koͤniginn Valentz/ wo Duria viel weiden/
Viel blumen/ graß vndt waldt vmb seine stroͤme hegt/
Biß dich ein langer weg hin nach Toledo tregt/
Von dannen nach Madrid/ auß denen jenes eisen
Vndt stahl/ diß weißheit hatt. dann wirst du ruͤckwerts reisen
Da wo der Iber fleußt auff Saragosa hin/
Vndt auß der Sonnen brunst in beßer wetter ziehn.
Wie
Wie nun dir Spanien gegeben witz zue hoͤren
Vndt schweigen/ also wirdt dich Franckreich reden lehren/
Der außzug aller lust/ der edlen demut landt/
In welcher jederman geehrt wirdt vndt bekandt
Der tugendt leiden kan. die erste rhue vndt wonne
Das wirdt Tolosa sein am strande der Garonne;
Auff diese Bordeaux; Roschelle nechst nach jhr/
Das Mars liebt vndt Neptun; hierauff der Musen ziehr
Vndt kuͤnstmarckt Poictiers: dann wirst du sampt den fluͤßen
Der gelben Loir Angiers/ vndt Toous/ vndt Blois begruͤßen/
Nicht minder Orleans das Bacchus also liebt/
Vndt dem Mercur das lob der reinen sprache giebt.
Wo laßen wir Paris? hier wirst du auch verbleiben/
Wo alle weißheit wohnt/ wirst deine zeit vertreiben
Mitt uͤbung die ein heldt vndt ritter haben muß.
Nach Franckreich/ wann du nun der stoltzen Seyne fluß/
Den faulen gang der Ar/ des Rhodans schnelles fliehen
Gesehen hast/ wirst du dann auch an die Temse ziehen
Dem wolgebawren strom/ beschawen Engellandt/
Das durch den Ocean von vns ist abgetrannt/
Dein ruͤckweg sollen sein die starcken Niederlande/
Ostende/ Brug vndt Schluys/ vndt Gendt am Scheldestrande/
Vndt Bruͤßel/ vndt was mehr des Zepters willen hoͤrt
Das gegen Ost vndt West gehorsamb wirdt geehrt/
Nicht nur von einer welt: dann seine gegen wercke/
Die nun so lange zeit mitt großer list vndt staͤrcke
Sich wieder jhn gesetzt. hier halt die fluͤgel an;
Hier schawe wieder heim; es ist genung gethan;
Die deinen ruffen dich/ du blum vndt ziehr der jugendt;
Sie wollen nunmehr sehn das reichthumb deiner tugendt/
Der reise newe frucht. was wirdt fuͤr wonne hier
Bey deinen quellen sein/ wann du/ jhr trost vndt ziehr/
F
An
An beute reicher noch als Jason heim wirst kommen/
Nach dem du alles das in augenschein genommen
Was sehens wuͤrdig ist/ vndt nicht nur feldt vndt landt
Vndt staͤdte/ sondern auch die leute hast erkandt
Die Phebus oder Mars begreifft in seinem orden;
Wann dir der Musen volck zue freunde wirdt sein worden/
Zue Londen Casaubon/ vndt zue Paris Thuan/
Zue Leiden Scaliger/ vndt was man nennen kan
Fuͤr etwan einen geist der nicht auß schlechter erden
Vom Titan ist gedreht. die gruͤnen wiesen werden
Sich frewen vmb vndt vmb/ es wirdt thal/ pusch vndt feldt
Ein gruͤnes kleidt anziehn/ es werden dir/ o heldt/
Die klaren baͤche hier mitt lust entgegen fließen/
Die felsen hoͤher stehn/ der Nimfen schai dich gruͤßen/
Der zarten Nimfen schar von dreyerley gestalt/
Als denen heilig sindt die fluͤße berg vndt waldt/
Bey welchen wir diß liedt in demant einverleiben/
Damit es von der zeit mag vnberastet bleiben/
Mag sein ein stetes pfandt des himmels der dich liebt/
Vndt vns noch mehr befehl also zue setzen giebt:
Ihr schoͤnes himmel volck/ jhr glatten Oreaden/
Du der Napeen herr/ jhr fluͤchtigen Dryaden/
Vndt jhr Najaden auch/ du Echo die du nicht
Was anders sagen kanst als was man zue dir spricht/
Ihr suͤßen Gratien/ du Pales/ du Diane/
Seidt guͤnstig wann er hier auff einem gruͤnen plane/
Auff ewre puͤsche zue/ vmb ewer edles feldt/
Bey dieser einsamkeit nach schnellem wilde stellt/
Vndt sucht ergetzt zue sein. er wirdt die waͤlder ziehren
Mitt seiner gegenwart/ wirdt an den wilden thieren/
Ein newer Hercules/ versuchen seine krafft/
Vndt diß nach dem er hatt die sorgen abgeschafft
Fuͤr
Fuͤr seine leut’ vndt landt. man muß die arbeit mengen
Mitt einer freyen lust/ vndt auch der rhue verhengen/
Wie selbst thut die Natur/ die nie stets winter macht/
Stets sommer/ oder lentz; stets regen/ oder nacht.
Dein bogen/ Delia/ wirdt gleichfalls abgelaßen;
Es pfleget Jupiter den becher an zue faßen
Mitt eben dieser handt in der er donner tregt:
So wirdt der heldt auch thun nach dem er abgelegt
Des Vaterlandes last/ fuͤr welches er soll streiten
Mitt ritterlicher faust/ wann gar in kurtzen zeiten
Auch diß ort/ welches jetzt der werthe friede ziehrt/
Auff krieg ohn alle schuldt wirdt werden angefuͤhrt.
Als wie des windes zorn die eiche nicht kan spalten/
Wie eine klippe pflegt die wellen auff zue halten/
So wirdt er vnverzagt auch eine kecke schar
Den kuͤrtzern lehren ziehn/ wirdt suchen die gefahr
Durch die erwachsen soll: jhm wirdt der hauffe weichen/
Als wie das schoͤne volck der sternen muß verbleichen
Wann et wan Cynthia das gantze liecht bekoͤmpt/
Vndt einen vollen glantz von jhrem bruder nimpt
Der gegenuͤber steht; der starcke loͤwe zeiget
Vmbsonst die gelbe mahn/ die Thracer leyer schweiget/
Orion drewet schwach/ das groß’ vndt kleine thier
Schawt tunckel vmb sich her/ vndt blickt kaum halb herfuͤr
Auß einer hellen lufft. er wirdt dem feinde weisen
Wie schlechtes gluͤcke hatt wer hunger/ glut vndt eisen
Zue frembden leuten tregt/ vndt bringt ein armes landt
Vmb freyheit/ recht vndt heil ohn vrsach vndt verstandt.
Damitt er rhuͤmlich auch mag nach dem tode leben/
So wirdt der himmel jhm viel edle zweige geben
Durch einen werthen stamm/ den du/ o heldt Piast/
Mitt Zepter vndt gew alt so weit erhaben hast;
F ij
Den
Den eine goͤttin selbst zum himmel auffgefuͤhret
Mitt jhrer froͤmigkeit; den Henrich hoch geziehret
Mitt blute fuͤr sein landt; dem seine gruͤne frucht
Kein wetter dieser zeit/ vndt keiner jhare flucht
Wirdt legen vnter sich auch dieser heldt soll schawen
Sich selbst in seiner art/ soll schoͤne pflantzen bawen
Von aller tugendt ziehr/ die lust vndt froͤligkeit
Vndt rhum jhm machen wirdt die gantze lebenszeit.
Genung; was sonst allhier ist vnverzeichnet blieben/
Das ist mitt golde doch in vnser buch geschrieben.
Wir hatten vns an der schoͤnen tafel die angen/ an der weißa- gung aber/ welche wir nun mehrentheilserfuͤllet zue sein wußten/ auch das hertze erquickt/ vnd wuͤnschten dem Helden solche ersproͤß- liche wolfarth/ wie jhm allhier zue ende angekuͤndigt wuͤrde. Die andern Nunfen hatten sich vnter dem lesen alle hinauß verlohren/ Hercinie aber; Ihr hirten/ sagte sie/ so viel ist menschlichen augen allhier zue besichtigen erlaubet/ vndt jhr werdet mitt meiner vndt meiner schwestern anjetzo erzeigten gunst vergnuͤget sein. Also fuhrte sie vns durch ein anderes thor in eine newe hoͤle/ die zue wei- len so enge war daß wir fast nach der seiten durch gehen mußten/ zueweilen aber viel thaͤler vndt berge in sich zue halten schiene. Nach dem wir eine guete weile also gegangen waren/ kamen wir an einen fast heißen ort/ voll schweffelichten dampffes/ zue deßen beyden seiten ein knallen vndt prausen gleichsam eines auffkochen- den waßers/ vndt ich wußte nicht was fuͤr ein gethoͤne gehoͤret wardt. Vns war nicht aller maßen wol bey der sache; Ich habe/ fieng aber die Nimfe an/ euch nicht ohn vrsach an dieses ort gefuͤh- ret. Wißet daß Sicilien nicht allein Cyclopen/ vndt Theßalien Titanen getragen hatt; es liegen allhier zweene maͤchtige Gigan- ten/ welche sich eben wie jene an dem himmel zue vergreiffen vnter
stan-
standen/ vndt von den goͤttern vnter diese kluͤfften sindt verstoßen worden. Sie haben den geschmack des schwefels noch anjetzo nicht verlohren/ vndt riechen nach dem plitze vndt donner/ darmit sie Jupiter hatt herab gestuͤrtzt. Auß jhren rachen lauffen starcke vndt hitzige stroͤme/ die dennoch auß gnaͤdiger verordnung der Vnsterb- lichen zum besten der menschen gereichen/ vndt nicht weit von hier mitt zweyen heilsamen quellen in dem gebiete jetztgemeldeten Hel- dens entspringen mußen. Es solte mir auch vnschwer sein/ euch zue jhren vngehewren coͤrpern zue fuͤhren/ wann ewere bloͤde augen vndt ohren das scheutzliche anschawen vndt bruͤllen vertragen koͤn- ten. Lernet aber gleichwol/ daß die jenigen die sich den himmel an zue tasten vermeßen/ von dem himmel verstoßen/ vndt von der er- den verschlungen werden.
Als wir nun vnter wehrendem gespreche gleichsam bergan ge- gangen waren/ kamen wir an den außgang einer hoͤle/ darein der tag seine stralen mitt vollem scheine fallen ließ; Hereinie aber ver- schwandt ehe wir es gewar worden/ vndt kam vns weiter nicht zue gesichte. Wir wendeten vns gegen der grotten/ vndt ehrten die Nimfe vndt den ort/ darinnen wir so merckliche vndt wunderbare sachen gesehen vndt erfahren. Ob vns auch zwar die gelegenheit des gefildes da wie herauß gegangen etwas seltzam fuͤrkam/ so kun- ten wir doch aller beschaffenheit nach fast erkennen/ daß wir eben an der andern seiten des berges/ wo wir zuevor hinein gelaßen wor- den/ sein mußten/ stiegen also gemach vndt gemach gegen der spitz- en zue. Wir waren noch zimlich ferren von der hoͤhe/ als sich bey so lieblichem wetter dennoch ein duͤnner schnee sehen ließ/ der aber auff der erden alsobaldt zue tawe vndt waßer wardt. Weiter hin- auff war es gantz heiter vndt stille; da wir dann nachfolgendes ge- luͤbde in einen lindenbawm eingeschnitten funden:
F iij
Du
Du geist der du allhier bewohnst den oͤden plan/
Du seist auch wer du wilt/ wann ich vollbringen kan
Was mein gemuͤte sucht durch deine kunst vndt rhat/
So wil ich dir allhier an dieser gruͤnen stat
Erhoͤhen ein altar/ darauff zur danckbarkeit
Ein opffer das du liebst soll brennen iederzeit.
Du riesenherr/ du artzt/ du berggott/ komm herfuͤr;
Der jene so dich ehrt erwartet deiner hier.
Dieser/ fieng Nuͤßler an/ hatt sich auch bereden laßen/ es sey ein Ruͤbezal allhier/ wie jhn die jenigen nennen/ die jhn nie gese- hen haben. Wir sindt eben auff dem rechten orte/ gab ich zur ant- wort/ da er sein soll/ vndt nicht ist. Ich habe gleichwol vernom- men/ jhr Schlesier/ sagte Venator/ es solle nicht gar richtig bey euch sein. Freylich nicht/ fieng ich an; dann es liegt einer hier o- ben begraben der nicht mehr lebet. Ich weiß wol/ redte Buchner darzwischen/ daß jhr alle drey dem hauffen zuegethan seidt der nichts uͤbrigs glaubet: was aber durch lange erfahrung bestetigt ist/ vndt die augen selbst sehen/ das kan das hertze ja glauben. Mitt einem stinckenden aaße/ sagt Nuͤßler/ ist wol sonst wenig an zue fangen. Darwieder bin ich auch nicht/ spricht Buchner; wie- wol manches ehe verdirbet als ein anders. Ich habe viel mal ge- hoͤret/ wann einen der donner erschlagen hatt/ daß sein coͤrper nicht verfaulen; vndt wann einem mitt giffte vergeben ist/ daß das hertze vnvertorben bleiben soll. Ein mensch der maͤßig gelebet hat/ wirdt nicht so baldt verwesen/ als einer so durch schwelgen vndt vollbretigkeit seinen leib zue einer pfuͤtzen gemacht hatt/ da alle feuchtigkeit vndt fluͤße hinein geronnen. Habt jhr nie gesehen/ daß den todten die haare vndt naͤgel gewachsen sindt/ sonderlich den jenigen die Jupiter abwaͤscht/ Apollo salbet vndt trucknet. Welchen/ fragt Venator? Den gehangenen/ meine ich/ spricht
Buchner/
Buchner/ denen die geister ploͤtzlich vmbzwenget vndt zuegeknuͤpfft werden. Hiervon nun kan man mehrentheils natuͤrliche vrsachen geben: daß aber der menschen seelen sich in gestalt der verbliche- nen leiber sehen laßen/ ist dermaßen klar/ daß es keiner laugnen kan/ der gleich noch weniger als jhr glaubet. Doch wollen wir den birgmann Ruͤbezal in diese zahl nicht setzen: dann angesehen daß er durch zauberey geruffen wirdt/ so muß er weder eine frome/ noch eine verdammte seele sein; weil sie beyde biß zue seiner zeit vn- ter der handt des Gottes aller goͤtter sindt/ der sich mitt beschwe- rungen nicht zwingen leßt. So muß es dann der teuffel sein/ fang ich an. Recht so; sagt Buchner: er ists leibhafftig; wiewol nicht alles baldt der teuffel ist/ worfuͤr man sich sonderlich bey nachte zue entsetzen pfleget. Natuͤrlich sindt die flammen oder irrwische vmb die gesuͤmpffe; natuͤrlich die duͤnste/ so offtmals in der hoͤhe wie menschen/ wie thiere vndt andere sachen herumb wandern; natuͤrlich in den leibern/ sonderlich gewißen frawenzimmers/ das seltzame kurren/ zischen/ krehen/ bellen/ das nach gestalt der sa- chen vndt gaͤnge von der durchdringenden lufft also geartet wirdt/ vndt vnerfahrenen aͤrtzten eine nase zue drehen pflegt; vndt was dergleichen mehr ist.
Wo bleiben dann die saͤuffer/ sagt Venator/ die so vngewis- ser augen/ vnstetigen ganges/ vndt seltzamer einbildungen sindt? Wann sie den kopff fallen laßen/ so koͤmpt es jhnen bißweilen fuͤr sie versincken; vndt wann die stube ein radt mitt jhnen macht/ so legen sie sich nieder/ vndt erwischen mitt beyden haͤnden den bo- den: baldt erhebt sich ein sturm in jhren ohren/ daß sie meinen sie sindt zur see/ vndt schawen wie weit es noch zue lande ist; springen wol uͤber jhren eigenen schatten/ vndt sehen jhn fuͤr einen graben/ eine katze fuͤr einen loͤwen an; in summa/ schlaffen wachende/ vndt
fechten
fechten schlaffende; schreyen nach pflastern/ vndt wollen sich ver- binden laßen.
Auff diese weise wirdt mancher bezaubert/ sagt Buchner: a- ber ohn schertz/ jhr bruͤder/ von andern gespensten redet die gantze welt/ vndt von diesem viel leute die hierumb wohnen; die jhn zue weilen in form eines schoͤnen roßes/ einer kroͤten/ eines rabens/ einer nachteule/ eines bergmaͤnnlins/ eines moͤnches vndt derglei- chen gesehen haben. Eines moͤnches? sagt Venator. Warumb nicht/ giebt Buchner zur antwort? Pflegt sich nicht der teuffel in einen engel des liechts zue verkehren/ vndt hast du nie gehoͤrt/ daß er dem heiligen Martin in gestalt des Heilandes der welt erschie- nen sey? Muß er dann eben/ spricht Nuͤßler/ vmb diese felsen vnd tunckele hoͤlen seinen wohnplatz haben? Er ist/ antwortet Buch- ner/ ein Vater der trawrigkeit/ vndt bezeuget solches mitt den einoͤden trawrigen oͤrtern/ da er zue nisten pfleget. Vieleicht wil er jhm hierdurch ein groͤßer ansehen machen/ fange ich an/ weil jhm nicht vnwißendt/ daß der so uͤber vns ist an den stillen vndt einfaltigen orten mitt einfaltigem hertzen vndt ruhi- gem gewißen von allen zeiten her hatt wollen geehret sein. Sol- ches begehrten die vngoͤttlichen goͤtter/ Ruͤbezales gleichen/ daß man jhnen nicht weniger erzeigen solte; wie dann die alten nicht so sehr helffenbeinerne vndt guͤldene bilder/ als dicke puͤsche vndt das geheime stillschweigen darinnen angebetet/ ja waͤlder/ wiesen vndt see geheiliget/ vndt sie mitt namen der goͤtter genennt haben. Die Dacier auch berge/ hebt Buchner an. Freylich/ sage ich/ berge/ vndt die jenigen so einen schein der goͤttligkeit zue erlangen sich da- rein verborgen/ als Zamolxes vndt andere. Ich meinte/ sagt Venator/ du wuͤrdest vns dergleichen in deinen weitleufftigen be- richten von den Daciern außfuͤhrlich machen. Zwar ich weiß
nicht/
nicht/ ob es mir wie jenen bergen gehen moͤchte/ gebe ich zur ant- wort/ die nach langem geberen eine mauß zur welt brachten: wie ich mich aber anietzo mitt meinem zuestande vndt der zeit gelegen- heit genungsam geschuͤtzt zue sein befinde/ so hoffe ich/ soll ich le- ben/ ich wil erweisen/ daß ein hirte mehr als weiden/ vndt ein Poet mehr als luͤgen kan.
Vnter wehrendem reden/ als wir zwischen der trennung zwey- er huͤgel/ dahin wir vns durch hecken vndt gestaͤude mehr einen weg gemacht/ als gefunden hatten/ gerichts eingiengen/ erblick- ten wir hinter den birckenbaͤwmen vnd eichen eine gruͤne wiese/ auff welcher von einem andern orte her ein altes weib/ mitt grawem haupte/ zitterndem gange/ krummen ruͤcken vndt einem korbe da- rauff/ fast gekrochen kam. Wir winckten einander/ vndt legten vns vnvermerckt in die straͤuche nieder/ zue erfahren was die redli- che muter guetes machen wuͤrde. Sie war fast in die mitten an einen scheideweg zweyer engen siege kommen/ da ließ sie jhre ge- flickte schauben fallen/ striech die haͤgeren armen auff/ vndt fieng mitt klingender stimme also an zue ruffen:
Ist dann kein mittel nicht zue zwingen den gesellen
Der eine jungfraw fleucht? soll dann das heil der hoͤllen
Erst sein herfuͤr gesucht? es muß je sonsten mir
Gehorchen was die welt in see/ in lufft vndt hier
In jhrer schoß verbirgt: die sternen mußen schwitzen;
Der monde stille stehn/ vndt seinen wagen stuͤtzen;
Der Nort windt legt den sturm zue meinen fuͤßen hin;
Der sommer schneyet mir: es machen wo ich bin
Die todten sich herzue; auff mein geheiße gehen
Die starcken eichen fort; die fluͤße bleiben stehen;
Die klippen sencken sich; die saate reiffet nicht;
Die thaͤler steigen auff; der schlangen leib zerbricht;
G
Die
Die loͤwen werden zahm was gilt ich wil was finden/
Den wilden tigersinn genungsam zue entzuͤnden!
Du dreykopff/ Hecate/ die aͤlter ist als ich;
Du geist der diesen berg beherrscher hoͤre mich;
O Pluto/ komm herauff; ich achte nicht der sachen
Die meines alters volck zue langsam reicher machen;
Ich suche nicht metall/ nicht jaspis/ nicht demant;
Ein fester hertz’ als er soll werden vmb gewandt.
Die weil kein kroͤtenblut/ noch drummel in den thoren/
Noch federn so die eul hatt vmb ein grab verlohren/
Noch heiße pfeidebrunst/ kein westerhembde nicht/
Kein nagel von der handt/ kein haar/ kein blut/ kein liecht
Zue rhaten deiner trew/ o jungfraw/ derer schmertzen/
Wie hart’ vndt raw ich bin/ mir dringen selbst zue hertzen/
Bey jhm verfangen wil/ vndt ich vmbsonst gethan
Was menschen klugheit weiß/ so helffe was da kan.
Der glantz des himmels die Sonne/ welche/ wie wir auß vn- serem schatten abnemen kundten/ den tag biß uͤber die helffte ge- bracht hatte/ schiene fuͤr schrecken zue erbleichen/ kein gefluͤgel hoͤrte man singen/ es regte sich nichts als das zittern der baͤwme/ vndt wir selber zweiffelten welches sicherer were/ zue lauffen oder zue bleiben. Sie zohe den lincken schuch auß/ nam ein tuch uͤber den kopff/ kehrte sich zwey mal gegen morgen/ vndt zwey mal ge- gen Niedergang/ grub mitt einer sichel ein loch in die erden/ vndt machte darauff einen zirckel vmb sich her/ murmelte auch eine gu- te weile eines vndt anders was wir nicht verstehen kundten. Hier- nach brachte sie auß jhrem korbe allerhandt kraͤuter/ welche sie vermutlich bey vollem mondenscheine vndt fuͤr auffgange der Sonnen/ auch sonst zue gewißen jhareszeiten mitt der lincken handt eingelesen hatte/ mengete etzliche steinlein/ wie auch gebei- ne von den todten darzue/ vndt rhuͤrete mitt einer ruten alles durch
ein-
einander. Also legte sie es auff wacholterholtz vndt eisenkraut/ darbey vngebrauchter schwefel vndt weyrauch war/ zuͤndete es auff/ vndt wie der loh in die hoͤhe schlug/ redete sie folgende worte:
So mußen gleichfalls auch deßelbten sinnen brennen/
Der von sich selbst nicht wil den trewen sinn erkennen.
Ferner knuͤpffte sie einen haarlocken vmb drey federn von vn- gleicher farben/ vndt sprach:
Diß sindt die federn hier so ich zue diesem wesen/
Auß dreyen nestern zwar/ vmb mitternacht erlesen
Vom vogel den ich weiß; diß ist sein eignes haar
Das bey dem lincken ohr ein falsches zeichen war
Der liebe die er fleucht: die feder leßt das fliegen;
Sein haar wirdt jetzt ein bandt; er soll mir auch erliegen.
Auff diß spruͤtzete sie drey mal in jhre schoß/ nam ein bildlein von jungfrawenwachse in die handt/ beraucherte daßelbte/ bandt jhm drey woͤllene faden von dreyerley farben vmb den halß/ vndt sagte:
Vngrad ist den goͤttern lieb; dreymal ist er auch gebunden;
Dreyer farben faden sindt vmb den harten halß gewunden.
Vnter solcher rede stach sie mitt einer langen nadel drey mal hinein/ vndt fieng an:
Also geh’ es auch dem hertzen
Das ein weibes bildr barff schertzen.
warff es hieruͤber in das sewer mitt diesem worte:
Wie das reine wachs muß rinnen/
Soll jhm schmeltzen muth vndr sinnen.
Nach dem nun alles nieder gebrennet war/ grieff sie auff die erden/ warff die asche drey mal uͤber den kopff/ sahe nicht hinter sich/ vndt hub wie erstlich mitt verbrochenen worten an zue mur- meln. Sie hatte jhre schreckliche beschwerungen in dem maule herumb zue werffen nicht recht angefangen/ als sich ein maͤchtiges
G ij
wetter/
wetter/ schloß/ hagel vndt krachen erregete.
Das liecht wardt schwartze nacht; der himmel lieff zuesammen
Zn dickes finsterniß; die wolcken gaben flammen
Vndt eilten hefftig fort; man sahe keinen tag
Als wann der grimme plitz durch einen donneischlag
Vorher gesendet kam; der winde starckes prausen
Bewegte waldt vndt berg mitt seinem wilden sausen;
Die lufft wardt lauter see; der hoͤllen gantzes reich
Erregte seine krafft; die baͤwme wurden bleich;
vndt was mich das schrecken noch jetzo nicht erzehlen leßt. Ich/ wie ich zuevor am letzten mich niederlegen/ vndt dieser vierdten Furie zuehoͤren wollen; also war ich der erste so von dannen vndt auff die nechste straße zue lieff. Die andern kamen hernach geren- net/ vndt hatten mitt dem athem auch fast die sprache verlohren/ wolten den blaͤttern der espen so vmbher stunden am zittern nichts bevor geben. Eine seltzame sache: es stundt der huͤgel/ auff dem wir vns damals befunden/ so ferren nicht von dem vorigen orte/ dennoch blickte vns die Sonne mitt so einem gnaͤdigen auge an/ vndt das graß vmbher war dermaßen trucken/ daß wir leicht ver- stehen kundten/ wie der teuffel nicht allenthalben zue gebieten hatt; vndt also in dem gruͤnen ein wenig rhue zue nemen veranlaßt wor- den.
Als wir nun beydes von dem verlauffe ietziger schrecklichen kuͤnste/ vndt sonsten diesem vndt jenem vnterredung hielten/ gefiel vns die landtart gegenuͤber liegenden Koͤnigreiches sonderlich/ als deßen ebene von dem gemach vndt gemach auffsteigenden gebirge gleich wie von einem krantze vmbgeben ist/ vndt daß außsehen eines kuͤnstlichen schawplatzes hatt/ darinnen etwan die alten jhre spiele zue zeigen gewohnt gewesen. Hieruͤber dann meine drey mitgesel- len/ in erwegung ietziger betruͤbter laͤufften/ auff folgendes hirten- liedt oder gespreche geriehten.
Vena-
Ist jenes dann das feldt/ liegt dahinein das landt/ Wo vnlengst eine glut so hoch ist auffgebrandt/ Darvon wir schaͤffer auch bey vnserm klaren Reine/ Sindt worden angesteckt? wir saßen vor im weine/ Das vieh gieng in das graß biß an den bauch hinein; Jetzt sehen wir den krieg fuͤr schaffe/ blut fuͤr wein.
Hatt diß gebirge dann den namen von den riesen? Entspringt mein Landesstrom vmb diese schoͤne wiesen? Du suchst dir ja den weg zur Mulde gar zur weit/ Vndt hast auß jhr geschoͤpfft/ o Elbe/ noth vndt streit.
Diß ist der Boͤhmerwaldt/ das heißen die Sudeten; Wie hoch sie aber gehn/ so sindt doch angst vndt noͤthen Geflogen vber sie. du hast nur vnser landt Vergebens/ o natur/ von diesem abgetrannt.
Wer hette diß gedacht! noch ist es so weit kommen/ Ein frembdes gluͤcke hatt den Neckar eingenommen/ Sampt vnser hirtentrifft/ vndt mich hinweg gejagt Von deßen buͤhels rhue wo Jette wargesagt.
Ich hette doch vermeint/ es solte ja dein singen/ Dein edler schaͤffer thon/ dir gunst vndt liebe bringen/ Vndt freye ficherhen.
der Musen seiten spiel/ Es sey so guet es kan/ schafft eben also viel Bey einer heereskrafft/ als etwan eine taube Fuͤr einem adler gilt der außfleugt nach dem raube.
G iij
Es ist
Es ist ein berg bey vns/ vom Neckar nicht sehr weit/ Der heißt der koͤnigstul/ da hatt zue mancher zeit/ Von einer eichen her/ die schildtkrae angek uͤndet Was eben ietzt mein landt (nicht ietzt mein landt) empfindet: Sie hatt vns wol gesagt: jhr schaͤffer/ seht euch fuͤr: Nun milckt man vnser vieh auff eine stunde zwier; Die euter werden schlaff.
es bleibet nichts bestehen In dieser gantzen welt: muß doch zue ruͤste gehen/ So offr es abendt wirdt/ der schoͤne himmelsschildt.
Wo haͤuser sindt war feldt: es leufft viel mal ein wildt/ Da etwan fuͤr der zeit ist eine stadt gewesen.
Das obst ist abgerupfft/ der reiffe wein gelesen; Die eicheln fallen seibst; die zarten bircken hier/ Die fichten laßen gehn jhr laub die gruͤne ziehr.
Die blumen werden welck/ die weide muß verterben.
Man schlacht’ es oder nicht/ so muß das vieh doch sterben.
Den leichten voͤgeln wirdt jhr leben gar nicht schwer; Sie fischen in der lufft gesichert hin vndt her/ Vndt koͤnnen stets daheim vndt in dem jhren reisen; Ein quell giebt jhnen tranck/ der pusch vndt acker speisen; Doch mußen sie dar von.
der rawen kaͤlte zeit Die dringt vns auff den halß
Wann
wann alles uͤberschneyt Wndt zue gewintert ist/ so koͤmpt der fruͤling wieder.
Dann hoͤrt man durch die lufft der voͤgel schoͤne lieder.
Das vieh verleßt den stall.
die weide wirdt derjuͤngt.
Die blumen finden sich.
Cibelens fichte bringt Ein newes laub herfuͤr.
die frome bircke bluͤher.
Die eiche schlaͤget auß.
der suͤße weinstock siehet Sich nach den augen vmb.
der obstbawm zeucht sein kleidt Die blaͤtter wieder an.
das stadtvolck ist erfrewt.
Das dorff geht auff das feldt.
so laßt vns dem vertrawen Der doiff/ stadt/ obst vndt wein/ der baͤwme/ feldt vndt awen/ Der vieh vndt vogel hegt; sein werther sonnenschein Wirdt nach der strengen lufft vns desto lieber sein.
Diß hirtengetichte ermunterte mich/ nicht gar leer auß zue gehen: damit ich aber nicht auß meiner alten gewohnheit schritte/ fieng ich also an zue singen:
Meine Frewde die mich bindet Ist der list vndt kraͤuter frey: Zwar sie hatt mich angezuͤndet/ Doch ohn alle Zauberey: Daß mein sinn sich jhr ergiebt/ Koͤmpt daher weil sie mich liebt.
Diese Circe hatt beysammen Ihrer augen plitz vndt glantz/ Des gesichtes helle flammen Das mir meines nicht leßt gantz; Ihre woͤrter die sie weiß Nemen aller kunst den preiß.
Ihre ziehr darff nichts begehren Was man sonst zue huͤlffe rufft/ Darff den monden nicht beschweren/ Rhat nicht suchen bey der lufft: Lufft vndt monden darff nicht sein/ Wo schon ist jhr tageschein.
Welchem nicht zue hertzen steigen Dieser wangen milch vndt blut/ Dieses reden/ dieses schweigen/ Diese jugendt/ dieser muth Der mir meinen muth zerbricht/ Den bekehrt kein Zaubern nicht.
Hiernach stunden wir auff/ vndt wanderten allgemach durch die gefilde vndt wiesen dißeits vndt nach mitternacht zue/ wo wir erstlich hiesiger orte einander angetroffen. Im herunter steigen sahen wir zwilchen den felsen vndt huͤgeln drey tieffe thaͤler/ darin-
nen
nen der schnee/ welcher niemals ab zue gehen pflegt/ vns dermas- sen in die augen glaͤntzte/ daß wir gleichsam darvon geblendet wur- den. Wir gerhieten auch an einem heckichten vndt wuͤsten orte zue einein see/ deßen schwartzes vndt finsteres waßer/ darinnen weder fisch noch gefluͤgel gespuͤret wardt/ vns fast ein grausen ver- ursachte. Kurtz darauff giengen wir durch ein lustiges puͤschlein/ deßen gelegenheit/ wegen der naͤhe noch eines andern kleineren sees/ der gruͤnen baͤwme/ berg ab rauschenden baͤche/ vndt son- derlichen anmutigkeit eine herbrige der Waldtnimfen/ eine rhue der hirten/ eine gelehrte entweichung der Poeten/ ein spatzierplatz der liebhabenden gemuͤter zue sein schiene: wie wir dann an den staͤmmen der hohen baͤwme vnterschiedene gedancken vndt tichtun- gen sinnreicher geister eingeschnitten funden. Wir kundten vns mitt lesen kaum saͤttigen/ vndt zwar schiene sich nichts beßer zue reimen als die vngereimte folgende
Sechstine.
Wo ist mein auffenthalt/ mein trost vndt schoͤnes liecht? Der truͤbe winter koͤmpt/ die nacht verkuͤrtzt den tag: Ich irre gantz betruͤbt vmb diesen oͤden waldt: Doch were gleich ietzt lentz/ vndt tag ohn alle nacht/ Vndt hett’ ich fuͤr den waldt die lust der gantzen welt/ Was ist welt tag vndt lentz/ wo nicht ist meine ziehr?
Ein schoͤnes frisches quell giebt blumen jhre ziehr/ Dem starcken adler ist nichts liebers als das liecht/ Die suͤße nachtigal singt froͤlich auff den tag/ Die lerche sucher korn/ die ringeltaube waldt/ Der reiger einen teich/ die eule truͤbe nacht; Mein Lieb/ ich suche dich fuͤr allem auff der welt.
So lange bist du mir das liebste von der welt/ So lange Pales hegt der gruͤnen weide ziehr/
H
So
So lange Cucifer entdeckt das klare liecht/ So lange Tuans glantz bescheint den hellen tag/ So lange Bacchus liebt den wein/ vndt Pan den waldt/ So lange Cynthia vns leuchtet bey der nacht.
Die schnelle hindinn sucht den hirschen in der nacht/ Was schwimmt/ vndt geht/ vndt kreucht liebt durch die gantze welt/ Die grimme woͤlffinn schaͤtzt den wolff fuͤr jhre ziehr/ Die sternen leihen vns zum lieben selbst jhr liecht; Ich aber gehe nun allhier schon manchen tag/ O Schwester/ ohne dich durch herge/ wildt vndt waldt.
Was ist wo du nicht bist? so viel der kuͤhle waldt Ein sandtfeldt uͤbettrifft/ der morgen fuͤr der nacht Vns angenemer ist/ der mahler dieser welt Der lentz fuͤr winterlufft/ so viel ist deine ziehr/ Die schoͤnheit/ diese lust mir lieber/ o mein liecht/ Als das so weit vndt breit bestralt wirdt durch den tag.
Der trost erquickt mich doch es komme fast der tag Da ich nicht werde mehr bewohnen berg vndt waldt/ Da deine gegenwart/ vndt die gewuͤndtschte nacht Der trew noch lohnen soll: in deßen wirdt die welt Vergeßen jhrer selbst/ eh’ als ich deiner ziehr/ Mein hoͤchster auffenthalt/ mein trost vndt schoͤnes liecht.
Laß wachsen/ edler waldt/ mitt dir mein trewes liecht/ Die liebste von der welt; es schade deiner zieht/ O bawm/ kein heißer tag/ vndt keine kalte nacht.
Sie andern drey lobten das
Sonnet
uͤber die augen der Astree.
Diß sindt die augen: was? die goͤtter; sie gewinnen Der helden krafft vndt muth mitt jhrer schoͤnheit macht: Nicht goͤtter; himmel mehr; dann jhrer farbe pracht Ist himmelblaw/ jhr lauff ist uͤber menschen sinnen:
Nicht
Nicht himmel; sonnen selbst/ die also blenden koͤnnen Daß wir vmb mittagszeit nur sehen lauter nacht: Nicht sonnen; sondern plitz/ der schnell vndt vnbedacht Herab schlegt wann es ie zue donnern wil beginnen.
Doch keines: goͤtter nicht/ die boͤses nie begehen; Nicht himmel/ dann der lauff des himmels wancker nicht; Nicht sonnen/ dann es ist nur einet Sonne liecht;
Plitz auch nicht/ weil kein plitz so lange kan bestehen: Zedennoch siehet sie des volckes blinder wahn Fuͤr himmel/ sonnen/ plitz vndt goͤtter selber an.
Die vnterschrifft war: Der vnwuͤrdig Gekroͤnte zue ehren dem
Nutzbaren.
Daher wir abnemen kundten/ daß es auff personen auß dem edelen mittel der vnsterblichen Fruchtbringenden Gesell- schafft gemeinet were. Ob wir nun gleich des kletterns vndt stei- gens halben fast muͤde waren/ schaͤtzten wir doch den gang von die- ser lust wol bezahlt zue sein; namen vns aber fuͤr/ nunmehr ohn vmbschweiff gerichts ein zue gehen/ vndt den tag mitt besichtigung des warmen brunnens/ deßen vrsprung vns von der holdtseligen Hercinie erzehlt wurden/ zue beschließen. Vnter weges hielten wir allerhandt gespreche/ von der miltreichen versehung vndt guͤte Gottes/ deßen gnaͤdigste außtheilung ein landt mitt dieser/ das andere mitt jener eigenschafft vndt guͤte begabet hatt.
Hier waͤchset gerne korn/ da obst/ vndt dorte wein/
Sabéa schickt geruch/ der Inde helffenbein;
sagte Nuͤßler. Sonderlich/ fleng Buchner an/ hatt sich die magdt des Hoͤchsten/ die guͤtige natur/ an der see/ den fluͤßen vnd quellen außgelaßen/ vndt ihr bestes meisterstuͤck erwiesen. Das meer ist ein stetswehrender gefaͤhrte des Mondens/ waͤchst mitt jhm auff/ vndt wirdt auch mitt jhm alt: des waßers gaben aber sindt so vielfaͤltig/ daß es vom Thales das staͤrckste element/ aller
H ij
dinge
dinge vrsprung/ eine geseelete welt/ die voller geister sey/ ist ge- nennt worden. In Beotien sollen zwey fluͤße sein/ deren einer al- le schaffe so darauß trincken schwartz/ der andere weiß macht. In der stadt Garamant soll der brunnen Dubris des tages zehen mal eißkalt/ vndt des nachts zehen mal siedendt heiß sein. In der La- rinensischen gegendt sindt zwey brunnen nahe beysammen/ von denen der eine alles in sich schluckt/ der andere alles außwirfft. Welcher auß dem Clitorischen brunnen trincket/ soll auch den wein nur nicht riechen koͤnnen. In Teno ist ein quell/ deßen was- ser sich vnter keinen wein mengen leßt; vndt ich moͤchte leiden/ daß alle waͤßer dieser art weren.
Man sagt von einem brunnen in vnserm Deutschlande/ daß wann iemandt eine henne hinein steckt die er mitt guetem titul be- kommen/ so sollen jhr die federn stracks gebruͤhet werden vndt ab- gehen; hatt er sie aber gestolen/ so bleibe sie wie sie zuevor gewe- len. Vnsere reiseleute auß Italien wißen von den zweyen brun- nen zue sagen/ in deren einem ein hundt stracks sterben/ in dem an- dern baldt wiederumb lebendig werden soll. In Schottlandt soll sich ein waßer in stein verwandeln. Das habe ich/ fieng ich an/ im Zips an etlichen brunnen mitt meinen augen gesehen. Doch ist mir noch seltzamer fuͤrkommen die pfuͤtze oder das see bey Thor- da in Siebenbuͤrgen/ welches/ ob es zwar von vnglaublicher tief- fe ist/ dennoch keinen menschen vntersincken leßt/ er kan schwim- men oder nicht.
Dieses sindt kunstwaͤßer/ sagte Nuͤßler/ derer eigenschafften auch jhrer natuͤrlichen vrsachen sonder zweiffel nicht mangeln/ wiewol sie bey einem leichter zue ergruͤnden sindt als bey dem an- dern; aber dennoch kommen sie der fabel des elendes dem menschen also nicht zue staten wie andere/ denen die Goͤttinn Higia vndt die
heil-
heilsamen Nimfen eine solche krafft vndt art eingepflantzet/ wel- che nutzbarkeit vndt fromen bringt. Auß denen auch ist das liebli- che augenquell bey Cicerons Mayerguete so Academie geheißen/ darvon sein frey gelaßener Laurea Tullius fast deßen innhalts ge- schrieben:
Du Hochberedter mann/ dem Rom muß schuldig sein
Die freyheit/ vndt sich selbst/ vndt alle sein Latein/
Der waldt hier der durch dich in newen baw ist kommen/
Diß Vorwerg wo du dir zue schreiben fuͤrgenommen/
Zue suchen deine rhue/ ist schoner als zuevor:
Vndt diß noch nicht genung; es springt ein quell empor/
Ein newes wunderquell/ das vnter andern sachen
Ein bloͤdes angesicht kan klar vndt lauter machen.
Der ort/ o Cicero/ thut dieses alles dir/
Der edle brunnen quillet nur wegen dein herfuͤr:
Dann weil man weit vndt breit dich lesen wirdt auff erden/
So muß das waßer auch der augen artzney werden.
Zur Schmelnitz/ fieng ich an/ etzliche meilen von Caschaw wirdt das eisen durch ein quell inner halb wenig stunden in schlich/ vndt dieser in kupffer verwandelt. Aber wir haben fast gewonnen; redte ich weiter. Schawet das feste schloß zur rechten handt auff dem hohen berge ist vorgemeldeter Kinast; dort hinein zur lincken liegt die Kemnitz/ welche Ihr Gn. Herr Obrister Schaffgotsch mitt einem herrlichen hause vndt lustigen gebaͤwden nicht wenig geziehret hatt. Gleich fuͤr vns ist der Warme brunnen/ den wir vns zue besuchen fuͤrgenommen. Ihr koͤnnet auß der lustigen ge- legenheit des ortes/ wo nicht ferren so fruchtbare berge vndt huͤ- gel ringes herumb/ da zue nechst der Zacken/ hier die gruͤnen wie- sen sich anmutig zeigen/ leichtlich absehen/ daß die natur diß heil- same waßer in so ein koͤstliches landt/ als einen fuͤrnemen stein in
H iij
einen
einen guͤldenen ring/ habe versetzen wollen. Von seiner art vndt eigenschafft laße ich die jenigen reden/ denen der geneigte Phebus die geschickligkeit solcher dinge verliehen hatt: es komme auch gleich diese waͤrme entweder von einem verborgenen kalcksteine/ oder von dem durchdringenden zwange der winde/ oder von bestralung der Sonnen vndt des gestirnes/ oder von der schnellen fortschies- sung vndt gaͤhem abfall/ oder von dem heimlichen fewer des erdt- reichs daruͤber das waßer lauffen muß/ oder von andern vrsachen her; so geben doch die kraͤfftigen vndt heilsamen wirckungen/ daß es der gesundtheit des menschen (welcher wegen auch so viel blu- men vndt kraͤuter wachsen mußen/ da wir jhr doch mitt einem ei- nigen gewaͤchse am meisten schaden) fuͤrnemlich zum besten ge- schehe. Taug diß waßer wol zue trincken/ sagte Venator. Des erdtbeches/ saltzes vndt schwefels halben den es fuͤhret/ ist der ge- schmack etwas wiederwertig/ gab ich zur antwort/ auch den au- gen nicht allermaßen dienstlich. Die jenigen aber/ welche sich et- wan an vnreinen weibesbildern verbrennt haben/ wil es gar nicht leiden: vndt melancholischen oder cholerischen leuten bringt es mehr schaden als fromen.
Du bist/ fieng Buchner zue mir an/ dieser orten nicht vnbe- kandt. Freylich nicht/ sagte ich; ich habe mich vor etzlichen jharen bey einer hochansehlichen gesellschafft zwey monat vber allhier zimlich wol befunden/ vndt nicht allein das leben des stattlichen krieges heldens Seyfriedens von Promnitz/ darvon Venator ein vrtheil zue fellen pfleget deßen meine wißenschafft nicht wuͤrdig ist/ sondern auch vnterschiedene getichte/ mehrentheils aber in dem waͤldichinn an dem vfer dortoben/ das nechst dem siege ist/ auffge- setzt: daß ich also erfahren/ wie auch vnsere Musen bey den zarten Najaden nicht vnangenem sindt.
Vnter
Vnter wehrendem gespreche kamen wir durch daß dorff an den brunnen von dem wir reden; betrachteten die newe art des bawes/ der seiner runde vndt anderer weise halben einem heidn i- schen tempel nicht vngleich sahe/ inwendig aber mitt gemaͤchern vndt stuben also eingetheilet war/ daß jhrer mehr zue sein schienen/ weder fast der raum des ortes solte leiden koͤnnen. Mitten innen nun war das berhuͤmbte quell selbst/ daß im auffschießen viel kleine blasen empor warff/ an der farbe aber helle/ durchscheinendt vndt auff art eines weißen saffirs etwas blaͤwlicht an zue schawen war. Nach dem wir vns nun genungsam ersehen/ vndt an dem wunder- wercke der natur augen vndt gemuͤte gesaͤttigt hatten/ ehreten wir des gluͤckseligen quelles halben die einheimischen Nimfen vnde waßergoͤttinnen dieses ortes/ des schoͤnen bawes wegen aber den Hochwolgebornen vndt werthen Helden Hansen Vlrichen von Schaffgotsch; zue deßen billichem lobe wir folgenden innhalts ta- feln an die eußere wandt des edelen bawes auff zue hencken/ bey vn- serem abschiede/ welchen die nunmehr anbrechende Nacht verur- sachte/ saͤmptlich gelobeten.
I.
Nuͤßler.
Hier wo das klare quell mitt einfalt war vmbringet/ Das seiner adern krafft in vnsern adern regt/ Vndt beydes sinnen trost vndt leibes wolfarth hegt/ Hier wo jhr Naja des in schlechter einfalt gienget/
Vndt ewren jaͤgerzeug an faule waͤnde hienget/ Ist worden vmb euch her ein newer grundt gelegt/ Der jetzt das edle hauß zue ewren ehren tregt/ Vndt der Natur auch selbst nicht wenig schoͤnheit bringet.
Diß
Diß hatt der heldt gethan dem dieses ort gehoͤret/ Der seinen namen zwar mitt großen thaten mehret/ Doch gleichwol wirdt von jhm nicht minder auff die noth
Vndt lust der lebens zeit durch dieses werck geschawet. Fragt jhr/ warumb er es nach tempelsart gebawet?
E
r meint gosundtheit sey der siechen leute Gott.
II.
An Ihr Fuͤrstliche Gnaden/ Ihr Gn. Gemahlinn. Buchner.
Solt ich das große lob/ den Koͤniglichen schein/
Die thaten vndt verdienst/ so von dem werthen stande/
Der dich erzeuget hatt/ durch alle ferne lande
Am liechten tage sindt/ recht preisen koͤnnen? nein;
Mir sey die faust dann stahl/ die feder demantstein/
Die tinte hergeholt von dem gelehrten strande
Der beym Parnaß entspringt: mein schiff bleibt an dem rande/
Vndt leßt sich kuͤhnlich nicht in solche wellen ein.
Wann einer ferner auch die sitten/ den verstandt/
Die tugendt so du hast/ der edlen gaben pfandt
Die dir der himmel schenckt/ der gantzen welt wil zeigen/
Muß hoͤher gehn als ich/ wiewol Apollo mir
Mitt milden handen reicht die leyer meine ziehr/
Muß/ heldinn/ uͤberauß wol singen oder schweigen.
III.
Venator.
Ihr Schwestern/ derer geist auff vns Poeten schwebet/
Anietzt begehr ich nicht zue ewrem Helicon;
Ihr
Ihr Waßernimfen kompt/ sucht einen suͤßen thon/
Damit jhr deßen rhum der euch auch ziehrt erhebet.
Ihm dancket daß jhr ietzt das quell noch schoͤner gebet/
Seht jung auß wie jhr seidt/ besitzet einen thron
Der scha wens wuͤrdig ist/ da Venus vndt jhr Sohn/
Vndt alle Gratien/ vndt rhue/ vndt frewde lebet.
Du heldt/ dem dieses Badt von alters zuegehoͤrt/
Du hast jhm seine ziehr durch deinen baw vermehrt/
Drumb hebt ein weiser sinn dich billich hoch auff erden.
Nach dem durch dein verdienst/ durch thaten/ durch verstandt/
Dein schuldner worden ist das gantze Vaterlandt/
So muß das waßer auch von dir begabet werden.
IIII.
Opitz.
Auff jhr klugen Pierinnen/ Laßet vns ein liedt beginnen Einem Helden der euch liebt/ Der bey seinen schoͤnen fluͤßen/ Welche sich herumb ergießen/ Vns auch eine stelle giebt.
Weiß er gleich mitt rittersachen Ihm ein solches lob zue machen Das der alten namen gleicht/ So erkennt er doch daß thaten In die lange nacht gerhaten/ Wann jhr nicht die haͤnde reicht.
Keine heereskrafft kan streiten Wieder die gewalt der zeiten;
J
Das
Das metall vndt eisen bricht; Kron vndt Zepter legt sich nieder; Aber ewre schoͤne lieder Wißen von dem tode nicht.
Herr/ wo sindt die strengen kriege Deiner Ahnen? jhre siege/ Ihr verdienst liegt vnbeklagt. Was schon bleibet vnbesungen Von der schwestern weiser zungen/ Wirdt nicht lange nachgesagt.
Vnser Phebus muß es bringen/ Vndt mitt gruͤner jugendt dringen Durch der eitelkeiten wahn/ Phebus der mich angetrieben Daß ich diß von dir geschrieben Was des grabes lachen kan.
Deine bluͤte/ deine wercke/ Diese ritterliche staͤrcke Fuͤhlet endtlich doch die zeit: Komm/ Heldt/ friste dir das leben/ Komm/ Thalia wirdt dir geben Einen krantz der ewigkeit.
Gedruckt in der Fuͤrst- lichen Stadt Brieg/ durch
Augustinum Gruͤndern.
A. C.
1630.