Das Buͤchlein
IEHI OR
,
oder
Morgenroͤhte der Weißheit.
Von den drey
Principiis
aller Din- ge/ die jmmer sein moͤgen/ dadurch die grossen vnnd viel Geheimnuͤssen beydes in
GOTT,
der Natur vnd Elementen/ so biß daher verborgen gewesen/ entdeckt/ offenbahret/ vnd klar erkant werden.
Zur Ehre GOttes/ Liebe des Nechsten/ vnd den Kindern der Weißheit zur troͤstlichen Frewde.
Jm 4. Buch Esdr
æ
am 6. vers. 20.
Die Buͤcher werden auffgethan werden fuͤr dem Himmel/ also/ daß sie alle zugleich sehen werden
Gedruckt im Jahr
CHRISTI
1640.
Jm Jahr der Welt.
5870
.
Zachar. 14.7.
Jn der zeit des Abends wird das Liecht seyn.
Vorꝛed an den Liebhaber der Weißheit.
F
Reundlicher lieber Leser/ wir er- innern vns vnd wissen daß alle Weißheit von Gott kompt/ vnd alle Guͤte haben von dem Vat- ter des Liechts/ vnnd daß die Weißheit anders nichts ist/ dann ein anhauchen vnd anblasen GOTTES/ welcher sei- nen Geist sendet/ vnd die Menschen leh- ret was da sey die Weißheit/ Warheit vnd rechte Erkaͤntniß: Syrach 1. Ja- cobi 1. Weißheit/ 7. 25. Jobi 32. 8. Weiß- heit/ 9. 17. Johan. 20. 22. Apost. Gesch. 2. Psalm. 94. 10. Syrach 38. 6. Exod. 26. 1. 2.
Nun aber bestehet die Erkaͤntniß fuͤr- nemblich in dreyen/ als Sich selbst er- kennen/ GOTT kennen/ vnnd dann diß was GOTT geschaffen hat: Nach der Weißheit vnnd Erkaͤntniß folget das Gerichte vnd Vrtheil/ nemblich das boͤ-
A 2
se von
Vorꝛed an den Liebhaber
se von den Guten scheiden/ Finsternuͤß von dem Liecht/ vnd Luͤgen von der War- heit. Auff das Gerichte aber folget ent- lich auch die Wahl vnnd der Wille/ eins zu thun/ vnd das ander zu lassen.
Die Erkaͤntniß aller Dinge/ was es auch sey/ ist dreyerley/ nemlich der Men- schen/ der Engel/ vnd Gottes. Der Men- schen Erkaͤntnuß in dieser Welt ist nur stuͤckwerck; der Engel Erkaͤntnuß ist mit Furcht vnnd sorglich; Gottes aber ist al- lein vollkommen. Alle Weißheit/ Er- kaͤntnuß vnnd auch die pruͤfung dersel- ben/ kompt allein von dem Geist her/ der in den Menschen/ in den Engeln vnd in Gott ist/ dann der Geist erforschet alles/ auch die Tieffen Gottes. 1. Cor. 2. 10. 11.
Die Weißheit/ Erkaͤntniß vnd Vr- theil oder pruͤfung der Menschen ist drey- erley/ nach dem Geist derselben/ nemblich der Geist der Menschen dieser Welt ins gemein/ welcher Weißheit Thorheit ist fuͤr Gott/ wann sie auch gleich noch so gelehrt fuͤr der Welt weren/ so ist jhnen doch das Vollkommene vnnd die wahre
Weiß-
Vorꝛed.
Weißheit verborgen/ dieweil sie nemlich sich selbst nicht kennen. 1. Corinth. 1. vnd 2. Matth. 11. 25. Diese Weisen werden genennet
Philosophi:
darnach der Geist der Secten/ die sich der H. Schrifft ruͤh- men/ Christi vnd Gottes/ haben aber desselben keine Erkaͤntnuß/ vrsach ist/ weil sie keinen Geist haben auß GOtt/ sondern alles nur Menschlich vrtheilen von Gott vnd Christo/ vnd seind Jrꝛ- disch/ Fleischlich/ Vngeistlich gesinnet/ voll Jrꝛthumb vnd Verwirꝛung: Ent- lich der Geist der Heyligen Gottes/ de- rer die da Goͤttlich vnd Geistlich gesin- net/ vnd von Gott gelehrt seynd.
Der ersten jhre Weißheit vnnd Er- kaͤntnuß ist voll Thorheit/ Finsternuß vñ Vnverstandt/ der andern voll verfuͤh- rung/ verwirꝛung vnd stetem Streit; der drittẽ aber jhre Erkaͤntnuß ist stuͤckwerck/ wiewol es recht vñ gut ist. Roͤm. 1. 19. ꝛc. Ephes. 4. 18. Coloss. 2. 8. 2. Timoth. 3. vnd 4. 1. Corint. 13. 9, 11. Nun aber stre- ben die Weisen nach den besten Gaben/ vnd nach den Vollkommenen/ welche
A 3
seind
Vorꝛed.
seind dreyerley: Die Liebe/ die Weissa- gung/ vnd die Pruͤfung.
Die Liebe ist das
Centrum,
vnnd be- greifft den Circkel aller Goͤttlichen Tu- genden/ auch den Glauben vnd die Hoff- nung in sich; die Weissagung aber alle Erkaͤntnuß/ Weißheit vnd Lehre; vnnd endlich die Pruͤfung begreifft in sich al- len Verstandt/ Vrtheil vnd Gerichte. Jn diesen dreyen wird alles beschlos- sen das zur Weißheit gehoͤret/ welcher dreyer jhr
Centrum
ist das Wort Got- tes.
Dieses ist es/ dessen wir vns alle be- fleissigen sollen/ vnnd einer dem andern damit dienen/ an vnd mit der Gabe/ die er empfangen hat vom Geist der Gna- den/ auff daß wir Gott preysen/ den Ge- ber alles guten/ vnd daß sich niemandt wider den andern auffblase wegen sei- ner Gaben/ sondern vielmehr erniedri- ge/ in vnnd bey sich selbst/ darnach daß auch niemandt den Geist dempfe/ weder in sich selbst/ noch in einem andern/ son- dern vielmehr erwecke/ vnd entlich auch
niemandt
Vorꝛed.
niemandt die Weissagung verachte/ auff daß sich niemandt weder an Gott noch an seinem Nechsten/ noch auch an sich selbst versuͤndige.
Die Liebe nun vertraͤget alles/ die Weissagung des Geistes erforschet vnd verkuͤndiget alles/ vnd die Pruͤfung be- wehret alles.
Dieweil wir vns dann fuͤrgenommen haben durch erinnerung des Geistes von der Weißheit zu reden/ so viel als vn- ser stuͤckwerck mit sich bringet vnd ver- mag/ so bitten wir nach der Liebe den Le- ser dieses vnsers Buͤchleins/ daß die je- nigen/ welchen wir nicht gefallen/ vns dennoch in der Liebe wollen vertragen/ vnd gedencken daß auch die Weisen die Narꝛen mussen vertragen/ vnd daß was etwan hierin gesagt wird/ nicht als- bald verwerffen/ sondern viel lieber in mitten stehen lassen/ vnd gedencken daß auch GOtt selbst Gedult habe mit den Suͤndern. So aber jemandt sich laͤsset weise duͤncken/ der zeige dar den Geist des Gerichts/ vnd vrtheile also/ damit
A 4
er nicht
Vorꝛed.
er nicht sich selber richtet/ dann wir hal- ten dafuͤr/ daß wir auch eine Gabe vom Geist der Gnaden empfangen haben welche wir nicht moͤgen verbergen noch ersterben lassen/ sondern dem Herꝛn zu Lobe auff Wucher außthun/ den Kin- dern der Weißheit zu liebe/ ob schon nit zur Vnterweisung/ vñ vns selbst zu einẽ guten Zeugnuͤß/ daß wir nit vergeblich die Gabe des Geistes empfangen haben.
Daß vns aber bewogen hat dieses Buͤchlein zu schreiben/ ist die Vrsach eben dieses/ was bißher gesaget worden/ ob vielleicht den Kindern der Weißheit damit moͤchte gewillfahret werden/ vnd wiewol wir etwan vor zwoͤlff Jahren dergleichen auß gehen lassen/ dessen Ti- tul war Morgenroͤhte der Weißheit/ so ist es doch in Abgang kommen/ vnnd etwan von etlichen wiederumb begehret worden/ hab derowegen dieses Buͤchlein beym vorigen Titul vnnd Vberschrifft bleiben lassen/ aber doch verhoffentlich vmb ein zimbliches verbesseren wollen/ vnd zwar auffs allerkuͤrtzeste darstellen/
damit
Vorꝛed.
damit es/ nemblich dem Leser desto fuͤg- licher seyn moͤchte/ desto ehe zu erkauffen/ auch dem Verleger vnnd Trucker desto minder Vnkosten vñ Muͤhe zu machen; Der Guͤnstige Leser wolle alles zum bestẽ deuten/ vñ vns anders nicht dañ in Liebe auffnehmẽ/ welchen wir sampt allen wol- gesinneten/ vnd auch vns allerseits dem Herꝛn vñ seiner reichen Gnade befehlen.
Morgenroͤthe der Weißheit.
W
Jr wollen vns die Freyheit neh- men nach der Gabe des Geists/ vñ in diesem Buͤchlein in aller kurtze reden von der Weißheit/ ohne allen vmbschweiff vnd weitlaͤufftigkeit/ vñ weil wir in der Vorꝛede gesagt haben von dreyerley Erkaͤntnuß/ als der Menschen/ der Engel vnd Gottes/ so wollen wir nun hier sagen/ daß die Weißheit auch drey- erley sey/ als die Natuͤrliche an allen ge- schaffenen Dingẽ/ darnach die Weißheit des Glaubens zur Seeligkeit/ vnd dann auch die heimblich verborgene Weißheit/ die sonst ins gemein nicht erkant ist vnd
A 5
wird/
Vorꝛed.
wird/ vnnd das nennen wir
Physiso- phiam, Theologiam
vñ
Theosophiam:
Von dieser dreyerley Weißheit wollen wir/ nach deme sichs an die Handt geben wird/ reden/ in aller kuͤrtze: Der Geist des
Herrn
wolle beydes/ mit dem Schrei- ber vnd auch mit dem Leser sein in Gna- den/ Amen.
Des
Des Buͤchleins
IEHI OR
oder Morgenroͤhte der Weißheit/ Erste Capittel. Von den Buͤchern der Weißheit/ dar- auß man dieselbe studiren vnd erler- nen kan/ auch wie vnd auff was weise.
E
S seind fuͤrnemblich nur drey Buͤ- cher/ darinnen alle Weißheit einver- leibet/ geschrieben vnnd verzeichnet ist/ nemlich/ 1. die gantze Natur vnd Schoͤpffung/ in dem grossen Buch Himmels vnd der Erden: Darnach 2. das Buch der H. Schrifft am Buchstaben des Worts Got- tes/ dann endlich 3. der Mensch selber. Die- ser dreyer Buͤcher einiges
Principium
vnd
Centrum
ist das
VVORT GOTTES,
so da ist das rechte Buch/ auß welchem diese drey Buͤcher durchauß herkommen vnd vhrsten- den.
Das erste Buch der Natur hat sieben an-
A 6
dere
Morgenroͤthe der Weißheit.
dere Buͤcher in sich/ welches seind die sieben Element/ von denen hernach besonders. Diese sieben Buͤcher haben gegen sich drey andere Buͤcher/ so da seind die drey Gegen-Element/ von welchen auch hernach: Das ander Buch die H. Schrifft ist verfasset in drey andere Buͤcher/ als in das Gesetz des Alten/ ins Evangelium des Newen/ vnd in das Ewige Evangelium des Ewigen Testaments vnd Bundes/ welchs begreifft das Buch der Of- fenbahrung
IESV CHRISTI:
Das dritte Buch/ der Mensch/ ist an sich selbst nur ein einiges Buch/ aber es ist versiegelt den blindẽ/ vñ doch auffgethan den sehenden. Jn diesem Buche ist alle Weißheit beydes verborgen/ versiegelt/ vnd doch auch gantz entdeckt vnnd offenbahr/ vnd wird der Mensch genant ein Bild vnd Ehre
GOTTES,
davon drunden/ vnd anders zwar kan auch der Mensch nicht genennet werden. 1. Corint. 11. 7.
Auß dem ersten Buch studiren wir
Phy- sisophiam,
die natuͤrliche Weißheit/ in vnnd am erkaͤntnuß der geschaffenen vnnd natuͤr- lichen Dinge/ die auß den Elementen seind; Vnd zwar studiren wir diese Weißheit auß den 3.
Principiis
vnd 7. Elementen/ vnnd schei- den dieselben von den 3. Gegen Elementen/ sonst moͤgen wir die Warheit der natuͤrlichen Weißheit nicht erkuͤndigen noch finden.
Auß dem andern Buch studiren vnnd er-
lernen
Morgenroͤhte der Weißheit.
lernen wir
Theologiam,
die Weißheit zur Seeligkeit/ vnnd zwar in denselben drey vor- gedachten Buͤchern/ durch die sieben Geister/ Esaie 11. vnnd scheiden davon alle Mensch- liche Glossen vnd Buͤcher der Vngeistlichen/ dann diß Buch legt sich selber auß/ vnnd be- darff gantz keiner Menschlichen außlegung/ sondern nur des Glaubens/ der alles fasset. Auß dem dritten Buch/ so da ist ein Bild
GOTTES,
studiren wir die wahre Erkaͤntnuß
GOTTES,
auch seines Wesens vñ seines gan- tzen Geheimnuͤsses/ also daß/ wer da
GOTT
erkennen wil/ der muß denselben an seinē Bil- de erkennen lernen/ vnnd zwar vollkommen/ welche vollkommene Erkaͤntnuß dann ist/ daß
GOTT
ein Mensch ist/ vnd daß diß ein wahrer Mensch ist/ der da auß
GOTT,
vnnd
GOTT
in jhm ist.
Diß ist die Weißheit/ die da heimblich vnd verborgen ist bißher/ vnnd ist doch offenbar/ aber allein fuͤr den Weisen/ vnd heist
Theo- sophia,
dieweil sich
GOTT
nirgendswo so gar deutlich offenbahret/ als an den Men- schen/ der da ist
GOTTES
Bild vnd Ehre. 1. Corinth. 11. 7. Darumb so darff niemand an- derswo hingehen/ dann nur in sich selbst/ die wahre Erkaͤntnuß
GOTTES
zu studiren vnd zu erlernen/ vnd suchen
GOTT
in sich selbst/ vnd sich selbst in
GOTT,
wo aber dieses nicht geschicht/ da ist alles vmbsonst/ vnd nimmer
A 7
auch
Morgenroͤhte der Weißheit.
auch nirgend keine Weißheit zu finden. A- post. Gesch. 17. 27. ꝛc. Luc. 17. 21.
Dieweil aber alle drey Buͤcher von dem nur einigen Buche/ als dem
VVORT
her- kommen/ so zeugen sie auch alle drey einhel- liglich von diesem Buch
, nem- blich ein jegliches in seinem Buchstaben/ Weißheit vnd Zeugnuß/ keins aber so vber- auß hell/ klar vnnd deutlich als der Mensch- Diß ist nun aller Weisen/ grosse/ gantze vnd vollkommene Librarey/ daran sie sich willig vnd billig genuͤgen lassen.
Alle Weiß heit vnd Erkaͤntnuß sampt der- selben Geheimnuͤssen in diesen Buͤchern moͤ- gen wir anders gar nicht studiren vnd erler- len/ dann allein nur durch denselbigen Geist/ welcher diese drey Buͤcher selbst geschrieben/ gemacht vnnd bezeuget hat/ darumb/ wer in diesen Buͤchern wilstudiren/ der muß zum allerersten seine blindheit/ thorheit vnnd vn- wissenheit von Hertzen erkennen/ bekennen/ vnnd den Vatter der Liechter vmb erleuch- tung/ Weißheit vnnd Verstandt bitten/ daß er seinen H. Geist senden wolle/ der vns in alle Weißheit einfuͤhren/ in alle Warheit leiten/ vnd von aller Thorheit vnd Luͤgen ab- fuͤhren/ vnnd zu dem Liecht der Herꝛligkeit Gottes bringen moͤge.
Solches aber mag durch kein ander mit- tel zugehen vnnd geschehen/ dann durch die
Liebe
Morgenroͤhte der Weißheit.
Liebe zu
GOTT
vnd zu des Menschens eige- nen Seeligkeit/ vnd durch ein heiliges Leben/ ohne alle heucheley/ vnd durch das Liecht so von oben herab kompt/ vnd nicht aber von vn- den her/ von den Menschen vnd jhrer Weiß- heit/ welchen alle die absagen mussen/ so die Weißheit der Heyligen studiren vnnd erler- nen wollen. Wer aber der Weißheit der Vn- geistlichen Menschen nicht absaget vnd die- selbe nicht fahren laͤsset/ der mag auch die Weißheit der Heyligen nicht erlernen.
Wir wollen aber also sagen/ daß nemblich alle diese Buͤcher bißher versiegelt gewesen seyn/ nun aber am Ende der Welt auffgethan werden/ nach der Weissagung/ 4. Esdr
æ
/ 6. 20. Daniel 12. 9. Zachar. 14. 7. vnd so es die Weisen dieser Welt verdriessen moͤchte was wir sagen/ so verꝛahten sie sich selbst/ daß sie die Weißheit der Heyligen nicht haben.
Die Buͤcher der Weißheit aber nun zeu- gen einhelliglich von dem Wort/ durch wel- ches alle Ding geschaffen seind/ in welchem auch allein alle Weißheit beruhet/ vnnd das da ist der Anfang alles Anfangs/ in wel- chem Alles ist/ vnd ohne welches nichts ist/ das da ist Alles in Allem/
GOTT,
gebene- deyet in Ewigkeit/ Amen.
Das
Morgenroͤhte der Weißheit.
Das 2. Capittel. Von denen
Principiis
vnd Anfang al- ler Dinge/ auch
GOTTES
selbsten/ vnd alles dessen was da jm- mermehr ist.
D
As
Principium Principiorum
vnd Anfang alles Anfanges/ auch
GOTTES
selbsten/ ist allein das
VVORT,
nach dem zeugnuͤß der Goͤttlichen Warheit vnnd Wortes selbsten. Johan. 1. Nun aber mag das Wort anders nicht
defi
nirt vnd beschrieben werden/ dann daß es ist ein Geist/ Athem vnnd Stimme
GOTTES,
ja
GOTT
selbst in einer solchen Substantz/ Wesen vnd Leibhafftigkeit/ als nemblich vns das Bilde
GOTTES,
nach dem Gleichnuͤß darzeiget/ so da ist der Mensch/ also daß es ist ein lebendigmachender Geist/ ein Geistlicher Adam vñ himlischer Mensch/ der da ist
GOTT
der
HERR,
hochgelobet in Ewigkeit/ Amen.
So halten wir nun gaͤntzlich dafuͤr/ daß diß die eigentliche
Definition
vnd namentliche Beschreibung
GOTTES
sey/ vnd anders kei- ne/ als dann die H. Schrifft klar andeutet/ 1. Corinth. 15. 45, 47, 48. der da nach seinem Bilde vnd nach seiner Gleichnuͤß/ auch einen Seelischen Adam vnd jrꝛdischen Menschen
gemacht
Morgenroͤhte der Weißheit.
gemacht hat/ da
GOTT
sprach: Lasset vns Adam oder Mensch machen zu vnserm Bil- de/ nach vnserer Gleichheit. Genes. 1. 26, 27.
Dieweil aber nun das
VVORT
der An- fang alles Anfangs ist/ so ist auch in dem- selben begriffen das Liecht/ das Leben vnnd dann die Liebe. Das Liecht gibt die Offen- bahrung
GOTTES,
dañ
GOTT
ist ein Liecht/ vnd wohnet im Liechte/ vnnd ist ein Vatter der Liechter. Das Leben ist die Krafft
GOTTES,
vnd zwar ein lebendigmachender Geist/ so da alles vermag/ schaffet vnd auch erhelt.
Die Liebe ist das Zeugnuͤß
GOTTES,
in welchem ist der Vatter/ der Sohn/ vnnd der H. Geist/ in einem
VVORT,
so da heißt
CHRISTVS IESVS,
der Geistliche Adam vnd Himlische Mensch Messias/ der da we- sentlich ist/
Alpha
vnd
Omega,
vnnd Alles in allen/ der Anfang zwar vnnd das Ende/ der erste vnd auch der letzte/ hochgelobet in Ewig- keit/ Amen. Offenbahr. 1. vnd 22.
Demnach nun das
VVORT
ist das wah- re
Principium
in
GOTT
selbsten/ so kompt freylich auch Alles von dem Worte her/ auß welchem sich dann offenbahren fuͤrnemblich drey allgemeine General
Principia,
in wel- chen
Principiis,
mit vñ durch welche alle Ding beschlossen werden/ heissen vnd seind aber die- se: nemblich
GOTT,
die Natur/ Element.
Diese
Morgenroͤthe der Weißheit.
Diese drey General
Principia
nun/ geben auch eine dreyerley Welt/ nemblich eine Goͤt- liche vngeschaffene auß
GOTT
außfliessende Welt von Ewigkeit: Dann eine Englische Welt/ welche da außfleust oder herauß leuch- tet auß dem Liecht/ in welchem
GOTT
woh- net; vnd endlich eine Elementarische Welt/ die da geuhrstendet vnd außgeflossen ist auß dem Wasser.
Nach den drey General
Principiis
folgen nun auch die drey Special
Principia,
die da seind namentlich/ Geist/ Wind vnd Wasser. Eine jegliche Welt nun hat jhren eigenen Geist/ Wind vnd Wasser in jhrer Natur. Alle die da auß der Goͤttlichen Welt von oben herab gebohren werden/ die werden auß dem Wasser vnnd Geist von oben herab ge- bohren/ durch den Wind vnd Athem oder anhauchen vnd anblasen des Allmaͤchtigen
GOTTES.
Der Goͤttlichen Welt
compe
tirt oder kompt eigentlich der Geist zu/ der En- glischen Welt der Wind/ vnd der Elementa- rischen Welt das Wasser. Johan. 3.
Nach den Special
Principiis
folgen end- lich die
particularia Principia,
welche ein jeg- liches vollkommenes
Ens
oder Ding an sich hat/ auß vnd von vnd in welchen es bestehet vnd ist. Diese drey
Principia
aber nun kom- men her von den andern vorigen/ vnnd seind Geist/ Seele oder Leben vnnd Leib. Aller
Leib
Morgenroͤhte der Weißheit.
Leib ist auß dem Wasser/ alles Leben vnnd Seele ist auß dem Winde/ vnnd aller Geist auß dem Geist. So viel aber die Engel be- langet/ ist jhr Leib auß dem Winde der En- glischen Welt/ jhre Seele vnd Leben eine Fewerflamme/ vnd jhr Geist ein Liecht/ da- von anderswo.
Diß seind vnsere
Principia
in der Weiß- heit/ darauß alle Dinge vhrstenden/ ob vns jemand andere
Principia
zeigen werde/ daran zweiffelen wir. Das
Primum Mobile,
erstbe- wegende aller Dinge ist das Wort/ dann in demselben ist das Leben.
Secundum Mobile,
das andere so alle Ding beweget/ ist der Geist/ durch welchen alles geschaffen wird.
Tertium Mobile,
das dritte ist der Wind; vnd diese drey bewegende
Principia
seind das
Per- petuum Mobile,
ewigbewegende aller Dinge/ dardurch alles lebt vnd schwebt vnd ist. Diese drey aber ruhen auff dem Wasser Leiblich/ auß welchem die Welt ist vnnd alle Dinge seynd/ vnd in der Lufft nach dem Leben/ dar- innen alle Dinge seynd; vnd in dem Himmel/ von welchem alles von Oben herab kompt/ nach dem Geist/ der Geist aber von
GOTT,
von welchem Er kompt vnd dahin Er auch wieder faͤhret. Johan. 1. 4. Psalm. 104. 30. Apost. Gesch. 17. 28. Prediger. 12. 7. Alles aber zugleich vnd zusammen/ kompt zusam- men an vnd in der Erden/ als im Hertzen der Welt. Weißheit. 1. 7.
Jn
Morgenroͤhte der Weißheit.
Jn diesen
Principiis,
auß vnnd mit vnnd durch dieselben bestehen alle Dinge/ vnd ohne dieselbige bestehet vnd ist nirgend nichts/ daß da ist/ vnd seind Liecht/ Leben vnd Liebe;
GOTT,
Natur vnd Element; Geist/ Wind vnd Wasser; Leib/ Seele vnd Geist/ vnd das im
VVORT.
Das 3. Capittel. Von dem ersten
Principio
aller Din- ge/ so da ist
GOTT.
D
Jeweil
GOTT
ist der Anfang al- les Anfangs/ als von welchem al- les herkompt/ so ist auch sein An- fang von keinem anderen/ Er ist ohne Anfang/ weil er nicht ist von einem an- dern/ vnd hat aber doch seinen Anfang ohne einen andern/ vnd zeiget in sich selbst dar sei- nen Anfang gegen Alles.
Dieser Anfang
GOTTES
aber ist nicht ein Anfang gegen
GOTT
selbsten/ sondern gegen vns/ dann er ist ja selbst Alles in Al- len. Damit Er aber nun vns Menschen sich darzeigen moͤchte/ bezeugen vnd vns davon belehren/ so zeiget sich
GOTT
dar inseinem Anfang/ welcher ist das
VVORT,
daß da
GOTT
selber ist.
Durch diß
VVORT
nun wird vns gezei-
get/
Morgenroͤhte der Weißheit.
get/ bezeuget vnnd gelehret/ daß vnnd was
GOTT
sey/ auch wer Er sey/ aber ohne Wort/ Rede vnd sprechen/ mag weder Lehre noch Zeugnuͤß/ noch ein darzeigen seyn/ alßdann auch in der Vernunfft/ vnd auß derselben offenbahr ist: Darum̃ ist freylich das Wort/ der Anfang Gottes gegen vns/ auß welchem auch alles Zeugnuͤß/ Nahmen vnnd Offen- bahrung
GOTTES
herfleusset/ als auß den Tieffen
GOTTES,
die da bestehen in jhrem selbst eigenen Geist/ Wind vnd Wasser.
Der Nahme
GOTTES
nun ist nur Einer nach dem Wesen/ welchen aber niemand ken- net/ dann allein dieser/ auff welchen Er ge- schrieben ist mit dem lebendigen Buchstaben des Geistes
GOTTES
vñ seines
VVORTS,
wesentlich/ welches ist
CHRISTVS,
vnnd die da seines Wesens seind.
Diese seind es/ in welchen das
VVORT
wesentlich wohnet/ vnnd die da seine Herꝛlig-
k
eit sehen in einem Liecht vnnd Auge/ das sonst niemandt sehen kan. Alle Nahmen
GOTTES
kommen allein in diesem Einigen Nahmen zusammen/ dann die gantze Fuͤlle der Gottheit wohnet Leibhafftig in deme
nnen/ der da heißt
Alpha
vnd
Omega.
Zachar. 4. 9. Coloss. 2. 9. Wer nun diesen sihet/ der
si
het auch
GOTT
vnd den Vatter/ vnnd das Leibhafftige Wort/ vnnd den lebendigma-
ch
enden Geist. Johan. 14. 9. 1. Johan. 1.
1. Co-
Morgenroͤhte der Weißheit.
1. Corinth. 15. 45. Eben gleich wer den Men- schen siehet/ der siehet auch zugleich mit dem Leibe/ die Seele vnd auch den Geist/ so doch sonst vnsichtbar seind.
Das Zeugnuͤß Gottes aber bestehet in dreyen/ nemblich in dreyen Zeugen/ die da seind vnd heissen/ Der Vatter/ das Wort/ vnd der H. Geist. Gleich wie nun der Nahme von dem Wort kommet/ also auch alles Zeugnuͤß
GOTTES,
vnd beruhet allein auff dem thewren vnd warhafftigen Zeugen/ der da heist/ Amen/ so da ist der Anfang der Creatur
GOTTES,
Offenbahr. 3. 14. vnd ste- het das Zeugnuͤß
GOTTES
also:
GOTT,
Vatter/ Wort/ H. Geist: Amen/ so da ist
CHRISTVS.
Dieweil aber niemand von
GOTT
zeugen kan/ dann nur Er allein selbst/ vnnd aber nun alles Zeugnuͤß der Warheit in dreyen muß bestehen vnnd gerechtfertiget werden/ so be- zeuget sich
GOTT
auch in dreyen Zeugen/ welche aber mit nichten auch drey Personen seyn/ sondern nur eine einige Person/ vnnd nur ein einiger
GOTT.
So wenig als nun an dem jrꝛdischen Menschen Leib/ Seele vnd Geist/ drey vnterschiedene Personen sein oder sein moͤgen/ eben so wenig auch in
GOTT.
Diß ist aber das Zeugnuͤß
GOTTES
ge- gen vns in dem Nahmen/
non in Nomini- bus sed in Nomine,
des Vatters/ Sohns vnd
Hei-
Morgenroͤhte der Weißheit.
Heiligen Geistes/ welche bestehen in dem
VVORT,
welche drey eins vnd einer seynd: Aber dieses Zeugnuͤß erkennet niemandt/ dann der dasselbe wesentlich in sich hat/ das ist/ der den Geist auß
GOTT
hat/ vnnd mit demselben gesalbet vnd versigelt hat: Diß ist das Zeugnuͤß
GOTTES
mit einem Wort/ durch welches wir Kinder vnnd Erben Got- tes seind. Roͤmer. 8.
Endlich die Offenbahrung
GOTTES
be- stehet in sieben Kraͤfften/ welches da seind die sieben Geister Gottes/ Offenbahr. 1. 4. Cap. 4. 5. Cap. 5. 6. Zachar. 4. 2. 10. vnnd be- ruhen auff den/ der da heißt vnd ist/ Jesse/ so da ist von keinem andern/ sondern auß vnnd durch vnnd fuͤr sich selbst selbstaͤndig/ in deme Alles ist vnd der Alles hat/ auch die Fuͤlle der Gottheit: Offenbahr. 3. 1. Esaiæ 11. Co- loss. 2. 9. dann durch jhn ist alles geschaffen was im Himmel vnnd auff Erden ist: Alles wird durch jhn auch erhalten/ Es ist alles durch jhn auch erloͤset vnd versoͤhnet: Er re- gieret auch vber alles/ vnd hat alles in seiner Macht. Durch ihn wird alles was verloh- ren worden/ wiedergebracht werden in seiner herꝛlichen Zukunfft. Er wird auch das Ge- richte halten vber alles Fleisch/ auch vber to- de vnd lebendige; vnd endlich wird Er auch alles new machen/ vnnd das alte abschaffen Ewiglich.
So
Morgenroͤhte der Weißheit.
So bestehet nun das Geheimnuͤß Gottes in Einem/ Dreyen vñ Sieben/ vnd nach die- sem Geheimnuͤß seind auch durchauß alle Dinge geschaffen/ vnnd bestehen in Einem auß dreyen/ durch sieben/ vnnd werden darin bezeuget/ erkant vnd offenbahret oder gerecht- fertiget/ nichts vberall außgenommen/ es sey auch was es nur jmmermehr wolle/ vñ zwar solches darumb/ auff daß
GOTT
in seinem Geheimnuͤß dardurch erkant vnd gepreyset werde/ in vnd an allen seinen Geschoͤpffen.
Hierinnen bestehet nun das Geheimnuͤß der Weißheit an seiner Maaß/ Zahl vnnd Gewicht/ als in Einem/ dreyen vnnd sieben/ dardurch werden alle Dinge gemessen/ ge- zehlet vnnd gewogen/ also vollkommen zwar/ daß niemand nichts darzu vnnd auch nichts davon thun kan/ dann alle Werck
GOTTES
seind vollkommen vnnd zeugen von jhrem Schoͤpffer/ nach dem Geheimnuͤß der Weiß- heit/ daß nemblich an den Wercken erkant werde der/ so sie gemacht hat/ daß vnnd was/ vnd wer Er sey in seinem Geheimnuͤß.
Das
Morgenroͤhte der Weißheit.
Das 4. Capittel. Von dem Andern
Principio,
welches ist die Natur.
D
Ie Natur ist das Andere
Pria- cipium
vnd Anfang aller Dinge vnd stehet zwischen
GOTT
vnd den Elementen/ durch welche
GOTT
in die Elemente wircket/ als durch das Mittel/ vnd ist in jhrer Betrachtung gleich als Englisch/ welcher Anfang ist auß
GOTT,
ein Außgeblasener Othem/ Wind vnd Lufft des Allmaͤchtigen in welchem die Seele vnnd das Leben Aller geschaffenen dinge/ vnd alle lebendige Seele bestehet; vnd ist wesentlich/ leiblich vnnd Selbststaͤndig
concentriret
vnd zusamen gefasset im Baum des Lebens/ gleich wie
GOTT
in
CHRI- STO
,
vnd die gantze Elementarische welt in dem Menschen.
Dieses Andere
Principium
ist nicht Ewig nach dem Anfang/ aber doch ewig nach dem Ende/ dergleichen auch die Engell seind: Es ist nicht geschaffen aus Nichts/ wie dise welt/ sondern Außgegangen von
GOTT
,
gleich wie das Leben von dē Geiste/ als ein Othem Wind vnnd Lufft außgehet: vnd ist dem- nach der Othem des Worts
GOTTES
,
in welchem ist das Leben/ also/ daß das Spre- chen des Wortes ist/ ein Lebendiger Ewi-
B
ger
Morgenroͤthe der Weißheit.
ger Othem/ vnd vnterscheidet sich demnach von
GOTT
,
alß ein lebendiger Othem o- der Seele von dem Lebendig machendem Geiste.
Der Lebendige Othem/ Seele/ oder das Leben aller Dinge/ Jst seinem Vhrsprung nach/ auß der Natur/ der Geist aber auß
GOTT,
nemblich nach seinem Maß/ vnd der Leib auß den Elementen; der Geist vnd die Seele oder das Leben vnterscheiden sich al- so/ alß
GOTT,
der das ewige Leben, vnd der Lebendigmachende Geist Selber ist/ vnnd das Leben von keinem andern hat/ denn Er selbst der Geist ist: vnd als die Lebendige Seele/ als die das Leben nicht auch von vnd auß vnd durch sich selbst hat/ sondern auß dem Geist/ der Alles lebendig machet/ des- sen Othem das Leben ist: So ist nun dises Seelisch/ daß nemblich sein leben nicht von sich selbst/ sondern von dem Geist hat/ vnd das danicht ein Geist/ sondern nur ein O- them ist.
Alle Dinge/ die da jmmer seind in jhrem Wesen/ haben die Speise jhrer Seelen vnd lebens auß der Natur/ vñ solches zwar vom Himmel/ durch den Wind vnd Lufft/ von welchem Alles was Othem hat/ lebet vnd gespeiset wird/ alß durch den außgehendem Othem des Worts im Andern
Principio
begrieffen/ denn das Wort
GOTTES
speiset
allen
Morgenroͤhte der Weißheit.
allen Geist/ Leben vnd Leib/ mit seinem Othẽ/ Anhauchen oder anblasen/ dieweil das Leben in dem
VVORTE
ist/ das alle Ding traͤgt mit seiner Krafft/ gleich wie es auch alle Dinge geschaffen hat: Wie nun alle Ding bestehen in Leib/ Seele vnnd Geist/ also haben sie auch dreyerley Speise zu jh- rem Leben vnd Bestaͤndnuß; die leibliche dem Leibe auß den Elementen/ als von deme das da kompt auß dem Wasser vnd auß der Erden/ darauß denn auch der leib herkom- men/ genommen vnd gemacht ist: Die See- lische der Seelen vnd dem Leben aller dinge/ auß der Natur/ durch die beyden Element/ Wind vnd Lufft/ darauß das lebē oder See- le dann auch herkommen: Die Geistliche Speise aber dem Geist/ vnd das auß
GOTT,
als auß welchem auch der Geist ist/ nemb- lich ein jeglicher Geist nach seiner Maß vnd solche speise kompt dem Geist aller dinge zu von dem Himmel/ durch den Geist vnnd Liecht/ als den drey Geistlichen Elementen/ von vnd auß welchen denn auch der Geist herkommen ist.
Die Natur vergleichet sich in jhrem Gei- ste/ Leben vnd Leibe/ dem Winde/ Luffe vnd Wasser: Die Englische Welt in ihrem Leibe/ ist nicht eine Erde/ wie die Elementa- rische/ sondern der rechte Leib des Wassers ist es/ von welchem sie bestehet/ vnd solcher
B 2
Leib
Morgenroͤthe der Weißheit.
Leib ist hierunden bey vns/ Eyß/ droben a- ber eine Englische Erde/ gleich einem Cry- stallen/ vnd ist mit einem Wort/ das aller- edleste Saltz des Lebens/ fruchtbar vnd be- stendig vber alles/ vnd ist das Paradeyß. Jn jhrem leben ist sie eine Englische Lufft/ wel- che da nicht auch also Othem holet wie die lebendige Seele/ denn das leben der Natur ist ewig nach dem ende/ sondern es lebt vnd schwebt vnnd reget sich in der Krafft des Worts
GOTTES
ewiglich/
Sine respiratio- ne;
Dannenher kan der Tod vber die Engli- sche welt/ vber die Natur vnnd vber den Baum des Lebens/ gar nicht herꝛschen/ sondern wird vielmehr von demselben vber- wunden/ (wievielmehr denn von
GOTT
:
) denn der Baum des Lebens stehet feste vnd vnbeweglich; darumb wird durch das Bre- chen der Frucht dieses Baums/ in der herꝛ- lichen Zukunfft
CHRISTI
,
alles auß dem Tode wiederumb zum Leben kommen/ vnd von dem Todt/ Teuffel vnnd fluch befrey et vnd erloͤset werden. Jn jhrem Geiste auch endlich nun/ ist sie ein Englischer Geist/ durch die Krafft des Worts vnd Zeugnuß
GOTTES,
also zwar/ daß der Drache dersel- ben nichts kan vnnd mag abgewinnen/ son- dern wird von dem Geist derselben vber- wunden/ außgeworffen vnd gantz verstossen/ wievielmehr denn von
GOTT
:
Darumb
nemblich
Morgenroͤthe der Weißheit.
nemlich weil die Natur in ihrem Geist/ ein wind deß Allmaͤchtigen ist/ vnd ein auß- gang deß liechtes/ darinnen
GOTT
woh- net/ vnd kan zum Boͤsen nicht kommen/ oder in dasselbe fallen/ nochvon dem Othem oder anblasen der alten Schlangen vergifftet werden.
Die Goͤttliche welt in ihrem wesen vnd so zu sagen/ Erden/ vergleichet sich dem al- ler edelsten leibe deß wassers vnd der erden/ gleich als einem himlichen Leibe/ so da ist vnd seind ein Essentialisches Geistliches Saltz/ wie die aller edelsten
Gemmen,
edlen Steine vnd durchsichtiges Gold. Jn ihrem leben ist sie der warhafftige Othem deß All- maͤchtigen/ eine Seele vnd Leben auß dem Munde
GOTTES
ausgehend/ in vnd zu ei- nem Ewigen Leben: vnd in ihrem Geist/ der Geist deß
HERRN
Selber/ der da
GOTT
Jst/ gelobet in Ewigkeit.
GOTT
ist der Geist/ die Natur ist die Seele oder das Leben/ vnd die Elementt seind der Leib. Es ist aber zuwissen/ daß eine jegliche welt ihre eigene Natur vnd Elementt hat/ vnd daß die eine welt/ durchaus nicht in die an-
d
ere verwandelt wirdt/ noch auch verwan-
d
elt werden kan/ noch auch ein
Principium Generale
in das ander: Ein jegliches
Prin-
c
ipium
nun/ hat seinen eigenen geist/ leben
v
nd leib.
B 3
Das
Morgenroͤthe der Weißheit.
Das 5. Capittel. Vom dritten
General-Principio,
nem- lich von den Elementen.
G
OTT
ist Selbst alleß in allen: Auß Jhm seind alle ding/ nach dem Geist: Durch Jhn seind alle ding nach dem Wortte: vnd zu Jhm seind alle ding/ nach der zuversicht; Romer. 11. 36. Weisheit 1. 7.
cap.
12. 1. Genes. 1. Johan. 1. Psal. 104. 27. 28. 136. 25. 145. 15. 16. Die Natur ist auch alleß/ aber nicht auch in Allen/ denn sie ist nicht in
GOTT,
welcher seine eigene Natur hat: Die Elementt endtlich seind nicht auch alleß/ sondern nur etwaß/ vnd das ist ein Saltz: Dieses etwas nun ist aus
GOTT
nach dem Geist/ aus der Na- tur nach dem Leben vnd Seele/ vnd auß dem geistlichen Wasser nach dem Leibe/ vnd hinwiedrumb das wasser aus dem Saltze: Eine jegliche welt ist der andern ihr aus- wurff oder ausfluß; die Natur steht der Englischen welt zu/ vnd ist ein abwurf der Goͤttlichē welt/ vnd die Elementarische welt ist ein abwurff der Natur vnd Englischen welt: Endtlich der Mensch ist ein außgang aller dreyer welten vnnd das
concentrirte centrum
aller welt.
Es sind aber der Elementt oder Craͤfften der Welt sieben/ alß/ Geist/ Wind/ Lufft
vnd
Morgenroͤthe der Weißheit.
vnd Wasser/ Liecht/ Himmel vnd Erden: vnd seind ein solches/ auß welchem in vnd durch welches diese welt bestehet/ vnd ohne welches sie nicht best ehen kan.
Diese sieben Elementt/ sind erbohren aus einem solchen/ so da in der Elementarischen welt alleß in allen ist/ vnd ist ein vnverwes- lich/ vnvergenglich vnnd vnverderbliches/ nemlich ein Saltz/ welches ist ein auswurff der Natur/ vnd als wie derselben abfall/
quasi excrementum, sobriè sumtum.
dar- durch in dieser welt/ leiblich/ alle ding beste- hen vnd erhalten werden. Nun aber ist ein dreyerley Saltz/ nemlich ein Geistliches/ ein Seelisches vnd dann auch ein leiblich Greiff- liches: das leibliche ist fix vnd bestendig/ beydes im Wasser vnd auch im Fewer/ daran erkennen wir/ woraus/ worinnen vnd wor- durch alle dinge feste stehen vnnd best ehen/ daß sie nicht vntergehen moͤgen/ vnnd wor- mit sie beschlossen werden: das Seelische Saltz ist fluͤchtig/ denn das Leben vnd die Seele ist in ihm/ vnd aller wachsthumb/ dardurch empfangen alle ding vnd leibe das leben/ wenn es ausfehret so verlieren sie das leben/ vnd wenn es wieder herab fehrt vnd in das fixe saltz einkehret/ so empfangen sie das leben: Das Geistliche Saltz aber/ ist ei- ne rechte wahre Essentz vnnd in dieser welt/ das alleredelste wesen aller wesen/
Spiritus
B 4
Vni-
Morgenroͤthe der Weißheit.
Vniversi,
der Geist der Elementen/ vnd der- selben liecht vnd Himmel in seiner Essentz: das Geistliche Saltz wohnet im Geiste liecht vnd Himmel/ vnd gibt den leib der aufferste- hung/ als Geistlich/ auß Geist/ Liecht vnd Himmel: Das fluͤchtige Saltz wohnet im Winde/ Lufft vnnd Regen/ ꝛc. tau/ dieses gibt aus wind vnnd lufft den leib nach dem tode: Das fixe leibliche Saltz/ wohnet im Wasser vnnd Erde/ daraus bestehet dieser vnser leib/ jetzund. Es ist aber das Saltz die rechte fixe Erde/ vnnd auch das rechte wasser des Lebens/ das da ist ein trockenes wasser/ vnd zuglelch wasser vnnd erde/ in jhme ist die lufft vnnd der wind heymlich in- nen verborgen/ vnd auch der Himmel Liecht vnd Geist in seinen Tieffen/ welches dann seind die sieben Craͤfften der Elementt vnnd Welt/ vnd moͤgen alle sieben gar leichte vnd vnlaugbar/ augenscheinlich offenbahr/ dar- gezeiget vnnd bezeuget werden/ wann man dasselbe zertheilt vnd
anatomiret.
Dieses einige Element aller Element/ als eine crafft aller craͤfften in dieser welt/ das Saltz/ ist ein auswurff der Natur/ durch das Wort
GOTTES,
vnd ist leiblich ein Sahme des Wassers vnnd aller Ele- mentt/ auß welchem das Wasser gevhrstaͤn- det vnnd geflossen ist/ durch das anhauchen vnd anblasen deß Geistes deß
HERRN,
zu
einem
Morgenroͤthe der Weißheit.
einem Sahmen der gantzen welt/ vnd vber- schwengklich vermehret/ durch das Ob- schweben des Geistes des
HERRN,
also daß die gantze welt daraus entstanden ist.
Das fixe Saltz ist dreyerley/ als in der Erde/ im Wasser vnd im Himmel: das fluͤch- tige auch/ als/ im Regenwasser/ vnd Tau/ Lufft vnd Windt: Das Essentialische auch dreyerley/ als im Liecht/ Geist/ vnd Obern wassern: Das wasser verwaltet drey stellen vnd
gradus,
dann die welt ist daraus bestan- den/ welches wohl zumercken; Es ist allzeit eins im andern verborgen: Das fluͤchtige Saltz ist der Schluͤssel/ vnnd schleust mit seinem herab fahren im Fruͤling auf/ daß al- les von den toden aufferstehen/ gruͤnen vnd wachsen kan/ vnd mit seinem hinauf-fahren im herbst/ schleust es zu.
Es seind aber die Elementt dreyerley/ nemlich/ Geistlich/ Seelisch/ vnd Leiblich: Der Geistlichen Elementt seindt drey/ als Leiblich der Himmel/ Seelisch das Liecht/ vnnd Geistlich der Geist: Die Seelischen seind zweyerley/ als Wind vnd Lufft: die Leiblichen auch/ als Wasser vnd Erde: Es ist allzeit das eine im andern verborgen/ vnd das eine begreifft allzeit die andern sechse in sich/ vnnd eins von ihnen ist allzeit leiblich/ offenbar/ sichtbar vnd erkentlich/ oder em- pfindtlich/ die andern sechse aber in jhme ver-
B 5
borgen
Morgenroͤthe der Weißheit.
borgen. Ein jeglich Elementt ist auch an sich selbst dreyerley/ als Geistlich/ Seelisch vnd Leiblich: Die Geistliche Erde ist vnd seind das Edelgestein/ vnd das ist der Leib des Geistes: Die Seelische Erde ist das Gold/ ꝛc. Das Geistliche wasser/ leiblich/ seind die Perlen/ das Seelische der Agt- stein/ darnach die Corallen leiblich/ ꝛc. in diesen allen wohnen viel craͤfften/ sonderlich wenn sie aus Wasser vnd Geist vermittels des Feurs/ newgeboren vnnd Geistlich wer- den. Alle Elementt aber feind in dem Ei- nen/ mit allen jhren Craͤfften/ so da ist ein Geistlicher Felß/ daraus das Wasser des Lebens allen Creaturen herquillt/ vnnd fieußt ab vnd zu in der gantzen welt/ vnd er- fullet/ Elementarisch/ alles in allen: Vnd wann dann am ende der welt/ dieses eine von Jhnen wird genommen werden/ so wer- den alle Elementt/ im feuer vnnd durchs feuer vergehen.
Das 6. Capittel. Von den drey
Special-Principiis,
Geist/ Windt vnd Wasser.
D
Ie drey
Special-Principia,
nach dem sie
Principia
seindt/ kommen jhrem vhrsprung nach her/ als/ der Geist aus
GOTT,
der Windt aus
der
Morgenroͤthe der Weißheit.
der Natur/ vnd das wasser aus dem felssen vnd brunnen der Elementt: Ein jeglicher Leib in der Elementarischen welt/ ist aus dem Wasser/ vnnd zwar/ auch der Himmel vnd die Erde: Aller lebendiger Othem vnd Seele/ ist aus dem Windt/ in einem jegli- chen Leibeꝛ vnnd aller Geist ist aus dem Geist; Der Geist hat neben sich das Liecht vnnd den Himmel; Der Wind die Lufft/ das Wasser die Erde: Woraus nun ein jegliches herkommen ist/ aus demselben wird es auch ernehrt vnd gespeiset/ vnd von dar es herkommen ist/ daselbst fehrt es auch wie- der hin.
Das Wasser nun/ ist ein zusammgesam- lete
concentrirte,
vñ leiblich-greifliche Lufft: Die Lufft/ ein stiller empfindtlicher zusam- gesamleter leiblicher Windt; vnd der Windt ein leib hafftiger lebendiger zusam̃gesamleter Geist: der Geist aber ein Außgesprochenes solches Wort/ das da etwas lebendiges vnd leibhafftiges schafft vnd machet/ also zwar/ daß es wesentlich da stehet/ wirdt vnd ist/ das zuvor nicht wahr/ Psal. 104. 29. 30.
Jm anfang der Schoͤpffung/ schwebete der Geist ob dem wasser/ durch das Ob- schweben wirdt der Windt verstanden/ durch welchen der Geist die Wasser angehauchet vnd befruchtbaret hat/ zur Schoͤpffung der welt.
B 6
Alle
Morgenroͤthe der Weißheit.
Alle ding die da Leben vnnd Schweben vnd Seindt/ vhrstaͤnden vnd kommen her/ von dem Einigen vnendtlichen Ewig-vu- vergenglichen
H, HaIaH, EHEIIE, IEHO- VAH
vnd
IESSE,
so da ist das Wesent- liche/ Selbststendige/ Leibhaftige
VVORT,
das da im anfang ist vnd wahr vnd bleibet Ewiglich/ gegen welches
VVORT
alleß ei- tel lauter Nichts ist: durch diß ist alles geschaffen/ wird alles erhalten/ ernehrt vnd gespeiset/ in seinem Geist vnd Leben/ als durch den Othem deß Allmaͤchtigen/ 4 Es- dræ 16. 63. Ebreer 1. 3. Matth. 4. 4.
Durch die drey Special-
principia
nun/ als Geist/ Wind vnnd Wasser/ die da zu- gleich auch mitt Elementt seindt/ wird durch- aus alle Schoͤpffung vollbracht/ nicht allein weil sie das mittel seind/ durch welches die drey Generahl-
principia
wircken/ sondern weil sie auch den wahren Sahmen aller din- ge/ in sich beschliessen/ vnnd dasselbe in dem einigen wahren Element/ dessen wir vorge- dacht; Dann diese drey tragen in ihrem Lei- be in sich/ alles Saltz vnnd Sahmen/ fix/ fluͤchtig vnd Essentialisch/ auch Himmel vnd Erden/ mit allem was darinnen ist/ vnd ge- behren auch alleß an die welt/ ein jegliches in seiner Eigenen Selbststaͤndigkeit.
Gleich wie nun alleß gebohren ist/ auß den Special-
principiis,
nach der Schoͤpffung
vnd
Morgenroͤthe der Weißheit.
vnd geburth/ vnd aber die Suͤnde sampt dem siuch vnnd verderben/ hats alles boͤse ge- macht/ allso muß auch alles/ das da New- geboren werden soll/ wiederumb zu Wasser/ Wind vnnd Geist werden/ vnnd aus dem Geist vnnd Geistlichem Wasser alsdann durch den wind neugeboren werden/ zum Bilde der Himlischen/ also zwar/ daß es in seiner herrligkeit anders nicht/ denn gleich als wie Englisch vnd Goͤttlich wirdt/ vnd das Bilde der himlischen traͤget. Diese neue geburth gehet aus den Ober-wassern/ vnnd aus einer Himlischen Erde/ Elementarisch zu reden/ vnnd seind anders nichts denn Saltz: noch ist eine andere geburth/ die gehet aus dem Feuer/ vnd diese geschicht mit angst/ quahl vnd pein: Die Neue geburth aus dem wasser vnnd durch das wasser/ geschicht mit ersauffung zum tode/ im wasser: die aus vnd in der Erden/ geschicht durch den todt vnd faulung: Die Geburth aus dem feuer/ als einem Gegen Element/ geschicht in vnnd durch das feuer/ in der Hellen: Alle Neue geburth wirdt verrichtet durch den Geist/ allso auch alle Schoͤpffung vnnd alle ver- wandlung.
Die Neue geburth aus dem wasser/ ge- schicht/ wenn ein wasser uͤber dies/ so da soll Neugebohren werden/ ausgegossen wirdt/ welches das boͤse Gegen Elementarische/ ꝛc.
ersaͤuf-
Morgenroͤthe der Weißheit.
ersaͤuffet/ toͤdtet/ vñ zu nichte macht/ vnd her- gegen das Gute erwecket/ her aus zeucht vnd herꝛlich macht/ vnd also das gute vnnd boͤse von einander scheidet/ das boͤse hindan schei- det vnd verwirfft/ vnd das gute erwehlt vnd behelt: Die Newe geburth aus der Erden geschicht/ wenn ein ding in seine gebuͤrliche erde gebracht wirdt/ darinnen erstirbt vnnd faulet/ vnnd dann hernach aus der Erden mit einem neuen vnd Geistlichen Leibe wie- der herfuͤr kompt vnd aufferstehet/ vnd sich von dem nichtigen vnd verderblichen hindan scheidet: die neue geburth im feuer geschicht/ wenn alleß insfeuer geworffen wirdt/ vnd was im feuer nicht bestendig/ alleß verzeeret wird nach vnnd nach/ vnnd nur allein dies was Geist ist/ vberbleibt/ errett vnd seelig wird/ vnd auß demselben alsdann hernach die Neue geburth mit einem Geistlichen Leibe entsteht vnd herfuͤr kompt: 1 Corint. 3. 13. 14. 15. 1 Petri 4. 6. Ob wir hier zwar
Physicè
vnd Elementarisch reden/ so werdens die verstendige doch auch
Theologicè
mer- cken/ vnnd die weisen
Physicè
nachforschen/ was eines jeden dinges sein rechtes wasser/ erde vnd feuer sey/ vnd also das geheymnus abmercken.
So ist nun der Geist Wind vnnd Was- ser/ durch welche alleß durchaus in der gan- tzen welt verrichtet wirdt: Dieselben sendet
das
Morgenroͤthe der Weißheit.
das Wort auß/ zu aller schoͤpffung geburth vnd verwandlung: Diese seind so zu sagen/ nimmer still/ denn sie durch vnnd mit dem Wortt seind/ das
Perpetuum Mobile,
als droben gedacht/ vnd wircken fuͤr vnd fuͤr in das Liecht/ Himmel/ Lufft vnd Erde/ wel- che vier Elementt still stehen vnd vnbeweg- lich seindt/ in welche die drey Special-
prin- cipia
sich ergiessen/ mit jhrem Leibe/ Seele vnd Geist/ als dem wasser/ wind vnd geist/ vnd alleß ausrichten/ wircken vnd vollbrin- gen. Das Wasser ist dere Elementt/ der Wind ist gleich als Englisch vnd der Natur/ vnd der Geist als Goͤttlich.
Das 7. Capittel. Von den Particular-
principiis,
Leib/ Seele vnd Geist.
M
Itt diesen werden die
Principia
beschlossen/ vnd bestehen in einer Dreyfachen Dreyheit/ vnd wird jmmerdar einß aus dem andern gebohren/ vnnd stehen ordentlich in jhren
subordinatis, concordiren,
vnd stimmen all- so miteinander vberein/ daß sie eine rechte wahre vnnd gaͤntzliche
Harmony
geben vnnd machen/ vnd endtlich im Liecht/ Leben vnd Liebe beschlossen werden allesampt. Aller
Leib
Morgenroͤthe der Weißheit.
Leib ist vnnd besteht auß dem wasser/ auch die Erde/ das Wasser aus dem Winde/ der Wind aus dem Geiste/ vnd der Geist aus
GOTT:
Es ist aber ein dreyerley leib/ nem- lich ein greiflicher/ aus wasser vnd erde: ein Seelischer aus Windt vnd Lufft: vnnd ein Geistlicher/ aus Himmel/ Liecht vnd Geist; Allso ist ein Elementarischer Leib/ ein Eng- lischer vnnd ein Goͤttlicher/ sehr wohl zu vn- terscheiden/ an dem Menschen.
Ferner/ die Seele ist leiblich aus dem Lufft/ daraus sie auch gespeiset wirdt/ vnnd Seelisch aus dem Winde/ Geistlich aus dē Liecht: Der Geist aber ist leiblich aus vnd von dem Himmel/ Seelisch aus dem Liech- te/ vnd Geistlich auß dem Geist der Ele- mentt/ auß der Natur vnnd aus
GOTT,
nachdem die Creatur ist. Auß den drey General-
principiis
hat der Mensch auch einen dreyerley Geist/ nach seiner Mas/ vnd ist die aller vollkommenste Creatur: Es wohnet allezeit der eine Leib im andern/ vnd so bald der eine Leib aufgeloͤset vnd zerbro- chen wird/ allsobald vnnd im selben augen- blick wird ein anderer vnd edeler leib offen- bahr: vnd zwar in allen dingen: Wenn nun der leib edler ist vnd wirdt/ so ist freilich der Geist auch edler/ hoͤher vnd herrlicher: Dieß ist aber der Leib/ den die Weisen suchen/ nemlich das Saltz/ welches alles in sich be-
greiffet:
Morgenroͤthe der Weißheit.
greiffet: Diesen leib ersaͤuffen sie in einem Wasser/ das aus dem
centro
der
vegetabi- lien
fleust/ vnnd ziehen damit alle Craͤfften aus/ welche hernach in einem himlischen Geistlichen Leibe zusammen kommen/ vnd das edle Perlen vnd Kleinoth geben: Alles was naturlich getoͤdtet wirdt vnd stirbt/ das wirdt ersaͤufft durch ein kalttes/
Saturni-
nisch wasser/ denn aller naturgemesser todt/ geschicht vnnd muß geschehen/ durch kaͤltte/ was aber im offenen feuer getoͤdet wirdt/ ohne ein
Saturni
nisch wasser/ das ist der Natur nicht gemes/ zu einem bessern stande/ nur das Saltz suchen wir durchs of- fene feuer/ vnd dann durchs wasser/ vnd rei- nigen es mit der feuer vnnd wassertauffe; Darumb sollen wir vnsere gedancken aufs wasser setzen/ vnnd das feuer sehr fuͤrsichtig brauchen/ denn es ist ein gegen Elementt/ fur welchem durch aus nichts bestehen kan/ denn allein das Saltz.
Dies ist der rechte leib aller Elementt/ vnd aller dingen in der gantzen welt/ wenn der wird weggenommen/ so vergeht gar bal- de alles/ auch das Gold selbst/ im feuer: Dies ist der rechte Himmel/ do alle craͤfften jnnen wohnen/ vnd ist in allen dingen vnd allerꝛ dinge in der gantzen welt/ jhr Him- mel/ vnd vergleicht sich dem Baum des Le- bens/ im Paradys.
Die
Morgenroͤthe der Weißheit.
Die Seele nun ist dem hoͤchsten grad nach/ aus der Natur/ dem andern nach/ aus dem Liecht/ vnnd nach dem dritten vn- term grad/ aus dem Winde: Dies seind die
Principia
der Lebendigen Seelen: Seele vnd Geist/ vnterscheiden sich/ als
GOTT
vnnd die Natur/ Geist vnnd Windt/ als Engel vnnd lebendige Seele/ ja als Geist vnnd Othem. Das mittelste
Principium,
in allen dreyen
Principiis,
ist alletzeit an statt der Mutter/ als die Natur/ Wind vnd Seele: Der Leib ist das Kind/ welches der Geist/ als der Vater/ durch die Seele gebieret: Auß dem Geist kompt die Seele/ der laͤßt sie aus/ als seinen othem/ vnnd von diesen beyden der Leib: Die bestendige Seele vnd Geist/ als das rechte Leben vnd Geist/ so der Englischen welt sich eignet vnnd verglei- chet in allen dingen/ ist allezeit/ in dem rech- ten leibe aller dinge/ das ist/ im Salize: Wenn dies wird aufgeschlossen/ so kommen sie herfuͤr in aller clarheit/ als in Englischer herꝛligkeit.
Der Geist endtlich aller dinge/ ist aus den drey Generahl-
principiis,
in einem je- glichen nemlich/ nach seinem theil vnd mas/ der Geist nun/ gibt die rechte innerliche we- senheit/
formam essentialem, differentiam specificam, abstractum,
ꝛc. vnd anders nichts/ von demselben empfangen auch die Seele
vnd
Morgenroͤthe der Weißheit.
vnd der leib ihre wesenheit/ dardurch eins von dem andern wesentlich vnnd eigentlich/ vnterschieden wirdt; als der Mensch von den Thieren/ ein Thier/ vogel/ fische vnd gewuͤrm/ ꝛc. vom andern/ allso auch ein ding von dem andern.
Es werden aber alle geschoͤpffe fuͤrnem- lich in drey getheilt/ alß in
Animalia,
die Le- bendigen Seelen/
Vegetabilia,
alles was aus der erden heraus an den tag wathset/ vnd in
Mineralia.
das/ was inwendig in der Erden wachst vnd ist/ vnd aus derselben ge- graben vnnd darinn gefunden wirdt/ allso auch im wasser. Diese drey vergleichen sich der dreyerley welt/ vnnd vnterscheiden sich/ als die drey
Principia,
vnnd zwar erweiset sich in vnserer weisheit allezeit die schoͤne
Harmony.
Alle lebendige Seelen/ bestehen aus wasser vnnd bluth/ in jhrem Sahmen/ durch eine feuchte waͤrmbde vnnd warme feuchtigkeit/ ein jegliches in seiner Mutter: Alle wachsende dinge bestehen/ in ihrem Sahmen/ aus einem schleimigen wasser/ durch das Saltz/ welches fix ist in der wur- tzel/ fluͤchtig im kraut/ laub vnnd gras/ vnnd Essentialisch in der blumen/ vnd
concentri- ren
sich endtlich alle drey in dem Sahmen- Alle
Mineralia, Metallen,
vnnd was dazu ge- hoͤret/ wachsen aus einem fetten Schmutz der Erden/ welchen das Saltz der Erden
von
Morgenroͤthe der Weißheit.
von sich aus Hauchet/ vnnd rinnen zusam- men/ oder
coaguliren
sich/ durch ein kalttes feuer/ welches ist ein
Saturni
nisch wasser/ das ist/ ein feuriges wasser/ vnnd ein waͤsse- rig feuer/ das da nicht brennet; Gleich wie nun auf der Erden alle dinge wachsen durch Regen vnnd Tau/ allso auch drinnen in der erden/ regnet/ tauet vnd nebelt es/ vnd dar- durch wachfen alle
Mineralia, Metallen
vnnd Kies/ vnnd solches alles aus dem Saltz/ fix/ fluͤchtig vnnd Essentialisch: Das fluͤch- tige saltz gebieret allen Schwefel/ vnnd das Essentialische allen
Mercurium.
Vnter den Thieren/ ist das Principahl/ die Schlange/ mit jhren geschlechten/ vnd ist
Mercuriali
sch: Vnter den
Vegetabilien
ists der Weinstock/ ein Canahl/ aus welchem dreyerley Wasser kompt/ vnd auch ein edles
Mineral,
vnnd ist das
centrum
der
Vegetabilien:
Vnter den
Mineralien
ists das Gold/ ja das Saltz; Allerꝛ dieser dreyer
centrum concentratum
ist der Mensch/ vber alles was geschaf- fen ist.
Das
Morgenroͤthe der Weißheit.
Das 8. Capittel. Von den Elementten vnnd Gegen- Elementten in der Schoͤpffung.
D
Ie fieben Elementt oder Craͤfften der welt/ beruhen nur auf einem Einigen/ so da ist ein rechter Brunnquell aller Element/ nach vnsern gedancken: Dieweil es alleß in sich begreiffet. Eiu Element aber nun ist ein solches/ daraus/ darinnen vnd die welt vnd alleß besteht/ vnd ohne welches uichts beste- hen kau: Hergegen ist ein gegen Element ein solches/ dardurch die Welt vnnd Elementt veraͤudert vnd verderbet/ auch endtlich gantz vergehen werden.
Nun aber seind alle ding geschaffen aus dreyen
Principiis materialiter,
nemlich auß dem Wortt als einem Geistlichen/ aus der Natur/ als einem Seelischen/ vnnd auß den Elementten vnd Gegen Elementten/ als ei- nem vnleiblich-leiblichen/ vnd leiblich-vnleib- lichen/ das ist aus den Elementten nach dem Etwas/ vnnd aus den Gegen Elementten/ nach dem
Nichtß. Das Wort ist das Alles/ die Elementt seind das Etwas/ vnd die gegen Elementt das
Nichtß. Das Nichtß ist Etwas worden/ durch das Wort
GOTTES,
vnd wird wiederumb aus dem Etwas zu Nicht werden/ wenn endtlich das
Wort
Morgenroͤthe der Weißheit.
Wort von jhnen wirdt genommen werden. Wiewohl nun die Gegen Elementt Nichts gewesen sein/ so geben sie doch in der Schoͤpf- fung ein
Principium
mitt/ dieweil sie nem- lich geworden seindt/ die znvor noch nicht wahren/ vnnd seind von
GOTT,
nicht boͤse/ sondern guth erkant/ darumb weil sie
GOTT
hat Angesehen/ vnd jhr
Principium,
als das Nicht/ zugedeckt vnnd verborgen/ aber doch
concentri
rt vnd zusamen gefasset/ leiblich/ in vnd an dem Baum des Erkentnuß Guten vnnd Boͤsenꝛ welcher dann zwar zum zeug- nus muste da stehen/ daß nemlich die welt aus Nichts geschaffen ist/ solches solte aber dennoch vnerkantt/ vnaufgedeckt vnnd vn- beschaͤmet bleiben/ das ist/ nicht gebrochen werden/ damit nemlich die Schande der gantzen Welt nicht mochte schamroth ste- hen/ fur den Augen aller welt/ vnnd zum spoth/ ja todt vnd verderben werden.
So lange derowegen nun die Gegen-E- lementt vnerkant bleiben/ vnd in jhrem
cen- tro concentrato
nicht gebrochen werden/ seind sie sehr Guth: so bald sie aber erkantt werden in jhren Tieffen/ seind sie ein solches/ das die welt schamroth macht/ vnnd endtlich gar miteinander zusamen verzeeret vnnd zu Nichte machet. Dieser Gegen Elementt nun seindt drey/ als Finsternus/ gleich als ein Leibliches: Feuer/ als ein Seelisches:
vnd
Morgenroͤthe der Weißheit.
vnd verderben/ als ein Geistliches: zwar das verderben war vor dem fall kein verderben/ sondern nur eine veraͤnderung/ nicht zum boͤ- sen/ sondern zum guten; vnd ein wechsel vnd vmbwechsel aller geschaffenen dinge: Das feuer wahr vor dem fall nicht verzeerend vnd fressendt/ sondern in seinem Erkentnus guth vnnd nuͤtzlich: Also die Finsternus wahr sehr guth/ vnnd allen Creaturen zur saufften ruhe vnnd erquickung/ nun aber ist sie eine wohnung der boͤsen Geister/ vnnd so weit die finsternus in der Lufft reicht vnnd gehet/ allso weit hat anch der Satan in der hoͤhe vnd Lufft seine herꝛschafft vnd Reich/ ꝛc. Ephes. 2. 2. cap. 6. 12. allso seind die ge- gen Elementt durch die Suͤnde dem Teufel zum theil vnd Erbe worden/ welcher ist ein Fuͤrst der finsternus/ ein Anwalt oder ge- walthaber des feuers/ vnnd das feuer vber jhn/ vnnd ein
Principal
vnnd Anfaͤnger des verderbens: Auß der finsternus nun/ ist er- bohren die Helle/ welche dreyerley ist: Leib- lich jhrem orth nach/ in der erden vnd dero vntersten ortten/ Ephes. 4. 9. Luce 16. 22. 28. 1 Petri 3. 19. Seelisch/ in dem reich des Teufels vnd Fuͤrften der finsternus/ in der hoͤhe: Geistlich aber/ in dem Teufel selbst vnnd in seinen kindern: Diese Helle wird endtlich geworffen werden in den feu-
r
igen Pfnel/ ꝛc. Auß dem feuer ist erboh-
ren/
Morgenroͤthe der Weißheit.
ren/ ein
vn
ausleschlicher ewigbrennender Schwefel/ vnd eine solche verzeerende feuer- flamme die das leben toͤdtet/ vnd doch auch den todt jmmerdar wiederlebendig machet: Das Hellische feuer ist dreyerley/ in der Hellen/ in dem Teufel vnnd seinen Kindern vnnd im feurigen pfuel: Auß der veraͤnde- rung oder vielmehr verderben endtlich/ ist erbohren der Todt welcher in seiner leiblig- keit ist/ ein Kaltes feuer/ vnnd eine feurige Kaͤltte; nach der Seelischheit/ ein nagender wurm/ der da jmmer frißt vnd nimmer auß- frißt/ der da immer verzeeret: vnnd doch wi- dergebieret nach dem Geist ist der todt der Teufel selbste wesentlich: welcher gebohren hat die suͤnde/ vnd die suͤnde jhn/ den Teufel.
So ist nnn die finsternus guth vor dem fall/ denn das Liecht wahr drinnen verbor- gen/ welches
GOTT
auß der finsternus hies herfuͤr gehen: Das Fewer wahr guth vor dem fall/ denn das leben ruhete darinnen/ dieweil keine flamme im fewer brennete/ noch offenbar wahr: Die
veraͤndernng
wahr auch sehr guth vor dem fall/ dieweil die liebe sich darinnen bezeugete vnd erzeigete/ durch die vermehrung der Creaturen: Weil nun Liecht/ Leben vnd Liebe alleß beschliessen/ also wahren sie auch in den drey Gegen-Ele- mentten verschlossen/ wurden aber von den- selben ausgesondert/ ausgestossen vnnd ab-
geschei-
Morgenroͤthe der Weißheit.
gescheiden/ durch die Suͤnde/ vnnd also ist dieß/ so da sehr guth wahr/ sehr boͤse worden/ vnnd hat all das Gute in ein Boͤses verkeh- ret/ zu einer gegenheit vnd wiederwertigkeit.
Nach dem fall ist die hoͤlle vnnd der todt gebohren/ vnd das fewer offenbahr worden/ sichtbarlich vnnd leiblich/ also zwar/ daß es aufgefahren ist in die hoͤhe vmb der Suͤnde willen/ daß es aus
GOTTES
geheiß vnd zu- laß/ von oben herab/ als vom Himmel/ auf die Gottlose welt fallen mag: Jnsonderheit aber/ liegt es/ an vnnd in dem feurigen Che- rub/ fur der Thuͤr deß Paradeises/ vnd ver- wahret den weg zum Baum des Lebens/ aber in der herꝛlichen/ froͤlichen vnd freuden- reichen zukunfft des Grossen
GOTTES IE- SV CHRISTI,
muß der feurige Cherub weichen vnd herunder/ vnd alle Gegen-Ele- ment in ihrer Macht gleichsam zu nichte werden/ das ist/ nicht mehr herꝛschen/ zu- mahl denn auch der Teufel selbst von der hoͤ- he herab gestuͤrtzet/ gefangen genommen/ vñ ins gefengnus gebunden werden wird/ Tau- sent Jahr/ zur herꝛlichen Freyheit vnd Erloͤ- sung aller Creaturen von der eitelheit/ fluch vnnd todt/ da alleß miteinander/ was je ge- schaffen ist vnd ist/ vernewert werden wirdt.
C
Das
Morgenroͤthe der Weißheit.
Das 9. Capittel. Von den
Principiis
deß Boͤsen vnd Boͤsewichts/ vnd von den Engeln.
E
He dann noch diese Elementarische welt geschaffen worden ist von
GOTT,
seind zuvor die Engel vnd die Englische welt vnd Paradeys/ so da vber den Obern Wassern ist/ gewesen/ vnd zwar so gewis als die Natur ehe ist/ als die Elementt/ vnd
GOTT
vor Allem: Darumb aus den Oberen/ ist allezeit das Vntere erbohren/ vnnd das Obere ist frey- lich allzeit ehe denn das Vntere/ gleich als der Geist ehe denn die Seele vnd der Leib. Die Engell nun/ hat
GOTT
geruffen durch sein Wort/ auß demselben Liecht/ darinnen
GOTT
wohnet/ nach jhrem Geist/ vnnd zwar/ daß sie Jhme dienen sollen: vnnd hat sie dargestelt in einer fewerflammen/ der Seelen nach/ vnnd als einen Windt/ nach jhrem Leibe. Weil nun die Engell aus dem Liechte seind/ darinnen
GOTT
wohnet/ so koͤnnen sie an/ in vnnd aus demselben auch erkennen/ was
GOTTES
befehl sey/ vnd die- ses Liecht ist das Angesichte
GOTTES
im Himmel eine Geistliche Speise der Engell/ welches Liecht die Engel der Kinder an-
scha-
Morgenroͤthe der Weißheit.
schawen vnd sehen moͤgen/ das da hergegen die Engell der Suͤndigen Menschen nicht moͤgen sehen/ noch dafuͤr kommen/ biß so lange der Suͤnder ware Busse thut/ alsdañ mag sein Engel wieder fuͤr das Liecht kom- men vnd fuͤr
GOTTES
Angesichte/ woruͤ- ber denn die andern Engell sich frewen/ so lange aber der Suͤnder nicht busse thut/ so lange tritt der Teufel fuͤr
GOTT,
vnnd ver- clagt den Suͤnder tag vnd nacht fuͤr
GOTT.
Vnter den Engelln
GOTTES
nun/ ist Lu- cifer der fuͤrnemste gewesen/ denn er trug das Bilde deß Hellen Morgensterns/ so da wahr vnd ist/ der Sohn
GOTTES:
Aber an solcher sehr grossen ehre vnnd wuͤrde/ hat er sich nicht genuͤgen lassen/ sondern lies sich geluͤsten/ Herꝛ vnd Gott selbst zu sein/ vnnd nicht mehr Knecht vnnd Diener. Diese luste aber nun/ ist in Lucifer gebohren wor- den/ durch ein scheeles Auge vnd anschawen gegen
GOTT,
entzuͤndet in sich selbst/ in derselben fewerflammen/ daraus die En- gel/ der Seelen nach/ seindt/ vnd zwar also schwehr vnnd sehr/ daß sich das Liecht ge- scheiden hat in seinem Geist/ von Lucifer/ vnnd ist an dessen statt/ eine verschwengli- che/ vnaussprechliche finsternus kommen vnd erbohren worden/ aus dem Fewer/ das Lucifer in sich selbst angezuͤndet hatte/ vnd also an statt des himmels/ eine leibhaftige
C 2
helle:
Morgenroͤthe der Weißheit.
helle: Also die Fewerflamme/ die in Luci- fer vnerkant/ zugedeckt vnd verborgẽ wahr/ ist von jhme selbst an vnd aufgeblasen wor- den/ in mißgunst/ also daß sie zu einem we- sentlichen zorn grimm vnnd wuͤten, ja zu ei- nem verzerenden fewer worden ist/ vnnd da zuvor das Leben drinnen ruhete/ ist hernach der lebendige todt/ so da nimmer stirbet/ vnd das toͤdtlich-ewige-leben/ offenbar worden/ dem Satan zu einer Seele: Endtlich ist durch deß Lucifers aufgeblasenheit/ hof- farth vnnd aufblehung/ auch ein frembder Windt erbohren in Lucifer/ jhm zu einem Leibe/ vnd hat also der Satan durchaus die Englischen
Principia
vnnd Selbststaͤndtnus verloren/ vnnd ist ein frembder Vogel wor- den/ vnd eine wilde Fliege.
Lucifer hat versucht/ ob er nicht koͤnne Gott vnnd
GOTT
Gleich werden/ das er doch schon wahr/ an seinem theil vnd mas/ darumb heißt er auch ein Versucher vnnd Satan/ vnnd er ist es auch geworden/ nem- lich/ beides ein Gott/ vnnd Schoͤpffer/ vnnd auch eine Creatur seiner selbst/ vnd hat alleß zeugnus
GOTTES
durchaus verloren/ auch das zeugnus der Guten Engell: Er ist ein Boͤswicht vom anfang/ durch die Sunde/ welche Er/ vnd sie Jhn/ gebohren/ Er ist jhr Vater/ vnd sie ist seine Mutter/ welche jhn/ vnnd er sie gebohren hat durch die Lust/ in
dem
Morgenroͤthe der Weißheit.
dem Scheelen Auge der Eigenliebe Eigen- duͤnckels vnnd Einbildung: Wie nun die Suͤnde ist das Boͤse/ vnd erfunden worden/ in jhrem
Principio
von Lucifer/ also hat sie jhn zum Boͤswicht gemacht/ vnd ist eins des andern sein
Principium,
vnnd kan sich dem- nach der Boͤswicht gar nicht entschuldigen. Also hat sich Lucifer selbst er mordet/ vnnd die Englischen
Principia
verloren/ vnnd ist vnd bleibt ein verlornes Kind/ vnnd Sohn deß verderbens/ der rechte Wieder Christ/ Ewiglich.
So ist nun die Sunde geboren aus der Lust/ die Lust durch das Anschawen/ das anschawen durch den duͤnckel/ der duͤnckel durch die Eigenliebe/ diese aber durch die an- gemaßte freyheit/ solche nun durch die si- cherheit/ vnd die sicherheit aus leichtferttig- keit/ do keine furcht ist: Darumb gleich wie die furcht der weisheit anfang ist/ also auch die leichtferttigkeit ist der thorheit vnd suͤn- de anfang/ wer aber mit furcht fehret/ der wird so leichte nicht suͤndigen.
Es ist aber Lucifer von
GOTT
ein guter Engel geschaffen worden/ vnd zwar also daß er gar wohl ohne suͤnde hette bleiben koͤnnen/ gleich wie auch der Mensch/ wenn er nur selber gewolt hette/ aber der Eigenwille hat jhn in die Suͤnde gebracht/ ja sein eigener muthwille: Nun hat er aber nicht koͤnnen
C 3
geschaf-
Morgenroͤthe der Weißheit.
geschaffen werden/ also vollkommen/ daß er gar nicht hette suͤndigen koͤnnen/ vhrsach ist/ weil seine mas gewicht vnd zahl/ solches durchaus nicht kuntte mitbringen/ vhrsach/ denn er wahr nicht aus
GOTT
gebohren/ sondern hatte seine
Principia,
ausser
GOTT,
wiewohl aber durch
GOTT:
Was aber anß
GOTT
vnnd seinem Sahmen gebohren ist/ dasselbe kan nicht suͤndigen/ vhrsach/ dann es ist aus
GOTT
gebohren/ welcher vnmuglich suͤndigen kan. Also wirdt offenbahr/ der vberschwengliche vnterscheidt/ vnter der Schoͤpfung/ die zwar sehr guth ist/ vnter der vernewerung/ die da geschicht in vnd an der alten Creatur/ vermittelst dem Geist
GOT- TES,
vnnd vnter der Newen Geburth von Oben herab aus
GOTT,
die es alleine ist/ so da Kinder vnd Erben
GOTTES,
vnd Mit- Erben
CHRISTI
machet/ der welt vnnd jhren weisen verborgen.
Dieweil denn die Engell bestehen aus Windt/ Fewer vnd Liecht/ vnd der fall Lu- cifers jhnen zur hoͤchstẽ warnung da stehet/ so bedecken sie auch jhre fuͤsse vnd Angesicht fuͤr
GOTT,
mit furcht vnd zittern/ vnnd be- schaͤmen sich vielmehr selbst/ auf daß sie Gnade fuͤr dem
HERRN HERRN
finden: Weill sie denn eine fewerflamme seindt/ zum schutz vnd nutz den frommen/ vnd zum tode vnnd verderben den gottlosen/ so ist
GOTT
Morgenroͤthe der Weißheit.
GOTT
auch in seinen Engelln ein verzeerend fewer/ nicht aber an vnd in sich selbst/ vnnd wird auch mit den Engelln seiner Crafft/ vnd mit fewerflammen/ zum Gerichte kom- men.
Das 10. Capittel. Vom vnterscheidt deß Liechts vnd Fin- sternus/ auch Liechts vnd Fewers.
E
S ist bisher das Liecht von den Weisen dieser welt nicht mit vnter die Element gerechnet/ da es doch das Erste ist/ in der Schoͤpffung/ ja in aller schoͤpffung seind das Bluth vnd die Augen das allererste/ vnnd nicht das hertz. Nun ist aber das Liecht ein Außgang der Herꝛligkeit
GOTTES,
vnd mag nimmer- mehr vergehen/ in seinem Geist/ vnd ist eine wohnung der Sieben Geister
GOTTES,
gleich wie die finsternus eine wohnung ist der boͤsen Geister; Jn dem Liecht wohnet der Geist des
HERRN,
der Geist der Weißheit vnnd des Verstandes/ der Geist deß Raths vnd der Staͤrcke/ der Geist der Erkentnuß vnnd der Furcht deß
HERRN:
Alle weisheit/ verst and vnd Erkentnus/ al- les Vrtheil/ Gerichte vnnd Pruͤfung/ vnnd alle warheit vnnd gerechtigkeit kompt von
C 4
vnd
Morgenroͤthe der Weißheit.
vnd aus dem Liecht/ vnnd durch dasselbe/ vnnd gleich wie nun das Liecht die gantze welt erleuchtet vnnd den Tag machet/ auch der Tag selber ist/ also erleuchtet es allen Geist/ in allen lebendigen Seelen/ vnd gleich wie ohne Liecht kein Tag ist/ noch auch sein kan: also auch keine weisheit noch erkent- nus/ noch verstandt ohne das Liecht.
Es ist aber das Liecht in seinem Leibe/ nach vnserer meinung/ ein lauter Essentia- lisches Geistliches Saltz/ von welchem alle
Gemmen
vnnd edlen Steine jhre farben be- kommen/ also auch alle blumen/ vnnd alle schoͤnheit jhre schoͤne. Solches alles wircket der Geist des Liechts/ vnnd zieret alles mit schoͤnheit/ denn in dem Liecht seind alle far- ben verborgen/ vnnd aus demselben werden sie gebohren: Die Seele des Liechts/ ist an- ders nichts denn ein freudenreiches Leben/ aus der Natur/ als ein Englisches Leben vnnd sein Geist eine Ewige Liebe/ ausge- hend von dem Geist deß
HERRN.
Auß diesem liecht/ hat
GOTT
gemacht die liechter des himmels/ so da seind ein zu- sammgesamletes/
coagulirtes,
leibhafftiges vnnd begreifliches liecht/ vnnd seind anders nichts in jhrem wesen/ denn ein Geistliches Essentialisches vberaus ‒ crystallinisches Saltz/ also hoch temperiret/ dergleichen jm- mermehr ichtes in der welt sein mag/ ohne
eini-
Morgenroͤthe der Weißheit.
einige
quali
taͤtẽ vnd eigenschafften/ der hitze/ kaͤlte/ waͤrmbde/ feuchte/ naͤsse vnd trucken- heit/ ꝛc. vnd haben jhre eigene bewegung in vnd an sich selbsten/ insonderheit die Sonne/ wandelt vnnd laufft allzeit mit dem Liechte vnd Tag/ der Mond aber mit der finster- nus vnd nacht/ vnd die andern Sternen/ ein jeglicher in vnnd an seinem orth vnnd ord- nung.
Diese liechter des Himmels/ zeigen jm- merdar vnd vber all claͤrlich an/ die Craͤfften der Element vnd Gegen-Element/ was vnd welches jhre wirckung sey/ durch welche Craͤfften/ alle ding in der gantzen Welt ge- wircket vnd vollendet werden/ vnd mit nich- ten durch die Liechter des Himmels/ so we- nig als ein Spiegel/ darinnen man eins vnd anders siehet vnnd erkennt/ dieses schaffet/ macht vnnd wircket/ das man siehet. Nun aber wechselen vnd
revolviren
sich die Craͤff- ten der Element vnd Gegen Element vmb/ alle tage/ alle wochen/ alle monath; vnd alle jahr. Weil denn aus dem Liecht die Erkent- nus kommet/ so erforschet auch dasselbe alle Tieffen/ in einem jeglichen Geist/ Seele vnd Leib/ vnnd stellt es dar in den Liechtern des Himmels/ weissaget/ verkuͤndiget vnd giebt es zuerkennen den
SEHERN,
welche deß Liechts Kinder seindt. Der Geist des Liechts erforschet alles in allen dingen/ vnd
C 5
zeiget
Morgenroͤhte der Weißheit.
zeiget durch die liechter des himmels an/ ei- nen jeglichen
ascendenten
oder Geist in al- len dingen vnnd auch im Menschen/ was er nemlich in seiner geburth fuͤr einen Geist/ Seele vnd Leib empfangen habe/ beydes auß vnd nach den Elementen vnnd Gegen Ele- menten/ auch was fuͤr Geister in jhn
incen- triren,
welchen Allen/ so es boͤse ist/ der Mensch wiederstehen vnnd es von sich ab- schuͤttelln vnd wegtreiben kan durch den hei- tigen vnnd guten Geist/ wie ein thier den staub vnd die fliegen.
Die Liechter des himmels nun/ regiren die gantze welt/ nemlich nach aller jhrer zeit/ vnd zeigen alleß an/ was zukuͤnfftig/ gegen- wertig/ auch was vergangen ist: Weil nun ein jegliches Element seine Geister hat/ als die Erde/ das Wasser/ die Lufft/ ꝛc. vnd der- selben Augen geistlicher seind/ als vnsere leiblichen/ so koͤnnen sie auch etliche dinge an den Liechtern des Himmels absehen/ vnnd verkuͤndigen solches/ oder gebens zuverste- hen/ den Menschen: Aber die Kinder des Liechts/ brauchen der gemeinschafft solcher Geister gar nicht/ soll auch nicht sein/ denn es der nechste
grad
zur zauberey ist: Die Na- tuͤrliche
Magia
zwar/ vermag sehr viel/ wel- cher sich die Weisen im Morgenlande recht gebraucht haben/ die zu
CHRISTO
kahmen/ die Englische aber vermag noch viel mehr/
wie
Morgenroͤhte der Weißheit.
wie vielmehr dann die Goͤttliche: Wir sol- len aber allezeit nach dem Besten streben/ vnd zwar der Mensch hat in sich einen drey- erley Magnethen/ dardurch Er alle Geister in aller welt zu sich ziehen kan/ vnd wunder vber wunder thun/ aber was sagt der
HERR
dazu? Matth. 7.22. Luce 10.20. dann auch durch die natuͤrliche
Magia
die Teuffel koͤn- nen ausgetrieben vnnd grosse thaten voll- bracht werden. Der Fuͤrst der finsternus verstelt sich in einen Engel des Liechts/ vnd will vberall die hand mit im wercke haben/ jetzund ist eine sehr gefehrliche zeit/ dieweil alle Geister aufwachen/ denn das Ende ist so gar sehr nahe da/ als niemand glauben mag. Die lufft wallet voller Geister/ auf der Erden wallen sie auch/ auch hat ein jegli- cher Mensch seinen eigenen Engel/ auch sei- nen boͤsen Engel; Von den guten Engelln wird alles gute aufgeschrieben warhaftig- lich/ was die Menschen thun/ vnnd von den boͤsen Engelln alles boͤse/ vnnd wenn der- mahleins die Buͤcher werdẽ aufgethan wer- den/ werden alle Menschen gerichtet wer- den nach jhrem worten vnd wercken: Wohl dem der sein grosses schwartzes schuldtregi- ster/ mit wahrer vnd hertzlicher thraͤnen-bus- se ausleschet: Die Geister belangend koͤn- nen wir dieselbe nicht sehen/ es sey denn daß vnß die Augen aufgethan werden.
C 6
Endt-
Morgenroͤthe der Weißheit.
Endtlich vnter Liecht vnnd Finsternus/ Liecht vnd Fewer/ ist solch ein sehr gros vn- terscheidt mit einem wort/ als vnter Leben vnd Todt/ Seeligkeit vnnd Verdamnus/ ja als vnter
GOTT
vnd dem Teufel: das Liecht ist vnnd wird sein/ eine Ewige wohnung
GOTTES;
finsternus vnnd fewer aber eine Ewige wohnung des Teufels vnnd der ver- dampten.
Das 11. Capittel. Von dem
Principio
deß Fewers/ vnd seiner heymligkeit.
E
S ist dreyerley Fewer/ nemlich das Fewer der Gegen-Element/ das Fewer der Engell/ vnd endtlich das Fewer deß Teufels. Das Fewer der Gegen-Element ist dreyerley: Erstlich vor dem fall/ ein stilles ruhendes vnnd vngeof- fenbartes fewer/ ohne eine brennende flam- me: Darnach nach dem fall/ ein angezuͤn- detes offenbares brennendes flammēfewer: Endtlich ein kaltes wasseriges fewer/ so da nicht brennet/ aber doch rauchet/ welches in der Erden wircket/ an
Mineralien
vnnd
Me- tallen.
Mit diesem kaltem wasserigen fe- wer/ werden alle dinge gezwungen/ auch die
Metallen
selbst/ denn es dieselben
calcinirt
vnd
Morgenroͤthe der Weißheit.
vnd gleich wie zu aschen machet/ vnd zerstoͤrt vnnd aufloͤset. Dieses fewer ist fuͤrnemlich dreyerley/ alß
Vegetabilis
ch/ welches ist/ so zu sagen/ temperirt/ vnd ist ein wohlrectifi- cirter Essig/ welcher vberaus nuͤtzlich ist/ da- von denn nicht zusagen.
Sapienti satis,
dar- nach
Mineralis
ch/ welches fuͤrnemlich ist/ der rechte
Spiritus Nitri;
ein geistlich wasser aus dem Salpeter/ welcher dann zugleich hitze vnd kaͤltte in sich hat/ vnnd ist hoͤllisch vnnd himlisch.
Mercurialis
ch vnd
Saturni
nisch/ ein wunderbahres Saltz/ das seines gleichen nicht hat: Ohne dieses wird kein
Metal
ge- bohren/ auch keins zerbrochen/ vnnd ist ein grosse heymligkeit drinnen verborgen/ mehr dann man glauben mag/ Es muß aber der rechte
Spiritus Nitri
nicht ohne ein kaltes fe- wer bereitet werden/ denn die grimmige schreckliche vnd grausame hoͤlle/ so im Sal- peter ist/ mus in jhrem fressend vnnd verzee- rendem fewer vberschwemmet erfaͤufft vnd verschlungen/ vnnd zum seeligen himmel ge- macht vnd verwandelt werden. Wenn nun
e
in himlisches wasser da ist/ alsdann kan ei-
n
e Newegeburth von Oben herab auß Was-
s
er vnd Geist erfolgen. Hier liegt ein grosse
Medicin
verborgen/ in der grimmigen pest/
h
auptkranckheit/ siebern/ stein/ podagra vnd
v
ielen andern/ vnd zwar die zeit ist kommen/
d
a alleß offenbahr werden mus/ vnnd ob
wirs
Morgenroͤthe der Weißheit.
wirs gleich mit vnsern haͤnden selbst noch nicht bereitet haben/ so mag vnnd kan vnß doch der Geist der weißheit alleß lehren/ was heymlich vnnd verborgen ist/ welcher denn alle Tieffen erforschet/ vnd kan vns zei- gen/ bezeugen vnnd zuerkennen geben dis/ das sonst keine Auge hat gesehen/ kein ohr gehoͤret/ vnd das in keines Menschens her- tze kommen ist. Zum dritten ist auch ein
Me- tallis
ches kalttes fewer/ welches alle
Metal- len
auch das Gold selbst/ zu nichte machet/ ausgenommen das edle koͤrnlein im golde verborgen bleibt noch vbrig/ welches nicht bezwungen werden kan/ vnnd solches fewer ist das Bley/
Saturnus,
das frißt alle
Me- tallen
auf/ vnnd vergehet endtlich im fewer selbst auch mitt/ nemlich gleich wie das ge- meine fewer alles holtz auffrißt vnd verzee- ret/ vnnd endtlich auch selbst mit verzeeret wirdt vnnd vergehet/ aber in der aschen die da vberbleibet/ da ligt der Schatz jnnen ver- borgen/ den muß man mit einem heissen was- ser heraus ziehen vnd samlen: Die
Metallen
haben zweyerley wasser/ ein kalttes vnd ein heisses seind beyde ein fewer: Das kaltte ist
Saturnus,
Bley/ das heisse ist
Mercurius,
quecksilber: Wie nun das eine vberaus kaltt ja eine hellische kaͤltte/ ist/ also ist das andere vberaus heiß/ ja eine hellische hitze/ also daß es fuͤr grosser hitze/ jmmer im fluß steht vud
fleußt/
Morgenroͤthe der Weißheit.
fleußt/ wiewohl es von aussen kalt anzufuͤh- len ist. Jn diesem fewerwasser nun/ werden die
Metallen
vnd sonderlich das Gold/ nach dem tode/ newgebohren/ nemlich in der
Me- tallis
chen welt vnd reich/ vnnd vberkommen einen newen clarificirten Geistlichen himli- schen leib/ der also herꝛlich ist/ daß er auch andere geringere seiner natur ehnliche/ zu sei- nes gleichen machen kan.
Also viel nun ist gelegẽ am Erkentnus des Fewers vnnd seiner heymligkeit/ vnnd ohne solche mag gar nicht gutes vnnd fruchtbar- liches ausgerichtet werden/ zu vnserm be- sten/ denn es mus alles durchs kaltte fewer erst getoͤdtet werden/ gleich wie durch seinen Winter/ nach dem Proceß der Natur/ ster- ben vnd verfaulen/ soll es in einem newen leibe wieder herfuͤr kommen.
Das Fewer nun/ Jst seinem
Principio
nach/ aus der Finsternus erbohren/ aus der- selben kompt es herfur/ vnnd gehet auch wie- der in dieselbe: Die Finsternus aber ist er- bohren aus dem Nicht/ vnnd das Nicht ist da gestanden/ im anfang der Schoͤpffung gegen das Etwas/ zum zeugnus dessen was geschaffen ist vnd heisset/ denn alleß was da gemacht vnnd geschaffen ist oder wirdt/ das ist je zuvor noch nicht vnd nichts/ vnd ehe es geformet oder gestalltt wird/ so ist es zuvor ein vngeformt vnd vngestaltes/ vnnd gleich-
sam
Morgenroͤthe der Weißheit.
sam finsteres wesen/ aus welchem hernach das liecht/ das ist/ ein formliches wohlge- staltes wesen/ erbohren wirdt/ das ist aus dem vnsichtbarem ein sichtbares.
So seind nun die finsternus vnd auch das fewer/ jedoch gutem verstande nach/ vnd vor dem fall/ ein abfall vnd wegwurff des liech- tes/ vnnd seind aber doch nuͤtzlich vnd guth/ gleich wie das jenige so ein werckmeister ab- arbeitet/ abhawet oder abscheidet von deme oder von derselben
Matery,
daraus er etwas formliches bereiten vnd machen will/ gleich wie die Spaͤne vom holtz einerley
matery
seind mit deme daraus etwas geformet wirdt/ jedoch aber ein abfall vom selben/ vnd wenn die spaͤne nun ins fewer kommen/ so werden sie zu nichte/ also auch die Gegen- Element/ wenn sie erkant werden/ seind sie nicht mehr guth/ sondern eine gegenheit/ wie- derwerttiges vnd gar ein boͤses.
Ferner ist zu wissen/ daß in der Goͤttli- chen Welt keine Gegen-Element seind/ durchaus nicht/ vnd koͤnnen auch keine drin- nen sein/ wiewohl die Macht derselben da- hinnein gedrungen ist/ auch in die Tieffen
GOTTES
selbst/ in welchen es finster wor- den ist/ do der
HERR
der Herꝛligkeit am Creutze starb/ vnd das Fewer des grimmi- gen zorns
GOTTES
denselben verzeerete/ vnd der todt vnd das verderben Jhn erwuͤr-
gete/
Morgenroͤthe der Weißheit.
gete/ ꝛc. Wer kan dies aussprechen/ vnnd wer weiß es was das gesaget ist? Also in der Englischen welt seind auch keine finsternus/ aber wohl das Fewer. Dieses Englische fewer ist ein abfall oder abwurff deß Liechts; aus welchem der Geist der Engel ist/ vnd ist dies fewer im anfang vnd vor dem fall auch ein ruhiges/ stilles vnd vn- erkanttes fewer gewesẽ/ vnd sehr guth/ weil es je die Seele deß Liechts in den Engeln ist vnd wahr/ aber nach dem fall ist es offen- bahr/ erkant vnd eine flamme worden/ vnd ein solches/ darinnen der grimmige zorn
GOTTES
ruhet/ in welchem fewer alles Gerichte
GOTTES
bestehet vnd auß demsel- ben gehet.
Dieses fewer nun in den Engeln mit sei- nem grimm/ zorn vnnd verzeerenden flam- men/ ist mit nichten boͤse/ sondern ein gerech- tes Fewer der Gerechtigkeit
GOTTES,
zu- straffen die Gottlosen: Aller zorn/ grimm vnd gerichte/ gehet aus der Englischen welt/ auch das gesetze/ so mit fewer gegeben wur- de/ Erod. 20. Apost. gesch. 7. 53. 38. Galat. 3. 19. Ebreer 2. 2. Vom Fewer des Teufels endtlich ist oben schon gesaget/ viel were noch vom fewer zusagen/ wenn wir vns nicht der kuͤrtze befliessen.
Das
Morgenroͤthe der Weißheit.
Das 12. Capittel. Woraus vnnd worinnen/ auch wor- durch alle ding bestehen/ vergehen/ vnd wie sie dennoch auch Ewig wehren/ beyde Gutes vnd Boͤses.
O
B wir zwar vnser wissen vnnd weissagen selbst fuͤr stuͤckwerck achten im Erkentnus/ so wollen wir doch den Geist nicht dempf- fen/ vnd sollen die weissagung nicht verach- ten/ vnd wolle der Leser im
HERRN
wissen/ daß wir vnsere weisheit/ es sey in den Na- tuͤrlichen oder Geistlichen/ aus der heiligen Schrifft erlernet vnd erkant haben/ vnnd nicht aus Menschlichen buͤchern vnnd weis- heit/ denn die H. Bibel gnuͤget vns zu aller weisheit/ vnd haben wir vnß in 24. jahren/ keines andern buchs gebrauchet/ die weis- heit zuerforschen/ denn allein desselben: vnnd neben diesen/ in vnd aus diesem/ auch durch dieses Buch/ kan vnß der Geist der weis- heit/ durch die Salbung alleß lehren/ vnnd duͤrffens gar nicht/ daß vnß ein anderer/ es sey Geist oder Mensch/ lehre.
Alle ding aber nun/ mit einem Wort zu sagen/ bestehen allein durchs Saltz/ verge- hen ohne dasselbe vnd in demselben/ vnd weh-
ren
Morgenroͤthe der Weißheit.
ren doch auch Ewig in demselben/ beydes Gutes vnd Boͤses. Es ist aber ein dreyer- ley Saltz/ nemlich/ ein Goͤttliches/ Engli- sches vnnd Elementarisches. Es muß alleß mit Saltz gewuͤrtzet werden/ soll es guth werden vnd bestendig bleiben/ vnnd ist das Saltz der alleredelste beste vnnd heylsamste Balsamb/ wuͤrtze vnd behaltnus/
præserva- tivum \& Conservativum,
die hoͤchste Staͤr- cke vnd sterckung: Das Saltz der Goͤttlichen welt/ ist ein wahres Liecht/ ein Geist vnnd Wasser von Oben her/ mit welchem wir er- leuchtet/ angehauchet vnnd getauffet/ ja ge- wuͤrtzet werden vnnd gesaltzen/ daß vns das hellische Fewer nichts kan abgewinnen/ denn es mus ein jeglicher Mensch mit fewer ge- saltzen vnd im fewer bewehret werden/ wer vnd was darinnen bestehet/ das wird seelig/ sonsten durchaus nichtes nicht. Marci 9. 49. 50. 1 Corinth. 3. 13. 14. Das Saltz der Englischen Welt/ ist ein lebendiges Leben/ an seiner herꝛligkeit
concentriret
von
GOTT
im Baum deß Lebens/ welcher/ wenn er wird gebrochen werden/ in der Herꝛlichen zukunfft
IESV CHRISTI,
so wird er alles was geschaffen ist/ im Himmel vnd auf Er- den/ in dieser Elementarischen welt also herꝛ- lich vnd craͤfftig wuͤrtzen vnd saltzen/ daß es von der suͤnde/ fluch vnd todt/ von dem Teu- fel vnd aller eitelheit/ leyd vnd muͤhseeligkeit
wird
Morgenroͤthe der Weißheit.
wird erloͤset werden/ vnnd das wird sein die edle Speise deß Grossen Abendmahls/ da- von/ als von einem Englischen vnnd Himli- schen Manna/ alles fleisch/ das ist/ alles was je geschaffen ist/ vnnd Creatur heisset/ essen vnd trincken vnd geniessen wirdt: Also wird das scharffe/ bitter vnnd sawre/ auch verzeerende/ fressende/ verderbend vnnd zu nicht machende Saltz der Gegen-Element hinweg vnd abgethan werden/ ersterben vnd an seinen ort abgescheiden werden. Vom E- lementarischen Saltze nun/ haben wir dro- ben schon gesaget.
Nun ist auch noch ein ander Saltz/ nem- lich der Gegen-Element/ welches denn drey- erley ist/ nemlich in der Erden/ denn im Meer/ darnach in der Lufft. Das Saltz der Gegen-Element ist ein scharffes/ auch fressendes/ endtlich auch ein verzeerendes Saltz/ vnd herꝛschet in allen Creaturen vnd dingen/ vnd ist vberall vnd allezeit vermen- get mit dem guten Saltze/ welches in dem scharffen fressend vnd verzeerendem Saltze gefangen gehalten wirdt/ vnd mag auch ehe nicht frey/ ledig vnnd los werden/ biß daß dies/ so es gefangen helt mit einem kalt- ten fewer/ so da ein wasser ist/ droben ge- dacht/ ersaͤuffet vnnd getoͤdet wirdt. Dieses Saltz aber nun herꝛschet furnemlich in den
Mineralien
der Erden/ in den
Minerali
schen
Saltzen/
Morgenroͤthe der Weißheit.
Saltzen/ als gemein Saltz/
Vitriol, Salpe- ter,
Alaun/
Salmiac,
ꝛc. vnnd ist gleichsam fix in diesen: Jn allen Schwefelln/ son- derlich in dem gemeinen Schwefel/ ist das Saltz der Gegen-Element fluͤchtig/ wer es aber fix machen kan/ durch ein kalttes fewer/ der hat ein ding/ edler als das gemeine Gold: Was wird aber doch mehr gemisbrauchet als Bley/ Salpeter vnnd Schwefel/ das schießt man in die Lufft hin/ vnnd seind so edle dinge/
ô
der grossen Bosheit der Men- schen! Jsts nicht also/ nemlich/ was vnedel/ thoͤricht vnd verwerfflich vor der Welt ist/ das hat
GOTT
erwehlet! Endtlich in allen
Arsenicalien
ist das Saltz der Gegen-Ele- ment Essentialisch/ vnd Geistlich/ vnd zwar so ists ein rechter gifft: Weil es aber eine Essentz ist/ wie soltte denn nicht auch ein grosses darinnen verborgen liegen/ es muß saͤuberlich vnd fuͤrsichtig durch ein kaltes fe- wer getoͤdtet/ vnnd zu einer edlen newen ge- burth befordert worden: Es ist aber/
obi- ter,
auch zu mercken/ daß eine jegliche Lau- ge/ sonderlich aber von Lebendigem Kalck/ ein kalttes fewer ist/ vnd mag dieselbe in den vnreiffen
Metallen,
die noch
Sulphuris
ch/
Mercurialis
ch vnnd
Arsenicalis
ch sein/ ohne zweifel/ grossen nutz schaffen/ sonderlich in et- lichen Eisenertz vnd Kupferertz/ in welchen/ der
Sulphur Solis,
die herꝛligkeit des Gol-
des/
Morgenroͤthe der Weißheit.
des/ gnugsamb erscheinet/ denn das fluͤchti- ge mus durch ein fixes bestendig vnnd herꝛ- lich gemacht werden/ vnd zwar ist hierin mehr verborgen/ als man meinen mochte.
So ist nun im Saltze/ beydes das Leben vnd auch der todt/ vnnd wie nun das Gute sein Saltz hat/ also auch das Boͤse/ vnnd seind alle zwey bestendig/ das Gute zwar darumb/ weil das Leben drinnen ist/ vnnd das Boͤse darumb/ weil das Leben vnnd Todt zugleich drinnen seindt/ denn was der todt sterbend machet durch eine grosse kaͤlt- te/ daß machet das Leben wieder regend durch das Fewer: Darumb das Fewer ist das Leben in dem Teufel vnnd seinen kin- dern/ vnd die kaͤltte der todt/ aber es ist ein solches leben/ daß da nicht auß
GOTT,
nicht auß dem Liecht vnd Liebe ist/ sondern auß dem Teufel selbst/ auß der finsternus vnnd zorn ist/ das ist mit vnaussprechlicher angst/ quahl vnd pein/ jammer vnnd noth/ marter vnd wehklagen.
Das Saltz im Meer/ ist ein Seelisches saltz/ wuͤtend vnd tobend/ von welchem was zusagen were/ weil eine heymligkeit drinnen verborgen ist/ vnnd zwar so leuchtet es auch in seinem fewer vnd ist ein Schwefel-liecht/ also daß mans sehen kan. Das Saltz endt- lich in der Lufft/ ist Essentialisch vnd Arse- nicalisch/ vnnd vergifftet was auff Erden
ist/
Morgenroͤthe der Weißheit.
ist/ Menschen vnd Viehe/ vnd die Fruͤchte/ ꝛc. Diese dreyerley Saltze/ der Gegen-E- lement/ seind nach dem fall erst auf kommen vnd offenbar worden/ darumb mussen wir Saltz von Saltz/ das ist/ das Boͤse von dem Guten scheiden/ das Boͤse verwerffen/ vnd das Gute erwehlen. Am ende aber wird al- les boͤse dem Teufel heimfallen/ sonderlich die Gegen-Element vnd jhr Saltz/ welches dann den feurigen pfuhl machet/ ewig frißt vnnd naget vnnd doch nicht verzeeret/ ewig lebt vnnd doch nicht im leben sondern im to- de/ vnnd ewig stirbt vnnd doch jmmer lebet/ vnd das heißt recht die Gegen-Element.
Das 13. Capittel. Von Schoͤpffung der Welt.
N
Ach dem wir nun die
Principia
er- kant haben/ in jhren
subordinatis,
vnnd auch
centro concentrato,
so wohl in vnd an den Elementen/ als auch an den Gegen-Elementen/ moͤgen wir fortan abmercken koͤnnen/ wie alle ding ge- schaffen seindt/ durch das
VVORT,
auch zu- gleich erkennen/ was da sey das Scha- MaJm/ von welchem geschrieben stehet im Buch der Schoͤpffung/ daß
GOTT, ELO- HIM,
im Anfang/ geschaffen habe/ Scha-
MaJm/
Morgenroͤthe der Weißheit.
MaJm/ welches die Dollmetscher zwar gegeben haben/ Himmel vnd Erden/ aber es ist vnnd laufft wider den text/ auch wieder die ordnung der Schoͤpffung: Wer wilß vns nun sagen/ was SchaMaJm eigentlich sey? Zwar wir koͤnnen nicht mit zungen re- den/ denn wir vnß vielmehr des weissagens befleissigen/ nach der Gnade die vnß gege- ben ist: wollen derowegen andern die deu- tung heimgeben/ vnd sie suchen/ forschen vnd finden lassen/ was SchaMaJm im grunde eigentlich heisse. So viel ist aber kundt vnd offenbahr/ daß auß dem SchaMaJm alle andere dinge geschaffen vnnd hergeflossen seindt/ auch das Wasser/ auß welchem der Him̃el vnd die Erde/ im anfang der Schoͤpf- fung bestanden vnd geschaffen seindt/ denn es ist nicht gnug daß wir wissen/ wie daß die Welt auß dem Wasser bestanden vnnd geschaffen sey/ sondern wir fragen auch/ wo vnd wannenher denn das Wasser entstan- den sey/ dar aus die welt gemacht ist: Denn die Weisen gehen der weisheit nach/ biß in jhre Tieffen/ vnnd lassen nicht nach/ biß daß sie den Grund vnnd alle
Principia
fin- den: Das Buch der Weißheit spricht/ cap. 11. 23. Die gantze Welt ist fuͤr dir/
GOTT,
wie ein augenblick des Zuͤngleins an der Wage/ vnnd wie ein troͤpflein eines tawes/ daß deß Morgens auf die Erden fellt.
Offen-
Morgenroͤhte der Weißheit.
Offenbahr ists/ daß alles wasser vnnd taw/ ehe es ein leiblich wasser wirdt vnd ist/ zuvor ein dunst ist/ wie vnnd woraus vnnd von wannen aber nun/ auch wor durch sol- cher dunst entstehet/ ist zuerkundigen/ vnnd zwar ist es/ vnserer meinung nach/ anders nichts/ denn ein leiblicher solcher Geist/ der da Alleß in Allen in sich beschleußt/ auch Alleß von sich auslast vnd giebt/ vnd endt- lich Alleß auch wiederumb zu sich samlet. Daraus nun die welt geschaffen ist/ dasselbe ist auch in allen dingen/ vnnd ohne dasselbe ist kein ding irgends wo/ daß da ist/ vnnd wenn dasselbe wiederumb von jhme genom- men wird/ so ist es/ oder kan es auch nicht mehr sein.
Damitt wir nun die Tieffen der Schoͤpf- fung darstellen/ auß welchen sie entstanden ist vnd geworden/ so seindt dieselben dreyer- ley: Erstlich zwar das Wort
GOTTES,
in welchen ist das Leben/ durch welches alle ding geworden seind/ vnnd das auch in al- len dingen ist/ solches ist an statt des Gei- stes nach dem hoͤchstẽ
gradu,
in der Schoͤpf- fung der Welt/ vnd dies ist auch der wahre Geistliche Sahme aller dinge/ ohne welches kein ding ist noch sein kan. Darnach ist der Geist in welchem besteht vnnd ist die Seele der gantzen Welt/ vnnd vnterscheidet sich von
GOTT,
alß der Othem von dem Geiste/
D
vnd
Morgenroͤthe der Weißheit.
vnnd ist der Othem deß Sprechenden
VVORTS GOTTES
:
vnd an statt der Seelen/ vnd ist das warhafftige Leben al- ler dinge/ nach dem hoͤchstem
grad,
vnnd ist der Seelische Sahme aller dinge in der gan- tzen Welt: Endtlich ist das Saltz der leib vnd leibliche Sahme aller dinge/ vnnd der gantzen Welt/ in welchem wohnt vnd ruhet das Wort vnd der Geist
GOTTES.
Diese drey hauchen von sich auß ein Wasser/ so da ist/ ein SchaMaJm/ daraus die gantze Welt ent- vnnd be-standen/ nach dem mitt- lerm
gradu,
der vntere aber seind die Ele- ment: diese drey/ geben vnnd setzen die drey
General-principia
zur Schoͤpfung/ als
GOTT,
die Natur/ vnd die Element: vnd wiedrumb diese drey/ den Geist/ Winde vnd Wasser: vnd diese drey endtlich/ ein je- gliches geschoͤpf/ creatur vnd ding/ vnd wird durchaus alles beschlossen/ im Liecht/ Leben vnd Liebe.
Das
VVORT
ist
GOTT,
vnd
GOTT
ist das
VVORT:
Der Geist ist die Natur vnnd ein ausgelassener Othem
GOTTES,
vnd die Natur ist der Geist vnd Seele der Welt: Das Saltz ist ein Element aller E- lementt/ vnnd die Element seind in jhrer herꝛligkeit anders nichts denn ein Saltz/
H.
: Auß diesen dreyen besteht das SchaMaJm/ vnnd die gantze Schoͤpffung
der
Morgenroͤthe der Weißheit.
der Welt/ in jeden vnd allen jhren wahren
Principiis:
Jn aller Schoͤpfung ist das
VVORT
der anfang/ der Geist das Mit- tel/ vnd das Saltz das Ende.
Jm anfang der Schoͤpffung/ wahr das Schamaim vngestelt vnd vngeformet/ auch wahren finsternussen ob dem Angesichte derꝛ Tieffen/ vnd wahr ein vngestaltes we- sen da/ aber der Geist
GOTTES
vberschat- tete vnd schwebete ob dem Wasser/ dardurch wurde es Samlich/ vnnd das erste daß in demselbẽ geschaffen wahr/ wahr das Liecht/ wurde aber von der Finsternus begrieffen/ biß so lange
GOTT
sprach/
Iehi Or,
Gehe herfur du Liecht/ vnd komme fur den Tag/ vnnd mache einen Tag/ auf daß es Liecht werde/ vnnd das Liecht wurde alsbald von der finsternuß geschieden/ vnnd ist seinem leibe vnd wesen nach/ ein Essentialisches al- ler subtihlstes Geistliches Saltz/ das man anders nicht/ denn nur alleine mit den Au- gē begreiffen kan. Die finsternus begreift in sich das Fewer/ vnnd war das Liecht von finsternus gescheiden/ vnd das fewer herge- gen darinnen heymlich verborgen/ welches leider hernach durch die Sunde herfuͤr kahm vnd sichtiglich offenbahr wurde/ vnd heisset nicht
Or,
Licht/ sondern/
Vr,
Fewer.
Nach dem Liecht wurde der Himmel ge- schaffen/ ein feste aus dem Wasser/ wie ein
D 2
gefror-
Morgenroͤthe der Weißheit.
gefrorn eseyß vnd crystall/ in welchem das fluͤchtige Seelische Saltz des Lebens/ fix/ firmamentisch vnd feste worden ist/ vnd ist der Himmel selbst ein solches Saltz/ in wel- chem alle kraͤfften des Lebens vnd der See- len wohnen/ vnd von dannen von oben her- ab in die vntere Welt/ ausgegossen werden durch den Geist/ Wind vnd Lufft/ welcher leib ist das Wasser/ in welchem denn das fluͤchtige Saltz getragen wirdt.
Nach dem Himmel ist die Erde geschaf- fen/ das leibliche
centrum
der Welt/ ein gro- ber leib/ der das fixe saltz in sich begreifft/ in welche Erde alle Element
incentriren:
So vergleichet sich nun das Liecht der Goͤttli- chen Welt/ der Himmel der Englischen/ vnd die Erde ist die Elementarische. Vber den himmel/ firmament vnnd feste/ seind die Geistlichen obern Wasser/ in welche die Natur sich ausgeust/ die da vber den obern Wassern jhre Welt/ vnd das rechte Para- dys hat/ da lauter liecht vnnd keine finster- nus ist/ welche welt in diesen letzen zeiten of- fenbar wirdt/ in welcher die Hochtzeit des Lambs vnd seiner Brauth/ vnd das grosse rechte Abendtmahl wirdt gehalten werden; die nun der ersten Aufferstehung vnnd der verwandlung in der zukunfft
CHRISTI
theilhafftig sein werden/ die werden dem
HERRN
entgegen gezuckt werden in die
Lufft/
Morgenroͤthe der Weißheit.
Lufft/ mit Jhm ins Paradeys eingehen/ vnd also bey dem
HERRN
sein allezeit. die gantze welt-kugel an Erde vnnd Wasser/ wirdt getragen von der Lufft/ eben gleich wie ein leib durch seinen Geist vnd Othem/ vnd gehalten/ daß er nicht kan fallen.
Das 14. Capittel.
Von der
Particular-
Schoͤpffung.
D
Ie Schoͤpffung in jhrer ordnung ist dreyerley: Erstlich
General,
in dem Schamaim/ welches die erste
Materi
gewesen vnd noch ist/ dar- aus leiblich alle dinge geschaffen seindt/ in welchem denn auch alle
Principia
zusammen kommen vnnd zugleich
concentriret
seindt; darnach
Special,
an vnd in den Elementen/ als Liecht/ Himmel/ Erde vnnd Wasser; Geist/ Wind vnnd Lufft seind im Scha- maim begriffen: Endtlich
Particular,
als an alle denen dingen/ welche da aus an vnd in den Elementen/ vnd durch dieselben ge- schaffen/ herfurgebracht vnnd geworden seindt.
Das erste/ so in der
Particular-
schoͤpf- fung geworden ist/ seindt die
Vegetabilia,
an alle dem/ waß an gras/ krauth vnd baͤumen aus der Erden/ herfuͤr waͤchst vnd kommet/
vnter
Morgenroͤthe der Weißheit.
vnter welchen denn der Weinstock das fur- nembste ist/ vnnd in deme nun ein jegliches seinen eigenen sahmen bey vnnd in sich hat/ so hoͤret auch hiemit die schoͤpffung auf/ vnd fehet die empfaͤngnus vnd geburth an/ in ei- nem jeglichen an/ vnnd in/ vnd auß seinem Sahmen. Es seind aber alle dinge aus der Erden herfuͤr gebracht im anfang/ an gras/ krauth vnnd baͤumen/ durch das Wort/ Geist vnd Saltz: Das Saltz hat einem je- glichen grase/ krauth vnd baͤumen/ den Leib gegeben/ welches sie auch alle in sich haben: Der Geist hat jhn die crafft gegeben vnnd zwar zur Artzney/ das Wort aber den Se- gen vnd das gedeyen. Die rechte Artzney aber nun/ crafft vnnd segen/ muß aus dem Saltz der Erden/ vnd eins jeglichen krauts gesucht vnd gesamlet/ vnnd leiblich gemacht werden/ vnd zwar zur zeit wenn es gruͤnend wirdt/ daß seine Essentz ausgezogen vnnd nach gebuͤr zu einem Geistlichen vnd himli- schen leibe gemacht wirdt/ der da gruͤnend herfur wechst/ vnnd auch an Artzney seine crafft ausgeust.
CHRISTVS
spricht zu sei- nen Juͤngern/ Matth. 5. 13. Jhr seydt das Saltz der Erden: vhrsach/ denn damit wur- de die gantze Welt gesaltzen vnnd fruchtbar gemacht/ daß sie gruͤnend wurde zum Ewi- gen Leben vnd Seeligkeit: Aber/
ô
leyder/ nun ist alleß Saltz tumm worden/ vrsach/
denn
Morgenroͤthe der Weißheit.
denn es ist kein Geist vnnd Wort des Le- bens drinnen/ darumb muß vnnd wird es hinaus in den Mißt geworffen vnd zertret- ten werden/ vnnd siehe/ der
HERR
wird ein Newes schaffen/ Amen/ Hallelujah.
Die
Particular-
schoͤpffung hat angefan- gen von vnd an den vntern/ vnd ist von vn- den hinaufwerts gangen: Gleich wie nun die Erde gezieret worden mit gras/ krauth vnd baͤumen/ also hat
GOTT
hernach am vierten tage auch den himmel/ firmament vnnd feßte gezieret/ mit seinen Liechtern/ Sonn/ Mond vnd Sternen/ welche herfuͤr kommen vnd gewachsen seind/ aus dem fix- fluͤchtigen/ vnnd fluͤchtig-fixem Saltz des Himmels/ vnd seind eben als die Edlen stei- ne der Erden: Fix seind sie/ in jhrem himli- schen leibe/ vnd aufs hoͤchste temperirt; aber fluͤchtig seind sie in jhrem lauff/ wiewohl auch etliche von jhnen stille stehen. Die fur- nembsten Liechter des Himmels/ seind/ die so genantten sieben Planeten:
Saturnus
ist der hoͤchste von allen/ vnd stehet doch der er- denzu/ wer weis ob er vom anfang auch der hoͤchste gewesen/ oder ob er nach dem fall der hoͤchste worden sey/ vnnd
Mercurius
jhme hab weichen muͤssen: Viel dinge seind vns noch verborgen/ vnd viel heymligkeit ist dar- innen verborgen/ denn
Saturnus
frisset al- leß/ vnd ist der todt/ vnd heerschet vber al-
D 4
leß/
Morgenroͤthe der Weißheit.
leß/
Mercurius
aber macht lebendig vnnd wachsend: Es were von allen viel zu sagen/ aber den weisen mag ein weniges genuͤgen/ darumb mussen wir fleissig auf die Gegen- Element achtung geben/ denn nach dem fall beherꝛschen sie alleß/ wir aber mussen emb- sig fleissig vnnd listig sein/ vber sie zu herꝛ- schen/ auf daß der todt ersaͤuffet vnnd ver- schlungen werde im sieg.
Am fuͤnfften tage hat
GOTT
aus dem Wasser geschaffen/ alleß was darinnen lebt vnd schwebt/ sonderlich auch die Vogel/ aus dem fluͤchtigen Saltze im wasser/ dannenher sie denn auch also fluͤchtig sein/ vnd haben die deßwegẽ auch jhre sonderliche betrachtung/ wegen des fluͤchtigen Saltzes/ vnnd ist in jhren federn auch eine Artzney in fluͤchtigen
Mercurialis
chen kranckheiten warzunehmen/ als da ist/ die sallende kranckheit/
item Phre- nesis,
Schwindel vnd vnsinnigkeit/
Mania
vnd dergleichen/ denn dieses seind kranckhei- ten/ so von den Geistern herkommen/ durch zulassung
GOTTES,
vnd muͤssen mit einem fluͤchtigem Saltze
curiret
werden/ das auf den hoͤchsten
grad
gebracht ist.
Es ist aber auch zu wissen/ daß in den Edlen Steinen grosse krafft ist/ als auch in Perlen/ Agtstein vnnd Corallen/ nemlich wenn sie mit einem Himlischen Wasser zu- vor getaufft seind/ das da so zu sagen/ lauter
Geist
Morgenroͤthe der Weißheit.
Geist ist/ auch ist in dem Magneten heym- ligkeit verborgen/ wenn er nun gebohren wird vnd ist/ vnd wer kans alleß erforschen: wir moͤgen wohl sagen/ groß seind die werck des
HERRN,
wer derselben wahrnimpt/ der belustiget sich darinnen/ denn denenselben seind sie dargestellet.
Am sechsten tage hat
GOTT
alle Thiere aus der Erden geschaffen/ auch das Ge- wuͤrm/ vnnd endtlich auch den Menschen/ mit welchem Er die Schoͤpffung beschlossen. Vnter den Thieren ist die Schlange das
cen- trum,
die hat vom anfang nicht auf jhren bauch gewandelt/ auch keine erde gessen/ son- dern es ist jhr von
GOTT
zum fluch vnd zur straffe aufferleget/ ob sie aber habe fluͤgel ge- habt/ wollen wir nicht in abrede sein/ vnnd zwar ist grosse listigkeit in der Schlangen/ vnd auch eine heymligkeit innen verborgen/ sie wahr vom anfang nicht vergifftet/ vnnd fur allen andern thieren das nechste bey vnd vmb den Menschen/ wie sie denn auch wie- derumb in der newen welt vmb den Men- schen sein wirdt/ wenn nun die feindtschaft wird ein ende nehmen/ Esaie 11. 8. es ist auch kein leiblicher vnd lustiger noch listiger thier als die Schlange. Weil sie denn vom anfang stets vmb den Menschen wahr/ so hat sie der Teufel auch dahin beredt vnnd vberredt/ den Menschen zu bereden vnnd
D 5
vber-
Morgenroͤthe der Weißheit.
vberreden daß er den Baum desErkentnus Gutes vnd Boͤses brechen/ vnd seine frucht essen soltte.
Weil denn die Schlange
Mercuriali
sch vnd fluͤchtig/ vnnd das
centrum
aller Thiere ist/ so ist freilich auch eine grosse Artzney in jhr verborgen/ wenn sie recht bereitet wirdt/ fur die
Mercuriali
schen kranckheiten/ zumahl weil sie viel gebeine hat.
So hat nun
GOTT
am Sechsten Tage alle schoͤpffung vollendet mit vnnd an dem Menschen/ von dessen schoͤpffung hernach/ vnd hat hernach am Siebenden-Tage geru- het vnd denselben gesegnet; Die Sechs tage nun bisher/ tragenden fluch vmb der Suͤnde willen/ aber der Siebende Tag/ der ja nun warhafftig kommet/ der wird den Segen ha- ben vnd die ruhe/ ja freude vnd wonne/ vnd lauter ehre vnd herꝛligkeit/ welchen freuden- reichen Tag vnserer Erloͤsung/ wir deñ durch den Geist der weissagung verkuͤndigen aller Creatur die vnter dem Himmel ist/ in einem Ewigen Euangelio/ vnnd vberaus froͤlichen botschafft/ welche vnß zu verkuͤndigen vom Geist der weissagung gegeben ist.
Das
Morgenroͤthe der Weißheit.
Das 15. Capittel. Vom geheymnuß deß Worts.
E
S ist aus heiliger Schrifft offen- bahr/ daß alle ding gemacht vnnd worden sein durch das Wort/ vnd daß auch annoch alle dinge geboh- ren werden durch das Wort/ vnnd daß sie auch erhalten werden durch das Wort. Wir wollen aber hier nicht Theologisch reden/ sondern nur uaturlich nach der Schoͤpfung/ auch nicht
Theosophicè,
von den Tieffen
GOTTES,
sondern diese beyde sparen/ biß auf seine zeit vnd an seinem orth. Es ist aber das Wort der Schoͤpfung/ die Algemeine Crafft
GOTTES,
aus welcher/ in welcher vnnd durch welche alle ding seind/ bestehen vnnd werden. Dieser Algemeinen Crafft
GOTTES
deß Almaͤchtigen/ gebrauchet sich ein jegliche Creatur vnnd geschoͤpf zu jhren besten/ der Mensch aber mißbrauchet der selben/ wie auch der Teufel vnd die Geister/ nemlich durch
GOTTES
zulassung. Dannẽ- her kompt es/ daß die Menschen muͤssen re- chenschafft geben von einẽ jeglichen vnnuͤtzen wortte/ daß sie geredet haben/ darumb/ weil sie nemlich den Othem deß Allmaͤchtigen gemißbrauchet/ vnd zur suͤnde vnd boͤsen ge-
D 6
zogen
Morgenroͤthe der Weißheit.
zogen haben. O daß ich doch ein Schloß koͤndte an meinen Mund legen/ daß ich mich nicht versuͤndigẽ mochte mit meiner zungen.
Weil denn nun alle heymligkeit im Wort verborgen lieget/ so wird auch alles durch dasselbe verrichtet in der gantzen welt/ vnnd wollen wir dannenher sagen/ daß hieraus entstehet/ eine dreyerley
Magia,
durch den Glauben/ das ist/ eine Macht/ etwas zu wissen/ zu wollen vnd auch zu vollbringen. Erstlich zwar ist eine natuͤrliche
Magia,
wel- che gebohren wird aus dem natuͤrlichen Glauben/ darinnen dann ein solcher Ma- gneth ist/ daß er alleß zu vnd nach sich ziehen kan/ vnd dieser Glaube wirdt in dem Men- schen gebohren/ entweder von Natur in sei- nem Geist/ welches denn sein wahre/ vnnd rechter
ascendens
ist/ nemlich der Geist deß Menschen/ vnd mit nichten dieses oder jeneß
astrum,
wie die vnwissenden meinen/ das da nur
in signum ascendentis
ist/ ꝛc. oder aber derselbe Glaube/ wirdt durch die kunst vnd vnterweisung der Natuͤrlichen
Magia
in den Menschen gebohren/ also daß sein Geist den
ascendentem
annimpt/ vnnd in dem sel- ben sich erfrewet/ wie denn die
ascendenten
in dem Menschẽ freilich wohl konnen
trans- mutirt, transplantirt
vnd veraͤndert werden/ durch die Geister.
Dieser natuͤrlichen
Magia,
haben sich ohne
zaube-
Morgenroͤthe der Weißheit.
zauberey/ recht gebrauchet/ die
Magi
vnnd Weisen aus Morgenlande/ die den Stern erkanten/ vnd sindt darinnen so weit kom- men/ daß sie nicht allein grosse wissenschaft vnd weisheit erlanget vnnd gehabt/ sondern auch wunder gethan haben. Diese Natuͤr- liche
Magia
wirdt erlernet nach dem rechten vnnd vollkommen
grad,
vom Geist
GOT- TES.
vnd gehet dem
ascendenten
bevor/ die- weil sich nemlich in denselben gemeiniglich auch andere geister gerne vermischen. Diese
Magiam
nun/ hat der Prophet Daniel vnd seine Gesellen studieret/ also auch Moses vnd die Propheten/ vnnd seind den Weisen vnd
Magis
in Babel vnnd Egypten weit be- vor gangen/ wie die Erfahrung bezeuget hat.
Auß der Natuͤrlichen
Magia
nun/ haben alle falsche
Magi
erstlich jhre
Magiam
ge- nommen/ vnd weil sie den rechten
ascenden- ten,
nemlich den Geist
GOTTES
nicht in sich gehabt/ sondern nur den Elementari- schen oder jhres Meisters
ascendenten,
so hat sich Lucifer in einen Engel des Liechts verstelt/ vnd ist
ascendens
in jhnen worden/ vnd hat zauberer auß jhnen gewacht. Gleich wie nun die wahren
Magi
alles wissen ha- ben vnd verrichten/ durch das Wort
GOT- TES,
das da in jhnen redet/ auß jhnen vnd durch sie/ alleß wircket/ also mißbrauchen
die
Morgenroͤthe der Weißheit.
die Zauberer auch das wort/ in seiner craft/ vnd verrichten dardurch wunder vnd grosse thaten biß so lange
Mosis
stab vnd schlange/ jhre staͤbe vnd schlangen alle auf-frißt/ vnd verschlinget/ vnd Danielis weisheit/ die weisheit aller Weisen zu Babel/ weit vber- treffen thut.
Bileam wahr ein rechter Natuͤrlicher
Magus,
aber der Geitz-geist wurde
ascendens
in jhme/ daß er hinging nach den Zauberern/ das ist/ nach dem Geist der zauberey/ vnnd der Geitz-geist hatte seine Augen verblen- det daß er den Engel nicht sehen kuntte/ der jhm widerstunde/ die Eselin aber sahe jhn/ vnnd schewete sich/ darumb muste Biliam hernach auch mit dem Schwerdt wie ande- re des todes schuldige/ erwurget werden/ Numer. 22. cap. 31.8.
Auß dieser falschen
Magia
kommen alle zauberer vnd zauberey/ mit jhren beschweh- ren/ segen/ characteren/ zeichen/ wortten/ deuteleyen vnd wercken/ vnnd alle diese/ so mit den Geistern kuntschafft/ gemeinschafft vnd freundtschafft haben/ vnd sol sich ein je- glicher fleissig fur den Geistern huͤten/ vnd sich jo nicht frewen/ ob sie sich zu Jhme na- hen/ sondern vielmehr von jhnen fliehen/ vnd vmb den heiligen Geist den Vater der Liech- ter bitten vnd anruffen/ daß er damit erfuͤl- let werde.
Zum
Morgenroͤthe der Weißheit.
Zum andern ist eine Prophetische vnnd Apostolische
Magia,
welche da gehet aus dem Glauben des Geistes
GOTTES
in seinen Kindern/ in welchen das
VVORT
mit sei- ner Herꝛligkeit jnnen wohnet/ dasselbe redet in jhnen zu jhnen/ wie den bey den Prophe- ten gelesen wirdt/ die da sagen/ der
HERR
sprach zu mir/ nemlich/ nicht allzeit mit aus- wendiger lauter stimme/ sondern vielmehr inwendig; also ward dem Altten Simeon auch eine antwort worden von dem heiligen Geiste/ also redete auch der
HERR
durch den Leibrock/ ꝛc. Durch diese
Magiam
ha- ben die Propheten vnd Apostell so viel zei- chen vnd wunder gethan/ ja auch toden er- wecket/ vnd zwar durch vnd mit dẽ Wortte.
Diese
Magiam
vnterstehet sich der Teufel auch nachzuaͤffen/ daß nemlich das Wort reden soll/ aus Crystallen durch das darin- nen sehen/ aus ringen/ darinnen etwan ein Geist wohnet vnd daraus redet/ ꝛc. vnd der- gleichen welches aber nicht ist das Wort/ sondern der darein gezauberte Geist.
Endtlich ist auch noch zum dritten eine andere vnd hoͤhere
Magia
der Kinder
GOT- TES,
welche da wider vnd vber die Natur wircket/ vnd solches durch den Glauben; alß do Moses das Wasser theilete mit dem stab: Vnd Josua die Sonne vnd den Mond hies stille stehen/ vnnd dergleichen/ welches
wider
Morgenroͤthe der Weißheit.
wieder den lauff der Natur ist/ vnd geschicht aber alles durch den Glauben/
item
do Elias den Himmel zu schlos/ daß es nicht regnen muste/ ꝛc. vnd solches alleß wirdt vollendet/ in vnd aus/ vnd durch die kraͤfte deß Worts
GOTTES,
welches wenn es ruffet/ befiehlt vnd gebeut/ so mus es da stehen.
Dieser
Magia
vermeinen sich die zeuberer auch zugebrauchen/ aber es ist eitel zaube- rey/ durch zulassung
GOTTES,
vnd geschicht aber dennoch gleichwohl in der that vnnd warheit also/ so warhaftig als die Egypti- schen zauberer auch froͤsche herauf brachten/ ꝛc. aber nicht durch den finger vnnd Geist
GOTTES,
sondern durch den finger vnnd Geist des Teufels/ durch welchen gar balde kunfftig die drey vnreinen Geister vnd Froͤ- sche/ auch zeichen vnd wunder thun werden/ zu verfuͤhren die Koͤnige der Erden/ wie auch noch andere falsche Propheten/ Apo- cal. 16. 13. Matth. 24. 24. Endtlich so re- det auch das Wort auß in vnnd durch alle ding/ weils je in allen dingen ist/ vnd zwar durch die
signatur
vnnd bezeichnuß eines je- glichen dinges am auswendigen anscha- wen/ vnnd zeiget klar an/ was inwendig verborgen sey/ an krafft vnnd tugendt/ wer nur die sprache vnd stimme der Worts hoͤ- ren vnnd verstehen koͤndte/ aber in der ver- newerten zukunfftigen Welt/ werden alle
diese
Morgenroͤhte der Weißheit
diese dinge offenbar worden/ zum lobe
GOTTES
.
Das 16. Capittel. Von der heymligkeit der geschaffenen/ vnteren/ sichtbaren dinge.
G
OTT
hat alle geschaffene sichtbare din- ge hierunden/ herfur gebracht aus den vnsichtbaren/ die da im anfang nicht vnnd vnsichtbar wahren/ hat Er zu etwas vnnd sichtbahr gemacht/ vnd hat jhren geben/ ei- nem jeglichen Leib/ Seele vnd Geist nach seiner arth/ vnnd hat aber auch in denselben seine vnsichtbare herꝛligkeit darinnen ver- borgen/ das ist/ das vnsichtbare in dem sichtbaren/ vnnd das himlische in dem jrꝛdi- schen: Diese ist die heymligkeit/ nach wel- cher wir fleissig forschen vnnd fragen sollen/ das ist nach der heymlich verborgenen weis- heit/ die sonst kein auge gesehen hat noch se- hen kan/ kein ohr gehoͤret vnnd kein hertz ge- mercket.
Alle diese vntere geschaffene sichtbare dinge/ haben einen irꝛdischen leib/ der ist sichtbar/ aber sie haben auch einen himlischen leib/ inwendig in sich verborgen/ derselbe ist also lange vnsichtbar/ biß daß der sichtbare leib zerbrochen wirdt vnd ist/ vnnd hernach
der
Morgenroͤthe der Weißheit.
der vnsichtbare Leib/ sichtbar dargestelt wirdt/ welcher dann ist Himlisch vnd Geist- lich/ auß Wasser vnd Geist/ bestanden/ vnd ist zwar anders nichts/ dann ein allerreine- stes Crystallinisches/ ja newgebohrnes Saltz deß Lebens/ das von den Gegen-E- lementten nicht kan vberweltiget werden- Ferner/ alle dinge haben ein Seelisches Le- ben/ das ist/ ein solches/ welches aus der allgemeinen Lufft othem holen mus/ vnnd gespeiset wirdt/ durch dieselbe/ ein Leben/ das da in einem augenblick sterblich werden vnd sterben kan/ also daß nichts bestendiges daran ist. Gegen dieses Seelischen Leben nun/ ist ein Lebendig-machender Geist/ der nemlich nicht auch also othem holen mus/ wie das Seelische Leben/ sondern er hat das Leben in sich selbst/ vnd ist an sich selbst ein Geist/ vnnd nicht ein othem/ vnnd hat zwar in sich das Ewige Leben/ vnd ist nichts anders denn der Geist aus
GOTT,
vnd zwar der othem deß Allmaͤchtigen der alleß lebendig machet. Endtlich haben alle ding einen Geist/ der da wieder hin fahret/ do er herkommen ist/ vnd bleibet nicht in dem to- den leibe/ vrsach/ weil es nicht ist ein Geist der todten/ sondern der Lebendigen/ vnd ist der Geist aus
GOTT,
welcher in vnnd bey der alten schoͤpfung vnnd Creatur nicht E- wiglich bleibet/ sondern alleine in vnnd bey
der
Morgenroͤthe der Weißheit.
der Newen die von Oben her ist. Also ist nun nichts bestendiges in dieser Welt/ sondern alles eitel vnnd vergenglich/ vnnd zeiget vnß aber claͤrlich an/ wie daß
alle diese geschaffene vntere sichtbare dinge/ seindt ein Bilde der Oberen.
Diese heymligkeit hat
GOTT
seinen Kin- dern offenbaret vnnd seinen Weisen/ daß nemlich diese Elementtarische vntere sicht- bare Welt/ ein Bilde sey der vnsichtbaren Obern Geistlichen Himlischen/ ja Gottli- chen Welt/ wenn derowegen nun diese Ele- mentarische vntere sichtbare Welt wird ver- gehen/ so wird alsdenn die Geistliche Welt/ die nun noch vnsichtbar ist/ an den tag kom- men vnnd sichtbar werden/ ist derowegen keine Creatur vnnd geschoͤpf/ sie zeiget die heymligkeit der Obern Geistlichen welt an/ von welcher heymligkeit vnd wundern dann/ man in der zukunfftigen vernewerten welt/ in Zion predigen wirdt.
Nun spricht der Apostel deutlich/ wir sehen nicht auf das sichtbare/ sondern auf das vnsichtbare/ 2 Corint. 4. 18.
Item,
Trachtet nach dem/ das droben ist/ vnd nicht nach dem was auf Erden ist/ Coloss. 3. 2. Jn meines Vaters Hause seind viel Woh- nungen/ solche nemlich/ die da Ewig blei- ben/ spricht
CHRISTVS
Johan. 14.
worumb
Morgenroͤthe der Weißheit.
worumb soltten wir denn auf das sichtbare achten/ das doch vergenglich ist! Der Apo- stel sagt deutlich/ So da ist ein Seelischer leib/ so ist auch ein Geistlicher leib: 1 Cor. 15. 44. vnd wenn dieses jrꝛdische hauß vnser ew huͤtten zerbrochen wird/ so habẽ wir ein hauß von Oben her aus
GOTT,
das nicht mit haͤnden gemacht ist/ ꝛc. 2 Cor. 5.
Item,
es seind jrꝛdische leibe/ vñ seindt himlische leibe/ 1 Cor 15. 40. ꝛc. Es ist aber allezeit das Geistliche/ Himlische/ vnd noch zur zeit vnsichtbare/ im dem Seelischen/ jrꝛdischen vnnd sichtbaren jnnen verborgen; Wie derowegen nun
GOTT
seine vnsichtbare herꝛligkeit durch die Schoͤpfung ausgeust fuͤr vnnd fuͤr in diese vntere Welt/ also samlet Er dieselbe auch hinwiedrumb zu sich/ vnnd wird sie dermal eins/ wenn alleß vollendet sein wirdt am Ende/ allererst dann recht darstellen/ in ei- ner Newen schoͤpfung/ wie denn geschrieben stehet/ Apocal. 21. 5. Siehe/ ich mache al- leß New/
item vers.
1. Ehe dann aber nun diese newe schoͤpfung kommet/ wird zuvor die vernewerung dieser alten schoͤpfung vnd creatur vorhergehen/ nemlich in der froͤli- chen zukunfft des
HERRN,
welche freilich wohl geschehen wirdt/ mit grosser krafft vnd herꝛligkeit/ dieweil je alles erloͤset vnnd Frey werden wirdt/ was geschoͤpf vnd crea- tur heisset/ Romer. 8. 21. Vom Teufel/
fluch
Morgenroͤthe der Weißheit.
fluch vnnd todt/ ꝛc. vnnd das freudenreiche Jubeljahr sein vnd erschallen.
So ist nun wohl zuwissen/ daß ein gar sehr grosser vnterscheidt sey vnter der ver- newerung/ vnnd vnter dem Newen wesen selbst: Die alte Creatur wirdt vernewert in jhrem alten wesen/ die Newe Creatur aber hat ein Newes Wesen/ vnnd dasselbe
z
war nicht von vnden her/ wie die Alte/ son- dern von Oben her: Denn Droben ist das rechte wesen/ hierunden ist nur das Bilde/ dies ist die heymligkeit/ so wir wercken sol-
l
en: Droben seind die rechten
Principia
vnd Element/ diese vnteren seind nur ein schat- ten; hierunden seind nur eitel jrꝛdische leibe/ droben aber seind die Himlischen: wiewohl auch hierunden in den jrꝛdischen leibern jn- nen verborgen: Die jrꝛdischen Leibe seind nur eine tode asche/ die himlischen aber seind ein edles Saltz des Lebens: Das jrꝛdische Leben ist nur Seelisch/ vnd ein Mund voll
o
them/ wenn der ist ausgeblasen/ so felt al-
l
es dahin: das Himlische Leben aber/ ist ein Ewiges Leben vnd kan nicht sterben: der jrꝛdische Geist ist nur ein Windt/ wenn der ausfehret/ so zerfladert er in die Lufft/ vnd wird nirgend funden; Der Geist aus
GOTT
aber ist ein lebendig machender Geist vnd alß
GOTT
selbst.
Wie nun alle ding ein Bilde seind der
Him-
Morgenroͤthe der Weißheit.
Himlischen/ also in aller warheit ist der See- lische Adam vnd jrꝛdische Mensch/ auch ein Bilde deß Geistlichen Adams vnd Himli- schen Menschens/ welcher da ist
CHRI- STVS
in
GOTT,
vnd
GOTT
in
CHRISTO.
Dies ist das grosse geheymnus vnnd die wundersame heymligkeit/ die du/
ô
Mensch/
ô
Adam/
ô
du Bild
GOTTES.
furnemlich vnd fur allen sehr wohl mercken solt/ auf daß du dich erkennest in
GOTT,
vnd
GOTT
in dir/ vnd wissen vnd lernen moͤgest/ was ein Mensche sey/ was Adam sey/ was ein Bild
GOTTES
sey/ das ist/ was du selbst selber bist vnd seyest/ davon in vnserm Buͤchlein Adam/ welches denn ist die groste weisheit/ nemlich/ sich selbst erkennen/ nach einem vollkommenen vnd wahren Erkentnus/ so da Geist vnnd warheit ist; wer aber dieses nicht achtet sondern verachtet/ das doch
GOTTES
Bilde ist/ der schendet sich selbst/ vnnd wird von
GOTT
wieder verachtet werden.
Das
Morgenroͤthe der Weißheit.
Das 17. Capittel. Von der Schoͤpffung deß Menschens vnd seiner Anatomy.
E
S ist dem Menschen an nirgend nichts so viel gelegen/ denn am al- lermeisten an sich selbst/ vnd daß er sein eigen heyl/ seeligkeit vnnd
b
estes wissen moͤge: wer derowegen nun
s
ich selbst recht kennet/ im Geist vnnd in der
w
arheit/ der kennet auch
GOTT,
vnnd alle
d
ing: Dannenher ist dem Menschen am Erkentnus seiner selbst am allermeisten ge-
le
gen. Nun aber kurtzlich zu reden/ so beste-
en alle dinge vnd auch der Mensch/ in Ei-
n
em Dreyen vnnd Sieben: Das Eine ist
i
ndividuum
die Selbststaͤndigkeit an jhr
se
lbst/ eines jeglichen dinges: Die Drey seind
L
eib/ Seele vnnd Geist: vnnd die Sieben/
se
ind furnemlich sieben Craͤfften/ nach den
si
eben Craͤfften der Element vnnd nach den
si
eben Geistern
GOTTES,
welche sieben
C
raͤfften denn ein jegliche Creatur vnnd ge-
sc
hoͤpf in sich hat/ in seiner herꝛligkeit.
Also nun auch der Mensch/ ist ein Eini-
er Mensch an vnd fur sich selbst/
personali-
t
er,
,
individualiter,
in seiner
e
lbststaͤndtnuß. Er ist aber zusamen gesetz
von
Morgenroͤthe der Weißheit.
von Dreyen/ als von Leib/ Seele vnnd Geist: Vnd wirdt bezeuget durch Sieben Kraͤfften: alß 1. Kegen vnd bewegen: 2. Se- hen: 3. Hoͤren: 4. Riechen: 5. Schmecken: 6. Sinnen/ dencken/ vernunfft: 7. Lautten oder Stimme: Das regen vnd bewegen/ begreifft in sich das leben/ fuͤhlen/ greiffen/ stehen/ gehen/ ꝛc. wird alles zu einem ge- rechnet.
Jn diesem theil nun/ ist der Mensch See- lisch/ den Lebendigen Seelen vnnd Viehe gleich/ welches alleß dieses eben gleich auch hat/ jedoch aber an seinem theil/ vnnd nach seiner mas/ zahl vnnd gewiecht/ so viel nem- lich einem jeden gehoͤren vnd zukommen kan. Diesem nach/ hat der Mensch mehr nichtes als das Vieh/ vnd ist mit demselben eine le- bendige Seele/ nach vnd aus den Elemen- ten/ gleiches anfangs aus der Erden/ vnnd auch gleiches vntergangs wieder zur Er- den/ Prediger 3. 19. ꝛc. Darnach aber hat der Mensch mehr als das Vieh/ welches da ist aus einer andern Welt/ nemlich aus der Englischen/ vnd ist das Gemuthe/ welches in seinem Geist ein Gesetz Prediger ist in allen Menschen von Natur/ vnd hat das Wissen/ Willen vnd Gewissen oder Ge- richte zum Guten/ weiset den Menschen zu allen guten/ vnd klaget auch den Menschen selber an vber dem boͤsen/ in seinem eigenen
Gewis-
Morgenroͤthe der Weißheit.
Gewiessen/ Numer. 2. 15. 16. ꝛc. Endtlich hat der Mensch noch ein hoͤhers vnd herꝛli- chers in sich/ welches da ist der Othem des Allmaͤchtigen/ eine Himlische Seele vnnd Leben auß
GOTT,
so da
GOTT
dem Er-
s
ten Menschen in seine Nasen vnnd Ange- sichte geblasen vnd eingehauchet hat/ vnd in/ vnd mit demselben bezeichnet vnnd bezeuget hat/ seine Goͤttliche jnnigliche Liebe/ gegen sein Bildnus/ in vnnd an einem stuͤck vnnd antheil des Ewigen Liechts vnnd Lebens/ Genes. 2. 7. Job. 27. 3. cap. 33. 4. Diesem theil nach/ ist der Mensch vnsterblich vnnd ewig/ weil er solch einen Schatz in sich hat/
n
emlich den Othem deß Allmaͤchtigen/ vnd ist dannenher weit von allem vieh vnter- schieden/ ja auch vber die Engell. Jn dieser himlischen Seelen ist verborgen das Reich
GOTTES,
vnd in diesem Othem des All- maͤchtigẽ bestehet die rechte wahre Mensch- heit/ durch welche er zu einem wahren rech- ten vnd vnsterblichen Menschen wirdt; im andern Elementarischen theil aber ist er nur dem viehe gleich/ jrꝛdisch/ vergenglich/ sterb- lich/ staub vnd aschen.
Weil denn der Mensch ein solches An- theil aus
GOTT
in seiner Schoͤpfung in sich empfangen hat/ so kan er dannenher auch der Newen geburth/ schoͤpffung vnnd crea- tur/ aus
GOTT,
seiner Natur vnd wesent-
E
lichen
Morgenroͤthe der Weißheit.
lichen Sahmen/ so da ist das Allerheyligst Fleisch vnd Leib deß
VVORTS,
das da is
t
CHRISTVS
theilhafftig | werden/ vnd ist al
-
so der Newe Mensch vnd die Newe Crea
-
tur aus
GOTTES
vnd seines Lebendig-leib
-
haftigen
VVORTS
Sahmen/ das ist/ au
CHRISTI,
als deß Geistlichen Adams vn
d
Himlischen Menschens/ seinem Fleisch vn
d
Gebeine: Johan. 1. 13. cap. 3. 1 Johan. 3. 9
1 Petri 1. 23. 2. Petri 1. 4. 2 Corint. 5. 17
1 Corint. 15 45. 47. 48. Ephes. 5. 30. Diese
r
Sahmen
GOTTES
empfehet der Mensch in seine Himlische Seele/ durch den Heiligen Geist/ zu einem Newen Leibe/ der Kind
vnd Erbschafft
GOTTES:
vnd solcher Leib mit sampt dieser himlischen Seelen vnd dem heiligen Geist aus
GOTT,
wird in seine
r
voͤlligen selbststaͤndigkeit ehe nicht Persoͤn- lich erscheinen/ biß er nach der Englischen herꝛligkeit/ vnd ablegung desselben Leibes/ endtlich in die Goͤttliche Welt am allerle- tzen Ende eingehen wirdt/ ist danneher noch nicht offenbar/ was die Kinder
GOTTES
seindt/ 1 Johan. 3. als nur in einem duncke- len wort/ raͤtzel vnd spiegel.
Nach dem theil der Ersten Aufferste- hung/ der verwandlung in der zukunfft
CHRISTI,
vnd nach dem Kleinoth der him- lischen beruffung/ werden alle die so dessen theilhafftig sein werden/ empfangen einen
Engli-
Morgenroͤthe der Weißheit.
Englischen Leib/ Leben vnnd Geiste/ vnnd damit ins Paradeys vnnd Englische Welt
e
ingehen/ vnd werden sein
: Matth.
2
2. 30. Marci 12. 25. Luc. 20. 36.
Ein jeglicher Leib des Menschens/ wie
a
uch die Seele vnd Geist/ werden aus de- ne gespeiset vnnd erhalten daraus sie her-
ommen vnnd genomeu seind/ als der Ele-
m
entarische Leib aus Wasser vnd Erde/ die Seele aus Wind vnnd Lufft/ vnnd der Geist/ aus von dem Himmel/ Liecht vnnd Geist vnnd gehen auch wieder in dassel-
b
e/ wenn sie zerbrochen vnnd aufgeloset
w
erden vnd sein: Nun ist auch nach der E-
le
mentarischheit ein dreyerley leib im Men-
sc
hen; weil er lebt/ aus Wasser vnd Erde:
W
enn er gestorben ist/ aus Wind vnnd
L
ufft biß zur Aufferstehung/ vnd wenn er Aufferstehet/ aus Geist/ Liecht vnd Him-
m
el/ vnd ist zu wissen/ daß ein jegliches Ele-
m
ent seinen eigenen Leib/ Leben vnd Geist
ha
t.
Ferner die Heiligen
GOTTES,
ruhen nach
rem ableiben dem Elementarischen theil
n
ach in der Erden/ grab oder orth/ do sie ab-
leibet seindt: also lies sich der Prophet
S
amuel aus der Erden herfuͤr hoͤren/ vnd
w
eissagte dem verworffenen Koͤnige Saul
nen vntergang: Dem Englischen theil
na
ch/ ruhen sie im Schos Abrah
æ
/ so da
E 2
seind
Morgenroͤthe der Weißheit.
seind die Cammern der Gerechten in d
er
hoͤhe im Himmel: Dem Goͤttlichen th
eil
aber nach im Paradeys: von allen drey
en
zeuget die H. Schrifft deutlich.
Endtlich die vnglaubigen kommen in d
ie
helle vnd gefengnus mit allem/ ausgeno
m-
men den toden leichnam: Die aber wied
er
den Heyligen Geist gesuͤndiget haben/ v
nd
keine vergebung erlangen weder in dies
er
noch in jener welt/ werden in den todt begr
ben/ nemlich/ weil sie die Todtsuͤnde bega
n-
gen haben. Es werden aber alle toden au
ferstehen vnverweslich/ das ist/ in eine
Geistlichen vnnd Himlischen Leibe/ w
aber ein jederfur einen schatz oder schande sich haben wirt/ das wirt alsdann nach de
m
Allgemeinen Gerichte/ offenbar werden.
D
as
Morgenroͤthe der Weißheit.
Das 18. Capittel. Von dem Bilde
GOTTES,
nach welchem der Mensch geschaffen.
D
Aß der Mensch formiert vnd ge- bildet oder geschaffen ist nach dem Bilde
GOTTES,
ist offenbahr auß der H. Schrifft/ Genes. 1. 26. 27.
J
acobi 3. 9. nur allein ist dies die frage/
er da/ welches vnnd was nemlich dasselbe Bilde
GOTTES
sey/ nach welchem der Mensch formiert vnd gebildet ist. Alle thier
ind gebildet in jhren eignen bilde/ der Mensch aber ist geschaffen vnd geformieret
/ zu/ vnd nach
GOTTES
Bilde. Dieses Bilde
GOTTES
nun ist
CHRISTVS,
, wesentlich/
le
ibhaftig/ das Bilde deß vnsichtbaren
G
OTTES:
Coloss. 1. 15. Denn
GOTT
ist
ei
n Geist/ vnd mag nicht gesehen noch ge-
rieffen/ oder betastet werden/ es sey denn
in
seiner Wesentlichen Leibhafftigkeit/ vnd
L
eibhaftigen Wesenheit: Eben gleich wie
er Mensch in seiner wahren Menschheit/
n
ach welcher er von allen andern lebendigen Seelen vnterschieden ist/ ein Geist oder Geistlich/ in vnd an seiner Himlischen See-
/ vnd kan anders der Geist des Menschen
E 3
nicht
Morgenroͤthe der Weißheit.
nicht gesehen/ begrieffen noch erkant we
r-
den/ denn in seinem Leibe/ in welchem
mit aller seiner Fuͤlle jnnen wohnet: Al
s
auch der vnsichtbare
GOTT
der ein Gei
st
ist/ kan anders nicht gesehen noch erkan
werden/ denn in
CHRISTO,
vnd seine
m
wesentlichem Leibe/ als in welchem
GOTT
der Vater/ das
VVORT,
vnd der heilig
e
Geist/ sampt der gantzen Fuͤlle der
GOTT
-
HEIT,
Leibhafftig/ jnnen wohnet; Joha
14. 9. 1 Johan. 1. Coloss. 2. 9. Vnd dieß i
st
der Geistliche Adam/ ein lebendig mache
n-
der Geist vnd der Himlische Mensch/ d
er
HERR
auß dem Himmel/ 1 Corint. 1
45. 47.
Es ist aber das Bilde
GOTTES
Dreye
r-
ley/ nemlich das Bilde des Wesens/ W
e-
sentlich/ nach deme der Mensch seine selb
st
eigenes Bilde ist in seinem eigenem Wese
n
vnnd Leibhaftigkeit: Also ist auch
CHRI
-
STVS GOTTES
Wesentliches vnnd leib
-
haftiges Bilde in
GOTT,
gleich wie de
Menschens Leib im Menschen/ vnd ist als
o
GOTT
in
CHRISTO,
wie der Mensch i
n
seinem Leibe/ sein selbst wesentliches selbst
-
stendiges Leibhafftiges vnnd Persoͤnliche
s
Bilde. Darnach 2. das Bilde der Gestalt
an dem Eusserlichen Ansehen der gestalt
angesichts vnd gliedtmassen/ ꝛc. Endtlic
h
3. das Bilde der lebendigen eigenschafften
kraff
t
Morgenroͤthe der Weißheit.
krafft vnd vermuͤgens/ wie es jmmer nah- men haben mag. Alhier wird offenbar die heymligkeit des Bildes
GOTTES,
vnd daß
GOTT
in
CHRISTO,
vnd
CHRISTVS
in
GOTT,
freilich viel ehe ein Mensch ist vnd gewesen ist/ als wir/ denn wir je allermas- sen nach Jhm gebildet seind/ vnd also dessen Conterfey vnd Abbild.
Es vnterscheiden sich aber
CHRISTVS,
das Bilde
GOTTES;
vnd der Mensch/ der da auch
GOTTES
Bild vnd Ehre ist/ also: nemlich/ 1. als das Wesen/ vnd das Bilde: 2. als Wesen vnd Wesen: 3. als Geistlich/ Himlisch vnnd Goͤttlich/ vnnd als Seelisch/ jrꝛdisch vnnd von vnden her: Das ist/ als Adam vnd Adam/ Mensch vnd Mensch/ vnd als droben vnd hierunden: Der See- lische Adam/ ist nicht ein Bilde
GOTTES
nach dẽ Wesen/ wie
CHRISTVS.
Vhrsach/ denn sein wesen ist jrꝛdisch vnd von vnden/ sondern in vnnd an solchem jrꝛdischen leibe nur das Bilde der gestalt/ wie ein Conter- feyth vnd Abbild/ vnd solches in einem jrꝛ- dischen Seelischen wesen von vnden her aus der Erden: Also ist der Seelische Adam vnd jrꝛdische Mensch ein Bilde des Geistlichen Adams vnd Himlischen Menschens/ gleich wie ein hoͤltzern/ steinern oder wachsern/ ꝛc. Bilde eines lebendigen Menschens Bilde ist/ nicht in einem Menschlichen wesen an
E 4
fleisch
Morgenroͤthe der Weißheit.
fleisch vnnd bluth/ ꝛc. sondern in einem an- dern wesen.
Wie sich nun voneinander vnterscheidem wesen vnnd wesen/ also gestalt vnnd gestalt
:
1. Die Jnwendige Gestalt
GOTTES,
ist die Allerheyligste
GOTTHEIT,
so da mi
t
aller Fuͤlle in
CHRISTO,
leibhaftig jnnen
wohnet: Von dieser gestalt/ hat der Mensch empfangen den Othem des Allmaͤchtigen in einer Himlischen Seele/ zu seiner inwen- digen wesentlichen gestalt vnnd wahren Menschheit: 2. Die Leibhaftige Sichtba- re greifliche vnd Persoͤnliche gestalt
GOT- TES,
wesentlich/ in welcher
GOTT
Leibhaf- tig erschienen vnd Persoͤnlich sichtbar wor- den ist/ ist das Fleisch deß
VVORTS,
der Leib
CHRISTI:
Nach diesem hat der Mensch auch einen | leib von fleisch/ bluth vnd gebeine/ aber nicht Goͤttlich/ Geistlich vnd Himlisch/ sondern Seelisch/ jrꝛdisch vnd von vnden. Endtlich/ 3. das offenbare An- gesichte/
, vnd anschawen vnd be- trachtung/ am haupt/ leibe vnd allen glie- dern vnnd derselben krafft vnnd vermuͤgen: Nach diesem ist auch der Mensch formirt vnd also anzuschawen/ an welcher betrach- tung denn viel geheymnussen abgemercket werden moͤgen/ wiewohl der Geist des jrthumbs furgiebt/ als wenn
GOTT
kein Haupt/ Augen/ Ohren/ Angesicht/ Nase/
Mund/
Morgenroͤthe der Weißheit.
Mund/ ꝛc. ja keine Haͤnd vnnd fuͤsse hette/ weil Er ein Geist ist/ welches vielmehr auf diesen Geist des jrꝛthumbs selber kompt/ der hat Augen vnd kan doch nicht sehen vnd er- kennen/ das Bilde
GOTTES
in
CHRISTO,
vnnd an dem Menschen: hat Ohren/ vnnd hoͤret nicht/ ein Hertz vnd verstehet nichtes nicht/ ꝛc.
Ferner ist der Mensch auch gemacht nach
GOTTES
Gleichheit/ vnd ist
GOTT
gleich/ nemlich/ 1. an der Himlischen Seelen/ Ewig vnd vnsterblich/ vnd dannenher aus
GOTT.
2. Gleich an Kraͤfften/ daß er viel vermag/ nemlich nach seinem theil/ mas vnd gewicht- 3. Gleich an herꝛligkeit/ als ein Gott/ vber alle andere Creaturen ein Herꝛ vnnd be- herꝛscher.
Alhier soltu lieber Leser wissen vnnd ab- mercken/ daß diese grosse Geheymnus al- hier offenbaret/ mit sich bringe/ das rechte
Iehi Or,
es werde Liecht/ den Tag der Of- fenbarung deß Sohns des Menschens: Davon
CHRISTVS
deutlich saget/ Luce 17. 22. ꝛc. an welchem der Sohn des Men- schens offenbaret wirdt/ vnnd das dies sey die Offenbahrung vnd Erscheinung
IESV CHRISTI,
davon geweissaget haben die heyligen Apostel/ 1 Petri 1. 7. vnd 5. 1. Ti- moth. 6. 14. 15. 1 Johan. 2. 28. Titum 2. 13. 2 Timoth. 4. 1. 8. vnd 2 Thessal. 2. 8. vnd
E 5
zwar
Morgenroͤthe der Weißheit.
zwar so wird die Offenbahrung oder Er- scheinung von der zukunfft selbst deutlich vnd klaar vnterschieden. Hiher gehoͤren Ma- lach. 3. Matth. 24. 30. vnnd insonderheit Apocal. 12. Wer augen hat der sehe/ wer Ohren hat der hoͤre/ vnd wer ein verstendig Hertz hat/ der mercke drauf.
Dieß ist aber die Offenbarung vnd Er- scheinung
CHRISTI,
der Tag der Offenba- rung des Sohns deß Menschens/ daß nem- lich
GOTT
in
CHRISTO
vnd
CHRISTVS
in
GOTT
ein Geistlich/ Goͤttlich/ Himli- scher Adam vnnd Mensch von Ewigkeit sey vnnd gewesen sey/ in Goͤtilicher leib- haftigkeit/ Geistlichem Himlischen Wesen/ Fleisch vnd Bluth/ vnd nach solchem seinem wesentlichen bilde hat Er in der schoͤpfung auch einen Seelische Adam vnnd jrꝛdischen Menschen geschaffen vnd formieret.
Das
Morgenroͤthe der Weißheit.
Das 19. Capittel. Vom Bilde deß Geheymnuß/ das ist/ vom geheymnuß
GOTTES.
D
Jes ist das geheymnus
GOT- TES,
als schon gesaget ist/ Son- nenclaar erkant/ kundt vnd offen- bar an dem Seelischen Adam vnnd jrꝛdischen Menschen von vnden vnnd hierunden/ daß nemlich droben der rechte wahre Adam vnd Mensch sey/ hierunden aber nur das Bilde. Wunderbar ist
GOT- TES
Rath/ vnd wer hat deß
HERRN
Sinn erkant/ welchem es also gefallen hat/ daß die Letzten sollen die Ersten sein/ den Groschen vnd die Seelige herꝛligkeit am aller Ersten empfahen: Wohl moͤgen diese Letzten sa- gen: Dies ist der Tag/ den der
HERR
ge- macht hat/ laßt vns frewen vnnd froͤlich drinnen sein/ vnd ist ein wunder fur vnsern Augen: Psal. 118. Heute ist erfuͤllet das Wort das geschrieben stehet: Der Stein den die Bawleute verworffen/ ist zum Eck- stein worden/ vnd ist ein wunder fur vnsern Augen/ denn der Geistliche Felß/ von wel- chem doch ja alle Vaͤter gessen vnnd ge- truncken haben/ vom anfang der Welt/ vnd auf welchem die Gemeine
GOTTES
ge-
E 6
bawet
Morgenroͤthe der Weißheit.
bawet vnd gegruͤndet ist/ ist vnerkant ge- blieben/ biß auf die Siebende Posaune/ do das Geheymnus
GOTTES
hat sollen of- fenbar werden/ vnnd auch offenbar worden ist/ denn der Geistliche Adam vnd Himlische Mensch/ in seinem Goͤttlichen fleisch vnnd bluth/ durch welches wir ja so thewer er- kaufft sein/ ist von der heiligen statt gestos- sen/ vnnd hergegen ein ander fleisch vnnd bluth/ von vnden her/ aus den Suͤndern in das Heilige gebracht worden/ zum grewel der verwuͤstung.
Aber nun ist die Newe Schoͤpfung kom- men/ in welcher das
VVORT
spricht/ vnd der
HERR
Selber redet/ wie Er verheissen hat/ Esaie 52. 6. cap. 40. 5. vnd saget:
Iehi Or,
Es werde Liecht/ denn der Tag ist kom- men/ welcher dem
HERRN
bekant ist/ vnd denen Er sein Geheymnus wil offenbaren/ Zachar. 14. 7.
Was nun das Geheymnus
GOTTES
in der schoͤpffung des Menschens belanget/ so ist solches dieses/ daß
GOTT
den Menschen geschaffen hat/ einen Man vnd ein Weib/ Genes. 1. 27. vnnd hat das Weib auß dem Manne genommen/ cap. 2. 21. 22. anzuzei- gen das grosse Geheymnus
CHRISTI
vnd seiner Gemeine/ die da ist sein Weib vnnd Brauth/ aus seinem fleisch vnd gebeine/ E- phes. 5. 30. 31. 32. Es ist aber die Goͤttliche
Geist-
Morgenroͤhte der Weißheit.
Geistliche vnnd Himlische Eva dreyerley: 1. Die Allerheyligste
GOTTHEIT
Selber: 2. Die Gemeine
CHRISTI
: Vnd endtlich 3. die Himlische Seele im Menschen. Dies ist der Leib
CHRISTI,
seine Gemeine/ des- sen Heyland Er worden ist/ fur welche Er sich dahin gegeben. Die Goͤttliche Eva als die Allerheyligste
GOTTHEIT,
ist vnser aller Mutter/ vnnd das rechte Jerusalem/ so droben ist: Die Geistliche Eva als die Gemeine
CHRISTI,
ist die Kirche vnnd Mutter/ die Brauth des Lambs: Die jungfraw vnd tochter Jerusalem: Die Him- lische Seele/ ist die Himlische Eva/ eine Magd deß
HERRN,
eine tochter Jerusa- lems/ die einem jrꝛdischen Manne vermeh- let ward/ der sie in angst vnd noth vnd todt gefuͤhret/ aber der
HERR
ist ein Knecht fur sie worden/ vnd hat sie wieder los vnd frey gemacht durch seinen todt/ vnd jhr einen ne- wen’ Adam/ Menschen vnd Man/ aus sei- nem fleisch vnd gebeiner/ vermehlet/ davon- sie ein Goͤttlich Erbe hat.
So wir nun fragen nach dem geheymnus
GOTTES,
wie doch dasselbe zu betrachten vnd kuntbar zu erkennen sey/ so ist die ant- wort/ an dem Menschen: Es ist nur ein Mensch in einer Einigen Person/ aber in dreyen zeugen seiner Bestendtnus/ als Leib/ Seele vnnd Geist/ vnnd in Sieben
Craͤff-
Morgenroͤthe der Weißheit.
Kraͤfften: Der Geist ist allezeit an statt des Vaters vnnd ist auch der Vater selbst/ vnnd zeuget durch die Seele als durch die wahre Mutter/ jhme selbst einen leib/ wel- cher ist das Kind vnd der Sohn/ darinnen alle Fuͤlle wohnet: Also ist auch nur ein Ei- niger
GOTT,
in einer einigen Person/ aber in dreyen zeugen/ Vater/
VVORT
vnnd heiligen Geist/ vnd in sieben Geistern oder Kraͤfften
GOTTES: GOTT
ist ein Geist vnd Vater/ vnd zeuget durch das
VVORT
vnnd in demselben Jhme selbst einen Leib/ Kind vnd Sohn/ in welchem Er mit aller seiner Fuͤlle Leibhafftig jnnen wohnet; Also zwar/ daß wer den Sohn siehet/ der siehet auch den Vater selbst/ das
VVORT
selbst/ den Lebendig machenden Geist vnd Geist- lichen Adam selbst.
Darnach zeuget
GOTT
auch einen Sohn/ nicht nach der Person vnd Persoͤnlichen vn- terscheidt/ wie ein Mensch einen Menschen/ sonst wurden zweene Gott vnd Goͤtter wer- den/ so doch nur ein Einiger
GOTT
ist/ son- dern nach dem zeugnus/ vmb vnsert willen zeuget Er einen Sohn/ auf das wir nem- lich durch solch zeugnus als deß Vaters vnd Sohnes in
GOTT,
mochten
GOTTES
Kin- der/ Erben vnd Mit-Erben werden/ aus seinem Sahmen/ Fleisch vnd gebeine; Denn
GOTT
an/ in vnd fur sich selbst/ darf je kei-
nes
Morgenroͤthe der Weißheit.
nes Vaters noch Sohns/ weil Er je nicht ist von einem andern oder mehr denn Einer nach der zahl/ sondern eben selbst der
Iesse
vnnd alleß in allen/ auch nicht zween oder drey/ sondern nur Einer vnd sonst keiner.
Endtlich 3. zeuget
GOTT
auch einen Sohn vnd ist ein Vater/ nach den Bezeug- nuß/ vnd zwar gegen alle Creaturen/ vnd was Er jmmer irgend geschaffen hat/ daß nemlich alleß eine zuversicht/ vertrawen vnd glauben zu Jhm haben moͤge/ auch zwar die Jungen Raben/ wenn sie von den Altten verlassen werden: Diese bezeugnus aber ge- schicht durch den Geist/ der von
GOTT,
in allen dingen ist/ vnd alles erfuͤllet/ Weiß- heit 1. 7. cap. 12. 1. welcher es ist/ der da in den jungen Raben zu
GOTT
schreyet/ wel- cher ist ein
GOTT
der Geister alles flei- sches/ Num. 16. 22. vnd erinnert
GOTT,
daß Er aller Creaturen Vater sey/ vnnd koͤnne oder moͤge sie demnach nicht verlassen. Der Geist nun ist es/ der in allen Creaturen
GOTT
anrufft/ lobt vnnd preiset: Dar- umb sagt der Psalm/ alleß was othem hat/ lobe den
HERRN,
item,
aller Geist lo- be den
HERRN, item,
die Erde/ das Meer vnd die Baͤume im walde/ lobẽ den
HERRN:
Es ist alles am Geist gelegen/
ô
Mensch/ hastu den nicht/ kennest jhn nicht/ vnnd weißt nicht wo Er her ist/ so bistu nur ein
Viehe
Morgenroͤthe der Weißheit.
Vieh/ ohne Geist/ wie der Prediger sagt/ vnd anders nichts.
Der Geist nun ist es auch/ der alles er- forscht/ auch die Tieffen
GOTTES,
vnd of- fenbaret vns das grosse Geheymnus
GOT- TES,
des Vaters vnd
CHRISTI,
daß wirs auch in vnnd an vns selbst erkennen/ sehen/ hoͤren/ ja greiffen koͤnnen/ das zuvor nie- mand begreiffen kunte/ vnd durch denselbi- gen Geist reden wir auch/ vnnd nicht durch den Geist der welt.
Das 20. Capittel. Von der warheit vnd Geist/ durch wel- che alle weisheit gerechtferttiget wirdt.
S
O wir von der weisheit reden wol- len/ muß solches im Geist vnd in der warheit bestehen; Nun ist nichtes warheit/ denn alleine der Geist ist warheit/ vnnd derselbe kan vns in alle warheit leiten/ alles lehren/ ja auch was zukuͤnfftig ist verkuͤndigen/ denn alle Geister seind Jhm vnterthan/ er durchgehet sie alle/ wie das Fewer Gold vnd Silber/ Siebenmahl/ vnd was gutes an jhnen vber- bleibet/ das verderbet er nicht/ sondern ge- denckt es sey etwan noch ein Segen drin-
nen/
Morgenroͤhte der Weißheit.
nen/ vnd blaͤset das glimmende toͤchtlein an- mit einem Liecht: Lebens: vnd Liebefeuer/ vnd geußt sich ein in dasselbe/ daß es frucht- bahr werde zu einer newen schoͤpfung vnnd sich
multiplicir
vnd vermehre in viel tausent.
Es mag aber niemand zur weisheit kom- men/ er sey denn erst durchs Fewer gangen/ bewerth vnd versucht/ gleich wie das Gold nicht zu ehren kommen mag/ es sey den durch ein fressend fewer gangen im jrdenen tiegel Siebenmahl/ daß es hernach getaufft werde mit wasser vnd Geist/ zur newen geburth/ vnd ein newes gold wachse/ vnd werde aus demselben wasser vnnd geist/ in viel tausend vermehret/ vnd als ein himlisches gold/ geist vnd metall/ auch andere geringere metal zum besten golde machen kan. Also gehts auch mit dem Menschen/ der die weisheit erlangen soll/ mit Fewer muß er getaufft werden zu erst/ darnach mit Wasser/ vnnd dann mit Geist/ vnd solches alles geschicht im tiegel des jrꝛdischen Menschens.
Es wirdt aber alle weisheit gerechtfert- tiget im Geist vnd in der warheit/ durch die
Principia, Subordinata,
vnd
Concordantias,
vnd
concentriret
sich hernach in der
Harmo- ny.
Die
Principia
begreiffen eines jeden din- ges wahren anfang/ von dannen es kom- men/ dahin es auch wieder fehret/ vnd dar- aus es auch erhaltten wirdt: Die
Subordi-
nata
Morgenroͤthe der Weißheit.
nata
begreiffen in sich die ordnung/ richtig- keit vnd volkommenheit eines jeglichen din- ges/ wie es an einander hanget/ bey einan- der stehet vnd bestehet; Gleich wie an einer leiter oder stiegen/ kein staffel oder sprossen sehlen mus/ sonst seind die
subordinata
nicht richtig; Es seind aber der
subordinata
ge- meiniglich Sieben/ vnd folgen einander or- dentlich nach/ vnnd alles waß auf einander richtig vnd ordentlich folget/ das seind
sub- ordinata,
vnnd das ist vollkommen: Die
Concordantz
endtlich ist/ daß alles mitein- ander zugleich wohl vbereinstimmet/ vnnd keine wiederwertigkeit oder gegenheit nir- gend zu finden/ weder zu sehen noch zu hoͤ- ren/ gleich wie in einer lieblichen
Music
alles wohl klingt vnd vbereinstimmet/ wenn auch gleich noch so viel stimmen weren/ vnnd sie sich noch so viel verwechseln vntereinander/ so gehet doch jmmerdar eine aus der an- dern/ vnd bleibt ein Ewiger
Ternarius
drin- nen/ vnd bestehen demnach die
Principia
vnd
concordantiæ
im
Ternario
vnd
uni
taͤth/ do eins aus dem andern fleußt/ biß auf die zahl 7. der
subordinata,
welche reichen der groͤssern zahl nach biß auf zwoͤlffe.
Endtlich die
Harmony concentrirt
vnnd beschleust alleß/ welche alleß zusammen fas- set/ in 1. 3. vnd 7. vnnd stellet eins dar wie das andere/ nemlich das Vntere wie das
Obere
Morgenroͤthe der Weißheit.
Obere/ vnd das Obere wie das Vntere/ daß nemlich keinß wieder das ander sey/ ob sie schon auch also sehr vnterschieden seindt/ als
GOTT
vnd Creatur/ Geist vnd Seele/ Him- mel vnd Erde/ so ist dennoch einß in dem an- dern/ das eine wirdt durchs ander erkant/ vnd das eine durch das ander gerechtfertti- get/ vnd zwar im Geist vnd in der warheit. Forschet nun vnd Sehet/ Pruͤfet vnd erfah- ret/ hoͤret/ mercket vnnd vrtheilet/ alle jhr Weisen/ was dies fur eine weisheit/ war- heit vnnd Geist sey/ so in diesem Buͤchlein furgestelt ist. Die Narren wissen nichts von der weisheit vnnd kennen jhren weg nicht; Die Luͤgner nichts von der warheit vnnd wissen jhr
Principium
nicht/ vnnd die Seeli- schen viehischen vnd vngeistlichen nichts von dem Geist/ ob sie schon seinen Wind wehen vnd sausen hoͤren/ so wissen sie doch nicht/ von wannen er kompt/ vnd wohin er fehret: Darumb siehe nicht auf Menschen/ frag vnd forsche nicht nach mir/ der ich je nichts bin/ vnd gaffe nicht auf das bilde/ vnd ge- dencke dasselbe etwan anzubeten/ wie alle die auf Erden wohnen/ thun/ Apocal. 13. son- dern nur allein nach dem Geist frage/ for- sche/ vnd fuͤrchte den/ denn der allein ists der alleß richtet vnd richten wird im Wort der warheit vnd gerechtigkeit/ denselben soltu eh- re/ vnd wieder Jhn weder gedencke/ rede noch
thun/
Morgenroͤthe der Weißheit.
thun/ auf daß du nicht aus deinem eigenen munde vnd hertzen gerichtet vnd verdammet werdest.
Nun aber offenbaret sich aller Geist/ war- heit vnd weisheit/ in diesen dreyen/ wird auch daraus erkant vnnd gerechtferttiget: nemlich/ in einem Goͤttlichen Liecht/ in ei- nem Goͤttlichen Leben vnd in einer Goͤttli- chen Liebe: Wo diese drey seind/ in vnd an/ vnnd bey dem Menschen/ do ist auch warhaftig/ Geist/ warheit vnd weisheit: Das Goͤttliche Liecht beschleust in sich alle weisheit/ verstandt vund erkentnus: das Goͤttliche Leven beschleust in sich alle war- heit/ heyligkeit vnnd gerechtigkeit: vnnd die Goͤttliche Liebe die beschleust allen Geist in sich/ vnd geußt denselben auß in vnser hertz/ vnd daran erkennen wir/ daß vns
GOTT
geliebet hat/ dieweil Er vns von seinem Geist gegeben hat/ der schreyet in vnß Ab- ba/ lieber Vater/ vnd giebt zeugnus vnserm Geist/ daß wir
GOTTES
Kinder seindt/ vnnd geust fur
GOTT
auß/ vnser threnen wasser vnd gebeth/ auf daß wir Gnade fin- den fur dem
HERRN,
vnd lehret vns recht beten/ vnd bitten vmb das/ was droben ist/ vnnd vertritt vns/ mit vnaussprechlichen Seuffzen.
Daran erkennen wir im Geist vnd in der warheit/ wo da sey die rechte weisheit/ die
Goͤtt-
Morgenroͤthe der Weißheit.
Goͤttliche warheit/ vnd der heilige Geist: Denn diese drey/ Liecht/ Leben vnd Liebe/ kommen von
GOTT
her/ vñ
GOTT
ist selbst ein Liecht/ vnd ist keine finsternus noch fe- wer in vnd bey jhm:
GOTT
ist das Ewige Leben/ vnd ist kein todt noch verderben aus Jhm/ in vnd bey Jhm:
GOTT
ist die Liebe selbst/ vnd ist kein zorn noch pein/ helle noch verdamnus aus vnd von jhm; wer nun in/ vnd an/ vnd bey diesen dreyen bleibet/ nem- lich bey dem Goͤttlichen Liecht/ in einem Goͤttlichen Leben/ vnnd an der Goͤttlichen Liebe/ der bleibet vnnd ist in
GOTT,
vnnd
GOTT
in Jhme/ im Geist vnd in der war- heit nach der weisheit vnd wahren Erkent- nuß
GOTTES,
vnd weis was Geist/ war- heit vnd weisheit ist vnd sey/ vnd verkuͤndi- get derselben wahre
Principia, Subordinata
vnd
Concordantias,
in einer Goͤttlichen
Har- mony,
bewerth den Außerwehlten Engeln vnd Menschen/ im Geist vnd in der war- heit.
Das
Morgenroͤthe der Weißheit.
Das 21. Capittel. Vom geheymnuß der zeit/ dasselbe gruͤndtlich zuverstehen.
E
S ist nichts so heymlich vnnd ver- borgen bey der Nacht/ das da bey Tage nicht offenbar wuͤrde/ wenn das Liecht in seinem tage/ und der tag in seinem Liechte kompt/ vnd wenn die helle Sonne vber alleß leuchtet/ ja vber alleß was vnter dem Himmel ist: Die Nacht ist vergangen/ vnd siehe/ der Tag bricht an/ mit seiner schoͤnen Morgenroͤthe/ die da ein Liecht-fewer/ vnd ein Fewer-liecht ist/ wer wirdt nun bestehen/ denn der
HERR
kom- met/ ja der
HERR
kommet kommende/ Amen. Hallelujah. Er ist wie das Fewer eines Schmeltzers/ vnnd wie die scharffe saiffen siederlauge/ Er wirdt schmeltzen/ pro- bieren/ abtreiben/ ꝛc. Er wird wachsen/ rei- nigen vnd saubern/
ô
wer kan fur Jhm be- stehen? Malach 3. dieß alles wird Er dar- umb thun/ auf daß aller vnflath hinweg komme/ ehe denn die Sonne aufgehet/ vnd Er das Erdreich vnnd Welt nicht gar mit dem bann schlage/ cap. 4.
Weil denn der Tag kommen ist mit sei- nem Liecht in dieser zeit/ so wirdt also auch
das
Morgenroͤthe der Weißheit.
das Geheymnus der zeit der gantzen Welt offenbahr: Allezeit aber nun wird einge- schlossen vnd beschlossen in vnd mit der zahl Sieben/ denn am Siebenden Tage hat
GOTT
die Schoͤpfung vollendet/ vnd also in Sieben/ alle zeit eingeschlossen: Es stehet aber die zahl Sieben also: 7. ---- 49. ---- 70. die zahl 7. nach vnserer zeit/ siehet furnem- lich auf die Siebende Posaune/ in vnd mit welcher das Geheymnus
GOTTES
vollen- det/ ja offenbaret wirdt: Apocal. 10. 11. vnd 12. capitteln: also auch mit der Siebenden Schale der Zorn
GOTTES:
So viel vnß aber im stuckwerck kunt ist/ seind vnd leben wir schon/ zwischen der fuͤnfften vnd sechsten Schale. Die zahl 49/ zeuget vnß Son- nenclaar an/ das schoͤne geheymnus von den zeiten der Erquickung vnd herwiederbrin- gung alles dessen was verloren ist/ Lev. 25. vnd ist diese zahl 49. ein ende deß kleinẽ Sie- benden tages/ vnd ein anfang des grossen Siebenden tages vnd Sabbath
GOTTES.
Endtlich die zahl 70. deutet auf die 70. wo- chen/ im Propheten Daniel/ wie denn auch auf den Außgang der 1335. tage/ cap. 9. 24. vnd 12. 12. weñ diese vmb seind/ alsdeñ wird die Missethat versuͤnet werden/ die Suͤnde vergeben vnnd zugesiegelt/ alle weissagung erfuͤllet/ vnd der Allerheyligste mit seinen Heyligen das Reich einnehmen/ ꝛc. Jerusa-
lem
Morgenroͤthe der Weißheit.
lem wieder gebawet/ vnnd die Ewige Ge- rechtigkeit/ vnnd alles was durch den fall verloren worden/ wiedergebracht werden.
Von dieser grossen herꝛligkeit vnd vnaus- sprechlichen freude/ weissaget der Geist in aller Creatur/ ja in allen Liechtern des him- mels/ vnd in allen Elementten: Wo seind aber die Seher/ wo seind die es hoͤren/ wo seind die es mercken?
Ferner die zeit der welt belangendt/ ist dieselbe abgetheilt in 1. 3. vnnd 7. die Eins zeit/
generaliter,
begreifft in sich den gantzen grossen Tag der welt in 12. stunden/ Matth. 20. welches 6000. jahr sein sollen/ vnd we- ren 500. jahr an Einer stunden/ aber die ta- ge sollen verkurtzet werden/ also daß sie nicht 6000. voll werden/ vnd die tage oder jahr ihrer abkurtung seind claar zu finden in Genesi/ bey dem Ersten Gerichte vber die Welt/ ꝛc. Die drey zeiten der welt nun seind/ daß die 6000. iahr der welt in 3. zei- ten abgetheilt werden/ als die Erste/ von Adam an biß auf Noah in der Suͤntfluth/ vnnd begreift in sich 1656. jahr. Von der Suͤndtfluth biß auf Messiam von der Jungfrawen gebohren/ ist die andere zeit getheilt in 12. theil/ jeder begreift in sich 214. oder 214½. jahr/ welche zusamen gerechnet/ machen 2568. jahr/ von der Suͤndtfluth biß auf Messiam: 4 Esdr
æ
14. 11. Wenn nun
die
Morgenroͤthe der Weißheit.
die 1656. Jahr zu diesen kommen vnnd summiret werden/ so ist Messias von der Jungfrawen gebohren/ im Jahr der Welt/ 4230. Die dritte Zeit der Welt ist von
CHRISTI
geburth an/ biß auff sein herꝛ- liche Zukunfft/ welcher Jahre jhr Geheim- nus in seiner Zeit heimblich angedeutet wird/ 4. Esdr
æ
7. 28 30. vnnd Cap. 9.
Computatio.
Was nun endlich die obgedachte dreyer- ley Zahl 7. 49. 70. belanget/ wird darin- nen das Geheimnus claar angedeutet/ ohne einiges Zuthun vnd ohne einiges Ab- thun/ wer nur selbst die Augen/ Ohren vnd Hertz will auffthun/ sehen/ hoͤren vnd mer- cken/ man kans auch vnmoͤglich einem deut- licher sagen. Diese Zahl wird nun auch in sich selbst computirt vnd gerechnet/ nemlich/ vmb gewiß zuerkundigen/ wie viel Jahr eine jegliche Stunde von den Zwoͤlffen in sich halte vnnd begreiffe/ weil je die 6000. Jahr nicht voll/ sondern die Tage verkuͤrtzt werden sollen.
Gleich wie aber nun in den vorigen Zei- ten/ vnd Gerichten vber die Welt/ allezeit Sieben Tage vorher gangen seind/ vor dem Gerichte/ ehe nemblich das Gerichte selbst vber die Welt kommen vnnd ergangen ist/ also gschicht auch nun/ in vnd bey der Zeit/ zum Gerichte vber diese Welt. Genes. 7. 4.
F
Jo-
Morgenroͤthe der Weißheit.
Josue 6. auch Levit. 25. Wenn nun da
Gerichte angekuͤndiget wird/ so geschicht e
Sieben Tage zuvor her: Wer nun de
n
Geist Daniels hat/ der zehle vnd rechne wie viel Tage vergangen vnd wie viel no
ch
vbrig seyn/ zum Gerichte. Niemand glau
es/ was fuͤr
mutationes
vnd Veraͤnderung vnd welch ein Verderben fuͤrhanden ist/ d
ie
gantze Welt lieget im Argen/ vnd wird au
ch
drinnen versincken.
Damit wir aber dem frommen Lese
r
vnd Liebhaber der reinen Weißheit nicht vorenthalten/ sondern er moͤge gaͤntzlich ab
mercken koͤnnen die Zeit des Endes/ nem
-
lich an den gewissen Zeichen desselben/ s
seind derselben Zeichen fuͤrnemblich drey Das Erste ist/ wenn gar bald/ nach de
r
schroͤcklichen grossen blutigen Schlacht/ di
e
fuͤrhanden ist/ kommen wird/ der/ auff wel
-
chen wir warten/ Malach. 3. vnd 4. vn
d
das Euangelium vom Reich gepredige
t
werden wird/ in der gantzen Welt/ zu eine
m
Zeugnus vber alle Voͤlcker/ auff daß end
-
lich dadurch Ein Hirt vnd Eine Heerde wer
-
den moͤge/ Matth. 24. 14. Offenbar. 14. 6 Zophanie/ 3. 8/ 9. Das Ander Zeichen ist wenn nemblich die zehen verlornen Staͤm
-
me Jsrael/ wieder gefunden werden vbe
r
das Wasser/ ins Land vnd auff die Berg
e
Jsrael kommen werden von Auffgang de
r
Son-
Morgenroͤthe der Weißheit.
Sonnen/ nach außgiessung der 6. Schalen/ Offenbahr. 16. 12. 4. Esdr
æ
13. 40. ꝛc. Esaie 11. 11. Cap. 27. 13. Jerem. 31. 8. ꝛc. Deuteronom. 30. 4. Mich. 4. 6. 7. Roͤmer 11. 25. ꝛc. Ja das gantze Jsrael vnd das gantze Juda wird wieder in sein Land kom- men vnd sich zum
HERRN
jhren
GOTT
bekehren/ Qsee 3.
Endlich 3. das letzte Zeichen der Zu-
k
unfft des
HERRN
ist/ wenn das Thier
v
nd alle Koͤnige der Erden sampt auch dem Gog vnd Magog/ durch die Verfuͤhrung
d
er drey vnreinen Geister ins Land Jsrael
v
nd Thal Josaphat vnnd auff die Berge Jsrael versamblet kommen werden zum Streit ꝛc. vnd mit Fewr vom Himmel ver-
t
ilget werden. Offenbahr. 19. 19. 20. 21. Ezech. 38. Joel. 3. Esaie 24. 21. 22. Diß
i
st das Ende/ alßdenn gehet an das Reich
v
nnd Priesterthumb Melchisedecks. Halle-
l
uja.
Komb
Herr Iesu
,
vnnd erloͤse vns vom Boͤsewicht. Amen.
F 2
Be-
Morgenroͤthe der Weißheit.
Beschluß.
E
Reundlicher lieber Leser/ hier mit wollen wir vnser Buͤchlein
Iehi Or,
Moͤrgenroͤhte der Weiß heit/ genant/ beschliessen/ vnd gruͤs
-
sen dich im
HERRN,
von dem
HERRN
im Geist der Gnaden vnd des Gebeths welchen der
HERR
vber vns allesamp
t
außgiessen wolle/ durch die Krafft auß de
r
Hoͤhe/ auff daß wir Gnade finden fuͤr jh
in seiner Zukunfft/ vnnd nicht zuschande
n
werden/ wenn er richten wird.
Bistu nun lieber Leser/ ein Liebhabe
r
der Weißheit/ so nimb von vns an die Bro
t
samlein allhier/ die wir von des
HERRN
Tisch gesamlet haben/ vnd nimb damit vo
r-
lieb/ biß daß Melchisedeck kommet/ vnd di
e
heiligen Schawbrodt außtheilet/ vnd eine
n
Newen Wein zutrincken darreichen wird im grossen Abendmahl der Hochzeit des Lambs/ im Paradeys/ dessen Fruͤchte e
wird fuͤrtragen vnd auffsetzen: Du solst a
-
ber auch diesem mit vns dancken/ von wel
-
chem alle gute Gaben von Oben herab kom
-
men/ dem Vatter des Liechts/ vnd jhn bit
-
ten daß er dich vnd mich vnd alle Mensche
n
erleuchten wolle/ einmuͤhtiglich zu jhme be
-
kehren vnd Ewig seelig machen/ diß verma
g
die
Morgenroͤthe der Weißheit.
die Liebe Gottes/ welcher da will daß al- len Menschen moͤge geholffen werden/ vnd daß sie alle zum Erkentnus der Warheit kommen vnd seelig werden moͤgen; darumb sollen wir Barmhertzig/ liebreich vnd voll- kommen seyn/ wie auch vnser Vatter barm- hertzig/ liebreich vnd vollkommen ist/ auff daß da von vnnd an vns kundt erkandt vnd offenbahr werde/ daß wir seine Kin- der seyn.
Bistu aber/ lieber Leser/ ein Liebhaber der Thorheit/ vnd ein Verachter der Weiß- heit/ wolan/ so verachte jmmer hin/ wisse aber gewiß/ daß du nicht Menschen verach- test/ sondern
GOTT
der seinen Geist in vns gegeben hat/ vnd von dem alle Weiß- heit herkompt/ vnnd gedencke daß es der Geist des Gerichts von dir fodern wird an jenem Tage.
Bistu aber lieber Leser ein Phariseer vnd Heuchler/ vnd hast lieber die Ehre bey den Menschen als bey
GOTT,
wolan/ so gedencke was der
HERR
saget/ 1. Samuel 2. 30. Wer mich ehret den will ich wieder ehren/ vnd wer mich verachtet/ der wird wie- der veracht vnd vnwerht seyn/ vnd
CHRI- STVS:
Matth. 10. 32. Wer mich beken- net fuͤr den Menschen/ den will ich wieder bekennen fuͤr meinem Vatter der in den Himmeln ist: Wer mich aber verlaͤugnet
F 3
fuͤr
Morgenroͤthe der Weißheit.
fuͤr den Menschen/ den will ich wieder ver- laͤugnen fuͤr meinem Vater/ der in den Him- meln ist.
Bistu aber/ lieber Leser/ ein einfeltig Hertz/ vnd kanst dich in die Weißheit nicht schicken/ so bleibe nur in vnd an vnd bey der Furcht des
HERRN,
in einem Gottseligen Leben/ welche Furcht ist nit allein der Weiß- heit Anfang/ sondern auch der Weißheit Ende/ vn zwar mags dem Menschen nichts helffen/ weñ er gleich mit Englischen Zungen reden koͤnte/ vnd hette alle Erkentnuß/ vnd wuͤste alle Geheimnus/ vnd hette einen sol- chen Glauben/ daß er Berge versetzen koͤn- te/ ꝛc. vnd hette aber nicht die Liebe
GOT- TES,
welche ewiglich bleibet vnnd nimmer auff hoͤret/ so were es jhm nichts nuͤtze: Darumb seelig seind die Vnmuͤndigen vnd Kindlein/ die vom eussern nichts wissen/ dann das Himmelreich ist jhr/ dieweil der Geist
GOTTES
in jhnen verklaͤret ist. Soll vns derowegen das Wissen vnd Er- kentnuͤß nicht auffblehen/ vnnd wollen wir vns dessen nicht vberheben/ denn vns des Satans Engel auch mit Faͤusten schlaͤget/ vnd verweiset vns vnsere Schande. Da- rumb demuͤtigen wir vns vnd verwerffen vns gerne selbst selber/ ob wir vielleicht in Gnaden vom
HERRN
moͤchten angesehen vnd auffgenommen werden/ welcher den
De-
Morgenroͤthe der Weißheit.
Demuͤtigen Gnade giebt/ vnnd siehet auff das Niedrige/ vnd auff den/ der zerschlage- nes Geistes ist/ vnnd fuͤr seinem Wort sich fuͤrchtet.
Endlich so ist diß der Beschluß/ daß nem- lich ein jeder sich selber in sich selbst vnter- suche vnnd pruͤfe/ vnnd solches nach dem Geist/ nach der Warheit vnnd Weißheit/ vnd anders nicht/ ob
GOTT, CHRISTVS
vnd der heilige Geist in jhme sey/ welches ein jeder wahrnehmen kan vnd soll/ an sei- nen Gedancken/ Worten vnd Wercken/ an seiner Lust/ Willen vnd Wohlgefallen/ vnd an seinem Wissen vnd Gewissen: Alles was Guth ist/ das ist von
GOTT,
vnd ist auch
GOTTES,
vnd nicht der Menschen: Al- les was Boͤse ist vnd Suͤnde/ das ist vom Teuffel/ der den Menschen verfuͤhret zum Verderben vnd Verdam nuß: Wohl deme/ der das Boͤse von dem Guten scheidet/ das Boͤse verwirfft/ vnd das Gute erwehlt vnd behelt vnd Frucht bringen laͤsset.
Der
HERR
Zebaoth/ wolle nun dermahl- eins das Boͤse von dem Guten scheiden E- wiglich/ das Gute wiederbringen/ vnd das Boͤse dem Boͤßwicht geben/ vnd auff seinen Kopff vergelten/ Amen. Der
HERR
vnser
GOTT
sey vns gnaͤdig vnd freundlich/ vnd fordere dz Werck seiner Haͤnde/ ja das Werck seiner Haͤnde wolle Er fordern/ Amen.
Gelo-
Morgenroͤthe der Weißheit.
Gelobet sey der
Herr
der da kommet/ vnd gelobet sey sein herꝛlicher Nahme/ alle Lande muͤssen seiner Eh- ren voll werden/ Amen. Hallelujah.
Geschrieben von Bederkes/ den 31. Mo- nats Tag Augusti/ Jm Jahr 1640.
Paulus.
ENDE
.