Eigentliche Warhafftige beschrei- bung deß Bawrenkriegs/
W
ie derselbe voꝛ hun- dert
J
ahren/ nemblich im
J
ahr 1525.
fast an allen enden Teutsches Landes angan- gen/ vnd wider gedempfet worden.
Damals in Teutsch vnd Latein be- schrieben/
Durch
H. Peter Haarern.
Jetzunder erstmals in Teutscher sprach in den Druck gegeben.
Franckfurt/
Jn Verlegung
Johan Ammons
/
1625
.
Vorꝛede.
K
urtze nothwendige
Erinnerung vber dieses Buch/ an den Teutschen Leser.
V
Nder anderen schaͤdlichen Plagen/ denen das Weltlich Regi- ment vnderworffen/ sind diese zwo fast die fuͤrnembsten vnnd allerab- schewlichsten/ nemblich auff seiten der Obrigkeit/ Tyranney/ vnd auff seiten der Vnderthanen/ wi- dersetzlichkeit. Also gar hat jedes theil seinen man- gel/ nach dem Horatianer verß:
Trojanos intrà muros peccatur \& extrà.
Es vbermachen es beydes Herꝛn vnnd Bawren/ jene zubrechen Haͤfen/ diese zubrechen Kruͤg. Vnd hat GOtt/ der hoͤchste Regent vber alles/ diese weiß/ daß er gemeinlich einen boͤsen Buben durch den andern/ vnd zwar die Gewaltigen am gewal- tigstē stꝛaffet: dahero bey den Policeykuͤndigen nicht vnbillich diese Satzrede auffkommen/ daß nemb-
):( ij
lich
Vorꝛede.
lich gemeinlich Tyranney mit Rebellion vnd Auff- ruhr/ hinwiderum Auffruhr vnd Rebellion mit Tyꝛanney gezuͤchtigt werden. Dessen sind alle Bib- lische vnd Vnbiblische Geschichtbuͤcher voll. Auff seiten der Obꝛigkeit ligen die Exempel
Pharaonis,
der/ nach dem er die Kinder Jsraellang genug be- trangt vnd sein Maß voll gemacht/ dieselbe gleich- wol jhres gefallens hinziehen lassen/ er aber im Roten Meer ersauffen muste/ vnd dann Koͤnig Rehabeams/ der durch seine Tyranney vnd graw- samkeit verursachte/ daß die zehen Staͤmm Jsrael von jhm Abfielen/ beneben andern dergleichen Hi- storien mehr am hellen taglicht. Jn weltlichen Ge- schichtbuͤchern seind deren Exempel ein vnzahl zu finden/ vñ zwar bey allen vier Monarchien/ welche dann/ nach D. Luthers meinung/ in H. Schrifft darumb Bestien genant sind/ weil sie ins gemein Bestialischer Tyrannischer weiß geregiert vnd ge- fuͤhret worden/ vnd/ wie jener Roͤmer sagte/ der Frommen guͤtigen Regenten Namen fast alle auff einen Pitschir Ring zu graben seyen. Jnsonderheit aber sind die Beyspiel der Roͤmischen Monarchi/ als die am hoͤchsten gestiegen/ am meisten Land vnd Leuth vnder sich gebracht/ vnd am laͤngsten gedau-
ret/
Vorꝛede.
ret/ am aller denckwuͤrdigsten; sintemal vber sie jhre eigene Scribenten klagen vnd melden: Es hette solche jhre Monarchi wol gluͤcklich/ vnuͤberwindt- lich/ vnd allzeit ruͤhig verbleiben koͤnnen/ wann die vnderworffene Nationen der Roͤmer laster/ zwangsal/ vnd muthwillen so wol hetten vertra- gen koͤnnen/ als deroselben Regierung:
Si tam, inquiunt, vitia nostra quàm imperium ferre gentes potuissent.
Welches bevorab
Florus
von denen bereit von jhnen bezwungenen Teut- schen/ die sich aber wegen Roͤmischer haͤrtigkeit/ vnnd vnleidlicher vnnachlessiger beschwerungen auffs new auffgelehnet/ vnd sich also wiederumb vom Außlaͤndischen Joch befreyet/ außtruͤcklich zeugen thut. Ein gleichmessiges beschreibt von den Galliern
Salvianus,
ein Bischoff zu
Massilien,
im vierdten Buch von der Goͤttlichen regierung/ als dieselbigen ebener gestalt von den Roͤmischen Regenten vnd Landverweseren hart gepresset vnd getruckt/ wider sie auff gestanden/ vñ dahero den nahmen
Bagaudæ,
das ist Auffruͤhrer oder Rebellen vberkom̃en. Seine Lateinische wort seind diese:
De Bagaudis nũc mihi sermo est, qui per malos judices \& cruentos spoliati, afflicti,
):( iij
necati,
Vorꝛede.
necati, postquam jus Romanæ libertatis ami- serant, etiam honorem Romani nominis per- diderunt. Et imputatur his infelicitas sua, imputamus his nomen calamitatis suæ, im- putamus nomen, quodipsi fecimus, \& voca- mus rebelles, vocamus perditos, quos esse cõ- pulimus criminosos. Quibus enim aliis rebus Bagaudæ facti sunt, nisiiniquitatibus nostris, nisi improbitatibus judicum, nisi eorum pro- scriptionibus \& rapinis, qui exactionis publi- cæ nomen in quæstus proprii emolumenta verterant, \& indictiones tributarias prædas suas esse fecerant? qui in similitudinem im- manium bestiarum non rexerunt traditos si- bi, sed devorarunt, nec spoliis tantum homi- num (vt pleriq; latrones solent) sed laceratio- ne etiam, \&, vt ita dicam, sanguine pasceban- tur: ac sicactum est, vt latrociniis judicum strangulati homines \& necati, inciperent esse quasi Barbari, quia non permittebantur esse Romani. Acquieverunt enim esse quod non erant, quia nõ permittebantur esse, quod fue- rant, coactique sunt saltem vitam defendere, quia jam libertatem videbant penitus perdi-
disse.
Vorꝛede.
didisse. Aut quid aliud etiam nunc agitur, quã tuncactum est, id est, vt qui adhuc Bagaudæ non sunt, esse cogantur, Quantum enim ad vim atque injurias pertinet, compelluntur vt velint esse; sed imbecillitate impediuntur, vt non sint, \&c.
welches zu Teutsch also lautet: Nun will ich von den Bagauden reden/ die von den vn- barmhertzigen Blutduͤrstigen Richtern vnd Land- voͤgten außgesogen/ gequelet/ tyrannisirt/ ja gar vmb Leib vnd Gut gebracht/ zugleich mit dem Recht Roͤmischer Freyheit auch die Ehr deß Roͤ- mischen zunahmens verlohren. Vnd diesen Leu- then zwar schreiben wir ins gemein die schuld jhres vngluͤcks selbsten zu/ wir vnnahmen sie mit jhrem elend/ vnd werffen jhnen jhr Creutz vor/ wir be- schuldigen sie deß namens/ zu welchem wir sie selbst gezwungen vnd getrungen haben/ vnd nen- nen sie abtruͤnnige widersetzliche Rebellen/ da wir jhnen doch zu solchen lastern selbst vrsach gegeben haben. Dann was hat anderst die Bagauden ge- macht/ als vnsere selbst eigene vnbillichkeit vnd vn- gerechtigkeit/ die boßheit vnserer Landrichter/ vnd der jenigen Amptleut raubgierigkeit/ vnd dannen- hero ruͤhrende leichtfertige Landsverweisungen vñ
Ver-
Vorꝛede.
verbannungen vnschuldiger Leut) die da die gemei- ne Schatzungen in jhren
privat
Seckel gestossen/ vnd deß Lands tribut zu jrem eigenthumb vñ raub gemacht? die da/ gleich wie grim̃ige Thier/ die jh- nen vndergebene Vnderthanen nicht regiert/ son- dern vielmehr verschlungen/ vnd sich mit den Beu- ten vnd Guͤtern der Menschen nit begnuͤgt (wie sonst andere Raͤuber pflegen) sondern jhren lust an deroselben zergliederung gesucht/ ja gleichsamb in jhrem Blut gebadet haben? vnd dannenhero ists kom̃en/ daß die durch vnserer Richter vnd Ampt- leut Geitz vnd schinderey außgemattete/ verderbte Vndersassen angefangen/ gar Barbarische vnnd gleichsam verwildete Leut zuwerden/ weil man sie nicht Roͤmer wolte bleiben lassen. Dann sie wolten lieber dz jenige sein/ daß sie nicht waren/ weil man sie nicht bleiben liesse/ wz sie waren/ vnd waren ley- der genottrengt/ weil sie ja jhre Freyheit gaͤntzlich verlohren sahen/ zum wenigsten doch jhr Leben zu- beschuͤtzen. Vnd wz thut man noch auff diese stund anderst/ als eben dieses/ was man auch vor diesem gethan/ daß nemblich die/ so noch keine Bagau- den oder Rebellen sein/ dieselben noch werden muͤs- sen. Dann soviel die gewaltsamkeit/ den vnbill vnd
das
Vorꝛede.
das vnrecht belangt/ ermangelt vnsereꝛ seits daran gar nichts/ daß die Vnderthanen nicht hier durch zum abfall gezwungen/ sich zuwidersetzen willens gnug hetten/ nur allein am vermoͤgen vnd an kraͤff- ten mangelts jhnen/ daß sie es ins werck nicht rich- ten koͤnnen.
Vnd soviel von diesem/ was die Obrigkeit be- langt/ darbey man sich dann nicht auffzuhalten ge- denckt mit denen fragen/ ob vnd wie ferꝛn Vnder- thanen/ sonderlich Landstaͤnden/ gegen ein solche Regierung die
defensions
mittel erlaubt seyen? sondern gleich wie man dem gemeinen Poͤffel vnd Bawren alle gegenwehr abspricht/ also will man auch Fuͤrnehmen hohen Landstaͤnden/ Regiments gliedern/ vnd mit Haͤuptern/ auß denen jener Praͤ- dicant zu W. dem Antichrist ein Fuchßschwantz zu streichen/ gern auch Bawren machte/ vnd jhre auffsicht beym Regiment vnd bey jhrer Freyheit vor ein Bawrenkrieg außschreyet/ jhr Recht oder Herbringen/ so wol als der Obrigkeit jhr gebuͤr vndisputirt lassen/ vnd zu dem andern nemlich zu der vngehorsamen Vnderthanen widersetzlichkeit schreiten: da wir dann weitleufftiger beybringung eines oder andern Exempels auß den Historien
):( ):(
nicht
Vorꝛede.
nicht bedoͤrffen/ angesehen dieses Buch jhm selbst Exempels vnd Beyspiels genug ist/ auß welchem/ gleich als auß einem vnverfelschten Spiegel/ der vnbesonnene Poͤffel den außgang aller Auffruͤrer vñ Auffwickler zuersehen/ Sonderlich aber haben die jenigen/ deren Voreltern etwan voꝛ Jahꝛen also gehauset/ hierauß zu erlernen/ wie ein starcker ey- feriger Herꝛ/ GOtt der Allmaͤchtige sey/ der der Vaͤtter missethaten/ biß ins dritte vierte Glied heim sucht/ vnd (wie der weise Mann spricht) vmb deß Volcks suͤnden willen viel verenderungen der Fuͤrstenthumber vornimbt: Solche haben jhnen diesem nach wol zu gemuͤth zufuͤhren/ wie hoch sie sich versuͤndigen/ wann sie etwan auß vnbedacht- samer vngedult/ jhren Herꝛschafften fluchen/ den- selben die allgemeine Landstraffen zu messen/ die doch sie vnnd jhre Vorfahren villeicht selbsten mit jhrem vngehorsam vñ stetigen murꝛen gegen from- me Obrigkeiten/ mit jhrer vnerkentsamen vn- danckbarkeit gegen GOtt fuͤr verleyhung trewer guͤtiger vnnd wolmeinender Landvaͤtter vnd Re- genten/ hiebevor verdienet haben/ wie es dann sicher gemeinlich also hergehet/ daß mehrtheils die jenigen Vnderthanen am meisten sich beschwe-
ren/
Vorꝛede.
ren/ denen am aller wolsten ist/ vnd die da nicht wissen/ was sie klagen/ oder wz sie haben/ biß jhnen Gott etwan fromme Obrigkeiten entfuͤhret/ vnd jhnen an deren statt neben dem Grewel der verwuͤ- stung grawsame vnersettliche wuͤterich vnd Tyran- nen vber den Halß schickt/ da dann eben diejenigen/ die wol zuvor all augenblick jhren rechtmessigen O- berherꝛn wideꝛbefftzet/ nicht den muth habē/ daß sie nur mucken doͤrffen/ also gar ein verwegenes vnd doch zugleich ein verzagtes ding ist es vm̃ deß Men- schen Hertz/ wie der Prophet sagt. Vnd dergleichen stoͤrꝛischer meisterloser Vnderthanē seind noch new- lich erst in etlichen vom gemeinen vnwesen aller- dings vnberuͤrten/ vñ mit allem vollauff gesegneten Landen/ viel gefunden worden/ denen ja/ wie man spricht/ kein Schuhe gerecht ist/ sondern die da auff alles Gewitter GOttes/ auff alle vnd jede befehl vnd verordnungen jhrer vorgesetzten Obrigkeit schelten/ ja gar mit außjagung derselben vnnd mit Bawꝛenkriegen vngeschewet offentlich troͤwen doͤꝛffen. Aber solche Leut sehē nur zu/ daß sie Gottes Raach nicht auch vberfalle/ wie hiebevor etwan jrē Voreltern/ vnd noch newlich erst jhrer Nachbaw- ren etlichen widerfahren/ daß nemlich jhnen jhre
):( ):( ij
rechte
Vorꝛede.
rechte Obrigkeit entzogen/ vnd das Land fremb- den Voͤlckern preiß gegeben werde. Vnd heltet man darfuͤr/ eben sie/ die jetzo so sehr wider jhre Obern bochen vnd murren/ wuͤrden alsdann auff solchen Fall/ den man jhnen jedoch nit wuͤnschete/ vielleicht nicht das Hertz haben/ daß sie dem gerinsten Troß im geringsten einreden doͤrfften.
Diesen vnd allen jhꝛes gleichen nun/ sey gegen- wertiges Buͤchlein/ sich darin zu spiegeln/ zum Newen Jahr geschenckt/ welches also vom Au- thoren erstlich in Teutsch/ bald nach vorgangener darin beschriebener Bawren vnruhe/ gestelt/ auff einem hohen Dumstifft einer Fuͤrnehmen Teut- schen Statt in einer alten glaubwuͤrdigen Hand- schrifft gefunden/ vnd jedermenniglich zur nach- richt vnd warnung hiemit in offnen Druck gege-
ben worden. Gott verleyhe/ daß sich jhrer viel darauß bessern.
Vorꝛede.
Vorꝛede deß Geschichtschreibers.
V
Intemal in allen Beschreibungen vnder allen Menschen handlungen/ kein grawsamer vergiffteter Laster begriffen noch gezehlet wird/ dann wo sich die jenigen/ die in einem Hause/ in einer Statt/ zu einer Gemeinsame oder Burgerschafft/ in einer Herꝛschung vñ Regierung wohnen sollen/ sich gegen vñ wider einander in mißhelligkeit/ zwi- tracht/ vneinigkeit vnd Empoͤrungen begeben/ wie dann solches vielfaltiglich gespuͤret vnd erfunden wird/ auch bey den Roͤmern/ so die fuͤrnembste Re- gierung in der Welt gehabt/ zwey gute ding/ die wenigste/ das ist/ groͤste vbel/ klaͤrlich anzeigen: Dz eine/ Da der
Lucius Catilina,
von angeborner Arth/ ein hochtraͤchtiger geschlechter/ aber sonst ein arglistiger Ehrngeitziger Mensch/ vnd verschwen- der alles seines Vaͤtterlichen Erbs/ die groͤsten sorgen durch heimliche
Sedition,
vñ zu letzt offent- liche Auffruhr/ mit seinem Anhang/ dem Roͤmi- schen Rhat einjagt: Dz ander? Daß die lang her- brachte Verwaltung deß Vaͤtterlichē Buͤrgerlichē
):( ):( iij
Regi-
Vorꝛede.
Regiments/ durch eingewurtzelte Ehꝛnverguñung vnd Haß/ deß Keysers
lulij Cesaris
vñ
Pompeij.
zertrent vnnd in gantzen Abfall gefuͤhrt worden. Vnd dann auch solche Laster von dem Allmaͤchtigē Gott hoͤchlich verhaßt vñ zum offtermal schwerlich gestrafft wordē/ darzu auch niemaln zu gewuͤnsch- tem fuͤrgenommenem End koͤnnen gebracht wer- den. Als man dañ dessen ein schoͤn warhafft Exem- pelauß d’ H. Goͤttlichen Schrifft fuͤrwenden mag. Dad’ Boßhafftig Core/ der von gutem Adelichem herkom̃en/ wol beredt vñ geschickt/ das Volck (wel- ches von Arth bald glaubig) durch sein geschwetz leichtlich zu bereden vnd zu bewegen/ dem from̃en von Gott außerwehlten Mann Mosen/ seines gluͤcks vergoͤnnet/ reitzt das Volck wider denselben/ braucht alle arglistigkeit/ damit er dem Mose seine Herꝛschung vnd Regiment entziehen moͤchte/ bracht also zween nicht die geringste Jsraeliter
Da- tan
vnd
Abyran,
denen er groß Reichthumb vnd Gewinn verhieß/ auff seine part/ vnd auff seine seiten zu stellen/ welche beede jhrer widerstrebung halb/ vom Erdtreich/ in beysein deß Volcks/ ver- schluckt/ vnd Core der Hauptsacher/ mit drit- halb hundert Maͤnnern/ seiner Geselschafft/ vom
Him-
Vorꝛede.
Himlischen Fewer schnelliglichen verzehrt woꝛden/ Darob der Poͤfel ein vertruß empfieng/ mur mel- ten vndereinander/ vnd hatten jhn fuͤrgenommen/ wider den getrewen vnd GOtt geliebten Mosen sich zuempoͤren vnd auffzuwerffen/ aber jhr wur- den gleichergestalt 14700. Durchs Fewer auß- gedilgt/ vnd wo Gott der Herꝛ von Mose vnnd Aaron/ durch jhr flehenliche bitt nicht erbetten worden/ were das gantz Volck/ dieser eintzigeu Suͤnd halben/ deren Gott so hoͤchlich zu wider ist/ verderbet vnd zu grund gangen. Vnnd aber in dem Jahr/ so man zahlt von der Geburt vnsers Seligmachers J
E
su C
H
risti/ fuͤnffzehen hundert zwantzig fuͤnff/ Jst die wunderbarlichst/ grew- lichst/ gefehrlichst vnd gantz geschwinde empoͤꝛung/ auffruhr vnd widersetzung der Vnderthanen ge- gen jhren Obrigkeiten/ sonderlich Hochteutscher Nation/ vnversehentlich vnd schnell erwachsen/ dergleichen sich nirgent an keinem ohrt/ bey Men- schen gedaͤchtniß/ ja aller Historien/ erꝛeget vnd zu- getragen hat. So werd ich/ als der die ding zum theil gesehen/ zum theil vnverfaͤlschet gehoͤrt/ auch sonsten von andern glaubwuͤrdigen Leuten/ gewissen vnzweifenlichen bericht empfangen
damit
Vorꝛede.
Damit solche grewliche schwere Sachen/ zu fuͤr- bildung der Nachkommenden Jngepflantzt wer- den moͤgen/ gevrsacht/ solcher Auffruͤrischen Bawrenschafften/ besonderlich deren/ so sich beym Rhein/ im loͤblichen Fuͤrstenthumb der Pfaltz/ die/ meines Erachtens gaͤntzlich verblendt gewesen/ vn- zehliche/ vnerbarliche/ freventliche/ muthwillige/ Eydpꝛuͤchige Thaten/ etlicher massen vñ zum theil/
Summarie
anzuregen/ vnd zubeschreiben.
Doch hab ich mir fuͤrgenommen/ zuvor die Geschicht der Bawren/ die sich erstlich an der Thonaw/ dem Bodensee/ im Allgaͤw vnd andern vmbliegenden ohrten/ auffgeworffen/ vnd was durch den loͤblichen Bundt zu Schwaben/ gegen denselben gehandelt worden ist/ kuͤrtzlichen zuvber-
lauffen. Dann je eins auß dem andern gleich wie ein vergiffte Pestilentzische Lufft/ geflossen.
D
as 1. Cap.
D
as Erste Capitel.
W
ie sich erstlich die Vffruhr im Hegaw vnd anderswo/ erhaben.
N
Achdem zu Anfang deß obgeschrie- benen Jahrs/ sich die Vnderthanen in der Luͤpfischen Graffschafft im Hegauw/ vnd daselbsten vmbhero/ nach der hand/ lang ver- sambleten/ vnd jhrer Obrigkeiten etliche pun- cten jhres gefallens zu endern vnd vffzurich- ten/ vorhielten/ auch endlich desselben mit gewalt/ ein Auß- schlag haben wolten/ ist dasselb an die vmbligende Gemeindten vnd dorffschafften erschollen/ vnd demnach in das Algauw ge- krochen/ zu welchem etliche der endts gesessene Prælaten mit jh- rer vergwaltigung der Vnderthanen/ die sie nit als Schaͤfflein geweydet/ sondern als Hund geachtet/ wol moͤchten vrsach gege- ben haben/ sind derhalben mehr als an einē ort zusam̃en gelauf- fen/ sich wider jre Herꝛschafftē/ ohnbetrachtet jrer ehren/ geleyster pflicht vnd Eydten/ gesetzt/ im Algaw/ vff der Alb/ vnd vmb die Statt Vlm/ gehaufft/ vñ die sachen also weit eingerissen/ dz deß loͤblichē Bundts zu Schwabē Staͤnde/ deßgleichē vñ dieweild’
A
Durch-
Beschreibung
Durchleuchtig Hochgeboren Fuͤrst/ Hertzog Vlrich von Wuͤrtenberg/ mit einem versambleten Heerzug/ sein verlohren Fuͤrstenthumb/ wiederumb gewaltiglichen zuerobern/ fuͤhret/ ein tag gehn Vlm ansetzen/ der endts sie durch jhr ansehenli- chetreffenliche Bottschafften erschienen/ vnd wie den dingen zubegegnen/ stattlichen berathschlagen liessen/ versambleten ein Heer zu Roß vnd Fuß/ mit aller Nottuͤrfftiger bereitschafft/ Ordneten den Wolgebornen vnnd hochberuͤmbten| Mann/ Herꝛn Georg Truchsessen/ Freyherꝛn zu Waldburg/ ꝛc. Zum obersten General Feldhauptman/ darauff er sich mit seinem Heerzug/ gegen Hertzog Vlrichen verfuͤgt/ in die voͤllige ge- genwehr gestanden/ dardurch gemelter Hertzog von seinem Vornemmen abgetrieben/ sein Heer zertrennt/ vnd dahin ge- schafft/ daß es zu weichen genoͤtiget worden/ wiewol er etliche Staͤtt vnd Flecken desselben Fuͤrstenthumbs/ von Rohtweil herab/ biß gen Stutgart erobert vnd Eyngenommen gehabt.
D
as 2. Cap.
W
elcher massen durch die Bundsstaͤnde gegen den vffruͤrischen Bauern zu handlen angefangen.
Y
Eben diesem/ ward von den Bundsraͤhten guͤtliche Vnderhandlung mit den versamleten obwendig der Statt Vlm/ in hauffen ligende Baurenschafften ge- halten/ doch nichts desto weniger Herꝛ Georg Truchseß/ O- berster Feldhauptman/ den Ernst gegen jhnen zu gebrauchen/ vreordnet ward/ zoge also am Donnerstag nach dem Sontag
Lætare/
mit allen Reysigen vnd dem Fußvolck vor/ in willens/ gegen den vffruͤrischen Bauern so auff dem Ried/ zwischen
Vlm
Deß Bawrenkriegs.
Vlm vnd Bieberach/ an12. oder 14000. starck gelegen/ mit dem Ernst zu handlen/ laͤgert sich mit seinem Heer auff ein halb Meil Wegs/ an solche Bauren/ also biß man sich (weil solche Ehrvergessene Bauren auff jhrem mutwilligen Fuͤrnemen so gantz bestaͤndiglich verharten/ vnd in mittels der Bundtischen Knecht/ so auff die Beuth vnd Pluͤnderung lieffen/ viel ersta- chen/ deß gleichen etliche vom Adel/ ohne Ansehen/ erwuͤrgten/ vil Kloͤster eynnamen/ dieselben verwuͤsteten/ vnd sich nichts dañ alles Frevels/ Mutwillens vnd boͤser Stuͤck befliessen) zu einer Feldschlacht versehen hatte/ vnd aber die Bauren solches innen worden/ brachen sie in der Nacht/ mit dem gantzen hellen Hauf- fen auff/ zogen vom Bundtischen hinweg/ theten sich ins Klo- ster Marckthal/ verwuͤsteten vñ pluͤnderten dasselbig allerdings/ dahero Herꝛ Georg jhnen ohngesaumbt mit seinem gantzen Heer nach reyset/ in gemuͤth vnd meynung/ sich mit jhnen zu schlagen/ da die Bauren aber ein solches erfahren/ haben sie sich/ ohnerwartet/ zertrendt/ vnd verlauffen/ daß niemand gewust/ wo sie hinkommen/ das Gebirg vnd Gehoͤltz fuͤr ein Mantel oder Schutz genommen.
Das 3. Cap. Wie das Bundtisch Heer vor zwey Staͤtt- lein/ Leibheim vnd Guntzberg zu ziehen/ ver- ordnetworden.
A
Vff das hat sich das Bundtisch Heer auß befelch der Bundsraͤhte/ widerumb auff Vlm zu gewendet/ viel Doͤrffer vnder wegen gepluͤndert/ vnd verbrandt/ doch in denselben allen gantz keinen Bauren betretten/ Nach dem aber gemeldte zwey Staͤttlein/ Leibheim vnd Guntzberg/ mit vmb-
A ij
ligender
Beschreibung
ligender Gegend aller Bawrenschafften/ schier biß gen Aug- spurg/ sich zu den gedachten auffruͤrischen Bawren ge- schlagen/ einer Part vnd Verbuͤndtnuß waren/ sich den zweyen Hauffen/ so sich im Bodensee vnd dem Algaw erhaben/ vnd ebenergestalt empoͤrt/ anhaͤngig gemacht/ vnd endlich zusam- men verpflichtet hatten/ ward das Bundtisch Heer/ am Dienstag nach Judica/ vor solche zwey Staͤttlein zu ziehen/ verordnet.
D
as 4. Cap. Die Bundtischen erschlugen viel Bawern/ vnd jagten jhr viel in die Tonaw bey Leibheim.
D
Anun Herꝛ Georg Truchseß/ Oberster Feldhaupt- man/ den Zug dermassen fuͤrnam/ ist der Bundtisch Reysige Zeug/ auff ein hauffen Bawren auff 6000. gestossen/ alsbald darauff gehawen/ vnd mit jhnen gehandelt/ vnd haben die Reuter solcher Bawern etlich tausent erstochen/ etliche in die Tonaw gejagt/ die sich selbs ertraͤnckt haben/ Es sind jhr auch viel gefangen worden/ also/ daß ein gar kleine An- zahl fluͤchtig davon kommen/ Darneben seind an bemeldtem Dienstag/ an 130. Pferdt/ fast alle Hessische Reuter/ von Vlm auß/ vber die Tonaw/ gegen dem Dorff Nauwe/ zuge- schickt worden/ die Bawren/ so selbiger Orten denen zu Leib- heim zuziehen vnd zu huͤlff kommen wolten/ abzuhalten/ vnd mit jhnen zu handlen: Welchen Reysigen dann darauff 800. mit Buͤchsen vnd guten Wehren wol gewapnet/ auff gestos- sen/ also sie auff dieselben Bawren eyngesetzt/ solche zertrennt/ deren in der Flucht bey drithalb hundert erwuͤrgt/ erstochen/ an die zwey hundert gefangen/ die vbrigen dermassen geaͤngsti- get/ daß sie auff ein Riedicht Ortentrunnen/ vnd sich daselbsten
salviert/
Deß Bawernkriegs.
salviert/ derohalben die Reysigen/ von solchen vberbliebenen/ absetzen/ vnd sich widerumb zum Hauffen begeben muͤssen.
D
as 5. Cap. Wie Herꝛ Georg Truchseß die zwey Staͤttlein erobert.
I
Ndeme ist Herꝛ Georg/ cꝛ. Mit allem Kriegsvolck/ zu Roß vnd Fuß/ wol geruͤst vnd geschickt/ sampt nottuͤrff- tigem Geschuͤtz/ fuͤr das Staͤttlein Leibheim gezogen/ daselbsten sich die Jnnwohner alsbald/ auff beschehen erfor- dern/ in deß Bundts Gnad vnd Vngnad ergeben/ deß gleichen ist es mit Guntzberg auch zugangen/ wie dann auch viel Doͤrf- fer derselben Art vnd Revier vmb gnad gebetten/ Die seind alle- sampt in deß Bundts Gnad vnd Straff angenommen/ auch darauff etliche Capitainer vnd Raͤthlinsfuͤhrer außgesondert/ zur straff verwahrlich enthalten/ nachmals zum theil gehenckt/ zum theil gekoͤpfft vnd sonsten gestrafft/ vnd dann Leibheim den Fußknechten/ der Fleck Guntzberg aber den Reysigen zu pluͤn- dern verhengt vnd gestattet worden.
Das 6. Cap. Wie guͤtliche Vnderhandlung gepflogen.
V
Nter solchem haben die Herꝛn vom Keys. Regiment/ auch etliche Oberlaͤndische Staͤtt/ als Costnitz/ Mem- mingen/ Biberach/ vnd andere mehr/ vmb guͤtliche Vnderhandlung bey den Bundts Raͤthen zu Vlm/ gestalt sie dann auch durch jhre Gesandten erschienen sind/ angesucht/
A iij
deß-
Beschreibung
deßgleichen etliche Personen von dem obern Hauffen am Bo- densee vnd im Algaw/ als ein Außschuß/ vff verglaitung/ gen Vlm zu kommen/ aber nichts fruchtbarliches gehandelt/ noch die ding in einigen ruͤhigen Stillstand gebracht noch gethaitigt werden koͤnnen/ sondern also vffzuͤglich blieben.
Das 7. Cap. Deß Balderingschen Hauffens Fuͤrnemmen.
J
Ndemselben haben sich die Bauren auff dem Ried/ bey Baldringen/ starck wider versamlet/ vnd denen ist von beeden Hauffen/ vom See vnd Algaw/ ein mercklicher Zusatz beschehen/ die haben mitler weil/ den Graffen/ Herꝛen vnd vom Adel/ viel Haͤusser vnd Schloͤsser abgetrungen/ die- selben gepluͤndert vnd zerꝛissen/ auch zum theil abgebrandt/ jhr Bruͤderliche Lieb/ deren sie sich hoch beruͤhmbten/ besonders in vnserm Heyland Jesu Christo/ mit allen grimmigen boͤsen Stuͤcken/ gantz Tyrannischer weiß/ bewiesen/ die vmbligende Kloͤster beraubt/ verwuͤst/ was gantz darin gefunden/ zerschla- gen/ allen mutwillen gestifft/ anders nicht gehandelt/ als Leuth die weder Gott/ der Welt/ noch der Ehren achteten/ derohalben sich Herꝛ Georg Truchseß mit allem habenden Kriegsvolck/ nach eroberung der zweyen vorgeruͤrten Flecken/ auch voll- brachter Straffen/ der Vnderthanen/ solche art gegen dem Bo-
densee vnd Algaw auch vorgenommen/ vnd der endts ge- gen den vffruͤrischen Feinden mit allem Fleiß/ taͤglich gehandelt.
Das
Deß Bawrenkriegs.
Das 8. Cap. Die ander Schlacht/ bey dem Staͤttlein Wartzbach.
W
Elches sich auff den Carfreytag verzogen/ an wel- chem Tag/ gegen Abend/ vmb 5. vhren/ Herrꝛ Georg Truchseß/ der vffruͤrischen Bauren/ bey seinen zuge- hoͤrigen Staͤtten einer/ Wartzbach genandt/ 2. oder 3. Meil Wegs ob Bieberach gelegen/ biß an die 7000. erschlagen/ vnd als er sich bey den Gefangenen erlernet/ daß auff 3. Meilen da- von/ nemlich zu Wingerten/ bey Ravenspurg gelegen/ noch an die 8000. Bauren beyein ander versamlet weren/ ist er am nach- folgenden Sambstag/ den Osterabend/ zu morgen/ mit dem gantzen Heer auffgebrochen/ solchen hauffen Bauren zu su- chen/ Demnach sich aber dieselben Bauren eben desselben mor- gens/ von vngefehr/ zu Wingerten erhaben/ in willens/ dem hauffen Bauren/ so Herꝛ Geoͤrg mit seinem Kriegsvolck bey Wartzach geschlagen/ zu zuziehen sich gegen die Bundtischen zu staͤrcken vnd zu rechen/ Da ist der Herꝛ Georg deroselben Bauren im Feld/ durch seine Kundschafft (gestalt ein solcher erfahrner/ wolgeuͤbter/ fuͤrsichtiger Hauptman jederzeit anzu- richten/ vnd die Kriegssachen vnd Geschaͤfft/ zu jederzeit erfor- dern/ zu bestellen weiß nach der alten Kriegsregul/ daß gute Kundschafft/ halber Sieg sey/) gewar worden/ Vnd als er mit der Schlachtordnung in sie setzen wollen/ sind sie auff ein grossen Ried entflohen/ also/ daß er mit seinen Reysigen mit nichten zu jhnen kommen moͤgen/ jedoch jhnen vnder diesem mit dem Geschuͤtz/ grossen Abbruch gethan/ auch ist die Nacht her- eyn gefallen/ daß derowegen Herꝛ Georg dieselbe Nacht nichts weiter außrichten koͤnnen/ sondern vom Handel ablassen muͤs-
sen/
Beschreibung
sen/ vnd sich gleich daselbsten zum allernaͤchsten bey jhnen/ mit dem Heer nidergeschlagen/ vnd den Nachtlaͤger genommen/ der meynung/ auff den andern folgenden Morgen weiter mit jhnen zu handlen.
Das 9. Cap. Wie gegen den Bodenseehischen vnd Algawischen Bawern gehandelt worden.
A
Vff den 17. deß Monats
Aprilis,
hat sich der Mannlich Herꝛ/ Georg Truchseß Oberster Feld Hauptman/ wi- derumb mit seinem vndergebenen Kriegsvolck erhaben/ zu naͤchst auff den Bodenseehischen vnd Allgawischen Hauffen gezogen/ Als er nun gen Bayersfurt kommen/ seind die beede Hauffen innerhalb der Schussen/ auff der Hoͤhe/ neben dem Berg/ in grosser Summen gelegen/ vnd etliche Wingert eyn- gehabt/ ehe aber Herꝛ Georg das Kriegsvolck vnd Geschuͤtz zu Bayersfurt durch vnd vber bringen moͤgen/ haben sich die Feind wider eylendts vber die Schussen gethan/ durchs flache Feld/ auff Wingerten geruckt/ welche der Reysig Zeug an- greiffen wollen/ aber Herꝛ Georg/ vmb vrsachen/ solche Baw- ren auff 16000. starck/ vnd viel versuchtes gutes Kriegsvolck darunder gewesen/ zu deme/ das Geschuͤtz so schnell an solche Bawern zu bringen/ nicht wol moͤglich/ er Hauptman als ein verstaͤndiger/ versuchter/ fuͤrsichtiger Hauptman/ so ferꝛ be- dacht/ die merckliche Gefaͤhrlichkeit/ Schimpff vnd Spott/ so vielleicht dar auß entstehen moͤcht/ jhn den Reysigen zu der Zeit einigen Angriff keines wegs zuerstatten/ noch etwas thaͤtlichs fuͤrzunemmen verhengen wollen/ dargegen sich aber mit hoͤch- stem fleiß bearbeitet/ wie er das Geschuͤtz in sie bringen/ welches er schnell in sie gericht/ jhnen damit mercklichen abgebrochen/ vnd viel schadens zugefuͤgt/ vnterdessen ist deß wolgebornen
Graffen/
Deß Bawernkriegs.
Graffen/ Hanssen von Montfort/ deren von Ravenspurg Gesandten/ der Kreglein vnnd Stattschreiber/ auch Wolff Gemlich ankommen/ vnd die thaͤtliche Handlung/ durch jhr fleissiges embsiges bitten vnd vnderhandeln/ in ein Anstande gebracht vnd gethaitiget worden/ Herꝛn Georg Truchsessen zum eussersten vnd hoͤchsten bittend/ als viel moͤglichen/ solchen Christlichen Menschen Bluts gnaͤdig zu verschonen/ vnd die beede Hauffen bey deß loͤblichen Bundts hie vorn fuͤrgeschlage- nen Mitteln/ verbleiben zu lassen/ welches Herꝛ Georg zu letzt angenommen/ vnd beede Hauffen dahin gebracht/ daß jhre Hauptleut vnd sie/ jhne Truchsessen vmb verzeyhung vnnd gnad gebetten/ jhm auch all jhr Faͤhnlein vber antwortet/ seind darauff folgenden Tags/ die Vertraͤg gebuͤrender massen dar- uͤber vffgericht worden/ die Hauffen sich darnach getrennt/ vnd voneinander gezogen/
Das 10. Cap. Wie vnd welchergestalt sich dieses Vbel erweitert.
A
Ls nun der tausentfaltige Werck meister Satan/ der/ wie Christus von jhm meldet/ ein Moͤrder/ Todschlaͤger vnd Luͤgner/ ein Feind Menschliches Geschlechts/ vnd Stiff- ter alles Vbels vnd Zwitrachts/ vnder solchen beschwerlichen gefaͤhrlichen/ jhme aber wolgefaͤlligen Handlungen/ als der vff seinen Raub vnd Gewinn hoffet/ keines wegs feyret/ brachter zu wegen/ daß durch etliche seine anhangende Diener/ wie dann man sie auß jhren Fruͤchten erkennet/ vnder dem schein deß H. Evangelij (welches warlich/ in rechtschaffener Betrachtung/ ein Trost aller suͤndigen vnd beschwerden Gewissen/ darzu ein Spiegel aller Gehorsamen/) Als nemlich in gestalt alles gu- ten/ (gleich wie er vnsern ersten Eltern gethan/ dieselben betro-
B
gen
Beschreibung
gen/ vnd von Gott dem Allmaͤchtigen abzuweichen verꝛeitzt hat/) etliche vffruͤrische Artickel/ mehrentheils auff die Freyheit deß Fleisches gericht/ allenthalben Teutscher Nation außge- breitet worden/ welche meines erachtens/ von einem verkehrten Mann/ zu Muͤlhausen in Tuͤringen/ Thomas Muͤntzern/ vrspruͤnglichen hergeflossen/ wie dann derselb zu jederzeit bey den Hauffen durch seine Bottschafft/ die fuͤrnehmste Practick vnd Anschlaͤg dieser
Sedition
gehabt/ vnd zum Werck gericht. Nach dem aber der gemeyn Poͤfel/ so ohne das selbs zur Frey- heit geneigt/ vnd lieber meisterloß/ als in Gebotten vnd vnder- thaͤnigkeit lebet/ gemelte Artickel mit begierigem wolgefaͤlligem Hertzen angenommen/ wuͤrden etliche vnd der mehrertheil/ in jhrem vorigem boͤsen Fuͤrnemen gestaͤrckt/ etliche hingen diesen Artickeln gantz eyferig nach/ andere begaben sich vff uͤppigkeit. Jubilieren/ vnd alles leichtfertiges Wesen/ ward der Handel hierdurch gantz von newem erweckt/ fast bey jederman/ an allen Orten vnd Enden/ dann viel verfuͤhrt der Geitz/ daß sie groß Gut erlangen moͤchten/ dergestalt/ daß allenthalben die Vn- derthanen vnd Gemeindten/ vmb vnd vmb/ bey allen Herꝛ- schafften sich widersetzten vnd sich zu empoͤren vnderstunden/ Jn summa diß mercklich Vbel nam von tag zu tag augen- scheinlich vberhand/ vnnd fraß vmb sich allenthalben/ wie ein vngestuͤmme Fluht/ ward von solchen Leuthen weder Ehr/ Pflicht noch Eydt bedacht.
D
as
II.
Cap. Vom Vrsprung deß Odenwaͤldischen Hauffens.
J
Nsonderheit erhub sich durch anstellung eines erbarn Manns Georg Metzlern/ der ein Wuͤrth in eim Maintzischen Flecken/ Ballenberg genandt/ auff dem
Oden-
Deß Bawernkriegs.
Odenwald gelegen war/ hatte seine Tag mehrentheils mit spie- len/ prassen/ vnd allem leichtfertigem Wesen zubracht/ ein Rot- tirung vnd zusammen lauffung auß allen vmligengenden Or- ten/ sturmlichen zu hauffen/ gleich wie die Bienen/ wann sie stossen. Namen obvermeldten Artickel vor die Hand/ vnterm schein/ das Wort Gottes dardurch zu beschirmen/ vnd gleich- sam hand zu haben/ hatten in willens/ alle Goͤttliche/ Mensch- liche vnd lang herbrachte gute Gesetz/ Regierung/ Ordnung/ friedliches Wesen vnd eynikeit vmb zustossen. Versamleten sich vmb den Sontad
Lætare
viel Bawren/ auß der Rodenburgi- schen Landwehr/ vngefehrlich an die 2000. als zum anfang/ darnach taͤglich/ fast alle stund/ darzu noch ein gute Summa Pfaltz graͤffischer/ Maintzischer/ Wuͤrtzburgischer/ Teutsch- Herꝛischer/ der Edlen vnd andern Herꝛschafften Bawren/ im Schupffer grund/ am Odenwald/ stossen also in kurtzer zeit zu hauffen/ denen ward der gemelt Georg Metzler zum Obersten Hauptman verordnet/ vnangesehen sie noch viel neben Haupt- leuth vnd gute Ordnung hatten/ daß sich schier ein jeder solchen Gewalts an mast/ mit besetzung der Aempter vnd gereitschafft/ als Kriegsleuth nach jhrem besten Vermoͤgen ruͤsteten/ fiengen an vmb sich zu greiffen/ namen wo sie funden/ erforderten vnd zwangen die andern die nicht ziehen wolten/ jhrem thun bey vnd anhaͤngig zu seyn/ mit betrawung/ die jenigen die sich dessen
waigerten zu besuchen/ vnd mit jhnen zu hausen. Damit haben sie sich gehaͤufft/ vnd in kurtzem schreck- lich gemehret.
B ij
Das
Beschreibung
Das 12. Cap. Wie sie Mergentheim das Schloß vnd die Statt/ auch anders mehr eyngenommen.
Z
Ogen also auff Mergentheim/ ein huͤbschen Flecken/ den Teutschen Herꝛn zugehoͤrig/ forderten denselben vff. Als aber die eynwohnende Buͤrger vor hin der Oberkeit wider- spenstig/ dann kurtz verschiener Tagen/ bey 500. Buͤrger/ dem Apt zu Schoͤnthal in sein Hoff daselbsten gefallen/ zween Tag vnd zwo Nacht darinn gelegen/ an die 5. Fuder Weins außge- truncken. Nach dem sie nun deßhalben durch jhre Herꝛschafften zu red gestellt/ vnd befragt/ was jhr Fuͤrnemmen were? geant- wortet/ sie wolten das Zinßbuch haben/ vnd drausser thun/ was sie vnbillich deucht. Darauff solcher Hauffen Bawren/ ohne sonderliche Noͤtigung inngelassen worden/ fielen ins Schloß daselbsten/ vnd dieweil sie da ein zimliche/ ja vberfluͤssige Pro- viant funden/ laͤgerten sie sich etlich Tag derendts/ prasten vnd schlempten/ theilten was jhnen dienlich vndersich/ vberlieffen auch all vmbligende Anstoͤsser/ gestalt sie dann etliche Graffen/ Herꝛn/ Edle vnd andere ins gemeyn/ angesprochen/ auff jhre Seiten zu bringen/ Namen das Schloß obwendig Mergent- heim/ den Teutschen Herꝛn zustaͤndig/ das Teutschhauß ge- nannt/ gewaltiglichen inn/ pluͤnderten vnd brandten dasselbig im boden auß/ vnder vnd bey solcher erbaren Handlung/ waren auch solcher teutschen Herꝛen eygen gebroͤde/ verlobte vnd ge- schworne Diener/ ꝛc. Darnach haben sie das Kloster Schoͤn- thal auch inngenommen/ die Moͤnch reformirt/ jhnen alles/ was sie im Kloster guts hatten/ als Frucht/ Wein/ Essenspeiß/ Viehe/ Haußrath vnd anders/ genommen/ jhre Gesang: vnd andere Buͤcher zerꝛissen/ die Fenster außgeschlagen/ vnd also
jhr
Deß Bawrenkriegs.
jhr Bruͤderliche Lieb gegen den guten Herꝛen nach Tuͤrckischer Art/ erwiesen vnd mitgetheilt.
Das 13. Cap. Was solcher Hauffe gegen dem Graffen von Hohenloe gehandlet.
S
Trebten also fuͤr baß in die Graffschafft Hohenloe/ vff Ehringen/ welcher Graffen Bawren im Hohen- loeischen Lande den Flecken Ehringen schon innge- nommen/ vnd den Rath daselbsten zum theil in Thurn geworf- fen/ ꝛc. Diese geselten sich zu denselben/ zogen miteinander am Montag nach Judica/ nacher Newenstein/ allernaͤchst darob gelegen/ in welchem Flecken Graff Albrecht von Hohenloe sein gewoͤhnlich Haußhalten gehabt/ namen das eyn/ Nach dem nun gemeldter Graff/ sampt seinem Bruder/ Graff Georgen/ hinweg kommen/ haben sie die Bawren das Schloß ohne son- dere noͤtigung in jhr Gewaltsam bracht/ darin sich deß Graf- fen Gemahlin finden lassen/ dieselb ist dem Obersten Capitain zu Fuß gefallen/ verhoffentlich durch jhr klagendliche Bitt/ et- wan milderung bey jhnen zufinden/ jhr aber kein erbaͤrmbt er- theilt/ sondern die sach dahin verhandelt worden/ daß beede ver- melte Graffen/ am nachfolgenden Tag/ zu jnen Bawren/ gehn Newenstein eynkommen/ mit den Bawren handlung pflegen. Darauff miteinander in das frey Feld gezogen/ alles Geschoß/ (gestalt zu Ehringen auch beschehen) was im Schloß vnd Flecken gestanden/ mit jhnen genommen/ den Graffen vorgehalten/ Es were gegenwertigen Regiments vnd hellen Hauffen/ ernstlicher will vnd meynung/ daß sie beede Graffen/ die 12. Artickel/ so sie von Schoͤnthal anhero geschickt/ annem- men vnd geloben/ auch alle die jenige/ die sie gefangen hielten/
B iij
vnd
Beschreibung
vnd Buͤrgschafft hatten thun muͤssen/ frey/ ledig vnd loß geben solten/ mit beger/ dasselb alles vnder jhren Brieffen vnd Sie- geln/ zu versprechen vnd zu bekraͤfftigen/ hundertvnd ein Jahr zu halten? Welches dann also von den Graffen angenommen worden. Darauff die Bamren zu einer Pomp vnd Pracht/ alle Rohr abgeschossen/ die Graffen vmb das außgefuͤhrt Ge- schuͤtz besprochen/ dasselb zu jhren handen genommen/ darnach abgeschieden/ folgents/ als sie viel vom Adel vnd andere auff jh- re seiten/ die sich zu jnen gebruͤdert/ gebracht/ auch zum theil dar- zu genoͤtigt/ sind sie wider an die Tauber gezogen/ Bischoffs- heim eyngenommen/ deßgleichen Lauda/ das Schloß vnnd Statt/ die Eynwohner auch in jhr Bruͤderschafft genommen/ das Schloß gepluͤndert/ vnd in boden außgebrandt/ daselbsten herumb gezogen/ jr Laͤger etlich zeit zu Mergentheim gehalten.
Das 14. Cap. Wie sich ein Hauff vmb Haylbron erhaben/ vnd zu den vorigen gezogen.
N
Eben diesem ist diß Gespenst weiter geflogen/ vnd sind viel Bawren in ein Dorff/ Flein genandt/ vber Hayl- bron gelegen/ vmb den Sontag Judica/ als sie deß ob- vermelten Hauffens Handlung erschmeckt/ zusammen gelauf- fen/ vngefehrlich an die 1200. die haben sich in einer versamlung durch den Furth/ zwischen Haylbron vnd Stutgarten/ ist den Teutschen Herꝛn zugehoͤrig/ vber den Necker gethan/ vnd die Bawren daselbsten zu Suͤntzheim zu jhnen gezwungen/ fuͤrters gehn groß Gartach gezogen/ dem Stifft zu Pruͤssel etlich Wein/ den sie daselbsten in jhrem Keller gefunden/ auß getrun- cken/ suchten alle vmbligende Doͤrffer an sich zu ziehen/ mit be- trawung/ wo es von jhnen nit guͤtlich beschehe/ sie zu verderben/
erschreck-
Deß Bawrenkriegs.
erschreckten also manchen Biedermann/ der sonsten vielleicht an seiner Herꝛschafft gehalten hette/ daß er sich/ in meynung sei- nem Verderben vnd Vnheil dardurch zu entkommen/ zu jhnen bewegen ließ/ ruͤckten daselbst von dannen gehn Bielstein/ vnnd Ottmar/ Als es aber jhnen derendts/ jhrem Fuͤrhaben nach/ nit allerdings gefallen noch belieben wolt/ haben sie sich wider auff Suͤntzheim zu gewend/ in die Doͤrffer/ Erlenbach/ vnd Binß- wangen/ dem Teutschenmeister vnd in das Ambt Scheuren- burg gehoͤrig gelaͤgert/ sich nicht lang daselbsten gesaumt/ noch etwas sonderlichs außgericht/ ohne/ daß sie fuͤr vnd fuͤr/ die Bawren auffzuwegen sich vnderstanden/ darnach den Kopff naher Ehringaw gewand/ vnd daselbst vmbhero/ sich endlich zu dem Odenwaͤldischen Hauffen geschlagen/
D
as 15. Cap. Wie die Bawren herab gehn Neckers Vlm gezogen.
A
Ls nun die beide Hauffen zusammen gestossen/ seind sie miteinander auff Neckers Vlm/ das Staͤttlein vnder Haylbron/ am Neckergelegen/ dem Teutschenmeister zu- standig/ gezogen/ dasselb eingenommen/ vnd das gar leichtlich/ weil die eynwohnende Buͤrger jhrer meynung gleichfoͤrmig wa- ren/ zu erfahren jhr Meynung vnd Vornemen/ darin sie dann ein guten Vorꝛath an Wein/ Frucht vnd andern Sachen ge-
funden/ vnd dessen ein gute Anzahl/ den Teutschen Herꝛn zustaͤndig/ mit sich ge- nommen.
Das
Beschreibung
Das 16. Cap. Dieser Bawren Tyrannische begangens Hand- lung/ im Staͤttlein Weinsperg.
N
Vn lag auff ein meil wegs von dannen/ im Gebirg ein huͤbscher schoͤner Flecken/ sampt einem Schloß darob gelegen/ Weinsperg genandt/ dem Fuͤrstenthumb Wuͤrtenberg zugethan/ in welchem die eynwohnende Buͤrger/ wider jhr Geluͤbt/ Eydt vnd Pflicht/ auch aller Erbar: vnd Vffrichtigkeit entgegen/ das grausamst/ laͤsterlichst/ schaͤnd- lichst/ vnd vntrewstes Vbel/ dergleichen nicht bald mehr gehoͤrt/ gegen jhrer vorgesetzten Herꝛschafft veruͤbet/ Jn dem sie mit den hauffen Bawren zu Neckers Vlm/ im Luder vnd aller uͤppig- keit gelegen/ mit jhnen allerhand gewechselt vnnd partirt/ auch von niemandten beschwerdt/ belaͤgert/ genoͤtiget noch betrangt/ sondern von jhrer Herꝛschafft zum Schutz/ mit einer guten an- zahl Reysigen/ auff die 70. Pferdt versehen/ waren gute/ ehrli- che/ dapffere Leuth/ die kurtzer tagen zuvorn vom Regiment deß Fuͤrstenthumbs Wuͤrtenberg/ in besatzung/ das Schloß vnd Flecken zu bewahren/ jhnen zugeschickt worden/ darunder nach- folgende Graffen vnd vom Adel gewesen/ nemlich der Wolge- borne Graff/ Ludwig von Helffenstein/ ꝛc. Amptman daselb- sten/ vnd die Edlen vnd Vesten/ Dieterich Weyher vnnd sein Sohn/ Hans Conrad Schenck/ Vogt zu Vehingen/ Ba- stian von Awe/ Georg Wolff von Newhaussen vnd sein Vet- ter/ Friederich Eberhard Sturmfeder/ Hans Dieterich von Westerstetten/ Rudolph von Eltershoven/ Burckhard von Ehingen/ Philips von Bernhaussen/ Georg von Kaltenthal vnd ein Hiernheimer/ ꝛc. Richten deßmal gemelte Eynwohner zu Weinsperg/ auß lauter eygenwilliger Boßheit/ vnnd
Teuf-
Deß Bawrenkriegs.
Teuffelischem eingeben/ jhre Kundschafft vnd verꝛaͤtherey mit den Solmischen Hauffen an/ reitzten vnd bewegten dieselben zum Vorwitz/ mit anzeig/ was es fuͤr ein gestalt vmb die Rey- sigen hette/ brach also der Solmisch Hauffe (weil jhnen zu solchem Dantz gut pfeiffen gewesen) in derselben Nacht vff/ Zogen eylendts hinuͤber in das Weinspergerthal/ vnd auff deß- maligen Ostertags zu morgen vngefehrlich vmb die 9. vhren/ lieffen sie mit 2. Hauffen/ mit dem einen oben an das Schloß/ mit dem andern an den Flecken/ mit sehr grossem Geschrey vnd vngestuͤmmigkeit/ hawten vnd bewegten die Thor auff. Als nun die ehrliche fromme Herꝛn/ Edeln vnd Reysigen verꝛahten/ vnd vngewarneter ding vberfallen waren/ auch in keiner Wehr stunden/ (dann sie sich dieser Moͤrderischen that/ gantz nicht versehen/ sondern alles guten vertroͤstet hatten) sondern im Flecken/ bey den Burgern/ (als die sich wie gesagt/ einer solchen grossen Vntrew vnd verraͤtherey zu diesen trewlosen Boͤßwich- tern/ gar keines wegs versehen) hielten/ hat sich solch Ritter- schafft zu mal/ nach dem sie zu rettung der Burgerwacht zu- geschrien/ die aber als die stumme Hund vnd Verꝛaͤther/ jhre Rohr in die Hoͤhe gehalten/ kein Bawern beschaͤdigen/ viel we- niger treffen noch erlegen wollen/ das Schloß sampt dem Fle- cken/ ohn einige Noth oder Widerstand/ in solchem ersten An- lauff auff geben/ in hoffnung zum wenigsten das Leben zu erret- ten/ daran aber diese lose verfluchte Leuth gar nicht benuͤget ge- wesen/ sondern jhr Teuffelhafft Tyrannisch vornemen diß- mal recht veruͤbet/ sagten sie diesen ehrlichen Leuthen vnder au- gen/ daß jhr beschlossen
Consilium,
das ist/ jr Vorhaben (wel- ches sie zur zeit also genandt) auff hundert vnd ein Jahr/ vnd dermassen gericht vnnd gestellt were/ Daß sie kein Fuͤrsten/ Graffen/ Herꝛn/ Edelman/ Reysigen/ vnnd was Sporen an- truͤge/ deßgleichen kein Pfaffen/ Moͤnch noch Muͤssiggaͤnger
C
leben
Beschreibung
leben lassen/ sondern wo sie die ankommen vnd erlangen/ alle- sampt erwuͤrgen vnd vmbbringen solten/ ꝛc. Darauff alsbald (vielleicht wie etliche darfuͤr gehalten auß raach jhrer Christ- lichen Mitbruͤder/ die von den Bundtischen zuvorn vmb- bracht worden/ gestalt man dasselb hernacher durch gewisse er- forschung von jhnen selbst erfahren/ auch dannenhero dem Adel ein sonderbar Entsetzen vnd Forcht eiuzujagen) haben sie den wolernannten Graffen/ Edeln vnd Reysigen angenom- men/ dieselben miteinander freuentlicher/ mutwilliger/ vn- menschlicher weiß durch die Spieß gejagt/ vnd dieweil Diete- rich Weyher von Leibe ein gerade mannliche Person/ zu ret- tung seines Lebens/ in den Kirchthurn geflohen/ denselben aber darin in der Hoͤhe erstochen/ vnd also tod oben herauß/ zu einem Schawspiel auff den Kirchhof geworffen/ da dann die ehr: vnd trewlose Buben in jhrer Boßheit dermassen ergrimmet/ daß sie die Reysigen/ sampt den vnschuldigen jungen Reutersknaben/ alle biß vff zween Knecht/ (welche wol von angstlicher noth vnd darneben grossem Gluͤck zu sagen wusten/ sich versteckt/ vnnd vber etliche Tag heimlich darvon kommen seind) elendiglich erstochen haben/ damit sie aber noch/ vber alles er- gangenes jhrem freygewagtem außgelassenen Mutwillen nachmaln ein genuͤgen theten/ vnd jhr Teufflisch eingeben voll- koͤmlich verbuͤsen vnd erlustiren moͤchten/ seind diese lose/ vom Teuffel angesteckte Buben/ zugefahren/ vber all angeruffen erbaͤrmbd (ohn betrachtet/ was sie zuvorn mit der Ritterschafft abgehandelt/) mit der ehrlichen viel tugensamen Graͤffin von Helffenstein/ vnd jhren jungen Herꝛlein (den sie/ vber alles Christliches anruffen vnd bitten/ in sein Aermlein verwundet) dermassen vmbgangen/ alles was sie gehabt/ genommen/ daß ein ehrliebend Hertz/ ja ein rawen wilden Stein/ der es gesehen/ moͤcht erbarmet haben/ daran solcher grausamen Thaten
manch
Deß Bawernkriegs.
manch from Hertz sich zu spiegeln/ vnd ein Christliches Mit- leiden zu tragen/ darneben zu betrachten/ was fuͤr Leuth solch Bawrenvolck/ wann sie die Oberhand erlangt/ seyen/ dann das gemeyn vnd alte Sprichwort nicht leugt: Kein Messer nie- mals haͤrter schiert/ dann wann ein Bawer Edel/ Herꝛ oder Meister wird/ welches an diesen wol verspuͤrt.
Das 17. Cap. Deß Pfaltzgraͤffischen Marschalcks Hand- lung/ gegen etliche Bawren.
J
Ndeme hat sich der Pfaltzgraͤffisch Marschalck/ Wil- helm von Haabern/ mit einem Pferdt oder zwantzig/ auff ermelts Graff Ludwigs von Helffenstein erfor- dern/ vnd seines Herꝛn deß Churfuͤrsten beseidts zu erwarten/ von Moßbach auß/ dahin er damals mit etlichen Pferdten ver- ordnet gewesen/ an das Ort Weinsperg hinuͤber gethan/ in willens mit dem Graffen in Weinsperg etwas zu handlen/ da er aber allernaͤchst auff ein Berg darbey kommen/ der hand- lung/ so die Bawren oberzehlter massen gegen dem Schloß vnd Flecken veruͤbet/ innen ward/ vnd demselben ein weil zuge- sehen hat/ wend er sich wider naher naher Moßbach/ zu seinen Reutern zu ziehen. Wie er nun deß Wegs ein theil geritten/ stieß er auff ein Rott Bauren/ an die 60. vnd mehr/ die hatten jhr gute Wehr vñ Harnisch/ wolten sich mit eim Reyßwagen zum hauffen verfuͤgen/ aber der Marschalck/ kam jnen den pfad vor/ hawet mit den seinen drauff/ erstach sie allesampt/ da wurden viel Pferdt in solchem Scharmuͤtzel wund/ derhalben nit allein die Bawren der endts/ sondern auch bey andern mehr Hauffen/
C ij
sich
Beschreibung
sich trutziglich vernemmen lassen/ Sie wolten jhme dem Mar- schalck/ den Habern recht dreschen/ vnnd solten sie jhne vorm Churfuͤrsten im Schloß erstechen.
Das 18. Cap. Wie die Bawren von Weinsperg abgezogen/ vnd das Frawen Kloster Lichtenstern ein genommen.
A
Ls nun diese Biederleuth/ doch wie die Bawren jre Spieß tragen/ jhres bedunckens/ wol gehandelt/ vnd die sachen/ nach jhrem gefallen außgericht/ den Flecken vnnd das Schloß besetzt/ seind sie von dannen in das Frawen Kloster/ zum Lichtenstern/ bey Lichtenstein gelegen/ gezogen/ dasselb ein- genommen/ verwuͤst/ gepluͤndert/ vnd nach dem ein grosse sum- wa Weins darin gelegen/ haben sie den Fassen/ was sie nit sauf- fen moͤgen/ die Boͤden außgeschlagen/ vnd den Wein mutwil- liglichen in die Erde lauffen lassen/ darneben die Wolgebor- nen Herꝛen/ Graff Ludwig vnd Friederichen von Loͤwenstein/ Gebruͤder vberzogen/ vnd jhres gefallens mit dem jhrigen ge- handelt/ sie genoͤtiget/ darnach wider zu denen/ die sie zuvorn zu Neckers Vlm ligen lassen/ sich begeben/ gestaͤrcket/ vnnd der Teutschen Herꝛn Schloß darobgelegen/ Schauenburg ge- nandt/ mit kleiner Macht/ dann vor forcht jederman darauß geflogen/ ohn allen Widerstand in jhr hand gebracht/ erstlich
gepluͤndert/ darnach angestossen vnd mit fewrigen Flammen gehn Himmel geschickt.
Das
Deß Bawrenkriegs.
Das 19. Cap. Wie die Bawren Haylbronn die Statt auffge- fordert haben.
N
Ach solchem ist der Hauff vor Haylbronn geruckt/ das Carmeliter Kloster außwendig dem Gebirg zu gele- gen/ eingenommen/ was darin gewesen gepluͤndert/ vnd darnach vffm boden abgebrochen/ forderten also bald die Statt vff/ daß darfuͤr zu halten/ die Oberkeit deßmal zur Sach gantz kein gefallen getragen/ sondern sich viel lieber in die Gegenwehr gestellt hette/ jedoch ward sie durch den gemeynen Poͤfel getrun- gen/ sich einer andern meynung zu verhalten/ dann dasselb leicht Gesindlein ohne das der Auffruhr vnd deß nemmens begierig waren/ der hoffnung sie wolten alle reich werden/ auch hatten sie sich zuvorn auß eigner Bewegnuß einem Raht daselbsten widersetzt/ vnd in das Teutschhauß gefallen/ darin geschlempt vnd geprast/ vnangesehen/ der Commentur sich aller gutwilli- gen Mittheilung Brodt vnd Weins erbotten/ dieweil nun der Raht jhrer nicht maͤchtig werden moͤchte/ ward er zu letzt genoͤ- tiget/ auff der Bawren ernstlichs betrawliches auffordern vnd begeren/ wo fer jhr begeren abgeschlagen/ daß sie alle vmbligende Weinberg abhawen vnd verderben woͤlten/ so weit zu bewilli- gen/ daß sie mit einer bestimten Anzahl in die Statt gelassen worden/ darin jnen Proviant vnd andere Gereitschafft mitge- theilt worden/ vnderdessen sie sich gar nicht gesaumt/ sondern alle Kloͤster vnd geistliche Haͤuser/ auch was von außgesesse- nen Geistlichen vnd vom Adel/ an Gelt/ Kleinodien vnd ande- rer Haab/ ein grosses Gut in die Statt Haylbron vnd in das
Teutschhauß daselbsten gefloͤhet/ zu pluͤndern vnd zu nemmen verstattet worden.
C iij
Das
Beschreibung
D
as 20. Cap. Wie die Bawren vber den Teutschenmeister/ vnd darnach zum Fraͤnckischen Hauffen gezogen.
D
Anun solche Ehrvergessene Bauren jhren willen zu Haylbroñ auch erlangt/ nemmen sie erst den Zug noch gewaltiger vor/ vber den Teutschenmeister/ brachen vmb den Sontag/
Quasi modo geniti
auff/ vnd zogen mit dem gantzen Hauffen/ nach dem sie Neckers Vlm beseits liegen lassen/ gen Gundelsheim/ allda gedachter Teutschmeister sein Hoff haltung/ vnd ein schoͤn wolerbawtes Schloß gehabt/ aber dißmal erselbst/ sein Hoffgesind/ sam̃t seinem besten Geschmeid naher Haylbronn geflohen/ vnd der Bawren vberzug nit erwar- ten wollen/ welchen Flecken sie/ mit sampt dem Schloß/ leicht- lich ohne sondern Widerstand von der Burgerschafft erober- ten/ pluͤnderten das Schloß/ darinnen sie noch ein zimlichen Vorꝛaht/ an Wein/ Fruͤchten vnd anderm funden/ wiewoles der Teutschmeister zuvorn zimlich geraumbt hatte/ zerꝛissen/ verwuͤstet/ vnd darnach dasselb gar abgebrochen/ blieben etliche Tag daselbst still ligen/ forderten die vmbligende Doͤrffer/ ge- wonnen ein grossen Zulauff/ verkaufften hin vnd wider den Leuthen auff dem Land viel Korn/ auch andere Sachen/ hat- ten der endts an Proviant ein vollen Vorꝛaht/ Darnach seind sie vmb S. Marxen tag wider auffgebrochen/ vnnd in das Schoͤffelentzer Thal gezogen/ fuͤrters in das Maintzisch Ge- biet oder Land/ ghn Buchen/ das Kloster Ammerbach einge- nommen/ gepluͤndert vnd vewuͤst/ Vnd als sich die neun Staͤtt im Ertzstifft Maintz auff dem Odenwald/ vnd am Main ge- legen/ zu dem Bawernhauffen geschlagen/ haben sie mit zuthun
vnd
Deß Bawernkriegs.
vnd huͤlff der andern Vnderthanen deß Stiffts/ den Statt- halter zu Maintz/ Bischoff Wilhelmen zu Straßburg/ in dem Churfuͤrstl. Hauß Aschaffenburg belaͤgert/ jhr Fuͤrstl. G. ein Vertrag jhres gefallens einzuwilligen/ betrangt/ die Statt eingenommen/ darzu dann jhnen die einwohnende Buͤrger be- stes fleiß beystaͤndig waren/ etliche von der Landschafft sich in der Pfaffen Haͤuser vertheilt/ darin gelegen vnd geprast. Fol- gendts seind solche Bawren zum andern Hauffen/ der sich im Land zu Francken erhaben/ vnd hernach geschriebener weiß/ fuͤr das Schloß Wuͤrtzburg gelaͤgert/ gezogen/ vngefehrlich an 7. oder 8000. starck/ vnter wegen auch neben andern Orten/ Wildenburg vnd Limbach/ beide Schloͤsser gepluͤndert/ vnd darnach in Brandt gesteckt/ Ebenergestalt darauff Graff Georgen von Wertheim vberzogen/ jhne getrungen/ sich mit jhnen zu setzen/ vnnd jhnen etlich Geschuͤtz zu leyhen/ Welches hernacher auff dem Schloß zu Wuͤrtzburg ist gefun- den worden.
D
as 21. Cap. Deß Fraͤnckischen Hauffens Zug vnd Handlung.
V
Nd hat sich der vermelt Fraͤnckisch Hauff erstlich vmb die Ostern erhaben/ Als sie in der Rodenburgischen Landwehr vnd im Tauber Thal zusammen gelauf- fen/ anfangs am Freytag nach dem Ostertag/ von Roͤttingen auß/ darinnen sie sich versamlet hatten/ morgens fruͤh vor tag/ mit dreyen Faͤhnlein auff Buͤtter zu gezogen/ in meynung den reysigen Zeug/ vngefehr an hundert vnd dreissig Pferdt/ die in dem Ort fuͤr Augen waren/ zu vmbziehen/ vnnd zu belaͤgern/ Aber die Reysigen wurden durch jhre
Kund-
Beschreibung
Kundschafft gewarnet/ brachen den Bawren jhren Anschlag/ zogen jhnen vnder augen/ stiessen auff den Hauffen der voran zoge/ haweten drauff/ brachten sie in die flucht/ haben solcher Bawren viel erschlagen vnd nidergelegt ehe dann der gewaltige Hauff hornach kommen/ als aber die Reysigen deß gewaltigen Hauffens ansichtig wurden/ sind sie fein saͤuberlich/ ohn allen schaden abgewichen anff Wuͤrtzburg zu/ vnd deß Hauffens nit erwarten wollen/ Also sind die Bawren zu Buͤttert ankom- men/ der gemeyn Hauff das Schloß gepluͤndert/ gebeuth/ groß Haab vnd Gut genommen/ vnd dasselb Schloß darnach in Brandt gesteckt/ von Buͤttert vffgebrochen/ vnd das Laͤger gen Awe ausserhalb der Statt geschlagen/ die Schloß Bayelheim vnd Raigelsperg gepluͤndert/ viel Getraidts/ an vierthalb tau- sent Malter gefunden/ zu letzt das Schloß Raigelsperg in Brandt gesteckt/ vnd jedem Faͤhnlein 150. Malter Getraidts zur Beuth worden/ ohne was sie sonsten hingeben vnd bey han- den behalten/ dann sie der endts zween Tag still gelegen/ am Mittwoch aber nach
Quasi modo geniti
widerumb von newem gezogen/ vnd das Laͤger gehn Ochsenfurth/ ausserhalb der Statt geschlagen/ bey 500. Fuder Weins/ sampt einer mercklichen summen Getraidts/ in der Kellerey daselbsten vnd sonsten/ den Wuͤrtzburgischen Thomherꝛn zustaͤndig/ gefun- den/ derowegen sie dann etlich tag an diesem ort im Luder gele- gen/ inmittels sich der Hauff hoͤchlich gestaͤrckt/ nachfolgenden Freytags von dannen auff Ypffhofen geruckt/ daselbsten sie im Moͤnchhoff vor Bercklingen ein grossen Vorꝛaht an Pro- viant gefunden/ deßgleichen viel huͤbscher/ koͤstlicher Meßge- wandten/ Kelch vnd andere Kirchenzierd gebeuttet/ daselbsten ein Tag still gelegen/ vnd nach dem jhn ein solch Handlung wol gefiel vnd beliebt/ feyerten sie nicht lang/ streckten fuͤrbaß am Sontag
Misericordia Domini,
von Ypffhofen gehn
Schwartzach/
Deß Bawrenkriegs.
Schwartzach/ das Frawen Kloster/ außwendig dem Flecken/ so schier eim kleinen Staͤttlein ander Groͤße gleicht/ darin fun- den sie ein groß mercklich Gezierd/ von Kleinodien der Kirchen/ welches alles von diesen Bawren genommen/ vnd der Ort dar- nach in Brande gesteckt worden/ pflogen daselbsten jhrer ruhe/ biß auff den Dienstag/ darnach zogen sie gehn Gerolßheim/ daselbsten sie die Kellerey mit grosser Frucht vnd vielem Wein versehen/ gaͤntzlich eroͤst/ beraubt vnd zerꝛissen/ allerdings zer- brochen/ auch inder Nacht/ das Schloß Stoltzberg gepluͤn- dert/ vnd in Brand gesteckt haben/ folgenden Mitwochs der endt still gelegen/ das Schloß Beinbach/ den Fuͤchsen zustaͤn- dig/ also bald eingenommen/ darin sie grosses Gut gefundeu/ alles gepluͤndert/ vnd das Schloß in Brandt gesteckt/ Am fol- genden Donnerstag hielten die Hauptleuth gemeinē Raht/ wa- ren willens fuͤr den Zobelstein zu ziehen/ seind in der Ordnung stehen blieben/ da ist nach langer Vmbfrag fuͤr rahtsam ange- schlagen vnd geschlossen worden/ nit fuͤr den Zobelstein/ sondern fuͤr die Burg Wuͤrtzburg zu ziehen/ darauff sich der Hauff alsbald auff Wuͤrtzburg gewand/ in zwischen seind die Buͤrger zu Gerolßhofen vnd die Amptsverwandten/ in das Schloß daselbsten gefallen/ dasselb geraumt vnd gepluͤndert/ zu letzt in Brandt gesteckt/ darnach seind diese Bawren wider zu ruͤck ge- zogen/ vnd hernachfolgende Schloͤsser allzumal eingenom- men/ gepluͤndert vnd in Brandt gesteckt/ darin sie groß Gut gefunden/ vnd alles mitgenommen/ als nemlich zu Groß Lang- heim/ das Schloß vnd die Kellerey/ das Schloß Steffan- burg/ jtem Sicherhausen vnd Michelfeld/ dise Schloͤsser alle/ deßgleichen ein Frawen Kloster vnd ein Carthausen/ so nit weit von Gerolßhofen gelegen/ eingenommen/ gepluͤndert vnd ver- brandt/ darnach als sie von Langheim gehn Ochsenfurt wider gezogen/ ist jhnen auff dem Main vnder wegen ein Schiff mit
D
grossem
Beschreibung
grossem Gut beladen/ vnd dem Bischoff von Bamberg zuge- standen/ an die hand gestossen/ welches sie angenommen/ behal- ten vnd gepluͤndert/ auff denselben tag seind die zu Wuͤrtzburg zu hauffen gezogen/ deßgleichen die von Kitzingen/ vnnd ander Marckgraͤffisch volck/ an 2000. zum Rodenburgischen Hauf- fen gestossen.
D
as 22. Cap. Wie sich die Bawren fuͤr das Schloß Wuͤrtzburg gelaͤgert/ vnd jhꝛ Laͤger zu Heydingsfeld geschlagen.
S
Olch Bawren seind hernach auff den Sontag
Jubi- late,
miteinander von Ochsenfurt abgezogen/ vnd das Laͤger fuͤr die Statt Heydingsfeld geschlagen/ auch seind desselben tags drey Faͤhnlein von den Hauffen gehn Gie- belstatt/ Jngelstatt vnd Groͤßfeld dieselben Schloß zu pluͤn- dern vnd zuverbrennen/ abgeordnet worden/ welchem diesem jh- rem vffgetragenen Befelch sie dann gantz gehorsamlich mit trewem fleiß nachkommen. Den Montag darnach/ seind die Bawren stillgelegen/ das Schloß zu Wuͤrtzburg/ vnser Frawenberg genandt/ vffgefordert/ zween tag mit den Thom- herꝛn vnd Riterschafft zu Francken sprach vnnd vnderredung gehalten/ als aber die Sach ohngethaidiget blieben/ haben die im Schloß am Mitwochen angefangen zu schiessen/ desselben tags 9. Mann darfuͤr erschossen/ nach mittag ist fried angestellt worden/ biß auff den Sambstag zu nacht/ oder gegen den A- bend/ da hat sich die Belaͤgerung deß Schlosses von den Baw- ren allererst recht angeschickt/ vnd nachdem deß gantzen Stiffts Wuͤrtzburg Vnderthanen allenthalben vffruͤrisch vnd schwuͤ- rig/ ward ein geschwinder Zulauff/ von den Eydbruͤchigen Bawren vmb vnd vmb/ also/ daß sie im Laͤger zu Haydings-
feld
Deß Bawrenkriegs.
feld wann sie wolten/ an die 20000. wehrhaffter Maͤnner ha- ben moͤchten/ zu deme/ so fiel die gantze Buͤrgerschafft in der Statt Wuͤrtzburg von jhrer Herrschafft ab/ vnd halffen mit sampt den Bawren/ so sie in die Statt Wuͤrtzburg gelassen hatten/ das Schloß auß dermassen beschiessen vnd noͤtigen/ Auch hatten die Fraͤnckischen Bawren einen vom Adel/ Flo- rian Geyer genandt/ so nachmals erstochen worden/ vnd der ander leicht Hauff so von Ehringen herunder gezogen/ gleicher gestalt den Goͤtzen von Berlichingen bey jhnen/ ob sie nun wil- liglichen oder genoͤtigter weiß/ sich der Bawren Gesellschafft vnd Handlung vndernommen vnd beladen/ ist zum theil ver- borgen gewesen/ doch haben sie die Bawren fuͤr jhre Capitain neben andern Hauptleuthen gebraucht/ welche fuͤr vnd fuͤr bey jhnen im Laͤger gewesen/ wiewol etliche darfuͤr gehalten/ wann jhnen nicht wol mit dem Spiel gewesen/ sie hetten sich wol auß dem Staub machen koͤnnen.
Das 23. Cap. Welchermassen sich der Bawren Hauff im Brurain erhaben.
E
S hat sich gleicher meynung vnd Fuͤrnemens wider alle pflicht/ Ehr vnd Trew/ ein Rott abtruͤnniger Bawren anfaͤnglich in der Osterwochen/ in einem Dorff/ Malsch genandt/ am Brurain/ im Stifft Speyer gelegen/ versamlet/ vnd als der Hochwuͤrdig/ Durchleuchtig/ Hochge- born Fuͤrst vnd Herꝛ/ Herꝛ Georg/ Bischoff zu Speyer/ Pfaltzgraff bey Rhein vnd Hertzog in Bayern/ etliche seiner Gn. Reysigen/ die ding zu besichtigen dahin verordnet/ hat sein Fuͤrstl. Gn. nach dem dieselb sich der Vffruhr halber beruͤrter Bawren/ noch nicht zu einigem Ernst/ noch thaͤtlicher Vbung
D ij
bege-
Beschreibung
begeben/ mit der Gemeind zu Malsch/ vnd andern deß Stiffts vmbligenden Doͤrffern vnd Rotten anzeigen lassen/ wie sein Gn. anlangt/ wie daß sie sich empoͤren wolten. Darauff er sie mit gantz genaͤdiger Erinnerung vnnd Bitt verwarnet/ sich von seiner Gn. nicht abwendig machen zu lassen/ sondern sich in diesen gefaͤhrlichen sachen wol zu bedencken vnd vorzusehen. Ob nun woldißmal sie/ als erbarn Leuthen gebuͤret/ ein solches gehorsamlich zu thun/ vnd in ruhen zu bleiben sich erbotten/ doch nichts destoweniger sich darneben vernemmen lassen het- ten/ bey deme zu bleiben/ zu stehn vnd zu halten/ wer der starckest were/ bey dem sie auch Wehr vnnd rettung finden wuͤrden. Ausser dem dann jhr ohnbestaͤndig Gemuͤth vnnd was ehr- lichs darinnen stecke/ wol abzunemmen. Auff solche erinne- rung/ strack deß andern Tags/ fing diese trewlose Rotte an vmb sich zu greiffen/ andere Doͤffer zu erfordern/ fielen in der Pfaffen zu Speyr Keller zu Malsch/ truncken den Wein auß/ vnd lebtem im sauß/ in Hoffnung/ der Orths ein new Regi- ment zu erwecken/ schrieben an die Doͤrffer/ nachfolgender Meinung vnd Jnhalts.
Es ist der gemeinen Bawerschafft ernstlicher Will/ Meinung vnnd Befelch/ daß jhr ewre Gemeinen versamb- let/ vnnd zu vns gen Malsch schicken wollet/ N. wolgeruͤster Mann/ mit Gewehren/ Goͤttlicher Gerechtigkeit ein Bey- stand zu thun/ noch bey dieser Nacht/ vnnd wo daß nicht be- schicht/ sollt jhr wissen vnsicher zu seyn/ Leib vnd Lebens.
Darauff hat sich die Rott an 4. oder 500. Mann vnge- fehr gesterckt/ vnd den Pletzenberg (der bey solchem Dorff gele- gen) ingenommen/ vnd daselbsten ferꝛnern Zulauff erwartet. Derohalben dann der Bischoff zu Speyer verursacht worden/ mit dem ernst gegen dieselben zu verfahren/ neben dieser troͤst- lichen/ jedoch vergebentlichen Hoffnung vnnd Zuversicht/
weil
Deß Bawernkriegs.
weil die andern vbrigen seiner Genaden verwandten Baw- ern sich erbotten hatten/ seiner Genaden ein Beystand zu thun/ damit angeregte Auffruͤrische Rott desto leichtlicher/ von jhrem boͤsen Fuͤrnemmen| abzuhalten seyn wuͤrde: Aber was geschach? Als der Bischoff etliche Raisigen/ sampt dem Bruraͤinischen Fauth/ Hans von Buͤhel genannt/ von Wachenheim/ dahin abgeordnet/ vnd der Pfaltzgraͤfisch Marschalck mit 200. Pferden/ vnnd eim geringen Feldtge- schuͤtz/ denselben Speyerischen Reuttern zuzoge/ willens/ solche Bawren/ wo sie sich nicht in gebuͤhrende straff begeben wolten/ auff dem Berg zu schlagen/ Aber gleich im anziehen seind die v- brige verhoffte Speyerische Bawern/ welche auff die Raisigen zu warten bescheiden worden/ abgefallen/ vnd sich wider Ehr/ Geluͤbd vnnd Ayd/ zu den andern auffruͤhrischen Bawren/ als jhrer verbuͤndlicher Gesellschafft vnnd Verbruͤderung/ ohne schew geschlagen/ darumb der Pfaltzgraͤfische Marschalck vnd deß Bischoffs Fauth/ mit jhren Raisigen abgezogen/ dann der Berg allenthalben mit Wingerten dermassen vmbringt gewe- sen/ das man nicht ohne sonderlichen grossen schaden zu Roß/ zu jhnen kommen koͤnnen: Darauff ward solcher Hauffe Bawern bald gesterckt/ vnd deß Stiffts Bawern vmb vnd vmb/ auff derselben Seiten deß Rheins/ auffruͤhrisch/ daß auch ermeldter Bischoff zu Speyr sein Schloß Eydenheim raumen/ vnnd zu seinem Bruder/ dem Churfuͤrsten zu Heydel- berg/ weichen vnnd fliehen muste: Dann der Brurain durch vnnd durch gantz zu mahl abgefallen war/ hatten Rotenburg dasselb Schloß/ vnd Kißloch das Schloß/ Brussel die Statt/ dz gantz Ampt Eydenheim/ vnd die Statt mit allen beyligenden zugehoͤrigen Doͤrffern auff jr seiten gebracht/ welches leichtlich geschehen/ vnnd mehrentheils auff schlechte auffforderung je- des Orts/ eingenommen woꝛden/ weil sie alle eines gleichen Ge-
D iij
muͤths
Beschreibung
muͤths/ vnnd keiner kein Haar besser dann der ander/ Auff sol- ches wurden Friederich Wurm/ vnd Hans von Hall/ beyde Burger zu Brussel/ sampt andern mehr Vnderhauptleuten/ zu Obersten verordnet/ ein Regiment besetzt vnd auffgericht/ schickten sich dapffer zum Handel/ vnd thaͤten als Leut die selbst Herꝛen seyn wolten.
Das 24. Cap. Wie die Bruraͤinischen mit den Marckgraͤffischen Bawren in die Marggraffschafft Baden gezogen/ vnd was sie darinn gehandelt haben.
Y
Ach dem nun die Bawren in der Marckgraffschafft Baden vormals auch in empoͤrung gestanden/ in de- me die Gemeine der Statt Durlach/ nicht weit von Brussel gelegen/ in negst vergangener Palmen Wochen auff- gewesen/ jhren Vogt daselbsten gefangen/ vnd an dritthalb tau- sent Bawren/ (so auß etlichen der Ends angelegenen Doͤrf- fern zusammen gelauffen waren/) zu jhnen in die Statt gelas- sen hatten/ vnnd das Kloster Gottsaw/ in derselbigen gegend eingenommen/ gepluͤndert/ verwuͤst vnnd allerdings zerꝛissen/ Gegen denselben damals Herꝛ Marckgraff Georg von Ba- den/ gleich anfangs/ durch etliche verordente Reysigen/ in der eyl/ handeln/ vnnd da sie auff guͤtliche Verwarnung nicht von einander ziehen vnnd sich trennen wolten/ sie mit verbren- nung jhrer etlicher Haͤuser/ in eim Dorff Berghausen/ wider zum Abzug zwingen vnnd dringen lassen/ dardurch diß- mal das Fewer ein wenig geduscht/ der Groll vnnd Vnwil- len aber jedoch/ in jhren vnnd allen andern Marggraͤffischen Bawren Gemuͤhter vnerloschen blieben/ haben die Pruraͤini- schen/ als sie zu Brussel gelegen/ mit den Marggraͤfischen jh-
ren
Deß Bawrenkriegs.
ren Verstand vnnd Practick von newem gemacht/ beyderseits zusammen/ vnnd mit auffgereckten Faͤhnlein/ in die Marg- graffschafft Baden eingezogen/ die Geistlichen darinn vber- fallen vnd betrangt/ etliche Kloͤster eingenommen vnd gepluͤn- dert/ zum theil auch gar verwuͤst vnd zerꝛissen/ Sonderlich die Kloͤster/ Herꝛen- vnd Frawen Alb/ im Schwartzwald/ in de- nen sie etliche Tag in vollem prassen gelegen/ dieselben hoͤchlich beschaͤdiget/ vnd wolt der Marggraff weiter vnrahts vnd scha- dens nicht gewarten/ muste er sich mit jhnen/ nach jhrem ge- fallen/ vertragen.
Das 25. Cap. Wie solche Bawren wieder herab ins Stifft Speyer gezogen/ vnd sich mit dem Bischoff vertragen.
Y
Ach diesem Verlauff/ haben sich beyde/ Marggraͤfisch vnnd Bruͤrainisch Versamlungen wieder heruͤber/ ge- gen dem Stifft Speyer gethan/ vnd das halbe theil bey 7. Faͤhnlein/ zu Schreck vber Rein gefahren/ das Kloster Hoͤꝛdt vnd den Hoff Gotterßheim/ wiewol etliche Roth Baw- ren/ ehe sich der Hailsprucker Bawren hauff (davon hernach meldung folget/) versamblet gehabt/ beyde Oerter vberfal- len/ Korn vnnd Wein/ auch alles anders/ darinn genom- men gehabt/ was darzu die vorigen vber gelassen/ das ha- ben diese Gesellen allesampt gepluͤndert/ geschlembt vnnd ver- wuͤst/ darnach sich gewendt/ zu Reinßheim wider vber Rhein geschifft/ zu jhren Gesellen kommen/ welche am nechsten/ auff Vdenheim zuzogen/ waren in meynung/ die Statt Speyer zu belaͤgern/ vnnd die Geistlichen darinn jhres gefallens zu re- formieren. Welchem aber vorkommen ward/ dann der Bi-
schoff
Beschreibung
schoff zu Speyer/ hat sich mit Beystand der Edlen vnnd Ve- sten/ Dieterichen Kaͤmmerern von Wormbs/ genannt von Dalburg/ vnd Bernhard Goͤllern von Ravenspurg/ doch zu- vorn auff gnugsame vergleichung/ in den Handel geschlagen/ zu den Bawern geritten/ vnd nach viel gehabter fleissiger ernst- licher Vnderhandlung/ mit jhren Hauptleuten ein Contract vnd Handjung getroffen. Damit sich aber die Bawern desto fuͤrderlicher zum Abzug begeben/ haben gemeine Pfaffheit zu Speyer zuvorn versprechen muͤssen/ alßbald 200. Malder Brods/ 55. Fuder Weins/ vnnd vngefaͤhrlich an Vieh auff 100. Guͤlden werth/ gen Rheinhausen zu liefern/ Nach sol- chem Verlauff/ haben sich die Bawern getrennt/ vnnd jhre Hauptleuth sie am Sambstag nach
Misericordia Domini
mehren theils heimziehen lassen/ das vbrig theil auch von ein- ander gezogen/ vnd die Marggraͤfischen sich gleicher gestalt an heimb begeben/ Doch seind die Hauptleuth/ vnd deß Baͤwri- schen Regiments Obersten zu Brussel bey einander versamblet blieben/ jhrer Regierung außgewart/ die Bawern ab- vnd zu- gezogen/ wann sie gewolt/ haben sie in kurtzer weil an 5. oder 6000. wehrhaffter wolgeruͤster Mann/ zusammen bringen koͤnnen.
D
as 26. Cap. Wie die Bruraͤinische Bawern dem Pfaltzgrafen etliche Leuth/ vber jhr Churfuͤrstlichen Gn. vermahnliches zuschreiben/ auff gehalten vnd gefan. gen haben?
Y
Vn stund ein grosse Anzahl Waͤgen mit vielen treff- lichen Kauffmanns Guͤtern beladen/ den Oberlaͤndi- schen Staͤtten zugehoͤrig/ in der Statt Prettheim/ so in vergangene Franckfurter Fastenmeß/ durch Pfaltzgraff
Ludwi-
Deß Bawernkriegs.
Ludwigen/ Churfuͤrsten/ daselbsten hinweg nacher Franekfurt vergleit werden sollen/ aber man kund sie/ der Bawren Auff- ruhr halber/ dißmal weiters verwarlichen nicht bringen/ Nach denselbigen Guͤtern hatten nicht allein die Bruraͤinischen/ son- dern auch die Bawren in vmbligenden Hauffen versamlet/ ein begierliches verlangen/ vnnd schweist jhnen der Zahn gewaltig darnach/ vermeinten dieselbigen zu erobern/ vnnd vnder sich zu verbeuten/ Deßwegen dann sie die Burger zu Brettheim zum offtermahl auffforderten/ das bey nahe zu letzt/ wo der Chur- fuͤrst nicht so ernstlichs Jnsehen gethan/ vnnd embsiges Auff- mercken gehabt/ solche Guͤter der Bawernschafft gefolgt wor- den waͤren/ dann die Bawern trungen zum offtern mit grossen Trauworten hart darauff/ so waren die Burger auch nit all ei- ner meinung/ sonder vnder einander etwas wiederwertig. Nach dem nun die Sach mit den Kauffmans Guͤtern/ sich also ge- schwind/ vnd sehr gefaͤhrlich zutruͤg/ das man sich alle Stund/ vberfallens getroͤsten must/ Ward der Churfuͤrst verursacht/ solchem grossen Vnheil vnnd mercklichem Verlust/ bey Zeiten vorzukommen/ den Flecken Brettheim/ sampt denen so jhr Churfuͤrstl. Gn. zuvorn darein gelegt vnd geordnet/ noch wei- ter zu besetzen/ schickt derohalben sein Churfuͤrstl. Gn. dero Burggrafen auff Starckenburg/ Wolff Vlrich von Fle- hingen/ mit etlichen Raisigen/ daß er ein Faͤhnlein Knecht/ von Heydelberg nacher Brettheim fuͤhren solte/ in betrachtung/ weil der Bruraͤinisch hauffen auff den Vertrag/ welchen sie oberzehlter massen mit dem Bischoff von Speyer getroffen vnd angenommen/ darauff dem Pfaltzgrafen wol bedaͤchtlich zugeschrieben hatten/ das sie jhre Churfuͤrstl. Gn. dero fuͤr- nemmen Grafen/ Herꝛn/ Edeln vnd Vndersassen/ sie wehren Geistlich oder Weltlich Stands die Wege vnnd Straß im Stifft Speyer vnnd am Bruraͤin (welche sie allenthalben hie-
E
vorn
Beschreibung
vorn eingenommen/ verhawen vnd verlegt hatten) sicher vnnd vnbeleidiget/ auch allerdings vngeirꝛet/ gebrauchen lassen wolten/ dieselbigen wiederumb oͤffnen. Als zoge auff solche vertroͤstung gedachter Burggraff mit solchen Knechten die Straß am Brurain hinauff gegen Breteheim zu/ versehen sich keines vngemachs/ boͤsen noch argen. Da er aber zum Dorff vnder Ebesheim kam/ lagen daselbsten ein hauffen Bawern/ lieffen ohn vnderlaß von: vnd zu einander/ thaͤten sich/ als der Burggraff mit seinem Volck zwischen|sie kam/ zusammen/ vmbgaben sie allesampt/ stelten sie dermassen in grosse gefaͤhrligkeit jhres Lebens/ also/ das sie sich nichts an- ders denn sterben verwegen vnd ergeben hatten/ trungen sie/ daß sie jhnen den Bawern geloben vnnd versprechen musten wieder- umb mit einander zu ruck/ nach Heydelberg zu ziehen/ wie dann auch geschehen. Verhinderten also dem Churfuͤrsten sein fuͤr- nemmen/ verordneten Befelchhaber/ jhnen Schreiben vnd Zu- sag zu thun. Welche schmaͤliche Thatt dann/ den Churfuͤr- sten nicht vnbillich zu vngenaden/ vnd nachfolgender Hand- lung vnd Straff bewegt hat/ beschahe ein solcher Schimpff von diesen ehrlosen Bawren (wie viel ehrliche Leuth darfuͤr hielten) fuͤrnemblich darumb/ das sie in vnzweifenlicher hoff- nung gestanden/ beruͤhrte ansehenliche Kauffmans Guͤter in Brettheim entweder durch sie selbsten/ oder andere jhre Mitge- nossen/ zu bekommen vnd an sich zu bringen.
Das 27. Cap. Deß Zabergawischen Hauffens versamb- lung/ vnd was sie sampt dem Wuͤrtzburgischen gehandelt?
G
Leich neben den obvermelten Hauffen erhube sich im Za- bergaw/ vngefaͤhrlich vmb den Sontag
Quasimodoge-
niti
Deß Bawrenkriegs.
niti
ein newer Hauffen/ vnnd waren Hans Wunderer/ mit sampt Zeckeln/ das ist Ezechieln von Beckingen/ welche beyde das Spiel derends erweckten/ jhre Hauptmaͤnner/ zogen/ als sie sich etwas gemehrt hatten/ fuͤr der Teutschen Herꝛen jhr Schloß Stecksperg/ welches mit Gut vnnd anderm wol ge- spickt war/ nicht weit von Brackenheim am Hechelberg gele- gen/ Eroberten dasselbige ohne sondere noth/ dann es wolt kein Hauß wie gut es auch war/ allein der Verꝛaͤhterey halben vn- der den Bawern halten/ pluͤnderten dasselbig/ stecktens dar- nach in Brand/ strebten darnach von dannen/ Vnnd als der Muͤnchhoff der dingen von den jhrigen auch eingenommen/ gepluͤndert vnd in Brandt gesteckt/ ruͤckten sie fuͤr das Kloster Maulbrunn/ namen dasselbig in jhren Gewalt/ Vnnd als sie allen vollen Halß an Proviant/ Essenspeiß/ vnnd anderer not- turfft darinn hatten/ bliben sie etliche Tag daselbsten still ligen/ prasten vnnd schlempten zum dicksten zu/ hatten ein leichten Muth/ liessen das Voͤgelein sorgen/ forderten in mittels zu vielmals mit hohem Ernst/ vnnd erschroͤcklichen Trauworten an die von Brettheim/ jhnen die gesagte Kauffmanns Guͤter zuzustellen/ oder dieselben selbsten einzunehmen/ vnnd sie in die Statt zu lassen/ Nach dem jhnen aber solche Guͤter/ vber viel- faltiges erfordern Churfuͤrstl. Gn. ernstliches abhaltens/ vnnd vieler deßwegen abgangener Schreiben halber/ so den Burgern zu Brettheim desselben halben ohne vnderlaß zugeschickt wur- den/ nicht gedeyen wolten/ vnd sie nun mehr im Kloster Maul- brunn sauber außgefegt/ alles gepluͤndert vnd verwuͤst hatten/ haben sie von jhrem fuͤrnehmen gegen die Brettheimer abgelas- sen/ vnnd einen grossen Hauffen der sich vmb Batmar in Schwaben versamlet hat/ zugezogen/ mit demselbigen sampt dem Schwartzwaldischen Hauffen/ nach dem sie alle zusam- men gestossen/ haben sie mehrentheils alle Schloß/ Staͤtt vnd
E ij
Flecken/
Beschreibung
Flecken/ deß gantzen Fuͤrstenthumbs Wuͤrtenberg/ Tuͤbingen Schloß vnd Statt/ (außgenommen den Asperg) erobert vnd eingenommen/ Deßgleichen alle darinn ligende Kloͤster/ in- sonderheit Lorch im Rembßthal vnnd Adelberg/ Jtem das Schloß Hohenstauffen/ sampt viel andern Adelichen Haͤu- sern gepluͤndert/ verwuͤst/ vnnd den mehrentheil in Brand ge- steckt/ vnd also jhres gefallens/ an allen Orten zu herschen vnd vnderstanden.
Das 28. Cap. Welcher massen die Bruraͤinischen Bawren die Kauffmanns Guͤter zu Brettheim er. fordert?
E
S hat der Bruraͤinisch Hauffe/ neben jetztgemeldten Zabergauwischen Hauffen versamblung auch gar nicht gefeyret/ sonder obernannte Kauffmannsguͤter zu Brett- heim erfordert/ laut dieser Schrifft/ so sie an Schultheissen Gericht vnnd gantze Gemeine daselbsten gethan/ deß Jnhalts. Liebe Bruͤder vnnd Freund/ Vns langt glaublich an/ wie ein grosse Versamblung vorhanden/ deß Willens/ euch/ wegen der Franckfurter Wahr/ so jhr bey euch habt/ gewaltig zu vber- ziehen/ da wir je die nechsten Nachbawrn/ mit denen jhr billich Bruͤderschafft halten vnd leisten sollet/ Begehren derohalben ob es sich zum ernst derselben Sach schicken moͤcht/ jhr mit vns vnnd wir mit euch die Sach außrichten lasset/ hoffen wir so starck als jhr zu ziehen/ auff das wir mit einander die Beuth/ von derentwegen andere auff euch dringen/ vnder vns behalten moͤgen. Das haben wir euch Nachbarlich Bruͤderlicher mei- nung wollen eroͤffnen. Aber wie etliche raͤudige Schaf in Brettheim/ die vielleicht/ wann es an jhnen gestanden/ der
Bawren
Deß Bawrenkriegs.
Bawren begehren williglich gefolgt hetten/ ward jhnen doch solches auff deß Churfuͤrsten abmahnen/ vnd der andern hierzu verordneten Auffseher/ welche jhres Herꝛen Gebott vnd Man- daten mehr gehorsamblich vnd getrewlich in acht hatten/ nicht verstattet.
D
as 29. Cap. Vom Bawrenhauffen im Elsaß.
D
Emnach nun die ermeldte Articul der Bawren Frey- heit belangend/ allenthalben außgebreitet worden wa- ren/ entstund nicht der geringste auffruͤhrische Baw- renhauff im Elsaß in der Osterwochen/ welche sich anfangs auff 1100. starck versamblet/ die Kloͤster hin vnnd wieder einge- nommen/ gepluͤndert/ zerꝛissen vnnd verwuͤst/ gestalt jhres glei- chen Hauffen allenthalben gethan/ sonderlich aber das Kloster Altorff/ sampt andern angelegenen Orten mehr/ auch lieffen sie zusammen im Krummen Elsaß/ vmb Ringerdorff vnnd Pfaffenhoven/ zogen zu hauffen/ mehrten sich von Tag zu Tag auß allen vmbligenden Aemptern/ Herꝛschafften/ Fle- cken vnd Doͤrffern/ namen beyde Kloͤster Newenburg vnd S. Waldburg im Hagenawer Forst gelegen/ zu jhren Handen/ pluͤnderten vnd verwuͤsteten dieselben nach jhrem Muthwillen/ hielten redlichen spaß vnnd fraß/ darinnen war Koͤnig Artus Hoff/ vnd maͤnniglich kostfrey/ Deßgleichen handelten sie mit beyden Frawenkloͤstern Koͤnigspruck vñ Liebelt/ thaͤten sich her- nach fuͤr den Forst her ab gegen Surberg/ daselbsten sie ebenmes- sig den Stifftsherꝛn in die Haͤuser gefallen/ dieselben gepluͤn- dert vnd verwuͤst/ forderten darneben alle vmbligende Doͤrffer/ vnd zeigten jhn alle gelegenheit gemeiner Bawrenschafft/ wel- che in dreyen Hauffen zu Aldorff/ zu Rocksfeld vnnd Newen-
E iij
burg
Beschꝛeibung
burg lagen/ vertroͤsteten die erforderten Dorffschafften/ steck- ten jhnen ein Muth ein/ daß sie vber die 20000. starck waren.
Das 30. Cap. Wie Elsaßzabern eingenommen.
A
Ls sie nun nicht allein die Cloͤster/ die Geistlichen sondern auch die Weltlich Oberkeiten/ sie wehren Fuͤrsten/ Gra- fen/ Herꝛn oder vom Adel/ Jtem Schloͤsser/ Haͤuser/ Staͤtt/ Flecken/ Doͤrffer/ Haab vnnd Guͤter jhres gefallens gnugsamlich eingenommen/ zerꝛissen/ verwuͤst/ gepluͤndert/ vnd viel Muthwillens gestifft vnnd vollbracht hatten/ seind alle diese vorgemeldte Versamblungen mit einem Hauffen/ an die 30000. starck/ fuͤr Elsaßzabern/ alda etwann ein Bischoff von Straßburg Hoff gehalten/ vnd sein Residentz gehabt/ ge- zogen/ dieselbe Statt/ als man sie auff schlecht aufforderung eingelassen/ eingenommen/ jhr Laͤger darinn vnd darfuͤr gehabt.
D
as 31. Cap. Wie der Hertzog von Lottringen solche Bawern geschlagen?
D
Jeweil dann auch deß Durchleuchtigen Hochgebor- nen Fuͤrsten vnd Herꝛn/ Herꝛn Anthonien/ Hertzogen zu Lottringen vnd Calabrien/ ꝛc. Vnderthanen an der Sare/ vnnd daselbsten vmbhero/ sich auch in dergleichen Em- poͤrung begeben/ in das Kloster Herberßheim gefallen/ vnd das- selbig gepluͤnderthatten/ bewarb sich seine Fuͤrstl. Gn. eylends zu Roß vnd Fuß/ auch kamen seiner Gn. viel Teutsche Gra- fen/ Herꝛn vnnd vom Adel/ die dem Hertzogthumb gesessen vnd sonsten zu Diensten waren/ bracht also in kurtzem/ nebem
dem
Deß Bawrenkriegs.
dem Landvolck so nicht rebellisch war/ vngefehrlich sampt den Niederlaͤndischen Fußknechten an 5. oder 6000. neben eim gu- ten treffentlichen Raisigen Zeug/ an die 14. oder 1500. Pferd zusammen/ oder wie etliche dafuͤr halten/ vber 2000. Reuter/ darunder 200. Kuͤrisser gewesen/ auch viel Frantzosen/ schickt sich bald zum Heerzug/ Vnd dieweil seiner Fuͤrstl. Gn. auff- ruͤhrische Bawern von Halberßheim sich herausser nacher El- saßzabern begeben/ vnd zu demselben Haufen geschlagen/ ist sein Fuͤrstl. Gn. zum nechsten zu/ mit dem Heer vor Elsaß- zabern geruckt/ die Bawern darinnen belegert/ vnnd als der Hertzog mit den Bawern in der Handlung vnd Tractation ge- standen/ kam sein Kriegßvolck von vugefehr in ein hauffen Bawern vngefehrlich an die 6000. welche jhren Bruͤdern in der Statt Zaubern zuziehen wolten/ als sie aber der Hertzogi- schen gewahr worden/ zogen sie zu ruͤck in ein Dorff/ Luͤpff- stein genannt/ da ruckt deß Hertzogen Kriegßvolck zu jhnen hinein/ zuͤndten das Dorff an/ vnnd erwuͤrgten diese Bawern allzumal/ Darnach gleich deß andern Tags am Mittwoch nach dem Sontag
Cantate,
ward die Statt vnd Schloß El- saßzabern erobert vnd eingenommen/ auff der Bawern vnnd Burgerschafft Seiten (deren wenig vberblieben) bey 2000. Mann erstochen vnnd erwuͤꝛgt/ die Statt Zabern vom Krigß- volck allerdings gepluͤndert vnnd darinnen vbermaͤssiges gros-
ses Gutt gefunden/ auch etliche schoͤne Weiber vnd Jung- frawen im Auffbrechen/ von den Lottring- schen hinweg gefuͤhrt wor- den.
Das
Beschreibung
Das 32. Cap. Deß Kleebergischen Hauffens Handlung.
Y
Vn hat sich kurtz darfuͤr/ als der geschlagen Hauffen Bawern noch im Kloster Newberg gelegen/ ein Leicht- fertiger Burger von Weissenburg der Bachus ge- nannt/ hinauff zu diesem Hauffen gethan/ da er aber kein sonderlich ansehen bey jhnen hat/ vnd nicht groß gehalten ward/ zog er wieder herab in das Kleeberger Ampt/ henckt ein faule Rott an sich an die 200. Personen/ mit denen erꝛegt er ein new- en Hauffen/ versamblet denselben auff dem Schweinfeldt/ ob- wendig Weissenburg/ waren mehrentheils Hertzog Ludwigs Grafen zu Veldentz Vnderthanen/ doch anderer Herꝛschaff- ten vnd Orten Vnderthanen auch darunder verfast/ der Klee- berger Hauff genannt/ zogen anfaͤnglich herab in die Doͤrffer Ried/ Sultz vnnd Schwighofen/ daselbsten trungen sie die Bawern in jhre Bruͤderschafft.
D
as 33. Cap. Wie dieser Hauffe gegen dem Probst von Weis- senburg gehandelt.
V
On dannen ruckten sie dem Probst von Weissenburg fuͤr sein Schloß St. Reim genannt/ am Preewald ge- legen/ nach dem man aber solch Hauß auff jhr auff for- dern/ so leichtlich vnnd geringfuegig nicht auff geben wolt/ son- dern die jenige/ so vom Probst darinn in Besatzung gelegt wor- den/ sich kecklich in die Gegenwehr stelten/ fingen die Bawern an/ dasselbig zu beschiessen/ vnnd noͤtigten es sehr hart/ zu wel- chem dann gemeine Burgerschafft zu Weissenburg/ die sampt etlich Bawern in der Statt in das Kloster gefallen/ dasselbig
gepluͤn-
Deß Bawrenkriegs.
gepluͤndert vnd verwuͤst hatten/ guten fleiß fuͤrgewendet/ tr
u
w- lich darzu geholffen/ vnnd jhr Geschuͤtz darzu gelihen/ wiewol diese im Schloß gerne das beste gethan hatten/ dasselbig auch ohne das etliche Tag auffgehalten/ wurden sie doch zu letzt ge- trungen/ als sie kein huͤlff oder rettung mehr haben moͤgen/ vmb sicherheit jhrer Leib vnd Haab vmb Philippi Jacobi vn- gefehrlichen herausser zu ziehen/ vnd das Schloß zu vbergeben/ welches die Bawern eingenommen/ vnd nach beschehener pluͤn- derung in Brandt gesteckt. Diesem nach seind die Bawren fuͤr Seltz/ den Pfaltzgraͤfischen Flecken gezogen/ vnnd als sie von Burgern ohne sondern wiederstand eingelassen worden/ haben sie die Stifftsherꝛen dermassen vberfallen/ jhnen durch jr Haͤu- ser gelauffen/ vnd jhr Haab vnnd Gut genommen/ daß sie des- sen nichtlachen doͤrffen. Darnach fuͤrobaß geruͤckt/ dem Ed- len vnd Vesten Friederich von Fleckenstein/ welcher damals von Churfuͤrstl. Pfaltz wegen/ bey dem Bundischen Heer war/ sein Schloß Stedern/ allernegst bey Seltz gelegen/ eingenom- men/ am selben Orth dann noch ein hauffen Bawern/ der Kolbenhauffen genannt/ zu jhnen kommen/ vnd darzu geholf- fen/ daß Schloß gepluͤndert vnd verwuͤstet/ darinnen viel schoͤ- ne Sachen/ als Kleynodien/ Geldt/ Kleyder/ Haußrath/ Pro- viant vnd anders gefunden/ Nach dem sie aber dem Hauffen zu Elsaßzabern/ auff deß Hauffens ansuchen vnnd entbieten/ wieder Hochgedachten Hertzogen von Lottringen beystand zu thun in willens waren/ brachen sie zu Roͤdern eylends auff/ vnd wendten sich gen Zabern zu/ Als sie aber biß gen Bußweiler kommen/ ward jhnen kund gethan/ wie das der Hertzog von Lottringen die Bawern zu Elsaßzabern mehrentheils all er- schlagen/ vnnd auffs Haupt gelegt hatte. Da entfiel jhnen das Hertz/ zogen eylends wider fluͤchtig hindersich zu ruͤck/ wolten der Backenstreich/ wie frewdig sie zuvor gewesen/ nicht
F
erwar-
Beschreibung
erwarten/ trennten sich von einander/ vnnd war ein jeder an- heimbs zu ziehen begierig.
Das 34. Cap. Deß Kolbenhauffens handlung.
S
Olcher gemeldt Kolbenhauffe hat sich vngefehrlich vmb den Sontag
Misericordia Domini
im Waß- gawerhaben/ vnd im Kloster Sturtzelbrunn versamb- let/ welches sie eingenommen/ zerꝛissen vnnd verwuͤst haben/ Von dannen dem Wolgebornen Grafen Emichen von Ley- ningen/ dem Eltern/ fuͤr zwey Haͤuser/ Grafenstein vnnd Lin- denborn/ gezogen/ diese beyde erobert/ gepluͤndert vnd in brandt gesteckt/ deßgleichen das Schloß Landeck/ im Waßgaw gele- gen/ zum theil Churfuͤrstl. Pfaltz zustaͤndig/ ruͤckten weiter herab/ namen das Schloß Rammenberg ein/ den Dalber gern zustaͤndig/ ruͤckten nachmals Albrechten von Pack fuͤr sein Schloß Elmstein/ am Gebuͤrg hinder der Newstatt gelegen/ brachten dasselbig in jhren Gewalt/ pluͤnderten vnnd stecktens in Brandt/ was sie guts darinn funden alles mitgenommen/ wendten sich hernacher wider hinauff gehn Anweiler/ namen dasselbig sampt dem Flecken Bergzabern ein/ kamen darauff wie obgemeldt/ zum Kleeberger Hauffen gen Roͤdern/ bey wel-
chem sie ein weil blieben/ vnd darnach/ als sie die Schlacht zu Elsaßzabern vernommen/ seind sie mit dem Kleebergischen zertrennt wor- den.
Das
Deß Bawrenkriegs.
D
as 35. Cap. Wie der Hertzog von Lottringen noch ein hauffen Bawern zu Scherweller geschlagen?
Y
Ach vollendung deß Handels zu Elsaßzabern/ ward Hochgedachter Hertzog Anthonius von Lottringen wiederumb anheimb zu ziehen in willens/ vnd als er ein Tag oder zween zu Zabern außgeruhet hat/ namb er den Zug auff Scherweyler/ im Weyler Thal/ im Elsaß gelegen/ mit den seinen zu/ Da er nun mit dem Krigßvolck in die naͤhe gehn Dambach kam/ ward jhme kund gethan/ das ein hauffen Bawern/ so vom Kesterholtz vom Gebirg herab gezogen/ vorhanden wehre/ Deßgleichen noch ein Hauff/ der von Schletstatt herausser kommen/ vnnd bey Scheerweyler zu- sammen gestossen/ waren beyde auff die 16000. starck/ diesel- ben liesse er besichtigen/ vnd nach kurtzem bedacht eylends zu Roß vnd Fuß/ Mannlich angriffen/ Da wurden solcher bey 5. oder 6000. erschlagen/ die vbrigen/ dieweil die dunckele Nacht so ploͤtzlich eingefallen/ fluͤchtig entrunnen/ Dann ehe die Schlacht recht angefangen/ war die Nacht schon fuͤr Augen/ vnnd wolten die Lottringschen zum Handel sehen/ musten sie das Dorff Scheerweyler anstossen/ vnd sich deß Glasts vom Fewer behelffen/ Darauff der Hertzog das
Nachtlaͤger daselbsten vmbhero genommen/ deß andern Tags mit dem Heer auffgebrochen/ vnd wie- derumb heim in Lottringen ge- zogen.
F ij
Das
Beschreibung
D
as 36. Cap. Wie diß schaͤndlich Vbel in die Pfaltz kommen.
E
S begab sich in einem Dorff/ bey Landaw gelegen/ Nußdorff genannt/ am Sontag
Quasimodogeniti,
daß alter gewonheit nach/ Kirchweyhe darinn gehalten ward/ vnnd mehrentheils von den vmbligenden benachbarten Orten besucht worden/ haben sich etliche leichtfertige Knaben mit einem Gesprech zusammen verpflichtet/ in meinung ein newen Hauffen auffzuwerffen/ Versambleten sich in der Nacht/ bey dem Muͤnchhoff Geylweiler/ auff einem Berg/ von demselben raubten sie in die vmbligende Doͤrffer/ vberfie- len andere Bauern/ weckten sie in den Betten auff/ vnd beredten jhr viel das sie zu jhnen/ jhr fuͤrhabende Buͤberey vnd Anschlag zu volbringen/ gelobten/ Mehrten sich dieselbe Nacht dermas- sen/ das jhꝛ am folgenden Morgen an 100. bey einander kamen/ Deß endtlichen fuͤrnemmens/ in das Sibelthinger Thal zu ziehen/ dieselben auffzuwegen/ vñ also ein Hauffen zu machen/ Solches war dem Edlen vnd Vesten/ Jacoben von Flecken- stein/ dißmal Fauth zu Germerßheim (vnder dessen Ampt die- se Gesellen gehoͤrten) in der Nacht eylends zu wissen ge- macht/ derselb macht sich gleich ohne saumseeligkeit auff/ vnd zu den Amptknechten in das Sibeltinger Thal/ redt so viel mit denselben seinen Amptsdienern/ das sie bewilligten vnnd zusagten mit jhme zu ziehen/ vnd die Auffruͤhrischen Versam- lungen trennen helffen/ so bald aber die versambleten Bawern deß Fauths Ankunfft vnd sein Fuͤhrnemen gewar worden/ ha- ben sie sich getrennt vnd die Flucht geben/ Da ritt gedachter Fauth wiederumb anheimb/ vnnd blieben die ding also biß auff 8. Tage anstehen/ der zuversicht/ sie solten auff jhres Fauts
getrew-
Deß Bawrenkriegs.
getrewliches ermahnliches erinnern vnnd warnen/ so er fuͤr sei- nem Abschied gegen jhnen aller muͤglichst fleiß gethan/ jr Eyd/ Ehr/ Trew/ Pflicht vnd selbst eygen Wolfahrt besser bedacht/ vnd sich in kein weiterung begeben haben: Aber was geschach? So bald der guthertzige Juncker Fauth den Ruͤcken gekehrt/ vnd von dannen kommen/ kondten sie jedoch jhr Eydvergessene lose Tuͤck nicht lassen/ sondern versambleten sich wieder in die- selbige Orth etliche Rott Bawern/ die fielen ins Stifft Klin- genmuͤnster/ deßgleichen in das Kloster Herdt/ in das Johan- niter Hauß Heimbach/ vnd in den Muͤnchhoff Metteßheim/ namen Korn/ Wein/ Vieh vnd Essenspeiß darauß/ vnd lebten im Sauß.
Das 37. Cap. Wie sich der recht Hauff zu Geylweiler ver- samblet gehabt?
I
N demselbigen/ als der Kolbenhauffen den Flecken An- weiler obgeschriebener massen eingenommen gehabt/ da haben die Bawren auß den Newkastler/ Magdenbur- ger vnnd Kirbweiler Aemptern/ deßgleichen im Sibelthinger Thal zusammen gethan vnnd sich versamblet/ im schein/ als wann sie ernandtem Kolbenhauffen wiederstand thun/ vnnd demselben nicht gestatten wolten/ vber sie/ noch andere Benach- barte/ weiters heruͤber zu ziehen/ kommen also im Muͤnchhoff Geilweyler zusammen/ Nach dem sie sich nun daselbsten zimb- lich gesterckt hatten/ vnnd beduncken liessen/ sie wehren nun- mehr wol gefast/ verwandelten sie jhr Gemuͤth/ hielten jhr Wort nicht/ zogen nichts desto weniger vber jhre Nachbarn/ in meinung/ sie auff zubringen/ oder sie zu betruͤben/ war jhnen niemand entgegen noch anzutreffen/ weil sie fast alle vber einen
F iij
Leist
Beschreibung
Leist gebachen/ mahneten also zum vberfluß alle Bawern in den vmbligenden Aemptern auff/ vnnd als sie mehrgemeldten Hoff Geilweyler/ wie auch das Kloster Eussersthal gepluͤn- dert/ zerꝛissen/ vnd allerdings verwuͤst hatten/ seind sie von dan- nen gehn Bechingen gezogen/ Rudolffen von Zeißkeim zu- staͤndig/ daselbsten in sein Schloß gefallen/ dasselbig gepluͤn- dert/ viel Guts darinn bekommen/ darnach in Brandt ge- steckt/ Deßgleichen Hansen von Dalberg sein Schloß am Gebirg/ Krobsberg genannt/ eingenommen/ dasselbig gepluͤn- dert/ besetzt/ vnd darnach sich gehn Heylbrucken gelegert/ darinn das Frawenkloster zu grund gepluͤndert/ vnnd im Brandt na- cher Himmel fahren lassen/ Auch haben sie an diesem Ort et- liche Rotten der jhren/ in die Speyerische Schloͤsser/ Odeß- heim/ Kastenburg/ ꝛc. einzunemmen/ zu pluͤndern vnnd zu be- setzen geschickt vnd abgefertiget/ Aber zu Kirbweiler (welches alles nahe bey einander gelegen) etliche Beuten vnnd Proviant zum halben theil ligen lassen/ sich daselbsten noch besser gesterckt vnd vber zween Tag auffgebrochen.
Das 38. Cap. Wie dieser Hauffe die Statt Newstatt an der Hardt eingenommen?
V
Nd mit dem gantzen Hauffen in einem Heer hinab gen Wintzingen gezogen/ außwendig der Newstatt/ da- selbsten auff dem Viehberg/ gegen der Statt auff- werts/ haben sie jhr Laͤger gehabt/ die Statt am Sontag nach
Misericordia Domini,
mit vielen Trewworten auffgefor- dert/ Darnach vmb 3. Vhr gegen dem Abend darfuͤr geruckt/ durch welches die kleinmuͤtige Burgerschafft die Statt auff ein blosses Schreckwort den Bawern/ am folgenden Son-
tag
Deß Bawrenkriegs.
tag
Jubilate
nach dem Mittags Jmbiß vmb 12. Vhren/ v- bergeben/ haben dieselbe eingenommen/ Der Bawern Haupt- leuth vnd Fuͤrnembste auß dem Hauffen/ sich darein gelaͤgert/ den Landschreiber dißmal in Eyd vnd Geluͤbd genommen/ da- mit sie desto sicherer seyn moͤchten/ Vnnd wiewol der Pfaltz- graf diese Burger/ in so wol befestigter Statt/ gantz Vaͤtter- lich vnnd trewlich vor solcher loser/ leichtfertiger/ Ehrvergesse- ner Rott verwarnet/ vnnd zu allem Ehrbarn billichmaͤssigem Wesen vermahnet/ so hat es doch nicht verfangen noch vertra- gen wollen/ dessen sie sich billich zu schaͤmen haben/ daß sie sich so leichtlich/ durch diß vngeschickt Volck/ abschrecken lassen.
D
as 39. Cap. Wie sich der Hauffen auffm Gaw erhoben.
A
Lso hat sich gleicher meynung vnd vornemmens/ ein Rott Leiningischer Bawern zu Bockenheim/ anfencklich auff 300. vngefehrlich versamblet/ zu denselben lieffen etliche boͤse Kinder von Pfederßheim/ bewegten die nechsten vmbligen- de Orth/ vnd andere Leuth zu jhnen/ mit erfordern vnnd trin- gen der Geluͤbt/ oder sonsten mit Trauworten/ wie sie kundten vnd mochten/ zogen von Dorff zu Dorff/ bey Worms gele- gen/ vberfielen vnnd pluͤnderten das Frawenkloster zu Hoch- heim/ das Kloster Libenaw allernechst darbey/ zogen fuͤrters in das Stifft Newhausen/ Da theilten sie auch mit den Stiffts- herꝛn ab/ vnd verbruͤederten sich zween
Canonici,
einer Phi- lips Schenckel von Mergentheim/ der ander Sixt Mayer genannt/ zu jhnen/ zogen mit. Von dannen ruckten sie fuͤr Herꝛnßheim den Flecken/ den Edelleuten von Dalberg zustaͤn- dig/ daselbst wurden sie ohn alle Gegenwehr eingelassen/ trun- gen deroselben bey 40. mitzuziehen/ auch etliche Hacken zu
leyhen/
Beschꝛeibung
leyhen/ die vbrigen alle namen sie in jhre Verbruͤderung/ zogen fuͤrobaß in ein groß Dorff/ Osthofen/ naher Oppenheim zu gelegen/ Pfaltzgraͤfischen Gebiets/ daselbsten sterckten sie sich zum besten als sie kundten/ brachen den Dombherꝛen jhꝛe Haͤu- ser ab/ zwangen etliche vmbligende Dorff/ als Hammen/ Eych vnd andere mehr mit jhnen zu ziehen/ begaben sich dar- nach gen Bechtheim/ in ein Leiningisch Dorff/ uͤbten jren wil- len/ von dañen ruͤckten sie gen Westhoven/ ein sehr schoͤner nutz- barlicher Fleck/ dißmaldem Pfaltzgraven vnd der Herꝛschafft Reipoltzkirchen zustaͤndig/ namen denselben ein/ brachten die einwohnende Burger zu jhrer Bruͤderschafft/ bedurff keins zwangs/ Jn Summa/ die Bawerschafft ins gemein waren fast alle eines Sinns/ vnd vber einen Leist geschlagen.
Das 40. Cap. Deß Pfaltzgraͤfischen Marschalcks handlung/ ge- gen den Bawren zu Westhoven.
N
Ach dem der Edel vnd Vest/ Wilhelm von Haabern/ Pfaltz graͤfischer Marschalck eben der Zeit von Chur- fuͤrstl. Pfaltz mit 300. Raisigen Pferden vnnd 500. Fußknechten/ in das Ampt Altzen/ zu desselben beschirmung/ auch die vbrigen Vnderthanen vor weiterm Vnfall zu erhal- ten/ abgeordnet worden/ vnd dieser losen Bawern innen ward/ hater sich mit gemeldtem Raisigen Zeug vnnd dem Fußvolck/ auff Westhoven zugewandt/ alsbald die Bauern solches ver- nommen/ seind sie auff 3000. starck auß dem Flecken ins Feld gezogen/ sich in die Schlachtordnung gestellt/ vnnd ein Win- gertberg/ allernechst obwendig dem Flecken/ zu jhrem Vor- theil eingenommen/ da hat wegen dieses Vortheils gemeldter Marschalck/ ohne mercklichen Abbruch der seinen/ (wiewoler
deß
Deß Bawrenkriegs.
deß Handels begierig) nicht wol mit jhnen treffen koͤnnen/ doch ließ er sein Feldtgeschuͤtz so viel er bey jhme hatte/ zum dritten mahl in der Bawrenordnung abgehn/ Als nun die Bawren ein solches zimlicher massen befunden/ wolten sie deß Mar- schalcks klopffen laͤnger nicht erwarten/ gaben die Flucht wie- der in Flecken/ Nach dem aber die Nacht vor Augen/ kont der Marschalck nichts besonders gegen jhnen mehr handeln/ ohn allein daß der Bawren in der Flucht an 60. erstochen vnd nie- dergelegt worden seind.
Das 41. Cap. Wie solche Bawren geflohen/ vnd einem an- dern Hauffen bey der Newstatt zugezogen seind.
D
Jßmal in der Nacht/ machten sich die gemeldte Baw- ren all fluͤchtig davon/ gegen dem Gebuͤrg zu/ mehr- ten sich vnder Wegen/ zogen dem Obernhauffen bey der Newstatt zu/ namen Wachenheim den Pfaltzgraͤfischen Flecken ein/ blieben daselbsten still ligen/ machten jhꝛ Verbuͤnd- nuß mit dem bey: vnd angelegenen Hauffen/ vnderliessen nit/ alle Doͤrffer daselbsten vmbhero/ die jhnen gelegen waren/ zu- erfordern vnd an sich zu ziehen/ Dißmal ward auch Limburg das Aptey Schloß auffm Berg/ vnderhalb Wachenheim ge-
legen/ (wie die
vestigia
vnd vberbliebne Gemaͤur noch zur zeit weisen) eingenommen vnd gepluͤn- dert.
G
Das
Beschreibung
Das 42. Cap. Welcher massen der Pfaltzgraff sich mit diesen bey- den Hauffen vertragen.
A
Ls nun die ding allenthalben in: vnnd ausserhalb/ rings herum̃ vmb das Fuͤrstenthum̃/ sich so erschꝛoͤcklich/ graw- sam vnd hefftig begeben vnd zugetragen/ ward auß aller- hand bewegnussen/ besonder weil man geneigt war/ die Vnder- thanen durch die Guͤte/ dann durch den Ernst vnd Gewalttha- ten zu stillen/ auch das Christen Blut zu vergiessen als viel moͤglich/ zu verschonen/ Jst Pfaltzgraff Ludwig durch die Burgerschafft in der Newstatt/ (ohneracht jhres abfallens) verursacht worden/ gegen dem Hauffen zu Wintzingen guͤtli- che Gesprech vnd Vnderhandlung zu werben/ vnd vorzuschla- gen/ welche auch also von gemeinem Raht deß andern Gawi- schen Hauffens Hauptleuten vnd Vorstehern zugelassen/ ver- statt vnd bewilligt worden/ Nemblich also/ das sein Churfuͤrstl. Gn. sampt dero Raͤth/ am Mittwoch nach
Jubilate
Mor- gens zu rechter Tagzeit bey Forst dem Dorff/ im Feld selbst eigner Persohn/ doch nicht staͤrcker dann 30. Pferden erschei- nen solt/ darauff sie seiner Churfuͤrstl. Gn. ein sicher Geleit zugeschrieben/ deßgleichen sie auch ein sicher Geleit begehrten/ welches bewilliget vnd angenommen worden. Auff solch zu- schreiben verfuͤgt sich der Churfuͤrst erzehlter massen auff be- stimbte Malstatt/ dahin kamen vnd erschienen auch die Baw- ren Haupt leuth/ mit sampt eim Außschuß etlicher zugeorden- ten von gemeiner Bawerschafft/ Als sie nun sein Churfuͤrstl. Gn. empfangen/ vnd der Sach ein Anfang gemacht hatten/ kamen beyde Hauffen auch in der Ordnung herzu geruͤckt/ lies- sen die Fetzen fliegen/ vnd sich beschawen/ Da ist nach langer
Hand-
Deß Bawrenkriegs.
Handlung ein Theidigung troffen/ schluß vnnd bescheid ge- macht/ welcher von beyden Hauffen angenommen/ bewilliget/ zugesagt/ gelobt vnnd versprochen worden/ als nemblichen: Daß sie die Bawrenschafft alsbald von einander ziehen/ vnnd ein jeder anheimb verfuͤgen/ die eingenommene Staͤtt/ Schloͤs- ser vnd Flecken raumen/ dieselbe denen so sie zustaͤndig/ einant- worten/ zustellen/ fuͤrters nichts darinn nemen/ noch daraus- ser thun. Darzu gegen jhr Churfuͤrstl. Gn. den jhꝛen vnnd sei- ner Gn. Schirmverwandten in vngutem nichts weiters fuͤr- nemen noch handeln solten. Nach solcher wolbedachter Abred vnd Theidigung zogen gegen dem Abend beyde Hauffen wie- der ab/ ein jeder in sein Laͤger/ waren an die 8000. starck/ vnnd ritt jhr Churfuͤrstl. Gn. neben der Burgerschafft/ welche in der Ordnung ging/ wieder in die Newstatt. Darauff ward jhr Churfuͤrstl. Gn. nicht voller Glauben gehalten/ sondern deß andern folgenden Tags kamen beyder Bawren Hauffen Hauptleut wiederumb zu jhr Churfuͤrstl. Gn. endtlich zu be- schliessen/ wann der angekuͤndte Landtag/ vnnd an welchem Orth oder Malstatt derselbig soll gehalten werden/ Dieselbi- gen Bawern Fuͤrgaͤnger/ ließ sein Churfuͤrstl. Gn. zum Es sen beruffen/ namen darnach jhren Abschied vnnd fuͤgten sich wieder anheimb gen Heydelberg/ theten solchen Landtag als- bald im gantzen Fuͤrstenthumb außschreiben/ auch seiner
Churfuͤrstl. Gn. Ritterschafft/ Amptleuten vnnd gantzem Kriegßvolck verkuͤnden/ nichts weiters in zwi- schen zu uͤben noch zu hand- len.
G ij
Das
Beschreibung
Das 43. Cap. Wie Pfaff Eysenhuet ein Hauffen bey Gochs- heim versamblet?
V
Nter dessen vmb den Sontag
Jubilate
vngefehrlich/ hat ein leichtfertiger Pfaff zu Eppingen so auff dem Kreichgaw befreundt gewesen Anthonius Eysenhuet genannt/ ein newen Lermen zu erwecken fuͤrgenommen/ warff sich auff fuͤr ein Hauptmann/ hieng etlich liderlich Gesindlein an sich/ die forderten andere Anstoͤsser so Muͤndlich so Schrifftlich/ Welche Außschreiben mit mehr gifftigerm/ hi- tzigerm Ernst/ dann fast alle andere Hauffen gethan/ gespickt waren/ vnd zum theil also auff diesen
Tenor
gestellt. Gedult vnd Demuth/ Bestaͤndigkeit in vnserm Heyland JEsu Chri- sto wuͤnschen wir euch in allen anligenden Noͤhten/ zuvor an lie- be Bruͤder/ Jhr wisset das wir biß dahero/ schwerlich hinder vnser Herꝛschaffts Amptleuten/ deß gleichen bey Moͤnchen vnd Pfaffen gesessen haben/ doch ist es letztlich an Tag kom- men jhre Haͤndel die sie gebraucht haben/ Gott sey gelobt/ Darumb ermahne ich euch auffs allerhoͤchst das jhr von stund an/ mit allen ewren Mitbruͤdern/ alhie zu Gochsheim ankom- men vnnd erscheinen wollet/ sampt einem Wagen/ damit das Evangelium vnnd die Gerechtigkeit ein fortgang vberkomme. Da jhr aber nicht kommen werdet/ so wil ich sampt meinen Mitbruͤdern zu euch kommen/ das sollet jhr euch gegen mir troͤstlich versehen/ ꝛc. Vnderschrieb also seinen Namen/ An- thonius Eysenhuet/ Hauptmann. Erweckt solch Spiel/ nach dem vnnd als er mit einer Rott Bawren vom Wuͤr- tenbergischen Hauffen zu demmal in Stuttgarten abgezogen war. Nach dem er nun die Jnwohner im Flecken Gochßheim
auff
Deß Bawrenkriegs.
auff dem Kraichgaw/ dem Grafen von Eberstein zustaͤndig/ zu seinem vorhaben bewegt/ Also/ das er sein Lager bey jhnen gehalten/ bracht er hernach in kurtzem an 200. Mann zusam- men/ macht ein besondern eignen Hauffen/ auch war der Ge- mein Burgermeister im Pfaltzgraͤfischen Flecken Hilspach/ Christoff Haffner genannt/ am Abend verschienen Sontags/ mit 13. oder 14. Gesellen zum Thor hinauß gangen/ zwang alle die jhm begegneten zum Geluͤbt/ ein Christlicher Mitbru- der zu seyn/ zogen also dem Eysenhuet zu/ Vnder dessen ha- ben die zu Gochßheim die Edelleuth zu Mentzingen vberfal- len/ jhnen jhꝛ Schloß gepluͤndert/ darnach zogermeldter Eysen- huet mit seinem Volck vnd auffgerecktem Fahnen fuͤr den Fle- cken Eppingen/ wurden daselbsten zur stund ohne einige noth nur auff schlechte aufffordrung eingelassen/ Darnach ruͤckt er fuͤr Heydelßheim die Statt/ so zwischen Bretten vnd Brus- sel gelegen/ die er auch solcher gestalt erobert/ nam ferner aller- hand Doͤrffer/ sie wehren Pfaltz/ der Edeln oder anderer Herꝛ- schafften in sein Gewalt/ deßgleichen den Flecken Hilspach/ darinn der Churfuͤrst ein new gebawt Kellerey hatte/ fingen den Keller/ pluͤnderten die Kellerey/ der Pfaffen vnnd Edelleut Haͤuser/ Von dannen zogen sie mit dem Hauffen/ der sich stets vnnd ohn vnderlaß mehret/ fuͤr den Flecken Suntzheim/ darbey oberhalb deß Bergs ein schoͤner Stifft gelegen/ daselb- sten wurden sie von den Burgern gleicher gestalt ohne beson- dern Wiederstand eingelassen/ fielen den Stifftsherꝛen in jhre Haͤuser/ schlugen die Fenster auß/ brachen die Haͤuser ab/ ver- wuͤsteten/ nahmen/ pluͤnderten alles was sie darinn funden/ blie- ben daselbsten etliche Tag still ligen/ dann sie zimblichen Tranck vnd Proviant in den Stifftshaͤusern funden/ vnder- wegen/ vnnd ehe sie zu Suntzheim ankommen/ steckten sie Hans Hypolito von Venningen sein Schloß/ der Steins-
G iij
berg
Beschreibung
berg/ sonsten der Compaß auff dem Kreichgaw genannt/ in Brandt/ welches Schloß zwischen Hilspach vnd Suntzheim gelegen/ ein schoͤn Hauß/ mit einer Cistern/ machten damit ein Lustfewer vnnd schrecken/ das allenthalben in der gantzen Revier rings herumb/ scheinbarlich zu sehen war/ dann dasselb Schloß lag auff einem weitsichtigen Berg/ den man sehr ferꝛn in dem gantzen Brurain fast wol sehen koͤnnen.
Das 44. Cap. Wie sich der Pfaltzgraf mit diesem Hauffen auch vertragen?
B
Egenwaͤrtigen als auch weitern Abfall der Vndertha- nen zu verhuͤten/ vnderstund der Churfuͤrst abermahl ein mildte Bahn zu gehen/ vnd lieber die Guͤte dann den Ernst/ wann es nur helffen wolt/ scheinen vnd leuchten zu las- sen. Ersucht derohalben ermeldten Eysenhuetischen Hauf- fen durch ein Schrifft/ mit einverleibtem Erbieten/ woferꝛn sie ab jhr Churfuͤrstl. Gn. ein Beschwernuß truͤgen/ wolt sie jh- re Raͤth/ doch auff gnugsamme vergleitung zu jhnen schicken/ von jhnen jhr Anligen zu vernemmen/ vnnd dann jhr Chur- fuͤrstl. Gn. die Gebuͤhr darauff zu erweisen. Dargegen schꝛieb obermeldter Anthonius Eysenhuet vnnd Thoman Reuß Hauptleuth/ sampt den Verordenten jhr Churfuͤrstl. Gn. auch ein meynung/ ernannten dem Churfuͤrsten Tag vnnd Malstatt/ aber vber 10. Pferd nicht zu schicken/ Darauff ward vom Churfuͤrsten der Wolgeborne Graf Philips von Nassaw/ Herꝛ zu Wießbaden/ sampt etlichen andern Raͤhten mehr/ zu den Bawren abgeordnet/ die erschienen bey den Hauptleuten/ vnnd dem Bawren Regiment auff bestimbter Malstatt/ vernamen der Bawren meynung/ thaͤtigten auff
ein
Deß Bawrenkriegs.
ein Abschied/ der ward an einem Montag/ nach dem ermeldte Raͤth inzwischen gesetzter Bawren meynung vmb nachrich- tung vnd ferꝛner
instruction/
wessen sie sich zu verhalten/ an Churfuͤrsten berichtet hatten/ so ferꝛn beschlossen/ daß sich die Bawren in mittels/ ohn laͤngern auffenthalt trennen/ von ein- ander ziehen/ vnnd zu ruhe begeben solten/ Es geschach aber von den Bawren nicht/ sondern trieben jhren Mutwillen fuͤr vnd fuͤr/ Vnangesehen/ sie auch jhr Churfuͤrstl. Gn. vnd dero Raͤhten/ ein frey sicher Geleyt zugeschrieben/ hielten sie es doch nicht? Sondern erzeigten sich gegen den Raͤhten mit trutzi- gen Gebaͤrden/ Worten vnd Wercken/ dermassen/ das sie die Raͤhte ein gantze Nacht/ in Gefahr Leibs vnnd Lebens gestan- den/ auch sich alle Stund vnd Augenblick anders nichts dann sterbens getroͤsten musten.
D
as 45. Cap. Wie fromme Bawren/ Ehr: vnd Trewlose Bawren im Lauterer Ampt nidergeworffen vnd be- zwungen haben?
I
N solchen beschwerlichen Faͤllen vnnd Zustaͤnden ward dem Churfuͤrsten ein Bottschafft gethan vnd damit ver- kuͤndt/ wie das sein Churfuͤrstl. Gn. noch etliche Redli- che Gemuͤhter seiner Vnderthanen hette/ Dann nach dem die Amptsverwandten zu Lauttern/ im Newstieler Ampt vnnd Fischbacher Pflege vmbgeschlagen vnd
visitirt,
hatten sich auff 1000. vnd mehr/ der Rottirenden Bawren versamblet/ zu welchen sich noch viel von dem zertrennten Kolbenhauffen ge- schlagen/ die vnderstunden jhren Hauffen durch Bitt/ bedraͤw- ung/ zwang vnnd betrang wie sie kondten/ auch vermahnlich/ Schrifftlich/ so wol auch Thaͤtlich zu vergroͤssern/ fielen in
die
Beschꝛeibung
die vmbligende Doͤrffer/ betrangten viel Bawren/ deßgleichen in die Kloͤster/ Otterburg vnd Fischbach/ schlembten vnnd praßten darinn/ beraupten/ verwuͤsteten vnd pluͤnderten diesel- ben/ rissen vor grossem Muthwillen viel Fischwaͤg (deren es in dieser Revier die mennig hatte) ein/ das man die Strassen nicht brauchen kundte/ verliessen sich auff den grossen Hauf- fen/ so obwendig im Land gelegen/ dann sie alle ein gleichlau- tende Practick vnd Verstand hatten/ ruͤckten fuͤr etlicher Edel- leuth Haͤuser/ vnder deren eins den von Hoheneck zustaͤndig/ welchs sie bald ohn einigen Widerstand eroberten/ zogen dar- nach fuͤr alt Scheel Odenbach/ Philipsen von Gundtheim zustaͤndig/ vermeinten dasselbig auch im ersten Anlauff zu ge- winnen/ wurden von gemeldtem Philipsen/ der eben zur Zeit einheimisch war/ dermassen abgewiesen/ daß sie von jhrem Fuͤrnemmen bald abgestanden/ zogen ab/ in willens sich besser zu stercken/ Vnd nach dem etlicher liederlicher geringer Bu- ben in der Statt Lauttern/ die auch gleiches schlags/ vnd auff- ruͤhrischen Willens waren/ meynung/ fuͤr solche Statt zu ruͤ- cken/ vnnd jhren Willen zu erlustieren. Aber was geschach? Als sie sich zuvorn hoͤren vnnd vernemmen lassen/ deßwegen auch zusammen geschworen hatten/ sie wolten jhre Nachbarn in den Gerichten Kobelberg/ Weilerspach/ Ramstein vnnd Steinwinden/ welche auff jhr erfordern vnd begehren/ nicht in jhr boͤß Tyrannisch vorhaben gehoͤllen noch bewilligen wol- ten/ sondern als fromme Ehrliebende Leuth/ jhr Pflicht vnnd Eyd vnverbruͤchlich zu halten/ bedacht waren/ vberziehen/ noͤ- tigen/ tringen oder gar verbrennen/ ꝛc. Da versamleten sich die- selben 4. Gericht/ an 4. oder 500. starck/ vnd nach dem sie ein zimbliche Huͤlff von den Amptleuten zu gewarten/ zogen sie obvermeldten jhren Feinden/ den Abtruͤnnigen/ Eydbruͤchigen/ Ehrlosen Bawren/ die sich bereit auff Weylerbach zugewandt
hatten/
Deß Bawrenkriegs.
hatten/ vnder augen/ sprachen dieselben Maͤnnlich an/ erinner- ten sie jhrer schandtlichen begangener mißhandlungen/ trun- gen sie entlich mit gewehrter hand dahin/ daß sie sich in jhres Herꝛen Pfaltzgraff Ludwigs Churfuͤrsten hand vnd gefaͤng- nuß begeben/ von der Hohenecker eingenommenen Behau- sung abtretten/ vnd jhrer Churfuͤrstl. Gn. wieder zustellen/ darzu alle Wehr/ auch was sie geraubet vnd gepluͤndert/ bey jhnen hatten/ solchen 4. Gerichten vnd Gemeinden liefern vnd vberantworten musten/ welcher Plunder folgendts all miteinander vom Churfuͤrsten/ der nit allein solcher handlung ein groß gefallens vnd frolockens getragen/ sonder mit gnaͤ- digster dancksagung vnd Fuͤrstlicher verehrung/ den getrewen Vnderthanen vberlassen vnd geschenckt ward.
Das 46. Cap. Wie sich die Bawern der gethanen abred vnd zu- sag so gar ohngemeß vnd zuwider verhalten.
A
Vff die vorgemelte handlung/ vnd gethane abrede/ so Pfaltzgraff Ludwig Churfuͤrst/ mit dem hauffen zu Wintzingen vnd Wachenheim gehabt vnd gehalten/ sich sein Churfuͤrstl. Gn. versehen/ sie wuͤrden jhrer gethanen zusag vnnd versprechen vnverwaigerlich nachkommen vnd von einander gezogen/ Seiner Churfuͤrstl. Gn. angehoͤrige verwanten ferꝛner ohnbetruͤbet/ sich anheimbs gethan/ vnd in ruhen gesessen haben. Es blieb aber vnderwegen/ dann sie erst nach der hand zwey Schloͤsser bey der Newstadt gepluͤn- dert/ Wolffsberg vnd Wintzingen geheissen/ die sie zuvor ein- genommen hatten/ deßgleichen Rupperßperg/ ein gut Was- serhauß/ dem Pfaltzgraͤffischen Hoffmeister vnd seinem Bru-
H
der
Beschreibung
der zugehoͤrig/ darinn sie viel Guts/ an Haußrath/ Wein/ Fruͤchten vnd anderm gefunden/ vnd es zu grund außgefegt/ Darzu dem Bischoff von Speyer sein Flecken Deyteßheim Jnngenommen/ vnd das Schloß darinn gepluͤndert. Nach solchem thet sich der Wachenheimer hauff wider hinunder auff den Gaw/ legerten jhr Regiment mit einer versamblung gen Newhausen/ So zogen die andern hauffen ohnzertrent fuͤr die Stadt Landaw/ vnderstunden dieselbe jhres gefallens zu trin- gen/ vnd der Geistlichen Guͤter herauß zu haben/ wurden aber in kurtzem durch der Jnnwohnenden Burgerschafft wider- stand vnd gegenwehr zum abzug/ doch auff etliche mittel ge- bracht. Als daß sie dem hauffen etlich Wein vnd Korn/ von der Geistlichen Guͤter zustellen solten/ Demselben nach/ namen sie Scharpfeneck/ den Grafen von Loͤwenstein zugehoͤrig Jnn/ nach beschehener Pluͤnderung/ branten sie es auß/ Forderten darnach Newcastel vnd Dreyfelß auff/ darinn wurden sie mit einer anzal gelassen/ theten aber mit Pluͤndern vnd anderm kei- nen schaden/ vnd legerten sich in den Moͤnchshoff Moͤrlin bey Landaw gelegen.
Jn deme hatten sie vernommen/ wie daß jhre Mitbruͤ- der zu Elsaßzabern laͤgen/ vnnd wie sie der Hertzog von Lot- ringen belegert/ Derohalben sie eylents zu Moͤrlin auffbrachẽ/ in willens/ jhren Mitbruͤdern beystand zu thun/ wie sie aber hin- auff gen Altenstadt/ bey Weissenburg kamen/ vnd sie innen worden/ welcher massen gedachter Hertzog mit denselben ge- handelt/ vnd sie geschlagen hatte/ sein sie von jhrem fuͤrnem- men abgestanden/ sich gewendet/ zertrent/ vnd anheimbs gezo- gen. Die Hauptleut aber sich gen Pillicheim gethan/ doch in kurtzem/ als der Pfaltzgraff zu Feld gezogen/ haben sie sich wider empoͤrt/ vnangesehen/ daß sie der Landschreiber zu Germerßheim so trewlich vermahnt vnd gewaruet/ nichts
weiters
Deß Bawrenkriegs.
weiters in mittels fuͤr zunemmen/ sondern deß außgeschrie- benen Landtags geruͤwiglich erwarten solten/ gestalt sie jhrer Churfuͤrstl. Gn. zu gesagt vnd versprochen/ Haben sie sich doch wider zu Moͤrlin versamblet/ vnd daselbst etlich tag/ biß sie sich wol gesterckt hatten/ gelegen/ seind folgents wie ge- melt wird/ gezogen/ vnd mit der that gehandelt/ Vnd obwol die Speyerische Bauern vom Brurain/ jhres Herꝛn deß Bischoffs Schloß zuverwahren Jungenommen/ haben sie doch in dasselb Schloß Magdeburg/ obwendig Landaw gele- gen/ die Bawern gelassen/ vnd es im Boden auß brennen lassen.
Das 47. Cap. Wie Aßmus von der Hauben/ ꝛc. das Kloster Franckenthal gepluͤndert.
E
S war ein Edelman zu Dirmbstein wonhafft/ Aß- mus von der Hauben/ der hieng ein leicht Gesindlein an sich/ fiel dem Pfarꝛherꝛn daselbst ins Hauß/ na- me jhme das seinig/ zog darnach ohnbetracht seiner Ehren vnd Verwantnuß/ auch wie seine Voreltern bey der Pfaltz herkommen/ mit einem heufflein gen Franckenthal ins Kloster/
Nam dasselb Jnn/ ließ es allerdings Pluͤndern/ Be- rauben/ zerꝛeissen vnd verwuͤsten/ hatte jhm fuͤr- genommen/ weiter dermassen zuhandeln.
H ij
Das
Beschreibung
Das 48. Cap. Welcher massen sich der Pfaltzgraff bewarb.
D
Ieweil dann weder Glaub/ Ehr noch Trew von den Bawren gehalten oder betracht ward/ vnd Sein Churfuͤrstl. Gn. deren vnd anderer vrsachen halber/ den ernst je fuͤr die hand nemen/ vnd auff mittel bedacht sein must/ solchem grausamen vbel zu begegnen/ damit das weit- schwebend/ Bludtuͤrstig/ verwegen vnd mutwillig fuͤrnem- men der trewpruͤchigen Vnderthanen gegen jhren Oberkeiten dermal eins gedempfft werden moͤcht/ vnnd deme nicht mit schaͤdlicher gedult/ laͤnger zu gesehen wuͤrde/ So bewarb sich Sein Churfuͤrstl. Gn. eylends bey dero Herꝛn Gefreundten Verwanten vnd Vnderthanen/ nicht allein Seiner Chur- fuͤrstl. Gn. Herꝛn Brudern/ dero Herꝛn Freundten/ sonder auch gemeinem Oberland zu gut/ Schickt sich also zum Heerzug/ hielt darneben bey dem loͤblichen Bund zu Schwa- ben/ dieweil sie auch ein Glid desselben war/ vmb hilff an/ brachte in kurtzem von Grafen/ Herꝛn/ Edeln der Pfaltz ver- wanden/ ein schoͤnen Raisigen zeug/ auff die 1000. Pferd zu- wegen/ deßgleichen bey 3000. bestes Fußvolcks. So kam auch jhrer Churfuͤrstl. Gn. zu huͤlff/ der Hochwuͤrdigst Fuͤrst vnd Herꝛ/ Herꝛ Reichart/ Ertzbischoff zu Trier/ deß H. Roͤmi- schen Reichs zu Gallien/ vnd durch das Koͤnigreich Arlate Ertzcantzler vnd Churfuͤrst/ in eigner Person/ mit 300. wol- geruͤster Pferden/ vnd 1500. wolgeruͤster Niederlaͤndischer Knecht. So schickt der Durchleuchtig Hochgeborne Fuͤrst vnd Herꝛ/ Herꝛ Philips/ Landgraff zu Hessen/ Graff zu Catzenelnbogen/ zu Dietz/ Ziegenhain vnd Nieda/ ꝛc. So viel
er seiner
Deß Bawrenkriegs.
er seiner eignen sach halben thun kondt/ auch etlich Raisige Pferd/ vnd wo derselb nicht mit seiner eignen Landschafft/ die gleichfals auffruͤrisch/ zu thun gehabt/ were er villeicht mit einem andern zeug erschienen.
D
as 49. Cap. Wie der Landgraff zu Hessen gegen den Bawren in seinem Fuͤrstenthumb gehandelt.
E
S hatten sich vmb Georgij solcher eigenwilliger Baw- ren vnder dem Apt von Hirschfeld ein gute Summa erstlich versamblet/ den Flecken Hirschfeld Jngenom- men/ deßgleichen ein mercklicher hauff vmb Fulda/ auff 6000. Vnd als sich Seiner Fuͤrstl. Gn. eigen Landsassen zu jhnen bewegten/ auch schon viel Flecken/ vnd Haͤuser Jngenom- men/ sonderlich das Staͤdtlein Vach/ deßgleichen viel Kloͤster beraubt vnd verwuͤst hatten/ Erhub sich Sein Fuͤrstl. Gn. der Landgraff/ mit seiner Ritterschafft/ Knechten vnd etlichen seiner gehorsamen Vnderthanen/ so viel er in der eyl zu wegen bringen kont/ zoge solchem hauffen vnder augen/ vnd als er auff ein Meil wegs nahe gen Hirschfeld kam/ (dann daselbsten ein gute Summa der Bawren in einem hauffen lagen) schickte Sein Fuͤrstl. Gn. an die 40. Pferd zu jhnen/ ließ jhn sein vn- genedig gemuͤth mit ernst fuͤr halten. Auff das haben die Fuldi- sche Bauren vnd Buͤrger so auff 4000. vor: vnd in Hirsch- feld gelegen/ sich alsbald in genad vnd vngenad ergeben/ Sei- ner Fuͤrstl. Gn. den Flecken sampt der Gewehr/ vberantwortet/ vnd dieselbe fuͤr ein Erbherꝛn angenommen.
Nun lagen noch 3. hauffen in derselben Arth an einem Orth/ in die 4000. bey Schmalkalten biß in die 5000. vnd
H iij
dann
Beschreibung
dann im Stifft Fulda/ biß in die 6. oder 7000. starck/ derge- stalt/ daß sie alle in einem tag zu hauff ziehen konten. Dero- halben der Landgraff/ Als er Hirschfeld Jnngenommen vnd Besetzt/ am Dienstag nach
Misericordia Domini
von dan- nen nach der Buchen/ in ein Flecken Vastdorff gezogen/ am folgenden tag/ Heydfeld den abgefallenen Flecken wider Jnn- genommen. Darnach mit seinen Reysigen vnd Fußvolck/ fuͤr die Stadt Fulda geruckt/ da dann die Bawren in obgemelter Summen gelegen/ vnd sich herauß an den Frawenberg ge- than/ jhr Schlachtordnung gemacht/ vnd sich zur gegenwehr gestelt. Darauff der Landgraff den ernst auch fuͤr die hand ge- nommen/ vnd jhnen zum nechsten zu mit der Schlachtord- nung/ zu Roß vnd Fuß/ zugezogen. So bald die Bawern ein solches gesehen/ seind sie alle fluͤchtig worden/ darauff der Landgraff sein Feldgeschuͤtz zur Stadt hinein abgeschossen/ vnd sie mit dem ernst gemahnt/ darzu das Fußvolck die Stadt an einem orth mit Sturm anlauffen lassen/ Jn deme seind die Fuldischen Seiner Fuͤrstl. Gn. vnder augen kommen/ dero zu Fuß gefallen/ vnd sich in dero genad ergeben. Als nun Jhr Fuͤrstl. Gn. die Stadt Fulda mit den Bawren erobert/ verhart er etlich tag daselbsten. Wie nun die empoͤrung der Bawren: vnd Burgerschafft durch solche der Stadt Fulda Eroberung abgewand vnd zum gehorsamb wider gebracht/ vnd aber viel treffentliche versamblungen in Tuͤringen auff gestanden/ die den Grafen/ Herꝛn/ Edeln fuͤr jhre Flecken vnd Haͤuser gezo- gen/ dieselben Jnngenommen/ vberweltigt vnd gepluͤndert/ theils verjagt/ theils gefangen/ alle Kloͤster in Tuͤringen ge- stuͤrmbt/ zerꝛissen/ elendiglich verwuͤst/ vñ allen muthwillen jres gefallens gestifft hatten/ die Stadt Eschwege/ jhme dem Land- grafen zugehoͤrig/ (darin seiner Reysigen auff 100. Pferd ge- legen): Deßgleichen Seiner Fuͤrstl. G. viel angehoͤrige Staͤdte
vnd
Deß Bawrenkriegs.
vnd Flecken auff gefoꝛdert/ dabey waren auch viel Bawren von dem hauffen so Schmalkalden Jngenommen. Als aber diesel- be die eroberung der Stadt Fulda gewar worden/ vnd das sel- bige Bawern erschlagen/ zertrent vnd verloffen wehren/ seind sie zu der Tuͤringischen versamblung gezogen/ Deßgleichen lag ein grosser hauff zu Heldrungen beysamen. Da ward der Landgraff verursacht/ wolte er nicht ferꝛner schaden/ schimpff spot vñ weitern abfallens der seinen erwarten/ den nechsten weg nacher Tuͤringen zu trachtē/ zoge also dem Schmalkaldischen hauffen nach/ kam mit seinem Kriegsvolck (das vnder weg ge- sterckt ward) in der wochen nach
Iubilate
gen Eyssennach.
D
as 50. Cap. Wie die Herꝛn von Sachsen/ Braunschweig vnd Hessen/ gegen den Bawern in Tuͤringen gehandelt.
S
O waren die Hertzogen von Sachsen/ vnd Hertzog Henrich von Braunschweig gleichergestalt mit gutem wolgeruͤstem Fußvolck vnd Reysigen auff/ die zogen all zusamen mit einem hauffen/ fuͤr Franckenhausen/ den Flecken/ darinn ein mercklicher hauffen gelegen/ Als die Bawern nun ein solches gesehen/ theten sie sich herauß auff ein Berg/ nahe beym Flecken/ Namen den zu jhrem vortheil inn/ der halßstarri- gen meinung vnd fuͤrnemens/ sich gegen jhnen in die gegenwehꝛ zu stellen/ Aber da sie der Fuͤrsten Volck ansichtig/ entbotten sie jhnen schrifftlich/ Wie daß sie Christum erkenten/ wo sie den auch bekenten/ vnd sich in jhrem fuͤrnemen messigten/ wolten sie nichts thaͤtlichs gegen jhnen fuͤrnemen noch handeln? Darauff ward jhnen von den Fuͤrsten/ nach fuͤrhaltung jhrer angenom- menen boßheit vnd tyrannischen thaten/ zur wider antwort ge-
ben/
Beschreibung
ben/ Wo sie den Thoman Muͤntzern/ den Stiffter dieser vn- fug/ sampt seinem anhang in der Fuͤrsten straff liefern wolten/ wuͤrde man die vbrigen zu genad vnd vngenad annehmen.
Nachdem sich aber deß hauffens antwort etwas verlaͤn- gert/ brachen die Fuͤrsten auff dem Berg nahe zu den Bawren/ liessen das Fußvolck vnd Raisigen eylends nach hengen/ vnd das Geschuͤtz also bald in sie die Bawren abgehn/ von welchem schiessen sie alle den Berg hinab in die Stadt/ vnd wie sie kun- ten/ fluͤchtig entwichen/ vnd wurden deren viel in der nacheyl erstochen/ Doch haben die Fuͤrsten vom handel nicht abgelas- sen/ sonder mit aller macht fuͤr die Stadt geruckt/ daselbsten ein Sturm anrennen lassen/ vnd sie also gewaltiglich erobert/ alle Manßpersonen darin erwuͤrgt/ vnd die Stadt gepluͤndert. Nachmals/ als erst der recht hauff in der Stadt Muͤlhausen vorhanden/ darin ermelter Thomas sein wesen hatte/ auch ein vrsprung vnd gebehrerin solches vberschwencklichen gros- sen vbels war/ Namen die Fuͤrsten jhren Zug fuͤr dieselbige/ er- oberten die auch mit gewalt/ Vnd als die Redlinßfuͤhrer ge- strafft/ vnd Thomas Muͤntzer durch den Hencker sein gebuͤh- renden lohn empfangen/ das Land ruͤwig/ vnd die vndertha- nen wider in ein gehorsamb bracht woꝛden/ seind die Fuͤrsten/ ein jeder mit seinem habenden Kriegsvolck/ wider anheimbs ge- zogen.
Das 51. Cap. Wie Hertzog Friederich von Bayern gegen den auffruͤrischen Bawren gehandelt.
S
O war der Durchleuchtig Hochgeborne Herꝛ/ Herꝛ Friederich/ Pfaltzgraff bey Rhein/ vnd Hertzog in Bayren/ deß Hochgedachten Pfaltzgraff Ludwigen
Chur-
Deß Bawrenkriegs.
Churfuͤrsten Bruder mit eignen Haͤndeln/ der auff stehen- den Bawrenschafft dermassen beladen/ daß Sein Fuͤrstl. Gn. verursacht ward/ anheimbs zu bleiben/ vnd nach dem sich Sei- ner Gn. auch anderer Herꝛschafften daselbsten herumb Vnder- thanen versamblet/ Jns Stifft Aystadt gefallen/ jhres ge- fallens darinn gehauset vnd rumort/ vnnd darzu noch den Hertzogen vnd dieseinen angegriffen/ vnd vielfaltiglich be- schedigt. Brachte Sein Fuͤrstl. Gn. in der eyl/ auff 4. oder 500. Pferd zu samen/ thete sich mit denselben vnnd etlichem Kriegsvolck zu Fuß/ das zum Geschuͤtz verordnet war/ zur Feindsstadt ins Suͤltzgaw/ vnd dieweil er ein milter Fuͤrst war/ vnderstund er sich/ die Bawren von jhrem schaͤndtlichen vnnd vnsinnigen fuͤrnemmen zubringen/ fuͤgte sich aller- nechst zum Messingerberg/ den die Bawern mit sampt dem Schloß darauff/ zu jhrem vortheil Jngenommen/ ließ etlich Bawern vnd deren Hauptleut/ auff zugeschickt Gelaidt/ zu sich kommen/ erinnert dieselbe voriger vorgeschlagener mittel/ weiterung zuverhuͤten? Aber sie bestunden auff jhrer hartnecki- schen fuͤr genommenen meinung/ Derohalben zohen bede theil ohn entscheyd von einander/ Derowegen Sein Fuͤrstl. Gn. der sach in acht nam/ vnd ward taͤglich bewegt anzugreiffen/ ruͤcktderohalben folgenden tag mit den Raisigen/ Fußvolck vnd Geschuͤtz/ auff obgemelten Berg/ ferners nach solchen trewlosen Bawern vnd jhrem Leben zu trachten/ Nachdem a- ber alle die Bawern von dem Berg gewichen/ sich zertrent vnd verloffen/ nam Sein Fuͤrstl. Gn. das Schloß ebenmaͤssig wi- der ein. Darin der vornembsten Hauptleut einer beneben et- lichen Fußknechten betretten/ dieselbe lies Sein Gn. also bald auff dem Platz enthaupten/ vnd das Laͤger außbrennen. Dar- nach in das Aystadter Bistumb gezogen/ dasselbe nach vol- brachter straff der Capitainer vñ Redlinßfuͤhrer/ dem Bischoff
J
wider
Beschreibung
wider in gebuͤrenden gehorsamb bracht/ vnd dardurch all ande- re Seiner Fuͤrstl. Gn. Vnderthanen vnd Landsassen vor wei- term abfall erhalten.
Das 52. Cap. Welcher gestalt die Bundtischen Kriegsleuth die Wuͤrtenbergische Bawern bey Boͤblingen ge- schlagen.
Y
Vn mitlerweil/ Als sich die ding allenthalben am Rhein/ im Elsaß/ in Schwaben/ Francken/ Hessen/ Tuͤringen vnd anders wo/ wie oberzelt/ so weitleuff- tig zugetragen/ vnd der Wolgeborne Herꝛ/ Georg Truchses/ Freyherꝛ zu Waldburg/ ꝛc. deß Bunds zu Schwaben Ober- ster Feldhauptman/ alle sachen in dem Allgaw/ auff der Alb/ am Bodensee vnd daselbst vmb/ mit huͤlff deß Allmaͤchtigen gluͤcklich/ vnd dermassen zum friedlichen wesen bracht/ daß man sich derends einiger noth nicht mehr zuversehen: Vnd dann die leuffe im Fuͤrstenthumb Wuͤrtenberg/ in der Pfaltz/ im Stifft Wuͤrtzburg/ sich voꝛ andern orthen so beschwerlich/ seltzam/ sorglich vnd geschwinder weiß hielten/ daß zubesor- gen/ wo deme nicht eylends mit starckem dapfferem wider- stand begegnet/ es wuͤrde zu keinem guten end/ sondern vielmehr zu vndertruckung aller Oberkeit Teutscher/ auch villeicht anderer Nationen gereichen. Derohalben ward auff verord- nung deß Bundts Herꝛ Georg Truchses mit allem seinem Heer/ bedes zu Roß vnd Fuß außgeschickt/ der sich auß dem selben orth/ durchs Hegaw herab/ eylends ins Land zu Wuͤr- tenberg fuͤgt/ kam am vierten tag gen Tuͤbingen/ ließ alsobald gegen Hernberg/ darin viel Bawꝛen lagen/ handeln/ erobert den-
selben
Deß Bawrenkriegs.
selben Flecken/ Vnd als er nachfolgends mit dem Heer vor Weyl im Schonbach vnd fuͤr Mauren herauß gezogen/ vnd nun auß dem Wald kommen/ seind die Wuͤrtenbergische vnd andere auffruͤrische Bawern/ darvon oben meldung gesche- hen/ auff die 12000. starck in zweyen Staͤdten/ Boͤblingen vnd Sindelvingen gelegen/ vnd als sie deß Bundtischen Heers innen vnd ansichtig wurden/ theten sie sich auß den Staͤdtlin herauß/ stelten sich in die Schlachtordnung/ Jst aber zwischen beden Heeren ein Moraß gewesen/ derohalben Herꝛ Georg nicht zu jhnen kommen moͤgen/ sondern obwen- dig Boͤblingen hinziehen muͤssen/ vnd ehe er auff Boͤblingen kommen/ haben die Bawren mit jhrem verlohrnen hauffen widerumb ein hoͤhe hinder dem Schloß Boͤblingen Jnge- nommen/ etlich jhres Geschuͤtzes darauff bracht/ vnd das Rennfaͤnlin/ so darauff gedruckt/ wider abgetriben/ in deme hat Herꝛ Georg das Staͤdtlin Boͤblingen wider Jngenom- men/ dasselb mit etlichen Knechten (damit die Bawern nicht wider hinein kommen moͤchten) besetzt/ auch viel Hacken/ Buͤchsen vnd Schuͤtzen ins Schloß bracht/ die dann auff selbige hoͤhe dienlich waren/ darneben auch ein andern Berg Jngenommen/ dardurch der Hauptman im Schloß mit den Knechten vnd dem Geschuͤtz/ so er vnder sie ließ ge- hen/ der Bawren verlohrnen hauffen widerumb von oban- gezeigtem Berg vnd vortheil getrieben. Darnach mit den Reysigen auff den hauffen kommen/ das Geschuͤtz in jhꝛ Ord- nung abgehn lassen/ gleich darauff mit den Reysigen Zeugen gegen jhnen troffen/ Jn welchem treffen geoꝛdnet gewesen/ zum ersten Pfaltzgraff Ludwigs Churfuͤrsten Faͤnlin/ als seiner Churfuͤrstl. Gn. geschickte Reutter/ darnach die Oesterreichi- schen/ vnd darnach ein hauffen auff den andern/ biß so lang jhn Gott der Allmaͤchtig den Sieg verliehen/ daß sie gemelten
J ij
grossen
Beschreibung
grossen hauffen Bawern in die Flucht gebracht/ Jhnen all jhꝛ Geschuͤtz/ Waͤgen vnd etliche Faͤhnlin abgenommen/ die Bawern mehrentheils alle erwuͤrget/ erstochen vnd erschlagen/ ohn allein daß jhr etliche den Reutern im Walt entrunnen/ ꝛc. Vnd haben die Bundischen von dieser Schlacht/ kein sonder- lichen schaden empfangen/ vnd also die empoͤrung dißmal im Fuͤrstenthumb Wuͤrtenberg gestilt/ vnd wider in gehorsamb bracht.
Das 53. Cap. Wie durch die Bundtischen Weinßberg ge- schleifft worden.
D
A nun Herꝛ Georg etliche tag daselbsten verhart/ vnd aber der hell liecht hauffen/ so auff die 20000. starck/ vor vnser lieben Frawen Berg/ in der Stadt Wuͤrtz- burg vnd darbey zu Heydingsfeld lag/ deß Bundtischen Heers zukunfft vnd handlung vernamb/ vnderstunden sich dieselbe Bawren dermassen in den handel zuschicken/ daß sie vermein- ten/ nicht allein dem Bundtischen Heer widerstand zu thun/ sondern auch jhr boßhafftig/ grimmig/ vnchristlich fuͤrhaben zu volnziehen/ zoge Herꝛ Georg Truchses mit seinem Fuß- volck vñ Geschuͤtz herab auff Weinsperg zu/ willens (wie dann jederman in seinem Heer dasselbig zu frieden/ zu thun vnd zu- helffen begierig) die schandlich tyrannische begangene hand- lung daselbsten zu rechen vnnd zu straffen/ thete sich also ins Weinßberger Thal/ in der Wochen nach dem Sontag
Can- tate,
Nahme das Staͤdtlein Weinßberg ein/ vnd nach dem jederman darauß gewichen/ hat er dasselb mit allem so darinn/ im boden außbrennen vnd zerschleiffen lassen/ deßgleichen wurden auch viel vmbliegende Doͤrffer verbrant/ vnd der ge- buͤr jhrem wolverdientem lohn nach gestrafft.
Das
Deß Bawrenkriegs.
Das 54. Cap. Wieder Fraͤnckisch hauff gegen den Bundtischen zu handeln vnderstanden/ vnd die Bundtischen auff das Kraichgaw gezogen.
S
Olches roch dem Fraͤnckischen hauffen vnder die Na- sen/ verordneten ein hauffen Bawren auff die 7. oder 8000. starck herab gen Neckerßvlm/ der meinung/ mit der that gegen den Bundtischen zu handeln/ forderten vnd ge- botten darneben allen jhren Bundgenossen vnd Bruͤdern/ im Stifft Wuͤrtzburg/ Pfaltz/ Maintz vnd andern Herꝛschaff- ten daselbst vmb gelegen/ auffs ernstlichste/ was Stab vnd Stangen tragen kont auff zu sein/ dann es thet jhnen noth/ staͤrckten sich also zum besten als sie konten. Nun fuͤgt sich Herꝛ Georg Truchses nach der Weinßbergischen handlung auff deß Pfaltzgraffen anhalten herab/ vnd streifft hinuͤber auff den Kraichgaw daselbst auff die abgefallene Bawren/ bracht etliche Capitanier vnd Redlinßfuͤhrer/ vnder andern den Joͤckel von Beckingen/ der auch wie oblaut/ ein hauffen gefuͤhret/ vnd zu Weinßberg etliche Edelleut also jaͤmerlich er- morden helffen/ denselben Joͤckeln ließ er an ein Ketten schmie- den/ vnd bey einem Fewer lebendig/ biß jhme der Geist ver- schwand/ braten/ Auch fieng er Pfaff Eysenhut/ d’ ein Haupt- man deß Kraichgawischen hauffens gewesen/ vnd nachmals
sampt andern seinen Gesellen sein verdiente straff auch empfangen.
J iij
Das
Beschreibung
D
as 55. Cap. Wie Pfaltzgraff Ludwig zu Feld gezogen.
A
Ls nun der Durchleuchtigst Hochgeborne Fuͤrst vnd Herꝛ/ Herꝛ Ludwig Pfaltzgraff Churfuͤrst/ ꝛc. sich mitlerweil auff gethane Werbung/ allerdings mit seinen Herꝛn Freunden/ Graffen/ Ritterschafft vnd Leuthen ver- samblet/ ein gute Summa Fußvolck bestelt/ auch mit Ge- schuͤtz/ bereitschafft/ Proviant vnd aller notturfft ins Feld ge- hoͤrig/ vberfluͤssig versehen vnd geruͤst war/ Darneben auch/ vnd damit das Churfuͤrstlich Schloß Jettenbuͤhel/ darin nicht ein geringes Gut gelegen/ sampt der Stadt Heydelberg/ in Seiner Churfuͤrstl. G. abwesen desto besser versehen/ vnd wo von einem oder dem andern hauffen der andern etwas gewalts fuͤr genommen werden wolt/ desto besser zu begegnen hette: Den Wolgebornen Herꝛn Schenck Veltin/ Herꝛn zu Erbach/ Seiner Churfuͤrstl. Gn. Rath/ zu einem Hauptman daselb- sten geordnet/ darzu auff 100. Personen/ mehrentheils dero- selben Landsassen vom Adel/ auff die man ein besonder ver- trawen setzte/ ins Schloß gelegt. Deßgleichen ein Faͤnlin Knecht/ so außerhalb deß Schlosses jhr Leger hatten/ Darzu lag der Bischoff von Speyer vnd Teutschemeister/ Herꝛ Die- terich von Cleen/ ꝛc. bey obgemeltem Hauptman im Schloß/ Welche dann das Schloß vñ Stadt in guter bewarsamb hat- ten/ dermassen/ daß alle ding daselbst in zeit deß Churfuͤrsten ab- wesen vnd Heerzugs/ friedlich vnd in gutem wesen bestunde.
Da ist sein Churfuͤrstl. Gn. eigner Person mit dem Ertz- bischoff vnnd Churfuͤrsten von Trier/ obgemelt/ Dein Hoch- wuͤrdigen Fuͤrsten vñ Herꝛn Conraden/ Bischoffen zu Wuͤrtz- berg/ der vor etlichen tagen/ als fluͤchtig/ zu Seiner Churfuͤrstl.
Gn.
Deß Bawrenkriegs.
Gn. nacher Heydelberg kommen/ vnd dem Durchleuchtigen Hochgebornen Fuͤrsten vnd Herꝛn/ Oth Heinrichen/ Pfaltz- graffen bey Rhein/ Hertzog in Ober: vnd Nider Bayern/ ꝛc. am Dienstag nach dem Sontag
vocem Iucunditatis
deß obgemelten Jahrs/ mit den nachgesetzten Reysigen zeugen sampt dem Fußvolck vnd Geschuͤtz zu Heydelberg auß/ vnd gegen dem Brurain gezogen.
Das 56. Cap. Wie die Zeug geordnet gewesen.
E
Rstlich warn Jhr Churfuͤrstl. Gn. deß Pfaltzgraffen Reutter dergestalt verordnet. Der Rennfahnen hatte 150. Pferd/ vnnd war der Pfaltzgraͤfisch Marschalck Wilhelm von Haabern/ ꝛc. jhr Hauptman/ derselb hatte sein Schlachtordnung im Feld durchauß auff 9. Pferd gemacht. So fuͤhret Peter von Ehrenberg das Reñfaͤhnlin/ ist gehalten im 5. Glied/ waren noch 8. Glieder hinder dem Faͤhnlin/ Die andern Reutter so nicht geordnet/ wurden vor: vnd nebenwartz gebraucht/ So man aber gegen dem Feind zu handeln hette/ herfuͤr zum Hauptman neben den hauffen zu reitten/ vnd be- scheid von jhme zuerwarten.
Nach solchem Rennfahnen verordnet der Wolgeborne Herꝛ Schenck Ebert/ Herꝛ zu Erbach/ der Pfaltz Oberster Feldhauptman den gewaltigen hauffen/ darin er bey 400. Pferd gehabt/ je 15. in einem Glied/ vnd hat der Wolgeborne Herꝛ Johan Wild: vnd Rheingraff den Hauptfahnen gefuͤh- ret/ vnd ist gehalten im siebenden Glied.
Auff den gewaltigen hauffen ruckt deß Ertzbischoffs von Trier zeug/ hatte 300. Pferd/ die sein Marschalck selb-
sten
Beschreibung
sten geordnet/ hatte sein ordnung durch auß auff u. Pferd ge- stelt/ vnd das Faͤnlin im sechsten glied gehalten.
Darnach ist gezogen der Guͤlchisch vñ Clevisch Haupt- man vnd Zeug/ hat gehabt bey 250. Pferd/ vnd denselben auch gemelter massen verordnet. Vnd seind aller Zeug Fahnen blaw vnd weiß vertheilt/ außgenommen deß gewaltigen hauf- fens Fahnen/ derselb ist roth/ vnd mit der Pfaltz Wappen ge- zeichnet gewesen.
Es hatte auch Jhr Churfuͤrstl. Gn. der Pfaltzgraff/ noch 200. Clevische Reuter im Ampt Altzen/ zu verwahrung dessel- ben Ampts liegen/ dieselben Reuter seind nachmals fuͤr Pfe- derßheim zum Heer kommen. Darnach 250. Pferd bey dem Bundtischen Heer gehabt/ die seind beym anfang deß Bundti- schen Zugs gewesen/ vnd Jhrer Churfuͤrstl. Gn. Burggraff zu Altzen/ Dieterich von Schoͤnberg/ jhꝛ Hauptman/ welcher auff befelch mit seinen Reutern zu Jhrer Churfuͤrstl. Gn. kommen/ sein ordnung auch durchauß auff 11. Pferd gestelt/ vnd Friederich von Floͤrschheimden Fahnen gefuͤhrt/ Solche geordnete Zeug/ wurden je einer vmb den andern ein tag abge- wechselt/ also/ daß gemeiniglich einer fuͤr dem gewaltigen hauf- fen/ der ander nach gezogen/ deßgleichen der Rennfahnen/ der allzeit ein gute weil zuvor hinauß ruckt/ vnd dieweil man sich versahe/ nicht viel gegen den Reysigen/ sonder gegen dem Fuß- volck zu handeln/ derohalben Platz vnd Malstat nicht allwe- gen gegeneinander verglichen werden koͤnnen/ doch daß diese Zeug jeder in sonderheit treffen moͤcht/ ward es darauff gestelt/ daß man in der eyl/ wann es zum handel kaͤm/ derselben zween zusammen stossen solt/ wie dann auch hernachmals beschehen.
Darzu hatte man/ wie obgemelt/ auff 3000. Fußknecht/ vber welche Herꝛ Leonhart von Schwartzenberg Oberster war/ die zogen in jhrer ordnung hernach/ So waren auff 1000.
Perso-
Deß Bawrenkriegs.
Personen/ mit nottuͤrfftiger bereitschafft/ gestalt ein jeder sein bescheid hatte/ zum Geschuͤtz verordnet/ dieselben zogen allzeit mit dem Geschuͤtz vnd Fußknechten zum nechsten im Feld vnd im Leger. Georg Nippenberg war Zeugmeister/ vnd Friede- rich Halbgewachsen Wagenmeister/ vnd stiessen die Trierische Fußknecht im Feld zusammen/ deren wie obgemelt in die 1500. gewesen.
D
as 57. Cap. Wie Malsch das Dorff/ im ersten Nachtleger verbrant worden.
A
Ls nun der Pfaltzgraͤfisch Marschalck/ Wilhelm von Haabern/ am selben tag deß morgenß fruͤhe mit dem Rennfahnen hinauß gezogen/ kam er mit etlichen Pfer- den Jhrer Churfuͤrstl. Gn. dem Churfuͤrsten eylends vnder augen geritten/ anzeigend/ daß sich das Dorff Malsch/ (dar- von der Brurainisch hauff/ wie obgemelt/ sein vrsprung hatte) nicht wolt in genad vnd vngenad/ wie andere/ vnd nemblich der Flecken Rotenberg gethan/ ergeben/ sondern vnderstuͤnden sich gewaltiglich vnd troziglich zu wehren/ hetten sich vergraben vnd verschantzt.
Auff solche anzeig zohe der Churfuͤrst/ dieweil viel muth- willens darauß beschehen/ mit gemelten Fuͤrsten vnd Kriegs- volck fuͤr das Dorff Malsch/ ließ etlich Feldgeschuͤtz darein abgehen. Vnd als die Bawren auff jhrer meynung bestun- den/ Stuͤrmbt man dz Dorff/ darin ward der Pfaltzgraͤfisch Marschalck mit einem Rohr auff den Kragen geschossen/ auff das stiessen die Knecht das Dorff an/ welches viel vnd grosse Herdstaͤtt hatte/ vnd beynahe einem Flecken zuvergleichen/ es
K
war
Beschreibung
war allenthalben mit Weingarten vmbgeben/ vnd branten es im Boden auß. Da das beschehen/ ruckt Sein Fuͤrstl. Gn. mit dem Zeug gen Rotenburg/ ein Speyerischen Flecken/ die andern Zeug theilten sich auffs nechst herumb/ auff Muͤlhau- sen in das Dorff vnd in die Gaͤrten/ ein jeder wie er kont/ so lag das Fußvolck zu Rawenburg im Dorff/ allernechst darbey. Desselben tags/ als gedachter Marschalck denselben Morgen/ den Flecken Rothenburg Jngenommen/ fieng er einen Edel- man daselbsten/ Hanß von Dalheim/ ꝛc. der sich der auffruͤh- rischen Sachen theilhafftig gemacht/ vnd in diesem boͤsen we- sen vbel gehandelt gehabt/ dann er der Bawren Hauptmaͤnner einer gewesen/ denselben Dalheimer ließ der Churfuͤrst gen Heydelberg in das alte Schloß/ biß zu seiner wiederkunfft/ in gute verwahrung legen/ Am nachfolgenden tag blieb Sein Churfuͤrstl. Gn. mit dem Heer zu Rotenburg still liegen.
Das 58. Cap. Wie der Pfaltzgraͤfisch Marschalck/ das Schloß Kißlaw wider Jngenommen.
D
Eß Morgengs fruͤhe/ war Seiner Churfuͤrstl. Gn. Marschalck mit dem Rennfaͤhnlin auff/ sampt et- lichen Fußknechten/ ruͤckten fuͤr ein Speyerisch Schloß/ ein kleine Meil von Rotenburg gelegen/ Kißlaw genant/ welches zuvorn von den trewlosen Bawren deß Bru- rainischen hauffens mit etlichen Personen besetzt worden/ kame erstlich mit etlichen Wagen in dasselbig/ dergestalt/ daß er jhnen starck genug war. Nam alsbald alles Gesind im Schloß zur Pflicht an/ in der Pfaltz namen. Nun waren noch 4. vor- handen/ die die Bawren zur Beleg darin gelassen hatten/ die
hatten
Deß Bawrenkriegs.
hatten von angesicht ein Hencker bey jhnen/ in willens etliche/ die sie im Schloß gefangen hielten/ Richten zu lassen. Die- selben 4. ließ er alsbald durch jhren selbst bestelten Hencker/ Morgens als sie sich am wenigsten versahen/ auff der Bruͤcken Enthaupten/ vnd gleich zur Bruͤcken hinab in Graben/ den Fischen zu einer speiß werffen.
Also nam er solches Hauß Jnn/ vnd besetzt dasselb nach- folgents in der widerkehr/ stieß mit seinen Reutern auff ein grosse Heerd Vieh/ wol bey 1500. stuͤck/ trieb die alle ins Laͤger/ Darvon ward Jhrer Churfuͤrstl. Gn. dem Pfaltz- graffen/ der halb gespalten Fuß/ das ander sonsten vnder das Kriegsvolck verbeutet.
Das 59. Cap. Wie sich die Stadt Brussel in deß Churfuͤrsten genad vnd vngenad ergeben.
D
Emnach am Donnerstag
Ascensionis Domini,
brach Seine Churfuͤrstl. Gn. mit dem gantzen Laͤger zu Rotenburg auff/ zohe gewaltiglich mit Heeres- krafft in der ordnung zu Roß vnd Fuß/ den Brurain hinauff/ auff Brussel zu/ da wurden die Doͤrffer vnderwegs am fuͤr- ziehen/ vom Fußvolck/ so deß Augriffs begierig/ fluchs ge- pluͤndert/ in welcher Statt (so dem Stifft Speyer zugehoͤ- rig) das Brurainisch Regiment bißhero sein enthalt gehabt/ jhre haͤndel/ rathschlaͤg vnd außrichtungen mehrentheils darin veruͤbet/ auch kurtz verschiener tagen/ wol auff 6. oder 7000. starck darin gelegen/ viel grossen gewalts vnd muth- willens/ wider jhr Geluͤbt/ Ayd/ Pflicht vnd Ehr/ gegen jhren Herꝛschafften/ Oberkeiten/ deßgleichen andere Fuͤrsten/
K ij
Herꝛn/
Beschreibung
Herꝛn/ Ritter vnd Knechten/ Auch den Geistlichen veruͤbet/ vnd mit manches grossem schaden getrieben. Darumb es die billichkeit/ sie am ersten heimbzusuchen/ erfordert/ Also ruͤckt der Pfaltzgraͤfisch Marschalck mit dem Rennfaͤhnlin/ fuͤr die Stadt Brussel/ fordert dieselbe mit einem Trommeter auff/ vnd begert von seines Herꝛn deß Pfaltzgraffen wegen hinein.
Dieweil nun Leib/ Ehr/ Gut vnd Blut auff solcher er- forderung stunde/ Als dratten etliche Personen auß dem Rath vnd der Gemeind herauß/ Taidigten mit jhnen dergestalt/ daß sie bewilligten/ die Stadt mit jhren Leibern/ Haab vnd Guͤ- tern/ in Seiner Churfuͤrstlichen genaden hand zuvbergeben.
Demnach als der Marschalck ein solches angezeigt/ zohe meingnaͤdigster Herꝛ der Pfaltzgraff mit dem Ertzbischoff von Trier/ Bischoff von Wirtzburg/ Hertzog Ott Heinrichen/ vnd allem Zeug in die Statt/ vnd namen die Fuͤrsten jhr Laͤger im Schloß/ die Graffen/ Herꝛn/ Ritter vnd Knecht aber hie- aussen in der Statt.
Das 60. Cap. Was mit den Burgern zu Brussel/ der Straff halber gehandelt worden.
B
Leich denselben Abend/ kuͤrtzlich nach dem man hinein kommen/ versamblet sich der Rath vnd gantze Ge- meind daselbst/ wie jhnen dann angesagt vnd befohlen ward/ zohen miteinander auff den Platz/ vor das Schloß/ da ordnet Sein Churfuͤrstl. Gn. gleich die Graffen vnd Herꝛn/ sampt dem Obersten Feldhauptman Schenck Eberten von Erbach/ dem Hoffmeister Ludwigen von Fleckenstein/ vnd Marschalck/ zu denselbigen hinauß/ vnd ließ jhn durch ge-
melten
Deß Bawrenkriegs.
melten Seiner Gn. Hoffmeister/ ein wolgeschickte ernstliche Rede fuͤrhalten/ vnder anderm: Es wehre Seine Churfuͤrstl. Gn. in sonderheit zu wissen begierig/ was sie doch zu einem solchen laͤsterlichen boͤsen Auffruhr/ widersetzung/ vnd muth- williger handlung gegen jhren eignen vnd andern Oberkeiten/ ohnbetracht jhrer Ehren/ Pflicht vnd verwandnuß/ fuͤr zu- nemmen vnd zu vben verursacht oder geraitzt haben moͤcht/ Dieweil aber sie desselbigen keine vrsachen/ vñ selbsten mitsacher wehren/ So stuͤnd Seiner Gn. Muͤndtliche meinung/ auch ernstlichs begehren/ daß sie wolten kuͤrtzlichen die Anfaͤnger/ Hauptsaͤcher vnd Redlinßfuͤhrer anzeigen/ dieselbigen der ge- buͤr zu einem beyspiel der andern zu straffen. Also auff langen bedacht/ wurden etliche Armen/ von gemeiner versamblung deß Rahts vnd der Gemeind angeben/ derselben ließ der Oberst Feldhauptman etlich vnd siebentzig annehmen/ vnd sie alle- sam̃t vbereinander in ein Thurn gefaͤnglich legen/ in welcher Gefaͤngnuͤß sie dermassen getraͤngt sassen daß sie bey nahe er- stickt wehren/ nach dieser handlung/ hieß man die vbrigen ab- tretten.
Das 61. Cap. Wie Pfaff Eyssenhuet sampt etlichen seinen Ge- sellen enthauptet worden.
V
Nder dessen bracht man Pfaff Anthonium Eyssen- huet/ der deß liechten hauffens auff dem Kraiehgaw/ dauon obengemelt/ Oberster Hauptman gewesen/ gar ein rechtschuldiger Capellan/ mit sampt 3. andern Gefange- nen von Eppingen/ die hatte deß Bundts Oberster Feld- hauptman Herꝛ Georg Truchses/ in gefaͤngliche hafft nemen lassen/ vnd dem Churfuͤrsten zu einer verehrung vberschickt/
K iij
die
Beschreibung
die wurden/ so bald sie der endts kamen/ nach kurtzer verhoͤr/ auff dem Platz/ im Schloß/ in deß Bundts Namen/ mit dem Schwert gericht/ den andern tag/ verharꝛet Sein Chur- fuͤrstl. Gn. mit dem Kriegsheer im Laͤger zu Brussel/ vnd auff beschehene erforderung/ handelt Sein Gn. mit den Amptern/ deß Brurainischen hauffens/ Nemblich Brussel/ Vden- heim/ Rotenburg/ Kißlaw/ Gruͤnaw vnd andern/ der Sach verwanten vmbliegenden Doͤrffern/ jhrer Straff vnd Abtrags halber/ da ward nach viel gehabter vnder handlung/ die Sach dahin gezogen/ daß sie solten Seiner Churfuͤrstl. Gn. fuͤr ein Abtrag jhres begangenen boßhafftigen Frevels 40000. flor. darzu alle Wehr vnd Harnisch der Herꝛschafft vberantwor- ten/ deren keine mehr/ ohne besonder erlaubnuß tragen/ vnd von newem wider Huldigung vnnd Pflicht thun. So musten die in Brussel Jnsonderheit versprechen/ jhre Thor vnd Pforten abzubrechen/ vnd alsobald die Pfort/ so sie hinden im Schloß in zeit jhres Regiments zu gemawert widerumb oͤffnen/ vnd mit newen Thoren beschliessig machen. Gegen dem Abend hat man die Gefangne wider auß dem Thurn/ die vor hitz vnd aͤngsten schwitzten daß es von jhnen Rann/ auff den Platz/ im Vorhof deß Schlosses fuͤhren/ vnd sie all zu hauff in ein Ringstellen lassen. Da nun der Nach- richter/ fuͤnffen die Koͤpff abgehawen vnd wider einer nieder Kniet/ schrien die vmbstehende Herꝛn vnd Graffen dem Hencker zu/ daß er biß auff weitern bescheid gemach thete/ fuͤg- ten sich eylends zu meinem gnaͤdigsten Herꝛn/ dem Pfaltzgraf- fen/ baten fuͤr die vbrige Armen/ die lagen mitlerweil/ biß die Antwort geschach/ auff den Knien/ mit vffgereckten Haͤnden/ vnd schrien ohn vnderlaß vmb Genad vnd Barmhertzigkeit. Also wuͤrden sie von Seiner Churfuͤrstl. Gn. deß Lebens ge- sichert vnd begnadt/ doch musten sie/ gleich den vorigen Bur-
gern/
Deß Bawrenkriegs.
gern/ die obgemelte Puncten/ ehe sie vom Platz abtratten/ ge- loben vnd schweren/ dessen die Armen sich hoͤchlich bedauckten/ dann sie alle sich deß Lebens verwegen hatten.
Das 62. Cap. Wie man von Brussel/ auff Neckersvlm gezogen/ vnd zum Bundtischen Heer kommen.
Y
Ach vollbrachter Handlung vnnd Anstellung zu Brussel/ Brach mein gnaͤdigster Herꝛ der Pfaltzgraff mit dem gantzen Laͤger oder Heer wider auff/ vnd zohe mit dem Zeug in Seiner Gn. Flecken Hilßbach/ auff dem Kraichgaw gelegen/ so auch vorhin abgefallen war/ die andern zohen gen Sinßheim/ Elsentz/ vnd das Fußvolck in die vmblie- gende Doͤrffer. Dieselb Nacht/ lag das Bundtisch Heer zu Steinfurt/ Rorbach vnd Richen den Doͤrffern/ vnd kamen die Bundtischen Hauptleuth zu meinem gnaͤdigsten Herꝛn gen Hilßbach/ vereinten sich miteinander/ wie/ vnd wo Sein Gn. mit dem Heer zu jhnen stossen solt/ vnd waren diß die Hauptleuth/ Die Wolgeborne vnd Strengen Herꝛn/ Georg Truchses/ Freyherꝛ zu Waldburg/ Oberster Feldhauptman/ Graf Wilhelm von Fuͤrstenberg/ Oberster deß Fußvolcks/ Herꝛ Frowin von Hutten/ Ritter/ vnd Herꝛ Rudolff von Ehingen. Also war Sein Churfuͤrstl. Gn. mit dem Laͤger zu Hilßbach/ am Sontag Exaudi auff/ zohe auff Neckers- vlm zu/ vnd stiesse fuͤr Furfeld/ zu dem Bundtischen Heer/ so daselbst auff einer Hoͤhen hielte. Nun hatten die Bundtischen Hauptleuth Seiner Churfuͤrstlichen Gn. vnd den andern zu Ehren/ jhren Zeug zu Roß vnd Fuß lustig geordnet/ damit machten sie ein Lust vnd Schawspiel mit den Zeugen auff das Wesentlichste/ vnd alß das Pfaltzgraͤfisch Heer/ in jhrer
Ordnung
Beschreibung
Ordnung zu Roß vnnd Fuß die hoͤhe hinauff/ gegen den Bundtischen zogen/ liessen dieselben Hauptleuth alles Ge- schuͤtz abgehen/ so schossen die Fußknecht mit jhren Rohren darunter/ daß es gar waydlich vnter einander schall/ vnd hat- ten sich zuvor beyderseits Hauptleuth/ wann sie zu sammen zogen/ wie sie die Zeuge wolten ziehen lassen/ verglichen/ der- gestalt/ daß die Bundtischen jhre Reysigen gleich dem Pfaltz- graͤfischen geschwader oder hauffen verordnen/ liessen also jren Rennfahnen fuͤr ziehen/ vnd der Pfaltz Rennfahnen darauff/ den andern tag zohe der Pfaltzgraͤfisch Rennfahnen wider vor/ vnd also fuͤr vnd fuͤr einer vmb den andern/ gleichermassen men- geten sich die Reysigen Zeug auch vndereinander/ zohen also ein tag vmb den andern/ vor vnd nach/ gantz einhaͤlliglich vnd freuntlich/ gleichmaͤssigen gebrauch hielten auch beyde theil Fußvolck sampt dem Geschuͤtz.
Das 63. Cap. Wie beede Heer vor Neckerßvlm/ darin etliche Bawren gelegen/ gezogen/ vnd was sie daselbst gehandelt?
A
Ls nun die Zeug/ in jhꝛer bereiten ordnung/ biß auff ein viertel Meil nechst gen Neckersvlm kommen/ vnd alle Quartiermeister vnd Fuͤhrer/ mit den Trossen wol vor einer viertel stund hinweg/ fuͤr den Flecken Neckersvlm gerit- ten/ darin waren der Aydbruͤchigen Ehrlossen Bawren an die 800. oder mehr/ die hatten alle Thor am Flecken verschlos- sen/ Noch wusten die/ so darfuͤr hielten/ vnd willens den Laͤger der endts Jnzunemmen vnd zu bestellen/ gar nicht/ daß die Neckersvlmer so starck mit frembden Leuthen besetzt weren/
nach
Deß Bawrenkriegs.
noch daß sie sich in die gegenwehr ergeben wuͤrden/ biß sie an- fiengen herauß zu schiessen/ vnd erschossen einen Rheingraͤfi- schen Knecht/ da druckt solch Gesind/ als sie den ernst sahen/ wider hindersich/ theten den Hauptleuthen eylend Botschafft/ vnd verkuͤndeten jhnen die gestalt der Sachen/ auff das ruckten beyde Rennfahnen eylents darfuͤr/ mit eim leichten Geschuͤtz/ feyerten nit lang/ vnd die andern Zeug gleich hernach/ mit sampt dem vbrigen grossen Geschuͤtz/ da ließ man das Ge- schuͤtz zu etlich malen dapfer hinein gehen/ also saumbten sich die Bawren Jnwendig auch nit/ vnd theten mit jhrem schies- sen zimblichen schaden herauß/ als nun das Fußvolck herzu kommen/ lieffen sie den Flecken an zweyen orthen an/ gewon- nen jhn aber denselben Abend nicht/ sondern als man biß in die Nacht darfuͤr vnd darob gehalten/ schlug man das Laͤger dar- bey an den Necker/ gen Haylbrun zu/ Jn dessen ward das Geschuͤtz erst recht fuͤr den Flecken gefuͤhret/ vnd gelegert/ Als man nun d’ Nacht halben ohngeendet abweichen must vñ nicht weiter handeln kont/ vmblegt man den Flecken/ vnd verwahrt jhn auffs best/ darmit der Jnwendigen keiner herauß fallen/ oder entrinnen moͤcht.
Das 64. Cap. Wie sich die zu Neckersvlm ergeben/ vnd was wei- ter im Laͤger gehandelt worden.
Y
Orgens fruͤhe/ als man erst recht anfieng zu schiessen/ schickten die Belegerten/ sampt den andern Jnwesen- den 4. Personen zu meinem gnaͤdigsten Herꝛn dem Pfaltzgraffen vnd deß Bundts Hauptleuthen/ ins Laͤger/ bathen auffs fleissigst vnd vnderthaͤnigst vmb Genad/ ergaben
L
sich
Beschreibung
sich also mit sampt dem Flecken/ in deß Churfuͤrsten vnd deß Bundts genad vnd vngenad/ zogen darauff ab vñ giengen mit vergleytung wider in den Flecken/ verkuͤndten jhren Mitge- sellen die Antwort/ vnd warteten ferꝛnern bescheid. Demnach wurden Pfaltz vnd deß Bundts Oberste Hauptleuth/ Herꝛ Georg Truchses/ vnd Schenck Ebert Herꝛ zu Erbach/ mit den Burgern vñ darinn liegenden Bawren zu handeln verord- net/ die Ritten mit etlichen viel Reysigen in Flecken hinein/ handelten mit jhnen der Straff halber/ vnder andern/ daß sie alle Wehr alsbald vberantworten/ vnd geloben musten/ hinfuͤro ohne der Herꝛn erlaubnuß keine mehr zu tragen/ darzu die Mawren vnd Thuͤrn abzubrechen/ wie sie dañ auch gleich deß andern tags zu thun anfiengen/ vnd gaben ein summa Gelts/ die doch jhrer schweren Mißhandlung noch leichtlich gesetzt/ fuͤr Brandschatz vnd Pluͤnderung. Die jenigen aber/ so bey der Weinßbergischen handlung gewesen wurden zur Straff erfor- dert/ deren an die 60. ergriffen/ vnd alle an Stricken in der ordnung/ je zween vnd zween/ nach einander auß der Statt ins Laͤger gefuͤhret/ auß denen ließ man denselben Abend den Hauptman/ Fenderich vnd Schreiber/ so am Reyhen gewe- sen/ auch andere mehr/ auff die 12. mit dem Schwert richten/ die vbrigen seind eintzig im ziehen verzettelt worden. So ver- brant man desselben tags etliche Doͤrffer/ vmb Heylbrun lie-
gend/ sonderlich Beckhingen/ darin Jeckel von Beckhingen davon obgemelt/ sein wesen gehabt.
Das
Deß Bawrenkriegs.
Das 65. Cap. Wie man gen Oeringen gezogen/ vnd was da ge- handelt worden.
D
En nachfolgenden Tag/ Brach das Laͤger von Neckersvlm auff/ zohen nach Oeringen/ dem Ho- henloischen Flecken/ an welchem orth der trewlosen Bawren ein mercklicher hauffen liegen solt. Als nun die Zeug zu Roß vnd Fuß/ bey einer Meyl wegs nahe oder naͤher ka- men/ beschah dem Obersten Bundtischen Feldhauptman bot- schafft/ dieselben Bawren weren kaum fuͤr einer Stund auff- gebrochen/ vnd das Laͤger geraumbt. Also zohen die Hauptleut nichts destoweniger fort/ namen den Flecken Oeringen ein/ vnd schlugen das Laͤger zu Roß vnd Fuß/ außwendig auff die Wiesen am Bach/ da befahl der Bundtisch Hauptman/ mit Rath der andern Kriegs Commissarien/ dem Pfaltzgraͤfischen Marschalck/ vnd Dieterich Speten die Sach/ ordnet jhnen 600. Pferd zu/ darunter waren beyder Herꝛn Rennfahnen/ Hessisch/ Wirtzburgisch/ Bambergisch vnd Marggraͤffisch Reutter/ mit denen sie den Bawren nach ziehen solten/ ob sie jh- nen den Bawren etwz/ es wer gegen jhren Leibern oder Geschuͤtz (dessen sie ein treffliche anzahl hatten) abbrechen koͤnten.
Das 66. Cap. Wie der Marschalck vnd Dieterich Spet mit zu- geordneten Reuttern/ eim hauffen Bawren nach gezogen.
A
Vff solchen Befehl zohen die geordneten Reutter/ dem hauffen Bawꝛen/ ein langen weg nach/ alles d’ hoffnung/ sie zu betretten/ vnd jhnen etwas abzubrechen/ wie sie
L ij
dann
Beschreibung
dann allesampt desselben hochbegierig waren/ Als sie nun biß gen Forchtenberg kommen/ waren die Bawren kurtz darvor/ mit jhrem Geschuͤtz/ vor jhnen/ vber das Wasser/ den Kocher gezogen/ Dieweil aber den Bawren ein Ax an einem Buͤchsen Rat zerbrochen/ gewonnen die Reysigen desto mehr hoffnung sie zuerziehen/ vnd wiewol der Abend herbey kam/ doch heng- ten sie den Bawren ernstlich nach/ biß an die Staig gegen Krautten/ da brachten die fordersten die Bawren ins gesicht/ aber sie kamen vor jnen in Krautten/ ein Maintzischen Flecken/ Derohalben sie ohnaußgericht abziehen musten/ ruckten mit jhren Zeugen wider hindersich gen Forchtenberg/ Demnach aber Leuth vnnd Pferdt matt vnd muͤde waren/ entbotten sie dem Obersten Feldhauptman hintersich ins Laͤger gehn Oeringen/ wie daß die Bawren in einem hauffen/ auff 5. oder 6000. starck/ mit eim trefflichen Geschuͤtz/ zu: vnd vmb Kraut- ten legen/ vnd wehr jhr gut bedunckens/ weil sie ein weil der ends verharꝛen wuͤrden/ jhnen mit dem Heer zuzuziehen. Deß Morgends fruͤhe fuͤr dem tag/ waren diese beede Hauptmaͤñer/ der Pfaltzgraͤfisch Marschalck vnd Dieterich Spet/ mit jhren Reuttern zu Forchtenberg auff/ vnd ruckten wider auff die Wayden bey Krautten/ besahen ob die Bawren noch vorhan- den/ also lagen sie noch daselbsten/ da nun die Reysigen wol ein stund daselbst gehalten/ kam jhnen vom Hauptman/ Herꝛ Georg Truchsessen Bottschafft/ er kuͤnte jhnen nit zuziehen/ vrsach/ daß der Weg zu hoch/ vnd an vielen orthen zu eng/ vnd darzu viel lange Staigen/ derohalben man das Geschuͤtz nit hinuͤber bringen koͤnt/ beschied beede Hauptleuth/ mit jhren Reuttern gen Meckmuͤl zuziehen/ dahin wolte er auch mit dem Heer rucken/ vnd dem Bischoff von Wirtzburg solchen abgefallenen Flecken/ dann die Bawren viel muthwillen darin getrieben/ vnd gaͤntzlich der Bawren Sect gewesen/ wider in
gehor-
Deß Bawrenkriegs.
gehorsamb bringen/ Diesem bescheid nach/ ruckten beede Hauptleuth also fuͤr Meckmuͤlen/ dahin der Oberst Feld- hauptman/ mit sampt dem Churfuͤrsten vnd dem gantzen Heer auch kam/ da namen die Fuͤrsten fuͤr jhr vnd der Graffen Personen/ sampt deroselben zugehoͤrigen Dienern/ den Laͤger in der Statt/ sonsten war das Laͤger außwendig an der Statt an der Jagste.
D
as 67. Cap. Wie man von Meckmuͤlen mit dem Heer gen Ballenberg gezogen.
A
Ls nun die Meckmuͤlischen Burger auff gethane verhoͤꝛ vnd handlung/ gebuͤrende Straff/ an jhren Leibern vnd Guͤtern/ nach eines jeden verwuͤrckung empfangen/ vnd jhrem Herꝛn/ dem Bischoff von Wirtzburg/ wider Jngeant- wort vnd gehorsamb gemacht/ brach man den andern tag mit dem gantzen Heer auff/ vnnd zog gen Ballenberg/ in ein Maintzischen Flecken/ daselbst war das Laͤger in vnd vmb den Flecken/ nach dem er klein ist geschlagen. Es nimbt mich noch wunder/ wie es zu gieng/ dieweil sich das Fewer daselbsten mit dem Odenwaͤldischen hauffen angezuͤndet hat/ zu dem viel leichtfertiger losser Knaben jhr Wohnung darin gehabt/ son- derlich Georg Metzler/ der ein Hauptman vnder den Bawren gewesen/ gantz ein leichtfertiger Stiffter deß vberschwenck- lichen grossen Mortjamers/ vnd verderblichen vbels/ so darauß geflossen ist/ wie dann oben zum theil von jhm gemeldet ist/ daß derselb Flecken Ballenberg/ als ein enthalt dieser argen Buben/ nit Angestossen/ vñ in Boden außgebrant worden/ ich meine es sey jrgents auff ein seltzamen Boden gebawet/ daß der fuͤr- habend Will/ in dem zu ruck gangen/ da ließ mans am letzten
L iij
daselbst
Beschreibung
daselbst mit außschlagung der Fenster vnd anderer kurtzweil bleiben/ zu dem was darin gefunden/ alles gepluͤndert/ nachfol- gents an Leib vnd Gut gestrafft/ so wurden auch desselben tags etliche Fewrige Doͤrffer gesehen/ vnd feyert das Kriegsvolck mit dem Pluͤndern in den Doͤrffern nicht/ wo sie das erreichen mochten/ Darneben empfieng man gewissen bericht/ daß Goͤtz von Berlingen mit dem Bawren hauffen zoͤhe/ der wider den Bundt zu handeln vom hellen Wirtzburgischen hauffen herab geschickt worden/ vnd biß gen Neckersvlm kommen/ aber als sie der Pfaltzgraͤfischen vnd Bundtischen gegenwart vernommen/ sich auff der hoͤhe in den Waͤlden wider fluͤch- tig hinweg gethan hette/ vnd were mit sampt Georgen von Ballenberg zu einem Hauptman veroꝛdnet/ wiewol Goͤtz sich desselben halben seithero hoͤchlich entschuldigt/ mit anzeigen/ daß er solches nit gern gethan/ sondern auß zwang beschehen/ welches doch nit bey Jederman hat wollen geglaubt werden/ es were wol mehr/ wo noth/ darvon zu schreiben/ das jetzmals in der Feder verhalten.
Das 68. Cap. Wie man von Ballenberg auff Koͤnigshofen zu gezogen.
N
Ach geendter Sach zu Ballenberg/ da deß Morgens 4. Bawren/ so vnder wegen ergriffen/ vor dem Flecken Enthauptet worden/ zohedas Heer wider an/ deß wil- lens/ sich gen Koͤnigshofen an die Tauber zu schlagen/ fuͤrter auff Wirtzburg zu ziehen/ vnd die geaͤngsten Gemuͤtter da- selbst im Schloß zu troͤsten. Dann die vnduͤchtigen trewlo- sen Bawren/ wie ob lauth/ so gewaltiglich darfuͤr in der Statt
Wirtz-
Deß Bawrenkriegs.
Wirtzburg/ vnnd zu Heydingsfeld lagen/ noͤtigten die im Schloß gar sehr/ hatten fuͤr das Schloß zu vnder graben/ wie sie dann schon allbereit weit hinein geschrot/ auch embsig- lich hinein/ vnd ein gantze seyten an einer Cemmeten hinweg geschossen/ waren schon 4. Wochen mit gutem Geschuͤtz dar- fuͤr gelegen/ nicht gefeyret/ sondern alles versucht vnd vnder- standen/ was jhnen muͤglichen gewesen/ welches Geschuͤtz sie hin vnd wider/ in den eroberten Flecken vnd Staͤtten genom- men/ so hatten jhnen die von Rotenburg an der Tauber zwo Nothschlangen geliehen/ deßgleichen Graf Georg von Wert- heim/ wiewol derselb in seiner Verantwortung anzeigt/ er wer zu solchem hoͤchlich bezwungen worden/ vnd wo das Schloß zu Wirtzburg/ nit mit soviel guten ehrlichen Leuten/ Fuͤrsten/ Graffen/ Rittern vnd Knechten wol besetzt gewesen/ were zubesorgen/ die Bawren hetten es erobert/ sonderlich wo die Rettung laͤnger aussen blieben/ oder verzogen worden.
Das 69. Cap. Wie der Pfaltz Marschalck bericht empfangen/ daß ein hauffe Bawren zu Koͤnigshofen legen.
A
Ls nun der Zeug/ zu Roß vnd Fuß/ auff Koͤnigshoffen zu zogen/ hatte der Marschalck (wiewol ohn befehl) dreyen Knechten am vorgehenden tag/ gen Boxsberg/ da die Bawren jhr anwesen hatten/ zu Reitten erlaubt/ jhrer ding daselbst gut acht zuhaben/ damit jhnen am fuͤrzug kein schaden wider fuͤhre/ doch nit vnderlassen/ vnnd jhnen darneben befohlen/ erfahrung zu haben/ wo die obgemelte
Bawren/
Beschreibung
Bawren/ so zu Krautten gelegen/ jren Kopff hinauß gewendet/ solche Knecht kommen im Feld wider zum Marschalck/ zeig- ten jhm an/ daß dieselben Bawren hieruͤber an die Tauber ge- zogen/ vnd jhren Laͤger Jn: vnd vmb den Flecken Koͤnigshofen genommen/ sich in Tag vnd Nacht gestaͤrckt/ daß jhr auff 7000. weren/ dann sie es eigentlich besehen/ darob auch ein Bawren gefangen/ der es jhn in gleicher maß entdeckt hette. Als nun der Marschalck solches fuͤr ein warheit hoͤrt/ Ritte er alsbald zum Obersten Hauptman/ Herꝛ Georg Truch- sessen/ zeigt jhm solches an/ der ward ab solcher Sach hoͤch- lich erfrewet/ Jn hoffnung denselben tag Ehr einzulegen/ vnd etwas guts auß zu richten/ ließ von stunden an den Fuͤrsten sampt dem Fußvolck das Feints geschrey auffblassen vnnd vmbschlagen/ also daß Jederman mit seiner Ordnung zum Feind zuziehen sich fuͤrderlich geschickt macht/ wie dann ge- schach/ vnd zog der Oberst Hauptman auff ein orth/ erfordert etliche deß Kriegsverstaͤndige/ fragt/ wie die Feind anzugreif- fen/ vnd welcher massen gegen jhnen zu handeln were/ vnd war der Pfaltzgraͤfisch Marschalck/ wiewol er sich deß weigert/ angefragt/ Jedoch wolt es der Hauptman von jhm haben/ da redet derselb von einer Meynung/ wie daß sein gut beduncken stuͤnd/ an dem orth gegen dem Feind zu handeln/ das liessen jhn all andere Raͤth wol gefallen/ enderten seine meinung gar nicht/ so war es Herꝛ Georgen auch nit zu wider/ Da nun solcher Rathschlag beschlossen/ hatte man noch ein grosse Meil zum Feind/ darauff ordnet der Oberst Hauptman/ Herꝛn Frowin von Hutten Rittern/ 300. Pferd zu/ deßgleichen dem Pfaltz- graͤfischen Marschalck auch so viel/ mit dem befelch/ sie beyde solten hinziehen/ die Feind zu besehen/ die Sach auch ferners/ nach jhrem besten verstand fuͤr zunemmen/ solchem befelch nach zohen die beyde an/ mit jhren zugeordneten Reuttern/ vnd
die
Deß Bawrenkriegs.
die gewaltigen hauffen in jhrer Ordnung/ deßgleichen das Fußvolck auch hernach/ den Schuͤpffergrundt also hinauß/ war nichts/ dann ein schoͤner wolgeruͤster dapfferer hauffen Reysigen vnd Fußvolck/ gantz lustig zu sehen/ Jm selbigen ward Herꝛ Frowin vnd der Marschalck zu Rath sich von ein- ander zu theilen/ vnd solt der Marschalck mit seinen Reuttern vnder Koͤnigshofen/ vnnd Herꝛ Frowin oberhalb vber die Tauber ziehen/ vnnd jeder acht haben/ wie sich die Feind hiel- ten/ der meynung/ fuͤrters auff den Berg/ obwendig Koͤnigs- hofen zu strecken/ denselben Jnnemmen/ vnd solt Herꝛ Georg Truchses hiedißseits der Tauber/ mit dem gantzen hauffen/ deß ohrts/ da es am Melberg heist/ bleiben.
Das 70. Cap. Wie der hauff Bawren zu Koͤnigshofen geschlagen worden.
D
A nun vorermelter Herꝛ Frowin vnd d’ Marschalck/ den Schuͤpffergrundt/ gar ein fein Thal/ also hinab kommen/ deß Feinds auch jhres begerens ansichtig worden/ da endert sich jhr gethaner Anschlag/ der vrsachen/ dieweil die Feind (dieweil sie vernommen/ daß der Bundtisch vnd Pfaltzgraͤfisch Zeug etwas groß war) mit jhrem Geschuͤtz vnd Wagenburgk auff gebꝛochen/ vnd zohen dem negsten dem Berg zu/ darauff beede Hauptleut wolten/ namen den Ein/ schlugen jhr Wagenburgk/ vnd theilten jhr Geschuͤtz darein/ dessen sie ein treffliche Zahl/ biß in die 27. stuͤck auff Redern/ ohn Hacken vnd anders hatten/ Da ruckt der Pfaltzgraͤfisch Marschalck wider heruͤber die Bach/ so den Schuͤpffergrund hinein fleust/ zu Herꝛ Frowin von Hutten/ vnderredeten sich
M
mit
Beschreibung
mit einander vnd wurden zu Rath/ obwendig Koͤnigshofen hinuͤber zu ziehen/ wie sie dann auch theten/ in dem hatten die Feind das Geschuͤtz in die Tauber gericht/ an den Fuhrt/ schossen erstlich zu den Reysigen/ traffen auch etlich Pferd vnd Leuth/ deßhalben man die gewaltigen hauffen an einem andern orth hinuͤber zu fuͤhren verursacht/ Vnnd zohen Herꝛ Frowin vnd der Marschalck mit jhren Reuttern auch auff den Berg/ hielten an eim orth/ da sie fuͤr der Feind Ge- schuͤtz/ etwas sicher sein moͤchten/ vnnd ordneten jhre Zeug zum Feind der gestalt. Den Pfaltzgraͤfischen vnd Oester- reichischen hauffen oder Fahnen neben einander/ je 13. in ein Glied/ liessen beyde Fahnen fliegen/ darnach hielten aber zween Zeug/ war der ein Pfaltzgraͤfisch vnd der ander Hessisch/ die hielten auch in jhrer ordnung/ blieben also halten/ erwarteten deß Geschuͤtz/ vnd der Fußknecht/ aber der gewaltig hauffen hielte noch darunden im Grundt/ Jn dem kam Herꝛ Georg Oberster Feldhauptman auch auff den Berg/ zohe vmb die Feind/ doch mit wenig Leuthen/ vnd besichtiget dieselben/ da hatten sie in der Wagenburgk drey hauffen geordnet/ vnd stunden also hinder dem Geschuͤtz/ da beschied Herꝛ Frowin den Marschalck mit beyden Rennfahnen an das orth/ da sie am nechsten bey dem Feind/ jedoch sicher vor dem Geschuͤtz hielten/ zu rucken/ Also Ritt der Pfaltzgraͤfisch Marschalck hintersich vnd holt seine Reutter/ vnd zohe Ebert Schenck von Schweinßberg neben jhnen/ mit den Schuͤtzen/ deren doch nicht viel waren/ da ruckten die andern zween Zeug auch an/ vnd dem Rennfahnen nach. Als nun diese Reysigen Zeug d’ Bawren Wagenburgk nahe kamen/ da begunten sie (weiß nit was jhnen doch Traumend ward) gehlingen auff zu brechen/ liessen die Wagenburgk vnd das Geschuͤtz dahinden/ vnnd wichen also in der Ordnung fluͤchtig darauß/ da griffen die
Schuͤtzen
Deß Bawrenkriegs.
Schuͤtzen vnd beyde Rennfahnen mit jhnen darauff/ vnnd trenten die Feind mit gewalt auß jhrer Ordnung/ Nachdem aber ein Holtz aller nechst darbey gelegen/ theilten sich die fluͤch- tigen Bawren/ wichen eins theils in das Holtz/ die andern flohen vber das weite Feld hinauß/ dieselben wurden mehren- theils alle erstochen/ als nun solche Reutter sich wider gewandt/ auff die Malstatt gezohen/ dieselbe Eingenommen/ waren die gewaltigen hauffen mitler weil auß dem Grundt herauff/ vnd zum theil an die Bawren im Holtz kommen/ jhr viel darin er- schlagen vnd erstochen/ vñ gar ein weidlich gehetz mit jhnen ge- halten/ gleich wie ein Schweinhatz/ hierumb so ruckten Herꝛ Frowin vnd der Pfaltz Marschalck mit jhren zu geordneten Reuttern von der Malstatt/ auch ins Holtz/ erstachen gleicher- massen viel Bawren darin/ aber es schlug den Reysigen auch nit gar ledig auß/ sondern namen viel Schadens von den Feinden/ dann sie nicht sonderlich Raum oder Platz im Holtz hatten. Es ward der Oberst Feldhauptman selber in ein Schenckel gestochen/ dem Pfaltzgraͤfischen Marschalck zwey Pferd hart verwundet/ deßgleichen viel andere gute Gesellen/ Edel vnd Vnedel/ beschaͤdigt. Nun hatten sich in diesem Holtz 300. Bawren gantz verheckt vnd der massen verhawen/ daß man zu Roß nicht wol zu jnen kommen moͤcht/ Da liessen die Hauptleut das Fußvolck/ so den Berg herauff zu hand kommen war/ holen/ vnnd verordneten etliche Faͤhnlein hinein/ die sich mit jhnen Schossen vnd Stachen/ thaten ein- ander selbs grossen schaden/ jedoch blieben jhrer bey 200. im Haag lebendig/ dieselben nam Graf Wilhelm von Fuͤrsten-
berg/ der Bundtischen Fußknecht Oberster/ die- weil die nacht her fiel/ gefangen/ vnd Schaͤtzt sie.
M ij
Das
Beschreibung
Das 71. Cap. Abziehen von der Walstatt ins Laͤger zu Koͤnigs- hofen/ vnd was daselbst gehandelt wardt.
N
Ach vollendter Schlacht vnd erlangtem Sieg/ zohen die Fuͤrsten/ Hauptleut vnd alles Kriegsvolck/ auff die Walstatt mit frewden/ vnd leichtem Gemuͤth/ da blies- sen zu den Heerpaucken alle Trommeter auff/ vnd als die Walstatt besichtigt worden/ zohe das Heer hinab in Flecken Koͤnigshoffen/ darin lagen die Fuͤrsten vnd Reysigen zum theil/ die vbrigen außwendig deß Fleckens in einem schoͤnen Wiesengrund/ an der Tauber/ So laͤgert sich das Fußvolck herauß in der Bawren gehabt Laͤger/ da sie noch viel gemachte Huͤtlein funden/ die sie zum vortheil hatten.
Es seind der Bawren dieses ohrts vngefehr an die 6. oder 7000. erschlagen worden. So gewan man jhnen alle jhre Waͤgen vnd Pferdt ab/ deren ein grosse Summa war/ darzu jhr obgemelt Geschuͤtz/ der 47. auff Redern waren. Dieser Flecken Koͤnigshofen hatte ein zimbliche weite/ vnd an die 250. Jnwohnender Burger gehabt/ die blieben alle inder Schlacht Todt/ biß vngefehr auff die 15. Deßgleichen auß andern Flecken der wenigste theil zu Hauß gekert/ Also musten die Fuͤr- sten mit dem Laͤger/ wiewol sie lieber auff Wirtzburg/ die im Schloß zu erretten eylents fort gezogen weren/ angesehen/ daß die Pferd vnd Leuth muͤde/ vnd viel darunter Wundt waren/ den nachfolgenden tag still liegen/ Doch wurden die Flecken Mergentheim/ Lauda/ Groͤnßfeld vñ Bischoffsheim/ daselbst vnd an der Tauber liegend/ Jngenommen/ gestrafft/ vnd der
Haupt-
Deß Bawrenkriegs.
Hauptsacher ein gut theil mit dem Schwert gericht. Nun schickt mein Herꝛ/ der Bischoff von Wirtzburg sein Mar- schalck/ mit etlichen Reuttern/ vngefehr an die 100. gen Wirtz- burg/ auff vnser Frawen Berg/ oder wo er nit hinein kommen koͤnt/ auffs negst darbey zu rucken/ vnd denen im Schloß ein Warzeichen zugeben/ mit einem Fewer/ damit sie vernemmen moͤchten/ daß die Rettung vorhanden were/ wie dann der Bi- schoff in seinem abscheiden/ da er zum Churfuͤrsten gen Heydel- berg geritten/ mit jhnen verlassen hat.
D
as 72. Cap. Wie man zu Koͤnigshofen auffgebrochen.
A
Vff dasselb Brach man am H. Pfingstag mit dem Laͤ- ger auff/ der meinung/ den Nachtlaͤger zwischen Wirtz- burg vnd Koͤnigshofen/ nit weit von Giebelstatt/ zu- nemen. Als nun beyde Pfaltzgraͤfisch vnd Bundtisch Reysi- ge Zeug herauß kommen/ blieben die Bundtischen Fußknecht ligen wolten nit ziehen/ bewegten auch viel Pfaltzgraͤfische zu jhrer meynung/ beschahe der vrsach/ daß sie ein Schlacht zu haben begerten/ wiewol sie desselben tags da die Schlacht be- schehen/ bey 3. stunden nicht zu solcher handlung kommen waren/ anders dann zum letzten/ wie oblaut/ nichts destoweni- ger zohen die Fuͤrsten vnd Hauptleut/ mit gar einem geringen Fußvvlck fuͤr/ als sie nun ein Meil wegs/ von Koͤnigshofen zohen/ vnd kaum noch ein Meil zu fuͤrgenommenem Nacht- laͤger hatten/ da kam der Wirtzburgisch Maꝛschalck wider/ hat sein Sach außgericht/ vnd zeigt dem Obersten Feldhaupt- man Georg Truchsessen an/ wie die Bawren noch fuͤr dem Schloß Wirtzburg vnd zum theil in der Statt laͤgen/ hetten
M iij
ein
Beschreibung
ein grossen hauffen zu Fuß verordnet/ vnd von jhnen ge- schickt/ mit Geschuͤtz vnd aller bereitschafft/ den Bawren/ so vergangenen Freytags jhr
absolution
vnd Abfertigung zu Koͤnigshofen (wie vor gemelt) empfangen hatten (welches jhnen aber noch verborgen war) zuzuziehen vnd zu staͤrcken/ die weren schon im Zug/ vnd nicht em halbe Meil wegs von dannen/ er were mit seinen Reuttern nit weit neben jhnen her gezogen/ darumb es jhme wol wissent/ Da nun der Oberst Hauptman dasselb vernam/ schickt er eylendts nach den Fuß- knechten/ so zu Koͤnigßhofen liegen blieben/ ließ jhnen verkuͤn- den/ wie die Feind abermal vor augen/ vermeinend sie damit auff zu bringen/ aber es war vergeblich/ dann sie zohen nit/ vnd hielten sich als mutwillige Leuth/ nichts destoweniger ließ der Hauptman/ den solches nit hindert/ den Fuͤrsten vnd allen Reysigen ansagen/ die Feind weren abermals vorhanden/ auch alsobald auffschlagen vnd auffblassen/ damit sich ein jeder darnach zu richten/ vnd fuͤrderlich in die Ordnung zu schicken hette/ zu welchem dann jederman willig vnd lustig war/ also rucktder Hauptman selbst mit etlichen Pferden herfuͤr/ vnd be- sahe die Feind/ welche er auff 5000. Mann vberschlug/ wie- wol jhr viel wolten/ es weren jhr weit mehr gewesen.
Nun ward nach langem vnderreden bedacht vnd berath- schlagt/ es were zu besorgen/ wo nit der Weg funden/ daß solchen Bawren der Guttenberger Wald (zu dem sie nicht ein
halbe Meil hatten) abgezogen wuͤrde/ daß denselben tag nichts fruchtbarlichs gehandelt werden koͤnte.
Das
Deß Bawrenkriegs.
Das 73. Cap. Welcher gestalt die Bawren bey Jngelstatt/ auff dem Fraͤnckischen Gaw/ geschlagen worden.
A
Vff solches ward vom Hauptman befohlen/ daß beyde Rennfahnen vber ziehen solten/ so wolt er mit den andern Zeugen gleich auff sie ziehen/ vnd jhnen nach hangen/ dem ward also von stund an folge gethan/ wendeten sich mit den Rennfahnen vnd schwadern Reysigen/ nit anders/ als bo sie vom Feind ziehen wolten/ also lang/ biß sie zwischen die Baw- ren vnd den Gutenberger Wald kommen. Mitlerweil hatten die Bawren oder Feind/ allernechst bey einem Dorff/ jhr Wa- genburgk geschlagen/ vnd mit 36. stuͤck Buͤchsen vnderspickt/ derohalben ließ der Pfaltz graͤfisch Marschalck/ obberuͤrten Eberhart Schencken von Schweinßberg/ der Schuͤtzen Hauptman/ gar ein redlichen Mann/ mit den Schuͤtzen dar- auff hawen/ die Feind am nechsten/ zuvberschlagen/ vnd zu se- hen/ wie sie sich doch hielten. So bald die Bawren dasselbig er- sahen/ wolten sie der Backenstreich nit erwarten/ gaben sich gleich in die Flucht/ lieffen also von jhren Wagen vñ Geschuͤtz/ zum besten als sie konten/ vñ dermassen/ daß beyde Reunfahnen Reysigen sie im weiten Feld kaum erreitten koͤnnen/ doch was sich in die weite begab/ ward alles schier ein Meil wegs lang/ biß hinein gen Ochsenfurt am Meyn/ hin vnd wider erstochen/ deren fuͤrwar ein grosse anzal gewesen/ so lieffen jhr viel in zwey Doͤrffer nit weit voneinander gelegen/ das ein Giebelstatt/ das ander (als ich bericht) Schutzfeld genant/ solche beyde Doͤrffer wurden mit all den Bawren so darein geflohen/ in Boden auß- gebrant/ ꝛc. sind also (meines erachtens) wenig vberblieben.
Das
Beschreibung
D
as 74. Cap. Wie etliche Bawren in ein alt Schloͤßlein geflo- hen/ darin gestuͤrmbt vnd erwuͤrgt worden.
N
Vn lag allernechst bey diesen Dorffen ein Schloß/ Jngelstatt geheissen/ welches die Bawꝛen kurtz darvor gantz gepluͤndert/ nicht mehr als ein Burg Castel/ war doch noch mit gutem Gemaͤwer/ vnd mit einer hohen Zargen vmbfangen/ vnd stundt ein grosser Thurn darinn/ vnd mit Graͤben versehen/ Jn dasselb waren vngefehrlich an die 400. mit jhren Wehren/ Spiessen/ Buͤchsen vnd Hellenparten ent- lauffen/ hatten das Thor vnd Jngang zum besten vnd staͤrck- sten als sie immer konten/ verwahret/ daß einem wol zuver- wundern/ wie es doch jhn immer muͤglich gewesen/ in so kurtzer frist also starck vnd verwart zumachen/ aber noth findet vner- fintliche weg/ vnd bricht Eyssen/ das ward an diesem orth auch wolerfahren/ vermeinten sich darin zu erhalten/ also ruckt man das Geschuͤtz darfuͤr vnd schoß bald ein zimblich Loch darein/ auff das ward von vielen guten Leuthen/ Grafen/ Herꝛn/ Rittern vnd Knechten/ so alle zu Roß abstiegen/ das Schloß zum Sturm fuͤr genommen/ lieffen also vngeordnet an. Da stelleten sich die Bawren/ als die in letzter noth ergriffen/ ernstlich zur gegenwehr/ dardurch sie sich deß ersten Anlauffs erwehrten/ verwundeten vñ warffen ab 100. Personen/ darun- derviel Herꝛn vnd guter Gesellen waren. Doch liesse man nit ab/ sondern sie trattē zum andern mal mit allem ernst wider an/ vnd kamen viel Herꝛn/ Grafen/ Edel vnd Vnedel zum geschos- senen Loch hinein/ vermeinten es wer die groͤste noth erstritten/ da fieng sich erst der Lermen recht an/ dann es war Jnwendig
vor
Deß Bawrenkriegs.
vor jhnen/ noch ein Maͤwerlein/ durch das gieng nur ein Thoꝛ vnd Fenster hinein/ war noch wol Spieß lang hinab/ da warf- fen vnd stachen die Bawren so ernstlich herauß/ daß die Gra- fen/ Herꝛn vnd andere in mercklicher gefahr jhres Lebens stun- den/ wurden wider mit gewalt von den Bawren abgetrieben/ blieb doch von der Gnaden Gottes vnser keiner todt. Als nun sich die Bawren je mit gewalt zu erwehren vnterstunden/ ließ man das Geschuͤtz noch baß hinein gehen/ vnd macht das Loch weiter/ tratten darnach den Sturmb wider mit erst an/ am ge- schossenen Loch vnd dem Thoꝛ/ arbeiteten sich so lang vnd viel/ biß sie zu beyden theilen hinein kommen/ es gieng aber schwer- lich genug zu. Da wurden die Bawren im selbigen Schloß alle erstochen. Vnd nach dem auff die 200. Bawren/ von ob- gemeltem hauffen in ein Wald/ allernechst bey dem Schloß entrunnen/ aber gegen zufallender nacht/ nicht viel gegen jhnen fuͤr zunemmen war/ doch ließ man etliche Wachten vber sie hal- ten/ damit sie nicht entlieffen. Deß Morgends fruͤhe/ wurden sie alle erwuͤrget vnd erstochen/ also daß solcher hauffen Baw- ren mehrenteils alle auff gerieben/ vnd geschahe selbigen Pfing- stag von vielen guten dapffern Leuthen/ ein muͤhesame ge- faͤhrliche Arbeit.
Das 75. Cap. Wie das Nachtlaͤger zu Moß genommen/ vnd fuͤrter gen Haydingsfeld gezogen ward.
N
Ach erlangtem Sieg/ ruckten die Churfuͤrsten vnd Hauptleut/ mit allen Reysigen Zeugen (wie gewoͤn- lich) auff die Walstatt/ namen der erstochenen Baw- ren Wagen vnd Geschuͤtz/ deren bey 36. stuͤck auff Redern/
N
vnd
Beschreibung
vnd der Wagen ein grosse Summa/ mit aller Notturfft vnd Bereitschafft wol versehen. Von d’ Walstatt/ zohen die Haupt- leut mit allem Zeug in ein Dorff/ ein wenig davon gelegen/ Moß/ genant/ darin fand man nit ein einigen Menschen/ vnd lag ein grosser Weyer darbey/ vmb denselben vnd das Dorff/ schlug man den Laͤger/ da war Jederman froͤlich vnd guts- muts/ deß Morgens/ den Pfingstmontag/ waren die Fuͤrsten vnd Grafen mit dem Laͤger zu Moß auff/ dann die Fuß- knecht/ so sich zu Koͤnigshofen nach ziehens geweigert hatten/ waren wider zum hauffen kommen/ zohen also 2. kleine Meil wegs/ biß gen Heydingsfeld/ in den Wirtzburgischen Flecken/ allernechst bey Wirtzburg am Mayn gelegen/ Jm selbigen nahmen die Fuͤrsten mit jhren Reuttern den Laͤger/ so lag Herꝛ Georg Truchses/ Oberster Feldhauptman/ mit deß Bundts Reysigen/ außwendig deß Fleckens am Mayn/ ge- gen Wirtzburg zu/ aber das Fußvolck oberhalb/ in der Baw- ren gehabten Laͤger/ so noch vor augen war.
Das 76. Cap. Wie anfangs gegen den Bawren vor Wirtzburg vnd der Statt gehandelt worden.
B
Leich im zuziehen gen Heydingsfeld/ ehe daß man ab- saß/ namen die Hauptleut/ Herꝛ Georg Truchses vnd Graf Wilhelm von Fuͤrstenberg/ mein Gn. Herꝛn Hertzog Ott Heinrichen/ ohngeferlich mit 200. Pferden/ Rit- ten auff den Berg/ allernechst bey dem Schloß/ vnser lieben Frawen Berg vber/ liessen alle Trommeter auffblassen/ vnd die Heerpaucken schlagen/ damit es die/ in der Besatzung deß Bischofflichen Hauses/ deßgleichen die Burger vnd Bawren in der Schantzen hinunter beym Schloßberg/ all genugsamb
vnd
Deß Bawrenkriegs.
vnd wol hoͤren mochten. Dieses schalls wurden die im Schloß/ als wol zugedencken/ hoͤchlich erfrewet. Aber die in der Statt/ meinem erachten nach/ ab solchem schall sehr erschrocken/ da- selbst schickten die gemelten Hauptleut/ den Pfaltzgraͤfischen Marschalck/ mit sambt Eberhard Schencken/ in der Fuͤrsten Namen in das Schloß/ der Fuͤrsten ankunfft zuverkuͤndigen vnd zu sehen/ wie es ein gestalt vmb die im Schloß haͤtte/ wie- wol der Bawren halb/ nit wol hinein zureitten war/ dieweil sie nahe in der Schantz darbey lagen/ dennoch vollendten diese zween jhren befehl/ kamen wider auß dem Schloß/ zeigten den Hauptleuthen an/ was sie von denen im Schloß vernommen hetten/ vnd wie es mit jhnen beschaffen were/ vnder andern/ wie daß sie solcher viel loͤblicher Fuͤrsten/ Grafen vnd Herꝛn ankunfft/ hoͤchlich erfrewet. Da blieben die Hauptleut halten/ biß die im Schloß all jhr Geschuͤtz (dessen sie ein treffliche an- zal hatten) ab: vnd hinuͤber in die Statt Wirtzburg gehen las- sen/ so bald das beschehen/ ruckten sie ins Laͤger gen Heydings- feld/ in derselben Nacht raumbten die Bawren die Schantz/ vnd namen 4. der besten Geschuͤtz mit jhnen in die Statt. Deß andern tags/ zohe Graf Wilhelm von Fuͤrstenberg vnd der Pfaltzgraͤfisch Marschalck/ mit dem Rennfahnen an/ namen die Vorstatt hie disseit d’ Bruͤcken ein/ vñ besatzten den Thurn auff der Bruͤcken. Demnach zohen die im Schloß mit 100. Mann wol geruͤst/ den Berg herab/ vnd Graf Wilhelm von Fuͤrstenberg mit dem Pfaltzgraͤfischen Marschalck vnden her- auff/ kamen also in der Schantz zusamen/ darin funden sie nie- mand/ allein stunden 5. oder 6. alter Buͤchsen vnd Caꝛthaunen/
die waren doch mehrentheils zerbrochen/ die liessen sie mit nemen vnd ins Schloß hinauff fuͤhren.
N ij
Das
Beschreibung
Das 78. Cap. Wie sich die Burger vnd Bawren/ in der Statt Wirtzburg in der Fuͤrsten vnd deß Bundts gnad vnd vngnad ergeben.
A
Ls nun die Fuͤrsten vnd Hauptleut vernommen/ daß noch auff 5000. Burger vnd Bawren in der Statt Wirtzburg/ waren sie deß gentzlichen willens sich mit ge- walt/ auch allem jhrem vnd deß Bischoffs habenden Geschuͤtz/ darfuͤr zu legen/ vnd war die Schantz schon zugericht/ Da aber die in der Statt ein solches ernstliches fuͤrnemmen ver- merckten/ suchten sie auffs vnderthaͤnigst vnd flehenlichst an/ vmb genad/ also ward darunder getaidigt vnd die Sach dahin gebracht/ daß sich die Statt Wirtzburg vnd all andere so dar- inn/ in der Fuͤrsten vnd deß Bundts genad vnd vngenad er- geben solten.
Das 79. Cap. Welcher massen die Burger vnd Bawren in der Statt Wirtzburg gestrafft worden.
A
Lso nach vollendter taydigung/ am dritten tag deß Fuͤr- zugs/ Ritten die Hochwuͤrdigst: Durchleuchtigst: Durchleuchtig: vnd Hochgebornen Churfuͤrsten vnnd Fuͤrsten/ meine gnaͤdigst vnd gnaͤdige Herꝛen/ Trier/ Pfaltz vnd Wuͤrtenberg/ deßgleichen Hertzog Ott Heinrich/ So dann der Wolgeborne Herꝛ Georg Truchses/ deß Bundts Oberster Feldhauptman/ wol mit drithalb tausent geruͤster Pferd/ in die Statt Wirtzburg/ die Hauptsacher/ Redlinß-
fuͤhrer
Deß Bawrenkriegs.
fuͤhrer vnd rechtschuldigen Knaben zur straff/ vñ dem Bischoff die Statt wider in gehorsamb zu bringen/ da blieb der Bund- tisch vnd Pfaltzgraͤfisch Rennfahnen/ bey den zweyen Thoren/ mit jhren zu geordneten Schuͤtzen halten/ aber die andere Zeug zohen mit den Fuͤrsten vnd Hauptleuthen auff den Platz/ an die nechsten Gassen daꝛbey/ blieben also halten auff den Pferden/ dann es war Maͤnniglich verbotten/ nicht abzusteigen biß in die fuͤnffte stund/ das mittel Thor in der Statt war mit Tra- banten besetzt/ Da wurden die Burger vnd Bawren all ver- samblet/ vnd in 3. orth vertheilet/ Nemblich die Jenige/ so in der Statt gesessene Burger waren/ die stunden all auff dem Marckt/ was aber von frembden Bawren/ auß dem Stifft Wirtzburg/ der Marggraffschafft vñ anders woher versamb- let/ die musten sich alle vor vnser Frawen Capell auff den Platz stellen/ So kamen die von der Außlaͤndischen Bawer- schafft/ alle auff dem Rennweg zu samen/ Darnach hub Herꝛ Georg Truchses/ von der Fuͤrsten vnd deß Bundts wegen/ die Handlung erstlich bey den Burgern an/ hielt jhnen ein lange Erinnerung vñ Redefuͤr/ Darbey hielten die Fuͤrsten mit jhren Grafen/ Herꝛn vnd Raͤthen herumb/ also fielen die Burger alle nieder auff die Knie/ baten vmb genad. Da that gemelter Hauptman abermals eine lange wolgeschickte Rede/ fieng dar- nach an/ etliche auß jhnen zu nemen/ ließ derselben theils in ge- genwart der andern/ enthaupten/ etliche in hafft legen/ die vbri- gen gelobten vnd Schwuren dem Bischoff auff ein newes. Von diesem Platz zohe gedachter Hauptman/ zum andern hauffen/ fuͤr vnser Frawen Capell/ handelt mit denselben gleicher gestalt/ wie mit den ersten/ von dannen ruckt er fuͤrter zu den Bawren auff dem Rennweg Platz/ handelt auch mit jhnen gleich den vorigen. Wurden also an dreyen orthen auff die 76. Gekoͤpfft/ vnder denen war ein Burger von Carlen-
N iij
statt/
Beschreibung
statt/ Schrautenbach genant/ der erbot sich 2000. flor. zuge- ben/ aber es mocht jhn nicht helffen/ darnach wurden also bald die Frembden/ es weren Burger oder Bawren allesambt zur Statt hinauß begleitet/ vnd einer jeden Herꝛschafft jhr straff gegen jhnen vorbehalten. Nach vollendung dessen allen/ stie- gen die Fuͤrsten ab/ giengen auff die Bischoffliche Cantzley/ truncken eins/ sassen darnach wider auff/ Ritten miteinander auffs Schloß/ vnd lagen die Nacht droben/ aber die Haupt- leut zohen mit dem Zeug wider ins Laͤger/ deß andern tags/ handelt man mit der Statt/ vnd ward beschlossen/ daß sie all jr Wehr vñ Harnisch von sich geben/ auffs Schloß zu fuͤhren/ darzu die Mawren sampt den Thuͤrnen an der Statt/ auff der seiten gegen dem Schloß vber/ biß auff die Erden im boden ab- brechen/ wie sie dann zu thun gleich anfiengen/ zu deme/ dem Bundt vnd Fuͤrsten 8000. flor. fuͤr ein Abtrag oder Brandt- schatz geben muͤssen. Doch dem Bischoff von Wirtzburg in all weg sein straff vorbehalten/ die er auch nachmals in keinen vergeß gestelt.
D
as 80. Cap. Was ferꝛner im Laͤger zu Heydingsfeld ge- handelt.
A
Lso blieben die Churfuͤrsten/ Fuͤrsten vnd Hauptleut mit jhrem Laͤger/ auff die 8. tag zu Heydingsfeld still liegen/ Brandschatzten alle Staͤtt/ Flecken vnd Doͤꝛffer/ soviel sie deren im Stifft erreichen konten/ doch ward dem Bi- schoff sein straff auch vorbehalten/ vnd geschach durch das Kriegsvolck auß dem Laͤger/ welches sich in keinen Sack schliessen ließ/ ein mercklicher schaden/ dardurch die vmbliegen- de Landschafft an Proviant sehr entbloͤst ward/ dann sich die
Bawren
Deß Bawrenkriegs.
Bawrẽ vormals auch nicht gesaum̃t. Vnder solchem wurden viel d’ Hauptsacher vñ Redlinsfuͤhrer/ hin vñ wider/ im Stifft gekoͤpfft/ in diesem Laͤger ward auch nit vnderlassen/ mit denen zu Rodenburg an der Tauber zu handeln/ die vertrugen sich mit dem Bundt vnd Fuͤrsten/ doch nit weiters/ dann auff 5000. flor. von der Statt wegen zugeben/ die ander straff der Landschafft/ behielt Herꝛ Georg Truchses dem Bundt fuͤr/ so wurden auch der endts/ die Grafschafft Wertheim vmb 3000. fl. gebrandtschatzt. Jn dessen kam der Hochwuͤrdig Fuͤrst Herꝛ Wilhelm/ Bischoff zu Straßburg Landgraf zu Elsaß/ vnd Statthalter im Ertzstifft Maintz/ gen Heydingsfeld/ hat nit viel vber 50. Pferd bey sich. Es truegẽ sich fuͤrwar in diesem Laͤger viel seltzame Practiken vnd dinge zu/ aber kuͤrtze halben ohne noth viel davon zu schreiben. Als nun der Bischoff von Wirtzburg sein Schloß/ Statt vñ gantz Stifft/ wider in sein gewalt vnd gewarsamb bekom̃en/ da theilten sich die Heer von- einander/ wiewol die Bundtischen Hauptleut leyden moͤgen/ daß mein gnaͤdigster Herꝛ der Pfaltzgraf/ weiters mit jhnen ge- zogen were/ welches auch Sein Gn. gerne gethan hette/ so kam aber derselben von jhrem Statthalter vñ Raͤthen zu Heydelberg soviel hefftige/ newe/ vnd ernstliche Schrifften/ wie die Bawren in Seiner Gn. Fuͤrstenthumb jenseit deß Rheins/ wider zusa- men gelauffen/ vnd theten im Land/ mit außbreñen der Haͤuser/ Pluͤndern vñ Morden trefflichen schaden. Wann es jhnen nit bald gewehꝛt/ vnd widerstand beschehe/ daß es zu grossem nach- theil vñ verderbung deß gantzen Fuͤrstenthumbs reichen wuͤrde. Derohalben S. Churf. Gn. hoͤchlich verursacht/ vom Bundt zuziehen/ vnderredet vñ vergliche sich darauf mit dem Maintzi- schẽ Statthalter/ daß S. Churfuͤrstl. G. mit dem Heer zu Roß vnd Fuß/ den Mayn hinab zuziehen macht hatte/ vnd jhne den Statthalter/ dẽ viel vngemach von desselbẽ Maintzischen Ertz-
stiffts
Beschreibung
stiffts eignen Bawren (wie oben zum theil angeregt) zugestan- den war/ widerum̃ einsetzen wolt. So vereynten sich die Bund- tischen Hauptleut mit dem Durchleuchtigen Hochgebornen Fuͤrsten/ meinem gnaͤdigen Herꝛn/ Marggraff Casimir von Brandenburg/ so derendt zum Fuͤrsten/ mit etlichen Pferden ankommen/ daß der Marggraff/ mitsampt Graff Wilhelm von Hennenberg/ nachdem sie beyde auch ein trefflichen Zeug vnd Volck hatten/ zum Bundtischen Heer stossen/ vnd also miteinander fuͤrbaß ziehen solten.
Das 81. Cap. Wie sich beyde Heer getheilet/ vnd was durch die Bundtischen ferꝛner gehandelt.
A
Vff solches theilten sich das Pfaltzgraͤfisch vnd Bund- tisch Heer/ schieden also die Fuͤrsten vnd die Bundtische Hauptleut/ mit jren Zeugen/ Grafen/ Herꝛn/ Edeln vnd allem Fußvolck/ gantz freundtlich vnd einig voneinander/ vnd brach Herꝛ Geoꝛg Truchses mit dem Bundischen Heer auff/ zu Heydingsfeld/ am Montag nach Trinitatis/ zoheden Mayn hinauff/ fuͤr die Statt Schweinfurt/ welche sich gleich/ ohne noth/ in deß Bundts genad vnd vngenad ergeben. Nachdem aber ein grosser hauffen Bawren vnd auffruͤrischer Gesellen nit allein deß Stiffts verwanten/ sondern auch Marggraͤfischer vnd anderer vmbliegenden Herꝛschafften an- gehoͤrig/ alle Schloͤsser vñ Edelleuth Haͤuser im Stifft Bam- berg/ auch etwa viel in Marggraff Casimirs Fuͤrstenthumb gelegen/ entweder gepluͤndert vnd abgebrochen/ oder im Bo- den außgebrant/ deren fuͤrwar ein grosse Zahl/ vnd als etliche meinen/ auff die 100. gewesen/ darzu die Statt Bamberg
Jnge-
Deß Bawrenkriegs.
Jngenommen/ die Pfaffheit vnd Geistlichen darin vberfallen vnd genoͤtigt/ vnd viel vnrahts vnd vbels gestifft hatten/ zu vnd vmb Bawberg/ auch daselbstherumb der Arth lagen/ zogen die Buͤndtischen Hauptleut mit jhrem Kriegsvolck/ vnd den an- dern Fuͤrsten/ nach volbrachter straff zu Schweinfurt/ den nechsten weg auff Bamberg zu/ vnd brachten das Stifft ohn sondere noth/ in kurtzem in gebuͤrenden gehorsamb/ alles mit vorbehalt dem Bischoff seine straff/ durch welche handlung die Marggraͤfische vnd anderer vmbliegenden Herꝛschafften vn- gehorsame auch gezuͤchtiget worden/ doch hatte mein gnaͤdiger Herꝛ/ Marggraff Casimir zuvor auch nit gefeyret/ den ernst fuͤrgewandt. Nemblich vnder andern die Statt Kitzingen/ darin die Bawren auch jhren enthalt gehabt/ zur straff ge- bracht/ gestalt er bey die 60. die Augen auß stechen lassen. Nachfolgendts/ als die ding daselbst vmb in der Marggraff- schafft gestilt/ ist Herꝛ Georg Truchses von dannen auff Memmingen/ da sich ein grosser hauffe Bawren von newem versamblet/ vnd dieselb Statt etlich zeithart Belaͤgert ge- habt/ gezogen/ daselbst er den 13. tag Julij ankommen/ sich nit weit vom Feind gelegert/ vnd als er der Feind/ so sich auff die 3. oder 4000. bey Stratenbach zusamen gethan hatten/ gewar worden/ ist er mit etlichen Pferden eigner Person/ in einem Scharmuͤtzel an sie kommen/ aber selbigen tags das Volck vnd Geschuͤtz vor nacht nicht an sie bringen koͤnnen/ derohal- ben wider hindersich rucken muͤssen/ sich doch in der Nacht/ mit allem Kriegsvolck erhebt/ willens die Bawren oder Feind/ de- ren auff 12000. gewesen/ der endts im Laͤger zu vberfallen/ nachdem sie aber an ein Wasser/ die Libas zu jhrem vortheil entwichen/ hat Herꝛ Georg mit dem Geschuͤtz gegen jhnen zu- arbeiten angefangen/ vnd auff die zween tag viel weg gesucht/ wie sie in diesem vortheil anzugreiffen weren/ in mittels hat er
O
jhnen
Beschreibung
jhnen mit dem Geschuͤtz viel abgebrochen/ vnd ein mercklichen schaden gethan/ am letzten ein Scharmuͤtzel auff sie verordnet/ darin die Knecht in jhren Vortheil kommen/ jhr etliche er- stochen/ ein Faͤhnlein genommen/ vnd jhnen ein zimblichen ab- bruch gethan/ auff solches seind die Bawren auff gebrochen/ jhr Geschuͤtz zum theil hinder jhnen gelassen/ biß vber das Schloͤßlein Suͤltzberg ob Kempten/ derendis abermal in ein grossen Vortheil gewichen. Jn diesem ist Herꝛ Georg von Fronßberg/ Ritter/ gar ein hochberuͤmbter vnd wolerfahrner Kriegsman/ desselben Abents mit seinen Knechten/ so er auß Meyland gefuͤhrt/ zu Herꝛ Georg Truchsessen kommen/ dar- auff sie beyde dem Feind nach gezogen/ vnd auff der Bawren bittliches begehren/ mit jhnen sprach gehalten/ vnd soviel ge- handelt/ daß sie sich in deß Bundts genad vnd vngenad erge- ben/ Wehr vnd Harnisch von sich gelegt/ vnd die sampt dem Faͤhnlein/ dem Obersten Feldhauptman vberliefert.
Das 82. Cap. Wie der Pfaltzgraf mit seinem Kriegsvolck den Mayn hinab gezogen.
B
Leich als die Buͤndtischen zu Heydingsfeld auff ge- brochen/ da ist mein gnaͤdigster Herꝛ/ Pfaltzgraf Lud- wig Churfuͤrst am andern tag/ von Heydingsfeld ab vnd ins Dorff Remlingen gezogen/ darin Sein Churfuͤrstl. Gn. mit jhrem Zeug den Laͤger genommen/ vnd die andern Zeug sampt dem Fußvolck zu Hausen vnd Entlingen/ alle drey Doͤrffer der Grafschafft Wertheim zugehoͤrig/ den folgen- dentag gen Wertheim geruckt/ darin lagen die Fuͤrsten mit jhren Reuttern/ soviel darin bleiben mochten/ die andern Zeug
in den
Deß Bawrenkriegs.
in den vmbliegenden Doͤrffern/ allernechst darbey/ so hatt das Fußvolck samptdem Geschuͤtz den Laͤger zu Reichholtzheim an der Tauber/ oberhalb Wertheim. Am Donnerstag
Corporis Christi
zog man mit allen Zeugen/ Fußvolck vnd Geschuͤtz/ nach Miltenberg/ da stieß der Mayntzisch Statthalter vnder- wegen zu Newkirchen auff der hoͤhe zum Churfuͤrsten/ zohen also miteinander hinein gen Miltenberg/ daselbst vnd zu Per- statt lagen die Reysigen/ aber das Fußvolck vnd Geschuͤtz zu klein vnd groß Haybach/ deß Ohrts verglichen sich die Fuͤrsten miteinander/ deß Brandtschatzens halber/ durch den Mayntzi- schen Ertzstifft/ darauff dann der gantz Stifft gebrandschatzt/ vnd der Brandschatz vnder die Fuͤrsten vertheilt ward/ den an- dern tag zog das Heer den Mayn hinab/ vnd hatten die Fuͤr- sten jhr Nachtlaͤger zu Obernburg/ in eim grossen Dorff/ das Fußvolck zu Niedernburg/ vnd der Statthalter zu Klein- Walstatt.
Das 83. Cap. Was zu Aschaffenburg gehandelt worden.
D
En folgenden tag ist man fuͤrobaß hinab gen Aschaf- fenburg/ da der Bischoff von Mayntz sein gewoͤnlicht Hofhaltung hat/ gezogen/ daselbst wurden die Fuͤr- sten ins Schloß gelegt/ aber die Reysigen/ welche nit in die Statt Losirt/ haben jhr Laͤger außerhalb zu Ostheim/ vnd an- dern vmbliegenden Doͤrffern/ mit sampt dem Fußvolck vnd Arckeley/ gehabt/ da ist man ein tag still gelegen/ mit den Burgern vñ deß Stiffts Bawrenschafft der Brandschatzung halber gehandelt wordẽ/ vñ war mein gnaͤdigster Herꝛd’ Pfaltz- graf/ mit den andern Fuͤrsten gaͤntzlich willens/ auff die Statt
O ij
Mayntz
Beschreibung
Mayntz vnd Rinckgaw zuziehen/ die gleichermassen vom Stifft abgefallen/ aber auff der Fuͤrsten schreiben/ ergaben sie sich in jhr straff/ wie dañ derselben verordneten dem Laͤger nach- gezogen/ getheytigt/ vnd die Rettung/ so folgents zu Pfederß- heim beschlossen ward/ angenommen haben/ vnder andern/ daß sie dem Statthalter wider Huldigen vnd Schweren/ darzu den Fuͤrsten 1500. flor. fuͤr ein Abtrag oder Brandtschatzung geben solten/ derohalben S. Curfuͤrstl. Gn. mit allem Kriegs- volck von Aschaffenburg gen Dieberg/ vnd deß andern tags gen Oppenheim/ Seiner Gn. zugehoͤrigen Statt gezogen/ derents man noch desselben tags mit allen Reysigen Zeugen vber Rhein geschifft/ aber das Fußvolck vnd Arckeley blieben druͤben in einem Dorff liegen/ vnd kamen deß andern tags auch hernach. Nun hatte der Mayntzisch Statthalter/ mit meinem gnaͤdigsten Herꝛn dem Pfaltzgrafen verlassen/ als sie zu Aschaffenburg vonein ander gescheiden/ er wolte gleich deß an- dern tags mit 300. Pferden zu Seiner Gn. gen Oppen- heim kommen/ vnd die Bawren auff dem Gaw straffen helf- fen/ derohalben man ein tag daselbst laͤnger verharren thet.
Das 84. Cap. Wie man kundtschafft vber den hauffen Bawren angericht/ vnd was dieselben gemutwilt haben.
D
Och vnderließ der Pfaltz Oberst Hauptman sampt den verordneten Raͤthen nicht/ jhre kundtschafft vber den hauffen Bawren/ so sich oben bey der Newstatt auff ein newes versamblet hatten/ anzurichten/ vnd zu sehen/ wo dieselben legen/ vnd wie es vmb sie beschaffen were. So kam
die
Deß Bawrenkriegs.
die kundtschafft/ daß sie in eim Pfaltzgraͤfischen Flecken auffm Gaw Dalßheim genant/ mit einem grossen hauffen laͤgen/ nit wol vnder 7. oder 8000. starck/ waren gantz frewdig/ liessen sich hoͤren/ sie Wolten den Pfaltzgrafen mit allen Zeugen/ vnd wer jhnen bekaͤme/ erschlagen/ hatten das Spiel warlich wacker angefangen/ dann sie im Land mit Mord/ Brandt/ Nam vnd Raube/ den Fuͤrsten/ Grafen/ Herꝛn vnd Ritter- schafft/ auch allen Geistlichen/ ein vnuͤberwindtlichen schaden gethan/ hatten sich obwendig der Newstatt/ vom Cleburger/ Meerlemer/ Hilßbrucker/ Wachenheimer vnd sonsten andern hauffen/ vngefehr vmb die Pfingsten von newem versamblet/ herab gen Ogerßheim gezogen/ daselbst Lambßheim vñ Freinß- heim/ die Flecken Jngenommen/ am Mitwoch nach
trinita- tis,
als sie zu Duͤrmstein an kommen/ seind sie fuͤr meines gnaͤdigsten Herꝛn deß Pfaltzgrafen Schloß daselbst/ darin Seiner Gn. Vogt zu Zell/ sampt etlichen mehr Personen/ zu Besatzung hinein verordnet waren/ gelauffen/ dasselbig auffge- fordert/ da sie sich aber dessen weigerten/ vnd als fromme ge- trewe Vnderthanen zu halten gedachten/ mit gewalt hinein gefallen/ die 15. Maͤnner/ sampt dem Vogt/ entlich darin er- wuͤrgt/ vnd sie alle oben zun Fenstern herauß geworffen/ das Hauß gepluͤndert/ vnd solches alsobald mit Juncker Wolffen von Affenstein Schloͤßlein daselbst abgebrochen/ aber deß Bischoffs von Wormbs Hauß/ so außwendig deß Fleckens gelegen/ Angestossen vnd Außgebrant/ auch etliche Personen darin gefangen. Von dannen gen newen Leyningen gezogen/ dasselb auch erobert/ das Schloß gepluͤndert/ vnd ein Ehrliche Graͤfin von Westerberg/ so jhr wesen daselbsten hat/ gezwun- gen/ daß sie den Ehrlosen Boͤßwichtern zu Tisch kochen vnd Dienen muͤssen/ eines solchen stoltzen hoffertigen gemuͤts wa-
O iij
ren die
Beschreibung
ren die Abentheurer/ folgends das Westerburgisch Schloß/ alt Leyningen dahinden gelegen/ außgebrant/ das Kloster Hai- ningen allernechst darbey/ gepluͤndert/ fuͤrters an den Durst- berg geruckt/ etliche Schloͤsser daran Jnngenommen/ deß- gleichen den Nassawischen Flecken Kirchheim in jhr Hand bracht/ die Schloͤsser Polanden vnd Stauffen außgebrant/ darnach herfuͤr auffs Gaw gezogen/ vnd haben in jhrem kurtz volbrachtem Zug/ viel grosses hochmuts vnd Frevels getrie- ben/ liessen sich beduncken/ sie weren schon Meister im Land vnd hetten den Sieg in Haͤnden.
Das 85. Cap. Wie sich der Pfaltzgraf gegen diesen Bawren geschickt.
D
A nun mein gnaͤdigster Herꝛ Pfaltzgraf der versamb- leten vngehorsamen Bawren gelegenheit guten bericht vernommen/ thets jhm nit wenig anliegen/ vnd nit vn- billich/ daß das mehrentheils Seiner Gn. eigen gelobter vnd geschworner Leuth/ die er bißhero so gnaͤdiglich gemeint/ vnd so fuͤrsichtiglich Regiert vñ beschirmt hat/ also schandtlich/ grew- lich vnd Ehrnvergeßlich gegen jhme verfahren solten/ satzt jhm fuͤr/ diesen gewalt/ hochmuth vnd frevel zu dempffen/ schickt sich derohalben zum fuͤrderlichsten in handel/ da wurden durch Schenck Eberten/ Obersten Feldhauptman/ alle Zeug vnd Sachen/ ordentlich zugericht/ vnd der Marschalck/ Wilhelm von Haabern/ mit dem Rennfahnen am andern Morgen fruͤhe zu Oppenheim hinden zum Schloß hinauß gelassen/ der hat befelch/ eigentlich zu erkundigen/ wo solche Bawren legen/ vnd welcher gestalt gegen jhnen zu handeln were/ So zog der Churfuͤrst deß tags mit allem Zeug/ Fußvolck vnd Geschuͤtz
vmb
Deß Bawrenkriegs.
vmb 8. vhren auch zu Oppenheim auß/ vnd als man angezo- gen/ kam der Mayntzisch Statthalter auch mit einem Faͤhn- lein Zeug auff 300. Pferd zum Pfaltzgraͤfischen Heer/ im Feld/ da zog man also mit allem Kriegsvolck/ auff Westhofen zu/ Jn deme kam dem Marschalck Bottschafft/ die Bawren weren in der Nacht zu Dalßheim auffgebrochen/ ohnwissent wo hin auß/ deßhalben schickt er allenthalbẽ herumb/ erfuhꝛ also daß sie in der Nacht auff Guntheim zu gezogen weren/ darin Hanß von Oberstein ein Schloß liegen hatte/ da ruckt der Marschalck allernechst zu selbigem Dorff/ vnd kam auff jhr Fußpfaͤd/ wie sie in der Schlachtordnung durch das Rauch- Feld gezogen/ vnd waren jhr je 43. in einem Glied gangen/ vnd hatten in jhrem verlornen hauffen/ je 27. in einem Glied/ zur Rechtenhand/ neben dem grossen hauffen/ ziehen lassen/ wie er dann solchs/ nachdem der Pfad vnd Fußtritt nach frisch vor Augen/ eigentlich vberschlagen kont/ vnd als sie von Gunt- heim auff Pfederßheim streckten/ zohe jhnen der Marschalck nach/ da kamen solche Bawren nit wol ein stund fuͤr jm in Pfe- derßheim/ daselbst sie von den Jnnwohnern/ auff blosse erfor- derung/ eingelassen worden/ vber das sie mehr dann eine ver- troͤstung gehabt/ mein gnaͤdigster Herꝛ der Pfaltzgraf komme mit einer macht/ wolt sie gnaͤdiglich bedencken/ vnd keine huͤlff vnderlassen/ zu dẽ/ daß S. G. Burggraf zu Altzen vor 5. tagen 200. Wehrlichermann/ zu jhnen in die Besatzung legen wollen.
Das 86. Cap. Wie man gegen solchen Bawren in Pfederßheim gehandelt/ vnd deren Erstmals bey 4000. erschlagen.
D
Ieweil nun der Marschalck gruͤndtliches wissen trug/ wo vñ wie die Bawren lagen/ verkuͤndet er solches fuͤr- derlichstdẽ Churfuͤrsten/ vñ dem Obersten Hauptman
Schenck
Beschreibung
Schenck Eberten von Erbach/ da schickt man sich zur Sach/ vnd macht der Feldhauptman alsobald die Schlachtordnung/ zu Roß vnd Fuß/ die zohen also in jhrer ordnung auff Pfe- derßheim zu/ vnd da man mit den Zeugen allernechst ob Pfe- derßheim kam/ Ritte der Marschalck zum Obersten Haupt- man/ eroͤffnet jhm/ wie es vmb die Bawren beschaffen/ auff dasselb ward von der Sachen/ vnd wie man die Feind anzu- greiffen meint/ in der eyl berathschlagt/ nach solchem ließ man die Reysigen mit jhren Zeugen/ vnd das Fußvolck mit jhrer Schlachtordnung vngefehr ein Buͤchsenschuß von der Statt im weiten Feld halten/ namen das leicht Geschuͤtz herfuͤr/ bey St. Georgen Berg/ da dann ein Kirch mit etlichen Haͤusern gestanden/ schossen zu den Wehren/ wie dann auch widerumb von Bawren zur Statt herauß bestes fleiß beschach/ als nun dasselb wol auff ein stund gewehꝛt/ da ward fuͤr gut vnd nuͤtzlich geacht/ daß man etliche Reysigen vber die Bach/ die Pfrim genant/ so im Grundt/ vnd durch Pfederßheim fleust/ verord- nen soll/ der endts zu halten vnd zu sehen/ was die Bawren fuͤr- nemmen wuͤrden/ dann sie konten diß ohrts baß in vnd vmb die Statt sehen/ dann auff dieser seiten. Also zog der Marschalck mit dem Rennfahnen/ obwendig Pfederßheim hinuͤber/ mit sampt dem Burggrafen von Altzen/ Dietrichen von Schoͤn- burg/ der damals in seinem Zeug bey 150. Pferd hatte/ blieben jenseit deß Wassers/ auff der hoͤhe da ein Kirchlein steht/ hal- ten/ gleich darnach schickt man Johan von Schoͤnburg/ Pfaltzgraͤfischen Amptman zu Schoͤnburg mit den Coͤlnischẽ Reuttern/ vnderhalb Pfederßheim vber die Pfrim/ ebener- massen wie die andern zu halten/ vnd auff das Außfallen/ auch sonsten wie sich die Bawren hielten/ acht zu haben.
Nachdem aber die in Pfederßheim alle drey Fahnen/ so vber die Bach geruckt waren/ wolsehen konten/ hatten sie diesel-
ben auff
Deß Bawrenkriegs.
ben auff 4. oder 500. bey jhnen vberschlagen/ wie man solches dann nachmals erfahren. Nun ruckt der Pfaltzgraͤfisch Mar- schalck von seinem Zeug/ vnd beschied seine Reutter auff den Burggrafen võ Starckenburg/ Wolff Vlriehen von Flechin- gen/ als sein vnder Marschalck zu warten/ mit befelch/ gut acht zu haben/ wie sich die Feind hielten/ vnd was er innen wuͤrd/ jhnen dasselbig auffs fuͤrderlichst zuverstaͤndigen/ Ritt also mit einem Knaben wider vber die Bach zum Churfuͤrsten/ zuver- nemen/ was man weiters handeln wolt/ so bald er zum Zeug kam/ ward durch den Feldhauptman vnd andere Kriegs Raͤth bedacht/ weil man sich fuͤr die Statt legen muͤst/ nach eim Laͤ- ger/ wo derselb am besten vnnd bequemlichsten fuͤrzunemen wer/ zu sehen/ vnd sich zum fuͤrzug ohngesaumbt zu schicken. Darneben auch die Statt zu enthalten/ wie auch schon allbe- reit bestelt war/ demnach dem Marschalck vnd Frowin von Hutten Ritter/ Mayntzischen Rath vnd Diener befohlen/ daß sie solten nach dem Laͤger sehen/ auch Quartier: vnd Futter- meister mit jhnen nemen. Solchem befehl gelebten sie beyde nach/ namen das Laͤger an der Pfrim/ oberhalb Pfederßheim den Wiesengrund hinauff/ vnd laͤgerten die Fußknecht vnden daran/ ab vnd ab biß an die Bruͤcken/ dieweil sich dasselb/ biß es besichtiget vnd auffgericht/ etwas lang verzoge/ blieben doch alle Zeug in jhrer Ordnung halten/ da kamen diese beyde/ der Marschalck vnd Frowin von Hutten/ widerumb hinauff zum gewaltigen hauffen/ vnd dieweil die Feind in der Statt/ vnd mein gnaͤdigster Herꝛ mit seinem Heer hieaussen/ versahe sich niemand deß tags einiger handlung/ ließ darauff Koch: vnd Proviant Waͤgen ins Laͤger/ da man sich nieder schlagen wolt/ hinziehen.
Wie nun die ding zum Laͤger angeschickt vnd darvon ge- redt/ gleich vber ein kleine weil/ so geht die Pforten an der Statt
P
auff/
Beschreibung
auff. Als man solches hieoben bey St. Georgen Kirch Eben- messig sehen kont/ theten sie sich eintzig herauß/ also daß man 3. Faͤhnlein sehen kont/ nachdem aber das Churfuͤrstlich Kriegs- volck/ vor d’ Bawren Geschuͤtz nit wol zu jhnen kommen kont/ vermeinten etliche/ sie wuͤrden dem Churfuͤrsten vber das Ge- schuͤtz lauffen/ aber etliche andere hielten darfuͤr/ sie wolten die Reysigen/ so jenseit der Pfrim zu halten verordnet/ abtreiben/ im selbigen zohen die Feind mit gantzer macht herauß/ bey die 7000. starck/ acht bey mir gaͤntzlich darfuͤr/ sie hetten deß ge- waltigen hauffens/ so hinder St. Georgen Berg hielt/ kein wissens/ in meinung villeicht/ dieser Reutter so sie gesehen/ maͤchtig genug zu sein. Da aber die Reysigen/ so jenseit der Bach hielten/ diß sahen/ ruckten sie bald zusamen/ schicktẽ zum Marschalck vmb bescheid/ wessen sie sich verhalten solten/ der entbott jhnen/ sie solten also beyein ander vnd neben dem Feind/ das weit Feld hinauff ziehen/ vnd ward dem Marschalck der Mayntzisch Zeug zu geben/ mit einander herfuͤr zum Feind zu ruͤcken/ wie sie dann thaten/ auff dieselbigen ordnet der Hauptman den Trierischen vnd Guͤlchischen Zeug/ vnd blieb der gewaltig hauffe/ deßgleichen das Fußvolck/ bey dem gros- sen Geschuͤtz halten. Als nun die Bawren dieser Reysigen Zeugen aller ansichtig/ vñ innen worden/ theten sie sich mit jrer Ordnung mitten durch den Wingertberg hinauß/ an ein schlecht ort/ da boͤß mit Reysigen gegen jhnen zu handeln war/ liessen jhꝛ Geschuͤtz fuͤr hinauff gehen/ vnd richten es hindersich/ zum gewaltigen hauffen/ darin mein gnaͤdigster Herꝛ Pfaltz- graf mehrentheils mit allen Fuͤrsten hielten/ vnnd schossen den ersten Schuß/ hinden in die Ordnung/ Seiner Gn. Se- cretarien einen/ Philips Sturm genant zu todt/ Jn dem ge- schach dem Hauptman Bottschafft/ wie sich die Feind vnden im ohrt wendeten/ vnd zoͤgen dem nechsten auff den gewaltigen
hauffen
Deß Bawrenkriegs.
hauffen zu/ derohalben erfordert der Oberst Hauptman den Marschalck eylents zu jhm zu kommen/ dem er alsobald nach kam/ ruckt vngesaumbt hindersich zum Hauptman/ vnd dem gewaltigen hauffen/ aber es war dieser vorsorg halb nichts/ die Bawren zohen stracks von den Wingertsbergen herauß/ mitler zeit/ als der Marschalck zum hauffen geritten/ hatte der Wa- genmeister Friderich Halbgewachsen/ drey Falckenoͤtlein her- fuͤr bracht/ auß denen ließ er drey Schuͤß in der Feind Oꝛdnung gehen/ vnd schickt sich dapfer zum handel/ gleich auff dasselb wendten sich die Feind vrploͤtzlich/ vnd flohen jhr bestes vermoͤ- gens wider hindersich zur Statt Pfederßheim zu/ vnd saumb- ten sich die Reysigen auch nicht davorn/ vnd hieben die Mayn- tzischen deßgleichen die andern Zeug/ troͤstlichen mit jhnen dar- auff/ erstachen jhr viel in der Flucht/ vnd hielten sich dermassen im handel/ wo der verlohrne hauffen zu Fuß/ wie deß Mar- schalcks gut beduncken stundt/ vnd er gerne gesehen hette/ oben- herein zu den Feinden zugeruckt weren/ vnd sie am Thor auff- gehalten hetten/ es weren jhr wenig/ vnd meines erachtens/ der Feind wol keiner darvon kommen/ doch was die Statt nit er- reicht/ ward alles erstochen/ durch die Wingert/ auch dar- neben/ wo man die ergriffen/ ein vnd den andern/ die Bach hin- ab vnd sonsten wol vber halben Weg biß gen Wormbs/ also
daß der Feind desselben tags freylich nit vnder 4000. erwuͤrgt vnd erstochen worden seind.
P ij
Das
Beschreibung
Das 87. Cap. Was nach der Schlacht zu Pfederßheim im Laͤger gehandelt worden.
B
Jß nun solches verhandelt/ vnd die Zeug sich wider zu hauff versamblet/ war schon die vollkommene nacht vorhanden/ derohalben die Fuͤrsten ins Laͤger ruckten/ vnd damit die Statt wol versehen wer/ auch niemand herauß kont fallen/ Besetzt man dieselb starck an 4. enden/ mit drey Faͤhnlein Knecht/ deren bey 1500. vnd bey 1000. Reysigen/ die blieben die gantze Nacht vmb die Statt halten/ am nachfolgen- den Morgen/ laͤgert man das Geschuͤtz darfuͤr/ ließ es zu etlich malen hinein abgehen/ alsbald gaben sie die Statt sampt jhren Leib vnd Gut/ in meines gnaͤdigsten Herꝛn deß Pfaltzgrafen hand/ darauff ruckt man mit dem Geschuͤtz wider davon/ doch hatten sie durch jhre Gesandten/ so sie hieraussen bey Seiner Churfuͤrstl. Gn. im Laͤger gehabt/ vnd von der andern aller wegen/ deß ergebens halben gehandelt/ diesen bescheid empfan- gen/ daß sie/ so lieb jhnen jhr Leib vnd Leben were/ keinen/ son- derlich der Hauptsacher vom Land oder auß der Statt kom- men lassen/ sonder beyeinander ferꝛner bescheidts erwarten sol- ten. Also seind/ nach vollbrachtẽ morgen Jmbis/ am Sontag nach
Iohannis Baptistæ
meine gnaͤdigste Herꝛen die Churf. vnd Fuͤrsten mit dem Reysigen Zeug auff ein Platz/ bey obge- melter St. Georgen Kirchen/ außwendig Pfederßheim ge- ritten/ vnd war verordnet/ daß alle Bawren/ so nit in der Pfaltz Flecken oder Doͤrffer wohnten/ herauß auff den Platz/ da die Fuͤrsten vnd Hauptleut mit jhrem Zeug hielten/ vnd ei- nen Ring gemacht/ kommen solten/ in welchen Ring man die Capitanier vnd Redlinßfuͤhrer von den andern absondern/ vnd
jhnen
Deß Bawrenkriegs.
jhnen jhr verdiente straff widerfahren lassen wolt. So hiel- ten auff die 300. Pferd hierunden vor der Pforten/ als nemb- lich 100. deroselben fuͤr den Bawren/ vnd die andern 200. Pferd neben den Bawren/ durch den Holtzweg hinauß/ biß zum Ring/ darauff jhnen befohlen fleissig auffsehen zu- haben/ daß keiner entlieff/ solchem nach liesse der Pfaltzgraͤfisch Marschalck vnd Herꝛ Frowin Ritter/ auff 3000. Bawren/ die zuvor alle Wehr in der Statt hingelegt/ fuͤr das Thor her- auß kommen/ zeigt denselben an/ wo sie hinauß gehen/ vnd jhrer keiner zuentfliehen gedencken solt/ dann wo sie das zu thun vn- derstehen/ wer es dermassen bestelt/ daß sie alle erstochen wuͤr- den/ darfuͤr wolt man sie getrewlich gewarnet haben. Also zo- hen die Bawren hinauff zum Ring zu/ vnd wurden die Pfor- ten wider hinder jhnen verschlossen/ auch waren noch wol 1000. Bawren oder mehr in der Statt. Wie nun solche Bawren mit den Reuttern die Hole hinauß zum theil zohen/ vnd zu zweyen vberzwergen Wegen in der hoͤle/ kommen/ fiengen die hinder- sten Bawren an zu fliehen/ der meynung/ zuentlauffen. Dero- halben hieben die zugeordnete Reutter mit jhnen darauff/ vnd welcher erritten/ der ward erstochen. Da es nun die Reysigeu droben auff der hoͤhe sahen/ hieben sich gleichermassen darauff/ vnd ehe man es gestilt vnd abgesteuret/ wie dann mein gnaͤdig- ster Herꝛ Pfaltzgraf eigner Person/ auß Fuͤrstlichem gemuͤth vnd deme solche handlung je nit lieb war/ sampt Seiner Gn. Hauptman/ Hofmeister vnd andere/ alles ernstlichen muͤg- lichsten fleisses wehrten/ wurden doch jhrer in eim augenblick bey 800. oder mehr erstochen/ außden andern nochbleibenden/ so man errett/ seind etlich vnd dreyssig mit dem Schwert ge- richt worden/ die vbrigen/ wiewol sie alle Rechtschuldig vnd hochstraffbar waren/ begnadet man/ vnd ließ sie auff gebuͤrende verpflichtung abziehen.
P iij
Das
Beschreibung
Das 88. Cap. Was durch die Verordneten zu Pfederßheim mit den Bawren fuͤrgenommen.
A
Ls nun solches volbracht/ zohen die Fuͤrsten mit jhrem Zeug wider ins Laͤger/ war gleich Abents/ vnd dieweil noch bey 1000. Bawren in der Statt waren/ besorgt man/ wo nit wider also starck/ wie die vorige Nacht/ ob jhnen Wacht gehalten wuͤrd/ wiewol die Pferd vnd Leuth muͤde/ es moͤchten etwan die Bawren herauß fallen/ vnd jhn schaden zu fuͤgen. Als ward nach langem bedacht/ dem Marschalck/ Wil- helm von Haabern befohlen/ die Sach selbsten zum besten zu- ersehen. Demnach zohe er mit dem Rennfahnen in die Statt/ versamblet die Bawren auff dem Kirchhof/ vnd ließ jhr bey die 250. in die Kirch hinein zehlen/ macht mit den Burgern zu Pfederßheim ein Kerfen/ daran die zahl geschnitten war/ vnd befahl jhnen die Kirch zubeschliessen/ auch alle Thor vnd Fen- ster zuverhuͤten/ mit anzeig/ soviel jhm/ wann er deß andern tags kaͤme/ an der hinein gezehlten Summen maͤngelt/ also viel wolte er auß jhnen nemen/ vnd dieselbe all zur stund Koͤp- fen lassen/ vnd ward dieser Ernst gegen den von Pfederßheim/ als da sich der Gemeinßman fast vbel vnd muthwillig gehal- ten/ nit vnbillich veruͤbt/ deßgleichen beschieden/ daß sie alle die jenige deren dann nit wenig waren/ so sich in der Statt hin vnd wider/ in die Haͤuser/ Keller/ Schewren vnd andere oͤrter ver- steckt vnd verborgen/ alles fleiß herbey suchten/ zohe von dan- nen wider hinauß ins Laͤger. Da ward jme/ sampt deß Haupt- mans Leutenampt| Jockharten von Fleckenstein vnnd Jo- hann von Schoͤnburg den andern Morgen hinein zu Reitten/
vnd
Deß Bawrenkriegs.
vnd
Execution
zu thun befohlen/ als sie nun hinein kommen/ vnd die von Pfederßheim deß Marschalcks geheiß nach/ in der vergangen Nacht/ als sie fleissig gesucht/ noch bey 300. Bawren gefunden/ vnd zu den andern/ in die Kirch verschlos- senharten/ fieng der Marschalck die Handlung an/ ließ sie alle nacheinander verlesen/ das sich etwas lang verzog/ vnd auß denselben auff die 24. enthaupten/ die andern wurden alle- samptbegnadet vnd hinweg vergleit.
Folgends handelten die verordneten Raͤthe/ mit der Bur- gerschafft zu Pfederßheim/ auß denen wurden 4. mit dem Schwert gericht/ die andern Rechtschuldigen waren deß vori- gen tags/ im Feld/ da sie mit dem hauffen Bawren hinauß ge- zogen/ in meinung/ jhren Landsfuͤrsten vnd Herꝛn/ sampt aller Ritterschafft zu erschlagen/ erstochen worden/ vnd den vbrigen aufferlegt/ daß sie beneben dem Brandtschatz alle jhr Buͤchsen/ Wehr vnd Harnisch von jhnen geben/ vnd nach Altzen ins Schloß lieffern solten/ darzu name man jhn alle jhr lang hergebrachte Freyheiten/ so man bekommen kont/ vnd darauff sie von newem/ jhrem Fuͤrsten vnd Herꝛn widerumb gehuldet vnd geschworen.
Das 89. Cap. Was ferꝛner in diesem Laͤger außge- richt.
D
A nun die Ding in Pfederßheim außgericht/ blieb man noch etliche tag/ mitdem Laͤger still liegen/ davon die vmbliegende Revier grossen Schaden empfangen/ so wurden mitler weil die Jnwohner in der Pfaltz Doͤrffern
vnd
Beschreibung
vnd Flecken daselbst vmb gelegen/ an Leib vnd Gut gestrafft/ vnd wider zur Huldigung angenommen. Deßgleichen ward in diesem Laͤger mit der Statt Franckfurt/ Wormbs vnd Speyer Gesandten/ in welchen vnder solchen Auffruͤhrern auch allerhand Newrungen/ gegen jren Geistlichen fuͤrgenom- men worden/ dieselb new auffgesetzte Ordnung vnd Satzung/ wider abzuthun gehandelt/ Vertrugen sich derohalben mit dem Churfuͤrsten freundtlich. Auch kam mein gnaͤdiger Herꝛ/ Her- tzog Ludwig/ Graf zu Veldentz/ ꝛc. etwan mit 100. geruͤster Pferden/ zu meinem gnaͤdigsten Herꝛn in diesen Laͤger/ ist dar- nach fuͤrters mit Seiner Churfuͤrstl. Gn. gezogen. So bracht man am Mitwoch nach
S. Iohannis Baptistæ
zween Hauptsacher/ die Namhafft waren/ ins Laͤger/ der ein war zu Germerßheim Haͤußlich gesessẽ/ Michael Busch genant/ dem vom Churfuͤrsten hievorn viel gnad vnd guts erwiesen worden/ der ander von Eweßheim/ vnd Morwein geheissen/ hatte der Bawren Faͤhnlein getragen/ seind im Ampt Lauttern/ in mei- nung sich auß dem Land zu machen/ ergriffen worden/ vnd meinem gnaͤdigsten Herꝛn zu gefuͤhret/ vnd alsbald sie ins Laͤ- ger kommen/ nach gethaner Frag/ mit dem Schwert gericht worden.
D
as 90. Cap. Wie man den Flecken Freinßheim/ vnd Newstatt an der Hardt/ wider Jngenommen.
A
M nachfolgenden Donnerstag/ ist man mit dem Laͤger auffgebrochen/ vnd gen Freinßheim gezogen/ denselben Flecken wider Jngenommen/ etliche am Leib/ die andern am Gut gestrafft/ zu dem jhre Freyheiten/ so sie verwuͤrckt hat- ten genommen/ musten auch all jhr Wehr vnd Harnisch von
sich
Deß Bawrenkriegs.
sich geben. Deß andern tags/ von Freinßheim gen Newstatt an der Hardt gezogen/ daselbst mein gnaͤdigster Herꝛ der Pfaltz- graf/ mit sampt den Fuͤrsten vnd Seiner Gn. Zeug den Laͤger gehabt/ der Trierisch Zeug zu Wintzingen/ Hertzog Ludwigs Reutter zu Moßbach/ aber das Fußvolck sampt der Arckeley zu Diedeßfeld vnd Heimbach gelegen/ blieb man den folgenden Sontag derendts still liegen. Vnd nachdem die Burger in der Newstatt sich in sonderheit vbel gehalten/ vnd etwas mehr dañ andere Vbertretten/ ward desto ernstlicher der straff halber mit jhnen gehandelt/ vnd wurden auß jhnen 8. auff dem Platz mit dem Schwert gericht/ etliche ins Gefaͤngnuß gelegt/ vnd die Burger samptlich vmb 3000. flor. zu sampt jhren vbergebnen Wehren vnd Freyheiten gestrafft. Es seind auch etliche mehr/ der Rechtschuldigen Knaben/ desselben tags auff dem Platz mit obgemelten Gericht worden.
Das 19. Cap. Was im Laͤger zu Minnfeld gehandelt worden.
A
Ls nun solches/ wie obgemelt/ geschehen/ ist man von der Newstatt am Sontag/ in ein groß Dorff/ Germerß- heimer Ampts/ Gunthramstein genant/ gezogen/ darin d’ Churfuͤrst mit seinem Zeug/ vnd das ander Kriegsvolck in den vmbliegenden Doͤrffern gelegen/ derendts kamen die Gesanten von der Statt Landaw zu Seiner Gn. theten deroselben ein Verehrung/ mit Wein/ Frucht vnd Ochsen/ vnd vertrugen sich auch alsbald. So zog man deß andern tags hinauff gen Miñfeld/ gar ein schoͤn groß Dorff/ daselbst der Reysig Zeug/ aber das Fußvolck sampt der Arckeley zu Frickenfeld den Laͤ- ger genommen. Deß andern Morgens fruͤhe vor tag/ ist der Oberst Feldhauptman vnd Marschalck/ mit eim hauffen
Q
Reysi-
Beschreibung
Reysigen/ fuͤr Weissenburg hin auff geritten/ dasselb Berennt/ vnnd darnach wider ins Laͤger kommen/ so ward denen von Weissenburg/ sich jhrer begangenen handlung halben/ mit den Fuͤrsten zu vertragen/ geschrieben/ dann sie nit die geringsten in dieser Auffruhr gewesen/ hatten der Pfaltz Flecken Seltz Jnge- nommen/ deßgleichen der Pfaltz offen Hauß St. Raim vber- zogen/ gepluͤndert vnnd auß gebrant/ deßgleichen gegen Friederichs von Fleckenstein Hauß Redern/ so Pfaltzgraͤfi- scher Diener was/ thaͤtliche gewaltsame handlungen fuͤrnem- men helffen/ auff solches schreiben vnd geleidt/ erschienen deren von Weissenburg Gesanten/ sampt dem Wolgebornen vnd Edeln Herꝛn/ Hanß Jacoben/ Freyherꝛn zu Merßburg vnd Beffort/ Roͤm. Keys. Landvogt im vnder Elsaß/ also wurd 2. oder 3. tag viel darunter gehandelt/ getheidigt/ vnd sie dahin gebracht/ daß die von Weissenburg fuͤr ein Abtrag 6000. flor. geben/ die auffruͤrischen boͤsen Buben/ die mein gnaͤdigster Herꝛ in der Statt mit dem Schwert richten lassen wolt/ anzeigen/ vnd das grob Geschuͤtz dem Keys. Landvogt vberantworten solten/ vnd hat man sich gaͤntzlich versehen/ es were die gestalt der sachen/ von gemeiner Statt Weissenburg dermaß zu ge- schrieben vnd bewilligt worden/ halt bey mir darfuͤr/ daß es der vrsach beschehen/ damit sie den Churfuͤrsten auff gehalten/ vnd sich mitlerzeit staͤrcken moͤchten. Es gab auch S. Gn. nicht die geringste verhinderung/ daß sie auff deß Durchleuchtig- sten Hochgebornen Fuͤrsten vnd Herꝛn/ Herꝛn Ferdinanden/ Ertzhertzogen zu Oesterreich verordneter Raͤth ansuchen/ S. F. G. den begerten Reutterdienst/ gegen den vbrigen Bawꝛen in
jhrem Fuͤrstenthumb/ wie Sein Gn. gern gethan hette/ nit leysten kont.
Das
Deß Bawrenkriegs.
Das 92. Cap. Welchermassen Weissenburg belegert ward.
A
Ber wie deme/ als die von Weissenburg je nichts anders/ dann deß Ernsts gewarten wolten/ ward der Pfaltzgraf Churfuͤrst verursacht/ sich zum Fuͤrzug zu schicken/ ver- ordnet Seiner G. Obersten Feldhauptman/ den Marschalck/ der Knecht Obersten vnd Hauptleut/ auch Zeug vnd Wagen- meister/ Georg von Nippenburg/ vñ Friederich Halbgewach- sen/ sampt einem Trierischen/ fuͤr Weissenburg zu ziehen/ das Laͤger zubesehen vnd einzunemmen/ auff solchen befehl/ zohen dieselben Morgends fruͤhe/ am Sambstag Kiliani/ mit zwey geschwader Reutter/ allem Fußvolck vnd Geschuͤtz/ fuͤr Weis- senburg/ nemen das Laͤger Jnn/ vnd fiengen an zu schiessen/ wie dann solches Sein Churfuͤrstl. Gn. so desselben tags/ mit sampt den andern Fuͤrsten vnnd Reysigen Zeug im Laͤger zu Minnfeld verharten/ befohlen/ vnd deroselben wolgefaͤllig war/ sie hatten das Laͤger an eim ohrt/ da sich die von Weissenburg am wenigsten versahen/ geschlagen/ nemblich die Pfaltzgraͤfi- schen Reysigen oben auff den Berg/ Jn: vnd bey dem Doͤrflein Schweig/ die Trierischen im Dorff Rechtenbach/ vnd Hertzog Ludwigs Reutter zu Rod/ vber dem Rennfeld/ aber das Fußvolck vnd Geschuͤtz/ bey dem zerbrochenen Burgsta- delden Grund hinab. Jn diesem Laͤger hat man die vmblie- gende Flecken vnd Doͤrffer/ die Auffruͤrisch vnd solcher hand- lung theilhafftig gewesen/ gebrandschatzt/ vnnd gestrafft/ sonderlich den Flecken Seltz wider Jngenommen/ außwelchem 7. Personen ins Laͤger gen Minnfeld gefuͤhrt/ vnnd mit dem Schwert gericht worden/ am nachfolgenden Sontag/ als der Marschalck wid’ zu meinem gnaͤdigstẽ Herꝛn kom̃en/ ist S. G.
Q ij
mit
Beschreibung
mit allem Reysigen Zeug von Minnfeld ab: vnd ins Laͤger ge- zogen/ da schlug sich jederman nieder/ vnd in derselben Nacht/ fieng gleich der Oberst Hauptman an zu schantzen/ sampt dem Zeug: vnd Wagenmeister/ Schlichen auch in der Nacht hin- ein biß auff den Graben der vmb die Vorstatt gehet/ besahen alle ding nach notturfft. Also Laͤgert vnd stelt man das Ge- schuͤtz dieselbe Nacht erst zu recht/ auch beschahe gemelte Nacht ein grosse arbeit/ so bald es Morgen war/ bließ man mit al- len Trommeten zu den Heerpaucken auff in der Schantz/ bote jhn in der Statt ein guten morgen/ dessen nit Jederman dancket/ ließ darauff das Geschuͤtz alsbald auffeinander abge- hen/ vnd schwind wider darauff geschossen. Also denselben Montag redlich hinein geblasen/ deßgleichen saumpten sich die in der Statt mit dem herauß schiessen auch nit.
Das 93. Cap. Wie die Sach getheydigt ward.
N
Vn kommen am selben tag zween Gesandten/ vom Keyserl. Regiment/ mit Namen Graf Dieterich von Manderschied/ vnnd Fritz von Lindbach/ deß gleichen von Staͤtten/ Straßburg/ Wormbs/ Speyer/ Ha- genaw/ Landaw vnd andern/ die begerten in der Sach zu thay- digen/ also vergunt mein gnaͤdigster Herꝛ der Pfaltzgraf/ den Regiments Personen zu handeln/ doch mit wissen name man keinen stillstand an/ sondern ward fuͤr vnd fuͤr/ ohn vnderlaß/ hefftig gegen der Statt gearbeit/ schossen also hefftig zu samen/ daß am folgenden Dienstag auff die 600. Schuͤß hinein geschahen/ daß es im gantzen Land/ auch vber Rhein erschall/ doch ward auff fleissig anhalten vñ vnderhandlung der zweyer Regiments Gesandten/ die Sach zu letzt dermassen gethay-
digt/
Deß Bawrenkriegs.
digt/ daß die von Weissenburg denselben Abent noch jhre Statt auffgaben/ dergestalt/ daß jhnen diese Rettung/ so der Keyserl. Landvogt im Laͤger zu Minnfeld erworben nit mehr gedeyen moͤcht/ zu dem sie im Durchziehen vnd Belaͤgerung nit kleinen Schaden erlitten/ sondern die Sach dahin gezogen/ daß sie die Statt meinem gnaͤdigsten Herꝛn dem Pfaltzgrafen/ fuͤr Seiner Gn. forderung/ auch auffgewanten Kosten 8000. flor. geben/ vnd Seine Gn. mit dem gantzen Reysigen Zeug in die Statt ziehen/ die Hauptsacher vnd Anstiffter zur Auffruhr/ gebuͤrender massen zu straffen/ darzu all groß Ge- schuͤtz/ so sie in der Statt hetten/ Seiner Gn. im Herauß zie- hen/ zu stellen vñ folgen lassen solten/ wie dann solches von jnen angenommen/ zugesagt vnd versichert wardt.
D
as 94. Cap. Was auff den Vertrag in der Statt Weissenburg gehandelt worden.
D
Arauff Sein Gn. am Mitwoch fruͤhe/ mit den Fuͤr- sten vnd allen Reysigen in die Statt geritten/ ließ auff dem Platz 3. enthaupten/ zweyen die Finger ab- hawen/ die vbrigen wurden abgebetten/ stelt demmach die Statt in ermeltes Land Vogts hand/ dieselb in Keyserl. Mayt. ge- horsamb wider anzunemmen/ vnd versprachen/ daß sie fuͤro- hin/ dergleichen nit mehr thun noch fuͤrnemmen wolten/ zohe nach vollendung desselben wider ins Laͤger/ vnd fuͤhrt 6. stuͤck Buͤchsen/ so der Statt gewesen/ mit sich herauß/ darunder waren zwo schoͤne Carthaunen/ auff die new Form/ fast seu- berlich gemacht/ trieben grosse Eysserne Kugeln/ derselben eine gab Sein Churfuͤrstl. Gn. dem Bischoff von Trier/
Q iij
Jtem
Beschreibung
Jtem zwo guter halb Schlangen/ gab Hertzog Ludwigen Grafen zu Veldentz eine. Die andern zwo/ waren zwo alter Steinbuͤchsen.
Das 95. Cap. Wie man von Weissenburg abge- zogen.
A
Ls nun der loͤblich Churfuͤrst/ mein gnaͤdigster Herꝛ der Pfaltzgraf/ noch zween tag/ wegen zufallender geschaͤfft/ in diesem Laͤger verharret/ die Reutter in eyl wider ab- gefertigt/ vnd mein gnaͤdigster Herꝛ/ der Ertzbischoff vnnd Churfuͤrst von Trier/ abzuziehen willens/ Namen die zween Churfuͤrsten gar ein freund: vnd lieblichen Abschied voneinan- der/ vnd Trier also mit seinen Reuttern vnd Fußvolck durchs Waßgaw hinein/ da dann Sein Gn. den ersten Nachtlaͤger zu Tann gehabt/ aber der Pfaltzgraf mit seinem Reysigen Zeug/ Fußvolck vnd Arckeley/ desselben tags gen Reinzabern gezogen/ derents Sein Gn. mit allem Zeug zu Ruͤltzen im Dorff den Nachtlaͤger genommen/ am folgenden tag gen Germerßheim geruckt/ daselbst ein tag still gelegen/ mit der Burgerschafft Handlung gepflegt/ vnd etliche vngehorsame Kinder straffen lassen. Fuhr darnach am Dienstag nach Margarethæ zu Germerßheim mit den Reuttern vber Rhein/ aber das Fußvolck vnd Geschuͤtz auff Speyer zu/ vnd daselbst vber Rhein gefahren. Also zohe Sein Churf. Gn. noch mit ei- nem schoͤnen Reysigen Zeug/ wol bey 6. od’ 700. Pferden/ ohn sonderlichen Pracht oder Triumpff/ als ein muthsamer Fuͤrst/ so zu keinem vbermuth geneigt/ in sein Statt Heydel- berg/ vnd auff Sein Churfuͤrstl. Schloß/ da Sein Gn. noch alle ding in gutem richtigen Wesen fand. Am Mitwoch dar-
nach/
Deß Bawrenkriegs.
nach/ weil Sein Churfuͤrstl. Gn. ohnzweiffentlich betracht hat/ daß aller Sieg von Gott herfleust/ als in diesen gefaͤhr- lichen laͤuffen der Augenschein eigentlich darthut/ hie vnden in der Statt/ der heiligen ohnzertheilten Dreyfaltigkeit zu Lob/ ein Ampt der H. Meß/ in beysein Seiner Churfuͤrstl. Gn. dero Grafen/ Herꝛn vnd vom Adel/ vollbringen/ Nachfol-
gends/ was nitch Hofgesind war/ mit gnaͤdiger Danck- sagung vnd Fuͤrstlichem erbieten/ menniglich wieder anheim ziehen lassen.
ENDE.