Das ander Buch Oden vnd
Gesaͤng.
Durch
Georg—Rodolf Weck- herlin.
An den
Durchleuchti-
gen vnd Hochgebornen Fuͤrsten vnd Herꝛen/ Herꝛen
Georg—Friderichen
Marggrafen zu Baden vnd Hoch- berg ꝛc. Landgrafen zu Sausenberg/ Herꝛen zu Roͤteln vnd Badenweiler ꝛc. Meinen gnaͤdigen Fuͤrsten vnd Herꝛen ꝛc.
O
Großer Printz/ in dessen schutz
Sich alle Tugenten ergeben/
Das Sie der argen welt zu trutz
Moͤgen auf erden sicher leben;
Printz
Printz/ meiner Musen zuversicht/
Verschmaͤhet dises Buͤchlin nicht
So Euch auf der Musen begehren
Jch demuͤtiglich thu verehren.
Dan als ich newlich nachts allein
Auf dem feld hin vnd her spatzierte
Wahin Ph
æ
be mit halbem schein
Meine vnachtsame trit fuͤhrte/
Vnd verdrossen bey mir gedacht/
Wie uͤbel ich die zeit zubracht/
Jn welcher mit der Musen lehren
Jch mich selbs thet vmbsunst bethoͤren:
Da fand ich mich an einem Ort
Bald von Jhnen allen vmbgeben/
Vnd hoͤrt Sie durch manch suͤßes wort
Meinem verdruß gern widerstreben:
Jnsonderheit kam auch herfuͤr
Jhr Fuͤhrer Apollo/ der mir
Gleich fuͤr Sie all auf meine klagen
Jhre meinung selbs fuͤrgetragen:
Filodor (sprach Er) laß numehr
All forcht/ sorgen vnd trawren fahren/
Dan ein Fuͤrst/ aller Fuͤrsten ehr/
Kan
Kan vnd will Vns vnd Dich bewahren;
Vnd ist sein Nam (der wie sein gunst/
Ein getrewer schirm vnsrer Kunst)
Georg-Friderich Marggraf zu Baden/
Bey welchem Wir vnd du in gnaden.
Jhm opfer du auf dein gesang/
Vnd schew dich nicht vor seinen wafen/
Ab welchen seinen Feinden bang/
Welche der Hoͤchst durch Jhn will strafen:
Dan die große Helden allzeit
Haben vor/ in vnd nach dem streit
Vns geliebet/ Ja vns geehret/
Vnd Jhrer gegenwart gewehret.
Auch ist Jhr lob noch billich kund/
Vnd kan ewiglich nicht vergehen/
Welches eines Poeten mund
Der gantzen welt gab zuverstehen;
Darumb gib Jhm auch ehr vnd preiß/
Dan ja der menschen hoͤchster fleiß
Kan den Goͤttern mehr nicht erweisen
Dan Sie loben/ ehren vnd preisen.
Als Jupiter durch seine strahl
Den Risen jhr leben verkuͤrtzet/
A iij
Vnd
Vnd von des himels hohem wahl
Sie uͤber vnd uͤber gestuͤrtzet/
Begehrte Er (sigreich) mehr nicht/
Dan das wir ein schoͤnes gedicht
Vor seinen Ohren wol erklangen/
Vnd sein lob mit seinem sig sangen.
Wolan dan/ Castalischer Chor
Lasst vns auch disen Fuͤrsten ehren/
Vnd du sing mit Vns/ Filodor/
Als wir deinen mund werden lehren:
Vnd weil Er ja vnser Patron/
So lasst vns flechten eine Cron/
Die du Jhm deemuͤhtig solt bringen.
Fieng demnach also zusingen:
Cron
Cron.
G
Eorg-Friderich ist der sterb-
lichen ehr/
Vnd von den Goͤttern selbs geehret/
Welche die Welt durch seines lebens lehr
Aller jhrer reichtumb gewehret.
Dan Er ist ja an Tugenten so reich/
Das wan sein Land seinem verdienst waͤr
gleich/
So wuͤrd man Mich darin aufgehen/
Vnd wider—nider—gehen sehen.
Aber der Goͤtter aigne hand/
Die seine Sehl also goͤtlich bereichet/
Beraitet Jhm in Jhrem Land
Ein solche Cron/ deren der Vmbkraiß wei-
chet:
Doch soll seine stirn wehrt vnd weiß
Noch so bald nicht damit geeroͤnet werden/
Auf das Erlaͤnger bleib auf erden
Diser Welt lieb/ hofnung/ wollust vnd preiß.
A iiij
Clio.
D
Jser welt lieb/ hofnung/ wollust vnd
preiß
Wirt Er billich allein geachtet/
Wan man allein seine
Weißheit
mit fleiß
(Als der Tugenten haubt) betrachtet.
Durch Sie kan Er/ weiß/ fuͤrsichtig vnd klug
Wol in dem grund den verstoͤlten Betrug/
Vnd die verborgne Warheit sehen/
Vnd jenem vnd der Rew entgehen.
Durch Sie befuͤrdert Er die gleich
Deren verdienst Jhre bit nicht verneinet;
Durch Sie ist Er Jhm selbs stehts gleich/
Dz er nicht spꝛicht/ dz haͤt ich nicht vermeinet.
Ja auf diser Welt wildem Moͤhr/
Kan Er durch Sie ohn forcht aller gefahrẽ
Mit seinen Tugenten vmbfahren
Vnverwundlich vnder der Feinden Hoͤhr.
V
Nverwundlich vnder der feindẽ hoͤhr
Macht jhn die Dapferkeit verbleibẽ/
Er kan mit Jhr/ als seinem schilt vnd
woͤhr/
Was
Was sunst zufoͤrchten ist vertreiben:
Jn Jhr/ gleichsam in einem vosten schloß
Kan sein gemuͤht/ maͤchtig/ einig vñ groß/
Des Lebens krieg sicher verwalten/
Vnd die belaͤgrung frey außhalten:
Mit Jhr kan Er in gutem Gluͤck
(Welches oft falsch) sich gantz sanftmuͤhtig
naigen;
Aber wider des Vngluͤcks duͤck
Sein starckes hertz allzeit sigreich erzaigen.
Ja seiner streitbaren faust macht
Wirt seine feind (ob Got will) noch zustoͤren/
Das man Jhren verlust soll hoͤren
Durch meiner stim vnvergaͤnglichẽ pracht.
D
Vrch meiner stim vnvergaͤnglichen
pracht
Muß ich seine Maͤßigkeit preisen/
Die als sein Raht vñ Doctor tag vñ nache
Thaͤt seine begird vnderweisen.
Sie haͤlt den zaum mit so gewißer hand
Jn seiner sehl/ das in allem zustand
Sein gaist/ geberden vnd gedancken
Niemahl vnder einander schwancken:
A v
Sie
Sielasst keine vnordnung zu/
Zu-wenig vnd Zu-vil in jhm nicht krieget/
Sie macht in Jhm ein solche ruh/
Das die Vernunft allen willen vernuͤeget:
Sie macht das seiner thaten grund
Nicht auf des Volcks meinung vnd lob be-
stehet;
Vnd das sein red vnd thun gleich gehet/
Damit steif bleib seiner Tugenten bund.
D
Amit steif bleib seiner Tugẽtẽ bund/
Der seinen leib vnd sehl erquicket/
So ehret Er mit der that vnd dem
mund
Die/ welche Raht vnd That begluͤcket.
Die Nuͤchterkeit (die bey Hof in dem bann/
Die schier kein Fuͤrst/ kein Reicher/ kein
Hofman
Mehr will weder sehen noch hoͤren/
Vnd darumb in Jhm mehr zuehren)
Die macht das sein koch Fruͤh-auf-sein
Seine mahlzeit nach gefallen beraitet;
Vnd das der Reichtumb falscher schein
(Der Gailheit nest) Jhr banier nicht auß-
spraitet:
Ja
Ja Sie verhindert den Wollust/
Das Er niemal die Tugent vnderdrucket/
Vnd sie macht/ das die Tugent schmucket
Sein volck mit lieb/ vnd mit lob seine brust.
S
Ein volck mit lieb/ vnd mit lob seine
brust
Thut seine Embsigkeit erfuͤllen/
Dan keines tags/ nein/ keiner stund verlust
Hat je bethoͤret seinen willen.
Es kan kein Fuͤrst dẽ Staht seiner Landschaft/
Vnd seines volcks gemuͤht vñ aigenschaft
So wol sehen/ wissen/ bekehren/
Vnd mit guten exempeln lehren:
Kein Fuͤrst kan so muͤhsam vnd weiß
Der nohtdurft nach die Ämpter selbs be-
setzen/
Die geschaͤften mit sorg vnd fleiß
Verꝛichten bald/ vnd den verdienst ergoͤtzẽ;
Noch mit Ruh-verachtender hand
Zujeder zeit das stewr so gewiß halten/
Vnd alles so embsig verwalten/
Wie Er gantz gleich an muͤh/ fleiß vñ verstãd.
Terp-
W
Je Er gantz gleich an muͤh/ fleiß vnd
verstand/
Seine Freygaͤbigkeit erklaͤret/
Durch die Er nicht seinen pracht/ ruhm
vnd stand/
Sondern des Hoͤchsten lob vermehret:
Jndem niemand zu großen uͤberfluß
(Der gemeinglich einen spahten verdruß
Vnd widerwillen verursachet)
Bey Jhm falsch-lobet noch verlachet:
Vnd zu—freyhe Freygaͤbigkeit
Bey Jhm niemand zuverlierẽ erschroͤcket;
Sondern sich seine Miltigkeit
Auf den verdienst vnd die nohtdurft erstroͤcket.
Dan ja sein hertz vnd hand recht frey/
Die wissen wol des bodens zuverschonen/
Vnd auch nach gebuͤhr wol-zu-lohnen/
Auf das Sein lob wuͤrdig vnd wehrhaft
sey.
A
Vf das sein lob wuͤrdig vnd wehrhaft
sey
Bringt seine Gnad vnd Guͤt zuwegẽ;
Fuͤr
Fuͤr Sie ist Jhm sein volck hold vñ getrew/
Als fuͤr seinen reichesten seegen:
Durch Sie wirt Er geehret in dem Land/
Sie ist allein der rechte Amors-brand/
Damit Er die sehlen anzindet/
Vnd Sie so gehorsam erfindet/
Das Sie Jhn/ nein/ vilmehr fuͤr Jhn
Foͤrchten/ vnd Jhn mehr dan Sich selbs
bewahren;
Fuͤr Jhn (Jhren besten gewin)
Weder arbeit noch leib vnd leben spahren:
Er ist Jhr Vatter/ Jhr Patron/
Ja Jhr Got selbs von dẽ sie gnad erlangẽ/
Vnd durch Gnad soll auch Er empfangẽ
Von Gottes hand des Himels Gnadẽ-cron.
V
On Gottes hand des Himels Gna-
den-cron
Die Gotsforcht jm zuwegẽ bringet/
Jch waiß wie sie sich zu des Hoͤchstẽ thron
Mit kraͤftigem eyfer aufschwinget.
Sie deren lob billich in meinem mund/
Die ist allein aller Tugenten grund/
Ohn welchen Sie zu boden fallen/
Sie
Sie ist der Engeln wolgefallen;
Sie ist der Sehlen starck es band/
Ohn welches sich der menschẽ lieb vernichtet;
Vnd nur durch Jhr maͤchtige hand
Werden die Staͤt vñ Laͤnder aufgerichtet:
Sie gibt Jhm einen solchen muht/
Das Er niemand verdam̃et oder hasset/
Vnd sich allein auf Got verlasset/
Fromb fuͤr sich selbs/ vñ fuͤr jederman gut.
F
Romb fuͤr Sich selbs/ vnd fuͤr jeder-
man gut
Thut Er loͤblich sein volck regieren/
Ja wa muͤglich will Er der boͤsen blut
Vilmehr purgieren dan verlieren:
Das thut in Jhm der Gerechtigkeit macht/
Welche des Lands gewiße vhr vnd wacht/
Die Jhn niemahl lasset entschlafen/
Wan zu verzeihen vnd zustrafen:
Durch sie der Stand vnd das Geschlecht
Zichen bey jhm die Wag nicht auf die seitẽ;
Durch Sie ist Recht niemahl Vnrecht/
Noch Vnrecht Recht an jhm noch andern
Leuten:
Ja
Ja Sie ist gleich fuͤr groß vnd klein/
Vnd Sie selbs hat mit guldinen buchstabẽ
Dise wort in sein hertz gegraben:
Des volcks wolfahrt soll dz hoͤchst Gesatz sein.
D
Es Volcks wolfahrt soll das hoͤchst
gesatz sein
Das thun all seine Sitten lehren.
Seines gesichts Mayestetischer schein/
Seiner augen ernstliche lehren/
Seiner person gantz herꝛliche gestalt/
Seines verstãds stehts-from̃ender gewalt/
Darab sich die menschen entsetzen/
Damit sich die Goͤtter ergoͤtzen/
Seines munds wahrhaftige frucht/
Dadurch die sehl sich bessert vnd erfrewet/
Seiner geberden khuͤne zucht/
Welche mit ernst schand vñlaster zustroͤwet/
Vnd sein Vrthail/ der Kuͤnsten lohn/
Ja was Er ist/ alles macht vns bekennen/
Das Wir Jhn muͤssen billich nennen
Der Musen trost/ vñ der Tugenten wohn.
Der
D
Er Musen trost/ vnd der Tugenten
wohn/
Vnd der Potentaten Exempel;
Ja wie zu Rom der tempel Pantheon
War einmahl aller Goͤtter tempel:
Also ist jetz bey vns
Georg-Friderich/
Der hat allein die Tugenten bey sich.
Er ist Weiß sich wol fuͤr-zu-sehen/
Starck gluͤck vnd vngluͤck auß-zu-stehen/
Maͤßig/ Nuͤchtern/ Embsig zugleich/
Milt wol-zu-thun/ vnd recht vnd wol zu-
geben/
An Gnad/ Gotsforcht vñ From̃keit reich/
Gerecht fuͤr Sich vnd fuͤr andre zu leben/
Von Sitten die je mehr vnd mehr
Der Menschen Hertz mit lieb vnd lob durch-
dringen:
Darumb Wir billich zumahl singen/
Georg-Friderich
ist der sterblichen ehr.
Georg-Rodolf Weckherlin.
Das
Das ander Buch.
Des andern Buchs Die erste Ode.
Lobgesang/
an
DJe Durch- leuchtigste Churfuͤrstin/ ꝛc.
Fraw Elisabeth/ ꝛc. Geborne Koͤ- nigliche Princessin auß Groß-Bri- tanien/ ꝛc.
P
Rincessin deren Leib vnd Sehl/
Himelisch vnd ohn allen fehl/
Ein suͤsses wunder hie auf erden:
Angeschen Ewre gestalt/
Vnd Ewrer lieblichkeit gewalt/
Koͤnt Jhr wol Venus genant werden.
B
Jhr
Das ander Buch.
Jhr habt/ wie sie/ braunlechte haar/
Augen leuchtend braunlecht vnd klar/
Vnd alles was schoͤn zuvermehren:
Jhr koͤnt mit dem reinesten strick
Ewers haars/ vnd einem anblick
Mehr dan sie fangen vnd versehren.
Wirt aber Ewer glatte stirn/
Vnd der/ auß dessen weisem hirn
Jhr goͤtlich entsprungen/ betrachtet:
So werdet Jhr mit groͤsserm preiß
Von denen die gelehrt vnd weiß
Minerua selbs zusein geachtet.
Ewer suͤß-khuͤnes angesicht
Gibt einen ernstlichen bericht
Von Ewrer lieb keuschen gedancken:
Gotsforcht/ die Ewer schilt vnd woͤhr/
Vnd Frombkeit/ Ewer scharpfes spoͤhr
Daͤmpfen hoͤse luͤst in den schrancken.
Ferꝛners/ Schoͤne Heldin/ wan Jhr
Raͤh/ Hirsch/ vnd andre wilde thier
Zu-faͤllen/ wolt die waͤld durchziehen:
So sicht man daß die Nymfen Euch
Wie Ph
æ
be folgen/ vnd zugleich
Die uͤppige Wald-goͤter fliehen.
Zwar
Das ander Buch.
Zwar koͤnt Jhr wol Diana sein/
Als deren stehtiger Vollschein
Kan die nacht in den tag verkehren:
Vnd deren Zucht jhr Koͤcher ist/
Vnd deren blick zu jeder frist
Als strahlen dir Goͤter versehren.
Wan dan Ewer loͤblicher pracht/
Herꝛlichkeit/ Mayestet/ vnd macht
Der sterblichen gesicht durch dringen:
Will sie alsbald jhre vernunft/
Das Juno durch jhre ankunft
Sie erquick/ zu bekennen zwingen.
Zwar billich/ dan Ewreperson (Vil wuͤrdiger der hoͤchsten Cron
Dan Juno) kan sich wol bereichen
Mit solchem schmuck nach jhrem stand/
Das jhr an koͤstlichem gewand
Vnd kleinoten Juno muß weichen.
Also/ Goͤtin/ koͤnt jhr allein
Mit keuschem vnbefloͤcktem schein
Mehr dan Ph
æ
be; mit Kunst vnd Lehren
Mehr dan Pallas; mit Lieblichkeit
B ij
Mehr
Das ander Buch.
Mehr dan Cypris; mit Koͤstlichkeit
Mehr dan Juno die welt gewehren.
Die andere Ode.
Von dem new- en Garten/ welchen die
Durchleuchtige ꝛc. Fraw Barbara Sophia Hertzogin zu Wuͤrtemberg ꝛc. ge- borne Marggraͤfin zu Branden- burg ꝛc. angerichtet.
K
Anst du wol gluͤckseliger sein/
O du stehts gesegneter Garten
?
Du darfest auf den Sonnenschein
Nicht wie sunst andre gaͤrten warten.
Dan deiner aignen Sonnen glantz
Kan all deine gewaͤchs erlaben/
Vnd deine gaͤng/ stoͤck/ vnd baͤum gantz
Mit bequemer Jahrs-zeit begaben.
Der fruͤling jhres angesichts
Kan dich mit gilg vnd rosen zieren/
Das
Das ander Buch.
Das dir an blumen mangle nichts/
Wan schon alle gaͤrten gefruͤeren:
So wirt dein grund mit gruͤnem lust/
Wa sie nun jhren fuß hinsetzet/
Wie deine zweig vnd aͤst mit blust
Vnd frucht durch jhre hand/ ergoͤtzet.
Vnd Sie in dir macht das ab dir
Sich himel vnd erden erquicken/
Vnd das du/ aller gaͤrten zier/
Sie all mit blumen kanst erquicken.
Ja/ wan Sie (aller blumen ruhm)
Jn dir deine gewaͤchs betrachtet/
Werden kaum gegen solcher blum
Deine blumen wie graß geachtet.
B iij
Die
Das ander Buch.
Die drite Ode.
An ꝛc. HErꝛen Johan-Friderichen Hertzo- gen zu Wirtemberg ꝛc.
V
On den thaten Ewrer Vorfahren/
Welche durch jhrer manheit prob
Suchten ein vnsterbliches lob
Jn den toͤdlichsten Kriegs-gefahren:
Von jhrem hochweisen verstand
Damit Sie den freunden genuͤtzet/
Vnd oft in hoͤchster noth das Land
Wider maͤchtige feind beschuͤtzet:
Ja wol von dem Helden allein/
Dessen ruhms stehts-wehrender schein
Dises Land/ ja die welt bezeuget/
Von dessen samen Jhr gezeuget:
Wolt ich ein solches lob beschreiben
Das jhres namens wahrer preiß
Solt
Das ander Buch.
Solt (O Printz wie Sie from vnd weiß)
Auch Ewers namens preiß verbleiben?
Aber die tugenden/ so Euch
Selbs liebreich vnd lobreicher machen/
Wuͤrden Euch ab frembdemlob gleich
Schamroht zuwerden verursachen
Darumb ich Euch vilmehr begehr/ (Erkennend Ewer aigne ehr)
Ein aignen altar aufzurichten/
Vnd aufzuopfern aigne fruͤchten.
Doch zuvor wolt ich sein gewehret
Dessen/ ohn welehes mir hie bang/
Vnd was in seinem Lob-gesang
Auch Callimachus recht begehret:
Mit tugent (spricht er) vnd mit haab
Thu mich O Jupiter begaben;
Ohn gut ist die Tugent schabab/
Ohn tugent wolt ich kein gut haben:
Dan keines ohn das ander gut/
Darumb gib beedes/ das mein muth
Sich stehts der Tugent moͤg ergeben/
Vnd auch mit guͤtern froͤlich leben.
Die Koͤnige hielten vor Jahren
Die Poeten in wehrtem stand/
B iiij
Vnd
Das ander Buch.
Vnd ließ jhnen jhr milte hand
Vil ehr vnd guͤter widerfahren:
Vnd haben die Helden allzeit
Die Poesy billich geliebet/
Ja jhrer vil auch nach dem streit
Sich selbs darinnen gern geuͤbet.
Vnd warlich dise schoͤne Kunst/
Findet noch vnfehlbarlich gunst
Bey denen die sieh zu vermehren
Durch jhre tugent fleiß ankehren.
Dan ein lob kan ja nicht mißfallen/
Sondern ist suͤß/ gut/ vnd recht kund/
Welches ein lob-wuͤrdiger mund
Thut mit getrewer Zier erschallen.
Vnd ohn ein solches lob-gesang
Kan kein grosser nam lang bestehen/
Sondern des Tods vnd der Zeit zwang
Machen jhn kuͤrtzlich zu grund gehen.
Darumb ich keinen zweifel hab/
Es werd auch meiner Musen gaab (O Fuͤrst so loͤblich als vollkommen
!
)
Von Euch gnaͤdiglich aufgenommen.
Die
Das ander Buch
Die vierte Ode.
Aigentliche Bildnus ꝛc. Herꝛen Ge- org-Friderichs Marggra- fen zu Baden vnd Hoch- berg ꝛc.
W
Je ein großer Printz triumfier
Vnuͤberwuͤndlich uͤberwunden/
Sein land frey halt vnd wol regier/
Wie die menschen frey vnd gebunden:
Wie Sie die lieb mach allzeit frey/
Wie fro Sie mach die forcht vnd trew/
Solt du Musa jetzund betrachten/
Vnd singen mit so hohem klang/
Das die Nachkoͤmling dein gesang
Als ein wunder ewig hochachten.
Er (in sich selbs gerecht vnd rein)
Die billich keit bey sich losieret/
B v
Das
Das ander Buch.
Das seiner Gerechtigkeit schein
Jhn also klar vmb vnd vmb zieret:
Vnd jhr vnd sein suͤßer gewalt
Macht frey vnd sicher dergestalt/
Das seine leut gluͤckseelig leben:
So wirt auch sein gesatz mit lehr
Durch seine stirn/ oder vilmehr
Durch sein thun an das liecht gegeben.
Sein goͤtliche form vnd gesicht
Macht das die sitten/ so auferden
Sunst menschlich/ mehꝛ fuͤꝛ menschlich nicht/
Sondern fuͤr goͤtlich erkant werden:
Des himels beyspihl/ kraft vnd zier
Stoͤllet vns seine Gotsforcht fuͤr:
Sein leib/ damit sein Land belohnet/
Jst ein Jrdisches himelreich/
Welches sein gaist maͤchtig vnd reich
An herꝛlichkeit (seelig) bewohnet.
Seines weisen Rahts starcke hand Öfnet der Fuͤrsichtigkeit tempel;
Vnd sein all-gruͤndender verstand
Gibt andern Weisen ein exempel/
Wie sie durch ernstliche anblick
Koͤnden zumahl in allem gluͤck
Ernst
Das ander Buch.
Ernst/ guͤte/ straf oder gnad uͤben;
Vnd wie ein mensch zu aller frist/
Der milt/ guͤtig vnd gnaͤdig ist
Als ein jrdischer Got zu lieben.
Er (als der in der Tugent kraiß
Ein newer Alcides geboren)
Hat auch der Tugent muͤh vnd schwaiß
Fuͤr seine lieb vnd lust erkoren:
Der Tugent werck seind seine ruh/
Muͤssig bringet er die zeit zu
Mit fortpflantzung guter gesaͤtzen:
Keinen haß noͤhret seine sehl/
Jedoch das seine sinn ohn fehl
Sich den lastern starck widersetzen.
Seiner augen klares gestirn
Kan sein Land mit dem friden segnen:
Seine Mayestet-reiche stirn
Macht darauf allen seegen regnen.
Seiner wahren triumfen pracht
Jst nicht mit Kriegs wafen vnd macht/
Sondern mit dem friden gezieret:
Also der himel selbs mit wohn
Vnd hayligem schmuck/ ob er schon
Nicht krieget/ dannoch triumfieret.
Sein
Das ander Buch.
Sein hertz ist großmuͤhtig allzeit
Frid zuhalten/ oder zukriegen:
Vnd wie der frid also der streit
Kan sein fridreiches hertz vernuͤegen.
Seiner muͤh vnd vnruh bestand
Bestehtiget mit ruh sein Land:
Auß seiner Tugent quellen fliessen
So vil Tugenten/ das jhr zahl (Vnzaͤhlich) macht sein Land zumahl
Ein sanftes Tugent-moͤhr genuͤssen.
Wiewol seine faust/ hertz vnd muht/
Stehts sigreich/ niemahls uͤberwunden
;
Hat er doch selbs sein Heldenblut/
Ja sich selbs (sigreicher) gebunden:
Doch ist sein suͤße dienstbarkeit
Nichts dan freyheit vnd herꝛlichkeit.
Jn seinem Raht die thaten bluͤhen/
Vnd das sinwell Gluͤck wirt standhaft/
Ja/ seines guten Lebens kraft
Wirt dem tod seine kraft entziehen.
Das thier so (nur fuͤr sich selbs groß)
Seines nechsten verdienst verneinet
Auch das thier so (niemahl schmertzloß)
Ab seines nechsten lachen weinet/
Ligen
Das ander Buch.
Ligen gantz bestutzet zu grund
Ab dem glantz seines lobs so kund/
Das sich jhr hertz darab entsetzet:
Jndem sein sorgfaͤltiger fleiß/
Stehts jederman auf alle weiß
Zu ergoͤtzen/ Jhn selbs ergoͤtzet.
Freygebig gibt er auß sein gold/
Voͤst ist Er sein ehr hand-zu-haben;
Mit forcht wirt Jhm jederman hold:
Das ist der gewin seiner gaben/
Das moͤniglich mit lieb vnd forcht
Jhn ehret vnd jhm gern gehorcht/
Jndem Er (goͤtlich angefuͤhret)
Gantz streng mit ernsthaftem gemuͤht
Sich selbs/ vnd mit geehrter guͤt
Vnd milter lieb andre regieret.
Er herschet vnder dem gebot/
Sovil jhm der buchstab anzaiget/
Vber sich selbs/ weil er ohn spot
Gehorsam sich darunder naiget:
Vnd seinem Reich (der Rechten schatz)
Gehorchet der Natur gesatz:
Vnd wie ernidrigt Er zusehen
Mit seiner tieffen lehr vnd kunst;
Also
Das ander Buch.
Also der welt billiche gunst
Vnd lieb pfleget Jhn zu erhoͤhen.
Jn seiner vnderthanen brust
Vermehret sich taͤglich sein leben;
Sie begehren alle mit lust
Jhr leben fuͤr jhn aufzugeben:
Vnd ist jhr wehrte dienstbarkeit
Ein groͤssere gluͤckseeligkeit/
Dan so Sie andern zu befehlen:
Also dise lieb beeder werts
Macht auß sovil hertzen ein hertz/
Vnd nur ein sehl auß sovil sehlen.
Es ist nicht muͤglich/ das die ehr/
Damit die menschen jhn bereichen
Vnd uͤberhauffen mehr vnd mehr/
Sich seinem verdienst moͤg vergleichen.
Der thewreste schatz den Er hat
Jst der vnschaͤtzliche voꝛraht
Deren willen/ die seinem willen
Williglich aufgeopfert seind:
Vnd Er des himels lieber freund
Thut den Vmbkraiß mit lieb erfuͤllen.
Nu darf mein vnwuͤrdige hand (Hand ach
!
das dir nicht thu mißlingen
!
)
Nicht
Das ander Buch.
Nicht eine gaab auß Morgenland/
Noch sunst uͤber Moͤhr Euch herbringen:
Sondern ein vil reichere gaab/
Namlich Ewer thewreste haab/
Ja das (so nicht gnug zu vermehren)
Was jhr an Euch selbs seit/ Ja Euch/
Euch selbs/ Held/ der Jhr nur Euch gleich/
Hiemit deemuͤhtiglich verehren.
Die fuͤnfte Ode.
Zu Ehren ꝛc. Herren Chri- stian dem Eltern/ Fuͤrsten zuͤ Auhalt/ ꝛc.
W
Eil ich sah das die lehr vnd kunst/
So die Musen vmb fleiß verkauffẽ/
Schier bey allen so gar vmb-sunst/
Das man damit moͤcht betlen lauffen;
Vnd
Das ander Buch.
Vnd das Sie wie mir jhre lehr
Bey den frembden gunst/ lieb vnd ehr
Erworben/ hie mich machten hassen:
So beschloß ich in Teutscher sprach (Der vnerfahrnen meinung nach
Zu grob) zuschreiben abzulassen.
Aber waͤr es nicht eine schand/
Wan ich auf diser meinung bleiben/
Vnd nicht solt mit get rewer hand
Von Euch ein lobgesang beschreiben
?
Von euch/ Printz/ dessen wuͤrdigkeit
Vilmehr dan die vndanckbarkeit
Diser Welt mein gemuͤht anzuͤndet:
Bey dessen tieffen erkantnus
Wahre Kunst keine hindernus
Vnd vnverstand keinen schutz findet.
Dan jhꝛ/ Printz/ seit des Teutschlands wohn/
Lieb/ verlangen/ vnd wolgefallen/
Von dem/ so der Tugent Patron/
Meine stim billich soll erschallen.
Euch/ Euch hat seinem volck zu nutz/
Seinen widersaͤchern zu trutz/
Got als einen Waͤchtern gegeben;
Das es nach Ewrem weisen raht/
Vnd
Das ander Buch.
Vnd durch Ewer fleissige that
Kan still/ ruͤhwig vnd froͤlich leben.
Ajax kont durch sein starcke hand
So vil als der Kuͤnestverꝛichten;
Aber zuschlecht war verstand
Durch guten raht etwas zuschlichten:
Also seit Jhr bey weitem nicht/
Sondern Ewer weises gericht (Dessen sich alle fromme froͤwen)
Kan wie Vlysses Ewre freund
Durch raht erhalten/ vnd die feind
Wie Ajax durch thaten zustroͤwen.
O wie wolt ich dises gesang
Mit vil schoͤnen exempeln zieren/
Vnd ewre faust mit klarem klang
Wie Ewers verstands kraft außfuͤhren?
Wan jhr nicht selbs woltet vilmehr
Ewers namens wuͤrdige ehr
Stehts verdienen/ dan loben hoͤren:
Vnd wan eines sterblichen prob
Kont mit seinem mund Ewer lob
Wie mit seinem hertzen vermehren.
Es waißt vnd bezeuget Franckreich (Kriegs vnd fridens halb hochgeprisen)
C
Wie
Das ander Buch.
Wie weiß vnd wie dapfer jhr euch
Gleich in ewrem fruͤling erwisen:
Der Groß vnd Gleichloßvon Bourbon/
So der nechst gebluͤts/ namens/ cron/
Vnd auch ends halb ist nachgegangen
Dem von Valois/ der hat mit lust
Vnd lieb von ewrer faust vnd brust
Manchen dienst vnd nutzen empfangen.
So hat sidher Ewer verstand
Vil Christ-fuͤrstlicher werck vollendet/
Jnsonderheit von dem Tentschland
Manche gefahren abgewendet:
So wirdt billich Ewre Weißheit/
Wan span/ zwitracht vnd vngleichheit
Vnder Fuͤrsten ist/ hochgehalten:
So kan Ewer beredter mund
Mit zierlichkeit vnd sattem grund/
Mehr dan Cincas kont/ verwalten.
Aber damit niemand vermein/
Jch woll Euch in einem Lied singen/
Vnd (frech) Ewer lob/ dessen schein
Klar wie die sonn/ hie gantz fuͤrbringen;
So brich ich jetz deemuͤtig ab/
Vnd bit Jhr wollet dise gaab
Auf-
Das ander Buch.
Aufnemen/ vnd zumahl erwegen/
Jch folg der besten Mahler weiß/
Welche fuͤr die Sonn selbs mit fleiß
Allein ein aug zu mahlen pflegen.
Die sechste Ode.
Lobgesang Von ꝛc. Herren Moritzen/ Fuͤrsten zu Vra- nien/ Grafen von Nassaw ꝛc.
J
Hr menschen bawet einen tempel
Fuͤr den der aller Fuͤrsten ruhm/
Der aller Soldaten exempel
Vnd auch aller Tugenten blum/
Vnd singet stehts: Moritz durch deine thaten
Bist du der ruhm der Fuͤrsten vnd Soldaten.
Aber welche witz darf sich wagen/
Ja welche stim ist wol hoch gnug/
C ij
Der
Das ander Buch.
Der welt mit worten fuͤr zutragen
Seine werck khuͤn/ maͤchtig vnd klug
?
Jst nicht der glantz seiner gleichlosen thaten
Ein spiegel fuͤr die Fuͤrsten vnd Soldaten
?
Gleich in dem fruͤling seiner Jugent
Schlug Er also die stoltze feind/
Das die gedancken/ seine Tugenk
Zu beruͤhren/ zu nider seind:
Vnd ist allein die geschicht seiner thaten
Ein wahꝛer Text fuͤr Fuͤrsten vnd Soldaten.
Was hat Griechenland wol erdichtet
Von seinen Helden all zumahl
?
Vnd was hat Hercules verꝛichtet
Mit eusserster muͤh vnd drangsahl
?
Das gleichen moͤg vnsers Moritzen thaten/
Die ein lehrbuch fuͤr Fuͤrsten vnd Soldaten.
Sein nam macht das die schier verzagẽ
Deren hertz voll ehr geitz vnd pracht:
Er ist der erst den feind zuschlagen/
Vnd der letzt auß der groͤsten schlacht;
Er ist der ruh m der Fuͤrsten vnd Soldaten/
Vnd wunder seind seine gleichlose thaten.
Ver-
Das ander Buch.
Was Er mit reiffem raht thut gruͤndẽ
Verꝛichtet Er schnell vnd mit fleiß:
Gleichloß ist Er zu uͤberwuͤnden/
Vnd zu ver zeihen gleicherweiß;
Also das Er billich durch seine thaten
Ein spiegel ist fuͤr Fuͤrsten vnd Soldaten.
Praͤchtig ist Er den stoltz zu daͤmpfen/
Guͤtig ist Er gleich nach dem streit;
Vnd wie groß-maͤchtiger zu kaͤmpfen/
So gerecht ist er fridenszeit:
Er ist gleichloß durch seine Helden-thaten/
Allein der ruhm der Fuͤrsten vnd Soldaten.
Sein aug kan das vngluͤck vertreiben/
Der hertzen trost seind seine wort/
Sein vnruh macht vns ruͤhwig bleibẽ/
Seiner muͤh Moͤhr ist vnser port:
Vnd die anzahl seiner maͤchtigen thaten
Seind dz lehrbuch der Fuͤrsten vnd Soldatẽ.
Seinen sanftmuht hat man erfahren
Jn seiner feinden wuht vnd flucht/
Sigen/ verzeihen vnd bewahren
Jst seiner arbeit suͤße frucht:
C iij
Ein
Das ander Buch.
Ein jedes stuͤck seiner loͤblichen thaten
Jst ein beyspihl fuͤr Fuͤrsten vnd Soldaten.
Er ist der Welt zier hochgeehret/
Der boͤsen straf/ der guten lohn/
Jn aller Welt hertzen vermehret/
Seiner feind forcht/ seiner freũd wohn/
Die sagen all/ Er sey durch seine thaten
Allein der ruhm der Fuͤrsten vnd Soldaten.
Wolan so bawet einen tempel
Fuͤr den/ der aller Fuͤrsten ruhm/
Der aller Soldaten exempel/
Vnd auch aller Tugenten blum/
Vnd singet stehts: Moritz/ durch deine that?
Bist du der ruhm der Fuͤrsten vnd Soldaten.
Die
Das ander Buch.
Die sibende Ode.
Zu lob ꝛc. Herrn Carln Marggrafen zu Baden ꝛc.
D
Je aller nothwendigste raiß/
Die ein Fuͤrst billich soll verꝛichten/
Die raiß deren muͤhsamer schwaiß
Bringet vnfehlbarlich vil fruͤchten:
Die treflichste raiß in der welt/
Da man einbuͤsset weder gelt
Noch zeit/ sondern alles gedeyhet/
Ein raiß deren sich niemand rewet,
Jst die raiß zu dem voͤsten schloß/
Darinen die Tugent selbs wohnet/
Die alle pilger klein vnd groß
Mit dem so sie wuͤnscheu belohnet.
Anfaͤnglich zwar dieweil der weg
Vneben/ eng/ gaͤh/ vngebahnet/
C iiij
Wirt
Das ander Buch.
Wirt man bald vrdruͤssig vnd traͤg/
Sonderlich so vns niemand mahnet:
So bethoͤret oft der wollust
Gleich eingangs eines Juͤnglings brust/
Das er seine raiß nicht vollendet/
Sondern (zwar mit schaden) vmbwendet.
Der aber so (standhaft vnd klug)
Nur den ersten huͤgel ersteiget/
Der sihet trosts/ lusts/ vnd guts gnug/
So jhm seine wolfahrt bezeuget.
Dan er kommet bald in das Reich/
Das eine Koͤnigin regieret/
Welche allmaͤchtig/ weiß vnd reich
Jhn gern mit jhrem Orden zieret:
Gotsforcht ist sie bey vns genant/
Alle Tugenten sunst bekant/
So die menschen koͤnden erhoͤhen/
Die halten all von Jhr jhr lehen.
Wer nun folget jhres reichs lehr/
Der wirt seiner muͤh wol ergoͤtzet
Vnd mit vnvergaͤnglicher ehr
Vnder die Goͤtter selbs gesetzet.
Sie (als aller Goͤttinen zier)
Hat bey jhr vil Fuͤrstinen wohnen;
Son-
Das ander Buch.
Sonderlich tragen auch noch vier (Als Koͤniginen) reiche Cronen:
Sie haissen Weißheit/ Dapferkeit/
Gerechtigkeit vnd Maͤßigkeit;
Jhrer jede kan dich erlaben/
Mit reichtumb/ ehr vnd lob begaben
:
Vnd noch ein andrer großer hauf
Nymfen an gestalt gantz volkommen/
Warten den Koͤniginen auf/
Vnd denen die zu jhnen kommen.
Wahrheit/ Glaub/ Trew/ Freygebigkeit/
Vnd die welche je nichts verdriesset:
Deemuth/ Lieb/ Gnad/ Bestaͤndigkeit/
Vnd die so iederman begruͤsset;
Vnd noch vil andre Fraͤwlein mehr/
Deren suͤße schoͤnheit vnd ehr
Kan nicht betruͤegen noch veralten/
Vnd darumb billich hochzuhalten,
Die empfangen alda die gaͤst/
Vnderhalten/ tractieren/ lehren/
Vnd erquicken Sie auf das best/
Das Sie weiter nichts zu begehren.
Der Alcmenen maͤchtiger sohn
Hat (khuͤn) erlanget disen orden,
C v
Da-
Das ander Buch.
Darumb Er auch der Goͤtter thron
Zu besitzen wehrt erkant worden.
O das in dem weiten Weltkraiß
Den jungen Herꝛen dise raiß
Vor andern raisen moͤcht gefallen/
Dan Sie auch nuͤtz vor andern allen
!
Sie wuͤrden mehꝛ freund/ ruhm/ frewd/ lob/
Dan Wirth/ rew/ laid vnd spot erwerben/
Wuͤrden auch nicht betrogen grob
Wie sunst gemeine leut absterben.
Dise schoͤne raiß nu hast Du/
O Printz Carl/ schon langst angefangen/
Bist auch der Eytelkeit vnd ruh
Numehr mit ehren weit entgangen:
Zwar hat der Natur milte hand
Dich selbs mit so gutem verstand/
Kunst vnd Fuͤrsichtigkeit gezieret/
Vnd zu diser raiß angefuͤhret:
Vnd der himel gibt dir die gnad
Das du zu seiner freunden frommen/
Noch so jung/ auf der Tugent pfad
Weiter dan vil alte gekommen.
Also dein leben ist dein preiß/
Vnd dein preiß ist wahr vnd dein aigen:
Fahr
Das ander Buch.
Fahr du nu fort muhtig vnd weiß
Andern Printzen den weg zuzaigen/
Wie man nicht soll auß einem sahl
Eine lang-gemahlte anzahl
Seiner Voraͤltern frech entloͤhnen/
Sich damit gnugsam zubeschoͤnen:
Sondern wie man durch aigne Kraft
Soll seinen Vorfahren gleich leben/
Vnd also der Nachkommenschaft
Ein exempel zu leben geben.
Dan der jenig fehlet sehr weit/
Vnd ist auch nicht fuͤr klug zuachten/
Der großer Helden werck allzeit
Nach zufolgen nicht wolt betrachten.
Darumb fahr fort mit starckem muth/
Folgend dem nach/ auß dessen bluht
Du (Carl) gluͤckseelig bist entsprossen;
Fahr du also fort vnverdrossen/
Folg seinen fußstapffen fuͤrhin
Zu erfrewen himel vnd erden/
Vnd glaub das dich gewiß wie Jhn
Goͤtter vnd menschen lieben werden.
Die
Das ander Buch.
Die achte Ode.
Von ꝛc. beeden Fraͤwlin ꝛc. Agnes vnd Anna Hertzoginen zu Wir- temberg ꝛc.
Z
Woer Nymfen lobreicher mund
Hat in der suͤssen morgenstund
Zwoer Goͤttinen lob vermehret;
Vnd Filodor/ der sie gehoͤret/
Hat alsobald jhres munds lehr
Mit stehts-frisch-wachsenden buchstaben
Jn manchen gaͤrten hin vnd her
Auf der baͤumrinden eingegraben.
S
Jh wie lieblich/ wie pur vnd klar
Machet sich der tag offenbahr/
Wie Er den erdboden erfrewet/
Vnd schnell mit blumen uͤberstroͤwet
!
Aber nein. Des tags frewdigkeit
Waͤr
Das ander Buch.
Waͤr wol so klar nicht aufgegangen/
Wan Er nicht mehr holdseeligkeit
Vnd mehr glantz von Agnes empfangen.
S
Jh wie anmutig/ schoͤn vnd rein/
Mit wie vngewohnlichem schein
Jetzuud die Morgenroͤht aufgehet/
Vnd alles mit lust uͤbersehet
!
Aber nein. So huͤpsch waͤr sie nicht/
Sie thet dan solche schoͤnheit borgen
Von Anna/ deren angesicht
Jst schoͤner dan der schoͤnste morgen.
E
Jn angesicht voll lieb vnd ehr/
Eine stirn voll weißheit vnd lehr/
Ein haar das kan die schlen faͤllen/
Ein mund dem die Goͤtter nachstoͤllen/
Ein leib an zier vnd wolstand reich/
Vnd werth/ das Er werd wol betrachtet/
Machen/ Agnes/ das mein hertz Euch
Als eine Goͤttin stehts hochachtet.
Myrta.
Das ander Buch.
V
On helfenbein ein glate stirn/
Ein hell-zwitzerendes gestirn/
Ein mund/ haar/ kehl/ brust/ hand
vnd wangen/
Damit Venus selbs gern wolt prangen/
Ein schoͤner leib ohn allen fehl/
Der die Goͤtter durch lieb versehret/
Machen/ das euch stehts meine sehl/
Anna/ als eine Goͤttin ehret.
E
Wer statur gerad vnd lang/
Ewer zierlicher dantz vnd gang
Mit gantz hoͤflich-gesetzten schritten/
Mit gantz loͤblich-geuͤbten sitten/
Die freundliche zucht Ewrer brust/
Vnd Ewrer Mayestet vermoͤgen
Koͤnden/ Agnes/ nach ewrem lust
Der Goͤtter gemuͤhter bewoͤgen.
E
Wer Goͤttin-gleiche person/
Segnend die zuseh er mit wohn/
Ewer
Das ander Buch
Ewer gang/ stand/ dantz vnd geberden
Machend ein Paradiß auf erden/
Ewrer schoͤnheit hoͤflicher pracht/
Darab sich die Goͤtter ergoͤtzen/
Machen/ Anna/ mit suͤsser macht
Sich die himel ab Euch entsetzen.
S
Olt Ph
æ
be selbs mit vollem glantz/
Wan Sie der sternen klaren dantz
Den Goͤttern zu ehren auffuͤhret/
Vnd einig an schoͤnheit prachtieret/
Sich in Jhrem geborgten klaid
Vor Euch/ Agnes/ ruhmhaft erzaigen;
Wuͤrd sie (zwar nicht ohn rew vnd laid)
Vor Euch bald jhren hochmuht naigen.
S
Olt Venus selbs mit hoͤchstem fleiß/
Der hoͤchsten schoͤnheit hoͤchstẽ preiß
Zuerwerben/ sich selbs beschoͤnen/
Sich mit der Schoͤnheit cron selbs croͤnen/
Vnd alsdan den sig also frey
Wollen/ Anna/ von Euch erlangen;
Wuͤrd
Das ander Buch.
Wuͤrd Sie (zwar nicht ohnlaid vnd rew)
Fuͤr den sig schimpf vnd scham empfangen.
A
Gnes/ Ewer lob/ preiß vnd ehr
Wollen wir Nymfen mehr vnd mehr
Nach ewerm verdienst stehts erklingẽ/
Vnd nach vnsr er schuldigkeit singen/
Dan Jhr so schoͤn vnd tugentreich/
Das Euch keine Nymf zuvergleichen/
Dan Ewreschwester die Euch gleich/
Deren all andre Nymfen weichen.
A
Nna/ der schoͤnheit zarte blum/
Wir Nymfen wollen Ewern ruhm/
Darab die himel ein gefallen/
Fuͤrhin stehts mehr vnd mehr erschallen/
Dan Jhr so schoͤn vnd tugentreich/
Das keine Nymf wie Jhr zuehren/
Dan Ewre schwester die Euch gleich/
Deren lob wir allzeit vermehren.
Die
Das ander Buch.
Die neunte Ode.
Vber den fruͤ- hen tod ꝛc. Fraͤwleins Anna Augusta Marggraͤfin zu Baden ꝛc.
D
Ein leben/ dessen end vns plaget/
War wie ein tag schoͤn vñ nit lang/
Ein stern vor des morgẽs aufgang/
Die Roͤhtin wehrend weil es taget/
Ein seufz auß einer edlen brust/
Ein klag auß lieb nicht auß vnlust/
Ein nebel den die sonn verjaget.
Ein staub der mit dem wind entstehet/
Ein Daw in des Sommers anbruch/
Ein luft mit lieblichem geruch/
Ein schnee der fruͤlingszeit abgehet/
Ein blum die frisch vnd welck zugleich/
Ein regenbog von farben reich/
Ein zweig welchen der wind vmbwehet.
D
Ein
Das ander Buch.
Ein schaur in Sommers-zeit vergossen/
Ein eiß an haissem Sonnenschein/
Ein glaß also bruͤchig als rein/
Ein wasser uͤber nacht verflossen/
Ein plitz zumahl geschwind vnd hell/
Ein strahl schiessend herab gar schnell/
Ein gelaͤchter mit laid beschlossen.
Ein stim die lieblich dahin faͤhret/
Ein widerhall der stim in eyl/
Ein zeit vertriben mit kurtzweil/
Ein traum der mit dem schlaf aufhoͤret/
Ein flug des vogels mit begihr/
Ein schat wan die Sonn sticht herfuͤr/
Ein rauch welchen der wind zustoͤret.
Also dein leben (schnell verflogen)
Hat sich nicht anderst dan ein Tag/
Stern/ moꝛgenroͤht/ seufz/ nebel/ klag/
Staub/ daw/ luft/ schnee/ blum/ regenbogen/
Zweig/ schaur/ eiß/ glaß/ plitz/ wasserfall/
Strahl/ gelaͤchter/ stim/ widerhall/
Zeit/ traum/ flug/ schat vnd rauch verzogen.
Die
Das ander Buch.
Die zehende Ode.
An ꝛc. Herꝛn Hein- rich Wotton/ Engellaͤndi- schen Rittern ꝛc.
D
Je morgenroͤht kommet daher
Auß dem Aufgang froͤlich geflogẽ/
Sie hat jhrẽ schmuck/ pomp vñ ehr
Jetzund auf einmahl angezogen;
Sie macht mit roht lachendem mund
Durch lieb himel vnd erden wund/
Sie macht mit roht schmollenden wangen
Himel vnd erden mit jhr prangen;
Sie macht mit jhrer zarten hand
Einen regen von gilg vnd rosen/
Mit so suͤß koͤstlichem gewand
Himel vnd erden lieb-zu-kosen.
Hoͤr wie mit doppeltem getoͤß
Das schnell-fliessende silber rauschet;
D ij
Wie
Das ander Buch.
Wie (diser schoͤnen zeit gemaͤß)
Der bauͤm laub seine kuͤß vertauschet:
Hoͤr wie Philomela so frey
Jhres schwagers grim/ buͤberey/
Jhr laid/ lieb vnd truͤbsal erklinget/
Jhr laid wider vnd wider singet;
Wie sie mit uͤbersuͤßer weiß
Jhr laid lindert/ laͤngert/ verzwicket/
Biß sie sich selbs mit suͤßem fleiß
Vnd die Goͤtter gleich wol erquicket.
Warumb dan schweig ich nu so lang/
Warumb soll ich meine stim spahren/
Vnd durch ein billiches gesang
Der Helden lob nicht offenbaren
?
Sonderlich aber deren lob/
Deren leben die wahre prob/
Wie man den Tugenten ergeben
Mit jhnen ewiglich moͤg leben
?
So gib mir nu mein Jnstrument/
Vnd du Thalia hilf mir singen/
Auf das biß in das Firmament
Mein wuͤrdiges lied moͤg erklingen.
Heinrich auß der Wotton geschlecht/
Sokeines Helden geschlecht weichet/
Du
Das ander Buch.
Du bist selbs der Goͤtter gemaͤcht/
Die dich mit jhrem schatz bereichet:
Ja sie haben mit aigner hand
Sich in deinem leib vnd verstand
Gewolt sowol abcontrofehen/
Das man Sie all in dir kan sehen:
Jupiter hat mit dem gebluͤt/
Ph
æ
bus mit dem gaist dich gezieret;
Vnd wie Mars dein starckes gemuͤht/
Also Lieb dein gesicht regieret.
Der himel hat kein schlechte gunst
Vber Engelland außgegossen/
Jn dem er so vil lehr vnd kunst
Jn dein haupt vnd brust eingeschlossen:
Vnd dein Koͤnig/ dem an weißheit/
Gotsforcht/ lehr vnd geschicklichkeit
Kein Koͤnig noch mensch gleich zu nennen/
Derkan solches leichtlich erkennen:
Darumb Er dich oft hin vnd her
Zu großen Potentaten schicket/
Als der weißt/ wie dein tieffe lehr
Die schwerste geschaͤften begluͤcket.
Mehr dan der beredt Amfion/
Der Thebe mit mauren vmbrungen;
D iij
Mehr
Das ander Buch.
Mehr dan der schoͤnen Mayen sohn/
Von welchem Argus war bezwungen:
Mehr dan der Griech/ welcher gantz klug
Der Sirenen suͤßen betrug
Mit nicht geringerm lob betrogen/
Dan Er den vmbkraiß durchgezogen;
Dessen mund einen honigfluß
Kont mit solchem gewalt außgiessen/
Wie die schnee mit der wolckenguß
Fruͤlingszeit von dem gebuͤrg fliessen:
Kan dein suͤße wolredenheit/
Wie sie will/ die hertzen bewoͤgen;
Kan deiner red vollkommenheit
Die stoltze sehlen niderloͤgen:
Deine zung kan in jeder brust
Lieb oder haß/ laid oder lust/
Muͤh oder ruh zuwegen bringen/
Die vnwilligste willen zwingen;
Sie kan/ wie sie will/ das gemuͤht
Anraitzen/ treiben/ halten/ stehlen/
Erfuͤllen mit zorn oder guͤht/
Ja sie kan stein vnd bloͤck besehlen.
Dir seind alle sprachen so kund/
Als ob Sie all zumahldein aigen;
Vnd
Das ander Buch.
Vnd du kanst mit lehr-reichem mund
Den gelehrtesten noch vil zaigen.
Darumb der schoͤnste Crantz/ den man
Bey Eurota zurichten kan/
Jst zu schlecht dein haupt zu beruͤhren/
Vnd nicht wehrt sich damit zuzieren:
Sondern (Wotton der Musen wohn)
Die Goͤtter die dich so lieb haben/
Die machen selbs ein reiche Cron/
Dich wuͤrdig damit zubegaben.
Die 11. Ode.
Von ꝛc. Bern- hard Schafelitzki von Mu- ckendell/ Rittern vnd Coloneln ꝛc.
S
Jng fort mein mund/ vnd schweig
nicht still/
Damit ich mein geluͤbd erfuͤll/
Vnd sing des jungen Helden namen/
D iiij
Wel-
Das ander Buch.
Welcher durch manche khuͤne that
Seiner faust gnug bezeuget hat/
Das Er von der Halb-goͤtter samen.
Sein lieb—zeugeudes angesicht
Kan mit seinem suͤßen bericht
Aller menschen gesicht vernuͤgen;
Vnd wer ansicht seine gestalt/
Der spricht/ Er hab vil mehr gewalt
Wol zu lieben dan wol zu kriegen.
Aber Amor wohnet allein
Jn seiner augen klarem schein/
Vnd kan Jhm das hertz nicht betruͤeben;
Dan Mars selbs ist in seiner brust/
Der macht das Er vil groͤßern lust
Zu kriegen/ dan sich zu verlieben.
Eh von dem ersten zarten haar
Sein junges kihn bedoͤcket war/
War sein leib mit eysen bedoͤcket;
Vnd seiner faust erste prob-straich
Haben vil coͤrper wund vnd blaich
Vor seinen fuͤßen außgestroͤcket.
Alsbald es frid in Niderland/
Jst Er zu uͤben seine hand
Gleich
Das ander Buch.
Gleich Ligurien zu geloffen/
Da auf dem mit-kriegenden Moͤhr
Vil auß dem Mohn-ehrenden Hoͤhr
Durch Jhn erschlagen vnd ersoffen.
Hernach hat Er auch seine macht
Jn Jstria in mancher schlacht
Mit solcher Dapferkeit erwisen/
Das ab jhm die geschlagne feind
Wie seine wolbeschuͤtzte freund
Sich verwundert vnd jhn geprisen.
Vnd wan jhn schon das suͤnwel Gluͤck
Mit einem freundlichen anblick
Nicht allzeit pfleget zu begruͤßen;
Hat Er doch einen solchen muht/
Das Er auch wol sein Helden-bluht/
Den sig zu kauffen/ ein-darf—buͤssen.
Wie Hannibal hat Er die raiß
Fuͤr sein volck mit vil list vnd schwaiß
Vber die Alpen khuͤn erfunden:
Er fuͤrchtet sich vor keinem tod/
Er waißt fuͤr sich von keiner noht/
Sigreich ist Er auch uͤberwunden.
D v
Da-
Das ander Buch.
Darumb mag wol der weise Raht
Der Einig-doppelt-schoͤnen Stat
Jhn (wie Er thut) lieben vnd ehren:
Dan warlich sein verstand vnd schwert
Seind alles ruhms vnd gluͤcks so wehrt/
Das sie niemand gnug kan vermehren.
Die 12. Ode.
Brautlied Zu Ehren der Hochzeit Filanders vnd seiner Cloris.
A
Ls Filander mit grossem lust
Dielang-begehrte edle blust
Seiner standhaften lieb erꝛungen:
Hat ein hauf Liebelein gar laut/
Dem
Das ander Buch.
Dem Braͤutigam vnd seiner Braut
Zu ehren/ dises lied gesungen.
O Das Jhr moͤget allezeit
Einig/ in keinem andern streit/
Dan nur in dem liebes streit leben
!
Darinnen eines jeden hertz
Moͤg dem andern wollust vnd schertz
Fuͤr schertz vnd wollust widergeben
!
Durch kuͤß von suͤssem nectar feucht
Das hertz vnd sehl von frewden leicht
Solt Jhr Euch nemen vnd mitthailen:
Jhr solt durch tief-wundende kuͤß/
Jhr solt durch suͤß-hailende buͤß
Euch verwunden vnd wider hailen.
Des einen mund soll mit wollust
Des andern hertz auß seiner brust
Zunemen/ jhm die brust aufspalten:
Des andern hertz soll mit dem mund
Durch suͤße kuͤß verwundend wund
Sich der andern brust nicht enthalten.
Mit Ewern armen starck vnd zart/
Mit Ewern glidern sanft vnd hart
Solt
Das ander Buch.
Solt Jhr einander fro vmbfassen:
Vnd Jhr solt einander fuͤrhin
Nicht mehr/ dan mit suͤßerm gewin
Wider vmb zufassen/ verlassen.
Deinen ererbten Helden-muht/
Nicht dein ererbtes Helden-blut
Solt du junger held ietzund spahren:
Lieb/ lieber schertz/ lieblicher glimpf/
Liebkosen/ kuͤß/ kuͤtzlender schimpf
Werden Sie dir machen willfahren.
Wan aber ein solches nicht gnug/
Solt du khuͤner mit gutem fug
Dein freundliche feindin anfallen:
Vnd laß dir Jhrescham vnd zucht/
Jhr klagen/ flehen vnd außflucht
Wolgefallen vnd doch mißfallen.
Durch den schwaiß nimmet die muͤh zu/
Die ruh ist suͤßer nach vnruh/
Vnd suͤßer die kuͤß so genetzet:
Also wirt dein laidige fraid/
Also wirt Jhr frewdiges laid
Durch beeder laid vnd fraid ergoͤtzet.
Ach
Das ander Buch.
Ach wie forchtsam scheinet Sie doch?
Ach wie zittert Sie ab dem Joch/
Darunder Sie deine arm binden
?
Nu kan dein mund (duͤrstig) zumahl
Von seufzen vnd zehren ein mahl
Auf Jhrem mund vnd augen finden.
Koͤstliches mahl
!
goͤtliche speiß
!
Himelisches getranck
!
mit fleiß
Jn so reiche gefaͤß gegossen
!
Gefaͤß so schoͤn/ das auch kein Got
Auß schoͤnern in der hoͤchsten noht
Der nahrung noch artzney genossen
!
Damit nu Jhrer suͤßigkeit/
Vnd anraitzenden lieblichkeit
Du vnd Sie moͤgest geniessen/
So laß dich kein bit vmb anstand/
Kein widerstehen Jhrer hand
Fangen/ verhindern noch verdriessen.
Geh fang nu muhtig an die schlacht/
Doch gebrauch nicht zu große macht
Sie nicht gleich zuschr zu erschroͤcken:
Sondern gebrauch weil/ list/ betrug/
Falsche flucht/ angrif/ vnd aufzug/
Damit die voͤstung zu entdoͤcken.
Wan
Das ander Buch.
Wan dan mit zitterender stim/
Wan dan mit gleißnerischem grim
Sie dich wirt arg/ frech vnd boͤß nennen;
Hoͤr doch nicht auf mit vollem lust
Jhre stirn/ mund/ hals/ wangen/ brust
Mit taussent kuͤssen anzurennen.
Sie mag lang sagen/ es ist gnug/
Es ist gnug/ seit ein wenig klug/
Vnd dir mit beeden haͤnden woͤhren/
Damit Sie doch nicht vnden lig/
Heng du gleich wol stehts nach dem sig/
Durch welchen sich die Lieb muß noͤhren.
Also in disem haissen streit
Begihrig nach der suͤssen beut/
Kanst du den sturm wider ernewen:
Vnd laß von Jhrer brust vnd schoß
Weiß/ rund/ steif/ glat vnd mangel loß/
Deine gaile hand nichts abschewen.
Wan du nu so nah bey dem platz/
Solt du kuͤß auf kuͤß/ schmatz auf schmaß/
Schmuck auf schmuck/ lieb auf lieb loß- schiessen/
Alß dan solt du dein blut/ den lohn
Der
Das ander Buch.
Der lieb/ namlich die Myrten—cron
Zuerlangen/ hertzhaft vergiessen.
Mehr dan sternin der klaren nacht
Mehr dan blumen des Fruͤlings pracht/
Mehr dan bihnen auf Hybla fliegen/
Sollen gantz tief-gruͤndende kuͤß/
Sollen suͤß—empfindende buͤß
Jhr vergebliche forcht betriegen.
Achzen mit gailschimpfender schmach/
Vnd laͤchlen mit schertzender sprach/
Vnd bossen sollen da nicht faͤhlen:
Seuͤfzen/ schmaͤtz/ bitten/ klag vnd lob/
Schimpf/ ernst vnd schertz/ zuͤchtig vnd grob
Solt du mit einander vermaͤhlen.
Also durch der lieb rechtekunst
Wirt Sie Jhr artliche vngunst
Artlicher nach vnd nach verkchren;
Vnd endlich frey von forcht vnd zorn
Mit gilgen vnd rosen ohn dorn
Deinen leib durch jhren leib ehren.
Dazumahl auf ein newe art
Must du mit kuͤssen lang vnd hart
Jhre
Das ander Buch.
Jhre sehl auß Jhr in dich ziehen:
Vnd Sie wirt auch auf gleiche weiß/
Sich vnd dich mit lieblichem fleiß
Zu saͤttigen/ sich sehr bemuͤhen.
Dazumahl frecher dan zuvor
Erheb du das banier entbohr/
Vnd fang von newem an zustreitten;
Vb aller suͤßen schalkeit stuͤck/
Vb aller suͤßen boßh
t duͤck/
Vnd greif Sie an auf allen seitten.
Gebrauch list auf list/ schmach auf schmach/
Biß Sie fro ist/ das Sie zu schwach/
Vnd zu verlieren scharmuͤtzieret:
Gebrauch kunst/ staͤrck/ betrug vnd macht/
Zwing Sie zu einer freyhen schlacht/
Da Jhr beed siget vnd verlieret.
Also Ewer stehts frischer muht
Soll dises suͤßen kampfs ohn blut
Euch wider vnd wider gewehren:
Vnd so oft Ph
æ
be jhren glantz
Macht neunmahl halb vnd neunmahl gantz
Ewer geschlecht durch Euch vermehren.
Die
Das ander Buch.
Die 13. Ode.
An ꝛc. HErꝛen Veyras/ Churf. Pfaltzgr. Secretarj ꝛc.
D
Ein lob so ich zu aller stund
Von aller lobwuͤrdigen mund/
Veyras/ begihriglich vernommen/
Vermehrte die begird in mir/
Die ich lang zuvor hat/ mit dir
Jn bessere kundschaft zukommen;
Hab demnach kaum ersuchet dich/
Da du alßbald gantz freundlich mich
Vnder deine freund aufgenommen.
Kont also weder geitz noch lust (Wie sunst der brauch) in vnsrer brust
Ein solches fewr der lieb anzinden:
Sondern der Tugent aigne hand
Must mit jhrem tuͤchtigsten band
Vnsre hertzen zusamen binden:
E
Wel-
Das ander Buch.
Welches band allein so wehrhaft/
Das mit solchem eine freundschaft
Kan Gluͤck/ Zeit/ vnd Tod uͤberwuͤnden.
Darumb ich nu khuͤn von dir schreib/
Vnd in guter zuversicht bleib/
Du werdest dich gar nicht beschwehren/
Wan ich durch diseschrift begehr
Meinen namen mit deiner ehr
Vnd deinem namen zu vermehren;
Jn dem ich anderst nicht thun kan/
Weil ehren einen wehrten man
Jst gleich sovil als sich selbs ehren.
Jch waiß wol/ wie der Goͤtter gunst
Dein haupt mit weißheit/ tugent/ kunst/
Lehr vnd erfahrenheit gezieret:
Wie deine red lieblich vnd weiß (Als der sehlen kraͤftige speiß)
Vber die hertzen trium fieret:
Vnd wie des besten Nectars kraft/
Vnd der best Castalische saft
Von deiner federn distillieret.
Wan man/ wie Pythagoras wolt/
Die meinung fuͤr wahr halten solt/
Das
Das ander Buch
Das frembde sehlen vns beleben:
So hielt die welt leichtlich darfuͤr/ (Vnd waͤr glaͤublich) das man in dir
Seh den jenigen widerleben/
Dem/ als er jung seine ruh nam/
Die bihnen jhren honigsam
Fuͤr sein erste speiß eingegeben.
Darumb dir/ solchem verdienst nach/
Auch wegen ein vnd andrer sprach
Billich vil Fuͤrsten guͤnstig bleiben:
Vnd du (dieweil ja Jhr anblick
Vnd gnad kan als das beste Gluͤck
All sorg vnd forcht von vns vertreiben)
Thust recht jhnen vnd dir zu preiß
Gedenck wuͤrdige werck mit fleiß
Jn ein vnd andrer sprach zuschreiben.
Jch meines thails/ in dessen hertz
Der ehrgeitz weder sorg noch schmertz/
Weder hofnung noch forcht eroͤwcket/
Besuch lieber das gruͤne feld/
Rauschende bruͤnlein/ stille waͤld/
Vnd baͤch die noch kein thier befloͤcket/
Dan die pallaͤst von marberstein/
Mit gold vnd andrer reichtumb schein
Gefuͤtert/ vnd mit bley bedoͤcket.
E ij
Ja
Das ander Buch.
Ja/ sovil ich immer vermag/
Fleuh ich den poͤfel/ meine tag
Mit den Musen wol zu volbringen;
Die lehren mich/ vnd ich lehr Sie
Auf newe weiß mit suͤßer muͤh
Ein gut Teutsches gesang zusingen;
Vnd mit vor-vnerhoͤrter prob
Großer Helden vnd Nymfen lob/
Ja auch Amors ehr zu erklingen.
Wan Homerus/ der den wein sehr
Gelobt/ wein-suͤchtig gewest wer/ (Welches ich zwar nicht kan gedencken)
So gedenck doch du (Veyras) nicht/
Das/ wan ich auch von dem wein dicht/
Jch so gern sey bey dem Weinschencken:
Dan wider meiner Lands-leut wohn
Glaub ich/ das der Semelen sohn
Ohn maß thu leib vnd gaist bekraͤncken.
So glaub ich auch/ das es gnug sey/
Wan der Poet ohn heucheley
Ein fromb vnd keusches leben fuͤhret;
Ob schon bißweilen sein gesang
Gail vnd frech mit froͤlichem klang
Das gehoͤr uͤppiglich beruͤhret;
O
b
Das ander Buch.
Ob es auch wol die loben nicht/
Denen Timon das angesicht/
Epicurus das hertz regieret.
Aber es ist numehr gar gnug/
Dan ich hoͤr vnd sih schon den flug
Viler rappen/ hetzen vnd krehen:
Darumb jhr Musen eytel fort/
Lasset vns in ein stilles ort
Jhrem wilden geschray entgehen.
Vnd du/ Veyras der Musen ruhm/
Wirst fuͤr einen krantz dise blum (Hof ich) zunemen nicht verschmaͤhen,
Die 14. Ode.
Charitea bekla- get sich uͤber den tod jhres Anaxanders.
D
Ein glantz/ O Sonn/ ist laider
!
fuͤr
mich nicht/
Die ich nicht mehr bey leben/
E iij
Dan
Das ander Buch.
Dan Er kan ja der verstorbnen gesicht
Weder liecht noch trost geben:
Jch nu bin tod zu aller fraid/
Allein lebendig zu dem laid.
Auch vermeid ich williglich deinen schein/
Als ab dem liecht verdrossen;
Vnd lig alhie in der einoͤd allein/
Als in ein grab beschlossen;
Alda mich angst/ sorg/ pein vnd plag/
Wie wuͤrm verzoͤhren nacht vnd tag.
Nu weiß ich recht/ wie schmertzlich der wollust
Die gedechtnus beruͤhret/
Wan man allein ohn der begird verlust
Die genuͤessung verlieret:
Vnd wie besser zu jeder frist
Nichts haben dan verlieren ist.
Alle die frewd/ deren in gutem gluͤck
Jch so lieblich genossen/
Jst wie die flut in einem augenblick
Mit vngestuͤm verflossen;
Vnd ließ mir nichts dan finsternuß
Vnd des verlohrnen guts verdruß.
Ach
Das ander Buch.
Ach weh verdruß
!
wilt du auch in dem grab
Mein leben noch beschwehren?
Soll dan/ wan ich kein leben in mir hab/
Gleich wol mein uͤbel wehren?
Ach
!
laß den armen todten zu/
Zuligen in trawriger ruh
!
Wan ich so oft deine toͤdliche straich
Vor meinem tod empfunden/
Wan ich sovil schreyhend/ kraftloß vñ blaich
Die himel taub erfunden;
Soll dan auch truͤbsal vnd gefahr
Mir noch beywohnen in der bahr?
Warumb ach weh
!
wilt du mich nim̃ermehr
Der zeit lassen vergessen/
Darin mein hertz mit ruhm/ frewd/ lust vñ ehr (Gluͤckseelig) war besessen/
Nu da mein hertz vnd sehl zumahl
Voll jamer/ grewel/ angst vnd guahl
!
Sihest du nicht je mehr mein armes hertz
Was es gehabt bedencket/
Das destomehr der sehl-moͤrdende schmertz
Es racket vnd bekraͤncket;
Vnd das/ indem ich bin nichts mehr/
Gewest zusein mir allein schwer
!
E iiij
Dan
Das ander Buch.
Dan weil also der vntraͤgliche zorn
Des himels mich zuschlagen/
Verkchren sich meine rosen in dorn
Vnd mein singen in klagen:
Vnd gluͤckseelig gewest zusein
Jst jetzund meine groͤste pein.
O Mein beystand/ meine hilf/ pracht vñ kraft
Numehr in staub verkehret/
Ohn welchen ich gleich wie ein baum ohn saft/
Welchen der strahl entehret;
Von wie hoher gluͤck seeligkeit
Stuͤrtzet mich deine sterblichkeit
!
Ach weh
!
gleich wie von aller trawrigkeit
Mich dein leben gefreyhet/
Das mir niemahls ab des Gluͤcks listigkeit (Stehts hofnung-voll) gescheyhet;
Also trostloß in diser noht
Foͤrcht ich alle ding ohn den tod.
Aber was kan in disem Jamerthal
Mein gemuͤht noch verloͤtzen?
Kan wol mein gaist ab einigem truͤbsahl (So arm) sich noch entsoͤtzen?
Mein
Das ander Buch.
Mein gaist/ dem der tag wie die nacht/
Den die verzweiflung forcht-frey macht?
Nein. Dein abschid hat gar von mir mit sich
Hofnung vnd forcht genommen;
Jch bin zumahl durch deinen tod vmb dich
Vnd all mein gut gekommen:
Mein leben allein ist zu lang/
Vnd dafuͤr allein ist mir bang.
Dan indem mir kaum vnder disem last
Zu ahtemen gegeben/
Jch doch mein hail/ ja mich selbsten ohn rast
Vnd trost muß uͤberleben:
Jst das leben die straf vnd plag/
Die ich zu lang zu leben trag.
E v
Die
Das ander Buch.
Die 15. Ode.
Klag. Fuͤr einen jungen Helden.
A
De gluͤck/ hofnung/ frewd vnd muht/
Ade alles was kan erlaben:
Nichts dan vngluͤck/ verzweiflung/
wuht/
Nichts danklag vnd laid will ich haben.
Einmahl mein hertz allein auf lieb/
Einmahl mein hertz auf krieg bestehet:
Lieb aber ist fuͤr mich stehts truͤeb/
Laider der krieg auch nicht fortgehet.
Ach
!
Amor vnd Mars was hab ich
Allein Euch vor andern geehret?
Da doch noch Ewer keiner mich
Danckbar des sigs noch solds gewehret
!
Gluͤck
Das ander Buch.
Gluͤck ohn Vngluͤck hat keine ehr/
Gefahr vnd muͤh zieren die Tugent:
Also begehrt ich auch nicht mehr/
Als sorg vnd dienst in meiner Jugent.
Mit der Lieb nufuͤhr ich den streit/
Meine Trew solt des sigs geniessen:
Aber fuͤr ein so schoͤne beut/
Ach
!
muß ich mein leben einbuͤssen
!
Jst es dan aller Goͤtter will/
Jn allem mir zu widerstreben:
Reiß auß/ meine sehl/ ich halt still/
Reiß auß/ laß leib vnd lieb ohn leben.
Aber/ was thut in mir der schmertz/
Ach schatz
!
wolt jhr mich nicht entlaiden?
Mein gaist vnd leib/ mein sehl vnd hertz
Moͤgen Auß Gunß Noch Vngern Schai-
den.
16. Von
Das ander Buch.
16.
Von vorgehen- der matery.
A
Mor vnd Mars je mehr vnd mehr
Mir allzeit widerstehen;
Nichts/ was ich auf der welt begehr/
Lassen Sie mir fort gehen;
Darumb mein lust soll sein
Schmertz vnd pein.
Ein Got allein ist sunst starck gnug
Einen man vmb zubringen?
Liessen Sie doch nur den betrug/
Mich solten Sie nicht zwingen:
Aber jhr list allein
Jst mein pein.
Amor bracht mir eine Nymf fuͤr
Die mir mein hertz entwendet:
Der Mars foͤrchtet sich selbs vor mir
Da-
Das ander Buch.
Darumb Er den Krieg endet.
Jst nicht jhr list allein
Meine pein?
Gedult/ begird/ hofnung vnd lust/
Fort ich muß Euch aufgeben:
Angst vnd schmertz fuͤllet meine brust/
Vnd vollendet mein leben.
Mein trost vnd heil muß sein
Quahl vnd pein.
Mein hertz muß nu auß Amors rach
Meiner liebsten verbrennen:
Aber Sie fraget nichts darnach/
Vnd will es nicht erkennen:
Jhr hertz haͤrter dan stein
Jst mein pein.
Jhr/ Jhr (O doͤrft ich sagen mein/)
Ach thut die sach ergruͤnden:
Richtet vnd sagt selbs ist es fein/
Das ich bey Euch soll finden
Fuͤr meine Trew so rein
Nichts dan pein.
Ach! Jhr solt vilmehr/ Edles hertz/
Mich guͤnstig zu gewehren/
Mit
Das ander Buch.
Mit freundlich keit/ mit schimpf vnd schertz
Verzuckern vnd verkheren
Durch suͤße schmaͤtzelein
All mein pein.
17.
Klag Etlicher so von Hof abschie- den.
D
Emnach des Gluͤcks zorn gar schwer (Welchem niemand kan entfliehen)
Vns ernstlich gebeut numehr
Von disem hof abzuziehen;
Von disem hof/ da allein
Lieb/ gunst vnd wohn vnsre hertzen besessen:
So muß es wol laider
!
sein/
Wir muͤssen Sie lassen/ doch nicht vergessen.
Ja/ lassen muͤssen Wir sie/
Aber an stat aller fraiden
Muß
Das ander Buch.
Muß auch pein/ angst/ schmertz vnd muͤh
Fuͤrhin nicht mehr von vns schaiden.
Vnsre hertzen gantz getrew
Verlassen Wir Jhnen gaͤntzlich ergeben
;
Vns soll Amors tiranney
Hingegen mit verdruß vnd angst beleben.
Ade vnsrer sehlen hort/
Jhr stehts-frisch-bluͤhende rosen
!
Ade erquickende wort/
Die den Goͤttern selbs liebkosen
!
Ade keusche liebes blick/
Ohn ewern schein werden wir wol verblindẽ
!
Ade krause liebes strick
Von welchẽ kaum der Tod vns soll entbindẽ
!
Ade der Welt wahre Zier/
O schoͤnste Nymfen auf er den
!
O Goͤttin die nach gebuͤhr
Von Vns hochgeehret werden
!
Ellend seind wir/ weil wir Euch
Verlieren von gesicht mit solchen schmertzen:
Seelig seind wir/ wan zugleich
Jhr auch nicht vns verlieret auß dem hertzen.
18. Amors
Das ander Buch.
18.
Amors Woh- nung.
A
Mor/ der allsigende Got/
Von hochmuht einmahl uͤberwun-
den/
Rhuͤmet sich den Goͤttern zu spot/
Das Sie all Jhm allein verbunden.
Sie endlich (vnd billich) zumahl
Ab dises kinds frech heit verdrossen/
Haben jhn auß des himels sahl
Verjaget vnd gantz auß geschlossen.
Also ist Er/ folgend dem glantz/
Jn meiner Myrten augen kommen/
Da Er auß so bequemer schantz
Sich zu rechen jhm fuͤrgenommen.
Aber dises orts lieblichkeit
Hat Jhn alsbald so sehr besessen/
Das Er alle rach gihrigkeit/
Goͤtter vnd himel gar vergessen.
19. Ab-
Das ander Buch.
19.
Abwesenheit.
A
Vf/ auf/ fleug bald mein junges hertz
Zu deren die dich allein noͤhret/
Sag Jhr/ wie uͤber großer schmertz
Jhrethalb meine sehl bethoͤret.
Sag Jhr/ wie mein gaist tag vnd nacht
Von jhr nichts dan klagwort erdichtet/
Vnd wie Amoꝛs zu große macht
Alle meine vernunft vernichtet.
Sag jhr wie die abwesenheit
Mein gesicht vnablaͤßlich noͤtzet
Vnd wie jhr suͤße freundlichkeit
Mich laider/ jetz toͤdlich verloͤtzet.
Doch sag auch/ das wa in der pein/
Noht/ angst/ truͤbsal/ ellend vnd klagen/
Sie meiner ingedenck wirt sein/
Jch seelig solches zu ertragen.
F
20. Newe
Das ander Buch.
Newe-Jahrs- gaab. An seine Liebste.
J
Ch wolt Euch gern zu disem jahr/
O einige schoͤnheit/ was schencken/
Dabey Jhr meiner also bahr/
Vnd ewiglich moͤchtet gedencken:
Aber weil ich mich Euch ergab
Mit allem so mir zugehoͤret;
So folget das ich mehr nichts hab/
Das ich Euch nicht schon vor-verehret.
Wan dan mein hertz/ will vnd begihr/
Vnd was ich bin gantz Ewer aigen;
Lieber so erlaubet doch mir
Mich durch wuͤnschen milter zuzaigen.
Nu wuͤnsch ich/ das Jhr an schoͤnheit
Die erst in der welt moͤget bleiben;
Das man Ewre volkommenheit
Jn allen sprachen moͤg beschreiben
!
Das
Das ander Buch.
Das Ewer liebliche person
Als der Tugent person auf erden;
Vnd Ewer sehl (der Engeln wohn)
Fuͤr der Tugent sehl erkant werden
!
Das Ewer schoͤnheit so lieb reich
Mag bluͤhen nach vil hundert Jahren;
Das die himel allein durch Euch
Vns jhren seegen offenbahren
!
Kurtzlich/ dieweil ewer verstand
Selbs besser weist was zu begehren/
So wuͤnsch ich das Euch Gotes hand
Woͤll all Ewrer wuͤnschen gewehren
!
21.
Bestaͤhtigung seiner Trew.
A
Ch was betruͤbt jhr mich so sehr/
Das Jhr mich wanckelmuͤhtig neñet/
F ij
Jch
Das ander Buch.
Jch weiß/ das mich Amor vil mehr
Dan Euch (so schoͤn) standhaft bekennet.
Man kan Ewre vollkommenheit
Mit keiner andern bald vergleichen;
Vnd meiner lieb bestaͤndigkeit
Waist keiner lieb vnd trew zuweichen.
Da ich Euch meine trew versprach/
Hab ich mir selbs nichts vorbehalten;
Darumb wer es ein große schmach/
Wan Ewer glaub nu solt verkalten.
Jn Euch ist mein hertz/ gaist vnd sinn/
Euch zu lieben bin ich bey leben:
Ach
!
wan ich nicht mehr Ewer bin/
So sagt mir/ wem Jhr mich gegeben.
22. Lust
Das ander Buch.
22.
Lust vnd ver- nuͤgen in der pein.
O
Wie suͤß seind meine schmertzen/
Die ich ihrethalb ertrag/
Weil freundlich in jhrem hertzen
Sie empfindet gleiche plag;
Vnd dieweil Sie mit freundlichen anblicken
Versehren will vil vnd nur mich erquicken.
Meiner augen klag vermehret
Meines hertzens große brunst:
Jch sih/ das Jhr hertz versehret
Bey Jhres augs suͤssen gunst/
Dessen klarheit mit lieblichen anblicken
Will strafen vil vnd nur mein hertz erquicken.
Dise stern zu allen stunden
Erzaigen sich so sigreich/
Das Sie nah vnd ferꝛn verwunden
F iij
Dem
Das ander Buch.
Dem Cephalischen pfeil gleich/
Sie koͤnden auch mit kraͤftigen anblicken
Beedes zugleich versehren vnd erquicken.
Darumb muß die welt bekennen/
O augen der Natur pracht/
Das wa Ewre facklen brennen
Daselbsten es niemahls nacht;
Vnd das Jhr koͤnt mit seltzamen anblicken
Alle geschoͤpf betroͤwen vnd erquicken.
Mein hertz mag sich wol ergoͤtzen
Wan es Euch findet so klar/
Ehrend Euch als seine goͤtzen
Auf dem schoͤnesten altar;
Vor dem ich bit/ das mit suͤssen anblicken
Jhꝛ niemand sunst dan mich wollet erquicken.
Jch bit Euch nicht zu verschmaͤhen/
Mein hertz vor ein Opfer schlecht/
Euch verbrennend anzusehen/
Ein Ph
æ
nix in lieb gerecht/
Welchen der schein Ewrer starcken anblicken
Kantoͤdten vnd mit frewd wider erquicken.
33. Laids
Das ander Buch.
23.
Laids veraͤnde- rung in Fraid.
F
Ort mit euch sorg vnd laid/
Vnserer hertzen schlang/
Vnd sehlen plag:
Fort mit euch flehen/ ayd/
Angst/ trawriges gesang/
Vnd lange klag:
Fort schwermuht vnd sorgfaͤltigkeit
Jhr feind aller leichtmuͤhtigkeit.
Jhr zehren druͤcknet euch/
Weil ich nu ewren grund
Gedruͤcknet find:
Vnd jhr seufzen zugleich/
Dieweil ich nu gesund
Legt ewren wind:
Vnd jhr gedancken endet euch/
Durch euch sah ich noch niemand reich.
F iiij
Hin-
Das ander Buch.
Hingegen kommet her
Jhr hofnung/ trost vnd gunst/
Der liebe lust/
Erquicket mehr vnd mehr
Durch ein new-suͤße brunst
Mein schwache brust:
Vnd du begird geneuͤß der waid
Der so oft vor gewuͤnschten fraid.
Der zehern tropfen fall
Werd ein lieblicher flug
Der lieb anblick:
Ein klarer Music-schall
Werd meiner seufzen zug/
Vnd sing mein glick:
Vnd der gedancken großer hauf
Werd wahrer lust vnd hoͤr nicht auf.
24.
Kuß.
E
Jnig suͤßes muͤndelein
Roͤhter dan ein roͤselein
So
Das ander Buch.
So Ph
æ
bus durch sein ansehen
Macht aufgehen:
Lefzen uͤbertreffend weit
Den taw so die erden noͤtzet/
Vnd mit fruchtbarkeit ergoͤtzet
Jn der suͤßen Fruͤlings zeit.
Holdseeliges schaͤtzelein/
Gib mir so vil schmaͤtzelein/
Sovil du gibst meinem hertzen
Pein vnd schmertzen;
Sovil pfeil der fliegend Got
Wider mein hertz abgeschossen;
Sovil ich leid vnverdrossen
Jamer/ truͤbsal/ angst vnd noht.
Sovil man wol koͤrnlein sands
Am vfer des Mohren-lands/
Sovil graß in dem feld siehen
Man kan sehen;
Sovil tropfen in dem Moͤhr/
Sovil fisch alle fluͤß bringen/
Voͤgel durch den luft sich schwingen/
Vnd sovil der hoͤrbst weinboͤhr.
Sovil schoͤne lieblichkeit/
Schmollende holdseeligkeit/
F v
So-
Das ander Buch.
Sovil hoͤflichkeit vnd lachen
Lieblich machen
Deinen thewren purpur-mund;
Wievil rosen deine wangen/
Wievil lilgen machen prangen
Deinen busen steif vnd rund.
So oft kuͤß mich Nymfelein/
So oft schmaͤtz mich Schimpfelein;
Laß vns mit einander schertzen/
Vnd vns hertzen/
Biß ich sag/ mein frid/ mein fraid/
Jch kan nicht mehr/ laß mich gehen/
So solt du ein weil abstehen/
Das ich seufzend halb verschaid.
Darnach kuͤß mich widerumb/
Das noch groͤßer werd die sum/
Stuͤpf mich auch mit deiner zungen
Vngezwungen/
Die suͤßer dan honig ist:
Also laß vns kurtzweil fuͤhren/
Damit wir ja nicht verlieren
Der Jugent einige frist.
Laß
Das ander Buch.
Laß vns nach Amors willkhur
Wandlen auf der Jugent spuhr/
Biß das alter krum gebogen
Kom gezogen/
Mit zittern/ kaͤlt/ forcht vnd grauß/
Welches mit sich auf dem rucken
Vil laids bringet vns zu drucken/
Biß es vns macht den gar-auß.
25.
Amor siget alles.
D
Er Helden ritterliche hand
Kan die Sig-cronen hinweg fuͤhrẽ;
Aber Amor mit seinem brand
Kan allein blind vñ bloß uͤber Sie triumfierk.
Die Nymfen mit jhrer schoͤnheit
Koͤnden der Ritter hertz vexieren:
Aber Amors suͤße Gotheit
Kan uͤber hertz vnd sehl beederseits triumfierẽ.
So
Das ander Buch.
So koͤnden die Goͤtter mit macht
Die Elementen wol regieren:
Aber Amor mit groͤßerm pracht
Kan uͤber himel/ moͤhr/ luft vñ erd triumfierẽ.
Vber abschai- den.
A
Ch suͤße sehl muß ich dich dan veꝛlieren/
Jetz da ich dich starck zu haltẽ gedacht?
Darf ich dan nu laͤnger nicht trium-
fieren
Verꝛingert sich dan meiner schoͤnheit macht?
Ach nein. Vilmehꝛ will sich deine lieb endẽ;
Dan wahre lieb kan sich von lieb nicht wendẽ.
Was
!
soll ein Fuͤrst mehr macht uͤber dich
haben/
Dan Amor selbs/ der groͤsten Goͤtter Gott?
Wirt dan der Krieg dich mit blut mehr erla-
ben/
Dan dise kuͤß meines munds suͤß vnd roht?
Ach
Das ander Buch.
Ach nein/ mein hertz/ laß krieg vnd Fuͤrsten
fahren/
Ein buhler soll seiner Liebsten willfahren.
Was hilft es dir nach lob vnd ehr zustreben/
Wan ich allein ohn hofnung zagen solt?
Weiser ist der/ der seinem feind das leben/
Dan der dem feind den tod mitthailen wolt.
Mein hertz ohn dich kan keinen ruhm ver-
mehren/
Ohn mich dein hertz soll keinen ruhm begehrẽ.
Also thaͤt sich Myrta weinend beklagen/
Da Filodor auch seufzend jaͤmerlich
Sprach/ laß vns doch der Goͤtter zorn ertra-
gen/
Du hast mein hertz/ Myrta/ dein hertz hab ich:
Vnd wie sehr vns dzschaiden nu verloͤtzet/
So sehr vnd mehr die widerkunft ergoͤtzet.
Der
Das ander Buch.
27.
Der Jugfra Rossa schimpf.
G
Mach an junger herꝛ ohn ein bart/
Jhr greiffet zu tief nach dem handel:
Fuͤr Euch ist diser stein zu hart/
Fuͤr Euch ist zu suͤß diser mandel.
Ach Junckerlein was zeucht jhr euch/
Langet Jhr so nider nach rosen?
Foͤrchtet Jhr nicht das man Euch streich/
Wa Jhr verdoͤrbet ewre hosen.
Wie stoͤlt Jhr Euch einmahl so keck/
Das Jhr ein so tieffes verlangen
!
Ach es gehoͤrt dazu mehr speck/
Wan man ein solche mauß will fangen.
Was wollet Jhr so schwach vnd blaich
Nach ruhm in dem Niderland streben?
Ach
Das ander Buch.
Ach Jhr seht auß/ als wan ein straich
Euch solte kosten ewer leben.
Darumb so ziecht anderstwa ein/
Hie ist kein platz vnder-zu-kommen:
Es muß ein ellender wirth sein/
Der Euch losiert ohn allen frommen.
28.
An die milte Jugfra Rossa.
L
Jeber wer sah jemahl ein fewr
So vngehewr
Auf des Schweitzerlands hoͤchsten
bergen/
Als meines hertzens brunst so haiß/
Das ich (die warheit nicht zu pergen)
Nichts davon waiß?
Zwar ist es vns beederseits gut
Das vnsre wuht
Jn
Das ander Buch.
Jn der lieb so fein sanft mag bleiben:
Dan solt Sie vil maͤchtiger sein/
So moͤcht wol das ein nicht vertreiben
Des andern pein.
Ein wunder der lieb ist mein hertz/
Vnd kan der schmertz
Den ich nicht fihl mich nicht gnug strafen:
Alles lachen vergehet mir
Wan ich drinck/ vnd ich kan nicht schlafen/
Wan ich spatzier.
Ewer (weil Jhr mir in gesicht)
Vergiß ich nicht/
Deßhalb sich mein mund oft beklaget:
Jch empfind die kaͤlt wie hitz;
Man sicht wie mich die lieb vmbjaget/
Wan ich still-sitz.
Wan jhr saur secht/ so befind ich
Das wol fuͤr mich
Kein schoͤnes wetter wan es regnet:
Gantz verzucket ich mich vergaf/
Wan jhr mir so zumpfer begoͤgnet
Gleichwie ein af.
Ein-
Das ander Buch.
Einsam zusein gen hof ich kom/
Vnd ich schein stum
!
(Weil ich schweig) wan Jhr mich begruͤesset:
Jch frag weder nach speiß noch wein
Wan ich sat/ vnd meinen lust buͤesset
Nur Ewer schein.
Ewer himel-weit glate stirn
Hat ein gestirn/
Das wie ein liecht den blinden zindet;
Vnd dessen glantz mit suͤßer straf
Mein gesicht wie die Sonn verblindet
Alßlang ich schlaf.
Nu aber diser schoͤnheit frucht
Jst ewre zucht/
Damit Jhr wie Venus selbs pranget:
Ewre keuschheit strafet so sehr/
Das keinen mehr wider verlanget
Nach Ewrer ehr.
Eben das macht/ das ich fuͤr Euch
Kein Koͤnigreich
Mit carten zweifle ein-zu-buͤssen:
Ja mein blut Euch zu hoͤchstem preiß
G
Wolt
Das ander Buch.
Wolt ich in einem Hoͤhr vergiessen
Gaistlicher weiß.
Aber ewer zu milter muht
Liebet kein blut/
Dan das weiß/ vnd will niemand toͤdten:
Jhr haltet auch freundlich gernstill/
Willig zu helffen auß den noͤhten
Dem der nu will.
Wolan/ das vnsre lieb vnd trew
Auch ewig sey/
So solt Jhr Euch/ ich mich stehts lieben:
Vnd einander zuhelfen gleich/
So solt Jhr mich niemahl betruͤeben/
Jch niemahl Euch.
29.
Erklaͤrung.
J
Hr herꝛen (damit ich ja Euch
Nenn eben gleich/
(ret)
Wie Jhꝛ Euch selbs guͤnstig intitulie-
Jhr deren grob verdoͤrbtes blut
Sich
Das ander Buch.
Sich gleichsam ab des fiebers wuht/
Ab meiner schrift erhitzet vnd gefruͤeret.
Jhr mischet Teutsch/ Welsch vnd Latein (Doch keines rein)
Ewern verstand nicht zulang zu verhaͤlen:
Vnd sagt mit zu witziger schmach/
Das ich verdoͤrb die Teutsche sprach/
Weil ich nicht mag frembde wort (wie Jhr)
quaͤhlen.
Zwar wan man ja Welsch reden soll/
So muͤst Jhr wol
Das ich es red besser dan Jhr gestehen:
Kan also auch ein blinder tropf
Weniger witz in ewerm kopf/
Dan neid vnd haß in ewerm hertzen sehen.
Wan dan ewers verstands gefahr
So offenbahr/
Warumb solt ich schriftlich ewer gedencken?
Waͤr ich nicht selbs kraͤncker dan Jhr/
Vnd auch ein vernunft-loses thier/
Wan ich Euch wolt mit schriften mehr be-
kraͤncken.
G ij
Ewer
Das ander Buch.
Ewer argwohn ist gar vmb sunst/
Vnd nur ein dunst
Der Euch das hirn (so vorhin schwach) ver-
loͤtzet:
Jch waͤr wie Jhr/ wan ich die hand/
Fuͤr oder wider ewreschand
Zuschreiben/ nur auf das papier gesetzet.
Dan wuͤrden alle Weise nicht
Dessen gedicht
Welcher Euch wolt loben verlachen?
Hingegen Euch schelten wer kaum
Besser gethan/ dan einen baum/
So dirꝛ vnd faul/ noch fruchtbar wollen ma-
chen.
Wan ich die zeit schadloß vertreib/
Vnd froͤlich schreib/
So schreib ich doch weder fuͤr noch von allen:
Vnd meine Vers kunstreich vnd wehrt
Sollen nur denen die gelehrt/
Vnd (wie Sie thun) weisen Fuͤrsten gefallen.
Vil zu koͤstlich/ zu rein/ vnd frisch
Fuͤr ewern tisch
Vnd magen seind die trachten meiner schrif-
ten:
Den
Das ander Buch.
Den bauren taugt ein hafenkaͤß/
Die pomerantzen seind zu raͤß/
Damit Sie sich wol foͤrchten zu vergiften.
Jch will nicht die torꝛechte muͤh/
So ich alhie/
Jemahls von Euch zuschreiben ferners habẽ:
Darumb so gebt Euch nu zu ruh/
Jch sag Euch bey den Musen zu/
Von Euch schreib ich weitters keinen buch- staben.
Auch gebuͤhrt es mir freylich nicht/
Durch ein gedicht
Ewer lob/ ehr/ preiß vnd namen zusingen:
Sondern dem/ der in hungers noht
Mit starcker stim ein stuͤcklin broht
Vor ewerm hauß verhoft davon zubringen.
30.
Die Luͤgin.
G
Eh durch die welt/ O meine sehl/
Der welt vndanckbarkeit zusehen;
G iij
Sag
Das ander Buch.
Sag jedem ohn schew seine fehl/
Die Warheit selbs soll dir beystehen:
Weil die welt nichts kan dan betruͤegen/
So haiß sie khuͤn offentlich liegen.
Sag dem Hof/ daß sein pracht vnd ehr/
Wie faul holtz vnbestaͤndig scheinen;
Sag der Kirchen/ was jhre lehr
Gut haisset/ jhre werck verneinen:
Sagen Sie duseyest betrogen/
So sag ohn scham/ Es ist ꝛc.
Den Fuͤrsten sag/ Jhr stand vnd haab
Koͤnd ohn anderer hilf nicht wehren/
Vnd daß man pfleg mehr Jhre gaab/
Dan Sie zu lieben vnd zu ehren.
Sa gen Sie du seyest betrogen/
So sag ohn forcht/ Es ꝛc.
Sag den Herꝛen/ die sich beseits
Jn Jhren hohen aͤmptern spreissen/
Das Sie mehr des Ehrgeitz vnd Neyds
Dan der Billichkeit sich befleissen.
Sagen Sie du seyest betrogen/
Antwort du rund/ Es ist ꝛc.
Sag
Das ander Buch.
Sag zu denen/ die vor der welt
Mit zeug vnd klaidern statlich prangen/
Sie verhoffen dadurch mehr gelt/
Groͤßern dienst vnd ruhm zuerlangen:
Antworten Sie man sey betrogen/
So sag du keck/ Es ist ꝛc.
Sag zu der Andacht/ Sie sey daub/
Sag die Jugent muͤß fort passieren/
Sag zu dem Flaisch/ es sey nur staub/
Sag Lieb laß die Armuth verfrieren:
Antworten Sie man sey betrogen/
So antwort du/ Es ꝛc.
Sag Bulerey sey boͤser lust/
Sag Ehr moͤg bald verkehret werden/
Sag Schoͤnheit werd kurtzlich ein wust/
Sag Alter naig sich zu der erden:
Antworten Sie man sey betrogen/
So sag du frech/ Es ist ꝛc.
Sag dem Rechten es sey voll zanck/
Sag Klugheit pfleg sich zu bethoͤren/
Sag der Artzney/ Sie sey selbs kranck/
Sag das Schulen keinen grund lehren:
Sagen Sie dan/ man sey betrogen/
So antwort du/ Es sey ꝛc.
G iiij
Sag
Das ander Buch.
Sag der Gunst/ Sie sey voll betrug/
Sag dem Gluͤck/ es sey gantz verblindet/
Sag der Reichtumb/ Sie hab nie gnug/
Sag die Kunst sey nicht wol gegruͤndet:
Antworten Sie man sey betrogen/
So sag du rund/ Es ist ꝛc.
Der Dapferkeit sag dise sprach/
Das Sie trag selten ein mitleyden/
Sag der Natur/ das Sie werd schwach/
Vnd koͤnd den abgang nicht vermeiden:
Antworten Sie man sey betrogen/
So sag du bald/ Es ist ꝛc.
Der Freundschaft zaig an/ wie sie mag
So wenig fuͤr jhre freund sorgen;
Aber der Gerechtigkeit sag/
Sielig vndertruckt vnd verborgen:
Antworten Sie mein sey betrogen/
So sag du gleich/ Es ist ꝛc.
Den Staͤtten sag/ wie Trew/ Glaub/ Ehr/
Vnd Redlichkeit auß Jhnen fliehen;
Vnd den Doͤrfern sag/ wie so sehr
Sie an grobheit vnd Jrtumb bluͤhen:
Sagen Sie/ du seyest betrogen/
So sag durund/ Es ist ꝛc.
Letzt-
Das ander Buch.
Letztlich die Tugent auch bericht/ (Wa du Sie anderst soltest finden)
Das man Jhrer mehr achtet nicht/
Vnd Sie all ein bleib gar dahinden:
Antworten Sie man sey betrogen/
So sag du frey/ Es ist erlogen.
Wolan/ wa du durch die Warheit
Soltest die Welt gantz zornig machen/
So kanst du mit gleicheꝛ frechheit
Sie noch ohn forcht dazu außlachen:
Dan wer will/ Sehl/ mag dich anklagen/
Dir auch die geig vmb den kopfschlagen.
31.
Meine meinung wie ein Weib zu woͤhlen.
M
Jch zu entfreyhen/ vnd ein weib (Ja vilmehr meinen leib) zufreyhen/
Das Jhr leib mein/ mein leib Jhr
bleib/
G v
Das
Das ander Buch.
Vnd es mich nicht moͤg wider rewen:
Glaub ich/ ich soll vertrawen nicht
Eines andern mund noch gesicht:
Zu buhlen vnd sich selbs zupreisen
Kan ein man selbs das best erweisen.
Damit nu die wahl khuͤn vnd frey/
So wolt ich anfaͤnglich begehren/
Das Sie solcher Eltern kind sey/
Die an freyheit/ frombkeit vnd ehren Älter dan ein altes geschlecht.
Eine schoͤnheit fromb vnd nicht schlecht/
Auch ein schlechtes vnd rechtes leben
Kan selten das blut allein geben.
Zwar waiß ich wol/ das gute zweig
Noch von alten baͤumen aufschiessen/
Zu deren lob ich nicht verschweig/
Das Sie Jhres stammens geniessen/
Vnd darumb wehrt/ das man sie ehr:
Doch vermein ich auch/ das je mehr
Ein berg sich in die hoͤhin stroͤcket/
Je baͤlder er mit schnee bedoͤcket.
Forchtloß nu vor der Rew zu sein/
Die vns zu spaht doch bald erschleichet/
Soll
Das ander Buch.
Soll meine wahl nicht auf den schein/
Sondern recht nutzlich sein bereichet.
Wer seine freyheit gibt dahin
Vmb Stands oder gesichts gewin/
Der kauffet ein pferd zu prachtieren
Darauf Er schimpflich mag verlieren.
Jedoch wolt ich Sie anstatur
Vnd anschoͤnheit vollkommen haben/
Auch das Sie solt (schoͤn von Natur)
Eines Jeden gesicht erlaben:
Gleich wie die Sonn solt Sie schoͤn sein/
Das Sie mit vnbeflecktem schein/
Zwar von allen augen gesehen/
Moͤg doch nur bey mir nidergehen.
So darf Sie auch nicht sein gelehrt/
Vil weniger sprachen studieren;
Der verstand des weibs ist vil wehrt/
Der gnug ist Jhr hauß gnug zuzieren:
Die nur ein solches gespraͤch hab
Als ein koͤstliche Gottes gaab;
Vnd mehr nicht dan mein thun vnd lassen (Als mein spiegel) in sich thufassen.
Ja/ ich wolt nicht das Sie mit glimpf
Solt jemand wollen lang vexieren/
Vil
Das ander Buch.
Vil weniger mit spot vnd schimpf
Jemand verlachen vnd stumpfieren:
Sie soll foͤrchten boͤse anblick/
Vilmehr boͤser geberden stuͤck/
Boͤse buhler foͤrchten zu machen
Jhr fuͤr-zu-bringen boͤse sachen.
Das Sie niemahl ab dem werd roht
Was sie begangen vnd versaumet;
Das Sie sey keusch/ ohn schand vnd spot/
Das Jhr je nichts boͤses getraumet.
Dan die Jungfraw in deren brust
Sich einmahl nistet boͤser lust/
Die hat/ eh Sie thut boͤse thaten/
Jhrer zucht voͤstung schon verꝛahten.
Sie soll stehts mit forcht/ scham vnd ehr/
Wan ich sie besuch/ der lieb pflegen:
Doch wolt ich das sie fruchtbar waͤr/
Zwar mehr Namens dan wollusts wegen:
Dan die so in dem werck schamhaft/
Hat stehts ein newe Jungfrawschaft;
Vnd die zucht kan die Trew erhalten/
Das der Heurath nicht kan veralten.
Sie soll/ wan sie mir gibt die hand
Vor dem Pfarꝛern/ in Jhr hertz graben/
Wie
Das ander Buch
Wie durch dises hailige band
Got auß vns beed nur eins woll haben;
Wuͤnschend mit mir auß hertzen grund/
Das wir beed in gleicher stund (Als Aarons steck) zumahl auf erden
Gruͤnen/ bluͤhen/ tragen/ dirꝛ werden.
32.
Vlysses vnd Si- rene.
K
Om her/ du wehrter Griech kom her/
Woltest du nicht alhie anfahren?
Der Wind vñ das Moͤhr toben sehꝛ/
Vnd alhie kan dich nichts befahren:
Alhie sehen vnd hoͤren Wir
Der fuͤr-schiffenden muͤh vnd klagen;
Alhie kanst du froͤlich mit mir
Alle sorg auß dem hertzen jagen.
Vlys-
Das ander Buch.
Schoͤne Nymf/ wan man durch wollust
Ein großen namen kont erlangen/
So wolt ich deinen mund vnd brust
(So schoͤn) gern kuͤssen vnd vmb fangen:
Aber die muͤh vnd nicht die ruh
Kan recht eines mans leben zieren;
Keinem wehrten man steht es zu
Die zeit uͤppiglich zuverlieren.
O Vlysses bethoͤr dich nicht/
Das du ein lob bringest zuwegen;
Dan solches ja nur ein gedicht/
Vnd in andrer leut koͤpf gelegen;
Auch nur erfunden/ vnsern muht
Vmb frewd vnd friden zu betriegen/
Vnd fuͤr ruh (vnser bestes gut)
Mit muͤh vnd streit vns zu vernuͤegen.
Gaile Nymf/ gesetzt weder lob
Noch geschray waͤr fuͤr vns zufinden/
Waͤr es doch schlechter Manheit prob
Den
Das ander Buch.
Den lust sich lassen uͤber winden:
Dan eben nach muͤh vnd verdruß
Kan man der ruh besser genuͤessen;
So kan auch des lusts uͤberfluß
Vns sowol als die muͤh verdriessen.
So ist der wollust nu der lohn
Vnd port/ der Euch so lang verieret;
Den Jhr oͤft/ weil Jhr lang davon
Jhn zu vermehren/ gar verlieret:
Mit wollust du abwechßlen must/
Dich allzeit froͤlich zuerlaben:
Man kan ja so mancherlay lust/
Als vilerlay geschaͤften haben.
Doch sihet man/ das nah vnd fern
Die Recht—edle der muͤh nachtrachten/
Vnd sie (sich damit uͤbend gern)
Als Jhr Ewern wollust hochachten;
Vnd das sie stehts mit lieb vnd fraid
Jhrer verꝛichtungen gedencken/
Da hingegen mit rew vnd laid
Die laster leib vnd sehl bekraͤncken.
Siren.
Das ander Buch.
Das macht allein der falsch argwohn/
Den ein boͤser gebrauch vermehret/
Der klaidet manche werck mit hohn
Welche doch die Natur selbs ehret.
Vnser kampf/ gehend ab ohn blut/
Macht weder waisen noch witfrawen:
Vnd wazu ist doch der welt gut
Der Dapfersten stechen vnd hawen?
Solcher fleiß/ vnruh/ muͤh vnd streit
Seind oft nohtwendig bey den Staͤnden/
Die die Weiseste koͤpf allzeit
Der welt zu den besten anwenden;
Jndem Sie schand/ gewalt vnd list
Strafen/ vnd das Recht recht verwalten;
Dan der Krieg selbs oft besser ist
Dan mit schand vnd uͤbel frid-halten.
Wol/ Vlysses/ ich kom zu dir/
Weil du ja nicht wilt zu mir kommen;
Vnd weil dein hertz nicht wirt von mir/
Wirt
Das ander Buch.
Wirt mein hertz von dir eingenommen:
Zwar ist mein verlust mehr mein pracht/
Dan so ich auch dich thet erwerben;
Dan Schoͤnheit ist allein gemacht
Zu verdoͤrben oder verderben.
Die 33. Ode.
Klag.
W
An der welt Aug seinen fruchtbaren schein
Vber den erdboden außstroͤcket;
Alsdan mein ruh-jagende pein
Ein solche klag erwoͤcket:
O schoͤnes liecht/ von Jedem (nur von Mit
Nicht gern) all-sehend gern gesehen/
Lieber/ bracht man di
r
jemahl fuͤr
Ein klaͤglicheres flehen
!
Deines gesichts gesicht-troͤstender lust
Kanzwar alle geschoͤpf erlaben;
H
Aber
Das ander Buch.
Aber das hertz in meiner brust
Mit keinem trost begaben.
Voll qual vnd angst ein erschroͤckliche nacht
Meine sehl vnd gesicht beschwehret/
Welche mit meines schmertzens macht
Mich den weg des Tods lehret.
Heimliche Ort such ich voll finsternuß
Die ich erfill mit meinen klagen/
Das sie dopplen meinen verdruß/
Wan sie die widersagen.
Ein end hat nu mein lust/ frewd vnd gesang/
Nichts kan mein ellend von mir wenden:
Darumb wart ich nu des Tods gang/
Mein laid vnd klag zu enden.
Wan dan die nacht mit jhrẽ schwartzen klaid
Den sterblichen Jhren schlaf bringet/
Alsdan mein stehts-wachendes laid
Den luft also durch dringet:
O schoͤne stern/ der Nacht einiger pracht
Die jhr (blaich) meine noht beweinet/
Vnd
Das ander Buch.
Vnd meiner sehlen letzten nacht
Zu dem grab trawrig scheinet:
Jhr koͤnt zwar wol den entmuͤdenden saft
Auf der sterblichen augen giessen;
Aber Jhr habt nicht so vil kraft/
Mein gesicht zu beschliessen.
Du Nacht thust mir mit abschewlicher hand
Meine gedult gar hinweg rauffen;
Die Furien mit Jhrem brand
Stehts meinem gaist nachlauffen.
Also hab ich weder liecht noch gedult
Jn meinem gesicht/ gaist vnd hertzen;
Vnd nur den trost/ das meine schuld
Groͤßer dan meine schmertzen.
Doch wirt mich der/ so mich gar toͤdtet nicht/
Seiner gnaden wider-gewehren/
Vnd mein laid durch sein angesicht
Gnaͤdig in frewd verkehren.
H ij
34. Von
Das ander Buch.
Die 34. Ode.
Von des Menschlichen Le- bens/ vnd von dem blinden mensch- lichen Vbermuht wenig erkanten Ellend.
D
V wenig koht/ du wenig staub/
Hoch muͤhtig durch ein wenig leben/
Welch es leben dich wie ein laub
Macht ein weil in dem luft vmbschweben:
Du graß/ du hay/ in einer stund
Bald frisch-gruͤnend vnd bald verdorben;
Mensch der du/ eh dein gaͤnger mund
Dich sterblich bekennet/ gestorben.
Der du dich nicht achtest gering/
Mensch/ Nein/ jhr menschen all zusamen/
Seit jhr wol mehr danpfifferling/
Oder was einen schlechtern namen?
Nein/ wan schon Ewers lebens saft
Was laͤnger dan eine nacht wehret/
Lieber sagt mir doch/ auß was kraft
Jhr die welt/ vnd die welt Euch ehret?
Wan
Das ander Buch.
Wan Jhr dan nichts/ ist die welt mehr
Dan eine versamblung des boͤsen?
Was ist jhr lust/ jhr ruhm/ jhr ehr/
Dan laid/ spot/ vnd schandliches wesen?
Was sihet vnd was kan man sunst
Bey den Hoͤfen dan dapfer liegen;
Dan mit ehrgeitz/ schalckheit/ mißgunst/
Stoltz/ schimpf vnd fuchssch waͤntzẽ betriegẽ?
Vnd in welchem einsamen hauß
Kan ein mensch wol ohn sorgen wohnen?
Wer handlet uͤber Moͤhr ohn grauß?
Kan der feldbaw ohn muͤh belohnen?
Wer raiset durch die welt mit lust/
Das er sich niemahls zu befahren?
Welche Reichtumb kan deine brust
Stehts vor forcht vnd verdruß bewahren?
Wer ist/ so lang Er arm/ ohn klag?
Wer hat ein weib vnd ist sein aigen?
Wer ist weil Er loͤdig ohn plag/
Wan sich ohn freund seine tag naigen?
Wer ist nicht ohn kinder/ erbloß/
Gaͤntzlich abzusterben verdrossen?
H iij
Wer
Das ander Buch.
Wer hat vil kinder/ dessen schoß
Nicht oft mit forcht vnd angst durchschossen?
Welches Juͤnglings hertz/ muht will/ hitz
Thut nichts/ dessen Er sich zu rewen?
Vnd welches hohen Alters witz
Kan sich vor kaͤlt vnd schwachheit freyhen?
O dan du stoltzer mensch betracht/
Was du nu auß dir selbs zu machen
!
Ein kind/ kaum in die welt gebracht/
Weinet/ kan oder will nicht lachen:
Vnd (weiser dan du) lehret dich/
Wie der mensch sein ellendes leben
Weinend soll anfangen/ vnd sich
Hernach lachend dem tod ergeben.
Ende des andern Buchs.
Del
Del Sig
r
Angelo Trono
Sonetto
ALSIG.
r
GIOR- GIO RODOLFO WECK-
herlino, Segretario Inter-
pr.
e
di Sua Ser.
ma
Alt.
a
di Wir- temberga \&c. \& Eccellentiss. Poeta.
D
Oppo’l quint ’anno, che dal patrio hostello
Movendo i passi à glorioso segno,
Scorsi più d’un Paese, e più d’un Regno,
Emirai ogni dì Popolnovello:
Alfin ritrovo in te
(Rodolfo)
quello,
Che non può compartirsi a humano ingegn
o
,
Onde l’ acquisto mio stimo più degno,
Che de Colchidi Heroi l’ aurato vello.
Ilmondo cieco, onde è virtù sbandita,
Mentre à l’ Occaso ogn’ hor fugge, es imbruna,
Dal tuo soccorso attende e lume e aita:
Tu giongi à tempo. In vidia indarno impruna
A tuoi passi d’ honor la via espedita,
E serua al tuo valor scorgo Fortuna.
Etliche faͤhl so uͤbersehen worden.
Jn dem 21. blat/ vnd 20. vers fuͤr erquicken liß be
-
gluͤcken. 33. blat liß den 5. vers also: Aber zu schlech
t
war sein verstand. 37. der 17. liny/ liß/ wuͤnschen. 45. i
n
der 7. liny. liß jetzund. 60. in dem ersten vers/ liß vmb
-
fassen. Eben an demse
l
bigen blat/ lise den 17. vers also: Durch den schwalß nim̃et die frewd zu. 67. liß in de
m
19. vers erwoͤcket. 75. in dem letzten vers lise Gunst. 96. liß den 14. vers also: Jch empfind die kaͤlt wie die hitz
Was sunsten in distinctionen vnd buchstaben uͤber setzen/ wirt der Loͤser selbs zu verbessern wissen.
Stutgart/ Gedruckt bey Johan-Wey
-
rich Roͤßlin.
Jm Jahr 1619.