JOHANNIS RUDOLPHI GLAUBERI
Philosophi \& Medici Celeberrimi Continuatio
OPERUM CHYMI- CORUM
,
Buͤcher vnd Schrifften/ so viel deren von jhme bißhero an Tag gegeben worden.
Jetzo von newem mit Fleiß uͤbersehen/ auch mit etlichen newen Tractaten vermehret/ vnd vmb mehrer Bequemlich-
keit willen/ in diese Form zusammen getragen/ sampt ein dar- zu verfertigten vollkommenen Register.
Mit Churf. Saͤchs. als
Vicarii,
Reichs-
Privilegio.
Franckfurt am Maͤyn
/ Jn Verlegung
Thom
æ
-Matthi
æ
Goͤtzens
.
Jm Jahr
M.DC.LIX
.
Vorꝛede/ An den gewissenhafften/ Gott- vnd Natur-liebenden Leser.
Z
Wey dinge werden in der Welt insonderheit fuͤr al-
len andern gefunden/ welche einen Mann bey dapffern Leu- then erheben/ vnd bey denselben lieb vnd werthe machen;
Kunst
vnd
Tugend.
Nun sind der Kůnsten viel vnd man- cherley/ welche der All-weiseste Gott/ dessen Geist in allem ist/ alles leben vnd weben machet/ durch die Menschen/ deren hertzen er in sei- ner Hand hat/ vnd sie lencket/ wohin Er wil/ vnd deren Verstand wann sie jhm gelassen sind vnd stille halten/ wie dann ein leydendes ding gegen dem wuͤrckenden beschaffen seyn soll/ Er zu seiner Werckstatt erkieset vnd ge- braucht. Jhme zu Ehren/ vnd den Menschen zu jhrer Nottuͤrfftigen vn- terhaltung gnaͤdig offenbahret; vnd diß zu seiner bestimpten zeit: Diese Kunst zu dieser zeit vnd durch diesen Menschen/ eine Kunst zu einer andern zeit/ vnd durch einen andern Menschen; nach dem Er einen vnd den andern von den guͤtigen influͤssen des gestirns geneygt findet; wie der vortrefliche Teutsche
Philosophus Philippus Paracelsus
(welchen Arnd im vierdten Buch des wahren Christenthumbs
pag.
53. citirt) recht vnd Christlich mey- net. Auß den Sternen/ spricht Er/ kommen die grossen kuͤnstler vnd na- tuͤrlichen Meister in allerley Kuͤnsten vnd Jnventionen. Dann die Natur treibet die gemuͤther solcher Leuthe/ den Kuͤnsten mit hefftigem Nachsinnen vnd Arbeiten obzuliegen/ auf daß Gottes wercke offenbahr vnd herfuͤr ge- bracht werden zu Gottes Ehren/ vnd dem Menschen zu Nutz. Dann so hats Gott geordnet/ vnd in dem Himmel solche natuͤrliche Schaͤtze gelegt als in seine verborgene
thesauros,
auf daß er zu seiner zeit solches alles an tag vnd ans liecht braͤchte durch den Menschen/ vnd theilet dieselbe auß/ wann/ wo/ wie/ vnd wem Er wil. Die Menschen sind nicht
Inventores retum,
sondern nur werckzeuge: so ists auch der Himmel nicht fůr sich selb-
):( ij
sten-
Vorꝛede.
sten/ sondern es sind auch
Thesauri
Gottes/ Schatzkaͤsten am Him- mel/ in welche Gott der oberste Schatzmeister vnd Herꝛ seine Schaͤtze ge- legt hat/ theilet sie auch hernach auß denen/ so es werth seyn/ vnd die Er da- zu versehen hat: Siehe also kommen alle gute gaben/ vnd alle vollkomme- ne gaben auch
mediatè
von oben herab
Jacob. 1. Syrac.
1. vom Vatter des Liechtes. Alle Weißheit ist von Gott/ vnd ist bey jhm ewiglich: Er theilet sie aber mit
mediate
oder natuͤrlicher weise/ oder
immediatè,
uͤbernatůrlicher weise. Daher koͤmpt verstand in allen natuͤrlichen dingen/ weltchliche Ge- rechtigkeit/ Kunst der Artzney; daher kommen artige Poeten/ liebliche
Mu- sici,
klůge Redner/ kuͤnstliche Werckmeister in allerley Arbeit/ in Holtz/ in Metallen/ in Steinen; daher kom̃en weltliche Regenten/ Kriegsleuthe; vnd in summa/ daher kommen einem jeden seine natůrliche Gaben/ wie sie jhm Gott außtheilet. Daher koͤmpts/ daß ein jeder Mensch natůrlich begehret ein ding zuwissen vnd zuerforschen/ vnd ist manchem so bang darnach/ hat eine solche hitzige begirde nach Kuͤnsten/ daß er nicht dafuͤr ruhen kan. Dann gleicher weiß als der leib des Menschen auß den vntersten Elementen gespei- set vnd erhalten wird/ nemblich auß der Erden vnd Wasser/ vnd kan ohn dieselbe nicht leben: Also die Sinne/ Gedancken/ vnd Geist des Menschen haben jhre Speise vom Gestirn. Dann alle sinnreiche Menschen haben jh- ren Einfluß vnd Einfaͤlle vom Gestirn/ vnd ist gleichsam jhre Speise. Biß- hieher
Paracelsus.
Keine Kunst aber verdienet den nahmen vnd ruhm einiger vollkommen- heit zuhaben als welche nothwendig/ nuͤtzlich/ vnd lieblich ist. Diese drey Ey- genschafften besitzet zugleich die Hoch-Edle
Chymia
oder Scheydekunst; andere sind entweder einer oder der andern Eygenschafft beraubet/ vnd der- halben mit dieser im geringsten nicht zuvergleichen. Auß dieser sind entspros- sen viel schoͤne Inventionen/ so der Welt zu einer grossen Zierde gereichet/ vnd den Kuͤnstlern zu einem grossen gewinn; darauß ist entsprungen das Glas-machen/ eine solche schoͤne wissenschafft als man eine finden mag; darauß ist geflossen die Kunst allerley farben zuwegen zubringen/ als da sind/ Sublimat/ Zinober/ Arsenic/ die Purpurina/ vnd andere mehr zier- liche Inventionen; neben den herꝛlichen vnd kraͤfftigen Essentien/ so beydes innerlich vnd aͤusserlich in der Menschen Schwachheiten/ Wunden/ Ge- schwaͤren/ Graͤtze/ Laͤhme/ ꝛc. nothwendig erfordert/ vnd zur Gesundheit
nůtzlich
Vorꝛede.
nůtzlich gebraucht werden. Ja es wird einer durch fleissige uͤbung dieser Kunst so hoch vnd weit gebracht/ daß er Gott seinen Schoͤpffer in den Crea- turen lehrnet erkeñen/ vñ dadurchgetrieben wird/ denselben inniglich im grun- de seiner Seelen zuloben vnd zupreisen/ wegen der grossen guͤtigkeit/ so in allen seinen wercken vnd geschoͤpffen den vnverdrossenen Nachforschern der- selben augenscheinlich erhellet. Insonderheit wird man in dem Articul von der aufferstehung der Toden/ vñ der verklaͤrung vnserer Leiber/ durch anley- tung dieser hohen Kunst bekraͤfftiget. Hiervon schreibet Arnd im vierdten Buch des Wahren Christenthumbs
pag.
11. also; zuwissen/ daß der guͤtige Schoͤpffer ein reines/ schoͤnes vnd anmuͤthiges liecht allen dingen eynge- schlossen hab/ wie die wissen/ so die natuͤrliche
separation
verstehen/ vnd die reinigkeit aller ding/ recht Philosophisch scheyden koͤnnen/ von der vn- reinigkeit vnd finsternus/ vnd also koͤnnen alle ding natuͤrlich perficirt wer- den in jhre klarheit/ dann das ist jhre natuͤrliche verklaͤrung; vnd ein herꝛlich augenscheinlich zeugnuͤs (
NB
) der verklaͤrung vnserer Leiber am Juͤngsten tage/ wann die vnsauberkeit von Leib vnd Seel hindan wird gescheyden seyn. An einem andern orth nemoͤlich
pag.
26. fuͤhrt er diese rede: Wo du nicht allein die aͤusserliche Form vnd Signatur erkennest/ sondern die innerliche verborgene Form/ vnd dieselbe offenbar machest durch die Kunst der Schey- dung/ daß du herauß ziehest die krafft/ in welcher die rechte Artzney liegt/ die pur-lauter Essentz vnd helles Liecht auß jhrem Schalen-Haͤußlein vnd Kaͤstlein/ darinn sie Gott der Herꝛ gelegt hat: so wirstu erst die guͤte des Schoͤpffers schmaͤcken in seinem werck/ vnd jhn von Hertzen preisen/ daß Er den bloͤden elenden Menschen in seinen gebrechen vnd schmertzlichen Kranckheiten solche linderung/ huͤlffe vnd suͤssigkeit geschaffen hat.
Drelin- court,
in seinem/ Trost der glaubigen Seelen wider die Schrecken des To- des/ intitulirtem Buch/ hat in dem Discurs von der vernewrung der Welt solche oder dergleichen Wort/ uͤber den spruch/ die Erde wird mit Fewer ver- brennet werden: Hierauß folget nicht daß die Erde werde gar zu nicht ge- macht werden/ dann ein anders ist/ verbrennen/ ein anders/ gar zu nichte wer- den: Die
Massa
zu den Glaͤsern gehet auch durch das Fewer/ vnd verbren- net/ jedoch wird ein schoͤnes/ durchleuchtendes Gefaͤß darauß. Also bedie- net sich dieser Lehrer zu mehrer bestaͤtigung einer so hohen Wahrheit dieser Kunst/ vnd deren dingen so darauß geflossen; wer Er noch Erfahrner vnd
):( iij
geuͤb-
Vorꝛede.
geuͤbter in dieser Kunst gewesen/ vnd gesehen was dem
Quercetano
einem Frantzoͤsischen Koͤniglichen
Medico,
von einem
Medico
zu Krackaw/ in der aschen von den Rosen/ vnd vom Herꝛen
de Luynes
einem Koͤniglichen
Consiliario
in Franckreich/ in der aschen von den Nesseln gezeigt worden/ davon zu lesen in seinem Buch
contrà Anonymum, pag. 292. 293. \& seq.
haͤtte Er denselben Discurs wie auch den von der aufferstehung der Todten/ mit natuͤrlichen Gruͤnden besser zieren koͤnnen/ wiewol er herꝛlich vnd nach der genuͤge auß der H. Schrifft bewiesen worden. In dieser hohen Kunst sind erfahren gewesen/ vnd haben davon geschrieben/ vnter den Arabern/ Geber/
Alphidius, Moriennus, \&c.
vnter den Griechen/
Theophilus Sinesius, Apuleius, \&c.
In Latein haben davon geschrieben
Bernhardus, Isaacus Holandus, Rogerius Biccho,
vnd andere. Frantzoͤsisch/
Flammel, de Naysement:
Teutsch/
Paracelsus, Basilius Valentinus;
vnd zu diesen vnsern zeiten der
Author
dieses Wercks/ welcher diese nothwendige/ nuͤtz- liche/ vnd liebliche Kunst nicht allein mit sonderbahren/ kurtzen/ vnkostba- ren handgriffen gezieret/ sondern auch mit newen geheimnůssen gemehret/ dergleichen hiebevor nicht geschehen. In dem ersten vnd andern Theil der Philosophischen Oefen/ wie auch im Trost der Seefahrenden/ lehret er den
Spiritum Salis in cop
i
á
zu zielen/ auß welchem beydes in der Haußhal- tung/ vnd in der Artzney grosser nutzen zu schoͤpffen/ dann dadurch kan jhm ein fleissiger
Oeconomus
einen solchen guten/ lieblichen/ gesunden Tranck machen/ sich sampt den seinigen damit zuergaͤtzen so wol als mit dem besten Wein; ligt nur daran daß man dem Honig damit seinen vnlieblichen ge- schmack benehme durch einen besondern Handgriff/ ehe er mit dem Wasser vermischt vnd damit gesotten wird. Wann er nun allen schaum von sich geworffen/ vnd darinnen seinen vnangenehmen geruch vnd geschmack/ so hat der corꝛigirte Honig natůrlich einen geruch vnd geschmack als wie ein eyn- gesottener Traubensafft; auß welchem darnach mit zuthun einer
Essentiæ vini,
davon der
Author
in seinen Apologetischen Schrifften meldung thut/ ein solcher lieblicher/ gesunder/ vnd weinichter Tranck kan gemacht werden. Durch diesen
Spiritum
lehret er allerley distillirte
olea
in jhre hoͤchste rei- nigkeit zubringen/ daß sie sich mit jhrem
Spiritu ardente alcolisato
verei- nigen/ vnd zu einer kraͤfftigen Essentz werden. Insonderheit lehret er in sei- Spagirischen
Pharmacop.
das
oleum vini
damit zuverbessern/ daß es
darnach
Vorꝛede.
darnach von seinem Salinischen
Mercurio
auffgenommen wird/ vnd eine uͤberauß kraͤfftige/ wolriechende/ koͤstliche
Essentiam
gibt/ dadurch alle schwache Weine koͤnnen verstaͤrcket werden. Ist dieses nun nicht beydes ei- nem
Medico
vnd einem frommen
Oeconomo
ein nothwendig-nuͤtzliches vnd angenehmes stuͤck; anderer grosser Tugenden mehr welche er besitzet/ vnd davon an seinen gehoͤrigen orthen meldung geschichet/ zugeschweigen? Was soll ich von dem fewrigen Astralischen
liquore
sagen/ so auß dem
Ni- tro,
vnd welches er in seinen Apologetischen Sehrifften zumachen gelehret? Es ist ein rechtes wunder der Natur vnd der Kunst/ ein jrꝛdische Sonn/ ei- ne helle
Fontina,
dadurch alle
Vegetab. Animal.
vnd
Mineral.
wann sie Sulphurisch/ gereiniget/ gezeitiget/ vnd verbessert; ja wann sie gifftig/ jhr Gifft getoͤdet/ vnd in eine heilsame Artzney verwandelt vnd vmbgekehrt werden; so daß sie alle miteinander jhr bestes herausser geben muͤssen/ jhr in- nerstes vnbeflecktes wesen/ jhren himmlischen
Sulphur,
darinnen die wahre
Medicin
der vhralten Weisen verborgen ligt. Fuͤr allen andern Minera- lischen vnd Metallischen substantien aber ist das
Antimonium
mit diesem zarten guͤldischen
Sulphure
hoch von dem allweisen Schoͤpffer begabet worden.
Quercetanus in libro contrà Anonymump.
200. 201. 203. hat diese wort. Die
Philosophi
nennen es jhre
Magnesiam:
es haͤlt in sich die drey
principia
einer empfindlichsten wirckung vñ durchdringendesten krafft fuͤr allen andern voll.
Paracelsus
hat vnter allen Chymischen Philosophen so vor jhm gelebet am fleissigsten seine
principia,
theilen/ natur/ eygen- schafften/ kraͤfften/ vnd wirckungen durchgesuchet: dessen Substantz er uͤber alle Metallische Substantien erhoben vnd gepriesen; vnd insonderheit seinen
Mercurium:
auß vnd durch welchem als einem vornembstem
subiecto
vnd edelster
materiâ
er die schoͤnste vnd ausserkeseneste Wercke erarbeytet hat. Er vergleichet es mit dem
primo Ente auri;
vnd spricht: Gleich wie es der hoͤchste vnd vollkommeneste Reiniger des Goldes ist: also ist es auch der Menschen. Sein
Mercurius
erzeigt in dem
Regulo;
was ein Saltz anlanget; kan dasselbige auch von jhm geseheyden werden/ in welchem die
vis vomitiva
stecket. Sein
Sulphur
ist gantz Solarisch/ so daß er die aͤus- sere gestalt des Silbers verguͤlden kan. In diesem Solarischen
Sulphure
ligt die Hoch-Edle
Panacęa
verborgen: welchen in wenigen stunden den astralische
liquor Nitri fixi
herausser zihet/ als sein rechter vnd zugeeygne-
ten Ma-
Vorꝛede.
ter Magnet; vnd wer die Handgriff so darzu gehoͤren weiß/ der kan zu einer grossen
copia
gelangen. Diese
Panacęam
lehret der
Author
in seinem
Mi- raculo Mundi
machen/ durch dessen anleytung ein gewissenhaffter
Medi- cus
gar bald zu seinem vorgestecktem Ziel/ welches ist das heil vnd gesund- heit des Naͤchsten/ kommen kan; Item jhre rechte
dosin,
jhren gebrauch/ vnd jhre kraͤfften in vielen sonsten vnheilbar geachteten Kranckheiten. Diese herꝛliche Medicin darff keiner Rhetorischer lobsprůchen/ sie ruͤhmet sich selbsten gleich mit der that vnd warheit; wann die Kranck-gewesene kommen vnd sprechen/ man hat mich verlassen/ vnd mir gesagt/ ich schleppe einen mangel vnd gebresten an mir so nicht zu heylen/ nun bin ich durch Gottes gnad/ vnd huͤlfe dieser Artzney wieder zu recht gebracht worden/ vnd wol zu Paß. Hoͤret was
Basilius Valentinus
in seinem Triumphwagen von dem
Antimonio,
darauß diese herꝛliche Medicin bereytet wird/ schreibet:
Antimonium
ist ein runder vnendlicher Circkel:
Antimonium
ist die hoͤch- Gifft/ vnter welchem die hoͤchste Artzney verborgen:
Antimonium
hat al- le
qualitates
in sich:
Antimonium
ist eines der sieben Wunderwerck der Welt:
Antimonio
muß sein Gifft gaͤntzlich benommen werden; das geschie- het durch dieses
Authoris Alkahest
oder fewriges Wasser/ darinnen alle gifftige
subjecta
vmbgekehret vnd in heylsame Medicamenten verwandelt werden koͤnnen. Ferner spricht gemeldter
Basilius: Arcana Antimonii
stecken tieff verborgen: im
Antimonio
werden wie im
Mercurio
alle Far- ben gefunden: ♁ hat gleiche wirckung mit dem ☉:
Antimonium
gehet vie- len hauptsachen der Artzney weit vor: auß dem
Antimonio
gleiche Artze- neyen zumachen/ so im ☉ vnd ☿. stecken:
Antimonium
hat aller Edelge- steinen/ auch aller Metallen farben/ vnd also jhre tugenden in sich. Sehet/ ein solch vnvergleichliches lob hat dieses Edele
subiectum
von den fleis- sigsten durchforschern der Natur/ auß welchem nach anleytung dieses durch seine schoͤne Buͤcher vnd Tractaͤtlein hier gegenwaͤrtigen/ sinnreichen/ vnd in
Philosophiâ Hermeticâ
Hoch-erleuchteten Mannes/ ein solche fuͤr- treffliche/ durchtringende/ vnd in allen Kranckheiten grossen nutzen zur ge- sundheit schaffende Medicin/ so wol die guͤldische Purpurfarbe/ als die ge- meyne braun-rothe
Panacæa
zubereytet werden kan. Welcher gewissen- haffter
Medicus
solte dann dieses uͤberauß tugend-reiche
subiectum
nicht lieb gewinnen? Welcher die traͤgheit meydender
Medicus
solte sich nicht tag
vnd
Vorꝛede.
vnd nacht bewerben/ vmb ein solches Kleynod/ ein solch schoͤnes Perlein/ mit einem fewrigen Hammer her ausser zutreiben? Vmb dieses Klynod soll man buhlen/ nach diesem Perlem soll man ringen. Wer solte dañ endlich das gluͤck jhm also entgegen haben/ vnd in seinen vielfaͤltigen embsigen
laboribus,
nicht auf eine gute spuhr kommen/ solche zur gesundheit dienende Kleynodier in zimlicher menge zuerlangen/ vnd selbige frewdig zubesitzen? Vnd wann er sie erworben/ wird er befinden/ wie groß vnrecht die jenigen haben/ die da sprechen/ es weren so vnd so viel vnheilbare Kranckheiten/ da doch eine jeg- liche jhre von Gott durch die Natur bestimpte Artzney hat/ welche aber nicht in dem groben Coͤrper/ sondern in der in dem gescheydenen
sale sulphurato
eyngewickelten
animâ
bestehet.
Dyke
ein Englischer
Theolog.
fuͤhret solche wort: Sind doch wol Aertzte gefunden worden/ vnd werden villeicht noch gefunden/ welche/ weil sie der Natur gruͤndlicher nachforschen/ als andere/ in der that befinden vnd erweisen/ daß keine leibliche Kranckheit sey/ die ein Gott- vnd Naturweiser Artzt/ durch Gottes huͤlffe nicht heylen koͤnne: Von welchem
sale sulphurato
dieser
Author
in seinen Apologeti- schen Schrifften weiß- vnd klaͤrlich genug lehret/ daß man darzu durch einen geheymen gantz Philosophischen weg darzu gelangen muß/ nemblich durch eine sehr kuͤnstliche vmbkehrung oder Faͤulnuͤs/ so wol der Vegetabi- lien/ als Animalien vnd Mineralien. Diesen
Discursum
von der Secre- ten weise der Faͤulnuͤs so innerhalb dreyer stunden soll geschehen koͤnnen/ halte ich fuͤr den Kern aller anderer seiner herꝛlichen vnd nutzen bringenden Schrifften; dann in warheit ist dieses die gezeigte Thůr zu dem hohen
Ar- cano
der vhralten Weisen/ welche fuͤr allen dingen die erwůnschete
putre- factionem,
ohne welcher nichts zu einem Fewerbestaͤndigem wesen vnd also zur hoͤchsten Medicin auf Menschen vnd Metallen kan gebracht werden/ je- derzeit recht vnd billich gepriesen haben. Keiner aber hat es deutlicher zuver- stehen gegeben/ als dieser Newe vnvergleichliche Teutsche
Philosophus.
Er weisetja mit Fingern drauff/ daß nemblich/ alles/ alles/ sag ich/ in den dreyen Reichen der Vegetabilien/ Animalien/ vnd Mineralien/ an der recht-Phi- losophischen
Reduction ad primam materiam,
in welcher die drey
prin- cipia
nicht zerstoͤret werden/ gelegen. Man moͤchte aber eynwerffen vnd spre- chen/ der Alten
materia
zu jhrem hohen werck seye nicht ein
vegetabile, ani- male,
oder
minerale
gewesen/ sondern etwas anders/ das noch zu keinem
):( ):(
vnter
Vorꝛede.
vnter den dreyen worden ist: Darauff ist diese antwort/ daß auch die Alten jhre
materiam
Vegetabilisch/ Animalisch/ vnd Mineralisch gennent ha- ben; wird sie nun auß keinem
Vegetabili,
auß keinem
animali,
auß keinem
minerali
genommen/ vnd ist doch vegetabilisch/ animalisch/ vnd minera- lisch wie muß man sie dann verstehen/ wann sie so scheinbar- vnd doch in war- heit nicht widereinander lauffende worte fuͤhren? Ihre
materia
ist kein
ve- getabile,
das
vegatabile specificè
oder in der Eygenheit seiner natur be- trachtet; ist kein
animale,
auch kein
minerale,
ein jegliches gleicher massen betrachtet. Hingegen ist auch recht was sie schreiben; Vnsere
materia
ist Vegetabilisch/ Animalisch/ vnd Mineralisch. Wann nemblich ein
vegeta- bile, animale, minerale,
auß seiner
naturâ specificâ
entbunden/ befreyet/ vnd auf eine recht Philosophische weise
ad sal sulphuratũ
gebracht worden/ so ists hernach zugleich vegetabilisch/ animalisch/ vnd mineralisch; hat seine grobe eygenheit außgezogen/ wircket nicht mehr allein
vegetabiliter,
nicht mehr allein
animaliter,
nit mehr allein
mineraliter,
sondern
universaliter,
vegetabilisch animalisch mineralisch zugleich auf einmal/ als ein
Lebendi- ger Balsam voller Himmlischer vnd Irꝛdischer Kraͤfften.
Hier- von redet
Petrus Severinus in Idæâ Medicinæ Philosophicæ pag.
30. 35. also;
Medicina morborum omnium, ab Altissimo creata est, \& in Naturâ collocata, quæ debitè præparata, \& ab Elementis im putita- tibusque admixtis separata, potestate \& vitali robore, universos hu- mani corporis languores auferre potest: idque non calefaciendo, re- frigerando, humectando, sic cando, non abstergendo, incidendo, pe- netratione, sed longè altiore actionum proprietate: fundaturque in vitali Principio, semine, Balsamo, Vegetabilium, Mineralium \& Ani- malium: cui omnium actionum in Naturâ principium acceptum re- ferimus: adeoque legitima hujus Naturæ præparatio \& administra- tio Medicam constituit scientiam, \& Medicos rectè appellat. Quia verò actionum omnium naturalium fundamenta, in materia illa ra- dicali, Balsamo, \& vitali sulphure continentur, debet Medicus pro- prietates, differentias, proprietates \& administrationes hujus Natu- ræ omni se dulitate, cura \& diligentia investigare.
Was ist
vitale Prin- cipium, semen, Balsamum, materia radicalis, vitale Sulphur,
anders als die
Anima in sale sulphurato
eines
Vegetabilis,
die
Anima in sale
sulphu-
Vorꝛede.
sulphurato
eines
Animalis,
die
Anima in sale sulphurato
eines
Mine- ralis,
welche
Anima
(eine jedwedere fuͤr sich) Vegetabilisch/ Animalisch/ vnd Mineralisch zugleich auf einmal ist/ nicht mehr
particulariter,
sondern
universaliter
wuͤrcket? Dergleichen
discursum
fuͤhret der
Author
im an- dern Theil
Pharmacopæa Spagyr.
im ersten Theil Teutschlands Wohl- farts/
in continuatione Miraculi Mundi,
im Tractaͤtlein
de tinctu- ra Auri,
im Tractaͤtlein
de natura Salium.
Hat also dieser Mann/ von der aller-nothwendigsten/ nuͤtzlichsten/ vnd lieblichsten kunst
Chymia
nicht nur allein sehr sinnreich/ sondern auch aufrichtig vnd trewhertzig geschrie- ben/ vnd viel klaͤrer/ als andere/ so vor jhme gelebet haben: Derohalben sind seine Schrifften in hohen ehren vnd werth zuhalten/ als durch derer anley- tung ein gewissenhaffter
Medicus
zu einer in vielen vnheilbar-geachteten Schwachheiten ersprießlichen/ heylsamen/ kraͤfftigsten Artzney/ ein from- mer Haußvatter aber zu solchen mitteln/ sich vnd die seinigen ehrlich vnd in der stille fortzubringen/ gelangen kan. Nicht aber also gemeynet/ als wann das blosse lesen solcher Schrifften/ oder das davon discuriren vnd schwaͤtzen solches solte zuwegen bringen; O nein: es heisset; Im schweiß deines ange- sichts soltu dein Brod essen: Dieses ist allen Menschen gesagt/ vnd soll sich niemand der Hand-Arbeit schaͤmen/ er sey auch wer Er wolle; Was der ver- standt durch Gottes gnaͤdige erleuchtung/ vnd richtiges anleyten gegen- waͤrtiger nuͤtzlicher Tractaͤtlein ergriffen/ das muͤssen die Haͤnde vnverzagt angreiffen/ vnverdrossen fortfuͤhren/ vnd zu einem erwuͤnschten ende brin- gen/ die Fruͤchten hernach zugeniessen; Vnd gruͤndlich von der Sach zu- reden/ nicht nur nach eygenem Gutduͤncken/ sondern auß der Erfahren- heit/ so eine Meysterin ist aller Kuͤnsten. Wie will einr von der wuͤrckung/ krafft/ vnd tugend der
Panacææ
mit grund vnd warheit sprechen oder schrei- ben/ der sie nimmer angewendet hat/ bey denen von den gemeynen Artzten verlassenen Krancken; wie will er sie aber anwenden/ wann er sie nicht kan/ wie es gehoͤret/ zubereyten? Wie will er sie zubereyten wann er es nicht ge- lehrnet? Wie will er es lehrnen/ wann er kein lust vnd liebe darzu hat? sondern diese Edle Mediein auß einer albern vnwissenheit verachtet/ ja sie anfeindet/ nicht anders/ als ein gifftiger Wurm/ vorgebende/ wann die
Panacæa
ver- altet/ so verliehre sie jhrt krafft vnd nehme wiederumb eine boͤse gifftige Na- tur an sich. Ach wie ein kindischer/ ja thoͤrichter Eynwurff ist doch dieser?
):( ):( ij
Wie
Vorꝛede.
Wie kan man von einem ding eygentlich sprechen/ daß es veralte/ welches keiner veraͤnderung vnterworffen ist; daß es seine krafft verlichre/ wel- ches selbsten eine lautere krafft ist/ eine boͤse gifftige Natur wieder an sich nehme/ welches einmal gebuͤhrlicher weiß durch seinen rechten Magneten von dem schaͤdlichen Gifft entbunden/ vnd befreyet worden. Woher wird die einmal von dem Gifft erloͤsete
Panacæa,
eine boͤse gifftige Eygenschafft an sich nehmen nicht auß der Lufft/ wann sie schon derselben solte auffge- decket/ dar gesetzt werden/ auß welcher sie nur das gute als jhres gleichen ziehen/ sich damit vermehren/ vnd in jhrer guten heylsamen krafft verstaͤr- cken wuͤrde; bleibet sie vor der Lufft zugedecket/ so ist sie uͤber viel Jahren so gut/ so kraͤfftig/ so heylsam/ als den ersten tag. Auf welche weise soll sie dann von jhren kraͤfften kommen/ vnd eine boͤse gifftige Eygenschafft wie- derumb an sich nehmen? Vnmoͤglich ist es/ daß ein reiner Mineralischer
Sulphur,
vnd der noch darzu guͤldisch/ koͤnne veraͤndert vnd verderbt wer- den; bleiben doch die
salia,
die
olea,
die
spiritus ardentes
auß den Vege- tabilien eine so lange zeit vor der verderbnis bewahret/ warumb solte dann eine
Essentia Mineralis,
die einer viel bestaͤndigern Natur ist/ verderben/ vnd jhre kraͤfften verliehren? Was fuͤr herꝛliche/ schoͤn- vnd nuͤtzliche Wercke hat der
Author, beneficio Reguli ♁nii, in miraculo mundi, in con- tinuatione miraculi mundi
vnd an andern orthen zu machen gelehret/ der
concentration
des Weins/ Korns/ vnd Holtzes zugeschweigen? Er- langt also dieser Mann bey allen dapffern Leuthen einen vnsterblichen Ruhm/ nicht allein wegen seiner guten Wissenschafften vnd
Kunst
/ sondern auch wegen seiner
Tugend
/ nemblich der liebe/ so ein Cron aller Tugenden; daß er solche der Welt zu jhrer Zeitlichen wohlfart geoffenbah- ret vnd mitgetheilet hat. Gott befohlen/ geneigter Leser. New-Hanaw/ den 3.
Martii
1659.
J. M. D.
FUR-
FURNI NOVI PHILOSOPHICI
Oder
Beschreibung einer New-erfundenen Distillir- Kunst: Auch was fuͤr
Spiritus, Olea, Flores,
vnd andere dergleichen
Vegetabili
sche/
Animali
sche/ vnd
Minerali
sche
Me- dicamen
ten/ damit auff eine sonderbare Weise gantz leichtlich/ mit grossem Nutzen/ koͤnnen zugericht vnd berei- tet werden.
Auch wozu solche dienen/ vnd in
Medicina, Al- chimia,
vnd anderen Kuͤnsten koͤnnen gebraucht werden.
Phisosophischer Oefen Erster Theil.
Vorꝛede an den guͤnstigen Leser.
N
Ach dem ich vor etlichen Jahren/ durch embsige vnd fleissi- ge Speculation vnd Suchen/ etliche sonderliche
compen- diosè
Oefen vnd
Modos distillandi
erfunden/ mit wel- chen man viel grosse Dinge/ die sonsten durch die gemeine vnd bekandte Distillirkunst vnmuͤglich zu thun/ verꝛich- ten kan.
Also hab ich solche herꝛliche
Invention
bißhero allzeit in geheim gehal- ten. Nach deme ich aber betrachtet/ daß solche Edle Kunst vielen gebrechli- chen Menschen zu Dienst vnd Nutzen gereichen koͤnte/ hab ich solche wegen Christlicher Liebe gegen meinen Naͤchsten/ nicht laͤnger verhalten wollen; Bin also bewogen worden/ dieselbe zu beschreiben vnd an Tag zu geben/ da- mit alle die jenige/ welche in
Arte Spagyrica
etwas thun wollen/ guten vnd
A
gruͤnd-
Vorꝛede.
gruͤndlichen Bericht in dieser New-erfundenen Dillir-Kunst haben moͤch- ten/ damit sie nicht jhre Zeit vnd Koͤsten in langwirigen vnd muͤhseligen
la- boribus
zubraͤchten/ sondern auff naͤhere vnd bessere Wege viel gutes mit diesen meinen Oefen verꝛichten koͤnten. Vnd soll dieses Buch in 5. Theile getheilet werden.
Im ersten Theil wird gelehret ein ofen zu bawen/ in welchem solche Dinge sollen distilliret oder sublimirt werden/ welcher
Spiritus
im Fewer nicht verbrennen/ vnd durch
Retorten,
oder andere bekandte Distillir-Zeug nicht koͤnnen gethan werden. Die
Mineralia
vnd
Metalla
dadurch
in Spi- ritus, Flores
vnd
Olea
zu bereiten/ vnd worzu solche dienen.
Im zweyten Theil wird ein anderer Ofen zu machen gelehrt/ in wel- chem alle verbreunliche
Vegetabilia, Animalia
vnd
Mineralia
distilliret/ vnd in die hoͤchste Subtilitaͤt gebracht werden/ dardurch viel fuͤrtrefliche vnd koͤstliche
Medicamenta
zu Abwendung vieler schwerer verlassenen/ vnd gantz vnheilbar geachteten Zufaͤllen vnd Gebrechen des Menschen koͤnnen zugerichtet werden.
Im dritten Theil wird ein kůnstliche
Invention,
die noch bißhero nicht bekant/ an Tag geben/ dadurch man allerhand
Spiritus ardentes
von Wein/ Korn/ Fruͤchten/ Blumen/ Kraͤutern/ vnd Wurtzeln/ wie auch gemeine Wasser/ auß allen
Vegetabili
schen vnd
Animali
schen dingen in grosser menge mit kleinem Kosten/ kurtzer Zeit vnd wenig Kolen/ sehr
com- pendiosè
distilliren kan.
Deßgleichen Bierbrawen/ Meeth vnd Wein machen/ vnd alle andere Arbeit/ welche sonsten in grossen kuͤpfferen oder eysernen Kesseln muß ge- schehen/ allhier nur in hoͤltzern Gefaͤssen/ durch Huͤlffe eines kleinen kuͤpffe- ren oder eysernen Instruments/ welches kaum 2. oder 3. Pfund wieget/ ohne Ofen leichtlich kan gethan werden. Auch vnterschiedene Chymische
labo- res,
als
putrificiren, digeriren, circuliren, extrahiren, abstrahiren, cohibiren, figiren
vnd dergleichen. Sehr dienstlich allen jungen anfan- genden
Chymicis
vnd
Laboranten:
Dann sie zu jhrem Brandtenwein/ Kraͤuter-wasser/
Extracta
vnd
Medicamenta
zu machen/ nicht so viel Oefen/ kůpfferne/ eyserne/ zinnerne/ erdene/ vnd glaͤserne Instrumenten von noͤthen haben/ sondern allhier gelehret werden/ wie sie alle oberzehlte
labores
nur durch ein einiges klein von Kupffer oder Eysen gemachtes Instrument/
mit
Vorꝛede.
mit zuthun hoͤltzeren Geschirꝛen eben so wol thun koͤnnen/ als durch viel vn- terschiedene Kessel/ Blasen/ vnd andere Gefaͤsse. Dadurch viel Geld erspa- ret wird/ welches man sonsten an kuͤpfferne Kessel vnd andern Distillir- Zeug wenden muß.
Im vierdten Theil/ ein sonderlicher auch bißhero vnbekandter Ofen/ in welchem man alle
Chymi
sche
labores
gar leichtlich thun kan. Sehr dienst- lich aller
Minera
lien/ Metallen/ vnd anderer Berg-arten vnd Aertzen Ei- genschafften vnd Naturen dadurch zu erlernen. Auch dieselbe auff ein beson- dere vnd viel bessere Weise zu probiren vnd examiniren/ schmeltzen vnd ab- treiben/ auch eins von dem andern scheiden/ daß nichts verlohren gehet/ gantz kuͤrtzlich vnd
compendiosè
mit grossem Nutzen/ deßgleichen noch von nie- mand beschrieben worden.
Im Fůnfften Theil soll gelehret werden/ wie man alle
Instrumenta
von Eysen/ Erden/ Glas/ vnd dergleichen Materialien zu den 4. Oefen ge- hoͤrig/ zurichten vnd formiren soll/ neben mehr andern noͤtigen vnd nuͤtzlichen Handgriffen.
Nun in diesem ersten Theil will ich/ nach dem ich die Zubereitung des ersten Ofens beschrieben hab/ auch offenbahren/ wie die
Spiritus, Olea, Flores,
vnd dergleichen andere gute Medicamenten damit oder darin zuge- richtet vnd bereitet/ auch wozu solche dienen/ vnd gebraucht koͤnnen werden/ so viel sich geziemet gemein zu machen/ trewlich ohn alles hinterhalten. Vnd zweiffelt mir nicht/ die jenigen welche dieses Werck recht verstehen/ werden solches mit grossem Genůgen auff vnd annehmen: Hergegen andere Nase- weisen/ die solche newe vnd zuvor niemals gesehene
Distillation
in jhren Koͤpffen nicht begreiffen koͤnnen/ verachten. Dann man pflegt zu sagen/ wer ein Hauß an den Weg bawet/ muß viel Nachredens hoͤren/ dann dem einen ist es hier/ vnd dem andern dort nicht recht gemacht/ insonderheit am aller- mehrsten von solchem schlechten Voͤlcklein/ die selbsten nicht ein Huͤtlein wissen auffzusetzen. Solche aber solten zuvor etwas bessers an tag geben/ ehe sie eines andern Muͤhe vnd Fleiß verachteten.
Derohalben wolle niemand daruͤber ein vnzeitig Vrtheil faͤllen/ biß daß er zuvor genugsamen Grund desselben erfahren/ dann zweiffelt mir nicht/ das Werck wird bestehen koͤnnen/ vnd seinen Meister loben.
Vnd wann einer oder der ander etwan solchen Ofen zugerichtet/ dar-
A ij
innen
Vorꝛede.
innen arbeitet/ vnd nicht alsobald alles nach seinem Wunsch findet/ so muß er dencken/ daß er jrꝛgents an etwas gefehlet hat/ (dann das Werck ist vn- bekand/ vnd derohalben gar leichtlich an etwas kan geirꝛet werden) vnd nicht alsobalde auf
de
n
Auctorem fulminiren,
gleich als wann er daran schuldig wer/ vnd nicht deutlich genug geschrieben haͤtte/ sondern solche/ seiner Vnwissenheit zurechnen/ des
Autoris
Meinung recht lernen verste- hen/ vnd sich darinn ůben/ dann zweiffelt mir nicht/ es werde jhme darnach besser gelingen. Dazu ich jederman Glůck vnd Segen wuͤnsche/ Amen.
Philosophischer Oefen
Erster Theil.
CAPUT I.
Von Bereitung des Ersten Ofens.
W
As anbelangt den Ersten Ofen/ kan man solchen gros oder klein machen/ nach dem man in einem Tag viel oder wenig damit thun/ oder machen will. Vnd kan solcher Ofen auff vnterschiedliche Weiß vnd Form gemacht wer- den. Entweder von einem Stuͤck durch den Haffner auff einem Rad gedrehet vnd gebrand; oder aber von gebacke- nen Ziegel-steinen/ viereckicht oder rund/ nach eines jedwe- dern Gefallen auffgebawet. Vnd wann der Ofen inwen- dig einer Spannenweit ist/ so muß er in allem vier Span- nen hoch seyn; nemlich/ eine von vnten biß zu dem Rost/ eine von dem Rost biß zu dem mitlern Kohlen-Loch/ zwo von dem Kohlen-Loch biß uͤber die Roͤhren/ welche auffs we- nigste eine gute Spanne fuͤr den Ofen muß außgehen/ damit die Recipienten nicht na- he bey den Ofen kommen zu stehen/ vnd warm werden. Auch muß die Roͤhre zu forderst ein dritten Theil so weit seyn als der Ofen inwendig/ vñ zu hinderst an dem Ofen etwas weiter als fornen. Der Rost des Ofens muß also liegen/ daß man denselben kan auß- nehmen/ vnd rein machen wann man will/ so er von eingetragenen Materien ist ver- stopfft worden/ welches leichtlich geschicht/ wann man
Salia
distillirt/ daß die Kolen sampt den Salien zusammen schmeltzen/ die Lufft zuruͤck halten/ daß das Fewer nicht brennen kan/ vnd die
Distillation
dardurch verhindert wird. Oder/ man kan zwey dicke
eyser-
Erster Theil.
eyserne Staͤbe uͤberzwerch in den Ofen fest legen/ auff welchen andere 4. oder 5. kleine Staͤblein liegen koͤnnen/ eines Fingers dick weit voneinander/ welche etwas fuͤr den Ofen außgehen/ damit sie/ wann sie verstopfft seyn/ miteiner Zangenbewegt/ damit die außgebrandte Materi durchfallen/ vnd wieder zu recht geleget werden koͤnnen. Dahe-
ro
der Ofen vnter dem Roͤster forne offen seyn muß/ daß man desto besser zum Rost kom- men kan/ solchen schoͤn zu machen.
Vnd muß oben auff dem Ofen ein Deckel von Stein oder Erden gemacht wer- den/ welcher in der Mitte ein Loch mit einem Faltz habe/ darein man Sand leget/ vnd sich ein kleiner Deckel darauff schliesse/ also daß man/ wann mandadurch eintraͤgt/ wie- der geheeb zumachen kan/ daß die
Spiritus
nicht oben außschlagen koͤnnen/ sondern ge- zwungen seyn durch die Roͤhren in die Recipienten zu gehen.
CAPUT II.
Von den Recipienten.
D
Ie Recipienten muͤssen gemacht werden von Glas/ oder guter Erden/ welche die
Spiritus
halten/ als da ist/ die Waldenburgische/ Hessische/ vnd Sieburger oder Frechheimer: Wo man aber eine Glashuͤtte nahe bey der Hand hat/ kan man solche fein dick vnd starck blasen lassen/ vnd wo sie sich ineinander schliessen/ koͤnnen sie mit Schmiergel zusammen geschliffen werden/ so darff man sie nicht lutiren/ (wie aber sol- ches schleiffen geschicht/ wird zu Ende diess Buchs im Fuͤnfften Theil/ welches von Handgriffen handelt/ gelehret werden/) sondern halten/ daß kein
Spiritus
darzwischen kan außgehen: So man aber so viel Muͤhe nicht thun will/ so muͤssen die Fugen verlutirt werden/ mit einem
Luto,
welches die
Spiritus
nicht durchgehen laͤsset/ (wie im Buch der Handgriffen gefunden wird:) Die Form vnd Gestalt der Recipienten wirst du im Ab- riß finden: Was die Groͤsse anbelanget/ ist zu wissen/ daß solche nicht koͤnnen zu gros feyn/ dann jegroͤsser/ je weniger man derselbigen bedarff. Doch kan man das Werck mit kleinen auch verꝛichten/ aber desto mehr muͤssen solcher seyn. Das ober M
u
n
dloch muß etwas weiter seyn als das vntere/ damit sich ein ander Recipient mit seinem vn- tern Theil darauff schliesse: Das vnter Loch vngefaͤhr dreyer zwerch Finger weit/ nach Proportion des beygesetzten Ofens/ welcher einer Spannen weit ist. Wann aber der Ofen groͤsser gemacht wuͤrde/ so muͤsten auch die Loͤcher an dem Ofen vnd Recipienten groͤsser gemacht werden/ damit das Fewer seine Lufft dadurch nehmen koͤnne. Oder/ so der Ofen weiter inwendig als ein Spanne were/ so muͤste man zwey oder drey Roͤhren auß dem Ofen gehen lassen/ welche in allem den dritten Theil so viel Lufft vnd Weite haͤtten/ als der Ofen ist/ (dann so viel Lufft gehoͤret zu dem Fewer/ wann es vnverhin- dert brennen soll) vnd daran Recipienten legen/ nach solcher Proportion/ wie gesagt/ damit das Fewer nicht verstickt wuͤrde.
Wie nun die Recipienten zusammen gefuͤgt/ vnd an den Ofen gesetzt werden/ wird die beygesetzte Figur gnugsamb vnterꝛichten.
A iij
Der
Philosophischer Oefen
Der Erste Recipient siehet auff einem Dreyfuß/ oder Stuͤlgen/ in der Mitten mit einem Loch/ dadurch der Halß des ersten Recipienten gehen kan/ daran das Schaͤlge mit dem Roͤhrlein gesetzet wird/ die abfallende
Spiritus
zu empfangen/ darauff der an- der/ vnd so fort an/ alle auff ein ander an einer Wand oder Leiter auffgericht/ so viel man deren hat/ der oͤberste muß auch offen seyn/ gleich als die andern/ vnd vnter dem vnte
r
sten/ wie gesagt/ muß ein Schale mit einem Roͤhrlein gesetzt werden/ darinn sich d
ie
Spiritus
samblen/ vnd durch das Roͤhrlein in ein ander vntergesetzt Glas rinnen koͤn- nen/ welches so es voll ist worden/ wird abgenommen/ vnd ein anders vorgelegt/ dann sie nur los vnd vngelutirt vorstehen/ darumb sie leichtlich abgenommen werden koͤn- nen/ vnd ein anders an den Platz gestellt; es sey dann/ daß man etwas anders distilli- ren will/ so nimbt man solche ab/ macht dieselben rein/ vnd setzt sie wiederumb vor/ vnd gantz genaw vnd dicht an den Halß des vntern Recipienten/ damit kein
Spiritus
darne- ben mag außgehen. So die Schale mit dem Roͤhrlein aber so genaw vnd dicht nicht koͤnte angesetzt werden/ daß sie den Rauch hielte/ so thue ein Loͤffel voll Wassers darein/ das schleust vnd lutiret wol/ vnd schadet doch keinem
Spiritus,
dann es in der
rectifica- tion
wiederumb darvon kompt.
Allhier kan auch dieser Ofen/ dienen/ welcher in dem Buͤchlein/ darinn von auß- ziehen des Goldes auß dem Kißlingstein gehandelt wird/ zu der Distillation des
Spiri- tus Salis,
vnd Sublimirung der Metallen gebranchet worden: Ist besser zu etlichen
la- boribus
als dieser/ weil er keinen Ro̊ster hat/ vnd die Materi also nicht kan durchfallen. Dahin ich will gewiesen haben/ vnd sollen auch die
receptacula
wol tieff genug gerich- tet werden/ auff daß sich die
Spiritus
vnd
flores
-stossen koͤnnen/ vnd desto leichter gefan- gen werden. Dann so dieselbe recht uͤber sich/ vnd nicht wieder vnter sich/ nidriger/ als das Fewer liget/ gerichtet werden/ so hat das Fewer zu grosse Macht/ vnd fuͤhret die
Spiritus,
oder
flores
gantz hinweg/ also daß wenig davon behalten oder gefangen wird: Wie ich dann solchen Irꝛthumb bey vielen gesehen hab/ die solchen nicht haben remedi- ren wissen/ hergegen aber der
Spiritus
oder
flores,
so sie nidriger gefuͤhret werden/ als das Fewer im Ofen ligt/ so muͤssen sie sich ergeben vnd bleiben. Welches wol soll in acht genommen werden.
CAPUT III.
Von den
Sublimir
Haͤfen.
D
Ie
Sublimir
Haͤfen doͤrffen nicht von Glas/ oder anderer guter Erden die
Spiri- tus
zu halten/ wie oben gesagt/ gemacht werden/ sondern nur von gemeinem Thon/ vavon man die Kochhaͤfen macht/ vnd inwendig verglasuret/ in solcher Gestalt wie im Abriß zu sehen. Es muß aber gleichwol Erde seyn/ welche das Fewer leyden kan/ dann die vntersten Haͤfen werden von dem Fewer heiß/ vnd wuͤrden vor der Hitze brechen/ wann sie nicht von Fewer bestaͤndiger Erden gemacht weren.
Dieses
Erster Theil.
Dieses aber soll auch bey der
Sublimation
in acht genommen werden/ nemlich/ daß man die Recipienten/ darin man die
flores
samlet/ nicht auff den Ofen setze/ son- dern durch ein Roͤhren neben den Ofen gefuͤhret werden/ auff daß dieselbe nicht wider in den Ofen herunter fallen/ wann die
receptacula
voll seyn/ sondern wann solche we-
g
en der viele verstopffet seyn/ vnd dem Fewer die Lufft benommen haben/ vnd mit einem Kettlein/ durch welches Einlassung weiter Lufft oder Raum gemacht wirdt/ beweget/ nicht wider in das Feuer/ dardurch Schaden geschehe/ sondern in ein darzu gemachtes Geschirꝛ fall
e
n/ vnd behalten werden koͤnnen.
Wie nun in diesem Ofen in gemein distillirt wird/ wil ich jetzunder kuͤrtzlich be- schreiben/ doch bey einer jedwedern
Distillation
seine zugehoͤrige Handtgrieffe auch ver- melden: Vnd geschicht solches also.
CAPUT IV.
Modus Distillandi.
L
Ege erstlich etliche gluͤende Kohlen in den Ofen/ darauff so viel andere/ biß der Ofen beynahe voll ist/ zu der Roͤhren/ vnd laß den obern Deckel von dem Ofen (auff daß die Hitze vnd der Rauch durch das ober Loch/ vnd nicht durch die Roͤhren in die Recipien- ten/ solche warm zu machen/ welches ein Hindernuß der
Distillation
seyn wuͤrde/ auß- gehen kan/) so lang biß das Fewer wol ist angangen/ vnd der Ofen wol warm worden ist. Dann trage mit einem eisernen Loͤffel von deiner zugerichten Materi die du distilliren wilt/ so viel hinein/ daß die Kolen damit bedeckt seyn/ vnd mache den Ofen dicht zu/ wel- ches geschicht/ wann du den obern Deckel in seinen Faltz/ darinnen Sand lieget/ hart eindruͤckest/ oder reibest. Wiltu aber durch das mitler Loch eintragen/ so muß der Stein/ welcher geheeb darein schliessen soll/ allzeit wiederumb nach dem eintragen fuͤr gesteckt werden/ also kan nichts außgehen/ sondern muß alles durch die Roͤhren des Ofens in die Recipienten als ein dicker Nebel mit Ge
wa
lt gehen/ vnd sich daselbsten in einen
Spiritum
oder
Oleum acidum resolviren,
vnd in die vnter gesetzte Schalen abfallen/ auß welchem Roͤhrlein er dann in ein vorgelegt Gias rinnen kan. Wann nun die Ko- len verbrand seyn/ vnd keine
Spiritus
mehr gehen/ so muß man mehr Kohlen eintragen/ vnd wiederumb Materi drauff/ vnd solches eintragen der Kolen vnd Materi so lang continuiren/ biß man
Spiritus
genug hat: Auch kan man auffhoͤren vnd wieder anfan- gen/ wann man will/ hindert nichts in der
Distillation.
Vnd wann man den Ofen rein machen will/ zeucht man die kleine Staͤnglein/ wel- che los auff den Zwerch-stangen liegen/ herauß/ so faͤllt das
Caput Mortuum
odes
Feces
vnten in den Ofen/ welche man mit einem Kruͤcklein oder Schuͤppen herauß nimpt/ vnd legt die Staͤngiem wieder hinein/ auff die beyde dickere Zwerch-stangen/ erstlich le- bendige/ darnach so viel todte Kohlen darauff als vonnoͤthen/ wann solche seynd angan- gen/ traͤgt man Materi darauff/ vnd laͤßt gehen.
Die
Philosophischer Oefen
Die Recipienten aber rein zu machen/ wann man etwas anders distilliren will/ darff man solche nicht abnehmen/ sondern man schuͤttet nur oben rein Wasser hinein/ vnd låßt es durchlauffen.
Auff diese Weise kan man nicht allein auß den fluͤchtigen
Vegetabilibus
oder
Mi- neralibus,
(doch vnverbrennlichen) sondern auch auß den fixesten Metallen/ oder
L
a
- pidibus
wunderbarlicher Weise/ gantz leichtlich viel
Spiritus, Olea
vnd
Flores
muchen/ welches sonsten gantz vnmoͤglich durch die gemeine vnd bekandte Distillir-Kunst zu thun were. Vnd koͤnnen in diesem Ofen nur allein solche Dinge distilliret werden/ wel- che eine vnverbrennliche Feuchtigkeit von sich geben/ als
Sal commune, Vitriolum Alu- men,
vnd alle andere Mineralien vnd Metallen/ doch zu einem jedwedern ein besonde- rer Handgriff gehoͤrig/ wie hernach soll gelehrt werden.
Weiln dann in diesem Ofen solche Dinge/ welche man distilliren will/ auff gluͤen- de Kolen muͤssen getragen werden/ vnd derohalben nicht dienlich ist zu verbrennlichen Dingen welche sich auzuͤnden/ so will ich im Zweyten Theil einen andern Ofen lehren machen/ diesem gantz vngleich/ sondern viel kleiner vnd bequaͤmer/ in welchem alle ver- brennliche Dinge/ welche fluͤchtige vnd subtile
Spiritus
geben/ koͤnnen distilliret vnd be- halten werden/ als da ist
Tartarus, Cornu Cervi, Succinum, Sal Armoniacum, Urina.
Auch werden die aller-subtileste
sulphuri
sche
Spiritus volatiles Salium \& Mine- ralium
damit gemacht/ als
Salis Communis, Vitrioli, Aluminis, Nitri, Antimonii,
vnd all anderer Mineralien vnd Metallen/ welche sonst vnmoͤglich recht zu machen sind ausserhalb solches Ofens/ damit groß Wunder
in Medicina, \& Alchymia,
kan ge- than werden/ wie im Zweyten Theil dises Buchs weitlaͤufftig davon soll gehandelt werden.
Nun will ich andere Recipienten lehren machen/ zu diesem ersten Ofen gehoͤrig/ welche zu etlichen
laboribus
bequaͤmer sind als die vorigen: Zu etlichen andern Din- gen aber seynd die ersten besser/ darumb jhme einer solche kan machen lassen/ welche jhm am besten gefallen/ vnd zu seinem Wercke dienen.
Gleich wie nun die vorige Recipienten an einer Wand oder Leiter/ recht auffrich- tig auffeinander appliciret sind/ dadurch der
Spiritus
von dem einen zu dem andern/ so lang auffsteigt/ biß daß er ist kalt worden/ vnd zusammen rinnend wiederumb von oben herab laufft in die vntergesetzte Schalen.
Hergegen aber diese Recipienten auffrichtig/ einer neben dem andern in einem Zuber mit kaltem Wasser stehen/ damit sich die
Spiritus
desto lieber an den kalten Re- cipienten
condensiren
vnd gerinnen/ dahero man solcher Recipienten desto weniger vonnoͤthen hat. Es muͤssen aber diese Recipienten anders geformbt seyn als die vori- gen/ dann sie muͤssen nicht vnten vnd oben offen seyn/ sondern nur oben allein/ gleich als ein Kochhafen; doch je tieffer vnd groͤsser solche/ je besser sie seyn/ vnd muͤssen mit er- dinen Roͤhren copuliret seyn/ also mit einem Vnterscheid darzwischen/ auff daß die
Spi-
ritus
Erster Theil.
ritus
nicht stracks von einem zu dem andern vnabgekuͤhlet lauffen/ sondern durch den Mittelscheid in der Roͤhren gezwungen sind in jedwederm Recipienten hinunter auff den Boden zu steigen/ vnd dann wiederumb her auß in die andere Roͤhren/ dadurch sie dann in einen andern Recipienten/ gleich wie der vorige/ mit einem zweyfachen Deckel fahren/ vnd also sich stossen/ auff dem kalten Grunde sich abkuͤhlen vnd bleiben. Dieser Recipienten hat man genug an 3. oder 4. da man sonst der vorigen 12. oder 15. auch wol mehr/ nach dem sie klein sind/ haben muß. Die Gestalt vnd Form dieser Recipienten/ vnd wie sie zusammen gesetzet werden/ kanstu an beygesetzter Figur erlernen.
Wann man aber nicht viel distilliren will/ so kan man wol nur mit einem genug haben. Insonderheit wann die Materi/ welche soll distilliret werden/ nicht thewer oder koͤstlich ist. Nemblich/ man legt nur eine krumme erdene Roͤhre/ mit dem einen Arm an die Roͤhren/ welche auß dem Ofen gehet/ der ander Armrecht vntersich in den Reci- pienten/ biß in die Helffte/ vnd wird also nur oben offen gelassen: Wann dann die Ma- teri nicht thewer ist/ so ist auch so gros nicht angelegen/ wann etwas darvon verꝛaucht.
Also kan man alle Stund vnderschiedliche
Spiritus
vnd
Flores
mit einem Ofen vnd Recipienten machen. Doch muß man allezeit/ wann man einen andern
Spiritum
machen will/ den Recipienten mit Wasser außwaschen/ wieder vnter die Roͤhre setzen/ vnd sein Materi in den Ofen tragen/ vnd solches so lang thun/ biß daß man
Spiritus
genug hat.
Vnd dienet insonderheit diese Weise zu distilliren/ denen/ welche vieler vnterschied- licher Mineralien Naturen erlernen wollen/ zu probiren/ was fuͤr
Spiritus
oder
Flores
dieselbe im Fewer von sich geben. Welches viel zu muͤhselig fallen wuͤrde/ wann man zu einer jewedern Prob einen besondern Retorten haben muͤste; vnd wuͤrde manchem die Lust zu distilliren vergehen/ wann er durch Retorten alle Tag nur eine Prob thun solte oder koͤnte: Auch wuͤrde es viel Kosten vnd Zeit wegnehmen/ welches dann manchen Liebhaber wuͤrde schrecken vnd abhalten.
In diesem Ofen aber bedarff man keiner Retorten/ solche zu beschlagen/ den Re- cipienten darfuͤr lutiren/ vnd mit dergleichen Schmierwercken vmbgehen/ vnd dann auch staͤtig dabey bleiben/ vnd zusehen ob das Fewer nicht zu gros oder zu klein sey/ da- durch Schaden an den Retorten vnd Recipienten geschehe/ vnd also Hopffen vnd Maltz verlohren werde.
Diese vnd dergleichen verdrießliche
labores
hat man allhier nicht zu erwarten/ sondern man wirfft sein Materi nur auff die Kohlen/ decket den Ofen zu/ so kom̃en also bald die
Spiritus
vñ
Flores,
in solcher Gestalt/ als das Mineral pflegt von sich zu geben: Vnd wann man deren so viel hat als man begehrt/ so zeucht man die Eysen darauff die Kohlen ligen/ auß dem Ofen/ so fallen die Kohlen herab/ welche man außn
e
mpt; vnd weil der Ofen noch warm ist/ steckt man alsobald dieselben wieder eyn/ legt Kohlen darauff/ so zuͤnden sie sich an dem heissen Ofen selbsten an: Vnterdessen nimpt man den Recipienten von der Roͤhren/ macht solchen rein von der uͤbergestiegenen Matert (oder
B
setzt
Philosophischer Oefen
setzt einen andern/ der rein ist/ vnter) wirfft etwas anders auff/ vnd fangt also was uͤber-gehet.
Auff diese Weiß kan man in einer Stund mit diesem Ofen/ vnterschiedliche Din- ge in kleinem distilliren oder sublimiren. Will man dann in grossem etliche Dinge di- stilliren oder sublimiren/ so setzt man deren Haͤfen 3. oder 4. nacheinander/ damit die
Spi- ritus
von einem in den andern gehen koͤnnen/ auff daß nichts verlohren werde. Vnd darff man bey solcher
Distillation
nicht allezeit dabey sitzen vnd auffpassen; sondern man kan darvon gehen/ auffhoͤren/ vnd wieder anfangen wann man will: Dieweilen kein Retort oder Recipient brechen kan.
Wer dann nun mit diesem Ofen recht weiß uͤmbzugehen/ der kan in kurtzem viel schoͤne Dinge damit thun/ vnd ersparet viel Kosten vnd Zeit.
Damit man kan in einer Stund mehr damit thun/ als sonsten durch andere be- kandte vnd gemeine Weg in 24. Stunden/ auch werden viel Kohlen ersparet/ dieweilen man mit 10. Pfund Kohlen mehr thun kan/ als anders mit 100.
Als zum Exempel: So man fleissig damit uͤmbgehet/ kan in einer Stund mit 3. 4. oder 5. Pfund Kohlen/ 1. Pfund
Spiritus Salis
gemacht werden/ da man sonsten
per Retortam
zu machen/ wol 50. oder 60. auch wol mehr Pfund Kohlen haben muß; vnd auffs wenigst 20. oder 30. Stunden zu fewren hat/ welches dann gar ein verdrießliche Arbeit ist.
Also koͤnnen auch
Flores
der Mineralien vnd Metallen/ gantz leichtlich in grosser Menge/ in kurtzer Zeit/ mit wenig Kosten gemacht werden. Also daß man auch in einer Stund mit drey oder 4. Pfund Kohlen/ 1. Pf.
Flor. Antimonii
machen kan/ welches dann gewißlich ein grosser Vortheil ist/ einem der etwas in
Medicina
oder
Alchymia
thun will; vnd kan ein solches Oefelein viel Jahr nacheinander gebraucht werden/ ehe es bricht/ vnd so es gebrochen/ wiederumb mit wenig Kosten auffgebawet. Also darff man nur die
Species
oder Materi zum distilliren anwenden/ weilen man keine Retor- ten vonnoͤthen hat/ vnd die Recipienten auch kein Gefahr leyden/ dadurch dann viel Kosten ersparet werden.
Vber diese oberzehlte Weiß vnd Weg zu distilliren vnd sublimiren/ ist mir noch ein anderer bekant/ welcher viel leichter vnd
compendio
ser ist/ als die vorigen/ dadurch man in kleiner Zeit vnglaͤublich viel
Spiritus Salium, \& Flores Mineralium, \& Metal- lorum
machen kan. Weiln mich aber duͤnckt auff dißmal genug offenbaret zu haben/ soll es bernhen biß auff ein andere Zeit. Vermeine es werden sich wol fleissige
Spagy- rici
finden/ welche meinem erfundenen vnd gezeigten Weg werden nachgehen/ solche Ding finden/ welche mir selbsten vnbekand seyn; dann
e
s viel leichter ist/ das gefundene zu vermehren/ als etwas zu erfinden.
Weilen ich nun den Ofen sampt den Recipienten deutlich genug/ nach meiner meynung/ zu machen gelehret habe/ wil ich auch anfangen zu beschreiben/ wie man sol- chen gebrauchen/ vnd damit distilliren vnd sublimiren soll. Vnd wo vielleicht etwas
were/
Erster Theil.
were/ oder wuͤrde zu tunckel beschrieben/ (welches doch meine Meynung nit ist) so wird doch ein Proceß den andern lehren vnd expliciren/ vnd in der Arbeit sich wol schicken/ wann man nur den Dingen fleissig nachdenckt/ vnd auch sich die Muͤhe nicht verdriessen laͤßt/ sondern das Werck mit Verstand angreifft/ so weiß ich gewiß/ es werde sich alles so finden/ gleich ich geschrieben hab. Darzu ich allen frommen
Spagyricis
Gluͤck/ Ge- deyen/ vnd Gottes Segen wuͤntsche/ Amen.
CAPUT V.
Wie man einen
Spiritum Salis
distilliren
oder machen soll.
D
Aß ich erstlich einen Anfang mache mit dem
Spiritu Salis,
vnd nicht zuvor die
Spi- ritus Vegetabilium
lehre machen/ ist die Vrsach; weiln dieser
Spiritus
der geringste nicht ist vnter allen die mir bekant seyn/ vnd in diesem ersten Ofen gemacht werden koͤn- nen: Dann wenig zu finden/ welche jhm in Tugend vnd Kraͤfften vorgehen/ darumb ich jhme auch die Ehre gelassen/ vnd oben an gesetzt habe: Auch ist kein
Spiritus acidus
vnter allen/ welcher den
Chymicis
mehr Muͤhe vnd Arbeit zu machen gebracht hat/ als eben dieser/ darumb er auch der thewerste vnd koͤstlichste vnter allen ist gehalten worden/ solche Thewrung hat die grosse Muͤhe zn machen verursachet.
Dann etliche haben das Saltz mit Toͤpfer-Erden zu
Globulis
gemacht/ getruck- net/ vnd
per Retortam
zu einem
Spiritu
getrieben: Etliche haben das Saltz mit
Bolo,
etliche mit Ziegelmaͤhl/ oder gebrandtem Alaim vermischt/ vnd also distilliret.
Etliche habens
compendio
ser zu thun vermeynt/ vnd haben das Saltz in einem Retorten fliessen lassen/ welche hinden vnd vorne eine Roͤhre gehabt/ durch die oͤbere haben sie Tropffenweise kalt Wasser auff das geflossen Saltz lassen fallen/ welches die schweren
Spiritus
mit sich fuͤhren solte; durch die hinder-Roͤhren haben sie mit einem Blaßbalg den
Spiritum
in den Recipienten getrieben: Welches zwar kein boͤser
Mo- dus
ist/ aber so bald das Saltz eine Zeitlang ist geflossen gewesen/ hat es den Retorten zertrieben/ vnd nicht laͤnger wollen außhalten/ sondern durchgeflossen/ vnd also der
Di- stillation
ein Ende gemacht.
Andere habens in eysern Retorten thun wollen; aber die
Spiritus
haben sich an dem Eysen/ welches sie dann gern angreiffen/ tod gefressen/ vnd ist also an statt des
Spi- ritus
nur ein
Phlegma
uͤbergangen: Solche vnd dergleichen viel andere muͤhsame Processen seynd auff den
Spiritum Salis
zu machen erfunden worden: Vnd wann sie den allerbesten
Modum
gebraucht/ haben sie in 24. oder 30. stunden mit 50. 60. oder gar 100. Pfund Kohlen kaum 1. Pf.
Spiritus
machen koͤnnen. Solches hat verursachet/ daß wenig damit ist versucht worden/ auch solcher herꝛlicher
Spiritus,
bey wenigen gut ist gefunden worden/ vnd also seine Tugend vnbekant blieben.
Dieses hab ich nur ein wenig wollen melden/ anff daß man sehe/ wie thewer vnd
B ij
koͤstlich
Philosophischer Oefen
koͤstlich es zuvor gewesen/ vnd jetzt durch meine
Invention
so haͤuffig/ mit wenig Kosten/ Muͤhe vnd Zeit/ kan zu wegen gebracht werden: vnd geschicht solches also.
Zuvoren ist gesagt/ daß alles/ so man in diesem Ofen distilliren will/ auff das blos- se Fewer muß geworffen werden: So ist gleichwol darinnen ein Vnterschetd zu halten/ wiewol etliche Dinge mir allein/ wie sie an jhnen selber sepnd/ ohne vorhergehende
Præ- paration
koͤnnen auffgetragen vnd
præpariret
werden/ als hernach gelehret wird. Al- so aber ists nicht mit allen Dingen/ dann bey etlichen muß ein Handgriff gebraucht wer- den/ gleich allhier bey dem Saltz. Dann so Saltz nur allein also blos/ wie es an jhm selber ist/ auff die gluͤende Kohlen getragen wuͤrde/ wuͤrde es nicht allein keinen
Spiri- tum
geben/ sondern so lang auff den heissen Kohlen huͤpffen vnd springen/ biß es zwi- schen diese ben durch vnd in das vnterste Theil des Ofens fallen wuͤrde. Solchem nun vor zu kommen/ kan auff vnterschtedliche. Weiß vnd Wege geschehen: Vnd erst- lich also.
Man solvirt Saltz in gemeinem Wasser/ vnd steckt gluͤende Holtz-kohlen darein/ so lang biß sie sich gantz voll getruncken haben/ dann außgenommen/ davon in den Ofen getragen vnd verbrennen lassen/ also/ erstlich zu vnterstauff dem Rost ein wenig leben- dige Kohlen gelegt/ darnach von den andern/ welche voll Saltz sind/ den Ofen bis oben an gefuͤllt/ vnd brennen lassen/ in dem nun die Kohlen verbrennen/ so muß das Saltz grosse Hitze leyden vnd zu einem
Spiritu
werden.
Aber das ist zu mercken/ wann man einen
Spiritum Salis
auff diese Weise will ma- chen/ so muß man glaͤserne Recipienten haben/ dann er ist so subtil/ daß er alle erdene
Instrumenta,
in dem er also warm auffaͤhrt/ durchgehet; vnd er ist gantz lieblich vnd an- nehmlich am Geschmack.
Weiln man aber nicht allenthalben glaͤserne Recipienten haben kan/ will ich ei- nen andern
Modum
lehren/ welcher in erdenen Recipienten kan getrieben werden vnd geschicht also.
Man nimpt gemein koch Saltz/ vnd mischet etwas gemein Vitriol oder Alaun darunter/ reibt solche beyde Stuͤcke in einem Morsel oder anderßwo zusammen/ vnd je besser die
Species
vntereinander gerieben werden/ je mehr sie
Spiritus
geben. Darnach traͤgt man von solcher
Mixtur
mit einem eysernen Loͤffel auff die gluͤende Kohlen so viel/ bis sie damit bedeckt seyn/ vnd laͤßt es gehen/ so kompt der
Spiritus
mit grosser Gewalt in die Reciptenten/
coagulirt
sich daselesten/ vnd faͤllt also herunter in die Schalen/ auß deren er in das vorgesetzte Geschirꝛ tropffet. Vnd so man recht damit weiß uͤmbzuge- hen/ so laufft das Roͤhrlein an der Schalen staͤtig/ als ein Strohhalm dick/ vnd kan also reichlich alle Stunden 1. Pfund
Spiritus
außlauffen.
Vnd ist diß die Vrsach/ daß man mehr
Spiritus
bekompt auff diese Weise/ als auff die vorige/ weilen Vitriol oder Alann zugesetzt wird/ schmiltzt es also balden/ wann es die Hitz empfindet/ vnd kan nicht durch die Kohlen fallen/ sondern haͤngt sich daran/ vnd gehet fast alles in ein
Spiritum;
nur ein braun-rotes
Caput mortuum
faͤllt leichtlich
mit
Erster Theil.
mit der Aschen durch den Rost/ welches nicht mehr zu distilliren taug/ sondern es kan mit Wasser ein weiß vnd six Saltz davon außgelaugt/ vnd zu einem Fluß der Metallen gebraucht werden. In warm Wasser solvirt/ vnd ein Clistir darvon gesetzt/ purgirt die Daͤrme/ vnd toͤdet die Wuͤrme.
Nun moͤchte jemand sagen/ dieser
Spiritus Salis,
mit zuthun Vitriol oder Alaun gemacht/ kan fuͤr keinen puren
Spiritum Salis
gehalten werden/ dann der
Spiritus Vi- trioli
oder
Aluminis
steigt auch zugleich mit uͤber/ vnd ist also ein
Spiritus mixtus, seu compositus.
Darauff ich antworte/ daß im geringsten kein
Spiritus Vitrioli
oder
Aluminis
auff diese Weise mit uͤbergehet/ welches ich zum oͤfftern probiret habe/ vnd
Vitriolum
oder Alaun
per se
in diesen Ofen getragen/ ist gantz kein
Spiritus
davon uͤberkommen/ die vrsach ist diese/ daß ein
Spiritus Vitrioli
oder
Aluminis
viel schwerer ist als ein
Spiri- tus Salis,
vnd also hoch/ nemblich dreyer Spannen nicht steigen kan/ sondern verbraͤnd sich in dem Ofen/ vnd kompt nur allein ein blosse vngeschmacke
Phlegma
uͤber/ welches ich nicht geglaubt/ wann ich solches nicht vielmal probiret haͤtte.
Derohalben dieser
Spiritus
auff solche Weise mit Zusatz
Vitrioli
oder
Aluminis
gemacht/ kein
Spiritus mixtus
ist/ sondern ein reiner
spiritus salis,
so gut am Geschmack vnd Kraͤfften/ als dieser
per se
gemacht: Weilen kein
spiritus Vitrioli
oder
Aluminis
in diesem Ofen kan gemacht werden/ es sey dann/ daß die Roͤhre auß dem Ofen so nie- drig von dem Rost an herauß gehe (wie im Abriß zu sehen) sonsten gibts kein
spiritus.
Dahero auch/ solche
spiritus
zu machen/ im andern Theil gelehret werden/ vnd nicht in diesem Ersten.
Vnd gesetzt/ es stiege ein wenig von dem
spiritu Vitrioli
mit dem
spiritu salis
uͤber/ welches doch vnmoͤglich/ vnd nicht geschehen kan/ welches die Erfahrung bezen- gen wird/ was solte oder koͤnte doch solches hinderen/ so wo zur Solvirung der Metal- len/ als in
Medicina?
Derhalben man keinen Argwohn haben darff/ als were der
spiri- tus
nicht pur auff solche Weise hereyt/ vnd solchen darumb schewen zu gebrauchen.
Welcher aber solches nicht glauben kan/ dem will ich dannoch genug thun/ vnd einen andern
modum
setzen/ wie man einen
spiritum salis in copia per se
machen soll/
sine additione Vitrioli vel Aluminis:
Vnd solches im zweyten Theil dieses Buchs/ da ich werde machen lehren einen Ofen/ darinnen ein
spiritus Nitri, Aqua Fort,
vnd andere verbrennliche Dinge/ als
Olea Vegetabilium, \& Pinguedines Animalium,
vnd andere dergleichen subtile Dinge/ welche in diesem Ofen nicht koͤnnen gemacht werden/ distilliret wird; damit gleichwol der jenige/ welchem diese Weise zu machen nicht ansteht/ durch einen andern
Modum
zu frieden gestellt werde.
Allhier kan ich nicht vnterlassen zu erinneren/ wie dieses allein die Vrsach gewe- sen sey/ daß jhrer viel keinen
spiritum salis
haben machen koͤnnen/ weilen sie geschencht Vitriol dazu zu nehmen/ vnd vergebliche Muͤhe vnd Arbeit gethan. Dann so kein Vi- triol zu dem Saltz genommen wird/ so hat dasselbe keine Feuchtigkeit/ dardurch es auff-
B iij
gefuͤh-
Philosophischer Oefen
gefuͤhret werde/ vnd kan keine
spiritus
geben. Je mehr man Vitriol darzu nimbt/ je mehr
spiritus
man erlanget/ vnd wird doch eben so gut vnd starck/ als jener/ welcher mit wenig Vitriol gemacht ist. Vnd dient diese Erinnerung sonderlich/ wann man viel
spi- ritus salis
machen will/ wie man dann desselben ein gute Quantitaͤt vonnoͤthen hat/ wann man auß Kißlingstein vnd Sand das Gold außziehen will/ wie im selben Tra- ctaͤtlein zu sehen ist.
Weilen aber nicht allezeit glaͤserne Recipienten zu bekommen/ sondern man sich offtermals mit Erdenen behelffen muß/ welche den
spiritum salis
auff die obbeschrie- bene Weise zu machen nicht halten; Also koͤnte ich allhier nur einen kleinen Handgriff offenbaren/ durch dessen Huͤlff solcher in grosser Quantitaͤt auch in Erdenen Gefaͤssen kan gefangen werden. Wird aber allhier wegen sonderlicher Vrsachen nicht gelehret/ sondern biß in den zweyten nachfosgenden Theil dieses Buchs behalten.
Will es derhalben nur bey dieser Erinnerung bleiben lassen/ vnd anfangen zu be- schreiben/ worzu dieser
spiritus
diene/ vnd gebraucht werden koͤnne/ so wol zu Alchymy als zur Medicin/ vnd andern Mechanischen Kuͤnsten.
CAPUT VI.
De Usu Spiritus Salis.
W
As anbelangt den Nutzen dieses
spiritus salis,
vnd worzu er koͤnne gebraucht wer- den/ meritirt er sehr wol/ daß sein Lob nicht verschwiegen bleibe. Dieweiln aber fast alle Chymische Buͤcher davon melden/ will ichs darbey beruhen lassen/ vnd den Le- ser an solche Buͤcher/ die weitlaͤufftig davon tractiren/ gewiesen haben/ außgenommen von et was wenigs/ davon andere nichts gedacht oder gewust/ schreiben.
Es wird von allen
Chymicis
dafuͤr gehalten/ daß der
spiritus salis per se
ein herꝛ- liche Medicin/ gantz sicher inn- vnd aͤusserlich zu gebrauchen sey: Daß er den Durst in hitzi- gen Kranckheiten loͤsche/ den Schleim im Magen ledig mache/ vnd verzehre/ einen gu- ten
Appetit
zum essen befoͤrdere/ sey auch gut den
Hydropicis, Calculofis \& Podagri- cis,
vnd dergleichen in vielen andern Kranckheiten dienstlich.
Weiters sage ich/ ist er ein
Menstruum,
welches allen andern fuͤrgehet in Solvi- rung der Metallen. Dann es koͤnnen alle
Metalla
vnd
Mineralia, excepta Luna,
auch fast alle
Lapides
(wann er zuvor ist wol
rectificirt,
vnd von seiner
phlegmate
entbun- den worden) damit solvirt/ vnd in vnterschiedliche gute Medicamenten bereytet werden.
Auch kan man viel schoͤne vnd nuͤtzliche Dinge in
Mechanicis
damit thun.
Deßgleichen in der Kuͤchen ist sein Gebrauch nit zu verachten dann viel annehm- liche vnd liebliche Speisen fuͤr Gesunde vnd Krancke damit koͤnnen zugericht vnd berey- tet werden/ viel besser vnd wolgeschmackter/ als mit Essig vnd andern Saͤurigkeiten. Dann ein kleine Quantitaͤt mehr thut als viel Essig: Vnd dienet insonderheit dieser
spiritus
in solche Laͤnder/ da kein guter Weinessig zu bekommen ist. Auch kan man sol-
chen
Erster Theil.
chen an statt eines
agrestis,
oder vnzeitigen Traubensaffts gebrauchen; wie auch an Platz eines Limonien-Saffts: Kostet auch viel weniger/ wann er auff meine Wei- se durchs offen Fewer getrieben wird/ als ein gemeiner Essig oder Limonien-safft/ vnd verdirbet nicht/ gleich als solche außgepreßte Saͤffte/ sondern haͤlt sich vnver- aͤnderlich/ vnd wird je laͤnger je besser. Mit Zucker vermischt/ gib er ein annehmliche Salse auff alles Gebratens Man kan auch allerley Fruͤchte damit eynmachen/ vnd viel Jahr darinnen gut bewahren. Wann man Rosinen oder auffgetroͤgte Weintrauben darein legt/ so schwellen sie wiederumb auff/ vnd werden so gros/ als sie vor der Ver- trocknung waren/ (doch muß man ein wenig gemein Wasser beygiessen/ sonsten werden die Trauben zu sawer) seynd anmuͤthig in Kranckheiten/ den Magen damit zu erfri- schen/ auch Fleisch vnd Fisch-Speisen damit ab zu stofen: Insonderheit denen dienst- lich/ welche gern sawre Speise essen/ dann alles so damit zugericht wird/ als junge Huͤ- ner/ Tauben/ Kalbfleisch/ vnd dergleichen/ viel lieblicher schmaͤckt/ als mit Essig gethan. Auch kan man Rindfleisch damit einbeitzen/ wird in wenig Tagen so muͤrb/ als haͤtte es lang in Essig gelegen. Solche vnd dergleichen Dinge viel koͤnnen damit gethan wer- den/ wie hernach soll gelehrt werden.
CAPUT VII.
Olea Vegetabilium
zu distilliren daß man
mehr bekompt/ als
per Vesicam.
A
Lle
Distillatores
haben bißhero keinen naͤheren vnd bessern Weg gehabt/ die
Olea Aromatum, Lignorum \& Seminum
zu machen/ als
per Vesicam,
mit zuthun vieles Wassers. Wiewol
per Retortam
solches auch kan geschehen/ aber es will Fleiß darbey gebraucht seyn/ sonsten werden sie roth vnd braͤntzlecht. Darumb von allen
modis
dieser
per Vesicam
der beste ist gehalten worden: Solches zwar ist ein guter Weg bey solchen Vegetabilien/ welche nicht viel kosten/ vnd auch viel Oel von sich geben. Koͤstliche
Aro- mata
aber/ vnd andere thewere Dinge/ als
Cinnamomum, Macer, Crocus, \&c.
koͤn- nen nicht
per Vesicam
mit Nutzen gemacht werden/ dieweilen viel Wasser zugethan/ vnd in grossen Gefassen muß distillirt werden/ als bleibet allenthalben etwas hangen/ wird also beynahe die Helffte dadurch verlohren/ welches zwar nicht wird in acht ge- nommen bey solchen Vegetabilien/ welche viel Oel geben/ als
Semen Anisi, Feniculi, Carvi, \&c.
Bey andern Dingen aber/ welche nicht viel Oel geben/ oder sehr thewer muͤssen erkaufft werden/ als
Cinnamomum, Lignum Rhodii, Cassia Lignea,
oder der- gleichen/ kan man genug spůren/ was man fuͤr Abgang in solcher Distillation leydet. Auch ist es vnmoͤglich alles auf solche Weise herauß zu bringen/ dann ein ziemlicher Theil desselben wird durch das kochen zaͤhe als ein
Gummi,
vnd will mit dem Wasser nicht uͤbersteigen.
Solchem allem nun vorzukommen/ will ich einen schoͤnen
Modum
lehren/ wie
man
Philosophischer Oefen
man durch Huͤlff des
spiritus salis,
auß koͤstlichen vnd thewren
Aromatibus,
all jhr in sich habendes Oelohne Verlust vnd Abgang erlangen soll/ vnd geschicht solches also.
Fuͤlle einen glaͤfernen Kolben voll an/ mit
Cinnamomo,
oder einem andern Holtz/ oder Samen/ vnd gieß darauff so viel
spiritus salis,
daß er das
Lignum
bedecke/ setze solchen mit seinem Alembick in ein Sand-Capell/ vnd gib Fewer daß der
spiritus salis
koche/ so steigt mit wenig
Phlegmate
alles Oel uͤber/ dann der
spiritus salis
durchdrin- get wegen seiner Schaͤrpffe das
Lignum,
macht das Oel ledig/ daß es desto lieber uͤbersteiget.
Also wird auff solche Weise das Oel nicht wegen grosser Menge des Wassers in kuͤpffern Gefassen verschmieret vnd verlohren/ sondern in kleinen Glaͤsern mit wenig Wasser auffgefangen vnd separiret. Nach geschehener
Distillation
geust man den
spi- ritum salis
von dem Holtz oder Samen ab/ welcher kan wieder zu dergleichen Arbeit ge- braucht werden/ ist er aber dick vnd vnrein von dem Holtz worden/ so kan er
rectisicirt
werden. Den uͤbrigen
spiritum
aber/ welcher in dem Holtz steckt/ kan man also wie- derumb erlangen/ man wirfft solches Holtz in obbeschriebenen Ofen auff die Kohlen/ so steigt alsobald der
spiritus salis
davon klar uͤber/ vnd leydet man also kleinen Verlust oder Abgang des
spiritus salis.
Auff solche Weise mit dem
spiritu salis
kan man auß allen thewerbaren
Vegeta- bilibus
jhr liebliches Oel mit Nutzen machen/ welches in keiner
Vesica
geschehen kan.
Deßgleichen koͤnnen auch alle
Gummi
vnd Hartzen in klare
Olea
durch Huͤlff des
spiritus salis
distillirt werden/ als folget.
CAPUT VIII.
Ein schoͤn hell vnd klar Oel vom Mastyx vnd
Weyrauch zu distilliren.
P
Vlverisir Mastix oder Weyrauch/ welches du wilt/ klein/ vnd fuͤlle ein glaͤserne be- schlagene Retorten beynahe auff den dritten Theil voll an/ darauff schuͤtte so viel
spiritus salis,
daß noch Raum genug sey/ vnd nicht uͤberlauffe wann er kocht: Setze sol- chen in ein Sand-Capell/ gib
per gradus
Fewer/ so steigt erstlich ein wenig
phlegma
uͤber/ darnach kompt ein schoͤn hell vnd klar
Oleum,
mit dem
spiritu salis,
welches be- sonder muß gefangen werden/ hernach kompt ein gelbes/ welches auch besonder muß be- halten werden/ zuletzt steigt auch ein rotes uͤber/ welches auch gut ist/ aber dem ersten nicht zuvergleichen: Kan derhalben aͤusserlich zu Salben oder Pflastern gebraucht wer- den/ darzu es gar gut ist/ vnd schnell heylet/ so wol in alten Schaͤden/ als in frischen Wunden: Das erste aber ist sehr subtil vnd penetrirend/ insonderheit wann es noch ein- mal
rectificirt
wird/ ist es so durchdringend als ein
spiritus Vini,
vnd ist sehr gut inn- vnd außwendig zu gebrauchen/ in allen verkalten Gesuͤchten/ insonderheit wann die Sehnen durch kalte Fluͤsse/ oder andere Zufaͤlle verhartet sind/ davon die Glieder lahm
werden:
Erster Theil.
werden: Erstlich das lahme Glied mit einem warmen Tuch so lang gerieben/ bis daß es wol erwaͤrmt/ darnach von diesem
Oleo
darauff gestrichen/ vnd mit einer warmen Hand hineyn gerieben: thut Wunder in dergleichen kalten Gebrechen der Sehnen vnd Nerven.
Auff solche Weiß/ gleich allhier mit dem Mastix vnd Weyrauch geschehen/ kan man von einem jedwedern
Gummi
ein liebliches Oel distilliren/ vnd zu seinem Ge- brauch anwenden.
Gleicher weiß mit dem
spiritu salis
koͤnnen alle rote/ zaͤhe vnd uͤbel riechende
Olea,
als
Tartari, Cornu Cervi, Succini,
vnd dergleichen/ welche zuvor auff gemeine Wei- se ohne Zusatz durch Retorten distilliret worden/
rectificiret,
daß solche schoͤn hell vnd klar werden/ vnd allen Gestanck oder
Empyreuma,
welches sie in der
distillation
em- pfangen haben/ verlieren.
Die Vrsache/ warumb etliche
Olea
in der
Distillation,
rothbraun/ oder schwartz vnd uͤbel riechend uͤbergehen/ ist diese/ nemblich ein
Sal Volatile,
welches bey etlichen
Ve- getabilibus
so wol als bey den
Animalibus
gefunden wird: Solches
Sal Volatile
hat die Eygenschafft/ daß es sich gern mit dem
Oleo
vermischet/ vnd wann solches geschicht/ so kan es nicht fehlen/ das
Oleum
muß davon schwartzroth werden. Dann ein jedwo- der
Sal Volatile,
es komme gleich von
Urin, Tartaro, Succino, Cornu Cervi,
oder der- gleichen Vegetabilien oder Animalien/ ist der Natur/ daß es die
Sulphuri
sche Dinge in jhrer Farb erhoͤhet vnd alteriret/ entweder in eine Verbesserung/ oder in eine Verboͤse- rung; gemeiniglich aber macht es die
Olea
truͤb/ schwartz vnd uͤbelriechend/ gleich wie bey dem
Succino, Cornu Cervi,
oder
Tartaro
zu sehen ist. Weilen man dann nun weiß/ wovon die Olitaͤten solchen Gestanck vnd Schwaͤrtze bekommen/ so ist leichtlich zu helffen/ daß solches in der
Distillation
nicht geschicht/ vnd so es geschehen/ wiederumb zu remediren/ durch eine
Rectification
mit
Spiritu Salis.
Dann ein jedweder
Sàl Vo- latile
ist einem jedwedern
Spiritui acido
entgegen/ vnd ein
Spiritus acidus
dem
Sali volatili,
welches
Naturam salis Tartari
hat. Dann mit einem
Spiritu Urinæ,
oder ei- nem andern
Spiritu ex sale volatili distillato
kan man eben so wol die Metallen/ welche in
spiritibus acidis
solvirt seyn/ pr
æ
cipitiren/ gleich als mit
Liquore salis Tartari.
Wel- ches hernach im 2. Thel dieses Buchs soll gelehret werden.
Weiln dann gehoͤrt/ daß ein jedweder saurer
Spiritus,
er sey gleich von Saltz/ Vi- triol/ Alaun oder Essig/ das
sal volatile
toͤde/ vnd jhm seine Krafft nehme/ daß es nicht mehr volatilisch bleibt/ sondern figirt wird/ dadurch es geschwaͤcht/ vnd das jenige fah- ren laͤßt/ zu welchem es sich gesellet hatte/ vnd solche Schwaͤrtze verursachet. Also ist von noͤthen/ daß es allhier mit diesen stinckenden
Oleis
auch also geschehen muß auff folgen- de Weise.
Man nimbt das truͤbe vnd schwartze
Oleum Succini, Tartari,
oder ein anders/ welches man klar haben will/ thut solches in glaͤserne Retorten/ daß das vierdte Theil daron kaum voll sey/ vnd geust Tropffenweiß einen guten
spiritum salis
darauff/ so
C
faͤngt
Philosophischer Oefen
faͤngt es an zu sieden vnd brausen/ gleich als wann man ein
Aquafort
auff ein
Sal Tar- tari
schuͤttet/ darumb man nur ein wenig auff einmal von dem
spiritu salis
auff das
Oleum
giessen muß/ auff daß das Glas nicht von Hitze breche oder uͤberlauffe/ wann dann so viel
spiritus
ist bey gegossen/ daß es nicht mehr brauset oder steiget/ so ists ein Zeichen/ daß alles
sal volatile
in dem
Oleo
getoͤdet ist/ derohalben man auffhoͤren muß mit zugiessen des
spiritus,
vnd also den Retorten in ein Sand-Capel setzen/ vnd anfan- gen zu fewren/ gleich als wann man etwas anders das gern steigt/
rectificiren
wolter So kompt erstlich ein uͤbelriechend Wasser/ darnach ein schoͤn/ weiß/ klar/ vnd wol- riechend
Oleum,
hernach ein gelbes/ welches auch klar ist/ vnd lieblich reucht/ aber nicht so wol/ als das erste/ darumb man den Recipienten veraͤndern muß/ wann man ein jed- weders
Oleum
besonder haben will/ vnd koͤnnen solche
Olea
viel bequemer eyngenom- men werden/ als die stinckende/ schwartze/ gleich wie sie in den Apotheken jetziger Zeit ver- kaufft werden. Vnd bleiben solche
Olea
allzeit schoͤn klar/ werden nicht zaͤh/ oder roth/ wie lang sie auch stehen/ dann die Vrsach davon die Roͤthe kompt/ ist jhnen durch den
spiritum salis
benommen; im Retorten bleibet das
sal volatile
bey dem
spiritu salis
schwartz ligen/ kan davon sublimirt werden/ am Geschmack gleich als ein
Sal Armonia- cum,
vnd hat keinen Geruch: Der
spiritus salis
hat auch seine Saͤure verlohren/ vnd ist durch das
sal volatile coaguliret
worden/ an Gestalt als ein
Tartarus vitriolatus,
wel- cher auch zu besondern
laboribus
kan gebraucht werden/ wie im nachfolgenden Theil bey dem
Spiritu Urinæ
zu finden.
Also koͤnnen auch andere
Olea,
welche durch lange Zeit sind roth vnd zaͤh wor- den/ (welches dann etlichen gern geschicht/ als dem
Oleo Cinnamomi, Macis, Caryo- phyllorum,
vnd andern mehr) mit
spiritu salis
uͤbergossen/ vnd
per Retortam rectifi- cirt
werden/ dann sie sind so klar vnd gut/ als weren sie erst gemacht worden.
Allhier kan ich nicht vnterlassen/ vielen Kranckheiten zum besten/ ein wenig zu vermelden/ wie daß doch jetziger Zeit bey vielen
Medicis,
nicht bey den
Galenicis,
wel- che solcher Dingen keinen Verstand haben/ noch sich darumb bekuͤmmern/ sondern bey denen welche fuͤr grosse
Philosophi
vnd
Spagyrici
gehalten wollen seyn/ so gar wenig Verstand vnd Fleiß gebraucht wird/ in Bereytung etlicher Chymischen Medicamen- ten. Dann viel sind der Meynug/ wann sie nur dem
Spiritui
vnd
Oleo Tartari, Cor- nu Cervi,
vnd dergleichen/ jhren Gestanck benehmen koͤnten/ so haͤtten sie ein Medicin/ welche alle
obstructiones radicaliter
wegnehmen koͤnte. Ist zwar wol gemeynt/ aber nicht wol getroffen: Dann etliche haben solche
Spiritus
vnd
Olea,
uͤber calcionirten Vi- triol rectificirt/ vnd dadurch etlicher massen jhnen die
Epyreuma
benommen/ aber zugleich auch die Kraͤfften: Welches etliche gemercket/ vnd gesagt/ man muͤsse solchem
Spiritui
vnd
Oleo
seinen Gestanck nicht benehmen/ dann jhre Tugend verliere sich dadurch/ vnd haben vlso vermeynt die Krafft bestehe in dem Gestanck/ welches doch gros geirꝛet ist/ weilen der Gestanck dem Hertzen vnd Hirn gantz entgegen ist/ wie kan dann etwas guts vnd kraͤfftiges darinn bestehen? Aber so viel ist daran/ in deme sie den
Gestanck
Erster Theil.
Gestanck benehmen wollen/ toͤden sie zugleich den
spiritum
vnd
Oleum
in jhren Kraͤff- ten vnd Tugenden. So moͤchte jemand sagen/ wie soll mans dann machen/ daß man den Gestanck benehme/ vnd doch die Kraͤfften nicht dadurch verkleinere? Soll man sie mit
spiritu salis
rectificiren/ gleich wie du nun gelehret hast/ bey den schwartzen
Oleis?
Nein/ gantz vnd gar nicht. Ich habe zwar geschrieben/ daß man die
Olea
durch den
spi- ritum salis
klar machen soll/ aber nicht darbey gesagt/ daß solche Klar-machung jhre Verbesserung sey: Lieblich vnd wolgeschmack werden sie wol dadurch/ vnd ist ein guter Weg/ wann man keinen naͤhern weiß. Wie man aber solchen uͤbel riechenden
Oleis
vnd
spiritibus
jhren Gestanck benehmen soll/ daß sie klar vnd lieblich werden/ vnd doch nichts an jhren Kraͤfften verlieren/ sondern vielfaͤltig dadurch vermehret werden/ ge- hoͤret allhie nicht zu beschreiben/ weiln es in diesem Ofen nicht kan gethan werden. Sondern will den Liebhaber in das zweyte Theil gewiesen haben/ daselbsten wird er fin- den/ wie man solche
spiritus
ohne Verlust jhrer Kraͤfften machen vnd rectificiren soll; welche/ so sie also bereytet/ wol fuͤr eine der vier Haupt-Saͤulen der gantzen Medicin koͤnnen gehalten werden. Dieses habe ich zur Nachrichtung ein wenig anzeigen wol- len; verhoffe es werde mir nicht uͤbel auffgenommen werden/ weilen es schuldige Liebe vnd Pflicht gegen den Naͤchsten betreffen thut.
CAPUT IX.
Quintam Essentiam omnium Vegetabi- lium
zu extrahiren.
V
Bergiesse
Aromata, Semina, Ligna, Radices, Flores,
oder dergleichen/ welche du wilt/ mit einem
dephleg
mirten
Spiritu Vini,
las in
digestione
extrahiren/ bis sie keine
Feces
mehr von sich geben/ sondern jhr gantze
Essentia
in den
spiritum Vini
gangen ist; solchem
spriritui Vini imprægnato
schuͤtte einen starcken
spiritum salis
bey/ vnd digerire beyde
in Balneo
zusammen/ so lang bis daß sich ein
Oleum
oben auffsetzet/ vnd sich von dem
spiritu Vini
geschieden hat/ welches mit einem Trichter kan separiret werden. Oder/ man kan den
spiritum Vini in Balneo
davon abstrahiren/ so steigt das
Oleum
klar uͤber; So aber der
spiritus Vini
davon nicht abstrahiret wird/ so bleibt das Oel blut-roth/ vnd ist die wahre
Quinta Essentia
dessen
Vegetabilis
davon sie extrahi- ret ist worden.
CAPUT X.
Quinta Essentia omnium Metallo-
rum \& Mineralium.
S
Olvire welches Metall du wilt in einem starcken
spiritu salis,
(außgenommen
Lu- na
solvirt sich nicht darinn/ sondern muß in
Aqua fort
geschehen/) vnd abstrahi-
C ij
re die
Philosophischer Oefen
re die
Phlegma in Balneo
davon/ darnach schuͤtte einen wol
dephlegmir
ten
spiritum Vini
darauff/ vnd laß digeriren/ so lang biß sich oben auf die
solution
ein rothes Oel ge- setzt hat/ welches die
Tinctura
oder
Quinta Essentia
des Metalls ist/ ein koͤstlicher Schatz in
Medicina.
CAPUT XI.
Ein suͤsses vnd blut-rothes
Oleum
von den Me- tallen vnd Mineralien.
S
Olvire das Metall oder Mineral in
spiritu salis,
deßgleichen solvire auch so schwer als des Metalls gewesen ist/
salis Vini Essensificati;
gieß beyde
solutiones
zu- sammen/ vnd treibs
per Retortam
erstlich lind/ darnach staͤrcker/ so gehet mit dem
spi- ritu salis
uͤber/ ein blutrotes vnd liebliches
Oleum,
vnd der Hals des Retorten vnd Recipienten faͤrben sich zu Zeiten als ein Pfawen-Schwantz von vielen schoͤnen Far- ben/ an etlichen Orthen als ein pur lauter Gold anzusehen.
Weilen allhier in dieser Beschreibung kein Vnterscheid in der Distillation zwi- schen den Metallen gebraucht wird/ habe ich alle Metallen vnter einem Proceß in suͤsse
Olea
zu bringen begriffen. Will man aber die
Lunam
in eine liebliche
Essentiam
brin- gen/ so muß man solche in
spiritu Nitri
solviren/ vnd welters damit procediren/ gleich wie von andern Metallen gelehrt worden.
Was anbelanget den
Usum
deren
Essen
tien/ ist nicht noͤthig viel davon zu schrei- ben/ dann wer solche wird machen koͤnnen/ dem wird jhr Gebrauch auch bekant werden.
CAPUT XII.
Olea Corrosiva Mineralium: \& Metallorum.
W
Eilen die
Corrosivi
sche
Olea
nicht vnter einem Proceß koͤnnen gemacht wer- den/ also ist vonnoͤthen/ daß man ein jedweders fuͤr sich allein beschriebe. Vnd erstlich.
CAP. XIII.
Oleum seu Liquorem Solis
zu machen.
S
Olvire einen
Calcem solis in spiritu salis,
(welcher aber sehr starck seyn muß/ sonsten will er nicht angreiffen) so man aber kein solchen starcken
spiritum salis
hat/ so kan man ein wenig guten gelaͤuterten Salpeter darzu thun/ so greifft er gern an/ aber besser ist das
Oleum,
wann es mit
spiritu salis perse
gemacht wird. Wann nun das Gold also solvirt ist/ so abstrahire die Helffte von der
solution,
so bleibt ein
Corro
sivisch
Oleum,
auff solches schuͤtte einen außgespreßten Limonien-Safft/ so wird die
solution
gruͤn/ vnd fallen etliche
Feces
zu Boden/ welche doch gut seyn/ wann fie geschmoltzen
werden:
Erster Theil.
werden: Den gruͤnen
Liquorem
setze in ein warmes
Balneum,
vnd laß die
phlegma
davon gehen/ das hinderbleibende nimb herauß/ leg es auff ein Glaslafel oder Scha- len/ setze es an ein feuchten vnd kalten Orth/ so zersteust es in ein rotes
Oleum:
Kan sicher vnd ohne Gefahr in Leib genommen werden/ bringt solche widerumb zu recht/ welche mit dem
Mercurio
verderbt sind. Aber am allerbesten dienet es zu alten Schaͤ- den des Mundes/ Zungen/ vnd Halses/ welche entweder von
Morbo Gallico, Lepra, Scorbuto,
oder dergleichen entsprungen/ da man sonsten andere
Olea Metallica
nicht sicher gebrauchen kan. Wann dann ein solche
Exulceration
vorhanden/ daß die
Glan- dulæ
geschwollen/ vnd Loͤcher hineyn fallen/ oder die Zungen vnd Zahnfleisch voller Blattern vnd Wunden seynd/ so ist kein bessere Medicin die schneller reiniget/ vnd hei- let als dieses
Oleum,
Doch/ daß darbey gute Miner altsche
Purgantia,
vnd
Sudorifera
gebraucht werden: Sonsten wann schon der Schade heil were/ so wuͤrde er doch wieder auff brechen/ wann nicht die Wurtzel davon solche entsprungen/ auch hinweg genom- me: wuͤrde. Vnd darff man sich nicht besorgen/ wann man den Schaden mit diesem
Oleo
duͤpfft/ vnd davon auch etwas in den Leib kompt/ daß es schaden koͤnne/ gleich wie bey andern
Medicamentis
vnd
Gargarismis,
welche bey solchen Schaͤden pflegen ge- braucht zu werden/ zu befoͤrchten/ sondern man kan es alle Tage ohne Sorge auffs we- nigste dreymal gebrauchen/ so wird man Wunder spuͤren in seiner schnellen Heilung.
CAPUT XIV.
Oleum Martis.
S
Olvire duͤnn laminirten Stahl in einem rectiftcirten
spiritu salis,
so bekompstu ein suͤsse vnd gruͤne
Solution,
welche uͤbel nach
Sulphure
reucht/ solche filtrire durch ein Pappier/ auff daß der gelbe Schleim zuruͤck bleibe/ diese
Solution
thue in ein glaͤsern Koͤlblein/ vnd abstrahire in
arena
alle Feuchtigkeit mit lindem Fewer davon/ welche gantz suͤß uͤbergehet/ nicht viel anders/ als Regenwasser am Geschmack/ dann alles
Cor- rosiv
wird bey dem
Marte
wegen seiner Troͤckene behalten:
In fundo
bleibt eine blut- rote
Massa,
welche so hitzig als ein Fewer auff der Zungen ist. Damit kan man gantz sicherlich alles schwammicht-wild vnd feucht Fleisch in verdorbenen Wunden hinweg etzen/ muß aber in einem Glas vor der Lufft wol bewahrt werden/ sonsten fleust es in ein gelb
Oleum.
So man aber ein Oel davon haben will/ so legt man solche
Massam
nur auff ein Schalen/ setzt solche in feuchten Keller/ so zerfleust es in einem Tag/ alles in ein schoͤn roth-gelbes Oel/ welches in allen uͤmb sich fressenden Schaͤden/ als in
Fistulis, Cancro,
vnd dergleichen/ ein sonderbarer Schatz ist zu reinigen vnd consolidiren/ dem wenig andere vorgehen. Sonsten ist es auch sehr gut vnter gemein Wasser gemischt/ vnd die offene Schaͤden an den Schenckeln/ welche wegen vieler Feuchtigkeit dick ge- schwollen seyn/ vnd uͤbel riechen/ warm gemacht/ vnd darin gebadet/ vertrucknet die uͤbrige Feuchtigkeit/ reinigt vnd heilet bald; Doch
purgantia
darneben gebrauchte
C iij
Heilet
Philosophischer Oefen
Heilet auch allerley Graͤtzen vnd Schaͤbigkeit der Haut/ damit gewaschen oder darinn gebadet.
Wann man solche rothe
Massam,
ehe sie in ein
Olcum
zerflossen/ in ein
Oleum Arenæ vel Silicum
(welche im andern Theil zu machen gelehret werden) leget/ so waͤchst in einer oder zwey Stunden ein Baum darauß mit Wurtzeln/ Stamm/ vielen Aesten vnd Zweigen/ wunderbarlich anzusehen. Wann man solchen Baum hernach auß- nimpt/ vnd auff der Capellen probiret/ gibt er gut Gold/ welches der Baum auß der Erden/ nemlich
Oleo arenæ
gezogen hat. Dencke jhm nach was weiter damit zu thun sey.
CAP. XV.
Oleum Veneris.
D
Er
spiritus salis
will die
Venerem
nicht so gern angreiffen/ gleich wie den
Mar- tem,
es sey dann daß man einen
Calcem
darauß mache/ welches also geschicht. Man nimpt Kupffer-Blech/ gluͤet solche in einem verdeckten Tiegel auß/ vnd loͤscht dieselben in einem kalten Wasser ab/ so fallen rote
Squamæ
davon/ dann solche
laminas
wieder- umb gegluͤet/ vnd in kalt Wasser geworffen/ so geben sie mehr/ vnd solches gluͤen vnd außloͤschen so offt gethan/ biß man
Calcis
genug hat/ solchen getruͤcknet/ pulverisiret/ vnd mit rectificirtem
spiritu salis in arena
so lang digeriret/ bis der
spiritus
gruͤn ge- nug worden ist/ dann abgossen/ filtrirt/ vnd die uͤbrige Feuchtigkeit davon abstrahirt/ so bleibt zuruͤck ein hoch dunckel gruͤnes
Oleum,
welches in allen
Ulceribus,
insonder- heit in Venerischen Schaͤden ein kraͤfftige Medicin ist/ aͤusserlich gebraucht.
CAP. XVI.
Oleum Jovis \& Saturni.
D
Iese beyde Metallen/
Jupiter
vnd
Saturnus,
lassen sich auch nicht so gar gern im
spiritu salis
solviren/ doch so sie gefeylet seyn/ vnd der
spiritus salis
gut ist/ geschicht es auch. Aber viel besser/ wann man die
Flores
dieser Metallen hat/ (welche zu machen hernach sollen gelehrt werden/) thut solche in ein Koͤlblein/ uͤbergeust sie mit
spiritu sa- lis,
so greifft er sie alsobalden an/ insonderheit/ wann sie warm stehen/ vnd gibt ein gelbe
Solution,
welche muß filtrirt/ vnd die Feuchtigkeit davon abstrahiret werden/ so bleibt ein gelb vnd schwer
Oleuɯ.
Eusserlich in
Ulceribus putridis
zu gebrauchen.
CAP. XVII.
Oleum Mercurii.
D
Er
Mercurius
will sich auch nicht gern mit
spiritu salis
lassen solviren/ wann er aber zuvorn mit Vitriol vnd Saltz ist sublimirt worden/ so wird er hernach leichtlich
damit
Erster Theil.
damit auffgeloͤst/ vnd gibt gar ein
Corros
wisch
Oleum,
welches mit Verstand muß ge- braucht werden/ vnd ist nicht rathsamb/ solches leichtlich zu gebrauchen/ man koͤnte dann kein anders haben. Dann ich gesehen/ daß ein
Chirurgus
ein solches
Oleum
einem Weibe auff einen
Cancro
sischen Schaden/ welchen sie an den Bruͤsten hatte/ geleget/ vnd ist die Gifft alsobalden dem Hertzen zugangen/ vnd also das Weib getoͤdet: Wie- wol sonsten ein solches
Oleum
ein herꝛliches
Secretum
ist/ im uͤmb sich fressenden vnd reitenden Wurm/ so man nur weißlich damit uͤmbgehet/ solchen damit zu toͤden/ vnd
radicitus
zu
exstirpi
ren.
CAP. XVIII.
Oleum Antimonii.
D
As
Antimonium crudum,
welches noch nicht im Fewer ist gewesen/ laͤßt sich nicht gern solviren
in spiritu salis,
deßgleichen auch sein
Regulus,
doch wann solcher klein pulverisirt/ vnd der
spiritus salis
starck ist/ kan es geschehen. Das
Vitrum
welches da- von gemacht ist/ laͤßt sich lieber solviren/ aber am allerliebsten die
Flores,
welche auff solche Weise gemacht/ wie hernach soll gelehrt werden. Wiewol das schwere vnd dicke
Oleum Antimonii,
welches man
Butyrum
nennet/ vnd vom
Mercurio sublimato
vnd
Antimonio
ist gemacht worden/ nichts anders ist als ein
spiritus salis,
darinn der
Regulus Antimonii
solvirt ist. Tann wann der
Mercurius sublimatus
mit
Antimo- nio
vermischt/ die Hitze empfind/ so greiffen die
spiritus
welche bey dem
Mercurio subli- mato
seynd/ den
Antimonium
lieber an/ vnd lassen also den
Mercurium
wieder fallen/ vnd steigt also ein dick
Oleum
uͤber: Der
Sulphur Antimonii
aber
conjungirt
sich mit dem
Mercurio vivo,
vnd gibt einen Cinnober/ welcher im Hals des Retorten bleibet/ der uͤbrige
Mercurius
bleibt zum theil zuruck/ bey dem
Capite Mortuo,
zum theil steigt mit uͤber/ doch wenig: Vnd wer wol weiß damit uͤmbzugehen/ der kan sein gantzes Ge- wicht des
Mercurii
wieder bekommen.
Dieses hab ich darumb angezeigt/ weilen viel der Meynung seynd/ als wann es ein
Oleum Mercurii
were/ vnd nennen also das weisse Pulver/ welches sie machen/ wann sie viel Wasser auff das
Butyrum
schuͤtten/ vnd sich das
Antimonium
wieder von den
spiritibus
scheydet/ vnd als ein weiß Pulver zu Boden faͤllt/ einen
Mercu- rium vitæ,
da doch kein
Mercurius
darbey ist/ gleich als nun bewiesen/ sondern ein lau- ter
Regulus Antimonii,
welches man also erfahren kan/ wann man solches abgesuͤßte weisse Pulver in einem Tiegel schmeltzet/ so geht ein Theil in ein gelb
Vitrum,
das an- der wird ein
Regulus,
vnd findet sich kein
Mercurius.
Darauß zu schliessen/ daß solches dicke
Oleum
nichts anders sey/ als ein
Solutio Antimonii cum spiritu salis:
Weilen der
spiritus salis
vnd
Flores Antimonii
eben ein solches dicke
Oleum
oder
Butyrum
geben/ in allem gleich dem vorigen/ welches vom
Mercurio Sublimato
gemacht ist wor- den/ vnd gleich so wol durch Zugiessung vieles Wassers/ ein solch weiß Pulver/ welches
Mercu-
Philosophischer Oefen
Mercurius Vitæ
genennet wird/ davon kan gemacht werden. Auch von dem
Oleo
durch Abstrahirung eines
Spiritus Nitri
ein
Bezoarticum Minerale,
welches auch nichts anders ist/ dann ein
Antimonium Diaphorcticum.
Ob nun solches
Diaphoreti- cum
durch den
Spiritum Nitri,
oder durch das
Nitrum corporale
sey worden/ ist in gleichen Kraͤfften befunden/ wiewol der mehrentheil davor haͤlt/ daß das erste besser sey/ welches doch fast ein Ding ist. Darumb hab ich meine Meynung auch hieher gesetzt/ vnd solche bewiesen. Wer nun solches nicht glauben will/ kan bey der seinigen bleiben dann ich solches nicht gethan/ als wann ichs alle in besser verstuͤnde als andere/ sondern nur darumb/ auff daß die Warheit an Tag komme.
Daß ich nun wieder zu meinem Fuͤrhaben schreitte/ ein
Oleum
mit
spiritu salis
auß dem
Antimonio
zu machen/ geschicht solches also.
Nimb deren
Florum,
welche ich hernach zu machen lehren werde/ 1. Pfund/ thue solche in ein Kolbenglas/ schuͤtte darauff 2. Pfund guten vnd starcken rectificirten
spi- ritum salis,
schwenck es in dem Glas wol durcheinander/ vnd setze es in ein Sand Tag vnd Nacht zu solviren/ darnach schuͤtte solche
Solution
mit den
Floribus
in einen be- schlagenen Retorten/ leg solchen in ein Sand-Capell/ gib erstlich lind Fewer/ bis alle
phlegma
uͤber ist/ darnach staͤrcke solches/ so gehet ein schwacher
spiritus,
dann die scharpffen bleiben zuruͤcke bey dem
Antimonio,
hernach staͤrcke das Fewer noch mehr/ so steigt ein dickes Oel uͤber/ gleich dem
Butyro,
welches mit dem
Mercurio sublimato,
gemacht worden/ vnd kan zu allem gebraucht werden/ dazu sonsten das
Butyrum
auch gebraucht wird. Wie folgt:
CAP. XIX.
Flores Antimonii Vomitivi Albi.
℞
S
Olches
Butyri
so viel du wilt/ thue es in ein grossen Kolben oder ander Glas/ vnd schuͤtte so viel gemein Wasser zu/ bis keine weisse
Flores
mehr fallen wollen/ dann gieß das Wasser ab von den
Floribus,
suͤsse dieselbe mit warmem Wasser auß/ vnd truͤckne solche an einer linden Waͤrme/ so bekompt man ein weiß Pulver. Solches zu 1. 2. 3. bis auff 8. oder 10.
Grana,
nach Gelegenheit der Person/ nuͤchtern mit ein we- nig Wein/ (welcher uͤber Nacht daruͤber gestanden hat) eingeben/ purgirt vntersich vnd uͤbersich. Doch muß man sich vorsehen/ daß mans keinen gar jungen Kindern oder alten Leuthen/ oder andern schwachen Menschen gebrauche: Sondern denen bekompt es am besten/ welche starck von Leib seyn/ vnd sich leichtlich brechen koͤnnen.
Wnd
wann man solche eingenommen/ vnd einem sehr uͤbel davon wird/ vnd doch nicht zum brechen kommen kan/ so muß man einen Finger in den Hals stecken/ vnd also einen Fortgang machen/ sonsten bleiben sie ligen/ operiren nicht/ vnd machen nur sehr kranck/ daß die Leute nicht anders meynen/ sie muͤssen sterben. Wann man aber merckt daß sie zu starck operiren wollen/ kan man einen Trunck lawlecht Bier/ oder nur warm Wasser/ ist
besser/
Erster Theil.
besser/ darinnen ein wenig Koͤrbel oder Petersil gesotten ist/ einnehmen/ so hoͤrt es auff/ vnd operirt etwas linder/ wer es aber auß-stehen kan/ der wehre es nicht/ dann man wird nur desto gesůnder hernach/ vnd sie purgiren die Gall wol/ vnd nehmen den Schleim auß dem Magen/ welche andere
purgationes
ligen lassen/ oͤffnen alle
ob- structiones,
resistiren
sanguinis putredini,
davon viel Kranckheiten entstehen/ als aller- hand Fieber/ langwieriges Hauptwehe/ bekommen wol den
Leprosis, Scorbuticis, Me- lancholicis, Hypochondriacis,
auch denen welche einen Huren-lohn empfangen ha- ben/ vnd wann sie bey Zeit gebraucht werden/ seynd sie in Peste nicht boͤs. In Summa/ sie suchen gar genaw/ vnd richten viel guts auß. Aber so man solche genommen/ muß man sich denselben Tag im Bett behalten/ oder auffs wenigste nicht auß dem Hauß in die Lufft gehen/ sonsten bekommen sie einem nicht wol.
Weiln aber solche
Flores
etwas
vehement
wuͤrcken/ vnd von vielen nicht gern darumb genommen/ sondern gewaltig darumb gehaßt werden; So will ich den Kran- cken zu lieb andere lehren machen im 4. Theil dieses Buchs/ welche viel sicherer zu ge- brauchen seynd/ vnd mehr vntersich als uͤbersich operiren/ machen gantz gelinde
Vomi- tus,
vnd koͤnnen kleinen Kindern vnd alten Leuten ohne Schaden administriret wer- den/ doch mir Bescheydenheit/ nach Gelegenheit der Kranckheit/ Alters oder Jugend des Patienten.
CAP. XX.
Antimonii Flores Diaphoretici.
W
Ann man solche
Flores
in einen geflossenen
Nitrum
traͤgt/ vnd ein wenig damit fliessen laͤßt/ so werden sie fix/ purgiren nicht mehr/ sondern operiren nur durch den Schweiß.
Das sawre Wasser/ davon die
Flores
geschieden/ kan man lassen abrauchen/ so bleibt ein guter
spiritus salis,
welchen man zu dergleichen/ oder einer andern Arbeit wie- derumb gebrauchen kan.
CAP. XXI.
Von dem aͤusserlichen Gebrauch des
Oler Antimonii Corrosivi.
D
Ieses Corrosivische
Oleum
ist lange Zeit her im Brauch gewesen bey den
Chirm- gis,
wann sie einen Schaden haben gehabt/ welcher keine Heylung hat wollen an- nehmen/ haben sie solches mit einem Federlein darauff gestrichen/ das vnreine davon geschieden/ vnd einen guten Grund zur Heylung damit gemacht/ auff daß andere
Me- dicamenta
hernach darauff haben wuͤrcken koͤnnen/ welches dann gut darzu ist. Aber viel besser ist es/ wann man solches mit
spiritu salis
mischet/ dann sie sich gern vereini- gen/ vnd wird also etwas linder zu gebrauchen/ daß es nicht so sehr beisset vnd brennet.
D
Vnd
Philosophischer Oefen
Vnd mischet sich dieses
Butyrum
sonsten mit keinem andern
spiritu,
als mit
spiritu sa- lis,
man haͤtte dann einen gar starcken
Spiritum Nitri,
welcher sich auch damit vereini- get/ aber den
Chirurgis
nicht gut zu gebrauchen: Vnd wann der
Spiritus Nitri
nicht sehr starck ist/ so pr
æ
cipitirt er das
Butyrum,
wie zu sehen/ wann man das
Bezoarticum Minerale
macht. Wann man aber einen solchen starcken
Spiritum Nitri
hat/ daß er das
Butyrum
auffsolviret/ so hat man ein blutrote solution/ damit seltzame Dinge koͤn- nen gethan werden in
Metallicis,
aber hieher nicht gehoͤrig. Sonsten durch die Distil- lation davon gezogen/ bleibt das
Antimonium
auff einmal fix vnd diaphoretisch/ wel- cher sonsten zu 2. oder dreymalen davon abstrahirt muß werden/ wann er so starck nicht ist/ daß er das
Butyrum
ohne Pr
æ
cipitation kan auffloͤsen.
Dieses
Bezoarticum
ist ein gutes
Diaphoreticum
in allen Kranckheiten sicher zu gebrauchen/ da schwitzens vonnoͤthen ist/ als
in Peste, Morbo Gallico, Febribus, Scorbuto, Lepra,
vnd dergleichen/ von 6. 8. 10. bis auff 20.
grana,
mit bequemen
vehi- culis
genommen/ durchsuchet den Leib/ vnd alles boͤse/ das sonsten durch schwitzen kan benommen werden/ treibt es durch den Schweiß vnd
Urin
auß.
CAPUT XXII.
Oleum Arsenici \& Auripigmenti.
G
Leich wie der
spiritus salis
das
Antimonium crudum
nicht gern angreifft/ we- gen seines vielen vnzeitigen Schwefels/ es sey dann daß es zuvor in
Flores
werde gebracht/ dadurch ein Theil solches Sulphurs verbrant wird; Also geschicht allhier auch mit dem
Arsenico
vnd
Auripigmento,
die wollen sich nicht gern solviren lassen/ wann sie nicht zuvorn
in Flores
sublimiret seynd; doch ists muͤglich mit einem sehr starcken
spiritu salis
zuthun. Vnd wann solche sind auffgeloͤßt/ koͤnnen sie
per retortam,
gleich wie das
Antimonium
in ein dick vnd schwer
Oleum
distillirt werden. Welches ge- brauch aͤusserlich zu verdorbenen/ insonderheit
in Cancrosi
schen gifftigen vnd uͤmb sich fressenden Schaͤden noch besser ist als das
Oleum Antimonii,
solche damit zu toͤden/ reinigen/ vnd das gute vom boͤsen zu scheiden.
Auff solche Weise mit
spiritu salis
koͤnnen auß allen
Realgaribus corrosivi
sche
Olea,
aͤusserlich zugebrauchen gemacht werden.
CAPUT XXIII.
Oleum Lapidis Calaminaris.
N
Imb guten Ackischen Gallmey/ welcher schoͤn gelb oder roth ist/ mach solchen zu ei- nem zarten Pulver/ thu solches in ein Kolben-Glas/ vnd gieß 5. oder 6. mal so viel/ dann seiner ist/ guten rectificirten
spiritum salis
darauff/ schwencke vnd mische solchen wol mit dem Gallmey/ laß es nicht lang stehen/ sondern schuͤttele vnd schwencke das Glas bald wieder/ vnd solches muß zum oͤfftern geschehen/ sonsten wann man solches nicht thut/ so wird ein harter Stein auß dem Gallmey in dem Glas/ welcher sich nicht
mehr
Erster Theil.
mehr will erweichen oder solviren lassen/ welchem man dann mit offt schuͤtteln vorkom- men kan/ ehe solches geschicht.
Vnd wann er in der Kaͤlte nicht mehr solviren will/ so setze das Glas in einen warmen Sand/ vnd laß so lang stehen/ bis der
spiritus salis
hoch gelb davon worden ist/ dann gieß solchen ab/ vnd einen andern darauff/ schwencke es vntereinander/ vnd stelle es wieder zu extrahiren/ vnd vergesse des schuͤttelns nicht.
Wann er nun genug solviret hat/ vnd nicht mehr angreiffen will/ so filtrire die
Solution,
das uͤbrige wirff hinweg/ welches ein tode Erden ist. Die
Solution
setze in einem Kolben in Sand/ vnd gib Fewer/ so steigt beynahe ⅔ des gewesenen
spiritus sa- lis
uͤber/ als Brunnen-wasser am Geschmack/ ist ein lautere
phlegma,
wiewol der
spiri- tus salis
zuvor wol
rectificirt
vnd
dephlegmirt
ist gewesen. Die Vrsach solcher Schey- dung ist diese/ weilen der Gallmey sehr truckner Natur ist/ so hat der
spiritus salis,
desto groͤssere Gemeinschafft mit jhme/ vnd will sich davon nicht gern scheyden lassen. Dann mir kein Mineral oder Metall vnter allen (außgenommen Zinek) bekant ist/ welches truckener were als der Gallmey. Wann nun
in arena
kein
phlegma
mehr will uͤber- gehen/ so laß das Fewer abgehen vnd erkalten/ vnd nimb das Glas auß dem Sand/ so wirstu finden ein dickes vnd rotes
Oleum,
so fett anzugreiffen/ als Baumoͤl/ auch nicht sonderlich corꝛosivisch; dann der
spiritus salis
hat sich an dem Gallmey matt ge- fressen/ vnd also seine Schaͤrpffe dadurch verlohren. Dieses
Oleum
muß fuͤr der Lufft wol bewahret werden/ sonsten es in wenig Tagen viel Lufft an sich zeucht/ vnd in Was- ser macht/ dadurch das Oel geschwaͤchet wird.
Dieses Oel hat ein wunderbare Krafft/ so wol innerlich als aͤusserlich zu gebrau- chen: Vnd nimbt mich wunder/ daß bißhero in so langer Zeit niemand im Gallmey ge- sucht/ vnd von seiner Natur geschrieben hat/ da er doch ein lauter guͤldischer
Sulphur
ist (welches ich im vierdten Theil dieses Buchs beweisen will.) Dann wañ durch geschick- te Hanggriffe eines Kuͤnstlers/ seine terꝛestritaͤt davon geschieden wird/ so offenbahret sich ein pur lauter Gold; Aber der mehrer Theil bey jhm ist fluͤchtig vnd vnzeitig/ vnd laͤßt sich mit schmeltzen nicht gern in ein
Corpus
bringen/ darumb er von den
Chymicis
so wenig ist geacht worden: Welche jhn aber recht kennen/ die halten viel darvon.
CAPUT XXIV.
Usus Olei Lapidis Calaminaris.
V
On diesem Oel 1. 2. 3. biß auff 10. oder 15. Tropffen mit bequemen
Vehiculis
ge- nommen/ purgirt
Hydropem, Lepram, Podagram,
vnd ander fixe
humores noci- vos,
welche den Vegetabilischen
Purgantibus
nicht weichen wollen. Davon liese wei- ter im andern Theil/ da vom
Spiritu Urinæ
vnd
Salis Tartari
gehandelt wird.
Eusserlich ist es ein guter Mineralischer Wund-Balsam/ deme wenige zuver- gleichen find; nicht allein in allen verdorbenen Wunden/ solche wieder zurecht zu brin-
D ij
gen/
Philosophischer Oefen
gen/ sondern auch in frischen Schaͤden/ dann er gewaltig trucknet/ reiniget vnd zusam- men zeucht.
Auch ist es in der Hauß-haltung zu gebrauchen/ dann wann man einen gemeinen Holtz-leim damit auffsolvirt/ so gibts ein zaͤhe Materi/ damit man Voͤgel/ Maͤuse vnd ander Vngeziefer fangen/ vnd auß dem Hause vnd Garten vertreiben kan. Dann wo er hingestrichen wird/ bleibt er allzeit gut/ vertrucknet nicht in der Sonnen hitz/ vnd schadet jhm auch kein Frost. Derhalben Sommers vnd Winters zu gebrauchen/ vnd alles klein Gethier/ so daran ruͤhret/ bleibt hangen. Vnd wann man ein Schnur da- mit bestreicht/ vnd uͤmb den Stamm eines Baums bindet/ so kan kein Spinn/ Rau- pen/ oder ander Vngeziefer hinauff kriechen/ vnd die Frucht davon beschadigen/ wel- ches ein guter Haußwirth nicht entrathen solte.
Dieses Oel hat auch die Natur/ wann schou viel Wasser darzu wird gegossen/ daß es gleichwol gut bleibt/ vnd sich der Galmey nicht davon pr
æ
cipitiret/ gleich wie das
Antimonium
thut: Darumb man solches zu vielen Dingen gebrauchen kan.
Wann man gemeinen gelben pulverisirten
Sulphur
damit kocht/ mit starckem Fewer/ daß der
Sulphur
schmeltzet/ so schwim̃t er darauff gleich als Fett auff Was- ser/ vnd wird so rein davon/ daß man dadurch sehen kan/ als durch ein gelb durchsichtig Glas/ vnd hernach besser zur Medicin zu gebrauchen/ als die
Flores Sulpheris
auff ge- meine Weise gemacht.
Solches
Oleum,
kan auch noch zu viel mehr andern Sachen dienen/ welche zu lang alle zu erzehlen.
Sonsten wann man dieses
Oleum
mit reinem Sande versetzet vnd durch einen Retorten treibt mit starckem Fewer/ (anders will der
spiritus salis
nicht vom Galmey weichen/) so gehet ein
Spiritus
uͤber/ als ein lauter Fewer/ vnd der Galmey bleibt zuruͤck. Solcher
Spiritus
ist so starck/ daß man jhn schier nicht bewahren kan/ loͤßt alle Metal- len/ auch fast alle Mineralien/ (ohne
Lunam
vnd
Sulphur
) gern auff/ dadurch viel schoͤ- ne Medicamenten koͤnnen bereytet werden/ welches mit einem gemeinen
spiritu salis
(wie starck er auch sonst gemacht ist) nicht geschehen kan: Dann ob er schon offt rectifi- cirt wird/ so behaͤlt er doch noch allezeit viel
phlegma
bey sich/ welche durch die Rectifi- cation nicht kan geschieden werden/ gleich wie allhier durch Huͤlffe des Galmeys geschicht.
Mit diesem starcken
Spiritu
oder
Oleo Salis,
koͤnnen viel schoͤne Dinge verꝛichtet werden/ so wol in
Medicina,
als in
Alchymia,
vnd andern Kuͤnsten/ wie ein Verstaͤndi- ger wol erachten kan/ will sich aber die Gelegenheit auff dißmal nicht pr
æ
sentiren wei- ters davon zu schreiben.
Doch noch ein schoͤn Medicinalisch Stuͤcklein/ will ich uͤmb der Krancken willen offenbahren/ dergleichen wenig gefunden werden/ wiewol der Proceß kurtz vnd schlecht anzusehen ist/ daran sich doch der Verstaͤndige nicht kehren wird/ vnd ist dieses: Wann man zu einem solchen starcken
Spiritu Salis
einen
dephleg
mirten
Spiritum Vini
geust/
vnd
Erster Theil.
vnd ein Zeitlang digerirt/ so macht er bey dem
Spiritu Vini
eine Scheidung/ toͤdet sein
Sal Volatile,
daß ein liebliches klares
Oleum Vini
oben auff schwimbt/ welches das ge- ringste
Cordiale
nicht ist/ insonderheit/ wann zuvorn mit
Spiritu Vini
etliche kraͤfftige
Aromatæ
extrahiret/ vnd auch im
spiritu salis
Gold solviret ist; dann zusammen gegos- sen vnd digerirt/ so nimbt das
Oleum Vini
in der Scheidung zugleich auch zu sich die
Essentiam Specierum Cordialium,
oder anderer Vegetabilien/ welche zuvor mit
Spi- ritu Vini
extrahiret waren/ wie auch
Tincturam Auri,
vnd gibt ein solche kraͤfftige Me- dicin/ deren wenig gefunden werden/ in allen Kranckheiten
universaliter
zu gebrauchen/ das
Humidum radicale
dadurch also zu staͤrcken/ daß es maͤchtig genug ist/ seine Fein- de von sich zu treiben. Darfuͤr
GOTT
hochgelobet sey der vns vnwuͤrdigen vnd vn- danckbaren Menschen solche
Secreta
offenbaret.
CAP. XXV.
Vom Gebrauch des gemeinen
Spiritus Salis,
in
der Kuͤchen vnd Haußhaltung.
O
Ben hab ich gesagt/ daß der gemeine
spiritus salis
auch in der Kuͤchen vnd Hauß- haltung zu etlichen Speisen/ an statt eines Essigs/ Agrests oder Limonien-Saffts koͤnne gebraucht werden. Nun ist noch uͤbrig zu lehren/ wie solches geschehe. Weilen dann so wol den Gesunden als Krancken damit gedient wird/ soll es nicht verschwie- gen bleiben.
Wann man ein jung Huͤnlein/ ein par Tauben/ oder ein Stuͤck Kalbfleisch da- mit wil abstofen/ so muß man so viel Wasser/ Butter vnd Gewuͤrtze darzu thun/ als man darbey haben will/ dann hernach den
spiritum salis
beygiessen/ viel oder wenig/ nach dem man gern sawer isset. Vnd wird also auff diese Weise das Fleisch viel eher muͤrb oder gar/ als sonsten ohne den
spiritum salis:
Vnd wann es schon ein alte Haͤnne/ oder Kuͤhfleisch were/ wird es doch so muͤrb als ein jung Huͤnlein.
Wann man solchen an statt eines Limonien-saffts bey dem Gebratens/ oder an- dern Speisen zu gebrauchen/ haben will/ so legt man nur Limonien-Schalen darein/ vnd stellets hin/ verdirbt nimmermehr.
An statt eines Agrests nur also allein gebraucht; so er aber zu sawer ist/ ein wenig Zucker darein gethan.
Will man Ochsen-fleisch damit einbeitzen/ daß es muͤrb werden als ein jung Hirsch- oder Reh-fleisch/ so solvire zuvor Weinstein/ vnd ein wenig Saltz darein/ be- feuchte das Fleisch damit/ leg es hin/ verdirbt nicht/ sondern wird muͤrb vnd gut. Soll es aber lang damit verwahret werden/ so muß man etwas Wasser beythun/ vnd das Fleisch mit Gewicht beschweren/ auff daß die Sultze solches bedecke: Also kan es so lang man will fuͤr verderben bewahret werden.
Deßgleichen koͤnnen auch alle Fruͤchten vnd Gaͤrten-gewaͤchse/ als Cucummern/
D iij
Pur-
Philosophischer Oefen
Purcell/ Fenchelu/ Ginstern/ deutsche Capern/ vnd dergleichen damit eingemacht wer- den/ verderben nicht/ vnd sind viel besser als mit Essig gethan. Auch kan man allerley Blumen vnd Kraͤuter gruͤn darinn verwahren lange Zeit/ also daß man den Winter Rosen vnd andere Blumen zeigen kan.
In Wein ein wenig davon gethan/ erhaͤlt denselben fuͤr Verderben lange Zeit.
In Milch ein wenig gegossen/ pr
æ
cipitiret den Kaͤß/ solcher wann er recht zusam- men gemacht wird/ verdirbt nimmermehr; kan auf Parmasan Art gemacht wer- den/ das Kaͤß-Wasser solviret Eysen: darinn gebadet/ heilet allerley Graͤtzen vnd vn- reine Haut.
Durch Huͤlff des
spiritus salis
kan von Honig oder Zucker ein guter Getranck ge- macht werden/ dem Wein nicht vngleich.
Deßgleichen kan man von etlichen Garten-fruͤchten mit zu-thun
spiritus salis
einen lieblichen Essig/ einem Rheinischen gleich/ machen.
Solche vnd dergleichen noch viel nuͤtzlicher Dinge koͤnte ich allhier setzen/ welche mit dem
spiritu salis
gethan koͤnnen werden/ will sich aber nicht geziemen alles gemein zu machen.
Neben diesem oberzehlten Gebrauch desselben ist er auch ein sonderbahres Mit- tel/ das Gold auß dem Kißlingstein/ Sand/ vnd andern Goldhaltenden Bergarten leichtlich/ vnd mit grossem Nutzen vieler Menschen/ herauß zu zichen/ fix/ vnd Corpora- lisch zu machen. Davon ein abfonderlichs Buͤchlein geschrieben/ darinn sich der guͤnsti- ge Leser ersehen kan.
Allhier hab ich nun etlicher massen erzehlt/ was man mit dem
spiritu salis
thun kan/ muß aber nicht verstanden werden/ als wann er sonsten zu nichts anders mehr dien- te/ vnd gebraucht koͤnte werden/ als was ich allhier erzehlt vnd beschrieben habe/ dann ich uͤmb der Kuͤrtze vnd anderer Vrsachen halben viel behalten: Vnd kan auch wol er- achtet werden/ daß mir nicht alles wissend vnd bekant ist: Hab aber gleichwol so viel An- leytung geben/ daß andere dadurch koͤnnen weiter kom̃en. Wer aber alles/ so damit koͤu- te gethan werden/ beschreiben wolte vnd doͤrffte/ haͤtte ein grosses Buch von thun/ wel- ches dann zu machen jetzunder meine Gelegenheit nicht ist. Es koͤnte aber die Zeit sol- ches villeicht auff einandermal zulassen: Sollen aber doch noch etliche schoͤne
Arcana,
welche durch Huͤlff dieses
Spiritus
koͤnnen gemacht/ im andern Theil dieses Buchs of- fenbaret werden: Wie nemblich derselbe dulcificirt wird/ daß er dem Gold vnd andern Metallen jhre Tinetur nur allein extrahirt/ vnd laͤßt das
Corpus
weiß vnd vnauff sol- virt ligen/ welche Tincturen dann die geringsten
Medicamenta
nicht seyn.
Weiln dann nun offentlich am Tag ist/ daß uͤberauß viel schoͤne Dinge damit koͤnnen gethan werden/ wer wolte dann nicht gern mit einer guten Quantitaͤt solches hochnuͤtzlichen
Spiritus
in fuͤrfallenden Occasionen zu gebrauchen/ in seinem Hauß versehen seyn? Insonderheit weil derselbige auff obbeschriebene Weise so leichtlichr zu erlangen ist.
CAP.
Erster Theil.
CAP. XXVI.
Wie man einen sauren
Spiritum
oder
Acetum
von allen
Vegetabilischen Dingen/ als Kraͤutern/ Hoͤltzern/ Wurtzeln/ Saamen vnd dergleichen machen soll.
L
Ege erstlich ein wenig gluͤende Kolen in den Ofen/ darnach das Holtz darauff/ wel- ches du distilliren wilt/ vnd las solches brennen: In dem das Holtz verbrennet/ so ge- het sein
Spiritus Acidus
davon/ wird in den Recipienten condensirt/ vnd in dem vnter- gesetzten Geschirꝛ auffgefangen: Welcher am Geschmack nicht viel anders ist/ als ein gemeiner Essig/ darumb er auch
Acetum Lignorum
genañt wird.
Vnd kan man auff solche Weiß von allen Hoͤltzern/ vnd andern Vegetabili- schen Gewaͤchsen/ ohne allen Kosten/ einen sauren
Spiritum
in grosser Quantitaͤt ma- chen/ dann es kostet gantz kein Fewer/ wann nur erstlich das Holtz mit ein wenig Kohlen wird brennend gemacht/ so zuͤnd hernach immer ein Holtz das ander an/ vnd kostet al- so ein solcher
Spiritus
nicht mehr als das Holtz allein/ welches ein grosser Vnderscheyd ist bey einer gemeinen Distillation welche
per Rctortam
geschicht. Dann erstlich der Vnkosten zum Retorten/ darnach zum Fewer muß gethan werden: Vnd wann man auß einem grossen Retorten einen Brand thut/ so bekompt man vngefaͤhr 1. Pfund
Spiritus,
darzu man zum wenigsten 5. oder 6. Stunde zu machen haben muß. Allhier aber darff ich das Holtz nicht klein machen/ sondern nur ein Stuͤck nach dem andern hineyn in den Ofen legen; wann solches verbraͤnd ist/ mehr nachgetragen/ vnd solches so lang continuiret/ bis man
Aceti
genug hat: Dessen man in einem Tag ohn allen Kosten vnd Muͤhe mehr als 20. oder 30. Pfund machen kan/ vnd ist solches
Acetum
zu vielen
operationibus Chymicis
nuͤtzlich vnd gut/ dann wann er rectificirt wird/ so greifft er gar gerne an alle
lapides
der Thieren vnd Fischen/ als Krebs-Augen/ Karpf- fen vnd Barschen-Stein/ Corallen/ Perlen/ vnd dergleichen/ so gut zu solcher Arbeit als ein
Acetum Vini.
Auch kan man die
Vitra Metallorum,
als
Saturni, Jovis, Antimonii,
damit solvi- ren vnd extrahiren/ vnd in gute suͤsse
Olea
bringen.
Sonsten ist solcher Essig fuͤr sich allein gut eingenommen/ macht sehr schwitzen/ in vielen Kranckheiten zu gebrauchen/ insonderheit der von Eychen/ Eben/ Buxsen/
Guajaco, Junipero,
vnd andern schweren Hoͤltzern gemacht. Dann je schwerer die Hoͤltzer sind/ je saͤwrer vnd staͤrcker jhre
Spiritus
davon werden.
Auch reinigt solcher Essig aͤusserlich alle Wunden vnd offene Schaͤden/ laͤßt sol- che nicht vnrein werden/ vnd heylet darbey/ loͤscht den Brand vom Fewer/ heylet die schaͤbigte vnd kraͤtzigte Haut/ sonderlich wann man darinn sein eygen Holtz zuvor kocht ehe mans gebraucht. Vnter warm Wasser gemischt/ vnd den gantzen vntern Leib darinn gebadet/ heylet verborgene Kranckheiten der Weiber/ auch boͤse loͤchrichte Schenckel/ vnd dergleichen mehr.
Were
Philosophischer Oefen
Were derhalben ein solcher
Spiritus
wol wuͤrdig/ daß man jhm eine Stelle in der Apotheken goͤnnete/ insonderheit weiln man auff solchen zu machen/ keinen Kosten an- wenden darff.
Wann man
Absinthium,
oder ein ander Kraut oder Holtz also in einen
Spiri- tum
distilliret bat/ so bleibt die Aschen vnten im Ofen liegen/ welche man mit warmem Wasser kan außlaugen/ verkochen zu einem Saltz/ hernach solches Saltz noch einmal mit seinem eygenen
Spiritu
oder Essig auffsolviren/ filtriren/ dephlegmiren/ vnd an ei- nen kalten Orth lassen cristallisiren/ so bekompt man ein schoͤnhell vnd klar Saltz/ nicht laugachtig/ sondern lieblich am Geschmack/ welches sich hernach nimmer in der Lufft solvirt/ gleich andere
Salia
thun/ wird auch viel kraͤfftiger/ weilen es mit seinem eygen
Spiritu in Cristallos
ist gebracht/ als wann es mit
Sulphure, Aquafort, Oleo Vitrio- li,
vnd dergleichen frembden
Spiritibus,
wie viel Laboranten vnd Apotheker im Brauch haben/ gethan were.
CAP. XXVII.
Ein
Spiritum
von Pappier vnd Lein-
wand zu machen.
W
Ann man kleine abschrepflein von leinen Tuch/ welche man bey den Kleyderma- chern kan versamblen lassen/ also auff die gluͤende Kohlen traͤgt/ so geben sie einen gantz scharpffen vnd hitzigen
Spiritum,
welcher die Haut/ Naͤgel vnd Haar gelb faͤrbet. Ist sehr gut erfrorne Glieder wiederumb damit zu recht zu bringen/ wie auch
in Gan- græna
vnd kaltem Brand: Deßgleichen
in Erysipelate
oder Roͤthe/ Tuͤcher darinn ge- netzt vnd uͤbergeschlagen/ vnd sonsten noch zu andern Dingen mehr.
Deßgleichen Wuͤrckung ist auch der
Spiritus
von Pappier/ darzu man die Ab- schnitzel bey den Buchbindern nehmen kan.
CAP. XXVIII.
Ein
Spiritum
von Seyden zu machen.
G
Leicher massen wie die Leinen/ also auch die von Seyden hingeworffene Stuͤck- lein koͤnnen distillirt werden/ geben einen
Spiritum
welcher nicht sehr scharpff ist/ auch nicht die Haut faͤrbet/ wie diese vom Pappier vnd leinen Thuch/ sondern ist heyl- samb in frischen vnd alten Wunden/ macht eine glatte Haut nach geschehener Heylung.
CAP. XXIX.
Ein
Spiritum
von Menschen-Haar/ vnd andern Thie-
ren-Haaren oder Hoͤrnern.
V
On den Haaren oder Hoͤrnern der Thieren wird auch ein
Spiritus
gemacht/ wel- cher aber sehr uͤbel stinckt/ daß man denselben nicht wol gebrauchen darff: Sonsten
ist er
Erster Theil.
ist er auch zu vnterschiedlichen Kuͤnsten dienstlich. Wann er rectificirt wird/ so wird er schoͤn klar/ am Geruch gleich einem
Spiritu Urinæ: Solvirt
den gemeinen
Sulphur,
vnd gibt ein Wasser/ welches alle Kraͤtzen schnell heylet an allen Orthen des Leibes. Solche zu machen/ dienen am besten darzu/ der Schneider hingeworffene Lappen von newem vngefaͤrbten wuͤllen Tuch/ deren man viel auff einmal in den Ofen stecken kan. Wann man Tuͤcher darein netzet/ vnd auff Pfaͤlen in den Weinbergen vnd Kornaͤckern auff- hencket/ so gehet kein Hirsch oder wild Schwein hineyn Schaden zu thun/ dann sie fuͤrchten sich fuͤr dem Geruch/ welchen sie weit riechen/ vnd vermeynen/ es sey ein Jaͤger bey der Hand/ von welchem sie geschossen moͤchten werden.
CAPUT XXX.
Essig/ Honig vnd Zucker in ein
Spiri- tum
zu distilliren.
W
Ann man fluͤssige Dinge/ als Essig/ Honig/ Zucker vnd dergleichen distilliren will/ so muß man Kohlen gluͤend machen/ vnd also gluͤend in den Essig werffen/ der Zucker vnd Honig muß zuvor mit Wasser solvirt seyn/ daß er von den Kohlen kan eingeschluckt werden/ darnach muͤssen solche Kohlen/ welche sich von dem
liquore
voll getruncken haben/ außgenommen/ vnd also ein Theil nach dem andern in dem Ofen verbrant werden/ in dem nun die Kohlen verbrennen/ so muß das uͤbrige vnverbrenn- liche uͤbergehen.
Vnd kan man also auff diese Weise alles was fluͤssig ist/ in grosser Quantitaͤt distilliren.
Der Essig ist eben solcher Natur vnd Eygenschafft/ als wann er in verschlossenen Geschirꝛen were distilliret worden.
Der Honig vnd Zucker aber wird etwas alteriret in seiner Krafft/ vnd bekompt andere Tugenden auff solche Weiß distillirt.
Wie aber Honig vnd Zucker sollen distilliret werden/ daß jhr Volatischer
Spi- ritus
darbey bleibt/ soll im andern Theil gelehrt werden. Sonsten werden auff diese wei- se alle fluͤssige
liquores
distilliret: Neinblich in gluͤende Kohlen getraͤnckt/ vnd also auff- getragen.
Vom Gebrauch des distillirten Essigs were viel zu schreiben/ weilen aber alle Chy- mische Buͤcher davon voll sind/ will ichs weiter nicht repetiren/ vnd die zeit damit ver- saͤumen. Doch ist dieses zu mercken/ daß ein scharffer Essig mit etlichen Metallen grosse Gemeinschafft hat/ solche zu extrahiren oder zu solviren/ vnd in gute Medicamenten zu bringen: Deren dann sehr viel durch Huͤlff eines Essigs koͤnnen gemacht werden/ wie in den Chymischen Buͤchern weitlaͤufftig vnd vielfaͤltig gefunden wird.
Weiters ist noch ein anderer Essig/ davon viel vnd offtmals in Philosophischen Buͤchern gedacht wird/ damit wunderbarliche Dinge
in metallicis
koͤnnen gethau wer-
E
den/
Philosophischer Oefen
den/ dessen Namen die Alten Allzeit mit fleiß verschwiegen haben/ davon ich aber all- hier nichts schreiben werde/ weilen solcher in diesem Ofen nicht kan gemacht werden/ soll aber im 2. Theil dieses Buchs zu lehren nicht vergessen werden/ doch also auff daß ich mich der
Philosophorum malediction
nicht theilhafftig macht.
CAPUT XXXI.
Wie man auß
Sale Tartari, Tartaro Vitriolato, Spiritu Salis Tartarisato,
vnd dergleichen fixen
Salien, Spiritus
machen soll.
E
S haben bißhero fast alle
Chymici
darfuͤr gehalten/ daß man nicht wol vom
Sa- le Tartari,
oder dergleichen fixen
Salien
einen
Spiritum
machen koͤnte; welches dann auch die Experientz beweiset/ wann man solche durch einen Retorten distilliren will/ daß man wenig oder gar nichts bekompt/ welches mir mehr als einmal wiederfahren ist/ ehe ich diesen Ofen erfunden hahe. Vnd ist dieses die Vrsach/ weiln man Sand/ Erden/
bolum,
Ziegel-Maͤhl/ oder dergleichen Dinge hinzu gesetzt hat/ in Meynung den zusam- men Fluß
Salis Tartari
dardurch zu wehren/ daß es also zertheilt desto eher in einen
Spiritum
gehen solte. Ist aber auß Vnverstand herkommen derer/ die davon geschrie- ben haben/ welche die Natur vnd Eygenschafft des
Salis Tartari
nicht gekant haben. Dann wann dem
Sali Tartari
ein steinaͤchtige Materi als Sand/ Kißling/
bolus,
oder dergleichen zugesetzt wird/ vnd zusammen die Waͤrme empfinden vnd gluͤen/ so haͤlt der Sand das
sal Tartari,
vnd vermischt sich also mit jhme so faͤst/ daß es vnmoͤglich ist/ daß vom
sale Tartari
ein
spiritus
kan uͤbergehen/ sondern wird ein harter Stein darauß. Dann Sand vnd seines gleichen mit
sale Tartari
eine grosse Gemeinschafft haben/ vnd sich zusammen sehr lieben/ also daß keins von dem andern gern will weichen. Doch ist es muͤglich mit einem besondern Hand-griff durch zuthun eines reinen Sands oder Kießlings/ daß das gantze
Corpus salis Tartari
in 1. oder 2. Stunden in einen
spiritum
sich verwandelt/ vnd uͤbersteigt/ wie im andern Theil dieses Buchs zu finden ist: Dersel- be gehet allen andern Medicamenten im
Calculo \& Podagra
weit fuͤr. Vnd wann er darnach disponiret wird/ daß ein
Caput Mortuum
uͤberbleibt/ so resolviret sich dasselbe in der Lufft in einen klaren
liquorem,
in welchem alle
Metalla,
so sie bereytet/ darein ge- legt werden/ in wenig Stunden putresciren vnd schwartz werden/ vnd auffwachsen als Baͤume mit Staͤmmen vnd Aesten/ wunderbarlicher Weise: vnd je laͤnger solche darinn wachsen/ je mehr sich solche verbessern.
Auß einem pallirten
Calce Saturni
vnd
sale Tartari,
wird ein graduirender
spi- ritus
distillirt wunderbarlicher Art vnd Eygenschafft/ so wol zur Mediein als zur Al- chymy. Auß dem
Capite Mortuo
wird
per deliquium
ein gruͤner
liquor,
damit Wun- derding koͤnnen gethan werden. Dadurch bewiesen wird/ daß
Saturnus
der geringste vn- ter den Planeten nicht sey.
Sapienti satis.
Et sic
Erster Theil.
Et sic fit Lac Virginis \& Sanguis Draconis Ph.
Diese
Solution
des pallirten
Calcis Saturni,
mit
sale Tartari,
ist im ersten Druck in meinem Abwesen ohne meinen Willen hierein gesetzet worden. Weilen aber solches geschehen/ so thue ich zu besserem Vnterꝛicht zu wissen/ daß ein sehr grosses Geheimnuß darinn verborgen sey/ welches der Feder nicht zu vertrawen ist. Weme es Gott goͤnnet/ der hat es/ darzu ich auch noch dieses setze/ desto eher etwas gutes darmit außzurichten: Nemblich/ daß alle vnfixe Mineralien darmit koͤnnen gezeitiget vnd figiret werden/ daß sie hernach viel Gold vnd Silber von sich geben: Vnd koͤnnen weiters auch noch viel wunderbarliche vnd nuͤtzliche Dinge darmit gethan werden/ welches in acht zu neh- men ist.
Die Pallirung des
Calcis Saturni,
ist nichts anders als ein
Vitrificatio,
sie ge- schehen gleich
per se
oder mit Kißling. Doch wann solcher in einen
liquorem
durch das
sal Tartari
soll gebracht werden/ so muß das
Vitrum
mit Sand oder Kißling ge- macht seyn.
Doch wird zu Zeiteu ein Erde oder
Bolus
gefunden/ welche kein Gemeinschafft mit
sale Tartari
hat/ vnd damit versetzt in einen
spiritum
kan getrieben werden/ aber sehr schwerlich. In diesem Ofen aber ist nichts so fix/ es kann darinn auffgetrieben wer- den/ dann die
Species
werden nit verschlossen/ sondern wann sie auff die Kohlen getra- gen werden/ zertheilen sie sich/ vnd werden von der Lufft durch das Fewer uͤber sich ge- trieben/ welche sich in den Recipienten abkuͤhlen/ vnd also behalten werden/ welches in einem verschlossenen Retorten nicht geschehen kan.
Wann man dann einen
spiritum
von
sale Tartari
machen will/ so darff man nichts zusetzen/ sondern den
Tartarum
nur zuvoren außgluͤen/ daß sein stinckendes Oel verbrenne/ vnd darnach also auff die gluͤende Kohlen tragen/ so geht alles in einen
spi- ritum:
Aber man muß glaͤserne Recipienten haben/ soll er behalten werden/ sonsten ge- het er durch.
Dieses ist nun die Weiß solche fixe
Salis
in dem ersten Ofen zu distilliren: Im an- dern aber welcher hernach folgen soll/ kan es leichter vnd besser geschehen/ da dann auch der
Usus
neben der Bereytung solches
Spiritus
mit soll offenbaret werden.
CAPUT XXXII.
Spiritus, Flores
vnd
Salia Mine- ralium \& Lapidum.
A
Vff diese Weise kan man auß allen Mineralien vnd
Lapidibus
ohne Zusatz einen
Spiritum
distilliren/ nemblich/ daß man nur das Mineral oder Stein/ es sey ein Kießling/ Crystall/
Talcum,
Gallmey/
Marcasita, Antimonium,
oder dergleichen/ klein pulverisiere/ vnd mit einem Loͤffel davon auff die Kohlen trage. So steigt zugleich ein sawrer
Spiritus,
ein Saltz/ vnd auch
Flores,
welche nach der
Distillation
mit Wasser
E ij
auß
Philosophischer Oefen
auß den Glaͤsern muͤssen geschwenckt/ vnd filtrirt werden/ so bleiben die
Flores
zuruͤcke in dem Pappier/ vnd das Wasser behaͤlt den sawren
spiritum
vnd
sal,
welche durch die Rectification von einander koͤnnen geschieden/ vnd ein jedweders zu seinem Ge- brauch verwahret werden.
Aber diß ist zu mercken/ wann die
Mineralia
auff diese Weise sollen einen
spiri- tum
geben/ so muͤssen sie nicht in dem Fewer gewesen seyn/ sondern also genommen gleich wie sie auß der Erden kommen.
CAPUT XXXIII.
Wie man alle Metallen vnd Mineralien
in Flores.
sublimiren soll: Vnd worzu solche dienen.
D
Ie
Flores
der Metallen vnd Mineralien seynd bißhero noch nicht im Gebrauch ge- wesen/ außgenommen die
Flores Antimonii
vnd
Sulphuris,
welche gern steigen/ seynd von den
Chymicis
gemacht worden. Andere fixere
Mineralia
vnd
Metalla
aber haben sie sich nicht vnderstanden zu sublimiren/ sondern haben dieselbe in Corꝛosivischen Wassern auffgeloͤßt/ vnd mit einem
contrario Menstruo,
oder
liquore salis Tarta- ri præcipitiret, edulcoriret
vnd getrucknet; Solches haben sie
Flores Metallorum
genant.
Meine
Flores
aber davon ich schreibe/ werden fuͤr ein solche
Materi
verstanden/ welche nemlich ohne
addition,
durch Gewalt des Fewers uͤbersich getrieben in ein leicht/ subtil vnd zart Pulver/ welches zwischen den Zaͤhnen nicht knirst/ noch in den Augen gespuͤret wird; welches meines erachtens fuͤr
Flores
koͤnnen angenommen wer- den/ hergegen die andern mehr corporalisch sind/ vnd koͤnnen so wol nicht außgesuͤßt werden/ siẽ behalten noch eine Saltzigkeit bey sich/ welches auß dem gewachsenen Ge- wichte nach der Bereytung kan gemerckt werden/ derohalben vntuͤchtig in die Augen/ oder andere zarte Oerter zu gebrauchen.
Hergegen aber diese/ welche durch Gewalt des Fewers seynd sublimirt worden/ haben nicht allein kein Saltzigkeit bey sich/ sondern sind auch darbey so rein vnd zart/ wann sie in den Leib werden genommen/ daß sie alsobalden jhre Krafft von sich geben/ vnd schnell operiren/ nach dem sie darzu ordiniret seyn. Vnd kosten auch nicht so viel zu machen als die andern/ vnd wird auch das Metall oder Mineral in solcher Subli- mation viel verbessert vnd gezeitiget/ vnd desto sicherer zu gebrauchen: Herge- gen die andere durch die
Salia
oder Corꝛosiven mehr verboͤsert/ wie die Erfahrung außweist.
Wie nun solche
Flores
gemacht werden/ will ich ordentlich von einem Metall zum andern beschreiben/ auff daß der Kunstsuchende desto weniger im machen fehlen vnd irten kan. Vnd erstlich:
CAP.
Erster Theil.
CAP. XXXIV.
Vom Gold vnd Silber.
G
Old vnd Silber in
Flores
zu bringen/ welches schier vnmuͤglich scheinet zu thun/ weilen sie von jederman darvor gehalten werden/ als gienge jhnen im Fewer nichts ab/ insonderheit dem Gold/ wann es gleich ewig darinn stuͤnde. Wahr ist es/ wann schon das Gold ein lange Zeit im Fewer stehet in einem Tiegel/ es gehet jhme nichts ab/ vnd dem Silber nicht viel/ es sey dann Kupffer/ oder ein ander Zusatz darbey/ welcher dann mit der Zeit davon verꝛaucht.
Nun ist es gleichwol moͤglich zu thun/ wann solche Metallen nur zuvor zerbro- chen/ vnd klein gemacht/ also daß sie koͤnnen auff das Fewer gezettelt werden/ so seyn sie zertheilt/ vnd das Fewer hat Gewalt darein zu wuͤrcken/ darzu der Lufft das seinige auch thut/ koͤnnen also in
Flores
sublimirt werden.
Weilen aber das Metall koͤstlich/ vnd der Ofen mit seinen Recipienten weitlaͤuf- fig ist/ so will ich niemand rathen/ daß er sein Gold also hinwerffe/ dann es vnmoͤglich ist alles wiederumb zu bekommen. Wer aber Lust darzu hat solche
Flores
zu machen/ der wird im 2. Theil einen andern
modum
finden/ wie solche ohne Abgang vnd Ver- lust des Metalls koͤnnen gemacht werden. Soll derhalben allhier darbey beruhen. Dann dieser Ofen dienet nur allein zu solchen Metallen vnd Mineralien welche nicht thewer seynd/ also daß man so grossen Schaden nicht leydet/ wann etwas verlohren ge- het. Ist solches nur darumb angezeiget worden/ auff daß man sehen koͤnne/ daß das Gold vnd Silber so fix nicht ist/ es kan noch sublimirt werden.
Andere Metallen aber lassen sich gar gern sublimiren/ doch eines lieber als das ander/ vnd wird bey den andern Metallen keine Vorbereytung gemacht/ dann wann solche nur granuliret vnd auffgetragen werden/ so geben sie
Flores.
CAP. XXXV.
Flores Martis \& Veneris.
N
Imb Eysen oder Kupfferfeylig/ zettel solche mit einem eysern Loͤffel auff die gluͤen- de Kohlen/ so steigt ein roter Rauch von dem
Marte,
vnd von
Venere
ein gruͤner/ vnd hencket sich an die Sublimirhaͤfen/ vnd wann das Fewer bald verbrand ist/ so wirff mehr Kohlen nach/ vnd darnach wieder Eysen oder Kupfferfeylig/ vnd continnire sol- ches so lang mit aufftragen/ bis daß du vermeynst
Flores
genug zu haben/ dann laß das Fewer abgehen/ vnd den Ofen kalt werden: Nimb die
Vasa distillatoria
ab/ kehre die
Flores
mit einer Feder herauß/ vnd verwahre solche/ dann sie sind treflich gut vnter
Un- guenta
vnd
Emplastra.
Innerlich gebraucht machen sie
Vomitus \& Sedes;
doch besser in der Wund-Artzeney zu gebrauchen/ denen nichts kan verglichen werden.
E iij
Wann
Philosophischer Oefen
Wann man
Venerem in spiritu salis
auffloͤst/ vnd mit
Oleo Vitrioli
pr
æ
cipl- tirt/ absuͤßt/ trucknet vnd sublimirt/ so bekompt man
Flores,
welche so bald sie kalt wer- den/ in der Lufft in einen schoͤnen gruͤnen
Balsamum
fliessen/ zu allen verderbten Wun- oben vnd offenen Schaͤden/ wie sie auch moͤgen genant werden/ ein koͤstlicher Schatz.
CAP. XXXVI.
Flores Saturni \& Jovis.
S
Aturnum \& Jovem
darff man nicht feylen/ sondern man legt nur davon ein Stuͤck auff die Kohlen/ setzt eine verglasurte erdene Schuͤssel mit Wasser vnter den Rost/ was durchfaͤllt/ hebt man mit einem eysern Loͤffel wiederumb auff/ traͤgt es auff die Koh- len/ so offt vnd viel/ bis das Metall gantz vnd gar in
Flores
ist sublimirt worden/ dann lassen erkalten/ vnd außgenommen/ gleich wie oben bey
Marte
vnd
Venere
gelehrt ist.
Diese
Flores
seynd sehr heylsam in newen vnd alten Wunden/ zu gebrauchen vnter
emplastra
vnd
unguenta,
dann sie trucknen viel mehr als wann das Metall in ein
Calcem
were gebracht/ welches auß dem Gebrauch befunden wird.
CAP. XXXVII.
De Mercurio.
D
En
Mercurium in Flores
zu machen ist keine Kunst/ dann er gar gern steigt/ aber auff oberzehlte Weise laͤßt er sich nicht sublimiren/ sondern springt vnd faͤllt durch die Kohlen. Wann man aber ja
Flores
davon wolte haben/ so muͤste man solchen zuvor mit
Sulphure
toͤden/ daß er koͤnte pulverisiret/ vnd also auffgetragen werden.
Wann man aber einen Tiegel in den Ofen setzt/ vnd solchen gluͤen laͤßt/ dann ein wenig
Mercurii vivi
nach dem andern mit einem Loͤffel hineyn getragen/ so fleugt er schnell darvon/ vnd ein Theil desselben gehet in ein sawer Wasser/ welches ich viel besser achte als
Flores:
Der uͤbrige
Mercurius
welcher nicht zu Wasser wird/ laufft wieder le- bendig in das
receptaculum:
Vnd muͤssen glaͤserne
Vasa distillato
r
ia
seyn/ dann in den Erdenen verlieret sich das Wasser/ vnd wird keines erlangt.
Mit solchem Mercurial-Wasser/ welches also
per se
gemacht/ were etwas zu kuͤnstlen/ vnd solte villeicht auch etwas guts darinn gefunden werden. Sonsten kan man solches aͤusserlich in allerhand Graͤtzen vnd Venerischen Schaͤden gebrauchen.
CAP. XXXVIII.
Flores
vom Zinck.
D
Er Zinck/ sonst Spenter genant/ ist gar ein wunder Metall/ vnd befindet sich in seiner Anatomirung/ daß es ein lauter vnzeitiger/ reiner/ guͤldischer Schwefel ist.
Wann
Erster Theil.
Wann er auff die Kohlen gelegt wird/ fleugt er also balden gantz vnd gar davon/ zuͤnd sich auch an/ vnd verbraͤnd sich auch zum Theil gleich als ein gemeiner
Sulphur,
doch mit einer andern Farb/ nemblich einer guͤldischen Pupur-Flamm/ vnd gibt gar schoͤne weise vnd leichte
Flores.
CAP. XXXIX.
Usus.
V
On diesen
Floribus
4. 5. 6. bis auff 12.
grana
eyngenommen/ treiben den Schweiß starck/ zu Zeiten aber machen sie auch
Vomitus
vnd
Sedes,
nach dem sie etwas der Natur widerwaͤrtiges finden. Eusserlich aber ist seine Wuͤrckung vnd Krafft uͤber die massen gros/ dann kein heylsamere
Flores
vnter allen koͤnnen gefunden werden/ welche nicht allein in frischen Wunden schnell zusammen ziehen/ vnd mit Bestand hey- len/ sondern auch in alten Waͤsserichten/ vnd allzeit rinnenden
Ulceribus
allen andern
Mecicamentis
weit vorgehen: Dann sie sind einer solchen grossen Truͤckne/ mit einer heylsamen Art/ daß sie auch mehr thun/ als man glauben solte. Vnd koͤnnen auff vn- terschiedliche Weise gebraucht werden/ entweder also trucken allein hineyn gestrewet/ vnd ein
Emplastrum sticticum
darauff/ oder mit gelaͤutertem Honig zu einem Saͤlb- lein gemacht/ vnd davon in die Wunden gelegt/ in tieffen Stichen vnd Wunden/ sol- ches hart gekocht/ Zaͤpfflein darauß gemacht/ vnd in die Wunden gesteckt/ mit einem
Emplastro
bedeckt/ vnd fuͤr der Lufft bewahret/ heylet auß der Tieffen herauß.
Auch kan man solche
Flores
vnter
Emplastra
mischen vnd malaxiren/ thun mehr als man meynet.
Solche
Flores
in ein Glaͤßlein mit Rosenwasser gethan/ oder nur in Regenwas- ser/ vntereinander geschwenckt/ bis daß das Wasser die
Flores
hat angenommen; Da- von alle Tage etlich mal mit einer Feder in rothe/ hitzige vnd rinnende Augen gethan/ bringet solche bald zu recht/ welche sonsten nach andern
Ophtalmicis
nicht haben lau- stern wollen.
Dieser
Florum
ein wenig in ein rein Tuͤchlein gebunden/ vnd den kleinen Kin- dern/ wann sie von dem
Urin
sind fratt vnd wund gebissen/ zuvoren mit Wasser abge- waschen/ vnd darein gebeutelt/ macht ein gantze Haut.
Deßgleichen wann sich Krancke haben loͤchericht gelegen/ daß die Haut durch ist/ davon sie viel Schmertzen leyden/ mit solchen
Floribus
gestrewt/ heylet bald/ vnd macht ein harte Haut.
Diese
Flores
lassen sich in allen Corꝛosivischen Wassern lieber solviren als kein Metall oder Mineral vnter allen/ vnd wollen die
Spiritus
in der Waͤrme nicht wieder davon/ sondern lassen nur ein
phlegma
fahren/ der
Spiritus
aber bleibt bey dem Metall/ vnd gibt also ein dick vnd fett Oel/ gleich wie oben bey dem
Lapide Calaminari:
Vnd kan solches Oel in allem gebraucht werden/ darzu diß vom Gallmey/ doch viel kraͤfftiger.
Vnd
Philosophischer Oefen
Vnd wann man dann durch Gewalt des Fewers solchen
Spiritum
wieder davon zeucht/ so ist er so starck/ daß man solchen bald nirgends bewahren kan. Vnd kan nicht allein ein
Spiritus Salis,
wie oben davon gesagt/ also starck damit gemacht werden/ son- dern auch ein
Aqua fort,
oder
Aqua regis,
daß man Wunderdinge damit außrich- ten kan/ insonderheit in Scheydung der Metallen/ allhier zu beschreiben nicht gehoͤrig; soll aber im 4. Theil dieses Buchs geschehen.
Auch darff man nicht allein die
Flores
zu solcher Arbeit haben/ weiln solches auch mit dem corporalischen Zinck kan gethan weren/ aber bey weitem nicht so wol als mit den
Floribus:
Dahero zu sehen/ daß das Metall in der
sublimation
einen hoͤhern Grad der Truckne uͤber kompt/ als er zuvoren gehabt.
CAP. XL.
Flores Antimonii.
D
As
Antimonium crudum in Flores
zu bringen ist keine grosse Kunst/ dann sol- che ein lange Zeit bey den
Chymicis
zu machen im Brauch sind gewesen/ doch ziem- lich thewer verkaufft worden/ weiln sie bey jhnen sehr muͤheselig zu machen waren: Hat derhalben sich niemand vnterstehen wollen etwas anders zu versuchen/ sondern ist dar- bey geblieben/ daß man solche nur allein zum vomiren gebraucht; davon 1. 2. 3. 4. bis auff 8. oder 10.
Grana
geben hat/ in Magen vnd Haupt-Kranckheiten ersprießlich be- funden/ wie auch in allen Fiebern/
Peste, Morbo Gallico,
vnd dergleichen Kranckhei- ten mehr: Sonsten haben sie nichts mehr mit jhnen wissen zu thun/ noch weiters darinn zu suchen sich vnterstanden. Vnd ist solches kein Wunder/ Weilen noch heutiges Ta- ges jhnen viel eynbilden/ es koͤnne nichts mehr gefunden werden/ weil die Alten/ vn- sere Voraͤltern/ so verstaͤndige vnd geschickte Leuhe gewesen/ vnd so etwas mehres were zu erfinden gewest/ haͤtte es nicht auff vns gewartet/ sondern waͤre schon vor laͤngst an Tag kommen: Welches doch eine gantz naͤrꝛische vnd vnfundirte Meynung ist/ als Wann GOTT der Allmaͤchtige alle seine Gaben auff einmal herauß auff die Alten geschuͤttet/ vnd den Nachkommelitzgen nichts haͤtte behalten wollen. Vnd erkennen solche Leuthe auch nicht die Natur in jhrer Arbeit/ welche nicht muͤd oder verdrossen wird/ sondern immer eins das ander fort treibt/ vnd ist also kein Auffhoͤren solcher Ver- aͤnderung.
Es sey nun diesem allem wie es wolle: Kuͤndlich ist es/ daß nun GOTT der All- maͤchtige in diesen letzten Zeiten solche Dinge offenbaret/ die zuvorn verborgen waren/ vnd wird solches nicht auffhoͤren bis zu dem Juͤngsten Tag.
Daß ich nun wiederumb zu meinem
proposito
komme/ vnd beschreibe/ wie man auff eine viel naͤhere Weise koͤnne
Flores Antimonii
machen/ auff daß man solche zu mehrerm vnd anderm Gebrauch/ als allein zum vomiren haben koͤnne/ so geschicht sol- ches also.
℞. Anti-
Erster Theil.
℞ Antimonii crudi pulverisati
so viel du wilt/ mach erstlich den Ofen wol heiß/ vnd gluͤend/ darnach trage mit einem eysern Loͤffel davon/ auff einmal ein Pfund mehr oder weniger/ sein von einander/ auff die gluͤende Kohlen gezettelt/ hineyn: So wird alsobalden dasselbige fliessen/ sich zwischen die gluͤende Kohlen vermengen/ vnd also we- gen der grossen Hitze durch die Lufft in die Recipienten getrieben/ in Gestalt eines weis- sen Nebels/ welcher sich dann daselbsten coagulirt in weisse
Flores.
Doch hat man dieses zu mercken/ wann die ersten Kohlen verbrand seyn/ vnd man mehr hernach legen muß uͤmb die
Sublimation
zu continuiren/ daß man solche allezeit zuvor anzuͤnde/ vnd gluͤend in den Ofen lege/ dann so solches nicht geschehe/ wuͤrden die
Flores
von dem kleinen Kohlen Gestuͤbe/ welches mit den Kohlen in den Ofen kompt/ vnd zugleich mit den
Flo- ribus
durch die Lufft erhaben wird/ etwas grawlicht werden. So man aber solche
Flo- res
also
perse
zu vomiren nicht gebrauchen vnd verwahren will/ so ist nicht daran ge- legen/ ob sie etwas graw sind/ darumb sie nicht desto geringer/ weilen die Grawheit jh- nen nur von einem Kohlenrauch herkompt/ vnd derhalben zu anderm Gebrauch nicht zu schewen. Wer aber darinnen ein Bedencken hat/ kan die Kohlen zuvor gluͤend ma- chen/ ehe er solche in den
sublimir
Ofen leget/ so wird er schoͤne weisse
Flores
be- kommen.
Vnd ist dieses auch zu observiren/ daß man das mitler Kohlen-Loch/ dadurch die Kohlen vnd
Antimonium
eyngetragen werden/ nimmer zu macht/ auff daß das Fewer genugsamb brennen kan/ sonst wuͤrden die
Flores
in den obersten
sublimir
-Haͤfen gelb vnd roͤtlicht werden/ wegen des
Sulphuris Antimonii,
welther hoͤher fleugt als der
Re- gulus,
welches man nicht zu besorgen hat/ so man Lufft genug gibt.
Vnd kan also auff diese Weiß mit 3. 4. oder 5. Pfund Kohlen in einer Stund ein Pfund
Florum
gemacht werden/ geht dem
Antimonio
gantz wenig ab/ nur allein von seinem anzuͤndlichen Schwefel wird etwas verbrand/ das uͤbrige geht alles in
Flores:
Doch muß man
sublimir
-Haͤfen genug auffeinander setzen/ damit die
Flores
Raum genug haben/ vnd uͤbersich fleigen koͤnnen.
Also auff diese weise kosten die
Flores
gantz wenig/ auch ein gantz Pfund nicht so viel als sonsten nur ein Loth/ welche in verschlossenen
sublimir
-Gefaͤssen durch die be- kandte Weiß seynd gemacht worden. Vnd seynd diese im freyen Fewer gemacht/ auch viel besser vnd sicherer zu gebrauchen/ als die andern: Dann diese nicht so
vehemen- te Vomitus
machen als die andern/ ja auch die jenigen/ welche in den vntersten Haͤsen gesamlet seyn/ gantz vnd garkeine/ sondern seynd diaphoretisch/ gleich als wann sie mit
Nitro
weren verpufft worden/ also werden sie durch das Fewer corꝛigiret/ vnd kan man also in einer
sublimation Flores
von vnterschiedlichen Wuͤrckungen außnehmen: Dann die in den vntersten Haͤfen seynd diaphoretisch/ in den mitlern vomitivisch/ in den oͤbern starck vomirend. Dann nach dem sie starck Fewer gelitten haben/ vnd hoch gestiegen/ nach dem seynd sie corꝛigirt/ vnd also vnterschiedene Kraͤfften erlangt/ da- von dann ein jedweder Art besonder kan bewahrt werden/ als nemlich die obersten vn-
F
ter
em-
Philosophischer Oefen
ter
emplastra,
oder kan ein dick
Butyrum,
oder andere
Olea
suͤß vnd corꝛowisch/ wie hernach gelehret wird/ darauß gemacht werden. Die mitlern zum Vomiren vnd Pur- giren; vnd die vntersten zum schwitzen; darzu sie dann viel besser sind als das
Bezoar- ticum Minerale,
oder
Antimonium Diaphoreticum cum Nitro
verpufft. Vnd glau- be ich nicht/ daß ein naͤherer Weg mit so wenig kosten Vomitivische vnd Diaphoreti- sche
Flores
zu machen koͤnte erfunden werden/ als dieser.
Was nun anbelangt jhren Gebrauch/ ist zu wissen/ daß die vomirende
Flores
nur starcken Leuthen/ welche das vomiren vertragen koͤnnen/ muͤssen gebraucht werden; Kindern vnd Alten aber mit Bedachtsamkeit/ gleich wie oben gelehrt/ davon dem
Bu- tyro Antimonii
geschrieben worden.
Die Schweißtreibende aber koͤnnen ohn alle Sorg vnd Bedencken/ Alten vnd Jungen/ Krancken vnd Gesunden/ in allen Kranckheiten/ da Schwitzen vonnoͤthen ist/ cyngegeben werden. Als in
Peste, Morbo Gallico, Scorbuto, Lepra, Febribus
vnd dergleichen: Ist gantz kein Gefahr darbey zu erwarten.
Dosis
von 3. 6. 9. 12. bis auff 24.
grana,
mit einem bequemen
vehiculo
genommen/ vnd im Betth wol zugedeckt/ darauff geschwitzt/ treibt viel boͤses durch den Schweiß vnd Vrin auß dem leib.
Weil aber der pur girenden
Florum
gemeinlich mehr seyn als der Schweißtrei- benden/ vnd man solcher nicht viel von noͤthen hat/ weil man viel
doses
von 1. oder 2. Vntzen machen kan/ hergegen die Schweißtreibende viel mehr gebraucht werden/ so ist vonnoͤthen/ daß man lehre/ wie man auß den purgirenden Schweißtreibende machen soll: Vnd geschicht solches auff dreyerley Weise/ die zweyerley habe ich oben gelehrt/ da ich von dem
Butyro
geschrieben/ welches mit
Spiritu Salis
auß den
Floribus
gemacht wird. Die dritte Weise ist diese/ daß man die
Flores
nur ohn allen Zusatz in einen Tie- gel thue/ solchen zudecke/ doch nicht verlutire/ auff daß keine Vureinigkeit hineyn falle/ solchen in ein lind gluͤ-Fewer gesetzt/ also daß sie nicht schmeltzen/ sondern nur dunckel gluͤen etiliche Stunden lang/ dann erkalten lassen/ so sind sie fix vnd diaphoretisch: Vnd wann solche schon gelb oder graw weren/ werden sie doch schoͤn weiß/ fix vnd schweißtrei- bend durch eine solche außgluͤung.
Weiters koͤnnen auch solche
Flores
gebraucht werden vnter
Emplastra Stictica,
dazu sie dann sehr gut seyn/ wegen jhrer trucknen Natur vnd Eygenschafft.
Auch kan man solche schmeltzen in ein gelb durchsichtig
Vitrum,
vnd ist kein leich- terer Weg das
Antimonium per se
in ein durchsichtig
Vitrum
zu bringen als dieser/ nemblich daß man das
Antimonium crudum
erstlich sublimire/ vnd darnach zu einem
Vitro
schmeltze. Die
Sublimation
ist allhier
loco Calcinationis,
vnd koͤnnen also leicht- licher zwantzig Pfund sublimiret werden/ als sonsten ein Pfund durch staͤtig ruͤhren zu einer Aschen gemacht: Vnd hat man allhier in meiner Ascherung gantz im gering- sten keine Gefahr wegen des Rauchs außzustehen/ weil man nur das
Antimonium
auff die Kohlen legt/ vnd geht davon/ laͤßt es sublimiren/ welches ein geschwinde vnd sichere Calculation ist: Hergegen man aber bey der andern/ welche durch uͤmbruͤhren
geschicht/
Erster Theil.
geschicht/ allezeit mit der Nasen darbey seyn/ vnd wann es sich conglobiret/ wiederumb klein reiben/ vnd also viel Wercks damit haben muß/ bis mans weiß bekompt. Allhier aber wird es auff einmal in der
Sublimation
weiß genug/ vnd noch viel weisser als wann es durch bekandte Weiß mit staͤtigem uͤmbruͤhren/ vnd offtermals reiben gesche- hen were.
Vermeyne derhalben dem jenigen/ welcher ein
Vitrum Antimonii
machen will/ einen guten Weg gewiesen zu haben/ welcher noch niemals ist an Tag kommen. Nun ich aber solchen habe offenbahret/ zweiffelt mir nicht/ es werde niemand so naͤrꝛisch seyn/ daß er sich laͤnger nach der Alten vnd lang bekandten Weiß mit uͤmbruͤhren/ vnd reiben/ schleppen vnd martelen werde/ sondern meine gute Lehre in acht nehmen/ vnd derselben nachkommen.
Auff diese Weise kan jhm ein
Medicus
gar leichtlich ohne grosse Muͤhe vnd Ko- sten/ seine
Flores vomitorios \& diaphoreticos,
wie auch ein
Vitrum per se
auß
Anti- monio
machen.
Auß diesen
Floribus
kan man auch liebliche vnd suͤsse/ wie auch corꝛosivische
Olea,
vnd andere gute
Medicamenta
machen; wie oben bey dem
Spiritu Salis,
vnd auch wei- ters im 2. Theil dieses Buchs zu finden ist.
Will nun jemand
Flores
auß dem
Regulo
machen/ welche dann schoͤner vnd besser sind als diese auß dem
Antimonio crudo
gemacht/ so kan er nur denselben pul- verisiren/ vnd gleich wie oben gelehrt/ weiters damit procediren/ gibt gar schoͤne
Flores,
vnd steigen eben so gern als die ersten.
Wie nun solcher
Regulus compendiose
soll gemacht werden/ wirstu im 4. Theil beschrieben finden. Vnd koͤnnen die Schlacken auch in
Flores
sublimiret werden/ also daß gantz nichts verlohren gehet.
So man aber
Flores
will machen/ welche sich in der Lufft in ein
Oleum
oder
Li- quorem
solviren/ so setze man nur calcionirten
Tartarum,
oder ein ander
Sal fixum Vegetabile
bey/ so bekompt man
Flores,
welche sich in allen
Liquoribus
solviren.
Will man aber rote
Flores
machen/ so wol diaphoretische als pur girende/ so setze man nur dem
Antimonio Martem
zu/ so werden sie beynahe/ so schoͤn als ein Zinober. Will man gruͤne
Flores
haben/ so setze man
Venerem
bey. So aber Gallmey zugesetzt wird/ gibts schoͤne Purpurfarbe
Flores.
Auff diese Weise kan man
Flores
machen/ von allen Mineralischen Geschlechten/ sie sind fluͤchtig oder fix/ sie muͤssen steigen/ wann sie auff das blosse Fewer kommen.
Vnd sind solche
Flores in Chirurgia
vielfaͤltig zu gebrauchen vnter
Emplastra
vnd
Unguenta,
dann sie sehr trocknen vnd zusammen ziehen/ insonderheit diese von Gallmey gemacht: Von
Marcasita Aurea, \& Argentea
auch nicht boͤs. Von
Arsenico
vnd
Auripigmento,
wegen jhrer gifftigen Natur nicht zu gebrauchen/ aber schoͤne Mah- ler-Farben werden drauß.
So man aber zuvoren das
Arsenicum
oder
Auripigmentum
mit
Nitro
verpufft/
F ij
vnd
Philosophischer Oefen Erster Theil.
vnd hernach sublimirt/ so seynd sie sicher im Leib zu gebrauchen/ damit durch purgiren vnd schwitzen alles verborgene Gifft auß dem Leib zu treiben. Dann sie bekommen zwey
Correctiones,
eine durch das
Nitrum,
vnd die ander in der
Sublimation
durch das starcke Fewer. Seynd derowegen gantz nicht zu schewen noch zu meyden/ weil sie zuvo- ren Gifft waren/ dann
Antimonium
ist fuͤr seiner Bereytung auch Gifft: Vnd je groͤs- ser die Gifft ist fuͤr der Bereytung/ je groͤsser ist die Mediein nach der Bereytung.
Flores Sulphuris
werden im 2. Theil gelehrt zu machen/ doch koͤnnen sie allhier auch gemacht werden/ wann man zuvor des Ofens Art vnd Natur hat lernen kennen/ vnd darinn geuͤbet ist zu sublimiren/ anders wuͤrde der
Sulphur
verbrennen/ vnd keine
Flores
geben.
Also kan man auch die
Lapides,
so sie zuvoren darzu bereytet seyn/
in Flores
subli- miren. Vnd was solcher Dingen mehr seynd/ nicht noͤthig mehr davon zu schreiben: Dann wer Lust darzu hat/ wird den Sachen wol weiter nachdencken vnd suchen.
Nun vermeyne ich/ daß ich klaͤrlich genug geschrieben/ wie man auß meinem er- sten Ofen distilliren vnd sublimiren soll: Wills derohalben darbey beruhen lassen: Wer mich nu versteht/ vnd den Ofen wol wird auffbawen vnd gebrauchen/ (darzu jhm der Abriß dienen muß) der wird gewißlich sehen vnd befinden/ daß ich ein gut Werck gethan hab/ vnd meinen Fleiß vnd Muͤhe/ welche ich daran gewand/ nicht verachten.
Dieses ist nun der beste Weg/ solche Dinge zu distilliren vnd sublimiren/ welche nicht verbrennen koͤnnen. Hernach im anderen Theil aber wirstu finden/ wie man alle Dinge in einem besondern Ofen distilliren soll/ welche verbraͤnnlich seynd/ vnd subtile
Spiritus
von sich geben.
Es kan zwar dieser erste Ofen noch zu mehr andern
Operationibus
gebraucht werden; Nemblich alle
Metalla
damit zu Anatomiren vnd zerlegen/
purum ab impuro separare,
vnd jhr
Sal Centrale
oder
Humidum Radicale
dadurch zu erlangen.
Weiln es aber nicht auff solche Weise hergehet/ nur auff brennende Kohlen ge- worffen/ gleich wie von
Floribus
vnd
Spiritibus
gehoͤrt/ sondern auff ein gantz andere Philosophische Art/ durch ein geheim vnd Secret-Fewer; vnd auch solches von den
Phi- losophis
allezeit verborgen ist gehalten worden/ will ich auch der jenige nicht seyn/ sol-
ches
Secretum
so klein achten/ vnd jedermann so leichtlich offenbaren vnd an Tag geben/ sondern andere auch lassen suchen/ ist genug daß ich den Weg gezeiget habe.
Ende deß Ersten Theils.
FURNI
A.
Der
Ofen mit seinem einge maüreken eisernē Distlier gefäs daran ein Recipiens ist accomodirt
B.
Der
Distillirer welcher mit der lincken hand den Dekel abnim̄t vnd mit der rechten seine Zugerichte Materi einträgt.
C.
Geskaldt des Distillier Gefässes
D.
Wie
dasselbige inwendig an zusehen ist.
E.
Ein anders, welches nicht eingemaůret sondern nůr aůff Kohlen stehel
.
FURNI PHILOSOPHICI,
Oder
Philosophischer Oefen/ Ander Theil:
Darinnen beschrieben wird des zweyten Ofens Eygenschafft/
dardurch/ oder damit man alle fluͤchtige subtile vnd verbrenn- liche Dinge distilliren kan; Es seyen gleich
Vegetabilia, Animalia
oder
Mineralia,
auff eine vnbe- kandte Weise/ sehr
compendiosè;
dardurch nichts verlohren wird/ sondern die allersub- tilste
Spiritus
damit koͤnnen gefangen vnd erhalten werden/ welches sonsten/ ohne diesen Ofen/ durch Retorten/ oder ander bekandte Distillir- Zeug vnmuͤglich zu thun ist.
CAPUT PRIMUM.
Von Vorbereytung des Ofens.
D
As Distillir-Gefaͤß muß bereytet werden auß Eysen/ oder
guter Erden/ welche in dem Fewer halten kan/ wie im 5. Theil dieses Buchs soll gelehret werden. Vnd auch so gros oder so klein als man will/ nach dem man solches von noͤthen hat; vnd kan das eyserne am bequemsten gebraucht werden/ zu solchen
Spiritibus,
welche nicht sehr scharpff oder corꝛosivisch seyn/ dardurch das Gefaͤß zerfressen wird: Das erdene kan gebraucht werden zu solchen Dingen/ welche das Eysen angreiffen vnd schmeltzen machen/ als
Sulphur, Antimonium,
vnd dergleichen/ darumb man von solchen Gefaͤssen zwey haben muß/ nemblich ein eysernes vnd ein erdenes/ auff daß man zu einer jedern Art Materialien zu distilliren/ sie seyen corꝛosivisch oder nicht/ seinen be- hoͤrlichen Ofen hab/ vnd nicht durch widerwaͤrtige vnd schaͤdliche dinge verderbt werde. Vnd ist das Gefaͤß also gestaltet/ gleich wie beygefůgte Figur zeigen wird/ nemlich vn- ten etwas weiter als oben/ vnd zweymal so hoch als weit/ oben mit einem Faltz darein der Deckel schleust eines guten Zwerg-Fingers tieff; der Deckel muß ein Ohr haben/
F iij
welches
Philosophischer Oefen
welches man mit einer Zangen fassen/ vnd also damit abnehmen/ vnd wie derumb drauff decken kan/ wann man will; vnd muß ein solcher Deckel auch ein Zarg haben/ damit er in den Faltz des vntern Theils schliesse/ der vnter Theil muß 3. Zapffen an der Seyten haben/ damit er auff der Mawren des Ofens ligen kan/ welcher Ofen nicht anderst als ein ander gemeiner Distillir-Ofen gestaltet ist/ darinnen das Distillir-Gefaͤß ligt/ gleich als ein Sand-Capell wie im Abriß zu sehen ist: Will man aber solches nicht ein- mawren/ sondern nur hinstellen vnd Kohlen darumb legen/ so darff es der Zapffen nicht/ sondern muß zu vnterst platt seyn/ oder Fuͤsse haben/ auff daß es stehen koͤnne: vnd gehet vnter dem Faltz ein Roͤhr herauß einer Spannen lang/ vnd ein oder zwey zwerch-Finger weit/ fornen etwas spitziger als hinden/ dardurch die
Spiritus
gehen koͤnnen.
CAP. II.
Modus distillandi.
W
Ann man nun distilliren will/ so macht man Fewer in den Ofen/ auff daß das Distillier-Geschirꝛ wol heiß werde; Ist es aber nicht eingemawret/ so setzt man sol- ches auff einen Rost/ vnd leget Steine darumb/ dann Kohlen darzwischen/ vnd laͤßt es warm werden/ vnd leget geflossen Bley in den Faltz/ auff daß/ wann der Deckel darauff wird gesetzt/ er darein dicht schliesse/ vnd keine
Spiritus
darneben außgehen koͤnnen: Wann solches geschehen/ so traͤgt man von der Materi/ welche man distilliren will/ ein wenig auff einmal hineyn/ setzt den Deckel drauff/ so ist anderst kein Außbang als durch die Roͤhren/ an welcher ein grosser Recipient muß lutiret seyn. So nun die einge- tragene
species
warm werden/ lassen sie jhren
Spiritum
von sich/ welcher dann in den vorgelegten Recipienten gehet; vnd weiln der eingetragenen Materiwenig gewesen/ so hat sie keinen Gewalt durch das
Lutum
zu dringen/ oder den Recipienten zu zerspren- gen/ sondern muß sich also setzen. Wann solches geschehen/ so trag wiederumb ein we- nig von deiner Materi hineyn/ decke wieder zu/ vnd laß also gehen/ biß sich die
Spiritus
gesetzt haben: Solches continuire mit eintragen/ so lang/ bis du
Spiritus
genug hast: Aber siehe zu/ daß du nicht mehr auff einmal eintraͤgst/ als der Recipient vertragen koͤn- ne/ sonst wuͤrde er zerbrechen: Vnd wann dein Gefaͤß voll ist/ von der eingetragenen Materi/ vnd mehr
Spiritus
haben wilt/ so hebe den Deckel ab/ nimb das
Caput mor- tuum
mit einem eysernen Loͤffel herauß/ vnd fang wiederumb an einzutragen/ allezeit nur ein wenig auff einmal/ vnd solches thue so lang du wilt.
Also kanstu in einem Tage mit einem kleinen Geschirꝛ mehr distilliren/ als mit ei- nem grossen Retorten/ vnd darffst dich nicht besorgen/ daß dir etwas von dem subtilen
Spiritu
verꝛieche/ oder dein Recipient von der Menge der
Spirituum
breche; vnd kanst auch auffhoͤren vnd wiederumb anfangen wann du wilt/ kan auch das Fewer nicht zu starck getrieben werden/ daß Schaden dardurch geschehe/ sondern kanst also die allersub-
tilste
Erster Theil.
tilste
Spiritus
machen/ welches durch keinen Retorten zu thun muͤglich ist. Dann wann man einen subtilen
Spiritum
durch Retorten distilliren will/ es sey von
Tartaro, Cor- nu Cervi, Sale Armoniaco,
oder dergleichen/ vnd wann auch nur einhalb Pfund der
Materi
darinnen were/ vnd anfaͤngt zu gehen/ so kommen die allersubtilste
Spiritus
mit Gewalt/ welche dann sich nicht stracks in den Recipienten legen koͤnnen/ suchen derhal- ben durch das
Lutum
zu dringen/ wann solches nicht gut ist/ so gehet er darvon/ wann es aber gut ist/ daß der
Spiritus
nicht dadurch kan/ so muß der Recipient brechen/ dann es vnmuͤglich ist/ so viel auff einmal solcher subtiler Geister zu fangen. Dann wann er anfaͤngt zu kommen/ so kompt er so starck/ mit einem solchen Gewalt/ daß der Recipient solche nicht fassen kan/ vnd derowegen springen muß/ oder durch das
Lutum
gehen las- sen/ welches aber allhier nicht geschehen kan/ weilen man nur ein wenig auff einmal ein- traͤgt/ welches dañ so viel
Spiritus
nicht geben kan/ daß sie den Recipienten zerstossen/ vnd wann keine
Spiritus
mehr gehen/ so traͤgt man wieder eyn/ vnd solches so lang vnd viel/ bis man
Spiritus
genug hat. Darnach nimpt man den Recipienten ab/ giesset den
Spi- ritum
darauß in ein solches Glas/ gleich wie bey den Handgriffen des 5. Theils dieses Buchs gezeiget wird/ darinnen er sich halten kan/ vnd vnverꝛochen bleiben muß.
Allhier kan ich auch nicht verschweigen/ wie daß etliche fleissige Maͤnner dieser Di- stillation weiters nach gedacht vnd befunden haben/ daß viel gutes darmit koͤnte auß- gericht werden/ wann sie wol angestellet wuͤrde. Derohalben mit sonderbarem Fleiß solche Instrumenten haben machen lassen/ vnd hie vnd dort etwas zuverbessern ver- meynet/ das Distillir-Gefaͤß veraͤndern/ aber gleichwol wieder zu meiner Beschreibung endlich tretten muͤssen. Also daß ich auch selber bis auff diese Stund solches noch nicht habe verbessern koͤnnen/ darbey es dann auch geblieben ist.
Auff solche Weise koͤnnen alle Dinge/ sie seyen Vegetabilisch/ Animalisch oder Mineralisch in diesem Ofen viel besser als durch Retorten distilliret werden: Insonder- heit solche subtile
Spiritus,
welche sonsten nicht koͤnnen in der Distillation behalten wer- den/ vnd durch das
Lutum
gehen/ werden allhier gefangen/ welche dann viel besser seyn als die schwere
Olea,
welche fuͤr
Spiritus
gehalten werden/ vnd doch keine
Spiritus
seynd/ sondern nur corꝛosivische Waͤsser. Dann ein
Spiritus
muß ein solche Natur haben/ daß er gantz volatilisch/ durchtringend vnd subtil sey: Welches bey dem
Spiritu Salis, Vitrio- li, Aluminis
vnd
Nitri,
gleich wie sie in den Apotheken verbraucht werden/ nicht hefunden wird/ dann sie nur schwere
Olea
seynd/ welche auch in der Waͤrme nicht verꝛiechen oder erhaliren.
Ein wahrer
Spiritus
aber/ der etwas
in Medicina
thun soll/ muß vor der
Phlegma- te
steigen/ vnd nicht hernach/ dann/ alles was schwerer ist als ein
Phlegma,
ist kein
Spi- ritus Volatilis,
sondern ein schwerer
Spiritus,
oder (besser genant)
Oleum acidum.
Da- hero man auch siehet/ daß der Apotheker
Spiritus Vitrioli
keine
Epilepsiam
curiren will; welches jhm doch zu thun zugeschrieben wird/ vnd billig: Ein wahrer
Spiritus Vitrioli
aber thut solches bald. Deßgleichen jhr
Spiritus Tartari,
wie sie jhn nennen kein
Spiritus
ist/ sondern nur ein stinckend
Phlegma,
oder Essig.
Wie:
Philosophischer Oefen
Wie man aber
spiritus
machen soll/ welche lebendig/ vnd mit der That beweisen daß sie
spiritus
seyn/ will ich nicht vnterlassen zu beschreiben/ weiln sehr viel guts in allen Kranckheiten damit kan gethan werden. Vnd dienet diese Weise zu distilliren nur de- nen/ welche gute
Medicamenta
suchen. Andere aber/ welchen nicht gros an gelegen ist/ ob jhre Medicin wol oder uͤbel bereytet sey/ duͤrffen so viel Muͤhe nicht anwenden/ ein solch Oefelein zu bawen/ vnd jhre
Spiritus
selbsten zu machen/ sondern koͤnnen allezeit uͤmb ein klein Geld viel tode vnd krafftlose
spiritus
bey deu gemeinen Laboranten vnd Apothekern erkauffen.
Dahero es auch kein Wunder ist/ daß so wenig jetziger Zeit mit Chymischen
Me- dicamentis
außgerichtet wird/ da sie doch von Rechts wegen alle Gallenische
Compo- sitiones
an Guͤte vnd Kraͤfften weit uͤbertreffen solten. Ist aber/ leyder/ so weit kommen/ daß sich ein wahrer
Spagyrus,
vnd frommer
Flius Hermetis
schier schaͤmen muß/ wann von Chymischen
Medicamentis
gesprochen wird/ weilen sie solche
Miracula
nicht thun/ wie von jhnen außgegeben wird. Vnd ist solches uͤbeln nachredens niemands mehr schuldig/ als vnachtsame
Medici,
welche zwar
Chymica Medicamenta
gebrauchen (dardurch mehr als andere zu wissen wollen angesehen seyn) aber jhre Kuͤchen jhnen mehr angelegen seyn lassen/ als der Krancken Wolfahrt; vnd uͤbel bereyte Medicamen- ten von vnerfahrnen Laboranten erkauffen/ auch dieselben noch darzu vnfuͤrsichtiglich gebrauchen/ dardurch sie offtermals mehr Schaden als Frommen den Krancken zufuͤ- gen/ vnd also der Edlen Kunst
Chymiæ
einen Schand flecken anhaͤngen.
Ein fleissiger
Medicus
aber schaͤmet sich nicht seiner
Medicamenta
(so es muͤglich ist) selber zu machen/ oder/ auffs wenigste/ durch gute vnd geuͤbte Laboranten zuzurich- ten: Darauff er sich dann besser verlassen/ vnd mehr Ehr eynlegen kan als ein ander/ welcher selber nicht weiß/ wovon oder wie seine Medicin/ die er den Krancken admini- striret/ zugerichtet sey. Aber solche vnbarmhertzige Priester vnd Leviten werden eins- mahls sehr kahl fuͤr dem Vrtheil des gerechten Samariters bestehen koͤnnen.
CAP. III.
Oleum acidum, \& Spiritum Vitrioli volatilem
zu machen.
N
Vnmehr habe ich gelehrt/ wie man in gemein distilliren/ vnd die subtile
Spiritus
fangen soll. Jetzt ist noch uͤbrig zu beschreiben/ was fuͤr Hand-griffe/ oder Vorberey- tungen zu einer jedwedern Materi gehoͤren/ vnd Erstlich:
CAP. IV.
Von dem
Vitriolo.
D
En Vitriol zu distilliren/ darff man keiner andern Vorbereytung/ als daß man solchen wol besehe/ vnd durchlese/ ob villeicht Vnreinigkeit darein kommen were/
vnd
Ander Theil.
vnd nicht solche zugleich mit in das Distillir-Geschirꝛ gethan/ dadurch der
Spiritus
verunreiniget wuͤrde. Wer aber noch reiner damit will uͤmbgehen/ kan solchen in reinem Wasser solviren/ filtriren/ vnd das Wasser wieder davon lassen abrauchen bis auff ein Haͤutlein/ darnach an einem kalten Orth/ wiederumb in einen Vitriol schiessen lassen/ so weiß man gewiß daß kein Vnreinigkeit darinnen ist.
Wann dann dein Geschirꝛ heiß vnd gluͤend ist/ so wirff mit einem eysern Loͤffel/ von deinem Vitriol 1. oder 2. Vutzen auff einmal hineyn/ setze den Deckel darauff/ so gehen alsobalde die
Spiritus
mit der
Phlegmate
uͤber in den Recipienten als ein weisser Nebel/ wann nun derselbe etwas vergangen/ vnd sich die
Spiritus
zum theil gesetzet ha- ben/ so trag mehr Vitriol hernach/ vnd solches thue so lang/ bis dein Gefaͤß voll ist/ vnd kein
Vitriolum
mehr hineyn kan. Dann hebe den Deckel davon/ vnd greiff mit einer Zangen oder eysernen Loͤffel hineyn/ nimb das
Caput mortuum
herauß/ vnd trag mehr eyn/ solches kanstu so lang thun/ als du wilt/ vnd wann das Geschirꝛ voll ist/ muß es all- zeit außgelaͤhrt/ vnd wiederumb von newem eyngetragen werden/ so offt vnd viel/ bis du
Spiritus
genug zu haben vermeynest. Dann las das Fewr außgehen/ vnd den Ofen kalt werden: Nimb den Recipienten davon/ vnd giesse das uͤbergestiegene in einen Re- torten/ lege solchen in eine Sand-Capell/ vnd distillir fein mit gelindem Fewr den
Spi- ritum volatilem
von dem schweren
Oleo:
Also/ daß der Recipient/ welcher den
Spiri- tum volatilem
empfangen soll/ wol an dem Retorten mit einem guten
Luto
versehen sey/ welcher solche subtile
Spiritus
halten kan/ wie bey den Hand-griffen im 5. Theil die- ses Buchs zu machen soll gelehrt werden.
Wann nun der Volatilische
Spiritus
aller uͤber ist/ welches zu mercken/ wann groͤsse- re Tropffen beginnen zu fallen/ so nimb den Recipienten darvon/ vnd vermach solchen mit Wachs gar wol/ daß der
Spiritus
nicht darvon fliehe/ vnd lege einen andern vor/ doch nicht lutirt/ vnd fange das
Phlegma
auch besonder/ so bleibt in dem Retorten ein schwartzes vnd schweres Corꝛosivisches
Oleum,
welches/ so man will/ man auch mir stor- cken Fewr uͤbertreiben vnd rectificiren kan/ so wird es klar/ wo nicht/ so las den Ofen kalt werden/ nimb deinen Retorten mit dem schwartzen
Oleo
herauß/ vnd giesse den
Spiritum volatilem,
welcher in der Rectisication zu erst ist uͤbergangen/ wiederumb darauff/ setze solchen in den Sand/ vnd lege einen Recipienten fuͤr/ vnd gib gar gelind Fewr/ so steigt nur allein der
Spiritus volatilis
uͤber/ vnd laͤßt seine
Phlegma
bey dem
Oleo,
welches dann solches/ wegen seiner Trockene/ gern behaͤlt; Also wird der
Spiritus
von aller
Phlegmate
entbunden/ vnd ist so starck als ein lauter Fewer/ doch nicht Cor- rosivisch. Vnd wann man solchen
Spiritum
nicht durch sein eygen Oel rectificirt/ so bleibt er nicht gut/ sondern es schlaͤgt sich ein rotes Pulver davon nieder/ wann er eine Zeu- lang gestanden hat/ vnd verliert der
Spiritus
all seine Kraͤffte/ also daß er nicht anders als ein gemeines Wasser zu erkennen ist/ welches nicht geschicht/ wann er rectificirt wor- den ist. Vnd ist die Vrsach solches Niederschlags nichts anders/ als die Schwachheit des
spiritus,
weiln solcher noch zu viel Wasser bey sich hat/ vnd nicht so starck ist/ sei-
G
nen
Philosophischer Oefen
nen
sulphur
bey sich zu halten/ sondern denselben muß fallen lassen/ welchen er aber her- nacher wol halten kan/ wann er durch sein eygen Oel rectificirt worden/ dardurch jhme sein uͤbrige Feuchtigkeit benommen worden ist. Das rote Pulver aber/ ist darumb nicht zu verwerffen/ sondern fleissig zu bewahren/ dann es nicht geringer ist/ als der
spiritus.
selbsten. Vnd ist solches Pulver anderst nichts/ als ein
sulphur volatilc Vitrioli;
hat wunderbarliche Tugenden/ davon etliche sollen erzehlt werden.
CAP. V.
Usus \& dosis sulphuris narco- tici Vitrioli.
V
On diesem
sulphure
1. 2. 3. 4. oder mehr
grana,
auff einmal nach Gelegenheit des Patienten/ stillet alle Schmertzen/ bringt einen ruͤhigen Schlaf/ nicht auff solche Weise als
Opium, Hyosciamus,
vnd dergleichen andere
soporifera stupefactiva,
son- dern er thut das seinige gantz mild vnd ruͤhig/ also/ daß man dabey im geringsten keine Gefahr/ gleich wie bey den
Optatis,
zugewarten hat: Vnd koͤnnen dadurch schwere Kranckheiten curiret werden: Davon
Paracelsus
sehr viel gehalten; wie zu sehen ist/ das er
de sulphure embryonato
schreibet.
CAP. VI.
De usu \& virtute Spiritus Vola- tilis Vitrioli.
D
Ieser
spiritus volatilis Vitrioli sulphureus,
ist einer sehr subtilen vnd durchdrin- genden Eygenschafft wunderbarlicher Wuͤrckungen/ dann/ so man darvon etliche Tropffen eynnimbt/ vnd darauff schwitzet/ so durch suchet er den gantzen Leib/ oͤffnet alle
Obstructiones,
verzehrt das boͤse im Leibe gleich wie Fewr das Holtz; Ist ein fuͤrtreff- liche Medicin
in Epilepsia, mania, suffocatione matricis, scorbuto, Melancholia hy- pochondriaca,
vnd andern Kranckheiten/ welche von
obstructionibus
vnd
putredi- ne sanguinis
herkommen: Ist auch gut
in peste,
vnd allen andern Febern zu gebrau- chen: Mit einem
spiritu Vini
vermischet/ vnd taͤglich davon genuͤtzet/ thut wunder in al- len aͤusserlichen Zufaͤllen: Auch
in Apoplexia, Contractura
vnd andern Kranckhei- ten der Nerven/ das schadhaffte Glied damit gerieben/ penetriret bis auf das Marck in den Beinen; erwaͤrmet vnd erquicket die verkalte vnd verstarꝛete Senen:
In colica,
neben innerlichem Gebrauch/ ein wenig mit einem Clistier applicirt/ hilfft alsobald: Machet schlaffen/ eyngenommen/ oder nur daran gerochen: Eusserlich auff das schmertz- haffte
Podagra
gestrichen/ legt die Schmertzen/ vertreibt alle Geschwulsten vnd
inflam- mationes:
Heylet die kraͤtzige Haut vor allen andern Medicamenten/ vertreibt Flech- ten/ Zitrachten/ vnd was dergleichen mehr fuͤr kriechende/ vnd uͤmb sich greiffende
Maͤn-
Ander Theil.
Maͤngel der Haut seynd: Heylet frische Wunden/ vnd alte Schaͤden/ als Fisteln/ Krebs/ Wolff/ vnd wie sie Nahmen haben moͤgen: Loͤschet allen Brand/ vertreibet
gangræ- nam,
dissipirt vnd consumirt die Knoten vnd Gewaͤchse der Haut.
In summa,
dieser
spi- ritus,
welcher von den alten Weisen/
sulphur Philosophorum
geneñet worden/ wuͤrcket
universaliter
in allen Kranckheiten/ vnd ist seine Krafft nicht genugsamb zu lob
e
n
vnd außzusprechen: Aber hoͤchlich zu verwundern/ daß eine solche herꝛliche Medicin/ jetziger Zeit so gar bey niemanden gefunden wird.
Vnter Brunn-Wasser gemischt/ macht solches lieblich/ saͤurlich/ vnd am Ge- schmack vnd Kraͤfften/ den natuͤrlichen Saur-Brunnen gleich.
Auch kan man durch diesen
spiritum
in seinem Hauß viel Kranckheiten/ welche sonsten in den Wild-Baͤdern curirt werden/ vertrieben.
Ich koͤndte wol allhier einen Proceß setzen/ wie man solchen
spiritum
in grosser Menge zu Baͤdern zu gebrauchen ohne Distillation erlangen koͤnte/ wunder Dinge da- mit außzurichten/ soll aber/ wegen der vndanckbaren Menschen willen/ auff ein ander Zeit bewahret bleiben.
Weilen dieser
spiritus
in
Copia
zu machen vielen Kracken dienen kan/ also habt ich auff Anhalten vieler denselben auch nicht laͤnger verschweigen koͤnnen/ vnd wird al- so bereytet:
Man fuͤllet ein glaͤserne oder erdene Retorten/ vngefehr den halben Theil mit Ey- sen feylig an/ vnd schuͤtter von nachfolgender Mixtur oder Wasser ein halb Ppfund darauff/ vnd legt den Retorten/ oder kuͤpffern Kugel mitten in den Schwitzkasten/ so ge- het auß eygener Krafft ein sehr penetrirlicher vnd subtiler
spiritus
auß der Mixtur in den Kasten/ welcher eben so wol solche Krafft beweiset an dem Patienten/ als wann er zuvoren distilliret vnd rectificiret in die Kugel were gethan worden: Vnd darff man also keine Muͤhe anwenden/ solchen zu rectificiren/ sondern kauffet nur 1. Pfund gemein
Olcum Vitrioli,
vnd schuͤttet 2. Pfund Wasser darein/ vnd gebrauchet solches auff Ey- senfeylig zu schuͤtten.
NB.
Vnd wann solches auff die Eysenfeylig geschuͤttet wird/ so arbeitet es darauff/ vnd wird gantz heiß/ vnd gibt also ein
spiritum
von sich/ vnd wird der Retorten/ oder kuͤpfferne/ oder eyserne Kugel gantz heiß davon/ welches ein Zeichen ist/ daß die Mixtur darauff arbeitet.
NB.
Vnd wann der Retort oder Kugel weiter an- fangt kalt zu werden/ so muß man mehr
aquam Vitrioli
zugiessen/ vnd weiter arbeiten lassen/ solches so offt repet irt mit zugiessen des
spiritus Vitrioli,
so lang der Patient in den Kasten sitzet/ auf daß der Retort allzeit warm bleibe/ vnd das Eysen
spiritus
von sich gebe. Vnd wann der Patient auß dem Bad ist/ so nimbt man den Retorten oder Kugel auch von dem Kasten/ vnd giesset die Nassigkeit davon/ gibt es nach Exhalirung
der uͤbrigen Feuchtigkeit/ einen
Vitriolum,
einem gemeinen Goßlarischen gantz gleich. Die Eysenfeylig aber/ welche in dem Retorten geblieben ist/ kan man nur darinn lassen/ vnd zu dergleichen Gebrauch be- wahren/ wann man wieder haden will.
G ij
CAP.
Philosophischer Oefen
CAP. VII.
Von des Corꝛosivischen
Olei Vitrioli
Tu-
gend vnd Gebrauch.
D
Ieses
Oleum
wird nicht viel in
Medicina
gebraucht/ wiewol solches fast in allen Apotheken gefunden wird/ damit sie jhre kuͤhlende Syrupen vnd Conserven bißwei- len etwas saͤuerlicht machen. Sonsten kan es vnter rein Brunnenwasser gegossen/ vnd davon in hitzigen Kranckheiten genossen werden/ loͤschet den vnnatuͤrlichen Durst/ vnd kuͤhlet die innerliche Glieder des Leibs. Eusserlich reiniget es alle vnreine Schaͤden/ mit einer Feder darauff gestrichen/ scheydet das Boͤse von dem Guten/ vnd macht einen reinen Grund zur Heylung.
Weiters koͤnnen auch etliche
Metalla,
(so es zuvoren rectificirt worden) damit solvirt/ vnd in jhre
Vitriola
gebracht werden/ Insonderheit
Mars
vnd
Venus,
doch muß gemein Wasser beygethan werden/ sonsten will es nicht gern angreiffen. Vnd geschicht solches also:
CAP. VIII.
Vitriolum Martis \& Veneris
zu machen.
N
Imb von deinem schweren
Oleo,
wie es uͤbergestiegen ist/ mit sampt seinem
Phle- gmate,
(doch daß zuvor der volatilische
Spiritus
davon distillirt sey) so viel du wilt/ vnd thue in einem Kolben oder andern Glas
laminas Veneris vel Martis
hineyn/ stell es in einen warmen Sand/ zu kochen/ so lang/ bis das
Oleum
von dem Metall nichts mehr solviren will/ dann gieß die
Solution
von dem uͤbergebliebenen Metall/ las solches durch ein graw Pappier lauffen/ vnd setze solche wiederumb in einen kurtz-abgenomme- nen Kolben/ in ein Sand-Capell/ las das
Phlegma
davon rauchen/ bis ein Haͤutlein oben auffkompt/ dann las das Fewr außgehen/ vnd das Glas erkalten/ stelle solches an einen kalten Orth/ so werden in etlichen Tagen schoͤne gruͤne Crystallen schiessen/ von Kupffer etwas hlawlecht/ solche nimb auß/ las dieselbe auff einem Maculatur-Pappier trucknen/ das uͤbrige/ welches zu einem Vitriol nicht geschossen ist/ kan wiederumb zu exhaliren in Sand gesetzt werden/ vnd also schiessen lassen/ so muß solches so offt repe- tirt werden/ bis alle solution zu einem
Vitriolo
worden ist. Solcher Vitriol nun/ ist viel reiner vnd besser/ als eingemeiner/ dann er einen bessern
Spiritum volatilem
gibt als der gemeine/ derentwegen allhier der
Modus
zu machen gesetzt ist. Mankau auch wol
einen guten
Vitriolum
auß diesen beyden Metallen/ durch gemeinen gelben Schwefel machen/ weiln er aber muͤhsamer als dieser zu ma- chen ist/ achte ich vnnoͤthig seine Bereytung zu beschreiben.
CAP.
Ander Theil.
CAPUT IX.
Wie man einen schoͤnen blawen
Vitriolum
auß
Luna
machen soll.
S
Olvire
Rasuram Lunæ
mit einem rectificirten
Oleo Vitrioli,
mit zuthun Was- sers/ doch nicht so viel als bey dem
Marte
vnd
Venere
geschehen: Oder/ welches noch besser ist/ solvire einen
Calcem Lunæ,
welcher auß dem
Aqua forti
entweder mit Kupffer oder Saltz-Wasser pr
æ
cipitirt ist. Wann nun dein
Oleum
genug solvirt hat/ vnd nicht mehr augreiffen will/ so giesse es ab/ vnd filtrir solches/ darnach giesse Tropf- fen weise einen
Spiritum Urinæ
oder
Salis armoniaci
hineyn/ so lang es brauset/ so wird sich dardurch beynahe alles Silber wiederumb auß dem
Oleo
pr
æ
cipitiren/ vnd also ein weiß Pulver zu Boden fallen; Solches niedergeschlagene Silber mit sampt dem
liquore,
gieß in ein
Phiol
-Glas/ setze solches zu kochen 24. Stunden in ein Sand- Capell/ so wird der
liquor
den gefallenen Silber-Kalck bey nahe allen wieder auff sol- viren/ vnd gantz blaw davon werden: Solche
Solution
giesse ab/ filtrir dieselbe durch ein graw Pappier/ vnd abstrahir die Feuchtigkeit davon
ad cuticulam,
las in der Kaͤl- te zu einem Vitriol schieffen/ mit dem uͤbrigen
liquore
verfahre weiters/ gleich wie oben bey der Bereytung
Vitrioli Martis \& Veneris
gelehrt worden.
Auff diese Weise bekompt man auß dem Silber einen herꝛlichen
Vitriolum,
wel- cher fuͤr sich allein zu 4. 5. 6. bis auff 10. Gran eyngeben/ ein gut
Purgans
ist/ sonderlich in allen Hirn-Kranckheiten zu gebrauchen.
So man aber dessen viel hat/ vnd einen
Spiritum
davon distilliret/ so bekompt man nicht allein einen
Spiritum acidum,
sondern auch einen
Volatilem,
welcher dann in Gebrechen des Hirus nicht zu verachten ist/ vnd kan das jenige/ welches in der Di- stillation zuruͤck bleibt/ wiederumb in ein
Corpus
reducirt werden/ also/ daß man von dem Silber nichts verlieret/ als was davon in einen
Spiritum
gangen ist.
Ferners pr
æ
cipitirt ein
Oleum acidum Vitrioli communis
alles/ es seyen
Me- talla
oder
Lapides
der Thieren vnd Fischen/ oder Perlen vnd Corallen/ welche
in spiri- tu salis
oder
Nitri
solvirt seyn/ vnd machet schoͤne leichte Pulver darauß/ welche von den Apothekern
Magisteria
genennt werden/ viel schoͤner/ als wann sie mit
Sale Tartari
we- ren pr
æ
cipitirt worden. Insonderheit wird auß den Corallen vnd Perlen/ ein so schoͤn leicht vnd glaͤntzend zart Pulver/ deßgleichen von Perlen-mutter/ oder andern Schne- cken haͤusern eben so schoͤn an Glantz/ als die schoͤnste Orientalischen Perlen; welcher
modus
bißher noch nicht gemein worden ist/ sondern nur von etlichen in grosser ge- heim/ als ein sonderbare Kunst gehalten worden/ weiln solche
Magisteria
in gemein/ auß dem
Aceto
nur durch
Sal Tartari
seynd niedergeschlagen worden/ welche dann bey weitem diesen an Leichte/ Weisse/ vnd schoͤnen Glantz nicht zuvergleichen seyn: So man aber an statt eines
Olei Vitrioli
ein
Oleum Sulphuris
nimpt/ so werden solche
G iij
Pulver
Philosophischer Oefen
Pulver noch einmal so schoͤn als durch
Oleum Vitrioli,
also/ daß sie auch die schwartzt Haut/ als ein
Cosmeticum
darauff gestrichen/ weiß zu machen gebraucht werden koͤnnen.
Allhier kan ich nicht vnterlassen/ weiln der Magisterien gedacht wird/ einen gros- sen Mißbrauch/ vnd Irꝛthumb/ welcher in Bereytung solcher Magisterien eyngerissen/ ein wenig zu entdecken.
Paracelsus
lehret in seinen
Archidoxis Magisteria
machen/ welche er extrahirte
Magisteria
nennet: Seine
Discipuli
zum theil aber/ lehren pr
æ
cipitirte
Magisteria
ma- chen/ welche den vorigen in allen gantz vngleich seyn.
Paracelsus
ist vil einer andern Meynung in Bereytung seiner Magisterien/ als andere in der jhrigen seyn: Ohne zweiffel seynd
Paracelsi Magisteria
gute hertz staͤrckende lebendige
Medicamenta
ge- wesen/ hergegen die andere tode
Corpora.
Vnd ob solche noch so schoͤn/ weiß vnd glaͤn- tzend seyn/ dennoch nur als ein grobe jrꝛdische krafftlose Materi befunden werden.
Ich bin nicht dargegen/ daß gute
Medicamenta
auß Perlen vnd Corallen/ wie ich selber/ derselben etliche zu machen beschreibe/ koͤnnen gezogen werden; Aber auff sol- che Weise vnd Wege gantz nicht. Dann/ was fuͤr eine Verbesserung solte man doch in solcher
Præparation
zu erwarten haben/ wann man ein steinichte Materi in Corꝛo- sivischen Wassern auffloͤset/ vnd wiederumb zu einem Stein pr
æ
cipitirt? Solte wol sei- ne Krafft auff solche Weise koͤnnen vermehret werden? Im geringsten nicht/ sondern nur dardurch verboͤsert. Dann bekand genug ist/ daß die Corꝛosivische
Spiritus
etliche Ding/ gleich als Fewer verbrennen; dann nicht alle Ding in Fewer oder Corꝛosiven verbessert werden/ sondern der mehren Theil darinn verdorben wird.
Moͤchte jemand sagen/ solche Bereytung der Magisterien geschicht nur darumb/ daß/ sie/ nemblich in ein desto zarteres Pulver gebracht werden/ desto geschwinder jhre
Operation
zu vollbringen. Darauff ich widerumb antworte; daß Perlen/ Corallen/ vnd andere dergleichen Dinge/ so sie einmal mit Corꝛosivischen Wassern auffgeloͤset/ pr
æ
cipitirt vnd abgesuͤsset werden/ sich nimmer/ oder aber schwerlich mit dergleichen
Spiritibus acidis
wieder wollen lassen auffloͤsen. Dahero zu sehen/ daß dieselben durch solche Bereytung nicht verbessert oder auffgeschlossen/ sondern vielmehr verboͤser: oder zugeschlossen worden seynd. Vnd wir auch taͤglich erfahren/ daß solche
Magisteria
nicht thun was jhnen zugeschrieben wird. Darauß genugfamb zu spuͤren/ daß solche viel we- niger als die vnbereyte Corallen vnd Perlen vom
archæo stomachi
angenommen wer- den: Hergegen aber/ die gemeine vnbereyte Corallen vnd Perlen (welchen jhre zarte
Es- sentia
noch nicht durch Corꝛosiven verbrand) offtermal viel gutes außrichten. Dann die Alten/ vnsere Vorfahren/ haben den Corailen vnd Perlen zugeschrieben/ daß sie das vnreine vnd corꝛumpirte Gebluͤt/ im gantzen Leibe reinigen/
Melancholiam
vnd alle Trawrigkeiten vertreiben/ das Hertz staͤrcken/ vndden Menschen froͤlich machen sol- ten/ welches sie dann auch kraͤfftig verꝛichten: Hergegen aber die
Magisteria
nicht. Vnd ist solches die Vrsach/ daß die vnbereyte Corallen/ Perlen/ vnd Fischsteine besser wuͤr-
cken/
Ander Theil.
cken/ als die verbrandte
Magisteria.
Dann offenbar/ vnd genugsamb bewust ist/ daß ocerzehlte Kranckheiten mehrentheils von
obstructionibus lienis
herkommen; wel- che
obstructiones
dann nichts anders seyn/ als ein
succus tartareus,
oder
pituita aci- da,
welcher die
viscera interna
eyngenommen/ vnd erfuͤllet/ vnd sich darinn coaguliret hat. Durch welche verstopffung dann/ nicht allein Haupt-Pein/ Schwindel/ Hertz- bochen/ Zittern der Glieder/
lassitudo spontanea,
viel
vomitus,
vnnatuͤrlicher Hunger/ auch Vnlust/ vnd Begierd zum Essen/ bald Kaͤlte/ bald fliegende Hitze/ vnd dergleichen viel wunderbarliche
Symptomata
entstehen: Sondern auch die gantze
massa sangui- nea,
in die aller-schaͤdlichste
putredinem \& corruptionem
gebracht wird/ davon
lepra, scorbutus,
vnd andere abschewliche Kraͤtzen herkommen.
Vnd ist also dieses Vnheyls/ wie gehoͤrt/ nur allein die Vrsach/ ein
tartarus cru- dus acidus,
durch welchen so viel schwere Kranckheiten entspringen.
Daß solches wahr sey/ ist gut zu beweisen. Dann bekand genug ist/ daß von den
melancholicis hypochondriacis
vnd andern/ offtermals ein ziemliche Quantitaͤt
humoris acidi
evomiret wird/ welcher so scharpff/ daß auch kein Essig dargegen zuver- gleichen/ davon jhnen die Zaͤhn vnbraͤuchlich werden/ gleich als wann sie viel sauer vnd vnreyffes Obst gessen haͤtten.
Was Rath nun?
Sublata causa tollitur morbus.
Koͤnte man solche
materiam peccantem
durch purgiren hinweg nehmen/ das were gut/ darnach sie aber nicht sehr laustert:
per vomitus
kan noch etlicher massen/ solche evacuirt vnd vermindert werden. Weil aber nicht ein jeder das vomiren vertragen kan/ so ist es auch nicht rathsamb auß auß einem uͤbel ein groͤssers zu machen. Soll man dann solchen
tartarum
mit
contra- riis
toͤden/ vnd zu nicht machen? Welches zwar etlicher massen geschehen kan; Als wann man
Vegetabilia
oder
Animalia
gebrauchet/ welcher Krafft in einem
sale vola- tili
bestehet: Als da seyn alle geschlechte der Kressen/ Senf-saamen/ Meerꝛetich/ Loͤffel- traut/ auch
Spiritus Tartari, Cornu Cervi, Urinæ,
vnd dergleichen mehr/ welche wegen jhrer penetrirenden Krafft/ alle
meatus
durchgehen/ vnd etlicher massen den
tartarum in microcosmo
angreiffen/ vnd zugleich als
contraria
jhre Feinde/ die
acida
suchen zu toͤden/ vnd in solchem Fechten entstehet von beyden widerwaͤrtigen Naturen ein grosse Entzuͤndung/ darvon der gantze Leib erwaͤrmet/ vnd zum Schwitzen gebracht wird/ vnd so offt ein Schweiß durch dergleichen contrarien gemacht wird/ so offt auch etwas von dem schaͤdlichen
Tartaro
getoͤdet wird. Weilen aber auff einmvl nur ein wenig solches
humoris acidi
durch widerwaͤrtige Volatilische
Spiritus
kan getoͤdet/ vnd suͤß gemacht werden/ vnd derhalben solches offt muͤste geschehen/ wann aller
tar- tarus
solte getoͤdet vnd außgetrieben werden; weilen auch/ wie gesagt/ allezeit ein star- cker Schweiß in der Operation entstehet/ dardurch die natuͤrliche Geister sehr ge- schwaͤcht werden/ vnd also der Patient solches die laͤnge nicht wuͤrde vertragen koͤnnen/ sondern durch Weg nehmung des einen uͤbels/ jhme ein anders vnd groͤssers moͤchte entstehen/ welches dann auch der beste Weg nicht ist.
Muͤssen
Philosophischer Oefen
Muͤssen derohalben solchem hungerigen
humori acido
dergleichen Ding darge- worffen werden/ daran er sich tod frißt/ vnd sein Corꝛosivische Art dardurch verlieret vnd suͤß wird. Doch muͤssens auch solche Ding seyn/ welche dem Menschen nicht entgegen oder schaͤdlich seyn/ vnd sonderlich grosse Lieb vnd Gemeinschafft mit den
acidis
haben/ als da seyn/ die Corallen vnd Perlen.
Dann vnter allen steinichten vnd Mineralischen Dingen ich keines kenne/ wel- ches sich lieber mit kleiner Corrosiv aufloͤsen laͤßt/ als die Perlen/ Corallen/ Krebs-au- gen/ vnd andere Stein der Fisch.
Daß es aber wahr sey/ daß sich ein jedweder Corꝛosiv an den Perlen vnd Coral- len tod fresse/ vnd dadurch suͤß werden koͤnne; darneben auch/ wie daß ein saurer
tartarus coagulatus
durch Huͤlff der Corallen oder Perlen/ wiederumb in ein suͤssen
liquorem,
vnd der Menschlichen Natur eine gantz annehmliche Medicin/ welche nimmer wie- derumb zu coaguliren moͤglich/ koͤnne gebracht werden/ soll kurtz hernach/ da ich von dem
Tartaro
schreibe/ bewiesen vnd gelehrt werden.
Wann dann nun eine solche Kranckheit vorhanden/ an welcher gespuͤret wird/ daß ein
pituita acida
den andern
humoribus
pr
æ
dominirt/ dardurch
coagulationes tartareæ
vnd
obstructiones viscerum
entstehen/ so ist kein bessers
remedium,
als allt Tag nuͤchtern mit laͤhrem Magen/
à scrupulo semis ad drachmam unam,
nach Gele- genheit des Patienten/ mehr oder weniger/
corall. rub. vel perlarum pulver.
eynge- nommen/ vnd 2. oder 3. Stund darauff gefastet/ vnd solches continuirt bis zur Besse- rung: Dadurch dann der schaͤdliche
humor acidus
sich an den Corallen tod arbeitet/ alle seine schaͤrpffe verlieret vnd suͤß wird/ vnd genugsamb von der Natur hernach kan uͤber- wunden vnd außgetrieben werden/ dardurch die
obstructiones
eroͤffnet/ vnd die Kranckheit benommen wird.
Diese meine Meynung vom Mißbrauch der Magisterien vnd gutem Brauch der Corallen/ hab ich zu beschreiben nicht koͤnnen vnterlassen/ wiewol ich gewiß weiß/ daß es von dem wenigern Theil (weil es jhnen frembd wird fuͤrkommen) angenommen werden wird: Gleichwol moͤchten noch einige seyn/ welche die Warheit zu vntersuchen keinen Verdruß haben/ den Dingen weiter nach-dencken/ vnd endlich finden werden/ daß die Sache so frembd nicht ist/ als sie zu seyn scheinet: Wer es aber nicht glauben oder begreiffen kan/ der mag bey seinen
magisteriis
bleiben.
Will es dann ja jemand frembd zu seyn beduͤncken/ daß pulverisirte Corallen oder Perlen im Magen zerschmeltzen/ vnd jhre Krafft beweisen sollen? Was wuͤrde er dann sagen/ wann ich beweise/ daß vnpulverisirte Perlen vnd Krebsen-stein/ wie auch run- de Koͤrner von Corallen eyngenommen/ gantz vnd gar von dem
humore melancholi- co
verzehret werden/ also/ daß davon mit den
excrementii
nichts wiederumb außkompt? Vnd was noch mehr ist/ auch harte vnd
compacta metalla,
als Eysen vnd Speanter oder Zinck nicht dargegen bestehen koͤnnen: Vnd geschicht aber solches nur allein bey den
Melancholicis:
bey den
Sanguineis
vnd
Phlegmaticis
aber so viel nicht/ welche es
auch
Ander Theil.
auch selten pflegen vonnoͤthen zu haben. Dann ich vielmal gesehen/ daß starcken Leuten/ gegen
obstructiones, à serupulo semis ad drachmam unam,
auff einmal
Rasuræ Mar- tis
ist eyngegeben worden/ welchen es uͤber die massen wol bekommen ist/ vnd vielmehr Huͤlff (als durch andere thewre
Medicamenta
der Apotheker/ deren sie zuvoren viel ver- geblich genossen hatten) dardurch erlanget haben/ vnd seynd die
excrementa
kolschwartz von jhnen kom̃en/ gleich wie bey denen geschicht/ welche die medicinalischen Sawerbrun- nen gebrauchen/ die durch Eysenberg lauffen/ vnd ein spiritualische mineralische Krafft dadurch erlangt haben.
Wann dann nun solche
Rasura Martis
im Magen nicht verzehret wuͤrde/ wovon solten dann die
excrementa
schwartz worden seyn? Dahero genugsamb bewiesen/ daß auch ein hartes vnbereytes Metall im Magen kan verzehret werden: Warumb dann nicht auch weiche Perlen vnd Corallen?
Welches auch bey den Kindern zu sehen/ welche Wuͤrm haben/ wann jhnen rei- ne Abfeylich von Stahl oder Eysen zu 4. 6. 8. bis auf 12. oder 16. Gran eyngeben wird/ daß jhnen alle Wuͤrm un Leibe davon getoͤdet/ vnd Magen vnd Daͤrm davon sauber gereinigt werden/ auch kol-schwartze
sedes
davon haben.
Dieses aber muß bey den Kindern gemerckt werden/ wann die Wuͤrm getoͤdet/ vnd dannoch in den Daͤrmen ligen bleiben/ weilen
Mars
in kleiner
dosi
nicht starck ge- nug operirt solche auß-zutreiben/ sondern nur allein laxirt/ so kan man darauff ein
pur- gans
gebrauchen/ auff daß solche auch außgefuͤhret werden/ vnd nicht ligen bleiben/ darauß dann andere wiederumb wachsen: Bey alten Menschen aber kan man den
do- sin
desto staͤrcker geben/ als
à scrupulo uno ad drachmam unam,
auff daß die Wuͤrm auch zugleich außgefuͤhrt werden/ welche es dann auch besser/ als die kleine Kinder ver- tragen koͤnnen/ ob schon ein
Vomitus
mit vnter laufft/ schadet jhnen nichts/ sondern wer- den nur desto gesunder darauff.
Kan also
Mars
nicht allein gegen Wuͤrme/ bey Jungen vnd Alten/ sondern auch gegen alle Magenfieber/ Haupt-pein/ vnd
obstructiones
des gantzen Leibs/ ohn alle Gefahr/ als eine der natur gantz annehliche Medicin/ gluͤcklich adhibirt werden/ (dann er gewaltig magnetischer Weise das boͤse im Leibe zu sich ziehet/ vnd mit sich auß- fuͤhret: Von dessen wunderbarlichen Krafft vnd Natur/ in meinem Buͤchlein
de Sympathia \& Antipathia rerum,
weitlaͤufftiger gehandelt wird) welches etliche
Medi- ci
gemercket/ vnd solchen durch Kunst zu verbessern gemeynet/ aber solchen dagegen ver- dorben vnd krafftlos gemacht haben. In deme sie ein Stuͤck Stahl gantz fewrig ge- macht/ vnd gegen ein Stuͤck gemein Schwefel gehalten/ dadurch der Stahl fluͤssig wor- den/ vnd Tropffen-weise in ein Geschirꝛ mit Wasser gefuͤllt/ empfangen/ gesamblet/ ge- trucknet/ pulverisirt/ vnd gegen
obstructiones
gebraucht worden/ aber meist vergeb- lich/ dann der
Mars
durch den
Sulphur
also veraͤndert/ vnd in ein vnsolvirlich Wesen/ (welches nicht geschehen sollen) ist gebracht worden/ darumb es nicht hat operiren koͤn- nen: Haͤtten sie aber den Stahl solvirlicher gemacht/ da sie jhn vnsolvirlicher als er zu-
H
vorn
Philosophischer Oefen
vorn war machten/ dann haͤtten sie ein gut Werck gethan/ dann/ wer den
Sulphur
ken- net/ der wird wol wissen/ daß er mit keinem
aqua forti,
oder
aqua regis
kan solviret werden: Wie wolte er dann durch einen Animalischen
humorem
verzehret werden koͤnnen?
Dieses sey nun genug bewiesen/ daß bey etlichen Menschen/ insonderheit bey den
Melancholicis,
ein
humor acidus
sey/ welcher alle leicht solvirliche Metallen vnd
lapi- des
genugsam solviren koͤnne/ vnd derhalben nicht noͤthig sey/ daß Perlen/ Corallen/ oder jhres gleichen/ zuvorn durch Corꝛosivische Wasser gemartelt/ ehe sie administrirt werden: Sondern/ daß der
Archæus stomachi
uͤber solche leicht solvirliche Dinge/ die- selben zu erlegen/ das jenige das jhm dienet/ zu sich zu nehmen/ vnd das uͤbrige von sich zu stossen/ durch huͤlff offtermeldter Humoren/ Meister genug sey.
Daß es aber mit allen Metallen vnd
lapidibus
also muͤsse verstanden werden/ ist meine meynung allhier nicht/ sondern mir wol bewust/ daß andere Metallen vnd Stei- ne (etliche außgenommen) ohne vorhergehender Pr
æ
paration/ zur Mediein vntuͤch- tig/ sondern ehe solche den Krancken administrirt werden/ erstlich darzu bequem ge- macht werden muͤssen. Vnd ist solches nur darumb angezeigt/ daß man sehen kan/ wie bißweilen ein gutes Wesen (solches in Meynung zu verbessern) von Leuten/ welche der Natur/ vnd jhrem Vermoͤgen nicht gruͤndlich nach-dencken/ verboͤsert vnd ver- derbt wird.
Will verhoffen/ es werde mir solche Erimmerung niemand fuͤr uͤbel auffnehmen/ dann ich solches nicht/ dardurch eine eytele Ehr/ sondern meines Nechsten Nutzen zu suchen gethan habe.
Lasset vns nun wiederumb zum
Vitriolo
schreiten.
CAPVT X.
De Oleo Vitrioli dulci.
E
S wird bey den Alten eines suͤssen gruͤnen
Olei Vitrioli
gedacht/ welches
Epi- lepsiam
curiren/ auch die Wuͤrme toͤden/ vnd andere gute Tugenden vnd Kraͤfften mehr haben soll: Auch solte solches
oleum per descensum,
wie sie schreiben/ destillirt werden.
Solches
Oleum
zu erlangen/ haben die juͤngere
Medici
viel Fleiß angewandet/ aber alles vergeblich: Dann sie der Alten Meynung/ in Bereytung dieses
Olei,
im ge- ringsten nicht verstanden/ sondern gesucht/ solches durch Gewalt des Fewers zu distilli- ren/ haben aber kein suͤsses
Oleum,
sondern ein sehr saures vnd Corꝛoswisches bekom- men/ welches dem vorigen an Geschmack/ Krafft vnd Tugenden gantz nicht zu verglei- chen war.
Eben wol haben sie dem jhrigen solche Tugenden zugeschrieben (doch faͤlschlich)
wie
Ander Theil.
wie die Alten dem jhrigen mit Warheit gethan haben. Aber die taͤgliche Erfahrung weiset vns/ daß solches
Oleum Vitrioli,
wie es in gemeyn gefunden wird/ keine
Epi- lepsiam
curirt/ noch die
lumbricos
toͤdet; hergegen dieses/ solches schnell vnd bald ver- richtet. Dahero zu sehen/ daß jenes dem wahren medicinalischen
Oleo Vitrioli
im ge- ringsten nicht gleich ist.
Ich muß zwar bekennen/ daß
per descensum,
auß dem gemeinen
Vitriolo,
durch Gewalt des Fewers/ ein gruͤnlechtes
Oleum
kan getrieben werden/ welches aber dar- umb nicht besser als ein anders; weilen es eben von solchem scharpffen Geschmack vnd etzender Krafft/ als were es durch Retorten distillirt/ befunden wird. Die jenigen aber/ die solches gefunden/ als
Paracelsus, Basilius,
vnd noch andere wenige mehr/ allzeit sehr viel darvon gehalten/ vnd als eine der vier Haupt-saͤulen der gantzen Medicin billich geacht haben. Dahero
Paracelsus
außtruͤcklich meldet/ in seinen Schrifften/ daß jhme seine gruͤne durchs Fewer (welches ein kleine Waͤrme thun kan) nicht muß benommen werden/ dann (sagt Er) so jhme seine gruͤne benommen wird/ so wird jhme auch zu- gleich seine Krafft vnd liebliche
Essentia
entzogen. Darauß genugsamb zu mercken/ daß ein solches suͤsse gruͤnes
Oleum,
nicht durch Gewalt des Fewers muͤsse gemacht wer- den/ wie bißhero von vielen vergeblich geschehen ist.
Auch ist wol zu glauben/ daß die Alten/ welche das
Oleum Vitrioli
so hoch geruͤh- met/ villeicht von solcher
destillation,
wie nun bey vns im Brauch ist/ nichts gewust: dann sie mir schlecht vnd gerecht der Natur nach gangen/ vnd so vielerley subtile vnd kuͤnstliche
inventiones,
vnd
Modos destillandi
nicht gehabt haben.
Dieses nun alles hindan gesetzt/ gleichwol ist es gewiß/ daß ein solch suͤsses vnd gruͤnes
Oleum
auß dem
Vitriolo
durch Gewalt des Fewers nicht kan gemacht wer- den/ sondern vielmehr durch purlficiren auff eine sonderbare Weiß muͤsse geschehen; weilen die Alten offtermals ein
purification
an statt einer
destillation
genommen ha- ben: Wie zu sehen/ wann sie sagen/
destilla per filtrum, sive chartam emporeticam:
Welches bey vns fuͤr kein
destillation
gehalten wird/ bey jhnen aber gleichwol dafuͤr ge- halten worden.
Es sey nun dem allem/ wie jhm wolle/ gewiß vnd wahr ist es/ daß ein grosser Schatz zur Gesundheit des Menschen im
Vitriolo
verborgen stecket: Aber nicht in dem gemeynen/ wie er allenthalben verkaufft wird/ vnd schon die Hitze des Fewers erlitten hat; sondern in seiner
Minera,
gleich wie sie in der Erden gefunden wird. Dann so bald sie an den Tag kompt/ kan derselben durch eine warme Sonnen-Hitz jhr subtiler vnd penetrirlicher Geist benommen/ vnd krafftlos gemacht werden. Welcher Geist dann/ so er durch Kunst davon gebracht wird/ viel lieblicher als Bisam vnd
Ambra
raͤucht/ darob sich zum hoͤchsten zu verwundern ist/ daß in einem so vnachtsamen minerali- schen groben Wesen/ (gleich es von den Vnverstaͤndigen geacht wird/) eine solche Koͤ- nigliche Medicin zu finden sey.
Solche Bereytung nun/ gehoͤret hieher nicht/ insonderheit/ weilen allhier nur von
H ij
Spiri-
Philosophischer Oefen
Spiritibus,
welche mit Gewalt des Fewers muͤssen uͤber-getrieben werden/ gehandlet wird. Deßgleichen gehoͤret auch nicht hieher die
præparation
des gruͤnen vnd suͤssen. Oels/ dann es ohne zuthun des Fewers gemacht wird. Weil aber derselben allhier er- wehnet worden/ will ich solches/ das ich doch allezeit in geheim gehalten/ den armen Krancken zu lieb allhie an Tag geben/ verhoffentlich/ es werde manchem Krancken zum besten gedeyen.
Dann es/ soes wol bereytet ist/ nicht allein ein jedwedere
Epilepsiam,
bey Jun- gen vnd Alten von Grund auß curirt/ oder auch alle Wuͤrme/ in- vnd ausser dem Leibe/ schnell ohne Faͤhler toͤdet/ gleich jhme von den Alten mit Warheit zugeschrieben ist; son- dern es koͤnnen auch noch viel langwuͤrige/ vnheilbare geachte Kranckheiten/ damit gluͤcklich vertrieben werden: Als
pestis, pleuritis,
allerhand
febres,
wie sie auch Na- men haben/ Haupt-pein/
colica,
Auffsteigen der Mutter/ wie auch alle
obstructiones
des gantzen Leibes/ insonderheit des Miltzes vnd der Leber/ dardurch
melancholia hy- pochondriaca, scorbutus,
vnd viel andere vnleydliche Kranckheiten entstehen; Auch wird das Gebluͤt im gantzen Leib damit corꝛigirt/ vnd renovirt/ dadurch die abschew- liche Kranckheiten/ als
morbus gallicus, lepra,
vnd andere dergleichen Beschmeissun- gen des Gebluͤts entstehen/ leichtlich curirt werden: Deßgleichen heylet es auch alle of- fene Schaͤden/ als stinckende fistulirte
ulcera,
am gantzen Leibe/ wovon sie auch ent- standen seynd/ gantz sicherlich; wann nemblich/ dieselben damit bestrichen werden/ vnd auch dabey innerlich gebraucht wird/ mit Verwunderung.
Solche vnd andere Kranckheiten mehr (allhier vnnoͤtig zu erzehlen) koͤnnen gluͤcklich mit diesem suͤssen
Oleo
curirt werden; insonderheit/ wann es ohne Verlie- rung seiner suͤsse/ in die roͤthe gebracht wird/ dann thut es mehr als man schreiben darff/ vnd kan wol/ als ein
Panacea
in allen Kranckheiten bestehen. Folget nun die Berey- tung desselben.
CAPUT XI.
Præparatio Olei Vitrioli dulcis.
E
S wird gemeiniglich in allen fetten Laͤtten oder Erden/ insonderheit in der weissen/ ein Art eines Steins gefunden/ an Gestalt rund oder langlecht/ an Groͤsse gleich Tauben oder Huͤner-Eyer/ auch wol kleiner/ gleich wie ein Glied eines Fingers/ auß- wendig schwartz anzusehen/ darumb er auch nicht geachtet/ wann er darinn gefunden/ sondern als ein vnachtsamer Stein verworffen wird. Welcher/ wann er von der Er- den rein gemacht vnd zerschlagen wird/ inwendig schoͤn gelb/ vnd spissig/ als ein
Marca- sita aurea,
oder reiches Gold-ertz zu seyn pflegt/ anzusehen ist/ aber kein ander Geschmack darinn gespuͤret wird/ als an einem andern gemeinen Stein/ vnd ob man schon solchen pulverisirt/ vnd lang im Wasser kochet/ doch im geringsten nicht veraͤndert wird/ auch am Wasser/ noch der Geschmack oder Farb anders/ als es darauff gossen worden/ kan
gespuͤ-
Ander Theil.
gespuͤret werden. Solcher Stein nun/ ist nichts anders/ als die beste vnd reineste
mine- ra
des Vitriols/ oder ein Samen der Metallen/ dann jhn die Natur rund/ einem ve- getabilischen Samen gleich/ formiret/ vnd in die Erden gesaͤet hat/ darauß ein herꝛli- che Medicin kan gemacht werden/ wie folgt.
Lege dieses Ertz in Stuͤcken vonemander geschlagen/ ein Zeitlang an eine kuͤhle Lufft/ so wird es innerhalb 20. oder 30. Tagen auß der Lufft/ magnetischer Weise/ eine sonderbahre gesaltzene Feuchtigkeit zu sich ziehen/ vnd wird schwer davon/ endlich zerfal- let es zu einem schwartzen Pulver/ welches noch so lang muß ligen bleiben/ bis es weiß- lecht wird/ vnd suͤß auff der Zungen/ auff vitriolisch Art schmaͤcket; darnach thut man es in ein glaͤsern Geschirꝛ/ gießt so viel sauber Regen-wasser darauff/ daß es 1. oder 2. zwerch-Finger breyt daruͤber stehe; ruͤhret vnd beweget das pulver alle Tag etlich mal uͤmb/ vnd nach etlichen Tagen wird sich das Wasser schoͤn gruͤn gefaͤrbet haben/ wel- ches man ab/ vnd ein anders wieder darauff giessen muß/ vnd wieder also mit oͤffterm uͤmbruͤhren damit procedirt/ bis dasselbe auch gruͤn worden; solches muß so offt vnd viel- mals gethan werden/ bis sich kein Wasser darauff mehr farben will. Darnach laͤßt man alle abgegossene gruͤne Wasser durch ein filtrirt Pappier lauffen/ daß sie rein werden/ vnd laͤßt solche in einem kurtz abgenommenen Kolben/ bis auff ein Haͤutlein abrauchen/ dann an einen kalten Orth gestellet/ so schiessen gruͤne Steinlein/ welche nichts anders seyn als ein reiner Vitriol: Das uͤbrige gruͤne Wasser muß man wiederumb abrau- chen/ vnd schiessen lassen/ wie oben gesagt: Solches abrauchen vnd Cristallisiren muß so offt geschehen/ bis kein Vitriol mehr schiessen will/ sondern in der Waͤrme vnd Kaͤlte allzeit ein hochgruͤner/ lieblicher/ suͤsser Safft bleibt: Welches das wahre
Oleum vi- trioli dulce viride,
vnd mit solchen Tugenden begabt ist/ allermassen/ wie oberzehlt worden.
Wie aber solches gruͤne
Oleum
weiters ohne Fewer in ein blut-rotes/ suͤsses/ vnd liebliches
Oleum,
nach Erscheinung vieler schoͤner Farben/ soll gebracht werden/ wel- ches das gruͤne an Lieblichkeit vnd Kraͤfften weit uͤbertrifft/ vnd gleich als ein zeitiger Weintrauben/ gegen einem vnzeitigen zu vergleichen ist/ kann vielleicht auff ein ander Zeit geschehen/ dann jetz under mehrers davon zu melden/ die Gelegenheit vnd Zeit nicht leyden will. Wolle derohalben der kunstsuchende Leser auff dißmal mit dem gruͤnen jh- me genuͤgen lassen/ solches wol vnd fleissig bereyten/ vnd mit reyffem Verstand gebrau- chen/ dann es ist kein Zweyffel/ er werde mehr Ehre mit eynlegen/ als mit dem sauren vnd Corꝛosivischen bißhero geschehen.
Diese
mineram Vitrioli,
davon in diesem Capitel gehandelt wird/ habe ich kuͤtz- lich auff meiner Reyß durch Hessen bey einem Dorff Almanroth genant/ ein Meilwegs von Cassel gelegen/ da die Schmaͤltztigel in grosser Menge gemacht werden/ haͤuffig ge-
sunden/ welche von den Tiegelmachern auß der Weissen. Erden ge- suchet wird/ da man allzeit so viel man will daselbst haben kan.
H iij
CAP
Philosophischer Oefen
CAPUT XII.
Usus \& dosis Vitrioli dulcis.
V
On diesem gruͤnen
Oleo
kan auff einmal genommen werden/ von 1. 2. 4. 8. bis auff 10. oder 12. Tropffen/ nach Gelegenheit der Person vnd Kranckheit/ in beque- men
vehiculis,
oder nur in Wein oder Bier/ nuͤchtern/ gleich wie man andere
Medica- menta
pflegt zu nehmen/ auch die
dosis
vermehrt oder vermindert/ vnd so offt wieder- holt kan werden/ als die Kranckheit erfordern wird.
Vnd treibt dieses
Oleum
alles boͤse/ nicht allein
per sedes,
vnd
vomitus,
sondern auch
perurinam
vnd
sudorem,
nach deme es uͤberfluͤssigkeit findet/ ohne Gefaͤhrlich- keit/ gantz sicherlich auß dem Leibe: Dardurch viel schwere Kranckheiten
radicitus
cu- riret werden.
Vnd darff sich niemand verwundern/ daß ich diesem
Oleo
solche grosse Kraͤffte zuschreibe/ weilen es nur von einem so gar vnachtsamen Stein herkompt/ auch seine Bereytung nicht kuͤnstlich vnd muͤhsamlich zu thun ist/ gleich wie nun allenthalben gros- se Buͤcher voll/ solcher verwirꝛeten/ verfuͤhrischen vnd betriegerischen Processen gefun- den werden/ dadurch des Menschen Leben muͤhsamblich verschlissen wird: Doch es ist kein Wunder/ daß solche falsche vnd kostbare Processen geliebet werden/ dann der mehrentheil der Menschen nicht glaubet/ daß etwas guts in geringschaͤtzigen Dingen zu finden sey/ sondern nur allein auff thewre Dinge/ welche von weitem hergebracht wer- den/ vnd lange Zeit vnd viel Muͤhe zu laboriren bedoͤrffen/ viel halten.
Solche Menschen glauben vnd trawen dem Wort Gottes nicht/ nemblich/ daß Gott kein Ansehen der Person trage/ sondern daß jhme alle Menschen (die jhn fuͤrch- ten vnd lieben) angenehm seyn. Wann nun das wahr ist/ (daran dann ein frommer Christ nicht zweyfeln wird) so muß man auch glauben/ daß Gott die Medicin/ oder
ma- teriam medicinæ,
so wol fuͤr die Armen als Reichen erschaffen hat. Ist nun solche dann auch fuͤr die Armen erschaffen/ so wird dieselbe auch also beschaffen seyn/ daß sie auch von jhnen kan erlangt/ vnd leichtlich zum Gebrauch bereytet werden. Wie zu sehen daß Gott der Allmaͤchtige/ nicht allein in der grossen Herꝛen Hoͤfen/ vnd auff jhren Guͤtern vnd Gruͤnden/ gute
Vegetabilia, Animalia, \& Mineralia,
zur Abwendung menschlicher Schwachheit/ laͤßt herfuͤr wachsen; sondern sie werden auch allenthalben gefunden. Dahero zu sehen/ daß auch Gott will/ daß solche von allen Menschen erkant/ vnd Er allein/ als ein Schoͤpffer alles guten/ auch von allen Menschen moͤchte gepriesen vnd gelobet werden.
Mir zweyfelt nicht/ es werden sich nas-weise Spoͤtter finden/ welche dieses vn- achtsame
Subjectum
werden verachten/ als wann nichts gutes darauß koͤndte ge- macht werden/ weilen sie nichts darinnen haben finden koͤnnen. Solche aber sollen wis- sen/ daß mir vnd jhnen nicht alles offenbahret ist worden/ sondern vns noch viel der
Natur
Ander Theil.
Natur Wunder-werck vnbekand seyn: Darzu bin ich der erste nicht/ welcher von dem
Vitriolo
vnd seiner Medicin schreibet. Dann vnsere Vor-Eltern/ die lieben Alten/ von dem
Vitriolo
allzeit sehr viel gehalten haben/ wie dieser Verß beweiset/ der al- so lautet:
Visitabis Interiora Terræ, Rectificando Invenies Occultum Lapidem, Veram Medicinam.
Hierdurch haben sie wollen zu erkennen geben/ daß eine wahre Mediein darinn zu finden sey.
Deßgleichen haben auch die newere
Philosophi
solchen gekant: Dann
Basilius
vnd
Paracelsus
solchen allezeit gepriesen haben/ wie in jhren Buͤchern zu finden ist.
Es ist zu verwundern/ daß dieses Ertz/ oder metallische Samen/ welchen man billich ein
Aurum Medicorum,
(weilen eine solche gute Medicin darauß zu bereyten ist/) nennen solte/ in der Erden sich nicht veraͤndert/ gleich andere Gewaͤchse/ sondern alle- zeit seine Gestalt vnd Form behaͤlt/ so lang bis er an die Lufft kompt/ welche seine Erde ist/ darinnen er putrifieirt vnd waͤchset. Dann erstlich/ schwilt er auff/ vnd wird gros/ gleich als ein vegetabilischer Samen in der Erden thut: Nimbt also auß der Lufft seine Vermehrung/ vnd Wachsthumb/ nicht anders als ein Samen/ eines Krauts in der Erden/ vnd ist die Lufft nicht allein seine
Matrix,
darinnen er waͤchset/ vnd zunimmet/ gleich wie ein
Vegetabile,
sondern ist auch seine Sonne/ die jhn reyff vnd zeitig machet. Dann innerhalb 4. Wochen auffs laͤngste/ putrificirt er/ vnd wird schwartz: Vngefaͤhr vierzehen Tage/ darnach wird er weiß/ dann gruͤn/ so viel allhier beschrieben worden: So man aber weiters
Philosophicè
damit procedirt/ so kompt endlich die allerschoͤnste Roͤte vnd lieblichste Medicin an Tag/ dafuͤr Gott gelobet sey in alle Ewigkeit/ Amen.
CAPUT. XIII
. De Spiritu Sulphureo Volatili \& Acido, Salis communis, \& Aluminis.
G
Leich wie nun der
Spiritus volatilis
vom
Vitriolo
ist zu machen gelehrt worden; Also muͤssen auch diese vom gemeinen Koch-Saltz vnd Alaun gemacht werden.
CAPUT XIV
. Modus præparandi
D
Er
Alaun wird also nur
per se
eyngetragen/ als er an jhm selber ist; das Saltz aber muß mit
Bolo,
oder einer andern Erden vermischt werden/ damit es nicht zusam- men fliessen moͤge: Vnd gehet zugleich auch uͤber mit dem
Spiritu volatili
ein
Spiritus acidus,
dessen Krafft vnd Tugend in dem Ersten Theil beschrieben ist. Das
Oleum Aluminis
aber hat fast gleiche Wuͤrckung mit dem
Oleo Vitrioli:
Wie auch beyder
Spiri-
Philosophischer Oefen
Spiritus volatilis
eben solcher Natur vnd Eygenschafft ist/ als dieser vom
Vitriolo
ge- macht: Vnd gibt das gemeine Koch-saltz vnd Alaun so viel nicht/ als der vom Vitriol/ es sey dann/ daß man beyde/ nemlich den Alaun vnd Saltzzusammen mische/ vnd einen
Spiritum
darauß distillire.
CAP XV
. De Spiritu volatili Sulphureo Mineralium \& Me- tallorum, eotumque præparatione.
E
S kan auch ein solcher penetrirlicher Sulphurischer
Spiritus
von den Mineralien vnd Metallen gemacht werden/ welcher an Kraͤfften den
Spiritum Vitrioli, Salis communis \& Aluminis
uͤbertrifft. Vnd geschicht solches auff diese Weise.
CAP. XVI
. Spiritus volatilis Metallorum præparatio.
M
An solviret
Martem, Venerem, Saturnum
oder
Jovem,
mit
Spiritu Vitrioli
oder
Salis communis acido;
abstrahiret die Feuchte davon/ darnach treibt man den
Spiritum acidum
wiederumb von dem Metall/ so fuͤhret er einen
Spiritum volatilem
mit sich/ welcher durch die Rectification/ von dem Corrosivischen muß geschieden wer- den/ vnd seynd solche Metallische
Spiritus
den Menschen zu gebrauchen/ noch kraͤffti- ger als die jenige/ welche von den
Salien
gemacht seyn worden.
CAP. XVII
. Spiritus volatilis mineralium præparatio.
N
Imb klein pulverisirtes
Antimonii, Marcasitæ aureæ,
oder eines andern Sul- phurischen Minerals/ welches du wilt/ 2. Theil/ darzu mische 1. Theil guten gelaͤu- terten Salpeter/ vnd trag davon immer ein wenig nach dem andern eyn/ se gehet ein
Spiritus
uͤber/ welcher dem vorigem nichts bevor gibt/ an Staͤrcke vnd Kraͤfften/ muß aber auch wol rectificirt seyn.
CAP. XVIII
. Alius Modus.
C
Imentire welches laminirte oder granulirte Metall du wilt/ (außgenommen Gold/) mit halb so schwer gemeinem Schwefel/ verschlossen in einem starcken Tigel/ welcher den Schwefel nicht laͤßt durchgehen/ auff ein halbe Stund/ bis der
Sulphur
die
laminas metallorum
wol durchgangen/ vnd bruͤchig gemacht hat: Solche pulverisirt/ vnd mit
gleichem
Ander Theil.
gleichem Gewicht gemeines Saltz vermischet vnd distillirt/ wie oben von den andern gelehret worden/ gibt einen sehr kraͤfftigen
Spiritum volatilem::
Vnd kan ein jedwe- der/ nach deme er von einem Metall gemacht ist worden/ zu seinem eygenen Glied/ als
Luna
zum Hirn/ vnd
Jupiter
zur Lungen/
Saturnus
zum Miltz/ vnd so fort an gebrau- chet werden.
CAP. XIX
. Spiritus
vom Zinck.
V
Om Zinck wird ein
Spiritus volatilis
vnd
acidus
zugleich distillirt/ dem Hertzen dienstlich/ er sey gleich durch
Spiritum Vitrioli, Salis
oder
Aluminis,
oder durch Huͤlff des
Sulphuris,
gemacht; dann der Zinck einer guͤldischen Natur ist.
CAP. XX
. Spiritus Volatilis
von der Schlacken
Reguli Martis.
D
Ie schwartzen Schlacken vom
Regulo Martis,
wann sie zuvoren in der Lufft zer- fallen ist/ gibt auch einen sehr starcken Sulphurischen
Spiritum volatilem,
welcher den vorigen an Kraͤfften nicht vngleich ist.
Solche vnd dergleichen Sulphurische
Spiritus volatiles
koͤnnen auch auß an- dern Mineralien gemacht werden/ welcher Beschreibung (weilen sie fast einerley Kraffe vnd Tugend haben/) uͤmb der Kuͤrtze willen/ vnterlassen ist.
CAP. XXI.
Wie man einen
Spiritum acidum album \& volatilem rubeum ex Sale nitro
machen soll.
N
Imb
Aluminis
2. Theil/ vnd
Salis nitri
ein Theil/ pulverisir beyde
Species,
vnd mische solche wol/ v. e. a. vnd trage davon allzeit ein wenig nach dem andern eyn/ gleich oben bey andern
Spiritibus
gelehret worden/ so gehet zugleich ein
Spiritus acidus
mit dem
Spiritu volatili
uͤber/ vnd muß zu jedwederm Pfund
species,
ein Pfund Was- ser vorgeschlagen werden/ damit die fluͤchtige
Spiritus
desto besser gefangen vnd behal- ten werden koͤnnen/ welche beyde
Spiritus
dann nach geendter Distillation/ durch eine linde Rectification
in Balneo
koͤnnen geschieden werden; vnd muß man wol zusehen/ daß man den
Spiritum volatilem
rein aufffange/ vnd zu rechter Zeit den Vorlag ver- aͤndere/ auff daß kein
phlegma
mit vnter den
Spiritum rubeum
komme/ dadurch er ge- schwaͤcht/ vnd weiß wuͤrde werden/ vnd kan solches also gemercket werden: Nemblich/ wann der volatilische gehet/ so ist der Recipient gantz dunckel roth; darnach wann das
J
phlegma
Philosophischer Oefen
phlegma
kompt/ wird er wieder gantz weiß/ endlich/ wann der schwere
Spiritus acidus
gehet/ so wird der Recipient wieder roth/ aber nicht also/ gleich wie bey dem ersten vo- latilischen.
Es kan auch dieser
Spiritus
noch auff andere Weise vnd Wege/ nemblich/ das
Nitrum
mit zweymal so viel
bolo,
oder Ziegelmaͤhl vermischet/ oder mit Letten
in glo- bulos
formiret/ (dadurch der Fluß verhindert wird) distillirt vnd bereytet werden: Ist aber keiner so gut als der erste/ insvnderheit/ wann man den roten vnd volatilischen haben will.
CAP. XXII
. De Usu Spiritus volatilis rubei.
D
Ieser volatilische
Spiritus,
welcher/ (so er wol dephlegmiret ist) allzeit roth bleibet/ vnd als ein Blut anzusehen ist/ kan in allem/ den vorigen sulphurischen an Kraͤfften gleich geachtet werden/ insonderheit/ in Loͤschung des heissen vnd kalten Brands/ ein grosser Schatz ist/ Tuͤcher darein genetzet/ vnd darauff gelegt: Deßgleichen uͤbertrifft er bey nahe alle andere Medicamenten
in erisypelate
vnd
colica:
Wie auch das gerun- nen Blut im Leib/ (welches durch fallen oder schlagen entstanden) so wol aͤusserlich mit bequemen Wassern auffgelegt/ als innerlich gebrauchet/ dadurch zertheilt/ vnd außge- trieben wird: Vnd wann er mit
Spiritu volatili urinæ
gemischet wird/ ein wunderbar- liches Saltz gibt/ wie hernach soll gelehret werden.
CAP. XXIII
. De Usu Spiritus Nitri acidi albi.
D
Ie schwere vnd Corꝛosivische
Spiritus Nitri
aber wird nicht viel
in medicina
ge- brauchet/ wiewol er bey nahe in allen Apotheken gefunden/ vnd in solchem Gebrauch behalten wird/ gleich oben bey dem
Spiritu Vitrioli
gesagt worden; nemblich/ jhre Con- serven vnd Kuͤhltraͤnck damit saͤurlich zu machen. Deßgleichen wird er auch von etli- chen
in Colica
gebrauchet/ aber ist viel zu Corꝛosivisch vnd plump darzu; wiewol jhme sein Corꝛosiv/ mit zuthun Wassers/ etlicher massen kan gebrochen werden/ dannoch er an Guͤte vnd Kraͤfften dem volatilischen bey weitem nicht zu vergleichen ist/ sondern gleich wie weiß vnd schwartz gegeneinander/ wegen jhrer Tugenden erkant werden:
Darumb jener
in medicina,
dieser aber in Handlung der Metallen vnd Mineralien/ dieselben in jhre
vitriola, calces, flores
vnd
cro- cos
zu bringen/ am bequemsten gebraucht wer- den kan.
CAP.
Ander Theil.
CAP. XXIV
. Aqua Regis.
W
Ann man mit diesem
Spiritu Nitri acido
außgegluͤet gemein Koch-Saltz solvirt/ vnd durch ein glaͤsern Retorten im Sand mit starckem Fewer rectificirt/ so wird er so starck/ daß er das Gold vnd alle andere
Metalla
vnd Mineralien (außgenommen
Lunam
vnd
Sulphur
) auffsolviren kan/ damit etliche Metallen zerleget/ vnd Anato- mirt koͤnnen werden/ viel besser/ als mit
Aqua Regis,
welches mit zuthun
Salis armo- niaci
gemacht worden ist: So man aber solchen uͤber Galmey oder Zinck rectificirt/ so wird er noch staͤrcker/ daß er auch alle Metallen vnd
Mineralia (Luna \& sulphure ex- ceptis)
auffloͤsen kan/ damit dann vielmehr in Handlung der Metallen/ als mit einem gemeinen
Spiritu nitri,
oder
Aqua forti,
wie hernach gelehret wird: kan außgerichtet werden/ vnd Erstlich in Bereytung des Goldes.
CAP. XXV
. Præparatio Auri Tonitruantis.
R
Ecipe Auri puri granulati vel laminati,
es sey gleich durch
Antimonium
oder
Aqua fort
gereinigt/ so viel du wilt: Schuͤtte in einem Scheidkoͤlblein 4. oder 5. mal so viel
Aqua Regis
darauff/ setze solches mit einem Pappier zugestopffet auff einen warmen Sand/ so wird das
A.R.
innerhalb ein oder zwey stunden/ das Gold gantz zu einem gelben Wasser auffsolviren: Wann solches nicht geschehen/ so ists ein Zeichen/ daß das Wasser nicht starck genug/ oder zu wenig gewesen ist/ solches auffzuloͤsen. Dann giesse die
Solution
von dem Gold/ welches noch nicht auffgeloͤset ist/ ab/ in ein ander Glas/ vnd giesse mehr frisches
Aquæ Regis
drauff: Setze es wieder zu solviren auff ein warmen Sand oder Aschen/ so wird das uͤbrige Gold auch davon solvirt werden/ vnd ein wenig weisser Kalck zuruͤck ligen bleiben/ welches nichts anders als Silber ist/ das von dem
Aq. Reg.
nicht hat solvirt werden koͤnnen. (Dann ein
A.R.
es sey gleich auff gemeine Weiß mit
sale armoniaco,
oder
sale communi
gemachet/ kein Silber sol- viret/) deßgleichen solvirt auch ein gemein
A.F.
oder
Spiritus nitri
kein Gold/ aber alle andere Metallen werden so wol von einem starcken
A.F.
als
A.R.
auffgeloͤset. Darumb man zusehen muß/ daß man Gold nehme/ daruntur kein Kupffer sey/ dardurch das Werck verderbet wuͤrde: Dann so Kupffer dabey were/ wuͤrde solches auch mit dem Gold auffsolvirt/ vnd damit pr
æ
cipitirt werden; welches ein Hindernus des anzuͤn- dens oder schlagens seyn wuͤrde: Vnd/ so man kein Gold haben kan/ das ohne Kupffer ist/ so nehme man nur Ducaten oder Rosenobel/ dabey kein Kupffer/ sondern nur ein wenig Silber seyn soll/ welches keinen Schaden bringet/ weilen es mit
A.R.
nicht auff- geloͤset kan werden/ sondern als ein weisses Pulver liegen bleibet/ vnd gluͤe solche auß/ biege dieselben in Rollen zusammen/ vnd wirff sie in das
A.R.
zu solviren: Wann nun
J ij
alles
Philosophischer Oefen
alles Gold zu einem gelben Wasser worden vnd abgegossen ist/ so schuͤtte Tropffenweiß ein reines
Oleum Salis Tartari,
welches
per deliquium
gemacht ist/ darauff/ so wird sich das Gold als ein braungelbes Pulver/ von dem widerwaͤrtigen
liquore Salis tar- tari
niederschlagen/ vnd die
solution
hell vnd klar werden; du must aber zusehen/ daß du nicht mehr
Olei tartari
zuschuͤttest/ als zu der pr
æ
cipitation vonnoͤthen ist/ sonsten wuͤrde sich das nidergeschlagene Gold zum theil wiederumb auffsolviren vnd Scha- den bringen. Wann nun das Gold wol niedergeschlagen ist/ so giesse das klare Wasser/ welches darauff stehet/
per inclinationem
von dem Gold-kalck/ vnd giesse ein warm Regen/ vnd ander suͤß Wasser wiederumb drauff/ ruͤhre solches mit einem reinen Hoͤltz- lein vntereinander/ vnd stelle solches an ein warmen Orth/ so lang bis sich das Gold ge- setzet/ vnd das Wasser wieder klar darauff stehet: Solches muß man wieder ab/ vnd ein anders darauff giessen/ vnd die Saltzigkeit von dem Gold-kalck lassen extrahiren; vnd muß solches auff-vnd abgiessen mit frischem Wasser so offt wiederholet werden/ bis kein Schaͤrpffe oder Saltzigkeit mehr in dem abgegossenen Wasser gespuͤret wird: Dann setzet man das abgesuͤßte Gold an die Sonnen/ oder an ein ander warm Orth/ daß es trucken werde. Aber wol in acht zu nehmen/ daß es kein groͤssere Waͤrme leyde/ als die Sonn im Mayen oder
Junio
scheinet/ sonsten wuͤrde es sich entzuͤnden/ vnd mit Gefahr des Gehoͤrs der beystehenden (insonderheit wann desselben viel were) einen ge- waltigen Donnerschlag geben/ darumb ich warne/ daß man vorsichtiglich damit uͤmb- gehe/ auff daß man sein Gold vnd Gesundheit nicht dardurch verliere.
Oder man kan auff ein andere Weise/ das niedergeschlagene Gold absuͤssen: Nemblich/ man giesset solches mit sampt dem gesaltzenen
liquore
in einen Trechter/ wel- cher mit doppeltem grawen Pappier gefuͤttert ist/ laͤßt das Wasser durchlauffen in ein glaͤsernen Geschirꝛ/ darauff der Trechter ruhet/ vnd giesset ander warm Wasser dar- auff/ laͤßt solches auch durchlauffen vnd so offt gethan/ bis das Wasser so suͤß/ als es darauff gegossen/ wiederumb dadurch lauffet. Dann nimbt man das Pappier/ mit dem abgesuͤßten Gold-kalck/ auß dem Trechter/ leget solches mit dem Pappier auff ander graw Pappier/ welches vielfaͤltig auffeinander ligt/ so wird das truckene Pappier auff die Naͤssigkeit alle auß dem Gold-kalck zu sich ziehen/ vnd also das Gold desto eher koͤn- nen getrucknet werden. Welches dann/ so es trucken ist/ auß dem Maculatur genom- men/ vnd in ein ander reines gethan/ vnd zu seinem Gebrauch hin gelegt/ vnd verwah- ret werden muß. Das durchgelauffene gesaltzen. Wasser kan man in einem glaͤsernen Koͤlblein auß einem Sand
ad siccitatem Salis
lassen abduͤnsten/ vnd dasselbe vor der Lufft bewahren; dann es auch in der Mediein kan gebraucht werden/ weilen noch ein guͤldische Krafft darinnen verborgen ist: Wiewol man sich solches nicht versehen solte/ weilen es so schoͤn/ hell vnd klar ist/ welches aber kan wargenommen werden/ wann man solches in einem reinen verdeckten Tigel schmeltzet/ oder fliessen laͤsset/ vnd in einem reinen kuͤpffern Moͤrsel oder Becken/ welches zuvor warm gemacht seyn soll/ giesset/ so bekompt man ein Saltz/ welches etwas Purpurfarb ist/ davon auff einmal 6. 9. 12.
bis
Ander Theil.
bis auff 24.
Grana
eingeben/ reiniget vnd purgiret den Magen vnd Darm; insonder- heit
in febribus
vnd andern Magen Kranckheiten gut zu gebrauchen. In dem Tigel aber/ darauß das Saltz gossen ist/ findet sich ein irꝛdifch Wesen/ welches sich von dem Saltz geschieden hat/ gelblecht anzusehen; solches außgenommen/ vnd in einem kleinen Tigel mit starckem Fewer geschmoltzen/ wird es zu einem gelben Glas/ welches mit einer
Tinctura Solis imprægnirt
ist/ vnd gibt ein Koͤrnlein Silber von sich/ in allem ansehen/ einem gemeinen cupellirten Silber gleich/ darinnen kein Gold gefunden wird/ welches zu verwundern ist. Weilen alle
Chymici
dafuͤrhalten/ daß ein
A.R.
Silber nicht solviren koͤnne/ welches dann auch wahr ist. Ist nun die Frage/ wovon/ oder/ wie dann dieses Silber/ in das Saltz kommen s
e
y/ wann ein
A.R.
keines auffloͤset? Darauff mancher antworten moͤchte/ es muͤsse in dem
Oleo tartari
gewesen seyn/ weilen von vielen geglaubt wird/ daß auch die
Salia in Metalla
koͤnnen verwandelt werden/ welches ich nicht wider streitte/ sondern nur widerlege/ daß solches allhier nicht hat geschehen koͤn- nen/ dann/ so Silber in dem
A.R.
oder
Sale tartari
gewesen were (da doch ein
A. R.
keins leydet/) so were es doch auch zugleich mit dem Gold pr
æ
cipitiret worden. Daß es aber kein gemein Silber/ sondern Gold gewesen/ vnd erst nach benommener Tinctur zu Silber worden sey/ will ich mit wenig Worten beweisen. Dann solches gesaltzen Wasser vom
A.R.
vnd
Sale tartari,
darvon das Gold pr
æ
cipitirt ist worden/ solche Na- tur hat/ ehe es zu einem Saltz coagulirt wird/ ob es schon gantz hell vnd weiß ist/ daß es ein Feder/ die darein gestecket wird/ in etlichen Tagen Purpur faͤrbet/ welche Pur- pur-farbe von dem Gold/ vnd nicht von dem Silber herkompt dann Silber faͤrbet roth/ oder schwartz; darauß zu spuͤren/ daß solches gesaltzen Wasser/ noch etwas Goͤldisch behalten hat.
Moͤchte nun jemand fragen: Hat dann solches gesaltzen Wasser etwas Gold bey sich behalten/ warumb kompt dann nicht auch Gold im schmeltzen/ sondern Silber her- auß? Darauff ich berichte/ daß etliche
Salia
solcher Natur seyn/ daß sie dem Gold im schmeltzen die Farb vnd
Animam
nehmen/ welche/ so sie dem Gold warhafftig entzogen ist/ dasselbe hinfuͤrter kein Gold mehr ist/ oder seyn kan/ auch kein Silber/ sondern blei- bet nur ein vntuͤchtig vnd fluͤchtig schwartz
Corpus,
welches auch viel vnfixer als ein ge- meines Bley erkand wird/ vnd im geringsten kein Gewalt des Fewers (will geschwei- gen die Capellen) erleyden kan. Sondern gleich als ein
Mercurius
oder
Arsenicum,
in kleiner Hitz dahin fleugt. (Daher zu beweisen/ daß des Goldes
Fixitet
in seiner
Ani- ma,
oder
Tinctura,
vnd nicht im Coͤrper bestehet. Darumb zu glauben ist/ daß man das Gold zerlegen/ sein beste Theil von dem groͤbern scheyden/ vnd zu einer tingiren- den Medicin bereyten koͤnne.) Daß aber solches der rechte Weg sey/ dardurch der Al- ten Philosophen
universal
Medicin/ damit alle Metallen in Gold verwandelt koͤnnen werden/ zu erlangen sey/ will ich nicht disputiren/ glaube aber/ daß noch villeicht ein an- der
Subjectum
seyn koͤnne/ welches mit einer viel hoͤhern Tinctur begabet sey/ als das Gold/ welches nicht mehr von der Natur erlanget/ als es selbsten zu seiner
fixitet
von
J iij
noͤthen
Philosophischer Oefen
noͤthen hat. Doch ist es auch sicherlich zu glauben/ daß ein wahre
anima
oder
tinctura auri,
so sie wol von seinem vnreinen schwartzen Coͤrper geschieden ist/ in seiner Farb koͤnne exaltirt vnd verbessert werden. Damit auch hernach mehr
corporis imperfecti,
als dessen davon sie gezogen ist/ verbessert/ vnd zur
perfection
des Goldes koͤnne ge- bracht werden. Dieses nun alles in seinem Werth bleiben lassen. Gewiß vnd warhaff- tig ist es/ so dem Gold seine wahre Tinctur entzogen wird/ daß das hinderstaͤllige
cor- pus
kein Gold mehr seyn kan: Wie in meinem Tractaͤtlein
de Auro potabili vero,
weitlaͤufftiger bewiesen wird; habe solches nur darumb hieher gesetzt/ daß der Kunst- liebende (wann villeicht jhme in seiner Arbeit ein solches weisse Korn zu Handen kaͤme) wissen moͤge/ wovon es kommen sey.
Ich haͤtte zwar auch die
præparation
des Schlag-Goldes/ Pappier vnd Zeit zu ersparen/ dieweilen solche von andern beschrieben ist/ koͤnnen vngemeldet lassen: Wei- len ich aber im Ersten Theil verheissen hab/
Flores
auß Gold zu machen/ vnd solche auß einem
auro fulminante
muͤssen bereytet werden/ hat mich gut geduͤnckt desselben
præ- paration
auch hieher zu setzen/ auff daß der Liebhaber nicht erst ein ander Buch/ solche Bereytung darauß zu erlernen/ auffschlagen doͤrff/ sondern vollkoͤmlichen Bericht in diesem meinem Buch zur Bereytung der Goldblumen haben moͤge. Dieses ist nun der gemeine Weg/ welcher fast allen
Chymicis
bekand ist/ ein
aurum fulminans
zu ma- chen/ weilen aber auff diese Weise leichtlich ein Irꝛthumb kan begangen werden/ ent- weder/ daß man zu viel
liquoristartari
zuschuͤttet/ sonderlich/ wann es nicht rein genug ist/ daß sich das Gold nicht alles davon niederschlaͤgt/ vnd ein Theil desselben in der
so- lution
bleibet/ dadurch Schaden geschicht; oder aber/ daß sich das Gold in ein schwe- ren
calcem
faͤllet/ welcher nicht wol schlaͤgt/ vnd in
flores
zu sublimiren vndienst- lich ist.
Also will ich allhier noch einen andern vnd viel bessern
modum
setzen/ welchen ich noch bißhero bey keinem gesehen hab/ dadurch das Gold auß dem
A.R.
gantz vnd gar ohne Verlust desselben/ schoͤn/ leicht vnd gelb/ welches zweymal staͤrcker schlaͤgt/ als das erste/ kan gefaͤllet werden. Vnd ist vnter dieser vnd ersten gemeinen Bereytung gantz kein vnderschied/ als daß man an statt eines
Olei Tartari,
einen
Spiritum urinæ
oder
Salis armoniaci,
das solvirte Gold damit zu pr
æ
cipitiren/ nehme/ davon dann das Gold/ wie gesagt viel reiner/ als von dem
liquore salis tartari,
niedergeschlagen wird/ vnd muß solches darnach abgesuͤßt vnd getrucknet werden/ gleich wie oben bey der ersten Bereytung gelehret worden.
CAP. XXVI
. De Usu Auri fulminantis.
V
Om Gebrauch dieses Schlag-Goldes
in Medicina,
ist wenig zu schreiben/ dann weilen es nicht auffgeschlossen/ sondern nur ein grober/ vnd des Menschen Natur
vnan-
Ander Theil.
vnannemblicher Kalck ist/ kan es kein Miracul thun. Wiewol solches also
per se
von et- lichen zu 6. 8. 12. gran bis auff
Э j.
den Schweiß
in pestè,
vnd andern gifftigen Febern dadurch zu erwecken/ eyngeben wird/ hat es doch niemals so wol succedirt als man ge- meynet. Etliche haben solches mit gleich schwer gemeinem Schwefel vermischet/ vnd außgegluͤet/ dadurch jhme sein schlagende Krafft benommen worden/ vnd also ein besse- re Medicin/ dadurch zu erlangen vermeynet/ aber alles vergeblich/ dann der Gold-kalck in solcher groben Bereytung kein Besserung hat wollen annehmen.
Wie aber nun eine gute Medicin auß solchem Schlaggold koͤnne gemacht werden/ daß man sehen koͤnne/ daß das Gold zur Medicin kein vntuͤchtig vnd todes
corpus
sey/ sondern daß es koͤnne lebendig vnd bequem gemacht werden/ seine von Gott eynverleib- te Kraͤfften zu beweisen; will ich kuͤrtzlich entdecken.
Lasse dir erstlich ein solches Instrument/ gleich wie oben gelehret/ darauß man die subtile
Spiritus
distilliret/ von Kupffer zurichten/ doch nicht so gros/ auch oben mit kei- nem Deckel/ sondern nur mit einer Roͤhren/ daran man einen Recipienten legen kan/ doch nicht verlutirt/ sondern daß nur die Roͤhren tieff hineyn in den Bauch des Vor- lags reyche/ vnd vnten mit einem ebenen Boden/ daß es stehen koͤnne: Vber dem Bo- den muß ein klein Loch mit einem Thuͤrlein/ welches wol vnd behaͤb schliesse/ gemacht werden/ vnd auch zwey kleine Schalen oder Schuͤsselein von Silber oder Kupffer/ so gros als ein Nagel eines Fingers/ damit man das
Aurum fulminans
hineyn setzet: Vnd muß das kuͤpffern Gefaͤs auff einem Dreyfuß stehen/ darunter man etliche gluͤen- de Kohlen leget/ daß der Bodem davon warm werden kan. Wann nun solches Gefaͤß sampt einem glaͤsern Recipienten vnbeweglich gestellet/ vnd der Bodem desselben mit Fewer warm gemacht worden ist/ so muß man mit einem kleinen Zaͤnglein/ ein Schuͤsse- lein/ darinn 2. 3. 4.
grana Auri fulminantis
gethan seyn/ hineyn auff den warmen Bo- den setzen/ vnd das Thuͤrlein zumachen/ so nun das Gold die Hitz empfindet/ so entzuͤn- det sich solches/ vnd gibt einen Knall von sich/ vnd wird ein Scheydung vnd sonderbah- re Auffschliessung des Goldes/ dann so bald der Schlag geschehen/ gehet das Gold’ durch die Roͤhren/ als ein purpurfarber Rauch in den Recipienten/ vnd leget sich darinnen allenthalben als ein purpurfarbes Pulver an; wann der Rauch vergangen/ welches bald geschicht/ nimbt man das laͤhre Schuͤsselein auß dem Ofen/ vnd setzet dar- gegen das andere mit dem Gold hineyn/ welches dann auch schlaͤgt/ vnd seine
flores
von sich gibt; vnrerdessen ist das erste kalt worden/ welches dann wieder gefuͤllet/ vnd gegen das laͤre hineyn gesetzt wird. Solches Schlaͤge eines uͤmb das ander hineyn ge- setzet muß so lange continuiret werden/ bis man
flores
genug hat: Vnd nach vollend- ter
sublimation
laͤßt man das kuͤpffern Geschirꝛ kalt werden/ vnd kehret das Gold-pul- ver/ welches sich nicht sublimiret hat/ mit einem Hasenfuß/ oder Gaͤnsefeder herauß/ welches zu nichts anders dienet/ als mit einem wenig
borras
zusammen geschmeltzet/ ist wiederumb gut Gold/ nur daß es etwas bleicher/ als es zuvoren gewesen/ ehe es zu ei- nem Schlag-Golde gemacht worden ist. Die
Flores
aber in dem Recipienten lassen sich
also
Philosophischer Oefen
also nicht außkehren/ sonderlich/ wann sie mit Zusatz
Salis nitri
eyngetragen worden/ wie bey den
floribus Lunæ
folgends gelehret wird/ dann sie etwas feucht seynd. Giesse derohalben so viel reinen dephlegmirten
Spiritum Vini tartarisatum
hineyn/ daß du meynest genug zu seyn/ die
flores
damit durch uͤmbschwencken los zu machen; welches/ so es geschehen/ geust man den
Spiritum Vini
sampt dem verbrandten alten
Phœnice orientali
herauß in ein rein Glas/ mit einem langen Hals/ setzt solches/ (doch daß es zuvorn mit einem guten
luteo
wol verwahret sey/) in ein lindes
Balneum,
oder sonsten in eine warme Asche/ etliche Tage/ so wird sich vnterdessen der
Spiritus Vini
schoͤn rot- lecht faͤrben/ welchen man ab/ vnd einen andern wieder drauff giessen/ vnd in die Waͤrm zu extrahiren stellen muß; wann sich derselbe auch gefaͤrbet/ muß man beyde
Extracta
zusammen in ein glaͤsern Koͤlblein thun/ vnd den
Spiritum Vini in Balneo
von der
Tin- ctura
abstrahiren/ welcher zwar wenig seyn wird/ aber sehr hoch von Farbe/ vnd lieblich von Geschmack/ die uͤbrige
flores,
davon die
Tinctura extrahirt
ist/ koͤnnen mit Was- ser auß dem Glas geschwencket/ getrucknet vnd geschmeltzt werden/ geben ein wenig bleich Gold/ vnd der mehrer Theil gehet in ein braun
Vitrum,
auß welchem auch noch etwas guts kan gemacht werden/ welches mir aber bißhero noch nicht bekand ist worden.
NB.
Wann man das
Aur. fulm.
zu vorn mit ein wenig
Nitri
mischet/ ehe mans eyntraͤgt/ so werden die
Flores
solvirlicher/ vnd geben jhr Tinctur lieber von sich/ als
per se:
Vnd so man will/ kan mal dreymal so schwer
Nitri
zusetzen/ vnd dieselbe (gleich wie hernach bey der
Luna
gelehret wird) in
Flores
sublimiren.
CAP. XXVII
. Usus Tincturæ Solis vel Auri.
D
Ie extrahirte Farb aber/ ist eine von den fuͤrnembsten Medicinen/ welche des Men- schen Hertz staͤrcken vnd erfrewen/ das vnreine Gebluͤt im gantzen Leibe erjuͤngern vnd vernewern/ dardurch viel abschewliche Kranckheiten/ als
lepra, morbus gallicus,
vnd dergleichen koͤnnen vertrieben werden.
Ob aber auch eine solche Tinctur weiters in ein fixes Wesen koͤnne durchs Fewer gebracht werden/ ist mir vnbewust/ dann ich nicht weiters damit gangen bin/ als ich hier beschrieben hab.
CAP. XXVIII
. De floribus Lunæ, \& ejusdem Medicina.
W
Eeilen ich im ersten Theil dieses Buchs cap. 34. bey Bereytung der Metallischen
Florum
versprochen habt/ auch
Flores
von Gold vnd Silber im zweyten Theil leh-
ren zu
Ander Theil.
ren zu machen/ vnd nun von
Sole
solches allbereyt geschehen ist. So folget nun nach dem Golde das Silber mit seiner Bereytung: Welches also geschehen muß.
Nimb duͤnn laminirt/ oder klein granulirt fein Silber/ so viel du wilt/ giesse in ein Scheyde-Koͤlblein zweymahl so schwer rectificirten
Spiritum Nitri
darauff/ so wird alsobald der
Spiritus Nitri
an dem Silber anfangen zu arbeiten/ vnd das Silber auffloͤsen. Wann es aber nicht mehr in der Kaͤlte angreiffen vnd arbeiten will/ so setze das Koͤlblein auff einen warmen Sand/ oder Aschen/ so wird das Wasser alsobald wie- der anfangen zu wuͤrcken/ vnd las das Glas mit dem Silber auff der warinen Aschen stehen/ bis alles Silber darinn zergangen vnd auffgeloͤset ist. Darnach gieß die
So- lution
auß dem Koͤlblein in ein anders/ welches abgenommen ist/ vnd setze ein Helm- lein darauff/ abstrahire
in arena
die Helffte des
Spiritus Nitri,
von dem solvirten Sil- ber/ vnd las das Koͤlblein mit der
Solution
in dem Sande erkalten/ darnach n mb es auß vnd las es noch ein Tag vnd Nacht still stehen/ so wird sich das Silber in weisse ge- pletterte Crystallen begeben/ von welchen man die uͤbrige
Solution,
die nicht geschossen ist/ abgiessen muß/ vnd wiederumb davon die Helffte
Spiritus
abstrahiren/ vnd in der Kaͤlte schiessen lassen/ vnd solches so offt mit abstrahiren/ vnd Crystallisiren wiederholet/ bis beynahe alles Silber zu Crystallen worden ist/ welche man auß dem Glas nehmen/ auff Maculatur Pappier zu trucknen legen/ vnd zu fernerm Gebrauch/ wie bald her- nach gelehret wird/ behalten muß. Die uͤbrige
Solution,
welche nicht Crystallisiret ist/ kan man in einem kuͤpffern Gefaͤs/ mit zuthun suͤß Wasser/ auff dem Fewer/ in einen
calcem
pr
æ
cipitiren/ absuͤssen/ trucknen/ vnd zu anderem Gebrauch bewahren/ oder wie- der in ein
corpus
schmeltzen. Oder man kan dieselbe mit Saltzwasser niederschlagen/ absuͤssen/ vnd trucknen/ gibt einen
calcem,
welcher mit gelindem Fewer schmeltzet/ ei- ner sonderbaren Eygenschafft/ der sich
in Spiritu urinæ, salis armoniaci, cornu cervi, succini, fuliginis, \& capillorum,
gern auffsolviren/ vnd in gute
medicamenta
berey- ten laͤßt/ gleich wie bey
Spiritu urinæ
kurtz hernach soll gelehret werden. Oder aber/ man kan die uͤberbliebene
Solution
des Silbers nicht pr
æ
cipitiren/ sondern mit
Spiri- tu urinæ
ein herꝛliche Tinctur darauß extrahiren/ wie hernach gelehret wird.
CAP XXIX
. De Usu Crystallorum Lunæ.
D
Iese Crystallen/ seynd fuͤr sich also allein
in medicina
sicherlich zu gebrauchen/ da- von 3. 6. 9. 12.
grana,
nach des Patienten Alter/ mit einem wenig Zucker vermischet/ oder in Pillen formiret/ eyngeben/ purgiren ohne Gefahr/ gantz lind/ seynd aber jhrer Bitterkeit halben nicht wol zu nehmen/ auch faͤrben sie die Lippen/ Zungen vnd Mund/ (wann sie nicht
in forma pillularum
genommen werden/) gantz schwartz (was aber solcher Schwaͤrtze Vrsach sey/ gehoͤret hieher nicht zu beschreiben/ soll aber bald hernach folgen.) Deßgleichen wann sie Metallen beruͤhren/ als Silber/ Kupffer vnd Zin/ ma-
K
chen
Philosophischer Oefen
chen sie dieselben auch schwartz vnd haͤßlich/ darumb sie nicht gern gebraucht werden. So man aber in die
Solution
des Silbers/ ehe dann sie in Crystallen gebracht worden ist/ die Helffte so viel als des Silbers gewesen ist/
Mercurii Vivi
leget/ vnd mit auffsolvi- ret/ vnd dann zusammen schiessen laͤsset/ so werden schoͤne wuͤrfflichte Steinlein dem Alaun gleich darauß/ welche in der Lufft nicht wie die vorige gepletterte/ zerschmeltzen/ auch nicht so bitter seyn/ vnd darueben geschwinder vnd besser purgiren/ als die je- nigen welche von Silber allein gemacht worden seyn.
CAPUT XXX.
Wie man die
Crystallos Lunæ in flores sub- limiren,
vnd auß den
floribus
eine gute Medicin machen soll.
N
Imb der gepletterten
Crystallorum Lunæ,
so viel du wilt/ reibe auff einem warm gemachten Stein/ so viel reines vnd wolgetrucknetes Salpeters darunter/ vnd lege in dein eysernes Distillir. Gefaͤs/ vor dessen Roͤhren ein grosser Recipient verlutiret ligen soll/ zween zwerch Finger hoch gepulverte Kohlen/ vnd mach Fewer darunter/ daß das Geschirꝛ allenthalben sampt den Kohlen/ welche darinn ligen/ gluͤen. Darnach he- be den Deckel davon/ vnd wirff von deinen zugerichten
Crystallis Lunæ
mit einem Loͤffel auff einmal
drachmam unam,
auch mehr oder weniger/ nach deme
deiu
Reci- pient gros oder klein ist/ vnd vertragen kan/ hineyn; wann solches geschehen/ so setze al- so bald den Deckel darauff/ so wird sich der Salpeter mit den
Crystallis Lunæ
von den Kohlen (welche auff dem Boden des Geschirꝛs) ligen/ entzuͤnden/ vnd ein Weisser Sil- berꝛauch durch die Roͤhren in den Recipienten gehen. Vnd uͤber ein Weil/ wann der Nebel in dem Recipienten vergangen ist/ so trage mehr eyn/ vnd thue solches so lang/ bis all dein zugerichtes Silber ist eyngetragen; darnach las solches erkalten/ nimb den Recipienten davon/ giesse einen guten
Spiritum Vini alcolisatum
dareyn/ vnd schwen- cke deine
Flores
damit auß dem Recipienten/ vnd procedire in allem damit/ gleich wie oben bey dem Gold gelehret worden/ so wirst du einen gruͤnlichten
liquorem
bekommen/ welcher dem Hirn sehr dienstlich ist.
Die Kohlen aber nimb auß dem
Vase distillatorio,
pulverisire solche klein/ vnd schleime dieselbe mit Wasser/ auff daß das leichte Kohlengestuͤb davon komme/ so wirst du noch viel kleine Silberkoͤrnlein finden welche der Salpeter nicht hat uͤbertreiben koͤnnen/ solche kanst du reduciren/ ist wieder gut Silber.
Weiter kan auß den
Crystallis Lunæ
noch eine sehr kraͤfftige Medicin gemacht werden/ welche der vorigen an Guͤte wenig nachgeben will/ dadurch des Hirns Kranck- heiten vnd Maͤngeln wuͤrcklich kan begegnet werden. Vnd geschicht solches also.
CAP.
Ander Theil.
CAPUT XXXI
. Oleum viride ex Luna
zu machen.
V
Bergiesse
Crystallos Lunæ
mit zwey oder dreymal so schwer des allerstaͤrcksten
Spiritus Salis Armoniaci,
stelle solches in einem Glas mit einem langen Hals wol vermacht/ in ein gar linde Waͤrme 8. oder 14. Tage zu
di
geriren/ so wird sich der
Spiritus salis armoniaci
schoͤn blaw von dem Silber faͤrben/ solchen giesse ab/ vnd fil- trir jhn durch ein Pappir/ daß er rein werde/ vnd thue solchen in ein klein glaͤsern Re- toͤrtlein oder Koͤlblein/ vnd abstrah
i
re mit lindem Fewer
in Balneo
beynahe allen
Spi- ritum salis armoniaci,
(welcher wieder gut zu gebrauchen ist/) davon/ so bleibet
in fun- do
ein gras gruͤner
liquor,
welchen man zur Medicin bewahren kan.
Wofern aber uͤbersehen wuͤrde/ daß man von der
Tinctura Lunæ
zu viel
Spiri- tus
abstrahirte/ vnd dieselbe gantz were vertrucknet/ vnd zu einem gruͤnen Saltz worden/ so muß man so viel
Spiritus salis armoniaci
wieder darauff schuͤtten/ daß das gruͤne Saltz wiederumb davon in einen gruͤnen
liquorem
koͤnne solviret werden. Wann man aber solche Tinctur noch reiner haben will/ kan man alle Feuchtigkeit davon abstrahi- ren/ bis ein truckener Stein bleibet/ vnd auff solchen einen guten
Spiritum Vini
gies- sen/ davon der Stein bald auffsolviret wird/ dann
filtriret,
so bleiben
feces
zuruͤck/ vnd wird die Tinctur schoͤner/ davon der mehrentheil
Spiritus Vini
kan abstrahiret wer- den/ so wird die Tinctur desto hoͤher an Farb vnd Krafften. Wann man aber will/ kan man solches gruͤne Saltz oder Stein/ (ehe er noch einmal mit
Spiritu vini
extrahiret wird) in einem glaͤsern Retoͤrtlein distilliren/ gibt einen subtilen
Spiritum
vnd ein scharpffes
Oleum,
vnd bleibet
in fundo
des Retorten ein gautz fluͤssig Silber/ welches nicht hat uͤbergehen koͤnnen.
Es ist zu verwundern/ wann man auff solchen Stein einen
Spiritum salis armo- niaci,
oder
Spiritum vini
zu solviren geust/ daß das Glas so kalt davon wird/ daß man solches nicht wol lang in der Hand leyden kan. Welche kaͤlte dann meines erachtens von nichts anders enstehet/ als von der wol auffgeschlossenen
Luna,
welche von Na- tur kalt ist.
CAPUT XXXII
. Usus liquoris viridis in Alchymia \& Mechanicis.
V
Nd dienet dieser gruͤne
liquor
nicht allein zur Medicin/ sondern auch noch zu mehr andern
operationibus Chymicis
(dann Kupffer vnd Glas damit leichtlich kan schoͤn versilbert werden.) Denen dienstlich/ welch
curieus
seynd mit einem schoͤnen Haußrath zu pruncken/ dann wann man Schuͤsseln/ Teller/ Saltzfaͤsser/ Schaalen/ Trinckbecher vnd andere Geschirꝛ von Glas machen laͤßt/ auff solche Gestalt/ gleich
K ij
wie
Philosophischer Oefen
wie sie von Silber pflegen gemacht zu werden/ kan man dieselben gantz leichtlich/ ohne sonderbaren kosten/ damit/ in-vnd außwendig versilbern/ also daß solche durchs Gesicht nicht anders als fuͤr gute silberne Gefaͤsse koͤnnen erkand werden.
Vber diese oberzehlte gute Medicamenten/ kan noch etwas sonderlichs auß den
Crystallis Lunæ
gemachet werden/ nemlich daß man solche mit dem allgemeinen Was- ser/ welches von der Nat
ur
ist distilliret worden/ vnd jederman kennet/ auffsolviret/ vnd seine Zeit damit digeriret/ so wird sich nach Kochung einer kleinen Zeit/ nach Verwech- selung etlicher Farben/ eine liebliche
Essentia
finden/ welche so bitter nicht mehr ist/ als der obbeschriebene gruͤne
liquor,
welcher noch nicht die Waͤrme zur suͤssen Reyffe vnd Zeitigung gebracht worden ist.
NB.
In diesem suͤssen
Menstruo universali
koͤnnen auch alle andere Metallen in kleiner Hitze/ durch langer Zeit Kochung gezeitiget/ vnd zur Medicin bequem ge- macht werden (wann sie zuvorn in jhre
Vitriola
vnd
Salia
gebracht worden seyn/) dann seynd sie nicht mehr
to
de
corpora,
sondern haben in solcher Bereytung wiederumb ein new Leben empfangen/ vnd seynd nicht mehr
metalla
der Geitzigen/ sondern koͤnnen
metalla Phisophorum \& Medicorum
genennet werden.
CAPUT XXXIII.
Ausser der Medicin.
Z
Vm letzsten vnd Beschluß kan man mit den
Crystallis Lunæ
ausserhalb der Me- dicin noch viel abentheurische Ding verꝛichten/ nemblich/ wann man solche mit ge- meinem suͤssen Regenwasser auffsolviret/ kan man den Bart/ Haar/ Haut/ vnd Naͤ- gel der Menschen/ wie auch der Thieren/ leibfarb/ roth/ braun vñ schwartz faͤrben/ nach de- me man viel oder wenig davon vnter Wasser gethan hat/ oder nach deme man die Haar offt oder wenigmal damit angefeuchtet hat/ dardurch der Menschen vnd Thieren Gestalt/ (welches bißweilen in etlichen Faͤllen wol zu Paß kompt/) veraͤndert/ vnd vn- erkaͤndlich gemachet werden kan.
Vnd kan solche Faͤrbung eben so wol mit
Saturno
oder
Mercurio
gethan wer- den/ als mit
Luna,
welche aber etwas anders/ als mit
Luna
geschehen/ wie im vierdten Theil zu sehen ist/ muͤssen zubereytet werden.
Nunmehr hab ich gelehret/ wie man durch Huͤlffe des
Spiritus nitri acidi, flo- res
vnd
tincturas
von Gold vnd Silber machen soll/ deren Medicamenten zwar noch viel vnd mancherley darauß zu machen koͤnten gelehret werden/ will sich aber allhier an diesem Orth nicht wol schicken/ soll doch in diesem zweyten/ vnd hernach in den folgen- den Theilen weiters davon gehandelt werden.
Gleicherweiß/ wie durch einen
Spiritum nitri
auß Gold vnd Silber gute Me- dieamenten koͤnnen zugerichtet werden/ also kan es auch auß andern schlechtern Me- tallen geschehen. Weilen aber derselben Bereytung sich in andern Orthen dieses
Buchs
Ander Theil.
Buchs/ besser zu beschreiben schicket/ soll es allhier damit beruhen/ doch hat mich gut ge- daͤucht/ von jedwederm Metall nur eine
præparation
zu beschreiben/ vnd folget nach dem Silber das Kupffer.
CAPUT XXXIV.
Ein Medicin aͤusserlich zu gebrauchen
auß Kupffer.
S
Olvire außgegluͤete
laminas Veneris in spiritu nitri,
vnd abstrahire die
spiritus
wieder davon/ bis auff die truckene/ doch nit gar zu hart/ so bleibet ein dunckel gruͤne
massa
zuruͤck/ solche kan man einzelich eyntragen vnd distilliren/ gleich wie von der
Lu- na
gelehret worden/ gibt einen starcken vnd kraͤfftigen
spiritum,
wie auch viel
flores
aͤusserlich zu gebrauchen in verderbten Wunden einen guten Grund zur Heylung da- mit zu machen.
CAPVT XXXV
. Medicina ex Marte.
A
Lso vnd auff diese Weise kan auch mit
Marte
procediret werden/ vnd bleibet ein gu- ter
Crocus
davon zuruͤck einer grossen
stictitet,
sonderlich von
Marte;
koͤnnen mit. Nutzen vnter
unguenta
vnd
emplastra
gebraucht werden.
CAPUT XXXVI
. De Jove \& Saturno.
W
Ann
Jupiter
vnd
Saturnus
darinn solviret werden/ schiessen solche nach Abstrahi- rung eines Theils
Spiritus,
in schoͤne klare vnd suͤsse
Crystallos. Jupiter
aber laͤßt sich so gern nit als
Saturnus
solviren/ vnd giebet auch nicht so suͤsse
Crystallos
als
Sa- turnus,
koͤnnen aber beyde sicherlich zur Medicin gebrauchet werden. Auch koͤnnen
spi- ritus
vnd
flores
darauß distilliret werden. Nicht noͤthig weitlaͤufftig die Bereytung zu wiederholen/ dann wie mit
Luna
zu thun gelehret ist/ also auch von andern Metallen verstanden werden muß.
CAPUT XXXVII
. Usus Crystallorum Saturni \& Jovis.
D
Ie
Crystalli Saturni
koͤnnen/ mit Verwunderung
in peste
den Gchweiß zu befoͤr- dern/ vnd das Gifft dadurch auß dem Leibe zu bringen/ wie auch
in dysenteria
mit Lob gebrauchet werden. Eusserlich aber in Wasser solviret/ vnd mit Tuͤchern so darein genetzet/ auffgeleget/ kuͤhlen vnd loͤschen sie alle Entzuͤndungen vnd
inflammationes
der
K iij
Glie-
Philosophischer Oefen
Glieder/ es sey am Leibe wo es wolle/ gewaltiglich. Deßgleichen thut auch sein
spiritus per se,
(die
flores
vnter
unguenta
vermische) das jhrige genugsamb.
An den Crystallen
Jovis
aber/ wird eine solche schnelle Operation nicht gemercket/ doch thun sie das jhrige auch/ vnd seynd auch lieblicher/ als die von
Saturno
gemachet/ dann bey dem
Jove
ein reiner
Sulphur auri
befunden wird/ bey dem
Saturno
aber ein weisser
sulphur argenti,
wie in meinem Buch
de Generatione, \& Naturâ Metallo- rum
bewiesen wird.
CAP. XXXVIII
. De Mercurio.
W
Ann man
Mercurium vulgi, in spiritu nitri rectificato
solviret/ vnd den
spiri- tum
wieder davon abstrahiret/ so bleibt ein schoͤner leibfarber/ glaͤntzender
præcipi- tat
zuruͤck/ wann aber der
spiritus
nicht rectificiret ist/ wird er nicht so schoͤn/ dann die Vnsauberkeit des
spiritus
bleibet bey dem
Mercurio,
vnd macht solchen vnrein.
Dieser
Mercurius calcinatus,
wird von etlichen
Mercurius præcipitatus,
von andern
Turbith minerale,
genennet/ damit die
Chirurgi,
vnd auch bißweilen etliche vngeschickte
Medici, morbum Gallicum
curiren/ geben davon auff einmal 6. 8. 10. mehr vnd weniger
grana,
(nach deme er zugerichtet ist/ vnd starck operiret/) den Patienten eyn/ dann so man den
spiritum
so gar hart nicht davon abstrahiret/ so wuͤrcket er viel staͤr- cker/ als wann er mit starckem Fewer gaͤntzlich davon geschieden ist/ dann die
spiritus
die dabey bleiben/ machen den
Mercurium
lebendig vnd operirend/ welches er ohne
spi- ritibus
sonsten nicht thun koͤnte.
Gleich wie auch die andere Metallen/ welche so sie nit durch
salia
oder
spiritus
dahin gebracht/ daß sie solvirlich seyn/ keine oder aber wenig Operation thun koͤnnen/ es were dann Zinck oder Eysen/ welche leicht solvirlich seyn/ vnd also ohne vorhergehende Auff- loͤsung/ (gleich wie oben bey dem
Oleo Vitrioli
bewiesen ist) wuͤrcken koͤnnen. Daß aber die scharpffen
spiritus
solcher Operation Vrsach seyn/ kan also gemercket werden. Dann wann man schon ein gantzes Loth
Mercurii currentis
in den Magen schuͤttet/ wuͤrde er doch keine sonderbare Bewegung machen/ sondern also vnten/ gleich wie er oben hineyn kommen/ wieder herauß lauffen/ hergegen aber/ so er mit
spiritibus
oder
sa- lien
zugerichtet ist/ seiner nur etliche
grana
starck wuͤrcken/ vnd je solvirlicher er bereytet ist/ je staͤrcker er auch operiret/ wie zu sehen ist/ wann er durch Saltz vnd Vitriol sublimiret wird/ daß er dadurch so starck wird/ daß auch ein Gran mehr vnd staͤrcker/ als 8. oder 10.
grana Turbith mineralis
wuͤrcket/ vnd 3. oder 4.
grana
des- selben einen Menschen wegen seiner grossen Staͤrcke toͤden koͤnnen. Deßgleichen wuͤrcket er starck/ ja auch noch viel staͤrcker als der
sublimat,
wann er
in spiritu ni- tri
solviret vnd crystallisiret ist/ also/ daß man jhn ohne gefahr nicht wol auff die Zunge nehmen darff. Welches etliche gemercket/ vnd das
Aqua fort
nur mit lin- der Hitz haben davon riechen lassen/ daß der
Mercurius
gelb geblieben ist/ welcher jh-
nen
Ander Theil.
nen in kleinerm
dosi
mehr als der rote/ davon die
spiritus
verꝛochen seyn/ gewuͤrcket hat. Dann sie solchen nicht allein aͤusserlich in vnreine Schaͤden gestraͤwet/ das boͤse Fleisch damit hinweg zu etzen/ nicht ohne grossen Schmertzen des Patienten gebrauchet hvben/ sondern auch denselben ohne Vnderscheyd bey Jungen vnd Altten/ damit zu purgiren/ in den Leib geben/ welche Purgation eine von den allerschaͤdlichsten ist/ die ge- braucht werden kan. Dann dieser boͤse Gast/ er sey gleich bereytet wie er woͤlle/ seine Tuͤcke schaden zu thun nicht lassen kan/ es sey dann/ daß er in ein solches Wesen ge- bracht wuͤrde/ welches nimmermehr in einen lauffenden
Mercurium
kan reduciret wer- den/ dann kan man ohne allen Schaden vnd Nachtheil des Menschen Gesundheit viel gutes
in medicina
damit außrichten/ davon an einem andern Orth etwas mehrers villeicht moͤchte gehandelt werden.
Ich kan nicht vnterlassen den kleinen vnschuldigen Kindern zum besten/ einen gewaltigen eyngerissenen Mißbrauch zu entdecken. Dann es schier bey allen denen/ welche mit der Medicin uͤmbgehen/ so gemeyn worden ist/ daß/ so bald einem kleinen Kinde etwas mangelt/ ehe man noch gewiß weiß/ ob es von wuͤrmen oder von etwas an- ders kranck ist/ laufft man alsobald zu dem
Mercurio,
in Meynung/ weil solcher keinen Geschmack habe/ er desto besser/ die Wuͤrme damit zu toͤden/ den Kindern beyzubrin- gen sey/ kennen aber solche Leuthe seine schaͤdliche Natur nicht/ die er gegen die Sehnen oder Nerven erzeyget. Dann etliche meynen/ wann sie den
Mercurium
also wissen zu bereyten/ daß er in groͤsserem
dosi
eyngeben werden koͤnne/ (gleich wie bey dem
Mercu- rio sublimato dulci
zu sehen ist/) so seye er uͤber die massen wol zugerichtet/ welches aber groͤblich geirꝛet ist/ vnd were viel besser/ daß er so wol nicht zubereytet were/ desto weniger Schaden wuͤrde dadurch dem Menschen zugefuͤget/ weilen sie denselben in so grosser
dosi
nicht eyngeben doͤrfften: Dann so er gebrauchet wird bey alten vnd erwach- senen Menschen
in morbo gallico,
welcher mit
Aquafort,
oder
Spiritu nitri
bereytet ist/ kan er noch so viel nicht schaden/ weilen er in kleiner
dosi
geben wird/ vnd auch bey jh- nen eine Bewegung macht. Dadurch die Natur Huͤlff erlangt/ solches schaͤdliche Gifft zu uͤberwinden/ vnd von sich zu stossen; vnd wird dessen malignitet sonderlich durch das starcke saliviren gebrochen/ welches die vorsichtige Natur jhme eyngepflantzet hat/ da- durch so viel Vnheils nicht kommen kan/ als durch den
Mercurium dulcem,
welcher den kleinen schwachen Kindern von 10. bis auff 30.
grana,
auff einmal eyngegeben wird/ der dann gemeiniglich bey jhnen/ (wofern sie nicht starcker Natur seyn/ vnd solches ver- wachsen/) eine Schwachheit vnd Schlappichkeit der Glieder verursachet/ daran sie dann eine lange Zeit (wo sie nicht gantz lahm werden/) zu uͤberwinden haben.
Deßgleichen irꝛen auch die jenigen/ welche den
Mercurium
mit Wasser oder Bier so lange schuͤttelen/ bis dasselbe truͤb von dem
Mercurio
worden ist/ geben also solches Wasser oder Bier den kleinen Kindern fuͤr die Wuͤrme zu trincken/ vnd sagen/ sie geben den
Mercurium
nicht corporalisch/ sondern nur seine Krafft eyn. So sie aber solches truͤbe Wasser eine Zeitlang hinstelleten/ wuͤrden sie befinden/ daß sich ein lauf-
fender
Philosophischer Oefen
fender
Mercurius
davon zu Boden setzen wuͤrde. Ist also eine solche Bereytung nicht besser/ als haͤtten sie einen lauffenden
Mercurium
eyngeben: Auch habe ich noch nie- mal gesehen/ daß eine gute Operation auff Gebrauch des
Mercurii dulcis
oder truͤben Wassers in Toͤdung der Wuͤrme erfolget were. Es ist aber wol zu glauben/ daß solches durch den gelben oder roten
præcipitat,
weilen er starck wuͤrcket/ geschehen koͤnne. Wer wolte aber seinem Kinde also feind seyn/ vnd solches mit einer so schaͤdlichen vnd moͤr- derischen Medicinen (weilen man andere haben kan/ welche den Kindern keinen Scha- den zufuͤgen/ gleich wie bey
Marte
vnd
Oleo Vitrioli dulci
zu finden ist/) plagen vnd martelen?
Dieses sey nun genug von dem Mißbrauch des
Mercurii
gemeldet: Verhoffe/ es werde jhme mancher solches zu einer Warnung lassen gesagt seyn/ vnd nicht also leicht- lich solchen tyrannischen Gast bey andern eynlosiren/ vnd zu Hauß senden/ dardurch nichts anders als eine Ruin des Gebaͤwes erfolgen muß. Vnd ist solche Cur gantz nicht zu loben/ durch welche das eine Glied gesund/ vnd 2. oder 3. andere wieder kranck dagegen gemacht werden. Gleich wie zu sehen/ wann von den Hurenpocken ein eini- ges inficirtes Glied durch den
Mercurium
vnbestaͤndig geheylet daß hergegen der uͤbri- ge gantze Leib in ein kuͤnfftig vnheyl gesetzet wird. Derenthalben es viel besser were/ daß man solche vnzeitige Roßartzneyen von guten
medicamentis
absonderte/ vnd dar- gegen solche gebrauchte/ welche bestaͤndig vnd ohne Gefahr vnd Nachtheil anderer Glie- der curirten; deren dann mancherley in diesem Buch zu machen gelehret werden. Wo- fern aber einer oder der ander/ durch einen solchen uͤbel bereyteten
Mercurium
were verdorben worden/ so ist kein besser
Remedium
solchen wieder zu recht zu bringen/ als durch metallische
Medicamenten,
mit welchen der
Mercurius
grosse Gemeinschafft hat/ als von Gold vnd Silber/ wann solche offt vnd vielmal gebrauchet werden/ ziehen sie den
Mercurium
auß den Gliedern an sich/ vnd fuͤhren solchen mit sich auß/ dardurch der Leib desselben wiederumb entbunden/ vnd davon frey gemacht wird.
Eusserlich aber kan der
Mercurius præcipitatus
etwas sicherlicher als inwendig gebrauchet werden/ wo man sonsten nichts anders haben koͤnte. Nemblich wild Fleisch damit auß den Wunden zu etzen. So man aber an dessen statt ein
Oleum corrosivum Antimonii, Vitrioli, Aluminis
oder
Salis communis
gebrauchte/ were es viel besser/ vnd wuͤrde auch die Heylung viel schneller darauff erfolgen. Aber noch besser were es/ daß man anfaͤnglich zu frischen Wunden gute Medicamenten gebrauchte/ vnd solche nicht durch Vnachtsamkeit in eine solche Vnart kommen liesse/ welche hernach mit etzen schmertzlich muß benommen werden. Solcher
Mercurius
aber koͤndte am allerbesten dienen den Soldaten/ Bettlern/ vnd Kindern die in die Schul gehen/ dann wo er hin gestrewet wird/ so wol in den Kleydern als auffden Koͤpffen der Kinder/ keine Lauß blei- bet/ er mußaber nicht auff die Roͤthe/ sondern auff die Gelbe bereytet seyn. Doch muß man auch vorsichtig damit uͤmbgehen/ vnd nicht zu dick auffstrewen/ auff daß man
nicht/
Ander Theil.
nicht/ in Meynung die Laͤuß zu toͤden/ das Fleisch verwunde vnd auffetze/ dadurch ein grosser Schaden entstehen moͤchte.
CAP. XXXIX
. De Aqua Forti.
A
Vß Salpeter vnd
Vitriol,
entweder gleiches Gewichts/ oder aber so das Wasser nicht starck seyn soll/ zwey Theilen
Vitriol
gegen ein Theil Salpeter genommen/ vnd darauß ein Wasser distilliret/ ist gut zu gebrauchen die Metallen damit auffzuloͤ- sen/ vnd voneinander zu scheyden/ als Gold von dem Silber/ vnd Silber vom Gold/ wel- ches im vierdten Theil uͤmbstaͤndlich soll gelehret werden.
Sosten dienet auch solches Starckwasser zu vielen andern
operationibus Chy- micis,
die Metallen damit zu solviren/ vnd bequem zu machen/ desto leichter in Medica- menten zu bringen: Weilen aber ein
Spiritus Nitri,
vnd
Aqua-fort
beynahe ein Ding seyn/ vnd gleiche Wuͤrckung haben/ dann so ein
Aqua-fort
dephlegmiret vnd rectifici- ret wird/ eben dasjenige damit kan außgerichtet werden/ welches dem
Spiritu Nitri
zu thun moͤglich ist. Vnd hergegen ein
Spiritus Nitri
alles einem
Aqua-fort
gleich thun kan/ darumb es allhier dabey beruhen/ vnd in dem Vierdten Theil weiter davon gehandelt werden soll.
Nun weiß ich gewiß/ daß ich allhier von vnerfahrnen Laboranten/ (welche all jhr Werck auß Gewonheit also dahin thun/ vnd im geringsten nichts gruͤndlich betrach- ten) ein Ketzer seyn muß (weilen ich lehre/ daß ein
Aqua-fort
von
Vitriol
vnd Salpe- ter gemacht/ eben solcher Natur sey/ als ein
Spiritus Nitri,
welcher ohne
Vitriol
gemacht worden ist/) vnd sagen/ daß ein
Aqua-fort
auch eines
Spiritus Vitrioli
theilhafftig sey/ weilen
Vitriol
in der Bereytung dazu gebraucht wird.
Darauff ich antworte/ ob schon
Vitriol
zu der Bereytung genommen wird/ dan- noch von seinem
Spiritu
nichts/ oder aber sehr wenig mit dem
Spiritu Nitri
in der Di- stillation uͤbergehet/ vnd dem
Spiritu Nitri
gleich/ so hoch nicht mit so kleiner Hitze stey- gen kan/ vnd wird der
Vitriol
nur zu dem Salpeter genommen/ daß er desselben Zu- sammenfluß verhindere/ vnd desto besser vnd leichter in einen
Spiritum
koͤnne getrieben werden. Vnd weiters zu beweisen/ kan der Vnglaubige vnter einem
Spiritu Nitri,
wel- cher
per se
gemacht ist worden/ ein wenig
Olei Vitrioli
thun/ welches auch
per se
ge- macht seye/ vnd damit versuchen verguͤldes Silber zu solviren/ so wird er befinden/
daß sein
Spiritus Nitri
durch den
Spiritum Vitrioli
vntuͤchtig zum scheyden worden seye/ dann es das Gold mercklich raubet/ welches ein
Aqua-fort
nicht thut.
L
CAP.
Philosophischer Oefen
CAP. XL
. De Spiritu Nitri Sulphurato.
E
S kan auch ein
Spiritus Nitri
durch Schwefel gemacht werden/ welches noch bey vielen im Gebrauch ist/ daß sie in einem starcken erdenen Retorten/ welcher in ei- nem Ofen eingemauret/ Salpeter haben lassen fliessen/ welcher Retort oben eine Roͤh- re gehabt/ dadurch sie auff den geflossenen vnd gluͤenden Salpeter immer ein Stuͤck- lein Schwefel einer Erbeiß gros nach dem andern hineyn geworffen/ der sich dar- auff hat angezuͤnd/ vnd also zugleich dem
Nitro
einen
Spiritum
geben. Welches et- liche einen
Spiritum Nitri,
andere ein
Oleum Sulphuris
genennet haben; ist aber kei- nes von beyden/ dann man die Metallen damit nicht/ gleich wie mit einem andern
Spi- ritu Nitri
oder
Sulphuris,
solviren kan. Auch ist er zur Medicin nicht sonderlich dienst- lich/ welcher/ so er zu einigen
operationibus Chymicis
gut were/ derselbe durch mein
Instrumentum Distillatorium
allhier leichtlich in grosser Quantitaͤt zu machen koͤnte gelehret werden.
NB.
So aber Salpeter mit
Sulphure
in rechter Proportion vermischet/ vnd in den ersten Ofen auff gluͤende Kohlen getragen wird/ so wird alles verbrand/ vnd ge- het ein wunderbarlicher
Spiritus
uͤber/ dessen Tugenden allhier zu beschreiben nicht noͤ- thig ist/ sondern an einem andern Orth mehrers davon gemeldet werden soll.
CAP. XLI
. De Clisso.
E
S wird bey den neweren
Medicis
eines
Spiritus
gedacht/ welchen sie von
Antimo- nio, Sulphure
vnd
Nitro,
gleiches Gewichts machen/ vnd solchen
Clissum
nennen/ den sie in hohen Ehren halten/ vnd nicht ohne Vrsach/ dann er viel gutes thun kan/ so er wol bereytet ist. Vnd hat der
Inventor
solchen zu machen einen Retorten mit ei- ner Roͤhren dazu gebrauchet/ gleich wie bey dem
Spiritu Nitri Sulphurato
gemeldet worden/ dadurch er seine Mixtur hineyn geworffen hat. Vnd ist solches ein guter Weg/ so man keinen bessern weiß/ so aber dem
auctori
meine
invention
vnd
Modus distillan- di
bekand gewesen were/ zweiffele ich nicht/ er wuͤrde seinen geschnaͤbelten Retorten an ein Seyten gesetzet/ vnd den meinigen gebrauchet haben.
Die
Species
zwar seyn gut/ aber das Gewicht nicht: Dann was dienet so viel
Sulphuris
dabey welcher doch mit so wenigem
Nitro
sich nicht verbrennen kan? Wann er aber nicht verbrennet/ vnd sich nur allein sublimiret/ den Hals des Retorten verstopf- fet/ dadurch die Distillation verhindert wird/ wie kan er dann Kraͤffte von sich geben? Darumb so viel
Sulphuris
nicht dazu solte genommen werden/ sondern nicht mehr als zu dem anzuͤnden des Salpeters gehoͤrig ist. Nemblich zu einem Pfund Salpeter 8.
Loth/
Ander Theil.
Loth/ weilen aber auch
Antimonium
dazu kompt/ der dann auch viel
Sulphuris
hat/ (dann kein
Antimonium
so rein gefunden wird/ welcher nicht viel brennenden Sul- phurs bey sich hat) wie im Vierdten Theil dieses Buchs bewiesen wird; darumb vnnoͤ- tig ist/ daß man so viel
Sulphur
zu
Antimonio
setze/ solchen brennend zu machen/ wei- len er selbsten genug bey sich fuͤhret. Will derohalben meine Composition allhier setzen/ welche ich besser als die erste befunden hab.
Nimb
Antimonii ℔ j. Salis Nitri ℔ ij. Sulphuris uncias iij.
die
species
muͤssen klein pulverisiret/ vnd wol vntereinander vermischet werden/ vnd davon auff einmal ein oder zwo Vntzen mit einem Loͤffel eyngetragen/ so wird davon ein sulphurischer
Spi- ritus acidus Antimonii
uͤbergehen/ welcher sich in das vorgeschlagene Wasser im Re- cipienten setzen wird. Der nach vollendter Distillation außgenommen vnd wol ver- wahret/ zu seinem gebrauch behalten werden kan. Ist ein nuͤtzliches
Sudoriferum,
in- sonderheit in allen
febribus, peste, epilepsiâ,
vnd allen andern Kranckheiten da schwi- tzens vonnoͤten ist/ das
Caput mortuum
kan in dem Ofen des ersten Theils in
flores
sublimiret werden.
CAP. XLII
. De Spiritu Nitri Tartarisato.
E
Ben auff solche Weise kan auch auß
Nitro
vnd
Tartaro,
gleiches Gewichts ein Schweißtreibender guter
Spiritus
distilliret werden/ welcher
in peste
vnd
febribus malignis
zu gebrauchen sehr gut ist. Das
Caput mortuum
ist ein guter Fluß die
calces metallorum
damit zu reduciren/ oder aber
in humido,
zu einem
Oleo Tartari
flies- sen lassen.
CAP. XLIII
. De Spiritu Antimonii Tartarisato.
N
Och ein viel kraͤfftiger
Spiritus
kan von
Tartaro Nitro,
vnd
Antimonio,
eins so viel als des andern/ vnd vntereinander pulverisiret/ genommen vnd bereytet wer- den/ welcher zwar so lieblich nicht zu nehmen/ darumb er aber nicht zu schewen ist. Dann er nicht allein
in Peste
vnd
Febribus,
sondern in allen
obstructionibus,
vnd
putredi- ne sanguinis
mit Verwunderung seiner schnellen Huͤlff kan gebraucht werden. Das
Caput mortuum
kan außgenommen/ vnd in einem Tiegel geschmoltzen werden/ gibt einen
Regulum,
dessen Gebrauch in dem vierdten Theil beschrieben ist. Auß den Schla- cken kan mit
Spiritu Vini
eine rote Tinctur extrahiret werden/ welche in vielen Kranck- heiten zu gebrauchen sehr dienstlich ist. Ehe aber dieselbe mit
Spiritu Vini
extrahiret wird/ kan man darauß mit suͤssen Wasser ein rotes
Lixivium
solviren/ welches aͤusser- lich zu Maͤngeln der Haut dieselbe von Kraͤtzen zu befreyen kan gebraucht werden. Son- sten kan man solches
Lixivium
mit
Aceto,
oder einem andern
Spiritu acido
uͤbergies-
L ij
sen/
Philosophischer Oefen
sen/ so faͤllt sich ein rothes Pulver darauß/ welches/ so es abgesuͤsset vnd getrucknet wer- den/ zur Medicin kan gebraucht werden. Wird von etlichen
Sulphur Auratum Dia- phoreticum
genennet/ ist aber nicht Diaphoretisch/ sondern macht noch starcke
Vomi- tus,
kan derohalben im Fall der Noth/ wann nichts bessers vorhanden ist/
pro Vomito- rio, à gran. 6. 7. 9. ad
15. gebraucht werden.
Auch kan außden Schlacken mit
Spiritu Urinæ
ein schoͤner
Sulphur
darauß ex- trahiret/ vnd uͤber den Helm gefuͤhret werden/ welcher zu allen Kranckheiten der Lun- gen sehr dienstlich ist.
CAP. XLIV.
Von den Steinkohlen.
S
O man Steinkohlen mit gleich schwer
Salis Nitri
vermischet vnd distilliret/ gibt einen wunderbarlichen
spiritum,
zu aͤusserlichen Schaͤden sehr gut zu gebrau- chen/ dann er reiniget vnd zeucht die Wunden zusammen gewaltiglich/ vnd gehet auch zugleich ein metallische Krafft uͤber/
in forma pulveris rubei,
welche man von dem
spi- ritu
scheyden/ vnd zu seinem Gebrauch bewahren muß: So man aber Steinkohlen also
per se
eyntraͤgt/ vnd distilliret/ so gehet nicht allein ein scharpffer
spiritus,
sondern auch ein hitziges vnd blutrotes
Oleum
uͤber/ welches alle feuchte
Ulcera
gewaltig truck- net vnd heylet: Insonderheit heylet es den Erbgrind vor all andern Medicinen/ vnd consumiret alle feuchte vnd schwamhafftige Gewaͤchs der Haut/ sie seyen wo sie auch wollen/ so man aber Steinkohlen in dem Ofen des ersten Theils sublimiret/ so gehen neben einem metallischen sauren
spiritu
auch viel schwartze leichte
flores
uͤber/ welche alles Blut schnell stillen/ vnd auch vnter
emplastra
zu malaxiren/ nicht geringer seyn als andere metallische
flores.
CAP. XLV
. De Spiritu Nitri vel Aqua-forti Sulphureis.
W
Ann man von einem Theil Schwefel/ zwey Theilen Salpeter/ vnd drey Thei- len
Vitriol,
ein Wasser distilliret/ so bekompt man ein gradirend Scheidewasser/ welches starck nach Schwefel raͤucht/ dann der
sulphur
durch
Nitrum
vnd
Vitriolum,
volatilisch gemacht wird/ ist besser zum scheiden der Metallen als ein gemeines: Sil- bel darein geleget/ wird schwartz/ aber nicht fix/ etwas davon
in solutionem Lunæ
ge- gossen/ faͤllt viel schwartzer Kalck zu Boden/ bestehet aber noch nicht die Proben. Vnd
k
an
per rectificationem
davon ein starcker
spiritus volatilis sulphureus
abstrahiret werden/ welcher gleiche Tugenden hat/ so wol innerlich als außwendig zu Baͤdern/ vnd gleich wie ein
spiritus volatilis Vitrioli
oder
Aluminis
gebrauchet werden kan.
CAP.
Ander Theil.
CAP. XLVI
. De Spiritu Arsenici Nitroso.
A
Rsenicum album
vnd
Nitrum purum
zusammen gleiches Gewichts/ klein ge- rieben vnd distillirt/ gibt einen blawen
spiritum,
welcher sehr starck ist/ es muß aber kein Wasser vorgeschlagen werden/ sonsten wuͤrde er weiß werden/ dann das
Ar- senicum,
davon die blawe kompt/ wird durch das Wasser pr
æ
cipitiret/ dieser
spiritus
solviret vnd gradiret/ das Kupffer weiß als Silber/ auch geschmeidig/ aber nicht fix. Das zuruͤck bleibende
Caput mortuum
machet das Kupffer auch weiß/ so es damit ci- mentiret wird/ aber gantz bruͤchig vnd vngeschmeidig/ wie aber auß dem
Arsenico
gut Silber mit Nutzen kan geseigert werden/ wirstu im vierdten Theil finden.
In medicina
dienet der blawe
spiritus
zu allen uͤmbsichfressenden cancrosichsen Schaͤden/ dieselben damit angestrichen/ werden getoͤdet/ vnd zur Heylung bequem gemacht.
CAP XLVII.
Von
Sulphure, Tartaro crudo
vnd
Nitro
einen
Spiritum
zu machen.
S
O man ein Theil
Sulphuris,
2. Theil
Tartari crudi,
vnd 4. Theil
Nitri
zusam- men reibet/ vnd
Philosophicè
distilliret/ so kompt ein wunderbarlicher
spiritus
uͤber/ welcher das seine
in Medicina
vnd
Alchymia
wol thun kan. Aber ich will niemand ra- then/ daß er solchen in einem Retorten zu distilliren vnterstehe/ dann diese Mixtur/ wann sie von vnten auff warm wird/ gleich als ein Buͤchsenpulver schlaͤget/ so sie aber von oben mit einer gluͤenden Kohlen angezuͤndet wird/ fulminiret dieselbe nicht/ sonder brennet nur als ein schnell Fewer hinweg; koͤnnen
Metalla
damit reduciret vnd ge- schmoltzen werden.
CAPUT XLVIII.
Von
Sale Tartari, Sulphure,
vnd
Nitro
einen
Spiritum
zu machen.
W
Ann 1. Theil
salis tartari,
1½ Theil
sulphuris
mit 3. Theil
salis nitri
zusammen ge- rieben werden/ wird ein Composition darauß/ welche fulminirt/ gleich wie ein
Aurum tonitruans,
vnd kan dieselbe auch auff solche Weise/ gleich wie oben bey dem
Golde gelehret worden/
in Flores
vnd
Spiritus
distilliret werden. Welche nicht ohne sonderbahre Wuͤrckung seyn.
Nam unius corruptio alterius generatio est.
L iij
CAP.
Philosophischer Oefen
CAP. XLIX.
Wie man von Saͤgspaͤhn/ Schwefel/ vnd Salpe-
ter einen
Spiritum
machen soll.
S
O man eine Mixtur machet/ von 1. Theil Saͤgspaͤhn von Linden Holtz gemacht/ vñ 2. Theilen guten Schwefel/ vnd 9. Theilen gelaͤuterten vnd wol getruckneten Sal- peter/ davon immer ein wenig nach dem andern eyntraͤgt/ so gehet ein saurer
spiritus
uͤber/ welcher aͤusserlich/ vnreine Wunden damit zu reinigen/ kan gebrauchet werden. So man aber vnter diese Composition klein pulverisirte
Mineralia,
oder
Metalla
mischet/ vnd dann also mit eyntragen distilliret/ so gehet nicht allein ein kraͤfftiger
spiritus Me- tallicus,
sondern auch viel
Flores,
nach Art des Minerals mit uͤber/ nicht kleiner Tu- genden/ dann die
Mineralia
vnd
Metalla
durch dieses schnelle Fewer zerstoͤret/ vnd gleichsamb ein Verbesserung erlangen/ davon viel zu schreiben were/ aber nicht rath- samb alles zu offenbaren/ betrachte diesen Spruch der
Philos. Est impossibile Sulphur sine flamma delere. Calcis adustibile quod præstat fossa mineræ.
Vnd koͤnnen auch alle fluͤssige Mineralien vnd Metallen
in momento
auff ei- nem Tisch in einer Hand oder in einer Nußschalen nicht allein geschmoltzen/ sondern auch cupelliret werden/ dardurch sonderbare Proben der Ertze vnd Metallen viel bes- ser als auff Cupellen tractiret/ koͤnnen gethan werden/ davon weiters im Vierdten Theil. Allhier ist vns eine Thuͤr zu hohen Dingen eroͤffnet/ wird vns der eyngang ge- stattet vnd zugelassen/ so doͤrffen wir weiters keine Buͤcher mehr/ die Kunst darin- nen zu suchen.
CAP. L.
Durch Huͤlff des Salpeters vnd Leinentuch/ Metal-
lische
Spiritus
vnd
Flores
zu machen.
S
O
Metalla
in jhren
menstruis appropriatis
solviret vnd in der solution/ darin ein behoͤrlich Gewicht Salpeter zerlassen ist/ reine Leinentuͤcher genetzet/ vnd ge- trucknet werden/ so hat man ein zubereytes Metall/ welches sich anzuͤnden laͤßt/ vnd gleich wie oben bey den Saͤgspaͤnen gemeldet/ durch Verbrennung jhres
sulphuris su- perflui
die Mercurialische
substantia
des Metalls offenbaret wird. Vnd nach geschehe- ner Distillation wird ein sonderbarer purificirter
Calx
gefunden/ welcher durch anrei- ben andere
metalla
faͤrbet/ als von Gold verguͤldet er Silber/ ein Silber
Calx
versil- bert Kupffer/ ein Kupffer
Calx,
verkuͤpffert Eysen/ ꝛc. Welche Faͤrbung zwar keinen
sonderbaren Nutzen geben kan/ ist nur die Moͤglichkeit zu sehen beschrieben worden/ doch moͤchte vielleicht auch noch etwas gutes dahinden stecken/ welches nicht jederman zu wissen gegeben ist.
CAP.
Ander Theil.
CAP. LI.
Von dem Buͤchsen-Pulver.
V
On der schaͤdlichen Composition/ vnd teuffelischen Mißbrauch des Buͤchsen- Pulvers were viel zu schreiben/ weilen aber die jetzige Welt nur jhren Lust daran hat/ vnschuldig Blut zu vergiessen/ vnd nicht hoͤren mag/ daß man das Vnrecht ver- achte/ vnd das Gute lobe/ so ist es am allersichersten davon geschwiegen/ vnd einen jedwedern selber sein Thun verantworten lassen/ wann die Zeit der Rechenschafft vn- serer Haußhaltung/ (welche vielleicht nicht weit ist) einmal kommen wird/ da dann ein Scheydung gutes vnd boͤses durch den Hertzenprobierer (gleich wie Gold im Fewer von seiner Schlacken gereinigt) angestellet wird. Dann wird man sehen was fuͤr Chri- sten wir gewesen seyn/ wir haben zwar alle den Nahmen/ beweisen aber solches mit der That nicht/ will immer einer besser als der ander seyn/ vnd uͤmb eines Worts wegen/ welches dieser anders als jener verstehet (daran die Seligkeit doch nicht gelegen ist) ver- fluchet vnd verdammet einer den andern/ verfolgen vnd bestreiten einander bis in den Tod/ welches vns Christus nicht gelehret hat/ sondern ernstlich befohlen ist/ daß wir vns vntereinander lieben sollen/ boͤses mit gutem/ vnd nicht gutes mit boͤsem be- zahlen/ wie leyder jetzunder uͤberall im Schwang gehet/ vnd bey allen Menschen ge- meyn ist/ ein jedweder will nur sein eygen Reputation nacht nehmen/ Gottes Ehr vnd Gebott aber wird hergegen nicht geacht/ sondern mit Fuͤssen getretten/ vnd hat der schaͤndliche Hoffart/ eyteler Ehrgeitz/ vnd Phariseische Scheinheiligkeit bey den (boͤß) Gelaͤhrten also Vberhand genommen/ daß auch niemand von seiner Halsstarꝛigkeit weichen will/ vnd solte auch die gantze Welt dadurch uͤmbgekehret werden. Das las mir einer Christen seyn/ an jhren Fruͤchten solt jhr sie erkennen/ vnd nicht an jhren Wor- ten. Die Woͤlffe seynd nun so mit Schaffskleydern bedecket vnd uͤberzogen/ daß man schier keine mehr finden kan/ Wolffsthaten aber werden allenthalben gespuͤret. Alle gute Sitten werden in boͤse verkehret/ die Weiber werden nun Maͤnner/ die Maͤnner stellen sich als Weiber/ gantz gegen Gottes vnd der Natur Eynsetzung. In Summa die Welt gehet auff Gteltzen. Wann nun
Heraclitus
vnd
Democritus
einmal diese gegenwaͤrtige Welt sehen moͤchten/ ich meyne sie wuͤrden dieselbe zu beschreyen vnd zu verlachen Vrsach genug finden: Ist derohalben nicht zuverwundern/ daß Gott uͤber vns boͤse Menschen eine solche schroͤckliche Ruthen des Buͤchsenpulvers geschickt hat; vnd ist glaͤublich/ wann auff solche kein Besserung erfolget/ daß noch eine groͤssere uͤber vns/ nemblich Donner vnd Plitz vom Himmel herab/ dadurch die Welt uͤmbgekehret/ vnd einmal allem Hoffart/ Eygennutz/ Ehrgeitz/ Betrug vnd Eytelkeit derselben ein Ende zu machen/ kommen werde. Darnach alle Creaturen/ einwal von derselben Dienstbarkeit auffgeloͤset zu werden/ sich hertzlich sehnen vnd Verlangen tragen.
Solche Bereytung nun/ welche das allerschaͤdlichste Gifft/ ein Schrecken aller
Leben-
Philosophischer Oefen
Lebendigen/ ist nichts anders als ein
Fulmen terrestre,
welches vns den Zorn vnb Zukunfft des
Herrn
verkuͤndiget. Dann weilen Christus (die Welt zu richten) mit Donner vnd Plitz kommen soll/ dieser jrꝛdische Donner aber vielleicht gegeben ist/ vns dadurch des zukuͤnfftigen in forcht zu erinneren/ so wird doch solches nicht in acht genom- men/ sondern nur zur allergrewlichsten vnd schroͤcklichsten Plag vnd Verderben des menschlichen Geschlechts (wie jederman wol bekand ist) zugerichtet vnd bereytet.
Dann niemand laͤugnen kan/ daß kein schneller Gifft zu finden sey/ als eben die- ses Pulver. Von dem
Basilisco
wird geschrieben/ daß er die Menschen mit seinem Ge- sicht toͤden solle/ davon man sich noch huͤten vnd bewahren kan/ vnd auch derselben (wann deren auch seyn) gar selten gefunden werden/ dieses Gifft aber wird nun an allen Orthen vnd Enden zubereytet vnd gefunden.
Wie offtermals geschicht es/ daß der Donner in einen Thurn schlaͤgt/ dadurch er das Pulver/ seins gleiches entzuͤndet/ vnd in einem Augenblick alles so darumb ist/ in die Lufft jaget/ dafuͤr sich niemand versehen/ oder dazu bereytet hat/ welches schroͤcklich zu hoͤren ist. Deßgleichen geschicht auch/ wann eine Stadt von den Feinden belaͤgert/ mini- ret/ oder vntergraben wird/ dadurch ein gros Stuͤck derselben
in momento,
mit allen die es begreiffet/ ploͤtzlich vnd jaͤmmerlich zum Tode bringet/ vnd was dergleichen viel andere Gefaͤhrligkeiten/ welche dadurch entstehen koͤnnen/ mehr seyn. Wie koͤndte doch ein schnellers vnd gefaͤhrlichers Gifft erdacht werden? Ich vermeyne niemand zu seyn/ welcher dieses nicht dafuͤr erkennen werde.
Weilen dann von den alten
Philosophis
vnd
Chymicis
allzeit dafuͤr gehalten worden/ je groͤsser ein Gifft sey/ je groͤssere vnd bessere Medicin/ nach benommenem Gifft darauß koͤnne bereytet werden/ welches dann auch von vns Nachkoͤm̃lichen wahr zu seyn/ vielfaͤltig befunden ist: Wie bey dem
Antimonio, Arsenico, Mercurio,
vnd an- dern
Mineralibus
zu sehen/ welche ohne Bereytung lauter Gifft seyn/ hergegen aber durch gute Bereytung/ in die allerbeste vnd kraͤfftigste Medicamenten koͤnnen verwan- delt werden/ welches zwar nicht jederman begreiffen vnd glauben kan/ den
Spagiris
aber solches zu thun nicht frembd ist. Weilen ich dann nun in diesem Theil von medicina- lischen
Spiritibus
vnd andern guten Medicamenten tractire vnd handele/ vnd befun- den/ daß diese/ welche auß dem Buͤchsenpulver gemacht wird/ die geringste nicht sey/ ha- beich also derselben Bereytung/ so viel es thunlich ist/ etlicher massen zu beschreiben nicht uͤmbgehen wollen/ vnd geschicht solches also.
CAP. LIII.
Einen
Spiritum
auß Buͤchsenpulver
zu machen.
W
Ann man das Distillir-Gefaͤß warm gemacht/ vnd einen grossen Recipienten/ darinnen suͤß Wasser ist/ vnd die Roͤhren vnverlutiret accommodiret hat/ so setzet
man
Ander Theil.
man eine Schale/ dareyn vngefaͤhr zwoͤlff oder fuͤnffzehen Granen gemeyn Buͤchsen- pulver gethan sey/ nach dem andern/ gleich wie oben bey dem Golde gelehret worden/ hineyn/ vnd nicht mehr/ dann so man zu viel auff einmal hineyn thaͤte/ wuͤrde es zu viel Wind machen/ vnd den Recipienten zerstossen/ vnd mache alsobald das Thuͤrlein wie- der zu/ so wird sich das Schießpulver entzuͤnden/ vnd einen Blast von sich geben/ da- von der Recipient beweget wird/ vnd auch ein weisser Nebel in den Vorlag steigen/ so bald aber das Pulver verbrand ist/ kan man mehr eyntragen/ vnd darff man nicht warten/ bis sich der Nebel gesetzet habe/ welches zu viel Zeit zu der Distillation erforde- ren wuͤrde/ vnd kan man nur immer nacheinander eyntragen/ so lang bis man meynet
Spiritus
genug zu haben. Dann laͤßt man das Fewer außgehen/ vnd den Ofen erkal- ten/ nimbt den Recipiemen ab/ vnd geusset den uͤbergestiegenen
Spiritum
sampt dem vorgeschlagenen Wasser/ (so zuvorn die
flores
allenthalben/ damit abgeschwencket seyn/) auß dem Recipienten in einem glaͤsernen Kolben/ vnd rectificiret solches
per Alembicum in Balneo,
so steyget ein truͤb Wasseruͤber/ welches etwas nach Schwefel raͤucht vnd schmaͤcket/ solches verwahre. Im Kolben wirstu ein weiß Saltz finden/ wel- ches du auch in dem Kolben bewahren solst.
Das
Caput mortuum,
welches
in vase distillatorio
geblieben/ vnd als ein graw Saltz anzusehen/ ist nimb/ vnd gluͤe solches in einem verdeckten Tiegel wol auß/ daß es weiß werde/ aber nicht schmeltze/ auff solches außgegluͤete Saltz giesse das stinckende Wasser/ welches
per Alembicum
uͤbergangen ist/ vnd solvire das außgegluͤete weisse Saltz damit auff/ die
feces,
welche sich nicht solviren lassen/ wirff hinweg. Die
solution filtrire,
vnd giesse solche auff das behalten weisse Saltz/ welches im Kolben geblieben/ davon der sulphurische
Spiritus
zuvorn abstrahiret ist/ vnd setze den Kolben mit seinem verlutirten Helm/ in ein Sand-Capell/ vnd abstrahire das sulphurische Wasser da- von/ welches etwas gelb seyn/ vnd auch mehr nach Schwefel als zuvorn riechen wird. Solches Wasser/ wann es zu etlich malen von dem Saltz abstrahiret wird/ bekompt es eine weisse/ schier einer Milch gleich/ welches nicht mehr nach
sulphur
schmaͤcket/ son- dern lieblich vnd suͤß ist.
Sehr dienstlich in allen Lungen-Kranckheiten zu gebrauchen. Auch verguͤldet es Silber damit angestrichen/ doch nicht bestaͤndig/ kan durch Digerirung in eine bessere Medicin gezeitiget werden.
Dem Saltz aber/ welches in dem Kolben geblieben ist/ gieb staͤrcker Fewer also daß der Sand/ darinn das Glas stehet/ gluͤe/ so wird sich ein schoͤn weiß Saltz in den Helm sublimiren/ am Geschmack schier wie ein
salarmoniacum,
aber in mittel des Kolbens findet sich ein anders/ welches gelblecht ist/ auffgestiegen/ schmaͤcket mineralisch/ vnd ist sehr hitzig auff der Zungen. Diese sublimirte
Salia,
so wol das weisse welches in den Helm gestiegen/ als das gelbe welches im Kolben geblieben ist/ seynd gut zu gebrau- chen
in Peste, Febribus malignis,
vnd andern Kranckheiten da schwitzens vonnoͤthen ist/ dann sie den Schweiß gewaltig treiben/ staͤrcken vnd reinigen den Magen/ vnd ma-
M
chen
Philosophischer Oefen
chen auch bißweilen linde
sedes.
Was aber sonsten weiters
in Medicina
damit kan gethan werden/ ist mir noch vnbekand.
In Alchymia
aber haben sie auch jhren Gebrauch/ welches hieher nicht gehoͤrt. Auff das hinderstellige Saltz/ welches sich nicht sublimi- ret hat/ kan man Regenwasser giessen/ vnd damit in den Kolben auffsolviren (wann er gantz geblieben ist) so er aber gebrochen were kan man das Saltz also trucken außneh- men vnd solviren/ filtriren/ vnd wieder coaguliren/ dadurch viel
feces separirt
werden/ solches gereinigte Saltz/ welches etwas gelb seyn wird/ muß man in einem verdeckten Tiegel wol vnd rein fliessen lassen/ so wird es durchauß blutroth werden/ vnd so hitzig auff der Zungen/ als ein lauter Fewer; welches mit suͤssem Wasser wiederumb muß solvirt/ filtriret vnd coagulirt werden. In welcher Arbeit dasselbe sehr rein vnd klar gemacht wird; vnd ist die
solution
gantz gruͤn/ ehe sie coaguliret wird/ vnd so fewrig als das ro- te Saltz zuvoren gewesen/ ehe es solviret worden ist. Wann nun solche grasgruͤne
so- lution
wiederumb in ein roth fewrig Saltz coaguliret ist/ kan es noch einmal in ei- nem reinen guten bestaͤndigen Tiegel geschmoltzen werden/ so wird es noch viel roͤter vnd hitziger.
NB.
Vnd ist zu verwundern/ daß im fliessen desselben viel fewrige Funcken da- von springen/ welche doch nicht anzuͤnden/ gleich als andere Fewerfuncken von Koh- len oder Holtz zu thun pflegen. Wann nun solches wol gereinigte rote Saltz an ein kalt vnd feucht Orth gelegt wird/ so zerfleußt es in ein blutrotes
Oleum,
welches
in dige- stione
Gold auffsolviret/ vnd das Silber ligen laͤßt/ die
Solution
kan coaguliret/ vnd zur
Alchymia,
vnd dessen Gebrauch bewahret werden. Auch kan man mit
Spiritu Vini alcolisato
eine koͤstliche Tinctur darauß extrahiren/ welche Silber verguͤldet aber nicht bestaͤndig: Zur Medicin aber/ kan solche als ein fuͤrtrefflicher Schatz zum Gebrauch wol verwahret werden/ so man aber das rote fewrige Saltz mit
Spiritu Vini
extrahi- ret/ ehe Gold damit auffsolviret worden ist/ gibt es auch eine schoͤne rote Tinctur/ aber nicht so kraͤfftig zur Medicin/ als diejenige/ da Gold zugenommen worden ist; vnd kan auch solche Tinctur weiters
in Alchymia
gebrauchet werden/ welches hieher nicht ge- hoͤret/ wetlen nur von
medicamentis
gehandelt wird.
CAP. LIII.
Vom Gebrauch des Buͤchsen-Pulvers Me-
dicin oder Tinctur.
D
Iese
Tinctura,
so wol mit als ohne Gold auß dem roten Saltz gemacht/ ist eine von den fuͤrnembsten/ die mir zu machen bekand seyn. Wann man nur recht damit uͤmbgehet/ vnd solche wol zubereyꝛet: Dann sie das Gebluͤt reiniget vnd saͤubert/ trei- bet den Schweiß vnd Vrin kraͤfftig/ dahero
in peste, febribus, cpilcpsia, scorbuto, me- lancholia, hypochondriaca, podagra, calculo
vnd jhren
speciebus,
deßgleichen in allen
obstructionibus
des Miltzes vnd Leber/ auch in allen Lungen-Kranckheiten
sicher
Ander Theil.
sicher vnd nuͤtzlich kan gebrauchet werden. Vnd ist zu verwundern/ daß auß einem so schaͤdlichen Wesen/ eine solche gute vnd nuͤtzliche Medicin kan bereytet werden. Were derohalben viel besse/ daß man gute
Medicamenta
dar auß verfertigte/ die armen Kran- cken damit gesund zu machen/ als daß man die Gesunden damit ermordet vnd uͤmbs Leben bringet.
Ich kenne einen
Chymicum,
welcher viel Zeit vnd Kosten in diesem gifftigen Drachen zu suchen/ auffgewendet hat/ in Meynung der alten Philosophen jhren
lapi- dem
oder
universal
Medicin darauß zu machen.
Sonderlich darumb/ weilen er sahe/ daß sich solche wunderbarliche Veraͤnderun- gen der Farben sehen liessen/ davon bey der
Philosophorum Medicina
vnd jhrer Be- reytung Meldung geschicht.
Als Drachenblut/ Jungfrawmilch/ gruͤne vnd rote
Leo, nigrum, nigrius, nigro, album, albius, albo,
vnd was dergleichen Dingen viel mehr seyn/ nicht noͤtig zu erzeh- len/ welche einen Baldglaubenden leichtlich jrꝛ machen koͤnnen/ wie dann jhme auch damit geschehen ist. Hernach aber ist er gewahr worden/ daß sein
subjectum
darauff er seine Hoffnung gestellet hatte/ leprosisch/ vnd nicht rein genug war/ sondern einen sol- chen tingirenden Stein (Menschen vnd Metallen dadurch zu verbessern) darauß zu machen/ vnmoͤglich were/ hat also mit einer guten Particular Medicin vor lieb nehmen/ vnd das uͤbrige Gott heimstellen muͤssen.
Dieses sey min genug gesagt/ von dem gifftigen Drachen/ dem Buͤchsenpulver/ vnd seiner Medicin. Daß aber nicht noch ein anderer vnd reinerer Drach sey/ davon die
Philosophi
viel vnd offtermals Meldung gethan/ will ich nicht verneynen/ dann die Natur gewaltig reich ist/ vnd viel
Arcana
dnrch
Gottes Zulassen vns offenbaren koͤnd- te. Weilen wir aber nur grosse Ehr/ vnd Reichthumb suchen/ vnd dagegen der Armen vergessen/ ist es nicht vnbillich/ daß solche den Gottlosen verborgen bleiben.
CAP. LIV.
Auß Salpeter vnd Kohlen
Spiritus
vnd
Flores
zu machen.
W
Ann man guten gelaͤuterten Salpeter/ welcher wol von seinem vnnuͤtzen vnd hin- derlichen Saltz gereinigt ist/ mit guten Kohlen distilliret/ so verbreñet sich der Egy- ptische Sonnenvogel/ vnd schwitzet auß jhme ein sonderbar Wasser/ welches den Men-
schen vnd Metallen dienstlich. Sein verbrandte Asche aber einem calci- nirten
Tartaro
gleich/ vnd zu der Metallen Reinigung nicht zu verwerffen ist.
M ij
CAP.
Philosophischer Oefen
CAP. LV.
Auß Kißling/ Crystallen oder Sand/ mit Zuthun
Kohlen vnd Salpeter/
Flores
vnd
Spiritus
zu machen.
N
Imb ein Theil Kißling oder Sand/ vnd drey Theil Linden-Kohlen/ mit sechs Thei- len guten Salpeter/ vntereinander gemenget/ vnd davon eyngetragen/ so entzuͤndet sich der verbrennliche
Sulphur
in den
Silicibus,
durch das durchdringende vnd
vehe- mente
Fewer des Salpeters/ vnd macht eine Scheydung/ fuͤhret ein Theil davon mit sich uͤber/
in spiritus
vnd
flores,
welche
per filtrationem
voneinander muͤssen geschieden werden. Der
Spiritus
schmaͤcket gleich als were er von
Sale Tartari
vnd
Silicibus
ge- macht worden/ hat auch solche Natur vnd Eygenschafft/ deßgleichen auch das zuruͤck gebliebene
Caput mortuum
ein solches Oel oder
liquorem
giebet/ deme in allem gleich/ welches von
Sale Tartari
vnd
arena
herkompt. Darumb allhier sein Tugend nicht be- schrieben wird/ sondern bey dem
Spiritu Salis Tartari cum silicibus
gemacht/ zu fin- den ist.
CAP. LVI
. Spiritum \& Oleum ex Talco
mit Sal-
peter zu machen.
N
Imb ein Theiliklein pulverisirt
Talcum,
vnd zwey Theil Linden-Kohlen/ mit 5. oder 6. Theil guten Salpeter vermischet/ vnd davon eyngetragen/ immer ein Loͤffel voll nach dem andern/ so gehet ein
Spiritus
vnd wenig
Flores
uͤber/ welche voneinander muͤssen separirt werden/ gleich oben bey den
silicibus
gelehret worden. Der
Spiritus
ist nicht vngleich dem
spiritu arenæ,
das
caput mortuum,
welches grawlecht seyn wird/ muß man in einem Tiegel wol außgluͤen/ oder aber fliessen lassen vnd außgiessen/ gibt eine durchsichtige weisse
Massam,
gleich wie die
Silices
vnd Crystall
e
n, welche an einem kalten vnd feuchten Keller in einen dicken
liquorem
fleußt/ viel fetter anzugreiffen/ als ein
Oleum arenæ,
ist etwas scharpff/ einem
Oleo Tartari
gleich/ reiniget die Haut/ Haar vnd Naͤgel/ vnd macht dieselbe weiß/ der
Spiritus
kan innerlich zum Schweiß treiben/ vnd den Vrin zu befoͤrdern gebraucht werden/ aͤusserlich reiniget er die Wun- den/ vnd heylet alle Kraͤtze am Leibe bald vnd schleunig. Was weiters damit kan ge- than werden/ ist mir noch vnbekand: Wie aber
Talcum, Silices
vnd dergleichen steinich-
te Dinge mehr/ dahin koͤnnen gebracht werden/ daß dieselbe mit
Spiritu Vini.
solviret/ vnd in gute
medicamenta
koͤnnen gebracht werden/ soll. im vierdten Theil gelehret werden.
CAP.
Ander Theil.
CAP. LVII
. Spiritus, Flores
vnd ein
Oleum
auß
Zinn zu machen.
W
Ann man zu einem Theil guten Salpeter/ zwey Theil klein gefeylet Zinn mischet/ vnd solches eyntraͤgt/ gleich bey andern Dingen gelehret worden/ so zuͤnd das
Sul- phur Jovis
den Salpeter an/ vnd machet eine Flamm/ gleich als were es durch einen gemeinen
Sulphur
geschehen/ vnd macht eine Scheydung/ also daß ein Theil von dem Zinn
in Flores
vnd
Spiritus
uͤbergehet/ der Rest davon zuruͤck liegen bleibt/ welcher/ so er wird außgenommen/ in feuchter Lufft etwas davon in einen
liquorem
oder
oleum
fleusset/ welches aͤusserlich
in ulceribus,
solche zu reinigen nuͤtzlich kan gebraucht wer- den/ weiters hat es Krafft/ alle Farben der Vegetabilien vnd Animalien so es wol da- zu gebrauchet wird/ wunderbarlicher Weiß zu erhoͤhen vnd zu verbessern/ welches den Lakenfaͤrbern nicht vndienstlich ist/ der
Spiritus
treibet den Schweiß gewaltig/ die
flo- res
koͤnnen abgesuͤßt/ vnd vnter
Emplastra
gebrauchet werden/ trucknen vnd hey- len schnell.
CAP. LVIII.
Einen
Spiritum, Flores \& Liquorem
auß dem
Zinck oder Spiauter zu machen.
G
Leich jetzt bey dem Zinn gelehret worden/ also kan auch mit dem Zinck procediret werden/ giebet viel
flores,
auch einen
Spiritum
vnd
Oleum,
beynahe solcher Kraͤff- ten als die von
Jove
gemacht: Vnd seynd diese
Flores
besser corꝛigiret durch das
Ni- trum,
als die jenige/ welche
per se
im Ersten Theil zu machen seynd gelehret worden.
CAP. LIX.
Ex Lapide Calaminari, Spiritum Flo- res \& Oleum
zu machen.
Z
V einem Theil pulverisirten Galmey 2. Theil
Nitri,
gemischet/ vñ eyngetragen giebt einen scharpffen
Spiritum,
welcher in Scheydung der Metallen sehr gut ist/ vnd kommen ein wenig gelbe
Flores
mit uͤber. Das uͤbrige bleibt zuruͤck als ein dunckel gruͤne
Massa,
gantz fewrig auff der Zungen/ gleich als ein
Sal Tartari,
wann es außge- laugt wird mit Regenwasser/ so giebt es eine grasgruͤne
solution,
welche so sie nicht bald in ein Saltz coaguliret wird/ scheydet sich die Gruͤne von dem
Nitro fixo,
vnd faͤllt als ein zart rot Pulver zu Boden/ welches so es abgesuͤßt vnd getrucknet wird/ von einem Gran bis auff 10. oder 12. eyngeben/ macht solches linde
sedes
vnd
vomitus,
besser als ein zubereytes
Antimonium Vomitivum,
dann der Galmey vnd Zinck guͤldischer
M iij
Natur
Philosophischer Oefen
Natur seyn/ wie im vierdten Theil bewiesen wird/ das weisse
lixivium,
davon die Gruͤ- ne gefaͤllet/ kan in ein weiß Saltz/ dem
Sali Tartari
gleich/ coaguliret werden/ so man aber die Gruͤne
solution
coaguliret/ ehe sich die Gruͤne von dem
Nitro
geschieden hat/ so bekompt man ein schoͤn hochgruͤnes Saltz/ viel fewriger als ein
Sal Tartari,
damit sonderbare Dinge
in Alchymia
koͤnnen gethan werden/ welches hieher nicht gehoͤret. So nun jemand solche gruͤne fixe Saltz
in Alchymia
zu gebrauchen machen wil/ darff er so viel Muͤhe nicht auffwenden/ erst einen
Spiritum
auß der
mixtur
zu distilliren/ sondern kan nur zu 1. Theil Galmey 3. oder 4. Theile guten Salpeter mischen/ vnd sol- che
mixtur
in einen guten Tiegel/ in einen Wind-Ofen zusammen kochen/ so lang/ bis sich das
Nitrum
gruͤn von dem Galmey gefaͤrbet hat/ dann außgegossen/ vnd das gruͤ- ne guͤldische Saltz davon geschieden/ vnd so gut gebrauchet als man weiß.
Will man aber eine gute Tinctur vnd Medicin darauß extrahiren/ so kan man solches pulverisiren/ vnd mit
Spiritu Vini
extrahiren/ giebt eine blutrote Tinctur/ nicht allein
in Medicina,
sondern auch
in Alchymia
nicht zu verachten.
Weiters ist dis in acht zu nehmen/ daß vnter allen Metallen vnd Mineralien/ welche mir bekand seyn/ (Gold vnd Silber außgenommen/) keines gefunden wird/ auß welchem kan ein Fewerbestaͤndige Gruͤne extrahiret werden/ als eben auß dem guͤldi- schen Galmey welches wol nachdenckens werth ist.
CAP LX.
Von Salpeter/ Schwefel/ vnd gemeinem Koch-
saltz einen
Spiritum
zu machen.
N
Imb ein Theil Saltz/ zwey Theil Schwefel/ vnd vier Theil Salpeter/ diese
Spe- cies
vntereinander gerieben/ vnd davon immer ein Loͤffel voll nach dem andern eyn- getragen vnd distilliret/ giebt einen gelben scharpffen
Spiritum,
welcher/ so er vnter ge- mein Wasser geschuͤttet wird/ also/ daß das Wasser nicht zu scharpff davon werde/ ist ein gut Bad zu vielen Kranckheiten dienstlich/ insonderheit heylet es ein jedweder
Sca- biem
bald. Das
Caput mortuum
kan auch im Wasser solviret/ vnd vnter Baͤder ge- brauchet werden/ ist auch gut/ aber der
Spiritus
ist durchdringender vnd operirt schneller
in contracturis,
vnd andern Maͤngeln der Sehnen/ von solcher Art Baͤdern im Drit- ten Theil weiters gehandelt wird. Auch
in Alchymia
ist das hinderbliebene fixe gelbe Saltz auch gut zu gebrauchen/ dann es die
Lunam
durch Cimenten etlicher massen ver- bessert.
CAP. LXI
. Ex Nitro \& Regulo Martis, Spiritus, Flo- res \& Oleum
zu machen.
N
Imb 1. Theil
Reguli Martis stellati,
welcher von 1. Theil
Martis,
vnd 3. Theilen
Antimonii
gemacht ist/ dessen Bereytung im Vierdten Theil beschrieben wird/
vnd
Ander Theil.
vnd 3. Theil reinen Salpeter/ mische vnd reib beyde
Species
wol vnterein ander/ vnd trag davon ein Theil nach dem andern eyn zu distilliren/ so gehet ein
Spiritus
mit einem weissen
sublimat
uͤber/ welche mit Wasser voneinander muͤssen geschieden werden/ wie oben bey andern
floribus
ist gelehret worden; vnd dienet so wol der
Spiritus
als die
Flo- res,
den Schweiß damit zu beforderen. Das hinderbliebene
Caput mortuum
(wie es pfleget genennet zu werden) ist nicht tod/ sondern lauter Krafft vnd Leben/ damit viel gutes
in Medicina
vnd
Alchymia
kan gethan werden/ wie folget. Die hinderbliebene
Massa,
welche weiß anzusehen/ vnd sehr scharpff vnd fewrig seyn wird/ (so der
Regulus
rein gewesen ist/ wo nicht wird dieselbe gelblicht seyn) kan mit suͤssem Wasser außgelau- get werden/ giebt eine
lixivium
in allem gleich/ als ein calcinirter
Tartarus,
doch schaͤrpf- fer vnd reiner/ vnd kan beynahe zu allen
operationibus
an statt eines
Salis tartari
ge- brauchet werden (doch muß zuvorn der
Regulus Antimonii
mit Wasser davon ge- faͤllet seyn) vnd darnach in ein Saltz coaguliret/ vnd zu seinem Gebrauch bewahret werden; das abgesuͤßte/ wie auch das mit Wasser gefallte
Antimonium
ist ein weiß vnd zart Pulver/ dienstlich
in Peste, Febribus,
vnd andern Kranckheiten den Schweiß da- mit zu befuͤrderen/ gantz sicherlich zu gebrauchen: Obwol bißweilen/ so die
Dosis
etwas groͤsser als gebraͤuchlich/ geben wird/ ein
Vomitus
mit vnterlaufft/ kan es doch keinen Schaden thun. Ist gut zu nehmen/ weilen es keinen Geschmack hat. Den Kindern von 3. 4. bis auff 12. Gran/ alten von 1. halb Scrupel/
ad
1. halb
Drachmam
eyngeben/ operiren gluͤcklich in allen Kranckheiten da schwitzens vonnoͤthen ist. Solches
Anti- monium Diaphoreticum
kan auch in ein
Vitrum
geschmoltzen vnd extrahiret/ auch mit
spiritu salis
solviret/ vnd in vnterschiedene gute Medicamenten bereytet werden/ welches zu viel Zeit erfordern wuͤrde/ wann man alles nach der Laͤnge so damit kan ge- than werden/ beschreiben solte. Das
lixivium
aber so es coaguliret wird/ hat wunder- barliche Eygenschafften/ welche so sie beschrieben wuͤrden/ bald niemand glauben solte/ weilen dasselbige nicht auß kostbaren Dingen ist gemachet worden/ vnd ist deß Men- schen Leben zu kurtz zu erfahren/ was darinnen verborgen ist/ vnd wuͤrde den hoffaͤrtigen Narꝛen nur ein Spott seyn/ wann man solches offenbarete/ darumb besser geschwiegen/ als Vnruhe gemacht.
Basilius Valentinus
in seinem Triumphwagen/ da er vom Signatstern schreibet/ hat solches genug zu verstehen geben/ wird aber von den wenig- sten in acht genommen. Deßgleichen
Paracelsus
hin vnd her in seinen Buͤchern/ vnter einem vnbekandten Namen vielmahl davon meldung thut: Seine rechte Bereytung vnd Gebrauch aber niemalen uͤmb der vndanckbaren Menschen/ von den
Philosophis
ist beschrieben worden/ solches zur Nachrichtung soll den Frommen gesagt seyn.
Ehe man den verpufften
Regulum
außlangt/ kan mit
Spiritu Vini
eine gute me- dicinalische Tinctur auß jhme extrahiret werden/ vnd so man denselben
in Spiritu Sa- lis
solviret/ scheußt davon ein geblaͤtterter weisser Tale an/ dem Bergtale gantz gleich: Auß welchem ein
Liquor
kan gemacht werden/ welcher die Haut schoͤn weiß machet; so aber dieser
Calx viva Antimonii,
ehe er mit
Spiritu Vini
extrahiret/ vnd mit
Spiritu
Salis-
Philosophischer Oefen
Salis
ist solviret worden/ klein pulverisiret/ an eine feuchte Lufft geleget wird/ so zerfleuß er auch in einen fetten
Liquorem,
welcher/ ob er schon etwas scharpff ist/ dannoch der Haut/ so er wol gebrauchet wird/ keinen Schaden zufuͤget/ sondern dieselbe/ wie auch die Naͤgel vnd Haar uͤber alle andere Dinge schoͤn reiniget/ so bald aber solcher
liquor
zur Reinigung der Haut/ Haar oder Naͤgel ist gebraucht worden/ muß man darnach sol- chen mit Wasser wieder wol davon abwaschen/ sonsten wuͤrde er nicht allein die schwar- tze vnd grobe vnreine Haut hinweg nehmen/ sondern auch endlich die zarte vnd weisse Haut angreiffen vnd Schaden thun/ darumb ich warne/ daß man solchen mit Ver- stand gebrauche/ dann das Sprichwort lautet/ man kan dem guten auch zu viel thun. Wann man davon etwas in warm Wasser thut vnd sich darin badet/ so schaͤlet sich uͤber den gantzen Leib die grobe Haut hinweg/ daß der Mensch gleichsamb ein ander Mensch zu seyn scheinet: Vnd ist solches Bad sonsten auch zu vielen Kranckheiten sehr gut/ dann es die
poros
gewaltig oͤffnet/ dadurch das Gebluͤt im gantzen Leibe sehr ge- reinigt wird/ weilen viel boͤse Feuchtigkeiten damit auß dem Leibe gezogen werden/ da- von der Mensch gantz leicht vnd starck wird/ in sonderheit/ wann man zuvoren/ ehe man darinn badet/ purgiret hat/ den
melancholicis, scorbuticis,
vnd
leprosis
uͤber die mas- sen dienstlich/ sonderlich wann die rote Tinetur/ welche mit
Spiritu Vini
darauß gezo- gen/ darneben alle Tage gebrauchet wird: Ist auch gut/ ein Fußbad damit angestellet/ denen welche Huͤneraugen/ oder andere Gewaͤchse an den Fuͤssen haben/ oder harte Naͤgel/ die in das Fleisch wachsen/ erweichet dieselbigen/ daß man sie schneiden vnd han- deln kan/ gleich als Wachs. Dann kein Ding vnter der Sonnen bekand ist/ welches die harte Haut/ Haar/ Naͤgel/ vnd Gewaͤchs mehr erweichet/ als dieses
Oleum:
Die- ses habe ich darumb hieher gesetzet/ weilen ich wol weiß/ daß viel Menschen also damit geplaget seyn/ daß sie die Schuhe nicht wol an den Fuͤssen Leyden koͤnnen/ so man aber solches
Oleum
in ein Saltz coaguliret/ vnd in einem Tiegel schmaͤltzet vnd außgeusset in ein flach Messing Becken/ daß es in die Breyte fleußt/ vnd zerbrochen kan werden/ so hat man das beste
Causticum,
damit die Haut/ wo es vonnoͤthen thut/ kan geoͤffnet werden: Wann man
Tartarum crudum
damit auffsolviret vnd zusammen coaguliret/ so bekompt man ein Saltz/ zu vielen Chymischen
operationibus
nuͤtzlich/ vnd kan auch darauß mit
Spritu Vini
ein blutrote Tinctur gezogen werden/ welche gegen alle
obstru- ctiones
kraͤfftig befunden worden.
Es kan auch ein jedweder verbrennlicher
Sulphur
damit leichtlich solviret/ vnd vnter Baͤder gebraucht werden/ thutdas seinige mit Verwunderung/ wann man
Olea aromatum
damit kochet/ so solviret sich das
Oleum
darinn/ vnd giebt zusammen ei- nen
Balsamum,
welcher sich mit Wasser mischet/ ist gut in Leib zu nehmen/ fuͤr etliche Gebrechen; schwangere Weiber aber muͤssen sich davor huͤten/ dann es die Frucht ab- treibet. Nach der Geburt aber ist er gut/
secundinam
vnd andere Reliquien damit fort zu treiben. So man
Oleum lignum rodii
mit diesem
liquore
vnd Rosen-Wasser so lang kochet/ bis das
Oleum
sich mit dem
Liquore
vnd Wasser vereyniget/ vnd dar-
nach
Ander Theil.
nach die uͤbrigen Feuchtigkeiten davon scheydet/ so bekompt man eine schneeweisse Saͤy- fen/ welche man gebrauchen kan/ die Haͤnde damit zu waschen/ raͤuchet sehr wol: Auch kan man das Haupt damit zwagen/ staͤrcket das Hirn/ vnd reiniget das Haupt vnd Haar vor allen andern Dingen. Auch kan man solche Saͤyfen distilliren/ giebt ein durchdrin- gendes Oel/ welches den Sehnen gar gut ist.
Gleich wie nun dieser
Liquor Reguli Antimonii
die Haut/ Naͤgel/ Haar/ Fe- dern/ Hoͤrner vnd dergleichen Dinge/ vor allen andern Wassern erweichet vnd solviret: Also hat er auch Macht/ nicht allein die
Metalla,
sondern auch die allerhaͤrteste Steine zu solviren/ aber nicht auff solche Weiß mit kochen/ gleich wie bey dem
Sulphure
gesagt worden/ sondern auff eine andere Weiß/ welche hieher zu setzen sich auff dismal nicht schicket. Ist genug daß ich Anleyrung darzu geben habe. Mit
Spiritu Salis,
oder nur
ace- to distillato,
kan das fewrige
nitrum fixum
solviret/ vnd in eine
terram foliatam
subli- miret werden. Was sonsten noch weiters damit gethan wird/ gehoͤrethieher nicht/ moͤch- te villeicht an einem andern Orth mehrers davon gedacht werden.
CAP. LXII
. Ex Antimonio, Sale communi, \& Vitriolo,
ein
Bu- tyrum
distilliren/ dem jenigen gleich/ welches auß
Antimonio
vnd
Mercurio sublimato
gemacht ist worden/ ꝛc.
N
Imb 1. Theil
Antimonii crudi,
2. Theil gemein Kochsaltz/ vnd 4. Theil auff Weiß calcinirten
Vitriol,
pulverisir diese
species,
vnd mische solche wol vntereinander/ vnd trag davon eyn/ gleich wie bey andern Materialien gelehret ist worden/ so wird ein dickes
Oleum Antimonii,
einer Butter gleich/ uͤbergehen/ welches reetificiret kan wer- den/ gleich wie ein anders/ welches auff gemeyne Weiß mit
Mercurio sublimato
ist ge- macht worden. Vnd kan auch zu allem gleich das gemeyne/ gebrauchet werden. Dessen Gebrauch im ersten Theil zu finden ist. Kan auch solches im ersten Theil viel besser/ vnd in groͤsserer Quantitaͤt mit wenigern Kohlen vnd Zeit durch das Fewer (weilen es groͤssere Hitze leydet) als in diesem Ofen gemacht werden.
CAP. LXIII
. Ex Arsenico \& Auripigmento
ein
Butyrum
oder dickes Oel zu distilliren.
G
Leicherweiß wie von dem
Antimonio
gelehret/ also auch vom
Arsenico
oder
Au- ripigmento
kan mit Saltz vnd
Vitriol
ein dick Oel distilliret werden/ welches nicht allein aͤusserlich/ sondern auch gantz sicherlich inwendig zu gebrauchen/ kan corꝛigiret werden/ also daß es dem
Butyro Antimonii
an Kraͤfften im geringsten nichts nach- giebt/ sondern demselben noch vorgehet. Welches manchem vnmoͤglich zu seyn scheinen
N
wird.
Philosophischer Oefen
wird. Wer aber der Mineralien Natur vnd Eygenschafft kennet/ dem werden meine Wort nicht frembd vorkommen/ sondern als ein Liecht im finstern leuchten.
CAP. LXIV.
Einen sonderbaren
Spiritum Vitrioli
zu machen.
S
O man gemeinen
Vitriol
in Wasser solviret/ vnd darinn granulirt Zinck leget vnd kochet/ so schlaͤgt sich alles Metall vnd Schwefel in dem
Vitriol
an den Zinck nieder/ vnd wird die
solution
weiß/ der niedergefaͤllte Schlamm ist nichts an ders als Eysen/ Kupffer vnd Schwefel/ welches das
Sal Vitrioli
hat bey sich gefůhret/ vnd nun durch den Zinck jhme ist benommen worden/ was nun die Vrsach sey/ daß sich das Me- tall auß dem Saltz an den Zinck faͤlle/ gehoͤret in das Vierdte Theil/ da solcher Faͤllung Vrsach genugsamb erklaͤret wird/ die weisse
solution
davon der metallische Schlamm geschieden ist/ muß
ad siccitatem salis
coaguliret/ vnd also
per se
darauß ein
spiri- tus
distilliret werden/ steigt gar gern/ vnd ist am Geschmack vnd Kraͤfften dem gemei- nen
Oleo Vitrioli
nicht vngleich/ nur daß dieses etwas reiner als der gemeyne erfun- den wird.
Allhie moͤchte mancher eynwerffen vnd sagen/ du nimmest dem
Vitriolo
seine Gruͤne/ welches vns
Paracelsus
nicht lehret/ sondern solche behalten heisset. Darauff ich antworte/ daß allhier kein
oleum dulce rubeum Vitrioli,
davon
Paraoelsus
geschrie- ben/ zu machen gelehret wird/ sondern nur ein
oleum album acidum,
welches eben so gut vnd noch viel besser ist/ als das gemeyne/ welches auß dem gemeynen vnd vnrei- nen
Vitriol
gemacht ist worden/ was kan es helffen/ daß man einen gruͤnen
Vitriol
zu distilliren eynsetze/ da doch die gruͤne nicht mit uͤbergehet? Vnd wann schon solche gruͤne mit uͤbergienge/ warumb solte dasselbe
Oleum
besser seyn als ein weisses? Wei- len die gruͤne bey dem gemeynen
Vitriol
nichts anders ist als Kupffer vnd Eysen/ wel- ches das Saltzwasser/ da es durch solcher Metallen Gaͤnge gelauffen/ solviret/ vnd zu sich genommen hat. Vnd so bald ein solcher gruͤner
Vitriol
das Fewer empfindet alsobald die gruͤne sich in eine roͤthe verwandelt/ welche nichts anders als ein caleinirt/ Eysen oder Kupffer ist/ welches durch reduciren mit starckem Fewer vnd Fluß sich of- fenbaret.
Paracelsus
hat vns nicht gelehret/ daß wir die gruͤne mit Gewalt des Fewers sollen uͤbertreiben in ein roth vnd suͤß
oleum,
sondern vns einen andern Weg gezeiget/ welcher von wenigen gefunden wird/ davon allbereit im Anfang dieses andern Theils ist gehandelt worden.
Dieser
Spiritus
oder
Oleum acidum,
welches auß dem gereinigten
Vitriol
ist di- stilliret worden/ ist einer annehmlichen Saͤure/ vnd kan zu allem gebrauchet werden/ gleich als oben bey dem
Vitriolo
ist beschrieben worden. Vnd ist nur darumb dieser Pro- ceß hieher gesetzt worden/ daß man sehen koͤnne/ wann der
Vitriol
von seinem Schlamm entbunden/ daß er sich lieber distilliren lasse/ vnd auch einen lieblichern
Spiritum
gebe/ als wann er noch damit vermischet ist.
Zu be-
Ander Theil.
Zu beweisen/ daß eine solche Reinigung des Vitriols nichts anders als eine Faͤl- lung des Metalls sey/ welches das Saltz/ wie gesagt/ im durchlauffen zu sich genom- men hat/ kanst du also probiren: Solvire welches Metall du wilt in seinem gehoͤrigen
menstruo,
es geschehe gleich mit distillirten
spiritibus acidis,
oder scharpffen
salien
mit zuthun gemeines Wassers/ oder im Fewer trucknen in einem Tiegel/ wie du wilt/ vnd lege darnach in eine solche
solution
ein ander Metall/ welches das
solvens
lieber an- greifft als dasjenige/ welches dasselbe zu sich genommen hatte/ so wirst du befinden/ daß das
solvens
das angenommene Metall oder Mineral fallen laͤsset/ vnd das ander/ wel- ches es lieber angreiffet/ antasten vnd solviren wird. Von welcher
præcipitation
im Vierdten Theil mehrers gehandelt soll werden.
Dieses aber ist noch allhier zu mercken/ daß kein Metall solvirlicher ist vnter allen/ als der Zinck/ darumb sich auch alle andere/ so wol im trucknen/ als im nassen Weg dar- von niederfaͤllen/ vnd in leichte
Calces
damit koͤnnen gebracht werden/ also/ daß ein
Calx Solis vel Lunæ
auff solche Weiß gefaͤllet/ (so man anders wol damit uͤmbgehet) seinen Glantz behaͤlt/ vnd gleich als ein zartes Pulver damit man auß der Feder schrei- ben kan/ erfunden wird.
CAP. LXV.
Einen subtilen
Spiritum,
vnd liebliches
Oleum
auß dem Zinck zu machen.
W
Eilen ich allhier des Zinckes gedacht/ finde ich gut/ einen penetrirlichen Geist/ vnd heylsames
Oleum
mit Essig darauß zu machen: Vnd geschicht solches also: Nimb die
flores,
welche im ersten Theil zu machen gelehret seyn/ 1. Theil/ vnd giesse in ein di- gerir-Glas 8. oder 10. Theil guten scharpffen Essig von Honig gemacht/ darauff/ vnd in Manglung dieses so nimb Weinessig/ vnd setze solches Glas mit den
floribus
vnd Essig an ein warm Orth zu solviren/ vnd giesse nach der
solution
das klare/ welches gelb seyn wird/ ab/ vnd abstrahire nach der filtration die
phlegma,
so wird ein roter
Li- quor
oder
Balsamus
zuruͤck bleiben/ welchen man mit außgegluͤetem reinem Sand ver- setzen vnd distilliren muß/ so gehet erstlich ein vngeschmackte
phlegma,
darnach ein subti- ler
spiritus,
vnd endlich ein gelb vnd roth
Oleum,
welches von dem
Spiritu
besonder muß behalten werden/ als ein Schatz in allen Wunden schnelle Heylung zu machen. Der
spiritus
ist nicht geringer als das
Oleum,
nicht allein innerlich gebrauchet/ den Schweiß damit zu befoͤrderen/ sondern auch aͤusserlich/ allen Brand vnd
inflammationes
damit zu loͤschen; vnd ist ohne Zweyffel dieser
spiritus
vnd
oleum
noch zu vielmehr andern
Kranckheiten dienstlich/ weilen aber solches bishero mir noch nicht bekand ist/ will ich auch nichts davon schreiben/ sondern andern zu ver- suchen heimstellen.
N ij
CAP.
Philosophischer Oefen
CAP. LXVI.
Einen
Spiritum
vnd
Oleum
auß dem
Bley zu distilliren.
G
Leichermassen wie bey dem Zinck gelehret/ also kan auch auß dem Bley ein subti- ler
spiritus
vnd suͤsses
Oleum
distilliret werden/ vnd geschicht also: Vbergiesse ein
Minium,
oder einen andern
Calcem Saturni,
welcher
per se
vnd nicht mit
sulphure
gemacht sey/ mit einem starcken Essig/ vnd las solchen
in arena,
oder warmer Aschen di
-
geriren vnd solviren/ so lang bis sich der Essig gelb von dem
Saturno
gefaͤrbet hat/ vnd gantz suͤß davon worden ist. Darnach giesse die klare
solution
ab/ vnd einen andern Es- sig darauff/ vnd las solchen auch solviren/ dieses wiederhole so offt/ bis der Essig nicht mehr solviren vnd suͤß werden will/ dann nimb alle
solutiones,
vnd las alle Feuchtig- keit davon rauchen/ so bleibet ein dicker suͤsser gelber Safft/ dem Honig gleich/ wann der Essig nicht ist distilliret gewesen/ so er aber ist distilliret vnd klar gemacht gewesen/ so bleibet kein
liquor,
sondern ein weisses suͤsses Saltz. Dieses Saltz oder
liquor
kan dann wie bey dem Zinck gelehret ist/ distilliret werden/ sagehet nicht allein ein penetrirlicher/ subtiler Geist uͤber/ sondern auch ein gelbes
Oleum,
welches aber nicht viel/ doch sehr kraͤfftig ist/ in allem zu gebrauchen/ gleich wie von dem
Spiritu
vnd
Oleo
vom Zinck ge- lehret worden.
NB.
Dieses ist zu mercken/ daß man zu diesem
spiritu
vnd
oleo
zu machen/ kei- nen distillirten Essig vonnoͤthen hat/ sondern kan eben so wol mit einem vndistillirten gethan werden/ vnd giebt ein vndistillirter Essig auch mehr Oel/ als ein distilliter. So man aber ein weiß vnd klar Saltz suchet/ so muß der Essig distilliret seyn/ sonsten scheußt es nicht in Crystallen/ sondern bleibt ein gelber
liquor
dem Honig in allem gantz gleich/ vnd ist auch nicht vonnoͤthen/ daß die
Solution
in Glaͤsern durch langer Zeit Digeri- rung geschehe/ sondern kan auch wol nur in einem erden verglasurten Pottgethan wer- den/ nemblich/ daß man das
Minium
in dem Hafen mit Essig uͤberschuͤttet/ vnd solchen auff einem Kohlfewer kochen lasse/ dann nicht zu foͤrchten ist/ daß erwas von dem Cssig da von rieche/ weilen das Bley alle
spiritus
bey sich behaͤlt/ vnd laͤßt nur ein vnge- schmackte
phlegma
weg gehen. Auch muß man den
Saturnum
staͤtig mit einem hoͤltzer- nen Loͤffel oder Spatteluͤmbruͤhren/ sonsten wuͤrde ein harter Stein darauß werden/ vnd sich nicht solviren lassen; deßgleichen muß geschehen/ wann die
Solution
in Glaͤ- sern geschicht/ vnd kan also auff diese Weiß solche
Solution
innerhalb 3. oder 4. Stun- den geschehen/ welche durch digerirn in Glaͤsern kaum in 3. oder 4. Tagen gethan wer- den koͤndte/ vnd wann beyde
solutiones
gethan seyn/ so ist kein Vnderscheyd darinnen Derohalben ich rathsamb finde/ was man in einer Stunde thun kan/ daß man keinen antzen Tag darzu gebrauche.
Vnd so man diesen
Spiritum
vnd
Oleum
kraͤfftiger vnd besser haben will/ kan
man
Ander Theil.
manvnter ein Pfund
Saturni soluti \& depurati unciam unam Tartari crudi pulve- risati
mischen/ vnd distilliren in allem gleich als es
per se
zu distilliren ist gelehret wor- den/ so wird man einen viel subtileren
Spiritum,
vnd ein besser
Oleum
als were es
per se
gemacht/ uͤberkommen.
CAP. LXVII
. Ex Tartaro crudo
einen subtilen
Spiritum
vnd
Oleum
zu distilliren.
V
On Weinstein einen
Spiritum
zu machen/ lassen jhnen viel traͤumen/ als wann es gar ein geringe Kunst were/ weilen man zu solchem gar leichtlich kommen koͤnne/ dann sie vermeynen/ wann sie nur den Weinstein in eine Retorten thun/ legen einen Recipienten vor/ vnd distilliren mit starckem Fewer ein Wasser uͤber/ so haben sie schon was sie begehren/ vnd mercken solche Leuthe nicht/ daß sie an statt eines lieblichen vnd subtilen
Spiritus,
nur einen stinckenden Essig oder
phlegma
bekommen/ vnd der lieb- liche
Spiritus
durchgangen ist. Solches haben nun etliche Laboranten gemercket/ ha- ben jhnen sehr grosse Recipienten machen lassen/ in Meynung solchen zu erlangen. Wann sie nun nach geschehener Distillation jhren
spiritum
sampt der Remanentz ge- wogen/ haben sie befunden/ daß sie einen grossen Abgange gelitten/ dahero vermeynet/ daß es vnmoͤglich sey allen
spiritum
zu fangen/ vnd keinen lassen verlohren gehen. Welches dann auch durch einen Retorten nicht wol geschehen kan Dann wann man schon einen grossen Vorlag fuͤr einen kleinen Retorten leget/ darinn auch nur ein we- nig
Tartari
ist/ vnd die Fugen wol lutiret seyn/ daß nichts dardurch gehen kan/ vnd fewret auch so langsamb/ als immer moͤglich ist/ in Meynung solchen also zu fangen/ so muß man gleichwol Gefahr außstehen. Wann zuletzt der Retort anfaͤngt zu gluͤen/ vnd das schwartze
Oleum
gehet/ so kommen erst die allersubtilesten
Spiritus;
welche ent- weder durch die Fugen entfliehen/ oder den Retorten/ oder Recipienten brechen/ wei- len sie mit der Maͤnge kommen/ vnd sich nicht gern setzen. Weilen dann nun ein solcher
Spiritus
(so er wol gemacht) eine fuͤrtreffliche Medicin ist/ vnd man solchen nicht gern in einer guten Apotheken entrathen will/ so wil ich solchen auff meme Weise lehren machen/ daß auch im geringsten nichts verlohren gehet/ vnd geschicht solches also.
CAP. LXVIII.
Præparatio \& Usus Spiritus Tartari.
N
Imb gutenreinen Weinstein/ er sey gleich roth oder weiß/ mache jhn zu einem klei- nen Pulver/ vnd wann der Ofen gluͤet/ so trag auff einmal nicht mehr als ein Loth mit einem Loͤffel eyn/ vnd so bald sich die
Spiritus
gesetzet haben/ so trag wieder ein Loth ey
n
/ vnd solches continnire/ bis du
Spiritus
genug hast/ darnach nimb das
residuum,
N iij
welches
Philosophischer Oefen
welches schwartz seyn wird/ herauß/ vnd gluͤe solches in einem Tiegel wol auß/ thue es in einen glaͤsern Retorten/ vnd gieß den uͤbergestiegenen
Spiritum
mit sampt dem schwartzen
Oleo
darauff/ treib es
in arena
erstlich feinlind/ so steiget der subtileste
Spi- ritus
uͤber/ darnach die
phlegma,
zu letzt ein saurer Essig/ mit dem Oel/ von welchem ein jedweders besonder gefangen werden muß. Will man den subtilen
Spiritum,
wel- cher von erst gestiegen vnd gefangen worden/ noch durchdringender haben/ so muß man das
Caput mortuum,
(wie es vnbillich von andern genennet wird) vnd in dem Re- torten geblieben ist/ in einem Tiegel wol außgluͤen/ vnd denselben noch einmal davon abstrahiren/ so behaͤlt der Caleinirte
Tartarus
die uͤbrige Feuchtigkeit oder
phlegma
bey sich/ vnd steiget nur allein der allersubtileste
Spiritus
uͤber/ dieser
Spiritus
in einer gantz penetrirender Eygenschafft/ davon ein halb Scrupel bis auff ein Vntz/ mit Wein/ oder mit einem and eren
Liquore
eyngenommen/ macht uͤber die massen schnell vnd starck schwitzen/ ist eine kraͤfftige Medicin in allen
obstructionibus,
auch
in peste,
vnd anderen
febribus malignis
ein bewaͤhrtes/ offt probirtes/ vnd gut befundeneo
reme- dium, in scorbuto, melancholia, hypochondriaca, colica, contractura, epilepsia,
vnd dergleichen Kranckheiten mehr/ nuͤtzlich vnd gut zu gebrauchen. Also daß nicht al- lein diesen oberzehlten Kranckheiten kraͤfftiglich damit kan begegnet werden/ sondern auch noch viel andere mehr/ welche ron vnreinem verdorbenem Gebluͤt herkommen/ (so es Gottes will ist) gluͤcklich koͤnnen damit curiret werden.
Das
Phlegma
wird (als vntuͤchtig) hinweg geworffen/ der Essig reiniget die Wunden/ vnd offene Schaͤden. Das
Oleum
leget die Geschwulst vnd Schmertzen/ heylet die Kraͤtze vertreibet die auffgefahrene Knotten/ vnd andere Gewaͤchs der Haut/ wann man solches beyzeit gebrauchet/ bestaͤndiglich.
NB.
Wann wan das schwartze stinckende
Oleum
uͤber das außgegluͤete
Caput mortuum,
rectificiret/ so wird es klar vnd subtil/ welches nicht allein alle podagrische Schmertzen schnell stillet/ sondern auch den conglobirten Sand
in renibus
zu dissipi- ren/ vnd fort zu treiben/
in forma Emplastri vel unguenti
auffgeleget/ deß gleichen den coagulirten
Tartarum
in Haͤnden/ Knyen vnd Fuͤssen/ zu solviren vnd extrahiren/ (davon das Glied dadurch entbunden/ vnd gesund gemacht wird) Macht hat. Dann in solchem vnachtsamen
Oleo
ein
Sal volatile,
grosser Kraͤfften verborgen ist. Wil- tu aber wissen/ ob deme also sey/ so giesse auff das schwartze stinckende
Oleum
einen
Spi- ritum acidum,
als
Salis communis, Vitrioli, Salis nitri,
oder nur einen
Acetam distil- latum,
so wird sich das
Oleum
erwaͤrmen/ brausen vnd auffsteigen/ gleich als wann man ein
Aqua-fort
auf ein
Sal tartari
geschuͤttet haͤtte/ vnd der
Spiritus Acidus
dadurch ge- toͤdet/ vnd zu einem Saltz werden: vnd solviret vnd extrahiret solches wol gereinigte
Oleum
den
Tartarum
auß den Gliedern (wofern er noch nicht zu einem steinichten Wesen erhartet ist) auff solche Weiß/ gleich wie eine Saͤyfe den Schmutz vnd Vnrei- nigkeit auß einem Tuch außwaͤschet/ oder noch besser zu verstehen/ gleich/ wie gleich seines gleichen gern annimbt/ sich damit vermischet vnd liebet/ hergegen gleich mit einem vn-
gleichen/
Ander Theil.
gleichen/ oder solcher Materien/ welche kein Gemeinschafft mit jhme hat/ nicht vermi- schen will. Als wann man Pech oder Hartz auß einem Kleyd mit Wasser wolte auß- waͤschen/ welches doch nicht wegen der beyden widerwaͤrtigen Naturen geschehen wuͤr- de/ dann gemeyn schlecht Wasser/ kein Gemeynschafft mit Pech oder andern Fettigkei- ten hat/ auch nimmermehr damit/ ohne einen Mitler/ welcher beyder Naturen/ nemb- lich/ des Pechs vnd Wassers/ als da sind
Salia sulphurea, Nitrosa, sive sint fixa, sive volatilia,
zugleich theilhafftig seye/ kan vereynigt werden. Wie zu sehen ist bey den Saͤy- fensiedern/ welche gemeyn Wassrr/ durch Huͤlff der sulphurischen
sallen
mit fetten Dingen als Vnschlit vnd Oel vereynigen. Wann man aber auff das harte Pech oder Hartz ein warm Oel/ oder eine andere duͤnne Fettigkeit thut/ so nimb das Oel/ als gleich seines gleichen gern an sich/ vnd wird also das Pech solviret/ vnd auß dem Tuch gebracht/ welche uͤberbliebene Fettigkeit des Oels auch dem Tuch mit Laugen/ vnd end- lich auch die Laugen oder Saͤgspaͤhn mit gemeynem Wasser (also daß das Tuch seine vorige gestalt vnd Reinigkeit wiederumb erlanget/) kan außgewaschen werden Gleich wie nun allhier mit den sulphurischen Dingen/ also auch mit den Mercurialischen ge- schicht. Als zum Exempel/ wann man Fleisch oder Fisch/ welches lange Zeit im Saltz gelegen/ wolte mit Laugen außsuͤssen/ so solte solches nicht geschehen koͤnnen/ dann bey- de widerwaͤrtige Naturen/ als
Salis nitrosi, \& acidi,
einander entgegen seyn/ vnd kein Gemeynschafft oder Liebe zusammen tragen. So man aber auff ein solches gesaltzen Fleisch oder Fisch/ ein Wasser/ darinn etwas von deßgleichen Saltz/ damit das Fleisch eyngesaltzen war/ solviret ist/ schuͤttet/ so extrahiret solches Saltzwasser das Saltz in dem Fleisch/ als seines gleichen/ viel lieber auff/ als ein gemeyn suͤß Wasser/ darinnen kein Saltz ist.
Also vnd auff solche Weiß/ koͤnnen auch die allerhaͤrteste Dinge/ als ein Stein vnd Metallen mit gemeyn Wasser conjungiret werden/ davon mehrers in meinen an- dern Buͤchern gehandelt wird/ vnd allhier nicht noͤthig weyters davon zu schreiben. Ist nur darumb ein wenig angeruͤhret worden/ uͤmb zu beweisen/ daß allezeit gleich mit sei- nes gleichen muͤsse extrahiret werden.
Es kan zwar ein
contrarium
das ander toͤden/ vnd sein corꝛositet benehmen/ da- durch die Schmertzen eine Zeitlang gelindert werden/ daß aber auch dadurch das
ma- lum
solte benommen seyn/ empfinden diejenigen/ welche vnter solchem Schmier- vnd Sudelwerck liegen/ mehr als jhnen lieb ist.
Allhier moͤchte jemand fuͤrwerffen vnd sagen/ ich machte Vnderscheyd der
Salien,
vnd nennet ein Theil Sulphurisch/ vnd das ander Theil Mercurialisch/ da doch in bey- den noch
Sulphur
vnd
Mercurius
augenscheinlich gespuͤret wird/ wahr ist es/ daß der- jenige/ welcher die Natur der
Salien
nicht verstehet vnd kennet/ solches nicht begreiffen kan. Ist auch meine Gelegenheit allhier nicht mich laͤnger damit auffzuhalten/ sondern wird in meinem Buch
de Natura Salium,
daß ein Theil derselben Sulphurisch/ vnd der ander Merenrialisch sey/ weitlaͤufftig bewiesen/ wer aber noch besseren Bericht
davon
Philosophischer Oefen
davon haben will/ der lese meine Schrifften
de Sympathia \& Antipathia rerum,
darim er genugsamen Vnterꝛicht finden wird/ wie daß von Erschaffung der Welt her/ bis auff diese gegenwaͤrtige Zeit/ immer zwo widerwaͤrtige Naturen vnd Eygenschafften gegeneinander gestritten/ vnd weiters streitten werden/ so lang/ bis daß der Mitler zwi- schen
GOTT
vnd den Menschen
Je
sus Christus/ solchem Streitte ein Ende zu ma- chen/ vnd das boͤse von dem guten zu scheyden einmal kommen wird/ durch welches Blitzen vnd Fewerflamm/ der hoffaͤrtige vnd schaͤdliche
Sulphur superfluum
angezuͤn- det vnd consumiret/ hergegen aber das Mercurialische
Centrum
des guten gesaͤubert/ vnd behalten werden moͤge.
CAP. LXIX.
Wie man auß dem
Tartaro
mit zuthun etlicher Me-
tallen vnd Mineralien koͤstliche
Spiritus
vnd
Olea
machen soll.
S
O man welches Metall oder Mineral man will/ in seinem eygenen
menstruo
sol- viret/ vnd das gebuͤhrliche Gewicht
Tartari Crudi
darunter mischet/ also/ daß auß der
Solution
vnd
Tartaro pulverisato
ein
pulmentum
werde/ dann auff einmal ein Eßloͤffel voll eyngetragen/ vnd in einen
Spiritum
vnd
Oleum distilliret.
Welche nach der Distillation
per rectificationem
muͤssen geschieden werden/ auff daß der
Spiritus
zu seinem Gebrauch/ vnd das
Oleum
auch dazu es dienstlich/ koͤn- ne angewendet werden.
CAP. LXX
. Usus Spiritus \& Olei Tartari Metallisati.
D
Er
Spiritus
von einem
Metallo Tartarisato,
hat solche Eygenschafften/ daß er schnell vnd bald seine Operation vollbringet/ nachdeme das Metall oder Mineral/ nachdeme auch die Kraͤfften des
Spiritus
seyn/ dann ein
Spiritus
vnd
Oleum
von
So- le \& Tartaro,
ist Kraͤfftig das Hertz zu staͤrcken/ vnd seine Feind abzuwenden. Von
Luna \& Tartaro,
dienet dem Hirn/ vom
Mercurio \& Tartaro,
der Leber/ vom
Satur- no \& Jove,
dem Miltz vnd Lungen/ vom
Marte \& Venere,
den Nieren vnd Geburr- gliedern/ von
Antimonio \& Tartaro,
allen Zufaͤllen vnd Gebrechen des gantzen Leibs/ vnd treiben solche Metallische
Spiritus,
welche mit
Tartaro
gemacht seyn/ den Schweiß gewaltig/ dardurch viel boͤses auß dem Leibe getrieben wird: Deßgleichen thut auch das
Oleum,
wiewol solches von etlichen Metallen gemacht/ als vom
Mercurio
vnd
Vene- re,
nicht wol innerlich zu gebrauchen seyn/ weilen dieselben/
salivationem
vnd starcke
vo- mitus
machen. Eusserlich aber seyn dieselbe sehr gut/ alle
ulcera putrida
zu reinigen/ vnd zur Heylung einen guten vnd bestaͤndigen Grund zu machen.
Die
Ander Theil.
Die Remanentz/ davon der
Spiritus
vnd
Oleum
ist distilliret worden/ kan außge- mommen/ vnd in einem Tiegel wiederumb zu einem Metall reduciret werden/ auff daß dasjenige/ welches nicht uͤbergangen ist/ gleichwol nicht verlohren/ sondern wiederumb koͤnne zu Nutz gemachet werden.
Gleich wie nun gelehret worden/ mit Zuthun
Tartari crudi
auß solvirten Me- tallen
Spiritus
vnd
Olea
zu distilliren/ also geschicht es auch auß dem gemeynen
Vitriol
vnd Weinstein/ nemblich also/ nimb zu einem Theil
Tartari pulverisati
2. Theil
gu
- ten reinen
Vitriol,
mische beyde
species
wol vntereinander/ vnd distillire davon einen
Spiritum,
welcher zwar etwas vnfreundlich zu nehmen/ hergegen er aber in allen
ob- structionibus, \& putredine sanguinis
nicht zu verachten ist/ sondern das seinige mit gutem Lob außrichtet/ sonderlich/ wann er uͤber sein eygen
Caput mortuum rectificiret
vnd
dephlegmiret
ist/ vnd auch seine beste Krafft/ welche in der volatilitet bestehet/ in
di- istillatione
nicht verlohren ist worden.
NB.
So man aber diesen
Spiritum
noch kraͤfftiger haben will/ so kan man den
Tartarum
vnd
Vitriolum
mit gemeyn Wasser im kochen conjungiren/ crystallistiren/ darnach eyntragen vnd distilliren/ so gehet davon ein viel reinerer/ vnd penetrirender
Spiritus
uͤber/ weilen
in solutione \& coagulatione
beyder
specierum
viel
feces
seyn gefallen/ vnd sich abgefondert haben/ so man aber zu einem theil
Vitrioli
2. theil
Tarta- ri
nimbt/ vnd zusammen solviret/ filtriret vnd coaguliret/ so scheußt der
Tartarus
mit dem
Vitriolo
nicht mehr an/ sondern bleibet ein dicker Safft einem Honig gleich/ auß welchem mit
Spiritu Vini
eine gute Tinetur gegen
obstructiones
kan extrahirt werden. Solcher Safft/ so davon ein
Scrup. ad
ein
Drachm.
wird eyngeben/ so purgiret er gantz lind/ doch machet er auch beßweilen einen
Vomitum,
sonderlich wann der
Vitriol
nicht rein vnd gut gewesen ist. Vnd kan auch in einen
Spiritum,
dem vorigen an Kraͤfften vnd Tugenden nicht vngleich/ distilliret werden. Vber diese oberzehlte Weise einen
Spi- ritum Tartari metallisatum
zu distilliren/ ist noch ein anderer
modus,
durch welchen etliche
metalla
vnd
mineralia
in viel lieblicher vnd kraͤfftiger
Spiritus
vnd
Olea
koͤnnen gebracht werden/ vnd geschicht solches auff diese Weise.
Nimb einen pulverisirten weissen Rheinischen Weinstein/ vnd uͤbergiesse solchen mit suͤssem Fließ- oder Regenwasser/ also/ daß vngefaͤhr zu 1. Pfund 10. oder 12. Pfund Wasser kommen/ oder so viel/ daß der
Tartarus
darinnen im kochen solviret kan wer- den/ koche solchen mit dem Wasser in einem verzinneten Kessel oder besser im verglasur- ten Hafen/ so lang bis er gantz vnd gar im Wasser zergangen ist/ vnterdessen hebe all- zeit den Schaum/ welcher oben auff den Sud kommet/ mit einem hoͤltzernen Schaum- loͤffel fleissig ab/ vnd wann kein Schaum mehr auffsteiget/ vnd aller
Tartarus
solviret ist/ so giesse die
Solution
also heiß durch ein leinen Tuch/ welches uͤber ein erden ver- glasurt Geschirꝛ gespannet sey/ auff daß der uͤbrige Schlamm/ welcher nicht auffgestie- gen/ vnd weggeschaͤumet hat werden koͤnnen/ auch zuruͤck bleibe/ vnd lasse darnach das durchgelauffene Weinstrinwasser gantz still vnd vnbewegt stehen 24. oder 30. Stun-
O
den/
Philosophischer Oefen
den/ so wird sich an den Waͤnden des Gschirꝛs ein
Tartarus crystallisatus
anhaͤncken/ welchen nach abgiessen des Wassers kan außgenommen/ vnd mit kaltem reinem Wasser abgewaschen vnd getrucknet werden. Diesen gereinigten
Tartarum
bewahre/ so lang bis ich lehre/ was weiters damit kan gethan werden. Dieser
Tartarus
nun ist rein genug zu solcher Arbeit/ die
Metalla in Olco
damit zu bringen/ wie bald folgen wird. Auch ist er gut/ also
per se
eyngenommen/ als ein
abstergens
damit zu laxiren. Welcher aber solchen noch weisser vnd schoͤner/ in Gestalt grosser Crystallen haben will/ der thue jhm also.
Es ist zu wissen/ daß alle
Salia,
wann sie in grosse Crystallen schiessen sollen/ daß auch derselben eine grosse Quantitaͤt zugleich seyn muͤssen/ dann von wenig kompt wenig. Will man dann schoͤne grosse weisse
Crystallos Tartari
machen/ welche zwar nicht bes- ser/ als die vorige seyn/ doch aber den Augen angenehmer/ so muß man auff diese Wei- se zu Werck gehen.
Nimb weissen pulverisirten Weinstein/ vngefaͤhr 20. 30. mehr oder weniger Pfund/ vnd giesse daruͤber so viel Wassers/ als zum solviren desselben vonnoͤthen ist/ vnd koche mit starckem Fewer denselben in einem verzinneten Kessel so lang/ bis aller Weinstein im Wasser zergangen ist/ welches man mit einem hoͤltzern Loͤffel erfahren kan/ vnd schaͤume auch die Vnreinigkeit/ welche sich oben auff das Wasser begiebet/ fleis- sig davon/ vnd muß auch wol in acht genommen werden/ daß des Wassers nicht zu viel oder zu wenig dazu genommen werde/ dann wann desselben zu wenig genommen wird/ so bleibet ein Theil des Weinsteins im Kessel vnauffgeloͤset liegen/ welcher mit dem Schlamm hinweg geworffen vnd verlohren wird/ vnd so desselben zu viel genommen wird/ so ist der
Tartarus
zu weit im Wasser zertheilet/ vnd kan nicht wol anschiessen vnd gehet auch verlohren/ indeme er hernach mit dem Wasser hinweg geschuͤttet wird- Dann ich manchen habe klagen hoͤren/ daß er nicht viel von einem Pfund bekommen/ vnd vermeynet der Weinstein sey nicht gut gewesen/ da es doch nicht des Weinsteins/ sondern des Laboranten Schuld/ welcher nicht wol damit uͤmbgehen koͤnnen/ (Inde- me er mehr als die Helffte mit dem Wasser/ welche nicht angeschossen/ hingeschuͤttet hat) gewesen ist: So man aber wol damit verfahret/ so geben vier Pfund gemeynen Weinstein 3. Pfund reine vnd sehr weisse Crystallen. Wann nun die
Solution
wol ge- macht ist/ vnd kein Schaum mehr oben auffkommet/ so decke den Kessel zu/ vnd las den- selben also auff der Waͤrme erkalten/ welches innerhalb 3. oder 4. Tagen geschicht/ wann er gros ist. Doch muß das Fewer vnter dem Kessel weg gethan werden/ vnd also vnbe- wegt diese Zeit stehen bleiben/ vnterdessen wird sich der Weinstein an den Waͤnden des Kessels anerystallisiren/ welche Crystallen nach verlauffener Zeit/ vnd Abgtessung des Wassers muͤssen außgenommen/ gewaschen/ vnd wieder mit frischem reinem Wasser gekochet/ geschaͤumet/ vnd crystallisiret werden/ vnd solche Arbeit so offt wiederholet (welches im dritten oder vierdten mal geschicht) bis daß die Crystallen weiß genug wor- den seyn/ dann außgenommen/ getrucknet/ vnd zum Gebrauch bewahret/ davon auff
einmal
Ander Theil.
eimal mit Wein/ Bier/ Wasser/ Warmen Fleischbruͤen/ oder etwas anders/
Drach- ma j. ad Unciam
1. pulverisiret eyngenommen/ erꝛeget etliche linde
Sedes,
denen dienst- lich/ welche keine starcke
purgationes
vertragen koͤnnen/ man kan auch solchen
Tart.
mit
Diagridio,
oder andern purgirenden Dingen acuiren/ auff daß man solches/ so viel auff einmal nicht nehmen doͤrffe/ sondern in kleinerem
Dosi
debrauchen koͤnne. So man aber keine grosse Crystallen suchet/ sondern nur einen wol deputirten Weinstein/ so kan man diesen folgenden Handgriff gebrauchen/ so bekompt man uͤberauß schoͤ- ne glaͤntzende kleine Crystallen/ welche keines pulverisirens bedoͤrffen/ sondern durch die Arbeit so rein vnd zart werden/ als weren dieselben auff einem Stein gerieben/ aber nicht als ein tod Pulver/ sondern sehr glaͤntzend/ also/ daß es einem glaͤntzenden kleinen Schnee/ welcher in grosser Kaͤlte gefallen ist/ gleich scheinet. Vnd geschicht al- so: Wann die Crystallen etlich mal mit solviren vnd coaguliren rein genug worden seyn/ so solvire dieselbe noch einmal in reinem Wasser/ vnd giesse die
Solution
in ein rein hoͤltzernes/ kuͤpffernes/ oder irꝛdin verglasurtes Geschirꝛ/ vnd laß dasselbe nicht still stehen/ gleich wie oben bey den grossen Crystallen ist gelehret worden/ sondern so bald dieselbe außgegossen ist/ so ruͤhre mit einem reinen Holtz ohne auff hoͤren/ so lang darinn/ bis daß alles kalt worden ist/ welches in einer halben stund geschehen wird. In solchem Bewegen hat der
Tartarus
keine Zeit sich in Crystallen anzuhaͤncken/ sondern coagu- liret sich ins allerkleineste zwitzerende Pulver/ welches mit Lust anzusehen ist/ vnd als ein gefrorner Schnee sich auff den Boden des Geschirꝛs setzet/ davon man das Was- ser abgiessen/ vnd das Pulver trucknet/ vnd zu seinem Gebrauch bewahren muß. Die abgegossene Wasser/ welche noch etwas Weinstein bey sich gehalten/ die von andern als vntuͤchtig außgeschuͤttet werden/ koͤnnen eyngekocht/ vnd der
Tartarus
darinn be- halten werden/ auff daß nichts verlohren gehe/ vnd wird auff diese Weise vnd Weg/ nicht allein ein jedweder weisser Weinstein in klare vnd helle Crystallen gebracht/ son- dern auch ein jeglicher rother/ so er etlichmal solviret vnd Crystallisiret wird/ seine Roͤthe verleuret/ vnd schoͤn weiß vnd klar wird/ uͤber dieses were wol noch ein anderer
modus
den
Tartarum
auff einmal in grosse weisse Crystallen/ durch einen Nieder- schlag zu bringen/ weilen aber diese obbeschriebene erste zu meinem Werck/ nemblich auß den Metallen gute Medicamenten zu machen/ gut genug seyn/ so haltich fuͤr vn- noͤthig/ mehr Zeit damit zu verlieren/ sondern will es bey diesem beruhen lassen.
CAP LXXI.
Wie man auff eine andere Weiß einen
Spiritum Tar- tari metallisatum
machen soll.
N
Imb
Tartari purificati,
welcher nur einmal solvirt vnd coagulirt ist/ so viel du wilt/ giesse so viel Regen oder ander suͤß Wasser darzu/ daß er damit koͤnne auffsol- viret werden/ in welcher
Solution
man
laminas metallorum
so lang kochen muß/ bis
O ij
der
Philosophischer Oefen
der
Tartarus
genugsam davon solviret hat/ vnd nicht mehr angreiffen will/ welches ein Zeichen ist/ wann die
Solution
sich hoch von dem Metall gefaͤrbet hat/ vnd muß man in werendem kochen offtermals das weggedistillirte Wasser/ mit anderen erstatten/ auff daß der
Tartarus
nicht zu trucken werde/ vnd verbrenne/ vnd kan solche
Solution
am fuͤglichsten in Metallischen Gefaͤssen geschehen/ als wann man
solutionem
♂ ma- chen will/ kan man solches in einem eysernen Hafen thun/ vnd zu
Venere
einen kuͤpffer- nen Kessel nehmen/ vnd also mit andern Metallen verstanden muß werden. Doch ist zu wissen/ daß Gold/ Silber/ vnd
Mercurius crudus,
ohne vorhergehende Pr
æ
paration/ also nicht wie
Mars
vnd
Venus,
koͤnnen solviret werden/ so dieselbe aber zuvoren be- quaͤm gemacht seyn/ werden sie auch auffsolviret/ deßgleichen muͤssen etliche Minera- lien zuvoren bereytet werden/ ehe sie sich mit
Tartaro
vnd Wasser wollen auffsolvi- ren lassen. So man aber gute Glaͤser/ oder verglasurte erdene Geschirꝛ haben kan/ so koͤnnen dieselben zu allen Metallen vnd Mineralien/ solche zu solviren/ gebrauchet wer- den/ vnd kan solche
Solution
nicht allein also
per se
zur Mediein gebrauchet/ son- dern auch dieselbe weiters in einen sehr kraͤfftigen
Spiritum
vnd
Oleum
distilliret wer- den/ als folget.
CAP. LXXII.
Einen
Spiritum \& Oleum
von
Saturno
vnd
Jove
zu distilliren.
K
Oche
Rasuram Saturni vel Jovis
mit
aqua Tartari,
so lang in einem bleyeren oder Zinneren Gefaͤs/ bis daß der Weinstein vom Wasser suͤß worden ist/ vnd nicht mehr angreiffen will/ welches vngefaͤhr innerhalb 24. Stunden geschicht/ dann diese beyde Metallen sich zwar solviren lassen/ aber nicht gern/ sondern sehr langsamb/ so man aber die
Solution
eher vollbringen will/ so muͤssen dieselbe zuvorn in einen solvirlichen
Calcem
gebracht werden/ da koͤnnen sie eher/ als in einer stund auffgeloͤset werden. Nach geschehener
Solution
muß dieselbe filtriret/ vnd
in Balneo
alle Feuchtigkeit bis auff Honig dick davon abstrahiret werden/ so bleibet zuruͤck ein lieblicher suͤsser
Liquor,
wel- cher also ohne fernere
Præparation,
sicher im Leib kan gebraucht werden/ zu allen den Kranckheiten/ dazu sonsten andere
Medicamenta
von diesen Metallen gemacht/ dienst- lich seyn. Insonderheit thut der suͤsse
Liquor Saturni \& Jovis in peste
viel gutes/ nicht allein durch den Schweiß/ die Gifft von dem Hertzen zu treiben/ sondern auch daß die vnleydliche grosse Hitz dardurch gebrochen
wirdt
/ also daß eine gluͤckliche Cur darauff erfolget. Eusserlich aber kan dieser
Liquor Saturni,
nuͤtzlich zu allen
inflammationibus
gebrauchet werden/ auch heylet er vnglaublich schnell/ nicht allein frische Wunden/ son- dern auch alte fistulirte
Ulcera,
dann der
Tartarus
remiget/ vnd machet einen guten Grund/
Saturnus
zeucht zusammen/ darauff die Heylung folget.
Der
Liquor Jovis
ist besser innerlich/ als aͤusserlich zu gebrauchen/ dessen eygentli-
che Wuͤr-
Ander Theil.
che Wuͤrckung noch nicht so bekand/ als des
Saturni
ist. Wiltu aber einen
Spiritum
darauß distilliren/ so trage mit einem Loͤffel immer ein wenig nach dem andern davon eyn/ gleich wie bey andern
distillationibus
oben vielmahl ist gelehret worden/ so gehet davon ein uͤberauß subtiler
Spiritus Tartari,
welcher die Krafft vnd beste Essentz des Metalls mit sich fuͤhret/ vnd derohalben viel kraͤfftiger/ als ein gemeiner
Spiritus Tar- tari,
welcher
per se
gemacht ist/ befunden wird/ vnd kan ein solcher
Spiritus,
so er zu- vorn wol dephlegmiret ist/ als ein grosser Schatz/ so wol der von
Jove
als
Saturno
ge- machet/ in allen
obstructionibus,
infonderheit des Miltzes gebrauchet werden/ deme wenig andere Medicamenten fuͤrgehen/ doch daß auch gute
purgantia,
so es vonnoͤthen thut/ darbey genommen werden/ vnd gehet auch mit dem
Spiritu
ein Oel uͤber/ welches in schneller Wuͤrckung ist/ sonderlich in allen Angenwunden vnd Schaͤden/ da man sonsten nicht fuͤglich andere
unguenta
vnd
emplastra
gebrauchen kan/ dann es nicht allein alle Hitz/ die allzeit zu den Augenwunden schlaͤgt/ bald benimmet/ sondern auch alle andere Zufaͤlle verhindert/ vnd zuruͤck haͤlt/ welches wenig andere Medicinen thun koͤnnen/ vnd wann man hernach die Remanentz mit dem staͤrcksten Fewer wei- ters treibet/ so gehet ein
sublimat
uͤber/ welcher in der Lufft/ in ein Oel zerfleusset/ wel- ches auch seine Wuͤrckung/ nicht allein zur Medicin/ sondern auch
in Alchymia
kraͤff- tig beweiset.
Vnd fleust der
Saturnus
zusammen/ in einen schoͤnen weissen Koͤnig/ welcher viel weisser/ reiner vnd schoͤner ist/ als ein ander gemein Bley/
Tartarus
aber behaͤlt die Schwaͤrtze/ vnd setzet sich als ein fluͤssige Schlacken oben auff/ welche von dem
sulphure Saturni
impr
æ
gniret ist/ damit man Haar/ Bein/ Federn vnd dergleichen/ braun vnd schwartz bestaͤndig faͤrben kan.
Ich habe einmal eine solche Distillation in einem eysern Geschirꝛ gethan/ davon dasselbe inwendig von dem gereinigten
Saturno
also geweisset worden/ daß dem feinen Silber/ an Schoͤne gleich war/ habe aber solches hernach mehr thun wollen/ ist aber al- so schoͤn nicht worden als das erste/ vnd muß man dieses so frembd zu seyn nicht achten/ dann ich wol etwas mehrers von dem
Tartaro,
wann es sich geziembte/ schreiben koͤn- te/ weilen ich wol weiß/ was damit kan gethan werden/ wann ich nicht die Spoͤtter foͤrch- tet/ welche alles/ das sie nicht verstehen/ verachten/ ich wolte mich vnterstehen/ den
Tar- tarum saponem sapientum
zu nennen/ dann ich in Reinigung etlicher Metallen/ wun- derbarliche Eygenschafften in jhm durch langer Zeit Vbung gefunden hab/ aber also muß es nicht verstanden werden/ als wann ich solchen fuͤr den wahren
azoth univer- salem philosophorum,
damit sie jhren
latonem
waschen/ halten solte/ daß er aber
darumb
particulariter
etliche
metalla
nicht waschen vnd saͤuberen solte/ kan ich nicht verneynen/ dann er gegen die Metallen mit wunderbarlichen Eygenschafften begabet ist/ davon an andern Orthen mehr soll gehandelt werden.
O iij
CAP.
Philosophischer Oefen
CAP. LXXIII.
Wie man auß
Marte
vnd
Venere
einen
Spiritum
vnd
Oleum Tartarisatum
machen soll.
W
Iltu auß Eysen oder Kupffer/ mit
Tartaro
eine gute Medicin machen/ so neh- me zu Eysen einen eysernen/ vnd zu Kupffer einen kuͤpffernen Kessel/ mache diesel- be von allem Schmutz/ schoͤn rein vnd sauber/ vnd thue darein
rasuram Martis vel Ve- neris,
welches du wilt/ vnd zweymal so schwer
Tartari puri pulverisati,
vnd so viel Wassers/ daß der
Tartarus
im kochen wol darinnen zergehen kan/ vnd koche also das Metall mit dem Weinsteinwasser so lang/ bis dasselbe hoch von dem Metall gefaͤrbet ist/ als vom Eysen roth/ vnd vom Kupffer hochgruͤn/ vnd wann das Wasser im kochen exhaliret/ so muß man anders allzeit wieder hernach giessen/ auff daß der
Tartarus
nicht verbrenne/ vnd zu nicht werde/ dann allzeit so viel Wassers dabey seyn muß/ daß kein Haut von dem Weinstein sich darauff setze/ sondern allzeit offen bleibe/ doch muß auch nicht zu viel Wasser dazu genommen werden/ auff daß es nicht zu suͤß sey/ vnd das Metall damit nicht koͤnne solviret werden. Wann nun die
Solution
von
Marte
roth vnd suͤß/ auff Vitriolisch am Geschmack/ vnd von
Venere
gruͤn vnd bitter worden ist/ so giesse dieselben ab
per inclinationem,
also warm in ein ander rein Gschirꝛ/ vnd las solches noch so lang auff gar linder Kohlenwaͤrme stehen/ bis alles Wasser bey nahe davon geduͤnstet ist/ vnd das solvirte Metall mit dem Weinstein/ als ein Honigdicker Safft ligen bleibet.
Welchen Metallischen Safft/ man also wol innerlich/ als aͤusserlich (insonder- heit den von Eysen) gebrauchen kan/ dieser von Eysen purgiret lind/ vnd benimmet die
obstructiones hepatis \& lienis,
reiniget den Magen/ vnd toͤdet die Wuͤrme; aͤusserlich ist er ein guter Wundbalsam/ welcher den Vegetabilischen weit vorgehet/ nicht allein frische/ sondern auch alte verdorbene/ vnd fistulirte Schaͤden damit zu reinigen vnd zu heylen/ ein sonderbarer Schatz; der
Liquor Veneris
aber ist innerlch so sicher nicht zu gebrauchen/ dann er nicht allein gantz vnannehmlich am Geschmack ist/ sondern ma- chet auch sehr
vehementes vomitus,
darumb ich nicht rathe/ daß man solchen leichtlich gebrauche/ man wolte dann bey starcken Leuthen die Wuͤrme damit toͤden/ dazu er dann sonderlich gut ist/ vnd allen andern
medicamentis,
wie sie auch Namen haben moͤgen/ weit vorgehet/ kleinen Kindern aber/ wolle man nichts davon eyngeben/ dann es viel zu kraͤfftig wuͤrcket.
NB.
Vnd wann man solchen ja bey starcken Leuthen gegen die Wuͤrm/ oder Magen fieber gebrauchen will/ so muß man dieses in acht nehmen/ daß der Patient/ so es nicht fort wolte/ einen Finger in den hals stecke/ vnd zum vomirenhelffe/ auff daß es nicht liegen bleibe/ sondern wieder auß dem Leibe komme/ so solches geschicht/ so folget die Gesundheit darnach/ wo nicht/ ein
Nausea,
mehr davon zu gebrauchen. Dar-
umb
Ander Theil.
umb man wol zusehen muß/ daß es wol gebraucher werde/ vnd weilen solcher
Liquor
sehr bitterist/ so kan man denselben mit Zucker etwas vermischen/ auff daß er zu nehmen sey/ dieser auß Eysen aber darff solcher Corꝛectur nicht/ sondern ist suͤß genug zu gebrau- chen/ darumb ich mehr zu dēselben als zu diesem rathe. So man aber ja diesen von Kupf- fer gebrauchet/ (weilen er so starck wuͤrcket) so muß man denselben Tag sich vor kalter Lufft huͤten/ auch nicht alsobalde nach der Operation den Magen mit starcken Getraͤn- cken/ vnd uͤbrigem Cssen beladen/ sondern sich mit einem warmen Suͤplein vnd Truͤnck- lein Wein oder Bier genuͤgen lassen/ so wird jhine den folgenden Tag das Essen vnd Trincken desto besser schmaͤcken/ vnd bekommen.
Eusserlich aber ist dieser
Liquor
in allem (gleich wie bey dem
Marte
gesagt wor- den) zu gebrauchen viel kraͤfftiger vnd viel schneller in seiner Heylung. Were derohal- ben gut/ daß alle
Chirurgi
solchen wuͤsten zu machen/ vnd denselben an statt jhrer Sal- ben/ mit welchen so viel/ leicht curirliche frische Wunden/ versaͤumet/ verderbet/ vnd in abschewliche
ulcera
gebracht werden/ insonderheit weil er wenig Kosten vnd Muͤhe zu machen erfordert/ gebraucheten. Will man aber diese
Liquores
reiner haben/ so muß man dieselben mit
Spiritu Vini
uͤbergiessen vnd extrahiren/ geben jhre Tinetur gern von sich/ vnd lassen viel
feces
zuruͤck liegen/ welche vntuchtig seyn/ die Tinctur aber wird desto besser/ reiner vnd kraͤfftiger/ also daß man deren nur 4. oder 5. Tropffen zum purgi- ren vonnoͤthen hat/ da man anders des groben zu 4. 6. 8. bis auff 12. oder 16. haben muß/ vnd wuͤrcket diese extrahirte Tinctur aͤusserlich viel besser/ vnd haͤltet sich auch laͤnger/ als der
Balsamus
oder
Liquor
thut/ welcher mit der Zeit schimlich vnd weiß oben auff wird/ das
Extractum
aber nimmermehr verdirbet. Wann man aber den
Liquorem
oder
Balsamum
distilliren will/ so ist es nicht noͤthig/ daß er extrahiret werde/ sondern kan also/ wie er durch das kochen gemacht worden/ distilliret werden/ auff solche Weiß vnd Wege/ gleich wie oben bey dem
Saturno
ist gelehret worden/ so gehet vom
Marte
ein gelber/ vnd vom
Venere
ein gruͤnlicher
Spiritus
vnd
Oleum
uͤber/ dieser
Spiritus
vnd
Oleum
vom
Marte
kan sicher
in peste, febribus, obstructionibus,
vnd
corruptione languinis à scrupulo 1. ad drachmam j.
gebrancht werden/ ist vielbequaͤmer den Schweiß damit zu befoͤrdern/ als derjenige/ welcher von
Tartaro Crudo
ohne Zuthun eines Metalls ist bereytet worden/ deßgleichen thut auch derjenige/ welcher von Kupffer ge- macht ist/ aber viel kraͤfftiger/ vnd machet bißweilen auch einen
Vomitum,
wann er in groͤsserer
Dosi
als gehoͤrlich gedrauchet wird.
NB.
Wiewol das Kupffer in guͤte dem Eysen von den
Chymicis,
als ein be- staͤndiger vnd zeitiger Metall vorgezogen wird/ so befindet sich gleichwol
in Experien- tia,
daß der
Mars
in allem zur innerlichen Medicur/ wegen seiner Suͤssigkeit/ besser zu gebrauchen/ als die
Venus
ist. Eusserlich aber die
Venus
als ein
appropriata Medicina
(so dieselbe wol zugerichtet ist) aller ulceren oder offnen Schaͤden an allen Orten des Leibes/ so derselbe darneben auch innerlich durch bequaͤme
purgantia
rein gehalten wird/ den Preiß erhaͤlt. Dann nicht nur allein diese jetztbeschriebene Medicin/ son-
dernn
Philosophischer Oefen
dern noch viel andere mehr auß dem Kupffer in andern Orthen meiner Buͤcher/ zu machen gelehret. Eine Bauren Artzney vnd Purgation/ damit starcke Leuth im Fall der Noth/ welche weit von den Apotheken abwohnen/ oder nicht viel Geld bey denselben Artzeneyen abzukauffen vermoͤgen muß ich weiters auß dem Eysen oder Kupffer zu ma- chen lehren/ damit sie jhre verschleimte/ vnd durch vnordentlich Essen vnd Trincken ver- dorbene Maͤgen/ durch welche Hauptpein/ Wuͤrme/
febres,
vnd andere Kranckheiten entstanden/ reinigen vnd außbutzen koͤnnen/ doch will ich gewarnet haben/ daß sich da- fuͤr huͤten gar zu junge/ oder alte/ oder andere abgematte schwache Menschen/ welche nicht maͤchtig genug seyn/ eine solche starckwuͤrckende Purgation außzustehen vnd zu vertragen/ auff daß sie nicht zugleich mit den Wuͤrmen/ auch das Leben toͤden/ vnd auß- jagen/ diejenige aber/ welche starck von Leib/ eines mittelmaͤssigen Alters vnd gesunden Hertzens seyn/ moͤgen diese Purgation wol vnd sicherlich gebrauchen/ dardurch die Magenfieber/ alle Bauchwuͤrme/ vnd viel andere verborgene Kranckheiten/ gluͤcklich koͤnnen vertrieben werden/ vnd geschicht die Bereytung also: Nimb ein Loch pulvert- sirten reinen Weinstein/ vnd 1. oder 2. Loth Zucker oder Honig/ vnd 10. oder 12. Loth ge- mein Brunnen- oder Regenwasser/ thue diese beyde/ als Weinstein/ Zucker/ sampt dem Wasser in ein kupfferen rein Geschirꝛ/ welches nicht fett oder schmutzig sey/ vnd koche uͤber einem Kohlfewer solches/ vngefaͤhr so lang/ oder etwas laͤnger/ als man ein Ey zu kochen pfleget/ oder auffs allerlaͤngste ein halb viertel Stund/ vnd nimb den Schaum im kochen oben ab/ setze solches hin/ so lang bis es law/ vnd zu trincken bequaͤm worden ist/ dann gieb solchen Tranck/ welcher nicht viel anderst/ als ein warm gemachter ge- zuckerter Wein schmaͤcket/ dem Patienten zu trincken/ vnd las jhn darauff fasten/ so wird dieselbe innerhalb ½ Stunde anfangen zu wuͤrcken oben vnd vnden/ daran man sich nicht kehren darff/ sondern den Leib nur warm halten/ so wird in einer Stunde alles gethan seyn. So man aber kleine Kinder die Wuͤrme zu vertreiben purgiren will/ so nehme man nur an statt eines kuͤpffernen Geschins/ ein rein eysernes/ vnd thue etwas minder Weinstein/ Zucker vnd Wasser darein zu kochen/ vnd geb es jhnen/ operiret nur vntersich/ doch machet es bisweilen auch einen linden
Vomitum,
welcher jhnen nicht schadet/ sondern nur den Magen desto besser reiniget. So aber dieser Tranck zu schwach were/ vnd kein Operation thaͤte/ so kan derselbe den andern Tag darnach noch einmal (doch daß man der ingredientien etwas mehr nehme/ oder dieselbe laͤnger ko- chen lasse) gebrauchet werden/ vnd ist kein Gefahr dabey zu erwarten/ wann man wol damit uͤmbgehet/ vnd viel lieblicher zu nehmen/ als der bittere Wurmsamen/ damit die Kinder gemeinlich solchen eynzunehmen/ geplaget werden.
Die Vrsach nun/ daß dieses
decoctum
also wuͤrcket/ ist nichts anders/ als daß der Weinstein vnd Zucker die Metallen/ wann sie mit Wasser darinn kochen/ angreif- fen/ vnd also ein Krafft darauß ziehen/ dardurch dann das vomiren vnd purgiren (da- zu der Weinstein auch hilffet) entstehet/ dieses sey starcken Menschen zu thun gelehret/ schwache Personen aber wollen sich dafuͤr huͤten.
CAP.
Ander Theil.
CAP. LXXIV.
Einen
Spiritum Mercurii Tartarisa- tum
zu machen.
D
Er
Mercurius Vulgi
laͤßt sich nicht also/ gleich die vorige Metallen/ ohne vorher- gehende Pr
æ
paration mit Weinstein vnd Wasser solviren/ sondern wil zuvorn mit Saltz vnd
Vitriol
sublimiret/ oder mit
Aqua-forti
crystallisiret seyn/ dann laͤßt er sich mit
Tartaro
vnd Wasser im kochen auffsolviren/ vnd in einen
Balsamum,
gleich als andere Metallen bringen/ ist aber nicht in den Leib zu nehmen/ es were dann daß er auff seine Zeit digerirt/ dadurch jhme seine Wildigkeit benommen wuͤrde/ doch ist er sicherlich aͤusserlich in allen verdorbenen/ sonderlich Venerischen Schaͤden/ als eine kraͤfftige vnd nuͤtzliche Medicin zu gebrauchen.
In Alchymia
aber ist er am allernuͤtz- lichsten/ wiewol jhn wenig kennen/ dann er sich nicht von jederman sehen laͤßt. Der
Spi- ritus,
welcher
per distillationein
davon gehet/ ist nicht allein
in Medicina,
sondern auch
in Alchymia,
ein wunderbarlicher Gast/ doch muß man sich wol fuͤrsehen/ daß man nicht fuͤr einen Freund einen grossen Feind beherberge/ dann seine Krafft vnd Gewalt sehr gros vnd maͤchtig ist.
CAP. LXXV.
Wie man einen
Spiritum Auri \& Lunæ Tartarisatum
machen soll.
G
Old vnd Silber laͤßt sich auch im geringsten mit
Tartaro
im nassen Weg nicht solviren/ im trucknen aber mit Zuthun seines Helffers thut ers gern/ gehoͤrt aber hieher nicht/ so man aber ja einen
Spiritum
dar auß machen will/ so muß das Gold oder das Silber durch solviren vnd coaguliren in Crystallen gebracht seyn/ vnd darnach mit reinem
Tartaro
vnd Wasser auffsolviret/ so bekompt man vom Gold eine gelbe/ vnd vom Silber eine weisse/ auff gruͤn geneygte
solution,
welche
ad mellaginem
gebracht/ gantz sicherlich ohne Schew kan gebrauchet werden. Die vom Gold laxiret/ vnd haͤlt ei- nen offnen Leib/ staͤrcket den Magen/ Hertz/ Lungen vnd Leber/ sampt andern principa- len Gliedern/ kraͤfftiglich: Die vom Silber purgiret zimblich starck/ nach deme sie geben wird/ als ein ander Purgantz/ doch ohne Schaden vnd Gefahr/ also/ daß sie zu allen Kranckheiten da purgirens vonnoͤthen ist/ sicherlich von einem Scrupel
ad unc semis
kan gebrauchet werden. Das Gold aber wird in kleinerer
Dosi
gebrauchet/ vnd were eben so wol dieser Safft vom Gold/ als vom Silber/ aͤusserlich sehr heylsamb zu gebrau- chen/ weilen man aber solches durch geringere Metallen verꝛichten kan/ so ist es nicht noͤthig mit kostbaren zu thun. Die
Spiritus
aber/ welche
per distillationem
davon ge- trieben werden/ seyn mit grossen Kraͤfften begabet/ da dñas Volatilische Theil des Me-
P
talls
Philosophischer Oefen
talls gehet mit dem
Spiritu Tartari
conjungiret/ uͤber/ die Remanentz kan reduciret werden/ gleich oben bey andern Metallen gelehret worden. Dieser
Spiritus,
insonder- heit der vom Gold/ ist
in peste
vnd andern Kranckheiten/ da schwitzens vonnoͤthen ist/ uͤber die massen gut/ dann er nicht allein alles boͤse durch den Schweiß von dem Hertzen gewaltig treibet/ sondern auch dasselbe starcket/ vnd fuͤr allen boͤsen Zufaͤllen wuͤrcklich pr
æ
serviret/ vnd beschuͤtzet. Deßgleichen auch dieser vom Silber/ sonderlich wann er zu- vorn uͤber sein
Caput mortuum,
wie oben bey Bereytung des gemeinen
Spiritus Tar- tari
gelehret ist, wol dephlegmiret worden/ lobens werth ist. Dann ein jedweder
in Chymia
erf
fa
hrner
Medicus
wol dencken kan was ein wol rec
t
ificirter/ vnd mit guldi- schen Kraͤfften impr
æ
gnirter
Spiritus Tartari
außrichten koͤnne. Darumb nicht noͤthig mehrers davon zu melden/ sondern der
proba
soll heimgestellet werden.
CAP. LXXVI.
Von
Antimonio \& Tartaro
einen
Spi- ritum
zu machen.
D
As
Antimonium crudum
kan nicht auff obbeschriebene Weiß solviret werden/ so es aber zuvorn
in Flores,
oder in ein
Vitrum
ist bereytet worden/ giebt es seine Kraff
t
im kochen gern von sich/ vnd geschicht also: Nimb zu einem Theil
Florum,
oder klein ge- riebenes
per se
gemachten
Vitri Antimonii,
3. Theil
Tartari puri,
vnd 12. oder 15. Theil gemein rein Wasser/ vnd koche das
Antimonium
mit dem Weinstein vnd Wasser/ in einem verglasurten Hafen/ 3. oder 4. Stunden lang/ vnd muß vnterdessen das ver- rochene Wasser mit anderem erstattet werden/ auff daß der Weinstein nicht durch Manglung desselben verbrenne/ auch muß bisweilen das
Vitrum
(die
Flores
welche leicht seyn/ haben es nicht vonnoͤthen) mit einem hoͤltzernen Spattel umbgeruͤhret wer- den/ wami solches geschicht/ so faͤrbet sich das Weinsteinwasser/ von dem
Antimonio
hoch roth/ vnd laͤßt das uͤbrige
Antimonium
liegen/ von welchem die
solution
abgos- sen/ (welche nach der
filtration
vnd
exhaltation
des Wassers/) noch einmal mit
Spi- ritu Vini
muß extrahiret werden/ so bekompt man ein blutrotes
Extractum,
davon auff einmal 1. 2. 3. bis auff 10. oder 12. Tropffen eingeben/ machet linde
vomitus
vnd
sedes,
welches Jungen vnd Alten in allen Kranckheiten da purgirens vonnoͤthen ist/ sicherlich kan gebrauchet werden/ dann im geringsten kein Gefahr dabey zu befurch- ten ist/ vnd mir kein
Vomitivum
bekand ist/ welches linder purgirt als dieses/ vnd so man will/ operirt es nur allein
per inferiora,
vnd macht keine
vomitus,
nemblich also/ wann man dieses
extractum,
oder ein ander
Antimonium Vomitivum
eingenom- men hat/ vnd haben will/ daß es allein vnter sich wuͤrcken soll/ so muß man ein hart ge- roͤste Schnitte Brods also heiß fuͤr die Nasen vnd Mund halten/ vnd so dieses bey- nahe kalt worden ist/ alsobald ein ander warnes bey der Hand haben/ vnd solches ei- nes nach dein andern/ so lang abgewechselt/ bis man kein
nauseam
mehr spuͤret/ vnd die
Krafft
Ander Theil.
Krafft des
Antimonii
vnter sich gewuͤrcket hat/ welches ein gut Stuͤcklein ist fuͤr die- jenigen/ welche das
Antimonium
gern gebraucheten/ vnd sich fuͤr dem vomiren schewen/ oder solches nicht vertragen koͤnnen. So man aber so viel Muͤhe auff ein solches
ex- tractum
zu machen nicht wenden will/ so kan man thun gleich oben bey dem Kupffer ist gelehret worden/ vnd thun 10. oder 12.
Grana Antimonii præparati
(fuͤr einen alten Menschen/ fuͤr junge 5. 6. mehr oder weniger/ nach Gelegenheit der Person) mit ein oder anderthalb Loth reinen Weinstein/ vnd 8. oder 10. Loth Wassers in einen kleinen Ha- fen/ vnd koche solches ¼ Stund lang/ giesse die laͤre
solution
ab in einen Becher/ ein wenig Zucker darein zerschmoltzen/ dadurch die Saͤurigkeit des Weinsteins etwas ge- brochen wird/ vnd trincke solches
decoctum
also warm auß/ vnd verhalte dich darauff nach der Gebuͤhr fein warm/ so wird es viel besser wuͤrcken/ als wann Wein uͤber Nacht daruͤber gestanden haͤtte/ welcher nicht so wol von jederman nuͤchtern kan getruncken werden/ dieses
decoctum
aber/ weil es einem warmen vnd suͤssen Wein gleich schmaͤ- cket/ viel lieblicher zu nehmen ist. So du dann wilt/ daß es nur vntersich wuͤrcken soll/ so gebrauche das goroͤste Brod/ sonsten macht er
Vomitus.
NB.
Es ist zu verwundern/ daß ein wolbereytes
Antimonium
nimmer vergeb- lich gebrauchet wird/ dann wann es schon in gar kleinem
Dosi
wird eyngeben/ also daß es weder
vomitus
noch
sedes
machen kan/ so thut es das seinige doch vnsichtbarer Weise/ nemblich/ reinigt das Gebluͤt/ treibet viel boͤses durch den Schweiß hinweg/ also daß schwere Kranckheiten damit ohne merckliche Operation koͤnnen vertrieben wer- den. Welches mir vielmal begegnet ist/ vnd Anleytung geben hat/ solchem weiters nach- zudencken/ habe derohalben gesucht/ wie man ein
Antimonium
zurichten moͤchte/ wel- ches taͤglich ohne
Vomitus
vnd Stulgaͤnge zu machen koͤndte gebraucht werden/ wel- ches ich dann ins Werck gestellt vnd gut befunden habe/ wie hernach folget. Mache dir von dieser
solution,
nemblich auß den
Floribus
vnd
Tartaro,
eine gute Quantitaͤt/ vnd nach Exhalirung des Wassers distillir einen
Spiritum
darauß/ mit welchem auch ein schwartz Oel uͤbergehet/ das von dem
Spiritu
gescheyden/ vnd
per se
rectificiret muß werden/ thut nicht allein aͤusserlich Wunder in allem/ gleich wie oben dem
Oleo Tar- tari simplici
zugeschrieben ist/ sondern noch viel mehr/ dann die beste
Essentia Antimo- nii
sich damit
in distillatione
conjungiret hat/ welche die Kraͤfften des
Olei Tartari
verdoppelt/ vnd kan solches
Oleum
nicht allein zu allen Podagrischen
tumoribus
solche schnell zulegen vnd lindern/ mit Ehren gebrauchet werden/ sondern wegen seiner grossen Truͤckne consumiret es auch alle andere von Wasser oder Wind entstandene Ge- schwulsten am gantzen Leib/ dann das
Sal Volatile,
wegen seiner Subtilitaͤt/ fuͤhret die Krafft des
Antimonii
in die innerste Theile des Leibes/ (wofern solches gesuchet wird) wunderbarlicher vnd vnglaublicher weiß/ dardurch in
Chirurgia
viel gutes außgerich- tet kan werden. Der
Spiritus
aber kan nicht allein
in peste, morbo gallico, scorbuto, melancholia, hypochondriaca, febribus
vnd allen
obstructionibus
vnd
putredine sanguinis,
als ein bewaͤhrte Medicin/ mit Ehren gebrauchet werden/ sondern/ wann
P ij
man
Philosophischer Oefen
man davon etwas in newen Wein oder Bier thut/ vnd damit jaͤhren laͤßt/ so wird das Bier oder Wein davon also kraͤfftig/ daß es (so man solches taͤglich gebrauchet) alle zu- fallende von uͤbriger Feuchtigkeit/ vnd verdorbenem Gebluͤt/ entstandene Kranckheiten verhindert vnd zuruͤck haͤlt/ also daß weder
pestis, lepra, scorbutus, melancholia, hypo- chondriaca,
vnd andere dergleichen Kranckheiten/ bey denen die es taͤglich gebrauchen/ einwurtzelen kan/ welches jhme kein Metall oder Mineral (außgenommen Gold) nach- thun kan. So man aber kein Gelegenheit/ ein solchen
Spiritum
zu machen haͤtte/ vnd gern ein solchen Medicinalischen Tranck von dem
Antimonio
haben wolte/ der nehme nur die mit Weinstein gemachte
Solution,
ehe sie distilliret ist worden/ vnd thue da- von vngefaͤhr vnter ein Ohm newen Wein oder Bier ein oder anderthalb Pfund des- selben/ vnd lasse solches damit jaͤhren/ so wird die Krafft des
Antimonii
durch die
fer- mentation
des Weins noch Volatilischer vnd kraͤfftiger zu wuͤrcken. So man aber kei- nen newen Wein haben koͤndte/ (weilen solcher nicht allenthalben waͤchset) so kan man von Honig/ Zucker/ Bieren/ Feygen/ Kirschen oder dergleichen Fruͤchten/ einen zurich- ten/ wie im folgenden Dritten Theil gelehret wird/ welcher an statt eines natuͤrlichen Weins genommen kan werden/ vnd dienen solche medicinalische Weine als ein ge- wisses vnd sicheres
præservativ,
nicht allem vielen Kranckheiten vorzukommen/ son- dern auch denselben/ so sie den Leib schon eingenommen haben/ wuͤrcklich zu begegnen vnd zu vertreiben. Auch werden dadurch alle aͤusserliche alte offne Schaͤden/ nur alle Tag davon getruncken/ (welche von den Pflastern vnd anderm Schmierwerck kein Huͤlff haben erlangen koͤnnen) von Grund auß geheylet. Dann nicht allein
Basilius Va- lentinus
vnd
Theophrastus Paracelsus,
sondern auch noch viel andere mehr vor vñ nach jhnen solches gewust/ vnd viel gutes davon geschrieben haben/ ist aber von wenigen (weilen jhre Beschreibung etwas dunckel ware/) angenommen/ sondern als ein Vn- warheit veracht worden/ deßgleichen vnd noch viel mehr moͤchte auch dieses mein Schreiben klein geacht werden/ weilen ich keine langwuͤrige vnd kostbare Processen vn- derweise/ sondern nur nach der Warheit in Einfalt meinem Naͤchsten zu dienen suche/ welches der hoffaͤrtigen Welt nicht wol in den Ohren klinget/ sondern sich nur mit vn- nuͤtzen vnd eytelen Processen lieber schleppen vnd kitzelen/ als die Warheit hoͤren will/ vnd ist kein Wunder/ daß Gott solche Menschen/ welche nur nach hohen Dingen trach- ten/ vnd die niedrigen allzeit verachten/ in Irꝛthumb stecken laͤßt. Warumb suchen wir durch viel kopffbrechen vnd subtile langwuͤrige Arbeit vnsere Medicin/ da doch Gott durch die schlechte Natur vns anders lehret? Were es nicht besser/ daß wir vns von der einfaͤltigen Natur vnderweisen liessen? Gewißlich/ so wir geringe Dinge liebeten/ wuͤr- den wir grosse finden. Weilen aber fast alle Menschen nur nach grossen vnd hohen Dingen trachten/ wird jhnen auch das kleine enthalten. Darumb es gar gut were/ daß wir vns ein Ding eynbilden koͤnten/ daß auch geringschaͤtzige Ding etwas thun koͤn- nen/ gleich wie allhter bey dem Weinstein vnd veraͤchtlichen
Antimonio
zu sehen ist/ so wuͤrden nicht allein so viel Kohlen/ Glaͤser/ Materialien vnd andere Dinge/ sondern
auch
Ander Theil.
auch die edle Zeit also vnnuͤtzlich in Bereytung der Medicamenten nicht verschwen- det werden/ dann nicht alles was glaͤntzet Gold ist/ sondern offtermals vnter einem vn- ansehlichen Kleyde etwas herꝛliches verborgen ist/ darauff man mercken muß.
Es moͤchte jemand sagen/ warumb ich lehre/ daß man erstlich das
Antimonium
mit dem
Tartaro
durch Huͤlff gemeines Wassers (ehe man solches mit Wein jaͤhren lasse) vereinigen muͤsse/ ob es nicht so gut were/ daß mans nur also
in forma pulveris
hineyn thaͤte/ oder nur
in Spiritu Salis
solvirte/ welches leichter als mit
Tartaro
zu thun ist/ vnd arbeyten liesse. Darauff ich berichte/ daß ein jaͤhrender Wein oder Tranck/ kein Metallischen
Calcem
oder
Solution
annehme/ als diejenige/ welche mit Weinstein oder
Spiritu Vini
gemacht seyn. Dann wann man schon
Antimonium,
oder ein an- der Mineral oder Metall
in Spiritu Salis, Vitrioli, Nitri,
oder einem andern
Spiritu Acido
solviret/ vnd mit Wein/ oder einem andern Tranck wolte jaͤhren lassen/ so wuͤr- de es nicht angehen/ dann der
Spiritus Acidus
wuͤrde die fermentation verhindiren/ das solvirte Metall fallen lassen/ vnd das Werck verderben/ vnd ist auch ein Weinstein vnder allen Getraͤncken zu gebrauchen/ vnd zu vertragen viel lieblicher vnd annehm- licher/ als ein
Spiritus Corrosivus.
Gleich wie nun allhier mit dem
Antimonio
geschehen ist/ also koͤnnen auch an- dere Mineralien vnd Metallen vnder Wein/ oder ander Getraͤnck fuͤglich gebracht wer- den/ vnd ist der Gebrauch eines solches
Vini Antimoniati,
dieser/ nemblich/ daß man solchen nicht anderst als bey Essen vnd zwischen der Mahlzeit/ gleich als einen andern gemeinen Tranck/ den Durst damit zu loͤschen/ gebrauche/ doch also in solcher Quanti- taͤt/ als die Natur vertragen kan; dann so man denselben vnmaͤssig trincken wolte/ so wuͤrde er
Vomitus
erꝛegen/ welches nicht seyn soll/ sondern nur also/ daß er vnmerck- licher weiß operire/ wann solches geschicht/ so pr
æ
serviret er nicht allein den Leib vor al- len Kranckheiten/ welche von corꝛumpirten vnd vnreinem Gebluͤt herkommen/ als
pe- stis, lepra, morbus gallicus, scorbutus
vnd der gleichen mehr/ sondern wegen seiner ver- borgenen Waͤrme/ durch welche er alle uͤbrige boͤse vnd gesaltzene Feuchtigkeiten (gleich wie die Sonn eine Pfuͤtz mit Wasser vertrocknet) verzehret/ vnd durch den Schweiß vnd Vrin außtreibet/ (dadurch das Gebluͤt solcher scharpffen vnd schaͤdlichen
humo- rum
entlediget wird) nicht allein die oberzehlte
morbos,
sondern auch alle offene Schaͤ- den oder fistulirte
Ulcera,
welche wegen vieler gesaltzenen Feuchte keine Heylung koͤn- nen annehmen/ in kurtzer Zeit vnglaͤublicher weiß bestaͤndig curiret.
Also daß nicht allein solcher Tranck den Krancken/ sondern auch den Gesunden den (doch in kleinerer
Dosi
) weilen er den gantzen Leib gewaltig saͤubert vnd reiniget/ dienstlich zu trincken ist/ vnd darff man sich nicht besorgen/ daß das geringste Vuheil dem Menschen/ er sey jung oder alt kranck oder gesund/ dadurch entstehen moͤchte. Vnd wolle sich niemand daran stossen/ daß von vielen vnverstaͤndigen Menschen das
An- timonium
fuͤr Gifft außgeruffen/ vnd zu gebrauchen verbotten wird/ kenneten sie sol- ches/ sie wuͤrden es nicht thun/ weilen solche Leut aber nichts mehr wissen/ als was sie
P iij
von
Philosophischer Oefen
von lesen/ oder hoͤren sagen haben/ faͤllen sie ein falsch Vrtheil/ vnd koͤndte jhnen gleich wie
Apelles
dem Schuhemacher hat gethan/
Sutor ne ultra crepidam,
geantwortet werden/ was soll man aber dazu thun/
Non omnis fert omnia tellus,
wann ein Esel nach seinem tod verfaulet/ so wachsen Kaͤfern darauß/ welche hoͤher fliegen koͤnnen/ als der Esel davon sie kommen seyn/ gethan hat/ solches wollen wir auch von den Haͤssern des Koͤniglichen Geschlechts
Antimonii
verstanden haben: Nemblich also/ daß jhre Nachkoͤmlingen einmal sehend werden/ vnd dasjenige/ was sie nicht kennen/ also zu ver- achten eynstellen moͤchten.
Ich muß bekennen/ so das
Antimonium
nicht wol ist bereytet worden/ vnd darzu noch vnvorsichtig von vnerfahrnen Leuten gebrauchet wird/ daß es/ wie gleich so wol auch andere
vegetabilia,
dem Menschen an seiner Gesundheit wol Schaden zufuͤgen koͤnne. Daß man aber darumb solches wegen des Mißbrauchs solte verwerffen/ were vnweißlich gethan/ gleich als wann etwa ein Kind ein scharpffschneidend Messer in die Haͤnde bekompt/ vnd jhme/ oder andern (weilen es kein Verstand hat/ solches zu ge- brauchen) schaden thut/ solte man darumb das Messer/ an sich selbsten gut ist/ entweder verachten/ oder auch denen erwachsenen zu gebrauchen verbieten/ gute scharpf- fe Waffen machen einen guten Arbeiter/ gute schnellwuͤrckende vnd kraͤfftige Medi- camenten/ machen einen guten
Medicum,
vnd je schaͤrpffer die Wassen/ je geschwin- der ein Bildschnitzer oder ander Handwercksmann sein Arbeit durch einen Fehl- schnidt verderben/ vnd zu nicht machen kan: Also auch mit der Medicin muß verstan- den werden/ so man dieselbe aber mit Verstand nach der Kunst behoͤrlich gebrauchet/ so kan in kurtzer Zeit mehr gutes damit gethan werden/ als sonsten in langer Zeit mit krafftlosen Medicamenten zu thun moͤglich ist. Gleich wie nun zu einem scharpffen Waf- fen/ ein guter Werckmeister gehoͤret/ also gehoͤret auch zu einer kraͤfftigen Medicin/ ein verstaͤndiger vnd gewissenhaffter
Medicus,
welcher nach Gelegenheit der Person vnd Kranckheit/ die Medicin zu verstaͤrcken oder zu verschwaͤchen/ Wissenschafft habe/ vnd nicht also vnverstaͤndig ohne Vnterscheyd sein Medicin dar reiche.
Wolle sich auch niemand vermundern/ daß ich dem
Antimonio
(welcher mit
primo ente auri
haͤuffig begabet ist) solche grosse Kraͤfften zuschreibe/ thaͤte ich noch ze- henmahl so viel/ ich luͤge nicht daran/ sein Lob ist mit keiner Zungen außzusprechen/ in Reinigung des Gebluͤts ist jhme kein Mineral gleich/ dann es den gantzen Menschen (so es zuvorn wol bereytet ist/ vnd auch verstaͤndig gebrauchet wird) auff den hoͤchsten Grad saͤubert vnd reiniget/ dann es des Goldes bester vnd nechster Freund ist/ welches durch dasselbe auch von allem Zusatz vnd Vnreinigkeit/ gleich als allhier von Menschen gesagt worden/ frey vnd ledig gemacht wird/ vnd kompt ein jedweder
Antimonium
meh- rentheils mit dem Gold vnd seiner Medicin uͤbereyn/ dann auß dem
Antimonio
durch Kunst gut vnd bestaͤndig Gold/ wie im vierdten Theil gelehret wird/ durch seygern kan herauß gebracht werden. Vnd was mehr ist/ wird durch lange Digerirung ein gut Theil desselben in Gold verwandelt/ daher zu sehen/ daß es Goldes Natur vnd Eygen-
schafft
Ander Theil.
schafft habe/ vnd noch besser als das Gold selbsten zur Medicin koͤnne gehrauchet wer- den/ weilen in diesem die guͤldische Krafft noch Volatilisch/ in jenem aber schon com- pact vnd fix geworden ist/ vnd als ein alter vnbaͤndiger Mensch gegen ein jung Kind/ welches man fuͤhren vnd leyten kan wohin man will/ kan verglichen werden. Darumb mein Rath were/ daß man in dem
Antimonio
sein Medicin suchte/ in welchem sie reich- lich verborgen stecket/ vnd nicht sein Zeit vnd Anlag in eytelen vnd krafftlosen Dingen verspielte. Vnd weiters ist dieses zu mercken/ so man die Krafft des
Antimonii,
oder eines andern Mineralls/ oder Metalls noch enger zusammen bringen will/ als oben mit dem
Tartaro
zu thun ist gelehret worden/ der mache solche
Solution
durch Exhali- rung der uͤbrigen Feuchtigkeit
in Balneo
zu einem Honigdicken Safft/ vnd giesse ei- nen
Spiritum Vini
darauff zu extrahiren/ so wird derselbe in wenig Tagen schoͤn roth davon werden/ solchen ab/ vnd einen andern wiedrumb darauff gossen/ vnd als den er- sten extrahiren lassen/ so offt vnd viemal wiederholet/ bis der
Spiritus Vini
kein Farb mehr außziehen will oder kan/ dann allen den gefaͤrbten
Spiritum Vini
zusammen in ein Glas mit einem langen Hals gethan/ vnd
in Balneo tepido
so lang digeriret/ bis sich die Farb oder beste
Essentia Antimonii
von dem
Spiritu Vini
scheydet/ vnd als ein blut- roth dickes vnd fettes
Oleum
sich zu Boden setzet/ vnd der
Spiritus Vini
wieder weiß ge- worden ist/ welcher von dem schoͤnen vnd lieblichen
Oleo Antimonii,
das ohne alle cor- rofiv gemachet ist/ muß separirt/ vnd als ein grosser Schatz/ zur
Medicina
bewahret wer- den. Der
Spiritus Vini
behaͤlt auch noch etwas von den Kraͤfften des
Antimonii,
vñ kan fuͤr sich allein in vielen innerlichen vnd aͤusserlichen Faͤllen feuchtbarlich gebrauchet werden/ die Tinctur aber thut als ein
panacea
in allen Kranckheiten das jhrige mit Verwunderung/ darauff man sich verlassen darff. Gleich wie nun allhier mit dem
An- timonio
geschehen/ also koͤnnen auch alle
Metalla
ohne Distillation/ durch Huͤlff des
Tartari
vnd
Spiritus Vini,
in liebliche vnd suͤsse
Olea
gebracht werden/ welche die ge- ringsten
in Medicina
nicht seyn/ dann ein jedweder versuchter oder erfahrner
Chymi- cus
wol zulassen wird/ daß ein solches Metallisches
Oleum,
welches ohne alle corꝛosiv auß dem groben Metall in eine liebliche
Essentiam
ist gebracht/ nicht ohne sonderbare grosse Kraͤfften seyn kan.
CAP LXXVII.
Wie man auß Perlen/ Corallen/ Krebsaugen/ vnd andern
leicht solvirlichen Steinen der Thier vnd Fische gute
Spi- ritus
vnd
Olea
machen soll.
N
Imb zu einem Theil kleine pulverisirten Perlen/ oder Corallen/ 3. oder 4. Theilrei- nen Weinstein/ vnd so viel Wassers/ daß der
Tartarus
im kochen darinn kan sol- viret werden/ vnd thue die Corallen/ Weinstein vnd Wasser zusammen in einen glaͤ- sern Kolben/ welcher im Sande stehen soll/ vnd gieb so starck Fewer/ daß das Wasser
mit
Philosophischer Oefen
mit dem
Tartaro
im Kolben koche/ vnd die Corallen solviren koͤnne (es kan solche
Solu- tion
auch nur in einem reinen jrꝛdenen verglasurten Hafen geschehen/ vnd muß das außgeduͤnste Wasser mit andern/ wie oben bey den Metallen gelehret worden/ erstat- tet werden) wann die Corallen solvirt seyn/ so las erkalten/ filtrir die
Solution,
vnd abstrahire
in Balneo
alle Feuchtigkeit davon/ so bleibet ein lieblicher Honigdicker Safft/ welcher also
per se,
oder zuvorn noch einmal mit
Spiritu Vini
extrahirt vnd purifi- cirt oder distillirt/ gleich wie bey den Metallen zu finden/
in Medicina
kan gebrauchet werden/ das
Extractum
oder
Tinctura
ist besser als der
Liquor,
vnd der
Spiritus
bes- ser als das
Extractum,
doch seynd alle 3 sicher vnd wol zu gebrauchen/ staͤrcken das Hertz vnd Hirn/ insonderheit diese von Perlen vnd Corallen gemacht/ treiben den Vrin/ vnd halten einen offenen Leib/ diese von Krebsaugen/ Baͤrschen vnd anderen Fischen/ oͤffnen vnd saͤubern die Harngaͤnge von allem Schlamm vnd Vnreinigkeit/ vnd treiben den
Calculum
in Nieren vnd Blasen kraͤfftiglich.
NB.
Der
Spiritus distillatus
von Corallen/ so wol rectificirt ist/ dienet den
epi- lepticis, melancholicis,
vnd
apoplecticis
uͤber die massen wol/ vnd treibet alles Gifft durch schwitzen vom Hertzen/ dann er guͤldischer Natur ist/ davon an einem andern Orth mehrers soll tractiret werden.
CAP. LXXVIII
. Ex Sale Tartari \& Tartaro crudo
einen
Spiritum
zu distilliren.
W
Ann man
Tartari crudi
vnd
Salis Tartari
gleiches Gewichts mit reinem Was- ser auffsolviret/ verschaͤumet/ vnd wiederumb erkalten laͤsset/ so schiessen weisse Cry- stallen/ welche so sie distilliret werden/ gleich als ein gemeiner Weinstein/ so geben sie einen viel reineren/ subtileren vnd lieblicheren
Spiritum
als ein
Tartarus crudus
thut/ in allem zu gebrauchen/ wie oben bey dem
Spiritu Tartari simplici
gelehret worden ist/ darumb nicht noͤtig seinen Gebrauch allhier zu beschreiben. Ehe man aber einen
Spiri- tum
darauß distilliret/ koͤnnen solche Crystallen an statt eines
Tartari Vitriolati
zum purgiren gebrauchet werden/ machen linde
sedes,
vnd treiben zugleich auch den Vrin vnd
Calculum,
seyn nicht vnlieblich zu nehmen/
Dosis j. Scrupel ad Drachmam j. in aquis appropriatis:
Auch reiniget dieses Saltz mit Wasser solvirt/ die Metallen/ diesel- be darinn gekocht/ werden viel schoͤner als ein gemeiner Weinstein allein thut.
CAP. LXXIX.
Wie durch Huͤlff eines reinen Sandes oder Kißlings/
auß
Sale Tartari
ein kraͤfftiger
Spiritus
kan erlanget werden.
I
M ersten Theil dieses Buchs hab ich gelehret/ einen solchen
Spiritum
zu machen/ weilen man aber daselbsten alles was man distilliren will/ auff die Kohlen werffen
muß/
Ander Theil.
muß/ vnd das zuruͤck bleibende dardurch verunreiniget/ vnd verlohren wird/ auch ein jedweder einen solchen Ofen/ (der mehr Raum als dieser zu setzen haben will) auffzu- bawen keine Gelegenheit hat. Also will ich allhier lehren/ wie man in diesem kleinen Ofen/ ohne Verlust der Remanentz (welche nicht geringer als der
Spiritus
selbst ist) sol- chen leichtlich erlangen koͤnne/ vnd geschicht also:
Mache dir von gebrandaͤm Weinstein/ durch solviren/ filtriren vnd coaguliren ein schoͤn weiß Saltz/ pulverisire solches in einem warm gemachten Moͤrsel/ vnd setze jhme ¼ theil klein pulverisirten Crystall/ Kißling/ oder nur rein gewaschenen kleinen Sand zu/ mische es wol vntereinander/ vnd trage davon auff einmal einen Eßloͤffel voll in dein gluͤend Geschirꝛ (welches von Erden gemacht seyn soll) vnd decke zu/ so wird die
mixtur,
so bald sie ist gluͤend worden/ auffsteigen vnd kochen/ gleich wie ein gemeiner Alaun thut/ wann er in gaͤhlinge Hitz kommet/ vnd einen dicken vnd schweren weissen
Spiritum
von sich geben/ wann solches auffhoͤret zu gehen/ vnd sich die
mixtur,
welche im gluͤen hochsteiget/ gesetzet hat/ so wirff wiederumb einen Loͤffel voll hineyn/ vnd erwar- te seine Zeit/ dann wieder ein Theil/ so lange bis alle deine
mixtur
hineyn getragen ist/ vnd wann nun kein
Spiritus
mehr gehet/ so hebe den Deckel von dem distillir Gefaͤs/ vnd greiffe mit einem reinen eysern loͤssel hineyn/ vnd hebe das zuruͤck gebliebene (wei- len es noch gluͤend vnd weich ist/ vnd einem durchsichtigen/ klaren/ weissen fluͤssigem Glas gleich seyn wird/ herauß/ vnd verwahre solches vor der Lufft/ (dann es darinn zer- fliesser) so lang/ bis ich lehren werde/ was man damit thun soll.
Der uͤbergangene
Spiritus
kan also verwahret/ oder
in arena
durch einen glaͤsern Retorten rectificirt/ vnd zur Medicin gebrauchet werden/ ist viel eines andern Ge- schmacks/ als ein
Spiritus salis communis
oder
Vitrioli,
dann er so scharpff nicht ist/ hat einen Geruch nach dem Kißling auff Schweffelart/ vnd ist Vrinosisch am Ge- schmack/ dienet den
podagricis, calculosis,
vnd
phthisicis,
uͤber die massen wol/ dann er den Schweiß vnd Vrin sehr befuͤrdert/ vnd machet (weilen er den Magen reim- get vnd staͤrcket) einen guten appetit zum essen. Was er sonsten mehr thun kan/ ist mir noch vnbekandt/ aber wol zu glauben/ daß er das seinige in noch viel anderen Kranck- heiten mehr beweisen koͤnne/ welches einem jedwedern zu versuchen heimbgestellt sey. Meines erachtens/ weilen ein
Spiritus Salis Tartari per se in calculo
gut zu gebrau- chen ist/ vnd er allhier durch die
silices
oder
arenam,
(welche
signaturam calceli micro- cosmici
haben) gestaͤrcke ist/ jhme schwerlich ein ander particular Medicin vorgehen koͤnne/ doch einem jedwedern seine Meynung vnd experientz vorbehalten. Eusserlich gebrauchet/ loͤschet er den Brand/ vnd machet ein reine Haut/ ꝛc. Die Remanentz/ wel- che ich zu verwahren befohlen/ vnd sich einem durchsichtigen hellen Glas vergleichet/ ist nichts anders als das fixeste Theil des
Salis Tartari
vnd Kißlings/ welche sich in der Hitze also conjungiret haben/ vnd zu einem solvirlichen Glaß worden seyn/ darinn ein grosse Hitz vnd Fewer verborgen stecket/ so lang es trucken ohne Lufft behalten wird/ kan es nicht an jhme gespuͤret werden/ so man aber Wasser darauff geusset/ so wird sein
Q
verbor-
Philosophischer Oefen
verborgene Hitze Offenbahr. Wann man solches in einem warmen Moͤrsel klein pul- verisiret/ vnd an ein feuchte Lufft leget/ so zerfleußt es in ein dick vnd fett
Oleum,
vnd laͤßt etliche
feces
oder Vnreinigkeiten zuruͤck. Dieses fette
Oleum
oder
Liquor Sili- cum, Arenæ vel Crystallorum
kan nicht allein in-vnd aͤusserlich zur Medicin also
per se,
sondern auch die Mineralien vnd Metallen zu guten Medicamenten zu bereyten/ oder dieselbe in bessere
per artem Chymicam
zu verwandeln/ gebrauchet werden. Dann viel grosse Heimligkeiten in dem vnachtsamen Kißling oder Sand verborgen stecken/ welches ein vnerfahrner/ so mans offenbahrte/ nicht glauben wuͤrde/ dann die jetzige Welt ist nun also sehr von dem Teuffel mit dem verfluchten vnd schaͤndlichen Geitz eyngenommen/ daß man nichts anders suchet/ als nur Geld/ Geld/ ehrliche vnd kuͤnstli- che Wissenschafften aber dagegen nicht geacht werden/ darumb vns Gott die Augen zu- haͤlt/ daß wir nicht sehen koͤnnen/ was vor den Augen lieget/ vnd von vns mit Fuͤssen ge- tretten wird. Der thewre Mann
Paracelsus
hat vns solches genug zu verstehen geben/ da er spricht in seinem Vexir-Buch der Alchymisten/ daß offtermals ein vnachtsamer Kißlingstein besser als ein Kuh sey/ nicht allein darumb/ daß man Gold darauß schmel- tzen koͤnne/ sondern auch daß man andere geringe Metalla damit saͤubern koͤnne/ daß sie dem besten Gold vnd Silber in allen Proben gleich seyn/ ob ich schon solches mit gros- sem Nutzen niemals gethan/ gleichwol die Moͤglichkeit vnd Warheit mehr als einmal darinn gesehen hab/ welches auch an seinem behoͤrlichen Orth soll gelehret werden. Dieser
Liquor Silicum
ist solcher Natur gegen die Metallen/ daß er dieselbe uͤber die massen schoͤn machet/ nicht aber also/ daß dieselbe nur gleich wie die Weiber jhr Gefaͤs von Zinn/ Kupffer/ Eysen/ oder andern Metallen mit einer scharpffen Laugen vnd klei- nem Sand schewren vnd reiben/ so lang bis aller Ruß vnd Vnsauberkeit davon kompt/ vnd einen schoͤnen hellen Glantz erlangen: sondern die Metallen muͤssen durch die Chy- mische Kunst darinn auffsolviret/ vnd dann entweder im nassen/ oder im trocknen Weg sein Zeit darinn digeriret werden/ welches
Paracolsus
wieder in Mutterleib gangen/ vnd auffs new geboren heisset oder nennet/ wann ein solches rechtmaͤssig geschicht/ so wird die Mutter ein reines Kind an Tag gebaͤren. Alle Metallen werden im Sand oder Stein generirt/ dahero sie ein Mutter der Metallen billich genennet werden kan/ vnd je reiner die Mutter/ je reiner vnd gesunderes Kind daraus gebohren wird/ vnd wird vnter allen Steinen keiner gefunden/ welcher reiner sey als ein Kißling/ Cry- stall/ oder Sand/ die einer Natur seyn/ (wofern sie eynfach/ vnd nicht mit Metallen im- pr
æ
gniret seyn) darumb der Kißling oder Sand am bequembsten (ein Bad die Metal- len damit zu waschen) befunden wird. Daß aber mancher meynen moͤchte/ daß dieses Bad der Philosophen jhr geheimes
menstruum,
damit sie den Koͤnig auff die hoͤchste Reinigkeit gebracht haben/ seyn solte/ ist nicht/ dann jhr
Balneum
den Koͤnig gern vnd lieber zu sich nimbt/ weilen es seines Gebluͤts ist/ als andere Metallen/ dieses aber an- dere lieber als das Gold/ solviret. Darauß zu spuͤren ist/ daß es
Bernhardi Fontina
nicht seyn kan/ sondern nur fuͤr ein particular Reinigung der Metallen muß gehalten wer-
den.
Ander Theil.
den. Dieses nun hindan gesetzt/ vnd in seinem Werth bleiben lassen/ wer Zeit vnd Ge- legenheit hat/ kan sich darinn uͤben vnd versuchen/ was damit koͤnne gethan werden. Laßt vns weiters vernehmen/ wie dieser
Liquor in Medicina
koͤnne gebrauchet wer- den/ derentwillen dieses Buch gemacht ist. Was gesagt/ ist nur darumb geschehen/ auf daß man mercken koͤnne/ daß nicht allzeit auff thewre vnd kostbare Dinge muß gesehen werden/ sondern auch offtermals viel gutes in vnachtsamen/ als Sand vnd Kißling zu finden sey.
CAP. LXXX.
Wie man ein blutrote
Tinctur
mit
Spiritu Vini
auß
dem
Liquore Silicum
ziehen soll.
W
Ann du wilt eine Tinctur zu der Medicin/ oder Alchymi auß den
silicibus
extra- hiren/ so nimbt an statt eines weissen/ einen schoͤnen gelben/ gruͤnen/ oder blawen Kißling/ er halte gleich fix oder fluͤchtig Gold/ vnd distillir erstlich mit
Sale Tartari
sei- nen
Spiritum
davon/ oder so du solchen nicht suchest/ so schmeltze die Mixtur in einem verdeckten Tiegel/ zu einem durchsichtigen/ solvirlichen/ vnd fluͤssigen Glas/ mache sol- ches in einem warmen Moͤrsel zu einem kleinen Pulver/ vnd uͤbergiesse solches in einem langhaͤlfigen Glas/ mit einem reetificirten
Spiritu Vini
(er darff nicht dephlegmiret seyn/ hindert nicht/ wann er nur rein ist) vnd las solchen so lang in linder Waͤrme dar- auff stehen/ bis daß er schoͤn roth worden ist/ (doch daß offtermahls das Glas mit dem bereyten Kißling uͤmbgeruͤhret/ auff daß der Kißling zertheilet werde/ vnd der
Spiritus Vini
darauff wuͤrcken koͤnne) darnach giesse den gefaͤrbten
Spiritum Vini
ab/ vnd ei- nen andern darauff/ vnd las solchen auch roth werden/ dieses ab-vnd auffgiessen muß so offt geschehen/ bis sich der
Spiritus Vini
nicht mehr darauff faͤrben will/ dann alle den abgegossenen tingirten
Spiritum Vini
zusammen
in Balneo, peralembicum
von der Tinctur abstrahiret/ welche
in fundo concurbitæ,
als ein rother Safft wird liegen blei- ben/ darnach solchen außgenommen/ vnd zu seinem Gebrauch bewahret.
CAP. LXXXI
. Usus Tincturæ Silicum in Medicina.
D
Iese Tinctur/ wann sie von guͤldischen Kißlingen oder Sand gemacht ist/ eine von den geringsten Medicinen nicht sol gehalten werden/ dann dieselben allen sol- virlichen tartarischen
coagulationibus
in Haͤnden/ Knyen/ Fuͤssen/ Nieren/ vnd Bla- sen kraͤfftiglich widerstehet/ vnd wann dieselbe schon in Mangelung der Goldhaltigen/ nur von gemeinen weissen extrahiret ist/ thut sie gleichwol das jhrige auch/ doch nicht so wol als die erste/ vnd darff sich niemand verwundern/ daß ein Sand oder Kißling/ so er
potabilis
gemacht ist/ solche Kraͤfften haben koͤnne/ dann nicht alles allen bekandt ist/
Q ij
vnd
Philosophischer Oefen
vnd ist eine solche Tinctur noch kraͤfftiger/ wann zuvorn Gold mit dem
Liquore Silicum
vor der extraction ist solviret worden. Auch wolle jhm niemand eynbilden/ als wann sol- che Tinctur von dem
Sale Tartari
(welches zur Bereytung des
Olei Arenæ
genommen wird/ weilen dasselbe den
Spiritum Vini
auch faͤrbet) herkomme/ im geringsten nicht/ dann ein grosser vnterschied zwischen dieser Tinctnr vnd derjenigen/ welche auß dem
Sa- le Tartari
extrahiret ist/ gefunden wird/ dann so man dieselbe in einem glaͤsernen Koͤlb- lein oder Retoͤrtsein distilliret/ so gehet erstlich ein klarer
Spiritus Vini,
darnach eine vngeschmackte
phlegma,
vnd bleibet ein Saltz/ in allem/ einem gemeinen
Sali Tartari
gleich zuruͤck/ in welchem nach der Außgluͤung im geringsten keine Farb gespuͤret wird/ vnd weilen auch keine uͤber ist gangen/ wo ist dann dieselbe geblieben/ moͤcht man fra- gen? Darauff ich antworte/ daß es kein
Vera Tinctura
gewesen sey/ sondern daß nur der
Sulphur in Spiritu Vini
durch das corporalische
Sal Tartari
erhoͤher seye/ vnd eine rote Farbe erlanget habe/ welche er so jhme das
Sal Tartari
benommen wird/ verlieret/ vnd seine vorige weisse Farb wiederumb annimbt/ gleich wie auch geschicht/ wann man ein
Sal Urinæ, Cornu Cervi, Fuliginis,
oder ein ander dergleichen Vrinosisch Saltz mit
Spiritu Vini
digeriret/ er davon roth wird/ aber nicht bestaͤndig/ sondern gleich wie mit dem
Sale Tartari
geschicht/ muß verstanden werden/ dann so man dasselbe durch die rectisication wieder von dem
Spiritu Vini
scheydet/ ein jedweder (nemblich das Saltz vnd
Spiritus Vini
) seine vorige Gestalt wiederumb erlanget/ darauß zu spuͤren/ daß es (wie oben gesagt) keine wahre Tinctur gewesen sey/ wer solches nicht glaubet/ der solvire nur 1. Vntz gemeinen weissen
Salis Tartari
in einem Pfund
Spiritus Vini,
so wird der- selbe roth davon werden/ gleich als were er uͤber viel Pfund blaw oder gruͤn calcinirten
Salis Tartari
lange Zeit gestanden/ vnd wann ich solches nicht etlich mal probiret/ vnd also befunden haͤtte/ were ich auch solcher Meynung geblieben/ weilen ich aber anders befunden/ hab ich auch nicht vnterlassen koͤnnen/ meine Meynung hieher zu setzen/ wie- wol ich weiß/ daß ich Vndanck bey etlichen verdienen werde/ sonderlich bey denen/ wel- che lieber mit dem groͤsseren Hauffen jrꝛgehen/ als mit dem kleineren die Warheit er- kennen vnd bekennen wollen. Daß aber darumb solche vermeynte
Tinctura Salis Tar- tari
krafftlos seyn sol/ sage ich nicht/ dann ich wol weiß/ daß dieselbe in vielen Kranckhei- ten ersprießlich befunden wird/ dann das rein este Theil
Salis Tartari,
der
Spiritus Vini
(davon er also gefaͤrbet ist) solviret hat/ darumb man solchen gefaͤrbten
Spiritum Vini
wol vnd fuͤglich gebrauchen kan. Mit dieser Tinctur aber welche auß dem bereyten Kißling extrahiret ist/ hat es viel eine andere Gelegenheit/ dann so man den
Spiritum Vini
davon abstrahiret/ so gehet er zwar auch weiß uͤber/ aber zuruͤck bleibet ein hoch
tingirtes Saltz/ welches Farb auch in dem staͤrcksten Fewer bestaͤndig bleibt/ vnd derohalben fuͤr eine wahre Tinctur kan geur- theilt werden.
CAP.
Ander Theil.
CAP. LXXXII.
Wie durch Huͤlff dieses
Liquoris
auß dem Gold
sein Farb kan gezogen werden/ daß es weiß bleibet.
D
Ieses
Oleum
oder
Liquor Silicum
hat die Natur/ daß er alle
Metalla,
die in Cor- rosivischen
menstruis
solviret seyn/ pr
æ
cipitiret/ aber nit auff solche weiß/ gleich wie ein
Sal Tartari
thut/ dann der
Calx metallorum,
welcher mit diesem
Liquore
ist nie- dergeschlagen/ viel schwerer davon (weilen sich die
Silices
damit vermischen) worden ist/ als wann er nur mit
Sale Tartari
allein were pr
æ
cipitiret. Als zum Exempel/ solvire in
aqua regis
so viel Gold du wilt/ vnd giesse dieses
Liquoris
so viel darauff/ bis alles Gold in Form eines gelben Pulvers zu Boden gefallen vnd die
Solution
weiß vnd klar worden ist/ welche du abgiessen vnd das gefaͤllte Gold mit suͤssem Wasser absuͤssen vnd trucknen solst/ (gleich oben bey dem
Auro fulminante
geschehen) vnd darffst dich nicht foͤrchten daß es sich im trucknen entzuͤnde vnd schlage/ als were es mit
Sale Tarta- ri
oder
Spiritu Urinæ
niedergeschlagen/ sondern magst es kuͤhnlich bey dem Fewer tru- cken machen/ welches einer gelben Erden gleich sehen/ vnd noch einmal so schwer wie- gen wird/ als das Gold vor der
Solution
gewogen hat/ welches Gewichts Vrsach die
silices
seyn/ die sich zugleich mit dem Gold pr
æ
cipitiret haben. Dann das
Aqua regis
hat durch sein aciditaͤt das
Sal Tartari
getoͤdet/ vnd krafftlos gemachet/ daß es sein an- genommene Kißling oder Sand hat muͤssen fallen lassen/ hergegen hat auch das
Sal Tartari
bey dem
Liquore silicum
die schaͤrpffe des
Aquæ regis
zu nicht gemacht/ daß es sein bey sich genommenes ☉ nicht laͤnger hat halten koͤnnen/ dadurch also zugleich das ☉ vnd Kißling/ von jhrem
solvente
entiediget seyn.
Dieses wol abgesuͤßte vnd getrucknete gelbe Pulver/ thue in einen reinen Tiegel/ vnd setze denselben zwischen gluͤende Kohlen/ daß es beginne zu gluͤen/ aber nicht lang/ so wird sich die gelbe in die allerschoͤnste Purpurfarb verwandeln/ welches mit Lust zu sehen ist/ so du aber solches laͤnger stehen laͤßt/ so vergehet die Purpur/ vnd wird braun oder Ziegelfarb darumb (so man ein schoͤn Purpurfarbgold haben will) muß mans von dem Fewer nehmen/ wann es seine Farb erlanget hat/ vnd nicht laͤnger stehen las- sen/ dardurch dieselbe wieder verlohren wird. Dieses schoͤne Goldpulver kan von den Reichen (welche es bezahlen koͤnnen/
à Scrupulo Semis, ad drachmam j.
mit bequaͤ- men
vehiculis
in allen Kranckheiten/ da schwitzens vonnoͤthen ist/ fuͤglich gebraucht werden/ dann es nicht allein neben dem Schweißtreiben/ auch das Hertz staͤrcket/ son- dern treibet auch auß Krafft des Kißlings zugleich den Nieren vnd Blasenstein/ (so er noch nicht gaͤntzlich erhartet ist) einem Sand gleich mit dem Vrin auß. Also daß es so wol
præservativè
als
curativè in peste, podagra
vnd
calculo
nuͤtzlich zu gebrauchen ist. Wie weiters auß diesem Purpurfarben Gold ein solvirlicher Rubin zur Medicin dienst- lich soll gemachet werden/ wird im vierdten Theil gelehret/ dann weilen solches durch
Q iij
starck
Philosophischer Oefen
starck Fewer in einem Tiegel geschehen muß/ gehoͤret es hieher nicht/ sondern an sein Ort/ da dergleichen Medicamenten zu machen mehr gelehret werden.
So du nun auß dem niedergeschlagenen Golde seine Farbe extrahiren wilt/ so uͤbergiesse dasselbe/ ehe es außgegluͤet ist/ mit dem allerstaͤrckesten
Spiritu Salis,
so wird derselbe in linder Waͤrme das Gold zum theil auffloͤsen/ viel schoͤner vnd hoͤher von Farb/ als wann es mit
Aqua regis
gethan were/ auff diese
Solution
giesse 5. oder 6. mal so viel dephlegmirten
Spiritus Vini,
vnd digerir beyde seine Zeit zusammen/ so wird durch langer Zeit Digerirung ein Theil des Goldes auß der
Solution
als ein schnee- weiß Pulver zu Boden fallen/ welches mit Borꝛas oder Salpeter vnd Weinstein kan reduciret werden/ ist weiß gleich als Silber/ aber schwer als ander Gold/ kan auch sein Farb leichtlich durch das
Antimonium
wieder erlangen Das uͤbrige aber/ darauß das weisse Gold gefallen ist/ nemblich der
Spiritus Salis
mit dem
Spiritu Vini
vermischet/ muß von der Tinctur abstrahirt werden/ so bleibet ein annehmlicher sauberer von Gold gefaͤrbter Safft zuruͤck am Boden des Koͤlbleins/ welcher beynahe solcher Kraͤfften/ als oben von andern Farben des Goldes ist gelehret worden. Insonderheit aber staͤrcket dieser
Liquor Solis
das Hertz/ Hirn vnd Magen.
NB.
Bißweilen steiget mit dem
Spiritu Vini
uͤber dem Helm ein wenig roth Oel/ welches der starcke
Spiritus Salis
von dem
Spiritu Vini
geschieden hat/ ist mit
Tin- ctura auri
impr
æ
gniret/ ein fuͤrtreffliches Cordial/ deme wenig gleich gefunden werden/ damit schwache/ durch Kranckheit oder Alter außgezehrte Menschen sich lange zeit/ taͤg- lich etliche Troͤpfflein davon eingenommen/ erhalten koͤnnen/ welche sonsten auß Man- gel des
humidi radicalis
das Leben fuͤr den Tod geben muͤssen.
Moͤchte jemand fragen/ ob dann nun diese Medicin fuͤr ein wahre Tinctur
au- ri
anzunehmen/ oder noch eine bessere zu finden sey? Darauff ich antworte/ daß zwar solches von vielen dafuͤr gehalten/ vnd auch allhier von mir also genennet wird/ kan aber nicht dafuͤr bestehen, dann ob schon dem Gold durch solche Weiß etwas von seiner Krafft entzogen wird/ so behaͤlt gleichwol dasselbe noch sein Leben/ ob es schon schwach vnd bleich worden ist/ weilen es seine vorige gesunde Farb/ von einem vnachtsamen Mi- neralleichtlich wider erlangen kan/ so sein wahre Tinctur oder
Anima
von jhme gewi- chen were/ fuͤrwar ein geringes Mineral wuͤrde dasselbe nicht wieder lebendig machen koͤnnen/ sondern muͤste durch etwas geschehen/ welches nit allein nur so viel Leben bey sich hat/ als es selbsten vonnoͤthen/ sondern muͤste uͤberfluͤssige Macht haben andern toden Dingen das Leben zu geben. Wie zu sehen ist bey einem Menschen oder andern em- pfindlichen Thier/ wann solches durch Widerwaͤrtigkeit von seiuen Kraͤfften gebracht/ also daß schier kein Leben mehr darinn zu spuͤren ist/ so kan dasselbe durch dienliche Me- dicamenten wiederumb gelabet/ vnd zu voriger Gesundheit gebracht werden/ also daß an jhme seine vorige Kranckheit nicht mehr kan gespuͤrt werden. So aber sein Seele davon gewichen/ so ist dem Leib als einem toden
cadaver
nimmermchr durch Medica- menten zu helffen/ daß er wiederumb leben koͤnne/ sondern muß so lang tod bleiben/ bis
daß
Ander Theil.
daß derjeuige/ in dessen Macht vnd Gewalt es stehet/ zu geben oder zu nehmen/ sich uͤber jhn erbarmet. Also kan es auch mit dem Gold verstanden werden/ wann nemblich jh- me sein schoͤne Farb entzogen/ vnd doch das Leben noch gelassen wird/ so kan dieselbe hernach gar leichtlich jhme durch das
Antimonium,
als sein Medicin/ wie auch durch Eysen vnd Kupffer wiederumb geben vnd erstattet werden/ also daß es sein vorige schoͤ- ne Farb wiederumb erlanget/ daß man auch im geringsten daran nicht sehen kan/ daß jhme etwas zuvorn gemangelt haͤtte
So aber jhme sein Leben gaͤntzlich von dem Coͤrper geschieden wird/ so ist es vn- moͤglich/ daß es jhme durch gemeine Metallen oder Mineralien wiederumb gegeben kan werden/ sondern muß durch etwas geschehen/ welches mehr ist als das Gold selbsten gewesen. Dann gleich wie ein lebendiger Mensch dem Toden kein Leben geben kan/ son- dern muß von Gott geschehen/ der den Menschen erschaffen hat/ also kan das Gold ei- nem getoͤdten vnd abgestorbenen anderm Gold sein benommenes Leben auch nicht ge- ben/ wie wolte es dann von einem vnfixen Mineral geschehen koͤnnen/ sondern muß von einem wahren
Philosopho
(welcher gute Erkaͤndnuͤs des Goldes/ vnd seiner Zusam- mensetzung hat) geschehen. Gleich wie nun gehoͤret/ daß gleich seinem gleichen nicht helf- fen koͤnne/ sondern derjenige/ der helffen soll/ mehr seyn muͤsse/ als dieser der Huͤlffe von jhm suchet/ darauß zu mercken ist/ daß ein solche Tinctur/ dessen hinderbleibende
cor- pus,
(davon dieselbe gezogen) noch Gold ist/ kein
vera Tinctura
seyn kan/ dann soll es ein wahre Tinctur seyn/ so muß dieselbe in jhren
tribus principiis
bestehen/ wie kan die- selbe darinn bestehen/ so das
corpus
darauß sie kommen/ noch lcbet/ vnd jhre
tria princi- pia
noch vnzertrennlich besitzet? Wie kan einem Menschen sein Seel genommen wer- den/ vnd gleichwol noch leben? Es muͤsse dann jemand solches also deuten wolen vnd sprechen: Es koͤnte gleichwol dieses fuͤr ein wahre Tinctur gehalten werden/ ob schon das
corpus
noch Gold geblieben were/ vnd sein Leben noch behalten haͤtte/ gleich wie ei- ner ein theil Blut auß seinem Leibe entrathen kan/ davon er zwar bleich wird/ aber den- noch lebet/ vnd jhme das benommene Blut durch gute Speiß vnd Tranck wiederumb kan erstattet werden. Ach was fuͤr lahme Eynwuͤrffe seynd doch dieses/ wer solte doch so schlecht seyn/ vnd ein Handvoll Blut dem Leben eines Menschen vergleichen wolle? Ich glaube niemand der weiß ist. Ob schon das Leben mit dem Blut außgehet/ so ist doch das Blut das Leben selbsten nicht/ sonsten wuͤrde man die Toden damit koͤnnen auffer- wecken/ wann man jhnen einen Becher voll davon eingoͤsse/ wo ist aber solches jemals gehoͤret/ oder gefehen worden? Mit solchen vngegruͤndten Meynungen doͤrffen sich noch einige vnterstehen/ die Warheit/ welche ich in meinem Tractaͤtlein
de Auro potabili vero
dargethan/ zu tadelen/ vnd sagen/
Geber
vnd
Lullius
weren auch der Meynung/ daß wol ein wahre Tinctur auß dem Gold koͤnte extrahiret werden/ vnd dasselbe gleich- wol noch gut Gold bleibe/ was hat es dann verlohren/ were zu fragen/ daß es noch gut geblieben ist/ vnd gleichwol eine gute Tinctur von sich geben hat? Allhier wird niemand zu Hauß seyn/ der darauff antworten soll/ was hab ich mit
Gebers
vnd
Lullii
seinen
Schriff-
Philosophischer Oefen
Schrifften zu thun/ was sie geschrieben haben/ verachte ich nicht/ seynd hocherleuchte vnd erfahrne
Philosophi
gewesen/ sie wuͤrden jhre Schrifften genug vertheidigen/ so sie noch lebten/ was ich schreib/ kan ich auch wol vertheidigen/ wollen solche Leute mey- nen/ daß
Gebri
vnd
Lullii
Schrifften/ also nach dem blossen Buchstaben zu verstehen seyn solten/ zeig mir eine
Tincturam
☉ die auß
Gebri
oder
Lullii
Schrifften gemacht ist? Wann dieses were/ so wuͤrde ein jedweder Idiot oder Bachant/ der nur Latein le- sen koͤnte/ nicht allein eine
Tincturam Auri,
sondern auch den
Lapidem
selbsten auß jhren Schrifften/ davon sie weitlaͤufftig geschrieben/ machen koͤnnen/ welches nicht folget/ weilen man durch taͤgliche Erfahrung siehet/ daß auch die aller Weltgelaͤhr- testen/ viel Jahr lang mit vnsaͤglichem Kosten Muͤhe vnd Arbeit/ in jhren Buͤchern Tag vnd Nacht studiret vnd gesuchet/ aber im geringsten nicht darinnen gefunden ha- ben. Wann dann solche
Philosophi
nach dem Buchstaben zu verstehen weren gewesen/ ohne Zweiffel es wuͤrden so viel verdorbene Alchymisten nicht gefunden/ darumb man solcher thewren Maͤnner Schrifften nicht nur nach dem Buchstaben/ sondern nach dem darinn verborgenen Verstande vrtheilen muß. Weilen aber die Warheit in jhren Buchern mit so viel verfuͤhrischen vnd Sophistischen Processen verdunckelt ist/ wird schwerlich jemand dieselbe vnder so viel Verleytungen herauß klauben/ oder finden koͤnnen/ es were dann jhme zuvorn von Gott ein Liecht gegeben/ durch welches er die fin- stere Schrifften solcher Philosophen durchsuchen/ vnd das deutliche von dem verbluͤmb. ten zu vnterscheyden wuͤßte/ oder aber es moͤchte ein frommer
Chymicus
durch Gnade Gottes in seinen
laboribus
auff eine gute Spur kommen/ vnd doch daran zweiffeln/ ob er auff dem rechten Wege sey oder nicht/ welcher dann hernach guter warhafftigen Phi- losophen Buͤcher durchlesen/ vnd endlich die bestaͤndige Warheit darauß folgends er- lernen koͤnte; anders wird schwerlich auß jhren Buͤchern jemand sein Begehren erlan- gen/ sondern viel mehr durch Verschwendung der edlen Zeit/ vnd aller seiner Guͤter vnd Gesundheit/ endlich den Bettelstab in die Haͤnde nehmen muͤssen.
Deßgleichen wann dem ♀ seine wahre Tinctur benommen wird/ so ist das uͤbrige kein Metall mehr/ kan mit keiner Kunst oder Gewalt des Fewers wiederumb in ein metallisch Wesen gebracht werden.
NB.
So jhme aber etwas Tinctur gelassen wird/ so kan es in ein bruͤchig gra
m
corpus
reducirt werden/ dem Eysen gleich/ doch bruͤchig.
CAP LXXXIII.
Noch auf ein andere Weiß/ durch Huͤlff des
Liquo- ris Arenæ vel Silicum
eine gute
Tinctur
auß dem Gold zu extrahiren.
N
Imb dieses Goldkalcks/ welcher mit dem
Oleo Arenæ
ist pr
æ
cipitiret worden/ Theil/ vnd 3. oder 4. Theil
liquoris Crystallorum vel Arenæ,
mische den Gold-
kalck
Ander Theil.
kalck in einem guten Tiegel wol vnter den
Liquorem,
vnd setze denselben in eine gelin- de Waͤrme/ auff daß die Feuchtigkeit von dem
Oleo Arenæ
hinweg rieche/ welches nicht gern geschicht/ dann der
Silex
oder Sand/ wegen seiner Truckne die Feuchtigkeit bey sich behaͤlt/ vnd nicht gern von sich lassen will/ vnd steiget in dem Tiegel auff/ gleich als wann man Borax oder Alaun calciniren wolte/ derentwegen man den Tiegel nicht uͤber die helffte voll machen muß/ auff daß der
Liquor
mit dem Gold raum genug habe/ vnd nicht auß dem Tiegel lauffe/ wann es nicht mehr steiget/ so staͤrcke das Fewer/ bis daß der Tiegel gluͤet/ so dann die
Mixtur
still stehet/ so setze einen Deckel darauff/ welcher wol schliesse/ auff daß kein Kohlen/ Aschen/ oder andere Vnreinigkeiten darein fallen/ vnd gieb jhm in einem guten Wind-Ofen/ so starck Fewer/ daß der
Liquor
mit dem Gold- kalck fliesse als Wasser/ vnd erhalte solches so lang im Fluß/ bis daß der
Liquor
vnd Goldkalck zusammen/ einem durchsichtigen schoͤnen Rubin gleich worden seyn/ wel- ches vngefaͤhr in einer Stund geschicht/ dann giesse es auß in einen reinen kuͤpffernen Moͤrsel/ las erkalten/ pulverisir solches/ vnd uͤbergiesse es mit
Spiritu Vini
zu extrahi- ren/ vnd abstrahire den
Spiritum Vini
von dem
Extracto,
welches einem duͤnnen Blut an Gestalt gleich seyn wird/ ist in allem kraͤfftiger zu gebrauchen/ als die obenbeschrie- bene Tincturen.
Allhier bey Bereytung der Tinctur des Goldes hat man wol in acht zu nehmen/ daß man den rechten Grad des Fewers im schmeltzen gebrauche/ dann wann man gar zu schnell das Fewer mehret/ so kan der
Liquor Silicum
den
Calcem Solis
nicht solvi- ren/ vnd zu sich nehmen/ sondern wird wieder davon reducirt/ vnd so man gar zu lang- sam schmeltzet/ so verꝛaucht das
Sal Tartari,
vnd laͤßt die
Silices
trucken liegen/ welche das Gold auch nicht zu sich nehmen koͤnnen. Darumb man wol zusehen muß/ daß man im schmeltzen einen rechten
gradum
gebrauche/ vnd wann der uͤbersehen wuͤrde/ daß das
Sal Tartari
abnehme/ vnd der Fluß dardurch krafftlos waͤre worden/ so kan man gleich- wol durch zuthun eines andern
Salis Tartari
solches weiter remediren/ also daß die Ar- beit dardurch nicht verhindert werde; wann aber das Fewer zu schnell ist/ vnd der Gold- kalck schmeltzet/ so ist kein ander
remedium,
als das reducirte Gold wieder auffs new zu einem
Calce
gemachet/ vnd ferner behutsamb darmit procediret/ als beschrieben ist/ so kan es auch noch weiter gut werden.
Die Remanentz davon die Tinctur ist extrahiret worden/ muß man mit Bley an- sieden/ gleich wie man den Ertzen thut/ niederschlagen/ vnd abtreiben/ so bekompt man das uͤbrige Gold/ welches nicht in den
Spiritum Vini
gangen ist/ wieder/ ist aber gantz bleich/ dein Silber an der Farb gleich worden/ welches so es durchs
Antimonium
wird gossen/ es seine vorige Farb wiederumb ohne grossen Abgang des Gewichts erlanget. Wie das schmeltzen in Tiegeln/ vnd ansieden des zuruͤckbleibenden Goldes geschicht/ wirst du in dem vierdten Theil deutlicher beschrieben finden. Ich wuͤste wol noch vnter- schiedene schoͤne Processen/ wie man auß dem Gold leichtlich seine Farb extrahiren koͤn- ne/ zu beschreiben/ weilen aber das Gold erstlich durch schmeltzen/ in Tiegeln bequaͤm
R
dazu
Philosophischer Oefen
dazu muß gemacht werden/ vnd solches allhier in diesem zweyten Theil sich nicht wil thun lassen/ also soll es bis in den vierdten Theil zu beschreiben verwahret werden/ da dann weitlaͤufftig vnderwiesen wird/ wie man nicht allein das Gold/
Antimonium
vnd an- dere Mineralien zum extrahiren bereyten/ sondern auch wie man dieselbe zu einem durchsichtigen/ solvirlichen vnd Fewerbestaͤndigen Rubin (welche fuͤr die geringste Me- dicamenten/ nicht zu achten scyn) machen soll. Wie nun allhier mit dem Golde gesche- hen/ also kan auch mit andern Metallen vnd Mineralien/ jhre Farb zu extrahiren/ pro- cediret werden/ ist derohalben nicht noͤthig/ eines jedwedern Metalls
Tinctur à part
zu beschreiben/ soll also jhr aller Proceß vnter einem/ nemblich des Goldes/ offenbaret seyn/ dann wann eines jeden Metalls Bereytung/ besonder solte beschrieben werden (welches ich vnnoͤtig achte) wuͤrde das Buch zu gros werden. Dieses sey nun genug ge- sagt/ wie man in diesem zweyten Theil auß dem Gold/ auff gemeine Weiß/ seine Farb außziehen soll. Welche zwar gute Medicamenten/ aber
in Alchymia
meines Wissens nicht zu gebrauchen seyn. Wer aber eine warhafftige
Tincturam
auß dem Golde zu ha- ben suchet/ der befleisse sich erstlich/ das Gold durch den
Mercurium universalem
zu zer- stoͤren/ vnd sein innerst herauß/ vnd sein aͤusserst hineyn zu kehren/ vnd procedire dann weiters nach der Kunst/ so wird sich die
anima auri
gern mit dem
Spiritu Vini
conjun- giren/ vnd zu einer guten Medicin machen lassen. Davon weiters in meinem Tractaͤt- lein
de auro potabili vero
gehandelt wird: Wer den
Chalibem Sendivogii
kennete (zu bekommen were er wol) der wuͤrde mit wenig Muͤhe vnd Arbeit bald eine gute Medi- ein erlangen koͤnnen/ weilen wir aber vns gegen dem lieben GOTT allzeit nur als vn- danckbare Kinder erzeigen/ so ist es kein Wunder/ daß er seine Hand von vns abwendet/ vnd vns in dem Irꝛthumb stecken laͤsset.
CAP. LXXXIV.
Was weiter mit dem
Liquore Sili- cum
zu thun sey.
E
S koͤnnen noch viel nuͤtzliche Ding/ so wol
in Alchymia
als
Medicina
weiters mit dem
Oleo
des Sandes oder Kißlings gethan werden/ als nemblich/ wie man schoͤ- ne Mahlerfarben auß den Metallen/ welche in allen Elementen bestaͤndig seyn/ deß- gleichen wie man allerhand schoͤne durchsichtige harte Stein auß Erystall/ welche den natuͤrlichen an schoͤne gleich/ oder bisweilen noch schoͤner seyn/ auch wie man vielerley schoͤne
amausen,
vnd was dergleichen nuͤtzliche Kuͤnsten mehr seyn/ damit machen soll/
gehoͤret aber in diesem zweyten Theil nicht zu beschreiben/ sondern soll in dem vierdten Theil vmbstaͤndig zu thun/ deutlich genug, gelehret werden:
CAP.
Ander Theil.
CAP. LXXXV.
Wie man in diesem
Liquore
von allen Metallen
in wenig Stunden Baͤume mit Farben soll wachsen machen.
Wiewol dieser Proceß sonderlich
in Medicina
nichts thun moͤchte/ wei- len er aber einem
Medico Chymico,
gute Erkaͤndnuͤß vnd Eygenschafften der natuͤrlichen Dingen Veraͤnderung zeiget/ hab ich nicht vn- derlassen koͤnnen solchen hieher zu setzen/ vnd verhaͤlt sich also.
N
Imb dieses obbeschriebenen von Sand/ Kißling/ oder Crystall gemachten Oels/ so viel du wilt/ dazu schuͤtte vngefaͤhr so viel
Lixivii Tartari
als desselben gewesen/ vnd schuͤttel oder schwencke beyde wol vntereinander/ also daß man den dicken
Liquo- rem
in dem
Lixivio Tartari
nicht spuͤren koͤnne/ sondern gaͤntzlich sich damit vereiniget habe/ vnd auß beyden ein duͤnne
Solution
worden sey/ so hast du das Wasser bereitet/ in welchem die Metallen wachsen. Die Metallen aber muͤssen in jhren behoͤrigen
men- struis corrosivis
auffsolviret/ vnd das
menstruum
gantz wieder davon abstrahiret wer- den/ doch nicht zu hart/ auff daß der
Calx Metalli
nicht gluͤe/ dardurch jhme seine wach- sende Krafft benommen wuͤrde/ dann auß dem Koͤlblein genommen/ vnd in Stuͤcklein als Erbsen/ groͤsser vnd kleiner gebrochen/ welche man in obbeschriebenen
Liquorem
legen muß/ doch also daß der
Liquor
in einem hellen Glas seye/ dadurch man das wach- sen der Metallen wol sehen koͤnne/ vnd muͤssen die bereytete Metallen/ so bald dieselbe auß dem Koͤlblein genommen/ vor der Lufft bewahret werden/ sonsten verlieren sie jhre Natur zu wachsen. Muͤssen derohalben also trucken in Stuͤcklein gebrochen/ eines zwerch-Fingersbreyt voneinander auff den Boden des Glases/ darinn der
Liquor
ist/ vnd nicht zusammen auff einen Orth geleget werden. Vnd muß das Glas an einem stillen Ort vnbeweglich hingestellet werden so wird alsobalden das Metall darinn auff- schwellen/ vnd einen oder etliche Staͤmme außstossen/ von welchen wieder andere klei- ne Nebenzweige außgewachsen/ also artlich/ daß man sich daruͤber zu verwundern hat/ vnd darff jhm niemand eynbilden/ als wann dieses wachsen nur allein einen Lust daran zu sehen angezeiget were/ gantz nicht/ dann etwas sonderlichs darunder verborgen ist/ dann ein jedweder Sand oder Kißling/ ob er schon gantz weiß ist/ eine verborgene Tin- ctur oder guͤldische
Sulphur
vnsichtbarlich bey sich fuͤhret/ welches niemand ohne Er- fahrung wol wird glauben koͤnnen/ dann so man reinen geschabten
Saturnum
darinn sein Zeit digerirt/ so haͤnget sich außwendig an denselben Gold/ (welches sich zwar mit Wasser laͤßt abwaschen) nicht anderst als were er verguͤldet. Solches Gold dann nir- gends anders ist herkommen/ als auß dem Sand oder Kißling/ wiewol er weiß vnd klar
R ij
gewe-
Philosophischer Oefen
gewesen ist/ vnd in jhme solches nicht zu sehen ware. Deßgleichen beweißt er auch seine verbesserende Krafft/ wann die Metallen darinn wachsen/ vnd eine Zeitlang damit digeriret werden. Dann man augenscheinlich mercken kan/ daß die Metallen im wach- sen sich auß dem
Liquore
vermehren/ vnd das jenige/ was jhnen dienet/ zu sich ziehen/ welches auch daran kan gespuͤret werden/ wann einer Erbsengros darinn waͤchset/ so wird wol 2. oder dreymal mehr darauß/ welches Nachdenckens werth ist/ auch seyn die Kißlingstein oder Sandstein natuͤrliche
matrices
der Metallen/ da dann zwischen den- felben ein grosse
sympathia
gespuͤret wird/ insonderheit zvischen den vnzeitigen/ gleich als wann die Natur sagen wolte/ zu solchen vnaußgekochten Metallen/ gehe wieder in deiner Mutter Leib/ vnd verbleibe deine behoͤrliche Zeit darinnen/ bis daß du deine voll- koͤmliche Reiffe darinnen erlangethast/ dann du viel zu fruͤh darauß mit Gewalt gegen meinen Willen genommen bist. Weiters kan auß diesem
Liquore
ein guter
Borras
die Metallen damit zu redueiren gemacht werden. Auch kan man schoͤne/ glasurte vnd be- staͤndige Farben auff jrꝛdene Geschirꝛ/ dem Porcellan gleich/ damit machen. Wie auch mit Wasser durch kochen/ ein zart vnbegreiffliche schnceweisse Erden darauß niederge- schlagen wird/ auß welchem Geschirꝛe dem natuͤrlichen Porcellan nicht sehr vngleich koͤnnen formiret werden.
Vnd noch viel andere nuͤtzliche Ding
in mechanicis,
welche allhier zu beschrei- ben nicht noͤtig seyn/ damit gethan werden koͤnnen.
Auch koͤnnen die vnzeitige vnd fluͤchtige Mineralien damit gebunden vnd gezci- tiget werden/ also/ daß dieselbe nicht allein zur Medicin bequaͤmer zu gebrauchen/ son- dern auch jhr bey sich habendes fluͤchtiges Gold vnd Silber dardurch zu erhalten ge- macht werden. Davon im vierdten Theil mehrers gehandelt wird.
NB.
Hieher gehoͤret der Proceß des
Spiritus Saturni
vnd Jungfraw-Milch/ vnd Drachen Bluts.
CAP. LXXXVI
. De Spiritu Urinæ
oder
Salis Armo- niaci Volatili.
A
Vß dem Vrin oder Saimiac/ kan auff vnderschiedliche Weiß ein sehr kraͤfftiger vnd durchdringender
Spiritus
gemacht werden/ welcher nicht allein
in Medicina
zu vielen Kranckheiten zu gebrauchen/ sondern auch
in Mechanicis
vnd
operationibus Chymicis
sehr dienstlich erfunden worden/ vnd geschicht die Bereytung also:
Samble dir in einem Faß/ von gesunden Manns-Personen/ eine gute Quanti- taͤt Vrin zusammen/ las seine Zeit stehen zu putrificiren/ vnd distillire davon einem
Spiritum,
welcher darnach in einem grossen glaͤsern Retorten mit einem weiten Hals/ uͤber gebrandten Weinstein muß rectificiret werden/ vnd kan allzeit derjenige/ welcher zu erst uͤber gehet/ allein gefangen werden/ deßglichen der ander vnd dritte/ auff daß
man
Ander Theil.
man den staͤrcksten zur Bereytung metallischer Medicamenten/ vnd den Schwaͤchern zur Medicin also
per se
mit bequemen
vehiculis
vermischet/ gebrauchen koͤnne/ vnd kan das Saltz/ welches in der Rectification mit dem staͤrcksten
Spiritu
uͤbergehet/ zu dem schwaͤchsten/ denselben damit zu verstaͤrcken/ gethan/ vnd also
per se
zu einem wol- verwahrten Glas/ besonder auffgehalten werden.
Weilen aber dieser
Spiritus
auß dem Vrin/ wie jetzt gelehret/ sehr muͤhsam zu ma- chen ist/ so will ich auch vnderweisen/ wie man denselben auß dem
Salmiac
viel leichter machen/ vnd erlangen koͤnne. Vnd verhaͤlt sich die Bereytung also:
Nimb
Salis Armoniaci
vnd
Lapidis Calaminaris,
eines so viel als des andern/ pulverisire jedweders besonder/ vnd mische beyde zusammen/ vnd trag davon auff ein- mal nicht mehr als ein oder zwey Loth in das gluͤende Geschirꝛ/ daran ein grosser Re- cipient liegen soll/ dann dieser
Spiritus
gehet mit solcher Gewalt vnd Macht/ daß es vn- moͤglich were durch einen Retorten ohne Schaden solchen zu distilliren/ dann ich mehr als einen Recipienten damit zerbrochen/ ehe ich dieses Instrument erfunden habe. Wann sich nun die
Spiritus
im Recipienten wol gesetzet haben/ so trage wieder ein we- nig von deiner
Mixtur
eyn/ vnd las sich die
Spiritus
setzen/ solches continuire so lang/ bis alle deine Materi eyngetragen ist/ dann nimb den Recipienten ab/ vnd giesse den
Spiritum
in ein starck Glas/ welches oben wol verwahret seyn muß/ aber nicht mit Wachs vnd Blasen/ dann er das Wachs weich machet/ vnd die Blasen durchgehet/ sondern erstlich mit einem Pappier zugestopffet/ vnd darauff mit
lacca
oder Schwefel zugefloͤst/ so kan derselbe nicht durchgehen/ vnd verlohren werden/ wem aber mehr daran gelegen ist/ der lasse jhme solche Glaͤser machen/ gleich wie im fuͤnfften Theil/ alle subti- le
Spiritus
zu behalten gelehret wird/ so ist man versichert/ daß derselbe bleiben muß/ vnd gantz nicht exhaliren koͤnne. Vnd ist solcher
Spiritus,
wann jhme kein Wasser ist fuͤrgeschlagen worden/ starck genug/ darff keines rectifieirens/ wer aber denselben noch staͤrcker haben will/ kan solchen durch einen glaͤsern Retorten rectificiren/ vnd zu seinem Gebrauch verwahren.
Dieses nun ist der beste Weg auß dem
Salmiac
einen starcken
Spiritum
zu ma- chen/ deßgleichen geschicht auch wann man geraspelt/ oder gefeylet Zinck/ an statt
Gal- mei
nimmet/ vnd kan solches auch mit Zusatz
Salis Tartari,
Holtzlaugen-Saltz/ vnge- loͤschten Kalck/ vnd dergleichen Dingen gethan werden/ giebt aber bey weitem einen so starcken
Spiritum
nicht/ (wiewol auch alles dem vorigen gleich damit kan gethan wer- den) als der jenige/ welcher mit
Galmei
oder Zinck gemacht ist.
NB.
Allhter kan ich nicht lassen den guͤnstigen Leser zu berichten/ wie daß ich zu End der 5. Theilen meiner kuͤnstlichen Oefen einen
appendicem
gemachet/ in welchem von vielen nuͤtzlichen vngemeinen vnd kuͤnstlichen Secreten gehandelt worden/ vnter welchen auch in dem 17.
paragrapho
gedacht/ daß man auff eine besondere geheime Weiß auß dem Vrin einen
Spiritum volarilem
in grosser
copia
leichtleich koͤndte zu- richten/ also daß auch 20. oder 30. ℔. desselben keinen Thaler zu stehen kaͤmen. Weil
R iij
aber
Philosophischer Oefen
aber solches schier bey allen/ die es gelesen/ wie auch andere Secreten die in demselben
appendice
begriffen/ vnglaublich geschienen/ vnd fuͤr ein Vnwarheit gehalten worden/ vnd denselben
appendicem
(auff daß er desto besser von vngeuͤbten vnd vermeinten
Phi- losophis, Medicis
vnd
Chymicis
moͤchte geglaubt vnd angenommen werden) ein we- nig außzulegen/ vnd zu expliciren auch Vrsach gegeben hat/ in welcher
explication
ich bekennet/ daß nicht allein dasjenige wahr sey/ was ich in dem
appendice
geschrieben/ nemblich daß man 20. oder 30. ℔.
Spiritus urinæ,
sondern wol 100. ℔ fuͤr einen Tha- ler/ vnd solches ohne Fewer/ vnd bekandte Distillirgefaͤsse/ allein in hoͤltzern Faͤssern/ zeugen oder bereyten koͤnne; zu dem Ende/ auff daß man die Moͤglichkeit der Natur vnd Kunst dardurch erfahren moͤchte. Aber was hat es gefruchtet? gantz nichts: Dann gleich wie das erste nicht ist geglaubet worden/ also ist es auch dem andern wiederfahren/ vnd endlich von den nasweisen vnd vnerfahrnen Spoͤttern vnd Laͤstermaͤnlern gantz fuͤr vnmoͤglich vnd vnnatuͤrlich als ein Lugen außgeruffen. Welches/ nachdem es mir zu Ohren kommen/ mich nicht wenig verdrossen/ vnd sehr gerewet hat/ daß ich meine
In- ventiones,
welche mir so manchen schweiß/ wie auch manchen Pfenning/ in Erfahrung derselben/ außgejaget/ nun in solche Verachtung bey boͤsen vnd vnwissenden Menschen gerathen solten/ vnd viemal gewuͤntschet/ daß ich niemal zu schreiben haͤtte angefangen/ welches auch/ wann es nicht geschehen/ nimmer geschehen wuͤrde. Gleichwol auff daß die Fommen/ die es wuͤrdig seyn moͤchten/ solche Secreten zu wissen/ auch sehen/ daß ich nicht zu viel/ sondern die lautere Warheit geschrieben habe/ vnd auch solches darthun vnd beweisen koͤnne/ so hab ich nicht vnterlassen koͤnnen solchen
Secretum
jedermaͤu- niglich/ sonderlich uͤmb der Krancken willen/ welchen es viel gutes thun kan/ zu offen- baren. Vnd geschiehet solche vnbekandte/ vnd von den vnwissenden Menschen vnge- glaubte kuͤnstliche Distillation auff diese Weiß: Nemblich/ man samblet eine gute Quantitaͤt Vrin in ein Faß zusammen/ vnd bewahret solchen zum distilliren/ wie all- hier folget;
Erstlich soll man haben 2. Faͤsser in gleicher Groͤsse/ vngefaͤhr ein Ohm/ wenig oder mehr/ haltende/ nachdem man viel
Spiritus
machen will/ vnd die oͤbern Boͤden herauß nehmen/ alsdann zwey Hoͤltzer/ welche 2. oder 3. zwerg-Finger dick seyn/ auff den vntern Boden legen/ auff welche Hoͤltzer man einen geloͤcherten Boden legen/ vnd mit Naͤgeln ein wenig anhaͤfften soll/ auff daß derselbe/ wann der Mist vnd Vrin hineyn ge- schuͤttet wird/ sich nicht verꝛucken/ vnd das Werck verhindern koͤnne; darnach soll man die Faͤsser bis auff ein zwerg-Hand nahe voll Pferdskoth/ welches allein Habern gefres- sen hat/ fuͤllen/ vnd die oͤbern Boͤden auch wieder hineyn setzen/ welche Loͤcher haben sol- len/ dadurch man den Vrin auff den Mist durch einen Trechter giessen koͤnne. Wann nun beyde Faͤsser also vnten mit geloͤcherten Boͤden zugerichtet/ vnd mit Mist gefuͤllet seyn/ so soll man dieselbe auff einen Banck oder Stuhl nebeneinander setzen/ vñ ein jed- weder Faß vnten zwischen die beyden Boͤden/ nemblich den gantzen vnd geloͤcherten/ ein Loch bohren/ vnd ein hoͤltzern Gran hineyn stecken/ dardurch man den Vrin/ wann es
noͤtig/
Ander Theil.
noͤtig/ von dem Mist/ wie du hernach hoͤren wirst/ abzapffen kan. Deßgleichen soll men auch in jedweder Faß/ recht vnter dem oͤbern Boden uͤber dem Mist ein Loch bohren zweyer oder dreyer Finger weit/ vnd ein hoͤltzerne Roͤhren 1. oder 2. Spannen lang dar- eyn stecken; darnach soll man zu den 2. Faͤssern darinn der Mist ist/ auch noch ein ander Faß stellen/ welches etwas groͤsser sey als diejenige/ welche mit dem Mist gefuͤllet/ durch welches Mitte eine Roͤhr von gutem feinem Zinn soll eyngesteckt werden/ also oder auff solche Weiß/ gleich wie die Brandtenwein-Brenner jhre Kuͤhlfaͤsser zurich- ten; auch soll dieselbe Roͤhren also mit einer Zwiefel zugerichtet seyn/ daß sie die beyde hoͤltzerne oder zinnerne Roͤhren/ welche auß den beyden Faͤssern gehen/ da der Vrin inn ist/ eynverleibe/ vnd die
Spiritus,
welche herauß steigen/ zugleich empfangen vnd abkuͤh- len moͤge/ vnd soll dasselbe Faß allezeit mit kaltem Wasser gefuͤllet erhalten werden: Zu hinderst aber des Fasses/ da die zinnerne Roͤhren herauß gehet/ soll ein Glas/ darinn sich der
Spiritus urinæ
samble/ geleget/ vnd verlutirt werden. Wann nun solches alles wol augestellet ist/ so giesset man das eine Faß von den zweyen darinn der Pferdmist ist/ bis obenan voll des gesambleten Vrins/ doch nicht gar zu voll/ auff daß der Vrin nicht durch die Roͤhren herauß lauffe/ vnd laͤßt solchen einen Tag daruͤber stehen. Mitlerweil wird der Mist in dem andern Faß gantz heiß/ wann solches geschehen/ so zapffe den Vrin durch den hoͤltzern Granen von dem einen Faß/ vnd giesse denselben auff den heissen Mist/ so kuͤhlet er sich wieder ab/ vnd bleibet gut/ sonst wuͤrde er verbrennen/ vnd zu die- ser Distillation nicht koͤnnen gebrauchet werden. Indem nun der Vrin auff dem war- men Mist stehet/ so wird der ander Mist in dem ersten Faß/ daruͤber der Vrin gestan- den/ auch heiß/ vnd duͤnstet oder distilliret auß eygener Krafft einen
Spiritum urinæ
durch die Roͤhren in den Recipienten: Vnd wann du merckest daß der Mist gar zu heiß werden will/ solstu den Vrin vom andern Faß auch abzapffen/ vnd uͤber den warmen Mist giessen/ vnd also solche Arbeit des giessens von einem Faß auff das andere so lang vnd offt wiederholen/ bis daß du
Spiritus
genug hast.
NB.
Wann der Vrin sich mindert/ vnd den Warmen Mist nicht bedecken kan/ so muß man andern zugiessen/ also daß derselbe allzeit uͤber dem Mist außgehen/ solchen befeuchten vnd abkuͤhlen moͤge. Vnd wann du
Spiritus
genug distilliret vnd gesamlet hast/ so kanstu deine Distillation eynstellen/ vnd die Faͤsser mit dem Mist mit Vrin uͤber- schuͤtten/ auff daß sie nicht erwarmen vnd verderben/ vnd also stehen lassen/ so lang bis du mehr
Spiritus
vonnoͤthen hast; oder du kanst den Mist hinweg werffen/ vnd wann du wieder mehr
Spiritus
machen wilt/ andere in die Faͤsser fuͤllen/ mit Vrin uͤbergiessen/ vnd denselben davon distilliren/ wie gelehret ist. Solcher
Spiritus
aber/ wiewol er zimlich starck auff diese Weiß uͤbergehet/ kan hernach/ wann man will/ in Glaͤsern weiters re- ctificirt/ vnd zu seinem Gebrauch bewahret vnd angewendet werden.
Also vnd auff gleiche Weise kan man auch ohne Fewer einen Essig distilliren/ aber nicht uͤber Mist/ sondern uͤber Wein-Trebern den Essig von einem Faß zum andern geschuͤttet/ wie allhier bey dem
Spiritu urinæ
gelehret worden ist.
Deß-
Philosophischer Oefen
Deßgleichen kan auch ohne Fewer ein
Spiritus Vini,
oder Brandtewein in sehr grosser Menge distilliret werden/ also/ daß mans taͤglich/ wann die Faͤsser gros seyn/ mehr als ein gantze Ohm/ mit grossem Nutzen solte machen koͤnnen/ soll aber nicht uͤber Mist/ oder Trebern/ sondern uͤber eine solche Materi/ welche den Brandtewein uͤber- treibt/ vnd doch nicht alterirt/ distilliret werden.
Also hastu nun gehoͤret/ du Holluncke vnd Veraͤchter der Warheit/ daß ich nicht zu viel geschrieben/ sondern wann es die Noth erforderte (welches aber nicht rathsam were die Perlen fuͤr die Schwein zu werffen) koͤnte ich alle meine Schrifften also ver- theidigen/ vnd dir vnd deines gleichen/ als vngeschickten neydischen Spoͤttern/ das Maul damit zu stopffen.
CAP. LXXXVII.
Folget der Proceß.
N
Imb ein Pfund
Salis Armoniaci pulverisati,
vnd auch so viel
Salis Tartari,
mi- sche beyde
species
mit einer Laugen von Weinstein/ oder nur gemein Wasser ei- nem Papp gleich zusammen/ vnd trag davon auff einmal einen Eßloͤffel voll eyn/ vnd las den
Spiritum
gehen/ dann mehr/ so lang bis du
Spiritus
genug hast.
NB.
Man kan auch wol das
Sal Tartari
trucken ohne Laugen oder Wasser mit dem
Salmiac
mischen/ vnd distilliren/ ist aber nicht so gut/ als wann die
Mixtur
ange- feuchtet ist/ dann also trucken gehet der
Spiritus in forma Salis volatilis
uͤber/ naß aber der meiste theil in Gestalt eines fewrigen vnd brennendes Geistes/ deßgleichen kan auch die
Mixtur
von Kalck vnd
Salmiac
mit Laugen angefeuchtet werden/ giebt mehr
Spiri- tus
als trucken gedistilliret.
Moͤchte jemand fragen/ warumb muß dem
Salmiac, Galmei,
Zinck/ vngeloͤschter Kalck/ gebrandter Weinstein/ Saltz von Holtzaͤschen/ fixer Salpeter/ oder dergleichen durchs Fewer bereyte Dinge/ zugesetzet werden/ ist es nicht gleich viel/ ob ich einen
Bo- lum,
oder ein andere Erden/ (gleich bey andern
Salien
geschicht) zusetze/ vnd einen
Spi- ritum
davon distillire/ warumb muͤssen es eben diese obbeschriebene Mineralien vnd
Salia fixa
seyn? Darauff berichte ich/ daß in dem
Sal Armoniac
zweyerley
Salien
seyn/ nemblich ein
Sal Acidum, commune,
vnd ein
Sal Volatile Urinæ,
welche beyde ohne des einen Toͤdung nicht wol zu scheyden seyn/ dann so sie die Hitze fuͤhlen/ fuͤhret das
Sal Urinæ Volatile
zugleich auch das
Sal Acidum
mit sich in die Hoͤhe/ vnd giebt zu- samen einen
sublimat,
eben solcher Kraͤfften vnd Wesens als ein gemeiner
Salmiac,
welcher nicht sublimiret ist/ außgenommen daß der sublimirte
Salmiac
reiner als der gemeine ist. Vnd wuͤrde gantz kein
Spiritus
davon uͤbergehen/ wann man denselben mit
Bolo,
Ziegelmaͤhl/ Sand/ oder einer andern krafftlosen Erden vermischen/ vnd di- stilliren wolte/ sondern nur das gantze Saltz/ gleich es an sich selber ist/ mit Hinderlas- sung seiner terꝛestriret/ also trucken sich auffsublimiren/ daß aber solches mit
Galmei
(welcher
Ander Theil.
(welcher auch einer Erden gleich ist) nicht geschicht/ sondern eine Scheydung der
Sa- lien
giebt/ vnd ein Volatilischer
Spiritus
uͤbergehet/ ist diese Vrsach/ nemblich/ wei- len der
Galmei
oder Zinck solcher Natur ist/ daß er grosse Gemeynschafft mit allen
aci- dis
hat/ dieselbe sehr liebet/ vnd auch von jhnen geliebet wird/ (wie etlicher massen im Ersten Theil davon erwehnet worden) also haͤncket sich das
sal acidum
in der Waͤrme an denselben/ verbindet sich damit/ dadurch das
Sal Volatile
ledig gemacht/ vnd zu ei- nem subtilen
Spiritu
distilliret wird. Welches nicht geschehen haͤtte koͤnnen/ wann nicht
Sal acidum
durch den
Galmei
oder Zinck zuruͤck gehalten were. Daß aber ein
Spi- ritus
uͤbergehet/ wann
Salia fixa
zugesetzet werden/ geschicht darumb. Weilen die
Sa- lia fixa
den
Acidis
entgegen seyn/ vnd dieselbe so sie die uͤberhand haben/ toͤden/ vnd jh- nen jhre Krafft benehmen. Dardurch dasjenige/ damit sie vermischet seyn/ von seinem Band entlediget wird/ also geschicht auch allhier bey dem
Salmiac,
wann nemblich durch Zuthun eines Vegetabilischen fixen Saltzes/ die ariditaͤt bey dem
Salmiac
getoͤdet wird/ dardurch das
Sal Urinæ,
welches zuvorn damit gebunden war/ seine vorige Freyheit vnd Krafft sich in die Hoͤhe zu schwingen/ vnd in einen
Spiritum
zu gehen/ erlanget. Welches nicht geschehen haͤtte koͤnnen/ wann dem
Salmiac
an statt eines
Salis Tartari
ein
Sal commune
were beygethan worden/ dann das
Sal Urinæ,
dardurch (als noch von einem groͤssern Feind) viel mehr getoͤdet/ vnd zuruͤck gehalten were/ vnd keinen
Spirtum
haͤtte geben koͤnnen.
Dieses habe ich den Vnwissenden ein wenig bedeuten vnd anzeigen muͤssen/ wel- che es schon gewust haben/ denen wird es nichts schaden/ vnd andern welche es nicht wis- sen/ viel Nutzen bringen/ vnd zu andern
laboribus
ein Liecht seyn/ dann ich vielmal gese- hen/ vnd noch taͤglich erfahre/ daß der mehrertheil Laboranten/ alles das sie thun/ sie ha- bens gleich auß lesen/ sehen oder hoͤren/ gleich als ein Handwerck dahin sudeln/ wissen im geringsten jhres Thuns/ warumb dis oder jenes geschicht/ oder geschehen muͤsse/ kein
rationes,
oder gruͤndliche Reden darzu thun/ suchen nicht der Salien/ Mineralien/ vnd anderer Materialien Naturen vnd Eygenschafften zu erlernen/ sondern behelf- fen sich nur mit dem
recipe.
Also hat dieser oder jener geschrieben/ so muß es seyn/ vnd bey Leib nicht anderst/ da doch offtermahls solche Buͤcher nur zusammen gelappte Stuͤckwerck auß vielen Scribenten seyn. Die jenige auch/ welche sich also an viel Buͤcher haͤncken/ selten zu etwas gutes kommen koͤnnen/ sondern werden nur von ei- nem Irꝛgarten in den andern gefuͤhret/ so lang bis sie jhr Leben muͤhsamblich/ in viel Wachen/ Gestanck/ vnd Sorgen hinschleissen/ wann sie aber den Dingen erstlich fleissig nachdaͤchten/ die Natur erkennen lerneten/ vnd dann das Werck in die Hand nehmen/ so wuͤrden sie eher zu guter Erkandnuͤs kommen koͤnnen. Dieses sey im vor- beygehen gesagt/ verhoffe der jrꝛende werde es jhme gefallen lassen/ der es zuvorn weiß/ mag es dem Vnwissenden mit mir goͤnnen/ vnd sich daruͤber nicht beschweren.
Die Remanentz nach geschehener Distillation ist auch noch zu gebrauchen/ wann der Zusatz mit
Sale Tartari
ist geschehen/ so kan man einen Fluß die
Calces Metallorum
S
damit
Philosophischer Oefen
damit zu reduciren daraus machen. Vom
Galmei
aber oder Zinck/ giebt es
per deli- quium
ein klar weiß/ vnd schwer scharpff
Olcum,
dann das scharpffe Theil
Salis Ar- moniaci,
welches nicht zu
Spiritu
worden ist/ hat den
Galmei solviret,
ist schier solcher Kraͤfften aͤnsserlich
in Chirurgia
zu gebrauchen/ als das jenige/ welches oben im Ersten Theil auß dem
Gal
mei vnd
Spiritu Salis
zu machen ist gelehret worden/ nur daß dieses in der Distillation kein solchen starcken
Spiritum
als jenes/ sondern nur einen scharpf- fen Sublimat giebet.
CAP LXXXVIII
. De Usu \& Virtute Spiritus Salis Armoniaci.
D
Ieser
Spiritus,
ist einer sehr scharpffen vnd durchdringenden Eygenschafft/ luͤff- tiger/ feuchter vnd warmer Natur/ derohalben er in vielen Kranckheiten mit Eh- ren kan gebraucht werden/ so davon 8.10.12. mehr oder weniger Tropffen/ mit beque- men
vehiculis
eingenommen wird/ so durchgehet er den Leib alsobalden/ als ein durch- dringendes Wesen/ macht schnell schwitzen/ benimpt die
obstructiones lienis,
oͤffnet/ zer- theilet/ vnd treibet viel boͤses durch den Schweiß auß dem Blut/ curiret
Quartanam, Colicam, Suffocationem matricis,
vnd andere Kranckheiten mehr. In Summa/ die- ser
Spiritus
ist eine sichere Medicin/ alle zaͤhe/ grobe vnd gifftige
humores,
schnell vnd kraͤfftiglich zu zertheilen vnd außzufuͤhren. Auch thut solcher
Spiritus
das seinige aͤusser- lich/ dann er allen Brand loͤschet/ curiret
Erisypelatem
vnd
Gangrænam,
stillet die Schmertzen
in podagra,
Tuͤcher darinn feucht gemacht/ vnd uͤbergeschlagen/ wann er schon Blasen auffzeucht/ schadet nicht/ auff die Pulßader gebunden/ ist sehr gut in hitzi- gen Fiebern/ leget Geschwulst vnd Schmertzen/ zertheilet das geronnen Blut/ kompt zu huͤlff den verꝛenckten Gliedern/ vnd erstarꝛeten Nerven/ nur daran gerochen/ curiret
hemicraniam,
vnd andere langwuͤrige Hauptkranckheiten/ dann dieser
Spititus
solvi- ret
materiam peccantem,
vnd fuͤhret solche durch die Nasen/ bringet das verlorne Ge- hoͤr/ mit einem besonderen darzu gehoͤrigen Instrumentlein/ nur aͤusserlich auffgebun- den. Deßgleichen auch in verhaltenen Monatszeiten der Weiber/ durch ein bequem Instrumentlein spiritualischer weiß applicirt/ oͤffnet bald/ reiniget die Mutter/ vnd macht fruchtbar/ also daß man sich uͤber seine schnelle Operation verwundern muß. Mit gemein Wasser vermischet/ vnd in den Mund gehalten/ stillet das Zahnweh (so scharpf- fe Fluͤß darein gefallen.) Ein wenig mit einem Clistir geben/ toͤdet die Wuͤrm im Leib/ vnd stillet
Colicam.
Weiters kan auch dieser
Spiritus
zu vielen andern Sachen gebrauchet werden/ insonderheit kan man damit viel herꝛliche vnd kraͤfftige Medicamenten auß den Metal- len, vnd Mineralien zurichten/ davon etliche sollen beschrieben werden/ wie folget.
NB.
Es ist noch eine andere Materi/ welche allenthalben gefunden wird/ vnd zu
allen
Ander Theil.
allen Zeiten/ von jedermann ohne Distillation vnd Kosten kan erlanget werden/ vnd eben so gut ist in oberzehlten Kranckheiten/ als der distillirte
Spiritus,
vnd wann alle Menschen solches wuͤsten/ wuͤrden nicht allenthalben so viel Krancke/ Apotheker vnd
Doctores
gefunden werden/ welche den Krancken zu Liebe hieher gesetzet ist.
Was dieses fuͤr eine Materi sey/ darnach so viel seithero ich solcher gedacht/ ist ge- trachtet worden/ will ich uͤmb der Krancken willen/ welchen sie viel dienen kan/ nit laͤnger verhalten. Wann man die jetzige Welt wol ansihet vnd betrachtet/ so findet man nichts anders/ als ein pur lauter verkehrt/ vnd verdorben Wesen/ vnd vom Teuffel durch Hof- fart/ Eygennutz/ Ehrgeitz/ vnd andern Lastern eingenommene boͤse Menschen/ welche zu allem guten Thun blind vnd la hm/ zum boͤs Thun aber scharpffsichtig als ein Lux oder Adler/ vnd schneller als ein Tiger/ welches ohne Zweiffel dem lieben vnd gerechten Gott ein Grewel ist anzusehen: Vnd dannoch bilden jhn solche hoffaͤrtige boͤse Menschen eyn/ daß sie auff einem guten Weg seyn/ verachten jhre Neben-Christen/ vnd will ein jedwe- der der Reichste/ Gelaͤhrste/ vnd Groͤste seyn/ vergessen vnd achten gantz nicht der lieben Demuth/ darmit vns Christus als ein Vorgaͤnger vnd Fuͤhrer zum ewigen Leben den Weg gewiesen hat. Stellen vnsere Gedancken allein auff das Zeitliche/ vnd verlieren das ewige muthwilliger weise dardurch/ welches fuͤrwar zu beklagen ist: Derohalben vns Gott auch im finstern zappeln laͤßt. So wir aber die Ehre Gottes/ vnd Liebe gegen vnserm Naͤchsten besser in acht nehmen/ so were gantz kein zweiffel/ das Fell fuͤr vnseren Augen wiederumb wuͤrde weggeruckt/ daß wir die Natur besser erkenneten/ als wir jetzunder thun koͤnnen. Dann allhier solches klaͤrlich zu spuͤren ist bey diesem
Subjecto
oder
Medicina,
welche allenthalben/ da nur Menschen seyn/ haͤuffig gefunden/ vnd doch nicht erkant wird. Gott hat nichts vergeblich erschaffen/ welches dem Menschen nicht dienen koͤnte/ wann wirs nur wuͤsten/ wie dann auch vnsere eygene Excrementen solches bezeugen/ davon diese herꝛliche vnd uͤberauß kraͤfftige Medicin bereytet wird/ als folget:
℞. Deines eygenen
Excrementi
etliche ℔. vnd thue solches in einen erdenen ver- deckten Hafen/ setze denselben zwischen ein gut Kohlfewer/ vnd las denselben so lang darinn stehen/ bis alle Feuchtigkeit/ Fettigkeit vnd Gestanck davon verꝛochen/ vnd der Hafen mit der Materi durchauß gluͤe/ dann leg das Fewer ab/ vnd las den Hafen mir dem jenigen/ was uͤbrig darinn geblieben/ erkalten. Nimb es auß/ wird einer gruͤnen Aschen gleich seyn. Dieses bewahre in einem beheben Geschirꝛ vor der Lufft/ zu seinem Gebrauch/ alsbald hernach folgen soll.
Darnach samble von deinem Vrin auch ein gut Theil/ vnd duͤnste solchen in ei- nem offnen Hafen uͤber dem Fewer auß/ also daß nur ein dicker Safft uͤberbleibet/ wel- chen du auch bewahren solst/ bis du seiner vonnoͤthen hast.
NB.
In diesem Safft oder
Liquore
ist die Krafft des Vrins vollkoͤmblich bey- sammen; dann wann der Vrin noch frisch ist/ so giebt er gantz kein
Spiritum
von sich/ wie auch der newe vnd suͤsse Most thut/ wann er noch nicht fermentiret; so aber der Vrin
S ij
lang
Philosophischer Oefen
lang gestanden/ vnd in sich selber fermentiret/ so kehret er sich uͤmb/ vnd giebet darnach in der Distillation einen starcken
Spiritum:
Welches er aber nicht thut/ wann er noch frisch ist: darumb man solchen frischen eynkochen soll/ auff daß er seine Kraͤfften behalte/ wel- che man dann hernach erwecken oder auffinuntern kan/ wann man selber will/ oder sei- ner vonnoͤthen hat. Wie man solches auch bey dem newen vnd suͤssen Most sicht/ wann man solchen auff die Honigdicke eynduͤnstet vnd bewahret/ hernach wann man will/ durch Zuthun eines gemeinen Wassers wieder in die Fermentation bringen/ vnd zu ei- nem guten Wein machen kan.
Folget der Gebrauch dieser Medicin.
2. Wann du nun dieser Medicin noͤthig hast/ so nimb 1.2. oder 3. Loͤffel voll dei- nes Calcinirten
Stercoris,
vnd mische auch so viel deines eyngekochten Vrins darun- ter/ oder so viel/ daß auß beyden ein dick muͤßlein werde/ vnd gebrauch es/ wie gelehret.
NB.
So bald diese 2. Stuͤcke vntereinander gemischet werden/ so erhebt sich das
Sal volatile
des Vrins mit dem
Sale volatili stercoris,
vnd penetriret uͤber die mas- sen starck/ thut alles/ ja mehr/ als ein gemeyner
Spiritus Urinæ
thun kan. Also darffstu kein
Spiritum Urinæ
durch die Distillation machen (wiewol solcher durch ein besonder Handgriff nur in einem hoͤltzern Faß ohn alles Fewer in grosser
Copia
ohne Kosten kan erlanget werden/ davon allbereit an andern Orthen ist gemeldet worden/) sondern die beyde. Stuͤcke/ nemblich das
Sal stercoris
vnd eyngekochte Vrin/ wann sie zusammen gemischet werden/ auß eygener Krafft alsobalden jhren
Spiritum
von sich geben/ wel- chen man soll zu Appliciren wissen oder lernen.
Moͤchte jemand sagen: Ey pfuy/ wer mag mit solchem vureinen vnd stinckenden Wesen uͤmbgehen/ hat man doch andere Ding/ die solches verꝛichten/ darmit man lie- ber zu thun hat/ als mit diesem vnreinen
subjecto.
Mein lieber/ woher weistu es/ daß noch andere subjecten feyn/ die solches verꝛichten was diese vermoͤgen? Darzu wann solche schon weren/ so hastu gleichwol dieselbe nicht allezeit bey dir/ vnd must darzu Geld darfuͤr außlegen/ dieses aber kanstu allzeit uͤmb sonst die Fuͤlle haben?
Schewestu dich so sehr vor einem solchen Ding/ welches von deinem eygenen. Leib herkompt/ vnd wann man sich ja darmit besudelte/ durch das Wasser wieder rein wer- den kan?
3. Vnd hast keinen Abschew von der Suͤnd/ die du taͤglich begehest/ vnd von dem Teuffel herkompt/ dardurch deine Seele besudelt/ vnd vor Gott ein grewel wird? Ach wir armen Menschen/ was bilden wir vns doch eyn/ das wir seyn? Ist doch vnser er- ster Anfang nur Dreck/ wir leben von Dreck/ vnd muͤssen auch endlich wieder zum Dreck werden/ da hilfft nichts vor/ wir sind gleich klein oder gros/ die Natur behaͤlt jhr recht. Warumb soll man seinen eygenen Mist mehr schewen/ als der Ochsen/ Kuͤhen/ Schafen/ Schwein/ vnd andern Thieren/ davon vnsere Gaͤrten geduͤnget werden/ daß vnsere Leckerbislein desto fetter vnd wolgeschmacker werden? Ja/ moͤchte man sa-
gen/
Ander Theil.
gen/ in der Erden verlieret solcher Mist sein Gestanck/ vnd zieht vnser Gewaͤchs/ das wir essen/ nur das reineste darauß; das ist wahr; also verwandelt auch das Fewer den Gestanck desselben/ vnd durch die Mischung beyder Stuͤcken gehet nur das reineste da- von/ welches wir zu vnserer Medicin geniessen/ wie ich allhier gelehret. Vber dieses/ ist es nichts seltzams/ daß die
stercora animalium
also rohe vnd vnbereit von den al- ten
Medicis
zur Medicin gebrauchet worden/ vnd noch taͤglich gebrauchet/ vnd in den Apotheken gefunden werden. Als der weisse Hundsdreck/
græcum album
in den Apo- theken genant/ wird er nicht gut befunden in allerley Halskranckheiten? Der Wolffs- dreck in eim vnverdaͤwlichen Magen? Der Daubenmist
in Calculo?
Schwalbendreck
in Epilepsia?
Storchendreck in der gifftigen Pestilentz? Vnd noch viel andere derglei- chen mehr. Dist illiren die Apotheker nicht ein Wasser von Kuͤhdreck/ welches sie aller- ley Bluͤmleinwasser nennen? Vnd was dergleichen Dinge viel mehr seynd/ die ich uͤmb der kuͤrtze willen verschweige.
Deßgleichen beweisen auch die
Stercora Animalium,
vnd sonderlich des Men- schen/ jhre Kraͤfften gantz wunderbarlich.
4. Eusserlich an dem Menschen/ davon ein grosses Buch koͤndte geschrieben wer- den. Was seyn der thewre Cibet/ Bisem/ vnd Ambra/ welche dem Gold gleich schwer verkaufft werden/ anders als Excrementen der Thier? Kan doch auß dem Marterdreck mit
Spiritu Vini
ein wolriechend
Extractum
gemachet werden/ darauß Cibet formirt wird. Vnd wann man wolte Fleiß anwenden/ so were es nicht vnmoͤglich/ auch auß einem stinckenden Menschen-Koth Cibet vnd Bisem zu machen. Warumb schewet man dann diesen also/ vnd jene nicht? Darumb/ weilen vns seine Krafft nicht bekandt ist. Es verdreußt mich nichts mehrers/ als daß ich keine Zeit habe/ allhier ein mehrers von den
Excrementis animalium
zu schreiben/ darmit man Wunderding
in Medi- cina
thun kan/ ja mehr als mit all den frembden Wurtzeln/ Kraͤutern/ vnd andern thewren Gewaͤchsen/ welche auß Ost-oder West-Indien zu vns gebracht/ vñ sehr thewer verkaufft werden. Aber auff dißmal genug davon. Auff daß der Dreck nicht zu sehr ge- ruͤhret/ vnd nur Feindschafft dardurch erwecket werde. Wiltu nun mir nicht glauben/ vnd dein Geld ersparen/ so sey vnd bleib der du bist/ es ist dir nicht zu helffen.
Noch ein mehrers kan ich auch nicht vnterlassen zu beschreiben/ wie daß man auff einen noch naͤhern Weg zu einer solchen Medicin/ davon oben vermeldet/ ohne Distil- lation gelangen moͤge/ wann man ja seine eygene Excrementen schewet zu gebrauchen/ vnd lieber sein Geld außgeben will. Nemblich also.
Mache dir eine Laugen von Holtzaschen/ vnd koche dieselbe zu einem Saltz/ vnd gebrauche solches an statt dessen so auß deinem Koth gebrand ist/ thut eben dasselbige/ deßgleichen thut auch ein jedweder vngeloͤschter Kalck/ wann man kein Saltz von Lau- gen hat. Am besten aber ist das Saltz von Weinstein oder Weinhaͤfen gebrand. Vnd wann du so viel Muͤhe deinen Vrin eynzukochen nicht thun wilt/ so kauffe ein
Sal ar- nonicum,
welches auch ein gekochtes Saltz auß Vrin gemachtist/ pulverisiere dasselbe
S iij
beson-
Philosophischer Oefen
besonder/ vnd auch das
Sal fixum,
(es sey gleich von welcher Aschen gemacht als es wol- le) auch besonder/ vnd wann du solche gebrauchen wilst/ so mustu zuvorn alle Ding fer- tig haben/ dann so bald diese beyde Stuͤck zusammen gemacht werden/ so fangen sie al- sobalden an zu arbeiten/ vnd geben ein uͤber die massen subtilen
Spiritum
von sich/ ja immer so kraͤfftig/ als wann er auß dem Vrin were distilliret worden/ darumb du solche
mixtur
alsobalden in des Instrumentleins Bauch/ welches in der Mitte sich von- einander schrauben lasse/ in ein rein Tuͤchlein gebunden thun solst/ vnd wieder zusam- men schrauben vnd Appliciren an solche Orth darzu es gesucht wird/ operiret wun- derbarlicher Weiß/ vnd beweiset seine Krafft vnd Tugend scheinbarlich/ in allen sol- chen Kranckheiten so wol innerlich als aͤusserlich/ davon oben bey dem gedistillirten
Spiritu Urinæ
gemeldet worden/ also daß nicht noͤthig ist/ wann man nicht will/ sol- chen
Spiritum
durch die Distillation zu aͤusserlichem Gebrauch zu bereyten/ sondern kan diese
mixtur
immer so fuͤglich an desselben Platz gebraucher werden.
6. Also hastu nun gehoͤret/ wie auß trucknen vnd gantz geringen Dingen/ durch Zusammenmischung derselben auß eygener Krafft ohne Fewer eben eine solche medi- cinaͤlische Krafft koͤnne erwecket werden/ gleich als wann sie durch die Distillation be- reitet were.
In verhaltenen vnd verstopfften Monats-Kranckheiten der Weiber/ durch wel- che sehr viel trostlos sterben muͤssen/ ist dieser Medicin auff der Welt nichts gleich gefun- den/ dann wann sie mit einem solchen Instrumentlein/ wie beygesetzte Figur weiset
ad matricem
applicirt wird/ so eroͤffnet sie die verstopffte Adern/ vnd macht dem boͤsem Ge- bluͤt seinen Gang/ dardurch der Patient alsobalden geneset/ welches sonsten kein Me- dicin/ wie gut sie auch seyn moͤchte/ oben eyngenommen/ verꝛichten kan.
7. Auff diese Weiß koͤnnen viel schwere Kranckheiten der Weiber/ welche auß der Mutter jhren Vrsprung haben/ schnell vnd gluͤcklich curiret werden/ da sonsten nichts dargegen helffen will/ dann sie reinigt/ erwaͤrmet vnd oͤffnet die kalte verstopffte Mutter/ bringt solche in wenig Tagen wieder zu recht/ daruͤber man sich verwundern muß. Dann kein Medicin in der gantzen Welt kan gefunden werden/ welche alle Wei- berkranckheiten so gewaltig widersteht/ als eben diese/ welches mich die Erfahrenheit versichert hat. Auff daß man aber solche recht wisse zu gebrauchen/ weilen so viel daran gelegen ist/ so kan ich nicht vnterlassen etwas deutlicher darvon zu melden. Das Instru- mentlein soll bereytet seyn von einem harten vnd glatten Holtz/ vnd von zweyen oder dreyen Stuͤcken/ nemblich die Kugel welche eines Huͤnereyes gros/ in der Mitte sich auff vnd zuschrauben lasse/ auff daß man das Tuͤchlein darinn die
mixtur
ist/ wann es noͤthig/ auß-vnd eyn thun moͤge/ vnd soll das ober Theil der Kugel noch ein Loch haben eines Figers dick weit/ dareyn man das Roͤhrlein/ welches vngefaͤhr 8. oder 10. Dau- men breit lang/ vnd inwendig hohl/ vnd forn glatt zugetraͤht seyn soll/ darein schrauben koͤnne. Wann du dann solches gebrauchen wilst/ so schraube die Kugel des Instrument- leins voneinander/ vnd lege die obenbeschriebene
mixtur
der
Salien
in ein Tuͤchlein
gebun-
Ander Theil.
gebunden darein/ vnd schraube es wieder zu. Lange es der Patientin/ welche so sie auff dem Rucken liegt/ solches selber bis an die Kugel in die Mutter appliciren kan/ vnd al- so vngefaͤhr eine halbe Stund darinnen lasse/ so wird in waͤhrender Zeit die Krafft der Medicin das Roͤhrlein des Instruments in die Mutter steigen/ dieselbe durchgehen/ erwaͤrmen/ die Vnreinigkeit darinnen erweichen vnd reduciren/ also daß hernach die Natur solche außereiben/ vnd die Mutter von aller Vnreinigkeit saͤubern kan/ darauff die Gesundheit vnd Fruchtbarkeit folgen muß.
NB.
Man kan auch an statt der
Salien,
einen starcken
Spiritum Urinæ
in ein Schwaͤmlein imbibiren/ vnd in die Kugel legen/ verꝛichtet solches auch/ vnd operiret schier staͤrcker als die
Salien.
Vnd soll die Patientin solche
application
taͤglichs zwey- mal gebrauchen/ erstlich Morgens fruͤhe ehe sie auß dem Beth gehet/ vnd Abends wann sie wieder zu Beth gangen ist. Vnd etliche Tage nacheinander wann es die Notturfft erfordert/ aber nimmer laͤnger als ein halbe Stund auff einmal. Wann aber der Kran- cke so schwach were/ daß er allzeit muͤste zu Beth liegen/ so kan es nicht schaden/ daß er auch des Mittags solche
application
gebrauche/ sonsten aber ist es genug Morgens vnd Abends gebrauchet. Also vnd auff diese Weiß/ wann du recht darmit uͤmbge- hest/ wirstu gros Wunder spuͤren/ vnd gantz vnverhoffte vnd vnglaubliche Curen dar- mit thun koͤnnen.
NB.
Wann du es haben kanst/ so lasse dir solche Instrumenten von Silber ma- chen/ seyn bestaͤndiger/ vnd auch saͤuberer als von Holtz gemacht/ doch weilen ein jed- wedere Fraw lieber jhr eygen Instrument haͤtte/ so kan man auch hoͤltzerne machen las- sen/ das beste Holtz darzu ist/ Buchsbaumen/ Hollunderbaumen/ Bieren vnd Pflau- menbaum holtz/ auch Nußbaumen laͤßt sich schoͤn glatt draͤhen. Von Kupffer kan man solche Instrumenten auch machen lassen/ halten aber nicht lang/ dann dieser
Spi- ritus
grosse Gemeynschafft darmit hat/ vnd solches bald durchfrisset/ welches mir wie- derfahren ist.
NB.
Fuͤr dieser Mediein aber sollen sich huͤten schwangere Weiber/ dann sie trei- bet die Frucht ab.
CAP. LXXXIX.
Durch Huͤlff des
Spiritus Urinæ
von
Vitriolo
ein
blut-rothes
Oleum
zu distiliren.
S
Olvir einen Vngarischen/ oder andern guten
Vitriol
in gemeynem Wasser/ vñ lasse jhn durch ein Pappier lauffen/ darauff giesse von diesem
Spiritu
so viel/ bis alle gruͤ- ne vergangen/ das Wasser klar vnd hell worden/ vnd sich ein gelber
Sulphur
gesetzet hat/ dann giesse das klare oben ab/ das uͤbrige truͤbe giesse zusammen in ein pappieren Trech- ter/ auff daß die Feuchtigkeit davon rinne/ vnd die
Terra Vitrioli
im Pappier bleibe/ sol- chen mache trucken/ vnd distillire denselben zu einem blutroten vnd kraͤfftigen
Oleo,
wel-
ches
Philosophischer Oefen
ches alle
obstructiones
des gantzen Leibes eroͤffnet/ vnd
Epilepsiam radicitus
curi- ret. Das klare Wasser davon der
Sulphur Vitrioli
geschieden/
ad siccitatem
lassen ab- rauchen/ so bleibet ein Saltz zuruͤck/ welches
per distillationem
einen wunderbarlicheu
Spiritum
giebet/ vor der
distillation
ist es ein
Specificum Purgans,
davon zu 8.10.12. bis auff 24.
Grana
eyngeben/ in allen Kranckheiten sicherlich zu gebrauchen.
CAP. XC
. Tinctura Vegetabilium.
W
Ann man
Aromata, Semina
oder
Flores,
damit extrahiret/ digeriret vnd distilli- ret/ so steiget die
Essentia Herbarum
mit uͤber/
in forma
ein roten Oels.
CAP. XCI
. Vitriolum Veneris.
W
Ann man
Calcem Veneris,
welcher durchauß gluͤen vnd abloͤschen gemachet/ damit uͤbergeusset/ zeucht in einer Stund ein schoͤn blawe Farb darauß/ wann er nun so viel solviret hat/ als er kan/ den abgegossen/ vnd an einem kalten Orth lassen schiessen/ so bekompt man einen Himmelblawen
Vitriol,
welcher in kleinem
Dosi
star- cke
Vomitus
machet/ das uͤbrige/ welches nicht in einen
Vitriolum
gewachsen/ bleibet ein blaw
Oleum,
gut
in ulceribus
zu gebrauchen.
CAP. XCII
. Tinctura Tartari Crudi.
G
Emeynen rohen pulverisirten Weinstein/ damit
in digestionem
gesetzet/ extra- hiret ein blutrote Tinctur/ so der
Spiritus
davon abstrahiret wird/ so bleibet ein lieb- liches rotes
Oleum,
nicht kleiner Kraͤfften vnd Tugenden.
CAP. XCIII
. Olea vel Liquores Lapidum
zu machen.
A
Vch solviret dieser
Spiritus
die Crystallen/ vnd andere
Lapides,
wann dieselbe zuvorn solviret/ pr
æ
cipitiret/ vnd in vnbegreiffliche
pulveres
gebracht seyn/ vnd
bringet solche
in Olea
vnd
Liquores,
so wol
in Alchymia
als
Me- dicina
nuͤtzlich zu gebrauchen.
CAP.
Ander Theil.
CAP. XCIV.
Alle
Metalla
damit zu pr
æ
cipitiren.
W
Elches Metall
in Spiritu Acido
solviret ist/ kan damit viel besser vnd reiner/ als mit
Liquore Salis Tartari
pr
æ
bicitiret werden/ dann das Gold/ welches damit niedergeschlagen ist/ fulminiret viel haͤrter/ als wann es durch ein
Oleum Tartari
ge- than were.
NB.
Wann man vnder
Solutionem auri,
ehe man solches pr
æ
cipitiret/ etwas von
Succo Limoniorum
thut/ so schlaͤgt sich nicht alles G
o
ld nieder/ sondern bleibet ein Theil desselben in der
Solution,
vnd schiessen mit der Zeit viel kleiner gruͤne Stein- lein/ einem gemeynen
Vitriolo
gleich/ purgieren in kleinem
Dosi
alle schaͤdliche
hu- mores
im Menschen.
CAP. XCV
. Oleum \& Vitriolum Lunæ.
L
Unam in Aqua forti
solviret/ vnd dieses
Spiritus
so viel hineyn gossen/ bis es nicht mehr brauset/ so schlaͤgt sich ein wenig Silber davon zu Boden/ in Gestalt eines schwartzen Pulvers/ das uͤbrige Silber bleibet in dem
Liquore,
davon die
phlegma in Balneo ad cuticulam
abstrahiret/ vnd an einen kalten Ort gestellet/ so wachsen weisse Crystallen darinn/ welche außgenommen vnd getrucknet/ seynd
in Mania, Hydro- pisi, Febribus,
vnd andern Kranckheiten mehr eine gute Purgans/ welches Jun- gen vnd Alten ohne Gefahr kan gebrauchet werden. Der uͤbrige
Liquor,
welcher sich nicht Crystallisiret hat/ kan mit
Spiritu Vini
extrahiret werden/ so bleiben wieder
Fe- ces
zuruͤck/ vnd die
Exaction
wird lieblicher/ den
Spiritum Vini
davon abstrahiret/ so bleibet ein grasgruͤner Safft/ in allen Hirn-Kranckheiten/ die geringste Medicin mit nichten.
CAP. XCVI.
Eine rote
Tinctur
auß dem
Antimonio,
oder
gemeynem Schwefel zu extrahiren.
K
Oche Schwefel/ oder
Antimonium pulverisatum,
so lang in einem
Lixivio Salis Tartari,
bis die Laugen roth worden ist/ darauff giesse diesen
Spiritum,
vnd distilli-
re gelinde
in Balneo,
so steiget eine schoͤne Tinctur mit dem
Spiritu-Vola- tili
uͤber/ welche Silber damit angestrichen/ verguͤldet/ doch nicht bestaͤndig. Dienet zu allen Lungen- Kranckheiten.
T
CAP.
Philosophischer Oefen
CAP. XCVII.
Wie man
Antimonium
vnd
Sulphur commune
zeitigen soll/ daß vielerley der Vegetabilien da- von entstehe.
S
Olvire
Antimonium
oder
Sulphur in Liquore Silicum vel Arenæ, coagulir
die
Solution
in eine rothe Massam/ darauff schuͤtte einen
Spiritum Urinæ,
vnd las in linder Waͤrme extrahiren/ wann der
Spiritus
schoͤn roth gefaͤrbet ist/ so gieß denselben ab/ vnd einen andern darauff/ vnd las jhn auch extrahiren/ solches so offt wiederholet/ bis der
Spiritus
keine Tinctur mehr extrahiren will/ dann alle
Extracta
zusammen gossen/ vnd
in Balneo per alembicum
den
Spiritum Urinæ
davon abstrahiret/ so dlet- bet ein blutroter Safft/ wann man darnach einen
Spiritum Vini
darauff giesset/ so extrahiret er noch eine schoͤnere Tinctur als die erste/ vnd laͤßt
Feces
zuruͤck liegen/ sol- che Tinctur raͤucht einem Knoblauch nicht vngleich/ wann aber dieselbe in kleiner Waͤr- me 3. oder 4. Wochen digeriret wird/ so bekompt dieselbe einen sehr lieblichen Geruch/ den gelben Pflaumen oder Spillingen gleich/ so aber solche noch laͤnger stehen blei- bet/ so erlanget sie einen Geruch/ welcher dem Bisem vnd
Ambra
nichts bevor giebet. Vnd nachdeme man solche Tinctur lang digerirt/ nachdeme sie auch vnderschiedliche Geruch bekommet/ vnd nicht allein wird dieselbe an dem lieblichen Geruch vnd Ge- schmack/ sondern auch an den Kraͤfften mercklicher weiß durch das Fewer vermehret/ dann so viel vnd mancherley liebliche Geruͤche daran gespuͤrt werden/ daß man sich dar- uͤber verwundern muß/ welcher Vnterschied vnd Verbesserung desselben/ nur allein auß Krafft des reinen vnd zeitigmachenden
Spiritus Urinæ
herkompt/ dann in demselben kein zerstoͤrends/ sondern ein erhaltendes/ vnd alle Farben verhoͤhendes Fewer verbor- gen ist/ davon an einem andern Orth mehrers soll geschrieben werden.
NB.
Zwischen dem
Spiritu Urinæ
vnd
Venere animali \& minerali
wird ein grosse
Sympathia
gespuͤret/ dann er das ♀ nicht allein vor allen andern Metallen liebet/ sich gern damit vermischet/ vnd dasselbe uͤber die massen schoͤn machet/
in
Cbymicis
zu gebrauchen/ sondern auch dardurch also zur Medicin bereytet wird/ daß es alle Vene- rische Schaͤden/ so wol in- als aͤusserlich zu gebrauchen/ wie sehr dieselbe auch in das Gebluͤt gewurtzelt seyn/ ohne Zuthun anderer Medicamenten/
radicitus
curiret/ macht fruchtbar vnd vnfruchtbar/ nach deme es gebrauchet wird/ reiniget die Mutter/ wehret vnd vertreibet jhr Auffsteigen/ vnd befoͤrdert die verhaltene Weiber-kranckheit vor allen andern Medicamenten/ wie sie auch Namen haben moͤgen/ keine auß genom- men/ wunderbarlicher weiß.
Wann man diesen
Spiritum
mit dem Volatilischen/ aber nicht Corꝛosivischen
Spiritu Vitrioli
oder
Salis communis
vermischet/ so wird ein Saltz darauß/ deme an Fluͤssigkeit keines vorgehet/ zu der
Alchymia
vnd
Medicina
dienstlich.
NB.
Ein
Ander Theil.
NB.
Ein
Liquor Salis Tartari
vnd ein
Spiritus Vini
nehmen einander ohne Wasser/ als ein
medium,
daß beyder Naturen theilhafftig ist/ nicht an/ vnd so man ei- nen
Spiritum Urinæ
darzu thut/ so behaͤlt er auch seinen besondern Ort/ also daß diese dreyerley Feuchtigkeiten in einem Glas/ wie hart vnd offt auch dieselbe vntereinander geschwencket oder geschuͤttelt werden/ dannoch keines sich mit dem andern vermischet/ vnd bleibet der
Liquor Salis Tartari
auff dem Boden/ darauff der
Spiritus Urinæ,
vnd zu oberst der
Spiritus Vini
sich setzet/ vnd so man ein distilliret
Oleum
darauff schuͤttet/ bleibet solches zu alleroberst/ also daß viererley in einem Glas vnvermischet koͤnnen be- halten werden.
Ob schon dieses keinen sonderlichen Nutzen bringen kan/ so ist es doch darumb angezeiget/ daß man den Vnterschied der Geister erkennen lerne.
CAP. XCVIII
. De Spiritu \& Oleo Cornu Cervi.
H
Irschhoͤrner mit einer Saͤgen zu Stuͤcken geschnitten/ eines Fingers lang/ davon eines auff einmal eyngetragen/ wann sich die
Spiritus
gesetzet haben/ noch eins/ vnd so viel nach einander/ bis man
Spiritus
genug hat/ vnd wann das Gefaͤs voll ist/ von den eyngetragenen Hoͤrnern/ so greiff mit einer Zangen hineyn/ nimb sie alle herauß/ vnd trage andere hernach/ das thue so offt/ als es vonnoͤthen ist. Nach gethaner Distilla- tion nimb den Recipienten davon/ vnd gieß einen dephlegmirten
Spiritum Vini
hin- eyn/ welcher das
Sal Volatile
zu sich nimmet/ gieß also zugleich das
Oleum
mit dem
Spi- ritu
vnd
Sale Volatili
in ein naß gemacht filtrirꝛ-Pappier in einen Trechter/ so laufft der
Spiritus Vini
sampt dem
Spiritu Cornu Cervi,
vnd
Sale Volatili
durch das Pappier/ vnd das rote schwartze
Oleum
bleibet zuruͤck/ muß aber bald außgegossen werden/ son- sten laufft es auch hernach. Den
Spiritum
mit dem
Sale Volatili
rectificirt man durch einen Retorten/ so steiget der beste
Spiritus
vnd
Sal Volatile
mit dem
Spiritu Vini
zu- gleich uͤber/ vnd wann das
phlegma
kommen will/ so nimb den uͤbergangenen
Spiri- tum
ab/ auff daß die vnnuͤtze
phlegma
nicht darunder komme/ vnd verwahre solchen wol/ dann er sehr fluͤchtig ist/ das
Oleum
kan durch einen glaͤsernen Retorten mit
Sale Tartari
vermischet vnd rectificiret werden/ so wird es klar/ will mans schoͤner haben/ so muß mans
per Spiritum salis
rectificiren. Das erste aber mit
Sale Tartari
gethan/ ist kraͤfftiger/ curiret
Quartanam,
macht sehr schwitzen/ heylet alle innerliche Wunden vnd Schmertzen/ welche von Fallen, Schlagen/ oder auff andere Weiß entstanden seyn moͤ- gen. Davon auff einmal zu 6.8.10. bis auff 20. Tropffen in Wein eyngeben/ vnd dar- auff im Beth geschwitzet/ der
Spiritus
ist gar gut in allen
obstructionihus
des gantzen Leibes/ von
Scrup. Semis ad Dragm.
(mit bequemen
vehiculis
) zu gebrauchen/ mo- virt
urinam,
treibet die verhaltene
menses
der Weiber kraͤfftiglich reiniget das Gebluͤt/ vnd macht starck schwitzen/
in peste, morbo gallico, lepra, scorbuto, melancholia
T ij
hypo-
Philosophischer Oefen
hypochondriaca, febribus malignis
vnd dergleichen Kranckheiten/ da Schwitzens vonnoͤthen ist.
CAP. XCIX.
Eine herꝛliche Medicin von Menschen-Haar ei-
nen
Spiritum
zu machen
A
Vff diese Weiß koͤnnen auß allen Hoͤrnern/ Klawen der Thiere/
Spiritus
ge- macht werden/ weilen aber solche wegen jhres vnlieblichen Geruchs
in Medicina
zu gebrauchen/ geschewet werden/ da dieselbe doch in etlichen schweren Kranckheiten/ als
in suffocatione Matricis,
vnd
Epilepsia
das jhrige mit Verwunderung verꝛichten/ also mag es darbey beruhen/ doch ist zu mercken/ daß derjenige/ welcher von Menschen- haaren gemacht worden/
in metallicis
nicht zu verwerffen ist/ dann er den gemeynen
Sul- phur
auffloͤset/ vnd bringet denselben in eine Milch welche in Blut kan gezeitiget wer- den/ welches jhme kein anderer
Spiritus
gleich thut. Wiewol derselbe also
per se
ohne
addition
des Schwefels in eine Rubin kan figiret werden/ so ist dieser doch besser/ wel- cher mit
Sulphure
ist gezeitigt worden/ vnd wann er so weit durchs Fewer gebracht/ daß er seinen Gestanck verloren/ vnd fix geworden ist/ so kan er die Muͤhe vnd Kohlen/ wel- che daran gewendet/ genugsamb bezahlen.
NB.
Hieher gehoͤret der Proceß/ die
Metalla Soluta
uͤber gefeylet Hirschhorn/ geschuͤttet vnd distilliret.
CAP. C
. De Oleo Succini.
D
E
r
Agstein giebet ein sehr liebliches vnd kraͤfftiges
Oleum,
insonderheit das weis- se/ das gelbe ist nicht so gut/ vnd das schwartze noch schlechter/ dann es wegen seiner Vnreinigkeit auch nicht wol innerlich kan gebrauchet werden/ vnd gehet zugleich auch mit uͤber ein
Sal Volatile,
vnd saͤuerlich Wasser/ welche voneinander muͤssen geschieden werden/ das Wasser hat (so viel mir bewust) wenig Krafft/ das
Sal,
wann es von
Sale Tartari
sublimiret vnd rein gemacht wird/ ist ein gut
diureticum, in calculo,
vnd
po- dagra,
so wol aͤusserlich als innerlich nuͤtzlich zu gebrauchen/ das
Oleum
wann es re- ctificiret ist/ sonderlich dasjenige/ welches zu erst uͤbergehet/ nicht allein davon zu 6.8.10. bis auff 20. Tropffen/ auff einmal gegen
pestem, epilepsiam, suffocationem matri- cis
vnd
hemicraniam
eyngenommen/ sondern auch aͤusserlich gebrauchet/ als daran gerochen/ vnd vnder die Nasen gestrichen/ eine herꝛliche vnd kraͤfftige Medicin ist/ vnd ist zu mercken/ wann es durch einen
Spiritum Salis
rectificiret ist worden/ daß es viel klarer ist/ als
per se
gethan ohne
addition,
so es aber mit
Sale Tartari
geschicht/ wird es viel kraͤfftiger/ ob es schon nicht so hell vnd klar wird/ als durch den
Spiritum Salis.
NB.
So man solches uͤber ein sehr starck
Aqua Regis
rectificiret/ nach deme es
zuvorn
Ander Theil.
zuvorn schon einmal
per Spiritum Salis
ist rectificiret worden/ so wird es so subtil/ daß es auch
Martem
vnd
Venerem
etlicher massen auffsolviren/ vnd in gute Medica- menten bringen kan/ vnd gehet in solcher zweyten Rectification nicht alles uͤber/ son- dern wird ein Theil davon durch das corꝛosivisch Wasser figiret/ vnd wird dick/ einem schoͤnen Mastix gleich/ welches in der Waͤrme weich ist/ vnd sich mit den Fingern han- deln laͤßt/ als Wachs/ in der Kaͤlte aber so hart ist daß mans brechen vnd pulverisiren kan/ so schoͤn glaͤntzend an der Farb/ als Gold.
CAP. CI.
De Oleo Fuliginis.
V
O
n
Ruß/ welcher auß den Rauchfaͤngen/ da nichts anders als Holtz gebrand wird/ gesamblet ist/ kan ein scharpff
Sal Volatile,
vnd ein hitzig
Oleum
distilliret werden. Das Saltz ist an Kraͤfften demjenigen/ welches von Hirschhoͤrnern oder
Suc- cino
gemacht ist/ nicht vngleich/ vnd loͤschet den Brand/ er komme wovon er wolle/ kraͤff- tiglich/ das
Oleum
kan also ohne Rectification aͤusserlich in allen abschewlichen Kraͤ- tzen/ wie auch zum Erbgrind auff dem Haupt/ vor allen anderen Medicinen/ frucht- barlich gebrauchet werden. So es aber rectificiret wird/ gleich bey dem
Oleo. Tartari, Succini,
vnd
Cornu Cervi
gelehret ist worden/ so kan es sicher in Leib genommen/ vnd in allen Kranckheiten/ gleich als die obbeschriebene
Olea
gebrauchet werden/ dann es nicht allein so gut/ sondern auch zu etlichen Faͤllen kraͤfftiger befunden wird.
CAP. CII.
Wie ein gut Oel auß dem Ruß ohne Distillation
kan gemachet werden.
K
Oche den Ruß mit gemeynem Wasser/ so lang/ biß dasselbe blutroth davon worden ist/ (Vrin ist besser als Wasser) vnd setze solche
Solution
in einen jrꝛden-Hafen im Winter in die aller groͤste Kaͤlte/ so lang bis alles in dem Pott zu einem Stuͤck gefro- ren/ vnd weiß worden ist/ dann zerschlage den Hafen vnd das Eyß/ so wirstu in der Mitte desselben das hitzige
Oleum
vngefroren/ vnd fluͤssig einem Blut gleich an der Farbe finden/ welches dem distillirten an Kraͤfften nicht viel bevor giebet/ doch kan es hernach auch rectificiret/ vnd in seinen Kraͤfften erhoͤhet werden/ wann man will/ vnd ist zu mercken/ daß solche Scheydung nur in der allergroͤsten Kaͤlte geschicht/ vnd son- sten nicht angehen will.
CAP. CIII
. De Spiritu \& Oleo Mellis.
V
O
n
Honig kan ein subtiler
Spiritus,
vnd saurer Essig gemacht werden/ nemblich/ mit zweymal so schwer reinem vnd außgegluͤetem Sand vermischet vnd distillirt/
T iij
aber
Philosophischer Oefen
aber noch viel besser mit
Floribus Antimonii,
welche im Ersten Theil zu machen ge- lehret seyn/ dardurch der
Spiritus
in seinen Kraͤfften vermehret/ vnd auch das uͤber- lauffen verhindert wird/ vnd dann distilliret/ so gehet ein lieblicher
Spiritus,
ein scharpf- fer Essig/ vnd etwas rothen Oels zugleich uͤber/ welche muͤssen voneinander geschie- den werden/ der
Spiritus
wird innerlich nach der Rectification gehrauchet/ ist gut in allen Kranckheiten der Lungen/ macht Raum uͤmb die Brust/ staͤrcket das Hertz/ benimmet alle
obstructiones
der Leber vnd Miltzes/ solviret vnd treibet den
Calcu- lum,
widerstehet aller Faͤulung des Gebluͤts/ pr
æ
serviret vnd curiret
pestem,
alle
fe- bres, hydropisin,
vnd noch viel andere Kranckheiten mehr/ taͤglich davon
à Scrup. j. ad Dragmam
j. mit bequemen Kraͤuter-wassern vermischet vnd eyngenommen/ thut das seinige mit grosser Verwunderung/ der saure Essig faͤrbet die Haar vnd Naͤ- gel Gold-gelb/ vertreibet das Juͤcken vnd Kraͤtze der Haut/ reiniget vnd heylet alte vnd newe Wunden/ dieselbe damit gewaschen vnd gebadet. Das rote
Oleum
ist fuͤr sich allein zu starck zu gebrauchen/ kan mit dem subtilen
Spiritu,
welcher zu erst ist uͤber- gangen/ vermischet vnd gebrauchet werden/ machet denselben in seiner Tugend kraͤfftiger.
CAP. CIV
. De Oleo \& Spiritu Sacliari.
G
Leich wie von dem Honig gesagt/ also wird auch von dem Zucker ein
Spiritus
vnd
Oleum
gemachet/ nemblich nur mit reinem Sand versetzet/ oder aber (welches bes- ser ist) mit
Floribus Antimonii,
vnd nach der Kunst/ immer ein Loͤffel-voll nach dem andern/ dieser
Mixtur
eyngetragen/ giebt einen gelben
Spiritum,
vnd etwas wenig rotes Oels/ welche nach der Distillation
in Balneo
zusammen/ so lang muͤssen digerirt wer- den/ bis der
Spiritus
das
Oleum
zu sich genommen hat/ vnd davon gantz roth gewor- den ist/ darff nicht rectificiret werden/ sondern kan also
per se,
oder mit bequemen
vehi- culis
taͤglich gebrauchet werden/ ist in allem demjenigen/ welcher von Honig gemachet/ an Tugenden gleich/ doch ist dieser von Zucker lieblicher als jener/ renoviret vnd restau- riret das gantze Gebluͤt im Menschen/ dann er grosse Kraͤfften von den diaphorischen
Floribus Antimonii
empfangen hat/ vnd kan solcher
Spiritus
ohne Schew/ in allen Kranckheiten sicherlich gebrauchet werden/ kan kein Vbel thun/ so wol in kaltem als hitzigem/ stehet der Natur gewaltig bey/ vnd thut viel gutes/ welches mancher hinder jhme nicht suchen oder glauben moͤchte. Insonderheit wann derselbe continuirlich ein Zeitlang
à Scrupul. 1. ad Dragmam
j. taͤglich genommen wird/ so wird man spuͤ- ren/ daß ich jhme solches Lob nicht vnwuͤrdig geben habe. Das hinderbliebene ist gantz schwartz/ kan zu gleichem Gebrauch/ ander Honig oder Zucker damit zu verse- tzen/ verwahret werden/ oder aber man kan dasselbe im Ofen des Ersten Theils wie- der
in Flores
sublimiren/ oder im Ofen des vierdten Theils dieses Buchs mit Zu-
satz
Ander Theil.
satz Eysen oder Weinstein vnd Salpeter in einen
Regulum:
Also daß nichts ver- lohren gehet.
CAP. CV.
Von Corallen vnd Zucker einen kraͤfftigen
Spiritum,
vnd blutrote Tinctur zu distilliren.
W
Ann man den Zucker mit pulverisirten roten Corallen vermischet vnd distilliret/ so gehet neben dem
Spiritu
eine blutrote Tinctur/ in Form eines schweren Oels uͤber/ welche mit dem
Spiritu per digestionem in Balneo
muß conjungiret werden/ ist so kraͤfftig/ als immer derjenige/ welcher mit Zusatz
Antimonii Diaphoretici
ist gemacht worden/ curiret
Epilepsiam
von Grund auß/ bey Jungen vnd Alten bestaͤndig/ vnd rei- niget das Gebluͤt von allen Vnsauberkeiten/ dardurch die allerabschewlichste Kranck- heit
Lepra
mit jhren Geschlechten kan vertrieben werden/ vnd ist seind Gebrauch also gleich wie oben bey dem
Spiritu Sachari Antimoniato
gemeldet worden.
CAP. CVI
. De Spiritu Musti.
A
Vß dem suͤssen Most/ oder Weintrauben-Safft/ so bald er außgepreßt ist/ muß er in Honigdicke verkocht werden/ vnd darnach mit Sand/ Corallen/ (
Flores Antimo- nii
seyn besser) vermischet vnd distilliret/ giebt eben einen solchen
Spiritum,
welcher demjenigen/ der von Honig oder Zucker distillirt/ gleich ist; doch ist dieser etwas saͤurer/ als der von Honig gemacht/ vnd koͤnnen mit Honig/ Zucker/ vnd Traubensafft etliche Metallrn im kochen solviret/ vnd in vnderschiedene Medicamenten/ durch/ vnd ohne Distillation bereytet werden/ auff solche Weiß/ gleich oben bey dem
Tartaro
ist geleh- ret worden/ dann der Honig/ Zucker vnd Traubensafft/ nichts anders/ als ein suͤsses Saltz ist/ welches durch die
fermentation
in einen sauren
Tartarum
mit saurem Zu- satz kan verwandelt werden/ in allem demjenigen gleich/ welcher auß den Weinfassen gesamblet wird. Deßgleichen kan auch ein
Tartarus
auß Kirschen/ Birꝛn/ Oepffeln/ Feygen/ vnd allen andern Fruͤchten/ welchen einen suͤssen Safft geben/ wie auch auß al- lem Korn/ als Rocken/ Weitzen/ Haber/ Gersten/ vnd dergleichen gemachet werden/ da- von im dritten Theil ein mehrers.
Dann ein jedweder suͤsser Safft der Vegetabilien/ so er durch die
Fermentation
uͤmbgekehret wird/ zu einem natuͤrlichen sauren
Tartaro
werden kan/ vnd ist gantz falsch/ wie etliche meynen/ daß nur in dem Wein ein solcher
Tartarus,
welcher durch taͤglichen Gebrauch mit dem
nutrimento
(bey denen welche Wolff hungerig seyn/) vn- geschieden in die Glieder gangen/ vnd daselbsten zu einem steinichten Wesen worden seyn/ wañ solches wahr were/ so wuͤrde man in den kalten Laͤndern/ da kein Wein getrun-
cken
Philosophischer Oefen
cken wird/ keine
podagricos
vnd
calculosos
finden/ wird aber das Gegentheil taͤglich gespuͤret. Doch muß ich bekennen/ daß vnder allen Vegegetabilien keines mehr als der Weinstock giebet/ vnd ist solches die Vrsach die saͤure/ welche mit vnterlaufft/ dardurch die suͤsse in einen
Tartarum
verwandelt wird/ dann je saͤurer die Weine seyn/ je mehr
Tartarum
dieselbe von sich geben/ vnd je suͤsser/ je weniger. Auß diesem Discurs wird ein fleissiger
Chymicus,
des Weinsteins herkommen/ Natur vnd Wesen genug erler- nen/ vnd auch in Manglung des Weins denselben auß andern Vegetabilen/ genug- samb bereyten koͤnnen/ mit Honig/ Zucker oder
Sapa,
kan
Sal commune,
oder
Sal Tart.
distilliret werden/ giebt so starcke
Spiritus,
daß Metallen darinn solviret koͤnnen wer- den/ zur Medicin vnd
Alchymia
nicht zu verwerffeu.
CAP. CVII
. De Oleo Olivarum.
A
Vß allen außgepreßten Oelen/ als Baumoͤl/ Ruͤboͤl/ Nuͤßoͤl/ Hauff/ Leinoͤl vnd dergleichen/ kan ein sehr penetrirend Oel distilliret/ vnd nicht allein aͤusserlich/ son- dern auch innerlich gebrauchet werden/ vnd geschicht also: Nimb ein gemeyn Toͤpffer- erden ohne Sand vermischet/ formire darauß
globulos,
so gros als Tauben- oder Huͤ- ner-Eyer/ brenne oder gluͤe dieselbe auß/ doch nicht zu starck/ daß sie zu einem harten Stein werden/ vnd kein Oel anziehen wollen/ vnd wann sie niche mehr gluͤen/ aber doch ziemlich heiß seynd/ so wuͤrff dieselbe in ein Baumoͤl/ welches das beste dazu ist/ dann so dieselbe gluͤend/ (wie etliche pflegen zu thun) hineyn geworffen werden/ so wird das Oel braͤntzelt davon/ vnd las solche so lang darinn liegen/ bis dieselbe sich gantz voll davon getruncken haben/ welches innerhalb 2. oder 3. Stunden geschicht. Darnach nimb die- selbe auch/ vnd wuͤrff davon eins oder zwey auff einmal hineyn/ in den gluͤenden Ofen/ vnd las gehen/ uͤber eine Weil trag wieder eins oder zwey hernach/ vnd thue solches so offt vnd lang/ bis du Oel genug zu haben vermeynest/ vnd wann vnder dessen das Ge- schirꝛ von den
globulis
voll ist worden/ so nimb solche mit einer Zangen oder Loͤffel her- auß/ auff daß du vnverhindert in der Distillation forfahren koͤnnest/ vnd darffest dich nicht besorgen/ daß auff diese Weiß dein Retort oder Reeipient zerspringe/ das Oel sich entzuͤnde vnd brand oder ander Schaden dardurch entstehe. Nach geschehener Distilla- tion/ nimb den Recipienten ab/ gieß das uͤbergestiegene
Oleum
in ein glaͤsern Retor- ten/ vnd rectificire solches uͤber calcionirten Alaun oder
Vitriol,
so behaͤlt der Alau die Schwaͤrtze vnd Gestanck/ welche in der Distillation mit ist uͤbergangen/ bey sich/ vnd steigt also das Oel klar uͤber/ welches dannoch ein oder zweymal/ nach deme mans pe- netrirend haben will/ mit frischem calcinirten Alaun muß rectificiret werden/ vnd all- zeit was erst uͤbergehet/ allein gefangen/ so bekompt man ein schoͤn hell vnd klar
Oleum,
welches uͤber die massen subtil ist/ das aber hernach kompt ist etwas gelb/ vnd auch so prnetrirend nicht als das erste/ derenthalben nur aͤusserlich zu gebrauchen/ Blumen vnd
Kraͤu-
Ander Theil.
Kraͤuter damit extrahirt/ giebt herꝛlich
Balsama
zu kalten vnd feuchten Schaͤden/ auch kan man
Succinum,
Mastix/ Weyrauch/ vnd dergleichen attrahirende
species
solvi- ren/ vnd mit Wachs vnd
Colophonia
zu einem
Emplastro
machen/ sehr gut in vergiff- ten Schaͤden vnd Beulen die Gifft herauß zu ziehen vñ bald zu heylen/ gemeynen gelben pulverisirten Schwefel darinn solviret/ giebt einen blutroten Balsam/ welcher ein jed- weder
Scabiem,
vnd andere dergleichen Vnreinigkeit der Haut bald vertreibet/ in- sonderheit wann darzu addiret wird/ gereinigtes Spanischgruͤn/ vnd zu hitzigen Schaͤ- den
Sacharum Saturni,
welche dann gern auff linder Hitz mit staͤtigem uͤmbruͤhren darinn verschmeltzen/ vnd sich damit vermischen/ ist nicht noͤtig daß es eben in Glaͤsern geschehe/ sondern kan bald nur in einem Kochhafen gethan werden.
CAP. CVIII
. Usus Olei Benedicti.
D
As erste vnd klare ist einer sehr penetrirender Natur vnd Eygenschafft/ davon et- liche Tropffen mit ein wenig gebrandten Wein eyngeben/ stillet alsobald die
Coli- cam,
welche von verhaltenen Winden entstanden/ deßgleichen das Auffsteigen der Mutter/ sonderlich wann man auch etwas auff den Nabel schmieret/ vnd wann ein kalter Fluß auff die Nerven gefallen/ davon solche erstarꝛet vnd lahm worden seyn/ von diesem
Oleo
darauff gestrichen/ vnd mit einer warmen Hand hineyn gerieben/ bringt dieselbe bald wieder zu recht/ vnd derohalben wegen seiner schnellen Huͤlff die es bewei- set/ billich
Oleum Sanctum
mag genennet werden. Vnd wann man in diesem
Oleo Laminas Martis
oder
Veneris
extrahiret/ wird es hoch roth oder gruͤn an der Farb/ vnd ist zu allen kalten vnd feuchten Schaͤden/ solche zu erwaͤrmen vnd zu trucknen/ das be- ste Mittel/ consumiret die uͤbrige Feuchte der Wunden vnd Glieder-schwaͤrn/ so wol auch die Gewaͤchs auff gantzer Haut/ heylet die Flechten an dem Leib/ vnd den Erb- grind auff dem Haupt/ vnd was dergleichen mehr Schaͤden/ welche von uͤbriger Feuch- te vnd Kaͤlte entstanden seyn. Auch kan man
Euphorbium
vnd andere hitzige Gum- mi darinn solviren/ vnd gegen die grosse Kaͤlte gebrauchen/ dann welches Glied damit wird angestrichen/ keine Kaͤlte schaden thun kan/ wie gros dieselbe auch seyn moͤge. Es koͤnnen auch diese
Balsama,
welche mit
Gummi
oder
Sulphure
gemacht seyn/ noch ein- mal
per Retortam
distilliret werden/ seynd in etlichen Faͤllen besser/ als der vndistillirte Balsam zu gebrauchen.
CAP CIX
. De Oleo Ceræ.
A
Lso vnd auff diese Weiß kan auch das
Oleum
von Wachs disti
ll
iret werden/ ist dem vorigen in allem gleich zu gebrauchen/ zu allen kalten Gebrechen der Sehnen/ aber dieses noch kraͤfftiger befunden worden ist.
V
CAP.
Philosophischer Oefen
CAP. CX
. Spiritus contra Calculum.
A
Vß den Kernen die man in den Weintrauben findet/ wird ein saurer
Spiritus
distilliret/ welcher ein gewisses
specificum
gegen den Nieren- vnd Blasenstein/ wie auch alle podagrische Schmertzen erfunden ist. Nicht allein innerlich taͤglich davon gebrauchet/ sondern auch aͤusserlich mit Tuͤchern auff das schmertzhaffte Orth geleget/ stillet vnd vertreibet die Schmertzen.
CAP. CXI
. De Spiritu vel Oleo Sulphuris acido.
D
En Schwefel in einen sauren
Spiritum
oder
Oleum
zu bringen/ ist von vielen ge- sucht/ aber von wenigen gefunden worden/ dann bißhero der mehrertheil Laboran- ten denselben mit Glaͤsern-klocken gemachet/ dardurch sie gar wenig bekommen ha- ben/ weilen dieselbe bald warm worden/ vnd das
Oleum
nicht haben halten koͤnnen/ welches dann in Rauchweiß jhnen entflogen ist; andere haben solches durch distilliren/ andere durch solviren dahin bringen wollen/ hat aber auf keine weiß gegluͤckt/ darumb dasselbe jetziger Zeit beynahe nirgends auffrichtig gefunden wird/ dann gemeyniglich nur ein
Oleum Vitrioli
dafuͤr bey den Materialisten vnd Apothekern verkaufft wird/ welches doch in Tugenden vnd Kraͤfften dem
Oleo Sulphuris
bey weitem nicht zu ver- gleichen ist/ dann dieses nicht allein an saͤure viel lieblicher/ sondern auch an seinem We- sen viel kraͤfftiger befunden wird/ weilen dasselbe dann
in Medicina
vnd
Alchymia
viel- faͤltig kan gebrauchet werden/ nemblich in allen hitzigen Kranckheiten/ den Tranck des Patienten bis auff ein annehmliche saͤure vermischet/ dardurch den vnleydlichen Durst zubenehmen/ den Magen zu staͤrcken/ Lungen vnd Leber zu exfrischen/ auch aͤusserliche Kaͤlte vnd heissen Brand damit zu loͤschen vnd heylen/ vnd etliche Metallen damit cry- stallisiren/ vnd in liebliche
Vitriola
damit zu bringen/ welche so wol zur
Alchy
m
ia
als
Medicina
gebraucht werden koͤnnen. Also hab ichs fuͤr gur angesehen/ dieselbe berey- tung hieher zu setzen/ wiewol solche durch diesen Distillir-Ofen nicht geschicht/ sondern auff einen andern weg nur mit anzuͤnden vnd verbrennen desselben wie folget: Mache dir ein Oefelein mit einem Rost/ uͤber welchem ein starcker Tiegel auff zwo Stangen soll cyngemawret werden/ also daß das Fewer seinen Rauch nicht oben/ nebem dem Tie- gel/ sondern auf der Seyten des Ofens durch eine Roͤhren beyseits geleitet werde/ vnd muß der Tiegel voll Schwefel geleget/ vnd mit einem Kohlfewer ohne Flamm zum bren- nen gebracht vnd erhalten werden/ vnd soll uͤber dem brennenden
Sulphur
ein Geschirꝛ von guter steinichter Erden/ einer flachen Schuͤssel gleich/ mit einem hohen Rand/ darinn allzeit kalt Wasser seye/ accommodiret werden/ daran dann der brennende
Sul-
phur
Ander Theil.
phur
flamm/ indeme nun derselbe verbrennet/ so wird seine Fettigkeit consumiret/ vnd das
Sal acidum
entbunden/ vnd an das kalte Geschirꝛ sublimiret/ daselbsten es dann von der Lufft solviret/ vnd in gestalt eines scharpffen Oels von dem holen Gefaͤß in das
re- ceptaculum
rinnet/ welches man dann bisweilen abnehmen/ vnd auch mehr
Sulphur
beylegen soll/ auff daß der
Sulphur
im Tiegel allzeit brenne/ vnd mit der flamm an den kalten Helm schlage/ so wird man in wenig tagen ein grosse Quantitaͤt
Olei
erlangen/ welches sonst
per campanam
in viel Wochen nicht geschehen haͤtte koͤnnen.
NB.
Es kan auch ein solcher saurer
Spiritus,
oder
Oleum per distillationem
ne- ben den
Floribus
erlanget werden/ also/ wann nemblich immer ein stuͤck Schwefel eines Huͤner-eyes gros nach dem andern in das gluͤende Distillir-gefaͤß geworffen wird/ so gehet neben den
floribus
ein saures
Oleum
zugleich in den Recipienten uͤber/ wel- ches mit Wasser von den Blumen muß außgezogen werden/ davon das Wasser dann durch Extrahirung zu scheyden ist/ so bleibet
in fundo concurbitæ
das
Oleum,
welches am Geschmack vnd Tugenden dem vorigen gleich ist/ kan aber bey weitem so viel nicht
auff diese weiß/ als durch die obere erlanget werden/ vnd so man das
Oleum
nicht suchet/ kan es bey den
floribus
bleiben/ seynd wegen jhrer lieblichen saͤure viel annehmlicher/ als andere ge- meyne zu gebrauchen.
Ende deß Andern Theils.
V ij
FUR-
Philosophischer Oefen
FURNI PHILOSOPHICI,
Oder
Philosophischer Oefen/ Dritter Theil:
Darinnen beschrieben wird deß Dritten Ofens Eygenschafft/
da durch oder damit man ohne
Vesic,
Kolben/ oder andere Kuͤpffer- ne/ Zinnerne/ oder Bleyerne Instrumenten vielerhand Vegeta- bilische
spiritus ardentes, extracta, olea, salia,
vnd dergleichen: Nur durch ein einiges von Kupffer gemachtes kleines Instru- ment/ durch Huͤlff hoͤltzerner Gefaͤssen.
CAPUT PRIMUM.
Von Bereytung deß Kuͤpffernen Instru-
ments vnd Ofens.
D
As Instrument wird von starckem kuͤpffernen Blech ge- formiret; vnd solches folgender Gestalt. Es werden zwey halbe
Sphæræ,
oder Kugeln von starckem rotem oder gelben Kupffer-blech gemacht/ vngefehr eines Menschen-Haupt gros/ vnd beyde halbe Kugeln mit harter
Solitur,
vnd nicht mit Zinn zusammen geloͤdet/ doch muß an das eine halbe Theil eine Roͤhre gemacht seyn/ in Form eines Kranen/ welchen man in die Wein-Faͤsser pfleget zu stellen/ nemblich hinden an der Kugel weiter vnd dicker als vornen/ vnd solche auffs wenigste einer Spannen lang/ vnd nach groͤsse der Kngel muß die Roͤhre auch weit vnd eng seyn: Welche auch faͤst an die halbe Kugel muß geloͤdet werden/ vnd muß die Roͤhre der Kugel wol rund seyn/ auff daß dieselbige ein rund gebohrtes Loch/ wann solches darein gestellet wird/ dieser Groͤsse vngefehr/ vorn zwey zwerg Finger weit/ gleich es einem kuͤpffernen Weinkra- nen zugehoͤret/ vnd keine Naͤsse darneben herauß rinnen lasse. Vnd muß zu solcher Kugel ein besonder Oefelein von dickem eysernen Harnisch oder kuͤpffernen Blech ge-
macht/
Dritter Theil.
macht/ vnd inwendig mit Stein gefuͤttert/ oder mit guter Erden beschlagen werden/ darinn man das kuͤpfferne Instrument lege/ gleich wie man eine
Retorte
zum distilli- ren pflegt eynzurichten; Nemblich/ daß solches uͤber den Roͤster oder Kohlen-loch ein oder anderthalb Spanne hoch auff zwey eysernen Stangen ruhet/ vnd der Hals des- selben auffs wenigst eine Spanne vor dem Ofen außgehe/ auch muß der Ofen vnten mit einem Aschen-Loch/ vnd oben mit einem Deckel vnd Lufftroͤhren/ (dardurch der Rauch gehen/ vnd das Fewer damit regieret werden moͤge/ gleich als beygesetzte Figur außweiset) formiret seyn/ vnd soll auch solches Oefelein vnten drey Fuͤsse haben/ daß es faͤßt stehen koͤnne/ mit zwey Handhaben/ damit man dasselbe von einem Ort zu dem an- dern tragen moͤge: Dann solches nothwendig ist/ weil man dasselbige nicht allein zum distilliren der
Spirituum ardentium
durch hoͤltzerne Faͤsser/ welche an statt kuͤpfferner Vesiken genommen werden/ sondern auch zu distilliren vnd digeriren in Kolben/ Phiolen/ vnd andern/ glaͤsernen/ steinernen/ kuͤpffernen/ zinnernen vnd dergleichen Instrumenten/ welche ins
Balneum
gesetzet werden/ wie auch zu anderen hoͤltzer- nen Geschirꝛen/ darinn man Bier/ Meth/ Wein/ oder ander Getraͤnck brawen oder kochen will/ haben muß.
CAPUT II.
Von den hoͤltzern Geschirꝛen/ welche an statt kuͤpfferner
Vesiken/
Balneorum
vnd anderer Kesseln ge- braucht werden.
V
Nd erstlich von den Faͤssern/ welche an statt kuͤpfferner Brenn-Kesseln genom- men koͤnnen werden/ darinn man allerhand
Spiritus ardentes
von Wein/ Bier/ Haͤfen/ Maltz/ Korn/ Maͤhl/ Wurtzeln/ Kraͤutern/ Blumen/ Samen/ vnd andern Ve- getabilischen Dingen/ wie auch jhre
Olea
distilliren vnd machen kan.
Lasse dir von gutem Eychen Holtz ein Faß machen/ einem andern Wein oder Bierfaß gleich/ solcher Groͤsse/ als durch das kuͤpfferne Instrument zum Kochen kan ge- braucht werden/ dann die kuͤpfferne Kugel vnd Faß/ darinnen man distilliren will/ muͤs- sen auffeinander corꝛespondiren/ dann so das Faß groͤsser were als es solte/ so wuͤrde gar zu viel Zeit dazu gehoͤren/ solches durch die Kugel ins kochen zu bringen/ vnd einen Verdruß verursachen. Eine groͤssere Kugel kan wol zu einem kleinern Faß/ aber ein groͤsser Faß nicht zu einer kleinern Kugel genommen werden. Dann/ je groͤsser die Ku- gel vnd je kleiner das Faß ist/ deste eher das Werck kan befoͤrdert werden. Weil aber diese Invention darumb befunden/ vieler kuͤpffernen Kessel/ Oefen/ vnd anderer Ge- baͤw vnd Vnkosten dadurch zu ersparen/ also ist es nicht rathsamb/ daß man die Kugel gar zu gros mache/ darzu dann auch ein grosser Ofen gehoͤrete/ vnd so leichtlich nicht von einem Orth zum andern zu versetzen were/ (sonderlich wann er inwendig mit Stei- nen belegt ist) als wann sie nur eben so gros/ als zum warm machen oder kochen des
V iij
Zeugs
Philosophischer Oefen
Zeugs im Faß gehoͤrig/ gemachet ist. Will derohalben dem kunstliebenden Leser die Pro- portione/ so wol der Kugel als des Fasses/ welche zusammen gehoͤren/ kuͤrtzlich vnd deut- lich entwerffen/ darnach ein jedweder sich in der Distillation zu verhalten/ vnd seine
In- strumenta
anzugeben wisse. Vnd wird solches also verstanden.
Ein Kugel eines gemeynen Mannes Haupt gros/ darinn vngefaͤhr/ drey oder vier Kannen gehen/ die Kanne zu vier Pfund schwer gerechnet/ kan gar wol ein Faß von 30.40.50.60. oder auch wol von 100. Massen ans kochen bringen. Je naͤher aber 30. je baͤlder/ vnd je naͤher 100. je langsamer/ doch wann es einmal kochet/ so kans leicht- lich/ so lang man will/ darinn erhalten werden. Ist aber mein Rath nicht/ daß man all- zu ein gros Faß zu einer kleinen Kugel nehme/ dann weil es langsamb zum kochen kan gebracht werden/ verdrießlich seyn wuͤrde. Ist nicht noͤthig/ daß mans gar zu genaw suche/ es ist genug/ daß man mit einem kleinen kuͤpffern Geschirꝛ so viel thun kan/ als mit vnterschiedlichen andern von vielerhand gestalten kuͤpffernen Kesseln. Dann allhier viel leichter ein hoͤltzerner Brenn-kessel/ Braw-kessel/ oder
Balneum,
kan zu- wegen gebracht werden/ als so viel Vnkosten anzulegen zu vnterschiedlichen kuͤpffer- nen Instrumenten ins
Laboratorium
gehoͤrig. Vnd ist diese Invention nicht allein gut/ die Kosten zu sparen/ welche man sonsten an kuͤpfferne Geschirꝛe legen muͤste/ sondern es wird auch viel Raum vnd Platz damit erhalten/ also/ daß man so viel Oe- fen ins
Laboratorium
nicht bawen darff/ dann wann man allhier das eine hoͤltzerne Geschirꝛ/ es sey gleich ein Faß zum distilliren/ oder ein
Balneum
gebrauchet/ vnd nicht mehr vonnoͤthen hat/ so setzet man solches auff eine Seyte/ so lange bis man seiner wie- der bedarff/ welches man aber an den eyngemawerten Kesseln nicht thun kan; deßglei- chen dienet diese Invention auch an solche Oerter/ da man keine gute Arbeiter oder Handwercks-Leuth haben kan/ kuͤpfferne
Instrumenta
zu machen/ dann man viel leicht- ter ein hoͤltzernes Faß/ als einen kuͤpffernen Kessel kan machen lassen. Es ist auch gut sein Werck durch eine solche Kugel zu verꝛichten/ wo man etwas Secrets thun will/ daß nicht ein jedweder daruͤber lauffen koͤnne. Dann man kan an einem Orth den Ofen mit der Kugel/ vnd an einem andern Orth oder Kammer/ (welche etwan den Ofen mit einer wand vnterscheydet vnd abgeschlossen hat) sein
Balneum
oder Braw-kessel ste- hen haben: Also/ daß derjenige/ welcher das Fewer schuͤret/ nicht sehen kan/ was damit gethan wird/ dann man offtermal das Fewer im Nothfall durch vnachtsame Jungen oder Maͤgde muß schuͤren lassen/ welche bisweilen einem auß Vnvorsichtigkeit ein Glas zerstossen/ daß die Mediein darinnen verschuͤttet wird/ daran man offe viel Ko- sten vnd Muͤhe gewendet/ welches allhier nicht zu befoͤrchten ist. Vmb dieser oberzehl- ten Vrsachen willen/ ist eine solche kuͤpfferne Kugel vnd hoͤltzern Geschirꝛ bequemer/ als kuͤpfferne Kessel zu gebrauchen. Dieses aber ist auch dabey zu wissen/ daß eine sol- che Distillation durch eine kuͤpfferne Kugel etwas langsamer von statten gehet/ als durch gemeyne Kessel/ derowegen auch etwas mehr Brand erfordert/ als jene: Dero- halben zu rathen/ wer die Vnkosten thun kan/ vnd Raum genug in seinem
laboratorio
hat/
Dritter Theil.
hat/ daß er zu gemeynen Dingen vnterschiedliche Oefen vnd Kessel habe/ denen aber die keinen geraumen Orth zum laboriren/ vnd die Kosten an die kuͤpfferne Kessel zu legen/ entweder nicht haben oder anlegen wollen/ oder auß Mangel der Handwercks- Leute solche nicht koͤnnen bereyten lassen/ ist rathsamer ein solches Instrument zu ge- brauchen/ dann ob schon etwas mehr Brand dazu vonnoͤthen ist/ als zu andern/ so hat man hergegen wiederumb diesen Vortheil/ daß man so viel Oefen vnd Kessel nicht machen lassen vnd vnderhalten darff/ welches dem Brand weit vorschlagen wuͤrde/ wann beyde
Modi
gegeneinander in einer Wage solten auffgezogen werden. Die- sen nun/ die solches nicht begreiffen koͤnnen/ stehet frey an die gewoͤhnliche Kessel sich zu halten/ zweiffelt mir aber nicht/ es werden einige gefunden werden/ welche den Vn- terschied in der Arbeit finden/ vnd meine Invention der andern vorziehen vnd gebrau- chen wollen. Ist mehrentheils uͤmb der armen Laboranten/ Weinbrenner vnd Hauß- halter willen geschrieben/ welche offtermal gern etwas laboriren/ distilliren/ vnd brawen oder kochen wolten/ vnd solches wegen Mangel der Kessel abzustellen gezwun- gen werden. Denen viel leichter drey oder vier Pfund kupffer zu bezahlen seyn/ als 60. 80. oder 100. vnd auch leichter ein hoͤltzern Faß lassen machen/ als einen Ofen bawen/ da mancher offt wenig Raum zu hat/ wolte er schon die Kosten daran legen/ mag der- halben ein jeder das beste daß jhm anstehet herauß lesen vnd folgen. Das ich allhier be- schreibe vnd lehre/ ist mehr den Armen als Reichen zu gefallen geschehen; doch wolle sich kein reicher Laborant schaͤmen/ ob er schon Raum genug in seinem
Laboratorio
hat/ vnd die Kosten an kuͤpfferne Kessel zu wenden nicht schewen darff/ diesem Weg zu folgen/ dann jedermann frey stehet/ zu seinem Vorhaben den kuͤrtzten Wege zu su- chen/ es were dann/ daß mancher lieber auf gebahntem Weg wolte weit uͤmbgehen/ als durch einen vngebahnten leichtlicher zu seinem Fuͤrhaben gelangen. Der also gesin- net ist/ kan hierinn keine Huͤlff finden. Ich fuͤr mein Person contentire mich darinn/ daß ich vermeynet/ daß es meinem Naͤchsten zum guten offenbahret/ es sey nun wol oder uͤbel angelegt/ so ist es gleichwol auß gutem Hertzen vnd Meynung geschehen/ vnd bin versichert/ daß mehr gutes als boͤses dadurch zuwegen kan gebracht werden; Der nun so wol die hoͤltzerne als kuͤpfferne
Instrumenta
wird anzugeben vnd zu berey- ten/ auch dieselbe recht zu gebrauchen wissen/ den wird sein Thun nicht gerewen.
CAPUT III.
Folget nun weiter die Bereytung
des Fasses.
W
Ann das Faß vollendet/ so setzet man solches an den einen Boden auff ein Gestaͤll darzu gemacht/ vñ bohret vnten recht uͤber dem Boden ein Loch hineyn/ so gros/ daß des kuͤpffernen Instruments Hals oder Roͤhre hineyn moͤge. Welche auch so man dar- auß distilliren will/ zuvorn mit einem Leinen Tuͤchlein uͤmbwunden/ darinn gesteckt/ vnd
accom-
Philosophischer Oefen
accommodiret werden muß. Auff der andern Seyten des Fasses wird auch ein Loch uͤber dem Boden gemacht/ darinn man ein Zapffen (oder welches besser ist) einen hoͤl- tzernen oder kuͤpffernen Krahn stecken kan/ dardurch nach der Distillation das bleiben- de kan herauß gelassen werden. Im obern Boden des Fasses muß ein grosses Loch/ vn- gefaͤhr einer guten Spannenweit hineyn gebohrt werden/ dadurch man den Zeug zum distilliren durch einen Traͤchter hineyn giessen koͤnne/ vnd recht vnter dem obern Boden wird auch ein Loch gebohret/ vngefaͤhr drey oder vier zwerch-Finger weit/ daran man eine Roͤhren von Kupffer einer Spannen lang faͤßt naͤglen muß/ an welche kurtze Roͤh- ren ein ander hoͤltzern Faß mit einem kuͤpffernen Schlangen/ dareynkalt Wasser/ ei- nem gemeynen
Rifrigeratorio
gantz gleich/ koͤnne accommodiret werden. Welche Fu- gen/ nemblich der kurtzen Roͤhren des Fasses/ dareyn der Zeug zum distilliren ist/ vnd der kuͤpffernen Schlangen im Kuͤhl-faß/ sich wol ineinander schliessen oder fuͤgen/ vnd in der Distillation koͤnnen verlutirt werden. Dieses ist nun die Form oder Gestalt des hoͤltzernen Fasses oder Instruments/ welches man an statt einer kuͤpffernen Vesit oder Brawkessels/ allerhand
Spiritus ardentes,
vnd
Olea
darauß zu distilliren/ ge- brauchen kan.
Allhier moͤchte jemand eynwerffen vnd sagen/ daß ein solches hoͤltzern Gefaͤß/ in der Distillation viel
Spiritus
vnd
Olea
verschlucken solte/ weilen es nur von einem po- rosischen Holtz/ vnd nicht von einem compacten Metall gemacht. Deme geb ich zur Ant- wort/ daß ein
Spiritus
nicht suche durch ein Holtz mit gewalt zu dringen/ wann er die geringste Oeffnung findet. Weilen dann allhier die Roͤhren den erwaͤrmbten
Spiri- tum
durch zu lassen/ Lufft vnd Raum genug geben kan/ also hat man sich nicht zu besor- gen/ daß der
Spiritus
solche nicht finden/ sondern durch das gantze vnd dichte Holtz zu ge- hen suchen moͤchte/ auch bleibt kein
Oleum
daran hangen/ dann was das heisse vnd siedende Wasser von den
Aramotibus
oder
Seminibus
kan separiren vnd ledig ma- chen/ das kan es auch weiters durch die Roͤhren vollends hinuͤber in das
Refrigerato- rium
treiben: Vnd gehet also nicht mehr verlohren/ als wann die Distillation in einer kuͤpffernen Vesic geschehen were. Vnd koͤnnen auch nach der Distillation die
Spiritus
durch dieses hoͤltzern Gefaͤß (so es zuvorn rein gemacht ist) rectificiret werden/ eben so wol vnd gut als in kuͤpffernen Kesseln.
CAPUT IV.
Wie man von Holtz ein Gefaͤß zubereyten soll/ welches man an
statt eines kuͤpffernen oder bleyernen Kessels/ zum Wasserbad/ Glaͤser hineyn zu setzen/ darinn zu distilliren oder digeri- ren/ gebrauchen kan.
L
As dir von Eychen-Holtz ein Gefaͤß zurichten/ so gros oder klein/ als du vonnoͤthen hast/ nachdeme du grosse oder kleine Glaͤser/ viel oder wenig hineyn setzen wilst/ vn-
gefaͤhr
Dritter Theil.
gefaͤhr zwey oder drey Spannen hoch/ oben etwas enger als vnten/ mit einem Absatz/ darauff ein hoͤltzern/ kuͤpffern vnd bleyernen Deckel behaͤb schliesse/ in welchem De- ckel nach Groͤsse der Kolben/ oder anderer Glaͤser/ die du dareyn setzen wilt/ die Loͤcher muͤssen geschnitten werden/ gleich wie man sonsten bey einem kuͤpffernen
Balneo
zu thun pflegt/ vnd auch allhier in beygesetzter Figur zu sehen ist/ vnd muß ein Banck oder Stuhl dazu gemacht werden/ darauff der Zucker oder
Balneum
stehet/ vngefaͤhr einer Elen hoch von der Erden/ oder so hoch als die kuͤpfferne Kugel in dem Oefelein lieget/ also daß sich dasselbe zu vnterst an dem
Balneo,
da ein Loch soll gebohret seyn/ mit sei- ner Roͤhren in das Loch schicke/ daß man leichtlich beyde/ nemblich das
Balneum
vnd kuͤpfferne Kugel zusammen fuͤgen/ vnd accommodiren koͤnne. Vnd so man in der Eyl ein
Balneum
vonnoͤthen haͤtte/ oder aber so viel kosten (die doch klein seyn) an ein sol- ches Gefaͤß zu machen/ nicht wenden will/ so kan man nur ein Wein oder Bierfaß in der Mitte voneinander schneiden/ vnten uͤber dem Boden ein Loch/ da die kuͤpfferne Kugel mit jhrem Hals hineyn koͤnne/ bohren/ vnd einen geloͤcherten Deckel von Holtz darauff legen/ so ist das
Balneum
fertig. Der aber curioser in seinem Werck ist/ kan solches besonder nach seinem Sinn vnd Willen dazu machen lassen/ wie es einem jed- wedern geliebet.
CAP. V.
Wie man ein Geschirꝛ von Holtz machen soll/ darinn man Bier/
Meth/ Essig/ vnd andere Getraͤnck kochen vnd brawen moͤge/ eben so wol vnd gut/ als were es in kuͤpffernen/ eysernen/ oder zin- nernen Kesseln geschehen.
L
As dir ein Gefaͤß machen/ welches etwas hoͤher als weit ist/ oben entweder enger als vnten/ nachdem du solches vonnoͤthen hast/ oder gebranchen wilst/ vnd kan auch wol nur ein Wein- oder Bier-Faß in der Mitte voneinander geschnitten werden/ vnd vn- ten uͤber dem Boden ein Loch hineyn gemacht/ darinn man des kuͤpffernen Instru- ments Roͤhren fuͤgen koͤnne/ vnd oben nur mit Brettern zugedecket/ kan also alle Koche- rey/ so wol als in Kesseln darinn fuͤglich gethan werden.
CAP. VI.
Wie man ein Gefaͤß bereyten soll/ darinn man gemeyne oder
mineralische Wasser in staͤter Waͤrmbde so lang man will (zur Gesundheit dienstlich sich darinn zu baden) er- halten koͤnne.
M
A
n
muß ein hoͤltzernen langlechten Zuber bereyten lassen/ darinn sich ein Mensch/ wann er darinn sitzet/ wol strecken koͤnne: Vnd solches auff ein Gestell setzen/ auff daß der Boden desselben mit der Hoͤhe dem Halse der kuͤpffernen Kugel/ welche in dem
X
Oefe-
Philosophischer Oefen
Oefel ein liegt/ gleich komme/ welche oben bey der Distillation gemeldet/ vnd kan man auch einen Deckel daruͤber machen lassen/ welcher den gantzen Zuber bedecke/ doch also/ daß man oben bey dem Haupt denselben voneinander schieben/ vnd den Kopff (wie der Abriß zeiget) herauß behalten koͤnne. Vnd so man will/ kan man hoͤltzerne Spruͤ- gel daruͤber machen/ auff welche man Decken legen koͤnne/ vnd also das Haupt nicht darinn bleibe/ sonderlich/ wann man nur in einem warmen Schwadein/ von gemey- nem oder medicinalischen suͤssen Wassern sich baden wolte/ oder man kan einen dich- ten vnd behaͤben hohen Deckel von Holtz daruͤber machen lassen/ daß entweder das Haupt darinn oder heraussen bleibe/ vnd also trucken darinnen schwitze/ wie der Ab- riß zeiget.
CAP. VII.
Wie man die obbeschriebene hoͤltzerne Gefaͤsse
zum distilliren/ kochen/ brawen/ vnd ba- den/ gebrauchen solle. Vnd Erstlich:
Von dem Distillir-Faß.
W
A
nn
man in dem obbeschriebeuen Distillir-Faß
Num. 1. Spiritus ardentes,
von Wein/ Meth/ vnd Bier/ Butter/
Item,
von Maltz/ Korn/ Maͤhl/ Obst/ auch aller- hand/ Baum-Fruͤchten/ als Kirschen/ Aepfel/ Biren/ Feygen/ Pflaumen/ ꝛc. Wie auch auß allen Blumen/ Samen/ Kraͤutern/ Wurtzeln/ vnd andern vegetabilischen Din- gen distilliren will/ so muß man solche zuvoren darzu bereyten/ vnd zurichten/ auff daß dieselbigen auch jhre
Spiritus
in der Distillation von sich geben koͤnnen. Derenthalben es noͤthig ist/ von eines jedwedern Gewaͤchses Vorbereytung etwas zu sagen/ auff daß wol vnd recht wisse damit uͤmbzugehen/ vnd einem jedwedern Ding sein Recht be- weise/ sonsten wuͤrde man wenig Nutzen damit erlangen/ sondern vielmehr Vnruhe vnd eytele Arbeit verꝛichten/ vnd wie das taͤgliche Spruͤchwort lautet: Hopffen vnd Maltz velohren seyn.
CAP. VIII.
Vnd Erstlich von Vorbereytung aller Haͤfen oder
Mutter von Wein/ Meth/ Bier/ vnd an- dern Getraͤncken.
D
Ie Mutter/
feces,
oder
sedimentum
des Meths/ Biers/ oder anderer Getraͤncke/ bedoͤrffen gantz keiner Vorbereytung/ sondern geben also/ wie dieselbe an sich sel- ber seyn/ in der Distillation jhre
Spiritus
gar gerne von sich: Es were dann/ daß von solchen zuvor die Naͤssigkeit/ als Wein/ Meth oder Bier/ davon gepreßt worden/ vnd
solche
Dritter Theil.
solche gantz trocken weren/ dann ist es noͤthig/ daß man dieselbe wiederumb mit gemey- nem Wasser zertreibe/ vnd duͤnn mache/ auff daß solche in der Distillation nicht in dem Kessel hangen bleiben vnd verbrennen: Wie in der Distillation derselben weiter davon gelehret wird: Aber die Blumen/ Kraͤuter/ Wurtzeln/ Samen/ Fruͤchte/ vnd alles Obst/ kan ohne vorhergehende pr
æ
paration nicht distillirt werden/ sondern muͤssen zuvor dar- zu bequem gemacht werden/ als folget.
CAPUT IX.
Wie man alles Korn/ als Rocken/ Gersten/ Habern/
Waͤytzen vnd dergleichen bereyten soll/ daß dieselben der Distillation einen
Spiritum ardentem
von sich geben.
E
Rstlich muß das Korn gemaltzet werden/ gleich als wann man Bier davon brawen wolte. Wie aber solches Maltz-machen geschicht/ ist fast jederman bekandt/ vnd nicht noͤthig/ daß man viel davon schreibe/ dann gemeyniglich in solchen Laͤndern/ da kein Wein waͤchßt/ schier in allen Haͤusern Maltz gemacht vnd Bier gebrawet wird/ alfo/ daß das Maltz machen nun keine Kunst ist/ vnd so wol bey Buͤrgern vnd Bauren viel gethan wird. Doch ist zu wissen/ daß ein grosser Vnterschied im Maltz-machen ge- funden ist/ dann nicht alle die lange Messer tragen/ gute Koͤche sind/ nicht alle gute Wein-trincker gute Wein-ziehler seyn: Also auch im Maltz-machen zu verstehen ist. Dann der mehrertheil Menschen jhnen eynbilden/ wann sie nur also thun gleich wie sie von jhren Eltern oder Vorfahren gesehen haben/ den Sachen schon meynen genug ge- than zu haben/ (ob sie schon weit gefehlet) vnd sonderlich solche Menschen/ welche von niemanden lernen woͤllen. Ist derowegen noͤthig/ daß man von den Vnterschieden des Maltzes etwas melde. Ich muß bekennen/ daß ich niemals weder ein Maltz macher/ Bierbraͤwer/ oder Weinbrenner gewesen/ vnd auch noch zur Zeit nicht bin/ gleichwol/ so es eine Wettung goͤlte/ ich von dem besten Brenner vnd Brawer uͤberwunden zu wer- den mich nicht foͤrchte. Dann ich viemals mit Verwunderung angesehen/ die Schlech- tigkeit der Menschen in jhrem Thun/ sonderlich/ das noch desto mehr zu verwundern/ in solchen Dingen/ da sie alle Tage mit uͤmbgehen/ vnd lebten solche Leute etliche 100. Jah- re/ wuͤrden sie doch nicht trachten jhr Thun vnd Handwerck im geringsten zu verbessern/ sondern seyn vnd bleiben zu frieden mit demjenigen/ welches sie schon vorlaͤngst gese- hen/ vnd zu thun gewohnt waren. Ach was fuͤr schlechte Leuth findet man jetziger Zeit im Gut-thun/ oder etwas guts zu erfinden/ oder das erfundene zu verbessern Hergegen aber im Boͤs thun vnd betriegen/ wird Tag vnd Nacht nicht gefeyert ins Werck zu stellen/ vnd ein Meister darinn zu werden: Nun sucht schier ein jedweder nur reich zu werden/ es geschehe gleich mit Gott oder ohne Gott/ ehrlich oder vnehrlich/ haben ist haben/ sagt mancher/ gilt jhme gleich wie ers hat/ wann ers nur in seinem Sack hat/ vnd dencken
X ij
solche
Philosophischer Oefen
solche Leuth nicht/ das vnrecht Gut nicht fafelt oder Wurtzel bekompt/ auch an das dritte Glied seiner Erben nicht gelanget/ ja auch das mit Recht gewonnene zugleich damit verschlungen wird/ ausserhalb der zeitlichen vnd ewigen Straffen/ die noch daruͤber zu erwarten stehen. Haͤtten vnsere Voraͤltern auch also gethan/ vnd weren so vnfleissig im suchen vnd beschreiben guter ehrlicher vnd nuͤtzlicher Kuͤnsten gewesen/ was wuͤrden wir doch nun wissen oder koͤnnen? Also weit ist es gekommen/ daß das gu-
te
sich sehr vermindert/ vnd das boͤse vermehret hat.
CAP. X.
Vom Vnterscheyd des Maltz machens.
D
E
r
Vnterscheyd vom Maltz machen/ daß eines besser oder wolgeschmackter Bier oder Brandte
æ
ein geb/ als das ander/ bestehet gemeiniglich mir in der Bereytung/ dann so solches nur auff die gemeine Weise gemachet wird/ so behaͤlt es seinen Ge- schmack/ daß dann keinen lieblichen
Spiritum,
noch gut vnd wolgeschmackt Bier geben kan/ welches von vielen nicht geachtet wird/ derhalben sie auch keinen lieblichen
Spiri- tum
von Korn machen koͤnnen. Dann was fuͤr einen Geschmack vnd Geruch das Maltz hat/ solchen fuͤhret es auch mit sich in der Distillation uͤber/ derhalben dann kein lieblicher vnd guter
Spiritus
vom Korn gemacht wird/ da es doch nicht des Korns/ son- dern vielmehr des Brenners oder Maltzmachers Schuld ist/ dann so nach der Kunst wol mit dem Maltzmachen/ ansetzen/ distilliren/ rectificiren verfahren wird/ das Korn einen sehr lieblichen
Spiritum
von sich giebet/ welcher in allen Tugenden/ so wol auch am Geruch vnd Geschmack/ demjenigen/ welchervon Wein mutter gebrand/ wenig oder aber gar nichts bevor giebt/ ob es schon nicht von jederman kan gethan werden/ so folget darumb nicht/ daß solches nicht zu thun moͤglich seye/ daß aber solche Distillation dadurch er einem
Spiritui Vini
gleich werde/ auf gemeyne Weiß (gleich wie allhier ge- lehret wird) hergehe/ sag ich nicht/ dann etwas subtiler damit muß procediret wer- den/ soll es einem guten
Spiritui Vini
am Geruch/ Geschmack/ vnd andern Tugenden gleich seyn.
Dieses ist zu wissen/ daß ein
Spiritus ardens
auß allen vegetabilischen Dingen kan gemacht werden/ daß aber am Geruch vnd Geschmack darunter ein Vnterscheyd/ ist nicht der
Spiritus
schuldig daran/ sondern das Kraut/ Samen/ Korn oder anders/ darauß der
Spiritus
gemacht ist/ welches dem
Spiritui
seinen Geschmack/ Geruch/ vnd Kraͤffte in der Distillation hat mitgetheilet/ dardurch ein solcher
Spiritus
doppelter vnd nicht eynfacher Natur ist/ sonsten ist ein
Spiritus ardens
(wann er rein von allem
phlegmate
gesaͤubert) er sey gleich von welchem
simplici
gemachet/ als er wolle/ glei- cher Kraͤfften in allem zu verꝛichten mit dem
Spiritu Vini,
ob schon solches von dem we- nigern Theil erkant vnd geglaubt wird. Daß aber ein
simplex
vor dem andern nicht mehr oder weniger lieblichen oder sonderlichen
Spiritum
auff gemeyne Weise geben
solte/
Dritter Theil.
solte/ vermeyne ich auch nicht/ dann je lieblicher vnd wolgeschmackter ein Wein ist/ je lieblicher vnd wolgeschmackter er einen
Spiritum
von sich giebet/ vnd wird auch von einem jedwedern klaren Wein ein besserer
Spiritus
gemacht als von seiner eygenen He- fen oder Mutter/ wiewol sie beyde in einem Faß gelegen/ solches Vnderscheyds Vrsach ist/ weilen der Wein/ klar/ lieblich vnd ohne Vnreinigkeit ist/ derhalben auch einen lieblichen
Spiritum
von sich giebt/ hergegen die Hefen allerhand Vnreinigkeiten bey sich hat/ welche in dem ablesen/ außpressen/ vnd anders hineyn kommen/ davon der
Spi- ritus
(welcher an sich selber sonsten lieblich ist) in der Distillation einen frembden Ge- ruch vnd Geschmack erlanget. Also/ daß jhme mit recht derjenige/ welcher von einem reinen vnd wolgeschmackten klaren vnd guten Wein kompt/ kan vorgezogen werden/ weil er
simplex
vnd eynfach/ hergegen aber jener auß der Mutter
accidentaliter
ver- unedelt. Also muß auch von allen vegetabilischen
Spiritibus
verstanden werden. Die- ses habe ich ein wenig anregen muͤssen/ nur darumb/ weil sich viel uͤberꝛeden lassen/ als wann sie jhre
operationes
mit
Spiritu frumenti
so wol nicht verꝛichten koͤndten/ als mit
Spiritu Vini,
da ich doch niemals in meinen
laboribus,
so wol in extrahiren der mine- ralien vnd Metallen/ als vegetabilien Vnterscheyd darinnen gefunden. Dieses ist nun meine Meynung vnd Erfahrung/ der es nicht glauben oder begreiffen kan/ der mag bey seyner Meynung bleiben/ mit dem ich zu streitten nicht gesinnet bin. Wann es niemand Schaden thaͤte/ vnd auch noͤthig were/ koͤnte ich allhier mit wenig Worten anzeigen/ wie man auß allem Korn einen lieblichen
Spiritum,
dem auß Weinhefen gemacht/ gantz gleich/ ohne alles Maltzmachen/ Mahlen/ oder vorhergehende Muͤhe vnd Kosten mit grossem Vortheil vnd Nutzen distilliren koͤnte/ soll aber auff dißmal bleiben/ vnd bis auff ein andere Zeit versparet werden. Dann dieses Buͤchlein nur wegen einer beson- dern Weise zu distilliren/ vnd nicht alle Secreten zu offenbahren/ gemacht wird. Die- ses aber ist zu wissen/ so ein lieblicher
Spiritus
dem Weingeist gleich/ von Korn oder Honig soll gemacht werden/ daß das Korn zuvor auff eine besondere Weisse muͤsse ge- maltzet werden/ deßgleichen muß auch dem Honig sein vnlieblicher Geschmack zuvor benommen werden/ ehe er zur Distillation durch fermentiren vnd heben bereytet wird/ sonsten wann solches nicht geschehe/ wuͤrde ein gantz vnlieblicher
Spiritus,
gleich wie auß dem gemeynen Maltz auch geschicht/ welcher freylich im geringsten keinem
Spiri- tui Vini
nicht vergleichen/ davon kommen. Bestehet derohalben die gantze Kunst der Dinge/ auß welchen man einen lieblichen
Spiritum
distilliren will in der Vorberey-
tung: Dann ein vnliebliches Wesen kan durch Kunst/ verbessert vnd lieb- lich/ auch ein liebliches deßgleichen durch Vngeschickligkeit ver- derbet/ vnd vnlieblich gemacht werden. Welches zur Nachrichtung gemeldet sey.
X iij
CAP.
Philosophischer Oefen
CAP XI.
Von Ansetzen des Maltzes.
W
A
nn
nun das Maltz geschroten/ vnd klein gemacht ist/ so thue so viel davon als du zu distilliren vermeynest/ in ein Faß/ welches auffrecht auff einem Boden stehet/ oder in ein ander hoͤltzern Geschirꝛ/ vnd giesse so viel kalt Wasser dazu/ daß es damit wol kan befeuchtiget/ gemengt vnd zertrieben werden/ darnach giesse vom War- men auch noch so viel dazu/ daß der Satz zimlich duͤnn davon werde/ vnd zusammen laulecht/ vnd nicht heiß oder kalt seye/ dann mische etwas jungen Biergest oder Haͤ- fel darunter/ decke das Faß mit Decken oben zu/ vnd las es also in der Waͤrme ste- hen/ so wird es bald anfangen zu heben vnd steigen/ darumb daß Faß nicht voll muß gemacht seyn/ las solches also in der
Fermentation
so lang stehen/ bis es nicht mehr traͤget/ sondern sich wieder nieder setzet/ welches vngefehr den dritten Tag geschicht/ so solches geschehen/ so ist das Maltz fertig/ vnd bereytet zum distilliren.
CAP. XII.
Von Ansetzen des Honigs.
D
E
r
Honig bedarff auch keiner sonderlichen Kunst anzusetzen/ sondern wird nur mit 6.7.8. oder 10. mahl so viel warmen Wassers zertrieben vnd vermengt/ vnd mit Gaͤst angesetzet/ gleich bey dem Maltz gelehret/ vnd zugedeckt in der Waͤrmbde also heben lassen/ vnd so es außgehoben/ ist er bequem zu distilliren.
NB.
Dieses ist aber zu wissen/ wann man den Satz zu fett von Honig liesse/ daß er wol etliche Wochen oder Monden zehren solte. Darumb ich allhier lehre viel Wasser dazu zu nehmen/ auff daß die
Fermentation
desto eher geschehe/ wiewol er sonsten viel
Spiritus
giebt/ aber auch sehr vngeschmackt/ derhalben niemand rathen will/ wann er jhme seine Vnlieblichkeit nicht zu benehmen weiß/ daß er einen
Spiritum
davon distil- liren solle/ dann er nichts guts davon erlangen wuͤrde.
CAP. XIII.
Von Vorbereytung der Fruͤchten/ Samen/ Blu-
men/ Kraͤutern/ Wurtzeln/ vnd andern vegeta- bilischen Dingen.
D
I
e
Baum-Fruͤchte/ als Kirschen/ Pflaumen/ Aepffel/ Biren/ Feygen/ Wachhol- derbeer/ Holderbeer/ Himbeer/ Maulbeer/ Brumbeer/ vnd andere dergleichen Fruͤchte/ werden mit hoͤltzern Stoͤsseln/ in von Holtz darzu gemachten Troͤgen/ gequetscht/ mit warm Wasser uͤbergossen/ mit Gest angesetzet/ vnd seine Zeit fermentiren lassen/
wie
Dritter Theil.
wie oben bey dem Maltz ist gelehret worden/ die Saamen werden gemahlen/ die Blu- men/ Kraͤuter/ vnd Wurtzeln klein gehackt/ vnd mit warm Wasser vnd Gest zur fer- mentation gebracht.
CAP. XIV.
Annotatio
oder Anmerckung.
E
H
e
man nun diese oder dergleichen obbeschriebene/ durch die fermentation zugerich- te vegetabilische Dinge distilliren will/ so muß man zuvorn wol zusehen/ ob das an- gesetzte Werck wol gehoben vnd gearbeitet habe/ dann bißweilen durch Vnachtsambkeit/ entweder/ daß mans zu heiß oder zu kalt angestellet/ oder nicht wol zugedeckt/ daß die kalte Lufft hineyn schlaͤgt/ dadurch das fermentiren verhindert wird/ vnd hernach in der distillation kein
Spiritus
gehen kan: Dann durch die fermentation wird der
Spiri- tus ardens
der vegetabilien entbunden/ ohne welche keiner kan gemacht werden/ auch giebt es bisweilen Hindernuͤs/ wann man zu fruͤhe oder spat das angesetzte außnimpt vnd distilliret. Dann so man zu fruͤhe anfaͤngt/ vnd die voͤllige fermentation noch nit ge- schehen ist/ so giebt es wenig
Spiritus
vñ wird die beste Krafft offtermals von dieser Kunst vngeuͤbten/ als vnachtsamb hinweg fuͤr die Schwein geworffen/ welches zwar so grosser Schade nicht ist/ wanns von Korn geschicht/ vnd die Schweine fett dadurch gemacht werden/ so es aber andere vegetabilische Dinge seyn/ die den Schweinen nicht zu Nutz kommen/ so geschicht Schaden. Deßgleichen/ wann man das fermentiren zu lang ste- hen/ vnd sawer werden laͤßt ehe mans distillirt/ giebt es auch wenig/ wie dann solches gar gemeyn ist/ daß man die angesetzte Kraͤuter oder Blumen auß Vnverstand zu 3.4.5. oder mehr Wochen stehen laͤßt/ ehe man solches distillirt/ dadurch der meiste theil des
Spiritus
sich uͤmbkehret/ vnd zu Essig wird/ wiewol solches auch noch wol hingienge/ wann solche Leuth das hinderbleibende Wesen wuͤsten zu clarificiren/ vnd vollends sawer zu machen/ so gieng auch nichts verlohren/ dann der Essig von den Blumen/ Kraͤutern/ Samen vnd Wurtzeln/ auch nicht zu verwerffen ist. Wird derohalben offtermals der beste Theil auß Vngeschicklichkeit hinweg geworffen/ vnd mehr zu be- klagen/ wann solches in koͤstlichen
Aromatibus,
oder andern lieblichen Samen vnd Kraͤutern/ als Zimmer vnd Naͤgelin/ welche thewer muͤssen erkaufft werden/ ge- schicht. Habe derenthalben allhier zur Warnung etwas davon berichten muͤssen/ auff daß man den Sachen desto fleissiger nachdencken moͤge/ vnd so man ja den Kopff daruͤber nicht zerbrechen will/ bey die Bauren vnd schlechte einfaͤltige Leuthlein in die Schul gehen/ vnd lernen wie man
Spiritus
distilliren soll/ welche jhr Korn vnd Maltz nicht erst sawer oder schimlicht vnd stinckend werden lassen/ ehe sie es distilliren/ son- dern so bald es auffhoͤret zu ziehen (welches vngefehr den 3. oder 4. Tag geschicht) daß man zu distilliren anfange. Es moͤchte mir aber vorgeworffen werden (weilen ich lehre/ daß man Gest oder Hefel zusetzen solle/ dadurch die vegetabilien bald zur fermenta- tion gebracht werden) daß mein
Spiritus
nicht pur vnd rein fuͤr ein Kraͤuter-Geist koͤnte
erkant
Philosophischer Oefen
erkant werden (weilen der Haͤfel auch seine
Spiritus
von sich giebet/ der soll wissen/ daß man so viel nicht zusetzet/ daß der Kraͤuter-Geist dadurch koͤnte verunedelt werden/ dann ob man schon einer gantzen Tonnen etliche Loͤffel voll Gest zusetzet/ welche kaum etli- che Tropffen
Spiritus
von sich geben/ was kan so wenig Tropffen vnter so viel Kannen voll andern
Spiritus
hindern oder schaden? gantz nicht; Ich habe vielmal gesehen/ daß etliche/ welche mehr als andere vermeynten zu wissen/ vnd keine Gest oder Haͤfel vnter jhren Kraͤuter-Geist haben wolten/ vnd setzten demselben an statt des Haͤfels/ Zucker oder Honig bey/ vermeynten also dadurch die fermentation zuwegen zu bringen/ vnd einen guten pur lautern reinen
Spiritum
zu erlangen/ vnd dachten nicht daß Zucker vnd Honig auch
Spiritus
von sich geben/ wann sie fermentirt haben/ ja ein Loͤffel voll mehr als 10. oder 20. des Haͤfels/ vnd ist dabey zu wissen/ daß weder Honig noch Zucker von sich selber nicht wol gehen vnd heben will/ wie soll er dann etwas anders zum he- ben helffen koͤnnen? Welche dann auch solches befunden vnd gespuͤhret/ daß jhr Zu- satz oder
fermentum
vntauglich gewesen/ indeme jhre Blumen vnd Kraͤuter etliche Wochen gestanden/ ehe sie von sich selber haben ans heben gelangen koͤnnen/ ja offter- mahls gantz sauer/ schimlicht vnd stinckend worden seyn/ ist allein daher kommen/ weilen sie jhren Kraͤutern kein bequem ferment zu zusetzen wusten. Ich muß bekennen/ daß et- liche Baum-Fruͤchte/ welche einen fetten vnd suͤssen Safft geben/ als Weintrauben/ Kirschen/ Biren/ Aepffel/ Feygen vnd dergleichen/ keines Ansetzens mit Haͤfel bedoͤrffen/ sondern von Natur jhr
fermentum
mit sich bringen/ daß aber solches darumb auch bey allen magern vegetabilien/ als Blumen/ Kraͤutern vnd Wurtzeln geschehen solle/ be- sind sich in der Erfahrung viel anders. Ist derohalben nicht allein sehr gut/ sondern gantz noͤthig/ daß man der fermentation mit etwas Haͤfels zu Huͤlff komme/ auff daß die Kraͤuter vnd Blumen desto eher außziehen/ nicht so lang stehen/ vnd jhren
Spiri- tum
durch exhaliren verlieren doͤrfften. Dieses habe ich zu vermelden nicht vnter- lassen koͤnnen/ hoffe daß es manchem zum besten gereichen werde/ sonderlich denen/ die gute Medicamenten lieben/ vnd dergleichen
ardentes Spiritus
darzu appliciren muͤs- sen/ dann nicht allein solches als ein gut
aqua vitæ
zu vielen kalten Kranckheiten/ so wol aͤusserlich als innerlich/ wann es etwan von guten Hertzen vnd Hirn-staͤrckenden Kraͤutern bereytet ist/ also
per se
kan nuͤtzlich taͤglich genossen werden/ sondern es koͤn- nen auch derselben Kraͤuter distillirte eygene
Olea
damit conjungiret/ vnd bey vielen schwachen vnd krancken Personen/ nicht ohne sonderbare augenscheinliche Huͤlffe mit Ehren gebrauchet werden.
Dieses sey nun von Bereytung deren vegetabilischen Dingen/ welche einen
Spi- ritum ardentem
von sich geben/ genugsamb gesaget.
CAP.
Dritter Theil.
CAP. XV.
Folget der
Modus distillandi in Genere.
W
A
nn
man nun distilliren will/ so ruͤhret man die fermentirte Fruͤchte/ Blumen/ oder Kraͤuter/ mit einem Stock in dem Faß darinn sie stehen/ wol durcheinander/ auf daß das duͤnnere sich mit dem dicken Theil vermische/ vnd schoͤpffet davon in sein hoͤltzern Distillir-Faß/ welches auff einem drey- oder vier-Fuß stehet/ darinn das kuͤpf- ferne Instrument mit dem Oefelein accommodiret sey/ deß gleichen muß auch anff der andern seyten da das
refrigeratorium
an das distillir-Faß gerichtet/ mit nassen Ochsen-blasen/ oder nur mit Steiff fell vnd Pappier (auff daß kein
Spiritus
darzwischen außgehe) verbunden werden/ welches aͤusserste Theil der Roͤhren inwendig im distillir- Faß mit einem kuͤpffern oder hoͤltzern Koͤrblein muß verwahret seyn/ damit keine Kraͤu- ter/ oder anders dicke Wesen durch dieselbe zuruͤck in die Kugel komme/ sondern nur al- lein das Nasse durch das Koͤrblein hineyn seigern koͤnne/ vnd soll auch das ober-Loch/ dadurch die Kraͤuter vnd Fruͤchte eyngethan werden/ mit seinem dazu gehoͤrigen Zapf- fen/ welcher mit nassen lemen Tuͤchern uͤmbwunden ist/ gleich wie man den Spritzen thut/ welche zu den Weinfaͤssern gebrauchet/ solche damit behaͤb zu schliessen/ nicht ver- gessen werden. Vnd dann in Gottes Namen das Fewer ins Oefelein vnter die Kugel anmachen/ vnd jhme so lang Zeit lassen/ dadurch das gantze Faß ins kochen gebracht wird/ so wird der
Spiritus ardens
sich erheben/ in die Kuͤhlung steigen/ vnd sich daselbst eben also/ als wann er durch einen kuͤpffernen Kessel getrieben/ in einen subtilen
Spiri- tum
condensiren/ vnd in ein vorgesetzt Glas rinnen/ vnd muß man solche Distillation so lang continuiren/ bis kein
Spiritus
mehr gehet/ sondern ein vngeschmack
phlegma
kommet/ welches durch offtermals Versuchung des außlauffenden
Spiritus
kan erfah- ren werden. Wann solches gespuͤret/ so laͤßt man das Fewer im Oefelein außgehen/ vnd die Kraͤuter/ oder zuruͤckgebliebene Remanentz durch den weiten Kran vnten auß dem Faß außlauffen/ vnd kan solches dem Viehe geben/ oder zu andern vnd bessern Nutzen/ so gut ein jedweder weiß vnd gelernet hat/ angewendet werden. Der uͤbergestiegene
Spi- ritus,
welcher schwach seyn wird/ kan in demselben hoͤltzern Distillir-Faß/ nachdeme es zuvorn sampt der kuͤhl-Schlang ist sauber vnd rein gemacht/ auff solche Prob/ oder so starck als man jhn haben will/ auch rectificiret werden. Vnd ist zu mercken/ daß biswei- len bey dein
phlegmate,
wann der
Spiritus
davon ist rectificirt worden/ ein fett vnd leicht
Oleum
gefunden wird/ welches dann von demselben Krant oder Gewaͤchs davon der
Spiritus
gemacht ist/ herkommen/ vnd erstlich in der ersten distillation anß dem rau- hen mit starckem Fewer mit uͤbergetrieben ist/ hernach aber in der rectification mit lin- dem Fewer nicht weiter mit dem
Spiritu
hat uͤbersteigen koͤnnen/ sondern zuruͤck bey dem vngeschmackten
phlegma
hat bleiben muͤssen/ solches
Oleum
hat auch seine sonderbare Wuͤrckung/ sonderlich/ wann es in ein glaͤsern Kolben mit
Spiritu salis in B.
rectificirt/
Y
vnd
Philosophischer Oefen
vnd klar gemacht wird/ vnd erlangt man fast von allen Kraͤutern/ Blumen/ Samen vnd Fruͤchten ein solches
Oleum,
doch von einem/ nach deme es hitziger oder kalter Na- tur ist/ mehr als von einem andern. Vnd giebt insonderheit die Wein-mutter solches oͤls ein zimliche Quantitaͤt die zur Mediein nicht zu verwerffen/ dann es ist ein wahres
Oleum vini
ist/ bekompt aber seinen lieblichen Geschmack erst nach der Rectification/ ein herꝛliches
cordiale,
wiewol solches meines wissens bis
dato
noch von wenigen/ oder gar niemands ist observirt worden. Also ist nun gelehrt/ wie ins gemeyn
Spiritus ardentes
in dem obbeschriebenen hoͤltzern distillir-Gefaͤß sollen gemacht werden. Folget nun:
CAP. XVI.
Wie man die
Olea aromatum, seminum, florum, herbarum, radicum lignorum,
vnd dergleichen vege- tabilien machen soll.
E
Rstlich/ muͤssen die Samen gemahlen/ die Blumen/ Kraͤuter vnd Wurtzeln klein gehacket/ die Hoͤltzer klein getraͤhet oder geraspelt/ vnd mit so viel Wasser angefuͤlle
t
werden/ daß dieselbe wol darinnen schwimmen vnd maceriren koͤnnen/ vnd noch Feuch- tigkeit genug nach der Distillation dabey verbleiben moͤge/ auf daß dieselbe in der distil- lation durch Mangel des Wassers nicht verbrennen/ vnd an statt eines lieblichen Oels/ ein braͤntzlendes vnd stinckendes erlanget werde/ doch auch nicht zu viel Wasser/ sondern nicht mehr/ als daß die Kraͤuter oder Blumen vnverbrennt in der Distillation jhr
Oleum
von sich geben koͤnnen/ vnd koͤnnen die gruͤne Kraͤuter/ Blumen/ Fruͤchte/ Sa- men vnd Wurtzeln/ alsobalden ohne vorhergehende Macerirung mit jhren zugehoͤri- gen Wassern eyngethan vnd distilliret werden/ truckene Samen/ Blumen/ Kraͤuter/ Wurtzeln vnd Hoͤltzer muͤssen zuvoren etliche Tage in dem Wasser stehen/ vnd sich er- beitzen/ ehe sie koͤnnen distilliret werden/ vñ muß auch das Wasser zu den truckenen
Spe- ciebus
wol gesaltzen werden/ dadurch dieselben erweichen/ vnd jhre
Olea
desto lieber von sich geben/ zu denen noch gruͤnen Gewaͤchsen ist es nicht noͤtig; doch kan es auch nichts schaden/ dann das Wasser kan durch Huͤlffe des Saltzes desto heisser werden/ dadurch die
Olea
desto lieber steigen/ vnd hilfft auch viel dazu/ wann man Weinstein vnd Alaun zu thut/ welche der Distillation nicht wenig Befoͤrdernuͤs thun/ wann mans recht zu ge- brauchen weiß. Wann dann die
species
jhre Zeit in dem gesaltzenen Wasser gestanden/ vnd wol durchbissen seyn/ so thut man dieselbe oben durch einen Traͤchter in das Distillir- Faß/ vnd schuͤrt Fewer vnter/ gleich oben bey dem
Spiritu ardente
gelehret worden/ so ge- het mit dem Wasser wann es kochet desselben Krauts Samens- oder Holtzes-oͤhlher- uͤber/ vnd wiewol auff diese Weise/ durch Huͤlff des Saltzes vielmehr uͤbergehet/ als mit suͤssem Wasser allein/ gleich wie bishero fast allenthalben die
Olea aromatum
gemacht worden seyn/ so bleibt doch noch viel zuruͤck/ welches vom Wasser nicht hat ledig ge- macht/ vñ uͤber getrieben werden koͤnnen. Derohalben der beste Weg ist/ solche
Oleo
mit
nutzen
Dritter Theil.
nutzen zu machen/ wie ich in dem ersten Tracat dieses Buchs durch den
Spiritum salis
zu thun/ hab lehren machen/ kan derohalben nun ein jedweder denjenigen/ welcher jhme am besten zu seyn duͤncket/ gebrauchen/ vnd ins Werck richten. Wann nun die Distilla- tion vollendet/ vnd kein
Oleum
mehr uͤbergehet/ welches man durch Abwechslung der Recipienten vernehmen kan/ so laͤßt man das Fewer außgehen/ vnd nimbt den außge- brandten Zeug herauß/ sind es Samen/ Kraͤuter vnd Fruͤchte/ so kan man dieselben/ weilen sie noch warm seyn (so man wil) mit Gest anstellen vnd fermentiren lassen/ vnd hernach noch einen
Spiritum
darauß distilliren/ doch giebts so viel nicht/ als wann jhr
Oleum
noch dabey were/ dann ein jedweder
Spirit. ardens
viel
Olei
in sich hat/ von wel- ches Natur vnd Wesen hernach etwas mehrers soll gehandelt werden/ vnd muß auch bey den vegetabilien davon jhr Oel distilliret/ vnd einen
Spiritum
hernach geben soll/ kein Saltz seyn/ dann das Saltz verhindert die fermentation/ ohn welche kein
Spirit. ar- dens
werden kan. Das uͤbergestiegene Wasser mit dem Oel setzet man hin an ein lau- lichten Orth/ so lang bis sich das Oel oben auffsetzet/ welches man durch ein spitziges Scheyde-Glas/ welches Gestalt im fuͤnfften Theil zu finden/ kan davon separirt wer- den/ doch setzen sich auch etlich
Olea
zu Boden/ vnd schwimmen nicht auf dem Wasser/ welche gleicher massen durch obgemeldtes Glas koͤnnen geschieden/ vnd zum Gebrauch bewahret werden; wie man solche
Olea
lange Zeit/ schoͤn klar vnd lauter ohne zaͤh wer- den/ bewahren soll/ findestu im fuͤnfften Theil/ vnd wann sie durch Laͤnge der Zeit sind zaͤhe worden/ wie dieselben wiederumb sollen klar gemacht werden/ ist im ersten Theil zu finden/ vnd nicht noͤthig/ weiters allhier davon zu schreiben.
CAP. XVII.
Wie man die distillirte
Olea in Balsa- ma
coaguliren solle.
D
Ie
Olea aromatum in Balsama
zu bringen/ ist schon vorlaͤngst bekant gewesen/ vnd im Schwange gangen/ vnd hats immer einer besser als der ander wissen wollen/ ist aber alles nichts anders als ein recht schmierwerck bis auff den heutigen Tag zu geblie- ben: Haben gantz nicht in Leib zu nehmen gedienet/ sondern nur allein zum Geruch/ das Hirn vnd Hertz dadurch zu staͤrcken/ koͤnnen gebraucht werden. Der Weg solche
Olea
hart zu machen/ daß dieselben in zinnern/ silbern vnd helffenbeynen gedraͤhten Buͤchs- lein bey sich zu tragen/ ist mancherley/ etliche haben nur die
Olea
mit jungen Laͤmmer- fett in der Waͤrme zusammen geschmaͤltzt/ vnd ein Salbe darauß gemacht/ solches auch mit besondern Farben gefaͤrbet/ als die
Olea
von gruͤnen Kraͤntern gemacht/ als Roß- marin/ Majoran/ Lavendel/ Rauten/ Salbey/ vnd andere dergleichen haben sie mit Spanischgruͤn gefaͤrbet/ welches doch dem Hirn vnd Hertzen ein schaͤdlich Gifft ist/ was also das eine als das Oel gut gemacht/ das ander als Spanischgruͤn wiederumb verderbet hat. Die
Balsama
von
ligno Rodio
vnd
Cinamomo,
haben sie mit dem ver-
Y ij
gifften
Philosophischer Oefen
gifften
Mercurial-
Gifft Zinnober/ roth gefaͤrbet. Etliche aber/ welche den Sachen bes- ser nach gedacht/ haben die
Olea
mit extrahirten Farben der Kraͤuter gefaͤrbet/ welche
Balsama
zwar besser vnd sicher genug zu gebrauchen weren/ wolten sich aber gleichwol nicht lang halten/ sondern wurden zaͤhe vnd garstig am Geruch/ darumb sie endlich weiß Wachs/ die
Olea
damit zn haͤrten/ gebraucht haben/ welches zwar nicht so garstig oder alt-riechend/ gleichwol in kurtzer Zeit zaͤhe wird/ also wann man dieselbe auff die Hand gestrichen/ sich solche gewelgert/ vnd wegen des Wachses nicht eyngehen wollen. Auffs letzte hat man noch ein bessers erfunden/ vnd die
Olea
mit einem außgepreßten
Oleo nucis muscatæ,
davon zuvor die Farb vnd Geruch mit
S. V.
extrahiret war/ wel- ches sie
matrem balsamorum
nenneten/ gehaͤrtet. Welche Kunst die Apotheker lange Zeit sehr geheimb gehalten/ bis daß endlich dieselbe gemeyn worden/ vnd nun zur Zeit auff solche Weise fast in allen Apotheken also zubereytet werden/ wiewol dieser
modus
dem vorigen fuͤrzuziehen/ so ist doch auch nichts bestaͤndiges daran/ weilen kein Saltz dabey ist/ vnd mit der Zeit auch riechicht werden. Wiewol ich solche darumb nicht will veracht haben/ dann weren sie besser zu machen bekant gewesen/ sie weren besser gemacht worden/ niemand kan mehr geben als er hat/ oder mehr thun als er kan/ das ist allen Menschen verbotten. Derohalben diejenige nicht allein entschuldigt/ die solche mit dem Hammel-fett/ Wachs/ vnd Muscaten-Oel haben zugerichtet/ sondern auch noch lobens werth sind/ weilen sie das jenige was sie gehabt/ geben haben. Weilen aber sol- che oberzehlte
Balsama
in Leib zu nehmen vntuͤchtig/ vnd aͤusserlich zu gebrauchen fertig vnd schmirig seyn/ ist den Sachen weiters nachgedacht vnd gut erfunden/ daß man die
Olea
mit jhren eygenen fixen salien coagulire/ welche dann nicht allein nicht rautzig oder zaͤh werden/ sondern sich in Wein/ Bier/ Wasser/ vnd andern
liquoribus
solvi- ren/ zertreiben/ oder vermischen lassen/ derohalben nicht allein gut in Leib zu nehmen/ sondern auch besser als die vorigen uͤmb Geruchs willen anzustreichen/ welche so man will/ wieder mit Wasser abwaͤschen kan/ vnd machen solche
Balsama
nicht allein die Haut wolriechend/ sondern auch wegen jhres fixen Saltzes/ welches
naturam salis Tart.
hat/ schoͤn/ rein/ weiß vnd sauber. Derohalben sehr gut/ in rein Wasser solvirt/ vnd das Haupt/ Haar vnd Angesicht damit gewaͤschen/ machet nicht allein solches rein/ son- dern staͤrcket/ wegen desselben Geruchs/ das Hirn trefflich: Welches man mit keinem fetten vnd oͤhlichten Balsam thun kan. Ist derohalben dieser
modus
den andern weit vorzuziehen. Doch einem jedwedern seine Meynung gelassen/ dann ich wol weiß/ daß newe Dinge nicht so leichtlich von jederman angenommen werden/ sonderlich/
wann dieselben etwas frembd vorkommen/ vnd nicht alsobalden koͤnnen. begriffen werden/ zweiffelt mir aber nicht/ die Zeit die al- les aͤndert/ werde solches gut zu seyn con- firmiren.
CAP.
Dritter Theil.
CAP. XVIII.
Vnd ist die Bereytung also.
N
Imb das
Residuum,
davon der
Spirit. ardens
ist distillirt worden/ auß dein di- stillir-Faß/ presse in einem haͤnffen-Sack das Wasser davon/ vnd helffe jhm/ daß ein guter sawrer vnd lieblicher Essig darauß werde/ wann du Rosen dist lliret hast/ so wird ein Rosen-Essig darauß den man auff der Speyse in der Haußhaltung verbrau- chen kan/ das truckene nimb auß dem Sack/ las solches in einem Hafners Ofen zu ei- ner weissen Aschen brennen/ vnd giesse die
phlegma,
daron der
Spiritus ardens
separi- ret/ darauff/ ziehe das Saltz damit auß der Aschen/ verkoche in einem Erden-verglasur- ten Hafen die Feuchtigkeit von dem Saltz/ solches gluͤe in einem saubern Tiegel lind auß/ so wird solches gantz weiß/ schmaͤcket auff der Zungen als ein
Sal Tartari,
uͤber wel- ches du etlich malen den abgezogenen
Spiritum ardentem
abstrahiren solt/ doch allezeit nach der Abstrahirung das Saltz wieder außgegluͤet/ so wird auff solche Weise der
Spi- ritus ardens
so starck von seinem eygenen
sale fixo,
daß er sein eygen Oel/ so es darauff gossen/ alsobalden zu sich nimpt/ sich damit vermischet/ also/ daß solches nit in dem
Spirit.
kan erkennet werden/ sondern immer so klar/ als er zuvor war/ bleibet/ wañ solches gesche- hen/ so gluͤe das
fixe sal
noch einmal im Tiegel wol auß/ vnd solvire so viel mit seiner eygenen
phlegmate,
als zum Oel zu coaguliren noͤthig ist/ thue also solche solution/ mit sampt dem
Spiritu ardente,
der mit dem Oel zuvoren vermischet in eine phiol mit einem langen Halse/ setze dieselbe in ein
Balneum,
vnd las die
miytur
zusammen kochen/ doch oben das Glas wol bewahret/ daß der
Spiritus ardens
nicht verꝛieche/ so wird in kurtzer Zeit/ oder wenig Stunden die
mixtur
einander annehmen/ vnd weiß als Milch wer- den. Wann solches geschehen/ so las das Glas erkalten/ so hat sich der
S.
vnd
Olea
mit jhrem
Sal
conjungiret/ also/ daß keins vor dem andern zu erkennen ist/ welches man in einen glasierten weiten Mund giessen soll/ so wird es in der Kälte gestehen als eine schnee- weisse Salbe welche sich schmieren laͤßt/ vnd im Wasser zergehet/ raͤucht uͤber die massen wol/ kan auch bequemlich in Leib genommen werden/ vnd aͤusserlich zum Anstrich/ die Haut schoͤn/ weiß/ zart/ vnd wolriechend damit zu machen/ vnd fuͤr Weibsbilder vnd grosse Herꝛen ein lieblicher vnd gesunder Balsam: vnd seynd also die drey
principia
des Gewaͤchses gescheyden/ vereinigt/ vnd wieder zusammen gesetzet/ darinn die Krafft/ Ge- ruch/ vnd Geschmack des Gewaͤchses erfunden.
NB.
So man aber dem Balsam eine Farb geben will/ kan man mit dem
Sp. V.
auß vegetabilien solche extrahiren/ vnd mit lassen coaguliren. Vnd koͤnnen also auff diese Weise auß allen Kraͤutern/ Blumen/ oder andern Gewaͤchsen die
Spir. ol.
vnd
Sa- lia
geben/ solvirliche/ wolriechende
Balsama,
ohne Zuthun frembder Dingen/ gemacht werden/ welche meines beduͤnckens nicht vnannehmlich seyn solten. Weilen aber all- hier gelehrt/ auß Rosen einen wolriechenden Balsam zu machen/ vnd doch die Rosen wenig Oel geben/ ohne welches kein Balsam kan gemacht werden/ so ist zu wissen/ daß
Y iij
die
Philosophischer Oefen
die Rosen-blaͤtter freylich wenig/ oder schier gar kein Oel geben/ solches aber zu erlangen/ muß man die Blaͤtter nicht allein/ sondern die Knoͤpff daran die Blaͤtter gestanden/ mitnehmen/ dann das Gelbe so daran ist/ hat das Oel/ vnd nicht die Blaͤtter/ derohal- ben man solche nicht wegwerffen soll/ wann man ein Oel davon haben wil/ dieses sey nun gesagt von meiner Bereytung der Balsamen/ von welchen/ so sie wol gemacht/ ich viel halte/ vnd verachte gleichwol die andern/ welche ohne Saltz gemacht seyn/ auch nicht/ wer nun etwas bessers hat/ der gebs auch herauß/ vnd tadele nichts bis daß ers zuvor kennet.
Will hiemit vnter einem Proceß also begriffen haben/ wie man auß den vegeta- bilien in einem hoͤltzernen Geschirꝛ kraͤfftlge
Spir. ard.
vnd
Olea
distilliren soll. Vnd wie dieselben durch Huͤlff jhres eygenen Saltzes wiederumb zusammen conjungiret oder vermischet werden. Ich haͤtte wol etwas von weiterm Nutzen vnd Gebrauch des
Sp. V.
vnd der wolriechenden vegetabilischen Oliteten melden sollen/ weilen aber jhre Tugen- den von vnterschiedlichen weitlaͤufftig beschrieben/ habe ichs fuͤr vnnoͤthig geacht/ sol- ches zu wiederholen/ sondern nur von einer jedwedern Arbeit ein einigen Proceß zu be- schreiben vorgenommen. Darnach man sich in andern genug wird wissen zu richten.
CAP. XIX.
Folget nun wie man das zweyte hoͤltzerne Geschirꝛ/ welches an
statt eines kuͤpffernen oder bleyernen Kessels/ Kolben darinn zu setzen/ vnd darauß zu distilliren/ vnd auch zum digeriren/ ex- trahiren vnd figiren gebrauchen koͤnne.
W
Ann dieses Geschirꝛ zugerichtet/ wie es oben
fol.
13. zu thun gelehret ist/ so darff man nichts weiters darzu/ als daß man das Oefelein mit der Kugel daran ac- commodire/ vnd das Wasser darinn so heiß als man will/ durch Regierung des Fewers im Oefelein mache/ vnd in welchem Grad als man will erhalte/ vnd kan also darinnen alles/ das sonsten in eim andern
Balneo
gethan wird/ auch gemacht werden/ ist dero- halben im geringsten kein Vnterscheyd darinnen/ als daß dieses Geschirꝛ von Holtz/ vnd andere von Kupffer/ Bley/ oder Eysen gemacht seyn/ vnd daß man zu diesem eben dasselbige Oefelein vnd kuͤpffern Instrument/ welches oben zu der Distillation ist ge- braucht worden/ auch gebrauchen kan/ ist derohalben nit noͤthig/ daß man etwas darinn zu machen lehre/ weilen allenthalben kein gemeynere Distillation/ als ein Wasserbad gefunden wird/ soll derohalben auff dißmal bey dem Gebrauch des kuͤpffernen Instru- ments verbletben. Gleichwol hab ichs fuͤr gut angesehen/ etliche Vnbekandte zur Me-
dicin sehr dienstliche Extracten darinn lehren zu machen/ welche so sie wol zu bereytet/ in den mehrentheil Kranckheiten grosse vnd vnver- hoffte Huͤlffe beweisen koͤnnen.
CAP.
Dritter Theil.
CAPUT XX.
Vnd erstlich vom
Extracto Vomitivo.
R
Ecipe
zu einer
unc. Florum Antimonii, 2. unc. Tartari purgati,
vnd 6.
unc. Sacch. Candi,
vnd gemeyn Regenwasser 2.
℔
thue diese
species
zusammen in eine starcke glaͤsern Phiol/ vnd setze dieselbe in das
Balneum,
vnd las also angehen vnd starck kochen 10. oder 12. Stunden lang/ dann las das
Balneum
kalt werden/ nimb dein Glas herauß/ vnd giesse was darinn gekocht hat/ in einen Traͤchter/ darinn filtrir Pappier lie- ge/ vnd las also das duͤnne oder nasse dadurch lauffen/ welches etwas roͤtlicht seyn wird/ vnd keinen andern geschmack/ als ein gezuckert Wasser/ doch etwas saͤuerlich/ ha- ben wird/ das uͤbrige/ welches nicht durch das Pappier laufft/ wirff hinweg/ vnd nimme das durchgelauffene/ giesse es in ein klein glaͤsern Koͤlblein/ lasse im linden
Balneo
alle Feuchtigkeit davon gehen/ so bleibet auff dem Boden des Koͤlbleins ein Honig-dicker brauner Safft/ giesse solchen in ein Phiol mit eim langen Halse/ vnd 1. Pfund des be- sten
Spir. V.
darauff/ setze das Glas mit dem Extract vnd
Spir. V.
in das
Balneum,
vnd las solches vngefaͤhr in zimlicher Waͤrmbde 8. oder 16. Stunden stehen/ so geschicht wie- der eine Scheydung/ vnd der
Spir. V.
nimpt das beste vnd reineste auß dem
extracto
an sich/ vnd laͤßt vie
feces
liegen/ welche so das Glas mit dem
extracto
erkaltet/ durch Fil- trirung eines doppelten grawen Pappiers von der Tinctur muͤssen geschieden werden/ die Tinctur welche schoͤn roth seyn wird/ thue in ein glaͤsern Koͤlblein/ vnd abstrahire in lindem
Baln.
den
Sp. V.
beynahe allen davon/ so bleibt zuruͤck in dem Koͤlblein ein lieb- licher/ suͤsser/ vnd gantz annehmlicher Safft/ solchen nimb auß/ vnd verwahre denselben als das allerbeste
vomitivum
in vielen Krancken/ da alle
purgantia
nichts thun wollen/ ist ein koͤstlicher Schatz. Dañ diese Medicin gantz lind operirt/ vñ kan gantz ohne Gefahr kleinen Kindern von einem halben Jahr ohne Schew/ wie auch alten Leuthen eyngeben werden/ purgiret alle
humores,
zeucht alle boͤse Feuchtigkeit auß dem Gebluͤt vnd Sch- nen/ oͤffnet die verstopffte Leber/ Lung/ Miltz vnd Nieren/ dadurch viel schwere Kranck- heiten koͤnnen curiret werden/ in Summa/ vnter allen
vomitivis
ich keins gefunden/ welches im geringsten diesem were gleich gewesen/ dann es ohne sonderbare Beschwe- rung das seinige bald verꝛichtet.
Dosis
von 1. 2. 3. 4. bis auff 20. oder 30. Tropffen nach Gelegenheit des Alters vnd Kranckheit/ mit Wein/ Bier/ oder nur also
per se
eyngeben/ faͤngt in einer viertel Stund an zu operiren/ vnd ist in 1. oder 2. Stunden alles gethall/ macht bisweilen gantz kein erbrechen/ sondern wuͤrcket nur vnter sich/ dazu man auch helf- fen kan wann man will/ nemblich daß man zuvorn ein Clistier nur von warm gesaltzen Wasser mit 2. oder 3. Eßloͤffel voll Baumoͤl warm setze/ vnd alsobald die Medicin dar- auff nehme/ so macht das Clistier einen Weg vnter sich/ vnd operirt also das
Vomiti- vum
gar selten uͤbersich/ vnd kan der Patient auch nach dem eynnehmen ein warm ge- baͤhte schnitte Brod fuͤr den Mund nehmen/ hilfft solches auch zuruͤck halten/ daß es vn-
ter sich
Philosophischer Oefen
ter sich wuͤrcket/ wiewol viel besser were/ daß man der Medicin jhren eygenen Willen/ vnd vor sich selber einen Weg suchen liesse/ dann das vomiren vielen hesser bekompt als
per secessum
purgiren/ ist fuͤr den/ welcher das vomiren nicht vertragen kan/ vnd gleichwol
per essentiam Antimonii
purgiren wolte/ welches bey mir das beste/ sicherste vnd lieblichste
purgans
vnter allen die mir jemals bekant gewesen/ erfunden worden/ dann es den Leib fuͤr allen andern
purgantibus
durchsuchet/ saͤubert/ vnd von vielen ver- borgenen Kranckheiten reiniget/ welches allen vegetabilischen
purgantibus
jhme nach- zuthun vnmoͤglich ist: Dann bey dem
Antimon.
hat man auch noch dieses vor andern/ daß es keinen schaden dem Leib zufuͤgt wie andere
purgantia,
welche/ wann solche zu ge- ring geben werden/ liegen bleiben/ vnd nicht operiren/ dann ob schon dieses entweder/ we- gen Schwachheit des
Dosis
oder hartbeweglicher Natur des Patienten/ keine
vomi- tus
oder
sedes
machet/ so ist es doch dem Leibe nicht schaͤdlich/ sondern thut gleichwol noch das seinige/ entweder
per sudorem
oder
urinam,
also/ daß der
Usus
eines wolbereyteten
Antimonii
nimmer ohne Frucht abgehet. Hergegen aber die vegetabilische
purgantia,
so dieselbe zu schwach geben werden/ vnd liegen bleiben/ ob schon nicht allzeit der Leib da- von auffschswillt/ vnd sichtliche Kranckheiten vervrsachet/ dannoch vnsichtlich demsel- ben schaden zugefuͤget wird/ dieses aber nicht allem kein Schaden/ sondern vnsichtbar- lich dem Leibe zum besten seine Wuͤrckung verꝛichtet/ ist derohalben gar ein grosser Vn- terscheyd vnter mineral: vnd vegetabilischen Purganten. Diese werden in gantz klei- nen vnd lieblichem
Dosi,
den Krancken fuͤglich zu jhrem frommen ohne Widerwillen vnd Ekel beygebracht/ jene aber mit gantzen Potten voll mit grossem Vnlust/ vnd vielmals grossem Nachtheil des Krancken mit Gewalt eyngeschwaͤlgert. Daß auch solcher Widerwillen/ den sie gegen eynnehmen so grosse Becher voll vnlieblicher Ge- traͤncke ertragen muͤssen/ jhnen nicht offtermals vielmehr Schaden/ vnd Kranckheit/ als der Tranck selber zufuͤgen solte/ kan man leichtlich ermessen. Es were zu wuͤntschen uͤmb der armen Krancken willen/ daß einmal die Zeit kaͤme/ daß solche Sudel-Koͤcherey abgeschafft/ vnd lieblieche
Extracta vegetabilium,
vnd gute
Essentiæ mineralium
dar- gegen gestellet wuͤrden.
CAP. XXI.
Ein
Extractum purgans
zu machen.
R
Ecipe Rad. Helleb. nigri
zu rechter Zeit gesamblet/ vnd in der Lufft getrucknet/ 1. Pf.
Rad. Mechoacæ Jalappæ ana unc. iiij. Cinnam. sem. anisi, fænic. ana unc. j. Croci Britannici dr. j.
Diese
species
mache zu einem Pulver/ vnd uͤbergiesse diesel- be in einem glaͤsern hohen Kolben/ mit einem guten dephlegmirten
Spir. V.
setze einen blinden Helm darauff/ vnd digerire solche in lidem
Baln.
so lang/ bis der
Spir. V.
sich daruͤber hoch roth gefaͤrbet hat/ solchen giesse ab/ vnd einen andern darauff/ las solchen auch so lang damit digeriren/ bis er gefaͤrbet ist/ dann auch ab/ vnd wieder frischen dar-
auff
Dritter Theil.
auff gegossen vnd extrahiren lassen/ so lang bis der
Spir. V.
sich nicht mehr daran faͤrben will/ welches gemeynlich zu dreymalen geschicht/ solche gefaͤrbte
Spirit.
muͤssen filtrirt/ vnd zusammen in ein glaͤsern Kolben in einem
Balneo
von der Tinctur gantz lind ab- strahiret werden/ so bleibet am Boden des Kolbens ein Honig-dicker/ braun-schwartzer lieblicher Safft/ welchen man also warm auß dem Kolben nehmen/ vnd zum Gebrauch in einem reinem Glase verwahren kan. Der
Spir. V.
welcher von dem
Extracto
ist abstrahiret worden/ kan zn dergleichen Gebrauch bewahret werden. Das
Extractum
kan
à gr.
3. 6. 9. 12. bis auff
drag. j.
nach Gelegenheit der Person vnd Alters/ mit Zucker ver- mischt vnd eyngenommen werden/ hat keinen vnangenehmen Geschmack/ vnd purgiret gar lind/ ist auch kein Gefahr dabey zu foͤrchten/ wann der
Dosis
nit zu starck geben wird. Vnd so man dieses
Extractum in forma pillular.
haben will/ kan man
unc. j. Aloës Lucidæ,
vnd
unc. sem. Diagrid. pulverisati,
warm darunter mischen in ein
massam pillul.
redigiren/ vnd zum Gebrauch bewahren/ davon die
Dosis à gran. j. ad scr. j.
pur- giret auch sehr wol alle uͤberfluͤssige
humores
auß dem Leibe/ aber bey weitem dem auß dem
Antimonio
gemachten
Extracto
nicht gleich. Hab dieses nur darumb (welches bey mir noch eines von den besten auß vegetabilischen purgirenden Dingen gemachtes
Extractum
gehalten wird/) zu Huͤlff vnd Dienste denjenigen die sich von den mine- ralien schewen/ vnd kein vomiren vertragen koͤnnen/ hieher gesetzet.
CAP. XXII.
Ein Schweiß-treibend
Extractum
zu machen.
R
Ecipe Lign. sassafras, salsa parillæ ana unc. vj. zinzib. Galangæ, Zeduariæ ana unc. iij. pip. longi, Cerdam. Cubeb. ana unc. j. Cinam. macis. ana unc. semis. Cro- ci Britan. nucum M. Caryophyl. ana dragm. j.
die Hoͤltzer geraspelt/ die Wurtzeln vnd
Aromata
pulversirt/ muͤssen mit
Spiritu V.
im
Baln.
gleich oben bey dem
Extracto purgante
gelehret/ extrahiret/ vnd in einen Honig-dicken Safft
per abstractionem Spirit. V.
gebracht werden. Solcher wird zum Gebrauch bewahret/ welcher
in peste, febribus, scorbuto, lepra, morbo Gallico,
vnd andern von vnreinem Gebluͤt entstan- denen Kranckheiten/ da Schwitzens vonnoͤthen ist/
à scr. ad dragm. j.
mit bequemen
vehiculis
gebrauchet/ befoͤrdert den Schweiß gewaltig/ treibt die gifftige vnd schaͤd- liche Duͤnste von dem Hertzen/ vnd macht ein rein Gebluͤt. Dieses
sudorificum ve- getabile
thut das seinige genugsamb/ wiewol es den subtilen
Spiritibus mineralium,
davon im andern Tractat gehandelt/ nicht zu vergleichen/ deßgleichen thun auch die animalische
sudorifera,
als
caro viperina,
vnd
sal aranearum, \& Bufonum fixum
das jhrige auff eine besondere Weise/ will aber ein jedweder sein eygen Meister seyn/ vnd das seine allein verꝛichten: Deßgleichen schicken sich auch nicht die mineralische/ als
Bezoart: minerale, antimon: diaphor. merc.
vnd
aur. diaphor.
bey die vegetabilische animalische
sudorifera.
Z
CAP.
Philosophischer Oefen
CAP. XXIII.
Extractum Diureticum.
R
Ecipe Seminis saxifragiæ, carvi, fænic. petrosel. urticæ ana unc. iij. Rad. Glycyr- thizæ, lappæ majoris, ana unc. j. pulveris millepedum unc. semis.
Diese Wurtzeln vnd Samen zerstossen/ muͤssen mit
Sp. jun.
nach der Kunst extrahiret/ vnd zu dem
Ex- tracto
hernach weiter gethan werden folgende stuͤck.
R. Salis succini, fuliginis, urinæ, ana unc. semis, Nitri purgati unc. j.
diese Stuͤck muͤssen pulverisirt/ vnter das
Ex- tractum
gemischet/ vnd znm Gebrauch bewahret werden.
Dosis? scr. ad dragm. ij. in aqua petrosel. fæniculi
oder dergleichen. Dieses
Extractum
treibet
urinam,
oͤffnet die
ureteres,
oder Harn-gaͤng/ reiniget die Nieren vnd Blasen von allem Schleim/ da- von sich der schmertzhaffte
Tartarus
coaguliret vnd generiret/ wann es bey Zeiten ge- braucht wird/ sonsten ist auch nicht boͤs ein reiner
Sp. salis,
darinn
silices
oder Crystallen solvirt seyn. Deßgleichen seynd noch besser die
salia,
welche auß den
Herbis nephriticis per expressionem \& crystallisationem,
vnd nicht
per calcinationem
gemacht seyn/ de- ren Beschreibung aber hieher nicht gehoͤret/ sondern an einem andern bequemern Ort hernach geschehen soll.
CAP. XXIV.
Extractum Somniferum.
R
Ecipe Opii Thebaici, unc. iiij. Sp. Salis unc. ij. Tartari purgati unc. j.
Mische die- se 3. Stuͤcke zusammen/ vnd las solche in eim glaͤsern Geschirꝛ im linden
Balneo
Tag vnd Nacht wol zusammen erbeitzen/ so wird der
Sp. salis
mit dem
Tart.
das
opium
auffschliessen/ auch muͤrb vnd zum extrahiren bequem machen/ auff solches
opium
giesse
lib. semis
des besten
Spir. V.
setze solches zu extrahiren in ein laulicht
Baln.
den tingirten
Spir. V.
gieß ab/ vnd einen andern darauff/ las solchen auch faͤrben/ solche
extracta
oder gefaͤrbte
Spirit.
thu zusammen in ein glaͤsern Kolben/ vnd thu auch weiters dazu
drag. ij. Croci optimi, dr. j. olei cariophyl.
vnd abstrahire
in Baln.
allen
Sp. V.
davon/ so bleibt
in fundo
des Koͤlblins ein schwartz dicker Safft/ welchen man außnehmen/ vnd in einem reinen glaͤsernen Geschirꝛ verwahren soll.
Dosis à gran. j. ad 5. vel
6. den Alten/ den Kin- dern aber ⅙ oder ⅛ eines Grans auff einmal/ dienet in allen hitzigen Kranckheiten ohne Schew zu gebrauchen/ macht einen ruͤhigen vnd milden Schlaff/ stillet die so wol aͤus- serlich als innerliche schmertzen/ treibet den Schweiß dabey kraͤfftiglich. Insonderheit ist diese Mediein ein offt bewaͤhrtes Stuͤck bey allen newgebohrnen Kinderkranckheit/ die ein
Genus Epilepsiæ
ist: Dann so bald man jhnen/ so es an denselben gespuͤret wird/ nur ein ⅛ eines Granes/ mit ein wenig Wein zertrieben/ oder Mutter-Milch eyngiebet/ so faugen sie alsobalden an zu ruhen/ vnd einen guten Schlaff zu thun/ darbey der Schweiß
nicht
Dritter Theil.
nicht aussen bleibt/ durch welchen viel boͤses auß dem Leibe kompt/ vnterdessen erheben sie sich/ fangen an zu essen vnd trincken/ vnd wird hinfoͤrder dergleichen nicht mehr an jhnen gespuͤret/ vnd wann ja schon sich solche
symptomata
uͤber etliche Tage wieder mer- cken liessen/ kan man solchen
Dosin
noch einmal geben/ dadurch die schwache Kinder uͤber die massen gestaͤrcket/ vnd zu recht gebracht werden/ welche sonsten ohne Huͤlff da- hin sterben muͤssen/ deren ich viel mit dieser Medicin naͤchst Gott erhalten habe. Weiters ist auch der
Sp. Volatilis vitrioli, aluminis, Antimonii,
vnd andere mineralien/ ein kraͤff- tige vnd schnellwuͤrckende Ruhe-machende Medicin. Deme neben dem
Sulphure vi- trioli narcotico,
welcher auß dem
Sp. volatili
gefaͤllet meines wissens nichts bevor ge- het/ davon im andern Tractat gehandelt worden. cap. 4. \& 5.
CAPUT XXV.
Extractum Cordiale.
R
Ecipe Rosar. rubearum unc. iiij. Lilior. conval. unc. ij. flor. borrag. rorism. salv. ana unc. j. Cinnam. electi, Ligni aloes ana unc. ij. Cariopyllor. macis, nucis muscatæ, Galang. Cardam. minoris, ana unc. semis, rasuræ eboris, cornu cervi ana unc. j. Croci Britan. dragm. j.
Kraͤen-aͤuglein
dragm. j.
Hirschbrunst
dragm. j. semis.
Diese
species
muͤssen klein pulverisirt/ vnd mit
Spir. V.
die Tinctur im
Baln.
darauß extrahiret werden/ davon man den
Sp. V.
wieder bis auff die gebuͤhrliche dicke abstrahiren muß/ vnd das
Extractum
behalten. Kan fuͤglich in allen Ohnmachten vnd Schwach- heiten des Leibes wann kein Hitz vorhanden gebraucht werden/
dosis à gran.
3. 6. 9. bis auff
Scr. j.
mit bequemen
vehiculis
offt geben/ erquicket die Geister/ staͤrcket das Hertz/ Hirn/ vnd andere Glieder des Leibes kraͤfftiglich. Doch muß ich bekennen/ wann die metallische
Essentien,
insonderheit des Goldes damit vereiniget werden/ vielmehr Krafft darinn gespuͤret wird/ gleich oben im ersten Tractat
de Auri ol. dulci
zu finden ist.
CAP. XXVI.
De Extracto Odorifero.
A
Vß den Vegetabilien ein liebliches oder wolriechendes Extract zu machen/ ist nicht noͤthig viel davon zu schreiben/ weilen kurtz oben gelehret/ wie man auß wolriechen- den Kraͤutern/ Blumen vnd Samen/ ein Oel distilliren soll/ welches dann des Krauts beste vnd lieblichste
essentia
ist/ durch welches Geruch/ Hirn vnd Hertz sehr gestaͤrcket wird/ vnd koͤnnen dieselben/ wann sie zuvorn in
Balsama
coaguliret/ fuͤglich bey sich ge- tragen werden. Koͤnnen derohalben meines erachtens nicht wol
exttacta,
die besser an Geruch weren/ als die distillirte
olea,
auß den vegetabilien gemacht werden. Es sey dann daß man diejenigen
extracta,
welche mit dem
Sp. V.
auß den
aromatib.
gezogen mit me- tallischen
solutionibus
conjungire vnd digerire/ alsdann separiret sich auß dem
Ex-
Z ij
tracto
Philosophischer Oefen
tracto
ein sehr wolriechendes Oel/ welches deme/ das
per distillationem
gemacht/ im ge- ringsten nichts bevor giebt/ ja auch noch lieblicher vnd kraͤfftiger erfunden wird/ weilen zugleich auch die spiritualische Krafft des Metalls/ sonderlich von Gold vñ Silber/ wel- ches in dem
menstruo acido
solvirt/ dem
Ol. aromatum
mitgetheilet wird. Weiter kan auch ein jedweder
Ol. vegetabile
durch den
Spirit. urinæ
oder
Salis armoniaci
in sei- ner Krafft vnd lieblichen Geruch exaltiret werden/ ja nicht allein solche
Olea
die zuvo- ren schon wolriechend/ sondern auch diejenigen/ an denen gantz kein Geruch gespuͤret wird/ so sie jhre Zeit mit dem
Sp. urinæ
digeriren/ erlangen sie einen lieblichen Geruch/ vñ was noch mehr ist/ kan ein jedweder mineralischer oder metallischer
Sulph.
an deme doch sein Geruch hart verschlossen ist/ dadurch eroͤffnet/ vnd in eine liebliche vnd wolriechen- de
essentiam
durch lange Zeit digeriren/ gebracht werden/ dann durch die urinosische Geister werden die
Sulph.
am Geruch vnd Farb erhoͤhet/ durch
acida
hergegen gereini- get/ aber am Geruch vnd Farb veraͤndert. Zibet vnd Bisem erlangen jhren starcken vnd lieblichen Geruch durch der Katzen subtilesten
urin-
Geist/ durch welchen ein besondere Fettigkeit in jhren Leibern also digeriret/ vnd in eine solche wolriechende Materi ge- bracht wird.
Dieses sey nun genug von den
Extractis
gesagt/ sie haͤtten wol koͤnnen vnbeschrie- ben bleiben/ weilen schon vnzehliche Buͤcher vol solcher extracten hin vnd wieder in al- len Sprachen beschrieben/ gefunden werden/ seynd aber nur darumb hieher gesetzt/ auff daß dieses dritte Tractaͤtlein neben Eroͤffnung der vnbekanten distillir-Kunst auch nicht gar ohne etliche Medicamenten erfunden wuͤrde.
CAP. XXVII.
Von den Baͤdern.
O
Ben im 16. Blat ist ein Zuber beschrieben/ darinn man baden koͤnne. In welchem man nicht allein mit dem gantzen Leibe doch ohne den Kopff in warmen/ gemeynen oder medicinalischen vnd mineralischen Wassern sitzen koͤnne/ sondern auch ohne Was- ser/ nemblich/ daß das Geschirꝛ nur mit warmen Duͤnsten/ sie seyen gleich von suͤssen oder mineralischen Wassern/ koͤnne erwaͤrmet werden/ welche Baͤder/ dann ein jedwe- der der solche noͤthig in seinem eygenen Hause zurichten vnd gebrauchen kan/ dadurch eben so wol solche Kranckheiten/ gleich sonsten in den wild-Baͤdern koͤnnen vertrieben vnd genaͤsen werden/ also/ daß man die Krancken so weit nicht uͤber Land mit grossem Kosten zu den Wild-Baͤdern fuͤhren doͤrffe/ sondern eben dasselbe in jhrem Hauß gantz gemaͤchlich vnd ruͤhlich verꝛichten/ darneben jhren Geschaͤfften abwarten/ bey jhren Weib vnd Kindern bleiben koͤnnen; dann mancher die Baͤder wol noͤthig haͤtte/ wolte auch dieselbe gern gebrauchen/ aber offtermals sein Stand vnd Beruff einen solchen weiten Weg in frembde Laͤnder den Baͤdern nach zuziehen/ Weib vnd Kind/ ja gantze Haußhaltung mit grossem Kosten zuruͤck zu setzen/ vnd sein Ampt vnd Beruff zu
versaͤu-
Dritter Theil.
versaͤumen nit zulassen will. Weilen dann vnlaugbar/ daß durch die mineralische Baͤder viel schwere/ von allen
Medicis
verlassene Kranckheiten offtermals gluͤcklich vertrie- ben werden. Also hab ich meinem Naͤchsten zu lieb vnd besten dieses Instrument/ mit Bereytung der mineralischen Wassern offenbaren wollen: Zweiffele nicht/ es wer- de manchem wol bekommen/ vnd viel Gntes damit außgerichtet werden. Will dero- halben auffs einfaͤltigst vnd kuͤrtzeste vnterweisen/ wie man die mineralische Wasser/ wie auch nur gemeyne suͤsse Wasser zurichten/ vnd in diesem Bad-kasten gebrauchen solle. Vnd erstlich:
CAP. XXVIII.
Von suͤssen oder gemeynen Baͤdern.
A
Nbelangend die gemeyne vnd fuͤsse Baͤder/ koͤnnen dieselbe gar leicht ins Werck gestellet werden/ vnd darff man wenig Kunst darzu: Dann man schoͤpffet das Bade-geschirꝛ so weit als es noͤthig/ voll Fließ- oder in Manglung dessen Regen-wasser/ laͤßt das Fewer angehen/ so wird dasselbe durch die kuͤpfferne Kugel erwaͤrmbt/ wann es dann so warm ist/ daß man solches wol erleyden kan/ so sitzet der Patient hineyn/ le- get den Deckel darauff/ auff daß der warme Schwadem darinn bleibe/ vnd auch keine kalte Lufft an den Leib schlage/ leget oben ein rein Tuch uͤmb den Hals/ da der Deckel zusammen schleußt/ daß kein Dunst vom warmen Wasser herauß moͤge/ vnd sitzet 1. 2. 3. Stund darinn/ oder so lang es der Patient vertragen kan/ vnd solches zu der Kranck- heit noͤthig ist/ vnter dessen muß das Bad allezeit in rechter Waͤrmbde durch die kuͤpf- ferne Kugel erhalten werden. Vnd so der Patient in waͤrendem baden Durst bekaͤ- me/ muß man demselben seinen eygenen/ zu seiner Kranckheit distillirten Tranck rei- chen/ davon ich allhier nicht viel schreiben werde/ dann ich willens/ ins kuͤnfftige ein eygen Buͤchlein vom Baden an Tag kommen zu lassen/ vnd allhier nur den
Usum
des kuͤpffernen Instruments beschreiben/ damit die Baͤder fuͤglich gewaͤrmet/ vnd in sol- cher Waͤrmbde als es noͤthig seine Zeit bequemlich koͤnnen erhalten werden. Soll gleichwol von etlichen Baͤdern/ vnd jhren vnterschiedenen Wuͤrckungen/ auff das we- nigste weilen nicht vollkoͤmblich allhier in diesem Tractaͤtlein davon gehandelt wird/ kuͤrtzlicher Vnterꝛicht geschehen.
CAP. XXIX.
Von Natur/ Art vnd Eygenschafften der
Warmen Baͤder.
E
S ist zu wissen/ daß der mehrentheil heilsamer Wasser/ welche in Teutschland/ vnd andern Laͤndern zum Baden gebrauchet werden/ sie kommen gleich kalt oder warm auß der Erden/ ein
spiritual.
sulphurische Saͤure/ vnd doch nicht eynerley/ sondern im-
Z iij
mer
Philosophischer Oefen
mer eines saͤurer/ geistreicher vnd sulphurischer als das ander mit sich fuͤhren/ in welcher spiritualischer sulphurischer saure die Krafft vnd Wuͤrckung des Wassers bestehet/ vnd wann solchem Wasser durch Exhalirung der subtilen Geister der Geschmack vnd Geruch entgangen/ so ist dasselbe auch alsobalden seiner Kraͤfften beraubet/ wiewol auch Wasser gefunden werden/ welche nicht allein mit einem spiritualischen
Sulphu- re,
sondern auch mit einem corporalischen/ mit
Vitriolo
oder
alumine
vermischtem Minerall oder Metall/ impr
æ
gniret seyen/ deren Krafft dann nicht allein
in spirituali- tate,
sondern auch
corporalitate
bestehet/ diese Impr
æ
gnirung nun von nichts an- ders/ als von den mineralischen Gaͤngen/ dadurch das Gemeyne suͤsse Wasser seinen Lauff genommen/ jhren Vrsprung vnd Herkommen hat: Deßgleichen find man auch heilsame Baͤder/ welcher Krafft vnd Tugend weder in eim spiritualischen
Sulph.
noch corporalischen Metall vnd
Sale,
sondern allein in eim spiritualischen
Sale,
mit einer subtilen/ doch fixen/ terꝛestritaͤt vermischet/ bestehet/ welche Wasser dann nicht gleich wie die oben benante durch metallische Gaͤnge/ sondern vielmehr durch das centralische Fewer außgebrandte kalcksteinig Gebuͤrg/ davon sie zugleich die Waͤrme/ subtile Saͤu- re/ vnd vngeschmackte
terrestritatem
erlanget/ jhren Lauff nehmen. Daß nun solches wahr seye/ wird niemand/ welcher Erkaͤntnuͤs der fluͤchtigen vnd fixen Salien/ Mine- ralien vnd Metallen traͤget/ laͤugnen koͤnnen/ welches ich wol dentlicher vnd weitlaͤuff- tiger mit vielen greifflichen vnd beweißlichen Vmbstaͤnden darthun koͤnte/ wills aber auff dißmal die Gelegenheit nicht leyden/ sondern soll hernach/ wann Gott will/ in eim besonderm Tractaͤtlein/ wie oben gesetzet/ vollkoͤmblich geschehen. Will derowegen all- hier nur Anleytung geben/ wie man auß den bekandten Salien/ Mineralien vnd Me- tallen dergleichen Baͤder durch Kunst/ welche den obgemeldten nicht allein in allen Tu- genden vnd Kraͤfften gantz gleich sondern auch noch etlicher massen kraͤfftiger vnd durch- dringender/ ohne grosse Muͤhe vnd Arbeit leichtlich erlangen koͤnne/ vnd in seinem eyge- nen Hauß gemaͤchlich vnd fuͤglich/ zur Abwendung vieler Kranckheiten/ vnd Wieder- bringung der verlohrnen Gesundheit brauchen koͤnne: Vnd ob ich schon ins kuͤnffti- ge in einem besondern Tractaͤtlein/ von Herkommen vnd Vrsprung der Warmen- Baͤder/ sampt jhrem Nutzen vnd Gebrauch weitlaͤufftig zu handeln vorgenommen/ kan ich gleichwol allhier nicht uͤmbgehen etwas weniges/ doch gruͤndliches davon zu mel- den/ vnd sonderlich darumb/ weilen so viel Gelaͤhrte vnderschiedene
opiniones
was die Vrsach derselben sey/ doch mehrentheil vngruͤndlich/ an Tag geben/ auch meine/ auß der Natur vnd
experientia
gegruͤndete Meynung hieher zu setzen. Den Vrsprung vnd Herkommen nun so wol der volatilischen vnd corporalischen Saͤure als der Waͤrme der mineralischen Wasser anbelangend/ so ist dieses zu mercken/ daß die Waͤrme vnd Kraͤff- ten derselben nicht nur einen Vrsprung haben/ dann/ so dieses were/ muͤsten sie auch nur mit einerley wuͤrckung begabet seyn/ welches aber nicht befunden wird/ weilen die taͤg- liche Erfahrung vns viel ein anders weiset vnd lehret. Dann genugsamb bewust ist/ daß dieses Badwasser vielen Kranckheiten dienstlich vnd nuͤtzlich/ hergegen andern schaͤdlich
erfun-
Dritter Theil.
erfunden werde/ welches nur allein die vnterschiedliche Krafft/ Eygenschafft vnd Wuͤr- ckung der Wasser/ nach deme dieselbe mit mineralischen Kraͤfften geschwaͤngert seyn/ verursachet. Vnd kuͤrtzlich davon zu reden/ so nehmen die suͤsse Wasser in dem Gebuͤrg jhre Waͤrme/ Krafft vnd Eygenschafft von etlichen Metallen vnd mineralien/ deren dann mancherley in der Erden gefunden/ welche von Natur mit einem scharpffen Saltz- geist begabet/ als da seynd vielerley
species
vnd Geschlechte der Mareasiten vnd Schwe- felkiß/ die zum theil auch Eysen vñ Kupffer halten/ vnd bisweilen auch Silber/ Gold vnd andere Metallen/ auch alle vitriolische vnd alaunische Bergarten/ welche von den alten Bergleuthen
Misii, Karii, Chalcitis, Melanteria
vnd
Pyrites
genennet worden/ welche theils Gangweiß als Metallen/ theils zertheilet in fetter Letten/ in runder Gestalt klei- nen vnd grossen Stuͤcken gefunden wird/ wann nun ein suͤsses Wasser seinen Lauff uͤber ein solchen Schwefel vnd Saltzhaltenden Bergart nimmet/ vnd solche befeuch- tet/ so bekompt der Saltzgeist ein
vehiculum
vnd Huͤlffe die Bergart anzugreiffen vnd zu solviren/ vnd in solcher Solvirung erwaͤrmet sich das Wasser/ gleich als wann es uͤber einem vngeloͤschten Kalckstein stuͤnde/ oder ein Wasser mit
Spir. salis
oder
vitrio- li
vermischt/ auff ein Eysen oder ander Metall geschuͤttet were/ vnd frisset also von Tag zu Tag im durchlauffen etwas von der Bergart/ vnd fuͤhret solches mit sich an den Tag/ nach deme nun die Bergart von Natur vnd Eygenschafften gewesen/ solche Kraͤffte das Wasser mit sich fuͤhret/ dahero so mancherley Art der Baͤder oder Wasser/ wei- len so mancherley Bergarten in der Erden/ davon die Wasser erwaͤrmet/ gefunden werden. Der nun dieses nicht glauben kan/ der nehme ein Stuͤck von dergleichen Berg- arten/ vnd lege solches in ein naßgemachtes Tuch/ las solches ein wenig liegen/ so wird er befinden/ daß solcher Stein sich von dem Wasser entzuͤnden/ vnd so heiß werden wird/ als haͤtte er im Fewer gelegen/ also daß man solchen nicht fuͤr Hitze in der Hand wird halten koͤnnen/ auch das Wasser darauff kochen moͤchte/ so lang bis der Stein gantz als ein gemeyner Kalckstein zerfallen/ vnd von dem Wasser verzehret ist.
Diese meine Meynung vom Vrsprung der Warmen Baͤder/ habe ich kuͤrtzlich hieher setzen woͤllen/ bin aber ins kuͤnfftige/ wann
GOTT
will/ solche deutlicher vnd klaͤrlicher zu beschreiben gesinnet/ wiewol dem Krancken nicht so viel daran gelegen/ wo solche Wasser jhren Vrsprung vnd Kraͤffte hergenommen/
waun
sie nur dieselbe ha- ben/ vnd zu jhrer Kranckheit zu gebrauchen wissen/ im uͤbrigen moͤgen sich die
Philoso- phi
oder Naturkuͤndiger schleppen vnd zancken/ gleichwol keiner den Grund besser tref-
fen wird/ als ein wolversuchter
Chymicus,
der die Natur der Bergarten/ Metallen vnd Salien/ durch langer Zeit Vbung genugsam er- ler net vnd erfahren hat.
CAP.
Philosophischer Oefen
CAP. XXX.
Vnd erstlich von den Sulphurischen mit einer
subtilen Saͤure/ vermischten Wassern vnd Baͤdern.
O
Ben in dem 2. Tractat habe ich gelehret/ wie man auß
Sale communi, vitriolo, alu- mine, nitro, sulphure, antimonio,
vnd dergleichen Salien/ Mineralien vnd Me- tallen/ auff vnterschiedliche Weise vnd Wege/ einen gantz fluͤchtigen/ subtilen/ vnd pe- netrirlichen
Sp. Sulph.
zubereyten solle/ dessen Kraͤffte/ innerlich zu gebrauchen/ auch et- licher massen beschrieben. Nun soll allhier vnterwiesen werden/ wie man solche
Spir.
zun Baͤdern gebrauchen koͤnne. Weilen dann genug bewust/ da man schon allbereit etwas vermeldet/ daß die krafft etlicher Baͤder/ in der volatilitaͤt der subtilen Saltz-vnd Schwe- felgeister/ vnd nicht in dem gemeynen vngeschmackten Wasser bestehe/ vnd doch gleich- wol solcher penetrirliche vnd erwaͤrmende mineralische Geist ohne gemeyn vnd suͤsse Wasser dem Menschen zur Gesundheit Baͤderweiß zu gebrauchen/ wegen seiner allzu hitzigen vnd verzehrenden Natur vñ Eygenschafft die er also
per se
ohne Wasser erwei- sen wuͤrde/ nicht allein nicht gut/ sondern gantz schaͤdlich seyn solte/ also hat Gott der All- maͤchtige seine Vaͤtterliche vnd Goͤttliche Vorsorge vnd Liebe gegen vns (leyder vnwuͤr- dig-vnd vndanckbaren Menschen) zu offenbaren vnd bekant zu machen/ wie sie nemb- lich der Mensch vertragen/ vnd zu Abwendung seiner Schwachheit gebrauchen moͤge/ zurichten lassen/ welche kuͤnstliche Natur als eine Dienerin Gottes/ dessen willen sie ge- horsamblich/ vnd vnauffhoͤrlich vollbringet/ vnd noch taͤglich/ vns allerhand
distillatio- nes, transmutationes,
vnd
generationes
zu machen lehret vnd vnterweiset. Von die- sem Lehrmeister wir auch alle vnser Kunst vnd Wissenschafft/ so wir anders gruͤndlich- vnd vnfehlbaren Vnterꝛicht suchen/ gleichsamb auß einem grossen vnauß-leßlichen Buch/ welches durch die Hand Gottes gemachet/ voll grosser Wunder mit seinem Fin- ger geschrieben/ suchen vnd hernehmen muͤssen. Vnd gehet solche Lehr vnd Wissen- schafft viel sicherer als derer Zeugen/ welche durch lauter vngruͤndlich/ eytel/ verfuͤhrisch vnd vnnuͤtz Geschwaͤtze jhre vermeynte Philosophy erlanget. Meynestu daß man uͤmb 100. Thaler die wahre
Philosoph.
erkauffen koͤnne? Wie kan einer vrtheilen von etwas das in der Erde verborgen ist/ vnd nicht gesehen wird/ der doch dasjenige/ das am Tag vor seinen Augen liegt/ nicht kennet/ vnd auch solches nicht will kennen/ ja sich schaͤmet dasselbe erkennen zu lernen. Wiewol wuͤrd es stehen/ wann die Wissenschafft dem Na- men gleich were? der das Fewer nicht kennet/ wie kan er wissen/ was dadurch gemacht oder zerbrochen wird. Durch das Fewer werden vns viel Dinge offenbar/ dadurch wir gleichsamb als in einem Spiegel die verborgenste Dinge erkennen lernen. Des Fewers Krafft weiset vns deutlich/ wie alle Wasser/
Salia, mineralia
vnd Metallen/ neben an- dern vnzaͤhlichen Gewaͤchsen in der Erden durch das astralische vnd centralische Fewer
per reflexionem
generiret werden. Vnd ohne Erkaͤntnuͤs des Fewers bleibt die gantze
Natur
Dritter Theil.
Natur verhuͤllet/ verdecket vnd zugeschlossen. Das Fewer (davon alle wahre
Philoso- phi
allzeit viel gehalten) ist ein Schluͤssel zu den allergroͤsten Geheimnussen/ vnd mit ei- nem Wort zu sagen/ wer das Fewer nicht kennt/ der kennt auch die Natur vnd jhre Fruͤchten nicht/ sondern weiß nicht mehr/ als was er gelesen vnd gehoͤret/ da doch das Sprichwort lautet: Von hoͤren sagen laͤugt man gern/ auch so man nichts weiß/ so hat muß man jederman glauben/ er rede gleich die Warheit oder Vnwarheit/ dann er keinen Vuterscheyd darinn. Was weistu/ der du so leichtlich im finstern glaubest ob dein Lehrmeister auß der Experientz/ oder Lesung anderer Buͤcher geschrieben habe? Oder ob seine Schrifften durch viel verloffene Zeiten/ vnd vielem nachschreiben nicht corꝛum- piret vnd veraͤndert seyn? Oder ob du auch die Meynung solcher Schrifften recht ver- stehest? Darumb viel besser ist/ wissen als meynen. Durch das meynen werden viel verfuͤhret/ durch glauben vnd nichts wissen wird mancher redlich beschissen. Es wolte mancher gern etwas koͤnnen vnd gesehen seyn/ wanns nichts kostete/ weilen aber die Kohlen so schwartz/ vnd die eyserne Zaugen so ruͤstig seyn/ nimbt mancher lieber eine Zit- ter oder Fidel in die Haͤnde/ vnd lernet ein Taͤntzlein darauff spielen/ als daß er solte sei- ne Hand in die Kohlen stecken/ dadurch etwas zu erlernen/ vnd koͤnnen solche Leute dem Juͤngling/ beym Matth. am 19. Cap. verglichen werden/ welcher wol gern die Warheit von Christo gelernet haͤtte/ wolte aber in Muͤhe vnd Arbeit Christo nicht folgen/ sondern lieber sein Reichthumb vnd gute Tage behalten/ blieb also der er war. Es kompt nimmer von einem hoffaͤrtigen Pfawen/ oder schwaͤtzhafften Papegeyen anders als ein vnan- nemblich bey Tag vnd Nacht verdrießliches ruffen vnd schreyen. Wie manches klein vnd vnachtsam Voͤgelein aber erfrewet hingegen mit seinem lieblichen vnd hellen Stimmlein die zuhoͤrer? Ist also Jammer vnd zu beklagen/ daß der Menschen Sinne also verkehret seyn/ vnd mehr der eyteln Welt mit jhrem schaͤdlichen vnd vergaͤnglichen Geschmuͤck so leichtfertig anhangen/ als ernsthafft-ehrlichen Tugenden vnd Kuͤnsten nachtrachten. Da doch nichts edlers/ lieblichers vnd nuͤtzlichers (naͤchst dem seeligma- chenden Wort Gottes/ dadurch Gottes Wille im Dienste seines Naͤchsten erfuͤllet) als guter Kuͤnste Wissenschafft/ kan erfunden werden.
Dieses hab ich uͤmb der Jugend willen geschrieben/ solche zu erinnern/ daß sie doch so vnachtsam jhre Jugend in uͤppigen Dingen nicht also verschliessen/ sondern in dem Fewer zu suchen/ ohne welches man zur wahren Erkantnuͤs natuͤrlicher D
in
gen nicht gelangen kan/ sich nicht schaͤmen oder verdriessen lassen wollen. Zweiffelt mir nicht/ ob es schon in der Jugend hart eyngehet/ gleichwol im Alter/ wann der Verstand kompt/ euch die Muͤhe nicht gerewen werde.
A a
CAP.
Philosophischer Oefen
CAP. XXXI.
Folget die Bereytung oder Mischung der mineralischen
vnd metallischen subtilen gesaltzenen Geister mit dem ge- meynen suͤssen Wasser.
A
Nbelangend das Gewicht oder Masse der subtilen Schwefelgeister/ welche man dem suͤssen Wasser zusetzen/ vnd jhme damit die Natur vnd Eygenschafft eines na- tuͤrlichen Wildbalds zu geben vermoͤge/ ist es also damit beschaffen/ vnd muß also ver- standen werden/ weilen solche Geister oben im andern Tractat auff vnterschiedliche Weise zu machen gelehret seyn/ vnd immer einer kraͤfftiger vnd staͤrcker als der ander er- funden/ also ist das Gewicht so eygentlich nicht zu setzen/ sondern muß sich nach Staͤrcke vnd Guͤte der Geister vnd Constitution des Patienten/ welcher darinn baden soll/ ge- richtet werden/ vnd erstlich vnter ein Badwanne voll suͤß Wasser/ nur ein oder 2.
℔. Spir.
mischen/ vnd den Patienten darinn zu baden/ seine Krafft empfinden lassen/ ist es zu schwach/ kan mans den folgenden Tag verstaͤrcken/ ist es zu starck/ verschwaͤchen/ da- von in meiner Badekunst weitlaͤufftiger soll gehandelt werden. Dieses aber ist allhier zu mercken/ daß man die Baͤder erstlich zimlich schwach/ dann etwas staͤrcker/ vnd je laͤnger je staͤrcker machen soll/ so kan sich die Natur des Patienten desto besser darinn schicken/ vnd solches allgemach gewohnen zu vertragen/ vnd von erst den Krancken so starck damit nicht antasten/ welches nicht allein nichts gutes/ sondern auch mehr Schwachheit verursachen wuͤrde/ derohalben in Nutzung desselben guter Verstaͤndnus gebraucht werden/ will derohalben dem guͤnstigen Leser meine Badkunst recommendi- ren/ darinn er genugsamb Vnterꝛicht von allem dazu noͤtig/ finden wird/ vnd allhier mit kurtzen Worten nur den Gebrauch der kuͤpffernen Kugel/ die Baͤder damit warm zu machen/ erklaͤren/ daß sich der Patient mit diesem wenigen so lang/ bis ein mehrers folget/ behelffen moͤge.
CAP. XXXII.
Wie man die koͤstliche Schwefelbaͤder
brauchen soll.
A
Ccommodire dein Oefelein mit der kuͤpffernen Kugel an die Badewanne/ wie oben vermeldet/ vnd schuͤtte so viel gemeyn suͤß Wasser dareyn als noͤthig/ las solches durch die Kugel warm werden/ wann das Wasser auff solche Waͤrmbde (als der Pa- tient vertragen kan) kommen ist/ so las denselben hineyn sitzen/ vnd schuͤtte so viel deines zugerichteten Schwefelgeistes hineyn zu dem suͤssen Wasser/ als du vermeynest genug zu seyn/ mache deinen Badkasten allenthalben genaw zu/ daß der
Spir. volatil.
nicht ver- rieche/ vnd las also durch Erhaltung des Wassers in bequemer Waͤrme den Patien-
ten sei-
Dritter Theil.
ten seine Zeit darinn sitzen. Vnd muß allzeit so offt man baden will/ frisch Wasser vnd auch andere
Spir.
genommen werden. Dieses ist der eygentliche Gebrauch der kuͤpffer- nen Kugel zu den Baͤder waͤrmen/ sie seyen gleich von gemeynem/ suͤssen vnd gekraͤuter- ten/ oder von der Natur/ oder kunstbereyteten Schwefelwassern/ so giebt die taͤgliche Erfahrung/ daß viel vnleydliche langwierigen Kranckheiten dadurch gluͤcklich abge- wendet werden. Sey derohalben allhier in diesem Tractaͤtlein genug vom Gebrauch des kůpffernen Instruments zu den nassen Baͤdern gehandelt.
CAP. XXXIII.
Folget nun wie man solche Kugel zu den truckenen Baͤdern/
welche den nassen in vielen Kranckheiten nicht allein gleich/ son- dern auch denselben/ wegen jhrer beweißlichen Kraͤfften/ sehr weit sind vorzuziehen/ gebrauchen soll.
E
S haͤtte wol diese Beschreibung der truckenen Baͤder/ bis in den besondern Tra- ctat/ da weitlaͤufftig davon gehandelt wird/ koͤnnen auffgeschoben werden/ weilen aber leichtlich ein Hindernuͤs moͤchte fuͤrfallen/ daß dasselbe offterwehnte Tractaͤtlein viel- leicht so bald noch nicht herauß kommen moͤchte/ vnd ich doch allbereyt schon etwas von Baͤdern gemeldet/ als hab ich allhier kuͤrtzlich von denen nicht allein subtilen vnd trucke- nen Schwefel/ sondern auch von andern vegetabilischen vnd animalischen medicinali- schen durchdringenden Geistern vnd jhrem Gebrauch/ insonderheit weilen dieselbe viel bequemer als die nassen in den mehrentheils Kranckheiten zu gebrauchen seyn/ etwas Vnterꝛicht zu thun/ nicht vnterlassen koͤnnen. So man dann ohne Wasser als trucken durch subtile
Spir.
schwitzen will/ so muß der Kasten darnach gemacht seyn/ also daß der Patient fein gemaͤchlich dariñ auff einer durchloͤcherten Blancke sitze welches man hoch vnd niedrig/ nach dem man will/ (wie auch die Bretlein/ darauff die Arm vnd Fuͤsse ru- hen (richten koͤnne. Vnd muß der Kasten neben der grossen Thuͤr/ dadurch man eynge- het/ auch zu vnterst ein klein Thuͤrlein haben/ dadurch man eine Lampe mit
Sp. V.
oder nur eine Test mit Holtzkolen/ den Kasten damit zu erwaͤrmen/ hineyn setzen koͤnne/ wann nun der Kasten durch die Kolen wol erwaͤrmet/ so setzet man den Patienten hineyn/ macht allenthalben rings herumb dichte zu/ vnd accom̃odiret das kuͤpfferne Instrument mit seinem Oefelein vnten an den Kasten/ legt ein wenig Fewer darunter/ daß der
Spir. volat.
erwaͤrme/ so gehet er als ein subtiler vnd penetrirlicher Dunst in den Kasten an den Patienten/ weilen aber dieser
Spiritus
so viel nicht geben kan/ daß der Kasten da- durch in staͤter Waͤrmbde koͤnte erhalten werden/ so muß man allezeit entweder eine Lampe mit
Sp. V.
oder eine Test mit Holtzkohlen (die besten seyn von Wachholderstau- den oder Weinreben/ jhre Wurtzeln sind noch besser/ welcher Kohlen lang dauren/ vnd in dem Kasten wegen des duͤnstigen
Spir.
nicht außgehen) darinn stehen lassen/ auff daß der Patient nicht erkalte/ vnd der
Spir.
desto besser den Leib penetriren koͤnne/ die Lam-
A a ij
pe zum
Philosophischer Oefen
pe zum
Spir. V.
aber muß ein Tocht haben/ von dem allerfeinesten vnd zartesten Golddrat welcher nimmer verbrennet/ sondern allzeit in seinem Wesen bleibet/ davon in der Schwitz- vnd Badkunst ein mehrers zu sehen. In waͤhrender Zeit durch dringet/ durch- suchet vnd erwaͤrmet der
Spir. volat.
alle Glieder des gantzen Leibs/ vnd thut des seini- ge in etlichen Kranckheiten viel besser/ als wann er mit Wasser vermischt ist. Wann dann der Patient seine Zeit darinn gesessen/ vnd genugsam darinn geschwitzet hat/ so laͤßt man jhn außgehen/ vnd legt denselben in ein warm gemacht Beth/ darinn er fein gemaͤchlich folgends außschwitzen kan. Vnd ehe man in den Kasten sitzet/ kan ein
Do- sis
desselben
Spir. volatilis
auch innerlich gebraucht werden/ kompt dem aͤnsser lichen zu Huͤlff seine Operation desto baͤlder zuverꝛichten. Vnd koͤnnen also ohne Wasser zum schwitzen vnd baden nicht allein alle Sulphurische
Spir. volat.
der Salien/ Mineralten vnd Metallen/ sondern auch viel er vegetabilien/ als
seminis synapi, nasturtii hortensis, Tart. crudi,
wie auch der animalien/ als
cornu Cervi, urinæ, salis armoniaci,
vnd der- gleichen mehr mit grossen vnglaublichen Nutzen/ wegen jhrer schnellen Operation/ in vielen gantz verlassenen Schwachheiten vnd vnheilbaren Kranckheiten gluͤcklich vnd sicherlich gebrauchet werden. Vnd werden bey obgedachten
Spir.
vnterschiedliche Wuͤr- ckungen gefunden/ dann diejenige/ welche anß den Salien/ Mineralien vnd Metallen gemacht werden/ gantz eine andere Natur haben/ als diejenigen/ der vegetabilien oder animalien. Weilen diese in einem sulphurischen vnd fewrigen/ jene aber in einem mer- curialischen vnd luͤfftigen Wesen bestehen/ vnd auch beyde Geschlechte besonderlich muͤssen gebraucht werden. Dann in etlichen Kranckheiten die sulphurische/ minera- lische/ in andern aber die vegetabilische vnd animalische den Preiß behalten/ darinn so wol die Kranckheit/ als die Natur der Baͤder muß erkant werden/ daß nicht widerwaͤr- tige Naturen/ dadurch mehr uͤbels als gutes entstehen moͤchte/ gegen einander gebran- chet werden. Dann fast alle Wildbaͤder/ wie auch alle
Spir. volat.
der Salien/ Minera- lien vnd Metallen eines subtilen/ durchdringenden/ erwaͤrmenden vnd truckenenden schwefelhafftigen Saltzgeist/ jene aber der vegetabil. vnd animalien einer subtilen durch- dringenden/ warmen/ eroͤffnenden/ zertheilenden vnd duͤnn machenden urinosischen oder nitrosischen Fluͤchtigkeit/ welche den obern entgegen seyn; wie zu sehen/ wann man einen
Spirit. volat. sulphureum,
er sey gleich auß
vitriol,
gemeyn Saltz/ Alaun/ oder Mineral. vnd Metallen gemacht/ zu einem wol rectificirten
Spir. urinæ,
oder
Saliarmon.
schuͤttet/ daß alsobalden einer den andern wird toͤden/ vnd seine volatilitaͤt vnd durch- dringende Krafft benehmen/ also/ daß auß beyden den aller durch dringensten vnd subti- lesten Geistern/ doch zweyer widerwaͤrtigen Naturen/ ein Saltz ohne Geruch/ vnd Em- pfindlichkeit einiger Kraͤfften/ werden wird/ dahero zu sehen/ daß nicht alle subtile Gei- ster gleicher Natur vnd Wesens seyn/ vnd zu gleichen Kranckheiten koͤnnen gebraucht werden/ darumb derjenige/ der mit Geistern uͤmbgehen will/ sich wol fuͤrsehen muß/ was er thue/ weilen grosse Gewalt vnd Krafft dahinder stecket/ auff daß er nicht einen Feind fuͤr einem Freund gebrauche/ sondern derselben Natur/ Krafft vnd Wesen zuvor wol
erfah-
Dritter Theil.
erfahre/ ehe er solche zur Mediein gebrauche. Moͤchte jemand fragen/ wo ist dann beyder
spirituum
grosse Krafft in einem Augenblick hinkommen? Ist solche in dem zusammen giessen in jhrem fechten vnd streiten verꝛaucht vnd außgedunstet? Nein/ gantz nicht/ jhre Krafft ist nicht hinweg geflogen/ sondern hat sich auß der Geistlichkeit in ein Corporali- taͤt verwandelt/ vnd ist also auß dem allerꝛeinesten/ mineralischen sulph. vnd aller fluͤch- tigsten vnd durchdringensten animalischen
Mercurio,
ein wunderbarlich corporalisch Saltz worden/ welches man wol
aquilam philosophicam
nennen moͤchte. Weilen es mit linder Hitze als ein Saltz auffsteiget. Darinn grosse Geheimnuͤssen verborgen ste- cken/ in deme die Metallen/ vnd sonderlich das Gold wunderbarlicher Weise damit kan anatomiret/ vnd solches auch allein fuͤr sich ohne Metall in eine uͤberauß traͤfftige Me- diein kan gezeitiget werden/ davon allhier nicht mehrers dienet zu schreiben/ ist nur dar- umb etwas davon gemeldet worden/ auff daß man der Geister Natur wol in acht neh- men/ vnd erkennen lerne/ daß dieselbe/ ob sie schon einen andern Leib annehmen/ dannoch fuͤr keine Toͤdung/ sondern vielmehr fuͤr eine Verbesserung derselben solten geachtet werden.
Dieses sey nun genug gesagt/ wie man mit den Geistern also trucken ohne Was- ser schwitzen/ vnd viel Kranckheiten vertreiben koͤnne/ zu welcher Kranckheit aber ein jed- weder Geist diene/ wird der guͤnstige Leser in einem besondern Tractat/ wie vielmal er- wehnet/ hernacher geliebts Gott finden. Doch so viel kuͤrtzlich zu wissen/ daß die sulphu- rischen
Spir.
sie seyn gleich auß den Salien/ Mineralien/ oder Metallen gemacht/ gegen alle Verstopffung der innerlichen Glider/ als Miltz/ Lungen vnd Leber/ Vnd Erkaltung der Sehnen vor andern zu preisen seyn/ weilen sie gewaltig erwaͤrmen/ erweichen/ zerthei- len/ außtreiben vnd reinigen/ derenthalben in
Contracturis, Paralysi, Epilepsia, Scor- buto, Melancholia Hypochondriaca, morbo Gallico, Scabie,
vnd andern fistulirten vnd uͤmbsichfressenden
ulceribus,
wie sie auch Namen haben/ eine trefliche Medicin vnd Huͤlffe ist.
Die andere Art aber/ welche auß dem
Tartaro. Corn. Cerv. sal. armon. urina,
vnd dergleichen gemacht/ ist auch zimblicher warmer Natur/ doch nicht also trucken/ sondern neben der Waͤrmbde einer penetrirender/ erweichender/ zertheilender/ ledigmachender vnd auß fuͤhrender Eygenschafft/ derentwegen er auch in allen
obstructionibus
der in- nerlichen Theilen des Leibes/ wie auch der aͤusserlichen Theilen mit Verwunderung wuͤrcket/ dann er die
poros
der Haut/ vor allen andern Dingen eroͤffnet vnd erweichet/ den Schweiß mit Gewalt befoͤrdert/ deßgleichen erweichet vnd eroͤffnet er auch die
Hæ- morrhoides,
vnd verhaltene
menses
der Weiber/ bey Alten vnd
Inngen
/ reiniget vnd erwaͤrmet die Mutter/ giebt Vrsach zur Fruchtbarkeit/ erwaͤrmet/ reiniget/ vnd entledi- get das erkalte vnd verꝛoͤtzte Hirn/ macht ein guten Verstand vnd Gedaͤchtnuͤs. Doch sollen sich dafuͤr huͤten schwangere Weiber/ vnd diejenigen/ welche ein offene Haut ha- ben/ diese vnd dergleichen noch vielmehr guter Tugenden koͤnnen mit Warheit diesem
Spir.
zugeschrieben werden/ welche allhier uͤmb der Kuͤrtze willen vngemeidet bleiben-
A a iij
Diese
Philosophischer Oefen
Diese zwey oberzehlte Weise zu baden/ nemblich/ daß man mit dem gantzen Leib in ein warm Wasser/ welches mit subtilen Geistern imprægniret ist/ sitze/ vnd darinn seine Zeit verbleibe vnd schwitze/ oder aber/ daß die Geister durch das obbeschriebene Instrument in eim trucknen Kasten an den Patienten getrieben werden/ welche dann den Leib durch- gehen/ vnd jhre Operation eben so wol vnd auch wol besser vollbringen/ als vnter Was- ser gemischt/ seynd die geringste Mittel vnd Wege nicht/ die verlohrne Gesundheit wide- derumb zu erlangen/ dieweil vnglaubliche Dinge damit außgerichtet werden. Weilen aber diese
Spir.
davon Meldung geschehen/ vnd zun Baͤdern gebraucht/ in den gemey- nen Apotheken nicht gefunden werden/ vnd auch nicht ein jedweder nach Lehre meines zweyten Tractats solche zu bereyten vermag vnd kan; also offenbare ich hiemit/ daß noch ein andere mineralische Materi gesunden werde/ welche man nicht distilliren doͤrffe/ son- dern dieselbe nur in das kuͤpfferne Instrument lege/ so gehet von eygener Krafft ohne Fewer eben ein solcher sulphurischer/ penetrirender
Spiritus
haͤuffig in den Schwitzka- sten/ uͤmb den Patienten/ gleicher Natur vnd Kraͤfften/ denen/ welche oben im andern Tractat auß den Salien/ Metallen vnd Mineralien zu machen gelehret seyn/ vnd wuͤr- cket in allem so wol vnd kraͤfftig/ daß sich daruͤber zu verwundern ist. Deßgleichen hat die Natur vns auch noch eine ander materi bereytet/ welche allenthalben gefunden/ vnd ebe- ner massen nur also wie sie ist in das Instrument gethan/ einen solchen
Spir.
ohne Fewer/ auß eygener Krafft gern vnd willig von sich giebet/ gleicher Krafft vnd Wuͤrckung/ als dieser vom
Tartaro crudo, sal. armon. fuligine, urina,
vnd dergleichen/ welche oben im andern Tractat zu machen gelehret seyn/ vnd thut dasjenige eben so kraͤfftig/ als jener welcher durch viel Muͤhe vnd Kosten durch die distillation erlanget ist. Koͤnnen also die- se zwey vnterschiedliche Materien genugsamb alles zum baden vnd schwitzen verꝛichten/ was oberzehlten/ so wol sulphurischen/ mineralischen/ als mercurialischen/ animali- schen
Spiritibus
zu thun moͤglich ist. Was aber dieses fuͤr
materialia
seyn/ welche man so leichtlich ohne Kosten erlangen/ vnd so viel gutes in allen Kranckheiten damit verꝛich- ten koͤnne/ solte wol jederman gern wissen wollen/ welches ich auch gern den Frommen goͤnnete/ weilen aber der groͤssere Hauff allzeit vndanckbar/ vnd solcher grossen Medi- ein vnwuͤrdig erfunden wird/ also finde ich nicht rathsam die Perlin fuͤr die Schweine zu werffen/ die Frommen aber/ denen es Gott goͤnnet/ werden solche Materi auß mei- nen andern Schrifften leichtlich erlernen vnd finden koͤnnen.
CAP. XXXIV.
Folget nun wie man in einem hoͤltzern Zuber oder Faß/ in
Mangel eines Kessels/ allerhand Dinge kochen/ Bier/ Meth/ vnd Essig brawen koͤnne.
A
Llhier findet sich eine Materi/ davon sehr viel zu sagen were/ wiewol allenthalben Leue gefunden werden/ welche auß Korn Maltz/ vnd auß Maltz hernach Bier vnd Essig brawen/ dannoch so gemeyn es auch bey jedermann ist/ were noch viel daran zu verbes-
sern/
Dritter Theil.
sern/ weilen aber mein Vorhaben allhier nicht ist/ solche Dinge zu lehren/ so bleibt es nur bey dem Gebrauch des Instruments/ ein jedweder/ der kein Kessel hat/ kan jhm gleichwol noch diese Invention zu nutz machen/ vnd solches durch eine solche kuͤpfferne Kugel mit eim Faß verꝛichten/ gleich oben bey andern
operationibus
gelehret/ vnd sein Bier so gut machen/ als er gelehrnet hat vnd gewohnet ist.
Weiters koͤndte ich allhie manchem mit wenig Worten zu sehr nuͤtzlichen vnd schoͤnen Kuͤnsten helffen/ wie man nemblich dem Honig seinen Geschmack vnd uͤbelen Geruch durch ein Niederschlag benehmen/ vnd hernach einen lieblichen
Spir.
deme/ wel- cher/ auß Wein gebrandt nicht weichende/ machen koͤnte/ deßgleichen/ wie ein guter wol- geschmackter/ lieblicher/ klarer/ vnd waͤrhafftiger Wein/ dem besten Malvasier gleich/ darauß koͤnne zugerichtet werden. Item/ wie man nach seiner Laͤuterung denselben kan machen anschiessen vnd candisiren/ so lieblich vnd gut am Geschmack als Zucker. Item/ wie man seine suͤsse koͤnne uͤmbkehren/ vnd zu Weinstein machen/ deme in allem gleich/ welcher in den Weinfassen gewachsen ist. Item/ wie man auß allen Baumfruͤchten/ als Kirschen/ Biren/ Aepffeln vnd dergleichen einen waͤhrhafften vnd viel-Jahr-bestaͤndi- gen/ guten vnd wolschmaͤckenden Wein/ welcher von deme auß Trauben gemachtem Wein an Geschmack/ Farb/ Tugend vnd Kraͤfften nicht vnterschieden ist/ machen koͤn- ne. Deßgleichen auß den vnzeitigen sauren Trauben/ welche in kalten Landen/ oder sonst bey kaltem Wetter gewachsen/ vnd nicht reyff genug sind/ durch Verwandlung jhrer saͤure in ein suͤsse/ die beste Wein darauß zu machen welche dem Rheinischen im gering- sten nichts bevor geben. Auch wie man von Sauerampffer/ vnd andern vegetabilien ei- nen schoͤnen Weinstein/ des besten Rheinischen Geschmacks/ in Farb/ Tugenden/ vnd allen Proben gantz gleich/ in grosser
copia
mit sehr kleinen Kosten machen koͤnne. Item/ wie man auß Korn ohne Maltzmachen oder mahlen/ einen Brandewein/ klaren vnd lieblichen Essig dem Rheinischen gleich machen koͤnne: Deßgleichen auß dem gemahl- nen Korn oder Maͤhl einen guten
Spir.
distilliren/ vnd das Maͤhl noch gut vnd wolge- schmackig/ gesund Brod gebe.
Diese vnd dergleichen noch viel schoͤne vnd nuͤtzliche Veraͤnderung vnd Verbes- serung der Gewaͤchsen/ dadurch viel Nutzen zu schaffen/ koͤnten sich hieher wol schicken/ weilen aber nicht gut ist alles auff einmal gemeyn zu machen/ vnd das Buch gegen mei- nen Willen viel zu gros werden wuͤrde/ so wollen wir es jetzuuder bey der Anregung/ daß solche vnd dergleichen bishero noch vnbekandte schoͤne Wissenschafften der Natur
moͤglich seyn/ beruhen lassen/ vnd diesen Dritten Theil hiemit beschliessen, Hoffentlich/ so klein es auch ist/ derselbe noch manchem zu sei- nem Vorhaben dienen werde.
GOTT
dem
Herren
befohlen.
Ende des Dritten Theils.
FUR-
Philosophischer Oefen
FURNI PHILOSOPHICI,
Oder
Philosophischer Oefen/ Vierdter Theil:
Darinnen beschrieben wird des Vierdten Ofens Eygenschafft/
mit welchem man alle Berg-arten/
Mineralia
vnd Metallen/ auff eine viel naͤhere vnd bessere Weise/ als bishero bekant gewesen/ probieren/ vnd jhren Halt fin-
den: Deßgleichen
anch
/ wie man ein Metall von dem andern durch den Guß kuͤnstlich separiren vnd scheiden/ vnd sonsten vieler- ley kuͤnstliche Arbeit durchs Schmeltzen ver- richten koͤnne.
CAPUT PRIMUM.
Von Bereytung des Ofens.
D
Er Ofen kan so gros oder klein gemacht werden/ als man wil/ nachdeme man auf einmal viel oder wenig darinn schmeltzen will/ oder nachdem man solchen zu seinem Werck gros oder klein vonnoͤthen hat: Wann der Ofen inwendig eines Werckschuchs weit ist/ so kan man einen Tiegel dareyn setzen/ der vngefaͤhr 4. 5. oder 6. Marck haͤlt: So man aber groͤssere Tiegel wolte eynsetzen/ muͤste auch der Ofen desto groͤsser oder weiter darzu gemacht werden. Vnd muß derselbe von gu- ten Fewer-bestaͤndigen Steinen vnd
Luto
viereckicht auffgesetzt werden/ von der Er- den 1. oder 2. Fuß hoch/ ehe man den Roͤster leget/ welcher also gemacht seyn muß/ daß man denselben/ wann er von uͤbergelauffenen Tiegeln/ Schlacken/ oder anderm Vn- rath/ welcher mit den Kohlen hineyn kommen/ moͤge reinigen: Oder/ er soll gemacht seyn/ gleich dieser oben im Ersten Theil/ erstlich zwo dicke Stangen zwerchs in dem Ofen faͤst eyngemawret/ mit Faltzen geschnitten/ dareyn andere 5. 6. oder 7. kleinere/ nemblich in den Faltzen faͤst vnd vnbeweglich liegen koͤnnen/ welche/ so sie verschlacket vnd verstopffet/ koͤnnen bewegt/ oder außgenommen werden/ vnd soll auch vnter dem Roͤster/ am vorder-Theil des Ofens/ auff dem Boden ein Loch gelassen werden/ vn-
gefaͤhr
Vierdter Theil.
gefehr einer kleinen Spannen weit vnd hoch/ mit einer Thuͤr von Eysen oder Kupffer/ welche man beheb/ wann es vonnoͤthen ist/ schliessen koͤnne/ vnd auff einer oder andern Seyten recht vnter dem Roͤster auch eines/ dadurch man den Wind eynlassen/ vnd durch ein Register/ welches man auff- vnd zu schieben kan/ das Fewer regieren moͤge. Deßgleichen soll auch ein Loch einer zwerchen-hand breyt uͤber dem Roͤster gemacht seyn/ dardurch man den Tiegel auß- vnd eynsetzen/ deßgleichen Kohlen eyntragen koͤnne/ vnd solches nach Groͤsse des Ofens proportioniret/ als nemblich/ wann der Ofen inwendig eines Werckschuchs weit ist/ so muß das Kohlen-loch eines halben Werckschuchs weit/ vnd beynah eines gantzen hoch seyn/ auff daß man desto fuͤglicher den Tiegel auß vnd eynsetzen/ deßgleichen mit einer Schuͤpp die Kohlen eynwerffen koͤnne/ vnd soll fuͤr das- selbige Loch ein Fewer-bestaͤndige/ steinerne oder eyserne mit gutem
luto
beschlagene Thuͤr gemacht werden/ welche man beheb vnd dicht zuschliessen moͤge/ auff daß wann der Tiegel in der Glut stehet/ das Fewer kein Lufft dardurch nehmen moͤge/ sondern sol- che auß dem Neben-Loch vnter dem Roͤster allein zu sich ziehen muͤsse; vnd muß der Ofen ober dem Kohlenloch noch ein gute Spannen hoch hoͤher auffgemawret werden/ daruͤber ein Gewoͤlb mit einem runden Loch/ vngefehr einen dritten Theil so weit als der Ofen ist/
dnrch
welches die Flamm vnd Rauch spielen moͤge/ vnd so man mit gros- ser Gewalt schmeltzen will/ kan man auff das Loch ein Roͤhre von starckem Eysenblech gemacht setzen/ vngefehr 5. 6. 8. oder 12. Schuch hoch/ vnd je staͤrcker das Fewer bren- nen/ vnd Hitz geben soll/ je hoͤher soll auch die Roͤhren seyn: Vnd so man will/ kan man uͤber das Gewoͤlb 1. 2. oder 3. Kammern mit jhren Thuͤren/ die man schliessen kan/ auff- einander bawen/ auff daß sich die Flamm darinnen fange/ vnd zu gut komme/ in welchen Kammern man nach Gelegenheit vnterschiedliche
operationes
verꝛichten kan; wel- che Kammern auch vnterschiedliche
gradus
des Fewershaben; dann die vnterste wird so heiß/ daß man darinnen leichtfluͤssige Metallen/ Mineralien vnd Salien im Fluß halten kan; deßgleichen kan man darinn cimentiren/ calciniren/ vnd reverberiren. Auch kan man seine Tiegel/ vnd andere nothduͤrfftige erdene Geschirꝛ/ die man selbsten von guter Erden gemachet/ (wie im Fuͤnfften Theil gelehret wird) darinn brennen/ glasiren/ backen/ auch kan man im fall der Noth darinn abtreiben/ verblasen/ vnd roͤsten. In der andern Kammer/ welche etwas weniger Hitze hat/ als die Erste/ kan man auch Ertz vnd Bergarten roͤsten; die
Calces Metallorum,
als Bley/ Zinn/ Eysen/ vnd Kupf- fer/ welche man zu den Wercken vonnoͤthen hat/ darinn bereyten vnd zurichten: Auch kan man
Tartarum crudum,
vnd andere vegetabilische Dinge (jhr Saltz darauß zu ziehen/ welches zu den
laboribus Chymicis
nicht zu entrathen:) Deßgleichen die Hoͤr- ner vnd Beiner/ welche man zu den Capellen braucht/ wie auch geschleimte Holtz-aschen: darinnen calciniren/ vnd zum Gebrauch bereyten. In der Dritten Kammer/ wel- che viel lindere Hitze hat/ als die Zweyte/ koͤnnen die zubereyte Tiegel/ Ciment-Buͤch- sen/ Deckel/ vnd andere Instrumenten/ die man von guter Erden zum Gebrauch hat zugerichtet/ fein wol durchauß truckenen/ vnd zum brennen/ so in der Ersten Kammer
B b
geschicht/
Philosophischer Oefen
geschicht/ vorbereyten/ vnd was sonsten mehr nothduͤrfftige Dinge vorfallen/ in diesen 3. Kammern wol verꝛichten/ also daß man kein besonder Fewer derentwegen anma- chen/ vnd viel Kohlen verbrennen doͤrffe. Vnd weiters/ so dieser Ofen auffs allerstaͤrck- ste treiben vnd schmeltzen solle/ so muß man ein langen Windfang oder Canal vnten an das Lufftloch/ da das Register an ist/ accommodiren/ auff daß das Fewer seine Lufft auß der weite vnd ferne her zu holen gezwungen sey. Dann je ferner das Fewer seine Lufft muß holen/ vnd je hoͤher es auch spielen muß/ ehe es einen Außgang oder Lufft wieder findet/ je staͤrcker es schmeltzen vnd Hitz geben kan: Derentwegen vnten der lan- ge Windfang/ vnd oben die hohe Roͤhren vonnoͤthen. Vnd so man eine gelegene Kam- mer hat/ in welcher neben dessen Schornstein noch ein anderer von vnten herauff ge- het/ so kan man den Ofen vnter den ober Schornstein setzen/ vnd ein Loch durch die Mauer brechen/ ein Register daran accommodiren/ dardurch das Fewer seine Lufft auß der tieffe des Neben-Schornsteins holen muͤsse/ also darff man keines besondern Wind- fangs/ vnd thut man nur in der vnter Kammern eine Thuͤr oder Fenster auff/ auff daß die Lufft in den Schornstein gehen moͤge/ so zieht das Fewer den Wind auß dem Neben- Schornstein also kraͤfftig zu sich/ daß sich darob hoͤchlich zuverwundern ist/ vnd jhme kein Balg gleich thut/ also/ daß auch der Ofen/ so er nicht von Fewer bestaͤndiger Erden gemacht were/ dahin schmeltzen wuͤrde/ wie dann offtermals die beste Tiegel/ so dieselbe lang in dem grossen Fewer stehen/ nicht bestehen/ sondern zusammen fallen vnd schmel- tzen/ derentwegen das Register ordiniret/ auf daß man das Fewer damit regieren/ vnd so viel oder wenig/ als man selber will/ Hitze geben koͤnne.
Dieser Ofen nun/ so schlecht er im ersten vorkompt/ ist/ naͤchst Gott/ das einige Mittel/ dardurch ich alle meine beste Wissenschafften erlangt habe. Dann zuvor hab ich mich von Jugend auff bey andern vnd hernach bey mir selber/ elendiglich mit den kurtzen gemeynen Windoͤfen vnd Blasbaͤlgen marteln vnd quaͤlen muͤssen/ welches mir nicht wenig an meiner Gesundheit geschadet/ indeme man sich vor dem Stanbe vnd giffti- gen Rauch gantz nicht bewahren/ oder huͤten kan; allhier aber darff man sich gantz vnd gar nicht allein keines gifftigen Gestancks/ Rauchs/ vnd Staubs/ sondern auch keiner vnleydlichen Hitze befoͤrchten: Dann dieser Ofen im geringsten keinen Rauch/ als oben hinauß von sich giebet/ ja ziehet auch so starck an sich/ wann man die Thuͤr auffthut/ Tie- gel auß vnd eynsetzet/ oder Kohlen hineyn wirfft/ daß auch ein ander Rauch/ wann er schon ein halbe Ehlen von dem Ofen were/ mit Gewalt durch des Fewers Krafft wird zu sich gezogen/ vnd weilen das Fewer so kraͤfftig an sich ziehet/ so behaͤlt es auch sein eygen Hitze bey sich/ also daß man sich nicht dabey verbrennet/ doch ist vonnoͤthen/ daß man ei- nen dreyfachen leinen nassen Handschuh an diese Hand ziehe/ mit welcher man die Zan- ge halte/ vnd in die andere einen Schirm von Holtz/ dardurch man in das Fewer sihet/ sein Gesicht vor dem hellen Glantz zu bewahren/ nehme/ sonsten hat man sich darbey wei- ter fuͤr gifftigen Duͤnsten der Kohlen/ vnd solches Zeugs/ den man schmeltzet/ wie auch keiner Hitze im geringsten nicht zubefahren/ welches fuͤrwar einem Laboranten ein grosse
Wol-
Vierdter Theil.
Wolthat ist. Ich bekenne rund auß/ so ich diesen Ofen nicht gefunden haͤtte/ den ich auch uͤber 4. Jahr noch nicht gehabt/ ich haͤtte die gantze
Alchymiam
mit all jhrer muͤhseligen Arbeit/ Gestanck vnd Sudelen/ mit grossem Verdruß vnd Schaden auffgeben/ dann ich allbereyt so viel Jahr lang mit allerhand gefaͤhrlichem Schmierwerck/ vnd verdrießlicher Kocherey/ mein Leben in Muͤh/ Arbeit/ Wachen vnd Gestanck/ vnd vielen Sorgen zuge- bracht/ also/ daß es mir ein Grewel war/ vnd die Haar zu Berge stunden/ wañ ich in mein
Laboratoriũ
gienge/ vnd so vielerhand Materialien vnd
Species
in Pappiren/ Schach- teln/ vnd Geschirꝛen/ wie auch so mancherley gantze vnd gebrochene erdene/ glaͤserne/ kuͤpf- ferne/ vnd eyserne Instrumenten/ da liegen sahe/ daß ich mich auch vielmals vngluͤcklich achtete/ weilen ich mich in ein solche elende Sclaverey begeben hatte/ sonderlich auch darumb/ weilen ich klaͤrlich sahe vnd merckte/ daß jhrer baͤlder 100. durch die
Alchymiam
verduͤrben/ als einer (deren ich auch einer war) damit nawlich seine Kost gewinnen koͤn- te: Solcher beweglicher vrsachen halben ich mir gaͤntzlich fuͤrgenommen/ weiters damit nicht mehr uͤmbzugehen/ sondern mich an die Medicin vnd
Chirurgiam,
da ich niema- len vngluͤcklich gewesen/ zu halten/ vnd mein Nahrung hinfuͤrder/ so gut ich konte/ darinn zu suchen: Da ich aber nach gutem Rathschluß/ solches ins Werck zu stellen gedachte/ vnd alle Bruͤllen von Potten/ Glaͤsern/ vnd allerhand Instrumenten/ meynte hinweg zu werffen/ fand en sich vnter andern auch noch etliche gebrochene Tiegel/ darinn Gold vnd Silber geschmoltzen ware/ vnd noch voller Koͤrner hiengen/ welche ich zusammen la- se/ vnd neben anderm Kretz vnd Zusammen-fegsel fuͤrname zu schmeltzen/ vnd zurecht zu bringen: Da ich aber allbereyt mein Blasbaͤlge schon verkaufft hatte/ vnd mir vnmoͤg- lich auff andere Weg vnd Weise solchen hartfluͤssigen Zeug zu schmeltzen/ gedachte ich den Sachen besser nach/ vnd fande also diesen Ofen/ bawet solchen alsobalden auff/ vnd probiret denselben/ vnd fand jhn so kraͤfftig vñ gut/ daß ich wiederumb ein Muth schoͤpff- te/ vnd einen andern Sinn vnd Meynung bekam: In dem ich spuͤrete/ wie leichtlich vnd
compendiosè
man das schmeltzen damit verꝛichten koͤnte/ fienge derohalben wieder an zu suchen vnd schmeltzen/ vnd fand von Tag zu Tag je laͤnger je mehr schoͤne Secreten vnd Heimlichkeiten der Natur/ welche mich nicht wenig erfreweten/ liesse also nicht ab/ vnd suchte so lang/ bis daß mir Gott endlich die Augen auffthaͤt/ vnd zeygte/ woran ich so lange Zeit vergeblich gearbeitet hatte; merckte gleichwol so viel dabey/ wann ich zuvor schon mehrers gewust haͤtte/ gleichwol ohne diesen Ofen schwerlich haͤtte zurecht kom- men koͤnnen: Hab also hinfuͤrter durch die Gnade Gottes/ mit Huͤlff dieses Ofens von Tag zu Tag mehr vnd mehr gefunden/ dafuͤr ich dem Allmaͤchtigen vnd guͤtigen Gott all mein Lebenlang schuldigen Danck erzeigen/ vnd auch meinem Naͤhesten solche herr;- lich Invention des Ofens trewlich zu communiciren nicht vnterlassen soll.
Nun will ichs einem jedweder/ der im Fewer kuͤnstelt/ heimbstellen/ vnd vrthei- len lassen/ ob nicht dieser Ofer viel bequemer sey zu allem schmeltzen/ als ein gemeyner Wind-Ofen oder Blasbalg? Dann so du etwas hartfluͤssiges in eim Wind-Ofen schmeltzen wilt/ wie lang muß solches stehen ehe es in Fluß kompt? Wie viel Zeit vnd
B b ij
Koh-
Philosophischer Oefen
Kohlen kostet es? So du dann fuͤr dem Geblaͤs schmeltzest/ mustu allzeit jemand bey dir haben/ der dir solchen ziehe/ vnd must allzeit sorgen/ daß der Tiegel von dem Wind/ wann jhme die Kohlen entgangen/ zerbreche/ vnd dein Gut ins Fewer lauffe: Auch bla- sen sich die Tiegel leichtlich uͤmb/ oder faͤllt der Deckel ab/ vnd Vnreinigkeit in den Tie- gel/ wiewol so viel nicht angelegen ist/ wann Metallen geschmoltzen werden/ daß Koh- len in den Tiegel fallen/ so man aber
Salia
vnd Mineralien schmeitzet/ ohne welche die Metallen im Guß keine Verbesserung erlangen/ leyden sie keine Kohlen/ sondern lauf- fen dann uͤber/ vnd giebt grosse Hindernuͤs/ welches allhier in diesem Ofen nicht zu foͤrch- ten/ dann der Wind von vnten auff rings uͤmb den Tiegel gehet/ vnd kan man auch allzeit darzu sehen/ weilen dieselbe so tieff nicht mit Kohlen doͤrffen begraben seyn/ gleich wie bey den gemeynen Wind-Oefen/ vnd fuͤr dem Geblaͤs geschehen muß: Allhier aber kan dem Zeug schmeltzen/ wann der Tiegel schon nur halb in den Kohlen stehet/ vnd der Deckel frey vnd vnbedeckt ist/ vnd darff man auch keines Gehuͤlffens/ der den Blasbalg ziehet/ sondern man regieret das Fewer mit dem Register/ giebet solchen Grad/ als man selber haben will/ gleich als wann man solches in einem Sack haͤtte/ vnd so viel darauß nehmen koͤnte/ als man bedarff.
Will derhalben diesen Ofen allen denjenigen/ die jhr Gluͤck im Fewer suchen/ hoch commendiret haben/ daß sie danselben wol auffbawen/ daß er starck blase/ vnd mit dem Register recht versehen/ auff daß das Fewer behoͤrlich moͤge regiert werden/ so bin ich versichert/ daß viel guts damit werde außgerichtet/ vnd manchen damit auff die Bein geholffen werden.
CAP. II.
Wie man allerhand Ertz vnd Berg-arten probiren/
in jhren Halt finden soll.
E
Rtz vnd Bergwerck zu probiren ist nun allenthalben bekant genug/ derohalben nicht noͤthig etwas weiters davon zu schreiben/ weilen allbereyt vor langer zeit vn- terschiedliche beruͤhmbte Bergleuthe vnd Probierer/ als
Georgius Agricola, Lazarus
Ercker/ vnd andere mehr/ deutlich vnd außfuͤhrlich genug davon geschrieben/ an welcher Schrifften ich den guͤnstigen leser will gewiesen haben. Sonderlich hat der weitberuͤmb- te
Lazarus
Ercker/ ein schoͤn Buch lassen außgehen/ welches sehr deutlich vom vnter- scheyd der wilden vnd milden Ertzen solche zu probiren lehret/ also daß das geringste nichts daran zu tadeln ist: gleichwol findet sich in der Prob/ daß er vnd seine Vorfahren noch nicht alles gewust haben/ oder wol gewust/ vnd nicht haben schreiben/ oder gemeyn machen wollen. Deme sey nun wie jhm wolle/ so findet sich in der That/ daß das beste noch vnbeschrieben ist/ vnd villeicht auch so bald/ wegen der vndanckbaren Welt/ nicht wird beschrieben werden. Wiewol die fuͤrnehmste vnd warhaffte
Philosophi
eynhellig melden/ daß die vnvollkommene Metallen/ als Bley/ Zinn/ Eysen/ Kupffer/ vnd Queck-
silber
Vierdter Theil.
silber in jhrem innersten gut Silber vnd Gold seyn/ gleichwol solches schier von nie- man bishero geglaubt/ oder die Warheit in der That also durch Vnachts
sam
bke
i
t vnd Vngeschickligkeit gefunden worden/ sondern hat sich ein jedweder mit demjenigen be- nuͤgen lassen/ was er von seinen Vorfahren gehoͤret vnd gesehen; Nemblich/ wenn nichts auff der Capellen mit dem Bley geblieben/ fuͤr vnhaͤltig geachtet; da doch die Ca- pellen prob fuͤr das rechte
Examen
der Metallen/ (welche bishero schier von jedermann darfuͤr gehalten worden/) der
Philosophorum
nicht/ sondern nur der Bergleuthen vnd gemeynen Probirern jhr Prob ist/ welches mir viel
Philosophi
werden Zeugnus ge- ben/ als
Isaacus Hollandus,
vnd fuͤrnemblich
Paracelsus
an vielen Orthen/ da er von den Metallen schreibet/ sonderlich in seinem Buͤchlein/ daß er
Vexationem Alchymi- starum
nennet/ in welchem die gantze gruͤndliche Eygenschafft aller Metallen/ vnd jhrer Verbesserung deutlich genug beschrieben ist: Ob nun schon ein jedweder solches nicht ver- stehet/ schadet nicht/ es soll so gemeyn auch nicht werden/ so schlecht vnd gering auch die Kunst ist/ welcher außdruͤcklich meldet/ daß die gemeyne Metallen/ durch Ablegung jhrer Vureinigkeit viel gut Silber vnd Gold halten: Wie aber solche Ablegung vnd Saͤu- berung der gemeynen Metallen geschehe/ sagt er nicht/ sondern ruͤhmet vnd lobt das Bley sehr/ als einen Meister solches zu verꝛichten/ dahero allzeit von den vnversuchten Alchymisten geglaubt/ daß es nur das gemeyne Bley sey/ vnd sein Wasser nicht geken- net/ (durch welches er doch nicht allein andere Metallen/ sondern auch sich selber waͤschet vnd reiniget) haben gemeynt/ wann sie Zinn/ Eysen/ oder Kupffer mit Bley auff einer Capellen lassen abgehen/ daß solches die rechte Waschung were/ vnd nicht gemercket/ daß jhr Bley kein Gemeynschafft mit Zinn vnd Eysen in starckem Fewer leydet/ son- dern dieselbe also schwartz vnd vnsauber/ ohn einige Verbesserung wieder von sich stoͤßt/ wie jederman wol bewust ist. Dieses aber kan das gemeyne Bley/ wann Ertz oder Berg-arten/ die vollkommen Silber vnd Gold halten/ auff was Weise es auch sey/ jhme zugesetzet/ vnd im Fewer eynverleibet werden/ es mit derselben Vnreinigkeit auff der Capellen eyngehet/ vnd laͤßt das Silber vnd Gold allein zuruͤck auff der Capellen sitzen/ welches die Bergleuth abgetrieben heissen: Vnd geschicht solches auff diese Wei- se; weilen Silber vnd Gold von Natur von jhrem
Sulphure superfluo
gewaschen/ vnd gereinigt seyn/ also daß dieselben auch hinfuͤrter sich nicht wieder mit den vnvollkomme- nen Metallen/ (welche noch voller vnreinen vnd vnzeitigen groben
Sulphuris
stecken/)
radicaliter
vermischen wollen/ zwar mit denselben sich gern vnterschmeltzen vnd men- gen lassen; so bald aber hernach solche
mixtur
in das Fewer kompt/ so arbeit der verbrenn- liche
Sulphur
der gemeynen Metallen/ in seinem eygenen Quecksilber/ macht solchen zu einer Schlacken/ welche Schlacken so die
mixtur
auff guten Capellen steht/ weil sie sich von dem Metall scheydet/ in die
porose materi
der Capellen schlucket vnd eyngehet/ wel- ches anff einem bestaͤndigen von guter Etden gemachten Treibscherben nicht geschicht/ sondern/ ob sich dieselbe schon von dem Metall scheydet/ gleichwol in die Erden nicht ge- het/ sondern darauff als ein bruͤchig oder Schlack-wesen stehen bleibt; auff der Capellen
B b iij
aber/
Philosophischer Oefen
aber/ weilen solche von lucker-Holtz oder Beinaschen gemacht/ leichtlich eyngehen kan: Gehet derohalben allgemach so viel das Fewer zu Glett oder Schlacken macht/ in die Capellen/ so lang vnd viel bis alles Bley/ das bey dem Silber oder Gold war/ mit den andern vnvollkommenen Metallen/ welche sich damit vereynigen/ zu Schlacken wor- den/ sich in die Capellen verkrochen hat/ vnd das fein Silber vnd Gold allein sitzen bleibt. Dann diese Natur hat das Bley/ wann es in einem flachen Geschirꝛ oben Hitz befindet/ vnd vnten Kalt stehet/ daß es alles zu Glett wird/ geschicht solches auff guter Compacter Erden/ so bleibt der Glett stehen/ vnd wird endlich zu einem gelben durchsichtigen
Vitro,
wann kein andere Metallen dabey seyn: So aber andere Metallen als Kupffer/ Ey- sen oder Zinn dabey seyn/ so faͤrbet sich auch das
Vitrum
davon/ vnd wird gruͤn/ roth/ schwartz vnd weiß/ nachdem des Metalls viel oder wenig dabey gewesen. So aber solches geschicht auff einer Capellen/ die von lucker Aschen gemacht ist/ so findet die Schlacken oder. Glett
poros,
darinn sie gehet/ so lang bis alles Bley eyngangen/ welches dasselbe nit gethan haͤtte/ sondern wol darauff were stehen blieben/ wann es nit zu Glett worden were. Ist also das Abtreiben nichts anders/ als ein Verwandlung des Bleys mit seinem vnvollkommenen Zusatz in ein Schlacken/ welche in die Capellen gehet/ vnd das Silber vnd Gold/ welches zu keiner Schlacken/ wegen seiner reinen Natur/ hat werden koͤnnen/ sauber vnd fein zuruͤck bleibt.
Dieser Vnterꝛicht moͤchte manchem vnnoͤtig zu seyn vorkommen/ weilen das Ab- treiben allbereyt uͤberall gemeyn vnd bekant ist; der soll wissen/ daß er nicht vnnoͤthig/ sondern sehr noͤthig ist zu wissen: Dann der mehrertheil die mit Abtreiben uͤmbgehen/ nicht wissen wie es hergehe mit dem Abtreiben/ sondern vermeynen das Bley lauffe also corporalisch mit dem Kupffer vnd anderm Zusatz in die Capellen/ weilen es sich wieder corporalisch darauß schmeltzen laͤßt/ vnd nit in einer Glettgestalt außkompt: Es ist zwar auch nicht noͤthig solchen Leuten viel Vnterꝛicht davon zu thun/ weilen sie solchen zu jh- rem Werck nicht vonnoͤthen haben/ sondern nur jhr Arbeit ohne Nachdencken hinweg thun/ als ein ander Handwerck; Ist aber nur denen zu lieb geschrieben/ welche keinen fleiß sparen die Natur zu durchsuchen/ vnd nach einem Philosophischen Abtreiben trach- ten/ den Vnterscheyd bey der Arbeit auß diesem Discurs zu erlernen.
Was aber nun das Ander bisher doͤch vngemeyne (davon Meldung geschehen) fuͤr ein Abtreiben sey/ dardurch vielmehr Silber vnd Gold erhalten wird/ als durch bekand- te vnd gemeyne Weise/ gehoͤret noch nicht jederman zu wissen/ vnd gemeyn zu seyn/ ist ge- nug daß man Anleytung darzu habe/ daß solches der Kunst moͤglich sey: Doch so viel zur Nachrichtung soll ich nicht verhalten/ wann du Zinn/ Eysen/ oder Kupffer dahin brin- gen kanst/ daß dieselbe sich mit dem Wasser des
Saturni radicaliter
vniren/ vnd die Ge- walt des Fewers miteinander außstehen koͤnnen/ so wird das Bley ein Scheydung ma- chen/ das Gold vnd Silber auß obgedachten imperfecten Metallen zu sich nehmen/ vnd auff der Capellen hernach reichlich zuruͤck lassen/ sonsten wirstu wenig oder gar nichts auß jhnen bringen/ dann ob du schon dieselbe mit Bley/ nach Lehr der Probierer/ an-
siedest/
Vierdter Theil.
siedest/ vnd verschlackest/ so richtestu doch nichts damit auß/ dann Zinn vnd Eysen/ wel- che sehr Gold- vnd Silberꝛeich seyn/ bleiben nicht bey dem Bley in starckem Fewer/ son- dern setzen sich wegen jhres zu viel habenden Sulphurs oben auff/ als ein Haut oder Schlacken/ gleich wie ein Fettigkeit auf gemeynem Wasser/ vnd giebt keine Scheydung/ doch außgenommen solches Zinn oder Eysen/ welches im ersten Schmeltzen auß der
mi- nera Lunæ
vnd
Solis
kommen ist. Also macht bisweilen ein Laborant vngefehr ein gute Prob/ in deme er vnwissend einen guten Weg trifft; weilen es aber ohne Verstand ist her- gangen/ vnd seines Thuns kein
Rationes
geben kan/ so will es hernach also nit mehr an- gehen/ sondern bleibet damit stecken. Wann die
Chymici
oder andere die mit Abtreiben ümbgehen/ den Sachen ein wenig nachdaͤchten/ insonderheit die Vrsach suchten/ war- umb jhr Bley/ welches einmal abgetrieben/ sein Silber zuruͤck gelassen/ vnd wieder auß der Capellen geschmeltzet ist/ noch Silber halte/ sie wuͤrden leichtlich auff einen gu- ten Grund gelangen; so lang man aber solcher Vrsach vnwissend bleibt/ so lang man nichts guts auß den vnvollkommenen Metallen zu hoffen hat. Dieses sey nun von eim besondern bishero noch gantz geheimen probieren/ vnd Abtreiben der Metallen ge- sagt. Das gemeyne/ welches allenthalben im Schwang gehet/ anbelangend/ ist nicht noͤthig etwas davon zu melden/ weilen
Lazarus
Ercker solches außfuͤhrlich genug be- schrieben hat.
Weiters ist noch ein Weg ohne Bley die Ertz vnd Berg-arten zu versuchen/ was fuͤr Metall sie fuͤhren; nemblich/ mit Venedischen/ oder sonst fluͤssigem Glas/ in deme man des Ertzes oder Berg-art 1. oder 2. Granen klein pulverisirt/ vnd vnter 1. Loth klein gepulvert Glas mischet/ solches in eim verdeckten Tiegel schmeltzt vnd außgeußt/ so wird das Glas die Berg-art gantz vnd gar zu sich nehmen/ auffsolviren/ vnd sich davon faͤr- ben/ an welcher Farb man erkennen kan/ was die Berg-art oder Ertz fuͤr ein Metall hal- te/ darnach man ferner sein probieren mit dem Bley anstellen kan/ wann man nemblich zuvor weiß/ was darinn ist. Vnd dienet diese Vor-probe sehr wol auff die allerwildeste Berg-arten/ als Blutstein/ Schmirgel/ Granaten/ schwartz vnd rothen Talck/ ꝛc. welche offtermals viel Silber vnd Gold halten/ vnd gleichwol nicht ins Bley gehen wolle/ de- rohaben manche Bergart die sehr reich am Gold ist/ hinweg geworffen/ vnd nicht geach- tet wird/ weilen solche nicht probirt kan werden: Wann man aber versichert ist/ durch ein solche Vor-prob/ was darinnen sey/ so darff man desto kuͤhner hernach suchen/ solche zu- recht zu bringen. Vnd seynd dieses die Farben: Wird das Glas Meergruͤn davon/ so ist nur Kupffer darinn: Wird es Grasgruͤn/ so ist Kupffer vnd Eysen zugleich darinn: Wird es Rostgelb davon/ so haͤlt der Stein Eysen: Wird es Bleichgelb/ so haͤlt es Zinn: So aber Goldgelb oder Rubinroth/ Silber: Blaw oder Saphirfarb/ fein Gold: Sinaragdenfarb/ Gold vnd Silber zugleich: Ametistenfarb/ Gold/ Silber/ Kupffer vnd Eysen zugleich. Vber diese Farben bekompt bisweilen das Glas noch andere Far- ben/ nach dem vnterschiedliche Metallen/ des einen mehr als des andern/ in der Berg- art ist/ welches durch Vbung muß erlernet/ vnd sein probieren hernach mit dem Bley
ange-
Philosophischer Oefen
angestellet werden. Auch koͤnnen Vorproben mit Salpeter/ so wol auff allerley Ertz vnd Bergarten/ als Metallen gemacht werden; Vnd giebt sonderlich Zinn/ Eysen/ vnd Kupffer reichlich/ daß aber hernach solches in dem Bley nichts geben will/ folget nicht/ als wann nichts darinn were/ sondern zeiget klaͤrlich an/ daß das gemeyne Bley der rechte Probmeister der Metallen nicht sey; dann so ers were/ wuͤrde er in grossem das- jenige was in kleinem darinn gefunden wird herauß bringen koͤnnen; Vnd geschicht die Prob also:
Man machet ein
mixtur
von 1. Theil guten
Sulphur:
2. Theilen reinen Wein- stein/ vnd 4. Theilen wol gelaͤuterten Salpeter/ von welcher
unc. j.
man
dragm. j.
kleiu gepulverisirt Ertz oder Metall mischet/ thut solches zusammen in einen Tiegel/ stecket ein gluͤend Eysen oder Kohlen dareyn/ so entzuͤnd sich die
mixtur,
vnd giebt ein gewal- tig schnell vnd heiß Fewer/ dardurch das Ertz oder Metall zu Schlacken wird; Was aber nicht zu Schlacken wird/ muß wieder mit solcher
mixtur
gebrand werden/ bis al- les verzehret ist; solche Schlacken oder Saltz/ darinn das Ertz oder Metall vezehret ist/ muß man in einem starcken Tiegel so lang fliessen lassen/ bis ein
Vitrum
darauß wird/ solches außgossen/ so find sich ein klein Korn Gold oder Silber/ welches das Ertz oder Metall hat von sich geben/ vnd so du nun recht damit uͤmbgēhest/ vnd triffst/ wirst du deinen Lust daran schen/ doch keinen Nutzen daran haben/ in dem solche Arbeit in grossem nicht zu thun ist/ auch der Salpeter zu koͤstlich darzu faͤllet/ ist nur darumb angezeigt/ auff daß man sehe/ daß beynahe alles Zinn/ Eysen vnd Kupffer/ Gold hal- te/ ob es schon keines auff der Capellen giebt mit Abtreiben. Vnd darff jhm niemand eynbilden/ als wann diese Arbeit ein Transmutation were/ gantz nicht/ es ist nur ein außbringen vnd scheyden/ darnach man seine Rechnung auff andere Weise außzu- bringen machen kan. Wol muß man sich vorsehen/ daß man diese
mixtur
nicht mit dem Tiegel auff Kohlen setze/ vnd verpuffe/ sondern von oben anzuͤnde/ sonsten wuͤrde sie schlagen als ein
aurum fulminans,
vnd Gefahr darbey seyn. Sonsten kan man auch leichtfluͤssige Ertz mit nach folgender
mixtur
probieren vnd auch capellieren. ℞. 1. Theil Saͤggespaͤhn von duͤrꝛem Linden-Holtz. 2. Theil Schwefel/ vnd acht oder neun Theil reinen Salpeter/ mach
stratum supra stratum
in eim Tiegel/ nimb zu eylff oder zwoͤlff Theil dieser
mixtur,
tin Theil klein gerieben Ertzes/ zuͤnde es an/ so fleußt das Ertz zu- sammen in ein Korn/ wann es nicht gar zu vnrein ist/ so verzehret dieses schnelle Fewer das vnreine/ vnd laͤßt das Silber oder Gold fein liegen. Ob nun schon diese Prob kei-
nen Nutzen bringt/ so bringt sie doch auch keinen Schaden/ vnd ist nicht ver- geblich hieher gesetzt/ sondern hat seine Betendung vnd Anley- tung zu andern Dingen.
CAP.
Vierdter Theil.
CAP. III.
Vom schmeltzen der Ertz vnd Metallen.
D
Ie
Ertz vnd Metallen in grossem zu schmeltzen/ vnd zu gut zu machen/ gehoͤret hieher nicht/ dann solche Arbeit in diesem Ofen nicht kan gethan werden/ sondern ist bey andern in jhren Berg-Buͤchern weitlaͤufftig beschrieben worden.
CAP. IV.
Vom scheyden der Metallen.
D
As scheyden der Metallen ist ein alte vnd sehr nuͤtzliche schoͤne Kunst/ dardurch ein Metall von dem andern kuͤnstlich gescheyden wird: Vnd geschicht solche Scheydung gemeyniglich auff viererley Weise vnd Wege; als durch
Aqua-fort, Cimenta,
Guß mit Schwefel vnd Bley/ vnd auch durch
Antimonium:
Welche viererley Weise vnd Wege der kunstreiche Probierer vnd Bergmann
Lazarus
Ercker/ schoͤn vnd wol mit allen Vmbstaͤnden beschrieben hat/ welche Beschreibung im geringsten nicht zu schel- ten/ vnd auch wenig zu verbessern ist/ ob schon noch einige noͤtige Handgriff darzu koͤn- ten gesetzt werden/ so ists doch so viel nicht/ daß man solche Beschreibung/ welche an sich selber deutlich genug ist/ wiederholen/ vnd auß einem alten Buch ein newes machen sol- te. Vnd bestehet solche Scheydung nur allein in den dreyen fuͤrnembsten Metallen/ als Gold/ Silber/ vnd Kupffer. In Scheydung anderer Metallen hat er nichts sonderli- ches gedacht. Auch werden nur die zween
modi
von den 4. als diese/ durch starck Wasser vnd Cimenten/ mehrentheils gebraucht/ weilen solche am leichtesten zu thun seyn; Die andern 2. als durch den Guß mit
Sulphur
vnd Bley/ wie auch mit
Antimonio
werden wenig gethan/ welches zu verwundern ist/ da doch die Metallen viel leichter als durch
Aq. F.
oder Cimentiren dardurch koͤnnen gescheyden werden/ weil darfuͤr gehalten wird/ als wann der Schwefel vnd
Antimonium
rauben solte/ da es doch nur dem Schey- der an Geschickligkeit mangelt/ welcher den Schwefel vnd
Antimonium
nicht ken- net/ dahero auch dieselben nicht zu regieren weiß/ muß also der vnschuldige Schwefel vnd
Antimonium
vrsach seyn/ daß solche
compendiosè
Scheydung vnterlassen blei- bet. Doch muß ich auch bekennen/ daß ohne diesen Ofen ich selber nicht gern darmit scheyden wolte: Dann es nicht fehlet/ wann man allzeit mit der Nasen bey solchem Ge- stanck des Schwefels vnd
Antimonii
seyn muß/ (welches dañ in den gemeynen Wind- oͤfen/ vnd auch vor dem Geblaͤs nicht anders seyn kan) welcher mit dem Athem attrahirt wird/ mit der Zeit nichts guts geben kan/ weilen Lung vnd Leber/ wie auch das Hirn vnd Hertz mercklich dadurch beschaͤdiget wird: Ist derohalben kein Wunder/ daß diese beyde
modi
seynd geschewet worden/ vnd noch auff diesen Tag gehasset werden/ auch darumb/ weilen sie etwas mehr Fleiß vnd Wissenschafft erfordern/ als die zween erste Wege. Nun aber/ weilen dieser Ofen an Tag kommen/ in welchem man ohne Gefahr des Ge-
C c
stancks
Philosophischer Oefen
stancks vnd gifftigen Rauchs gemaͤchlich schmeltzen kan/ trag ich kein zweyffel/ diese 2. letzte
modi
werden hinfoͤrder (weilen sie die nuͤtzlichsten seyn) den ersten vorgezogen/ vnd mehr gebrauchet werden/ als vor diesem geschehen ist. Dann wer das
Antimo- nium
recht kennet/ vnd mit jhme weiß uͤmbzugehen/ der kan nicht allein das Gold von seinen Zusatzen leichtlich mit kleinem Kosten in kurtzer zeit damit/ ohne allen Verlust desselben/ geschwind rein vnd fein machen/ sondern kan auch das verguͤlde Silber nuͤtz- lich vnd
compendiosè
damit viel besser/ als durch Schwefel/ Bley/ vnd ander Zusaͤtze/ in grosser Menge/ ohn einigen Verlust des Golds vnd Silber scheyden: Vnd ist dieses die nuͤtzlichste Scheydung des Goldes vom Silber im Guß/ die mir bekant ist/ weilen anders keine Kosten angeleget werden/ als an Kohlen/ dann das
Antimonium
bezahlet sich selber/ weilen keines gefunden/ daß nicht so viel Gold bey sich fuͤhret/ als es kostet/ wel- ches Gold dann dem Scheyder zu Nutzen kompt/ vnd dadurch also sich selber bezahlet/ vnd liegt nur allein daran/ wie man das
Antimonium
wieder von dem Gold vnd Sil- ber bringe/ dann solches nicht durch verblasen (wie bishero im Brauch gewesen/) son- dern durch eine Seygerung geschehen muß/ also daß das
Antimonium
behalten/ vnd wieder zu dergleichen Arbeit koͤnne gebraucht/ vnd nicht hinweg geblasen werden/ welchs niemand zu nutzen kompt. Wie aber solche Seygerung zugehet/ wird sein Stelle bekom- men. Vber diese 4. erzehlte Wege/ ist noch ein anderer/ Gold/ Silber vnd Kupffer ohne Guß voneinander zu scheyden/ welcher noch niemalen an Tag kommen/ vnd die vorigen alle weit uͤbertrifft/ uͤber die massen nuͤtzlich vnd foͤrderlich/ vnd solches nur mit
Sp. Sal. ni- troso.
Nemblich/ daß man einen
Spiritum Salis rectificatum,
welchen man mit wenig Kosten
in copia,
durch mein 1. vnd 2. Ofen zurichten kan/ mit gemeynem Salpeter/ den man darinn zergehen laͤßt/ staͤrcke/ vnd das Gold dabey Silber vnd Kupffer ist/ granu- lirt hineyn legen/ vnd in einen Kolben auff einem warmen Sand solviren lassen/ so sol- virt sich das Gold vnd Kupffer/ vnd das Silber bleibt liegen/ die solution geust man ab von dem Silberkalck/ vnd thut einen guͤldischen Niederschlag darzu/ vnd laͤßt es mitein- ander auffkochen/ so geschicht ein scheydung/ vnd faͤllt alles Gold pur vnd rein/ als gefey- let oder gemahlen/ so schoͤn von Farb vnd Glantz/ daß man damit schreiben vnd mahlen koͤnte/ vnd das Kupffer bleibt bey dem Wasser/ welches/ so man will/ auch auß dem Was- ser scheyden kan/ doch ists besser/ daß man das
Aqua Reg.
davon ziehe/ vnd zu dergleichen Arbeit wieder gebrauche: Das niedergefallene Gold nimpt man auß/ waͤschet solches mit gemeynem Wasser ab/ vnd macht dasselbe trocken/ gehet ihme im schmeltzen gantz nichts ab/ vnd ist das feineste vnd schoͤnste Gold/ das immer zu machen ist: Dann kein Gold so fein durch
Aq. fort
in der Quart kan gemacht werden/ vnd auch kein feiners durch
An- timonium.
Ist also dieser
modus
vor all den andern hoch zu preysen/ vnd nicht allein dar- umb/ weil er nicht viel kostet/ sondern auch darumb/ weil kem grosse Muͤh vnd Zeit darzu erfordert wird/ vnd das schoͤnste Gold davon kompt; deßgleichen auß andern scheyden nicht kommen kan. Den Silberkalch aber/ welcher in dem Scheydkolben ist liegen blie- ben/ nimb herauß/ fuͤß jhn ab/ vnd mach jhn trucken/ vnd las in einem Tiegel ein we-
nig
Sa-
Vierdter Theil.
nig
Salis Tartari
fliessen/ wirff mit einem Loͤffel immer ein wenig von diesem Silberkalch hineyn/ so wird das Silber alsobalden in ein
corpus
gehen/ vnd nichts verlohren werden; Auch kan es nicht schaden/ daß man denselben alsobald er auß dem Kolben genommen/ also naß mit
Lixivio Salis Tartari
kochet/ vnd die Feuchtigkeit davon laͤßt duͤnsten/ das trockene hernach in einem Tiegel schmeltzet/ geht auch gantz nichts verlohren. Ohne die- ses Mittel aber laͤßt sich ein solcher Silberkalch/ der im
Aq. Reg.
gewesen/ fuͤr sich allein nicht schmeltzen/ sondern giebt ein bruͤchige
massam,
einem weißgelben Horn gleich/ der- entwegen sie auch von den
Chymicis Luna cornua
genennet wird/ daran auch von vie- len gekuͤnstelt worden/ wie solche ohne verlust wieder in ein
corpus
zu bringen/ welches allhie deutlich vnterwiesen wird: Vnd so man keinen
Spiritum Salis
hat/ kan man ein ge- meyn
Aq. reg.
von
Aq. fort.
vnd
Sale Armoniaco
gemacht/ nehmen/ thut gleich viel/ ko- stet aber dreymahl mehr als mit
Spir. Salis nitroso
gethan. Vnd ist auch dieser Weg den andern weit vorzuziehen/ weil er zu allem Gold/ wie hoch oder gering es sey/ kan gebraucht werden/ wann nur des Goldes mehr als des Silbers ist/ auff daß das
Aq. reg.
angreif- fen vnd solviren kan.
Auff daß man aber wol mercke vnd gewahr werde/ wie vortheilhafftig dieses schey- den gegen andere sey/ so will ichs dem Kunstsuchenden ein wenig entwerffen.
Wiltu durch die Quart mit
Aq. fort.
scheyden/ so mustu zuvorn fein Silber ma- chen/ welches du dem Gold zusetzest/ nemblich 2. oder 3. Theil fein Silber gegen 1. Theil vnsauber Gold/ vnd hastu erstlich die Muͤh vnd Kosten das Silber fein zu brennen/ mit dem Gold zusammen zu schmeltzen vnd granuliren/ darnach die menge des
Aqua fort.
anzuwenden/ vnd so viel Silber auffzuloͤsen/ zu faͤllen/ abzusuͤssen/ vnd zu schmeltzen/ vnd gleichwol auch das Gold abzusuͤssen/ zu trucknen/ vnd schmeltzen/ wie viel Muͤhe/ Arbeit vnd Kosten erfordert dieses scheyden/ mehr als das meynige? Wiltu durch Cimenten das Gold fein machen/ so hastu die Muͤhe zu granuliren/ vnd Kosten der Cimentbuͤch- sen/ vnd in einem grad continuirlichen/ langdaurigen Fewers/ welches viel Zeit vnd Kohlen bedarff/ vnd kan auch auff einmal nicht fein außkommen/ sondern muß biswei- len zum 2. vnd 3. mahl/ nach dem es vnsauber/ vnd duͤnn granulirt ist/ wieder auffs new angesetzt vnd eimentirt werden. Vberschlage nun was fuͤr Zeit/ Muͤhe/ vnd Kosten ein solches scheyden erfordere? Wiltu solches mit Schwefel vnd
Antimonio
thun/ welches zwar ein guter Weg ist/ vnd nicht viel kostet/ wann du das Gold vom
Antimonio
ohne verblasen wieder separiren kanst/ doch dreymahl mehr Wercks vnd Muͤhe finden wirst/ bis du all dein Gold vnd Silber wieder auß den Schlacken/ oder Blackmal/ wie es die Scheyder nennen/ des
Antimon.
herauß geseygert vnd zu gut gemacht wirst haben. Si- he nun/ vnd uͤberlege es/ welches dir am bēsten zu thun anstehet/ dardurch du dein Gold am geschwindesten vnd leichtesten rein vnd fein machest; Ich zweyfle nicht/ du wirst die- sen Weg den andern weit vorziehen vnd gebrauchen.
Auch giebt diese Weise ein sehr grossen Vortheil im verguͤlden Silber zu schey- den/ indeme man dasselbe nicht darff fein brennen/ sondern nur granuliren vnd mit
C c ij
Wasser
Philosophischer Oefen
Wasser scheyden/ wann das Kupffer/ welches bey dem Silber ist/ schon etwas raubet/ so kan es doch leichtlich mit diesem Saltz gefaͤllet werden. Auch giebts eine schoͤne Schey- dung auff vergůld Silber/ das Gold mit obgemeldtem
Spir. salis nitroso
abzukochen/ vnd hernach mit diesem Niederschlag gefaͤllt/ ist ein sauber vnd gantz nuͤtzlich vnd leicht Werck. Vnd uͤber diese nuͤtzliche Scheydungen/ so kan auß einem gemeynen kuͤpffert- gen Silber damit Gold gefaͤllet werden.
Zum verguͤldten Silber aber im Guß das Gold davon zu scheyden/ ist meines wissens kein leichterer vnd geringkoͤstiger Weg/ als mit Schwefel oder
Antimonio,
so man die rechte Handlung davon hat/ damit man dann in wenig Zeit ein grosse Quan- titaͤt kan scheyden vnd zu recht bringen. Kanstu aber mit dem
Antimonio
oder Schwe- fel nicht wol uͤmbgehen/ dazu sonsten dieser Ofen sehr dienen kan/ so las sie zu frieden/ vnd bleibe bey dem gebraͤuchlichsten/ das du gewohnet bist/ auff daß du mir hernach/ wann es nicht gelingen will/ keine schuld gebest/ daß ich dich/ der ichs doch gut vnd zum besten gemeynet/ nicht wol vnterꝛichtet haͤtte.
CAP. V.
Vom scheyden der geringen Metallen.
W
Ie man Zinn von Bley/ vnd Kupffer von Eysen scheyden soll/ daß beyde Metal- len erhalten werden/ ist bishero noch von niemand beschrieben worden/ vnd wegen jhrer verbrennlichen Natur/ bey mir fuͤr vnmoͤglich gehalten/ welches auch die Muͤhe nicht bezahlen wuͤrde/ weilen es geringschaͤtzige Metallen seyn/ wann man viel Vnko- sten/ als Fewer vnd Arbeit daran wenden solte/ derowegen nicht viel davon zu schrei- ben ist.
Wie man aber das Silber vnd Gold vom Zinn/ dessen es gemeynlich zimlich viel hålt/ ohne verlust desselben scheyden koͤnne/ ist von vielen darnach getrachtet/ aber dem wenigern Theyl gelungen; Gleichwol wann man seine Natur vnd Eygenschafft betrachtet/ die moͤgligkeit zu finden ist. Wiewol ich nun solches niemalen in grossem ge- than/ aber in kleinem den Niederschlag versuchet/ las ich mir vorstehen/ daß es in gros- sem mit viel Centnern zugleich mit grossem profit vnd nutzen koͤnte practicirt werden/ indeme man dasselbe in einem besondern Ofen/ der also zugerichtet/ wann das Silber vnd Gold darinn in grosser hitz mit Bley vnd Halbkopff niedergeschlagen/ durch den stich so tieff ablassen koͤnte/ als noͤtig waͤre/ also daß vngefehr von 10. Theylen 1. Theil zu- ruͤck in dem Ofen bliebe/ welchen zehenden Theil man auch besonder durch den stich auff- fangen vnd zu ruͤck legen/ vnd in demselben Ofen wieder auffs new Zinn niederschla- gen/ vnd durch den stich ablassen bis auff den Koͤnig/ welcher Koͤnig dann wieder beson- der zu dem Ersten muͤste abgestochen werden/ vnd solche Arbeit so lang continuirt/ bis man der Koͤnige so viel haͤtte/ daß man den Ofen davon koͤnte voll setzen/ solche Koͤni- ge dann allein auffs new wieder niederschlagen/ so kaͤme das Silber vnd Gold in die
enge
Vierdter Theil.
enge/ welches man dann hernach leichtlich von dem uͤbrigen Zinn koͤnte rein machen vnd scheyden: Also auff diese weise meyne ich solte man ein nuͤtzlich Werck anstellen koͤnnen/ vnd verliehret das Zinn wenig an seinem Gewicht/ verbrennet sich nur etwas zu Zinn-aschen/ vnd raucht etwas hinweg; Daß aber Bley vnd Halbkopff darzu kompt/ schadet dem Zinn auch nichts/ weilen doch sonsten dem Zinn/ Bley/ wann es verarbey- tet wird/ zugesetzet/ vnd der Halbkopff sich gantz vnd gar wieder davon separirt: Vnd so man noch besser thun wolte/ koͤnte man alte Kandeln vnd Schuͤsseln/ die schon Bley bey sich haͤtten/ an statt new Zinn nehmen/ vnd mit Halbkopff allein niederschlagen/ vnd das Silber vnd Gold davon scheyden; das uͤbrige weil es kein
alteration
durch das niederschlagen empfaͤngt/ hernach wieder verkauffen oder verarbeiten lassen/ welches nach meinem erachten keinen geringen nutzen bringen wuͤrde.
CAP. VI.
Was von der Verbesserung der Metal-
len zu halten sey.
D
Ieses ist ein harter Knopff/ welcher mit keinem stumpfigen Pfriemen kan auffge- loͤset werden/ indeme so viel vnd mancherley
opiniones
vor viel hundert Jahren gewesen/ vnd noch taͤglich seyn/ also daß der mehrentheils Menschen/ hindan gesetzt al- ler Glaubwuͤrdigen
Philosophorum
einhelliger Bezeug- vnd Bekraͤfftigung der War- heit/ gleichwol solches auff den heutigen Tag nicht glauben oder zustehen koͤnnen/ son- derlich aber darumb/ weilen allenthalben genug am Tag ist/ daß allzeit hundert die dar- nach suchen/ eher verderben/ als einer damit fortkompt/ ist derhalben auch niemand zu verdencken/ ein zweyffel in ein Ding zu setzen/ da so wenig Apparentz der Warheit ge- spuͤret wird: Diesem sey nun wie jhm wolle/ so weist vns die Experientz/ daß solches der Natur vnd Kunst moͤglich zu thun sey/ ob schon solches selten getroffen wird. Wie plump vnd vngereymbt wuͤrde es stehen wann jemand halsstarꝛig darauff halten/ vnd verbleiben wolte/ daß kein Himmel oder Hoͤlle waͤre/ weilen er solche nicht gesehen? Moͤchte jemand antworten vnd sagen/ solches haͤtten wir vrsach zu glauben/ weil es vns von Gott durch die Propheten vnd Aposteln ist geoffenbahret worden/ dieses aber nur durch die
Philosophos,
welche mehrentheils vnglaubige Heyden gewesen/ denen man also nicht schuldig zu glauben waͤre. Ob schon der mehrentheyl/ die davon geschrieben/ Heyden seynd gewesen/ (wiewol vnter den Christen auch viel treffliche Maͤnner deß- gleichen gethan haben/) so seynd sie vnd jhre Schrifften/ welche von der Seligkeit nicht handeln/ darumb nicht zu verachten; Waͤre jhnen Christus geprediget worden/ vil- leicht haͤtten sie Ihn angenommen/ weilen auß jhren Schrifften genugsamb blicket/ daß sie Gottsfoͤrchtige fromme Maͤnner gewesen/ welche/ ob sie schon Christum mit dem Mund nicht bekant/ gleichwol seinen Willen mit Werck vnd That vollbracht/ vnd wir/ die wir Christum genug kennen wollen/ verlaͤugnen denselben mir der That. Dann nicht
C c iij
alle/
Philosophischer Oefen
alle/ die sprechen
Herr/ Herr
/ werden eyngehen in das Reich Gottes/ sondern die den Willen meines Watters thun/ sagt Christus. Wann sie boͤse Menschen gewesen waͤren/ warumb solten sie so viel Muͤh vnd Arbeit auff sich genommen haben/ jhren ne- ben Naͤhesten zum besten/ so schoͤne Buͤcher die zur Zucht vnd Ehrbarkeit vermahnen/ geschrieben haben? Haͤtten sie nicht solche Muͤhe sparen koͤnnen/ vnd jhr Leben mit vn- nuͤtzem schlampampen/ gleich wie jetziger Zeit der mehrertheil derjenigen thut/ welche vns zum guten Leben vnd Wandel vermahnen solten/ zubringen koͤnnen? Welches aber auß jhren Schrifften nicht zu mercken/ daß sie solche heyllose Leuth gewesen seyn. Was solte dieselbe darzu bewegt haben/ mit Vnwarheit vnd Luͤgen jhre Nachkoͤmlin- ge zu verfuhren/ vnd in schaden zu bringen. da sie doch keinen nutzen oder gewinn davon gesucht haben? Indeme sie solches nicht vonnoͤthen gehabt/ sondern mehrentheils Koͤ- nige/ Fuͤrsten/ vnd andere Herꝛen/ denen kein Reichthumb gemangelt/ gewesen seyn. Darzu seynd vnter vns Christen so viel fuͤrnehme grosse Standspersohnen/ darunter auch Bischoͤffe/ Pr
æ
laten vnd andere canonisirte Geistlichen/ als
Thomas de Aqui- no, Albertus Magnus, Lullius, Arnoldus, Rogerius Baccho, Basilius,
vnd derglei- chen vnzaͤhliche viel Gottsfoͤchtige Maͤnner gewesen/ welche die Kunst alle zum hoͤch- sten bethewret/ vnd wahr zu seyn geschrieben haben: Was solte doch diese Leuth darzu be- wegt haben/ durch jhr schreiben die Menschen auff ein Irꝛweg zu bringen? die doch viel zu from darzu gewesen. Vnd wann schon von fuͤrnehmen Leuthen keine Schriff- ten davon waͤren/ so findet man doch lebendige Zeugnuͤs/ daß die Kunst kein Fabel/ son- dern ein pur lautere Warheit ist. Dann ich wol glaube/ daß noch bey vnsern Zei- ten Leuth gefunden werden/ die mehr wissen als sie sagen/ vnd solche dinge still bleiben/ vnd nicht viel davon gesungen wird. Wer wolte auch so vnfuͤrsichtig seyn/ wann er etwas haͤtte/ vnd andern sich offenbahren? Indeme man fuͤr die Belohnung nur Vn- gunst vnd Haß/ so man damit nicht herauß wolte/ auff sich laden wuͤrde? Darff. sich derhalben niemand daran kehren/ vnd die Kunst darumb vnwarhafftig achten/ weilen solche nicht gemeyn ist. Moͤchte jemand fragen: Warumb stehestu der Kunst also fuͤr? Hastu dann auch jemahlen etwas warhafftiges darinn gesehen oder gefunden? Deme geb ich zur Antwort/ daß ich zwar niemahlen im geringsten keine
projection
zur
Ver- bessernng
der Metallen/ oder einige andere
transmutation
derselben gesehen/ viel weni- ger selber gethan habe.
Gleichwol weiß ich/ vnd bin versichert/ daß solches wahr ist/ vnd wahr seyn muß/ indeme ich nicht nur eins/ sondern vielmahl durch huͤlff des Fewers/ mit eim Metall auß dem andern/ welches kein Gold vnd Silber auff der Capellen ließ/ gut/ vnd in al- len Proben bestaͤndig Gold vnd Silber gebracht haben: Welches zwar also nicht zu ver- stehen/ als wann ein vnvollkommen Metall das ander solte zu Gold vnd Silber ma- chen koͤnnen/ da es doch selber nur koht vnd dreck ist in seinem aͤussersten/ gegen das Gold zu rechnen/ wie wolte es dann ein ander gemeyn vnd gering Metall verbessern koͤnnen? sondern also muß verstanden werden: Gleich wie ein Wasser/ oder Safft ver
Vegeta-
bilien
Vierdter Theil.
bilien
ein anders/ so sie zusammen gekocht/ reinigen kan/ gleich als wann man Zucker/ Honig/ oder ander Safft eines Kraus/ mit gemeyn Wasser auffkochet/ vnd mit Eyer- weiß laͤutert vnd reiniget/ daß der vegetabilische Safft schoͤn klar vnd sauber dardurch werde; Also kan vnd muß es auch mit den Mineralischen Saͤfften vnd Metallen ge- schehen/ wann wir nur wuͤsten/ was fuͤr Wasser/ vnd was fuͤr ein Eyerweiß wir jh- nen zusetzen solten/ die die vnsauberen Metallen/ in welchen jhr Gold vnd Silber/ gleich als in einer schwartzen Huͤlssen gefangen vnd verborgen liegt/ genugsamb reinigen vnd waschen koͤnnen? daß dieselbe jhr vnsichtlich Gold vnd Silber herauß geben muͤs- sen/ welches dann eygentlich kein Gold vnd Silber gemacht ist/ sondern nur dasselbe auß dem dreck herauß gesucht. Moͤchte jemand fragen/ wie ist es dann moͤglich/ daß von Zinn/ Eysen/ Kupffer vnd Bley durch waschen/ wie du es nennest/ Gold vnd Silber kan gebracht werden/ da dieselben doch in dem besten
Examen
der Capellen/ wie es in ge- meyn gehalten wird/ nichts vn sich geben? Demselben ist allbereyt oben bey dem probie- ren geantwortet/ vnd gesagt/ daß die Prob auff den Capellen die beste Prob nicht sey/ auff alle Wetallen/ darff derowegen allhier keiner weytern Beantwortung/ sondern will den Kunstbegierigen an
Paracelsi
Vexirbuch der Alchymisten gewiesen haben/ da er finden wird/ daß noch ein andere Waschung oder Reinigung der Metallen seyn muͤs- se/ von welcher die Bergleuth noch nichts wissen.
Zu fernerm Vnterꝛicht so mercke diß Exempel: Wann ein Bergmann ein Kupf- fer Ertz antrifft/ vnd solches will zu recht bringen/ so braucht er seine Kunst vnd Wissen- schafft/ die er von seinen Vorfahren erlernet/ auffs beste als er kan/ solches zu recht/ vnd in ein Metallische Form vnd Gestalt zu bringen/ bricht erstlich dasselbe zu stuͤcken/ vnd roͤ- stet es/ auff daß der hinderliche grobe Schwefel zum theil davon komme/ darnach schmel- tzet er ein Stein darauß/ wie sie es nennen/ weiters laͤsset er den Stein wieder durchs Fewer gehen/ vnd ziehet solchem durch Bley sein bey sich habendes Gold vnd Silber herauß/ darnach macht er schwartz/ vnd endlich gar roth/ vnd gut Kupffer davon/ wel- ches sein letztes Werck ist/ weilen dasselbe geschmeidig zu verarbeyten vnd zu verkauffen bereyt ist. Hernach kompt der Kuͤnstler/ vnd macht noch ein Scheydung/ davon dann Gold vnd Silber außkompt/ von welcher allhie anregung geschehen/ die bishero noch von wenigen gepracticiret vnd gefunden ist worden. Auch sagt obgedachter
Paracelsus
in demselben Buͤchlein/ daß Gott der Allmaͤchtige etlichen Menschen viel einen naͤhern vnd bessern Weg gezeiget habe/ wie man Gold vnd Silber ohn alles Bergwerck bawen/ allein durch kuͤnstliche Seygerung auß den vnvollkommenen Metallen/ als Ey- sen/ Kupffer/ Zinn/ vnd Bley/ erlangen koͤnne/ den Weg aber solches zu thun/ beschrei- bet er nicht von Wort zu Wort/ sondern sagt/ daß er denselben in den 7. Regeln/ da er von der Metallen Natur vnd Wesen schreibet/ genugsam gezeiget habe/ darauß es derjenige/ deme es Gott goͤnnet/ erlernen kan. Diese Saͤuber- vnd Waschung der vn- reinen Metallen/ halte ich fuͤr die leichteste vnd bekanteste Verbesserung derselben/ wei- len ichs selber in kleinen Proben darinn gemacht habe. Nun zweyfle ich auch nicht/ Gott
werde
Philosophischer Oefen
werde durch die Natur manchem Kuͤnstler noch mehr Wege gezeigt haben/ dadurch die geringeren Metallen zu verbesseru seyn: Als zum Exempel: Gleich wie man ein vnsau- ber Erdgewaͤchs durch die
Distillation
reinigen vnd saͤubern kan/ daß es nach Ablegung seiner schwaͤrtze vnd Vnsauberkeit einen newen/ klaren/ vnd schoͤnglaͤntzenden Leib be- kommet: Als/ wann man ein gemeyn braun oder schwartz vnd vnansehnlich
Succinum
oder Agstein durch einen Retorten distillirt/ so macht das Fewer eine Scheydung/ die vnnuͤtze Waͤsserigkeit Scheydet sich auff eine/ vnd das brennende
Oleum,
deßgleichen auch das
Sal volatile
auff ein andere seyten/ vnd das allervnreineste bleibet zuruͤck/ als ein tode Erde im Retorten: Nun ist in so kurtzer Zeit/ vnd wenig Muͤhe vnd Arbeit der
Distillation
schon ein grosse Enderung vnd Verbesserung geschehen/ wiewol das
Oleum
noch schwartz/ stinckend/ vnd vnsauber ist; Wann man aber dasselbe mit eim reinmachenden Wasser/ als
Spir. Salis,
wiederumb auffs new in einer reinen glaͤser- nen Retorten distillirt/ so macht der
Spir. Salis
wieder eine Scheydung/ vnd gehet das
Oleum
nach hinterlassung seiner schwaͤrtze vnd gestanck/ viel klaͤrer uͤber/ als es zu- vorn war/ welches dann/ so es vonnoͤthen/ noch einmahl mit frischem
Spir. Salis
kan
rectificirt
werden/ so lang/ bis es so schoͤn vnd helle/ als ein klar Wasser/ vnd so lieblich am Geruch/ als
Ambra
vnd Bisam worden ist: welche Veraͤnderung aber auß einer harten
materi
ein weyche vnd fluͤssige gemacht hat/ die der ersten an Form/ Gestalt/ auch Namen gantz vngleich/ (mancher sagen moͤchte/) welches wahr ist/ aber solche fluͤssige
materi
oder
Oleum
ist wol wieder durch Kunst in die haͤrte zu bringen/ also/ daß sie den Namen des vorigen Dings/ darauß sie gemacht ist/ wiederumb erlange; nemblich wann man solches duͤnne
Oleum,
welches auff die hoͤchste Reynigung durch die
Distillation
gebracht worden/ mit rein vnd frischem
Spir. Salis
in ein Glas thut/ vnd zusammen digerirt/ so erlange das duͤnne
Oleum
wieder so viel Saltz auß dem
Spir. Salis,
als jhme zu seiner Haͤrtung vnd
Coagulation
vonnoͤthen ist/ vnd wird wieder hart/ als ein ander
Succinum,
aber so schoͤn vnd durchsichtig an Farb/ daß sich darob zu verwundern/ daß ein solche schoͤne
materi,
in einem so schwartzen Wesen verborgen ist/ welcher 1. Loth mehr werth ist/ als des schwartzen etliche Pfund/ aber kaum der 8. oder 10. theyl des schwartzen
Succini
am Gewicht/ welcher Abgang dann nichts anders als Vnreinigkeit gewesen ist.
Also vnd auff gleiche weise/ solten villeicht auch wol vnsaubere schwartze Metal- len koͤnnen gereyniget/ vnd zur Verbesserung gebracht werden/ wann wir nur wuͤsten/ wie man erstlich durch die
Distillation
oder
Sublimation
jhre schwaͤrtze vnd Vnsau- berkeit davon/ vnd hernach das zarte Wesen oder Blum derselben wiederumb haͤr- ten/ vnd in ein metallische Gestalt bringen solte. Was fuͤr schoͤne Metallen solten wol darauß werden? Wann aber jemand sagen woͤchte/ wie daß es vnmoͤglich waͤre/ die Metallen gleich als die
Vegetabilien
durch die
Distillation
zu reinigen/ der sehe vnd betrachte den Ofen im Ersten Theyl dieses Buchs/ welcher nicht den Bauren/ Birn darinn zu braten/ sondern den
Chymicis
die Metallen dardurch zu veraͤndern/ beschrieben ist.
Gleich
Vierdter Theil.
Gleich wie nun oben in beyden Exempeln die Verbesserung der Metallen einfaͤl- tig ist fuͤrgetragen/ also ist es auch moͤglich durch ein
fermentation
die kleine Metallen zu reinigen. Dann gleich wie ein junger Heffel oder Gest/ wann er einen suͤssen außge- kochten oder gepreßten vegetabilischen Safft wird zugesetzt/ denselben auffgehen vnd he- ben macht/ nach welcher Hebung oder
fermentation
hernach der Safft ein wehrhaffti- ge Natur vnd Verbesserung erlanget/ weilen dardurch die Vnreinigkeit des Gewaͤch- ses geschieden wird/ wie bey dem Wein/ Bier/ Meth vnd andern Getraͤncken zu sehen/ welche Bestaͤndigkeit sie aber allein durch das jaͤren/ dardurch sich der Safft gelaͤutert vnd verbessert hat/ erlanget haben/ vnd jhnen zuvorn vnmoͤglich gewesen waͤre/ gegen die Elementen zu bestehen/ sondern haͤtten in wenig Tagen verschimlen/ stinckend werden/ vnd verderben muͤssen/ da sie doch nun viel Jahre vnverdorben bestehen koͤnnen: Also wann wir auff die Metailen ein bequaͤme
fermentation
finden koͤnten/ wuͤrden diesel- ben gleichermassen gereinigt/ vnd zur Bestaͤndigkeit verwandelt koͤnnen werden/ also daß solche hernach so leichtlich nicht wuͤrden rosten oder schimlich werden/ sondern gegen Fewer vnd Wasser bestehen koͤnnen; wann sie nemblichen zuvor Wasser vnd Fewer ha- ben außgestanden: Also muste erstlich die Welt mit Wasser vntergehen/ foͤrterhin aber soll dieselbe mit Fewer verzehret/ vnd wir oder vnsere Leiber nicht weniger also putrifi- ciren vnd zuvorn verwesen muͤssen/ vnd durchs Fewer distillirt vnd clarificirt werden/ ehe wir Gottes Angesicht zu besehen/ bequaͤm vnd wuͤrdig werden. Dieses sey von der Metallischen
fermentation
gesagt/ dardurch dieselben geschieden vnd verbessert wer- den koͤnnen.
Die Metallen werden auch geschieden/ gereinigt vnd zur Verbesserung gebracht/ als bey der Milch zu sehen/ wann solche lang stehet in natuͤrlicher Waͤrme/ daß sich das beste/ als der Room/ darinn die Butter stecket/ oben auff setzet/ vnd sich von dem Kaͤse vnd Molcken scheydet/ vnd je waͤrmer die Milch stehet/ je baͤlder solche Scheydung ge- schicht: Also auch mit der Metallen Scheydung bewandt/ wann nemblich dieselbe in be- hoͤrliche Waͤrme gesetzt werden/ daß sie also
per se,
vnd ohne zuthun anderer dingen (doch daß es Metallen seyn/ die in ein Milch gestalt oder Kurꝛ zuvorn gebracht seyen) mit der Zeit eine Scheydung geben/ vnd das reineste sich von dem vnreinen scheydet/ vnd also ein reicher Schatz dardurch offenbaret wird. Vnd gleich wie die Milch im Win- ter in der Kaͤlte/ ohne zugethane Waͤrme/ sich nicht gerne scheydet/ sondern lang stehen muß: Also auch die Metallen thun/ wann jhnen nicht mit Fewer geholffen wird/ gleich wie bey dem Eysen zu sehen/ daß in langer Zeit in der Erden solches ohne zuthun mensch- licher Hülff in Gold gezeitiget wird. Dann vielmahl Eysen-Ertz gefunden/ darinn aͤder- derlein von gutem gedigenen Gold gesehen werden/ also durchwachsen/ daß es eine lust zu sehen ist/ welche Goldaͤderlein sich durch die centralische Waͤrme/ von dem groͤberen jrꝛdischen vnzeitigen
Sulphure
geschieden haben. Vnd wird gemeyniglich bey solchem Eysen-Ertz kein
Vitriol
gefunden/ indeme solcher durch sein
contrarium
allbereyt ge- schieden/ vnd in ein Besserung ist verwandelt worden.
D d
Zu
Philosophischer Oefen
Zu solcher Scheydung aber in der Erden die Natur ein sehr lange Zeit haben muß/ welches die Kunst in kurtzer Zeit verꝛichten kan/ gleich als man mit der Milch thut/ wann man bald Butter im Winter davon haben will/ setzet man solche an ein war- men Ort/ so giebt sie jhren Room bald von sich/ vnd so man solches noch baͤlder verꝛich- ten will/ so gebraucht man einen Niederschlag darzu/ mit
acidis,
davon das
Sal uri- nosum
in der Milch getoͤdet vnd die
principia
geschieden werden/ also daß die But- ter/ vnd das dickere als der Kaͤse auff ein seyten/ vnd das duͤnnere/ als Molcken/ auff ein andere seyten weichet/ daß also in einer Viertelstund im kochen solche Scheydung geschehen kan/ welches sonsten ohne zuthun der saͤure in etlichen Wochen kaum haͤtte geschehen koͤnnen. Kan nun das bey den vegetabilischen vnd animalischen Dingen ge- schehen/ warumb solte solches nicht auch bey den mineralischen geschehen koͤnnen? War- rumb solte nicht Gold vnd Silber in Bley/ Zinn/ Eysen vnd Kupffer seyn/ ob man schon keines darinn sehen kan? Solten die kleine Metallen nicht eben so wol etwas guts bey sich haben/ als die
Vegetabilia
vnd
Animalia,
da sie doch viel bestaͤndiger gegen jh- nen zu rechnen seyn?
Worauß will man beweisen/ daß Bley/ Zinn/ Eysen vnd Kupffer zu solcher
perfection
kommen seyn/ als die Natur gewolt? Die Natur suchet allzeit jhre Kinder zur
perfection
zu bringen/ vnd die geringe Metallen seynd nicht
perfect:
Warumb solte man der Natur nicht zu huͤlffe kommen/ vnd dieselbe verbessern koͤnnen? Dieses aber muß wol
observirt
werden/ was bey den Metallen die Theilen zusammen halte/ auff daß man wisse/ wie solches Band koͤnne auffgeloͤset/ vnd die
partes
zertrennet wer- den. Allhier bey der Milch haͤlt ein
Sal urinosum
(besser kan ichs nicht verdeutschen) die Butter/ Kaͤse vnd Wasser zusammen/ welches mit saͤure/ als seinem
contrario,
muß getoͤdet werden/ auff daß die Scheydung folge; Bey dem Eysen aber haͤlt ein vitrio- lisch Saltz die Theilen zusammen/ welches mit seinem
contrario, scilicet Sale nitro- so, vel urinoso,
muß getoͤdet werden/ auff daß die Scheydung folge. Wer derhal- ben dem Eysen sein uͤbriges Saltz nehmen kan/ es geschehe gleich
via humida vel sic- ca,
der wird ein gereinigt Eysen finden/ welches der Rost so bald hernach nicht wird ver- zehren koͤnnen.
Auch hat das blosse Fewer ohn alles zuthun in Verwandlung der Metallen mehr Krafft als man meynet/ wird doch durchs Fewer auß Eysen/ Stahl/ vnd hinwie- der auß Stahl/ Eysen/ nach dem man damit procedirt. Weist vns doch die taͤgliche Er- fahrung/ daß durchs Fewer mancherley Veraͤnderung vnd Verbesserungen geschehen/ warumb solte dann solches nicht auch in den Metallen/ nach guter Erkaͤntnuͤs der Na- turen/ vnd huͤlff eines fleissigen vnd guten
Chymici
geschehen koͤnnen? Wer solte glauben/ daß in einem Ey ein lebendiger Vogel mit aller seiner gestalt; oder in eim vnansehnlichen Samen ein Kraut mit Stengel/ schoͤnen Blumen vnd Farben/ wie auch lieblichem Geruch (wanns nicht so bekant vnd gemeyn waͤre) solte verborgen seyn? Warumb solten nicht auch die
metalla embryonata,
welche jhre Vollkommenheit noch
nicht
Vierdter Theil.
nicht erlanget/ durch Kunst vnd Huͤlff des Fewers koͤnnen gezeitiget werden? Wird doch ein vnreiffer saurer Apffel vnd Birn/ durch der Sonnen Waͤrme/ in eine liebliche vnd wolgeschmackte Frucht gezeitiget? Welches etliche vnverdrossene Leuth gemercket/ dergleichen
operationes
ins Werck gestellet/ vnd befunden/ daß etliche Metallen/ wann sie noch nicht durchs Fewers gewalt zerstoͤret seyn/ durch ein linde vnd bequaͤme Waͤr- me an jhrem Halt/ sehr koͤnnen verꝛeichert werden/ also/ daß auch nach solcher
digestion
im schmeltzen/ noch einmal so viel Gold oder Silber erlanget wird/ als sonsten durch gemeyne weise des schmeltzens hat koͤnnen außgebracht werden: Ja/ was noch mehr ist/ hab ich gesehen/ daß ein gemeyn Bley-Ertz/ auff solche weise ist digerirt worden/ daß es hernach nicht allein reichlicher am Silber/ sondern auch zimlich an Gold ge- schuͤttet hat/ da doch zuvorn im geringsten kein Gold in der gemeynen Prob darinn zu finden war. Vnd laͤsset sich solche Arbeit auch im grossen thun/ vnd mit vielen Centnern zugleich eynsetzen vnd digeriren/ welches denen die Bley-Bergwerck haben vnd bawen koͤnnen/ keinen geringen Nutzen bringen wuͤrde/ wann sie solches wuͤsten ins Werck zu stellen. Doch ist dieses dabey zu wissen/ daß sich nicht ein jeder Bley-Ertz mit Gold ver- reichert/ doch aber alle mit Silber/ welches diejenigen erfahren/ die es versuchen werden. Dieser vnd dergleichen Arbeyten seynd sehr viel in der Natur/ welches ein Vnverstaͤn- diger/ deme nichts durch die Hand gangen/ nicht wol glauben vnd begreiffen kan. Ach daß wir Menschen doch besser vnd fleissiger in dem grossen Buch/ welches Gott der All- maͤchtige mit seiner Hand auff die vier grosse Blaͤtter der Elementen geschrieben hat/ studirten vnd suchten/ wir wuͤrden viel Wunderwerck vnd Geheimnuͤsse darinn finden/ doch nicht durch muͤssig gehen/ sondern durch schweiß des Angesichts wird Kunst vnd Gut erlanget/ vnd heisset billich/
ora \& labora.
Auch koͤnnen die Metallen veraͤndert werden durch ein
gradation,
welche einem Propf- oder Impfwerck der Baͤum kan verglichen werden. Dann/ wie jederman bewust ist/ daß man ein klein Zweiglein oder nur ein Aug von einem fruchtbaren Baum/ einem wilden Baum eynverleibet/ daß der wilde Baum gantz vnd gar keine wilde/ sondern hinfoͤrter gute vnd wolgeschmacke Fruͤchten/ nachdeme man darauff Ge- impffet hat/ herfuͤr bringt: Wie bey dem Eysen zu sehen/ wann dasselbe mit einem
Spir. acido,
darinn ein
fermentum tingens Vener.
ist/ durch die
Solution
zu Kupffer wird/ vnd ohne zweyffel Kupffer zu Silber/ vnd Silber zu Gold/ wann man den Weg wuͤste/ durch
appropriirte fermenta
jhme zu helffen. Ist auch solch
transmutation
einer
dige- stion
gleich/ als wann ein Pferd oder Ochs Gras isset/ vnd digerirt/ auß welchem
dige- sto
die Natur Ochsen vnd Pferden Fleisch machet/ vnd in des Menschen Magen das Ochsenfleisch zu Menschenfleisch digeriret wird.
Es kan auch das bessere theil von dem geringern geschieden werden/ durch at- trahirung gleicher Naturen/ gleich als wann man einem schwefelhaltigen Metall im schmeltzen Eysen zuschlaͤget/ so frist sich der Schwefel an dē Eysen (mit welchem er groͤsser gemeynschafft hat/ vnd jhm mehr Liebe zutraͤgt/ als mit demjenigen Metall er gebohren
D d ij
ist)
Philosophischer Oefen
ist) vnd laͤsset also sein Metall reiner fallen/ dann es sonsten ohne zuthun Eysens haͤtte thun koͤnnen/ wie bey dem schwefelhaͤltigen Bley-Ertz zu sehen/ welchem man im schmeltzen Eysen zusetzet/ daß das Metall geschmeidig/ vnd nicht schwartz vnd bruͤchig herauß kompt. Wann man dann wuͤste/ was man weiters dem geschmeidigen Me- tall solte im fluß zusetzen/ daß der uͤbrige vnnuͤtze vnd verbrennliche
Sulphur
auch ge- schieden wuͤrde/ so muͤste ohne zweiffel das Metall noch reiner dardurch werden/ als es zuvorn gewesen ist: Weilen wir aber solches nicht zu thun wissen/ so bleiben die Me- tallen wie sie seyn/ vnd werden nichts verbessert. Vnd hat Gott der Allmaͤchtige/ gleich wie in all seinen wercken/ auch allhier gar wol gethan/ daß Er solche Wissenschafft vns verborgen haͤlt; dann/ so solches zu thun bekant waͤre/ wuͤrden die Geitzigen alles Bley/ Eysen/ Kupffer vnd Zinn auffkauffen/ das Gold vnd Silber herauß zu ziehen/ vnd den armen Handwercksleuthen vnd Bawren solche Metallen/ jhre Werckzeug darauß zu machen/ gar zu thewer vnd uͤbel zu bekommen seyn: welches aber Gott nicht haben will/ daß alle Metallen solten verwůstet/ vnd in Gold verwandelt werden.
Gleich wie nun ein Gleichnuͤs geben ist bey dem schmeltzen etlicher Metallen/ daß jhr
superfluum Sulphur
benommen/ vnd der beste vnd reineste Theil derselben erhalten kan werden; Also ist es auch moͤglich den reinern theil von dem vnreinern/ durch seines gleichen/ attrahirender weise herauß zu bringen/ also daß sich gleich zu sei- nem gleichen/ dem bessern Theil gesellet/ vnd das vnreineste zuruͤck/ als ein
hetero- neum,
gestossen wird/ wie solches so wol
viâ humidâ
als
viâ siccâ
koͤnte demonstrirt werden. Als ein Exempel im nassen Wege zu schen: Wann man ein vnrein Gold oder Silber in seinem
menstruo
solvirt/ vnd gemeyn
Mercur.
dareyn thut/ vntereinan- der schuͤttelt vnd kochet/ so ziehet der
Mercur.
das Gold oder Silber/ welches zuvor gantz vnrein vnd vnsichtlich in dem Wasser/ mit vieler
terrestritaͤt
vermischt war/ gantz schoͤn/ rein/ vnd sauber zu sich/ also daß ein geschwinde Scheydung gemacht wird/ vnd thut der gemeyne
Mercur.
solches auch auff truckene weise/ indem man ein Gold- oder Silberhaltige Erden mit sawrem Wasser anfeuchtet/ vnd zusammen so lang reibet/ bis der
Mercur.
das besser Theil darauß gezogen hat/ von welchem
Mercur.
hernach die taube Erde mit gemeyn Wasser abgewaschen/ vnd der
Mercur.
wann er ge- trucknet/ durch ein Leder von dem Gold oder Silber/ welches er zu sich genommen hatte/ kan geschieden werden: Vnd hat der
Mercur.
solche Eygenschafft/ daß er allzeit auß der Erden nur ein Metall/ vnd auch das beste auff einmahl herauß zeucht/ vnd so dasselbe herauß gezogen/ auch endlich das schlechtere zu sich nimmet: Als zum Exempel: Wann in einer Erden Gold/ Silber/ Kupffer vnd Eysen waͤre/ so wuͤrde der
Mercur.
erstlich nur das Gold allein zu sich nehmen/ vnd hernach das. Silber/ dann das Kupffer/ vnd
das Eysengantz vngern/ wegen seiner Vnreinigkeit: Zinn vnd Bley aber auch gern; am allerliebsten aber das Gold/ wegen seiner Rei- nigkeit/ an welcher es dem
Mercur.
fuͤr ander Metal- len am gleichesten ist.
CAP.
Vierdter Theil.
CAP. VII.
Ein andere
Demonstration
im Trucke-
nen Wege.
S
Etze vnter eine Muffel eine gute Capellen/ mit Bley zu treiben/ vnd setze auch darzu ein Korn Gold/ so gantz fein ist/ doch daß du dasselbige zuvor wol waͤgest/ vnd das Gewicht behaltest; Las also das Gold mit dem Bley auff der Capellen blicken/ so wird dein Bley in die Capellen gehen/ vnd das Gold bleichgelb darauff stehen bleiben; wel- che bleiche dann nichts anders verursacht/ als das Silber/ welches das Gold im treiben auß dem Bley gezogen hat.
Moͤchtestu villeicht sagen: Das glaub vnd weiß ich wol/ daß das Gold mit Bley abgetrieben/ nothwendig schwerer vnd bleicher herauß kommen muß/ weilen das Bley Silber haͤlt/ vnd solches im abtreiben zuruͤck bey dem Gold bleibt/ dardurch es sein Ge- wicht vnd bleiche Farb erlanget? Darauff ich antworte/ daß es zwar nicht ohne sey/ daß das Bley im abtreiben auff der Capellen etwas Silber lasse/ welches dann/ so Gold dabey abgetrieben wird/ sich damit vermischet/ vnd solches so wol an Farb aͤndert/ als am Gewicht vermehret. Gleichwol weißt das Gewicht auß/ vnd bezeuget/ daß mehr Silber zuruͤck bey dem Gold bleibt/ wann das Bley darmit abgehet/ als wann dasselbe allein wird abgetrieben. Darauß zu beweisen/ daß das Gold seines gleichen im Fewer auß andern Metallen zu sich ziehet/ vnd mercklich davon vermehret wird/ wie es dann solches auch im nassen Weg thut/ indem man Gold in seinem
menstruo
solvirt/ vnd Kupffer dabey zugleich solviret vnd digeriret/ daß ein gut theil Golds vom Kupffer durch das Gold zu sich gezogen/ vnd vom uͤbrigen Kupffer geschieden wird: Ob nun schon solche Arbeit keinen grossen nutzen bringt/ so wird doch die Moͤgligkeit darinn gespuͤret.
Wer aber ein solch
menstruum
wuͤste/ dardurch das Gold in seiner zu sich ziehen- den Krafft vnd Natur vermehret/ vnd das Kupffer darinn krafftlos koͤnte gemacht werden/ daß es desto leichter sein einverleibtes Gold zu lassen gezwungen wuͤrde/ dem folte villeicht noch wol seine Muͤhe koͤnnen bezahlet werden; vnd noch viel besser/ wann man Gold vnd Kupffer in einem mineralischen truckenen Wasser im Fewer durchein- ander schmeltzte/ wuͤrde sich das Gold von dem Kupffer vermehren koͤnnen/ vnd
Pa- racelsi
Wort nicht vergeblich gesprochen seyn/ da er schreibet: Wann die Metallen im starcken Fewer durcheinander geschmoltzen/ vnd auff seine Zeit darinn verharꝛen/ daß die vnvollkommene vergehen vnd zu nicht werden/ vnd vollkommene an jhrer statt bleiben sollen. Welches ohne zweyffel/ so recht damit verfahren/ dem Kuͤnstler kein geringen nutzen bringen wuͤrde.
Dann ich selber mit Warheit sagen kan/ daß ich mehr als einmal durch
Mart.
die
Lun.
habe wollen
compact
machen/ vnd mir mein Gold auß dem Eysen einen Zu-
D d iij
wachs/
Philosophischer Oefen
wachs/ gutes bestaͤndiges Goldes/ an statt
Lun. fixę,
die ich suchte/ geben hat. Vnd kompt bisweilen einem Kuͤnstler etwas guts in die Hand/ das er nicht verstehet/ oder merckt/ wie allhie bey der.
Luna fixa
gemeldet/ darumb man allzeit wol in acht nehmen soll/ wann man mit den Metallen uͤmbgehet/ vnd etwan einen Zuwachs findet/ wovon derselbe komme; dann der mehrentheil
Laboranten
nicht anders meynen/ wann sie bisweilen die
Lunam
durch
Martem,
Blutstein/ Magneten/ Schmirgel/ Galmey/ rothen Talck/ Granaten/
Antimon. Auripigment. Sulphur, Silices
vnd andere der- gleichen Bergarten/ in welchen vnzeitig/ vnd auch zeitig/ fluͤchtig vnd fix Gold ver- borgen ist/ lange Zeit gemartert haben/ vnd dieselbe in der Prob Gold giebt/ daß das- selbe Gold durch huͤlff solcher Bergarten auß der
Lun.
worden sey/ welches aber nicht ist/ sondern die
Luna
hat solches auß den Bergarten/ in welchen es fluͤchtig vnd vn- sichtig lag/ herauß gezogen/ fix vnd corporalisch gemacht. Doch will ich nicht wieder- streitten/ daß auß einer jedwedern
Luna
(die doch selber in jhrem innersten dem Gold nicht sehr vngleich ist) nicht solte Gold durch die gerechte Kunst der
Alchymia
koͤn- nen gezogen werden: Aber durch Cimentiren mit obgedachten Mineralien im gering- sten nicht; Vnd ist solches Gold nicht auß der
Luna,
sondern auß den Bergarten in die
Lunam
durch solche Arbeit gebracht worden. Diese Arbeit/ die bisweilen nicht oh- ne nutzen/ ist zuvergleichen einem Samen/ den man in ein vnfoͤrmliche Erden le- get/ dariun verfaulen laͤsset/ welcher auß angeborner Natur seines gleichen auß der Erden zeucht/ vnd hundertfaͤltig dardurch vermehret wird. Es muß aber solche Me- tallische Erden auch mit bequaͤmen Mineralischen Wassern befeuchtet werden/ vnd wann die Feuchtigkeit mit der Zeit durch das starcke Fewer wird verzehret vnd auß- getrocknet/ wiederumb mit frischem oder newem Wasser erquicket/ welches die
Phi- losophi inceriren
nennen/ wann solches nicht geschehe/ wuͤrde die Erden krafftlos/ vnd zur Frucht fortbringung vntuͤchtig werden; vnd soll ein solches Wasser auch die Na- tur haben/ daß es mit der Erden zu einer Fettigkeit werde/ vnd Wasser vnd Erden ein- ander gern annehmen vnd behalten/ gleich wie zu sehen/ wann man auff einen magern Sand/ nur ein gemeyn Regenwasser wolte giessen/ vnd darinn Saͤen/ so wuͤrde ein klei- ne Sonnenhitz das Wasser bald von dem Sand außziehen/ vnd der Same in dem Sand verbrennen muͤssen/ vnd keine Vermehrung oder Wachsthumb darauff folgen koͤnnen: So aber Kuͤh- oder Schaafmist mit dem Sand vermischet werden/ so koͤnte das Wasser in demselben ein Haltung haben/ vnd die Sonne so leichtlich nicht auß- trockenen; Also vnd auff solche weise muß dein Wasser vnd Erden auch beysammen gehalten werden/ daß der Same nicht darinn verbrenne: Vnd wann solche Arbeit wol gethan wird/ so gehet es nicht leer ab/ dem Laboranten werden seine Muͤhe vnd Koh- len wol bezalet. Es erfordert aber ein solch Werck einen sonderbahren Fleiß vnd gute Auffsicht/ auff daß die Erde allezeit in bequaͤmer Hitze vnd Naͤsse erhalten wer- de. Dann zu viel Wasser vertraͤncket das Erdreich/ vnd zu wenig/ hindert die
action
oder Wachsthumb. Vnd ist ein solche Arbeit eine von meinen besten/ die mir be-
kant
Vierdter Theil.
kant seyn/ auß den geringern Metallen gut vnd bestaͤndig Gold vnd Silber zu brin- gen/ ersordert aber sehr gute Gefaͤß/ darinn der Samen mit der Erden vnd Wasser seine Zeit in bequaͤmer hitze koͤnne erhalten werde. Ich zweifle auch nicht/ es solte sich ein solche Arbeit auch im grossen (wiewolen ichs niemalen versucht) thun lassen: Vnd glaube/ daß die geringere Metallen/ vnd sonderlich der
Saturnus,
welcher sich vor all an- deren Metallen darzu bequaͤmet/ sich nicht allein auff solche weise im Gold vnd Silber/ sondern villeicht auch in eine
Medicin
zeitigen lasse: Giebt derhalben einem
Chymico
kein geringe Frewd/ wann jhm Gott der Allmaͤchtige ein solch Philosophisches Werck auß Gnaden sehen laͤsset. Derohalben wol zu zusehen/ wann man so viel erlanget/ wie man solches anlege. Dann was Gott bisweilen einem giebet/ will Er darumb nicht/ daß jederman auch wissen vnd haben soll; dann mir selber wiederfahren ist/ daß ich ein nuͤtzliches Werck gefunden/ vnd solches nicht fuͤr mich allein behalten/ sondern einem andern auch habe zeigen wollen/ daß ich hernach solches nicht allein jenem nicht habe weisen/ sondern auch selber hernach niemalen thun koͤnnen. Dahero auch mancher nicht vnbillich bedencken traͤgt/ von etwas nuͤtzliches zu schreiben: Dann theils also be- schaffen/ wann sie nur alles/ was jhr Naͤhester hat/ zu sich reissen/ vnd ohne Muͤh/ Arbeit vnd Kosten grosse Heimlichkeiten von andern erlangen koͤnten/ im geringsten solches zu- thun sich nicht scheweten: Dahero besser geschwiegen/ vnd einen andern selber suchen las- sen/ so wird man erfahren/ was es fuͤr Muͤhe/ Sorg/ Kosten/ vnd beschwerliche Arbeit etwas guts zu erfinden/ erfordert/ vnd hernach so vnverschambt von andern wichtige Sachen/ fuͤr ein Danckhab/ so leichtlich nicht begehren doͤrffen.
Will derohalben auch hiemit jedermaͤnniglich/ so wol gros als geringe Stands- Personen/ welchen dieses mein Schreiben zu lesen moͤchte fuͤrkommen/ zum allerhoͤch- sten gebaͤten haben/ daß sie mich doch mit vielem schreiben/ fragen vnd begehren/ wollen zu frieden lassen/ vnd mir mein gut thun nicht zur Vnruhe machen/ sondern mit demje- nigen/ was ich jederman/ dems Gott goͤnnen wird/ zur guten Nachrichtung geschrieben habe/ zu frieden seyn. Dann mir nicht moͤglich waͤre/ wann ich auch sonst anders nichts zu thun haͤtte/ daß ich jederman auff seine Fragen antworten/ vnd seinem begehren ge- nug thun koͤnte. Es wolle jhm auch niemand eynbilden/ als wann ich guͤldene Berge be- saͤsse/ vnd andern solche auch verheissen wolte; gantz nicht: Dann was ich allhie geschrie- ben/ ist nur darumb geschehen/ auff daß die Natur etlicher massen durch diese meine Dis- cursen von Veraͤnderung der geringen Metallen in bessere/ doch nur in kleinem/ entde- cket wuͤrde. Dann ich niemalen dergleichen Dinge/ im grossen/ davon Nutzen kommen moͤchte/ versuchet/ oder gepracticiret habe/ sondern nur allein in kleinen Tiegelen die Warheit vnd moͤglichkeit zu sehen/ solche Arbeit ohne Nutzen gethan habe/ vnd auch nur zu dem Ende davon geschrieben/ auff daß man sehen moͤge/ daß auß den geringern Me- tallen/ bessere zu bringen/ der wahren Kunst zu thun moͤglich sey. Wer aber Zeit vnd Ge- legenheit (deren ich bishero noch gemangelt) solche Arbeit im grossen anzustellen haben kan/ dem ist es nicht gewehret zu versuchen/ ob Nutzen damit zu erlangen. Ich fuͤr mein
Person
Philosophischer Oefen
Person muß so lang zufrieden seyn/ bis mir Gott einmal in einen bequemen Orth/ sol- che Dinge im grossen zu versuchen/ obs gelingen wolte/ Nutzen damit zu thun/ meine saure vnd vielfaͤltige schwere Arbeiten vnd Kosten/ die ich viel Jahr her daran gewen- det/ einmal zu geniessen/ vnd wiederumb ein Ergetzlichkeit dargegen zu haben/ helf- fen moͤchte.
Auff ein andere Weise werden die Metallen verwandelt von einer Gestalt in die andere/ nemblich durch einen tingirenden Metallischen Geist/ wie bey dem
auro fulmi- nante
zu sehen/ wann solches auff einem remen pallirten Metallischen Blech einen Blitz oder Schlag thut/ ein guͤldische Tinctur in solchem Augenblick sich in das Metall drin- got/ vnd solches zu Gold tingirt/ ohne Verletzung desselben/ vnd so zu etlich malen/ auff demselben Orth das
aurum fulminans
schlaͤgt/ so gehet vnd dringet die guͤldische Tin- etur tieff hineyn in das Blech/ also das es den Strich haͤlt. Deßgleichen geschicht auch im nassen Weg/ wann man nemblich von
nitro,
vnd etlichen Mineralien/ einen gra- direnden
Spiritum
distillirt/ dareyn
laminas Metallorum
leget/ daß dieselbe darvon al- so penetrirt werden/ vnd ein andere Gestalt erlangen/ nachdeme der
Spiritus
gewesen ist: Vnd so jemand meynen moͤchte/ daß ein solche gradation im Schlage-Gold auff andere Metallen/ kein wahre Verwandlung were/ sondern nur ein Anstrich/ der kan die Gewißheit erfahren/ wann er etlich mal ein Schlag-Gold darauff fulminiren laͤßt/ so wird er sehen/ daß das Metall nicht nur oben auff verguͤldet/ sondern tieff hineyn gra- diret ist.
Dergleichen auch wird man gewiß der Warheit/ welche durch ein nassen
Spi- ritum
geschicht/ wann man solche Metallen/ die darinn gradiret/ auff die Prob setzet. Allhier wird klaͤrlich gesehen/ was die Metallen eins in das ander wuͤrcken koͤnnen/ wann sie Geistlich gemachet seyn. Dann/ ein Geist ist ein wunderlich Ding/ hat grosse Gewalt/ welches ein Vngeuͤbter im Fewer nicht glauben kan. Vnd bezeugen solche Gradirung der Metallen/ auß einem geringen in ein hoͤhers/ nicht allein die aͤltere vnd juͤngere
Philosophi,
sondern auch die Bergleuth/ welches sie auß taͤglicher Erfah- rung wahrgenommen/ daß die Mineralische Duͤnste oder
Spiritus
in andere Metallen eyngehen/ vnd dieselben in ein ander vnd besser Metall verwandeln/ wie bey
Lazaro
Ercker zu sehen/ da er außdruͤcklich bezeuget/ daß das Eysen in natuͤrlich Kupffer ver- wandelt werde/ in gruͤnen gesaltzenen Wassern/ vnd daß er gesehen habe in einer Gru- ben/ daß die Farthespen/ Thonnaͤgel/ vnd ander Eysenwerck mit der Zeit also von ei- nem Kupffer-Geist seynd penetrirt/ vnd zu einem bestaͤndigen guten Kupffer worden. Ich verlaͤugne nicht/ daß die Metallische
Solutiones
auff etlichen Metallen sich an- schlagen/ dieselben verguͤlden/ versilbern/ vnd verkuͤpffern/ aber darumb nicht gradi- ren; Wie dann bekant genug ist/ wann man Eysen in ein Vitriolisch Wasser legt/ sol- ches von dem Vitriol-Wasser nicht zu Kupffer wird/ sondern nur das Kupffer auß dem Vitriol zu sich ziehet; davon allhier nicht disputiret wird/ sondern angezeyget/ daß es moͤglich sey/ die Metallen durch einen durchdringenden tingirenden Geist zuveraͤn-
aͤndern:
Vierdter Theil.
dern: Darumb ich noch einmal sage/ daß den Metallischen Geistern sehr viel zu thun moͤglich sey/ darvon allhier nicht mehr zu schreiben.
Man sehe an ein Erde/ wie grob vnd vnkraͤfftig dieselbe sey/ vnd darneben auch ein Wasser/ wie hell vnd klar/ auch gewaltsamb/ vnd noch reiner vnd gewaltiger die Lufft sey/ welche auß dem Wasser/ vnd das Wasser auß der Erden entsprungen; kan das Wasser bisweilen nicht gantze Laͤnder uͤberschwaͤmmen/ Staͤdt vnd Doͤrffer hin- weg fuͤhren/ vnd die Lufft nicht allein starcke Haͤuser uͤmbwerffen/ sondern auch wann dieselben in der Hoͤlen der Erden/ so sie nicht auß kan/ auff viel Meilwegs lang den Erd- boden schuͤtteln/ bewegen/ vnd bißweilen gantze Staͤdte vnd grosse Berge uͤbern Hauf- fen werffen/ vnd viel Menschen dardurch verderben/ vnd alles natuͤrlicher weise: Aber vielmehr Schaden thut der Wind/ welcher durch Kunst mit dem
Nitro
gemachet wird/ welches im geringsten keinen Beweis bedarff.
Geschicht nun solcher Gewalt durch die groͤbere Elementen/ wie viel sie auch Macht vnd Gewalt haben/ dannoch jhnen nicht moͤglich ist/ ohne Verletzung durch ein Compact-Metall/ will geschweigen harten Stein vnd Glas zu gehen/ welches aber dem Fewergeist zu thun nicht schwer ist. Weilen dann bekant genug daß die Krafft der Son- nen oder Fewers/ durch alle Metallen vnd allerhaͤrteste Stein vnd Glaͤser/ wegen sei- ner subtilen Durchdringenheit vnverhindert/ vnd vngezwungen gern durchgehet; Warumb solte dann auch nicht ein subtiler Metallischer durchdringender
Spiritus
in der Hitze/ durch Gewalt des Fewers/ die aller compacteste
corpora
penetriren/ ver- bessern/ vnd in ein ander Gestalt bringen koͤnnen? Wie allhier bey dem
auro fulminanti
vnd gradir-Wassern zu sehen ist. Derohalben gantz nicht zu zweiffeln/ daß nicht ein Mi- neralische tingirende Krafft/ so wol in nasser als truckener Gestalt/ die harte Metallen in bessere zu veraͤndern Macht habe.
Es koͤnnen die Metallen auch gereiniget werden auff solche Weise/ wie man den gemeynen
Tartarum, Vitriolum,
vnd andere
Salia
reiniget/ nemblich mit Zuthun viel Wassers. Dann genugsamb bekant ist/ daß man durch solviren vnd coaguliren mit ei- ner grossen Quantitaͤt Wassers/ den gruͤnen
Vitriolum,
also von seinem Zusatz/ nemb- lich Eysen vnd Kupffer reinigen kan/ daß er gantz bleibet/ vnd als ein Alaun anzusehen ist/ welche Reinigung dann nichts anders ist als ein Scheydung des Metalls von dem
Sale,
indeme man sehr viel Wassers zuthut/ dardurch das
Sal
geschwaͤchet/ vnd noth- halben sein bey sich habendes Metall/ in Gestalt eines Schlams muß fallen lassen/ vnd ist solcher Schlam nicht vnnuͤtz oder vntuͤchtig/ sondern der beste Theil des Vi- triols/ nemblich Eysen/ Kupffer vnd Schwefel/ dardurch das weisse Saltz gruͤn wor- den war.
Wie dann nun durch eine solche Scheydung auß dem Vitriol koͤnnen Metall gemacht werden/ die in einem hoͤhern Grad der Perfection zu rechnen seyn/ als
Salia;
Also auch mit den Metallen geschicht/ auß welchen das bessere vnd perfecteste Theil von dem geringern gefaͤllt/ vnd geschieden wird. Mit dem
Tartaro
aber geschicht die Rei-
E e
nigung
Philosophischer Oefen
nigung zwar auch durch viel Wassers/ aber sein bestes Theil faͤllt nicht davon/ gleich wie bey dem
Vitriolo
sondern der geringste Theil desselben faͤllt vnd scheydet sich davon/ dardurch der
Tartarus
vnrein vnd schwartz worden war. Mercke wol auff dis Exem- pel. Es kan der gemeyne Weinstein/ wie er auß den Faͤssern kompt/ durch etlichmal solviren vnd coaguliren mit so viel Wassers/ daß nur der Weinstein darinn zergehet/ schoͤn/ hell/ klar vnd weiß gemachet werden/ weilen allezeit/ vnd ein jedwederer Solution mit reinem Wasser/ derselbige je laͤnger je weisser vnd schoͤner wird/ also/ daß auch nicht allein ein weisser/ sondern auch ein jedweder haͤßlicher/ roter Weinstein/ in schoͤne durch- sichtige Crystallen kan gebracht werden/ vnd sonderlich behend durch ein Niederschlag. Vnd ist der Schlamm/ welcher das schoͤne weisse Saltz dunckel vnd vnsauber gemacht hat/ nichts anders/ als ein vngeschmack/ vnkraͤfftig/ hoͤltzicht Wesen/ welches sich mit dem anschiessen oder coagultren des
Tartari
in den Weinfaͤssern damit vermischet/ vnd nun durch Solvirung desselben wieder davon geschieden hat.
Diese Gleichnuͤs nun dieser beyden Salien/ nemblich
Vitrioli
vnd
Tartari,
ist nicht uͤmb sonst/ sondern darumb gegeben/ auff daß man den Vnterscheyd der Faͤllung darauß erkennen lerne. Dann bey etlichen Metallen scheydet sich das geringere Theil von dem bessern/ vnd das bessere bleibt; bey etlichen scheydet sich das bessere/ vnd faͤllt zu Boden/ vnd das geringere bleibt/ nach dem das bessere oder geringere die Oberhand hat; dann bey dem Vitriol ist das bessere Theil/ nemblich Eysen/ vnd Kupffer das we- nigste/ vnd faͤllt zu Boden/ geschieden von dem mehrern vnd geringern Theil des Sal- tzes: Bey dem
Tartaro
scheydet sich das geringe vnd mindere von dem mehrern vnd bessern Theil/ vnd das mehrer vnd besser Theil bleibet schoͤn/ hell/ sauber vnd klar. Also auch mit den Metallen geschicht. Darumb ein jedweder/ der sich darinn bemuͤhen will/ wol zusehen soll/ was er scheyde/ ob der besser vnd geringer Theil des Metalls fallen oder geschieden soll werden; ohne solche Erkaͤntnus ist es besser vnterwegen bleiben lassen/ als vnnuͤtze vnd verlorne Arbeit gethan. Vnd wolle sich auch jederman huͤten/ der et- was in solcher Arbeit vermeynt zu erlangen/ daß er ja im geringsten keine corꝛofivische Wasser/ sie haben gleich Namen wie sie wollen/ als
Aq. fort. Aq. reg. Sp. Salis, Vi- trioli, Aluminis, Aceti,
vnd dergleichen zu seiner Solution nehme/ welche im gering- sten nichts guts koͤnnen außrichten/ sondern alles bis in den Grund hineyn verderben/ vnd diesen Worten Glauben vnd Gehoͤr geben: Auß Metaller/ durch Metallen/ vnd mit Metallen werden gute vnd bestaͤndige Metallen.
Auch werden die Metallen gereiniget/ gezeitiget/ vnd jhr guts vom boͤsen geschie- den/ durch das
nitrum,
dardurch das
Sulphur superfluum comburens
von dem
puro
verbrennet vnd consummiret wird.
Alle diese erzehlte verbesserungen der Metallen geschehen nur
particulariter.
Dann ein jedweder
Medicina particularis,
so wol auff Menschen als Metallen/ macht seine Scheydung vnd Verbesserung durch Ablegung des
superflui.
Ein
universalis Medi- cina
aber hergegen thut sein Verbesserung durch Staͤrckung vnd Augmentirung des so
wol
Vierdter Theil.
wol animalischen als mineralischen
humidi radicalis,
welches hernach selber auß eyge- ner Krafft seine widerwaͤrtige Theilen von sich werffen kan.
Moͤchte jemand sagen: Du giebst wol gleichnusse genug/ lehrest aber nicht wie man thun soll? Ich hab genug gelehret/ ja mehr als du glaubest/ ob du es schon nicht also nach deinem Willen verstehest/ so weiß ich gewiß/ daß nach meinem Tod/ wañ mein Leib ver- wesen ist/ erst meine Lehre wird angenehm werden/ vnd gespuͤhret/ daß ich nicht eytele Ehre vnd vergaͤngliche Dinge/ sondern allein meinem Naͤchsten auß schuldiger Pflicht/ so viel mir zugelassen/ damit zu dienen vnd helffen/ gesucht habe. Daß aber jemand meynen moͤchte/ weilen ich so freygebig im schreiben bin/ viel von mir zu erforschen/ oder erfahren/ der soll wissen/ daß solches zwar auß guter Meynung/ gleichwol aber nicht darumb geschehen ist mehr Muͤh vnd Arbeit auff mich zu laden/ dann es mir nicht moͤg- lich were/ einem jedwedern auff sein Schreiben zu antworten/ vñ alle Menschen reich zu machen/ der ich doch selber nicht reich bin/ auch Reichthumb niemalen gesucht/ vnd auch nimmermehr suchen werde. Dann ob ich schon dieser Dingen wie gemeldet/ auß Gna- den Gottes/ Erkaͤntnuͤs habe/ vnd in kleinem gute Proben darinn gefunden/ so hab ich doch solche Dinge noch bishero niemalen in grossem angestellt vnd practiciret/ reich da- mit zu werden/ sondern mich allzeit mit demjenigen begnuͤgen lassen/ damit mich Vn- wuͤrdigen Gott der Allmaͤchtige versorget hat. Will auch einen jedwedern er sey wer er wolle/ keinen außgenommen/ hiemit trewlich gewarnet haben/ wann jhme Gott der
He
rꝛ etwas zeiget/ daß er ja nicht dardurch hofffaͤrtig/ vndanckbar/ vnd ein Vergesser Gottes Genaden werde/ sondern dem Allmaͤchtigen reichen Geber/ ohne vnterlas an seinen Gliedern den beduͤrfftigen beyspringe/ vnd nach Vermoͤgen helffe/ auff daß jhme sein Gut nicht zur Verdamnus/ sondern zur Seligkeit dienen moͤge Auch las dich nicht verdriessen/ vnd kehre dich nicht daran/ wann du uͤmb dasjenig das dir Gott giebt/ ge- neydet vnd gehasset wirst/ es ist der boͤsen Welt Brauch/ der Geitzige vnd Hoffaͤrtige goͤnnet niemand nichts guts als jhme selber/ der doch gedencken solte/ daß er auch nichts auff die Welt gebracht habe/ vnd wieder so viel mit darvon nehmen werde. Sihe du nur zu/ daß du wol Haußhaltest/ mit demjenigen das dir Gott bescheret/ vnd dassel- bige recht vnd wol anlegest: Thue recht vnd schewe niemand.
Dieses sey nun genug von der Particular-Verbesserung der Metallen gesagt/ so viel ich Erkaͤntnus davon trage. Anbelangend aber das
Universale,
davon so viel ge- sagt vnd geschrieben wird/ kan ich nicht wol davon vrtheilen/ dieweilen ich kein Prob da- von gesehen hab/ so viel aber vermercke ich in andern geringen Veraͤnderungen der Me- tallen daß solches in der Natur seyn muͤsse/ ob schon ich oder du solches nit wissen/ so muͤs- sen wir doch zufrieden seyn mit demjenigen/ das vns Gott giebet; Vielleicht ist es dem
Menschen nicht allezeit nutz zur Seligkeit gar zu viel wissen/ dann gemeynlich viel wissen vnd viel haben macht hoffaͤrtig/ vnd Hoffart bringt zum Teuffel/ der denselben auch erdacht hat/ darvor vns GOTT behuͤten wolle.
E e ij
CAP.
Philosophischer Oefen
CAP. VIII.
Was von dem
Lapide Philos.
zu halten.
W
Eilen schon vor 1000. Jahren her/ sehr viel Hocherfahrne/ so wol Juͤdische/ Haͤyd- nische/ als Christliche kuͤnstliche Maͤnner/ daß ein solch Philosophische Medicin/ Menschen vnd Metallen dardurch auff die hoͤchste Gesundheit zu bringen/ durch des Menschen Gefchickligkeit vnd Kunst zu machen moͤglich sey/ nicht allein geglaubt/ son- dern auch mit vielen greifflichen vnd beweißlichen
rationibus
klaͤrlich dargethan vnd be- kraͤfftiget haben/ davon vnzaͤhliche viel Buͤcher in allerhand Sprachen/ so wol warhaff- te als verfaͤlschte/ auff den heutigen Tag/ allenthalben zu finden: Also ist es nicht noͤtig/ daß von mir etwas weiters davon geschrieben werde/ vnd auch darumb/ weilen mir der- gleichen Werck gantz vnbekant ist/ ob ich zwar von vielen offtermals gehoͤret/ wie daß hie vnd dort bisweilen sich einer gefunden/ der vnvollkommene Metallen/ vnd insonder- heit das Bley in bestaͤndig Gold/ durch die Projection einer zugerichten Medicin/ solle verwandelt haben; So hab ich doch solche Discursen allzeit in jhrem Werth bletben las- sen/ vnd mich niemalen hoch darumb bekuͤmmert oder bemuͤhet/ ein solch grosses Werck vnter die Haͤnde zu nehmen/ vnd zu verfertigen; vnd hat mich nicht allein davon abge- strecket die Menge so vieler/ so wol der Gelaͤhrten als Vngelaͤhrten/ vnter hohen vnd niedern Stands-Personen/ vngluͤcklicher Außgang vnd Verderben in solcher hohen Kunst: Sondern habe mir auch niemalen eynbilden koͤnuen/ daß ein solche kraͤfftige vnd wunderthaͤtige Medicin (wie derselben zugeschrieben)
in rerum natura
zu finden were; wiewolen mir vielmalen in meinen
laboribus
wunderbarliche Sachen vnd Anleytun- gen in solchem Werck seynd begegnet/ gleichwolen/ wegen Manglung der Zeit vnd Ge- legenheit/ niemalen vnter die Haͤnde zu nehmen vnterstehen doͤrfsen/ so lang vnd viel bis mir ohngefehr das Gluͤck/ indeme ich etwas anders vnd geringers gesuchet/ den Glau- ben in die Hand geben/ vnd solches moͤglich zu seyn bewiesen. Dann ich viel Zeit/ Muͤh vnd Kosten von vielen Jahren her dem Gold seine Tinctur vnd
Animam
zu extrahiren/ (weilen ein gute Medicin darauß zu machen) angewendet habe/ vnd auch endlich so weit gebracht/ daß es mir gelungen/ vnd gesehen/ wann dem Gold sein bestes Theil entzogen/ daß das uͤbrige hinfoͤrder kein Gold mehr ist/ vnd im geringsten das Fewer/ wie zu vorn/ nicht mehr bestehen kan: Darauß ich dann gemuthmasset/ wann man solche außgezoge- ne Krafft des Goldes wieder in ein Fewer-bestaͤndiges Wesen bringen koͤnte/ daß es nicht wol fehlen muͤste/ hernach wieder ein geringer Metall damit in Gold zu verwan- deln; welches aber zu versuchen/ dieser mein gegenwaͤrtiger Zustand in der Frembde nicht hat zulassen wollen/ derowegen ohne meinen Willen/ wiewol ich uͤmb obgemeldter Vr- sachen vnd Anleytung/ einen sonderlichen Lust vnd Muth darzu bekommen/ die Hand gleichwol davon hab lassen muͤssen: Vnd darneben auch wieder zuruͤck gedacht/ wann ich mich erinnert/ daß die
Philosophi
schreiben ein solche Medicin nicht auß dem gemey-
nen/
Vierdter Theil.
nen/ son dern auß einem besondern Gold muͤste bereytet werden. Hab hernach aber einen
Acetum Philosophorum
auff gemeyn roth Kupffer gossen/ zu versuchen/ ob es auch ein Tinctur darauß ziehen wolte/ welches dann auch geschehen/ also daß beynah alles Kupf- fer als ein weisse Erden durch Digerirung sich von der Tinctur geschieden hat/ welche Erden ich wieder in ein
corpus
zu schmeltzen versucht habe/ aber im geringsten nicht moͤglich gewesen/ sondern als ein tode Erden ohne Fluß ist liegen blieben. Darauß ich abermal im Glauben bin gestaͤrcket worden/ daß ein solche Medicin koͤnte bereytet wer- den. Vnd ob ich schon in solcher Arbeit nicht bin fortgefahren/ vnd vernommen/ was darauß werden moͤchte/ so zweyfle ich doch nicht/ wann man den Sachen fleissig nach- daͤchte/ vnd das Werck in die Haͤnde nehme/ daß nicht auffs wenigst ein gute Medicin auff Menschen/ wo nicht auff Metallen/ solte koͤnnen darauß gemacht werden. Bestehet nun das Leben/ Schoͤne/ Fluß vnd Guͤtigkeit der Metallen in einer so kleinen Quanti- taͤt/ ja kaum in dem 100. Theil des Gewichts/ vñ das uͤbrige/ so jhme dieses entzogen/ kein Metall mehr/ sondern ein krafftlose vnfluͤssige tode Erden bleibet: Wer wolte zweyffeln/ daß solche außgezogene Krafft vnd Leben des Metalls/ wann es zuvor wieder corpora- lisch vnd fix gemacht wuͤrde/ nicht wieder ein Metallisch
corpus
solte wollen annehmen/ vnd in ein bessers verwandeln? Ich fuͤr mein Person bilde mir nun gaͤntzlich eyn/ vnd glaube faͤstiglich/ wegen oberzehlten beweglichen Vrsachen/ daß ein solche Medicin/ auß mineralischen vnd metallischen Dingen/ dardurch die geringere Metallen im Fluß/ in bessere transmutiret/ koͤnte durch Kunst gemacht werden. (Es wolle jhme niemand eyn- bilden/ als wann ich allhie auff das Gold oder Kupffer wolte gewiesen haben/ weilen ich erzehle/ wie es mir damit ergangen; gantz nicht. Dann ich wol weiß/ daß noch andere
subjecta
gefunden werden/ die voller Tinctur seyn/ vnd sich gern handlen lassen.) Vnd ob es schon so gemeyn nicht ist/ vnd gar selten darzu gelangen wird/ so ist es doch nicht der Natur vnd Kunst/ sondern vnserer Vngeschicklichkeit/ schaͤndlichen teuffelischen Geitz vnd Hoffart/ wie auch boͤsem/ vnbusfertigem/ Gottlosen Leben/ die Vrsach vnd Schuld solcher Verhindernus zu zulegen. Vnd darff jhm niemand eynbilden/ daß er dergleichen Dinge wuͤrdig sey/ so lang er auff boͤsem Wege wandelt/ GOTT vnd sein Wort verachtet/ seinen Naͤchsten hasset/ vnd jhme selber viel zurechnet. Sagt mancher/ das kompt auff vnser Leben vnd Wandel nicht an; Est ist ein Werck der Kunst vnd Na- tnr: Die Haͤyden haben doch solche Wissenschafft gehabt/ die vns in Frombkeit nicht gleich gewesen/ weilen sie von dem wahren Gott nichts gewust haben:
Ergò,
so kan mir mein boͤs thun vnd lassen/ nicht hinderlich oder befoͤrderlich darzu seyn/ sondern bestehet allein solche Kunst im Wissen vnd Erkaͤntnus der Sachen?
O du armer vnd blinder Mensch/ wie bistu auff einem so boͤsen Wege! Meynestu daß diese Haͤydnische
Philosophi
den wahren Gott nicht solten gekaͤnnt haben? Ja ge- wiß/ vnd ohne zweyffel besser als du/ ob jhnen schon Christus nicht ist geprediget worden/ so haben sie jhn doch auß seinen Wercken in der Natur erkant/ vnd jhr Leben/ Wandel vnd Thun darnach angestellet/ vnd solche hohe Gaben Gottes erlanget/ bewahret/ wol
E e iij
ange-
Philosophischer Oefen
angeleget/ vnd nicht mißhraucht/ sondern jhrem Naͤchsten mit guter Lehr vnd Vnter- richt gedienet vnd geholffen: Du aber/ der du dich besser zu seyn vermeynest/ als dein Naͤchster/ jhn verachtest/ seinen Splitter sihest/ vnd deines grossen Balcken im Au- ge nicht gewahr wirst/ in Geitz/ Hoffart/ Haß/ Neyd/ Wollust/ vnd andern Vntugen- den dein Leben zubringest/ meynstu daß Gott nicht ein Aug darauff habe/ vnd dich in deinem Vorhaben verhindern koͤnne? Gott weiß wol daß den geitzigen/ hoffaͤrtigen/ falschen Christen so viel nicht gebuͤhret. Darumb ein jedweder/ der ein solch hohes Werck suchet/ zuvorn wol zusehe/ vnd sich pruͤfe/ mit was Haͤnden er solches angreif- fe. Dann gewiß vnd wahr ist/ daß der Gottlose/ ob er schon noch so sehr laͤufft/ nimmer- mehr darzu gelangen wird/ dann es ein Gabe Gottes/ vnd nicht der Menschen ist.
Also hastu meine Meynung verstanden/ was ich von der universal Mediein hal- te/ vnd hat mich darzu beweget/ dasjenige/ was ich im Gold/ Kupffer/ vnd auch andern Mineralien vnd Metallen gesehen hab. Will es aber fuͤr kein Evangelium gehalten haben/ dann ein Mensch leichtlich trꝛen kan/ vnd jhme etwas eynbilden/ das nicht ist noch werden kan. Derowegen nichts gewisses davon zu halten/ bis daß inans vom An- fang bis zum Ende vollkoͤmlich außgewuͤrcket habe/ vnd dannoch nicht versichert ist/ daß er dasjenige/ so er einmal gethan/ wieder thun koͤnne. Dann es bisweilen gar wun- derbarlich in solchen Dingen hergehet/ daß man einmal auff einem guten Wege ist/ hernach wieder solchen verlieret/ vnd auch nimmer wieder finden kan; welches ohne Zweyffel mir nicht allein/ sondern noch vielen also wiederfahren ist. Derentwegen man nicht zu fruͤhe uͤber etwas/ daß sich wol ansehen laͤßt/ gloriiren soll/ dann gar leichtlich ein Hindernus eynfallen kan/ welches alle geschoͤpffte Hoffnung auff einmal in Brun- nen sencket. Vnd ist das allerbeste/ daß man Gott/ neben fleissiger Arbeit/ embsig an- ruffe vnd bitte/ daß er zu vnserm Thun vnd Beruff seinen zeitlichen Segen vnd Ge- deyen geben wolle/ daß wirs allhier wol gebrauchen vnd anlegen/ vnd hernacher einmal zur Ergetzligkeit all vnserer vielfaltig gehabten Sorg/ Müh/ Arbeit vnd Vnruhe/ mil- diglich/ ohn all vnsern Verdienst/ auß lauter Gnad vnd Barmhertzigkeit/ die ewige Ruh vnd Seligkeit verleyhen wolle/ Amen.
CAP. IX.
Ob die
Mineralia,
oder kleinere Metallen/ als
An- timonium, Arsenicum, Auripigmentum, Koboltum, Zincum, Sulphur,
vnd dergleichen/ auch zu Metallen wer- den/ vnd was fuͤr Metallen sie geben?
V
Nter den
Chymicis
ist ein lange Zeit hero viel disputirens gewesen/ ob diese vorge- setzte Mineralien auch auß denselben
principiis,
davon die Metallen generirt/ jh- ren Vrsprung haben/ vnd auch vnter die Metallische Geschlechter moͤgen gezehlet wer- den/ darinn sie dann auff den heutigen Tag noch nicht einig seyn/ weilen der eine solches
darfuͤr
Vierdter Theil.
darfuͤr haͤlt vnd annimpt/ der ander dargegen verwirfft/ also/ daß ein junger angehender Liebhaber der
Chymiæ
nicht wissen kan/ welchem Hauffen er beyfallen soll.
Weil aber solche erkaͤntnus vnd Wissenschafft nicht wenig zur Verbesserung der Metallen dienet/ so hab ich nicht vnterlassen koͤnnen meine Meynung/ welche auff die Experientz gegruͤndet/ allhier zu entdecken/ vnd hoffe vielen auß dem Traum damit zu helffen. Diejenige die darfuͤr halten/ daß solche Mineralien auß einem andern Grund herkommen/ als die Metallen/ ist zu verwundern/ auß was schlechtem Fundament sie solches behaupten wollen; indeme sie sagen/ haͤtten Metallen darauß sollen werden/ warumb ist es dann nicht geschehen/ vnd geschicht noch nicht? Indeme man befindet/ daß solche allezeit
Mineralia
bleiben/ vnd keine Metallen darauß werden? Diese sollen wissen/ daß es mit dem wachsen der Metallen viel ein ander Gelegenheit hat/ als mit dem wachsen der Vegetabilien/ die in einer kleinen Zeit wachsen/ vnd auch wieder vergehen: Welches mit den Metallen hergegen nicht geschicht/ oder geschehen kan/ dann alles was lang bestaͤndig seyn soll/ auch langsamb zur Bestaͤndigkeit gelangen muß/ laut des Sprichworts:
Quod citò fit, citò perit.
Vnd geschicht solches nicht allein bey den Ve- getabilien vnd Metallen/ sondern auch bey den Animalien. Gleich wie bey etlichen Kraͤu- tern zu sehen/ die in einem halben Jahr zu jhrer hoͤchsten Volkommenheit kommen/ vnd auch wiederumb desto baͤlder vergehen. Diejenigen aber welche mehr Zeit zu jhrer Perfection bedoͤrffen/ desto laͤnger hernach auch weren koͤnnen. Ein Schwamm auß ei- nem faulen Holtz kan in 1. oder 2. Naͤchten gros werden/ vnd auch wieder in so kleiner Zeit vergehen; welches ein Eychen-Baum nicht thun wird. Ein Ochs oder Pferd kan in 2. oder 3. Jahren seine vollkommene Groͤsse erlangen/ lebet aber selten laͤnger als 20. oder 24. Jahr/ hergegen ein Mensch wol 24. Jahr vonnoͤthen hat/ ehe er seine Staͤrcke vnd Groͤsse erlanget/ vnd auch wol 60.80. oder 100. Jahr hernach wieder leben kan. Al- so auch mit den Metallen muß verstanden werden/ welche viel hundert oder tausend Jahr weren koͤnnen/
consequenter
auch ein lange Zeit zu jhrer Vollkommenheit ha- ben vonnoͤthen gehabt. Weilen dann die Metallen so lange Zeit zu jhrem wachsen er- forderen/ vnd kein Mensch/ ob er schon etliche hundert Jahr lebete/ jhren Anfang vnd Ende sehen kan/ so ist auch nicht zu widerstreitten/ dieselbe ehe sie Metallen worden/ zu- vorn
Miner.
gewesen seyn. Insonberheit/ weilen allzeit bey den Gaͤngen der Metallen/ sonderlich/ wann solche nicht gedigen vnd fein seyn/ auch Mineralien gefunden werden/ wie auch die Bergleuth/ wann sie Mineralien antreffen/ gute Hoffnung zu Metallen haben/ vnd dieselbe ein Mantel oder Decke der Metallen nennen/ wie dann selten Mi- neralien ohne Metallen oder Metallen ohne Mineralien gefunden werden/ vnd auch niemalen Mineralien angetroffen/ die nicht etwas/ es sey so wenig oder viel es wolle/ be- staͤndiges Gold vnd Silber bey sich fuͤhren vnd halten/ dahero die Mineralien recht vnd wol fuͤr ein vnzeitige Geburt der Metallen zu halten seyn/ weilen offenbahr genug ist/ daß solche Mineralien durch sonderbare Handgriffe mit Fewer dahin koͤnnen gebracht werden/ daß dieselbe hernach ein zimliche Quantitaͤt Silber oder Gold im schmeltzen
von
Philosophischer Oefen
von sich geben. Wann dann solche Mineralien auß keiner metallischen Wurtzel her- sproͤssen/ wie solten dann Metallen darauß koͤnnen gebracht werden? Weilen auß einem jungen Kind kein Ochs/ oder auß einem jungen Kalb kein Mensch werden kan/ sondern allzeit gleich seines gleichen herfuͤr bringet.
Ist derohalben gruͤndlich darfuͤr zu halten/ daß obgenandte Miner alien gegen die Metallen nicht anders als vnzeitige Fruͤchten zu achten/ welche jhr vollkommene Reyf- fe noch nicht erlanget/ vnd jhr vnnuͤtze Terꝛestritaͤt noch nicht von sich geleget haben. Dann wann ein Ey nicht zum Vogel pr
æ
destiniret/ vnd solcher Natur theilhafftig we- re/ wie solte durch die Waͤrme ein Vogel darauß koͤnnen gebruͤtet werden? Also auch wann die Mineralien keiner metallischen Natur theilhafftig weren/ wie solten Metallen darauß durchs Fewers huͤlffe koͤnnen gezeitiget werden? Moͤchte mancher sagen/ daß er dergleichen Prob (wie nemblich auß den geringen Miner alien vnd Metallen gute Me- tallen gebracht werden) niemalen gesehen habe/ derohalben auch nicht glauben koͤnne. Der sol wissen/ daß viel Dinge in der Natur/ welche dem mehrentheil noch vnbekant seyn vnd frembd fuͤrkommen. Thut derohalben derjenig nicht allein sehr thoͤricht/ son- dern auch gantz vnrecht/ daß er etwas verlaͤugnet daß er nicht verstehet/ weiß/ oder kan. Zeigt vns doch die taͤgliche Erfahrung in der
Alchymia,
daß durch wegnehmung des uͤbrigen Sulphurs/ es geschehe auff was weise vnd wege es immer wolle/ (deren vnter- schiedliche im Brauch) so wol die Mineralien als geringe Metallen augenscheinlich in einen hoͤhern grad der Vollkommenheit versetzet werden. Warumb solte dann das Hertz nicht glauben/ vnd der Mund sprechen/ was die Augen sehen? Bezeuge vnd be- thewre derohalben auß gegruͤndter Experientz/ daß fast auß allen Mineralien vnd ge- ringern Metallen bestaͤndige Metallen/ als Gold vnd Silber/ durch die vnverfaͤlschte Kust der
Alchymia,
doch auß einem mehr vnd weniger/ auch leichter vnd schwerlicher/ als auß dem andern/ zu bringen sey. Dann est ist nimmer die Nacht so finster/ es ist noch ein wenig Liecht oder Schein darunter verborgen/ welche durch ein
Speculum conca- vum
darauß kan colligiret/ vnd in die Enge zusammen gebracht werden/ vnd ist kein Ele- ment so rein/ es ist der andern Elementen etwas theilhafftig/ auch kein Ding so boͤse/ es ist noch etwas gutes darinn.
Et è contra.
Gleich wie nun auß der Lufft die verborgene Sonnenstrahlen koͤnnen colligiret werden/ also koͤnnen auch auß den imperfecten Me- tallen vnd
Miner perfectè
Metallen/ welche weit darinn zertheilet vnd verstrewet seyn/ durch das Fewer vnd Geschickligkeit eines geuͤbten Kuͤnstlers (wann nemblich dieselbe mit jhrem behoͤrlichen
solvente
vnd mineralischen Wassern oyngesetzet/ vnd durch die Hitze des Fewers die
partes homogeneæ
conjungiret vnd behalten/ vnd die
partes he- terogeneæ
abgeworffen vnd geschieden) zusammen getrieben/ vnd herauß gebracht wer- den. Also/ daß es nicht/ noͤtig mit grosser Gefahr seines Lebens nach Ost- oder West- Indien zu lauffen/ Gold vnd Silber in den new-gefundenen Insuln zu suchen/ vnd zu holen/ sondern es koͤnte allhier bey vns in Deutschland/ wann Gott der Allmaͤchtige ein- mal seinen Zorn fallen lassen/ vnd die wolverdiente/ schroͤckliche/ vnd verderbliche/ lang
erlit-
Vierdter Theil.
erlittene Ruthe des Kriegs-wesens wegnehmen/ vnd ein gewuͤnschten vnd bestaͤndigen Frieden auß Gnaden verleyhen wolte/ viel Gold vnd Silber ohne Bergwerck bawen erhalten werden/ weilen allenthalben genug alt Zinn/ Kupffer/ Eysen/ vnd Bley gefun- den/ darinnen die Bergleuth ohne jhr Wissen einen Schatz gelassen.
Soll sich derohalben niemand arm schaͤtzen vnd klagen/ daß er nichts habe/ der al- lein hat zu klagen/ ja ist aͤrmer als arm/ ob er schon Reichthumb besitzet (welches er doch leichtlich durch widerwaͤrtiges Gluͤck mit dem Ruͤcken anzusehen/ kan gezwungen wer- den) wann er Gott in seinen Creaturen vnd Wercken nicht kennet/ liebet/ vnd dafuͤr dancket. Was ist bey dem gemeynen Mann veraͤchtlicher vnd vnachtsamer als Bley vnd alt Eysen? Welche doch so hoch bey denen/ die sie kennen/ geachtet werden/ indeme sie bequaͤm seyn zu gebrauchen/ wann man mit mineralischem Eyerweiß ♃ vnd ♀ wa- schen will: Wie aber solches Waschwerck hergehe/ ist dem vngeuͤbtem vnd vnerfahrnen im Fewer uͤbel zu bedeuten; doch soll durch Gleichnussen etlicher massen entdecket wer- den. Sihe an den
Antimonium,
wie schwartz vnd vnrein er ist/ wann er auß der Erden kompt: So er aber durch die Bergleuthe auß der
minera
geschmeltzet/ vnd von seinem vnnuͤtzen Berg/ wie es andere nennen (welcher doch jhme zu Nutz von der Natur/ zu Huͤlff seiner Reinigung geben ist/ laut des Sprichworts:
Deus \& natura nihil faciunt frustra,
) gesaͤubert ist/ so erlanget er alsobalden ein besser
Corpus,
welches den Metal- len schon gleicher sihet/ als die
Minera,
so man aber hernach solches
Corpus
oder
Anti- monium
weiters mit
Sale Tartari
schmeltzet/ so toͤdet das
Sal Tartari
den vnzeitigen vnd verbrennlichen Schwefel/ vnd macht denselben von dem reinesten Mercurialischen Theil des
Antimonii
ledig/ vnd zu einer Schlacken/ also/ daß im schmeltzen abermal ei- ne Scheydung geschicht/ vnd ein Theil desselben schoͤn weiß/ doch bruͤchig zu grund/ vnd das leichteste Theil/ als der verbrennliche
Sulphur
mit dem
Sale Tart.
oben auff sitzet/ welche/ wann sie nach der Außgiessung in ein Gießbukel erkaltet/ durch ein Schlag mit einem Hammer voneinander koͤnnen separiret werden/ welchen die
Chymici
einen Koͤ nig nennen. Solcher Koͤnig ist abermal viel schoͤner/ als der erste Guß auß der rohen
Minera;
vnd ist dieses die Reinigung des
Antimonii,
so bey den
Chymicis
im Brauch vnd bekant ist. So man aber noch etwas weiters wuͤste zuzusetzen/ daß noch ein Rei- nigung zum drittenmal geschehe/ so koͤnte es nicht fehlen/ es wuͤrde der Koͤnig davon nicht allein schoͤner vnd weisser/ sondern auch geschmeidiger/ compacter/ vnd fixer seyn.
Ist es moͤglich gewesen auß dem schwartzen
Antimonin
einen weissen
re- gulum
zu machen/ warumb solte es auch nicht moͤglich seyn auß solchem
Regul.
ein geschmeidig Metall zu machen?
F f
CAP.
Philosophischer Oefen
CAP. X.
Noch auff ein andere Weise den uͤbrigen
Sul- phur
von dem
Antimonio
zu scheyden.
M
Ische zu einem Theil pulverisirten
Antimonii,
1. halben Theil Salpeter/ vnd zuͤn- de solche
mixtur
mit einer gluͤenden Kohlen an/ so brennet der
Sulphur Antimonii
mit dem Salpeter hinweg/ vnd wird ein braune
massa
darauß/ welche/ so dieselbe in eim guten Tiegel ein Stund mit starckem Fewer schmeltzet/ einen Koͤnig dem vorigen/ welcher mit
Sale Tartari
gemacht ist/ gantz gleich giebt/ doch nicht so viel. Deßgleichen kan auch ein Scheydung mit gleichem Gewicht
Antimonii, Tartari crudi,
vñ
nitri,
zu- sammen gemischt/ vnd angezuͤnd/ vnd geschmoltzen/ gemachet werden/ ist auch eben gut. Weiters kan noch auff ein andere Weise auß dem
Antimonio
ein Scheydung gemacht werden/ also/ daß man kleine Stuͤcklein Eysen 1. Theil in ein starcken Tiegel thut/ vnd in eim Wind-Ofen starck gluͤen laͤsset/ darnach 2. Theil
Antimonii
darzu gethan/ vnd wol fluͤssen laͤsset/ so greifft der uͤbrige verbrennliche
Sulphur Antimonii
lieber in das Eysen/ als in ein sulphurisch Metall/ vermischet sich damit/ vnd laͤßt also seinen reinen ☿ vnd
Sulphur
oder
regulum
fallen/ welches vngefaͤhr die Helffte/ so viel/ als des
Anti- monii
gewesen seyn wird.
Diese viererley Weise vnd Wege/ den anzuͤndlichen
Sulphur
von dem
Antimo- nio
zu scheyden/ seynd gemeyn vnd bekant genug/ habe solche nicht hieher geschrieben/ als wann es eine grosse Kunst were solches zu thun/ oder andere solches lehren wollen/ gantz nicht/ ist nur geschehen/ auff daß man saͤhe/ auff was Weise vnd Wege sich die sul- phurische Mineralien reinigen vnd verbessern. Welche zwar noch ein kleine Verbesse- rung ist/ doch der Weg vnd Anfang darzu gezeyget/ vnd nicht allein zu dem
Antimonio,
sondern auch zu diesen beyden/
Arsenico
vnd
Auripigmento,
wiewol
Arsenic.
vnd
Auripigment.
sich also mit dem Salpeter/ Weinstein vnd Eysen nicht geben wollen/ sondern seynd zu fluͤchtig/ muß derohalben in verschlossen Tiegeln mit Oel/ oder andern fetten Dingen geschehen/ geben auch nun solchen Koͤnig als das
Antimonium.
Diese Koͤnige geben dem ♃ eine Haͤrte/ guten Klang vnd Dichtigkeit. Wann vnter 1. Pf. 1. oder 2. Loth geschmoltzen wird/ guten Haußrath davon zu machen/ vnd geben in der Seygerung gut vnd bestaͤndig Gold.
Gleich wie nun allhier angezeigt vnd gelehret/ ein gemeyne Saͤuberung des
An- timonii,
also muß auch verstanden werden/ mit allen andern Mineralien vnd vnvoll- kommenen Metallen/ als Wißmuth/ Zinck/ Gallmay/ ♄/ ♃/ ♂ vnd ♀ solche von jhrem zu viel habenden
Sulphur
zu reinigen vnd waschen/ also/ daß bestaͤndige Metallen/ als Gold vnd Silber/ mit Nutzen darauß koͤnnen gebracht werden.
Will hiemit das Metallische Wasch-werck beschliessen/ vnd den
Chymicis
das
nitrum, Tartarum, Silices,
vnd Bley befohlen haben/ ich weiß/ wer diese 4. kennen ler-
net/
Vierdter Theil.
net/ jhme hernach seine Muͤhe/ Arbeit vnd Kosten/ die er an die
Alchymia
gewendet/ nicht vnbezahlt bleiben werden.
Dieses aber ist zu beklagen/ vnd zum Werck ein grosse Hindernus/ daß man nicht allenthalben gute vnd bestaͤndige Erden/ die in den ♄ vnd
Salia
halten kan/ findet/ dann ohne dem alten ♄ ist wenig oder gar nichts/ meines wissens/ in Seygerung vnd Rei- nigung der Metallen zu thun. Wolle derhalben ein jedweder/ der etwas in diesem Din- ge zu thun gesinnet ist/ fuͤrs erste uͤmb gute Erde uͤmbsehen/ welche den ♄ 24. Stunden halten kan/ darnach
Jovem
uͤmb Rath fragen/ was
Vulcanus
mit ♂ machen soll/ der jhm dann sagen wird/ wie viel er leyden muß/ ehe er die Cron erlanget.
CAP. XI.
De Tinctura Solis \& Antimonii.
W
Eilen man bisweilen/ so man aͤusserlich mit probieren vnd schmeltzen uͤmbgeher/ einen boͤsen mineralischen Dunst (wiewol es bey meinem Schmeltz-Ofen nicht ge- schehen kan) mit dem Athem hindersich in den Leib ziehet/ vnd leichtlich ein
Alteration
dardurch erlanget/ so will ich dem fleissigen Laboranten hieher ein gute Medicin beschrei- ben/ die er im Nothfall/ so wol
præservativè
als
curativè,
gebrauchen kan. Nemblich auß dem Gold vnd
Antimonio
einen durchsichtigen Rubin-roten vnd Fewer bestaͤn- digen/ solvirlichen Stein zu machen. Vnd geschicht also:
℞.
Ein Loht fein Gold/ solvire dasselbe in
aq. reg.
vnd pr
æ
cipitire solches mit
li- quore Silicum,
wie oben im 2. Theil zu finden/ suͤsse den
Calcem
ab/ vnd mach jhn tru- cken/ so ist er zu diesem Werck bereytet.
Darnach nimb klein pulverisirten
regul. Martis,
wie kurtz oben bey den Minera- lien zu machen ist gelehret/ vnd mische 3. Theilen reinen Salpeter darunter/ setze diese
mixtur
in einem Tiegel zwischen gluͤende Kohlen/ doch nicht gar zu heiß/ bis der Tiegel allgemach ergluͤet/ dann gieb starck Schmeltz-Fewer/ so wird ein Purpur-farbe
massa
auß dem
reg. Ant.
vnd
nitro
werden/ die nimbauß/ las erkalten/ pulverisire dieselbe klein/ vnd mische zu 3. oder 4. Theilen derselben 1. Theil oben bereytes Gold-kalchs/ setze die- selbe in obbeschriebenen Wind Ofen/ in eim guten bedeckten Tiegel/ vnd las die
massam
zusammen schmeltzen wie ein Metall/ so wird das
nitrum antimoniatum
dem Gold- kalck im schmeltzen zu sich nehmen/ solviren/ vnd ein Ametisten-farbige
massa
darauß werden/ diese las so lang im Fewer stehen vnd fliessen/ bis die gantze
massa
schoͤndurch- fichtig als ein Rubin worden ist/ welches man kan erfahren/ wann man bisweilen mir einem krummen reinen Drath in den Tiegel greifft/ vnd ein wenig von der
massa
herauß nimbt. Vnd wann mitlerweil die
massa
dick vnd vnfluͤssig wuͤrde/ so muß man ein stuͤck- lein
Salis nitri,
oder
Tart.
darzu werffen/ dardurch die
massa
wieder einen Fluß er- langet/ vnd muß solches so offt/ als es noͤthig ist/ geschehen. Wann nun deine
massa
auff die hoͤchste Rubin-roͤthe kommen ist/ so geuß dieselbe also heiß auß in einen reinen
F f ij
kupf-
Philosophischer Oefen
kuͤpffernen Moͤrsel/ vnd las erkalten/ so wird dieselbe in Farb/ Gestalt/ vnd Ansehen ei- nem Orientalischen Rubin gantz gleich seyn. Welche man also warm pulverisiren muß/ die sonsten die Lufft an sich ziehet vnd feucht wird/ vnd in einer Phiol mit
Spiritu Vini
seine Tinctur herauß ziehen/ so bleibt das Gold mit dem
Antimonio
als ein na- tuͤrlicher Schneeweisser zarter Talck liegen/ welches man mit rein Wasser auß dem Glas schwencken/ absuͤssen/ vnd truckneu kan: Giebt mit starckem Fewer ein gelb
vi- trum,
vnd wird kein Gold darinn gesehen/ welches gleichwol mit huͤlff Eysen-feylig vnd Kupffer kan darauß niedergeschlagen oder gefaͤllet werden/ auß welchem ♂ vnd ♀ das ☉ seine Farbe wieder erlanget/ doch nicht mit Nutzen/ sondern zimlichem Abgang. Der
Spir. Vini tinctus
wird von der
Tinct.
abstrahiret/ so hat man eine kraͤfftige Medicin/ die in vielen schweren Kranckheiten zu gebrauchen ist. Ob allhier jemand meynen wol- re/ daß diese beschriebene Medicin oder
Tinctura Solis
nicht
perse
were/ sondern auch zugleich die
Tinctura Salis nitri vel Tart.
welcher darzu gebrauchet/ mit vnter were/ der soll wissen/ das des
nitri
so viel nicht darzu kompt/ vnd wann schon die
Tinctura Salis nitrivel Tartari
mit darzu kaͤme/ was koͤnte sie darbey fuͤr Schaden bringen/ weilen dieselbe fuͤr sich allein ein gute Medicin ist. Vnd halt ich gaͤntzlich darfuͤr/ daß diese
Tin- ctura
☉ viel besser sey/ als diejenige/ welche im 2. Theil zu machen sind gelehret wor- den. Es kan auch dieser Rubin also fuͤr sich allein/ mit bequemen
vehiculis,
gebrauchet werden/ ist an sich selber ein kraͤfftige Medicin/ oder man kan denselben an ein feuchte Lufft legen/ vnd in einen rothen
liquorem
fliessen lassen/ ist nicht geringer zur Medicin als die
Tinctura
selbsten. Dann allhier das Gold vnd reineste Theil des
Antimonii,
ohn alle corꝛosivische Wasser/ in ein potabilitaͤt gebracht seyn.
Es ist zu verwundern/ daß die
Salia
im schmeltzen solche Macht haben/ die Me- tallen zu zerstoͤren/ zu verbessern/ vnd in ein ander Gestalt zu verwandlen. Dann mir einmal ein wunderlicher
casus
wiederfahren/ da ich diesen Rubin machen wolte/ indem ich neben diesem Tiegel/ da das Gold mit dem zugerichten
regulo Antimonii
stunde/ noch 2. andere Tiegel mit besondern Metallen stehen hatte/ (welches in diesem Ofen leichtlich vnd wol geschehen kan/ daß man 3.4. oder mehr Tiegel neben einander setzet/ vnd mit einem Fewer regieren kan/ welches sonsten in andern Windoͤfen/ oder fuͤr dem Geblaͤs vnmoͤglich zu thun ist/) vnd ich ein besonder Saltz in einen der Tiegel/ der neben dem Gold stunde/ vermeynet zu werffen/ aber ich jrꝛete/ vnd solches in den Tiegel/ da das Gold innen war/ thaͤte/ welches Saltz alsobalden ein
fermentation
vnd streiten in dem Tiegel vervrsachte/ also daß derselbe mit dem Zeug wolte uͤberlauffen/ da ich solches gewahr wurde/ auch alsobalden solchen mit der Zange ergriffe/ auß dem Ofen nahme/ vnd außgosse/ vnd mir wol eynbilden konte/ daß der Rubin durch das Saltz/ welche ohne meinen Willen darzu kommen/ wuͤrde verdorben seyn/ derohalben ich nur das Gold suchte zu salviren/ da ich aber das Wesen außgossen/ befande ich die gantze
massam
Blutroth/ oder viel schoͤner als der Rubin selber gewesen/ vnd sahe nach dem Gold/ fande aber keins/ sondern steckten hin vnd her in den
Salien
kleine weisse
Koͤr-
Vierdter Theil.
Koͤrner/ an Farb vnd gestalt einem gemeynem
Saturno
gleich/ solche davon zu scheyden/ weilen sie so klein waren/ konte nicht wol anders seyn/ als die
Salien
mit Wasser zu sol- viren/ nachdem solches geschehen/ blieben die Koͤrner allein von der Blut-roten
Solu- tion
geschieden am Boden des Glases liegen/ die ich herauß nam/ vnd solche zusammen in ein Stuͤck zu schmeltzen vermeynte/ solche in einen newen Tiegel thaͤt/ vnd in den Ofen setzte/ mit seinem Deckel/ da ich aber darnach sahe/ ob es geschmoltzen moͤchte seyn/ fande ich meinen Tiegel leer/ vnd war alles Gold un Rauch hinweg gangen/ behal- ben etwas wenigs hieng noch oben uͤmb den Tiegel vnd Deckel/ welches ich abkehrte da er kalt worden/ vnd in einem kleinen reinen Tieglein wieder in den Ofen setzte/ zu se- hen was darauß werden wolte/ so bald dieselbe Koͤrnlein die Hitze empfunden/ flogen sie schnell mit allen Theilen dahin/ gleich als ein
Arsenicum,
vnd ließ auch nicht den geringsten flecken oder maal in dem Tiegel/ also war ich meines Goldes quitt. Vnd nahm die rothe
Solution,
absirahirte das ▽ von den
Salien,
vnd fand ein Blutrothes Saltz/ setzte dasselbe in ein schoͤnen reinen Tiegel in den Ofen/ zu versuchen/ ob noch etwas corporalisch durchs schmeltzen herauß kommen wolte/ da ich aber dasselbe auß- goß/ befand ich/ daß alle
Tinctur
vnd roͤthe auch hinweg geraucht/ vnd nur die blosse weisse
Salien
noch im Tiegel geblieben waren/ daruͤber ich mich hoͤchlich verwunderte/ vnd noch taͤglich/ wann ich daran gedencke/ nicht genug verwundern kan/ daß mein gantzes
corpus auri,
so wol die
Tinctur
als
remanentz,
durch solches Saltz so fluͤchtig worden war.
Habe hernach mit fleiß dieselbe Arbeit wieder versucht vnd eyngesetzet/ ist mir aber nicht also wiederfahren wie erst/ sondern hat zwar eine aͤnderung gemachet/ aber das Gold ist so fluͤchtig nicht worden/ gieb deme die schuld/ weilen ich nicht eygentlich gewust das Gewicht dieses Saltzes/ welches dareyn vngefaͤhr kommen war. Vnd ha- ben mich bewegt diese Historie hieher zu setzen/ diese 2. Vrsachen/ erstlich/ daß ein
La- borant
sehen moͤge/ wie leichtlich an einem kleinen ding etwas koͤnne uͤbersehen werden/ dardurch der gantze Proceß verlohren werde. Zum andern auch zur Versicherung der
Philosophorum
Schrifften/ welche schreiben/ daß das Gold durch Kunst wiederumb zuruͤck in ein geringern Grad dem ♄ gleich koͤnne gebracht werden/ welches mir bey die- ser Arbeit wiederfahren ist/ vnd solle viel schwerer seyn/ das Gold zu zerstoͤren/ vnd ei- nem geringern Metall gleich zu machen/ als ein gering Metall in Gold zu verwandeln. Welches mich auch erfrewet/ vnd in meinem Hertzen gut thut/ daß ich solche Prob mit meinen Augen gesehen/ vnd mit meinen Haͤnden getastet habe/ davon die vermeyn- te
Philosophi
nichts hoͤren wollen/ ja grosse Buͤcher dargegen schreiben/ vnd weiß nicht auß was Halsstarꝛigkeit stand halten wollen/ daß das Gold vnmoͤglich zu zerstoͤren/ oder auß seiner Natur zu bringen sey/ welches doch ein pur lautere Luͤgen ist. Dann ich das Gegentheil (wanns die Noth erforderte) nicht nur auff einerley/ sondern auff vnterschiedliche weise darthun koͤnte.
Ich weiß nicht was solche Leut dahin dringet/ ein ding zu verachten vnd hassen/
F f iij
wel-
Philosophischer Oefen
welches sie doch im geringsten nicht kennen: Ich fuͤr mein Person/ was ich nicht weiß vnd verstehe/ das las ich vngeurtheilet/ vnd in seinem werth bleiben. Wie koͤnnen sol- che Leut mit Warheit die Veraͤnderungen der Metallen verlaͤugnen/ da sie doch jhr Lebens-zeit kein Kohlen oder Zang in den Haͤnden gehabt/ solches zu versuchen? Ich muß bekennen/ die uͤmblauffende Gold-kaͤfer/ die im geringsten nichts wissen oder koͤn- nen/ der wahren
Alchymia
keinen geringen Schandfleck anhaͤncken (indeme sie hier vnd dort die Leut beliegen vnd betriegen) vnd Gold wollen machen lehren/ da sie doch selber in Armuth leben/ wann sie nicht vngefehr einen leicht-glaubenden Reichen/ der des Geldes zu viel hat/ vnd etwas sonderliches auß jhnen zu erfahren vermeynet/ an- treffen/ vnd das Maul-Futter/ vnd Kleyder also erschnappen/ offtermalen mit schmalen Bislein vor lieb nehmen muͤsten/ wiewol deren zum theil auff geitziger Leut Beutel/ als geschilderte Papegeyen/ mit koͤstlichen Kleydern praͤchtig vnd hochmuͤthig hereyn traben/ solche Land-laͤuffer man billich hassen/ meyden vnd vertreiben solte; hergegen aber die vnschuldige vnd Koͤnigliche Kunst
Alchymiam
darumb nicht verachten. Es ist ein sehr grosse Thorheit/ damit etliche Geldbegierige Lent gleichsamb bezaubert seyn/ vnd alles das sie haben/ auff ein vngegruͤndte Hoffnung bald reicher zu werden/ herauß ge- ben vnd anlegen/ vnd wann es nicht gluͤcket/ hernacher selber mangel leyden muͤssen/ mit solchen man (wann es auß Geitz geschicht) kein mitleyden haben solte.
Bisweilen aber suchet mancher durch die
Alchymiam
Reichthumb zu erlan- gen/ nicht eygentlich uͤmbs Geitzes willen/ sondern vielmehr daß er die Haͤnde besser ruͤhren/ vnd die Natur desto fuͤglicher ergruͤnden moͤchte/ solchen Leuten nun ist desto weniger zu verargen/ wann sie von losen Buben betrogen/ vnd uͤmb das jhrige gebracht werden. Doch ist es auch ein grosse Vnbedachtsamkeit/ sich weiters zu entbloͤssen/ als man leyden kan.
CAP. XII.
Noch ein ander gute
Tinctur
vnd
Me- dicin
auß dem Golde.
S
Olvire Gold in
aq.reg.
vnd pr
æ
cipitire dasselbe mit
liquore Silicum,
wann alles Gold gefallen/ so geuß desselben
liquoris
noch ein Theil darzu/ vnd setze das gefaͤll- te Gold mit dem
liquore Silicum
in ein Sand/ vnd las etliche Stunden kochen/ so wird der
liquor Sil.
die
Tinctur
auß dem gefaͤllten Gold extrahiren/ vnd hoch Purpur da- von werden/ darauff geuß Regenwasser/ vnd las es sampt dem Purpur-farben
liquore
noch einmahl auffkochen/ so werden die
Silices
davon fallen/ vnd die
Tinctur
wird viel schoͤner vnd hoͤher in dem
Sale Tart.
bleiben/ von welcher
Tinctur
das ▽
per abstra- ctionem
auff die truckne muß geschieden werden/ so bleibet ein uͤber die massen schoͤn Purpurfarbes Saltz/ auß welchem ein Blutrothe
Tinctur per Spir. Vini
kan extrahirt werden/ die einem
Auro potabili
wenig bevor giebt. Vnd ist zu wissen/ daß in diesem
Pur-
Vierdter Theil.
Purpurfarben Saltz viel verborgen stecket/ davon viel koͤnte geschrieben werden/ wils aber jetzunder die gelegenheit nicht leyden/ sondern ist auff dismal genug/ daß ich An- leytung geben/ vnd den Weg gezeiget habe/ wie das Gold soll uͤmbgewendet/ vnd zerstoͤ- ret werden/ dann solches Purpurfarbes Gold-Saltz hernach durch ein kleine Arbeit/ ja kuͤrtzer als in einer Stunden lang/ also kan verbessert/ ja in ein
miraculum naturæ
ver- wandelt werden. Daruͤber sich zum hoͤchsten zu verwundern ist/ vnd allen veraͤchtern der gerechten
Alchymiæ
die Maͤuler koͤnnen gestopfft werden/ darfuͤr wir Gott hoch zu lo- ben vnd dancken schuldig seyn.
CAP. XIII.
De Speculis.
I
N meinem Tractaͤtlein
de Auro potabili,
hab ich Meldung gethan/ daß nicht al- lein die vngreiffliche hitze des Fewers/ sondern auch die subtilen Sonnenstrahlen in ein corporalisch vnd greiffliches Wesen/ durch besondere
subjecten,
dareyn sie ge- samblet/ koͤnnen gefangen vnd greifflich gemacht werden. Vnd darbey auch eines metal- lischen
Speculi concavi
gedacht habe; vnd denselben aber nit jederman giessen/ polliren/ vnd verfertigen kan/ so will ich derselben Bereytung/ wie ich am besten gefunden/ hieher setzen. Vnd geschicht also:
Erstlich muͤssen gute Formen gemacht werden von gutem Haar-laim/ wie her- nach im Fuͤnfften Theil soll gelehret werden/ in solcher Form vnd gestalt/ als man den Spiegel haben will/ vnd ist das fuͤrnembste gethan/ wann die Form nach dem Cireul recht geschnitten ist/ dann so solches nicht ist/ so ist er zu solchem Werck vntuͤchtig/ wei- len er seine
radios
nicht wol zusammen in die enge samlet/ vnd von sich wirfft/ welches alles auff die Form ankompt/ ob dieselbe wol oder uͤbel gemacht sey. Dann ein Spie- gel giessen vnd pallieren ist keine kunst/ kaus ein jedweder Glockengiesser thun/ aber einen guten Spiegel formen/ auß gutem Zeug oder
mixtur
giessen vnd wol pallie- ren/ halt ich fuͤr eine Kunst. Anbelangend zum ersten die Formen/ wie solche nach dem Circkel sollen gemacht werdẽ/ auß freyer Hand mit einem außgeschnittenen scharpf- fen Eysen/ damit dieselben nach rechter
proportion
geschnitten/ ist mit so wenig Wor- ten nicht zu beteuden. Will derohalben den guͤnstigen Leser an solche
Auctores,
die weitlaͤufftig davon schreiben/ als
Archimedem, Johannem Baptistam Portam
vnd andere/ gewiesen haben. Wer aber dieselben Scribenten nicht hat/ oder nicht verste- hen kan/ der sehe daß er eine Kngel bekomme/ die wol vnd corꝛect gedrehet sey/ vnd for- me seinen Spiegel daruͤber/ also/ erstlich mache eine
mixtur
von Maͤhl vnd gesiebter Holtzaschen/ vnd waͤlgere dieselbe mit einem runden Holtz zwischen 2. gleich-dicke schma- le Hoͤltzer/ gleich wie man einen Teig von Maͤhl vnd Butter waͤlgert/ Pasteten vnd Tarten darauß zu machen/ vnd muͤssen die Hoͤltzer/ darauff du waͤlgerst/ eben so dick oder ein wenig dicker seyn/ als der Spiegel/ den du giessen w
i
lt/ seyn soll Darnach setze ei- nen Circkel darauff/ vnd zeichne dir ein stuͤck ab/ so gros vnd breit du einen Spiegel ha-
ben
Philosophischer Oefen
ben wilt/ vnd schneid mit einem Messer solchen herauß/ vnd lege jhn auff die Kugel/ welches die Giesser einen Dicken nennen/ bestrewe denselben auß einem Sieb oder Tuͤchlein mit vngeloͤschtein Kalck/ vnd lege darnach den zugerichten Haar-laim vnge- fehr 2. zwerch Finger dick daruͤber/ vnd so das stuͤck gros ist/ muͤssen kleine Eysen oder Drat Creutzweise dareyn geleget werden/ welche die Form halten/ daß dieselbe sich nicht biege oder breche. Wann nun das eine Theil der Form auff der Kugel an der Soñ/ oder anderm Fewerwarmen orth etwas erhartet vnd trucken worden ist/ so nimbt man dasselbe mit dem Dicken von der Kugel ab/ leget es auff eine hoͤle/ darauff es allent- halben fein wol ruhe/ mit dem Dicken uͤbersich/ strewet daruͤber auß einem Tuͤchlein/ wie oben gesagt/ gepulverten Kalck oder Kohlen-gestieb/ vnd machet das ander Theil der Formen auch darauff/ setzet dieselbe an die Sonne oder zum Fewer/ daß dieselbe fein langsam trucken werde/ vnd nicht reisse/ wann solche trucken/ so nimb beyde Thei- len der Formen voneinander/ vnd den Dicken herauß/ setze beyde stuͤck der Formen mit dem innersten Theil gegeneinander/ doch daß auffs wenigste ein gute zwerch Hand darzwischen moͤge/ vnd lege erstlich nur ein wenig lebendige Kohlen darzwischen/ auff daß die Form gantz trucken werde/ wann sie noch nicht were/ darnach mehr tode dar- zu/ vnd je laͤnger je mehr/ bis uͤber die Formen hin/ vnd las dieselbe auff der glatten seyt- ten wol ergluͤen/ wann aber die Form gros vnd dick were/ so kan ein Fewer-dieselbe nicht genug brennen/ sondern muͤssen mehr Kohlen beygelegt werden/ so lang bis die Form inwendig auff der glatten seytten weiß gluͤe/ darnach las das Fewer allgemach außgehen/ vnd die Form erkalten/ doch nicht gantz/ sondern nur so weit daß man die- selbe antasten koͤnne/ vnd streich rein gesiebte Aschen mit ▽ angefeucht/ mit einem zar- ten Pinsel behend daruͤber/ welche Aschen die kleinen loͤcher vnd risse/ da die Haar auß- gebrennt seyn/ wieder dicht zumachet/ vnd die Form glatt davon wird/ darnach lege beyde seytten/ wann ein Inguß dareyn geschnitten/ fein sauber/ auff daß nichts vnrei- nes hineyn falle/ wieder auffeinander/ vnd binde dieselbe fein gemachsam mit ♀ oder ♂ Drat zusammen/ vnd schmiere mit Haar-laim ring uͤmb die Form die oͤffnung/ da dieselbe zusammen treffen/ wol zu/ vnd setze einen Inguß oder erdenen Trichter darauff/ vnd darnach die Form in truckenen Sand bis oben zu/ vnd vnterdessen du die Form brennest/ vnd zurichtest/ mustu deine
mixtur
oder Metall eynsetzen vnd schmeltzen las- sen/ auff daß der Guß in die noch warme Form geschehe/ wann nun das Metall wol geflossen/ vnd treibet/ so wirff ein Tuͤchlein durch Wachs gezogen dareyn/ indeme solches brennet/ so geuß vnter derselben Flamm das Metall in die warme Form/ vnd sihe zu/ daß keine Kohlen oder etwas anders in dem Ofen in den Tiegel gefallen/ vnd das giessen verhindere/ oder mit dem Metall in die Form komme/ vnd den Spiegel verderbe. Wann nun der Spiegel gossen/ so las denselben erkalten in der Form/ wann der Zeug im kalt werden nicht schwindet; so es aber ein solche
mixtur
were/ die im kalt werden schwinde/ vnd kleiner wuͤrde/ so muß man den Spiegel nach dem Guß alsobal- den auß der Form nehmen/ vnd mit einem Erden oder Eysen warm Gefaͤs bald zu-
decken/
Vierdter Theil.
decken/ vnd darunter erkalten lassen/ welcher sonsten/ wann er beginne kalt zu werden vnd schwinden wolte/ vnd wegen der Form nicht koͤnte/ zu stuͤcken springen wuͤrde. Was dieses aber fuͤr Metallen seyn/ die nach dem Guß kleiner werden vnd schwinden/ wirstu hernach hoͤren. Dieses giessen ist nun der gemeyne Weg/ Formen zu machen/ der sich die Kupffergiesser auch gebrauchen/ vnd die Spiegel wol auff solche weise koͤnnen ge- gossen werden/ wann man nur etwas darinn geuͤbet ist. Sonsten seynd noch andere Weg zu giessen/ als daß man ein Patron von Holtz oder Bley mache/ also wie der Spie- gel seyn solle/ vnd dieselbe Patron in ein Gieß-sand von Spaat/ Ziegelmaͤhl vnd an- derer zarten Erden forme/ gleich wie die Kupffer-Giesser im brauch haben/ laͤsset sich aber nicht mit grosen stuͤcken thun/ sondern koͤnnen nur kleine Ding auff diese weise gossen werden/ derohalben nicht mehr davon zu sagen noͤtig ist.
Die dritte weise zu formen/ (welche die beste/ doch aber hergegen/ wann man nicht darinn geuͤbet ist/ am schwerlichsten zu treffen ist/) geschicht also: Mache von Wachs einen Teig/ oder Patron durch waͤlgern zwischen zweyen Hoͤltzern/ gleich oben bey den ersten formen gesagt/ vnd lege dieselbe auff die Kugel/ daß sich das waͤchsene Blat dar- nach forme/ vnd las an einem kalten ort erharten/ nimb dieselbe ab/ vnd streich mit einem zarten Pinsel nachfolgende
mixtur
darauff/ vnd las im Schatten trucknen/ dar- nach lege von Haar-laim ein oder zwey zwerch Fingers dick ein Kleyd rings uͤmb die waͤchsene Patron herumb/ vnd las auch trucknen/ so ist die Form bereyt vnd fertig; das Wachs wieder herauß zu bringen/ thue jhm also/ schneide mit einem Messer in die er- dene Form ein rund loch eines Fingers dick/ bis auff das Wachs/ vnd stelle darnach die Form/ wann sie zuvorn wol trucken ist/ bey ein Kohlfewer/ mit dem loch vntersich/ so wird das Wachs darinn schmeltzen/ vnd zu dem loch herauß lauffen/ in welche Form/ die nicht darff gebrand werden/ aber noch warm ist/ du dein Metall giessen solt/ faͤllt gar fein vnd wol darinn/ muß aber der zarte Anstrich auff das Wachs wol bereytet seyn/ daß er/ wann das Wachs außgeschmeltzet wird/ nicht abfalle/ vnd mit herauß lauffe/ vnd das Wachs in die erdene Form dringe/ vnd solche vntuͤchtig zu giessen mache.
Wnd
wird der Anstrich also zugerichtet.
Brenne ein wolgeschleimbten Laim in einem Hafners Ofen auff die roͤthe/ dar- nach pulverisire denselben/ vnd schleime das feineste mit Wasser davon/ also daß du ein gantz zart vnd vnbegreifflich Pulver erlangest/ solches mach trucken/ vnd brenne das- selbe noch einmal in einem Hafners Ofen sehr starck/ vnd nimbs auß/ reib solches mit Regenwasser vnd sublimirten
Salmiac
auff einem Reibstein wol an/ gleich wie die Mahler jhre Farben anreiben/ in solcher dicke/ daß man darmit mahlen koͤnte/ so ist die
mixtur
bereytet. Der
Salmiac
haͤlt das zarte Pulver beysammen/ vnd machet daß es mit dem Wachs nicht außlauffe. Der zarte Anstrich oder gebrandte Erden giebt einen glatten vnd reinen Guß.
G g
CAP.
Philosophischer Oefen
CAP. XIV.
Folget nun die
mixtur
oder Metall/ davon
man die Spiegel geusset.
E
S werden zu den Spiegeln vnterschiedliche ja vielerhand
mixturen
vnd Metal- len gebrauchet/ ist aber immer eine besser als die andere/ dann je haͤrter dieselbe
mixtur
ist/ je besser die Spiegel werden/ dann je haͤrter ein Metall oder Glas/ je besser vnd reiner es sich schleiffen vnd pollieren laͤsset. Vnd ist nicht genug/ daß die
mixtur
hart vnd glasicht/ sondern auch auff dem strich weiß sey/ dann so die
mixtur
roth ist/ welches von zu viel Kupffer/ oder schwartz/ von zu viel Eysen/ oder dunckel von zu viel Zinn kompt/ so giebt es keine natuͤrliche
repræsentation,
sondern aͤndert die Farben vnd Gestalten nach seiner eygen Farb/ als wann zu viel Kupffer bey ist/ so giebt er alle ding viel roͤther als sie von Natur seyn/ vnd so von andern zu verstehen/ welches dann nicht taug/ muß derohalben das Metall sehr weiß seyn/ wann es natuͤrlich weisen soll. Doch wann die Spiegel nur zum brennen/ anzuͤnden/ oder anderm gebrauch sollen ge- braucht werden/ so ist nichts daran gelegen wie die Farb/ sondern genug daß der Zeug nur hart sey/ vnd sich wol pollieren lasse.
Will derohalben eine
Mixtur,
welche ich vnter allen fuͤr die beste befunden hab/ hieher setzen. Nimb duͤnn geschlagen roth Kupfferblech so viel du wilt/ in kleine stuͤ- cke geschnitten 1. Theil/ darzu ¼ theil weissen
Arsenici,
mach die Blech naß mit
liquo- re Salis Tartari,
vnd mach mit dem gepulverten
Arsenicum
vnd Kupfferblech immer ein leg vmb die andere/ oder strewe den
Arsenic.
uͤber die Kupfferblech/ so lang bis der Tiegel voll sey/ darnach geuß Leinoͤhl darzu/ daß das Kupffer mit dem
Arsenico
be- decket sey: Vnd
lutire
einen Deckel beheb auff den Tiegel/ las das
lutum
trucken wer- den/ vnd setze denselben in ein Sand-Capell/ daß nur das oberste vom Deckel herauß sehe/ mach allgemach ein klein Fewerlein darauff/ vnd je laͤnger je groͤsser/ so lang bis der Sand so heiß werde/ daß alles Oel davon rauchen koͤnne/ so wird vnterdessen das Oel an dem Kupffer einen reinen grund machen/ vnd den
Arsen.
halten/ daß er also in die ♀ blech eyngehe/ gleich wie ein Oel in ein trucken Leder/ oder setze den Tiegel mit dem
Arsenico,
Oel vnd Kupffer vnter einen Roster/ vnd lege Fewer auff den Roster allge- mach/ bis das Oel mit dem
Arsenic.
bey dem ♀ koche/ vnd allgemach verꝛauche/ las dar- nach erkalten/ vnd brich den Tiegel auff/ so wirstu das ♀ finden von allerhand Farben/ insonderheit wann du an statt
arsenici, auripigmentum
genommen hast/ vnd auffge- schwollen/ oder noch dreymal so dick/ als es zuvorn gewesen/ vnd gantz bruͤchig oder
friabel
seyn/ solches ♀ nimb 1. Theil/ vnd 2. Theil Messing/ schmeltz diese beyde mit schnellem Fewer zusammen/ also daß mit erst der Messing fliesse/ darnach das bruͤchig Kupffer darzu gethan/ vnd zusammen fliesse vnd außgossen werde/ so hastu ein Metall/ welches so hart ist/ daß mans mit keiner Feylen arbeiten kan/ vnd ist doch nicht sehr
bruͤchig/
Vierdter Theil.
bruͤchig/ sondern wie ein gehaͤrter Stahl/ darauß man viel Dinge giessen/ vnd an state staͤhleren Instrumenten gebrauchen kan.
Dieses harten Metalls nimb 3. Theil/ vnd 1. Theil gut fein Zinn/ darunter kein Bley ist/ giesse beyde zusammen/ so ist dein Zeug oder Metall fertig/ Spiegel davon zu giessen: Dieser Zeug ist ein sehr hart vnd weisses Metall/ giebt sehr schoͤne vnd gute Spie- gel. Wer aber so viel Wercks vnd Arbeit nicht thun will/ der giesse seine Spiegel von 3. Theilen roth Kupffer/ vnd 1. Theil fein Zinn/ vnd ein halb Theil weissen
Arsenic.
giebt auch gute Spiegel/ brechen aber bald/ so wol im giessen als in der Pollierung/ darumb man desto fuͤrsichtiger damit uͤmbgehen muß/ wann sie gantz bleiben sollen.
Allhier muß ich etwas notabels oder denckwuͤrdiges vermelden/ welches vielleicht noch wenige observiret haben/ vnd doch eines fleissigen nachdenckens wol wuͤrdig. Nemblich dieses: Zu verwundern ist es/ daß der mehrentheil Menschen vnd diejenigen noch/ die sonderlich viel vermeynen zu wissen/ so falsch vnd vnwarhafftig von der Me- tallen Eygenschafften halten vnd meynen. Oben im Andern Theil dieses Buchs/ da ich von den subtilen
Spiritibus
geschrieben/ allbereyt etwas Meldung geschehen ist/ daß die Metallen jhre
poros
haben/ weilen Zeugnuͤs vorhanden/ daß solche subtile
Spiritus,
als
Cornu Cervi, Tartari, Fuliginis, Capillorum,
wie auch bisweilen die sulphurische
Spirit.
der Mineralischen Saltzen durch Zinnerne Gefaͤsen hinschlucken vnd verꝛau- chen/ welches aber nit ein jedweder alsobalden im ersten ansehen begreiffen/ vnd glauben kan: Solche nun in jhrem schwachẽ Glauben zu staͤrcken/ wird dieser Discurs verꝛichten.
Geuß von rothem Kupffer zwey Kugeln/ vnd von feinem Zinn/ da kein Bley bey ist/ auch zwey Kugeln in dieselbe Form/ da die von Kupffer eyngegossen seyn worden/ vnd wiege diese vier Kugeln/ nemblich die zwey von Kupffer/ vnd zwey von Zinn zusam- men/ vnd mercke wol das Gewicht: Darnach schmeltze diese vier Kugeln in einem Tiegel zusammen/ auff daß aber nicht viel vom Zinn hinweg rauche/ so las mit erst die kuͤpfferne schmeltzen/ vnd wirff die zinnerne hernach/ vnd geuß wieder Kugeln in dieselbe Form da- von/ so werden keine vier mehr an der Zahl herauß kommen/ sondern nicht wol drey/ vnd werden diese drey Kugeln eben so viel woͤgen/ was zuvorn die vier gewogen haben.
Sage mir nun/ wann die Metallen keine
poros
haben/ wovon die Veraͤnde- rung der groͤsse sey herkommen? Vnd dieses ist zu wissen/ daß alle Metallen noch
po- ros
haben/ doch eins mehr als das ander/ Gold am wenigsten/ darnach Silber/ nach dem Silber Quecksilber/ nach dem Quecksilber Bley/ dann Kupffer/ darnach Eysen/ vnd endlich Zinn/ welches am allermeisten
poros
hat. Wann wir nun so kuͤnstlich we- ren/ vnd die Metallen uͤmbwenden/ zerstoͤren/ vnd zu nichts/ vnd auß solchem nichts hernach wieder ein ichts oder etwas machen koͤnten/ so wuͤrden die Metallen hinfuͤrter so
porose
nicht mehr seyn. Gleich wie ein Kind/ wann man jhme seinen Willen laͤsset/ vnd nicht zuͤchtiget/ das boͤse ab/ vnd das gute anwehnet/ so bleibt es zu allen Dingen vntuͤchtig/ hergegen so es vnter der Ruthen streng gehalten/ zuͤchtig/ ehrbar/ gelehrt/ vnd tugendsam wird: Also auch mit den Metallen/ wann dieselben also bleiben/ wie sie
G g ij
auß
Philosophischer Oefen
auß der Erden kommen/ vnd nicht wol gesotten/ gebraten/ vnd gehechelt werden/ so bleiben sie vnfix/ so aber dieselbe verbrochen/ zerstoͤret/ corꝛumpiret/ vnd wiederumb regeneriret werden/ so sind sie viel edler als sie vor der Zerstoͤrung waren. Wie auch vnsere Leiber einmal muͤssen vergehen/ vnd wiederumb aufferstehen vnd clarifici- ret werden/ ehe sie Gottes Angesicht werden anschawen koͤnnen. Darumb
Paracel- sus
sehr wol saget/ Wann es moͤglich were/ daß man den Metallen in einer Stunden jhren Leib hundert mal nehme/ so koͤnnen sie doch nicht ohne Leiber seyn/ sondern neh- men wieder ein andere newe vnd bessere gestalt an sich/ als sie vor der Zerstoͤrung hatten: Vnd ist wol gesagt:
Unius corruptio alterius generatio;
weilen des einen Vngluͤck (
scilicet corporis sulphurei superflui
absterben/) des andern Gluͤck/ (
scilicet animæ mercurialis resurrectio
) ist. Dann ohne Zerstoͤrung kan keine wahre Verbesserung der Metallen geschehen. Derohalben dahin muß getrachtet werden/ wie die Metallen auß jhrer gestalt in ein vngestalt/ oder vnansehnlich/ vnachtsam Wesen gebracht wer- den/ auß welchem verderbten Metall hernach durch Abscheydung des vnnuͤtzen/ vnd schaͤdlichen terꝛestrischen verbrennlichen
Sulphuris
ein reine Mercurialische Form her- fuͤr gehe. Davon ein mehrers bey den
Amausis.
CAP. XV.
Von Pollierung vnd Glattmachung
der Spiegel.
W
Ann ein Spiegel schon noch so wol gegossen/ vnd nach rechter Proportion for- miret ist/ vnd nicht wol polliert wird/ so ist er keiner Wuͤrde/ dann in dem schleiffen jhme leichtlich an einem ort mehr als am andern kan genommen werden/ dar- durch der Spiegel verdorben ist. Sollen derohalben dieselbe an einem Rad/ wie es die Zinn- oder Kupffer-Giesser gebrauchen/ erstlich mit einem scharpffen Sandstein das groͤbste lassen ablauffen/ darnach einen reinern Schleiff- oder Wetzstein mit Wasser daran halten/ bis er schoͤn vnd wol geschliffen ist. Dann von dem Rad abgenommen/ denselben uͤberzwerch auff einem kleinen hoͤltzern mit Leder beschlagenen Raͤdlein/ dar- auff klein pulverisirter Schmirgel gestrichen/ so lang lassen gegen halten/ bis alle die klei- ne ritzlein/ die er im uͤmblauffen an dem Dreh-stuhl bekommen/ gantz vnd gar nicht mehr gesehen werden/ sondern einen Zwerch-strich oder Fadem erlanget hat. Dar- nach soll man noch ein ander Raͤdlein mit Leder beschlagen/ darauff ein rein-geschleimb- ter Blutstein vnd Zinn-Aschen gestrichen ist/ haben/ vnd den Spiegel so lang dem ersten Faden nach daran halten/ bis er schoͤn vnd glantz genug ist. Vnd muͤssen sol- che Spiegel fuͤr feuchter Lufft/ davon sie anlauffen/ wie auch fuͤr allerhand Athem/ be- huͤtet vnd verwahret werden/ vnd so er ja angelauffen ist/ nicht mit einem jedwedern woͤlln oder leinen Tuch/ sondern mit einem reinen Bocken- oder Hirsch-Leder/ dar- auff ein wenig reiner Zinn/ Aschen gestrichen sey/ auch nicht Creutzweise hin vnd
her/
Vierdter Theil.
her/ sondern allzeit nur einen Strich uͤberzwerch/ gleich als er ist pollieret worden/ ab- streichen vnd wieder schoͤn machen.
Auch koͤnnen solche
Specula concava
mit einem stuͤck Bley/ welches darnach ge- gossen/ mit Schmirgel vnd Wasser geschliffen/ vnd hernach mit einem reinern Schmir- gel auff Bley/ vnd endlich mit Blutstein vnd Zinn-aschen glaͤntzicht gemacht werden. Deßgleichen auch nur mit Schleiff- vnd Wetz-steinen/ also daß man erstlich einen gro- ben/ vnd je laͤnger je zaͤrtern Stein nehme/ vnd zuletzt mit Zinn-Aschen den Glantz ge- ben. Deßgleichen kan man das aͤusser Theil des Spiegels/ oder
partem convexam
auch schleiffen vnd pollieren/ giebt kleine Gesichter/ vnd wirfft die Strahlen voneinander/ oder verspreytet dieselbe/ hingegen der innere oder hole Theil samblet vnd gros machet/ auch die Gestalt herauß wirfft.
Dieses sey nun gesagt/ wie man ein
Speculum concavum,
damit man die Son- nen-Strahlen samblet/ giessen/ schleiffen vnd pollieren soll. Wiewol von obbeschrie- bener
Mixtur
auch andere Gestalten der Spiegel koͤnnen gemachet werden/ welche wunderliche Gesichter geben/ vnd auch sonderliche Dinge darmit koͤnnen zuwege ge- bracht werden/ als da seyn
Cylindrica, Pyramidalia, Parabolica,
vnd andere
Sectio- nes
derselben/ gehoͤret aber hieher nicht/ wiewol ich sonsten/ wanns die Gelegenheit haͤt- te leyden wollen/ gute Anleytung solche zu machen haͤtte geben koͤnnen/ dann ich nicht wenig Zeit vnd Kosten/ solcher Bereytung vnd Gebrauch zu ergruͤnden/ angeleget ha- be; Ist aber vnter allen keiner/ welcher zu mehr handlungen kan gebrauchet werden/ als eben dieser/ den ich allhier zu machen gelehret habe/ doch muß solcher auffs wenig- ste zwey oder drey Spannen im
Diametro
haben/ wann man etwas fruchtbarliches damit soll außrichten/ wiewol einer von einer oder zwey Spannen auch viel
radios
samblet/ also daß man auch Zinn vnd Bley darmit in der Sonnen schmeltzen kan/ wann er gut ist/ doch je groͤsser je besser. Vnd sollen auch solche
Specula concava
zu die- sem Werck nicht tieff seyn/ auff daß jhre
radii
desto weiter vom Spiegel fallen/ vnd be- quaͤm seyn/ etwas darmit außzurichten/ als vngefehr der zwantzigste Theil einer Kugel/ oder auch wol der dreyssigste Theil noch besser/ wann du nur den Schnitt/ daran das meyste Meisterstuͤck gelegen ist/ wol vnd corꝛect zu machen weissest.
CAP. XVI.
De Amausis,
oder Metallischen Glaͤsern.
W
As anbelanget die Metallische Glaͤser/ weilen dieselbe auch zur
Alchymia
vnd Schmeltz-Kunst gehoͤren/ vnd auch kein geringe Anleytung zu der Metallen Ver- besserung zeigen/ auch schon vor langer Zeit von den fuͤrnembsten
Philosophis
hoch vnd herꝛlich gehalten seyn. Also hab ich nicht vnterlassen wollen/ weilen dieselbe sonderlich leicht in diesem Ofen koͤnnen gemachet werden/ etwas davon zu schreiben/ vnd ist also damit beschaffen.
G g iij
Die
Philosophischer Oefen
Die Alten/ vnsere Vorfahren/ haben ohne zweyffel solche Metallische Glaͤser vn- gefehr/ indeme sie calcinirte
Corpora
haben reduciren wollen/ vnd im starcken Fewer ein Glas darauß worden ist/ gefunden/ wie dann der mehrentheil
Secreten
ohne su- chen an Tag kommen/ indeme man etwas vermeynet zu machen/ vnd solches mißlin- get/ vnd vngefehr etwas bessers oder boͤsers darauß wird: Also vermeyne ich auch/ daß die
Amausen
gefunden seyn. Es seye jhm nun wie jhm wolle/ so ist es an deme/ daß vns solche Glaͤser viel gutes offenbaret haben/ dann
Isaacus Hollandus
außdruͤcklich meldet vnd saget/ Wann die Metallen zu Glaͤsern gemacht/ vnd wieder reducirt wer- den/ daß die Reduction viel edler vnd besser sey/ als das Metall gewesen/ davon das Glas gemachet sey: Vnd saget/ daß Gold ein
Tinctur
gebe: Silber/ Gold: Kupffer/ Silber: vnd consequenter eines jedwedern Metalls Glas ein besser vnd bestaͤndiger Metall gebe/ wann es die Glasen-gestalt verlasse/ vnd wieder eine Metallische anneh- me. Welches auch die Experientz wahr zu seyn bezeuget/ wiewol ich noch so viel nicht darinn gethan habe/ so ist mir gleichwol kundbar/ daß die Metallen/ wann sie zu einer toden Aschen gemacht/ vnd die Aschen zu einem durchsichtigen Glas/ vnd das Glas wieder zu einem Metall rechtmaͤssig reducirt wird/ ohne nutzen solches nicht geschicht/ wiewol ein Metall auff solche manier besser als das ander sich geben will. Vnd ist aber darbey zu wissen/ daß es keine gemeyne Glaͤser oder
Amausæ,
gleich wie diese bey den Goldschmieden gefunden werden/ jhre Arbeit als Ringe vnd andere Kleinoder damit zu verziehren/ seyn muͤssen: Dann jene mit Zusatz eines fluͤssigen von Sand gemachten Glases/ diese aber durch Metallische Saͤffte zu Glasen gemacht werden. Wiewol ich nicht laͤngne/ daß ein gemeyn Venedisch/ oder ander fluͤssig Glas/ etliche Metallen/ als Kupffer vnd Zinn zu reinigen Macht haben/ aber bey weitem nicht also gleich wie die Metallische Saͤffte thun. Ich will nicht laͤugnen/ sondern rund auß be- kennen/ daß ich mehr als zwantzig Proben auff solche Arbeit gut befunden/ daß aber solches auch im grossen sich thun lasse/ kan ich nicht wissen/ indeme ich niema- len solches versuchet/ auch zweyffele/ daß Geschirꝛe so gut koͤnnen gemacht werden/ die ein fluͤssig
Vitrum
sein behoͤrliche Zeit ohne durchbohren derselben außhalten koͤn- ten/ dann ich viel Muͤhe vnd Arbeit solche Gefaͤs zu machen angewendet/ habe sie aber bishero noch nicht finden koͤnnen. Wer zeit vnd gelegenheit hat/ kan sich darinn uͤben/ es ist gewiß/ so er die rechte Handlung davon findet/ nicht wenig Frewde dar- durch erlangen wird. Dann so viel ich sehe vnd spuͤhre/ wann man nur bestaͤndige Tie- gel darzu finden wuͤrde/ ein grosses solte damit koͤnnen gewonnen werden. Vnd hat solche Verbesserung der Metallen seine greiffliche Vrsachen/ indeme das Metall mit Fewer zu Aschen gebrand wird/ sich viel seines verderblichen Schwefels anzuͤndet vnd verbrennet/ (wie bey dem Bley/ Zinn/ vnd Kupffer augenscheinlich gespuͤret vnd gese- hen wird/ daß im vmbruͤhren allzeit ohn vnterlas kleine Flaͤmmlein Fewer auffgehen/ verloͤschen/ vnd wieder andere kommen.) Indeme nun hernach derselbe Metallische Kalck mit starckem Fewer reduciret wird/ so findet sich durch kleine huͤlff eines Flusses
das
Vierdter Theil.
das bessere schwereste Theil auff dem Boden/ vnd das leichtere geringste hebet sich uͤber- sich/ vnd bleibt ein Schlacke oder
Vitrum.
Dardurch also ein Scheydung des Me- talls geschicht nur blos
beneficio ignis,
welches der im Fewer Vnerfahrne jhme nicht haͤtte traͤumen lassen. Sihe diß Exempel des verguͤlden Silbers/ wann solches durch den Guß soll geschieden werden/ muß es nicht erst durch den
Sulphur commune
gleich- samb zerstoͤret/ vnd nach Verliehrung seiner Metallischen Gestalt/ zu einer schwartzen Schlacken werden/ ehe es im Guß sein bey sich habendes Gold will fallen lassen: Al- so vnd auff diese weise koͤnnen auch andere Metallen/ als Silber vom Kupffer/ vnd Kupffer von Eysen voneinander geschieden werden. Deßgleichen sihe an das
Anti- monium crudum,
wie schwartz vnd dunckel ist dasselbe/ so aber solches durch Fewer zu einer grawen Aschen verbrand/ vnd mit starckem Fewer geschmoltzen wird/ so schey- det sich der reineste Theil desselben von dem vnreinen/ vnd setzet sich schoͤn weiß vnd fauber dem Silber gleich zu Boden/ das vnreineste giebt ein
Vitrum
oder Schlacken/ welche Scheydung ohne zuvorhergehende aͤscherung (ob schon das
Antimonium
lan- ge Zeit im Guß gestanden) nicht haͤtte geschehen koͤnnen. Sihest du nun/ was das Fewer allein in den Metallen fuͤr aͤnderung machen kan/ glaube derohalben faͤstiglich/ so du dem Fewer auch wuͤrdest zu huͤlff kommen/ deine Muͤhe vnd Arbeit nicht vn- belohnt bleiben wuͤrde. Kanst dich derohalben darinn uͤben/ findest allhier Anleytung genug darzu/ deßgleichen wird dir dieser Schmeltz-Ofen darbey trewliche Huͤlffe ley- sten/ dann ohne diesen Ofen es vnmoͤglich ist/ mit dergleichen Arbeiten koͤnnen zu rechte kommen/ wie dich die Erfahrung besser lehren/ vnd meine Wort bezeugen/ vnd bekraͤff- tigen wird.
Weilen allhier nur der
Amausen
zu Verbesserung der Metallen gedacht wor- den/ kan ich gleichwol nicht vnterlassen/ auch etwas der andern
Amausen
oder gefaͤrb- ten Glaͤsern zu gedencken/ welche zur Zierat gebrauchet/ vnd solche Edelgestein ge- nennet werden. Ob nun schon dieser Glaͤser Bereytung vnd derselben Beschreibung nicht viel nutzen bringen moͤchte; so ist es doch ein sehr schoͤne vnd lustige Arbeit. Vnd mir auch nicht vnwissend/ daß so wol hohe als nieder Stands-Personen solche Wis- senschafft lang gesuchet/ vnd noch lieben vnd suchen/ nicht etwas nutzliches darinn zu fin- den/ sondern nur
recreationis gratia
sich darinn geuͤbet/ aber bishero noch nicht auff den rechten Weg gelangen koͤnnen: Da doch in vnterschiedlichen Sprachen solche Kunst weitlaͤufftig ist beschrieben vnd an Tag geben. Vnd hat nur daran geman- gelt/ daß sie den Crystall oder Kießling nicht haben wissen fluͤssig zu machen/ vnd sei- ne behoͤrliche Faben zu geben/ sondern haben sich gehudelt mit dem Bley Glas von 1. Theil Crystall oder Kießling/ vnd drey oder vier Theilen Minie oder Bleyweiß ge- macht/ da doch solche Glaͤser gantz nichts taugen/ dann dieselbe nicht allein sehr weych seyn/ vnd sich nit pollieren lassen/ sondern seynd auch schwer/ weilen sie von Bley gemacht seyn/ vnd kan kein Farb als gelb allein vnd gruͤn wol darmit gemacht werden/ dann ein
jedwe-
Philosophischer Oefen
jedweder
Vitrum,
das von Kießling oder Crystall mit Minie oder Bleyweiß
per se,
ohne andere zugethane Farben geschmeltzet wird/ eine gelbe Farb/ die das Bley giebet/ empfaͤnget/ solche gelbe dann/ die allzeit darbey ist/ viel hindert/ vnd andere Farben ver- aͤndert/ die jhme zugesetzet werden. Kan also auff solche weise kein guter Stein von Bley vnd Kießling gemacht werden/ wie viel Fleiß vnd Kosten man auch daran wen- den wolte.
Diese Bley-Glaͤser aber koͤnnen mit Zusatz Venetischem Glas/ Zinn-Aschen vnd Farben in solche
Amausen
geschmeitzet werden/ die die Goldschmiede zu jhrem
amausi- ren
des Goldes zu gebrauchen pflegen/ sonsten weiß ich wenig gutes darmit zu schaffen.
Will derohalben beschreiben/ wie man auß Kießling oder Crystall allein/ ohne Bleyweiß oder Minie/ mit Zusatz Metallischer Farben/ Steine schmeltzen soll/ die an Farbe vnd schoͤne den natuͤrlichen nicht allein gleich seyn/ sondern auch dieselbe uͤber- treffen: Doch nicht haͤrter als ein Glas/ dann ob schon der Crystall etwas haͤrter ist als ein Glas/ so verliehret er doch ein theil seiner haͤrte im schmeltzen/ vnd wird einem Glas gleich/ doch noch so hart/ daß man in ein ander Glas darmit schneiden kan/ vnd lassen sich sehr wol schneiden vnd pollieren/ also daß dieselbe den Orientalischen/ behalben die haͤrte die jhnen mangelt/ im geringsten nichts bevor geben/ vnd koͤnnen nicht allein Steine auff allerhand Art vnd Gestalt/ Gold/ Silber/ wie auch andere Metallische Arbeit/ auch Holtzwerck vnd Gemaͤhlde damit schoͤn gezieret werden/ sondern man kan auß derselben
massa
allerhand Gefaͤß/ als Saltzfaͤsser/ Messerhaͤfften/ kleine Becher/ vnd dergleichen giessen vnd schneiden/ auch kan man Bildnuͤsse/ Antiquitaͤten vnd der- gleichen Raritaͤten von Stein/ Silber/ Gold oder anderm Geschmeid fein nachgiessen oder drucken/ also daß man anders nicht sehen kan/ als were es von dem allerkuͤnstlich- sten Meister von freyer Hand auß einem stuͤck Edelgestein geschnitten vnd bereytet/ welches dem Anschawenden kein geringe
delectation
giebt.
Vnd werden dieselbe also bereytet: Erstlich/ mustu schoͤne weisse Crystallen oder Kießlingsteine/ die keine rothe/ schwartze oder anderer Farben/ Aderen haben/ sondern durchauß schoͤn weiß seyn/ in Baͤchen oder Sanden suchen/ vnd in einem ver- deckten Tiegel wol außgluͤen/ vnd also gluͤend in ein kalt Wasser werffen/ so verschri- cken dieselbe/ werden muͤrb/ vnd lassen sich hernach gern pulverisiren vnd klein machen/ dann wann dieselbe nicht erst gegluͤet vnd geloͤscht weren/ so wuͤrden sie im pulverisi- ren viel Schaden vnd Hindernuͤs bringen/ indeme dieselbe/ wann sie so hart weren/ von dem Moͤrsel durchstossen etwas abreiben/ vnd dardurch verunreiniget wuͤrden/ ist derohalben viel daran gelegen/ wann man etwas schoͤnes machen will/ daß man sauber darmit uͤmbgehe. Zu solchen pulverisirten Kießligen soltu gleiches Gewicht rei- nes
Salis Tartari
mischen/ vnd zum gebrauch bewahren/ vnd soll auch das
Sal Tartari
nicht in kuͤpffern vnd eysern Kesseln/ welches auch Hindernuͤs bringen wuͤrde/ sondern in erdenen verglasirten Geschirꝛen gemach et werden.
Wann du nun solche
massam
zu Edelgesteinen schmeltzen wilt/ so mustu zu-
vorn
Vierdter Theil.
vorn ein solche Farbe/ die du haben wilt/ darunter mischen/ vnd hernach in ein guten Tiegel/ der doch die helffte nicht voll seyn soll/ wol verdecket/ so lang in der groͤsten Glut stehen lassen/ bis alles
Sal Tartari
von dem Kießling verꝛauchet/ vnd der Kießling mit der Farb zu einem fluͤssigen Wesen einem Glas gleich worden ist. Vnd solst auch in wehrendem schmeltzen bisweilen mit einem reinen eysern Drat in den Tiegel greiffen/ ein wenig von der
massa,
welche an dem Drat hangen bleibet/ herauß nehmen/ vnd be- sehen/ ob dieselbe genug gestanden/ vnd keine Blaͤslein vnd Sandkoͤrnlein mehr darinn zu spuͤhren/ sondern sich gesetzet/ vnd dicht zusammen geflossen sey.
Wann solches geschehen/ alsobalden außnehmen/ vnd den Tiegel sampt dem ge- flossenen Stein darinn vnter einem gluͤenden erdenen oder eysern Geschirꝛ lassen er- kalten/ dann so solches nicht geschehe/ so wuͤrde die
massa
in viel kleine stuͤcke in dem Tie- gel zerspringen/ vnd hernach nicht tauglich seyn/ etwas grosses darauß zu schneiden/ auch darff man die geflossene
massam
nicht außgiessen/ welche anders wieder Lufft fan- gen/ vnd blaͤsicht werden wuͤrde/ so man aber nichts darauß zu schneiden gesinnet/ son- dern darauß Bildnuͤsse vnd Pfenninge nachgiessen wolte/ so ist nicht noͤthig/ daß man solche in dem Tiegel erkalten lasse/ sondern kan dieselbe/ wann sie in dem Fewer sei- ne gaͤhre erlanget/ also heiß außgiessen in einen reinen kuͤpffern Moͤrsel/ so bleibet nichts an dem Tiegel hangen/ sondern wird alles ohne Abgang erhalten. Diese auß- gegossene
massam,
kan man/ so man will hernach pulverisiren/ oder nur in kleine Stuͤck- lein brechen/ vnd darauß giessen oder drucken was man will. Diejenige aber die in dem Tiegel bleibet/ wann sie kalt ist worden/ kan der Tiegel davon abgeschlagen/ vnd auß dem Steine hernach kleine oder grosse Steinlein geschnitten/ vnd formiret werden.
So man aber Pfenninge/ Bildnuͤsse/ oder andere Dinge davon will nachgiessen oder drucken/ so muß man den Pfenning/ oder was man nach-machen will/ mit dem Ruͤcken in ein eysern Ring/ der eines Zwerch-fingers weiter ist als der Pfenning/ auff ein glattes Holtz oder Stein legen/ vnd auff die Bildnus ein wenig zarten Trippel/ oder ander gut Gieß-Sand daruͤber durch ein sehr zart Tuͤchlein baͤutelen vnd strewen/ also dick/ daß eben die Patron ein wenig damit bedecket sey/ darnach muß man einen angefeuchten guten Gieß-Sand/ der wol beysammen haͤlt/ vnd mit Wasser/ als ein Cupellen-Aschen angefeuchtet sey/ darauff thun/ vnd fein gemachsamb/ auff daß sich die Patron in dem Ring nicht verꝛucke/ hart eyndrucken oder schlagen: Darnach den Ring mit der Patron uͤmbwenden/ vnd mit einer Messer-Spitz die Patron ein wenig auff- heben/ mit den Fingern oder einem kleinen Zaͤnglein ergreiffen vnd auffnehmen/ so bleibet die Bildnuͤs des Pfennings auff dem Gieß-Sand in dem Ring/ welchen man an die Sonne/ oder bey das Fewer setzen vnd trucken machen soll. Wann man nun die Bildnus nach-drucken will/ so muß man den Ring mit der Form vnter einen Muffel setzen/ vnd starck Fewer geben/ also/ daß der Ring durchauß mit der Form gluͤe/ dann herauß nehmen vnd zusehen/ ob nicht etwas von der Form gerissen/ vnd Schaden ge- litten haͤtte/ ist dieselbe gut/ so legt man groͤblicht zerbrochen oben gemachtes Glas so
H h
dick
Philosophischer Oefen
dick darauff/ daß man meynet genug zu seyn/ wann es geflossen/ die Bildnus vnd Form außzufuͤllen/ vnd setzet solche wieder vnter den Muffel/ giebt so starck Fewer/ bis daß das Glas auff der Form anfaͤngt zu schmeltzen vnd zusammen zu fincken/ dann muß man ein breyt glatt Eysen mit einem Stiel haben/ welches auch etwas warm/ oder gar gluͤend seyn soll/ vnd nachdeme der Ring mit einer Zangen auß dem Ofen genommen/ alsobalden fein gemachsam darauff drucken/ vnd das Glas wol in die Form pressen/ vnd darnach alsobalden vnter ein gluͤendes Geschirꝛ von Eysen oder Erden/ wie oben gesagt/ setzen/ vnd darunter erkalten lassen/ vnd nach der Erkaltung außnehmen/ vnd die Bildnus von der Form oder Erden ledig machen/ welche/ so man wol damit uͤmbgan- gen/ so
perfect
vnd scharpff wird gefallen seyn/ als immer die Patron selbsten gewesen ist/ also/ daß niemand anders vrtheylen kan/ vnd darfuͤr an sicht/ als wann durch einen Pitschierschneider auß einem Edelgestein solch Bildnuͤs oder Pfenning geschnitten were/ welches fuͤrwahr ein schoͤnes Kunststuͤck ist/ dadurch viel schoͤne Antiquitaͤten oder Raritaͤten/ mit wenig Kosten leichtlich koͤnnen nachposiret werden.
CAP. XVII.
Folget nun/ wie/ oder womit man obgedachte
Massam,
oder
Pastam,
faͤrben/ oder dem Edelgestein gleich machen soll.
D
I
e
Farben/ welche der
Massa
im schmeltzen zugesetzet werden/ muͤssen von Me- tallen oder Mineralien gemacht seyn/ als nemblich von Kupffer/ Eysen/ Silber/ Gold/ Wißmuth/
Magnesia
vnd Granaten. Diese geben Farben/ ob aber sonsten noch andere Mineralien seyn moͤchten/ die Farben geben/ ist mir vnbewust/ gemeyn Kupf- fer giebt Meergruͤn/ Kupffer auß Eysen gemacht; Grasgruͤn/ Granaten; Schmaragd- gruͤn/ Eysen; Gelb/ oder Hyacintenfarb Silber; weiß/ gelb/ gruͤn vnd Granatenfarb/ Gold; schoͤn Himmelblaw/ Wißmuth; gemeyn blaw/
Magnesia;
Ametistenfarb: Vnd so man zwey oder dreyerley dieser Farben zusammen mischet/ giebts auch andere Far- ben/ dann Gold vnd Silber giebt Ametisten/ Kupffer vnd Eysen; Bleichgruͤn/ Wiß- muth vnd
Magnesia;
ein Purpurfarb/ Silber/ vnd
Magnesia;
vielerley Farben zugleich als ein
Opalus.
Auch kan man Bildnuͤssen drucken von vnterschiedlichen Farben/ also/ daß man die gefaͤrbte
Massam
in kleine Stuͤcklein gebrochen/ mische/ vnd auff die Form lege/ schmeltze vnd drucke/ giebt schoͤne Pfenninge/ vnd so man die
Massam,
sie sey gruͤn/ roth/ gelb/ oder blaw Opac/ oder vndursichtig haben will/ so setze man nur etwas
calcis Jovis
zu/ macht dieselbe dunckel/ vnd giebt jhnen einen Leib/ darauff die Farben stehen.
Als wann man wolte einen Tuͤrckois/ oder
Lapidem Lazuli
machen/ kan man mit der blawen Farb/ welche auß
Marcasita Argentea,
oder nur auß den Kraupen/
Zaforam
genannt/ gemacht ist/ die
Massam
faͤrben/ vnd zugleich mit
Calce Jovis
eyn-
setzen/
Vierdter Theil.
setzen/ vnd vntereinander schmeltzen/ wann man dann etwas daraus drucken will/ zu- vorn gemahlen Gold auff die Patron hin vnd her zettelen/ vnd das Glas darauff le- gen/ schmeltzen vnd drucken/ giebt so schoͤne Steine mit Goldaͤderlein durchzogen/ als ein natuͤrlicher
Lapis Lazuli,
welches lustig anzusehen ist: Es muß aber ein Goldkalck seyn/ welcher im Fewer seinen Glantz nicht verleuret/ als dieser/ welcher
per Mercurium
ge- macht worden/ aber noch besser ist derjenige/ welcher auß dem
Aqua Regis
ist pr
æ
cipi- tiret/ davon obenbey dem Scheyden gedacht worden.
CAP. XVIII.
Von Bereytung der Farben/ damit die
Massa Sili- cum vel Crystalli
gefaͤrbet wird.
K
Vpffer wird durch außgluͤen vnd abloͤschen im kalten Wasser auß den
Laminis
ge- macht/ davon zu Ende dieses Buchs im Fuͤnfften Theil mehr zulesen/ dessen drey/ vier/ fuͤnff/ oder sechs Granen
unc. j. Massæ
Meergruͤn faͤrben. Eysen wird durch die
Reverberation
in einen
Crocum
gebrand/ dessen vier/ fuͤnff/ sieben bis auff zehen Gra- nen
unc. j. Massæ
gelb/ oder Hyaeinthenfarb machen. Silber wird in
Aqua-Fort
sol- virt/ vnd mit
Liquore Silicum
pr
æ
cipitiret/ abgesuͤsset vnd getrucknet/ davon ein/ zwey/ drey/ bis auff fuͤnff oder sechs Granen auff
unc. j.
genommen/ giebt gemischte Farben. Gold wird in
Aqua Regis
solvirt/ mit
Liquore Silicum
pr
æ
cipitirt/ abgesuͤßt vnd ge- trucknet/ davon vier/ fuͤnff/ sechs/ sieben/ bis auff
Scrup. semis
auff ein
unc. Massæ cry- stallorum
genommen/ giebt die schoͤnste Saphyr: So man aber des Goldes/ welches mit
Regulo Martis Nitroso
in einen solvirlichen Rubin geschmoltzen ist/ zu
unc. j.
drey/ vier/ fuͤnff/ oder sechs Granen nimbt/ werden uͤber die massen schoͤne Rubinen darauß;
Ma- gnesia
wird mir gepulvert/ vnter
unc. j.
sechs/ acht/ 10. oder 14. Granen genommen/ giebt Ametisten.
Marcasita Argentea
wird
in Aqua Regis
solvirt/ vnd mit
Liquore Silicum
pr
æ
cipitirt/ abgesuͤßt/ vnd getrucknet/ davon ein/ zwey/ drey/ vier oder fuͤnff Granen zu
unc. j. Massæ
genommen/ giebt auch Saphyren/ aber so natuͤrlich nicht als das Gold/ so man aber die Marcasiten nicht zu einem
calce
machen will/ so kan man nur
Zaforam
nehmen/ gehoͤren aber zu
unc. j.
fuͤnff sechs/ acht oder zehen Granen. Die Bohemische oder Orientalische Granaten werden nur gepulvert/ vnd vnter
unc. j. Massæ,
sechs/ acht/ zwoͤlff/ bis auff
Scrup. j.
genommen/ macht die allerschoͤneste gruͤne Steine Schmarag- den gantz natuͤrlich gleich. Von andern Mischungen der Farben ist nichts eygentlichs zu schreiben/ sondern muß durch die Vbung erlernet werden.
Was sonsten mehr mit solchen gefaͤrbten Kißlingen oder Crystallen koͤnte gethan oder gemacht werden/ will sich hieher zu setzen nit schicken: Doch noch einen
Usum
kan ich nit hinterhalten/ weilen derselbe dē boͤsen Gesichte dienet/ welches gemeynlich von vielem wachen/ vnd des Fewers Hitze vnd Rauch geschwaͤchet wird/ vnd geschicht also/ mache dir von Wachs ein Patron/ nach dem Circkel geformt als ein Brillen-Glas/ doch so gros
H h ij
vnge-
Philosophischer Oefen
vngefaͤhr/ als ein gemeyner Tisch-Teller/ welche Formen der Glaͤser von den
Opticis Lentes
genennet werden/ darnach schlag einen guten Haar-laim daruͤber/ streiche die waͤchsene Patron mit Oel an/ vnd schlage fein dicht vnd behaͤb eine gute/ fewer-bestaͤndi- ge wol bereytete Tiegel-Erden eines fingersdick darumb/ las dieselbe daran trucken wer- den/ oͤffne dieselbe/ las bey dem Fewer das Wachs herumb lauffen/ vnd brenne die Form in einem Hafners Ofen/ so ist dieselbe bereytet/ welche du mit deinem zugerichten Glas solst außfuͤllen/ vnd im Wind-Ofen dareyn fliessen lassen/ erkalten/ vnd die Erden da- von schleiffen/ so hastu ein Stuͤck Cristall oder Glas in solcher Gestalt als die Form ge- wesen ist/ welche hernach auf beyden Seytten in einer eysernen Schuͤssel gleich die Bril- len geschnitten/ glatt gemacht/ vnd muß in einen starcken Drath gefasset werden/ so hat man eine schoͤne
Lentem crystallinam
mit wenig Kosten vnd Muͤhe erlanget/ welche sonsten nicht wol moͤglich so gros von einem Crystall koͤnte gemacht werden: Vnd so man will/ kan man das Glas gruͤn faͤrben/ ist dem Gesicht nicht vnannehmlich/ welches Glas auff einen hoͤltzern gedraͤheten Fus kan gestellt/ vnd zum Gebrauch accommodi- ret werden. Vnd dient ein solches Glas nicht allein bey Nacht mit Huͤlffe einer Kertzen/ weit uͤmbsich zu sehen/ vnd ein hell Liecht vnd Schein in ein Kammer damit zu machen/ sondern ist auch sehr gut/ die Sonnenstralen damit zu fangen/ die Mineralien damit zu figiren/ auch zum anzuͤnden vnd brennen zu gebrauchen/ die Gemaͤhlde damit zu vergroͤs- sern/ gleich als mit einem
Speculo concavo
zu geschehen pfleget/ vnd was dergleichen schoͤne Nutzbarkeiten mehr seyn/ die man damit verꝛichten kan/ halte derohalben ein sol- ches Glas/ wann es ohne Fehler bereytet ist/ eben so gut/ als ein
Speculum concavum,
weilen man eben dasselbige (wann es gros ist) damit thun kan/ was dem
Speculo
zu thun moͤglich/ doch in der Reflexion ist noch etwas Vnterscheyd.
Gleicherweise kan auch ein solch glaͤsern Instrument auf noch geringere Weise/ Muͤhe vnd Kosten verfertiget werden/ nemblich/ wann man von einem geschliffenen Spiegel Glas zwo grosse Scheiben/ Circkel-rund/ gleicher Groͤsse mit einem Diamant außschneidet/ vnd in einem darzu gemachten Oefelein/ uͤber einem Stein/ der die Form oder Schnitt nach dem Circkel perfect habe/ gleich oben bey dem
Speculo concavis
ge- lehret/ allgemaͤchlich mit dem Fewer erweiche/ vnd so lang darauff in der Hitze liegen lasse/ bis daß sich dieselbe dicht vnd wol/ wie ein warm Wachs auff den Stein geleget haben/ dann las das Fewer allgemach erkalten/ vnd nimb deine Glaͤser herauß/ so werden sie ein Gestalt haben als ein
Speculum concavum,
koͤnnen auch/ so man will/ mit einem
Folio
auff der convexen Seytten uͤberleget werden/ thun eben dasjenige/ was ein ge- gossen
Speculum Metallicum concavum
auch thut/ nur so deutlich geben sie jhre
refle- ctiones
nicht/ vnd brechen auch bald/ zu diesem Instrument aber seynd sie sehr bequaͤm/ vnd werden also zusammen gemacht: Man bindet dieselben mit den hohlen Theilen oder Baͤuchen mit einem Bindfaden Creutzweiß wol uͤbereinander/ oder zusammen/ vnd schneidet mit einem Diamant an der einen Seytten am end der Glaͤser ein klein Loch/ ohngefaͤhr einer grossen Erbeis gros dareyn/ setzet ein zinnernes Schraͤublein darauff/
vnd
Vierdter Theil.
vnd machet rings herumb die Glaͤser mit einer Wasserkuͤtt wol dicht zusammen/ wie auch das zinnerne Schraͤublein in das Loͤchlein/ das du gemacht hast/ wol vnd faͤst eyn- gekuͤttet seyn muß/ darnach legt man einen kuͤpffernen oder silbernen Band oder Raͤyf herumb/ der die Glaͤser vnverꝛuͤckt beysammen halten koͤnne/ vnd auch also gemacht sey/ daß man das Glas auf einen Fus eynschrauben oder accommodiren koͤnne. Wann nun alles wol verꝛichtet/ nemblich verkuͤttet/ vnd mit einem Ring vmbgeben/ so schneidet man die Baͤnder/ damit die Glaͤser zuvorn zusammen gehalten/ ehe dieselbe mit Kuͤtt/ vnd einem Reiß verwahret worden/ fein dicht an dem kuͤpffern Raͤyf glatt ab/ vnd fuͤllet mit einem Trichterlein schoͤn hell vnd klar gedistillirten Brandenwein in die zusammen gemachte Glaͤser bis oben an voll/ macht mit dem Schraͤublein wol zu/ vnd setzet solches hin zum gebrauch/ thut eben dasjenige was ein Cristalline Scheiben thun kan/ vnd ko- stet nicht halb so viel Muͤhe vnd Kosten/ vnd koͤnnen damit die Metallen geschmoltzen werden/ vnd ist ein Lust zu sehen/ wann dieselben im
Diametro
vngefaͤhr eines Fus breyt seyn/ vnd gegen perspectivische Gemaͤhlde oder Kupfferstuͤck gehalten werden/ wie gros vnd deutlich dieselben zu erkennen seyn. Auch kan man bey Nacht noch ein angezuͤndte Kertzen darhinder setzen/ wirfft ein solch grosses Liecht vn̄ Glantz von sich/ daß ein grosses Gemach so liecht davon wird/ als wann die Sonn hineyn schiene/ vnd sonsten noch viel andere nuͤtzliche vnd kurtzweilige Sachen koͤnnen damit getrieben werden/ welche nicht noͤthig hieher zu setzen.
Deßgleichen kan man bey Noth an einem jedwedern Orth ohne Kertzen den ver- spreitten Tag oder Liecht auß der Lufft colligiren vnd zusammen bringen/ also; daß man eine Schrifft wie klein dieselbe geschrieben ist/ deutlich lesen vnd sehen kan.
Dieser vnd dergleichen viel kuͤnstlicher vnd nuͤtzlicher Arbeiten koͤnnen in diesem Schmeltz-Ofen sehr fuͤglich gethan werden/ die nicht noͤtig allhier zu erzehlen oder zu be- schreiben/ vnd das Buch viel zu gros machen wuͤrden/ was derohalben noch uͤbrig/ vnd von der Metallen vnd Ertz probierung/ Schmeltzung/ abtreiben fein machen/ vnd Schey- dung noch zu sagen were/ kann/ wanns Gott zulaͤsset/ auff ein andere Zeit wol geschehen.
Wolle derohalben der Kunstliebende auff dieses mal mit diesem wenigen vor lieb nemmen/ vnd auff sein Zeit ein bessers erwarten: Darneben mein Schreiben in gutem verstehen/ dann ich solches nicht gethan/ die Alten in jhrem probieren/ abtreiben/ schmel- tzen vnd seygern der Metallen zu reformiren/ gar nicht/ sondern hab nur meine Expe- rientz auch wollen bekand machen/ vnd dardurch Anleytung geben/ den Sachen besser nachzudencken/ als bishero geschehen ist: Dann ich wol weiß/ daß bisweilen die Berg- Leute den kleinen Proben zu viel trawen/ wann sie nichts finden/ das Ertz fuͤr vntuͤchtig halten/ da doch bisweilen solche sehr reich an Gold vnd Silber seyn/ vnd vngebawet lie- gen bleiben. Da doch H.
Joannes Mathesius
in seiner
Sarepta
außdruͤcklich vermeldet/ daß bisweilen ein Ertz in kleinen Proben gantz nichts halte/ in grossem Fewer aber reich- lich schuͤtte/ darumb sich auff solche Proben nicht allzeit zu verlassen ist/ weilen die taͤgliche Erfahrung klaͤrlich beweiset/ daß zum oͤfftern groͤblich darinn gefehlet wird.
H h iij
Vnd
Philosophischer Oefen
Vnd solches nicht allein an den Ertzen vnd Bergarten/ welche auß der Tieffe der Erden/ mit grosser Muͤhe vnd Kosten gesuchet werden/ sondern geschicht auch bey den laͤttichten vnd sandichten Wercken/ die viel Gold vnd Silber in leichter flaͤmmlein Ge- stalt mit sich fuͤhren/ welches dann in kleinem vnd grossem probieren vnd schmeltzen/ wie auch mit schlemmen vnd
Merc.
weilen das Gold weit darinn zertheilet/ flammicht vnd leicht ist/ nicht mit nutzen kan herauß gebracht werden/ mit besondern Wassern aber gantz leichtlich/ ohne Fewer vnd Schmeltzen außzuziehen ist. Dann mir sehr wol bewust/ daß bey den mehrentheil Fluͤssen in Deutschland/ vnd ohne Zweyffel auch anderer Theilen
Europæ
dergleichen laͤttichte vnd sandichte Wercken gefunden werden/ darauß ein ehr- liches mit außlaugen ohn grosse Muͤhe vnd Kosten kan erlanget werden. Vnd was ich sonsten in Verbesserung der Metallen in Gleichnuͤs-weise hab fuͤrgetragen/ seynd keine Traͤume/ vnd sol jhme niemand eynbilden/ als wann es vnmoͤgliche Dinge weren/ dann der Kunst ist es wol moͤglich der Natur zu helffen/ jhr angefangenes Werck ohne Hin- dernus hinauß zu fuͤhren vnd zu vollbringen. Derohalben es nur am Wissen gelegen ist/ dann so man der Metallen Natur vnd eygenschafft kennet/ dieselbe leichtlich hernach zu scheyden/ reinigen vnd verbessern moͤglich seyn wird.
Vas ich von der universal Medicin geschrieben hab/ ist nicht geschehen/ als wann ich dieselbe wolte lehren machen/ welches doch in meiner Macht vnd Gewalt nicht ist/ sondern habe nur wollen anzeigen/ was mich zu glauben bewegt habe/ eine solche Medi- cin
in rerum naturâ
zu seyn. Die uͤbrige Processen aber von den gefaͤrbten Crystallen oder Glaͤsern/ wie auch von den metallischen Spiegeln/ hab ich darumb mit in dieses Buch gebracht/ weilen dieselben leichtlich in diesem Ofen koͤnnen bereytet/ vnd auch bisweilen in etlichen
laboribus
zu gebrauchen sehr dienstlich vnd nuͤtzlich erfunden wer- den. Daß aber sonsten kein andere Processen mehr von Handlung der Metallen wei-
ters allhier eyngefuͤhret/ hat seine sonderliche Vrsachen/ doch was allhier auff dißmal außgelassen/ kan auff ein andere vnd hequaͤmere Zeit noch wol beygebracht werden. Soll also auff diß- mal dabey beruhen.
Ende des Vierdten Theils.
FUR-
FURNI PHILOSOPHICI,
Oder
Philosophischer Oefen/ Fuͤnffter Theil:
Darinnen von des Fuͤnfften Ofens wunderbarlichen Natur
vnd Eygenschafft/ deßgleichen auch etlicher nothduͤrfftigen/ zu den vorhergehenden vier Oefen gehoͤrigen Instrumenten vnd Materia- lien/ leichtliche Zurichtung vnd Bereytung/ kuͤrtzlich/ doch deutlich gehandelt wird.
CAPUT PRIMUM.
Von Bereytung des Ofens.
D
Iesen Ofen anbelangend/ davon doch in
Præfatione
des ersten Theils dieses Buchs im geringsten kein Meldung oder Ver- heissung gethan worden/ wie ich auch nicht Willens gewesen/ dessel- ben in diesem fuͤnfften vnd letzten Theil zu gedencken/ sondern hatte mir nur allein von Bereytung etlicher jrꝛdenen vnd glaͤsernen Ge- faͤsen/ vnd andern zu den vorhergehenden vier Theilen/ nothduͤrffti- gen vnd gehoͤrigen Dingen zu handeln vorgenommen. Weilen ich aber betrachtet vnd gut gefunden/ daß seine Stelle in diesem letzten Theil/ (da ich doch zuvorn ein andere darzu erwoͤhlet hatte) vnd sonderlich darumb/ weilen keines andern Ofens hierinn ge- dacht/ nicht uͤbel kommen solte; Also will ich dem suchenden Kuͤnstler zur Nachrichtung/ so viel ich thun darff/ vnd mir zugelassen ist/ seine uͤberauß wunderbarliche Art vnd Ey- genschafft zu entdecken nichtverschweigen. Wiewol ich gewiß bin/ daß jhrer sich mehr/ als an allen meinen andern Schrifften/ daran stossen/ vnd aͤrgern werden/ vnd son- derlich diejenigen/ welche die Natur noch nicht durchsucht haben. Doch kan ich es gleich/ wol nicht lassen/ weilen ich dargegen auch nicht zweiffele/ daß es bey etlichen fleissigen Nachsuchern der Natur vnd Kunst/ nicht vnannehmlich seyn werde. Dann ich mit Warheit bethewre/ daß vnter allen meinen Secreten/ da ich Hoffnung zu etwas gutes in habe/ dieses mir am allerliebsten seye/ dann ich allbereyt wunderliche Dinge darinn
gese-
Philosophischer Oefen
gesehen habe/ bin ich auch gaͤntzlicher Hoffnung/ daß mir Gott der Allmaͤchtige weitern Segen darzu verleyhen werde.
Was nun dieses fuͤr ein wunderbarlicher Ofen seye/ wie er gemacht vnd gebraucht werde/ ist nicht viel davon zu schreiben/ dann er nicht wie andere Oefen auffgebawt wird/ sondern findet sich allenthalben von der Natur bereytet/ vnd dienet auch nur al- lein der Natur in jhrem Vorhaben/ vnd sonsten zu gantz nichts anders/ dann allein ein solches
Menstruum,
welches nicht allein Gold/ Silber/ vnd alle andere Metallen vnd Mineralien/ ja alle Edel- vnd
Wnedel
-gestein/ auch das Glas selbst ohn alle
corrosiv
vnd
strepitu
aufloͤset/ darinn gemacht wird/ vnd ist doch der Ofen selber des
Menstrui,
vnd das
Menstruum
des Ofens Vrsprung vnd Herkommen. Was nun das fuͤr ein wunderbarlicher Ofen sey/ der auß eygener Krafft ein solches Koͤnigliches
Menstruum,
(der doch zuvor selber das
Menstruum
gewesen ist) ohne alle Muͤhe vnd Arbeit gar bald vnd leichtlicht herfuͤr bringt/ ist leicht zu erachten/ daß es kein gemeyner Ofen sey/ da- durch man andere Dinge distillire/ vnd gleichwol ein so kraͤfftiges/ doch nicht corꝛosi- visches Wasser dargiebet. Gewißlich muß es kein gemeynes/ vnd von jederman bekand- res Wasser seyn/ dann solches das einige ist/ welches mir bekant/ das nicht corꝛosivisch/ vnd doch mehr thun kan/ als alle corꝛosiven/ dann vnter allen corꝛosivischen Wassern/ wie sie auch moͤgen genennet werden/ als
Aqua Fortis, Aqua Regis, Spiritus Vitrio- li, Salis, Aluminis vel Nitri,
so maͤchtig nicht ist/ daß es Gold vnd Silber zugleich/ will geschweigen alle andere harte/ von den staͤrckesten corꝛosiven/ vnzerstoͤrliche Dinge (wie sie auch Nahmen haben) auflese. Welches fuͤrwahr ein grosses Wunderwerck der Natur ist/ daß ein solch geringschaͤtzig/ vnachtsamb/ allenthalben findlich vnd ver- wuͤrflich Wesen/ ein solches vngemeynes/ viel-gesuchtes vnd wenig erlangtes Werck verꝛichten kan.
Ich weiß nicht was mich so kuͤhn gemacht hat/ davon zu schreiben/ in deme ich wol weiß/ daß ich bey denjenigen die es kennen/ grossen Vndanck/ als wann ich zu offen/ vnd bey denen/ die nichts davon wissen/ Verlaͤumbdung vnd Verachtung/ (gleich als wann ich keine Warheit geschrieben haͤtte) erlangen werde. Diese vrsach mich billich solte von solchem schreiben abgehalten haben/ troͤste mich aber wieder dargegen/ weilen ich ein sehr nuͤtzlich Werck/ daß manchen von seinem Irꝛthumb auf einen guten Weg brin- gen moͤchte/ gethan habe. Dann der mehren-theil vnter den
Chymicis
nicht glauben/ daß noch ein anders
Menstruum,
als obgedachte scharpffe corꝛosivische
Spiritus,
die Me- tallen darmit auffzuloͤsen/ (weilen jhnen die Natur in jhrem Vermoͤgen verdeckt ist) seyn koͤnne. Da doch die
Philosophi
einhellig ruffen/ daß man durch corꝛosivisch
spiri- tus
nichts fruchtbarlichs bey den Metallen verꝛichten koͤnne/ sondern solche nur ein Ver- derben bey jhnen verursachen/ wie auch noch taͤglich die Erfahrenheit genug bezeuget/ daß solche
solutiones,
die mit
Aqua Forti
oder
Aqua Regis,
oder andern
spiritibus
ge- macht seyn/ allzumal die Haͤnde Faͤrben/ welches ein
vera solutio Philosophica
aber nicht thut/ darauß bewiesen wird/ daß solche
solutiones,
die die Haͤnde faͤrben/ vnter die
wahre
Fuͤnffter Theil.
wahre Philosophische
solutiones
nicht gehoͤren/ sondern als schaͤdlich zu verwerffen/ vnd als Gifft zu fliehen seyn.
Habe derohalben vielen Irꝛenden zur Nachrichtung allhier davon etwas melden wollen. Wolle derohalben jhme niemand eynbilden/ als wann ein solch geringschaͤtzig Wesen nicht mehr als corꝛosivische
Spiritus
verꝛichten solte; Ich/ fuͤr mein Person/ ha- be mir selber von erst nicht eynbilden koͤnnen/ daß in einem so veraͤchtlichen
Menstruo
sol- che Kraͤfften verborgen weren/ so lang vnd viel/ bis ich durch die Erperientz/ die Warheit vnd Moͤglichkeit gesehen vnd erfahren habe/ vnd gehet allhier eben also zu/ gleich wie es nun in der gantzen Welt hergehet/ nemblich/ daß von jederman nur das ansehnliche ge- liebet vnd gesucht/ hergegen aber das geringe verworffen/ vnd nicht geacht wird/ da doch die Natur all jhr Wesen in Schlechtheit verꝛichtet/ man muß sich derowegen nicht daran kehren/ vnd ein Ding gering achten/ weilen es nicht bekant vnd gros ist.
Die Juͤden aͤrgerten sich auch an Christo/ weilen Er so aͤrmlich gebohren vnd ge- ring lebete/ welcher doch alles in allem war/ sie sahen vnd merckton wol/ daß Er solche Zeichen vnd Wunder thaͤte/ welche kein anderer/ als der verheissene Messias thun konte/ dannoch blieben sie bey jhrer halsstarꝛigkeit beharꝛlich/ nur darumb/ weil seine Gestalt so veraͤchtlich war/ vnd so Er nicht menschliche Natur/ vnd eine geringe Gestalt haͤtte an sich genommen/ so haͤtte Er vnser Mittler vnd Versoͤhner zwischen Gott nicht seyn koͤn- nen/ dann durch den Fall Adams waren wir gantz von Gott geschieden/ also daß wir in Suͤnden verhaͤrtet/ vnd der Hoͤllen vnd Tode gantz ergeben/ weilen der Geist Gottes von vns gewichen/ allzeit haͤtten verbleiben muͤssen. Da aber das suͤsse Manna vnd liebliche Thaw/ von oben herab auff vnsere truckene Hertzen fiele/ solche mit seinem Gnadenrei- chen Wort/ vnd vergiessung seines thewren Bluts erquickete vnd befeuchtete/ alsobal- den wurden wir wiederumb bequaͤm den Geist Gottes zu empfangen/ welches vns zu- vorn vnmoͤglich war. Also siehet man klaͤrlich/ daß durch den Allerverachtesten vnsere Versoͤhnung geschehen muste.
Gleich wie nun die uͤbelgelaͤhrte Phariseer vnd Hohepriester/ sich an dem armen vnd vnachtsamen Zimmermans Sohn stiessen/ vnd jhn fuͤr den wahren
Messiam
nicht erkennen wolten. Also wuͤrde es auch geschehen/ wann man das
Menstruum universale
mit Namen nennete/ niemand etwas davon halten wuͤrde/ weilen es von jederman vn- achtsamb/ verworffen/ vnd allenthalbent im Koth stecken bleibt/ (will nicht hoffen/ wei- len ich die Verniedrigung Christi allhie angezogen/ daß es mir uͤbel auffgenommen wer- den solte dann dieser mein Discurs nicht zu Christi Verkleinerung/ sondern viel mehr zu seiner Ehre gereichet/ indeme Er/ vnter allen Menschen Kindern/ der alleraͤrmste vnd veraͤchtlichste/ dannoch das gantze menschliche Geschlecht/ welches sonst kein anderer thun konte/ von allen Banden des Teufels erloͤsen muste) also auch der
Mercurius uni- versalis,
deme an Veraͤchtlichkeit in der gantzen Welt nichts vorgehet/ wann er erst sel- ber durch den magern Tod uͤberwunden ist/ dem metallischen Geschlecht zu gut mit sei- ner Herꝛligkeit wieder auffstehet.
J i
Allhier
Philosophischer Oefen
Allhier koͤnte ich wol einige Gleichnuͤssen eynfuͤhren/ meinen Discurs desto besser zu erlaͤutern/ wie nemblich/ ein
Medium,
oder
Mediator,
zwey widerwaͤrtige Naturen vereynigen kan/ als wann man/ nemblich/ vom Wein oder Vrin/ seinen reinen
Spiri- tum
abstrahiret/ vnd solchen nach der Reinigung mit seinem eygenen Saltze/ wiederumb vereynigen wolte/ ob schon beyde/ so wol der
Spiritus
als Saltz/ zuvorn eines Herkom- mens/ dannoch dieselbe ohne ein
Medium,
nemblich Wasser/ nimmermehr koͤnnen con- jungirt werden/ vnd ist allhier das Wasser
loco mediatoris.
Vor dem Fall Adams war Gott mit jhme/ nach Vbertrettung aber seines Gebotts/ wiche die Gemeynschafft Got- tes wieder von jhm/ vnd bliebe jhme nichts uͤbriges als Erden vnd Koth/ welches vnter- worffen ist Jammer vnd Noth/ zeitlichem vnd ewigem Tode/ so lang bis Christus Mensch worden/ vnd sich als einen Versoͤhner ins Mittel gelegt: Haͤtte nun Christus kein beyde Naturen gehabt/ wie haͤtte Er vns vereynigen koͤnnen.
Gleicherweise allhier/ bey oberzehlten Exempeln/ das Wasser beyder Naturen theilhafftig ist/ ohne welches sonsten der subtile
Spiritus
mit dem fixen Saltze nicht kan vereynigt werden. Wann es mir geziembte vnd gut were/ viel Worte davon zu machen/ so koͤnte ich leichtlich das Philosophische Werck/ mit der Empfaͤngnus/ Menschwer- dung Geburt/ Leben/ Leyden/ Tod vnd Aufferstehung Christi vergleichen/ welches aber nicht noͤthig ist/ hab es doch nicht lassen koͤnnen/ etwas davon zu melden/ moͤchte wol wuͤntschen/ daß ich die irꝛdische Wunderwercke mit den Him̄lischen nur ein wenige ver- gleichen doͤrffte/ ich weiß dem vnglaubigen Thomas wuͤrden die Augen geoͤffnet/ will sich aber nicht schicken/ wiewol Moyses/ Daniel/ Joseph/ vnd noch etliche andere Pro- pheten/ der natuͤrlichen
Philosophia
vnd
Magia,
dadurch so wol die him̄lische als jrdi- sche Wunderwercke erkant werden/ nicht vnerfahren gewesen/ vnd an etlichen Orten sich damit haben hoͤren lassen/ welches vnter tausenden nicht einer/ der jhre Buͤcher lieset/ in acht nimbt.
Beschließlich/ daß Gott der Allmaͤchtige/ nicht nur das Grosse vnd Ansehnliche liebe/ sondern vielmehr niederstuͤrtze/ vnd das Geringe erhebe/ dann Gott traͤgt kein An- sehen der Person oder seiner Creaturen/ davon viel Exempel koͤnten beygebracht wer- den. Die Welt/ die nur das ansehenliche suchet vnd liebet/ vrtheilet von allen Dingen falsch/ darnach man sich nicht richten soll/ sondern faͤstiglich glauben/ daß das allerfuͤr- nembste/ durch gantz geringe vnd vnachtsame Dinge/ verꝛichtet werde.
Ich haͤtte wol von diesem vnachtsamen
Menstruo universali
seinem geringen Herkommen/ grossen Kraͤfften/ vnd wunderbarlichem Wesen/ dadurch alle Metallen/ Mineralien/ vnd
Lapides, sine strepitu radicaliter
solvirt/ unirt/ vnd figiret werden/ deren
solutio
die Haͤnde nicht faͤrbet/
conjunctio
vnzertrennlich/
fixatio
vnverbrenn- lich ist/ ein mehrers schreiben koͤnnen/ weilen mir aber nicht vnbewust/ daß man durch schreiben jhme nur selber Muͤhe vnd Arbeit/ ja noch wol Haß/ Neyd/ vnd Feindschafft auff den Hals ladet/ ist es bey diesem verblieben/ dann so man nur die Moͤglichkeit der Natur vnd Kunst meynt zu entdecken/ ist mancher nicht zufrieden darmit/ sondern
meynet/
Fuͤnffter Theil.
meynet/ er muͤsse alsobalden alles wissen/ haben/ vnd bey jederman bekant machen/ will man aber nicht damit herauß/ so folget die Feindschafft/ vnd so solche Menschen nur ein wenig wuͤsten/ wie vielmal einer die Haͤnde verbrennen muß/ ehe er etwas gutes erlan- get/ sie wuͤrden anderst gesinnet seyn/ als sie thun. Wolle sich derhalben der Kunstlieben- de mit diesem Discurs genuͤgen lassen/ vnd zufrieden seyn/ daß jhme angezeygt/ was die Kunst mit der Natur vermag/ vnd selber in der Forcht Gottes fleissig suchen/ so zweyffe- le ich nicht/ wann es auß guter Meynung geschicht/ seine Muͤhe vnd Arbeit werde jhm zu seiner Zeit reichlich belohnet werden.
CAP. II.
Von Auff-bawung der Oefen.
W
I
e
man von Steinen vnd Laimen/ die Distillir-oͤfen zum ersten vnd andern Theil auffbawen solle/ ist nicht noͤthig viel davon zu schreiben/ dann solcher Buͤ- cher sehr viel gefunden werden/ die weitlaͤufftig davon handeln/ darumb solches allhier nicht wiederholet wird: Doch ist/ so viel zu wissen/ daß ein vnterschied muß gehalten werden in Auff-bawung der Oefen/ dann solche Oefen darinnen keine starcke Fewer ge- macht werden/ keine so starcke Mauren vonnoͤthen haben/ als diejenigen/ darinnen mit grossem Fewer/ viel sublimirt/ distillirt/ oder geschmoltzen wird.
Zum sublimiren vnd distilliren kan man nur gemeyne Ziegelsteine/ von Laimen gebrand/ nehmen/ solche fein dicht mit gutem
Luto
schliessend oder bindend auffeinan- der setzen/ vnd auch die Mauren zimlich dick machen/ auf daß solche die Waͤrme desto bes- ser vnd laͤnger halten vnd vertragen koͤnne/ dann so man solches uͤbersicht/ hat man all- zeit daran zu flicken/ dann die Waͤnde bekommen leichtlich Spalten oder Risse/ da- durch die Regierung des Fewers verhindert wird/ derowegen man wol thut/ wann man eyserne Raͤyfe oder Baͤnder darumb leget/ so hat man des auffreissens des Ofens nicht zu besorgen/ vnd giebt langwaͤrende vnd bestaͤndige Oefen. So man aber Schmeltzoͤfen machen will/ dienen diese Steine nicht wol darzu/ dann sie in grosser Hitze schmeltzen/ vnd nicht lang bestehen koͤnnen/ derowegen man dieselbe von guter Fewer-bestaͤndigen Erden/ davon die Schmeltztiegel vnd andere Gefaͤse/ die viel Fewer vertragen muͤssen/ davon hernach zu finden ist/ in darzu gemachte hoͤltzerne oder blecherne Formen berey- ten/ vnd darnach brennen muß/ vnd nachdeme der Ofen seyn soll/ rund oder viereckicht/ muͤssen auch die Formen/ dareyn die Erden gedruckt/ gestaltet seyn/ also/ daß deren 6. oder 8. ein Lege machen/ doch darff der gantze Ofen nicht von solchen Steinen auffge-
mawret werden/ sondern nur so weit oder hoch als die Kohlen zu liegen kom- men/ das uͤbrige kan nur mit gemeynen Steinen vollends außgemacht werden.
J i ij
CAP.
Philosophischer Oefen
CAP. III.
Wie man den
Lutum
zurichten soll/ mit welchem
die Oefen auffgesetzt werden.
E
In solcher Laimen kan auf viel vnterschiedliche weise zugerichtet werden/ dann immer einer sein
Lutum
anders als der ander zubereytet: Etliche mischen vnter gesiebten Lai- men/ geschlagen Ochsen/ Kuͤhen oder Hirschenhaar/ oder auch wol die Spraͤwer von Gersten/ Agen von Flachs/ Scheerwolle/ Pferdenmist/ vnd dergleichen andere dinge/ die den Laimen beysammen halten daß er nicht reisse/ darzu thun sie auch gesiebten Sand/ wann der Laimen zu fett ist/ vnd arbeyten solche
mixtur
mit Wasser wol vntereinander/ auff solche Haͤrte/ als zum bawen vonnoͤten ist/ vnd haͤlt diese
mixtur
sehr wol/ vnd reisset nicht/ wird aber mit der zeit gantz muͤrb/ dann die Haar/ oder Spraͤwer verbrennen sich/ dardurch der Laimen luͤck vnd bruͤchig wird/ vnd nicht halten kan.
Etliche lassen solche verbrennliche dinge herauß/ vnd mischen oder temperiren den Laimen vnd Sand nur allein mit Saltzwasser/ vnd bawen darmit jhre Oefen/ haͤlt sehr wol/ verbrennet nicht so bald/ wie der ersten/ vnd reisset gleichwol auch nicht/ dann das Saltz bindet vnd verhindert das reissen/ darzu ist auch gut die Lacke oder Saltzwasser/ welches von eyngesaltzen Fisch oder Fleisch uͤberbleibt/ weilen das Blut auch mit binden hilfft: So man aber das
Caput mortuum,
wie es genennet wird/ vom
Vitriolo
oder
Aqua-forti
haben kan/ solches mit Wasser weich machet/ vnd vnter den Laimen vnd Sand mischet/ thut man besser/ dann dieses
Lutum
gantz nicht reisset/ vnd sehr wol im Fewer haͤlt/ damit man auch Retorten/ Kolben von Erden/ oder Glas lutiren oder be- streichen kan/ die man zum distilliren gebrauchen will/ auch koͤnnen die fugen des Retor- ten vnd Recipienten damit bewahret werden; haͤlt wol/ vnd laͤßt sich/ nach der Distilla- tion/ mit einem nassen Tuch/ daß man darumb leget/ wieder gern erweichen vnd abma- chen/ wie auch dieser thut/ dareyn Saltz kommen ist/ andere aber/ darinn kein Saltz kom̄t/ seynd uͤbel zu erweichen/ vnd werden bisweilen die Glaͤser damit zerbrochen/ so man aber diese oberzehlte Dinge nicht haben kan/ so ist genug den Laimen vnd Sand/ nur mit ei- nem Saltzwasser bereytet/ haͤlt wol die Oefen damit auffzubawen. Sonsten thun auch etliche Hammerschlag/ gestossen Glas/ Kißling/ vnd noch andere dergleichen Dinge vnter den Laimen/ in meynung daß er desto besser im Fewer halten soll/ ist aber nicht noͤthig zu den Oefen zu gebrauchen; doch so man Glaͤser/ darinn zu scheyden/ oder dar-
auß zu distilliren/ darmit beschlagen will/ kan es nicht schaden/ sondern/ ist gut/ dann sonderlich der Hammerschlag/ weilen das Saltz dar- an arbeitet/ wol bindet/ vnd lang haͤlt.
CAP.
Fuͤnffter Theil.
CAP. IV.
Wie man weiters die Fugen bewahren soll/ daß die
subtile
Spiritus
nicht durchgehen.
D
Ieses obbeschriebene
Lutum
ist gut genug/ die Fugen an den distillir- oder sublimir- Gefaͤsen des ersten Theils darmit zu verwahren/ da die
Spiritus
Lufft haben vnd steigen koͤnnen/ derohalben nicht durchzugehen suchen. Bey den andern Oefen aber/ darinnen penetrirliche
Spiritus
gemacht werden/ ist er nicht gut genug/ dann er nicht ge- nug haͤlt/ sondern laͤsset die
volatili
sche
Spiritus
durchgehen/ welches ein grosser Schade seyn wuͤrde/ wann der beste Theil verlohren gienge/ derenthalben man einen andern darzu haben muß/ doch wann solcher wol trucken worden ist/ vnd man mit einem Pinsel/ klein gerieben oder gemahlen/ vngeloͤschten Kalck mit Leinoͤhl daruͤber herstreicht/ also daß der luͤcke Laimen solches wol in sich schlucke/ so wird das
Lutum
davon hart/ vnd laͤsset keine
Spiritus
durchgehen/ ist aber nach der
distillation
nicht wol wieder abzuthun/ dann er das Wasser nicht gern annehmen will/ vnd sich erweichen lassen/ welcher aber sonsten sehr wol haͤlt/ derowegen man nur den Laimen mit Eyerweiß anmachen kan/ auff ein Tuͤchlein streichen/ vnd die Fugen damit verbinden; so man aber ein solche
di- lation
thaͤte/ das der Hals des Recipienten vor grosser hitze solte zu heiß werden/ vnd die Tuͤcher verbrennen/ so muß man einen Hals oder Roͤhren von guter Erden oder Glas/ zwischen dem Distilliergefaͤß vnd Recipienten legen/ auff daß das
Lutum
nicht durch die Hitze verderbe/ vnd der
Spiritus
außgehe vnd verlohren werde. Auch koͤnnen die Fu- gen mit Ochsenblasen/ die in geschlagen Eyerweiß genetzet/ oder auch nur Steiffsel auff Pappier gestrichen/ vnd etlichmal uͤbereinander gebunden/ verwahret werden/ haͤlt alle subtile
Spiritus,
doch muͤssen sie nicht corꝛosivisch seyn; zu denen corꝛosivischen aber die- net am besten dieser/ darunter die Remanentz/ davon ein
Aqua-fortis
distilliret ist/ ge- mischet/ vnd wann er trucken/ mit Leinoͤhl vnd Kalck uͤberstreichen.
Solcher vnd dergleichen werden viel vnd mancherley gebraucht/ nachdeme man jhrer vonnoͤthen hat.
CAP. V.
Ein ander
Lutum
auff gebrochene Glaͤser.
E
S kompt bisweilen/ daß ein Recipient oder ander Glas von stossen/ fallen/ oder hitze einen Riß bekompt/ vnd doch sonsten noch gut ist; solche ritze aber/ wann die Glaͤser hernach wieder in der
distillation
warm werden/ fortgehen/ groͤsser werden/ vnd endlich gar zerbrechen/ deme vorzukommen/ mache einen duͤnnen
Lutum
von Leinohl/ vngeloͤschten Kalck vnd Mini/ streich jhn auff ein Tuͤchlein/ leg es daruͤber/ vnd las es truckenen/ darnach wieder ein anders darauff/ vnd wann der Riß gros ist/ kan es
J i iij
nicht
Philosophischer Oefen
nicht schaden/ daß deren Tuͤchlein 3. oder 4. auffeinander kommen/ haͤlt desto staͤrcker/ vnd laͤsset nicht weiters eynreissen/ oder man kan Eyerweiß zu Wasser klopffen/ leinen Tuͤchlein darinn netzen/ vnd auff den Riß legen/ dann alsobald gesiebten guten vngeloͤsch- ten Kalck darauf zetteln/ mit der Hand hart darauf drucken/ vnd wieder ein ander Tuͤch- lein/ mit Eyerweiß genetzet/ darauff/ mit Kalck bestrewet/ also lassen trucken werden/ haͤlt auch sehr wol/ doch wird dieses lieber von den corꝛosivischen
Spiritibus
angegriffen/ als das erste.
NB.
Man muß den Kalck nicht mit dem Eyerweiß mischen/ vnd auff Tuͤchlein streichen/ wie etliche thun/ es taug gantz nichts/ dann das Eyerweiß wird hart von dem Kalck/ ehe es recht vntereinander gemischet wird/ derohalben nicht ankleben oder halten will/ sondern muß also erst das nasse Tuͤchlein/ vnd hernach auff das Tuͤchlein der Kalck gestrewet werden/ wann das Tuͤchlein schon auff dem Glas liget/ also/ daß der Kalck nicht auff das Glas/ sondern zwischen die beyde Tuͤchlein komme.
CAP. VI.
Wie man die subtile
Spiritus
bewahren soll daß dieselben/
wann sie bereytet sind/ nicht verꝛiechen.
D
Ie Glaͤser darinn die
Spiritus
gemeynlich behalten werden/ pflegt man mit einem Stoͤpffel von Kurck oder Wachs/ vnd endlich mit einer Blasen uͤberbunden/ zu bewahren/ ist zwar gut zu etlichen
Spiritibus,
die das Kurck oder Wachs nit angreiffen/ dann alle corꝛosivische
Spiritus,
als
Vitrioli, Aluminis, Salis communis, Salis nitri, \&c.
zerfressenden Kurck/ vnd alle Vrinosische/ als
Cornu-cervi, Tartari, Salis-armoniaci, Urinæ, Vini, \&c.
erweichen das Wachs/ vnd gehen durch/ vnd ob man schon noch an- dere Stoͤpffel machen koͤnte/ die beyderley
Spiritus
halten koͤnten/ so ist es doch muͤhe- samb/ allzeit so viel Werck zu haben/ die Glaͤser auff- vnd zu zumachen. Habe derohalben den dingen besser nachgedacht/ vnd Glaͤser machen lassen/ oben mit einem Faltz/ dareyn sich ein Deckel schliesse/ wie beygesetzte Figur außweiset/ [als zum Exempel/
A
der Deckel/
B
das Glas/
C
der Heber/ damit man die
Spiritus
herauß hebe] in welchem Faltz man
Mercurium currentem
leget/ vnd den Deckel darauff setzet/ so laufft alsobald der
Mercu- rius
neben dem Deckel in dem Faltz herumb/ vnd schlensset so dicht/ daß auch das allerge- ringste nicht außriechen kan/ dann der
Spiritus
gehet nicht durch den
Mercurium.
(
NB.
) So aber der
Spiritus
gar zu corꝛosivisch were/ wuͤrde er mit der Zeit den
Mer- curium
in dem Faltz auch zu Wasser machen/ welches aber in langer Zeit nicht geschicht/ vnd so solches geschaͤhe/ kan er einmal vernewert werden/ darzu ist auch nicht noͤthig/ daß man corꝛosivischen
Spiritibus
solche Ehr anthue/ vnd so fleissig bewahre/ weilen dieselben so koͤstlich nicht seyn: Die volatilische/ welche von den corꝛosivischen abstrahi- ret seyn/ greiffen den
Mercurium
nicht an/ vnd noch viel weniger die urinosichen/ derent- willen mehrentheils diese Glaͤser erfunden seyn; koͤnnen also auff diese weise die aller-
subti-
Fuͤnffter Theil.
subtilesten
Spiritus,
ohne einige verliehrung jhrer Kraͤfften/ so lange man will/ wol vnd gut behalten werden/ vnd weil man aber auß solchen Glaͤsern die
Spiritus,
wann man deren vonnoͤthen hat/ nicht außgiessen kan/ dann auß dem Ranfft der
Mercurius
mit fallen wuͤrde/ also muß man ein Glaͤslein darzu machen lassen/ an gestalt eines He- bers/ damit man die Weine auß den Faͤssern hebet/ doch kleiner/ mit einem Baͤuchlein vnd sehr spitzigen Muͤndlein; welches Glas man in den
Spiritum
haͤlt/ vnd so viel hin- eyn laͤsset gehen/ als man haben oder gebrauchen will/ vnd wann man mit dem Fin- ger das obertheil des Glaͤsleins zuhaͤlt/ so laufft nichts herauß/ vnd kan man auß dem Glaͤslein den
Spiritum
in ein besonder Glaͤslein lauffen lassen vnd gebrauchen; den uͤbrigen
Spiritum
muß man dann alsobald wieder zudecken/ so bleibt er allzeit gut/ vnd so offt man etwas davon gebrauchen will/ solches mit dem Glaͤsern Heberlein herauß nehmen. Dieses ist nun der beste Weg/ der mir bewust/ subtile
Spiritus
vor exhaliren zu behalten.
Wiewol dieses auch nicht boͤs ist/ wann man solche in Glaͤsern bewahret/ darauff geschlieffene Staͤmpffel von Glas gemacht seyn; halten auch alle
Spiritus,
kosten aber viel mehr als die ersten/ weilen das schleiffen muͤhesam ist/ vnd geschicht solches also.
CAP. VII.
Wie wan die Stoͤpffel von Glas in die Glaͤser schleiffen
soll/ die
Spiritus
darinn zu halten.
L
Asse dir in einer Glashuͤtten allerhand Flaͤschen/ gros vnd klein blasen/ mit einem starcken Hals vnd Mund/ darzu auch glaͤserne Stoͤpffel/ die sich dareyn schicken/ vnd wann du die Stoͤpffel dicht machen vnd schleiffen wilt/ so accommodire dieselben in ein Holtz gefasset an ein Traͤhebanck/ las solchen vmblauffen/ vnd halte die Flaͤsche mit dem Mund dargegen/ also daß der Stoͤpffel/ der zuvor mit gemahlen Schmirgel vnd Wasser angefeuchtet sey/ just in der Flaͤschen Mund gehe/ vnd darinn herumb lauf- fe/ vnd muß zum oͤfftern die Flaͤsche/ die man in den Haͤnden hat/ von dem Stoͤpffel/ der an der Traͤhebanck faͤst ist/ abgenommen werden/ mit einem Pinsel oder Feder mehr an- gefeuchten Schmirgel daran thun/ vnd lassen vmblauffen/ so offt wiederholet das an- streichen des Schmirgels/ bis du sihest/ daß der Stoͤpffel sich wol in die Flaͤsche schliesse/ wann solches geschehen/ so fege den Schmirgel mit einem reinen Tuͤchlein schoͤn vnd sauber auß der Flaͤschen Mund vnd Stoͤpffel/ vnd streiche abgeschabten Trippel oder ein ander fein geschleimte Erden mit Wasser oder Oel angefeuchtet daran/ vnd las wieder so lang schleiffen mit oͤffterm anstreichen des nassen Trippels/ bis der Stoͤpffel gantz glatt vnd hell palliert ist; wann solches geschehen/ so binde denselben mit einem Band an die Flaͤsche/ auff daß er nicht verwechselt werde/ damit man die Glaͤser dicht zu macht/ das kein
Spiritus
darbey außgehen mag.
Auff daß du aber so viel von dem Stoͤpffel vnd Flaͤschen nicht schleiffen darffst/ so
las
Philosophischer Oefen
las dir von Kupffer eine Form machen/ darein der Glaͤsern Zapffen/ wann er noch weich ist/ vnd erst auß dem Ofen kompt/ gestossen/ vnd fein rund werde; deßgleichen kan man auch ein Gegenhuͤlsen von Kupffer machen lassen/ welchen man in der Flaͤschen Mund stecke/ vnd denselben damit rund mache/ weil er noch weich ist/ auff daß man hernach den Stoͤpffel in das Glas desto eher vnd leichter dicht machen koͤnne: [Als bey Exempel/
A
der Stoͤpffel/
B
das Glas] Vnd so du wol damit weist uͤmbzugehen/ koͤnnen sie gar geschwind behaͤb gemacht werden: Weilen aber nicht ein jedweder eine Traͤhebanck hat/ daran er den Stoͤpffel auff das Glas schleiffe/ so kan man nur also thun/ ist eben gut/ gehet aber etwas laͤngsamer zu/ ist aber dagegen auch wieder sicherer/ als das vori- ge mit der Banck/ daran bisweilen/ wann man zu sehr eylet/ die Glaͤser warm werden vnd springen.
Vnd geschicht also; man macht ein besonder Instrument von Holtz oder Eysen/ darinn man die Flaͤsche fassen kan/ setzet dieselbe hineyn/ schraubet das Instrument fein lind zusammen/ auff daß die Flaͤsche/ welche in Tuͤcher gewickelt/ nicht davon zerbreche/ vnd weilen das Instrument auff ein Banck geschraubet/ kan es sich nicht bewegen/ sondern muß vnverꝛuckt stehen bleiben.
Darnach machet man den Zapffen in ein besonder Holtz [als bey Exempel/
A
der Treiber mit dem
Recip.
vnd
B
das Glas mit dem andern
Recip.
] (welches sich in der mitte voneinander thut/ vnd wieder zuschrauben laͤsset) auch faͤst/ vnd streich auff den Zapffen Schmirgel/ mit Wasser angefeuchtet/ wie oben gemeldet; nimb das Instru- ment/ dareyn der Zapffen gefasset/ mit beyden Haͤnden/ vnd reibet damit den Zapffen in der Flaͤschen Hals staͤtig uͤmb vnd uͤmb/ gleich als wie die Kupffer giesser thun/ wann sie die Kranen dicht machen/ die man in die Wein- oder Bierfaͤsser stecket/ vnd muß sol- ches vmbreiben so lang geschehen/ bis der Stoͤpffel wol dareyn schliesse; darnach auffs new wieder mit Trippel gethan/ so wird es dicht vnd gut/ gleich als wann es an einer Traͤhebanck gethan were.
Auff diese weise muͤssen auch die grossen glaͤsernen Recipienten/ zu dem ersten Ofen gehoͤrig/ ineiander geschliffen werden/ auff daß man dieselben nicht verlutiren darff/ wie oben davon gedacht worden. Deßgleichen werden auch die Stoͤpffel in die Phyolen geschliffen/ darinn man etwas figiren will/ auff daß man solche nicht verluti- ren darff/ sondern nur den Stoͤpffel dareyn setzet/ vnd ein bleyern Huͤtlein darauf haͤn- cket/ wofern die
Spiritus
durch uͤbel regierung des Fewers zu starck getrieben wuͤrden/ daß Glas nicht zerspringe/ sondern den Stoͤpffel etwas auffhehen vnd lufft schoͤpffen koͤnnen/ weilen dann solcher mit einem bleyern Huͤtlein beschweret ist/ alsobald wieder darauff sitzet/ vnd die Phyol wieder geschlossen ist. Vnd ist dieser
modus
die Phyolen zu stopffen/ viel besser/ als wann solches mit Kurck/ Wachs/ Schwefel oder andern dingen geschehen were; dann wann ja uͤbersehen wird/ daß das Fewer zu starck gehet/ gleichwol das Glas nich brechen kan/ sondern so offt der
Spiritus
zu viel werden/ der Stoͤpffel nur ein wenig außlaͤsset/ vnd das Glas gantz bleibet. Wiewol nun dieser
modus
besser als
der
Fuͤnffter Theil.
der bekandte ist/ so ist doch noch ein besserer/ die
Spiritus
zu halten/ vnd doch kein Glas brechen kan. Nemblich dieser/ daß man eine krumme glaͤserne Roͤhren machen lasse/ nach beygesetzter Figur; in welches Bauch man ein oder zwey Loth
Mercurii vivi
leget/ vnd setzet diese Sackroͤhren mit dem
Mercurio
auff die Phyol/ darinn die
materi
zu fi- giren ist/ [als zum Exempel/
A
die Sackroͤhre/
B
die Phyol/ vnd oben von dem bleyer- ne Huͤtlein
A,
mit der Phyol
B
vermeldet ist/] vnd verlutire solche auff die Phyol/ darinn deine
materi
zu figiren ist/ so kan die Phyol nimmermehr brechen.
NB.
Diese oberzehlte weise die Glaͤser vor dem brechen zu bewahren/ seynd zwar an sich selber gut/ bey denen/ die auff keinem rechten Wege seynd/ vnd sich mit aller- hand distillirten
Spiritibus,
der Salien/ Mineralien vnd Metallen zu figiren mar- telen vnd quaͤlen; welche/ so dieselbe schon durch lange zeit mit vielem kosten fix gemacht/ dannoch dasjenige nicht thun/ was von jhnen verhoffet wird/ in dem solche
fixationes
durch gewalt vnd zwang geschehen seyn/ die der Natur entgegen; wo man aber etwas nuͤtzliches in figirung der Geister zu hoffen hat/ muß die Natur gefolgt werden/ vnd nicht also plump dareyn gedapt/ dann nur die Vnweisen in jhrer vermeynten
Tinctur
viel Glaͤser zerbrechen; die
Philosophi
aber nicht/ dann alles das mit gewalt geschicht/ ist der Natur entgegen/ vnd alles was mit der Natur gehet/ geschicht auß Liebe; dero- halben all diejenigen jrꝛen/ vnd zu keinem guten Ende nimmermehr gelangen werden/ die jhre
fixationes
mit gewalt vermeynen zu verꝛichten.
Ich kan nicht glauben/ wann man halb oder gar getoͤdete
corpora
zwingen wol- te/ daß dieselben sich miteinander vermischen vnd vermehren solten/ es geschehen wuͤrde; das aber glaub ich wol/ wann ein lebendiger gesunder Mann mit einem le- bendigen gesunden Weib/ zusammen behoͤrlich wol gespeiset vnd getraͤncket wuͤr- den/ daß beyder angebohrne Natur die Wermischung vnd Fortpflantzung selber/ oh- ne zwang/ verursachen/ ja Lieb vnd Leyd beyeinander außstehen/ vnd beyeinander le- ben vnd sterben; jene aber die tod sind/ vnd mit gewalt zusammen gebracht/ allzeit tod bleiben wuͤrden. Dann sehet doch an/ wie viel wunderbarliche
Instrumenta
von Gold/ Silber/ Kupffer/ Eysen/ Zinn vnd Bley/ wie auch von Erden/ Glas/ Stein/ vnd andern Materialien formirten Geschirꝛen/ hat man doch gesucht den armen
Mercurium
mit gemeynem Gold vnd Silber zu figiren/ vnd Fewerbestaͤndig zu machen/ aber niemals hat geluͤcken wollen/ weilen beyde nicht zusammen gehoͤren/ vnd keine angebohrne Liebe zusammen tragen; dann ob schon der
Mercurius
den Me- tallen anhaͤngt/ oder die Metallen jhme/ so geschicht doch solches nicht/ als wann die- selbe zusammen gehoͤrten/ vnd eins dem andern zur Verbesserung vnd Fortpflantzung helffen koͤnte/ gantz nicht/ weilen genug bekant ist/ wann solche
conjunctio
das Fewer empfindet/ der
Mercurius
im geringsten nicht bey dem Gold/ Silber oder andern Metallen bleiben will/ noch kan/ sondern sich gaͤntzlich davon scheydet/ welches genug anzeigt/ daß kein angebohrne Liebe zur Vermehrung bey jhnen sey/ vnd auch nimmer- mehr werden kan; diejenige Dinge aber/ die zusammen gehoͤren/ lieben auch einan-
K k
der/
Philosophischer Oefen
der/ vnd weichen nicht wieder voneinander/ wann dieselbe auch noch so fluͤchtig weren/ gleich wie der
Mercurius
bey dem Gold vnd Silber
communi
thut/ sondern halten al- so zusammen/ daß auch das Fewer mit all seiner Macht so starck nicht ist/ solche wie- der zu trennen oder scheyden: darumb man wol in acht nehmen muß/ wann man et- was figiren will/ ob es auch zusammen gehoͤre oder nicht/ findet man solches/ so darff man sich nicht vmbsehen/ wo man Glaͤser mit langen Haͤlsen hernehmen woͤlle/ dieselben zu figiren/ sie werden sich selber halten vnd binden/ weilen eins zum andern gehoͤret; so du aber solche Dinge nicht kennest/ so bleibstu besser davon/ vnd lasse dein kochen ver- bleiben/ dann doch nichts gutes daraus kommen wird/ wie ich vnd andere solches mit schaden genug erfahren haben/ vnd noch taͤglich von vnzaͤhlichen erfahren wird; daß du mich aber besser verstehest/ was zusammen gehoͤre vnd sich im Fewer behalte/ so mercke dieses.
Nemblich/ so jemand gemeyn Regen- oder ander Wasser auff Gold/ Silber oder ein ander Metall giessen wolte/ in meynung/ solche beyde zusammen zu figiren; wuͤr- de nicht jederman seiner spotten/ vnd sagen/ daß er ein naͤrꝛisch Werck vor haͤtte? Ich glaub ja/ er muͤste dann selber ein Narꝛ seyn. Siehe nun/ lieber Sucher der Kunst/ wie vnverstaͤndig doch in diesen nichtigen Dingen gehandelt wird/ dann der mehrentheil Zeit bey den Geldgeitzigen Alchymisten mit solchem Lumpenwerck zugebracht wird/ dahero sie auch eynernden was sie gesaͤet haben/ vnd endlich nach viel erlittener Muͤ- he/ Arbeit/ Gestanck vnd wachen/ das Werck als vntuͤchtig muͤssen liegen oder stehen lassen. Ob nun schon eben kein gemeyn Wasser dazu genommen wird/ so habe ich doch vielmahl gesehen vnd gehoͤrt/ daß etliche den Maͤyen-Taw/ im Maͤrtzen gefallen Schnee oder Regenwasser/ Item/ welches von den Sternbutzen/ etlichen Kraͤutern/ Thieren vnd andern zu solchem Werck vntuͤchtigen dingen gedistillirt worden/ fuͤr jhr
Men- struum
gehalten/ vnd darinn gesudelt. Wie nun diese oberzehlte Dinge vnmoͤglich mit einem Metall radicaliter zu conjungiren seyn/ also wird auch in Ewigkeit nichts gutes daraus koͤnnen gemacht werden/ dann sie so weit voneinander seyn; vnd ist eben als wolt einer ein hohe oder lange Leyter auffsteygen/ welche viel sprossen haͤtte/ vnd von der vn- tersten auff die oberste schreitten/ welches dann nicht geschehen wuͤrde; also ist auch vn- moͤglich/ Dinge zusammen zu fuͤgen/ die weit in jhrer Natur voneinander seyn.
Gleich wie man aber allgemach ohne gefahr ein sehr hohe Leyter gantz gemaͤch- lich/ wann man nemblich/ von einem sprossen auff den andern schreittet/ auffsteygen kan. Also auch geschicht/ wann man ja die
extrema,
welches doch vnnoͤthig/ wolte zusammen bringen/ erstlich das jenige in eine solche
materi,
die jhme am naͤchsten verwand/ brin- gen muͤste; hernacher solche wieder mit einer/ die jhme am naͤchsten were/ vnd also fort- an/ solte es wol geschehen koͤnnen/ aber in einer sehr langen Zeit/ ohne nutzen vnd gewinn. Derohalben man solche Dinnge zusammen setzen solte/ die einander nahe ver- wand seyn/ so wird sich eines des andern erfrewen/ gern empfangen/ uͤberwinden vnd behalten.
Als
Fuͤnffter Theil.
Als zum Exempel/ es ist ein einiges Saltz/ welches ein jedweder gemeyn Wasser corporalisch zu machen/ vnd in ein hart
corpus
selbigem Saltze gleich/ zu coaguliren vnd figiren macht hat/ welches sonsten kein ander Saltz thun kan; deßgleichen kan dassel- be Saltz nur von einem einigen Mineral/ welches doch zuvorn gantz vnhaͤltig/ in kur- tzer zeit mit dem Mineral figiret werden. Auch koͤnnen die Mineralien durch Metallen/ vnd die Metallen (dieses letzte ich zwar noch niemahls gethan) durch eine solche
mate- ri,
die besser ist als ein Metall/ ohne zweyfel fix vnd in allen Proben bestaͤndig gemachet werden. Daß es aber darumb noͤthig seyn solte/ wann man Mineralien oder Metallen figiren wolte/ erst zu vnterst anzufangen das Wasser in ein Saltz/ vnd das Saltz in ein Mineral zuverwandeln/ nein gantz nicht/ man darff solchen weiten Weg nicht nehmen/ sondern nur anfangen an solchon Dingen/ da die Natur allbereyt jhr bestes an gethan/ vnd daran weiters zu arbeyten auffgehoͤret hat/ dann solte Hoffnung seyn/ wann keine widerwaͤrtige Naturen zusammen gesetzet wuͤrden/ daß etwas gutes daraus werden moͤchte sonsten gantz nicht/ sihe an/ wie gern die Natur doch helffen will/ wann jhr nur dasjenige geben wird/ deme sie helffen kan.
Als zum Exempel: Mache ein rein Saltz durch solviren vnd coaguliren auß dem gebrandten
Tartaro,
(bilde dir aber nicht eyn/ daß dieses Saltz dasjenige sey/ davon ich kurtz oben gedacht/ gantz nicht/ dann noch ein anders vnd bessers ist) vnd waͤge solches nach dem außgluͤen/ vnd behalt das Gewicht/ darnach giesse halb so schwer/ als das Saltz gewogen/ rein Regenwasser darauff/ auff daß du aber keinen argwohn habest/ daß das Wasser etwas vnreines bey sich gehabt/ so distillire solches zuvorn/ vnd setze das Saltz mit dem Wasser in einen Sand oder
Balneum,
abstrahire das Wasser fein lin- de davon/ giesse solches wieder darauff/ ziehe es wieder davon/ vnd solches auffgiessen vnd abstrahiren thue so offt vnd lang/ bis es genug ist/ oder bis all dein Wasser verlohren ist; dann nimb das Saltz auß dem Kolben/ gluͤe solches auß/ vnd waͤge es/ so wirstu be- finden/ daß es am Gewicht wird zugenommen haben; vnd ist solches gewicht oder zu- wachs nicht anders als Wasser gewesen.
NB.
Die cohobierung des Wassers uͤber dem Saltz muß aber sehr offt geschehen. Sihe/ also kan durch Kunst das Wasser zu einem Saltz werden/ vnd so fortan. So du das nicht glauben kanst/ daß auß einem greifflichen Wesen/ ein ander greiffliches vnd fixers werden kan/ wie soltu dann glauben koͤnnen/ daß ein vngreiffliches Wesen/ als die Sonn/ oder nur das Fewer/ greifflich vnd fix/ davon in meinem Tractaͤtlein/
De Auro Potabili vero,
etwas Meldung geschehen/ vnd hernach
in libro de Generatione Me- tallorum,
ein mehrers (geliebt es Gott) folgen soll/ werden koͤnne?
Dann dieses mustu wissen/ daß sich die Elementa mit jhren Fruͤchten circuliren/ sich eins in das andere verwandelt/ sich eins von dem andern nehret vnd erhaͤlt; als Erden giebt Wasser/ Wasser giebt Lufft/ Lufft machet Fewer/ vnd Fewer wird wieder zu Erden; wann es rein ist/ wird auch ein reine Erden daraus/ ꝛc. Auff daß du aber wol verstehest/ wie dasjenige/ das soll figirt werden/ muͤsse von einem andern/ darzu
K k ij
es son-
Philosophischer Oefen
es sonderbahre Liebe vnd Freundschafft trage/ gehalten werden/ so mercke dis grobe/ doch deutlich Exempel: Wann ein Ackermann etwas in die Erden saͤen will/ daß es sich darinn vermehren solle/ so ist es jhme nicht gleich/ in was Erden er seinen Samen lege/ sondern er waͤhlet jhme eine solche Erden/ die auch bequaͤm sey zur Vermehrung sei- nes Saamens/ als ein solche/ die nicht zu trucken noch zu naß sey; dann so er in lautern Sand seinen Saamen legen wolte/ wuͤrde derselbe darinn nicht koͤnnen fort kommen/ sondern verdorꝛen vnd gantz verderben; so er aber solchen in ein Wasser legte/ verfau- len vnd gleicherweise verderben. Dann ein jedweders/ das soll erhalten werden vnd bleiben/ in seiner gleichmaͤssigen Temperatur bestehen muß/ vnd je gleichmaͤssiger Tem- peratur/ je bestaͤndiger Wesen.
Weilen dann zu Fortwachsung vnd Vermehrung der
vegetabilien
eine Feuch- tigkeit noͤthig/ ohne welches sie nicht fortwachsen koͤnnen/ vnd ob schon der Saame in ei- nem nassen Sand laͤge/ vnd hernach die warmen Sonnenstrahlen hart darauff fielen/ so wuͤrde das Wasser gar leichtlich durch die hitze derselben außgetrieben/ vnd der Saa- men in dem truckenen Sande verbrennen vnd verderben/ weilen das Wasser mit dem Sand keine gemeynschafft hat/ vnd von jhme nichtkan gehalten werden/ dardurch der Saamen seine Nahrung vnd Wachsthumb behielte/ so aber in dem Sande ein be- quaͤmes Saltz ist/ daran sich der Regen halten/ vnd vor der Sonnenhitz ohn außgetrie- ben bleiben kan/ so haͤlt der Sand das Saltz/ vnd das Saltz das Wasser/ dadurch die Fruchtseine Nahrung hat.
Es gilt aber nicht gleich/ was es fuͤr ein Saltz seye/ dann ob schon Christus bey
Lucæ 14. v. ult.
saget: Wann das Erdreich nicht gesaltzen ist/ so ist es dumm/ vnd kan kei- ne Frucht bringen; so ists doch kein gemeyn Saltz gemeynet/ dann etliche
Salia,
als
Sal commune, Vitrioli, Aluminis
vnd dergleichen/ den Gewaͤchsen nicht allein keinen nu- tzen bringen/ sondern auch gantz schaͤdlich seyn/ vnd das Wachsthumb wegen jhrer truck- nen vnd scharpffen Natur verhindern/ hergegen aber die urinosische
Salien
dasselbe be- foͤrderen. Welches die Bawren besser verstehen/ als offtermals die vermeynte
Philo- sophia:
Dann wann ein Erdreich vnfruchtbar ist/ wissen sie jhme mit den
Excremen- tis
der Thieren zu helffen/ welches dann nichts anders ist/ als ein urinosisch Saltz mit einem Schwefel vermischet/ davon die Erden fett vnd fruchtbar gemacht wird/ auff solche weise/ wie oben gemeldet/ nemblich/ dem Regenwasser ein
vehiculum
zu geben/ daß es so leichtlich nicht von der Sonnen wird außgetrucknet/ vnd liebet auch ein jed- weder Saamen/ welcher in einem
Sale urinoso
vnd
Sulphure
bestehet/ gern seines glei- chen/ davon er seine Nahrung hat vnd geneust/ welches so wol bey den Gelaͤhrten als Vngelaͤhrten wenig in acht genommen wird; die Bawern seynd zu entschuldigen/ daß sie nicht mehr wissen/ als was sie von jhren Vorfahren gesehen/ vnd als ein Handwerck nachthun; andere aber/ deren Namen ich nicht beschaͤmen will/ die sich ruͤhmen/ vnd ein Titul fuͤhren etwas in der Natur zu verstehen; solten billich besser vrsach vom Wachs- thumb aller Dingen zu geben wissen/ als sie thun/ welches fuͤrwar eine Schande ist/ daß
die
Fuͤnffter Theil.
die Bawren in solchen Dingen mehr verstehen/ als die Gelaͤhrten. Jederman kan das wol sagen/ der Mist duͤnget vnd macht wachsen/ aber wie er wachsen macht/ wird ge- schwiegen; wann kein
Sal nitrosum
in dem Mistwere/ gewißlich wuͤrde er nicht frucht- bar machen/ dann genugsamb bewust ist/ daß auß allen
Excrementis animalium,
ein guter Salpeter kan gemacht werden/ bestehet also die Gutthat des Mists nur allein im
Sale urinoso,
welches darinn ist/ vnd nicht in dem Strohe oder Huͤlsen.
Moͤchte jemand sagen/ muß dann eben ein solches Saltz dem Wachsthumb der Vegetabilien dienen vnd helffen/ das in dem Mist der Animalien ist/ warumb thut es nicht auch ein ander Saltz darauff ist allbereit schon oben geantwortet/ daß gleich sei- nem gleichen helffen kan vnd muß/ vnd ein
contrarium
das ander verderbe: Dann die Erfahrung bezeuget daß ein jedweder Saamen nicht in einem
Sale acido,
sondern in einem
Sale urinoso
mit
Sulphure
vermischt bestehet/ darumb er auch seines gleiches su- chet vnd liebet. Der solches nun nicht weiß oder glauben will/ der kan es versuchen/ vnd distilliren
per Retortam,
ein Pfund Saamen eines Krauts/ welches er will/ so wird er befinden/ daß kein
Spiritus acidus,
sondern ein
phlegma
mit vielem Oel vnd
Sale vo- latili
uͤbergehet; also/ daß der gantze Recipient davon weiß uͤberzogen wird/ welches kein Wurtzel oder Stiel des Krauts thun wird; dann die edleste Krafft/ Geruch vnd Geschmack der wachsenden Dingen gehet bey allen Vegetabilien/ Animalien vnd Mi- neralien in den Saamen/ vnd hat die vorsichtige Natur daran jhr bestes gethan/ daß sie/ nemblich/ das beste theil in den Saamen ordiniret hat/ der auch das meiste außste- hen vnd leyden muß/ vnd wird der Saamen/ wie gesagt/ von seines gleichen vnterhal- ten/ ernehret vnd gespeiset.
Dieser Discurs haͤtte wol allhier koͤnnen aussen gelassen bleiben/ ist aber nur dar- umb geschehen/ auff daß man des wachsens aller Dingen Vrsach erkenne/ vnd auch dasjenige von
attrahirnng
oder figirung aller Dingen desto besser koͤnne verstanden werden.
Muͤssen also zum Beschluß alle wachsende vnd vermehrende/ so wol vegetabilische/ animalische als mineralische Dinge auß angebohrner Liebe/ vnd nicht auß Zwang vnd Trang/ geschehen/ gleich bey den vermeynten Chymisten taͤglich gethan wird; vnd ist auch kein wunder/ daß so viele jhr gewuͤnschtes Ende nicht erlangen/ weilen sie gegen die Natur jhr Werck anstellen/ vnd zu vollfuͤhren vermeynen.
Derohalben auch ein jedweder/ der etwas zu figiren gesinnet ist/ zusehe/ was er jh- me zusetze/ dardurch solches gehaleen werde/ dann ohne ein haltung ist es vnmoͤglich das geringste zu figiren/ das Fewer thut zwar sein bestes/ aber es kan dem nicht helffen/ das gegen die Natur ist; vnd wann es etwas antrifft/ das nich nach der Natur ordiniret oder construirt ist/ verzehret vnd verderbet es solches gaͤntzlich/ vnd kan nichts gegen das Fewer bestehen/ als allein dasjenige/ das wol vnd rechtmaͤssig zusammen gehoͤret; dar- nach sich ein jedweder zu richten/ vnd sein
fixation
anzustellen (auff daß er nicht verloh- ren Muͤhe vnd Arbeit zu lohn bekomme) wissen wird.
K k iij
CAP.
Philosophischer Oefen
CAP. VIII.
Wie man gute bestaͤndige Tiegel machen soll.
W
Eilen man zum vierdten Ofen gute Tiegel vonnoͤthen hat/ vnd solche nicht allent- halben zu bekommen seyn/ also achte ich gut jhre Bereytung zu beschreiben/ dann ich wol weiß/ daß manchem offtermals solche mangeln/ vnd sich mit vntuͤchtigem gut behelf- fen muß/ da dann nicht allein vielmahls grosser schaden gelitten wird/ wann dieselben im Fewer nicht halten/ sondern reissen/ vnd das Metall außlaufft/ sondern auch gantz ver- drießlich ist/ wann man das außgelauffene Metall in der Aschen suchen/ vnd sein vorha- bend Werck auffs newe wieder anfangen muß.
Es ist ein grosser Irꝛthumb vnd Thorheit (bey den
Chymicis,
Goldschmieden/ Scheydern vnd andern/ die Tiegel gebrauchen) bishero gewesen/ daß sie/ nemb- lich/ jhnen eyngebildet/ als wann nirgends gute Erden/ Tiegel davon zu machen/ als in Hessen zu bekommen were; haben derohalben die Hessische/ wie auch Ibser Tie- gel vnd Erden mit grossem Vnkosten holen lassen/ vnd nicht gedacht/ daß allenthal- ben dergleichen gute Erden in Deutschland mehr zu finden were/ welches ein grosse Einfaͤltigkeit der Menschen ist. Ich muß bekennen/ daß die Hessische Erden sehr gut ist/ Retorten/ Tiegel/ Muͤffel/ vnd andere Gefaͤs/ die im starcken Fewer halten sol- len/ davon zu machen/ wie auch die Gibser vnd Waldenburgische sehr gepriesen vnd gesuchet werden: Vnd solches darumb/ weilen man nicht gewust/ daß an andern Oer- tern dergleichen gute Erden auch zu finden seye: Nun aber vor wenig Jahren haben sich eynige vnterstanden von Erden (die auß Franckreich vnd Engelland in Holland gebracht wird) Tiegel vnd dergleichen Gefaͤsen (die im Fewer halten sollen) zu ma- chen; vnd seynd nicht zu verachten/ halten im Fewer ziemlich wol/ koͤnnen aber nur Metallen vnd nicht wol
Salia
(weilen solche nicht so compact als die Hessische/ sondern sehr luͤck vnd
poros
seyn) darinn geschmoltzen werden/ derohalben die Hessische/ wann sie am rechten Orth herkommen/ noch bis dato den Preiß behalten haben/ welche nicht allein die Metallen/ sondern auch alle
Salia
viel besser halten. Vnd ob man schon dieselbe Erden/ davon die Tiegel in Hessen gemacht werden/ an andere Oerter hat bringen lassen/ hat es doch solche gute Tiegel nicht geben wollen/ darumb mancher ge- meynt/ daß es der Lufft vnd Gelegenheit des Landes thun muͤsse/ welches doch nicht ist/ sondern hat jhnen nur gemangelt die bereytung vnd brennung; dann in Hessen das Holtz so thewer nicht ist/ wie in Holland/ daselbsten sparen sie kein Fewer/ jhre Tiegel da- mit dicht vnd bis auff Steinhart zu brennen welches ein kleines Fewer von Turff nicht thun will. Derohalben die Tiegel/ die nicht hart genug gebrand seyn/ nicht alle Dinge halten koͤnnen/ wie die Hessische thun.
Eben ein solcher Irꝛthumb wird begangen/ wegen der Kannen/ Potten vnd andern Geschirꝛen/ welche bey Coͤlln zu Frechheimb/ Sieburg vnd andern Orten ge-
machet/
Fuͤnffter Theil.
machet/ vnd schier durch gantz
Europam
verfuͤhret werden/ indeme man jhre Guͤtigkeit nur der Erden/ vnd nicht der Arbeit vnd machens zugeleget; nun aber wird den Sachen besser nachgedacht/ vnd befunden/ daß ein gute Erden/ allein starck durch Fewer sei- ne haͤrte vnd steinichte Natur/ vnd nicht von dem Orth da sie gegraben wird/ erlan- gen; vnd ist wol glaͤublich/ daß solche gut steinerne Gefaͤs mit der Zeit an andern Or- then zu machen/ weilen es wol thunlich ist/ auch wird einen Anfang nehmen/ dann ein jedweder Erden/ die im brennen weiß bleibt/ giebt zwar in kleiner glut nur luͤcke Tie- gel vnd Kannen/ mit sehr starckem vnd langwehrendem Fewer/ aber gantz compacte/ einem Glase gleich/ dichte vnd glatte Geschirꝛe/ insonderheit wann man gemeyn Saltz haͤuffig darauff wirfft/ wann der Ofen am allerheissesten ist/ welches Saltz dann den jrꝛ- denen Gefaͤsen/ (ob sie schon inwendig compact genug gebrand seyn) noch zum uͤberfluß außwendig eine glaͤtte/ als wann solche verglasuret weren/ die dann alle
Spiritus
desto besser halten/ anbrennet.
Derohalben niemand zweyfeln soll/ daß auß anderer Erden/ die sich weiß brennet/ nicht eben dergleichen gute Geschirꝛ/ an allen Orthen/ mit sehr starckem Fewer solten koͤnnen gebrand werden/ vnd je weisser sich die Erden brennet/ je besser Tiegel vnd schoͤ- nere Kannen davon zu machen seyn. Weilen aber in Bereytung der Erden ein grosser Vnterschied ist/ wann Tiegel die ins Fewer gehoͤren/ oder Kannen/ die ausser dem Fewer nasse dinge halten muͤssen/ daraus sollen gemacht werden/ so will ich beyder Bereytung/ nemblich/ der Kannen/ die zum ersten vnd andern Ofen/ vnd auch der Tiegel/ die im vierdten Ofen zu gebrauchen noͤthig seyn/ beschreiben.
Welches dann also geschicht/ wann man eine reine vnd weisse Erden probieren will/ ob sie gut sey/ vnd sich hart brennen lasse/ so muß man derselben ein stuͤcklein/ ei- nes Huͤnereyes gros/ also vnbereytet in ein grosse Glut werffen/ vnd darauff achtung geben/ ob dieselbe bald oder langsamb zerfaͤllt oder zerspringet/ bleibt sie beysammen/ ob sie schon viel risse bekompt/ ist nicht angelegen/ vnd zerfaͤllet nicht gantz in ein Pulver so ist solche gut zu verarbeyten/ darauff man sich verlassen darff/ wann die
mixtur
nur wol ge- machet wird/ welches das Meisterstuͤck ist.
Die Erden/ davon Recipienten/ Flaͤschen vnd Kannen sollen gebrand wer- den/ bedarff keiner besonderlichen Bereytung/ anders/ als wie die Haͤffner all jhre Er- den zurichten/ nemblich/ weilen sie gemeyniglichen zu fett ist/ mit reinem gesiebtem fluͤssi- gem Sande vermenget/ mit Fuͤssen getretten/ vnd endlich mit den Haͤnden wieder wol durchwuͤrcket/ vnd davon gemacht was man bedarff/ an der Sonnen oder an einem andern warmen Orth sehr wol trucknen lassen/ darnach mit grosser gewalt des Fewers/ auch so man will/ mit zuwerffung Saltzes/ 24. oder 30. Stunden lang hart gebren- net/ giebt sehr gute compacte Geschirꝛ/ welche alle Naͤssigkeiten/ beynahe so wol als Glaͤser/ halten. Will man aber Schmeltztiegel/ Treibschaͤrben/ Muͤffel/ Deckel auff die Tiegel/ oder andere Geschirꝛ (die gros Fewer sollen außstehen) daraus machen/ so muß man etwas mehr Fleiß anwenden die Erden zuzurichten/ wie folget: Erstlich
muß
Philosophischer Oefen
muß man die Erden lassen an der Sonnen/ oder andern warmen Orth/ wol trucken werden/ mit einem hoͤltzern Hammer klein zerklopffen/ durch ein groͤblicht Sieb ge- hen lassen; vnd zu einem theil dieser gesiebter Erden/ 2. 3. oder bisweilen wol 4. theil (nach dem die Erde fett ist) solche Erden/ welche zuvorn in einem Haͤffners-Ofen ge- gebrand ist/ gepuͤlvert/ vntermaͤngen/ mit Wasser anfeuchten/ vnd einen Tag oder Nacht also liegen vnd sich durchweichen lassen; darnach mit Fuͤssen wol durcheinan- der getretten/ vnd endlich auch wol mit den Haͤnden durcharbeitet/ so ist sie fertig/ dar- auß zu machen was man will/ vnd wann man Tiegel vnd Treibschaͤrben daraus ma- chen will/ muß man grosse vnd kleine Patronen oder Formen von Holtz traͤhen las- sen/ daruͤber man solche zurichte/ dann ein solche Erden/ die im Fewer wol halten soll/ sehr mager muß bereytet werden/ die sich dann nicht wol auff einem Stuhl will traͤhen lassen/ derohalben uͤber hoͤltzerne Formen gemeynlich geschlagen wird/ welches also her- gehet: Man drucket mit den Haͤnden ein stuͤck bereytter Erden uͤmb die Form/ welche man in der einen Hand haͤlt/ vnd mit der andern die Erden vmbschlaͤget/ oder man setzet die Form zwischen die Beine/ so hat man beyde Haͤnde frey/ vnd kan desto besser den Tiegel uͤber das Holtz formen; es muß aber die hoͤltzerne Form zuvorn in einem ge- siebten reinen Sand vmbgewaͤltzet werden/ sonsten wuͤrde die Erden sich hart an das Holtz haͤncken/ vnd der Tiegel nicht gantz oder vnzerbrochen davon koͤnnen abgenom- men werden; vnd wann die Erden wol mit den Haͤuden uͤber die Patron geformet ist/ so klopffet oder schlaͤget man solches weiters/ mit einem darzu gemachten glatten Holtze/ besser vnd fein dicht daran/ von welchem schlagen die Tiegel starck vnd gut wer- den; vnd nimmet darnach den gemachten Tiegel von der Patron ab/ setzet solchen auff Bretter/ erstlich an die Lufft/ vnd hernach an die Sonne oder Fewer zu trucknen/ vnd endlich koͤnnen dieselbe in der ersten Kammer des Ofens/ oder bey einem Haͤfner ge- brand werden; sonsten wann man nur Metallen vnd keine
Salia
darinn schmeltzen will/ so ist es nicht noͤthig/ daß solche gebrand werden/ sondern ist genug/ daß dieselben wol trucken seyn; doch wann sie vngebrand sollen gebraucht werden/ muß man das Fewer von oben fein langsam angehen lassen/ auff daß dieselben nicht/ wegen gaͤhlinger hitze/ zu stuͤcken springen.
Auff daß man aber nicht allzeit zu viel oder zu wenig Erden vmb die Patron schla- ge/ vnd der eine Tiegel dicker oder duͤnner werde als der ander/ so muß man den ersten/ der wol gemacht ist/ in ein Wag-schalen legen/ vnd so schwer als er waͤgt/ Erden darge- gen auffziehen vnd abwaͤgen/ dann wieder also/ so lang bis daß man so viel Stuͤcke Er- den/ als man Tiegel machen will/ abgewogen hat/ so wird immer ein Tiegel so starck als der ander/ vnd darff man an der Form die Erden nicht beschneiden/ wann man zu viel daran geschlagen haͤtte/ vnd gehet auch desto schneller fort.
Dieses ist nun ein guter Weg/ starcke vnd bestaͤndige Tiegel zu machen/ gehoͤret aber viel Muͤhe vnd Arbeit darzu/ derentwegen ich den Sachen besser nachgedacht/ vnd die nachfolgende Weise erfunden/ welche der vorigen weit vorzuziehen ist/ dann nicht
allein
Fuͤnffter Theil.
allein die Tiegel viel besser vnd staͤrcker dadurch gemacht werden/ sondern man auch in einer Stund mehr/ als auff die bekandte vnd erste Weise in 3. oder 4. Stunden kaum geschehen/ zurichten kan; vnd geschicht auff diese Weise.
Man laͤsset eine Patron/ so gros der Tiegel werden soll/ daruͤber ich die Tiegel zu schlagen gelehret hab/ wie die Figur mit dem Buchstaben
A
anzeygen wird/ von gutem Moͤssing giessen/ darzu auch eine Huͤlsen/ wie mit
B
angewiesen/ darinn der Kern oder Patron des Tiegels schliesse/ doch also/ daß der Kern nicht zu tieff in Huͤlsen gehe/ son- dern auffs wenigste eines Fingers dick/ nicht auff den Grund reiche/ vnd wann man sehr grosse Tiegel machen will/ muͤssen die Boͤden noch dicker werden/ wie dich dann die Vbung lehren wird. Wann man nun Tiegel machen will/ so schlaͤgt man die Erden vmb die Patron/ gleich oben bey der gemeynen Weiß beschrieben ist/ vnd nimbt solches wieder davon/ laͤßt denselben an der Lufft halb drucken werden/ darnach/ wann man sol- cher so viel auß dem groben gemacht/ als man haben will/ so macht man die Kernen von dem Sand vnd Erden fein rein vnd sauber/ vnd schmieret denselben mit einer Speck- schwarten oder Schwaͤmlein/ welches in Oel genetzet sey/ deßgleichen das aͤusserste Theil der Formen inwendig allenthalben wol/ vnd stecket in die Huͤlsen den halb außgemachten vnd halb druckenen Tiegel/ vnd setzet den Kern darauff/ vnd schlaͤgt mit einem schweren hoͤltzern Hammer zwey oder dreymal hart auff den Stiel des Kerns/ so treib sich durch das schlagen die Erden allenthalben fein dicht vnd glatt in die Patron/ wann solches ge- schehen/ so ziehe den Kern heraus/ vnd kehr die Huͤlse/ darinn der Tiegel stecken bleibt/ vmb/ vnd stos dieselbe ein wenig auff eine seytten auff die Banck/ darauff du die Tiegel schlaͤgest/ vnd halt die Hand vnter/ so faͤllt er dir dareyn/ welchen du hinsetzen/ truckenen vnd brennen kanst/ gleich bey dem ersten gesagt ist/ giebt uͤber die massen gute/ wol gepro- portionirte/ glatte vnd bestaͤndige Tiegel/ so wol allerley Metallen/ als Mineralien vnd Salien/ darinn fuͤglich zu schmeltzen/ dergleichen an Guͤte/ mir niemalen/ so lang ich mit Tiegeln vmbgangen bin/ zu Handen kommen seyn/ darauff man sich wol verlassen mag/ wann sie nur wol von guter Erden geschlagen sind/ vnd kan man allhier/ gleich oben bey dem ersten vermeldet/ erstlich einen machen/ vnd denselben in die Wagelegen/ vnd die Erden darnach abwaͤgen/ formen vnd schlagen; laͤßt sich gar geschwind thun/ vnd ist eine saubere vnd lustige Arbeit/ daß man seine Tiegel also leichtlich/ so gros oder klein/ als man will/ selber zurichten vnd bereyten kan/ deßgleichen koͤnnen auch die Treibschaͤrben/ in dergleichen Formen/ sehr wol vnd gut gemacht werden; doch daß der Kern darnach gestallt sey/ dann er nur flach/ gleich/ wie man Testen oder Cupellen damit pflegt zu schlagen/ vnd nicht laͤnglicht/ wie die beygesetzte Figur/
A
vnd
B,
anzeyget/ seyn solle/ vnd koͤnnen in einer Form/ so wol die Cupellen als Treibschaͤrben/ geschlagen werden. Dieses ist aber zu mercken/ daß man die Treibschaͤrben/ viel leichtlicher als die Tiegel auf diese Weise machen kan/ dann man nur die Erden abwieget/ vnd zusammen ge- rollt an der Lufft trucknen laͤßt/ darnach immer ein Stuͤcklein nach dem andern in die Huͤlsen legt/ vnd mit dem obern Theil hart hineyn schlaͤgt/ giebt sich genug nach dem
L l
Kern/
Philosophischer Oefen
Kern/ weilen solcher nicht tief/ sondern nur flach ist/ vnd gehen auch gar gern herauß/ wann man/ nemblich/ die Form vmbkehret/ vnd ein wenig an einem Orth auff die Banck stoͤsset; doch so man die Erden gar zu hart in die Forme schluͤge/ vnd ein Theil derselben sich zwischen der Banck vnd Form neben herauß schluͤge/ so muß man allzeit mit einem Messer solches abschneiden/ welches so es nicht geschaͤhe/ der Tiegel oder Schaͤrben sich an den Ring halten/ vnd nicht gern außgehen wuͤrde/ welches die uͤbung genug lehren wird; dann es nicht moͤglich ist/ alles so gar deutlich zu beschreiben.
Doch dieses nimb wol in acht/ daß du die Tiegel oder Schaͤrben nicht zu weich schlaͤgest/ vnd darnach solche nicht gantz auß der Formen bringen kanst/ sondern diesel- be zuvorn halb trucken machest/ so schlagen sich solche desto dichter/ vnd gehen auch desto lieber gantz herauß; also/ daß man 100. kan schlagen/ darunter nicht einer mißlinget/ wann man fleissig damit (nach meiner Lehr) vmbgehet; vnd ist dieses auch zu mercken/ daß man die Erden/ welche man von den Boͤden/ die zu viel neben außgeschlagen ist/ ab- schneidet/ nicht vnter die andere thue/ vnd solche damit verderbe; dann weilen die For- men mit Oel angestrichen werden/ vnd die Erden die zwischen außgehet/ im schlagen mehr oder weniger schmutzig davon wird/ vnd nimmermehr sich wieder wol vereinigen laͤßt/ sondern im brennen voneinander gehet/ vnd nicht haͤlt/ dadurch die Tiegel vngantz vnd vntuͤchtig davon wuͤrden: Also soll man solche abschniplein allein legen/ vnd die Oe- fen darmit außflicken/ wann solche von grosser Hitze geschmoltzen seyn/ oder man kan De- ckel auff die Tiegel (auß der Hand/ oder in Formen geschlagen) darauß machen/ so gehet nichts verlohren/ weilen man doch Deckel zu den Tiegeln haben muß/ vnd gantz nicht zu entrathen seyn/ wann man etwas saubers thun will.
Anbelanget die Muͤffeln/ vnd andere nothwendige Bereytschafften/ zum Distilli- ren oder Schmeltzen gehoͤrig/ koͤnnen uͤber hoͤltzernen Patronen geformt werden/ nemb- lich also/ daß man von Holtz ein solche Patron machen lasse/ wie der Muͤffel oder ein an- der Geschirꝛ seyn soll/ vnd von wol gearbeyteter Erden/ mit einem Kupfferdrath uͤber zwey gleiche Hoͤltzerblaͤtter schneide/ auß welchen Blaͤttern hernach man mit einẽ Messer ein stuͤck Erden außschneidet/ vnd uͤber die Form leget/ vnd daruͤber erharten laͤßt/ dann abgenommen/ vnd folgends hart getrucknet vnd gebrand/ vnd wann etwas weiters/ mit außschneiden oder anflicken/ daran mehr zu thun ist/ kan solches/ wann die Erden noch nicht trucken/ sondern nur ein wenig erhartet ist/ gescheschen. Vnd kan jhme also auff diese Weise ein jedweder ohne grossen Kosten/ Muͤhe vnd Arbeit/ alle Erdenwer- cken/ die er vonnoͤthen hat/ selber zurichten/ bereyten vnd brenuen/ so weiß er was er hat/ vnd wie seine Tiegel gemacht seyn; dann diejenige/ die Tiegel oder andere Dingen auff den Kauff machen/ achten nicht ob sie halten oder nicht/ wann bisweilen/ welches sehr offt geschicht im trucknen/ der Tiegel ein Riß oder andern Mangel bekompt/ streichen sie sol- chen mit ein wenig duͤnner Erden wieder zu/ brennens vnd verkauffens: Wann aber solche Tiegel in die Hitze kommen/ so koͤnnen sie nicht halten/ sondern reissen/ vnd laufft offtermals einem zu grossem Schaden/ sein Metall in die Aschen/ welches (ohne Ab-
gang)
Fuͤnffter Theil.
gang) schwerlich alles wieder gefunden wird/ wie fleissig man auch mit dem waschen weiß uͤmbzugehen; derohalben besser ist/ erstlich etwas fleiß angewendet/ seine Tiegel zu machen/ als hernach seine Kretz zu waschen.
Doch ist es auch nicht moͤglich/ daß alle Tiegel eben wol halten solten/ dann man nimmer so wol vnd fleissig damit vmbgehet/ es mißrathen etliche/ welche man dann auch zu besondern Dingen/ da so viel nicht an gelegen ist/ vnd die besten zu guten Metallen ge- brauchen kan. Auch wolle jhme niemand eynbilden/ als wann diese Tiegel auff solche Weise (wie allhier beschrieben) gemacht/ alle Dinge halten vnd vertragen solten/ nein/ gantz nicht/ es sind zwar die besten/ die ich jemalen gesehen hab; gleichwol ist nur noch kein Erden zu Handen kommen/ die mir Bleyglaͤtt/ oder aber das
Sal Tartari
hat lang im Fewer halten wollen/ dann gemeynlich alle Erden (so viel mir bewust) ist von der Glaͤtt/ wie auch von dem
Sale Tartari,
in grosser Hitze nicht frey ist/ sondern davon verschluckt vnd durchbohret wird/ welches zu vielen nutzbaren Wercken ein grosser Schaden ist/ daß solche (dieser Vrsachen halben) vngethan muͤssen liegen bleiben.
Dieses sey nun genug vom Tiegelmachen gelehret/ einer/ deme seine sachen ange- legen seyn/ wird wol fleiß anwenden/ hinfuͤrter seine Tiegel selber zu machen/ darauff er sich dann am besten zu verlassen hat/ vnd jhne seine Muͤhe vnd Arbeit/ die er daran wen- det/ nicht gerewet. Wie nun die Testen vnd Cupellen in obbeschriebenen Formen sollen geschlagen/ ist nicht noͤthig davon zu schreiben/ dann solche arbeiten (schon vor viel Jah- ren) von vnterschiedlichen fleissigen Maͤnnern/ vnd insonderheit von dem weitberuͤhm- ten/ vnd in solchen dingen hocherfahrnen kuͤnstlichen Probierer/ Lazaro Erckern/ weit- laͤufftig vnd sehr außfuͤhrlich geschehen/ also daß ich jhre Schrifften (in Testen vnd Cu- pellen machen) nicht zu verbessern weiß/ sondern den Liebhabern an solche
Auctores
will gewiesen haben/ darinn ein jedweder trewlichen vnterꝛicht/ zu gutem contentament/ fin- den wird: Doch seynd noch besondere Testen zu machen/ davon villeicht noch wenige wis- sen/ vnd gantz nicht gemeyn seyn/ darauff sich das Bley im abtreiben veredelt/ wann es wieder darauß geschinoltzen wird; davon allhier nicht zu sagen/ sondern der Zeit vnd Fortun soll vorbehalten bleiben.
CAP. IX.
Vom glasuren der jrꝛdenen Instrumenten/ davon im ersten
vnd andern Theil gedacht worden.
W
Eilen man nit allenthalben gute Glashuͤtten/ seine Instrumenten/ zum ersten Ofen gehoͤrig/ zu machen/ haben kan; also erfordert die Noth/ daß man solche von Erden mache/ vnd hernach wol verglasure/ vnd sind dann bisweilen diese von Erden besser/ als Glaͤsernen zu gebrauchen/ sonderlich/ wann sie von guter Erden/ welche die
Spiritus
nicht eynschlucket/ gebrand seyn; wie dan solcher Erden/ welche sich in ein steinicht We- sen brennen laͤßt/ allenthalben genug gefunden wird/ vnd mangelt nur allein an der Er-
L l ij
fahren-
Philosophischer Oefen
fahrenheit/ solche zu bereyten vnd backen; davon oben allbereyt etwas Meldung gesche- hen ist/ daß nemblich/ die Erden durch starck Fewer also
compact
vnd dicht koͤnne ge- brand werden. So man aber zu solchem starcken Brand nicht gelangen kan/ weilen der gemeynen Haͤffners-Oefen/ darinn die Kochpotten vnd ander jrꝛdener Hausrath ge- brand wird/ nicht darzu dienen/ weilen eine solche starcke Hitze darinn nicht kan gemacht werden/ vnd auch niemand/ vmb wenig Geschirꝛ (die er vonnoͤthen hat) einen solchen Ofen auffbawen will/ welches den Kosten auch nicht außtragen wuͤrde; also ist noch ein ander guter Weg/ ein jedweder gemeyne Erden (doch nicht rothen Laimen) schoͤn glatt vnd wol zu glasuren/ die dann auch (wann es wol gethan ist) nicht zu verachten seyn son- derlich wann die Glasur von solchen Dingen gemacht ist/ die im kalt werden (nach dem brennen) gantz bleibet/ vnd nicht reisset/ vnd von scharpffen Geistern nicht angetastet wird/ wie das Bleyglas thut/ sondern so wol die subtile als corꝛosivische
Spiritus
wol hal- te/ vnd nicht durchgehen lasse/ gleich wie die jetzt new-erfundene weisse Glasuren/ welche in
Italia
vnd Holland schon gantz gemeyn seyn/ thun koͤnnen: Wann man dann seine Er- den (durch Mangel des Brenn-Ofens) nicht steinicht kan brennen lassen/ so muß man solche von guter Erden lassen zurichten/ vnd mit gutem Zinn glas/ vnd nicht mit gemey- nem Pott-loth oder Bley-Ertz glasuren lassen/ welches dann nicht viel kostet/ doch je mehr man Zinn-aschen vnter die Glasur nimbt/ je besser solche wird/ dann das Zinn/ wann es zur Aschen mit Bley verbrennet wird/ mit den corꝛosivischen Geistern keine Gemeyn- schafft mehr hat/ derohalben gute vnd bestaͤndige Glasuren giebt. So man aber so viel Kosten vnd Muͤhe auff solche weise Glasur nicht wenden will/ so kan man nur mit gemey- nein Venedischen gepuͤlverten Glase glasuren/ haͤlt auch sehr wol/ will aber im brennen ein ziembliche Hitze haben/ derohalben nit in allen Haͤffners-Oeffen fliessen will/ darumb man ein wenig Borꝛas vnter das Glas mischen soll/ so fleußt es hernach gern in den ge- meynen Haͤffners-Oefen/ vnd giebt gar eine gute Glasur/ oder man muß die jrꝛdene Ge- schirꝛ mit Glas allein also vngebrand mit Wasser angefeucht/ anmengen/ vnd damit selbe uͤbergiessen/ auff daß das Glas allenthalben wol daran haͤngen bleibe/ darnach sehr wol lassen trucken werden/ vnd auf einen Hauffen fein dicht uͤber einander legen/ oder in- einander stecken/ auff daß sie keinen grossen Platz oder Raum eynnehmen (wie die Haͤf- ner mit den gemeynen Potten/ vnd Schuͤsseln auch zu thun pflegen) vnd dann den Hauffen verglasurte. Geschirꝛ/ er sey gleich gros oder klein/ mit gebrandten Mawerstei- nen rings herumb vmblegen/ doch das oben ein Loch bleibe/ dardurch man Kohlen werf- fen koͤnne; vnd muͤssen die Steine auch einer zwerch handbreyt von den Geschirꝛen ablie- gen/ also/ daß die Kohlen (zwischen den Steinen vnd Geschirꝛen) hinunter bis auff den Boden vnverhindert fallen koͤnnen; wann nun solches
spacium
mit guten truckenen Holtzkohlen außgefuͤllet ist/ so leget man zu oberst auff den Hauffen toder Kohlen etliche lebendige/ vnd laͤßt also das Fewer von oben an allgemach hinunter brennen/ so haben die Geschirꝛ keine noth zu springen/ sonderlich/ wann sie zuvorn wol trucken seyn; wann nun das Fewer wol ist angegangen/ so leget man das Loch oben uͤber dem Ofen mit Stei-
nen
Fuͤnffter Theil.
nen zu/ vnd laͤßt das Fewer so lang brennen als es kan/ vnd die Geschirꝛ so lang also ste- hen/ bis solche von sich selber wol erkaltet seyn/ darnach nimbt man sie auß.
NB.
So aber der Hauffen sehr gros were/ muͤste man noch einmal Kohlen zuwerf- fen/ wann die ersten verbrand seyn/ sonsten wuͤrden diese Potten (welche inwendig ge- standen) nicht genug gebrand/ vnd das Glas wol geflossen seyn; derohalben man selber zuschen muß/ wie viel Fewer vonnoͤthen seye/ vnd wann man wol damit vmbgehet/ so brennen vnd glasuren sich die Geschirꝛ auff diese Weise viel besser/ als in einem gemey- nen Haͤfners-Ofen/ doch hat es mehr Gefahr im brechen/ als in einem auffgemawerten Ofen/ vnd wann man nur Tiegel/ oder andere kleine Geschirꝛe von Erden brennen will/ vnd solcher nicht viel seyn/ kan man selbe nur in einem Schmeltz- oder Distillir-Ofen/ nut Kohlen vmbschuͤttet/ setzen/ vnd das Fewer von oben angehen lassen/ brennet sich sehr wol; dann ich also bishero noch alle meine Tiegel/ vnd andere distillir-Geschirꝛ gebrand vnd verglasuret hab/ vnd keine bey den Haͤfnern brennen lassen. Vnd ist also diese Ma- nier zu brennen vnd glasuren/ ein guter Behelff/ wann man keine Oefen hat/ die Hitze genug geben koͤnnen/ also allerhand Erden-Gefaͤs/ innerhalb drey oder vier stunden lang/ wol durchauß hart gebraͤnd/ vnd glatt glasuret werden. Doch ist dieses auch darbey in acht zu nehmen/ daß die Erden/ welche also geschwind soll gebrand werden/ an sich sel- ber wol gut seye/ vnd das Fewer vertragen koͤnne/ sonsten wuͤrden ein Theil derselben zer- springen/ vnd zerbrochen außkommen; doch wer den vierdten Ofen mit Kammern auff- gesetzet hat/ der gebraucht sich derselben/ vnd brenne vnd glasure solche in der ersten Kam- mer/ so gehet er sicherer/ wiewol dieser oberzehlter Weg/ zu brennen vnd glasuren/ auch nicht zu verwerffen ist/ vnd alles Erdenwerck (wann man vorsichtig mit dem Fewer vmbgehet) wol damit kan gebrand vnd glasuret werden.
Will derohalben einen jedwedern auch darbey gewarnet haben/ wann er ja auff diese Weise brennen will/ daß er das Fewer wol zu regieren wisse/ vnd den Sachen nicht zu viel oder wenig thue; vnd wann ers durch Vngeschickligkeit versihet/ daß jhme seine Gefaͤse brechen/ mir die Schuld nicht gebe/ als wann ich jhme die Warheit nicht geschrie- ben haͤtte/ sondern jhme selber den Faͤhler zurechnen/ den Schaden fuͤr Lehrgeld nehmen/ vnd auff ein andermal fleissiger zusehen/ was er thue vnd mache.
Weiters seynd mir noch viel vnterschiedliche andere Glasuren (von schoͤnen Far- ben) bekand/ die bishero noch nicht gemeyn worden sind/ vnd auch nicht dienen gemeyn zu machen/ dieweilen ein grosses Geheimnus dahinden stecket. Dann wer so weit kom- men ist/ daß er die Metall also weiß zu zurichten/ vnd in ein Glas zu bringen/ welches die farb des Metalls behaͤlt/ vnd doch Glas ist/ vnd auf der Erden gleich wie ein ander Glas hafftet/ vnd haͤlt/ da hat fuͤrwahr kein geringes Kunststuͤck gesunden werden/ vnd mag den Sachen wol fleissig nachdencken/ vnd sich darinn uͤben/ ich zweyffele nicht/ wann es Gott nicht sonderlich verhindert/ jhm leichtlich ein Liecht moͤge auffgehen.
Deßgleichen sind auch noch andere schoͤne Glasuren/ damit man die Erde uͤber- ziehen vnd schmuͤcken kan/ als wann sie mit einem Edelgestein uͤberzogen weren; weilen
L l iij
aber
Philosophischer Oefen
aber jetzund mein Vorbaben nicht ist von solchen Dingen zu handeln/ so soll es bey die- sem verbleiben; doch noch eine Glasur will ich den
Medicis
offenbaren/ damit sie/ ohne Muͤhe vnd Arbeit/ vielen Menschen von langwuͤrigen kranckheiten helffen koͤnnen.
Vnd geschicht also: Lasse dir von einem Haͤfner etliche kleine Becherlein (von gu- ter weisser Erden) fein glatt zubereyten vnd brennen/ darnach soltu in einem starcken grossen Tiegel uachfolgends Glas fliessen lassen/ vnd wann es wol geflossen ist/ immer ein Tiegelein (welches zuvorn in eim besondern Oefelein gluͤend gemacht seyn) hineyn mit den Zangen in das geflossene Glas duncken/ vnd auch ein Weil darinn/ oder vnter dem Glas halten/ so zeucht sich das Glas wol vnd fein in die Erden/ dann auß genom- men/ vnd alsobald in das Neben-Oefelein/ darinn es zuvorn gluͤend gemacht worden ist/ setzen/ vnd ein anders auch also eynduncken/ außnehmen/ vnd in den Kuͤhl-Ofen setzen/ so lang vnd offt/ bis alle verglasuret sind; dann soltu das gluͤende Oefelein/ darinn die verglasurte Becherlein stehen/ allenthalben wol zumachen/ daß kein Wind dareyn schla- ge/ vnd also von sich selber lassen erkalten/ so bleibt die Glasur schoͤn glatt vnd gantz; wel- ches sonsten nicht geschaͤhe/ wann solche alsobalden an die kalte Lufft gesetzet wuͤrden; vnd wird das Glas also darzu gemacht: Nimb zwey Theil
Antimonii crudi,
vnd ein Theil
nitri puri,
reib beyde wol vnter einander/ thue die
mixtur
in einen Tiegel/ vnd zuͤnde die- selbe mit einem gluͤenden Eysen an/ so verbrennet der Salpeter mit dem Schwefel des
Antimonii,
vnd wird ein braune
Massa
daraus/ welche du also warm mit einem Spa- tel auß dem Tiegel nehmen solt/ vnd kalt werden lassen; darnach in einen andern star- cken Tiegel anderthalb/ oder ein gantze Stund verdeckt/ wol fliessen lassen/ so wird ein
Vitrum
daraus/ dareyn die gluͤende Tiegelein/ mit jhren Deckelein darzu gemacht sol- len gestecket vnd verglasuret werden.
CAP. X.
Folget nun der Gebrauch dieser vergla-
surten Tiegeln.
E
S ist kund genug/ daß vnter allen Vomitiven/ das
Antimonium
den Preiß vnd Vorzug behalten/ derowegen vielerhand Bereytungen von den
Medicis
erfunden/ solches bequaͤm zu machen/ daß es vnschaͤdlich zu gebrauchen sey. Wiewol ich deren sel- ber in dem ersten vnd andern Theil dieses Buchs gedacht/ vnd den
usum
darneben et- licher massen kuͤrtzlich beschrieben/ wie ich dann gern bekennen will/ daß ein Bereytung der andern vorzuziehen/ so beweißt gleichwol die Erfahrenheit/ daß das
Antimonium,
wann es in ein
Vitrum
gebracht/ Meister genug ist/ den Magen vnd Daͤrmen des Men- schen/ von allem Schleim vnd boͤsen
humoribus,
ohne Gefahr/ (wann esrecht gebrau- chet wird)
per vomitum \& secessum,
genugsamb zu reinigen vnd zu saͤubern/ dardurch dann mancher schweren Kranckheit
vorznkommen
/ vnd auch/ wann sie schon vorhan- den/ gluͤcklich kan gewehret werden.
Daß
Fuͤnffter Theil.
Daß aber mancher sagen moͤchte/ daß diese Pr
æ
paration des
Antimonii
gar ge- ring vnd schlecht/ derohalben nicht wol zu gebrauchen were/ der soll wissen/ daß das
An- timonium
keiner grossen Pr
æ
paration vonnoͤthen hat/ wann es purgiren soll/ dann so jhme seine Mildigkeit benommen/ vnd fix gemacht wird/ solches hernach keine
vomitus
noch
fedes
machen will; darff sich derhalben niemand schewen/ die vorgeschriebene Pr
æ
- paration oder Glasmachung des
Antimonii
zu gebrauchen; es ist kein Gefahr darbey/ also daß mans auch jungen Kindern/ von ein oder zweyen Jahren/ sicherlich geben darff doch nicht
in forma pulveris,
sondern nur die Krafft mit Zucker/ Honig/ suͤssem oder sauren Wein/ zuvorn daraus extrahiret/ vnd also geben/ zeucht auß allen
visceribus
des gantzen Leibes das schaͤdliche herauß/ vnd fuͤhret solches entweder uͤbersich oder vn- tersich/ ohne Nachtheil oder Schaden des Leibes auß dem Menschen/ davon an an- dern Orthen ein mehrers geschrieben ist/ vnd allhier nicht noͤthig weiters dasselbe zu wie- derholen. Wann man dann diese Becherlein zum purgiren gebrauchen will/ so geußt man ein oder zwey
unc.
Wein darinn/ vnd laͤßt denselben an einem warmen Orth uͤber Nacht darinn stehen/ so extrahirt der Wein/ so viel als noͤthig/ auß der Glasur/ welcher/ so er nuͤchtern gedruncken wird/ das seinige eben so wol verꝛichtet/ als wann der Wein uͤber einem gepuͤlverten
vitro Antimonii,
wie es auch moͤchte gemacht seyn/ gestanden haͤtte/ vnd ist auch viel saͤuberer zu gebrauchen/ als das pulverisirt
Vitrum Antimo- nii;
dann so man jemand damit purgiren will/ so schickt man jhme ein solches Becher- lein nach Haus/ mit Befehl/ daß der Patient zwey oder drey Loͤffel vol seines
ordinari
Trinckweins dareyn giessen/ vnd uͤber Nacht an einem warmen Orth stehen lassen/ vnd folgenden Tag/ denselben zuvorn lawlecht gemacht/ außdrincken/ vnd sich weiters wie es gehoͤrt/ vnd auch jhme darneben soll vorgefagt werden/ darauff verhalten wolle; welches dann dem Patienten viel annehmlicher zu nehmen ist/ wann er allein seinen gewoͤhnli- chen Trinckwein/ der nur uͤber Nacht in einem reinen glatten Becherlein (welches er selber zuvorn saͤubern kan/ so er will) in seinem Haus gestanden hat/ welches dann meines Erachtens viel saͤuberer hergehet/ als ein grosser Becher voll uͤbelriechendes Trancks/ gegen seinen Willen offtermals vnachtsamblich zusammen gebrawet/ eynzuschwelgen. Vnd ist ein solches Becherlein nicht nur einmal/ sondern gar vielmal zu gebrauchen; vnd wann der Wein letztlich ja nicht genug extrahiren wolte/ so kan man das Becher- lein mit dem Wein in ein heiß kochend Wasser ein Weil stehen lassen/ so extrahirt der Wein desto besser/ vnd operirt auch desto staͤrcker/ wann es vonnoͤthen ist; wie dann der- jenige/ der es andern gebrauchen will/ guten Verstand davon zu nehmen/ oder zu ge- ben haben soll/ vnd ist ein solches Becherlein einem fuͤr seine gantze Haushaltung/ fuͤr all sein Lebtag genug zu gebrauchen/ doch daß solches nicht in allen Kranckheiten/ son- dern nur bey jungen vnd starcken Menschen/ vnd auch/ wo die innerliche principal- Glieder nicht verletzet seyn/ soll gebraucht werden. Vnd koͤnnen auch solche Becherlein noch auff ein andere Weise/ ohne das
Antimonium,
verglasurt/ vnd zum purgiren ge- braucht werden/ als folget.
Man
Philosophischer Oefen
Man sublimirt gemeyn
Auripigmentum,
in einem glaͤsern oder jrꝛdinen Kolben/ so giebt es uͤber die massen einen schoͤnen
sublimat,
oder
Flores
Vranienfarb/ vnd wann man solche auff eine besondere Weise zusammen weiß zu schmeltzen/ giebt es ein schoͤn roth durchsichtig
Vitrum,
einem Orientalischen Rubin nicht vngleich/ davon man klei- ne Stuͤcklein brechen kan/ vnd zur Zierath etwas damit versetzen/ sie sind aber nicht so hart gleich wie ein
Vitrum Antimonii,
sondern sehr muͤrb vnd bruͤchig; solches rothe
Vitrum
oder nur die
Flores,
ehe dieselben in ein
Vitrum
geschmoltzen seyn/ verglasu- ren die Erden uͤber die massen schoͤn/ roth vnd glatt; wann man dann die Becherlein damit verglasuren will/ so macht man solche in einem Kohlfewerlein zuvor gluͤend/ vnd tauchet dieselbe in die zerflossene
Flores Auripigmenti,
zeucht es wieder herauß/ vnd laͤßt es vnter einem gluͤenden Erden/ oder einem eysernen Geschirꝛ kalt werden/ so thun sie eben dasselbige was oben von den Becherlein gesagt ist/ welche mit
Vitro Antimo- nii
verglasuret seyn; vnd darff man sich nicht schewen/ weilen die Glasur von einem giff- tigen Mineral gemacht ist/ es thut keinen Schaden/ dann dem
Auripigmento
durch die sublimation/ gleich wie dem
Antimonio
durch die calcination seine Gifft benom- men wird; vnd ist dis zu wissen/ wann dem
Antimonio
oder
Auripigmento
durchs Fewer oder Salpeter all seine Gifft benommen wird/ daß es hernach keine
Vomitus
oder
sedes
machen kan.
Wie dann mit nechstem/ wann die fuͤnff Theile vermehret/ weitlaͤufftiger soll be- wiesen werden/ was purgiren sey/ vnd wie alle Purgantien jhre Wuͤrckung als ein Gifft verꝛichten.
Es weren zwar noch andere Glasuren/ die nicht uͤbel solten auffgenommen wer- den/ wann sie beschrieben wuͤrden/ weil aber allhier mein Fuͤrhaben nicht ist von
Mecha- nicis,
sondern nur allein etwas wenige zu den vorhergehenden Oefen gehoͤrige Instru- menten Glasurung zu handeln/ so soll es auff dismal dabey beruhen.
Weil allhier von dem Purgiren gedacht/ vnd das
Antimonium
vnd
Auripi- gmentum
darinn zu gebrauchen befohlen wird/ vnd ohne Zweyffel von vielen vor schaͤd- lich gehalten/ vnd verworffen moͤchte werden/ sonderlich darumb/ weil dieselbe bey dem gemeynen Poͤfel/ vnd vnverstaͤndigen
Medicis
fuͤr grosse Gifft außgeruffen werden: Also habe ich nicht vmbgehen koͤnnen/ den Vnwissenden dieser Dingen zu guter Er- kaͤndnus zu helffen/ vnd bekand zu machen was purgiren sey/ vnd auß was Krafft sol- ches geschehe. Vnd ob ich schon wol weiß/ daß diese meine Schrifften nicht von allen alsobald werden angenommen vnd gut geheissen werden/ so bin ich darumb nicht er- schrocken die Warheit zu sagen/ indem ich wol weiß/ daß allenthalben noch viel fleissige Menschen/ die der Natur/ vnd jhrem Vermoͤgen taͤglich nachsuchen/ vnd zu Dienst jh- res Naͤchsten zu gebrauchen gedencken/ gefunden werden/ welche sich dann nicht schaͤ- men werden/ das jhnen vnbewust ist zu lehrnen/ vnd zweyffele auch nicht/ daß deren nicht allbereyt an vielen Orthen zu finden/ die wol ein mehrers wissen vnd verstehen/ als daß sie bey jederman sagen doͤrffen/ weil sie Forcht tragen/ daß sie fuͤr Ketzer in der Mediciu
von
Fuͤnffter Theil.
von andern auß Neyd außgeschriehen wuͤrden; derentwegen mancher lieber stillschwei- get/ krumm eben vnd gleich seyn laͤsset/ als daß er etwas newes vnd vngemeynes an Tag geben/ vnd der Katzen die Schell anhaͤngen solte. Ist aber nicht recht gethan/ was man zu Gottes Ehre/ vnd seines Naͤchsten Nutzen thun kan/ soll man nicht vnterlassen/ man muß Gott mehr foͤrchten als die Menschen. Derhalben ich meine Meynung vnbefoͤrcht vielen zur Nachrichtung an Tag geben will/ vnd diejenige die es nicht begreiffen/ verste- hen oder glauben koͤnnen/ nach Gebrauch der boͤsen Welt/ bis daß sie selbermuͤd/ vnd mit der Zeit ein bessers lernen vnd verstehen werden/ daruͤber murꝛen vnd zancken lassen.
Beynahe in allen Buͤchern der alten vnd newen
Medicorum,
da von purgiren gedacht wird/ findet man schier einerley Stimm vnd Meynung/ nemblich dieses Kraut/ Safft/ Gummi/ Saamen/ Wurtzeln ꝛc. hat die Natur vnd Eygenschafft zu purgiren/ vnd etliche wuͤrcken vnd purgiren nach jhrer Meynung im ersten vnd andern/ etliche im 3. vnd 4.
gradu,
auß welchen vielerley
Compositiones,
die jetziger Zeit in allen Apotheken bereytet/ vnd Administriret werdet/ jhr Herkommen erlanget; vnd will immer einer den andern verbessern/ erklaͤren/ vnd corꝛigiren/ dardurch vnzaͤhlig viel Bereytungen sol- cher Purgantien erfunden vnd beschrieben sind. Vnd wann mans beym Liecht besi- het/ so wird in der That befunden/ daß gemeyniglich solche
Compositiones
von vielen ingredientien weniger guts thun/ als ein einiges deren ingredientien die darinn begrif- fen/ wann es allein genommen/ thun koͤnte/ vnd ist dieses die Vrsach/ daß kein
simplex,
ob es schon auch purgiret/ den andern in der Natur gleich ist/ sondern differiret entwe- der in
Sale,
☿ oder
Sulphure,
welche Vngleichheit dann offtmals der angebornen wuͤr- ckung hinderlich vnd schaͤdlich ist/ also wann widerwaͤrtige Naturen zugleich in dem Magen zusammen kommen/ eines in das ander wuͤrcket vnd streittet/ dardurch jhre Kraͤfften veraͤndert werden/ vnd solches nicht thun/ was eins von jhnen haͤtte allein ver- richten koͤnnen/ welches auch von Tag zu Tag von vielen gemercket wird/ vnd gern einen andern
methodum
angeben wolten/ wann sie es thun doͤrfften/ vnd nicht foͤrchteten/ daß sie von dem groͤssern Hauffen außgeruffen/ gehasset/ verachtet vnd vertrieben wuͤrden; bleiben also bey dem grossen Hauffen/ haͤngen den Mandel nach dem Wind/ fahren auff der alten Geygen hinauß/ lassen Nacht vnd Tag werden/ vnd nehmen das gesetzte Geld fuͤr das
Recipe,
dencken/ wann sie nur nach der alten Gewohnheit gethan/ sie haben al- les verantwortet/ es gehe gleich dem Patienten wie es wolle/ wie sich dann etliche auß- druͤcklich verlauten lassen/ daß sie lieber mit den Alten irꝛen vnd toͤden/ als mit den Juͤn- gern/ die den Sachen besser nachgeforscht/ den Krancken helffen wolten. Welches fuͤr- wahr ein grosser Frevel/ Hoffart vnd Halsstarꝛigkeit der Menschen ist/ welches nicht seyn solte; dann bekant genug ist/ daß sich die Elementen von Jahr zu Jahr vmb der Menschen Suͤnden willen verboͤsern/ vnd veraͤndert werden/ darzu auch die simplicien bey vns in Deutschland viel geringer an Kraͤfften/ als in
Italia
vnd
Hispania,
will geschweigen
in Cræcia, Arabia
vnd
Persia,
da die aͤltere
Medici
gelebet vnd geschrieben haben/ wie auch jetziger zeit die Kranckheiten viel vnheilbares/ als vor diesem/ erfunden werden. Vnd
M m
dan-
Philosophischer Oefen
dannoch wil man den alten
Medicis
die mehr als vor 1000. Jahren in andern Theilen der Welt gewohnet/ vnd vor diesem geschrieben haben/ nachgehen vnd folgen/ vnd im ge- ringsten den jetzigen Zustand des Menschen/ wie auch der vegetabilien vnd anderer ma- terialien/ die zur Medicin gebraucht werden/ nicht erkennen/ vnd jhre Tugenden vnd Kraͤfften ersuchen/ sondern behelffen sich mit der alten Geygen/ es helffe oder helffe nicht/ so werden doch auffs wenigste die visiten bezahlt/ vnd werden also gegen einem Samari- taner allezeit wol hundert Priester vnd Leviten gefunden/ denen auch ohne zweiffel ein solches Vrtheil/ wie dem Priester vnd Leviten bey dem Evangelisten zu seiner Zeit ein- mal wird vorgelesen werden/ vnd keine Entschuldigung/ als wann man nicht besser ge- wust haͤtte/ heiffen wird/ welches fuͤrwar denen/ die sich einer guten Conscientz ruͤhmen/ besser zu Hertzen gehen solte. Es sey nun dem allem wie jhm wolle/ so ist es gewiß vnd vn- fehlbar/ daß ein jedweder seines Thuns wird Rechenschafft geben/ vnd seine Buͤrde tra- gen muͤssen; dechalben man wol zusehen soll/ was man thue oder lasse/ dann Gott nicht mit jhm schertzen laͤsset/ sondern zu seiner zeit die Spoͤtter vnd Veraͤchter der Warheit wol wird zu finden wissen/ welches man mercken soll.
Nun haͤtte diese Erinnerung wol koͤnnen verbleiben/ in dem ich wol weiß/ daß sie von dem mehrern Theil nit wird gehoͤret werden/ so hat es doch vmb der Jugend willen nicht sollen verschwiegen bleiben/ sondern bekand gemacht werden/ daß man zum purgiren so vielerley
species
vnd ingredientien nit vonnoͤthen hat/ wann man nur jhre Eygenschafft verstehet/ vnd den sachen nachdenckt/ so wird man befinden/ daß ein
simplex,
wann es wol gebrauchet wird/ eben das vnd noch mehr thun kan/ als vielerley Gehaͤcks vntereinander/ da eins dem andern seine Krafft benimbt/ veraͤndert vnd verꝛingert. Weil aber die grosse Recepten allenthalben so gemeyn wordẽ/ doͤrffte sich niemand vnterstehen in die Apothek zu schreiben/ wann er anders thaͤte/ sondern wuͤrde alsobalden die nachrede haben/ als wann er nichts verstuͤnde/ vnd derentwegen den Zettel nit haͤtte groͤsser machen koͤnnen; in Summa/ die Welt will betrogen/ vnd fuͤr Augen gedienet seyn/ wer solches nicht kan oder thun will/ der muß es entgelten. Wil derhalben kuͤrtzlich meine Meynung von sol- chen Dingen die den Menschen purgiren/ auß was Krafft vnd Eygenschafft sie solches verꝛichten/ beschreiben/ hoffende/ weil es etlichen frembd moͤchte vorkommen/ vnd derglei- chen noch nicht bey andern gemeyn ist/ mir gleichwol nicht uͤbel solle auffgenommen/ son- dern im besten erkand werden. Etliche vnd der mehrer Theil halten darfuͤr/ daß die Pur- gantien kein Gifft seyn/ sondern auß angeborner Krafft die boͤse
humores
auß dem Leib ziehen/ ein jedweders nach seiner proprietaͤt: daher entstanden/ daß man sagt/ dieses
pur- gans
reinigt das Haupt/ ziehet
pituitam
auß dem Haupt herunter/ vñ fuͤhret solches auß/ jenes aber purgiret
melancholiam,
ein anders
choleram
oder
bilem, \&c.
Dahero so vie- terley
compositiones specierum electuariorum, pilularum
vnd dergleichen eyngefuͤhret worden/ welches ich auch vor diesem habe geglaubt/ daß ein jedweder
humor
mit seinem eygenen
appropriato purgante
muͤste außgefuͤhret werden/ vnd koͤnte nicht andes seyn; hernach aber da ich gesehen habe/ daß mit einem eynigen guten mineralischen
purgante
alle
Fuͤnffter Theil.
alle schaͤdliche
humores
zugleich koͤndten außgefuͤhret werden/ vnd nicht noͤthig war/ daß man so vielerley vnterschiedliche Compositionen gebrauchte; so hab ich alle solche weit- laͤufftige Dinge stehen lassen/ vnd mich allein an etliche wenige Metallen vñ Mineralien gehalten/ als da ist ☽/ ♂ vnd
Antimonium,
welche so sie wol zugerichtet/ Meister genug seyn/ alles zu thun was von einem guten vnd vnschaͤdlichen
purgante
zu erwarten ist: Weil man dann sein vorhaben mit wenigen erlangen kan/ warumb sol man sich an die Vielheit hangen/ vnd jhm selber Muͤhe anthun? Wann aber ja jemand sagen wolte/ die vegetabilien weren sicherer zu gebrauchen/ als die Metallen/ vnd purgirten linder; so kan ers doch nicht beweisen/ sondern gibt nur seine Thorheit vnd Vnwissenheit an Tag: wie koͤud ein linder
purgans
als das
Sal Martis,
wañ es wol ist zugerichtet/ gefunden werden/ deßgleichen auch ein
Sal
☽/ doch nicht dasjenige/ welches mit
Spir. nitri
gemacht ist. Deß- gleichen wuͤrcken auch sehr gelind die
antimoniata,
wann sie wol zugerichtet vnd gebrau- chet werden/ also daß sie/ ohne Gefahr/ Kindern von einem halben Jahr koͤnnen eyngege- ben werden. Vnd ist gewiß/ wann ein solch mineralisch
purgans
ja zu lind eyngegeben wuͤrde/ daß es liegen bliebe vnd nicht operirte/ man gleichwol im geringsten keine Gefahr/ gleich wie bey den vegetabilien/ daruͤber zu erwarten haͤtte. Derhalben viel besser ist/ daß man bey der Sicherheit bleibe/ als mit vnnoͤthigen Dingen sich schleppe. Etliche sind der Meynung/ dz die purgantien jhre Wuͤrckung volbringen durch eine fermentation/ gleich als wañ ein
Aqua-fort
auf ein
Sal tartari
gegossen wird: Was aber davon zu halten/ will ich nicht disputiren/ sondern einem jedwedern seine Meynung druͤber lassen/ doch ich fuͤr mein Person kan es noch nit begreiffen/ das weiß ich aber wol/ daß alle Speiß vñ Tranck/ wann solche in den Magen kommen/ gleichsamb anfangen zu fermentiren vnd kochen/ durch welche fermentation dann die Speiß dahin bereytet wird/ daß ein scheydung
puri ab impuro
drauff erfolgen kan/ vnd were auch vnmoͤglich ohne eine solche fermentation in so kurtzer Zeit die Speiß vnd Tranck also zu verwandeln; dann ein jedweder fermenta- tion ein Auffschliessung vnd Vorbereytung zur Scheydung aller Dingen ist/ wie solches auff viel Weiß vnd Wege zu beweisen were. Daß aber die purgantien auch auf solche Weiß solten im Magen fermentiren/ gleich wie solche Dinge thun/ welche die Natur zur Nahrung annimbt/ las ich in seinem werth bleiben/ meines Erachtens kan es nicht wol seyn/ in deme ein solche fermentation mit derjenigen/ welche bey der Speiß vnd Tranck geschiehet/ nicht uͤbereyn kompt/ jene pr
æ
parirt die Speiß zur scheydung vnd
nutrimen- to,
diese aber gibt kein
nutrimentum, ergò
ist sie der ersten nicht gleich; jene ist der Natur annehmlich/ flaͤrcket vnd erhaͤlt dieselbe/ diese aber schwaͤchet vnd toͤdet/ durch jene ziehen die Glieder an sich/ durch diese werden sie vom Vberfluß entbunden; haben also dise beyde
fermẽtationes
keine gemeynschafft. Bleibe derhalben noch so lang bey meiner meynung dz nemlich die purgãtien als ein Gifft operirẽ/ so lang/ bis ich ein bessers vnterꝛicht werde.
Die gebraͤuchliche purgantien halt ich darvor/ daß dieselbe nicht in einer vngleichen Temperatur stehen/ sondern nur crud/ vnd von der Natur noch nit so weit außgezeitiget seyn/ daß dieselbe koͤnnen von des Menschen Natur angenommen/ vnd zum
nutrimento
M m ij
dige-
Philosophischer Oefen
digerirt werden/ weil bewiesen kan werden/ daß dieselbe/ durch ein geringe digestion in etlichen warmen
menstruis,
als sonderlich durch den
Alkah:
dahin koͤnnen gebracht wer- den/ daß sie nicht mehr purgiren/ sondern der Natur gantz annehmlich zu geniessen seyn/ wie dann auch zu sehen bey allen vnzeitigen Fruͤchten welche purgiren/ wann sie aber zei- tig seyn im geringsten nicht/ sondern ins nutriment gehen. Weil ich aber die purgan- tien Gifft genennet/ vnd doch eygentlich kein Gifft in der Natur ist/ muß es also verstan- den werden/ sie seyen ein Gifft dem Menschen/ dann bekand genug/ das was dem einem ein Gifft/ offtmals einem andern ein Medicin sey; vnd sind alle Gifft eygentlich kein Gifft/ sondern nur ein Wesen/ welches der einen Natur nuͤtzlich/ vnd der andern schaͤd- lich ist/ entweder zu heiß oder zu kalt/ oder in seinen
principiis
so weit vnterschieden/ dar- durch es mit diesem oder jenem keine Gemeynschafft hat/ von jhme nicht angenommen oder geliebet wird/ dardurch es schaden leydet/ vnd jhme auff diese Weiß ein Gifft ist. Dann Gifft eygentlich nur demjenigen kan Gifft genennet werden/ welchen es sucht zu- verderben/ vnd wann es andern solches nit thut/ ist es jhnen auch kein Gifft/ dann etwas welches dem einen ein Medicin ist/ kan dem andern ein Gifft seyn. Sage derhalben/ daß alle purgantien jhre Wuͤrckung als ein Gifftverꝛichten; ein jedweder Gifft aber/ es be- stehe gleich in Hitze oder Kaͤlte/ ist nichts anders als ein widerwaͤtiges wesen der Natur. Dann alle vegetabilien/ animalien vnd mineralien/ welche nicht gar zu heiß oder kalt seyn/ kan die Natur des menschen vertragen/ vnd solches zu einem nutriment annehmen/ alle andere aber die in vngleichen Qualitaͤten bestehen/ wann sie in Leib genommen/ von der Natur nicht gelitten/ sondern als ein Feind oder Gifft mit Gewalt von sich gestossen werden. Vnd ist also ein jedweder
vegetabile, animale
oder
minerale,
welches entweder zu kalt oder warm/ dem
humido radicali
ein Feind vnd Gifft; dann weil des Menschen Leben in gleichen
principiis
bestehet/ will es darinn erhalten werden; so bald aber etwas anders solche Gleichheit antast/ es sey gleich Hitze oder Kaͤlte/ so giebt es ein Zerstoͤrung/ vnd auß der Zerstoͤrung muß nothwendig der Tod folgen; dann der Tod aller Dingen ist nichts anders als ein Zertrennung vnd Auffloͤsung der dreyen principien. Ehe aber solche
tria principia
durch ein widerwaͤrtiges vnd feindseliges Wesen zerstoͤret werden/ thun sie zuvor jhr bestes (wofern der Feind nicht gar zu geschwind vnd starck ist) sich da- fuͤr zu beschuͤtzen/ vnd so viel es moͤglich ist/ den feind abzuwenden; ist nun die Natur staͤr- cker als das Gegentheil oder Gifft/ so treibt sie jhren feind wiederumb von sich/ es gesche- he gleich uͤbersich oder vntersich/
per vomitũ
oder
per secessum,
vnd gebraucht zu solchem abtreiben nicht die beste Geister oder reineste gebluͤt/ sondern zu erst nur die uͤberfluͤssige vnnuͤtze
humores,
wofern aber der feind zu gros/ vñ solcher boͤsen humoren nit genug we- ren das Gifft außzutreiben/ so bleibet es dannoch nicht dabey/ die Natur giebt es nit ver- lohren/ sondern schicket noch mehr vnd staͤrckere Gegenwehr dasselbe außzutreiben/ also daß bisweilen auch das gute Gebluͤt daran muß/ vnd nit gespahret wird die Natur zu de- fendiren/ vnd in jhrer Gleichheit zu behalten/ wie man siehet/ wann bisweilen durch Vn- vorsichtigkeit ein
purgans
zu starck gegeben wird/ daß zwar erstlich die vorsichtige Natur
nur
Fuͤnffter Theil.
nur waͤsserige gesaltzene/ verbrand vnd vnreine jrꝛdische schaͤdliche Feuchtigkeiten gerne dargegen schicket/ so aber solcher nicht genug seyn/ vnd das Gifft noch anhaͤlt dem
humi- do radicali
zu zusetzen/ laͤßt sie auch endlich/ doch vngern/ gut Gebluͤt folgen/ dem feind zu widerstehen. Vnd haͤlt sich aber vnterdessen in solchem Streit das reineste vnd gesunde- ste Blut vmb das Hertz herumb/ als einem
centro
des Lebens/ bey sammen/ so lang bis der Feind außgetrieben/ vnd es wieder Ruhe vnd Fried ist/ dañ theilet die Natur wiederumb auß/ vnd giebt einem jedwederm Glied/ was jhme zugehoͤret/ vnd nach dem es vonnoͤten hat. Vnd ist ein solcher Streit/ welcher durch ein Gifft/ daß gegen das Leben streittet/ dar- durch der
microcosmus
von seinen uͤberfluͤssigen vnd schaͤdlichen
humoribus
purgiret vnd gereiniget wird/ nichts anders/ als ein streit/ welcher dem so
in macrocosmo
taͤglich an allen Orthen geschiehet/ zu vergleichen: Dann wann ein frembder feind etwan in ein Koͤnigreich einfaͤlt/ solches zu ruiniren/ den Koͤnig zu toͤden/ vnd den Raub daraus zu ho- len/ vor hat/ vnd so bald er auff die Graͤntzen kompt/ vnd der Koͤnig/ auff welchen es ange- gesehen ist/ die grosse Gefahr seines Leibs vnd Lebens/ wie auch des gantzen Koͤnigreichs vermercket/ was thut er? Alsobald berufft er seine Raͤth/ Edle vnd Ritterschafft zusam- men/ welche dann alsobald erscheinen/ weil sie auch in der Gefahr stecken/ vnd uͤberlegt die gegenwaͤrtige noth mit jhnen/ vnd nach einhaͤlligem sinn wird beschlossen/ alsobald die Trumm zu ruͤhren/ Volck anzunehmen/ vnd dem Feind bey Zeiten zu begegnen; solches wichtige Werck aber/ weil daran Land vnd Leut/ ja das Heyl des gantzen Koͤnigreichs ge- legen/ vnd billich daß es vorsichtig vorgenommen werde/ auch nicht jederman zu trawen; so schaffet der Koͤnig des Landes Anordnung/ daß von dem Hof etliche verstaͤndige vnd behertzte Maͤnner/ welche Glieder des Reichs sind/ die Knechte die gegen den Feind streit- ten sollen/ durch den Trummelschlag zu versamlen/ vnd gegen jhn anzuziehen/ vnd laufft gemeyniglich zu solchem Trummelschlag erstlich das aller vnnuͤtzlichste Volck/ welches Vatter vnd Mutter nicht hat folgen/ vnd nit arbeyten wollen/ jhr Gut verzehrt/ vnd dem Land/ in dem sie den Frommen das Brod vor dem Maul hinweg fressen/ nur schaͤdlich seyn/ herzu/ vnd laͤßt sich annehmen dem Feind zu begegnen/ vñ jhn wieder auß dem Land zu schlagen; wann nun der Steit angehet/ so wird durch des Feindes Schwerd der meh- rer Theil solcher Boͤsen Buben erschlagen/ vnd endlich der Feind durch sie uͤberwunden vnd außgetrieben. Wofern aber der Feind so gros were/ daß jhm durch die freywillige Knechte/ die sich fuͤr Geld haben lassen annehmen/ nicht genugsamer Widerstand koͤnte gethan werden/ so erfordet die Noth/ daß der Koͤnig auch Hausgesessene fromme Buͤrger vnd Buͤrgerskinder auffmahnet/ sie wollen oder wollen nit/ den Feind vollends zu toͤden vnd außzutreiben/ da es dañ auch nit lehr abgehet/ es bleiben im Streit auch solche Maͤn- ner/ welche dem Land nicht schaͤdlich/ sondern nutzlich seyn gewesen/ vnd kan gleichwol nit anders seyn/ soll der Koͤnig erhalten/ vnd das Land von dem Feind gesaͤubert werden/ ob schon etliche gute Maͤnner auß dẽ Land verlohren werden/ der Koͤnig gleichwol durch gut Regiment jhre Stell bald wieder mit andern erfuͤllen kan; diejenige aber/ welche sich fuͤr Geld zu erst haben lassen annehmen/ werden nicht bedawret oder beklaget/ ob jhrer schem
M m iij
keiner
Philosophischer Oefen
keiner wieder kompt/ dann sie doch nur schaͤdliche Leuthe des Landes gewesen sind/ vmb deren willen auch Gott den Feind ins Land geschicket hat; dann Krieg kompt nicht uͤber vns wegen vnsers frommen Lebens/ sondern wegen Verachtung Goͤttliches Worts/ Suͤnd vnd Laster/ die offentlich vnd vngestraft im Land getrieben vnd gelitten werden; vnd gleich wie in solchem Streit allzeit die Frommen auch mit leyden muͤssen/ ob sie schon nicht alle tod geschlagen werden/ als die Gottlosen: Also gehet es auch in der kleinen Welt mit dem Menschen zu/ wann purgiret wird/ daß nicht allein die boͤse
humores
in solchem Streit/ sondern auch bisweilen/ wañ das
purgans
zu starck ist/ gute Geister vnd Kraͤfften des Leibes mit durchgehen vnd verlohren werden/ welche aber hernach bald wieder durch die gute Anordnung der Natur vom uͤbrigen guten Gebluͤt erstattee werden. Vnd gleich wie ein solcher feindlicher Eynfall ins Land nit ohngefaͤhr/ sondern durch Gottes Gebott vnd Trieb/ der uͤber alle Koͤnigreiche zu gebieten hat/ wegen vnserer Suͤnden kompt/ dar- durch er die Menschen mustert/ die Boͤsen abschafft vnd strafet/ vnd die From̃en schuͤtzet vnd schirmet: Also geschiehet auch/ wann der
Medicus
siehet/ daß die boͤse
humores
durch uͤberfluͤssig vnd vnordentliches Essen vnd Trincken bey dem Menschen uͤberhand genom- men/ dadurch das
humidum radicale
obruirt/ vnd vnterdruckt moͤchte werden/ giebt er ein
purgans,
solche schaͤdliche
humores
von den guten zu scheyden vnd außzutreiben/ dar- durch das
humidum radicale
wiederumb Lufft bekompt/ vnd gute Ordnung vnd Regi- ment im Leib halten kan. Vnd ist allhier der
Medicus,
welcher in der kleinen Welt das boͤse außmustert/ vnd gut Ordnung vnd Regiment bestellet/ auf daß das Gebaͤw des Menschen bestehe/ vnd nicht von boͤsen
humoribus
zerbrochen werde/ eben also/ gleich wie Gott/ der in der grossen gantzen Welt uͤber die Koͤnigreiche vnd Fuͤrstenthummer herꝛ- schet/ vnd gebietet/ nach seinem Willen/ wie ers gut achtet/ anstellet vnd aͤndert/ auff daß allenthalben seine Macht/ Gewalt/ Straf der Boͤsen/ vnd Schutz der From̃en gespuͤh- ret vnd erkant werde. Dieser Diseurs vnd Vergleichnus der kleinen Welt mit der gros- sen ist nur darumb geschehen/ auff daß man sehe was purgiren sey/ vnd auß was Krafft es geschehe/ nemblich als ein Gifft vnd Feind des Lebens/ dargegen sich die Natur des Menschen stellet/ streittet/ vnd in solchem streit/ (wann der Feind nit gar zu starck ist) das boͤse auß dem Menschen gebracht wird. Vnd ist zu wissen/ daß nicht ein einiges
purgans
ohne Gifft ist/ daß seine Wuͤrckung nicht als ein Gifft gegen den Menschen vollbringe/ vnd je staͤrcker Gifft/ je staͤrcker vnd
vehementer
das
purgans,
je kleiner Gifft/ je linder das
purgans.
Moͤchte jemand sagen/ ich glaube nicht daß alle purgantien Gifft seyn/ das glaub ich aber wol/ daß das
Antimonium
vnd
Auripigmentum,
die du befohlen hast zu- gebrauchen/ grosse Gifft seyn; weil schier jederman solche darfuͤr haͤlt/ vnd zu seyn glaubt; daß aber
rhabarbarum, foliasenæ, mechoacana, manna, aloe, cassia, fistula,
vnd derglei- chen lind purgirende dinge auch Gifft seyn solten/ kan ich nicht glauben/ weil solche pur- gantien taͤglich von den
Medicis
ordiniret/ von den Krancken gebrauchet/ vnd doch nicht fuͤr Gifft erkant werden; vom Gebrauch des
Antimonii
aber/ hab ich wol gehoͤrt/ daß er schaͤdlich seyn solle. Darauff gib ich zur antwort/ daß obgedachte linde purgantien/ wann sie nur operiren/ vnd nicht liegen bleiben/ dem menschen keinen schaden sondern vielmehr
nutzen/
Fuͤnffter Theil.
nutzen/ in dem sie die uͤberfluͤssige
humores
außfuͤhren/ zufuͤgen koͤnnen; so sie aber liegen bleiben/ vnd nit operiren/ so ist genug bekand/ was dem Menschen fuͤr Vnheil vnd Scha- den darauß entstehet/ weil sie der Natur entgegen/ vnd kein Gemeynschafft mit dem
nu- trimento
haben/ vnd derentwegen jhre
malitiam
allgemach an dem Menschen uͤben/ vnd nicht schnell vnd behend gleich wie das
Antimonium
thut/ wann es zu viel auff einmal eyngenom̃en wird; so es aber rechtmaͤssig gebrauchet wird/ kan es gantz keinen Schaden thun/ vnd ob es schon zu lind gegeben wird/ daß es nit operiret
per vomitũ
oder
secessum,
so thut es gleichwol im geringsten keinen schaden/ sondern treibet vnd fuͤhret das boͤse/ so viel es kan/ auffs wenigste vnsichtlicher Weise/ wie auch durch den Schweiß/ Vrin vnd Speychel auß/ also daß es nimmer vergeblich gebrauchet wird/ welches man von andern purgantien/ wie lind sie auch purgiren/ nicht sagen kan. Vnd ist dieses die Vrsach/ daß die linde
purgationes,
wann sie liegen bleiben/ koͤnnen Schaden thun/ vnd die starcke/ welche auß den Mineralien gemacht werden/ gantz nicht: die lind-purgirende/ welches vegetabi- lien seyn/ als Wurtzeln/ Kraͤuter/ Saamen/ Saͤffte vnd dergleichen Dinge/ haben schier eine Gemeynschafft mit andern Vegetabilien/ die ein
nutrimentum
geben/ vnd von des menschen Natur angenommen werden/ nur weil sie noch eynige
qualitates
mitfuͤh- ren/ welche der Natur entgegen/ so moͤgen sie nicht wie andere Kochkraͤuter/ ohne auff- ruhr zu machen/ genossen werden/ sondern bewegen vnd erꝛegen streitt/ wann sie eynge- nommen/ wie oben gesagt/ werden derhalben wieder sampt den boͤsen
humorib.
die sie im streit ergriffen/ von der Natur uͤbewunden vnd außgestossen. Die mineralische purgan- tien aber haben/ ohne sonderbare vorhergehende Bereytung/ gantz keine Gemeynschafft mit dem
nutrimento
des Menschen/ derhalben sie auch/ wann sie eyngenommen/ nicht gelitten/ sondern alsobald mit Gewalt bestritten vnd außgejagt werden: So sie aber durchs Fewer gezeitiget/ vnd durch Kunst dahin gebracht werden/ daß sie jhre Rauhig- keit verlohren haben/ so koͤnnen sie ohne Vnterscheyd zu allen Zeiten/ nicht als ein Feind; sondern als ein grosser Freund/ das
humidum radicale
zu staͤrcken/ gebraucht/ vnd grosse Wunder damit außgerichtet werden. Deßgleichen koͤnte man fast alle vegetabilische vnd animalische purgantien durchs Fewer/ vnd sonderlich durch den
Alkahest,
in kurtzer Zeit dahin bringen/ daß fie jhre Wildigkeit verlieren/ vnd in eine der Natur sehr lieb- liche Annehmlichkeit/ zur Staͤrckung vnd nicht zum Streit oder purgiren taͤglich oh- ne Schaden koͤnnen genossen werden: Wie zu sehen bey dem newen Wein oder Most/ wann solcher gedruncken wird/ da er noch suͤß ist/ vnd nicht fermentirt hat/ daß er al- sobald einen Streit vnd Geruͤmpel im Leib anstellet/ vnd duͤnnleibig machet; wann er sich aber durch die fermentation gereyniget/ vnd seinen
tartarum
von sich geleget hat/ solches nicht mehr thut/ sondern zu einem lieblichen gesunden Tranck wird; wie dann auch der
Tarturus,
welcher sich in der fermentation davon geschieden/ zu allen Zeiten/ wann er eyngenommen wird/ dasselbige thut/ was ein andere
cru- da materia
der vegetabilien/ vnd den Leib purgiret. Bey den vegetabilischen ist die- ses in acht zu nehmen/ daß etliche derselben/ als
rhabarbarum, mechoaca,
vnd ande- re lind-purgirende Wurtzeln oder Kraͤuter/ nur durch gemeyne
extraction,
mit dem
Spiri-
Philosophischer Oefen
Spirituvini
dahin gebracht werden/ daß solches
extractum
in dieser kleinen Arbeit seine purgirende Krafft schier gantz verlieret/ vñ weniger operiret/ als das
Rhabarbarum cru- dum
selbsten vor der Extraction zu thun pflegt/ derhalben man solches mercken soll/ wann man
extractiones
von lind-purgirenden Dingen machen will/ daß der
Spir. vini
nicht lang dabey bleibe/ sondern alsobald nach der extraction wieder davon abstrahirt werde/ dann der
Spir. vini
corꝛigirt die cruditaͤt/ vnd macht solche der Natur vertraͤglicher; hart- purgirenden Dingen aber/ als da ist
agaricus, helleborus, scammonea, gummi gotte,
vnd dergleichen/ schadet der
Spir. vini
so leichtlich nicht/ diese lassen sich so bald nicht durch gedachte extraction alteriren/ wie obgedachte lind-purgirende. Vnd ist solches kein Wun- der/ daß die Vegetabilien sich durch des Fewers Krafft alteriren/ vnd ohne Bewegung des Leibs koͤnnen gebraucht werden; weil auch nicht allein die Metallen/ sondern auch die allergifftigste Mineralien/ als
arsenicum, coboltum,
vnd andere mercurialische Berg- Arten dahin zu bringen seyn/ daß sie nicht allein der Natur im geringsten nicht entgegen sind/ vnd
vomitus
machen/ sondern auch ohne alle Bewegung zur Staͤrckung des
humi- di radicalis
ohne Gefahr als liebliche vnd nuͤtzliche Medicamenten taͤglich koͤnnen ge- nommen werden/ davon auff ein andermahl an einem andern Orth ein mehrers; habe dieses nur zur Defension meiner purgir-Becherlein wollen anzeigen/ auff daß niemand meynen moͤchte/ daß sie mehr Schaden thun solten/ als ein ander
purgans,
weil alle pur- gantien Gifft seyn/ vnd gegen das Leben streitten/ wann sie ohne Verstand/ vnd zu viel gebrauchet werden/ wie auß diesem Discurs zu lernen ist. Ob nun schon nicht ein jedwe- der solches mercken/ vnd verstehen kan/ daran ist nichts gelegen/ was ich allhier geschrie- ben/ koͤndte ich wol weitlaͤufftig bekraͤfftigen/ es wills aber allhier die Zeit nicht leyden/ soll gleichwol nicht fuͤr ein Evangelium gehalten vnd angenommen/ sondern einem jed- wedern seine Meynung vnd
judicium
daruͤber gelassen werden.
Daß aber mancher sagen moͤchte/ wann dem also ist/ wie du schreibest/ daß die Natur das boͤse vnd uͤberfluͤssige von allen Orten des Leibes gegen ein
purgans
schicket/ wann es eyngenommen wird/ dasselbe außzutreiben/ warumb vertreiben dann die purgantien nit alle Kranckheiten/ welche mehrentheils von Vberfluß der boͤsen Humoren entstehen? Dann bisweilen sehr offt vnd vielmals purgirt wird/ vnd gehet gleichwol die Kranckheit nicht hinweg/ noch vermindert sich. Dieser soll wissen/ daß alle vegetabilische purgantien/ wie starck sie sonst auch seyn moͤchten/ viel ein ander Natur vnd Eygenschafft/ als die Mi- neralien/ im purgiren haben/ mit welchen/ ob schon noch so offt darmit purgirt wird/ gleichwol solches nicht/ welches mit den Mineralien geschiehet/ kan verꝛichtet werden: Dann weil wir taͤglich/ zu vnserer Nahrung vnd des Lebens Vnterhalt/ vegetabilen ge- brauchen/ dadurch vnser Natur von Jugend auff darzu gewohnet wird/ dieselbe gern auff vnd annimpt/ vnd zu jhrem
nutrimento
gebraucht: Wann dann nun ein solch ve- getabilisch
purgans
dem Menschen beygebracht wird/ so schleichet sein Gifft allgemach eyn/ sich mit dem
nutrimento
zu vereynigen/ macht jhm einen Anhang mit seines glei- chen/ vnd wird also von der Natur nur fuͤr einen halben Feind erkant vnd angenommen/
derhal-
Fuͤnffter Theil.
derhalben sie auch keinen solchen Ernst gebrauchet/ solchem zu widerstehen/ gleich wie sie bey den Mineralien thut/ welche fuͤr allgemeyne Erbfeind gehalten werden/ derent- wegen mit aller Macht alle jhre uͤberfluͤssige
humores
jhm zu begegnen/ vnd außzutrei- ben/ gegen jhn schicket/ vnd also derselben darmit entlediget wird/ welches aber bey den Vegetabilischen
purgantibus
nicht geschiehet/ derowegen sie auch keine fixe oder schwe- re Kranckheiten/ ob man schon noch so offt darmit purgirt/ antasten oder curiren/ son- dern den Leib nur offt schwaͤchen vnd verderben: Jene aber nicht allein solchen nicht schwaͤchen/ sondern augenscheinlich staͤrcken/ vnd von aller Vberfluͤssigkeit reinigen/ vnd außkehren. Moͤchte nun jemand sagen/ weil die Mineralien groͤssere Gifft vnd staͤrcke- re Purgantien seyn als die Vegetabilien/ so muͤssen sie nothwendig auch desto schaͤd- licher seyn; gantz nicht/ sondern die Vegetabilische Purgantien sind schaͤdlicher/ vnd mehr zu schewen als die Mineralien/ weil sie vnter Gestalt eines Freunds eynschleichen/ in- heimische Kriege im Leib anrichten/ vnd denselben schwaͤchen; diese aber als offenbahre Feind auff den Frontiren bleiben/ vnd nur einen außlaͤndischen Krieg machen/ von der Natur nicht angenommen/ sondern bald/ ehe sie so weit eyngelassen/ da sie schaden (gleich wie bey den Vegetabilien geschicht) im Leib thun koͤnnen/ außgestossen vnd vertrieben werden. Sage derhalben mit Warheit/ daß die Mineralische Purgantien/ damit viel schwere Kranckheiten gluͤcklich abzuwenden/ viel lieblicher/ sicherer vnd annehmlicher/ als die Vegetabilien/ zu gebrauchen seyn. Es mag nun ein anderer sagen oder glauben was er will/ so bleibe ich bey dieser Meynung/ welche ich auß langwieriger Vbung/ vnd fleissiges Auffmercken wahr zu seyn befunden habe/ vnd zweyffele auch gantz nicht/ es werde ins kuͤnfftige solches von andern fleissigen
Medicis
auch gut zu seyn gemercket vnd bekennet werden.
Doch dieses vor allem wol in acht genommen/ daß die Mineralische Purgantien/ wann sie dieses/ welches ich jhnen zugeschrieben/ wol verꝛichten sollen/ auß guten
sub- jectis
fleissig bereytet/ vnd fuͤrsichtig muͤssen gebrauchet werden/ dabey es auff dieses- mahl beruhen soll.
Dieses sey nun gesagt/ daß alle Purgantien Gifft seyn/ vnd jhre Operation im Leib als ein Gifft beweisen/ daß aber alle Gifften auch purgiren solten/ ist gantz nicht gemeynet; dann zwischen gifftigen Dingen ein Vnterscheyd muß gemacht werden/ inmassen die gebraͤuchliche purgirende/ so wol Animalische vnd Mineralische als Bege- tabilische Dinge so ein grosses Gifft nicht seyn/ daß sie in wenig Stunden den Men- schen toͤden solten/ weil jhr Gifft nicht Volatilisch vnd Spiritualisch/ sondern Corpora- lisch ist/ Hergegen aber solche Vegetabilien/ Animalien vnd Mineralien/ die schnell toͤ- den/ ein ander vnd schaͤdlicher Gifft seyn/ weil sie viel cruder oder rauher seyn/ als die be- kandte vnd gebraͤuliche purgantien/ vnd darzu jhr Gifft in einer Volatilitaͤt bestehet/ de- renthalben sie alsobald dem Hertzen zu eylen/ vnd den
Spiritum vitalem
binden/ toͤden/ vnd das natuͤrliche Fewer im Hertzen/ durch jhre grosse vngleiche Kaͤlte außloͤschen.
Vnd wiewol ein grosses Fewer ein kleines auch außloͤschen kan/ so befindet sich doch
N n
nicht
Philosophischer Oefen
nicht daß die hitzige Giffte so gefaͤhrlich seyn als die kalte/ vnd auch nicht so viel hitzige ge- funden werden als kalte/ vnd lassen sich auch fast alle hitzige Giffte gern als ein
purgans,
dem Leben ohne Schaden/ wiederumb außtreiben; alle kalte Gifften aber/ so wol vege- tabilische/ animalische/ als Mineralische/ also nicht/ sondern gehen mit grosser Schnellig- keit zum Hertzen/ vnd uͤberwaͤltigen den
Spir. vitalem;
wie zu sehen bey den gifftigen Kraͤutern/ welche an kalten finstern Orthen wachsen/ als der
napellus, cicuta,
vnd etliche Schwaͤmme/ vnd dergleichen mehr andere/ allzeit an schattechten vnd kalten/ vnd nim- mermehr/ oder gar selten an warmen Orthen/ da sie von der Sonn corꝛigiret wuͤrden/ wachsen; wie sich auch die Kroͤtten vnd Schlangen in dicken vnd finstern Hecken vnd Speluncken auffhalten; deßgleichen sind auch die allergifftigste Giffte etliche Minera- lien oder vnzeitige Metallen/ welche noch nicht von dem centralischen Fewer außgezeiti- get seyn/ als weiß vnd roth
arsenicum, cakimia, coboltum, zincum, bisinuthum,
vnd alle vnzeitige Ertzen oder merein lalische substantien/ welche noch vnreyff/ vnd in jhrem
primo ente
liegen/ die dann eben so wol vnd noch kraͤfftiger vnd schneller als vierfuͤssige Gethier/ Voͤgel vnd Menschen toͤden/ als die kalte vegetabilien vnd animalien: vnd ob schon das
antimonium, auripigmentum, sandaraca, ☿ vulgi,
auch vnter die Giffte ge- rechnet werden (wie sie dann auch seyn vor jhrer Pr
æ
paration) so toͤden sie doch also nit/ weil sie besser von dem centralischen Fewer gezeitiget/ vnd waͤrmer von Natur seyn/ als die erstgemeldte/ lassen sich derhalben von der Natur gern wieder außtreiben/ vnd sind als
purgantia
zu gebrauchen. Deßgleichen auch die Maͤyenwuͤrm/ Scorpionen/
can- tharides,
vnd etliche Geschlechte der Viperen/ welche sich an warmen Orthen auffhal- ten/ fuͤr Gifft gehalten/ vnd gleichwol durch die Bereytung dahin gebracht werden/ daß man sie als ein Medicin (doch wann vorsichtig damit wird vmbgangen) in etlichen Kranckheiten ohne Schaden vnd Nachtheil des Lebens/ gebrauchen kan/ vnd solches da- rumb weil sie warm seyn; dann bekand genug ist/ das
caro viperina
durch den Schweiß purgiret/ die
cantharides
duꝛch den urin/ Maͤyenwuͤrm aber
per vomitum, secessum, su- dorem, \& urinam
gewaltig: doch will ich niemand rathen/ daß er leichtlich dergleichen starck vnd schnellwuͤrckende Dinge in Leib nehme/ dañ gar bald den sachen darmit zu viel kan gethan werden/ es were dann/ daß man dieselbe durch den wunderbarlichen
Alkahest
zu corꝛigiren wuͤste; davon im 1. Theil
Op. Min.
Meldung gethan; darumb besser vnd si- cherer ist/ daß man sich an die bekandte Medicamenten halte/ als mit Gefahr des Patien- ten vnbekandte versuche oder probire. Vnd ist diese Erinnerung nur darumb geschehen/ dardurch zu beweisen/ daß das
antimonium
nicht zu gifftig zum purgiren sey/ vnd derhal- ben wol sicher/ vñ auch viel sicheter als ein einig
purgans
der vegetabilien ohne Nachtheil vnd Schaden des Leibs/ wann es wol vnd mit verstand pr
æ
parirt vnd gebraucht wird/ zu Außfuͤhrung der boͤsen
humorum,
gluͤcklich moͤge genom̃en weꝛden. Daß aber bey den ge- meynen
Medicis
darfuͤr gehalten wird/ als wann dieses
purgans pituitã,
ein anders
me- lancholiam
oder
bilẽ
purgiren/ vnd eben nur solche
humores,
vnd keine andere wegneh- men solte/ befindet sich also nit/ dann ob schon etliche lindpurgirende
species
nicht genaw
suchen/
Fuͤnffter Theil.
suchen/ sondern erstlich nur ein duͤnne feuchtigkeit/ vnd keine schwere
humores
außfuͤh- ren/ so geschiehet es nur darumb/ weil jhr Gifft nicht gros ist/ vnd die Natur mit kleinem Widerstand solches kan außtreiben/ so aber ein solches
purgans
folgends wieder gebrau- chet wird/ vnd keine waͤsserige
humores
mehr vorhanden seyn/ so suchet es nicht allein (gleich wie es erstlich gethan hat) was
in venis mesaraicis
vnd andern nahgelegenen Or- then schaͤdliches ist/ sondern gehet weiter/ vnd suchet was der Natur zuwider/ vnd fuͤhret folches auch auß/ was ein andere starckwuͤrckende Purgation zu thun pflegt/ doch nit auff einmal/ sondern zu vnterschiedlichen mahlen/ vnd koͤnnen also durch ein gantz gelind
pur- gans,
wañ es etlich mahl nacheinander gebraucht wird/ alle schaͤdliche
humores,
doch die fixere außgenommen/ außgefuͤhret werden; hergegen wann das allerstaͤrckeste
purgans,
welches sonst die allerschwereste
humores
pfleget außzufuͤhren/ in kleinerer
dosi
gebraucht wird/ solches eben so wol erstlich nur ein schlechte Feuchtigkeit/ vnd im geringsten kein
bi- lem
außfuͤhret/ vnd wann es schon folgends wieder also in geringem Gewicht gebrauchet wird/ es gleichwol nur gelind operiret/ vnd nur dasjenige/ welches in der naͤheliegt/ vnd gern fort will/ mit sich nim̃et: So offt vnd so lang nun die Natur einem solchen
purganti
mit wenigen kan widerstehen/ gebraucht sie nicht der viele; so aber ein starck
purgans
in groͤsserer quantitaͤt wird eyngegeben/ so kan die Natur mit wenigen
humorib, pituitosis
einem so starcken Feind nit widerstehen/ sondern suchet alles herfuͤr/ was sie nur entbeh- ren kan/ jhren Feind außzutreiben/ dardurch also auff einmal durch ein starck
purgans
al- le schaͤdliche
humores
koͤnnen außgefuͤhret werden/ vnd wann solche
humores
auff ein- mal außgefuͤhret seyn/ so ist nicht mehr geschehen/ als wann durch ein lind
purgans
zu vn- terschielich mahlen solches geschehen were. Wer nun daran zweyffelt/ der kan es versu- chen/ so wird er befinden/ daß ich die Warheit geschrieben habe; dann ich mit fleiß den Grund davon hab wissen wollen/ vnd so wol an mir selber als vielen andeꝛn zu etlich mah- len versucht/ vnd gefunden/ daß die allerstaͤrckeste
purgantien,
wie auch das
antimonium
selbsten/ wann es in kleinerer
dosi
gegeben wird/ als sonsten gebraͤuchlich/ im geringsten nicht starck operiret/ auch keine
vomitus
machet/ sondern nur vntersich gantz lind/ als ein ander gelind
purgans,
eben dasselbige zu vnterschiedlichen mahlen/ was es sonst in groͤsse- rer
dosi
auff einmal thun kan/ verꝛichte. Daß aber jemand meynen moͤchte/ wann das
antimonium
also zu etlich mahlen in kleinerem Gewicht gebrauchet/ solches nicht thun koͤnte/ was es sonsten in groͤsserer
dosi
(wann es
vomitus
macht) thaͤte/ ist auch nicht al- so; dann ob schon das
antimonium
oder ein ander
purgans,
welches zugleich
vomitus
machet/ durch das vomiren mehr wegnehmen vnd außfegen kan/ als ein gelind
purgans
zu etlichen mahlen nit haͤtte thun koͤnnen/ so folget darumb nit/ als wann ein gelind
pur- gans
niteben so wol dasjenige durch etliche mahl gelind vntersich/ was ein starck
purgans
auff einmal mit gewalt uͤbersich/ wegnehmen solte vnd koͤnte. Vnd ist nur dieser Vnter- schied darinnen/ daß ein starck
purgans
auff einmal so viel/ als ein gelindes zu etlich mah- len eyngenommen/ verꝛichten kan: Derohalben ich fuͤrs beste achte/ wann der Patient so starck ist/ daß er ein starck
purgans
oder
vomitivum
vertragen kan/ daß man jhn nicht
N n ij
zu viel
Philosophischer Oefen Fuͤnffter Theil.
zu viel mahl mit gelinden
purgantibus
quaͤle; so aber die Gelegenheit vnd Kranckheit kein starck
purgans
wolte zulassen/ sind die linde am besten zu gebrauchen: Vnd zum Be- schluß/ so kan ein gantz gelind purgierend
vegetabile
(wann es zu starck auff einmahl ge- geben wird) eben so wol
vomitus,
vnd ein starck
antimoniatum vomitivum
(so es in klei- nerm Gewicht gegeben) gelinde
sedes
machen. Welches ich zu guter Nachrichtung mei- nes Naͤchsten nicht habe verschweigen wollen/ hoffende/ ob es schon erstlich etwas frembd scheinet/ es solle dannoch mit der zeit gut vnd wahr befunden werden.
Will hiermit auff dismahl den Fuͤnfften Theil der Philosophischen Oefen be- schliessen/ wiewol ich gern noch etwas sonderlichs von kuͤnstlichen Oefen wolte eynge- bracht haben/ will sich aber nicht schicken/ sondern soll an einem andern Orth/ davon schmeltzung/ abtreiben vnd seygerung der Metallen gehandelt wird/ ein mehrers vnd bes- sers folgen/ dann der naͤchste vnd beste Weg/ die Metallen in grossem zu schmeltzen noch nicht bekand ist/ ob schon von dem mehrentheil Bergleuthen dafuͤr gehalten wird/ daß sie keine groͤssere Meister werden koͤnten; so wolt ich doch leichtlich beweisen/ daß nicht halb so viel muͤhe/ arbeit/ vnd kosten/ als sie anlegen/ mehr vnd besser Metall in kuͤrtzerer zeit koͤnte auß den Ertzen/ zu grossem vortheil der Bergleuthen/ gebracht werden. Davon zu einer gelegenenzeit ein mehrers. Wolle derhalben der guͤnstige Leser/ auff dismahl/ mit diesem meinem kleinen
talento
vor lieb nehmen/ wann ich spuͤhre/ daß dis wenige wird angenehm seyn/ will ich meinem Naͤchsten mit einem viel bessern vnd angenehmern Werck zu dienen/ nicht vnterlassen/ sondern solche nuͤtzliche vnd schoͤne
secreten
an Tag geben/ daß sich maͤnniglich darob verwundern wird/ wo solche bisher so lang/ entweder auß Vnwissenheit/ oder auß Mißgunst der Menschen/ haben koͤnnen verborgen bleiben.
APPEND IX.
N
Achdeme ich vor zwey Jahren habe angefangen meine new-erfunde- ne Oefen zu beschreiben/ vnd bekant zu machen/ in welcher Beschreibung etitcher Secreten vnd Kunststuͤcken (die ich doch niemahlen gemeyn zu machen gesinnet war) gedacht worden. Gleichwol ich diese zeithero von vielen/ wegen communicirung derselben/ so wol muͤndlich als schrifftlich/ viel vnruhe vnd muͤhe habe erleyden muͤssen. Derohalben ich hiermit will erinnert vnd ermahnet haben/ daß niemand hinfuͤrter mir/ wie auch jhme selber weiters muͤhsamb vnd laͤstig im schreiben oder fragen seyn wolle/ dann ich ohne sonderbahre Vrsach etwas mehrers/ als diese nachfolgende Stuͤcke/ be- kand vnd offenbahr zu machen nicht gesinnet bin. Darnach man sich richten/ vnd die Zeit erwarten kan/ bis die fuͤnff Theile einmahl (geliebt es Gott) corꝛigirt/ verbessert oder ver- mehret werden/ herauß kommen; da es dann an vielen schoͤnen vnd nuͤtzlichen Kunst- stuͤcken/ welche vmb sonderbahre Vrsachen/ in dem ersten Druck zuruͤck gehalten/ nicht mangeln wird. Vnd sind dieses die Secreten/ welche ich/ meinem Naͤchsten zum besten/ vnterdessen mitzutheilen habe eyngewilliget/ doch mit solcher Erinnerung/ weilen der mehrentheil derselben also beschaffen/ daß man in kurtzer Zeit (wann Gott seinen Segen
dazu
Appendix.
dazu gibt) einen grossen Reichthumb/ mit Ehren vnd gutem Gewissen/ ohne seines Naͤchsten nachtheil vnd schaden/ darmit gewinnen kan; also wolle derjenige wol zusehen/ wie er damit vmbgehe vnd solches gebrauche/ vnd fuͤr allen dingen der Armen vnd Duͤrff/ tigen darbey ja nicht vergessen/ auff daß jhme sein Reichthumb zu Gottes Ehren vnd sei- ner Seelen Seligkeit/ vnd nicht zur ewigen Verdamnuͤs gereichen moͤge.
1. Alle Kornfruͤchten/ alß Habern/ Gersten/ Rocken/ Weytzen wie auch alle Oepf- fel/ Bieren/ Kirschen/ Pflaumen/ vnd andere dergleichen Baumfruͤchten/ durch eine be- sondere
Fermentation
zu bereyten/ daß dieselbe in der
distillation
einen lieblichen/ rei- nen vnd guten
Spiritum
geben/ deme/ welcher auß Weinmutter gebrand ist/ an lieblich- keit vnd staͤrcke nicht viel bevor gibt/ vnd sehr wenig zu machen kostet/ vnd uͤber dieses/ wann der Brandtenwein davon distilliret ist/ auß dem hinterstelligen/ durch zuthun be- hoͤrlichen dingen/ ist es Korn/ ein gut Bier/ oder Essig; sind es Fruͤchten/ einen guten Tranck (dem Wein gleich) zu machen/ also daß man doppelten nutzen davon zu genies- sen hat/ dadurch man nicht allein seine Nahrung reichlich haben/ sondern auch ein ehr- liches darbey fuͤr die Seinigen aufflegen kan.
2. Auß etlichen Korn-vnd Baumfruͤchten einen lieblichen gesunden Tranck/ dem Frantzoͤsichen/ Rheinischen/ vnd Spanischen Wein nicht sehr vngleich zu machen/ wel- cher sich viel Jahr halten kan/ vnd bestaͤndig bleibet.
3. Guten Brandtenwein/ auß geringen vnd doch bekanten dingen/ zu machen/ wel- cher in allen proben dem Rheinischen oder Frantzoͤsischen Brandtenwein gleich ist/ vnd doch nicht halb so viel kostet.
4. Auß Honig guten Zucker vnd Weinstein/ welcher dem Zucker auß West- Indien/ vnd dem Rheinischen Weinstein auß Deutschland gantz gleich ist/ mit sehr we- nig kosten zu machen/ also daß ein Pfund Zucker kaum 8. oder 10. stuͤber/ vnd ein Pfund groben weissen Weinstein kaum 2. stuͤber zu stehen kompt.
5. Einen jedwedern schlechten vnreinen Weinstein/ auff eine besondere weise/ ohne ahgang/ zu reinigen/ vnd in grosse Crystallen schiessen machen/ daß ein Pfund kein 6. stuͤber zu machen kostet.
6. Dem Honig seinen vnlieblichen Geruch vnd Geschmack zu benehmen/ daß man hernach darauß guten lieblichen Brandtenwein/ welcher gantz nicht nach dem Ho- nig schmaͤcket/ distilliren/ vnd guten lieblichen Meth/ an geschmack einem guten Wein gleich machen kan/ auß welchem Wein hernach alles/ was mit einem natuͤrlichen Wein gethan wird/ kan verꝛichtet werden.
7. Von Rosinen vnd Corinthen einen lieblichen/ schoͤnen/ klaren vnd viel Jahren bestaͤndigen Meth zu machen/ der einem guten Seck oder andern Spanischen Wei- nen in allen dingen gantz gleich ist/ auß welchem auch guter klarer Essig wird/ der gar wenig kostet.
8. An solchen Orthen/ da die Weintrauben in der wilde wachsen/ nicht gebawete werden vnd sawer bleiben/ gleichwol guten Wein vnd Essig darauß zu machen.
N n iij
9. Deß
Appendix.
9. Deßgleichen von Johanns-traͤublein/ Saurachbeerlein/ Himbeeren/ Brom- beeren/ Kreutzbeeren/ Rosen vnd Hagendornbutten/ vnd andern dergleichen Hecken- fruͤchten/ gute/ liebliche vnd gesunde Gedraͤucke/ welche sich Jahr vnd Tag halten koͤn- nen/ zu machen.
10. Item/ wie man alle truͤbe/ lange/ rothe/ schimlichte/ saure vnd andere mangel- haffte Weine/ leichtlich wieder zu recht bringen soll.
11. Auß etlichen Vegetabilien/ die allenthalben gern wachsen/ einen guten/ klaren/ Lieblichen vnd bestaͤndigen Essig/ dem Frantzoͤsischen nicht sehr vngleich/ in grosser men- ge zu machen/ daß ein Ohm nicht ein Thaler zu stehen kompt.
12. In den mehrentheil kalten Laͤndern
Europæ
(doch außgenommen etliche von den kaͤltesten) da sonsten kein Wein kan zeitig werden; gute liebliche/ suͤsse vnd bestaͤndige gesunde Weine wachsen machen/ welche andern guten Weinen/ die in warmen Laͤn- dern/ als Deutschland/ Franckreich/ Spanien oder Italien/ gewachsen/ an guͤte/ lieblich- keit vnd bestaͤndigkeit nicht viel bevor geben.
13. Den Wein auß bergichten/ von den Revieren weit abgelegenen Landen/ die wegen manglung der Schifffahrten vnd Thewrung der Axfuhren/ nicht koͤnnen fort gebracht werden/ mit einem solchen Vortheil zu verfuͤhren/ also daß 10. Fuder nicht so viel als anders 1. Fuder zu verfuͤhren kostet/ damit man ein groses gewinnen/ vnd die außlaͤndischen Weine/ in abgelegenen Landen guten kauff drincken kan.
14. Auß altem Kupffer gut Spanischgruͤn/ in groser menge/ mit sehr geringem ko- sten zu machen/ also/ daß auch 1. Pfund kaum 6. stuͤber zu machen kostet.
15. Auff eine gantz vnbekante weise/ Essig leichtlich zu distilliren/ also
compendio- sè,
daß auch eine gantze Ohme keinen halben Thaler vnkosten dazu erfordert/ damit man viel nuͤtzliche dinge verꝛichten kan/ vnd vnter solchen das Spanischgruͤn gantz leicht- lich zu candilisiren vnd crystallisiren/ daß auch ein Pfund keinen halben Thaler zu ste- hen kompt.
16. Auß dem Vrin einen reinen vnd starcken
Spiritum,
ohne muͤhe/ arbeit vnd ko- sten/ gantz geschwind zu machen/ also/ daß auch 20. oder 30. Pfund fuͤr einen Thaler koͤn- nen gemacht werden/ damit viel wunderliche vnd nuͤtzliche dinge in
Medicina, Alchy- mia
vnd
Mechanicis,
koͤnnen verꝛichtet werden; vnter andern/ ein schoͤner Himmel- blawer
Vitriol
von dem Kupffer/ zur
Medicina
vnd
Alchymia
dienstlich/ vnd das Sil- ber also fluͤssig darmit gemacht wird/ daß man allerhand glaͤserne Gefaͤsse/ als Schuͤssel/ Teller/ Leuchter/ Saltzfaͤsser/ Trinckbecher/ vnd anderen Hausrath zum zierath/ da- mit in-vnd außwendig versilbern kan/ welche nach dem gesicht fuͤr silberne Geschirꝛ er- kant werden.
17. Den
Spiritum Salis
in grosser quantitaͤt zu machen/ mit sehr geringem kosten/ daß auch ein Pfund kaum 6. stuͤber zu machen kostet/ vnd zu viel nuͤtzlichen
laboribus,
so wol in
Medicina, Alchymia,
als andern Kuͤnsten/ kan angewendet werden/ als vnter andern diese folgende stuͤcke.
18. Das
Appendix.
18. Das Gold von dem Silber abzukochen/ daß das Geschmeyd gantz bleibet; auch Silber-vnd Kupfferhaltig Gold damit zu solviren vnd scheyden/ rein auß dem Wasser faͤllen/ vnd das Wasser wieder zu dergleichen Arbeit mehrmahlen zu gebrauchen/ also/ daß vnter allen scheydungen der Metallen im nassen wege/ kein nuͤtzlicher vnd profitli- cher zu finden ist/ vnd das Gold auff diese weise auf den hoͤchsten halt gebracht wird.
19. Auß allen Laͤtten vnd Sand/ wie auch auß Kießlingsteinen/ Quartzen vnd an- dern Bergarten/ welche angeflogen/ flaͤmmicht vnd leicht Gold halten/ vnd derentwegen mit nutzen weder mit waschen oder
Mercurio,
noch schmeltzen kan außgebracht werden/ das Gold leichtlich außzulaugen vnd zu gut zu machen/ damit an solchen orten/ da der- gleichen Sanden/ Laͤtten/ oder Steine gefunden/ auch grosses kan gewonnen werden.
20. Auff eine besondere/ geheyme/ bishero vnbekandte weise alle wilde Bergarten/ wie sie auch moͤgen Namen haben/ kuͤnstlich zu probieren/ vnd den rechten halt zu fin- den/ welches auff gemeyne weise vnmoͤglich zu thun ist. Vnd dienet solche Kunst an de- nen Orten/ da Bergwerck seyn; dann offtermalen ein wild Gold-Ertz/ wann es nach ge- meyner weise probieret/ vnd nichts darinn gefunden wird/ vngebawet liegen bleibet/ vnd niemand zu nutzen kompt; vnd werden bisweilen auch an solchen Orten/ da keine Berg- werck seyn/ vnterschiedlicher art vnd sorten glimmer/ rothe vnd weisse Talcken gefunden/ welche auff gemeyne weise nichts oder gar wenig geben/ vnd gleichwol oftermals viel Silber vnd Gold darinn verborgen stecket/ vnd verlohren bleibet/ welches doch mit gros- sem nutzen koͤnte heraus geschmeltzet werden.
21. Ein schoͤn
compendium,
vnd uͤber die massen nuͤtzliche
invention,
welche noch bey niemand im gebrauch gewesen; wie man allerhand Ertz/ auff eine sehr profitliche weise/ in grosser menge schmeltzen soll: Also/ daß man in einem Tage in einem Stich- ofen mehr Ertz schmeltzen/ als auff die bekante weise in 8. Tagen kaum geschehen kan/ dadurch viel vnkosten erspahret/ vnd jaͤhrlich ein groses/ mehr als sonsten/ kan gewonnen werden.
22. Deßgleichen solche Wercke/ die von dem schmeltzen kommen/ auff viel ein bes- sere weise abzutreiben/ vnd das Silber auß dem Bley zu scheyden.
23. Auch die Ertze an solchen Orten/ da keine Holtzkohlen zu bekommen/ oder wann sie zu bekommen seyn/ immer so wol durch Steinkohlen/ in grosser menge/ zu schmeltzen; ein geschwinde vnd nuͤtzliche arbeit.
24. Alle sulphurische/ arsenicalische/ antimonialische/ koboltische vnd andere giff- tige vnd fluͤchtige Ertzen/ welche/ wegen jhrer fluͤchtigkeit/ nicht im Fewer zu halten oder zu schmeltzen seyn/ durch eine besondere arth/ eines Ciments oder Rost-ofens zu binden vnd figiren/ daß sie hernach im schmeltzen jhr Silber vnd Gold gern von sich geben/ vnd mit grosem nutzen erhalten werden.
25. Durch den guß das leichte vnd flaͤmmichte Gold vnd Silber auß dem Sand/ Laͤtten/ Kißlingsteinen oder andern armen Bergarten/ mit nutzen außzuschmeltzen.
26. Auß
Appendix.
26. Auß etlichen geringen oder vnvollkommenen Metallen vnd Mineralien jhr vnsichtlich Gold/ welches durch gemeyn vnd bekand abtreiben nicht gespuͤhret wird/ mit grossem nutzen/ auff ein befondere vnd geheyme weise/ heraus zu schmeltzen.
27. Das außgeschmeltzte Silber vnd Gold auff eine gantz geschwinde vnd vn- koͤstliche weise/ durch den guß voneinander zu scheyden; also daß man in einem Tage in einem Ofen/ durch eine Person/ etlich 100. Marck kan scheyden lassen/ kostet nicht halb so viel muͤhe vnd arbeit/ vnd anlag/ als durch das
Aq. fort.
oder Ctmenten.
28. Deßgleichen kan auch ander verarbeytet Gold/ als Ketten vnd dergleichen ander Guͤldengeschmeyd/ gar geschwind auff den hoͤchsten halt/ wie auch das Gold vom verguͤldeten Silber/ durch den guß geschieden werden/ also/ daß leichter 100. Marck auff diese weise/ als auff die bekande 20. mit grossem vortheil vnd erspahrung vieler zeit vnd kosten/ zu scheyden seyn.
29. Auß einem jedwedern Bley viel mehr ☽ zu seygern/ als durch die Cupellen Prob darinn gefunden wird.
30. Auß einem jedwedern alten Eysen gut Gold außzuschmeltzen/ welches zwar ein so grosses nicht geben kan/ dannoch denen/ welche mit wenig zu frieden seyn/ ein ehr- licher vnterhalt seyn kan.
31. Deßgleichen auß allem ♃ vnd ♀/ doch auß einem mehr als auß dem andern/ ☽ vnd ☉ außzuseygern.
32. Alle Ertze zeitigen/ daß sie mehr Silber vnd Gold geben im schmeltzen: auß dtm
Antimonio, Arsenico,
vnd
Auripigmento
jhr Silber vnd Gold außziehen.
33.
Ex Venere Sulphur extrancum
separiren/ auff daß
Cupido,
jhr Kind geboh- ren werde.
34. Den gebrauchten Testen das Silber/ welches im abtreiben dareyn gangen/ ohne schmeltzen oder andere muͤhe vnd kosten/ zu benehmen.
35. In allen Landen vnd an allen Orthen/ vielerhand schoͤne erdene Geschirꝛ/ dem Porcellein nicht sehr vngleich oder geringer/ welche das Fewer vnd alle
Spiritus
halten/ mit wenig kosten zu machen.
36. Ein vnbekanter Alann/ welcher alle Farben erhoͤhet/ schoͤner vnd bestaͤndig machet. Ist sonderlich zum Carmossin/ Scharlacken/ vnd andern koͤstlichen Farben zu gebrauchen. Dazu einen bestaͤndigen Kessel/ welcher die Farben nicht alterirt/ mit klei- nem kosten zu machen.
37. Allerhand schoͤne Mahlerfarben/ auff eine vnkoͤstliche weise zu machen/ als
Purpurlacca,
von vielerley Farben/ Schmalten/
Ultramarinum,
Cinober/ vnd insonder-
heit eine schoͤne weisse Farb/ dergleichen noch bey niemand gesehen/ welche den schoͤnesten Perlein gleich ist: wie auch Gold vnd Silber/ auff eine leichte weise zu mahlen.
Ende des Fuͤnfften Theils.
Johann
Johann Rudolph Glaubers
Apologetische Schrifften/ in dreyhundert zwey vnd achtzig
Aphorismos
außgesetzt:
Darinnen die
Personalia,
vnd andere zu lesen verdrieß-
liche dinge/ außgelassen worden; Hingegen aber nur dasjenige/ was gewißhafften
Medicis,
fleissigen Nachforschern der Natur/ vnd frommen Haußvaͤttern zu wissen noͤthig/ beygebracht wird: Auff begehren verfertiget Durch Johann Mackele/ der Artzeney Doctoren.
1.
D
Ie
Panacæa Antimonii
muß durch huͤlffe eines Fewri- gen saltzigen
liquoris,
welcher
Alkahest
genant wird/ bereytet werden.
2.
Alkahest
lautet schier-Algar-heiß/ oder Al-zu-heiß; kompt also der Nahme mit dem Wesen uͤbereyn.
3. Dann solcher
liquor
anders nichts/ als ein lauter Fewri- ges ▽ ist/ durch welches grosse verborgene Hitze/ die Vegetabilien/ Animalien vnd Mi- neralien/ wann sie darmit oder darinn seine zeit digerirt/ also corꝛigiret/ gezeitiget vnd verbessert werden/ daß sie zu heylsamen oder kraͤfftigen Medicamenten werden/ welches ohne solches Fewrige Wasser nicht haͤtte geschehen koͤnnen.
4. Ist also solches
Menstruum
anders nichts/ als ein Fewriger von Vrino- sischen Salien bereyteter
liquor,
welcher solche kraͤfften beweiset/ als jhme in dem Tra- ctaͤtlein von den Kisselsteinen zugeschrieben worden.
5. Dieses
Menstruum
kan mehr als auß einem
subjecto
bereytet werden; nicht allein auß dem allgemeynen Erdsaltz oder Salniter/ sondern auch auß aller Vegeta- bilien/ vnd sonderlich des
Tartari
fixem Saltz/ kan es zugerichtet werden.
D o
6. Ist
Außgesetzte
Aphorismi
6. Ist nichts daran gelegen/ worauß er bereytet werde/ wann er nur solche Tu- genden besitzt/ die jhme zugelegt seyn.
7. Weil das allgemeyne Erdsaltz/ vnd fixe Saltz der Vegetabilien einerley Na- tur vnd Wesens ist/ wann man sie darnach Tractiret oder zurichtet.
8. Auß einem
Sali tartari
kan ein natuͤrlich Erdsaltz oder Salniter werden/ vnd auß einem Erdsaltz oder Salniter ein fixes Saltz einem
Sale tartari
gleich; auß einem
Spiritu vini
ein
Sal tartari,
vnd auß einem
Sale tartari
ein
Spiritus vini;
auß einem
Ace- to vini
ein Niter/ vnd auß einem Niter ein corrosivischer Essig.
9. Solche Salien so beyder Naturen theilhafftig/ werden billich von den alten
Philosophis hermaphroditæ
genennet.
10. Niemand darff sich an sein gering Herkommen kehren/ vnd solches darumb klein achten/ es ist doch nichts daran gelegen/ woher das gute komme/ wann es nur gut ist/ vnd wir solches zu vielem gutem gebrauchen koͤnnen.
11. Das gute solte desto mehr/ weil es auß veraͤchtlichen/ vnd geringschaͤtzigen Dingen herkommen/ vnd nun gut worden/ hoch geachtet werden.
12 Die Natur vnd wahre Kunst braucht allezeit zu jhrem
Intent
nur gering- schaͤtzige oder vnachtsame Dinge/ vnd kompt gluͤcklich zu jhrem vorhaben.
13. Wann man solches
Menstruum
auß dem Erdsaltz machen will/ so muß man folches Saltz durch außlaugung gemeynen Wassers auß guter fruchtbarer Erden auß- laugen/ coaguliren/ vnd mit zuthun der Kohlen/ oder anderer Vegetabilischen Sulphu- ren figiren oder calciniren/ so lang bis es in der Lufft in einen Fewrigen
liquorem
fleußt.
14. Den Salpeter thut man in einen Tiegel laͤßt jhn uͤber einem Kohlfewer wol schmeltzen/ vnd wirfft immer ein stuͤcklein Kohlen nach dem andern drauf/ vnd laͤßt sie verbrennen/ so lang vnd viel/ bis die Kohlen nicht mehr auf dem geflossenen Salpeter brennen wollen/ sondern vnverzehrt darauff ligen bleiben/ so ist das Niter figirt vnd bereytet/ ein solches wunderbarliches Wasser draus zu werden/ welches also geschiehet; weil der fixe Salpeter noch in dem Tiegel fließt/ muß er in einen reinen Kuͤpffern glat- ten Moͤrsel außgegossen werden/ daß er darinnen erkalte; dann pulverisirt/ vnd in einen Keller oder sonst an einen feuchten orth auff glaͤserne Schalen gelegt/ zerfliessen lassen/ so erlangt man ein solch Fewriges Wasser/ welches solche wunderbarliche Tugenden/ so wol in bereytung der Metallischen/ als Vegetabilischen vnd Animalischen Medica- menten/ beweiset.
15. Wann man den
liquorem nitri fixi
zur verbesserung der Metallen gebrau- chen wil/ so soll man das Niter durch den
Regulum Antimonii
figiren: Man muß zu einem Theil
Reguli Antimonii Martialis
drey Theil rein pulverisirten gelaͤuterten Salpeter mischen/ solche
mixtur
in ein beschlagen Glas thun/ vnd in einem Figirofen durch vermehrung des Fewers allgemach zum gluͤen bringen/ vnd also in solcher glut 5. oder 6. stunden stehen lassen/ dann außnehmen/ vmb zuerkalten/ hernach klein puͤl-
vern/
Apologetischer Schrifften.
vern/ vnd mit Regenwasser uͤbergiessen/ das Niter welches bey dem
Regulo Antimo- nii
fix worden ist/ außlaugen/ das Wasser wieder davon abziehen/ bis auf den Fewrigen
liquorem,
welchen man zu den metallischen Haͤndeln gebrauchen kan.
NB.
Es kan sol- che figirung auch wol in verdeckten Tiegeln/ ohne Glaͤser/ geschehen/ ist auch gut/ nur daß man das Fewer wol Regiere/ vnd erstlich nicht zu heyß mache/ auf daß das Niter nicht verꝛauche/ ehe es fix worden/ sondern allgemach des Fewers gewohne/ vnd bey dem
Regulo Antimonii
fix werde.
16. Wil man dieses
Menstruum
auß dem
tartato
machen/ so mischt man vn- ter einen Theil klein pulverisirter weisser Kißlingstein 6. oder 8. Theil reines
Salis tar- tari,
vnd schmeltzet solche
mixtur
in einem verdecktem Tiegel wohl vntereinander/ gies- set es auß in einen glatten Moͤrsel/ laͤst es kalt werden/ vnd pulverisiret solche weisse vnd durchsichtige
Massam,
thut dieselbe in einen glaͤsern Kolben/ vnd uͤbergiesset sie mit Re- genwasser/ laßt solches in einem warmen Sand auffkochen/ so solvirt das Wasser nur allein das
Sal tartari,
vnd laͤßt die Kißlinge als einen schlamm ligen/ welcher zugleich alle vnreinigkeit des
Salis tartari,
die zuvor durch das gemeyne solviren vnd filtriren nicht hat koͤnnen geschieden werden/ in sich ziehet vnd bey sich behaͤlt/ also daß das
Sal tartari
dardurch von aller Vnreinigkeit auffs allerhoͤchste entbunden vnd gereiniget wird. Solche
Solution
soll man filtriren/ vnd in einem Kolben das Wasser wieder da- von abstrahiren/ also daß ein Fewriger schoͤner Crystallischer
liquor
zuruͤck im Glas bleibe; welches die beste bereytung ist/ die Vegetabilien oder Animalien in gute
Medi- camenta
damit zubringen.
17. Man soll das Kraut/ Wurtzel oder Saamen in einem steinern Moͤrsel gantz klein stossen/ vnd in einem Koͤlblein mit solchem Fewrigem
Menstruo
uͤbergiessen/ al- so daß das Kraut wol damit angefeuchtet sey/ vnd in einem Sand etliche tagen zusam- men kochen oder digeriren lassen/ so wird auß dem Kraut vnd
Menstruo
ein dicker Safft/ wann solches geschehen/ so muß man einen wol dephlegmirten
Spiritum vini,
ohngefehr so viel als des
liquoris
ist/ darauff giessen/ wol vntereinander schuͤtteln/ vnd in gantz gelinder waͤrme/ auff daß der
Spiritus vini
nicht erhaliere/ so lang zusammen digeriren lassen/ bis daß eine Scheydung geschehe/ vnd sich der
Alkahest
mit den
feci- bus
zu boden des Glases/ vnd der
Spiritus vini
sampt der Krafft vnd Tugend des Krauts oben darauff setze/ vnd sich hinfort/ wie offt man auch solche wieder vntereinan- der schuͤttelt/ dennoch nicht vermische/ sondern ein jedweder allein vnvermengt bleibe; welches man also zusammen auß dem Koͤlblein in ein Zuckerglas giessen/ vnd sich da- rinn soll setzen lassen; alsdann die Medicin oder Krafft des Krauts/ welches der
Spiri- tus Vini
zu sich genommen/ sauber von dem
Alkahest,
welcher die
feces
des Krauts bey sich behalten/ abgiessen/ so hat man die Krafft vnd Tugend des Krauts wol corꝛigi- ret vnd gezeitiget vollkoͤmlich in dem
Spiritu Vini,
welchen man in lindem
balneo
von der
essentiâ
des Krauts abziehen/ vnd die Medicin/ welche als ein rother Safft grosser kraͤfften zuruͤck geblieben/ bewahren/ vnd darzu sie von Gott vnd der Natur geordnet/
O o ij
gebrau-
Außgesetzte
Aphorismi
gebrauchen kan: den
liquorem Alkahest
aber/ mit den
fecibus
des Krauts vermen get/ soll man in einem jrdenen Geschirꝛ außgluͤen/ auf daß aller Geschmack vnd Geruch des Krauts/ welchen er bey sich behalten/ davon weiche/ vnd hernach mit Wasser solviren/ filtriren/ vnd wieder auff einen
liquorem
abziehen/ so ist er wieder so gut/ als er zuvor gewesen/ kan also so offt man will/ vnverhindert/ dergleichen
Medicamenta
zu machen/ wieder gebraucht werden.
18. Die Animalien werden gleicherweiß in einem steinern Moͤrsel klein gestos- sen/ mit dem
Alkahest
uͤbergossen/ digerirt/ vnd
per Spiritum Vini
geschieden.
19. Die Metallen aber muͤssen zuvor in jhren eygenen
menstruis corrosivis
sol- viret/ pr
æ
cipitiret/ abluirt oder edalcorirt/ exsiccirt/ vnd darnach erst mit dem
Alka- hest
uͤbergossen/ digerirt/
per Spiritum Vini
geschieden/ vnd in die potabilitaͤt gebracht werden.
20. Die Mineralien aber welche sich puͤlveren lassen/ darff man nicht solviren/ vnd in einen
calcem
bringen/ sondern allein nach der pulverisirung/ mit dem
Alkahest
uͤbergiessen/ digeriren/ vnd
per Spiritum Vini
separiren.
21. Doch kan man die Metallen auch/ wann man will/ mit eim wenig
Reguli Antimonii
im guß versetzen/ auff daß dieselbe bruͤchig werden/ vnd sich puͤlveren lassen/ alsdann mit dem
Menstruo
uͤbergiessen/ solviren/ digeriren/ vnd in einer Medicin pr
æ
- pariren; ist auch gut: Oder/ man kan solche mit
Reguli Antimonii
versetzte Metallen/ mit 3. mahl so viel
Nitri puri
vermischen/ vnd in einem Glaͤsern oder jrdenen Geschieꝛ im truckenen Weg solviren/ digeriren/ figiren/ vnd hernach mit
Spiritu Vini
in eine Medlein bringen/ ist auch gut/ vnd laͤst sich wol vnd besser thun im truckenen Weg als im nassen bey den Vegetabilien vnd Animalien geschehen.
22. Man schmeltzt so viel
Reg. Antimon.
zu den vnvollkommenen Metallen oder Mineralien/ auf daß sie bruͤchig werden vnd sich puͤlveren lassen/ darunter mischt man 3. mahl so viel
Nitri purissimi,
vnd setzet die
mixtur
wol verlutirt in glaͤsern oder jrꝛde- nen Geschirꝛen eyn zu figiren etliche stunden lang/ nimmet es darnach auß/ vnd schmeltzt es zusammen/ auff daß sich ein Koͤnig setze/ denselben siedet man mit Bley auff einer schaͤrben/ schlacket vnd treibet das Werck auff einer Capellen/ so bleibt das ☉ vnd ☽ wel- ches das vnvollkommene Metall oder Mineral in der figirung erlanget hat/ auff der Capellen/ welche man mit dem kleinen probiergewicht auffziehen/ vnd vernehmen kan/ wie viel in so kurtzer zeit davon figiret werden.
23. Dieser Fewrige
liquor
ist im geringsten kein Corꝛosiv/ sondern ein Feind vnd Verderber aller Corꝛosiven/ weil er dieselben toͤdet vnd jhnen jhr Corꝛosiv vertreibet.
24. Mit dem Salpeter werden die Sulphurische/ (aber nicht alle Metallen oder Mineralien) zu schlacken gemacht/ auß welchen
per Spir. Vini
eine Metallische
Tinctu- ra
kan gezogen werden.
25. Solche Schlacken seynd gantz Fewrig/ derohalben ziehen sie die
Lnfft
gern an sich/ vnd werden zu oͤhl.
26. Der
Apologetischer Schrifften.
26. Der
cremor,
so auß den gebrandten Corallen durch das Wasser gezogen/ ist nicht vmb ein Haar besser/ als wann er auß einem
calce vivâ
waͤre gemacht worden/ ob er schon in etlichen Apotheken in geheimb gehalten wird.
27. Gebrandte Corallen/ Perlen/ Perlenmutter/ vnd andere Schneckenhaͤuser/ so wol diese so auß dem Meer als suͤssen Revieren kommen/ wann sie gebrand werden/ geben einen natuͤrlichen Kalck/ deme/ so von steinen gebrandt/ gantz gleich.
28. Das Zinn wird hart gegossen/ durch einen
Reg. Antimon.
dessen man vn- ter 12. theil Zinn einen theil
Regali
schmeltzet; mehr leydet es nicht/ wird sonsten zubruͤ- chig/ vnd laͤsset sich nicht arbeyten: Wann man auch nur 1. ℔.
Reg.
vnter 20. ℔. Zinn schmeltzet/ es hart genug wird: Es thuts auch der Zinck oder Sprauter immer so wol als der
Reg. Antimon.
vnd kostet keine muͤhe/ fleußt auch lieber als der
Reg.
29. Die weisse Glasuren werden gemacht von Bleyglett vnd Zinnafchen/ Kieß- ling vnd Pottaschen.
30. De Vitriol gibt dem
Spiritui Salis
keinen mangel/ wann er damit berey- tet worden.
31. Wann ein Metall vnter einer Muffel geroͤstet wird/ so gibt es einen
calcem
von schwerem wesen/ vnd keine
flores,
welche leicht sind/ vud durch die sublimation be- reytet werden.
32. Die
Essentia Vini
kan einen jedwedern vnzeitigen Wein in der fermentation auß krafft seiner Fewrigen Natur vnd Eygenschafft zeitigen/ vnd in einen lieblichen/ be- staͤndigen vnd guten gesunden Wein verwandeln; vnd ist zu solchem Werck nichts an- ders oder bessers zu finden.
34. Von diesem kuͤnstlichem Werck/ kan einer nicht mit ehren in der stille seinem Nechsten ohne schaden oder hindernus eine gute Nahrung haben.
35. Nach dem man das eine Fuder durch das ander verstaͤrcket/ so kan dasselbe sich nicht allein einem andern starcken vnd guten Weine gleich halten/ sondern auch verkaufft werden/ vnd auch thewrer als die 2. geringe oder saure Fuder.
36. Ist eine edle Kunst an solchen orthen zu gebrauchen/ da die Weine selten zei- tig werden/ sich nicht halten/ oder verfuͤhret werden koͤnnen.
37. Wann man Brandtenwein auß allerhand Fruͤchten machen wil/ so nimbt man fuͤr Korn/ was man wil/ es sey gleich Habern/ Gersten/ Rocken/ Weitzen/ Dinckel/ darzu/ weichet solche etliche tage mit suͤssem Wasser eyn/ legt es hinauß zu wachsen/ gleich wie man das Maltz zurichtet/ Bier darauß zu Brawen/ vnd wendet solches bey rechter zeit/ auff daß es nicht zu heiß werde vnd verderbe: Wann es nun wol außge- wachsen ist/ so thut solch gemaltzet Korn weit voneinander/ daß es bald kalt vnd nicht in sich sawer werde/ will man aber alsobald davon ansetzen/ so nimbt man so viel darvon als man distilliren wil/ kochet es so lang in einem Kessel mit Wasser/ bis das Korn auff- baͤrstet/ darnach schuͤttet mans in ein hoͤltzern Geschirꝛ/ laͤsset es lawlicht werden/ thut ein wenig junge Bierhefen darzu/ vnd machet es jehrend/ wann es genug gejohren
O o iij
hat/
Außgesetzte
Aphorismi
hat/ so in 2. oder 3. tagen auffs laͤngste geschicht/ so brennet oder distilliret man solches Korn in einem gemeynen Brennkessel zu Brandtenwein: Das jenige so im Kessel blei- bet ist dem viehe/ Ochsen/ Kuͤhen/ vnd Schweinen gut/ selbige darmit Feist zumachen/ ber uͤbergestiegene Brandtewein muß Rectificirt werden/ wie ein anderer/ vnd wird auff diese weiß viel lieblicher vnd wolgeschmackter/ als ein anderer Kornbrandtenwein.
38. Man kan auch wol das Korn nur schroten/ mit Wasser ansetzen/ vnd in ei- nem Kessel der in eim andern mit Wasser gefuͤllet stehe/ distilliren/ so brennt es auch nicht an. Das außgewachsen Korn gibt besser.
39. Wann man diesen Brandtenwein einem Weinbrandtenwein am geschmack will gleich machen/ so kan man solchen uͤber Weinhefen Rectificiren/ so erlanget er we- gen des
ol. vini,
so haͤuffig in der Hefen ist/ einen natuͤrlichen Weinhefen geschmack/ ist auch in allen dingen darfuͤr zunehmen vnd zugebrauchen.
40. Wann man wil/ so darff man das außgewachsene Korn eben nicht zuvor kochen/ ehe man es zu jehren anstellet/ sondern kan es nur also warm/ wie es vom hauffen kompt in eine Buͤtten mit laulechtem Wasser uͤbergiessen/ so faͤnget das Korn auß ey- gener krafft alsobalden an zujehren/ vnd darff keine Hefen solches damit zujehren zu- bringen oder anzusetzen/ gibt aber so einen lieblichen Brandtewein nicht/ als wann es zuvorn gekochet ist: In welchem kochen jhme dem Korn sein wilder geschmack benom- men wird/ welchen der Brandtewein sonsten behielte/ darzu gibt es auch mehr Brand- tewein/ wann das Korn durch das kochen bis auffs auffborsten vor der Distillation ent- schlossen worden.
41. Dis ist ein schoͤn vnd nuͤtzliches Stuͤck/ viel damit zugewinnen/ wann mans recht angreiffet/ vnd ins grosse thut.
42. Ein guter
Spiritus ardens,
er sey gleich von Wein oder Korn gemachet/ kan auff der See nicht vmbfallen/ dann keine Weine auff der See vmbfallen/ als diejenige/ da wenig
Spiritus
innen ist: Starcke Weine aber nimmermehr so leichtlich/ dann je mehr
Spiritus
in dem Getraͤnck seyn/ je saͤuberer der Getranck ist (es sey gleich Wein/ Bier oder Meth) vor dem Seewasser.
43. Ist der
Spiritus
im Wein der
Præservator
oder Schuͤtzer des Weins/ der doch mit einer grossen quantitaͤt Wassers vmbgeben vnd geschwaͤchet ist/ daß der Wein gut bleibet/ vnd solchen vor dem vmbfallen bewahren kan/ warumb solte er sich dann auch nicht selber schuͤtzen koͤnnen/ wann er mit vielem Wasser nicht geschwaͤchet ist/ son- dern seine voͤllige macht vnd staͤrcke hat.
44. Ein concentrirtes Leben kan ja vielmehr außstehen/ als ein außgelassenes oder außgetheiltes vnd geschwaͤchtes Leben.
45. Die guͤte des Reinischen Weins bestehet in seiner lieblichkeit/ vnd nicht in der staͤrcke.
46. Ein Frantzoͤsischer Wein ist viel staͤrcker/ als ein Reinischer/ aber nicht so lieblich vnd gesund/ deßgleichen ein Vngarischer/ Griechischer/ Italiaͤnischer/ Spa-
nischer/
Apologetischer Schrifften.
nischer/ ꝛc. auch staͤrcker/ aber beyweitem einem Reinischen an lieblichkeit/ guͤts vnd ge- sundheit nicht zuver gleichen/ ob sie schon vielmahlen staͤrcker seyn/ als der Reinische.
47. Obwohl ein starck Bier auch einen starcken Essig gibt/ so kan doch nimmer- mehr ein Weinessig darauß werden.
48. Zwischen Bier vnd Weinessig/ ob sie schon beyde starck sind/ ist eine grosse vngleichheit/ wann man beyde gegen einander probiret.
49. Zu einem auffrichtigen Weinessig gehoͤren diese zwo Proben; erstlich/ wann man denselben schuͤttelt in einem Probglaͤslein/ daß er alsobald wiederumb klar ist/ vnd keinen Schaum/ Gest oder Blaͤslein oben auff ligen laͤßt/ wie der Bieressig thut/ er sey gleich so starck als er wolle/ behaͤlt er doch solche art/ daß er schaͤumet wann er bewegt wird/ gleich als Bier/ davon er gemacht/ auch thut hergegen ein Weinessig kein blaͤs- lein sitzen lasset.
50. Die ander Prob ist/ wann man einen Weinessig kochet/ daß er je laͤnger je staͤrcker wird.
Ratio
ist diese; weilen ein natuͤrliche jhm angeborne Saͤurigkeit darinn ist/ so nicht volatilisch/ bey dem Bieressig aber seine Saͤure in einer volatilitaͤt bestehet/ vnd im kochen weg gehet; je laͤnget er kochet/ je schlapper er wird: dis seyn die zwo vor- nembsten vnd gewissesten Proben auff Essige.
51. Wann man in ein Tonn vngefehr 2. oder 3. gute handvoll Buch-rein gesieb- te Aschen mit ein wenig Bier anfruͤchtet/ vnd in das saure Bier schuͤttet/ wol vnterein- ander schuͤttelt/ 8. tag ligen laͤst/ so wird die Asche
ratione Salis,
so darinn ist/ die Saͤure in dem Bier zu Boden schlagen/ vnd das Bier wieder drincklich machen.
52. Es thut auch wol dieses/ wann das Bier nicht gar zu sauer ist/ wann man eine gute handvoll gesiebter Aschen in ein tuͤchlein bindet/ oben zum Spunden hineyn in das Bier haͤncket/ vnd allezeit darinnen hangen laͤsset/ bewahret vor Saͤure/ vnd darff man das Bier nicht bewegen vnd truͤb machen; Auch wann man etliche Hand- voll Weitzen in das Bier legt/ zeucht auch die saͤurigkeit an sich/ deßgleichen thuns auch Eyerschalen/ Krebsaugen/ Schneckenhaͤuser/ Seemuscheln/ gebrandter Kalchstein/ vnd dergleichen dinge/ so die saͤurigkeit gern an sich ziehen/ vnd in eine suͤsse verwandeln.
53. Die bereytung der
animæ
oder
quintæ Essentiæ vini,
so zu verbesserung der Wein zu gebrauchen/ ist eine solch herꝛliches vnd nuͤtzliches stuͤck/ dergleichen vielleicht niemand in 100. Jahren gewust hat.
54. Auß einem Ohm Hefen kan immer so viel nutzen oder mehr gemacht wer- den/ als auß einem Ohm guten Weins.
55. Dann auß der vnachtsamen Hefen nicht allein ein guter drincklicher Wein geprest kan werden/ der leichtlich zu Essig zu machen/ sondern es kan auch ein guter
Spi- ritus
davon distilliret/ vnd auß dem dicken der Weinstein gezogen/ vnd endlich der Rest zu Pottaschen gebrand werden.
56. Die
Animæ vini
wird also bereytet; Erstlich soll man eine gute Weinhefen/ die nicht in stinckenden Faͤssern gelegen/ sondern noch frisch vnd von gutem geschmack ist/
auß
Außgesetzte
Aphorismi
auß einer solchen Kuͤpffern
vesic,
nach dem gebrauch vnd
modo,
wie sie in dem
op. vegetab.
beschrieben/ auf daß die Hefen nicht anbrennen/ vnd das
oleum
stinckend von werde/ distilliren/ vnd fein starck vnd kochend/ darzu gute kuͤhlung gehoͤrt/ den
Spiritum
sampt dem
oleo
uͤbergehen lassen so lang vnd viele/ bis das uͤbergehende noch weiß- licht vnd truͤb gehet/ auch ein starcken Weingeruch hat/ darnach das zuruͤck gebliebene/ darinnen nur der Weinstein noch ist/ auß dem Kessel nehmen/ vnd nach meiner be- schreibung so zu Nuͤrnberg bey Herꝛn Endnern Gedruckt/ den Weinstein darauß zie- hen/ weiters frische Hefen in den Kessel thun/ vnd also darmit verfahren/ so lang vnd viel/ bis du ein gut theil uͤbergestiegen
Spiritus
vnd
olei
hast/ welchen
Spir.
du auß einer reinen verzinnten
Vesic
rectificiren/ vnd in der distillation viel Saltz zu dem
Spiritui
in den Kessel thun sollst; Wann nun der
Spiritus
uͤber/ so nimb den Rest auß dem Kessel/ las denselben in einen reinen kuͤpffern verzinnten Kessel stehen/ bis er kalt worden/ so wirstu oben auff schwimmen sehen ein gelb lieblich vnd starck riechend
oleum,
auch ein theil am Boden gefallen finden/ samble solches fleissig zusammen/ vnd bewahre es bis du dessen ein guten theil hast/ welches du hernach mit
Sp. Sal.
(wie solches in meinem
opere vegetab.
außfuͤhrlich gelehret wird) von seinem/ auß der Hefen vnd kuͤpffern Kes- sel gezogenen vnlieblichen geschmack reinigen must.
57. Will man solches
oleum
auß einem newen Wein zurichten/ welches in mei- ner
Pharmacop. Spag.
zumachen gelehret/ so kan man es auch thun/ vnd bekompt man ein lieblichers
oleum
als auß den Hefen.
58. Dieses reinen/ oder durch den
Spir. Sal.
rectificirten
olei vini
nimb ein theil/ vnd des allerstaͤrckesten
Spiritus vini oleo lisati
3. oder 4. theil: gieß beyde zusammen/ vnd schwencke sie ein wenig vntereinander/ so wird der
Spir.
sein eygen
oleum
in sich schlucken/ daß man solches nicht mehr sehen oder erkennen kan/ sondern auß beyden ein liebliche
Essentia
werden/ welches die warhaffte
anima vini
ist.
59. Mit dieser
Essentiâ
oder
animâ vini
sind alle geringe saure Weine/ an Staͤr- cke/ Farb/ vnd Geruch zu verbessern/ vnd Aepffel vnd Biernmoͤste/ wie auch ein Honig- wasser (wann jhme sein vnlieblicher geruch wie in dem
opere vegetab.
zu sehen) zu vorn benommen/ vnd es mit behoͤrlichem gewicht Weinstein/ versaͤuret worden/ zu bestaͤn- digen/ guten vnd wolgeschmackten taurhafften (einem guten Wein gleich) lieblichen Getraͤncken zuverwandlen moͤglich.
60. Man soll dieser
Animæ vini
vnter einen gantzen Ohm geringen Weins nur 1. 2. 3. Loth/ wegen des geruchs vnd geschmacks/ aber wegen der staͤrcke 1. 2. oder 3. Pfund reinen
Spir. vini
nehmen.
61. Wann ein Wein diese drey Tugenden vnd Eygenschafften hat/ als nemb- lich/ ein gute Farb/ lieblichen Geruch/ vnd annemblichen Geschmack/ so kan er fuͤr einen außbund vnd guten Wein bestehen/ welche drey Eygenschafften diese
anima vini
einem jedwedern geringem Wein vollkoͤmblich geben kan.
62. Ein guter lieblicher vnd annemblicher Weingeruch/ ist das beste an dem
Wein/
Apologetischer Schrifften.
Wein/ vnd macht ein vnterschied zwischen den Rheinischen vnd Frantzoͤsichen Weinen.
63. Diese
Essentia vini
muß den Weinen nach rechtem gewicht in der fermen- tation gegeben werden.
64. Nicht ein
Spir. vini,
sondern des Weins
oleum
(wie bey all andern vegeta- bilien allein der geruch in dem
oleo
versamblet zu sehen) dem Wein vnd andern Ge- traͤncken/ wie auch allen von Korn vnd Obs distillirten Waͤffern einen lieblichen Wein- geschmack geben kan.
65. Wann man einem Ohm Apffel oder Birn-Most/ auch 1. oder 2. Vntzen mit etlichen ℔.
Spir. vini
gibt/ vnd mit jaͤhren laͤßt/ so erlanget der Apffelwein durch den
Spir. vini
(wann es auch gleich nur ein
Spiritus
auß den zuruͤck gebliebenen außgepreß- ten Apffelhuͤlsen were) eine solche Staͤrcke vnd Krafft wegen des
Spir. ardentis,
vnd wegen der
animæ vini
einen solchen natuͤrlichen Weingeschmack vnd geruch/ als wann er am Rhein oder Mosel gewachsen were/ wird auch eben so gesund vnd annemblich zu trincken seyn/ als ein natuͤrlicher von Trauben gemacht.
66. Alle Puncten/ deren in dem
Miraculo mundi
gedacht werden/ seynd mit viel besserm nutzen/ durch huͤlff eines gemeynen Saltzes oder Weinsteins zuthun/ als mit dem Salpeter.
67. Es wird der gantzen Welt bald offenbahr werden/ daß ob mein
Nitrum
das wahre
solvens Universale
sey.
68. Der Wein/ so auß den Hefen gepreßt wird/ vnd der
Spiritus,
so in der di- stillation uͤbergehet/ seynd das geringste/ der Weinstein vnd liebliches Oehl aber das beste.
69.
Pan. Antimon.
Wann sie recht gebraucht wird/ purgiert nicht/ sondern thut Wunder in
Medicin.
70. Sie ist gut/ wann sie wohl pr
æ
parirt/ vnd das
menstruum universale
auß dem
Nitro
gehet/ vnd kan mehr außrichten/ als jhme noch jemahlen zugeschrieben worden.
71. Auß einem jedwedern Ohm vnachtsamer Hefen/ wann nemblich der Wein herauß gepreßt/ der
Spir.
uͤbergezogen/ der Weinstein vnd
Oleum
extrahirt/ vnd der Rest zu Pottaschen gebrand/ in 6. 7. 8. oder mehr Reichsthaler werth außzubringen/ vnd in grosser quantitaͤt/ also daß ein einiger Knecht wochentlich/ so er anders auch He- fen vnd bereytschafft hat/ in 100. Thaler gewinnen koͤnte/ welches die warheit ist/ wie wenig es gleich glauben moͤchten.
72. Alle Ertze/ vnd sonderlich ☉. ☽. ☿. vnd ♄. sind fuͤglich mit einem fixen Saltz zu schmeltzen/ vnd in guß zu scheyden.
73. Das gemeyne Saltz schmeltzet vnd scheydet die Metallen im guß gar nicht.
74. Alle Ertze/ sie halten gleich Schwebel/ oder nicht/ fuͤhren doch den Stein/ Berg/ oder Quartz darinnen das Ertz gewachsen; dann so sie deren keines fuͤhrten/ so koͤnte man solche nicht Ertz/ sondern Metallen nennen.
P p
75. Wei-
Außgesetzte
Aphorismi
75. Weilen bey allen Ertzen Zusaͤtze gebraucht werden sollen/ welche den groben ⚴. wie auch Berg/ oder Stein solviren/ vnd von dem Metall separiren/ so wird kein besserer fluß gefunden/ als ein
Sal fixum,
es werde gleich von Holtz/ Salpeter vnd Wein- stein gemacht/ welches Saltz einen jedwedern Stein/ vnd auch brennenden Schwebel im guß solvirt/ vnd zu Schlacken macht.
76. Wann die vnreinigkeit bey dem Ertz durch das
Sal fixum
solvirt/ so muß nothwendig das Metall so in dem Ertz gewesen/ sich davon scheyden/ vnd in einen Koͤ- nig fallen.
77. Wann
Lazarus
Ertzer gemeyn Saltz oben auff den fluß vnd Ertz zulegen befiehlet/ geschicht auch/ das Ertz damit fluͤssig zumachen/ (
NB.
Dann gemeyn Saltz weder Schwebel noch Stein angreifft vnd solvirt) sondern es geschicht allein vmb die- ser vrsachen/ nemblich dem fixen fluß zuwehren/ daß er nicht auß dem Tiegel lauffe im schmeltzen/ vnd durch das Saltz/ als ein
contrarium,
gegen den fluß darnieder gehal- ten werde.
78. Stein oder Kißling/ Sand oder dergleichen/ wie auch brennender
Sulphur,
werden durch huͤlff eines
Salis fixi
in ein durchsichtiges Wasser zumachen gelehret/
in secundâ parte fernorum.
79. Der Ofen davon im 2. Punct
Miraculi mundi
gedacht/ ist nicht allein zu guten ☉ vnd ☾ Ertzen fuͤglich zugebrauchen/ sondern auch sonsten zu vielen andern Chymisch
en
laboribus
sehr bequaͤm/ dann man nicht allein darinn schmeltzen/ abtrei- ben/ vnd roͤsten kan/ sondern man kan eimentiren calciniren/ reverberiren/
Metalla,
Stein vnd Ertze auff mancherley weise/ alles zugleich mit einem Fewer.
80. All dieweil der Salpeter auß vnachtsamen dingen leichtlich in
copiâ
zu zeu- gen/ wie im ersten/ zweyten vnd dritten Theil/ Deutschlandes wolfahrt weitlaͤufftiger zusehen/ so kan derhalben niemand sich außreden/ als wann dieser Proceß/ die fluͤchtige Ertze darmit zu zeitigen/ zu thewer fallen solte.
81. Ein Scheyd-arbeyt mit Salpeter vnd
Regulo
♁. welche in einer viertel stun- den geschehen kan/ ist dem abtreiben durch das Bley darzu schier ein gantzer tag gehoͤ- ret/ vorzuziehen.
82. Die Schlacken allein/ wann sie rechtmaͤssig reducirt werden/ geben mehr ☉/ als auß dem ☽ zuerlangen.
83. Diese Reduction geschicht auff den gluͤende Kohlen in einem Windoͤffelein/ wann nemblich solche Salpeter-schlacken eintzelecht darauff gestrewet werden/ so ver- brennt der Salpeter/ vnd macht zugleich auch mitverbrennen den groben ⚴ des ♁
nij,
dardurch er verbessert/ vnd guͤldisch wird.
84. Wann man/ im scheyden das ☉ vom ☽ die Granulirte/ vnd mit Schwebel gezinterte Silberne
Massam
mit dem zusatz des ♁. schmeltzet/ vnd mit Eysenfeylig die Koͤ- nige faͤllet/ daß man den Salpeter nur gar davon lasse. Dann wann man nit wol damit vmbgehen kan/ er die
Massam
hartfluͤssig macht/ darumb man solchen davon lassen kan/
weilen
Apologetischer Schrifften.
weilen die Koͤnige doch wol zufaͤllen/ wann schon kein Salpeter dabey gebraucht wird.
85. Wann man nicht gern mit dem ♁. vmbgehet/ oder den Salpeter sparen will/ die gefaͤllte Koͤnige damit rein zumachen/ so kan man der gezinterten Silber-
massæ
an statt des ♁. die helffte mit Schwebel gezintert Bley oder Glett/ zusetzon vnd schmel- tzen/ scheydet das ☉ eben so wol im guß von dem ☽/ als das ♁.
86. Es muͤssen aber diese Koͤnige/ so mit gezintertem Glett gemacht/ nicht in Tiegeln/ durch den Salpeter/ rein gemacht werden/ wie die jenige/ so durch huͤlff des
Antimonii
gefaͤllt/ sondern sie muͤssen auff Testen mit ♄ abgetrieben werden.
87. Wer aber mit dem ♁. wol vmbzugehen weiß/ der thut besser als mit ♄. dann das ♁. das ☉ vom ☽ leichter scheydet/ als das gezinterte Glett thut.
88. Das scheyden der Metallen durch das
Aqua-fort,
so allenthalben gemeyn vnd gebraͤuchlich/ ist sehr kostbahr: Dieweilen aber bishero Ihrer wenige gewesen/ wel- che das scheyden im guß sich vnterstehen oder versuchen doͤrffen/ Theils/ weilen sie ver- meynet/ solches vnmoͤglich zuseyn/ Theils haben die moͤglichkeit zwar angenommen/ aber wegen der manglung der handgriffe solches doch nicht werckstellig machen koͤnnen.
89. Daß nun dieser trockene
modus
viel nutzen bringen/ vnd gros Geld im schey- den erspahret werden kan/ koͤnte man bey solchen Bergwercken erfahren; da Wochent- lich ein tausend oder mehr Marck ☽ von ☉ geschieden wird.
90. Es koͤnte auch solches scheyden viel nutzen bringen/ in grossen Muͤntzen/ da- durch viel geschieden wird.
91. Wann das gezinterte ☽ mit gezintertem Glett/ an statt des ♁ geschmol- tzen wird/ so darff man die faͤllung der Koͤnigen nicht durch das Eysenfeylig ver- richten/ sondern mit Bleystaub/ so zwischen zweyen schuͤffeln/ oder in einem Malder durchs zwingen/ bereytet worden/ schicket sich besser zum abtreiben auff den Cupellen/ als wann die Koͤnige mit ♂ weren pr
æ
cipitirt worden/ welche so gern auff den Cu- pellen mit Bley nicht abgehen/ als wann sie mie Bleystaub gefaͤllet.
92. Wann man durch den Bleystaub dasjenige ☽/ so mit zusatz des ♁. geschmol- tzen ist/ pr
æ
cipitirt/ so lassen sich die Koͤnige eben so wol durch den Salpeter fein machen/ als mit Bley auff Testen.
93. Das Blackmahl/ davon das ☉ gefaͤllet/ wird hernacher auff Testen ins Bley getraͤnckt/ vnd abgetrieben/ so erlangt man beynahe alles ☽ wieder/ vnd wird den 100. Marcken ☽ kaum ein Loth abgangen seyn.
94. Gesetzet es giengen 3. 4. 5. oder 6. Loth ☽ ab/ so ist doch der
modus
im trucke- nen Weg nuͤtzlicher/ als der im nassen/ dann dieser abgang des ☽ kein abgang kan ge- nennet werden/ weilen derselbe nicht verlohren/ sondern au den Tiegeln hangen bleibt/ welcher hernacher durch gros schmeltzen wieder kan gefunden werden.
95. Die Pr
æ
cipitation geschehe durch Eysenfeylig/ oder aber durch Bleystaub/ so soll man zum Niederschlag mehr nicht als halb so viel Eysenfeylig/ oder Bleystaub nehmen/ als gros oder schwer der Koͤnig fallen soll.
P p ij
96. Wann
Außgesetzte
Aphorismi
96. Wann der Niederschlag oben auff in dem Tiegel/ auf die geschmoltzene
Mas- sam
gezettelt/ so soll derselbe mit einem gluͤendem eysern Haacken vnter geruͤhret werden/ aber nicht tieff/ sondern nur oben auff/ auf daß die faͤllung/ daß ☉ auß dem ☽. von oben an allgemach niederschlage.
27. Dann so man den Niederschlag mit dem eysern Haacken bis auff den bo- dem des Tiegels stracks vnterꝛuͤhren wolte/ so wuͤrde alles ☉ in dem Koͤnig nicht kom- men/ sondern noch etwas zuruͤck in der
Massa
bleiben; dann der eyserne Haacken allein niederschlaͤgt/ wann auch sonsten nichts anders gebraucht wuͤrde.
98. Was aber der eysern Haacken niederschlaͤgt/ das ist nicht so gut/ als dasje- nige/ so von oben herab/ durch das Eysenfeylig oder Bleystaub gethan ist.
99. Vnd soll dieses auch gemercket werden/ wann man die gezinterte ☽ durch das ♁. geschmeltzet vnd faͤllet/ wiewol die arbeyt auch verꝛichtet/ vnd alles ☉ auß dem ☽ gefallet worden/ so wird doch das uͤbrige ☽/ davon das ☉ gefaͤllet/ noch etwas weni- ges ☉ halten/ wann es abgetrieben/ oder fein gemacht ist.
100. Die vrsach dessen ist das ♁ welches alles ☽ guͤldisch macht/ wann es damit Tractiret wird/ also daß man durch huͤlff des ♁ ein jedweder ☽ darinnen sonsten gar kein ☉ ist/ guͤldisch machen kan.
101. Dieses wird allein darumb vermeldet/ daß/ wann etwan jemand dieses schey- den gebrauchen wolte/ vnd nach vollendetem scheyden/ wann alles wol daraus gefaͤllt/ das uͤbrige ☽ etwan noch wenig guͤldisch seyn wuͤrde/ derselbe nicht gedencken muͤste/ daß das scheyden nicht wol gethan/ vnd dieses ☉ von dem jenigen zuruͤck geblieben/ vnd nicht recht gefaͤllet were/ daß sonsten haͤtte sollen herauß kommen.
102. Es kan zwar auch geschehen/ daß auß vnfleiß etwas von dem jenigen ☉/ so in dem ☽ ist/ zuruͤck bleibt/ vnd nicht rein herauß kompt/ welches aber dem Laboranten/ vnd nicht dem Proceß zu zumessen ist.
103. Das gezinterte ☽ kan von anfang bis zum ende vollkomblich innerhalb 4. stunden gescheyden vnd gefaͤllet werden/ wann auch 50. der Marcken in dem Tiegel seyn solten.
104. Diß ist ein solches nuͤtzliches stuͤck/ darmit in kurtzem ein guter Nutzen zu machen/ da guͤldisch zu scheyden ist.
105. Wann das ☽ mit dem Niederschlag gefaͤllet/ vnd mit dem gluͤendem Haa- cken vmbgeruͤhret/ so ist es gar gut/ wann man auch die
Massam
mit dem Halbkopff beweget.
106. Der Halbkopff ist ein erden halbe Kugel/ welcher an einem krummen eysen Haacken faͤst gemacht/ vnd man zuvorn/ ehe man die
Massam
in dem Tiegel darmit bewegen wil/ in einem besondern Fewer gluͤend machen soll/ vnd alsdann damit in den Tiegel greiffen/ die
Massam
damit niedertrucken/ vnd solches zu 5. oder 6. mahlen wiederholen/ wordurch die gantze
Massa
in dem Tiegel bewegt/ vnd gleichsam schwap- pent wird/ vnd scheydet sich in diesem schwappen der ☉ Koͤnig desto besser vom dem ☽.
107. Dann
Apologetischer Schrifften.
107. Dann wann die
Massa
mit dem eysen Haacken zu offt oder lang beweget wird/ so frist die
Massa
immer ein theil von dem Haacken/ vnd macht den Koͤnig zu gros/ welches der Erden Halbkopff nicht thun kan.
108. Wann man in dieser Arbeyt etwan die ☉ Koͤnige zu groß gemacht/ so soll man dieselbe auffs new granuliren/ mit Schwebel zintern/ vnd mit ♂ oder ♄ faͤllen/ so kompt das ☉ enger zusammen/ also/ wann in 100. Marck ☽/ 100. 50. oder nur 25. oder 10. quint ☉ wehren/ so kan die helffte von dem ☉ fein herauß gefaͤllt werden; die andere helffte wird mit ☽ vermischt seyn/ welches man hernach mit
Aqua-fort
vollends scheyden/ oder aber bey ander ☽/ welches noch zu scheyden ist/ vermengen/ vnd darmit scheyden kan.
109. Dieses scheyden ist eine schoͤne lustige Arbeyt/ will aber fleissige Leuthe ha- ben/ die mit dem schmeltzen/ vnd faͤllen wol vmbzugehen wissen.
110. Diese herꝛliche Kunst koͤnte grossen nutzen bringen/ bey allen ☽ vnd ☉ Bergwercken/ oder grossen Muͤntzen/ dann viel allein am Scheydwasser dardurch er- sparet wuͤrde.
111. Wer mit solcher scheydung wol weiß vmbzugehen/ der kan auß jedwederm ☽/ das sonsten kein ☉ haͤlt/ auff diese weise ☉ heraus faͤllen/ welches durch ♁ oder
wann er guͤldisch ist/ hineyn gebracht wird.
112. Wer diesen Proceß thun kan/ der kan die andern all verstehen vnd nach- thun.
113. Das
Nitrum
hat macht alle Metallen particulariter zuverbessern.
114. Die Metallen wachsen in dem fixen
liquore Nitri \& silicum,
von welchem in 2.
parte fumorum,
in die hoͤhe/ spannen hoch/ den Kraͤutern oder Baͤumen gleich/ mit staͤmmen/ aͤsten vnd zweygen.
115. Man solvire Eysen
in Spiritu Salis,
vnd abstrahire den
Spiritum
bis auff die troͤckene wieder davon/ so bleibt eine rothe Fewrige
Massa
zuruͤck/ welche man in stuͤcklein zerbrechen soll/ einer Erbis oder Bohnen gros/ vnd solche
in liquore Silicum
legen/ so waͤchst in wenig stunden ein Baum daraus/ dunckel braun.
116. ☉ soll in ▽
R.
solvirt/ vnd also damit procedirt werden/ wie bey dem Ey- sen gelehrt ☽/ ♀/ ♄/ ♃/ koͤnnen in ▽ solvirt/ vnd obgeschriebener massen
in calces
ge- bracht werden/ gibt ein jeder Metall ein gewaͤchs nach seiner art; als ☉ gelb/ ☽ blaw/ ♀ gruͤn/ ♄ vnd ♃ weiß; ist eine schoͤne
speculation,
vnd gibt nachdenckens einem/ der
in Metallicis
laborirt/ hat auch feinen besondern nutzen.
116. Das ☉ ziehet auß dem Bley oder andern vnvollkommenen Metallen/ das guͤldische wesen zu sich/ vermehret sich vnd wird schwerer: wann sie miteinander in ei- nem behaͤb zugedecktem Tiegel 24. stunden in einem staͤtem vnd lindem Fewer stehen.
117. Wann die Faͤrber jhre schoͤne Farben mit Weinstein vnd Pottaschen ma- chen koͤnten/ wuͤrden sie gewißlich so ein gros Geld fuͤr das
Aqua-fort,
so sie haͤufflich verbrauchen/ nicht vnnuͤtzlich verliehren.
P p iij
118. Wahr
Außgesetzte
Aphorismi
118. Wahr ist es/ daß die
Salia fixa,
das Oehl vnd Wasser gern mit dem Kihn- ruß vermengen/ vnd einander gern annehmen machen/ wie solches bekant genug ist.
119. Wie das
Sal fixum
dem Kihnruß einen Ingreß macht/ daß er von dem Wasser gern angenommen wird/ also thut er auch bey dem Oehl. wann man nur ein Loth
Salis fixi
vnter ein ℔. Kihnruß mischet/ der Kihnruß desto ehender sich mit dem Oehl mischet vnd vereyniget.
120. Etliche Drucker gebrauchen zur jhrer Druckschwaͤrtze an statt des Kihnrusses/ eine schwartz gebrandte Weinhefen/ vnd befinden sie viel besser/ als der Kihnruß.
121. Diese giessen auff die schwartz gebrandte Weinhefen heiß Wasser/ vnd zie- hen das fixe Weinstein Saltz heraus/ gibt eine uͤberauß scharpffe Laugen/ damit sie jh- re Schrifft vom schmutz rein machen.
122. Das schwartze machen sie auff Ballen/ lassens trucken werden/ vnd gebrau- chens an statt des Kihnrusses jhre Druckerschwaͤrtz daraus zu machen.
123. Dieses thun sie darumb/ dieweilen diese schwaͤrtze weges des
Salis fixi,
so da- bey ist/ sich lieber mit dem Oehl mischet/ als der Kihnruß.
124. Der
Solution Lunæ
gehet kein eynige schwartze Farb vor/ kostet nicht viel; dann wann man 1. Loth ☽ in ▽ solvirt/ so gieß man ein gantz ℔. gemeyn ▽ bey/ dar- mit man im Faͤrben weit reychen kan/ gestalt ein gantzer Fuchsbeltz bestaͤndig Kohl- schwartz zu machen/ kaum ein Kopffstuͤck kostet.
125. Niemand ist genoͤhtiget/ seine schwaͤrtze auß dem ☽ zu machen/ es thuts ein gemeyner ☿ eben also.
126. Der Mist vnd Vrin/ vnd was diesem anhaͤngig/ ist eine vnreine
Materia,
welche von allen Narꝛen geschewet vnd verachtet/ hergegen von allen wahren
Philo- sophis
sehr
æ
stimiret wird.
127. Sie verachtens aber darumb/ weilen sie nicht wissen/ noch verstehen/ was grosse Krafft darinnen verborgen.
128. Die
Philosophi
ruffen alle/ daß das edle Perlein/ so wol die
particular,
als auch
Universal Medicin
in dem Mist muͤsse gesucht/ vnd darauß gezogen werden.
129. Es haben auch die alte
Medici
gewust/ daß viel gutes in den
Excrementis
verborgen/ dahero bey vielen Kranckheiten/ so wohl in- als aͤusserlich solchen Recom- mendirt.
130. Das edle
Universal
vnd
Particular
Perlein ist nicht auß der Thier oder Menschen Mist/ sondern auß solchem Mist/ der durch Kunst/ entweder auß Vegetabi- lien/ Animalien/ oder Mineralien bereytet wird/ zu extrahiren.
131. Salpeter kan auß dem
Urin
bereytet werden; wann er dann zu Salpeter worden ist/ als dann kan er Fruchtbarkeit bringen/ zuvorn aber/ ehe der
Urin
durch die zeit in der Lufft dahin gebracht worden/ ist er zum Tuͤngen gantz vntauglich/ verbrennet vnd toͤdet alles Gewaͤchs durch seine schaͤrpffe/ wo er hin kompt.
132. Das
Apologetischer Schrifften.
132. Dasjenige aber/ so
peralvum
gehet/ ist dem
Urin
gantz vngleich/ weilen es ohne eynige weitere verbesserung alsobald Fruchtbarkeit erwecket.
133. Die fettigkeit des Mistes oder der Excrementen/ bringt alleine den Wachs- thumb/ vnd der
Urin
gar nicht.
134. Dieser Mist/ davon die alte
Philosophi
so viel geschrieben/ ist ein solcher Mist/ wie er auß den Viehstaͤllen genommen/ vnd auff die Felder zum Duͤngen ge- braucht wird/ nicht/ sondern es muß ein solcher Mist seyn/ welcher nicht durch der Thier Maͤgen/ sondern durch die Kunst in ein solch Mistes gestalt/ verwandelt worden.
135. Man muß die alten Philosophen fuͤr so grob nicht ansehen/ als wann sie den gemeynen bekandten Kuͤh-Schaaff-oder Menschen-Mist zu jhrem grossen Werck ge- brauchet haͤtten.
136. Der Mist ist eine auffgeschlossen
Materia,
die sich handeln/ vnd jhre Kraͤff- ten von sich scheyden laͤßt.
137 Ein jedweder Kraut/ wann es verweset/ vnd zu Mist worden/ es geschehe gleich solche verwesung durch die Leiber der Thier in kurtzer/ oder aber durch die Fruͤchte Erden in langer zeit/ ist so gut zu Duͤngung der Felder/ als das ander/ welche Duͤngung dann anders nichts ist/ als eine rechte Medicin auff alle wachsende Erdfruͤchten/ selbige dardurch zu staͤrcken/ laben/ vnd bey guter gesundheit zu vnterhalten.
138. Den Vegetabilischen gewaͤchsen kan kein besser Artzney begebracht werden/ als eben ein verfault
Vegetabile,
oder stinckender Mist/ daraus das
Vegetabile
sein labsall/ staͤrcke/ vnd leben ztehet/ sich dardurch vermehret vnd fortpflantzet.
139. So man auß den Vegetabilien eine Mediein zu den Menschlichen Leibern bereyten wolte/ welches ohne vorhergehende Faͤulnus nicht moͤglich ist: so soll jhme doch niemand eynbilden/ daß diese Faͤulnus/ so in der Thieren leiber/ oder sonsten durch lange zeit an feuchten orthen geschehen/ zu diesem Werck tuͤchtig ein Mediein fuͤr Men- schen daraus zu machen.
140. Es soll vnd muß eine viel andere Faͤulnus vorgehen/ ehe die wahre
Essen- tia
von den vnnuͤtzen Huͤlsen separirt/ vnd extrahirt werden kan.
141. Es ist ein jedweder
Vegetabile, Animale,
oder
Minerale
innerhalb dreyer stunden lang zeit in einem reinen verschlossenen erden oder glaͤsern Geschirꝛ vmbzu- kehren/ vnd durch eine kuͤnstliche Faͤulnus in eine solche Subflantz zubringen/ welche an farb/ gestalt/ geruch/ vnd allem ansehen nach einem Menschen/ oder Viehkoth zuverglei- chen/ auß welcher dann hernacher ein Edle-Medicin fuͤr Menschliche Leiber leichtlich zu extrahiren.
142. Daher haben alte
Philosophi
jhre
Materiam,
zu jhrer Medicin dienstlich/ in dem Mist zu suchen gelehret/ aber keinen solchen Mist verstanden/ wie er von den Bawren zum Feldduͤngen gebraͤuchlich.
143. Daß sie aber jhre
Materiam
ein Mist genennet/ ist geschehen wegen der gleichnus oder gemeynschafft so dieselbe mit dem Viehemist hat/ dann selbige/ ob sie auß
Kraͤu-
Außgesetzte
Aphorismi
Kraͤutern/ Thieren/ oder Mineralien bereytet wird/ allezeit einerley gestalt/ geruch/ vnd farb/ vnd zwar eines Menschenkots mit sich bringt/ darumb sie dann auch Mist genen- net worden.
144. Dann kein
Vegetabile, Animale,
oder
Minerale
sein innerste beste krafft
Universaliter
herauß gibt/ wann es nicht zuvor einem stinckendem Mist gleich gemacht worden.
145. Weilen nun in dem bekanten Mist der Thier/ die beste Krafft in einem sul- phurischen Saltz/ davon die Vegetabilien jhre Nahrung/ Medicin/ oder Fruchtbarkeit haben/ bestehet/ vnd dann der
Philosophorum
jhr Mist jenem gleich seyn soll/ so muß auch nothwendig derselbe in einem solchem Saltz bestehen.
146. Dann die Krafft der Vegetabilien/ Animalien/ vnd Mineralien bestehet im geringsten nicht in dem gantzen Coͤrper/ sondern vielmehr in der
Animâ,
so in dem Coͤrper verborgen ist.
147. Obwohlen nun der reineste vnd wenigste theil des Coͤrpers ein Saltz ist: so ist doch solches Saltz noch grob/ vnd Terꝛestrisch/ vnd wohnet die wahre
Anima,
oder Lebenskrafft darinnen verborgen/ wie eine lebendige Seele vnsichtbar in des Menschen Coͤrper/ welcher durch fleiß vnd geschickligkeit muß herauß gezogen/ sichtlich vnd Cor- poralisch gemacht werden/ ehe daß etwas gutes in
Medicina
damit außzurichten.
148. Diese sehr kuͤnstliche vnd Philosophische vmbkehrung oder Faͤulnuͤß der Vegetabilien/ Animalien/ vnd Mineralien/ so innerhalb dreyer stunden lang verꝛichtet werden kan/ ist die jenige/ durch welche die alte vnd newe
Philosophi
zu gewuͤntschter Medicin gelanget/ vnd auch bis hieher in hoͤchster geheimb gehalten haben.
149. Wann ein
Vegetabile, Animale,
oder
Minerale,
auff diese
Secrete
weise auffgeschlossen/ so ist an der gestalt/ geruch/ vnd geschmack zwischen diesen dreyen kein vnterschied/ sondern das eine thut/ was das ander auch thut/ gleiche wuͤrckung/ so wol in
Medicinâ,
als auch
in Chymiâ.
150. Dann das Metallische nicht nur ein Medicin ist/
audern
Metallischen ge- schlechten/ selbige dardurch zu verbessern/ sondern es kompt auch zu huͤlff den Animali- schen/ vnd Vegetabilischen Kranckheiten/ Duͤnget eben so wol/ vnd macht Fruchtbar die Vegetabilien/ gleich wie ein gemeyner Mist/ der durch die Leiber der Thier/ oder durch ander Faͤulnus geworden.
151. Deßgleichen die jenige Medicin/ so auß den Vegetabilien auff diese gehey- me weise bereytet wird/ nicht allein den Krancken Vegetabilien/ oder Animalien/ son- dern auch den Metallen zu huͤlff kompt/ vnd
Universaliter
darinn wuͤrcket.
152. Ein
Vegetabile
laͤßt sich in ein
Minerale
verwandlen.
153. Wer innerhalb dreyer stunden ein jedweder
Vegetabile
oder
Animale
nicht vmbkehren kan/ daß es Mineralisch/ vnd einen Natuͤrlichen ⚴ dem gemeynen Mine- ralischen ⚴ gleich/ von sich giebet/ derselbige ist noch weit von etwas gutes.
154. Dann so ein
Vegetabile
oder
Animale
durch diesen obgedachten geheymen
Philo-
Apologetischer Schrifften.
Philosophischen weg vmbgekehrt wird/ dasselbe eben so wol ein jedweder ☽ faͤrbet/ als ein vmbgekehrtes Metall.
155. Obwohlen ein jedweder gemeyner Mist einen Salpeter fuͤhret/ welcher ein
Sal Universale
mag genennet werden/ so ist doch solcher gemeyner Salpeter der jenige gar nicht/ dessen hier gedacht wird/ sondern es ist gar ein ander Saltz/ welches gar weni- ge kennen.
156. Dieses
Salterræ universale
ist in allen Dingen zufinden/ aber nirgends bes- ser oder leichter
in copiâ
zuerlangen/ als auß den Vegetabilien/ gleichwol aber gar nicht durch verfaͤulung derselben/ noch viel weniger durch verbrennung.
157. Dann die Verfaͤulung langsam zugehet/ die Verbrennung aber das beste wegtreibet/ also daß von 100. ℔. Holtz kaum ½ ℔. Saltz in der Aschen bleibt/ welches Saltz doch noch bey weitem keine gemeynschafft hat mit dem vnserigen/ dessen viel ℔. in dreyen stunden/ ohne verbrennen oder verfaͤulen daraus zu ziehen.
158. Obwohlen Weltuͤndig genug/ daß ein jedweder faͤulnus zum Mist/ oder verbrennung zur Aschen/ das Erdreich Fett machet oder Duͤnget/ so ist es doch der rech- te Weg nicht/
in copiâ
etwas profitliches außzurichten/ dann/ wie gesagt/ das verfan- len gar zu langsamb zugehet/ vnd im verbrennen gar zu wenig uͤberbleibt/ vnd meyst al- les im Rauch hinweg gehet.
159. Vnd wann man gleich das Holtz auff diese weise verbrennen wolte/ daß der weg rauchende
Spiritus
nicht verlohren/ sondern behalten wuͤrde/ wie bey der kuͤnstlichen Holtzpressen zu sehen/ so wird doch der weniger theil erhalten.
160. Dann die bleibende Kohlen/ wann sie zu Aschen verbrennen/ zu nichte ge- hen/ vnd der Edle
Sulphur
verbrennet darinnen/ welches nicht seyn soll/ sondern mit zu einem Saltz/ weilen er die beste substantz des Holtzes ist/ werden muß/ vnd daß also dem Kraut/ Holtz/ oder dergleichen
Vegetabile
in dieser Faͤulnus nichts/ als allein seine Feuchtigkeit entgehe; der gantze Rest aber behalten/ vnd zu einem Edlen fruchtbrin- genden Saltz bereytet werde.
161. Hinter dieser vmbkehrung oder Philosophischer Faͤulnus stecket ein grosses geheymnus/ welches von den Alten mit grossem fleiß verborgen vnd Secret gehalten worden.
162. Diese art alle ding zur Faͤulnus zu bringen/ gehet allen andern bevor.
163. Etliche ding/ so wol vnter den Vegetabilien/ Animalien/ als Mineralien/ begeben sich gar schwerlich in die
putrefaction,
vnd etliche lassen sich gar nicht/ weder durch Kunst/ noch durch gewalt/ wiederumb erweichen/ oder putrificiren.
164. Als zum Exempel/ bey den Vegetabilien ein Holtzkohl/ bey den Animalien ein gebrand Beyn oder Knochen/ vnd bey den Animalien Metallen das feine ☉.
165. Durch diese weise aber seynd diese Stuͤcke in dreyen stunden ohne abgang dahin zu bringen/ daß ein sulphurischer
liquor
daraus wird.
166. Die Kohlen bleiben so wol
in aquâ forti,
als
aquâ Regiâ
bestaͤndig.
Q q
167. Ist
Außgesetzte
Aphorismi
167. Ist also ein gemeyn Holtzkohlen so wol im Fewer als Wasser/ vnd allen Corꝛosiven bestaͤndiger/ als das beste feine ☉.
168. Dennoch kan sie innerhalb drey stunden lang zeit in einen solchen
liquo- tem
putrificirt werden/ daß sie durch ein Papier laufft/ gibt ein wunderbarliche
Solu- tion
uͤberauß grosse kraͤfften/ so wol
in Medicinâ
als
Alchymiâ.
169. Dann dieser
liquor
ein jedweder fein ☽ alsobalden verguͤldet/ auch nicht allein die geringe Metallen/ sondern auch die vollkommene/ als ☉ vnd ☽ in sich schlu- cket/ wie im gemeynen Wasser ein gemeyn Saltz.
170. Wann solches geschehen/ hat man eine wunderbarliche
Solution,
damit so so wol
in Alchymiâ,
als
Medicinâ
wunder dinge außzurichten.
171. Die Holtzkohlen/ obwohl sie jhre gruͤne durchs Fewer verlohren/ so erlangen sie dennoch solche vollkomlich wieder in der
putrefaction,
also daß der
liquor
grasgruͤn davon wird.
172. Dieser grasgruͤne
liquor
ist an sich selber eine grosse Medicin/ ein recht vmbgekehrtes Fewer/ oder coagulirte Sonnenstrahlen.
173. Vnd weilen er gantz Fewrig/ ist er von den Alten der gruͤne Loͤw genand worden/ so aber dem hungerigen gruͤnen Loͤwen/ die klare Sonn vorgeworffen wird/ so verschlucket er dieselbe im Augenblick/ vnd wird wunder stoltz davon.
174. Wann dieser Loͤw hernacher nur mit rechtmaͤssigem Fewer bis zum voll- kommenem alter gespeiset wird/ alsdann ist sein Blut ein Artzney fuͤr alle vnheylbare Kranckheiten.
175. Durch diese geheyme
putrefaction
koͤnnen wunderliche dinge zuwegen gebracht werden.
176. Ein einiges ℔. vmbgekehrtes
Vegetabile, Animale,
oder
Minerale
besitzet mehr Medicinalische Tugenden vnd Kraͤfften/ als sonsten des ohnuͤmbgekehrten et- liche 100. Pfunden.
177. Weilen so wol das vmbgekehrte
Vegetabile,
vnd
Animale,
als
Minerale
an Tugend/ Krafft/ Gestalt/ Farb/ Geruch/ vnd Wuͤrckung/ einander gantz gleich/ also kan ein solches Saltz billich das wahre
Sal Mundi Universale
genennet/ vnd auch dafuͤr gehalten werden.
178. Wann ein
Vegetabile, Animale,
oder
Minerale
sich von etwas vermehren oder verbessern soll/ so muß es beynahe seines gleichen seyn/ auff daß es dasselbige gern annehme/ vnd nahrung darauß ziehe.
179. Der Vegetabilien nahrung/ vermehrung/ oder beste Mediein seynd verfaul- te Vegetabilien/ dann vnverwest koͤnnen sie nichts helffen/ wann sie auch viel Jahren trucken vnd vnverwest bey jhnen ligen solten/ wann sie aber verwest beygethan werden/ alsdann die Wurtzel der Vegetabilien auß den verwesten oder versaͤulten Vegetabi- lien jhre nahrung oder vermehrung zihet/ daraus zunimbt/ wachset vnd sich multi- pliciret.
180. Es
Apologetischer Schrifften.
180. Es sey nun gleich die verwesung in der Animalien Leiber geschehen/ oder sonsten durch Kunst dahin gebracht/ ist dem
Vegetabili
gleich viel/ wann es sich davon nehren oder Multipliciren kan.
181. Eben also ist es mit der Animalischen Nahrung vnd vermehrung zuverste- hen/ wann dieselbe sich nehren/ vermehren vnd wachsen sollen/ jhnen etwas muß ge- ben werden/ davon sie nahrung vnd vermehrung zihen koͤnnen/ es seyen gleich Vegeta- bilien oder Animalien solche zuvorn/ wann sie grob seyn/ durchs Fewers huͤlffe/ gekocht/ gebacken/ gebraten/ oder in eine solche Substantz bereytet/ daß sie von dem Magen koͤn- nen angenommen/ behalten/ vnd vollends dahin digerirt oder putrificirt werden/ auff daß das
Animale
seine Nahrung oder vermehrung daraus zihen moͤge.
182. Geben also die verfaulte tode
Vegetabilien
den wachsenden lebendigen jh- re beste nahrung vnd Medicin.
183. Daß aber die verweste Animalien/ eben so wol vnd noch besser als die Ve- getabilien/ der Vegetabilien nahrung/ speise vnd vermehrung seyn koͤnnen/ ist zwar nicht jederman/ doch sehr wenigen bekand/ aber gar nicht im gebrauch.
184. Daß aber die vmbgekehrte Metallen vnd Mineralien den Vegetabilien auch eine nahrung vnd besser Medicin/ als die Vegetabilien vnd Animalien/ seyn sol- ten/ ist niemand bekand als allein denen/ welche in der Natur wol erfahren.
185. Deßgleichen Nutriren vnd Multipliciren so wol die Vegetabilien/ als Ani- malien (bekanter weise) die Animalien.
186. Daß aber die
Mineralia
solches auch thun/ ist noch wenigen bekant.
187. Eben also vnbekant ist es geblieben/ bis auff diese stund/ vnd wird auch so bald nicht gemeyn werden/ daß sich die Mineralien von den Vegetabilien vnd Anima- lien/ nehren vnd vermehren solten.
188. Daß aber solches wahr sey/ findet man verdeckter weise bey den wahren
Philosophis
genugsam beschrieben.
189. Dann so ein Medicin/
Universale
soll genennet werden/ so muß si auch noth- wendig
Universaliter
Wuͤrcken/ sie sey gleich bereytet/ worauß sie wolle/ vnd den Ve- getabilien/ Animalien vnd Mineralien zu huͤlffe kommen/ solche speisen/ nehren vnd vermehren/ oder so sie dieses nicht thut/ auch des nahmens
Universale
nich wuͤrdig ist.
190. Ob schon bekant/ daß die
Animalia
kraͤfftiger als die Vegetabilien/ vnd die
Mineralia
maͤchtiger als die Animalien/ so werden doch die Vegetabilen am sicher- sten gebraucht weilen sie ehender vnd leichter dahin zu verwandeln/ daß sie
Universali- ter
nehren vnd vermehren.
191. Laͤst man zu/ daß die Animalien den Vegetabilien eine bessere speise vnd vermehrung als die Vegetabilien selbsten seyn koͤnnen/ so muß man auch zulassen/ daß die
Mineralia
noch eine bessere oder allerbeste darzu seyn muͤssen.
192. Wann man die
Vegetabilia
durch
Vegetabilia
Mistet oder Duͤnget/ so
Q q ij
kan
Außgesetzte
Aphorismi
kan solchte tuͤng nur etliche Jahren wehren/ das erste Jahr ist sie am kraͤfftigsten/ das ander schon geringer/ das dritte noch geringer/ vnd so fort an.
193. So aber die Duͤngung durch Animalien geschicht/ als Beiner/ Hoͤrner/ Klawen/ Wollen/ Haut/ Haar vnd Fleisch der Thier/ so kan sie noch einmal so lange wehren vnd gegen halten als die Vegetabilische/ welches niemand wiederꝛeden wird.
194. Vnd so man die Vegetabilien als Korn/ Wein/ vnd alles Kraut vnd gras mit Mineralien als einem Sulphurischem Saltz/ Duͤnget/ so bleibet solche Duͤng gern 3. oder 4. mahl laͤnger als die Vegetabilische oder Animalische; welches/ obwohlen es noch zur zeit bey dem gemeynen Mann vnbekant/ auch bey den Alten
Philosophis
vmb gewisser vrsachen willen allzeit in hoͤchster geheimb gehalten worden; dannoch bey die- sen letzten Zeiten/ vnd grundsuppen der boͤsen Welt/ (darinn alle heimlichkeiten offen- bahr werden sollen) mit der zeit vollends herauß kommen vnd bekant werden wird.
195. Die Mineralische fettigkeit ist der Erden fruchtbarer als die Vegetabilische.
196. Alle wachsende dinge sind an denen orthen/ da etwan die Erden mit Berg- wachs/ Steinkohlen/ oder dergleichen Fettigkeit impr
æ
gnirt ist/ sehr wolgeschmackt/ vnd kraͤfftig.
197. In gantz Deutschland ist kein wolgeschmackter Fleisch der Thier als vmb Luͤttig/ da der grund allenthalben voll Bergwachs/ Steinkohlen/ oder dergleichen Mi- neralischen fettigkeiten erfuͤllet/ zufinden.
198. Von solcher Fettigkeit hat das Gras seine nahrung/ vnd wird also durch das Gras dem Vihe beygebracht.
199. Die eynfache Mineralische kraͤfften seynd doppelte Vegetabilische kraͤfften.
200. Die Vegetabilische aber in die weite zerstrewte Mineralische kraͤfften.
201. Gleich wie nun die
Animalia
den Vegetabilien in kraͤfften vorgehen.
202. Also gehen auch die Mineralien den Animalien vnd Vegetabilien vor.
203. Dann bey den Mineralien aller Vegetabilien lieblicher geruch/ anmuͤtiger geschmack/ vnd alle farben vollkomblich zu finden.
204. Wie dann solche Farben/ Geruch/ Gschmack/ vnd Tugenden/
realiter
darauß zu bringen/ vnd
ad oculum
zu demonstriren/ wann man allein solche Magne- ten leget/ welche attrahiren/ vnd das verborgene sichtbar machen.
205. Nach deme der Magnet ist/ nach deme zieht er auch an sich/ vnd nur seines gleichen/ vnd sonsten nichts anders.
206. Wann ein Mensch oder ein ander
Animale,
von dergleichen Vegetabi- lien/ (welche auß dem
Sale Sulphurato
gewachsen) sich nehret/ oder speiset/ wachset/ zu- nimbt/ vnd sich verm ehret; warumb solte dann gedachtes
Sal Sulphuratum,
davon sich die Vegetabilien vnd Animalien nehren vnd vermehren/ nicht auch seines gleichen/ die Metallen vermehren vnd verbessern/ oder jhnen eine
Medicina Universalis,
(wie den Vegetabilien vnd Animalien) seyn koͤnnen?
207. Kan ein
Minerale
(als dieses
Sal Sulphuratum
) zu einem
Vegetabile,
vnd
Anima-
Apologetischer Schrifften.
Animale
werden/ selbe in jhrer natur vnd wesen vermehren/ warumb solte es dann auch nit die Metallen vermehren oder verbessern koͤnnen? Dann hierauß allbereyt genugsam erwiesen/ daß auß den Mineralien/ Vegetabilien vnd Animalien werden. Warumb solten dann auch nicht auß den Vegetabilien (die Animalien vnd Mineralien) vnd auß den Animalien (die Vegetabilien vnd Mineralien) zu machen seyn?
208. Ist also ein jedweder
Vegetabile Animale,
oder
Minerale,
wann es
ad primam Materiam, id est, Sal Sulphureum,
gebracht worden/ bequaͤm darauß zu ma- chen was man selber wil.
209. Nicht der gemeyne/ noch der auff eine
Secrete
weise verfaulte Mist/ son- dern das darinnen verborgen
Universal
Saltz/ laͤst sich verwandeln/ vnd verwandelt oder verbessert auch andere dinge.
210. Hierauß ist genugsam zu sehen/ daß grosse heimlichkeiten in dem verachte- tem Mist verborgen.
211. Auß einem
Vegetabili,
wann es durch die Spagirische kunst vmbgekehrt wird/ kan es nicht allein seines gleichen den Vegetabilien sondern auch den Animalien vnd Mineralien/ ein Medicin vnd verbesserung seyn.
212. Dahero beweißlich/ daß in einem stinckendem Mist/ oder verfaultem Gras oder Kraut/ ein
Universal
Medicin verborgen.
213. Es ist moͤglich/ auß den Vegetabilien die hoͤchste
Universal
Medicin/ auff Menschen vnd Metallen zu bereyten/ im Nothfall.
214. Sonsten ist noch ein anderer naͤherer Weg hierzu.
215. Dann die Vegetabilien besser vnd lieber mit den Vegetabilien/ die
Anima- lia
mit den Animalien/ vnd
Mineralia
mit Mineralien sich pahren/ vermehren/ oder multipliciren/ als die Vegetabilien mit den Mineralien/ oder Mineralien mit den Ve- getabilien thun.
216. Das Vegetabilische Reiche kan mit dem Mineralischen in Freundschafft vereiniget werden.
217. Wird derohalben nochmahlen mit wahrheit vnd gewisser Experientz gesagt/ wann ein
Vegetabile,
oder
A
nimale,
durch die wahre Kunst in sein erstes Wesen wie- der zuruͤck gebracht wird/ daß es einem zuruͤck
ad primam materiam
gebrachtem Me- tall in allen dingen gleich seyn wird.
218. Allein der Salpeter welcher auß den verfaulten Vegetabilien kompt/ ist zeugnus genug/ daß auch in dem gemeynem faulem Mist etwas den Mineralien gut/ verborgen stecke.
219. Der brennende Sulphur aber/ welcher einem Mineralischen Sulphur gantz gleich ist/ vnd innerhalb wenig stunden lang zeit auß einem jedwederem
Vegetabi- li
zu bereyten/ bezeuget solches vollkomlich.
220. Wer nicht weiß noch verstehet/ was in dem verachtetem (das ist/ zuruͤck ge- brachten Vegetabilien/ Animalien/ vnd Mineralien) stecket/ der darff sich keiner wahren
Q q iij
Philo-
Außgesetzte
Aphorismi
Philosophy ruͤhmen/ sondern weiß so viel davon zu sagen als der Blinde von Farben.
221. Das
Sal Essentiale Universale
ist so wol in den Vegetabilien vnd Anima- lien/ als Mineralien zu finden.
222. Vnd dieweilen die
Vegetabilia
vnd
Animalia
noch so hart nicht verschlos- sen/ als die
Mineralia,
desto leichter ist darzu zugelangen.
223. Dann alle Vegetabilien geben ohne zuthun oder huͤlfe der Animalien ei- nen guten Salpeter/ vnd die Animalien ohne zuthun der Vegetabilien vnd Minera- lien/ geben solchen auch.
224. Eben also kan auch auß den Mineralien/ (als Saltz vnd Schwebel) ohne einiges zuthun/ oder huͤlfe der Vegetabilien/ oder Animalien ein guter Salpeter berey- tet werden.
225. Es stecket auch der Salpeter in aller Erden/ Lufft/ Wasser vnd Fewer verborgen.
226. Die 3. vnterschiedene Reiche der grossen Welt/ als das Vegetabilische/ Ani- malische/ vnd Mineralische/ seynd so weit nicht von einander/ daß sie nicht in Natur vnd Wesen einander solten koͤnnen gleich werden.
227. Dieweilen wir das jenige/ davon wir herkommen/ darinnen wir leben/ da- von wir vns ernehren vnd vnterhalten/ dareyn wir wiederumb verwandelt werden/ nicht erkennen/ noch begreiffen/ was darhinder verborgen stecket/ nichts wollen noch be- gehren zu wissen/ sondern auß Hochmuth verachten; so bleiben vns die grosse
Secreta
der Natur verhorgen.
228. Die
Vegetabilia, Animalia,
vnd
Mineralia
muͤssen durch einen kunstlichen Magen zu Mist verfaulet/ oder
ad primam materiam
(auß welcher ein Medicin auff Menschen vnd Metallen zuverfertigen) zuruͤck gebracht werden.
229. Eine solche zuruͤck bringung aller dingen
ad primam materiam,
ist einem erfahrnem
Chymico,
in wenig stunden zu thun moͤglich.
230. Wird nochmahlen gesagt/ wann ein hartes compactes Metall wieder zu- ruͤck
ad primammateriam
(darzu viel zeit/ muͤhe/ vnd kosten gehoͤrt) vnd ein
Vegetabile
(innerhalb dreyen stunden) auch so weit gebracht wird/ das beyde alsdann/ einerley ge- ruch/ geschmack/ gestalt/ krafft vnd wurckung
in Medicinâ
haben.
231. So man aber auß der
primâ Materiâ Vegetabilium
Metallische gestalten herfuͤr bringen wolte/ so muͤste auch ein Metallischer Saame dareyn gesaͤet werden/ vnd nach art des Saamens alsdann auch ein Metallisches
augmentum
oder
multi- plication,
erfolgen wuͤrde; dann was man saͤet/ dasselbige man auch eynerndet.
232. Es wachsen auß einer Erden/ neben einander vielerley art vnd geschlechten der Kraͤuten als suͤß/ saur/ bitter/ scharpff/ kalt/ hitzig/ gruͤn/ gelb/ roth/ vnd allerley far- ben/ geschmacken/ gestalten/ vnd kraͤfften allein auß einem verfaultem vnd
in primam materiam
zuruͤck gebrachtem
Vegetabili.
233. So aber die Mineralien oder Metallen darauß solten multiplicirt wer-
den/
Philosophischer Schrifften.
den/ welches gar wol moͤglich/ so muͤste solche multiplication nicht geschehen/ wie bey den Vegetabilien vnd Animalien/ sondern allein das reineste sulphurische Saltz der Vege- tabilien (welches gemeynschafft mit den Mineralien hat) von den vnnuͤtzen
fecibus
ge- schieden/ vnd ein Metallischer Saame dareyn gesaͤct werden.
234. Als dann der Metallische Saame/ einem Vegetabilischen gleich/ sich daraus nehren vnd vermehren koͤnte.
235. Die
prima materia
der Animalien ist kraͤfftiger als der Vegetabilien/ der Mineralien aber am aller kraͤfftigsten.
236. Vnd wann die
primæ materiæ
dieser dreyen Reichen/ als Vegetabilien/ Animalien/ vnd Mineralien gegen einander gehalten werden/ sind dieselbe an geschmack vnd tugend einander nicht vngleich.
237. Doch die Animalische den Vegetabilischen/ vnd die Mineralische den Ani- malischen etwas vorzuziehen.
238. Dann der Animalien
Sal essentiale universale
viel schoͤner als der Vege- tabilien vnd der Mineralien noch schoͤner vnd hoͤher an der Farb gefunden wird.
239. Obwohlen die
prima materia Vegetabilium
schoͤn roth vnd gelb von Far- ben erscheinet/ so kan doch durch oͤffter solviren vnd coaguliren solche Farb an dem
Sale Essentiali
geschieden werden/ daß das Saltz schoͤn klar vnd weiß wird/ wie ein gemeyner gelaͤuterter Salpeter anzusehen.
240. Die
prima materia Animalium
aber laͤst seine roͤthe gar nicht gehen/ wie man gleich damit vmbgehen wuͤrde/ sondern behaͤlt dieselbe/ vnd schießt zwar auch stra- licht an wie ein Salpeter aber nicht weiß/ sondern schoͤn goldgelb/ hoͤher an Farb als ein Vranien-Apffel/ welches lustig anzusehen ist; bevor wann dieselbe nicht von fleisch der Animalien/ sondern von den Haaren/ Klawen/ Hoͤrnern/ oder dergleichen
superfluis naturæ
bereyt worden.
241. Dann allezeit in dem
superfluo naturæ
mehr Krafft befunden wird als in der Natur selbsten; Wie zu sehen bey einem Baum/ welcher an kraͤfften vnd tugenden dieser Erden/ daraus er gewachsen/ weit vorgehet.
242. Wann jemand ein gute Medicin auß den Animalien bereyten wil/ so neh- me er kein Fleisch oder Blut/ sondern nur die Haar/ Hoͤrner/ Zaͤhn/ vnd Klawen/ als
su- perflua
des Fleisches vnd Blutes.
243. Ein Pfund Haar oder Hoͤrner Duͤnget mehr/ als sonsten 10. Pfunden des besten
Vegetabilis
nicht thun koͤnte.
244. Auß einem Pfund Haar der Animalien/ ist innerhalb dreyen stunden bey- nahe ein halbes Pfund
Salis Essentialis
zuerlangen/ einem gemeynem Salpeter gleich an zusehen/ doch hoch von Farben/ deme kaum das Gold an schoͤne zuvergleichen/ dann ein einiges Loth dieses Saltzes ein grosse quantitaͤt Wassers goldgelb Faͤrben kan.
245. Also einen hochgradirten
Sulphur
das
Sal Essentiale Animalium
fuͤhret/ welches wenigen bekand ist.
246. Was
Außgesetzte
Aphorismi
246. Was nun dieses Saltz fuͤr Kraͤfften besitze/ kan jeder leichtlich erachten.
247. Ein solches Edle guͤldische Saltz erlanget man allein durch ein Secretes Philosophisches Fewer welches die
Principia
gar nicht zerstoͤret/ sondern dieselbe ge- saͤmptlich rein von jhren
fecibus
scheydet.
248. Die Natur ist gar reich von Schaͤtzen/ es kompt aber niemand darzu/ es sey jhme dann eine Thuͤr geoͤffnet/ ohne welche er nur die aͤussere Huͤlsen/ den innern Kern aber nimmermehr zu sehen bekompt.
249. Daher ein solches Goldfarbes
Sal Essentiale Animalium
viel mehr thun kan als ein
Sal Essentiale Vegetabilium,
nicht allein in Duͤngung der Vegetabilien/ sondern auch
in Medicinâ,
bey den schwachen Menschlichen Coͤrpern.
250. Es wird kein einiges
Subjectum
weiter vnter den Vegetabilien/ Anima- lien/ oder Mineralien gefunden welches alle ding lieber wachsen macht/ als ein
Essen- tiale
von den Haaren des Menschen oder anderer Thieren bereytet.
251. Welche durch eine besonder Secrete weise vmbgekehrte Haar/ oder Gold- gelbes schoͤne
Sal Essentiale,
leichtlich fuͤr eine der groͤsten Medicin aller Vegetabilien/ vnd Animalien zuhalten wehre.
252. Wiewohl in andern
Vegetab. Animal.
vnd Mineralien auch grosse Kraͤff- ten verborgen seyn.
253. Die vnzeitige Weine im Faß zu zeitigen/ geschicht also: Man rectificirt ei- nen
Spiritum Vini,
oder nur Hefen-Brandtenwein
per se
aufs beste/ daß er fein starck werde/ denselben gieß man hernach auff einen weiß gebrandten Weinstein/ oder nur ge- brandte Weinhefen: ist des
Spiritus
viel/ so muß man auch viel calcinirten Weinstein dareyn thun/ nemblich auf ein jedweder ℔.
Spiritus,
4. Loth gebraͤndten pulverisirten Weinstein/ vnd als den noch einmal in einem kleinen Kesselein uͤbergezogen/ so nimbt der Brandtewein von der gebrandten Weinhefen/ oder Weinstein eine sonderliche staͤrcke zu sich/ vnd wird gantz Fewrig werden.
254. Dieses starcken Brandteweins/ thut man so viel in den Newen-jaͤhrenden Most/ als man will.
255. So man viel dareyn thut/ so wird auch der Wein desto staͤrcker; doch soll man auch nicht gar zuviel hineyn thun/ auff daß der Wein wol jaͤhren koͤnne; dann so der Wein nicht jaͤhren thaͤte/ so wuͤrde man an dem Weinschmacken/ das Brandte- wein dareyn kommen wehre/ vnd wuͤrde vnlieblich davon seyn.
256. Zu einem jedwedern Franckfurter Ohm/ als vngefehr 120. gemeyner mit- telmaͤssigen Kannen/ soll man vier Maß dieses starcken
Spiritus
nehmen/ so erlangt der saure Wein staͤrcke genug daß er fuͤr einen guten Wein passiren kan/ vnd zeitiget also die- ser Fewrige
Spiritus
den vnreyssen Wein in dem Faß/ daß ein edler/ gesunder/ lieblicher/ vnd bestaͤndiger Wein darauß werde.
257. Nimbt man zu einem Ohm weniger als vier Maß dieses
Spiritus,
so bleibt der Wein auch geringer.
258. Vnd
Apologetischer Schrifften.
258. Vnd so man auff ein Ohm newen Wein 6. oder 8. Maß starcken
Spiritus
nehme/ vnd darmit jaͤhren/ so wuͤrde der Wein auch zweymal so starck/ vnd staͤrcker als man jhn drincken koͤnte.
259. Solche uͤberstarcke Weine koͤnte man gebrauchen/ andere alte verschlage- ne matte Weine darmit zuverstaͤrcken/ wann nemblich von diesem uͤberstarcken Wein/ ein halb Ohm/ auff einen gantzen Ohm geringen Wein gethan wuͤrde.
260. Koͤnnen also durch huͤlffe eines solchen
Spiritus
nicht allein die newe Wei- ne verbessert/ sondern auch die alte geringe Weine wieder erfrischet/ vnd verbessert weiden.
261. Dieses muß man also verstehen/ daß in Herbstzeiten alle geringe Weine verstaͤrcket werden/ wann man den
Spiritum
jaͤhren laͤst/ die alten Weine aber koͤnnen also/ vnd auff diese weise nicht verstaͤrcket werden/ weilen dieselbe nicht jaͤhren/ vnd oh- ne das jaͤhren soll man keinen
Spiritum
vnter die Weine thun/ dann nichts gutes darauß wird.
262. So man aber die alte schlechte Weine staͤrcker machen vnd verbessern wolte/ so muͤßte man solches mit einem verjohrnen uͤberstarck gemachten newen Wein (darunter mehr
Spiritus
im jaͤhren kommen/ als in einen solchen/ den man also drincken wolte) verꝛichten.
263. Auff diese weise kan man alle Jahr zu Herbstzeiten die newe Weine ver- bessern/ vnd auch ein theil newer Weine uͤberstarck machen/ damit man die alte gerin- ge Weine hernach durch das gantze Jahr verbessern kan.
264. Vnd dieses Saltz/ davon der starcke Brandtewein abgezogen/ kan man wieder außgluͤen/ ist wieder so gut/ als es zuvorn gewesen/ vnd kan also zum oͤfftern zu solcher arbeyt gebraucht werden/ also daß diese verstaͤrckung der geringen Weinen gar wenig kostet/ vnd doch viel gutes damit außgerichtet werden kan.
265. Dann alles was zu dieser verbesserung gebraucht wird/ man selber/ nemb lich den
Spiritum
auß der Hefen/ vnd kan man solche Hefen nicht besser anbringen/ als daß man den
Spiritum
davon ziehet/ vnd andere Weine im Herbst darmit verstaͤrcket.
266. Deßgleichen kan man solche Hefen/ davon der Brandtewein gezogen/ truck- nen/ in einem Haͤffners Ofen weißbrennen/ vnd den Rectificirten
Spiritum
noch ein- mal daruͤber abstrahiren/ daß er Fewrig wird.
267. So man aber die Weine etwan lieblicher verstaͤrcken wil/ so kan man die alte schlechte Weinen distilliren/ vnd den uͤbergehenden
Spiritum
(welcher viel liebli- cher seyn wird/ als ein Brandtewein/ auß der Hefen gemacht) zu Herbstzeiten mit newem Wein oder Most jaͤhren lassen/ gibt uͤberauß liebliche Weine.
268. Vnd werden die newe Weine auch viel ehender klar/ als andere Weine/ da kein
Spiritus
mit gejohren seyn.
269. Die vrsach ist diese/ weilen alle Weine einen sauren Weinstein haben/ da-
R r
von
Außgesetzte
Aphorismi
von die Weine jhre liebliche saͤure bekommen/ aber immer der eine Wein mehr als der ander/ nach deme der orth/ da der Wein gewachsen vnd zeitig worden ist.
270. Dann je zeitiger die Weine/ je weniger Weinsteine sie haben/ je vnzeitiger aber/ je mehr Weinstein.
271. Die Spannische Weine haben gar keinen Weinstein/ weilen die Trauben uͤberzeitig reyff werden.
272. Die Frantzoͤsische haben zwar etwas/ doch kaum halb so viel/ als die Teut- sche Weine/ die nimmer/ oder doch selten so uͤberzeitig werden/ als die Spanische/ oder einige Frantzoͤsische.
273. Gleich wie nun die Rheinische/ vnd andere Teutsche Weine wegen jhrer lieblichen saͤure/ viel anmuͤthiger zu drincken seyn/ als die fette Spanische/ oder Frantzoͤ- sische; also seynd auch hingegen die jenige Weine/ welche gar zur sauer vnd vnzeitig ge- blieben/ desto vnlieblicher/ vnd haben gar zu viel sauren Weinstein bey sich/ welcher durch seine saͤure die Weine ringert/ vnd vnlieblich zu drincken macht.
274. Darzu haben auch alle solche saure Weine/ weilen sie nicht recht zeitig seyn/ wenig
Spiritus,
vnd werden darumb so leichtlich schimlicht/ zaͤhe/ lang/ vnd ko- nicht/ vnd verderben.
275. So man aber einen
Spiritum Tartarisatum
darmit jaͤhren laͤst/ so erlangt der Wein durch den
Spiritum
seine staͤrcke/ vnd durch den gebrandten Weinstein/ daruͤ- ber der
Spiritus
abstrahirt/ vnd eine Fewrige krafft daraus gezogen/ einen Niederschlag der uͤbrigen saͤure.
276. Dann ein gebrandter Weinstein/ oder Weinhefen aller saͤure entgegen ist/ also daß man auch einem sauren Essig seine saͤure damit benehmen kan/ wann mans hineyn thut.
277. Darumb toͤdet das Fewrige wesen/ so der
Spiritus
auß den gebrandten Weinhefen gezogen/ die groͤbste saͤure in dem Wein/ daß dieselbe in gestalt eines Wein- steins zu boden faͤllt.
278. Kan also fuͤglich durch den
Spiritum vini Alcolisatum
die saͤure in den vn- zeitigen Weinen niedergefaͤllt/ vnd auch zugleich dardurch verstaͤrcket werden/ welches wahr vnd gewiß ist.
279. Die verbesserung des Apffel vnd Biern-Weins ist eine herꝛliche vnd nuͤtz- liche Kunst an denen orthen/ da wegen grosser kaͤlte kein Wein wachsen kan.
280. Wann man die Aepffel oder Bieren gestampfft/ vnd außgepreßt/ so kan man die Trebern mit Wasser anfenchten/ damit jaͤhren lassen/ vnd einen Brandtewein daraus distilliren wird sehr lieblich.
281. Diesen kan man mit dem Apffel- oder Birn-Most jaͤhren lassen/ so erlangt der Apffelwein dardurch eine staͤrcke/ also daß er hernacher ohn verderben viel Jahr bleiben kan.
282. Vnd ob er schon nicht gar so lieblich werden solte/ als ein Rheinischer
Wein/
Apologetischer Schrifften.
Wein/ so ist daran nicht so viel gelegen/ vnd dennoch an solchen kalten Oerthern eine herꝛliche vnd nuͤtzliche Kunst/ welche niemand mit wahrheit verachten kan.
283. So ein Apffelwein mit seinem eygenem
Spiritu
verbessert wird/ so macht er hernach kein grimmen im Bauch mehr/ wie ein ander gemeyner Apffelwein/ weilen der Fewrige
Spiritus
die cruditaͤt im jaͤhren pr
æ
cipitirt vnd uiedergefaͤllt hat.
284. Die Traͤbern von den gepreßten Aepffeln oder Birn geben zimlich viel
Spi- ritus,
sie brennen aber gern im Kessel an; solchem vorzukommen/ wird hierunten ein
Modus
angezeigt.
285. Die Traͤbern/ davon der
Spiritus
gezogen/ seynd noch gut fuͤr das Viehe/ vnd geht nichts verlohren/ sondern wird alles zu nutzen gebracht.
286. Wann man Birn oder Aepffel zu pressen hat/ so soll man von den Birn ein theil pressen/ ohngefehr so viel/ daß man einen kleinen Kessel damit anfuͤllen kan; dar- nach soll man diesen gepreßten suͤssen Birn-Most auffs Fewer zu kochen setzen/ vnd so viel vngepreßte gantze Birn oder Aepffel in den Birn Most thun/ daß sie sich wol darinn regen/ vnd alle mit Most uͤberdeckt seyn/ alsdann so lang kochen lassen/ bis sie weich seyn/ doch nicht auffborsten. Hernacher solche weiche Aepffel auß dem Kessel genom- men/ vnd mit dem auffkochen der Aepffel oder Birn/ so lang verfahren/ bis man alles Obs also weich gekocht hat/ vnd wann der Most im Kessel abnimbt/ vnd weniger wird/ soll der Kessel wieder mit andern dergleichen Most auffgefuͤllt werden.
287. Vnd so man gar kein Preß haͤtte/ ein wenig Birn zupressen/ vnd den rest Birn vnd Aepffel darinnen weich zu kochen; so soll man nur ein wenig guten Honig ver- schaumen/ laͤutern/ vnd kochen/ gleich als wann man ein Meth darauß machen wolte/ darinn kan man die Birn vnd Aepffel weich kochen.
288. Vnd wann man des gekochten Obsts so viel hat/ als man vermeynet zu ha- ben: so fuͤllt man selbiges in Faͤsser/ doch daß dieselbige eine Zwerg-hand laͤhr bleiben/ sitzet oben darauff ein wenig jung Bierhefen/ so fangen die Aepffel vnd Birn in den Faͤssern an zu jaͤhren/ vnd werden selber duͤnn/ vnd je laͤnger sie jaͤhren/ je mehr Most davon wird. Endlich verzehrt sich in dem Obst/ alles was gut ist/ vnd wird zum Wein/ vnd bleibt nichts uͤbrig/ als die schaͤlen/ kuͤrbs/ oder kern/ so in dem Obst gewesen/ welches sich wie ein ander Hefen zu boden setzt.
289. Wann der Wein davon abgetruncken/ so gibt solche Hefen einen guten
Spiritum,
andere dergleichen getraͤncke im jaͤhren darmit zuverstaͤrcken; durch dieses pressen/ erlangt man auß dem Obst/ mit geringerer muͤhe/ fast noch ein mahl so viel Weins/ als durch das gemeyne pressen/ da viel in den Traͤbern stecken bleibt.
290. Vnd kan auff diese weiß ein jedweder Haußvatter/ fuͤr sich vnd die seini- gen/ jhme fuͤr das gantze Jahr auß zu Trincken/ mit geringer muͤhe/ einen herꝛlichen Weintranck in sein Hauß machen/ vnd das nicht allein auß allem Obst/ sonder auch auß allen andern Hecken/ vnd Baumfruͤchten/ als Kirschen/ Maulbeeren/ Himbeeren/
R r ij
Pflau-
Außgesetzte
Aphorismi
Pflaumen/ vnd dergleichen andern mehr; geben einen lieblichen vnd bestaͤndigen Tranck/ wann ein
Spiritus
in dem jaͤhren beygesetzet wird.
291. Es duͤrffen aber die Kirschen/ Pflaumen/ vnd dergleichen fruͤchten nicht gekocht werden/ sondern man pfluͤcket nur die stiehle davon/ fuͤllet die Faͤsser damit an/ vnd gieß einen alten Apffel oder Birnwein daruͤber/ so fangen sie selber an zu jaͤhren/ vnd zihet der Wein allen safft auß den fruͤchten zu sich/ wird wieder frisch/ vnd so gut als er erst gepreßt were.
292. Die Pflaumen geben im pressen keinen safft/ dann dieselbe gar zu fleischach- tig/ vnd sonsten auff keinerley weiß besser zu einem guten Tranck zu machen seyn/ auff diese weise/ in einem halben Jahr hat sich alles verzehrt/ vnd ist zu Wein worden/ ausser allein die kern/ vnd huͤlsen/ welche sich zu boden gesetzet haben/ davon man auch einen guten
Spiritum
distilliren kan.
293. So man keinen alten oder newen Apffel- oder Birnwein haͤtte/ diese Fruͤch- ten darmit zu uͤbergiessen/ so koͤnte man ein Honigwasser gebrauchen/ thut es auch/ doch daß allezeit ein
Spiritus
im jaͤhren mit beygesetzet werde/ so es nicht geschaͤhe/ moͤchte leichtlich der Tranck sauer vnd zu Essig werden/ welches der
Spiritus ardens
verhin- dert/ wann man aber etwan Essig vonnoͤthen hat/ so kan man etwas von dem Apffel- wein mit Sauerteig ansetzen/ vnd jaͤhren lassen/ so hat man bald guten Essig.
294. Wolte man aber die Getraͤncke noch lieblicher haben/ so muͤste man eine
Essentiam vini,
oder eines andern lieblichen Krauts mit jaͤhren lassen/ so wuͤrde der Tranck einen Weingeschmack bekommen.
295. In manglung der
Essentiæ vini
kan man eine liebliche
Essentiam
auß Lin- denbluͤt/ Hollunderbluͤt/ vnd dergleichen lieblichen Kraͤutern zurichten.
296. Es kan auch ein jedweder geringer Wein in der kaͤlte concentrirt werden/ also daß man eine gute
Essentiam,
(andere geringe Weine damit zuverbessern) erlanget; wann man selbige in die grosse kaͤlte/ leget daß sie gefrieren/ so weicht der
Spiritus vi- ni,
vnd gehet in die mitte des Fasses/ wann man dann ein Loch durch das Eyß bohret/ so laufft der
Spiritus vini
herauß/ vnd ist viel lieblicher als ein ander/ der
per distillatio- nem
bereytet ist.
297. Das nimmer etwas in dem Kessel anbrennen/ vnd den
Spiritum
uͤbel- riechend machen koͤnne/ geschicht also: Man laͤst von Holtz ein theil runde staͤnglein machen/ eines kleinen fingers dick/ so hoch/ daß sie von dem boden des Kessels bis an den Hals desselben reichen/ vnd durchbort auff beyden enden die Hoͤtzlein/ zieht ein schnuͤrlein dardurch/ vnd reichet dieser runden Hoͤltzlein so vil zusammen/ als noͤthig ist/ den Kessel innwendig darmit zu vmbstellen. Deßgleichen haͤncket man auch so viel solcher Hoͤltzlein zusammen/ daß man den bodem des Kessels damit belegen moͤge. Wann man nun etwas distilliren will/ das dick ist/ vnd nicht wol moͤglich/ nach gemey- ner weise/ ohne anbrennen zu distilliren/ so richtet man sein Distillirkessel also zu. Man wickelt oder wallet die aneinander gereichete Hoͤltzlein auffeinander/ vnd stecket solche
oben
Apologetischer Schrifften.
oben zu dem Kessel hineyn/ thut sie voneinander/ vnd stellt sie rings herumb in dem Kes- sel/ darnach legt er auch den bodem dareyn/ so ist der Kessel fertig. Wann man nun et- was dickes distilliren will/ so muß man dasselbe in einen leinen starcken Sack giessen/ welcher in dem Kessel hangen/ vnd eben so weit vnd hoch seyn soll/ als der Kessel weit vnd hoch ist zu dem Hals zu. Dieser Sack soll oben mit einem stricklein vmbgefasset seyn/ daß man denselben nach der
Distillation
darmit wieder auß dem Kessel heben moͤge. Wann unn dieser Sack in dem Kessel liegende gefuͤllet/ so laufft das duͤnne dardurch/ vnd gibt sich vmb den Sack herumb/ also daß der Sack nirgends an dem Kessel ruͤhren koͤnne/ sondern allenthalben das duͤnne/ so von dem dicken auß dem Sack gelauffen/ vnd so hoch der Sack voll/ so hoch auch zwischen dem Sack/ vnd Kessel/ das duͤnne seyn soll. Wann alles so zugerichtet/ so setzet man den Helm auff den Kessel/ vnd macht das Fewer von anfang klein/ daß es fein langsam warm werde. Wann dann das dick in dem Sack warm worden/ so gehet der
Spiritus
mit dem jenigen/ so in dem nassen ist/ lieblich vnd gantz ohne braͤntzelen uͤber. Vnd wann keine
Spiritus
mehr gehen/ so nimbt man den Hut von dem Kessel/ macht den Sack an den Hacken/ so an einem starcken strick fast gemacht/ vnd zihet denselben auff einer Cutorꝛollen auß dem Kessel in ein Geschirꝛ/ darinnen er außgelaͤrt werden soll/ vnd laͤst vnten auß dem Krahnen das nasse/ so vmb den Sack gestanden/ auch herauß lauffen/ so ist der Kessel gelaͤrt/ in welchem man also- baldeu einen andern dergleichen gefuͤllten Sack wieder stellet/ vnd anfaͤngt zu di- stilliren.
298. Zu wehrender
Distillation
laͤhrt man den ersten Sack auß/ vnd fuͤllet jhn wieder mit dergleichen gut/ vnd mit solcher
Distillation
faͤhrt man so lang fort/ als man etwas zu distilliren hat.
299. Diese arbeit gehet schleuͤniger fort/ als eine andere gemeyne vnd bekandte
Distillation,
welches die erfahrung bezeugen wird.
300. Dergleichen
Dillation
ist sehr nuͤtzlich bey denen dingen/ welche gern an- brennen/ als allerhand Weinhefen/ Bier/ Meth/ vnd dergleichen Getraͤncken jh- re Heefen.
301. Die Erbsen lassen sich auch auff diese weise distilliren ohne anbrennen/ wel- che sonsten gar nicht zu distilliren seyn/ vnd doch zweymal so viel
Spiritus
geben/ als Ro- cken/ Haber/ Gersten/ oder Weitzen.
302. Ein
Universal
Medicin kan nichts anders seyn/ als ein reines concentrir- tes vnd figirtes Fewer.
303. Alles das jenige/ so etwas geringes verbessern soll/ muß nothwendig besser seyn/ als das jenige/ so dardurch verbessert wird.
304. Deßgleichen das jenige/ davon alle dinge jhr Leben haben/ viel besser seyn muß/ als das gemeyne Leben selbsten.
305. Weilen nun das Leben der gantzen Welt ansaͤnglich seinen vrsprung allein von Gott hat/ vnd
Universaliter
alle ding der Welt beherschet/ aber doch nur
particula-
R r iij
riter
Außgesetzte
Aphorismi
riter
in oder bey den Geschoͤpffen empfunden/ gemercket/ vnd gespuͤhret wird. Vnd ob- wol nun solches
particular
-fuͤncklein des Lebens bey den Geschoͤpffen vnd Creaturen/ als Vegetabilien/ Animalien/ vnd Mineralien/ durch den fluch mit vieleler Terrestritaͤt vnd vnreinem Coͤrper beflecket/ oder gebunden ist. Dennoch wird kein Kraͤutlein/ Wuͤrmlein/ oder Steinlein gefunden/ darinnen nicht ein fuͤncklein Goͤttlicher Krafft gespuͤhret/ oder gefunden wird/ doch das eine dieser/ vnd das ander jener Natur vnd Eygenschafft theilhafftig ist/ dardurch das Menschliche Geschlecht/ Nahrung/ Leben/ vnd Gesundheit stuͤckweiß haben vnd erlangen kan.
306. Dieweilen aber gegen das
Centrum
eines Circuls/ die circumferentz dessel- ben im geringsten nicht zuvergleichen/ dann das
Centrum
auß jhme selber/ die circum- ferentz aber auß dem
Centro
kompt.
307. Also auch von der
Universal
vnd
Particular
Medicin zuverstehen/ das
Universale
als ein
Centrum
der Particularien oder Circumferentien billich vor- zuziehen.
308. Alles kompt/ vnd hat seinen Vhrsprung von nichts anders/ als von Ele- menten.
309. Vnd obwohl das eine Element sich von dem andern nehret/ vnd das eine immer in das ander circulariter sich verwandelt; so ist dennoch das eine dem andern au guͤte/ oder dignitaͤt vorzuziehen; die subtilere oder oͤbere nemblich dem groͤbsten vnter- sten/ vnd seynd doch nur
Elementa,
vnd alles daraus/ oder dardurch generiret oder ge- bohren wird/ als Vegetabilien/ Animalien/ vnd Mineralien nicht bestaͤndig seynd/ son- dern dem Tod vnd aller vergaͤnglichkeit vnterworffen.
310. Dieweilen nun das Verderbte dem Verderbten nicht helffen/ noch der Tod/ die Toden lebendig machen kan: Also ist es auch vergeblich/ daß die Circumserentz huͤlff bey der Circumferentz suchet/ sondern muß vnd soll allein bey dem
Centro
gesucht vnd gefunden werden.
311. Weilen dann alle Creaturen/ nichts außgenommen/ lauter
Circumferen- tia
seyn/ so kan auch kein Circumferentz ohne das
Centrum
der andern Circumferentz helffen/ oder in noͤthen beystehen/ muß also das
Centrum
der Elementen gesucht werden.
312. Dieses ist in deme zu finden/ daraus alle Vegetabilien/ Animalien/ vnd Mineralien jhren vhrsprung vnd herkommen haben.
313. Es ist das
Centrum concentratum omnium Elementorum.
314. Es wird Saltz genennet: vnd ist das
Sal mundi,
vnd wird von den
Philo- sophis, Sal Essentiale Universale
genennet.
315. Dessen kan man allenthalben haben so viel man begehrt.
316. Solches Saltz ist darumb noch nicht die
Medicina Universalis;
weilen Es/ ob es wol ein
Centrum concentratum Elementorum
genennet wird/ dennoch mit Elementischen vnreinigkeiten noch bedecket/ vnd der tansende Theil desselben noch
keine
Philosophischer Schrifften.
keine
Quinta Essentia,
sondern vielmehr ein Coͤrper/ wohnung oder Huͤlsen der
Quin- tæ Essentiæ
zunennen.
317. Eine solche
Quinta Essentia Centri concentrati Elementornm,
wird von dem Hermes ein Voͤgelein genant/ das tag vnd nacht flieget/ vnd doch nicht muͤde wird.
Plato
nennet es
aliquid divinum
oder
Animam Mundi. Sendivogius
nennets ein Le- bens speis der Lufft/ vnd im Meer das fischlein
Echineis.
318. Hermes ein Vatter aller Philosophen gibt in seiner Schmaragdinischen Tafel zuverstehen/ daß ein Vogel in der Lufft/ vnd ein Fisch im Wasser einer Natur vnd wesen seyn koͤnnen vnd muͤssen.
319.
Sendivogius
sagt/ daß in der Lufft ein Lebens speise verborgen/ dessen ein einiger coagulirter Tropffen mehr werth sey/ als die gantze Welt.
320. Vnd wann Er es das fischlein
Echineis
nennt/ so sagt er; ob wohl es sehr klein/ dennoch sey es mit solcher vnglaublicher staͤrcke begabet/ daß auch ein grosses Schiff/ wann es mit vollen Segeln faͤhrt/ durch dieses kleine Fischlein/ wann es nur auff das Ruder sitzet/ kan auffgehalten werden.
321. Einige haben vermeynt/ dieses Voͤgelein wuͤrde mit dem liebliche Maͤyen- thaw/ oder fruchtbaren Norts-regen herunter fallen/ vnd sich greiffen lassen/ derhalben sie viel hundert ℔. Thaw oder Regenwasser eyngekocht/ in meynung dieses Voͤgelein zuerlangen/ aber kaum ein wenig Saltz gefunden/ welches Saltz doch nicht das Voͤge- lein selber/ sondern nur ein Feder ein desselben gewesen/ vnd daher nichts außgerichtet/ bis daß
Neptunus
sich jhrer erbarmt/ vnd jhnen ein orth im Meer gezeiget/ da sich das Fischlein auffhaͤlt/ vnd am leichtesten zu fangen.
322. Dann viel leichter kan man ein Wurffgarn machen/ das auff den tieffen grund des Meers faͤllt/ ein Fischlein damit zufangen/ als in der hoͤchsten Lufft ein kleines Voͤgelein; darumb die
Philosophi
darnach getrachtet/ wie sie ein solches Garn bekaͤ- men/ ein Wurff darmit in die See zu thun.
323. Endlich haben sie vom
Saturno
bericht vnd
Information
erlangt/ wie ein solch Garn bey dem hellen Mondschein zuverfertigen.
324. Vnd da sie das Garn fertig/ vnd einen Wurff damit ins Meer gethan/ auch das Fischlein ertappet/ vnd heraus gezogen/ haben sie es in dem grossen Garn/ darin̄ es sich verstecket/ doch nit zu sehen bekommen koͤnnen/ haͤttens derohalben auch nit geglaubt/ daß sie es gefangen/ wann sie dessen von
Neptuno
nicht weren versichert/ vnd zugleich berichtet worden/ daß solches Fischlein sich vnsichtbar machen/ ja in allerley ge- stalten vnd farben verwandeln koͤnte.
325. Da sie nun gesehen/ daß sie ohne weitere huͤlfe der Goͤtter nichts außrichten koͤnten/ haben sie
Jovem
angeruffen/ daß Er jhnen doch wolte behuͤlfflich seyn; So hat sich
Jupiter
erweichen lassen/ vnd alsobald dem Fischlein bey seinem
fulmine
gebotten/ sich sichtbar zumachen/ heraus auß dem Garn zugehen/ vnd den
Philosophis
zuge- horsamen.
326. Da
Außgesetzte
Aphorismi
326. Da sie es nun sahen/ konten sie wider nicht glauben/ (weilen seine gestalt nicht ansehnlich) daß es das rechte wehre; so bald es aber von den
Philosophis
gewa- schen/ wurde es uͤberauß schoͤn/ also daß die
Philosophi
sich dafuͤr entsatzten/ kuͤsten es auß Hertzensfrewden/ vnd hielten es in grossen ehren; dann alle Farben welche in der gantzen Welt seyn moͤchten/ wurden davon gesehen; kein Regenbogen in der Lufft/ kein Pfauwenschwantz/ kein Gold/ Silber/ Corall/ Perlein/ vnd Edelgestein an Farbe schoͤ- ner zuvergleichen were; sie dancketen
Neptuno, Saturno,
vnd
Jovi,
welche jhnen behuͤlff- lich gewesen/ vnd schieden voneinander; speculiren aber noch taͤglich uͤber die schoͤne Farben/ woher das Fischlein solche bekommen.
327. Es ist aber nicht zuverwundern/ woher es so mancherley schoͤner Farben erlanget/ ist es nicht lang genug im Meer gewesen/ vnd hat sich von den besten Perlen/ Edelgesteinen/ Gold/ vnd Silber/ dessen das Meer voll ist/ genehret/ ja viel hundert tau- send mahl auß der Lufft durch den lieblichen Regen/ die
Universal
Lebensspeiß genossen/ davon es ja billich schoͤn vnd starck werden muͤssen.
328. Dahero seine schoͤne
Signatur
vns angezeiget/ daß auch seine Kraͤfften der
Signatur
gemaͤß schoͤn vnd gut seyn muͤssen.
329. Wann der Most im kochen nur nicht anbrennt/ so bekompt er gar keinen boͤsen geschmack/ sonderlich wann er in verzinten Kesseln concentrirt wird.
330. Vnd wann man es noch besser thun wolte/ so koͤnte man den Most in ei- nem verzinten Kessel/ der in einem andern in siedendem Wasser stuͤnde/ eynkochen/ ko- stet ein klein wenig mehr Holtz.
331. Man kan die concentrirte Moͤste/ wann sie wieder in Wasser solvirt seyn/ mit Schwebel wiederumb klar machen/ wann nemblich der gemeyne Schwebel zuvorn in die weise gebracht worden.
332. Auch kan solcher Niederschlag durch einen fixen
Sulphur,
nemblich durch weisse Kißlingsteine/ wann dieselbe zuvor in ein klar Wasser gebracht/ davon im zwey- ten Theil
Furnorum
geschrieben/ vnd
liquor silicum
genant worden/ verꝛichtet wer- den/ dessen ein wenig davon in Wein zertrieben/ vnd in ein gros Faß mit truben Wein geschuͤttet/ vntereinander geruͤttelt/ macht den gantzen Wein Milchfarb/ dann der
li- quor silicum
scheydet sich/ vnd wird zu einem sehr zarten pulver/ welches allen schlamm/ geschmack/ vnd farb auß dem truͤben Wein an sich ziehet/ vnd damit zu boden faͤlt/ also daß die Wein schoͤn hell vnd klar davon werden.
333/ So man aber ein Zinn
in Spiritu Salis
solvirt/ vnd neben den Kißling- steinen zum fuͤllen gebraucht/ so faͤlt der schlamm desto geschwinder/ dann das Zinn allein gut ist/ alle truͤbe/ vnd vngeschmackte Wein darmit klar vnd lieblich zumachen/ vnd hat das Zinn ein solche Natur/ allen Accidentalischen geschmack vnd Farb nicht allein auß allem Wein/ sondern auch/ auß allem Bier/ Meth/ vnd Wasser zuziehen/ vnd zu bodem zufaͤllen/ dehme nichts vorgehet/ also daß mit einem kleinem Glaͤslein solvir- tem Zinn/ ein zimblich Faß Wein klar zumchen ist.
334. Es
Apologetischer Schrifften.
334. Es attrahirt so Kraͤfftig/ daß man auch ein stinckende Mistlacken darmit klar machen/ vnd allen gestanck darinnen niederfaͤllen kan.
335. Ein solvirt Bley thut es auch/ aber das Zinn ist zu den Weinen besser/ wel- ches die kuͤnstliche Scharlackenfaͤrber auch erfahren/ in deme sie ein solvirt Zinn in dem Kessel zu dem Alaun vnd Weinstein giessen/ das Lacken damit attrahirent zumachen/ auff daß es die thewre Farbe
Concinilli
desto reiner auß dem Wasser ziehe/ vnd nichts davon verlohren gehe.
136. Ist also rath genug/ solche gelbe/ die der Most in der Concentration erlanget/ wieder daraus zufaͤllen.
337. Deßgleichen ist das auch ein guter Niederschlage auff alle getraͤnck/ Wein/ Bier/ Meth/ vnd Essige/ wann man einen Theil reinen Sand oder Kißlingen mit 2. Theilen Silberglett im Tiegel wol zusammen schmeltzet/ daß ein gelbes Glas daraus wird; darnach solches Glas außgegossen/ gepuͤlvert/ vnd mit zweymal so viel Salpeter oder gebrandten Weinstein vermischt/ noch einmal geschmoltzen/ außgegossen/ vnd ge- puͤlvert/ so laͤst sich alles in Wasser solviren/ dessen man nach gelegenheit der sach ein wenig davon zu den truͤben Weinen/ oder Methen thut/ wol vntereinander schuͤttelt/ vnd allen schlamm/ farb/ oder truͤbe/ wie auch vnlieblichen geruch vnd geschmack zu bo- den faͤlt/ also daß kein besserer Niederschlag zufinden.
338. Die suͤsse kan sich im kochen nicht vmbkehren/ noch saure
feces
daraus wer- den/ wie offt solches kochen auch geschicht: Was suͤß ist/ das ist suͤß/ vnd bleibet suͤß/ vnd wird nicht sawer.
339. Auch wird das sawre im kochen nicht suͤß; ist dann suͤß vnd sawer beysam- men/ so bleibt das suͤsse im kochen suͤß/ vnd das saure sauer.
340. Vnd weilen das saure meist ein Weinstein ist/ vnd man die saͤure nicht gern zuviel darbey hat/ so kan solche gar wol geschieden werden.
341. Nemblich/ wann man auff den Concentrirten safft nur lawlecht Wasser schuͤttet/ denselben damit zu solviren.
342. Dieses lawlechte Wasser nimbt nur den suͤssen safft an sich/ vnd laͤst den sawren Weinstein ligen vnauffsolvirt.
343. Diese
Solution
gibt hernacher einen viel suͤssern Wein/ als er gewesen/ wann er nicht Concentrirt worden.
344. Dann weilen der Weinstein vnsolvirt liegen bleibt/ vnd nicht wieder vn- ter die
Solution
kompt/ gestalt Kaltwasser keinen Weinstein solvirt/ so kan es ja nicht fehlen/ der Wein muß suͤsser werden.
345. So man aber auß dem Concentrirten Most/ wieder einen solchen sawer- lichen Most wie er vor der Concentration gewesen/ machen wolte/ so muͤste man mit warmen Wasser den Weinstein mit dem suͤssen Wasser im kochen auffsolviren/ so be- kaͤme man eben einen solchen Wein/ wie er sonsten geworden were/ ehe er Concentrirt.
346. Einen guten lieblichen klaren Meth zubereyten/ nehme einen guten frischen
S s
Honig/
Außgesetzte
Aphorismi
Honig/ der weisse sey/ welcher allezeit besser ist/ als der braune/ vnd thut zu jedweder Maß Honig 6. Maß Wasser/ kocht es zusammen in einem Kessel auff/ vnd wann der Honig zergangen vnd kocht/ so wirfft er viel Schaum auff/ welchen man abnehmen soll/ vnd wann er so lang gekocht/ daß er gar kein schaum mehr auffwirfft/ so kocht man doch noch so lang/ bis daß er wieder auff die Honigdicke kompt/ alsdann man wieder so viel ander Wasser zu thut/ als man haben wil/ nach deme der Meth schwach oder starck seyn soll.
347. Wann zu einer Maß Honig 6. Maß Wasser kommen/ so wird ein mittel- maͤssiger Meth daraus/ soll er aber fetter werden/ so thut man weniger Wasser bey. Vnd wann man so starcke Meth nicht sucht/ thut man mehr Wasser bey/ vnd kochet den ge- reinigten Honig damit auff/ so wirfft er auffs new einen Schaum von sich/ den man abnimbt/ vnd gießt das Honigwasser durch ein wollen oder leinen Tuch/ damit der uͤbrige schlamm zuruͤck bleibe; das durchgelassen Honigwasser thut man in ein rein Faß/ wann es noch laulecht ist/ vnd setzet oben darauff ein paar Loͤffel voll juͤnge Bier- hefen/ so faͤngt er an zu jaͤhren/ vnd wann er am besten jaͤhren ist/ so giestman in ein je- der Ohm etliche ℔.
Spiritus Vini,
oder in manglung dessen einen von Obst/ Kraͤutern/ Blumen/ oder nur Korn gemachten
Spiritum
dareyn/ so faͤllet/ oder pr
æ
cipitirt der
Spi- ritus
den schlamm desto besser auß dem Meth/ daß er desto heller vnd klarer werde/ staͤr- cket auch denselben/ vnd macht/ daß er sich desto besser halte/ vnd nimmer leichtlich sawer werde.
348. Will mann dann dem Meth einen besondern guten geschmack machen/ so haͤnckt man in einem saͤcklein gepuͤlverte Kraͤuter oder Gewuͤrtz hineyn/ nach deme ein jeder solchen gern hat.
349. Man soll auch in das saͤcklein ein steinlein thun/ damit es das saͤcklein vn- ten behalte/ welches ohngefehr in der mitte des Fasses hangen soll.
350. Vnd wann man schmaͤckt/ daß der Meth geschmack vnd geruch genug von den
Aromatibus
empfangen/ so nimbt man das saͤcklein wiedeer herauß.
351. Die beste
Aromata
aber/ dem Meth einen lieblichen geruch vnd geschmack zu geben/ seynd diese; Zimmet/ Naͤglein/ Cardamom/ Calmus/ Zitwer/ Galgant/ vnd dergleichen/ nach dem es einem jedwedern gefaͤllt.
352. Will man aber den Meth noch besser machen/ so kan man im jaͤhren/ oder auch nach dem jaͤhren einen Schwamm/ welcher in einem
Spiritu vini aromatisato
ge- traͤncket/ daran ein Kugel von Zinn gossen/ hangen soll/ in die mitte des Fasses haͤncken/ so ziehet der Meth allgemach einen lieblichen geruch/ vnd geschmack daraus/ haͤlt sich wol/ vnd bleibet klar/ lieblich/ kraͤfftig vnd gut.
353. Dieses soll bey dem Meth machen in acht genommen werden; Nemblich/ daß man das kochen in einem flachen Kessel verꝛichte/ der Verzinnet sey/ vnd nur das Fewer vnten an dem boden desselben kommen moͤge/ so kan der Honig im Kessel nicht anbren- nen/ von welchem Kessel in dem ersten Deutschlandes Wolfahrt bey Concentrirung der Weine gehandelt.
354. Durch
Apologetischer Schrifften.
354. Durch das eynkochen vergehet dem Honig sein vnlieblicher geruch/ also daß man so liebliche Getraͤncke daraus machen kan/ welche dem guten Wein nichts bevor geben/ so man aber solches thun wil/ so muß man auch dem Honig ein liebliche saͤwre beybringen/ sonsten schmaͤcket er gar lapp.
355. Die Reinsigkeit kan jhme leichtlich geben werden/ wann man in einem Re- ctificirtem
Spiritu Salis,
so viel Weinstein solvirt/ als er solviren kan/ alsdann in den Meth schuͤttet/ vnd damit klaren laͤst/ so wird der Wein fein weinlecht/ vnd klart sich auch schoͤn hell davon.
356. Es ist eine vnmoͤgligkeit/ daß ein
Spiritus
von etwas im kochen verꝛiechen solte/ wann es noch nicht gejohren hat; dann im kochen nichts/ als ein vngeschmack simpel Wasser hinweg gehet/ vnd gar keine
Spiritus
noch suͤssigkeit/ welches ja allen Menschen/ die nur etwas weniges wissen/ bekand genug ist.
357. Die Concentrirte Weine koͤnnen keinen guten Wein geben/ es sey dann/ daß man
per præcipitationem
jhme seinen/ im Concentriren erlangten geschmack wie- der benehme.
358. Wann solcher Concentrirten Moͤste viel in Holland kaͤmen/ sie solten mit bahrem Gelde die Ohm fuͤr 12. 16. 18. in 24. Thaler/ nach deme sie wol bereytet/ vnd der Concentrirte Kornsafft fuͤr 8. 10. in 12. Thaler bezahlt werden.
359. Alle Hoͤcker wissen wol/ wie das jaͤhren zuverhindern/ daß die Moͤste das gantze Jahr durch suͤß bleiben/ vnd nicht zu jaͤhren begehren.
360. Wann sie nemblich dieselbe in solche Faͤsser fuͤllen/ welche wol mit Schwe- bel bereytet seyn.
361. Dann der Schwebel hindert/ daß kein Most jaͤhren kan/ welches eine schlech- te Kunst ist/ kostet auch wenig/ oder schier gantz nichts.
362. Wann dann jemand zu Herbstzeiten einige Moͤste ein zukochen willens/ koͤnte er nicht allein sein eygen gewaͤchs zusammen/ sondern von andern/ so viel neh- men/ vnd also mit Schwebel verhalten/ als er selber wolte/ hernacher im Winter aber/ wann er nichts anders zuthun haͤtte/ ein Faß nach dem andern Concentriren.
363. Dieser Schwebelrauch bleibet nicht bey den Moͤsten/ sondern gehet im Con- centriren wieder weg; schadet oder hindert also bey dem verhalten der Moͤste das aller- geringste nicht.
364. Die suͤsse Moͤste am besten zu erhalten/ daß sie nicht jaͤhren koͤnnen/ geschicht also: Vor der Herbstzeit/ ohngefehr 8. oder 10. Tage vor dem Laͤsen/ soll man solche Faͤs- ser/ darinn man die Moͤste bewahren wil/ mit einer guten schnidt Schwebel eynbren- nen zuspuͤnden/ vnd den Schwebel in das Faß kriechen lassen/ uͤber 3. Tagen solches noch einmal thun/ vnd wieder uͤber 3. Tagen zum dritten mahl wiederholet/ hernacher den suͤssen Most dareyn fuͤllen/ doch daß die Pfeiffe oder Roͤhren des Trichters/ welche in das Faß gehet/ mit Tuͤcheren vmbwunden sey/ daß kein Schwebelrauch im eynfuͤllen des Mostes neben der Pfeiffen des Trichters außgehen moͤge/ sondern in dem Faß bey
S s ij
dem
Außgesetzte
Aphorismi
dem Most zuverbleiben gezwungen sey; so bald das Faß bis oben an voll ist/ macht man das Spundloch beheb zu/ daß gar kein Lufft in das Faß gehen moͤge/ so hat der Most kein macht zu jaͤhren/ sondern bleibt also suͤß ligen/ so lang man selber will.
365. Man soll wol zusehen/ daß der Schwebelrauch in dem Faß bey dem Most verbleibe/ vnd im eynfuͤllen/ des Mostes nicht verlohren gehe.
366. Dann so man solches auß vnachtsamkeit uͤbersehe/ daß der Schwebel nicht in dem Faß bliebe/ vnd man doch den Spund hart auff das Faß schluͤge/ wuͤrde der Most auß mangel des Schwebels anfangen zujaͤhren/ dem Faß den Bodem außstos- sen/ vnd dardurch schaden geschehen.
367. Auff diese weise wird viel Frantzoͤsischer Mostverhalten/ vnd also in fremb- de Laͤnder verfuͤhret/ davon Jaͤhrlichs in die Statt Ambsterdam etlich tausend Faͤsser gebracht werden/ allein zu dem ende/ andere alte verlegene Weine wieder damit zum jaͤhren zubringen/ vnd zuerfrischen/ welche stumme Weine genant werden/ weil sie nicht spraͤchen koͤnnen/ wann man sie Trincket/ es sey dann daß sie jaͤhren vnd
Spiritus
erlan- gen/ vnd andern gejohren Weinen gleich werden.
368. Die grossen Weinhaͤndler bewahren solche stumme oder verhaltene Wei- ne von einem Jahr in das ander/ allezeit im Vorꝛath/ wann sie etwan geringe Weine wieder damit verfrischen wollen/ sie solche darzu bereyt haben.
369. Sonsten kan man auch die Newe Moͤste auff andere weise verhalten/ nemblich also; So bald sie außgeprest/ fuͤllet man solche in Faͤsser/ die mit Schwebel wol bereytet/ macht das Spund darauff/ laͤst den Most 1. oder 2. Naͤchte still ligen/ so setzet sich die Hefen zu Bodem/ alsdann ziehet man den klaren Most von der Hefen/ auff ein ander mit Schwebel zugerichtetes Faß/ laͤst solches 1. Nacht oder 2. wieder still li- gen/ so setzet er wieder Hefen/ davon man den klaren Most zum 2. oder 3. mahl abzieht/ vnd laͤst also denselben in einem/ mit Schwebel wol versehenem/ vnd verspundetem Faß ligen/ so bleibt er so lang suͤß/ als man wil.
370. Etliche bringen die Hefen/ davon die Moͤste jaͤhrend werden/ auff diese weise von den Moͤsten. Sie lassen grosse spitzige leinen Saͤcke machen/ haͤncken solche nach der Reyfe auff/ darunter sie eine Rinne legen/ den klaren Most/ so durch die Saͤcke laufft/ zu empfangen; Wann die Saͤcke mit Most gefuͤllet worden/ vnd durchgelauf- fen/ welches man so offt wiederholet/ bis daß man suͤssen Most genug hat/ vnd soll der- selbe in geschwebelten Faͤssern bewahret werden/ bleibt gantz hell vnd klar/ vnd das gantze Jahr durch/ lieblich vnd suͤß zu trincken/ ist in Teutschland/ vor diesem nicht im gebrauch gewesen/ dann allein vor etlichen Jahren solcher
modus
auß
Italia
herauß an der Fuͤrsten Hoͤfe gekommen/ wird jetzunder viel gethan/ vnd nicht alleine fuͤr die jeni- ge zutrincken bewahret/ welche nicht gern starcke Weine Trincken/ sondern auch ande- re harte Weine darmit zuversuͤssen/ vnd lieblicher zumachen.
371. Dieser
modus
ist zwar gut/ nimbt aber mehr muͤhe/ als die vorige beyde/ welche man in grosser menge practisiren kan.
372. Seynd
Philosophischer Schrifften.
372. Seynd also mittel vnd wege genug/ viel Moͤste zu Concentriren/ nicht allein im Herbst/ sondern auch das gantze Jahr/ wann man zeit vnd gelegenheit hat/ solches zu thun.
373. Der kosten oder die muͤhe zur Concentrirung des Korns ist sehr gering/ vnd kan das Werck gar nicht verthewren.
374. Ein gemeyn Bier verdirbt nicht/ vnd kan sich ein gantzes Jahr vnd laͤn- ger halten/ welches mehrere theil doch nur Wasser ist; wie solte dann der Kornsafft ver- derben/ davon alles Wasser wieder verkocht/ vnd weg geduͤnstet worden?
375. Halten sich doch etliche Bier/ wann sie wol fett gemacht/ vnd kein Korn vnd Hopffen darbey gesparet wird/ etliche Jahren lang/ wie die Weine ja auch nicht verderben/ wann sie tausend Meil uͤber Meer nach Ost-Indien gefuͤhret werden.
376. Es wird auß Ambsterdam allein durch die Ost-Indische Schiff- fahrt Jaͤhrlichs fuͤr viel tausend Guͤlden wehrt Braunschweigische Momme (ist ein starck Bier so nach Ost-Indien gebracht wird/ vnd daselbsten sich lange zeit haͤlt vnd gut bleibet.
377. Vnd ob schon solches Bier etwas staͤrcker gemacht ist/ als ein gemeyn Bier/ so ist doch der sechste Theil darvon kaum Kornsafft/ das uͤbrige ist ja Wasser.
378. Auch kompt ein dick fettes Bier/ Jopenbier genant/ von Dantzig in Hol- land zuverkauffen/ welches je aͤlter je besser wird/ vnd sich wol zehen oder mehr Jah- ren lang halten kan/ daß doch nur ein Bier/ vnd kein Honigdicker safft ist.
379. Warumb solte dann ein Kornsafft/ davon alles Wasser wieder gescheiden/ sich nicht auch halten koͤnnen?
380. Lazarus Ercker beschreibet allein/ wie man den Salpeter auß den Viehe- staͤllen/ vnd anderer Erden außlaugen/ vnd zu Salpeter kochen solle/ es wird aber das geringste nicht bey jhme gefunden/ da er anweisung thut/ auß Holtz laub/ vnd Gras/ wie auch gemeynem Kochsaltz/ vnd andern Vegetabilischen/ Animalischen/ vnd Minera- lischen dingen ein Salpeter zumachen.
381. Die Concentration des Holtzes ist von Niemanden zuvorn practisiret wor- den sondern ist meine
Invention.
382. Ein jedweder Werck oder Arbeyt muß sich selber verthaͤtigen/ vnd seinen Meister loben.
Errata
Fol. 289. in Tit. pro
gewißhafft
lege
Gewissenhafft.
Fol. 293. Aphor. 34. omittatur
nicht.
Fol. 296. Aphor. 58. oleolisati lege alcolisati.
Ende der außgesetzten
Aphorismorum.
S s iij
De
De
AURI TINCTURA
Sive
AURO POTABILI VERO
Was solche sey/ vnd wie dieselbe von einem fal- schen vnd Sophistischen
Auro Potabili
zu vnterscheyden vnd zu erkennen. Auch wie solche auff Spagirische weise zugerichtet vnd be- reytet: Vnd wozu solche in
Medicina
koͤnne gebraucht werden.
DE AUROPOTABILI.
E
S ist kund vnd offenbahr/ daß alle wahre
Philosophi,
vor viel hundert Jahren her/ sich hoch bemuͤhet haben/ jhren Leib von zu- faͤlligen Kranckheiten zu retten/ vnd jhr Leben in Gesundheit zu er- laͤngern. Dahero sie gesucht vnd fleissig nachgedacht/ worinn solche Rettung vnd Erlaͤngerung bestuͤnde. Haben derowegen die
Vege- tabilien, Animalien
vnd
Mineralien
vnter die Hand genommen/ solche mit grossem Fleiß durch das Fewer
anatomiret,
vnd
examiniret,
was fuͤr Kraͤff- ten darinnen zu finden. Aber vnter allen oͤbern vnd vntern Creaturen nichts gefunden/ darinn ein groͤssere
Harmonia
vnd Freundschafft gespuͤret wuͤrde/ als zwischen der Sonn/ Gold/ Menschen vnd Wein. Dann bekant genug ist/ daß die Elementische warme Sonn das Leben aller Dingen verursacht. Dahero sie dann das Gold/ wel- ches nichts anders ist/ als ein Terrestrische Sonne/ oder ein
Coagulirtes
vnd
Com-
pactes
De Auro Potabili.
pactes fixe Corpus
auß den Sonnen-Stralen gewuͤrcket/ durch Huͤlff des Weins mit dem Menschen zuvereinigen gesucht haben.
(In dieser meiner Rede aber moͤchte sich mancher stossen/ vnd nicht begreiffen oder glauben koͤnnen/ daß das Gold der Sonnen Kind/ oder von der Sonnen-Stralen ein greiffliches Metallisch Wesen worden sey. Vnd sagen/ wie ist es muͤglich daß die Waͤrme von der Sonnen/ welche doch vnbegreifflich/ vnd kein
Corpus
hat/ zu einem leiblichen vnd fixen Wesen werden kan? Insonderheit die jenigen/ welche der
Metal- tallen
vnd
Mineralien generation
keine Erkaͤndnuͤs haben. Wiewol ich allhier nicht fuͤrgenommen weitlaͤufftig von der
Metallen
Herkommen vnd Gebaͤhrung zu schreiben. Weilen ich mich aber vnterstanden zu beweisen/ daß der Sonnen Natur vnd Eygen- fchafft als ein lebendigmachende Krafft in dem Gold (so es zuvorn zerstoͤret/ vnd wieder geistlich gemacht worden) zu finden vnd herauß zu ziehen/ auch zu des Menschen Gesund- heit in ein lebendigmachende
Medicin
koͤnne bereytet vnd gebracht werden.
Also kan ich nicht vnterlassen auffs wenigste den Vnwissenden vnd Vnglaubi- gen die Wahrheit/ durch ein oder zwey Exempel vnd Gleichnuͤssen zu zeygen. Wie- wol ich solches durch viel vnd mancherley Handgreiffliche
Rationes
beweisen koͤnte/ wird aber vmb der Kuͤrtze willen allhier vnterlassen. Wer aber der
Metallen
Natur vnd Eygenschafft zu wissen suchet/ der lese mein Tractaͤtlein
De generatione Mineralium,
dann weiß ich gewiß/ er wird den Zweiffel fallen lassen/ vnd meinen Worten beyfallen.
Den jenigen aber welche noch
obstinat
in jhrer Meynung bleiben/ will ich zwo Fra- gen fuͤrstellen solche zu beantworten:
Erstlich/ wovon es komme wann man einen
Liquorem viscosum Mineralium,
in einem offenen glaͤsern Geschirꝛ lang an die Sonne setzet/ daß er sich in
quantitate \& qualitate
vermehre. Ob solches nun von der Sonnen herkomme oder wovon anders?
Moͤchte jemand sagen die Vermehrung des Gewichts kaͤme von der Lufft her/ weilen dieselbe alles in sich hat vnd mit sich fuͤhret. Darauff ich wiederumb frage/ ob dann die Lufft nicht durch die Sonn
imprægniret
vnd gefchwaͤngert sey/ vnd ob auch die Lufft etwas in sich habe/ welches sie nicht durch die
Astra
zuvoren erlanget?
Weiters zu fernerm Beweiß/ so setze einen solchen
Liquorem
in einen kalten Keller/ oder sonsten an eine feuchte Lufft/ so wirstu befinden/ daß sich das Gewicht im geringsten nicht vermehren wird/ gleich wie es in der Sonnen oder seinem
Vicario
des Fewers-Waͤrme geschicht. Es wird wol ein solcher
Liquor
ein schlechte Feuchtigkeit an sich ziehen/ welche aber/ so bald sie die Waͤrme empfindet/ wieder davon gehet/ vnd laͤßt den
Liquorem
in solchem Gewicht als er zuvorn gewesen.
Noch ein anders vnd mercklichers Exempel;
Solvire
ein schwefelhafftig vnd vn- zeitig Metall/ als Eysen/ Kupffer/ oder Zinck in
Aquaforti,
oder einem andern
Spiri- tu acido, abstrahire
den
Spiritum
wieder davon/ gluͤe es auß/ doch nicht zu starck/ al- so daß nur die
Spiritus
wieder davon riechen/ nimb sein Gewicht in acht/ vnd zeichne es auff/ setze darnach solchen metallischen
Calcem
in einem Tiegel in ein Fewer/ daß das
Metall
De Auro Potabili.
Metall doch nicht schmeltze oder weg rauche/ sondern der Tiegel mit dem Metall nur dunckel gluͤe/ las solchen drey oder vier Wochen also stehen/ nimbs auß vnd wieg es wieder/ so wirstu befinden/ daß dein Metall viel schwerer worden/ als er zuvorn ge- wesen ist.
Noch besser kanstu solches vernehmen: Setze ein solches sulphurisch Metall/ oder Kupffer/ oder ein anders mit 16. oder 18. schwerem Bley auff eine außgegluͤete Ca- pellen/ von Holtz oder Bein-Aschen gemacht/ in einen probier-Ofen/ doch wieg zuvorn die Capellen/ Kupffer vnd Bley/ daß du gewiß weist wie schwer sie seyn/ ehe dann du sie in den Ofen setzest/ las also das Kupffer mit dem Bley abgehen/ doch nicht zu heiß/ nimb dieselbe auß/ wieg sie wiederumb nach der Erkaltung/ so wirstu befinden/ daß dein Capellen viel schwerer (wiewol viel Bley im Abtreiben/ im Rauch weg gangen) als sie zuvorn ehe sie in das Fewer kommen/ mit sampt dem Kupffer vnd Bley gewogen/ seyn wird.
Ist nun die Frage/ wovon solche schwaͤre herkommen/ ob nicht die Hitze des Fewers sich durch Huͤlffe des auffgeschlossenen Metalls in ein greiffliches Metallisch
corpus fi- girt
habe?
Dahero glaublich/ wann wir wuͤsten ein bequaͤme
matricem
zu legen/ darinnen sich die Sonnenstralen/ wie auch die Hitze von gemeynem Fewer fangen/ vnd
coaguli- ren
koͤnten/ eben so wol
Metalla
uͤber der Erden
generirt
wuͤrden als in der Erden.
Moͤchte jemand sagen/ diß were noch wol zu glauben/ daß die Hitze eines gemey- nen Holtz oder Kohlen Fewers/ etwas metallisch mit sich fuͤhret/ vnd also durch Huͤlff eines geflossenen Metalls zu einem Coͤrper werden koͤnte/ daß aber solches auch durch die Sonnen geschehen solte/ were nicht wol anzunehmen.
Der nun solcher Meynung ist/ kan es auff folgende Weiß probiren/ vnd wahr zu seyn befinden/ setze ein außgegluͤete Capellen mit sampt dem Bley vnd Kupffer an die Sonnen/ richte ein
speculum Concavum
darauff mit der Sonn/ also daß die
radii Solis
just da sie sich
colligiren,
vnd in ein
Centrum
fallen/ die Capellen beruͤhren vnd er- hitzen. Du must aber allzeit den Spiegel in der Hand halten/ vnd solchen wissen zu trei- ben vnd wenden nach dem die Sonn steyget/ auff daß die Sonnen-Hitz nimmer von der Capellen abweiche/ die Capellen erkalte/ dardurch das Werck verhindert wuͤrde/ wann nun solches wol in acht genommen/ so wird das Werck eben so wol abgehen/ als wann es in einem gluͤenden Ofen geschehen were.
Der Spiegel aber muß auffs wenigste im
Diametro
zwey Fuß breyt/ vnd auch nit zu hohl vnd tieff seyn/ sondern vngefehr der 18. oder 20. Theil einer Kugel/ auff daß er seine
radios
desto weiter von sich werffe. Muß auch wol vnd
correct
geschliffen vnd polliret seyn/ auff daß er seine Sralen desto besser
colligire,
vnd in einen kleinen
pun- ctum
bringe. Wie aber solche Spiegel gemacht werden/ gehoͤret hieher nicht/ wer aber Lust darzu hat/ mag in Beschreibung meines vierdten Kunst-Ofens nach suchen/ darin- nen er genugsamen Bericht finden wird/ wie solche vnd andere Art Spiegel so wol von
Metall
De Auro Potabili.
Metall als von Glas gegossen/ geschliffen/ polliret/ vnd zu vielen Kuͤnsten vnd Haͤn- deln koͤnnen gebraucht werden.)
Dieser
Parenthesis
vnd
Demonstration,
haͤtte wol koͤnnen vermitten bleiben/ ist aber nur darumb geschehen/ auff daß desto leichter koͤnne geglaubt werden/ daß das Gold seinen Vrsprung von der Sonnen genommen/ auch deroselben gute Eygenschaff- ten vnd Kraͤfften verborgen vnd verschlossen in sich habe/ vnd durch Huͤlff der Kunst
Al- chymia
wiederumb in solches koͤnne vnd muͤsse gebracht werden/ welches es vor der
Coa- gulation
ist gewesen. Nemblich in einen erwaͤrmenden vnd lebendigmachenden pene- trirlichen Geist/ sol es anders ins Menschen Leichnam wuͤrcken/ vnd etwas gutes auß- richten koͤnnen.
Derohalben die Alten viel Fleiß angewendet haben/ das Gold in ein solches spi- ritualisch Wesen zu bringen. Haben aber nichts finden koͤnnen/ dardurch solches am fuͤglichsten haͤtte geschehen koͤnnen als durch den Wein; aber nicht den gemeynen/ son- dern durch seinen reinen vnd puren Geist/ welcher durch die
distillation
von seinem Coͤr- per gescheyden worden.
Deßgleichen haben sie auch nicht das gemeyne Gold wie es auß den Steinen ge- schmoltzen/ oder auß der Erden vnd Sand gewaschen wird/ zu solchem Werck genom- men/ sondern dasselbe durch das Fewer zuvorn wol vnd fein gereiniget/ darnach solches wiederumb lebendig gemacht/ vnd
Philosophicè
auffgeschlossen; Aber nicht durch Cor- rosivische
Spiritus,
gleich wie jetziger Zeit die vermeynte
Philosophi
damit zu sudlen/ son- dern die Natur hat jhnen ein ander Wasser dargegeben freywillig ohne Zwang der
di- stillation;
damit haben sie das Gold uͤmbgewend/ sein innerst herauß/ vnd sein aͤusserst hineyn/ vnd solches bequaͤm gemacht/ seine
animam
oder
tincturam
von seinem vn- nuͤtzen groben schwartzen Coͤrper zu
separiren.
Dann sie genugsam gesehen/ daß ein
Compactum Corpus auri
keine Gemeynschafft oder
ingreß
habe/ sich mit dem
Spiritu Vitali
zuvereynigen.
Derohalben sie nur allein des Goldes allerꝛeinesten Theil welches seine Farb ist zu jhrem
Elixir
gesucht haben. Solche reine vnd saubere
tinctur
mit dem
Spiritu Vi- ni conjungiret,
zusammen Volatilisch gemacht/ vnd solche beyde
radicaliter uniret,
al- so daß keines von dem andern durchs Fewer zu scheyden were. Entweder beyde zugleich erheblich/ oder durch lange
digestion
in einen fixen Stein zu bringen/ welchen sie dann fuͤr den groͤsten Schatz aller vergaͤnglichen Dingen dieser Welt nicht vnbillich ge- acht haben.
Weilen dann von den
Philosophis
allzeit darfuͤr gehalten/ vnd wahr befunden worden/ daß kein hoͤher
Medicin
vnter der Sonnen zu finden sey/ als wenn die Seele des Goldes vnd Weins/ recht auff Philosophische Weiß zusammen vereynigt/ spiri- tualisch vnd hinwiederumb fix vnd vnzertrennlich gemacht werden. Auch daß keines ohne das ander zu einer wahren
Medicin,
als nemblich/ das Gold ohne
Spiritus Vini
T t
nicht
De Auro Potabili.
nicht Volatilisch/ vnd der
Spiritus Vini
ohne das Gold nicht corporalisch oder fix koͤnnt gemacht werden.
Also ist es nicht vnbillich/ daß wir Nachkoͤmblingen solcher thewren Maͤnner/ jh- ren Worten vnd Lehr beyfallen/ vnd Glauben geben. Nicht aber vmb jhrer authoritaͤt vnd beruͤmbten Namens willen/ sondern nicht mehr als vnsere eygene Augen vnd Haͤn- de bezeugen koͤnnen/ welches dann die rechte Prob ist/ dardurch man die Warheit von der Vnwarheit vnterscheyden kan.
Weilen mir dann von Gott dem
Herrn
solcher
Medicin
Bereytung gegeben ist/ vnd mir nicht vnwissend/ daß der Mensch jhme nicht selbsten/ sondern seinen Naͤch- sten zu Dienste erschaffen sey. Also hab ich mir fuͤrgenommen/ deren Bereytung vnd Gebrauch auffs kuͤrtzste zubeschreiben: Doch also/ daß die Perlein nicht fuͤr die Schwein geworffen werden. Sondern nur denen die Gottes vnd der Natur Wunderwerck zu erlernen viel Muͤhe kosten/ vnd Fleiß angewendet haben/ welche dann ohne Zweiffel die- ses mein Schreiben/ wol verstehen werden. Hergegen andere/ welche die Kohlen/ noch nicht kennen/ wol vngekost bleiben lassen.
Wolle sich derohalben niemand verwundern oder beschweren/ daß in der Berey- tung etwas kuͤrtzlich gehandelt wird/ dann mir diese Wissenschafft (welche ich nicht mit schlaffen oder muͤssig gehen/ sondern durch viel sawre Muͤhe vnd Schweiß meines An- gesichts/ von Gott durch embsiges bitten vnd suchen erlanget) viel zu lieb ist den Vn- wuͤrdigen also gleich einen Papp vorzukaͤwen/ vnd eynzustreichen/ solche durdurch zu
profaniren.
Sondern meine Meynung ist nur dasselbe den Gottsfuͤrchtigen zu offen- bahren/ welchen es dann klaͤrlich genug seyn wird.
Auch wolle sich niemand an meinem geringen vnd schlechtem
Stylo
aͤrgern oder stossen/ welchen ich allhier gebrauche/ weilen er nicht zierlich nach der Redens-Kunst herpranget/ gleich wie die verblendte Welt nun suchet vnd haben will. Mir aber wol bewust/ daß die Warheit nicht viel zierlicher Wort vnd langes Geschwaͤtzes vonnoͤ- then hat/ sondern kan eben so wol mit wenig vnd schlechten einfaͤltigen Worten/ vnd noch viel besser als durch viel verwirꝛliche Sophistische Discursen dargegeben werden.
Ehe ich aber die Bereytung in die Hand nehme/ will ich zuvorn kuͤrtzlich erin- nern/ wie ein wahrer
Spagyrus
soll vnd muͤsse beschaffen seyn/ welcher ein solches Werck zubereyten sich vnterstehen will; auff daß er sich wol zuvorn erkenne/ ob er auch bequaͤm oder nicht dazu sey. Dann es nicht genug ist ein Fewer anzublasen/ oder ein Kraͤuter Wasser zu distilliren wissen/ sondern rechte vnd gruͤndliche Erkaͤntnuͤs der obern vnd vntern Elementen Fruͤchten haben/ auch vor allen Dingen Gottsfuͤrchtig dabey seyn/ dann nicht nur allein viel schwaͤtzens/ vnd wenig wissen machet einen guten
Chymi- cum,
wie in folgenden zu sehen ist.
Niemand kan es laͤugnen/ daß von allen Standspersonen solche Kunst von viel Jahren her gesucht/ vnd noch taͤglich mit viel Muͤhe vnd Kosten embsig gesucht wird/ aber von den wenigsten gefunden. Vnd wundert mich gar nicht/ daß solche edle Gabe
Gottes
De Auro Potabili.
Gottes bishero noch nicht gemeyn worden ist. Dann so viel ich noch gekennt/ welche dar- nach gestrebet/ beynahe alle/ wenig außgenommen/ vnzeitig darzu gangen.
Dann eynige verliessen sich auff jhr gros Reichthumb/ weilen sie ein schoͤn
Labo- ratorium
bawen/ viel Laboranten halten/ die voͤlle der Mineralien/ Glaͤser vnd Kohlen kauffen koͤnten/ dardurch sie vermeynten/ sie wolten vnd koͤnten die Kunst mit Gewalt vom Himmel zu sich reissen. Dachten aber nicht an die Wort des Apostels:
Non est currentis, neque volentis, sed Dei miserentis.
Andere waren solche/ welcher groͤste Kunst vnd Wissenschafft/ in frembden Spra- chen bestunde/ vnd wegen zierliches Schwaͤtzens bey den Menschen vor andern in gros- sem Ansehen waren. Solche meynten/ jhnen allein gehoͤrte solche Kunst zu/ vnd es koͤn- te nicht fehlen/ durch jhre vermeynte Weißheit vnd Geschickligkeit muͤsten jhnen alle Elementen gehorsam seyn/ vnd zu jhrem Werckschicken vnd dienen. Betrachteten aber nicht Christi Wort/ den Kleinen hastu offenbaret/ welches den Grossen vnd Weisen ver- borgen war.
Vnd meynen solche Menschen/ daß sie das Gras wachsen hoͤren/ da sie doch im geringsten die Erden daraus es waͤchset/ nicht kennen. Vnd wann jhnen die Kunst oh- ne Muͤhe vnd Arbeit nicht wie eine gebratene Taube alsobalden will ins Maul fliegen/ doͤrffen sie sich nicht schaͤmen/ fromme Gottsfuͤrchtige
Philosophos
zu schaͤnden vnd zu schmaͤhen/ als wann sie lauter Luͤgen geschrieben haͤtten/ vnd die Kunst gantz vnwahr- hafftig were/ nur jhre Vngeschickligkeit vnd Vnwissenheit dardurch zu vermaͤnteln vnd bedecken/ vnd wollen von den Menschen nicht darfuͤr gesehen seyn/ die sie seyn. Vnd wann solche Leuthe den verborgenen Verstand so wol als den Buchstaben der Philosophen verstuͤnden/ wuͤrden sie viel anders davon vrtheilen als sie thun. Aber wei- len jhre Augen durch den Hoffart verblendet seyn/ ist es kein Wunder/ daß sie nach der Huͤlsen tappen/ vnd den Kern ligen lassen/ vnd also zu keinem gewuͤnschten Ende kom- men koͤnnen.
Die dritte Sorte solcher Menschen bestehet in allerhand Gold-begierigen Leuten/ welche ohne Muͤhe vnd Arbeit suchen schnell reich zu werden/ meynen also wann sie von den vmblauffenden Betriegeren/ deren sich dann allenthalben viel finden/ vnd sich
Chymicos
nennen lassen/ da sie doch nicht wissen was
Chymia
sey/ auch Meister vnd Schuͤler zugleich eben geschickt vnd gelehrt seyn/ keiner von beyden im geringsten der Mineralien Metallen/ vnd anderen Dingen Natur vnd Eygenschafften/ will geschwei- gen/ der
Philosophorum
Meynung verstehet.
Vnd wann man mit solchen Leuthen von Natur vnd Eygenschafft der Metal- len
discurriret,
wissen sie im geringsten nichts mehrs/ als was sie etwan gelesen haben/ sprechen also stehet/ da geschrieben/ also verhaͤlt sich der Proceßso/ muß man thun/ solche
materi
muß es seyn/ vnd kein andere/ hangen also an dem Buchstaben/ vnd gedencken nicht/ ob vielleicht jhr Proceß- vnd
particular
Schreiber selbsten nichts gewust/ vnd nur von hoͤr-sagen oder lesen anderer Buͤcher/ geschrieben habe. Vnd wann einer solchen
T t ij
Leuten
De Auro Potabili.
Leuten schon warhafftigen Bericht von Natur der Mineralien vnd Metallen thaͤte/ vnd jhnen von Wort zu Wort der
Chymiæ
Heimligkeiten offenbarte/ wuͤrden sie es doch nicht glauben vnd annehmen/ sondern als eine Thorheit/ weilen die Natur so schlecht vnd keine langwierige/ kostbare vnd muͤhesame
Labores
erforderte verachten.
Von solchen vnd dergleichen Leuten wird von den geitzigen Menschen gros Reich- thumb gesucht; doͤrffen wol fuͤr einen geschriebenen Proceß/ welcher doch keiner Lauß werth ist/ viel hundert oder tausend bezahlen. Meynen also die Kunst mit Geld zu kauf- fen: Dencken aber nicht so der Verkaͤuffer etwas gutes haͤtte/ daß er solches selber thun/ vnd des andern Geld nicht begehren wuͤrde.
Doch kan es wol seyn/ daß bisweilen ein Kuͤnstler ein gut
Secretum
von andern erlanget/ oder selbsten erfunden/ vnd keine Mittel hat solches ins Werck zu stellen/ vnd derohalben andere die es vermoͤgen vmb Huͤlff ansprechen muß/ dann nicht allzeit Kunst vnd Geld beysammen ist. Wann es also beschaffen/ thun wolhabende Leute nicht vnrecht/ wann sie frommen Kuͤnstlern die Hand reychen/ vnd hergegen wiederumb Got- tes Segen erwarten. Aber wol ist zu zusehen mit weme man sich anlege/ auff daß man nicht einen Pfenning mit einem Guͤlden erkauffe/ vnd endlich mit grossem Schaden vnd Spott drauß scheyden muͤsse.
Welcher Mensch/ der nur ein gesund Aug offen haͤtte/ solte wol also blind seyn/ vnd nicht mercken vnd sehen koͤnnen/ daß es mit solchen hoffaͤrtigen auffgeblasenen vnd gei- tzigen Leuten/ vnd jhrem Thun verlohren Wercke muͤsse seyn/ wiewol Gott der Allmaͤch- tig die Sonn so wol uͤber die Gottlosen als Frommen scheinen laͤßt/ aber niemals gehoͤ- ret vnd erfahren worden/ daß ein wahrer
Philosophus
sich mit vielem Schwaͤtzen/ vnd Luͤgen beholffen haͤtte/ sondern sein Werck in Eynfalt vnd Stille verꝛichtet. Aber am allermeysten ist zuverwunderen/ daß die Gelaͤhrtesten vnd Weisesten dieser Welt so starꝛ blind seyn/ (da sie doch sonsten in allem weltlichem Thun vnd Wesen die Geschicksten vnd Kluͤgsten seyn/) sich also mit der Nasen von solchen Sophisten am Narꝛenseyl lassen herumb fuͤhren.
Aber die vierdte Art der Suchenden/ seynd viel anders beschaffen als die oberzehl- te. Welche nicht gros Ansehens/ zeitliche guͤter/ oder andere vergaͤngliche Dinge der Welt/ sondern nur allein Gottes Ehre vnd jhres Naͤchsten Nutzen suchen. Behelffen sich in schlechten Kleydern/ geringer Speis vnd Tranck/ achten keines Hoffarts noch Keichthumbs/ leben fromb vnd Gottsfuͤrchtig/ an statt guͤldener Ring stecken sie die Finger in die Kohlen/ aͤussern sich vieler Menschen Gesellschafft/ vnd Schwaͤtzens/ be- trachten der Natur Heimligkeiten/ suchens vnd findens auch/ dann jhr Vertrawen steht zu Gott/ von welchem sie auch Huͤlffe erlangen/ verlassen sich nicht auff beruͤhmte Scri- benten vnd Buͤcher/ die Kunst daraus zu erlernen/ sondern dencken vnd glauben/ daß Gott noch so Reich vnd Guͤtig sey/ als er vor tausend Jahren gewesen/ vnd jhr Lehrmei- ster eben so wol seyn koͤnne/ als der alten verstorbenen Philosophen/ welche auch jhre Kunst erstlich von Gott durch embsiges bitten auß Gnaden erlanget haben.
Diese
De Auro Potabili.
Diese nun seynd die jenigen/ welchen viel Kuͤnste zufallen/ ja mehr als sie suchen vnd begehren. Vnd wann sie solche erlangen/ wird jhnen auch gegeben zuwissen/ wie fie solche gebrauchen vnd anlegen sollen. Dieses sey nun genug gesagt vom Vnterscheyd deren/ welche die Kunst suchen.
Kan sich derowegen ein jedweder pruͤfen/ vnter welchen Hauffen er koͤnne gerech- net werden. Gewißlich/ so er den letzten nicht wird gleich seyn/ jhn noch sein gros Reich- thumb/ noch viel Schwaͤtzens vnd vermeynte Gelehrtheit/ auch kein falsche Welt-klug- heit vnd practicken im geringsten nicht helffen wird. Dann die Kunst eine Gabe Gottes vnd nicht des Menschen ist/ von welchem allein alles Gute herkompt.
Weilen dann nun genugsamb gehoͤrt/ wie ein
Spagyrus
beschaffen seyn sol/ der die Fruͤchte des Sonnen-Baums geniessen wolle: Also will ich nun beschreiben/ wie solche durch eines erfahrnen vnd wolgeuͤbten Kuͤnstlers Hand muͤsse zubereytet werden. Vnd wie eine
Vera Tinctura Solis,
von einem falschen vnd Sophistischen
Auro Potabili
zu vnterscheyden vnd zu erkennen sey.
Auch wie solche zur Gesundheit des Menschen vnd Abwendung vieler Kranckhei- ten/ koͤnne mit Nutzen vnd Ehren gebraucht werden.
Vnd verhaͤlt sich mit der Bereytung also:
Nimb ein Theil lebendig Gold/ vnd drey Theile lebendigen
Mercurium,
doch nicht des gemeynen/ sondern dessen/ welchen die
Philosophi
kennen vnd lieb haben/ auch allenthalben ohne Muͤhe vnd Kosten zu bekommen ist. (Man kan auch so viel als des Goldes ist/ lebendig Silber dazu nehmen/ ist besser als Gold allein/ vnd erzeygen sich alle Farben/ schoͤner als wann Gold allein genommen wird/ welches die Vermischung Mannes vnd Weibes verursacht: wer aber besorget/ daß die
Tinctura
nicht so gut wer- den solte/ als wann Gold allein zum Werck genommen wird/ kan seine Meynung be- halten/ vnd thun was er wil/ wer aber der Metallen Natur kennet/ wird wol wissen was daraus werden kan/ wann Gold vnd Silber
radicaliter
zugleich mit einem
Menstruo
auffgeschlossen wird/) setze solche zusammen in
Vase Philosophico
zu solviren/ so wird der
Mercurius
das Gold vnd Silber in einer viertel Stund
radicaliter
auffschliessen/ vnd auß beyden eine Purpurfarbe
solution
werden/ so solches vernommen/ so staͤrcke das Fewer noch ein wenig/ so wird sich die Purpurfarb alsobalden in die allerschoͤnste Gruͤne verwandelen/ diese nimb auß/ gieß ein
Aquam roris
darauff zu solviren/ welches in einer halben Stund geschehen kan/ vnd las die
Solution
durch ein filtrier Papier lauf- fen/ thue solche in einen glaͤsern Kolben/ setze einen Helm darauff/ vnd
abstrahire in Bal- neo
das Wasser davon/ gieß solches oder ein anders wiederumb darauff/ ziehe es aber- mahlen davon/ solches thue dreymal/ vnter dessen wird sich die Gruͤne noch einmal ent- schliessen/ kohlschwartz werden als Schreibdinten/ vnd einen grossen Gestanck von sich geben/ aͤrger als ein
Cadaver,
darfuͤr man sich huͤten muß/ vnd muß das Wasser zu et- lich malen/ wann es davon
abstrahiret
ist/ wiederumb darauff geschuͤtt/ vnd
digeriret
werden/ so wird sich endlich die Schwaͤrtze vnd Gestanck innerhalb viertzig Stunden
T t iij
gantz
De Auro Potabili.
gantz vnd gantz verlieren/ vnd ein weisse
Liquor
daraus werden/ schoͤner als ein Milch/ daran im geringsten kein Gestanck mehr gespuͤret wird. So solches geschehen/ muß man alle Feuchtigkeit davon ziehen/ so wird eine weisse truckene
Massa
zuruͤck bleiben/ welche sich dann in wenig Stunden in linder Waͤrme/ (nach Erscheinung vieler schoͤ- nen Farben) wiederumb in eine Gruͤne verwandlen wird/ die der Ersten an Schoͤne weit vorgehet vnd uͤbertrifft. Auff solche Gruͤne muß man einen reinen
dephlegmir- ten Spiritum Vini
giessen/ also daß er zwey oder drey zwerg Finger daruͤber stehe/ vnd in einem Glas mit einem langen Hals/ auff eine gelinde Waͤrme stellen/ so wird das wol auffgeschlossen/ vnd bereyte gruͤne Gold den
Spiritum Vini
alsobalden wegen grosser Liebe vnd Freundschafft zu sich ziehen/ gleich als ein truckner Schwamm ge- meyn Wasser/ vnd sein allerbeste Essentz oder Seele/ als ein blutrote Farb jhme einver- leiben/ dardurch also der Gruͤne seine lebendigmachende
Tinctur
vnd wachsende Krafft entzogen/ vnd in eine Roͤte verwandelt wird. Das uͤbrige
Corpus
aber/ welches nicht
Tinctur
ist/ bleibt als ein Aschenfarbes Pulver zuruͤck ligen. Den tingirten
Spiritum
muß man abgiessen/
filtriren,
vnd in
Balneo
in einem glaͤsern Kolben von der Farb
abstrahiren,
so wird sein fewrige Essentz sich mit der
Tinctura Auri conjungiren
vnd verbinden/ also daß nur ein Feuchtigkeit gleich als ein vngeschmack Wasser uͤbergehet/ die Krafft aber desselben sampt der
Tinctura Solis
als ein blutrothes/ fewriges/ fluͤssi- ges/ vnd fluͤchtiges Saltz zuruͤck bleiben. Dessen rothen Loͤwen ein einiges Gran ein gantze Vntz
Spiritus Vini,
oder andern
Liquoris
Blutrot machen kan/ dann es sol- virt sich in allen Feuchtigkeiten gar gern/ vnd kan also
in forma liquida
als ein
Pana- cea,
in vielen langwuͤrigen/ vnd von den
Medicis
verlassenen Kranckheiten mit Ehren gebraucht werden.
Wie nun ein solche
Tinctura
zu erkennen/ ob sie recht vnd wol sey zubereytet/ also daß sie fuͤr ein
Aurum Potabile
koͤnne erkant vnd gehalten werden/ will ich kuͤrtzlich offenbaren.
Tinctura
oder
Anima Auri,
ist keine von den geringsten Medicamenten/ sondern naͤchst dem
Lapide Philosophorum
die fuͤrnembste Medicin/ dann zwischen beyden nur dieser Vnterscheyd ist/ nemblich/ daß diese beschriebene
Anima Auri
noch Volatilisch/ vnd keinen
ingreß
hat/ in vollkommenen Metallen zu wuͤrcken/ vnd solche in das beste vnd bestaͤndigste Gold zuverwandelen/ welches dem
Lapidi Philosophorum
zu thun geglaubt wird/ sondern ist eine reine
extrahirte Essentia,
vnd bester Theil des Goldes/ aber noch fluͤchtig/ vnzeitig/ vnd im Fewer gantz vnbleiblich. Hergegen der
Lapis Philo- sopho rum
selbsten gantz fix vnd Fewer bestaͤndig/ welche Bestaͤndigkeit er dann allein durch lange Zeit des Kochens erlanget hat. Daß aber ein solche fluͤchtige
Tinctura So- lis
vnd roter
Leo,
nicht in ein fixen vnd bestaͤndigen
Salamander
oder tingirenden Stein/ vnd
Universal Medicin
durch des Fewers Huͤlff vnd Verstand eines erfahrnen Chymisten/ solte koͤnnen gebracht werden/ kan ich nicht wissen/ dann ich nicht weiter mit
diesem
De Auro Potabili.
diesem Werck kommen bin/ als ich oben beschrieben habe: Vnd weilen ich dann solches nicht versucht/ auch kein Zeugnuͤs davon geben kan.
Wer aber so weit kompt/ daß er die wahre
Tincturam Auri extrahiren
kan/ mag sich darnach weiter darinn uͤben/ ob etwas bessers daraus koͤnne gemacht werden/ oder nicht. Dann dieses mein Schreiben vnterweiset nicht mehr/ als ein gut
Medicin
auß dem Gold zu machen/ das uͤbrige ist mir selbsten noch vnbekant.
Weilen dann kundbar genug ist/ daß schier ein jedweder/ (welcher kaum einen Brandtenwein/ oder Kraͤuterwasser
distilliren
kan/)
Aurum Potabile
verkauffet. Auch mancher sich nicht schaͤmen darff/ nur ein gemeyn gelb oder rothgefaͤrbtes Wasser/ den Vnwissenden/ die solcher Dingen keine Erkaͤntnuͤs haben anzuschwaͤtzen/ vnd vmb gros Geld zuverkauffen.
Andere aber suchen nicht also zubetriegen/ sondern jrꝛen in jhrer Eynfalt/ in deme sie nur gemeyn Gold in
Aqua Regis,
oder
Spiritu Salis
auffsolviren/ solchen wiederumb davon
abstrahiren,
bis auff die truckne
Spiritus,
darnch mit
Spiritu Vini extrahiren
(wie sie es nennen.) Ist aber im geringsten kein
Extraction,
dann der
Spiritus Vini,
durch Huͤlff der zuruͤck gebliebenen scharpffen Geister etwas von dem corporalischen Gold auffsolviret/ vnd sich gelb davon faͤrbet. Welches sie
Aurum Potabile
nennen/ da doch solches wann der
Spiritus Vini
davon
abstrahiret,
wiederumb in ein Gold kan geschmoltzen werden. Vnd kan ein solches vermeyntes
Aurum Potabile,
nichts mehr thun/ als ein gemahlen oder gepuͤlverter Gold Kalck/ der von dem
Archeo Stomachi,
nicht wird angenommen/ sondern mit den
Excrementis
wieder so gut/ als es eyngenom- men/ davon gehet.
Andere aber betriegen sich selbsten/ vnd andere vnwissend/ in deme sie einen Gold- Kalck machen/ solchen durch sonderbare
Spiritus
vnd
Menstrua
zu
extrahiren
vermey- nen. Aber selbsten nicht wissen/ daß jhre
Spiritus
welche sie lang auff dem Gold-Kalck siehen haben/ sich von der Waͤrme/ von eygener Natur roth faͤrben/ solchen sie dann abgiessen/ vnd fuͤr ein
Aurum Potabile
darꝛeichen. Wann sie aber den zuruͤck-geblie- benen
Calcem
wiederumb schmaͤltzten vnd wuͤgen/ wuͤrden sie befinden/ daß im gering- sten demselben noch an dem Gewicht vnd Farb/ etwas entzogen were. Welches sie auch leichtlich also erfahren koͤnten/ wann sie jhren
Spiritum
allein auff gelinde Waͤrme/ oder aber nur etwas laͤnger in der Kaͤlte hinstaͤllten/ solcher von sich selbsten/ eben so wol roth werden wuͤrde/ als haͤtte er uͤber einem Gold-Kalck gestanden. Vnd ist die Vrsach sol- cher Roͤthe/ (welches sie nicht verstehen/) ein
Sal Volatile Urinosum,
es werde gleich von dem
Urin
selbsten/ oder
Sale Armoniaco, Tartaro, Cornu Cervi, Capillis,
oder andern Dingen bereytet/ welches so es einen
Sulphur
antrifft/ solchen in seiner Farb erhoͤhet.
Weilen dann solche Kuͤnstler gemeyniglich dergleichen
Salia
dem
Spiritu Vini
zu- setzen/ in welchem ein
Sulphur
(wie bekant ist) ruhet/ der dann dadurch erhoͤhet/ vnd also in eine Roͤthe verwandelt wird.
Deß-
De Auro Potabili.
Deßgleichen gehets auch denen/ die jhr
Tinctur
durch distillirte
Olea
wollen
ex- trahiren,
welche auch ein
Sal Volatile
mit sich fuͤhren/ als da ist
Oleum Succini, Cinna- momi, Caryophyllorum, Fuliginis,
vnd dergleichen viel andere mehr.
Vnd daß auch ein solche vermeynte
Tinctur
vnd
Aurum Potabile,
krafftlos sey/ bezeuget die taͤgliche Erfahrung/ vnd ist nicht Noth weiter davon zu melden.
Daß aber kein andere gute Medicamenten auß dem corporalischen Golde solten koͤnnen gemacht werden/ ausser dieser
Tinctura,
sage ich nicht. Dann so dasselbe durch suͤsse bequaͤme
Menstrua solviret
wird/ also/ daß es sich nicht wieder davon
præcipitiren
laͤßt/ kan es auch wol das seinige mit Verwunderung in vielen vnheylbaren Kranck hei- ten beweisen. Aber gleichwol besser das lebhaffte Metall zur Artzney/ als das gemeyne genommen.
Ein wahres
Aurum Potabile
aber/ muß nicht nur allein den Namen vnd den Schein/ oder Gestalt eines gelb oder rothgefaͤrbten Wassers haben/ dergleichen dann jetziger Zeit/ an vielen Orten/ von vnerfahrnen vnd vermeynten
Chymicis
verkaufft werden.
Sondern es muß auch gemaͤß seines Namens/ mit guͤldischer Eygenschafft vnd Krafft begabet seyn/ also daß man genugsam spuͤren kan/ daß es von Gold gemacht/ vnd doch im geringsten mit schmeltzen durchs Fewer keins darinnen zu finden sey/ sondern fluͤchtig/ Spiritualisch vnd Penetrirlich erfunden/ also/ daß es ein
ingreß
habeins Menschen Leib zu wircken/ der
Spiritus Vitalis
dardurch gestaͤrcket vnd ermuntert wer- de/ dardurch seine Feinde zu uͤberwinden vnd außzutreiben.
Vnd weiters alle vnvollkommene Metallen/ insonderheit den
Mercurium, Sa- turnum
vnd
Lunam,
in bestaͤndig Gold zu verwandeln Macht haben. Doch nicht als ein fixe
Tinctur,
damit man
projection
auff geflossene Metallen/ mit grossem Nutzen thun kan. Sondern nur allein ein Muͤgligkeit der Verbesserung durch Digerirung in nasser Gestalt gespuͤret wird; Also/ daß sich nur ein Theil von dem vnzeitigen Metall in ein bessers verwandelt.
Dann diese
Tinctura
oder
Sal Auri,
welche ich zubereyten gelehret habe/ gantz fluͤchtig ist/ vnd kein Gewalt des Fewers erwarten will. Sondern in kleiner Hitz/ als ein Wachs zwar schmeltzet/ aber doch allgemach als ein fewriges rothes Saltz
sublimi- ret
vnd auffsteigt/ welches man in
Spiritu Vini solviren,
vnd als ein gute Medicin ge- brauchen kan.
Auch soll ein wolbereytetes
Aurum Potabile,
im kosten auf der Zungen nit scharpff/ herb/ vnd astringirent seyn/ gleich wie ein
Solutio Auri,
oder eines andern Metalls zu seyn pflegt.
Soll auch die Haͤnde/ Nagel vnd Haut nicht schwartz oder braun faͤrben/ sondern dieselbe schoͤner machen.
Deßgleichen kein Metall/ es sey Kupffer/ Eysen/ Zinn oder Bley/ rostig oder schwartz/ sondern viel heller als es an jhm selber ist/ machen.
Auch
De Auro Potabili.
Auch muß das
Corpus Solis
nicht wiederumb nach der
Extraction
koͤnnen
re- ducirt
werden/ auch nicht ein weisses Gold/ welches durch
Aqua Regis,
oder
Antimo- nium
wieder seine Farb erlangen kan/ zuruͤck bleiben/ sondern eine Aschen-farbe Erden/ die in geringer Hitz/ gleich als ein
Arsenicum
sich auffsublimire/ vnd die Capellen nicht mehr bestehen koͤnne. Wann nun solches ist/ muß man glauben/ daß die
Tinctura
von dem Gold kommen sey. Wann aber solche oberzehlte Eygenschafften darinnen nicht zu spuͤren vnd beweißlich seyn/ so ist es meines Erachtens/ fuͤr kein wahres
Aurum Po- tabile
anzunehmen. Sondern vielmehr ein Sophistisch
Aurum Potabile.
Darfuͤr sich ein jedweder zu huͤten wissen wird.
Vom Gebrauch dieser guͤldischen Medicin.
W
Eilen oben bewiesen/ daß das Gold seinen Vrsprung von der Sonnen habe/ vnd als eine jrꝛdische Sonn mit vnglaublichen Kraͤfften von
GOTT
begabet sey. Dann in jhme verschlossen/ aller
Vegetabilien, Animalien,
vnd
Mineralien
Kraͤff- ten. Aber im geringsten sich nicht offenbaren/ es werde dann
Philosophicè
zerlegt/ vmb- gewandt/ vnd sein innerstes vnd reinester Theil von den groͤbern gescheyden/ also daß es seine Kraͤfften/ welche zuvorn in jhme verborgen waren/ offenbarlich bewei- sen koͤnne.
Diese meine Rede moͤchte manchem vnwarhafftig zu seyn fuͤrkommen/ weilen ich sage/ daß das Gold wiederumb in ein subtiles vnd der menschlichen Natur annehm- liches Wesen: Auch in aller
Vegetabilien, Animalien
vnd
Mineralien
Kraͤfften/
effe- ctivè
zubeweisen koͤnne gebracht werden.
Ich muß zwar bekennen/ daß dieser/ welcher von dem
Vulcano
zu keinem
Philo- sopho
gemacht worden/ solches nicht wol begreiffen/ oder viel weniger glauben koͤnne.
Aber wer wolte jhme selbsten so viel Muͤhe auffladen/ vnd alle streitige Sachen durch begreiffliche
rationes
schlichten. Welches zu thun mir wol muͤglich were/ wird aber allhier vmb der Kuͤrtze willen vnterlassen. Aber zu besserer Nachrichtung vnd Be- weiß meiner Wort/ kan der Kunstsuchende nachschlagen in meinem zweyten Kunst- Ofen/ darinnen er finden wird/ wie auß dem
Antimonio
vnd gemeynem Schwefel/ nicht allein vieler vnterschiedlicher
Vegetabilien
Krafft vnd Tugend/ sondern auch de- roselben eygentlicher vnd natuͤrlicher Geruͤch/ koͤnne durch Huͤlff des Fewers von einem erfahrnen
Chymico
herfuͤr gebracht werden/ welches doch im geringsten vor jhrer ra- dicalischer
solution
in jhnen nicht zu spuͤren war.
Kan nun solches an einem stinckenden vnvollkommenen Mineral gethan vnd be- funden werden? Wie viel mehr an einem
perfecten
vnd von der Natur außgekoch- ten Metall?
Wann wir gute Nachforscher der Natur weren/ vnd vns im Fewer zu suchen so bald nicht verdruͤsse/ so doͤrfften wir so viel Buͤchsen vnd Kannen nicht in die Apotheken setzen/ auch so viel Geld vnd Kosten an innheimische/ vnd frembde außlaͤndische Kraͤuter
V v
vnd
De Auro Potabili.
vnd
Materialien
nicht wenden/ sondern wir wuͤrden viel einen naͤhern Weg finden/ wie aller
Vegetabilien, Animalien,
vnd
Mineralien
Kraͤffte/ in etlichen wenigen gewiß beysammen zu haben muͤglich were.
Weilen dann zum oͤfftern erwehnet/ daß ein wolbereyte
Tinctura Solis,
inson- derheit/ wann sie ist fix gemacht/ aller
Vegetabilien, Animalien,
vnd
Mineralien
Kraͤff- te/ beysammen vollkoͤmlich haben koͤnne: Also solten auch alle Kranckheiten
consequen- ter
damit koͤnnen vertrieben werden/ daß das erste wahr sey/ vnd das ander folgen muͤsse/ bekenne ich/ aber mit Vnterscheyd zuverstehen.
Dann
Chiragra
vnd
Podagra
ist mancherley/ deßgleichen
Lepræ
vnd
Calculus
nicht einerley/ dann bey einem ist es eine veralte vnd vnheilbare/ bey dem andern aber eine newlich entstandene vnd leicht curierliche Kranckheit. Welcher darff dann so frech seyn/ vnd alle Kranckheiten ohne Vnterscheyd durch eine
Medicin
zu genesen verspre- chen? Solches niemand mit Warheit thun kan/ wann er schon den
Lapidem Philoso- phorum
selbsten besaͤsse. Dann jederman wol bewust ist/ daß bis weilen ein Blasenstein vom Menschen abgehet/ oder darauß durch den Schnitt genommen wird/ welcher so hart ist/ daß er auch mit keinem
Aqua fort
kan
solviret
werden. Welcher
Medicin
(die doch nicht corꝛosivisch seyn soll/) ist solches zu thun muͤglich? Keiner gewißlich; Ob schon etliche Scribenten jhrer
Medicin
in solches zulegen/ vnd zu thun versprechen/ er- folget aber das Gegentheil/ welches jederman mehr als zu viel bewust ist.
Ist derohalben nicht genug/ daß man mehr verspricht als man halten kan/ man sagt verheissen macht Schuld/ welches aber mancher nicht in acht nimbt/ vnter dessen wird die Warheit von dem Gegentheil vnterdruckt/ vnd die Hoffnung gutes Succeß Chymischer Medicamenten dardurch auffgehoben/ welches nicht seyn solt/ sondern viel besser were/ wenig verheissen vnd viel gehalten/ vnd das Werck den Meister selber lo- ben lassen.
Dann wie wolte es muͤglich seynkoͤnnen/ daß ein
Medicin
geistlicher Weise/ in die aͤusseste Theil des Leibes/ als in Haͤnde vnd Fuͤsse gehen koͤnte/ daselbsten ein hartes steinichtes coagulirtes Wesen zu
solviren,
welches ausser dem Leib mit keinem
corrosiv
kan uͤberwaͤltigt werden?
Es hat ein gute
Medicin
genug zu thun/ wann sie eine
Materiam, Viscosam, Tar- taream, Salinosam,
welche noch nicht gaͤntzlich erhartet/ in solcheu Orthen antastet/
sol- viret,
erduͤnnert/ vnd außtreibt.
Ebener massen solches mit dem Nieren- vnd Blasen-Stein verstanden muß werden.
Nach solcher Meynung vnd Weiß zu versteben/ will ich meiner
Tincturæ Solis
auch zuschreiben
Chiragram, Podagram,
Nieren- vnd Blasen Stein/ bey Jungen vnd Alten zu solviren vnd außzutreiben/ doch nach Gelegenheit der Patienten/ wann es von- noͤthen ist/ eine gute Purgation/ auch wol aͤusserliche natuͤrliche/ oder durch Kunst be- reytete warme Baͤder dabey gebraucht/ also daß man der Natur zu huͤlff komme/
desto
De Auro Potabili.
desto schleuniger das jhrige zu verꝛichten. Vnd vor allen dingen/ Gottes vnergruͤnd- lichen Rath vnd Vorhaben nicht hindan gesetzt. Dann bisweilen vns
GOTT
ein schwere Kranckheit/ entweder zur Zucht oder Straff aufflegt/ welche durch keine
Me- dicin
oder andere menschliche Huͤlff vnd Rath/ kan hinweg genommen werden/ es sey dann/ daß Gottes Zorn erst durch ein demuͤtiges vnd bußfertiges Hertz (welches die be- ste
Medicin
ist) gelindert vnd versoͤhnet sey.
Deßgleichen alle Kranckheiten/ welche von corꝛumpirtem Gebluͤt herkommen/ als alle Geschlecht des Aussatzes/ Frantzosen/ vnd andere Beschmeissungen mehr/ wie sie auch Namen haben moͤgen/ neben behoͤrlichem Gebrauch guter Purgantien vnd schweißtreibenden Medicamenten/ welchen muͤssen; dann das Blut im gantzen Leib fuͤr allen andern Artzneyen dardurch gereinigt vnd vernewert wird.
Auch benimbt sie alle
Obstructiones
des Miltzes/ der Leber/ Nieren/ vnd an an- dern Orten des gantzen Leibes/ wegen seiner erwaͤrmenden/ durch-dringenden/ duͤn- mach enden/ vnd außtreibenden Krafft/ davon sonsten viel schwere Kranckheiten vnd Schmertzen entstehen.
Alle fliegende vnd ploͤtzlich anfallende Kranckheiten/ als
Epilepsia, Pestis,
vnd alle Geschlechte der Fieber/ werden dardurch in kurtzer Zeit
radicaliter
hinweg ge- nommen.
Auch befoͤrdert diese
Tinctura
der Weiber verhaltene Monat-Zeit/ bey Jungen vnd Alten/ wunderbarlicher vnd vnglaublicher Weiß/ insonderheit wann sie aͤusserlich auch darneben nach Gebuͤhr recht gebraucht wird. Dardurch manches Weib welches von allen
Medicis
verlassen/ erhalten kan werden/ die sonsten jaͤmmerlich vnd elendi- glich ohne Huͤlff vnd Trost/ mit gefundem Hertzen sterben muͤste. Erwaͤrmet/ reiniget/ vnd saͤubert die Mutter vor all andern Artzneyen/ macht solche bequaͤm/ vmb alles zu thun dazu sie von Gott geordiniret ist. Vnd befreyet dieselbe von allen schaͤdlichen Zu- faͤllen/ dardurch die Fruchtbarkeit verhindert/ viel vnd mancherley vnbekandte schwere Kranckheiten/ vnd endlich der Tod entstehet.
Bey den
Hydropicis
fuͤhret es das Wasser durch den
Urin
auß/ vnd wegen sei- ner temperirten Waͤrme/ entbindet es die innerliche vnd aͤusserliche Theilen/ des mit Wasser uͤberschwemmten vnd vertrunckenen Leibs durch exsiceiren. Gleich als die Son- ne durch jhre warme Stralen ein Gefaͤß mit Wasser außtrucknet/ dardurch also der Leib seine vorige
temperatur
vnd Gesundheit erlanget.
Weiters
Particulariter
von andern Kranckheiten zu handeln/ duͤncket mich nicht noͤthig zu seyn/ dann diese
Tinctura
zu allen Kranckheiten/ ohn Vnterscheyd als ein all- gemeyne Medicin/ bey Jungen vnd Alten ohne Gefahr sicherlich vnd nuͤtzlich zu gebran- chen ist: Nicht allein solche abzuwenden/ vnd dem Leib die verlorne Gesundheit wieder zu geben/ sondern auch als ein bewehrtes
Præservativ,
solchen fuͤr allen zufaͤlligen Kranck- heiten zu bewahren/ vnd auff seine bestimpte Zeit in Gesundheit zuerhalten.
Vnd ist die
Dosis
3. 6. 9. bis auff 12. oder mehr/ den Kindern aber 1. 2. 3. Tropffen
V v ij
mit
De Auro Potabili.
mit bequaͤmen
Vehiculis
oder nur mit Wein oder Bier/ alle Morgen nuͤchtern/ bis- weilen auch nach Gelegenheit der Kranckheit zu etlich mahlen/ des Tags wiederhol et/ vnd also bis zur Besserung damit verfolget.
So aber nun ein oder ander Spoͤtter dieses mein Schreiben sich villeicht vnter- stuͤnde zu verachten/ (dann allezeit der Satan mit seiner hoffaͤrtigen vnd luͤgenhaffti- gen Gesellschafft/ nichts anders kan vnd suchet/ als das Gute zuverhindern) so soll sich doch niemand daran kehren/ sondern faͤstiglich glauben/ daß einmal die Zeit kommen wird/ (welche auch vielleicht schon fuͤr der Thuͤr ist) daß der brennende Zorn Gottes/ solche stinckende Boͤcke gleich wie Stoppeln vnd Sprew verbrennen wird/ dargegen aber die Schafe/ welche jhrem Herꝛn jhr Futter mit guter Milch vnd Wolle/ als mit ei- nem schuldigen
Talento,
reichlich bezahlen/ wol vnversehrt bestehen werden.
Will hiemit beschliessen/ verhoffentlich meinem Nechsten damit gedienet zu ha- ben. Vnd zweiffelt mir nicht/ wer diese guͤldische
Medicin
recht vnd wol gebrauchet/ sich wol dabey befiuden wird/ insonderheit/ wann er zuvorn sein Hertz vnd Gemuͤth ge- gen
GOTT
erhebet/ seine Suͤnden erkennet/ vnd den Schoͤpffer vnd Vrsprung al- les Guten/ vmb Huͤlff/ Segen vnd
Benedeynng
seiner Gaben/ in kindlicher Demuth embsig ersuchet/ vnd anrufft. Welcher guͤtige vnd barmhertzige Vatter/ vns allen sei-
nen duͤrfftigen Kindern/ allhie zeitliche Wolfahrt/ Gesundheit des Leibs/ vnd dort das ewige Leben auß Gnaden verleyhen wolle/
AMEN
.
Ende des
Auri Potabili.
Des
Des Teutschlandts Wolfahrt Erster Theil.
Darinnen von des Weins/ Korns vnd Holtzes
Concentrirung,
sampt deroselben Nutzlichern (als bishero geschehenen) Gebrauch/ ge- handelt wird.
VORREDE
.
W
ANN
man der Alten Sprichwoͤrter/ als gute
vnterweisungen annehmen solte/ Muste man auch dieses (als nicht von den geringsten eines) wie billig auch nicht ver- werffen/ welches also lautet/
Wer nicht wil hoͤren/ der muß hernacher fuͤhlen/
Das ist so viel zu sagen/ Wann Jemand gewarnet/ er aber solches verachtet vnd nicht annimbt/ vnd daruͤber zu schaden kompt/ sagt Jederman es ist jhm recht geschehen/ warumb hat er trewe warnung nicht angenommen/ wer soll jhme Jetzunder helffen? Also geht es gar vielen die also sicher dahin leben/ vnd nicht weiters sehen als was jhnen vor den fuͤssen liegt/ vnd im geringsten nicht auch an daß kuͤnfftige ge- dencken/ so lang vnd viel bis daß sie ploͤtzlich uͤberfallen werden/ vnd guter Rath zu spath kompt. Weilen dann niemand so schlecht/ welcher nicht klaͤr- lich sihet in was fůr gefaͤhrlichen zeiten wir Jetzunder so sorgloß dahin le- ben/ der Alten Lehr gantz nicht betrachtende/ wann sie sagen: Ein weiser Mann soll es so weit nicht kommen lassen/ daß er sagen muß/ Ey wer haͤtt doch gedacht daß dieses geschehen solte/ welches aber Jetzunder (leyder) mehr
V v iij
als
Vorꝛede.
als zu viel geschicht/ vnd nichts mehrers als die sicherheit (dardurch gar viel betrogen werden) solches vervrsacht. Wann dann nun Je vnd allwegen/ die vorsichtigkeit von allen Verstaͤndigen ist hochgehalten/ vnd als ein Mann- liche that gepriesen/ die sicherheit aber als ein leichtsinniges weiber werck sehr gescholten worden. Warumb wollen wir dann die Gluͤckliche Vorsichtig- keit/ der vngluͤcklichen Sicherheit nit vorziehen? Weißt vns doch der Wei- se Mann auff die Ameysen zu sehen/ von Ihnen zu lernen/ wie dieselbe im Sommer so fleissig arbeiten vnd eintragen/ daß sie den Winter zu leben ha- ben. Thuns doch auch die kleinen Bienen/ wie auch meist alle Gethier/ bis auff die kleinste Maus zu/ vnd tragen im Sommer/ von den uͤberfluß wel- cher doch auff dem Feld liegen bliebe vnd verduͤrbe/ auff daß sie im kalten Winter wol davon leben moͤchten/ jhre wobnung voll. Allein wir Menschen seynd so faul vnd vnachtsam/ daß vns auch die Thier beschaͤmen vnd sagen koͤnten/ Ihr vnvorsichtige faule Menschen/ Lernet doch von vns haushalten/ vnd schaͤmbt euch darumb nicht/ Ob wir schon so klein seyn. Der Hochmuth aber der gemeynlich vor dem fall kompt/ kan nicht wol zu lassen das ein gros- ser von einem kleinen lerne. Gleichwol habe Ich mich vnterstanden/ Gott vnd der Hohen Obrigkeit/ wie auch dem Lieben Vatterland zu Ehren/ vnd meinem Naͤchsten zu Dienste/ Eine gitte Erinnerung oder anweisung zu thun/ wie daß wir bey diesen noch guten zeiten/ da allenthalben/ durch gantz Teutschland von allen Notturfften/ als Wein/ Korn vnd andern dingen/ die fuͤlle vnd uͤberfluß/ solchen uͤberfluß nicht vnnuͤtzlich verderben lassen. Sondern nach guter Josephischer Haushaltung/ selbige in kuͤnfftige thewre Zeiten/ in Vorꝛath wol bewahren vnd auffhalten solten vnd koͤnten.
Wer glaubt nicht/ das bey mannes gedencken von Wein vnd Korn durch das gantze Hoch Teutschland/ kein groͤsserer Vorꝛath/ vnd wolfeyle- re Zeit/ als jetzunder ist/ gewesen sey? Kan man nicht an vielen Orthen drey Malter des besten Korns fuͤr ein Reichsthaler haben? Ist der Wein nicht so vnwehrt an vielen Orthen/ daß er in Kellern/ das Korn aber auff den Sol- dern liegt vnd verdirbt/ solte man dann nicht diese Zeit in acht nehmen vnd betrachten/ wann ein ding am allervnwehrtesten ist/ soll mans am besten be- wahren. Ja sagt mancher/ wo soll ich mit hin/ meine Kelder vnd Solder seynd voll/ ich kan nichts mehr legen/ vnd wann ich schon mehr legen koͤnte/ zu was ende solte ichs thun? Wann wůrde ich solches wieder verkauffen koͤn-
nen?
Vorꝛede.
nen? weilen Jederman selber genug hat/ solte mir nur ligen vnd verderben; Darumb besser daß es einem andern als mir verdirbt: solche vnd dergleichen Reden gehen herumb/ Ja mancher Gottlose Mensch noch darzu flucht vnd wuͤnscht/ daß das wetter hineyn schlagen vnd verbrennen muͤsse/ weilen er kein geld dafuͤr loͤsen kan. Solte wol Gott solches gefallen? wuͤrde er vnrecht thun wann er ein grosse thewrung darauff schicken thaͤte? Geschicht daß nicht allezeit/ wessen dings eingrosser uͤberfluß/ dessen ein grosser mangel bald darauff folget? Haben wir dann einen buͤrgen daß solches vns nicht auch bald widerfahren kan? Derhalben man billig die Reiche gaben Gotees nicht also vnnuͤtzlich verderben lassen/ sondern fleissig bewahren/ vnd zusam- men halten solte. Thun wirs nicht/ so wirds Gott thun/ dessen wir aber nicht lachen werden.
Deme nun so viel můglich vorzukommen/ daß der uͤberfluß von Wein vnd Korn bis auff kuͤnfftige thewre Zeiten moͤchte erhalten vnd bewahret werden/ habe ich dieses Buͤchlein von Concentrirung der
Vegetabilien, Animalien, Mineralien
vnd
Metallen,
darinnen des Teutschlandts wol- fahrt/ wie auch der Allgemeyne Schatz vnd Reichthumb der gantzen Welt bestehet/ Jederman dargelegt/ vollkomblich offenbahrt/ vnd bekant gemacht. Dann welches Land in
Europa
oder der gantzen Welt ist mit Wein/ Korn/
Mineralien
vnd
Metallen
gleich wie Teutschland so uͤberfluͤssig von Goet gesegnet? Weilen dann der uͤberfluß eine
Nauseam
oder uͤbertruß vervr- sacht/ als habe ich den uͤberfluß von Wein/ Korn/
Mineralien
vnd
Metal- len,
deren Teutschland vor allen andern Laͤndern in
Europa excellirt,
auff daß solcher nicht wegen der menge auß vnachtsambkeit oder verachtung li- gen vnd verderben moͤchte/ in die Engte zu bringen/ gut gefunden. Wann dann solche vnwehrte dinge in die Engte gebracht/ so kompt der vnnuͤtzte theil davon/ vnd versamlet sich der Edelste theil zusammen. Welcher dann her- nach nit so leichtlich verderben kan/ als wann gut vnd boͤß noch beyeinander were/ vnd dieses so wol bey den
Mineralien
vnd
Metallen,
als bey Wein/ Korn vnd Holtz zuverstehen/ dann wann das Wasser von dem Wein vnd Bier geschieden/ vnd die beste theilen
Concentrirt,
werden/ so koͤnnen diesel- be sich so lang halten/ als man selber will. Vnd wann man deren Noͤtig/ als dann wieder dieselbe mit Wassen
extendiren
oder anlaͤngen/ so weit man auch wil/ vnd lassen sich allezeit Sechs fuder Wein/ in einem fuͤderigen Faß:
bewah-
Vorꝛede.
bewahren vnd auffhalten/ welches einige Faß dann/ wie leichtlich zu erach- ten/ nicht so viel platz im Keller eynnimbt/ als 6. die er sonsten haͤtte haben muͤssen/ vnd kost ein einiges Faß auch nicht so viel mit binden zu vnterhalten/ als die Sechse/ zehrt jhnen auch nichts davon eyn/ daß er wieder aufffůllen muß wie sonsten beym Wein geschicht/ vnd hat man auch diesen grossen vor- theil bey den
Concentrirten
saͤfften/ daß wann man selbige im vorꝛath hat/ alle Herbstzeit 4. 6. 8. oder mehr wochen/ ehender newe Weine davon ma- chen/ vnd noch eins so thewer verkauffen kan/ als wann sie verkaufft werden/ wann die Trauben zeitig/ vnd Jederman newe Weine selber hat.
NB.
Zu diesem werck gehoͤret aber ein besonder Kuͤnstlich Instrument/ damit man die Jaͤhrende Moͤste bald jaͤhrend vnd Klar machen kan. Vnd seynd auch sonsten noch vielmehr nuͤtzliche vortheil bey den
Concentrirten
Moͤsten zu haben/ welche alle hieher zu setzen vnnoͤtig/ Bey dem
Concen- trirten
Bier hat man gleicherweiß viel Vortheil/ dann man allezeit 8. Ton- nen Korn (wann es
Concentrit,
in ein Tonne hinlegen vnd bewahren kan/ bedarff sich auch nicht besorgen/ daß jhm sein Korn auff dem Solder lebend wird vnd zum Fenster hinauß fleugt. Allhier steckt es im Faß/ kans uͤber 10. oder 20. Jahren herauß nehmen/ vnd gebrauchen nach seinem belieben/ gibt viel bessere gesundere vnd lieblicher Bier (dann es in der
Concentrirung,
lang gekocht) als das Maltz thut. Der nun bey wohlfeylen zeiten/ das Korn Einkaufft/
Concentrirt,
vnd hinlegt bis auff thewre Zeit/ der kan viel da- ran gewinnen/ vnd thut ein solcher nicht allein jhme vnd den se nen mit ehren vnd auch andern ohne schaden grossen Nutzen/ sondern er thut auch ein stuͤck der Liebe vnd barmhertzigkeit/ gegen seinen Naͤchsten/ wann er jhm in noͤthen beystehet/ sein Korn abnimbt/ vnd bezahlt/ daß er das geld zu fernern vnter- halt seines Hauses anlegen vnd nutzen darmit schaffen kan.
Also geschicht durch diese
Concentration
des Weins vnd Korns niemand zu kurtz/ sondern beyderseits dem Kauffer vnd Verkauffer nutzen vnd gutes/ welches billig von Hohen vnd Niedern Standspersonen in Ob- acht solte genommen werden. Es solten auch billig Fuͤrsten vnd Herꝛen/ Kaͤyser vnd Koͤnige/ wie auch andere Herꝛschafften vnd
Respublicæ
jhre
Proviant
Haͤuser vnd Festungen darmit versehen lassen/ bey Thewrer zeit den Armen wieder vom uͤberfluß zukommen lassen/ wůrden gar kein schaden/ sondern allezeit noch gutennutzen davon haben.
Bey
Vorꝛede.
Bey
Concentrirung
des Holtzes in
Salpeter
ist nicht geringerer son- dern noch ein viel mehrer nutzen als bey Wein vnd Korn/ dann man das Holtz vmbsonst haben/ vnd mit gar geringen kosten zu
Salpeter
machen kan/ welcher ja ohne schaden in den Zeug-haͤusern/ so lang man selber will/ (dann er nicht verderben kan) auff behalten/ vnd so mans noͤtig zu Pulver mit Koh- len vnd Schwefel (welcher auch nicht verdirbt) machen kan/ vnd ist gar vn- noͤtig/ ja sehr schaͤdlich/ daß man in den Festungen/ ein solche grosse
quanti- tet
Schießpulver bewahrt/ seynd nicht
Exempla
genug/ wie daß auß vn- vorsichtigkeit solche Pulver-thůrn/ oder auch wol durch den blitzen/ angan- gen/ gantze Staͤtt mit viel hundert Menschen im augenblick uͤmbgekehrt vnd getoͤdet haben. Deme allen ist durch dieses mittel vorzukommen/ wann man nemblich die
requisita,
als Salpeter/ Schwefel vnd Kohlen/ vnd nicht daß zubereytete Schießkraut/ verwahret/ wann wir dann den Salpeter haͤuffig auß dem Holtz zeugen koͤnnen/ so fehlet auch nicht daß man die Koh- len vnd Schwefel bewahren/ vnd wann es die noth erfordert/ als dann zu Kraut mache vnd gebrauche. Auch darumb ist die
Concentrirung
des Holtzes in Salpeter besser oder eintraͤglicher/ als diese von Wein vnd Korn/ dieweilen zu allen Zeiten die in Teutschland allenthalben mit grossen hauf- fen liegende
Mineralien,
die fuͤr nichts geacht werden (weilen sie kein fix vnd Corporalisch Gold vnd Silber halten) darmit zu
figiren,
vnd das bessere theil daraus zu bringen/ sondern auch der bekanten geringern
Metallen
Ih- ren
Sulphur superfloum
darmit zu verbrennen/ vnd in bessere zu verwand- len/ wie auch die
perfecta Metalla
als Gold vnd Silber darmit zu zerstoͤh- ren/ vnd das bessere theil wieder in die Engte zu bringen/ (davon der folgen- de zweyte/ dritte vnd vierdte Theil dieses Buchs handlen wird) dem
nitro
zu thun moͤglich ist/ also daß die
Concentrirung
des Holtzes/ in einen Salpeter oder Weinstein/ welche beyde in grosser
quantitet
so wol allezeit zu verkauffen/ als selbsten (wann mans weiß) zu verbrauchen vnsern Vat- terland dem Edlen Teutschland (da des Holtzes allenthalben ein grosser uͤberfluß/ vnd gleichsamb vmbsonst zu haben ist) ein grosses auffkommen (wann sie selber wollen) so wol gegen jhre kuͤnfftige/ als gegenwertige Fein- den/ seyn kan.
Wer dann nun viel Holtz hat/ der kan auch viel Reichthumb haben wann er hand anlegen will/ vnd darff sich niemand besorgen daß der Sal-
X x
peter
Vorꝛede.
peter vnwerth oder vnverkaufflich werden wird/ vnd wann gleich solches ge- schehen solte/ so habe ich allbereyt in meiner
Explication
uͤber mein
Mira- culum Mundi,
so viel ans Licht geben; vnd gebe auch in den drey folgenden Theilen dieses Buchs/ weiters so viel anleytung/ wie nemblich solcher mit gutem nutzen zu verbrauchen/ also daß sich immer noch Einige finden wer- den/ welche denselben suchen/ vnd zu jhrem nutzen zu gebrauchen wissen.
Wer nun Augen zu sehen hat der sehe/ dann es wird die Zeit kommen (welche allgemach einhertritt) daß mans wird noͤtig haben/ wann man etwas hat oder weiß/ wie es dann viel besser etwas gutes wissen/ als grosse guͤter (welche man nit mit sich tragen/ vñ weder jhme noch den seinigen darmit helf- fen kan) zu besitzen. Wol deme welcher alsdann sagen kan mit dem
Philoso- pho: Omnia mecum porto.
O wie vnrecht wird gegen den Lieben Gott gesprochen vnd gethan/ wañ man jhme beschuldigt/ als wañ er etliche Laͤnder da kein Wein/ nicht viel Korn/ keine Citronen vnd Pomerantzen wachsen/ nicht genugsam versehen haͤtte. Da doch eben so wol grosse Schaͤtze/ wann sie nur erkant wuͤrden/ darinn zu finden. Dann ja aufs wenigst Holtz darinn ist/ welches ja den Armen vnd Reichen/ ohne zuthun der geringsten muͤhe/ kosten oder arbeyt/ tag vnd nacht daher waͤchset/ als wolte es sagen/ Thue ich nicht das meynige/ Stelle ich mich dir nicht vor augen/ daß du mich solst ansehen/ Gottes guͤtigkeit darauß zu erlernen/ vnd mit Dancksagung zu ge- brauchen/ Kan sich also kein Land gegen das ander erheben/ als wann es bes- ser als ein anders/ auch keins sich beklagen/ als wann es zu wenig von Gott gesegnet/ dann jedes genug hat/ wann es sich nur will benůgen lassen. Auch diese Laͤnder darinn auch garkein Holtz waͤchset/ Ebenmaͤssig den andern gleich/ Reichlich von Gott gesegnet seyn/ wie zu sehen in Island vnd an- dern weit gegen North entlegenen Laͤndern/ da das Korn/ vnd was sie son- sten zur Notturfft haben muͤssen/ von andern Laͤndern jhnen solches muß zugefuͤhrt werden/ dargegen sie Stockfische wieder verkauffen/ vnd also gleichwol wann schon weder baum noch hecken/ weder Wein noch Korn darinn waͤchst/ dannoch kein Mangel leyden/ sondern von Gott eben wohl gesegnet seyn vnd Vaͤtterlich ernehret werden. Haben sie schon kein Holtz/ so haben sie die Steinkohlen (dann daselbst das Erdreich sehr Sulphurisch ist/ vnd bey dem Berg
Hekla
welcher staͤttig inwendig brennt/ fewer/ rauch/ vnd aschen außwirfft/ Jaͤhrlich von den Inwohnern ein grosse
Summa
Schwe-
Vorꝛede.
Schwefel außgezogen/ vnd zu jhrem vnterhalt in vnsere Laͤnder ver- kaufft wird.
Nun moͤchte mir leichtlich vorgeworffen vnd gesagt werden/ wann dann das
nitrum
ein
Subjectum universale
seyn solte/ vnd in allen dingen zu finden/ so muͤste es dann auch in den Stockfischen/ weilen kein Holtz da- selbsten waͤchset/ ebenmaͤssig zu finden seyn/ sonsten man sagen koͤute/ daß es nicht
univetsal,
weilen es in diesem vnd Jenen Landen nicht zu finden. De- me nun auch auß dem traum zu helffen/ so berichte ich das nicht allein daß
Nitrum
in den Fischen/ wie allbereyt oben gesagt/ aber doch nicht so maͤchtig als in andern
Subjectis,
als Holtz/ Wein vnd Korn/ dagegen aber ist es de- sto maͤchtiger in den Steinen daͤvon das gantze Land grosse Schaͤtze geben koͤnte/ wann mans wuͤste herauß zu bringen/ dann in den Steinen die sich zu Kalck brennen lassen (welches auch ohne Holtz/ als mit Torff oder Stein- kohlen geschehen kan) eben so Reichlich das
nitrum
verborgen/ als in dem Holtz vnd andern Vegetabilischen gewaͤchsen/ mangelt allein daß mans weiß heraus zu bringen.
Wann man ein solches rauhe vnd wilde Land/ da gantz nichts waͤch- set/ gegen ein ander gut Land/ da alles genug waͤchset/ in einer Philosophi- schen Wagschahlen/ gegen einander aufziehen solte. Koͤnte dieses rauhe Land/ leichtlich/ das fruchtbarste wegen seiner verborgenen schaͤtze in der Er- den vnd Stein/ uͤberziehen/ vnd den Vorzug bekommen. Darumb niemand sich gegen Gott zu beklagen hat/ der Kleine hat die geschwindigkeit/ gegen den Langsamen grossen/ der Schwache/ legt seinen verstand gegen des Star- cken macht/ der Arme hat seine ruhe vnd gedult gegen des Reichen sorgen/ vnd so fortan bey allem Gethier solches zuverstehen ist. Man betrachte es wol/ so wird man finden daß Gott allenthalben/ vnd Jederman genug ge- than/ vnd sich kein einige Creatur zu beklagen hat.
Man lißt von einem Land in
America Peru
genant/ darinn der ůber- auß Silberꝛeiche Berg
Potosi
steht/ das in demselben Land/ auff 50. Deut- sche Meilen herumb/ das geringste wegen Kalter Lufft nicht wachsen solle/ dannoch das selbige Land/ wegen des einigen Bergs also beruͤhmbt vnd maͤchtig an Reichthumb worden/ das man ein Statt dehin gebawet/ von besten Wein/ Korn/ Zucker/ vnd andern dergleichen
Victualien
also Reich- lich versehen/ vnd Immer so gros vnd Trefflich von Haͤusern gebawt als
X x ij
eine
Vorꝛede.
eine in gantz Deutschlandt seyn moͤchte/ welches alles vmb des Einigen Bergs willen dahin kommen. Darauß zu sehen daß darumb nicht alles vn- tůchtig/ so vnansehlich vnd man nicht kennt: Es wirfft ein Bawer offter- mals ein Stein nach der Kuhe/ welcher mehr werth ist als die Kuhe/ vnd doch (weilen er nicht bekant ist) nichts geacht wird.
Muß man also nicht allezeit auff das aͤusserste sondern vielmehr auff das innerste eines dings sehen/ darzu die
Alchymia
(als ein Werckzeug die wahre
Philosophiam
darmit zu bawen) vns die Thuͤr oͤffnet/ das Inner- ste aller dingen zu besehen/ vnd auch zuerlangen. Wer das Fewer wol kennt vnd zugebrauchen weiß/ wird kein mangel leyden/ der es aber nicht kennt/ hat nicht viel vergessen/ vnd wird die verborgene Schaͤtze der Natur wol vnge- funden lassen.
Darauß kan ein jedweder schen/ was wir Teutschen fuͤr maͤchtige Schåtze vnwissent besitzen/ vnd vns nicht zu nutz machen wissen: welches/ wann andere
Nationen
nicht auch/ vns Teutschen gleich/ in dieser sach bis
dato
vnerfahren gewesen (daß wir mehr auff fressen/ sauffen/ muͤssig gehen als auff gute Kuͤnst vnd Wissenschafften vns legten) wir leichtlich von jh- nen hoͤren muͤsten. Dieweilen aber bey allen
Nationen,
jetziger zeit gute tu- genden vnd sitten ab/ die boͤse dargegen zu nehmen/ darff kein Esel den an- dern Lang Ohr heissen.
Nun weiß ich/ daß mancher vnerfahrne
Bachant,
das gelaͤchter mit diesen meinen vorgeben haben/ vnd sagen werde zu seines gleichen: Siehe mein Bruder doch was Glauber schreibt/ er will ein safft auß dem Holtz vnd Steinen pressen/ vnd Salpeter darauß machen/ was haͤltstu davon/ wollen wir nicht lieber eins trincken/ oder ein Dicketack spielen/ als diese ding lesen/ ich kans nicht glauben daß es wahr sey; Jener aber der seine weißheit auß gleichem Becher getruncken/ vnd auch nichts mehrers weiß/ den groͤs- sern hauffen alsdann auch beyfallen muß.
Was haben doch solche Leuth/ uͤber mein Tractaͤtlein
Miraculum Mundi
genannt/ fuͤr mancherley
Judici.
gehen lassen? Nun aber alle
pun- cten
zu
puncten Explicirt
vnd bewiesen seyn/ ziehen sie jhre Laster-Maͤu- ler eyn/ vnd stehen da wie butter in der Sonnen/ vnd můssen sich schaͤmen/ daß sie bey grossen Herꝛen solche falsche
Judicia
geben haben. Welches bey diesem Werck villeicht auch wol geschehen moͤchte. Dieses aber was ich
hierin
Vorꝛede.
hierin von
Concentrirung
des Weins/ Korns vnd Holtzes geschrieben/ nicht besser wird wahr zu machen oder zu beweisen seyn/ als wann ich solche
Concentration
vor augen zeigen werde/ als dann die verwunderung ein ende hat/ vnd der vnglauben verloͤschen wird. Vnd was ich allhier geschrie- ben/ darff man gar wol fuͤr die
Experimentirte
wahrheit annehmen vnd glauben/ dann ich zu keinem andern ende diese nuͤtzliche Wissenschafften herauß geben/ als meinem Naͤchsten darmit zu dienen.
Wers nun glauben/ vnd sich des glaubens auch theilhafftig machen kan/ der wird Ehr vnd Nutzen/ der vnglaubige aber Schand vnd Schaden davon haben.
Will also hiermit Propheceyen oder vorsagen/ daß durch dieses Stůck allein/ den Salpeter
in Copia
zu machen/ vnd zu Metallischer arbeit zu ge- brauchen/ uͤberauß grosse Schaͤtze vnserm Vatterland zu kommen werden/ wann wirs nur nicht selber versaͤumen oder verschlaffen. Laͤst mich Gott noch ein einiges Jahr leben/ so wird manchem durch den Salpeter geholf- fen/ solte es aber Gottes will nicht seyn/ solche zeit zu erleben/ muͤste man ge- dencken/ daß Gott der Allmaͤchtige vns Teutschen wie dem Mosi das ge- lobte Land gezeiget/ aber vmb der Suͤnden vnd Vnglaubens willen/ den Eyngang verschlossen.
Auff das ich aber meinem Naͤchsten vollkomblich diene/ vnd er sich gar nicht zu beklagen habe/ als wann ich jhme (weilen ich die Holtz Presse/ neben andern zugehoͤrigen Instrumenten nicht beschrieben) nur halb gedient haͤtte/ solchen aber nun auch genug zu thun/ so thue ich zu wissen/ das alle
requisita,
zu obgedachter
Concentrirung,
des Weins Korns vnd Holtzes/ vollkomlich bey mir zu sehen. Ist nun Jemand an solcher
Concentration
gelegen/ vnd er seinen Wein/ Korn oder Holtz zu nutzen bringen will/ so wird er wol wissen/ was jhme hierinn weiters zu thun mangelt/ vnd wie er den Mangel durch den gegenwaͤrtigen augenschein des Wercks/ erstatten soll. Es werden aber solche
Instrumenta
laͤnger nicht/ als Sechs Monath (von
Primo Martij
dieses 1656. Jahrs bis auff den
September
an zu- rechnen) zu sehen seyn. Dann ich mich nicht allzeit mit viel vnruhe zu schlep- pen sonderen einmahl zu ruhe zu begeben/ willens: Darnach dann ein jedwe- weder sich wird zu richten haben.
Die drey Restirende Theil
de Concentratione Mineralium \&
X iij
Metal-
Vorꝛede.
Metallorum
betreffende/ sollen geliebts Gott auch bald folgen. Dieweilen aber solche
Concentration
allein durch das
nitrum
geschehen muß/ vnd ohne das selbige wann mans nicht guthlauff zeigen kan/ niemand nutzen von haben wird. Also ist das Notwendigste fuͤrs erste sich vmb den Salpeter zu zeugen zu bemuͤhen. Wann man solchen dann in
Copia
haben kan/ wird man auch in den
Mineralien
vnd
Metallen
mit Nutzen zu recht kommen koͤnnen/ vnd ehender gar nicht. Versichere nochmahlen/ daß mit dem
Ni- tro
wunder dinge in Metallischen
laboribus
außzurichten/ ja zehen mahl mehr/ als ich dem selben in meinem
Miraculo Mundi
zu geschrieben habe/ oder hinfuͤrter jhm zuschreiben darff. Dann alles so zu der wahren
Alchy- mia
noͤtig/ in jhme/ durch jhne/ vnd mit jhme/ vollkoͤmblich zuverꝛichten.
Will hiermit diese Vorꝛed beschliessen/ vnd was in diesem Tractaͤt- lein etwan wegen kurtzer Beschreibung/ abgehen oder mangeln solte/ wird hernacher die Ocularische
Demonstration
vollkomlich erstatten/ also daß man genugsam darmit wird zu recht kommen koͤnnen. Darbey es auch diß- mahlen verbleibet.
Des Teutschlandts Wolfahrt. Erster Theil.
I
M Nahmen der Allerheiligsten Dreyeinigkeit fan- ge ich an zubeschreiben die grosse wunderwerck Gottes/ sei- ne gegen das duͤrfftige vnd arme Menschliche Geschlecht tragende Gnad vnd Barmhertzigkeit/ Jedermaͤnniglich bekant zu machen/ vnd alles ohne einige Hinterhaltung ꝛc. Vnser aller Vatter vnd Barmhertzige Gott Schoͤpffer Himmels vnd der Erden/ fuͤhre vnd regiere dieses werck/ daß es gereiche zu seiner Goͤttlichen Ehr vnd vnser aller Scelen Seligkeit/ Amen.
Nun will ich das Teutschlandt vor mich nehmen/ vnd besehen was fuͤr Reicher vnd uͤber Reicher Segen Gottes darinn zu finden/ vnd erstlich von dem Wein (als einem Stuͤck der Edelsten Geschoͤpffen Gottes) einen anfang machen. Vnd wie vndanckbar wir vns gegen den Geber alles guten erzeigen/ vnd seine Guͤtigkeit so schaͤndlich miß- brauchen/ anzeigen vnd beweisen.
Was
Erster Theil.
Was der Wein fuͤr ein edel Geschoͤpff Gottes sey/ wie er gezihlet vnd gehandelt wird/ ist Jederman bekant genug/ vnd darff allhier weilen solches von vielen andern vorlaͤngst geschehen/ vnd auch der taͤgliche gebrauch desselben vns genugsam bezeuget/ keines beschreibens. Nur dis allein ist noͤtig zu berichten/ wie nemblich derselbe auff eine viel bessere weise als bishero geschehen/ auff daß mehr nutzen von komme/ zu Tractiren. Dann Jederman bekant genug ist/ daß derselbe/ der Reinste vnd allergesundeste vnd Edelste Tranck vnter allen mag genennet werden/ vnd sonderlich ist er ein labung der Alten vnd Kalten/ die zarte Jugend aber solte billig denselben meyden/ weilen er zu fruͤhe genossen/ leichtlich die Leber erhitzet vnd vertrucknet/ davon hernach vielerhand Kranck- heiten entstehen/ vnd endlich ein fruͤher Tod. Ist also kein ding so gut/ es kan auch scha- den thun/ vnd hergegen kein ding so boͤs/ es nutzet noch zu etwas/ nach deme es gebraucht wird/ wie allhierbey dem Wein zu sehen/ welcher wann er maͤssig vnd zur bequaͤmen zeit genossen wird/ nicht allein die Speis im Magen wol
degerirt
oder kocht/ sondern auch das Hertz/ Hirn vnd lebliche Geister angenscheinlich staͤrcket/ vermehret/ vnd ein rein vnd gesund Blut vnd Fleich
generiret.
Im gegentheil aber/ wann er zu viel vnd vnordentlich gebraucht/ derselbe den Magen/ wie auch Lung vnd Leber uͤber schwemmet/ mit vielen boͤsen Feuchtigkeiten anfuͤllet vnd verstopffet/ also daß dieselbe jhr
officium,
darzu sie von Gott vnd der Natur geordnet/ nicht wol verꝛichten koͤnnen/ darauß dann mancherley Kranckheiten entstehen/ Dann wegen seiner Spiritualischen Krafft vnd hitzigen Natur vnd Eygenschafft/ das Hertz vnd Hirn sehr angreifft vnd schwaͤchet/ der
Spiritus Vitalis
dardurch gleichsamb uͤbermannt vnd versticket wird/ wie zu sehen bey einem Fewer/ da allzeit das groͤssere das kleinere vntertrucket oder uͤberwindet/ Al- so daß solche Menschen die taͤglich im Luder ligen/ herumb gehen wie die newgebohrne Kaͤlber oder Gaͤnse/ die nirgends zu taugen/ weder Gott noch jhnen selber/ oder andern nutz feyn.
Welches ein grosse schand ist/ daß ein Mensch als die Edelste Creatur/ sich selber zu einem tummen Thier macht/ da er doch eygentlich zu dem Ende erschaffen/ daß er Gott loben vnd preisen/ Ihme taͤglich vor seine grosse erzeigte Gnad vnd Barmhertzig- keit fleissig dancken/ seinem Naͤchsten dienen vnd helffen/ vnd nicht als ein vnvernuͤnff- tig Viehe also wild dahin leben solte.
Aber was soll ich sagen/ das alte Sprichwort lantet/
Qualis Rex, Talis grex,
Wie die Alten sungen/ so zwitzern auch die Jungen. Wann sie von den Eltern von Lastern ab- zustehen vermahnet wuͤrden/ wie jener Krebs seiner Mutter/ welche jhre Tochter/ daß sie also zu ruͤckwerts gienge/ ermahnete vorwarts zu gehen/ eine antwort bekommen: Ey lieber Vatter oder Mutter/ gehe du vorher/ vnd zeige mirwie ich thun soll/ so will ich dir dann folgen. Also auch allhier zuverstehen/ wann die Eltern der Jugend mit guter Lehr vnd Exempelen vorgiengen/ wuͤrde manches Kind erhalten vnd auff gute Wege gefuͤh- ret/ das sonsten durch sein Gottloß vnd Viehisch Leben dem Teuffel zufaͤhret. Ist das nicht vor Gott vnd allen Verstaͤndigen Menschen eine grewliche vnd abschewliche
Vntn-
Teutschlands Wohlfarts
Vntugend vnd Laster/ auß dem Ebenbild Gottes eine Larve des Teuffels machen. Ich rede allhier nicht gegen eine solche Trunckenheit/ welche bisweilen einen frommen Men- schen uͤberfaͤllt/ da er sich nicht vorgesehen/ vnd jhme hernach leyd ist/ daß er den Wein seinen Meister hat werden lassen/ wie dem Loth vnd andern mehr wiederfahren ist/ sondern allein von solchen/ die jhr taͤglichs Werck hie von machen/ sich in solchem Saͤwi- schen Leben taͤglich belustigen/ vnd vorsaͤtzlicher weiß die edlen Gaben Gottes vnnuͤtz- lich verschwemmen vnd mißbrauchen. Wie solte Gott ein wolgefallen an solchem We- sen haben/ wann der Reiche Weinschlauch alle Maalzeit so viel Kannen oder Masen/ ohne durst allein zum Wollust vnd dienste des Bauchs eynschlaucht/ auch andere zu solchem Laster/ Mißbrauch vnd vnnuͤtzlicher verschwendung der Gaben Gottes anret- tzet/ oder gar zwinget/ vnd mit Gewalt eyngeust/ dem Armen/ Alten vnd Krancken
La- zaro
aber/ zur Labung nicht einen eynigen Tropffen vor die Thuͤr gibt. Wie kan Gott solches thun laͤnger anschen/ vnd vngestrafft hingehen lassen? Wird nicht offtermals bey einer Sauffmaalzeit/ so viel Wein ohne durst in Leib genoͤtiget/ darmit man lange Zeit maͤssig haͤtte leben koͤnnen. Ja offtermahlen so vnbehoͤrlich oder muthwilliglich verschuͤttet/ also daß solche Leuth schier bis uͤber die Knoͤchel in dem Wein trampffen.
Was soll man viel sagen? Es ist leyder bekant genug/ daß aber sage ich/ vnd glau- be faͤstiglich/ daß Gott (ehe mans meynen moͤchte) leichtlich solchem vnchristlichen We- sen (wie bey Lohts vnd Nohe zeiten/ da sie assen vnd truncken/ trawten vnd liessen sich trawen/ so lang bis jhnen das Fewer vnd Wasser uͤber den Kopff gienge) ein ende ma- chen werde. Man hebe die Augen nur ein wenig auff/ so wird man sehen/ was fuͤr ei- ne schwartze vnd finstere Wolcken/ uͤber vns Teutschen schwebet: Seynd dann vnsere Nasen von dem Sauff
Catarrhen
verstopffet/ daß sie einen solchen bittern Rauch/ der vom brand vnsers Nachbawren Hauses hergehet/ nicht riechen? Solte man nicht glau- ben daß ein fewer/ wann oͤhl hineyn gossen wird/ nicht groͤsser werden solte? Der es nicht glaubt/ wird es fuͤhlen muͤssen. Wol deme welcher bey zeiten glaubt/ vnd von Sodoma vnd Gomorꝛa außgeht/ ehe jhn das Fewer erhaschet.
Es ist bekant genug/ daß die Trunckenheit ein Wurtzel sey aller Laster/ dann ein Ttrunckner Mensch weiß nicht was er thut/ ist seiner selber nicht maͤchtig/ hat seine fuͤnff Sinne nicht mehr. Ist jhme eben als wann er Gifft in den Leib bekommen haͤtte: Wie manche Suͤnd wird vollbracht in Trunckenheit/ die sonsten vnterlassen bliebe bey Nuͤch- terheit? mancher faͤlt sich zu Tod/ oder wird selber Tod geschlagen/ was grosse Vnzucht/ Hurerey/ vnd Ehebruch/ von Jungen vnd Alten bey dem Trunck/ geschehen/ ist Jeder- man bekant genug/ ein Trincker versaufft nicht allein seine Gesundheit/ sondern verlich- ret darbey die edle Zeit/ die vnwiederbringlich ist. Wie offt thut einer etwas in Trun- ckenheit/ daß jhn hernacher wann er wieder Nuͤchtern worden/ sehr gerewet/ Schand vnd Schaden von hat.
Solte also billig ein Jedweder Mensch die Trunckenheit als ein Wurtzel aller Laster/ davon so viel boͤses entstehet/ schewen aͤrger als den Satan selber/ vnd sich so viel
muͤg-
Erster Theil.
muͤglich der Maͤssigkeit befleissigen. Ja moͤcht mancher sagen wie kan ich das lassen/ wann ich bey guter Gesellschafft bin/ daß ich nicht solte mit trincken/ vnd die gute Ge- sundheiten bescheyd thun/ es wehre gegen
Reputation,
welche vor allen dingen muß er- halten werden. Ey lieber was ein schoͤne
Reputation
erhaͤltestu damit/ wann du auß ei- nem vernuͤnfftigen Menschen/ ein volle Saw vnd vnvernuͤnfftig Thier machst? Was geht dich eines andern sein thun an/ da du doch nur fuͤr dich vnd dein thun Rechen- schafft einmal geben darffst?
Welchen Mißbrauch ich in
Parenthesi,
weilen es die
materi
mit bracht/ ein wenig anzuruͤhren/ nicht vmbgehen koͤnnen/ verhoffentlich auffs wenigste etwas gutes damit verꝛichtet zu haben/ helffe was helffen kan/ wann ein jeder sein bestes thut/ es helffe gleich oder nicht/ so hat er vor Gott vnd Menschen genug gethan.
Wollen nun in Gottes Nahmen in vnserer vorgenommenen
materi
fort fahren/ vnd sehen wie der Sach zu helffen/ daß auß dem Wein mehr nutzen als bishero gesche- hen/ zu erlangen.
Erstlich muß man vor allen dingen wissen/ wann man etwas verbessern will/ was es eygentlich sey/ vnd in was fuͤr theilen oder anfaͤngen dasselbe bestehe.
Den Wein nun betreffent/ so bestehet derselbe wie andere
Vegetabilien
auch in
tribus principiis.
Nemblich in einem
Sale, Mercurio, \& Sulphure,
wie es die
Philosophi
nennen/ der
Mercurius
die vngeschmacke feuchtigkeit oder naͤsse/ der
Sulphur
sein
Spiritus ar- dens.
Welches man also erfahren kan/ man setze ein Kolben mit Wein in ein
Balneum,
vnd las in gelinder waͤrme uͤber gehen was gehen will (doch daß die theilen wann sie sich in der
distillation
veraͤndern/ absonderlich gefangen werden) als wann des Weins 12. Maß wehren/ so geht vngefaͤhr eine Maß uͤber von seinem
Spiritu,
welcher die
Ani- ma
oder Leben des Weins ist/ hernach folget ein vngeschmack Wasser/ dessen vngefaͤhr 10. Masen/ im grund des Glases bleibt zuruͤck eine dicke vnd saure
materi,
so ein Wein- stein oder Saltz des Weins ist/ auch vngefaͤhr eine Kanne oder Maß. Auß diesen dreyen stuͤcken besteht ein jedweder Wein; Doch einer des einen oder andern
princi- pii
(nach deme er Reiff oder vnreiff/ da oder dort gewachsen) mehr als des andern theil- hafftig. Zum exempel/ ein saurer oder vnzeitiger Wein hat allzeit mehr
tartari
vnd we- niger
Spiritus
als zeitiger Wein/ ein gantz zeitiger Wein aber hergegen viel
Spiritus
vnd wenig
tartari,
wie bey den Spanischen vnd andern Außlaͤndischen Weinen zu se- hen/ welche allzeit suͤß seyn vnd bleiben/ vnd gar keine saͤure oder Weinstein bey sich ha- ben/ die Vrsach ist diese/ weilen sie von der Sonnen in diesen hitzigen Landen da sie ge- wachsen/ gantz zeitig worden/ vnd der saͤure
Tartarus
oder Saltz des Weins zu einem suͤssen Zucker/ von der Sonnen gekocht worden/ dahero selbige Wein in obbeschriebe- ner Prob gar keine saͤure zuruͤck lassen wie vnsere Teutsche Weine/ auch noch einmahl so viel
Spiritus
geben/ vnd kaum halb so viel Wasser oder Feuchtigkeit. Als wann von einem sauren Wein der zwantzigste theil
Spiritus
komt/ so komt von einem zeitigen
Y y
Teut-
Teutschlands Wohlfarts
Teutschen Wein vngefaͤhr den 12. theil/ eines Spanischen aberder 6. theil
Spiritus
vnd 4. theil Wasser/ 1. theil wasser/ 1. theil
fœces,
aber kein Weinstein. Von einem gu- ten Teutschen Wein aber/ wie gesagt/ 1. theil
Spiritus,
10. theil Wasser vnd 1. theil Weinfaͤure.
Wann man dann dieses weiß/ so ist der Sache bald zu helffen/ vnd kan zu allen Zeiten/ sie sey gleich wie sie wolle/ warm oder kalt/ guter bestaͤndiger Wein werden/ Also daß man sich gar nicht zu beklagen/ als wann Gott daß eine Jahr gnaͤdiger were/ als daß ander/ Es mangelt an Gottes Gnaden vnd Barmhertzigkeit gar nicht/ sondern al- lein an vns selber/ weilen wir nichts wissen/ auch nichts lernen wollen/ vnd der Natur durch Kunst zu huͤlff zu kommen vns nicht befleissigen. Kan also der Natur/ wann sie in ihrer Arbeit verhindert/ vnd das Gewaͤchs nicht zur
perfection
bringen kan/ durch Kunst gar wol geholffen werden. Nemblichen wann der Kuͤnstier das jenige so der Wein von Natur zu viel hat/ hinweg thut/ vnd das jenige so er mangelt oder zu wenig hat/ bey thut. Zum Exempel/ ein geringer Wein/ so von der Sonnen nicht genug- samb außgekocht/ hat all zu viel saͤure vnd Wasser/ vnd wenig
Spiritus,
Wann man ei- nem solchen geringen Wein im Jaͤhren etwas
Spiritus
beysetzt/ vnd mit Jaͤhren laͤst/ so kan er durch ein solchen fewrigen
Spiritum
in dem Faß zeitig werden/ so wol als an der Sonne in dein Weinstock/ vnd also alle Jahr gute Weine wachsen/ wann man zu helffen weiß.
NB.
Es soll aber solcher
Spiritus
kein gemeyner Brandtewein seyn/ sondern ein liebliche vnd reine
Essentia Vini,
so ich in meinem
opere Vegetabili
zu machen be- schrieben habe. Vnd je mehr man dieses
Spirirus
mit Jaͤhren laͤst/ je staͤrcker auch der Wein wird/ dann die staͤrcke des Weins allein in dem
Spiritu
bestehet/ die saͤure aber in der menge des Saltzes oder Weinsteins. Wann man dann die Moͤste auff diese weiß verstaͤrcket/ koͤnnen sie hernach lange zeit vnverdorben liegen/ vnd wohin man will ver- fuͤhret werden/ also daß man nimmer schaden an leyden darff/ wie sonsten geschicht/ wann er nicht zeitig wird/ vnd kan man also von einem gewaͤchse 3. 4. oder mehrerley Weine machen/ allein durch zuthun des
Spiritus,
nach deme man desselben viel oder wenig dar- mit hat Jaͤhren lassen.
Auff ein andere weise ist auch ein Jedweder Saͤurer Wein bestaͤndig gut zu ma- chen/ nemblich also: Im Weinlesen oder Herbst/ muß man den außgepreßten Most oder Traubensafft in besondern Gefaͤssen kochen/ vnd die vnnuͤtze feuchtigkeit oder vnge- schmack Wasser davon dunsten lassen/ vnd dessen so viel man selber wil/ oder man den Wein starck zu haben suchet/ dann in solcher abrauchung der ůbrigen feuchtigkeit gehet nichts hinweg als ein pur lauter vngeschmack Wasser/ die Suͤssigkeit/ wie auch die saͤure bleibt als ein dicker Safft einem Honig gleich/ zuruͤck/ darinn alle Kraͤfften vnd tugen- den des Weins vollkoͤmlich beysammen
Concentrirt
seyn/ welche auch wann man will/ wieder koͤnnen vnd muͤssen erscheinen/ so
proportionaliter
ein gemeyn Wasser bey ge- than wird/ vnd darmit Jaͤhret. Vnd dienet ein solche
Concentration
des newen vn-
gejohr-
Erster Theil.
gejoͤhrnen Weins oder Mostes darzu/ nemblich/ daß man zu allen Zeiten dieselbe mit Nutzen/ in weit abgelegene Laͤnder versuͤhren vnd zu Geld machen kan/ welches sonsten nicht haͤtte geschehen koͤnnen.
Dann genugsamb bekant/ daß bißweilen die Weine wegen eines kalten Som- mers/ gantz vnzeitig vnd Sauer bleiben/ keine gute bestaͤndige Wein darauß werden koͤn- nen/ die dann wann sie ein Jahr alt seyn/ schimlen vnd verderben/ weilen sie nicht genug
Spiritus
haben/ daher die Welnzihler offt grossen Schaden leyden/ wann sie das gantze Jahr durch/ mit Bawung des Weins kuͤmmerlich gelebet/ vnd sich mit Wasser vnd Brod bey schwerer Arbeit beholffen/ staͤtig der Hoffnung lebende ein stuͤck Geld auß dem Wein zu loͤsen/ darmit sie Kleyder vnd andere Notturfft ins Haus (wann er wol ge- rathen vnd etwas gelten will) kauffen moͤchten/ wann aber der Wein vmbschlaͤget vnd sauer bleibt/ koͤnnen sie nicht allein selbigen nicht verkauffen/ dann er die Fracht vnd das Fuhrlohn nicht bezahlt/ oder so sie ihn ja verkauffen/ so gilt er wenig/ also daß sie jhre Bawkosten nicht wieder von haben muͤgen/ wo bleibt Essen/ Trincken/ Kleyder vnd an- dere Notturfft so ins Haus gehoͤret? Muͤssen gleichwol auffs kuͤnfftige Jahr/ die Wein- gaͤrten wieder zu bawen vorgenommen werden/ sie nehmen gleich vnter dessen jhre Nah- rung oder Notturfft wo sie wollen. Was rath wann solcher boͤsen Jahr etliche auff ein ander kommen? Muͤssen die arme Leut hunger mit Weib vnd Kindern leyden/ oder im Krieg ziehen vnd sich Tod schlagen oder bißweilen gar verzweiffelt/ stehlen vnd sich hen- cken lassen/ dann die jetzige Welt sehr vnbarmhertzig gegen die Armen ist/ keiner dem an- dern in Noͤten auß Christlicher Lieb beyspringen will.
Es macht aber bißweilen auch die vndanckbarkeit der Menschen/ daß mancher nicht leyhen oder helffen darff/ in deme mancher wann jhme in Noͤten außgeholffen wor- den/ wieder geben oder mit Arbeit abverdienen soll/ er zuruͤck laufft/ vnd nicht zahlen will/ dardurch jener sein Geld verlihret/ vnd uͤbel angelegt hat/ vnd hernacher sich schewet mehr fort zu helffen.
Diesen uͤbeln nun allen vor zu kommen/ vnd den armen Haͤckern zu helffen/ daß sie alle Jahr/ jhre Weine wol verkauffen koͤnnen/ vnd nimmer schaden an leyden/ kan fuͤg- lich geschehen durch diese meine
Concentration,
oder wegduͤnstung des Wassers in die Honig dicke/ welche hernach wol kan in abgelegene Oerter da kein Wein waͤchst verfuͤh- ret vnd thewer verkaufft werden. Die Jenige aber welche die
Concentrirte
Weine kauffen/ schon wissen werden/ wie sie solche mit Wasser wieder anlaͤngern/ vnd zu gu- ten Weinen machen sollen: Wird also durch diese Kunst beyden geholffen/ dem Haͤcker daß er seine Moͤste also bald zu Geld machen/ dem Kauffman aber daß er die Weine leichter zu sich bringen kan/ vnd so viel vnkosten ahn Fuhrlohn nicht hencken darff.
Die Sach ein wenig klaͤrlicher zuverstehen/ wollen wir eine Rechnung auffsetzen/ vnd besehen was fuͤr Nutzen ein solche
Concentrirung
geben kan.
Gesetzt der Wein geraͤthet nicht wohl/ vnd bleib sauer vnd schlap/ also daß ein Fraͤnckischer Eymer oder halbe Franckfurter Ohm/ kaum einen Guͤlden oder auffs
Y y ij
hoͤchste
Teutschlands Wohlfarts
hoͤchste einen Thaler gelden kan. Ein solcher Wein bezahlt das Fuhrlohn nicht uͤber 10. oder 12. Meilen zu verfuͤhren/ dann er im außzapffen dem Wirth abfaͤlt/ Kanigt oder sauer wird/ also daß er solchen nicht verkauffen kan/ sondern schaden daran leyden muß/ darfuͤr er sich ein ander mahl huͤtet/ vnd kein solchen sauren Wein mehr kaufft/ bleibt also ein solcher geringer Wein dem Haͤcker liegen/ welches jhme ein grosser Schad ist/ weilen seine gantze Wohlfart daran gelegen/ Die Reichen aber wann schon ein saurer Wein waͤchset/ so leyden sie doch kein schaden wie die Armen/ dann sie noch andere vnd bessere im Vorꝛath liegen haben/ darmit sie den geringen vnterstechen vnd verbessern/ oder sie lassen solche geringe Weine liegen bis zu einem guten Herbst/ alsdann sie diese mit dem guten Jaͤhren lassen/ so werden sie auch verkaufflich/ aber doch kleiner Nutzen darbey/ dann wie viel der saure Wein geringer ist als er billig seyn solte/ vnd er gleich vnter gu- ten Wein gestochen wird/ so viel desto geringe
r
der
gu
te wird/ vnd wird bisweilen einer mit dem andern verderbt/ Dann so viel der saure Wein von dem guten huͤlffe erlangt/ so viel gutes entgehet auch dem guten: Also daß bey solcher verbesserung allzeit/ wie mans auch macht/ kein sonderlichen Nutzen seyn kan.
Zum Exempeln meine Meynung desto besser zuverstehen/ man lege in zwo Wag- schalen 2. stuͤck Guͤlden Muͤntz/ jedes fuͤr 25. Thaler gemuͤntzet/ das eine aber sein voͤllig Gewicht nicht haͤtte/ sondern vmb 4. Reichsth. zu leicht wehre/ vnd derenthalben nicht koͤnte außgeben werden/ vnd du woltest von dem einen so wichtig so viel abnehmen/ daß beyde einander gleich wuͤrden/ welches zwar geschehen koͤnte/ aber nicht mit Nutzen/ son- dern vielmehr mit Schaden/ dann so viel du dem wichtigen stuͤck benehmest/ vnd dem vnwichtigen zusetzest/ so viel vnguͤldiger selbes hernach seyn wuͤrde/ also daß beyde dar- mit verdorben vnd vnaußgeblich wuͤrden/ was haͤtte man dann fuͤr einen Nutzen davon? Also auch mit dem Wein zuverstehen/ wann einer zwey Fuder gewuͤnne/ vnd das Fu- der 20. Reichsth. gelden muͤste wann es solte verkaufft werden/ das ander aber nur 10 Reichsth. wehrt vnd nicht fuͤr einen verkaufflichen Wein koͤnte angenommen wer- den/ der Kauffman aber das geringe Fuder vnter das bessere mischet/ daß sie einander gleich werden/ wuͤrde das gute Fuder nicht vmb ein gutes verꝛingert? Das ringere aber vmb ein kleines verbessert werden? welche Verbesserung dann gar nicht befuͤrderlich seyn wuͤrde.
Die meynige aber allezeit nuͤtzlich/ in deme man mit den sauren Weinen keine gute verderben darff/ sondern nur die saure vnd uͤbrige Feuchtigkeit durch Kunst davon scheydet/ vnd also das gute in sich vnd durch sich selber
Concentriret
vnd in die Engte bringet.
NB.
Man kan/ wann man will/ von dem suͤssen Most nur einen vierdten/ fuͤnff- ten oder sechsten Theil weg rauchen. Vnd alsobalden Jaͤhren lassen/ so werden sie vmb so viel desto besser/ als viel Wasser davon abgedunstet ist: Will man dann noch zum uͤberfluß etwas
quintæ essentiæ Vini
mit Jaͤhren lassen/ so bekompt man desto bessere
Wei-
Erster Theil.
Weine. Diese weiß ist gut an solchen orten zu gebrauchen/ da die Weine gemeyniglich sauer bleiben/ wo sie aber von Natur zeitig werden/ doͤrffen sie der Kunst nicht.
Sonsten koͤnnen die Moͤste bis auff Honig dicke
concentrirt
werden zum verfuͤh- ren/ gehen vngefehr sechs Ohm Wein/ in ein eyniges Faß/ welche Ohm
Concentrir- ten
Weinsaffts hernach wo vnd wann man will/ mit zuthun fuͤnff Ohmen Wassers/ welche jhme in der
Concentration
entgangen/ wieder 6. Ohmen Wein geben/ einer sol- chen Staͤrcke vnd Guͤte gleich er geworden were/ wann er nicht
Concentrirt,
sondern wie er von der Preß kommen/ zu Wein verjohren haͤtte.
NB.
Will man aber auß dem Weinsafft einen bessern Wein machen als er von anfang vor der
Concentrirung
haͤtte geben koͤnnen/ so muß man keine 5. Ohmen son- dern nur 4 Ohmen Wasser zusetzen/ vnd wann man nur 3. Ohmen zusetzte/ wuͤrde der Wein noch vmb einen Grad besser/ Also daß mans machen kan wie man selber will/ starck/ noch staͤrcker/ mittelmaͤssige Weine/ nach deme viel oder wenig Wasser bey ge- than wird. Kan auch bey allen
Mixturen
(wann mans haben kan) ein
Anima Vini
mit bey gethan werden/ die Weine desto ehender klar vnd hell darmit zu machen.
Dann ein Jedwedere
quinta Essentia Vini,
wann sie mit newen Weinen oder Moͤsten
fermentiret,
selbige in kurtzer Zeit sehr hell vnd klar macht/ sonderlich wann sie
Tartarisiret,
dann der
Spiritus Vini
keinen
Tartarum
leydet/ sondernin der
fermenta- tion præcipitiret,
oder von sich stoͤst/ dardurch dann der
W
ein hell vnd klar wird. Wie nun ein
quinta Essentia Vini Tartarisata
bereytet wird/ ist nicht noͤtig allhier zu wie- derholen/ weilen solches an vnterschiedlichen Orten meiner allbereit herauß gegebenen Schrifften beschrieben/ vnd insonderheit in dem
Opere Vegetabili.
Auch ist es nicht noͤtig/ daß ein Jedweder wisse wie die
Concentrirte
W
einsaͤff- te mit
W
asser vnd
quinta Essentia Tartarisata
angesetzet vnd klar gemacht werden: Man lasse sich dißmahlen benuͤgen/ daß man weiß wie die Moͤste zu
Concentriren
oder in die Engte zu bringen/ auff daß dieselbe auff die Fuhr koͤnnen verkaufft vnd zu Geld gemacht werden/ die Kauffleut so solche kauffen/ moͤgen darfuͤr sorgen/ wie sie solche zu recht bringen/ der Haͤcker oder
W
einzihler thun ist es gantz nicht/ jhre Koͤpffe koͤnnen solche ding nicht fassen/ es werden sich aber wol Leute finden/ die darmit vmbzugehen wissen/ wann sie nur die
W
einsaͤffte haben koͤnnen/ welche
W
einsaͤffte ein Jedweder/ wann er nur die Kessel hat/ genugsam machen kan/ doch kan auch nicht ein Jedweder Bawer jhme solche Kessel zeugen/ ist auch nicht Rathsam/ dann vmb ein wenig
W
eins willen solche Vnkosten nicht außtraͤglich zu machen/ der es aber thun wil vnd thun kan/ wird grossen Nutzen davon haben. Man thue es nun oder thue es nicht/ kan mir weder Nutzen oder Schaden bringen/ ist mir genug daß ich dem gemeynen Haͤckersmann of- fenbahret/ wie er seine
W
eine zu allen zeiten zu Geld machen koͤnne/ sie gerahten gleich wie sie wollen.
Zu besserer Nachricht/ wil ich das
W
erck ein wenig uͤberschlagen/ vnd anzeigen was fuͤr Nutzen bey dieser
Concentration
zugewarten. Erstlich wollen wir die Moͤste an
Y y iij
einen
Teutschlands Wohlfarts
einen solchen Ort kauffen/ wo sie ohne das gering vnd wollfeil fallen/ 12. Eymer oder 6. Ohmen fuͤr 12. Reichsth. eynkaufft/ diese 12. Eymer oder 6. Ohmen wollen wir
Con- centriren
in ein Ohm Honig dicken safft/ die kosten (wann man die Kessel hat) solche zu
Concentriren,
seynd sehr gering/ moͤchten vngefehr fuͤr einen halben Thaler an Holtz betragen/ dannoch wollen wir ein gantzen Thaler setzen/ das Faß dareyn der Saft ge- fuͤllt wird fuͤr ein halben Thaler rechnen/ das Fuhrlohn in 40. Meilen weg zu bringen 6. Reichsth. macht zusammen 19½. Reichsth. ein Ohm
Concentrirten
W
eins mit al- len vnkosten/ solchen zu
Concentriren,
vnd uͤber 40. Meilwegs zu fuͤhren. Wann man dann selbigen hat an einem solchen Orth da die
W
eine thewer seynd/ so kan man zu allen Zeiten des Jahrs solche Saͤffte wieder mit zuthun
W
assers/ zu guten
W
einen Jaͤhren lassen/ vnd gibt ein Ohm solches Saffts wann er zuvorn von 6. Ohmen Mosts gemacht worden/ auch wieder 6. Ohmen
W
eins/ so gut als der Most gewesen/ vor den Concentriren.
W
il man aber den
W
ein staͤrcker oder besser haben als er von der Preß kommen vnd vor der
Concentration
haͤtte werden koͤnnen/ so muß man nicht so viel
W
asser bey setzen als jhme in der
Concentration
entgangen/ sondern weniger/ vnd auß der Ohm Safft so auß 6. Ohmen Most gemacht/ nur 4. Ohm
W
ein machen/ so wird derselbe desto besser/ sonderlich wann man die
quintam Essentiam Vini
darbey zu
appliciren
weiß. Wann man nun auß der Ohm safft so vor der
Concentration
sechs Ohm Most gewesen/ nur 4. Ohm
W
ein macht/ so muß er nothwendig vmb die helffte besser werden als er sonsten geworden were er gewachsen/ vnd auch wie desto besser sich halten vnd verschenckt werden kan.
Ist nun an einem solchen Orth/ der 40. Meilen von den
W
ein Laͤndern abgele- gen/ ein Ohm nur 12. Thaler werth/ vnd du machst auß 6. Ohmen geringer
W
einen nur 4. Ohm/ die Ohm fuͤr 12. Thaler gerechnet/ macht 48. Reichsth. 19½. davon gezo- gen/ bleiben gewinn 28½. Reichsth. Dieses ist gar gut Kauff gerechnet/ dann ein Ohm gutes
W
eins an solchen Orten die 40. Meil von
W
ein Laͤndern gelegen/ nicht nur 12. sondern gern 24. Thaler gelden kan vnd muß. Ist also der Gewinn von ein
e
m einigen Fuder geringen
W
eins der sonsten vielleicht gelegen vnd verderben muͤssen/ uͤber die 50. Thaler auffs wenigste.
Da kan man nun sehen was fuͤr Nutzen ein solche Concentrirung geben kan: Vnd hat man nicht allein bey solcher Arbeit diesen Vortheil/ daß man seine Moͤste also- balden zu Geld machen kan/ sondern auch noch diesen Vortheil das Geld dafuͤr also- balden wider anlegen/ vnd uͤbers Jahr andern Nutzen darmit schaffen kan. Der Kauff- mann hat diesen Vortheil/ daß er kein Wasser einen so weiten Weg fuͤhren vnd verzol- len darff/ auch diesen/ daß er seine Weine so starck machen kan als er selber will/ ist fuͤr- war ein grosser vortheil/ in einem Ohmigen Faß 6. Ohm Weins uͤber Land fuͤhren/ werden also nicht allein die Vnkosten vnd Fuhrlohn so auff die 5. Ohmen gangen/ er- spahret/ sonder darff sich der Kauffmann auch nicht besorgen/ daß jhme der Safft von den Fuhrleuten vnter wegs (wie es zugeschehen pfleget) verderbt/ Wein herauß/ vnd
Wasser
Erster Theil.
Wasser dargegen wieder hineyn gossen werde. Welche Gefahr die Saͤffte gantz nicht außstehen doͤrffen/ auch bey guten
W
ein Jahren
in Copia
hingelegt werden koͤnnen/ bis man jhrer bedarff/ dann sie nicht verderben wann sie in guten Faͤssern wol vermacht behalten werden: Kan jhme auff diese weiß ein Weinhaͤndler einen grossen Schatz vnd Vorꝛath von
W
einen bey wohlfeylen Jahren eynlegen/ vnd hernach bey boͤsen Jah- ren dieselbe zu
W
eine machen/ grosse Gewinn davon haben.
Die herꝛliche Kunst habe ich darumb beschrieben/ auff daß der gemeyne Haͤcker- mann seine Moͤste gleich zu Geld machen/ vnd nicht dieselbe darff liegen lassen/ bis ein Fuhrmann kompt vnd darnach fragt/ sondern kan sein Geld in die Haußhaltung wol anlegen/ vnd Nutzen mit schaffen.
W
ird hierdurch also nicht allein dem Haͤcker vnd Kauffmann geholffen/ sondern auch allen denen welche an solchen Orten wohnen da kein
W
ein waͤchst/ selbigen durch dieses Mittel auch gut kauff zu trincken: Dann wann jhme ein guter Buͤrger ein Ohm oder halbe des Safftes bringen laͤst/ kan er jhm im Hauß/ solchen mit
W
asser ansetzen/ starck oder gelinde
W
eine darauß machen/ auch die Newe vnd noch Jaͤhrende suͤsse Moͤste/ das gantze Jahr durch machen/ wann es jh- me gelegen vnd zu paß kompt/ auch Medieinalische Kraͤuterwein von machen/ wann er will zu allen Zeiten des Jahrs wann ers noͤtig hat/ welches sonsten ohne die Saͤffte zu thun vnmuͤglich/ weilen die suͤsse Moͤste sich uͤber Land nicht fuͤhren lassen/ sondern Jaͤh- ren vnd auß dem Faß lauffen/ welches alles allhter nicht zu befoͤrchten. Vermeyne al- so manchem mit dieser
Communication
ein gut
W
erck gethan zu haben/ es werde nun gleich gelobt oder gescholten die da verstehen was darhinder steckt/ werdens gewiß nicht verachten/ sondern jhnen guten Nutzen darmit verschaffen.
Nun ist noch uͤbrig die
Instrumenta
vnd Kessel/ worin die Saͤffte Concentrirt werden/ zu beschreiben/ ohne welche die Concentrirung nicht geschehen kan. So auff die- se weiß geschicht: Erstlich last dir einem Kuͤpffern Kessel machen so groß du haben wilt/ nach deme du viel oder wenig Moͤste zu Concentriren vermeynest/ gantz plat von ebe- nem Boden/ mit einer zargen oder Ranfft vngefaͤhr einer Spannen hoch/ vnd lasse sol- chen inwendig mit gutem Zinn/ vnd nicht mit Bley/ fein wol vnd dick verzinnen/ setze denselben auff einen Ofen welche diegroͤsse des Kessels habe/ nur blos auff das Gemaͤwer/ also daß die Flam vom Holtz gar nicht zu dem Ranft des Kessels/ sondern nur allein den boden des Kessels beruͤhren kan/ das gemaͤwer darf nur 2. schuh hoch auffgemawret seyn/ forn mit einer Eysern oder steinen Thuͤr/ dardurch das Holtz in den Ofen gelegt/ vnd das Fewer regieret wird/ zu hinderst an dem Ofen soll ein Loch seyn/ so gros daß das Fewer vnter dem Kessel zu brennen lufft genug haben moͤge/ das Loch sol also gemacht seyn/ daß man solches mit einem breiten Stein/ wans noͤtig zulegen/ vnd das Fewer darmit regiren kan/ auff daß nicht die Saͤffte zu starck kochen/ uͤberlauffen/ oder anbren- nen koͤnnen/ vnd darff man die Saͤffte so lang mit Holtz kochen/ daß sie bey nahe dick werden/ alsdann soll man/ wan der Kessel laͤrer wird/ immer wieder Most nachgiessen/ so lang bis der Kessel beynahe voll dicken Saffts ist/ alsdann muß man die Lufftloͤcher/ so
wol
Teutschlands Wohlfarts
wol vnten als oben am Ofen gantz zu machen/ daß kein Flamm vnter dem Kessel sey/ sondern allein ein sanffte Gluth/ bey welcher die Saͤffte vollends auff Honig dick sollen gebracht werden/ so brennen sie nicht an/ vnd werden lieblich als Zucker/ welche dann durch einen Kranen/ so am Kessel seyn soll/ also warm herauß gelassen/ vnd wieder newe Moͤste hineyn gethan werden/ vnd also darmit so lang auff dem Fewer gelassen/ bis sel- bige auch zur rechten Honig dicken worden/ alsdann auch außgelassen vnd also mit sol- cher Concentrirung fort gefahren so lang man Moste hat. Die Saͤffte aber sollen nicht also heiß wie sie auß dem Kessel lauffen/ in Faͤsser gethan werden/ wuͤrden selbige zer- sprengen wann man sie zuspuͤndete/ offen gelassen/ wuͤrden sie wegen der verhaltenen duͤnste/ so nicht auß koͤnten/ wieder auß dem Faß lauffen/ derhalben zuvor in einem of- fenen hoͤltzern Faß abkuͤhlen lassen/ ehe man solch einfuͤllet/ als dann zugespuͤnd/ so koͤnnen sie so lang gut bleiben als man will/ vnd verderben nicht.
NB.
Allhier muß ich noch ein gut Stuͤcklein noͤtig zu wissen/ beysetzen: Nemb- lichen dieses/ wann die Saͤffte nur ein Wochen oder drey gelegen/ vnd man solche her- nach mit Laulichten Wasser
solvirt,
so bleibt der uͤbrig
Tartarus
davon der
W
ein we- re saͤuer worden/ zuruͤck vnsolvirt ligen/ in Gestalt klein vnd grosser Crystallen/ so mit kaltem
W
asser abgewaschen vnd fuͤr
W
einstein zu gebrauchen/ dann er auch nichts anderst ist/ welches dem
W
ein auch zu gut kompt/ vnd viel besser wird/ als wann diesel- be
Crystalli Tartari
mit heissem
W
asser auch auffsolvirt/ vnd mit vnter die
W
eine kommen wehren. Gehet also nichts verlohren/ dann solcher angeschlossener Weinstein ist immer so viel werth als der Safft selber; Koͤnnen also die Saure
W
eine von jhrer Saͤurigkeit entbunden/ vnd lieblich gemacht werden/ welches fuͤrwar ein grosse vnd nuͤtz- liche Kunst ist/ die mancher jhme wol wird zu Nutz machen.
Nun zweiffele ich gar nicht/ es werden sich Naßweise Spoͤtter finden/ welche viel- lerhand gegenwuͤrffe beybringen werden/ denen ich jetzunder ehe daß sie solche eynbrin- gen/ genugsam begegnen koͤnte/ befinde es aber gar nicht noͤtig einem Jedwedern Esel zu gefallen weitlaͤufftige Buͤcher zu machen/
W
er dieses nicht verstehen kan (daß doch so klaͤrlich beschrieben) dem wuͤrde nicht nutzen auch ein weitlaͤufftigers. Wer Lust zu die- sem Werck hat/ wird den Sachen schon weiters nachdencken/ dann ich jetzunder kein Zeit habe weitlaͤufftiger zu schreiben.
Wer aber von dieser Kunst einen mehreren Bericht suchet/ der lese meine
Expli- cation
uͤber den
Appendicem
des fuͤnfften Ofens/ wie auch mein
Opus Vegetabile,
so wird er ein mehrers von dergleichen Kuͤnsten finden/ auch wann jhme daran gelegen/ er die Oefen vnd Kessel zu solchem
W
erck gehoͤrig/ sampt den Handgriffen/ gar wol bey mir wird zu sehen bekommen koͤnnen.
Dieses aber allein muß ich allhier ein wenig anruͤhren/ wann etwan einige vner- fahrne Leuth nicht verstehen solten/ was ich von den
tribus principiis
oben vermeldet/ daß nemblich ein jedweder Wein in solchen bestehen muͤsse/ nemblich in einem Saltz/ Wasser/ vnd
Spiritu,
sage das mit Warheit vngescheucht/ wer nur diese drey
prin-
cipia
Erster Theil.
cipia
nach der Kunst zu
Conjungiren
weiß/ der kan jhme an allen Orten einen guten Wein machen.
NB.
Niemand bilde jhme aber eyn/ daß etwas gutes darauß werden solte/ wann man schon einen Weinstein mit Wasser vnd
Spiritu Vini
vermischt/ gantz nicht/ es ge- hoͤren andere Handgriffe darzu/ welche zu offenbahren gar nicht Rathsam/ man nehme vorlieb dismal mit diesem/ ein ander mal moͤchte Gott etwas bessers bescheren.
Wil hoffen es werde mir niemand/ der Gott vnd seine Naͤchsten liebet/ etwas fuͤr uͤbel auffnehmen/ weilen ich diese herꝛliche vnd nuͤtzliche Kunst also offentlich beschreibe. Was sol ein Liecht vnter der Banck versteckt/ man sol es auff den Tisch setzen/ der es hat/ auff daß Jederman die Wunder Gottes darbey sehen vnd erkennen moͤge/ zu welchem Ende allein ich diese Muͤhe auff mich genommen/ solche schoͤne Wissenschaff- ten gemeyn zu machen/ zweiffele nicht/ daß alle die Jenigen so jhren Naͤchsten lieben/ sich mit mir frewen/ daß jhnen gutes wiederfaͤhrt: Die Neydischen aber/ welche niemand als jhnen allein etwas goͤnnen/ ob sie es schon nicht gern sehen/ dannoch wann sie an- derst fuͤr Christen wollen gehalten seyn/ darmit zu frieden seyn koͤnnen/ der Mensch lebt ein kleine Zeit/ der Tod ist gewiß/ die Stund aber gar vngewiß. Darumb mancher seine Rechnung uͤbel machet/ vnd ans Ende nicht gedencket/ bis daß er ploͤtzlich uͤberfallen/ vnd am guten verkuͤrtzt wird/ darumb der alte Spruch wol in acht zu nehmen:
Wer stirbt ehe er stirbt/ der stirbt nicht wann er stirbt.
Jetzunder im Leben gutes thun/ geht sicherer als auff anderer Menschen guts thun sich verlassen/ so nach dem Leben geschehen solte/ welches gar vngewiß ist. Nach mei- ner Meynung ist diß das sicherste/ wer seinem Naͤchsten etwas guts zu thun gesinnet/ daß ers bey seinen Lebzeiten thue/ vnd nicht auff kuͤnfftige Zeiten auffschiebe/ so sihet er wie es darmit zugeht. Es seynd viel gute dinge von vnsern Vor-Eltern zu Gottes Eh- ren/ vnd Trost der Armen gestifft/ werden aber leyder Jetziger Zeit schaͤndlich miß- braucht/ vnd vnnuͤtzlich verschwendet/ welche boͤse haußhaltung aber nicht lang (so vns eine kurtze Zeit beweisen vnd wahr machen doͤrffte) also wird bestehen koͤnnen.
Das Ander Capittel.
Von dem Korn.
Wie dasselbige zu Concentriren/ vnd mit Menge auß dem
Land/ vnd Geld wieder dagegen hineyn zu bringen/ ge- lehret vnd angewiesen wird.
I
M vorhergehenden Ersten Capittel/ habe ich gelehrt/ wie man die vnwehrte Weine Concentriren oder in die Engte bringen moͤge/ auff daß die- selbe fuͤglich auß dem Land in weit abgelegene Laͤnder da keine weine wachsen/ koͤnnen gefuͤhret vnd zu Geld gemacht werden/ durch welches stuͤck solche Laͤnder da die
Z z
Weine
Teutschlands Wohlfarts
Weine haͤuffig wachsen/ vnd bisweilen sich keine Kauffleut zu finden/ die Eynwohner grossen Nutzen von haben koͤnnen.
Nun ist Jederman bekant/ daß in vielen orthen Teutschlandes/ sonderlich in Francken vnd anstossenden Herꝛschafften/ das liebe Korn so vnwehrt/ daß man nicht weiß wohin darmit/ verdirbt den guten Leuten mit hauffen auff dem Soller/ dann nir- gends kein abzug ist/ weilen allenthalben genuͤg waͤchset/ vnd so es ja auff dem Wasser in die Niderlanden/ da es wol gelden koͤnte/ solte gefuͤhret werden/ so verthewren die Zoͤlle vnd Fuhrlohn dasselbe/ also daß es auch mit Nutzen nicht geschehen kan/ da sitzen dann die gute Lent/ haben Wein vnd Korn die fuͤlle/ aber kein Geld/ daß fie der Obrig- keit die Stewer vnd Schatzung bezahlen koͤnnen/ muͤssen also bey all jhren grossen Ga- ben Gottes vnd Reichthumb/ grossen Mangel leyden/ koͤnnen nicht so viel verkauffen/ daß sie jhr Gesind als Knecht vnd Maͤgde darmit bezahlen oder vnterhalten/ welches fuͤr- war uͤber vns vndanckbare Menschen ein sonderbahre grosse Strafe Gottes ist dann bey den Kriegszeiten da allenthalben mangel War/ rieff Jedermann/ wann Gott nur Fried geben wolte/ man ein viel besser Leben als vor diesem getrieben/ anstellen wolte: So bald aber der liebe Friede erschienen/ ist man viel aͤrger vnd Gottloser worden als vor diesem gewesen/ vnd hat jhnen Gott von allem einen grossen uͤberfluß geben/ daruͤber sie so satt seyn/ daß sie gegen Gott murꝛen vnd auch Geld haben wollen/ wie die Kinder Israel ge- gen Moysen gethan.
Nun ist es nicht ohn/ wann die Obrigkeit von den Vnterthanen an statt Geld/ welches sie nicht haben/ kein Wein vnd Korn fuͤr Stewer vnd Schatzung nehmen wol- len/ vnd jene doch bezahlen/ vnd nicht wissen wo sie es nehmen sollen/ daß es schmertzen muß/ wann man solche grosse Schaͤtze vor jhm liegen hat/ vnd nicht zu geniessen weiß/ sondern vor seinen Angen muß verderben lassen. Auff die Soller zu schuͤtten/ in kuͤnffti- ge Zeit bewahren/ ist vorlaͤngst allbereyt geschehen/ Liegen alle Soller voll vnd verder- ben/ da ist allenthalben ein gros Klagen vnd seufftzen.
Die Vrsach dieser wollfeylen Zeit ist diese/ Nach dem Friedenschluß vnd Ab- danckung der Voͤlcker/ haben sich so viel
Officirer,
so des Kriegs muͤde gewesen/ Pferd vnd Geld gehabt/ nidergeschlagen/ vnd von den außgeschoͤpfften vnd Geld mangelen- den/ vmb ein gar geringes grosse Guͤter erkaufft/ mit ernst angefangen die wohl außge- ruhede Laͤnder in Baw zu bringen/ welche dann also reichlich getragen/ daß daruͤber zu verwundern gewest. Da nun die Eynwohnen etwas Geld fuͤr jhre Guͤter von den Of- ficireren empfangen/ haben sie gleicherweiß nicht vnterlassen die Hand auch wieder an den Pflug zu legen/ seynd also in wenig Jahren die Laͤnder mit Kern Fruͤchten also er- fuͤllt/ daß man jetzunder nicht weiß/ was man damit machen solle: Dann in weit ab- gelegene Laͤnder/ da das Korn angenehm were/ zu verfuͤhren/ leyden die Zoll vnd Fuhr- lohn nicht/ auff Soller zu schuͤtten/ leydet die Lufft nicht wie in Egypten bey Jo- sephs Zeiten/ daß die Lufft Nitrosisch vnd pr
æ
servirent/ trucken vnd keiner
Cor- ruption
wie die vnserige vnterworffen ist. Was rath dann? Soll man dann alles
verloh-
Erster Theil.
verlohren geben vnd den Muht fallen lassen/ an der Huͤlff Gottes verzagen wie die Israeliten.
Daß sey fern/ es ist nimmer die Noht so gros/ Gott kan retten/ vnd je groͤsser die Noht/ je naͤher Gott (wann man jhn anderst begehrt) die Zeit ist noch nicht kommen gewest/ wie bey den Israeliten in Manglung des Wassers/ zu Samaria in grossen Hun- gersnoht/ zu Cana in Galilea in Manglung des Weins/ Gott weiß seine Zeit/ wann wir selbe nur erwarten koͤnnen vnd nicht verzagen/ sondern vnsern Trost vnd huͤlffe al- lein bey jhme vnd sonst bey niemand anders suchen vnd erwarten: die auff jhn trawen/ Laͤst er nicht zu schanden werden noch in Noͤten stecken/ wie bey Daniel/ Elia/ Job/ Loth/ Noach/ vnd andern vielen Heiligen zu sehen/ wie wunderbarlich Gott die seinigen ret- ten kan. Warumb solte dann Gott in disen betruͤbten Zeiten nicht auch helffen koͤnnen/ seine Allmaͤchtige vnd huͤlffliche Hand ist jhme ja nicht verkuͤrtzt/ seine vnendliche Barm- hertzigkeit hat ja kein Ende/ seine Vaͤtterliche Liebe gegen seine duͤrfftige Kinder wird ja alle Tag wieder ernewet: Mangelt also an jhme nicht/ sondern an vns daß wir so vnge- dultig seyn vnd nicht glauben koͤnnen.
Es wird die Zeit kommen (welche allbereyt vor der Thuͤr ist) daß allenthalben die Fuͤlle/ auch kein Mangel an Geld seyn wird. Aber das Gewissen wird einmal auff- wachen/ der nagende Wurm anfangen zu beissen/ vnd die Gottlose Schaar in grosser mennigte vntergehen/ darumb weilen sie die Frommen nicht neben sich leyden/ jhre Her- tzen voll Gifft vnd Gall/ jhre Haͤnde besudelt mit Menschen Blut/ jhr Sinne vnd Ge- dancken boͤs zu thun gerichtet/ jhre Fuͤß auff boͤsen Wegen Wandlen/ vnd den wahren Gott weder fuͤrchten noch ehren: Darumb sage ich kan ein solches Wesen nicht laͤnger bestehen/ die Zeit so allbereyt vor der Thuͤr ist wird ein grosse veraͤnderung in der gantzen Welt machen. Die Art ist dem Baum an den Stamm gesetzet. Die Lampen seynd ver- loschen/ das Oehl verbrennet/ der Braͤutgam wird kommen den groͤsten hauffen spie- lend vnd schlaffend finden/ die Thuͤr/ hinder jhm zuthun/ vnd die Spieler/ Truckenbold/ Hurer vnd Geitzhaͤlse draussen in der Finsternus stehen lassen.
Was ich allhier geschrieben/ ist auß guter Meynung geschehen: Will hoffen daß es mehr guts als boͤses wuͤrcken oder verursachen werde. Ich weiß es werden man- chem die Augen geoͤffnet/ daß er sehen kan/ in was fuͤr einer Babylonischen Verwirꝛung die Welt jetzunder steht. Gott helffe den Frommen vnd bekehre die Boͤsen/ Amen.
Folget der Proceß.
E
Rstlich macht man ein Maltz von Gestern/ Weitzen/ Habern/ Spel- tzen/ oder wovon man will vnd trucknet solches an der Sonnen oder Lufft/ oder auch im warmen Backofen/ aber gar nicht auff Doͤrꝛen nach gemeyner weiß der Brawer/ daran sich der Rauch vom Holtz haͤncket/ vnd das Maltz schwartz vnd bit- ter machet/ daraus (wie leichtlich zu ermessen) nichts gutes kan gemacht werden/ dann
Z z ij
der
Teutschlands Wohlfarts
der Holtz-rauch auff diese weiß sich an das nasse Maltz haͤncket/ vnd das Bier so hernach daraus gebrawet wird/ sehr vngesund/ bitter vnd vngeschmack machet. So das Maltz aber an der Lufft/ Sonnen oder warmen Ofen getrucknet/ wird es von dem Holtz-rauch nicht vngeschmack/ sondern bleibt lieblich vnd suͤß.
NB.
Sonsten kan das außgewachsen Korn/ wann es auff dem Soller nur ein wenig Windtrucken worden/ in den Kesseln oder Pfannen/ darinn das Bier eyngesot- ten wird/ sauber vnd geschwind getrucknet werden: muß aber mit einem Holtz stetig vmbgeruͤhret werden/ auff daß es allenthalben die Hitze empfinde vnd trucken werden moͤge: Doch sol das Fewer zum Maltz trucknen/ vnter dem Kessel nicht gros seyn/ auff daß das Korn nicht verbrenne vnd vngeschmack werde. Solches Maltz soll man schro- ten gleich wie ein ander Maltz zum Bierbrawen gemahlen wird/ nit zu grob/ auch nicht zu klein; Bleibt es zu grob/ vnd die Koͤrner gantz/ so kan das Wasser die Krafft vnd Safft im brawen nicht herauß ziehen/ bleibt in den Trebern/ vnd kompt dem Viehe zu nutz: Wird es zu klein gemahlen/ so papt es im brawen auf einander/ vnd laͤßt das Bier nicht durchlauffen. Derohalben man in allem Fleiß anwenden soll/ daß der Sach nicht zu viel noch zu wenig gethan werde. Wann solches geschehen/ so brawet man ein Bier darauß/ wie ein jedweder gewohnt/ oder seine Geschirꝛ/ Kessel vnd Buͤtten zu lassen: Dann etliche auff das geschroten Maltz siedheiß Wasser giessen/ vnter einander men- gen/ ein Zeit darauff stehen lassen zu
Extrahiren;
Alsdann abzapffen/ ein ander siedend Wasser darauff giessen/ zudecken/ vnd
Extrahiren
lassen/ abzapffen. Vnd solches auff- giessen vnd abzapffen soll so offt vnd lang geschehen/ bis das Wasser keine Suͤssigkeit mehr auß dem Maltz ziehen kan/ sondern nur blosse vngeschmacke Treber zuruͤck bleiben/ welche dem Viehe gehoͤren/ selbe damit zu maͤsten.
NB.
Andere aber welche die bereytschafft das Maltz in Buͤtten mit heissem Was- ser zu uͤbergiessen vnd den Safft heraus zu ziehen/ nicht haben/ die mengen das geschro- ten Maltz in hoͤltzern Buͤtten wol mit kaltem oder lawen Wasser an/ lassens etliche stun- de erweichen: Darnach thun sie solches in einen Kessel vnd so viel Wasser darzu/ daß das Maltz im kochen nicht kan anbrennen/ kochens ein halbe stund oder laͤnger/ giessens auß auff strohe so darzu gemacht im Buͤtten liegt/ vnd lassen das Bier ablauffen/ uͤber- giessens wieder mit siedheissem Wasser wie oben gesagt/ lassens auch ablauffen: Daß thun sie so offt/ bis kein suͤssigkeit von dem Maltz kan mehr außgezogen werden. Diese weiß Bier zu machen dient nur denen/ welche sich behelffen muͤssen vnd keine Geschirꝛ haben: Die erste weiß aber ist besser/ vnd laͤst sich ins grosse thun.
NB.
Dieses muß man aber in acht nehmen/ wann der beste Safft das erste mahl vom Maltz abgezapft/ vnd wieder auffs newe siedend Wasser auffgossen vnd abgezogen worden/ so kan man der ersten vnd zweyten Abzug/ darinn die beste Krafft des Korns seyn wird/ nach vnd nach in dem flachen Kessel eynkochen/ vnd in die Engte bringen: Der dritte vnd vierdte uͤberguß vnd abzug wird zwar auch noch gut seyn/ aber nicht fett genug zum eynkochen/ weilen wenig Krafft darinn ist/ wuͤrde das Fewer mehr werth
seyn/
Erster Theil.
seyn/ damit mans eynkochen muͤste/ als der Safft so davon kommen wuͤrde. Derohal- ben dieser Nachlauff auff andere weise muß verbraucht werden: Nemblich also/ wann man ein solche Arbeit vnter handen hat/ so macht man etliche Gebraͤwe nacheinander/ was fuͤr Nachlauff von dem ersten Gebraͤw kompt/ schuͤttet man an statt Wassers auff das Maltz/ vnd
procedirt
darmit wie oben gesagt/ allzeit den Vorlauff als das beste/ kan man gleich in den abrauch Kessel thun/ vnd auff Honig dicke kochen/ deßgleichen auch den zweyten Lauff; Der dritte vnd vierdte Lauff/ darinnen wenig Kraffts seyn wird/ kan wie oben gesagt/ an statt Wassers/ auff die dritte Braw/ der Nachlauff von dem dritten auff das vierdte Maltz an statt Wasser gegossen/ vnd also zu gut gebracht werden; Dann sonsten zu viel Holtz kosten wuͤrde/ die Nachlaͤuffe zur dicke zu bringen. Auff diese weise kosten die Saͤffte sehr wenig Holtz vnd Muͤhe zu machen.
NB.
Die Kessel zu solcher Arbeit/ die außgezogene Saͤffte in Honigdicke zu ver- kochen seynd oben in dem Ersten Capittel bey Concentrirung der Weine allbereyt be- schrieben. Wer nicht meine Meynung wol daraus verstehen kan/ der wird sich bewerben muͤssen bey mir die oͤfen/ Kessel vnd andere darzu gehoͤrige Instrumenten/ wie auch die Handgriffe zu sehen/ deme ich sonsten nicht zu helffen weiß: Dann weitlaͤufftiger von dergleichen dingen zu schreiben/ will die Zeit dismal nicht zulassen.
Die Saͤffte soll man/ wann sie dick genug gekocht/ auß dem Kessel schoͤpffen/ oder durch den Kranen so daran seyn soll/ abzapffen/ kalt werden lassen/ vnd in Tonnen fuͤl- len/ wol zuspunden/ daß kein Lufft darzu kompt/ so halten sie sich so lang man will vnd verderben nicht.
NB.
Im Kochen muß man wol zusehen/ daß die Saͤffte nicht anbrennen noch uͤberlauffen/ welches durch die Register an dem Ofen (dardurch das Fewer wie mans haben wil regiert wird) kan verhindert werden. Dieses ist der kuͤrtzste Weg die Krafft auß dem Korn zu ziehen vnd in die Engte zu bringen/ wann man wol darmi
t
vmbge- het/ nichts von den Saͤfften verschuͤttet oder sonsten verlohren wird/ so geben 8. Tonnen Maltz 1. Tonnen Safft/ in welcher Tonnen Safft alle Krafft beysammen ist/ so in den 8. Tonnen Korn gewesen: Die Huͤlsen oder Treber gibt man dem Viehe.
NB.
Wer aber die Huͤlsen auff ein andere weiß zu Nutzen bringen kan/ der thut besser/ vnd kan auß den Huͤlsen davon die Saͤffte gezogen seyn/ so viel Nutzen schaffen als das Korn gekost hat/ also daß man die Saͤffte gantz vmbsonst haben kan/ wann mans weiß: Davon hernach ein mehrers.
Diese Saͤffte betreffend/ so seynd selbe die gantze Krafft des Korns/ vnd kan man hernach daraus/ wann man will/ Bier vnd Brandtewein/ auch an statt Honigs/ Pfes- fer Kuchen von backen/ seynd viel lieblicher als wann sie mit Honig gemacht wehren. Vnd koͤnnen solche Saͤffte an denen Orten bereytet werden/ da das Korn wollfeyl vnd nicht zu verschicken ist/ die Bawren nicht wissen was sie damit thun sollen/ nicht ver- kauffen koͤnnen/ sondern auf hauffen liegt vnd verdirbt. Auch koͤnnen die Saͤffte mit
Z z iij
besserm
Teutschlands Wohlfarts
besserm Vortheil vnd Nutzen gemacht werden/ wo man das Holtz wol haben kan/ so wird der Gewinn desto groͤsser.
Dieses Werck desto besser zuverstehen zu geben/ wird dieser uͤberschlag thun: Ge- setzt ich nehme acht Tonnen Korn/ maltzte solches vnd brawete es zu Bier auff obge- schriebene weiß/ vnd braͤchte 1. Tonnen guten Safft davon/ welchen ich uͤber Wasser oder Land ja viel besser verschicken koͤnte als 8. Tonnen Korn/ vnd auch wol 2. oder 3. mahl so viel darauß loͤsen koͤnte als auß 8. Malter Korn. Warumb? Auß Vrsach weilen die groͤste Arbeit allbereyt geschehen/ vnd hernach kein sonderbahre Muͤhe mehr kostet Bier darauß zu machen/ wie dieses Exempel bezeuget:
Gesetzt ich kauffte 8. Tonnen an einem solchem Orth da dasselbe/ vnd zugleich das Holtz wol zu bekommen/ darzu auch nahend an einem Schiffreichen Fluß/ als in Fran- cken am Maͤyn/ Schwaben am Necker/ Hessen vnd Braunschweig an der Weser/ Sachsen vnd Meissen an der Elb/ an diesen Orthen ist allzeit das Korn vnd Holtz wol zu bekommen. Wann ein Malter oder Ton Korn 1. Reichsth. kost/ so machen 8. Malter 8. Reichsth. 1. Reichsth. Holtz/ 1. Guͤlden Arbeits Lohn/ vnd geben dann 8. Tonnen Korn 1. Tonnen Safft/ welchen ich in Daͤnnene Faͤsser fuͤlle wie den Honig/ auff daß er fuͤr trucken wahr geht/ vnd nicht fuͤr Wein oder Bier auff den Zoͤllen angesehen wird/ be- zahle dieselbe nach dem Centner/ wie andere truckne Wahren: Gesetzt ein Tonne kost an die Seestatt zu bringen 2. Guͤlden/ so machen alle vnkosten/ mit dem Korn/ Fracht oder Fuhrlohn/ Fewer vnd Arbeit/ 12. Guͤlden/ seynd 8. Reichsth. vnd gibt mir ein solche Ton hernach auffs wenigste acht Tonnen des besten Biers/ 10. etwas geringer/ oder auch wol 12. nach deme man das Bier gut haben will. Dieses ist gewiß/ daß ein Ton Korn allzeit mehr gut Bier gibt als ein Tonne/ wann mans genaw suchen wolte/ gern 1½. Ton gut Bier: Gesetzt es geb nur 1. Ton/ vnd die Ton Bier koͤnte verkauft werden fuͤr 3. Reichsth. so wuͤrden die 8. Tonnen Korn welche mit allen vnkosten an die Orth da das Korn oder Bier thewr ist/ nur 8. Thaler zu bringen gekost/ wieder vor 24. Reichs- thaler koͤnnen verkauft werden/ 8. davon gezogen/ bleiben noch 16. Reichsth. gewinn/ oder uͤberschuß/ welches auf 8. Tonnen Korn ja genug ist.
Gesetzt das Korn were thewrer/ die Saͤfte kosteten mehr an die See zu bringen als allhier gerechnet/ vnd wuͤrden an 8. Tonnen Korn oder einer Tonnen Saft nur 8. Thaler gewinn uͤber alle vnkosten/ so were es doch genug/ vnd haͤtte man noch diesen Vortheil neben dem Gewinn/ daß man sein Korn durch dieses Mittel/ so sonsten da lie- gen vnd verderben muͤste/ vor andern verkauffen vnd an den Mann bringen koͤnne. Auch hat man diesen Nutzen davon/ daß man das Korn bey wolfeylen zeiten eynkauf- fen/ Concentriren/ in Tonnen dahin legen/ bis zu thewren Zeiten/ so darff man nicht sor- gen/ daß die Maͤus vnd Ratzen solches fressen/ wuͤrmicht wird/ oder sonsten verdirbt: Braucht auch so viel platz nicht darzu wie zum Korn/ dann wo allhier eine Tonne Saft liegt/ muͤsten dort 8. Tonnen Korn liegen.
Vnd geschicht durch dieses Mittel der Herꝛschafft vnd den Vnterthanen zu gleich
grosse
Erster Theil.
grosse Huͤlff/ dann die Herꝛschafft kan von den Vnterthanen/ wann sie an statt schatzung vnd Stewer Korn nimbt/ bezahlt werden; Die Vnterthauen aber koͤnnen durch diß Mittel jhrer Obrigkeit die schuldige Gebuͤhr entrichten/ doͤrffen das Vieh auß dem Stall nicht verkauffen/ noch Geld auf Renthen nehmen/ Weib vnd Kind verpfaͤnden/ vnd braucht gar keine Muͤhe/ anderst als daß die Herꝛschaft ein Brawerey anstellt/ darinn das Korn gemaltzet/ gebrawet/ vnd zu Safften Concentrirt wird/ das Holtz ha- ben sie selber/ vnd kost sie keinen Pfenning.
Kan also einem Land hierdurch geholffen werden/ daß nimmer weder an Geld/
Victualien,
noch andern notduͤrftigen Dingen Mangel darinn ist: Dann wann die Saͤfte nur an die Seestaͤtt koͤnnen gebracht werden/ selbige mit viel tausenden Ton- nen koͤnnen verkaufft werden/ an solche Herꝛschaften oder Kauffleuth/ welche nach Ost- vnd West-Indien handlen/ welche dann zu allen Zeiten auf Schiffen/ ja mitten im Sommer oder Hundstagen/ wann sie nur Hopffen vnd Wasser haben/ gut Bier auß machen koͤnnen/ so jhnen viel Rathsamer/ dann da ein Ton dieses Safts liegt/ da muͤs- sen sonsten 8. Tonnen Bier liegen/ so jhnen bisweilen sauer wird vnd verdirbt/ welches sie hierbey auch nicht zu befoͤrchten haben: Vnd seynd solche Bier so auß den Saͤften durch zuthun eines Hopffen Wassers gemacht/ auch viel gesunder als andere Bier/ weilen das Fewer im eynkochen des Safts alle
cruditet
verzehret oder
Corrigiret
hat/ welches ein jedwederer leichtlich erachten vnd glauben kan.
Auch koͤnnen diese Saͤfte gar wol vnd mit grossem Nutzen verkaufft vnd gebracht werden/ an denen Orthen da das Korn oder Bier wegen viele der Menschen allzeit thewer ist/ als in Holland vnd angraͤntzenden Orthen: Wann die Brawer solche Saͤfte haben koͤnten/ dieselbe gewißlich auß dem Korn das Bier mit grossen vnkosten nicht brawen wuͤrden/ dann sie nicht allein keinen so grossen platz/ Kessel/ noch auch so viel Menschen beduͤrftig seyn wuͤrden/ als sonsten ein gemeyn Bier-brawen erfordert. Steckt also in diesen Saͤften das Holtz/ darmit sonsten das Bier auß dem Korn muste gezogen werden/ wie auch die Arbeit zum brawen/ welche auch schon darinn ist: Vnd ha- ben solche Braͤwer welche diese Saͤfte zu Bier machten/ auch diesen grossen Vortheil/ daß sie mitten in den Hunds-Tagen beym heissen Sommerwetter/ gut Bier ohne Ge- fahr machen koͤnnen/ das es jhnen nicht sauer wird: Dann jederman der weiß was Bier brawen ist/ gar wol weiß/ daß man bisweilen genug zu thun hat ausser den Hunds- tagen Bier ohne sauer werden zu brawen: Hierbey man aber die geringste sorge nicht haben darff/ dann im durchlauffen uͤber den Trebern/ werden gemeyniglich die Bier im Sommer sauer/ oder wann sie stehen vnd abkuͤhlen sollen zum ansetzen: welches alles all- hier schon gethan/ vnd an solchen Orthen da die Arbeiter/ wie auch das Holtz vnd der Platz zu brawen gut Kauff ist. Welches allhier zu gleich auch von dem Wein kan ver- standen werden.
Ist dieses also ein Werck das grossen Nutzen geben kan/ so wol dem Kauffer als Verkauffer/ der Verkauffer kan darbey sein Korn fuͤr ein redlichen preiß an den Mann
brin-
Teutschlands Wohlfarts
bringen vnd zu Geld machen: Der Kauffer kan zu allen zeiten des Jahrs gut gesund Bier machen/ darff keine andere Kosten darzu anwenden/ als einen Menschen zu haben der die Saͤffte mit Hopffenwasser ansetzet/ Jaͤhrend macht/ vnd in Tonnen fuͤllt/ da er sonsten viel Menschen/ grosse Kessel/ vnd hoͤltzere Kuffen/ wie auch grossen platz zum Brawen/ darzu viel Fewer gehoͤrt (so an solchen Orthen auch thewer ist) haben muͤste/ welches bey diesen Saͤfften alles kan erspahrt werden. Man betrachte was das fuͤr ein herꝛliches vnd nuͤtzliches Werck seyn wuͤrde/ wann solche Saͤffte in grossen Staͤtten vnd sonderlich an solchen Orthen/ da die Haͤuser/ Holtz vnd Arbeit thewer seyn/ zu verkauffen wehren/ koͤnte ein jedweder Hauß Vatter jhme etliche Tonnen solches Safts eynkauffen/ vnd in seinem Hauß in einem kleinen Kessel dieselbe nach seinem belieben mit Hopffen Wasser aufsolviren/ vnd zum Bier machen/ so fett oder mager/ so bitter oder suͤß als er selber wolte/ vnd fein in seinen eygenen reinen Faͤssern dahin legen/ vnd das Jahr uͤber mit den sein gen davon trincken/ auch gute Medicinalische Kraͤnterbier da- von zu richten. Solte daß nicht besser seyn/ als solche Bier bey den Brawern nehmen muͤssen/ welches bisweilen zu Jung/ zu Alt/ oft sauer vnd vnklar/ uͤbel gekocht/ uͤbel rie- chend/ an stat Hopffen mit
Aloe,
Kellers hals/ Laͤuß-Kraut/ Bilsen-Kraut: Dann sol- che vnd dergleichen schaͤdliche Dinge/ an etlichen Orthen die Brawer an statt Hopffen das Bier darmit bitter vnd starck zu machen/ vmb des schaͤndlichen Gewins willen be- truͤglicher weiß vnter das Bier brawen. Darumb alle die jenigen so von solchen Bie- ren viel trincken/ nimmer gesund seyn koͤnnen/ sondern aufs wenigste an Wasserichen oder feuchten Orten den Schormund oder Schurbauch/ eine Melancolische Kranck- heit/ so von dergleichen vngesunden Bieren/ welche die innerliche
Viscera
des Leibs vnd principalste Glieder verstopffen/ vnd solche Kranckheit
causiren
oder eynfuͤhren. Diese art Bier aber so auß den Saͤften mit guten Hopffen bereytet seyn/ nicht allein solche Kranckheiten nicht vervrsachen/ sondern denselben wegen jhrer Reinigkeit vnd Klarheit wiederstehen/ vnd dafuͤr den Menschen
præserviren,
sonderlich wann man die Saͤffte auß solchem Maltz das nicht mit Holtzrauch/ sondern an der Lufft getrucknet wor- den/ machen laͤst/ vnd dem Bier in der
fermentation
zu helffen weiß/ daß sich aller Schlamm vnd Hefen nieder schlaͤget/ so bekompt man ein Bier/ daß gesunder vnd lieb- licher ist als mancher Wein/ der oftermals geschwekelt oder sonsten an Kalckichten Or- ten gewachsen. Solche Bier aber beschweren das Haupt nicht/ machen keine Wind/ blehen den Leib nicht auff wie andere Bier: Verhalten auch den
Urin nicht
/ sondern befuͤrdern denselben/ vnd halten einen natuͤrlichen offenen Leib. Seynd also ohne zu- thun Medicinalischer Kraͤuter/ an sich selbsten Medicinalisch/ lieblich/ wolgeschmack vnd gesund; Dergleichen ohne dieses Mittel auß keinem Korn zu brawen muͤglich.
Von solchen Bieren ist was zu halten/ vnd wuͤrde mancher offt Bier trincken/ wann er dergleichen haben koͤnte/ vnd die truͤbe vnd vngesunde geschwefelte Weine lie- gen lassen. Wie ich dann dergleichen gesunde Bier in meinem Hauß/ ueben dem Wein/ zu speisen willens.
Ich
Erster Theil.
Ich koͤnte ein viel mehrers von solchen Bieren/ daß auß den Saͤfften bereytet/ schreiben/ die Zeit leydet es aber nicht/ es ist dißmal genug gesagt: Das uͤbrige kan hier- auß genommen vnd verstanden werden/ was allhier nicht geschrieben/ zweiffele nicht es werdens gute Haußhalter vnterfangen/ die Saͤfte zu machen/ vnd an solche oͤrter zu ver- senden/ da sie auf die grosse Schiffarten in Menge koͤnnen verkaufft vnd angebracht werden/ dardurch den Korn-Laͤndern groß Geld ins Land kommen kan.
Es werdens die Bier-Braͤwer in grossen Staͤtten auch nicht verwerffen/ wel- che diese Saͤfte gegen guter Bezahlung gern annehmen.
Es werden auch Fuͤrsten Herꝛn vnd grosse Staͤtte/ solche Saͤffte
in Copia
berey- ten/ vnd in jhre Festungen oder Proviant Haͤuser zum Schatz vnd Vorꝛath hinlegen lassen bis daß sie es einmal noͤtig haben moͤchten. Auch werden gute Hauß-Vaͤtter sol- ches nicht vnterlassen/ fuͤr kuͤnftige thewre Zeiten einen Vorꝛath fuͤr die jhrige aufflegen/ vnd in Zeit der Noth angreiffen vnd sich darmit erhalten.
Es werden auch die Kriegs-Generalen vnd Feld-Obersten sich derselben befleis- sen/ mit sich ins Feld fuͤhren/ vnd in dem Laͤger wieder mit Wasser
extendiren,
vnd zu gut Bier machen/ so doͤrffen sie kein Wasser mit zu Feld fuͤhren/ dann solches allenthal- ben genug zu bekommen/ der Hopffen ist auch nicht schwer: Kan also in Feld-Laͤgern die- se Kunst viel gutes thun: wie auch in Festungen die sich einer Belaͤgerung besorgen muͤs- sen. In Summa/ es ist nicht zu beschreiben/ was fuͤr grosser Nutzen an allen Orten/ bey Krieg oder Friedens Zeiten/ diese Saͤfte außrichten koͤnnen.
Solte derohalbe billig ein jedwedere Herꝛschaft/ welche jhre Vnterthanen lieb hat/ solche Saͤfte in Vorꝛath machen/ vnd auff den Nohtfall bewahren lassen.
Es moͤchte aber mancher vorwerffen vnd sagen/ er sehe vnd spuͤre zwar/ daß dieses Werck sehr nuͤtzlich vnd gut seyn muͤsse/ aber nicht wol ein Jedwederer die Kessel zum Concentriren derselben zeugen koͤnte: Deme gebe ich zur antwort/ daß auch nicht noͤtig/ daß ein Jedwederer solche Concentrirung vnter Handen nehme/ wann in Jedwederer Statt nur einer ist der es thut/ kan allen seinen Nachbawren das Korn abnehmen/ ver- fuͤhren/ vnd zu Geld machen: thuns jhrer mehr/ so ist es desto besser fuͤr sie selber/ bringen desto mehr Geld darmit ins Land/ vnd darff sich niemand befoͤrchten/ wann er solcher Saͤffte ein tausend Tonnen/ darinn 8. tausend Tonnen Korn stecken/ an eine See-Satt braͤchte/ daß er selbige nicht also balden
Contant
bezahlt kriegte. Was kan tausend Ton- nen machen in einer Volckreichen Statt/ da alle Tag etlich tausend Tonnen Bier ge- truncken werden? Braͤcht gleich jemand viel tausend Tonnen an solche oͤrter/ wuͤrde nicht lang Marck halten doͤrffen/ sondern reissend hinweg gehen/ von denen die wissen wie sie zu Bier wieder zu machen.
Mich duͤnckt es were ja besser das liebe Korn auff diese weiß zu Geld zu machen/ als liegen vnd verderben lassen/ welches vor Gott eine grosse Suͤnd/ vnd vor den Men- schen ein Schand were.
Moͤchte weiters eyngeworffen vnd gesagt werden/ wann das Bier auß den Saͤf-
A a a
ten
Teutschlands Wohlfarts
ten zu machen solte
practisirt
werden/ daß an den Orten da man der Herꝛschafft ein gewisses fuͤr ein Ton Bier zu trincken muß erlegen/ solches nicht solte gestattet werden/ auß den Saͤften Bier zu machen/ dardurch der Herꝛschafft die
Intraten
oder Imposten benommen wuͤrden. Dem ist auch bald zu helffen/ wann die Herꝛschafft an stat des Biers/ die Saͤfte verpachtede/ so koͤnte jhnen auch nichts entgehen/ vnd bekaͤmen daß jh- rige eben so wol auß den Saͤsten/ als sonsten von dem Bier. Welches auch bey den Weinsaͤften sol verstanden werden.
Allhier kan nun ein Jedwederer sehen/ daß niemand durch die Saͤfte schaden/ son- dern vielmehr viel tausenden Nutzen von kommen kan: Derohalben billig eie jedwedere Herꝛschafft oder Obrigkeit mit allem ernst jhre Vnterthanen dahin halten solte daß sie auß jhrem Korn/ welches sie nicht verkauffen koͤnnen/ solche Saͤfte kochten/ vnd Geld dargegen ins Land braͤchten/ were ja besser als dieselbe also bloß vnd Nackend daher schlampampen/ Hunger vnd Noth leyden lassen. Dann wuͤrde nirgends kein Mangel im Land seyn/ sondern so wol die Vnterthanen als Herꝛschafft genug haben: Zu wel- chem Ende ich diese Muͤhe auff mich genommen habe/ diese schoͤne vnd nuͤtzlich Kunst zu offenbahren. Vnd ob ich schon von niemand nichts gegen Offenbahrung dieser nuͤtz- lichen Kunst zu erwarten haben solte (wie es dann jetzunder bey der vndanckbahren Welt hergehet) so habe ich doch den willen Gottes erfuͤllt/ vnd meinem Naͤchsten Christ- liche Lieb erzeigt vnd gutes gethan/ darmit ich kan zu frieden seyn: Nicht zweiffelende/ mir Gott als ein Belohner alles guten/ solches an einem andern Orth vnvergolten nicht lassen wird.
Kan auch gar wol darauff Propheceyen/ wann diese meine gute Lehr vnd Er- mahnung in acht genommen/ daß in kurtzem manches Land sich wieder erholen/ Klein vnd Groß sich wol darbey befinden werden/ sonderlich die jenige/ welche mit ersten zu- greiffen/ vnd diese handlung anstellen/ ehe es gemeyn wird/ grosse Schaͤtze darmit sam- len werden/ welche nun Gott durch dieses Mittel gesegnet/ darneben der Armen ja nicht vergessen/ sondern den Segen zu Gottes Ehren/ vnd der armen verlassenen Witriben vnd Waͤysen Erquickung anlegen vnd bewahren wollen. Dann man die Schaͤtze vnd Reichthuͤmer nirgends besser auff das kuͤnfftige allhier im zeitlichen (als vnter die Ar- men getheilt) bewahren kan/ so hat man sich nicht zu besorgen/ daß Diebe vnd Moͤrder einem dieselbe abnehmen/ sondern wird nachmahlen selbige in jener Welt zehenfaͤltig wieder finden.
Das Dritte Capittel.
De Concentratione Vegetabilium.
I
N den zwey vorhergehenden Theilen oder Capitulen ist gelehret worden/ wie der Wein vnd das Korn durch Kunst zu Concentriren/ vnd gros- ser Nutzen dardurch soll geschafft werden. Nun ist noch uͤbrig/ die Gewaͤchse der Kraͤuter/ Hecken/ Straͤuch vnd grossen Baͤume/ wie dieselbe wann sie uͤberfluͤssig
stehen/
Erster Theil.
stehen/ vnd sonsten nicht zu Nutzen zu bringen/ auch Concentrirt/ oder in die Engte ge- bracht werden/ dardurch man gleicher weiß grossen Nutzen/ wie vom vnwehrten Wein vnd Korn/ haben kan. Nun ist Jederman bekant/ daß vnter allen Vegetabilischen ge- waͤchsen keines vnwehrter oder geringer geacht wird/ als eben das Gras auff dem Feld/ die wilde Hecken/ Straͤuche/ vnd auch grosse Baͤume/ sonderlich wann dieselbe von den Menschen weit abgelegen/ da sie solche nicht gebrauchen koͤnnen/ wachsen; gantz nichts geacht werden/ auch niemand wegen der abgelegenheit Nutzen von haben kan/ sondern blos da stehen/ in die Wilde hineyn wachsen/ endlich wieder vmbfallen vnd verderben. Wie zu sehen in den grossen Wildnuͤssen des Teutschlands/ als Spessert/ Steigerwald/ Odenwald/ Tuͤhringer vnd Boͤhmerwald/ Hartzwald/ vnd auch andern Laͤndern/ da zehen mahl mehr Holtz liegt vnd verfaullt/ als von den Menschen verbraucht wird/ oder zu nutzen kompt.
Darumb weilen niemanden bishero gewust/ was man darmit machen oder thun koͤnne/ als was zum Bawen der Haͤuser/ wie auch zum verbrennen/ zum Kochen/ Brawen/ Backen/ vnd andern Notturfften der Menschen soll verbraucht werden/ vns nahe bey den Staͤtten oder Doͤrffern stehet/ da Menschen wohnen/ auff daß mans nicht zu weit zu holen hat/ da dann in grossen Waͤldern vom stetigem Gebrauch der Menschen/ das Holtz von Jahren zu Jahren zimlich verbrauchet wird/ vnd kein platz hat da zu liegen vnd zu verfaulen.
Das jenige Holtz aber so weit von Menschen abgelegen/ auff hohen Bergen da niemand hin kompt/ waͤchset/ kan auch von niemand gebraucht werden: Muß also das- selbige stehen vnd den wilden Thieren als Baͤhren vnd Woͤlffen (zu grossen schaden anderer guten oder nuͤtzlichen Thier/ als Herschen/ Rehen/ Schweinen/ Schafen ꝛc.) eine Wohnung seyn. Wer soll es aber aͤndern? soll man solch grosse Waͤlder vmb der wilden Thier willen/ jhnen jhre Wohnung zu verstoͤhren/ abhawen/ verfaulen lassen/ oder anzuͤnden/ vnd vnnuͤtzlich verbrennen? Daß thut niemand/ dann grosse Arbeit da- zu gehoͤren wuͤrde/ solche grosse Wildnussen abzuhawen: Weilen dann sonsten kein an- der Nutzen von zu erwarten/ als allein die wilde Thier darmit auß zu reuthen/ nieman- den sich dessen vnterstehet: Were auch gar nicht rathsam solche vngehewre Wildnussen anzustecken vnd zuverbrennen (wie in alten Historien zu lesen das vielmahls geschehen/ allein das vngeziefer vnd schaͤdliche Gethier darauß zuvertreiben (ist gefaͤhrlich/ vnd zu besorgen daß ein solcher grosser Brand weiter gehen moͤchte/ als man jhme zu gelegte Dann dergleichen mehr geschehen/ daß man etwan eine Heyden anstecken wollen/ sol- ches Fewer in die Waͤlde fortgelauffen/ vnd grosse stuͤck Waͤlder verbrand/ vnd grossen schaden den Benachtbarten vervrsacht: Welches abbrennen dann gar nicht rathsam. Das abhawen vnd verfaulen zu lassen auch wegen des grossen kostens die darauff gehen wuͤrden/ gar nicht muͤglich: Muͤssen also den wilden vnd schaͤdlichen Thieren/ wie auch den Moͤrdern vnd Raͤubern jhre Wohnung verbleiben: Dann ob wol bisweilen an solche oͤrter Glashuͤtten aufgericht werden/ so koͤnnen sie doch so viel Holtz nicht verbren-
A a a ij
nen/
Teutschlands Wohlfarts.
nen/ daß die Waͤlde lichter dardurch werden/ wann schon in einer jedwedern Glas- huͤtten taͤglichen 20. Wagen Holtz verbrand wuͤrden: Darzu gebrauchen die Glas- macher das Holtz nicht wie es da steht nach einander/ sondern hawen allein das aller- geradeste vnd glatteste Buͤchen Holtz herauß/ auff daß sie dasselbige desto besser spalten oder klieben koͤnnen/ vnd lassen die straͤuche vnd knortzeriche Eychen vnd Buͤchen baͤu- me wol stehen: Also daß durch das Glasmachen nur die beste Baͤume außgesucht/ die Hecken vnd straͤuche darinn sich die wilde Thier am fuͤglichsten auffhalten koͤnnen/ nicht einmal begehren/ welche jhnen dann auch kein Nutz seyn koͤnnen/ weilen sie auch die schoͤnste aͤste von den Buͤchen baͤumen liegen vnd verderben lassen/ vnd allein die gu- te Staͤmme zu jhren Glasmachen gebrauchen koͤnnen: vnd darzu setzen die Glasma- cher jhre Huͤtten nicht in die weit abgelegene Wildnuͤssen/ sondern je naͤher sie solche auffrichten koͤnnen/ je lieber es jhnen ist/ dann sie jhre Nahrung von den Menschen ha- ben muͤssen.
Auch wird bisweilen viel Holtz verbraucht bey den Bergwercken/ vnd sonderlich da man Eysen schmeltzet/ darzu dann viel Kohlen gehoͤren/ aber wie bey dem Glasma- chen gesagt/ also auch allhier soll verstanden werden/ daß nemblich solche Schmeltzhuͤt- ten/ nimmer auff hohe Berge oder weit abgelegene Wildnuͤssen gesetzet werden/ die Vrsach ist/ weilen sie auch Menschen darzu gebrauchen/ auch Wasser die Blasbaͤlge darmit zu treiben/ haben muͤssen/ vnd der Orth auch also beschaffen seyn muß/ das man mit Wagen alle Notturfft beybringen/ vnd daß geschmoltzen Eysen wieder nach den Staͤtten verfuͤhren kan: Darzu verbrennen die Schmeltzer zu jhren Kohlen brennen/ auch nicht alles Holtz wie es jhnen vorkompt/ sondern lassen die Hecken vnd Buͤsche auch stehen/ dann sie keine Kohlen davon brennen koͤnnen. Verbleiben also die grosse Wildnussen (ob schon an vielen Orten Glas-vnd Schmeltz-huͤtten auffgebawet) dan- noch vnangetast/ weilen niemand solche zu gebrauchen weiß/ so stehen.
Nach deme ich aber all mein Lebtag die grosse Wunderwerck Gottes in Obacht genommen/ die heimlichkeiten der Natur zu erforschen/ mich keinen fleiß/ Muͤhe vnd ko- sten habe abhalten lassen/ vnd auß der Natur erlernet/ daß Gott ein gerechter Haußhal- ter ist/ vnd gar nichts machet/ schaffet oder thut/ ohne sonderbahre vrsachen/ welches vns Menschen/ so mehrentheils dem Viehe gleich/ ohne Erkaͤntnus Gottes oder seiner Wer- cken/ dahin leben/ gleich gilt vnd krum/ krum seyn lassen: Gantz nicht betrachtende/ daß der Mensch zu viel einem andern Ende/ als das vnvernuͤnfftige Vieh/ von Gott dem Herꝛen erschaffen sey/ den Alten Spruch
(Gott vnd die Natur machen oder schaffen nichts vergeblich)
gar nicht in acht nehmen.
Wann dann dieses wahr ist (wie es dann niemand laͤugnen kan) so sehen wir ja/ daß die grosse Wildnussen gantz nicht vnnuͤtz oder vergeblich da stehen/ sondern ja zu et- was gutes nuͤtzlich seyn muͤssen/ wie sie dann auch seyn/ nemblichen ein uͤberauß gros- ser Schatz/ dereñ die jhn kennen vnd gut zu machen wissen/ wie ich dann solches klaͤr- lich beweisen vnd der blinden vnd verstockten Welt vor Augen legen wil/ also daß die
Spoͤt-
Erster Theil.
Spoͤtter/ Veraͤchter/ vnd vnerfahrne der natuͤrlichen
Philosophiæ,
so allein durchs Fewer vnd nicht auß dem
Aristotele
soll vnd muß erlernet vnd
stndiret
werden/ vnd daß das Fewer der rechte Lehrmeister aller natuͤrlichen Kuͤnsten sey/ vnd verbleibe (sie wollen oder wollen nicht) dennoch zulassen vnd nach geben muͤssen. Welchem auch das Fewer/ er sey gleich sonsten in frembden Sprachen (die doch
in Philosophia secretiori
nicht helffen oder nutzen koͤnnen) so hoch erfahren als er immer wolle/ nicht kent/ noch seine grosse Krafft verstehet/ nicht das geringste in wichtigen Dingen nimmermehr auß- richten oder zu wegen bringen wird. Darumb sage ich/ solte man billig solche Leute die in der Natur erfahren seyn (hinderwerts bey grossen vnd kleinen nicht verachten oder verkleinern/ vorgebende was man einem solchen glauben solte/ der doch auff Hohen Schulen kein
Doctor
worden. Ich gestehe das gern/ daß ich niemahlen auff Hohen Schulen gewesen/ auch niemahlen drauff begehrt/ wann solches geschehen/ ich vielleicht zu solcher Erkaͤntnus der Natur/ so ich jetzunder (ohne Ruhm zu melden) besitze/ nim- mermehr kommen were: Reuhet mich also gantz nicht/ daß ich von Jugend auff die Hand in die Kohlen gestecket/ vnd dardurch die verborgene Heimlichkeiten der Natur erfahren habe. Ich suche niemand zuvertreiben/ habe auch niemahlen darnach getrach- tet grosser Herꝛen Brod zu essen/ sondern viel lieber solches durch mein eygen Hand/ neben Betrachtung dieses Spruchs (
ALTERIUS NON SIT QUI SUUS ESSE POTEST
) Ehrlich zu erwerben. Werde also einen andern gar wol seyn las- sen wer er ist/ vnd jhme ruͤckswegs nicht faͤlschlich uͤbel nachreden/ wann ers mir schon zuvorn gethan hat. Das Werck muß seinen Meister loben/ vnd nicht viel zierliche So- phistische Geschwaͤtz vnd schoͤne Kleyder/ welche mehr den Weibern als wahren
Philo- fophis
zulaͤssig.
Was soll ich sagen? Das alte Sprichwort fehlet nimmermehr:
Ars non habet osorem nisi ignorantem.
Neydet doch ein Nachbawer den andern/ vnd wird jhme mißguͤnstig/ wann einer ein stuͤck Brod mehr hat als der ander/ vnd dieses bey allen Staͤnden vnd
Faculteten
zuverstehen/ ist der alte Lauff der verderbten Welt/ welchen weder ich noch Jemand aͤndern wird. Darbey es dann sein verbleibens hat.
Auff daß ich nun wieder zu meiner
Concentration
des Holtzes komme/ so kan ich mit warheit sagen/ will es auch mit der That beweisen/ daß in den vnachtsamen Holtz ein uͤberauß grosser Schatz der Welt verborgen stecke/ ja immer so groß vnd groͤsser/ als in dem Wein oder Korn: Darumb/ weilen Wein vnd Korn mit grosser Muͤhe vnd Arbeit durch Menschen Haͤnde muß herfuͤr gebracht werden: Dieses aber/ nemblich Laub vnd Gras/ Hecken vnd Stauden/ allerhand grosse vnd kleine Baͤume/ von Natur sich selber besaͤhmen/ fortwachsen/ gros werden/ vnd sich
in infinitum
vermehren/ dar- umb sage ich daß mehr Nutzen als von Korn vnd Wein/ von zu machen sey/ wann mans nur weiß durch Kunst dahin zu bringen.
Weilen dann nun dieses Buͤchlein als erste Theil
De Concentratione rerum,
allein von den Vegetabilischen verbesserung
tractiret,
vnd allbereyt von Wern vnd
A a a iij
Korn
Teutschlands Wohlfarts
Korn solches beschehen/ also wil ich im Namen Gottes/ auch das Holtz-Laub vnd Gras/ vor mich nehmen/ vnd die uͤberauß grosse vnd bisher verborgene Schaͤtze vnd Reich- thumber der Welt jederman vor Augen legen vnd bekant machen. Der Allmaͤchtige/ Weise vnergruͤndliche vnd Barmhertzige Vatter aller Creaturen Himmels vnd der Erden/ Wassers vnd Lufft/ regiere vnd leyte meine Hand/ auch Sinn vnd Gedancken/ daß ich nichts anders allhier schreibe oder lehre/ als was zu seines Goͤttlichen Nahmens ehre/ zu aller Menschen Heil vnd Seeligkeit gereichen oder gedeyen moͤge/ Amen.
Ju den zwey vorhergehenden Theilen oder Capitulen ist gelehrt worden/ wie die Saͤfte des Weins vnd Korns durch Kunst zu Concentriren vnd in die Engte zu zie- hen/ vnd fuͤglich an solche oͤrter zu bringen da man Geld fuͤr haben kan.
Allhier aber moͤchte die Frag fallen/ wie die Saͤfte der Kraͤuter/ Hecken/ Stan- den vnd grossen Baͤumen herauß zu pressen/ vnd wann sie herauß/ was sie doch (diewei- len sie weder zu essen noch zu trincken taugen/ wie diese auß den Korn vnd Wein) fuͤr Nutzen geben koͤnnen?
Darauff ich zuverstehen gebe/ daß zwar kein Speiß oder Trank darauß werden kan/ aber doch andere ding/ welche der Mensch auch nicht entrahten kan: Nemblich gu- te Medicamenten/ wie auch gut Gold vnd Silber/ darfuͤr man neben dem Wein vnd Korn/ auch nothwendige Kleyder/ vnd was sonsten dem Menschen neben dem essen vnd trincken mangelt/ zeugen vnd reichlich schaffen kan: Also daß man ja an keinem Ding mangal haͤtte/ der guͤtige
GOTT
seine duͤrftige Kinder so reichlich vnd weiß- lich versorget hat/ also daß wir billig dem lieben
GOTT
fuͤr seine gnaͤdigste vnd Vaͤt- terlich Vorsorge ohne vnterlaß loben vnd preisen/ vnd nicht also vndanckbarlich die gros- sen Gaben vnd Gnaden/ so er vns vnwuͤrdigen ohne alle vnsere verdienst/ auch ohne vn- terscheyd der Person taͤglichs verleyhet/ vnwuͤrdig empfangen/ vnnuͤtzlich verschwenden vnd verderben solten.
Nun zum Werck zu schreyten/ so solte ich billig zum Ersten lehren/ wie die Saͤf- te auß dem Laub vnd Gras/ wie auch Hecken vnd grossen Baͤumen/ zu pressen/ vnd alsdann auch weiters berichten/ wozu dieselbige dienten/ oder mit Nutzen zu gebrauchen weren. Dieweilen aber niemand so Naͤrꝛisch seyn wird/ Geld oder Gelds werth/ Muͤ- he oder Arbeit in etwas anzulegen oder auff zu wenden (wann er nicht zuvor weiß/ was er damit thun oder Nutzen schaffen kan) also ist es nothwendig zuvorn/ ehe man den
modum
die Saͤfte zu pressen/ lehre/ zu zeigen wo zu selbige dienen/ oder was Nutzen man davon zu erwarten (auff daß kein vergebene Arbeit gethan werde) haben moͤchte. De- me nun vollend genug zu thun/ so berichte ich/ daß aller Vegetabilische Saͤffte beste Krafft/ ein Saltz sey/ so von den
Medicis
vnd
Philosophis, Sal Essentiale
genennet wird/ dessen Saltzes alle Vegetabilische gewaͤchse theilhafftig/ doch daß das eine reicher als das ander/ welches die Erfahrung bezeuget: Dann alle die jenige Kraͤuter welche keinen sonderbahren geschmack haben/ als Lattich/ Wurtzel/ Kohl/ Kappes/ Ruͤben vnd dergleichen dinge/ wenig Saltz bey sich fuͤhren/ darumb dieselbe so leichtlich verfaulen
oder
Erster Theil.
oder verderben. Die jenigen aber so scharf vnd bissig auf der Zungen seyn/ gleich wie der
Aron, Persicaria, Tabacum,
Kellershals Pfefferkrant/ Loͤffelkt aut/ alle arten der Kressen/ Meerꝛettich/ Zwibeln/ Knoblauch/ Senfft/ vnd dergleichen: Wie auch alle bit- tere Kraͤuter
Carduus benedictus, Absynthium,
oder Wermuth/ Erdrauch
Esula
vnd dergleichen/ geben mehr Saltz. Auch geben viel Saltz alle Vegetabilische gewaͤchs die von Natur sauer seynd/ als vnzeitige Weintrauben/ saure Aepffel/ Kieschen/ Schlehen/ Creutzbeeren/ Him- vnd Brambeeren/ wann sie noch vnzeitig/ auch die Saurach- beerlein/ Johannes Traͤublein ꝛc. vnd immer das eine Geschlecht mehr/ oder ein an- ders Genaturtes Saltz von sich geben/ welche veraͤnderung oder vngleichheit/
acciden- taliter
bekommen/ aber doch allzumahl im Grund der Natur einander gleich seyn.
NB.
Etlicher Kraͤuter Saltz/ vnd insonderheit deren welche bitter seyn/ als
Card. Benedictus, Absynthium, Fumaria
vnd dergleichen/ geben nach der Außpres- sung/ wann der Safft gereinigt/ das
Phlegma abstrahirt,
die Remanentz an einem kal- ten Orth schiest/ das erste mal einen natuͤrlichen Salpeter/ welcher auff der Kohlen sich alsobald entzuͤnd vnd brennt/ wie ein solcher Salpeter/ der auß der Erden/ so in alten Viehestaͤllen gegraben/ gezogen vnd gesotten worden. Andere so nicht bitter/ sondern ei- ne durchtringende schaͤrpffe mit sich fuͤhren/ als die Geschlechte der Kressen vnd jhres gleichen/ geben ein beissig volatilisch Saltz nach der außpressung/ gantz fluͤchtig vnd nicht brennend/ wie diese auß den bittern Kraͤutern/ diese hergegen von sauren Gewaͤchsen/ als
Aretosa, Berber. Rib.
vnzeitige Trauben/ Creutz oder Stachelbeeren/ zahme vnd wilde saure Aepffel/ vnd andere noch vnzeitige saure Fruͤchten/ geben wieder ein ander Saltz/ nemblich Weinsaͤuerlich/ als einem natuͤrlichen Weinstein/ am Geschmack/ Tu- gend/ Kraft vnd Eygenschaft gantz gleich.
Ob wohlen nun diese drerley arten Saltze/ am geschmack einander vngleich/ so kan doch das eine dem andern gleich/ gar leichtlich verwandelt werden/ als das jenige Weinsaͤurige wird zu Salpeter/ vnd das Salpeterische wird zu Weinstein. Das drit- te vnd fluͤchtigste/ auß den Kressen/ Senfften/ Meerwurtzel/ Pfefferkraut/
Aron, \&c.
werden leichtlich entweder zu Salpeter oder Weinstein vmbgekehrt oder verwandlet/ nach deme ein jedweder solches zu haben sucht vnd begehrt.
Das fluͤchtigste nun betreffend/ thut dasselbige das seinige
in Medicina,
davon in meinen anderen Schrifften bereyts bericht gethan/ vnd ausser der
Medicin
sonsten wenig Nutzen kan. Die zwey andere sorten aber/ als das Nitrosische vnd Tartarische/ seynd zu vielen andern haͤndeln/ als zum faͤrben der Lacken/ der Weinstein/ der Salpe- ter zum Buͤchsenpulver vnd zu verwandlung der Metallen in bessere/ vnd dergleichen andern Kuͤnsten (wie in meiner
Explication
uͤber mein
Miraculum Mundi
außfuͤhr- lich bewiesen) zugebrauchen. Weilen dann diese zwey art Saltze durch die gantze Welt in grosser
quantitet
verbrauchet werden/ vnd man kaum so viel hierbey bringen kan als man noͤtig/ dardurch beyde Saltz zu allen zeiten jhr gut Geld werth seyn/ vnd an den Mann zu bringen/ vnd insonderheit der Salpeter bald noch eins so thewer als der
Wein-
Teutschlands Wohlfarts
Weinstein verkaufft wird. Also macht man sein Rechnung billig dahin/ daß man auß den Kraͤuter vnd Holtz saͤften einen Salpeter mache/ welcher vnter allen salien am thewersten kan verkaufft werden. Wofern man aber des Salpeters zu viel haͤtte/ daß man nicht wuͤste womit hin/ alsdann koͤnte man auch Weinstein auß den Saͤften ma- chen: Dieweilen aber der Salpeter so bald nicht wohlfeyl werden kan/ so thut man auch am besten/ allein Salpeter auß den Saͤften zu bereyten/ sonderlich weilen derselbe zu al- len Zeiten zu verbesserung der geringen Metallen mit Nutzen zu gebrauchen/ vnd dessen nimmermehr zu viel seyn wird/ wuͤrd auch besser damit angebracht/ als zum Buͤchsen- pulver machen/ wann solche boͤse Kunst/ damit so viel Menschen getoͤdet werden/ nicht allbereyt bekant/ solte man lieber Mangel leyden/ dann nur den Salpeter/ wil geschwei- gen das Buͤchsenpulver darauß zu machen/ beschreiben.
Dieweilen aber mein aussehen gantz vnd gar nicht durch den Salpeter jemands Anlas zu geben einiges leyd zu thun/ sondern vielmehr meinem Naͤchsten gutes darmit zu beweisen/ gerichtet: wie ich dann allbereyt viel nuͤtzlich Kuͤnste darmit zu verꝛichten in meinem
Miraculo Mundi
vnd deren
Explication
klaͤrlich beschrieben/ vnd weyters in verbesserung vnd Concentrirung der geringern Metallen/ in den folgenden an- dern Dritten vnd Vierdten Theil dieses Buchs ebenmaͤssig durch den Salpeter zu thun/ angewiesen wird. Also verhoffe ich daß mirs ja niemand/ wann ich anlas gebe den Salpeter
in Copia,
auß dem Holtz vnd andern dingen zu zeugen/ fuͤr uͤbel auffnehmen werde/ dardurch fuͤrs erste nicht allein das jenige Kraut/ Gras vnd Holtz/ so doch liegt vnd verdirbt/ niemand zu Nutzen kompt/ dem Vatterland (wann er nur verkaufft wer- den solte) ein grosser Schatz eyngebracht wird: sondern es kan auch derselbe (wie bey meinem
Miraculo Mundi,
vnd auch
Concentration
der Mineralischen vnd Metalli- schen Geschlechten zu sehen) zu vielen nuͤtzlichen Kuͤnsten verbraucht vnd angewendet werden/ also daß man so man nicht gern wolte/ gar kein Schießpulver darauß ma- chen doͤrffte.
Vnd finden sich uͤber diese oberzehlte Tugenden vnd wuͤrckungen des Salpe- ters/ taͤglich mehr vnd mehr
Secreten
so dardurch zu wegen zu bringen/ welche so man solche alle allhier erzehlen solte/ die gantze Welt sich uͤber verwundern wuͤrde. Welches aber vnnoͤtig/ mehr Wort davon zu machen/ dann allbereyt so viel bewiesen ist/ vnd von mir in offenen Druck gangen/ darauß man leichtlich sehen kan/ daß noch ein mehrers/ so mir vnd andern vnbewust/ darhinder stecken muͤsse.
Mag also der Salpeter/ trutz aller seiner Feind vnd vnwissenden Spoͤtter/ ein
Subjectum Universale,
vnd ein wunder ding aller wunder dingen mit Warheit ge- nennet werden. Vnd ob wohlen viel vnerfahrne die Nasen daruͤber geruͤmpfft/ vnd wiederlegen wollen/ daß es das wahre
Subjectum
vnd
Solvens Universale
nicht seyn solte: Alle die jenigen aber so solches vermeynen/ haben nicht viel vergessen/ vnd ist jh- nen der Salpeter ein solch frembd Thier/ als wann es erst vor einem Jahr auß
Africa
zu vns were gebracht worden. Solche Naseweise Freveler/ solten viel ehender die
Karten
Erster Theil.
Karten oder Wuͤrffel/ neben dem vnterschied zwischen guten vnd geringen Wein/ zu erkennen wissen/ als vom Salpeter vnd seiner verborgenen Natur vnd Krafft etwas zu vrtheilen. Daß sage ich jhnen vnter die Augen/ vnd nicht hinterwerts gleich wie sie thun/ haben sie etwas dargegen zu sagen/ so solten sie es schrifftlich herauß geben/ bin Gott Lob Manns genug meine im Grund der Natur wol fundirte Schrifften zu
de- fendiren,
vnd jhre grundlose Sophistische Meynung zu Boden zu legen Wann das
nitrum
nicht das wahre
Subjectum universale
seyn solte/ so muͤste der jenige der sol- ches wiederstreitet/ ein anders oder bessers herfuͤr geben/ welches er aber gar wol wird lassen muͤssen. Wann es kein
Subjectum universale
were/ wie solte dasselbige dann so haͤuffig in allen dingen zu finden seyn: Habens nicht bey sich alle Vegetabilische Ge- waͤchse/ Animalische Geschoͤpffe/ so wol vnter der Erden/ in den Wassern/ wie auch in der Lufft vnd auff der Erden/ sondern auch in den Steinen vnd innersten Kluͤfften der Berge/ selbige haͤuffig gefunden/ wie ich in diesen Tractaͤtlein beweisen vnd wahr ma- chen will. Vnd erstlich daß er sey in allen Vegetabilischen Gewaͤchsen/ ist allbereyt oben gesagt/ daß jhre Saͤfte einen natuͤrlichen Salpeter von sich geben: Aber noch bes- ser vnd begreifflicher zu beweisen/ so frage ich/ wo von der Salpeter ins gemeyn herge- bracht werde/ wird er nicht gezogen auß solcher Erden/ welche auß den Viehestaͤllen ge- graben/ darinn er mit langer Zeit von den
Excrementen
der Thier sich hineyn gezogen/
coagulirt,
vnd endlich mit Wasser darauß gelaugt vnd zum Salpeter gesotten wor- den. Kan jemand dieses laͤugnen? Ich glaub keiner. Wann man nun zugibt/ daß der Salpeter auß den Viehestaͤllen gezogen wird/ so ist die Frag/ wie er dareyn kom- men? Nemblich durch den
Urin
vnd
Excrementa
der Thier/ so denselben hineyn ge- bracht. Ist wieder die Frag/ woher dann die
Excrementen
der Thier anders als von den Dingen welche sie gessen vnd truncken haben/ herkommen? von Wasser kan er nicht kommen/ weilen sie doch anderst nichts tricken/ so muß er dann von jhren essen herkom- men/ welches anders nichts dann Vegetabilische gewaͤchse/ als Gras vnd Kraͤuter/ darinn er dann nothwendig zuvorn muß gewesen seyn/ ehe sie von dem Vieh genossen worden; Dann wann der Salpeter nicht zuvorn darinn gewesen/ haͤtte er in den Lei- bern der Thier gar nicht darzu werden koͤnnen. Dann die Maͤgen des Viehes nichs an- ders haben darzu helffen koͤnnen/ als die Kraͤuter zur
putrefaction
zu bringen/ welches die Bawren ins gros auch thun/ wann sie grosse hauffen Stroh/ Gras/ Blaͤtter von den Baͤumen/ vnd dergleichen Dinge in eine feuchte Gruben zusammen schuͤtten/ vnd jhre Zeit darinn liegen vnd verfaulen lassen/ vnd hernach jhre Felder darmit Duͤngen/ gleich sonsten mit den
Excrementen
der Thier ins gemeyn zu geschehen pfleget. Wann dann nun solches verfaulte Gras oder Strohe/ das Feld (den
Excrementen
der Thier gleich) Duͤngt vnd Fruchtbar machet/ so muß ja auch Salpeter darinn seyn: Dann der Salpeter vnd nicht der Mist das Feld Duͤnget/ welches ich allbereyt in meinem
Mira- culo Mundi
dargethan vnd bewiesen hab/ so allhier auch gelten vnd gut seyn wird vnd
B b b
muß.
Teutschlands Wohlfarts
muß. Will also diesen gern sehen/ der so vermessentlich erkennen wolte/ daß das
Sal Es- sentiale
kein
nitrum
seyn oder werden koͤnte.
Nun wollen wir auch die Thier auff dem Feld/ die Fisch im Wasser/ vnd die Voͤ- gel in der Lufft besuchen/ vnd besehen ob sie nicht auch ein natuͤrlichen Salpeter bey sich haben/ vnd daß jhr
Sal Essentiale,
nicht deme so in den Vegetabilien ist/ gleich seyn vnd zu
Nitro
werden koͤnne.
Erstlich vnd vor allen muß dieses gelten vnd statt finden/ daß alle das jenige/ so die Felder Duͤnget/ einen Salpeter ich sich haben muͤsse: Dann alle Fruchtbarkeit der Erden allein vnd einig von jhme herꝛuͤhret/ welches vnwiederspraͤchlich. Daß nun die
Animalia,
Voͤgel vnd Fisch auch solcher Krafft theilhafftig/ beweise ich darauß: Erst- lich ist nicht vngemeyn/ daß die Gaͤrtner die Hoͤrner/ Knochen/ Klawen oder Beine der Thier versamblen/ vnd zu den Wurtzeln der Baͤume legen/ vnd mit Erden zudecken/ darumb weilen dieselbe sehr Fruchtbar machen/ vnd solches geschicht durch die gantze Welt. Kauffen die Gaͤrtner nicht die Huͤner Federn/ Huͤner vnd Taubenmist/ wie auch das abschabsel bey den Gerbern/ als Haut vnd Haar der Thier/ vnd bringens auff die Gaͤrten selbige darmit zu Duͤngen? Kauffen nicht die Wein-Gaͤrtner in vielen Orthen da sie es nur haben koͤnnen/ den abwurff oder abgang von den Kam-machern/ damit sie die Weinstoͤcke besser als wann es mit Mist geschehen were/ auff 9. oder 10. Jahr Duͤn- gen? Kauffen nicht die Gaͤrtner die abschnipseln bey den Schneidern oder Kleyder- machern mit grossen Saͤcken/ vnd Duͤngen jhre Kohl-Gaͤrten damit? Wann kein Sal- peter oder Fruchtbarkeit darinn were/ warumb solten sie so viel Geld dafuͤr geben? Die- se Dinge moͤchten den vnerfahrnen frembd oder vnglaubig vorkommen/ weilen solche Duͤngung nicht allenthalben gebraͤuchlich: Der jenige aber so es nicht glauben will oder kan/ der erkuͤndige sich nur zu Coͤllen am Rhein/ so wird er befinden daß ich die Warheit gesagt habe. Diese Gaͤrmer nun/ gebrauchen diese Dinge nur auß alten herkommen/ weilen sie es gesehen von jhren Vor-Eltern/ wissen aber keine Vrsachen zu geben/ war- umb sie es thun/ als allein daß sie wohl damit Duͤngen koͤnnen.
Ich aber sage/ daß der Salpeter so darinn ist/ solche Duͤngung vervrsacht/ stecket also ein viel groͤssere
quantitet nitri
in den
superfluis naturæ animalium,
als in jhren
Excrementis.
Welches ich daher beweisen wil: Erstlich geben sie vor ein Malter-Sack gefeylte Hoͤrner ein Halben Reichsthaler/ da sie doch vier oder fuͤnff solcher Saͤcke/ von den besten Schaaff oder Kuͤhemist dafuͤr haben koͤnten. Zum andern geben sie fuͤr ei- nen Karn abschabsel der Fellen/ den Gerbern mehr als ein Reichsthaler/ da sie gern drey oder vier Karn Mist fuͤr haben koͤnten. Die Lappen bey den Klydermachern/ er- kauffen sie den Sack fuͤr einen viertels Thaler: So dann kein Krafft darinn were/ war- umb solten sie so viel fuͤr geben? Ist also dieses auch erwiesen/ allein durch den Gebrauch der gemeynen Leut als Bawren vnd Gaͤrtner. Wans aber nicht auß der Schul ge- chwaͤtzet were/ koͤnte ich beweisen/ daß in jedwedern Centner/ der Thier/ Voͤgel vnd Fisch
Beiner
Erster Theil.
Beiner vnd abfall/ mehr als zehen pfund Salpeter stecke. Welches aber vnnoͤtig allhier gemeyn zu machen.
Nun ist uͤbrig zu beweisen/ daß der Salpeter nicht allein in allen Vegetabilischen vnd Animalischen
Subjectis
haͤuffig verborgen/ sondern auch in den Steinen/ grossen Felsen vnd Kluͤfften der Bergen/ wie auch an vielen Orthen nur auff dem ebenen Feld begraben vnd zu gut gemacht wird/ welches niemand laͤugnen kan. Weilen es allenthal- ben bekant genug/ vnd ich viel dergleichen Orth anzeigen koͤnte wañ es noͤtig were. Wel- cher von diesem Erd. Saltz ein mehrers wissen wil/ der lese der alten Natur-Kuͤndiger Buͤcher/ so wird ers weitlaͤufftig darinnen finden: Dieweilen aber nicht ein jedwederer solche Buͤcher hat/ noch verstehen kan/ so wil ich zum uͤberfluß/ noch einen beweiß hierbey setzen/ nemblichen woher dieser Salpeter komme so sich in mittelmaͤssigen feuchten Haͤu- sern an den Gewoͤlbern vnd Waͤnden der alten Mauren anhaͤngt/ oder herauß waͤch- set/ Ob solcher nicht von dem Kalch (als gebrandten Steinen) so zu Gemaͤuer gebraucht worden/ herkomme? Vnd nicht allein alle Kalchsteine/ sondern auch alle Geschlecht des wachsenden Tropfsteins/ so bey den Wassern wachsen. Item alle gewaͤchs des Meers/ als da seynd Corallen/ Perlemutter/ Muscheln/ vnd andere arth der See-schnecken/ so nach dem außgluͤhen in der Lufft zerfallen/ viel Salpeter in sich haben/ vnd leicht- lich
in Copia
darauß zu ziehen weren/ wans bekant gemacht wuͤrde. So aber nicht noͤ- tig/ sondern allein allhier von den Vegetabilischen Dingen zu handlen/ jhre Saͤffte herauß zu pressen/ zu Concentriren/ vnd grossen Nutzen darmit zu machen/ ich vor mich genommeu habe.
Dieweilen aber allhier gehoͤrt/ daß der Salpeter in allen dingen/ als Kraͤutern/ Hoͤltzern/ vierfuͤssigen vnd krichenden Thieren/ auch Voͤgeln in der Lufft/ vnd Fischen in den Wassern/ wie auch in allen Elementen/ als Erden/ Wasser/ Lufft vnd Fewer be- griffen/ so ist er der wahre
Spiritus Mundi Universalis,
ohne welchen nichts leben noch seyn kan: Er ist ein Gebaͤhrer vnd wieder Zerstoͤhrer aller dingen/ in jhme ist alles in al- lem/ welches ich mit dem Vhralten
Philosopho Hermete Trismegisto
in meinem
Mi- raculo Mundi
bewiesen. Als verhoffe ich daß niemand laͤnger daran zweiffeln/ oder der greiflichen erkanten Warheit so halsstarꝛig sich weiters wiedersetzen werde. Wann ichs vmb der kuͤrtze willen nicht vnterliesse/ wolte gar leichtlich viel mehr
Rationes
beybrin- gen koͤnnen/ ist aber mit diesem genug/ wer daruͤber noch
obstinat
verbleibet/ deme ist nimmermehr zu helffen/ wann auch
Hermes
selber wieder auffstuͤnde/ vnd davon leh- rete. Darbey es auch verbleiben wird.
Hiermit ist nun genugsam bewiesen/ daß der Salpeter ein
Subjectum Universa- le,
vnd in allen dingen zu finden sey. Darauß man genugsam glauben kan/ daß er auch im Holtz seyn muͤsse/ darzu staͤrcker/ maͤchtiger/ vnd allbereyt Corporalischer/ greiflicher/ vnd sichtlicher als in keinem andern
Subjecto,
darumb auch darinn soll gesucht/ vnd durch Kunst herauß gezogen werden. Dieweilen aber ein solche außziehung nicht ehen- der geschehen kan/ bis daß zuvorn auß den Hoͤltzern die Saͤfte herauß gepreßt/ auß wel-
B b b ij
chen
Teutschlands Wohlfarts
chen dann der Salpeter hernach zu finden/ kan vorgenommen werden/ also bestehet die groͤste Kunst in außpressung der Saͤfte/ welches aber auff eine andere weiß zugehen muß als mit den Kraͤutern. Darumb ich solche pressen werde zurichten/ vnd in fall der Noth solches pressen/ wann es ohne meinen schaden begehrt solte werden/ zeigen kan: Dann solche Real wercke Jederman offenbarlich vor die Nasen zu legen/ ist gar nicht noͤthig/ solche grosse Secreten den vnwuͤrdigen gemeyn zu machen/ vnd sonderlich auch vmb des Mißbrauchs willen so dardurch solte geschehen koͤnnen. Derhalben mirs niemand in argem auffnehmen wird/ daß ich solche hohe dinge in guter obacht halte. Es ist genug daß ich dieses geoffenbart/ worinn solche grosse Schaͤtze verborgen/ die niemand zu Nu- tzen kommen/ vnd doch so leichtlich zu erlangen weren. Dann man sehe doch an die maͤch- tige Gehoͤltze nur in Teutschland/ wie daß daselbsten an vielen Orthen das Holtz gar nicht geacht wird/ Ist niemand der etwas darmit bishero Nutzen zu schaffen gewust hat/ ausser diesem daß in etlichen Orthen Pottaschen von gebrand worden/ dabey man doch wenig Nutzen gehabt/ weilen desselben so viel nicht kan verkauft werden/ als man wohl machen koͤnte/ dann solche Pottaschen nirgends anders als von den Faͤrbern vnd Saͤyfensiedern gebraucht wird. Darzu habe ich noch niemanden gesehen oder gehoͤrt/ welcher recht darmit were vmbgangen vnd grossen Nutzen von gehabt haͤtte/ dann bis- weilen in die 10. oder 20. grosse Baͤume seynd verbrant worden/ welche kaum ein hun- dert pfund Pottaschen geben haben/ so uͤber 5. oder 6. Thaler nicht hat koͤnnen verkaufft werden/ vnd wann man uͤberlegt/ was fuͤr grosse Muͤhe vnd Arbeit (so viel Holtz zu Aschen zu verbrennen/ eynzusieden in ein schwartz Saltz/ das schwartze Saltz hernach in besondern oͤfen anßgebluͤhet/ daß es weiß/ graw/ gruͤn oder blawe werde) zu einem sol- chen werck gehoͤre/ so muß man sich daruͤber verwundern/ wie doch die Jenigen so es thun/ oder thun lassen/ so viel Holtz gegen einem so geringen Nutzen/ moͤgen verbrennen lassen. Was soll man aber sagen? Das Holtz haben sie vmbsonst/ vnd ist besser ein halb Ey als ein ledige Schalen/ wie man sagt: Wuͤsten sie etwas anders oder bessers auß zu- machen/ sie vnterliessens vielleicht auch nicht.
Wie viel hundert Centner Holtz muͤssen sie verbrennen/ ehe sie ein Centner Pott- aschen machen/ so aber die Saͤft darauß gepreßt vnd zu Salpeter gesotten wuͤrden/ koͤn- nen sie zehen mal mehr nutzen/ mit viel geringerer Muͤhe auß dem Holtz machen.
Zu bessern beweis dient dieser uͤberschlag/ gesetzet/ hundert psund Holtz geben 20. pfund Saft/ die 20. pfund Saft geben nur 4. oder 5. pfund Salpeter/ vnd kan ein ge- meyner oder mittelmaͤssiger Eychen oder Buͤchenbaum gar wol zehen Wagen Holtz geben: Wann nun ein Wagen Holtz zwantzig Centner woͤge/ der Centner 5. pfund Sal- peter gibt/ so bringt ein einiger Wagen der zwantzig Centner schwer/ 100. pfund Salpe- ter: Wann der Baum dann zehen Wagen Holtz gibt/ so muß er auch zehen Centner Salpeter geben/ den Centner Salpeter nur fuͤr 20. Reichsthaler gerechnet/ machte ein einiger Baum 200. Reichsthaler Nutzen. Nun wollen wirs aber so hoch nicht rechnen/ oder so genaw suchen/ sondern sagen hundert pfund Holtz gibt nur drey pfund Sal-
peter/
Erster Theil.
peter/ der Wagen Holtz zu 20. Centnern gerechnet geben 60. pfund Salpeter/ der Baum 10. Wagen Holtz/ macht also ein Baum 600. pfund Salpeter/ den Centner Salpeter nur fuͤr 10. Reichsth gerechnet/ gibt er gleichwolen 60. Thaler werth Salpe- ter. Die Kosten zu solcher Arbeit seynd sehr gering/ derohalben die Arbeit desto außtraͤg- licher seyn kan: Vnd wann ja der Salpeter/ durch diese meine
Invention,
solte bis auff zehen Reichsthaler kommen (daß doch so bald noch nicht geschehen wird) were gleichwol noch grosser Nutzen darbey/ ja zehenmal besser als Pottaschen auß dem Holtz gemacht. Wer aber den Salpeter zu Metallischer
Concentration
(davon die nachfolgende drey theil dieses Buchs handlen sollen) selber zuverbrauchen weiß/ derselbe wird sich nicht be- foͤrchten doͤrffen/ daß jhme sein Salpeter liegen bleiben vnd nicht Nutzen schaffen solte.
Da sihet der guͤnstige Leser/ was bisweilen fuͤr grosse Schaͤtze vor Augen liegen/ vnd auß vnwissenheit noch nicht erkant oder zu guten gebracht werden. Wer kan wissen zu was ende Gott der Allmaͤchtige in diesen letzten boͤsen zeiten/ solche grosse verborgen- heiten an den Tag kommen laͤst/ daruͤber wir vnsere Koͤpff nicht brechen/ sondern dem lieben Gott allein darfuͤr/ daß er vns solche Geheimnussen zu trost vieler Menschen er- oͤffenet hat/ Lob vnd Danck sagen wollen. Darneben bittende/ daß er vns auch sein Vaͤt- terliches Gedeyen (auff daß wir solche grosse Gaben rechtmaͤssig anlegen vnd gebrau- chen moͤgen) auß Gnaden darzu verleyhen wolle.
Wann aber etwan einige jhnen eynbilden solten/ als wans vnnoͤtig/ ein solche Kunst zu offenbahren/ weilen durch den Salpeter das Buͤchsenpulver/ vnd durch das Buͤchsenpulver viel Staͤtte vnd Festungen vmbgekehrt werden/ vnd allezeit nur boͤses/ als Brand vnd Todschlag/ davon zu erwarten. Deme geb ich zur Antwort/ daß diese meine Entdeckung/ dieser grossen vnd nuͤtzlichen Wissenschaft/ zu solchem ende daß boͤ- ses dardurch kommen solte/ gar nicht von mir geschehen/ sondern vielmehr darumb/ auff daß wann wir in vnserm lieben Vatterland/ etwan wieder Außlaͤndische Feinde (wel- ches sich darfuͤr schier anlaͤsset) bekommen solten/ wir dann mit gleicher Wehr/ denselben begegnen/ vnd vns
defendiren
moͤchten.
Auch weiters vnd mehrentheils darumb/ auff daß durch dieses Mittel die grosse Wildnussen von den uͤberfluͤssigen Straͤuchen vnd Buͤschen/ etwas gesaͤubert/ vnd die Dieb vnd Moͤrder/ wie auch wilde Thier/ so viel gelegenheit sich darinn zu enthalten/ hinfuͤro nicht mehr haben moͤchten.
Auch darumb/ auff daß viel tausend Menschen desto besser an die Kost zu kommen/ auß dem vnnuͤtzen Holtz gut Gold vnd Silber zu machen/ geholffen wuͤrde: Dann durch diß Mittel koͤnte allein viel tausend Jaͤhrlichs in vnsern Teutschen Landen/ ohne hin- dernus oder einigen Schaden des Naͤchsten/ Ehrlich erworben/ vnd den Inwohnern zum besten erhalten werden. Vnd doͤrffte man nicht einen einigen Baum vmbhawen/ wann man nicht gern wolte/ sondern allein die uͤbrige aͤste/ die Doͤrner vnd Hecken/ so zwischen den Baͤumen wachsen/ vnd dem Wild/ vnd insonderheit den Hirschen/ den Durchgang beuehmen/ den wilden Thiren aber als Garn (dardurch jhnen der Hirsch
B b b iij
nicht
Teutschlands Wohlfarts
nicht entlauffen kan) behalten wird: Daß uͤbrige vnd gerathe Holtz aber/ dannoch alles zum Bauwerck oder erhaltung der Thier-Jachten/ kan stehen vnd verschont bleiben. Wuͤrden auch durch dieses Mittel die Baͤume Lufft bekommen/ vnd desto besser in die hoͤhe wachsen koͤnnen: Das Wild auch/ wann jhnen die Straͤuche weggeraͤumbt/ dests bessere Weyd vnd Nahrung finden/ auch den Woͤlffen zuentlauffen/ so jhnen die dickt Straͤuche/ Doͤrner vñ Hecken sonsten verhinderten/ einen desto freyern Lauff dardurch bekommen wuͤrde. Vnd wann man auch an solchen Orthen/ da grosses gehoͤltz so den Menschen zu keinem Nutzen gereichen kan/ auch schon der grossen Baͤume ein theil weg hawen vnd zu diesem Werck verbrauchen solte/ wuͤrde man gleichwol nicht uͤbel/ sondern noch sehr wol daran thun/ vnd dannoch Holtzung genug seyn vnd bleiben. Dann man sehe doch an den Spessert/ Odenwald/ Hartzwald/ Thuͤringer vnd Boͤhmerwald/ vnd andere dergleichen grosse Wildnussen/ da gantz Teutschland solcher allenthalben voll ist/ ob mans daran auch mercket/ daß durch das Glasmachen vnd Ertzschmeltzen das Holtz gemindert werde? Dann was diese Jahre abgehawen/ waͤchset ins kuͤnfftige doch wie- der/ vnd ist nicht muͤglich/ wann tausend vnd noch tausend dergleichen Pressen/ den Safft auß dem Holtz zu pressen/ angerichtet wuͤrden/ einiger Schaden oder nachtheil darvon kommen koͤnte. Warumb solte mans dann vnterlassen? grosse Fuͤrstenthuͤmber wuͤrden dardurch mercklich verbessert werden/ vnd doch keines dem andern zu schaden.
Sage derolben nochmalen/ daß Gott der Allmaͤchtige etwas sonderlichs mit vns vor hat/ weilen er vns solche uͤberauß grosse Mittel in die Haͤnde gibt/ villeicht die Zeit kommen doͤrffte/ daß wirs noͤtig haben moͤchten: Dann man lese vnd besehe der Alten vnd Newen Scribenten Schrifften vnd Historien/ so wird man finden/ so offt in eim Land ein sonderbare grosse Wohlfeylung kommen/ bald darauff ein grosse Thewrung er- folgt ist: Gleichsam als wann Gott der Allmaͤchtige die wenige Frommen/ so noch vnter dem grossen hauffen der Gottlosen leben/ warnen wolte/ daß sie sich mit dem uͤberfluß/ auff ein zeitlang versorgen solten. Vnd ein gewisses
omen,
worinn der uͤberfluß/ bald hernach der Mangel darauff folgen kan.
Es darffs nicht viel
Exempla
anzuziehen/ dann dieses gar zu bekant ist. Derent- halben ich die
Concentration
des Weins/ Korns vnd Holtzes/ mein
Patriam,
das liebe Teutschland/ vor zukuͤnfftigem Mangel/ so leichtlich bald (welches Gott verhuͤten wolle) geschehen koͤnte/ zu Proviantiren vnd zu versorgen/ beschreiben muͤssen. Es werde nun gleich angenommen oder nicht/ so habe ich mein Gewissen erleichtert/ vnd mein von Gott verliehens
Talentum
nicht begraben/ sondern nach Gottes befehl meinem Naͤchsten zum besten herfuͤr geben wollen: Ich sorge aber es werde wenig fruͤchten/ dann die St- cherheit bey vns Teutschen jetziger Zeit gar zu gros ist: Man kan nicht glauben daß das Fewer warm ist vnd brennet/ bis daß man fuͤhlet/ Dann ist es aber zu spath/ vnd hilfft kein schwimmen/ wann einem das Wasser schon ans Maul gehet/ so der Krampff darzu kompt. Darumb bey zeiten Fewer vnd Wasser geflohen/ oder sich dafuͤr bewahrt/ als muthwilliger vnd vnachtsamer weiß darinn vmbkommen vnd verderben.
Ich
Erster Theil.
Ich weiß diese meine guthertzige Ermahnung/ wird einmal noch platz finden/ vnd zu Hertzen genommen werden/ wann aber nur nicht das alte Sprichwort so gemeyn were:
Sero sapiunt phryges,
Wann die Kuhe auß dem Stall ist/ wil man selben crst zu machen. Ich habe das meinige gethan/ darbey ich mich getroͤste.
Solte nun jemand diesen meinen Schrifften glauben zustellen/ vnd ein oder die andere
Concentration,
entweder des Weins/ Korns oder Holtzes/ vnter Hand neh- men/ so versichere ich denselben/ das alles so ich in diesem Buͤchlein geschrieben/ die
pur
lautere Warheit ist/ ohne einige hinterhaltung dargegeben. Nur daß ich die Pressen zu dem Holtz vmb gewisser Vrsachen willen nicht habe beschreiben wollen: Dann so ich sol- ches gethan/ eben so bald die Kunst an meine Feinde als Freunde haͤtte kommen moͤgen/ welches gar nicht rahtsam/ dann ich ohne daß/ durch mein gut thun mir nur Feinde vnd Feindschaft gemachet/ vnd je mehr ich manchem guts gethan/ je groͤsser Feind er mir hernach worden ist. Wie dann neben andern (deren Namen ich vmb gewisser Vrsachen willen jetzunder verschweige) insonderheit der Gottlose Farner/ vnd mein gewesener Jung
Anthoni Nissen,
so noch heutiges Tags fuͤr mein gut thun/ so ich jhnen erzeiget/ herumb lauffen/ meine jhnen auff guten Glauben anvertrawte
Secreten,
hie vnd dort anbieten vnd verkauffen/ mich vnd meine Schrifften/ die sie doch nicht verstehen/ noch darzu auffs aͤrgste laͤstern vnd verachten/ vnd daß jenige vor das jhrige außgeben/ vnd sich gros darmit machen/ welches zu ergruͤnden mir viel saure Muͤhe vnd Arbeit gemacht hat. Kan mich aber nicht genug verwundern/ daß noch solche Leut mit jhnen zuhalten/ seyn wollen. Ich zwyffele aber gar nicht/ die Rach (welche ich Gott befohlen) zu gewisser Zeit nicht aussen bleiben werde.
Darumb sage ich/ daß dieses grosse
Secretum
auß dem Holtzsafft einen guten Sal- peter zu sieden/ Ich noch nicht gemeyn zu machen gesinnet/ wolte sonsten die Presse auch beschrieben haben: Vnd wann man die Presse schon sehe vnd zu machen wuͤste/ vnd doch die Laͤuterung vnd Concentrirung des Safftes jhme verborgen/ er gleiwol nicht darmit zu recht kommen wuͤrde; Darumb ohne mein sonderbahre
Information
so leichtlich das Werck nicht gemeyn werden kan. Dannoch sage ich/ daß dieses Holtzpressen/ ob schon es vor ein gering ding anzusehen/ so ist es doch besser als vorhergehende beyde/ von Wein vnd Korn/ welche mit grossem fleiß/ Muͤhe vnd Kosten muͤssen erbawet werden/ das Holtz aber ohn einigen Kosten vnd Muhe daher waͤchst in fuͤlle zum uͤberfluß:
Nun zweyffele ich nicht/ daß mancher diesem vnerhoͤrten vnd uͤberauß nuͤtzlichem Werck weyters nachsinnen/ vnd Gedancken schoͤpffen moͤchte/ ob dann nicht auch auß andern
Subjectis
die leichtlich zu erlangen/ ein guter Salpeter zu zeugen. Denen ein we- nig Nachrichtung zu geben/ ich nit wol vnterlassen kan. Nemblichen daß es muͤglich auch daß gemeyne Bergk vnd Seesaltz/ durch Kunst also vmbzukehren vnd zuverwandlen/ daß ein natuͤrlicher Salpeter darauß werden kan. Davon aber nicht noͤtig weitere Nach- richt zu geben/ ist genug daß ich dieses mit dẽ Holtz an Tag gegeben. Dieses sage ich aber/ daß Gott allenthalben seine Allmacht sehen laͤst/ wo er kein Holtz gibt/ da gibt er doch
Stein
Teutschlands Wohlfarts.
Stein vnd Bein/ welche auch Salpeter geben/ wo kein Fewer dannoch Wasser: Vnd ist gewiß daß auß einem jedwedern Seewasser/
dnrch
gewisse Kunst vnd Erfahrenheit/ ein guter Salpeter
in Copia
zu machen muͤglich.
Wann dann weiters jemand eynwerffen vnd sagen moͤchte/ (weilen ich Stand halte/ daß das
nitrum
in allen Orthen der Welt/ aber merentheils in Holtz vnd Steinen gefunden werde/ da doch einige Laͤnder da weder Holtz noch Stein/ sondern ein Moras- sischer Bodem/ darauff nur Gras waͤchset/ zu finden) wie dann solches seyn koͤnte/ oder worinnen er an solchen Orthen dann muͤste gesucht werden?
Darauff berichte ich/ daß allbereyt oben bewiesen/ daß auß dem Gras der Salpe- ter haͤuffig koͤnne gezogen werden/ darzu aber gar nicht noͤtig/ daß man das gute Gras dem Vieh entztehe/ vnd solches zum Salpeter machen gebrauche/ dann Kaͤß vnd But- ter/ so von dem Gras gemacht/ leichtlich mehr werth seyn koͤnte/ als der Salpeter so da- von gemacht wuͤrde: Der solt wissen/ daß Gott gegen seine Geschoͤpff so vnweißlich nicht handelt/ wann er dem einen den Segen gibt/ dem andern dargegen solchen nimbt oder entzeucht; gar nicht/ dann er ist Reich allen seinen Geschoͤpffen genug zu geben/ vnd lau- tet bey jhme gar nicht/ wie bey jetziger verkehrten Welt (des einen zunehmen ist des an- der abnehmen) sondern er wil daß alle genug haben/ sich vermehren/ verbessern/ vnd zur
perfection
gelangen. Ist also nicht noͤtig/ daß dem Viehe sein Futter entzogen/ vnd Sal- peter davon gemacht werde/ Dann solcher ohne daß auß andern
Subjectis,
welche we- der Menschen noch Viehe zu guten kommen/ in grosser Menge zu zeugen ist. Dann in dergleichen suͤmpffigen ebenen Laͤndern/ da kein Berg noch Thal/ kein Holtz noch Stein ist/ hat Gott der Allmaͤchtige als ein Vorsichtiger Haus-Vatter/ die Inwohner mit einer besondern/ vnd mit vielen kleinen Wuͤrtzlein durchwachsener Erden (so die In- wohner Torff nennen) vnd zum Kochen/ Brawen vnd andern Nothwendigkeiten/ an statt Holtzes gebrauchen/ Reichlich begabet vnd gesegnet/ also daß sie des Holtzes (wiewol solches von andern Orthen die fuͤlle herbey gebracht wird) gar wol entbehren koͤnnen/ vnd haͤlt derselbige Torff eben ein solches
Sal Essentiale
in sich wie das Holtz/ darauß dann der Salpeter haͤuffig kan gezogen werden.
Die Stein betreffende/ seynd selbige zwar nicht an solchen Orthen zu finden/ gleich- wol hat Gott der Allmaͤchtige das Land mit etwas dergleichen versehen/ daß sie der Steine (Kalch darauß zu brennen) auch gar wol entbehren koͤnnen/ nemblich die Sec- muscheln oder Schnecken-haͤuser/ welche das vngestuͤmme Meer bisweilen wie grosse Berge den Inwohnern zu Nutzen an das Vfer wirfft/ dessen sie sich gebrauchen/ vnd mit Torff zu Kalch brennen/ jhre Gemaͤner so von Ziegeln gemacht auffsetzen. Also daß ich nicht siehe (ob schon weder Holtz noch Steine in solchen Laͤndern wachsen) we- niger Salpeter solte koͤnnen gezengt werden/ als in solchen Laͤndern da Holtz vnd Stei- ne die fuͤlle/ vnd solches bald besser als in keinem Land in gantz
Europa.
Dann der Torff gegen das Holtz zu rechnen/ viel wohlfeyler ist/ auch viel mehr Safft gibt/ vnd sich leicht- licher herauß pressen laͤst/ als auß dem Holtz.
Dar-
Erster Theil.
Darumb ich vollkoͤmblich beweise/ daß nicht ein einiger Orth in der gantzen Welt zu nennen oder zu finden/ da der Salpeter nicht haͤuffig solte koͤnnen gezeugt werden.
Vnd wann ich gleich sagte/ daß in der gantzen Welt kein Orth zu finden/ an wel- chen leichtlicher der Salpeter haͤuffig/ gleichsamb ohne sonderbahren Kosten zu zeugen/ als eben in den Nidrigst gelegenen Laͤndern des Teutschlands (als Braband/ Holland/ Seeland/ Flandern/ Frießland/ Gruͤningerland/ Embderland/ vnd dergleichen flachen an der Teutschen See/ Beld genant/ gelegenen Laͤndern) so wolte ich nicht daran liegen/ sondern mit Warheit solches bezeugen koͤnnen/ wann es noͤtig were.
Doch auff daß meine Schriften/ den vnerfahrnen nicht so gar frembd vorkom- men moͤchten/ finde ich noͤtig selbige/ auff daß man die Koͤpf nicht daruͤber (wie solches muͤglich seyn koͤnte) verbrechen doͤrffte/ vor Jedermaͤnniglich mit der Warheit zu be- kraͤftigen/ sage dis nochmahlen/ daß der Salpeter/ wann man denselben zugebrauchen weiß/ dieweilen des Leibes gute Gesundheit/ wie auch Ehr vnd zeitlicher Reichthumb/ (wie solches in den drey folgenden Theilen klaͤrlich sol bewiesen werden) uͤberfluͤssig da- durch zu erlangen) billig fuͤr den groͤsten Schatz der Welt von allen Verstaͤndigen zu halten. Wann nun das zugegeben/ so muß man auch weiters gelten lassen/ daß das jeni- ge
Subjectum,
darauß er gezogen wird/ auch zu
æstimiren,
vnd nicht zuverachten sey- Weilen ich dann allerbereyt genugsam bewiesen daß in Hoch-Teutschland das Holtz (so allenthalben
in abundantia
reichlich solches geben kan) allhier aber in diesen Nieder- landen der Torff (auff daß ja dieses andern Laͤndern nichts vorgebe) solches geben muß: Vnd nicht allein der Torff selber/ sondern auch nur seine von Jederman bishero vnge- achte/ an allen Orten mit grossen Hauffen hinweg geworffene Aschen.
NB.
Solche Torff Aschen kan nicht wie Holtz Aschen zum waschen (Laugen dar- auß zu machen) gebraucht werden/ darumb sie als vnnuͤtz von Jederman weggeschuͤttet wird. Dann in dieser Aschen ein absonderlich Saltz haͤuffig steckt/ welches Saltz durch Kunst vmb zuwenden/ vnd zu Salpeter zu machen/ muͤglich. Wird also auß Vnwissen- heit/ mit der Torff-Aschen eine grausame
Summa
vnzeitiges Salpeters (so dem Land grossen Nutzen geben koͤnte) vnfuͤrsichtig hinweg geworffen. Daß man jhme aber eyn- bilden moͤchte/ wann man das Saltz auß der Torff-Aschen außgelaugt/ solches alsobal- den Salpeter seyn wuͤrde/ daß darff niemand gedencken/ dann noch Kunst darzu muß gebraucht werden/ ehe solches Saltz vmbgekehrt/ vnd zu einem brennenden Salpeter werden kan: Welche Vmbkehrung oder Verwandlung nicht noͤtig allhier offenbar vor Jederman zu machen/ dann sonsten eben so bald solche Edle vnd dem Land uͤberauß eyn- traͤgliche vnd nuͤtzliche Kunst/ den Feinden als Freunden zu theil werden moͤchte. Die- sem nun vorzukommen/ nicht besser geschehen kan/ als mit
discretion
darinn zu
dispo- niren,
oder zu zusehen/ wohin solche Wissenschafften gelangen/ vnd nicht vnvorsichtlichen fuͤr danckbare vnd wuͤrdige/ als fuͤr vndanckbare vnd vnwuͤrdige/ solche gleich gemeyn zu machen.
Nun kan ein Jedweder/ Verstaͤndiger hierauß sehen/ daß Gott kein Ansehen der
C c c
Per-
Teutschlands Wohlfarts
Persohn/ noch Koͤnigreichen vnd Fuͤrstenthumber trage/ Eins mehr/ als das ander ver- sorge oder liebe/ Es seynd alle seine Geschoͤpff vnd gleiche Erben seiner Guͤter vnd Gnad/ wann sie nur selber wollen/ vnd sich nicht halstarꝛig dagegen setzen/ die Goͤttliche Gnad verwerffen/ muthwilliger weiß verachten oder versaͤumen. Davon ein mehrers in dem folgenden Theil
de Concentratione Mineralium.
Dieses dient noch zu sagen/ daß nicht allein alle Laͤnder/ ob schon kein Holtz/ kein Stein/ kein Laub vnd Gras daselbsten/ oder ouch gar kein Erden oder Grund eines Lands zu finden/ wie bey Gruͤnland/ da man in dem Meer keinen Grund finden kan/ die Wallfische gefangen werden/ den Kauflenthen wegen des Schmaltzes oder Thran so sie darauß schmeltzen/ ein grosses eyntragen: vnd wuͤsten sie das uͤbrige Fleisch vnd Beine zu Nutzen zu bringen oder zu Salpeter zu machen/ sie wuͤrden solches hoͤher ach- ten/ als das Schmaltz oder Thran selber/ vmb wessen willen grosse Muͤhe gethan/ vnd noch eyferig dahin geschiffet wird solches abzuholen: Dann in eines einigen Wallfisch Fleisch vnd Beinen/ wol 20. 30. 40. 50. bis in 100. Centner Salpeter stecket/ so doch nie- mand zu Nutzen kompt. Wie auch in gleichen das Ingewant der Stockfische in Ißland vnd Norwegen/ bald mehr werth als die Stockfische selber.
Daß solches wahr sey/ oder daß in den Animalien viel Salpeter stecke/ kan ich gar leichtlich beweisen: Suchen die Salpeter Sieder nicht diese Erden in alten Kirchhoͤfen/ wann sie nur darzu komme koͤnnen/ vor anderer Erden? Wie dann auch der beruͤhmte Berckmann Lazarus Ercker in seinem Probir-Buch/ da er vom Salpeter schreibt/ sol- che andern vorzeucht. Vnd ist nicht frembd/ daß noch kuͤrtzlich in Pohlen gegen
Mosco- vien
gelegen/ da vor langer Zeit grosse Schlachten geschehen/ viel tausend Menschen tod geblieben/ vnd nach der Schlacht solche toden/ weilen die Zahl sehr gros war/ desto leichter zu begraben/ zusammen in grosse tieffe hohle Berge geworffen worden/ daselbsten durch lange Zeit verweset/ vnd nun auffgethan vnd grosse
quantitet
Salpeter darauß gezo- gen wird. Wann nicht der Werth darinn were/ die Jenige so den Salpeter darauß zie- hen/ wuͤrden so viel tausenden nicht fuͤr eine vnnuͤtze tode Aschen geben/ kan man leicht- lich erachten.
Dieses hindan gesetzt/ man Probire es also/ Man nehme ein Geschirꝛ voll Och- sen/ Kalbs/ oder einers andern Thiers Bluth/ setze es an ein warm Orth daß es verfau- let/ vnd gleichsam verweset zu Erden/ Lauge hernch solche Erden mit Wasser auß/ vnd koche es bis auff ein Haͤutlein/ Lasse es in der Kaͤlte schiesen/ so wird man ein natuͤrlichen Salpeter finden.
NB.
Es ist zwar sonsten ein naͤherer Weg ins groß auß dem Bluth der Thier Salpeter zu machen (welches an seinen Orth vnd nicht hieher gehoͤrt) man mache seine Rechnung/ wañ in einer grossen Statt Jaͤhrlichs nur 10000 Ochsen/ ohne die Kaͤlber/ Schwein/ Schaafe/ vnd Boͤcke geschlachtet werden/ vnd das Blut als vnnuͤtz hinweg geworffen wird (dann 100. Pfund Blut leichtlich 5. 6. 7. 8. oder mehr Pfund Salpeter geben koͤnnen) wie viel Centner Salpeter man darauß haͤtte machen koͤnnen? Aber noch
besser
Erster Theil.
besser zu beweisen/ daß in allen Animalien/ Fischen vnd Voͤgeln/ viel Salpeter sey/ ge- schicht also: Man lege ein Thier/ Vogel oder Fisch/ an ein Warm Orth/ darauffs nicht regnen kan/ vnd las es faulen/ so Wachsen Wuͤrme auß denselbigen/ solche samble zu- sammen ein Pfund oder mehr oder weniger/ thue selbige in ein Glas mit einem engen Hals/ stelle dieselbige Wuͤrmer (das Glas nur mit einem Papier oben zugestopfft) an die Sonne/ doch nicht gar zu heiß/ so werden dieselbige in wenig Tagen zu einem Wasser werden/ Solches Wasser schuͤtte auß dem Glas in ein kuͤpffern verzinnte Pfann/ vnd verschaume solches mit geklopfften Eyerweiß/ gleich wie bey den Vegetabilischen Saͤf- ten geschicht/ Den klaren Safft las allgemach außduͤnsten bis er oben auff ein Haͤutlein bekompt/ wie bey den Kraͤutern-Spften auch gelehret worden. Stelle hərnach solchen in ei kalten Keller/ so wird ein natuͤrlicher Salpeter anschiessen/ sonderlich wann der Saft zuvorn ein Zeitlang an der Lufft gestanden: Davon hernach ein mehrers soll gesagt werden.
Deßgleichen kan mans auch probiren mit andern Jungen Gebruͤth/ auß Fleisch/ durch Faͤulnuͤs entstandenen Wuͤrmen/ oder auch mit den Kaͤß-maden/ So wird man befinden/ daß die Animalien auch viel Salpeter geben. Kan also nichts gefunden wer- den/ darinnen das
Sal Universale Mundi
nicht zu finden. In etlichen aber das Saltz ehender als in andern zu Salpeter wird/ in etlichen allbereyt zu Salpeter von Natur geworden ist.
Als zum Exempel/ Das
Sal Essentiale vel Universale Vgetabilium Animalium \& Mineralium,
ist zwar an sich Nitrosisch/ aber nicht ehender brennend/ bis daß es zu- vorn auß der Lufft ein Leben oder
animam
gezogen/ vnd ziehet auch immer daß eine Saltz solches Leben lieber vnd ehender zu sich/ als das ander/ nach dem es von Natur darzu ge- bohren ist/ vnd je Volatilischer vnd Vrinosischer die
Salia
seyn/ je geschwinder sie zu Salpeter werden: Je Corꝛosivischer aber je vnlieber vnd langsamer. Dieweilen aber der Salpeter ein Saltz beyder Naturen/ als der Vrinosischen vnd Corꝛosivischen theilhaff- tig ist/ vnd gleichsam auß beyden von Natur auch
generirt
worden/ also kan ein Erfahr- ner der Natur den
Salien
bald zu Huͤlff kommen/ vnd daraus machen was er selber wil vnd luͤstet/ vnd ist kein Saltz
in rerum natura,
so nicht durch Kunst zu Salpeter solte koͤn- nen gemacht werden/ vnd insonderheit die Jenigen
Salia,
so im Fewer sich auff sublimi- ren/ auch dieses von
Urin
vnd Koth aller Animalien/ Auch von den Animalien/ Vege- tabilien vnd Mineralien selbsten/ gar leichtlich zu Salpeter werden. Hernacher ein an- dern
grad.
Die fixere
Salia,
so im Fewer von den Vegetabilischen/ Animalischen vnd Mi- neralischen Dingen zuruͤck bleiben. Im dritten
grad
aber am schwerlichsten/ die
Salia acida mineralia,
als
Sal Commune,
Seesaltz/ Bergsaltz/ Alaun vnd Vitriol/ Doch al- les der Kunst muͤglich/ solche durch das Fewer vñ Lufft vmzubkehren vnd zu Salpeter zu machen/ aber durch viel laͤngere Zeit/ als auß den obernenten Volatilischen vnd Vrino- sischen. Darumb jhme niemand eynbilden wolle/ wann ich schreibe/ daß dieses oder je- nes Saltz koͤnne zu Salpeter gemacht werden/ daß solches so bald es nur außgelaugt
C c c ij
oder
Teutschlands Wohlfarts
oder
Calcinirt
worden/ es alsobalden guter brennender Salpeter seyn koͤnne/ sondern gehoͤrt zuvorn eine Zeit darzu/ bis daß es auß der Lufft sein Leben oder
Animam
ziehet/ vnd brennend von werde.
Es ist bekant genug/ das meist aller Salpeter der vor diesem gemacht worden/ allein auß den alten Schaaff vnd andern Viehestaͤllen auß der Erden gelaugt/ vnd her- nach zu Salpeter gesotten worden Warumb aber auß den alten Viehestaͤllen/ vnd nicht auch auß den newen? Darumb/ weilen nicht allein der alte Stall durch laͤnge der Zeit mehr
Urin
vnd Saltz auß den
Excrementis
der Thier zu sich gezogen/ vnd mehr Sal- peter geben konnen als die Newe: Sondern viel mehr darumb/ weilen die
Salia
von den
Excrementis
der Thier durch laͤnge der Zeit die Lufft an sich gezogen/ vnd jhr
animam
empfangen koͤnnen/ so die frische
Salia
der Thier nicht gethan haben: Dann man koche/ siede oderbrate/ die
stercora
vnd
urinam Animalium
wie man wolle/ so wird doch kein Salpeter darauß werden/ es sey dann daß solche zuvorn auß der Lufft jhr Leben geschoͤpf- fet haben. Man nehme einen guten Salpeter/ mische solchen mit Erden/ vnd distillire
per retortam
ein Wasser davon/ so wird ein solches scharpffes Corꝛosivisch Was- ser uͤbersteigen/ damit man die Metallen/ Steine vnd andere Mercurialische harte Ding zu Wasser auffloͤsen kan/ da doch zuvorn der Salpeter gar nicht Corꝛosivisch ge- wesen/ sondern von dem Fewer eine solche Corꝛosivische Natur erlangt. Oder man neh- me einen guten Salpeter/
Calcinire
denselben in einem Tiegel mit einer brennenden Kohlen oder andern ansteckenden Dingen/ so wird ein solch fewrig fix Saltz (aber nicht Corꝛosivisch) zuruͤck bleiben/ welches alle fette Oehl/ Schmaltz vnd Sulphurische Din- ge aufloͤset/ dem vorigen Corꝛosivischen
Spiritui
gantz
contrari;
Dann was dieses fixe Vrinosische Saltz
solvirt,
laͤst der
Spiritus acidus
liegen/ vnd was der
Spiritus acidus solvirt,
last das fixe Saltz liegen/ vnd seynd doch beyde auß einem
Subjecto
durchs Fewer bereytet. Darauß zu sehen/ daß der Salpeter Hermaphrodisch vnd beyder Naturen theilhafftig/ weilen er dareyn kan verwandelt werden: Dann die
Philosophi
einhellig bezeugen/ in was ein Ding verwandelt wird/ auß solchen es
anch
herkommen seye.
Wann ich nun den uͤbergestiegenen
Spiritum acidum
zu dem
Sali fixo
giesse/ so verliehren beyde Theil jhr Natur vnd Wesen/ der Corꝛosivische
Spiritus
verliehret sei- ne Schaͤrpffe/ vnd das fixe fewrige Saltz seine fewrigkeit/ vnd wird auß beyden wie- der ein
Sal Hermaphroditicum,
doch nicht alsobalden/ sondern muͤssen zuvorn jhre Zeit an der Luft stehen/ vnd wieder ein brennendes Leben oder
Animam
(welches sie im Fewer verlobren haben) an sich ziehen: Doch geschicht ein solche animirung viel ehender als von andern
contrariis,
weilen diese beyde
contraria
allbereyt schon einmal Salpeter gewe- sen seyn. Jene aber/ welche es es noch nicht gewesen/ vnd erst werden sollen/ muͤssen desto laͤnger in der Lufft seyn. Welches denen zur Nachrichtung dienet/ die jhnen etwan eyn- bilden moͤchten/ daß die
Salia
ohne die Lufft koͤnten zu Salpeter animirt werden.
Auff daß ich aber beweise vnd vollkoͤmblich darthue/ daß die
Salia
jhr Leben auß der Lufft (ohne einigen Zuwachs des Gewiches) vnd sonsten nirgends anders her haben
koͤnnen/
Erster Theil.
koͤnnen/ dient dieses Exempel: Man nehme ein Pfund Honig oder Zucker/
solvire
den- selben mit 10. Pfund Wassers/ setze solches Honigwasser etliche Wochen an ein warme Luft/ so wird der Honig oder Zucker dem Wasser ein Magnet seyn/ vnd auß der Lufft ein Leben zu sich ziehen/ ohne einigen Zuwachs des Gewichts oder Maß/ zu einem sauren Essig werden: Wird also das Wasser durch Huͤlff des Honigs/ Zuckers/ Korns oder andern Vegetabilischen Saffts/ (auß Krafft des darinnen verborgenen vnd an sich zie- henden Essentialischen Saltzes) mit zu gutem Essig. Moͤchte man aber gedenckẽ/ daß der Honig/ Oepffel oder Kornsafft/ eine verborgene Saͤure bey sich gehabt/ welche sich in der warmen Lufft offenbahret vnd herfuͤr gethan haͤtte/ vnd nicht auß der Lufft selber kom- men waͤre. Deme das
contrarium
zu beweisen/ geschicht also: Man nehme ein Pfund Honig/ Zucker/ oder einen andern Vegetabilischen Safft/ distillire in einer Retorten denselben uͤber/ so wird von einem Pfund Honig/ oder Zucker vngefehr 10. oder 12. Loth vngeschmack Wasser/ vnd vngefehr auch so viel sauer Wasser uͤbersteigen/ der Rest von dem Pfund ist ein tode Aschen/ Dieser uͤbergestiegene Essig sampt dem
phlegma
wigt noch kein Pfund/ darzn er kaum so sauer ist als jene 10. Pfund/ so mit zuthun Wasser ge- macht worden.
Darauß bewiesen/ daß keine saͤure mehr in dem Honig gewesen/ als was in der di- stillation uͤbergangen/ weilen die Remanentz keinen Geschmack behalten/ vnd wann gleich solche uͤbergestiegene Saͤure so scharpff were als ein
aqua fort,
(welches doch kaum so sauer ist als ein gemeyner Essig) so koͤnte solche kaum 10. ℔. Wasser so sauer machen/ als ein solcher Essig/ welcher auß der Lufft durch das
Sal Essent. Veget.
gezogen ist/ dar- auß nu genugsam bewiesen/ daß sie saͤure/ der Honig Magnetischer Weise als sein Leben auß der Lufft gezogen hat. Gleich wie nun allhier das
Sal Essent. Vegetab.
dem toden Wasser ein Magnet worden/ einen sauren Essig-Geist auß der Lufft zuziehen.
(Doch soll dieses auch gemercket werden/ daß der
Spir.
oder
anima Mundi univer- salis
in vielerhand gestalten auß der Lufft kan gezogen vnd gefangen werden. Allhier bey dem Exempel von Essig/ ziecht er ein
Spiritum,
der bequaͤm ist auß den Vegetabilischen
liquoribus,
einen Essig zu machen/ an sich/ bey den
Hermaphroditicis Salibus
einen
Spi- ritum Nitrosum,
bey dem Wein/ Bier vnd Meth (wann man will) einen
Spiritum Ar- dentem,
Doch alles auß der Lufft/ dann ohne die Lufft kein Wein oder Bier fermenti- ren kan/ vnd ohne die fermentation nit muͤglich/ daß ein
Spir. ardens
koͤnne
generirt
wer- den/ welcher hernacher sich leichtlich vmbkehren vnd zu Essig machen laͤst/ der Essig auch leichtlich zu Salpeter wird/ der Salpeter wieder in einen
Spiritum ardentem
oder
ace- tum
zuverwandlen muͤglich ist/ Dann alles Leben nur einen einigen Anfang vnd Her- kommen hat/ vnd von einer Natur in die andere durch Kunst kan gebracht werden.)
Also soll auch bey Zeugung des Salpeters verstanden werden/ Nemblich daß alle
Salien
der Vegetabilien/ Animalien vnd Mineralien ehe sie Magnetischer Weise ein Le- ben auß der Luft ziehen vnd zu Salpeter werden/ tode
Salia
seyn/ Dann vnter allen
Sa- lien
kein einiges mag lebendig genant werden/ als der eintzige Salpeter (von den
Philo-
C c c iij
sophis
Teutschlands Wohlfarts
sophis
der wachende Drach genant) so zuvorn auch tod gewesen/ vnd auß der Lufft sein Leben gezogen hat. Weilen dann hierauß klaͤrlich bewiesen/ daß aller Dingen Leben auß der Lufft kompt/ Daß jenige aber so nicht an die Lufft kompt/ des Lebens nicht theilhaff- tig werden kan/ vnd auch dieses so allbereyt das Leben empfangen hat/ vnd jhme die Lufft entzogen wird/ solches wieder versticket vnd abstirbt. Daher aller Dingen tod/ nemblich auß der Zuruͤckhaltung oder Benehmung der Lufft (darinn aller Dingen Leben beste- het/ es geschehe gleich aufwasserley Weise es auch seyn moͤge) seinen Vhrsprung her hat/ wie zu sehen bey dem obangezogenen Exempel mit dem Essig/ wann der Honig oder Zu- cker nicht mit Wasser erduͤnnert oder angefeuchtet worden/ er an sich selber nimmer zu Essig haͤtte werden koͤnnen.
Gleich wie auch kein Weintrauben/ Aepffel/ Birn/ Gersten/ Haber oder Weitzen/ wann sie nicht ins Wasser gebracht/ also trucken liegende zu Essig werden koͤnten/ dann die Lufft jhr Leben in das trucken vnd verschlossen
Corpus
nicht haͤtte eynbringen koͤn- nen. Dann die Jenige so den Essig ins gros machen/ wissen wol daß die warme Lufft solchen machet/ Derohalben sie die Faͤsser Sommerszeit an die Sonne/ vnd Winters in die warme Stuben legen/ vnd hinten vnd forn an dem Bodem Loͤcher machen/ auff daß die Lufft hineyn gehen/ den Wein/ Bier oder Meth/ bald zu Essig machen koͤnne: Sie wissen auch dieses/ daß ein guter starcker Essig/ wann derselbe lang versperꝛet vnd ohne Lufft ligt/ wieder erstirbt/ abstehet vnd verdirbt. Wann dann eben so wolbey andern
Sub- jectis,
vnd allhier bey dem Salpeter insonderheit solches zuverstehen/ koͤnnen wir sagen/ Je mehr warme Lufft zu dem Wein oder Bier kompt/ Je bald er saurer Essig daraus wird/ vnd je mehr warme Lufft zu den
Salien
kompt/ Je geschwinder dieselbe jhr Leben auß der Lufft an sich ziehen vnd zu Salpeter werden. Derentwegen die Salpetersieder jhre außgezogene Erden bisweilen uͤmbgraben/ vnd mit Wasser begiessen/ auff daß die Lufft desto besser in die truckne Erden wircken/ vnd Salpeter dareyn bringen kan/ Wel- ches aber noch gar langsam zugehet/ vnd eben zuvergleichen/ als wann man die Wein- trauben oder Oepffel ein wenig preßte/ vnd Stiel vnd Butzen an die Lufft setzte/ Essig darauß zu machen/ oder das Korn nur klein schrotete/ mit Wasser anfeuchtete/ hinsetzte/ Essig zu werden/ welches zwar geschehen wuͤrde/ aber viel langsamer als wann der Wein/ Bier oder ander Getraͤnck ohne Treber oder Huͤlsen hingelegt wuͤrde. So auch bey dem Salpeter in acht zu nehmen/ Dann je mehr die Lufft die
Salia
beruͤhret/ Je ge- schwinder sie zu lebendigem Salpeter werden. Wie an den alten Mauren zu sehen die etwas feucht stehen/ außwendig der
Calx viva
lebendig vnd zu Salpeter wird/ inwendig in der Mauren dahin die Lufft nicht kommen kan/ hergegen gar nicht geschicht. Wann ich dann dieses weiß/ daß die Treber bey dem Wein vnd Korn nicht/ sondern nur der duͤn- ne Safft/ so durchs pressen oder Huͤlff des Wassers darauß gezogen/ zu Essig wird/ so siehe ich auch dieses/ daß nicht die Holtzaschen oder
Calx via,
oder dergleichen
Calcinata,
sondern nur daß darinnen verborgen Saltz/ zu Salpeter werden kan/ vnd nicht die tode huͤlsen. Dieweilen dann die
Calcinata,
wann selbige mit Wasser angefeuchtet/ an die
war-
Erster Theil.
warme Lufft gelegt werden/ mit langer Zeit/ auß der Lufft ein Leben ziehen vnd zu Sal- peter werden/ die Aschen vnd Kalch aber als tode Erden/ nimmermehr ein Salpeter ge- ben koͤnnen/ sondern den einen als den andern weg/ tode Erden verbleiben: weilen nun dann solche tode Erden zum Salpeter machen gantz nichts dienet/ sondern vielmehr hin- derlich ist/ daß die Lufft nicht zu dem Saltz kommen kan/ so scheyde ich solche davon/ behal- te das Saltz/ kehre solches durch die Lufft vmb/ vñ mache es Salpeter/ zu doch mit zuthun Wasser/ darinnen das Saltz
solvirt,
vnd bequaͤmer gemacht wird/ das Leben auß der Lufft zu ziehen/ welches in truckner Gestalt gar langsam haͤtte geschehen koͤnnen.
Wann dann die durchs Fewer zugerichte
Salia
mit Wasser zerlassen oder
solvirt,
vnd das Wasser vnd Saltz durch sonderbahre Instrumenten in ein immerwehrende be- wegung/ auch eine waͤrme zu gleich eyngebracht wird/ also daß das geringste staͤubige oder
atomus
von den
Salien
durch dieses Mittel vnauffhoͤrlich die warme Lufft empfindet/ vnd davon
animirt
wird: Dieweilen die warme Lufft vnd bewegung an allen Orten das Saltz beruͤhren vnd lebendig machen kan/ so geschicht in vier Wochenzeit mehr
opera- tion,
als sonsten wann das Saltz noch bey der Erden auff hauffen laͤge/ in einem gantzen Jahr nicht geschehen koͤnte/ vnd bestehet die immerwehrende bewegung vnd warm ma- chung/ allein in einem hoͤltzern Instrument/ welches fuͤr vnd fuͤr das gesaltzen Wasser auß eygener Krafft vnd trieb beweget vnd warm machet/ also daß man von Wochen zu Wochen/ die Wuͤrckung mercken vnd spuͤhren kan/ kostet auch das Instrument nicht viel/ vnd kan man solcher Faͤsser so viel mit Saltzwasser hinsetzen vnd zu Salpeter wer- den lassen als man selber wil/ kan ein einiger Mensch solcher Faͤsser gemaͤchlich 100. oder mehr regieren/ vnd in steter bewegung vnd waͤrme vnterhalten. Also daß dieses Werck gar wol so lang man wil/ geheimb zu halten ist. Wie man nun das Saltz durchs Fewer/ ehe es mit Wasser
solvirt,
vnd in die Circulier Faͤsser gefuͤllt wird/ muͤsse in ein Magne- tisch vnd an sich ziehendes Wesen gebracht/ vnd die Faͤsser zugerichtet vnd formiret wer- den. Laͤst sich durch schreiben so wol nicht geben/ sondern muͤssen so wol die handgriffe das Saltz Magnetisch zu machen/ als die Instrumenten inwendig mit allen anhaͤngen be- sichtiget werden/ ist alles gar leicht zubegreiffen vnd nachzuthun/ ja viel leichter als das grobe werck mit ansetzen auff hauffen/ es gesche gleich mit welchen
Subjectis
es wolle/ vnd ist auch ein reine Arbeit/ Darff keines außlaugens/ noch eynsiedens/ daun sich alles selber klaͤrt vnd
perfectionirt,
ohne hinderung oder stillstehung des Wercks zu
S
alpe- ter
coagulirt,
Fuͤrwar eine uͤberauß schoͤne vnd nuͤtzliche
Invention,
auß welcher viel an- dere jhren Vhrsprung haben koͤnnen.
Vnd weilen dann allhier bewiesen/ die
Anima Mundi,
welche die tode
Salia
Le- bendig vnd zu
S
alpeter machet/ kein Gewicht oder zuwachs den
Salien
gebe/ vnd doch solche grosse Krafft habe/ ein tod
S
altz lebendig zu machen. Welches Leben anderst nichts ist/ als das wahre
Avicula Hermetis,
so hernach wieder auß dem
S
alpeter durch Kunst kan gezogen werden/ vnd leichtlich fuͤr das edelste Geschoͤpff Gottes (ausser des Men- schen
S
eele) vnter allen Geschoͤpffen zu halten. Auff daß ich dieses noch klaͤrlicher be-
deute/
Teutschlands Wohlfarts
deute/ so sage ich/ daß die
Salia
durch huͤlff des Fewers vnd Kunst muͤssen zuvorn Magne- tisch gemacht werden/ ehe sie auß der Lufft ein Leben an sich ziehen koͤnnen. Wann dann nun das fluͤchtige allgemeyne Leben der grossen Welt/ durch die
Salien
gefangen/ vnd gleichsam gebunden worden/ vnd die tode
Salia
zu lebendigem
S
alpeter gemacht hat/ so ist es doch darinn vnsichtbar/ vnd wegen des groben
S
altz leibs/ seine Kraͤften gar we- nig kan spuͤhren lassen.
NB.
Wann man aber solches Leben/ wieder auß dem
S
alpeter ziehen/ Corpo- ralisch vnd sichtlich machen kan/ so hat man ein solches wunderbahrliches wesen/ deßglei- chen
in rerum Natura
schwerlich zu finden/ dann ein solcher rother lieblicher
liquor
im ersten ansehen gefunden wird daß ein einiger tropff davon/ tausend theil gemeyn Wasser Goldgelb faͤrbet (fix habe ichs noch nicht) gebrauche es aber
in Medicina,
vnd finde wunder Dinge darinn/ vnd kan solches Voͤgelein (nach meinem wissen) durch kein
Sub- jectum
wieder auß dem
Nitro
gezogen werden/ als durch ein Kuͤnstlich von
S
chaaf- fellen gemachtes Garn.
Ich halte es vor ein hohes Geheimnus/ vnd fuͤr das jenige Werck/ so der
curiose Jason,
durch huͤlff der Chymischen Kunst-erfahrnen
Medeæ,
dem Drachen abgejagt/ vnd
Aureum Vellus
genant hat. Es wolle jhme aber niemand eynbilden/ als wann ich allhier von einer solchen
tinctur
welche auß dem
nitro fixo
mit
Spir. Vini
(gleich wie auch auß dem
Sale Tartari
gezogen wird) meldung thaͤte/ gantz nicht. Jenes kein
vera tinctura
ist/ sondern der
Spiritus Vini
sich durch das
Sal fixum
nur
alterirt
oder gefaͤrbt hat/ dieses aber die warhaffte innerste vnd verborgene
Tinctura,
Krafft oder Leben des
nitri
ist/ einer guͤldischen Natur/ aber gantz fluͤchtig/ mit welcher ein einiger tropffe einen Reichsthaler verguͤldet/ als wann er mit Ducaten Gold uͤberzogen were/ vnd
alterirt
sich solche
tinctur
von keinem
contrario Menstruo,
es sey gleich Corꝛosivisch oder Vri- nosisch/ wans auch ein
aqua fort
oder
liquor Salis Tartari
selber seyn solte/ welches glei- chen sonsten
in rerum natura
nicht zu finden.
Dann so man auß Vegetabilischen dingen eine schoͤne Farb mit
Sp. Vini
außzoͤge/ es were gleich die schoͤne Farb
Coutsenilie,
S
affran/ Goldblumen/ vnd was dergleichen seyn moͤchte/ vnd goͤsse nur einen einigen tropffen
aquæ fortis
darzu/ wuͤrde sich die Farb alsobalden veraͤndern vnd bleycher werden/ vnd so man mehr darzu thaͤte/ gar sich verlie- ren: Oder man liesse einen tropffen
liquoris Salis Tartari
dareyn fallen/ wuͤrde sich solche auch veraͤndern/ vnd Dunckel braun davon werden. Diese
vera tinctura Nitri
oder
ani- ma Mundi
aber von beyden
contrariis
kein veraͤnderung leyden. Vnd wann man auch eine Metallische
tinct.
haͤtte/ wans auch von Gold selber seyn solte/ wuͤrde sie dieses
Exa- men
doch nicht außstehen koͤnnen/ sondern sich entweder von dem
Spiritu acido,
oder
Sale fixo præcipitiren,
vnd auß dem
Menstruo
fallen/ diese aber in allen Proben be- staͤndig bleiben/ vnd beyde
Contraria
außstehen kan.
Sage derohalben nochmahlen/ daß mehr im
Nitro
stecket/ als jhme viel tausend eynbilden koͤnnen/ weilen es aber so ein veracht ding ist/ macht niemand rechnung daß
was
Erster Theil.
was gutes darinn seyn koͤnne. Man lese aber die vornembste
Philosophos,
so wird man finden/ daß sie alle
Ænigmaticè
auff das
Nitrum
weisen/ vnd solches einen Drachen nennen/ welches es auch ist/ vnd durch seinen Bruder vnd Schwester/ ehe er seinen Schatz fahren lasse/ muͤsse getoͤdet werden. Damit auff dismal genug.
Was ich allhier gethan/ ist dem Naͤchsten zu guter Nachricht geschehen/ vnd auch nicht noͤtig/ ein mehrers davon zu schreiben: Dann alle Buͤcher der
Philosophorum,
vol davon seyn/ darunter
Hermes
vnd
Basilius
wol die klaͤrsten/
Paracelsus
auch offentlich schreibet/ die
Alchymia
hats im
Nitro
gefunden. Auch ist der newe
Philosophus Nuse- ment,
welcher
de Sale \& Spiritu Mundi
ein Tractaͤtlein geschrieben/ wol werth zu lesen/ dahin ich den
Curiosen
Leser wil gewiesen haben. Sage also nochmahlen/ kans vnd will es auch beweisen/ daß der Salpeter daß aller wunderbahrlichste/ herꝛlichste kraͤfftigste/ vnd vnaußgruͤndlichste
Subjectum
in der Welt sey. Dieweilen es aber auß dem Mist vnd faulen dingen herkompt/ achtet es der grosse hauff der Narꝛen nicht/ daß kleine haͤufflein der Weisen aber/ (weilen es jhnen bekant/ wozu es gut ist) solches desto mehr achten vnd lieb haben. Ein mehrers vnd bessers von seinen kraͤften/ wird der guͤnstige Le- ser in den folgenden drey theilen außsuͤhrlich beschrieben finden.
O du vhrsprung alles guten/ du Schatz aller Schaͤtze/ verleyhe daß wir diesen jr- dischen vnd vergaͤnglichen Schatz recht vnd wol moͤgen anlegen/ vnd zu solchem Ende suchen vnd gebrauchen/ auff daß wir dich als das ewige Gut/ nicht dardurch verlie- ren/ sonder vielmehr finden/ vnd einen gnaͤdigen vnd Barmhertzigen Vatter ewige be- halten moͤgen/ Amen.
Erinnerung oder Zugab.
I
M Ersten Capittel dieses ersten Theils der Concentrirung/ habe ich außfuͤhrlich beschrieben/ wie die newe Weine oder Moͤste in die Engte zu brin- gen/ fuͤglich in weit abgelegene oͤrter/ da kein Wein waͤchst/ zu verfuͤhren/ da- selbsten wieder mit grossem vortheil vnd Nutzen zu Wein zu machen/ gelehret. Darbey aber zuerinnern vergessen/ wie den Wein-saͤfften jhr geschmack/ welchen sie in der Con- centrirung empfangen/ wann sie mit warmen Wasser auffgeloͤst (auff daß die Wein so davon gemacht/ keinen frembden geschmack behalten) in der
fermentation
gaͤntzlich zu benehmen/ ohne welche Kunst mit diesem Werck nicht wol zu recht zu kommen. Be- richte darauff/ daß der Niederschlag zu diesem Werck anders nichts sey/ als ein wol
pu- rificiter
gemeyner Schwefel/ dessen man nach art vnd eygenschafft der Saͤfte ein ge- wisses theil mit dem Wein-Jaͤhren laͤsset/ so ziecht solcher Schwefel allen Schlamm/ frembden Geruch vnd Geschmack auß dem Wein in der Jaͤhrung zu sich/ vnd faͤlt zu boden: Darnach die Weme lieblich/ klar vnd wolgeschmack werden. Weiters dient auch zu wissen/ weilen bey solchem Werck viel schlamm oder hefen (wie bey andern Wei- nen auch geschicht) sich scheydet vnd zu boden setzet/ selbige auch zu recht zu bringen/ auff daß man keinen schaden leyde/ sondern der Gewinn desto groͤsser werde; Berichte dar-
D d d
auff
Teutschlands Wohlfarts
auff/ daß solcher schlamm oder hefen auff vnterschiedliche weiß zu Nutzen zu bringen/ entweder durch Saͤcke den Wein davon zu pressen/ zu Essig zu machen/ oder ein
Spiri- tum
davon zu ziehen/ vnd die dicke Remanentz mit Wasser auffkochen/ den Wein- stein so darinn ist
solviren,
vnd durch Saͤcke also herauß pressen/ vnd zu Weinstein an- schiessen lassen. Weilen ich dann von solchen pressen ein besonder Tractaͤtlein geschrie- ben/ vnd zu Nuͤrnberg in den Truck geben habe/ so ist es vnnoͤttg/ allhier weiters davon meldung zu thun. Kan also der guͤnstige Leser sich daselbsten bedienen: Wird solches pressen des Weins vnd Weinsteins/ wie auch Essig machens/ vmbstaͤndig beschrieben finden/ vnd wann er wol darmit vmbgehet/ guten Nutzen davon zu erwarten haben.
NB.
Wer aber den Weinstein so in der hefen ist/ uͤmbkehren vnd zu einem Sal- peter zuverwandlen weiß (welches in garkurtzer Zeit geschehen kan) derselbe kan noch zweymal so viel nutzen von haben/ als wann er Weinstein davon machet/ dann er die Hefen nicht pressen darff/ welches ein grosservortheil ist. Ein solches Werck/ wie vnacht- sam es moͤchte anzusehen seyn/ dannoch Jaͤhrlichs an solchen Orthen/ da die gebrandte Hefen haͤuffig hinweg geschuͤttet wird (einem etlich tausend eynbringen koͤnte. Dann gewißlich an dem Mayn/ Necker vnd Rheinstrom allein/ alle Jahr viel tausent Cent- ner Weinstein mit der gebrandten Hefen vnachtsamer weiß (weilen wenigen bekant daß ein Weinstein darinn/ vnd noch viel weniger wie er daraus zu ziehen) hinweg ge- worffen wird.
Im andern Capittel dieses Ersten Theils/ wird bey Concentrirung der Korn- saͤfte anregung gethan/ wie auß den zuruͤck gebliebenen Huͤlsen oder Trebern/ wann mans weiß/ beynahe so viel oder mehr Nutzen zu machen/ als das Korn von anfang ge- kostet/ also daß man die Saͤfte vmbsonst zeugen koͤnne. Nun ist bekant genug/ daß solche Treber/ so von den Bierbraͤwern zuruͤck bleiben/ anderst zu nichts zugebrauchen/ als dem Vieh zu geben. Wann dann ein Malter Korns/ ankauffs ein halben Thaler ko- stet/ wans auch ein gantzer seyn solte/ so koͤnnen die Treber so davon kommen/ uͤber ein achtels Thaler nicht werth seyn/ dann schwerlich dem Vieh zwey pfund Fleisch von eim Malter davon zuwachsen wuͤrde/ welche zwey pfund kein achtels Thaler werth seyn. So man aber selbige Treber nach arth vnd manier wie das Holtz/ zu Saͤften auß zu pressen weiß/ so bekompt man noch viel gutes darauß/ also daß leichtlich so viel oder mehr Salpeter von kommen kan/ als das Korn von anfang gekostet/ hat man also die Korn-saͤfte vmbsonst. Daß kan einem Gotts fuͤrchtigen vnd fleissigen Haußvatter eine reiche Nahrung geben/ ja Reichlich so viel/ daß er dem duͤrfftigen auch davon mit zu- theilen hat.
Im dritten Capittel des ersten Theils/ bey Concentrirung des Holtzes/ wird nur allein des Holtzes zu pressen vnd zu Salpeter zu sieden/ gedacht. Dieweilen aber nicht allenthalben das Holtz uͤberfluͤssig/ daß man solches entbehren vnd zu Salpeter ma- chen kan/ so kan es gleichwol auch noch geschehen/ daß auch ein grosse
quantitet
Salpe- ter Jaͤhrlichs nur auß dem abgefallenen Laub vnd Blaͤttern der Baͤume/ wie auch auß
dem
Erster Theil.
dem wilden Gras/ so vnter den Baͤumen waͤchst/ kan gemacht werden/ also daß man gar keinen Baum/ wann man nicht wil/ abhawen darff. Auch kan an solchen Orthen da viel Korn vnd wenig Holtz waͤchst/ eben so wol der Salpeter auß dem Strohe bereytet werden. Also daß kein Orth zu finden/ da man die
materi
Salpeter auß zumachen/ nicht finden solte.
Darumb ich auch nicht vnterlassen kan/ allen frommen Haußvaͤttern/ Sie woh- nen gleich in Staͤtten oder Doͤrffern/ ein gut Stuͤck vnd leichte Kunst zu lehren/ da- mit sie jhren Kindern ohne Muͤhe vnd kosten/ einen verborgenen Schatz (welchen die Diebe nicht stehlen koͤnnen) im Nothfall sich darmit zu retten/ Gott vnd meiner im be- sten darbey zugedencken/ versamlen vnd verspahren moͤgen.
Weilen ich nun in diesen Tractaͤtlein/ den Reichen vnd Armen/ grossen vnd klei- nen/ drey schoͤne Kunststuͤcke/ wie sie nemblich den Wein/ das Korn vnd Holtz/ wol an- legen vnd zu Nutzen bringen sollen/ gelehret. Denen aber welche weder Wein/ Korn oder Holtz haben/ nichts darmit geholffen ist/ also habe ich gut befunden/ auch deren nicht zu vergessen/ die da nichts haben/ vnd dannoch gern jhr Weib vnd Kinder mit Gott vnd Ehren/ andern gleich/ auch ehrlich auffziehen vnd forthelffen wolten/ ein gutes stuͤck- lein zu lehren. Weil hoffen daß es zu Gottes ehren vnd vnserer aller Seelen Seeligkeit gereichen werde.
Erstlich soll ein Junger anfahender Haußhalter Gott stetig vor Augen haben/ auch sein Weib/ Kinder/ Gesind (wann er deren hat) Gottes Wort mit eyfer zu hoͤren/ seine Gebaͤt zu halten/ den Naͤchsten zu lieben/ auch darzu ermahnen/ vnd stetig vnter- weisen vnd vor Predigen Darnach soll er einen guten Vorsatz nehmen/ das jenige so er von seinen Eltern/ wie auch von seinem Weib empfangen/ wol vnd nuͤtzlich anzu- legen/ auff daß dasselbige nicht gemindert/ sondern von Jahren zu Jahren rechtmaͤssig zunehme vnd vermehret werde/ auff daß wann etwan Gott mit Kranckheiten heim- suchet/ oder mit Kinder segnet/ daß man allezeit etwas erspahret habe/ vnd im Nothfall gebrauchen moͤge. Als dann soll er weiters seine Hand nicht in die Schos legen/ son- dern fruͤhe vnd spath zur Arbeit außstrecken/ vnd den Segen Gottes alsdann erwar- ten. Auch wird jhnen nicht schaͤdlich seyn/ wann sie meine gute Haushaltung (so ich mei- nen Kindern zur Lehr vnd guter Ermahnung geschrieben) fleissig lesen/ vnd jhre Hauß- haltung darnach anstellen werden.
Vber dieses will ich allhier denen welche nicht viel von jhren Eltern haben erer- bet oder zusammen gebracht/ eine gute Lehr geben/ wie sie jhren Kindern einen Schatz/ ohne Muͤhe vnd Arbeit/ samblen vnd erspahren sollen.
Erstlich soll man an seine Wohnung oder Behausung gegen Nord-Osten zu/ wann es sich schicken will wo nicht an einer andern seyten des Hauses/ ein schuppen oder uͤber-tach auffrichten/ also daß die Sonn vnd Lufft wohl (aber kein Rgen) hineyn kom- men moͤge/ in welcher Schuppen man eine tieffe gruben machen/ vnd die außgegrabe- ne Erden/ fein vmb die Schuppen schuͤtten soll/ solche zu erhoͤhen/ daß kein Regenwasser
D d d ij
hineyn
Teutschlands Wohlfarts
hineyn lauffen moͤge. Darnach soll er anfangen vnd samlen von Tag zu Tag/ von Jah- ren zu Jahren/ diese nachbeschriebene dinge/ so lang vnd viel/ bis er einmal/ wann jhn ein Noth angehet/ solchen durchgraben/ vnd was jhme Gott im Schlaff fuͤr einen Schatz dahin bescheret hat/ suchen vnd geniessen. Als alle scharpffe vnd bittere Kraͤuter so in den vngebanten Orthen an Hecken vnd Wegen wachsen/ vnd von dem Vieh nicht genossen werden/ als da seynd die Wolffs oder Hundsmilch/ Schirling/ Bilsenkraut/ Wermuth/ Erdrauch/ die grobe stengel von Taback (die doch weg geworffen werden) wann er bey dir gepflantzt wird. Item die harte Kohlstraͤnche/ welche das Vieh nicht essen kan/ auch was sonsten das Vieh in Troͤgen liegen laͤst/ vnd nicht essen mag/ Dan- zapffen wann sie zu bekommen/ wie auch im Herbst das Laub vnter die Baͤumen zu- sammen bringen/ Tauben vnd Huͤner/ wie auch anderer Vieh mist/ wann du sie haben kanst) Huͤner vnd Voͤgel Federn: Darnach alle die Aschen davon die Weiber Laugen gemacht/ auch andere welche sie nicht zur Laugen noͤtig haben/ darzu werffen/ auch die- se Laugen so die Weiber allbereyt gebrauchet/ damit gewaschen/ vnd doch weg schuͤtten/ auch beygiessen. Item den Ruß so auß dem Schornstein kompt/ auch wann man schlach- tet das Blut so mans nicht gebraucht/ auch die Haar von den Schweinen/ Hoͤrner vnd klawen von den Ochsen vnd Kuͤhen/ die Beiner so der Hund nicht essen mag/ zu- sammen samlen vnd mit in die Gruben werffen/ vnd nicht allein diesen abfall der in sei- nem Haus gemacht wird/ sondern auch (die Gruben desto ehender voll zu machen) den jenigen so bey den Nachbawren/ wann sie jhn nicht zugebrauchen wissen/ auch begehren vnd mit zu dem seinigen werffen/ so kan man in ein oder zwey Jahren ein grosse Gruben von solchen dingen voll machen/ in wehrender zeit aber sol man den
Urin
im Haus ver- samlen/ vnd auch in die Gruben giessen/ so mans aber zuwegen bringen kan/ bey den Nachbawren solchen samlen vnd mit beygebrauchen/ dann die dinge in der Gruben staͤ- tig feucht seyn sollen/ auff daß die Versamlung desto ehender verfaulen moͤge: Kan man dann kein
Urin
haben/ soll man gemeyn Wasser nehmen/ kan man aber Seewasser oder sonsten gesaltzen Wasser haben/ ist es auch desto besser: Auch kan man bey den Kraͤmern/ die Haͤring vnd andere Fischlacke bestellen vnd mitgebrauchen/ auch solchen Peckel/ daͤrinn das Fleisch eyngesaltzen gelegen/ wird alles zu Salpeter/ auch kan man bestellen das Blut bey den Schlachtern/ von den Ochsen/ Kaͤlbern vnd Schafen/ gebrandte vnd zerfallene Kalchsteine. Diese vnd dergleichen dinge/ wann sie uͤbereinander verfaulen/ sich vmbkehren vnd zu Salpeter werden.
Wann nun deine Gruben voll vnd wol verfanlet ist/ so begieß es nicht mehr/ son- dern/ las so lang liegen bis alles wol trucken worden ist. Wann du dann Geld noͤtig hast/ so siehe dich vmb einen Salpetersieder vmb/ vnd dinge mit jhme/ was du jhme gebest dir den Salpeter darauß zu laugen/ eynzukochen/ vnd zuverkauffen. Wann solches ge- schehen/ so las solche Erden davon der Salpeter gezogen worden/ wieder in die Gruben werffen/ auch die uͤbrige Laugen so nicht zu Salpeter geschossen/ wieder darzu giessen/ vnd ein Jahr oder zwey auffs wenigst liegen/ doch bisweilen wann mans hat/ mit
Urin,
in er-
Erster Theil.
in ermangelung dessen nur mit Regenwasser/ angefeucht/ so gibt solche Erde hernach wieder Salpeter/ aber nicht halb so viel als das erste mahl.
NB.
Wann du aber das Geld nicht noͤtig hast/ so las den Satz liegen/ doch so offt er trucken/ wieder begossen/ so waͤchst der Salpeter/ vnd nimbt je laͤnger je mehr zu. Al- so daß du einen heimlichen Schatz samlest/ vnd nicht weist wie du darzu kompst. Hastu es nicht noͤtig/ so findens deine Kinder/ die Diebe werdens nicht hinweg tragen/ noch auch die Krieger nehmen. Wann du dann die eine Gruben voll hast/ kanstu noch ein andere darneben machen/ auff daß ja von obbeschriebenen Sachen nichts vnnuͤtzlich weggeworffen/ vnd verlohren werde. Vnd wann in jedwedern Dorff nur einer ist/ der dieses thut/ so kan in einem kleinen Land/ Jaͤhrlichs viel tausend Centner Salpeter gleichsam gefunden/ vnd dem Land zum besten angewendet werden/ also daß nimmer an Salpeter Mangel seyn kan. Wann dann der Salpeter da ist/ so ist auch Gold vnd Silber nicht weit. Das merck vnd las dir befohlen seyn/ du wist ja einmal weiß werden/ vnd sehen wie blind du vnd deines gleichen so lang gewesen.
Dancke GOTT zum fordersten/ vnd hilff deinem Naͤchsten/ dann GOTT hat mirs geben/ Ich gebe es dir/ gib du deinem Naͤchsten auch was/ so ist vns allen geholffen.
Der Einige vnd ewige Helffer aller Helffer/ wolle vns allesampt helffen/ daß wir einmal auß diesem Jammerthal/ da nichts als stuͤck vnd flickwerck ist/ an solchen Orth kommen moͤgen/ da alles vollkommen vnd gut ist/ vnd niemand anderer huͤlffe mehr noͤtig hat/ AMEN.
Ende des Ersten Theils Teutschlands Wohlfart.
D d d iij
Des
Des Teutschlandts Wolfahrt Ander Theil.
Darinnen begriffen/ wie die Mineralien/ durch das
Nitrum
zu Concentriren/ vnd in Metallische
vnd bessere Coͤrper zuverwandeln.
Vorꝛede an den Leser.
G
Vnstiger Leser; in dem Ersten Theil dieses Buchs habe
ich gelehrnet/ wie die Vegetabilien/ as Wein vnd Bier/ auf daß dieselbige mehr nutzen braͤchten als bishero geschehen/ zu concen- triren/ vnd das Holtz zu Salpeter zu machen. In diesem 2. Theil sol nun gelehret werden/ wie der Salpeter zugebrauchen/ vnd die Minera- lien damit concentrirt vnd in Metallische Coͤrper koͤnnen gebracht werden/ vnd hat es mit dieser Concentrirung der Mineralien ein solche beschaffen- heit. Nemblich weilen die Mineralien zum theil wenig gebraucht werden/ vnd gleichsam als vnbekante dinge fuͤr vntůchtig ligen bleiben/ vnd niemand zu nutzen kommen/ da doch wann nur Leute weren/ die es verstůnden/ dem Land grossen nutzen davon kommen koͤnte; habe derohalben gut gefunden dem Vatterland solches bekant zu machen; zweyfele auch nit/ es werden sich noch fleissige Menschen/ finden die der sach nachdencken/ ins werck richten/ vñ grossen nutzen darauß holen/ welches ich wuͤntschen moͤchte: will derohal- ben im Namen Gottes anfangen die Gaben Gottes (welche allenthalben vnerkant oder vngeacht liegen bleiben/ vnd niemand zu nutzen kommen) of- fenbahren/ vnd der welt fuͤr augen legen/ auf daß hinfůro dieselbe besser er- kant/ vnd dem Vatterland zu nutzen kommen moͤchten. Der Reiche vnd Al- te Haußhalter/ vnser allergnaͤdigster Vatter/ gebe darzu seinen Goͤttlichen segen vnd gedeyen/ daß es gereiche zu seines heiligen Namens Ehren/ vnd vnser aller Seelen Seligkeit/ Amen.
Des
Des Teutschlandts Wollfahrt Ander Theil.
Erstlich/ vom vnterscheyd der Mineralien/ oder was vnter
dem wort Mineralien verstanden werde.
N
On dem wort Minerale/ warumb alle Berg-arten vñ Me-
tallische Ertze also genant/ ehe sie in geschmeidige Metallen durchs Fewer gebracht werden/ viel zu schreiben/ finde ich vnnoͤtig/ dann solches andere allbereyt gethan/ kan auch wenig zur sach helffen. Dieses aber allhier mein vorhabens ist zu lehren/ wie solche vnacht- same Berg-arten oder Mineralien zu nutzen zubringen; ehe ich aber solches anfange/ wil ich zuvorn anzeigen vnd bekant machen die vielerhand sorten vnd geschlechten der Mineralien/ vnd hernach auch anweisen/ wie dieselbige in bessere Coͤr- per/ durch das Fewer vnd Kuͤnstlers haͤnden zu bringen/ vnd dem Menschlichen ge- schlecht zu dienste vnd nutzen kommen.
Vnter die Mineralien werden diese nachfolgende gezehlet oder gerechnet/ nemb- lich das
Antimonium, Auripigmentum, Arsenicum,
weiß/ gelb vnd roth/ der Ko- bolt/ Mispickel/ Galmey/ Zinck/ Wißmuth oder
Marcasita argentea, item Marcasita aurea,
oder Gold- oder Kupffer kieß; auch der
Vitriol
vnd seines gleichen/ noch vnter die Mineralien kan gesetzet werden. Ob wol nun etliche vnter die Mineralien auch den Alaun/ Salpeter/
Sal-armoniacum, Sal gemmæ
vnd dergleichen zehlen/ so kan ich doch solche
Salien
darfuͤr nicht erkennen/ noch darunter setzen/ weilen nichts Metallisch darinn zu finden.
Setze derohalben allein diese vnter die Mineralien/ darinn ein Metallische Na- tur ist/ vnd sich auch mit den Metallen
conjungiren,
im Fewer zusammen schmeltzen/ auch durch die Kunst vnd Fewer/ gute geschmeidige Metallen darauß zu scheyden seyn; diese wil ich allhier vor mich nehmen/ vnd sehen/ was gutes darauß zu bringen sey.
Vnd Erstlich von dem
Antimonio.
D
As
Antimonium
ist das Edelste Mineral vnter allen/ nicht allein darumb/ weilen es gemeyniglich auch Gold bey sich fuͤhret/ sondern darumb/ weilen gu- te Medicamenten dem Menschlichen geschlecht zu dienste darauß zu bereyten; hat seine eygene gaͤnge in dem Gebirge/ dieses in Siebenbuͤrgen haͤlt sehr viel Gold/ vnd wird fůr das beste in
Europa
gehalten/ darnach das Vngarisch/ welches zum theil auch zimlich Gold haltet/ nach diesem das Fichtenbergische/ bey dem Staͤttlein Gold-Gro
-
nach
Teutschlands Wohlfarts
nach genant findig/ das Polnische vnd andere an vielen oͤrtern Teutschlands haͤlt kein oder gar wenig Gold/ etliches aber viel Silber/ werden ins gemeyn nicht gesucht noch gebraucht/ als bey den Schrift-giessern/ jhren Zeug fluͤssig darmit zu machen. In
Me- dicina
wird es zwar von etlichen gebraucht vnd viel gutes darmit außgerichtet/ hat aber seine besondere Feinde die es nicht verstehen/ darumb es verhast/ vnd verworffen wird. Dannoch steckt mehr gutes dahinter/ als seine Feinde begreiffen koͤnnen/ wie an meiner
Panacea
zu sehen/ davon in 2.
parte Pharm. Spag.
zu lesen. Vnd
Basilius Valentinus,
ein guter
Philosophus,
jhme zu Ehren einen Triumph-wagen beschrieben hat/ der wol vnd gut zu lesen ist; wie auß dem
Antimonio
ein
Regulus
gemacht/ vnd worzu er zu brauchen/ habe ich im 4.
parte Furnorum
beschrieben/ vnd wie das Gold dardurch von allen Zusatzen gereinigt/ vnd das Silber gradiret/ daß es guͤldisch wird/ ich in der
Explication
uͤber mein
Mirac. Mundi
auch gelehret habe/ vnd was sonsten noch weiters gutes in Metallischer arbeyt darmit außzurichten/ wird theils in diesem Tractaͤtlein/ theils in den folgenden 3. vnd 4. Theil angezeigt werden/ wie solches auß dem Ertz
per descensum
in
Copia
gescheyden/ ist bey
Georgio Agricola
vnd andern/ in seinem
de re metallica
zu sehen/ vnd gehoͤret hieher nicht.
De Arsenico.
A
Rsenicum
ist auch eine gute Berg-art/ oder nuͤtzliches Minerale/ welches zu vielen haͤndeln gebrauchet wird/ hat auch seine besondere gaͤnge in der Erden daraus es gewonnen/ vnd
per ascensum vel descensum
auß dem Ertz getrieben/ vnd zum gebrauch gereinigt/ vnd wird weiß/ gelb vnd roth gefunden. Auch geben etliche Silber-Ertze im schmeltzen viel
Arsenicum,
den die Schmeltzer in Rauch-kammern Aufffangen vnd zu nutz machen/ wie bey
Georgio Agricola
zu sehen. Deßgleichen ge- ben auch die Kobolten
Arsenicum,
vnd etliche Gold-Ertze/ dieser der von den Gold- Ertzen
per descensum
gescheyden wird/ ist schoͤn roth vnd guͤldisch/ dann die Bergleuth solches gewahr geworden/ wann sie denselben nicht zuvorn von dem Gold-Ertz scheyden/ ehe sie schmeltzen/ solcher jhnen viel Gold raubet/ vnd im schmeltzen entfuͤhret/ daß sie weniger bekommen als darinn ist/ dann solcher
Arsenic.
ein vnzeitig Gold ist/ der weis- se aber ein vnzeitig Silber/ wie hernach soll bewiesen werden; steckt also mehr im dem veraͤchtlichem vnd gifftigem
Arsenico,
als man jhme eynbilden moͤchte; Es werden
auch Medicamenten darauß bereytet/ aber nur zum Eusserlichen gebrauch/ in alten gifftigen schaͤden/ Krebs vnd Fisteln/ auch wird es zum Mahlen vnd Farben der Tuͤcher auch gebraucht/ davon in andern meinen Schrifften zu sehen.
Von
Ander Theil.
Von dem
Auripigmento.
D
Ieses
Minerale
iste beynahe gleiches Wesen mit dem
Arsenico,
kompt aber nicht von Ertzen/ sondern hat seine eygene gaͤnge darinnen es
generirt
wird/ ist ein vnzeitig Ertz vnd haltet gemeynlich auch Gold/ ist sehr gifftig vnd fluͤch- tig/ derohalben es wenig gebraucht wird/ als von den Mahlen/ laͤst sich mit dem
Nitro
auch
figiren,
vnd macht das Kupffer weiß vnd bruͤchig/ gleich wie der
Arsenicum,
vnd laͤßt sich auß seiner gelbe in durchsichtige Rubinen sublimiren/ zum Zierath gebraͤuchlich.
Vom Kobolt.
D
Er
Kobolt ist das allergifftigste
Mineral,
so da mag gefunden werden/ ein vnzeitig Silber/ wie es dann gemeyniglich im schmeltzen gut Silber gibt/ doch das eine mehr als das ander/ etliches haͤlt auch gar keins/ vnd wird ge- braucht die blawe schmalta mit zusatz fluͤssigen Sandes vnd Pott-aschen daraus zu machen/ wann es aber Silber haͤlt/ wird solches heraus geschmeltzet/ Es laͤst sich aber durch den Salpeter auch
figiren,
das es bestaͤndig Silber gibt/ wie hernach folgen soll.
Von der
Marcasita Argentea
oder Wißmuth.
W
Ißmuth ist auch ein bekantes
Mineral,
wird gemeyniglich bey den Silber Bergwercken gefunden/ wie auch der Kobolt/ doch ist viel fixer als der Ko- bolt/ vnd auch nicht so gifftig/ laͤßt sich auß seinem Ertz gar leicht/ mit einer kleinen Holtz-flamm schmeltzen/ vnd wird von den Zinn-giessern gebraucht/ das Zinn hart klingent vnd fluͤssig darmit zu machen/ auß der schlacken oder kraupen wird auch eine blawe schmalda bereytet/ vnd von den Toͤpffern die damit glasuren/ vnd glasbla- sern/ blaw Glas damit machen/ Safferfarb genant/ haͤlt offtermals viel Silber/ vnd wird selten eyniges gefuuden daß gar kein Silber halten solte; wann man es dann so viel haͤlt/ daß das Silber mehr werth ist/ als der Wißmuth kan verkaufft werden/ so scheyden sie es herauß/ wo nicht/ bleibt es beysamen/ dann so ein Centner kein 20. oder 30. Loth Silber haͤlt/ scheyden sie es nicht/ weilen der Wißmuth so thewer kan ver-
kauft werden/ Es laͤßt sich aber das Silber auß dem Wißmuth durch den Sal- peter scheyden/ daß der Wißmuth darnach noch gut bleibt/ vnd nicht verlohren geht/ wie ich in der
Explication
meines
Mira- culi Mundi
gelehree habe.
E e e
De
Teutschlands Wohlfart
De Marcasita Aurea
oder Gold-kieß.
I
Nter dem wort
Marcasita
wird ein jedweder Kieß begriffen/ er fuͤhre gleich vas fuͤr Metall er wolle/ wann er Gold haͤlt/ wird er Gold-Ertz oder Gold- kieß genant/ haͤlt er Kupffer/ Kupffer-kieß/ haͤlter nur Eysen/ Eysenkieß/ haͤlt er nur Schwebel/ Schwebei-kieß; Es halten oder fuͤhren aber alle Kieß Schwebel/ vnd bisweilen
Arsenicum,
vnd sonderlich die Gold-kiese/ auch geben gemeynlich alle Kiese auch einen
Vitriolum,
vnd nach deme das Ertz oder Kieß ein Metall fuͤhret/ nach dem der
Vitriol
auch genaturt ist/ entweder Kuͤpffericht oder Eysen-haltig Es wird aber selten ein Kieß gefunden/ der gar ohne Metall ist/ haͤlt er kein Gold vnd Silber oder Kupffer/ so haͤlt er aufs wenigst Eysen/ gibt einen
Vitriol,
der dann haͤuffig von den Faͤrbern gebraucht wird/ vnd man seiner in bereytung des Scheydwassers auch nicht entbehren kan.
Vom Zinck oder Speauter.
D
Er
Zinck ist ein fluͤchtiges
Mineral
oder halb zeitig Metall/ wann es auß dem Ertz geschmoltzen/ ist viel schoͤner oder weisser als ein Zinn/ doch nicht so geschmeydig vnd fluͤssig wie das Zinn/ wird mehrentheils dem Zinn zu- gesetzet/ selbiges damit schoͤner vnd auch haͤrter zu machen/ wird nicht viel bey vns Teut- schen gefunden/ es wird aber ein grosse Quantitaͤt Jaͤhrlichs auß Ost-India von den Kaufleuten zu vns gebracht: Wie er zur
Medicin
gebraucht wird/ habe ich in dem ersten Theil meiner Oefen vor diesem beschrieben/ ist ein guͤldisch/ doch vnzeitig
Mi- neral,
faͤrbt das rothe Kupffer gelb vnd macht Messing daraus/ wie der Calmey/ wie dann der Calmey auch anders nichts ist als ein vnfluͤssiger Zinck/ vnd der Zinck ein fluͤssiger Calmey kan genent werden/ weil sie einer natur vnd Eygenschafft theilhaff- tig seyn. Es bricht aber gemeynlich mit dem Zincke auch Bley/ wann es dann Bleyicht ist/ so kan er zu dem Messingmachen nicht gebraucht werden/ es werde dann zuvorn das Bley davon gescheyden/ wie zu Goßlar geschicht/ da vnter dem Zinck-Ertz auch Bley bricht/ vnd den Nahmen eines Bley-ertzes hat/ da doch 4. mahl so viel Zinck in dem Ertz ist/ als Bley/ dannoch verbrennen sie den Zinck vmb das Bley zu haben/ welches auch etwas Silber fuͤhret/ vnd in dem schmeltzen raucht der Zinck nach seiner art als ein fluͤchtiges vnd verbrenliches
Mineral
davon/ vnd sublimirt sich an die waͤnde des Ofens/ also daß die Schmeltzer denselben zum offtern abstossen muͤssen/ daß der Ofen nicht davon zuwachse vnd enger werde/ das jenige so sie abstossen/ nennen sie Calmey/ vnd vermehren vnd verwandlen das rothe Kupffer damit in Messing. Wird also auß vnerkaͤntnus selbigen Ertzes Jaͤhrlichs ein grosse Quantitaͤt Zinckes verbrant vnd ver- lohren/ bisweilen samlen die Schmeltzer etwas von dem Zinck welcher gar schon ist/ vnd solte man selbige Ertz gar mit besseren nutzen schmeltzen/ wann man den Zinck nicht
also
Ander Theil.
also verbraͤnte/ vnd im rauch hinweg triebe; dieweilen aber den Menschen die alte ge- wohnheit uͤbel zu benehmen/ muß mans also gehen lassen/ so aber dasselbige Ertz nach gebuͤhr tractiret/ vnd der Zinck behalten wuͤrde/ kaͤme ein viel groͤsserer nutzen aus als jetzt geschicht. Dergleichen Zinck-Ertz findet sich auch in Westphalen/ welches die Berg- leuth fuͤr ein Bley-Ertz angesehen/ weilen ein Bley-glantz eyngemischt ist/ da sie es aber schmeltzen wollen/ ist es im Rauch hinweg gangen/ dahero sie es nun ein Calmey-Ertz nennen/ vnd wird nicht gebrancht.
Von dem Calmey.
D
As Calmey-Ertz bricht an vielen orthen in Teutschland/ ist aber keines so be- kant/ als dieses bey
Aken,
welches gar keinen Bley-glantz bey sich fuͤhret/ wie jenes zu Goßlar vnd Westphalen/ dahero es gar bequaͤm zum dem Messing- machen/ vnd auch in grosser Quantitaͤt daselbsten bereytet wird/ vnd ist Guͤldisch dar- bey/ doch haͤlt so viel nicht/ daß mans mit nutzen heraus ziehen koͤnte/ Es ist aber kein
Mineral
guͤldischer von Natur vnd wesen als der Calmey/ vnd wann er zeitig koͤnte ge- macht werden/ wie ich dann nicht daran zweyfele das solches zu thun muͤglich/ wuͤrde man viel Gold daraus ziehen koͤnnen: was sonsten auß diesem
Mineral
weiters kan ge- macht werden/ habe ich allbereyt in dem 1. vnd 2. Theil
Furnorum
beschrieben/ vnd nicht noͤtig erachtet allhier ein mehrers davon zu schreiben.
Von dem gemeynen Schwefel.
D
Er
Schwebel ist das aller bekanteste/ fast gebraͤuchlichste/ vnd aller verbren- lichste
Mineral
vnter allen; wie er in
Medicina
vnd
Alchymia
zur schey- dung der Metallen zugebrauchen/ ist so wol in meinen vor diesen außgebenen Schrifften als auch bey andern zu sehen/ vnd dient allein dieses allhier zu sagen/ daß er ein anfaͤnger vnd wurtzel aller Metallen sey/ dann selten ein Ertz gefunden/ dabey auch nicht der Schwefel zu sehen/ Er wird in viel orten der Welt haͤuffig gemacht/ oder auß der Erden gezogen/ insonderheit in Ißland/ in
Italia,
bey den allzeit brennenden Ber- gen/
Hekea
vnd
Vesuvio.
Er wird auch an vielen orthen Teutschlands auß den Kiesen
per descensum
getrieben vnd bereytet/ also daß dessen allenthalben die fuͤlle vmb ein kleines zubekommen ist.
Dieses seynd die vornembste Mineralien/ welche mir bekant seyn/ vnd auch ge- sucht oder gebraucht werden. Es finden sich aber sonsten uͤber diese noch/ so vielerhan- den Berg-arten vnd Mineralien/ daß man sie nicht alle zehlen oder nennen kan/ das eine haͤlt zugleich Schwefel vnd
Arsenicum,
das ander Kobolt vnd Schwefel/ das drit- te
Antimonium
vnd
Arsenicum,
vnd dergleichen vielerhand mehr/ doch seynd diese ob- erzehlte die bekandieste vnd gebraͤuchlichste; darbey wir es vor dismal wollen verblei- ben lassen.
Nach deme ich nun angezeigt/ was Mineralien seyn/ vnd welche die vornembste
E e e ij
vnd
Teutschlands Wohlfart
vnd bekanteste/ So wil ich nun auch anzeigen vnd lehren/ wie dieselbe durch huͤlffe des Salpeters vnd anderen
Subjectis
zu
figiren,
concentriren/ vnd Corporalisch oder Me- tallisch zu machen/ also/ auff daß dieselbe dem Menschen nuͤtzlich seyn koͤnnen/ die sonsten vngeacht ligen bleiben.
Vnd hat es eine solche beschaffenheit mit der Concentrirung der Mineralien/ entweder sie werden durch den Salpeter
figirt
oder gebunden/ daß sie nicht so schnell im Fewer weg-rauchen vnd verbrand werden/ vnd das Fewer außstehen vnd sich schmeltzen lassen/ oder sie werden durch huͤlff der Metallen Corporalisch gemacht/ daß sie zu nutzen kommen/ entweder die Metallen darmit zu vermehren/ wie bey dem Kupffer vnd Cal- mey zu sehen/ oder aber damit zu reinigen/ scheyden vnd verbesseren/ wie bey dem Schwe- fel/
Antimonio, Arsenico
vnd andern soll gezeiget werden/ also daß solche Mineralien/ welche sonsten offtermals in grosser quantitaͤt da ligen/ vnd niemanden zu nutzen kom- men/ hinfůhro auch gebraucht vnd nutzen schaffen moͤchten.
Vnd erstlich der Mineralien figirung
per Nitrum
betreffend/ so hat es eine sol- che beschaffenheit darmit. Nemblich daß dieselbe pulverisirt/ mie gleichen gewicht Sal- peter verpuft werden/ dardurch ein theil seines verbrenlichen vnd fluͤchtigen
Sulphurs
vertrieben wird/ vnd das
Mineral
das Fewer hernach desto besser außstehen/ sich mit Bley ansieden/ vnd abtreiben lassen kan/ von welch Arbeit allbereyt in meiner
Expli- cation
uͤber mein
Miraculum Mundi
gehandelt/ vnd vnnoͤtig eracht selbe allhier zu wiederholen. Kan also das
Arsenicum, Auripigmentum, Koboltum, Zincum Bismu- tum,
vnd andere fluͤchtige Mineralien/ durch die verpuͤffung des Salpeters etlicher massen
figirt
werden/ daß sie sich hernach im Fewer leyden vnd das jhrige herauß ge- ben. Auff eine andere weise werden die fluͤchtige Mineralien Corporalisch gemacht/ nemblich durch huͤlff der Metallen/ wann die Mineralien den Metallen rechtmaͤssig beygefuͤgt/ vnd durch ein
Cement
-fewer miteinander vereyniget werden/ so gehet das fluͤchtige
Mineral
in das Metall/ vnd wird Metallisch/ vnd ist gleichsamb mit ein
augmentum
desselben/ wie bey dem Calmey zusehen/ welcher dem rothen Kupffer zuge- setzet/ vnd Cementirt wird/ dareyn gehet/ dasselbige vermehret/ vnd jhme einen zuwachs giebet/ vnd zu Messing machet/ da doch sonsten durch gemeyn schmeltzen auß dem Cal- mey kein Metall zu bringen ist. Deßgleichen koͤnnen auch alle
Arsenicalia
durch
Ce- mentationes
in das Kupffer gebracht/ vnd Corporalisch gemacht werden/ faͤrben aber dasselbige nicht gelb wie der Calmey/ sondern weiß/ wird aber nicht geschmeydig/ son- dern bruͤchig davon/ gleichwol nicht ohne nutzen/ dann so solches weisse Kupffer hernach durch gewisse niederschlaͤge tractiret wird/ so kompt das Gold vnd Silber so in dem
Ar- senico
gewesen in die Koͤnige/ welche dann auff den Test abgetrieben/ oder mit Salpe- ter rein gemacht werden sollen/ da doch sonsten durch schmeltzen auß dem
Arsenico, Au- ripigmento
oder Kobolt/ kein Metallisch
Corpus
hette koͤnnen gebracht werden. Der Proceß ist also: Man schneidet das Kupffer in kleine stuͤcken/ vnd feucht dieselbe mit Lein-oͤhl an/ vnd bestrewet sie einem pulverisirten
Arsenico, Auripigmento, Kobolto
oder
Ander Theil.
oder anderm
Realgari,
vnd macht also in einem Tiegel
Stratum super Stratum,
von dem Kupffer vnd
Arsenico,
decket vnd verlutiret denselben wol/ setzet denselben in Circul-fewer/ vnd je laͤnger je naͤher das Fewer gelegt/ bis endlich der Tiegel gluͤet/ als- dann wieder kalt werden lassen/ findet man den
Arsenicum
in das Kupffer gekrochen/ davon es schwartz vnd bruͤchig geworden ist/ welches gezinterte Kupffer sich zu pulver machen laͤst/ vnd hernach durch den Salpeter kan verpuffet werden/ so wird das fluͤchti- ge Gold vnd Silber so in dem
Arsenico
gewesen/ Corporalisch/ vnd bleibet auff den Test stehen bey andern fixen Metallen/ also daß auf diese weise auß allem
Arsenico, Au- ripigmento, Kobolto
vnd andern fluͤchtigen gifftigen vnd veraͤchtlichen Mineralien gut vnd bestaͤndig Gold vnd Silber zu bringen.
NB.
Diese Arbeit ist aber fuͤr vnerfahrne/ die im Fewer keinen bescheyd vnd sich zu huͤten wissen/ gar gefaͤhrlich/ darumb ein jeder zusehe was er thue/ welcher nicht wol darmit weiß uͤmbzugehen/ der las es bleiben vnd meyde diese arbeit/ der aber im Fewer erfahren ist/ kan ohne einige gefahr darmit zu recht kommen/ vnd guten nutzen dardurch erlangen/ dann manches
Arsenicum
oder
Auripigmentum
viel fluͤchtig Gold haͤlt/ vnd durchs gemeyne schmeltzen in Fewer nicht behalten wird/ sondern gantz vnd gar davon fleugt/ so dieselbe aber durch die
Cementation
in das Kupffer gebracht/ vnd in dem Kupf- fer durch den Salpeter
figirt,
vnd durch Bley oder Eysen in Koͤnige gefaͤlt werden/ als- dann sie das jenige herauß geben fix/ was sie zuvorn vnfix vnd fluͤchtig bey sich gefuͤh- ret. Wie nun ein solche
Cementation
vnd
fixation per Nitrum,
wie auch
præcipita- tion
der Koͤnige geschehe/ wird auß nachfolgenden Processen zuerkennen seyn.
NB.
Dieses aber soll man in acht nehmen/ daß immer das eine
Mineral
dem anderen in der außseygerung oder außbringung seines Goldes oder Silbers wann es anders mit nutzen geschehen soll/ zu huͤlff kommen muß/ alsdann ein jedweders das sei- nige hergibt/ vnd also die Außbeut desto groͤsser/ vnd muͤhe vnd kosten desto besser bezah- let werden. Zum Exempel/ ich habe probiret vnd gefunden ein
Auripigmentum
oder
Arsenicum,
welches auch guͤldisch ist/ vnd wolte solches gern zu recht bringen/ vnd nutzen darans nehmen/ so sehe ich mich vmb ein Kupffer welches auch guͤldisch ist/ dann deren auch genug zu finden/ dareyn bringe ich durch das
Cement
meinen guͤldischen
Arseni- cum,
vnd auf daß ich solches Kupffer mit dem
Arsenico
nicht auf dem Test darff ab- treiben/ welches dann mehr kosten wuͤrde als das außbringen werth were/ so
præcipitire
oder faͤlle ich das Gold dareyn in einen kleinen Koͤnig/ vnd mache denselben allein rein/ vnd erlange das Gold so in dem
Arsenico
vnd Kupffer gewesen/ vnd darff nicht alles Kupffer abtreiben; auf daß aber das niederfaͤllen des Koͤnigs desto vortheilhafftiger sey/ so
procedire
ich also: Ich trachte nach einem guten
Antimonio,
welches von Na- tur auch guͤldisch ist/ deßgleichen nach einem solchen Eysen das Gold haͤlt/ welche beyde/ so wol das Eysen als das
Antimonium
man gar wol haben kan/ vnd richte die Seyge- rung also an; Erstlich bringe ich den guͤldischen
Arsenicum
in das guͤldische Kupffer/ wann ichs haben kan/ solches
pulverisire
ich/ vnd verpuͤffe es mit gleichem gewicht Sal-
E e e iij
peter/
Teutschlands Wohlfart
peter/ so wird der
Arsenic.
etwas fixer/ vnd laͤst sich desto besser im Fewer handlen/ so du aber in der Arbeit erfahren bist/ kanstu dein Salpeter ersparen/ vnd das mit
Arsenic.
gezinterte vnd gepuͤlverte Kupffer mit gleichem gewicht
Antimonio
schmeltzen/ setzt es von sich selber einen Koͤnig/ so darff man keines Niederschlags/ vnd wird solcher Koͤnig auf die seyten gelegt/ das uͤbrige aber wird mit gemeynen Eysen zu einem
Regulo
ge- faͤlt/ welcher sein Nutzen auch gibt/ wie hernach folgen soll/ faͤlt aber von sich selber kein Koͤnig/ so muß man die
massam
wieder in den Tiegel thun vnd schmeltzen/ vnd mit ein wenig Eysen-feylig dieselbe nieder schlagen/ mit einem gluͤenden Eysern hacken uͤmb- ruͤhren/ wol schmeltzen lassen/ vnd in den Gießpuckel giessen/ erkalten lassen/ den Koͤnig abschlagen/ darinn dann das Gold seyn wird/ daß der
Arsenic,
das Kupffer/
Antimo- nium
vnd Eysen bey sich gehabt/ welcher Koͤnig dann entweder mit Salpeter im Tiegel oder mit Bley auf dem Test sol abgetrieben werden/ so findet sich das Gold so in obge- dachten Mineralien verborgen gewesen; vnd wann man diese Seygerung noch vortheil- haftiger wilthun/ so kan man dem mit
Arsenico
gezinterten Kupffer etwas wenige mit Schwefel gezinterte Silber zusetzen/ vnd alsdann mit
Antimonio
schmeltzen/ vnd mit
Marte
zu Koͤnigen faͤllen/ so ziehet das Silber das fluͤchtige Gold auß dem
Arsenico
vnd
Antimonio
desto besser zu sich/ vnd gibt desto groͤssern nutzen in der Seygerung.
NB.
So man aber nicht woll erfahren ist in dieser Arbeit/ so las man das Silber nur darvon/ vnd schmeltze dem Koͤnig ein wenig Silber zu/ vnd mache jhn als dann fein mit Salpeter/ so haͤlt sich das Gold so in dem Koͤnig ist/ an das zugesetzte Silber/ vnd vermehret dasselbige vmb ein gutes/ nach dem die Mineralien (so in der Seygerung ge- braucht seyn worden) viel oder wenig gold gehalten haben/ vnd ist dieses ein solche Ar- beit/ dardurch man seine Nahrung reichlich haben kan; Es wil aber einen geuͤbten
La- boranten
haben/ vnd keinen Farnerischen stuͤmpler/ dann ich diesen Proceß denen nicht vorschreibe/ welche mit Fewer-arbeiten nicht wissen vmbzugehen/ sondern denen/ welche geuͤbt vnd wol erfahren seyn/ ob wol die Arbeit so kuͤnstlich nicht ist/ so wird sie doch nit ein jedweder nachthun koͤnnen/ darumb ich diese warne/ die nicht im Fewer erfahren seyn/ daß sie deren Arbeit muͤssig gehen/ vnd etwas anders thun/ oder in handen nehmen/ daß sie verstehen/ vnd nicht mir/ wann sie fehlen/ die schuld zu legen/ als wann ich nicht trewlich geschrieben/ sondern jhrer vngeschicklichkeit zu rechnen/ vnd die schuld geben muͤssen. Ich muß bekennen daß diese Arbeit etwas schwer zu thun ist/ doch/ wann man nur fleiß anwendet/ vnd im Fewer arbeiten vnd vmbzugehen weiß/ so kan er doch wol damit zu recht kommen/ vnd guten nutzen darvon haben/ sonderlich wann er gute Mine- ralien mit in die Seygerung brauchet. Es moͤchtenun mancher sagen/ woher nehme ich dann gute Mineralien/ wer sagt mir/ welche guͤldisch oder nicht guͤldisch/ welche gut oder boͤß seyn/ auf daß ich in der Arbeit nicht fehle/ vnd verlohrne muͤhe vnd Arbeit thue. Der soll wissen/ wann er so viel nicht weiß oder versteht ein Mineral zu probiren vnd zuerfahren/ ob es guͤldisch sey/ so dient er auch nicht ein solches Seyger-werck vnterhan- den zu nehmen/ vnd thaͤt viel besser daß ers bleiben liesse. Auf daß aber gleichwol zum
uͤber-
Ander Theil.
uͤberfluß nichts an mir ermangele/ so wil ich auch hieher setzen wie die Mineralien zu probiren/ ob sie guͤldisch seyn/ vnd geschicht also: Alle
Rcalgaria,
als
Arsenicum, Auri- pigmentum,
Kobolt vnd jhres gleichen/ muͤssen erstlich durch ein
Cement
ins Kupffer gebracht/ vnd alsdann (einem wilden Ertz gleich) mit Bley angesotten vnd abgetrie- ben werden/ so findet sich ein koͤrnlein Silber/ welches auf Gold muß probiret werden. Nach dem nun viel oder wenig außkompt/ nach deme man seine rechnung machen kan/ ob das Mineral Reich genug sey zu obgedachter Seygerung zu gebrauchen/ das Kupf- fer kan auch nur mit Bley abgetrieben/ vnd das Slber-korn mit
aqua-fort
auf Gold probiret werden/ das
Antimonium
vnd Eysen kan zusammen auf einer Schirben vn- term Muffel/ oder in einen guten Tiegel im Wint-Ofen wol fliessen vnd treiben/ doch daß des
Antimonii
2. mal so viel sey als des Eysens/ so setzet sich ein Koͤnig/ welchen man mit Bley auf einer Schirben ansieden/ vnd das angesottene auf einer Capellen abgehen lassen/ so findet sich ein Silber-korn/ welches mit
aqua-fort
auf Gold soll ver- suchet werden.
NB.
Diese
proba
ist zwar gut/ aber kan leichtlich darinn gefehlet werden/ daß nichts daraus kompt/ wann schon zimlich Gold darinnen wehre/ dann das
Antimonium
laͤst sich mit Bley nicht gern abtreiben/ zertreibt die Capellen/ vnd zieht sich das Probkorn durch die wildigkeit mit in die Capellen/ also daß die proben leichtlich falsch werden/ vnd man kein gewißheit davon haben kan; deme nun zu helffen/ geschicht also/ wann 2. theil
Antimonium
mit ein theil Eysen im Tiegel wol geflossen/ so sol man ein wenig pulve- risirten trucknen Salpeter darauf werffen/ den Tiegel wieder zudecken/ vnd wol dar- mit fliessen lassen/ alsdann außgiessen in ein mit Wachs geschmireten Gießpuckel/ vnd nach der erkaltung den Koͤnig von den Schlacken schlagen/ jhme 2. 3. oder 4. mal so viel Bley zusetzen/ als er wiegt/ vnd in einen Tiegel mit Salpeter den
regulum Antimonii
von dem Bley ziehen/ das Bley hernach abtreiben/ so gehet es rein ab/ vnd wird der rechte halbt gefunden; ob wol nun diese beschreibung an sich selber klar genug ist/ so weiß ich doch wol das vnter 10. nicht einer solche versteht oder begreiffen kan/ derohalben ich nothwendig ein wenig außfuͤhrlicher gehen/ vnd die verschlackung des
Reguli
durch den Salpeter besser erklaͤren muß. Zu dieser Prob darff man kein grossen Tiegel mit Eysen nehmen/ sondern allein ein Centner des kleinem Probir-gewichts/ vnd 2. Centner
Antimonii,
vnd also beyde wol zusammenschmeltzen/ vnd mit ein wenig Salpeter trei- ben lassen/ so scheydet sich der Koͤnig desto besser von den Schlacken/ welchen man also mit Bley vnd Salpeter waschen oder reinigen soll: Setze diesen Koͤnig/ der von dem:
Antimonio
vnd Eysen kommen ist/ mit 3. mal so schwer Bley in einen reinen Tie- gel/ vnd las es zusammen zwischen kohlen im Wind-oͤfelein verdeckt/ daß keine kohlen dareyn fallen/ vnd das werck verderbe/ wol fliessen/ alsdann nimb den deckel von dem Tiegel/ vnd trage mit einem Loͤffel ein wenig pulverisirten Salpeter darauff/ decke den Tiegel wieder zu/ vnd huͤte dich daß du ja keine kohlen hineyn fallen laͤst/ las ein wenig treiben/ so ziehet der Salpeter das
Antimonium
vnd Eysen in sich/ vnd wird hart da-
von/
Teutschlands Wohlfart
von/ wann solches geschehen/ muß man wieder ein wenig Salpeter zu werffen/ vnd auch darmit fliessen lassen/ so ziehet sich alles
Antimonium,
Eysen vnd Bley in den Salpe- ter/ vnd wird zu Schlacken/ vnd bleibt ein theil des Bleyes vngeschlacket/ darinn das Gold seyn soll/ daß das
Antimonium
vnd Eysen in sich gehabt hat/ welches dann auf einer Probir-Capellen vnterm Muffel sol abgehen/ so findet sich der rechte heldt.
NB.
Man soll aber in dieser arbeit seine maß wissen daß man nicht zu viel Sal- peter in der waschung oder Schlackung gebrauche/ vnd alles Bley mit zu Schlacken werde/ sondern also damit
procediren,
daß aufs wenigste von den 3. zugesetzten theilen Bleys noch ein theil uͤbrig bleibe/ vnd nicht zu Schlacken mit dem
Antimonio
werde/ alsdann im Gießpuͤckel giessen/ nach der erkaltung den Bley-koͤnig von den Schlacken nehmen/ vnd abtreiben.
NB.
Wer auf diese weise mit Salpeter die Metallen waschen oder Schlacken will/ muß wol zusehen daß kein kohlen in den Tiegel fallen/ dann die kohlen verderben den handel/
præcipitiren
das jenige wieder/ was der Salpeter zu sich gezogen hat/ vnd wird die Arbeit vergeblich gethan: Weiter ist dieses auch noͤtig zuberichten vnd anzuzeigen/ oder zubeweisen/ das ein jedweder
Arsenicum
vnd
Antimonium
Gold fuͤhren/ doch das eine viel mehr als das ander/ vnd auch viel Kupffer vnd Eysen guͤldisch ist/ so niemand weiß oder achtet/ oder auf gemeyne weise durch das abtreiben durch Bley mit nutzen herauß zu bringen/ dann mancher sagen moͤchte/ woher sol ich guͤldisch
Arsenicum, An- timonium,
Kupffer vnd Eysen nehmen/ wann was gutes darinn were/ andere wuͤrdens schon herauß ziehen/ vnd solches nicht an mich kommen lassen; deme zu helffen/ gebe ich diese antwort/ wann schon die Bergleut wissen/ daß ein fluͤchtig Gold im
Arsenico
vnd
Antimonio
ist/ so wissen sie doch nicht solches mit nutzen herauß zu Seygeren/ es wuͤr- de sie viel mehr herauß zu ziehen kosten/ als das Gold werth were/ dann auf jhre weise alles im Rauch weg gehen wuͤrde/ vñ dieses von dem
Arsenico, Auripigmento,
Kobolt vnd
Antimonio
zuverstehen/ welches aber allhier durch den Salpeter gebunden/ vnd in dem eynbringen ins Kupffer bleiblich vnd fix gemacht werden.
Daß nun bisweilen Gold in dem Kupffer ist/ vnd doch nicht geachtet/ das kompt daher/ wann desselben nicht so viel darinnen ist/ daß es die Seyger-kosten mit dem Bley bezahlen kan/ dann solches auf Testen mit Bley abzutreiben wuͤrde gar viel kosten; dero- halben zum oͤfftern Gold in dem Kupffer ist/ vnd doch nicht mit nutzen herauß zu bringen.
Gleicherweiß hat es eine beschaffenheit mit dem Eysen/ dann zum oͤfftern Eysen- Ertz gefunden wird das sehr reich ist/ vnd doch niemand solches weiß oder innen wird/ dann gemeynlich das Eysen-ertz von groben Leuten herauß geschmeltzet wird/ welche nicht nach Gold/ sondern nur nach solchen Ertzen suchen/ die viel vnd gut geschmeydig Eysen geben/ vnd wann sie schon wuͤsten das der Centner Eysen etlich Loth Gold hielte (wie dann solches Eysen zum oͤfftern gefunden wird) wie wolten sie es herausser brin- gen? Dann mit abtreiben auff Testen last sich das Eysen nicht handlen/ viel weniger mit
Bley
Ander Theil.
Bley Seygern/ wie das Kupffer/ darumb kein wunder ist/ daß wenige auß dem Eysen etwas gutes suchen/ weil es sich nicht wie Kupffer Seygern vnd abtreiben laͤst. Aber durch den
Arsenicum Auripigmentum
oder
Antimonium
es sich gern handlen laͤst/ vnd von sich giebet was es hat; Vnd kan ein solches Eysen das guͤldisch ist/ erstlich mit
Arsenico Cementirt
werden/ wie oben bey dem Kupffer geschehen/ vnd hernach mit
Antimonio
zu Koͤnigen gefaͤlt/ die Koͤnige mit Bley versetzet/ vnd mit Salpeter ge- schlacket/ abgetrieben/ so findet sich mit guten nutzen/ was die vnachtsame Mineralien in sich gehabt. Vnd wann mans noch besser machen will/ so muß man dem Koͤnige an statt des Bleyes etwas Gold zusetzen/ vnd alsdann mit Salpeter den
Regulum
schia- cken vnd von dem Gold ziehen/ so behaͤlt das zugesetzte Gold das andere auß dem Koͤnig desto lieber/ vnd vermehret sich also davon vmb ein merckliches mehr/ als wann der Koͤ- nig uͤber Bley were geschlacket worden. Die schlacken seynd auch nicht verlohren/ son- dern koͤnnen mit einer kohlen
præcipitirt
werden/ so laͤst der Salpeter den zu sich gezo- genen Koͤnig wieder fallen/ welcher nach der erkaltung von den schlacken soll gescheyden werden. Diesen Koͤnig kan man hernacher zu anderen Metallischen arbeiten nuͤtzlich anlegen/ das er aufs new wieder Gold von sich giebet/ wie bald gelehret wird. Die schla- cken aber ist mehrentheils
figirter
Salpeter/ kan auch bewahret werden/ bis zu nachfol- gender Metallischen arbeit/ so ein immerwehrendes Bergwerck genennet/ also daß gar nichts verlohren gehet/ sondern alles zu nutzen gebracht wird. Ist derohalben diese Seygerung fuͤrwar ein sehr nuͤtzliche Arbeit/ damit mancher eine gute nahrung haben koͤnte/ vnd wann man nicht gern mit dem
Arsenico
oder
Auripigmento
vmbgehet/ vnd wegen seiner gifft solches schewet/ so kan man denselben auch wol davon lassen/ vnd das guͤldische Eysen mit guͤldischen kieß
Cementiren,
vnd mit dem
Antimonio
schmeltzen/ vnd in Koͤnige faͤllen/ so kompt das fluͤchtige Gold so in dem kieß gewesen/ auch zu nu- tzen/ vnd gibt einen beywachs deme so auß dem Eysen vnd
Antimonio
kommet. Vnd so man auch keinen guͤldischen kieß haͤtte/ kan diese Seygerung auch wol geschehen/ auß dem Eysen vnd
Antimonio,
dann so das Eysen nur allein guͤldisch ist/ so kan dan noch die Arbeit mit guten vortheil verꝛichtet werden.
Diese Seygerung oder außbringung des Goldes auß den fluͤchtigen Mineralien vnd vnachtsamen groben Metallen koͤnte manchen/ der nur etwas im Fewer arbeiten kan/ auf die Beyn helffen/ der sonsten mangel leydet/ dann obgedachte guͤldische Mine- ralien allenthalben genug zu finden/ aber wegen jhrer vnsixitaͤt vnd vnzeitigung nicht von einem jedwedern koͤnnen Tractiret werden/ derohalben als vntůchtig verworffen ligen bleiben/ vnd niemanden zu nutzen kommen. Ich weiß daß etliche den Kobolt vnd Wißmuth mit Salpeter zu
figiren
gewust/ vnd viel Silber darauß gezogen haben: Deß- gleichen wissen auch etliche die
Arsenicalia
vnd
Realgaria
mit dem Salpeter zu binden/ das sie sich schmeltzen lassen/ vnd jhr verborgenes Gold vnd Silber von sich geben; der nun die Goldhaltende vnvollkommene Metallen darbey zu
appliciren
weiß/ der Arbei- tet desto gluͤcklicher/ vnd sonderlich wann er nach guͤldischen Eysen trachtet/ welches er
F f f
vmb
Teutschlands Wohlfart
vmb ein kleines haben kan/ vnd so er den Salpeter jhme selber zeuget/ kostet jhme diese figirung oder Seygerung der fluͤchtigen Mineralien gar wenig/ vnd kan ein gute Auß- beut davon kommen.
NB.
Wann aber noch besserer gewinn von dieser Seyger-arbeit kommen soll/ so muß dieselbe nicht in Tiegeln/ sondern auf Herden geschehen/ da dann ein grosse menge der fluͤchtigen (durchs
Nitrum
figirten Mineralien) zugleich geschmoltzen/ nieder in Koͤ- nige gefaͤllet/ die Koͤnige von den schlacken gescheyden/ vnd auf frische Herden durchs
Nitrum
gereinigt/ vnd zu nutz gemacht werden/ also daß man so viel profit davon haben koͤnte/ als auß manchem Bergwerck/ das mit grossen kosten auß der tieffe der Erden muß geholet werden.
Es koͤnnen auch alle fluͤchtige vnzeitige Mineralien/ durch den Nassen weg durch huͤlffe des Salpeters figirt werden/ daß sie bestaͤndig Gold vnd Silber von sich geben/ dardurch immer so viel/ wo nicht ein mehrers erhalten wird/ als im truckenen weg/ vnd geschicht also:
solvire
das fluͤchtige
Mineral,
Es sey gleich Kobolt/ Zinck/ Wißmuth/ Calmey/
Arsenic, Auripigment,
vnd jhres gleichen mit einem starcken
aqua-fort,
vnd nach der
Solution
ziehe das
aqua-fort
wieder davon/ so bleibt ein weisser Kalck zuruͤck/ welcher durch das
aqua-fort figirt
ist/ daß er sich hernach mit Bley ansieden/ schlacken vnd abtreiben laͤst; wer aber solchen mit dem
Antimonio
schmeltzet/ vnd mit guͤldischen Kupffer vnd Eysen faͤllet/ der erlangt mehr Gold als durch das Bley/ kan aber nicht ein jedweder mit solcher Seygerung vmbgehen/ das ansieden/ schlacken auff Schirben/ vnd abtreiben auf Testen ist bekanter vnd leichter zu thun.
Es koͤnnen auch etliche Metallen durch das nasse Fewer/ das ist starckes
aqua- fort figirt
werden/ daß sie Gold vnd Silber im schlacken von sich geben/ vnd insonder- heit das Zinn/ Quecksilber vnd Bley/ wann vom Zinn ein starck
aqua-fort
nur einmal abgezogen wird/ so wird es so fix/ daß es in dem starcksten Fewer nicht wegfleugt/ son- dern zu einem weissen
Vitro
fliest/ wann es aber Gold von sich geben soll/ so muͤssen an- dere Metallen mit beygeschmoltzen werden/ dareyn sich das Gold begibet vnd Corpora- lisch wird/ als da ist Silber vnd Bley. Wann das Bley in
aqua-fort solviret,
vnd mit
Urin præcipitirt
wird/ so erlangt es eine solche harte/ daß mans schwerlich im Tiegel schmeltzen kan/ so mans aber mit einem
lixivio præcipitirt,
so gibt es ein
Vitrum,
so es mit Saltzwasser gefaͤlt wird/ solches gantz gantz fluͤchtig wird/ dann das
Sal Commune
alle Metallen fluͤchtig machet/ hergegen das
Nitrum,
so wol im nassen als truckenem weg selbige
figiret,
bindet vnd Fewer bestaͤndig machet/ welches allhier gesetzt wird. Die- ses zu bekraͤfftigen/ so sehe man wie der
Mercurius Vulgi
so leicht Fewer-bestaͤndig kan gemacht werden/ wann zum oͤfftern ein starck
aqua-fort
davon
abstrahirt
wird/ daß er sich endlich gluͤen laͤst/ so er aber mit
Spiritu Salis
getrieben wird/ er je laͤnger je fluͤchti- ger wird/ ist also vnter allen
Salien
kein einiges/ welches die Mineralien
figirt,
als das Edle
Nitrum,
so wol im nassen als truckenen weg/ wie allbereyt bewiesen worden.
Vnd diese figirung der fluͤchtigen vnd vnvolkommenen Metallen durch das
Ni-
trum
Ander Theil.
trum
so wol im trucknen als nassen wege/ jener so allein durch das Flammen-fewer von Holtz geschicht/ viel vorzuziehen/ nicht allein darumb/ weilen dasselbe viel ehender oder geschwinder zugehet/ sondern auch besser vnd bestaͤndiger
figirt.
Dann so man ein
Ar- senicum,
Kobolt oder ander fluͤchtig
Mineral
allein durchs gemeyne Fewer wolte be- staͤndig machen/ wie viel zeit wuͤrde darzu gehoͤren/ vielleicht wol etliche Monaten/ wo nicht ein gantzes oder halbes Jahr aufs wenigste/ welches man aber hergegen
per Ni- trum
in einem oder 2. Tagen verꝛichten kan/ dann so das fluͤchtig
Mineral
nur mit dem
Nitro
vermischet vnd verpuͤffet/ abgesuͤst/ wieder mit frischem
Nitro
zu 2. oder 3. mah- len verpuͤffet wird/ es hernach ein starckes schmeltz-fewer genugsam außstehen kan/ oder so das
Mineral
nur in einem starcken
aqua-forti solvirt,
vnd das
aqua-fort
davon
abstrahirt
wird/ es alsobalden fix vnd Fewer bestaͤndig ist. Eine solche grosse krafft ste- cket in dem Salpeter verborgen/ welches die alten
Philosophi
wol gewust/ vnd dero- halben gesagt/ daß man zur
fixation
der fluͤchtigen Mineralien das allerstaͤrckste Fewer gebrauchen muͤsse/ welches allein in dem
Nitro
verborgen/ vnd sonsten nirgends zu fin- den ist. Das Centralische Fewer ist den fluͤchtigen Mineralien vnd geringen Metallen zu zeitlich entgangen/ vnd hat dieselbe vnzeitig verlassen/ welche dann durch vnser Fewer vollends koͤnnen gezeitiget vnd
figirt
werden/ so wol durch das gemeyne Holtz fewer/ als auch durch den Salpeter. Hiermit vermeyne ich genug bewiesen zu haben daß der Salpeter so wol im trucknen als nassen wege die Mineralien vnd Metallen
figire,
welches kein Verstaͤndiger wiederlegen kan. Weiters kan ich auch dieses nicht ver- schweigen daß der Salpeter auch fluͤchtig mache/ nicht allein die vnzeitige Mineralien/ sondern auch die fixe Metallen/ also daß sich dieselbe gantz vnd gar ohne die
feces
welche schwaͤrtzlich zuruͤck bleiben/ einen gemeynen Schwefel oder
Mercurio
gleich/ auf sub- limiren oder distilliren lassen. Nun kan ein jedweder verstaͤndiger leichtlich erachten was fuͤr gutes durch eine solche distillation der Metallen zu hoffen. Dann weilen alle dinge durch die distillation (wie bekant genug ist) aufs hoͤchste gereinigt werden/ so kan man ja leichtlich sein rechnung machen/ wann man von den vnreinen Metallen das rei- nere theil von dem vnreinen scheyden kan was man erlanget. Ein mehrers allhier nicht/ weilen von solcher distillation oder reinigung der Metallen allbereyten in dem dritten Theil meiner
Pharmacopææ Spagiricæ
außfuͤhrlich gehandelt/ daselbsten klaͤrlich be- wiesen/ daß ein jedweder vnvolkommene Metall/ wann es distilliret wird/ ein fluͤchti- ges Gold gibet/ vnd das solches fluͤchtige Gold gleichsam ohne muͤhe vnd kosten
par- ticulariter,
(vnd vielleicht auch
universaliter
) welches letztere ich zwar nicht versucht/ Corporalisch zu machen sey; dahin ich den begierigen Leser der grossen Hermetischen geheimnissen vnd wahren Philosophischen Arcanen wil gewiesen haben. Auf daß man aber den vnterscheyd der figirung oder concentrirung der fluͤchtigen Minera- lien/ wie auch vnvollkommenen Metallen recht vernehme/ vnd begreiffen moͤge/ wie- viel geschwinder vnd leichter solche durch das
Nitrum,
als durch das gemeyne Fewer geschehe/ dient ein Proceß zum Exempel hieher zu setzen/ darauß dann genugsam abzu-
F f f ij
neh-
Teutschlands Wolfahrt
nehmen/ wie muͤhesam diese durch das Holtz/ vnd wie leicht jene durch das Nitrosische nasse Fewer zuwegen zubringen seyn.
Sonsten ist es vnmuͤglich den
Arsenicum, Auripigmentum, Koboltum
vnd jhres gleichen/ ohne dem Salpeter zu figiren/ es sey dann daß solche zuvorn in andere Metallische
Corpora
gebracht/ vnd mit denselben durch das Kohlen-fewer geroͤstet/ ge- aͤschert/ geschlacket vnd zerstoͤhret/ vnd endlich durch ein gewaltiges Schmeltz-fewer durch Blaßbaͤlge wieder in Metallische gestalten
reducirt
werden/ wann dann solches gethan soll werden/ muß es auf diese weise geschehen: Erstlich muß man den Kobolt/
Ar- senicum
oder dergleichen Goldhaltendes
realgar
durch die
Cementation
in das Kupf- fer oder Eysen bringen/ wie oben allbereyt gelehret worden/ darnach muß man das mit
realgaribus Cementirte
Kupffer oder Bley klein pulverisiren/ vnd mit
Antimonio,
Calmey/ Kieß oder
Marcasita
vermischen/ vnd wann es mit nutzen ins groß geschehen soll auf Herden/ daruͤber eine Flamm spielen moͤge/ allgemach ergluͤen/ vmbruͤhren/ vnd also zu einer aschen roͤsten oder verbrennen/ wann solche nicht mehr raucht/ darzu aber etliche Tage gehoͤren/ alsdann in einen Stich-ofen wieder
reduciren
vnd in Metalli- sche gestalt bringen/ solche alsdann wieder aufs New auf dem Herd mit vmbruͤhren ge- roͤst vnd zu Aschen gebrant vnd die Aschen durch das starcke geblaͤs
reducirt,
so oft vnd viel die aͤscherung vnd reducirung wiederholet/ bis daß nur ein kleiner Koͤnig sich in der
reduction
findet/ vnd das ander alles ein vntuͤchtige schlacke verbleibet/ diesen klei- nen Koͤnig soll man alsdann mit Bley auf ein Test oder Treib-scherb gletten oder schla- cken vnd abgehen lassen/ so findet sich das Gold vnd Silber so die fluͤchtige Mineralien bey sich gehabt.
NB.
Diese Arbeit/ obwolen sie etwas muͤhesam ist/ dannoch wann sie ins groß ge- than wird/ guten nutzen bringen kan/ sonderlich wann man die Mineralien vnd die Koh- len wol haben kan/ auch andere vnvollkommene Metallen/ als Bley/ Kupffer/ Eysen vnd dergleichen zu dem werck mit vntergebrauchet/ alsdann auch desto mehr Gold vnd Silber außgebracht wird. Als zum Exempel: Ich zintere das Kupffer oder Eysen mit
Arsenico,
Kobolt oder andern gifftigen vnd fluͤchtigen
realgaribus,
oder nur mit Calmey/ welcher auch wol bindet/ schmeltze
Antimonium,
Wißmuth/ Zinck vnd Bley darunter/ so gibt es eine bruͤchige
Massam,
welche man aͤscheren sol/ entweder auf Her- den wie allbereyt gelehret/ durch eine Holtzflamm/ welche daruͤber gehet/ vnd die
Mixtur
erwaͤrmet vnd zeitiget/ oder auch auff Kohlen in einen besondern Ofen/ nemblich al- so: Mache von Fewer bestaͤndigen steinen einen Ofen groß oder klein/ nach dem du viel thun wilt/ inwendig aufs wenigste eines Fuses weit/ vnd von dem bodem eines Fuses hoch soll der Ofen vorn offen seyn/ daß man einen Rost hineyn vnd auch heraus neh- men moͤge/ uͤber dem Rost zweyer oder dreyer Fuß hoch/ soll ein Thuͤr gemacht seyn/ dardurch man die Kohlen in den Ofen werffen koͤnne/ vnd soll uͤber dem Ofen eine Rauch-kammer gesetzet werden darinn sich der Metallische Rauch fangen oder anle- gen/ auf daß er nicht weg fliege/ sondern nach der erkaltung außgenommen werden
moͤge/
Ander Theil.
moͤge/ wann nun alles fertig/ so fuͤlle den Ofen mit Kohlen/ vnd wann sie wol angan- gen/ so trage immer ein stuͤck deiner Metallischen
Mixtur
darauf/ so wird es bald schmel- tzen/ vnd also durch die gluͤende Kohlen lauffen/ vnd immer sehr rauchen vnd aufffliegen in die Rauch-kammer/ was dann durch die Kohlen vnd Rost fliest vnd noch Metallisch ist/ soll vnter den Ofen der etwas schuͤssig gemacht seyn soll/ vnd das Metall fuͤr dem Ofen in ein grube fliessen koͤnne/ mit einem Eysern Loͤffel auffgeschoͤpffet/ vnd wieder auf die Kohlen getragen werden/ so lang vnd viel bis das dein
Mixtur
gantz zu Aschen verbrant oder im Rauch auffgangen/ vnd auch zu Aschen geworden/ vnd sich in die Rauch-kammer sublimirt hat/ welche
Flores
oder Metallischen Rauch man samlen vnd mit der Aschen so durch den Rost gefallen/ in einen Stich-ofen
reduciren
muß/ so wird ein theil davon wieder zu einem fluͤssigen Metall werden/ doch bruͤchig/ welches Metall aufs newe in dem Rost-ofen soll geaͤschert vnd durch das geblaͤs
reducirt
wer- den/ diese aͤscherung vnd reducirung soll so oft gethan werden/ bis das alles zu einer schla- cken oder Glas worden ist; alsdann soll man diese schlacken mit dem allerstaͤrcksten Blas-fewer
reduciren,
so geben sie einen kleinen Koͤnig/ welcher mit Bley muß abge- getrieben werden/ wie oben gelehrt.
NB.
Wofern aber auß der letztern schlacken/ das geblaͤs keinen Koͤnig machen koͤnte/ vnd alles schlacken verbliebe/ so were es ein zeichen daß zu viel Zinn darbey/ oder sonsten zu viel Fewer gelitten/ derohalben man solcher schlacken/ wann sie gemahlen/ entweder mit ein fluͤssig Bley-Ertz oder glett zu mischen/ vnd alsdann durch einen Stich-ofen gehen lassen/ so ziehet das Bley das Gold vnd Silber auß der schlacken/ welches dann hernach kan abgetrieben werden. Wie nun der Rost-ofen/ als auch Schmeltz- oder Stich-ofen zu dieser Arbeit
formiret
oder gestaltet/ kan ich allhier dis- mal nicht beysetzen/ sondern soll in dem dritten folgenden Theil/ darinn dergleichen Me- tallische Concentrirungen mehr gedacht vnd gelehret werden/ geschehen/ vnd soll auch der guͤnstige Leser das wissen/ daß diese Seygerung oder Concenerirung der fluͤchti- gen Mineralien nicht fuͤr diese geschrieben/ die gar nichts vom schmeltzen der Ertzen wissen noch verstehen/ sondern allein vor diese/ welche mehr im Fewer gethan/ vnd des Seygerens oder schmeltzens guten verstandt haben. Ich weiß gar wol daß man- cher Spoͤtter diese Arbeit verachten wird/ als wann es ein vnmuͤgliche sache were/ sol- chen kan ichs nicht wehren/ Es werden aber sich auch einige finden/ denen die Metalli- sche Natur bekant ist/ dieses glauben/ vnd viel nutzen dardurch machen/ sonderlich an solchen Orthen/ da man die Mineralien/ Kohlen vnd andere
requisita
wol haben kan/ dann der groͤste Kosten zu dieser Concentration allein in den Kohlen bestehet/ welches ja auch nichts zu bedeuten an denen Orten da grosse Waͤlder seyn/ stehet nun einem jedwedern frey solches zu thun oder zu lassen. Ich aber sage das/ daß diese Concentrirung/ wann mans verstehet/ wol
practicirt
vnd außwircket/ einem immerwehrenden Berg- werck zuvergleichen ist/ solte an manchem orth/ da die Mineralien zubekommen viel nutzen bringen koͤnnen: Ich wil aber niemand dahin
persuadirn
daß er solche Arbeit
F f f iij
an
Teutschlands Wohlfart
an solchen ort anstellen/ da er alles thewer erkauffen muß/ vnd auch denen davon ab- rathen/ die keinen verstand in solcher Arbeit haben/ wann es jhnen dann nicht gluͤcket/ das werck verderben/ mir dalsdann die schuld nicht zurechnen wollen; was ich allhier ge- schrieben/ das ist die warheit/ vnd laͤst sich von einem geuͤbten Laboranten gar wol mit nutzen thun/ darumb wie gesagt/ der vngeuͤbte wann er nicht vergebliche arbeit thun will/ davon bleiben sol.
Vnd was allhier vmb der kuͤrtze willen zuberichten/ vnterlassen/ wird der folgende 3. vnd 4. Theil
de Concentratione Metallorum
erstatten/ wer aber dergleichen Con- centrirung mit dem Salpeter zuverꝛichten weiß/ es geschehe gleich durch die Flamm im trucknen weg/ oder durch die starcke Wasser im nassen weg/ derselbe wird mehr außrich- ten/ als mit dem Holtz-fewer/ hergegen kostet das Holtz-fewer weniger als die Salpeter- schlackung. Ach was habe ich mein lebtag fuͤr muͤhesame Arbeit vnd grosse kosten an- gewendet diese dinge zuergruͤnden/ nun der ich so weit damit kommen bin/ daß es nu- tzen geben koͤnte/ so bin ich verdrossen vnd vnbequaͤm mit starckem Fewer mehr vmb- zugehen/ oder dasselbige zuvertragen/ gebe es also gern denen zum besten die noch Juͤn- ger seyn/ vnd das Fewer besser außstehen koͤnnen als ich. Auf daß aber diese aͤscherung vnd reducirung dem vnerfahrnen nicht so gar vnmuͤglich oder frembd vorkommen moͤchte/ so will ich jhme einige vnwiderlegliche
rationes
vnd gruͤnde vorlegen/ darauß er genugsam sehen vnd mercken kan/ daß ein solche aͤscherung oder schlackung ein
fun- damenc
auß der Natur habe/ vnd dieses also: Ein jedweder der nur ein wenig in
Me- tallicis
gethan vnd gesehen hat/ der weiß gar wol/ daß das Fewer die scheydung des bes- sern von dem geringern theil geben oder wircken muß/ dann wann man in einer
Mixtur
Gold/ Silber/ Kupffer/ Eysen/ Bley/ Zinn beysammen geschmoltzen haͤtte/ vnd solches im Fewer scheyden wolte/ so kan vnd will es nicht anders geschehen/ als das solcher
Mixtur
etwas frembdes oder zerstoͤrliches beygesetzet wird dardurch die geringere thei- len verderbt/ vnd auß jhrer Metallischen natur gebracht werden/ als da ist der gemeyne Schwefel vnd seines gleichen/ welcher dann in die vnvolkom̃ene Metallen am ersten ar- beitet/ selbige zerstoͤrt oder zu schlacken macht/ wann solche dann kein Metall mehr seyn/ so lassen sie die gemeynschafft der Metallen/ vnd mischen sich nicht mehr darmit/ vnd je Sulphurischer die Metallen/ je lieber der gemeyne Schwefel selbe zerstoͤret vnd zu schla- cken macht/ vnd je Edler die Metallen/ je weniger der Schwefel denselben schadet oder zerstoͤren kan/ vnd thut dieses nicht allein der gemeyne
Sulphur,
sondern es thut es auch das Fewer/ wie auch der Salpeter/ so wol im nassen als truckenen weg; durch den Schwefel geschicht es/ wann die Metallische
Mixtur granulirt
vnd darmit gezintert/ oder auß der Metallischen Natur gebracht wird/ alsdann geschmoltzen vnd durch nieder- schlaͤge in besondere Koͤnige gefaͤllet oder gẽscheyden wird/ dann der Schwefel macht die
Massam
schlackicht/ wann dann selbige geschmoltzen wird/ immer das Edelste darinnen sich von den schlacken scheydet/ vnd sich zu bodem setzet/ vnd nach dem Edelsten das je- nige so auch gut/ aber doch geringer ist als das erste/ vnd so fortan von einem grad zum
andern
Ander Theil.
andern/ als von dem Gold zum Silber/ vom Silber zum Bley/ vom Bley zum Kupf- fer/ vom Kupffer zum Eysen/ ꝛc. wie dann allbereyt meine beschriebene Scheyd-kunst leh- ret. Das
Nitrum
aber macht seine scheydung anders/ dann wann ein Metallische
Massa
im Tiegel geschmoltzen/ derselbe darauff getragen wird/ er alsdann das Sulphu- rische theil am ersten angreifft/ vnd zu schlacken macht/ darnach wieder das geringere Metall/ so lang vnd viel/ bis er alle vnvollkommene Metallen zu sich gezogen/ vnd zu schlacken gemacht hat/ alsdann bleiben die vollkommene Metallen fein vnd sauber ge- waschen liegen/ welche arbeit auch an vielen orten meiner Schriften zu finden.
Das Fewer verꝛicht seine schlackung oder zerstoͤrung wieder auf eine andere wei- se/ als der Schwefel vnd
Nitrum;
dann so eine Metallische
Mixtur
vom Fewerleydet/ so verzehret sich erstlich das vnvollkommene theil/ vnd wird zu Aschen/ daß bessere aber haltet sich zusammen/ so lange noch etwas an jhme vnvollkommenes zu verzehren ist/ so lang arbeit das Fewer darinn/ vnd laͤst nicht nach bis alles zu Aschen worden/ das be- staͤndige aber bleibet vnverletzet stehen/ vnd von dem Fewer vnangetastet/ doch so des verstoͤrlichen theils gar zu viel ist gegen das vnzerstoͤrliche/ so schlept es nicht allein das Silber/ sondern bisweilen auch ein gut theil von dem Gold mit/ vnd macht solches zu Aschen/ wann aber solche Aschen mit starckem Fewer geschmoltzen wird/ so wird die Aschen von dem vnvollkommen Metall zu einem Glas oder schlacken/ die Asche des vol- kommen Metalls aber
reducirt
sich wieder zu einem geschmeidigen Coͤrper/ es sey gleich Gold oder Silber/ nach deine die Metallische
Mixtur
gewesen ist/ vnd so gemeldte schla- cken mehr mit Fewer geschmoltzen wird/ so laͤst sie wider einen Koͤnig fallen/ nemblich das Edelste nach dem Golde vnd Silber/ nemblich Bley vnd Kupffer/ das Zinn vnd Eysen bleiben gemeynlich schlacken/ wie dann im abtreiben oder scheydung der Metal- len auf der Capellen/ die scheydung auch allein durch das Fewer geschicht/ wann solches in die
Mixtur
wircket/ so macht es das Bley zu schlacken oder glett/ wann dann das Bley zu glett werden muß/ so verschont es des Zinns/ Eysens vnd Kupffer auch nicht/ weilen sie auch verbrenlich vnd seines gleichen seyn/ sondern macht dieselbe mit jhme zu schlacken/ welche schlacken dann in das luͤcke Aschen-geschirꝛ oder Testen kriechet/ vnd so lang als etwas darvon da ist: Das Gold vnd Silber aber welche durch das Fewer nicht wie die andern vnvollkommene Metallen kan zu Aschen oder schlacken gemacht werden/ alsdann rein vnd sauber auf der Capellen stehen bleiben; also soll auch von obgedach- ter aͤscherung der fluͤchtigen Mineralien oder vnvollkommenen Metallen verstanden werden/ wann sie das Fewer leyden oder außstehen/ sie dann davon zu Aschen vnd schla- cken werden muͤssen/ vnd wann schon in denselbigen etwas gutes oder bestaͤndiges ist/ so hat doch der groͤssere verbrenliche theil die uͤberhand/ vnd muß das gute auch mit zu Aschen vnd schlacken werden/ welches aber hernach durch starckes geblaͤs sich von dem vntuͤchtigsten theil scheydet/ vnd wieder einen Metallischen Leib an sich nimbt/ es sey gleich Gold oder Silber.
Auß diesem
discurs
kan nun ein jedweder/ welcher nur ein wenig verstand hat in
Metal-
Teutschlands Wohlfart
Metallischen dingen/ genugsam sehen/ daß obgedachte Metallische aͤscherung vnd redu- cirung auß einem guten grund gehen/ wer aber dieses nicht verstehen noch begreiffen kan/ deme ist auch nicht zu helffen. Ein bessere erlaͤuterung aber wird der folgende 3. vnd 4. Theil dieses Buchs eroͤffnen. Vnd weiter ist dieß noch zu mercken/ daß noch andere wege seyn/ dardurch die Metallen zu schlacken gemacht/ vnd das bessere theil auß der schlacken hernach gefaͤllet wird/ als nemblich Terꝛ
e
strische dinge/ welche zugleich Sul- phurisch seyn/ als da ist aller Sand/ Kießling vnd dergleichen/ wann der mit Metalli- schen
Calcibus
gemischet/ vnd geschmoltzen wird/ das geringere theil bey sich behaͤlt/ vnd das bessere fallen laͤst/ wie bey einem
Vitro Saturni
zu sehen; wann nemblich die Bley- aschen mit
Silicibus
oder
arena
schmeltzet/ alles Bley mit dem kießling zu glas oder schlaͤcken wird/ das Silber oder Gold aber/ so in dem Bley gewesen/ als ein Koͤnig sich davon scheydet/ vnd im guß zu boden sitzet. Deßgleichen schlacken auch etliche
Salien,
als diese so von den gebrandten Aschen außgezogen/ vnd
Alcalia
genent werden/ als da ist gebrandte Wein-hefen/ Weinstein/ Pott-asch/ auß Holtz-aschen gesotten/ vnd jhres gleichen/ diese solviren auch die Sulphurische theilen der Metallen am liebsten/ vnd die fi- xere als Gold vnd Silber lassen sie liegen/ machen also eine scheydung des guten vom boͤ- sem/ vnd machen uͤber-auß schoͤn; von welcher waschung in dem folgenden dritten Theil außfuͤhrlicher soll gehandelt werden.
Vber dieses so zerstoͤret vnd schlacket auch die vnvollkommene Metallen das
Sal Commune,
aber nicht auf solche manier wie das
Alcali lavando,
sondern
solvendo \& extrahendo;
Wann nemblich ein Metallischer Kalck oder ein Ertz gepuͤlvert/ mit
Sale Commune
gemischet vnd geschmoltzen wird/ das Saltz das jenige Metall so es am lieb- sten angreifft/
solviret,
vnd gleichsam zu schlacken macht/ als zum Exempel: Wann ich ein Ertz/ das Eysen/ Kupffer/ Gold vnd Silber hielte/ also scheyden wolte/ vnd sol- ches mit Saltz mengte vnd schmeltzte/ so wuͤrde das Saltz erstlich nur das Eysen zu sich ziehen/ vnd die andere Metallen liegen lassen/ so aber des Eysens so viel in dem Ertz nicht were/ daß das Saltz sich satt davon fressen koͤnte/ so wuͤrde es auch von dem Kupffer
solviren,
vnd das Silber vnd Gold liegen lassen/ dann gemeyn Saltz ein feind ist des Silbers/ aber ein guter freund des Eysens vnd Kupffers/ welche er im schmeltzen gern
solvirt
vnd zu sich nimbt/ endweder ein jedweders allein/ oder beyde zugleich. Wann man dann solche wieder scheyden will/ so muß man das geschmoltzene wesen pulverisiren/ vnd mit Wasser uͤbergiessen vnd kochen/ so gehet das Eysen vnd Kupffer mit dem Saltz in das Wasser/ vnd so man hernach staͤbe-Eysen darinn legt/ so schlaͤgt sich das Kupffer daran nieder/ vnd bleibt das Eysen in dem Saltz-wasser/ vnd ist so gut als ein
Vitriol,
darmit zu faͤrben/ wil sich aber nicht
Coaguliren,
wie ein an- der
Vitriol,
das Kupffer so sich auß dem Saltz-wasser an dem Eysen niedergeschlagen hat/ wird außgewaschen vnd geschmeltzt/ gibt gut sein Kupffer/ vnd kan solches Kupffer auch zu besserem gebrauch angewendet werden als geschmoltzen/ davon im 3. Theil ein mehrers. Durch dieses mittel koͤnnen diese Kupffer-Ertze gescheyden vnd zu gut gemacht
wer-
Ander Theil.
werden/ welche Eysen fuͤhren/ dardurch das Kupffer sonsten vngeschmeidig wird/ vnd nicht zugebrauchen/ darzu bishero die Bergleuth wenig rath gewust/ werden also an vielen orthen gute Kupffer-Bergwercke gefunden/ die wegen Eysen-halts vngebawt lie- gen bleiben/ etliche haben das Eysen mit Magneten außziehen wollen/ hat aber zu viel muͤhe gemacht/ vnd also kein gut thun woͤllen/ auf diese weise koͤnte es fuͤglich geschehen/ wann man das gebrauchte Saltz-wasser vnd niedergefaͤlte Kupffer zugebrauchen weiß/ dann das Saltz verbessert das Eysen/ vnd das Eysen das Saltz/ vnd
animirt
dasselbi- ge/ daß er hernacher mit geringer muͤhe vnd kosten durch-auß vnd ohne abgang zu gutem Salpeter kan verwandelt werden; Ja moͤchte mancher sagen/ was nutzen kan ich davon haben/ wann ich ein pfund oder etliche Kupffer-Ertze mit Saltz eynsetze/ das Kupffer darauß zuziehen/ welches nichts machen kan/ dieser sol wissen/ das diese Arbeit mit viel 100. oder tausent pfund zugleich auf Herden in besondere Oefen koͤnte gethan/ vnd gros- ser nutzen darmit geschaffet werden/ vnd nicht nur also/ sondern es kan ein solche Arbeit auch ohn einige Ofen oder Herde mit viel 100. oder 1000. Centnern zugleich unter dem freyen Himmel auf dem Feld/ oder in dem Walde/ da das Ertz vnd Saltz befindlich/ gethan werden/ also daß das Saltz des Ertzes/ vnd das Ertz des Saltzes Tiegel/ vnd das Holtz der Ofen vnd auch Fewer seyn muß; das las mir eine kuͤnstliche außziehung des Kupffers auß den Ertzen seyn/ vnd sonderlich auß diesen/ die sonsten wegen des Ey- sens vngebraͤuchlich/ oder wegen des geringen halttes von Kupffer die schmeltz-kosten nicht bezahlen koͤnnnen/ allhier mit gutem vortheil außzuziehen seyn/ dann allenthal- ben solche arme Kupffer-Ertzen gefunden werden/ die da liegen bleiben/ vnd nicht ge- acht werden/ dann wann die Kupffer-Ertze arm an den haltt seyn/ vnd das wenige Kupffer so darinn ist/ sich wegen der menge des Bergs nicht zum Koͤnig geben will/ sondern zu schlacken wird/ so kan es die schmeltz-kosten nicht außbringen/ muͤssen also lie- gen bleiben; wie viel solcher Ertzen seynd mir in Teutschland bekant/ die mit hauffen zu- bekommen/ doch niemand deren achtet/ weil (wie gesagt) selbige zu arm seyn/ vnd doch durch Saltz leichtlich koͤnten außgezogen/ vnd die muͤhe vnd das Saltz reichlich bezah- len/ sonderlich an denen orthen/ deren viel in Teutschland seyn/ da des Saltzes so viel ist/ daß man nicht weiß solches anzuwenden/ wie Tirol/ Saltzburg/ Baͤyeren vnd Bergtes-gaden/ solches bezeugen/ da schier alle Berge des Saltzes voll seyn/ vnd der Kupffer daselbsten auch kein magel gefunden wird/ vnd nicht allein daselbsten/ sondern durch gantz Teutschland an vielen orthen Saltz gesotten/ vnd eines geringen kaufs zu- bekommen ist.
Gleich wie nun allhier gelehret worden/ daß durch das schmeltzen mit gemeynem Saltz/ Eysen vnd Kupffer fuͤglich auß den Ertzen koͤnne gezogen/ vnd durch die
præcipi- tation
wieder voneinander gescheyden werden; also kan es auch geschehen im nassen weg durch das kochen/ wann nemblich das gemahlen Ertz mit einem starcken Saltz-wasser lang kochet/
solvirt
sich das Kupffer/ vnd gehet in das Saltz-wasser/ darauß es dann wie- der zu faͤllen vnd zu nutzen zu bringen ist. So man das Saltz zu einem
Spiritu distillirt,
G g g
so kan
Teutschlands Wohlfart
so kan er nicht allein das Kupffer/ sondern zugleich auch das Gold darmit auß den Ertzen ziehen/ vnd guten nutzen schaffen. Diese Arbeit ist allbereit in den ersten Theil meines
Operis Mineralis
beschrieben.
NB.
Aber noch einen groͤssern nutzen kan man machen/ wann man auß den
Sa- lien,
vnd sonderlich auß dem
Nitro
ein solches Wasser bereytet/ daß wenig kostet/ vnd doch auß den Ertzen alle Metallen darmit
solviren
vnd
extrahiren
kan/ so wol das Silber als das Gold vnd Kupffer in der
Solution
eins nach dem andern wieder dar- auß ins particulier kan gefaͤllet werden/ mit welchem Wasser grosser nutzen bey allen Berg artenkan gethan werden/ dann so man solches durch ein gemeyn
aqua-fort
thun wolte/ so zieht es nur das Silber vnd Kupffer herauß/ vnd laͤst das Gold liegen/ will mans dann durch ein gemeyn
Aqua-Regis
thun/ so ziehet es nur das Gold vnd Kupf- frr herauß/ vnd laͤst das Silber ligen/ tang also nichts zum nutzen sonderlich weil solche Wasser nur einmal zugebrauchen seyn/ vnd bishero noch niemand das eine Metall von dem andern in den
Solutionibus
zu fallen gewust/ daß das Wasser gut geblieben we- re/ vnd wieder zu dergleichen Arbeit haͤtte moͤgen gebraucht werden/ wie allhier bey die- sem geschicht/ daß immer das eine Metall nach dem andern/ absonderlich auß dem Wasser zu faͤllen/ vnd doch das Wasser an seiner kraͤffte nichts verliehret/ sondern zu et- lich mahlen wieder zugebrauchen ist; fuͤrwar ein sehr nuͤtzliche
Invention
die bey etlichen Berg arten vnd Ertzen/ allem schmeltzen weit vorzuziehen ist/ dann wann etliche Me- tallen in einem Ertz beysam̃en/ als Gold/ Silber/ Eysen/ Bley/ wie solches gemeyniglich zu seyn pflegt/ vnd solche Metallen durchs Fewer herauß geschmeltzet werden/ vnd seynd sie doch noch beyeinander/ vnd machen noch viel muͤhe solche von einander zu scheyden. Dann erstlich muͤssen sie auf Testen mit vielem Bley abgetrieben werden/ auff das die vnvollkommene Metallen davon kommen/ als da ist Eysen/ Kupffer/ Bley/ Zum/ wann sie darbey seyn/ darnach muß das Gold von dem Silber auch besonder durch Scheyd- wasser/ welche Arbeit nicht ein jedweder thun kan/ auch nicht allzeit die Werckstatt vnd
requisita
darzu hat/ wann er gleich solches zu thun wuͤste. Auf diese weise aber bedarff er anders nichts als das Wasser vnd etliche Glaͤser/ darmit kan er das gantze werck ver- richten/ vnd in der stille grossen nutzen schaffen/ dann die Nachbahren jhme nicht ankla- gen koͤnnen/ daß er jhnen jhre Haͤuser anstecken oder verbrennen werde/ wann sie keinen Blasbalg hoͤren/ oder keine Kohlen in das Hauß tragen sehen. Auch werden jhme die Schmiede nicht anklagen/ daß er jhnen die Kohlen verthewre/ wie dem kleinen Bawren geschehen; deßgleichen wird er bey seiner Obrigkeit nicht in verdacht kommen/ daß er grosse Reichthumben besitze/ vnd mit grossen Schatzungen/ Eynquartirungen der Sol- daten uͤberlegt zu werden.
Item/ wird er sich von der boͤsen Weltenteusseren/ Gott vnd seinen Armen Naͤch- sten dienen/ vnd ein still vnd Ehrbar Leben fuͤhren koͤnnen. Er treibt jhm kein noth falsch Gewicht vnd Maß zu geben/ noch ein vnbilliger Wucherer zu werden/ viel weniger auß
desperation
in den Krieg zu lauffen/ andere Tod vmbs Gelds wegen zu schlagen/ oder
sich
Ander Theil.
sich selbsten Tod schlagen zu lassen; oder vmbs eytelen Gewins willen uͤber dz gefaͤhrliche Meer nach Ost-vnd West-Indien zu Reysen/ vnd auß manglung der Nahrung in ein Kloster-leben zugehen/ in zwang oder vnsicherheit zu leben/ sondern man kan sein eygen Herꝛ seyn/ sich von aller Gottloser gesellschafft ebenwohl bewahren/ zu Gottseligen from- men Leuten gesellen/ die gaben Gottes mit Dancksagungen gebrauchen/ Gott zu Ehren bey gelegenheit auch froͤlich seyn/ dem duͤrfftigen beyspringen/ die Wercke der Barm- hertzigkeit an jhme veruͤben/ andern mit guten Exempelen vorgehen/ ein stilles vnd ruͤhi- ges leben fuͤhren/ Gott vnd seine Wunderwerck lehren erkennen/ der Natur heimlich- keiten erforschen: Es darf auch ein junger Gesell vmb des guts willen kein alt Weib neh- men/ vnd sich zu einem Deckel vnd Schlaven machen; man kan sich auch vielmehr dar- mit frey machen/ wann man vom Tuͤrcken vnd Tartaren gefangen worden; man darff auch kein Teller-lecker/ Suppenfresser oder Schmarotziger Hoͤffling werden/ den Man- tel nach dem Wind zu haͤncken/ vnd zu boͤsen dingen immer Ja zu sagen/ falsch Vrtheil zu faͤllen/ sein gewissen zubeschweren/ Leib vnd Seel in die Helle zu stuͤrtzen/ noch ein Mammons-diener vnd Heuchler: der
Medicus
darff nicht auf vngluͤck warten Pest vnd andere Kranckheiten wuͤnschen/ das er desto mehr gewinnen moͤchte. Der Jurist darff keine boͤse Sachen
defendiren,
sein Hauß damit zubereichern. Der Prediger darff sich nicht fuͤrchten/ daß er abgesetzt werde/ wann er die warheit sagt. Es werden dich auch nicht die vnwissenden spoͤtter vnd haͤsser der
Alchymiæ
einen Goldmacher nennen/ wann jh- nen nicht bekant ist/ daß du mit Metallischen dingen vmbgehest/ noch sehen daß du viel schmeltzest oder blasest/ welchen Spoͤttern man sonsten allzeit im maul liegen muß/ wann man weitlaͤufftige Fewer-arbeiten verꝛichtet; In diesem außziehen aber man aller dieser vnd dergleichen vnruhe uͤberhaben seyn kan/ weilen alles in stille ohn einige weitlaͤufftig- keit kan verꝛichtet werden. Darumb billig alle fromme
Chymici,
so jhre zeit/ Haab vnd Gut vnnuͤtzlich oder vergeblich mit Phantastischen vnd Sophistischen Processen ver- lohren/ Gott dem Allmaͤchtigen fuͤr ein solche herꝛliche vnd jederman nuͤtzliche
Inven- tion
von hertzen dancken solten.
Vnd dienet eine solche auß-ziehung des Goldes vnd Silbers nicht allein auf die Ertze vnd fluͤchtige oder wilde Berg-arten die allenthalben zu finden/ vnd keinem Men- schen zu schaden/ mit guten gewissen durch dieses Wasser zu figiren vnd außzuziehen/ sondern es koͤnnen auch alle Metallische Mixturen sie seyn gleich auß Ertzen geschmol- tzen/ oder sonsten durch andere wege zusammen kommen/ fuͤglich vnd gar leichtlich von- einander gescheyden/ vnd ein jedweder Metall rein vnd sauber behalten werden: Als zum Exempel: Es kompt mir eine Metallische
Massa
vnterhanden/ darinn Gold/ Silber/ Bley/ Zinn/ Cysen vnd Kupffer were/ vnd ich wolte gern das Gold vnd Silber dar auß haben/ so ist bis
dato
noch kein anderer weg gewesen als mit Bley solche
Massam
auf dem Test abzutreiben oder rein zummachen/ durch welches abtreiben dann das Kupffer/ Zinn/ Eysen mit dem Bley in den Test gehen/ das Gold vnd Silber aber auf den Test bleiben/ welche beyden hernach mit starck Wasser voneinander muͤssen gescheyden wer-
G g g ij
den/
Teutschlands Wohlfart
den da dann ein jedes davon zu recht kompt/ das Eysen/ Kupffer/ Bley vnd Zinn aber steckt wieder beysammen in dem Test/ vnd wann man dieselbe schon durch starckes ge- blaͤs wieder darauß schmeltzet/ so seynd sie doch wider beysammen/ vnd uͤbel voneinan- der zu scheyden; Auf diese weise aber/ wann solche beysammen in dem Wasser
solvi- ret,
immer das eine Metall nach dem anderem kan herauß gefaͤlt vnd besonder gethan werden/ vnd nicht allein das Gold vnd Silber/ sondern auch das Kupffer vnd Ey- sen/ Zinn vnd Quecksilber/ doch ist es auch nicht noͤthig/ wann bey einer solchen Me- tallischen
Massa
obgedachte Metallen beysammen/ vnd das Gold vnd Silber der ge- ringste theil darunter were/ man vmb des Goldes vnd Silbers willen alle die ande- dere geringe Metallen mit solviren muͤste/ welches nicht rahtsam/ sondern besser were/ daß solche
Massa
mit Bley auff Testen zuvorn fein gemacht/ vnd alsdann Gold vnd Silber mit dem Wasser gescheyden wuͤrde; oder es koͤnte die
Massa
mit Schwe- fel gezintert/ vnd durch niederschlaͤge das Gold vnd Silber darauß gefaͤllet vnd fein ge- macht werden; So aber in der
Massa
des Eysens/ Kupffers vnd Zinns weniger were als des Goldes vnd Silbers/ alsdann doͤrffte man die
Massam
gar nicht zuvorn auf Testen fein brennen/ vnd darnach erst mit starck Wasser scheyden/ wie sonsten bekant vnd gebraͤuchlich/ sondern man solvirte dieselbe auff/ vnd schluͤge das Gold vnd Sil- ber jedes absonderlich darauß in einen reinen
Calcem,
hernach das Kupffer auch be- sonder/ darnach das Zinn/ das Eysen aber/ weilen mit seinem
Calce
wenig außzurich- ten/ doͤrffte man nicht faͤllen/ sondern thaͤte besser daß man das
aqua-fort
davon abstra- hirte/ so wuͤrde das Wasser wieder rein vnd gut/ das Eysen so zuruͤck bliebe/ koͤnte man außgluͤen/ gibt einen uͤberauß schoͤnen
Crocum Martis,
den
Chirurgis
vnter alle Wund-balsam vnd Stich-pflaster das beste
ingrediens
vnd
sticticum,
auch den Mah- lern eine schoͤne Farb/ also daß das Eysen allein das geringste Metall vnter der
Mixtur,
wann es durch diese weise zu einem so schoͤnen
Croco
bereytet ist/ das Wasser bezah- let/ da doch solches nach der
abstraction
wieder zugebrauchen/ vnd besser ist als von er- sten/ dann es auß dem Eysen in der
abstraction
etwas guͤldisch mit fuͤhret/ welches guͤl- dische hernach bey anderer Metallischer
Solution
sich an die Metallen schlaͤget/ vnd Corporalisch wird/ vnd auch beynahe so viel Gold von sich gibet als es zuvorn werth ist gewesen: deßgleichen darff man den
Calcem Veneris
auch nicht wieder zu Kupffer schmeltzen/ sondern er ist zweymal so viel werth als ein ander gut Kupffer/ dann derselbe gar leichtlich/ ja in wenig stunden zu einem guten Kupffergruͤn kan bereytet werden/ welches ja auch 4. oder 6. mal so viel werth ist als das Kupffer gewesen; Deßgleichen darff man den gefaͤlten Silber-kalch also zart auch nicht ohne weitern nutzen schmeltzen/ sondern man kan denselben mit einem
liquore Sulphuris
oder
Antimonii
schmeltzen/ so wird er dardurch guͤldisch vnd verbessert. Deßgleichen ist auch der
Calx Solis
nicht vergeblich zu schmeltzen/ sondern auch noch nutzen darmit zu schaffen/ wann derselbe mit einem
Mercurio Saturni vel Lunæ amalgamirt
wid/ er ein zuwachs auß dem
Saturno \& Luna
erlanget/ sonsten ist es auch gut den Goldschmieden darmit zuverguͤlden/ vnd
den
Ander Theil.
den Mahlern/ wann jhme zuvorn sein glantz geben wird/ darmit zu mahlen oder schrei- ben; kommen also auß dieser Arbeit vielerley nutzen/ vnd wird so wol das Eysen vnd Kupffer als Gold vnd Silber dardurch verbessert/ oder werther gemacht/ als das es sonsten gewesen/ wann sie auf die bekante weiß durch das Fewer voneinander weren ge- scheyden worden.
Kan also auf diese weise nicht allein grosser nutzen geschafft weden das Gold vnd Silber auß den Ertzen vnd wilden Berg-arten zu ziehen/ oder die
Massa Metallorum
fuͤglich darmit voneinander zu scheyden/ sondern es bringt diese scheydung auch bessern nutzen als die bekante vnd gebraͤuchliche scheydung des Goldes vnd Silbers durch ein
aqua-fort,
da man erstlich das werck fein brennen/ vnd von allen zusatzen auf den Test reinigen/ vnd hernach erst mit dem
aqua-fort
das Silber solviren vnd von dem Golde scheyden muß/ wann dieses geschehen/ alsdann entweder das solvirte Silber mit Kupf- fer vnd Wasser faͤllen/ oder das
aqua-fort
davon abstrahiren/ davon nicht allein kein weiterer nutzen zuerwarten/ als blos das Gold von dem Silber gescheyden/ vnd die helffte des
aquæ-fortis
verlohren. Allhier aber wird das meyste theil
Aquæfortis
erhal- ten/ vnd darzu auch verbessert/ (wann Zinn oder Eysen) bey der
Massa
gewesen/ son- dern der
Crocus Martis
bezahlet das Wasser allein/ vnd ist das Gruͤnspan gewinn/ der Silber-kalch wird durch schmeltzen des
Antimonii
guͤldisch/ der Gold-kalck wird durch den
Saturnum \& Lunam augmentirt,
daß also der gewinn vier fach ist/ ausser de- me daß das Gold vom Silber dardurch gescheyden worden; dieses laß mir ein kuͤnstli- ches außziehen oder scheyden der Metallen seyn im nassen weg: Vnd wie dieses ein sehr vortheilhafftiger
Modus
die Metallen auß den Ertzen zuziehen/ vnd kuͤnstlich voneinan- der zu scheyden/ im nassen weg ist/ also kan es auch getahn werden im truckenen weg durch den guß/ wann nemblich die Ertze mit
Antimonio
oder Bley geschmoltzen/ vnd im- mer das eine Metall nach dem andern darauß gefaͤlt wird/ also daß man solche
Massam
gar nicht abtreiben/ vnd das fein gebrente mit dem Scheyd-wasser voneinander schey- den darff/ sondern wann alle Metallen in einem klumpen beysammen geschmoltzen we- ren/ so kan erstlich das Gold/ darnach das Silber/ vnd letztlich auch das Kupffer herauß gefaͤllt/ vnd durch das
Nitrum
fein vnd geschmeydig gemacht werden/ welches leicht vnd mit wenig muͤhe vnd kosten zuverꝛichten ist/ also daß so wol durch den nassen als truckenen weg/ durch huͤlffe des Salpeters alle Metallen sehr
Compendiosè
vnd ge- schwind voneinander zu scheyden. Gesetzet ich haͤtte in einer
Massa
Gold/ Silber/ Kupf- fer vnd Eysen beysammen/ vnd ich wolte dieselbe bald rein vnd fein haben/ so kan ich solche nur mit Schwefel zintern/ vnd mit
Satuno
das eine Metall nach dem andern herauß faͤllen/ vnd die Koͤnige
per Nitrum
fein machen/ welche
Massam
leichtlich in ei- nen tag mit 3. oder 4. Thaler vnkosten zu scheyden ist/ wann auch dieselbe hundert pfund schwer were; so man aber des schmeltzens vnd niederfaͤllens der Metallen keinen ver- stand haͤtte/ oder gute Tiegel vnd Ofen ermangelten/ so koͤnte man solche
Massam gra- nuliren,
vnd mit dem Salpeter-wasser aufloͤsen/ das Gold/ Silber vnd Kupffer beson-
G g g iij
der
Teutschlands Wohlfart
der her auß faͤllen/ vnd das Wasser von dem
Marte
abziehen/ so bezahlet der
Mars
das Wasser/ vnd der
Calx Veneris
die muͤhe/ vnd der zuwachs oder verbesserung/ so der
Calx Solis \& Lunæ
in der
reduction
erlangen/ geben den gewinn/ vnd wird also das Gold vnd Silber vmbsonst oder ohne kosten voneinander gescheyden/ so wol im nassen als auch in dem trucknen weg/ dann in dem trucknen weg durch den guß wird das Sil- ber eben so wol in der Arbeit oder durchgiessen mit dem
Antimonio gradirt
vnd guͤl- disch gemacht/ also/ wer wol darmit weiß uͤmbzugehen/ auß einem jedwedern gemeynen Silber/ das nicht guͤldisch ist/ durch diese Arbeit gut Gold kan gefaͤllet werden.
Dieses alles haben wir dem lieben Gott zu dancken/ daß er vns das liebe
Nitrum
hat wachsen lassen/ vnd noch mehr sollen wir jhme dancken/ vnd vns erfrewen/ daß er durch gute Leute (als seine Werckzeug oder Instrument) wie solches
Nitrum
auß vn- achtsamen dingen so haͤuffig zu zeugen/ der gantzen Welte vor augen legt vnd offenbahr machet.
Nun weiß ich gewiß/ daß ich mit dieser meiner vnterꝛichtung/ guter lehr vnd erin- nerung mir aufs newe viel Neyder vnd Feinde machen werde/ wann sie dieses lesen/ vnd nichts darauß verstehen oder lernen koͤnnen/ vnd vorgeben/ daß es keine warheit/ weilen sie von solcher kuͤnstlichen außziehung oder scheydung zuvorn noch nichts gehoͤret/ noch gesehen/ vnd ich auch so klar das werck nicht beschrieben/ daß es ein jedweder Farnerischer Esel alsobalden verstehen oder begreiffen kan/ solche boͤse Menschen (wann sie anders Menschen zu nennen seyn) muß ich so lang neyden lassen als es jhnen Gott zulaͤst. Alle dinge haben jhre zeit/ vnd nehmen einmal ein Ende/ also werden meine Feinde auch noch einmal durch die rechte hand Gottes gefaͤlt vnd gedaͤmpffet werden/ welches nicht aussen bleiben wird/ dessen ich versichert vnd getrost bin. Was fuͤr ein schaͤndeln haben doch die
Ignoranten
vnd
Idioten
uͤber mein Salpeter-zengung auß dem Holtz getrieben/ vnd treibens noch/ vnd haltens fuͤr eine Fabel. Es kan aber bey vnerfahrnen Menschen nicht wol anders seyn/ welche keine erkaͤntnus der Natur haben/ auch im geringsten nicht wis- sen/ was der kunst vnd Natur moͤglich oder nicht moͤglich sey: weilen es die gelegenheit vnd Materi mitbringt/ so kan ich nicht lassen etwas weiters als im Ersten Theil Teutsch- lands Wohlfart geschehen/ davon zu
discuriren,
In dem Ersten Theil dieses Buchs ha- be ich bey
Concentratione lignorum
geschrieben/ das auß allem Holtz durch eine beson- dere Presse ein Safft koͤnne außgeprest werden/ welcher Saffthernacher durch die Lufft vnd zeit zu einem guten Salpeter werden solle/ habe auch
rationes
beygesetzet/ wie daß es der kunst muͤglich dasselbige zuverꝛichten/ was sonsten die Natur wircket oder veꝛichtet; vnd daß der jenige Salpeter/ der sonsten allenthalben auß den Viehe-staͤllen gegraben wird/ anders nicht sey/ als ein
Sal Essentiale vegetabilium \& Animalium,
so durch die lange zeit/ vnd verborgene kraffte der Lufft vmbgekehrt vnd zu Salpeter verwandelt worden/ welches auch die
pure
lautere warheit ist/ vnd von keinem verstaͤndigen Men- schen kan wiederleget werden/ dann solches gar zu klar vnd offenbar ist/ daß es auch die Bawren wissen vnd verstehen/ ob schon mancher stoltzer Suppen fresser oder Schma-
rotzer
Ander Theil.
rotzer solches nicht begreiffen oder verstehen kan/ vnd nicht genug zuverwunderen/ das mancher der sonsten fuͤr viel-wissend wil gehalten seyn/ so gar nichts in Natuͤrlichen din- gen verstehet oder begreiffen kan. Es gienge noch alles wol hin/ wann sie schon dieses darfuͤr sie sich außgeben nicht verstunden/ wann sie nur das jenige nicht tadelten oder verachteten/ so an sich selbsten gut vnd mit der Natur vnd kunst uͤbereinkompt/ vnd auch die Bawren solches verstehen vnd mit haͤnden greiffen koͤnnen; Ich beruffe mich noch- mahlen dahin/ vnd sage/ was ich in dem Ersten Theil des Teutschlands Wohlfart von zeugung des Salpeters auß dem Holtz geschrieben/ die lautere vnwiederlegliche warheit sey/ welches die zeit genugsam offenbaren wird; daß aber mancher meynen moͤchte/ wann sie den Holtz-safft etliche tagen oder wochen in die Lufft gelegt/ alsobalden ein Salpeter darauß werden solte/ der fehlet weit/ vnd kan der Natur seine zeit nicht geben zu wircken; wuͤrde man einen Bawren nicht billiger-weiß einen Tuͤlpel vnd Esel nennen koͤnnen oder doͤrffen/ wann er sein Korn in die Erden gesaͤet/ vnd uͤber etliche tagen auf den Acker gienge zubesehen ob sein Korn noch nicht reyff vnd zeitig wehre? Aso auch in diesem werck zuverstehen/ dann alle ding seine zeit haben will/ so wol in zeugung der Animalien vnd Mineralien als Vegetabilien: Darf also keines weitern beweises: Ein jedwedere
gene- ration
muß jhre behoͤrliche zeit haben/ es sey auch worinn es wolle.
Daß nun mancher seinen kopff bemuͤhet die Preß zu finden/ deren ich in dem Er- sten Theil Teutschlands Wohlfart gedacht/ vnd doch nicht erfinden koͤnnen/ ist kein wun- der/ aber gleichwol die warheit/ daß ein solche Preß gar leichtlich zu machen/ dardurch taͤglich ein grosse Quantitaͤt Safft auß allem Holtz zu pressen/ es werde gleich glaubet oder nicht glaubet; dieweilen aber allbereyt einige solche Pressen bey mir gesehen/ vnd solche auch gemacht/ das Holtz darmit geprest/ vnd der Lufft zeitig zu machen vorgelegt/ so kan es so gar lang mehr nicht anstehen/ es muß sich die warheit endlich offenbahren/ vnd vor den Spoͤttern vnd
Ignoranten
sehen lassen; Ich habe vermeynt gehabt das werck gar verbluͤmbt beschrieben zu haben/ dennoch haben einige tiefsinnige Menschen nicht allein die Preß/ sondern auch die Circulir-gefaͤs meines nassen werckes ergruͤbelt/ die kunst beynahe von wort zu worten aufs Papier gesetzet/ vnd mir zugeschickt/ vnd ge- fragt ob es nicht auf solche oder solche weise zugehen muͤsse/ daruͤber ich mich verwundert habe/ weilen ich wol gewust/ das sie die geringste anleytung nicht gehabt/ als blos auß dem Ersten Theil Teutschlands Wohlfarts beschreibung; zweyffele auch nicht/ es wer- den sich deren noch mehr bemuͤhen durch fleissige
Speculationes
darhinden zu kommen. Klaͤrer habe ich nicht schreiben doͤrffen/ vmb der vndanckbaren boͤsen Welt willen/ dann immer so bald solche herꝛliche
Inventiones
in der Feinde als Freunden haͤnde gelangen koͤnten; der ohalben besser still geschwiegen/ als uͤbel geschrieben: Ich sage aber nochmah- len/ daß ein solche Preß bey mir zu finden/ vñ auch viel kuͤnstlicher vnd darzu vnkoͤstlicher als man glauben oder jhme eynbilden moͤchte/ vnd werden noch taͤglichs mehr vnd besse- re
Compendia
darzu erfunden/ also daß man hinfuͤhro obgedachter Pressen gar nicht mehr noͤtig hat/ das Holtz darmit zu pressen/ sondern es kan auch ein jedre eder
Vege-
tabile
Teutschlands Wohlfart
tabile
vnd
Animale
ohn einige muͤhe vnd arbeit ohne einiges Pressen vmbgekehrt/ vnd in kurtzer zeit zu gutem Salpeter verwandelt werden/ also daß man viel hundert Centner Salpeter durch eine einige Person/ auß lauterm Holtz/ Laub vnd Gras/ (da es wol zu- bekommen ist) zeugen kan/ doch nicht die Person/ sondern die Lufft die zeugung verꝛichtet/ die Person legt der Lufft nur das
Subjectum
dar/ darinn dieselbe wircken/ vnd auß dem
Subjecto
Salpeter machen kan/ mehrers wird auf dismal nicht gesagt. Man muß die Perlein nicht fuͤr die Schwein werffen/ vnd gar zu gemeyn machen.
Aber nichts mehr wundert mich/ daß die jetzige Welt so gar faul vnd verdossen ist/ der Natur heimlichkeiten zu erforschen/ so man allein die eygenschafft des wunderbar- lichen
Subjecti
des Salpeters recht erkante/ so doͤrffte man so vieler Buͤcher in
Alchy- mia
zu lesen nicht/ dann viel wunder dinge auß jhme zubringen. Kurtz oben habe ich ei- ner nassen vnd truckenen außziehung des Goldes/ Silbers vnd andern Metallen/ durch huͤlff des Salpeters zu thun gedacht/ wann das
Nitrum
sonsten zu nichts anders mehr nutz were/ so solte es jederman lieben/ vnd so viel muͤglich darnach trachten/ solches auß vnachtsamen dingen nicht allein in
copia
zu zeugen/ sondern auch mit nutzen wissen zu- gebrauchen.
Daß ich den Niederschlag/ so wol im nassen als trucknen weg des außzichens/ vnd voneinander scheydens der Metallen nicht so klar vnd offenbahr beschrieben vnd ge- meyn gemacht/ wolle mir niemand fuͤr uͤbel aufnehmen/ dann ich erhebliche vrsachen dar- zu habe/ solche herꝛliche
Inventiones
nicht gemeyn zu machen/ vnd einem jedwedern Esel auf die Nasen zu haͤngen: Es ist genug daß ich angezeigt/ daß solche dinge zu thun muͤg- lich seyn/ Es ist mir auch die Kunst gar nicht an das hertz gewachsen/ vnd werde dieselbe nicht mit mir vergraben lassen/ Gott hat sie mir geben daß ich andern darmit auch die- nen vnd helffen soll/ welches ich auch zu thun willig vnd bereyt bin/ ab er darumb nicht jederman ohne vnterscheyd/ sondern allein denen/ welche auffrichtige Liebhaber der wun- derwercken Gottes seyn/ vnd alles mit bescheydenheit zu gebrauchen wissen/ vnd nicht meinen Feinden newe Waffen dardurch in die haͤnde zu geben. Ich haͤtte wol von diesen dingen schweigen koͤnnen/ wuͤrde mir viel ruhe geschafft haben/ Es ist mir aber vnmuͤg- lich gewesen/ die wunderwercken Gottes zuverbergen/ daß sie nicht an des Tages-liecht/ Gott zu Ehren kommen solten; wann es so weit kompt das man glaubt vnd es auch thun kan/ was allhier in diesem 2. vnd folgenden 3. vnd 4. Theil beschrieben vnd gelehret wird/ alsdann werden alle Spoͤtter vnd Feinde der warheit vor der gantzen Welt schamroth stehen muͤssen/ vnd wird die vnverfaͤlschte
Alchymia
wiederumb gruͤnen/ vnd in Ehren floriren/ ehender gantz nicht/ dann der Salpeter muß der Meister seyn/ sagt
Paracelsus
in einem Capitel/ da er von dem
Sale Commune
schreibt vnd des Salpeters ruͤhmlich gedencket.
Es hat es auch
Basilius Valentinus
trewlich gethan/ werden aber wenig gefunden die jhn verstehen/ die Menschen woͤllen gar zu hoch hinauß mit jhrer Kunst/ vnd gehen der einfaͤltigen Natur gar nicht nach/ sondern jhren eygenen hoffaͤrtigen geitzigen vnd
Naͤr-
Ander Theil.
Naͤrꝛischen koͤpffen/ darumb bleibt das gute vor jhnen verborgen; Gott hasset was gros ist/ vnd groß seyn will/ vnd liebet was schlecht/ gerecht vnd einfaͤltig ist/ Gott hat sich nie- mahlen in pracht vnd hoffart sehen lassen/ sondern in gestalt eines schoͤnen Liechtes/ ei- nes Fewers/ eines nackenden Kindes gestalt an sich genommen/ seine herꝛlichkeit be- stehet in seiner grossen krafft vnd Majestaͤt vnd nicht im Eusserlichen ansehen: Wann der Salpeter dem Gold gleich anzusehen were/ alsdann wuͤrde jederman lust darzu ha- ben solchen zu machen/ weilen er aber auß dem faulen Mist vnd Koth außgezogen wird/ so kan er bey den Hoffaͤrtigen keinen platz finden/ wird nicht geachtet von den Narꝛen/ die Erfahrne aber lieben jhn nur desto mehr/ Ich ruͤhme mich nicht viel zu wissen/ dan- noch habe ich so viel erfahren/ daß in
rerum natura
kein
Subjectum
zu finden/ daß in warheit dem
Nitro
in herꝛlichkeit nur zuvergleichen/ wil geschweigen vorzuziehen seyn solte. Es gedulte sich der Kunstliebende noch etwas auf die 2. folgende Theilen dieses Buchs/ so wird man sehen vnd bekennen muͤssen/ daß was man zuvorn nicht geglaubt haͤtte; Ich will auch diesen 2. Theil desto kuͤrtzer machen/ auf das ich desto ehender zu dem dritten vnd 4. kommen moͤge/ darinnen/ (wans Gott gefaͤllig) dem Menschlichen ge- schlecht viel nuͤtzliche
Inventiones
sollen entdecket werden/ doch aber also/ wie es andere vor mir auch gethan/ vnd die Perlein nicht vor die Schweine geworffen werden/ dann man muß wissen/ daß es nicht rahtsam ist alle
Secreta
gantz offentlich zubeschreiben/ daß es ein jedweder Esel verstehen kan/ wuͤrde grosser mißbrauch darauß entstehen/ welches aber bey den vnwissenden vervrsacht einen vnglauben/ gleich als wann man nur Traͤume oder eytele Eynfaͤlle beschrieben/ welches ich vor meine Person nicht aͤn- dern kan/ wers nicht glauben will/ was allhier geschrieben/ der mag es bleiben lassen/ Es ist mir genug/ daß ich mein
Talentum
in warheit angelegt/ vnd auch alle meine Schriff- ten zu allen stunden wahr machen vnd beweisen kan/ wann es noͤtig ist ist auch den from- men vnd Ehrlichen Liebhabern gar nicht gewehret weitere
Information
bey mir zu su- chen/ doch nicht also/ das es mir zu schaden gereiche/ wie bey Farnern geschehen/ welches mir wol ein warnung seyn wird/ so bald keinem Menschen also leichtlich zu trawen/ ich habe dann zuvorn eine Maͤßte Saltz mit jhme aufgessen/ oder er habe solche
Testimonia
der Redlichkeit vnd frombkeit/ daß ich mich darmit
Contentiret
finde. Wolle sich dero- halben sich niemand vergeblich bemuͤhen an mich zu schreiben/ dieses oder jenes Stuͤck schrifftlich von mir zu begehren/ ich werde es gar nicht thun/ es were dann ein solche Person welche es vmb mich allbereyt verdienet/ oder noch in aufrichtigkeit gegen mich oder die meinigen verdienen wolte/ alsdann werde ich wissen was ich thun soll/ aber nim- mer so Naͤrꝛisch werden wie ich gewesen/ vnd jetzunder mit grossem schaden empfinden muß; Sonsten wolte ich nichts liebers sehen/ als daß jhrer viele das
Nitrum
zu zeugen sich vnterstunden/ alsdann were hoffnung daß die Edle vnd warhaffte
Alchymia
als ein Mutter aller freyen Kuͤnsten wieder erhoben/ vnd die Sophisterey vnd betriegerey vnterdruckt werden moͤchte/ welches ohne das
Nitrum
nimmermehr geschehen wird; (Ich rede aber allhier von der
particular
vnd nicht
Universal transmutation
der Me-
H h h
tallen)
Teutschlands Wolfahrt
tallen) zweyfele aber nicht es werden die Augen der blinden Welt einmal geoͤfnet/ das sie gewahr wird wie leichtlich der Salpeter auß allen Vegetabilischen dingen in
Copia
zu zeugen/ vnd wie groß vnd maͤchtig seine krafft vnd tugend in
Medicina
vnd
Alchy- mia
sey/ mehr wuͤnsche ich dismal nicht.
Auf das ich nun wieder zu meinem vorhaben komme/ vnd beweise vnd wahr ma- che/ daß grosse dinge durch den Salpeter in verbesserung der Mineralien koͤnnen zuwe- gen gebracht werden/ so ist es noͤtig das ich vor erst das jenige so allbereyt in diesem an- dern Theil geschrieben/ etwas klaͤrer mache/ vnd den vnwissenden vnd vnglaubigen vor Augen lege/ worin der nutzen bestehe/ davon allhier meldung geschicht.
Vnd anfaͤnglich von zeugung des Salpeters ist allbereyt genug geschrieben/ daß derselbe in grosser menge allein auß dem vnnuͤtzen Holtz/ Straͤuchen vnd Buͤschen/ die dem Land mehr schaͤdlich als nuͤtzlich seyn/ weilen sich die wilde Thier darinnen verber- gen/ vnd zu grossen schaden des Wilds aufhalten/ vnd kostet weiters nichts/ als allein in den Waͤlderen eine Huͤtten aufzubawen/ darunter das Holtz durch das Circulir-gefaͤß trucken stehen moͤge/ vnd kan ein einige Person ein grosses werck Regieren/ kostet nichts als blos die vnnuͤtze straͤuche oder hecken/ oder in manglung deren/ nur die abgefallene Blaͤtter der Baͤumen; so man aber ein Saltz darzu beygebrauchet/ so wird dasselbige durch huͤlffe des Holtzes auch zu Salpeter verwandlet/ vnd ist der nutzen desto groͤsser/ man darff eben kein Koch-saltz nehmen/ wann mans nicht gut kauf haben kan/ so mans aber in
copia
haben kan/ wie an vielen orten Teutschlands solches uͤberfluͤssig gefunden wird/ thut man wol daran/ so mans aber nicht hat/ so gibt das Holtz allein Salpeter ge- nug/ vnd darff man weiters keiner andern huͤlffe/ als das werck anstellen/ vnd die Na- tur dareyn wircken vnd zu Salpeter machen lassen. Gleich wie aber in gantz Teutsch- land des Holtzes nirgends mangel ist/ also gebricht auch kein Saltz/ findet man doch gantze Bergen voller Saltz/ welches vnmuͤglich zu
consumiren,
vnd sonderlich in dem Ertzstifft Saltzburg/ Tirol/ Churfuͤrstenthumb Baͤyeren/ Stift Berchts-Gaden/ daselbsten auch des Holtzes neben dem Saltz ein uͤberflus zu finden: Solte man nicht grosse schaͤtze vnd Reichthumben darauß machen koͤnnen? da ligt das Saltz/ da stehen grosse Wildnussen/ kommen keinen Menschen zu nutze/ O wie vnachtsame Menschen! wie wollen wirs einmal veraneworten/ das wir so haußgehalten haben? wehre es nicht Ruͤhmlicher/ daß man solche Schaͤtze zur Ehren Gottes gebrauchte/ als vnnuͤtzlich lie- gen zu lassen/ kostet es doch nicht viel anzustellen/ wodes Holtzes die fuͤlle ist/ kan man ja leicht in den Waͤldern eine Huͤtten aufbawen/ vnd wo grosse Waͤlder oder Holtzungen seyn/ da findet man auch die Mineralien/ so wol zeitig als vnzeitig/ die zeitige kunte man mit dem Holtz oder Kohlen außschmeltzen/ die vnzeitigen mit dem Salpeter figiren oder zeitig machen/ vnd hernach das Gold vnd Silber auch durch den Salpeter davon scheyden.
Ich frage nun/ ob das nicht dem Vatterland einen grossen Schatz vnd Reich- thumb bringen solte/ vnd wann gleich nicht ein jedweder Land einen uͤberfluß von Holtz
haͤtte/
Ander Theil.
haͤtte/ so ist aufs wenigste viel Gras vnd Strohe daselbsten/ welches eben so guten Sal- peter gibt/ als das Holtz/ vnd wann auch keine Mineralien in allen Laͤndern/ welche man durch den Salpeter zeitigen/ vnd Gold vnd Silber darauß ziehen koͤnte/ so werden sie doch in der Nachbarschafft gefunden/ vnd wann man auch die außgeschmeltzte Metallen darmit zeitigen solte/ wuͤrde man guten nutzen davon haben/ vnd wol besser thun/ als solche in den Haͤusern/ an die Waͤnde haͤncken/ selbige darmit zu zieren/ vnd Hoffart dar- mit zu treiben. Ein einige vntz Goldes ist besser wann der Feind koͤmpt/ als 1000. pfund Zinn oder Kupffer/ welches man muß liegen lassen/ das Gold aber man mit sich neh- men kan; von solcher
Concentration
dann im folgenden dritten Theil soll gelehret wer- den; vnd in dem 4. Theil/ wie auch das Gold vnd Silber zu
Concentriren,
das mans vor dem Feind verbergen/ vnd in einer andern gestalt mit sich nehmen/ oder an dem orth da es ist bewahren kan/ daß es der Feind nicht nimbt. Dann es koͤmpt der Feind/ biswei- len sehr ploͤtzlich vnd vnversehens eyngefallen/ also das niemand nichts verbergen/ oder auch mit sich nehmen kan. Ein jeder hat genug zu thun seinen eygenen Leib zu
salviren:
Was hilfft aber viel schreiben oder sagen/ die Welt ist nun so blind/ ja blinder/ vnd le- bet in groͤsserer vntugend/ vnd sicherer als bey Noach vnd Loths zeiten; die Diebe aber brechen am aller ersten eyn/ wann die Menschen schlaffen/ vnd nicht gute Wacht hal- ten; O du Edle vorsichtigkeit/ wo bistu doch hingekommen/ daß man dich in dem Vat- terland nicht spuͤret? Es geschicht aber nichts ohne vrsach/ Gott weis wol was er thun will. Er wahrnet vns ja genug/ wollen wir nicht zusehen/ so ist die schuld vnser; Last vns doch vnsere Nachtbarschafft das schoͤne Koͤnigreich Pohlen ansehen/ ist es nicht in ei- nem Jahr aufs Eusserste
ruinirt,
vnd so in kurtzer zeit den Barbarischen voͤlckeren zum Raub worden? Wo seynd die Menschen geblieben? die nicht durchs Schwert oder Pest vmbkommen/ haben die Moscowiter vnd Tartaren in harte dienstbarkeit hinweg ge- fuͤhret/ Ist deme nicht also? warumb lassen wirs vns nicht zu hertzen gehen/ vnd stellen vnser thun darnach/ daß vns ein solches schnell-lauffendes vnd verderbliches fewer nicht auch ertappe/ vnd in vnser sicherheit ergreiffe. Ist es nicht nahe genug bey vns? Ich meyne es koͤnte nicht naͤher seyn/ dannoch sind wir gutes muths/ stehen/ sehen zu vnd lachen/ weil vnsers Nachbahren Hauß brennet/ gedencken nicht daß ein einiger fliegender Funcke von dem Wint auf vnser Hauß getrieben/ selbiges auch anzuͤnden vnd verbrennen koͤnne. Bey Noach zeiten/ assen vnd truncken/ trauwten vnd liessen sich trauwen/ so lang bis jhnen das Wasser in das maul lieff/ da war es aber zu spaͤth uͤmbzukehren; Last vns doch dieses behertzigen/ vnd nicht so gar in den Wint schlagen/ Es moͤchte die zeit kommen/ daß vns vnsere hinlaͤsstgkeit gerewen moͤchte. Ich sage noch- malen/ wann wir nur das uͤberfluͤssige Holtz zu Salpeter machten/ vnd zu gut braͤch- ten/ so wuͤrden wir grosse Schaͤtze darmit samblen koͤnnen: Moͤchte mancher sagen/ was hlfft es vns/ wann wir schon hoͤren oder lesen/ daß man auß dem Hol Salpeter machen/ vnd mit dem Salpeter in
Metallicis
viel gutes außrichten kan/ vnd wird vns der
Mo- dus
solches zu thun vorgeschrieben? Denen geb ich zur antwort/ daß es mir nicht zuste-
H h h ij
het/
Teutschlands Wohlfart
het/ ohne vnterscheyd fuͤr jederman solche Kunst gemeyn zu machen/ Ich muß wissen an weme solche
Inventiones
kommen: Ich bin ja Erbietig den Freunden solches zu offen- bahren/ aber nicht den Feinden/ Es solte billich ein jedweder Vatter fuͤr sein Haußge- sind sorgen/ wie im fall der Noth selbe zu retten oder zu schuͤtzen/ ja auch ein jedweder Fuͤrst vnd Herꝛ seine Vnterthanen/ daruͤber er von Gott zum Schutz-Herꝛn gesetzet ist: wann er das nicht thut/ wird ers hernachmahlen verantworten muͤssen. Ich habe das meinige gethan/ Ein ander thue das seinige auch/ was ich habe/ das gebe ich/ mehrers kan ich nicht: Solte nicht mancher durch das außziehen der Metallen auß den Ertzen vnd Berg-arten/ wie auch
figiren
der fluͤchtigen Ertzen durch das Salpeter-wasser viel Gold vnd Silber erlangen koͤnnen/ sonderlich an denen orten/ da solche Berg-arten vnd Mineralien haͤuffig zu finden?
Vnd dienet solches Wasser nicht allein zum außziehen des Goldes vnd Silbers auß den Ertzen/ welche man sonsten durchs schmeltzen nicht herauß bringen kan/ sondern man kan auch mit nutzen die grosse Felsen/ kißling vnd gar arme Berg-arten darinn das Gold vnd Silber nur angeschlagen stehet/ vnd durch keinerley weiß mit schmeltzen et- was darauß zu bringen/ mit nutzen außziehen/ vnd zu gut machen/ das außziehen hat auch sein vortheil/ daß man zu einem Centner Ertz kaum 6. oder 8. pfund Wassers von- noͤthen hat/ das Silber oder Gold darmit außzuziehen/ vnd wann auch in 100. pfund schlicht nur 2. 3. 4. Loth Silber weren/ so koͤnten sie doch mit nutzen herauß gezogen wer- den/ vnd sonderlich diese welche Arsenicalisch oder noch fluͤchtig seyn/ vnd das starcke Fewer nicht ertragen koͤnnen/ sondern durch das geblaͤs vertrieben werden/ dann durch das außziehen mit dem Wasser wird das fluͤchtige zugleich figirt vnd gebunden/ daß es hernach das schmeltzen vertragen kan; daß deme also sey/ kan ein jedweder leichtlich Pro- biren. Er nehme nur ein
Arsenicum,
vñ solvire denselbigen in einem
aqua-fort,
ziehe das Wasser wieder davon/ so wird das
Arsenicum
also bald sich schmeltzen vnd gluͤen lassen/ das Quecksilber ist ja gar ein fluͤchtig Metall/ dennoch wann ein Salpeter-wasser zu etlichen mahlen davon abstrahirt ist/ wird es endlich fix/ daß es sich gluͤen laͤst. Ein Ziun ist sonsten ein weich/ fluͤssig vnd fluͤchtig Metall/ so man aber ein starck Wasser davon abstrahirt/ wird solches dardurch figirt/ das es gantz fix in dem groͤsten Fewer bestehen kan. Dann was ein Holtz oder Kohlen-fewer mit langer zeit thut/ das verꝛichtet das Salpeter-wasser in wenig stunden. Moͤchte nun mancher sagen/ wie kan das seyn/ wann die Berg-arten so arm seyn/ vnd dannoch mit 8. oder 10. pfund Wassers das Silber vnd Gold so darinn/ mit nutzen solten außzuziehen seyn/ es koͤnten ja die 8. oder 10. pfund Wassers 100. pfund Ertz kaum benetzen/ wuͤrden sich dareyn verkriechen vnd verliehren; der sol wissen das es gleichwol muͤglich/ was ich geschrieben/ das ist wahr/ ich kan es be- weisen vnd darthun; wie es aber gethan wird/ das ist vnnoͤtig gemeyn zu machen/ vnd liegt freylich der Haas daselbsten im Pfeffer begraben/ den nicht ein jedweder stracks herauß ziehen kan/ vnd wann schon durch das Wasser das Gold vnd Silber auß dem Ertz gezogen/ so ist erst die Kunst vonnoͤten wie das Gold vnd Silber rein darauß gefaͤlt/
vnd
Ander Theil.
vnd Corporalisch gemacht wird/ welches ich billig fuͤr die Freunde hinterhalte vnd be- wahre/ dann mit diesem stuͤck allein werde ich die alte Freundschafft bey vielen ernewe- ren/ vnd auch noch mehr andere newe Freunde machen: darumb mich niemand ver- dencken wird/ daß ich ein solch herꝛliche
Invention
nicht gemeyn mache/ vnd den Fein- den newe Waffen bereyte. Vnd wann ich schon solches nicht achten/ vnd gantz deutlich alles beschreiben wolte/ so wuͤrde ich mir doch eben so wol Feindschafft dardurch machen/ als wann ichs nicht thaͤte/ dann nicht muͤglich ist/ daß man den vnerfahrnen alles so klar vormahlen kan/ daß sie es stracks nachthun solten/ versuchen sie es vnd koͤnnens nicht treffen/ so fluchen vnd wuͤnschen sie daß der vnd dieser den Scribenten holen muͤch- te/ als wann er zu dunckel geschrieben/ vnd verachten das jenige/ daß doch lobens wuͤr- dig ist/ so man aber die muͤglichkeit nur zuverstehen gibt/ vnd kein
recipe
machet/ so thun sie keine verlohrne Arbeit/ vnd lassen jhr fluchen vnd wuͤnschen bleiben. Moͤchte nun jemand sagen oder fragen/ woher nehme ich solche Ertz vnd Berg arten/ darauß ich Gold vnd Silber ziehen kan/ wann dergleichen zu finden weren/ wuͤrden nicht da liegen/ vnd auf mich gewartet/ andere wuͤrdens vorlaͤngst hinweg geholt vnd zu gut gemacht ha- ben; darauf frage ich wieder/ wer die andere seyn die es vor dir solten weg-geholt ha- ben: Wissen sie nicht mehr als du/ vnd du nicht mehr als andere/ so thut jhr einander gar keinen schaden oder eyntrag in diesem Werck/ vnd kan einer so viel als der ander/ Meynestu daß deren so viel seyn/ welche die Metallische Natur recht verstehen? viel Schmeltzer gibt es wol/ finden sie nichts/ so lassen lassen sie es liegen vnd wissen weiters keinen rath mehr; Es wird bey manchen Ertz-schmeltzern mehr Silber in die Lufft gebla- sen als auf dem Herd bleibet/ das weiß ich wol/ vnd dennoch bilden jhnen solche Leute eyn/ viel zu wissen/ vnd daß sie keines Corꝛigirens vonnoͤten haͤtten; diesen will ich auch kein newes eynfuͤhren/ Ein jedweder mag sein Crtz so gut schmeltzen vnd scheyden/ als er weiß oder kan/ so er aber sich des lehrnens nicht schaͤmet/ so koͤnte manchem geholffen werden.
Meine meynung ist allhier dahin gerichtet/ denen mit einem guten stuͤcklein zu die- nen/ welche keine Ertz bawen noch ins grosse schmeltzen koͤnnen/ sondern gern in der stille sich mit diesen brocken oder abfall/ welchen die Schmeltzer nit zu nutzen bringen koͤnnen/ begnuͤgen lassen/ vnd auch ein ehrliches stuͤck Brod darmit erwerben koͤnnen/ denen ver- meyne ich darmit zu dienen/ die Reichen seynd vorhin satt/ haben genug/ vnd bedoͤrffen meiner lehr nicht/ der Arme aber ligt allenthalben huͤlff-los: Beruhet also die gantze Mei- sterschafft in dem außziehen/ wann wenig Wassers darzu gebraucht wird/ vnd bernach in der faͤllung der Metallen/ daß das Wasser gut bleibt/ vnd wieder zu gebrauchen ist. Der Armen Ertzen oder Berg arten findet man allenthalben genug die niemand achtet noch kennet. Man solte einen jedwedern Kießling/ Felsen/ Quartz oder Hand-stein an- sehen vnd wol betrachten/ wessen eygenschafft er sey: Es wirfft mancher Bawer einen Stein nach der Kuhe/ vnd ist der Stein mehr werth als die Kuhe. Ich hab zwar im Er- sten
T
h
eil meines
Operis Mineralis
vor diesem gelehret/ wie man durch den
Spiritum
H h h iij
Salis
Teutschlands Wohlfart
Salis
das Gold auß dem Kießlingstein ziehen koͤnne/ aber bishero jhrer wenige etwas darinn gethan haben/ theils daß sie den
Spiritum Salis
nicht haben machen koͤnnen/ theils denselben nicht wieder von dem abgezogenen Gold zu bringen gewust/ auch keinen bescheyd gehabt/ den außgezogenen
Calcem Solis
durchs
Antimonium
zu giessen/ wel- ches ich bekenne/ das nicht jederman solches thun kan. Dieses außziehen aber mit dem Salpeter-wasser/ zeucht auch das Silber auß/ vnd wann dasselbe darauß gefaͤlt/ her- nacher das Wasser wieder gut ist zugebrauchen/ vnd ist dieses außziehen gegen jenes zu- vergleichen/ wie schwartz vnd weiß/ oder nacht gegen tag zuhalten: darumb sage ich es wol werth zu lernen ist/ dann in Nothzeiten solches wissen viel nutzen schaffen kan/ das ist ein gutes pfand welches seinen Herꝛen loͤset/ sagt das sprichwort. Man traͤgt nicht schwer an der Kunst/ sondern sie traͤgt den Menschen/ vnd macht solchen leicht vnd froͤlich/ dann man kan vnd darff sich darauff verlassen/ sie ist besser als Gold vnd Edelgestein/ die man verlieren kan/ die Kunst aber haͤlt vnd bleibt in das Grab hineyn/ vnd belohnet seinen Herꝛn reichlich. Es dient auch diese scheydung auß allem Silber Gold zu scheyden/ wann es schon gar nicht verguͤldet ist/ dann alles Silber Gold fuͤhret/ welches ein jedweder nicht darauß zu scheyden weiß/ wie wol manchen bekant/ das ein Silber Gold haͤlt/ wann es aber so viel nicht haͤlt daß es die kosten bezahlen kan/ so bleibt es darinnen/ vnd wird nirgends kein Gold vnd Silber gescheyden/ als bey dem verguͤldten Silber/ so es daran hangende gesehen wird: Ander Silber wann es schon viel Gold haͤlt/ wird nicht gescheyden/ da doch bisweilen grosser nutzen darauß koͤnte gemacht werden. Ich muß aber bekennen/ daß das gemeyne vnd bekante scheyden des Goldes von dem Silber sehr muͤhsam faͤlt/ vnd auch die scheyd-kosten nicht ertragen kan/ wann nicht viel Gold in dem Silber ist; dieses mein scheyden aber ist gar leicht vnd vnkoͤstlich/ derohalben auf alles Silber mit nutzen zugebrauchen ist/ wie wenig Gold auch darinnen seyn solte. Auf daß mans aber desto besser verstehen oder begreiffen moͤge/ so dient dieser beweiß. Wann durch ein
aqua-fort
das Gold von dem Silber soll gescheyden werden/ so muß dasselbe erstlich mit Bley auf dem Test fein gebrant werden. Zu welcher fein-brennung erstlich der Teste/ Fewer/ das zugehoͤrige Bley/ die muͤhe vnd zeit muß angelegt werden/ vnd wann alles gethan so ist das Bley mit dem Kupffer so bey dem Silber gewesen in den Test gekrochen/ vnd gleichsam verlohren/ darzu hat das Kupffer ein theil von dem Silber mit sich in den Test geschleppet; obwolen nun mit starckem geblaͤs die Testen wieder zu schmeltzen/ vnd ein theil des Bleyes/ Kupffer vnd Silbers so hineyn gangen wieder zuerlangen/ so kostet doch ein solches schmeltzen bald so viel als die Metallen werth seyn/ so darauß kommen/ derohalben muͤhesam vnd kostbar/ vnd wann alles dieses ge- schehen vnd das Silber fein gebrand worden/ so muͤssen sie dasselbige
granuliren,
ist wie- der newer kosten/ darnach koͤnnen sie es scheyden mit dem
aqua-fort,
wann es dann ge- scheyden/ wird es zusammen geschmoltzen. Aller dieser arbeit hat man bey meiner schey- dung gar nicht noͤtig/ vnd wird viel muͤhe/ arbeit/ kosten vnd zeit ersparet vnd gewonnen Dann wann ich Silber scheyden will/ es halte gleich viel oder wenig Gold/ w
ann
es
auch
Ander Theil.
auch schon gar nicht verguͤldt ist/ so schneyde ich solches mit einer Scheer zu stuͤcken fin- gers breyte vnd laͤngte/ also daß ichs in das Scheydglas bringen kan/ gluͤhe dasselbige ge- linde auß/ auf das der schmutz verbrennen vnd das Scheyd-wasser angreiffen moͤge. Giesse das Wasser darauf/ vnd laß Silber/ Gold vnd Kupffer solviren; darnach faͤlle ich das Gold darauß/ vnd hernach auch das Silber/ endlich auch das Kupffer/ welche arbeit vom anfang bis zum ende innerhalb 3. oder 4. stunden geschehen kan/ vnd kostet mehr nichts als das Wasser/ vnd ein wenig Fewer das Wasser warm zu halten daß es das Silber desto lieber angreiffe vnd solvire. Wann nun die Metallen vonein ander ge- scheyden vnd abgesuͤßt/ so werden sie geschmoltzen/ darauß nun ein jedweder sehen kan was fuͤr ein grosser vnterscheyd seye zwischen dem meynigen vnd dem gemeynen bekan- ten scheyden der Metallen vnd nassen weg. Wann nun hier vnd dort/ einer sich vnter- stunde diese scheydung anzustellen/ er wuͤrde grossen nutzen vnd reichthumb darmit er- werben koͤnnen/ dann jhme kein anderer darinn wuͤrde vorkommen; vnd nicht allein mit dem verguͤldem/ sondern auch allen andern vnverguͤldem Silber/ er allenthalben grossen nutzen schaffen koͤnte/ dann kein Staͤttlein so klein ist es gibt einen Silberschmied darinnen/ welcher das alte Silber aufkaufft/ vnd auf seine weise scheydet/ welche aber sehr muͤhesam vnd kostbahr ist; derowegen er viel lieber sein Silber einen andern wuͤrde scheyden lassen/ vnd die muͤhe vnd kosten erspahren/ wann jemand sich darzu wuͤrde fin- den lassen; vnd weilen alles Kupffer ein verborgen Gold fuͤhret/ vnd das Kupffer bey meiner scheydung nicht hindert/ sondern mit dem Silber auf-solviret wird/ so gibt es auch allezeit seinen zuwachs an Gold mit dar/ vnd macht den gewinn desto groͤsser/ vnd noch groͤsserer gewinn darbey ist/ wann man dem satz dz Scheydwasser zu machen einige
species
zusetzet/ welche das Wasser guͤldisch machen; als da ist Calmey/ Zinck/ Eysen vnd Kupffer-Ertze/ so erlangt man ein solches Wasser/ daß von sich selber guͤldisch/ vnd in dem scheyden sein fluͤchtig Gold dem Silber gern folgen laͤst/ vnd davon Corporalisch wird/ also daß auch solches Silber welches allbereyt einmal gescheyden vnd geschmoltzen/ aufs new wieder Gold in dem scheyden geben wuͤrde/ wañ es mit einem solchen Scheyd- wasser solviret/ daß von gradirenden
speciebus
ist bereytet worden. Gleich wie nun die- ses außziehen im nassen weg durch das Salpeter-wasser ein herꝛllche vnd nutzenbrin- gende Kimst ist/ dardurch viel tausendt jhre Nahrung haben koͤnnen/ vnd doch keiner dem andern schaden dardurch zufuͤget/ oder in seiner Nahrung eintrag thut/ eben ein solche außziehung oder scheydung kan auch gethan werden im truckenen weg/ wann nemblich die fluͤchtige Antimonialische Ertze/ (sie halten gleich Gold/ Silber/ Kupffer/ Eysen/ Zinn oder welche Metallen sie wollen) mit 2. 3. oder 4. mal so viel
Antimonii
im Tiegel geschmoltzen/ vnd mit dem Eysen zu Koͤnigen gefaͤlt/ so erlangt man alles so in dem Ertz gut gewesen/ vndem jedes Metall besonder/ dann wann das
Antimonium
auß dem Ertz die Metallen gezogen hat/ so faͤllet man erstlich das Gold/ darnach das Silber/ vnd letzlich auch das Kupffer herauß/ mit gar geringem kosten vnd muͤhe/ also das man in einem Tag viel pfund Gold vnd Silber auß den Ertzen auf solche weise zie-
hen
Teutschlands Wohlfart
hen koͤnte mit kleinen Fewer/ dann das
Antimonium penetrirt
das Ertz wie ein Was- ser/ vnd solvirt das gute darinn/ vnd stoßt das jrdisch von sich/ vnd macht schlacken dar- anß/ das Metall aber laͤst er in der
præcipitation
fallen in Metallischer gestalt/ welches man durch den Salpeter abtreiben oder rein machen muß/ vnd wann man kein
Anti- monium
zu diesem werck haben kan/ so kan der gemeyne
Sulphur
solches auch thun/ wann nemblich das gemalen Ertz darmit vermischet/ vnd in einem verdeckten Tiegel ge- schmoltzen/ vnd mit Eysen
præcipitirt,
so faͤlt das gute Metall auch in Koͤnige/ vnd der Schwefel bleibt bey den schlacken/ es erfordert aber diese arbeit einen geuͤbten Schmeltzer/ welcher mit der
præcipitation
vmbzugehen weiß/ sonsten wird er nicht zu recht kommen.
NB.
Dieses ist von solchen Ertzen oder Berg-arten zuverstehen/ welche Antimo- nialisch/ Arsenicalisch/ Koboltisch/ Kiesich oder Sulphurisch seyn/ da greifft das
Anti- monium
vnd
Sulphur
gern an/ vnd solvirt im schmeltzen; Andere Ertze oder Berg-arten/ welche viel Berg-sandt oder stein fuͤhren/ die lassen sie wol vnangetast/ als da sind die Granaten/ Talcken vnd jhres gleichen/ wie dann auch im nassen weg das Salpeter- wasser nicht alle Ertze angreifft/ vnd das Gold vnd Silber darauß ziehet/ sonderlich greifft das Wasser diese nicht an/ die sehr Schwefelhaltig seyn/ es sey dann daß man den Schwefel zuvorn darvon roͤste/ alsdann greift hernach das Wasser an/ vnd ziehet die Metallen herauß/ vnd sonsten gar nicht/ auch greift daß Wasser nicht an die Granaten/ vnd andere Ertz oder Berg-arten/ welche im aͤusserlichen ansehen glatt vnd glasicht seyn. Darumb solche mit der grossen gewalt des Fewers muͤssen bezwungen vnd uͤber- waͤltiget werden. Es seynd auch etliche Ertz vnd Berg-arten die weder in das Bley noch
Antimonium
gehen/ vnd das jhrige von sich geben/ sich ansieden vnd Capelliren lassen/ sondern seynd vnd bleiben glas vnd schlacken/ es sey dann dz man mit einem groͤssern vnd starckern geblaͤs dieselbe uͤbermanne/ alsdann lassen sie jhr Gold vnd Silber fallen/ die- se aber kan man auch zwingen/ wann man jhnen im schmeltzen ein Pott-aschen oder Saltz von Weinhefen oder Holtz-aschen gemacht zusetzet vnd schmeltzet/ so geben sie sich auch/ dann die fixe
Salia solviren
im guß alle steinichte Glas-artige Ertz vnd schlacken/ welches kein Fewer sonsten thun kan/ gehoͤrt aber hieher nicht/ sondern in dem folgenden 3. Theil dieses Buchs/ ist allhier allein davon meldung gethan worden/ den vnterscheyd der Ertze vnd Berg-arten dardurch zuerkeñen geben/ dañ wann vngefehr einem ein sol- ches Ertz vnterhanden kaͤme/ vnd weder mit dem
Antimonio
oder Salpeter-wasser das Metall darauß ziehen koͤnte/ er nicht gedencken muͤsse/ als wann das Ertz nichts hielte/ oder nicht recht darmit vmbgangen were/ sondern des Ertzes Eygenschafft vrsach ange- wesen/ gleich wie nun die Sulphurische Ertze am liebsten sich außziehen lassen im guß durch den
Antimonium,
die steinichte aber nicht also/ auch ziehet das Salpeter-wasser die steinichte lieber auß als die Sulphurische/ doch so der
Sulphur
davon geroͤstet wird zieht das Wasser auch auß/ aber doch lieber die angeflogene oder eyngesprengte Quartzi- ge/ sandichte Arme Ertze die sonsten weder durchs schmeltzen noch durch den
Mercur.
mit nutzen außzuziehen: auf daß man aber nimmer fehle/ so ist es gut das man die zween
wege
Ander Theil.
wege wisse/ so wol diesen im guß/ als den nassen mit dem Wasser/ vnd sind beyde sehr gut/ vnd nuͤtzlich auf die Ertze zugebrauchen/ vnd nicht allein auf die Ertze/ welche man nicht allenthalben haben kan/ sondern es seynd beyde wege gar gut zugebrauchen in scheydung der Metallischen Mixturen/ es kommen gleich solche Mixturen auß den geschmoltzen Ertzen/ oder durch vngluͤcklichen brandt der Haͤuser/ oder sonsten auß vn- wissenheit Gold vnd Silber vnter Kupffer/ Zinn/ Eysen vnd Bley/ so koͤnnen sie auff diese beyde weisen leichtlich voneinander gescheyden werden/ daß keines von allen ver- lohren gehet; die alten haben das Silber vnd Gold von dem Kupffer nicht zu scheyden oder seygern gewust/ wie die jetzigen schmeltzer/ sonder haben dasselbige mit verarbeytet/ Stuͤcke vnd Klocken darauß gossen/ deßgleichen haben sie auch das scheyden mit dem
aqua-fort
nicht so viel gebraucht als jetzimder geschicht/ wann schon in einer marck Sil- ber eines Ducaten Goldes gewesen/ haben sie doch solches nicht herauß geschieden/ son- dern darmit vermuͤntzet/ welches die alte Muͤntzen außweisen/ dann fast alles Silber et- was Gold fuͤhret; vnd weilen die alten des scheydens nicht wol erfahren gewesen/ ist al- les Silber guͤldisch vermuͤntzet oder verarbeytet worden/ es habens aber die Juͤngere seithero gewahr worden/ vnd alle Muͤntzen aufkaufft/ geschieden vnd viel nutzen davon gehabt/ dann man in gantz Teutschland nicht ein einigen Alten Thaler/ Schreckenber- ger/ Groschen/ Kreutzer/ bis auf den geringsten pfenning oder heller zu/ mehr finden oder sehen wird/ seynd allzumal aufgewechselt/ vnd das Gold davon gescheyden worden/ man findet aber noch allenthalben Silber genug dessen die Marck ⅛ oder auch wol ¼ eines Ducaten Golds fuͤhret/ so wol in Muͤntzen als in geschmeidt/ davon weilen das gemey- ne scheyden durch das
aqua fort
zu hoch kompt/ vnd die geringe quantitaͤt des Goldes so darinn ist die Scheyd-kosten nicht tragen kan/ welches aber gleicherweiß durch diesen nassen vnd trucknen Weg mit nutzen herauß zu scheyden ist/ wann auch schon noch we- niger als der ⅛ theil eines Ducaten in der Marck Silber were. Es halten auch alle Klocken viel Silber vnd Gold/ dann wie gesagt die alten das Gold vnd Silber gar nicht von dem Kupffer geseygert haben/ vnd ist das alte Zinn auch sehr Gold-vnd Sil- ber-reich gewesen/ so mit dem Kupffer zu Klocken vnd Stuͤcken ist verschmeltzet worden/ welches jhrer viel wissen/ daß Gold vnd Silber darinnen ist/ her auß zubringen aber wis- sen sie es jetzo nicht/ dann wegen des Zinns laͤst sich das Kupffer nicht wol abtreiben/ vnd viel weniger seygern/ vnd noch weniger mit
aqua-forti
scheyden/ auf diese meine weise aber/ so wol im nassen als trucknen weg/ solches mit grossem nutzen zu thun ist; derohal- ben der jenige welcher diese wissenschaft hat/ es sey gleich durch den guß mit dem
Anti- monio,
oder mit dem Wasser/ kan bey den alten zerbrochen Glocken viel nutzen schaffen/ vnd wann er auch gantze kauffen solte/ das Gold vnd Silber darauß zu ziehen/ so wuͤr- de er dennoch gar guten gewinn haben/ vnd hernacher wann das Gold vnd Silber her- auß gezogen/ wieder andere davon giessen koͤnnen lassen; in den Klocken ist nicht allein das jenige Gold vnd Silber/ so in dem Kupffer vnd Zinn gewesen/ davon sie gegossen
s
eyn/ sondern die alten haben den gebrauch gehabt/ wann sie eine newe Klocken haben
I i i
giessen
Teutschlands Wohlfart
giessen wollen/ Gevattern/ Compers oder Zeugen daruͤber gebeten welche der Klocken einen Namen geben ehe dieselbe getaufft/ gleich wie es in Tauffnung der kleinen Kin- dern jetzunder noch in Christenthumb gebraͤuchlich/ daß der Gevatter seinen Paten dar- uͤber er stehet/ einen Gedaͤchtnis-pfennung eynbindet/ also haben die Alten in Tauffung der Klocken einige stuͤck Gold vnd Silber/ wann sie noch in dem Ofen zerflossen gestan- den/ geworffen/ darmit anzuzeigen/ die liebe die sie darzu haͤtten/ auch daß dieselbige im guß desto besser gerahten/ vnd desto heller klingen solten; darumb sage ich daß auß den alten Klocken etwas zu suchen ist/ dann sie seynd nimmer ohne Gold vnd Silber.
Da sihet der guͤnstiger Leser was fuͤr nutzen mit dieser außziehung vnd faͤllung des Goldes vnd Silbers/ so wol im nassen als trucknen wege durch den Salpeter zuverꝛich- ten/ nicht allein in Ertzten vnd Berg-arten/ sondern auch in Metallischen Mixturen/ da sonsten gar nichts außzubringen ist. Wer wolte den Salpeter nicht lieb haben? sel- bigen haͤuffig zeugen/ vnd nutzen darmit schaffen/ wann man weiß daß so viel gutes in
Metallicis
vnd
Medicina
mit jhme außzurichten? Ich thue das meynige/ vnd erbie- te mich alles guten/ wird es nicht angenommen/ so habe ich keine schuld darinn/ Eines Menschen leben ist viel zu kurtz alles zu beschreiben/ was gutes mit dem Salpeter zuver- richten/ vnd were auch nicht gut daß es viel wuͤsten/ die Welt ist zu Gottloß vnd Teuff- lisch/ da kein trew vnd glauben mehr gilt/ vnd nichts als alles boͤse in dem schwang gehet/ es kan aber nicht lang mehr bestehen/ Gott behuͤte die seinigen. Ich habe zwar vorge- nommen gehabt noch viel schoͤne vnd nuͤtzliche Secreten in diesem 2. Theil des Vatter- landes Wohlfarts/ so durch den Salpeter zuverꝛichten/ her auß zugeben/ weilen ich aber sehe vnd spuͤre/ daß kein danck darbey zu haben/ vnd die jenigen so dem Vatterlandt schaͤdlich seyn/ angenehmer als diese so es wol meynen/ so breche ich desto kuͤrtzer ab; Laß vns sehen ob die Gottlose gegen mich zusammen geschworne Teufflische vnd Moͤrde- rische gesellschafft ein bessers herauß geben werde? Ich habe das meine gethan/ vnd wer- de noch ein mehrers thun wann mir Gott das leben laͤst/ erkent es die boͤse Welt nicht/ so wird es hernachmal Gott erkennen/ dann er kein boͤses vngestraft vnd kein gutes wird vnbelohnt lassen/ dessen ich mich getroͤste.
Weilen nun allhier des faͤllens oder pr
æ
cipitirens der Metallen vnd Minera- lien gedacht worden/ so sihe ichs fuͤr gut an/ die vrsach solcher faͤllung anzuzeigen/ auf daß der Kunst-liebende desto besser fundament in dieser sach erlange. Wann etwas soll ge- scheyden werden/ so muß es gebunden seyn/ sonsten bedoͤrffte es keines scheydens oder losmachens/ dieweilen dann ein Metall das ander bindet/ so koͤnnen sie nicht wieder voneinander gebracht werden/ als durch zerꝛeissung oder zerstoͤrung der banden darmit sie gebunden vnd einander eynverleibet seyn/ welche zerstoͤrung durch das Fewer gesche- hen muß/ so wol im trucknen als nassen Weg/ im trucknen kan das Kupffer/ Zinn/ Ey- sen/ Bley von Gold vnd Silber geschieden werden/ wann dieselbe beysammen auff ei- nen Test treiben/ so arbeitet der
Sulphur, superfluum vel Comburens
bey den vnvoll- kommenen Metallen in sich selber/ vnd macht seyn eygen Metall oder
Corpus
zu schla-
cken;
Ander Theil.
cken; weilen dann viel Bley darbey ist/ so ist solcher schlacken fluͤssig/ vnd kreucht allge- mach (so viel zu schlacken wird) in die luͤcke Testen oder Herden/ das Gold vnd Sil- ber aber/ welche keinen
Sulphur superfluum
haben/ bleiben gewaschen schoͤn hell vnd klar vnverletzt auf dem Test stehen. Dieses ist nun eine scheydung des guten von dem boͤsen/ oder verbrenlichen von dem vnverbrenlichen/ bloß vnd allein durch das Fewer/ dardurch die vnvollkommene Metallen durch huͤlffe des Bleyes zu weichen schlacken werden/ vnd in die Capellen eynkriechen/ vnd also von den perfecten Coͤrpern gescheyden werden/ welches gar leichtlich geschicht/ vnd allenthalben bekant/ vnd gemeyn ist/ vnd von den schmeltzern abtreiben genant wird.
In dieser scheydung aber werden nur die vnvollkommene Metallen von den voll- kommenen gescheyden/ Gold vnd Silber aber bleiben beysamen/ vnd wann solche auch voneinander sollen gescheyden werden/ so muß das eine von dem andern mit einem star- cken Salpeter-wasser aufgeloͤst vnd gescheyden werden; Ist es Silbers mehr als des Goldes/ so solvirt man das Silber mit gemeynem
aqua-fort
von Salpeter vnd
Vitriol
bereytet/ so bleibt das Gold liegen/ welches scheyden dann bey allen Berg-leuten/ Muͤn- tzern vnd Gold-schmieden gar gemeyn vnd bekant ist; Ist des Goldes aber mehr als des Silbers/ so solviren sie das Gold mit
Aqua Regis,
so bleibt das Silber liegen/
Aqua- Regis
ist auch nichts anders als ein starckes Salpeter-wasser/ darinnen ein
Salarmo- niacum
solvirt ist/ dann gemeyn oder eynfach Salpeter-wasser solvirt allein das Silber/ vnd laͤst das Gold liegen/ ein
Aqua-Regis
aber solvirt allein Gold vnd laͤst das Silber liegen/ koͤnnen sie aber mit dem
Aqua-Regis
nicht vmbgehen/ so setzen sie dem Gold so viel Silber zu im schmeltzen/ daß des Silbers dreymal so viel ist als des Goldes/ vnd scheydens alsdann durch das Scheyd-wasser/ welches sie die quart nennen. Noch ein ander scheydung ist bekant die durch die
Cementa
geschicht/ wann nemblich vnterschied- liche Metallen beysammen seyn/ solche mit
Vitriol,
Saltz vnd Ziegelstein/ wann sie ein lage vmb die andere im Tiegel jhre gewisse zeit in stetter gluth beyeinander stehen/ so zie- het das Saltz vnd
Vitriol
die vnvollkommene Metallen zu sich/ vnd laͤst das persecteste/ nemblich das Gold allein liegen/ das Silber zieht das
Cement
auch an sich/ gleich wie das Eysen/ Kupffer vnd Bley/ dieses scheyden aber wird allein auff vnrein Gold gebrauchet/ solches gantz fein zu machen. Noch ein ander scheydung geschicht durch den
Antimonium,
vnd auch nur auf vnrein Gold solches von seinen zusatzen rein zu ma- chen; wieder ein ander scheydung geschicht durch den guß/ wann nemblich Metallische Mixturen da Gold/ Silber/ Kupffer/ Eysen/ Zinn vnd Bley beysammen were/ vnd man solches voneinander scheyden wolte/ so wird die Metallische Mixtur granulirt/ mit Schwefel gezintert/ vnd das gezintert im Tiegel geschmoltzen/ vnd alsdann durch nieder- schlaͤge
per
Eysen
vel
Bley immer das eine Metall nach dem andern gefaͤllet/ welche arbeit meines wissens von wenigen gethan wird/ auß vrsachen/ weilen sie die Natur nicht verstehen/ vnd keine vrsach wissen/ warumb daß eine Metall ehender oder lieber als das andere auß der Mixtur oder Metallischer
Massa
sich scheydet vnd zu bodem faͤllet.
I i i ij
Auf
Teutschlands Wohlfart
Auf das aber der Kunstliebende etwas nachricht darvon habe/ vnd vrsach bekom- me der sachen weiter nachzudencken/ vnd diese herꝛliche vnd nuͤtzliche kunst lieb bekom- me/ so wil ich die vrsach dieser faͤllung anzeigen.
Es ist bekant genug/ daß gleich feines gleichen liebe/ vnd sein vngleiches hasse/ oͤhl mischet sich gern mit oͤhl/ vnd Wasser mischet sich gern mit Wasser/ vnd ohne
Medium
nicht mit oͤhl/ wann dann das eine Metall einer andern Natur ist als ein anders/ so lie- ben die gleichen einander/ vnd die vngleichen hassen einander/ wann dann vnterschied- liche Metallen beysammen seyn/ vnd man eine scheydung machen will/ so muß solches durch einen solchen zusatz geschehen/ der die vnvollkommene theilen liebe/ vnd die voll- kommene theilen hasset/ als zum Eyempel: der Schwefel liebet alle Metallen ausser dem Golde/ welches er hasset/ doch liebet er auch das eine vnvollkommene Metall mehr als das ander/ dann je mehr sie seines gleichen/ vnd je vnvollkommer dieselbe seyn/ je lieber er solche hat/ vnd im wiedrigen haßt er solche; wann nun der Schwefel durch zintern in die
Massam
gebracht wird/ so schewen sich die Edelste theilen/ vnd wolten gern auß der vnvollkommen vnd vnreinen gesellschafft seyn/ koͤnnen aber ohne huͤlff sich nicht herauß wickeln/ wann aber der Sulphurischen
Massa
ein ander Sulphurisch oder vnvollkom- men Metall beygesetzet wird/ so greifft der Sulphur in dasselbige/ vnd laͤst den perfectern theil fallen/ doch so rein nicht daß er nicht einer weiteren reinigung bedoͤrffte/ wie solches in der
explication
uͤber mein
Miraculum Mundi
weiters zu sehen/ dieses wird niederge- schlagen oder
præcipitirt
genant/ wann nemblich das bessere theil von dem geringern auß einer Mixtur gefaͤllet oder gescheyden wird.
Gleicher weise hat es eine beschaffenheit mit dem faͤllen oder scheyden in dem nas- sen weg/ wann nemblich etliche Metallen oder alle beysammen in ein Wasser aufgeloͤft weren/ man immer das eine nach dem andern/ als das Edelste vnd perfecteste mit erst faͤllen/ vnd hernach das 2. 3. vnd sortan/ bis alle darauß gefaͤlt seyn/ diese herꝛliche vnd noch gantz vnbekante schoͤne
Invention
ist die jenige/ darmit ich meinen frenuden zu die- nen verhoffe. Ich haͤtte die Kunst gern etwas klaͤrer allhier herauß geben/ befinde es aber mehr schaͤdlich als nuͤtzlich; In deme meine Feinde/ verꝛaͤther vnd veraͤchter der Kunst solche zugleich mit erlangten/ welche sie doch nicht wuͤrdig seyn/ vnd billig sorg getragen wird daß sie vnter solche Gottlose Schwein nicht komme; wer dieses niederschlags ei- nen rechten verstandt hat/ der kan guten Nutzen schaffen/ so er aber auß gewonheit ein solche arbeit nur hinweg thut/ vnd die vrsach nicht versteht/ warumb dieses oder jenes geschehe/ der arbeitet wie ein Esel im sack tragen/ dann er nicht weiß was darinn ist/ oder wohin er solchen tragen muß/ darumb ich noch ein klaͤrer
Informatio
thun will: Das Eysen schlaͤget nieder oder
præcipitirt
das Kupffer auß der trucken vnd nassen
Solution,
das Kupffer faͤllet das Silber so wol in der nassen als trucknen
Solution,
der
Mercurius
faͤlt das Gold am liebsten/ vnd wiewol das Kupffer/ das Eysen/ Zinn vnd Bley/ das Gold vnd Silber auch faͤllen/ so hat doch ein jedes Metall seine eyge- ne faͤllung/ vnd uͤber das gehen die Salinische faͤllungen uͤber die Metallische/ vnd koͤn-
nen
Ander Theil.
nen alle Metallen darmit
præcipitirt
oder niederschlagen werden/ welches bis dato noch geheim geblieben ist/ vnd faͤllet nicht allein das eine Metall das ander/ sondern es verwandelt auch das eine das andere. Zum Exempel: Ich lege Kupffer-hlech in ein
Solutionem Lunæ,
sie seyn gleich trucken oder naß solvirt/ so schlaͤgt sich das Silber zwar an dem Kupffer nieder/ wann man aber guten verstandt davon hat/ so
gradirt
das Silber in dem faͤllen darneben auch etwas von dem Kupffer in Silber/ vnd kompt mehr Silber herauß als in der
Solution
gewesen/ deßgleichen wann ich
per Martem
das Kupffer auß einer
Solution Veneris
faͤlle/ so schlaͤgt sich zwar das Kupffer an dem Eysen nieder/ es
gradirt
sich aber auch ein theil Eysen in Kupffer in der faͤllung/ wel- ches die oͤfftere erfahrungen bezeugen/ vnd niemand solches in warheit wiederlegen kan; daß aber in solcher gradirung alle Eysen zu Kupffer/ vnd alles Kupffer zu Silber wer- den solte/ das sage ich nicht/ habs auch nicht erfahren/ glaube aber gar wol daß es durch
reiterationes
wol muͤglich zu thun seyn solte. Der
Mercurius
schlaͤget das Gold am liebsten nieder/ aber nur im nassen weg/ dann im trucknen er nicht bestehen kan/ sondern das Eysen derbeste niederschlag darzu ist/ Kupffer vnd Bley seynd auch gut/ doch Ey- sen der beste.
Eines sonderlichen niederschlags des Silbers mit dem
Mercurio
muß ich all- hier gedencken. Es haben die
Chymici
vor viel hundert Jahren den Zinober zu Silber gemacht/ aber ohne nutzen/ dann jhr Silber nicht auß dem
Mercurio
kame/ sondern auß dem Silber so sie dem Zinober beygesetzt hatten; sie nahmen einen gemeynen Zino- ber/ welcher von Quecksilber vnd Schwefel gemacht/ zerbrachen denselben in kleinen stuͤcklein eines Nagels am Fingerbreyt gros/ vnd machten ein laag vmb die ander mit gefeyletem feinem Silber/ vnd setzten das werck wol verlutirt 20 30. oder 40. stunden in ein linde waͤrme nahmens darnach auß/ so funden sie den rothen Zinober schwartz/ trie- ben solchen mit Bley auf ein Test ab/ so funden sie so schwer fein Silber als Quecksilber bey den Zinober gewesen.
NB.
So viel Silber als sie erlangten/ so viel gienge diesem Silber/ ab welches sie zugesetzer hatten/ war also kein gewinn darbey/ vnd vermeynten (doch faͤlschlich) der
Mer- curius
haͤtte dem ingesetzten Silber seine
Animam
herauß gezogen/ darumb es so fluͤch- tig worden were/ welches zwar nicht gar ohn ist/ daß der Quecksilber dem Silber sei- ne
Animam extrahiren
vnd sich darmit zu Silber machen kan/ hergegen aber daß das
Animirte
Silber gantz fluͤchtig wird/ wann es nicht durch andere Metallen wieder kan
Animirt
werden/ welches auch etliche getroffen/ vnd solches auß dem Bley zuwegen ge- bracht haben.
Dieser arbeit aber welcher ich allhier gedencke ist mehr ein Attrahirung oder nie- derfaͤllung des Silbers durch den
Mercurium,
wie dann solche faͤllung auch im nassen weg geschicht/ vnd gar leicht/ vnd darzu ohne zuwachs nicht/ wann man der zeit erwarten lan/ wann nemblich in einem
aqua-forti
ein theil fein Silber solviret wird/ vnd in die
Solution
zweymal so viel Regen wasser als das
aqua-fort
gewesen/ gegossen wird/ vnd
J i i iij
3. oder
Teutschlands Wolfahrt
3. oder 4. mal so viel
Mercurius Vivi
zu der
solution Lunæ
thut/ vnd etliche tagen oder wochen nur in der kaͤlte vnbewegt siehen lassen/ so schlaͤgt sich das Silber auß dem Was- ser an den
Mercurium,
vnd der
Mercurius solvirt
sich in das Wasser/ vnd geben zusam- men wunderbarliche gewaͤchse/ als Berg vnd Thal lustig anzusehen/ wann dieses ge- waͤchs ein lange zeit also steht/ vnd man solches hernach absuͤst/ vnd mit Bley
reducirt,
so hat sich das Silber vmb ein gutes auß dem Quecksilber
augmentirt,
es ist aber doch kein gewinn darbey/ es were dann/ daß man solches gewaͤchs mehr als ein Jahr also wolte stehen vnd wachsen lassen/ darzu man wenig Laboranten findon solte/ die so lang auf den gewinn warten wuͤrden/
ratio
ist diese/ das
aqua-fort
ist ein nasses vnd kaltes Fewer/ vnd zeitigt so wol als das truckene vnd heisse Fewer; wann es wol
applicirt
wird/ mehr thut als das truckne oder heisse Fewer; Es gehoͤrt aber ein erfahrner
Artist
dar- zu; haben doch einige der Alten
Philosophen
jhre
Medicinam Universalem
durch das nasse Fewer außgezeitiget/ wie bey dem
Arthephio
vnd andern zu sehen; Sonsten ha- ben die
Philosophi
auß dem Nitrosischen Meer ein
Secreter
Wasser/
Menstruum
oder
Solvens universale
gezogen/ vnd grosse dinge darmit außgericht/ aber gar geheim ge- halten/ vnd nur verdeckter weise solches beschrieben/ in dem sie gemeldet/ daß
Saturnus
auß dem Meer bey hellem Monschein seyn geheim Wasser geschoͤpffet/ die schoͤpffung gehoͤret hieher nicht/ wird nur so viel angewiesen/ daß auß dem
Nitro
auch ein bessers
Menstruum universale
koͤnne gezogen werden/ als der Corꝛosivische
Spiritus Nitri,
wel- ches zwar alles
solvirt,
aber in Corꝛosivischer gestalt/ dieses aber so der
Saturnus
bey dem hellen Monschein schoͤpffet/ gantz keiner Corꝛosiv theilhafftig/ sondern lieblich vnd suͤß ist/ vnd auch die haͤnde nicht netzet noch faͤrbet/ wie das Corꝛosivische/ vnd wiewol sol- ches Wasser noch fluͤchtig vnd vnfix ist/ so hat es doch die Natur andere fluͤchtige vnd vnfixe ding zu binden vnd fix zu machen/ welches zuverwundern ist/ wie die Naturen einander lieben/ vnd eins in das ander verwandelt wird/ dieses sey genug erklaͤret von dem niederfaͤllen der Metallen/ so wol auß den trucknen als nassen
Solutionibus.
Ein mehrers wird durch schreiben niemand auß mir locken/ denen aber welche allbereyt vor diesem meine Freunde gewesen/ vnd jetzt gegenwertig noch seyn oder werden moͤchten/ denen ist nichts abgeschlagen/ doch alles in
discretion
gestellt. Dann so jemand von Oost oder Westen zu mir kaͤme/ vermeynen wuͤrde/ ich stracks alles liegen vnd stehen lassen muͤste/ vnd jhme aufwarten/ sein begehren zuerfuͤllen/ das wuͤrde mir gar vngele- gen kommen/ dann ich sonsten auch zu thun habe; darumb ich dieselbe will gewarnet ha- ben/ daß sie jhre Reyse einstellen/ so lang bis daß sie zuvor bericht genommen/ ob es mir gelegen oder nicht were; dann mir solche dinge mehr wiederfahren/ daß mancher zu mir kommen/ dieses oder jenes von mir zu wissen begehret/ da ich jhme gesagt/ daß ich keine zeit haͤtte mit jhme zu zubringen/ ist er zoͤrnig davon gangen/ vnd mich bey allen anklagt/ daß ich vnbarmhertzig were/ vnd jhme sein begehren nicht haͤtte geben wollen/ etliche auch auß boßheit vorgeben/ ich haͤtte selber nichts/ dann sie nichts von mir erlangen koͤn- ten; solcher boͤsen findet man mehr/ die einem das Marck auß den beinen auß-saugen
vnd
Ander Theil.
vnd nicht darnach fragen/ wann jhnen nur geholffen wuͤrde/ ist ein grosse vermessenheit oder grobheit eines Menschen; Wie viel mahl seynd solche Menschen zu mir kommen die mir freundliche worte geben/ vnd weilen sie Eusserlichem ansehen nach mir fuͤr from fuͤrkommen/ vnd sich aller behoͤrlichen danckbarkeit gegen mich erbotten/ Ich dann jhnen
Satisfaction
geleystet/ sie hernach doch durchgangen/ vnd keinen glauben gehalten: dar- umb das allerbeste ist/ daß man stillschweige wann man etwas gutes hat/ so darff man nicht sorgen daß man betrogen wird von denen die einem die Kunst abschwaͤtzen/ vnd hernach kein danck darfuͤr wissen/ Es gienge zwar hin wann sie mit der Kunst durch- giengen/ ob schon sie vndanckbar blieben/ vnd solches nicht erkenneten/ vnd mir nicht thaͤ- ten wie Farner gethan/ nach deme er alles von mir erlangt was er gesucht/ er hernacher solches gelaͤugnet/ mich vnd meine Schriften aufs hoͤchste verkleinert/ vnd mir grossen schaden gethan/ welches alles zu seiner zeit Gott schon richten wird. Die Welt ist nun so arg vnd falsch daß man sich nicht genug bewahren oder huͤten kan/ man wird betrogen; gibt man einem Armen etwas/ so geht er hin/ vnd machts vmb ein kleines weiters ge- meyn/ gibt man grossen vnd reichen/ so achten sie deiner nicht mehr/ wann sie haben was sie suchen/ vnd gebens noch wol vngeschickten Laboranten vnter die haͤnde/ die das werck nicht verstehen/ vnd solches verderben/ vnd dich beschreyen/ du habest nicht offenhertzig
Communicirt,
oder der Proceß sey nichts nuͤtze gewesen; was hastu dann davon als muͤhe/ vnruhe vnd boͤse nachrede? Darumb viel besser geschwiegen/ vnd lieber alles mit dir sterben lassen/ als der vndanckbahren boͤsen Welt die
Magnalia Dei
zu offenbahren: wann ich nicht angefangen haͤtte des Teutschlands Wohlfart zubeschreiben/ wuͤrde es jetzunder wol bleiben lassen; weilen ich aber solches zu vollenden versprochen/ so wil ichs auch halten/ vnd mit erstem den 3. vnd 4. Theil (wann Gott will) auch herauß geben/ vnd weilen in beyden folgenden Theilen die verbesserung oder Concentrirung der Me- tallen meyst durch den Salpeter geschicht/ so habe ich in diesem andern Theil nochmah- len das jenige bekraͤfftigen wollen/ was in dem Ersten Theil von der Salpeter zeugung geschrieben; bekraͤfftige vnd bethewre es nochmahlen/ daß solche Salpeter zeugung auß dem Holtz warhaftig vnd im grund der Natur
fundirt
sey. Ich haͤtte nicht glauben koͤn- nen/ daß in der Welt solche dumme Esel weren/ die nicht so viel lichts in der Natur haben solten dieses zubegreiffen/ daß auß Holtz Salpeter werden koͤnte; Nun habe ichs aber er- fahren daß deren viel/ die fuͤr gros wollen angesehen seyn/ vnd sich darfuͤr nennen las- sen/ nicht allein daran gezweiffelt/ ob es der Kunst zu thun muͤglich were/ sondern oͤf- fentlich dargegen gestritten/ vnd als ein vnmuͤglich werck außgeschryen/ das moͤgen wol rechte Esel seyn/ vnd nimbt mich sehr wunder/ daß man solche Narꝛen hochgelehrt
titu- lirt,
die so gar nichts im Liecht der Natur verstehen oder wissen. Ich kan nicht lassen/ weil die gelehrten die warheit wiederstreiten/ vnd andere davon ableyten vnd jrꝛ ma- chen/ so will ich mit den vngelehrten vnd schlechten einfaͤltigen Bawers-Leuten solche uͤberzeugen/ welche gar wol wissen/ daß alles das jenige so verfaulet oder zu mist wird/ das Feld duͤnge/ fett vnd fruchtbar mache/ das haben sie auß langer erfahrung/ vnd
kom-
Teutschlands Wohlfart
komme gleich die faͤnlung her wo sie wolle/ das Kraut vnd Graß so das Viehe isset/ vnd zu Mist in jhrem Magen wird/ das halten sie vor das beste ding/ wann sie aber nicht viel Viehe haben/ die viel Mist machen/ vnd sie doch des Mistes auf jhr Feld viel haben muͤs- sen/ so werffen sie desto mehr Strohe bey/ vnd in manglung des Strohes/ das jenige kleine Gestraͤuch so auf den Heiden waͤchst oder das Laub von den Baͤumen/ auf das sol- ches mit verfaule vnd auch Mist oder Duͤngung werde/ vnd befindens gut: Wissen nun das die schlechte Bawren/ warumb wollens oder koͤnnens nicht auch die Schein- gelehrten wissen? praͤchtig daher gehen/ grosse Becher voll außsauffen/ andere verachten vnd verkleineren/ sich selber groß achten/ vnd viel von sich selber machen/ das koͤnnen sie meisterlich/ vnd wissen gewiß daß sie viel pissen wann sie viel trincken/ das aber der
Urin
zu Salpeter wird/ das wissen sie nicht; Nun muß ich fortfahren vnd den Einfaͤltigen vollends weisen/ daß auch ein solcher faull-magen darinnen alles Holtz vmbgekehrt vnd verfanlet wird/ vnd eben so wol alles Holtz/ Laub vnd Graß in kurtzer zeit aufschleust/ uͤmbwendet vnd zu Duͤngung machet (die Magen der Thier gleich) vnd solches in gar grosser quantitaͤt; dann weilen in dem Ersten Theil Teutschlands Wohlfarts allbe- reyt bewiesen/ vnd solches auch kein Mensch in der Welt wiederlegen kan/ daß das
Sal Essentiale vel Naturæ
nichts anders sey als ein Salpeter/ doch nicht brennent/ es wer- de dann durch die Lufft
animirt,
vnd schoͤpffe zuvorn sein leben darauß/ vnd nicht allein das
Sal Essentiale Vegetabilium,
wie solches klar vnd offenbar genug ist.
Dann alles das jenige daß fruchtbarkeit vnd wachsthumb giebet/ das ist Nitro- sisch/ wann dann in den Mineralien als steinen kein
Nitrum
verborgen wehre/ warumb solten dann die Gaͤrtner den geleschten Kalck auf das Feld bringen/ vnd an statt Mistes darmit Duͤngen? woher wuͤrde dann der Salpeter an den Alten Mauren sonsten wach- sen/ wann er nicht auß dem Kalck kaͤme/ warumb suchen die Salpeter-sieder die alte ver- fallene Mauren vmb Salpeter daraus zu laugen/ wann nichts darinnen wehre? dar- auß ist ja beweises genug/ daß in allen dingen Salpeter verborgen ist/ dann das
Sal Mundi
oder
Universale Essentiale
nichts anders ist/ als ein Salpeter/ wann es durch seine zeit das leben auß der Luft gezogen hat/ darzu mein Secretes Circulir-Instrument erfunden ist/ solche animirung fuͤglich ins werck zu richten/ vnd seynd so sehr die andere
Salien,
als da ist das
Sal gemmæ,
Saltz auß dem Brunnen oder See-Wasser gemacht:
item
alle Saltzen so auß dem Holtz-vnd Kalck-laugen gesotten:
item
der Alaun vnd
Vitriol
von dem Salpeter auch nicht viel vnterscheyden/ sondern koͤnnen gar leichtlich vmbgekehrt vnd zu Salpeter gemacht werden/ durch animirung der Lufft in meinem Circulir-gefaͤsse; auff daß mans aber desto besser begreiffen moͤge/ so wil ich dieses Exem- pel hieher setzen.
Solvire
in einem
aqua-forti
so viel Stein-saltz oder
Sal gemmæ,
Mcer-saltz oder Quel-vnd gemeyn Koch-saltz/ oder Saltz auß Holtz-aschen oder Kalck-stein gemacht/ als es zu sich nehmen oder gern auf solviren will/ vnd laß es wieder erkalten/ so wird das Saltz nicht mehr koͤrnicht sondern langhafft wie ein Salpeter anschiessen/ gieß das
aqua-
Ander Theil.
aqua-fort
oder Salpeter-wasser davon/ vnd solvire es noch einmal mit einer Kalck- langen vnd laß es schiessen/ so schiest ein natuͤrlicher Salpeter/ der da brennt so gut als ein anderer Salpeter/ der auß den Viehestaͤllen gezogen ist/ mit dem Salpeter wasser kan man wieder ander Koch-saltz oder Kraͤuter-oder Holtz-saltz solviren vnd schiessen lassen/ gibt wieder Salpeter/ vnd solches so oft thun biß das Salpeter-wasser alles mit dem Saltz zu Salpeter worden ist/ dieses vmbkehren des Saltzes zu Salpeter geschicht in et- lichen stunden/ vnd were mit gutem nutzen zu thun/ wann man solche Arbeit anders als in glaͤsern thun koͤnte/ vnd solte man auß einem pfund Salpeter viel hundert Centner Salpeter zuwegen bringen/ wann man fuͤr vnd fuͤr ein theil des vmbgekehrten Saltzes wieder zu Wasser distillirte vnd wieder ander Saltz darmit vmbkehrte. Es ist aber gar nicht noͤtig eine solche muͤhsame Arbeit anzufangen/ dann man viel leichter darzu kom- men kan/ wann nemblich die
Salia
durch meine Circulation von der Lufft/ animirt/ vnd zu Salpeter in grosser quantitaͤt außgebruͤtet werden/ welches Animiren oder außbruͤ- ten gar leichtlich mit geringer Arbeit oder muͤhe der Menschen/ sondern allein durch die Lufft in grosser menge geschehen kan/ dann immer der eine Satzden andern anzuͤndet vnd animiret/ gleich wie ein wenig Sauer-teig einen grossen Trog vol suͤssen Teigs kan sauer machen/ oder ein Loͤffel vol Hefen ein gantzes Gebraw Biers kan jaͤhren oder fermentirn machen/ also auch allhier zuverstehen ist/ vnd kan ein gemeyner Salpeter in andere
Salia
gesaͤet werden wie ein Vegetabilischer Sahme in die Erden/ daß er sich in kurtzer zeit darauß vermehre/ vnd hundert oder tausentfaͤltige fruͤchten bringe. Ja sa- gen die faͤulen/ die lieber essen vnd trincken/ schlaffen vnd guter tagen sich befleissigen/ wer kan so lang darauff warten? O jhr faulentzer/ muͤssig-gaͤnger vnd suppenfresser/ wie doͤrft jhr doch ewre faulheit so klar an tag geben/ wann jhr ewer geld auff wucher lehnet/ vnd etwan 4.5. oder 6.
pro Cento
Jaͤhrlichs daran gewint/ must jhr nicht ein gantzes Jahr darauf warten/ biß daß jhr den Zinß empfanget? vnd noch darzu in gefahr stehen/ ob der
Debitor
fallirt/ verdirbt/ vnd euch das Capital gar entnimt; wann jhr ewer Geld auf Haͤuser-bawen leget/ vnd setzet einen Miet-mann hineyn/ grossen profit außzuziehen/ kan er nicht verderben/ vnd euch mit dem Bethstrohe bezahlen? Koͤnnen ewere Schiff nicht auf der See durch sturm vnd vnwetter versincken/ oder durch die See-raͤuber ge- nommen werden? warumb habt jhr nit gedult wie ein Bawersmann der sein korn in die Erde wirfft/ vnd beynahe ein Jahr darauff wartet/ biß er das außgesaͤete vermehret wie- der Eynerndtet/ vnd wann es gar woll gerahtet/ so kan er uͤber all sein muͤhe vnd arbeit kaum 5. oder 6.
pro Cento
gewinnen/ muß sich darzu noch besorgen/ daß das Korn in der bluͤth erfrieret oder vom boͤsen wetter auf den Acker (wans bald reyff ist) verderbet wer- de; kompt ein trucken Jahr so waͤchst es nicht/ oder fressens die Maͤuse ab; In der Sal- peter zeugung bistu aller dieser sorgen frey/ vnd kan dir ein 100. Thaler wieder 2.3.4. oder mehr Jaͤhrlichs nutzen schaffen/ vnd mit gutem gewissen niemanden zu schaden/ ist kein wucher oder schinderey darbey/ dann wann du viel Salpeter hast/ so kanstu viel Gold vnd Silber außmachen/ er gilt allezeit sein geld/ vnd wann du wilt/ so lehren dich meine
K k k
Schrif-
Teutschlands Wohlfart
Schriften so viel/ daß du dieselbige selbsten in verbesserung vnd scheydung der Metallen mit gutem nutzen verbrauchen kanst/ vnd gar keinen verkauffen darffst wann du nicht wilt/ vnd darffst dich dieser arbeit oder handels gar nicht schaͤmen/ ein einiger Mensch kan ein grosses werck Regiren/ vnd darffst auch keinen grossen Verlag darzu/ dann allein ei- ne Huͤtten auffzurichten/ darunter der Salpeter-satz trucken seyn kan/ bistu nahe bey grossem gehoͤltz/ so machstu dein Salver auß lauterem Holtz/ hastu kein Holtz/ so machstu jhn auß Pf
e
rd-Kuͤhe-oder andern Viehe-mist/ oder du machest jhn auß dem Koch-saltz/ Laugen von Holtz-aschen vnd Kalck gemacht; worauß du jhn machest/ kan er dich nicht viel kosten/ dann ein pfund Saltz gibt ein pfund Salpeter. Es moͤchte mancher gedencken oder sagen/ warumb thut Glauber dieses werck nicht selber/ vnd behaͤlt den gewinn al- lein? deme gib ich zur antwort/ daß ich so geitzig nicht bin alles allein zu haben/ mag wol leyden das ein ander auch etwas hat/ ich thue es doch fuͤr mich/ ein anderer kan es vor sich thun/ darzu werde ichs so gemeyn nicht machen/ sondern sehen wein ichs giebe/ daß es wol angelegt vnd nicht vnter die vnwurdige komme/ Es wird in den ersten 10. Jahren der Salpeter so wohlseyl nicht werden/ daß er nicht noch mit gutem nutzen solte koͤnnen be- reytet vnd verkauffet werden. Wer weiß wer so lang lebet/ vnd solte er gleich uͤber 20. oder 30. Jahren durch diese meine
Invention
wohlfeyl werden/ so hat man vnterdessen den nutzen davon gehabt/ vnd bescheret hernach Gott etwas anders; so vnwerth aber wird er nimmer werden/ daß er nicht sein Geld noch gelten solte/ vnd wann er auch gar kein Geld gelten wolte/ welches doch vnmuͤglich ist das es dahin kommen solte/ so habe ich so viel an- leytung geben in denen 1.2. vnd 4. Theil meiner Ofen/ wie auch in der
Explication
uͤber mein
Miraculum Mundi,
in dein 2. vnd 3. Theil meiner
Pharmacopœæ Spagyricæ,
wie auch in diesem 2. vnd folgenden 3. vnd 4. Theil des Teutschlands Wohlfarts/ daß man solchen zu vielen nuͤtzlichen wercken verbrauchen vnd gewinn darmit machen kan Ist also der Salpeter ein solches Edel
Subjectum
dessen nimmer zu viel seyn kan/ dar- umb billig darnach solte getracht werden/ wie solcher in
Copia
zu zeugen/ vnd noch viel- mehr wie er zu nuͤtzlichem gebrauch anzuwenden/ dann wunder dinge auß jhme zu brin- gen seyn; Er ist das groͤste gifft/ vnd wird doch die hoͤchste
Medicin
auß jhme. Er ist kalter als Eyß/ vnd doch warmer als kein Fewer seyn kan: Er ist ein Gebehrer aller dingen/ vnd doch derselben wieder zerstoͤhrer. Er machet alles lebendig/ vnd toͤdet auch alles: Er ist schwerer als Gold/ vnd auch leichter als der Windt. Er ist Fewer vnd auch Wasser: Cr ist Luft vnd auch Erden: Er ist Mann vnd auch Weib: Er schwaͤngert vnd laͤst sich schwaͤngern: Er ist Liecht vnd auch Finsternuß: Er ist Schwartz vnd auch Weiß. In jh- me seynd alle Farben der gantzen Welt. Er ist fix vnd auch fluͤchtig. Er ist Corporalisch vnd auch Geistlich. Er verbrennet alles vnd loͤschst doch allen brandt. Er ist aller dingen anfang vnd macht doch das Ende. Er macht das weyche gefrieren oder erstarꝛen/ vnd macht doch weych alles das hart ist. O du Schoͤpffer allerdingen/ wie groß seynd deine wunderwercke/ vnd wie wenig seynd deren die es verstehen oder wissen/ noch wissen wol- len. O du Ewiges Liecht/ erleuchte die finstere hertzen der boͤsen Welt-Kinder/ auf daß sie
dich
Ander Theil.
dich in deinen wercken vnd geschoͤpffen sehen vnd erkennen moͤgen. O du lebendigma- chendes Fewer erweiche/ ermuntere vnd erwaͤrme die hartnaͤckige schlaffende kalte Hertzen der faulen Menschen/ auf daß sie wacker/ vnverdrossen vnd munter werden/ dich zu suchen/ erkennen vnd lernen/ auch in rechter demuth dich fuͤrchten/ vnd ohne heucheley ehren vnd dir dienen moͤgen!
AMEN
.
Erinnerung vnd kurtze wiederholung deren stuͤcken/ da-
von in diesem Tractaͤtlein gehandelt.
A
Vff das der guͤnstige Leser jhme dieses Buͤchlein desto nuͤtzlicher machen moͤch- te/ habe ich gut gefunden zum uͤberfluß die jenige Secreten deren so darinn ge- dacht/ jhme noch einmal vor augen zu legen/ vnd anzuweisen/ worinn der nutzen eygentlich bestehe. Erstlich ist gelehret wie durch den Salpeter so wol im nassen als truck- nen weg alle fluͤchtige vnd vnreyffe Mineralien zu zeitigen/ daß dieselbe im schmeltzen be- staͤndig Silber vnd Gold von sich geben. Zum andern habe ich auch gelehret auf was weiß vnd manier die fluͤchtige Arsenicalische/ Koboltische vnd Antimonialische Gold- fuͤhrende vnd Silber-Ertze gar leichtlich durch ein kuͤnstliches schmeltzen vnd außziehen/ wie auch niederfaͤllens in Koͤnige/ vnd auch reinmachung oder abtreiben der Koͤnigen durch huͤlffe des Salpeters im trucknen weg zu gut zu machen/ vnd jhr verborgen vnd vnzeitig Gold vnd Silber mit nutzen darauß zu bringen. Zum dritten/ habe ich auch ei- nes außziehens des Goldes vnd Silbers auß allen armen Ertzen/ welche das schmeltzen nicht außstehen oder bezahlen koͤnnen/ durch ein Salpeter-wasser kuͤnstlich darauß zu- ziehen vnd gut zu machen erwehnet. Welcher
Modus
allem schmeltzen bey armen Ertzen weit vorzuziehen/ nicht allein darumb weilen ein solches außziehen ohne Schmeltz-fewer vnd Ofen geschehen kan/ sondern weilen in dieser außziehung ein mehrers als durch das schmeltzen herauß gebracht/ vnd darneben das fluͤchtige zugleich durch das Salpeter- wasser im außziehen figirt vnd behalten wird/ welches sonsten im schmeltzen hinweg rauchet/ vnd uͤber das kan durch diesen nassen weg das Gold vnd Silber leichtlich auß allen gantz armen Berg-arten/ wie auch vnachtsamer Erden/ Staub/ Sand/ vnd Kießling-steinen darauß sonsten weder durch schmeltzen/ oder mit
Mercurio
etwas auß- zubringen/ fuͤglich mit gutem nutzen außgezogen vnd zu gut gebracht werden: Also daß man fast an allen orten der Welt da nur trucken Land ist/ dergleichen Armen Gold vnd Silber haltende Erden/ Letten/ Sand/ Kißling-steine vnd dergleichen findet/ darauß mit nutzen Gold vnd Silber zu ziehen. Fuͤrwar eine herꝛliche kunst/ welche an allen or- ten der gantzen Welt mit gutem nutzen gethan kan werden/ daran man doch nicht schwer tragen darf/ sondern gar wol bis auf den nothfal bewahren kan. Dieses aber soll in acht genommen werden/ daß ein fette Erden oder Letten zuvorn soll außgegluͤth werden/ ehe sie mit dem Salpeter-wasser uͤbergossen wird/ dann ohne vn außgegluͤhet solche allzeit pappicht bleibt/ viel Wasser verschlingt/ vnd sich nicht wil scheyden lassen/ wann sie aber außgegluͤth/ sie sich gern (einem sand gleich)
extrahiren
laͤst. Deß gleichen lassen sich auch
K k k ij
alle
Teutschlands Wohlfart Ander Theil.
alle Eysen-Ertz oder Berg-arten/ welche guͤldisch vnd viel Eysen halten/ so gern nicht wie andere Ertze
extrahiren
vnd das Gold darauß faͤllen/ sondern das Eysen (wann dessen zu viel darbey ist) macht das Wasser dick vnd pappicht wie ein letten/ darumb man zu solcher
Solution
zuvorn ein theil gemeyn Wasser zugiessen muß/ selbige darmit duͤnn zu machen/ auf daß sich das Gold oder Silber desto leichter darauß faͤllen laͤst. Die guͤldi- sche Kupffer-Ertze muͤssen zuvoren geroͤstet werden wann sie Sulphurisch seyn/ wo nicht/ so lassen sie sich vngeroͤst gern
Extrahiren.
Die sandichte/ Quarzigte/ vnd hornsteiniche Berg-arten doͤrffen keiner vorbereytung/ als das gluͤhen vnd mahlen. Auch koͤnnen al- le Gold-haltende Eysen-oder Kupffer-Ertze durch das gemeyne Saltz ohne Ofen vnd Schmeltz-fewer/ vnterm freyen Himmel (wie oben bey den armen Kupffer-Ertzen allbe- reyt meldung geschehen) mit viel 100. Centnern zugleich außgezogen/ vnd das Gold so mit dem Eysen vnd Kupffer
extrahiret,
durch obgedachten nassen niederschlag auß der
Solution
mit grossem nutzen vnd vortheil (weilen der niederschlag weder dem Kupffer noch Eysen an seiner geschmeidigkeit schaden zufuͤget) gefaͤllet werden. Deßgleichen ist das Gold auß einem jedwederen
Vitriol
-Wasser/ (wann etwas darinnen ist) in
Copia
zu faͤllen/ also daß die faͤllung am geringsten dem
Vitriol
in seiner Natur vnd wesen nichts veraͤndert noch schadet/ so
Compendiosè,
daß solche faͤllung auch mit nutzen zuge- brauchen/ wann auch nur ¼ eines Quintleins Gold in 100. pfunden
Vitriol
wehre. Deß- gleichen koͤnnen auch alle andere Mineralische Berg-wasser also gefaͤlt werden. Wie nun das Saltz zum außziehen des Kupffers an allen orten/ vnd sonderlich an des Meers- grentzenden Laͤndern leichtlich zu erlangen/ wird die
Concentration
des Saltzes auß den Wassern/ davon in meinem Buͤchlein (Trost der Seefahrenden genant/ mel- dung geschehen) gute anleytung geben. Daß aber in diesem Tractaͤtlein noch eines an- dern kuͤnstlichen scheydens des Goldes vnd Silbers auß den vnvollkommenen Metal- len/ darzu die Antimonialische schlacken bey oben gelehrter außziehung zuvererbern ge- meldet/ vnd doch nicht geschehen: wolle man nicht meynen als wann solches mit fleiß da- von gelassen/ oder sonsten auß vnachtsamkeit were vergessen worden/ gantz nicht. Die vr- sach ist diese/ weilen mir dieses Buͤchlein vnter der Feder groͤsser geworden als ich ver- meynt zu machen. Derohalben solchen nuͤtzlichen Proceß in dem dritten folgenden Theil verwahren muͤssen/ welcher so Gott will mit ersten auch herauß sol geben werden/ so lang sich der gůnstiger Leser gedulten wolle. Vnterdessen kan er sich mit diesen beyden
Modis
als nassen vnd trucknen/ begnuͤgen vnd sich darinn erlustigen/ auch bey zeiten nach einer Quantitaͤt Salpeter trachten/ dann der folgende dritte Theil anders nichts mitbringen wird/ als solche Processen welche durch den Salpeter muͤssen gethan werden/ wer nun denselben in
Copia
gut kauf zeugen kan/ derselbe wird auch bey Concentrirungder Me-
tallen desto groͤsseren nutzen zugewarten haben/ welches ich zur guten nach- richtung noch hierbey setzen wollen. Ein mehrers geliebts Gott/ im folgenden dritten vnd vierdten Theil.
Ende des Andern Theils Teutschlands Wolfahrt.
Verzeichnuͤß deren Buͤcher welche in diesem Andern Theil zufinden.
Philosophischer Oefen
Erster Theil.
1
Ander Theil.
45
Dritter Theil.
156
Vierdter Theil.
192
Fuͤnffter Theil.
247
Apologetische Schrifften Herꝛn Johann Rudolph Glaubers/ in Zwey- hundert vnd achtzig
Aphorismos
gesetzet durch Herꝛu Johann Ma- kle/ der Artzeuey Doctoren.
289
Auri Tincturam sive Aurum potabile verum
zu vnterscheyden/ zuer- kennen/ vnd
in Medicina
zugebrauchen.
326
Teutschlands Wohlfart Erster Theil/ von Weins/ Korns vnd Holtzes Concentrirung.
341
Teutschlands Wohlfart Ander Theil/ die Mineralien durch das
Nitrum
zu Concentriren.
398
a
Regi-
Register der Medicinischen vnd Chymischen Sachen/ so in diesem Andern Theil begriffen.
A.
A
Cetum
von allen Vegetabilischen dingen/ als Kraͤutern/ Hoͤltzern/ Wurtzeln/ Saamen vnd dergleichen zu- machen.
31
Alcolisatus vini spiritus.
314
Aluminis spiritus sulphureus volatilis \& acidus.
63
Amausen
oder Metallische Glaͤser.
237
.
238
Anima Mundi
macht die tode
Salien
Le- bendig.
391
Animam vini
zubereyten.
295
.
296
Mundi
zuerlernen.
319
Animalia
zu distilliren.
47
in gute
Medicamẽta
zubringen.
291
.
292
geben einen Salpeter.
378
Ansetzen des Maltzes.
166
Des Honigs.
ibid.
Antimonium diaphoreticum.
95
\& Tartarus
gibt einen
spiritum.
114
extractum.
ibid
.
Vomitivum.
ibid
.
gibt eine rothe Tinctur/ vnd wie sie her- auß zuziehen.
145
zuzeitigen/ daß es vielerley Geruch der Vegetabilien gebe.
146
kan zum Metall werden.
222
.
223
vnd was fuͤr ein Metall.
ibid.
gehet allen Kraͤuter. purgirungen vor.
275
.
was es fuͤr ein Mineral sey.
399
Antimonii spiritus acidus fulphuratus.
83
spiritus Tartarisatus.
ibid
.
diaphoretici. Dosis.
95
calx viva.
ibid
.
oleum.
23
vomitivi albi flores.
24
flores diaphoretici.
25
olei corrosivi
aͤusserlichen Gebrauch.
25
.
26
regulum
zumachen.
225
Sulphur,
der uͤberfluͤssig/ zuscheyden.
226
.
Tinctura.
227
zum purgiren/ zuzurichten.
272
durchs Fewer in der sublimation oder durch Salpeter verliehrt es den Gifft.
272
Apffel-Wein.
315
Aqua-fort.
81
Aquæ-Fortis Spiritus sulphureus.
84
Aquam Vitrioli
zumachen.
51
Aqua Regis.
67
Arena
hat
signaturam calculi Microco- smici.
121
dessen
liquor
ziehet eine gute Tinctur auß dem Golde.
128
.
129
Arenæ liquoris usus in Medicina \& Al- chymia.
131
liquor
macht Baͤume mit Farben von allen Metallen wachsen.
131
Argenti flores.
ibid
.
Aromatum olea.
170
Arsenicum
durch das
Nitrum
zu corꝛigi- ren.
44
kan zum Metall werden.
222
vnd zu welchem Metall.
ibid.
was es fuͤr ein Mineral sey.
400
Arsenici spiritus nitrosus.
85
\& Au-
Register.
\& Auripigmenti oleum.
25
Aufbawung der Oefen.
251
Avicula Hermetis.
391
.
392
Auß dem Salpeter durch Kunst zuzie- hen.
ibid.
Auri flores.
37
Spiritus Tartarisatus.
113
Sal.
333
Aurum fulminantis usus.
70
Auri Tinctura.
326
tincturæ usus.
72
Auri Tonitruantis præparatio.
67
Auripigmentum
kan zum Metall werden/ vnd zu welchen Metall.
222
.
223
verliehret durchs Fewer in der sublima- tion vnd durch Salpeter seinen Gifft.
272
was es fuͤr ein Mineral sey.
401
Auripigmenti \& Arsenici oleum.
26
Aurum potabile.
326
dessen tugend.
336
Prob.
ibid.
Nutz vnd gebrauch.
337
B.
Baden in hoͤltzernen Gefaͤssen/ vnd wie das Bad zugebrauchen vnd zuzurichten.
162
Baͤder.
180
suͤsse oder gemeyne.
181
jhre Natur vnd Eygenschafft.
181
.
182
Sulphurische/ mit einer subtilen saͤure vermischet.
184
.
185
von Schwefel.
186
.
187
so trucken/ welche den nassen in vielen Kranckheiten nicht allein gleich/ sondern auch denselben weit vorzuziehen.
187
.
188
Baͤume von Metallen in einem Glas wachsen zumachen.
301
.
302
Balsam zumachen.
171
.
172
usus.
172
Bereytung.
173
.
174
die Farb zugeben.
173
.
174
zu Wunden.
420
Becher zu Purgiren.
271
.
272
Benedicti olei usus.
153
Berg-Arten vnd Ertzt probiren.
196
.
197
Bezoarticum minerale.
26
Bier brawen.
161
.
162
.
163
.
367
in einem Zuber von Holtz/ auß mangel eines Kessels/ zu brawen.
190
.
191
daß es nicht sauer vnd zu Essig werde.
295
auß Saͤfften zumachen.
367
auf Schiffen.
ibid.
iɯ Sommer vnd Hundstagen.
ibid.
gut umachen.
368
mit Kraͤutern zumachen.
ibid.
in der fermentation zuhelffen.
ibid.
Birn-Wein.
315
Blasen-Stein zu curiren.
338
.
339
Blumen vorbereytung zur destillation.
166
.
167
Blut gibt einen Salpeter.
386
Brandtewein zumachen.
293
Brawen.
161
Brenn-Faß.
159
.
160
an statt eines Kuͤpffernen Kessels/ zum Wasserbad/ Glaͤser hieneyn zusetzen/ darinn zu distilliren oder digeriren.
160
.
170
wie es zum distilliren/ kochen/ brawen vnd baden zugebrauchen.
162
Bůchsen Pulver gibt einen
Spiritũ.
87
.
88
Medicm vnd Tinctur.
90
Butyrum ex Antimonio, Sale communi \& vitriolo
zu distilliren.
97
ex Arsenico \& Auripigmento.
ibid
.
C.
Calculum
zuvertreiben.
154
a ij
Cal-
Register.
Calmey.
403
Calx viva Antimonii.
95
Centrum concentratum omnium Ele- mentorum.
318
ist
Sal mundi.
318
essentiale universale.
ibid
.
ist bey allen Creaturen oder Circumfe- rentien
particulariter
zufinden.
318
.
319
Ceræ oleum.
153
Cervi cornu spiritus \& oleum.
147
Chirurgis
Wund-balsam zumachen.
420
Stichpflaster.
ibid.
Cimentiren.
203
das alle Sulphurische/ Arsenicalische Antimonialische/ Koboltische vnd an- dere gifftige vnd fluchtige Ertz bindet vnd figiret.
287
Clissi præparatio.
82
Compositiones
der alten vnd newen
Me- dicorum
mit jhren Kraͤutern werden examiniret.
273
Concentrirung des Weins.
344
Korns.
ibid.
aller Vegetabilien.
370
Mineralium
vnd
Metallorum.
414
.
415
.
416
.
417
.
418
.
Corallen/ was sie verꝛichten.
54
geben einem
Spiritum.
119
vnd
oleum.
ibid
.
vnd Zucker geben einen kraͤfftigen
Spi- ritum.
151
Cordiale extractum.
179
Cornu Cervi spiritus \& oleum.
147
Crystallorum Lunæ usus.
73
Ausser der Medicin.
76
flores \& spiritus.
92
massa.
243
.
244
wie sie zufaͤrben/ daß Edelgesteine dar- auß werden.
243
.
244
Crystallos Lunæ in flores
zu sublimiren.
74
Crystallorum Saturni \& Jovis usus.
77
D.
Daubenmist gut vorn Stein.
141
Deckel auf die Tiegel zumachen.
263
.
264
Diaphoreticum auratum sulphur.
84
Diaphoretische
Flores.
41
Antimonii.
25
Distillandi modus.
7
.
46
.
162
.
169
ohne Fewer.
135
Distillir-Faß/ auch dienlich zum Kochen/ Brawen vnd Baden.
162
Diureticum extractum.
178
Dosis Vitrioli dulcis.
62
Duͤngung der Vegetabilien/ Animalien/ Metallen.
308
In drey stunden anzustellen.
ibid.
ist ein
Sal sulphuratum.
ibid
.
haͤlt eine laͤnger nach/ als die andere.
308
E.
Edelgestein zumachen.
242
zufaͤrben.
ibid.
Echineis
fischlein.
319
mit welchem Garn es zufangen.
ibid.
Erbsen zu distilliren.
317
Ertz probiren.
196
.
197
schmeltzen.
201
.
292
scheyden.
201
.
202
.
297
Essentia vini
kan einen jedwedern vnzeiti- gen Wein in der fermentation auß kraft seiner feurigen Natur zeitigen.
293
zubereyten.
295
.
296
quinta vini
macht guten Wein.
356
.
357
Essig in einen
Spiritum
zu distilliren.
33
von Vegetabilischen dingen/ als Kraͤu- tern/ Holtz/ Wurtzeln/ Saamen vnd dergleichen.
31
distilli-
Register.
biftilliren ohne Fewer.
135
in einem hoͤltzern Geschirꝛ.
161
in einem Zuber oder hoͤltzern Faß/ auß mangel eines Kessels zumachen.
190
.
191
auß Honig zumachen.
389
auß Zucker.
ibid.
auß Korn.
ibid.
Excrementen der Thiere/ woher sie kom- men.
377
Extractum vomitivum.
175
.
176
zum Schweiß.
177
.
178
Diureticum.
178
Somniferum.
178
.
179
cordiale.
179
Odoriferum.
179
.
180
F.
Farb des Goldes/ kan durch huͤlff des
li- quoris silicum
entzogen werden/ daß es weiß bleibet.
125
Edelgestein zumachen.
242
.
243
Massam Silicum vel Crystallorum
zu- faͤrben.
243
den Mahlern zumachen.
420
Felsen geben einen Salpeter.
397
Fermentum Metallorum.
209
.
210
Festungen zu proviantiren.
369
Faß zum distilliren.
159
.
162
darinn man gemeyne oder Mineralische Wasser in steter waͤrme/ so lang man will erhalten kan.
161
.
162
darinnen man/ in mangel eines Kessels/ allerhand dinge kochen/ Bier/ Meth vnd Essig koͤnne machen.
190
.
191
Faͤulnuͤß/ woher sie entstehe.
374
Fisch geben einen Salpeter.
387
Fischlein
Echineis.
319
so starck/ daß es auch ein grosses Schiff/ wann es mit vollen Segeln faͤhret/ kan
aufhalten.
ibid.
im Wasser vnd ein Vogel in der Lufft einerley Natur.
ibid.
Flores Auri.
37
Argenti.
ibid
.
Martis.
ibid
.
Veneris.
ibid
.
Saturni.
38
Jovis.
ibid
.
Mercurii.
ibid
.
vom Zinck.
ibid.
Antimonii.
40
Metallorum \& Mineralium.
36
Lunæ in Medicina.
74
Metallorum,
durch huͤlff Salpeters vnd Leinen-Tuch.
86
Auß Salpeter vnd Kohlen.
91
Auß Kißling/ Crystallen oder Sand/ mit zuthun Kohlen vnd Salpeter zu- machen.
92
auß Zinn zumachen.
93
auß Zinck oder Spianter.
ibid.
ex lapide Calaminari.
ibid
.
ex Nitro \& Regulo Martis.
94
.
95
Antimonii vomitivi albi.
24
Antimonii diaphoretici.
25
Florum olca.
170
.
171
Fluͤssige dinge in einen
Spiritum
zu distilli- ren.
33
.
Fruͤchte bereyten zum distilliren.
166
zu concentriren.
363
.
364
Fugen bewahren/ daß die subtile
Spi
r
itus
nicht durchgehen.
253
Fuliginis oleum.
149
ohne distillation zumachen.
ibid.
G.
Garn/ das Fischlein
Echineis
zufangen.
319
.
Ge
i
ster vnterschied zuerkennen.
147
a iij.
die
Register.
die Mineralisch vnd Metallisch/ subtil vnd gesaltzen/ lassen sich mit dem gemey- nem suͤssen Wasser vermischen.
186
Geld ins Land zubringen.
361
.
362
Gersten gibt in der distillation einen
Spiri- tum ardentem.
163
.
164
Geschirꝛ von Holtz/ an statt kuͤpffernen Ve- siken/
Balneorum
vnd andern Kesseln zugebrauchen.
157
.
158
darinn man Bier/ Meth/ Essig vnd an- dere Getraͤnck kochen vnd brawen moͤ- ge.
161
an statt eines kuͤpffernen Kessels/ Kol- ben darein zusetzen/ vnd darauß zu distil- liren/ auch zum digeriren/ extrahiren vnd figiren.
174
Getraͤuck kochen.
161
zu distilliren.
162
.
163
Gifft was es sey.
276
wie es durch purgierung auß dem Menschlichen Leibe zubringen.
ibid.
Glaͤser der Metallen.
237
.
238
Glasuren von jrdenen Instrumenten.
267
.
268
Glattmachung der Spiegel.
236
.
237
Gleich solviret seines gleichen.
103
Gold/ wann es die
Animam
verlohren/ was es sey.
69
vom Silber zuscheiden.
81
kan seine Farb durch huͤlff des
liquoris silicum
entzogen werden/ daß es weiß bleibet.
125
wieder erwecken.
127
seine Tinctur durch huͤlffe
liquoris are- næ vel silicum
zu extrahiren.
128
.
129
gibt eine Tinctur.
230
vom verguͤldeten Silber/ durch den Guß zuscheiden.
288
auß Kießlingstein zuziehen.
430
zuvermehren vnd schwerer zumachen.
301
von
Mercurio
durch huͤlff
Salis auri
zu- machen.
336
vom
Saturno.
ibid
.
von
Luna.
ibid
.
in Kupffer.
408
Gold-kieß.
402/
Gras zu concentriren.
371
H.
Haare der Menschen geben einen
Spiri- tum.
32
von Thieren geben
Spiritus.
32
der Menschen geben herꝛliche Medicin.
148
Habern gibt in der distillation einen
Spiri- tum ardentem.
163
.
164
Halt der Ertze vnd Berg-arten zufinden.
196
.
197
Hecken zu concentriren.
371
Haͤckern zuhelffen/ daß sie alle Jahre jhre Weine wol verkauffen koͤnnen.
355
Halbkopff.
300
.
301
Hefen-Bereytung.
162
zum distilliren.
162
.
163
was sie fuͤr Nutzung geben.
297
Herbarum olea.
170
.
171
Hermes-Voͤglein.
319
Hoͤrner geben einen
Spiritum.
32
.
33
Holtz gibt einen sauren
Spiritum
oder
A- cetum.
31
zu concentriren.
357
.
358
hat einen grossen Schatz in sich.
373
safft muß erst gelaͤutert vnd concentrirt werden/ ehe es Salpeter gibt.
383
Honig in einen
Spiritum
zu distilliren.
33
Ansetzen zum distilliren.
166
Huͤlsen der Fruͤchte zu Nutzen zumachen.
365
Huͤner-
Register.
Huͤneraugen zuvertreiben.
96
Hundsdreck der weiß gut zu Halskranck- heiten.
141
J.
Jaͤhren zumachen Most vnd Wein.
356
Jovis Crystallorum usus.
77
\& Saturni oleum.
22
Instrumenten von Erden verglasuͤrt zu- machen.
267
.
268
die Saͤffte zu concentriren.
359
Irdene Instrumenten zumachen.
267
.
268
K.
Kessel/ darinnen die Saͤffte zu concentri- ren.
359
Kirschen-Wein.
315
.
316
Kießling geben
flores,
vnd
Spiritus.
92
vnd reiner Sand erlangen auß
Sale Tartari
einen kraͤfftigen
Spiritum.
120
Koboltum
kan zum Metall werden.
222
.
223
vnd zu welchem Metall.
ibid.
was es fuͤr ein Mineral sey.
401
Kochen.
190
.
191
in einem Zuber oder hoͤltzernen Geschirꝛ/ in mangel eines Kessels.
190
.
191
Kohlen geben
Spiritus
vnd
flores.
91
geben einen graßgruͤnen
liquorem.
306
welcher
liquor
von den Alten der gruͤne Loͤw genennet wird.
ibid.
dieser Loͤw verschlucket die Sonn.
ibid.
Seynd so wol im Fewer/ als Wasser be- staͤndiger/ als das beste feine ☉.
306
Korn gibt in der distillation einen
Spiritum ardentem.
163
.
164
zu concentriren.
325
.
344
.
361
mit Menge auß dem Lande zubringen.
361
.
362
warumb es sich bey vns auf den Soͤl-
lern nicht so lange fuͤr
Corruption
hal- te/ als in Egypten.
362
.
363
Kraͤuter geben einen sauren
Spiritum
oder
acetum.
31
deren vorbereytung zur distillation.
166
.
167
Koͤnnen corꝛigirt vnd jhren Gifft be- nommen werden durch den
Alkahest.
276
durch den
Spiritum vini.
280
Bier zumachen.
368
Krebsaugen geben einen
Spiritum
vnd
oleum.
119
Kuͤhdreck-Wasser.
141
dessen Name in den Apotheken.
ibid.
Kugel zu den trucknen Baͤdern/ welche den nassen in vielen Kranckheiten/ nicht al- lein gleich/ sondern auch demselben weit vorzuziehen.
187
.
188
L.
Lapis Philosophorum.
220
.
221
was darvon zuhalten.
ibid.
Lapidis Calaminaris oleum.
26
.
27
Calaminaris olei usus.
27
.
28
Lapidum liquores vel olea.
144
Leben der grossen Welt/ durch die
Salia
zu- fangen.
392
Auß dem Salpeter zuziehen.
ibid.
Lebens-Speise der Lufft.
319
Leinwand gibt einen
Spiritnm.
32
Lignorum olea.
170
.
171
Liquor
auß Zinck oder Spiauter zuma- machen.
93
Saturni \& Jovis.
108
Saturni usus in peste.
ibid
.
Saturni usus
aͤusserlich.
ibid.
Jovis usus
innerlich.
108
.
109
Solis.
20
Silicum.
122
dessen
Register.
dessen
usus in Medicina.
123
Silicum
gibt eine blutrothe Tinctur mit
Spiritu vini.
123
Silicum
ziehet auß dem Golde seine Far- be/ daß es weiß bleibet.
125
arenæ vel silicum
ziehet eine gute tin- ctur anß dem Golde.
128
.
129
Silicum
macht Baͤume mit Farben von allen Metallen in wenig stunden wach- sen.
131
lapidum.
144
der Holtz-kohlen.
306
darinnen der
sulphur
des Holtzes con- centrirt.
ibid.
gibt eine graßgruͤne
solution.
ibid
.
vnd einen gruͤnen Loͤwen/ dessen Gluth eine gute Artzney fuͤr alle vnheilbare Kranckheiten gibt.
306
Liquoris Lunæ viridis in Alchymia \& Mechanicis usus.
75
Silicum usus.
130
Lufft ist in Egypten Nitrosisch.
362
dahero pr
æ
servirt sie das Getreyde auf den Soͤllern fuͤr
Corruption.
ibid
.
bey vns ist sie nicht trucken.
ibid.
gibt allen dingen das Leben.
390
wann sie warm/ machet Essig.
ibid.
auch Salpeter auß den
Salien.
ibid
.
Luna
gibt ein
oleum viride.
75
cornua.
203
wird verwandelt in bestaͤndig Gold durch das
Sal auri.
336
Lunæ Crystallarum usus.
73
Florum usus in Medicina.
74
liquoris viridis usus in Alchymia \& Mechanicis.
75
Spiritus Tartarisatus.
113
olcum \& vitriolum.
145
Lungen-Kranckheit zuvertreiben.
84
Lutum
zuzurichten/ mit welchem die Oefen aufgesetzet werden.
252
auf gebrochene Glaͤser.
253
.
254
M.
Mahlern Farbe zumachen.
420
Maltzmachen.
164
.
165
Ansetzen.
166
zubereyten in concentrirung der Frucht.
364
Maͤgen der Thiere thun weiter nichts/ als daß sie die Kraͤuter/ ꝛc. zur
putrefaction
bringen.
377
.
378
Marcasita argentea
was es fuͤr ein Mine- ral sey.
401
aurea,
was es sey.
402
Mars
gibt einen
spiritum
vnd
oleum Tar- tarisatum.
110
gibt ein
oleum,
welches
in peste, febri- bus, obstructionibus
vnd
corruptione sanguinis
zugebrauchen.
11
Marterdreck gibt ein wolriechend
extra- ctum.
141
Massa,
die Edelgesteine zumachen.
242
.
243
zu faͤrben.
ibid.
Silicum vel Crystallorum,
wie sie zu- faͤrben.
243
.
244
Mastix-oͤhl.
16
Martis oleum.
21
Mediein auß den
floribus Crystallorum Lunæ.
74
auß Kupffer aͤusserlich zugebrauchen.
77
ex Marte.
ibid
.
de Jove \& Saturno.
ibid
.
von Buͤchsen-Pulver.
90
von Menschen-haar.
148
auß dem Golde.
230
.
231
Universalis,
wie sie muß wuͤrcken.
307
worin-
Register.
worinnen zufinden.
308
wie sie
multiplicirt.
ibid
.
Ist im Mist zusuchen.
306
Universalis
ist ein rein concentrirtes Fewer.
317
Particularis.
318
die guͤldisch.
337
deren gebrauch
in Medicina.
ibid
.
Meergewaͤchse geben einen Salpeter.
379
Mellis spiritus \& oleum.
149
.
150
Menschendreck gibt Bisam.
141
Haar geben eine Medicin.
148
Menstruum
alles aufzuloͤsen.
248
.
249
ist ein Wasser.
ibid.
nicht corꝛosivisch.
ibid.
Faͤrbet nicht die Haͤnde.
248
.
249
ist ein fewriger von urinosichen Salien bereyteter
liquor.
289
kan auß allen Vegetabilien/ vnd sonder- lich des
Tartari
fixem Saltz zugerichtet werden.
ibid.
auß dem
Tartaro
zumachen.
291
Mercurii spiritus Tartarisatus.
113
oleum.
22
Mercurius.
78
Spiritu nitri rectificatus.
ibid
.
calcinatus, præcipitatus.
ibid
.
Minerale Turbith.
ibid
.
dulcis.
79
.
80
wo er nicht recht zugericht/ sondern als ein lauffender eyngegeben wird/ ist er ei- ne Roß Artzney.
80
wie er wieder auß dem Menschen zuja- gen.
ibid.
vertreibt die Laͤuse.
ibid.
kan durch das
Sal auri
in bestaͤndig Gold verwandelt werden.
336
Metalla in Spiritus \& olea
zubringen.
105
geben ein suͤsses vnd blutrothes
oleũ.
20
deren
olea corrosiva.
20
zu pr
æ
cipitiren.
145
schmeltzen.
201
scheyden.
201
.
202
die gering zuscheyden.
204
.
205
deren verbesserung.
205
.
206
zuscheyden vnd schmeltzen im Nassen weg.
211
.
212
im truckenen weg.
213
.
214
davon man Spiegel giesset.
234
.
235
in Medicamenta
zubringen.
292
wachsen machen.
301
schwerer zumachen.
327
.
328
Metallisatus spiritus tartari.
107
Metallische
spiritus
vnd
flores
zumachen/ durch hůlff des Salpeters vnd Leinen- Tuch.
86
vnd Mineralische/ subtile/ gesaltzene Gei- ster lassen sich mit gemeynem suͤssen Wasser vermischen.
186
Fermentation.
209
.
210
Glaͤser.
237
.
238
Meth machen.
161
.
162
.
163
321
.
322
in einem Zuber oder hoͤltzernen Faß/ auß mangel eines Kessels/ zumachen.
190
.
191
lieblichen geschmack vnd geruch zuge- ben.
322
Mineralia in spiritus \& olea
zubringen.
105
geben ein suͤsses vnd blutrothes
oleum.
20
deren
olea corrosiva.
20
vnd Metallische/ subtile/ gesaltzene Gei- ster lassen sich vermischen mit dem ge- meynen suͤssin Wasser.
186
koͤnne
Metalla
werden.
222
.
223
zu welchen Metallen sie werden koͤnnen.
ibid.
b
in Me-
Register.
in Metalla
zubringen.
292
was darunter verstanden werde.
399
figirung
per nitrum.
404
Mineralische Wasser/ in einem hoͤltzernen Gefaͤß/ in steter waͤrme/ so lang als belie- big/ zuerhalten.
161
.
162
Minerale Bezoarticum.
26
ist gut
in peste, morbo Gallico, Febri- bus, Scorbuto, Lepra.
ibid
.
Mist der Metallen.
302
worinn er zufinden.
ibid.
der
Philosophorum.
303
ist eine aufgeschlossene
materia,
die sich handeln/ vnd jhre kraͤfften von sich schey- den laͤsset.
ibid.
der Metallen ist ein sulphrisch fix Saltz.
304
gibt Nahrung/ Medicin vnd Wachs- thumb.
ibid.
ist die rechte aufschliessung der dinge.
ibid.
an Geruch zuerkennen.
ibid.
der Vegetabilien/ Animalien vnd Mi- neralien/ hat einerley geruch vnd wuͤr- ckung
in Medicina
vnd
Chymiâ.
ibid
.
in drey stunden zumachen.
303
.
304
der
Philosophorum
worinn er stecke?
305
von allen dingen fuͤhret einen Salpeter.
ibid.
warumb er duͤnget.
440
Mixtur/ davon man die Spiegel giesset.
234
.
235
Muͤffel zumachen.
263
.
264
Modus præparandi salia ad recuperan- dum spiritum eorum volatilem.
63
spiritum tartari.
101
spiritus \& olea
auß Metallen vnd Mi- neralien.
105
.
106
Distillandi.
7
.
169
die Metallen zuschmeltzen vnd zuschey- den im nassen wege.
211
.
212
im trucknen wege.
213
.
214
aurum potabile.
333
.
334
Multiplicirung der Vegetabilien/ Anima- lien vnd Metallen.
309
geschicht Durch duͤngung vnd Mist.
308
Musti spiritus.
151
Niederschlag.
320
mit Schwefel.
ibid.
mit fixen sulphur/ nemblich durch weisse Kießlingsteine.
ibid.
mit Zinn
in spiritu salis
solvirt.
ibid.
concentriren.
321
.
356
.
357
suͤsse vnd gut zuɯachen.
357
auf Honigdicke zubringen.
357
.
358
Mutter oder Hefen-bereytung zum distilli- ren.
162
.
163
N.
Nasse weg Metallen zuscheyden vnd schmeltzen.
212
.
213
Niederschlag der Metallen.
289
.
300
zum Wein vnd Most.
320
.
321
Nieren-Stein zuvertreiben.
338
.
339
Nitrosus Arseniei spiritus.
85
Nitrum
durch den
Regulum Antimonii
zufigiren.
290
.
291
Nitrum
concentrirt
Mineralia
vnd Me- tallen.
350
ist in groͤsserer quantitaͤt zufinden/
in su- perfluis naturæ animalium,
als
in ex- crementis.
378
durch dessen huͤlffe alle Metallen
com- pendiosè
voneinander zusondern vnd scheyden.
421
.
422
Nitri spiritus Antimonio acidus sulphu- ratus.
83
spiri-
Register.
spiritus Tartarisatus.
83
vel Aquæ-fortis spiritus sulphureus.
84
O.
Obstructiones viscerum
zuoͤffnen.
56
Obst-Wein.
314
.
315
.
316
Odoriferum extractum.
179
.
180
Oel aufzuloͤsen.
388
Oefen im ersten Theil.
4
andern Theil.
45
dritten Theil.
156
vierdten Theil.
192
.
193
fuͤnfften Theil.
247
zubawen.
251
Olea
auß Metallen.
105
auß Mineralien.
ibid.
Tartarisata
auß
Marte
vnd
Venere.
110
auß Perlen/ Corallen/ Krebsaugen/ vnd andern leicht solvirlichen Steinen der Thier vnd Fische.
119
Vegetabilium.
15
corrosiva Mineralium \& Metallorum.
20
lapidum.
144
aromatum, seminum, florum, herba- rum, radicum, lignorum
vnd derglei- chen Vegetabilien zumachen.
170
in Balsama
zucoaguliren.
171
.
172
Olei Vitrioli corrosivi virtus.
52
dulcis præparatio.
60
Tartari metallisati usus.
104
Antimonii corrosivi
aͤusserlicher Ge- brauch.
25
Lapidis Calaminaris usus.
27
Benedicti usus.
155
Oleum Vitrioli dulce.
58
viride ex Luna
zumachen.
75
ex Talco
mit Salpeter zumachen.
92
auß Zinn zumachen.
93
ex lapide Calaminari.
ibid
.
ex Nitro \& Regulo Martis.
94
.
95
ex Arsenico \& Auripigmento.
97
ex Antimonio, sale communi, \& Vi- triolo.
ibid
.
auß dem Zinck.
99
auß dem Bley.
100
auß
Tartaro
mit zuthun etlicher Metal- len vnd Mineralien.
104
von
Saturno
vnd
Jove.
108
von Mastix.
16
vnd Weyrauch.
ibid.
von Metallen vnd Mineralien.
20
seu liquor solis.
20
Martis.
21
Veneris.
22
Jovis \& Saturni.
ibid
.
Mercurii.
ibid
.
Antimonii.
23
Arsenici \& Auripigmenti.
26
Lapidis Calaminaris.
ibid
.
Welches blutroth/ gibt Vitriol durch huͤlffe des
spiritus urinæ.
143
.
144
\& vitriolum Lunæ.
145
Cornu Cervi.
147
Succini.
148
Fuliginis.
149
ohne distillation zumachen.
ibid.
Mellis.
149
.
150
Sacchari.
150
.
151
Olivarum.
152
.
153
Ceræ.
153
Sulphuris acidi.
154
.
555
Olivarum oleum.
152
.
153
P.
Pappier giebt einen
Spiritum.
32
Perlen geben einen
Spiritum.
119
vnd
oleum.
ibid
.
b ij
Pesti-
Register.
Pestilentz kan vertrieben werden durch Storchdreck.
141
Pflaumen-Wein.
315
.
316
Podagra
zucuriren.
338
Polierung der Spiegel.
236
.
237
Pr
æ
cipitirung der Metallen.
299
.
300
Pr
æ
servativ fuͤr zufaͤllige Kranckheiten.
339
Prima materia rerum.
309
.
310
Principia vini explicantur.
353
tria vini
zu conjungiren.
361
Proba der Ertzte vnd Berg-arten.
196
.
197
Proceß mit dem
liquore silicum,
daß in demselben Baͤume mit Farben/ in we- nig stunden von allen Metallen wach- sen.
131
spiritum urinæ vel Salis Armoniaci vo- latilem
zumachen.
136
.
137
Korn zu Concentriren.
363
Provianthaͤuser zu fuͤllen.
369
Purgans extractum.
176
.
177
Purgatio.
112
fuͤr Bawren vnd starcke Leute.
ibid.
Fuͤr kinder vnd alte.
ibid.
in Bechern.
271
.
272
der alten vnd newen
Medicorum
wird examiniret.
273
warumb vnd auß welcher krafft sie das jhrige verꝛichten.
274
Q.
Quinta essentia omniu Vegetabilium.
19
omnium Metallorum \& mineralium.
19
.
20
vini.
295
.
296
centri cõcentrati Elementorũ.
318
.
319
R.
Radicum olea.
170
.
171
Recipienten im ersten Theil.
5
Regulum Antimonii
zumachen.
225
figirt das
Nitrum.
290
Rocken gibt in distillation einen
Spiritum ardentem
von sich.
163
.
164
Rost-ofen oder Ciment/ daß alle Sulphu- rische/ Arsenicalische/ Antimonialische/ Koboltische vnd andere giftige vnd fluͤch- tige Ertze bindet vnd figiret.
287
Ruß gibt ein Oehl.
149
ohne distillation.
ibid.
S.
Saamen gibt einen sauren
spiritum
oder
acetum.
31
desselben vorbereytung zur distillation.
166
.
167
worauß er bestehe.
261
wie solches zu probiren.
ibid.
gibt kein
Sal acidum
von sich.
ibid.
sondern ein
Sal volatile
vnd ein Oehl.
ibid.
Sacchari oleum \& spiritus.
150
.
151
Saͤffte von Wein.
357
.
58
von Fruͤchten.
365
In Honig dicke zu machen vnd eynzu- kochen.
ibid.
Jaͤhrend zumachen.
368
fuͤhren ein
Sal
bey sich.
375
Saͤgspaͤhn/ Schwefel vnd Salpeter geben einen
spiritum.
86
Sal effentiale
in allen Sachen vnd gewaͤch- sen zufinden.
374
Salia mineralium \& lapidum.
35
dahin zubringen/ daß sie Crystallen schiessen.
106
auß gemeyn suͤß Wasser zumachen.
259
Salis communis spiritus sulphureus vola- tilis \& acidus.
63
Salis spiritum
zu distilliren.
11
dessen
usus.
14
in Me-
Register.
in Medicina.
14
in Solvirung der Metallen.
ibid.
in der Kuͤchen.
ibid.
spiritus usus
in der Haußhaltung.
39
.
30
Armoniaci vel urinæ spiritus volatilis.
132
Ejusdem usus.
138
Armoniaci spiritus
wuͤrcket von
Vi- triolo
ein blutrothes
oleum
zu distilli- ren.
143
volatilis usus est in Medicina.
375
Nitri vel Tartari usus
kompt in andern Sachen zu nutz.
ibid.
Salmiac.
132
dessen
Spiritus.
132
.
133
vnd Gebrauch.
138
Sal mundi universale.
306
Auri.
333
Salpeter/ Saͤgspaͤhn vnd Schwefel geben einen
Spiritum.
86
vnd Kohlen geben einen
Spiritum.
91
auch
flores.
ibid
.
auß den Steinen zubringen.
347
in
Copia
zumachen vnd zu Metallischer arbeit zugebrauchen.
349
ist in allen dingen.
379
auch in allen Elementen.
ibid.
ist der wahre
spiritus mundi universa- lis.
ibid
.
auß Thieren zumachen.
386
auß Bluth.
ibid.
auß voͤgel vnd fisch.
387
auß saͤfften zumachen.
ibid.
in copia
zumachen.
396
durch dessen huͤlffe alle Metallen
com- pendiosè
zu scheyden.
421
Salpeter-Sieder suchen die Erden in al- teu Kirchhoͤfen.
386
Sal sulphureum.
309
was es sey.
ibid.
ein
Vegetabile, Animale
vnd
Minerale
fuͤhrt es bey sich.
309
stickt in Mist vnd verfaultem Gras.
309
essentiale animalium
fuͤhret einen hoch- gradirten
Sulphur
bey sich.
311
Sulphuratum,
welches das
sal effentia- le universale
bey sich fuͤhret/ zuerlan- gen.
312
Sal Tartari \& Tartarus crudus
gibt einen
Spiritum.
120
Sal Terræ universale.
305
In allen Sachen so zur faͤulung vnd Mist gebraucht werden zufinden.
ibid.
Saltzwasser vom Golde.
68
dessen gebrauch in Mediein.
68
.
69
Purgirt den Magen vnd Daͤrm.
ibid.
in floribus
wol zugebrauchen.
ibid.
gibt Silber.
ibid.
Sand gibt
flores
vnd
spiritus
, mit zuthun Kohlen vnd Salpeter.
92
oder Kießling erlangt auß
sal tartari
ei- nen kraͤfftigen
spiritum.
120
Saturni Crystallorum usus.
77
\& Jovis oleum.
22
kan durch das
sal auri
in bestaͤndig Gold verwandelt werden.
336
Scheyd-arbeit.
298
.
299
mit Salpeter vnd
Regulo
in einer vier- tel stunden.
298
Scheyden der Metallen.
201
.
202
der geringen Metallen.
204
.
205
im nassen weg.
211
.
212
im trucknen weg.
213
.
214
Schlag-Gold.
71
Schmaltz aufzuloͤsen.
388
Schmeltzen der Ertz vnd Metallen.
201
b iij
im
Register.
im nassen weg.
211
.
212
in truckenen weg.
213
.
214
Schmeltztiegel/ so gut vnd bestaͤndig zuma- chen.
263
.
264
Schwalbendreck gut in
Epilepsia.
141
Schweißtreibende
flores Antimonii.
42
Schwefel/ Saͤgspaͤhn vnd Salpeter geben einen
Spiritum.
86
gibt eine rothe Tinctur/ vnd wie sie zu ex- trahiren.
145
Baͤder.
186
.
187
gibt einen Niederschlag auf Wein-saͤff/ te.
393
was es fuͤr ein Mineral sey.
403
.
404
Schweißtreibende
extractum.
177
.
178
Seminum olea.
170
.
171
Seyde gibt einen
Spiritum.
32
Silber von Gold zuscheyden.
81
Silberberg in
America Peru.
347
Silicum liquor.
122
gibt eine blutrothe Tinctur mit
spiritu vini.
123
Tincturæ usus in Medicina.
123
.
124
ziehet auß dem Gold seine Farb/ daß es weiß bleibet.
125
ziehet eine gute Tinctur auß dem Golde.
128
.
129
liquoris usus in Medicina \& Alchymia.
130
liquor
macht Baͤume mit Farben von allen Metallen in wenig stunden wach- sen.
131
m
assa.
243
.
244
wie sie zu faͤrben/ daß man Edelgesteine darauß machen moͤge.
243
.
244
Silices
haben
signaturam calculi micro- cosmici.
121
Solis Tincturæ usus.
72
.
337
.
338
liquor.
20
Tincturam,
durch huͤlffe
liquoris are- næ vel silicum
auß dem Gold zu extra- hiren.
128
.
129
Tinctura.
227
.
230
.
337
.
338
Medicina.
230
.
231
wann sie fix gemacht ist.
338
bringt verlohrne Gesundheit wieder.
339
.
340
ein Pr
æ
servativ fuͤr zufaͤllige Kranck- heiten.
ibid.
Somniferum extractum.
178
.
179
Spanischgruͤn auß altem Kupffer zuma- chen.
286
Speauter was es fuͤr ein Mineral sey.
402
Specula.
231
.
232
concava.
233
.
237
.
245
deren Mixtur oder Metall/ darvon sie gegossen werden.
234
.
235
Polieren vnd Glattmachen.
236
.
237
Spiritus ex sale Tartari
zumachen.
34
Vitrioli volatilem
zu machen.
48
volatilis sulphurei Mineralium \& Me- tallorum præparatio.
64
vom Zinck.
65
volatilis
von der Schlacken
Reguli Martis.
ibid
.
acidus albus \& volatilis rubeus ex sa- le nitro.
ibid
.
nitri sulphuratus.
82
sulphuratus Antimonii acidus.
83
Nitri Tartarisatus.
ibid
.
Antimonii Tartarisatus.
16
nitri vél aquæ-Fortis sulphureus.
84
Arsenici nitrosus.
85
von
Sulphure tartaro crudo
vnd
nitro.
ibid
.
von
Sale Tartari, sulphure
vnd
nitro.
ibid
.
von
Register.
von Sågspaͤhn/ Schwefel vnd Salpe- ter zumachen.
86
von Metallen zumachen durch huͤlff Salpeter vnd Leinen-Tuch.
ibid.
von Buͤchsen-Pulver.
87
.
88
auß
S
alpeter vnd Kohlen.
91
Auß Kißling/ Crystallen oder Sand mit zuthun Kohlen vnd
S
alpeter.
92
ex Talco
mit
S
alpeter zu machen.
92
auß Zinn zu machen.
93
auß Zinck oder
S
piauter.
ibid.
ex lapide Calaminari.
ibid
.
von
S
alpeter/
S
chwefel vnd gemey- nem Koch-
S
altz.
94
ex nitro \& Regulo Martis.
94
.
95
Vitrioli.
98
auß dem Zinck.
99
auß dem Bley.
100
Tartari usus \& præparatio.
101
auß dem
Tartaro
mit zuthun Metallen vnd Mineralien.
104
\& olei Tartari Metallisati usus.
ibid
.
auß Metallen.
105
auß Mineralien.
ibid.
Tartari metallisatus.
107
von
Saturno
vnd
Jove.
108
auß
Marte
vnd
Venere.
110
Mercurii Tartarisatus.
113
Auri \& Lunæ
T
artarisatus.
ibid
.
von
Antimonio \&
T
artaro.
114
auß Corallen/ Perlen/ Krebsaugen vnd andern leicht solvirlichen
S
teinen der Thier vnd Fische.
119
Distillatus
von Corallen/ dienet denen
epilepticis, melancholicis
vnd
apople- cticis.
120
ex sale Tartari
vnd
Tartaro erudo.
ibid
.
kan auß
sale tartari
durch huͤlff eines rei-
nen
S
andes oder Kißling erlangt wer- den.
120
Salis.
11
Salis usus.
14
In der Kuͤchen vnd Haußhaltung.
29
.
30
von allen Vegetabilischen dingen/ als Kraͤutern/ Hoͤltzern/ Wurtzeln/
S
aa- men vnd dergleichen zumachen.
31
von Pappier vnd Leinwand.
32
von
S
eyden.
ibid.
von Menschen-haaren vñ andern Thie- ren-haaren oder Hoͤrnern.
ibid.
vini
zieth eine bluthrothe Tinctur auß dem
liquore silicum.
123
urinæ vel salis Armoniaci volatilis.
132
ejusdem usus.
138
urinæ
wuͤrcket von
Vitriolo
ein blutro- thes
oleum.
143
cornu Cervi.
147
mellis.
149
.
150
Sacchari.
150
.
151
von Corallen vnd Zucker.
151
Musti.
151
.
152
contra calculum.
154
Sulphuris acidi.
154
.
155
von Rocken/ Gersten/ Habern/ Weytzen vnd dergleichen.
163
.
164
zubewahren/ daß sie nicht durchgehen.
253
welche subtil/ zubewahren/ daß wann sie bereytet sind/ nicht verꝛiechen.
254
mit
S
toͤpffeln von Glas zuhalten.
255
vini
corꝛigirt die cruditaͤt der Kraͤuter.
280
.
281
vini alcolisatus.
314
S
tarckwasser.
81
S
teine geben einen
spiritum.
119
der
Register.
der Thier vnd Fische geben
Spiritus
vnd
olea.
ibid
.
der Nieren vnd Blasen zuvertreiben.
338
.
339
in
Nitrum
zuverwandlen.
347
Steinkohlen.
84
wachsen wo das Erdreich sehr Sulphu- risch ist.
346
Stercoris Medicina.
140
Spiritus.
ibid
.
Stichpflaster zumachen.
420
Stoͤpffel von Glaß in die Glaͤser zuschlei- fen/ die
spiritus
darinn zu halten.
255
.
256
Storchen dreck gut fuͤr Pestilentz.
141
Stråuche zu concentriren.
371
Subjectum universale
was es sey.
376
ist auch
solvens universale.
ibid
.
Sublimir-Haͤfen.
6
Succini oleum.
148
.
149
S
ulphurische/ mit einer subtilen saͤure ver- mischete Wasser vnd Båder.
184
.
185
S
altz/ haͤlt die beste krafft in sich/ davon die Vegetabilien jhre Nahrung/ Medi- ein vnd Fruchtbarkeit haben/ als auch bey den Animalien vnd Metallen.
304
Sulphur auratum diaphorcticum.
84
commune
zu zeitigen/ daß es vielerley Geruch der Vegetabilien von sich gebe.
146
kan zum Metall werden/ vnd zu welchen Metall?
222
.
223
von
Antimonio
zu scheyden.
226
Sulphuris acidi spiritus vel oleum.
154
.
155
T.
Tag auß Nacht zu machen.
224
durch ein
Speculum concavum.
ibid
.
245
Tartarus crudus acidus,
ein vrsach vieler
Kranckheiten.
55
crudus
gibt einen subtilen
Spiritum.
101
auch ein
oleum.
ibid
.
dienet die
Metalla in olea
zu bringen.
106
\& Antimonium
gibt einen
Spiritum.
114
crudus \& sal Tartari
gibt einen
spiri- tum.
120
dessen
Tinctura.
144
Tartarisatus Nitri spiritus.
83
Antimonii spiritus.
ibid
.
spiritus \& oleum
auß
Marte
vnd
Vene- re.
110
Mercurii spiritus.
113
Auri \& Lunæ spiritus.
ibid
.
Tartari spiritus metallisatus.
107
spiritus
mit guͤldischen kraͤfften
impræ- gnirt.
114
Tartari spiritus præparatio \& usus.
101
Sal \& Tartarus crudus
gibt einen
spiri- tum.
120
Tiegel/ so gut vnd bestaͤndig zu machen.
262
.
263
so verglasurt/ jhr gebrauch.
270
.
271
Tinctura
vom Buͤchsen-Pulver.
90
Vegetabilium.
144
Tartari crudi.
ibid
.
auß dem
Antimonio.
145
auß dem gemeynen
S
chwefel.
ibid.
von Corallen vnd Zucker/ welche blut- roth.
151
Solis \& antimonii.
227
auß dem Golde.
230
Tincturæ solis vel auri usus.
72
Silicum usus in Medicina.
123
.
124
Tincturam,
die blutroth/ mit
spiritu vini
auß dem
liquore Silicum
zuziehen.
123
Solis
Register.
Register.