Beutelschneider/ Oder Neue/ warhaffte/ vnd eigentliche Beschreibung Der Diebs Historien.
Darinnen
Der Beutelschneider/ Diebe
vnd Rauber Arglistigkeit/ Verschla- genheit/ Bossen/ Rencke vnd Tuͤcke/ auch was sie fuͤr wunderbarliche seltzame Diebsgriffe/ Pra- cticken vnd Fuͤndlein erdacht/ gebraucht/ vnd sonsten fuͤr erschreckliche Mordthaten in Franckreich ge- stifftet vnd begangen haben.
In sonderlichen waarhafften Historien vor Augen gestellet. Mit sonderbaren
nůtzlichen
Observationen/ Erjnnerungen vnd Warnungen der gestalt zuge- richtet/ daß sich maͤnniglichen zu nothwendiger War- nung vnd Lehr/ auch zu Ergoͤtzlichkeit vnd Lust zu lesen dienen. Auß dem Frantzoͤsischen in die Hochteutsche Sprach uͤbersetzt.
Erstlich Gedruckt zu
Franckfurt
/
1627.
An den Leser.
G
Vnstiger lieber Le- ser/ es ist ein grosser vor- theil dem jenigen/ der zu Wasser oder zu Land wil eine Reiß vornehmen/ wann er die Landtaffel wol verstehet/ wann er weiß/ wo diese oder jene Statt ist ge- legen/ oder wie gefaͤhrlich es ist auff djesem oder jenem Weg/ dann jhm der jenigen/ mit welchen er wil vmb- gehen/ Humor/ Art/ Grillen: vnd
Eigenschfften
nicht bewust seyn Er weiß auch nicht die Kunst vnd Bu- benstuͤcke/ darinnen ein jegliche Na- tion alle Tag sich uͤbet vnd Meister ist/ so kan er durch solche seine Vn- wissenheit gar leichtlich in grosse ge- fahr vnd vngemach gerathen.
Dieses ist nun die einige Vrsach
A ij
gewe-
Vorꝛede.
gewesen/ welche mich bewogen/ dir dieses kleine Buͤchlein zu presenti- ren: Dann weil diese Gesellschafft heutiges Tages uͤber alle massen groß ist/ wie auch die arglistige Ver- schlagenheit/ die sie zu stelen gebrau- chen/ vnmenschlich vnnd vnglaub- lich: Als habe ich darvor gehalten/ jederman nuͤtzlich zu seyn/ wann ich jhre Buben- vnnd Diebsstuͤck oͤf- fentlich an die Sonn lege/ auff daß man sich desto besser vor jhnen moͤge vorsehen.
Ein verstaͤndiger Schiffmann spannet seine Segel nit auff/ wann er nur im geringsten ein schweres Gewitter mercket kommen/ vnnd wann er durch ein gefaͤhrliches ort soll duꝛchfahren/ so bedencket er sich wol/ ob er nicht vielleicht da koͤnne Schiffbruch leyden/ vnnd mit sei- nem Schiff anfahren.
Also
Also ist es gut/ daß man jre Bu- benstuͤck wisse/ jren Anschlaͤgen vor- komme/ vnnd das seinige moͤge be- halten. Sihe/ lieber Leser/ das ist der Nutz/ welchen du durch lesung die- ses Buchs kanst haben: Dann da wirst du hoͤren vnd sehen wundersel- tzame Practicken/ welche die Diebe zu stelen gebrauchet haben/ welche du vnter dessen wollest lesen/ biß daß wir das zweyte Theil dieser Histori- en fertig machen/ vnd welches zwey- te Theil wird seyn eine Continua- tion dieser Historien/ da du warlich solche streich wirst lesen/ daß derglei-
chen nicht mehr ist gehoͤret wor- den. Hiemit Gott be- fohlen.
A iij
Ver-
Verzeichnuß der Capitel so in diesem Buch begriffen.
Cap.
I.
Von dem erschrecklichen Leben deß Capitainen Lycaon/ als deß Obersten der Diebe von seinem Geschlecht vnd Herkom- men/ vnnd wie er sich in seiner Jugendt hat verhalten
1
II.
Ferꝛnere Beschreibung deß Lebens/ deß Hauptmans Lycaon/ sein boͤses vorneh- men/ seine Arglistigkeit/ Veꝛschlagenheit vnd Kriegsliste/ vnd was er sonsten vor schreckli- che dinge begangen/ von der Zeit an/ da eꝛ sich auff das Strassenrauben hat begeben.
8
III.
Lycaon wird von dem Vogt von Ro- ven verfolget/ begibt sich in sein Raubschloß Machecoufti/ da er dann wird vmbringet vnd belagert/ vnd was er ferꝛners biß an sein Todt gethan hat.
26
IV.
Von dem Rougets vnnd Grisons/ von jhren Sitten/ Ordnungen vnnd Argli- stigkeit/ deren sie sich gebrauchen/ jhre boͤse Bubenstuͤck ins Werck zu setzen.
40
V.
Von dem Rauben vnd Morden deß Chesnay/ als deß Ohersten der Rougets vnd Grisons: Was sein Mitgesell an vnter-
schied-
schiedlichen oͤrtern in Franckreich begangen: Wie er gefangen/ vnd seine fuͤrnembste Ge- sellen sey hingerichtet worden.
59
VI.
Von einem erschrecklichen Mord vnd Raub zu Paris/ von Rochtaille begangen/ vnd wie es endlich offenbar ist worden.
82
VII.
Von dem erschrecklichen Leben deß Capitainen Carfour/ von seinem rauben vnd morden/ vnd wie er endlich ist zur straff gezo- gen worden.
96
VIII.
Ferꝛnere Erzehlung deß erschreck- lichen Lebens/ Handels vnnd Wandels deß Courfour/ als eines beruͤmbten Strassen- raubers/ vnnd wie er endlich sein Lohn hat empfangen.
111
IX.
Historien von einem Gasconier/ ei- nem beruͤmbten Rauber/ vnd was er nicht al- lein zu Paris/ sondern auch an andern oͤrtern hat begangen.
130
X.
Von den verdamblichen Thaten eines jungen Herꝛn von Guinne/ genannt Alidor.
48
XI.
Von den Bubenstuͤcken eines Rau- bers/ genannt Fleur/ vn̄ wie er eine sondeꝛliche Manier gebraucht/ die Leute zubeꝛauben
162
XII.
Von den erschrecklichen Vbeltha- ten/ eines Tyrannischen Moͤrders/ genandt Franciscus de la Biegne/ welcher hernacher zu Lion ist hingerichtet worden.
178
XIII.
Von den Arglistigen streichen vnd Bubenstuͤcken der Filous/ vnd wie sie einem jungen Lymosin den Beutel mit dem Gelt erhaschet haben.
196
XIV.
Von dem rauben vnd stelen eines nassen Zechbruders/ der Vniversitet/ genant Postel/ vnd was er fuͤr verdamliche Thaten in seinem Leben begangen.
220
XV.
Von der Rauberey deß Grillons/ welcher eines Rahts in dem Parlement zu Rennes Schreiber ist gewesen.
244
XVI.
Historien von einem falschen Muͤn- tzer/ vnd von seinem grossen Betrug.
261
XVII.
Von einem erschrecklichen vnd wunderbarlichen Todtschlag inn der Statt Paris begangen von Lachassine/ welcher hernacher auff dem Kirchhoff S. Jean ist Geradbrechet worden.
279
XVIII.
Von einem andern vnerhoͤrten Mord zu Paris/ inn der Gassen du Temple begangen/ von einen Ertzrauber/ genant Bo- rte/ vnd wie er endlich ist eꝛdappet wordē.
299
XIX.
Historia von den wunderbarlichen seltzamen streichen/ vnd arglistigkeit eines be- ruͤmbten vnnd wolbekandten Beutelschnei- ders/ genannt Ambrosij la Forge.
Beutel-
1. Beutelschneider/ Das ist/ Allgemeine Verzeichnuß uͤber die Historien von den Dieben.
Das
I.
Capitel.
Von dem erschrecklichen Leben deß Ca-
pitainen Lycaon/ als deß Obersten der Dieben/ Von seinem Geschlecht vnnd Herkommen/ vnnd wie er sich in seiner Jugendt hat verhalten.
W
Ann ein Mensch ein- mal anfanget zu rasen/ vnd in Ver
z
weifflung zu gerathen/ oder einmal fol- get/ wo jn sein blinde Be- gierde hinreissen/ so laͤst er darnach den Zaum schies- sen seinen boͤsen vnoꝛden- lichen boͤsen Affecten: Da kan man in der Welt niemands uͤbermuͤtiger vnd aͤrger/ als einen sol- chen Menschen/ sehen: Dann ein selcher Mensch trotzt als dann den Himmel/ er verschmaͤhet Got- tes Schickung vnnd Ordnung/ Er glaubet vnd bildet jhm ein/ die Gestirn am Himel muͤssen jm nach seinem Kopff gehen vnd operieren/ es dun- cket jhn die Erde sey nicht werth/ daß sie jhn solte
tragen
Beutelschneider/ oder
tragen: Das grosse Meer ist jhm nicht breit gnug/ daß er allda sich auffhalte: Er blaͤset seine furcht uͤber diejenige/ so sich zu jhm nahen/ seine Wort seyn Donnerschlaͤge sein ansehen Blitz/ seine Ge- dancken haͤlt er fuͤr so viel vnwiderꝛuffliche Raht- schlaͤge. Gleich wie vor diesem vnd noch herti- ges Tags die hartnaͤckige zu thun pflegen. Er bil- det jhm ein/ die Berge sollen sich erschuͤtten vnd bewegen durch das blosse anschawen seiner Au- gen/ vnnd ist so Ehrgeitzig daß er jhme einbildet/ die Baͤch vnd Wasser sollen vnnd muͤssen sich en- tzwey theilen/ damit er nur hindurch gehen moͤge/ vnd koͤnne.
Ein solcher uͤbermuͤtiger Eysenfresser/ ist ge- wesen der Hauptmann Lycaon/ welchen man mit gutem Titel kan nennen/ den General vnd Ober- sten aller Diebe/ eben so wol/ als den Mercurium/ Dann Franckreich ist niemal so sehr geplaget/ noch so uͤbel bedranget worden/ als von eben die- sem Tyrannen/ gleichsamb also zu reden seyn muͤs- sem Tyrannen: Dann es hat Franckreich die- sen/ ein Fußschemel seines Tobens vnnd Vnfin- nigkeit.
Es erzehlet Plutarchus/ daß der Weg nach Athen vorzeiten so voller Dieb gewesen/ daß man mit grosser muͤh vnnd gefahr deßwegen da- hin hat kommen koͤnnen: Vnter andern inn dem Epidaurischen Gebiet ist einer gewesen/ genannt Periphedes/ welcher das gantze Land bedranget/ außgepluͤndert/ vnnd beraubet hat/ so gar/ Daß manchmals auch die Athe
n
ienser seyn erdappet
worden/
Diebs Historien/ das
I.
Buch.
worden/ biß so lang daß endlich Theseus jhn mit seinem eygnen Kolben schlaffen geleget/ vnd ein Siegzeichen daruͤber hat auffgerichtet Aber die- weil Franckreich gestanden/ ja von der Zeit an/ da Franckreich sich auß der Roͤmer Gehorsam auß- gewircket/ vnd von sich hat abgeschuͤttelt das Her- rische Joch welches die Roͤmer uͤber diese Pro- vintzen vnd Landschafften hatten/ so glaub ich nicht/ daß ein aͤrgerer/ schaͤdlicher Rauber sey je- mals gefunden worden/ als eben dieser: Dann wie ich euch wil sehen lassen in dem Muster seines Lebens/ so hat er allein mehr boͤses vnd mehꝛ scha- den in achtzehen oder zwantzig jahren gethan/ als von allen andern Raubern in fuͤnff hundert jah- ren wol ist geschehen.
Dieser Bergschrecker vnd Eysenfresser wa- re ein Breton/ buͤrtig auß der Insel Narmon- tier/ geboren von Adelichen Eltern/ aber er hat gantz vnnd gar auß der Art geschlagen/ vnd ist gantz abgewichen von dem alten Adel/ welchen seine Vorfahren durch dapfferkeit vnnd schoͤne Tugenden erlanget/ erhalten vnd fortgepflantzet hatten.
Da er noch nicht zehen oder zwoͤlff Jahr hat- te erreichet/ hat er schon in seinem Gesicht se- hen lassen/ die gewisse Merckzeichen seiner Hertz- hafftigkeit/ welche er zu seiner zeit die Feinde auff jhren Ruͤcken wuͤrde fuͤhlen lassen: Dann niemands dorffte sich seinem Rasen vnd Toben widersetzen/ Er sahe in seiner Jugend schon auß/ als wann er mit seinen Augen die jenigen/ welche
jhn
Diebs Historien das
I.
Buch.
jhn scheel ansahen/ wolte aufffressen/ also daß je- derman sagte: er were kein rechter Mensch/ son- dern vil mehr ein Mißgeburt vnd Wunderthier/ welches die Hoͤll selber auß jhrem Abgrund auß- gespyen/ die weil er so viel geraubet vnd gestolen/ daß er jhm endlich selber das Garn zu seinem Strick hat gesponnen/ vnnd jhm selber verursa- chet die Straff/ mit welcher Gott endlich heim- suchet alle solche Gottlose Tyrannen/ wann er sie lang vnd doch vmbsonst zur Buß hat vermah- nen lassen.
Seine Eltern als ehrliche Leut verwunderten sich selber uͤber die boͤse zuneygung/ welche er schon in seiner Jugend zu allem Vbel vnd Suͤnden hatte: Dann wann er mit andern seins gleichen Kindern vmbgienge/ so thaͤt er nichts anderst als sie schlagen peinigen vnd martern: ja er rauffete vnd schluge sich stets mit jhnen/ sonderlich aber dorffte man jhn nicht allein lassen/ wegen der boͤ- sen zuneygung/ so er zum stehlen hatte.
Vnder dessen so gieng fuͤr der Krieg in Franck- reich/ durch welchen auch gantz Franckreich mit Rauben/ Mord vnd Todtschlag wurde erfuͤllet/ vnd der Spanier/ welcher Henrico dem Grossen/ als dem rechten Erben der Cron Franckreich/ et- liche Laͤnder vnd Oerter/ welche doch diesem vn- sterblichen Fuͤrsten rechtswegen zustunden/ dispu- tirte vnnd zu sich ziehen wolte/ brachte ein groß Kriegsvolck zusammen/ also daß gantz Franck- reich/ wegen dieses erschroͤcklichen Sturmwinds deß Kriegs bebete vnd zitterte/ dann es ware das
Vnge-
Beutelschneider/ oder
Vngewitter so groß/ daß kein Ort in diesem gan- tzen Koͤnigreich ware zufinden/ da es nicht rauche- te von dem erschroͤcklichen Morden vnd Metzeln der Feinde gegen vnd wider einander.
Lycaon/ der nun mehr groß wurde/ vnnd von Natur so eigensinnig ware/ daß er nicht leyden kondte/ wann jhn seine Eltern vmb seines boͤsen willen ernstlich strafften/ vnd nur bedraͤweten/ name jhm vor seine Eltern zuverlassen/ vnnd in Krieg zu ziehen: Dann er bildete jhm eyn/ wann er lenger bey dem Fewer in seines Vatters Hau- se muͤssig solte sitzen/ wuͤrde er gar zu einem faulen Schlingel werden/ vnd in seiner Jugend verder- ben vnd verfaulen. Welches dan̄ an vnd vor sich selbsten ein loͤbliches Vornemen were gewesen/ wann er dahin hette gesehen/ daß er sich im Krieg dapffer gehalten/ vnd Ruhm vnnd Ehr erlanget hette: ja hette sich also verhalten/ daß er hernach nicht ein solches schmaͤhliches End hette nemen muͤssen.
Aber dieser hitzige vnruhige Kopff kondte nicht lang still sitzen vnd ruhen/ er muste etwas neues anfangen/ dardurch er jhm ein ewiges Gedaͤcht- nuß machte/ gleich wie auch zu seiner zeit der Ver- brenner deß schoͤnen grossen Tempels zu Epheso gethan hat/ welcher solchen Tempel/ als das schoͤ- neste Gebaͤu der Welt verbrennet/ vnd zu Aschen gemacht/ auff daß er jhm auch ein Gedaͤchtnuß bey allen Nachkoͤmmlingen moͤchte machen.
Als er aber nun mehr auff seyn/ vnd sein Vat- terland verlassen wolte/ da spintisiret er lang zeit
bey
Beutelschneider/ oder
bey sich selbsten/ bey wein er sich im Krjeg wolte vnderstellen/ doch endtlichen entschlosse er bey sich/ er wolte sich ins Kriegslaͤger deß Hertzogen Mercurij begeben/ da er dann fuͤr ein Soldaten gedienet Vnd wie die Begird sich sehen zu lassen/ allgemach sein Gemuͤht hat auffgewecket/ also ist hernach kein treffen vorgangen/ kein Anschlag vorgenommen worden/ dabey er nicht allzeit sich hette finden lassen: Er achte die grosse Gefahꝛ we- niger als nichts/ er wagte sich mitten vnder die Feinde/ Er ware allenthalbē vorn d
r
an/ er schlug vnd toͤdtet alles/ was jhm nur furkame/ also daß in weniger zeit er sich in dem Kriegslaͤger so be- ruͤhmt vnd bekandt machte/ daß man von nie- mands mehr als von dem Lycaon redete/ sein Hertz vnd Gemuͤht ware vnuͤberwindlich/ vnnd der schrecken/ welchen er bey semen Feinden mach- te/ ware so groß daß/ wann sie nur von seinem Namen reden hoͤreten/ erschracken sie vnd beger- ten viel mehr zu fliehen/ als jhm zubegegnen vnd zu widerstehen.
Nun dieses Gluͤck/ welches so bald im anfang jhm begegnet/ machte/ daß er bey den Vornemb- sten Obersten im gantzen Kriegslaͤger sehr be- kandt wurde: Dieselbige erlandten seinen vner- schrocknen Heldenmuht/ sie sahen/ daß er ein sehr wol proportionirte Person ware/ daß er ein He- roisches ansehen hatte/ vnd die Waffen uͤber alle massen wol fuͤhren kondte: Vnd dieweil er sich al- so erzeigte/ daß an Mannheit vnd Dapfferkeit er allen seinen Vorfahren nichts nachgabe/ gaben
sie
Diebshistorien/ das
I.
Buch.
sie jhm ein Compagnia Volcks zu/ da dann der Außgang mit deren von jm gefasten hoffnung so wol uͤberein stimmere/ daß er in kurtzer zeit sein Namen weit außbreitet/ vnd sich im gantzen Koͤ- nigreich Franckreich beruͤmbt vnd erkandt mach- te/ also daß seine Eltern hertzlich daruͤber erfrewet wurden. Dann weil er sich in seiner Jugend so uͤbel angelassen hatte/ so hetten seine Eltern jhnen nimmermehr traumen lassen koͤnnen/ daß der- mal eins jhr Sohn/ der Lycaon/ sich so dapffer hal- ten vnd solche Heldenthaten außrichten wuͤrde. Hierauß aber koͤnnen wir sehen vnd erkennen/ daß ein eintziger
Actus
kein
habitum
machet/ wie Aristoteles darvon redet/ das ist/ daß ein Schwalb kein Sommer machet/ vnd daß es gar nicht also folget: Der jenige hat sich einmal wol gehaltē/ der- halben so wirds auch allzeit also von jm geschehē: sondern daß wir vns manchmal selber schaͤndlich betriegen/ in dem/ daß wir von vielen sachen nur nach dem eusserlichen ansehen vrtheilen: Dann wer da hette den Lycaon zu Feld vnter dem Krigs- volck sehen sollen/ wie er in seine Feinde hineyn hat gefetzet/ gleich wie ein Adler auff seinen Raub/ O- der hette wol nimmermehr gedencken/ oder jhm traumen lassen koͤnnen/ daß er dermal eins sich wuͤrde so uͤbel halten/ vnd daß er/ nach dem er sol- chen Ruhm vnd Ehr durch seine Mannliche tha- ten erlanget/ dermal eins durch Vbelthaten ei- nen solchen schaͤndlichen Gestanck hinder sich las- sen wuͤrde/ wie gleichwol hernacher von jhm ist geschehen. Aber die Vnbestaͤndigkeit in der Welt
ist
Beutelschneider/ oder
ist so groß/ daß manchmals die jenige/ welch man haͤlt fuͤr die beste/ edleste vnd fuͤrtrefflichste/ seyn die jenige/ welche am allermeisten den Lastern seyn ergeben. Mancher/ der sich im Kriegswesen als ein dapfferer vnd streitbarer Scipio vnnd Hannibal hat erzeiget/ wird hernacher offtmals in Friedenszeiten/ viel lasser/ faͤuler vnd verzagter als eine nasse Hennen. Ja da leßt mancher seinen Heldenmuht vnd Hertzhafftigkeit/ darmit jhn die Natur begabet vnd gezieret/ fallen/ vnd beschleust seine Heldenthaten mit einer verzweiffelten Vn- sinnigkeit: Last vns dessen ein Exempel sehen an dem Lycaon selber/ weil wir ohne das seines Lebens vnd Herkommens anfang schon vernom- men haben.
Das
II.
Capitel.
Ferꝛnere Beschreibung deß Lebens deß
Hauptmanns Lycaon/ sein boͤses Vor- nemen/ seine Arglistigkeit/ Verschlagen- heit vnd Kriegsliste/ vnd was er son- sten vor schreckliche dinge begangen/ von der zeit an/ da er sich auff das Stras- senrauben hat begeben.
E
S hat Epictetus recht vnd wol ge- sagt: Der Krieg sey einem Land vnd Koͤ- nigreich gleich wie ein Fieber/ welches allgemach abmattet/ die Kraͤffte schwechet vn̄ ni-
der-
Diebshistorien/ Das
I.
Buch.
der schlaͤget: Dann was das Fieber fuͤr Wuͤr- ckung hat in deß Menschen Leib/ eben solche Wuͤr- ckung bringt auch mit sich der Krieg inn einem Land vnd Koͤnigreich: Dann da ist niemand der nicht habe erfahren/ daß nach dem viertaͤglichen Fieber ein gewisse boͤse Feuchtigkeit in dem Men- schen uͤbrig bleibet/ welche sich hernacher auff ein gewisses Glied thut ziehen/ vnd hoͤret also auff den Leib zu plagen/ damit es solches Glied gar eynne- me. Vnd also verhelt sichs auch mit dem Krieg: Wann der GOtt deß Kriegs gnugsamb hat me- tzeln vnd allenthalben wuͤrgen lassen/ hat auch ein gantzes Koͤnigreich gnug mit dem Blut seiner Einwohner gefaͤrbet/ so geschichts endlich/ daß all das uͤbrige Gifft deß Kriegs sich an einen Ort versamblet/ vnnd sich auff ein gewisses Ort thut ziehen.
Wir haben dessen ein Exempel gesehen an der Person deß jenigen dessen Leben wir jetzunder exa- minieren: Dann die jenigen/ welche vermeinten/ der Friede wuͤrde alle Fewers deß Kriegs außge- leschet/ vnnd alle Empoͤrung gedempffet haben/ haben endlich erfahren/ daß der Scorpion kein schaͤdlicher Gifft hat/ als eben den Gifft/ welchen er im Schwantz verwahret/ vnnd daß man nim- mermehr alles gutes von einem Menschen kan sagen oder hoffen/ man habe dann sein Ende vnd Außgang gesehen vnd erlebet.
Lycaon der nun ein Soldat war worden/ vnd fich auch im Laͤger deß Hertzogen von Mercoeur zimlich bekandt gemacht/ vnd Ehr vnd Rhum er-
B
langet
Beutelschneider/ oder
langet hatte/ verhoffete/ es wuͤrde das Vngewit- ter der Buͤrgerlichen kriegen allzeit wehren/ ja er bildet jhm ein/ es koͤndte daran nicht mangeln o- der fehlen/ so ferꝛn als nur die Vneinigkeit der Frantzosen vnnd Spanier newe Vnordnungen/ in dem Koͤnigreich erwecken vnd gebehren wuͤr- de: Vnd was anlangt deß Lycaons General vnd Obersten/ welcher die Zeit seines Lebens dapffere Leut sehr hat geliebet/ so erzeigt er jhm allzeit alles liebs vnnd gutes/ wegen seiner Mannheit vnnd Dapfferkeit.
Aber wie der Himmel nit allzeit donnert vnd zuͤrnet/ sich an dem sterblichen Menschen zu re- chen/ also hat der Außgang vnverhoffter weise be- zeuget/ daß Gott ein Mitleyden hatte mit vns in vnserm grossen Vngluͤck/ in dem daß er auff ein- mal die Vngewitter/ so sich auff vns zogē/ hat ver- trieben: Welches dann Vrsach gegeben/ daß man all dem Kriegsvolck abgedancket vnd Franckreich wider zur Ruh kommen/ nach welcher man so lang sich hatt gesehnet.
Als nun Lycaon sahe/ daß wegen deß gemach- ten Friedens/ welcher die Wellen deß Vngewit- ters so bald stillete/ er sich nicht ferꝛners ins kuͤnff- tig/ wie zuvor in wehrenden Krieg/ kondte nehren vnd auffbringen/ vnnd daß alle seine gefaste Hoff- nung mit dem Kriegs Nebel verschwunden wa- re/ begabe er sich auß Verzweifflung inn die Wil- de/ Er liesse sein vorigen dapfferen Heldenmuth fallen/ auß Mangel der Mittel vnnd der Vbung ließ er die Kriegskunst gar bey sich verrosten/ vnd
streck-
Diebshistorien/ das
I.
Buch.
streckte sein moͤrdliche Hand auß gegen allen bey jhm voruͤber reissenden Leuten/ wurde also auß ei- nem dafferen Theseo ein vngehewrer schrecklicher Sinnis vnd Strassenrauber: Darbey wir dann das sehen vnd lehꝛen/ wie manchmals die dapffer- ste Gemuͤter sich so schaͤndlich verendern. Dann wann sie einmal durch Laster sich besitzen vnd ein- nemen lassen/ da vergessen sie ihrer so gar daruͤber/ daß hernacher sie keine schew mehr tragen die schrecklichste Suͤnde auff Erden zu begehen.
Aber wie nun Lycaon sehr starck/ vnd von jeder- man gefoͤrchtet wurde: Als bekame er so bald ein grossen Anhang vnd Zulauff von allerley Volck/ so seiner Gattung ware/ welche jhr Gluͤck vnd Le- ben so wol als er das seinige in die Schantz schlu- gen: Vnter andern/ hiengen jm auch an zwen sei- ner Bruͤder: Vnd der Lycaon brachte zusammen in solcher Zeit den Schaum vnd die Grundsuppe aller boͤsen Buben/ so man zu der zeit in hoch vnd nider Bretagni/ in Poictou/ vnnd andern vmb- liegenden Orten hette finden moͤgen/ also daß er mehr als vierhundert Mann bey sich hatte/ wel- che alle einer Gattung waren/ vnd nichts anders/ als auff Stelen/ Rauben/ Todtschlagen sich bege- ben wolten/ derowegen dann man jn wol den an- den Romulum hette nennen koͤnnen/ welcher da wolte ein new Republic vnd Regiment auffrich- ten/ vnd allerley Zwitracht in den Provintzen deß Koͤnigreichs Franckreichs sein vnnd erwecken: Aber er wagte sich gar zu sehr vnd zu weit/ seine Anschlege waren zu hoch/ vnd außzufuͤren gar zu
B ij
schwer:
Beutelschneider/ oder
schwer: Er ware wie der Icarus/ der sich mehr als zu viel auff seine Kraͤffte verliesse. Derhalben so hat er auch endlich mit seinem schaden erfah- ren/ daß es besser ist in dem mittel Stande zu ver- bleiben/ als gar zu hoch zufliegen/ vnd uͤber sein vermoͤgen etwas fuͤrzunemen. Man siehet heu- tiges tages wenig Tamberlaner/ welche dieses boͤ- sen vngearten Frantzosen Sprichwort fuͤhren:
de Rien grande chose,
Auß nichts etwas grosses/ Vnd welche jhnen die Cron auff das Haupt gese- tzet haben: Wir seyn nicht mehr in der alten Roͤ- mer oder Sabiner zeit/ daß wir durch offentliches Rauben vnd Stelen vns groß machen koͤnnen: Aber gleichwol so hatte Lycaon ein solchen stoltzen vermessenen Geist/ daß er jhm solches alles also einbildete: Es muͤste sein vornehmen fortgehen/ vnd solte er auch daruͤber zerbersten/ vnd vnderge- hen. Derohalben so last vns nun sehen/ was er mit seinen Waghaͤlsen vnd Freybeutern wird machen.
Als nun dieser verzweiffelte boͤse Mensch sahe/ daß er so viel Leut bey sich hatte/ welche alle mit jm einen gleichen boͤsen Vorschlag im Sinn hatten/ bedachte er sich auff mittel vnd wege/ wie er der je- nigen Fuͤrhaben so jhm schaden zufuͤgen koͤndten/ hindern moͤchte. Derhalben ehe daß er einen eint- zigen Anschlag ins Werck setzte/ bauet er jhm ei- ne Vestung in den Wald Machecou/ welches ein vester/ wuͤster vnd von dem gemeinen Weg weit abgelegner Ort ist.
Es ist mir all hie vnmoͤglich euch zu erzehlen/
wie
Diebs Historien/ das
I.
Buch.
wie fleissig er ware diesen Ort vest zu machen: Seine Raubvoͤgel/ welche nicht allein jhn voꝛge- setzet zu Rauben/ sondern auch den Raub an sol- chen Ort zubewahren/ arbeiteten tag vnd nacht an den Graͤben vnd gantzen Vestung/ biß so lang daß der Bau so weit wurde außgemacht/ daß man in demselbigen ein Anlauff außstehen koͤnd- te. Vnd als nun solches alles fertig vnd außge- macht/ theilten sie sich hauffen weiß voneinander/ vnd fiengen an hin vnd wider zu streiffen/ vn̄ von diesem boͤsen Omeyß hauffen theileten sie sich an allen orten auß in dem gantzen Koͤnigreich: Es wurde jederman daruͤber bestuͤrtzet/ daß man von tag zu tag von nichts anderst redete/ als von Morden/ Rauben vnd Stelen/ vnd kondte doch niemandts wissen/ woher solche Suͤndflut von Raubern her kaͤme/ vnd also in kurtzer zeit fuͤlleten sie jr Raubschloß mit einer vnmenschlichen gros- sen Beute/ von allerley Wahr/ von Gelt vnd von allen andern Sachen/ so sie nur antraffen.
Das geschrey bricht allenthalben darvon auß: Man fraget nach/ wie es doch darmit beschaffen sey/ wer doch solche vnerhoͤrte Morden vnd Rau- ben anstelle: Es wolte es bald niemandts recht glauben/ wann er nicht in seiner eygnen Person die Warheit solches Strassenraubers hatte er- fahren.
Es ist allhie vnmoͤglich Stuͤckweise zuerzeh- len das Rauben/ Morden/ Wuͤrgen/ metzeln/ wel- ches diese verzweiffelte boͤse Rotte in Poict on/ Saintonge/ Aulues/ in Normandy vnd Bretai-
B iij
gne
Beutelschneider/ oder
gne hat begangen. Wann schon die Wasserbaͤche außbrechen/ oder Wolckenbruͤflen vom Himmel fallen/ oder wann schon der Himmel selbsten ein- fallen/ vnd auff die Fruͤchte der Erden/ ja auff das wachsende Korn solte fallen/ so wuͤrdē sie doch solchen grossen schaden nicht thun koͤnnen/ wie diese Rotte gethan an allen orten/ da sie nur hin kamen: Es mangelt jhn an Wehr vnd Waffen nicht/ sich zuvertheidigen/ vnd andere Leute anzu- greiffen: Dann weil sie nicht allein von langer hand hero vnnd auß dem Kriegswesen wusten/ wie man solte mit geschicklichkeit ein Angrieff thun/ sondern sie setzten auch in die Leut hinein mit einem grossen Toben vnnd Vnsinnigkeit/ machten sie sich dardurch vnuͤberwindlich/ nie- mands kondte jhn widerstehen: Vnd ist das ein wunderliches dinge/ daß sie auff die hundeꝛt Meil wegs in der runde allenthalben vmbher streiffe- ten: Bald giengen sie wie Kauffleute/ bald wie Trabanten oder Soldaten/ bald kleideten sie sich wie die Edelleute/ sie schoneten keines Menschen Leben: Wen sie nur antraffen/ vnnd vermuhten Gelt bey jhm zufinden/ der muste jn herhalten vnd sein Leben lassen.
Was aber insonderheit Lycaon anlangēt/ so waget er sich nicht herauß/ er were dann mit sei- nen Leuten wol versehen/ vnd wol beritten/ vnnd das thet er deßwegen/ dieweil man jhm allenthal- ben nachstellete: Sonsten ware er bißweiln gar freundlich: Dann er brachte nicht leichtlich vmb die jenige/ so er beraubet. Doch muste man jhm
auch
Diebs Historien/ das
I.
Buch.
auch nichts verhelen/ vnd verschweigen/ sonsten ware man in gefahr nicht allein deß Beutels mit dem Gelt/ sondern auch deß Lebens selber.
Auff ein Zeit begabe sich dieser Lycaon gar al- lein auß seinem Raubschloß/ dieweil seine ande- re Mitgesellen waren außgegangen in der Be- nachtbarten oͤrtern etwas zufischen vnd zu raubē/ vnd machte sich auff die Landstraß so nach Nan- tes gehet: Verbarge sich allein in einen dicken Wald/ vnd blieb auff dem Bauch vngefehr eine gantze stund ligen: Als er nun also im dickē Wald lage vnd auffwaꝛtete/ kam daher gegangen ein gu- ter Bauersmann/ welcher das ansehen hatte/ als were er nicht ohne Gelt: Lycaon steht so bald auff/ gesellet sich zu jhm/ vnd nach dem er von jhm ver- standen/ daß er wolte gen Nantes gehen/ wegen Rechts sachen/ welche jhm in kurtzer zeit zuge- wachsen/ vnd zugefallen waren: sagt er zu jm/ ach du must dann Gelt bey dir haben: Dann die jeni- gen/ zu welchen du wilt/ haben ein vestes Gebluͤt/ sie leben nur von solchen Rechtssachen/ vnd muß man jhn die Haͤnde wol schmieren wann sie eine Sache schleunig befoͤrdern sollen. Der gute ehrli- che Mann sahe wol daß er uͤbel were ankommen/ vnd in eine boͤse Gesellschafft gerathen/ derohal- ben entschuldiget er sich/ er habe kein Gelt: Man sehe es ihm auch an seinen Kleidern vnd Worten an/ daß er kein Mann sey/ der viel Gelt moͤge oder koͤnne haben: Vnd wann er viel bey sich habe/ so seyn es acht oder zehen Schilling/ so vil daß er ein Mittagmalzeit darfuͤr koͤnn halten.
B iiij
Was
Beutelschneider/ oder
Was mich anlanget/ antwortete hierauff Ly- caon/ so kan ich dich dessen versichern/ daß ich an Gelt auch nit schwer trage/ aber ich habe ein sol- che Hoffnung zu GOtt/ daß wann wir von Her- tzen mit einander beten/ so wird er vns gewißlich Gelt beschern.
Inn diesem Gesprech wandern sie also mitein- ander fort/ aber Lycaon/ der sich den Vogel nicht wolte entfliegen/ noch die Beut entwischen lassen/ fraget jhn noch einmal/ ob er dann gar kein ande- re Muͤntz bey sich trage/ als eben das Gelt darvon er jm gesagt hette: Vnd als jm der gute Bawers- mann hierauff antwortete: Wann er uͤber Feld gehe/ so pflege er nicht bald Gelt bey sich zu tragen/ dann das sey nachmals Vrsach/ daß ein Mensch gar vmb sein Leben komme/ vnnd vmb deß Gelts willen todt geschlagen werde: Besahl jhm Lycaon zu beten/ vnd Gott anzuruffen/ dann er wuͤste ge- wiß/ daß der Himmel jhr Gebet erhoͤren wuͤrde. Vnd hierauff zoge Lycaon ein kleines Handbuͤch- lein auß seinem Hosensack/ vnd fiel auff seine Knie nider zu beten: Befahle auch dem guten Mann/ er solte dergleichen auch thun. Was geschi cht? der gute ehrliche Mann wuste nicht/ was solche art zu beten wuͤrde bedeuten vnnd mit sich bringen: Er konnte solches Geheimnuß nicht begreiffen/ vnnd hette gewoͤllet/ daß er an einem andern Ort weit von seinem Mitgesellen were gewesen/ sein Gebet desto besser zuverꝛichten: Dann durch die gros- se Forcht vnd Angst/ welche er wegen seines Mit- beters in seinem Hertzen hatte/ wurde er gantz vnd
gar
Diebshistorien/ das
I.
Buch.
gar verstoͤret vnnd verhindert in seiner Andacht: Gleichwol aber/ weil es also seyn muste/ so faͤlt er auch auff die Knie nider zubeten/ oder viel mehr den Außgang solchen seiner seyten trawrigen Spiels mit vngedult zu erwarten.
Als nun Lycaon drey oder vier Wort zwischen seinen Zaͤhnen gemummelt hatte/ vnd sich stellete als hette er gar andaͤchtig gebetet/ fragte er dar- auff den Bawersmann/ ob ihm noch nichts von Gelt in seinem Seckel were kommen/ befahl jhm auch/ er solte in seinem Hosensack sehen/ ob nicht vielleicht etlich Gelt schon sey darein kommen. Dann er wuste gar wol/ daß der Himmel nicht vndanckbar were gegen den jenigen/ welche an- daͤchtig beteten? Der gute Mann antwortet/ er finde vnd habe nichts/ darauff thut Lycaon sein Hand in seinen Beutel/ zeucht herauß ein Stuͤck Gelts von fuͤnff Schillingen/ weiset es dem Bau- ersmann/ vnd spricht zu jhm/ das ding gehe nicht recht zu/ er muͤsse nicht von Hertzen beten vnnd Gott anruffen/ derhalben soll er eins thun/ vnnd noch einmal nider fallen vnnd desto inbruͤnstiger beten: Dann er wuͤste gar wol/ daß/ wann er sei- ne Augen recht gen Himmel auffhuͤbe/ so wuͤrde vufehlbarlich Gelt kommen: Es zeucht auch Ly- caon hierauff abermals zehen Schilling auß sei- nem Hosensack/ welche er durch sein Gebet er- langet zu habē vorgab Aber der gute Mann san- de nimmer nichts in seinem Beutel/ vnd hatte er mehr Andacht Gott zu bitten vnd anzuruffen/ dz sich zu der Zeit gar nichts in seinē Beutel moͤchte
finden
Beutelschneider/ oder
finden/ als zu bitten/ daß sich etwas von Gelt da- rinnen moͤchte finden. Endlich so faͤlt Lycaon zum drittenmal auff die Knie nider zu beten/ vn̄ zeucht nach seinem Gebett auß seinem Hosensack ein Teston oder Kopffstuͤck/ vnd als er sihet/ daß der Bauersmann allzeit auff sein eylff Augē bleibet/ er laugnet noch/ er habe nichts von Gelt in seinem Beutel befunden/ so redet er jhn also an: Es muß einmal der zweyen dingen eines seyn: Nemblich/ daß er entweder nicht recht einbruͤnstig vnd ein- stendig habe gebetet/ oder/ daß er jhm nicht wolte sagen/ was GOtt jhm auff sein Gebett habe be- scheret: Dann/ sagte Lycaon zum Bauersmann/ wie kan es seyn/ daß Gott viel mehr mein/ als dein Gebett solte erhoͤret haben/ dann was dich anlan- get/ so hastu von Hertzen gebetet/ wie es der augen- schein selber hat gegeben/ derhalben so kan es nicht anders seyn/ du must schrecklich viel Gelt haben: Was aber mich anlanget/ so habe ich nur fuͤr die lange weil gebetet/ vnd du sihest gleichwol selber/ wie das Gelt vnvermerckter weise mir in meinen Beutel ist kommen/ derhalben so muß ich auff den augenschein gehen/ vnd als er diese Wort geredet/ faͤlt er uͤber den guten Bauersmann/ besuchet sei- ne Hosensaͤck/ vnd findet bey jhm nicht mehr als vier hundert Kronē an gutem Golt/ der Bauers- mann wie leichtlich zudencken/ wird daruͤber sehr bestuͤrtzet/ dann solte er vmb huͤlff schreyen so hette er sich in Leib vnd Lebens gefahr gesetzet: Er hette gewertig seyn muͤssen/ daß er gar vmbgebracht were worden. Gleichwol aber so ist es jhm besser
gangen/
Diebs Historien/ das
I.
Buch.
gangen/ als er selber gemeinet hatte: Dann Ly- caon name nicht mehr als das halbe Theil deß Gelts/ vnd gabe jhm die andere uͤbrige zwey hun- dert Kronen wider mit diesen worten: Was/ sagt er/ wilt du mich betriegen/ vnd mir nicht ein Theil geben von dem jenigen/ das dir GOtt in meiner Gesellschafft hat beschert? Ist das der Bund/ den wir mit einander gemacht haben/ ehe wir zu beten angefangen? Aber daß du nicht koͤnnest sa- gen/ ich sey so vndanckbar/ wie du/ sihe da hast du fuͤnfftzehen Schilling/ welche ich dir gebe/ es ist das halbe Theil von dem/ das mir Gott hat gege- ben/ damit du ja dich nicht uͤber mich zu beschwe- ren vnd zu beklagen habest/ dann das were die groͤste vnbillichkeit in der Welt/ wann ich dir das halbe Theil deines durchs Gebet erlangten Gelts solte abfordern vnd abnemen/ vnd wolte dir nicht widerumb auch geben das halbe Theil meines durch gleiches Mittel erlangten vnd bekomme- nen Geltes: Vnd also wurde der gute Bauers- mann mit seinem Gelt ohne Ceremonien erdap- pet: Dann Lycaon stahle jhm die zwey hundert Kronen ab schertzweiß/ durch kuꝛtzweil vnd fuͤr die lange weil.
Als aber nun dieser Strassenrauber ein Tag fuͤnff oder sechs sich von vnd mit diesem geraub- ten Gelt/ lustig gemacht hatte/ fienge er an ande- re Leute zu suchen nach den gelegenheiten/ so jhm vorsielen. Dann so bald als an einem Ort ein Jahrmarck ware/ dorffte man nicht gedencken/ daß er außbliebe/ sondern er fande sich wiewol
verklei
Beutelschneider/ oder
verkleidet/ auch an allen solchen orten/ da sahe er alles wol auß/ fasset die Kauffleut wol in sein Ge- sicht/ sahe was sie vor Wahren hatten/ gab ach- tung/ was vnd wieviel Gelt sie loͤseten/ vnd wann sie darnach widerumb nach Hauß wolten ziehen/ pflegte er sie bald an dieser/ bald an einer andern Wald ecke anzusprengen. Als er aber mit vielen seiner Raubvoͤgeln hin vnd wider streiffete/ ka- me er in erfahrung/ daß der Vogt vnnd Oberste von Roven mit einem grossen hauffen Solda- ten/ jhn verfolgete/ vnd in willens were den Wald Morsemont/ darinnen er sich deßmals anffhielte/ zu vmbgeben/ vnd sich seiner Person maͤchtig zu- machen vnd jhn zugreiffen/ derhalben so name er Vrsach durch solches außgesprengtes geschrey sich desto besser fuͤrzusehen/ liesse sein Raubvolck zusammen kommen/ verfuͤgt sich mit denselbigen an ein solches Ort/ da er vermeinete sicher zu sein: Vnd nach dem er den seinigen Ordinantz vnnd Befelch gegeben/ was man thun vnd vornemen solte/ schickte er auß solches Volck zu erkennen vnd zubesehen/ vnnd dieweil er sein außgeschickten Kundschaffern allein nicht wolte trawen/ kleidete er sich in Lein Tuch/ vnnd gieng wie ein schlechter Bawersmann da her/ vnd nach dem er selber sol- ches Volck wol besichtiget hatte/ auch sahe daß sie miteinander zu schwach waren jhm zu widerste- hen/ ergrieff er seine Waffen/ mahnet sein Volck auff/ spricht jhnen ein Hertz ein/ vnnd zeucht den Feinden selber entgegen/ welche er auch mit sol- chem Toben vnnd W
uͤ
ten angreiffet/ daß sie so
bald
Diebs Historien/ das
I.
Buch.
bald gezwungen werden die Flucht an die Hand zu nemen/ vnd jhr uͤbriges Hertz auff jhre Fersen vnd Fuͤsse zu setzen: Ja er veꝛfolgte sie so sehꝛ daß er nicht allein etliche vnder denselbigen niderhauet/ sondern auch sieben gefangen bekommet/ hinweg fuͤhret vnd nach dem er jhnen die Kleider vnd al- les außgezogen/ laͤst er sie an Baum anbinden im Wald/ da es am finstersten ware.
Aber was thaͤte vnd fieng er an mit der ange- bundenen Libereyen vnd Kleidern/ was fuͤr Vbel- thaten richtete er ferꝛners damit auß?
Es erzehlet Polienus in Beschreibung der Kriegslisten/ daß als die Perser wider die Egy- pter Krieg gefuͤhret/ haben sie diese Kriegslist er- dacht/ welche jhn dann gluͤcklich ist außgeschlagē: Sie wusten/ daß gantz Egypten gar Abgoͤttisch ware/ vnd gewaltig viel auff jhre/ wiewol falsche Goͤtter hielten/ wo die Egyptier hin kamen/ vnd jhre vermeinte Goͤtter Bilder sahen/ da fielen sie nider auff die Erde vnnd beteten dieselbige an. Derhalben so liessen die Perser auff jhre Schild/ Wehr vnd Waffen mahlen Katzen/ Hunde/ Cro- codilen/ Fleder maͤuse/ Zwibeln/ allerley Thierer/ Kreuter/ welche die Egyptier alle fuͤr Goͤtter hiel- ten: Als nun der Tag zu fechten herbey kame/ vnd die Egyptier die Bilder jhrer Goͤtter auff den Waffen jhrer Feinden sahen/ waren sie so Aber- glaubig/ daß sie die Haͤnde in einander schlugen/ vnd wolten nicht wider die Perser streiten/ vnnd wurden also von denselbigen in stuͤcke zuhauen.
Ich weiß nicht ob Lycaon diese Kriegslist je-
mals
Beutelschneider/ oder
mals mag gelesen haben/ aber er hat gleichwol eben das jenige practiciret/ nach dem er der auff- gehenckten Soldaten Libereyen vnd Kleider hatte bekommen: Dann er sampt etlichen der seinigen Raubvoͤgeln hat sich in solche kandbar Kleider verkleidet/ vnnd ist deß Nachts gangen vor ein Schloß/ welches nicht weit von diesem Wald liget/ hat sich angenommen er suche die Stras- senrauber/ welche in solcher Nachbarschafft vmb- her streifften: Hat auch begert vnd befohlen im Namen deß Koͤnigs/ man soll jhm die Pforten auff machen/ dann wie man jhm gesagt habe/ so habe sich Lycaon vnd seine Raubgesellen/ darin̄en salviret: Was geschicht/ auff solchen Befelch oͤff- net man jhm die Thor/ vnd kan niemands geden- cken oder sich eynbilden/ daß ein solches Meiney- diges Schelmenstuͤck darhinder stecke/ vnd dar- durch gesuchet woͤlle werden.
Als nun Lycaon in das Schloß hinein kom- met/ stellet er sich als woͤlle er an allen orten vnd ecken die Strassenrauber suchen/ sagt/ es muͤssen sich die Raͤuber nohtwendig in Kisten vnd Ka- sten verborgen haben/ derhalben so soll man jhm so bald ohne auffhalten die Schluͤssel zu Kisten vnd Kasten bringen/ vnd als er nun sahe/ daß er in dem Schloß mit den seinigen am staͤrckesten wa- re/ da fandt er an alles außzusuchen/ nim̄t hinweg was er bedarff/ Silber vnd guͤlden Geschirꝛ/ vnd das allerbeste/ das er in Kisten vnd Kasten funde: Vergaß auch nit mitzunemen alles das Gelt/ das er fande/ so gar/ daß er durch diese Diebische Arg-
listig-
Diebs Historien/ das
I.
Buch.
listigkeit das Schloß in eusserstes verderben setzete: Vnd als er nun solches außgerichtet/ kehret er wi- derumb in seinen Wald zu seinen Gesellen/ daß er sie seiner Beut theilhafftig mache/ vnd auff der Wahlstatt leßt er den sieben gefangenen Schuͤ- tzen vnd Soldaten jhre Kleider wider anziehen/ vnd an die Baͤume vollends auffhencken/ welches dann ein erschroͤckliches vnd erbaͤrmliches Spe- ctackel gewesen.
Es erzehlet Esopus/ daß als auff ein Zeit die Arcadischen Voͤlcker einen Esel angetroffen/ der fich in eine Loͤwenhaut verkleidet hatte/ haben sie jhm solches stattlich Kleid abgezogen/ vnd mit Bruͤgeln wol abgeschmiret/ vnd hat also der Esel den Kleiderzinß auff seinem Rucken bezahlen muͤssen/ das were nun auch ein stattlicher streich gewesen/ wan̄ man in dem gedachten Schloß deß Lycaons Diebisches vornemen hette riechen koͤn- nen: Ich glaube/ man hette jm auch wie dem Esel ablohnen koͤn̄en: Wann vorzeiten grosse vorneme Leitte einen Fehler begangē hatten/ so pflegten die Alten jnen auff jre Roͤcke zu klopffen vnd zu schla- gen/ als wann die Roͤcke an solchem begangenen Fehler schuldig weren gewesen: Aber bey diesem grossen Strassenrauber hette man das gegentheil practiciren koͤnnen: Man hette jhm die entlehnete Kleider abnemen koͤnnen/ auff daß man jhm Schultern vnnd Ruͤcke desto besser hette reiben vnd salben koͤnnen/ aber seine stunde ware noch nicht kommen/ sein Suͤndenmaß ware noch nicht voll: Gott laͤsset die Gottlosen leben/ er wartet vnd
gibt
Beutelschneider/ oder
gibt jhnen zeit/ ob sie vielleicht sich bessern wolten/ aber gemeiniglich so mißbrauchen sie die Zeit vnd die Gnade Gottes.
Vnder dessen kompt dieses alles dem Herꝛen dieses Schlosses gar wunderbarlich fuͤr. Er kan nit anderst gedencken/ als daß die Soldaten von Ro ven/ vnder dem schein den sie voꝛgeben den Ly- caon bey jhm zu suchen/ jhm sein Hauß gepluͤn- dert/ vnd alle sein Reichthumb vnd Vermoͤgen geraubet haben Das geschrey wird allenthalben darvon außgebreitet: Er beklagte sich bey dem Parlament zu Rouen/ zeigt an/ daß die Schuͤ- tzen vnd Soldaten alles gepluͤndert vnd abgesto- len haben/ vn̄ daß er mit allen den seinigen nichts mehr als das Leben habe darvon bringen vnd sal- virn koͤnnen.
Was geschicht? Man fraget den sachen nach/ etliche Soldaten werden gefaͤnglich eingezogen/ als Strassenrauber vnd Thaͤter solchs Raubs/ offentlich angeklaget/ sie werden so schrecklich ge- foldert/ daß groͤssere Schmertzen zuvermeyden sie bekennen/ sie haben gethan/ das jenige/ was jhnen niemals im Traume ware fuͤrkommen: Es ward auch einer vnter jhnen auffgehencket/ den andern desto mehr forcht vnd schrecken einzujagen.
Was hette nun einer jm wunde: barlicher eyn- bilden koͤnnen? Ist auch jemals eine Trag
œ
di bes- ser
gefpielet
worden? Laͤst es sich nicht ansehen/ als ob das gute Gluͤck selber solchem vngeheweren Wunderthier vnd schaͤdlichen Mißgeburt in al- lem seinem boͤsen Vornemen vnd Suͤnden bey-
stehe/
Diebshistorien/ das
I.
Buch.
stehe/ vnd jhm uͤberhelffe? Was kan man weiters thun? Er sihet/ daß er Meister im Feld ist/ jeder- man foͤrchtet sich vor jhm/ die Kauffleut doͤrffen sich nicht hinwagen/ wo er sich sehen laͤsset: Er ist gleichsam/ wie der Kopff der Medus
æ
/ welcher sie in Felsen verwandelt/ das ist/ in seiner gegenwart blieben sie still stehen/ sie doͤrffen nit mucken oder sich regen/ Er nimpt jhn Gelt vnd Leben mitein- ander. Was wird er aber ferꝛners thun? Wird er dann auch den Mund mit den Zaͤnen sassen: dann er bildet jhm ein/ er habe nun die gantze Welt inn Sack gejaget/ in forcht gebracht/ vnd wil nun die siegreiche Reuterfahnen seiner Boßheit vnd Ty- ranney an allen Ecken der Erden auffstecken vnd auffrichten. Aber er wird endlich erfahren/ daß der Himmel selber sich der Frommen sachen annim- met/ vnd straffet die Suͤnde vnd Laster/ wie sie wol verdienet haben. Last vns fortfahren vnnd sehen/ wie er sich ferꝛners in seinem Leben verhalten habe.
Das geschrey von dem Rauben/ Stelen vnnd Morden dieses vnmenschlichen Raubers war in gantz Franckreich so groß/ je lenger je mehr/ daß sich niemandts mehr in das Feld dorffte wagen: Anfaͤnglich forchteten sich die Bawersleute jme zubegegnen vnd auffzustossen/ vnd braucheten al- lerley neben Wege/ damit sie jhm ja nicht in sein Netz fallen moͤchten: Aber es war alles vmbsonst vnd verlohrne Arbeit: Dann er wuste wol/ wie er sie erdappen solte/ derhalben man darfuͤr hielte/ er muͤste ein Zauberer seyn: Dann er erdappete Leu- te/ wo sie sich auch hin lencketen vnnd hinkehrten/
C
vnd
Beutelschneider/ oder
vnd das gabe hernacher Vrsache/ daß die jenige/ so da in den benachbarten orten/ dahin er zu streif- fen pflegte/ wohneten/ sich nicht mehr beschwerten hin vnd her zu wandeln/ sondern was jr Gut vnd Blut/ Leib vnnd Leben anlanget/ befahlen sie sich der Gnade deß Himmels vnnd dem Gluͤck/ wan- derten/ wo hin sie solten vnd wolten/ vnd wurden darauff besser tractiret von dem Lycaon/ als sie nimmermehr hetten hoffen koͤnnen: dann er frag- te alles auß/ wie es mit jhnen stuͤnde/ vnnd wie es mit jhnen gienge/ er bote jhnen seine Dienst an/ er troͤstete sie in jhrem Truͤbsal vnnd Elend/ ja er selber streckte jhn auch Gelt vor/ aber mit dem be- ding/ daß sie jhm auff gewisse Zeit vnfehlbarli- chen solten wider geben/ was er jnen gelehnet het- te: Vnd also gewann er vielen Bawersleuten das Hertz ab/ in solcher gegend/ daß sie jhm hernacher alles zu wissen theten/ was im Land hin vnd wider fuͤrgienge.
Das
III.
Capitel.
Lycaon wird von dem Vogt von Roven
verfolget/ begibt sich inn sein Kaub- schloß Machecousti/ da er dann wird vmbringet vnd belaͤgert/ vnnd was er ferꝛners biß in sein Todt gethan hat.
D
Er Vogt zu Roven war sehr/ wie auch billich/ erzuͤrnet uͤber diesen Rau- ber/ wegen deß Schimpffs/ den er seinen
Sol-
Diebs Historien/ das
I.
Buch.
Soldaten bewiesen hatte: Derhalben so name er jhm fuͤr (vnnd solte es auch kosten/ was es wolle) sich an jhm zu rechen/ jhn heimlich außzuheben vnnd jhm auff seinen Kopff zuvergelten/ alle das Stelen/ Rauben vnd Morden/ welches er die gan- tze Zeit seines Lebens begangen vnd getrieben het- te. Was geschicht aber? Lycaon er faͤhrt solches von seinen Leuten/ vnd nach dem er all sein Volck in seine Vestung Machecousti/ da er seine Vor- nembste Wohnung hatte/ kommen lassen/ machet er sich allein an den Ort/ da er vermeinte/ dz man jhn wuͤrde kommen anzugreiffen: Vnd als er fuͤr gewiß vernommen/ vnd erfahren den Tag vnd die Stunde/ in welcher die Obrigkeit/ jhn zu uͤberfal- len/ mit einem grossen hauffen Volcks kommen solte/ da kleidet er sich wie ein Bawersmann/ legt an einen langen Leinen Kittel/ setzet auff ein alten garstigen Hut/ nimpt ein vnansehliches Rotes Pferd ohne Sattel/ ohne Zaum/ leget auff das Pferd einen alten Sack/ setzet sich darauff/ vnnd reitet also mit solcher Ruͤstung dem Vogt von Roven entgegen/ welcher als er seiner ansichtig wird/ fraget er jhn/ wo er herkomme/ vnnd ob er nichts gesehen habe? Er antwortet jm/ er hab gar nichts gesehen/ doch so rede man starck von den Strassenraubern/ vnnd vnter andern von einem genannt Lycaon/ der gar ein boͤser Bub seyn solle: Die andern/ welche vmb jhn her waren/ fragten jhn/ wo er hin wolte/ vnd als sie von jhm verstun- den/ er wolte nach Roven ziehen/ allda Korn ein- zukauffen/ liessen sie jhn fort ziehen: Aber als er ein
E ij
wenig
Beutelschneider/ oder
wenig weiter fort kame/ traffe er an ein hauffen Schuͤtzen/ so dem Vogt von Roven nach folgten/ dieselbige fragten jhn/ ob er mit dem Herꝛn Vogt geredet hette: Vnnd als er sagte/ ja/ sagten sie mit harten worten zu jm/
passe, passe,
fort/ fort: Hier- auff hielte er hinder jhnen ein wenig still nam die zwo Pistoln/ welch er vnter seinem langen Leinen Kittel bey sich verborgen fuͤhrete/ inn die Hand/ schosse sie hinder sich uͤber die Achseln ab auff die Schuͤtzen/ gleich wie man von den Parthern liset/ daß sie manchmals in jhrer Flucht/ vnd in dem sie hinder sich uͤber die Achseln mit jhren Pfeilen auff die Feinde zugeschossen/ ein gantzes Heer erleget haben/ vnd geschach auch/ daß ein jede Pistol jhre Wirckung thete: Dann er warff zween darmit nider auff die Erden/ vnd sagte hernach zu den an- dern also: Ihr Herꝛn gedencket daran/ daß jr den Lycaon habt angetroffen/ vnnd als er das gesagt hatte/ da theilte sein Rots Pferd die Lufft mit sol- cher geschwindigkeit/ daß einen hette duncken moͤ- gen/ der Teuffel fuͤhrete es hinweg. Die jenige/ mit welchen er geredet hatte/ ritten jhm maͤchtig starck vnd geschwind nach/ vnd ob wol dem anse- hen nach der aller geringste vnd schlimmeste besser als er der Lycaon beritten/ vnd mit seinem Pferd versehen war/ so thaͤten sie doch alle nichts anderst mit jhrem reiten/ als daß sie die Zeit verlohren: Sie matteten vnd ritten jhre Pferd ab/ vnd kond- ten jhn doch nicht erꝛeichen: Lycaon hatte nur sein kurtzweil mit jhnen/ so lang als sie jm nach ritten: Dann bald war er nah/ bald uͤber alle massen weit
von
Diebshistorien/ Das
I.
Buch.
von jhnen/ bald ritte er neben auff der seiten/ bald ware er mitten vnter jhnen: Vnd das triebe er so lang an/ biß daß endlich die Nacht ein fiele/ vnd sie noͤtiget wider zu ruͤck zu reiten/ vnd hatten sie also von jhren nachrennen nichts anderst als ein Ge- spenst vnnd einen vnnuͤtzigen verschwindenden Rauche.
Aber wie endlich die Suͤnde sich selber straffet/ vnnd gereicht zu spott vnd schaden dessen/ der sie angefangen vnd getrieben hat: Also trug es sich zu/ daß als er auff ein Zeit in seinem Raubschloß ware/ liesse der Oberste von Nantes auß den be- nachbarten Staͤtten vnd Oertern viel Schuͤtzen vnd Volcks zusammen kommen/ der gaͤntzlichen Meynung vnnd Hoffnung es wuͤrde Lycaon ihn fuͤr solches mal nicht entwischen koͤnnen: Sie ver- hielten sich auch so weißlich vnd voꝛsichtiglich/ als einer sich hette einbilden koͤnnē: Dann als er auff ein Zeit sehr wenig Volck vmb sich hatte/ erdappe- ten sie jhn/ welches jhm dann in seinem Gemuͤth nicht ein geringe Angst vnd Bangigkeit erweckte/ vnd war jm also nicht heimlich bey den Sachen: Dann er sahe wol die Gefahr/ darinnen er stacke/ aber kein Mittel sich auß derselbigen loß zu wir- cken: Gleichwol aber so resolvieret er sich mit sei- nem Volck zu streiten/ darzu er dann viel mehr auß Verzweiffelung vnd Vnsinnigkeit/ als auß wahrer Hertzhafftigkeit wurde beweget: Vnd nach dem er den seinigen/ so bey jm waren/ befohlen sich zu ruͤsten vnd zu kempffen/ (wiewol seiner viel we- niger als der andern/ so jhn angreiffen/ waren) da
C iij
setzte
Beutelschneider/ oder
setzte er mit solcher Furie/ mit solchem Toben vnd Wuͤten in die Schuͤtzen hinein/ vnnd schlug mit Faustrohren so starck auff sie zu/ daß auch die al- ler hertzhafftigsten vor grosser forcht zitterten Als aber nun der erste Sturm außgestanden war/ vnd Lycaon keine Hoffnung mehr hatte/ entsetzet zu werden/ vmbgaben in die Schuͤtzē vnd Solda- ten so sehr/ daß er endlich im Streit gar mitten vnter sie geriethe vnnd von jhnen gefangen wur- de: Darauff dann so bald sein Volck sich zerstre- wete/ vnd lieffe man jhnen nach/ sie auch noch zu- erdappen vnnd zu fangen: Was thut aber vnter dessen der gefangene Lycaon? Er
fihet
/ daß jhn nicht mehr als zween Schuͤtzen oder Soldaten gefangen halten/ derhalben so bedenck et er sich/ wie er doch vnter dessen solche beyde Schuͤtzen moͤchte uͤbern Doͤlpel werffen/ vnd sich auß jren Haͤnden loß machen: Wie macht er es aber? Er lest mit al- lem fleiß sein Wischtuch fallen/ vnnd bitten den jenigen/ welcher jhn bey der rechten Hand hielte/ er wolte jhm doch die Hand ein wenig gehen las- sen/ damit er sein Wischtuch widerumb auffheben koͤndte: Welches als es jhm erlaubet/ vnnd er der Lycaon thate/ als wolte er sich bucken/ zeucht er ein Dolchen auß seinem Hosensack/ vnnd stosset jhn dem Vogt/ der nah bey jhm stunde in Leib hinein. Die Schuͤtzen so vnverhoffter weise solchen stich sahen geschehen/ wolten jren Herꝛn/ der schon fal- len wolte/ halten/ vnter dessen wird Lycaon wider frey/ wirfft sich inn grosser eyl auff derselbigen Pferde eines/ vnd scheust mit einem Karabiner/
so er
Diebshistorien/ das
I.
Buch.
so er auff dem Pferd findet/ auff einen solcher Schuͤtzen/ erleget jhn/ salviert sich also/ vnnd ent- wischet jhnen vor jhren Augen auß den Haͤnden. Sein eltester Bruder aber/ welcher mit dem uͤbri- gen Volck geflohen war/ als er vernimpt/ daß sein Bruder Lycaon gefangen ware worden/ resolvie- ret sich viel ehe im Streit zu sterben/ als seinen Bruder inn so eusserster Noth vnnd Gefahr zu- verlassen: Derhalben so bringt er so viel Volck zu- sammen/ als in der eyl muͤglich ware/ vnd weil er vermeinte/ sein juͤngster Bruder were noch vnter den Feinden gefangen/ setzet er mit seinem Volck mitten vnter sie/ schwur vnd fluchte bey Himmel vnnd Erden/ daß wann sie seinen Bruder lenger behalten wuͤrden/ solten sie ihren Raub thewer be- zahlen: Aber er bedachte nicht/ daß solches bravie- ren vnd trutzen so viel fuͤncklein waren/ die Schuͤ- tzen desto mehr zuerzuͤrnen/ vnd in Harnisch zu ja- gen/ welche nach dem sie jhn gantz vmbgeben/ jhn endlich fiengen/ fest bunden vnd gen Nantes inn Bretagnon fuͤhreten/ da er dann mit dreyen sei- ner Mitgesellen lebendig ist geradbrechet worden. Nun dieser Fang erschreckte die andere Freybeu- ter uͤber alle massen sehr: Dann wiewol Lycaon als der juͤngste Bruder jhr Capitaine/ dieser aber
uur
jhr Leutenant ware/ jedoch hielten sie viel von seinem Rath vnd Anschlaͤgen: Dann er war inn seinen Anschlaͤgen geschwind vnnd Hertzhafft/ Blutgierig/ Tyrannisch/ welches dann an einem so schaͤdlichen Strassenrauber schoͤne Qualitaͤ- ten vnd Tugenden seyn.
C iiij
Er
Beutelschneider/ oder
Er liesse sich selber nennen
Souffle en l’oil:
Blaß mir ins Auge: Vmb dieser vrsachen willen/ dieweil er alle die jenige Personen/ welche er mit seinem Vortheil erhaschete vnd erdappete/ zwan- ge jhm in sein Pistol oder Faustrohr zu blasen/ vnd also brachte er sie darnach jaͤmmerlichen vmb.
Der junge Lycaon wird vnter dessen deßwegen nicht kleinmuͤtig/ laͤst jhm auch das Hertz nicht entfallen (wann man anderst auch kan sagen/ daß solche Leut ein Hertz haben) sondern bringet sein zerstrewtes Volck/ soviel als er kan/ widerumb zu- sammen/ begibet sich in sein Raubschloß vnd faͤh- ret fort zu leben/ wie vorhin geschehen war/ Er be- dencket nicht/ wie sein Bruder so ein schmaͤhliches Ende von der Welt hatte genommen/ daß er vor den Augen deß gantzen Lands Adel/ ja mit grossem frolocken alles Volckes/ welches jm noch tausend mal mehr wuͤnschete/ war so schaͤndlich vnnd schmaͤhlich Geradbrechet worden. Ich koͤndte ein gantzes vnd grosses Buch schreiben von den Vbel- thaten dieses Tyrannen/ von seinem schrecklichen Rauben vnd Stelen/ wo er nur ist hinkommen: Aber ich wil ein gutes Theil mit stillschweigen uͤ- bergehen/ auff daß ich euch nicht verdrißlich wer- de mit erzehlung einerley Materien.
Auff ein Zeit begabe es sich/ daß einer von deß Lycaons Gesellschafft/ welcher sich zu weit hatte hinauß begeben/ auff den Marck zu Ponthoise ge- fangen wurde/ vnd als jhn zween Kauffmaͤnner/ welche er zu anderer Zeit beraubet hatte/ gar wol kandten/ thete man jhm so bald sein Recht/ vnnd
wurde
Diebs Historien/ das
I.
Buch.
wurde jhm das Vrtheil gesprochen/ daß er wegen seiner begangenen Vbelthaten/ welche er auch auff der Folter bekandt hatte/ solte geradbrechet werden/ welches dann auch so bald darauff gesche- hen. Nun truge es sich aber zu/ daß der Hencker zu Ponthoise in die nechste Statt gienge/ allda auch einen vmb seiner Missethat willen hinzurichten: Als er nun auff dem Weg ware/ kam zu jhm Ly- caon/ wie ein Kauffmann gekleidet/ vnd als sie al- so miteinander fortwanderten/ fragte Lycaon jhn was doch fuͤr ein geschrey zu Ponthoise were/ vnd ob es nicht gefehrlich were/ fuͤr die Kauffleut/ jhre Wahren in solche weit abgelegene oͤrter zufuͤhren/ der Henck er antwortet jhm/ daß es nun lang we- re/ daß man von einem schaͤdlichen vnd beruͤhm- ten Strassenrauber/ genandt Lycaon redete/ wel- cher bald gantz Franck reich pluͤnderte vnd hart be- drangete: Aber es neme/ GOtt lob vnd danck/ die Zahl seiner Mitgesellen von Tag zu Tag/ je len- ger je mehr ab/ vnd komme er alleweil von einem welchen er vmb seines Raubens willen auff das Rad habe geleget: Ha/ ha/ sagt hierauff Lycaon/ so bist du dann der Hencker von Pontoise/ warlich ich bin von grund meines Hertzens froh/ daß ich dich/ hab angetroffen: Dann es hat mich auff der gantzen Welt nach nichts mehr vnd sehr verlan- get als zu wissen/ was man doch von dem Gottlo- sen vnd schaͤndlichen Rauber saget.
Als sie aber also miteinander fort wandern vnd reden/ da kommen sie in einen Wald/ vnd als Lycaon nur ein wenig anfieng auff seiner Moͤrder
C v
Pfeiff
Beutelschneider/ oder
Pfeiff zu pfeiffen/ sihe/ so waren so bald vmb vnd bey jhm zehen oder zwoͤlff seiner Gesellen: Aber der Hencker macht jhm noch im geringsten kein boͤse oder schwere Gedancken daruͤber/ dann sie waren alle schoͤn vnd wol gekleidet/ vnd hette jhm nim̄er- mehr traumen lassen koͤnnen/ daß er mitten vn- der so viel Moͤrdern seyn solte/ ja daß er solte so nah seyn bey dem jenigen/ von dem er alleweil re- det; vnd welchen er so schroͤcklich außmachte.
Nun was geschicht? Lycaon der machet/ daß der Hencker alles wider von anfang erzehlet/ wie nemblich alle weil er einen Strassenrauber auff das Rad hette geleget: Als er der Hencker aber in seinem Gemuͤht vnd Rede eifferig vnnd zornig wird uͤber solche vnd dergleichen Strassenrauber vnd spricht/ er wolle/ daß er die andern Strassen- rauber alle/ so hin vnd wider in gantz Franckreich auff die Leute streiffeten/ hette/ so wolte er jhnen allen/ wie dem einen schon geschehen/ auch thun/ da griffen auß dem hauffen die zween staͤrcksten jhm nach dem Halß vnd sprachen/ weil zu allem Vngluͤck sie keine Gelegenheit koͤnnen haben/ jhn selber zu Rad brechen/ so soll er doch auffs wenigst auffgehencket werden/ vnd das geschihet auch auff der Wahlstatt ohne alle Vrtheil vnd Recht: Dan̄ sie binden jhn mit einem starcken Hosenbendel an die Este eines Baumes/ vnd lassen jhn also da sterben.
Auff ein Zeit wolte Lycaon das Schloß
de Saincte Hermine
vnd Marevil uͤber fallen: Aber der Herꝛ deß Schlosses wurde dessen jnnen/ vnd
ließ
Diebs Historien/ das
I.
Buch.
ließ alle den Adel in den vmbligenden Oertern zu- sammen kommen jhm zu widerstehen: Er stellete auch zweyhundert Mann an den Weg/ da Lycaon solte fuͤruͤberkommen: Vnder dessen begabe es sich/ daß ein Bauersmann/ welcher mit seiner Mußquet nicht wol vmbgehen kondte/ ein fuͤnck- lein ließ auff die Pfann fallen/ darvon dann die Mußquet von sich selber loß gienge: Lycaon der solchen Schuß hoͤret/ verwunderte sich daruͤber/ vnd schickte so bald zween seines Volcks auß zu sehen/ was were/ vnd was vorgienge: Vnd nach dem er erfahren hatte/ daß man jhm nachstellete/ wiche er zu ruck: Als er aber sahe/ daß man jhn so starck verfolgete/ vnd nicht weiter weichen kondte/ auch nicht mehr als dreyssig Kuͤrisser bey sich hat- te/ setzet er in das Volck hinein/ kaͤmpffet dapffer/ schlaͤget vnd erleget alle/ so jhm vorkommen: Als er aber endlich sihet/ daß die Bauersleute von al- len orten zu lauffen/ nimpt er die Flucht vnd wer- den fuͤnff oder sechs seiner Gesellen gefangen/ welche zween Tag hernacher zu Bessay auff das Rad seyn geleget worden.
Vnd was soll ich mehr von diesem Rauber sa- gen? Auff ein zeit fiengen sie nicht weit darvon ei- nen vornemen Herꝛn/ vnd nach dem sie jhm die Augen wol verbunden hatten/ fuͤhreten sie jhn in ihr Raubschloß/ vnd zeigten jhm alle jhren Vor- rath vnd Munition/ welche sie so wol fuͤr die taͤgli- che notdurfft vnd leben/ als Krieg zufuͤhren/ bey- einander hatten/ sampt einer Handmuͤhl vnnd Backofen: Deßgleichen viel Mußqueten/ Buͤch-
sen/
Beutelschneider/ oder
schen/ Langespiesse/ Granaten/ Petarden/ Ketten/ drey kleine Feldstuͤcklein vnd andere Kriegs In- strumenten/ so wol sich zu vertheidigen/ als Krieg zufuͤhren: Man liesse jhn auch sehen/ wie solches Ort so wol allenthalben fortificiret vnd bevestiget ware/ sonderlich aber die tieffe Wassergraben/ auffziehende Bruͤcke/ Bollwerck vnd dergleichen: Endlich zeigte man jhm auch alles/ was in der gantzen Vestung denck wuͤrdigs zusehen war/ dar- uͤber er sich dann nit gnugsam kondte verwun- dern: Dann alles was er sahe/ das vermeinet er were ein Traum/ Spiegelfechten vnd Verblen- dung: Vnd als er nun solches alles gesehen hatte/ fuͤhreten sie jhn in ein grossen Saal/ welcher vmb vnd vmb behencket ware mit Spanischem Led- der/ welches sie kurtz zuvor auff dem Meer gerau- bet hatten/ (dann jhre Rauberey erstreckte sich eben so wol auff das Meer/ als sie dieselbige auff der Erden uͤbeten) vnd als er nun im Saal ware da richteten sie jm ein stattliche Collation zu/ vnd wurde jhm alles in Silbernen Schuͤsseln vnd Gefaͤssen vorgesetzet: Endlichen/ als sie jhm nun alles in jhrem Raubschloß gezeiget hatten/ ver- bunden sie jhm seine Augen wider/ vnd fuͤhreten ihn ohne einigen schaden an den Ort/ da sie jn zu- vor gefangen hatten/ doch setzte vnd hielte jhm Ly- caon ein sehr gute weil sein Rohr an die Gurgel vnd zwange jhn/ daß er jhm must bey straff vnd verlust seines Lebens verheissen/ daß er in alle E- wigkeit keinem Menschen wolte sagen alles das jenige/ was jhm gezeiget were worden.
Aber
Diebs Historien/ das
I.
Buch.
Aber endlich wurde doch das maß seiner Suͤn- den voll/ Es ließ sich an/ als wuͤrde er nicht weiter vnd lenger also wuͤten vnd loben/ dieser schreck- liche Menschenfresser hatte nun mehr seinen Lauff vollendet: Franckreich kondte dieses Wunder- thier vnd schaͤdliche Mißgeburt nicht mehr dul- den vnd ertragen: Diese Peste kam auff das Hertz/ vnd kondte sie nicht außspeyen. Die Boßheit stol- tziert zwar ein Zeit lang/ vnd wann der Mensch einmal ein Bund gemacht hat/ mit seinen allge- meinen Feinden/ der Suͤnden/ so hoͤret er nit auff zu lauffen vnd zu rasen/ vnd solte er auch den A- them daruͤber verlieren: Ja es hoͤret alsdann der Mensch nicht auff zu suͤndigen/ biß daß er sich endlich selber mit Leib vnnd Seel in das eusserste Verderben stuͤrtzet: Vnd also werden wir sehen/ daß es diesem Lycaon endlich auch ist ergangen. Dann auß seinen schroͤcklichen Vbelthaten hat er endlich selber gemacht ein Spiel einer schroͤck- lichen Leibsstraff/ vnd ein Spectackel einer er- baͤrmlichen Tragedien.
Gantz Bretagne vnd Nider Poictou dorffte vnd kondte bald nichts mehr handlen wegen deß Streiffens vnd Raubens dieses Lycaons/ dero- halbē entschlossen sie endlich bey sich solchs zu Hof zu klagen vn̄ voꝛzubringen: Aber weil man gleich- wol den Ort/ da man jhn moͤchte uͤberfallen vnd erdappen/ nicht gewiß kondte wissen/ dieweil er ei- nen
spiritum familiarem
vnd sonderlichen Geist bey sich hatte/ vnd dieweil man auff einen Tag ihn an vnterschiedlichen Orten sahe: Dann jetzt sahe
man
Beutelschneider/ oder
man jhn zu Nantes/ bald bey Rennes/ zwo stunde hernacher bey Rouen vnd Dieppe: Als wurde Herꝛn Parabelle/ Amptman zu Niort/ wie auch den Guaꝛnisonen vnd Beampten in den Benach- barten oͤrtern befohlen/ sie solten stracks Weges nach dem Wald Machecousti zuzihen/ doch so still vnd vorsichtig als sie jmmer koͤndten: Vnd zu sol- chen verfuͤgten sich sehr viel andere/ den es nit be- fohlen (nur zu sehen/ was es allda fuͤr ein Auß- gang gewinnen wuͤrde/ vnd wie man Lycaon wuͤr- de fangen) also daß ohne die Obersten/ deren acht- zehen oder zwantzig mit jhren Soldaten waren/ vier tausent Mann sich bey einander funden/ wel- che der jenige vom Adel/ welcher zuvor in der Vestung solcher Strassenrauber gewesen ware/ stracks an solchen Ort fuͤhrete: Vnd als sie nun dahin kommen waren/ da pflantzt vnnd richtete man vier Schlangen oder Geschuͤtz wider die Ve- stung/ man fieng an starck hinein zu schiessen/ vnd wehret solches einen gantzen Tag: Lycaon wurde uͤber alle massen sehr daruͤber bestuͤrtzet/ daß er in solche eusserste vnvermeydliche Gefahr ware ge- rahten: Dann da must deren zweyen dingen eins seyn: Entweder daß er solte ein Außfall thun oder wuͤrde muͤssen in seiner Vestung zerbesten: Dann die Apostem war nun mehr so groß worden/ daß sie einen Außgang suchte: Endlich aber da es mit jhm auff das eusserste kommen/ vermahnet er sei- ne Soldaten/ deren auff die drey hundert beyein- ander waren/ daß sie mit jhm ein Außfall theten: Dann er koͤndte jhm die rechnung leichtlichen sel-
ber
Diebs Historien/ das
I.
Buch.
ber machen/ daß in verbleibung seines Außfals die grosse menge Volcks jhm gewaltig zu setzen wuͤrde: Was geschicht? Sie seynd dessen so bald zufrieden auß Verzweifflung fallen sie auß/ ohne einige Ordnung/ aber sie werden von allen seiten so bald vmbringet: Sie kaͤmpffen vnd streiten dapffer: Aber wie sie gleichwol auch mit keinen Kindern/ sondern mit dapffern Soldaten zu thun hatten/ also haben dieselbige jnen (nach dem dann Lycaon vnd den seinen die erste Hitz ware vergan- gen) so starck zugesetzet/ daß endlich/ als Lycaon vermeinte durch das Volck durch zu dringen/ vnd die Flucht an die Hand zunemen/ er mit vielen den seinen uͤberfallen/ gefangen vnd gen Saincte ist gefuͤhret worden/ da dann nach außgestande- ner Folter vnd darauff geschehener Bekandtnuß vieler schroͤcklicher Vbelthaten jhm das Vrtheil ist gesprochen worden/ daß er solte lebendig ge- radbrechet werden/ welches Vrtheil dann auch an jhm ist vollstrecket worden.
Allhie ist vnmoͤglich zuerzehlen/ wie alle Pro- vintzen/ Laͤnder/ Staͤtt vnd Doͤrffer so froh seyn worden/ daß dieser Ertzstrassenrauber endlich ein- mal ist hingerichtet worden: Dann das kan man wol sagen/ daß man sein lebenlang dergleichen schaͤdliches Wunderthier nicht hatte gesehen. In seinem Todt ist er so standhafftig gewesen/ daß je- derman sich daruͤber hat verwundern muͤssen- Vnd wiewol wegen seiner schaͤdlichen Rauberey vnd erschroͤcklichen Moͤrderey jederman jhm in seinem Leben ware zu wider gewesen/ jedoch da
man
Beutelschneider/ oder
man gesehen wie er dem Todt vnter Augen gan- gen/ vnd gehoͤret wie er so gewaltig hat geredet/ ehe er sein Geist auffgeben/ hat jederman ein mit- leiden mit jhm haben muͤssen. Vnd da bey haben wir nun dises zu lernen/ daß es nicht gnug ist wol anfangen/ sondern man muß auch wol enden vnd schliessen: Dann/ wie jener Heydnische Phi- losophus recht vnd wol gesagt hat: So ist es besser sein gefuͤhrtes boͤses Leben endlich mit einem gu- ten Todt schliessen/ als erstlich wie ein ehrlicher Mann leben/ vnd daraach mit schimpff/ spott vnd ewiget vnehr sein Leben schliessen.
Das
IV.
Capitel.
Von den Rougets vnd Grisons/ von jren
Sitten/ Ordnungen vnd Arglistigkeit/ deren sie sich gebrauchen jhre boͤse Bu- benstuͤck ins Werck zu setzen.
E
S kan sich ein Mensch nit gnugsam verwundern/ wann er betrachtet/ wie es so seltzam in der Welt hergehet/ ja wann er betrachtet den Vndergang der Regimenten/ den Anfang vnd erhoͤhung der vier Monarchien/ die Authoritet vnd das grosse Ansehen/ welches zu andern zeiten viel Republiquen vnd gemeine Nu- tzen gehabt haben/ den Anfang der Koͤnigreiche/ die Ordnung/ durch welche solches alles so lange Zeit fortgepflantzet vnd erhalten ist worden.
Wer hette jemals geglaubet/ daß vier oder
fuͤnff
Diebshistorien/ Das
I.
Buch.
fuͤnff verlauffene/ vertriebener Voͤgel/ ich weiß nicht woher/ hetten die erste Fundamenten deß Roͤmischen Reichs legen koͤnnen/ vnd die stuͤck er solches grossen Regiments vnd Colossi zusam- men bringen/ welches gleichwol hernacher den gantzen Erdboden vnter seinen Geh orsame ge- bracht? Wer hette jhm jemals eynbilden koͤnnen/ daß ein geringer schlim̄er Kuͤhhirt/ wie der Tam- berlan/ welcher jhm solchen grossen Anhang von Bettlern vnnd allerley boͤsen Buben machte/ das gantze Orientalische Reich vnter sein Zwang vnd Gehorsam hette bringen koͤnnen? Ja daß er den grossen Bajazetem/ welcher zuvor mit seinen Waffen gantz Europam kondte erschrecken vnnd zittern machen/ so sehr hette demuͤtigen vnd erni- drigen sollen? Gleichwol aber so sehen wir durch diese Exempel/ daß man nicht mehr als ein klei- nes Fuͤncklein bedarff ein grosses Fewer anzu- zuͤnden/ vnd ein grosse Fewersbrunst anzurich- ten/ ja daß man nicht mehr manchsmal als einen einigen Mann bedarff/ ein gantzes Koͤnigreich vmbzustuͤrtzen vnd in grund vnd boden zuverder- ben. Das habt jhr sehen vnd lernen koͤnnen/ in der vorhergehenden Historien/ in welcher ich euch be- schrieben das Leben deß Lycaons: Vnd daher koͤn- net jhr auch ferꝛner schliessen/ wie daß/ wann man solches faules Glied nicht abgeschnitten hette/ sol- ches faule Fleisch vnd schaͤdliches Geschwer je lenger je mehꝛ vmb sich gefressen/ vnd alle oͤrter diß Stands vnd Koͤnigreichs eingenom̄en hette.
Aber inn diesem Capitel wil ich euch augen-
D
schein-
Beutelschneider/ oder
scheinlich sehen/ vnd mit Haͤnden greiffen lassen: Wie dieses nicht ein geringes stuͤcklein ist einer Politischen Weißheit/ wann Regenten so bald im Anlang eine Fewersbrunst/ so da wil auffge- hen/ ersticken vnd leschen: Dann wan̄ man nicht so bald gantz außgerottet hette die Wurtzel selder/ der Gesellschafft der Grison vnnd der Rongets/ welche schon die Fluͤgel in Wind wolte legen/ so wuͤrden ohne zweiffel/ die Nebenschoß sich biß an vns außgestrecket/ vnd gantz Franck reich einge- nommen haben. Ehe wir aber weiter fortschrei- ten/ wil es von noͤthen seyn/ daß man dieser boͤsen Gesellschafft anfang vnd vrsprung wisse: Der- halben so woͤllen wir euch auch so bald dessen be- richten.
Die Rougets vnd Grisons waren junge ver- wegene Leute/ welche sich von vnterschiedlichen Orten zusammen geschlagen hatten: Vnd wie- wol sie anfaͤnglich sich zum Kriegswesen begaben/ so verachteten sie doch endlichen solche Adeliche uͤ- bung/ vnd namen ihn voꝛ die uͤbrige Zeit jhres Le- bens zu zubringen mit Rauben vnd Stelen vmb Paris herumber. Sie fiengen an gar starck zu werden von dem 1621. biß in das 1623. Jahr/ vnd vergienge vnter dessen kein Tag/ da sie nicht Raub vnd Mord/ vnd dergleichen feindliche ne- we boͤse Vbelthaten begiengen/ vnd newe Buͤnd- nus mit mehrern jhres gleichens auffrichteten: Ihre Zusam̄enkunfft ware in Paris/ in der Vor- statt Sainct Germain: Bißweilen sahe man sie deß Tages spatziern gehen auff der newen Bruͤ-
cken/
Diebs Historien/ das
I.
Buch.
cken/ vnnd vmb das Lovure herumber/ oder auff dem Palais: Aber das geschahe gleichwol gar langsam: Dann sie machten es in dem fall wie die Schnecken/ welche nicht leichtlich als zu ihrer be- sten gelegenheit auß der Schale kriechen: Dise ne- we Gesellschafft legte nicht bald die Nase an den Wind/ als deß Nachts/ als welche ist eine Mut- ter der Schatten: vnd ist viel bequemer Suͤnde vnd Laster zubegehen/ als das Liecht deß Tags/ welcher wie der Poet davon redet/ offenbaret die heimlichste vnnd verborgene Sachen/ so in der Welt voꝛgehen moͤgen: Aber wie die Boßheit vnd Vntugend nicht lange Zeit die Aest kan außstre- cken vnd waͤren: Also wurde man bald jnnen der Diebischen vnd Rauberischen Arglistigkeit/ deren sich die boͤse Zunfft gebraucheten: Dann man erwischet bißweiln jhrer etliche/ vnd satzte sie her- nach auff die Schiltwacht an der Eck der newen Bruͤcken/ in der Herberg zum Mond/ zu dem en- de/ hiemit jhren andern Mitgesellen anzuzeigen/ daß wann sie durch Rauben vnd Stelen den Gal- gen sucheten/ die Leitern schon fertig vnd ange- stellet weren sie auffzuhencken.
Der Oberste vnter jhnen ließ sich nennen Hers von der Chesean/ ein Blutgieriger vnd Tyranni- scher Mensch/ welcher jhm nicht mehr Gewissen machte seine moͤrderische Haͤnde in Menschen Blut/ als in Wasser zu baden vnnd zu waschen. Alle die jenge/ welche sich in jhre Gesellschafft be- geben wolten/ musten sich bey jhm angeben/ der pflegte sie darnach in eine Kammer einzuschlies-
D ij
sen/
Beutelschneider/ oder
sen/ vnd zween gantzer Tage ohn gessen vnd ohn getruncken zu lassen/ ja er zwange sie auch/ daß sie drey gantzer Nacht mit blossem Haupt in der freyen Lufft ligen musten/ sie also zu probirn/ ob sie sich in seine Gesellschafft schicken wuͤrden/ ja sie zu seines Handwercks arbeit zugewehnen. A- ber ehe ich euch Stuͤckweise erklaͤre/ was sie auff dem freyen Feld getrieben/ ist es nicht vnrahtsam euch etwas zuerzehlen von dem/ das sie in Paris practiciret haben.
Auff ein Zeit/ auff den Abend im Winter vn- gefehr vmb acht Vhren/ theilten sich diese boͤse Buben in drey hauffen/ vnd verfuͤgten sich auff die newe Bruͤcken: Es ware aber schon gar dun- ckel vnd kalt/ daß einer wol eines guten Nasenfu- ders hette beduͤrffet: Dann der Nordwind gienge so starck/ vnd der Schnee floge vnder dem Him- mel hin vnd wider mit solchen furien/ daß deßwe- gen sehr wenig Leute außgiengen/ vnd auff die Gassen sich machten.
Als sie sich nun also vertheilt hatten/ vnd etli- che stunden vor der Samaritaier/ etliche vor dem auß Ertz gegossenen grossen Pferd/ welches auch allda zu Paris auff der newen Bruͤcken stehet/ die letzten aber auff der Augustiner Bruͤcken: Sihe da kam daher ein Advocat von Roven/ welcher auff einem guten schoͤnen Pferd fasse/ vnd auch wol gekleidet ware/ vnd wolte uͤber die Brucken reiten: ware auch sonderlich zu dem ende gen Pa- ris kommen sich allda zuverrathen/ vnd wegen der grossen Kaͤlt hatte er Nase vnd Angesicht in sei- nen Mantel verborgen.
Als
Diebs Historien/ das
I.
Buch.
Als er aber auff die newe Brucken kommet/ auff der seiten der Gassen Dauphine/ sihe/ da wird er so bald von sechs Raubern vmbringet/ deren drey Roth/ vnd die andere drey Graw gekleidet waren/ hatten aber alle hohe Federbuͤsch auff jh- ren Huͤten/ dieselbige befahlen jhm bey straff sei- nes Lebens vom Pferde abzusteigen/ ja sie schwurn vnd fluchten bey Himmel vnd Erden/ daß wann er nur das geringste Wort sagen/ oder schreyen wuͤrde/ so wolten sie jhn entweder auff der Wahl- statt Todt schlagen/ oder in das Wasser werffen: Daruͤber dann dieser Advocat uͤber alle massen bestuͤrtzet wurde: Er durffte sie nicht recht anse- hen/ vnd die grosse furcht sampt der Kaͤlt/ so er all- da muste außstehen/ gienge jhm durch alle seine Glieder/ also/ daß er bald nicht mehr auff seinen Fuͤssen kondte stehen.
Chesney/ welcher der Oberste in solcher Gesell- schafft ware/ setzet jhm die Pistol auff die Brust/ vnd befihlet jhm den Seckel mit dem Gelt herfuͤr zu suchen/ welches er dann auch so bald thut/ vnd gibt jhnen alles was er hat/ damit er jhrer desto eher moͤge loß werden. Vnd als er hierauff den Fuß in den Stegreiff wil setzen/ vnd wider auff sein Pferd steigen/ kommet ein anderer hinder jm her/ gehet vnd thut als wann er lahm sey: Sagte zu jhm: Er muͤsse jhm sein Pferd lehnen/ damit er wider nach Hauß moͤge kommen/ dann er koͤn- ne nicht weiter zu Fuß gehen: Wiewol nun dem Advocaten dieses seltzam vorkame/ vnd sehr daruͤber bestuͤrtzet wurde/ so muste er doch die-
D iij
se Her-
Beutelschneider/ oder
se Herbe Pillule ohne sawer sehen einschlucken.
Er laͤst diese Diebsgesellschaft fahren/ vnnd dencket/ er habe doch auff das allerwenigste sein Leben salviret/ er habe sich gleichwol noch auß ei- ner grossen Gefahr/ herausser gewickelt: Aber was geschicht? Als er ein wenig weiter fortgehet/ vnd kompt vor das grosse auß Ertz gegossene vnd all- da auffgerichte Pferd/ da stossen jhm zween oder drey andere Raubvoͤgel auff/ sehen jhn wol vnter dem Gesicht an/ vnd fragen jhn: Wo er her kom- me/ vnd wo er hin woͤlle/ der Advocat erzehlet jh- nen hierauff/ wie er da allernechst von etlichē Die- ben were beraubet worden/ vnd daß das Vngluͤck den Abend jhn hart habe betroffen/ in dem/ daß er solchen tyrannischen vnd vnmenschlichen Die- ben vnter die Hoͤnde were kommen.
Als sie nun solches angehoͤret hatten/ spricht einer vnter dem Hauffen zu jm: Wie tyrannisch? Seyd jhr noch so gehertzet/ daß jhr solche Wort wider sie doͤrfft außgiessen/ ja eben jhr? Wer hat euch so gehertzt gemacht/ daß jr vor solchem Pferd doͤrfft ohne Hut abziehē voꝛuͤber gehen? Lernet vnd sehet/ daß jhr auff ein ander mal hoͤflicher als je- tzunder seyet: Felt hierauff uͤber jhn/ nimpt jhm seinen guten Biberhut/ vnd ein stattlichen De- mant von dem Finger/ welcher jhn mehꝛ als zwey hundert Kronen gekostet hatte.
Was soll nun Lucider machen? Dann also wollen wir hinfuͤro diese Person nennen? Hette er woͤllen zu ruͤck kehren/ so were er kommen
de Scylla in Charybid,
das ist/ auß dem Regē in den
Bach
Diebs Historien/ das
I.
Buch,
Bach/ auß dem Rauch gar in das Fewer. So wuste er auch wol die Historien von dem Barba- rischen vnd tyrannischen Caco: Derselbige/ wie Virgilius von jhm schreibet/ brauchete diese List/ vnnd damit er seinen Diebstahl desto besser ver- maͤntelte/ name er die gestohlene Ochsen bey dem Schwantz/ vnd zohe sie also hinder sich in seine Diebs Hoͤle/ auff daß man desto weniger die Fuß- stapffen erlernen koͤndte: Also solte er wider hinge- ben/ wo er herkommen/ das hiesse seinen tritte sa- chen/ vnd jm selber ein groͤsseres Vngluͤck/ als das erste/ machen.
Er faͤhret vnd gehet fort/ in Hoffnung/ er wer- de nun mehr vor dem gefehrlichen Steinfelsen im Meer fuͤruͤber kommen seyn: Aber er kan kaum recht vor die Samaritaine kom̄en/ sibe da kompt jhm der dritte Diebshauffen/ welcher an solchem Ort auff die Schildwacht gestellet ware/ entge- gen/ vnd fuͤhren zu jhm einen Menschen der nicht mehr als sein Hembt an hatte: Welches dann so solcher Zeit in der nacht/ vnd da es so kalt ware/ abschewlich vnd erschrecklich ist zusehen gewesen.
Mein Herꝛ/ saget zu jhm der Elteste vnter jh- rem hauffen/ sehet da einen armen Jungen/ den wir zu euch bringen: Erzeiget vnns doch diese Freundschafft vnd Gunst/ vnd leyhet jhm ewern Mantel: Dann fuͤr grosser grimmer Kaͤlte/ die er außstehet/ kan er kaum auff seinen Fuͤssen stehen/ oder einen tritt recht fort gehen.
Lucider sihet sich hierauff vmb/ ob es jhm nicht moͤglich sey außzureissen vnnd Fersengelt zu ge-
D iiij
ben:
Beutelschneider/ oder
ben: Dan̄ er sahe wol/ daß die Gunst vnd Freund- schafft/ welche diese Moͤrder bey jhm suchten/ lau- ter zwang ware: Aber sie halten sich so nahe vmb jhn her/ daß er nicht kan außreissen: Sie nemen jhm hierauff sein Mantel/ vnd sagen noch/ sie er- zeigten jhm noch ein grosse Gnad daß sie jhm das Leben nicht gar nemen. Ich weiß/ daß dise Histo- rien warhafftig ist: Dann deß Lucidors Bruders hat mir sie selber erzehlet/ vnd hoch betheuret daß solches alles mit seinem Bruder erzehlter massen ist vorgangen.
Diese schreckliche Diebsthat gab Vrsach/ daß man von niemands anderst redet/ als von den Rougets vnd Grisons: Vnd wann man einen sahe/ der jhre Farbe an Kleidung truge/ meinte ein jeglicher/ er were auch jhrer Gattung.
Vnmoͤglich ist es Stuͤcksweisse allhie zu erzehlen die Bubenstuͤck/ welche sie solchen Winter uͤber auff dem Marck zu Sainct Germain begangen haben: Dann sie verkleideten vnd verstelleten sich bald alle stund vnd augenblick: Bald giengen sie daher wie Kauffleute/ vnd liessen jhn die Wah- ren von dem Marck in jhre Haͤuser tragen: Bald giengen sie daher wie Bauersleute/ spieleten auff den Jahrmaͤrckten mit den Leuten/ durch solches Mittel die Beschaffenheit jhrer Seckel zuerler- nen: Bald hettet jr sie selber vor Mahler von An- torff versehen/ dan̄ sie giengen in die Laͤden hinein/ namen vor aller Menschen Augen gemahlte Ta- feln hinweg/ vnnd sagte kein Mensch kein Wort darwider. Machten es wie jener ehrliche Vogel/
welcher
Diebs Historien/ das
I.
Buch.
welcher wol so frech vnd vnverschambt ware/ daß er einem ehrlichen Herꝛen inn sein Hauß gienge/ vnnd thete jhm fuͤr seinen Augen alle Teppich ab in seinem Saal/ vnd truge sie hinweg gleich als wann er der Teppichmacher selber were.
Bald hettet jhr sie vor vorneme dapffere Edel- leut angesehen: Dann sie dorfften wol zu einem Goldschmid oder Jubilierer gehen/ vnd vmb einen stattlichen Demant spieln/ mit solcher Condition daß welcher inn drey wuͤrffen am meisten Augen mit den Wuͤrffeln wuͤrffe/ solte dem andern einen solch
e
n stattlichen Demant bezahlen/ vnnd wann sie darnach solten bezahlen/ wie gieng es? Einer name den Demant/ der andere fieng ein disputa- tion vnd gezaͤnck an/ vnnd also kam der Demant auß einer Hand in die andere/ darauff dann off- termals ein grosse angestelte schlaͤgerey erfolgete/ aber mit grossem Schaden vnd Verlust deß jent- gen/ dem der Demant zustunde.
Etliche Zeit hernacher/ wie Chesnay ein ver- schlagener arglistiger Kopff ware/ also practiciret er ein newes Bubenstuͤck mit einem Laqueien in dem Palais/ dann zu demselbigen gesellete er sich/ vnd als er von jhm verstunden/ daß er bey einem vornehmen reichen Buͤrger/ so vmb das Lovure vnd Koͤnigliche Schloß herumber wohnete/ ge- dienet hatte/ erforschete er alles/ wie es inn solchem Hauß stuͤnde/ wo man auß vnd ein ginge/ sonder- lich aber/ wo der Herꝛ im Hauß/ den ich vor dieses mal nicht wil nennen (dann es nicht von noͤthen ist/ daß ich jemandts allhie mit außgedrucktem
D v
Namen
Beutelschneider/ oder
Namen nenne) sein Gelt hinthaͤte: Vnnd als er das alles von dem Laqueyen wol außgeforschet vnd verstanden hatte/ da stellet er einen seiner Ge- sellschafft an/ er soll so bald zu solchem Herꝛn/ (des- sen Hauses Gelegenheit vnnd alles andere er wol außgespehet hatte) gehen/ jhm seinen Dienst an- bieten vnd fragen/ ob er nicht eines Dieners vnnd Laqueyen bedoͤrffte: Welches dann der abgefertig- te so bald ins Werck setze
t
e/ vnnd wuste sich so freundlich und hoͤfflich zustellen/ daß jhn derselbi- ge Herꝛ zu seinem Laqueyen so bald anname/ dann er kondte nimmermehr gedencken/ daß ein solcher Betrug darhinder stecke: Aber es macht es da sol- cher Herꝛ/ als wann ein Schaͤserhund wolte ei- nen buͤrger vnter den Woͤlffen suchen/ die Schaf zuverwahren.
Nun dieser vermeinte Laquei/ als er nun ein Tag o
d
e
r
viertzehen bey seinem Herꝛn war gewe- sen/ nimpt die Hauptschluͤssel deß Hauses/ drucket sie in einen Teig ab/ vnd gibt sie dem Chesnay/ wel- cher so bald durch den Schlosser jhme gleichfoͤr- mige Schluͤssel laͤst machen: Vnd als solches ge- schehen/ gibt er achtung auff die Zeit/ da der Hauß- herꝛ mit seinem gantzen Haußgesind spatzieren faͤhret uͤber Feld auff sein Feldgut/ welches nah bey Pontoise liget: Vnnd weil man deß Nachts besser als deß Tages solche Diebstuͤck kan verꝛich- ten/ gehet er sampt den seinigen mit einer verbor- genen Laternen in das Hauß/ vnnd sanget an Thuͤr vnd Thor/ Kisten vnd Kasten/ darinnen sie Gelt zu finden vermeinten/ auffzuschlagen: Aber
wie
Diebs Historien/ das
I.
Buch.
wie dem allem/ ob der Herꝛ dessen berichtet/ oder jm sonst nichts guts moͤge getraumet haben/ oder wie es sonst muste mit dem Gelt zugangen seyn/ so finden sie nichts als das ledige Nest.
Derhalben so verfuͤgen sie sich in die nechste Kammer darbey/ vnd nach dem sie eine grosse Ki- ste/ welche man sonst muste mit vier Schluͤsseln auffschliessen/ auffgeschlagen hatten/ finden sie vil Silbergeschirꝛ/ vnd stehlen auff die fuͤnff hundert Kronen werth darvon: Als sie aber alleweil wider der Thuͤr mit jhrem gestohlenen Gut hinauß ge- hen woͤllen/ sihe da kompt der Haußherꝛ mit zween Laqueyen/ schleust auff vnd gehet dem Hauß hin- ein/ dann er war kranck wordē von einer schwach- heit/ welche jhn alle zween Manat ankame.
Den Rougats kompt das gar wunderbarlich fuͤr/ daß der Herꝛ zwar so spat vnd langsam/ aber jhnen allzu fruͤh wider heimkommet/ vnnd wissen nicht/ was sie jmmeꝛmehr anfangen sollen: Dann der Thuͤr hinauß mit der gestohlenen Beute zu- lauffen das kondten sie nicht thun: Ohne Beut darvon zugehen/ das wolte jnen auch nicht schme- cken: Derhalben so verbergen sie sich auf das aller- geschwindeste vnnd beste/ als sie koͤnnen: Aber zu allem Vngluͤck gerathen sie in die Kammer/ wel- che zwar weit von dem Ort/ da der Herꝛ lage/ ab- gelegen ware/ aber gleichwol so lagen die Laqueyen in solcher Kammer: Nun/ was sollen sie thun? Sie koͤnnen fuͤr dißmal nit anders/ derhalben so verbergen sie sich so gut als sie koͤnnen/ etliche vn-
ter
Beutelschneider/ oder
der das Beth/ etliche hinder das Ruͤstgezeug.
Der Haußherꝛ/ der von diesem allem nichts wuste/ gehet zu Beth: Man hatte zwar ein geruͤm- pel gehoͤret/ aber kein Mensch dachte dahin/ daß Raͤuber vnd Dieb im Hauß seyn solten/ dann sie hatten das Hauß allenthalben wol verwahret vnd zugeschlossen gefunden.
Als aber die Laqueyen auch inn jhr Kammer kommen/ sich niderlegen vnnd so bald darauff ent- schlaffen/ sihe da fangen die jenige/ welche sich vn- ter das Beth verborgen hatten/ allgemach an wi- der auß der Schalen zu kriechen/ vnd gehen inn ei- ne Kammer stracks darbey/ welche auff die Gasse gienge: Vnd als sie darinn seyn/ da binden sie Tuͤ- cher zusammen/ vnd lassen sich also daran auß der Kammer auff die Gasse: Chesnay aber vnd einer von der Gesellschafft bleiben allein inn der Kam- mer mit jhrer Beut/ damit sie dieselbige auch hin- ab lassen/ ehe sie selber hernacher steigen.
Aber als sie das gestohlene Silbergeschirꝛ also anbinden vnd hinab lassen woͤllen/ so wird der je- nige/ so auch inn der Kammer bey dem Chesnay war gewahr/ daß er sein Pistol vnter der Laqueyen Beth vergessen hat: Vnnd weil er auch so ein ge- ringes nicht wil dahinden lassen vnnd verlieren/ wie der Hundt Esopt/ welcher da er im Wasser zwey stuͤck Fleisch wolte haben/ gar keines darvon hekame/ so begibt sichs/ daß inn dem er das Rohr wil angreiffen/ gehet es loß/ daruͤber erwachen die Laqueyen/ springen auß dem Bethe/ vnnd lauffen zu jhren Wehren: Die zween Rauber/ damit sie
auch
Diebshistorien/ das
I.
Buch.
auch nicht ergrieffen werden/ gewinnen das Fen- ster vnd das angemachte Seyl/ gleich wie die jeni- ge/ welche auß dem Huͤltzern Pferd herausser ka- men/ vnd die Statt Trojam pluͤnderten.
Chesnay hencket sich am ersten an das Seyl vnd an die Tuͤcher/ welche er aneinander gebun- den hatte/ vnd laͤst sich in solchen grossen schrecken allgemach dem Fenster heraber: Aber als er nun gerad mitten auff dem Weg an dem Seyl ist/ si- he da gehen die zusammen gebundene Tuͤcher auff vnd von einander/ vnd faͤlt also Chesnay von dem zweiten Stockwerck auff das Pflaster: Vnd wie- wol er uͤbel verletzet ist/ ermuntert er sich doch/ macht sich darvon/ vnnd vermahnet seine Gesel- len/ sie sollen sich geschwind auch auß den Fuͤssen machen.
Wie ein magere Katz thut Chesnai darvon
gehen/
Begert auch nit einmal hindersich da zu sehen
Der andere aber wird gar bestuͤrtzet vnd geaͤng- stiget/ daß er mit dem Raub auff dem dritten Stockwerck allein soll bliebn/ kan auch nicht hin- ab steigen/ dieweil das Seylschon mit Chesnay gebrochen war/ vnter dessen so kommen die La- queyen mit Spiessen/ Hellbarden vnnd Wehren in die Kammer: Der Haußherꝛ erwachet auch daruͤber/ vn̄ wiewol er uͤber alle massen sehr kranck ware/ jedoch so macht er sich inn solchen schrecken auff/ stellt sich zu wehre: dann er meinete/ sein gan- tzes Hauß wer voll Rauber.
Labor vocat ultimus omnes.
Sol-
Beutelschneider/ oder
Solcher schrecken erwecket die andern/ daß sie alle zusammen kommen. Endlich aber als sie se- hen daß niemands als ein eintziger Mensch da ist/ gehen sie bey jhn/ vnnd nach dem sie jhm Bauch vnd Ruͤcken mit der Helbarten wol gesalbet hat- ten/ schliessen sie jhn in eine Kammer/ inn Mey- nung/ jhn deß morgenden Tags der Obrigkeit zu lieffern: Vnter dessen aber/ da der Raͤuber sihet/ daß er in solcher Angst vnd Gefahr stecket/ nimbt er jhm fuͤr/ er woͤlle zum Fenster hinab springen/ vnd nach dem er zwo oder drey Servetten/ vnd sei- ne Hosenbendel zusammen gebunden hatte/ laͤst er sich allgemach dem Fenster hinab: aber die Cor- del bricht wider/ vnnd faͤlt so uͤbel auffs Pflaster/ daß er jhm selber den halben Kopff spaltet.
In dem er aber so jaͤmmerlich auff der Gassen liget/ so gehen die Nachtwaͤchter fuͤruͤber/ vnd hoͤ- ren/ daß man jnen so sehr nach schreyet: derhalben so namen sie disen Dieb gefangen/ vnd fuͤnff oder sechs von jhnen/ den Wechtern/ lauffen den an- dern nach/ welche schon auff der newen Bruͤcken waren.
Als nun solches Chesnay sihet/ daß jm vnd sei- nen entrunnenen Gesellen so starck wird nachge- setzet/ halten sie still/ vnd stellen sich zur Wehr wi- der die jenige/ so sie verfolgeten: Sie thun auch/ als wann sie je zu auff die Schuͤtzen zu schiessen woͤllen: Aber wie es manchmals gehet/ daß der je- nige/ der in seinem Gewissen sich einer Vbelthat schuldig weiß/ weniger Hertz vnnd Gemuͤth hat widerstand zu thun/ als die jenige/ welche mit ei-
nem
Diebshistorien/ das
I.
Buch.
nem guten Gewissen vnd guten grund jre Feinde angreiffen: Also gehet es jhm allhie auch: Dero- halben fangen sie an zufliehen/ doch werden jhrer zween darvon beym Kopff erdappet/ welche so bald all jhre Bubenstuͤck vnd Dieberey bekennen.
Man fuͤhret sie hier auff auff das Chastelet/ vnd zween Tage hernacher werden sie
à la Greve
auffgehencket/ sampt dem jenigen/ der sich dem Fenster hinab gestuͤrtzet hatte/ wie wir erzehlet ha- ben. Dann wiewol derselbige ein schweren Fall gethan/ vnd sich selber uͤbel verwundet hatt/ so hat jhn doch solches nicht gehindert auff die Galgen- leyter zu steigen vnd sein Leben so schaͤndlich zu en- den/ als uͤbel er dasselbige angefangen hatte.
Als nun Che
s
nay sahe/ daß man mit seinem Spießgesellen so uͤbel vmbgienge/ veraͤndert er so bald sein Herberg/ dieweil er vernommen hette/ daß man jhn auch schon bey der Obrigkeit solte angeben/ vnnd nach allen seinen Farben beschrie- ben haben: Hielte sich ein Zeit lang mit etlichen seinen Gesellen inn der Newstatt Sanct Mar- ceau/ vnnd deß Nachts begabe er sich dann in die Vniversitet allda auch zu fischen: Dann es ware auch sehr gemein/ daß man sich an die Studenten machte/ vnd das geschahe gemeiniglich durch die Rougets vnd Grisons.
Hier kan ich mit stillschweigen nicht uͤberge- hen die Arglistigkeit/ die sie bewiesen an einem jungen Champaguer/ welcher nach Paris ware kommen allda zu studieren: Dann als sie gesehen/ daß er gar einfaͤltig ware vnnd zimlich Gelt bey
sich
Beutelschneider/ oder
sich hatte/ welches jhm seine Eltern mitgegeben hatten in der Vniversitet sich an einen Ort in die Kost zugeben/ oder eine Kammer zubestellen/ vnd sich selber darinnen zuverkoͤstigen/ gesellen sie sich zu jhm/ vnnd dieweil sie so bald sahen/ daß er gar wol mit sich vmbgehen liesse/ fuͤhrten sie jn etliche mal mit jhnen zu Tisch/ vorgebend/ sie seyen auch seines stands/ vnd woͤllen auch allda studieren. In dem aber das geschahe/ daß jn etliche also mit sich zu Tisch fuͤhreten/ giengen die andern hin vnd sta- len jhm alles was sie finden/ Kleider/ Leinen ge- zeug/ Hembder/ Gelt vnd dergleichen/ vnd schlos- sen solches alles in die nechste Kammer/ darzu sie jhm einen Schluͤssel gegeben hatten: Vnnd zwo stunde hernach/ als sie jhn das Colleginm de Na- varꝛa gefuͤhre hatten/ schlossen sie mit einem fal- schen Schluͤssel dieselbige Kammer auff/ vnd tru- gen jhm alle seine Sachen hinweg. Vnd also mu- ste der gute Student mit seinem schaden lernen die Regel deß Despauterij/ welcher also redet:
Multa regunt ternum, quibus haud est regula certa:
Er lernete biß auff den
Ablativum
von sol- chen Gesellen decliniren.
Auff ein Zeit giengen dieser Gesellen vier vn- verschaͤmbter weise in eines reichen Buͤrgershau- se/ welcher von der Pfarꝛ Sanct Estienne ware/ vnd nach dem sie die Zeit wol in achtung genom- men hatten/ daß er gantz allein war/ begehren sie so bald mit jhme zu reden/ die Magd/ welche mei- nete/ es weren vorneme vnd jrem Herꝛn bekandte vom Adel/ laͤst sie ohne eintzige einrede zu jhrem
Her-
Diebs Historien/ das
I.
Buch.
Herꝛen gehen: Sie gehen darauff in s
e
ine Kam- mer/ erzeigten jhm eingans grosse Reverentz/ ziehen jhn auff eine seiten/ als wann sie jhm etwas wolten sagen/ daran viel gelegen were: Einer vn- ter jhnen/ vnd zwar der ansehnlichste kompt vnd sagt jhm in das Ohꝛ. Es koͤnne nicht anderst seyn/ er muͤsse jhm zwey hundert Kronen leyhen: Vnd als hierauff der Haußherꝛ zu ruͤck wil weichen/ vnd vmb huͤlff schreyen/ stopffen die andere jhm das Maul zu mit einer Servietten/ setzen jhm ein Faustrohr an die Gurgel/ schweren vnd traͤwen jhme/ wann er sich nur im geringsten mucke oder rege/ solle er deß Todts seyn: Soll derhalben ge- dencken/ vnd jhm das begerte Gelt geben: Hier- auff wegert sich nun der Haußherꝛ im geringsten nicht/ sondern nimpt ein Sack in seiner Studter- stuben/ gibt jhnen das begerte Gelt/ vnd sasset sie wol in das Gesicht/ damit er sie desto besser erken- nen moͤge: Als sie nun auß seinem Hauß gehen/ folget er jhnen so bald nach/ machet ein Lermen auff der Gassen/ vnd schreyet jhnen als Raubern nach: Darauff laufft man jhnen nach vnd helt sie: Sie aber hergegen stellen sich zur wehr/ schies- sen auff die Leut zu/ vnd dringen durch das Volck durch/ also daß nicht mehꝛ auß jnen als ein eintzi- ger wiꝛd gefangen/ welcher hernach das geloch fuͤr seine Gesellen bezahlen muste. Vnd was soll ich euch doch weiters sagen? Auff ein Zeit traffen sie an einen vom Adel/ welcher jhnen wol bekand wa- re/ vnd weil sie gar wol wusten/ daß er viel Gelts bey sich hatte/ wegen einer schweren Rechtsferti-
E
gung/
Beutelschneider/ oder
gung/ so er zu fuͤhren hatte/ fuͤhreten sie jhn mit sich zum Nachtessen heim: Vnd da er mit jhnen heim kame/ stelleten sie jhm ein gewissen Stuel vnd machten/ daß er sich darauff nider setzete/ da er dann mit Hertzens lust asse/ dann er gedachte nit/ daß sie jhn in ein solches Vngluͤck/ wie hernacher geschahe/ bringen wuͤrden: Als er aber wider vom Stuel auffstehen wolte/ fiengen die Feddern deß Vhrwercks in dem Stul an zu spielen/ vnd wurd er in solchen Stul/ wie ein Fuchs im Garn gefan- gen/ vnd muste diesen hungerigen Jaͤgern das be- ste/ was er bey sich hatte/ geben. Wer alle dieser boͤ- sen Buben Diebsstuͤck vnnd Betrug erzehlen wolte/ der thete nichts anderst/ als daß er wolte
secundam Iliadem
schreiben: Dan̄ da vergienge kein Wochen/ da man nicht etwas newes von jh- nen hoͤrete: Wann die Leut uͤber Tisch oder son- sten zusammen kamen/ so pflegte man bald von nichts anderst als von der Verschlagenheit/ Boß- heit vnd Betrug dieser Diebe vnd Rauber zu re- den: Aber der grosse fleiß/ welchen man in Paris anwendet/ die State von dieser Pest zu reinigen/ verursachet/ daß sie alle zu Paris auß den Nestern flogen/ vnd freye Lufft auff dem Felde sucheten.
Die Gesetz vnnd gute scharpffe Ordnungen seyn gleichsam wie starcke Rachkolben/ mit wel- chen man die Laster vnd die jenige/ so denselbigen ergeben/ gar kan zu Tach darnider schlagen: Vnd wann die Regenten dieselbige gebuͤhrlich gebrau- chen/ kan dardurch der Vntugenden vnd den La- stern gewehret werden: Da findet man nit leicht-
lich
Diebs Historien/ das
I.
Buch.
lich einen/ der den Tugend Gesetzen wider zuste- hen sich vnterfaͤnget: Es ist waar/ der grosse fleiß welchen die Obersten vnd Soldaten zu Paris an- wendeten/ solchen Rotten vnd grawen Gottlosen Hauffen außzurotten/ brachte so vil zu wegen/ daß Paris solches Giffts bald erlediget wurde: Aber gleichwol kondte man sie nicht vom Land vertrei- ben: Dann sie theileten sich allenthalben im Lan- de auß: Wir haben nunmehr angehoͤret etliche Diebstuͤck/ welche diese boͤse Rott in Paris began- gen: Last vns nun auch vernemen/ was sie/ nach dem sie Paris verlassen/ auff dem Land angestel- let haben/ vnd was man vor Mittel hat gebrau- chet/ sie endlich außzurotten.
Das
V.
Capitel.
Von dem Rauben vnd Morden deß Che-
snay/ als deß Obersten der Rougets vn̄ Grisons: Was sein Mitgesellen an
vnterschidlicheu
oͤrtern in Franckreich begangen: Wie er gefangen/ vnd seine fuͤrnembste Gesellen seyn hingerichtet worden.
D
Er Mensch nimbt ein verlohrne Arbeit vor/ wann er sich der vnertraͤg- lichen Gewissens angst wil entledigen/ durch abweichung von dem Ort/ da er seine heim- liche Bubenstuͤck hat begangen. Dann wir selber verdammen vns jnnerlich in vnsern Hertzen: vn-
E ij
ser
Beutelschneider/ oder
ser Hertz vnd Gewissen ist vnser Richter vnd An- klaͤger: Vnd wie ein gewisser Author redet:
Sequi- tur nemesis à tergo:
die Straff Gottes folget der Suͤnden auff dem Fuß nach.
Wann ein Mensch einmal eine schwere Suͤn- de hat begangen/ so wischet das Gewissen hinder jhm her/ naget vnd quelet jhn/ er mache auch was er woͤlle: Wann er schon bald dieses/ bald jenes fuͤr die Hand nimmet/ deß Gewissensangst dar- uͤber zuvergessen/ so hilfft doch solches alles nichts: Sondern/ wann das Gewissen einmal verwun- det ist/ so naget es den Menschen stetig: Es stellet vns das Gewissen alsdann vor die Augen die er- schroͤcklichkeit vnserer begangenen Suͤnden/ vnd die Boßheit vnser vorgenommenen Thaten/ al- so/ daß wann ein Mensch sich schon wolte in die aller weit abgelegeneste Wuͤsten Africam/ oder Ly- bien verbergen/ oder wolte seine Tag in Felsen vnd tieffen Loͤchern vnter der Erden zubringen/ so wuͤrde doch allzeit der Schatten deß Lasters/ das er begangen/ jhme nachfolgen/ jhn Tag vnd Nacht in seinem Hertzen schrecken/ vnd ja endlich zwingen/ daß er sich wol selber inn seiner Feinde Netze werffe/ vnd zu der Straff seiner Suͤnden einstelle.
Ihr habt in dem voꝛhergehenden Capitel ange- hoͤret den Vrsprung vnd Herkommen der Rou- gets vnd Grisons/ vnd wie von wenigen sie ange- fangen/ vnd so schroͤckliche Thaten begangen hat- ben: In diesem Capitel aber werdet jhr vernemen was Chesnay/ welche der Oberste in jhrer Diebs-
gesell-
Diebshistorien/ Das
I.
Buch.
gesellschafft ware/ vnnd nach dem er von Paris hinweg kommen/ an vnterschiedlichen oͤrtern in Franckreich hat begangen/ vnd wie er auch end- lich seinen wolverdienten Lohn hat empfangen.
Chesnay/ wie wir zuvor angehoͤret/ muste sich von Paris hinweg machen: Derhalben name er jhm vor im Land vmbher zu fahren: Doch blieb er ein Zeitlang voꝛ Montauban/ so lang als die Be- laͤgerung da werete: Aber weil es jm viel besser an- stunde in der Rauberischen Freyheit zu leben/ in welcher er von seinen jungen Tagen an ware er- zogen worden/ verliesse er das Kriegswesen wider mit etlichen seinen Cammeraden/ Samblete von seiner Gesellschafft/ so viel als er kondte/ bey ein- ander/ vnd fienge an mit denselbigen hin vnd wi- der/ vnd in den Benachbarten oͤrtern zu streiffen vnd zu rauben. Die vornembste vnter seinen Ge- sellen hiessen
La Pointe, La Favetie
vnd
La Fon- taine,
welche endlich auch mit jhm hingerichtet wurden/ wie jhr hiernechst bald werdet anhoͤren.
Der erste Angriff/ den sie thaͤten in Guienne/ geschahe an zween vom Adel/ welche/ als sie auß dem Kriegslaͤger nach Hauß ziehen wolten/ von jhnen an einer Waldecken wurden angegriffen/ vnd ermordet/ vnd namen darnach alles/ was sie bey jhnen funden.
Als aber nun Chesnay von allen Orten vnd Ecken seiner Gesellen gnugsam zusammen ge- bracht hatte/ vnd nun meinete/ daß wann er solche vmb vnd bey sich hette/ so koͤndte er durchreissen/ wo er auch hin kaͤme/ gabe er jhnen alle diese In-
E iij
structi-
Beutelschneider/ oder
struction vnd Regel/ die sie vnfehlbarlich practici- ren solten: Daß/ wann sie entweder einen Kauff- mann oder sonsten eine vorneme Person/ bey wel- cher sie Gelt zu finden vermeineten/ antreffen/ so solten sie ein Geig oder Zitter nemen/ darauff spielen/ machen daß derselbige darnach muste dantzen/ vnd hernacher jhm den Beutel mit dem Gelt nemen. Welche Gewonheit vnd Regel sie dann hernacher bey allen jrem Rauben vnd Ste- len practicirten/ vnd in achtung namen: Dann wann sie von weitem einen vornemmen feinen Mann sahen daher kommen/ bey welchem sie eine gute Beut verhoffeten zu bekommen/ geselleten sie sich zu jhme/ liessen sich in allerley freundliche di- scurs mit jhm eyn/ vnd endlich name einer vnter jhnen eine Geyge/ oder Eyther in die Hand/ vnd fienge an zu spielen.
So bald als nun jhr Gesellschafft auff der Cy- ther oder Geygen zu spielen anfienge/ da stelleten sich die andere in die Ordnung fuͤr die lange weil/ ja zur kurtzweil mit einander zu dantzen/ vnd zo- gen den jenigen/ welchen sie berauben wolten/ ent- weder mit guten worten/ oder mit gewalt mitten vnter sie/ daß er auch mit dantzen muste/ welcher manchmals wider seines Hertzen willen dantzte/ ja welcher nachmals lieber einen Curanten an statt eines Galliarden hette gedantzet/ das ist wel- cher lieber darvon hette lauffen/ als dantzen moͤ- gen: Aber sie gaben jhm allzeit so wol achtung auff die Garn/ daß er nicht entfliehen kondte. Vnd wann sie darnach lang/ wie die Bacchanten/ her-
umber
Diebs Historien/ das
I.
Buch.
umber gedantzet hatten/ zwangen sie jhn/ daß er muste den Spielmann bezahlen/ vnd namen jhm alles was sie bey jhm funden.
Dieses Stuͤcklein practicirten sie an vnter- schiedlichen Orten/ da sie hinkamen/ vnd sonder- lich practicirten sie es auff ein Zeit mit drey Kauff- m
aͤ
nnern von Paris (deren Namen ich allhier wil verschweigen) dieselbigen griffen sie an in einē Wald bey Orleans (darinnen sie sich lange Zeit auffgehalten hatten) vnd zwangen die Kauffleu- te/ daß sie sich uͤber jhrem schaden musten lustig machen/ vnd noch Caprioln schneiden bey dem je- nigen/ das jnen durch sie ware abgeraubet wordē:
Aber/ wie die Vorschlaͤge nicht allzeit gerathen/ wie wir begehren/ also gienge es diesen Raubern auch: Dann da begab es sich auff ein Zeit/ daß ein dapfferer Soldat/ genannt/ Espine/ ein grosse vnd ansehnliche Person/ vn̄ der ein versuchter Kriegs- mann ware/ jhnen entgegen kame/ in einem Thal nahe bey Sergeaut an der Leire/ vnd als Chesnay desselbigen gewahr wurde/ vnd dem eusserlichen ansehen nach wol kondte schliessen daß er nicht al- lein were/ vnd ohn fehlbarlich Gelt bey sich haben muste/ stiege er von seinem Pferde/ winckte seinem Gesellen/ er solte die Cyther in die Hand nemen/ vnd kamen jhm also entgegen/ vnd spielten vnd dantzeten: Der Soldat/ welcher nicht wuste/ wo- hin das auffspieln vnd dantzen angesehen ware/ weichet zu ruͤck/ vnd wil sich/ ehe er ein schritt fort- schreitet/ zur Wehrstellen: Aber Chesnai vnd seine Gesellen geben jhme solche gute vnd freundliche
E iiij
Wort/
Beutelschneider/ oder
Wort/ daß sie jhm alle forcht vnd argwohn von jhnen benemen/ also daß/ da sie jhn nun nahe mit- ten vnter sich bekommen sie darauff anfiengen zu dantzen nach jhrer gewonheit. Aber der Soldat/ der im durchreisen zu Orleans schon etwas von solchem dantzen gehoͤret hatte/ kondte jhm schon selbst die Rechnung machen/ was auff solches dantzen erfolgen wuͤrde/ Derhalben so nimmet er sich an/ als woͤlle er seinen Hosenbendel auffbin- den/ wischet jhn wider alle jhre auffsichtigkeit von dem Dantz/ laufft Spornstreichs zu deß Chesnay Pferd zu/ welches an einen Baum angebunden ware/ steiget auff/ hawet mit seinem Degen deß Pferds Zaum entzwer/ vnd reitet mit solcher vn- gestuͤmmigkeit durch jhren Dantz hindurch/ daß daruͤber zween zu boden fallen/ vnd uͤbel an jhren Backen beschaͤdiget werden/ kehret darauff wider. auff Orleans/ vnd zeiget der Obrigkeit allda an/ was jhm begegnet ware/ gibt auch Warzeichen deß Orts/ an welchem man die Rauber erdappen koͤndte/ Aber man kam aller zu langsam/ Dann da Chesnay sahe/ daß jhm sein dantzen uͤbel ware be- kommen/ vnd er in seiner Hoffnung betrogen wa- re/ machte er sich so bald auß dem Staub/ kehret wider inn die Herberge/ da seine Gesellen jhre Pferd hingestellet hatten/ vnd zeucht darvon in Picardie/ da er dann solches Dantzen auch ein Zeit lang getrieben/ biß so lang/ daß die Leut sol- ches inn
e
n worden/ vnd so bald/ als sie Chesnay mit seinem Anhang ersehen/ haben von weitem
ange-
Diebshistorien/ das
I.
Buch.
angefangen an statt eines Galliarden/ einen Cou- ranten zu dantzen/ vnnd sich durch die Flucht zu salviren
Es ist auch wahr/ daß dieser Chesnai/ als er nicht mehr als zween seiner Cameraden bey sich hatte/ auff ein Zeit angrieffe einen Kauffmann von Beaurais welcher nach Paris wolte/ vnnd brachte jhn vmb in der gegend bey Ponthoise/ vnd name Pferd/ Wahr vnnd alles/ was er bey jhm fande: Liesse he
r
nacher zween seiner Gesellen sich verkleiden die beraubte Wahr desto besser vnnd vnvermerckter zu Paris zuverkauffen: Als sie nun zu Paris ankommen waren/ vnnd Chesnat vnter dessen auff den Roßmarck gienge/ dessen von jhm erschlagenen Kauffmanns Pferd zu- verkauffen/ da legten seine Gesellen jhren Kram vnnd Wahr auß/ welches dann Vrsach war/ daß sie gegriffen wurden: Dann da man sahe/ daß sie jhre vermeinte Wahr so Schand wolfeil gaben/ schlosse jederman darauß/ es koͤndte nicht recht darmit zugehen/ Es muͤste ein Betrug darhinder stecken/ wurden auch auff solchen Argwohn ge- griffen/ vnd deßwegen zu rede gestellet/ da sie dann auß trieb jhres boͤsen Gewissens so baldt alles be- kandten.
Chesnay/ der noch an einem andern Ort solte sterben/ komptwider vnnd wil in der Halle/ zu sei- nen Kauffleuten: Aber als er sihet/ daß das Volck so gewaltig zu laufft zu dem Ort/ da er zuvor seine Gesellen gelassen hatte/ machte er jhm selber die Rechnung/ es werde seine Gesellen antreffen/ vnd
E v
werde
Beutelschneider/ oder
werde man jhn vielleicht nach den Koͤpffen greif- fen/ derhalben so machet er sich so bald auff seine Fuͤß/ vnnd nimpt die Flucht: Welches dann fuͤr dißmal sein grosses Gluͤck war/ wann er sonsten auch hette vermeyden koͤnnen das Vngluͤck/ wel- ches wegen seiner Vbelthaten jhm solte auff sei- nen Schaͤdel fallen: Dann nach dem seine beyde Gesellen waren schrecklich gefoltert worden/ wur- den sie endlich lebendig geradbrechet.
Gleichwol aber so laͤst er jhm solches alles kein Warnung seyn/ die Straff seiner Gesellen wil nichts bey jhm verfangen/ er faͤhret in seinem boͤ- sen verdamblichen Leben fort/ vnd bildet ihm ein: Es sey kein Donner mehr im Himel/ seine Suͤn- de zu straffen/ er sihet/ daß er schon so mancher ge- fahr ist entrunnen/ ja daß er noch auß so man- chem Labyrinth ist kommen/ gleichwol aber so lieb- koset er jhm selber in seinem betrieglichen Gedan- cken/ faͤhret fort in seinem boͤsen Leben/ vnnd bil- det jhm ein/ es werde jhn auch niemandts wegen seiner Vbelthaten sawer ansehen/ oder anreden koͤnnen.
Er bringet seine Gesellschafft wider zusam- men/ begibt sich ferꝛners in sein voriges Leben/ ver- fuͤget sich hinauß auff das Feld/ vnnd als er drey Buͤrger antrifft sprengt er sampt fuͤnff oder sechs seiner Spießgesellen solche Buͤrger so hart an/ daß sie nichts anderst darauß schliessen koͤndten/ als daß es sie Gelt/ Pferd vnd Leben kosten wuͤrde: Zu dem ansehnlichsten vnter solchen dreyen Buͤr- gern spricht Chesngy/ das Pferd/ das er habe/ sey
jhme
Diebs Historien/ das
I.
Buch
jhme innerhalb drey Tage gestohlen worden: Vnd daß er entweder jhm solches Pferd so bald muͤste wider geben/ oder wolte er jhm ein Degen inn sei- nen Leib hinein stossen/ daß er es jhm nicht solte laͤugnen:
La Fauerie, La Pointe \& La Fontaine
sprenden die andere zween auch so vnverschaͤmbt an/ vnd woͤllen sie uͤberꝛeden/ sie haben jhr Pferde: Also klagte auff ein Zeit beym Esopo der Wolff das Schaf an/ vnd beschuldigte es/ es hette seiner gespottet: Also klagte auff ein Zeit der Fuchs ein Huhn an/ vnnd sagte es hette jhn gescholten vnnd geschmaͤhet/ vnd also fallen gemeiniglich alle sol- che klagen auff die vnschuldigen/ dieselbige muͤs- sen gemeiniglich die Pfan placken/ oder wie man im Sprichwort redet/ das Geloch bezahlen. Die gute Buͤrger sehen/ daß sie gefangen seyn/ wissen nit/ was sie thun oderreden sollen/ steigen ab von jhren Pferden/ vnd doͤrffen diesen vnmenschlichen Woͤlffen nicht mit einem Wort widersprechen: Sie muͤssen jhnen Gelt vnd Pferde lassen/ vnnd muͤssen sich noch darzu bedancken/ daß sie jhnen das Leben nicht gar genommen hatten. Dann der Chesnay war ein Blutgiriger tyrannischer Men- sche/ vnnd achtet deß Menschen Leben nicht mehr als das Leben eines jungen Huͤnleins.
Es begabe sich auff ein Zeit/ daß als seine Mit- gesellen sich auff ein Marck begeben hatten/ allda mit fuͤnff Figuren einzukauffen/ er sich auffs Feld vnter dessen begabe/ nahe bey der Statt Maas ware gantz allein/ vnnd ritte in dem Feld vmbher spatzieren: Vnd als der Abend herbey kame/ kam
er deß
Beutelschneider/ oder
er deß Abends in derselbigen gegend in ein Wirts- hauß/ allda uͤber Nacht zu ligen: Da kant
ih
n nun niemand/ kondte auch niemands gedencken oder jhm einbilden/ daß er ein solcher Gast seyn solte: Dann er war wol gekleidet/ kame mit einem schoͤ- nen Pferd daher geritten/ vnd fragte/ ob sie jhn die Nacht uͤber herbergen wolten/ vnnd etwas zu es- sen hetten: Darauff man ihm dann auffmachte/ vnd ließ jhm mit seinem Pferd in die Herberg ein- ziehen.
Nun trug es sich zu/ daß eben zu solcher Zeit in solcher Herberg auch war der Oberste/ oder der Amptmann von Mans/ mit seinen Dienern vnd Soldaten/ welcher mit seinen Dienern deß Tags vmbher zoge im Felde eben diesen Strassenrau- ber zusuchen/ vnd dermal eins zu erdappen: Aber weil keiner vnter jhnen war/ der den Chesnay je- mals weder hinden oder forn gesehen hatte/ so kon- ten sie auch jhn dißmal desto weniger erkennen/ o- der wissen/ wer er were.
Als nun Chesnay in die Herberg kompt/ fragt er den Wirt/ ob er keine frembde Gaͤst mehr habe/ vnd ob niemand bey jhm in seiner Kammer wer- de schlaffen/ der Wirth antwortet ihm vnd sagt/ es seyen drey oder vier vornehme Personen schon bey jhm ankommen/ vnd dieselbige werden bey jhm in der Kammer schlaffen: Chesnay/ der nicht wuste/ was es fuͤr Leut seyn moͤchten/ laͤst sie fragen/ ob sie es leyden moͤchten/ daß er mit jnen zu Nacht esse.
Der Amptmann von Mans laͤst im wider sa- gen: Es geschehe jhm darmit ein grosse Ehr/ vnd
moͤge
Diebs Historien/ das
I.
Buch.
moͤge zu jhm kommen: Vnnd als er der Thuͤr zu jhnen hinein gehet/ stehen sie alle vom Tisch auff/ jhm Ehr vnd Freundschafft zu erzeigen.
Chesnay setzet sich zu jhnen an Tisch/ vnd erzeh- let jhnen/ wie daß er auß dem Laͤger komme vnnd daß er so starck sey fortgeritten/ daß jhme seine La- queyen nicht haben nachfolgen koͤnnen/ vnd seyen also im Nechsten Dorff geblieben.
Hierauff kommen sie mit einander von einem Gespraͤch in das ander/ reden von dem/ das inn Languedoc/ Vivarees vnnd Rochelle geschehen ware/ vnnd auß den wackern Gespraͤchen/ welche Chesnay mit jhm hielt/ hette der Amptmann von Mans nimmermehr abnehmen oder gedencken koͤnnen/ daß er so nahe solte seyn bey dem jenigen/ welchen er so fleissig suchte: Dann er kondte sich uͤber alle massen wol stellen/ vnd versahe jhn jeder- man vor niemands anderst/ als vor einen vorne- men vom Adel.
Als sie aber weiter inn das Gespraͤch hinein kommen/ vnd fragen/ was in den benachbarten oͤꝛ- tern vorgehe/ da mercket Chesnay/ daß er mitten vnter den jenigen ist welche jm nachstelleten/ der- halben stellete er sich eusserlich viel anderst/ als jm in seinen Hertzen zu muth ware: Felt auff andere Gespraͤch/ vnd verfluchet die Diebe inn Abgrund der Hellen: Erzehlet jhnen auch darauff/ wie er selber/ als er von Tholose außgezogen/ sey durch etliche boͤse Buben beraubet worden/ welche jhm all sein Gelt abgenommen haben.
Der Amptmann/ welcher nit sahe/ vnd merck-
te/
Beutelschneider/ oder
te/ warumb er solche Gespraͤch hielte/ hoͤret jhm zu vnd haͤlt dem eusserlichen ansehen nach/ daß er die Warheit rede: Vnd als nun die Abendsmahlzeit gehalten/ vnnd sie auch lang miteinander ge- sprachet/ vnnd geredet hatten/ von deß Koͤnigs Kriegsvolck/ von der belaͤgerung Mantauban/ wie Rochelle were Bliquiret/ vnd von allen Or- ten so hart belaͤgert worden/ von der Kriegsberei- tung so man mache/ Krieg zu Wasser vnd Meer zu fuͤhren/ vnd von andern Sachen/ so zu solcher Zeit vorgiengen/ gehet ein jeglicher schlaffen. La Chesnay lage auch in solcher Kammer/ darinnen der Amptmann mit den seinigen schlieffe/ vnnd dieweil er jm vorgenommen daß er ein kurtzweili- gen Bossen wolte anstellen/ befihlet er dem Stall- knecht/ er soll sehen/ daß den Morgen vmb vier Vhr sein Pferd fertig vnd gesattelt sey: Dann er wolte gern vmb den Mittag zu Mans seyn.
Als nun der Tag anbricht/ stehet Chesnay auff/ gehet zu dem Wirth vnd rechnet mit jhm/ fraget/ was den Abendt inn allem sey verzehret worden: Vnd als es jhm der Wirth sagt/ zahlt er fuͤr sich/ fuͤr den Amptmann vnd vor desselbigen Diener/ vnd als er jetzund wil zu Pferd sitzen/ zeucht er den Wirth ein wenig auff ein seiten/ sagt jhm leiß inn ein Ohr/ er soll dem Amptman von Mans vnnd desselbigen Dienern ansagen: Daß sie gestern A- bends mit dem Ebesnai/ den sie so fleissig gesuchet hetten/ haben zu Nacht gessen/ vnnd daß er auch das Geloch fuͤr sie bezahlet habe.
Zwo stunde hernacher stehet der Amptman
auff/
Diebshistorien/ das
I.
Buch.
auff/ vnd fraget/ ob der jenige vom Adel/ so gestern mit jhnen gezehret/ hinweg sey: Man sagt jhm darauff/ daß er schon vmb vier Vhren sey fortge- ritten/ vnd nicht bezahlet habe: Sondern habe ge- sagt/ sie werden sein Geloch schon richtig machen vnd bezahlen.
Der Amptmann/ als er solches hoͤret/ wird er vngehalten daruͤber/ vnd verwundert sich/ daß ein solcher dapfferer vom Adel/ jhm solchen Bossen soll bewiesen haben/ vnd als der Wirth sihet/ daß erje laͤnger je vnwilliger daruͤber wird/ zeigt er ihm an/ daß der jenige/ so mit jhnen zu Nacht ha- be gessen/ sey der Chesnay/ vnd daß er die Zech fuͤr sie alle hab bezahlet: Habe auch jhm befohlen/ er solte solches dem Herꝛen Amptmann anzeigen: Der Amptmann wird hierauff noch vnwilliger/ macht sich vnnuͤtz uͤber den Wirth/ daß er jhm sol- ches nicht so bald habe angesaget: Aber der Wirth entschuldiget sich vnd spricht: Er habe nichts von dem Rauben vnd stelen deß Chesnay gewust/ ha- be jhn auch fuͤr der Zeit sein lebenlang mit Augen nicht gesehen/ vnd daß er dem Herꝛn Amptmann gantz schlecht vnd einfaͤltiglich habe erzehlet/ was jhm solcher Gast anzuzeigen deß Morgens fruͤhe habe befohlen.
Als nun der Amptmann vnd seine Diener sa- hen/ daß sie also betrogen seyn worden/ mahnen sie die Bawren auff in allen vmbligenden Benach- barten oͤrtern/ inn Hoffnung/ sie woͤllen diesen Chesnay noch erdappen: Aber ehe man anfienge ihm nachzusetzen/ hatte er sich schoͤn salviret/ vnnd
ware
Beutelschneider/ oder
war schon auff die 10. Meilen wegs weit von jh- nen/ vnd also entwischet er jhnen auß jhren Haͤn- den/ da er doch zuvor gantz in jrer Gewalt war.
Aber Chesnay bildet jhm vergeblich ein/ daß er meinet/ er woͤlle deß Himmels Zorn wol entge- hen/ das vergossene Blut so viler ehrlichen Kauff- leute/ welche er so moͤrderischer weise hatte vmb jhr Leben gebracht/ schreyet vmb Rach bey Gott: Das geschrey so vieler armen Weysen/ welche er Diebischer weise hat beraubet/ vnd vmb das jhri- ge bracht/ zeucht jhm deß Himmels Zorn vnnd Vngnad auff seinen Schaͤdel.
Wir lesen inn den Historien/ daß als anff ein Zeit ein Fuͤrst dem grossen vnnd schweren Vnge- witter/ das sich auff jhn zoge/ wolte entgehen vnnd sich wider dasselbe sicher machen/ vnd verwahren/ hat er ein kleines Kind auff seine Achseln gesetzt/ vnd jhm eingebildet/ er werde durch die Vnschuld solches Kindleins wider das Vngewitter wol verwahret seyn: Aber wann Chesnay/ nach so vie- len begangenen Diebstal vnnd Mordthaten die Vnschuld selber nicht auff seine Achseln/ sondern gar in sein Hertz gesetzet hette/ so hette er doch nit vermeyden koͤnnen den Zorn vnnd Vngnade des- sen/ welchen er so groͤblich erzuͤrnet vnnd beleydi- get hatte/ dann es war einem gantzen Land vnnd Koͤnigreich daran gelegen/ daß er nach seinem Verdienst gestraffet wuͤrde: Aber wie er mit seinen Gesellen gefangen/ vnd endlich zur Straff sey ge- zogen worden/ das woͤllen wir bald anhoͤren.
Als
Diebshistorien/ Das
I.
Buch.
Als Chesnay in der gegend Fontaine bleau/ vnd im Wald bey Orleans herumber streiffete/ kam zu jhm
La Fontaine,
welcher einer seiner Mitgesellen ware/ vnd gab jm diesen Vorschlag: Daß wann er begehret ein gute Beut zu erhaschē/ solte er sich gen Perche/ da ein grosser Jahrmarck gehalten werde/ begeben/ auch seiner Gesellē fuͤnff oder sechs mit sich nemen/ vnd stracks auff Ver- neuil zu ziehen/ dann das lige nah bey dem Marck vnd sey ein solcher Ort/ da man sich auff ein noht- fall auch verstecken koͤndte.
Was geschicht? der Vorschlag ist nicht so bald gegeben? er wird auch ins Werck gesetzet: Dann Chesnay nimpt mit sich La Faverit/ vnd zween oder drey seiner Spießgesellen/ vnd halten sich auff vngefehr ein Meyl von Verneuil/ gibt vor/ bey denen/ so fuͤruͤber zogen/ er muͤste mit seinen fuͤnff oder sechs Gesellen sich allda ein wenig auff- halten/ einem vom Adel einen Beystand zu ley- sten/ welcher sich an solchem Ort mit einem an- dern wolte rauffen.
Vnter dessen so zeucht La Fontaine/ der dieses alles angesponnen hatte/ gen Perche/ besucht den Marck/ sihet die Kauffleut/ vnd in dem er sich stel- let/ als wolte er hin vnd dar bey einem vnd dem andern etwas kauffen/ sihet er vnter dessen auß/ welche am besten staffiret seyn/ vn̄ welche am met- sten Gelts loͤsen: Vnd als er gesehen daß ein ein- tziger Kauffmann fuͤr tausent oder zwoͤlffhundert Pfund allerley Waar verkauffet hatte/ verfuͤget er sich an den Ort/ da Chesnay mit den seinigen
F
auff-
Beutelschneider/ oder
auffwartete/ vnd sagt jhm: Der Juncker were jetzt auff dem Felde: Dann das ware jhꝛ Art zureden/ wann sie sich vnter einander die Losung geben wolten.
Darauff macht sich Chesnay mit seinem An- hang so bald auf/ vn̄ verbergen sich in eine Canin- ges gruben/ welche ein halbe Meyl von Vernevil liget/ allda außzu kundschafften/ wann der Kauff- mann werde voruͤber ziehen/ daß sie jhm sein Gelt abnemen. Aber wie der gerechte GOtt endlich/ durch die Vbelthaten/ mit welchen wir die Ge- stirn deß Himmels schaͤnden/ wirdt so erzoͤrnet/ daß/ wann er lange Zeit die Gottlose zur Busse beruffen/ sie aber sich nicht bessern woͤllen/ er die Gottlosen zur Straff zeucht/ also verhaͤnget er auch allhie/ daß etliche Personē deß Chesnay Rau- berischen vornemens jnnen werden/ gehen zu der Obrigkeit zu Vernevil/ zeigen derselbigen an/ was Chesnay mit seinen Gesellen fuͤrhabe/ vnd wie er auffwarte an solchem Ort/ den Kauffleuten das Gelt abzunemen.
Hieruͤber wird so bald die gantze Statt auffruͤ- risch: Man schicket in die Herberg/ da sie den ver- gangenen Abend gelegen hatten/ etwas von jhnen zu erfahren/ vnd ob man vielleicht desto besser hin- der sie kommen moͤchte: Aber sie erfuhren nichts anderst von dem Wirth/ als daß er darfuͤr hielte/ daß sie Edelleute waͤren/ welche jhrer außsag nach dahin kommen weren/ einem vom Adel/ so sich mit einem andern wolte balgen/ Beystand zu ley- sten.
Nun
Diebs Historien/ das
I.
Buch.
Nun dieses vorgeben liesse sich wol hoͤren/ vnd waren jhrer sehr wenig/ die darauff sie zuverfol- gen begerten: Gleichwol/ wie es allzeit noch Leut gibet/ welche mehr vnd weiter/ als andere/ sehen/ vnnd welche mit mehrer klugheit einer Sachen außschlag erkennen: Also funden sich zween oder drey dapffere vnd versuchte Maͤnner/ welche dar- fuͤr hielten/ die jenige muͤsten Strassenrauber seyn/ dieweil man von keinem Zancken/ das vor- gangen were/ vnd daß sie gleichwol vorgeben het- te/ nichts gehoͤret hette. Vnd were also jhr vorge- bens vnd eingebildetes Raussen vnnd Balgen nichts anderst/ als ein Deckmantel/ jhre Raube- rey darmit zu zudecken: So kam auch das uͤber das darzu/ daß man sie auff dem Jahrmarck hat- te spatziern sehen gehen/ vnd daß sie alle Waaren wol besichtiget hetten: Derhalben so befande man endlich daß ein heimliches Bubenstuͤck darhinder stecken muste.
Auff diese angehoͤrte Muhtmassung sahe man fuͤr gut an/ sie zu verfolgen/ vnd die Caninges- gruben/ in welche man gesehen hatte/ daß sie sich hinein begeben hatten/ wol durchzusuchen.
Hierauff namen die vornembsten in der Statt zwantzig oder dreyssig wolgeruͤstete Mann/ so wol zu Pferd als zu Fuß/ mit sich/ zogen auff die Can- ninges gruben zu/ woͤllen dieselbige gantz vnd gar vmbgeben/ auff daß sie das Nest mit den Voͤgeln desto gewisser finden vnd außheben moͤgen.
Als aber solches Chesnay vnd seine Spießge- sellen vermercken/ daß man ihnen nachstelle/ ma-
F ij
chen
Beutelschneider/ oder
chen sie sich auff vnd darvon/ auß solcher Kanin- ges gruben/ werffen das Hasenpanier auff/ vnnd verstecken sich/ drey Meylen von solchem Ort/ in einem Wirtshauß/ da sie dann meinen/ sie seyen nunmehr ausser aller Gefahr/ vnd haben sich sehr wol veꝛstecket Aber als sie ein wenig athem schoͤpf- fen woͤllen/ vnd sich herfuͤr thun/ da sehen sie/ daß sie gantz vmbringet seyn/ nicht allein von dem Volck/ so von Vernevil ware kommen/ sondern auch von den Benachbarten Bauersleuten/ wel- che durch solchen Rumor waren auffgewecket worden/ vnd welche jhnen auff dem Fuß nachge- solget waren.
Als sie nun sahen/ daß der Zulauff je lenger je groͤsser wird/ vnd daß das Volck sehr auff sie zu dringet/ da seyn jhrer zween so geschwind vnd hur- tig vnd sehen/ daß sie noch darvon kommen: Die andere vier aber/ welche noch da waren/ vnd sich zu Pferd setzen wolten/ wurden also vmbringet/ daß sie jhre Pferd da musten lassen stehen/ vnd spentisiren/ wie sie entrinnen vnd darvon kom- men moͤchten: La Fane
ri
e vnd La Fontaine wa- ren im Hof/ vnd wolten je zu Pferd sitzen zu flie- hen/ aber die Bauersleute/ welche mit Flegeln/ Gabeln/ Karsten vnd Bengeln kamen/ sprachen jnen also zu/ daß sie sich ohne ferꝛneren widerstand gefangen geben musten.
Als nun Chesnay sihet/ daß seine zween Gesel- len schon gefangen seyn genommen/ dencket er/ es sey nun nicht Zeit sich lang zubedencken/ sondern muͤste sehen/ wie er sich mitten durch das Volck
wage/
Diebs Historien/ das
I,
Buch.
wage/ oder wie man sonsten das wuͤten vnd toben deß Volcks moͤge stillen: Der Wirth aber im Hauß/ welcher von dem Vrsprung dieses Tu- mults nichts wuste/ ist bestuͤrtzet daruͤber: Dann sein Hauß war aller voll Leute/ Buͤrgern/ Bau- ern/ Soldaten vnd von allerley Volck/ so der Obrigkeit von Vernevil nachgefolget ware: Man befiylet dem Wirth/ er solle die jenige Personen/ so in sein Hauß kommen/ vnd sich darinnen ver- stecket haben/ herausser geben/ auff daß sie der O- brigkeit gelieffert/ vnd vmb jhrer Vbelthaten wil- len gestraffet werden: Aber der Wirth weiß nicht/ was er hierauff soll antworten: Er spricht/ Er kenne sie nicht/ er wisse nicht wer sie seyen
Was thut aber vnter dessen La Chesnay? Als er vnd sein Mitgesell La Pointe sihet/ daß sie im Wirtshauß weder hindersich oder vor sich kom- men koͤnnen/ da machen sie mit Baͤncken/ Tischē/ Stuͤhlen vnd mit dem/ was sie in aller eyl finden/ gleichsam ein Wagenburg vmb sich her/ vnd ver- schantzen sich so wol/ daß es vnmoͤglich ist/ daß ein Mensch zu jhn koͤnne kommen: Dann die Stege war aller voller Stuͤl/ Baͤnck/ Tische/ also daß nie- mands der Stege hinauff kondte kommen: Nie- mandts dorffte sich vnterstehen sie anzugreiffen/ er wolte dann vorsetzlicher weise sein Leben in die schantze schlagen: Darauff schreyen sie oben den Fenstern herauß/ man thue jhnen gewalt vnd vn- recht/ daß man also mit jhnen vmbgehe: Dann sie seyen ehrliche vom Adel: Aber durch diese jhre Wort laͤst sich das Volck im geringsten nicht be-
F iij
wegen/
Beutelschneider/ oder
wegen/ sondern sie setzen jhnen je laͤnger je haͤrter zu/ daß sie endlich gar zur Wehr greiffen/ vnnd oben herab auff die jenige/ so zu jhnen steigen woͤl- len/ zuschiessen/ traffen aber niemands: Herge- gen fiengen die/ so drunten warn/ auch an auff sie zu zu schiessen so starck/ daß ein vornemer vō Adel/ so nahe darbey wohnet/ vnd Brusse genant wurd/ solchen Tumult hoͤret/ vnd weil er nicht wuste/ was solches schiessen bedeutete/ oder woher es kaͤ- me/ setzet er sich zu Pferd/ nimpt zween oder drey seiner Diener zu sich/ vnd folget dem Tumult nach wo jhn daͤuchte/ daß er seyn solte.
Als er nun an das Ort kompt/ da sihet er da die Obrigkeit von Vernevil/ fraget was die Vrsach sey/ daß sie an solches Ort kommen seyen/ vnd als er dessen Vrsach vernommen/ macht er daß er selbst mit Chesnay kompt zu reden Chesnay/ als er nun sihet/ daß dieser Brusse so ein wackerer vnd dapfferer vom Adel ist/ bittet er jhn/ er woͤlle jhm doch glauben/ daß man jhm gewalt vnd vnrecht thue/ daß man jhn also verfolge/ vnnd daß es vor Gott vnd der Welt vnrecht sey/ daß er Chesnay als ein ehrlicher vom Adel solchem vngestuͤm̄en Poͤbel vnd gemeinem Volck sol zu einem Opffer dienen/ bittet jhn derwegen zum demuͤtigsten/ er wolle doch solches vngestuͤm̄e auffruͤrische Volck stillen/ vnd sie beyde/ auß den Haͤnden solcher wil- den vnd rasenden Bauern erretten.
Der Herꝛ de La Brusse/ als er sihet/ daß sie wol geruͤstet seyn/ vnd so gewaltig reden koͤnnen/ kan er jhm nicht einbilden/ daß sie Strassenrauber seyn solten/ wie man sie jhm gleichwol beschrieben
Diebs Historien/ das
I.
Buch.
hatte: Derhalben nimpt er sie in seinen Schutz vnd Schirm auff/ vnd bittet den Obersten von Vernevil/ daß jhm erlaubet moͤge werden/ sie in sein Losament mit sich zufuhren/ weiter Auffruhr vnd vngelegenheit zuverhuͤten: Dann da koͤndte man sie doch ferꝛners examiniren/ vnd jhr schuld oder vnschuld erkennen.
Der Oberste oder Richter ist darmit zu frie- den/ doch mit dem beding/ dz der Herꝛ de la Brus- se schrifftlich wolte verfassen/ all das jenige/ was vorgangen were/ vnd sich auch mit eigener Hand verschreiben/ daß er solche nit allein in seine Ver- wahrung nemen/ sondern auff begehren solte wi- der lieffern: Welches alles dann der Herꝛ de La Brusse eingienge/ vnd also kehreten sie alle mit- einander widerumb nach Vernevil.
Hierauff wurden nun diese vier Strassenrau- ber in deß Herꝛen de La Brusse Losament gefuͤh- ret/ da sie dann alle List vnd Mittel erdachten/ wie sie auß deß Herꝛn de la Brusse Haͤnden sich moͤch- ten loß vnd ledig machen: Aber weil er nit allein ein starcken befelch bekommen hatte/ sondern sich auch selber verbuͤrget/ sie zu verwahren/ vnd auff begehren an gebuͤrende Ort vnd Ende zu uͤberlief- fern/ wann sie wuͤrden begehret werden/ ließ er sie Tag vnd Nacht desto besser verwahren/ daß sie nicht kondten darvon kommen/ erwartend vn- ter dessen der Zeit/ da sie solten abgeholet werden.
Chesnay/ der allerley Arglistigkeit erdachte sich loß zu machen/ gabe sich vnter dessen/ wie auch zu- vor geschehen/ vor einen voꝛnemen vom Adel auß
vnd
Beutelschneider/ oder
vnd daß man jhm mit Grund der Warhelt nichts als alles liebs vnd gutes wuͤrde nachsagen koͤn- nen: Aber es ware doch alles vmbsonst vnd ver- lohren/ Dann als er wegen dieser vier Rauber examiniret wurde/ schriebe er dem Herꝛen de la Brusse wider/ er hette sie sein lebenlang nit mehr/ als dißmals gesehen kennete sie auch gantz vnnd gar nicht/ Derhalben schriebe nach zween oder drey Tagen der Herꝛ de la Brusse an die Obrig- keit zu Vernevil/ vnd bate sie/ daß sie solche Ge- sellen bey jhm abholen wolte/ damit er ihrer ledig wurde: Man liesse jhnen auch zu entbieten/ sie sol- ten wol geruͤstet kommen/ Dann sie moͤchten viel- leicht ein Anhang haben/ vnnd koͤndte geschehen/ daß wann man sie nicht wol verwahrte/ sie wider entwischen moͤchten: Hierauff ließ nun der Leute- nant zwey hundert Mann mit jhrer Ruͤstung zu- sammen kommen/ vnd holete die Strassenrauber von dem Ort/ da sie waren/ sie nach Vernevil zu- fuͤhren/ damit jhnen jhr Recht widersuͤhre.
La Chesnay bliebe noch allzeit auff seiner vori- gen Meinung/ warff auch mit troh Worten vmb sich/ daß er sich an allen den jenigen/ so jm solchen Schimpff vnd Spott bewiesen/ wolte rechen/ daß sie es dermal eins wol erfahren solten: Dann er were einmal ein ehrlicher vom Adel/ vnd solte man derhalben nicht also mit jm verfahren/ vnd jhm solchen schimpff anthun.
Aber der gerechte Gott/ der den Daniel erweck- te/ die zuͤchtige Susannam zu erloͤsen von den zween Meineydigen Alten Richtern/ welche sie
vnschul-
Diebs Historien/ das
I.
Buch.
vnschuldiger weise wolten toͤdten lassen/ erweckete auch in solcher gegend vnterschiedliche Personen/ welche kamen von vnterschidlichen Orten/ vnnd zeugeten wider diese vier Rauber/ also daß sie jh- res Raubens/ Steiens vnd Mordens gnugsamb uͤberzeuget wurden/ vnnd man jetzosie wolte hin- richten lassen: Aber als man alle weil wolt auff seyn/ sie hinzurichten/ fiel ein streit vor zwischen dem Obersten vor Mortage/ vnnd zwischen dem Amptmann von Paris: Aber es wurde solcher streit bald eroͤrtert vnd hingeleget/ vnd wurde das Vrtheil uͤber solche Rauber also außgesprochen/ daß sie in einem blossen Hembd/ vnd mit einer Fa- ckel in der Hand vor der grossen Kirchen zu Ver- nevil solten offentliche Buß thun/ vnnd darnach darauff an jhrem Ort lebendig geradbrechet wer- den: Welches Vrtheil dann so bald durch den Hencker vollstrecket worden.
La Pointe/ La Favere vnd La Fontaine bekand- te offentlich/ vnnd mit rewendem Hertzen jhre V- belthaten/ Mord/ Pluͤndern vnd Diebstahl/ vnnd als sie schon auff dem Rad lagen/ warffen sie dem Chesnay vor/ er waͤre ein Vrsach solches jhres schmaͤhlichen vnnd schmertzlichen Todts/ er hette sie auß dem Kriegslaͤger abgefuͤhret vnnd betro- gen/ sich mit jhm auff Rauben/ Stelen vnd Mor- den zubegeben. Aber er wolte gleichwol gantz vnnd gar nichts offentlich bekennen: Vnnd darauß se- hen vn̄ lernen wir nun/ wie die Gottlosen manch- mals selber Garn zu einem strick spinnen/ daß sie darmit gefangen vnd wol gar auffgehencket wer-
F v
den:
Beutelschneider/ oder
den: Es heist hie wie der Prophet redet: Er hat ei- ne Grube gegraben/ vnd außgefuͤhret/ vnd ist inn die Gruben gefallen/ die er gemacht hat. Sein Vngluͤck wird auff seinen Kopff kommen/ vnnd sein frevel auff seinen Schaͤdel fallen.
Die jenige/ so von Vernevil seyn/ koͤnnen die Warheit dieser Historien selber bezeugen vnd be- kraͤfftigen/ auch zeugnuß geben/ als die solches al- les mit Augen gesehen/ daß alles das jenige/ was ich geschrieben vnnd erzehlet/ in der That also ist vorgangen.
Das
VI.
Capitel.
Von einem erschroͤcklichen Mord vnnd
Raub zu Paris/ von Rochetaille be- gangen/ vnd wie es endlich offenbar ist worden.
E
S geschicht offtermals/ daß der vn- schuldige fuͤr den schuldigen muß bezah- ten/ vnd daß der jenige/ der sich die gantze Zeit seines Lebens nicht anderst als ein ehrlicher redlicher Mann hat gehalten/ muß das Geloch bezahlen fuͤr die jenige/ welche in jhrem gantzen Le- ben nichts als Vbels gethan/ begangen vnnd alle Tugenden verachtet haben.
Vnd fuͤrwar so ist es ein erbaͤrmliches ding zu sehen/ daß ein Mensch ohne alle Vrsach vnd Fun- dament/ auff ein blossen wahn soll zum Raub die- nen/ dem gemeinen Poͤbel/ welcher so vieler vn- terschiedlichen meynung ist/ als er Koͤpff hat/ ja
welcher
Diebs Historien/ das
I.
Buch
welcher von einer Sachen nur obenhin vrtheilet/ ohne recht gruͤndliche Erkandtnuß.
Wer da wil ein wenig mit seinen Augen inn die alte Historien hinein sehen/ der wird vnzehli- che viel Exempel finden der jenigen/ welche nur auff einen blossen Argwohn/ vnd da kein schein deß boͤsen gewesen seyn verdammet worden/ vnnd ist solches alles geschehen/ durch anstifftung deß ge- meinen Poͤbels/ welcher sich vor seinem eigenen schatte foͤrchtet/ vnnd von den Sachen/ wie der Blinde von Farben redett.
Aber wir haben dessen so ein denckwuͤrdiges E- xempel in der Historien/ welche wir in diesem Ca- pitel abhandeln/ daß es gar nicht noͤtig ist die alte Chronicken auffzuschlagen/ zu beweisen das jeni- ge/ was ich im eingang hab vorgebracht. Dann jhr werdet es selbsten in nachfolgendem Discurs vernemen/ daß kein Mensch auff der Welt ist vn- schuldiger als Periander gewesen/ vnnd ist doch gleichwol so gar uͤbel traetiret worden.
Ihr sollet derhalben zum bericht wissen/ daß nach dem zwischen dem vnuͤberwindlichsten Koͤ- nig in Franckreich Henrico dem Vierdten/ vnnd zwischen dem Hertzog von Savoyen ein Fried ist geschlossen worden/ da haben sich zwen Landstreif- fer/ welche gar newlich auß dem Kriegslaͤger wa- ren kommen/ vnd welche die Zeit jhres Lebens von nichts anders/ als von Rauben vnd Stelen gele- bet hatten/ begaben nach Paris/ als an einen sol- chen Ort/ der zu jhrem Diebshandwerck gar be- quem ware/ vnd da sie auch verhoffet jhr Rauben
vnd
Beutelschneider/ oder
vnd Stelen desto besser zu treiben/ wegen der gros- sen menge deß Volcks/ so alle Tag sich an solchem Ort findet.
Der vornembste vnter diesen Raubern hiesse Rochet aille/ ein Tyrannischer vnd Barbarischer Mensch/ welcher ein verschlagenen Kopff hatte Vbelthaten zu erdencken vnd anzustellen: Dann da vergieng kein Tag/ da er nicht ein Bubenstuͤck ins Werck setzte: Allhier wil ich fuͤr dieses mal nicht mehr als zwey oder drey seiner vornembsten Bubenstuͤck erzehlen/ auff daß jhr selbst darauß moͤchte erkennen/ was er fuͤr ein ehrlicher Vogel sey gewesen.
Als dieser vnmenschliche Tyrann ein Monat lang inn allen Gassen zu Paris ware vmbher ge- lauffen/ da hat er endlich erfahren/ daß ein junger wackerer Mann sich bey einem Becker in solchem Quartier auffhielte/ vnd als er Rochetaille wuste/ daß derselbige nicht allein viel Gelt hatte/ sondern daß er auch in Rechtssachen dienete/ vnd fuͤr die Advocaten vnd Parteyen schriebe/ nimmet er jm fur/ er mache es auch wie es woͤlle/ ja es koste auch was es woͤlle/ mit huͤlff seiner Raubgesellen sol- chem jungen Mann das Liecht außzublasen/ vnd jhm alles das jenig/ was er inn so vielen Jahren/ da er sich mit schreiben geuͤbet/ erworben/ abzune- men vnd zu rauben.
Was thut er aber? Er kleidet sich wie ein vor- nemer vom Adel/ gehet zu dem jungen Mann oder jungen Gesellen/ nimpt sich an/ er sey außtruͤck- lich gen Paris kom̄en wegen einer schwern Recht-
ferti-
Diebshistorien/ das
I.
Buch.
fertigung/ so er am Parlament habe hangen/ vnd gibt jhm etliche Sachen abzuschreiben.
Der junge Mann/ genandt Johannes Prost/ von ehrlichen Geschlecht vnd herkommen ist fro/ daß er Mittel vnd Gelegenheit bekompt etwas zu thun vnd zuverdienen/ vnd verspricht jhm nach aller moͤglichkeit zu dienen: er schreibet das jenige/ was er empfangen/ ab/ vnd wil jm nicht einfallen daß der jenige/ der jhm zu schreiben geben/ sein Ge- dancken mehr wirfft auff Gelt/ wo er es moͤge haben/ als auff seine faͤlschlich vorgegebene Recht- fertiguug/ mit welcher er jhn also betroge.
Aber der Anschlag ist schon gemacht: Roche- taille nimpt der Zeit wol in acht/ erfuhre daß der Becker vnnd sein Weib/ bey welchem Johannes Prost sich auffhielte/ nicht daheim seyn/ vnd wie er diesen Meineydigen Vorschlag jhm schon hat- tt vorgenommen/ also gehet er stracks hinauff inn die Kammer zu Johannes Prost/ welcher gar fleissig ware uͤber den Schreiben vnd Sachen/ so Rochet aille jhm uͤbergeben hatte: Vnd eingangs so gruͤssen sie sich gar freundlich/ sie setzen sich ni- der vnd fangen an von allerley Sachen zu reden/ Rochetaille/ der nit weiß/ was er doch fuͤr ein Vr- sach von Zaun soll reissen/ seinen Moͤrderischen vnnd Diebischen Vorschlag ins Werck zu setzen/ fraget den jungen Mann/ ob er die jenige sachen/ so er jhm habe gegeben/ abgeschrieben habe: Jean Prost antwortet jhm vnd spricht: Es sey jhm vn- muͤglich gewesen/ in solcher kurtzen zeit alles abzu- schreiben vnd zuverfertigen: Hierauff fanget Ro-
cheta-
Beutelschneider/ oder
chetaille an zu fluchen vnnd zu schweren/ spricht: wann er die Rechtfertigung solte verlieren/ so sey er allein Vrsach daran/ er woͤlle sich an jhm erho- len/ suchet vnd gibet also Vrsach/ daß sie mit wor- ten hart aneinander kommen: Endlich aber da er- greifft Rochetaille Jean Prost beym Halß/ setzet jhm sein Rohr an den Halß/ flucht vnnd schwert bey Gott/ wann er jhm nicht so bald sage vnd wei- se/ wo er sein Gelt habe/ so wolle er jhn so bald fuͤr jhm erschlagen: Dem jungen Mann bricht der Angstschweiß hieruͤber auß/ wil anfangen vmb huͤlff zu schreyen/ aber Rochetaille mit seinē Mo
r
d- gesellen stopffet jhm so bald den Mund zu/ daß er nit kan schreyen/ zeucht sein Dolchen auß/ vnnd stichet jhm zweymal ins Hertz hinein: Sein Mit- gesell thut auch dergleichen/ vnd nach dem sie jhn erschlagen/ werffen sie jhn inn das heimliche Ge- mach/ welches nah dabey ware: Darauff gehen sie wider in seine Kammer/ vnd schlagen ein Thresor auff/ da er sein Gelt pflegte hin zu thun/ vnnd ne- men zwey hundert Kronen/ welche sie an lauter Pistoleten in ein Sack funden: Vnd als sie fertig schleicheln sie sich heimlich widerumb auß dem Hauß/ daß sie kein Mensch sihet/ gehen drauff hin/ machen sich zu Paris lustig von dem Raub/ den sie an gedachtem Ort gethan hatten/ vnnd bilden jhnen ein/ es werde nimmermehr kein Hahn dar- nach kraͤhen.
Vnter dessen verlauffen sich etliche Tage/ daß man Jean Prost nicht sihet/ Man hoͤret vnnd er- faͤhret nichts von jhm: Der Becker verwundert
sich/
Diebshistorien/ das
I.
Buch.
sich/ wie das moͤge zugehen/ daß man jhn nicht se- he: Er weiß nicht/ was er sagen/ oder gedencken soll/ dann er war es nicht gewohnet/ daß Jean Prost so lang auß seinem Hauß solte auß bleiben: Er gehet etlichmal fuͤr seine Kammer/ zu sehen ob er kommen sey/ aber er findet die Kammer allezeit zu: Endlich so laufft er die Kammerthuͤr auff/ vnd spuͤret so viel/ daß er muͤsse todt geschlagen seyn/ entweder etliches Gelts/ welches Rochetaille ver- gessen hatte/ vnnd dieweil er sorge hatte/ er moͤchte deß Todtschlags halben angeklaget werden/ So schleust er die Kammer zu/ wie sie vorhin auch ge- wesen war/ vnnd wartet/ was es doch fuͤr einen Außgang mit solcher Tragedien werde gewinnen Wie er nun in solchen Gedancken sitzet/ kommen Jean Prosts Mutter fraget/ wo jdr Sohn sey hingangen/ befraget sich allenthalben/ mit wem er doch habe pflegen vmbzugehen/ vnd weil sie so gar nichts von jhm kan erforschen/ laͤft sie endlich den Schlosser kommen/ vnnd die Kammer auffma- chen/ vnd als nun solches geschehen/ vnd sie in die Kammer hinein tritt/ da sihet sie so bald an dem Blut/ welchs noch gantz geklebert/ vnd hin vn̄ wi- der gesprenget ware/ wie dann auch an dem auff- geschlagenen vnd verderbten Thresor/ das vnfaͤhl- barlich er muste erschlagen seyn worden inn der Kammer.
Daruͤber ist nun die Mutter betruͤbet/ vnnd weiß vor grossem Hertzenleyd nicht/ wo sie sich hin soll wenden: Sie heulet vnd weinet/ sie schlaͤgt die Haͤnde uͤber dem Kopff zusammen/ vnd weiß nit
was
Beutelschneider/ oder
was sie thun soll: Man sihet das Blut vnnd die Fußstapffen/ man sihet/ daß das Thresor aller ist zerschlagen: Alle anzeigung gaben es/ daß er muß in der Kammer erschlagen seyn worden: Aber den Todten Coͤrper kan man nicht finden.
Die Mutter deß Erschlagenen weiß nicht/ wen sie deßwegen soll an
k
lagen/ jedoch duncket sie inn all jrem Sinn/ daß der Becker vnd Haußherꝛ sel- ber den Todtschlag muͤsse begangen haben: Dann man funde kein andere Warzeichen/ ausserhalb dem Hauß/ alle anzeigung/ die sich finden/ liessen sich wol auff den Becker ziehen vnd außlegen.
Derhalben so thut die Mutter eines/ machet ein Supplication/ gibt dieselbige ein wider den Becker/ vnd klagt jhn offentlich an/ dessen an jrem Sohn begangenen Todtschlages: Es wird auch der Becker darauff gefaͤnglich eingezogen/ vnnd vor Gericht gestellet/ vnd ist niemands in Paris/ der jhn selber deß Todtschlags halben nicht ver- daͤchtig halte:
Hinc prima mali labes,
vnd daher ist jhm das erste Vngluͤck entstanden.
Vnter dessen so gehet das geschrey inn Paris daß/ weil man den todten Coͤrper nicht koͤnne fin- den/ so koͤnne es nicht anderst seyn/ es muͤsse der Becker jhn in den Backoffen geworffen/ vnd zu Aschen verbrennet haben/ welches dann durch sei- ner eigenen Haußgenossen rede desto mehr bekraͤff- tiget wurde: Dann etliche Maͤgde sagten/ sie het- ten etwas im Backoffen gesehen/ das hette wie Hosen außgesehen/ vnd etwas hette auch wie eins Menschen beyn gesehen/ welches dann noch mehr
bekraͤff-
Diebshistorien/ das
I.
Buch
bekraͤfftiget wurde durch die rede/ welche auff sein Befragung gefielen: Dann sein leiblicher Sohn sagte/ daß er were in deß Erschlagenen Kammer gegangen/ vnd haͤtte etlichs Gelt entwendet/ wel- ches er seinen Stiffbruͤdern geben haͤtte: Gleich- wol aber so laugnete der Becker alles
:
Dann er kondte jhm wol die Rechnung machen/ daß wan er nur das geringste beken̄ete/ so wuͤrde jederman desto mehr glauben/ was durch das gemeine ge- schrey von jhm ware auß gesprenget worden/ vnd also ergienge es auch: Dann die Muthmassung ware so starck auff den Becker/ daß man darvor hielt/ es muͤste der Becker solchen Mord selbsten begangen haben/ oder muste doch mit andern vn- der der Decken gelegen/ vnd durch andere solchen Mord habe anstellen helffen.
Dann die Mutter/ welche den Becker deß Todtschlags halben verklaget/ vnd gefaͤnglich ließ ein ziehen/ schlosse also/ wen soll ich deß Todschlags meines Sons mehr anklagen/ als eben die jenige/ welche den Raub davon genommen haben: Ich finde keine andere Anzeigung deß geschehenen Mords: Jederman sagt/ der Mord koͤnne von niemands frembdes seyn geschehen/ sondeꝛn allein von jemands bekandtes auß vnd in dem Hause selber
:
Vnd weil der Becker in deß Erschlagenen Kammer sey gegangen/ habe etliches Gelt ent- wendet/ hab die Kammer darauff wider zuge- schlossen/ vnd habe vnder dessen solches alles der Obrigkeit verschwiegen/ so muͤsse einmal der Be- cker selber den Todtschlag auch beganen haben/
G
vnd
Beutelschneider/ oder
vnd soll man jhn billich zu ernster wolverdienter Straffe ziehen.
Auff diese erzehlte Anklagung konte niemands nichts grundliches antworten/ vnd die allerver- staͤndigste wusten nicht was sie bey solcher Sache gedencken oder sagen solten
:
Der Beck
er
selber wuste nicht/ was er darzu solte sagen/ wiewol er dessen/ das man jhm auffleget/ gantz vnschuldig ware
:
Gleichwol aber/ weil er zu solcher schweren Klage so gar still schwiege/ schlosse man darauß/ er muͤste den Mord begangen haben.
Was aber seine Nachbawern anlanget/ gaben sie alle jhm dieses Zeugnuß/ daß er die gantze Zeit vber in welcher er in jhrer Nachbarschafft gewoh- net haͤtte/ sich nicht anderst als ehrlich vnd wol verhalten haͤtte/ also daß sie jhm in geringsten nichts boͤses oder vnehrliches nachsagen koͤndten: Hergegen aber so waren auff der andern seiten die Muthmassung so starck/ daß man nit anderst dar- vor hielte/ als daß er vnfehlbarlich den Mord muͤ- ste begangen haben: Welches dann die Mutter beweget/ jhn desto haͤrter bey dem Parlament an- zuklagen/ wurde auch endlich gevrtheilet/ daß der Becker auff die Folter gezogen/ vnd deßwegen mit der Schaͤrpffe solte examiniret werden/ wel- ches dann auch so bald geschahe: Aber was den Mord selber anlanget/ kondte man gleichwol auß diesem vnschuldigen Becker nichts bringen: Vnd muß ich allhie selber seinen betruͤbten vnd traw- rigen Zustand beweinen: Dann er wurde also zer- foltert/ daß er kein Glied mehr recht regen vnd be-
wegen.
Diebs Historien/ das
I.
Buch.
wegen kondte/ es wurde jhm sein gantzer Leib also zerꝛissen/ daß mich wunder nimmet/ daß er in sol- cher schrecklicher Marter sein Geist nit hat auff- geben: Dann er wurde vber alle massen schrecklich zerfoltert/ daß kein vbelthaͤter mehr kan gemar- tert werden/ vnd ließ sich auch seine Sach so boͤß ansehen/ daß niemand sich dieselbige zu vertheidi- gen wolte vnderfangen: Das gemeine geschrey gienge/ er haͤtte solchen jungen Menschen ermor- det/ vnd haͤtte jhn in seinen Backoffen verbren- net/ auff daß ja nimmermehr nichts von seinem Leibe zu Tag kaͤme/ oder offenbar moͤchte werden. Ja es waren etliche vnder dem gemeinen Mann so erhitzet wider diesen armen vnd vnschuldigen Becker/ daß sie jhn angaben/ er haͤtte jhn von sol- chen Pasteten zu essen geben/ da sie darvor hielten/ es muͤste Menschenfleisch darinnen seyn gewesen/ so lieblich zu essen waͤren sie gewesen. Vnd was woͤllet jhr mehr/ Es liesse sich ansehen/ als wann man ein grosses Opffer thun wuͤrde/ wann man nur diesen armen vnschuldigen Becker dem to- ben deß gemeinen Poͤbels vbergebe/ vnd jhn in Greve offentlich liesse hinrichten Aber es hat jhn doch Gott endlich von dieser falschen Anklag wel- che der gemeine Mann von jhm geschoͤpffet hatte/ erloͤset/ vnd offentlich darmit bezeuget/ daß er ist ein Erꝛetter der Vnschuldigen/ vnd ein rechter Richter der Gottlosen vnd Boͤsen.
Wir lesen in den alten Historien/ daß als auff ein Zeit Martianus deß Nachts ein todten Coͤr- ver angroffen/ vnd denselbigen auß Christlicher
G ij
lieb
Beutelschneider/ oder
lieb hat begraben woͤllen/ welches dann ēine ehrli- che gewonheit ist/ so vnter den Christen wird ge- halten/ ist er daruͤber gegriffen/ vnd auß einem boͤ- sen Argwohn fuͤr Gericht gefuͤhret/ zum Todt ver- dammet/ vnnd so bald darauff hinauß zum Gal- gen gefuͤhret worden. Es hat sich aber auß son- derlicher schickung GOttes zugetragen/ daß der jenige/ so den Mord begangen/ eben inn solcher stunde gefangen/ vnd weil er selber so bald solchen Mord bekandt/ zum Todt verdammet/ hingerich- tet vnd also Martianus ist erꝛettet worden. Dar- auß wir dann sehen/ wie GOtt als ein gerechter Richter/ endlichen die vnschuldigen erꝛettet/ die Gottlosen aber/ sie verkriechen vnd verstecken sich wie sie woͤllen/ zu wolverdienter Straff thut zie- hen
:
Wir woͤllen dessen ein Exempel jetzunder inn vnserer Historien anhoͤren:
Vnter dessen aber/ da der Becker/ von welchem wir alleweil geredet haben/ in solcher Gefahr vnd Aengsten sitzet/ vnd man Stuͤl vnnd Baͤnck zu- sammen suchet/ wie man jhn/ deren wider jn an- gestelten Anklage uͤberzeugen moͤchte/ so helt sich Rochetaille vm̄ Fontaine-bleau herumber in dem Wald/ da er dann allzeit mordete vnd beraubete welche er antraffe/ dieweil er allda die beste Gele- genheit darzu hatte: Dann der Koͤnigliche Hoff ware deß mals zu Fontaine-bleau/ vnd vnter dem schein/ daß er sich vor einen vom Adel außgabe/ pflegte er manchen vom Adel an solchem Ort zu- berauben: Als er aber auff ein Zeit einen feinen ehrlichen Mann auff dem Weg/ so von Melun
auff
Diebshistorien/ das
I.
Buch.
auff Fontaine-bleau gehet/ beraubet vnd todt ge- schlagen hatte/ hat solches der Oberste von Melun erfahren/ vnnd weil man jhm diese Merckzeichen an Rochetaille hatte gegeben/ daß er solte ein lan- gen Knebelbart haben/ der jhm uͤber die Schulter herab hienge/ hat er jhn so bald verfolget/ erdap- pet/ gefangen genommen vnd nach Melun gefuͤh- ret/ da er dann zum Strang ist verurtheilet wor- den: Vnd wiewol er von solchem Vrtheil gen Hof Appellirte/ so ist doch das vorige Vrteil be- kraͤfftiget/ vnd uͤber jm vnd seinem Gesellen nach- mals außgesprochen worden/ dann sie waren sol- ches Todtschlags alle beyde schuldig.
Als man sie aber zum Gericht hinauß fuͤhrete/ sienge Rochetaille (darauß man billich dz gerech- te Gericht Gottes soll erkennen) an gantz uͤberlaut zu reden/ vnd sagte/ er muͤste selber bekennen/ daß jhn GOtt billich vnnd recht also straffete/ wegen seiner vielfaltig begangenen Vbelthaten/ dann er glaube nicht/ daß ein Mensch auff der Welt sey/ der mehr Marter vnd Straff/ als er verdienet ha- be: Dann er habe ja die Bluͤt seiner Jugendt vnd seines besten Alters zugebracht/ mit so viel Rau- ben/ Stelen/ mit so viel Mord vnd Todtschlag/ welche er nach einander erzehlete/ vnnd welche al- le euch allhie zuerzehlen viel Zeit wuͤrde erfordern: Vnter andern aber erzehlet er/ daß es jhn hoͤchlich inn seinem Hertzen schmertzete/ daß man den ar- men Pariander (das war der Becker/ von wel- chem wir geredet haben) so uͤbel hette zerfoltert/ da er doch deß Mords/ dessen er were angeklaget wor-
G iij
den/
Beutelschneider/ oder
den/ gantz vnschuldig were: Dann er mit seinen Gesellen/ allein hette den gedachten jungen Ge- sellen/ Jean Prost vmbgebracht/ da der Be- cker mit den seinigen ware in die Meß gegangen: Vnd wann man nur im Hauß inn dem heimli- chen Gemach suchet/ so wuͤrde man den todten Coͤrper gewißlich finden.
Diese freywillige vnd offentliche Bekandtnuß kam jederman gar wunderbarlich fuͤr/ sondeꝛlich aber der Mutter/ welche den Becker hefftig ange- klaget hatte/ auch tag vnd Nacht dahin trachtete/ daß sie es mit jhrer Anklag so weit bringen moͤch- te/ daß es den Becker seinen Halß kostete.
In dem aber nun/ auff geschehene freywillige Bekandnuß deß Rochetaille/ der Becker vnschul- dig erkandt/ frey vnd loß gesprochen/ vnnd wider- umb auff freyen Fuß wird gestellet/ durch eine be- sondere vngewohnliche Gnad/ welche jhm vom Himmel selber ware kommen/ fienge er ein newe Rechtfertigung mit der Mutter deß Jean Prosts an/ helt an/ daß seine Widersacherin jhm nicht al- lein alle erlittene vnkosten vnnd schaden erstattet/ sondern auch jhn an seiner Ehr/ welche sie jhm abstehlen wollen/ widerum̄ gut mache/ bevorab da er wegen deß jhm zugeschribenen Mords/ der doch jhm nimmermehr im Traum were vorkommen/ so schrecklich were zermartert vnnd zugerichtet worden.
Herꝛ Robert wurde dem Becker zugegeben seine Rechtfertigung zu fuͤhren: Herꝛ Arnauld aber der Mutter/ vnd wurde diese Sach gewaltig
von
Diebs Historien das
I.
Buch.
von beyden theilen getrieben. Dann etliche wenig Tage zuvor ware der Hertzog von Savoyen gen Paris kom̄en/ den Frieden mit dem Koͤnig Hen- rico dem Vierdten/ Gottseliger Gedaͤchtnuß zu schliessen/ welcher dann selbsten dieser Rechtferti- gung beywohnete: Herꝛ Robert thaͤte sein bestes/ vnd wuste gewaltig hoch auff zumutzen/ daß man mit dem Becker so uͤbel waͤre vmbgangen/ ja daß man/ ohnangesehen seine Vnschulden jhn so schrecklich zermartert vnd zerfoltert haͤtte: Deß- wegen dann das Parlament/ billich die Verklaͤ- gerinne solte ernstlich anweisen/ daß sie jhm allen erlittenen schaden erstattete/ jhn widerumb an sei- nen Ehrn gut machte/ vnd einen offentlichen wi- derruff thaͤte. Aber auff der andern seiten da brau- chete sich nicht weniger Herꝛ Arnauld. Der liesse sein Wolredenheit sehen/ vnd fuͤhꝛet weitlaͤufftig auß/ daß ein Mutter nicht vnrecht thaͤte alle Mit- tel zugebrauchen/ darmit der jenige an jrem Sohn den begangenen Mordernstlich gestraffet wuͤrde/ vnd daß gleichwol alle anzeigung vnd muthmas- sung so beschaffen waͤren gewesen/ daß der Becker billich darauff auff die Folter waͤre erkennet wor- den: Endlich aber wurde beschlossen/ daß man die beyden Partheyen solte von Hoff abweisen/ ohne eintzige Erstattung der Vn
k
osten/ eines gegen dem andern.
Auß diesem gantzen Discurs schließ ich nun: Daß der Menschen Vrtheil manchmals gar weit fehlet/ aber endlich/ bald oder langsam/ so laͤst Gott der vnschuldigen Sach an Tag kommen/ vnd vn-
G iiij
terschei-
Beutelschneider/ oder
terscheidet den vnschuldigen mit dem schuldigen: Dann GOtt nimmet sich endlich deß vnschuldi- gen Sachen an/ vnd weiß wol gelegenheit zu fin- den die Gottlosen nach jhrem Verdienst vnd boͤ- sen Arbeit zu straffen vnd heimzusuchen.
Das
VII.
Capitel.
Von dem erschrecklichen Leben deß Ca-
pirains Carfour/ von seinem rauben vnd morden/ vnnd wie er auch endlich ist zur Straff gezogen worden:
E
S ist ein wunderbarliches ding zu hoͤren/ mit was fuͤr einem grossen eyffer alle Voͤlcker auff Erben den Diebstahl zu jederzeit gestraffet/ vnnd was sie auch fuͤr vnter- schiedliche Marter vnd Straffen erdacht haben/ die Menschen von solchem Laster abzuhalten. Gleichwol aber alle der Schimpff/ Spot vnnd Schad/ welche alle die jenigen/ so sich solchem La- ster ergeben/ darvon tragen/ ja alle die schreckliche Marter so man zu jederzeit geordnet hat/ fuͤr die jenige/ welche inn solchem Laster solten ergriffen werden/ koͤnnen nicht verhindern/ daß nicht ein vnzehliche grosse Zahl der Menschen in dz schaͤnd- liche Garn solches Lasters gerahten/ welches dann auß dem vnersaͤttlichen Geitz/ damit deß Menschn Hertz besessen/ herfleusset/ durch welches allerhand Stands Personen angetrieben/ jhren hoͤchsten fleiß Gelt vnnd Reichthumb zuerlangen anwen-
den/
Diebs Historien/ das
I.
Buch.
den/ ob gleich solches mit recht oder vnrecht ge- schehe/ wie beygesetzte Figur außweiset. Von sol- chem Geitz werden sie nachmals zu andern/ vnd gemeiniglich zum Stelen angereitzet.
Derhalben so muß man darauß schliessen/ daß der Mensch gantzstockblind ist in seinem eigenen Vngluͤck: Dann fuͤr seinen Augen sihet er die Gꝛuben/ vnd gleichwol so hat er sein lust vnd wol- gefullen daran/ daß er sich selber daꝛinnen stuͤrtzet/ auß einer naͤrꝛischen vn̄ falschen einbildung/ dar- mit er jhm selbsten also schmeichlet. Wann wir
G v
die
Beutelschneider/ oder
die alte Historien ein wenig auffschlagen/ vnnd durch alle Nationes gehen woͤllen/ so werden wir befinden/ daß kein Laster mehr auff der Welt ist/ wider welches man mehꝛ Straff vnd Marter ha- be erfunden.
Actisaves ein Koͤnig in Egypten/ nach dem er nun Egypten vnder sein Gewalt gebracht vnd gesehen/ daß der Diebstahl so gemein war/ hat er dises Gesetz gemacht/ dz allen den jenigen/ so eines Diebstahls wuͤrden uͤberwiesen weꝛden/ solten die Nasen abgeschnitten werden. Also daß die Zahl der abgeschnettenen Nasen von Tag zu Tag groͤs- ser wurde: Vnd bawere er hernach ein Statt/ in der wuͤsten genant Rinocera (welches so viel heist/ als abgeschnittene Nasen) vnd kan man das in warheit wol sagen/ daß alle die Inwohner solcher Statt eine sonderliche Freyheit hatten/ keine Brillen zutragen: Dann die Nasen waren jnen alle abgeschnitten worden.
Die Indianer hatten ein solches abschewen vordisem Laster/ daß sie darvor hielten/ daß die sich zum Stelen begeben/ waͤre ein rechts Mittel die gantze menschliche Gesellschafft auffzuloͤsen vnd zuverstoͤren. Derhalbē/ wann man den geringsten Argwohn auff einen hatte/ daß er solte gestohlen haben/ wurde er getoͤdtet.
Damit die Lycier deß Diebsgesindleins/ wel- ches den Leuten das jhrige abstehle/ desto ehe vnd mehr loß werden/ vnd die Dieberey vnder jhnen verhuͤteten/ pflegten sie dise Straff zugebrauchen/ daß sie alle die jenige/ so deß Lasters uͤberzeuget
wurden
Diebshistorien/ das
I.
Buch.
wurden/ auß freyen Leuten zu Sclaven vnd Leib- eigenen Knechten machten/ welches dann bey den Alten fuͤr keine geringe Straffe gehalten wurde.
Die Inwohner in Phrygien hielten so scharpff uͤber jhren Gesetzen/ daß wann einer vnder jhnen nur ein blossen Stecken/ oder sonsten ein Instru- ment/ dessen man sich gebrauchen k
oͤ
ndt/ gestohlen hatte/ so wurde er zum Todt verdammet.
Die Bactrianer/ wie Rauisius bezeuget/ pfleg- ten dise Stꝛaffe zugebrauchen/ daß sie den jenigen/ so eines Diebstahls beschuldiget vnd vberzeuget ware/ ins Angesicht hierein speyten/ vnd jhnen die Backen mit Speicheln bedencketen.
Die Locrenser pflegten den jenigen/ so dises Lasters schuldig erfunden wurden/ die Augen gar außzustechen: Drauß wir dan̄ sehen/ wie scharpff sie uͤber jhꝛen Gesetzen gehalten haben. Dann als deß Zaleuci (der doch selbsten ein Gesetzgeber wa- re/) Sohn eines Diebstals uͤber wiesen wurde/ wolte der Vatter/ sein Sohn solte die Straff außstehen/ welche jhm so wol als andern Dieben were gesetzet worden: Als aber das Volck sehꝛ fuͤr seinen Sohn bate/ daß seiner verschonet moͤchte werden/ er aber nicht gern wolte mit verschonung seines Sons andern boͤse Exempel geben/ ergrief- fe er dises Mittel/ vnd liesse ein Aug jm selber/ das ander aber seinem Sohn außstechen/ auff daß er nit allein dem Volck zugefallen were/ vnd es fei- ner Vorbitt gewehret sondern damit er auch auff der andern setten den Gesetzen ein gnuͤgen thaͤte.
Als
Beutelschneider/ oder
Als auff ein Zeit Zenon seinen Knecht inn ei- nem Diebstahl hatte erdappet/ hat er/ solches sein Laster zu straffen/ jhn wol geisseln lassen/ vnd als der Knecht sich noch wolte entschuldigen/ vn̄ sag- te: Es were jhm angeboren/ daß er muͤste stelen: Antwortete er jhm darauff vnd sagte: Wann jm das Stelen angeboren were/ so muͤste er jhm das auch angeboren seyn lassen/ daß er sich deßwegen wol muͤste abstriegeln lassen.
Zu Rom/ was hat man nicht fuͤr Straffen er- dacht wider die Diebe? Manlius hat er nicht sei- nen leiblichen Sohn enterbet/ vnd auß der Statt Rom verban̄et/ dieweil er eines Diebsstahl ware bezuͤchtiget worden? Sertorius/ hat er nicht ein gantze Compagny Kriegsknecht vmb jhrs Rau- bens vnd Stelens willen hinrichten lassen? Was woͤllet jhr mehr?
Cato erzehlet/ daß man den Dieben auch die zween Daumen hat abgehawen/ welches dann fuͤrwar ein außbuͤndigs Mittel ist gewesen/ der- gleichen man nichts bessers hette erfinden koͤn- nen/ jhnen also das stelen zu wehren.
Der grosse Tamberlan (welcher selber ein greu- licher Rauber war/ wann je einer in der Welt ist gewesen) ließ auff ein Zeit mitten vnter seinem Volck einem Soldaten den Bauch auffschnei- den/ dieweil er einem Weib ein wenig Milch ge- stolen/ vnnd jhr dieselbige nicht hatte bezahlen woͤllen.
Heutiges Tags hatte man nicht auch schwere Straffen gesetzet wider die Diebe vnnd Rauber/
welche
Diebs Historien/ das
I.
Buch.
welche man endlich an Monfaucon vnd an Gal- gen schicket/ daß sie allda deß Nachts bey dem Mond der Schaaf huͤten? Oder welche man auch auff das Rad leget/ daß sie den vorvberꝛeissen- den fuͤr Wegweisser dienen: Gleichwol aber so ist das ein schreckliches ding/ daß man der Leute findet/ welche sich solchem Laster also ergeben/ daß sie selber hernacher nicht darvon ablassen koͤnnen/ wie ich euch dann wil sehen lassen in dieser Histo- rien/ von dem Carfour/ welcher auch Guillery/ (dessen Leben wir in dem erstē Capitel/ vnder dem Namen Lycaon beschrieben haben) der grewlich- ste Rauber in Franckreich ist gewesen.
Man muß sich nicht zu Todt verwundern vber den Carfour/ wann man seine schreckliche Mord- thaten hoͤret erzehlen/ ja wan man hoͤret die viele vnnd erschreckliche Moͤrd so er begangen/ so lang als er in Franckreich hin vnd wider hat gestreiffet: Dann er ware eines Metzgers Sohn/ vnnd ware gleichsam also zu reden/ in dem Blut/ vnd in dem stetigen Metzlen von Jugendt auff erzogen wor- den. Der Ort seiner Geburt hiesse Montigey an Armancon/ nah bey Saincte Raine in Bur- gundt: Sein Vatter wolte jhn anfangs zum Bawerswesen vnd Ackerwerck ziehen vnnd an- halten/ daß er etwas ehrlichs moͤchte lernen/ sich dermals eins mit Gott vnd Ehrn zu nehrē: Aber weil er eine sonderliche innerliche Bewegung in sich spuͤrte/ welche jhn zu hohen dingen antriebe/ wolte jm solches Bawernwesen nicht schmacken/ vnd begab sich darauff in das Kriegswesen/ hiel-
te sich
Beutelschneider/ oder
te sich fleissig zu den vom Adel/ so im Lande her- umber waꝛen/ also daß er in wenig Jaꝛn so dapffer sich im Krieg verhielte/ daß er fuͤr den Mannhaff- testen vnd dapffersten Cavalier in gantzem Bur- gund gehalten wurde: Dann er ware ein uͤber alle massen guter Reuter/ vnd kondte sich in alle Rit- terliche Exercitien so wol schicken/ daß er deßwe- gen bey vornehmen Herꝛn/ so inn solcher gegende wohneten/ sehr beruͤmbt vnd bekandt wurde: Vnd ließ er sich so dapffer an/ daß jederman vermeinte/ er wuͤrde ein grosser dapfferer Held werden/ vnnd ein ehrliches feines Leben fuͤhren.
Endlich aber/ als er die beste Zeit seiner Jugend im Kriegswesen hette zugebracht/ vnd bald diese/ bald jene besucht/ da bemuͤhe
t
en sich die Edelleut in solcher gegend/ daß jhme eine feine ehrliche E- del Jungfrawe/ (welche deß Herꝛn
de l’ autel,
so zu Bagane/ nah bey Auxenne wohnet/ vnnd ein ehrlicher vom Adel ware/ Tochter ware) zur Ehe wurde gegeben. Was nun diese Edel Jung- fraw anlanget/ so hatte sie zwar nicht viel vermoͤ- gen/ aber sie ware von der Natur mit allerley schoͤ- nen Tugenden vnd Gaaben gezieret/ vnd verhof- fet jederman daß in dieser Ehe solche Kinder von beyden/ als dapffern Eheleuten/ wuͤrden geboren werden/ daß sich jederman daruͤber zu frewen het.
Carfour hielte sich auch im Anfang gar beschei- den vnd eingezogen: Er wurd von jederman hoch gehalten/ erwarbe auch ein kleines uͤberauß schoͤ- nes Haͤußlein/ nahe bey der Bruͤcken de Mailly/ da er sich dann etliche Zeit auffhielte.
End-
Diebshistorien/ das
I.
Buch.
Endlich brachte er durch seine Freunde so viel zuwegen/ daß er an den Hoff deß Hertzogen auß Lothringen kame/ vnnd wurde ein Kriegsmann vnter dem Herꝛn von Roche born/ welcher seiner Compagny Leutenant ware/ vnd welcher jhn lan- ge Zeit gekennet hatte.
Vnnd von der Zeit fienge er an auß dem Ge- schirꝛ zu schlagen/ vnd jhm selbsten sein Vngluͤck zu bawen: Dann als er bey solchem Kriegswesen jhm alle Freyheit name/ vnnd sich nicht mehr be- kuͤmmert/ wann er schon etwas uͤbels begangen hatte/ fienge er an allenthalben zustreiffen/ vnnd bildet jm ein/ es doͤrffte jhm niemand widerstand thun: Seine Gesellen hiessen jhn nicht anderst/ als den Boͤhmen: Dann er wuste alle schlich vnd gelegenheit zu Rauben: Es vergienge kein Tag/ da er nicht ein newe List erdachte/ einem den Se- ckel mit dem Gelt zu erhaschen: Er schneutzet sie vmb das Gelt: Er betroge sie durch seine Argli- stigkeit/ vnnd wuste sein Person so wol zu spielen/ daß es vnmoͤglich ware jhm bey zu kommen.
Dieses kame nun dem Herꝛn de la Rocheborn zu Ohren/ daß nemblich Carfour so ein Muster- Aff war/ vnd weil er sich foͤrchtete/ es moͤchte jhm dergleichen tuͤck vnd stuͤck auch dermal eins von Carfour widerfahren/ ließ er jhn zu sich fordern in sein Schloß Rochetaille/ welches nah bey der Statt Langres liget/ vnnd nach dem er jhme sein boͤses verhalten ernstlich verwiesen/ auch jhn ver- mahnet/ hinfuͤro in einer andern Compagni vnd
Ge-
Beutelschneider/ oder
Gesellschafft besser zu leben/ vnd sie zuverhalten/ giebt er jhm seinen Abschied vnd verbeut jm auch/ er solle sich hinfuͤro in seiner Gesellschafft nicht mehr finden lassen: Welches als er Carfour ver- nimmet vnd sihet/ daß er so schlecht soll abgeferti- get werden/ schmertzet es jhn sehr in seinem Her- tzen/ vnd wird so toll vnnd rasend darvber/ daß er zwoͤlff Landfaͤhrer vnd leichtfertige boͤse Gesellen an sich hencket/ streiffet in Lothringen hin vnd wi- der/ biß an die Franckfurtter Pforten/ da er dann viel Raub vnd Mord begienge.
Vnder andern so wird das von jhm erzehlet/ daß als er auff ein Zeit einen Kauffmann von Paris/ (welcher von einem Marck kame/ welcher in solcher gegend alle Jahr wird gehalten/ vnnd sehr beruͤmbt ist) angetroffen/ kehret er so bald vmb/ vnd saget vier seiner Gesellen/ sie sollen auff die Lothringische Grentze in ein Wald/ den er jh- nen genennet/ sich so bald begeben/ vnd allda auff- warten: Er aber nimbt die Post zu eben solcher Zeit/ vnd kommet zu einen sehr alten Einsiedler/ welcher in solchem Wald wohnete/ vnd bittet jhn hefftig/ er woͤlle jhm doch jeiner Roͤcke einen ley- hen: Der Einsiedler beschweret sich zwar daruͤber/ Endlich aber/ als jhn Carfour vberꝛedet hatte/ er wolte seinen Rock zu nichts boͤses brauchen/ ley- het jhm der Einstedler den Rock/ aber mit dem beding/ daß er jhme solchen jnnerhalb zween Ta- gen widerumb soll zustellen.
Hierauff verfuͤget er sich zu seinen Gesellen an den Ort/ da er sie hinbescheiden hatte/ kleidet sich
wie
Diebshistorien/ Das
I.
Buch.
wie ein Einsidler/ vnd besihlet jhnen sie sollen an solchem Ort im Wald bleiben/ vnd zu seiner zeit thun/ was er jhnen befehlen werde: Vnd diewell er so beylaͤufftig die Zeit wuste/ da der Kauffman̄ solte voruͤber reiten/ machte er sich vorn an den Weg/ vnd thut/ als wann er ein wenig woͤlle ru- hen
:
Der Kauffmann/ als er auff jhn stoͤst/ fraget jhn/ wo hin er woͤlle/ dann er meinete/ es waͤre ein guter einfaͤltiger Einsiedler: Carfour nimpt sich an/ er sey gar muͤd von dem Weg/ den er gegan- gen sey/ vnd sagt zu dem Kauffmann/ er komme auß der nechsten Statt/ vnd habe ein Artzt gesu- chet/ der solle kommen zu seinem Mitgesellen/ der hundert vnd funfftzehen Jahr alt sey/ jetzt in Tods noͤthen lige/ vnd glaube er nicht/ daß er jhn leben- dig widerumb werde finden.
Der Kauffmann fraget hierauff weiters/ wie das zugangen sey/ daß der gute alte Einsidler/ der doch von nichts anderst als von Gemuͤsen/ Wur- tzeln vnd Kraͤutern hab gelebet/ gleichwol zu ei- nem solchen hohen Alter sey kommen: Carfour/ der seine Luͤgen wuste meisterlich zu bemaͤnteln/ schneid dem Kauffman̄ wacker auff/ erzehlet jhm nach der lenge/ wie er habe pflegen zu leben/ was er fuͤr Speise gebraucht/ wie er sich taͤglich habe ge- uͤbet/ ja er spielet seine Person mit solcher veꝛschla- genheit/ daß der Kauffmann ein grosses verlan- gen bekommet den Einsiedler/ der zu solchem ho- hen Alter solte kommen seyn/ zu sehen.
Carfour ist fro/ daß jhm sem Boß so wol an- gehet/ bittet selber den Kauffmann/ er woͤlle den
H
Alten
Beutelschneider/ oder
Alten Einsiedler besuchen/ bevorab/ dieweil seine Clauß nit weit ja uͤber funfftzig schritt nicht von dem Wege sey abgelegen: Der Kauffmann fol- get: Dann es wolte jhm nicht einfallen das Vn- gluͤck/ welches jhm schon uͤber den Kopff hienge: Als er aber zwantzig oder dreyssig schritt in den finstern Wald hinein kom̄et/ da wird er so bald vō vier oder fuͤnff Freybeutern vmbgeben/ welche mit blossen Degen/ vnd mit einem Rohr an dem Arm auff jhn zugehen vnd sagen: Er solle jhnen entweder Gelt oder Blut geben: Der Kauffman̄ wurde hieruͤber sehr bestuͤrtzet/ vnd wil sich hinder den vermeinten Einsidler verbergen/ fraget jhn wo doch der Weg zur Clausen sey/ dann er kondte noch nicht glauben/ daß solches alles von dem je- nigen/ der jhn fuͤhrete/ also solte angestellet seyn: Was geschicht? Als Carfour der vermeinte Ein- sidler sihet/ daß der Kauffmann nun weit gnug von dem gemeinen Weg ist/ greifft er jhm selbsten nach dem Kopff/ wirfft jhn heraber von seinem Pferd/ welches er mit dem Zaum hatte foꝛtgefuͤh- ret/ damit es jhn nicht kondte tretten: Vnd als nun der Kauffmann auff der Erden liget/ setzet er jhm ein Rohr an den Halß/ fluchet vnd schweret bey Himmel vnd Erden/ daß/ wann er jhm nicht so bald den Seckel mit all seinem Gelt gebe/ so muͤste er von seinen Haͤnden sterben. Der Kauff- mann hatte zu allem Gluͤck nicht mehr als fuͤnff- tzig Kronen bey sich/ doch ehe er von dem Marck hinweg gezogen/ hatte er bekommen ein Wechsel- brieff/ vnd solte das Gelt zu Paris empfangen:
Carfour
Diebs Historien/ das
I.
Buch.
Carfour als er nun sihet/ daß jhn seine Hoffnung betrogen hatte (dann er hatte gehoffet/ er wuͤrde auff das allerwenigste/ zwey oder drey hundert Kronen bey jm finden/) wird daruͤber so toll vnd rasend/ daß er den Kauffmann vollens todt- schlaͤget: Lest hernacher durch einen seiner Gesel- len den Einsidler Rock an seinen Ort einlief- fern/ vnnd nach dem er das Pferd deß Kauff- manns zu Nancy verkauffet/ begibet er sich gen Paris.
Als aber Carfour zu Paris den Wechselbrieff/ welchen er bey dem erschlagenen Kauffmann ge- funden/ jhm wil bezahlen lassen/ wirfft man ein Argwohn auff jhn/ daß er dem ansehen nach ein Strassenrauber seyn muͤsse: Man fragt jhn/ was fuͤr Waaren er gelieffert habe/ vnd wie er diesen Wechselbrief habe bekommen/ vnd als man sihet/ daß er in seinen reden so vnbestaͤndig ist/ nimpt man jhn nach Mittag vmb zwey Vhr gefangen/ schleusset jhn in ein Kammer/ welche auff dem dritten Stockwerck deß Hauses ware/ in mey- nung/ jhn den morgenden Tag der Obrigkeit in jhre Haͤnde zu lieffern.
Als nun Carfour sihet/ daß er also verschlossen ist/ es wachet jhm sein Gewissen auff/ vnd predi- get jhm/ daß wann er einmal der Obrigkeit in die Haͤnde werde kommen/ so werde jhm gewißlich ein solches Vrtheil gespꝛochen werden/ daß er dar- uͤber den Kopff werde einbuͤssen: Da nimmet er jhm vor/ er wolle viel lieber dem Fenster hinauß springen/ wiewol es maͤchtig hoch vnd gefehrlich
H ij
ware/
Beutelschneider/ oder
ware/ vnd solte er auch daruͤber den Halß abstuͤr- tzen/ als daß er deß morgenden Tages wolte er- warten/ vnd als er in solcher eussersten Leibes ge- fahr sitzet/ vnd dencket/ wie er die Sach angreiffen solte/ folget er nach der Koͤnigin von Carthagine/ genandt Dido
:
Welche/ als sie soviel Erden vnd Land begehret hatte/ als sie mit einer Ochsenhaut vmbgeben kondte/ hat sie die Ochsenhaut in kleine lange Riemen zerschnitten/ vnd also betrogen die jenige/ welchen sie zu betriegen vermeinten: Also macht es nun Carfour auch: Er setzet sich nider/ zerschneidet in lange Bendel sein Mantel vnnd Hosen/ knuͤpffet ein stuͤck an das andere/ bindet sie darnach an das Fenster/ vnd laͤst sich also in sei- nem Wambs vnd Schlaffhosen fein seuberlich dem Fenster hinab/ vnnd errettet also sem Leben von dem Todt/ welcher jhm schon zugesprochen ware: Aber es ist doch alles vmb sonst vnd vergeb- lich: Er thut nichts anders/ als daß er nur selber seinen Strang nachzeucht/ vnd ein Galgenbuß suchte/ dann endlich muß er doch herhalten: Ein Mensch der sein Leben mit rauben anfanget/ ja welcher nur allein von Morden vnd Rauben le- bet/ kan dem Rad oder Galgen doch endlich nicht entlauffen.
Als nun deß Morgends die jenige/ so jhn ver- meinet wol verschlossen vnd verwahret zu haben/ in die Kammer kamen/ vnd nichts als das Nest ohne den Vogel fanden/ wurden sie sehr vnwillig daruͤber vnd traurig/ noch trauriger aber wur- den sie acht Tag hernacher/ als sie erfuhren/ daß
der
Diebs Historien/ das
I,
Buch.
der Kauffmann todt ware/ vnd daß er auff der Lothringischen Grentzen ware ermordet worden.
Als nun dieses geschehen/ begibet sich Carfour widerumb nach Hauß/ laͤst sich stattlich kleyden/ vnnd fanget sich an wie ein vornemer vom Adel zu halten: Verkleidet sich/ thut eine Larven voꝛ/ vnd reitet alle Tag auff die Beute auß/ vnd brin- get alle mal seinem Weib viel koͤstliche Sachen mit heim: Aber niemands vnter den Benachbar- ten vom Adel pflegte mit jhm vmbzugehen: Dan̄ jederman wuste gar wol/ daß er sich zu einer sehr boͤsen Gesellschaft hielte/ vnd daß es vnmoͤglich were/ daß er ohne Rauben vnd Stelen in so kur- tzer Zeit solte so reich/ stattlich vnd vornem seyn worden: Welches dann Vrsach ware/ daß er hin- fuͤhr allzeit bey sich hatte ein hauffen Moͤrder vnd Freybeuter/ welche er speisete vnd vnterhielte/ vnd dieselbige streiffeten auff die zwantzig/ ja auff die dreyssig meylen Wegs vmbher/ durchsuchten alle Staͤtte/ sprengeten an die Kauffleute/ pluͤnderten die Bauersleute/ so offt als sie darzu gelegenheit machen vnd haben kondten.
Nun begab es sich/ daß vnter dessen der Krieg in Franckreich anfienge/ sonderlich aber im Lande Nivernois/ wegen etlicher Empoͤrungen/ so sich allda ansponnen: Darauff dann solches Vngluͤck erfolgete/ daß es am besten ist/ wann man am al- ler wenigsten daran gedencket/ wiewol der Roͤmi- sche Orator also redet:
habet præteriti dolores recordatio delectationem
: das ist/ Es thut ei- nem gleichsam wol/ wann man sich erinnert/
H iij
was
Beutelschneider/ oder
was man fuͤr Vngluͤck vnd Schmertzen hat auß- gestanden.
Als nun Carfour sahe/ daß solche wiewol be- truͤbte Zeit/ eine gewuͤnschte gelegenheit fuͤr jhn war/ sein Rauben vnd Stelen fortzusetzen/ vnd in truͤbem Wasser zu fischen Machte er jhm ein Anhang von boͤsen Buben/ vnd von dergleichen henckermaͤssigen Gesellen/ vnd fuͤhrete dieselbigen mit sich heim in seine Wohnung/ in Hoffnung/ er wolte im Krieg nicht allein ein vornemes Ampt begehren/ sondern auch gewißlich erlangen: Be- gibet sich hierauff zu der verstorbenen Fuͤrstin se- ligen von Nivernois/ vnd erlanget so viel/ daß sie jhm vier hundert Pistoleten auff die Hand gibet/ ein Compagni Carabiner zu werben/ welche er auch so bald zusam̄en brachte. Als er aber wolte auff das Schloß Sansoy gehen/ ein Besatzung dahinein zulegen/ befahle jhm Herꝛ de Collange/ welcher in der Provintz Nivernois General Leu- tenant ware/ er solte sich mit seiner Compagny von dannen nach Nevers/ welches nah bey sol- chem Fuͤrstenthumb liget/ begeben.
Carfour wird vngehalten/ daß er so stumpff soll abziehen/ vnd daß man jhm den Ort/ den er verhoffete zuhaben/ vnd den man jhme auch ver- heissen hatte/ versaget: Derhalben/ da er billich hette deß Herꝛn von Collange Befelch nachkom- men sollen/ thete er eines vnd faͤngt an mit seiner Gesellschafft durch das Land zu streiffen/ bedran- get das arme Bauers volck/ brandschaͤtzet vnd Rantzioniret einen jeglichen nach seinem vermoͤ-
gen
Diebs Historien/ das
I.
Buch
gen vnd Reichthumb: Vnd darzu bedorffte er kein Schreiber nicht/ dann er selber ware jhm Schreiber gnug: Dan̄ so bald als er in ein Doꝛff kame/ muste man jhm das Schatzung Regi- ster bringen/ vnd brandschatzet einen jeglichen nach dem er sahe/ daß er viel oder wenig vermoch- te/ vnd also ward dieser Strassenrauber in kur- tzer zeit mit deß gemeinen Landsschaden sehꝛ reich.
Das gantze Land Auxerrois kan dessen/ das ich allhie erzehle/ gnugsam Zeugnuß geben: Dan̄ es finden sich darinnen noch viel vnterschiedliche Geschlechter/ welche wegen seiner jhnen abge- drungenen Rantzion vnd Schatzung biß an da- to noch nit widerumb zu kraͤfften kom̄en koͤnnen.
Das
VIII.
Capitel.
Ferꝛnere Erzehlung deß erschrecklichen
Lebens/ Handels vnd Wandels deß Carfour/ als eines beruͤhmbren Stras- senraubers/ vnd wie er endlich seinen Lohn hat empfangen.
S
O lang als der Krieg in der Provintz Nivernois/ wie auch in Champagnen waͤrete/ wurde das gantze Land mit bren- nen vnd morden erfuͤllet? Der Wuͤrger/ als der Elteste Sohn der Kriegsgoͤttin machte/ daß das gantze Land von dem Blut der Ermordeten vnd Todgeschlagenen gleichsam gantz uͤberschwem̄et.
Die Fuͤrstin von Nivernois/ als sie sahe/ daß sie von deß Koͤnigs Kriegsvolck/ welches der
H iiij
Mar-
Beutelschneider/ oder
Marschalck Herꝛ von Montigny fuͤhrete/ gantz vnd gar vmbgeben vnd belagert ware/ schickte sie den Marggrafen von Gallerande/ als der es mit jhr hielte/ in Champagnen zu dem Fuͤrsten von Nevers/ jhm anzuzeigen alles das jenige/ was bey jhnen voꝛgienge.
Dieser Marggraff aber von Gallerande/ weil er sich foͤrchtete er moͤcht seinen Feinden vnd Wi- derwaͤrtigen vnter die Haͤnde kommen/ bevorab aber/ weil er durch das Land Auxerrois durchzie- hen muste/ liesse sich durch den Capitain Carfour mit zwantzig oder dreissig seiner Soldaten beglei- ten/ vnd dachte/ weil er solches Geleit bey sich het- te/ so wuͤrde jhm desto weniger eintzige vngelegen- heit begegnen. Als aber Carfour nun vngefaͤhr zwo Meylen mit jhm ware gegangen/ nimbt er jhm fuͤr ein kleines Bubenstuͤcklein anzustellen/ oder viel mehr ein rechtes Meineydiges Stuͤck- lein zubegehen/ vnd greifft der erste dem Marg- graffen nach dem Kopff/ sagt jhm/ daß weil er deß Koͤnigs Diener sey/ so woͤlle er jhn hiemit fuͤr sei- nen Gefangenen annemen/ vnd vnfehlbarlichen dem Koͤnig in Franckreich uͤberlieffern.
Wie sagt hierauff/ der Marggraffe/ wilt du al- so mit mir vmbgehen? Ich schwere euch/ antwoꝛ- tet hierauff Carfour/ daß jhr entweder mit mir muͤsset kommen/ oder ich schlage euch hie Todt/ vnnd also fuͤhrete dieser schroͤckliche Tyrann den Marggraffen von Gallerande in sein Hauß vnd Wohnung de Mailly/ vnd verwahrete jhn auch so wol/ daß es dem Marggrafen vnmoͤglich ware auß seinen Haͤnden zu entgehen.
Als
Diebs Historien/ das
I.
Buch.
Als nun der Herꝛ von Collange/ vnd der gantze Lands Adel/ welcher es mit den Fuͤrsten wider den Koͤnig hielte/ solchen grossen schimpff/ welches Carfour dem Marggrafen von Gallerande hat- te bewiesen/ erfuhren/ namen sie auff die hundert Reisige zu sich/ kamen fuͤr deß Carfour Schlosse/ vnd wolten dasselbige mit gewalt einnemen/ den gebachten Marggrafen widerumb zu entledigen: Welches/ als es Carfour sahe/ liesse er sich oben auff der Mauren sehen/ vnd sagte jnen/ daß wann sie jhm nur die geringste Gewalt anlegten/ so wol- te er den jenigen/ so sie begehrten/ todtschlagen/ vnd jhnen denselbigen hernacher uͤber die Mawer herauß inn die Wassergraͤben darwerffen
:
Wel- ches tyrannische vnnd vnverschaͤmbte entbieten dann sie bewoge/ daß sie mit jhm ein Aecord traf- fen/ vnd jhm e
in
grosse Summa Gelts fuͤr Ehrn- gedachten Marggrafen zur Rantzon versprechen musten: Es hielte auch Carfour den Marggra- fen so lang fuͤr seinen Gefangenen/ biß daß er die jhme von jnen versprochene summa Gelts in sei- ne Haͤnde selber hatte empfangen.
Meinet jhr nun auch/ daß jemals ein groͤsser Meineyd von einem Menschen sey begangen wor- den/ als eben allhier von Carfour ist geschehen? Gleichwol aber so hat er hernacher solchen Mei- neyd wol bezahlen vnd buͤssen muͤssen: Dann der Marggraf von Gallerande ließ jhn peinlich an- klagen/ vnd zum Strang vnnd Galgen verdam- men: welches vrtheil dann auch/ so bald zu Villec neufer le Roy Bildnußweise in abweseu deß Car-
H v
fours
Beutelschneider/ oder
fours vollnstrecket wurde: Wiewol es viel besser gewesen were/ daß Carfour selber persoͤhnlich dar- bey gewesen were
:
Dann so hette er nimmermehr so viel Vbels begehen vnd Vngluͤck anstellen koͤn- nen/ wie er gleichwol von solcher Zeit an herna- chtr inn Franckreich an vnterschiedlichen Orten gethan hat/ hette auch sein Leben nicht mit so ei- nem schmaͤhlichen oder auff das allerwenigste nit mit so einem erschrecklichen Todte/ wie hernacher geschahe/ beschliessen doͤrffen.
Als aber hernacher der Friede widerumb inn Franckreich beschlossen vnd gemacht ware/ wurde Carfour sehr trawrig daruͤber: Dann er hatte der Schiffknecht Natur an sich/ welche sagen/ es sey nicht besser als in truͤbem Wasser fischen: Er wa- re gleich den Salamandern vnd Piraliden/ wel- che sich nicht anderst als im Fewer nehren vnnd erhalten koͤnnen: vnd also wolte diser hitzige Kopff sich auch nur allein mit Menschenblut vnd Mor- den nemen: Derohalben so schmertzet es jn in sei- nem Hertzen/ daß durch den gemachten Frieden jhme alle Mittel/ sein Rauben vnd Morden fort- zusetzen/ benommen wurden.
Daß er sich widerumb solte nach Hauß gen Mailly begeben/ das wolte sich nicht fuͤr jhn schi- cken
:
Dann er muste sich dessen besorgen/ daß der Marggraff von Gallerande den grossen jhm zu- gefuͤgten schimpff an jhm wuͤrde rechen/ vnd dar- auff dringen/ daß das schon wider jhn den Car- four erhaltene/ bekraͤfftiget vnnd außgesprochene Vrtheil vollnstrecket moͤchte werden: Solte er
dann
Diebs Historien/ das
I.
Buch.
dann auch so vmbher schweyffen/ vn̄ nichts thun/ das wolte sich auch nicht fuͤr jhn schicken/ als wel- cher gantz gewohnet ware/ von Diebstahl vnd von Raub zu leben. Derhalben so setzet er jhm den Ertzrauber Guilleni fuͤr zu einem Exempel/ su- che
t
vnd bringet von allen Orten vnnd enden zu sammen einen hauffen fauler Gottloser verzweif- felte Buben/ streifft mit denselbigen durchs gan- tze Land/ mordet vnnd schlaͤget todt alles/ dessen er nur ansichtig wird/ ja alles/ was jhm begegnet: Bißweilen fiele er in die Meyerhoͤff/ welche etwas von dem gemeinen Weg/ wie auch Flecken vnnd Doͤrffern abgelegen waren/ vnd sagte zum Hoff- mann: Er muͤste jhm entweder jnnerhalb zweyen tagen fuͤnfftzig Kronen verschaffen/ oder muͤste todt geschlagen werden/ vnnd wann er auch das geringste geschrey darvon machte/ oder dz gering- ste Wort darvon sagte/ so solte er jhm nicht entge- hen/ es solte jhn sein Halß vnd Leben kosten. Vnd also schaͤtzte er die arme Bawersleute/ metzelte vnd erwuͤrgete jaͤmmerlicher weise alle die jenigen/ welche jhm nicht so bald wolten geben/ was er von jhnen begehrete.
Auff ein Zeit traff Carfour einen jm sehr wol- bekandten vom Adel an/ welcher auß der Provintz Auxerꝛois/ vnd gar trawrig ware/ auch in schwe- ren Gedancken daher gieng: Vnnd als jhn Car- four fragte/ wohin er wolte/ antwortet er jhm vnd sagte: Zu allen Teuffeln: Wie sagt hierauff Car- four zu allen Teuffeln/ jhr gehet dann in die Hell/ dann die Teuffel seyn ja inn der Hellen/ warlich/
sagt
Beutelschneider/ oder
sagt hierauff der vom Adel/ ich kan das wol sagen/ daß die Teuffel eben so wol auff Erden/ als in der Hellen seyn. Dann ich hab nun in die vier Jahr ein schwere Rechtfertigung fuͤhren muͤssen/ vnnd dieselbige hat mich so viel gekostet/ daß ich bald al- les das meinige daruͤber hab einbuͤssen muͤssen: Also daß ich keine Hoffnung mehr/ als die ver- zweifflung vor mir habe/ ja ich wolte mir gern ein Messer in das Hertz hinein stossen/ wann mich die forcht Gottes nit darvon abhielte: Dann ich hab keine ruh in meinem Hertzen/ vnd lebe in stetiger Trawrigkeit vnd Hertzfressen.
Carfour (welcher diesem vom Adel an seinem Gesicht ansahe/ daß er in seinem Hertzen gar be- truͤbet ware) troͤstet jhn/ vnd erinnert jhn/ in was grosser Ehr vnd Ansehen er bißher bey dem gan- tzen Lands Adel waͤre gewesen/ bittet jhn er wolle ja bey Leib solche Sachen vnnd Thaten/ welche jhm hernacher zu ewigem Schimpff vnnd Spott ge- reichen moͤchten/ nicht vornemen/ oder jm in sinn setzen: Erklaͤret sich auch/ wann er jhm mit etwas was das were/ dienen koͤndte/ so solte er wissen/ daß er an jhm einen solchen Mann solte finden/ wel- cher viel williger solte seyn jhm zu dienen/ als er moͤchte seyn jhn vmb etwas anzusprechen.
Der vom Adel dancket jhm hundert tausent- mal/ wegen seines guten erbietens/ vnd bittet jhn er woͤlle jhm zwey hundert Kronen lehen/ mit der Verheissung/ daß er jhm solches Gelt jnnerhalb Monatszeit auffs allerlaͤngste gewißlich wider
wolt
Diebshistorien/ das
I.
Buch.
wolt geben
:
Carfour/ der auch dem eusserlichen ansehen nach vrtheilete/ leyhet jhm das Gelt/ das er begehret/ auff sein blosses begehren vnd gethane Verheissung/ der vom Adel/ welcher sein Person auch trefflich wol spieln kondte/ nimmet das Gelt/ gehet nach Auxerꝛa/ vnnd macht sich auff Car- feurs Seckel vnd Vnkosten lustig: Darnach ge- het er von dannen zu dem Marggrafen von Gal- leranda/ erzehlet jhm den vergangenen streich/ vnd wie er seinen Feind einmal erdappet/ vnnd uͤber das Seyl geworffen hette: Zeiget jhm auch an/ daß wann er jhm nur hundert dapffere Maͤnner vnd Soldaten wolte zugeben/ so wolte er jhm den Carfour angeseylet vnd angebunden lieffern/ vnd solte jhm auch nicht entwischen koͤnnen.
Der Marggraf von Gallerande laͤst jhm den Anschlag wol gefallen/ vnnd weil er nichts mehr wuͤnschete/ als daß das wider den Carfour außge- sprochene vnd Bildnußweise zu Ville neufre le Roy an jm erfuͤllete Vrtheil endlich auch wuͤrck- lichen an jhm vollnstreckt wurde/ so nimpt er jhm vor/ er woͤlle selber dem von Adel folgen/ vnd dar- bey seyn
:
Vnd nach dem er zwantzig oder dreyssig seiner besten vertrawesten Freunden zu sich hatte kommen lassen/ machen sie sich auff den Weg/ zu dem Ort/ da sie verhoffeten den Rauber anzutref- fen: Aber es geschah mit jhrem grossen Schimpff vnd Schaden. Dann Carfour/ welcher zween Tag zuvor durch seine außgeschickte Kundschaff- ter jhren wider jhn angenommenen Anschlag er- fahren hatte/ name seiner wol inn acht/ ließ all
Volck
Beutelschneider/ oder
Volck vnnd Anhang zusammen kommen/ vnnd laustert auff sie an einer Waldecken/ da es dann so bald/ als sie einander aneraffen/ an ein Schar- muͤtzeln gienge/ vnd wurden etliche vom Adel dar- uͤber sehr verwundet: Aber die Herꝛen mischten sich nicht drein: Vnd allhie muß man nicht fra- gen/ ob auch der vom Adel von Carfour hernach sey angefochten worden
:
Dann Carfour gieng auff ein Zeit vmb den Abend in sein Hauß/ vnnd stahle jhm alles das beste/ was er nur in desselbigen gantzen Hauß funde: Er ermordete zween oder drey Bawren/ welche jhn nicht wolten dahinein gehen lassen
:
Name auch mit sich stattliche Tape- tzerey/ welche mehr als vierhundert Kronen werth waren: vnd wann sie denvom Adel auch in seinem Hauß erdappet hetten/ so hette es jhn den Halß gekostet: Dann Carfour kondie gantz vnd gar nit verdaͤwen vnd verschmertzen den grossen schimpff welchen er jhm hatte bewiesen/ fuͤr die grosse gut- that/ daß er jhm auff se in blosses Wort zwey hun- dert Kronen geliehen/ vnd jm so freundlich zuge- sprochen hatte.
Auff ein andere Zeit/ als er inn Burgund hin vnd wider streiffete/ traffe er an einen vornemen Herꝛn/ dessen Namen ich allhie wil verschweigen: Vnd wiewol Carfour so bald solchem Herꝛn den Beutel sampt dem Gelt abforderte/ meinete er doch/ er spottete nur seiner/ da er aber sahe/ daß ernst darauß wolte werden/ vnd jhm so hart zuge- setzet wurde/ versprache er wolte jhm etliche Ren- ten vnd Guͤlden/ so er auff dem Rathhauß zu Pa-
ris
Diebshistorien/ das
I.
Buch.
ris stehen hette/ uͤberweisen/ welches dann Car- four anname: Es muste auch gedachter Herꝛ so bald jhm durch einen Notarium Brieff auffrich- ten lassen/ vnd jhme in seine Haͤnde einlieffern.
Als aber der gedachte Herꝛ gen Paris zoge/ fich deßwegen bey dem Koͤnig zu beklagen/ erfuhre solches Carfour auch/ zoge jhm nach gen Paris/ lausterte auff jhn/ vnnd als er jhn in einer engen Gassen erdappete/ richtete er jhn also zu/ daß er bald darauff inn der Vorstatt Sainet Germain sterben muste.
Koͤndte auch ein Mensch jhm groͤssere/ vnver- schaͤmptere vnd schrecklichere Bubenstuͤck einbil- den? Gleichwol so ist das Bubenstuͤck/ welches er kurtze hernach an einer Kutschen voll Leute von Nancy begienge/ nicht geringer: Dann/ wiewol er nicht mehr als zween seiner Freybeuter bey sich hatte/ so folget er doch solcher Kutschen nach/ schrye dem Kutscher von weitem zu/ er solte still halten/ dann er hette jhm was zu sagen.
Als aber der Kutscher seinem Befelch nicht nachkame/ sondern seinen Weg fort fuhre/ lieffe jhm Carfour mit seinen Gesellen nach/ vnd als er bey die Kutsche kame/ gab er dem Kutscher ein sol- chen starcken streich/ mit einem Rohr uͤber den Kopff/ daß er zur Erden sancke/ fiel darnach mit seinen Gesellen uͤber die/ so inn der Kutschen wa- ren/ name jhnen alle Packet vnd Wahr/ so sie bey jhnen funden/ weil sie jhnen das Gelt/ so sie jhnen zuvor abgefordert/ nicht hatten geben woͤllen/
Als er nun dieses Diebsstuͤck auch begangen
hatte/
Beutelschneider/ oder
hatte/ entwieche er auß solcher gegend/ vnd name seinen Weg nach Poictuo/ damit er allda desto vnverhinderter stelen vnnd rauben koͤndte/ der al- lererste/ den er allda antraffe/ ware ein Junger ge- sell/ welcher es wegen eines streits/ so er mit seinem Vatter gehabt hatte/ darvon wolte ziehen: Vnnd als er jhn gefraget hatte/ wo er hin wolte/ fiele er uͤber jhn vnd besuchte jhn: Vnnd weil er gar kein Gelt bey jhm fande/ erkandte er selbsten/ daß es ein junger Mensch were/ der sein Gluͤck zu suchen außziehen wolte: Derhalben so zohe er jhn auff ein seiten/ vnd sagte jhm/ daß wann er lust hette mit sich zu nehren/ so wolte er jhn inn seine Gesell- schafft auffnemen/ so koͤndt er auch ein solches Le- ben fuͤhren/ vnd solte alles deß Gluͤcks vnnd Vn- gluͤcks/ das sie haben wuͤrden/ zugleich mit theil- hafftig werden.
Die Verheissunge/ dieses Mereurij vnnd Zau- berers/ welcher wol sonsten den Argum entschlaͤf- fen hette koͤnnen/ ja welcher auch kondte machen/ daß den allerwackersten der Schlaff in die Augen muste kommen/ wuͤrcketen auch so viel bey diesem jungen Menschen/ daß er jm ein solch ding vorne- me/ welches er sonsten nimmermehr hette vorne- men woͤllen/ wann nicht die Hoͤnigsuͤsse Wort vnd Verheissung dieses Raubers jhn gleichsamb also zu reden/ darzu gezwungen hetten.
Hierauff wird nun dieser junge Gesell inn die Diebszunfft eingeschrieben/ vnnd laͤst sich so bald also an/ als hab er das Schamhuͤtlein gantz abge- zogen/ vnd allen Christlichen tugenden gute nacht
gesaget
Diebs Historien/ das
I,
Buch.
gesaget: Welches/ als es Carfour an jhm sihet/ vnd ferꝛners spuͤret/ daß sein Hertz zu allem boͤsen vnd uͤbel ist geneiget/ gibt er jhm Brot zu essen/ welches in deß ersten Kauffmanns Blut/ welchen er darauff erschluge/ geduncket ware: Welches dann ein erschroͤcklichs ding ist zuhoͤren: Vnd faͤlt mir hiebey eyn die Historiē von den vnbarmhertzt- gen Mohrē/ welche/ wie Herodotus daꝛvon schrei- bet/ die Kinder de Phanis ermordeten/ vnd wann sie stattliche Bancketen hielten/ braucheten sie an statt deß Weins/ solcher armen vnschuldigen er- wuͤrgten Leut Blut/ welches sie mit gutem bedach- te trancken/ nicht anderst/ als were es der beste Wein/ ja nicht anderst/ als were es der Goͤtter Tranck vnd Speise selber.
Von der zeit an/ daß dieser junge Gesell Men- schenblut also mit Brot eingefressen hatte/ wurde er der vnbarmhertzigste vnter dem gantzen hauf- fen: Solte vnd wolte man einen angreiffen vnd schlagen/ so ware er allezeit mit den ersten vnd fordersten: Solte oder wolte man dann einem an einer gefaͤhrlichen Waldecken oder sonsten auff den Dienst warten/ so botte er sich selber an/ als einer/ der das Mordhandwerck am besten ver- stande vnd koͤndte: Wie er dann auch in solchem Handwerck wol ware vnterꝛichtet worden/ vnnd hernacher auch die straffe/ so er von Carfour sel- ber empfienge/ wol verdienet haͤtte.
Als aber dieser junge hitzige Mensch/ etliche Monat mit solchem verderblichen Exercitio vnd Handwerck zugebracht hatte/ gedachte er ein we-
J
nig
Beutelschneider/ oder
nig hinder sich vnd fuͤr sich: Er erkandte selbsten das grosse Vngluͤck vnd verdam̄liches Leben/ da- rinnen er sich muhtwilliger weise gestuͤrtzet/ vnnd eingewickelt hatte/ vnd dieweil sein Gewissen jhm daruͤber auffwachet/ vnd jhm weder Tag oder Nacht ruh liesse/ name er jm vor/ er wolte heimli- cher vnd vnvermerckter weise/ sich widerumb auß solchem boͤsen leben begebē/ vnd Carfours Gesell- schafft gute nacht geben: Es sey nun aber dem al- lem wie jhm woͤlle/ daß entweder Carfour solches mag erfahren/ oder jhm in seinem Angesicht an- gesehen haben: Dann er ware nicht mehr so hitzig vnd begierig auff die Beut/ wie er zuvor gewesen ware: So warffe Carfour deßwegen ein Arg- wohn auff jn/ gab jm wol achtung auff die Garn/ vnd als er auff ein Zeit jhn nicht vnter der Ge- sellschafft vnd Diebszunfft funde/ gienge er jhm nach/ erdappete jhn drey Meil wegs von dem ge- dachten Ort/ schluge jhn todt/ name sein Pferd/ sein Kleider/ vnd alles was er an Gelt bey jm fan- de: Kam darnach widerumb zu seinen Gesellen/ vnd schwur jhnen hoch vnd thewer/ daß der erste/ der von jhm vnd seiner Gesellschafft also ohn er- laubnuß abstehen wuͤrde/ solte daruͤber seinen Halß vnd Kopff einbuͤssen.
Von dannen an uͤber etlich Zeit/ begab er sich auff Paris/ vnd streifft allda herumber/ gleich wie die Mucken/ welche wann sie wol vmbher geflo- gen seyn endlich zum Liecht zu fliehen/ vnd sich an demselbigen verbrennen: Vnd ist da nicht auß- zureden/ wie schrecklich er raubete/ vnd die arme Bauersleut bedrangete.
Man
Diebshistorien/ Das
I.
Buch.
Man erzehiet von jhm/ daß als auff ein Zeit der Blutrichter vernommen hatte/ daß er sich in dem Wald bey Fontaine-bleau solte auffhalten/ vnd darauff jhn auch sucht vnd verfolgete/ da hat Carfour (als welcher wust/ daß jhm auch sonsten einmal der Boß wol ware angangen) sich als ein Einsiedler verkleidet/ vnd ist jhm hierauff auff der Landstrassen entgegen gegangen.
Als nun die Schuͤtzen vnd Soldaten jhn an- traffen vnd fragten (dann sie jhn fuͤr ein Einsied- ler versahen) ob er nicht von dem Carfour hette hoͤren sagen/ vnd an welchem Ort in dem Wald er sich pflegte auffzuhalten/ da erzehlet er jhnen ein langes vnd breites von jhm/ wie er so gar ein boͤser Bube vnd Rauber were/ wie er manchem das Liecht außgeblasen hette/ wie er bald selber in seiner Clausen nicht vor jm sicher were/ dieweil er gar manchmals bey jhm uͤber nacht lege: Sagte auch/ daß eben solche stund vnd augenblick/ da er mit jme rede/ er ohne allen zweiffel in seiner Clau- sen were/ vnd wann sie jhm wolten folgen/ so wol- te er sie selber an solchen Ort fuͤhren.
Was geschicht? Der Blutrichter meinet dem allem sey also/ vnd folget mit seinen Dienern die- sem vermeinten andaͤchtigen Einsiedler: Als sie aber zwey hundert schritt vngefehr in den dicken vnd finstern Wald hinein kommen/ da werden sie so bald von dreissig oder viertzig henckmaͤssigen Dieben vnd Schelmen vmbgeben/ welche sie an- sprengen/ vnd mit aller macht auff sie zu hauen/ stechen vnd schiessen/ verlassen auch so bald jꝛ Nest
J ij
vnd
Beutelschneider/ oder
vnd begeben sich an einen andern Ort/ auff daß man sie desto weniger erdappen moͤchte: Dann Carfour hielte das fuͤr eine gewisse Regel/ daß sie vnd seines gleichens nimmer mehr zweymal an einem Ort solten uͤber Nacht ligen/ vnd sich auff- halten.
Vnter dessen redete man in Paris von nichts anderst/ als von dem schroͤcklichen Morden/ vnd Rauben deß Carfours: Dann da ware kein Dieb/ kein Beutelschneider/ kein Spitzbube/ kein Landstreicher/ kein Rauber in Paris/ der nicht vnter deß Carfours Regiment gehoͤrete Dann er gabe jhnen Gesetz vnd Ordnung/ Er herꝛschete uͤber sie alle miteinander: Aber gleichwol kame er nimmermehr in Paris/ er hette sich dann verklei- det vnd verstellet: Dann er forchtete sich so sehꝛ/ er moͤchte einmalen Greve (das ist an den Ort/ da man den Dieben vnd Moͤrdern jhr Recht thut) vnversehener weise kommen/ daß er nimmer- mehr ruhe hette/ biß daß er auff dem freyen Feld ware.
Endlich brach einmal das geschrey auß/ daß er zwar bey Melun solte erhaschet seyn worden/ er hette aber sich durch ein sonderliches Bubenstuͤck widerumb auß der Nachfolger vnd Hascher haͤn- de loß gewuͤrcket/ vnd hette sich in das Land Ve- rin begeben/ da er dann grossen schaden mit sei- nem vmbher streiffen den Innwohnern desselbi- gen Orts zufuͤge: Aber das ware nit war: Dann wann solche Vogelfaͤnger einmal ein Vogel ge- fangen haben/ so lassen sie jhnen denselbigen nicht
so
Diebs Historien/ das
I.
Buch.
so bald entwischen: Doch ist das gleichwol waar/ daß eben zu derselbigen dieser Ertzrauber Carfour zu einer ehrlichen vnd vornemen Edelfrauen/ so vmb Corbeil herumber wohnet gienge/ sprache sie an vmb eine summa Gelts/ vnd gabe jhr zuverste- hen/ daß jhn die grosse noht darzu triebe/ solches von jr zubegehren/ versprache jhr auch solche sum- men Gelts jnnerhalb viertzehen Tagen wider zu- geben: Wiewol nun dieses begehren der Edelfrau anfangs gar frembd fuͤrkame/ jedoch/ wie sie jhn endlich erkandte/ wer er ware/ vnd sich beforch- ten muste/ er wuͤrde jhr mehr schaden als alle jhre Feinde zufuͤgen/ wann sie jhn nicht etlicher mas- sen seiner bitte gewehren wurde/ gab sie jhm fuͤnff- tzig Kronen/ welche er jhr auch zu der bestimpten vnd von jhm versprochenen Zeit/ in eben solchen Sorten vnd Muͤntze widerumb gabe vnnd zu- stellete.
In solcher Zeit gieng vnter dessen der Krieg an mit den Auffruͤhrern in Franckreich/ vnd die- weil Carfour wuste/ daß kein besser Gelegenheit fuͤr jhn ware/ als in solchem truͤben Wasser zufi- schen/ begab er sich widerumb zu dem Kriegswe- sen/ vnter den verstorbenen Connestable/ vnd wuꝛ- de allda ein Soldat: Aber von Tag zu Tag wurde vor Herꝛn de Luyne nichts mehr geklaget/ als daß er vnter seinem Regiment den groͤsten Rauber auff Erden solte haben/ nemblich den Carfour. Aber der Herꝛ von Luyne wolt jhn nicht verstos- sen oder außmustern/ wegen seines grossen Ge- muͤhts/ daß er an jhm verspuͤrete/ verhoffete auch
J iij
daß
Beutelschneider/ oder
daß er sich mit der Zeit wuͤrde bessern/ von seinem boͤsen Leben abstehen/ vnd ein newes Leben anfan- gen/ darinnen aber er sehr betrogen wurde: Dann nach dem er fuͤnff oder sechs vornemme Herꝛen von Hof hatte auffgeopffert/ machte er sich auß dem Staub darvon/ ehe es ein Mensch kondte wissen.
Hierauff beschliessen nun die Blutrichter/ daß wann er mehr vmb Paris herumb werde streif- fen/ wollen sie jhm nachsetzen vnd verfolgen/ biß so lang/ daß sie jhn erdappen/ vnd solte es auch ko- sten was es woͤlle: Sie namen auch zu vnter- schiedlichen malen Volck zu sich/ verfolgen vnd suchen jhn allenthalben/ aber durch seine auß- geschickte Kundtschaffer wurde er dessen allezeit advisiret/ daß er sich mit der Flucht salviret.
Endlich begibt er sich mit einem Soldaten/ ge- nand Chanevasson oder la Roche in Languedoc/ da er dann so viel Raub vnd Mord begienge/ daß er endlich gezwungen war/ sich uͤber das Ge- buͤrge zubegeben/ vnd in Savoyen zuziehen: Dan̄ in gantz Franckreich ware kein Ort mehꝛ/ da er nicht geraubet vnd gestolen hatte/ vnd da man jn auch nicht kennete: Aber es ist vmbsonst/ du Rau- ber vnd Moͤrder daß du auß Franckreich zeuchst/ vnd vermeinest also zu vermeyden den streich der Goͤttlichen Gerechtigkeit/ welcher dir schon uͤber dem Kopff schwebet Es ist vmb sonsten daß du dir einbildest/ du wollest den Himmel trotzen/ vnd die Erd mit deinem Meineyd/ Vbelthaten/ Rau- ben vnd Morden so muhtwilliger weise erfuͤllen.
Der
Diebs Historien/ das
I,
Buch.
Der jenige/ dessen Namen du entheiligest/ vnd dessen heilige Gebott du verachtest/ der wird wis- sen vnd machen koͤnnen/ daß du wider kehrest an den Ort deiner Geburt/ auff daß allda ein gu- tes theil deiner Vbelthaten/ welche du begangen/ von dir gebuͤsset werde: Gott hat Pfeil von Bley gemacht/ vnd laͤst sich nicht so bald zur Straff vnd Rach bewegen: Aber endlich so zwinget der Gott- lose den gerechten Gott/ daß er wider jhn außstre- cket den Arm seiner Goͤttlichen Gerechtigkeit/ weil er allzeit hat verachtet den Arm seiner barm- hertzigkeit.
Carfour ist sehr wunderlich gefangen wor- den: Dann wie sein gantzes Leben war erschreck- lich wunderlich gewesen/ also liesse es sich ansehen/ daß es von noͤthen were/ daß ein Wunder sich zu- truͤge in seinem Todt: Vnd fuͤrwar/ wer hette jmmer glauben vnd gedencken koͤnnen/ daß weil Carfour einmal auß Franckreich ware/ an einem solchen Ort/ da er verhoffte ohne Anfechtung vnd Verfolgung zu seyn/ daß er so vnversehener weis- se solte gefangen/ gen Dission/ als die Hauptstatt seines Lands gefuͤhret/ vnd hernacher allda hinge- richtet werden/ vor den Augen deß meisten theils der jenigen/ mit welchen er manchsmal so Tyran- nisch vnd Moͤrderisch ware vmbgangen: Gleich wie aber Carfour in allen vmbligenden Benach- barten oͤrtern deß gantzen Koͤnigreichs von sehr vieln ehrlichen vornemen Leuten/ welche er hatte dargesetzet/ beraubet vnd bestohlen/ vnnd welche hernacher sein Bildnuß an vnterschiedliche oͤr-
J iiij
ter
Beutelschneider/ oder
ter vnd Laͤnder in Franckreich vnd Europa ver- schicket hatten/ ware beschrieben vnd kandbar dar- durch gemacht woꝛden: Also begab es sich auff ein Zeit/ daß ein vornemer Rathsherꝛ von Chamber- ry/ welcher ein vornemes Ampt allda verwaltete/ deß Carfours ansichtig wurde/ vnd nach dem er jhn wol ins Gesicht gefasset/ auch sein thun vnd lassen gnugsam außgekundschafft hatte/ faͤllt es jhm ein/ ja er sihet es jhm am Angesicht an/ daß er ohn zweiffentlich der Carfour seyn muͤsse/ von welchem man so viel in Franckreich sagte/ vnnd als Carfour in der Hall deß gedachten Herꝛn von Chamberry mit einem Edelmann/ (welcher auß dem Lande Charollois ware/ vnd allda hin wegen einer heimlichen verbottenen Ehe ware geflohen) auff vnd ab spatzierte/ nimpt gedachter Herꝛ etli- che Diener zu sich/ lest jhm nach dem Kopff greif- fen vnd gefaͤnglich einziehen.
Das Parlement zu Dision erfuhre diesen gluͤcklichen Fang vnd Einziehung deß Carfours/ vnd schrieben an gedachten Rahtsherꝛn/ daß er jhnen solchen Vbelthaͤter wolte folgen lassen vnd uͤberschicken: Welches dann auch geschahe: Vnd nach dem man jhn nicht allein peinlich anklagen/ sondern auch also fragen lassen/ vnd er darauff alle Diebstahl/ Mord vnd Rauberey/ welche er zu Auxerres/ Vezelay vnd an vielen andern Or- ten begangen/ bekandt hatte/ wurde jhm das Vrtheil gesprochen/ daß er sampt seinem Knecht lebendig solte geradbrechet werden/ welches Vr- theil dann Anno 1622, den zwoͤlfften Tag Octo-
bris/
Diebshistorien/ das
I.
Buch.
bris/ durch den Hencker an jhm vollnstrecket wor- den. Allhie ist aber vnmoͤglich zu erzehlen/ mit was grosser standhafftigkeit dieser inn seinem Le- ben gewesene vnbarmhertzige Tyrann ist gestor- ben: Dann alle die jenige/ die seinen Todt vnnd Marter gesehen/ bezeugen selber daß sie jhr leben- lang keinen Menschen gesehen/ der ein solches Hertz vnd Muth in seinem Todt gehabt habe/ das wil ich allein sagen: Daß wie erschreckliche Vbel- thaten in seinem Leben hat begangen/ also wirdt man nicht bald von einem Menschen hoͤren/ der solche hertzliche Rew vnd Leyd uͤber sein Suͤnde/ wie dieser gehabt/ vnnd also Bußfertig sein Leben hab geendet.
Das
IX.
Capitel.
Histoꝛien von einem Gasconier/ einem be-
ruͤmbten Rauber/ vnd was er nicht al- lein zu Paris/ sondern auch an andern oͤrtern hat begangen.
E
S hat der Roͤmische Redner recht vnd wol also geredet: Die Gerechtigkeit sey eine Koͤnigin aller Tugenden/ vnd ei- ne Erhalterinne der Gemeinden: Dann wo die Grundgesetze eines Koͤnigreichs wol sein gefas- set/ sie werden auch wuͤrcklich vnd fleissig gehand- habet/ da findet sich keine Vnordnung vnnd wuͤ- stes wesen mehr: Da gruͤnet vnd bluͤhet alles/ wo
J v
man
Beutelschneider/ oder
man jhn begehret/ wo man hin wil gehen/ da fin- det man uͤber alle/ Fried/ Ruh vnnd Sicherheit/ sonderlichen aber/ so viel die Diebe anlanget dann die Gerechtigkeit vnd Obrigkeit sein gleichsamb die Geissel/ mit welchem sie die Diebe mitten in jh- rem vermeinten Diebssieg darnider schlagen: Es haben auch die Diebe keinen groͤssern Feind/ als ein Regenten/ der gestreng uͤber die Gerechtigkeit helt: Dann wann sich derselbige helt nach dem/ was jhn die Gesetze lehren/ so vertreibet er das Diebsgesind/ ja er zertritt sie mit seinen Fuͤssen/ als wie vnnuͤtze Rauppen/ welche nichts anders thun/ als daß sie den gemeinen Mann aufffressen vnd verderben.
Es ist zwar wahr vnd recht/ daß der Mensch in allem seinem thun vnd vornehmen sich soll erin- nern/ daß er ein sterblicher Mensch ist/ vnd deßwe- gen soll er guͤtig vnnd barm hertzig seyn gegen die jenige/ so seines Geschlechts sein/ er soll der Men- schen fehler/ entschuldigen vnd decken helffen/ vnd sich freundlich vnnd guͤtig gegen jhnen erzeigen: Aber was die Straff deß Diebstahls anlanget/ da soll man die schaͤrpffe gebrauchen/ vnd ernstlich straffen die jenigen/ welche solches Lasters straff- faͤllig erfunden werden.
Als auff ein Zeit Bias/ welcher einer auß den siben Weisen in Grichenland ist gewesen/ jetz und ein Vrtheil solte außsprechen uͤber einen armen Suͤnder/ welcher Diebhahls vnnd Raubens hal- ben angeklaget/ vnnd desselbigen auch gnugsamb ware uͤberwiesen worden/ hat er angefangen zu
weinen
Diebs Historien/ das
I.
Buch.
weinen vnd zu klagen das grosse Elend/ vnnd die Vnbestaͤndigkeit deß Menschens in seinem gan- tzen Leben/ vnd wie so viel Vngemach vnnd Vn- gluͤck dem Menschen/ so lang als er lebet/ zu han- den stossen Vnd als er von einem/ so darbey sasse/ gefraget wurde/ warumb er doch so bitterlich wei- net/ vnd solches mit leyden mit dem armen Suͤn- der hette/ da es doch in seiner Gewalt stuͤnde/ sol- chem Vbelthaͤter sein Leben zu erhalten/ ja daß es eben so wol in seiner Gewalt stuͤnde/ den Vbelthaͤ- ter ledig zu sprechen/ als jn an Galgen zu schicken hat er darauff ein solche antwort gegeben/ welche an einem Richter sehr Lobwuͤrdig ist/ ja welche werth/ daß man sie mit guͤldenen Buchstaben soll auffschreiben:
Necessarium
(sagt er)
quidem est naturæ condolere, à lege autem \& juftitiæ Re- gula discedere, magis perniciosum,
das ist/ auff Teusch so viel gesagt: Es ist wol recht vnd billich/ daß man mit der Natur vnnd mit einem solchen armen Suͤnder ein mitleyden hat/ aber von dem Gesetz vnd von der Gerechtigkeit abzuweichen/ das ist vnrecht vnd schaͤdlich.
Diesen schoͤnen Spruch hab ich allhie im vor- uͤbergang einfuͤhren/ vnnd etlichen vnter Regen- ten vnd Richtern vor die Augen legen woͤllen/ ich sage/ etlichen vnder Richtern vnd Regenten/ wel- che jhnen nicht einbilden/ daß ein Parlament vnd noch ein anders Gericht uͤber jhnen sey: Ja wel- che jhre Gewalt also mißbrauchen/ daß sie jhre ei- gene Wort fuͤr so viel Gesetze/ vnnd jhre Vrtheil fuͤr vnwiderꝛuͤffliche Rahtschluͤsse halten: Sie las-
sen sich
Beutelschneider/ oder
sen sich von jhren boͤsen Affecten vnd Begierden regiern vnd fuͤhren sie thun manchmals sehr viel ding wider die Gesaͤtze vnd jhr eigenes Gewissen/ wie dann geschehen ist mit einer Person/ von wel- cher wir inn diesem Capitel reden woͤllen: Dann wann man solche Person gestraffet hette/ wie sie wol verdienet hatte/ so hette sie nicht auß Gasco- nien gen Paris kommen/ vnnd so viel armer oder doch ehrlicher Leute bestohlen/ vnd berauben/ vnd gar an Bettelstab bringen koͤnnen. Wir woͤllen dieselbige Person Filander nennen/ damit wir ja niemands aͤrgern moͤgen: Dann/ wie ich auch zuvor hab angeruͤhret/ so ist es nicht von noͤthen/ außdruͤcklich nenne die Namen der jenigen/ wel- che durch jhre boͤse vnnd meineidige Vbelthaten die Reputation jhrer Voreltern verfinstert/ vnnd denselbigen einen solchen ewigen Schandflecken angehencket haben.
Daß ich euch nun etliche Bubenstuͤck von die- sem Filandro erzehle/ so muͤsset jhr mercken/ daß/ als er Gasconien wegen seines allda getriebenen Raubens vnnd Stelens verlassen muͤssen/ hat er gesehen/ daß er durch einen/ ich weiß nicht wen/ von seinen jhm auffgelegten Bubenstuͤcken ist ab- solviret worden (ohnangesehen der vnuͤerwerffli- chen Zeugen vnd Zeugnuß/ so daruͤber waren ab- gehoͤret worden) sich widerumb in seinen vorigen Stand zu setzen: Aber solches alles hat jhm gleich- wol die forcht/ welche er staͤtigs in seinem Hertzen hatte/ daß er dermal eins/ wegen eines Raubs vnd begangenen Mords/ so er an einem vornehmen
Herꝛn
Diebs Historien/ das
I.
Buch.
Herꝛn in seinem Land begangen hatte/ moͤchte ge- strafft werden/ mit nichten benemen koͤnnen.
Er verlaͤst aber gleichwol hier auff/ vnd auß der Vrsachen sein Vatterland/ vnnd wie es sich off- termals zutraͤget/ daß wir in die Netz vnnd Stri- cke/ so wir andern stellen/ selber gerahten/ also ist es diesem Filander auch gangen: Dann er wurde auff der Kutschen/ so nach Bordeaux gehet/ be- raubet sampt alln andern/ so deßmals in der Kut- schen waren/ vnd wurde gar biß auff das Hembd außgezogen/ also daß er gen Paris gantz elendig vnd zerꝛissen/ vnnd wie ein vertriebener vnnd ver- lauffener Bettler kame/ ja also/ daß man jhn wol fuͤr ein Butzenmann hette gebrauchen koͤnnen/ die Voͤgel vnd die Tauben von einem Acker abzu- scheichen/ oder wol in einem Spiel zu einem Nar- ren: Gleichwol aber so prangete vnnd machte er sich breit vnd groß nach der gemeinen art der gas- conter/ welche mit einem Pfenning in einer Fla- schen solches klingeln anfangen/ als wann tau- sent Kronnen darinnen weren.
Erstlich aber so wolte es jhm nicht allerdings zu Paris gefallen/ dann wer zu Paris entweder nicht Gelt oder gute Kundschafft vnd Credit hat/ der kan sich allda nicht lang auffhalten: Was ge- schicht? Er trifft an einen Jungen Gesellen von Bery/ welcher außtruͤcklich nach Paris ware kommen ein Handwerck zulernen: Vnnd nach dem er ein wenig mit jhm Kundschafft gemacht hatte durch einen falschen Ring: welchen er jhm verkauffet/ vnnd vorgeben hette/ es were ein statt-
licher
Beutelschneider/ oder
licher Demant/ gehen sie miteinander inn ein Wirtshauß/ da sie dann drey oder vier Tag es- sen/ trincken vnd sich lustig machen/ vn̄ zwar alles auff den Ring: Aber weil Filander sorg hette/ man moͤchte jhn endlich kennen lernen/ name er sich einmal an/ als wolte er seine notturfft thun/ vnd wischete darvon mit zwo Kronen/ welche jm noch im Beutel waren uͤbrig blieben/ vnnd begab sich in der Gassen Sanct Denys zu einem ehrli- chen Buͤrger/ der vor kurtzem eine Wirtschafft angefangen hatte.
Als er nun deß Abends vmb 9. Vhr dahinein kame/ ließ er jhm sein Abendessen geben/ gabe sich fuͤr einen vom Adel auß/ vnnd sagte/ er kaͤme von der lieben Frawen/ von Liesse/ dahin er dann zu Fuß ein Wahlfahrt gethan hette: Der Haußherꝛ sagte. Daß er nicht im gebrauch hette einen eintzi- gen Menschen uͤber Nacht zu herbergen/ vnd daß er auch keine Kammer hette jhn darinnen zule- gen: Gleichwol aber weil es schon zimblich spat war/ vnd Filander sich so jaͤmmerlich stellte/ dach- te der Haußherꝛ/ er thet ein Werck der Barmher- tzigkeit/ wann er jn herbergte/ vnnd das jhn auch noch am meisten darzu bewegete/ war dieses/ daß er wol bezahlete/ wiewol er so zerꝛissen daher gien- ge. Aber als das Gelt je laͤnger je duͤnner in sei- nem Seckel wolte werden/ bedachte er sich/ wie er doch seine Sach anstellte/ daß er Gelt bekommen moͤchte: Gesellete sich hierauff zu einem Fuhr- mann/ welcher inn dieses Hauß garofft zu essen vnnd zu trincken kame/ vnd diesem Kauffmann
kondte
Diebshistorien/ das
I.
Buch.
kondte er so wol schwetzen vnnd uͤberꝛeden/ daß er acht Kronen von jhm gelehnet bekame/ verhtesse jhm auch solche inn kurtzer Zeit wider zugeben: Dann er gabe sich fuͤr einen vornemen vom Adel auß/ er stellete sich auch also/ als wann kein bes- serer vom Adel/ als er/ were/ der sich jhm koͤndte vergleichen/ vnd so zerlumpt vnnd zerꝛissen als er daher gienge/ so sehr prangete er daher/ gabe fuͤr in zween Tagen wuͤrde er ein Lad bekommen/ da- rinnen er Seydene vnd Atlasse Kleider hette/ vnd daß er inn Gasconien ein schoͤnes festes Schloß hette/ dessen Saal vnd Gemach mit schoͤnen Taͤp- pichen gezieret weren/ vnd haͤtte er auch uͤber alle massen schoͤne Silbergeschirꝛ: In Summa: Es ware ein ander Cr
æ
sus/ ein ander Mydas/ wer es hette glauben moͤgen/ kein Marggraf/ kein Frey- herꝛ hatte einen solchen Anhang/ wie er/ vnd dar- innen loge er nicht: Dann er hatte ein stattliche Garnison vnd Besatzung in seinen Hosen/ nemb- lich von Floͤhen vnd Leusen.
Als nun vnser ehrliche Mann die acht Kronen hat/ gehet er hin auff den Grempelmarck/ sihet jm schoͤne Kleider auß/ marckte darumb/ vnd zeucht sie auch so bald an: Vnnd wer jhn da hette sehen sollen/ hette jhn selber fuͤr einen vom Adel angese- hen/ vnd weil jhm nichts besser anstuͤnde/ als daß er die Kleider ohn Gelt außlegen moͤchte haben/ spricht er zu dem Diener im Hauß/ da er die Klei- der gekauffet hatte/ er solte doch so bald mit jhm in sein Losament gehen/ so wolle er jhm das Gelt fuͤr die Kleider geben/ dann er hab nicht so viel bey
sich:
Beutelschneider/ oder
sich: Aber wie der Diener oder Junge ein vnge- schickter Doͤlpel ware/ der nur die Haͤuser ansahe/ vnnd der/ wie ein fauler Esel auff der Gassen her- nach zollete/ fuͤhrete jhn Filander inn eine Halle/ da viel Volcks jnnen ware/ drang mit aller Ge- schwindigkeit durch das Volck hindurch/ vnd ließ diesen Lehrbuben hinder sich/ machte sich vnsicht- bar fuͤr jhm/ vnnd kam mit seinem Kleid darvon/ als daß jhn dieser Jung nicht mehr kondte finden/ vnd hette er jhn lang muͤssen suchen/ wann er jhn hette finden sollen: Ja wann er schon deß Philo- sophi Diogenis Latern vnnd Leuchten hette ge- habt/ so hette er jn doch nicht wider antreffen koͤn- nen/ dann Filander machte sich hurtig darvon.
Als er aber nun wider heim kompt inn sein er- stes Losament/ sagt er zum Wirth/ es sey jhm ein Kleid auß seiner Heymat vnnd Vatterlandt ge- schicket worden: Vnnd wer jhn reden hoͤrete/ der hette nimmermehr glaubn koͤnnen/ daß er ein ver- triebener Bettler vnd Dieb seyn solte/ welcher sich zu Paris begerte auffzuhalten.
Als er nun/ wie gesagt/ solche stattliche Kleider hat/ begibt er sich gen Hoff/ menget sich allenthal- ben ein/ vnnd inn kurtz er Zeit/ macht er sich so be- kandt zu Hof/ daß er sich fuͤr deß Koͤnigs Kam- mer Junckern außgabe/ practicieret auch durch seine Arglistigkeit so viel/ daß er solche Ehr erlan- gete/ vnnd darauff fienge er an zu Retzen vnnd zu Spielen: Ein mal verlohre er/ einmal gewonne er/ einmal stahl er/ das ander mal handelt er et- was anders: Dergleichen geschwinder verschla-
gener
Diebs Historien/ das
I,
Buch
gener Kopff/ wie er/ ware keinem Menschen je- mals vorkommen: heut hatte er fuͤnfftzig Kronen/ morgen hat er gar nichts.
Vnd das allerwunderlichste an jhm/ war die- ses/ daß er sich so gleißnerisch kondte stellen/ daß man jn fuͤr den alleꝛheiligsten Menschen der Welt hette versehen: Dann er gieng fleissig vmb mit den Geistlichen/ allzeit stellet er sich/ als wann er heimlich bey sich selber betete/ vnnd da war kein Kirch/ die er nicht besuchte: Vnd daß ich euch sa- ge/ was er fuͤr eine Andacht in seinem Gebet ge- habt habe/ so kan ich euch dessen wol versichern/ daß sie in grund vnd boden nichts doͤchte/ dann er gedachte an nichts anders/ als wie er den allerer- sten/ der jm an einer Gassenecken moͤchte auffstos- sen/ bestelen vnd berauben koͤndte.
Bißweiln kamen die jenige/ welchen er schul- dig ware/ begerten jhr Gelt/ vnnd setzten jhm hart zu/ aber er schickete sie wider mit einer solchen vn- verschaͤmpten Manier nach Hauß/ daß sie zum zweytenmal nicht wider dorfften kommen: Was vexiret jhr mich viel sagt er/ vmb ewer Gelt: Mein Gelt ist noch nicht kommen/ oder muß mir auff der Kurschen gestohlen seyn worden: Habt jhr sorge ich werde euch entlauffen/ oder darvon zie- hen vnd nicht bezahlen: Begehret jhr es/ ich wil euch fuͤr tausent Kronen Pfand geben.
Also narꝛet vnd betroge er jederman mit seinē Worten/ also daß er den Teuffel allzeit mit dem Schwantz zoge/ vnd lebete zu Hoff/ wie ein grosser Herꝛ: Allenthalben machte er Kundtschafft mit
K
jeni-
Beutelschneider/ oder
jenigen/ welche er wol sein lebenlang nicht mehr gesehen hatte/ vnnd die auch widerumb jhr leben- lang nichts von jm gewust/ oder gehoͤret hatten.
Er pflegte auch ein anders Schelmengrieff- lein zubrauchen/ die Kauffleut desto besser zu er- dappen/ vnd zu betriegen: Dann wann er sahe o- der wuste/ daß ein vornehmer Herꝛ jhm wolte ein Kleid machen lassen/ vnd Zeug darzu außnemen/ kame er demselbigen entgegen vnnd sagte zu jhm/ er hette einen Kauffmann an der Hand/ welcher die beste Waar in Paris hette/ gebe auch besseren kauff als alle andere. Wann nun der jenige/ den er also anredete/ sich mit der Nase durch diesen Landbetrieger liesse fuͤhren/ gieng Filander mit jhm in den ersten Laden den er antraffe/ gruͤsset den Kauffmann/ als wann er lange Zeit mit jhm we- re vmbgangen/ vnd als wann er jhn auch gar wol kennete: Mein Herꝛ/ sagte er zu jhm: Es ist nun ein gute Zeit/ daß wir vnns vntereinander ken- nen: Ich bitte euch jhr wollet mir zugefallen die- sen Herꝛn mit guter Waar versehen: Diesen grieff brauchte er einmal oder zwey/ oder drey: Er kam vnverschaͤmpter weiß in einen Laden hinein ohn Gelt/ vnd macht/ daß er von dem besten Zeug der im Laden ware/ gekleidet wurde: allein daher/ daß er vorgab/ er kennere den Herꝛn gar wol/ bey welchem der Zeug außgenommen wurde. Aber hernacher/ wann man hingienge/ wolte den Her- ren suchen/ vnd das Gelt holen/ da wolt sich kein Mensch nicht finden lassen: Aber den streich/ den ich euch jetzunder von jhm erzehlen wil/ ist gar zu
schlim
Diebs Historien/ das
I.
Buch.
schlim/ ja so schlim daß man es nicht aͤrger erden- cken koͤndte. Dieser Gasconier/ so schlimmer Bett- ler als er war/ so wol wuste er sich zu stellen vnd zu- verhalten/ daß er endlich zu einem Leutenant ge- setzet wurde uͤber den Zoll/ so inn einer gewissen Provintz inn Franckreich einfaͤlt/ vnnd solches Ampt versahe er auch in die zwey oder drey Jahr: Aber die jenige/ so den Zoll erlegen musten/ nach dem sie jhn wol hatten kennen lernen/ brachten so vil zuwegen/ daß er seines Ampts widerumb ent- setzet wurde/ vnnd kondte auch nit mehr darzu ge- langen So lang er aber an dem Ampt war/ war er gar ein grosser Herꝛ/ dann er hatte sein Diener vnd Laqueyen vmb sich: Er war ein grosser Herꝛ/ vnd bildet jhm ein/ es were bald keiner gut genug/ daß er jhm nur dienen solte: Er bezahlete seine Schuldleut/ so lang als er Gelt hatte/ er eroberte viel Gelts vnd Guts/ vnd stunden seine Sachen gar wol/ wann er sich nur nach also hette halten koͤnnen/ daß er hette bleiben moͤgen/ aber/ wie ich zu vor habe erzehlet/ so wurde er seines Ampts ent- setzet durch die jenige/ welche eben so wol/ als er/ Hirn im Kopff hatten.
Laͤnger an solchem Ort zubleiben/ vnnd gar nichts thun oder erwerben/ das wolte sich gar nit fuͤr Filandre schicken/ derhalben so zeucht er wi- derumb gen Paris/ vnd begibt sich widerumb auff das vorige Handwerck/ kehret ein bey den jenigen/ bey welchem er sich zuvor auffgehalten hatte/ fan- get eine Rechtfertigung an wider die jenige/ so jn vmb sein Ampt bracht hatten/ aber es war alles
K ij
vmb-
Beutelschneider/ oder
vmbsonst vnd verlohren: Dann alles was er fuͤr- bracht/ das war nit der importantz oder beschaf- fenheit/ daß er dardurch etwas hette erlangen moͤ- gen: Er suchete zwar die Voͤgel/ aber ein anderer hub vnter dessen das Nest auß: Geraͤth also wi- derumb in seine vorige Armuth: Seine Laqueyen vnd Diener/ die er zuvor vnterhalten hatte/ ver- lieꝛen sich
pedetentim
vnd fein allgemaͤchlich/ sie verlassen jhren Herꝛn/ als dessen Adel (ich verstehe aber seine Kleider) sich auch je laͤnger je mehr ver- schliesse vnd verdriesse. Vnnd da er nun mehr kein Gelt vnnd Huͤlff mehr wuste/ fienge er an bey naͤchtlicher weil die Leut anzugreiffen/ vnd sie jh- res Gelts zuentleichtern: Aber als er auff ein Zeit solches sein Handwerck wolte treiben/ vnnd ver- gessen hatte sein Meisterbrieff vnd Freyzettel auff der newen Bruͤcken zuholen/ wurde er
schaͤn dlich
uͤbel empfangen/ vnd vom Schaͤdel biß auff seine Fußsolen also zerschlagen/ daß er es selber nicht doͤrffte oder moͤchte laugnen: Dann er muste mehr Holtz auff seinem Leibe tragen/ als drey Esel seiner groͤsse nimmermehr hetten tragen koͤnnen/ dann er ware zugerichtet/ daß er zu thun hat/ daß er allgemach vnd mit guter weil widerumb kond- te nach Hauß bißweiln schnappen/ bißweiln krie- chen/ so außbuͤndig wol hatten sie jm sein Rucken/ vnnd gantzen Leib mit starcker Waldsalben ge- schmieret: Aber wie es die Wuͤrme machen/ daß sie sich gleichsam also zu reden widerumb zusam- men knuͤpffen vnd wie es die Schlangen machen daß wann sie schon von einander gehauen/ daß sie
die
Diebshistorien/ das
I.
Buch
die zerhawene stuͤcker widerumb zusammen vnnd an einander fuͤgen: Also thete er auch/ biß daß er endlich widerumb geheilet wurde: Vnnd als er nun widerumb zu kraͤfften kommen/ vnterfienge er sich ein Procurator zu werden/ vn̄ Rechtshaͤn- del zu fuͤhren/ funde sich auch alle Tag in dem Pa- lais bey allen Verhoͤrungen/ vnd kam so weit inn kurtzer Zeit/ daß man bald von niemands an- derst mehr sagte vnd hielte/ als von diesem P
r
ocu- rator.
Er wuste in sein Rechtssachen/ die er fuͤhrete/ gewaltige vmbschweiff zugebrauchen/ vnd solche außflucht zu suchen/ daß einer jhm sich dieselbige nimmermehr hette einbilden koͤnnen: Wann sich ein ander auff eine Rencke vnnd Practick en be- dachte/ so hatte er sie schon ins Werck gesetzet: Al- le die Bawersleute/ so vmb Paris herumb woh- neten/ kamen mit grossen hauffen in sein Hauß/ vnd begehreten/ daß er jhnen doch in jren Rechts- haͤndeln/ huͤlffe. Vnd also kame er zu kraͤfften/ vnd verstunde sich wol auff solchen Handel/ daß keiner kondte erꝛahten/ woher er solches hatte. Vnd was woͤllet jhr mehr? Manchmals gieng er inn der Rentmeister Haͤuser/ name sich an/ als wann er diese oder jene Commission vnnd Befeich hette/ vnd durch jhn wurden viel bezahlt/ welche sonsten jhr lebenlang nicht waren bezahlet worden: Aber darbey must jhr gleichwol das wol mercken/ daß er seiner nicht vergasse: Dann wann er etwas auß- theilet/ so gab er allzeit das e
r
ste vnd beste jhm sel- ber/ nach jenes naͤrꝛischen Meynung vnnd Auß-
K iij
spruch/
Beutelschneider/ oder
spruch/ welcher also gesagt:
Eligentis melior con- ditio,
der die Wahl hat/ kan ein ding allezeit bes- ser/ als ein ander haben. Aber ich kan mich deß La- chens nicht enthalten/ wann ich gedencke an den grewlichen artigen streich vnd bossen/ den er auff ein Zeit einem jungen vnbesunnenen Gesellen/ welcher zu jhm ware kommen/ etliche Characteres vnd Zaubereysachen von ihm zu lernen: (Dann er meinete nicht anderst/ dann Filandre were ein Zauberer) hat bewiesen: Dann als Filandre mer- cket/ daß der junge Gesell jhn vor einen Zauberer hielte/ ließ er jhn auff der Meynung/ vnnd fienge an jhn Augenscheinlich zu narꝛen: Sagte jhm/ daß in kurtzer Zeit alle Schwartzkuͤnstler vnd Zau- berer zu Paris/ von welcher Zahl er sagte/ daß er auch were/ wuͤrden zusammen kommen in der ge- gend bey Montmarte/ wuͤrdē auch allerley Kraͤu- ter mit sich bringen/ allerley Sachen vnd Salben machen/ vnd an dere ding mehr/ vnd durch dersel- bigen gemachten dinge mittel hetten sie hernach die Krafft/ daß sie sich in die Lufft erheben/ vnnd darinnen fliegen koͤndten/ ja daß sie zu grossem Reichthumb kaͤmen/ vnd vil andere wunderbarli- che Sachen außrichten/ ja koͤndten auch dardurch die Feldmaͤuse schlaffend machen.
Dieser junge Narꝛ glaubete das ding alle mit- einander/ gibt jhm zehen Pifloleten auff die Hand vnnd zuvorauß/ damit er ja solches alles moͤge se- hen lernen vnd erfahren/ vnd damit er solche Co- medien zusehen Gelts halben desto weniger abge- halten werden moͤge/ verkauffet er seinen Mantel
vnd
Diebshistorien/ das
I.
Buch.
vnd Kleider/ vnd wird darauff so bloß vnd nack et als deß Esopi Vogel.
Vnter dessen nimpt vnser ehrliche Mann Fi- landre das Gelt/ gehet in ein Wirthshauß/ vnd macht sich darvon luftig/ beffelt fuͤnff oder sechs Gesellen seiner Gattung/ welche auff ernannten Tag sich in der gegend Montmorte finden/ vnnd als der jenige/ der die gantze Gesellschafft muste frey halten vnd die Pfanne hernacher placken/ in die Kammer kom̄en/ da fiengen sie an Racketlein vnd allerley Fewerwerck zu werffen/ liessen etliche Geschuͤtz loß gehen/ dardurch der junge albere Ge- sell so erschreck et wurde/ daß er die Flucht name/ darauff sie jhm nachfolgeten/ vnd jhn mit guten Bruͤgeln so jaͤmmerlich vnnd so lang schmiessen/ biß daß er widerumb auß jhrem Quartier kam.
Filandre/ welcher noch nicht an bestimptem Ort ware ankommen/ vnnd diesen jungen albern Menschen mitten auff dem Weg antraffe/ vnnd sahe daß er so uͤbel zugerichtet war/ fraget jn war- umb er so were gebutzet worden/ vnd als er gehoͤ- ret/ wie alles were hergangen/ straffet er jhn ernst- lich darumb/ warffe jhm fuͤr seine forchtsamkeit/ vnd sagte zu jhm/ er muͤste sich nicht also foͤꝛchten/ vnd das am allermeisten zuverwundern/ wiewol er so uͤbel ware empfangen worden/ so hat er doch im Sinn/ er wolte widerumb zuruͤck mit gehen/ wann Filandre jn nur hette dahin begleiten woͤl- len: Da ich mich dann nicht gnugsam uͤber seine Thorheit kan verwundern/ vn̄ kan nichts anderst von solchem Menschen sagen/ als daß er an statt
K iiij
eines
Beutelschneider/ oder
eines Kopffs nur ein Toͤpffen auff der Achseln hat stehen gehabt/ daß er geglaubet/ was jhm solcher Landbetrieger harte gesaget/ der jhm das Maul also voll gegeben/ vnd den Kopff so voll hatte ge- plaudert: Aber das ware dieses albern Menschen Vngluͤck/ daß er sich so leichtlich liesse uͤberꝛeden: Gleichwol aber/ da er endlich sahe/ daß auf deß Fi- landre grosse verheissung nichts erfolgete/ so wol- te er sein Gelt widerumb von jm haben: Filandre der nit wuste/ wie er doch deß Narꝛen widerumb solte quit werden/ oder wie er jhn solte befridigen/ fuͤhrete jhn endlich auff den Grempelmarckt/ vnd kauffte jhm ein Mantel/ betroge den jenigen/ den er kandte vnd uͤberꝛedete jhn/ er wolte jhn deß er- sten Tags bezahlen.
Vnter dessen fuͤhrete er allzeit seine Rechtfer- tigung wider die jenige/ welche jhn auß dem Sat- tel gehoben/ vnd vmb seinen Dienst gebracht hat- ten/ er sahe/ daß er allenthalben Gelt aufferossete/ wiewol er es nimmeꝛmehr begeꝛte wider zugeben/ ware jedeꝛman mit seinem gewaͤsch uͤbeꝛlaͤstig/ biß daß er endlich die Carthaͤuser Muͤnch eben so wol als andere betroge.
Dann nach dem er nun offtermals inn jhrem Kloster ware gewesen/ vnd hatte sich als ein heili- ger andaͤchtiger Christ darinnen sehen lassen/ uͤ- berꝛedete er sie endlich/ er wolte auch ein Muͤnch werden/ Jedoch so gab er fuͤr Eh er den Muͤnchs- habit anzoge/ vnd gar ins Kloster hinein sich bege- be/ wolte er erstlich gern seine angefangene Recht- fertigung außfuͤhren/ welche auff die acht tausent
Fran-
Diebs Historien/ das
I.
Buch.
Francken antreffe: Dann wann er die Sach ge- winne/ so koͤndt er damit alle seine Schuldleute bezahlen/ vnd koͤndte auch noch etwas mit in das Kloster hinein bringen. Die gute Herꝛn vnd Pa- tres/ welche dem eusserlichen Augenschein nach- giengen/ fragten jn/ wo er her were/ wo er zur Her- berg lege/ vnd als sie solches erfuhren/ liessen sie sei- nen Wirth zu jhnen kommen/ liehen dem Filan- dre vier tausent Pfund/ doch also/ daß sein Wirt Buͤrg fuͤr jn wurde/ welches er dann auch gern thete. Dann er verhoffere Filandre wuͤrde seine vorgegebene Rechtfertigung gewinnen/ vnnd wuͤrde er also sein Gelt mit grossem nutzen wider- umb empfangen koͤnnen/ oder doch auff das we- nigste der geleisteren Buͤrgschafft ohn allen scha- den loß werden Aber es stunde nicht lang an/ daß sich der Wirth muste selber vercreutzigen vnd verwundern/ dz sein Gast Filandre ga
n
tz vnsicht- bar war worden: Dann Filandre begab sich von dannen gen Orleans/ Saumur vnd andere Oer- ter gab sich auß vor ein Kauffmann/ handelte ein Zeitlang vnd macht es wie viel andere/ welche an hundert Schilling vier Pfund/ vnnd an vier Pfund gar nicht gewinnen/ das ist/ welche drey- tzehen Schilling zum Gulden bringen. Endlich name er jm fuͤr wider gen Paris zu kommen/ vnd kauffete allerley Guͤlden/ vnnd Schuldbrieffe an sich mit der außgedruckten Condition daß er sol- che innerhalb sechs Monat solte vnd auch wolte richtig vnd vnverzuͤglich bezahlen/ oder solte der Contract vnd Kauff gantz nichtig vnd vnkraͤfftig seyn.
K v
Als
Beutelschneider/ oder
Als er nun mit solchen Schuldbrieffen sich wol versehen hatte/ kompt er wider gen Parts/ be- suchte sein alte bekanten/ vnd bringet so viel durch seine Practicken zu wegen/ daß er sich verheura- thet an eine junge Wittib/ so in der Gassen S. Anthome wohnet/ vnd bringet jhr zu an statt sei- ner Guͤter ein grossen hauffen vnd Sack voll sol- cher Papier/ nach dem Exempel der Normander welche manchmals zwantzig oder dreyssig Rechts- haͤndel jhren Toͤchtern zur Morgengab geben/ vnd meinen auch/ sie haben den jenigen/ so jhre Toͤch- ter zur Ehe nemen/ gewaltig vil mit gegeben: Aber endlich wurde all sein Betrug offenbar: Dann ei- nen Monat hernacher/ da man an die in den ver- meinten Schuldbrieffen gedachte oͤrter wolte vnd solte gehen/ vnd die Renten einfordern/ er aber fuͤr solcher Zeit sich mehr als fuͤr den Hundstagen forchtete/ machte er seinen Buͤndel/ gieng darvon vnd verliesse sein Weib vnd jhren Vatter/ welche daruͤber so bestuͤrtzet wurden/ als wann sie auß den Wolcken weren heraber gefallen: Dann sie mei- neten nicht anderst/ als daß der Gasconier ein vor- nemer vnd sehr reicher vom Adel were/ so statt- lich wuste er sich zu halten: Aber nach der Zeit hat man keine Zeitung mehꝛ von jhm gehabt/ als daß noch newlich man mir diese Person also ab- mahlete vnd sagte: Man haͤtte jhn am Galgen sehen hencken nah bey Lion/ vnd solches deßwegen/ dieweil er sich haͤtte vnderstanden eine Weibsper- son zu Nothzuͤchtigen/ vnd also kan man wol sa- gen/ daß gemeiniglich das Ende pflegt zu seyn/ wie
zuvor
Diebs Historien das
I.
Buch.
zuvor der Anfang ist gewesen/ vnd daß es also heis- se:
Qui venit ex nihilo, desinit in nihilum:
wer auß nichts herkommet/ der endet sich endlich auch in ein nichts.
Das
X.
Capitel.
Von den verdamblichen Thaten eines jun-
gen Herꝛn von Guienne genannt Alidor.
D
Ie Tugend allein ist der rechte Adel deß Menschen/ ja wie das Alter kompt von der Jugend/ also kompt nach auß- weisung dieser nachfolgender Figur/ der Adel von der Tugendt. So bald als ein Mensch sich den Suͤnden ergibet/ vnd denselbigen nachhen get/ kan man das in Warheit von jhm sagen/ daß er von seinem ersten vnd hoͤchsten Adel abschreytet: Dan̄ daß wir rund herausser sagen/ was die Warheit ist/ so macht alle der Adel/ den wir von vnsern El- tern vnd Voreltern haben/ so gar wenig vornem vnd Edel/ daß es viel besser were/ gar keine Ehr dem Nachkoͤm̄lingen zuerlangen/ als daß man sich wil bekleyden vnd zieren mit einem solchen vermeinten Adel/ der nicht vnser ist/ vnd der nur anders wo her ist entlehnet: Dann da heisset es/ wie der Poet saget:
--- Nam quæ nam fecimus ipsi,
Vix ea nostra, puto.
das ist/ was wir nicht selbsten außgericht vnnd ge- than haben/ das koͤnnen wir vns als das vnserige mit nichten zuschreiben.
Hier-
Beutelschneider/ oder
Hierauß werden wir sehen/ daß der jenige/ von welchem wir in diesem Capitel reden woͤllen/ auff zweyfache weiß von seinem Adel ist abgeschritten: Dann da er billich hette nachfolgen sollen den
davffern Thaten seiner Vorfahren/ vnnd in jhre loͤbliche Fußstapffen tretten/ hat er sich allen La- stern gantz vnd gar ergeben/ vnd hat gleichsam al- len Tugenden ein grosses Banckerott gespielet.
Guien-
Diebs Historien/ das
I.
Buch.
Guienne ist das Ort/ da dieser stoltze Alidor gebohren wurde/ vnd kan man das wol sagen/ daß Guienne in jhm das groͤste Wunderthier hat ge- habt/ welches jemals in der gantzen Provintz mag gewesen seyn: Dann wie jhr inn nachfolgendem Discurs werdet vernemen/ so ist kein Bubenstuͤck/ kein Vbelthat in der Welt/ das er nicht begangen habe.
Dieser grewliche Cyclopus war von einem ehꝛlichen voꝛnemen Geschlecht/ wann er nur auch hette der heilsamen Lehr vnnd Vermahnung sei- ner Eltern folgen woͤllen: Aber wie allzeit vnter den guten Pflantzen vnd Baͤumen/ sich auch ein vngeschlachter findet/ welcher auch wol die ander Frucht zutragen verhindert/ also gabe dieser Ali- dor auch von seiner Kindtheit vnd Jugend an/ durch sein boͤses verhalten zuverstehen/ daß er nie viel guter Fruͤchte bringen/ vnd seinen Geschlecht vil mehr schaden/ schimpff vnd spott/ als Ehr vnd Nutzen zuziehen wurde.
Er hatte viel Bruͤder vnd Schwester/ also daß hernacher das vermoͤgen seiner Eltern vnter vie- le muste außgetheilet werden/ wiewol dieser gern alles allein hette zu sich gezogen: Als nun die El- tern verstorben waren/ wurde die hinderlassene Erbschafft vnter sie außgetheilet: A
li
dor aber/ als der Elteste vnter den Kindern vnd Bruͤdern/ da er sahe/ daß so viel Guͤter/ die sein Vatter zuvor allein gehabt hatte/ also voneinander abgetheilet wurden/ also daß er nit mehr als die andere dar- von bekame/ wuͤnschte alle Augenblick/ daß doch
seine
Beutelschneider/ oder
seine Bruͤder sterben moͤchten: Aber als er sich in seiner hoffnung vnd wuͤnschen betrogen sahe/ na- me er jhm vor sich in den Krieg zubegeben/ auff daß er durch die vber alle massen grosse/ vnnd vor Gott gleichwol gantz vnvera
n
wortlich Freyheit/ so die Soldaten im Krieg haben/ desto leichtlicher vnd ohne alle Ergernuß mit anderer Leut schaden sich bereichen moͤchte. Welchem seinem vorne- mē er auch allzeit nachkame/ so lang als der Krieg werte Aber so bald als der Krieg ein Loch bekame/ vnd dem Volck abgedancket wurde/ muste ein jeg- licher widervmb nach Hauß ziehen/ welches dann Alidor auch thaͤt: Als er nun zu Hauß war/ ver- gienge etliche Monat/ daß er im geringstē nichts thaͤte/ das seiner Ehr vnd Reputation were ver- kleinerlich gewesen: Gleichwol aber weil er ein stoltzes boͤses vornemen in seinem Hertzen hatte sich hinfuͤro/ wie zuvor/ zu bereichen vnnd außzu- bringen/ vnnd solte es jhm darvber gehen/ wie es jmmer wolte/ so truge es sich zu/ daß ein Frantzoͤ- sischer Edelmann/ so nicht mehr als einen Knecht bey sich hatte/ vnnd alle beyde wol beritten waren/ garspatt nah bey seinem Losament ankame/ als er eben bey seinem Schloß auff vnnd ab spatziern gienge. Als nun der Edel mann Alidor erfihet vnd zu jhm kommet/ bittet er in freundlich/ er woͤlle jhm doch den Weg zeigen: Alidor gibt jhm zur antwort: Wann er weiter fort reiten wolte/ so wuͤrde er so bald kein Herberg antreffen koͤnnen/ da er koͤndte vber Nacht bleiben/ vnnd daß er sich auch gar leichtlich in dem Wald/ dardurch ernoch
muste
Diebs Historien/ das
I.
Buch.
muste reiten/ ehe er ein Herberg antreffe/ koͤndte verirꝛen: Bote jhm die Nachtherberg an/ vnd ba- te jhn sehr/ er solte uͤbeꝛ Nacht bey jhm bleiben: Der Edelmann thut sich etliche mal dienstfreundlich bedancken/ wegen deß freundlichen anerbietens/ jedoch aber/ als er sihet/ daß es so spat ist/ vnd Ali- dor jhn so instaͤndig bittet/ er solte bey jhm uͤber Nacht bleiben/ laͤst er sich weisen: Hierauff fuͤhret jhn der Alidor in sein Schloß/ laͤst deß Edelmans beyde Pferd in Stall ziehen/ vnd fuͤhret jhn in ei- ne Kammer/ biß vnter dessen das Abendessen fer- tig werde: Fangen an von allerley Sachen zu re- den/ sonderlich aber erzehlet der vom Adel/ wie er sich jetzund auff dem Weg begeben habe Italien/ Spanien vnd andere Laͤnder zubesehen/ weil ohne das in Franckreich so guter Fried vnd Ruhe sey/ erzehlet jhm auch weitlaͤufftig/ was er schon vor denckwuͤrdige Sachen gesehen habe: Vnd in dem sie alle miteinander reden/ wird vnter dessen das Abendessen angerichtet: Sie setzen sich miteinan- der zu Tisch/ vnd haben freundliche gute Gespraͤ- che miteinander/ vnd Alidor brauchet alle Mittel vnd Gelegenheit/ diesen seinen newen Gast lustig zumachen: Es wird hernacher widerumb auffge- hoben/ vnd der Edelman in ein Kammer gefuͤh- ret/ darinnen zu schlaffen/ vnd zu ruhen/ vnnd ge- het Aidor vnter dessen mit den seinigen auch zu Beth.
Als aber
nnn
Alidor allein ist/ sihe/ da dencket er/ wie er doch diesen Gast moͤge berauben/ vnd als er es uͤber vnd druͤber geworffen/ vn̄ bedacht hatte/
wie
Beutelschneider/ oder
wie er die Sache wolte vnd solte anfangen laͤst er so bald etliche seiner getrewesten Knecht (weiche aber gleichwol viel weniger als er selber dachten/ ja nicht eines Haars besser/ als jhr Herꝛ/ war) zu sich kommen/ zeiget jhnen an/ daß er haͤtte erfah- ren/ daß der Vatter dieses Edelmanns/ wer ein Vrsach gewesen an dem Todt seines Vatters/ welcher
anff
einer Reiß/ so er naher Paris haͤtte thun woͤllen/ gestorben were/ vnd daß desselbigen Sohn/ welches dieser von Adel were/ sich haͤtte vernemen lassen vnd geruͤhmet/ er wolte es jhm/ nemblich/ dem Alidor auch nicht besser machen/ wie auch seinen Bruͤdern/ wann er nur dieselbige antreffen koͤndte: Also daß er jhm deßwegen vor- genommen haͤtte/ weil er jhm selber so schoͤn ins Garn wer gelauffen/ wolte er sich seiner abthun/ jhn erwuͤrgen vnd jhm also vorkommen: Ver- hiesse auch solchen seinen Dieneꝛn vber viel andere dinge eine grosse summen Gelts/ wann sie seinen Vorschlag ins Werck setzen wolten.
Die Diener meinten/ es sey die pur lautere Warheit/ was jhr Herꝛ jhnen gesagt hatte/ vnd weil sie von einer solchen grossen summen Gelts hoͤren/ welche er jhnen verheissen/ setzen sie jhnen vor/ sie wollen den Edelmann deß morgens fruͤh in seiner Kammer hinrichten: Einer soll sich an- nemen/ als wann er jhm ein Liecht woͤlle bringen/ der soll jhm darauff jhres Herꝛn wegen einen gu- ten Morgen geben/ daß jhm das Hirn darvber wackele/ welches sie dann gar leich
t
lich ins Werck gerichtet. Dann als sie sich mit Delchen vn̄ Roh-
ren
Diebshistorien/ Das
I.
Buch.
ren wol verwahret/ gehen sie alle drey/ doch einer nach dem andern in die Kammer/ vnnd als der Edelmann jhnen einen guten Moꝛgen wil geben/ gaben sie jhm einen Schuß durch den Kopff hin- durch daß er so bald dahin faͤhret vnd stirbet.
Sein Knecht/ als er sihet/ daß sein Herꝛ todt auff der Erden liget/ lauffet dem Fenster zu/ vnd wil hinab in den Hof springen/ aber die zween an- dere halten jhn/ vnd geben jhm auch ein Schuß/ daß er auch so bald darvon stirbet.
Als nun Alidor weiß/ daß der Mord ist gesche- hen/ lest er sie werffen in einen Graben/ welcher in einem Wald nicht weit von seinem Garten wa- re/ vnd lest den Graben hernacher mit Erden wi- der zu werffen: Vnd als nun etliche Tag vergan- gen waren/ vnd niemands nichts von solchem be- gangenen Mord wuste oder redete/ schickte Alidor einen seiner Diener/ welcher den Mord begangen hatte/ in die nechste Statt/ die beyde Pferd deß hingerichten Edelman̄s zu verkauffen: Aber Gott der dessen begangenen Mord vngestraffet nicht lange zeit wolte hingehen lassen/ verhaͤnget vnd schicket es/ daß eben ein Laquey/ (der von deß Er- schlagenen Edelmanns Vatter ware außgeschi- cket worden) wegen etlicher Geschaͤfften/ durch diese Statt gehet/ auch zu allem Gluͤck eben in das Wirthshauß kommet/ da die jenige/ welche die Pferd fuͤhreten/ eingekehret waren.
Der Laquey kennet so bald die Pferd/ vnd sihet/ daß sie seines Junckern Pferd seyn: Jedoch nim̄t er sich im geringsten dessen nicht an/ sondern frage
L
wol
Beutelschneider/ oder
wol auß/ wem doch solche Pferd zustehen. Der Wirth erzehlet jhm so viel/ als er darvon weiß/ vnd was er darvon hielte: Hierauff gehet der La- quey zu der Obrigkeit deß Orts/ vnd zeiget an/ daß das seines Junckers Sohn Pferde seyen/ zeiget jhnen die Brieff seines Herꝛn/ vnd weiß nicht an- derst/ als daß die jenige/ die seine Pferd haben/ sei- nes Herꝛen Sohn auch muͤssen todt geschlagen haben: Bittet derhalben die Obrigkeit/ sie wollen nit allein die Pferd vest machen/ sondern auch die jenige/ so dazu gehoͤren/ gefaͤnglich einziehen/ auff daß man desto besser der Sachen grund erfahren moͤge: Darauff wird einer auß den jenigen/ so die Pferd dahin gefuͤhret hatten/ gefangen/ der ande- re aber macht sich auß dem Staub/ kompt wider auff das Schloß zu seinem Herꝛn/ vnd zeigt jhm solches alles an/ welcher so bald sich in seinem Schloß wol verwahret vnd verschantzet/ in mey- nung/ wann sie jhn je fangen wolten/ so solte es sie gar theuer ankommen: Vnter dessen aber wird der jenige/ der gefangen war woꝛden/ examiniret/ vnd weil man wol sahe/ auß den vnterschidlichen vnd vnbestaͤndigen antworten/ welche er gabe/ daß er deß Mords schuldig seyn muste/ schickte man den Obersten hin Alidor gefangen zunemen: Als nun der Oberste hin kam/ vnd Alidor den bescheid an- zeiget/ daß er sich solte gefangen geben/ gab er jhm diese Antwort/ daß wann er nicht mit gutem wil- len wolte von seinem Schloß abziehen/ so wolte er jhn wol mit gewalt darvon bringen: Als aber der Prevost an das Hauß mit aller Gewalt setzet/
schosse
Diebs Historien das
I.
Buch.
schosse Alidor mit den seinigen so starck herausser daß der Oberste mit den seinigen in aller eyl mu- ste abziehen vnd ablassen: Endlich aber als solchs alles deß Erschlagenen Vatter/ von seinem La- queyen erfuhre/ machte er sich auff den Weg mit vielem Volck/ in meynung sich wegen seines er- schlagenen Sohns/ an dem Alidor zu rechen: Welches als es Alidor auch erfuhr/ ware er nicht faul/ sondern bevestiget sein Schloß je laͤnger je mehr/ vnd name jhm auch vor/ er wolte sich nicht ehe auß dem Schloß/ sein Leben zu salviren/ bege- ben/ er hette dann jhrer etliche erleget/ vnnd mit dem Werck seinen vnerschrockenen Muht gegen seinen Feinden bezeuget: Endlich kommet der Herꝛ mit dem Obersten/ mit vielen von Adel/ als seinen guten Freunden/ vnd mit vielem anderem Volck/ als jhren Vnterthanen fuͤr das Schloß vnd Wohnung deß Alidors Man fanget an das Schloß zu stuͤrmen/ vnd dapffer hinein zuschies- sen/ aber nicht weniger geschicht auch von denen/ so darinnen waren/ die wehreten sich dapffer dar- innen: Man lieff zwar zum zweitenmal Sturm/ aber man kondte doch noch nichts gewinnen: Als aber Alidor sah/ dz man auch zum drittenmal sein Schloß stuͤrmen wolte/ da dachte er wol/ er wuͤrde sich in die laͤnge nicht mehr auffhalten koͤnnen/ sondern endlich gefangen werden/ berathschlagete sich derhalben mit einem seinen getreuestē Knech- te/ daß er jhm seine Pferd solte fertig machen/ vnd deß Abends bey die Pforten deß Gartens fuͤhren/ ob er also darvon kommen moͤchte: Hierauff sackt
L ij
vnd
Beutelschneider/ oder
vnd packte sich Alidor/ nimpt all sein Gold vnd Silber/ vnd was er von Gelt hatte bey sich/ macht sich deß Nachts darvon mit vier seiner Knechten/ welche wol beritten warē/ vnd das gienge so heim- lich zu/ daß es weder die jenige/ so im Schloß/ noch auch die jenigen/ so draussen vor dem Schloß wa- ren gewahr wurden: Ritten hierauff Tag vnd Nacht/ biß daß sie endlich in einen starcken finste- ren Wald kamen/ vnd sich darinnen salvireten: Vnd als sie an solchem Ort waren/ vnd sonst kein Mittel hatten/ sich zu ernehren/ fiengen sie an widerumb schroͤcklichen zu rauben vnd zu mor- den/ vnter andern aber kam jhnen auch in jhre moͤrderische Haͤnde ein vornemer reicher Kauff- mann/ welche/ als sie jhn je zu ermorden wolten/ vnd vngefehr sahe ein Hauffen Kraͤhen voruͤber fliegen/ da er dann also anfienge zu schreyen vnd zu sagen: O jhr Kraͤhen/ ich ruffe euch zu Zeugen an/ rechet mich an diesen Moͤrdern/ welche mir mein Leben allhie nemen.
Diese boͤse Buben kondten vnd wolten nicht darmit zu frieden seyn/ daß sie alles/ was sie bey diesem Kauffmann funden/ jhm abnamen/ son- dern sie schlugen jhn auch noch uͤber das so bald todt. Etliche Tag aber hernach wurden jhrer zwen in ein Flecken geschickt/ allda etwas zu kauffen: Als sie aber in einer Herberg an demselbigen Ort einen Trunck miteinander theten/ sihe/ da kame geflogen ein hauffen Kraͤhen/ welche sich auff die spitzen deß Hauses setzten/ vnd anfiengen zu krach- tzen: Welches als es die beyden Moͤrder hoͤreten/
vnd
Diebs Historien/ das
I.
Buch.
vnd sahen/ fiengen sie miteinander an zu lachen/ vnd einer zu dem andern also zu sagen: O/ ho/ Ge- sell/ sihe da die Zeugen/ welche den Todt deß jeni- gen/ den wir die Tag uͤber hingerichtet haben/ re- chen sollen.
Der Haußknecht hoͤrete dieses Lachen vnnd Gespraͤch der zween Gaͤste/ vnd zeigete es seinem Herꝛn an/ welcher so bald hingienge zu der Obrig- keit in dem Flecken/ vnd als er solches angezeiget/ schicket die Obrigkeit so bald jhre Diener hin/ wel- che diese zween Gesellen grieffen vnnd gefangen fuͤhreten. Vnd als man sie hernacher examinirte/ vnd auff die Folter ein wenig spannete/ bekandten sie so viel/ daß sie darauff zum Todt verurtheilet/ vnd so bald hingerichtet wurden. Man vermeine- te zwar/ man wuͤrde die andere jhre Mitgesellen auch erdappen/ aber sie hatten sich so bald/ als sie solche Londen gerochen/ auß dem Staub ge- macht.
Alidor begabe sich hierauff in einen andern Wald/ so nah bey Lion ist/ da dann viel andere Rauber vnd Moͤrder (weil sie so viel von jhm ge- hoͤret hatten) sich zu jhm begaben/ vnd da erdach- ten sie tausenterley Bubenstuͤck/ wie sie die vor- uͤbergehende desto fuͤglicher berauben moͤchten: Vnter andern ware einer in jhrer Gesellschafft/ ein junger Gesell vngefaͤhr zwantzig oder mehr Jahr alt/ der pflegte sich vor einem Stum̄en auß- zu geben/ truge ein Gloͤcklein in der Hand/ vnd in dem er sich anname/ als zoͤge er von einem Ort zum andern/ das Brot zu betteln/ sahe er vnter
L iij
dessen
Beutelschneider/ oder
dessen alles auß/ wo Gelegenheit zu rauben vnd zu stelen vorfiele/ vnd dienete also seinen Mordge- sellen zu einem Merckzeichen: Dan̄ auff diese wei- se erfuhren sie/ ob der jenigen/ so voruͤber reiseten/ wenig oder viel weren/ vnd also begiengen sie viel Mord vnd Todtschlaͤg. Gott aber straffete auch endlich solche schroͤckliche Vbelthaten. Dann der Gottlose vermeinte Stumm/ wurde endlich er- haschet vnd gefangen/ vnd lebendig geradbrechet da er dann in seiner Marter/ da man jm die Bein radbrechet/ wie ein grimmiger Ochs bruͤllete: Aber die uͤbrige andere/ waren so verstocket in jh- ren Hertzen/ daß sie durch deß vermeinten hinge- richten Stummen schroͤcklich Marter wenig vr- sach namen sich zu bessern/ sondern fuhren nichts dests weniger fort in jhrem Moͤrderischen vnnd verdamblichen Leben.
Als auff ein Zeit Alidor uͤberzwerch durch ei- nen Wald gienge/ traff er an einen Laqueyen/ ließ sich mit jhm in Gespraͤch an/ vnnd erfuhre nicht allein von jhm/ daß er im aller nechsten Schloß daselbst herumb wohnete/ sondern daß auch deß- mals die Edelfrau deß Schlosses daheim wa- re/ vnd wenig Leute bey sich hatte: Darauff name er zwoͤlff oder dreyzehen seiner Raubgesellen zu Pferd mit sich/ kame ins Schloß hinein/ vnd be- gerete/ die Edelfrau solte doch ein wenig zu jhm kommen/ dann er hette etwas mit jhr zu reden: Als jhn nun die Edelfrau sahe/ meinte sie es were ein vornemer Herꝛ oder Capitain/ hiesse jhn will- kom̄en seyn: Er aber name sich an/ er hette jhren
Jun-
Diebs Historien/ das
I.
Buch.
Junckern gesehen/ vnd wuͤrde bald kommen/ vnd hielt sie also mit Gespraͤchen lange Zeit auff: Die Edelfrau aber bittet jhn/ er woͤlle absteigen/ in jh- ren Saal gehen/ vnd ein wenig ruhen/ welches er dann so bald thaͤte: Vnd als er mit zween seiner Gesellen ware hinein gegangen/ winckete er sei- nem andern Gesellen sie solten die Thuͤr deß Lo- saments/ darinnen die Edelfrau mit einer jhrer Tochter/ so vngefehr sechtzehen oder siebenzehen Jahr alt ware/ zu machen: Hierauff nohtzuͤchtig- ten sie Mutter vnd Tochter/ wie sehꝛ sie darvoꝛ ba- ten/ vnd schroͤcklich zu schreyen anfiengē: Ja nach solcher begangenen Schand zwangen sie noch die Mutter/ daß sie jhnen alle jhr Haab/ Silberge- schirꝛ vnd Gelt muste zeigen/ welches alles sie mit sich namen/ vnd nach dem sie nicht allein solche Schand mit Mutter vnd Tochter begangen/ son- dern auch den Thuͤrhuͤter im Schloß tod geschla- gen hatten/ satzten sie Mutter vnd Tochter hinder sich auff jhre Pferd/ fuͤhreten sie hinweg in jhren Wald/ da sie sich mit einander auffhielten/ vn̄ als sie alle mit einander/ vnd einer nach dem andern jhre verdambliche Vnzucht mit Mutter vnnd Tochter gnugsam getrieben hatten/ fuͤhreten jh- rer drey oder vier sie widerumb deß Nachts nah bey jhr Schloß/ da man sie dann alle beyde deß Morgens Todt funde.
Als nun der Juncker deß Schlosses/ solche hertztraurige Zeitung von seinem lieben Weib vnd Tochter erfuhre/ wurde er daruͤber so betruͤ- bet/ daß man mein ete/ er wuͤrde vor Hertzenleyd
L iiii
vnd
Beutelschneider/ oder
vnd Bekuͤmmernuß sterben/ Doch raffete er sich widerumb auff/ name jhm ein Hertz/ vnd setzet jm vor/ er wolte die zugefuͤgte Schand vnd Todt sei- nes Weibes vnd Tochter rechen/ vnd solte es auch kosten/ Gut vnd Blut/ vnd was es jmmer mehr wolte: Kehrete darauff wider nach Hauß/ versetz- te vnd verpfaͤndet das meiste Theils seiner Guͤ- ter/ vnd nach dem er sich mit Vorꝛath wol verse- hen hatte/ begibet er sich auff den Weg mit zwan- tzig oder dreyssig wol berittenen Personen/ vnd nach dem er nach langem vmbfragen den Ort/ da sich solche Dieb vnd Schelmen hielten/ erfraget vnd angetroffen/ laͤst er jhn gantz vmbgeben/ vnd uͤberfaͤllt sie gantz vnversehener vnd vnverhoffter weise: Als nun solche Moͤrder sehen/ daß sie/ gleich- sam also zu reden/ dem Hencker schon vnter den Haͤnden seyn/ da thun sie eines/ doch viel mehr auß Verzweiffelung als auß Dapfferkeit/ ruͤsten vnd setzen sich zu Pferd/ wagen sich mitten vnter sie/ vn̄ nach dem sie jhren Ort lang gnug verthei- diget/ aber ferꝛners zu veꝛtheidigen zu schwach sich befinden/ salvirn sich etliche mit der Flucht/ vnd so gut als sie koͤnnen/ was aber die uͤbrigen anlan- get/ wurden jhre etliche auff der Wahlstadt todt geschlagen/ etliche aber gefangen/ vnd hernacher geradbrechet/ wie sie dann wol verdienet hatten.
Etliche Zeit hernacher/ begibt sich Alidor wider vmb die Statt Paris herumber/ vnd als es auff ein Zeit gar spat war/ vnd er mit seinen Gesellen wolte eine Nachtherberge suchen/ trifft er an ein schoͤne junge Burgersfrau/ welche widerumb
von
Diebs Historien/ das
I.
Buch.
von dem Feld/ da sie ein Hauß hatte/ in die Statt wolte gehen/ wandert mit derselbigen fort/ vnnd als er sihet/ daß er gar allein bey jhr ist/ vnd nie- mands mehr weder vor jhnen gehet/ noch hinden hernach folget/ auch uͤber das er nah bey Mont- marte ist/ vnterstehet er sich dieselbige zu Noth- zuͤchtigen/ vnd damit sie seines Willens desto eher gelebe/ so setzet er jhr die Pistol an die Gurgel: Sie aber/ dieweil sie sihet/ daß sie kein huͤlff nicht kan haben/ stellet sich/ als wann sie seines Willens wolle geleben/ doch bittet sie jhn/ er woͤlle sie doch an einen heimlichen Ort fuͤhren/ auff daß ja nie- mands darzu komme/ welches er dann thut/ steigt ab von seinem Pferd/ vnd in dem er sie bey den Ar- men fuͤhret/ vnd sich gar freundlich bey jhr ma- chet/ kommen sie vnter dessen zu einer rieffen Steingruben/ da man Stein b
r
ache: Da sihet die junge Frau jhren Vortheil auß/ vnnd als er sichs am wenigsten versihet/ stoͤsset sie jhn in die tieffe Steinkauten hinein/ daß er daruͤber ein Bein bricht/ kan auch nit wider herauß kom- men/ biß so lang/ daß die Obrigkeit/ welcher sie es darauff geklaget/ kommet/ jhn herauß zeucht/ vnd
nach dem er examiniret worden vnd alles be- kandt/ jhn laͤst zu wolverdienter Straff lebendig Radbrechen vnd hinrichten.
L v
Das
Beutelschneider/ oder
Das
XI.
Capitel.
Von den Bubenstuͤcken eines Raubers/
genannt la Fleur/ vnd wie er eine son- derliche Manier gebraucht die Leute zuberauben.
J
Ener Alte hat sein lebenlang kein wa- rer Wort gesagt/ als da er lehret: Die Be- gierd zu haben/ vnd der Geitz sey ein Vr- sprung vnd Wurtzel alles Vngluͤcks/ so inn der Welt vorgehe: Dann wann wir bedencken alles das Vngluͤck/ welches von diesem Laster/ als von einer Wurtzel herkommet/ ja wann wir betrach- ten die vnterschiedlich Vngemach vnnd Vngele- genheiten/ welche diese boͤse Begierd selber in dem Gemuͤth der Menschen hat vervrsachet/ so wuͤrde da keiner seyn/ der nicht selber wird bekennen vnnd sagen muͤssen: Daß eben der Ehrgeitz vnnd Gelt- geitz/ welcher vns beweget nach Reichthumb zu- trachten/ vns eben dardurch in Vngluͤck stuͤrtzet/ vnd vnns durch sein verblendung gantz Viehisch machet/ also daß wir darnach nicht widerumb zu- recht kommen koͤnnen.
La Fleur/ du koͤndtest noch wol ein Zeitlang jetzunder das Leben/ das das koͤstliche Ding in der Welt ist/ haben vnd dein Nam/ den du anfiengest erstlich so weit außzubreyten/ were nimmermehr so schaͤndlich verdunckelt worden/ durch die boß- heit deines Lebens/ wann du nicht an diesem La- ster im Spital hettest kranck gelegen: Aber der
schaͤd-
Diebs Historien/ das
I.
Buch.
schaͤdliche Durst/ welchen du nach diesem garsti- gen Metall hattest/ vnd welcher die Leut inn der Welt zu Narꝛen machet/ ist Vrsach/ daß du dei- nen boͤsen Begierden den Zaum schiessen lassen/ vnd daß du dich endlich selber in Schand vnnd Vngluͤck hast gestuͤrtzet.
La Fleur war einer vnter den vornemsten Beu- telschneidern in Paris/ vnd kan bald nicht alles erzehlet werden/ was er inn seinem gantzen Leben fuͤr boͤses hat außgerichtet/ vnd zwar solches alles vnter dem schein der Gottseligkeit vnnd Froͤm- migkeit: Dann er wuste sich uͤber alle massen freundlich/ vnnd hoͤfflich gegen jederman zuerzei- gen: Allezeit fande man jhn in der Kirchen/ vnnd sahe jhn/ wiewol auß lauter Heucheley/ sein Gebet verꝛichten: Aber gemeiniglich/ wann man hette meynen sollen/ er were am andaͤchtigsten vnnd gleichsamb vor Andacht entzucket/ machte er sich vnter die Weiber vnd fegte jhnen die Beutel: Ja wil euch in diesem Capitel nur etliche/ vnd zwar zwey oder drey seiner vornembsten vnd besten Bu- benstuͤck erzehlen: Dann auß denselbigen werdet jhr darnach selber sehen koͤnnen/ was er vor ein er- barer Gesell mag gewesen seyn.
Als er nun mehr die siebentzehen Jahr erꝛeichet hatte/ begabe er sich muthwilliger weise vnter ei- nen hauffen Freybeuter/ welche sich einmal in dem Wald de Compiegne/ ein andermal in dem Wald Senlis pflegten auffzuhalten/ vnnd trieben viel Dieb vnd Mordstuͤcke an solchen oͤrtern/ aber ich wil euch jetzt nur ein Bubenstuͤck vnnd zwar das vornembste erzehlen.
Als
Beutelschneider/ oder
Als dieser La Fleur noch ein schoͤner Jung wa- re/ vnd kein Bart hatte/ kleidet er sich wie eine Jungfrau/ vnd weil er gar wol wuste/ daß ein ge- wisser Kauffmann von Paris auß Niderland wi- der war kommen/ auch nothwendig da voruͤber reissen muste (welches alles dann er von zween Burgern von Compiegne gehoͤret hatte) begibt er sich mit seinen Mitgesellen in solchen Wald/ in Hoffnung gar bald eine gute Beut zu erwischen: Warten auch in der gegend de Verbene zween gantzer Tage auff den Raub: Vnd da nun der Kauffmann daher kompt/ so setzet sich la Fleur/ der sich schon wie ein Jungfrau verkleidet hatte/ auff den Weg/ fanget an jaͤmmerlich zu heulen vnd zu schreyen/ klaget bald Himmel vnd Erden an/ daß sie gleichsam zu seinem Vngluͤck vnd Ver- derben zusammen geschworen haben/ sagt: Ihr Bruder habe sie verlassen/ vnd sey von jhr hin- weg gezogen/ vnd wiewol sie jhn so hertzlich ange- ruffen vnd gebetten habe/ habe er sie doch nit mehr hoͤren woͤllen.
Der Kauffmann/ der noch ein junger frischer Mann ware/ als er dieser vermeinten Weibsper- sonen schoͤnheit ansihet/ vnd dencket/ das sey ein guts frisches Wildpret vor jhn/ steigt von seinem Pferd heraber/ fragt was jhr mangel/ vnd was sie fuͤr eine Bekuͤmmernuß auff dem Hertzen habe.
La Fleur/ (der sich so wol als ein Weibsperson in Worten/ Wercken vnd Geberden wuste zu- stellen/ daß man im geringsten nichts anderst hett
dencken
Diebshistorien/ das
I.
Buch.
dencken koͤnnen) erzehlet dem Kauffmann gantz weitlaͤufftig/ all jhr Vngluͤck vnd Vngemach/ (doch daß er die Masque vnd Larve vom Ange- sicht nicht abthete) saget jhm/ sie sey von Paris/ vnd daß einer vom Adel (so sie vor dreyen Tagen habe in Picardien hinweg gefuͤhret/ seine Eltern zubesuchen) sey von jhr hinweg gezogen/ vnd koͤn- ne sie nicht wissen noch erfahren/ wo er jmmer- mehr sey hin kommen: Derhalben so sitze sie nun da/ beschreye jhr Vngluͤck/ vnd beweine jhr Elend.
Der Kauffmann hoͤret dieses Gespraͤch an/ vnd bildet jhm nicht anderst eyn/ als es muͤß alles wahr seyn/ was die vermeinte Jungfrau jhm er- zehlet: Setzet sich gar zu jhr/ vnd fanget an einen Appetit zubekommen.
La Fleur wegert sich dessen nicht zu sehr/ doch weiß er nach Art der Hofffrauen vnd Jungfrau- en sich gar fein zu klagen/ vnnd solche Gespraͤch mit jhm zutreiben/ daß er dardurch noch ein groͤs- sere Liebe vnd Begierde in deß Kauffmanns Her- tze erwecket.
Ach lieber Gott/ sagte zu jhme diese Jungfrau vnd Blindschleiche: Mein Herꝛ/ was wollet jhꝛ mir doch thun jhr werdet mir wehe thun ich bin noch eine Jungfrau/ O lieber GOtt/ was wird mein Vatter sagen/ wann er das solte erfahren? O wie bin ich doch so gar zu einer vngluͤckseligen Stunde außgegangen: Mein Herꝛ/ ich laß es euch nicht/ daß jhr mich anruͤhret: Es ist mir an mei- ner Ehr mehr/ als an meinem Leben gelegen.
Als sie aber nun dises Gespraͤch treiben/ sihe da
kompt
Beutelschneider/ oder
kompt einer daher von Compiegne/ welcher auch voruͤber wil reisen/ ein wackerer frischer Gesell/ der sonsten mehr in dergleichen truͤben Wasser sich gebadet hatte: Vnd als er sihet/ daß der Kauff- mann so freundlich mit dieser schoͤnen Jungfra- wen vmbgehet/ dencket er/ er wollt sein Theil auch darvon haben: Als aber la Fleur jn sihet/ so schreyt er als eine vermeinte Jungfrau jaͤmmerlich/ daß sie so huͤlffloß sey: Vnd wann der Himmel selber sich jhrer nicht anneme/ so sey es vmb sie schon ge- schehen. Diese beyde aber sprechen/ sie solle doch zu frieden seyn/ sie woͤllen jhr ja kein leyd nicht zufuͤ- gen/ schweigen sie mit guten vnd freundlichen worten/ vnd weil sie gleichwol alle beyde gern woͤl- len. jhr boͤses vornemen erfuͤllen/ vnd mit jhꝛ sol- che Schand begehen/ fuͤhren sie sie vnter den Ar- men/ vnd geleyten sie also biß zum Eingang deß Waldes.
Als nun la Fleur sihet/ daß es Zeit ist sein Spiel anzufangen/ sagt er als eine vermeinte Jungfrau also: Weil dann das Vngluͤck sie also habe getroffen/ daß sie in diese vngelegenheit kom- me/ so solten sie doch ein wenig weiter mit jhr in den Wald gehen/ auff daß es ja niemands moͤch- te sehen: Seufftzet vnd schreyet vnter dessen hertz- lich/ wuͤnschet jhr tausentmal den Todt/ vnd thut/ als wann sie sehr darumb bekuͤmmert sey/ daß sie solche vngluͤckselige Stunde zu jhrer Außfahre habe angetroffen.
Der jenige von Compiegne/ welcher am hitzi-
g
isten vor der Stirn ware/ machte sich am ersten
her-
Diebshistorien/ das
I.
Buch.
herbey: Der Kauffmann aber hatte nicht sehꝛ vnd mehr grossen Lusten weiters in den dicken vnd fin- steren Wald hinein zugehen/ dann es wolte jhm nichts gutes schon traumen. Gleichwol aber wie sonsten ein Wasserquelle die andere treibet vnd fort stoͤsset: Wie es auch sonsten in der Welt her- gehet/ daß der meiste Theil der Menschen sich nach Exempeln reguliret vnd regieret/ vnd dem boͤsen nachhanget: Also folget der Kauffmann dem je- nigen von Compiegne: Als sie aber nun mitten in einem finstern Wald seyn vnd meynen/ sie woͤllen jetzund der Liebe pflegen/ vnd jr voꝛnemen erfuͤllē/ sihe da zeucht la Fleur vnter seinem Rock ein Pi- stol herfuͤr/ vnd erscheust den Kauffmann auff der statt: Ja es ist der Schuß noch nicht recht also zu reden geschehen sihe so ist der andere von Compie- gne von vier grossen Schelmen vmbgeben/ welche mit Dolchen also auff jn zustechen/ daß er auch so bald todt auff die Erden niderfaͤlt/ Hierauff fan- gen sie nun mit einander an die zween ermordete zubesuchen/ vnd bekommen bey jhnen sampt den zweyen Pferden auff die drey hundert Kronen. Als sie aber den Raub vnter sich theilen woͤllen/ werden sie vntereinander vneinig/ Dann weil la Fleur die vornembste Person in solcher
Tragœ-
dien vnd Spiel war gewesen/ vnd verursachet hat- te/ daß die zween erschlagene jhnen in die Haͤnde kommen waren/ wolte er ein Pferd vnd hundert Kronen darzu haben/ die andere aber wolten das nicht eingehen/ kamen darauff mit woꝛten so hart zusam̄en/ daß endlich drey wider die andere zween
waren/
Beutelschneider/ oder
waren/ vnd fiengen sich an zu rauffen vnnd zu schlagen/ vnter dem Creutz Sainet Oien/ wel- ches ein kleiner Flecken ist/ vngefehr zwo Me
y
len von Compiegne ligend: La Fleur/ welcher ein gu- ter Fechter war/ sticht den einen durch vnd durch/ vnd nach dem er den andern auch toͤdtlich ver- wundet hatte/ setzet er sich auff eines der geraube- ten Pferde/ vnd begibet sich allein nach Paris.
So bald als er nun nach Paris ist kommen/ be- gibet er sich zu den Beutelschneidern/ handelt vnd wandelt mit jhnen/ besihet jhre Gesetz vnd Poli- cey/ vnd machet sonderliche Commentarios vom rauben vnd stelen/ kommet einer frisch zu Paris an/ so gesellet er sich zu jhm vnd sihet/ daß er jhn bey dem Seckel erhaschet/ ja es vergehet kein Tag/ daß er nicht einen/ oder den andern redlich dar- setzet.
Vnter vielen andern aber erzehlet man von jhm/ gar ein artigen streich: Dann als er auff ein Zeit verstanden hatte/ daß etliche junge Advoca- ten wolten in dem Wirthshauß/ genandt zum Fichtenapffel/ zu Mittag essen/ vnd sich ein wenig erlustiren/ gehet er geschwind von dem Palois (welches ist der Koͤnigliche Hof zu Pariß/ da sich die Advocaten finden) lauffet Spornstreich zum Wirthshause zu/ vnd bittet den Wirth/ er wolte doch geschwind ein gutes Mittagmahl fuͤr zehen oder zwoͤlff Personen anstellen/ welche so bald zu jhm kommen werden/ vnd thut la Fleur als wann er selber von den Advocaten sey abgefertiget wor- den/ die Mittagmalzeit vor sie wol zubestellen.
Als
Diebs Historien/ das
I.
Buch.
Als nun die Advocaten in das Wirthshauß hinein kommen/ stellet sich la Fleur/ als wann er der Haußknecht sey/ vnd wie der Wirth meinte la Fleur gehoͤrete zu den Advocaten/ vnd were mit jhnen bekandt/ weil er das Mittagmahl fuͤr sie be- stellet hatte? Also meineten hinwiderumb die Ad- vocaten/ la Fleur were wol mit dem Wirth be- kandt/ dieweil er jnen so fleissig auffwarte/ mit Es- sen aufftragen vnd einschencken: Aber sie kondten auff beyden seyten nicht mercken oder schmecken/ was la Fleur im Schild fuͤhrete: Dan̄ als sie sich nun zu Tisch nider gesetzet hatten/ sie assen/ tran- cken vn̄ machten sich lustig/ da thut la Fleur eins/ suchet die beste Taffete Maͤntel der Advocaten/ welche er in der eyle kondte außlesen vnd macht sich mit denselbigen darvon: Als nun das Mit- tagmahl bald g
e
endet ware/ mercket man/ daß es nicht recht muste zugehen/ oder etwas darhinder stecken/ weil der vermeinte Haußknecht nit mehr sich sehen liesse: Sie fragen/ wo jhre Maͤntel seyn/ wer sie hinweg getragen habe? Aber da ist nie- mands der etwas darvon wil wissen. Die Leut im Hause erschrecken daruͤber/ wissen nicht was sie darzu sagen sollen. Doch da sie sehen/ daß der je- nige/ so das Mittagmahl bestellet hatte/ muͤste die Maͤntel hinweg genommen haben/ lauffet man jhm nach/ ob man jn vielleicht noch an einem oder dem andern Ort moͤge erdappen: Aber er ware schon auff dem Grempelmarck/ vnnd wolte die Maͤntel verkauffen/ auff daß er sich hernacher auch von solchem auß den Maͤnteln erloͤseten Gelt
M
moͤchte
Beutelschneider/ oder
moͤchte lustig machen. Als
fie
nun auff den Grem- pelmarck kommen/ da erdappen sie jhn inn dem Hauß eines solchen Grempelkraͤmers/ welcher al- lerley Kleyder verkauffte/ vnnd dergleichen Gesel- len/ Rauber vnd Beutelschneider bey sich inn sei- nem Hauß pflegte auffzuhalten/ vnnd zu Herber- gen. Als man jn aber nun wil auffs Chastelet vnd in das Diebsgefaͤngnuß fuͤhren/ vnd solches seiner Gesellen drey jnnen werden/ da kamen sie jhnen entgegen/ fiengen ein vnversehene schlaͤgerey an/ thun als woͤllen sie sich vntereinander erstechen/ vnd erhawen woͤllen/ darauff laufft das Volck zu- sammen: Seine Gesellen aber machen dardurch/ daß la Fleur/ den jenigen/ so jhn gefangen wolten fuͤhren/ in solchem Tumult vnd Auffruhr auß den Haͤnden entwischet/ vnd darvon kommet.
Als nun dieses schwere Gewitter voruͤber wa- re/ suchet la Fleur allerley Buͤrschlein seiner Haar vnd Natur zusammen/ begibt sich auß Paris gen Sainct Clou/ vnd gehet in die erste Herberg/ so er antrifft/ vnd als er in die Heꝛberg hinein kommet/ begehret er/ man soll jhn doch inn eine Kammer weisen: Die Wirthin im Hauß/ welche meinet/ es sein ehrliche Leute/ weiset sie oben auff in eine Kam- mer/ vnd als sie sehen/ daß die Wirthin im Hauß gar allein ist/ namen sie jhnen vor/ sie wollen die Wirthin nothzuͤchtigen/ wollen es auch je zu inn das Werck setzen/ aber der Wirth kommet daruͤber widerumb heimb: Derhalben solches offentlich al- so vorzunemen/ wolte sich nicht schicken/ dieweil sie darnach sich selber in grosse Gefahr gestuͤrtzet/
hetten
Diebs Historien/ das
I.
Buch.
hetten/ namen jhnen deßwegen fuͤr/ sie woͤllen auff eine andere vnd bequemere Zeit warten.
Vmb die Mitternacht/ da sie wusten/ daß jnen die Finsternuß zu jhren Suͤnden am bequemlich- sten ware/ nimpt sich einer vnter jhnen an/ als sey er gar gefaͤhrlich Kranck/ wecket hierauff den Wirth vnd Wirthin im Hauß auff: Aber zu al- lem Gluͤck oder Vngluͤck sihet der Wirth/ da er auß seinen Beth wil auffstehen/ einen seiner Nach- barn in seine Kammer/ wird daruͤber so eyfferig/ daß er jhm nachlauffet/ ob er jhn moͤge erdappen. In dem aber der Wirth dem jenigen nachlauffet/ so begehn die andere jre Schand mit der Wirthin/ welche selber inn die Kammer/ da sie lagen/ ohne Liecht war kommen. Vnd kan man darauß sehen/ daß an der Wirthin selber auch nicht viel guts ist gewesen. Als aber der Wirth wider heim kompt/ vnd sein Weib nicht im Beth findet/ gehet er oben auff ins Hauß/ vnd weil er wol mercket/ daß sie in der Kammer bey den Gaͤsten sein muͤsse/ wird er so eyfferig daruͤber/ daß er sie wil vmbbringen: Darauff wird sie aber hergegen so meineydig an jhrem Mann/ daß sie jhn durch einen auß diesen Raubern laͤst todt schlagen/ vnd dencket/ sie wolle wol sehen/ wie solches verduschet moͤge werden. Was thut aber vnter dessen la Fleur? Er thut nicht als wann er das Sviel verstehe/ vnd weil er wol wuste/ daß Gelt im Wirthshauß ware/ setzet er der Wirthin ein Pistol an die Gurgel/ vnd sa- get zu jhr: Wann sie jhm nicht so bald alle das
M ij
Gelt
Beutelschneider/ oder
Gelt/ so im Hauß were/ gebe/ so sey es vmb jhr Le- ben geschehen? Wiewol nun anfaͤnglich die Wir- thin sich etwas wegern wolte/ so war es doch vmb sonst/ dann von dem ersten streich/ den er jhr gab/ fiel sie selber zu Boden: Hierauff gibts ein groß geschrey im Hauß/ die Nachbarschafft wirds ge- wahr vnd macht sich auff/ welches/ als es die Rau- ber hoͤren/ woͤllen sie sich mit der Flucht salviren/ aber die Magd im Hauß verwahret Hauß/ Ste- gen vnd alles so wol/ daß sie nicht darauß kom- men koͤnnen. Zu allem Vngluͤck aber waren alle Fenster mit Eysseren Gegittern/ so wol verwah- ret/ daß sie entweder im Hauß sterben/ oder sich ge- fangen geben muͤssen: Dann zu entfliehen/ sahen sie kein Mittel vor jhren Augen.
In dem sie aber in dem Hauß also vmbher ge- hen/ vnd suchen wie vnd wo sie doch hinauß moͤ- gen kommen/ da werden sie gewahr/ daß in einer Kammer hinder dem Betth ein Fenster ist/ wel- ches in Garten gienge/ vnd vor weniger Zeit war zugemacht worden: Solches Fenster lauffen sie mit Baͤncken auff/ nach dem Exempel der Roͤ- mer/ welche mit gewissen Kriegs Instrumenten die Mauren vmbworffen/ springen dem Fenster hinauß/ vnd eylen sich also/ daß jhꝛ zween darvon kummen/ welche darnach das Wasser erlangen/ vnd also vollends darvon schwimmen: Die an- dern aber werden gegriffen/ gefangen gefuͤhret/ vnd viertzehen Tag hernach hingerichtet vor dem Hauß/ darinnen sie die Schand vnd Mord be- gangen hatten.
Als
Diebs Historien das
I.
Buch.
Als nun la Fleur sihet/ daß er abermals dem Vngluͤck ist entgangen/ bildet er jhm eyn/ es sey kein Gewalt auff der gantzen Welt/ die jhn koͤnd- te fangen/ ja er bildet jhm eyn/ die Gestirn haben ein wolgefallen an seinen Bubenstuͤcken: Er fol- get wo jhn der Weg hinfuͤhret/ endlich aber kompt er deß Morgens vmb vier Vhren/ gantz naß/ in ein kleine Fischerhuͤtten/ dann mit seinen Klei- dern war er duꝛch das Wasser hindurch geschwū- men. Aber was seinen Gesellen anlanget/ der sich zwar auch mit jhm ins Wasser begeben hatte/ in meynung durch zu schwimmen/ hatte das Gluͤck nicht/ wie la Fleur/ sondern muste im Wasser er- sauffen/ dieweil er sich nicht am rechten end hatte ins Wasser hinein begeben.
Als nun la Fleur widerumb ein wenig zu sich selbest kom̄en vnd trocken ware worden/ begibt er sich widerumb gen Paris (dann das ist der Rau- ber vnd Diebe ordentliche Herberg/ daß wann sie lang hin vnd her gestreiffet/ sie endlichsich wider- umb gen Paris begeben) vnd vnter tausent Rau- bern/ die sich in Franckreich finden/ duncket sie/ sie gehoͤren nicht zu jhrer Bruderschafft/ wann sie nicht die Brieff zu Paris geholet/ oder auch son- sten jhre Waare en Greve außgeleget haben.
Etliche Tag verkleidet sich la Fleur/ vnd gieng nicht mehr als deß Nachts auß zustelen: Als er aber wider neue Kundtschafft mit etlichen andern seines Handwercks gemacht hatte/ triebe er sein Diebshandwerck staͤrcker als er zuvor jemals ge- than hatte: Da war keiner in der gantzen Diebs-
M iij
gesell-
Beutelschneider/ oder
Gesellschafft/ der jhn in arglistigkeit hette uͤbertrof- fen: Dann er erdachte allzeit newe grieff/ daß er auch die aller verschlageneste uͤber den Doͤlpel warffe/ ja es wurde manchmal einer von jhm er- dappet/ der frey stillschweigens darvon gienge/ wie ein Hund/ der den Schwantz zwischen den Bey- nen traͤget. Ich wuͤrde es gar zu lang machen/ wann ich wolte erzehlen alle vnterschiedliche Bu- benstuͤck/ welche er in seinem gantzen Leben hat be- gangen: Welches ich fuͤr dißmal gar mit still- schweigen wil uͤbergehen/ wil euch nur allein erzeh- len/ wie er ist gefangen vnnd hingerichtet worden/ welches dann eben so schrecklich/ als sein Leben boͤß ist gewesen.
Der Krug gehet so lang zum Brunnen/ biß daß er bricht/ sagt man in dem Sprichwort: Vnnd wann wir meynen/ wir sitzen gar oben auff dem Gluͤcksrad/ so laͤst Gott das Rad herumber gehen/ daß wir heraber fallen/ von vnserer faͤlschlich ein- gebildeten Hochheit/ vnnd darauff gerahten wir manchmals in grosses Vngluͤck/ daß wir daruͤber so bestuͤrtzet vnnd betruͤbet werden/ als wir zuvor froͤlich vnnd lustig gewesen/ da wir oben auff dem Gluͤckrad gesessen haben. La Fleur war nun mehr zu vnterschiedlichen malen darvon kommen/ aber endlich ist er auch hangen blieben.
La Fleur kennete wol einen vornemen Buͤr- ger von Rennes/ welcher fleissig zu Paris ware/ vnnd sich bey einem Rentmeister inn der Gassen Sainet Martin/ dieweil er sein Blutsfreund vnd Verwandter war/ auffzuhalten pflegte: Da dich-
tet
Diebs Historien/ das
I.
Buch.
tet vnd dencket nun la Fleur/ wie er doch die Sach angreiffe/ vnnd anstelle/ damit er heimlicher vnnd vnvermerckter weise/ in deß Rentmeisters Hauß/ welcher dazumal zu Fontaine-bleau/ da der gan- tze Koͤnigliche Hof auch war/ sich auffhielte/ kom- men moͤcht: Was thut er? Er kandte solches vor- nemen Buͤrgers Hand wol/ hatte auch derselbigen Copey vnd Abschrifft/ welche jhm vngefaͤhr in die Haͤnde ware kommen deßmals/ da er in der Ge- gend Vaugirand desselbigen Buͤrgers Laqueyen beraubet hatte. Darauff gehet er hin zu einem Schreiber/ welcher auch nicht viel schatzes mag werth seyn gewesen/ vnd uͤberꝛedet denselbigen/ daß er solche Schrifft artig nachmahlet/ vnd jm nach- folgenden Brieff schreibet.
Mein Herꝛ/
es ist mir von Hertzen le
y
/ daß ich wegen etlicher Geschaͤfften/ so mir zu- kommen/ euch nicht eher als inn viertzehen ta- gen kan besuchen vnd zu euch kommen. Ich hette es mir vor ein grosses Gluͤck gehalten/ wann ich selber euch den Brieff uͤberlieffern/ euch meine Dienst presentiren/ ja euch wuͤrck- lich hette dienen koͤnnen/ wie dann wegen vie- ler mir von euch erzeigten Gutthaten zu thun ich mich schuldig vnd willig erkenne: Ich will aber gleichwol nicht vnterlassen solchen Fehler auffs eheste widerumb zuver- bessern vnd dahin trachten/ daß jhr im Werck
M iiij
selber
Beutelschneider/ oder
selber solt spuͤren/ daß ich mich begehre danck- bar gegen euch zuerzeigen. Vnter dessen schicke ich euch allhie ein grosse Laden/ wel- che ich bitte meinet wegen anzunemen/ vnnd sie wol zuverwahren/ wegen etlicher Schriff- ten vnd Waaren/ so darinnen seynd: Dann ůber alle mir erzeigte Wolthaten wil ich diese nicht fůr die geringste halten/ auch dannen- her Vrsach nemen im Werck zu beweisen/ das ich begere zu seyn vnd zu bleiben.
Mein Herꝛ Ewer getrewester vnd dienst- geflissener Diener.
Als nun dieser Brieff geschrieben vnd versie- gelt ist/ nimbt la Fleur ein grosse lange Lade/ vnnd leget sich selber darein/ doch also/ daß er sie kan
a
uffschliessen/ wann er wil/ vnd laͤst durch einen Fuhrmann vnnd einen seiner Gesellen die Lade sam̄t sich selber fuͤhren in deß Rentmeisters Hau- se/ welcher deßmals am Koͤniglichen Hof zu Fon- taine-bleau sich auffhielte/ wie wir zuvor angezei- get haben.
Deß Rentmeisters Fraw empfaͤnget vnd liset den Brieff/ befihlt/ man soll die Lade abladen/ vnd in Hof setzen/ biß daß man sie an ein ander Ort koͤnne setzen: Nun war es eben vmb Johannes Tag/ da das Volck zu Paris sich erlustiret/ vnnd
man
Diebs Historien/ das
I,
Buch.
man allerley Fewerwerck vnd Racketlein pfleget zu werffen/ vnd war in solchem Hauß ein Laquey/ welcher/ weil er wolte en Greve gehen/ vnd allda das Fewerwerck sehen/ zuvor wolte im Hauß sein Rohr abschiessen/ vnnd widerumb frisch laden: Was geschicht? Als er wider die Erden scheust/ vnd nicht weiß/ daß das Rohr mit einer Bleyer- nen Kugel ist geladen/ zerschmettert sich die Ku- gel vnd schmeist ein stuͤck von der Kugel durch die dargestelt Lade hindurch/ vnd verletzet la Fleur/ der in der Laden verborgen lage/ an einem Bein/ welches er gleichwol mit aller gedult vnnd still- schweigen alsolitte vnd außstunde.
Deß Abends aber wird der Laden vergessen/ vnd bleibt also im Hof stehen/ vnd als nun la Fleur sihet/ daß sie in dem Hause alle zu Beth seyn/ kreuchet er auß seinem Nest herfuͤr/ wiewol er so uͤbel an seinem Bein verletzet war/ vnd nach dem er das Bein/ so gut als er kondte/ verbunden hatte/ gehet er vnd wil seinen Gesellen die Thuͤr deß Hauses auffmachen. Aber zu allem Vngluͤck waren alle Thuͤren im Hauß so wol verwahret/ daß man sie nicht kondte auffthun/ außgenom- men die Kuͤchenthuͤr/ dieselbige kondte er noch auffthun/ vnd namen sie auß der Kuͤchen hinweg etliches Zinn/ wie auch ein S
i
lbernes Handbe- cken/ welches auß vergessenheit in der Kuͤchen wa- re ligen blieben. Aber die grosse Begierd die diese Raubvoͤgel hatten/ dem Rentmeister uͤber seinen Schatz vnd Geltkist zukommen/ bewegte sie daß sie sich noch weiter in das Hauß hinein wagten/
M v
schla-
Beutelschneider/ oder
schlagen hierauff die Thuͤr an der Stegen eyn/ vnd woͤllen vollends in deß Rentmeisters Kam- mer hinein: Vber solchem schlagen aber erwachen die Laqueyen/ vnnd nimmet einer eine Hellbarte/ der ander ein Rohr/ vnd lauffen im Hauß oben heruͤber/ vnd als sie die Nachtdiebe sehen/ schlagen sie so schꝛoͤcklich auff sie zu/ daß die Diebe sich nicht lenger auffhalten koͤnnen/ sondern wollen darvon lauffen. Als sie aber an die Thuͤr kommen/ da ge- het zu allem Gluͤck die Nachtwacht voruͤber/ vnd als sie solches vorgehen sahen/ greiffen sie diesen Nachtdieben nach den Koͤpffen/ vnnd fuͤhren sie auff das Chastelet/ da sie dann nach sechs Tagen zum Todt verdammet/ vnnd auffgehencket seyn worden. Was aber anlanget la Fleur/ welcher auff der Folter alles bekandt/ was er die Zeit sei- nes Lebens begangen hatte/ ist er auff dem Platze Maubert geradbrechet worden.
Das
XII.
Capitel.
Von den erschroͤcklichen Vbeltharen eines
Tyrannischen Moͤrders/ genandr Fran- ciscus de la Vigne/ welcher hernacher zu Lion ist hingerichtet worden.
I
N erzehlung der vorhergehenden Histo- rien habt jhr angehoͤret/ die grosse Argli- stigkeit/ welche la Fleur in seinem rauben vnd morden hat gebrauchet/ vnd wie schroͤcklich der Mensch in Suͤnde je lenger je mehr faͤlt/ wel-
cher
Diebs Historien/ das
I.
Buch.
cher einmal muhtwilliger weise allen Tugenden hat abgesaget: In dieser Historien aber werdet jhr hoͤren die groͤste Bubenstuͤck die ein Mensch je- mals in der Welt jhm in seinen Sinn hat genom- men: Es ist zwar nicht ohn/ daß diese Historien sich nicht in newlichkeit/ sondern vor etlichen Jahren hat zugetragen: Aber die dinge/ so darinnen
v
o
r
- fallen/ haben mich beweget/ solche hieher zu schrei- ben/ vnd euch dieselbige der laͤnge nach zuerzehlen/ wie ich dieselbige von einem guten ehrlichen alten Mann/ welche das meiste Theil der Historien zu seiner Zeit selber gehoͤret/ vnd mit seinen Augen gesehen/ hab erzehlen hoͤren.
Ihr woͤllet demnach allhie zum Eingang mer- cken/ daß als auff ein Zeit der Koͤnig zu Fontaine- bleau ware/ da begibt es sich/ daß ein junger Herꝛ/ so von den vornem̄sten am Koͤniglichen Hof wa- re/ von Paris außzeucht/ in meynung gen Fon- taine bleau zu jhrer Koͤniglichen Majestaͤt zu zie- hen: Als er aber auff dem Weg ist/ vnd einem Wild/ so er ersehen/ nachreitet/ kommet er so weit von seinem Volck vnd Dienern/ daß/ in dem er also uͤber vnd druͤber in dem Wald/ dem Wild nach reitet/ er endlich sihet/ daß er sich gar hat ver- jrꝛet/ vnd es vnversehener weise gar nacht wirdt: Derhalben sihet er sich allenthalben vmb/ wo er doch moͤge ein Hauß oder Wohnung ersehen/ da er deß Nachts uͤber im trockenen seyn moͤge: End- lich ersihet er ein kleines Bauernhaͤußlein/ vnnd reitet zu demselbigen zu/ vnd als er nun zu dem Bauersmann/ der darinnen wohnete/ kommet/
bittet
Beutelschneider/ oder
bittet er jhn/ er wolle jhn doch die Nacht herber- gen/ welches jhm dann der Bauersmann zusagt/ vnnd nimbt jhn auff in sein kleines Haͤußlein/ in welchem sechs Menschen waren/ als nemblich/ der Bauersmann/ sein Frau/ sein eltester Sohn/
vn- gesaͤhr
von zwantzig Jahren/ seine Schnur/ so gar neulich war verheurathet woꝛden/ ein Knecht/ der deß Viehs huͤtete/ ein starcker/ vnd dem eus- serlichen ansehen nach/ ein verzweiffelter boͤser Mensch/ wie auch ein kleines Toͤchterlein.
Hierauff steige der junge vorneme Herꝛ von seinem Pferd ab/ vnd gibt es dem Knecht/ bittet jhn/ er soll es doch wol versorgen. Darnach gehet er in das Bauernhaͤußlein/ setzet sich so lang bey das Fewer/ biß daß man jhm etwas zu Nacht zu essen gebe/ vnd dencket er am geringsten nicht/ daß jhm an solchem Ort etwas uͤbels begegnen solte oder werde. Die Leute aber im Hauß kennen jhn nicht/ wissen auch nit/ wer er nur seyn moͤge/ doch/ weil sie sehen/ daß er so schoͤn vnd stattlich ist ge- kleidet/ so dencken sie es muß ein reicher Mann seyn/ vnd weil es jhnen einfaͤlt/ es werde gar eine gute Beute vor sie seyn/ so bereden sie sich mitein- ander/ wie sie doch die Sach angreiffen/ damit sie jhn todt schlagen/ vnd Kleider vnd alles an- dere/ was er bey sich haben werde/ bekommen moͤgen.
Nach dem er nun zu Nacht gessen hatte/ berei- ten vnd decken sie jhm ein Beth in der nechsten Kammer/ welche gar ein schlechte/ ja ein solche Thuͤr hatte/ die man gar leichtlich kondte auff-
lauf-
Diebs Historien/ das
I.
Buch.
lauffen: In dem aber die Tochter oder Schnur im Hause/ welche gar kuͤrtzlich war verheurathet worden/ im Hauß jhren Geschaͤfften nach auff vnd abgehet/ hoͤret sie etwas von solchem jhrem boͤsen vnd tyrannischen Anschlag/ vnd dieweil sol- cher junger Herꝛ/ ein schoͤne dapffere ansehnliche Person ware/ dawert es sie in jhrem Hertzen/ daß er so schaͤndlich vmb sein Leben soll kommen/ vnd vnter dessen/ daß der Vatter/ Sohn vnd Knecht im Stall miteinander sich bereden/ wie sie solchem jungen Herꝛn das Liecht außblasen woͤllen/ zeucht sie jhn auff eine seyte/ vnd nach dem sie jhn gebe- ten/ er wolle doch bey sich verschwiegen behalten/ was sie jhm heimlich wolte sagen/ erzehlet sie jhm den gantzen boͤsen Anschlag deß jenigen/ so sie im auff vnd abgehen vernommen hatte.
Der junge Herꝛ/ welcher diese warnung anna- me vnd glaubte/ wurde daruͤber sehr bestuͤrtzet/ vnd hatte jhm schon vorgenommen/ er wolte darvon lauffen/ vnd solte er auch daruͤber in der Finster- nuß den Halß abstuͤrtzen? Aber endlich besinnet er sich eines andern vnd bessern/ vnd gedencket/ es woͤlle sich nicht gebuͤhren/ daß er sein Leben also wage/ vnd also eher vnd mehr den Gottlosen Leu- ten in die Haͤnde gerathe/ welche in jhrem Hertzen aller Gerechtigkeit/ vnd Freundlichkeit vergessen/ vnd jhnen vorgesetzet hatten/ eine solche Person zuerwuͤrgen/ welche so dapffer daher gienge/ wol beritten war/ welche sie so freundlich empfangen hatten/ ja welche jhnen jhr lebenlang kein Leyd ge- than hatte: Derhalben dencket er/ er woͤlle sein
Hoff-
Beutelschneider/ oder
Hoffnung auff Gott allein setzen/ vnd im fall/ daß er solte angetastet werden/ sich lieber dapffer weh- ren als die Flucht nemen/ vnd doch daruͤber noch erschlagen werden.
Derhalben so laͤst er fich durch den Bauersman̄ in das kleine Kaͤmmerlein weisen/ vnd nach dem er die Thuͤr hinder sich zugeschlagen/ zeucht er ein zimlich grosse vnd starcke Lade/ welche eben zu al- lem Gluͤck in der Kammer ware/ fuͤr die Thuͤr/ ladet/ vnd spannet sein Rohr/ legt sein Degen zur Hand/ wachet vnd wartet zusehen/ was nach der Haußtochter warnung erfolgen werde.
Als nun der Bauersmann meinet/ der junge Herꝛ/ als welcher deß Tags vom Reisen vnd Ja- gen war sehr muͤd worden/ wuͤrde nun mehr ein- geschlaffen seyn/ schleichet er allgemach fuͤr die Thuͤr der Kammer/ tastet vnd fuͤhlet/ vnd meinet/ er wolle die Kammer ohne alle muͤhe gar leichtlich auffthun: Als jhm aber der Boß nicht wil ange- hen/ so ruffet er dem Herꝛen in der Kammer zu/ vnd spricht/ er soll jhm doch die Kammer ein we- nig auffthun/ dann er wolle in einer Laden/ so in der Kammer stehen/ ein Decktuch holen/ daß er es moͤchte uͤberdecken vnd gebrauchē. Der Herꝛ aber/ der noch gar wenig geschlaffen haͤtte/ sagt zu jhm also/ du vnbescheidener Mann/ gehe jetzt wider- umb hin/ ich ruhe/ vnd wil dir fuͤr dises mal nicht auffthun. Welches/ als es der Bauersmann hoͤ- ret/ macht er sich vnnuͤtz vor der Thuͤr/ fanget an zu toben/ zu rasen vnd zu schreyen/ spricht: Man wolle jhn in seinem eigenen Hauß bochen vnd tru-
tzen/
Diebs Historien das
I.
Buch.
tzen/ nimbt die Wehr in die Haͤnd/ vnd traͤwet dem Herꝛen in der Kammer: Wann er nicht so bald jhm woͤlle die Thuͤr auffthun/ vnnd sich in seine Gnade ergeben/ so woͤlle er die Thuͤr nicht allein aufflauffen/ sondern jhn auch gar todtschlagen in der Kammer. Hierauff kommet nun der Bauer vnd Knecht fuͤr die Thuͤr/ vnd woͤllen sie aufflauf- fen/ vnter dessen aber gehet der Sohn hin/ wil ein Leiter anschlagen/ vnd durch das Fenster in die Kammer zu dem Herꝛn steigen.
Als nun der junge Herꝛ inn solcher eussersten Noth vnnd Gefahr ist/ nimbt er sein gespannets vnd verfertigtes Rohr in die Hand/ trucket loß/ vnd erscheust durch die Kammerthuͤr den Bauern auff der statt: Ruͤcket hernacher in aller eyle die Lade hinweg fuͤr der Thuͤr/ vnd richtet den Knecht auch hin/ vnd als solches geschehen/ laufft er dem Sohn nach/ aber er macht sich eylends auß dem Staub vnd darvon. Aber das Spiel war deßwe- gen noch nit auß/ dann das geschrey deß Wirths/ vnd das vngewoͤhnliche geduͤmmel das im Hauß vorgienge/ erweckete die benachbarte Hirten/ wel- che alle mit jhren Wehren gelauffen kamen/ vmb- ringeten das Hauß/ vnd wolten den Moͤrder ha- ben: Der junge Herꝛ sahe sich wol fuͤr vor jhnen/ vnd litte sich biß auff den Morgen: Vnd als er sa- he/ daß die auffruͤhrische Rotte/ je laͤnger je staͤr- cker wurde/ sagte er jhnen/ wer er were/ troete auch/ er wolte sie alle hencken lassen/ wann sie jhm nicht die Hand in solcher sein Noht bieten/ vnnd jhn widerumb zu ruͤck begleiten wuͤrden: Vnnd
wann
Beutelschneider/ oder
wann sie je jhm nicht glauben wolten/ so solten sie zur Obrigkeit in den nechsten Flecken oder Statt gehen: Ja wann sie auch nicht/ was er begehrete eingehen wuͤrden/ so solten sie gewißlich erfahren daß jhr Vngluͤck vnd Verderben nicht lang solte außbleiben.
Die Bauersleute/ als sie nicht allein diese He- roische Person sahen/ sondern auch hoͤren/ wie er jhnen so gewaltig zuredet/ werden dardurch bewe- get/ daß sie es etwas wolfeiler/ als zuvor/ gaben. Jedoch greiffen sie jhm nach dem Kopff/ vnd ma- chen sich mit jhm auff den Weg/ jhn nach Melun zu dem Obersten allda zu fuͤhren. Hierzu kom- men nun dieses Herꝛn Diener/ welche jhn am vo- rigen Tag verlohren hatten/ vnnd alle weil noch suchen/ vnd als sie sahen/ daß jhꝛ Herꝛ als ein Ge- fangener daher wirdt gefuͤhret/ werden sie so er- bittert daruͤber/ daß sie die Bauren zu stuͤcken zer- hauen wollen: Aber er wehrete jhnen/ daß sie sol- ches nicht theten.
Als nun solches alles der Obrigkeit angezeiget wurde/ wurden darauff deß Bauersmann Mit- gesellen nach jhrem verdienst gestraffet/ außge- nom̄en der Sohn/ der sich so bald auß dem Staub gemacht hatte/ derwegen er dann nicht kondte sei- nem Verdienst nach gestraffet werden: Das Hauß dieser Moͤrder wurde zu Aschen verbren- net/ die Tochter aber/ welche solches dem iungen Herꝛn entdecket hatte/ wuꝛde reichlich begabet vnd belohnet.
Weil aber der entlauffene Sohn deß so bald
erschos-
Diebshistorien/ das
I.
Buch.
erschossenen Bauersmanns nicht wol widerumb dorffte nach Hauß kommen/ begab er sich zu einem seiner Freunde/ welcher fuͤnff oder sechs Meylen darvon wohnete/ vnd welcher von dem allen/ was mit solchem vornemen jungen Herꝛn vorgangen ware/ nichts gehoͤret oder vernommen hatte/ vnd als auff ein Zeit sein Vetter vnd Baß/ welche eine Mannbare feine Tochter/ vnd ein kleines Knaͤblein hatte/ auff den Marck gen Corbeil ge- gangen waren/ vnd Er der entlauffene jhm ein- bildete/ sein Vetter muͤste viel Gelt haben/ auch sie allein im Hauß waren/ setzet er an die Tochter/ vnd erschlaͤget sie mit dem kleinen Knaben/ jrem Bruͤ- derlein/ suchet darauff das gantze Hauß auß/ vnd nach dem er in einem Beutel etliches Gelt fun- den/ laufft er darvon/ vnd begibt sich in den nech- sten Wald/ so darbey liget.
Deßgleichen/ als er etliche Zeit hernacher er- fahren/ daß sein vnd seines Vatters moͤrderischer Anschlag durch sein Weib war entdecket worden/ wuste er wol/ daß es nicht rahtsam noch sicher fuͤr jhn seyn wurde/ widerumb gen Hauß zu seinem Weib zu ziehen/ vnd weil auch sein junges Weib nichts mehr von jhm hoͤren noch erfahren kondte/ wurde jhr nach etlichen Monat erlaubet/ sich an- derwerts/ vnd an wen sie wolte/ zuverheyrathen: Darauff begibt es sich/ daß ein alter vnd zugleich etwas wunderlicher vom Adel (als er vernom̄en/ daß er von dem jungen vornemen Herꝛn so statt- lich war begabet worden/ darumb daß sie duꝛch jh- re vermahnung jm das Leben erꝛettet hatte) sie zur
N
Ehe
Beutelschneider/ oder
Ehe begerte/ welches jhm dann auch so bald wur- de zugesaget. Als aber solche junge Fraw sahe/ daß es jhr zwar besser als zuvor gienge/ aber jhr Jun- cker ein wunderlicher vnd melancholischer Kopff ware/ vergasse sie daruͤber jhrer Ehr/ vnnd macht sich mit jederman gemein/ Vnzucht mit denselbi- gen zutreiben: Vnd als sie nach etlicher Zeit heim- lich gewahr wuͤrde/ daß jr erster Ehemann la Vi- gne solte wider seyn kommen/ vnnd sich inn einem nicht weit abgelegenen Ort auffhalten/ bekame sie ein Lust jhn einmal widerumb zu sehen/ practicir- te auch so viel durch jhre Kammer Jungfraw/ daß er heimlich zu jhr kame.
Nun stunde in dieses Gottlosen verzweiffelten Weibes Kammer eine Lade/ in welcher sie jhre be- ste Sachen vnd Gelt verwahrete/ vnd eben in die- se Lade verbarge sich der Ehebrecherische Huren- jaͤger/ wann er nicht anderst außreissen/ oder dar- von kommen kondte: Vnd diese Lade hatte an ei- nem heimlichen verborgenen Ort ein Loch/ vnnd also auch Lufft/ also daß manchmals la Vigne ein gantzen Tag darinnen verborgen lage vnnd bliebe.
Es begab sich aber nach verlauffung etlicher Zeit/ daß die Goͤttliche Gerechtigkeit anfienge die- se Ehebrecherinnen durch eine grosse vnd vnheilsa- me Schwachheit zur Rechnung zu fordern/ vnnd wie sie von den Artzten gantz verlassen wurde/ al- so wurde sie mehr in jhrer Seel mit Trost verlas- sen/ vnnd wegen jhrer schrecklichen begangenen Suͤnden geaͤngstiget/ vnnd als auff ein Zeit vmb
Mitter-
Diebs Historien/ das
I,
Buch.
Mitternacht jhr Ehemann/ der Edelmann zu jhr wolte gehen/ vnnd la Vigne als der sich deßmals auch noch bey jhr hielte/ nicht wuste/ wo er hinauß solt/ verbarge sich eylends widerumb inn solche La- de/ vnd schloß sie nach jhm hart zu/ das Weib aber wurde noch mehr geaͤngstiget/ fienge an vnd thaͤt gleichsamb eine lange Predigt/ vnnd bate jhren Herꝛn vnd Junckern/ er wolte jhr die Bitt/ so sie an jhn thun wolte/ nicht allein nicht abschlagen/ sondern auch mit einem Eyd bekraͤfftigen/ daß er seine auff jhre gethane Bitt verheissung vnver- bruͤchlich halten wolte: Die Bitte aber war diese: Daß nemblich nach jhrem Todt er inn das Grab neben sie wolte stellen vnnd begraben lassen/ eben die Lade/ so in der Kammer stuͤnde/ vnd sie jhm zei- gete/ solte auch dieselbige nicht besichtigen vnnd auffschliessen/ noch auch zu lassen/ daß sie von je- mandts auffgeschlossen oder besichtiget wuͤrde: Dann sie habe darinnen solchen Haußrath vnnd Dinge/ daß sie nit wolte/ daß ein eintziger Mensch auff Erden dieselbige solte gebrauchen/ welches dann jhr Ehemann vnd Juncker jhr steiff vnnd fest verhiesse.
Der arme la Vigne als er inn der Laden solche Gespraͤch vnd solches trawriges Vrtheil anhoͤre- te/ fienge an zu fluchen vnnd zuvermaledeyen/ die tausentlistigkeit solcher Ehebrecherin/ seiner Mit- gesellin/ welche vngefehr zwo stunde hernach star- be/ vnnd ohne Buß vnnd Bekandtnuß jhrer sehr schweren Suͤnden jhren Geist auffgabe/ vnd wolte also mit sich inn den Todt ziehen den jenigen/ wel-
N ij
cher
Beutelschneider/ oder
cher jhr Gesell in jhrem Gottlosen verdam̄lichen Leben ware gewesen.
Vnter dessen aber waren etliche Haußgenos- sen/ man solte die Lade im Hauß lassen/ oder wann man sie wolle mit begraben lassen/ solte man sie auff das aller wenigste auffthun vnd besichtigen: Aber der Juncker/ weil er es seinem Weib so steiff vnd vest verheissen/ wolte seine Verheissung auch halten/ ließ auch nit zu/ daß die Lade von jemands geoͤffnet wuͤrde: Vnd nach dem er sein Weib hat- te ehrlich begraben lassen/ laͤst er die Lade auch in das Grab hinein setzen/ vnnd ein grossen Stein darauff legen/ doch wurde das Grab nicht gar zu- gemauert/ dieweil es schon nacht war/ vnd solches den folgenden Tag solte geschehen.
Der arme la Vigne/ welcher in der Kirchen hatte hoͤren singen/ machte jhm keine andere rech- nung/ als daß er in solcher Laden sterben muͤste/ vnd in dem er sich so herumber in der Laden warf- fe/ mercket er/ daß fein Weib noch etliches Geldt darinnen gelassen hatte: Aber er dachte weder an Golt noch an Gelt/ sondern bate Gott hertzlich/ er wolte jhm doch mittel verschaffen/ auß der Laden herausser zu kommen/ auff daß er seinem Gewis- sen moͤchte ruh schaffen: Dann da bedachte er in der Laden sein Gewissen besser/ als er zuvor die Zeit seines Lebens gethan hatte. Was geschicht? In dem la Vigne in der Laden in solchen Gedan- cken liget/ begibt es sich/ daß ein Juͤngling von den Haußgenossen der Abgestorbenen/ welcher verhoffet inn solcher mitbegrabenen Laden eine
gute
Diebs Historien/ das
I,
Buch.
gute Beute zu finden/ zwischen eylff vnnd zwoͤlff Vhren deß Abends in die Kirche/ da das Grab der Abgestorbenen/ sampt der Laden ware/ kom- met/ hebet mit seinen zw
e
en Gesellen/ so er in die Kirch mit sich genommen hatte/ den Stein auff/ fanget an die Lade auffzubrechen vnnd auffzuma- chen. Vnd als sie jetzund den Ladendeckel auffhe- ben woͤllen/ da fasset jhm la Vigne in solchem wunderlichen Zustand ein Hertz/ stehet auff/ vnd fanget ein solches geschrey an/ auß der Laden in der Kirchen/ daß die andern meynen/ es sey der leydige vnd lebendige Teuffel selber/ vnd lauffen alle miteinander darvon/ vnd der Kirchen hin- auß.
Als nun la Vigne widerumb zu sich selber kom- met/ zuͤndet er eine Fackel an/ besuchet die Lade/ ste- cket bey sich das Gelt/ so er darinnen findet/ schleust die Lade widerumb zu/ legt den Stein auff das Grab/ gehet der Kirchen hinauß/ vnd salviret sich durch die Gaͤrten/ so gut als er jmmer kan/ vnd ob er sich damals wider er
k
andt habe/ gebe ich euch selber zu bedencken. Gleichwol aber/ als er sihet/ daß er besser als er zuvor sein lebenlang war gewe- sen staffiret ist/ vnd darbey be encket/ daß er an sol- chem Ort nicht lang werde sicher seyn koͤnnen/ be- gibt er sich in die Gegend der Statt Lion/ trifft all- da an einen sehr reichen vnd mit dem Gubernato- re von Lion wolbekandten Edelmann/ welchem er fuͤr einen Knecht dienet.
Nun begabe es sich/ daß sein Herꝛ eine ehrliche Jungfraue in solcher Gegend/ welche uͤber alle
N iij
massen
Beutelschneider/ oder
massen schoͤn/ aber doch geringes Stands ware/ lieb gewanne: Solches entdecket er seinem Knecht vnd bittet jhn/ er woͤlle doch auff mittel vnnd wege sich bedencken/ wie er solcher Jungfrawen moͤge maͤchtig werden/ vnnd solte es auch kosten/ was es woͤlle: Aber es war alles vmbsonst: Dann die Jungfraw liesse jhr jhre Ehr so wol angelegen seyn/ daß sie solchem Edelmann alles miteinan- der kurtz rund abschluge: Welches als es der Edel- mann sahe/ vnd gleichwol mit seiner Lieb von jhr nicht kondt ablassen/ auch diesen Gottlosen Knecht/ welcher alles nach seinem willen vnd begeren the- te/ bey sich hatte/ sihet er/ daß er auff ein Zeit bey naͤchtlicher weyle inn der Tochter Vatters Hauß kommet/ reisset sie dem Vatter auß seinen Armen/ vnd wiewol sie gar klaͤglich sich verhielte/ setzet er sie auff sein Pferd/ vnnd fuͤhret sie an ein Ort auff sein Landgut/ da sie dann von jhm genothzuͤchti- get wurde.
Der arme betruͤbte Vatter macht sich hierauff in aller eyl auff den Weg nach Lion/ vnnd als der Tag herbey kommet/ wartet er auff den Guber- nator/ wann er widerumb werde auß der Meß kommen/ vnd als er jhn sihet/ thut er seine Klage vnd bittet jhn/ er wolle jhme doch inn solcher Sa- chen die Hand bieten: Der Gubernator entdecket dem Vatter seinen Vorschlag nicht/ doch schicket er jhn widerumb nach Hauß/ vnnd verheist jhm/ er wolle schon den Sachen rath finden. Vnd so bald als er hat zu Mittag gessen/ setzet er sich zu Pferd/ vnd nimmet sich an/ er woͤlle auff die Jagt
reiten:
Diebs Historien/ das
I.
Buch.
reiten: Zeugt auff deß Edelmanns Schloß zu/ vnd helt sich allda ein wenig auff/ an einem sehr schoͤ- nen vnd lustigen Ort.
Der Edelmann als er gewahr wird/ daß der Gubernator so nahe bey seinem Schloß seyn soll/ vnnd aber den Kopff so voll Lieb hat/ daß er nicht meinet/ daß der Weingaͤrtner so gehertzt solt seyn gewesen/ vnnd jhn wegen seiner Tochter bey dem Gubernator verklaget haben/ nimmet die Tochter vnd schleust sie ein an einem Ort/ da nicht bald je- mands pflegte hinzukommen. Gehet darauff hin zu dem Gubernator/ heist jhn willkommen seyn/ beut jm sein Schloß zur Herberg an/ welches dann der Gubernator annimmet/ nimpt sich an/ als habe er ein sonderlichen Wolgefallen an dem Ge- baͤw solches schoͤnen Lusthauses/ gehet durch das gantze Schloß/ besichtiget alle Ort vnnd Ende/ wie alles so schoͤn gemacht vnd gezieret ist/ laͤst jh- me alle Kammern vnd Gemach auffschliessen/ sie znbesehen.
Endlich kommet er in ein langen vnd schoͤnen Saal/ an dessen ende ein verschlossene/ aber uͤber alle massen schoͤn gemachte Pfort ware
:
Der Gu- bernator nimmet sich an/ als gefalle jhme das bes- ser als das ander alle miteinander/ welches er schon besehen hatte/ sagt zu dem Junckern mit la- chendem Mund: Er halte darvor/ daß er darin- nen seine beste Sachen/ seinen Schatz/ seine Guͤl- dene ringe vnd andere stattliche Sachen habe (Es sasse aber eben an solchem Ort die schoͤne Jung- f
r
aw/ welche der Edelmann dem Bawersmann
N iiij
ent-
Beutelschneider/ oder
entfuͤhret hatte/ eingeschlossen vnnd gefangen)
Als aber der Edelmann nicht gern dran kame/ daß er solches Gemach oͤffnete/ dachte der Guber- nator so bald bey sich/ Es muͤste eben an solchem Ort seyn das jenige/ was er suchete: Bate derhal- ben den Edelmann/ er solte jhm doch noch den ge- fallen erzeigen/ vnnd jhm solches Gemach auff- schliessen/ auff daß/ weil er sonsten alles besehen/ er solches auch besehen moͤchte: Der Edelmann ga- be darauff vor/ einer auß seinen Dienern sey gen Lion gangen/ vnnd bab den Schluͤssel zu solchem Gemach auß vergessenheit mitgenommen: Weil aber der Gubernator noch anhielte/ er solte doch sehen/ daß er solches Gemach auch besehen moͤch- te/ gehet er nah bey den Gubernator/ vnd nach dem er jhm gesaget: Wann er es jhm nicht woͤlle vor vngut halten vnd auffnemen/ wolte er es jhm wol weisen: Zeiget er jhm an/ daß er eben an dem Ort ein Hur habe fitzen/ welche er nicht gern wolte/ daß sie von jederman gesehen wuͤrde: Vnd wann es dem Herꝛen Gubernator beliebe sie zu sehen/ wolte er sie jhn weisen. Der Gubernator antwortet: ja/ ja/ gar gern/ dann das ist eben das Kraut/ das ich suche.
Der Edelman (welcher vermeinete/ das wuͤr- de so fuͤr einen Bossen hingehen/ dieweil bald der meiste Theil deß Adels in solchem Spital kranck ligen/ vnd also zu haussen pflegen) schleust die Thuͤꝛ auff/ Was geschicht? Die arme Tochter welche das Haar vmb den Kopff hatte hengen/ vnd gar kleinmuͤtig außsahe/ als sie den Gubernator ersi-
het/
Diebs Historien das
I.
Buch.
het/ thut sie jhm ein Fußfall/ vnd bittet jhn/ er wol- le jhr Recht schaffen/ wegen der Schand so jr von dem Edelmann Gwaltthaͤtiger weise sey zugefuͤ- get worden.
Hierauff laͤst der Guberbator so bald nach dem Weingaͤrtner schicken/ straffet den Edelmann ernstlich wegen seiner begangenen schweꝛen Suͤn- de/ vnd schlaͤgt jhm zwey Mittel vor
/
das eine oder das andere darauß zu erwehlen: Entweder daß er den Kopff jhm zu wolverdienter Straff lasse ab- schlagen/ oder daß er die entfuͤhrete ehrliche Toch- ter Heurathe vnd ehrlich mache. Der Edelmann/ als er sihet/ daß er nunmehr ist gefangen/ vnd kan weder hindersich noch vorsich kommen/ erklaͤret sich so bald/ daß er sie wolle Ehelichen/ vnnd wird jm von dem Gubernator geboten/ er soll ihr auch zwey tausent Kronen vor jhr Morgengaab ver- machen vnd geben. Welches dann alles so bald in gegenwart deß Gubernators/ seiner Diener vnd deß Weingaͤrtners muß geschehen. Die Tochter wird schoͤn geschmucket vnd gebutzet/ sie werden so bald zusammen gegeben/ Er helt sie
suͤr
sein eheli- ches We
i
be/ hat sie auch lieb vnd werth/ sie verhelt sich auch also/ daß sie inn der gantzen Nachbar- schafft wird geehret vnd geliebet: Der Gubernator aber ist wegen seines gerechten vnd außgesproche- nen denckwuͤrdigen Vrtheils hochgelobet vnd ge- ehret worden.
La Vigne/ welcher schon zum vierdten mal der Straffe/ welche er vmb seiner Vbelthaten willen wol verdienet hatte/ ware entgangē/ bessert sich im
N v
gering-
Beutelschneider/ oder
geringsten nicht/ sondern faͤhret inn seinem Gott- losen verdamblichen Leben je laͤnger je mehr fort: Dann/ als auff ein Zeit sein Herꝛ mit all seinem Anhang gen Lion ware gezogen/ er aber allein im Schloß bey seines Herꝛn Frawe/ deß Weingaͤrt- ners Tochter/ vnd etlichen Kammer Jungfrawen waren/ suchet er Mittel zu seiner Frawen zu kom- men/ gibt jhr zuverstehen/ wie daß sie vor der Zeit einmal inn seiner Gewalt sey gewesen: Bittet sie/ daß/ weil doch ohne das jhr Ehemann nicht da sey/ sie seines Willens woͤlle geleben/ vnd jhn auch einmal mit gutem Willen deß jenigen/ was er zu- vor wol mit Gewalt von jhr haͤtte haben koͤnnen/ geniessen lassen.
Die Junge Fraw/ als sie sihet/ daß der lose Schelm sie vmb jhr Ehr anspricht/ straffet sie jhn ernstlich mit Worten/ traͤwet jm auch/ daß wann er hinfort mehr dergleichen ding an sie begehren wuͤrde/ wolte sie es jhrem Herꝛn anzeigen/ welcher solche Bubenstuͤck jhm vngestraffet nicht wuͤrde hingehen lassen: Nichts desto weniger aber setzet jhm der Boͤßwicht fuͤr/ er wolle sein boͤses vorne- men erfuͤllen/ vnnd als er sie einmal deß Morgens inn einem von dem Schloß/ etwas abgelegenen Garten/ da sie vnter den Baͤumen in der Kuͤhle spatzieren gienge/ antrifft/ bittet er sie abermals/ sie woͤlle seines Willens geleben/ vnnd als sie jhm auß den Haͤnden wil entgehen/ ergreiffet er sie/ ste- cket jhr mit Gewalt ein Wischtuch in den Mund/ daß sie nicht kan schreyen/ wirfft sie auff die Erden nider/ vnd begehet die Schand vnd Vnzucht mit
jhr/
Diebshistorien/ das
I.
Buch.
jhr/ vnd weil er selbsten jhm die rechnung leichtlich kondte machen/ es wuͤrde jn die Fraw beydem Her- ren deßwegen verklagen/ schlaͤget er sie darauff gar zu Todt/ vnd in solchem toben vnd rasen gehet er widerumb inn das Schloß hinein/ ruffet einer auß den zwoen Kammer Jungfrawen/ welche in jhrer Frawen Kammer waren/ vnd schlaͤget die- selbige auff der Stegen Tod/ vnd als die ander das Geschrey gehoͤret/ vnd auß der Kammer zu der an- dern wil lauffen/ wird sie auch so bald von diesem Moͤrder erschlagen/ vnnd als solches ein Magd/ welche in der Kuͤchen war/ vnd jhr Kuͤchengezeug saͤuberte/ hoͤrete vnnd dem Geschrey nach wil lauf- fen/ wird sie gleicher massen/ wie die vorigen/ todt geschlagen. Vnd als dieser rasende so viel Mord gethan/ stecket er endlich das Schloß mit Fewer an: In dem er aber wil darvon lauffen/ erdappen jhn die Bawersleute/ nemen ihn gefangen/ vnnd fuͤhren jhn in ein altes Gefaͤngnuß/ welches nah an dem Schloß war/ da er dann alles bekandt/ was er begangen hatte.
Die folgende Nacht macht sich dieser Boͤß- wicht durch gar ein vngewoͤhnliches Mittel loß/ von allen angelegten Eysen vnnd Fesseln/ kompt auß dem Gefaͤngnuß/ vnnd lauffet darvon/ wel- ches als es der Edelmann erfaͤhret/ setzet er sich zu Pferd/ vnnd laͤst jhn an allen Orten vnnd Ecken suchen/ aber alles vmbsonst: Dann laͤnger als inn einem gantzen Monat hat man nicht wissen noch erfahren koͤnnen/ wo er hin war kommen: End- lich aber/ da jhn GOtt selber wolte zur Straff zie-
hen
Beutelschneider/ oder
hen/ schicket es Gott/ daß er von deß Weingaͤrt- ners (dem die Tochter war zuvor durch den Edel- mann enifuͤhret worden) Nachbaurn wurde er- kandt vnd gesehen/ als er vmb den Abend vor ei- nem vngefehr von deß Edelmans Schloß ein Meyl wegs abgelegenen Dorff voruͤber gienge: Welches dann der Nachbar so bald dem Wein- gaͤrtner/ vnd der Weingaͤrtner dem Edelman zu- wissen thete. Der Edelmann saumet sich nicht/ sondern name in der eyl seine Bawern vnnd Vn- terthanen zu sich/ folgten dem Boͤßwicht so starck vnd so lang nach/ biß daß sie jhn endlich in einem dicken vnd finstern wald/ da er sich vnter die Doͤr- ner vnd Gestreuch verstecket hatte/ ergriffen: wur- de darauff gen Lion gefuͤhret/ vnd nach dem er sei- ne Mord vnd Bubenstuͤck alle bekandt/ wurde er nach der Gewonheit solcher Zeit/ in heises sieden- tes Oel geworffen/ vmb der verdamblichen vnnd schrecklichen Vbelthaten willen/ welche er inn sei- nem Leben getrieben vnd begangen hatte.
Das
XIII.
Capitel.
Von den Arglistigen streichen vnd Buben-
stuͤcken der Filous/ vnnd wie sie einem Jungen Limosin den Beutel mit dem Gelt erhaschet haben.
L
Isander pflegte zu sagen: Man muͤs- se deß Fuchses Schwantz daran haͤfften/ wann die Loͤwenhaut nicht weit gnug wolte
reichen/
Diebs Historien/ das
I.
Buch.
reichen/ das ist/ wann man nit mit gewalt an ein Ort koͤnne kom̄en/ muͤsse man sehen/ daß es durch List vnd Practicken geschehe. Was nun Lysander gesagt vnd gelehret/ das hat vor jhme Vlysses mit grossem Nutzen vnd Vortheil in Einnemung der Statt Troja practiciret: Dann er allein hat durch seine Kriegsliste vnnd Verschlagenheit in einem Monat zu wegen gebracht/ was das gantze/ grosse vnnd gewaltige Griechische Kriegsheer/ welches von so vornemen vnd verstaͤndigen Eapitainen ist gefuͤhret vnd regieret worden/ inn 10 gantzer Jaren nit hat erlangen moͤgen: Dann er hat diese stoltze vnd gewaltige Statt erobert/ vmbgestuͤr- tzet/ alles mit dem Schwert darnider gehawen/ vnd hernacher die gantze Statt außpluͤndern las- sen: hat also durch seine Arglistigkeit vnd kuͤnstli- che Kriegsliste die Statt erobert/ welches hundert tausent Mann/ vnd tausent Schiffe inn so vielen Jahren nicht hatten thun koͤnnen.
Wer aber recht bey dem Liecht besihet/ die gros- se Arglistigkeit vnd Betrug der Diebe/ sonderlich aber der Filous/ vnd der Beutelschneider/ der wird selbsten bekennen muͤssen/ daß sie deß Lysandri Lehr fleissig vnd wuͤrcklich nachkommen/ vnnd daß viel mehr die Fuchshaut/ als die Loͤwenklawen gebrau- chen: Ich wil euch dessen in diesem Capitel gar ein artige vnd lustige Historien erzehlen: Vnd weiß ich das/ daß jhr euch alle miteinander werdet ver- wundern uͤber die Verschlagenheit/ welche die Herꝛen Beutelschneider mit jhren kurtzen De- gen pflegen zugebrauchen/ vnnd auch die aller wi-
tzigste
Beutelschneider/ oder
tzigste wissen dardurch/ vnnd damit zubetriegen.
Es ist nun etliche Jahr/ daß in dieser Statt wohnete ein junger Limosin/ welcher viel Reich- thumb vnd vermoͤgen hatte: Aber er war ein rech- ter karger Filtz/ ein Geitzhalß vnd vnfreundlicher Tropffe: Man gieng zwar gern mit jm vmb/ aber wer mit jhm einmal oder zwey ware vmbgangen/ vnnd gesehen hatte/ was er fuͤr ein wunderlicher Gast ware/ der war fro/ daß er seiner widerumb le- dig wurde. Als er aber auff ein Zeit mit zween oder dreyen guten Zechbruͤdern angefangen hatte zu spielen/ auch denselbigen auff die fuͤnff vnd zwan- tzig Pistoleten hatte abgewonnen/ vnd war doch so Hundskarg darbey/ daß er jhnen nicht eine schlech- te Collation oder drey Vhr Brot wolte bezahlen/ (welches dann ein vnfreundliches grobes Bau- ernstuͤck von jhm ware) entschlossen sie miteinan- der/ sie wolten jhm eines anschmitzen/ daß jhm sein Bauerngeitz thewer genug solte ankommen. Vnd darauff thut einer vnter den dreyen/ welcher ein frische gute Haut war/ eins/ gehet hin zu einem Filou/ den er lange Zeit gekandt hatte/ zeiget vnnd weiset jhm den Limosin vnd gibt jhm zuverstehen/ daß/ wann er wolte darzu helffen/ so weren zwey- hundert Kronen allda zu gewinnen.
Der Filou/ als er von solcher Beut hoͤret/ recket er die Ohren auff/ vnd bildet jhm ein/ er habe den Bern schon gefangen/ vnnd die Beut erhaschet/ verspricht dem guten Gesellen/ er woͤlle sehen/ daß er der Sachen rath finde/ zeiget es seinen Mitge- sellen an/ beschreibet jhnen die Person/ ja als er auff
ein
Diebs Historien das
I.
Buch.
ein Zeit auß einem Laden/ in welchem er stets auß vnd ein gienge/ herausser tratte/ zeigt er jhnen sol- chen Limosin/ damit sie jhn ja wol vor andern er- kennen moͤchten.
Vnd allhie muß man nun nit fragen/ ob man diesem Limosin auch nachgefolget sey/ ob auch die Filous alle jhre Gedancken darauff geschlagen ha- ben/ wie sie doch diesem Limosin beykommen/ vnd jhn einmal erdappen moͤchten: Aber er war so arg- woͤhnisch/ vnnd getrawet so gar uͤbel/ daß sie nicht kondten zu streich kommen.
Als er aber auff ein Zeit inn der Gassen Sainet Jacques voruͤber gienge/ liesse ein Filou ein Pa- cket mit allem fleiß auff die Erden fallen: Vnd inn solchem Packet war ein Ring/ eine Guldene Ket- te/ aber doch von falschem Golt/ vnd ein Brieff/ welcher also lautet:
Hochgeachte liebe Fraw/
ich uͤberschicke euch allhie durch meinen Laqueyen den De- mant/ so jhr von mir begehret habt/ vnd frewe mich von Hertzen/ daß ich hierdurch Vr- sach bekomme/ euch angeneme vnd wolgefel- lige Dienst zuerzeigen: Ich wil mir es aber noch fuͤr ein groͤsser Gluͤck halten/ wann ich im Werck selbst kan erweisen/ dz kein Heuch- ley vnd Betrug ist in dem allem/ das ich euch habe versprochen. Ich bitte die Goͤttlichkeit deß Himmels selber/ daß sie uͤber euch das al-
lerbe-
Beutelschneider/ oder
lerbeste jhꝛe Wuͤrckung uͤber euch woͤlle auß- giessen/ vnd euch/ mir allezeit die Ehr ewer Liebe vnd Gunst zuerhalten vnd zugeniessen/ vnd mir verguͤnstigen/ daß ich mich moͤge nennen
Ewer vnterthaͤniger Diener La Fosse.
Der Limosin thut das Packet auff/ sihet die ver- meinte Guldenekett vnd den Demant/ vnd nach dem er den Brieff gelesen/ gehet er in die Berga- mentgassen hinein: Es folget jhm aber auff dem Fuß ein Filou/ der schreyet jhm laut nach: Ge- mach/ Gesell/ jhr habt alleweil ein Packet auff der Gassen auffgehoben: Es ist billich/ daß ich das halbe Theil darvon habe/ oder daß ich auff das we- nigste mit euch abtheile/ vnd etwas darvon be- komme.
Als nun der Limosin sihet/ daß er erdappet wird/ vnd andere solches auch gesehen haben/ den- cket er in sich selbsten/ ob nicht ein Betrug vnd Bubenstuck darhinder stecke: Dann man hatte jhm mehr von dergleichen Bubenstuͤcken gesaget: Gehet derhalben in den nechsten Laden/ vnd saget zu dem Filou/ es sey ja billich/ daß er mit jhm thei- le/ vnd den halben theil darvon bekomme/ weil er haͤtte gesehen/ daß er solches auff der Gassen auff- gehoben vnd gefunden hatte: Vnd nach dem er die gefundene Waar außgeleget/ fraget er jhn selber/ welches vnter solchen beyden stuͤcken er begehre/ ob er woͤlle den Demant oder die Guͤldene ketten
haben?
Diebs Historien/ das
I.
Buch.
haben. Filou nimpt den Demant/ vnd saget/ er lasse jhm die Ketten/ dieweil sie mehr als der Demant werth sey vnd wann er jhm fuͤr den De- mant/ der dem ansehen nach mehr als zwey hun- dert Kronen werth sey/ dreyssig Pistoleten woͤlle geben/ so woͤlle er jhm den auch lassen.
Dem andern das Packet/ sagt der Limosin/ wem verkauffet jhr ewere Schaln/ wolt jhr mich gar fuͤr einen Narꝛen halten/ ich weiß all eweren Betrug vnd Arglistigkeit gar wol/ ich will euch sonst nichts geben/ sondern weil sichs also hat zu- getragen/ daß jhr seyd darzu kommen/ da ich das Packet gefunden vnd auffgehobē habe/ so gebe ich euch die Wahl/ vnd moͤget jhr selber auß den bey- den stuͤcken eines nemen/ welches jhr selber woͤllet/ vnd welches euch am besten gefaͤlt/ ich hab sonst kein Gelt/ das ich euch gebe.
Der Kauffmann merckte so bald/ daß das ein Spitzbuͤbisches stuͤcklein ware/ vnnd weil er sorg haͤtte/ man moͤchte durch solche Gelegenheit jhm etwas auß dem Laden vnvermerckter weise hin- weg stelen/ hiesse er jedermann auß seinem Laden gehen/ vnd jagete den Limosin vnd seinen Gesellen auch zugleich dem Laden hinauß/ vnd daran thaͤ- te er gar wol: Dann es waren schon zween oder drey Beutelschneider in Laden durch solche Ge- legenheit hinein kommen/ vnnd hatten schon ein stuͤck Tuch zu jhrem Vortheil ersehen.
Als sie nun miteinander darauß seyn/ nimpt der Limosin die Ketten/ vnd gibt seinem Gesellen den Demant/ vnd muste also der Filou voꝛ dieses
O
mal
Beutelschneider/ oder
mal mit spott vnd schimpff abziehen/ vnd mangel- te jhm nichts mehr/ als daß Accursius jhm das Gesetz hette außgeleget:
Quinque pedum:
Dann ich versichere euch/ er hett den Brill wol auffsetzen vnd tragen koͤnnen.
Wiewol nun jhm vor das erste mal der streich nicht war angangen/ so waren sie doch daruͤber nicht vnlustig oder vngedultig: Sondern sie na- men jhnen fuͤr/ sie wolten den Limosin deß dinges gantz satt machen/ vnd solte es bald oder langsam geschehen: Deꝛhalben so steltē sie andere an/ die al- le Mittel vnd Weg suchten jhm ein stattlichs an- zumachen/ vnnd jhn hinder das Liecht zufuͤhren:
Sre
wusten/ daß er sich fleissig in der Gassen S. Jacques liesse finden/ derhalben so warten sie auff ein Zeit auff jhn an der Ecken der Kirchen der Mathuseos/ vnd als sie jhn von weitem sa hen da- her gehen/ gehet einer auß jhrer Gesellschafft jhm entgegen/ thut jhm seine Ehrerbietung/ gruͤsset jn gar freundlich/ als wann er jhn wol koͤnne/ vnd spricht jhn an: Mein Herꝛ/ wie gehts/ wie stehet es mit euch/ seyt jhr auch noch wol auff: Es ist bald zehen tausent Jahr/ daß ich einmal euch gern gese- hen vnd bey euch were gewesen.
Mein Herꝛ/ jhr werdet mich fuͤr entschuldiget haben/ wann es euch beliebet/ antwortet der Limo- sin/ ich hab niemals die Ehr vnd Gluͤck gehabt/ euch zu kennen vnnd mit euch vmbzugehen/ viel- leicht versehet jhr mich fuͤr einen andern.
Heist jhr dann nicht Herꝛ la Roche/ sagt der Filou/ seyd jhr nicht von Compagne: Nein/ mein
Herꝛ/
Diebs Historien/ das
I.
Buch.
Herꝛ/ sagt der Limosin/ ich heisse la Truffle/ vnnd bin buͤreig von Limoge: Sihe/ da/ warlich/ sagt hierauff der andere/ ich bitt jhr wollet mir es nicht fuͤr vngut halten/ ich hab euch fuͤr einē andern an- gesehen: Es ist wahr/ jhr seydt zuentschuldigen: Dann es ist nun mehr sechs Jahr/ daß ich jn nicht habe gesehen/ aber er sihet euch gar gleich inn allen stuͤcken.
Hierauff nimpt einer von dem andern sein Ab- schied/ vnd gehen von einander: Der Limosin ge- het fort vnd gedencket ben sich also: Sihe/ was be- deut das/ daß der Mensch dich also hat angeredet/ wie dem/ wann er vielleicht einer were/ auß den Spitzbuben vnd wolte dir eines anmachen. Ist dem also/ so wilt du dich ja so wol vorsehen/ daß dir keiner soll beykommen/ vnnd dich betriegen koͤn- nen: Vnd in dem er also in seinen Gedanckē fort- gehet/ kommet er vnter dessen zu Sainct Benoist: Als er aber noch nicht recht darbey ist kommen/ si- he da kommet jm entgegen ein guter alter Mann/ gekleidet wie ein Kauffman/ der gruͤsset in freund- lich/ nennet jhn mit seinem Namen (welches jhm dann der ander schon gesagt hatte) der Limosin/ welcher diesen alten sein lebenlang nicht mehr ge- sehen hatte/ verwundert sich erstlich sehr daruͤber/ gleichwol so dancket er jhm widerumb gar freund- lich Hierauff sanget der Alte an jhm zuerzehlen/ wie es nun mehr auff die zwantzig Jahr sey/ daß er seinen Vatter gekandt habe/ es habe sein Vatter jhme auch viel liebs vnd guts erzeiget/ also daß er schuldig sey/ sich widerumb danckbar zuerzeigen/
O ij
vnd
Beutelschneider/ oder
vnd wann er auch die Gelegenheit jhm vnnd den seinigen zu dienen hette/ wolte er sich gewißlich nit sparen/ sondern sich also erzeigen/ daß man im Werck selber solte spuͤren/ daß einem danckbaren Menschen were liebs vnnd guts erzeiget worden: Es daͤuchte jhn auch/ wann er den Sohn ansehe/ so sehe er den Vatter selber/ wann er den Sohn gruͤsse/ so gruͤsse er den Vatter selber/ vnd ernewere die alte Freundschafft.
Wie wol nun diese Buttersuͤsse vnnd freundli- che Wort auß einem falschen arglistigen Hertzen herkommen/ jedoch so wuͤrck ten sie so viel inn dem Hertzen deß Limosin/ daß er meinete es were alles wahr/ was der Alte jhm der lenge nach erzehlet hatte/ also daß sie darauff inn ein ander Gespraͤch kamen/ vnd sich beyeinander lang auffhielten/ biß endlich der alte Mann (welcher sich auff rauben vnd stelen wol verstunde/ vnnd ohne Voͤgel vnnd Falcken wol jagen kondte) bey jhm soviel erhielte/ daß er mit jhm hingieng/ miteinander an einem Ort zu Mittag essen: Aber als sie kaum recht zu Tisch gesessen waren/ sihe da kamen fuͤnff oder sechs daher/ giengen in die Kammer hinein/ vnd nach dem sie ein wenig Kundtschafft mit dem Alten gemacht hatten/ setzten sie sich auch an den Tisch/ vnnd fiengen miteinander an von allerley Sachen zureden.
Der Limosin/ der von Natur gar argwoͤh- nisch vnd mißtrawig ware/ wuste nicht/ was er auß solchen Ceremonien solte vrtheilē/ vnd schlies- sen/ vnnd hatte grosse sorg/ es wuͤrde das Spiel
uͤber
Diebshistorien/ das
I.
Buch.
uͤber seinen Beutel/ welcher deßmals den Bauch- fluß hatte/ außgehen: Als sie aber nun mehr bald zu Mittag gessen hatten/ sihe da kommet der erste Filou/ welcher zuvor den Limosin an der Gassen- ecken angesprochen hatte/ auch hinein/ vnd als der Limosin jhn ersihet/ da machet er jhm kein andere Rechnung/ als daß er mitten vnter so viel Spitz- buben vnd Beutelschneidern sitze/ dencket derhal- ben/ er muͤsse einmal mit machen/ vnd der Schan- tzen so in acht nemen/ daß er auß dem Spiel ohne schaden komme.
Er nimmet sich aber eusserlich dessen alles nichts an/ er machet sich lustig/ tꝛincket einem vnd dem andern zu/ vnnd stellet sich als steige jhm der Wein schon in Kopff/ daruͤber dann die Filous fro waren/ dann sie bildeten jhnen ein/ das Wild were jhn schon in das Garn gefallen.
Damit sich aber der Limosin desto besser von solcher boͤsen Gesellschafft moͤge loß machen/ spricht er zu jhnen: Weil er noch niemals die Ehr gehabt habe in jhrer Gesellschafft zu sein/ vnnd sie jhn auch zu Mittag zu Gast geladen haben/ so wol- le er eines thun/ vnd wolle zwo Flaschen deß besten Weins/ den man inn Paris finde/ fuͤllen lassen: Dann der Wein/ den sie getruncken haben/ sey nicht vom besten gewesen/ bittet/ es soll doch einer auß der Gesellschafft seinen Mantel nemen/ vnnd mit jhm gehen: Dann nicht uͤber zween Stein- wuͤrffe weit/ wuͤste er an einem Ort außbuͤndigen guten Wein/ vnnd weil doch ohne das der Tag meistestheils sey verderbet/ woͤllen sie sich vollends
O iij
mitein-
Beutelschneider/ oder
miteinander lustig machen. Darmit dann ein jeglicher gar wol zu frieden ist: Vnd damit er jh- nen ja desto mehr Hoffnung mache/ so thut er/ als dutzele er ein wenig/ vnnd koͤnne die Thuͤr nicht finden.
Nun hierauff gehen sie fort/ vnnd gehn stracks inn ein Wirthshauß/ welcher den Limosin wol kandte/ vnd nach dem er die Flaschen fuͤllen lassen/ sagt er zu dem Filou/ er soll doch in dem Wirths- hauß so lang warten/ biß daß er daheim Gelt ge- holet habe: Dann er woͤlle die gantze Zech bezahlen/ vnd sich den Tag einmal lustig machen. Der Fi- lou glaubet dem Limosin/ aber als Limosin wider kommet/ muß er sich verwundern/ daß er zween starcke Kerlen mit sich bringet: Die fallen so bald uͤber den Filou/ falben jhm seine Schuldern vnd gantzen Leib/ mit starcker Waldsalben/ ja sie zer- schmeissen jhn so jaͤmmerlich/ daß er so eben allge- mach/ vnd mit guter weile widerumb in das ande- re Wirtshauß zu seinen Gesellen kan kommen: Vnd als er zu seinen Spießgesellen/ vnnd zwar so schamhafftig als ein Glock engiesser kommet/ da erzehlet er jhnen das grosse Vngluͤck/ so jhm vn- ter dessen begegnet ware: Welche nicht anderst theten/ als wann sie Toll vnd Rasend daruͤber wol- ten werden.
Wie (sagte der Alte/ welcher den Anfang am Spiel gemacht hatte) soll vnns der ein solchen schimpff bewiesen haben? Sollen wir dann nichts mehr in vnsern Koͤpffen spentisiren vnnd erden-
cken
Diebs Historien/ das
I.
Buch
cken koͤnnen/ soll ein solcher noch vnserer Arglistig- keit spotten? Haben wir dann alle vnsere Kunst vnnd Arglistigkeit/ deren wir vns an so manchem Ort anderstwo gebraucht haben/ außgegossen/ daß wir nichts mehr erdencken moͤgen/ wie wir vnns an einem solchen schlimmen Gesellen der vnser in das Angesicht hinein spottet/ rechen vnd jhm das Liecht außblasen moͤgen? Ich wil einmal das nit vngerochen lassen: Dieser mein Greiser vnd weise Kopff soll der nicht noch soviel erdencken koͤnnen/ wie man sich an den Gesellen rechen vnnd jhn er- dappen moͤge?
Nach dem sie nun vntereinander jhr Leyd also geklaget/ scheiden sie auß den Wirtshauß vnnd zwar so trawrig/ wie Schafhunden: Dann jhrer zwen musten die Maͤntel zum Pfand fuͤr das mit- tagmal
z
eit lassen/ vnd hette nicht viel gefehlet/ der Commissarius hette sie außgehaben/ vnd auff das Chastelet gesangen gefuͤhret.
Etliche Zeit hernacher kommen sie zu einem/ der deß Limosin guter Freund ware/ vnnd welcher jhn zum ersten mal von dem Limosin gesagt/ vnnd sie gebetten hatte/ sie solten jhm ein Tuͤck vnd Bos- sen beweisen: Diesem klagten sie/ daß sie durch alle jhre Arglistigkeit jhm noch nichts hatten abge- winnen koͤnnen: Gaben jhm auch den Rath/ er solte den Limosin einmal deß Abends zu Gast la- den/ so wolten sie dann auff jn warten/ vnd (wann er sich wider nach Hauß wolte begeben) Mantel/ Gelt vnd alles nemen/ welches dann der jenige eingienge/ vnnd verhiesse: Dann er bekuͤmmerte
O iiij
sich
Beutelschneider/ oder
sich nit daꝛumb/ was es auch kosten moͤchte/ wann er nur einmal so viel kaͤndte zuwegen bringen/ daß sein Kerlen wol bezahlet wuͤrde: Aber der Anschlag wurde jhnen zum drittenmal zu Wasser. Dann da er alleweil wolte zur Abendmalzeit hingeben/ kame sein Vetter zu jhm/ welcher all jhren boͤsen Vorschlag verhinderte: Aber hoͤret doch/ wie er endlich ist erdappet worden/ wiewol er sich so fleis- sig hat vorgesehen.
Auff ein Zeit ersahen zween Filou diesen Limo- sin auff der Kauffmans Bruͤcken/ eben inn der Zeit/ da er mit Leinwadt handelte/ vnnd auff die fuͤnfftzig oder sechtzig Cronen in dem Seckel hat- te: (denn er pflegte es/ wie Bias/ zu machen vnnd zu sagen:
Omnia mea mecum porto:
Alles was ich hab/ trag ich bey mir:) Darauff gaben sie nun gute achtung/ vnd als er auß dem Laden/ daꝛinnen er etwas verꝛichtet hatte/ herausser gienge/ verfuͤg- te sich ein Filou/ welcher wie ein Teutscher geklei- det ware/ zu jhm vnd redet jhn auff boͤß Fꝛantzoͤsisch also an.
Monsieur/ ich nicht bin Frantzoß: Wann es euch beliebete mir zeigen den Weg inn Vorstatt Sainct Germain/ ich geben wil euch eine Pi- stolet.
Limosin recket die Ohren auff/ hoͤret dem Ker- len zu/ wie er redet vnd duͤncket jhn/ es sey ein Be- trug darhinder: Aber weil er es nicht fuͤr gewiß kondte wissen/ ob es ein Filou von der Newen Bruͤcken sey/ dieweil er jhre gantze Gesellschafft nicht kandte oder gesehen hatte/ antwortet er jhme
also
Diebs Historien das
I.
Buch.
also: Mein Herꝛ/ ihr werdet mich entschuldigen/ wann es euch beliebet/ dann ich bin allhie nicht da- heim/ vnd gehet mein Weg nicht in die Vorstate Sainet Germain/ derhalben/ so bitte ich euch/ jhr woͤllet mich entschuldigen/ daß ich nicht mit euch dahin kan gehen.
Als nun Filou sich abermal inn seiner Hoff- nung betrogen sahe/ name er jhm vor/ er woͤlle das Spiel gar bleiben lassen: Es faͤlt jhm aber so bald etwas anders ein/ vnnd spricht auff boͤß Frantzoͤ- sisch/ wie zuvor auch/ also zu jhm: Monsieur/ O jhr wacker Mann seyd/ ich gehn wolte zu Pferde auff Brucken/ O groß Pferd groß Mann drauff/ O schoͤn stuͤck/ inn Teutschland man sagt darvon viel/ wann mich jhr weiset/ ich nicht vndanck bar wil seyn
Der Limosin/ welcher auff die newe Bruͤcken/ vnd von dannen in die Gaß Daulphine wolte ge- hen/ da er dann etwas zuverꝛichten hatte/ gedachte im geringsten nicht/ daß jm ein Vngluͤck/ welches durch dieses Mittel die Filous jm zurichteten/ sol- te oder koͤndt begegnen/ sagt derhalben zu dem ver- meinten Teutschen/ daß weil er das grosse Pferd auff der Bruͤcken wolte sehen/ solte er mit ihm kommen/ dieweil es ohne das sein Weg were/ vnd koftete jhn nichts solches zuweisen: Hierauff ge- hen sie nun miteinander zu der Brucken zu/ vnnd reden vnter dessen von allerley Sachen:
Bnnd
kondte der Filou sich so wol wie ein Teutscher vnd Frembder stellen/ wie er dann auch auff Teutsch gekleydet daher gienge/ daß er Limosin im gering-
O v
sten
Beutelschneider/ oder
sten nichts kondte mercken/ oder ein argwohn auff jhn werffen: Ja hette auch nimmermehr glauben koͤnnen/ daß jhm ein solcher Boß widerfahren sol- te/ wie gleichwoͤl hernacher darauff geschahe.
Als sie aber nun auff der Brucken seyn/ vor dem Pferd stehen/ vnd dasselbige ansehen/ da stre- cket der vermeinte Teutsche sein Arm auß/ leget die Haͤnde zuhauff/ vnd macht verwunderung/ wie der Mahomet: Saget auch zu dem Limosin auff geradbrecht Frantzoͤsisch also: Monsieur/ O schoͤn stuͤck bey meiner Seel/ O jhr wacker Mann seyd/ daß jhr mich hergefuͤhret/ ich danck sage euch/ vnnd auff diese Wort faͤlt er jhn vmb den Halß/ vnd kuͤsset jhn.
Dem Limosin kompt dieses Kuͤssen fuͤr/ wie der Katzen/ welche/ man jhr mit der Hand uͤber den Schwantz stretchet vnd fehret/ jhn pflege zu stre- cken: Nimpt derhalben mein guten Teutschen bey der Hand/ fuͤhret jhn zu der Pforten/ welche an dem Gelender ist/ so vmb solches Pferd ist her- vmber gemacht/ wil jhn weisen/ was sonderlich an solchem Pferd ist zusehen/ die schoͤne F
i
guren/ so vnten daran stehen/ vnd was dergleichen denck- wuͤrdiges mehr allda ist zu sehen/ das zeiget er jhm durch einen grossen Riß an solchem Gelender.
Als sie nun alda stehen/ vnb solche wunderliche ding b
e
sehen/ bleiben auch so vnbeweglich/ als die Goͤtzen stehen/ zubesehen alles/ was da denck wuͤr- dig zubesehen sich befindet/ sihe da kommet ein an- der Filou/ (so wie einer vom Adel gekleidet ware/)
auch
Diebs Historien das
I.
Buch.
auch daꝛzu/ stebet still vnd fanget auch an sich uͤber solches schoͤnes stuͤck zuverwundern.
Warlich/ (sagt dieser Vogel) es ist jmmermehr schad/ daß das schoͤne Werck vnnd Gebaͤw nicht außgemacht wird: Dan̄ das ist eins von den schoͤ- nesten Colossen/ so man wol in gantzem Europa mag finden/ ja es ist ein solche Coloß/ daß sie allen Bilder Colossen/ so inn der alten Statt Rom ge- funden m
oͤ
gen werden/ wolkan vorgezogen wer- den: Ich bitte euch/ sehet doch/ wie sie ein so schoͤnes ansehen hat/ sehet doch/ wie der Koͤnig so wol auff dem Pferd sitzet/ wie er so ein Heroisches vnd Ma- jestaͤtisches ansehen hat/ wie er den Regementsstab in der Hand helt: Es habe es gegossen/ wer es auch wol/ so muß er ein rechtschaffener kuͤnstlicher Mei- ster seyn gewesen.
Warlich/ mein Herꝛ/ sagte hierauff der Teut- sche: Ihr wahr gesagt habt: Ich mein lebenlang nit dergleichen gesehen/ vnd in dem er solche Wort redet/ faͤlt er nider zur Erden gantz matt/ thut nit anderst/ als wann er in eine starcke Ohnmacht we- re gefallen/ (ich bitte euch/ bedencket doch diesen fund wol: Dann das ist eine solche Verschlagen- heit vnd Arglistigkeit/ daß einer inn ewigkeit nicht aͤrger vnd wunderlicher hette erfinden vnd erden- cken koͤnnen) Le Filou/ so nah bey jhm war/ als er jhn auff die Erden sihet fallen/ spricht er zu dem Li- mosin: Mein Herꝛ/ ich weiß nicht/ was jhr allhie gedencket zuthun/ aber sehet euch gleichwol ein wenig vmb nach ewerem Gesellen/ sehet/ wie er da liget vnd so kranck ist/ es were gut/ daß jhr bedaͤch-
tet/
Beutelschneider/ oder
tet/ wo jhr jhn irgend inn ein Hauß moͤchtet brin- gen.
Was mein Gesell/ sagt der Limosin/ ich sage euch das/ daß ich jhn nicht kenne: Ich hab in mein Lebenlang nicht mehr/ als eben jetzunder gesehen: Vnd als er diese Wort redete/ suchte er Vrsach sich darvon zu machen: Aber als Filou sahe/ daß jederman hinzu lieffe/ sagte er zu dem Limosin: Es were ja eine grosse schand/ daß man einen Fremb- den Menschen so gar solte in solcher grossen noth verlassen/ bate derwegen den Limosin/ weil er doch auch von der Gesellschafft were/ er wolte jhn bey ei- nem Arm nemen/ so wolte er ihn bey dem andern nemen/ vnd also an ein gewisses Ort fuͤhren.
Niemals hat sich ein Mensch besser als ein Tod- ter halten vnd stellen koͤnnē/ als eben der vermein- te Teutsche thete: Dann er wurde gantz bleich vn- ter dem Angesicht/ stellete sich/ als wann er nicht mehr athemen koͤndte/ ja mancher hette ein Eyd geschworen/ er were Todtkranck: Sie fuͤhren jhn in die erste Herberg/ die sie in der Insel du Palais antreffen/ vnd so bald er inn das Wirtshauß ge- bracht wird/ laͤst man Wein geben jhn damit zu laben/ vnd als er nun wider dem eusserlichen anse- hen nach/ zu sich selber kommet/ laͤst er den Wirth kommen vnd bittet jhn/ er wolle jhm ein Mittag- mahl zurichten/ sagt in seiner Sprache/ es haben jhm die beyde Herꝛen viel guts erzeiget inn seiner noth/ sie seyen jhm beygesprungen/ haben jhn da- hinein gefuͤhret/ vnd wisse er nicht/ wie er es wider gegen solchen Herꝛn verdienen koͤnne.
Der
Diebs Historien/ das
I.
Buch
Der ander Filou name sich an/ als wolte er hinweg gehen/ vnnd der Limosin thete dergleichen auch: Aber weil er dachte/ er wuͤrde den Tag eine freye Malzeit haben/ liesse er jhm den Mantel nit zerꝛeissen/ sondern bliebe da Sie setzen sich zu Tisch/ essen vnd trincken miteinander: Der Teut- sche/ als er nun seines vorigen Leyds vnd schwach- heit ein wenig vergessen/ setzet an den Limosin/ trincket jm zu: Der Limofin sparet sich auch nit/ trincket ohne Traͤchter vnd Seyl/ vnd macht sich zimlich lustig/ vnd als sie nunmehr zu Mittag ges- sen/ fangen sie mit einander an zu reden/ wie sie so wunderbarlicher weiß zusammen seyn kommen: Der Teutsche aber thut sich gantz dienstfreundlich gegen den beyden Herꝛen bedancken/ sonderlich a- ber gegen dem Limosin/ saget/ sie moͤgen jhm das wol glauben/ daß wann sie gethan hetten/ so hette er fuͤrwar sterben muͤssen.
Le Filou/ welcher sich fuͤr einen Frantzoͤsischen Edelman außgabe/ als er sihet/ daß der Teutsche jhnen so viel Ehr erzeiget/ zeucht er den Limosin auff eine seyten vnd saget zu jhm: Weil jhnen bey- den der Frembde so viel Ehr hab erzeiget/ so wolte es sich auch gebuͤhren/ daß sie jhm dergleichen auch beweisen/ vnnd wann er es zufrieden sey/ so wollen sie beyde widerumb eine Collation bezah- len/ oder woͤllen darumb spielen/ welcher vnter jh- nen beyden sie bezahlen solte/ nemblich der jenige/ welcher auff dreymal mit den Wuͤrffeln am we- nigsten wuͤrde werffen. Der Limosin ist darmit zu frieden/ vnd dencket an nichts boͤses oder arges/
das
Beutelschneider/ oder
das jhm wider fahren koͤnde: Dann der Wein- dampff stiege jhm schon etlicher massen in den Kopff/ daß er nicht mehr/ so forchtsam/ als er son- st en zu seyn pflegte/ ware.
Le Filou macht/ daß er in vier oder fuͤnff wuͤrf- fen verlieret/ der Limosin gewinnet die Collation welches in dann sehr erfrewet: Vnd haͤtte er nim- mermehr geglaubet/ daß solche Geheimnussen/ wie hernacher geschahe/ darauß erfolgen wuͤrde: Als nun solches geschehen/ sagt der Teutsche zu dem Limosin: Mein Herꝛ/ spielet mit dem Herꝛn da/ ich weiß/ jhr gewinnen werdet. Le Filou thaͤte/ als wann er gar kein lusten zu spielen haͤtte/ damit er seinen Man̄ desto mehr herauß locken/ vnd zum spielen bringen moͤchte/ sagte/ der Limosin were gar Gluͤckselig im spielen: Gleichwol aber/ wann es jhn beliebete in dreyen wuͤrffen mit Wuͤrffeln vmb eine Kronen zu spielen/ wolte er mit jhm spielen.
Der Limosin/ wiewol er schon halb truncken war/ hatte gleichwol noch so viel Verstand bey sich/ daß er sagte: Es were seine gewonheit oder gele- genheit nicht/ daß er es also solte mit spielen wa- gen/ so haͤtte er auch vber das kein Gelt: Die Fi- lous/ als sie sahen/ daß der Limosin so gar nicht ans spielen wolte kommen/ hatten sorge/ sie wuͤr- den jhn nicht erdappen koͤnnen: Der halben sagte der Teutsche zu seinem Gesellen: Weil der Herꝛ verstehe der Limosin nicht wolte spielen/ so solte er mit jhm ein weil spielen: Vnd hierauff fangen sie an miteinander zu spielen/ der Limosin aber sahe zu
vnd
Diebshistorien/ das
I.
Buch.
vnnd vrtheilete/ welcher gewinnen oder verlieren wuͤrde/ vnd als der Teutsche mit seiner Narꝛen- weiß mehr als zehen Cronen gewunnen hatte/ the- te er/ als wann er spielens muͤd were/ vnnd sagt zu dem Limosin: Mein Seel/ du gut Frantzoß bift/ Spiele mein spiel wider Herꝛn da/ ich weiß wol/ du mich nicht betriegen wirst.
Der Limosin/ weil er jhm nichts boͤses traumen liesse/ vnnd sahe/ daß er da nicht verlieren kondte/ fanget an wider den Filou zu spielen/ vnnd gewin- nen jm uͤber die vorige zehen/ noch zwantzig Kro- nen an Golt ab/ le Filou stellet sich/ als wolle er Himmel vnd Erden verfluchen/ wirfft die Wuͤrf- sel auff den Tisch/ thut/ als wann er Toll vnd thoͤ- richt wolle werden/ geberdet sich/ als wann er dem Gluͤck die Haar gar wolle außrupffen.
Dises alles machte dem Limosin ein Hertz vnd Mut/ vnd weil er sahe/ daß der Teutsche sein Beu- tel fuͤllet ohne spielen (dann der Limosin spielete vor jhn) sagte er zu jm: Er solte jhn vmb das hal- be theil mit spielen lassen/ welches er jhm dann so bald erlaubete/ doch mit dem beding/ daß er jhn nicht solte betriegen. Hierauff fangen sie beyde an wider den Filou zu spielen/ vnnd setzet ein jeglicher zehen Kronen ein/ wider den Filou. Im Anfang verspielete le Filou mit fleiß/ damit er darnach den Limosin desto besser erdappen moͤchte/ aber allge- mach wendete sich das Spiel/ vnd verlohre ein jeg- licher vnter jnen beyden in zehen oder zwoͤlff wuͤrf- fen zehen Kronen: Der Teutsche fragt nichts dar- nach/ vnd spricht dem Limosin ein Hertz ein/ daß er
noch
Beutelschneider/ oder
noch zehen Kronen einsetzet/ welche Filou bald zu sich zohe/ vnd also war mein guter Limosin schon vmb zwantzig Cronen geschneutzet/ vnd wolte von dem Spiel hinweg gehen: Aber der Teutsche rede- te jhm ein/ daß er muste außspielen: Sagt/ er muͤ- ste gedencken/ daß das Spiel sich leichtlich koͤndte wenden/ vnd daß er auch nicht allzeit gewinnen koͤndte: Spieleten so lang mit jhm/ biß daß sie jhm auff das allerwenigste/ fuͤnfftzig Kronen an Golt auß dem Beuttl herausser gelocket hatten. Vnd als der Teutsche nun sihet/ daß nichts mehr an dem Limesin ist zu gewinnen/ (dann er gantz feꝛtig war) sanget er an uͤber den Limosin zu fluchen vnd zu schweren/ saget/ er habe in vmb sein Gelt bracht/ vnd jhm dasselbige verspielet. (Aber der vermein- te Teutsch hatte mit fleiß verlohren/ damit sie nur diesen Limosin butzen moͤchten) spricht zu jhm/ du verꝛaͤther Frantzoß/ du gemacht hast/ daß ich mein Gelt hab verspielet: Ich gewonnen wolte haben zwantzig Kronen/ aber ich hergegen fuͤnfftzig Kro- nen verspielet/ du mir warlich must zahlen/ oder ich mich rechen vnd schmeissen wil.
Der Limosin weiß nicht/ was er hierauff soll sagen/ beklaget sein Vngluͤck/ vnnd fanget an sich mit dem Teutschen zu zancken/ vnter dessen aber/ als le Filou sie gefraget/ ob sie nicht lenger mit jhm spielen wolten/ gewinnet er die Sregen vnnd wi- schet darvon.
Diese beyde setzen sich auff jhre grosse Pferde vnd fangen an mit Tellern vnnd Schuͤsseln auff- eingnder zu zuwerffen. Nun waren (auff deß Li-
mosin
Diebs Historien/ das
I.
Buch
mosin seyten zu allem Vngluͤck) eben in solcher Kammer noch zween oder drey andere Filous/ welche an einem andern Tisch zu Mittag assen/ vnd kein Wort darzu sagten/ waren auch deßwe- gen dahin kommen/ daß/ wann man jꝛervielleicht bedoͤrffte/ sie sich gebrauchen liessen/ vnd dz Spiel helffen außfuͤhren. Vnd als sie sehen/ daß der Li- mosin dem vermeinten Teutschen so hart zusetzet/ stehen sie vom Tisch auff/ thun als wann sie es auff beyden seyten gut meynen/ vnd sie von einander scheiden woͤllen: Fallen aber uͤber den Limosin/ zerschlagen jhn jaͤm̄erlich mit grossen Bruͤgeln/ jagen jhn auß der Kammer/ also daß der gute Li- mosin in Leib vnd Lebens gefahr geraͤth/ als er nun heraber kompt/ vnd auff der Gassen ist/ gantz Blaw vnd Schwartz geschlagen/ ohne Hut vnd Mantel/ fanget er ein grosses geschrey an/ bittet/ man wolle jhm wider die Rauber im Wirts hauß zu huͤlff kommen.
Als nun die Filous sehen/ daß jederman her- bey lauffet/ dencken sie/ das werde kein gut end ge- winnen/ rechnen in aller eyl mit dem Wirth/ vnd dringen durch das Volck hindurch: Aber so heim- lich als sie sich verschleichen/ vnd durch das Volck hindurch dringen woͤllen/ so wol kennet sie Limo- sin/ ersihet seinen Teutschen/ erwischet in bey dem Kopff/ vnd wirfft jhn zu boden nider/ das gibt nun ein grosses geschrey/ jederman laufft herzu/ der Commissarius kompt darzu/ vnnd nimmet zween gefangen: Der vermeinte Teutsch aber klaͤ- get uͤber den Limosin/ vnnd dieser uͤber den Teut-
P
schen/
Beutelschneider/ oder
schen/ also daß man bald zweiffelte (wie sie beyde sich stelleten/ vnnd einer uͤber den andern klagte) welcher vnter jhnen were beraubet worden/ wel- cher recht oder vnrecht hette/ dann sie sagten alle beyde/ sie hetten fuͤnfftzig Kronen verlohren mit einem Edelmann/ so mit jnen gespielet hette: Der Teutsche stellet sich allzeit/ als wann er nicht gut Frantzoͤsisch reden koͤndte: Endlich aber/ als man nicht wuste/ war an es henckete oder lehnete/ man kondte auch auß jhren Gespraͤchen nicht sehen/ wer vnrecht hette/ lisse man sie allbeyde widerumb darvon lauffen.
Wie es aber nicht allzeit Zeit ist zu Lachen/ vnd der Himmel sich der vnschuldigen Sachen end- lich wider die schuldige annimmet: Also begab es sich auff ein Zeit/ daß diese beyde Filous/ welche den Limosin also gebutzet hatten/ auff der newen Bruͤcken zusammen kamen/ vnnd beraubeten ei- nen Kammerherꝛn in dem Hauß deß Herꝛn von Nemours. Hierzu kame die Nachtwache/ namen sie gefangen/ vnd fuͤhreten sie auff das Chastelet/ vnd als man jhnen daselbsten die Wammeser ab- zoge/ sahe man/ daß sie gebrandtmahlet vnnd ge- zeichnet waren/ vnd hatten das Koͤnigliche Merck auff dem Rucken/ vnd kondten sie wol sagen/ daß sie als Blinde wider kommen waren: Dann die Blinden deß Quinze Vingts tragen die Lilien vorn/ sie aber hatten sie hinden auff dem Rucken: Dieses gabe nun Vrsach/ daß man sie so bald inn die Vorstatt Sainct Henore schickete a la Chais- ne/ damit sïe von dannen weiter auff die Galleren
ver-
Diebshistorien/ das
I.
Buch
verschicket worden: Vnd an solchem Ort seyn sie noch auff den heutigen Tag/ vnd schreiben in das Meer jhr grosses Vngluͤck/ mit einer Feder/ so fuͤnfftzehen Schuh lang ist/ Dinten vnd Streich werden an jnen nicht gesparet/ wie billich: Dann es gebuͤhret sich in alle weg/ daß man sie auch we- gen jhrer gethanen Arbeit belohnet: Vnter des- sen aber so hat deꝛ gute Limosin sein Theil auch vor sein Gelt bekommen/ ist wol außgelachet worden von den jenigen/ so jhn kandten/ sonderlich aber von dem jenigen/ welcher das Spiel hatte anfan- gen helffen: Derselbige/ als ein vnverstaͤndiger vnbedachtsamer Mensch (wie dann gemeiniglich junge Leut nicht bedencken/ was sie thun oder re- den (hatte sich etliche Tag hernacher geruͤhmet/ er hette den Bossen angestellet/ vnd er were der erste Anfaͤnger solcher Trag
æ
dien gewesen.
Als nun solches der Limosin erfaͤhret/ laͤst er jn als einen Strassenrauber vnnd Beutelschneider anklagen/ vnnd wie ich zu vor habe angedeutet/ so hatte er vor der Zeit das Handwerck auch getrie- ben. Hierauff wird er nun auff das Chastelet ge- fuͤhret/ aber seine Freunde bemuͤhen sich so viel/ dz er widerumb loß gemacht wird/ sonderlich aber dieweil man nicht kondte beweisen daß er jemals entweder weit oder nah bey einer Rauberey gewe- sen were.
Auß dem allem aber/ was ich bißher hab erzeh- let/ schliesse ich dieses/ daß wir in einer solchen Zeit leben/ da es wol von noͤthen ist/ daß einer Luchs- augen habe/ oder mit dem Argo hundertaugig sey/
P ij
ja daß
Beutelsch neider/ oder
ja daß einer nicht allein vorn/ sondern auch hin- den auff dem Ruͤcke Augen habe/ wie deß Luciani Voͤlcker. Dann es gibet heutiges Tages der Leu- te/ welche meisterlich stelen/ vnnd dem Nechsten den Beutel mit dem Gelt vnsichtbar machen koͤnnen.
Das
XIV.
Capitel.
Von dem rauben vnd stelen eines nassen
Zechbruders/ der Vniversitet/ genannt Postel/ vnnd was er fuͤr verdambliche Thaten in seinem Leben begangen.
B
Ißweilen zwinget vnns die Noth zu grossem Vngluͤck/ vnd beweget vns/ daß wir vns zu solchen dingen begeben/ vor welchen wir sonsten ein abschewen habe/ vnd vns ein Grewel seyn. Postel hette sein lebenlang nicht so viel uͤbels gethan/ wann jhn nicht die Noth/ o- der soll ich viel mehr sagen/ Die Nascherey je len- ger je mehr darzu hette bewogen/ vnnd in solches Armut gestuͤrtzet/ daß er kaum so viel hatte/ daß er das Leben kondte erhalten/ wann er nicht staͤhle/ wiewol er von einem ehrlichen vnd fuͤrnemen Ge- schlecht ware.
Dieser studierte ein Zeitlang zu Paris/ wie er dann deßwegen außdruͤcklich dahin ware verschi- cket worden: Nach dem aber er sich in der Solda- ten vnd andere nichtswuͤrdigē Leut/ welche nichts zuverlieren haben/ Gesellschafft begeben hatte:
Ver-
Diebs Historien/ das
I.
Buch.
verlohre er allgemach die Lieb vnnd Zuneigung/ welche er zu dem guten vnd zu der Tugendt hatte/ vnd ergabe sich allen Suͤnden vnd Lastern: Alles/ was jm seine Eltern fuͤr seine Kost vnnd Noth- durfft schicketen/ wurde so bald in zween oder drey Tagen verthan vnd vernaschet/ vnd darnach mu- ste er sich der hoͤfflichkeit gebrauchen/ das ist/ er muste stelen: Dann das ist ein sonderlich Art ei- ner hoͤfflichkeit/ daß einer dem andern den Hut abthut vnd abzeucht: Vnd kan man das wol sa- gen/ daß das die Beutelschneider vnd jre Spieß- gesellen sey die allerhoͤfflichste Leut auff der Welt/ dann sie thun nicht allein einer dem andern den Hut ab/ sondern auch zugleich den Mantel.
Solches Handwerck triebe Postel ein Zeit- lang: Deß Nachts gieng er auß/ streiffet vmbher in der gegend de Saincte Genescieve/ vnnd de la Sorbonne/ Morgends kroche er widerumb in sei- ne Hoͤle/ wie ein Fuchs/ der auff der Huͤnerjagt ist gewesen/ vnd wie ein Wolff/ der deß Nachts auff dem Feld vmbher ist gelauffen: Dann deß Tages- liecht ist jhnen schaͤdlich/ hergegen aber so seyn die Finsternuß vnd Schatten deß Nachts jhnen be- quem/ vnd zu jhren boͤsen Sachen dienlich.
Der allererste/ welcher durch diesen newen an- kommenden jungen Rauber erdappet wurde/ wa- re eines Buchfuͤhrers (so auff dem Palots feyl hat) Junge/ welcher etliche Buͤcher einem vorne- men Herꝛn solte bringen: Weil er aber nicht zu Hauß war/ muste der Jung seine Buͤcher wider- vmb mit sich nach Hauß in die Gaß S. Jacques
P iij
tragen/
Beutelschneider/ oder
tragen/ vnd das geschach deß Abends vmb acht Vhr/ mitten im Winter. Als jhn nun Postel an- traff/ fragte er jn/ was er fuͤr Buͤcher truͤge/ vnnd als der Junge sie im zeiget/ marckete er mit jm/ als wolte er sie jhm abkauffen/ fuͤhrete jhn in eine Kammer/ welche er nah bey dem Collegio de S. Barbe bestanden hatte/ gab jhm eine falsche Pi- stolete/ vnd sagte er soll doch hingehen/ vnd sie jm wechseln lassen: Vnter dessen aber schleust er sei- ne Kammer zu/ vnd als der ander jm die Pistolet widerbrachte/ ließ er sich weder sehen noch hoͤren: Aber deß Morgens widerfuhr jm ein grosses Vn- gluͤck: Dann da er wil hingehen/ vnd einē Buch- fuͤhrer die geraubte Buͤcher verkauffen/ kompt er eben zu dem Buchfuͤhrer/ dem die Buͤcher zu- stunden/ welcher jhm nach den Kopff griffe/ vnd wann er nicht mit seinen Fuͤssen so hurtig vnd ge- schwind were gewesen/ vnnd hette die Hoffnung seiner Beut nicht auff die geschwindigkeit seiner Fuͤsse gesetzet/ so hette jhm das leichtlich begegnen koͤnnen/ daß er auff dem Chastelet ein Biblioteck hette auffrichten muͤssen: Aber er wuste die Gassen so wol zu messen/ daß es vnmoͤglich war jhn zuer- dappen.
Dieses hette er jhm billich zur warnung die- nen lassen/ vnd desto ehe vnd mehr von der boͤsen Zuneigung/ so er zum stelen hatte/ abstehen sollen: Aber er war gantz vnnd gar von solcher Suͤnden eingenommen/ vnd hat sich aller Boßheit schon muthwilliger weise ergeben/ daß er nicht ablassen kondte: Dann wann ein junger Mensch nur ein-
mal
Diebs Historien/ das
I.
Buch.
mal sich von der Suͤnden lest einnemen/ so ist her- nacher keine Boßheit die er nicht erdencke: Es ist auch kein Bubenstuͤck daß er sich nicht vnterstehe ins Werck zusetzen vnd zubegehen.
Das sahe man auch an dem Postel/ derselbi- ge/ weil er das erste mal so uͤbel ware angelauffen/ hette/ wie gesagt/ billich dann enher Vrsach vom stelen abzustehen nemen sollen/ aber er thete viel mehr das gegenspiel/ dann/ nach dem er erfahren hatte/ dz ein junger Gassenwirt/ welcher sich auch gar newlich verheurathet hatte/ in die Gassen S. Jacques ware gezogen/ suchte er sampt etlichen Gesellen Vrsach vnnd Gelegenheit mit solchem Wirt gute Kundschafft zu machen: Waren auch gar willkommen/ so offt sie in solches Wirtshauß kamen: Ja weil sie so fleissig hinein kamen/ vnnd bekandt wurden/ pflegte jn der Wirth offtermals ein Zech zu borgen.
Als nun Postel sahe/ daß der Wirth manch- mals sein Weib gar im Hauß allein liesse/ wurde er gegen der Wirthin verliebet/ vnnd bildete sich ein/ durch seine freundliche vnd suͤsse Wort/ wolte er wol erlangen was von jr begehren wurde. Si- het hierauff alle Gelegenheit auß/ vnnd als er wol wuste/ daß der junge Wirth auff ein Zeit bey sei- nen Freunden zu Nacht asse/ nimpt er einen sei- ner Kammeraden vnnd Spießgesellen mit sich/ vngefehr deß Abends vmb eylff Vhr/ klopffet an an der Thuͤr/ welche jhm auch so bald wird auff- gethan: Er fanget an mit seinem Gesellen zu trin- cken/ vnnd wartet auff gelegenheit/ wie er zu der
P iiij
Wirthin
Beutelschneider/ oder
Wirthin allein moͤge kommen/ vnd sein Vnzucht mit jhr treiben: Dann die Wirthin war gar al- lein vnd daheim blieben/ weil sie nicht allerdings wol auffware/ vnd dieweil sich das Abendessen bey jhres Manns Freunden gar lang inn die Nacht verzogen.
Als sie nun in Gedancken sitzen/ vnd jetzund jr boͤses vornemen eꝛfuͤllen woͤllen/ sihe da kompt der Wirth der Thuͤr herein gegangen/ ist ein wenig lustig: Dann bey seinen Freunden hatte er ein zimlichen starcken Trunck gethan/ vnd weil er nit gedencket/ daß die Gesellen etwas boͤses sollen oder werden vorhaben/ setzet er sich bey sie/ vnnd trin- cket mit jhnen/ vnd gedachte sie wuͤrden selber zu rechter zeit wideꝛumb heimbgehen woͤllen Dann das waꝛe nicht das erste mal/ daß sie bey jhm ge- truncken hatten: Aber einer vnter jhnen stellet sich/ als sey er gar truncken/ entschlaͤffet an einer Tischecken/ stellet sich/ als hab er kein gewalt mehr in Beinen/ ja thut als ein Mann/ der gantz voll Wein ist. Postel aber bittet den Wirth/ er wolle jhn doch in ein Kammer weisen/ daß sie schlaffen moͤgen gehen: Der Wirth beschweret sich dessen zwar erstlich/ aber weil er jhn ein zeitlang gekandt hatte/ fuͤhrt er jn oben im Hauß in eine Kammer/ vnd als er in die Kammer kommet/ so leget er sich so bald schlaffen.
Mitten in der Nacht zwischen ein vnd zwoͤlff vhren/ als nun jedermann zu Beth ist vnd schlaͤf- fet/ gehen sie beyde auß der Kam̄er oben hinuͤber/ vnd hat ein jeglicher ein kurtzes Faustrohr in der
Hand
Diebs Historien das
I.
Buch.
Hand/ vnd veꝛhoffen/ sie weꝛden deß Wirts Kam- mer offen finden/ aber wegen eines grossen stuͤck Eysens koͤnnen sie nicht zu der Kammer kommē: Da stehen sie nun lang beyeinander/ berathschla- gen sich/ was sie doch fuͤr einen List anstellen sol- len/ damit sie zum Wirth/ oder Wirthin inn die Kammer kommen: Endlich sagt Postel zu seinem Gesellen/ er soll widerumb hinauff inn die Kam- mer schlaffen gehen/ vnd sich stellen als koͤnne er kaum athemen/ vnd als sey er gar kranck/ welches er dann so bald ehut: Postel aber klopffet vnnd po- chet im Hauß/ vnd bittet den Wirth/ er wolle jm doch Wein oder Essig fuͤr seinen krancken Gesel- len geben.
Der Wirth springt im schlaff auff/ vnd bringt Essig fuͤr den krancken: Postel aber saget zu ihm/ es were besser/ wann er jhm von dem besten Wein auß seinem Keller braͤchte/ dann er wisse wol was es fuͤr eine Gelegenheit mit seines Gesellen Schwachheit habe? Darauff gehen sie alle beyde auß der Kammer heraber: Postel der schon ein klein Faustrohr mit dreyen Kugeln vnd weissem Pulffer geladen/ bey sich hatte/ nimpt das Liecht in die Hand/ in meynung mit dem Wirth in Kel- ler zugehen/ vnd jhme zu leuchten: Vnnd als der Wirt sich bucket/ vnd den Wein zapffet/ gibt Po- stel jm ein schuß durch die Schlaͤffe/ daß es durch vnd durch gehet/ der Wirth faͤlt von solchē schuß so bald zur Erden/ vnd faͤlt das Liecht auß: Postel aber kan lenger als in einer viertel stund die Ste- ge nicht finden: Doch endlich da er wider auff die
P v
Stege
Beutelschneider/ oder
Stege kommen/ zuͤndet er das Liecht wider an/ ge- het hinauff zu seinem Gesellen/ vnd zeigt jhm an/ wie die sachen stehen.
Die Wirthin sihet den Postel/ meinet aber/ es sey jhr Mann/ vnd wil jhr nicht einfallen/ daß die zween Gaͤste ein solchen Mord an jrem Mann sol- len begangen haben: Sie gehen darauff heraber auß jhrer Kammer/ vnd gehet Postel der erste in der Wirthin Schlafkammer/ vnd wil sich bey die Wirthin in das Beth legen: Die Wirthin/ als welche nicht anderst meinet/ dann es sey jhr Eye- mann/ spricht zu jhm/ er soll das Liecht außblasen/ vnd laͤst jhn auch darauff bey sich in das Beth li- gen. Als er aber sich herumber wendet/ vnnd den Vorhang wil vorziehen/ da sihet sie/ daß er kein Bart hat: Fanget an zuschreyen/ vnd jrem Mann zu ruffen: Postels Gesell/ als er solches hoͤret/ kom- met auch in die Kammer/ vnd fallen sie beyde auff sie stopffen jhr das Maul mit Tuͤchern zu/ vnd be- gehen jhre Schand vnd Vnzucht mit ihr/ vnd als solches geschehen/ gaben sie jr sechs stich mit Dol- chen in Leib/ vnd erwuͤrgen sie vollends inn dem Beth.
Nun ware zu allem Vngluͤck die Magd im Hauß nicht daheim: Dann ihre Fraw hatte jhr erlaubet auff jhres Bruders Hochzeit/ der sich zu Sainct Denis verheurathet/ zu gehen/ vnnd die- weil diese beyde Moͤrder gar allein im Hauß wa- ren/ durchsuchen sie vnd rauben alles/ was jhnen dienlich ist: Schlagen alle Kisten vnd Kasten im Hauß auff/ suchen so lang/ biß daß sie inn einer
auff-
Diebs Historien/ das
I.
Buch.
auffgeschlagenen Laden funden vier hundert Kro- nen/ welche der junge Wirth acht Tage zuvor von seinem Schwehervatter entlehnet hatte/ in Bur- gund zu ziehen/ vnnd allda Wein darvor einzu- kauffen.
Als sie nun jhre gute Beut gemacht/ gehen sie deß Morgens vmb drey Vhr hinauß/ schliessen nicht allein alle Gemach im Hauß/ sondern auch die Thuͤr heimlich nach jhnen zu/ vnnd thun/ als wann sie kein Wasser betruͤbet haben: Als nun deß Morgends uͤber die Zeit/ vnnd wider die gewon- heit Hauß vnnd Laden bleibet zugeschlossen/ ver- wundert sich jederman daruͤber/ vnnd weiß man nicht/ was das bedeutet: Dann es pflegten viel Leut in dises Wirtshauß zu kommen/ dieweil die- ser junge Wirth das Lob hatte/ daß er den Wein nicht vermischete/ sondern reinen vnverfaͤlschten Wein pflegte außzuschencken: Welches dann bey den Wirthen zu Paris gar selten geschicht: Dann auß einer Ohm machen sie zwo/ vnd vermischen den Wein so wol/ daß sie jhn doch endlich den Leu- ten fuͤr gut verkauffen.
Die Nachbarn/ als sie sehen/ daß den ersten Tag Hauß vnd Laden zugeschlossen bleibet/ sagen nichts/ lassen jhnen auch nicht boͤses traumen: Da sie aber sahen/ daß den zweyten vnnd dritten Tag noch alles zugeschlossen bleibet/ dencken sie/ es muß kein recht Sach darbey seyn/ faͤllet jhnen ein/ ob nicht vielleicht ein Todtschlag eines oder deß andern moͤge im Hauß sein vorgangen: Las- sen solches jhren beyden Eltern anzeigen/ wel-
che so
Beutelschneider/ oder
che so bald kommen/ vnd als sie die Thuͤren auff- geschlagen/ finden sie das geronnen Blut der Wirthin in dem Beth/ vn̄ an den Tuͤckern: Das Geschrey bricht so bald allenthalben auß inn der Statt/ der Commissarius kompt auch darzu/ vnd erkennet so bald/ daß da ein Todtschlag muͤsse ge- schehen seyn: Jedeꝛman schleust so bald/ der Wirt/ weil er sich nit sehen lasse/ muͤsse sein eigen Weib vmbgebracht haben: Sagen/ es sey den Tag oder deß Abends/ da der Todtschlag geschehen sey/ der Wirt truncken heimkommen vnd weil der Wirt selber sich nicht mehꝛ finden vnd sehen lasse/ muste darauß folgen/ daß sie beyde Eheleute ohn allen zweiffel vneins seyn worden/ vnnd daß der Zorn in Trunckenheit den Wirth werde also uͤbernom- men haben/ daß er sie werde Todt geschlagen ha- ben: Man laͤst solches seinen nechsten Freunden anzeigen/ welche uͤber solches Vngluͤck so bestuͤr- tzet werden/ daß sie nicht wissen/ was sie darzu sa- gen sollen: Sie doͤrffen vnd koͤnnen jhn den Wirt weder entschuldigen noch anklagen/ gleichwol ge- ben sie jhm alle das Zeugnuß/ daß er sich noch nie- mals/ so viel als sie wissen koͤnnen/ mit seinem Weib habe gezancket/ er sey auch die Zeit seines Lebens nicht zanckisch/ sondern allzeit still/ einge- zogen vnd friedfertig gewesen.
In dem sie aber auff beyden seyten also mitein- ander reden/ wil der Commissarius den Todten- leichnam auff dz Chaftelet fuͤhren lassen: Ehe aber das geschaht/ bitten beyderseyts Freunde/ er woͤl- se doch zuvor das gantze Hauß wol durchsuchen/
vnd
Diebshistorien/ das
I.
Buch.
vnd besehen/ welches dann so bald geschicht: Vnd als sie in den Keller hinein kommen/ werden sie so bestuͤrtzet/ daß sie nicht wusten/ was sie sagen oder dencken sollen: Dann da finden sie den jungen Werth auff der Erden todt liegen/ daruͤber erhebt sich ein heulen vnd zettergeschrey von allen mit- einander: Niemand kan wissen oder gedencken/ wie das moͤge zu sein gangen/ wer solchen Mord moͤge begangen haben: Man fraget zwar allent- halben nach/ aber da kan man nichts gruͤndliches darvon hoͤren oder vernemen.
Vnter dessen aber/ so lang als das geraubte Gelt vnnd Gut bey den zween Gottlosen Voͤgeln wehret/ machen sie sich lustig darvon/ sie sparen nichts/ sie essen vnd trincken/ sie retzschen vnd spie- len/ huren vnd buben ohn vnterlaß/ wo sie nur ge- legenheit darzu finden koͤnnen: Aber solches jhr Epicurisches Leben wehrete nicht lang/ dann sie funden bey guter Zeit den Boden in jhren Beu- teln. Aber als sie nun mehr fertig waren/ bedach- ten sie sich auff andere vnnd newe Mittel/ wie sie den Seckel widerumb spicken/ vnd jhr voriges Le- ben fortsetzen moͤchten.
Postel hatte zu Paris einen Vettern wohnen/ welcher ein reicher Mann war/ vnd sehr wol stun- de: Weil nun dieser gute ehrliche Mann nit wu- ste/ auch nicht wissen kondte/ daß sein Vetter Po- stel sich so gar uͤbel hielte/ erzeigete er jm alles liebs vnd guts/ vnd dorffte Postel bey jhm auß vnd ein- gehen/ mit jhm essen vnd trincken/ wann er wolte. Als nun Postel sahe/ daß sein Seckel lehr ware/
machet
Beutelschneider/ oder
machte er/ daß er den Schluͤssel zu einer Laden/ in welcher seine Baaß das meiste theil jhres Gelts hin zulegen pflegte/ bekame/ weil aber seine Baaß meinte/ der Schluͤssel zur Laden werꝛ verlohren/ wolte auch jhr nicht einfallen/ daß entweder je- mands auß jhrem Gesinde/ oder jhr Vetter Po- stel solte den Schluͤssel hinweg genommen haben/ liesse sie ihr ein andern vnd newen Schluͤssel ma- chen. Postel aber/ als er den Schluͤssel hatte/ na- me der Zeit wol in acht/ vnnd sahe/ daß alle Son- tag nach dem Mittagessen sein Vetter vn̄ Baaß/ wie auch jr Magd pflegten in die Kirche zu gehen/ vnnd lassen niemands mehr im Hauß/ dasselbige zu verwahren/ als ein kleines Toͤchterlein/ welches von jhrer Freundschafft ware.
Als er nun auff ein Zeit gar wol wuste/ daß sein Vetter vnd Baaß in die Kirchen gangen waren/ gehet er in seines Vettern Hauß/ vnd als er sihet/ daß die Magd noch in der Kuͤchen auff- waschet/ vnd das gebrauchte Kuͤchengezeug rei- niget vnd reibet/ so redet er der Magd zu/ sie solle sich dapffer eylen vnd fertig machen/ auff daß sie nach seines Vettern beselch vnd gewonheit in die Kirche komme/ dann man habe schon in der Kir- chen den Gottesdienst angefangen: Die gute alte Magd/ welche jhres Herꝛn Vettern nichts boͤses zutrawet/ glaubet alles/ was er sagt/ eylet sich vnd gehet in die Kirchen/ vnd er Postel auch mit jhr/ lassen niemands mehr als das kleine Toͤchterlein im Hauß/ dasselbige zuverwahren: Als sie aber miteinander in die Kirchen hinein kommen/ wi-
schet
Diebs Historien/ das
I.
Buch.
schet Postel geschwind widerum̄ der Kirchen hin- auß/ vnd gehet darauff in seines Vettern Hause/ darein niemands mehr als das kleine Toͤchterlein ware/ vnd als er anklopffet/ wird jhm/ als einem Vettern/ vnnd im Hauß wol bekandten so bald auffgethan: Gegen dem kleinen Toͤchterlein nim- met sich aber an/ er hab sein Gebet/ vnd Gesang- buch daheim vergessen/ vnd wolle seines Vettern oder seiner Baalen Buͤcher eins holen/ vnd weil er kein Buch in dem vntersten Saal kan finden/ spricht er/ er wolle eins oben inn der Kammer su- chen/ nimmet geschwind eine Leyter/ so im Hoff stunde/ steiget in seines Vettern Kammer vnnd verꝛichtet/ was er jhm vorgenommen hatte. Er thut die Lade auff mit dem gestolnen Schluͤssel/ findet vnd nimmet vnter andern ein Sack/ da- rinnen nicht mehr als eben zwey hundert Kronen waren/ vnd nach dem er alles sein ordentlich wi- derumb hingelegt/ vn̄ an sein Ort gestellet/ schleust er wider zu/ gehet auß der Kammer/ spricht zu dem kleinen Toͤchterlein in deß Vettern Hause/ er habe das Gesangbuch funden/ thut als wann er sein lebenlang nicht uͤber der Laden sey gewesen/ vnd gehet mit dem gestolen Gelt heim/ vnd gemis- set es sein Vetter vnd Baaß in etlicher Zeit nit/ daß jhn der Sack mit dem Gelt auß der Laden ware gestolen worden.
Vngefehr uͤber sechs Wochen oder zween Mo- nat hernach wil die Fraw Baase einmal uͤber jhr Laden gehen/ ein wenig auffbutzen vnnd auffrau- men/ aber so bald sie auffschleust/ sihet sie ein
Luͤck-
Beutelschneider/ oder
Luͤcklein/ vnd daß der Sack mit dem Gelt hinweg ist. Sie weiß nicht/ was sie soll sagen oder geden- cken/ sie erzehlet es jhrem Eheman̄/ der nicht weiß/ wen er deß Diebstals soll zeihen/ doch faͤlt jm eyn/ daß ein armer junger Mensch ein zeitlang in sei- nem Hauß sey auß vnnd eingangen/ werffen ein Argwohn auff jhn/ daß er es ohne allen zweiffel muͤsse gethan haben.
Der junge Mensch/ ob er wol vor Gott vnd in seinem Hertzen sich deß Diebstals vnschuldig wu- ste/ vnnd nichts desto weniger so betruͤbet/ daß er nicht weiß was er jm mermehr soll anfangen/ vnd wie er sich gnugsam soll entschuldigen: Thut ei- nes aber/ vnd nimmet fleissig in acht alle die jeni- gen/ welche bey gedachtem Herꝛn vnd Buͤrger zu Paris auß vnnd eingehen/ erfaͤhret endlich/ von deß Postel Spießgesellen/ daß er Postel viel spendiret vnd verthut/ ja so viel/ daß es vnmoͤglich sey/ daß es sein Seckel soll vnnd koͤnne ertragen: Zeiget solches seinem Vettern an/ welcher den Sachen ferꝛners/ vnnd weit nachfraget/ daß er endlich darhinder kommet vnd erfaͤhret/ daß dem also sey. Weil er aber seinen eigenen Vetter nicht wil oder mag zu schanden machen/ verweiset er jhm solches ernstlich/ laͤst solches auch seinen Vat- ter vnd Mutter wissen/ auff daß sie den Sachen vnd mehrer Schand bey Zeit vorkommen.
Der Vatter vnd die Mutter deß Postels kom- men mit betruͤbtem Hertzen gen Paris/ seyn gar vngehalten uͤber jhren boͤsen Gottlosen Sohn/ woͤllen jhn auch so zuͤchtigen lassen/ daß er hinfuͤr
Vrsach
Diebshistorien/ das
I.
Buch.
vrsach habe desto mehr sich fuͤr dergleichen Suͤn- den zu huͤten: Aber der Vetter/ (der nicht wenig vnwillig war/ daß er also vmb sein Gelt solte kom- men) riethe gleichwol nicht darzu/ darmit wann etwas anderst ferꝛners darauß entstehen solte/ jm keine schuld moͤchte gegeben werden: Sondern sagte/ daß man jhn vielleicht besser mit vnd durch guͤte/ als durch schaͤrpffe koͤndt widerumb zu recht bringen: Aber es ist gar ein schweres Werck/ ein Menschen von seiner alten boͤsen Geygen abge- wehnen/ vnnd wie man im Sprichwort sagt/ ei- nen alten Hund bendig zumachen: Dann wie der Poet saget:
Quo semel est imbuta recens, servabit odo- rem Testa diu.
das ist/ Jung gewohnet/ Alt gethan: Vnnd kan man auß einem Haffen den einmal angenomme- nen geschmack nit leichtlich wider bringē. Dann alles was er verhiesse/ das begehrte er nicht zu hal- ten: Ja was er so hoch vnd thewer versprache/ das hielte er im geringsten nicht. Dann wie er einmal in solchem verdamlichen Leben ware ersoffen/ also kandte er nicht darvon ablassen/ vnd begabe sich je lenger je mehr wider alle seine Verheissung inn leichtfertige Gesellschafft vnd Bubenleben.
Etliche Monat gehen also dahin: Weil er aber solches Leben ohne einen wolgespickten Beutel nicht kondte fuͤhren/ namen jhrer drey oder vier jhnen vor/ sie wolten jhre Beutel fuͤllen/ vnd solte es auch kosten/ was es jmmer wolte: Solchen jh- ren verdamlichen Zweck zuerꝛeichen/ namen sie
Q
jhnen
Beutelschneider/ oder
jhnen vor/ sie wolten Leut in einem gewissen Hau- se/ das sie darzu bestanden hatten/ speisen vnd her- bergen: Solches fiengen sie auch an/ erzeigten sich gegen jederman freundlich/ willig vnd diensthaff- tig/ also daß viel Studenten so frisch ankommen waren/ fro waren bey jhnen einzukehren/ vnd mit jhnen vmbzugehen: Sie erzeigten den jenigen so bey jhnen einkehreten/ allen guten Willen/ biß so lang daß sie erfahren/ welcher vnter jhnen Speck in der Taschen hatte. Vnd wann sie das bey ei- nem oder dē andern wusten/ machtensie/ daß sie jn all ein in ein Losament brachten/ vnd wann sie da- hin waren kommen/ vnd die Gaͤst hattē willkom- men seyn heissen/ fiengen sie an zu spielen biß so lang/ daß die Malzeit fertig ware/ oder die Colla- tion/ wie es nun die Zeit erforderte/ vnter dessen aber so lausterte einer vnter jnen allzeit den Gaͤstē auff den Beutel/ wie sie entweder den Beutel mit dem Gelt/ oder auffs allerwenigste etwas darvon erhaschen koͤndten.
Einer/ auß dieser boͤsen Gesellschafft/ so gar ar- me Eltern hatte/ nach dem er sich gantz vnd gar in das verdamblich Epicurisch Leben ergeben hatte/ vnd aber wegen deß gar geringen vermoͤgens sol- ches Leben nicht koͤndte fortfuͤhren/ name jhm vor auß einem gantz Teufflischen Gemuͤth nachfol- genden Mord begehen.
In der Statt Paris wohnete ein Haͤndschuch- macher/ ein feiner ehrlicher Mann/ so ein gantz vnstraͤffliches Leben fuͤhrete/ vnd welcher dises boͤ- sen Bubens Vormuͤnder/ vnd gleichsam also zu
reden/
Diebs Historien/ das
I.
Buch.
reden/ sein Vatter ware gewesen. Da nimmet im nun dieser boͤse verzweiffelte Bub vor/ er woͤlle deß Morgens fruͤ zu diesem Haͤndschuchmacher inn sein Hauß gehen/ in todschlagen vnd darauff das gantze Hauß pluͤndern vnd berauben/ welches er auch so bald ins Werck hat gesetzet: Dann am Morgen sehr fruͤ/ gehet er hin zum Hauß dieses Haͤndschuchmachers/ klopffet an der Thuͤr an/ vnd als jhm die Magd/ welche jhn wol kennete/ auffthut/ vnd sie nichts boͤses von jhm gedencket/ gehet er stracks zu dem Haͤndschuchmacher in sei- ne Kammer/ vnd findet jhn noch in seinem Beth ligen.
Der gute alte fraget jhn/ wie sein gebrauch hlelte/ woher vnd warumb er so fruͤh kaͤme/ wie es im gienge/ vnd ob er auch fleissig in seinem studie- ren fortfuͤhre: Aber an statt der antwort nimpt der verzweiffelte Boͤßwicht seinen Dolchen/ sticht jhn wider alles bitten vnnd flehen/ dem Haͤnd- schuchmacher in Leib hinein/ vnnd erwuͤrget jhn in seinem Beth.
Die Magd/ welche jhm die Thuͤr auffgemacht hatte/ war eine ehrliche junge Tochter genennet Maria/ war dem Haͤndschuchmacher verwandt/ vnd fuͤhret jhm seine gantze Haußhaltung/ hatte sich auch vor etlichen Tagen Ehelich versprochen/ mit einem ehrlichen Gesellen/ so jhres Vetters Handwerck ware. Als sie nun ein Geschrey in jh- res Vettern Kammer hoͤret/ lauffet sie der Kam- mer zu/ wird aber auch von dem Boͤßwicht mire- ben demselbigen Dolchen/ damit der Haͤndschuch-
O ij
macher
Beutelschneider/ oder
macher schon war hingerichtet worden/ erwuͤrget Vnd als nun diese That geschehen/ besuchte er das gantze Hauß durch vnd durch/ schleust vnnd schlegt die Laden auff/ findet zwar etliche Silberne Becher/ aber sehr wenig Gelt/ vnd stecket/ was er findet/ vnd mit sich kan hinweg tragen bey sich.
Damit er aber seine erschreckliche vnd ver- dambliche That desto besser verdecken vnd verber- gen moͤge/ so stecket er die Kammer mit Fewer an/ vnd hoffet/ es werden also mit vnd in der Fewers- brunst die beyde erschlagene Coͤrper zu Aschen ver- brennen: Aber nach dem von den Nachbarn dem Fewer gewaltig war gewehret worden/ gehen sie in das Hauß hinein/ zu sehen/ wie es darinnen ste- het/ vnd finden/ daß die beyde Personen Meuchel- moͤrderischer weise seyn erschlagen worden: Was aber den verzweiffelten Buben vnd Moͤrder an- langet/ wird er daruͤber inn seinem Gewissen also geaͤngstiget/ vnd gleichsam also zu reden/ mit den stricken seines boͤsen Gewissens also gebunden/ dz es jhm vnmoͤglich ist inn sein Hauß zu kommen/ vnd weil die Nachbarn nicht allein vor der Zeit gesehen hatten/ daß er bey solchem Haͤndschuch- macher war auß vnd ein gangen/ auch uͤber das gantz bestuͤrtzet allda vmbher gienge/ namen sie jn gefangen/ wiewol sie nicht wusten/ ob er den Moꝛd begangen hette oder nicht: Als man jhn aber ge- fangen genommen hatte/ fande man noch alles bey jhm/ was er im Hauß geraubet hatte/ wurde hierauff der Obrigkeit uͤberlieffert/ von welcher er nach seiner peinlichen Außsag vnd Bekandtnuß
wegen
Diebshistorien/ das
I.
Buch.
wegen seines Diebstals/ Mord vnd Brennens wurde zum Strang vnd zum Fewer verdammet/ vnd solches Vrtheil wurde durch den Hencker en Greve an jhm vollzogen/ den letzten Tag eben sol- ches Monats.
So bald als nun Postel vnd seine Gesellen er- fahren hatten/ daß dieser Boͤßwicht war gefaͤng- lich eingezogen worden/ machen sie sich auß dem Staub/ vnd auß Paris: Gleichwol aber so kondte Postel nicht auß Pariß kommen/ er hette dann noch zuvor ein klein Schelmēstuͤck/ oder vil mehr Diebstuͤck begangen: Er hielte sich gar fleissig inn einem Wirtshauß in seiner Nachbarschafft/ vnd als er wolte auff seyn/ bate er denselbigen Wirth (welcher den Postel allzeit hoch/ vnd fuͤr ein ehrli- chen Gesellen/ vnd von gutem Geschlecht herkom- mend (wie er dan̄ seiner Eltern halben auch war) gehalten hatte) er wolte jhm doch sein Pferd ein Tag zween oder drey leihen/ dann er wolte ein we- nig zu seinem Vatter reisen/ vnd denselbigen be- suchen Der Wirt/ der/ wie gesagt/ jn allzeit hoch- hielte/ dieweil er fleissig bey jhm gewesen/ vnd viel bey jhm verzehꝛet hatte/ lehnet jm sein Pferd ohne einige Einred vnd Beschweꝛung/ Postel zeucht also mit dem Pferd auß Paris/ vnnd als er gen Beauvais kommet/ verkauffet er das Pferd ei- nem ehrlichen vornemen Kauffmann/ welcher meinet/ er habe gar einen guten Kauff gethan: Veꝛdauschet es wider so bald gegen einem andeꝛn Pferd/ welches jhm besser anstuͤnde: Der jenige aber/ mit welchem er das von Postel gekauffte
Q iij
Pferd
Beutelschneider/ oder
Pferd verdauschet hatte/ kommet etliche Monat hernacher gen Paꝛis/ vnd als er solches eingedau- schete Pferd wideꝛumb allda wil verkauffen/ kompt der Wirth/ der dem Postel das Pferd gelehnet hatte/ darzu/ sihet/ daß es sein Pferd ist/ daruͤber dann der ander sehr wird bestuͤrtzet: Dann der Wirt arꝛestiret das Pferd/ beweiset es daß es sein Pferd ist/ vnd muß also der ander ohne Pferd vnd ohne Gelt widerumb zu Fuß nach Beauvois zie- hen: Da dann der Kauffmann/ welcher das Pferd selber von Postel gekauffet hatte/ dem andern sei- nen Schaden muste kehren vnd gut thun.
Vnter dessen hatte sich Postel abermal auß dem Staub darvon gemacht/ vnd nach Abbeville begeben: Als er aber deß Abends gar spat/ gantz allein/ ohne Wehr vnd Waffen/ zu einem Wald kam/ hatte auch nicht ein Stecken inn der Hand/ mit dem er sich hett wehren koͤnnen/ sihe da stos- sen jm auff zween Moͤrder/ welche nach der Beut hungerig waren/ vnd meineten/ sie wuͤꝛden finden was sie so haͤfftig sucheten/ da sie Postel sahen da- her kommen: Postel/ der sich so bald nicht erschre- cken liesse/ wiewol er auch nicht einen Stecken in den Haͤnden hatte sich zu wehren/ begehrete gantz vnd gar nicht vmbzukehren/ sondern wanderte jmmer fort/ vnd als er gar an die Strassenrauber kam/ da sagten sie zu jhm Er solte vnnd muͤste ih- nen entweder Blut oder Gelt geben vnnd lassen. Dem Postel/ der sonsten gewohnet war nicht zu- geben/ sondern zu nemen/ kame diese Sprach gar wunderlich vor/ jedoch erschrack er gantz vnd gar
nicht
Diebs Historien/ das
I.
Buch.
nicht daruͤber/ sondern gab jhnen diese stumpffe antwort/ vnd sagte: Er hette nichts/ vnd in dem er das saget/ so reisset er einen auß solchen beyden Raubern das Wehr auß den Haͤnden/ gibt jhm ein solchen stattlichen stꝛeich uͤber den Arm daß er sich nicht mehr kan wehren: Darauff macht sich Postel an den andern auch/ der weniger Hertz als der vorige hatte/ redet jhm solche Wort mit dem Degen zu/ daß er darauff die Flucht muß nemen vnd entlauffen/ welchem Postel nachfolget so hart daß er sich endlich jhm muß ergeben. Vnd also er- retteer sich auß den Haͤnden dieser beyden Stras- senrauber/ welche ohne allen zweiffel das Hand- werck nicht so wol gelernet hatten/ als der jenige/ den sie wolten uͤbeꝛfallen vnd berauben: nach dem aber Postel wider kommet zu dem jenigen/ wel- cher er am ersten hatte darnider geschlagen/ auch noch da lage/ stellet er sich/ als woͤlle er jn vollends erwuͤrgen/ wann er jhm nicht so bald den Seckel mit all seinem Gelt gebe: Diser entschuldiget sich/ er habe gar nichts bey ihm/ jedoch wann eꝛ
jh
n woͤl- le auß dem Wald inn das nechste Dor
ff
fuͤhren/ wolle er jhm allda zehen Kronen geben: Postel/ der nicht gedencket/ daß vielleicht ein Betrug dar- hinder stecke/ folget jm/
vndnach
dem sie duꝛch ein Wald uͤberzwerch gangen/ kompt er mit diesem Dieb in eine Herberg/ da der Wirt selber ein Moͤr- der war/ Strassenrauber vnd Moͤrder heimlich in seinem Hauß pflegte auffzuhalten.
Als Postel nun in die Herberg kam/ wurde er freundlich empfangen/ vnd sehr wol tractiret von
Q iiij
dem
Beutelschneider/ oder
dem Wirth/ welcher sagte/ er were deß Raubers/ welcher Posteln dahin hatte gefuͤhret/ Fꝛeund vnd nechster Verwandter/ vnnd nach dem die Malzeit auß war/ empfienge er seine jm versprochene Kro- nen: Vnd als Postel sich hierauff zuerkennen gab/ wer er wer/ war er noch viel willkommener/ vnnd angenemer/ vnnd erzeigten jhm noch mehr Ehr/ machten
anch
einen Bund miteinander/ er Po- stel sol
t
e bey jhnen bleiben/ vnd sich in jhre Gesell- schafft begeben/ so solte er allzeit wol tractiret vnd vnder halten werden/ solte auch sein gebuͤrendes theil an allen jhren Beuten die sie erdappen wuͤr- den haben: Welches sie dann auch also thaͤten/ wie sie miteinander accordiret vnd abgeredet hat- ten.
Etliche Tag nach diesem getroffenen Accord begab es sich/ daß ein vornemmer von Adel auß Picardien/) welcher ein solcher dapfferer Mann war/ daß man seines gleichens weit vnd bꝛeit nicht wuste zu finden) nach dem er sich ein zeitlang zu Calais hatte auffgehalten/ widerumb auß Engel- land kam/ vnnd weil er sein Weg nach Amiens vorgenom̄en/ durch Abbeville zoge/ da er sich aber nit wolte auffhalten/ gleichwol aber da er herna- cher in den Wald kam/ vnd die Nacht jhn vnver- hoffter weise uͤberfiele/ muste er eben in dieser Her- berg/ deren wir jetzund gedacht/ einkehren.
Als er nun in die Herberg kam/ wiese man jhn in ein Kammer/ in welcher er auch mit Essen sehr wol tractieret wurde/ vnd als die Magd inn die Kammer auch kam/ jhm sein Beth zumachen/
fienge
Diebs Historien/ das
I.
Buch.
fienge sie an zu weinen/ sagte jhm heimlich vnnd vertrawter weise/ wie er in so grosser gefahr were: Dann jhr Herꝛ/ der Wirt/ pflege ein kleine Schel- len zu leuten/ vnd so bald als solche geleutet weꝛde/ kommen ein hauffen Moͤrder zusammen: Dar- auff neme sich einer an/ als sey er der Haußknecht/ gehet inn die Kammer/ darinnen die Gaͤste seyn/ thut als wann er das Liecht woͤlle butzen/ thut es aber mit gantzem fleiß gar auß: Vnnd wann das geschehen/ so gehē die andeꝛn moͤrder in die Kam- mer/ uͤber fallen die Gaͤste/ vnnd schlagen sie jaͤm- merlicher weise zu Todt/ also daß nicht bald einer mit dem Leben darvon koͤnne kommen.
Der Capitain/ als er das von der Magd hoͤret/ dencket/ es sey da zeit achtung auff sich selber zuge- ben/ laͤst jhm durch die Magd ein Leuchte sampt ei- nem angezuͤndeten Liecht darinnen geben/ verste- cket solche Leucht vnter die Banck/ macht sein Wehr fertig/ vnnd wartet/ wann der Einfall ge- schehen werde.
Als er sich aber kaum recht wider an den Tisch hat gesetzt/ kompt ein Bawersmann der Thuͤr hinein/ thut als wann er der Haußknecht sey/ wil das Liecht butzen/ vnd blaͤst es gar auß: Hierauff laͤst der Capitain jm so bald durch seinen Diener die Leucht mit dem Liecht herfuͤr bringen/ treibet die Moͤrder zu ruͤck/ erschlegt etliche/ andere aber muͤssen die Flucht nemen/ was aber den Wirth anlanget/ erwischet er in bey seinem Halß/ nimpt jhn gefangen/ vnd lieffert jhn der Obrigkeit in jre Haͤnde.
Q v
Postel
Beutelschneider/ oder
Postel wirfft das Hasenpanier auff/ vnd kom- met wider gen Paris/ nimmet sein Herberg bey einem frembden Edelmann in der Newstatt S. Germain. Dieser Edelmann hatte nun zimlich Gelt bey sich/ wie auch eine grosse guldene Kette/ vnd viel koͤstliche Ringe/ welche er gemeiniglich antruge. Weil nun vnser Schuler/ Postel/ auch ein Diebs Appetit zu solchen Ringen vnnd Gelt bekame/ practicirte er es/ daß der frembde vom A- del auff ein Zeit mit jhm an den Wald de Vin- cenne spatziern gieng/ vnd als sie da mitten in den Weingarten waren/ sprengete er jhn an/ faͤlt vn- versehener weiß uͤber jhn/ hawet jhm zween Fin- ger an der Hand ab/ gibt jhm mit seinem Dolch zwen stick in den Ruͤcken/ vnd meinet also/ er ha- be jhn gantz Todt geschlagen: Nimpt darauff deß frembden Edelmanns Gelt/ guͤldene Kette vnnd die koͤstliche Ringe: Vnnd kompt darmit wider- vmb in die Statt: Der frembde Edelmann/ wel- cher sich in den Weingarten gestellet/ als wann er gar Todt wer/ richtet sich wider auff/ vnd kreucht so lang fort/ biß daß er inn eines Bawern Hauß kommet/ der jhn auß Barmhertzigkeit auffnim- met/ vnd mittel veꝛschaffet/ daß er wideꝛumb wiꝛd geheilet.
Von dannen wird der Edelmann nach dem er geheilt worden/ widerumb gen Paris gefuͤhret/ da er dann den Prevost del’ Isle/ als desselbigen Orts Obrigkeit/ laͤst zu sich kommen/ welchem er alles erzehlet/ was jm mit solchem Postel war be- genet/ beschreibet jn auch den Postel nach allen
vmb-
Diebs Historien das
I.
Buch.
vmbstaͤnden/ vnd mit allen Merck vnd Kennzei- chen: Hierauff wird Postel in der gantzen Vni- versitet so fleissig gesuchet/ biß daß er endlich wird erdappet/ da er jetzund auff dem Collegto der Ly- fieux in die Graͤben wolte springen. Man fuͤhret jhn auff das Chastelet/ vnd als er da auff die Fol- ter wird gespannet/ bekennet er alle Bubenstuͤck vnd Moͤrd/ so er die Zeit seines Lebens begangen hatte/ sonderlich aber den Mord/ welchen er an dem jungen Wirth vnd desselbigen Eheweib be- gangen hatte/ daruͤber sich dann jederman ver- wunderte: Hierauff wurde nun jhm das Vrtheil gesprochen/ daß er solte geradbrechet werden: Aber wie das nun mag zugangen seyn/ daß er entweder im Gefaͤngnuß selber mag Gifft eingenommen vnd sich selbst also vmbbracht haben/ oder daß jm sonsten ein Zufall begegnet/ so starb er sechs stund zuvor/ ehe man jn solte zum Gericht/ vnd zu seiner Mar
t
er hinauß fuͤhren/ vnnd uͤberhube also dem Hencker einer Muͤhe/ daß er jhm die Bein nicht doͤrffte brechen: Es ist bald niemands in Paris/ der dise Historien nicht wisse/ dann ich hab nichts
erzehlet/ daß nicht jederman wisse/ vnd selber auch mit seinem Mund bekraͤffti- gen koͤnne.
Das
Beutelschneider/ oder
Das
XV.
Capitel.
Von der Rauberey deß Grillons/ welcher
eines Ratzts in dem Parlament zu Ren- nes schreiber ist gewesen.
E
S ist ein wunderliches seltzames din- ge/ daß der Mensch in boͤsen dingen viel fruchtbarer ist/ als in den guten/ vnd daß deß Menschen Geist viel spitzfindiger ist etwas boͤ- ses als etwas gutes zu erdencken: Es ist nit mehr/ als ein Weg/ so zu der Tugend fuͤhret/ vnd dersel- bige hat kleine Abwege/ ist lustig/ anmuͤtig/ vnnd kan der Mensch auff solchem Tugendtweg/ viel Trost fuͤr seine Seele finden: Aber hergegen seyn tausent krummer Weg/ die zu dem Laster vnd der Suͤnde fuͤhren: Der Weg zur Tugend ist schnur- stracks/ vnnd haben die jenige/ so solchen Weg ge- hen/ all Gluͤck/ Segen vnd Wolfahrt zugewar- ten: Aber der Weg/ so zur Suͤnde vnd zu dem boͤ- sen fuͤhret/ ist Krum/ Vneben vnd sehr lang vnnd weit: Gleichwol aber so gehet es also zu/ daß wann einer auff den Tugenweg sich begibet/ so seyn her- gegen tausent/ welche den Suͤndenweg gehen/ ha- ben jhren sonderlichen Lusten vnnd Wolgefallen sich in einen Labyrinth vnd Irꝛgarten/ darauß sie darnach selber nicht wider kommen koͤnnen/ zu be- geben.
Sehet ein wenig zu ruck/ auff die alte Histo- rien vnd
Exemvel
/ so werdet jhr finden/ daß kein Laster ist/ fuͤr welches man mehr List vnd Betrug
habe
Diebshistorien/ das
I.
Buch.
habe erfunden/ als eben vor den Diebstal: Da ist bald kein Jahr vergangen/ da man nicht ein newe Diebslist habe außgebruͤtet vnd erdacht: Etliche haben jr Diebisches vornemen mit einem schoͤnen schem verdecket/ vnd haben jhre eigene Nachbarn bestolen/ vnd jhnen Land vnnd Gut abgnommen: Andere seyn wol offentlich kommen/ vnnd haben dem Nechsten das seinige hinweg genommen/ so haben sich auch der jenigen Leut gefunden/ welche andere haben vberreden woͤllen/ es sey ein stuͤck der Liebe/ wann man einem oder dem andern artig oder kuͤnstlich das seinige koͤnne abstelen: vnd das die Natur vns selber lehre vnd darzu anweise/ daß man die albere Leute/ ein wenig mitneme/ sie betriege auff daß sie dardurch desto verstaͤndiger vnd verschlagener moͤgen werden: Vnd wann wir auff die gegenwertige boͤse Zeit darinnen wir leben/ kommen/ was hat man nicht fuͤr Arglistig- keit/ Betrug/ Vortheil vnd Renck erdacht/ mit der lincken vnd rechten Hand dem Nechsten nach dem seinigen zugreiffen (ich rede allhier nicht al- lein von Filous vnnd andern gemeinen Dieben/ sondern auch von den jenigen/ welche dem eusser- lichen ansehen nach den Diebstal ernstlich sollen straffen) dann heutiges Tags vnteꝛstehet ein jegli- cher seinen Freund vnd Nachbarn zubetriegen/ vnd jhm (wann er nur gelegenheit darzu kan ha- ben) das beste/ so er hat/ zunemen vnd zu stelen: so viel Rechtfertigung/ so viel Gericht/ so vil Wider- spruch/ Befestigung der Brieff vnd Instrumen- ten/ falsche Vnterschrifft vnnd Siegelung/ Be-
kraͤffti-
Beutelschneider/ oder
kraͤfftigung vnnd viel tausend andere Mumme- rey/ was ist daß alles anders/ als ein recht Teuffli- scher fund/ welchē man hat erdacht/ auff/ daß man dem Nechsten vnder dem schein aller Gerechtig- keit das seinige abstele/ vnd den rechemessigen Be- sitzer auß seinem eigenen Erbgut stosse vnd treibt- Heist das nicht gar am hellen Mittag rauben vnd stelen/ vnnd vor aller Welt das jenige begehen/ was ein Beutelschneider nimmermehr jm in sei- nem Sine zuthu nemen wuͤrde: Es gehet heutiges Tags also her/ daß die jenige/ so am aller meisten straffwuͤrdig seyn/ am wenigsten gesuchet vnd ge- straffet werden.
Wo ist vnd bleibet
jetzunder
Esopus/ der da sagte: Die Gesaͤtze/ welche die Diebe verdammen/ seyn an einer Eysernketten angeschlossen/ vnnd die jenige/ fuͤr welche sie gemacht seyn/ lauffen ob- ne vnderschied/ ohne rew vnnd schew der Straffe mitten vnder den Leuten: Ist jemals ein Zeit ge- wesen/ da dieses deß Esopi Wort wahr ist gewe- sen/ so ist es fuͤrwahr jtzunder: Dann jederman hanget dem Boͤsen nach/ vnderstehet sich seines gleichen zuverfuͤhren/ vnnd nur allein von dem raube zu leben.
Aber ich komme vnvermerckter weise von mei- nem vorigen Gespraͤch/ vnd gerathe in ein solches Gespraͤch/ da es etwas gefaͤhrlich ist/ viel darvon zu reden: Dann da ist gantz vnd gar kein zweiffel/ wer sich wolte in Paris/ vnd in allē andern Staͤt- ren vnd Orten deß gantzen Koͤnigreichs Franck- reich vmbsehen/ der wird solcher Leut viel finden.
Aber
Diebs Historien/ das
I.
Buch.
Aber ich hab einmal gelehrnet/ daß es nit gut ist/ alle Warheit zu sagen/ dann wer die Warheit gar zu viel wil geygen/ dem wird nach der alten Fran- cken Sprichtwoꝛt die Geygen auff dem Kopff ge- meiniglich zerschlagen: Alle ding hat sein zeit/ last vns in vnserer Historien fortfahren/ auff einan- dermal woͤllen wir ferꝛners darvon reden/ wann wir besser gelegenheit bekommen werden.
Grillon war buͤrdig auß der gegend Angoules- me/ vnd hielte sich lange Zeit auff zu Rennes/ in Bretaignen/ da er eines vornemen Raths am Parlement in solcher Statt schreiber war: Er liesse sich im anfang sehr wol an/ also daß jeder- man diese Hoffnung von jhm schoͤpffete/ es wuͤr- de dermal eines ein vornemmer nuͤtzlicher Mann auß jm werden: Aber der Poet lehret vns/
Quo
d
non bene Ripæ creditur:
Daß man dem Gestad eines fliessenden Wasser oder Sees nicht gar zu wol soll vertrawen: Vnd ein ander Paet lehret vns an einem andern Ort also:
Nimium ne cre- de colori:
Verlasse dich nicht zu viel auff die eus- serliche schoͤne Farbe: Vnd wiewol Seneca leh- ret/ daß vnsere Wort vnd eusserliche Werck vn- fehlbare gewisse Zeugen seyn dessen/ das wir im Hertzen gesinnet seyn/ vnd meynen/ so ist es doch vnmoͤglich/ daß man auß dem eusserlichen anse- hen allzeit von einem Menschen recht vnd vnfehl- barlich koͤnne vrtheilen: Dann da heisset es/ wie Cicero recht vnd wol gesagt hat:
Frons, vultus \& oculi persæpe mentiuntur,
die stirn/ Angesicht vnd Augen liegen vnd betriegen manchesmal:
Vnd
Beutelschneider/ oder
Vnd dessen haben wir auch ein Exempel an dem Grillon. Dann wer den Grillon anfaͤngliches haͤtte sehen koͤnnen oder sollen/ der haͤtte jhn fuͤr den allergetrewesten/ auffrichtigsten vnd einfaͤl- tigsten Jungen in der Welt angesehen vnnd ge- halten: Dann er suchte nichts anders/ als seines Herꝛn Nutzen/ er lieff vnd rennete vnd arbeitete fuͤr seinen Herꝛen/ er war jhm in allen Sachen so getrew/ daß sein Herꝛ selber es jhm fuͤr ein grosses Laster gehalten haͤtte/ nur allein ein wenig an sei- nes Dieners vnd Schreibers trew vnd auffrich- tigkeit zu zweiffeln.
Wie es aber gemeiniglich pfleget herzugehen/ daß/ wann junge Leut in boͤse Gesellschafft gera- then/ sie dardurch verderben/ dieweil es heist:
Infi- cic omne pecus morbida sola pecus:
Ein eintzi- ges grindiges Schaff/ kan eine gantze Herd ver- vnreinigen vnnd anstecken: Also nach dem Gril- lon in leichtfertige boͤse Gesellschafft kommen/ ge- riethe er in das Bubenleben hinein/ da gienge kein Tag/ da er nicht muste sauffen vnd spielen/ vnnd vom sauffen vnd spielen gienge er darnach an an- dern vnehrliche oͤrter: Dann das ist die gemeine Landstrasse/ welche die jungen Spiel- vnd Sauff- bruͤder gehen.
Wie aber nichts mehr ist/ das den Beutel auß- drucknet vnnd außleeret/ als das sauffen/ spielen vnd Lotterbuͤbische Leben: Also kam vnser Kerles in kurtzer Zeit/ mit dem jenigen Gelt/ so er die Zeit vber bey seinem Herꝛn/ dem vornemen Rath hat- te gesamblet vnd zusammen gesparet/ zum ende
vnd
Diebs Historien/ das
I.
Buch.
vnd auff den boden: Also daß er sein Sauff vnd Spielleben/ doch viel mehr auß noth vnd Gelt mangel/ als auß guten freyem Willen ein zeit- lang vnderliesse.
Sein Herꝛ/ welcher von seinem boͤsen Leben nichts wuste/ hatte jhn wie zu vor/ also auch noch werth vnd lieb/ gab jhm auch zu verstehen/ daß wan
n
er ins kuͤnfftige/ wie sonsten bißher were von jhm geschehen/ trewlich wuͤrde dienen/ so wol- te er selber auff Mittel vnd Weg bedacht seyn/ wie er zu einem seinen ehrlichen Heurath kommen/ vnd gelangen moͤchte.
Grillon erklaͤret sich hierauff/ er wolte jhm ohn zweiffentlich/ wie zu vor geschehen/ also auch ins kuͤnfftig trewlich dienen/ Aber eben zu der Zeit/ da er kein Speck mehr in der Daschen haͤtte/ trug es sich zu/ daß der Gerichts Anstande wurde auß ge- ruffen/ welches dann Vrsach gab/ daß viel auß dem Parlement sich auff das Feld hinauß auff jhre Lusthaͤuser begaben/ sich allda zu erlustiren/ vnd Herbst zu machen.
Der Rath begibet sich nach seiner gewonheit auch hinauß/ vnd weil er noch etliche Geschaͤffte in den Feyertagen an der Kammer zuverrichten hatte/ laͤst er seinen Schreiber daheim/ solches al- les zuverrichten: Wann ich nun euch allhie solte erzehlen/ was dieser Schreiber in abwesen seines Herꝛn fuͤr Bubenstuͤck begangen/ muͤste ich fuͤr- wahr viel Zeit darzu haben/ vnd ein grosses Buch darvon schreiben: Dann er wuste den Bauers- leuten die Federn so wol auß zurupffen/ daß sie
R
dar-
Beutelschneider/ oder
darnach nicht mehr fliegen kundten: Icarus/ dem auff ein Zeit die von Wachs angemachte
Fuͤlgel
von der grossen Sonnenhitz zeꝛschmoltzen vnd ab- fielen/ hette sie nimmermehr besser braten koͤnnen: Er uͤberꝛedete sie/ sein Herꝛ begerte dieses vnnd je- nes von jhnen/ vnd also schmierete man jhm die Haͤnde/ hernacher aber bezahlet er sie mit bossen vnd andern schwencken.
Alle Tag hatte er in seines Herꝛen Hauß Ge- sellschaffe bey sich: Da muste der Keller stetig of- fen stehen/ vnnd da koͤnnet jhr selber bey euch ver- nuͤnfftig abnehmen/ wie seines Herꝛen Wein hat herhalten muͤssen/ vnd wie sie verhuͤtet haben/ da- mit ja der Wein den Fassen die Boden nit auß- stosse: Dann sie frassen vnd soffen stets miteinan- der/ vnd waren jre Ruͤssel oder soll ich sagen Maͤu- ler/ so rot/ wie eine Herbstschuͤssel/ darinnen man Rothetrauben liset: Man hette jhnen nimmer- mehr mit der Rothen September Weinfarb jhr Angesicht so schoͤn vnd roth mahlen koͤnnen/ als wie sie jhn auß solches Herꝛn Keller schoͤne rothe Backen soffen: Dann daß ich auch einmal die Warheit frey recht heꝛausser sage/ so ist dz Schrei- bergesindlein gemeiniglich so durstig/ wie die Er- de/ wann es in langer Zeit nicht hat geregnet/ vnd haben allzeit noch anderthalb Elen ledige Gedaͤr- me einem Gast etwas zugefallen zu essen vnnd zu trincken.
Von Morgen an biß auff den Abend thete er nichts anders/ als fressen vnd sauffen/ entschuldi- get sich aber/ daß er es nit were/ sondern viel mehr
die
Diebshistorien/ das
I.
Buch.
die grosse Hitz/ welche stets zu trincken forderte: Der allererste/ den er antraff/ muste mit jm gehē/ vnd wann er jhm gab zu essen/ so gab er jhm auß seines Herꝛn Keller zu trincken vnd doͤrfften kei- ne sonderliche Seyl dazu/ daß sie solches alles inn jhre Maͤgen hinab liessen/ dann sie kondten auß- buͤndig wol fressen vnd sauffen: Aber das Fest we- rete nicht lenger als viertzehen Tage: Dann weil entweder dem Herꝛn etwas zuthun war fuͤrkom- men/ oder jm sonsten etwas mag eingefallen seyn/ so ließ er seinem Diener vnnd Schreiber entbie- ten/ er soll das Hauß wol verwahren/ vnd hinauß zu jhm auff sein Lusthauß kommen.
Als nun der Diener seines Herꝛn befelch ver- nommen/ wird er sehr trawrig daruͤber/ gleichwol aber so muste er seines Herꝛn Befelch nachkom- men/ seine Kegel einpacken/ vnd zu seinem Herꝛn ziehen/ da er dann auff die viertzehen Tag verblie- be: Aber weil vnter dessen wider etwas newes war vorgefallen/ schicket jhn sein Herꝛ widerumb gen Rennes: Als er aber dahin kam fienge er sein vo- riges boͤses Leben wider an/ nicht allein mit fres- sen vnd sauffen/ sondern auch mit spielen/ dann er fienge so starck an zu spielen mit seinen Spießge- sellen daß er all sein voriges Gelt verlohre/ vnnd daher kam darnach sein Vngluͤck vnnd Verder- ben. Dann weil er sich nicht mehr/ wie zuvor/ kondte stattlich halten/ vergasse er seiner selbsten/ vnd gedachte nicht mehr an die Trewe/ welche er seinem Herꝛn so hoch vnd tewer versprochen hat- te: Vnd dieweil er wuste/ daß inn seines Herꝛen
R ij
Schlaf-
Beutelschneider/ oder
Schlaffkammer die Fraw in einer starcken wol- verwarten Kisten/ alle ihre beste Sachen/ Armge- schmeid koͤstliche Ring vnd jhr Gelt hatte/ gehet er in solche Kammer deß nachts/ nimpt seinen Dolchen vnd macht mit demselbigen das Schloß mit gewalt auff/ vnd als die Lade auff ist/ nimpt er hundert Kronen/ vnd ein Rose von koͤstlichen Demantē gemacht/ welches ein solches stuͤck wa- re/ daß dergleichen nicht mehr war zufinden fan- get an widerumb/ wie zuvor/ zu fressen/ sauffen vnd zu spielen.
Nun muß man aber allhie meꝛcken/ daß als er das Ladenschloß mit seinem Dolchen abgebro- chen hatte/ war die Spitz an seinem Dolchen ab- gebrochen/ vnd im Holtzstecken blieben/ welches er aber nicht in acht genommen hatte: Gleichwol aber ist solche im Holtz vom Dolchē abgebrochene vnd gebliebene Spitz Vrsach gewesen/ daß er sei- nes Diebstals ist bezuͤchtiget vnnd vberwiesen worden/ wie wir hernacher anhoͤren werden.
Nach dem nun der Schreiber sich etliche Tag widerumb hatte lustig gemacht/ laͤst jm sein Herꝛ abermals entbieten/ er solle hinauß zu jhm kom- men/ dann Martins Tag sey vor der Thuͤr/ vnd wolle er auch gern widerumb nach Hauß ziehen- Der Schreiber/ als er jetzund wil auff seyn/ vnd zu seinem Herꝛn ziehen/ bedencket sich/ ob es nicht rathsam sey/ daß er etliche Schloß vnd Thuͤren auffschlage/ als wann Diebe im Hauß seyen ge- wesen/ auff daß/ wann sein Herꝛ wider heimkom- me/ er desto weniger die gedancken auff jhn werf-
fen/
Diebs Historien/ das
I.
Buch.
fen/ vnd jhn im verdacht moͤge haben: Thut eines hierauff/ schlaͤgt das Schloß ab an seines Herꝛn Schlaffkammer/ hebet die Thuͤr an der Stegen auß/ wirfft sie uͤber vnd uͤber/ verderbet auch das Schloß an der grossen Pforten im Hauß/ doch macht er es also/ daß er noch nach jhm kan zu- schliessen: Vnd als nun das alles geschehen/ nim- met er alle Schluͤssel mit sich/ vnd zeucht zu seinem Herꝛen/ welcher nach zween Tagen widervmb in die Statt kame: Aber als man fuͤr daß Hauß kompt/ vnd wil auffschliessen/ wil der Schluͤssel nicht mehr auffschlissen/ man laͤst einen Schlos- ser kommen/ der das Schloß abmacht/ vnd saget zu dem Herꝛn/ es ser nicht recht zugangen/ es muͤ- ste jemandts mit gewalt die Thuͤr auffgemacht haben/ dann die Federn am Schloß seyen alle mit einander zerbrochen.
Der Herꝛ im Hauß wil solches noch nit glau- ben/ als er aber oben in das hauß kommet/ vnd sihet/ daß die Thuͤren außgehoben/ vnd die Thuͤr- Angel auff der Erden ligen/ es ist alles zerschlagen vnd verderbet/ wird er daruͤber so bestuͤrtzet/ daß er nicht weiß was er sagen oder gedencken soll: Er besihet wie alles ist verderbet/ er sihet die Thuͤren an/ endlich/ da er auch an seiner Haußfrauen La- den kommet/ vnd dieselbige besihet/ findet er im Holtz/ nah an dem Schloß/ die Spitzen eines Dolchens/ mit welchem das Schloß war auffge- brochen worden: Solche Dolchspitzen nimmet er stillschweigend/ vnnd schleust sie in sein Studier- stuͤblein: Laͤst seine Nachbarn kommen/ vnd fraget
R iij
sie
Beutelschneider/ oder
sie/ ob sie nichts gehoͤꝛet oder gesehen haben: Dann das vnd das sey in abwesen seiner in seinem Hauß geschehen vnd vorgangen: Die Nachbarn/ welche von allen denen Sachen nichts wissen/ sagen/ sie haben im gringsten nichts gemercket noch gespuͤ- ret: Sie haben auch weil er sey außgewesen/ n
ie
- mands in seinem Hauß sehen auß vnd ein gehen/ als seinen Schreiber/ vnnd desselbigen Mitge- sellen.
Der Schreiber/ als er daruͤber wird zu rede ge- stelt vnd gefragt/ wer die jenigen seyn/ so er vnter dessen in dem Hauß hab auß vnnd ein gefuͤhret/ antwortet vnd spricht: Es seyen die vnnd die ge- wesen/ nennet sie mit Namen/ vnnd sagt vnver- schampter weise zu seinem Herꝛn: Er woͤlle selber/ fuͤr sie gut seyn/ vnnd wann es sich auch befinde/ daß er oder seine Gesellen/ so mit jhm vnter dessen inn das Hauß seyn kommen/ nur an etwas oder dergleichen boͤses gedacht haben/ so wolle er alle die Marter/ so man jhm koͤndte aufflegen/ willig vnd gern außstehen.
Der Rath vnd Herꝛ im Hauß/ weiß nicht was er dencken oder sagen soll/ dann es war jhm sein Schreiber allzeit Trew gewesen/ vnd hatte jhn in vielen wichtigen Sachen probieret/ also daß er auch sein lebenlang kein vntrew an jhm gemer- cke
t
vnd gespuͤret hatte: Weil aber er sein Schrei- ber im Hauß gantz allein hatte gelassen/ Es hat- ten auch die Nachbarn im geringsten nichts ge- hoͤret oder gesehen/ so waren die Muthmassung gar starck wider den Schreiber/ doch ließ man das
also
Diebshistorien/ das
I.
Buch.
also stillschweigend hingehen/ vnd name sich der Herꝛ im geringsten dessen nicht an/ gegen einem odeꝛ dem andeꝛn/ sahe auch/ daß es so still gehalten wurde/ als es jmmer seyn kondte.
Zween Monat verlauffen sich vnter dessen/ vnd meinet nun jederman/ Es werde kein Hahn mehr nach solchen Diebstal krehen: Gleichwol so wurde der Schreiber allzeit fuͤr verdaͤchtig gehal- ten/ vnd die jenige/ welche fleissig mit dem Schrei- ber vmbgiengen/ gaben jhm selber bißweilen ein stich/ der nicht blutete/ vnd werffen es jhm fuͤr: A- ber er warffe das Beyel allzeit weit von sich/ vnd thete/ als wann es jhn nicht angienge: Vnter dessen aber so laͤst der Rath vnd Haußherꝛ heim- licher vnvermerckter weise nachfragen/ wie sich sein Schreiber in seinem Leben/ handel vnd wan- del habe verhalten/ vnd erfuhren so viel/ daß er ein boͤses Leben ein lange Zeit gefuͤhret hatte/ vnd daß er inn seinem abwesen sein Hauß nur zu einem Spielhauß gemacht hatte/ als wann er Eigen- thumbsherꝛ were gewesen/ aber so sehr als man nachforschet/ kondte man gleichwol mit keinem grund hinder den Schreiber kommen.
Hier muͤssen wir aber mercken/ daß wie der Schreiber mit seinem Dolchen die Lade hatte auffgebrochen/ Also begab es sich hernacher/ daß/ als einer seiner Mitgesellen jhm anlage/ vnd jhn vnablaͤßlich bate/ er solte jhm doch etwas schen- cken/ er jhm eben solchen Dolchen verehrete: Die- ser aber/ als er sahe/ daß dem Dolchen die Spitz war abgebrochen/ gienge er zu einem Schwerdse-
R iiij
ger
Beutelschneider/ oder
ger vnnd vertauschet jhnen gegen einem andern Dolch/ so eine bessere Klinge als der seinige hatte/ vnnd gab dem Schwerdfeger eine Kronen auff/ vnnd dardurch wurde der Schreiber nicht allein verꝛahten/ sondern auch hernacher gefangen ge- nommen/ vnnd darbey sehen wir/ wie GOtt der HErꝛ nicht allein ein Allmaͤchtiger/ sondern auch Allwissender H
e
rꝛ ist der offenbarē kan die heim- lichkeit vnserer Gewissen/ vnnd an Tag bringen/ was wir wol verdecket zu seyn vermeinen: Dann der Rath/ welcher mit keinem grund hinder sein Schreiber wegen dessen jhm geschehenen Dieb- stals kondte kommen/ schickete jhn ein Tag oder acht uͤber Feld: Vnnd in dem nun der Schreiber auß war/ schickte er zu allen Schwerdfegern/ so zu Rennes waren/ vnd lisse jhm alle die Dolchen/ so sie hatten bringen/ auff daß er einen seinem be- lieben nach/ wie er vorgab bey jhnen/ moͤchte auß allen denselbigen außwehlen vnd nemen.
Die Schwerdfeger brachten jhm alle die Dol- chen/ so sie in jren Werckstaͤtten hatten/ vnd dach- ten/ es wuͤrde vielleicht der Herꝛ etwan einem sei- ner Freunde einen verehren/ oder sonsten an ein Ort veꝛschicken woͤllen Aber vnter allen den Dol- chen/ die sie jm brachten/ wolte jm keiner gefallen/ fraget derhalben/ ob nit einer vnter jnen ein Dolch habe/ dem die Spitze sey abgebrochen/ vnd als jm hierauff etliche gebracht wurden/ er auch dieselbi- ge an die in seiner Laden gefundenen Spitzen hiel- te/ sahe er wol/ daß sie nicht zusammen gehoͤreten: Endlich aber bracht jm ein guter alter Schwerd-
feger
Diebshistorien/ das
I.
Buch
feger einen Dolchen dem die Spitze abgebrochen ware/ vnd als er den Dolch vnnd seine gefundene Spitz zusammen hielt/ sahe er/ daß es der Dolch seyn muste/ mit welchem sein Lade war auffgebro- chen worden.
Der Rath behelt den alten Schwerdfeger bey sich in seinem Hauß/ fraget jhn/ woher jm solcher Dolch kommt/ vnd als er hoͤrete/ daß er jhn einem solchen/ den er mit Namen nennete/ vnnd welcher in der Statt schreiberey ware/ abgekauffet hatte/ laͤst man so bald nach jhm schicken vnd jm sagen/ daß er ein wenig in deß Rahtshaͤuse soll kommen: Welcher als er kommet/ vnd deß Dolches halben zu rede wird gesetzet/ so bekennet er/ daß deß Raths Schreiber jhm solchen gegeben/ vnnd darzu diese Wort darbey gesagt hatte: Wann er sein nutzen so wol/ als er der Schreiber/ mit solchem Dolchen koͤndt oder wuͤrde schaffen/ so wuͤrde das ein gros- ses Gluͤck vor jhn sein.
Als nun der Schreiber vnter dessen wider heimkommet/ so wird er auff diese Wort Exami- niret vnd fest gemacht/ vnd wiewol er alles laͤu- gnete/ sagte auch/ er hette solchen Dolchen sein le- benlang mit Augen nicht gesehen/ viel weniger dem andern geschencket/ jedoch wurde er auff diese Muthmassung zur Folter erkandt/ da jhm dann also wurde zugesprochen/ daß er die That bekandt vnd gestunde: Sagt auch/ es hette jn kein Mensch darzu gereitzet/ sondern er selber hab solches Bu- benstuͤck allein erdacht vnd außgerichtet. Hierauf wird nun erkandt/ daß er mit dem Strang vom
R v
Leben
Beutelschneider/ oder
Leben zum Todt soll gerichtet werden. Es namen sich aber seine Freunde seiner an/ vnnd weil sein Herꝛ nicht allein im Parlament selber Raht vnd Richter war/ sondern er hatte auch viel Freunde vnd Schwaͤger an solchem Ort/ bringen sie es so weit/ daß solches Vrtheil wird vmbgestossen/ vnd er in das Gefaͤngnuß gen Paris wird verschicket: Da dann seine Freund seine Rechtfertigung fuͤh- ren vnd beweisen/ daß alles das jenige/ was er zu- vor auff der Folter habe bekandt/ viel mehr die grosse schmertzen/ als die Warheit selber verursa- chet haben: Als sie aber endlich sehen/ daß das inn dem Parlament vnd Rath zu Rennes gefastetes Vrtheil zu Paris bestaͤttiget vnd vollstrecket solte werden/ vnd daß sie gar vnrechter vnd vnbillicher weiß appelliret hatten/ namen sie einen andern Weg vor/ vnd solches alles auß Raht vnd Einge- bung deß Schreibers/ jhres Vettern/ welcher uͤber alle massen arglistig vnd verschlagen war.
Einer vnter jhnen/ als er Zeit vnnd Gelegen- heit wol außgesehen hatte/ kommet inn das Ge- faͤngnuß/ fragt nach dem Schreiber/ nimmet sich an/ er woͤlle ein weil mit dem Schreiber sprachen/ vnnd als die andern oben auss seyn/ die Stern zu sehen/ gibt er jhm seine Kleider/ vnd einen langen grossen Hut/ vnd ein Weinflasch in die Hand: Welches der Schreiber in eyl anzeucht annim̄et/ vnd gehet hinauß auß dem Gefaͤngnuß/ stellet sich als woͤlle er Wein holen: Begehrete aber nit wi- der zukommen/ vnd als er in den Hoff du Palois kommet/ wirfft er die Weinflasche fuͤr alle Truffel
hinweg/
Diebs Historien/ das
I.
Buch.
hinweg/ thut solche spruͤng/ wie ein wilde Geiß/ so auff dem Feld sich lustig machet: Was geschicht aber weiters? Als der andere/ welcher im Gefaͤng- nuß war geblieben/ vnnd mit dem Schreiber die Kleider verwechselt hatte/ wil herausser gehen/ vnnd zum kleinen Thuͤrlein kommet/ da kommet der Thorhuͤter darzu/ vnd als er seine Kleider si- het/ spricht er zu jhm: Er soll still stehen vnnd blei- ben/ oder wolte er jhn in ein rechtes finsteres Nest stecken/ wann er nur einen Fuß noch fortsetzet: Daͤruͤber wird der jenige/ so dem Schreiber auß- geholffen/ bestuͤrtzet/ fluchet vnd schweret/ er sey der Gefangene nicht selber/ sondern habe nur den ge- fangenen Schreiber besuchen woͤllen: Aber als man den Schreiber nicht finden kondte/ wurde er an seine statt gefangen gesetzet.
Vnter dessen kommet Grillon darvon/ vnnd wartet draussen/ biß daß der andere komme: Aber da wil nicht niemands kommen/ dann er war so wol veꝛwahret vnd eingeschlossen/ daß er nit kond- te kommen/ vnnd empfienge nichts mehr als das jenige/ was er wol verdienet hatte.
Als nun dieser Meister Schreiber sihet/ daß er dem Tod ist entwischet/ verfuͤget er sich anders wohin/ vnd fanget ein recht Teufflisches Leben an/ handelt mit Menschenfleisch/ vnd liget Tag vnd Nacht in den Hurenhaͤusern/ da er dann die albe- re vnd einfaͤltige betreugt vnnd bestilet: Endlich aber wird er durch den Commissarium außgeho- ben/ vnd auff das Chastelet gefuͤhret/ weil er eine junge Tochter in der Gassen S. Denis verfuͤh- ret hatte.
Etli-
Beutelschnelder/ oder
Etliche Tag hernacher begibt sich es/ daß/ da man an nichts odeꝛ an nimands gedencket/ komt der Kerckermeister der Gesaͤngnuß im Palois/ vnd wil den Kerckermeister auff dem Chastelet besuchen/ vnd als sie etliche stunde beyeinandeꝛ ge- sessen hatten/ sihet er von vngefehr auff dem Tisch ligen ein Register der jenigen/ so wegen Schulden vnd anderer Verbrechens halben allda gefangen waren: Vnd als er vnter andern findet den Namē deß Grillons/ fraget er den Kerckermeister/ wer doch der Grillon sey/ vnd warumb er gefangen si- tze/ vnd als er nun außgefraget hatte/ wie er geklei- det were/ was er fuͤr eine Statur hette/ vnd daß er vor wenig Tagen dahinein gefangen ware ge- bracht worden/ begehret er jn zu sehen: Vnd als er jn gesehen vnd gekandt/ zeiget er solches dem Par- lament an/ nemlich daß es der Grillon sey/ wel- cher zuvor auß dem Gefaͤngnuß war kommen.
Das Parlement laͤst jhn hier auff abholen/ auff daß jhm sein Recht widerfahre: Man setzet jn wi- derumb in sein voriges Gefaͤngnuß/ vnd als er da seinen Freund antrifft/ wird er so toll vnd rasend daruͤber/ daß er thet als woͤlle er jhn fressen: Vnd hetten ohne allen zweiffel diese beyde sich vnterein- ander todtgeschlagen/ wann sie die Mittel darzu gehabt hetten: Aber sie hatten weder Wehr noch Waffen/ vnnd wurden von einander gescheiden: Etliche Tag aber hernach/ wurde deß Schreibers Sachen vorgenommen/ Examinieret vnd erwo- gen/ vnd als der Schreiber durch seine eigene Be- kandtnuß dessen in seines Herꝛn Hauß von jhm
gesche-
Diebs Historien/ das
I.
Buch.
geschehenen Raubs vnd Diebstals/ mehr als zu viel/ uͤberzeuget wurde/ wurde jhm das Vrtheil gesprochen/ daß er en Greve solte gehencket/ vnnd hernacher zu Monfaucon am Galgen auff die Schildwacht gesteller werden/ damit die voruͤber reissende nicht zu nah am Galgen gehen/ vnnd etwas von weitem erkennen lernen/ daß es biß- weilen gut ist/ zu dantzen vnd zuspringen/ sich zu erlustiren/ aber daß das gleichwol ein arm ding ist/ wann man den cinq. pas in deꝛ Lufft muß dan- tzen: Vnd daß es besser ist/ wann man der Katzen Natur an sich hat/ welche allzeit widerumb auff die Fuͤsse fallen/ man werffe sie auch/ wie man woͤlle.
Das
XVI.
Capitel.
Historien von einem Falschen Muͤntzer/
vnd von seinem grossen Betrug.
E
S wird in der Griechen Anthologia erzehlet/ daß auff ein Zeit/ einer/ ich weiß nicht wek/ sich hat nider vnd schlaffen ge- le get/ vnten an eine Mawer/ welche schon so sehr war vntergraben/ daß/ wann nur der geringste Wind were gangen/ sie darvon hette vmbfallen moͤgen: Das hat nun ein anderer gesehen/ vnnd dem jenigen/ so sich darhinder hatte schlaffen ge- leget/ zugesprochen/ er soll eylends auffstehen/ vnd darvon lauffen/ sonsten werde jhm die Mauer den Kopff einschlagen/ vnd vmb sein Leben bringen.
Dieser
Beutelschneider/ oder
Dieser warnung hat nun der jenige gefolget/ vnd als er noch kein zehen schritt von der Maurn ist kommen/ hat sich ein starcker Wind erhoben/ der die Mawer vmbgewo
r
ffen/ also daß alles/ was von der Mawer ist ergriffen worden/ so bald vnter jhr ist begraben worden.
Dieser gute Gesell/ wer er nun mag gewe- sen seyn/ als er nun sihet/ dz er einem solchen gros- sen Vngluͤck ist entgangen/ fengt er an/ legt seine Haͤnde zusammen/ hebt sie auff gen Himmel/ vnd dancket Gottes Vorsehung vnd Schickung/ daß er einem so grossen Vngluͤck war entgangen/ welches er nicht hette abwenden koͤnnen/ wann er nicht von obenheraber wer dessen erinnert wor- den: Aber als er am andaͤchtigsten ist inn seiner Dancksagung/ hoͤret er eine Stimme/ die jm also zuredet: Mein Freund du betreugst dich selber/ wann du glaubest/ daß die Schickung GOttes dich hat erꝛettet auß dem grossen Vngluͤck/ wel- ches dir uͤber dem Kopff schon hienge/ sondern du solt vil mehr das wissen/ daß du auß solchem Vn- gluͤck bist erꝛettet worden derwegen/ dieweil schon in den Goͤttlichen Gesetzen vnd vnwiderꝛufflichē Rathschluͤssen ist beschlossen worden/ daß du sol- lest gehencket werden/ vnd also ist es deinethalben nicht geschehen/ daß du solchem Vngluͤck bist ent- gangen/ sondern auff daß die Goͤttliche Rath- schluͤsse moͤgen warhafftig seyn vnd bleiben.
Dergleichen Historien haben wir jetzunder vor vns in diesem Capitel an dem Despreau: Wie- wol derselbige einmal ist vom Galgen erloͤset wor-
den/
Diebs Historien/ das
I.
Buch.
den/ (wie wir solches in diesem Capitel anhoͤren werden) so hat er sich also gehalten/ daß er/ gleich- wol an demselbigen endlich sein boͤses Leben hat geendet/ nicht anderst/ als wann die zeit vnd stun- de seiner Geburt jhm haͤtte propheceyet/ daß der- mal eines der Henckerstrang jhn solte vmb sein Leben bringen/ vnd jhm der Galgen angebohren ware.
Dieser Despreau war ein Normand/ der juͤng- ste Sohn von einem ehrlichen vnd vornemmen Geschlechte/ vnd war von seiner Jugend an in der Statt Roven lange Zeit ein Laquey gewesen/ biß daß endlich sein Herꝛ/ (der sein Wolfahrt be- dachte/ vnd damit er die vberige Zeit seines Lebens moͤchte mit Ehren zubringen vnd außkommen) das Schlosserhandwerck liesse lernē: Aber er bliebe nicht lang bey solchem Handweꝛck/ sondern begab sich zu einem Alchymistē (welche wie die Philoso- pht sie beschreiben/ sein
animam versuta
vnd
cre- dula,
das ist/ verschlagene vnd baldglaubige Thie- rer) vnd solcher Thierer gibt es in Normandien/ dann Normandien versihet Paris mit solchen Leuten/ wie auch sonsten mit allerley Fischwerck.
Er war kaum acht Tag mit diesem Alchimi- sten vmbgangen/ da bekam er ein solchen lusten zu seiner Lehre/ daß er alles/ was er inn zehen oder zwoͤlff Jahren jhm hatte sawer lassen werden/ vnd zusammen gesparet hatte/ widerumb ließ hinweg blassen.
Man verhiesse jhm/ daß durch Vermischung der Metallen vnd andere vnterschiedliche Natu-
ren
Beutelschneider/ oder
ren vnd Sachen sie ohn zweiffentlich wurden fin- den den Lipidem Philosophicum oder den Philo- sophischen Goltstein: Ja was woͤllet jhr mehr? Er bildet sich ein/ er wolte durch Krafft vnd Eigen- schafft der Kraͤuter zu wegen bringen/ daß die Wasser solten zu ruͤck lauffen/ daß er den Mond wolte vom Hummel heraber ziehen/ vnd Zukuͤnff- tige ding verkuͤndigen/ vnnd viel tausent andere Narꝛenbossen/ welche man jm in seinē Kopff ein- schwetzete: Ja alle seine Schlosse/ seine Schluͤssel waren nicht gnug den Vnkosten zuertragen/ wel- che er auff zerbrochene Toͤpff/ Alchimistische Oef- fen vnd dergleichen Alchimistischen sachen muste auffwenden/ also daß nach dem er sich wie vil an- dere/ durch solches verfluchte Handwerck gantz vnnd gar hatte verderbet/ muste er endlich sein Hauß/ welches er von seinem Vatter ererbet het- te/ verkauffen/ die Schulden vnd V
n
kosten/ so er auff die Alchimisterey hatte gewendet/ zube- zahlen.
Seine Freunde thaͤten das ihrige: Sie predig- ten jhm gar manchmals von dem verderben/ das bey solcher seiner Kunst gewißlich erfolgen wurde. Sie baten jn/ er solte sich doch nicht in solchen La- byrinth/ da so viel vornemer Leute/ vnd welche tausend mal reicher/ als er/ gewesen waren/ alle jhre Schaͤtze/ Reichthumb vnd Vermoͤgen ein- gestecket vnd verthan hatten/ stecken: Denn wer sich in solches gefaͤhrliche wesen steckete/ der thaͤte muthwilliger weise nichts anderst/ als daß er sich selber auff den grossen Weg zum Spital begebe:
Ja
Diebshistorien/ das
I.
Buch.
Ja daß ein jeglicher/ der sich auff solche Sachen woͤlle begeben/ beneben all seinem Gelt das er da- hinein stecket/ jhm zugleich vnd so bald solte ma- chen/ ein Stab in die Hand/ eine Schuͤssel vnd ei- nen Bettelsack/ das gebettelte Brod darinnen zu thun/ wie Diogenes Cynicus: Dan̄ alle die jeni- ge/ so sich barein gestecket/ vnd zuvor in Sammet vnd Seyden seyn daher gangen/ seyn darnach wi- der kommen mit eines armen Bettlerskleid/ vnd seyn/ wie die Windmuͤhlen/ mit Leinentuch ge- kleidet gewesen
Despreau hoͤret zwar solche Gespraͤch/ vnnd Vermahnung an/ aber er kan nicht darvon ablas- sen: Den jenigen/ so jhm riethen/ er solte darvon abstehen/ gab er dise antwort: Es mangelte nicht mehr als ein eintz
i
ge gluͤckselige stunde wider reich zu werden/ oder eine eintzige Zusammenfuͤgung der Gestirn/ oder ein Opposition vnd Entgegen- saͤtzung der Planeten/ ein gutes Temperament auß den vier Qualiteten/ oder sonsten eine gute Composition/ so zu rechter Zeit gemacht wurde: Wann das geschehe/ so wuͤrde nicht allein er/ son- dern alle seine Nachkoͤm̄linge/ die Zeit jres Lebens reich gnug seyn: Muͤste derhalben er noch ein Zeit lang gedult haben: Vnd wann er auch schon solte betrogen werden/ nun wolan/ so wer er nicht der erste noch der letzte: Es were das auch noch ein guter Trost im Elend vnd Vngluͤck/ wann man seines Vngluͤcks Mitgesell habe.
Als nun solches seine Freunde sahen vnd hoͤre- ten/ daß er jm gar nicht wolte rathen lassen/ liessen
S
sie
Beutelschneider/ oder
sie jhn so lang blasen/ biß daß er selber satt moͤchte werden: Aber es stunde nicht lang an/ deß er in sei- nem Seckel auff den Boden kame. Ward so vn- gehalten vnd zornig vber die Alchimisterey/ daß er Toͤpffen/ Oeffen/ Alembic/ vnd andere darzu ge- hoͤrige Justrumenten vnd Haußrath in stuͤcken zerschluge vnd dem Teuffel gar gabe: Vnnd weil daruͤber er so nackend/ vnd bloß als deß Esopi Vo- gel wurde/ zoge er hinweg von Raven/ da er sich lenger zu ble
i
ben vor den Leuten selber schaͤmet/ vnd begabe sich in die Gesellschafft zweyen Gott- loser Buben/ welche wegen jhres raubens vnd ste- lens schon einmal auff die Galeen verdammet/ aber von jhren Eltern vnd Freunden widervmb waren loß gekauffet worden: Dise 3. boͤse Buben waren gleichsam wie Cerberus mit dreyen Koͤpf- fen/ welche die vorvberrei
se
nde so starck anbellen/ deß/ gleich wie der Kopff der Medus
æ
in Stein vnd Felsen alle die jenige/ so sie ansahen/ verwand- delte/ Also musten die jenige/ welche sie auch als moͤrderische Hunde anbellen/ wie die Stoͤck vnd Ploͤck stehen bleiben/ ja pflegtē sie also durch jr an- bellen zuerschrecken/ daß sie heisser darvber wur- den/ vnd manchmals die Stimme gar darvber vorlohꝛen: Gleichwol wie man schꝛeibet/ daß/ wan̄ die Woͤlffe der erste einen Mensch sehen/ sie jm die Stimme benemme/ derwegen man dann/ in Lateinischem Sprichwo
r
t also pfleget zu reden vnd zu sagen:
Lupi illum videre priores,
daß ist/ die Woͤlffe haben jhn am am ersten gesehen.
Dieser dreyleibichte Gerion streffete lange zeit
hin
Diebs Historien/ das
I.
Buch.
hin vnd wider in Normandien/ vnd von dannen strecketen sie jhre Fluͤgel auß biß gen Paris/ da sie dann die Kauffleute/ so auff den Marck gen S: Germain kamen/ vberfielen/ vn̄ hinder dem Char- tꝛeux beraubeten/ ja sie schlugen auff ein Zeit auch einen gar Todt/ welcher war von Christres/ so von Paris vngefehr zehen oder zwoͤlff Meilen legete
Als aber diese Rauber vmbher flogen/ wie die Sommervoͤgel/ welche an einem Ort nicht blei- ben/ sondern von einer Blum zu der andern flie- hen/ vnd den Safft herausser ziehen: Also kamen sie endlich selber vnd verbrenneten sich am Liecht in der Statt Chastres/ da einer auß den Kauff- leuten/ welchen sie beraubet hatten/ vnnd welcher die jenigen/ so sie vor der Zeit erschlagen hatten/ verwand ware/ sie erkandte/ vnd ließ sie gefangen nemen vnd einzeihen.
Diese drey aber fassen ein Hertz/ sonderlich aber Despreau/ sagen/ sie seyen vnschuldig/ sie wissen auch nicht/ warumb man sie anklage. Etliche auß den Rathsherꝛn vnd Raͤthen deß Orts/ weil sie keinen andern beweiß/ als von dem Kauffmann hoͤren/ seyn der meynung/ man solle sie widerumb ledig lassen: Der Kauffmann aber verharrete in seiner meynung/ klaget sie an/ vnnd bringt es so weit/ daß sie alle drey auff die Folter gespannet werden: Despreau vnd der eine auß seinen Ge- sellen gedachten/ es wer hoch zeit
zuschweigen
/ vnd wiewol sie vbel zerfoltert wurden/ hielten sie doch reinen Mund: Aber der dritte/ welcher etwas forchtsamer vnd vnleydlicher als sie waren/ foͤꝛch-
S ij
tete
Beutelschneider/ oder
tete sich so sehr fuͤr der Folter/ daß er alles bekand- te/ vnd seine beyde Gesellen auch verriethe vnd anklagte: Welche aber/ als sie zu rede darvber ge- stellet wurden/ alles laͤugneten/ sagten auch/ sie weren niemals mit jm vmbgangē: Aber es waren die Muthmassungen sehr starck wider sie/ so klagte der Kauffmann sampt deß Erschlagenen Wittib sie so hart an/ daß/ weil ohne das der eine viel von sich selber/ vnd von dem andern bekandt hatte/ man darvor hielte/ man haͤtte mehr als zu viel vr- sache sie zum Todt zuverdammen/ vnd hinrichten zulassen.
Es wurde auch darauff das Vrtheil auß ge- sprochen/ daß sie drey auff einen Tag vnd an ei- nen Galgen solten auffgehencket werden: Als sie aber hinauß gefuͤhret wurden/ vnd zum Galgen kamen/ wurde der jenige/ welcher den Todtschlag bekandt hatte/ der erste zum Galgen hinauff ge- fuͤhret/ vnd als er sahe/ daß seine Gesellen noch all- zeit den Todtschlag gelaͤugnet/ vnd reinen Mund gehalten hatten/ war es jhm leid/ daß er so viel auß der Schulen hatte außgeschwaͤtzet: Dann er bil- det jhm ein/ wann er nichts bekandt haͤtte/ vnd haͤtte die Folter auch so standhafftig wie seine Ge- sellen außgestanden/ so weren sie nicht zum Todt verdammet worden. Aber es war zu lang gewar- tet/ solchem jhrem vngemach vorzukom̄en: Dann das Vrtheil war schon gesprochen/ vnd solte nun mehr vollnzogen werden.
Als er aber sihet/ daß es nun mehr an dem ist/ daß er seinen Geist soll auffgeben/ ruffet er dem
Richter
Diebs Historien/ das
I.
Buch.
Richter vnd Stattschreiber/ vnd saget jhnen/ daß sie alle drey deß Lasters/ dessen man sie beschuldi- get haͤtte/ vnschuldig seyen/ vnd daß er zwar selber die That vnd den Mord habe bekennet/ aber was er gethan oder bekant habe/ das habe er viel mehr gesagt auß forcht der Folter vnd vnaußsprechli- chen grossen schmertzen/ die er haͤtte ferꝛners auß- stehen muͤssen/ als daß er sich oder seine Gesellen schuldig wuͤste/ vnd auff diese Wort rieffe er auch Gott zum Zeugē an/ daß er vnschuldig were/ vnd vnverschuldeter weise sterben muͤste: Despreau vnd sein Gesell/ welche vnden an der Galgenlei- ter stunden waren froh/ da sie diese Wort hoͤreten: Aber es war gar zu langsam also zureden: Ja es thete jhnen weh/ daß er nicht auch zuvor also gere- det hatte: Nichts desto weniger aber so faͤhꝛet man mit dem/ so schon auff der Leyter war/ vnd seine vnschuld betewerte/ fort/ vnd lernet jhn in der Lufft Capriolen machen/ vnd wann er haͤtte reden koͤn- nen/ so ist das gewiß/ er haͤtte gesagt: Daß Napel- lus vnd Ciguei/ welche doch so vergiffte Kraͤuter seyn/ daß/ wann sie der Mensch nur anruͤhret/ er darvon muß sterben/ nicht so schaͤdlich sey/ als der Hanff: Dann man macht/ ich weiß nicht bald was darauß/ ja solches ding/ daß/ wann es einem ein viertheil stund vnter der Gurgel bleibet/ einem der Athem darvber außgehet: So sagt man auch/ daß die Diebe nicht bald Hanff in jhre Gaͤrten pflantzen/ dieweil sie sich besoꝛgen/ man moͤge stꝛick darausser machen/ vnd lasse si auffhencken mit dem jenigen/ das sie gepflantzethaben.
S iij
Vnder
Beutelschneider/ oder
Vnter dessen aber wird Despreau auff die Leyter hinauff gefuͤhret: Man fingt schon das Salve/ vnd als er sihet/ daß das Volck anfanget zu murmeln/ fanget er an zu schreyen/ man thue jhm vnrecht/ vn̄ wolte die jenigen/ so jn zum Todt verurtheilet hetten/ vor Gottes Gericht jnnerhalb dreyen Tagen fordern
:
Ihr Herꝛn sagt er/ ist das nicht zuerbarmen/ daß jhr ein Menschen woͤllet sterben lassen/ der gantz vnschuldig ist/ vnd im mit solcher vnbarmhertzigkeit gar inn verzweifflung stuͤrtzen: Ihr habt es gehoͤret/ daß der jenige/ so al- leweil ist gehencket worden/ ist vnschuldiger weise gestorben: Er hat selbst bekandt/ daß das jenige/ was man jhm zugeleget vnnd schuld geben/ gantz falsch vnd erdacht ist/ vnd was er bekandt/ das hat er gesagt mehrer schmertzen auff der Folter zuver- huͤten: Wollet jhr euch dann nicht vnsers Elends erbarmen? Ihr sehet/ daß wir allhie sterben sollen/ vnd haben es doch nicht verschuldet/ wir seyn wil- lig vnd beꝛeit vnsers handels vnd wandels halben rechenschafft zugeben/ vor dem Richtstul der Goͤttlichen Gerechtigkeit/ glaubet jhr auch wol/ daß wann wir schuldig weren/ wir vnsere arme Seelen beschweren wolten mit verlaͤugnung der Laster/ die man vns zu schreibet.
Dieser gute Prediger brachte so viel zuwegen/ durch sein Zauberische Wort/ vnnd durch seine heuchlische verweisung/ daß das Volck je lenger je mehr anfienge zu murmeln
:
Welches als es der Oberste Vogt sahe/ befahle er dem Hencker/ er soll mit jhm ein ende machen. Aber Despreau schlegt
die
Diebshistorien/ das
I.
Buch.
die Fuͤsse vmb die Leyter herumb/ vnnd klemmet sich so hart an die Leyter/ daß dem Hencker vn- moͤglich ist jhn mit den Fuͤssen von der Leyter ab- zureissen: Darauff schreyet Despreau vmb huͤlffe vmb Gottes willen: Ist dann niemand vnteꝛ dem gantzen hauffen/ der sich meiner Vnschuld wil an- nemen/ vnd meinen Todt rechen an den vnbarm- hertzigen Richtern/ die mich woͤllē hinrichten las- sen/ da ich es doch nicht verdienet habe?
Als er nun diese Wort redete/ da ware vnter dem Volck ein heꝛtzhafftiges Weib/ welches mehr Hertz vnnd Gemuͤth hatte/ als die Amazonische Weiber/ welche jhnen pflegten die rechte Brust abzuschneiden/ auff daß sie desto besser vnd vnver- hinderter wider jhre Feinde streiten koͤndten Die- selbige machte die jenige/ so zusahen gantz auff- ruͤhrisch/ also daß sie gantz einhellig durch das Volck hindurch drangen/ zur Leyter lieffen/ den Henck er von der Leyter heraber warffen/ vnd De- spreau vnd seinen Gesellen erretten/ welche die Flucht namen/ vnnd sich salvireten/ da sie sahen/ daß das Volck es mit jhnen hielte/ vnd die Hand botte: Dann sie hielten darvor/ es were die hoͤchste vnbilligkeit in der Welt/ daß man die vnschuldi- gen also hinrichten vnd sterben lassen solte.
Hierauff wird so bald die gantze Statt auff- ruͤhrisch: Der Blutrichter wil solchen grossen muthwillen vnd vnverantwortliche Freyheit nit vngestrafft hingehen lassen Er mahnet den Auß- schuß in der Statt auff/ die Vrsacher vnnd Red- linsfuͤhrer solcher Auffruhr zusuchen/ vnnd nach
dem
Beutelschneider/ oder
dem er wird berichtet/ daß ein eintziges Weibe die- sen Auffruhr hatte eꝛwecket/ laͤst er sie gefaͤnglich einziehen/ vnd laͤst sie in ein solches finsteres dun- ckels Loch werffen/ dz sie weder Sonn oder Mond kan bescheinen/ wiewol die vornembsten inn der gantzen Statt fuͤr sie baten/ vnd nach acht Tagen wird jhr das Vrtheil gesprochen/ daß sie an statt der jenigen/ welche sie durch jhren Tumult vom Galgen hatte gleichsam also zu reden/ abgerissen/ solte auffgehencket werden.
Vber diesem Vrtheil wird appellieret/ vnd ge- schicht/ daß alles was wider Despreau vnd seine Gesellen/ wie auch wider die Fraw/ war ein vnnd vorgebracht worden/ gen Paris dem Parlement wird uͤberschicket/ vnd a la Tournelle alles wider- umb wol erwogen vnd examiniret. Diese Histo- rien ist so frisch vnd new/ daß wer daran zweiffeln wolte/ thete nichts anderst/ als daß er vorsetzlicher weise der Warheit wolte die Augen verkleiben vnd verfinstern.
Als nun das Parlament alle Acta gelesen/ wol erwogen/ vnd befunden/ daß gantz vnverantwort- licher weise das Weib ein solchen auffruhr erwe- cket/ vnd die Execution mit den zweyen zum Todt verurtheileten Raubern verhindert hatte/ bekraͤff- tiget es selber/ das von dem Blutrichter außge- sprochene Vrtheil/ vnd befihlet/ daß man mit dem Weib zur Exicution soll schꝛeiten/ es setze sich auch darwider wer da woͤlle: Vnd wird das Weib wi- derumb gen Chastres geschicket/ daß sie nach dem bekraͤfftigen Vrtheil soll hingerichtet werden.
Als
Diebs Historien/ das
I.
Buch.
Als nun das zu Chastres offenbar wird/ verwun- dert sich jederman daruͤber: Dann jederman hat gehoffet/ das Weib wurde jhr Sach a la Tour- nelle zu Paris gewinnen.
Aber die jenige/ welche Nachteulen Augen ha- ben/ koͤnnen nit sehen die Rathschluͤß deß grossen Rahts/ welche rechte scharpffe Luxaugen haben/ vnd welche den Gottlosen Vbelthaͤtern gar in jhr Hertz hinein sehen koͤnnen: Dann weil sie augen- scheinlich gesehen hatten/ daß Despreau vnd sei- ne Mitgesellen rechtmaͤssiger weise zum Todt wa- ren verdam̄et woꝛden/ vnd daß das eintzige Weib Vrsach war/ daß das rechtmaͤssige Vrtheil nicht an jhnen war vollnstrecket worden/ haben sie sie billich wider an jren Ort geschicket/ damit sie/ wie sie wol veꝛdienet hatten/ hingeꝛichtet wurden/ vnd daß jederman moͤge sehen/ daß sie vnbillicher wei- se appellieret hatte.
Als nun das Weib widerumb gen Chastres war kommen/ da redete man von nichts anders/ Als von dem Tag/ da man sie hinrichten wurde. Nun ist aber allzeit zu mercken/ daß dieses Weib eine uͤberauß schoͤne Tochter hatte/ welche auch gen Paris war kommen/ jhrer Mutter Rechtfer- tigung zu fuͤhren/ vnnd sich zu bemuͤhen/ daß jhre Mutter widerumb moͤchte loß vnd ledig werden: Aber all jhr anbringen war so gar vnbillich/ vnnd die Kuͤhnheit so sie darbey gebrauchete/ so groß daß sie nichts kondte erlangen/ wiewol sie fleissig anhielte/ sondern es wurde jhr all jhr begehren kurtz rund abgeschlagen: Vnd als sie nun solches
S v
sahe/
Beutelschneider/ oder
sahe/ kehrete sie wider vmb nach Chastres/ vnd hat- te kein Hoffnung mehr/ als die Verzweifflung: Dan̄ jre Mutter solte den nachfolgenden Sam̄s- tag hingerichtet werden.
Was geschicht aber hierauff ferꝛners? Die Tochter weiß/ daß der Koͤnig nahe vmb die Statt herumber ist auff der Jagt: Derhalben so machet sie sich Freytags sehr fruͤ auff/ den Tag zuvor/ ehe jhre Mutter solte hingerichtet werden/ vnd trifft den Koͤnig vier Meylen von der Stadt an/ vnnd als sie jhn ersihet/ thut sie jhm ein Fußfall/ bittet vmb gnad vnd verzeyhung/ daß er doch der jent- gen/ von welcher sie das Leben hab empfangen/ das Leben woͤlle schencken
:
Da verwundert sich nun jederman uͤber diser Tochter vngewoͤnlichen hertz- hafftigkeit/ vnd wie der Koͤnig ein Spiegel ist der Guͤte/ vnd ein Contrafaict der Barmhertzigkeit/ also/ nach dem er von jhrer Mutter Sachen sich gnugsam hatte berichten lassen/ lobet er dieser jun- gen vnd schoͤnen Tochter hertzhafftigkeit/ vnd er- theilet jhr Gnade voꝛ jhre Mutter. Der Blutrich- ter zu Chastres/ weil er weiß vnd hoͤret/ daß die Tochter hin zum Koͤnig ist gegangen/ jhn fuͤr das Leben der Mutter anzuruffen/ nimmet er jm vor/ er woͤlle deß Morgens fruͤh/ nemblich den Sam̄s- tag/ die gedachte Frau hinrichten lassen/ wider die allgemeine Gewonheit in Franckreich: Dann in Iialien richtet man die Vbelthaͤter deß Mor- gens hin: Aber in Franckreich pflegt man sie nach Mittag hinzurichten: Welches/ als es die Tochter erfaͤhret/ kommet sie wider zu dem Koͤnig/ vnd
bittet
Diebs Historien/ das
I.
Buch.
bittet jhn/ er woͤlle doch einen seiner Leibtraban- den oder Offieirer hin schicken damit die Execu- tion mit jhrer Mutter verhindert werde: Dann es sey gewiß daß der Blutrichter sie Morgens fruͤ werde vnd woͤlle hinrichten lassen. Weil nun der Koͤnig nach seiner Vollkommenen engenen Ge- walt vnd Macht diser Tochter will gefallen erzei- gen/ schicket er einen von seinen Capitainen hin/ deß Sambstag sehr fruh/ welcher das Weib schon auff der Galgenleyter findet/ errettet jhr das Le- ben/ weist dem Blutrichter die Gnade deß Koͤ- nigs/ so er mit eygener Hand vnderschrieben vnd versiegelt hatte.
Vnter dessen aber/ da Despreau darvon kom- met/ fuͤhrete er kein besser Leben als zuvor (dann wie ich auch zuvor hab angeruͤhret/ so liesse es sich mit jhm ansehen/ als wann er von seiner Geburt an zum Galgen were verordnet) ja die jenige/ wel- che sehr mit jhm seyn vmbgangen/ haben das sel- ber von jhm gesagt/ daß/ wan̄er jey in ein Wirts- hauß oder sonsten an einen Ort kom̄en/ er nichts anders habe pflegen zuthun/ als an die Waͤnde/ welche gemeiniglich der Narꝛen Papier seyn/ Galgen vnd Raͤder zu mahlen/ als wolte er damit zuverstehen geben/ daß er zum Galgen vnd hen- cken sey geboren worden.
In dem aber das alles oben angeruͤhrte mit dem Weib/ so jhm das Leben hatte errettet/ vor- gienge begab er sich gen Paris/ in die Gassen S. Martin/ bestunde allda eine Kammer/ vnd wur- de/ ich weiß nicht von was fuͤr einem Geist getrie-
ben/
Beutelschneider/ oder
ben/ daß er sein voriges Blaßhandwerck der Al- chimisterey widerumb anfienge: Vnd wie es ge- meiniglich pfleget herzugehen/ daß die Alchimistē endlich falsche Muͤntzer werden/ dieweil solche Leu- te wol wissen/ wie sie die Metallen schmeltzen/ schei- den/ vntereinander mischen/ die Spiritus/ Quin- tam Essentiam/ vnd andere particulariteten dar- auß ziehen vnnd bringen sollen: Also fienge De- spreau an dem Exempel Pifistrati welcher den La- cedemoniern Bley vnd Zinstuͤcker pflegte fuͤr gut Golt zu geben/ nach zu folgen. Vnd nach dem er in eben solcher Gassen einen Keller bestanden vnnd vorgeben/ er wolle allerley Faß darinnen stellen/ fienge er an zu schmitten/ die Metallen zu vermi- schen/ die Cartescij zubeschneiden/ vnd auß densel- bigen andere newe zumachen/ welches er dann mit solchem fleiß/ verschlagenheit vnd betrug thaͤte/ daß man es nicht mercken kondte: Er versteckete sein Muͤntzgezeug gemeiniglich in ein Faß/ darin- nen er einen Hahn stecket/ den man mit einem Schluͤssel muste auffschliessen/ vnd wann er wol- te arbeiten/ thaͤte er sein Faß vnden auff dem Bo- den auff/ thaͤte die Kellerloͤcher zu/ vnd fienge dar- auff an zu arbeiten vnd zu Muͤntzen
:
Solches Handwerck triebe er gar ein lange Zeit/ vnd fan- de sich doch nichts desto weniger bey allen guten Gesellschafften/ die Beutel seiner Mitgesellen zu erhaschen.
Wann er wolte ein Bubenstuͤck anrichten/ gienge er deß Morgens fruͤh zu einem Kauff- mann/ vnd bate/ man wolte jm doch ein gut stuͤck
Tuch
Diebs Historien/ das
I,
Buch
Tuch zeigen/ vnd in einer Hand hatte er fuͤnfftzig oder sechtzig Cartescu in einem Wischtuch/ wel- che gut waren: In der andern Hand hatte er eben so viel/ aber welche alle falsch waren/ vnd wann er vmb etwas gnugsam gemarcket hatte/ zehlet er sein Gelt auff deß Kauffmanns Laden/ thaͤte sein Wischtuch auff/ darinnen die gute Cartescu wa- ren/ vnnd wann die Rechnung gemacht war/ wi- ckelt er alles miteinander wider in dz Wischtuch/ schickte den jungen/ so im Laden ware/ zu seinem Herꝛn/ langete das ander Wischtuch/ so er vn- ter dem Arm hatte/ herfuͤr auff den Tisch: Der Diener zehlete das Gelt/ vnd wann er sahe/ daß es recht gezehlet war/ vnd das Gelt nicht gar wol vnd gnugsam ansahe/ (dann wie jhn dauchte/ so hatten sie es vorhin gnugsam miteinander bese- hen) wurde er also betrogen.
Auff ein Zeit brachte man dem Koͤnig ein sol- ches außbuͤndiges schoͤnes Rohr/ daß dergleichen man sonsten noch nie hatte gesehen: Dann man kondte es siebenmal nach einander abschiessen/ vnd lude es auch mit sieben Kugeln/ welches dan̄ ein wunderbarliches ding ist: Despreau/ welcher sich anname/ als were er ein Schlosser/ suchte vnd fande auch gelegenheit dieses Meisterstuͤck zu se- hen/ vnd nach dem er es wol besehen hatte/ brachte er sieben Tag hernacher eins dergleichen Rohr/ welches auch voꝛ dem Koͤnig abgeschossen/ vn̄ von dem gantzen Koͤniglichen Hof hochgehalten wur- de/ vnd als etliche den Despreau wol angesehen/ vnd sein Rohr besehen hatten/ sagte einer zu dem
andern:
Beutelschneider/ oder
andern: Wann dieser nicht ein falscher Muͤntzer ist/ so soll es mich wunder nemen/ dann er hat das ansehen darzu: Also triebe er nun dieses Hand- werck ein gute geraume Zeit zu Paris Vnter vielen andern Bubenstuͤcken aber/ so er began- gen/ machte er kundtschafft mit eines Rentmei- sters Diener/ welchen ich allhie mit Namen nicht begere zunennen/ vnd nach dem er ein gewissen accord mit jm gemacht hatte/ gab der Diener dem Despreau von seines Herꝛn Gelt also/ daß er all- zeit zehen Schilling zu gewinn auff einer Kronen hatte/ darauff wird Despreau in kurtzer zeit zu einē grossen Herꝛn/ vn̄ bließ in seiner Alchimy mehr als er sein lebenlang gethan hatte/ biß daß er endlich erdappet wurde/ da er bey einem Notario ein Ver- schreibung ließ machen/ uͤber zwey hundert Kro- nen/ so er wolte auff Renten legen: Dann da er den Notarium solte bezahlen/ vnd kein anderes als falsches Gelt bey sich hatte/ gab er dem Nota- rio etliche falsche Cartescu/ daruͤber man jm dann so bald nach dem Kopff grieff/ vnd als man jhn besuchte/ vnd noch fuͤnfftzig falscher Cartescu bey jhm funde/ wurde er von dem Commissario ge- fangen gefuͤhret. Darauff gehet man in sein Lo- sament/ vnd nach dem man alles duꝛchsuchet hat- te/ gehet man endlich in den Keller/ da er seine Sa- chen pflegte zu verwahren/ vnnd findet allda sein Schmeltzoffen/ vnd andere dergleichen Werckge- zeug/ vnd als er seiner Vbelthaten gnugsam uͤber- zeuget war worden/ wird jhm das Vrtheil gespro- chen/ daß er an einen Galgen/ so zum Creutz du
Tiroir
Diebshistorien/ das
I.
Buch.
Tiroir auffgerichtet wurde/ solte auffgehencket werden/ welches Vrtheil dann so bald an jm voll- zogen wurde: Als er aber auff der Leyter stunde/ warffe man ein grossen hauffen seiner falschen vn̄ in stuͤck zerschniten Cartescu vnter das Volck auß/ auff daß ja jederman den Betrug dieses boͤ- sen Buben moͤchte wissen vnd erfahren
:
Er be- kandte auch den Todtschlag/ vmb welches willen er hatte gemeinet/ er wurde zu Chastres jetzund auffgehencket werden/ vnd gabe allen den jenigen/ so jhn sterben sahen/ zu erkennen/ daß wer anfan- get in der Alchimisterey zublasen/ der thut nichts anderst/ als daß er ein Fewer auffblaͤset/ darinnen er endlich selber muß sterben vnd verderben.
Das
XVII.
Capitel.
Von einem erschrecklichen vnd wunderbar-
lichen Todtschlag in der Stadt Paris be- gangen von Lachassine/ welcher hernacher auff dem Kirchhoff Sainet Jean ist ge- radbrechet worden.
B
Ißweilen ist das grosse Gluͤck vnnd der Wolstand/ darinnen wir vns finden ein Vrsach vnsers Verderbens/ vnnd die Ruh/ die wir haben/ ist manchmals ein Vrsach vnserer Vnruh: Dann deß Menschen Gemuͤth vnd Hertz ist vnbestaͤndig/ vnd hat sein wolgefal- len an der Abwechselung: Es bleibet nimmer- mehr bestaͤndig/ wir weltzen vns selber auß einem
vnge-
Beutelschneider/ oder
vngemach in das andere
:
vnnd das ende vnsers vermeinten Gluͤcks/ ist ein anfang vnsers Vn. gluͤcks: Wir koͤnnen dessen eim Exempel sehen an dem Lachassine/ welcher viel schreckliche Vbeltha- ten in seinem Leben hat begangen: Dann wann jemals ein Mensch sich hette wol halten/ vnd auff den Weg der Tugend sich begeben sollen/ so hette es diser Lachassine billich thun sollen/ dann es jm wol gieng Aber wie zuvor ist angeruͤhret worden: Die zu gar gute Tag seyn Vrsach vnsers ver- derbens/ vnd wann wir einmal wol sitzen/ so kitzelt vns die vnbestaͤndigkeit so sehꝛ/ daß wir vns ver- leyten vnd fuͤhren lassen/ wohin vnsert blinde boͤse Affecten vnd begierden vns weisen.
Lachassine wohnete in der Gegend der newen Gassen Sainet Medric/ bey einem sehr feinen vnd ehrlichen Mann in der Statt/ genannt Herꝛ Rambovillet/ welcher jn lieb vnd weꝛth hatte/ weil er sahe/ daß er so getrew vnd fleissig ware
:
Vnnd fuͤrwahr es hette der Herꝛ Rambovillet nimmer- mehr gedacht/ daß Lachassine ein solches Schel- menftuͤck/ wie er gleichwol hernach gethan/ jhm nur solt in seinen Sinn oder Gedancken kommen lassen
:
Dann wie jhr werdet vernemen/ so war er gar still vnd eingezogen/ freundlich mit Worten vnd Gespraͤchen/ ja es hette einer wol von jhm sa- gen moͤgen
:
Daß er were wie ein Contrefait der Guͤte vnd Freundlichkeit: Aber man muß nicht allzeit auff das eusserliche ansehen gehen/ man soll nicht allzeit vnnd allein von den Menschen auß dem eusserlichen ansehen vrtheilen: Dann der
Men-
Diebshistorien/ das
I.
Buch
Menschen Gesicht ist manchmals ein recht ver- ftelte Larven/ mit welcher sie jre Person im Spiel spielen/ vnd die jenige/ so sie allein eusserlich anse- hen/ betriegen.
Nun war Lachassine bey gesagtem Herꝛen Rambovillet Kammerdiener/ wie wir zuvor an- gedeutet/ vnd hielte sich fleissig zu einem/ genannt Monsieur deß Caves/ ein sehr frommer vnd wol- verdienter Mann/ welcher fleissig mit jhm vmb- gienge/ vnnd jhm alle seine heimlichste Sachen vertrawete/ dann er hette nimmermehr gedacht/ daß er durch verfuͤhrung deß leydigen Teuffels ein solche That wie hernacher von jhm geschahe/ begehen wuͤrde.
Es begab sich aber auff ein Zeit/ daß jhn der Teuffel gar ritte vnd fuͤhrete/ vnd dieweil er wu- ste/ daß der Herꝛ des Caves uͤber Feld war gan- gen/ wil er in dasselbige Hauß gehen/ als inn wel- chem er wuste/ daß viel Gelt vnd Edelgestein war zu finden: Als er aber an die Thuͤr kommet/ trifft er desselbigen Herꝛn des Caves Laqueyen an/ vnnd da er von demselbigen nachmals hoͤrete/ daß sein Herꝛ solte uͤber Feld sein gangen spricht er zu jm/ er habe einen guten lust mit jhm zu essen/ vnd sich den Tag uͤber mit jhm lustig zu machen/ dessen dann der Laquey auch wol zu frieden ist: Thut jm die Thuͤr auff/ gehen alle beyde miteinander in die Kuͤchen/ da jhm dann der Laquey ein stuͤck von ei- ner Wildpret Pasteten zum anfang zu essen pre- sentiret.
Hierbey ist aber zu mercken/ daß noch ein an-
T
derer
Beutelschneider/ oder
derer Schneider Jung war/ welcher inn solchem Hauß wol bekandt war/ vnnd kenneten sie beyde/ nemblich er vnd Lachassme sich gar wol vnterein- ander/ hatten auch manchmals/ nach dem sich die gelegenheit begeben hatte/ miteinander gessen vnd getruncken Als nun der Laquey solchen Schnei- derjungen wil holen/ helt jhn Lachassine auff/ vnd saget jhm/ er woͤlle den Tag einmal allein mit jm essen vnnd sich lustig machen: Schicket auch den Laqueyen hin zu einem Garkoch/ jhnen ein Du- tzet Bratwuͤrst zu holen
:
Vnnd wann er gewust hette/ daß er seinen vorgenommenen Diebstal hette verꝛichten koͤnnen/ ehe dann der Laquey mit den Bratwuͤrsten hette heimkommen koͤnnen/ so hette ohn allen zweiffel er es ins Werck gesetzet/ vnd nicht solche schreckliche That/ wie wir herna- cher anhoͤren werden/ an dem Laqueyen began- gen: Aber weil er sorg hatte/ es moͤchte jhm der La- quey zu bald auff den Halß kommen/ schobe er sein Meineydiges vornemen auff/ biß auff eine andere bequemere zeit vnd stunde.
Als aber nun der Laquey komet/ vnd die Brat- wuͤrste bringet/ sagt Lachassine zu jm er solle ein gut Fewer anmachen/ auff daß sie die Bratwuͤrst braten koͤnnen: Der Laquey nimpt eine gute Wel- le vnd zimlich viel Kolen/ vnd machet ein solches Fewer/ daß man auch wol ein Ochsen darbey het- te braten koͤnnen: Er zeucht etliche Kolen zuruͤck (erlaubet mir es/ daß ich alle vmbstaͤnde erzehle: Dann es ist nichts so gering/ das nicht wol dar- bey sey zubedencken) legt die Bratwuͤrst auff den
Rost.
Diebs Historien/ das
I.
Buch.
Rost. Lachassine aber weiß vnter dessen nicht/ wie er die Sach soll anstellen/ es wird jhm inn seinem Hertzen selber angst vnd bang/ er hanget zwischen forcht vnd verzweifflung/ vnnd bedencket sich ein gute zeit vnten im Hoff/ wie er doch sein vorge- nommenes Diebstuͤck ins Weꝛck moͤge setzen/ vnd weil der verdam̄te Geitz vnd die Begierd deß Gol- tes jm die Augen gar auff einmal verblendet hat- te/ gehet er wie ein vnsinniger vn̄ rasender hinein in die Kuͤchen/ da der Laquey war/ vnd die Brat- wuͤrst briete/ nimpt einen grossen Bruͤgel/ so bey der Thuͤr stunde/ vnnd schlegt dem Laqueyen dar- mit so starck uͤber den Kopff/ dz er auff der Wahl- statt beym Fewer darnider sincket/ vnd auch sein lebenlang kein Wort mehr redet.
Ist das nun nicht ein erschreckliche That/ wel- che Lachassine jm hat vorgenommen
¿
Billich soll man beschreyen vnnd beweinen diesen armen La- queyen/ weicher/ da er an nichts wenigers/ als an solchen Todtschlag hette gedenckē koͤnnen/ so jaͤm- merlicher weisse ist ermordet worden/ von dem
j
e- nigen der eusserlich sich stellete/ als wann er sein bester Freund wer/ ja der auch mit seinem Herꝛn so wol bekandt war: Wie hette doch dieser Laquey jhm sollen traumen lassen/ daß Lachassine hette sollen mit einem solchē Mordstuͤck schwanger ge- hen? Aber das ist nur ein eintziges stuͤck seiner an- gestelten vnd gespielten Trag
æ
dien: Wir muͤssen das gantz Spiel sehen vnd anhoͤren/ alles/ was er hat auß gerichtet: Dann diese Historien ist werth dz man sie wol erwege/ vnd der leng nach beschrei-
T ij
be
:
Beutelschneider/ oder
be: Dann das kan ich in Warheit wol sagen/ daß jnnerhalb hundert Jahren dergleichen schreckli- che vnd vnerhoͤrte Thaten/ wie jhr hoͤren werdet/ in gantzem Paris nicht seyn vorgangen.
Als nun Lachassine dem Laqueyen ein solchen streich bey dem Fewer gegeben hatte/ daß er sich nit mehr kondte auffrichten oder widerumb auff- stehen/ nimpt er die Fewerzangen oder Fewer- klufft/ welche inn der Ecken an dem Schorstein stunde/ vnd stost den Laqueyen in das Fewer hin- ein/ bedecket jhn auch mit Kolen/ biß auff den hal- ben Leib dann es stacken nicht mehr als der Kopff vnd die Arm im Fewer.
Da dieses geschehen (O es stehen mir die Haar zu berge/ wann ich nur an diese Moͤrderische vnd Barbarisch That gedenck: Dann wie mich dun- cket/ hetten es die Canibales nicht aͤrger machen koͤnnen) ist Lachassine so verblendet vnd verfuͤhret in seinem Geist/ daß er hingehet/ holet ein hauffen Wellen/ wirfft sie auff deß erschlagenen Coͤrper/ vnd wil jhn zu Aschen verbrennen/ auff daß ja sein Name vnd Gedaͤchtnuß zugleich mit dem Rauch dem Schornstein hinauß fliehe. Aber das Fett welches von diesem erschlagenen Coͤrper triffet/ vnd auff die gluͤende Kolen faͤlt/ leschet die Kolen vnd das Fewer/ welches den todten Coͤrper zu A- schen zuverbrennen/ angezuͤndet ware/ gantz vnd gar auß: Lachaffine aber wil mit aller macht/ vnd mit dem Blaßbalck das Fewer widerumb auff- blasen/ dann er bildete jhm ein/ es sey kein besser Mittel solchen Todtschlag zubedecken vnnd zube-
maͤnteln/
Diebs Historien/ das
I
Buch.
maͤnteln/ als wann er den erschlagenen Coͤrper so bald zu Aschen verbrenne: Er nimpt den Blaß- balck in die Hand/ blaͤset von all seiner Macht/ ob er koͤnne machen/ daß das Fewer recht brenne: Aber je mehr er blaͤset/ je weniger da
s
Fewer wil brennen/ vnd als er endlich sihet/ daß solcher sein boͤser Vorschlag jhm nicht wil angehen/ hat auch sorg/ er moͤchte daruͤber erdappet vnnd ergriffen werden/ wird er so toll vnd rasend in seinem Sin̄/ daß er nit weiß/ was er soll anfangen: Die schreck- lichkeit seines Lasters schwebet jhm vor seinen Au- gen/ er sihet/ den jaͤmmerlichen Spectaael/ das Gewissen fanget an vnd wachet jm auff uͤber sol- chem seinem Mord: Er weiß bald nicht/ wo er sich soll hinauß wenden
:
Dann soll er den Laquey im Feweꝛ ligen lassen vnd daꝛvon gehen/ das deuchte jn erstlich/ es wuͤꝛde sich nicht wol schicken: Dann er wuste gar wol/ daß jhn der Schneider/ von dem wir zuvor geredet haben/ hatte sehen in das Hauß hinein gehen/ vnd daß er ohn zweiffentlich der O- brigkeit solches anzeigen wurde: Derhalben so hette er jhn gern selber zu Pulver vnnd Aschen verbrennet/ auff daß man sein lebenlang weder Stumpff oder Stiel von jhm hette sehen vnd hoͤ- ren moͤgen: Aber alle seine Arbeit/ all sein blasen war verlohrne Arbeit/ dann die Fettigkeit trieffe- te so starck auß dem todten Coͤrper auff das Fewer vnd Kolen/ daß es jhm vnmoͤglich war/ das Fewr zuerhalten vnd zu machen/ daß es recht brennete.
Was thut er gleichwol aber? Es faͤlt jhm ein an derer fund ein: Er nimpt die Fewerklufft vnd
T iij
zeucht/
Beutelschneider/ oder
zeucht/ so gut als er kan/ den todten Leichnan auß der Aschen herausser/ halb geroͤstet vnd halb ge- braten: Vnnd als er jhn von dannen weiter wil fortschleppen/ vnd in das heimlich Gemach werf fen/ faͤlt deß Laqueyen Kopff/ der schon halb gar vnd gebraten war/ gar ab von dem Coͤtper: Wie- wol nun Lachassine sehr darvber erschricket/ sol- ches schreckliches Specktakel zu sehen: Dann auff einer seiten sahe er den todten Coͤrper/ auff der an- dern seiten den halb gebratenē vnd geroͤsten Kopff desselbigen liegen/ jedoch wil er jn vollends in das heimliche Gemach werffen: Fasset demnach mit der Hand den Kopff an dem Ort da noch ein we- nig Haar ware/ welche noch nicht gar von dem Feuer abgesenget woꝛden/ laufft oben auß/ vnd wil jhn in das heimliche Gemach werffen. Aber was geschicht?
Wie das Gericht Gottes wunderbarlich ist/ al- so kommet jn ein solcher schrecken an/ es wird jm so angst vnd bang bey dem Kopff/ den er mit sei- ner Hand traͤget/ daß er fuͤr grosser bangigkeit so sehr fangt an zu zittern/ daß er/ sein boͤses vorne- men zu vollbꝛingen/ nicht zum heimlichē Gemach kan kommen: Heꝛtz vnd Haͤnd zittern jhm so sehr/ daß er den Kopff auff einem Gang laͤst fallen/ vnd bleibt er da stehen/ als wann er auch gantz ohn- maͤchtig woͤlle werden/ so angst vnd bang machte jhm schon sein eigenes boͤses Gewissen: Dan̄ da heist es also
Sequitur Nemesis à tergo Deus:
die Straff folget der Suͤnden so bald auff dem Fuß nach: Er gehet wie ein verjrreter Mensch im
Hauß
Diebshistorien/ das
I.
Buch.
Hauß vmbher/ er kommet wider inn die Kuͤchen/ das Blut deß erschlagenen Laqueyen erschrecket vnd naget jhn schon: Er wil jn nachmals in Feu- er werffen vnnd sehen/ ob er jhn zu Aschen koͤnne verbrennen/ aber als er jhn bey den Beinen wil fassen/ kan er jhn nicht tragen/ er laufft wider oben auff ins Hauß/ die Forche vnd Bangigkeit so jn wegen seines beg angenen Mords ankommet/ ver- blendet jn gantz vnd gar/ vnd macht/ daß er selber nicht mehr weiß/ wer er ist/ oder was er jhm fuͤr hat genommen: Endlich/ nach dem er lang im Hauß vmbher gelauffen/ vnd sich besorgen muß/ er moͤchte noch inn dem Hauß selber uͤber seiner Vbelthat ergriffen werden/ gehet er hinauff inn deß Herꝛn des Caves Kammer/ schlaͤgt die Thuͤr seines Conduͤrleins mit gewalt auff vnd hoffet/ er werde allda Gelt finden: Welches er dann auch gar wol hette finden koͤnnen/ wann er inn seinem Hertzen vnd Gemuͤth nicht so gar wer bestuͤrtzet gewesen: Endlich abeꝛ nimbt er ein kleins Buͤchs- lein/ darinnen etliche Demant vnnd Edelgesteine waren
:
Vnnd als er diesen Schatz bey sich geste- cket/ gehet er gantz schwabelhafftig vnd bestuͤrtzet dem Hauß hinauß/ schleust die Thuͤr hinder jhm zu/ vnnd wird seiner auch kein Mensch gewahr: Dann man hatte im Hauß im geꝛingsten kein ge- schrey oder getuͤmmel gehoͤret: So hette auch kein Mensch jhm eintzige gedancken gemacht/ daß sol- cher schreckliche Mord in solchem Hauß were be- gangen worden/ ohne allein das/ daß jn die Nach- barn wol koͤnneten/ vnnd hatten jhn zum offtern-
T iiij
mal
Beutelschneider/ oder
mal in solchem Hauß auß vnd eingehen sehen.
Es war vmb vier Vhꝛ nach Mittag/ da er auß dem Hauß gieng/ vnd weil er nicht so bald wider- vmb wolte in seines Herꝛn Hauß gehen/ gienge er vor die Pforien ein wenig spatziren/ damit jm die schwere Gedancken vergehen/ vnd er widerumb ein wenig besser moͤchte zu sich selber kommen: Aber es war alles vmb sonst/ sein Gewissen nagete vnd plagete jhn gar zu sehr: Er kondte kein ruh in seinem Hertzen haben: Dan̄ wie Virgilius schrei- bet/ so haben Tisiphone vnd Alecto in jhren Haͤn- den Geissel/ Raͤder/ Galgen/ Stricke zu straffen die jenigen/ welche sich den Suͤnden gantz vnd gar ergeben Er sahe starꝛ mit seinen Augen/ sein Ge- sicht war nicht mehr/ wie zuvor/ alle seine Glieder zitterten jhm/ vnd war er in einer solchen vnauß- sprechlich grossen forcht/ daß er auch nit getraw- te hinder sich zu sehen: So sehr hatte er sorg/ er moͤchte jetzund angegriffen vn̄ gefangen werden/ dann es daͤuchte jhn alle stunde vnd augenblick/ der Blutrichter were jhm mit seinen Leuten auff den Ferssen/ vnd wolten jhn jetzund angreiffen.
In solche vnaußsprechliche grosse forcht geraͤth der jenige so/ vbels begehet/ dann sein eigenes Ge- wissen verraͤthet vnd soltert jhn/ sein Gewissen geust jhm tausent kalte schrecken vnd forcht in die Seele/ vnd stellet jhm allezeit fuͤr Augē die schreck- lichkeit/ vnd den Grewel seiner Suͤnden/ in seiner Seel kan er weder rast noch ruh haben/ wann er hoͤret ein Blaͤtlein rauschen/ so duͤncket jn/ man wolle jhn fangen/ vnd der Himmel woͤlle auff jhn
fallen
Diebs Historien/ das
I.
Buch.
fallen: Ein kieines Kind das jhn ansihet/ erschre- cket jhn/ er dorfft niemands gehertzt ansehen/ er hat sorg/ wann jhn jemands recht ansihet/ moͤchte er erschrecken/ roth werden/ vnnd jederman dar- nach mercken/ daß er dieses oder jenes uͤbel be- gangen habe.
Die Fraw im Hauß/ welche so bald jhm ansi- het/ daß er gantz verfuͤhret vnd bestuͤrtzet ist/ sihet jhn recht an vnter die Augen: Verwundert sich/ daß er so gar trawrig vnd elendig wider seine alte gewonheit außsihet: Vnnd dieweil sie sich so gar nicht weder in seine Geberde/ noch in seine Wort kan richten/ spricht sie zu jhm/ er muß voll seyn/ vnd soll gedencken/ daß er jr hinfuͤr nicht mehr zu Tisch kaͤme/ auff solche weise: Dann die zwantzig gantzer Jahr/ da er bey jhrem Herꝛn gedienet/ hat- te sie jhn nicht so bestuͤrtzet/ noch in gedancken also verfuͤhret gesehen: Ja die andere Diener alle im Hauß meineten nicht anders/ dann er were gantz naͤrꝛisch vnnd vnsinnig worden: Dann sie sahen wol/ daß er nicht zu viel Wein getruncken hatte. Sein Herꝛ Rambovillet fraget jhn selber/ wo er herkomme/ wo er zu Mittag gessen/ oder deß Mor- gends gefꝛuͤhftuͤcket hatte: Aber darauff gab er kei- ne andere antwort/ als/ er wer nirgends/ vnd an keinem andern Ort/ als in seinem Conduͤrlein ge- wesen/ da wer er ein wenig entschlaffen: Summa sie wusten alle miteinander nicht/ was das bedeu- tet/ daß Lachassine so wunderbarlich veraͤndert ware: Dann sonsten war er frewdig/ hurtig/ lu- stig/ freundlich vnd gespraͤchlich/ vnd wuste allzeit
T v
etwas
Beutelschneider/ oder
etwas vorzubringen/ daß man daruͤber lachen muste: Wer jhn nur ansahe/ der kondt selber ge- dencken vnnd die rechnung machen/ es muͤste ein vnversehenes grosses Vngluͤck darhinder stecken/ aber man kondte nicht auff die Spur kommen/ vnd der Sachen grund erfahren.
Hierbey ist abermals zu mercken/ daß in dem/ daß Lachassine nit allein wolte mit dem Laqueyen in deß Herꝛen deß Caves Hauß die Bratwuͤrste braten/ sondern auch in dem/ daß er/ den erschlage- nen Laqueyen zu Pulver vnnd Aschen zuverbren- nen/ hernacher ein grossen hauffen Wellen ins Fewer warffe/ vnd also ein grosses Fewer machte/ ein Fuͤncklein sich oben im Schornstein anhen- cket/ vnd drey oder vier stunde ja so lang gluͤmme- te/ biß daß endlich der gantze Schornstein/ welcher voll Russes/ vnd also in langer zeit nicht war gefe- get woꝛden/ darvon angienge: Dieses ist zwar der Historien nicht zu wider/ sondern wol glaublich/ jedoch/ was mich anlanget/ halt ich gaͤntzlich dar- vor/ daß solches von etwas hoͤhers ist herkommen: Vnd daß/ nach dem Lachassine auß dem Hauß ist hinauß gangē/ vnd hat den Laqueyen halb gebra- ten im Fewer lassen ligen/ es Gott der Herꝛ selber geschicket/ daß sich das Fuͤncklein am Schorn- stein gefangen/ vnd darauff der Schornstein ist angangen/ auff daß durch solches Mittel der Tod- schlag offenbaret/ vnd hernach auch ernstlich ge- straffet moͤchte werden Ein anderer mag nun vr- theilen/ wie er selber wil/ das ist mein meynung/ das seyn daruͤber meine gedancken.
Das
Diebs Historien/ das
I,
Buch
Das Volck/ als es das Fewer in deß Herꝛen des Caves Schornstein sihet/ fanget an zu schreyē/ lauffet zusammen/ daß man das Fewer lesche vnd dampffe. Aber als sie zu der Haußthuͤr kamen/ vn̄ in das Hauß woͤllen/ ist kein Mensch da der da be- gehret auffzumachen
:
Die Nachbarn wusten wol/ daß der Herꝛ mit seiner Haußhaltung war uͤber Feld gezogen/ vnnd daß niemands mehr daheim war geblieben/ als der Laquey/ daß er das Hauß solte verwahren: Aber seyd Morgen fruͤh hat man jhn nicht sehen auß oder einge- hen/ man hatte auch kein Thuͤr auffgesehen: Derhalben so hielten ettliche darfuͤr/ der Laquey wuͤrde im Hauß darinnen seyn/ vnd hart schlaf- fen/ sagten/ man solte etwas staͤrcker anklopf- fin: Man klopffet auch an der Thuͤr mit Ham- mern vnd mit Steinen/ aber der arme Tropff kondte nicht antworten oder auffthun: Dann es war jhm nicht allein seine Zunge gebraten/ son- dern sein Kopff lage hie vnd sein Leib dort an ei- nem andern Ort im Hauß.
Als nun im Hauß niemands sich reget oder antwortet/ sagen etliche/ es werde vielleicht der La- quey ein weil spatzieren seyn gegangen/ werde das Fewer nicht wol verwahret haben/ wie manch- mals dergleichen Fewersbrunste durch fahrlaͤssig- keit der Dienstboten entstehen.
Vnder dessen aber so wird das Fewer je lenger je groͤsser/ das Volck laufft zusammen je lenger je mehr/ vnd wil endlich die Haußthuͤr mit gewalt aufflauffen/ also daß sie solten zusehen/ vnd das
Hauß
Beutelschneider/ oder
Hauß gantz abbren̄en lassen welches auch so bald geschicht/ wiewol etliche Nachbarn nicht darin̄en wolten willigen/ auch nicht zulassen/ daß ohne vn- derschid jederman hinein lieffe/ wegen deß schreck- lichen stelens vnd raubens/ so bey dergleichen Feu- ersbrunsten pflegen zu geschehen.
Aber solches hilfft nichts/ man laufft mit gros- sem hauffen hinein/ man thut die Schloͤsser auff/ man macht Tag/ zu sehen/ woher das Fewer sey kommen vnd entstanden: Als man aber in die Kuͤ- chen hinein kommet/ vnd sihet den erbaͤrmlichen Spiegel/ das jaͤmmerliche Spectackel/ ein halb verbrandten todten Coͤrper/ ohn Kopff vnd Arm/ die Kolen von Fettigkeit vnd Blut von dessen ar- men Coͤrper da fangt jederman an zu seufftzen vn̄ zu klagen/ es weiß keiner/ was er darzu soll sagen/ man sihet sich allenthalben vmb/ auff einer seiten findet man die Bratwuͤrste/ auff der anderen sei- ten den Rost/ ein stuͤck von einer Wildprets Pa- steten auff dem Tische/ etliche zerschlagene Glaͤser/ ein grossen Bruͤgel an der Kuͤchenthuͤr: Vnd alle die jenige/ welche den Todtschlag betrachteten/ wurden so bestuͤrtzet daruͤber/ als wan̄ sie ein Don- nerschlag getroffen haͤtte: Sie seyn daruͤber so be- stuͤrtzet/ daß sie viel mehr den Steinernen vnbe- weglichen Seulen/ als vernuͤnfftigen Creaturen gleich seyn: Sie haben zwar so viel verstanden/ daß sie sich alle uͤber solche schreckliche That ver- wundern/ aber sie koͤnnen nicht e
r
sinnen noch außdencken/ wer solchen Todtschlag begangen moͤge haben.
Man
Diebs Historien das
I.
Buch.
Man laufft in dem Hauß auff vnd ab/ vnd fin- det auff einem Gang deß Laquenen Kopff/ deß Herꝛn des Caves Kammer/ vnd seine Laden se
y
n alle zerbrochen vnd auffgeschlagen: Darauff sagt nun jederman: Es koͤnne nicht anders seyn/ es muͤssen noch Diebe im Hauß seyn/ es sey auch von noͤthen daß man nachfrage/ wer doch solchen schrecklichen Mord moͤge begangen haben.
In dem man aber am Fewer arbeitet vnd le- schet/ daß es nicht weiter moͤge vmb sich greiffen/ wie es dann den Nachbarn schon ein grossen schrecken angethan hatte/ lauffet jederman herzu/ als das geschrey von solchem Todtschlag offenbar wird: Wer es sihet/ der verwundert sich uͤber solche schreckliche vnd mehr als Barbarische Thate/ viel woͤllen oder koͤn̄en nicht glauben/ daß ein Mensch vnter der Sonnen solch schreckliche Thaten zube- gehen jhm solte haben vornemen koͤnnen.
Es wird dieses so bald der Obrigkeit angezei- get/ welche jhr Ampt thut/ laͤst alle vmbstaͤnde/ vnd particulariteten wol außfragen/ besihet das Hauß ond todten Coͤrper: Fraget die Nachbarn/ wer der jenige sey/ so in solchem Hauß fleissig auß vnd ein- gehe: Vnd als sie sagen/ es sey ein Schneider/ der nicht weit darvon wohne/ wird er so bald beym Kopff ergriffen: Aber/ als er sich erklaͤret/ daß er der Thaͤter nicht sey/ gibt auch dessen vnfehlbarli- che Merckzeichen/ fuͤhret man jhn nicht auff das Chastelet/ biß daß man der Sachen bessern grund moͤge haben.
Was nu den Schneider selber anlanget/ hat er
nim-
Beutelschneider/ oder
nimmermehr gemeinet oder gedacht/ daß Lachaf- fine solchen Mord solte begangen haben: Dann er sahe jhn taͤglich in solchem Hauß auß vnd einge- hen: Vber das bedorffte er deß stelens nicht/ dann seine Sachen stunden wol/ vnnd gieng jhm sehr wol: Gleichwol als die Obrigkeit dem Schneider so hart zusetzet/ spricht vnd bezeuget er/ er habe deß Morgends zwischen neun vnd zehen Vhrn/ ein
e
n in solches Hauß sehen gehen/ der hieß Lachassine/ halte sich an einem solchen Ort/ vnd bey solchem Herꝛen auff: Habe auch gesehen/ daß der Laquey Bratwuͤrste habe geholet/ welches dann auch be- kraͤfftiget wird/ durch den Garkoch/ welcher eben solches auch sagte.
Nun war es zimlich spat/ vnd zu solchem Herꝛn Rambovillet solchen tag noch zugehen/ wer gar zu weit gewesen: Derhalben wird es auff den mor- genden Tag verschoben/ in welcher Zeit vnter des- sen Lachassine wol sich haͤtte auß dem Staub dar- von machen koͤnnen/ wann nicht Gott selber/ als ein gerechter Recher der Suͤnden vnd Vbeltha- ten jhn haͤtte auffgehalten/ damit er nach der scherpffe deß Gesetzes moͤchte gestraffet werden/ vn̄ andern zu einem Exempel vnd Besserung dienen/ sonderlich aber denen/ welche den Tugendweg ver- lassen/ vnd sich auff den verdamblichen Suͤnden- wege begeben.
Lachassine bildet jhm eyn deß Nachts/ als er in seiner Kammer allein war/ daß weil jn niemands haͤtte ein oder außgehen sehen/ so wuͤrde nimmer- mehr kein Mensch an jhn gedencken/ oder ein arg-
wohn
Diebshistorien/ das
I.
Buch.
wohn auff jhn werffen: Aber GOtt/ der biß auff den grund vnsers Gewissens sihet/ vnnd wie der Prophet saget:
Qui serutatur corda \& renes,
der Hertzen vnd Nieren pruͤffet/ der weiß wol/ wie vnd wann er vnsere heimliche begangene Suͤnde soll offenbaren/ vnd an das Liecht bringen.
Allhier ist vnmoͤglich zuerzehlen/ die grosse angst vnnd bangigkeit/ welche dieser Moͤrder dieselbige Nacht/ als er hernacher in seine Schlaffkammer allein kame (wie er solches hernacher selber hat be- kandt) außstunde: Dann da dauchte jhn/ er sehe die verbrandte Zunge vnd Haͤnde deß armen La- queyen/ welchen er erschlagen hatte/ die schrien Rache uͤber jn/ vmb sein Beth herumber/ welches jhn dan̄ nicht wenig bestuͤrtzet machte/ ja es wurde jhm daruͤber so bange/ daß er nicht wuste/ wo er solte bleiben
:
Bald stunde er auß dem Beth auff/ bald legte er sich wider nider/ ja hatte die gantze Nacht weder rast noch ruh: Als aber der Tag her- bey wider kame/ vergiengen jm zwar solche schwe- re Gedancken/ welche jhm deß Nachts im Traum fuͤrkommen waren/ aber im geringsten nicht die grosse forcht/ welche er hatte/ wegen der Straff/ die jhm noch vmb seines Mords willen widerfah- ren wurde.
Wiewol aber jnnerlich vnd in seinem Hertzen jhm so angst vnd bang ist/ stellet er sich doch eusser- lich viel anders/ folget seinem Herꝛn allenthalben/ wo er hin wil gehen/ nimpt sich nicht an/ daß jhm sein Hertz so schrecklich klopffe/ angst vnd bang mache: Sein Herꝛ begibt sich zur Kutschen/ vnd
wil
Beutelschneider/ oder
wil wegen etlicher Geschaͤfften an einen Ort fah- ren/ Lachassine folget jhm nach: Aber als sie mit- ten auff der Gassen seyn/ kompt der Blutrichter daher/ mit fuͤnff oder sechs Schuͤtzen/ befihlet dem Kutscher er soll still halten/ gehet zu dem Herꝛen Rambevillet/ gruͤsset jhn freundlich vnd bittet jn/ er wolle es jhm doch nicht fuͤr vngut auffnemen/ daß er sein Kutscher hab still halten lassen: Fra- get jhn/ ob er nicht einen bey sich habe/ der Lachassi- ne hiesse? Herꝛ Rambovillet wendet sich vmb/ vnd zeiget jhm den jenigen/ den er suchete: Welcher so bald daruͤber verbleichet/ vn̄ hernacher widerumb roth wird/ vnd gibt mit seinem Gesicht zuverste- hen/ wie jhm in seiner Seel vnd Hertzen were/ der Herꝛ Ramborillet fraget/ warumb er nach seinem Diener Lachassine frage? Darauff wird jhm ge- antwortet/ daß den gestrigen Tag ein schrecklicher Todtschlag in dem Hauß deß Herꝛen des Caves sey begangen worden/ vnd fall der Argwohn vnd Muthmassung auff Lachassine/ daß er solches Mords schuldig sey/ als der denselbigē Tag eintzig vnd allein in solchem Hause sey auß vnd einge- gangen/ habe auch die Thuͤr hinder jhm selber zu- geschlossen/ vnd sey sonsten den Tag kein Mensch mehr in das Hauß kommen.
Als nun Lachassine so viel Schuͤtzen vmb sich sihet/ vn̄ reden wil/ faͤlt er vmb im reden/ doch laͤu- gnet er steiff vnd vest/ er hab die That nicht began- gen: Sein Herꝛ sihet jhn an/ vnd als er sihet/ daß er so schranckelt/ sagt er zu jhm/ er soll sein Gewis- sen wol bedencken/ wann er sich schuldig befinde:
Dann
Diebs Historien das
I.
Buch.
Dann er wuͤrde der Obrigkeit nicht wehren koͤn- nen daß sie jhn Fest machten/ vnd gefaͤnglich ein- zoͤgen/ were er aber vnschuldig/ so koͤndte er sich all- zeit noch vertheidigen/ vnd er wolte jhm hiermit verheissen/ daß er jhm nach eussersten vermoͤgen beystehen wol e. Aber er wirdt hierauff: Fest ge- macht vnd gefangen gefuͤhret.
Vnder dessen aber kompt der Herꝛ des Caves wider heim/ sihet den schrecklichen Mord/ so vnder dessen in seinem Hauß war begangen worden vn̄ als er nachfraget/ hoͤret vnd erfaͤhret er/ daß La- chassine solches soll gethan haben/ daruͤber er sich dann nicht gnugsam kan verwundern/ dann er hatte jhn lenger als zehen gantzer Jahr gekandt/ daß er sich wol verhalten hatte.
Er laͤst jhn peinlich anklagen/ aber der ander gehet allzeit den grossen Weg von Rochelle gen Nioꝛt/ vn̄ duꝛch ein hauffe ich weiß nicht was fuͤr Leute vnderstehet er sich (wie das sprichwort lau- tet/
cornicum oculos configere,
das ist/ mehr als die alte wissen vnd thun/ als wan̄ die alten gar nichts gewust/ oder gar Narꝛen seyen gewesen) die Richter zubetriegen/ vnd jhre spitzfindigkeit abzulernen: Er wird Examiniret/ vnd wird jhm der Schneider vor Augen gestellet/ welcher auß
s
a- get/ er habe jhn eben denselbigen Tag in das Hauß sehen hinein gehen/ vnd er hab auch den Laqueyen verhindert/ daß er nicht zu jhm sey kommen vnd jhn/ den Schneider/ nicht habe zum fruͤhessen ge- betten/ auff daß er allein sein Bubenstuck habe desto vnverhinderter verrichten koͤnnen: Aber La-
V
chassine
Beutelschneider/ oder
chassine laͤugnet jmmer fort/ vnd braucht all sein Verstandt/ alles was jhm ward zugeschrieben/ zu widerlegen.
Der Herꝛ des Caves besihet sein Conduͤrlein vnd Laden/ zu sehen/ was jhm moͤge gestolen seyn worden: vnd findet endlich/ daß jm einkleines Laͤd- lein voll Demant/ Ketten vnd andern Jubeln ist gestolen worden
:
So bald gehet man darauff inn die Schlaffkammer deß Lachassine bey dem Her- ren Rambovillet/ vnnd findet auff deß Moͤrders Tisch das kleine Laͤdlein mit Demant/ vnd daß im geringsten nichts auß dem Laͤdlein mangelt/ vnd das war hernacher mehr als zu viel Beweißthum wider jn: Es sahe vnd erkandte darauß jederman/ daß er die That begangen hatte: Man spannet jn hierauff auff die Folter/ aber/ als er die Folter noch nicht recht geschmackt hatte/ bekennet er alles/ wie er den Laqueyen vmbgebracht hatte/ berewet vnd beweinet seinen schweren Fall/ daß er sich durch den Teuffel so gar hatte verblenden vnnd verfuͤh- ren lassen
:
Dann biß auff solche Zeit/ hatte er sich allzeit/ ehrlich/ wol vnd vnstraͤfflich verhalten/ es war auch nicht ein eintziger Mensch/ mit dem er jnnerhalb zwantzig Jahren war vmbgangen/ der jhm das geringste hette vorwerffen koͤnnen.
Endlich ist jhm sein Vrteil gesprochen/ vnd er auff dem Kirchhoff Sainct Jean hingerichtet worden/ in gegenwart eines vnzehlichen grossen Volcks/ welche von allen Orten dahin kommen waren/ jhn zu sehen: Er war ein sehr schoͤner wol proportionirter Mensch/ vngefehr viertzig Jahr
alt:
Diebshistorien/ das
I.
Buch.
alt: Viel verwunderten sich/ als sie jhn auff dem Richtplatz sahen/ dan̄ weil er ein solche schoͤne an- sehnliche Person war/ hette man nimmer meynen oder gedencken sollen/ daß er ein solche schreckliche That hette begehen sollen: In seinem Todt bezeu- get er mit der That selbsten/ wie es jhm so hertzlich leyd were/ daß er ein solche schrecklich That hatte begangen/ vnd gab zuverstehen/ daß der jenige/ der Gott verlaͤst/ vnd durch freventliche Suͤnde vnd Laster von jhm abweichet/ endlich in solches Vn- gluͤck fallet/ welches jm zu ewigem schimpff/ spott vnd schand gereichet vnd außschlaͤgt.
Das
XVIII.
Capitel.
Von einem andern vnerhoͤrten Mord zu
Paris/ in der Gassen du Temple began- gen/ von einem Ertzrauber/ genandt Bo- ree/ vnd wie er endlich ist erdappet worden.
I
Ndem vorhergehenden Capitel habt jr angehoͤret ein erschreckliche Historien/ welche von lauter Menschenblut/ gleich- sam zu reden/ ist gefuͤllet vn̄ gespicket gewesen
:
In diesem Capitel werdet jhr eine Historien verne- men/ welche eben so schrecklich/ als die vorige ist: dann da werdet jhr hoͤren/ wie ein armer alter Mann von seinem eigenen Knecht ist erschlagen worden/ vnd hat man in etlicher Zeit nit darhin- der kommen koͤnnen/ wer solchen Todtschlag
V ij
hatte
Beutelschneider/ oder
hatte begangen. Zwar was die vorige Historien anlanget/ so ist sie viel jaͤmmerlicher vnd trawri- ger/ auch vil frischer vnd erschrecklicher: Aber die- se ist nicht weniger/ als die vorige warhafftig ge- schehen/ wiewol sie nicht so new vnd frisch ist: Die jenige/ welche sie geseben vnd gehoͤret haa en/ vnd welche noch bey der Pforten Sainet Maꝛtin woh- nen/ koͤnnen einem gewisse Zeitung darvon sagen vnd erzehlen.
Ihr sollet derhalben wissen/ daß nah bey dem Ort du Temple vor etlichen Jahren wohnete ein Buͤrger/ welcher zwar gar reich/ aber noch ledig vnd vnverheurahtet/ doch schon eines zimlichen Alters war/ welchen ich Merinthe wil nennen: Derselbige hat seine Jugendt zugebracht mit Reisen/ daß er die Land besehen/ vnnd darbey sich auch lustig gemacht hat/ vnd hatte einen Diener/ genandt Boree/ welcher/ wie solches dann einem ehrlichen Diener anstehet/ seinem Herꝛn trewlich dienete/ vnd wie er sich erstlich so fleissig vnd trew- lich erzeigete gegen seinem Herꝛn/ hette niemants sein lebenlang gedacht/ daß eꝛ solche Vbelthat/ wie hernacher geschahe/ im in seinen Sinn setzen vnd vornemen wurde. Als er aber nun seinem Herꝛn ein Zeitlang gedienet hat/ name er jm vor in den Ehestand zu tretten/ vn̄ sich zuverheurathen/ wel- ches dann seinem Herꝛn nicht zuwider war/ son- dern viel mehr wol gefiele: Dann er sein Herꝛ su- chet seines Dieners wolfahrt selber/ vnd war jm auch im anfang seiner Haußhaltung mit vnd in vielen Sachen bedienlich.
Als
Diebs Historien/ das
I.
Buch.
Als er nun verheurathet war/ gieng er nichts desto weniger in seines Herꝛn Hauß ein vnd auß/ kam offter mals mit seinem jungen Eheweib zu seinem Herꝛn/ vnd besuchte jhn inn allem guten: Aber die Gesellschafft vnd Gemeinschafft/ welche er mit einem hauffen leicht fertiger vnd Gottloser Voͤgel hatte vnd hielte/ machte/ dz er auch leicht- fertig vnd Gottloß wurde/ ja verursachte jhn/ daß er es nicht besser als seine Gesellen machte/ das ist/ daß er sich auch auff die boͤse seite legte/ vnd zu rauben vnd stelen anfienge.
Nun ist allhie zumercken/ daß dieser gute alte Merinthe nicht verheurater/ sondern noch ein al- ter junger Gesell war/ wolte sich auch nicht ver- heurath en/ wiewol seine Freunde jhm stetigs deß- wegen anlagen: Dann sie hielten jhm fuͤr/ daß er gleichsam wie ein Vieh lehete/ daß er keine Gesell- schafft hette/ deren er sich vertrawen kondte/ vnnd daß er sich selber beraubete der eꝛgetzlichkeit/ welche man im Ehstandt hat/ vnd die Natur selber vns presentiret vnd anleytet.
Aber auff alle diese Bedencken/ warffe vnd stel- lete Merinthe jhnen vor das Vngluͤck vieler Ehe- maͤnner/ welche bißweilen im Ehestand nit Wei- ber/ sondern gar Teuffel antreffen vnd bekommen/ vnnd welches vmb jhrer schoͤnen Augen willen vielem Elend vnnd Vngluͤck muͤssen vnterwor f- fen seyn: Ja er gab jhnen dessen nicht allein viel/ sondern auch zugleich frische vnnd erschreckliche Exem pel/ also daß sie/ die Freunde selbsten geste- hen mussen/ daß manchmals auß dem Ehestand
V iij
grosses
Beutelschneider/ oder
grosses Vngluͤck vnd Hertzenleid pfleget zuerfol- gen/ wann man sich nicht weiß recht darein zu- schicken.
Vnd fuͤrwahr so sehen wir alle Tag/ wie es in dem Ehestand hergehet/ daß sich viel wegen deß staͤtigen zanckens von einander scheiden/ da gibts allerley vnwillen/ trackeln vnd gezaͤnck/ welches fuͤr wahr die eheliche Lieb/ so billich zwischen Man̄ vnd Weib seyn soll/ gantz vnd gar außlaͤschet.
Wann einer darnach verheurathet ist/ so muß sich einer darinn ergeben/ daß er dermals eins sich auch noch werde begeben muͤssen/ in die Bruͤder- schafft deren/ so jhrer Weiber Hurendeckel seyn/ welche Bruͤderschafft denn in der Welt gar groß ist/ vnd sich allenthalben außgebreitet hat: Ja daß er allemal sich muͤsse buͤcken/ wann er eine Thuͤr wil hinein gehen/ damit jhn seine Hoͤꝛneꝛ/ deꝛ Thuͤꝛ hinein zugehen/ nicht verhindern/ vnd da gebe ich es euch selber vernuͤnfftig zu bedencken/ was das vor ein Lust vnd Ergetzlichkeit seyn mag/ wann ei- nem Mann/ wie dem Act
æ
oni/ Hoͤrner auff dem Kopff wachsen/ vnd er seines Weibs Hurndeckel seyn soll: Wie man denn sagt von denen zu Com- piegne/ welche alle sechs Monat Waͤgen voll Hoͤr- ner zu schicken/ vnd ist das gewiß/ daß sie gantz Chastelleraut zehen gantzer Jahr/ von heut an zu rechnen/ mit Hoͤrnern versehen koͤndten/ wan̄ sie schon alle Tag an tausend Messer die Haͤffte ma- chen solten.
Solche bedencken waren Vrsach/ daß Merin- the sich nicht wolte oder begerete zuverheurathen/
vnd
Diebshistorien/ das
I.
Buch.
vnd verachtete den guten Rath seiner Freunde: Welche als sie sahen/ daß er so gar eigensinnig war/ vnd jnen nit wolte folgen/ jn auch verliessen vnd sich ein wenig zu jhm hielten: Vnter dessen a- ber so vnterliesse er nit sich lustig zumachen/ vnnd hielte allzeit eine schoͤne Magd/ welcher er das hal- be Theil seines Bethe liehe vnnd wann er her- nach jhr das Baͤllichen hat auff geblasen/ vnd das Baͤuchlein gefuͤllet/ gab er jr zwey oder drey hun- dert Kronen: Da kam dann ein armer einfaͤltiger Tropff/ vnd kauffte Kuh vnd Kalb miteinander/ fragete auch nicht viel darnach/ wann schon seine Schewer voll war fuͤr der Seezeit/ wann er nur Gelt bekame/ ein kleines Kraͤmlein darmit anzu- fangen.
Boree war auch auff diese weise genarꝛet wor- den/ doch fragte er nichts darnach/ daß jhm sein Herꝛ den Weg gezeiget hatte/ weil er seines scha- dens ergetzet wurde: Dann von seinem Herꝛn be- kame er vier hundert Kronen zur Haußstewer/ nit allein wegen seiner trewen Diensten/ so er seinem Herꝛn lange zeit bewiesen hatte/ sondern auch we- gen seines Weibs/ welche deß Herꝛen Merinthe Magd war gewesen.
Aber wie gemeiniglich bey solchem Gelt kein Gluͤck oder Segen ist/ vnd das Gut vnd Gelt/ so von der lincken seiten herkommt/ nit auff die rech- te seiten wil kommen: Also hatte Boree in kurtzer Zeit alle solches Gelt/ mit einem hauffen Gottlo- ser leichtfertiger Voͤgel vnd Rauber/ durch die Gurgel gejaget: Dann/ wie ich gesagt/ so lage er
V iiij
Tag
Beutelschneider/ oder
Tag vnd Nacht in den Wirtshaͤusern/ retzte/ spie- lete vnd soffe war koftfrey/ vnnd bezahlet fuͤr jeder- man: Doch hielte er sich gegen seinem Herꝛn gar weißlich/ vnd weil Merinthe nicht anderst wuste vnd meinete/ als daß er sich wol in seiner Hauß- haltung hielte/ ließ er jhn fleissig zu sich kommen/ daß er entweder mit jm zu Mittag/ oder zu Nacht muste essen.
Nun trug es sich zu/ daß sein Herꝛ jm vnd sein Eheweib zum Nachtessen geladen batte/ vnd als jhm das angesaget wurde/ ließ er sein Weib da- heim bleiben/ er aber gieng zu einem Schiffman/ der sein Vetter war/ vnnd noch zu dreyen andern leichtfertigen Gesellen/ welche sich von nichts an- ders/ als von morden vnd rauben nehreten/ zeige- te jnen an/ daß er ein schoͤnes Nest wuͤste/ verhies- se jnen auch/ er wolte zu wegen bringen/ daß sie in solches Hauß/ da gnug zu Beuten were/ solten kommen. Diese erbare Gesellen folgen jm so bald nach/ vnd gedenck en/ sie woͤllen entwedeꝛ Fuͤß oder Fluͤgel darvon bekommen: Es geschahe aber mit- ten in dem Winter/ da die Tage am allerkuͤrtze- sten seyn/ vnd wie sie die Nacht vnd Finsternuß zu jhrem Vortheil vnnd Wegweiser gebraucheten/ also kamen sie vmb sieben Vhr/ deß Abends fuͤr das Hauß/ vnd klopffeten an.
Die Magd im Hauß/ (welche Merinthe vn- terbielte vnd sehr schoͤn war) fragte sie/ eh sie jnen auffthut/ wer sie seyn/ vnnd als sie Boree so bald an der Stimme hoͤret vnd kennet/ thut sie jhm die Thuͤr auff/ aber so bald die Thuͤr ist auffgethan/
kom-
Diebshistorien/ das
I.
Buch.
kommen zween auß jhrer Gesellschafft vngestuͤm- mer weise hinein/ greiffen der Magd nach dem Kopff/ halten jhr Mund vnd Gurgel zu/ daß sie nicht reden oder schreyen kan: Boree aber nimpt seinen Dolch vnd stoͤsset jhn jhꝛ zwey oder dreymal durch das Hertz hindurch/ daß sie bald Todt vmb vnd darnider faͤllt/ vnd gehet dieses alles so still- schweigens zu/ daß Merinthe im geringstē nichts darvon mercket oder hoͤret/ dann er war oben auff in einer Kammer.
Als nun dieser streich gescheben/ gehen sie oben auff zu der Kammer zu darinnen Merinthe war/ gleich wie die hungerige Loͤwen auff den Raub vnnd Beute: Boree aber gehet der erste in die Kammer hinein/ vnd laͤst er vnder dessen seine Mordgesellen fuͤr der Kammer/ welche auffwar- ten/ biß er jhnen ein Zeichen gebe/ jhr moͤrderische That zu vollbringen.
Merinthe/ welcher meinete/ Boree wer deßwe- gen zu jhm kom̄en/ daß er mit jhm wolte zu Nacht essen/ fraget in/ wo seine Frau bleibe/ dan̄ sie pfleg- te sonsten auch mit zukom̄en: Boree nimmet sich an sie sey nicht allerdings wol auff/ derhalben so hab er sie nicht mit jhm moͤgen nemen/ damit sie ja nicht kraͤncker moͤchte werden: Weil nun das Essen schon auff dem Tisch stunde/ vnd Merinthe zu Nacht essen wolte/ ruffet er seiner Magd daß sie jhnen Wasser auffgiesse/ die Haͤnde zu waschen: Da nimmet Boree der Zeit wol in acht/ vnd als sich Merinthe ein wenig herumber vnd von jhm wendet/ nimpt Boree seinen Dolchen vnd stichet
V v
dem
Beutelschneider/ oder
dem Merinthe mitten in den Halß hinden hinein/ daß von dem vielen Blut/ so herausser lauffet/ Merinthe nicht mehr kan reden/ verkehret aber die Augen im Kopff/ als wann er uͤber solches Mein- eydiges Bubenstuͤck sich woͤlle sehr verwundern.
Die drey andere kommen vnd tretten darauff auch so bald in die Kammer hinein/ vnd schlagen auff Merinthe zu/ als wann sie vnsinnig seyen: Als nu Merinthe sihet/ daß er von so vielen Moͤr- dern vnnd Raubern in seinem eigenen Hauß ist vmbgeben/ weret er sich so viel vnd lang als er kan/ erdappet Boree bey dem Arm/ vnd beisset jhm in solcher angst so hart in den Arm/ daß man auch die Zeichen darnach daran sihet: Aber alle sein beissen vnd wehren ist vmbsonst/ er kan nicht mehr vmb huͤlff schreyen/ dann da war kein Hund oder Mensch mehr im Hauß/ so lieffe jhm das Blut so sehr dem Mund herausser/ daß er kein Wort mehr darvor kondte reden/ wurde also in seinem eygenen Hauß jaͤmmerlich ermordet/ ehe dann ein eintzi- ger Nachbar das geringste darvon haͤtte hoͤren/ o- der mercken koͤnnen.
Als nun solches auch geschehen/ laͤst es jm Bo- ree sehr wenig zu Hertzen gehen/ sondern wiewol jhm die Haͤnde noch gantz blutig waren/ von dem geschehenen Todtschlag seines Herꝛn/ setzte er sich nichts desto weniger zu Tisch/ thaͤte/ als wolte er Thiestes oder Lycaons Bancket anftellē/ von wel- chem wir lesen/ dz er den Goͤttern Menschenfleisch zu essen hat vorgesetzet: Vmb welcher vnmenschli- chen Tyranney willen er dann in einen Wolff ist vorwandelt worden.
Hier-
Diebs Historien/ das
I.
Buch.
Hier auff fangen sie an sich lustig zu machen/ gehen in den Keller vnd holen den besten Wein/ seyn wol so gehertzet/ daß sie hingehen vnd nemen die Schluͤssel von der Magd Guͤrtel/ welch in dem eingange deß Hauß todt vnd erschlagen lage/ vnd als sie die Schluͤssel haben/ suchen sie das beste/ was sie nur finden koͤn̄en/ zu essen vnd zu trincken.
Als sie aber auch bey vnd vor solchem trauri- gen Spectackel zu Nacht gessen/ schliessen sie alle Gemach im Hauß auff/ gehen von einer Kam- mer zu der andern/ von einem Cabinet zu dem an- dern/ vnd nemen das allerbeste/ das sie finden/ als da ist/ gemuͤntztes Gelt Ring/ Silbergeschirꝛ vnd viel andere dinge/ die sich in jhren Kram schicken.
Nach dem aber nun solches auch geschehen/ vnd sie ire Beutel wol gespicket/ vnd sich wol versehen hatten/ schliessen sie das uͤbrige als gute Haußhaͤl- ter/ wider hin/ heben den Tisch auff/ setzen uͤbrige Speiß vnd Tranck an ihren gebuͤrenden Ort/ den armen erschlagenen alten Mann/ der schon aller kalt war worden/ nemen jhrer vier/ der eine bey den Fuͤssen/ der andere bey dem Kopff/ schleppen jhn in seine Schlaffkammer/ nemen auch noch die muͤh uͤber sich (welches ein wunderbarliches ding ist) daß sie jhn fein außziehen/ setzen jhm eine Schlaff- hauben auff/ vnd legen jhn in sein Beth/ daß er all- da den ewigen Schlaff moͤg schlaffen: Gehen hier- auff fein seuberlich vnd still in das Hauß heraber/ suchen die Magd/ ziehen sie staubnackend auß/ vnd legen sie neben Merinthum in sein Betth: Ver- wahren alle Thuͤren vnd Fenster im Hauß/ vnd
weil
Beutelschneider/ oder
weil auch im Eingang deß Hauses die Erde vnd Stein sehr mit Blut bespruͤtzet waren/ nemen sie Wasser/ waschen allenthalben das Blut fein sau- ber auß vnd ab/ auff daß man ja desto weniger an einen solchen Mord gedencken moͤchte
:
Vnd als solches alles geschehen/ gehen sie in aller still vmb die Mitternacht auß dem Hauß/ schliessen nach jhnen die Thuͤr zu/ also daß es kein Mensch gewahꝛ wird/ oder mercket.
Zween Tag gehen darauff hin/ daß kein Mensch in solchem Hauß weder auß oder eingehet/ vnnd zwar/ was die Nachbarn anlanget/ so achten sie es so hoch nicht im anfang: Dann Merinthe hatte allzeit den brauch/ daß er seine Haußthuͤr zuge- schlossen hielte: Etliche auß den Nachbarn sa- gen/ er werde vielleicht widerumb eine newe frische Magd haben/ vnd sich in dem Hauß mit jhr lustig machen: Etliche aber meynen/ er werde vielleicht ein wenig seyn uͤber Feld gezogen/ frische Lufft zu schoͤpffen/ vnd sich zu erlustieren/ werde demnach bald wider kommen/ ja seine Freunde achten sol- ches selber nicht hoch/ dieweil sie seine Huͤner/ Ei- genschafft vnd gebrauch wol wusten.
Vnter dessen aber so machen sich vnsere vier Moͤrder lustig mit vnd von dem jenigen/ das sie in deß ermordeten Hauß geraubet hatten: Es ist aber keiner uͤbeler ankommen/ als Boree/ welchen der Merinthe also hatte in Arm gebissen/ daß man die Zaͤhne noch sahe auff dem Arm stehen: Dann wie jhm die grewlichkeit seines Lasters Tag vnnd Nacht vorkame/ vnd sein Gewissen jhm kein ruh
ruh
Diebs Historien/ das
I.
Buch.
liesse/ sondern stetigs von der Straff predigte: Al- so war er an seinem Arm verletzet/ vnd war der ge- dachte Biß gantz gefaͤhrlich: Dann als er diesen Biß dem Wundartzt zeigete/ sagte jm der Wund- artzt/ daß der Biß so gefaͤhrlich were/ daß er leicht- lich darvon sterben koͤndte: Es muͤste solcher Biß von einem vnsinnigen vnd rasenden Menschen seyn geschehen/ vnd wann der Kaltebrand darzu schluͤge/ wie solches gar leichtlich koͤndte gesche- hen/ so wer es vmb sein Leben geschehen.
Boree/ damit er sich ein wenig entschuldige/ sagt/ er sey kommen an das Vfer S. Paul/ da er sonsten pflegte spatzieren zu gehen/ vnd sey mit ei- nem/ er wisse bald selber nicht wer/ in ein streit ge- rahten/ vnd mit demselbigen von den Worten zu den Streichen kommen/ vnd derselbige hab jhn so uͤbel in den Arm gebissen. Gleichwol aber so nim- met jhn der Wundartzt an/ braucht allerley Re- medien/ vnd heylet jhm den Biß/ vnnd verhuͤtet auch/ daß der Brand nicht darzu schlaͤget. Vnd als er nun etlicher massen wider geheylet ist/ ne- men sich die vier Moͤrder an/ sie wollen ein Wahl- fahrt rhun/ nach vnser lieben Frauen de Liesse/ auff daß vnder dessen der Tumult vnnd das ge- schrey/ welches uͤber solcher That entstehen muste/ voruͤber moͤchte rauschen vnd vergehen: Dann sie wusten gar wol/ daß uͤber vier oder fuͤnff Tag der Todtschlag wuͤrde offenbar werden/ vnnd haben wir allhie jhre verzweiffelte Boßheit zuerkennen: Dann da namen jhnen die ehrvergessene Voͤgel ein Wahlfahrt fuͤr/ auff daß sie dardurch allem
argwohn
Beutelschneider/ oder
argwohn vnd verdacht/ so auff sie fallen moͤchte/ desto besser ableinen vnd von sich abwenden moͤ- gen/ mit einem gantz heuchlischen Gesicht stellen sie sich/ als weren sie die andaͤchtigstē in der Welt/ damit sie vermeyden die gerechte Straff/ welche jhre Missethaten wol verdienet haben. Aber Gott/ der gar auff den grund vnserer Gewissen kan se- hen/ wird sie wol wissen zu erdappen: Sie moͤgen so lang vnd so weit lauffen/ als sie woͤllen/ dann sie werden doch selber wider kommen muͤssen/ vnnd sich zur straffe anbieten.
Es waren schon sechs Tag voruͤber/ daß man noch nichts von dem begangenen Todtschlag wu- ste: Aber nach verfliessung solcher Zeit kamen deß Merinthe Freunde/ vnd wolten jhn einmal besu- chen: Vnd als sie sich bey den Nachbarn befraget/ ob er vielleicht nicht wer uͤber Feld gezogen/ auch von jhnen vernommen hatten/ daß sie in etlichen Tagen niemands haͤtten auß oder ein sehen ge- hen/ thun sie eins vnd schlagen die Haußthuͤr mit gewalt auff: So bald aber als sie in das Hauß hin- ein tretten/ sehen sie gerunnē Blut auff den Stei- nen/ welches Boree vnd seine Mitgesellen entwe- der im auffwaschen uͤbersehen/ oder vielleicht in solcher eyl nicht hatten auffwaschen koͤnnen: Hier- uͤber bricht jhnen der kalte schweiß auß/ vnd ma- chen ihnen die Gedancken/ sie werden vielleicht in dem Hauß jaͤmmerlicher weise ermordet vnd er- schlagen seyn worden: Sie lauffen darauff im gantzen Hauß vmbher/ vn̄ als sie alle Fenster auff- machen/ sehen sie/ daß die Vorhaͤng vor allen
Bethen
Diebs Historien/ das
I.
Buch.
Betthen seyn vorgezogen/ vnd daß sich kein Hund oder Mensch reget
:
Einer aber auß den Freunden/ als sie das Blut im Eingang deß Hauses sehen/ saget zu den andern: Man werde vielleicht ein Hun/ Taub oder etwz anders zur speise geschlach- tet/ den Halß abgeschnitten/ vnd also an solchem Ort Blut vergossen haben/ vnnd werde ohn allen zweiffel Merinthe noch in dem Beth bey seiner Magd ligen vnd schlaffen: Was geschicht? Man gehet in deß Merinthe Schlaffkammer/ hebt den Vorhang allgemach auff an einem Ort/ vnd als sie im ersten anblick den Kopff mit der Schlaff- hauben ersehen/ meynen sie nicht anderst/ er schlaf- fe noch: Aber das war ein ewiger schlaff/ ja ein rechter eysener schlaff/ wie der Poet darvon redet:
Olli dura quies oculos \& ferreus urget Somn
9
, in
æ
ternam clauduntur lumina noctē.
das ist auff Teutsch so viel gesagt:
Ein harter Schlaff fuͤrwar jhn da ist kom-
men an/
Daß er nicht widrumb wil oder kan auffer-
stahn.
Dann der Todt hatte jhn so gar starck eingenom- men/ daß er nicht widrumb erwachen kondte.
Sie stehen eine zimliche Zeit fuͤr dem Beth/ vnd woͤllen warten/ ob er vielleicht selber erwachen werde: Aber als sie lang da stehen vnd warten/ vnd seinen Athem nicht spuͤren oder mercken koͤnnen/ ziehen sie den Vorhang deß Betths zu ruͤck/ vnd sehen ein gantzes verblichenes Angesicht/ vnd als sie darauff das Beth gar auffbecken/ sehen sie/ daß
das
Beutelschneider/ oder
das Beth/ Leytuͤcher vnd alles voll Blut seyn/ ja es gehet ein solcher vnertraͤglicher Gestanck auß dem Bethe/ daß sie nicht mehr bleiben koͤnnen.
Als sie nun das alles sehen/ werden sie so bestuͤr- tzet daruͤber/ daß sie nicht wissen/ was sie sagen oder gedencken sollen/ sie sehen sich vndereinander an/ vnd seyn so verfuhret daruͤber/ daß bald keiner mit dem andern kan ein Wort reden/ die Nachbarn erfahren es auch/ kommen in das Hauß hinein ge- lauffen/ vnd als sie solches jaͤmmerliche Specta- ckel sehen/ daß Merinthe vnd seine Magd in ei- nem Beth so uͤbel zugerichtet bey einander ligen/ werden sie uͤber solchem vnfall hertzlich betruͤbet/ koͤn̄en alle miteinander nichts anders gedencken/ als daß sie beyde im Beth/ bey einander muͤssen uͤberfallen vnd todt geschlagen seyn worden/ wel- ches dann allen den jenigen/ welche solches jaͤm̄er- liche Spectackel ansehen/ mehr forcht/ schrecken vnd traurigkeit erwecket: Der Commissarius/ so in solchem Quartier wohnet/ wird hierzu geruffen/ welcher/ als er den begangenen Todtschlag an sol- chen Personen sihet/ sein Ampt thut/ forschet fleis- sig nach/ wer in solchem Hauß habe pflegen auß vnd ein zu geben/ vnd wie nan der gerechte GOtt wil/ daß alle Vbelthaten endlich an Tag kommen: Also erfuhre man so viel/ daß einer/ genandt Bo- ree/ welcher vor der Zeit sein Diener sey gewesen/ fleissig vnd zu jeder zeit in solchem Hauß sey auß vnnd eingangen/ sonderlich aber dieweil er noch allzeit seinem Herꝛen seine geschaͤfften habe ver- richtet.
Auff
Diebs Historien/ das
I.
Buch
Auff diesen kleinen argwohn gehet man in sein Hauß/ mit jm zu reden/ vnd die Sachen ferꝛners zuerkuͤndigen Aber sein Weib/ welches schon we- gen deß geschehenē Todtschlags wissenschafft hat- te/ vnd vnterꝛichtet war/ wie sie sich auff alle nach- frage verhalten solte/ saget jhnen: Es sey nun len- ger als acht Tage/ daß jr Mann hinweg gezogen/ vnnd ein Wallfahrt zu vnser lieben Frawen de Liesse habe vorgenommen: Welches dann bey et- lichen so viel galte/ daß sie nicht wusten/ was sie darauff sagen solten/ auch nicht vermeineten/ daß Boree an solchem Todtschlag solte schuldig seyn: Aber die anderen/ welche der Sachen ein wenig weiter nachdachten/ auch uͤber das erfahren hat- ten/ wie Boree ein gute geraume Zeit/ so ein boͤses Leben gefuͤhret hat/ wie er mit niemands anderst/ als mit heillosen Leuten ware vmb gegangen/ vnd wie er Tag vnd Nacht/ gefressen/ gesoffen/ gespie- let hatte/ hielten jn schuldig deß Todtschlags/ vnd entschlossen auch bey sich/ jhn zuverfolgen.
Man schicket ihm Leut nach/ jhn zuergreiffen/ vnd auff das Chastelet zu fuͤhren/ vnd als sie bey Soissen jhn vnnd seine andern drey Gesellen er- dappen/ binden sie jn vnd seine Mitgesellen Haͤn- de vnd Fuͤsse setzen sie auff einen Karꝛen/ vnd fuͤh- ren sie nach Paris: Aber es findet sich so gar keine anzeigung oder argwohn bey jnen/ daß es sich laͤst ansehen/ als haben sie jr lebenlang die Haußthuͤr solches Hauses nicht gesehen/ vnd seyn also gantz vn̄ gar vnschuldig
:
Aber sie stellen sich so vnschul- dig als sie woͤllen/ so koͤnnen sie doch der Warheit
X
die
Beutelschneider/ oder
die Augen nicht verkleiben/ noch die Richter deß gegentheils uͤberreden: Dann sie fiengen schon selber an zu zittern vnd zu zagen.
Hierbey ist aber zu mercken/ daß deß Boree Mutter vor der Zeit einen auß den vornembsten von dem Chaftelet hatte aufferzogen/ vnd war sei- ne Saͤugamme gewesen: Als sie nun sahe/ daß man jhrem Sohn so gewaltig zusetzt/ vnd an dem ware/ daß er solte auff die Folter gespannet werdē/ verfuͤgete sie sich zu jhm/ vnd bate jn/ er wolte doch machen/ daß jhr Sohn auß dem Gefaͤngnuß ka- me: Sie wolte Buͤrgschafft vor jhn leisten/ vnd jn wider stellen/ wann es jhm belieben vnnd gefallen wuͤrde.
Dieser/ welcher nun ein sehr vornemer Herꝛ/ vnd in grossem ansehen war/ nimmet sich deß Bo- ree an/ gibt vor/ er sey vnschuldig/ vnd vertritt jhn so weit/ daß er auff freyen Fuß wird gestellet/ doch daß solche Buͤrgschafft wird geleistet/ daß man jn wider wolte stellen/ wann es die noth vnd die O- brigkeit werde erfordern.
Die drey andere aber bleiben vnter dessen in den finstern Gefaͤngnussen/ vnd laͤugnen allzeit/ daß sie an dieser Mordthat schuldig seyn sollen: Aber Boree als er noch nicht recht auß dem Ge- faͤngnuß war kommen/ lieffe er darvon/ vnd sal- viret sich mit der Flucht: Verliesse Paris auß angst vnd trieb seines boͤsen Gewissens/ vnd be- kuͤmmerte sich wenig vmb den jenigen/ der die Buͤrgschafft vor jhn geleistet hatte/ nach dem er
L
ufft bekommen/ vnd das Kuͤht hor troffen hatte.
Die-
Diebshistorien/ das
I.
Buch.
Diese Flucht aber deß Boree verursachete/ daß desto ehe vnd mehr seine Mitgesellen hingerichtet wurden. Dann als die Obrigkeit sahe/ daß Boree so bald nach seiner Gefaͤngnuß sich hatte vnsicht- bar gemacht/ kondten sie selber darauß wol schlies- sen/ daß es keine rechte Sach mit jhm war/ vnd daß er ohn zweiffentlich muste an dem begange- nen Mord schuldig seyn/ dieweil er sich so bald nach seiner Gefaͤngnuß auß der Statt Paris be- geben hatte: Dann wann er gantz vnd gar were vnschuldig gewesen/ so haͤtte er sich nicht doͤrffen befoͤrchten/ daß man jhn widerumb wuͤrde gefan- gen nemen/ oder der Obrigkeit vorstellen.
Man spannet hierauff seine drey Gesellen auff die Folter/ welche/ weil sie die Schmertzen der Fol- ter nicht außstehen kondten/ so bald bekandten al- les/ was sie begangen/ vnd wie sie den armen Me- rinthum so jaͤmmerlicher weise ermordet hatten/ zeigten auch an die Zeit/ den Ort/ die Gelegenheit vnd alle andere Vmbstaͤnde/ wie wir solche zuvor angezeiget vnd beschrieben haben
:
Vnd als nun diese Bekandtnuß von den dreyen war geschehen/ vnd gnugsam bekraͤfftiget/ suchet man Boree an allen Orten vnd Enden/ damit man jhn wider- umb gefaͤnglichen einziehe: Man setzet auch dem jenigen/ der die Buͤrgschafft vor jhn geleistet hat- te/ jhn wider zu stellen/ hart zu: Aber da war nie- mands zu finden noch zuerfraͤgen/ der Vogel war einmal entflogen/ vnnd haͤtte man ein grosses Garn muͤssen außspannen/ Boree darinnen zu fangen: Gleichwol aber so muß er doch endlich im
X ij
Netz
Beutelschneider/ oder
Netz hangen bleiben/ dann er kan den Zorn der Gerechtigkeit GOttes nicht vermeyden/ als wel- cher jhn vnd seinen Suͤnden auff dem Fuß nach folgen.
Nichts desto weniger aber faͤhret man mit den andern dreyen fort/ vnd nach dem man sie gnug- sam hat Examiniret/ wird jhnen das Vrtheil ge- sprochen/ daß sie sollen geradbrechet werden: Ei- ner aber auß jhnen/ welcher ein Schiffmann wa- re/ vnd sein Gewissen hart vnd sehr beschweret be- fande/ wegen sehr vieler Mord vnd Todtschlaͤge/ welche er in seinem Leben begangen hatte/ saget/ er muͤssenunmehr erkennen/ daß Gott ein gerechter Gott sey/ vnd daß er entweder bald oder langsam die Suͤnde an den Menschen pflege heimzusu- chen vnd zu straffen: Dann was den gedachten Mord anlanget/ so war er zwar darbey gewesen/ hatte aber keine Hand nicht angeleget: Nichts de- sto weniger/ hatte der Himmel/ als ein gerechter Recher der Suͤnde dannenher Vrsach genom̄en/ jhnen wegen vieler anderer Suͤnden vnd Vbel- thaten/ so er die Zeit seines Lebens begangen hat- te/ zustraffen: Vnd fienge also an vnd thaͤte eine lange grosse Predigt von seinen Meineydigen boͤ- sen Stuͤcken vnd Vbelthaten/ sagte er haͤtte ge- meiniglich die jenigen/ welche er vmb den Abend vnd in der Nacht antroffen/ jaͤmmerlich ermor- det/ vnd hernacher in das wasser geworffen: Vn- der vielen andern stuͤcken nagete jhm nichts mehr das Hertz/ vnd quelete jhn seine Gewissen/ als/ eben dieses/ daß er ein junge schoͤne Kam̄er Jungfraw/
bey
Diebs Historien/ das
I.
Buch.
bey welcher er dem eusserlichen ansehen nach haͤtte vermeinet viel Gelt zu finden/ haͤtte todtgeschla- gen/ vnd hernach nicht mehr bey jhr als zween Schilling/ vnd etliche Pfenning gefunden/ vnd als er nun solche Bekandtnuß gethan hatte/ fuͤh- ret man sie hin zum Gericht/ vnnd wurden wegen jhrer Missethat willen vom Leben zum Todt ge- richtet
:
Damit alle andere/ sonderlich aber die jē- nige/ welche dergleichen Suͤnde zubegehen jhnen vornemen wollen/ ein Abschrifft darvon nemen/ vnd sich vor dergleichen vnd allen andern Suͤn- den huͤten.
Vnder dessen aber so stellet man dem Boree Tag vnd Nacht nach/ all seine Guͤter werden con- fisciret/ sein Weib vnd Kinder gerahten daruͤber in grosses Hertzen/ eyd/ vnd ist da niemands/ der nicht deß Boree Gedaͤchtnuß verfluche so gar verhasset war er ben den jenigen/ so jhn kandten: Wie es aber endlich vnmoͤglich ist/ daß man Gott im Himmel wolle entfliehen/ dann er ist allenthal- ben gegenwertig/ vnd erfuͤllet mit seiner Goͤttli- chen Majestaͤt alles/ ist er mehr als fuͤnfftzig Mey- len von Paris gefangen/ an Haͤnden vnd Fuͤssen gebunden/ auff ein Pferd gesetzet/ vnd auff Paris zu gefuͤhret worden/ auff daß er allda empfienge/ was seine Missethaten verdienet hatten.
Aber wie dem allem/ daß er entweder von wei- tem sein Vngluͤck selbst hat vorgesehen/ oder daß jhm sonsten ein Leibs vngelegenheit mag wider- fahren seyn (wie man sonsten der Exempel lieset vnd hoͤret/ daß vil nur vor grosser Forcht der Pein
X iij
seyn
Beutelschneider/ oder
seyn gestorben) so helt man darvor/ er babe jhm selber mit Gifft vergeben/ auff dem Wege/ auff daß er ja nicht die grosse schand moͤchte erleben/ welche sein Mordthat wol verdienet hatte/ er starb ehe er gen Paris kame/ daruͤber dann deß Merin- the Freund sehr trawrig wurden/ daß man nicht von jm selber auch kondte anhoͤren/ alle vmbstaͤnd seines an jrem Vettern begangenen Todtschlags/ vnd daß sie nicht sehen kondten/ daß er auch selber sein Leben/ wie die andere/ hette auff dem Rad ge- endet: Er wurde aber Tod. auff das Ehastelet gefuͤhret/ man sprach jhm auch sein Vrtheil/ als wann er noch lebendig were gewesen: Mann fuͤh- rete jhn fuͤr das Hauß/ darinnen er den Todt- schlag begangen hatte: Vnnd von dannen wurde er gefuͤhret/ auff dem Richtplatz/ vnd drey oder vier Tage mit einem vnertreglichen Gestanck auf das Rad geleget: Dann es war schon lang/ daß er war gestorben.
Ein solches jaͤmmerliches Ende pflegen zu ne- men alle die jenige/ welche jhren blinden vnd boͤ- sen Begierden nachfolgen/ vnd den Zaum schies- sen lassen: Dann wann sie endlich Himmel vnd Erden mit jhren Bubenftuͤcken erfuͤllet haben/ so muͤssen sie hernacher aller Welt zum Spectackel dienen/ daß man jhre verdambliche Missethaten
verfluche/ vnd sie auch ein verftuchte Gedaͤcht- nuß wegen ihrer vielfaltigen begange- nen Schelmenstuͤcken hinder sich verlassen.
Das
Diebs Historien/ das
I.
Buch.
Das
XIX.
Capitel.
Historien von den wunderbarlichen seltza-
men streichen/ vnnd arglistigkeit eines be- ruͤmbten vnd wolbekanten Beutelschnei- ders/ genannt Ambrosij la Forge.
E
S erzehlet Plinius/ daß Aristomenes zu seiner Zeit einer auß den verschlagene- sten vn̄ spitzfindigsten ist gewesen/ so man hette finden koͤnnen: Dann er warff jederman uͤber das Seyl vnd kondte seinen Garn vnd Ne- tzen keiner entzogen/ wann er jhm nur vorsetzete/ denselbigen zufangen. Aber das war ein wunder- lichs seltzames ding/ daß/ als man nach seinem Todt sein Leib oͤffnet/ sein Hertz gantz voll Haar war/ vnd gleichsam also zu reden/ wegen der Haar wie ein Igel außsahe.
Wann nun nach dieser Regel/ oder viel mehr nach diesem Exempel alle die jenige/ welche argli- stig vnnd verschlagen seyn/ ja welche tausenterley List/ Betrug/ Renck vnnd Schwenck wissen den Nechsten zubetriegen/ vn̄ zu uͤberdoͤlpeln/ auch sol- che haͤrichte Hertzen haben/ ist das gewiß/ vn̄ darf man im geringsten daran nit zweiffeln/ daß man in der Diebsgesellschafft so viel harichte Hertzen wol wird finden koͤnnen/ dz man ein dutzet Stau- chen vor so viel Frawen zu Paris darauß wird machen koͤnnen/ vnd wird man nach Maderfell oder dergleichen koͤstlichem Beltzwerck sich nicht bemuͤhen doͤrffen: Wie sich dann auch der jenigen
X iiij
viel
Beutelschneider/ oder
viel finden/ welche liber dem Vlysst als dem Achil- le nachfolgen: Gehen lieber mit einer Larven als mit auffgedeckter Stirnen: Dann sie dises fuͤr jre Regel halten:
Dolus an virtus, quis in hoste re- quirat,
das ist/ Betrug oder Tugend/ wer wil das an einem Feinde erfordern? In diesem Capitel wil ich euch dessen ein Exempel hoͤren vnd sehen lassen/ auff daß ich auch bey den erschrecklichen Todtschlaͤgen/ welche jhr in den vorhergehenden Capiteln habt gelesen/ eine frewdige Historien er- zehle vnd einmenge.
La Forge wohnet sonst in der gegend Breteiul in Picardien/ vnd gienge da kein lustiger oder ar- tiger streich vnd boß fuͤr/ den er nicht außrichtete: dann er hatte keine Kinder/ vnd wann er inn die Lufft sprunge/ kondte man wol von jm sagen/ daß all sein Gut vnd Vermoͤgen auch in der Lufft wa- re (wie ein anderer Bias) ich wil euch erstlich er- zehlen etliche streiche/ die er in Picaꝛdie hat began- gen/ vnd darnach wil ich kommen auff die jenige/ welche er zu Paris hat außgerichtet.
Auff ein Zeit gienge er deß Nachts auß Paris/ vnd begab sich zu einem Hoffmann/ der nah bey Castilon wohnet/ vnd stale demselbigen vil junge Huͤner/ vnd Indianische Hanen/ vnd von diesem gieng er zu einem Metzger/ welcher auch in solcheꝛ gegend wohnete/ vnd betroge jhn auch vmb etli- ches Fleisch/ von disem Metzger gieng er zu einem seinem Nachbarn/ sahe/ daß eꝛ demselbigen in den Keller kam/ stale jhm fuͤnff oder sechs Kruͤg voll Wein/ vnnd fienge an/ GOtt gesegne es euch/ zu
machen:
Diebs Historien/ das
I.
Buch.
machen: Den folgenden Morgen lude er alle sol- che seine Leut zu gast/ vnnd zwar/ wie angehoͤret/ auff jhren vnkosten/ tractirete sie auch so wol/ daß sich die Gaͤst selber daruͤber verwundern muͤssen: dann sie wissen wol/ daß er mit Gelt/ wie ein Krot mit Federn war beladen.
Als sie aber nun meistes theils zu Mittag ges- sen vnnd jhren Hunger mit den guten Bißlein zimlich gestillet hatten fanget La Forge selber an/ erzehlt jn den gantzen verlauff/ sagt er hab sie zwar zu gast geladen gefalle jhm auch hertzlich wol/ daß es jn so wol hab geschmack et/ dann sie haben doch nur von dem jrigen gessen/ doch waꝛen zween oder drey in der Gesellschafft/ die uͤber solche vnbeschei- dene kuͤhnheit gar vngehaltē waꝛen/ giengen auch mit grossem vnwillen auß seinem Hauß hinweg: Aber er hielt jhn widerpart/ vnd zeigete jn an/ daß sie vnrecht theten/ daß sie deßwegen uͤber jhn wol- ten vnlustig vnd vnwillig seyn/ dann sie hetten ja das jhrige nicht besser anwenden/ vnnd in keiner bessern Gesellschafft/ als schon geschehen war/ ver- zehren koͤnnen: Folget also nach dem Exempel je- nes jungen Griechen/ welcher/ als er gewisse nach- richtung hatte/ daß die jenigen in seineꝛ Statt die Schlacht verlohren hatten/ kam er in die Statt/ lieffe durch alle Gassen vnd schr
y
e offentlich auß/ die Buͤrger der Statt hetten den Sieg wider jh- re Feinde erhalten
:
Vnnd durch solches falsches geschrey macht er/ daß die gantze Statt drey gan- tzer Tag lustig vnd guter ding war. Endlich aber da erfuhre man das Widerspiel: vnd als gewisse
X v
Zei-
Beutelschneider/ oder
Zeitung auß dem Kriegslaͤger kamen/ daß sie die Buͤrger die Schlacht verlohren/ vnd gewaltig eingebuͤsset hatten/ wolte ein
j
eglicher vber den je- nigen (welcher die falsche Zeitung außgeschryen/ vnd sie zur Frewde vor vrsachet hatte/ da er doch viel mehr in solcher betruͤbten Zeit sie haͤtte ver- mahnen sollen/ daß sie trawern/ vnd die grosse Niderlag vnd Verlust beweinen haͤtten sollen) fallen vnnd jhn wegen/ seiner außgesprengten Landluͤgen schlagen: Aber er gabe jhnen zur ant- wort vnd sagte: Sie haͤtten viel mehr Vrsach sich gegen jhm zubedancken/ als vber jhn zuklagen
:
Dann er haͤtte jhre trawrigkeit in Frewde/ jhrer Hertzen Schwermuth in eine offentliche gemeine Frewde verwandelt.
Aber dieses Lehrstuͤck ist nichts/ gegen dem/ das la Forge hernacher hat außgerichtet: Dann er war wol so vnverschampt/ daß er sich auch dorffte an die allerschoͤneste Fraw im Dorff reiben/ vnd jhr Vnehr vnd Vnzucht anmuthen/ vnd wiewol sie erstlich auff sein vnzimliches vn̄ suͤndliches be- gehren keine gute Muͤntz wolt schlagen/ so erlan- get er doch so viel endlich bey jhr durch seine Bitt oder Boßheit/ daß/ weil er jhr zehen Kronen ver- sprach/ sie seines Willens gelebete. Diser la Forge nun/ welcher kein Gelt hatte/ machet den Marck mit dem Thier vmb zwo Pistoleten/ vnd als sol- ches geschehen/ gehet er hin zu dem Gloͤckner in solcher Pfarꝛ/ vnd fraget jhn/ ob er niche vor zwo Pistoleten Muͤntz haͤtte/ vnd wann er es jhm in sein Losament wolte bringen/ wolte er jhm zween
Schil-
Diebs Historien/ das
I.
Buch.
Schilling fuͤr den Auffwechsell vnd Gewinn ge- ben/ auff jegliches Pfunde/ (welches also dreyssig Schilling waren/ welche dieser vermeinet zuge- winnen/) vnd wie er vermeinet/ er haͤtte schon ein Fruͤhstuͤck gewonnen/ also nimmet er fuͤnff Kro- nen vnd folget la Forge nach: Welcher/ als er in sein Hauß kompt/ da er seine Spitzbuben hin hat- te kommen lassen/ laͤst er das Gelt auff dem Tisch zehlen/ zeucht es zu sich/ legt an statt deß Gelts eine Quittantz dar von fuͤnff Kronen/ vnd gehet dar- von: Der Gloͤckner laufft jhm nach/ aber vmb sonft/ dann der ander wolte jhn uͤberreden/ daß er jhm solches Gelt schuldig were/ vnd daß er schon die Quittantz von jhm daruͤber hatte empfangen: Summa/ sie fangen daruͤber eine Rechtfertigung an. Vnder dessen/ da der Ehemann der Frauen/ mit welcher er den Marck gemacht hatte/ ist dar- auß uͤber Feld/ zahlet er jhr die fuͤnff Kronen/ vnd begehet mit jhr die Vnzucht/ nicht allein deß- mals/ sondern auch sonsten mehr/ vnd zu vnder- schiedlichen zeiten/ ohn einige verhindernuß vnd eintrag
:
So gar leicht seyn die Weiber zuverfuͤh- ren/ wann sie einmal das Schamhuͤtlein abgezo- gen haben.
Der Ehemann dieser guten barmhertzigen Gevatterinnen/ wuste nichts von allen diesen din- gen: Gleichwol aber wuste er nicht/ was doch das bedeutete/ daß jhm die Hunde allzeit so nachbel- len: Aber wann er die Augen besser haͤtte auff- gethan/ haͤtte er gesehen/ daß er deß Acteons Ge- stalt an sich genommen hatte/ vnd daß die Hund
jhn
Beutelschneider/ oder
jhn fuͤr ein Hirschen mit grossen Hoͤrnern ansa- hen: Aber daruͤber muß sich niemands verwun- dern: Dann wir leben in einer solchen Zeit/ daß wann einer ein ehrlicher Mann seyn wil muß er solche Hoͤrner tragen/ vnd bißweilen darbey ein Hurendeckel seyn/ vnd der jenige/ der in dise Bruͤ- derschafft nicht ist eingeschrieben/ ist nicht werth/ daß er das Leben soll haben: Dessen kan Zeug seyn/ der jenige/ welchen jederman nennet P.C. D. vnd welcher in dieser Statt so bekandt ist.
La Forge/ welcher allzeit in seinem Kopff ein newe Boßheit schmidete vnnd erfande/ nach dem er sich nun lange Zeit gebraucht/ vnd in gesagtem Laster geweltzet hatte/ nam jhm vor/ er wolte ei- nem andern auch Platz machen: Aber es thaͤte jm wehe/ daß er der Frauen schon das Gelt gegeben hatte: Derhalben bedencket er sich auff ein anders/ vnd newes Bubenstuͤck/ wie er doch sein Gelt wi- derumb von der Frauen moͤge bekommen: Er bittet sie/ als seine Beyschlaͤfferinne/ sie woͤlle jhm doch die fuͤnff Kronen wider geben/ dann er sey derselbigen sehr bedoͤrfftig. Er stellt sich gar er- baͤrmlich/ vnd sagte/ die Richter wolten jhm die Kleider gar außziehen/ oder seinen guten schoͤnen Tuͤchernen Mantel/ welcher auff das wenigste fuͤnfftzehen oder sechtzehen Kronen werth ware/ nemen: Derhalben so solte sie jhm doch diesen gefallen erzeigen/ vnd jhm solches Gelt leyhen: Er wolte jhr solchen seinen Mantel so lang zum Pfand geben vnnd lassen/ biß daß er jhr die fuͤnff Kronen koͤndte widergeben.
Die
Diebshistorien/ das
I.
Buch.
Die Frau/ welche nicht sahe als durch ein Loch am Sack/ vnd welcher Augen nicht scharpff ge- nug waren den grund dieses Betrugs zu ersehen/, saget zu ihm: Er soll jhr den Mantel zum Pfand bringen/ so wolte sie jhm die begerte fuͤnff Kronen darauff leyhen: Was geschicht? Er bringet jhr den Mantel/ vnd er bekompt darauff das Gelt/ nimpt sich auch gegen jhr an/ als wann er das nimmer- mehr widerumb gegen jhr verdienen koͤndte
:
Es vergehen aber vnder dessen viertzehen Tage: Da wird der Mann dieser guten barmhertzigen Ge- vatterinnen auff ein Hochzeit gebeten/ welche zwo Meylen darvon gehalten wurde.
Als nun la Forge erfaͤhret/ daß den Sontag nach solcher Hochzeit der Mann dieser gedachten Gevatterin̄e/ werde Braut vnd Braͤutigam/ vnd seine nechste Freunde zu gast haben/ dencket er bey sich selbsten/ das werde eine gute Gelegenheit fuͤr jhn seyn/ seinen Mantel widerumb/ vnd zwar ohn Gelt zubekommen.
Er nimmet der zeit wol in acht: Vnd als alle Freunde/ ja die gantze Gesellschafft uͤber Tisch si- tzet/ geht er vnverschaͤmbter weise hinein/ da die Gaͤste sitzen/ saget zu dem Man̄ dieser guten Mut- ter
:
Er wolle jhn freundlich gebeten haben/ daß er jm seinen Mantel wolle wider geben/ welcher vor. herꝛlichem guten Tuch/ vnd so vnd so gemacht sey/ vnd daß solchen Mantel sein Weib vngefaͤhr voꝛ acht Tagen von jhm entlehnet habe/ als sie auff dessen vnd dessen Hochzeit haben sollen gehen Der Mann erschricket daruͤber/ sagt/ er wisse von de-
nen
Beutelschneider/ oder
nen dingen/ die er jm erzehle/ gantz vnd gar nichts fraget sein Weib/ was das ding sey/ vnd ob dem allem also sey? Die Fraw wird gantz schamroth hieruͤber/ vnd weil sie sihet/ daß la Forge mit dem Bubenstuͤck schwanger gehet/ daß er jhr Gelt vnd Mantel wil hinweg nemen/ laͤugnet sie steiff vnd fest/ spricht/ sie habe seinen Mantel noch nie gese- hen. La Forge setzet sich auff ein grosses Pferd/ macht sich gwaltig vnnuͤtz/ betewerts mit schreck- lichem verschweren/ daß das Weib seinen Mantel habe: Sagt zu dem Haußherꝛn/ wann er sich nur so viel bemuͤhen wolle/ vnd uͤber seine Laden gehen/ so werde er jn gar gewißlich darinnen finden/ der Haußherꝛ stehet auff vom Tisch/ wird vnwillig uͤber diesen Rauber/ daß er alles so gewiß will wis- sen/ schleust die Laden auf/ vnd nach dem er darin- nen gesuchet/ findet er den Mantel darinnen/ dar- uͤber der streit war/ gibt jhm auch den Mantel wi- der in gegenwart seiner Frauen/ stꝛaffet vnd schilt sie/ daß sie nicht hab wider geben woͤllen/ das jeni- ge/ was der gesagten Personen gebuͤre Die Fraw wuste nit/ was sie solte sagen/ daß ihr solcher hohn vnd schimpff widerfuhre: Dann die gantze Gesell- schafft warff die Augen auff sie/ als hette sie jhm den Mantel stelen woͤllen/ hielten sie heimlich inn jhren Hertzen vor eine Diebinne
:
Aber sie wusten nicht den grund der sachen. La Forge kehret wider vmb/ ist lustig vnd froͤlich/ daß jm der Boß so wol war angangen: Vnd von der Zeit an redete man von niemands anders/ als von der Lift vnd Be- trug dela Forge: Jederman flohe vnnd mitte jhn
als
Diebshistorien/ das
I.
Buch.
als wie ein ansteckende Peste/ welche alle Doͤrffer in solcher gegend ansteckete/ vnd bezauberte jeder- man durch sein ansehen: vnd weil er nunmehr schlechte gunst vnd vertrauens allda hatte/ name er seinen weg nach Paris zu/ da er dann nicht viel sonderlichs guts gestifftet/ vnd sich bald von dan- nen widerumb machen muͤssen.
Aber ich muß all hie euch zuerzehlen nicht ver- gessen/ was er vnder dessen auff den Weg hat an- gestellet vnd außgerichtet: Nah bey Luserche trifft er an einen
j
ungen Studenten/ welcher nach Pa- ris zoge/ seine Eltern ein mal zubesuchen: Mit die- sem macht er kundschafft/ haͤlt allerley Gespraͤch mit jhm/ vnd als sie miteinander an eine Wald- ecken kommen/ spricht er zu jhm: Er muͤsse entwe- der die Kleider mit jhm wechseln/ oder muͤsse das Leben verlieren/ der junge Student/ weil er lieber die Kleider/ als das Leben wil verlieren/ gibt jhm seine gute Kleider. Vnd also kompt nun vnser Mann mit neuen Kleidern in Paris.
Er war noch kaum virtzehen Tag da/ hat er vil gute kundschafft mit den Spitzbuben/ wurde auch von der Nachtwache/ in der Gassen Sainct An- taine gefangen/ als er eben eine Leyter von stricken an ein Fenster gemacht hatte/ in solches Hauß hinein zusteigen/ in welchem Hauß deßmals nie- mands mehr/ als eine eintzige Magd war: Vnd wurde ewig auff die Galleen verdam̄et/ da er dann noch jetzunder ist/ vnd machet fuͤr die lange weil Calender uͤber sein gefuͤhrtes boͤses Leben.
Vnd
Beutelschneider/ oder Diebshistor.
Vnd also/ hast du Guͤnstiger lieber Leser/ ein Theil von der Historien/ von den Dieben, von jh- ren Bubenstuͤcken/ welche du vnter dessen wollest lesen/ biß daß ich erstes Tages dich lasse sehen sol- cher Historien Continuation/ vnnd ferꝛnere Be- schreibung/ da ich dann auff die zwantzig arglisti-
ge vnd wunderliche streich erzehle/ welche in Franckreich von den Dieben nie- mals seyn gehoͤret worden.
ENDE.