GERMANIA PERTURBATA ET RESTAURATA:
Das ist/
V
npartheyische/ wolmey-
nende/
Theologo-Historica
Politische
DISCURSUS,
Vom Zustand deß gantzen Roͤmischen Reichs/ dessen Auff-vnd Abnehmen/ vnd in Geistlichen vnd Welt-
lichen Haͤndeln/ vorgangener Verenderungen/ Glori/ Verderben vnd
Perturbation:
Darauß dann zwischen dem Roͤmischen Keyser vnd Staͤnden
erfolgtem hoͤchsten Mißtrawen/ offenbaren Kriegen/ Verfol- gungen/ vnd endlicher Ruin:
Auch allen deren Vrsachen/ nunmehr aber/ endlich zwischen der Kays. Ma-
jest. vnd dessen Reichs Gliedern: Auch außlaͤndischen
Intervenienten,
Koͤnigen vnd Potentaten/ zu Muͤnster widerumb gepflantzter Vertraw- lichkeit/ auffgerichten General Frieden vnd Beruhungen/
Darinnen nicht allein alles/ was gleich nach dem Religions-Frieden/ in Re-
ligion/ Politischer/ Staads vnd Regiments-Sachen verlauffen/ in Consideration vnd Bedencken gezogen/ sondern/ was jederzeit gutes vnd boͤses darauff von
Con- stantino Magno,
biß auff diese Zeit den jetzigen regierenden Kays. May.
Ferdi- dinandum III.
erfolget/ in diesen Discurß gebracht/ vnd als in einer
Idea
vor Augen gestellet wird.
Durch
SIGISMVNDVM
Freyberger/
Politico- Historicum.
Franckfurt
/
bey Johann-Godtfrid Schoͤnwettern.
Jm Jahr
M. DC. L.
Vorrede/ An den guͤnstigen Leser.
H
Ochgeehrter/ guͤnstiger Leser/ welcher
massen das heilige Roͤmische Reich/ vnd sonder- lich/ vnser geliebtes Vatter- vnd Teutschland/ bey vnsern nochlauffenden Zeiten/ in voͤlligem Vntergang/
Ruin
vnd
Desolation,
so wol we- gen Mißverstands in der Religion/ als auch deß gefuͤhrten Politischen Regiments/ hochgefaͤhrlich begriffen gewe- sen. Solches ist nicht allein bekannt/ sondern es habens auch die Obrigkeiten vnd Vnterthanen mit jhrer hoͤchsten
Ruin,
mehr als zu viel/ in der That erfahren.
Wie nun diese deß heiligen Roͤmischen
Desolation,
vnd taͤg- lich zugenommenen Vntergangs (neben offentlichen gefuͤhrten Klagen deß weltlichen Regiments) die in der Christlichen Reli- gion/ von Keyser
Constantino Magno,
als deß Ertzketzers
Arrii
Zeiten hero/ herfuͤr gebrachte Jrrungen/ Ketzereyen/ vnd jrrige
Opi- niones,
vnd darauff offentlich außgeschlagener Religionsstreit die fuͤrnehmbsten Vrsachen gewesen. Also habe ich mir fuͤrgenom- men/ in diesem Tractat dieses alles/ vnd so viel sichs thun lassen wird/ in diese Discurs zuziehen/ vnd die von vndencklichen Jahren/ vnd vielen
Seculis
hero eingerissene Mißverstaͤnde vnd Jrrungen/ so wol in Geistlichen/ Kirchen/ vnd Religions-als Politischen Re- giments-Sachen/ vnd worauß dieser grosse Vntergang vnd Zer- ruͤttung/ von Zeiten zu Zeiten sein
Inerementum
hergenommen/ vnd wie endlich durch sonderbare Gnad vnd Schickung Gottes/ das betruͤbte Teutschland/ widerumb von den Trangsalen
liberirt,
)( ij
vnd
Vorrede/ an den guͤnstigen Leser.
vnd vnlaͤngst zu Muͤnster vnd Nuͤrnberg in diesem 1650. Jahr/ in Frieden gesetzt vnd restituirt worden/ durch diese
Historico-
Politi- sche Discurs fuͤr Augen zustellen.
Dannenhero/ ob ich wol endlich dahin getrachtet/ vnd das Absehen gehabt/ diesen Tractat vollkoͤmlich/ vnd auff einmal dem gemeinen Nutzen zum besten (damit man den rechten Verstand/ vñ fuͤrgangene Geist- vnd weltliche Haͤndel/ von Anfang der Zerruͤt- tung deß Roͤm. Reichs/ biß auff vnser 1650. Jahr erlangen moͤch- te) außgehen zulassen: So sind wir jedoch/ wegen vielfaltiger fuͤr- gefallenen Hindernuͤß/ vnd Kuͤrtze der Zeit/ vnsere wolgemeinte
In- tention
Werckstellig zumachen/ zwar wider vnsern Willen/ dar- von abgehalten worden/ also nohttringlich/ dieses Tractaͤtlein ab- kuͤrtzen/ vnd diesen ersten Theil/ vnd
quasi
Vortrab/ in Druck pu- blicieren lassen muͤssen/ jedoch/ mit diesem außdruͤcklichen Ver- sprechen/ vnverzuͤcklich dieses Werck wider vor die Hand zuneh- men/ ohne einige
Tergiversation
sobald fortzufahren/ vnd biß auff vnsere Zeit deß tausend sechshundert vnd fuͤnfftzigsten Jahrs zu
continuiren,
welches wir dann dem guͤnstigen Leser nicht haben verhalten/ noch bergen wollen. Er gebrauche dessen zu seinem Nu- tzen/ lebe wol/ vnd verbleibe vns vnterdessen geneygt.
Summa-
Summarischer Jnhalt dieser Discursen.
I.
D
Aß der Teutsche Krieg auß dem Abfall von der Roͤm. Kir- chen entstanden/ vnd weiter/ als kein andere Strittig- keit/ in
Europa
vmb sich gefressen.
pag. 1
I.
Daß die Rechtglaubige die Religion zubeschuͤtzen keine Kriege gefuͤhret/ sondern von Tyrannen vnd Ketzern/ als Donati- sten vnd Arrianern Gewalt gelitten: Vnd daß dieselbige Kriege mehr vmb Land vnd Leut/ wie auch die Hohheit vnd Majestaͤt deß Roͤm. Reichs/ als we- gen der Religion/ fuͤrgangen.
6
III.
Daß
Maximus
der Aber Keyser/ das Heydenthumb wider wollen auffrichten: Vnd wie die erste Execution mit dem Schwerd/ vber ein Verketzerten ergan- gen/ dar auß grosse Trennung in der Kirchen entstanden. Wie Martinus bey Hoff hindergangen worden/ vnd Ambrosius/ der ein Parthey/ naͤmlich/ kein Blut/ wegen der Religion/ zuvergiessen/ Beyfall gegeben.
11
IV.
Wie die Heyden sich mit den Arrianern wider die Rechtglaubige verbunden/ vnd durch Huͤlff der Keyserin/ Ambrosium verfolget: Der aber durch Stand- hafftigkeit den gantzen Keyserlichen Hoff vberwunden/ vnd wegen der Kirch zu Meyland/ der geistlichen Freyheit den Grund gelegt.
17
V.
Wie Ambrosius bey Maximo ingrossem Ansehen/ vnd Theodosium gleichsam gezwungen/ die Kirchenhaͤndel vnd Clerisey zuvbergeben. Was fuͤr Gezaͤnck vber der zeitlichen Gluͤckseligkeit entstanden: Vnd was dar auß vor Zeugnuͤß der Froͤmmigkeit/ oder der guten Religion zuziehen sey.
30
VI.
Wie Ambrosius mit grossem Ruhm gestorben/ aber Chrysostomus von der Keyserin zu Constantinopel/ biß in sein End im Elend verfolget/ doch vber- laͤngst noch fuͤr vnschuldig erkant worden. Wie die weltliche Obrigkeit den Geistlichen muͤssen Eingriff thun/ wegen
Nestorii, Sixti, Hilarii, Eutychetis, Symmachi, Gregorii:
Vnd der Papst weltlichen Gewalt erlangt/ sonderlich vnter Koͤnig
Clodoveo, Pipino, Dagoberto.
41
VII.
Wie die Geistliche etwas weltlich worden. Die Keyser auß Welschland/ vnd von der Paͤplichen Wahl abgehalten: Vnd was
Nicolaus II. Gregorius VII. Urbanus II. Paschalis II. Gelasius II.
mit
Henrico IV.
vnd
Hentico V.
deßwe- gen fuͤr Gezaͤnck vñ Krieg gefuͤhret/ biß endlich
Calixtus II.
auff einem Reichs- tag seinen Zweck erreycht/ vnd die Clerisey frey gemacht.
57
VIII.
Was
Innoc. II.
mit
Lothario: Eugen. III.
mit den Roͤmern/
Eugenius IV.
mit
Barbarofsa,
seine Vorfahren mit den Nordmaͤnnern/ wegen der Jnvestitur/ der Vacantzen/ etlicher Landschafften in Jtalien/ mit
Philippo
vnd
Friderico II.
vber der Bestaͤttigung eines Papsts vnd Keysers/ mit
Conrado, Manfre- do
vno
Conradino/
wegen Sicilien vnd Apulien/ vnd dann mit den Frantzo- sen vnd Arragonern/ mit
Ludovico
auß Bayern fuͤr Auffhebens gehabt/ biß
Carolum IV.
die gantze Clerisey vom weltlichen Gewalt loß vnd frey gespro- chen.
68
IX.
Wie auff die Heydnischen Verfolgungen die Ketzerische gefolget: Als von Ario/ von Mahomet/ von Saracenen vnd Tuͤrcken. Warumb jhnen so wenig wi-- derstand geschehe/ was die Clerisey fuͤr Vorheil habe zu dem Regiment.
84
)( iij
X.
Vom
Summarischer Jnhalt
X.
Vom Abfall von der Roͤmischen Kirchen durch Peter Walden/ vnd was fuͤr Mit- tel wider jhn gebraucht worden. Von Wikleff/ von Johann Hussen/ von dem Boͤhmischen Krieg/ vnd wie die Hussiten nie koͤnnen vertilget werden/ sondern endlich den Majestaͤtbrieff/ vber welchen dieser letzte Krieg entstanden/ erhal- ten.
96
XI.
Wie fuͤnff Moͤnch den gantzen Erdboden erregt: Was fuͤr Zeichen in den Vier- theilen der Welt/ fuͤr der Veraͤnderung fuͤrher gangen/ vnd was fuͤr Prophe- ceyhungen hievon zufinden. Woher solche Propheceyhungen vnd Straffen kommen? Vnd ob newe Orden anzustellen weren?
113
XII.
Klag der Reichsstaͤnd vber die Clerisey: Ob dieselbige Klag rechtmaͤssig? Nutzung der Stiffter: Ehrgeitz.
Maximilianus I.
wil Keyser vnnd Papst seyn; vnd der Papst Keyser. Bischoff zu Camin deß Land-Herꝛn Feind. Erb-Kastenvogthey-Recht erhalten. Pommern dem Hussen vnd Luthern bey- faͤllig.
138
XIII.
Wie es kurtz fuͤr Luthers Newerung vmb das Keyserthumb/ vmb Welsch- land/ vnd den Paͤpstischen Stul gestanden.
Iulii II.
vielfaltige Krieg/ Buͤnd- nuͤssen vnd Tod.
Leonis X.
friedfertig Gemuͤht/ vnd Herkommen. Wie jhm Luther Vnruhe gemacht. Wer Luthern den Weg bereyt. Von D. Reuchlin Geburt/ Studieren/ Streit/ wegen der Juͤdischen Buͤcher. Welchen Streit der lose getauffte Jund Pfefferkorn erregt.
137
XIV.
Wann ein Land reiff ist/ kompt die Straff. Neid/ bringt Streit/ vnd Ende- rung der Herꝛschafft/ wie in Geldern geschehen. Von einem vnartigen Sohn/ dardurch Geldern an das Hauß Burgund kommen. Keyser Maximilian be- kriegt die Schweitzer vergeblich. Von der Schweitzer Anfang vnd Auffneh- men. Von dem Bawrenkrieg: Der Tyrannen Recht zur Straaff.
Platonis
Vrtheil/ von deß Menschen Verdammung: Woher jhm solch Liecht kommen/ vnd wie
Virgilius
mit jhm vberein stimme.
148
XV.
Wie Pfaltz Heydelberg vom Keyser/ wegen eines Erbfalls in Bayern/ vber- zogen/ in die Acht erklaͤret/ vnd wider versoͤhnt worden. Warumb die Craiß deß Reichs in einander vermengt seyen. Von Frantzoͤsischer vnd Spanischer Macht/ auch Bayerischer Abstattung/ wegen geleyster Huͤlff. Daß Land vnd Leut mit Gelt nicht zuzahlen. Von Zwyspalt zu Trier/ vnd dem Auffstand im Windischen Land: Auch Keyser Maximilians Tod/ vnd hinderstelligen Fuͤrhaben.
163
XVI.
Von Martin Luthers Geburt/ Eltern/ vnd Studieren. Daß der Ablaß/ we- gen eines Kirchenbawes/ vnd eines
Pallti,
wie auch/ wegen deß Tuͤrcken ange- fangen. Vnd vngluͤcklicher
Cruciata,
vnd Ablaßpredigt: Auch Staupitzen vnzeitigem Eyffer
173
XVII.
Daß diejnnerliche Trennungen die gefaͤhrlichsten: Wie die Prager hohe Schul vergangen: Vnd vier Moͤnch zu Bern verbrand worden. Was Lu- thern fuͤr Vortheil hier auß zukommen. Wer sich jhm widersetzt. Vom Ablaß außfuͤhrlicher Bericht.
184
XVIII.
Wie der Papst Luthern angreifft/ vnd zur Verhoͤr nach Augspurg laͤßt kom- men. Was allhie auff Roͤmischer Seiten versaumbt worden. Streit vber seinen Bann. Die Bull deß Banns selbst/ vnnd Vrtheil daruͤber. Dispu-
tatz
dieser Discursen.
tatz zu Leipzig. Andere Bull wider Luthern/ die jhn gar in Harnisch bringt. Ceremonien deß Banns. Vrtheil von solchem Proceß.
191
XIX
Auff Keyser
Maximilianum Primum
folget
Catolus Quintus.
Bey deme kompt der Papst Luthern vor. Warumb der Keyser so lang in den Niderlan- den blieben; Ein Tag nach Wormbs gelegt. Luther erscheinet/ wird wider zu- ruͤck gesand/ Vrtheil hievon. Sitzt auff einem Schloß zehen Monat. Was er damals geschrieben.
204
XV.
Wer Carlstatt gewesen/ vnd wie er mit Luthern strittig worden: Auch endlich zu Basel gestorben.
214
XXI.
Von Vlrich Zwingeln in Schweitz/ wie er studieret/ zu Zuͤrich. Die Kirchen reformiert. Von seinem Traum vnd Tod. Von
Oecolampadio,
seiner Her- kunfft/ Studieren/ Reformieren/ vnd Absterben.
226
XXII.
Von Caspar Schwenckfeld/ seiner Lehr/ Leben vnd Tod: Vrtheil von jhm/ vnd der Geistlichen Eyffer. Wer der erste Widertaͤuffer gewesen/ wie Luther wider sie verfahren. Von Thoma Muͤntzern. Von der Wi- dertaͤuffer Lehr/ Leben/ vnd Verfolgung. Von
Iohanne Calvino,
boͤses vnd gutes.
244
XXIII. Leo X.
stirbt.
Adrianus VI.
folget. Wer er gewesen: Vnd wie er auff- kommen. Wie er vergeblich sich bemuͤhet/ den Roͤmischen Hoff zureformieren. Vnd sonderlich/ wegen Mißbrauch bey dem Ablaß. Wie er durch seinen
Nuntium
zu Nuͤrnberg auff dem Fuͤrstentag wenig erhalten/ als daß an jhn ein
Concilium
begehret worden/ vnnd wie er endlich diese Welt geseg- net.
258
XXIV.
Warumb Rhodis so langsam bewohnet/ vnnd von Frembden geschuͤtzet worden/ von der Sonnen Coloß/ vnd deß Regiments Bestellung. Von
Ne- ronis
Gloß/ vnd der Saracenen Einfall; wie auch der Tuͤrcken. Von den Tempelherꝛn/ vnd den Johannitern/ wie sie von Rhodiß vertrieben/ nunmehr Maltheser genant sind/ vnd erwehlet werden. Vnd welche Teutschen der Jn- sul hohe Aempter getragen.
272
XXV.
Wie deß Keysers Mandat den Abfall nicht gehindert; vnd sonderlich im Westerich. Wie Ehrgeitz nicht aller Fuͤrsten Sinn einnimbt. Von dem Ab- fallend Schweden in Dennemarck/ auch Enderung deß weltlichen Regi- ments. Von
Machiavelli,
vnd
Raison d’ Estat,
deren sich jederman zu eyge- nem Nutzen/ seiner Angehoͤrigen vngeachtet/ bedient/ nach vnderfchiedlichen Exempeln selbiger Zeit.
278
XXVI.
Wie der Keyser mit dem Papst/ wegen eines
Concilii,
geredt: Wie der Papst/ zwischen dem Keyser vnnd Frantzosen/ muͤssen lavieren. Wie die Protestierenden einen Bund zumachen angefangen. Auff dem Reichs- Tag zu Augspurg jhre Bekanntnuß vbergeben/ vnnd von derselbigen gar nicht weichen wollen. Was daselbst geschlossen/ vnd Vrtheil vber solche Pro- ceduren.
305
XXVII.
Von der ersten vnd andern/ oder verbesserten Augspurgischen Confession Apology: Auch der vier Staͤtte Bedencken vber den zehenden Artickel: Vnd
wie
Summarischer Jnhalt dieser Discursen.
wie Philippus deßwegen gelobt vnd gescholten wird. Von den dreyen Haupt- Secten in Teutschland. Wie Ertzhertzog Ferdinand Roͤm. Koͤnig worden/ wider deß Sachsen Danck. Wie sich der Keyser wider den Tuͤrcken/ wegen Hugarn geruͤstet.
306
XXVIII.
Die Protestierenden schreiben an Franckreich vnd Engelland: Der Sachß beschwerdt sich gegen den Keyser. Ein Fried wird bethaͤdiget vnd beschlossen/ biß auff das
Concilium.
Daß Gott nicht alles auff eine Zeit gibt. Vom Tuͤr- cken/ wie er gewichen/ vnd warumb er nicht weiter kommen/ oder der Keyser jhn verfolgt haͤtte. Von der Wahl eines Roͤmischen Keysers: Vnd warumb man
Carolum V.
gefoͤrchtet.
331
XXIX.
Von der Schweitzer Vnruhe. Wie Engelland/ wegen eines Heurats abge- fallen. Was fuͤr Fehler mit vntergelauffen. Wie der Keyser in Barbarey ge- krieget/ vnd in Jtalien Fried gemacht. Von deß Frantzosen Entschuldigung wegen deß Bunds mit den Tuͤrcken. Wie Hertzog Heinrich von Braunschwig vberwunden vnd geschlagen/ aber Hertzog Vlrich von Wirtemberg wider ein- gesetzt worden.
551
XXX.
Von der vermeynten Coͤlnischen Reformation/ vnd Entsetzung deß Ertzbi- schoffs. Wie ein
Concilium
endlich angesetzt worden. Worinn beyde Par- theyen gefehlet. Was eygentlich ein
Concilium
sey. Ob ein
Concilium
jrꝛe: Vnd von diesem letzten begehrten
Concilio.
364
GERMA-
GERMANIÆ PERTUR- BATÆ ET RESTAU- RATÆ.
Der Erste Discurß.
Daß der Teutsche Krieg auß dem Abfall von der Roͤmischen
Kirchen entstanden/ vnd weiter/ als kein andere Strittigkeit/ in
Europa
vmb sich gefressen.
W
Elcher den Teutschen Krieg/ so nun-
mehr vber die dreyssig Jahr gewehret/ recht wil bedencken/ der muß desselben Anfang vnd Vr- sachen erforschen/ das dann nicht fuͤglicher kan geschehen/ als wann wir dem jenigen Raht/ so
Plautus,
der zwey Jahr weniger/ dann zwey- hundert vor Christi Geburt zu Rom gestorben/ durch eine allgemeine Regel jedermaͤnniglich gegeben. Der an das Meer/ spricht er/ wil gelangen/ darff keines andern Wegwei- sers/ als deß nechsten Baͤchleins/ das neben seiner Hoffraith fleußt/ dann dasselbe verlieret Wasser vnd Namen in der nechsten Bach Der Bach in dem Fluß/ der Fluß in dem groͤssern/ biß endlich al- les durch das vngehewere Meer wird verschlungen. Also gehet die Eschbach in der Wetteraw spatzieren/ biß die Nied sie in jhren Schoß auffnimpt; Ja/ die Nied selbst vbergibt dem Mayn all jhre Herꝛlichkeit/ vnnd vermischet sich mit jhm/ gleich wie eine Jung- fraw nicht laͤnger jhres Vatters Namen fuͤhret/ vnd Gebott haͤlt/ als biß sie sich mit jhrem Braͤutigam vermischet/ jhren Leib/ sampt allem Vermoͤgen/ demselben vbergibt/ nichts eygenes behaͤlt/ vnnd vnter jhres Ehevogts Namen alles/ vnabgesondert/ laͤßt verwal- ten.
A
Es
GERMANIÆ PERTVRBATÆ
Es bleibet aber der Mayn selbst nicht laͤnger in seiner Herꝛ- lichkeit/ sondern vergehet/ wie ein alter Adelicher Stamm verstirbt/ daß Lehen/ Land vnnd Leut einem andern/ bevorab dem nechsten Blutfreund/ heimfallen/ so bald der Rhein/ als der maͤchtigste Fuͤrst vnter den Fluͤssen Teutscher Nation/ jhn verschlinget: Brauchet aber selbst hernach nicht viel Vmbschweiff/ gleichsam wolten jhm so viel zufliessende Stroͤme zuschwaͤr fallen/ vnd er muͤde wuͤrde/ ein solchen Last weitere laͤnge zufuͤhren/ vnnd frewet sich/ daß jhm das wilde Meer entgegen kompt/ den breiten Schoß auffthut/ vnd in der Stille/ ohne grosses Geraͤusch/ seinen heimlichen Schatz in der Tieffe zeiget/ ja den gruͤnen Mantel auß der grossen Saltzkam- mer vber den Kopff wirfft/ damit den gantzen Leib bedecket/ vnd in das Verborgene/ zu ewigem Vergeß/ hinlegt.
Vnd wer siehet nicht/ daß eine Landschafft nach der andern/ gleich wie der Brand die nechste Haͤuser vnd Gassen/ in diesen Krieg entweder selbst/ oder genoͤhtiget/ ist gerahten? Ja/ es sind die Funcken in die benachbarte Koͤnigreich/ vnd gar vber Meer ge- flogen/ allenthalben Fewer angezuͤndet/ vnnd den Brand vermeh- ret: Gleich wie jener Feldherꝛ den Tauben auß der Statt ließ Fewerschwaͤmme anbinden/ auff daß/ wann sie zu jhren Nestern kehreten/ das Fewer an vielen Orten der Statt auffgienge; als auch geschehen/ vnd er desto bessere Gelegenheit haͤtte/ sich derselben mit Sturm zubemaͤchtigen.
Suchen demnach die Hauptvrsach dieses Kriegs/ in der Tieffe/ vnnd in dem verborgenen Abgrund der verflossenen Zeit/ welche ein grosse Fewersbrunst vor vielen hundert Jahren/ son- derlich zu vnser Groß-Eltern Leben erlitten/ welche sie zwar gantz fruͤzeitig gedaͤmpfft/ doch nicht Wasser genug zugetragen/ son- dern eine Glut gleichsam vnter einem eingeaͤscherten Baw/ ver- wahrloset/ welche endlich wider herfuͤr gebrochen/ vnnd diese vnge- hewere Brunst vervrsachet hat/ also/ daß weder Rhein noch Do- naw/ sampt allen jhren Soͤhnen vnd Toͤchtern/ wie sehr sie sich er- muͤdet/ daß auch wol etliche in dem Dampff ersticket vnd verdor-
ben/
ET RESTAVRATÆ.
ben/ nicht Wasser genug finden koͤnnen; auff daß jederman Hand- greifflich sehen moͤchte/ solchem hoͤllischen Fewer auß dem Ab- grund koͤnte nicht anderst/ als durch die Bußzehren/ so auß den zerknirschten Hertzen quellen/ vnnd auß den betruͤbten Augen flies- sen/ bey einem erfrewlichen Regen der Barmhertzigkeit auß dem Himmel/ gestewret werden.
Zumaln die Statt Constantinopel vns lehren thut/ welche Anno Christi 464. als ein Liecht in einer Lantern auff dem Marckt vergessen/ vnd vbel verwahrct/ vmb sich gegriffen/ die nechste Kraͤ- me/ Laͤden/ Haͤuser vnnd Gassen/ in solche Brunst gebracht/ daß das fressende Fewer in vier gantzen Tagen nicht zuersaͤttigen ge- wesen: Ob schon
Aspar, Patritius,
vnd Keyserlicher Verwalter/ ander zugeschweigen/ selbst Wasser in den Haͤnden vnnd auff den Schultern beygetragen/ vnd Jedermaͤnniglich der nur Hand an- legte/ einen Gold guͤlden versprochen: Doch erhoͤrete GOtt end- lich die Hertzensseufftzer/ vnd Bußthraͤnen/ vnnd ließ dem Vbel stewren.
Es sind zwar auch Frembde vnnd Außlaͤndische herbey ge- lauffen/ vns zuhelffen/ vnd die Brunst zudaͤmpffen; haben aber sehr viel Gebaͤw nidergerissen/ damit das Fewer/ wie sie vorgaben/ nicht mehr Strassen ergriffe/ vñ doch nichts außgerichtet/ als daß sie jh- ren Goldguͤlden/ den sie verdient zuhaben meynen/ redlich darvon getragen/ vnd nunmehr/ nach dem vnser Haͤuser entbloͤst/ auch die Hoffraihten vnd Plaͤtze/ da wir/ vnd kein Frembder/ wider bawen sollen/ an sich gerissen. Darumb es schier dahinauß wil lauffen/ daß wir vns vmb das Nest zancken/ nach dem die Eyer außgeho- ben/ der Schaal nachlauffen/ weil der Kern verlohren/ die Brand- staͤtte raumen/ vnd vnser Elend/ Armuht vnd Noht erst recht vber- legen. Solten demnach durch eygenen Schaden gewitziget/ die Gluht auch vnter der Aschen außloͤschen/ auff daß vnsern Nach- koͤmmlingen durch vnser Saumseligkeit/ nachmalen nicht wider- fahre/ was wir wegen vnser Voraͤltern Vnbesonnenheit muͤssen leyden vnd außstehen.
A ij
Es
GERMANIÆ PERTVRBATÆ
Es scheinet aber/ es hat die Veraͤnderung deß Kriegswe- sens/ die Gemuͤhter verbittert/ den Ehrgeitz erwecket/ vnnd die Leut in Harnisch gejagt. Dann/ ob schon vor
Carolo V.
die Waffen nicht verrostet geblieben/ sondern hin vnd wider geblincket; hat man doch nicht bald in den letzten Zeiten ein so allgemeine Vberschwem- vnd durchtringende Kriegsnoht erfahren/ es weren dann vnbekante frembde Voͤlcker eingefallen. Zumal die Engellaͤnder den Fran- tzosen in die Haar gerahten/ vnd bald vnten/ bald oben/ gelegen/ daß das Fewer jnnerhalb der Frantzoͤsischen Graͤntzen gehalten/ vnnd nur vnsern Teutschen Anlaß/ jhre Mannheit bey solchem Spiel/ außerhalb deß Vatterlands/ mit Raub vnd Ruhm sehen zulassen/ gegeben.
Wann Hungarn von den Tuͤrcken/ bey jnnerlicher Zwyspalt Anstoͤß empfunden/ lieff jedermann/ vnd stund vor den Riß/ damit ein solche Fluth der Asiatischen Voͤlcker/ Teutschland nicht auch vberschwemmen koͤnte. Vnd ob schon das Bayerland vnd Oe- sterreich etwan ein Streiff erlitten/ ist es doch nur ein Vberzug/ o- der Wetter gewesen/ das also bald den haitern Himmel wider sehen lassen.
Die Frantzosen vnnd Arragonier/ oder Castilianer/ so man jetzt/ nach zusammen gewachsenen Koͤnigreichen/ die Spanier nen- net/ haben in Welschland/ vnnd sonderlich desselben besten Land- schafften/ als Lombardey vnnd Neaples/ ein Dummelplatz jhrer Waffen lange Jahr bestaͤtiget/ aber der Alpen/ oder das Schwei- tzergebuͤrg/ als gesetzte Schrancken/ jhnen belieben lassen/ also/ daß sich Teutschland gar nicht/ oder doch sehr wenig/ darumb bekuͤm- mert.
Was in dem Koͤnigreich Boͤhmen/ mit den Hussitten/ vn- ter dem blinden Feldobersten
Zisca,
vorlaͤngst vorgangen/ hat nicht weiter vmb sich gegriffen/ als nur die angrentzende Landschafften durchlauffen/ mehr das Roͤmische Reich von fernerem Gewalt vnd Vberzug abzuschrecken/ als dasselbe zu beleydigen.
Die Schweitzer haben/ als die Murmelthier/ in jhren Kluͤff-
ten
ET RESTAVRATÆ, DISCVRS. I.
ten vnd Klausen/ Thaͤlern vnd Gaͤwen/ ein geraume Zeit/ biß auff den blutigen Schweiß/ gefochten/ das Oesterreichische Joch abzu- werffen/ vnd der tyrannischen Voͤgte ledig zuwerden/ aber nie be- gehrt/ andern an das Leder zukommen/ dann nur jhr eygene Haut zu verwahren. Man hat auch manchen Bund etwan vnter den Staͤtten vnd Staͤnden geschmiedet/ darauß manchmal ein kleines Wetter zusammen geschwollen/ welches hie vnd da getroffen vnd eingeschlagen/ doch nicht in der Ferne/ sondern in der Naͤhe/ die Grentzen/ vnd den offenen Handel vnd Wandel betroffen/ vnnd zu keiner Weitlaͤufftigkeit gerahten.
Geldern vnd Frießland/ wie auch Luͤbeck vnd andere Laͤnder/ sind besprochen/ vnd angefochten worden/ wann je ein Nachbar den andern gesucht zuvnterdrucken/ oder einige Vertraͤge vberschrit- ten/ auch die Erbfaͤlle zu Mißhelligkeit vnd offenem Streit Vr- sach erwecket: Vnd ward dannoch alles vnd jedes beygelegt/ ver- tragen/ geschlichtet vnd verglichen; biß endlich das Kirchenwesen entstanden/ dardurch die gantze Christenheit gegen Nidergang der Sonnen sich getrennet/ als von dem Roͤmischen Stul ein grosser Abfall/ so wol im Welt-als im Geistlichen/ geschehen.
Jn deme nun die Abtruͤnnige/ so von gedachtem Roͤmischen Stul/ als Ketzer gescholten worden/ sich durch Vnterwe sung nicht wollen widerkehren lassen/ sondern den Papst zu Rom/ mit der gantzen Clerisey vor den Antichrist außgeruffen; hat derselbe sich zu andern Mitteln bewegen lassen. Naͤmlich Gewalt/ Bann/ vnd Fewer zubrauchen/ zwar nicht selbst/ sondern durch Keyser vnd Koͤnige/ sonsten genannt der weltliche Arm: Vnnd Anfangs die so genannte Ketzer/ eintzelen durch die Jnquisition/ oder fleissige Nachforschung der jrrigen Lehr/ versucht/ zuhemmen/ vnnd zu- daͤmpffen. Hernach aber/ als etliche Potentaten eben wol von jhm abgetretten/ vnd Abtruͤnnigen Beyfall/ Schutz vnd Schirm geleystet/ seinen vbrigen Anhang gegen dieselbigen angefrischet. Darauß dann/ weil jene sich nicht weisen/ weniger aber vertreiben wollen lassen: Diese durch Eyffer erhitzt/ jmmer angehalten/ vnd
A iij
von
GERMANIÆ PERTVRBATÆ
von dem Papst zu Rom/ als von dem einigen/ vnd gantz richtigen Außleger der heiligen Schrifft/ nicht gewichen/ eine vnversoͤhnli- che Bitterkeit entstanden/ die zu vielem Blutvergiessen/ auch zu diesem letzten vnserm Vnwesen in
Europa,
Anlaß vnd Vrsach ge- geben hat.
Der ander Discurß.
Daß die Rechtglaubige/ die Religion zubeschützen/ keine Kriege
gefuͤhret/ sondern von Tyrannen vnd Ketzern/ als Donatisten vnd Arianern Gewalt gelitten: Vnd daß dieselbige Kriege mehr vmb Land vnd Leut/ wie auch die Hohheit vnd Majestaͤt deß Roͤmischen Reichs/ als wegen der Religion/ vor gangen.
J
N den ersten dreyhundert Jahren/ nach der Geburt vn- sers Heylands/ hat sich die Goͤttliche Lehr durch die hei- lige Aposteln/ vnnd deren Nachfolger/ in der gantzen Welt außgebreitet/ aber nicht anderst/ als mit Worten/ Lehren vnd Vnterweisen; weil den Aposteln kein ander Schwerd gegeben war/ als die Zung/ oder deß Geistes. Da nun der Sathan nicht konteleyden/ daß man jhm solcher Gestalt sein Reich/ das er wegen der Suͤnde/ vber alle Adams Kinder erhalten/ zerstoͤrete/ vnd seine Vnterthanen entfuͤhrete; auch die Boßheit der Welt vnge- dultig/ ja grimmig ward/ daß man jhr vngoͤttliches Leben straffete/ vnd einen Zaum anlegte/ nicht ferner den Luͤsten deß Fleisches nach- zuhangen/ entstunden grewliche Verfolgungen an allen Orten/ wider die Christen: Denselben legte man bey/ alles/ was nur Ar- ges zuerdencken/ vnd wann mißwachsende Jahr einfielen/ Erdbe- ben die Staͤtte erschuͤtterten/ Wasserfluthen das gebawete Land vberschwemmeten/ musten die Christen dessen Schuld tragen. Sie wurden etwan jhrer Ehren entsetzt/ jhrer Güter beraubet/ ja gar zum Schwerd vñ Fewer hingerissen. Vnd kame selbiger Zeit jhrer
keinem
ET RESTAVR. DISCVRS. II.
keinem in Sinn/ daß er solchem zumal vnrechten Gewalt sich wi- dersetzt/ oder zu wuͤrcklicher Gegenwehr beweget haͤtte. Die War- heit war jhr Guͤrtel: Die Gerechtigkeit/ der Krebs: Der Glaub/ jhr Schild: Der Helm/ das Heyl: Das Wort GOttes/ das Schwerd: Die Gedult/ der Rock: Das Gebet/ die Krafft: Vnd die Freude deß Geistes/ der Sieg. So fern waren sie vom Krieg- fuͤhren/ daß noch lange Zeit hernach gewisse Voͤlcker in dem Ge- buͤrg Armenien nie kein Schwerd wollen wissen/ weniger anguͤr- ten/ oder fuͤhren; in diesem einigen Stuͤck der hohen Obrigkeit bey angestelten Außschuͤssen Vngehorsam. Sonsten ist bekannt/ daß die Christen sich vnter jhrer hohen Obrigkeit ins gemein/ zu den Kriegen lassen gebrauchen; aber allezeit jhr Christenthumb be- vor gehalten/ vnnd lieber wollen/ wie das Thebanische Regiment vnter dem Obersten Mauritz/ auß
Diocletiani
deß Keysers Be- fehl/ sich zum oͤfftern Zehenden/ ja endlich gar nider machen lassen/ als den Goͤtzen opffern; oder auch wider andere/ als deß Roͤmischen Reichs Feinde fechten: So fern/ daß auch GOtt auff jhr Gebet/ Wunder gethan/ wie dann das Donner Regiment/ in dem Mar- ckomanner Krieg/ bey eusserster Noht/ vor das gantze Heer/ ein er- quicklichen Regen/ in Verbleibung dessen/ sie haͤtten muͤssen verder- ben/ von GOtt/ durch das liebe Gebet/ erhalten hat.
Das Roͤmische Keyserthumb kam mit der Zeit an
Constan- rinum, Maxentium
vnd
Licinium:
Weil nun
Constantinus
von seiner Mutter/ einen Geschmack deß Christlichen Glaubens gleichsam mit der ersten Milch bekommen/ nahm er jmmer zu/ in der Seligmachenden Erkantnuͤß vnsers Heylands/ verfolgete nie- mand wegen deß Christenthumbs: Vnd weil
Maxentius,
auch nach demselben
Licinius
gantz eines andern Sinnes hierinn wa- ren/ vnd sehr tobeten/ ent wichen viel hohe ansehenliche Leut auß dem Gebieth/ solcher Tyrannen/ vnd begaben sich vnter
Constantini
Schutz: Aber damit nicht vergnuͤgt/ verreitzten denselbigen/ so wol deß Regiments/ als deß Christenthumbs wegen/ daß er vnderschied- liche gewaltige Heerzuͤg gethan/ dieselbige Laͤnder deß Roͤmischen
Reichs
GERMANIÆ RESTAVRATÆ
Reichs zuretten/ vnnd den verfolgten Christen Lufft zumachen Gleichwol hatte er das Hertz nicht/ die Heydnische Opffer abzu- thun/ vnnd die Goͤtzendiener zuverfolgen/ oder mit Gewalt zum Christenthumb zubringen: Sondern gab Jedermaͤnniglich durch seine auß gelassene Manifest zuerkennen/ wie vbel das Roͤmische Reich verwaltet wuͤrde/ vnnd daß jhm oblaͤge/ die Wolfahrt dessel- bigen zubefoͤrdern/ dahin dann seine Waffen zielen thaͤten/ wol ver- standen/ daß im vbrigen die Heydnische Kriegsleute jhn verlassen/ vnd zu seinen Feinden vbergangen seyn solten. Ja/ es konte schier niemand wissen/ ob er den Christen/ oder den Heyden mehr zuge- than were/ so wol hielte er jederman Schutz.
Licinius
hatte zwar neben jhm/ die Freyheit der Religion/ vnd derselben offentliche V- bung/ auch Kirchen vnnd Gebaͤw auffzurichten verstattet/ vnnd durch Heurath vnd Schwaͤgerschafft sich mit jhme verbunden: Als aber deß vberwundenen vnnd erschlagenen
Maximini
Land- schafften/ Vrsach zu einem newen Krieg zwischen jhnen gegeben/ thaͤte jhm
Licinius
alles zum Verdruß/ vnd verfolgte die Christen nachmalen: Lage doch im Streit vnten/ dem Vorgeben nach/ mehr/ wegen der Regierungshaͤndel/ als wegen der Religion.
Vmb diese Zeit entstund ein Zwyspalt vnter den Christen in
Africa,
als
Donatus
mit seinem Anhang
Cœcilianum
beschul- digte/ verklagte/ vnd durch weltliche Macht verfolgete; daß jhrer viel/ so sonsten vor Auffrichtig vnnd Rechtglaubig erkannt waren/ das Elend bawen muͤssen/ so doch endlich zu jhren vorigen Stellen wider kommen sind. Der Hauptstreit betraff die jenige/ so gefal- len/ das ist/ so etwan auß Forcht vnd Schrecken den Goͤtzen geopf- fert/ die Kirchenbuͤcher den Verfolgern vbergeben/ oder die Allmo- sengelter/ vnd Kirchenschaͤtz verrahten hatten: Ob man sie wider- umb solte annehmen/ wider tauffen/ vnd was vor Buß aufflegen. Die Donatisten wolten gantz rein vnnd heilig seyn/ hielten den Sohn geringer/ als den Vatter/ vnnd alles/ wie
Augustinus
sagt/ auß Ehr- vnd Geltgeitz/ auch Haß. Doch vergieng solcher Streit vnd Verfolgung bald.
Noch
ET RESTAVR. DISCVRS. II.
Noch entstund ein ander/ vnd viel hefftiger Vnwesen durch
Arium.
Dieser war Priester zu
Alexandria,
vnd nam so gros- sen Verdruß/ weil jhm nach
Petri
vnd
Achillæ
Absterben/
Ale- xander
in der Wahl deß Bischoffs/ vorgezogen worden/ daß er die Goͤttliche Natur vnsers Heylands angefochten.
Als er nun außgeschafft/ fuͤget er sich in das gelobte Land/ bracht
Eusebium
von Nicomedien auff seine Seite; vnnd ob jhn schon die Vaͤtter vnnd Bischoͤffe auff der grossen Zusammen- kunfft/ zu
Nicæa,
als ein Ketzer verdampt/ schliche er doch ein bey dem Keyserlichen Frawenzimmer/ thaͤt seine Bekantnuß heimduͤ- ckischer Weise/ vnd bracht Keyserliche Patenten/ jhn wider einzu- setzen. Vmb seinet wegen entstunden zwar vnderschiedliche Tu- mult in etlichen Staͤtten/ die aber nie zu offenem Krieg außgebro- chen. Seine Nachfolger haben jmmerhin die Rechtglaubigen verfolget/ vnd wegen deß
Athanasii,
so die rechte Religion vertret- ten/ Neuntzig Bischoͤffe in Egypten vnd Libyen abgesetzet/ auch fuͤnffzehen in das Elend vertrieben; alles durch deß einen Keysers
Constantii
Gewalt vnd Vorschub. Nach desselbigen Tod ver- stiessen sie
Paulum,
den Patriarchen zu Constantinopel (den sie auch in der Einoͤde erwuͤrget)
Alexandrum
zu
Antiochia,
vnnd
Cyrillum
zu Jerusalem; andere schlugen sie biß auff den Tod/ andere entsetzten sie jhrer Guͤter/ andere schickten sie in das Elend/ vnd trieben solchen grewlichen Vbermuht in allen Morgenlaͤn- dern/ bey allen deß Roͤmischen Reichs vnterthaͤnigen Voͤlckern/ wie
Sozomenus
bezeuget. Nach
Constantini
deß Andern/ traw- rigem Ableiben/ musten sie jhre gifftige Anschlaͤge vnter
Juliano,
(der zwar wider Heydnisch worden/ aber doch die Rechtglaubige/ neben jhm vnd den Arrianern/ wann sie sich nur bescheydentlich verhielten/ bleiben ließ) vnnd
Ioviniano
vmb etwas jnnen halten; funden sie doch bald an dem Keyser
Valens, Valent niani
Bru- dern (so es allezeit mit der reinen Lehr gehalten) einen grossen vnd eyfferigen Patronen; daß derselbe ein newe Verfolgung angerich- tet/ durch welche ein vnd achtzig Geistliches Stands Personen be-
B
wogen
GERMANIÆ PERTVRBATÆ
wogen worden/ jhm ein demuͤhtige Abbittschrifft zu vberreychen: Dieselben ließ der Tyrann in ein Schiff setzen/ vnnd durch einge- worffenes Fewer verbrennen vnd ertraͤncken.
Als nun Keyser
Valens
in einem Treffen von den Gothen vberwunden/ vnnd verwundet in einem Adelichen Feldschloß/ oder Hoff verbrand ward/ thaͤt Justina die Keyserin/ deß Juͤngern
Va- lentiniani
Mutter/ was jhr jmmer muͤglich war/ Ambrosium/ den Bischoff zu Mayland zuvnterdrucken/ ob sie gleich desselbigen Dienst/ den Aber Keyser
Maximum
von Welschland abzuhalten/ zum andern mal zugebrauchen wuͤste. Weil nun bald die Recht- glaͤubige/ bald die Arrianer/ nach dem einer/ oder der ander vnter den Keysern gesinnet war/ die Widerspenstige außtriebe/ vnnd die Gothen vnd Wenden mehrentheils den Arrianischen Glauben an- nahmen/ auch mit jhren Siegreichen Waffen durch Hungarn/ Teutschland/ Franckreich vnd Spanien/ biß in Africa fortgesetzt/ vnd eygenes Koͤnigreich/ auch in Welschland auffgerichtet/ ist ne- ben den Kriegspressuren auch den Reichs Vnterthanen die ver- fuͤhrische Lehr
Arii
auffgetrungen/ vnd demnach allenthalben fort- gepflantzet worden: Welche Verfolgung/ wie
Prosper
meldet/ wol der allergroͤsten eine gewesen/ biß der Keyser Justinianus vmb das Jahr Christi 533. solche Trangsal der Rechtglaubigen zu Her- tzen gezogen/ durch
Belisarium,
seinen General Leutenant/ der Wenden Koͤnig
Gilimer
in dreyen Monaten: Der Gothen Koͤ- nig
Totilam
aber in Welschland/ durch
Natsetem,
seinen andern General Leutenant/ vberwunden/ vnd alles in Africa vnd Welsch- land wider erobert/ dardurch den Rechtglaubigen Ruh vnnd Lufft geschafft hat.
Keyser
Anastasius,
Dieterich der West-Gothen; Rhada- gaiß der Gothen; Gunderich der Wenden; wie auch Genserich vnd Hunnerich/ seine Soͤhne; Atzel der Hunen; Albwein der Lang- barten/ vnd Alanen; Koßros der Perser Koͤnige; vnd Leutrich der Allemannier/ oder Hochteutschen Feldherꝛ/ haben zwar die Recht- glaubigen mit grosser Trangsal betruͤbet/ aber nichts anders/ dann
den
ET RESTAVR. DISCVRS. III.
den Zorn Gottes/ vnd ein erbaͤrmlichen Vntergang vber sich selbst gezogen. Gleichwol findet sich nirgend/ daß man ein Religions- Krieg/ den Glauben zuvertheydigen/ haͤtte angefangen; außerhalb/ daß die rechtglaubige Keyser jhre Majestaͤt/ jhr Reich/ jhre Person/ vnd jhre Glaubensgenossen/ mit scheinbarem Vorwand/ der Poli- tischen Haͤndel allgemach durch das Schwerd zuverfechten/ an- gefangen. Daß nun Eyffer/ Regiersucht/ Mißvergunst vnd Neid/ nicht auch mit vntergelauffen/ vnd neben der Policey/ vnd der Re- ligion hergestrichen/ ist gar nicht zuzweiffeln.
Weil nun auß den Arrianischen Jrꝛthummen deß Maho- mets Aberglaub erwachsen/ sparen wir denselbigen Punct auffs nechste. Sintemal/ noch einige andere Strittigkeiten/ so nicht we- niger zubeobachten/ in der Kirchen inmittelst sind entstanden.
Der dritte Discurß.
Daß
Maximus
der Aber Keyser/ das Heydenthumb wider wol-
len auffrichten: Vnd wie die erste Execution mit dem Schwerd vber ein Verketzerten ergangen/ darauß grosse Trennung in der Kirchen entstanden. Wie
Martinus
bey Hoff hindergangen wor- den/ vnd
Ambrosius
der einen Parthey/ naͤmlich/ kein Blut/ we- gen der Religion zuvergiessen/ Beyfall gegeben.
D
JE Schotten hatten von langer Hand den Britan- niern/ jetziger Zeit Engellaͤndern/ jmmer Einfall ge- than/ vnnd manchen Zopff außgeropffet:
Gratianus
der Keyser gegen Nidergang/ gar offt vmb Huͤlff vnd Schutz angeruffen/ verordnet dahin
Alphium Maximum,
vor sein General Leutenant. Der erlegt
Eugenium,
der Schotten Koͤnig/ in einer grossen Niderlag/ wurd deßwegen hochmuͤhtig/ ließ sich fuͤr einen Keyser auffwerffen/ vnd vberkam/ weil er ein Heyd/ grosse Gunst in den Morgen- vnd Abendlaͤndern/ sonderlich zu
B ij
Rom/
GERMANIÆ PERTVRBATÆ
Rom/ bey denen/ die nicht gern sahen/ daß etliche Keyser das Hey- denthumb allgemach vnterdruckten/ bald den offentlichen Goͤtzen- dienst verbotten/ bald die Stifftungen zu Vnterhaltung der Ve- stalischen Closter-Jungfrawen eingezogen/ bald die Opffer auff den Altaren/ so im Rahthauß/ im
Capitolio,
vnnd anderstwo/ der
Victoriæ,
oder dem siegenden Gluͤck zu Ehren gebawet waren/ oh- ne Rauch vnd Fewer/ oder doch ohne offentliche Verehrung lies- sen. Darauff thaͤt
Maximus
einen Zug wider
Gratianum,
der sich solches Streichs nicht versehen/ vnd eines Landfluͤchtigen auß dem eussersten Laͤndlein deß Roͤmischen Reichs wenig achtete. Die Kriegsknecht verliessen
Gratianum,
vnnd tratten vber/ ohne Schwerdstreych: Der gute Keyser flohe auff Welschland/ mit nicht mehr/ dann dreyssig Mann; wurd zu Lyon erdapt/ vnd zu tod erschlagen. Dazumal hofften alle Vn-Christen/ oder Heyden/ dieser Aber Keyser/ deme auch der junge
Valentinianus
durch
Am- brosium
gute Wort geben/ vnnd
Theodosius
auß Orient selbst das Keyserthumb bestaͤttigen muͤssen/ wuͤrde den Heydnischen Gottesdienst/ sampt dem hohen Priesterampt/ welches in Kriegs- vnd Gerichtshaͤndeln sehr viel vermochte/ also daß alle Wahlen der hoͤchsten Aempter dardurch vernichtet/ vnd anderst vorgenommen/ auch Haupt Treffen an- oder ingestelt wurden/ wie
Livius
sonder- lich davon schreibet/ nunmehr wider auffrichten/ vnnd in vollen Schwang bringen/ zu Hohn/ vnnd Abgang deß juͤngst entstande- nen Christenthumbs.
Maximus
verstunde wol/ daß der Christen Parthey nicht so schlecht hin sich wuͤrde vnter die Banck stecken lassen; darumb richtet er seine Segel nach allen Winden/ gab den Arrianern so wol als den Rechtglaubigen/ gute Wort vnd Anblick: Ja/ wuste sich solcher Gestalt zuverstellen/ daß ein jeder meynete/ Lachen wer wahr/ vnd erhielt also ein Stuͤck von dem Keyserthumb fuͤnff gan- tzer Jahr/ biß jhn
Theodosius
vberwunden/ erlegt/ vnd durch seine Kriegsleut vom Brod abgethan/ wider seinen Willen gesehen: Doch hatte er der
Victoriæ
Goͤtzendienst auch wider gestattet.
Weil
ET RESTAVR. DISCVRS. III.
Weil nun dieser
Maximus
Spanien/ Engelland/ Gallien/ vnd ein guten Theil Teutschland vnter sich gebracht hat/ nahmen die strittige Geistlichen/ in Ansehung seiner Verschlagenheit/ zu jhm jhre Zuflucht. Wie dann
Priscillianus,
Bischoff in Galle- cien/ vnd
Ithacius
ein ander Bischoff/ mit Zuthun
Vrsacii,
durch die Kirchengesatz einander verfolget/ da gleichwol dieser seine Stell verlassen muͤssen. Als er nun erlanget/ daß wegen jhres Streits/ eine Zusammenkunfft der Geistlichen zu Bursches geschehen/ wurde er vor vnschuldig/
Priscillianus
aber vor schuldig erkannt.
Priscillianus
machte die Sach bey Hoff anhaͤngig/ vnd verlohr abermal gantz vnd gar.
Ithacius
rafft Stuͤl vnd Baͤnck zusam- men/ vnd vermoͤgte
Maximum
dahin/ daß er
Priscilliano
vnd
In- stantio,
neben etlichen andern/ wegen jrriger Religion/ als auch Vngehorsams/ ließ den Kopff fuͤr die Fuͤß legen. Dessen fuͤr- nehmste Ketzereyen waren/ die Seel wer eines Wesens mit Gott/ die Welt wer von dem boßhafftigen Fuͤrsten erschaffen; das Alte Testament gieng vns nichts an; Fleisch essen wer verbotten/ aber seine Religion durch Luͤgen vnd Meyneyd verbergen erlaubt. Daß nun jemand solte wegen der Religion schlechthin/ ohn ander Ver- brechen/ den Tod leyden/ weil es biß dahin vnter den Christen/ von den Christen gantz vnerhoͤrt war/ vervrsachte newe Vnruh. Die Arrianer vnnd Heyden geselleten sich zusammen wider die Recht- glaubigen/ weil es hinfuͤro das Leben solte kosten/ wer nicht eben jh- rer Meynung war. Auch trugen viel vnter den Rechtglaubigen hieran ein grosses Mißfallen/ weil der gleichen blutige Haͤndel/ dem Exempel vnd der Lehr deß Heylands/ gar nicht ahnten: Darumb sie auch Richter vnnd Thaͤter von jhrer Gemein/ vnnd von dem Tisch deß HERren auß geschlossen. Dieselbe aber funden Schutz bey
Maximo,
der etliche der andern ließ in den kuͤhlen Schatten setzen.
Zu der Zeit war
Martinus
der Bischoff weit vnd breit sehr be- ruͤhmbt. Derselbe ließ sich bewegen/ daß er/ so wol die Rechtglau- bige zuretten/ als auch
Narsetem
den Graffen/ vnnd
Leucadium
B iij
den
GERMANIÆ PERTVRBATÆ
den Verwalter/ so von
Gratiani
Trew nicht wollen abweichen/ auß Verhafftung zubringen/ nach Hoff verreist. Der Gegen- gentheil erlangt/ daß
Maximus
etliche Hoffdiener an jhn mit die- sem Befehl/ gesand/ wo er es nicht wolte mit den Bischoffen wider
Priscillianum
halten/ moͤchte er von der Statt bleiben: Die Ant- wort war/ er kaͤme mit deß Heylands Friede. Vnd damit gieng er in Trier/ besucht die Kirch bey Naͤchtlicher Weil gantz still/ ver- richtet sein Gebet/ vnd meldet sich den folgenden Tag an bey Hoff/ bittet demuͤhtiglich fuͤr die Gefangene/ vnd wird zwar gnaͤdig ange- hoͤret/ aber doch nach der langen Weil verwiesen.
Weil nun deß
Ithacii
Anhang gesehen/ daß er nicht mit jh- nen communicierte/ tratten sie fuͤr
Maximum
mit Fußfall vnnd Threnen/ gaben vor/ mit
Priscilliani
Tod were nichts verbessert worden/ wann
Martinus
sich jhrer entschluͤge: Den haͤtte man gar nicht sollen in die Statt lassen/ weil er solcher Gestalt sie alle vervrtheilete; oder doch auff der Stund jhn wider außweisen.
Ma- ximus
haͤtte schier etwas vnbilliges verwilliget; gieng doch in sich/ entschuldiget alles gegen Martino/ berufft jhn offt zu Taffel/ aber vmbsonst/ erweist jhm alle Ehr/ Gnad vnd Gunst: Verstellet sich jederweilen etwas zornig/ kehret sich einsmals von jhm/ vnnd befih- let/ man sol die Gefangene/ vor welche Martinus gebeten/ hinrich- ten: Vnd vber diß ein scharpffe Jnquisition anstellen/ auch der widerspenstigen Kirchen in Spanien dem Gegentheil einraumen/ da ergab sich Martini Standhafftigkeit/ gieng bey Mitternacht hin/ vnd erbote sich alles zuthun/ was
Ithacii
Parthey begehrte/ wann nur die abgeordnete
Commissarii
wider zuruͤck geruffen wuͤrden. Vnd hierauff laͤst er sich bey der Keyserlichen Taffel fin- den/ an welcher die groͤste Herꝛn/ sonderlich
Evodius,
Verwalter vnd Burgermeister/ zween Graffen vnd Statthalter/ deß Keysers Bruder/ vnd Vatters Bruder: Aber Martinus dem Keyser an der Seiten gesessen. Mitten vber der Mahlzeit brachte der Die- ner eine Schaal/ der Keyser ließ sie am allerersten/ zu sonderlichen Ehren/ Martino darreichen/ nach jhme darauß zutrincken. Mar-
tinus
ET RESTAVR. DISCVRS. III.
tinus tranck sie auß/ vnd reycht sie seinem Priester/ den er wuͤrdiger/ als alle andere Gaͤste/ auch den Keyser selbst/ jhm nachzutrincken achtete.
Zu andern Zeiten solte wol ein solcher Schimpff nicht an- gangen seyn; weil aber
Maximus
vnnd seine Hoͤffling wol sahen/ daß die Rechtglaubige jhm alsdann wuͤrden anhaͤngig werden/ wann er diesen heiligen Mann/ vnd etliche andere/ von der Kirchen auff seine Seiten braͤchte/ stelleten sie sich auff gut Hoffmaͤnnisch/ vnd lobeten mit grossem Verwundern dieses Werck zum hoͤchsten. Vnd damit der Boß desto besser angienge/ wolte die Keyserin kein ander Gespraͤch/ als mit diesem Mann/ vnd zwar von geistlichen Sachen treiben: Ja/ bezeugete eine so grosse Rew wegen jhrer Sünden/ daß sie Martino manches mal zu den Fuͤssen fiel/ dieselbe mit jhren Threnen wusche/ vnd mit jhren Haaren trücknete; wel- ches alles Martinus/ ob schon kein Weibsbild jhn/ nach dem er an das Ampt getretten/ nimmermehr beruͤhrte/ allhie lassen geschehen. Ja/ es kam so weit/ daß die Keyserin von jhrem Herꝛn instaͤndig be- gehrte/ sie wolte Martinum/ allein/ vnd ohn einige Auffwaͤrter tra- ctieren: Vnd halff allhie kein Widersetzen: Also kocht die Key- serin selbst mit eygener Hand; sie setzt den Sessel/ legt das Kuͤssen drauff/ ruͤckt den Tisch/ geust jhm Wasser auff die Haͤnd/ traͤgt die Speisen selbst/ steht etwas fern gantz vnbeweglich/ wie die Auff- waͤrter zuthun pflegen/ in aller Demuht vnnd Diensthafftigkeit/ vnd reycht jhm Wein vnd Wasser/ so offt er trincken wolte. Nach geendeten dieser Mahlzeit/ samlet sie die Stuͤcklein/ ja Brosam- lein saͤuberlich/ vnd jsset dieselben mit groͤsserem Lust/ als deß Key- sers weidliche Bißlein. Vnd dannoch empfieng Martinus/ weil er die Gefangene auff kein andern Weg wuste vor Schwerd vnd Gefaͤngnuͤß zuretten/ mit denselben Bischoffen das heilige Abend- mahl/ die sich aber noch nicht genuͤgen liessen/ sondern auch seine Hand vnd Vnterschrifft begehrten: Welches er gleichwol keines wegs gethan/ sondern heimlich darvon gangen/ sich zwar gefrewet/ wegen der Entledigten/ doch bekuͤmmert/ daß er zu der Jthasiani-
schen
GERMANIÆ PERTVRBATÆ
schen Parthey vmb etwas tretten muͤssen: Er lebte noch sechszehen Jahr nach dieser Zeit/ vnd starb im sechs vnd achtzigsten Jahr sei- nes Alters.
Es hat aber dieses Stuͤcklein bey Hohen vnnd Nidern viel Gespraͤchs vnnd Gezaͤncks vervrsachet/ in deme Martini verfah- ren/ von dem einen gelobt/ von dem andern gescholten/ auch der Key- ser selbst/ durch die Hechel gezogen worden/ weil er den einen recht- maͤssigen Keyser vertrieben/ den andern gar ermordet haͤtte. Die Bischoͤffe selbst/ trenneten sich vber diesem Handel/ vnd sagten ein- ander ab. Wie nun Martinus durch Spanien vnd Franckreich in sehr hohem Ansehen war/ also sahe jederman/ auch Papst
Siricius
selbst/ auff
Ambrosium
zu Meyland/ derselb wolte gar nicht zu der Jthasianischen Parthey verstehen/ vnd schalt in einem Sendbrieff an
Studium
solche blutduͤrstige Haͤndel/ daß/ naͤmlich/ einige Bi- schoͤffe sich geluͤsten liessen/ schwere Anklagen vor Gericht zufuͤh- ren/ auff das Schwerd dringen/ vnnd die eusserste Straaff forder- ten: Andere aber vber sothanen blutigen Triumph frolocketen. Dannenhero setzt das
Concilium
zu Taurin/ weil die Jthasiani- sche Parthey sich von
Felix
absonderte/ solte derselbe zu jhnen kom- men/ vnd auffgenommen werden.
Ithacius
vnd
Ursacius
wur- den in Bann gethan/ vnnd deß Lands zu ewigen Zeiten verwiesen/ aber nach
Maximi,
der jhnen Schutz hielte/ absterben.
Vmb diese Zeit erhub sich ein anderer Streit vnter den Bi- schoffen/ fuͤrnehmlich vnter
Hieronymo
vnd
Gregorio Nysseno,
in deme jener viel von den Wallfahrten nach dem gelobten Land hielte/ dieser aber Mund- vnd Schrifftlich seine Cappadosier dar- von abhielte/ weil man deßwegen kein Gebott vom HERren hatte/
vnd bey verbleiben/ nicht weniger ein guter Christ seyn koͤnte. Da nun es zu keinem Blutvergiessen außgelauffen/ lassen wir es auch an seinem Ort ste- hen vnd liegen.
Der
ET RESTAVR. DISCVRS. IV.
Der vierdte Discurß.
Wie die Heyden sich mit den Arrianern wider die Rechtglaubi-
ge verbunden/ vnd durch Huͤlff der Keyserin/
Ambrosium
ver- folget: Der aber durch Standhafftigkeit den gantzen Keyseri- schen Hoff vberwunden/ vnd wegen der Kirch zu Meyland/ der Geistlichen Freyheit den Grund gelegt.
D
Jeweil die Heyden sahen/ daß
Gregorius Nazianzenus,
vnd
Iohannes Chrysostomus, Ambrosius
vnd
Augu- stinus
in Occident/ jhnen durch grosse Geschicklichkeit vnd Wolredenheit/ grossen Abbruch thaͤten/ daß die Leut jhnen haͤuffig zulieffen/ auch jhren Goͤtzentempel selbst niderrissen; vnd aber die Christen in zwo Hauptpartheyen sich getheilet/ gedach- ten sie sich zu der einen zuschlagen/ vnnd zwar zu der schwaͤchsten/ weil ohne das die Rechtglaubige nicht jhre Gesellschafft/ sondern jhre Bekehrung/ oder endlichen Vntergang suchten. Die Ar- rianer/ so den Heyland der Welt/ nur vor einen gemachten GOtt/ vnd dem Vatter zwar gleich/ doch nicht eines Wesens mit Jhme hielten/ funden sich zu schwach/ vnd ergreiffen/ was sie nur konten/ sich zustewren vnd zu vnterstuͤtzen: Vnd wurden so fern mit einan- der einig/ daß sie alle Mittel vnd Wege an die Hand genommen/ wie sie die obgesetzte Widersaͤcher/ bevorab
Chrysostomum
vnd
Ambrosium
koͤnten auß dem Stul heben/ auch von Hoff vnd Anschen bringen. Die Arrianer solten eine Kirch in Meyland begehren/ vnd wann sich Ambrosius/ wie nicht zu zweiffeln/ wider- setzen wuͤrde/ jhn durch den Keyser/ als ein Vngehorsamen vnnd Meutmacher/ in das Elend/ vnd auß dem Land vertreiben. Hier- zu gebrauchten sie das Ansehen der alten Keyserin Justin
æ/
so der Arrianischen Religion zugethan/ vnd vber jhren Sohn/ den jungen
Valentinianum,
wie auch desselben Hoff vnd Cantzley/ allen Ge- walt vbete.
C
Er-
GERMANIÆ PERTVRBATÆ
Erlangen demnach ein allgemein Edict/ dardurch den Arria- nern jhre offentliche Versamlungen nicht benommen. Die Key- serin halff in allem redlich/ weil sie wegen wideriger Religion/ vnnd dann wegen deß Regiments Ambrosio gantz gehaͤssig war/ vnd jhn deßwegen deß jungen Keysers Tyrannen pflegte zunennen/ gleich wie sie Ambrosius mit dem Titul der zweyten Jezabell/ beschmitze- te. Ambrosius roche bald Lunten/ daß man jhm bey Hoff aller- hand Anstoͤß vnd Fallbruͤcken legte. Darumb fast er einen Muht/ vnd gedacht/ jetzt were es Zeit/ daß die Rechtglaubige jhre Sach nicht mehr Bittweiß/ sondern ernsthafftig führen/ vnd widerstre- ben; sonderlich aber die Priester jhre Wuͤrde auch wider der Layen Oberkeitlichen Gewalt verthaidigen/ ja sich gar von jhnen ledig wuͤrcken solten. Gab derowegen vor/ es were nicht seine Person/ sondern die gantze Religion gemeynt/ beweget alle grosse Herꝛn vn- ter den Rechtglaubigen/ dahin/ daß sie keinerley Weise zu solcher Schmach an der Religion Vorschub thaͤten/ sondern es mit jhme hielten/ so fern/ daß
Benevolus,
geheimer
Secretarius,
als er ein Keyserlich Mandat wider die Rechtglaubigen sollen abfassen/ ge- antwortet: Er haͤtte von kleinem Kind auff den Glauben vor hoch- heilig vnd andaͤchtig gehalten/ koͤnte kein Gottloß Wort vorbrin- gen/ noch wider GOtt reden. Vnd als jhm ein hoͤher Ampt/ wann er der Keyserin ein Genuͤgen hierinn thaͤte/ versprochen/ geantwor- tet: Was versprecht jhr mir ein hoͤhere Stell/ eine gottlose That zubelohnen? Nehmet mir das Ampt/ das ich jetzt hab/ vnd laßt mir nur das Gewissen vnverletzt. Ergriff demnach sein Amptsguͤr- tel/ vnd warff jhn denselben fuͤr die gottlose Fuͤß: Dardurch er bey der Clerisey groß Lob erlangt/ wie bey
Gaudentio
zusehen.
Nicht desto weniger ließ sich der junge Keyser
Valentinia- nus,
durch seine Fraw Mutter/ die Keyserin Justina/ dahin ver- laiten/ daß er auff den Newen Jahrstag Anno Christi 386. in Meyland ein Mandat ließ außgehen/ in dessen Krafft die Erlaub- nuß/ sich zuversamlen/ auff die Zeiten deß Keysers
Constantii
wurde gerichtet/ vnnd bey hoͤchster Straaff aller Aufflauff vnnd
Ver-
ET RESTAVR. DISCVRS. IV.
Verhinderung verbotten.
Auxentius,
der Arrianische Bischoff/ so der Keyserin an das Hertz war gewachsen/ feyerte nicht/ vnd ließ ein Hauptkirch in der Statt/ vor seine Arrianer begehren/ darauß grosser Lermen entstanden. Justina konte
Ambrosio
nicht bey- kommen/ so lang
Gratianus
lebte/ der dann gar zuviel auff jhn hiel- te. Nach desselben Abletben/ muste sie sich vor
Maximo,
dem A- ber Keyser foͤrchten/ vnd bediente sich deß
Ambrosii,
in einer Bott- schafft an denselben/ zu jhrem grossen Vortheil. Aber nunmehr/ da
Theodosius
die Arrianer/ sampt andern Rottengeistern/ auß den Morgenlaͤndern mit Manier hatte außgeschafft/ deren viel Zu- flucht zu der Justina/ wegen deß Glaubens/ genommen/ vnd sich zu Meyland gesetzt: Dannenhero dem
Auxentio
(der ein gebor- ner Schütt/ vnd sich
Mercurinum
nennen ließ/ weil seines Vor- fahren
Auxentii
Name gantz verhaßt) der Muht gewachsen; zu- mal er wuste/ daß Justina Vrsach an
Ambrosium
hatte. Dann/ als Justina noch bey Leben
Gratiani,
einen Arrianer wolte gen
Syr- mium
zu einem Bischoff setzen/ dem widerstund
Ambrosius,
vnd erhielte/ daß ein Rechtglaubiger die Stell bekam. Also verschaffte er auch/ daß
Palladius
vnnd
Secundianus,
alte Ketzer/ auff dem
Concilio
zu Aquilegien abermal verdampt worden. Vnd wie offt auch Justina eine Hauptkirch vor jhre Arrianer gesucht/ stund jhr
Ambrosius
im Wege/ daß sie biß dahin/ nichts außrichten koͤn- nen. Jetzt fordert
Mercurinus Ambrosium,
zu einer offentlichen Disputatz/ da vor weltlichen Richtern/ vnnd vor
Valentiniano
selbst/ der seines Glaubens Bekantnuß noch nicht gethan hatte/ ein Außspruch geschehen solte.
Ambrosius
hatte grosses Abschewen/ daß nach so vielen Con- cilien/ die Glaubenssach den Weltlichen solte vntergeben seyn/ achtet deß
Mercurini
Muhtwillen nicht/ damit er der Kirchen Wuͤrde vnd Ansehen nicht zu Bodenschluͤge/ vnd wolte vor einem so jungen Keyser/ vber die Haupt-Artickel der Christlichen Reli- gion/ nicht zancken. Sein Widerpart gelangt den Keyser durch Justinam an/ daß er
Ambrosium
mit Gewalt dahin solte halten;
C ij
wel-
GERMANIÆ PERTVRBATÆ
welches jhm leicht bewilliget worden/ allen Vnwillen bey der Fraw Mutter zuverhuͤten.
Dalmatius,
Kriegsoberste/ wird befelcht/ Ambrosio deß Keysers Will vnd Meynung/ wegen der Dispu- tatz/ auff bestimpten Tag anzustellen/ anzuzeigen. Der Stritt war/ was vor Richter nidersitzen/ von welchem Artickel/ vnnd an welchem Ort man handeln solte.
Mercurinus
wolte nicht ge- stehen/ daß es wegen der Religiou geschehe/ sondern die Frag were: Ob die jenige/ so dem Arrianischen
Conc l o
folgeten/ eine Kirche haben solten/ vnd sich auff
Constantii, Valentis
vnd
Valentinia- ni
Ansehen bewerffen koͤnten. Aber Ambrosius behauptet/ es were vmb die Religion freylich zuthun: Darumb muste man zuforderst sehen/ ob desselben
Concilii
Meynung gut oder boͤß. Vnd ferner zubedencken/ ob solchen Leuten eine Kirch zuverguͤnstigen waͤre. Jener wolte kein andere Richter leyden/ als die Keyserliche Hoff- raͤht: Dieser aber entweder die Bischoͤffe/ oder das gantze Volck in der Kirche. Vnd beruffte sich auff
Valentiniani
deß Ersten Außspruch/ der den Bischoffen vnd beneben andern/ vber die Bi- schoffe zuvrtheilen Macht gegeben. Vnd hatte vmb so viel dessen groͤssere Vrsach/ weil Juden/ Heyden/ Arrianer vnnd Rechtglau- bige im Hoffraht sassen/ die alle den Mantel nach dem guten Wind henckten/ oder doch mit dem grossen Hauffen in dem Sturm sich liessen/ ohne Auffenthalt/ hinreissen.
Weil nun
Ambrosius
der allererste auß der Clerisey/ der deß Keysers Gewalt vnd Befehl abgelehnt/ gewesen; darauff dann mit der Zeit erfolget/ daß die Keyser alle Bottmaͤssigkeit vber die Geist- lichen fahren lassen/ setzen wir Ambrosij Entschuldigungsschreiben an den damaligen Keyser billig anhero:
Dem Allergnaͤdigsten Keyser/ vnd allerseligsten Mehrer deß Reichs/ entbiet Ambrosius der Bischoff/ alle Wolfahrt.
Dal- matius,
Oberster vnd
Notarius,
ist auff Ewer Gnaden Befehl (wie er vorgeben) zu mir kommen/ vnd hat begehrt/ ich solte auch Rich- ter kiesen/ wie
Auxentius (Mercurinus)
gethan haͤtte: Sagte mir aber nicht/ derselbigen Namen/ so hierzu erfordert waͤren. Doch
thaͤt
ET RESTAVR. DISCVRS. IV.
thaͤt er diß hinzu/ der Zanck solte in der Hoff-Eantzley/ vnd zwar nach Belieben vnd Entscheid Ewer Gottseligkeit vorgehen. Hier- auff antworte ich (wie ich meyne) bescheidentlich: Soll mich auch niemand deßwegen vor halßstarrig achten/ weil ich das jenige be- haupte/ was nicht nur Ewer Vatter hochloͤblichen Andenckens/ mit Sprachen geantwortet/ sondern auch mit Gesatzen bestaͤttiget hat: Naͤmlich/ es solte in Glaubenssachen/ oder/ was die Clerisey betreffe/ der jenige vrtheilen/ der weder am Ampt geringer/ noch am Recht vngleich waͤre (dann also lauten die Wort der Keyserlichen Erk aͤrung) das ist/ es solten Priester von Priesternvrtheilen. Vnd im Fall auch sonsten ein Bischoff beschuldiget wuͤrde/ vnd es vber sein Thun vnd Lassen gienge; war sein Will/ daß auch solches al- lein vor das Bischoffliche Gericht kaͤme. Wer hat dann nun Ew. Gnad halßstarriger Weise geantwortet? Der jenige/ so ein Ver- langen hat/ daß jhr ewrem Vatter gleich seyet; oder der ander/ der euch jhm wil vngleich haben? Es waͤre dann Sach/ daß eines so grossen Keysers Außspruch/ einem oder dem andern/ geringachtig vorkaͤme/ da doch sein Glaub durch bestaͤndige Bekantnuͤß bey Je- dermaͤnniglich erwiesen ist/ vnd seine Klugheit bey dem Nutzen deß verbesserten gemeinen Wesens noch jmmer gebessert wird.
Wann habt jhr/ Allergnaͤdigster Keyser/ vernommen/ daß je- mals in Glaubenssachen/ die Layen vber einen Bischoff gevrthei- let haben? Buͤcken wir vns dann durch einige Liebkosung/ daß wir deß Priesterrechts vergessen; vnd daß ich/ was mir Gott auß Gna- den verliehen/ eben dasselbe andern wolte vertrawen? Vnd wann ein Bischoff von einem Layen soll Vnterricht nehmen/ was wird erfolgen? Naͤmlich/ der Lay wird zancken/ vnd der Bischoff zuhoͤ- ren; demnach der Bischoff von dem Layen lernen. Vnd gewiß/ wann wir die Goͤttliche Schrifft von End zu End/ oder auch die alte Zeiten durchgehen/ wer wird in Abred seyn/ daß in Glaubens- sachen/ sprich ich in Glaubenssachen: Die Bischoͤffe pflegten von den Christlichen Keysern/ vnd nicht die Keyser von den Bischoffen zuvrtheilen? Jhr werd durch Gottes Gnad/ noch an Jahren zu-
C iij
neh-
GERMANIÆ PERTVRBATÆ
nehmen/ vnd alsdann hievon erachten/ was das vor ein Bischoff sey/ der den Layen das Bischoffliche Recht vnterwirfft. Ewer Vatter/ als er durch GOttes Gnad/ zu mehr verstaͤndigem Alter kommen/ sagte: Es gebühret mir nicht/ zwischen den Bischoffen zuvrtheilen: Vnd ewer Gnad sagt jetzunder: Jch soll vrtheilen. Vnd er/ der in Christo den Tauff empfangen/ achtet sich zu einem so wichtigen Gericht vnfaͤhig. Aber ewer Gnad/ deren die Sacra- menten der Tauff/ auff Wolhalten/ verschoben werden/ nimbt jhr selbst das Vrtheil vom Glauben/ da sie doch deß Glaubens Sacramenten nicht verstehen.
Was nun Gegentheil vor Richter erwehlet hab/ koͤnnen wir zuerachten stellen/ weil er sich schewet/ jhre Namen außzuspre- chen. Sie moͤgen kommen/ wer sie sind/ in die Kirche/ vnnd mit dem Volck anhoͤren: Nicht daß jemand/ als ein Richter nidersitze/ sondern damit ein jeder/ wegen seiner Zuneigung/ eine Pruͤffung habe/ vnd erwehle/ wem er folgen wolle. Es ist vmb dieser Kirchen Priester zuthun: Hoͤret jhn nun das Volck/ vnd vermeynet zu- zancken/ mag es seinem Glauben folgen; das mich zu keiner Miß- gunst sol bewegen.
Jch melde jetzt nicht/ daß das Volck bereit gevrtheilet hat; ich geschweige/ daß es den jenigen hat/ welchen es von ewer Gnaden Vatter begehret. Jch verschweige/ daß ewerer Andacht Vatter/ gute Ruhe auff das Zukuͤnfftige versprochen/ wann einer oder der ander/ durch Wahl zum Priesterthumb gelangete: Auff dieses Wort vnd Versprechen bin ich gangen. Vnd wann Gegenpart sich wegen etlicher Frembdlingen Liebkoserey viel berühmet/ mag er an jenem Ort/ Bischoff seyn/ da dieselbe sich her schreiben/ die jhn eines Bischoffs Namen wuͤrdig achten: Dann ich erkenne jhn vor keinen Bischoff/ weiß auch nicht von wannen er sey.
Nach dem wir nun eben dieses/ O Keyser/ bestaͤttiget/ welches jhr bereit vor ewer Vrtheil außgesprochen/ so habt jhr doch auch Gesetz gemacht/ daß einem frey stehen solte/ etwas anders zuvrthei- len. Vnd weil jhr solches andern vorgeschrieben/ gilt es euch auch.
Dann
ET RESTAVR. DISCVRS. IV.
Dann ein Keyser macht Gesetz vnd Ordnung/ die er vor allen an- der halte. Wolt jhr mir dann gestatten/ daß ichs versuche/ ob nicht die jenige selbst anfangen/ die man zu Richtern erwehlet/ entweder wider ewern Außspruch lauffen/ oder doch ohnfehlbar/ sich entschul- digen/ wann sie deß Keysers so strengem/ vnd so gemessenem Man- dat/ nicht haben koͤnnen begegnen? Aber dieses kaͤme von einem Halßstarrigen/ vnnd nicht von einem bescheidenen Priester. Se- het/ O Keyser/ wie jhr ewer eygen Gesetz bereit zum theil auffhebet; vnd were zuwuͤndschen/ daß es nur zum theil/ vnd nicht vber gantz geschehe. Dann ich wolte ewer Gesetz/ nicht gern vber das Ge- setz GOttes setzen. Nun hat vns Gottes Gesetz gelehret/ woran wir vns halten sollen/ welches Menschliche Gesetz nicht koͤnnen thun; weil sie bey den Forchtsamen eine Verenderung zuerzwingen pflegen/ den Glauben aber nicht koͤnnen einblasen. Wer wird dann nun der jenige seyn/ der/ wann er solte lesen/ daß in allen Lan- den/ auff eine Stund befohlen worden/ man muͤsse mit dem Schwerd/ alle/ die dem Keyser begegnen/ richten; alle die/ so den Tempel Gottes nicht vbergeben/ toͤdten: Vnd wer ist dann/ sage ich/ der allein doͤrffte auch wol vnter wenig Personen/ zu dem Key- ser sprechen: Ewer Gesetz gefaͤllet mir nicht? Den Priestern solle dieses Zusagen nicht gestattet seyn/ vnd den Layen gelten? Vnd der jenige soll von dem Glauben vrtheilen/ der entweder einige Gnad erwartet/ oder einige Vngnad foͤrchtet? Vber diß/ sol ich/ noch mich/ so weit vergreiffen/ vnnd vnter den Layen Richter nehmen/ die/ wann sie deß Glaubens Warheit behalten/ entweder in die Acht fallen/ oder gar deß Tods werden/ welches das außgelauffene Ge- setz von dem Glauben mit sich bringet? So sol ich dann ehrliche Leut/ entweder zum Falsch/ oder zur Straaff darstellen?
Es ist nicht so gar viel an
Ambrosio
gelegen/ daß er vmb sei- ner selbst willen das Priesterthumb gedachte hinzuschlaͤudern: Ei- nes einigen Menschen Leben ist nicht so hoch/ als aller Priester Wuͤrde/ auß deren Beyrahten ich dieses in die Feder lassen kom̃en; welche dann mit mehrerm erinnerten/ daß nicht auch etwan ein
Heyd/
GERMANIÆ PERTVRBATÆ
Heyd/ oder ein Jud/ vom
Auxentio
erwehlet wer; denen wir den Triumph vber Christum in die Haͤnde steckten/ wann wir jhnen vber Christum zuvrtheilen gestatten solten. Vnd was haben solche vor bessere Kurtzweil/ als wañ sie Christum hoͤren schmaͤhen? Was kan jhn besser gefallen/ als wann (das fern sey) Christi Gottheit wird verlaͤugnet? Vnd hierinn sind sie mit den Arrianern/ die Christum ein Geschoͤpff nennen/ durchauß eins/ wie solches Hey- den vnd Juden ohn einiges Bedencken/ bekennen. Dieses wurd im
Concilio
zu Arimin geschrieben/ vnd hab billig darob ein Grawen/ weil ich dem Nicenischen anhange/ darvon mich weder Tod noch Schwerd scheiden soll: Welchen Glauben auch Ewer Gnaden allerseligster Vatter/
Theodosius,
beydes behaͤlt vnnd billiget: Welchen Glauben die Laͤnder Gallien vnd Spanien treiben/ vnd mit eyfferiger Bekantnuß deß Geistes Gottes/ bewahren.
Wann man handeln soll/ hab ich gelernet solches in der Kirch zuthun; vnd zwar nach meiner Vorfahren Gebrauch. Sol man dann wegen deß Vnglaubens Vnterredung pflegen; so gebuͤhret solches den Priestern/ wie vnter Constantino hochloͤblichsten An- denckens/ geschehen/ der kein Gesetz vorher lassen außgehen/ son- dern den Priestern das freye Vrtheil goͤnnet. Auch ist solches vnter
Constantio
dem Keyser/ hochloͤblichsten Andenckens/ dem Erben der Vaͤtterlichen Wuͤrde/ geschehen; ob es schon was wol angefangen/ anderst außgeschlagen. Dann die Bischoͤffe hat- ten anfaͤnglich den uͤnverfaͤlschten Glauben geschrieben; da aber et- liche vom Glauben wolten in dem Keyserlichen Pallast vrtheilen/ haben sie es dahin gebracht/ daß dieselbige Bischoͤffe jhr Vrtheil durch Maßgebung geendert; die aber doch alsobald jhre verdrehete Meynung widerruffen.
Wie es dann gewiß ist/ daß der groͤssere Hauff bey der Ver- samlung zu Arimin den Nicenischen Glauben gebilliget/ vnnd die Arrianische Satzungen verdampt hat. Berufft sich nun
Au- xentius (Mercurinus)
auff eine grosse Zusammenkunfft der Geist- lichen/ damit er/ wegen deß Glaubens zancke/ ob es schon nicht noͤh-
tig/
ET RESTAVR. DISCVRS. IV.
tig/ daß vmb eines einigen Mannes willen so viel Bischoffe bemuͤ- het werden; da doch auch sein Engel vom Himmel dem Friede der Kirchen nicht vorzuziehen ist; so soll es an mir nichts ermangelen/ wann ich nur hoͤren werde/ daß man zusammen komme. Hebet demnach das Gesetz auff/ wann jhr wolt/ daß man streite. Jch waͤ- re/ O Keyser/ selbst vor das Hoffgericht ewrer Gnade kommen/ dieses obige muͤndlich vorzutragen/ wann es mir/ entweder die Bi- schoffe/ oder das Volck/ haͤtten verstattet; mit dem Vorwand/ man solle wegen deß Glaubens in der Kirchen/ vor dem gantzen Volck handeln. Vnd moͤchte ich wuͤndschen/ O Keyser/ daß jhr mir nicht haͤttet ankuͤndigen lassen/ wo ich nur wolte/ hinzugehen. Dann biß dahin gieng ich taͤglich auff die Gassen/ daß kein Mensch auff mich ein Auge geworffen: Darumb haͤttet jhr mich/ wohin jhr nur gewolt/ versenden sollen/ als ich mich selbst Jedermaͤnniglich dargebotten. Aber jetzt muß ich von den Priestern hoͤren: Es sey ein geringer Vnterscheid/ ob ich mit Willen den Altar Christi ver- lasse vnd vbergebe; dann/ wann du/ sagen sie/ jhn verlaͤst/ wirstu jhn vbergeben. Vnd wuͤndsche nur zuwissen/ ob den Arrianern die Kirch gar nicht soleingeraͤumbt werden; so wolte ich mich bey ew- rer Andacht Wolgefallen/ selbst einstellen. Wann aber ich allein widerspreche/ warumb ergreifft das Gebott alle andere Kirchen? Ach/ daß die gewisse Post kaͤme/ daß kein Mensch den Kirchen Leyd anlegte; vnd wuͤndsche/ daß wegen meiner Person/ ein Außspruch falle/ wie es wird rahtsam scheinen. Wollet derowegen/ O Key- ser/ im besten vermercken/ daß ich zu dem Hoffraht nicht koͤnnen kommen. Hab sonsten vor dem Hoffraht nicht anderst stehen vnd erscheinen gelernet/ als zu ewrem besten: So kan ich auch jnner- halb deß Pallastes/ nicht streiten/ weil ich die Hoffbossen weder su- che/ noch verstehe. Jch
Ambrosius,
Bischoff/ hab diese Schrifft dem allergnaͤdigsten Keyser/ vnnd allerseligsten Vermehrer deß Reichs/
Valentiniano
vberreychen lassen.
Hiemit hat es zwar
Ambrosius
weit gebracht/ vnd gleichsam den ersten Stein zu deß Papsts Hohheit gelegt; aber die Hoffraͤhte
D
hiel-
GERMANIÆ PERTVRBATÆ
hielten solch Beginnen dem gemeinen Wesen schaͤdlich/ vnnd der hoͤchsten Obrigkeit verdaͤchtig/ darumb gieng bald solch Gespraͤch: Soll dann der Keyser nicht Macht haben/ ein einige Kirch vor sich zunehmen? Wil dann
Ambrosius
mehr seyn/ als der Keyser/ daß er dem Keyser auch den Gang versage?
Constantinus Magnus
haͤtte wol/ wegen solcher Hartnaͤckigkeit/
Athanasium
auß dem Land verwiesen;
Constantius
haͤtte ohne Einred/ sich der Kirchen angemaßt/ vnd
Liberium
den Papst/ zu Chor gebracht;
Iulianus
haͤtte niemand gehaßt/ als wer nur ein einige Religion dulten wol- len;
Valens
haͤtte die Arrianer zum hoͤchsten gepflantzet;
Valenti- nianus
haͤtte ja selbst den alten
Auxentium
an diesem Ort geschuͤ- tzet/ vnd dieselben allein/ vnd von niemand anderst wollen vervrthei- len lassen: Aber
Ambrosius
kehre alles vmb.
Symmachus
Key- serlicher Statthalter zu Rom/ der annoch im Heydenthumb sta- cke/ sahe vngern/ daß
Ambrosius
seinen Zweck erreicht/ vnd die Ar- rianer deß jhren verfehlet. Aber Justina/ die Keyserin/ haͤtte deßwe- gen auß der Haut sollen springen/ vnd trug groͤssere Sorg vor das Regiment/ dann vor die Religion. Wann ein so beredter Priester/ das Volck dem einen ab/ dem andern zu wenden wolte. Vnd wann die Arrianer/ nach
Ambrosii
Meinung/ nicht werd wehren/ einige Kirch zuhaben; solte man auch bald sprechen: Sie waͤren nicht werth/ daß sie das Keyserthumb verwalten; die Rechtglaͤubige koͤn- ten jhnen mit gutem Gewissen nicht vnterthaͤnig seyn. Aber
Am- brosius
hatte sich darein ergeben/ vnd gedachte die Religion/ sampt derselben Dienern/ die so manchen Anstoß/ biß dahin/ erlitten/ in Sicherheit zubringen: Ein klug vnd behertzt Mann/ der doͤrffen vnter fangen/ was so viel Paͤpste vnter den letzten Keysern sich ge- schewet zusuchen. Justina wuste der Sachen nicht zuhelffen/ be- stellet einen Kriegsobristen vmb viel Gelt/ der
Ambrosium
heim lich solte aufffangen/ vnd in ferne einsame Land entfuͤhren: Wel- ches aber nicht angangen.
Jm folgenden Jahr begehrten die Arrianer eine Kirch vor der Statt/
Portiana
genant; bald die Newe Kirch/ jnnerhalb der-
Ring-
ET RESTAVR. DISCVRS. IV.
Ringmawren. Vnd weil das Volck dem
Commissario
wider- sprochen/ ward nichts darauß. Doch zoge
Ambrosius
in den Predigten an: Wann Naboth sein Vaͤtterliches Erb nicht haͤtte begeben wollen/ auch den Tod daruͤber gelitten/ wuͤrde jhm/ als ei- nem Priester/ weniger geziemen/ eine Kirche Gottes zuvbergeben. Man soll dem Keyser geben/ was deß Keysers ist/ vnd GOtt/ was Gottes sey.
Als auch Zeitungen lieffen/ es waͤren gewisse Leut außge- sand/ vnd befelcht/ jhn zutoͤdten/ erzeigt er sich so vnerschrocken/ daß das gantze Volck alle Forcht abgelegt/ vnd gleiche Standhafftig- keit mit jhme angezogen. Dann/ als die Gothische Kriegsknecht wider jhn solten kommen/ vnnd Gewalt vben/ haben Mann vnd Weib/ vnter andern auch
Augustini
Mutter/ sampt jhrer Magd/ jhn in der Kichen verwacht/ vnd jmmer zu Psalmen gesungen/ gele- sen/ vnd gebeten/ welches biß dahin/ noch nicht an diesem Ort ge- braͤuchlich war gewesen. Ein Blinder sucht hinauß zukommen/ vnd oͤffnete ein abwegiges Thor an der Kirchen; vnd weil man des- selben nicht geachtet/ die andern sieben aber fleissiger verriegelt/ hielt mans schier vor ein Wunder/ daß die Gothen den offenen Eingang nicht wahrgenommen.
Ambrosius aber nahm das Exempel Christi/ vnd bewiese/ sei- ne Zeit zu leyden were noch nicht kommen. Vnd als man etliche Gefaͤß im Namen deß Keysers/ auß der Kirchen forderte/ sprach er/ von seinem Eygenthumb wolle er nichts versagen/ dieses aber/ haͤtte er in Verwahrung auffgenommen/ auch were es dem Keyser nicht zurahten/ solche Sachen anzugreiffen/ noch einem Priester zu- thun/ daß er sie vbergebe. Der Keyser moͤchte die Kirchenaͤcker einziehen/ vnnd Schatzung fordern/ das wolte er dulten; aber den Gottesdienst ließ er nicht schmaͤhlern. Wie nun jederman mit Verwunderung gesehen/ daß er nichts nicht achtete/ als die Ehre GOTtes/ verkleinerten jhn die Arrianer/ erkauffte deß Volcks Gunst mit Gelt: Darauff erwiese er/ daß er niemand nichts an- derst außtheilete/ als den Nottuͤrfftigen die gestewerte Allmosen.
D ij
End-
GERMANIÆ PERTVRBATÆ
Endlich/ muste es zur Gewalt kommen/ weil Justina nicht nachliesse: Die Keyserische Kirchen diener schlugen die Teppich auff/ an der Kirch
Pontiana,
wie braͤuchlich/ wo der Keyser dem Gottesdienst beywohnen wil. Man sahe die Kriegsknecht mit jhrer Gewehr/ die Kauffleut wurden in die Eisen geschlossen/ etli- che andere jaͤmmerlich geschlagen/ vnd stunde ein Blutbad bevor. Doch hielte Ambrosius vest gegen den Abgeordneten. Jch be- sorgete/ der Haß deß vergossenen Bluts/ sagt er selbst/ wuͤrde auff mich fallen/ darumb hielt ich meinen Halß dar. Die Gothische Obersten stunden fuͤr mir; die fiel ich an/ mit diesen Worten: Hat euch der Roͤmische Boden zu dem End auffgenommen/ daß jhr die gemeine Vnruh solt helffen vermehren? Wo wolt jhr weiter hin/ wann jhr diß alles vernichtet? Man begehrt instaͤndig an mich/ ich solte das Volck stillen. Jch antwortet: Jn meiner Ge- walt stuͤnde/ daß ich es nicht erregte; aber in Gottes Hand/ daß es Fried hielte. Vnd da sie mich ja fuͤr den Meuthmacher hielten/ musten sie alles an mir raͤchen/ oder mich in diese oder jene Einoͤde hinfuͤhren. Darauff giengen sie darvon/ vnnd ich blieb in der alten Kirche den gantzen Tag vber.
Als Ambrosius aber Abends nach Hauß gangen/ damit er sich desto gewisser koͤnte greiffen lassen/ kamen Morgends vor Tag die Kriegsknecht/ vnd vmbstelleten die Kirch: Darumb gieng Am- brosius in die andere Newe/ vnd zog alles Volck nach sich. Der Tumult gieng an/ vnd musten die Kriegsknecht selbst sagen: Sie weren nicht da/ Gewalt anzulegen/ tratten auch auff Ambrosij Seiten/ vnd beschuͤtzten jhn/ mit dem Begehren an den Keyser: Er solte zu den Rechtglaubigen tretten/ so wuͤrde alles gut seyn: Also/ daß Ambrosius nur desto gehertzter worden/ so fern/ daß er
Calligo- no,
dem Obersten Caͤmmerling/ der zu jhm/ im Namen deß Key- sers/ sagte: Soltestu bey meinem Leben
Valentinianum
verach- ten: Jch reiß dir den Halß ab: Geantwortet/ Gott gestatte/ daß du dein Drohen ins Werck richtest; so werde ich leyden/ als ein Bi- schoff/ vnd du wirst thun/ als ein Verschnittener. Also begegnete er allen/ die an jhn sich machten.
Da
ET RESTAVR. DISCVRS. IV.
Da nun der Keyser vernahm/ er muͤste vnter Zweyen eins thun/ entweder Ambrosium hinrichten/ oder demselbigen weichen/ ward er gantz bestuͤrtzt. Die Graffen meyneten/ vnd zwar auff Be- gehren der Kriegsleut/ der Keyser solte sich mit Gnaden sehen las- sen/ vnd in die Kirche kommen/ vnd solches so hefftig/ daß der Key- ser in diese Wort außgebrochen; wann es euch Ambrosius solte befehlen/ wuͤrdet jhr mich dann binden/ vnd jhm vberlieffern? Jn dem es an Ohrenblaͤsern nicht mangelte/ Ob dann der Keyser nach eines jeden hartnaͤckischen Priesters Meinung/ seine Religion lencken solte? Aber die Kinder vnd Jungen zerrissen die auffgespan- nete Teppiche/ vnd trieben viel Hohns/ da inmittels gar wenig Ar- rianer herfuͤr krochen: Darumb ließ der Keyser vmb etwas nach/ nicht
Ambrosio
zu Gefallen/ sondern den Auffstand zuverhuͤten/ vnd befahl die Kriegsknecht von der Kirchen abzufuͤhren/ den Kraͤ- mern vnd Kauffleuten die Bande abzunehmen/ vnd das Entwen- dete zuerstatten: Bevorab/ weil
Maximus,
da an
Ambrosio
Ge- walt geschehe/ ein sonderliches Wehlwort dannenher zu einem new- en Krieg nehmen/ vnd den groͤssern Hauffen/ so
Ambrosio
anhien- ge/ mit solchem Vorwand an sich bringen moͤchte. Die Freud war bey dem Volck vnaußsprechlich/ vnd wuste jederman von
Am- brosio
zusagen/ daß er den Keyser/ mit seiner gantzen Macht/ pur
durch seine Wolredenhelt/ Eyffer vnd keckem Muht/ ohne Vergiessung einiges Tropffen Bluts/ hindertrieben haͤtte.
D iij
Der
GERMANIÆ PERTVRBATÆ
Der fuͤnffte Discurß.
Wie
Ambrosius
bey
Maximo
in grossem Ansehen/ vnd
Theo- dosium
gleichsam gezwungen/ die Kirchenhaͤndel der Clerisey zuvber geben. Was vor Gezaͤnck vber der zeitlichen Gluͤckseligkeit entstanden: Vnd was darauß vor Zeugnuͤß der Froͤmmigkeit/ oder der guten Religion zuziehen sey?
A
Mbrosius war zum ersten mal/ als ein Abgesandter/ bey
Maximo
gewesen/ vnd hatte vmb
Gratiani
Coͤrper geworben/ den er auch erlanget/ vnd vber diß noch so viel zuwegen gebracht/ daß
Maximus
dazumal nicht vber das Gebuͤrg wider
Valentinianum
gezogen. Letztlich/ thut er die Reyß zum andern mal; ward aber nicht so gar gnaͤdig empfangen/ doch mit allem freundlichen Erbieten/ zuruͤck/ vnd zwar neben Mi- litarischer Beglaitung/ so die Clausen im Gebuͤrg vnvermerckt/ be- setzen solten/ gelassen. Deme folget
Maximus
in aller Still vnd Eyl/ gleichsam auff dem Fuß/ mit einer grossen Macht/ in Mey- nung/ jhn/ den Juͤngern
Valentinianum
zuvberziehen/ vnd nach seinem Bruder
Gratiano
zuschreiben. Aber er entwischt mit Muͤ- he/ vnd kam zu
Theodosio,
der eben mit der Antiochischen Vnruh beladen war.
Theodosius
ruͤstet sich ohn groß Getuͤmmel/ macht inmittels vnderschiedene Gesetz/ wegen deß Kirchenwesens/ schaff- te ab das vnzeitige Gezaͤnck/ wie auch der Arrianer offentlich
Exer- citium,
weil
Maximus
vmb jhrent willen verhaßt worden/ vber- wand
Maximum,
erlegt desselben Bruder
Marcellinum,
wie auch dessen Sohn
Victorem;
vnd setzte
Valentinianum
wider ein. Der- selbe hielt den Obersten Arbogast auß Francken sehr hoch/ das jhn endlich das Leben gekostet; weil die Heydnische Reichs Vntertha- nen/ nach
Maximi
Fall/ jhre Hoffnung auff diesen gesetzt hatten. Ambrosius wurd Bischoff zu Aquilegien/ in dem
Theodosius
zu Meyland verharret; vnd befahl/ auß der Juden Schul/ vnd der
Valen-
ET RESTAVR. DISCVRS. V.
Valentinianischen Ketzer Kirchen/ so die Moͤnche/ ein Bischoff/ vnd andere/ auß Verbitterung vnd Rach/ durch Brand verderbet/ solche auff der Verbrecher Kosten wider zubawen/ widersetzt sich Ambrosius schrifftlich/ vnd begehrte hingegen Schutz/ wider das lose Gesindlein: Entschuldigte auch seines Anhangs vnziemli- ches Verfahren/ so gut er vermochte. Aber
Theodosius
sahe wol/ daß dergleichen Verwuͤrckungen den Landfrieden zerstoͤreten/ vnd zu grossem Auffstand Vrsach geben. Darumb ließ er die Thaͤ- ter allerseits einziehen; wolte auch Ambrosium/ wegen Beschoͤn- vnd Entledigung der Rechtglaubigen/ nicht hoͤren/ wie ernstlich es auch damit hergienge. Endlich braucht Ambrosius seinen alten Ernst/ vnd sagt zu
Theodosio:
Er solte etliche Bischoffe beschrei- ben/ vnd vber den Handel/ sintemal er jhm nicht trawe/ wie weit er vnverletzt deß Glaubens gehen koͤnte/ vrtheilen lassen/ wann jhr/ sprach er/ in Geltsachen ewrer Graffen Gutachten erfordert/ so ist es ja billich/ daß jhr in Religions sachen euch mit den Priestern deß
Her
ren berahtet. Vnd da
Theodosius
mehr auff das Regi- ment/ als auff solche Erinnerung sahe/ weil er durch der Francken vnd Sachsen/ als Heydnischer Voͤlcker Mannheit hatte vber- wunden. Vnd
Eugenius
in der Cantzley/ wie Arbogast zu Feld jhm trewe Dienste erzeigt/ auch in der That erfuhr/ daß
Maximus
wegen der Heydnischen Religion/ bey dem Volck mehr beliebt ge- wesen; spannet Ambrosius den Bogen hoͤher/ vnd sprach: Jch hab fuͤrwahr gethan/ was Chren halben hat geschehen koͤnnen/ daß jhr mich in ewrem Pallast eher angehoͤret/ als auff begebenden Noht- fall in der Kirchen. Vnd als das vorige Mandat noch nicht wol- te auffgehoben werden/ prediget er zu Meyland offentlich/ in An- wesenheit deß Keysers/ von der Sach/ vnnd hatte harte Wort mit dem Keyser nach geendeter Predigt: Doch wurde das Mandat zu- nichtet: Vnd war Ambrosij Begehren nicht eben Bittweiß ge- richtet/ oder anbracht; sondern in Manier eines Befelchs/ als haͤt- te er auß hoͤchstem Gewalt zusetzen vnd zuvberbieten.
Bald hernach kamen die Gesandten von Rom/ vnd begehr-
ten
GERMANIÆ PERTVRBATÆ
ten vmb Erlaubnuß/ den Altar
Victoriæ
im
Capitolio,
wie es
Ma- ximus
schon verwilliget hatte/ wider auff zurichten/ welches Am- brosius auch gehindert/ mit dem Vorgeben: Es waͤre nur etlicher Heyden/ vnd nicht deß gantzen Rahts daselbst Getrieb. Noch wi- dersetzt er sich dem Keyserlichen Mandat/ wegen einer Beylag/ die- selbe bey den Geistlichen zuerholen; ob schon etliche Beampten deß- wegen zu jhm abgefertigt waren; also daß der Keyser auch hierinn nachgeben muͤssen. Was sonsten wegen der Auffruhr/ vnnd Ab- straffung der Buͤrger zu Thessalonich belanget/ wie Ambrosius vor die scharpffe Execution gebetten; die Graffen aber keine Maß gehalten/ daruͤber der Keyser von der Kirchen abgewiesen/ vnd gantz langsam/ naͤmlich/ zu Ostern/ vber acht Monat nach dem Ge- brauch/ vnnd nicht zu Weyhenachten/ wie er begehrte/ in die Ge- meinschafft wider auffgenommen worden/ ist vnter die Kirchen- haͤndel eygentlich zurechnen/ vnnd hat ein Weitlaͤufftigkeit geben. Darumb allein dieses abzunehmen/ daß kein Mensch sich Ambro- sio mehr doͤrffen widersetzen/ weil er nicht nur die zween junge Key- ser/
Gratianum,
vnd
Valentinianum,
sonderlich auch den alten
Theodosium
vbermeistern koͤnnen: Auch bey den Francken so grossen Namen erlangt/ daß sie den Arbogast/ den sie von sich zu den Roͤmern vertrieben/ als er mit jhnen wider die Roͤmer tractierte/ ge- fragt: Ob sie Ambrosium kenne? Vnd als er sich desselben guter Kundschafft geruͤhmt/ gesprochen: Dieser Wundermann fuͤhret alles hinauß/ was er jhm fuͤrnimbt. Wann er der Sonn wolte be- fehlen/ muͤste sie stehen/ vnd jhren Lauff innhalten. Vnd von die- sem an verfuhren die Bischoffe je laͤnger je strenger gegen die Wi- derspenstige mit der Excommunication. Vnd als
Theodosius
ein Mandat liesse außgehen/ daß die armen Pflegerinnen/ den Geistlichen nichts vermachen solten/ machte Ambrosius/ daß er solches alsobald wider auffgehoben. Wie er nun ein ernsthaffter Mann war/ also bracht er
Theodosium
dahin/ daß er gleichsam wider seinen Willen/ nur eine Religion/ naͤmlich/ die Rechtglaubi- ge/ so man die Catholische/ das ist/ Allgemeine nennet/ offentlich
ver-
ET RESTAVR. DISCVRS. V.
verstattet/ vnnd also Heyden vnd Arrianer außgeschlossen. Die- weil aber es vnmuͤglich war/ daß so viel hohe vnnd weise Leut/ als
Symmachus, Themistius
vnnd jhres gleichen sehr viel/ den Chri- sten Glauben durch Zwang annehmen/ vnd den jhren verschweren/ ja vergessen/ vnd nicht viel mehr Auffruhr vnd Kriege fuͤrnehmen solten; ward jhnen der Privat-Goͤtzendienst in jhren Haͤusern/ Gaͤrten/ Meyereyen/ vnd Schloͤssern vergünstiget. Aber
Am- brosius
konte solches in die Laͤnge auch nicht dulden/ vnd lag
Theo- dosio
so lang in den Ohren/ biß er durch ein scharpff Mandat auch den Privat-Goͤtzendienst bey hoher Straff verbotten.
Die Heyden haͤtten gern ein Keyser auß jhrem Mittel gehabt/ der jhre Religion wider erheben koͤnte; vnd verreitzten manchen ehr- suͤchtigen Kopff/ sich deß Regiments zu vnterfangen: Aber
Maxi- mus
vnd
Eugenius
lagen vnten wider
Theodosium;
so foͤrchtet
Symmachus,
Reichs Bürgermeister/ vnd Keyserlicher Verwal- ter zu Rom/ wie auch Arbogast ein Franck/ Keyserlicher Feldobri- ster/ jhrer Haut/ vnnd befanden den Last vor jhre Schultern/ zu schwaͤr. Dieweil sie nun ins gemein sahen/ daß die Arrianer ein sehr grossen Anhang bekommen/ vnd schier die gantze Welt bethoͤ- ret/ nicht mit Macht (ob schon dieselbe ohnlaͤngst/ wegen
Athana- sii,
auch mit vntergelauffen) sondern nur mit Schulgezaͤnck vnnd Disputieren/ wann man den Leuten diesen oder jenen Wahn bey- bringt; fiengen sie an/ nach dem die Waffen jhnen nicht allerdings wollen zuschlagen/ ein gantz andere Art/ die Catholischen zubekrie- gen: Vnd gaben vor/ die Statt Rom were von einem sehr gerin- gen Vrsprung/ durch Huͤlff der Goͤtter/ weil solche nirgend eyffe- riger/ als daselbst verehret wurden/ auffgewachsen/ daß sie endlich das Haupt vber alle Koͤnigreich vnd Herꝛlichkeiten der Welt koͤn- nen erheben: Vnd wann sie nunmehr die newe/ vnnd von
Tiberii
Zeiten her bekante Religion der Christen solten annehmen/ wuͤrden sie alle jhre Wolfahrt verschertzen; zum wenigsten in das Spiel se- tzen/ vnd eines vngewissen Außgangs zugewarten haben/ da sie doch bey jhrem vorigen Thun so viel hundert/ ja vber tausend Jahr sich
E
so wol
GERMANIÆ PERTVRBATÆ
so wol befunden haͤtten. Zumal das Roͤmische Reich bey jnnerli- chen Zerruͤttungen/ so auß Enderung der Religion mehrentheils entstanden/ vnd bey friedlichem Einfall der frembden Voͤlcker/ die etwan auch den Christlichen Glauben angenommen/ an Herꝛlich- keit verblasset/ an Kraͤfften geschwaͤchet/ vnd an Hohheit jmmer gesuncken wer. Hielten auch gaͤntzlich darfuͤr/ der Christen Glaub vnd jhr Eiffer/ die Bilder der Heydnischen Goͤtzen zuvertilgen/ vnd die Goͤtzenhaͤuser nider zureissen/ aber an derselben staͤtte die Ge- daͤchtnuß der heiligen Aposteln zustifften/ braͤchte alles Vnheil vber das Roͤmische Reich/ vnd zoͤge nach sich/ alle Vnordnung im Re- giment/ ja der Keyser vnseliges Ende. Mit was vor Verbitte- rung vnd Eyffer man selbiger Zeit vber der Religion/ vber dersel- ben Werth vnnd Vnwerth/ Krafft vnd Zweck gestritten; wie die Christen von den Heyden/ vnnd widerumb diese von Christen ge- druckt/ verstossen/ verfolgt/ vnd außgetrieben; wie freventlich bey- derseits ab einem vnd anderm Zustand vnnd Fall/ ob Gluͤck vnd Vnglück gevrtheilet/ vnd wie bitter einer dem andern gezwagt vnd auffgegossen/ bezeugen die Geschichten von derselben Stund/ als das Christenthumb vnter der Banck herfuͤr gebrochen/ Ehr vnd Reichthumb vberkommen/ ja endlich die Cron vnd Hohheit/ deß Roͤmischen Reichs getragen/ darauß zeugen beyder Partheyen Schrifften/ die eben deßwegen mit sonderem Verstand zulesen/ weil die Partheilichkeiten allenthalben sehr starck herfuͤr leuchteten.
Wann nun die Bischoͤffe der Christen/ den Menschen von dem Jrꝛdischen suchten abzufuͤhren/ vnd jhn auff den Lohn droben im Himmel weiseten: Hingegen aber die Heyden auff das Ge- genwaͤrtige hielten/ erlangten diese ins Gemein Beyfall/ als die das Gewisse vor das Vngewisse nicht gedachten in die Schantz zu- schlagen. Vnd je mehr die Christen sich beflissen der zeitlichen Guͤter nicht zuachten/ desto mehr wurden sie/ als elende Leut/ von den Heyden verspottet/ weil sie etwan in Mangel vnd Notturfft schwebeten/ vnnd auff die zukünfftige Seligkeit jhre Rechnung machten: Mit dem Vorwand/ daß so viel Koͤnige vnd Fuͤrsten/
Edele
ET RESTAVR. DISCVRS. V.
Edele vnd Reichen in der gantzen Welt/ in allerhand Kuͤnsten vnd Wissenschaͤfften/ auch Regierungen herꝛlich vnd wolgelebt/ ob sie schon von dem Ewigen jhnen nichts traͤumen lassen.
Endlich/ wolten sie behaupten/ alle Wolfahrt kaͤme von jhren Goͤttern/ vnnd weil die Christen derselben Dienst vnd Verehrung auffhuͤben/ muͤste solche Rach erfolgen: Hingegen suchten die Christen auch Gegenwehr in den Geschichten/ also daß beyderseits die Historien auß solchem vnzeitigen Eyffer/ mit Vnwahrheiten/ Verleumbdungen/ Gedichten vnd Wundern/ der Wahrheit zu grossem Nacht heil/ vber zogen/ oder gefuͤttert worden. Dann mu- ste ein Fuͤncklein/ oder Schatten der Tugend/ an einem Christen lauter vnnd fein Gold seyn/ ja der Heyden hohe Thaten den Na- men der Tugend gantz verlieren/ vnd in den Abgrund der Heuche- ley versincken/ biß die frembde Voͤlcker das Roͤmische Reich vber- schwemmet/ vnd zerstuͤcket. Vnd kan solches vnschwaͤr abneh- men/ der
Orosium,
den Christen/ vnd
Zosimum
den Heyden in jh- ren Geschichtbuͤchern besehen wil/ wie naͤmlich/ sie beyde diesen Vorsatz haben/ vnd beweisen wollen/ es hange alles an der Reli- gion/ gut Gluͤck fliesse auß einem guten Gottesdienst/ welcher auch daran zuerkennen sey/ sich beyderseits auff die Erfahrung/ so nicht betriegen kan/ beziehend; da gleichwol es Anfangs bey den Christen geheissen/ der Mensch werde nur ein einiges Paradeiß haben/ wem es vbel-hieniden gehe/ werde es droben besser finden: Vnd hin- gegen folge ein ewige Pein auff gegenwaͤrtigen Wolstand. Vn- ter solchem Gezaͤnck wurde der Tugend gantz vergessen/ daß auch die beste Kriegsknecht/ Befelchhaber/ Verwalter vnd Regenten/ man bey den Außlaͤndischen muͤssen entlehnen/ vnd solchen Leuten Waffen vnd Regiment vertrawen.
Die Roͤmer fuͤhreten diesen Spruch/ jhre Voraͤltern haͤtten nicht durch Rencke/ nicht durch Staͤrcke/ sondern durch Gottse- ligkeit/ vnd durch die Religion alle Voͤlcker/ vnd alle Nationen vn- ter sich gebracht: Gleich wie die Christen vorschuͤtzten/ was GOtt zu Josua gesprochen: Sey nur getrost/ vnd sehr freudig/ daß du
E ij
hal-
GERMANIÆ PERTVRBATÆ
haltest/ vnd thust allerdings nach dem Gesetz/ das dir Mose mein Knecht/ gebotten hat? Weiche nicht darvon/ weder’ zur Rech- ten/ noch zur Lincken/ auff daß du weißlich handeln moͤgest/ in al- lem was du thun sollest: Vnd laß das Buch dieses Gesetzes/ nicht von deinem Munde kommen/ sondern/ betrachte es Tag vnnd Nacht/ auff daß du haltest/ vnnd thust allerdings nach dem/ das darinnen geschrieben stehet. Alsdann wird dir gelingen/ in allem/ was du thust/ vnd wirst weißlich handeln koͤnnen. Siehe/ Jch habe dir gebotten/ daß du getrost vnd freudig seyest; laß dir nicht grawen/ vnd entsetze dich nicht: Dann der HERR dein GOtt/ ist mit dir/ in allem/ das du thun wirst.
Endlich/ lieff der Schluß da hinauß: Es muͤste ja die Heyd- nische Religion besser seyn/ oder die Tugend ohne den Christen Glauben bestehen koͤnnen/ auch sey die zeitliche Gluͤckseligkeit nicht eben an die Religion gebunden/ weil viel den Goͤttern eben so ernst- lich/ als die Roͤmer gedienet haͤtten. So haͤtten weder Juden/ noch Heyden/ noch Christen/ die Gluͤckseligkeit noch nicht erlangt/ vnd muste demnach jhrer aller Gottesdienst verwerfflich seyn. Vnd wann die Heydnische Religion die beste/ haͤtte
Constantinus
vnd
Theodosius
jhre Gluͤckseligkeit von der Religion nicht zu Lehen empfangen/ so wenig/ als
Cyrus, Alexander Magnus,
vnd
Iulius Cæsar,
jhre Herꝛlichkeit von den Juden/ oder Christen/ zumal auch selbiger Zeit die Reichsstaͤnde/ entweder Heydnisch/ oder Ketzerisch waren/ vnd etwan ein Vnmensch/ der den Feldteuffeln wissentlich gedienet/ Scepter vnd Cron getragen.
Was nun die Tugend belanget/ vermeynten die Heyden ei- nen Vorzug zuerhalten/ weil jhre Tugend nach Gut/ Ehr/ Macht vnd grossem Namen strebete: Die Christen aber sich von derglei- chen Sachen enthielten/ weniger aber jhr Blut daran setzen wol- ten/ auch wol gar das vnnoͤhtige Kriegen verwarffen/ weil bey dem- selben niemand ohne eines andern Schaden/ kan groß werden/ vnd die rechte Weißheit vnd Tugend nirgend anderst/ als bey Christo gesetzt/ also daß auch
Lucretia
vnd
Attilius Regulus
weit gefehlt/
daß
ET RESTAVR. DISCVRS. V.
daß sie die gegenwaͤrtige Gluͤckseligkeit eygenthaͤtig verschwendet/ vnd von der Zukuͤnfftigen nicht vnterrichtet waren; also auch alle andere Heyden/ alles wegen eines nichtigen Ruhms gethan/ vnd auff Gottes Ehr gar nicht gesehen.
Also muste
Iulianus,
der doch ein sehr dapfferer vnnd kluger Keyser gewesen/ nur/ weil er den Christen nicht allen Muhtwillen zuließ/ sondern die Heydnische Religion/ zu welcher jhn sein Hoff- meister in der Jugend widerumb gezogen/ neben dem Christen- thumb geduldet haben wolte/ mit allen grewlichen Farben sich ab- mahlen lassen/ da er doch/ als ein kluger Regent/ alles dem Reich zum besten vorgenommen. Eben als wie
Theodosius
von
Zosi- mo,
vor ein Wolluͤstler vnd vntrewen Mann verschreyet worden/ den doch der Christen zugeschweigen/
Victor,
ein Heydnischer Scribent selbiger Zeit allen andern Keysern/ auch
Alexandro Ma- gno,
vnd
Trajano
selbst vorgesetzt; so fern/ daß man auch den ge- woͤhnllichen Wundsch/ den das Volck/ bey Croͤnung eines Roͤ- mischen Keysers/ mit heller Stimm zuruffen pfleget:
Gluͤck zu dem Keyser/ vnd langes Leben/ daß er
Trojanum,
den allerbesten vnnd froͤmbsten Keyser vbertreffen moͤge:
Hinfuͤro andern/ vnd solches Lob dem
Theodosio
geben/ gleichsam es mehr zuwuͤndschen/ als zuhoffen/ daß ein Roͤmischer Keyser vor sich selbst mehr froͤmmer vnd besser/ vnd vor das Reich mehr nuͤtzli- cher/ als
Theodosius
seyn koͤnte.
Die Arrianer fuͤhreten eben solche Streit/ vnd tadelten das rechte Christenthumb/ wann ein Keyser/ oder seine Beampten/ auch etwan ein Geistlicher mit einem Fehler vbereylet/ oder sonsten mit Vngluͤck beladen ward: Aber es wurd jhnen mit gleicher Maaß ge- messen/ vnd von
Arii
gehlingen vnnd abschrecklichen Tod/ auff ei- nem heimlichen Gemach; von deß Keysers
Valentis
Niderlag/ vnd schrecklichem Ende/ in einem Meyerhoff/ da er vnerkannt von den Gohten im Fewer ersticken/ vnd verbrennen muͤssen/ also bald einge- schencket.
E iij
Wel-
GERMANIÆ PERTVRBATÆ
Welche nun also vnnd gehoͤrter massen schliessen/ die folgen dem alten Gedicht der Heyden/ so da auß dem Gesetz der Natur, daß GOtt die Suͤnden der Menschen straffen wuͤrde/ wol erlernet; es gaͤntzlich dafuͤr hielten/ daß eine Jungfraw/ genannt
Dike,
das ist/ rechtmaͤssige vnd vnverfaͤlschte Rach/ von dem hoͤchsten Gott
Iove
gebohren/ bey/ vnnd neben jhm sitze/ die straffe alle Vbelthaten der Menschen/ so bald sie dieselben begangen/ mit Erust vnd Gerech- tigkeit/ ohn Ansehen der Person/ oder einiger Geschenck/ zufordern. Vnd wann schon
Iupiter
nicht also bald mit dem Donner darein schlage/ schreib er doch in ein groß Pergamentbuch/
Diphthera
ge- nannt/ auß dem Fell der jenigen Geiß/ daran er/ als ein Saͤugling/ gesogen/ vnd deren abgestossenes Horn er zu vnabgaͤnglicher Fuͤlle aller Fruͤchten gesegnet/ alles was vorgehe: Seine gemelte Toch- ter mahnete jhn auch offt/ dasselbige zuvbersehen/ welches etwan geschicht: Vnd wann das Register zu groß/ das ist/ das Maaß der Suͤnden voll sey/ straffe Er dann/ aber je langsamer/ je schwerer/ also daß kein Vbelthat noch Verbrechen vngestrafft bleibe/ es ge- schehe gleich vber kurtz/ oder vber lang/ wie
Hesiodus, Aristoteles
vnd
Ammianus Marcellinus
davon melden.
Vnd findet sich in dem Buͤchlein Job ein gleicher Schluß/ da Eliphas meinet/ GOtt straffe nicht ohne Vrsach/ der der wi- derspenstigen Engel nicht verschonet/ also auch den Job/ wie die Al- bern vnd Thoren zuͤchtige/ vnd der angebornen Suͤndenwurtzel nicht vergesse. Doch klagt
Cicero
hieruͤber/ mit diesen Wor- ten: Wiewol wir gemeiniglich im Gebrauch haben/ daß wir die Rahtschlaͤge nach den Außgaͤngen ermessen/ vnd es darfuͤr halten/ daß derselb/ dem ein Ding wolgerahten ist/ viel zuvor gesehen; der aber/ dem es vbel gelungen/ gar nichts verstanden habe. Vnd ein
Comicus,
die einige Goͤttinne/ das Gluͤck/ vberwindet die Weiß- heit hundert gelehrter Maͤnner. So einem was guts gelungen ist/ wird er vor einen weisen/ verstaͤndigen Mann gehalten; wann es aber vbel gerahten/ wird er gestrafft vnd gescholten. Also erlanget
Marius
grosses Lob/ daß er durch die Wuͤsteney in
Africa
einen gu-
ten
ET RESTAVR DISCVRS. V.
ten Theil seiner besten Kriegsknecht/ gefuͤhret/ vnd ein nohtvestes Schloß/ darauff Koͤnig
Iugurtha
seinen Schatz’ gethan/ vnverse- hens vberrumpelt/ welches/ wie
Sallustius
bezeuget/ daß es gefehlet haben solte/ jhm grossen Schaden vnd Nachtheil/ an seinen Ehren zugezogen haͤtte.
Wann wir aber allhie nur auff Erempel gehen/ erinnern wir vns/ daß
M
ltiades,
der Sie greiche Fuͤrst/
Aristides,
der Gerech- te/
Themistocles,
der Kluge/
Coron,
der Streitbare/
Socrates,
der Weise/ vmb die Statt Athen wolverdiente Maͤnner/ von jhren eygenen Leuten geplagt/ vertrieben/ verfolgt/ vnd elendiglich verdor- ben sind. Waren nicht
Clitus
vnd
Parmion
dem grossen
Alexan- dro, Camillus
vnd
Publius Rutilius
der Statt Rom/
Belisarius
dem
Iustiniano
trew? Vnd was haben sie vor Lohn vnd End be- kommen?
Drusus
vnd
Scævola,
sehr fromme Leut/ wurden in jh- ren Betten vnd Schlaffkammern erwuͤrget/
Marius
schaͤmete sich nicht den frommen
Catulum
zutoͤdten/ vnnd starb auff seinem Bett.
Ein sonderlich Exempel haben wir an
Dionysio,
Koͤnig zu Syrakusen in Sicilien/ bey
Valerio
vnd
Æliano.
Als dieser den reichen Tempel
Proserpinæ
beraubet vnd außgefeget hatte/ vnd gluͤcklich/ bey gutem Wetter in den Hafen einlieff/ sprach er: Se- het jhr nicht/ meine Freunde/ daß die Goͤtter den Kirchenraͤubern gut Wetter zur Schifffahrt verleihen.
Iupiter Olympius
stun- de in einem guͤldenen Rock:
Dionysius
sagt: Dieser Mantel waͤ- re dem Bild im Sommer zu schwaͤr/ vnd im Winter zu kalt/ aber ein Wuͤllener zu allen Zeiten deß Jahrs bequem/ vnd traff ein rei- chen Wechsel.
Æsculapius
in
Epidauro
trug ein guͤldenen Barth: Weil nun
Apollo,
vor dessen Sohn
Æsculapius
wurde gehalten/ jung vnd ohne Barth in den Tempeln zusuchen/ meinet
Diony- sius,
der Sohn muͤste nicht in aͤlterer Gestalt vorkommen; vnnd nam den Barth hin/ wie droben den Rock. Alle silberne Tisch vnd guͤldene Schuͤsseln/ so die Goͤtzen in jhren Haͤnden hielten/ vnd gleichsam den Herzunahenden darboten/ raubt er auch: Warumb
er nicht
GERMANIÆ PERTVRBATÆ
er nicht annehmen solte/ was man jhm gutwillig darreichte? Er wolle sich der guͤtigen Goͤtter/ wie etwan angeschrieben stuͤnde/ Wolthaten nicht entschlagen. Vnd wann er die silberne/ eheer- ne vnd guͤldene Goͤtzen den Leuten zukauffen auffgetrungen/ zwan- ge er solche Kaͤuffer hernach/ alles wider an gehoͤrigen Ort zubrin- gen.
Vnd ob wol dieser rauberische Spoͤtter/ sagt
Cicero,
boͤß gnug gewesen/ haben jhn doch weder
Iupiter
mit seinem Blitz vnd Donnerkeil/ noch
Æsculapius
mit langwiriger Kranckheit ge- strafft/ sondern auff seinem Beth ruͤhiglich sterben lassen.
Seneca,
der hochberuͤhmbte
Academicus,
der auch mit dem Apostel Paulo nicht wenig Gespraͤch gehalten/ war anfangs
Ne- ronis
deß Keysers Zuchtmeister/ vnd vberkam von jhm vnsaͤgli- chen Reichthumb; als aber
Piso
sich wider den Keyser aufflehnete/ vnd
Seneca
deßwegen in Verdacht vnd Correspondentz kam/ ver- günstigte man jhm auß sonderen Gnaden/ daß er moͤchte/ nach Be- lieben/ in einem warmen Bad/ die Adern oͤffnen/ vnnd also vnem- pfindlicher Weiß dahin fahren.
Hiervon sagt
Augustinus:
Die weltliche Weißheit wil/ Gott solte nimmermehr zulassen/ daß die boͤsen Leute gut Gluͤck haͤtten/ welches Er doch nicht zulassen wird. Weil aber die Boͤ- sen haben/ was sie wollen/ haͤlt man sie fuͤr gluͤckselig/ da doch jhnen die rechte Gluͤckseligkeit noch vnbekant ist. Vnd hat der Allmaͤch- tige Gott nach seiner wolthaͤtigen Vorsehung/ die zeitliche Glück- seligkeit auch den Gottlosen zugelassen/ damit dieselbige von seinen Kindern/ als eine sondere grosse Belohnung nicht gesucht werde. Vber den jenigen bleibet der Zorn Gottes/ welchen Er nicht strafft/ wann er suͤndiget. Dann welchem Er wahrhafftig gnaͤdig ist/ dem vergibt vnd schencket Er nicht nur die begangene Missethat/ damit sie jhm zum ewigen Leben nicht kuͤnfftig schade/ sondern Er steupet jhn auch/ damit er sich nicht geluͤsten lasse/ nachmalen oͤffter zusuͤndigen. Vnd vor jhm
Tertullianus,
O/ wie selig ist der Knecht/ auff welches Besserung der
Herr
beflissen ist; den Er
wuͤrdig
ET RESTAVR. DISCVRS. VI.
wuͤrdig achtet/ daß Er sich vber jhn erzuͤrne; den Er nicht betreugt/ mit Verschweigen vnd Vbersehen/ jhn zuwarnen.
Schliessen demnach/ daß Gluͤck vnd Vngluͤck gar kein Zei- chen eines frommen Wandels/ weniger aber der rechten vnd besten Religion sey; wuͤrden sonsten alle Propheten vnd Aposteln/ ja den
Her
ren Christum selbst/ mit allen seinen so vielen tausenden Blutzeugen/ antasten/ vnd vervrtheilen.
Der sechste Discurß.
Wie
Ambrosius
mit grossem Ruhm gestorben/ aber
Ch yso- stomus
von der Keyserin zu Constantinopel/ biß in sein End im Elend verfolget/ doch vberlaͤngst noch vor vnschuldig erkannt worden. Wie die weitliche Obrigkeit den Geistlichen muͤssen Eingriff thun/ wegen
Nestorii, Sixti, Hilarii, Eutychetis, Sym- machi, Gregorii:
vnd der Papst weltlichen Gewalt erlangt, son- derlich vnter Koͤnig
Clodoveo, Pipino, Dagoberto.
A
Ls der Aber-Keyser
Eugenius
so Arbogast/ nach
Ma- ximi
Tod verreitzet/ vnnd auffgeworffen/ mit grosser Macht in Welschland im Anzug war/ wolte
Ambro- sius
dem Wetter nicht trawen/ weil er sich vor dem Feldherꝛn Arbogast/ foͤrchtete; ob schon derselb jhm nicht wenig Ehr zuvor haͤtte pflegen anzuthun/ vnd verfuͤgt sich von Meyland nach
Cremona:
Kam aber wider/ nach dem das Wetter fürvber/ vnd starb in seinem Bischthumb Anno 397. den 4. Tag April/ in dem vier vnd sechszigsten Jahr seines Alters. Die Clerisey wu- ste jhm groß Lob nachzusagen/ weil er jhren Stand herfuͤr vnd em- por gebracht/ auch bey den Keysern von weltlicher Bottmaͤssigkeit befreyet/ vnd bewiesen/ daß die Layen von den Kirchensachen nicht zuvrtheilen haben/ sie wolten dann zu Tyrannen werden/ vnd Gott in das seinige Eingriff thun.
F
Iohan-
GERMANIÆ PERTVRBATÆ
Iohannes Chrysostomus
(Guͤldemund/ wegen seiner Wol- redenheit genant) wurde von Antiochia nach Constantinopel ge- fordert/ das Ertzpriesterthumb daselbst zuverwalten/ eben ein Jahr nach
Ambrosii
Absterben/ vnnd vermeinet in Orient zutreiben/ vnd ins Werck zusetzen/ was
Ambrosio
in Occident so wol gelun- gen. Der hatte auch mit den Arrianern zufechten/ welche deß vo- rigen Bischoffs
Nectarii
Hauß/ in dem
Theodosius
in Occident mit
Maximo
zuthun hatte/ gestuͤrmet/ gepluͤndert/ vnd in Brand gesteckt/ auch dardurch genugsam zuverstehen geben/ was sie zu- thun gesinnet waͤren/ wann sie nur ein dapffer Haupt koͤnten er- langen.
Chrysostomus
fieng also bald an/ die Clerisey vor allen Din- gen zu reformieren/ jhnen die geistliche Schwestern zubenehmen/ vnd den vbrigen Kosten zuschmaͤlern/ dardurch er jhm selbst die Laͤuß in Beltz gesetzt/ vnd allen Widerwillen erwecket. Er war in so grossen Gnaden anfangs bey der Keyserin
Eudoxia,
daß er den jungen
Theodosium
getaufft/ gehoben/ vnnd zu einem Sohn angenommen. Vnd als
Serapion
ein
Diacon,
dem Bischoff
Severian
von Gabaln auß Hochmuht/ keine Ehr bewiese/ sagt
Se- verian:
Wann
Serapion
ein Christ stirbt/ ist Christus gewißlich nimmer Mensch worden. Dieses wurd jhm vbel außgelegt/ daß er vom
Chrysostomo
wurde vertrieben; aber
Eudoxia
hielte viel auff jhn/ schickte jhm eine Post nach/ vnnd als sie
Chrysostomum
nach langem Bitten vnd Flehen/ nicht konte erweichen/ legt sie in der Kirchen zu den heiligen Aposteln den jungen
Theodosium
jhm auff den Schooß vnd auff die Knie/ als supplicierte derselbige vor gemelten
Severian.
Darauff ergab sich
Chrysostomus,
vnd wurde Freund mit
Severiano,
der aber hernach nicht Farb gehal- ten/ sondern auß Antrieb
Pallatii, Chrysostomum
helffen verfol- gen. Als nun
Chrysostomus
viel Mißbraͤuch im Regiment sa- he/ griff er die Obrigkeiten/ klein vnd groß an/ vnd sagt einem jeden/ was zutadeln fuͤr kam; dannenher man jhn vor einen vnleydlichen/ vnd allzustrengen Mann hielte/ der nach Hoff nicht dienete/ wann
er nicht
ET RESTAVR. DISCVRS. VI.
er nicht wolte Haͤndel in die Haar bekommen/ vnd eben deßwegen war jhm die Keyserin spinnenfeind/ doch heimlich/ dieweil sie seines hohen Ansehens sich wider die Hoͤffling vnd Feldherꝛn hatte zuge- brauchen/ auff daß sie das Ruder in allen Sachen erhielte/ welches
Chrysostomus
nicht merckte.
Theognostes,
einer deß Rahts zu Constantinopel/ ward in Bann gethan/ vnd deß Lands verwiesen. Die Keyserin
Eudoxia
hatte Lust zu deß Verstorbenen Landguͤtern/ welche die Wittib nicht begeben wolte: Vnd als sie den Gewalt sahe/ (weil die Keyse- rin/ vermoͤgeines newgeschmiedeten Edicts/ jhr ein Stuͤck Gelts darlegte/ vnnd also mit Recht/ wie sie meynet/ gedachtes Erb/ an sich bracht: Aber auch dem Bischoff ein Fall stellete/ wolwis- send/ daß er solches vngetadelt nicht wuͤrde lassen/ vnnd demnach wider das Keyserliche Ediet frisch anlauffen/ in Vngnad fallen/ vnd Vrsach geben/ einem andern/ der durch die Finger sehen koͤnte/ Platz zumachen) sprach sie
Chrysostomum
an/ jhr das Wort zu- thun/ daß sie bey dem jhrigen vnbekuͤmmert zubleiben haͤtte.
Chry- sostomus
bemuͤhet sich sehr/ richtet aber wenig auß; vnd weil jhm wol wissend/ daß die Keyserin
Epiphanium,
den Bischoff in Cy- pern angestifftet/ ein
Diacon
in Constantinopel/ an einem fremb- den Ort wider die Kirchenordnung/ jhm nur zum Verdruß/ zu- weyhen/ weil
Chrysostomus
deß
Origenis
Buͤcher/ auff
Epi- phanii
instaͤndiges Anhalten/ nicht verdammen wolte; thaͤt er eine scharpffe Predigt wider der Weiber Regiersucht; vnd wiese den 14. September die Keyserin von der Kirchen ab/ welches sie so hoͤchlich verdrossen/ daß sie
Epiphanii
besten Freund/ den
Theophilum,
Bischoff zu Alexandrien/ mit sechs andern Bischoffen/ nach Con- stantinopel beruffen/ vnd
Chrysostomum
absetzen lassen/ derselbe solte ausserhalb der Ringmawer sich stellen/ vnd verantworten/ ver- warff aber etlich Bischoͤffe/ sonderlich allen deß
Theophili
An- hang/ weil sie sich grosser Draͤwwort wider jhn verlauten lassen. Aber
Theophilus
fuhr fort/ vervrtheilet
Chysostomum,
als vn- wuͤrdig der Bischofflichen Stell/ vnd ersucht den Keyser vmb
F ij
Voll-
GERMANIÆ PERTVRBATÆ
Vollstreckung deß Vrtheils. Also wurde
Chrysostomus
bey Naͤchtlicher Weil heimlich außgetrieben/ vnd nach
Prenetum
in Bithynien verwiesen: Vnd als das Volck deßwegen ein grossen Tumult anfienge/ auch eben ein starckes Erdbeben einfiel/ wurd er wider beruffen/ vnd in die vorige Stell wider eingesetzt.
Etliche wenige Zeit hernach/ richtete man der Keyserin
Eu- doxiæ,
ein silbern Bild auff/ vnfern von S. Sophi
æ
Kirch: Vnd weil durch die Freudenspiel/ so das gemeine Volck bey erwehntem Bild/ auff dem Platz/ nach vraltem/ doch Heydnischem vppigen Gebrauch/ triebe/ die Geistliche in jhrem Kirchenwesen vnd Cere- monien/ durch solch Heydnisch Getoͤß vmb etwas gejrret wurden/ strafft vnd verwarff
Chrysostomus
solche Spiel vnd Fest offent- lich/ welches die Keyserin zu jhrem grossen Hohn geschehen/ erach- tet/ vnd beschriebe auß
Theophili
Raht/ andere Bischoͤffe/ als die vorigen/ diesen Mann abzustossen: Der dann dardurch sich auch erbittert/ vnnd eine Predigt bey grosser Versamlung/ mit diesen Worten anfienge:
Herodias
reget sich abermal/ ist rasend/ dan- tzet jmmer fort/ vnd sucht nachmaln ein Johanneskopff in jhre Schuͤssel zulegen/ ꝛe. Doch wurde er von den beschriebenen Bi- schoffen abgesetzt/ weil er juͤngst ohne eines
Concilii
Erkanntnuß wider eingetretten/ vnd sein Ampt verricht haͤtte. Hierauff blieb er noch ein paar Monat in der Statt/ biß man jhn den 20. Junij mit Gewalt außgestossen. Vnd weil auff eben den Tag S. So- phi
æ
Kirch in Brand gerahten/ dardurch auch das Rahthauß/ vnd ein Raum der Statt in die Aschen gesuncken: Aber auch sein heff- tigster Anklaͤger einen faulen Schaden an einem Schenckelbekom- men/ der solcher Gestalt vmb sich gefressen/ daß er beyde Schenckel muͤssen abloͤsen lassen/ gab es viel Gespraͤchs/ von Wundern/ vnd Straffen/ die GOtt
Chrysostomi
Vnschuld vnnd rechte Sach zubezeugen/ sehen liesse. Gleichwol
Chrysostomus
durch die Kriegsknecht in Eilicien/ nach der Statt
Cucusum
zum Tod hin- geschleppet. Den gantzen Winter vber lag er sehr kranck/ vnd er- langt durch gute Goͤnner/ weil die
Isauri
mit Rauben vnd Mor-
den
ET RESTAVR. DISCVRS. VI.
den das gantze Land vnsicher vnd zaghafft machten/ daß man jhn nach Armenien/ in die Statt
Arabissum
verschaffe; allda er die trawrige Zeitung von
Pelagii
Jrꝛthumb/ vnd desselbigen gehlinger Außbreitung vernommen.
Die gantze Occidentalische Kirch hatte grosses Mitleyden mit jhnen/ vnd verordneten seinet wegen vnter
Honorii
Namen/ ein ansehenliche Bottschafft nach Constantinopel/ die aber auß Arglistigkeit vnd Betrug der Geistlichen/ auch
Arcadii
deß Key- sers Grausamkeit/ nicht einmal koͤnnen in die Statt kommen/ we- niger jhre Werbung bey der Versamlung der Geistlichen/ ablegen; also/ daß sie vnverrichter Sachen wider heimgezogen/ vnd bald er- fahren müssen/ wie alle Graffen vnd Bischoͤffe/ so es mit
Chryso- stomo
hielten/ jhrer Ehren vnnd Aempter entsetzt/ in schwere Ge- faͤngnuͤß gesteckt/ geschlagen/ vnnd in das Elend vertrieben wor- den.
Endlich starb
Chrysostomus
den 14. November Anno 407. zu
Comanis
am Euxinischen Meer/ nach sehr vielem außgestan- denem Elend/ vnnd
Eudoxia
in Kindsnoͤhten drey Monat nach jhm: Vnd
Arcadius
im Jahr hernach. Die Occidentalische Kirch nahm die Sach hart zu Hertzen/ als wann alles/ was
Am- brosius
vor sie erworben/ dardurch vernichtet wuͤrde/ vnd zanckte sich deßwegen ein vnd dreyssig Jahr lang mit denen in Orient/ da sie selbst widereinander waren/ vnd dieser
Chrysostomo
recht/ jener vnrecht gab; biß es endlich dahin kommen/ daß
Theodosius
der Juͤngere/ durch sonderlichen Fleiß deß
Procli,
die
Acta
durchgan- gen/ befunden vnd erkannt/ es were
Chrysostomo
von deß Keysers Mutter/ die den Vatter eingenommen hatte/ zuviel vnnd vnrecht geschehen.
Solches nun etlicher massen zuverbessern/ thaͤt er die Ver- ordnung/ daß auff Keyserlichen Kosten/ sein Gebein dort erhoben/ nach Constantinopel gefuͤhret/ vnnd den 24. Tag Februarij mit grossem Gepraͤng/ im fuͤnff vnd dreyssigsten Jahr nach seiner Ver- weisung/ sind beygesetzt/ vnnd sein Name in das Register der Bi-
F iij
schof-
GERMANIÆ PERTVRBATÆ
schoffen eingeschrieben vnnd darauß verlesen worden. Hierauß dann zusehen/ was das Frawenzimmer vor Gewalt vbet/ vnd wie rachgierig es ist/ wann man jhm auff den Fuß tritt/ vnnd nicht alles billiget/ was es sich geluͤsten laͤßt.
Ambrosius
hatte besser Gluͤck/ vnd lebete gleichwol in schlimmen Zeiten/ zu seinem Vor- haben.
Nun frewete sich zwar die Clerisey/ wegen der Keyserlichen Privilegien/ waren aber zuschwach/ solche zubehaupten: Darumb hielten sie sich an den nechsten Keyser- oder Koͤniglichen Hoff/ schryen den weltlichen Arm vmb Huͤlff an/ nicht nur wider den Ge- walt der Heyden vnd Ketzer/ sondern widereinander selbst; zumal geschehen/ als auff Papst
Zosimi
Absterben
Eulalius
vnd
Bonifa- cius
zugleich erwehlet worden/ vnd keiner dem andern weichen wol- len/ sich
Honorius
auff Anruffung darein gelegt/ diese beyde ge- ferdert/ vnd in dessen
Spolerino
einem dritten Bischoff das Kir- chenwesen zu Rom anbefohlen/ welches
Eulalius
nicht leyden wol- len/ vnd selbst hinkommen/ darauß ein Auffstand erwachsen/ daß
Honorius
jhn muͤssen gar vertreiben/ vnnd
Bonifacium
einse- tzen: Als auch
Nestorius
zu Constantinopel gethan/ da er von
An- tiochia
war hin beruffen worden/ vnd den andern Keyser
Hono- rium
mit diesen Worten in offentlicher Predigt angeredt: Bietet mir die Hand/ O Keyser/ in Vertreibung der Ketzer/ so wil ich euch Huͤlff leysten/ die Persianer zuvberwinden. Dieser griff die Sach ernstlich an/ vnd wolte der Arrianer Kirch vor gewiß den 5. Tag nach seiner Weyhung in Brand stecken/ aber sie kamen jhmvor/ vñ stiessen das Fewer selbst drein/ damit viel Haͤuser in der Naͤhe gleich- wol im Rauch auffgangen. Vnd als seine Jrꝛthumb kund wur- den/ widersetzte sich jhm vor vielen andern
Cyrillus
zu
Alexandria,
da sich jede Parthey ein Anhang machte/ vnd viel Zusammenkünff- te hielte/ biß
Honorius
sie vor sich bescheyden/ vnd
Nestorium
ab- gesetzt/ der dann zu grossen Gnaden annahm/ daß er nach vnder- schiedlichem Elend vnd Verreysen/ wider in sein Kloster bey An- tiochia gieng/ in welchem er vier Jahr zugebracht/ vnd gelebet.
Noch
ET RESTAVR. DISCVRS. VI.
Noch gab es andere Haͤndel zu Rom; Papst
Sixtus
wurde beschuldiget/ er haͤtte ein Kloster Jungfraw genohtzuͤchtiget/ vnd als jhn
Valentinianus
auff seiner Reyß nach Constantinopel vor vnschuldig zehlete/ bliebe er sitzen/ vnnd wurden seiner Anklaͤger Guͤter der Kirchen heimgewiesen. Aber in Franckreich gieng ein ander Fewer auff/ da
Hilarius
Bischoff zu Arlen etliche Bischoͤf- fe/ deß Papsts zu Roͤm vnbegruͤst/ weyhete vnd verordnete. Dann
Leo Magnus
thaͤt jhm ein Verbott/ vnd erlanget bey Keyser
Va- lentiniano,
daß in seinem Namen an
Aëtium
den Keyserlichen Statthalter in Franckreich/ eben deßwegen Brieff abgiengen/ im Jahr Christi 445.
Chrysaphius,
ein Verschnittener/ hielte dem
Eutycheti
bey dem Juͤngern Keyser
Honorio,
mit verdreheten Practicken/ die Stang; wurd aber endlich/ als der Jrꝛthumb her- fuͤr brach/ abgesetzt/ vnd in das Elend gejagt/ auch alle seine Guͤter eingezogen.
Zuletzt geriehten die Bischoͤffe zu Rom vnd zu Constantino- pel in einen harten Streit/ wer dem andern solte vorgehen.
Felix
sandte nach Constantinopel/ vnd ließ
Acacium
desselben Orts Bi- schoffen/ verklagen/ als ein Ketzer/ der es mit Ketzern hielte/ vnd die- selbe in seine Gemeinschafft auffnehme: Vnd als seine Gesandten mit Gewalt wurden abgehalten/
Acacii
Sachen zu billigen/ ent- setzt er sie/ vnd verketzert in einem
Concilio
den
Acacium.
Jm Jahr 494. macht
Gelasius
zu Rom ein Gesetz/ sein Stul were v- ber alle Kirchen/ vnd bestaͤtiget es mit siebentzig Bischoffen. Vnd als nach fuͤnff Jahren auff
Anastasii
Tod/
Symmachus
vnnd
Laurentius
zugleich erwehlet waren/ dardurch vnzehlich viel Vn- heil vnd Mord entstanden/ berufften sie sich beyde auff Dieterich von Bern/ den Arrianischen Lombarder Koͤnig/ der
Symmacho
die Oberstell ließ; vnd zum offtern muste mit gewehrter Hand den vnruͤhigen Koͤpffen stewren. Vnd weil
Symmachus
an dem er- wehnten Arrianischen Koͤnig/ ein Ruͤcken fand/ vermahnet er den Keyser
Anastasium
ernstlich/ die Rechtglaubige nicht mehr zuver- folgen; ja thaͤt jhn in Bann/ vnd als der Keyser endlich erwiese/
daß
GERMANIÆ PERTVRBATÆ
daß solcher Bann noͤhtig/ vnnd der Papst selbst mit vielen Lastern behafft were/ ließ der Papst ein Schutzschrifft außgehen: Vnd ent- stund zu Constantinopel ein solcher Aufflauff wider den Keyser/ der einen vnnehmlichen vnd verruchten Bischoff der Gemein/ wollen aufftringen/ daß man nach einem andern Keyser geruffen: Aber er demuͤhtiget sich vor dem Volck/ vnd versprach alles/ schrieb auch nach Rom/ wegen eines
Coneilii,
die Spaͤn vnter den Geistlichen beyzulegen; biß er wider gefast ware/ alsdann ließ er die Paͤpstische Gesandten nach einem gantzen Jahr von sich mit Schimpff vnd Verbott/ vnd schrieb also an den Papst: Er solte sich gar nicht ge- luͤsten lassen/ einem Roͤmischen Keyser zugebieten: Wir wollen be- fehlen/ vns nicht befehlen lassen; oder wie die Wort eygentlich sol- len gelautet haben/ wir koͤnnen das Schelten vnnd Vernichten er- tragen/ das Befehlen koͤnnen wir nicht leyden/ vnd eben zu der Zeit ließ
Severus
Eutychianischer Bischoff zu
Antiochia,
der deß Keysers Sinn wuste/ dreyhundert vnd fünfftzig Moͤnch bey den Altaͤren nidermachen/ vnd jhre Kloͤster anstecken; welche Klag der Keyser nicht geachtet/ sondern viel Rechtglaubige Hoffdiener noch in Gefaͤngnuß/ als einiger Verraͤhterey verdaͤchtig/ geworffen/ darauß abermal ein grewlicher Auffstand erwachsen/ daß er ge- gen dem Papst zu Rom sich widerumb alles guts muͤssen anneh- men.
Zu der Zeit wolten die Gohten vnd Lombarder den Papst se- tzen/ weil sie zu vnderschiedlichen malen/ bey entstandenem Zwy- spalt/ darunter waren ersucht worden/ ob schon die Griechische Keyser solches vbel auffnahmen/ vnd offt geschehen muͤssen lassen.
Gregorius,
von Edelem Geschlecht/ vbete sich im Kriegswesen/ daß er endlich Keyserlicher Statthalter worden/ gieng aber bald in ein Kloster/ erlangt eines
Diacon
Stell/ ward gebraucht in wich- tigen Gesandschafften/ vnd endlich zum Papsthumb erhoben/ An- no Christi 590. vnd von dem Keyser
Mauritio
darinn bestaͤttiget: Derselbe ließ ein Mandat außgehen/ daß niemand ein Moͤnch wer- den koͤnte/ er haͤtte dann seine Zeit im Krieg außgeharꝛet/ welches
Grega-
ET RESTAVR. DISCVRS. VI.
Gregorius,
wegen Mangel an Kriegsleuten/ nicht vmbstossen koͤnnen. Vnd schiene/ daß er deßwegen der Keyserin
Constantia
deß H. Apostels Pauli Haupt vor jhre newerbawete Kirch/ abge- schlagen.
Jm Jahr 595. erhub sich Johannes/ zugenannt
Iejunator,
weil er sehr offt fastete/ Patriarch vnnd Ertzbischoff zu Constanti- nopel/ vnd wolte allen andern Geistlichen vorgehen/ weil das Key- serthumb in Occident schier verloschen/ vnd nicht zu Rom/ sondern zu Constantinopel hafftete.
Gregorius
strafft jhn deßwegen/ vnd schrieb auch solchẽ Titul eines allgemeinẽ Bischoffs abzuschaffen/ an
Mauritium:
Vnd befahl seinen Gesandten nach Constantino- pel/ mit
Cyriaco,
deß Johannis Nachfahren/ keine Gemeinschafft zuhaben/ da er den vorigen Titul ergreiffen vnnd behaupten solte. Aber
Phocas
macht sich selbst zum Keyser/ vnd erlangt bey
Gre- gorio
voͤlligen Beyfall/ wie auch
Bonifacius III.
der in einem
Concilio
von zwey vnd siebentzig Bischoffen erhielt/ daß er den Namen eines allgemeinen Bischoffs fuͤhren moͤchte/ welches auch
Bonifacius IV.
ebenmaͤssig erlangte/ zu mehrer Versicherung. Also erstreckte sich deß Papsts Gewalt vber Welsch- vnd Teutsch- land/ Franckreich vnnd Engelland: Vnd wann die Griechische Keyser/ durch Antrieb jhrer Bischoffen/ etwas verordneten/ zum Exempel/ daß Christus nur einen einigen Willen/ also auch Natur gehabt; oder daß man hievon nicht zancke/ sondern gar still schwei- gen solte: Widersetzten sich die Roͤmische Paͤpste/ vnd arbeiteten dahin/ daß Spanien vnd Jtalien von dem Arrianischen Jrꝛthumb weichen/ vnd jhnen beyfallen moͤchten/ sich den Orientalischen mit desto groͤsserer Macht vnd Ansehen zuwidersetzen/ wann aber die Griechen sich starck genug befanden/ dorfften sie wol den Papst
Martinum
in der Statt Rom gefaͤnglich annehmen/ vnnd nach Constantinopel fuͤhren/ als
Theodorus Calliopa Exarchus
ge- than/ oder gar vervrtheilen/ vnd ins Elend verweisen/ auch einen an- dern Papst setzen. Vor solchen Schutz musten die Paͤpste an- fangs jhres Ampts/ den Keysern ein gewisse Summ vnd Gewicht
G
Gold
GERMANIÆ PERTVRBATÆ
Gold vor die Fuͤß legen/ jhre Vnterthaͤnigkeit zubezeugen: Wel- chen Tribut der Keyser
Constantinus
Anno 682. doch mit Vor- behalt seines Rechtens/ hat fallen lassen. Vber zwey Jahr ver- willigte der Keyser noch mehr/ damit er den Roͤmern kein Vrsach gebe/ von jhm sich gaͤntzlich abzuwenden/ sondern sie durch aller- hand Gutthaten vnd Nachlaß jhm desto besser zuverbinden/ daß die Roͤmer/ auff begebenden Todfall seiner Bestaͤtt- vnd Verwilli- gung/ bey der newen Wahl nicht eben erwarten muͤsten/ sondern al- so bald/ ohn fernere Nachfrag/ ein newen Papst/ damit die Kirch nicht ohne Bischoff zulang stuͤnde/ wehlen moͤchten. Welches aber
Caroli Magni
Soͤhn vnd Nachfahren im Keyserthumb/ wie auch die
Ottones
vnd
Henrici
jhnen nicht gut geheissen/ sondern jeder- zeit/ als
Lotharius
wegen
Sergii
Wahl/ vnd andere mehr/ gethan: Auch wol durch jhre Bischoͤffe geschlossen vnd setzen lassen: Es koͤnte ein jeder Bischoff die Kirchenhaͤndel in seinem Gebieth ent- scheiden/ ohne Noht/ jedes mal den Papst zu Rom anzulauffen; wie
Carolus Calvus Anno C.
871. verschafft/ auch an den Papst selbst geschrieben/ er erkente niemand vber jhn/ er wer der Bischoffen Meyer nicht/ vnd gebuͤhre keines wegs dem Papst/ vber die Koͤnige in Franckreich zuherꝛschen. Wann auch etwan zween Paͤpste in der Wahl vorgiengen/ bekam deß Keysers Statthalter/
Exarchus
genant/ bald von dem einen/ bald von dem andern/ jederweilen von beyden fette Brocken/ biß auff hundert Pfund loͤtigen Golds. End- lich/ fanden die Griechen so viel zuthun/ sich der Persianer vnd Saracenen zuerwehren/ daß sie der Occidentalischen nicht mehr achteten: Bevorab/ da
Anno
692. die Orientalische Kirch auff ei- nem
Concilio
den Priestern die Ehe frey stellete/ doch/ daß sie sich nur zur Zeit jhres Ampts enthielten; welche Gesetz vnd Ordnung die Occidentalische Kirch gar nicht wollen annehmen.
Wie nun die Bischoͤffe zu Rom sich selbst/ sampt der gan- tzen Clerisey/ vom weltlichen Zwang vnd Bottmaͤssigkeit nach vnd nach loß gewuͤrcket; als haben sie auch Land vnd Leut an sich ge- bracht/ vnd derer Befreyung jederzeit gesucht. Dann
Aripertus
ver-
ET RESTAVR. DISCVRS. VI.
verehret dem Roͤmischen Stul
Alpes Cottias,
zwoͤlff namhaffte Staͤtt in sich begreiffend/ welche Landschafft zwar zum Reich ge- hoͤrig/ aber doch lange Zeit in der Lombarder Hand vnd Gewalt ge- wesen.
Vnd von dieser Zeit an/ hat der Roͤmische Bischoff Recht/ Fug vnd Macht/ wie alle andere weltliche Herꝛn/ von seinen Vn- terthanen allen feindlichen Gewalt abzuwenden/ vnd wer jhm Ge- walt anlegt/ mit Gewalt zubegegnen. Wie dann
Gregorius II.
Anno 715. gethan/ vñ
Cumas
mit Heeresmacht durch Geschwin- digkeit wider erobert/ vnnd dem feindseligen Hertzogen zu Bene- vent wider abgetrungen; doch allem fernern Vnkosten vnd Ein- fall vorzukommen/ mit siebentzig Pfund ledigen Golds den ruhi- gen Besitz erworben/ wie
Anastasius
schreibet.
Also hat
Leo
IX.
von
Henrico
III.
etliche Voͤlcker er- langt/ vnd wider die Nordmaͤnner/ die jhm zu nahe kamen/ vnd Ein- griff thaͤten/ Anno C. 1053. ein starcken Heerzug fuͤrgenommen/ in welchem zwar er vnten gelegen/ vnd selbst gefangen/ auch in einer freyen
Custodi,
biß auff seine letzte Kranckheit gehalten worden. Vnd weil es jhm mißlungen/ gieng viel Gespraͤchs: Schwerd vnd Kriege solten die weltliche Herꝛn fuͤhren/ die Geistliche aber bey dem Buch/ vnd in der Kirchen bleiben: Andere aber/ als
Baronius,
geben jhm Macht/ zwey Schwerd/ das Geist- vnd Weltliche zu- fuͤhren/ welches auch/ wegen seiner Land vnd Leut seyn muß.
Vnd als
Leo Isauricus,
Keyser in Orient/ ein Mandat las- sen außgehen/ daß alle Bilder zerstoͤret wurden/ fand er bey dem Poͤ- bel Widerstand; darumb gab jhm
Germanus,
Bischoff zu Con- stantinopel/ den Raht/ er solte von seinem Fuͤrnehmen abstehen/ wie viel Keyser vor jhm/ gethan haͤtten: Vnd als er nicht wolte/ legt sich dieser
Gregorius
auch drein/ verfaßt ein langen Brieff/ in wel- chem er dar thaͤte vnd bewiese: Ein Keyser haͤtte keine Macht/ vber Glaubens- vnd andere Sachen/ so die Religion betreffen/ zuspre- chen/ oder zugebieten; noch einige Newerung wider das alte Her- kommen/ das die heilige vnd hochansehnliche Maͤnner in der Kir-
G ij
chen
GERMANIÆ PERTVRBATÆ
chen Gottes gesetzt vnd gelobet haͤtten/ einzufuͤhren. Vnd weil auch dieser Brieff nichts wolte verfangen/ sagt
Anastasius,
fiel
Gregorius
vom Keyser gantz ab/ haͤngt sich an die Lombarder/ vnd machte/ daß dem Keyser weder auß Rom/ noch auß Jtalien/ kein Tribut mehr gefolgt ward. Vnd weil den Lombardern nicht al- lerdings zugetrawen/ als die alsbald Ravenna vnnd etliche andere Ort an sich gerissen/ schickt
Gregorius
an
Carolum Martellum,
den Groß-Hoffmeister in Franckreich/ der allererst die Saracenen in einer so grossen Niderlag hatte vberwunden/ machte ein Bund mit jhm/ wofern Keyser
Leo
in Welschland vbersetzen wuͤrde/ jhm mit Heeresmacht zuwiderstehen. Dardurch
Leo
abgeschrecket/ innhalten muͤssen/ auch durch keine andere Practick
Gregorio
bey- kommen koͤnnen; aber darneben von
Gregorio
in Bann gethan worden.
Dieses Bapsts Nachfahr/ auch
Gregorius,
vnd zwar der Dritte dises Namens/ genannt/ bemuͤhete sich mit Schreiben vnd durch Gesandten/ daß die Bilder in den Kirchen mit deß Keysers Willen/ gelassen wurden; vergaß aber desselbigen Streits/ als jhm Luithbrand der Lombarder Koͤnig/ etliche Staͤtt abnahm/ seinen Freund Thrasimund/ Hertzogen zu Spoleth vertrieb/ vnd dessent- wegen Rom belaͤgerte: Bevorab/ weil bey
Carolo Martello,
wegen vertrawlicher Freundschafft mit dem Lombarder/ gar nichts zuerhalten war. Aber sein Nachfahr Zacharias/ wuste dem Lom- barder zubegegnen/ vnnd ließ von Thrasimund ab/ daß er Frieden stifftet/ vnd zu den letztverlornen Staͤtten/ noch drey andere vereh- ret bekam/ neben allen Gefangenen.
Vmb diese Zeit stiegen die Hertzogen in Braband/ von wel- chen
Martellus
entsprossen/ vnd sich deß vralten Fraͤnckischen Ge- bluͤts ruͤhmeten/ sehr hoch/ vnd rissen allen Gewalt bey dem Fran- tzoͤsischen Hoff an sich/ in dem die letzte Koͤnige deß ersten abgehen- den Stammes/ sich mehr vmb Kurtzweil/ als vmb deß Lands Wol- fahrt bekuͤmmerten/ vnd alles in der Cantzley/ wie auch in Feldzuͤ- gen durch andere Leut verrichteten.
Pipinus
hatte das Großhoff- meisterampt gleichsam geerbet/ vnd gedachte/ weil er alle Muͤhe/
Arbeit
ET RESTAVR. DISCVRS. VI.
Arbeit vnd Sorg; hingegen Huldrich der Koͤnig/ allen Lust haͤtte/ vnd sanfft schlieffe/ die Cron solte jhm vor diesem gebuͤhren. Vnd weil leicht zuerachten/ das Volck wuͤrde nicht einwilligen/ daß der rechtmaͤssige Erb vnd Regent verstossen/ vnd einer seiner Diener zum Koͤnigreich gelangen moͤchte/ wann nicht ein sonderliches An- sehen die Gemuͤhter lenckete; bestelt er zuforderst alles nach Moͤg- lichkeit/ vmb sich her/ vnnd fertiget Bischoff Burckharden von Wuͤrtzburg ab/ dem Papst den Handel anzuzeigen/ vnd seine Ein- willigung zuerlangen/ neben vielem Versprechen. Papst Za- charias ließ sich verleyten/ vnd glaubt dem scheinbaren Fuͤrtrag/ verordnet/
Bonifacius
Ertzbischoff zu Mayntz/ solte
Pipinum
zu Soyssons in Franckreich salben/ vnnd den guten Huldrich in ein Kloster stecken/ als auch geschehen/ vnnd erhielt Bischoff Burck- hard das Hertzogthumb Francken am Mayn/ bey seinem Bisch- thumb. Dannenhero die Paͤpste vmb so viel vber die Keyser ge- stiegen/ daß man die Paͤpst ohne deß Keysers Erkantnuͤß vnd Ein- willigung/ vor solche; die Keyser aber nicht ohne deß Papsts Be- staͤttigung vnd Croͤnung/ erkant hat.
Stephanus,
der nechste Nachbar am Bapsthumb/ muste se- hen/ daß Aistulph der Lombarder/ den Keyserischen Vogt vnd Ex- archen/ gar vertrieben/ vnd alle Keyserliche Gerechtigkeiten an sich zoge/ auch Rom/ weil man jhm den guͤldenen Hauptgroschen auff jedes Haupt/ wie zuvor dem Griechischen Keyser/ nit wollẽ reichen/ mit Heeresmacht belaͤgerte. Da rufft der Bapst erstlich den Key- ser zu Constantinopel (aber vergeblich/ wegen deß Bilderstreits/ vnd daß er den Moͤnchen die Ehe vnd das Buͤrgerlich Leben anbe- fohlen) vnd dann
Pipinum,
den newen Koͤnig in Franckreich an; zog endlich/ weil durch Bitten vnd Flehen/ auch hochansehenliche Bottschafften nichts zuerheben/ selbst in Franckreich/ vnnd salbet Carlmann vnnd Carln/ deß
Pipini
Soͤhn/ zu Koͤnigen vnd Erb- Regentẽ in Franckreich/ vñ vergliche sich mit
Pipino,
so gut er ver- moͤchte (neben dem verlornen Land/ noch die Statt Ravenna weiter zuerlangen) der auch Huͤlff leystete/ doch wol bezahlt nahm/ weil der
G iij
Bapst
GERMANIÆ PERTVRBATÆ
Bapst jhm vberließ vnd nachgab alle geistliche Aempter vnd Praͤ- benden selbst zubestellen/ als noch heutiges Tags in Franckreich ge- schicht/ ob schon
Clodoveus,
der in einem gefaͤhrlichen Treffen/ vmb den Sieg zuerhalten/ ein Christ zuwerden gelobt hatte/ auff der ersten Zusammenkunfft der Geistlichen in Orleans/ auch die- ses fuͤnffte Decret eingegangen/ vnlang nach empfangener Tauff: Der Obligation vnd Guͤtern halber/ so vnser Herꝛder Koͤnig/ den Kirchen vergabet hat/ oder denen/ so noch nichts haben/ nach dem jhn Gott ermahnet/ ferner geben wird/ achten wir der Billigkeit zum hoͤchsten gemaͤß/ daß/ was GOtt allezeit an Fruͤchten darvon werden laͤst/ an der Kirchengebaͤw/ Erhaltung der Priesterschafft/ Stewer der Armen/ vnd Außloͤsung der Gefangenen/ verwendet werde.
Auß welchem Decret erscheinet/ wie Koͤnig
Clodoveus,
o- der Ludwig/ nach seinem vbertrefflichen Sieg/ die Kirchen vnnd Bischthumb/ so zuvor arm vñ verlassen gewesen/ auch nichts/ dann auß Privatpersonen Contribution gehabt/ reichlich begabet habe: Dahin er dann zuvor/ als er noch ein Heyd gewesen/ sonderliche Zuneigung getragen/ vnd solches in deme zuerkennen geben/ als er auff eine Zeit seiner Kriegsleut einen/ der den Christen zu Rheims einen Kelch auß der Kirchen geraubet/ mit eygener Hand vmbge- bracht/ vnd dem Bischoff Remig/ der jhm solches klagen lassen/ den Kelch widerumb zugestellet.
Diesem Vorbild deß Vrhebers der Christlichen Religion in Franckreich/ haben die Koͤnige seine Nachfahren gefolget/ zumal an Koͤnig Dagenbert herfuͤr leuchtet/ der das Bischthumb Straß- burg mit stattlichen Herꝛschafften im Elsas/ vnd namentlich das Bischthumb Wormbs/ mit der Graffschafft Ladenburg/ auch an- dere mit andern begabet.
Gleich wie nun Anno 755.
Pipinus
den Lombarder gezwun- gen/ dem Papst alles wider einzuraumen/ vnd von allem vber diß noch abzustehen/ was dem Roͤmischen Reich in vorigen Jahren zugestanden; auch deß Griechischen Keysers Abgesanden/ so solche
Land-
ET RESTAVR. DISCVRS. VI.
Landschafften von jhm wider forderten/ geantwortet: Er haͤtte so grossen Kosten nicht vor einen andern/ auch nicht vor sich selbst/ sondern dem heiligen Aposteln
Petro,
vnd seinem Stul zum be- sten angewendet; vnd also bald dem Bapst die Jnsul Corbu/ die Staͤtte Soran/ Parma/ Rhegium/ Mantua/ vnd den gantzen Ex- archat zu Ravenaa/ wie derselbe vor alten Zeiten sich erstreckte/ Fa- ventz/ vnd das Hertzogthumb Ferrar/ neben den Landschafften Ve- nedig vnd Histrien/ auch die Hertzogthumb Spoleth vnnd Bene- vent vbergeben/ vnnd dem Bapst grossen weltlichen Gewalt/ vnd weitlaͤufftige Regierung zugelegt. Also
Carolus Magnus,
sein Sohn/ vnd Nachfahr im Koͤnigreich/ auch erster Teutscher Key- ser (als
Stephanus III.
Dieterichen den Lombarder/ der einen vntauglichen Bischoff/
Michaël
genannt/ mit Gewalt eingesetzt/ vnd also behaupten wollen/ zu Feindschafft erregt/ dardurch ein grosser Krieg/ vnd deß Lombardischen Koͤnigreichs Vntergang er- folget) auff Bapsts
Hadriani
Ansuchen/ dem Lombarder Diete- richen lassen zusprechen/ dem Bapst Ruhe zuverschaffen/ vnd zum andern mal ein grosse Summa Gelts angebotten/ von den Kir- chenguͤtern abzustehen; aber endlich alles eingenommen/ vnnd jhn selbst mit den Seinigen nacher Franckreich geführet; alles was sein Vatter
Pipinus
der Kirchen verschafft/ wider abgetretten/ vnd zu deß Bapsts Haͤnden gestelt; doch das Lombardische Koͤnigreich seiner Soͤhn einem hernach bescheiden.
Dazumal/ wie auch lange Zeit hernach/ hatten die Keyser vnd Koͤnige nicht nur in Franckreich/ sondern in der gantzen Chri- stenheit Macht/ Bischoffe zuordnen; wie dann
Carolus
seinen ge- wesenen Beichtvatter/
Waldo,
zu einem Apt im Closter Reichen- aw/ vnd jhn mehr zuerheben/ zu einem Bischoff zu
Pavey
in Lom- bardey/ ja gar zu einem Bischoff zu Basel am Rhein gesetzt. Also gab
Otto
der Grosse/ seinem Sohn Wilhelm/ dem Bischoff/ als er auß Welschland mit Gluͤck wider nach Hauß kehrete/ ein guten Theil in Thuͤringen/ weil derselbe Landgraff Burckhard von den Hunnen jung erschlagen war/ naͤmlich/ diese drey Aempter/ Erfurt/
Deber-
GERMANIÆ PERTVRBATÆ
Deberstaͤten vnd Schilderod/ Anno Christi 965. wie auch andern Bischoffen/ den Schlaven abgetrungene Laͤnder. Dann weil sie jhnen jhre Gerechtigkeit vbergaben/ Obrigkeiten/ Herꝛlichkeiten Gerichtszwang/ vnd andere Regalien vergoͤnneten/ hielten sie fuͤr billig/ daß sie/ als die hoͤchsten Obrigkeiten wisseten/ welchen sie die- selbigen vbergeben/ vnnd sie hierumb in Pflicht nehmen koͤnten. Darneben weisen auch die Historien/ daß damals mehr/ dann zu andern Zeiten/ viel Moͤnche auß den Cloͤstern zu den Bischthum- mern beruffen worden: Als Salomon/ Apt zu S. Gallen/ zu dem Bischthumb Costnitz/ vnd Raban von Fulda gen Maintz.
Vmb diese Zeiten fordert
Constantinus Copronymus
von seinen Vnterthanen/ einen leiblichen Eyd/ die Bilder/ so er Goͤ- tzen ließ nennen/ nicht mehr anzubeten/ vnd die abgestorbene Heili- gen/ nicht mehr anzuruffen; begehrt auch an
Pipinum,
dergleichen zuthun. Vnd weil die Muͤnch sich jhme widersetzten/ ließ er ein Mandat außgehen/ daß alle Moͤnch vnd Nonnen auß den Cloͤ- stern giengen/ Ehelich wurden/ vnnd ein Buͤrgerlich Leben fuͤhre- ten: Setzt auch endlich die Straaff darauff/ jhnen die Augen außzustechen/ vnnd in die Jnsul Cypern/ den Saracenen zu allem Gespoͤtt vnd Muhtwillen die Widerspenstige zuschicken. Jn die Cloͤster legte er seine Kriegsknecht/ vnnd verkauffte die Guͤter: Deme
Leo
im Regiment vnd Sinn gefolget/ so eyfferig/ daß er sei- ne Hoff diener/ wegen der Bilder hingericht/ verjagt vnd gefangen gesetzt/ auch wegen deß Verdachts/ sich der Keyserin Jrene enthal- ten. Hingegen vberzog
Pipinus,
vnnd nach jhm
Carolus
die Westphalen vnd Sachsen/ auß keiner andern Vrsach/ als daß die Christen vnter jhnen nicht wolten geduldet werden. Also enthaup- tet er dreyhundert ansehenliche Buͤrger zu Rom auff einen Tag/ daß sie den Papst
Leonem III.
vbel geschlagen/ vnnd außgejagt hatten/ weil derselbe vermittelst eines leiblichen Eyds/ von allen Aufflagen ledig vnnd vnschuldig erkannt war. Jn Teutschland stifftet er ein vnd zwantzig Bischthumb/ darinn die freye Kuͤnst auß Griechenland vnd Jtalien/ sonderlich/ die rechte Lehr deß Glau-
bens
ET RESTAVR. DISCVRS. VII.
bens solten getrieben werden/ vnnd begabet sie bey seinem Leben/ mit grossen Einkommen vnd Renten/ auch in seinem Testament mit Theils seiner Mobilien vnd Baarschafft. Sonderlich solte Pa- derborn die Griechische Spraach studieren/ damit derselbige Bi- schoff in Griechenland bey den Kirchenversamlungen/ im Namen der Occidentalischen Kirchen/ mit Nntz vnnd Ruhm erscheinen koͤnte.
Der siebende Discurß.
Wie die Geistliche etwas Weltlich worden/ die Keyser
auß Welschland vnd von der Paͤpstischen Wahl abgehalten: Vnd was
Nicolaus II. Gregorius VII. Urbanus II. Paschalis II. Ge- lasius II.
mit
Henrico IV.
vnd
Henrico V.
deßwegen vor Ge- zaͤnck vnd Krieg gefuͤhret/ biß endlich
Calixtus II.
auff einem Reichstag seinen Zweck erreycht/ vnnd die Clerisey frey ge- macht.
V
Mb das Jahr Christi 990. fiengen die Bischoͤffe an/ vnd wurden Herꝛn/ wolten nicht mehr mit den andern Geistlichen leben/ lernen/ singen/ beten/ essen vnd wohnen/ sagt
Fabricius;
sondern hielten Pferd/ Hund/ Kuͤhe/ vnd liessen das Ampt jhre Substituten verrichten; daruͤber die Key- ser selbst jhnen Privilegien ertheilten. Auch wolten die Aepte den Bischoffen sich nicht vntergeben/ biß auff einem Reichstag Anno Christi 1023. deßwegen ein Reichs-Abschied geschehen. Gleich- wolentstund ein grosser Aufflauff Anno Christi 1063. zu Goßlar/ auff Pfingsten/ als der Bischoff zu Hildesheim/ vnnd der Abt zu Fulda in der Kirchen gestritten/ wer dem Bischoff zu Maintz am naͤchsten solte sitzen. Anfangs lag der Fuldische mit seinen Ver- fechtern vnten/ erhielt doch hernach die Oberhand/ biß die Nacht sie gescheyden: Doch befand sichs/ daß er vnrecht hatte/ darumb er
H
auch
GERMANIÆ PERTVRBATÆ
auch wider Gunst zuerlangen/ viel Guͤter vereussert/ vnd das Clo- ster arm gemacht.
Was für Haͤndel die
Ottones
vnnd
Henrici
bald mit den Roͤmern/ so das Recht einen Papst zuwehlen jhnen allein zumas- sen; bald wegen der Aber-Paͤpste/ wann Zween/ jeder weilen Drey durch die Wahl gerahten/ vnd keiner dem andern weichen wollen/ in Welschland gehabt; da dann deß Roͤmischen Reichs Hohheit mercklich geschmaͤlert wollen werden/ mag man bey den Geschicht- schreibern lesen; doch dieses in acht halten/ daß die Weischen den Teutschen nie guͤnstig/ sondern allezeit gehaͤssig gewesen/ auch jh- rer nimmer begehrt/ als wider die Nordmaͤnner/ vnd in jhren Strit- tigkeiten: Dannenhero die fromme Teutschen auch bey jhnen mehr gescholten vnd verhoͤhnet/ als gelobet vnd geruͤhmet werden. Vnd stund nicht lang an/ daß die Teutschen so wol wegen Ge- walt/ als Verdruß/ das Welschland gar fahren lassen/ vnnd das Teutschland vor sich behalten. Dann
Henricus III.
war der letzte Keyser/ der deß Roͤmischen Reichs Majestaͤt vnnd Hohheit durch gantz Welschland/ vnd in der Statt Rom selbst/ auch bey Bestellung deß Paͤpstischen Stuls hoch gefuͤhret. Dann also bald wehleten die Roͤmer/ vnerwart deß Keysers/ vnd machten ein Kirchengesetz/ daß die Clerisey/ vnd sonderlich die Cardinaͤl den Papst auß jhrem Mittel: Vnd im Fall kein taugliche Person vorhanden/ auß andern Kirchen wehlen solten/ doch dem Keyser/ der damals ein Kind war/ seine gebührende Ehr vorbehalten. Al- les zielte dahinauß/ daß der Keyser in Teutschland bliebe/ vnd das Welsche Koͤnigreich/ auch die Paͤpstische Wahl/ sampt aller Bottmaͤssigkeit vber die Clerisey/ fahren lassen solte.
Zu dem End ergriff
Nicolaus II.
einen Goͤttlichen Raht/ sagt
Baronius,
in dem er in Person zu den Nordmaͤnnern gezogen/ sie auß dem Geistlichen Bann gethan/ vnd die Closterguͤter auß jh- ren Haͤnden damit gespielt/ daß er jhnen erlaubt vnd gegeben/ Apu- lien/ Calabrien vnd Sicilien/ wider die Griechen vnd Saracenen einzunehmen/ vnd also zubesitzen/ damit sie dem Roͤmischen Stul
Jaͤhr-
ET RESTAVR. DISCVRS. VII.
Jaͤhrlich von jedem Joch Ochsen/ zwoͤlff Papienser Groschen er- legten/ dem Bapst trew zuseyn/ vnd seine Würde zubeschuͤtzen ge- schworen. Wie er jhnen dann also bald ein Kriegsmacht zuge- bracht/ mit welcher sie die Tusculaner Graffen zum Fried/ vnnd dem Bapst Eyd vnd Pflicht zuleysten/ angehalten.
Endlich/ macht sich zu Mantua im Jahr 1066 ein Kirchen- Gesetz: Der Keyser haͤtte mit der Wahl eines Roͤmischen Bi- schoffs/ gar nichts zuthun; welches
Hanno,
Bischoff zu Maintz/ zu der Teutschen Keyser grossem Nachtheil/ gut geheissen; alles durch Anstifftung vnd Trieb
Hildebrandi,
vnnd Ertz-
Diacon,
der hernach Papst/ vnd
Gregorius
VII.
genant worden.
Zu dieser Zeit schrieb
Damianus,
ein gelehrter Moͤnch/ der Papst zu Rom haͤtte das Keyserthumb zuverwalten/ so lang sol- ches von deß Abgestorbenen Zeit/ biß zu eines andern Wahl/ ledig stuͤnde.
Gregorius
VII.
begehrt an die Koͤnige in Spanien/ sie sol- ten/ nach dem die Saracenen durch sie gantz vertrieben/ das Land
S. Petro
abtretten/ deme es vorlaͤngst gewidmet were: Also fordert er auch die Jnsul Sardinien. Er wolte nicht gestatten/ daß die Staͤnde
Henricum
IV.
absetzten; draͤwete aber
Philippo,
dem Koͤnig in Franckreich/ jhn abzusetzen/ vnd seines Koͤnigreichs zube- rauben/ wann er nicht vnterließ/ Bischoffe vnd Aebte/ durch erleg- tes Gelt/ zuverordnen. Auch setzt er ab alle Geistliche/ so Ehe- weiber hatten; welches aber die Teutschen damals nicht eingehen/ vnd eben deßwegen den Bischoff zu Maintz/ in Erfurt zu tod schlagen wollen. Doch erhielt
Gregorius
schier alles/ was er fuͤr- nahme/ vnd wircket sich nicht nur vom Keyser ledig/ sondern erhub den Roͤmischen Stul auch gar vber die Keyserliche Hohheit; vnd solches auß dieser begebenden Gelegenheit.
Die vberwundene Sachsen klagten vber den Keyser/ bey dem Papst/ jhre Geisel vnd das gantze Land wer gar zu vnguͤtlich gehal- ten: Der Papst eitiert den Keyser/ sich vor jhm/ wegen dieser Auff- lag/ vnd dann/ daß er von Bischoffen vnnd Aebten Gelt nehme/ sie
H ij
zu-
GERMANIÆ PERTVRBATÆ
zuverordnen/ zuverantworten: Gehet schimpfflich mit den Keyse- rischen Abgesandten vmb/ vnd als der Keyser durch sechs vnd zwan- tzig Bischoff zu Wormbs/ in Gegenwart eines gesandten Cardi- nals/ sich verthaͤdiget/ auch nach einem langen Register der Paͤpsti- schen Vntugenden geschlossen/ dieser Papst solte ab- vnd ein an- derer eingesetzt werden; begegnet jhm
Gregorius
mit einem andern Schluß/ zu Rom gemacht: Rom were das Haupt der gantzen Welt/ der Papst haͤtte Macht einen Keyser abzusetzen. Thut dar- auff den Keyser in Bann/ vnd macht die Fuͤrsten von jhm abwen- dig/ daß sie jhn dahin vermoͤcht/ den gantzen Handel dem Papst zuvbergeben/ vnd jnnerhalb Jahrsfrist/ die Absolution zuerlangen. Vnd als der Keyser mit seiner Gemahlin/ vnd seinem Sohn/ ne- ben wenigem Gelait/ deßwegen nach Welschland angezogen kam/ fand er den Paß verlegt/ welchen er in Burgund suchen/ vnnd mit Gelt zahlen muͤssen/ auch die Absolution auff grosse Vorbitt/ nach vielem Fasten/ Bitten vnd Flehen/ nicht anderst erlangt/ als daß er in den Saͤchsischen Haͤndeln den Papst zum Scheydmann an- nahme; Jnmittelst in Reichssachen nichts verrichtete/ alle Vnter- thanen jhrer Pflicht ledig zehlete/ in allen Stuͤcken dem Bapst nachgebe/ vnd Gehorsam leyste; solches alles mit einem leiblichen Eyd bestaͤttigte. Verschaffte auch/ daß die Staͤnde vnter waͤh- render Zeit
Rudolphum,
Hertzogen in Schwaben/ zu einem A- ber Keyser erwehlet vnd auffgeworffen; der aber/ nach dem der Bi- schoff von Straßburg in eygener Person
Henricum
auß Welsch- land vber Venedig wider in Teutschland gebracht/ ob schon
Hen- ricus
zum andern mal in ein sonderlichen scharpffen Bann gefal- len/ den Aber Keyser in etlichen Schlachten vberwunden/ der in dem vierdten vnd letzten Treffen/ biß auff den Tod verletzt/ auch der rechten Hand gestimmelt/ vnd demnach mit grosser Rew seines Le- bens verkuͤrtzt worden.
An diesem Ort war es vmb das Hauptwesen zuthun: Ob der Bapst dem Keyser/ oder der Keyser dem Bapst zugebieten; vnd welcher den andern abzusetzen haͤtte.
Ambrosius
hatte hier zu den
ersten
ET RESTAVR. DISCVRS. VII.
ersten Stein gelegt/ vnd war mit seiner Schaͤrpffe vorgetrungen:
Gregorius
brach durch/ vnd setzt alles dran. Vnd wann ein ver- nuͤnfftiger Mensch nach seinen fuͤnff Sinnen/ hier von vrtheilen solte/ wuͤrde er bey den Roͤmischen Keysern nichts anders/ als Feh- ler finden. Dann haben die Monarchen/ so vber Orient vnd Oe- cident geherꝛschet/ als
Constantinus
vnd
Theodosius,
in jhren Gewissen befunden/ daß/ der vnterrichtet wird/ mit dem Wort/ al- lerley gutes/ deme/ der jhn vnterrichtet/ mittheilen soll; vnd solchem nach ein Stuͤck jhrer weltlichen Herꝛschafften auch begeben wol- len: So soll bey Vermeidung der hoͤchsten vnd heiligsten Vnehr/ die bey verletzten vhralten Pflichten vorgehet; auch auß Beysorg eines gleichen Schimpffs/ den die Nachkoͤmmliche den Jetztleben- den/ auff eben solche Weiß/ durch Vernichtung jhrer zuvor ertheil- ten Privilegien/ billig/ vnd nach gegebenem Exempel anthun koͤn- ten; solches begebene Recht nicht wider (ohn sehr hochwichtige Vrsach) auff gehoben/ vnd zuruͤck gezogen werden: So wenig/ die heilige Schrifft gestattet/ daß man die Marckstein/ vnnd Graͤntzen ohne Vetraͤg vnd Abscheid versetze. Hatten aber die vo- rige Keyser hierinn auß Vnwissenheit/ Einfalt/ vnzeitigem Eyf- fer/ Verlaitung vnd List zuviel gethan; were es doch vnzimlich/ sie solcher Fehler zu vberfuͤhren; auch zumal vnvernuͤnfftig/ wann die Priester deß Himmlischen Fewers/ bey denen aller Verstand/ die Wahrheit selbst/ vnd der offene Will deß Allerhoͤchsten zusuchen vnd zu finden/ weder das Liecht der Natur/ noch den Himmlischen Glantz der erleuchtenden Weißheit/ zu einem Scheidsmann an- nehmen vnd erkennen wolten.
Vnd wann man alles mit zehen Fackein beleuchtet/ findet sich/ daß man die Diener deß heiligen Evangelions/ mit weltlichen Sorgen vnd Processen/ auch Kriegen/ wegen der zeitlichen Guͤter beladen/ ja vberhaͤufft/ verdruckt/ vnd erstickt hat. Mann bewar- be sich anfaͤnglich gar nicht vmb die Ehrenaͤmpter in der Christli- chen Kirchen; vnd weil dieselbe sehr beschwaͤr-ja gefaͤhrlich waren/ wurden die erste Bischoffe darzu genoͤhtiget; gleich wie bey den vhr-
H iij
alten
GERMANIÆ PERTVRBATÆ
alten Roͤmern jener
Dictator Cincinnatus,
den man vom Pflug auß dem Acker/ zu einem Haupt wider die Feinde/ in sehr geschwin- dem Zustand deß Regiments erfordert hatte/ sagte: Wer wird mir nun den Pflug halten? Nun muß ich vnd mein Haußwesen/ weil ich
Generalissimus
ohne Maßgebung/ dieses Jahr Mangel ley- den/ vnd desto weniger zu ernden haben.
Als aber hernach die Aempter bey den Roͤmern nuͤtzlich wor- den/ vnd der Geitz sich allenthalben entzuͤndet/ gieng zwar Tugend vor/ doch also/ daß Gifft vnnd Gaben/ Verwand- vnd Freund- schafft zum offtern mehr vermochten: Also auch das Reichthumb der Kirchen manchen in Versuchung geführet/ daß er durch Kraͤ- merey/ sonsten Simoney genannt/ versucht/ erworben/ vnd erhal- ten/ das er durch Tugend nicht haͤtte doͤrffen gedencken. Vnd sind gar nicht so viel hundert Jahr verflossen/ daß man zu Rom vn- ter den Christen vber die Geistliche Aempter/ auch das Bapsthumb selbsten/ in den geweyheten Orten vnd Kirchen/ biß auff das Blut gekaͤmpffet; als etwan in verflossenen Zeiten die Heydnische Roͤ- mer auß dem Liecht der Natur/ nach Anweisung der Tugend/ vnd Eyffer eines ruͤhmlichen Namens/ vber den Jaͤhrigen/ oder doch zeitlichen Ehrenaͤmptern haben gestritten. Vnd alles reifflich zu- vberlegen/ sagt ja der Heyland selbst/ sein Reich sey inwendig in dem Menschen/ vnd nicht von dieser Welt/ sein Geist werde die Juͤnger in alle Warheit laiten/ die Welt werde meynen/ sie thue GOtt ei- nen Dienst daran/ wann sie die Kinder Gottes toͤdte: Erkannt/ daß die weltliche Fuͤrsten herꝛschen/ vnd die Oberherꝛn Gewalt haben/ aber vnter den Aposteln (vnd deren Nachfolgern) es nicht also seyn soll. Haͤtten demnach die Keyser vnd Koͤnige das Weltliche be- halten moͤgen/ oder was sie daran begeben/ gelten lassen.
Gleichwol moͤchte man auch sagen: Die Geistliche solten sich selbst vor vnfaͤhig solcher Guͤter/ sampt dem Vnraht/ so daran vnvmbgaͤnglich verknipfft ist/ erkannt/ vnd gar nicht beladen ha- ben. Dieweil es aber/ wegen deß Heydenthumbs/ vnd dann/ we- gen grosser Herꝛn gewoͤhnlichem Eygensinn/ oder auch Frechheit
vnd
ET RESTAVR. DISCVRS. VII.
vnd Muhtwill/ nicht wol anders seyn wollen/ oder auch koͤnnen; moͤgen vnsere
Politici,
oder Regierungsrechte nun ferner sehen/ wie sie sich vergleichen.
De rupescissa
hat laͤngst von seiner Hora- tianischen Kraͤe geprediget/ dieselbige mit dem Roͤmischen Bapst vergleichend/ als welche von allen vnd jeden Voͤgeln die außgefal- lene/ oder auch außgerauffte schoͤnste Federn/ wie die Clerisey die be- ste Lehen/ vnd Reichs Guͤter/ fleissig auffgelesen/ vnd jhrem Leib angefuͤget/ dannenhero aller Voͤgeln Herꝛscherin/ als der Bapst vber alle weltliche Obrigkeiten seyn wollen. Es haͤtte aber jeder Vogel seine an der Kraͤen erkante Federn/ wider außgezogen/ vnd also dieselbe Federloß/ zu grossem Hohn stehen lassen: Vnd wann man der Clerisey alle
Donationes, Legata
vnd Stifftungen ent- ziehen wuͤrde/ sie auch ohne Pracht vnnd Schoͤnheit/ ja gar in Schanden bestehen solte.
Schliessen gleichwol auß diesem
Apologo,
die Alten haͤtten vor noͤhtig erachtet/ daß man die Kirchenguͤter stiffte/ vermehre/ ab- sondere/ vnd beschuͤtze; die Jungen aber ein andern gantz widrigen Sinn gefast/ die gedachte Kirchenguͤter zuschmaͤlern/ zuenteussern/ vnd gar auffzuheben.
Hie moͤchte einer diese Frag ferner vorbringen: Wer die zu geistlichen Sachen gestifftete Guͤter am besten gebrauche/ der Bapst/ oder die weltliche Herꝛn? Vnd im Fall einige Verschwen- dung derselben kundbar/ wer darinn zustewren haͤtte? Die
Politici
werffen den Geistlichen fuͤr/ sie haben eygentlich mit der Seel zu- thun/ vnd nur gewisse Maaß vnd Ordnung zugeben/ wie man sich deß Leibs vnd der eusserlichen Guͤter/ ohne Nachtheil der Seelen/ zubedienen/ auff daß/ naͤmlich/ dieselbe nicht vber die Seele/ sondern die Seele vber dieselbe herꝛsche/ haben auch gar keinen Zwang vber das Leibliche/ als was die Seele/ wann sie recht eingerichtet/ dem Leib selbst gebiete/ vnnd jhn in einem/ oder dem andern betaͤubet vnd bezaͤumet.
Hingegen muͤssen die
Politici
hoͤren/ sie sehen wenig/ oder gar nicht auff die Taffel/ in welcher der rechte jnnerliche Gottesdienst
mehren-
GERMANIÆ PERTVRBATÆ
mehrentheils verfasset; achten mehr auff das Liecht der Natur/ vnd Heydnische Recht/ als auff Mosen vnd Christum; machen einen Vnderscheid in Personen/ Anklagen/ Vrtheilen vnnd Straffen; erheben vnd setzen einige Menschen/ die jederweilen hochstraͤff- vnd aͤrgerlich/ vber alle Gesetz/ vnnd wollen solche gar nicht vnter die Zahl der feindhafftigen straffbaren Menschen gezehlet haben.
Vnd hie were wol vonnoͤhten/ ein
Cratippus, Panætius, Ci- cero,
oder vielmehr ein
Paulus Tharsensis,
nicht
Castrensis,
der vns
de Finibus bonorum,
worinn die rechte Redlichkeit/ vnd der vnergreiffliche Entscheid derselben bestuͤnde/ satten Bericht thaͤte/ auff daß die
Politici
den Geistlichen/ vnnd diese jenen nicht zu- viel/ sondern ein jeder seinem Nachbarn seine Gebuͤhr darbiete vnd reyche.
Also sehen wir/ wie
Gregorius
vor gewiß gehalten/
Henricus
thue vnrecht/ wann er die widerspenstige Sachsen/ die doch von
Ca- roli Magni
Zeiten her/ allezeit newe Auffstaͤnd erregt/ vmb gemei- ner Ruhe willen/ etwas hart hernehme; vnd wann einer von den Landen vnd Geltreichen Bischoffen vnd Aebten etwas Gelt erho- ben/ den Last deß Roͤmischen Reichs desto besser zutragen/ angese- hen die jenige Landschafften/ so etwan dem Reich heimgefallen/ vnd jederzeit jhren Theil neben andern beygebracht/ nicht zu dem Ende den Geistlichen vbergeben worden/ daß dardurch die Reichs- huͤlff geschmaͤlert/ vnd andern/ die Bekuͤmmernuͤß vber den Kopff gehaͤuffet wuͤrde. Hingegen meynete
Henricus,
in solchen eusser- lichen Sachen haͤtte jhm niemand einzureden/ als etwan die Reichs Chur-vnd Fuͤrsten/ die jhn zum Keyserthumb erhoben/ vnd stuͤnde einem Geistlichen Haupt der Christenheit vbel an/ wann er sich darein mischete/ auch wol gar einen Keyser absetzen wolte. Jn Er- wegung durch alle Historien befindlich/ daß die Baͤpste den Key- sern Tribut geben/ vnd zu Gebott stehen/ auch offtmals wegen v- beln Verhaltens/ weichen muͤssen/ darumb hielte er eine Versam- lung der Geist- vnd Weltlichen/ zog mit Heeresmacht in Welsch- land/ vnd belaͤgert die Statt Rom vber zwey gantzer Jahr/ erobert
auch
ET RESTAVR. DISCVRS. VII.
auch die newe Statt/ sonsten
Leonina
genannt/ vnd ließ Vnter- handlung pflegen/ damit seine Sach auff einer Versamlung der Geistlichen/ verhandelt vnd geschlichtet wuͤrde: Aber
Gregorius
hatte an die Staͤnde geschrieben/ sie solten in Wehlung eines newen Keysers/ vorsichtig gehen/ daß derselbige dem Roͤmischen Stul ge- trew were/ vnd schrieb jhnen dieses Formular vor/ auff welches ein erwehlter Keyser schweren solte.
Von dieser Stund/ vnd ins kuͤnfftig/ wil ich durch wahren Glauben dem heiligen Apostel Petro vnd seinem Statthalter/ dem heiligen
Gregorio,
trew seyn/ vnnd alles/ was er mir bey diesen Worten wird befehlen/ durch wahren Gehorsam/ wie ein Christ thun muß/ beobachten vnd halten/ ꝛc.
Hierauff wird
Hermannus,
Hertzog in Lothringen/ erweh- let/ mehr durch Eyffer der Sachsen/ als der andern Staͤnde/ die sich vor jnnerlichen Kriegen foͤrchteten; wie es dann in Abwesen deß Keysers/ vnderschiedliche Treffen in Teutschland gegeben. Die Nordmaͤnner hieltens mit dem Bapst/ wurdẽ aber auch in Ansehen vnd auff Begehren deß Griechischen Keysers/ von
Henrico
auff die Finger geklopfft:
Gregorius
muste in die Engelburg wei- chen/ auß welcher jhn/ nach dem
Henricus,
wegen grosser Hitz/ nach Sena gezogen/ Robert der Nordmann erlediget/ vnnd nach
Cassinum,
endlich nach
Salernum
gefuͤhret/ da er in Sicherheit/ biß an sein End vber Jahres Frist gesessen/ in dem
Clemens
III.
zu Rom/ vnd zu Maintz bestaͤttiget worden. Also gab es jmmer zu zween Baͤpst/ vnd in Teutschland viel Ab- vnd Zufaͤll/ da
Henri- cas
manchmal in die eusserste Noht gerahten/ sonderlich gegen Eckbrecht/ dem Landgraffen in Thuͤringen/ vnnd Marggraff in Sachsen/ der nach
Hermanni
Tod/ der einige Feind noch vbrig war/ als Hardwig/ Bischoff zu Magdeburg/ deß Keysers Feld- herꝛ/ Verraͤhterey triebe/ vnd seinem Feind Anlaitung gab/ jhn zu- schlagen. Doch wurd Eckbrecht in der Muͤhl Eisenbeutel von einer Keyserlichen Parthey/ erlegt vnd erschlagen: Also/ daß der Keyser vber das Gebuͤrg zog/ vnd seinem Bapst die Engelburg ein- raumete.
J
Es
GERMANIÆ PERTVRBATÆ
Es entstund aber ein newe Auffruhr/ als
Conradus
deß Key- sers Sohn/ vom Bapst
Urbano
sich verlaiten/ vnd zu einem Koͤ- nig in Welschland croͤnen lassen/ zu
Cremona
dem Bapst den Steigreyff gehalten/ vnd/ da er die geistliche
Investitur
wolte fah- ren lassen/ Hoffnung zu dem Keyserthumb bekommen. Dem- nach machte
Vrbanus
zu Clarmont in Franckreich/ mit dreyzehen Ertzbischoffen/ vnd dreyhundert Bischoffen vnd Aebten/ deme Koͤ- nig
Philippus,
wegen seines verstossenen Gemahls/ vnd vnter halte- nen Beyschlaͤfferin/ sich nicht doͤrffen widersetzen/ diesen Schluß. Die Kirch were von aller Dienstbarkeit der Koͤnigen frey/ solte de- rowegen kein Geistlicher von jhnen eingesetzt werden/ oder die
Inve- stitur
annehmen. Vnd dieses war der Hauptstreit/ daruͤber
Con- radus
vom Vatter abgefallen/ der Vatter jhn enterbet vnnd ver- bannt/ vnd an seine Stell den jungen Sohn
Henricum,
auff einem Reichstag zum Nachfahren im Reich/ nach gelaistetem Eyd/ dem Vatter allezeit getrew zubleiben/ erklaͤret/ Anno 1099.
Conradus
starb im neundten Jahr seines Abfalls/ aber
Gregorii
Parthey er- hielt nach zwantzig Jahren dieses Zwyspalts die Oberhand/ dar- umb fordert
Paschalis
II.
den Keyser vor das geistliche Gericht/ vnd thut jhn/ weil er nicht erschien/ nachmaln in den Bann: Vnd ließ den jungen Keyser dahin bereden: Es koͤnte kein Christ ohnver- letzten Gewissens/ mit einem Verbannten vmbgehen/ were auch kein Eyd noch Pflicht gegen einem solcher guͤltig: Er solte sich an den Bapst halten/ damit das Keyserthumb nicht auff einen an- dern Stamm verlegt wuͤrde. Also gab es einen offenen Krieg/ vnd etliche Vertraͤg/ biß daß der Sohn vmb Gnad gebetten/ vnd dar- durch den Vatter Sorgloß gemacht; aber alles darauff angestelt/ daß der Keyser seine Macht abdanckte/ vnd der Sohn seiner Mei- ster wuͤrde/ wie auch geschehen: Vnd wurd der Keyser zu Bingen am Rhein in Hafft genommen/ vnd deß Keyserlichen Schmucks vom Leib beraubet/ Anno Christi 1105.
Also ward
Henricus V.
Keyser/ der gleich im andern Jahr/ auß Antrieb der Staͤnde/ an den Bapst/ so dazumal in Franckreich
war/
ET RESTAVR. DISCVRS. VII.
war/ sande/ vnd anzeigen ließ: Er koͤnte sich der geistlichen
Inve- stitur
keines wegs begeben/ znmal
Carolus Magnus
dieselbe erhal- ten/ vnnd auff die Teutsche Keyser kommen lassen/ ob schon auß Antrieb
Anshelmi,
der Koͤnig in Engelland sich derselben begeben. Hierauß entstund ein newer Krieg/ daß der Keyser vber das Gebuͤrg zog/ vnnd der Bapst alle Zuflucht bey den Nordmaͤnnern suchte. Aber
Henricus V.
vberwaͤltiget alles/ vnd wurd in Rom/ wiewol mit Muͤhe vnd Faustrecht/ Meister/ wegen der
Investitur
vnd sei- ner Croͤnung/ bekam den Bapst gefangen/ vnd traff ein Fried mit jhm/ darbey nach acht Wochentlichem Gezaͤnck es dahin vergli- chen/ daß der Bapst den 13. Aprill/ mit Einwilligung der Cardinaͤl/ vnter seinem Jnsiegel/ dem Keyser das
Privilegium
vber die
Inve- stitur,
der Bischoffe vnd Aebte/ so wol mit dem Ring/ als mit dem krummen Staab vberlassen/ zu Bekraͤfftigung dessen/ sie mitein- ander das heilige Abendmahl genom̃en/ wie
Baronius
er zehlet/ dar- auff die Croͤnung vorgegangen. So bald aber der Keyser wider in Teutschland kommen/ muste der Bapst von den abgewesenen Geistlichen grossen Verweiß hoͤren; der entschuldiget sich aber/ wegen angelegten Gewalts/ vnd daß er wider sich selbst hat müssen thun; begehrt auch Raht vnd Huͤlff/ solchen Fehler zuverbessern. Hierauff wurd geschlossen/ alles wider vmbzustossen/ den Keyser in dem Bann zu thun/ vnd die Sachsen an jhn zuverhetzen/ als auch geschehen. Doch erhielt der Keyser in Teutsch- vnd Welschland die Oberhand/ wider
Gelasium II.
der nach
Paschali
zum Bapst- thumb kommen.
Endlich/ als die Staͤnde deß Reichs gesehen/ daß die Geist- lichen auß jhrem Mittel/ sonderlich der damalige Bischoff zu Maintz/ dem Bapst anhiengen/ vnd daß in dem Streit vber der Geistlichen
Investitur,
viel Blut vergossen/ vnd viel Laͤnder ver- derbt/ auch ein vnendlicher Streit worden/ beschlossen sie zu Wormbs/ der Keyser solte dem Bapst alles nachgeben/ vñ der geist- lichen Haͤndel sich nicht mehr annehmen; welches mit Brieff vnd Siegeln also geschehen: Vnd erhielt
Calixtus ll.
diesen Preiß/
J ij
daß
GERMANIÆ PERTVRBATÆ
daß er/ was
Ambrosius
angefangen/ vnd
Paschalis
schier gar ver- schertzt gehabt/ so hoch ansehenlich erhalten: Vnd daß von nun an/ die Geistliche den Keysern nicht mehr zu Hoff ritten/ eine vnd andere fette Praͤbend zuerlangen/ sondern solche zu Rom suchten. So geschehen zu Wormbs/ im Jahr Christi/ ein tausend ein hun- dert zwey vnd zwantzig/ im Herbst.
Der achte Discurß.
Was
Innocentius ll.
mit
Lothario; Eugenius lll.
mit den Roͤmern:
Eugenius IV.
mit
Barbarossa;
seine Nachfahren mit den Nordmaͤnnern/ wegen der
Investitur,
der Vacantzen/ etli- cher Landschafften in Jtalien/ mit
Philippo
vnd
Friderico
II.
vber der Bestaͤttigung eines Papsts vnd Keysers/ mit
Conra- do, Manfredo
vnd
Conradino,
wegen Sicilien vnd Apulien/ Vnd dann mit den Frantzosen vnd Aragonern/ mit
Ludovico
auß Bayern vor Auffhebens gemacht/ biß
Carolus IV.
die gantze Clerisey vom weltlichen Gewalt loß vnd frey gesprochen.
N
Vn solte man ja Ruhe vnd Friede allenthalben finden/ wann nicht der Streit vber den Geistlichen Guͤtern/ sich jmmerzu erreget haͤtte. Lothar auß Sachsen/ wolte
Innocentio ll.
der gegen vnnd mit
Anacleto
Bapst worden/ vnd sich in Franckreich hielte/ nicht anderst Huͤlff laisten/ vnd jhn nicht anderst zu Rom einsetzen/ er erlangte dann die Jnvestitur wider/ deren
Henricus V.
sein Vorfahr/ im Keyser- thumb sich begeben hatte. Doch ließ er sich durch
Bernhardum
den Abt/ bereden/ daß er diesem Bapst zum besten/ einen Zug in Welschland/ ohne Entgelt/ gethan. Noch entstund ein ander Fewerin der Statt Rom selbst/ in deme die Burgerschafft dem Bapst abfielen/ das vhralt Regiment vnter zween Burgermeistern wider anstelleten/ den Teutschen Keyser vmb Huͤlff anschrien/ vnd
den
ET RESTAVR. DISCVRS. VII.
den Bapst mit der gantzen Clerisey vom weltlichen Regiment/ ab- stossen/ vnd in die Kirchen packen wolten. Aber
Eugenius
lll.
setzt der Statt von aussen/ mit solcher Kriegsmacht zu/ daß durch einen Vertrag alles/ wiewol mit Sorgen/ in den vorigen Stand wider kam. Damit aber nun der Bapst Ruh haͤtte/ bewegt er die gantze Christenheit gegen Abend/ das Evangelion mit Gewalt fort zupflantzen/ vnd zwar an dreyen vnderschiedlichen Enden/ in Spa- nien/ wider die Saracenen vnd Mohren/ in
Africa,
wider die Wen- den/ vnd in Syrien/ wider die Saracenen vnnd Tuͤrcken/ weil die Europ
æ
ische Voͤlcker doch nicht ruhig/ vnd ohne Krieg seyn kon- ten.
Nach
Conradi lll.
Tod/ kam
Fridericus
der Rohtbart/ oder
Barbarossa,
seines Bruders Sohn/ an das Keyserthumb/ der ver- trug sich mit dem Bapst/ die Griechen auß Welschland zutreiben/ vnd die auffruͤhrische Roͤmer vnter deß Bapsts voͤlligen Gewalt zubringen. Doch gab es bald Widerwillen/ wegen eines Bi- schoffs/ der durch Belieben deß Keysers/ ohne deß Bapsts vorher- gangener Begruͤssung/ war gesetzt worden. Aber es entstund vmb ein geringe Sach ein Eckel/ zwischen
Eugenio
IV.
vnd dem Key- ser/ bey jhrer ersten Zusammenkunfft. Dann/ als der Keyser auff Rom/ sich daselbst eroͤnen zulassen/ zoge/ ritte jhm der Bapst entge- gen/ vnd wolte/ der Keyser solte jhm den Stegreyff/ oder Buͤgel halten/ auff das Pferd zusteigen/ welchen Knechtischen Dienst er abschluge/ vnd wurde deßwegen dem Keyser der heilige Kuß nicht zugelassen. Doch ließ er sich den folgenden Tag/ wie
Baronius
schreibet/ nach vielem Gezaͤnck/ bereden/ Keyser
Lotharius
haͤtte juͤngst dergleichen gethan/ vnd hielte den Stegreyff den folgenden Tag/ welches Stuͤck zu denselben/ vnd nachfolgenden Zeiten/ nach eines jeden Zuneygung/ als in allen Sachen zugeschehen pflegt/ ist auffgenommen worden. Dann etliche meyneten/ der Keyser haͤt- te darinn zuviel gethan/ vnd die Majestaͤt deß Roͤmischen Reichs fallen lassen.
Ja/ solcher Hochmuht stunde einem geistlichen Herꝛn nicht
J iij
an/
GERMANIÆ PERTVRBATÆ
an/ der sich der Vnterthaͤnigkeit/ nach Christi Gebott/ vnd der Apo- stel Lehr zubefleissen haͤtte. Andere aber lobten den Keyser/ daß er sich gegen GOtt so tieff gedemuͤhtiget/ vnd seine selbst Vnwürdig- keit erkant; vñ dann den Bapst/ daß er der Kirchen bißher so moͤg- lich erlangte Freyheiten hiemit bestaͤttiget haͤtte. Zu bedencken were/ ob/ vnd wiefern ein Statthalter weiter/ als sein Herꝛ selbst/ greiffen koͤnte; vnd ob eben das Geistliche Wesen nach der Ver- nunfft/ vnd Menschlichen Weißheit abzumessen sey.
Arnoldus
predigte damals offentlich: Es weren alle Priester der weltlichen Obrigkeit vnterworffen/ vnd solte solchem nach der Bapst zu Rom sich weltlicher Haͤndel entschlagen/ vnd allein der Geistlichen an- nehmen: Der Keyser macht jhn Handvest/ vnd lieffert jhn dem Bapst/ der jhn in Rauch vnd Fewer gen Himmel geschickt/ vnd die Asch in die Tiber strewen lassen.
Noch konte der Roͤmische Stul nicht vnangefochten seyn: Dann Hertzog Wilhelm/ Rogers/ Koͤnigs in Sicilien Sohn/ macht sich an den/ vnd nahm jhm etliche Plaͤtze hin: Der Griechi- sche Keyser wolte etliche Vestungen zur Versicherung vnnd zur Zuflucht in Sicilien haben; vnd befand sich der Teutsche Keyser/ wegen grosser Hitz/ mit seinen Voͤlckern zuschwach: Darumb wurd der Bapst sehr gedruckt/ vnd endlich gefangen. Der dann nichts vnterließ/ sondern vbermaͤssige Privilegien vergab/ sich wi- der loß zumachen; welches nicht allen Cardinaͤlen gefallen wollen. Vnd an diesem Paß war guter Raht thewer: Die Nordmaͤnner lagen dem Roͤmischen Stul vor der Thür; so war der Keyser muh- tig/ jung vnd maͤchtig/ vnd einer so wol/ als der ander/ dem Roͤmi- schen Stul gefaͤhrlich. Doch konte man erachten/ wann die Teutsche Macht durch Lieb/ oder Zwang dem Bapst zufiele/ wur- den die Nordmaͤnner alles müssen wolfailer geben/ vnnd der Keyser hernach sich behandeln lassen. Aber derselb wurde ohngefehr vor den Kopff gestossen/ mit dem Stegreyff halten/ vnd wolte sich des- sen schaͤmen/ entband auch in Eyffer/ als er im Paͤpstischẽ Pallast ein Gemaͤhld fand/ wie Keyser
Lotharius
sich vor dem Bapst de-
muͤh-
ET RESTAVR. DISCVRS. VII.
muͤhtigte/ vnd das Keyserthumb/ als ein Lehen/ von jhm empfienge/ mit diesem vntergesetzten Reimen:
Der Koͤnig kompt zum Thor/
Schwerd aber doch zuvor/
Er woll die Statt Rom mehren:
Wird druff deß Papsts Lehnmann/
Vnd nimbt die Croͤnung an/
Von seiner Hand zu ehren.
Dieses Gemaͤhld wolte der Keyser außgeloͤscht vnd vertilget haben/ weil es der Teutschen Nation/ sonderlich dem Roͤmischen Reich zu Hohn vnd Nachtheil gereychte; bekam aber zur Antwort: Er solte wissen/ der Bapst haͤtte dem Keyser die Keyserliche Cron verliehen/ vnd koͤnte jhm noch mehr Gutthaten zuneygen/ welches den Key- ser so hoͤchlich verdrossen/ daß er sich vornahme/ ehe die Cron mit dem Leben zuverlieren/ vnnd zog vber das Gebuͤrg. Der Bapst entschuldiget anfangs alles/ als weren die Wort nicht auff die Le- hen/ sondern auff die Gutthat zuverstehen; doch fast er
Gregorii
Sinn/ vnd tadelt den Keyser/ daß er seinen Namen vorsetze/ die Bi- schoͤffe zur Pflicht vnnd Huldigung halte/ vnd seine abgesandte Cardinaͤl von den Staͤtten abhalte. Vnd war dieses die Ant- wort: Die Cantzley pflege von vndencklichen Jahren/ die Na- men solcher Gestalt zusetzen/ vnnd nicht vnbillig/ weil die Baͤpste alles jhr Vermoͤgen von den Keysern haͤtten.
Die Bischoͤffe hielten
Regalia,
vnd musten derentwegen zur Pflicht koͤmmen/ oder solche auffgeben.
Die Cardinaͤl wurden nirgend eingelassen/ weil sie nicht zum Trost/ sondern zum Raub ankaͤmen/ weder Liecht/ noch Fried/ son- dern Truͤbsal vnd Verbitterung mit sich braͤchten.
Der Papsterweckt die Meylaͤnder vnd Cremenser wider den Keyser/ den er auch auff jhr Begehren/ in den geistliche Bann ge- than/ vnd durch gantz Welschland verhaßt gemacht; endlich seinen vorigen Feind/ Wilhelm auß Sicilien zu einem Keyser auffge- worffen. Jn dessen stirbt
Hadrianus lll.
vnnd
Victor lV.
zu-
gleich/
GERMANIÆ PERTVRBATÆ
gleich/ deren jeder deß Keysers begehrte. Derselb berufft die Geist- lichen in grosser Anzahl/ vnd erinnert sie/ zum aller fleisigsten zuer- wegen/ welcher vor den rechten Bapst zuhalten seyn solte. Vnd weil
Alexander
nicht erschiene/ wurd
Victor
gebilliget: Dar- auff beyderseits der geistliche Bann wider Haupt/ Helffer/ vnnd Helffers Helffer ergienge/ gleich wie Meyland daruͤber erobert/ zerstoͤret/ geschleyfft/ vnd mit Saltz gesaͤet/ auch Rom selbst einge- nommen worden. Der Bapst
Alexander
erhielt doch die Ober- hand/ nach dem man Fried gestifftet/ der Keyser jhm den Stegreyff gehalten/ vnd also von dem geistlichen Bannledig worden. Doch faßten die Teutschen Herꝛn einen grossen Zorn/ daß der Bapst den Keyser etwas lang auff den Knien lassen liegen. Also muste der Koͤnig in Engelland/ wegen deß erschlagenen Bischoffs zu Can- telberg/
Thomæ,
der deß Bapsts Gerechtigkeit wider deß Koͤnigs vñ der Staͤnde Schluß in Engelland standhafftig verfochten/ viel leyden/ vnnd alles eingehen/ was man an jhn begehrte/ wolte er auß dem Bann seyn. Die Roͤmer vertrieben den Bapst auß Rom/ weil er jhre Gebraͤuch nicht wolte billigen/ musten jhn aber wider ein- nehmen/ wegen deß Keysers erschienener Macht.
Gleichwol gab es jmmer Spaͤn zwischen jhnen: Vnter an- dern/ als Anno Christi 1184. zween Bischoff auff
Arnoldi
Tod zu Trier/ durch vngleiche Wahl sich auffgeworffen/ deren der eine dem Keyser/ der ander dem Papst gefiele. Auch wolte der Keyser die Marggraffschafft/ so Fraw
Mathildis
hinderlassen/ dem Papst nicht gestatten/ sondern vor das Roͤmische Reich behalten: Wie dann auch die Gerechtigkeit bey den erledigten geistlichen Stellen vnd Pr
æ
benden: Darumb gab der Papst nicht zu/ daß deß Key- sers Sohn/ wie etwan sonsten geschehen/ bey Lebzeiten/ vnnd noch- waͤhrender Regierung deß Vatters/ gecroͤnet wuͤrde/ doch fuhr der Keyser allerseits fort. Aber der allergroͤste Streit entstunde daher/ daß Wilhelm/ Koͤnig in Sicilien/ seiner Schwester
Constantiæ
Eheherꝛn/ den jungen Keyser
Henricum,
zum Er- ben eingesetzt/ vnnd seinen vnehelichen Bruder
Tancredum
vber- gangen. Dann der Bapst hielte es mit
Tancredo,
von welchem er
nach
ET RESTAVR. DISCVRS. VII.
nach Belieben/ alles zuerhalten hoffete. Geschehen im Jahr 1189. als
Fridericus Barbarossa
in einem gewaltigen Zug/ auff das ge- lobte Land schier alle Hindernuͤß/ vberwunden/ vnnd nunmehr die Thuͤr in der Hand hatte/ mit einem Pferd im fliessenden Wasser bald hernach ertruncken.
Henricus Vl.
verstattet
Celestino lll. Tusculum,
der es den Roͤmern vbergab zuschleyffen/ wie sie es laͤngst gern gesehen haͤtten/ weil es jhnen ein Dorn in den Augen/ ein Band vber die Nasen/ vnd ein Gebiß im Mund bißher gewesen: Dardurch der Papst die Roͤmer zu Freunden vnd Vnterthanen gemacht/ auch gegen dem Keyser nicht vnd anckbar sich erzeiget/ sondern die gefan- gene Keyserin von
Tancredo
erlangt/ die er jhrem Herꝛn wider zugesand. Die Paͤpste sahen wol/ daß
Henricus
jhnen gar zu maͤchtig/ vnd zu gluͤcklich were/ darumb gab es nicht viel ver gebli- che Strittigkeiten/ ob schon kurtz vor seinem Tod/ sein eygen Ehe- gemahl/ weil er die Nordmaͤnner/ jhre Erb-Vnterthanen gar zu hart hielte/ wider jhn einen Bund gemacht/ vnd jhn hart belaͤgert: Da aber
Henrici
Sohn/
Fridericus,
der geeroͤnte Keyser noch ein Kind/ vnnd
Philippus,
als Vatters Bruder/ vnnd rechtmaͤssiger Vormund/ die Regierung zuverwalten sich vnterfienge/ konte der Roͤmische Stul leichtlich sehen/ diese Hertzogen auß Schwaben rissen allen Gewalt/ in Teutsch-vnd Welschland an sich/ versuch- ten auch das Keyserthumb erblich zumachen (gestaltsam
Henricus
dem Roͤmischen Reich alle Nordmaͤnnische Laͤnder vnter solchem Beding vbergeben/ welches zwey vnd fuͤnfftzig Fuͤrsten deß Reichs/ auch der Papst selbsten/ gut geheissen/ vnd besiegelt) darauß ein Roͤ- mischer Papst foͤrchten koͤnte/ was die
Ottones
vnd ersten
Henrici
jhrer Wuͤrde/ vnd jhren Landschafften zu Nachtheil/ so manches mallassen vorgehen. Darumb muste man bedacht seyn/ daß ein ander Hauß/ von geringerem Vermoͤgen auffnehme/ welches je- derweilen Huͤlff vnd Vorschub bedoͤrffen/ vnd gnugsam bezahlen wuͤrde. Also kam Berchtold Hertzog zu Zaͤringen/ vnnd
Otto
Heinrich deß Loͤwen Sohn/ durch Wahl zum Keyserthumb/ wel-
K
cher
GERMANIÆ PERTVRBATÆ
cher einen grossen Anhang erlangte/ sonderlich/ als
Philippus
in den Baͤpstischen Bann gefallen: Aber seine Mannheit im Feld/ vnd Sanfftmuht gegen den Vberwundenen erhielten jhn bey Eh- ren/ ob schon der Bischoff zu Coͤln deßwegen in den geistlichen Bann gefallen/ vñ vertrieben ward/ biß endlich der Papst selbst zum Vergleich verstanden.
Was die Paͤpste vor vielen Jahren an sich ziehen wollen/ das geschah zu Zeiten dieser zweyer Keyser: Welches aber
Otto
auß Sachsen/ nach
Philippi
Tod/ alles wider suchte. Darumb for- dert der Papst
Fridericum ll. Henrici Vl.
Sohn/ auß Sici- lien/ vnnd verhalff jhm zum Keyserthumb/ wie er schon vorlaͤngst darzu gecroͤnet war/ doch vnter Geloͤbnuͤß der Trew vnd Pflicht. Auff die Croͤnung vbergab er dem Papst die Graffschafft Fun- den: Aber es war jmmer Streit zwischen jhnen/ vnnd klagte der Keyser/ seine Vnterthanen/ wuͤrden wider jhn verreitzet; So klagt der Bapst/ jhm geschehe Eingriff. Endlich/ versamlet der Key- ser die Staͤnde in Teutschland/ vnd erlanget/ daß sie seinen Sohn
Henricum
zum Keyser croͤneten. Vnd da jhn der Bapst in Bann thaͤte/ auch als ein jungen Mahometisten verschreyte/ zog er mit Heeresmacht vber das Gebuͤrg: Aber der Koͤnig von Je- rusalem kam dahin/ vnnd suchte Huͤlff/ vereiniget den Bapst mit dem Keyser/ dem er seine Tochter Jolant zum Weib gab/ mit der Morgengab deß gantzen Koͤnigreichs Jerusalem. Es stund auch anfangs der Bapst dem
K
eyser bey/ wider die Lombarder/ bald aber wendet er sich gantz vnd gar. Vnd als der
K
eyser/ vermoͤg eines gethanen Geluͤbds/ sich Anno Christi 1227. auff die See gethan/ nach dem gelobten Land zufahren/ aber wegen Leibs Vnpaͤßlichkeit wider zuruͤck muste/ tadelt jhn der Bapst/ als ein Zaͤrtling/ vnnd thaͤt jhn gar in Bann. Vnd als er nach erlangter Gesundheit hin- uͤber gesegelt/ fiel er abermal in Bañ/ weil er solches noch in hafften- dem Bann/ ohne Buß/ vnd Segen thun doͤrffen/ darumb jhm we- der Freund noch Feind in Asien glauben/ gehorchen/ nach Gemein- schafft/ bey Straaff gleiches Bann/ leisten solte. Doch erobert er
die
ET RESTAVR. DISCVRS. VIII.
die Statt/ vnd das gantze Koͤnigreich Jerusalem/ vnd muste wider nach Hauß/ weil sein Schwaͤhrvatter jhm in die Erblaͤnder war gefallen. Die Absolution erlangt er mit hundert vnd zwantzig Vntzen Gold/ so zwey Millionen machen. Daß sich nun
Hen- ricus,
deß
K
eysers Sohn wider den Vatter auff gelegt/ wuͤrde auch den Geistlichen zugemessen/ welche jhren Widerspenstigen jemand anders pflegten an Halß zu werffen. Die Roͤmer wolten
Grego- rii
Joch nicht leyden/ vnd trieben jhn auß der Statt/ aber deß
K
ey- sers Hülff bracht sie zum Vertrag vnd Gehorsam: Doch sahe der Bapst den Keyser mit seiner Kriegsmacht vngern in Welschland/ darumb widerrieht er den Krieg in Lombardey/ was wichtige Vr- sachen auch der Keyser vorbrachte/ ja/ laistete denselbigen wider- spenstigen Staͤtten/ vnter welchen Meyland die fuͤrnehmbste/ Huͤlff. Der Keyser erhielte ein grosses Treffen/ darauff alle Staͤtte jhm wider zugefallen/ ausser Meyland/ Brixen vnd Bo- nonien. Jn dessen entstund auß einem sonderbaren Gluͤck/ ein sehr grosses Vngluͤck. Der Keyser erobert die Jnsul Sardinien/ schlug die Saracenen darauß/ vnnd macht gedachte Jnsul/ dem Roͤmischen Reich vnterthaͤnig/ wurd aber daruͤber in Bann ge- than/ weil er sie dem Papst auff Begehren/ als ein vhralt Kirchen- Gut/ nicht wolte abtretten: Vnd da Jacobus in Aragonien/ die Laͤnder Sicilien/ Apulien vnd Calabrien/ vom Roͤmischen Stul nicht wollen zu Lehen annehmen/ daß er demselbigen Lufft mach- te/ sondern die Mohren/ die jhm vor der Thuͤr lagen/ ver- triebe/ vielleicht deß Keysers grosses Gluͤck foͤrchtend/ ließ der Papst das Creutz wider den Keyser predigen/ vnnd wie er die je- nige Voͤlcker/ so in das gelobte Land solten ziehen/ in Franck- reich wider den Graffenvon Thulus/ einen maͤchtigen Ketzer/ ge- braucht hatte; also brachte er sie jetzt in Welschland. Weil nun die Staͤnde in Teutschland dem Keyser recht gaben/ vnnd bey jhm hielten/ ließ er ab von der Belaͤgerung Meyland/ vnnd gieng auff Rom/ schlug die Creutzbruͤder/ im Jahr 1239. Als der Papst sa- he/ daß er nicht viel außgerichtet/ machte er eine Anstalt/ die Sach
K ij
auff
GERMANIÆ PERTVRBATÆ
auff einer Versamlung der Geistlichen zuentscheyden/ beschriebe aber nur seinen Anhang/ damit er desto sicherer vermeinet zuge- hen. Der Keyser wolte/ die Geistlichen solten zu Land hin zie- hen/ vnd als sie mit sechs vnd zwantzig Schiffen suchten durch- zutringen/ wurden sie von deß Keysers Sohn geschlagen/ vnd gefangen/ auch dem Bapst auff instaͤndiges Anhalten nicht ge- folget.
Koͤnig Reichard kehrete auß dem gelobten Land wider nach Engelland/ vnd wolte den Keyser mit dem Papst vertragen/ weil aber
Gregorius IX.
nicht anderst zum Frieden verstehen wollen/ als daß sich der Keyser/ ohn einige Bedingung/ jhm vntergebe/ wur- de nichts darauß/ sonderlich/ da der Papst diese Welt gesegnete/ vnd der Roͤmische Stulein Jahr vnd acht Monat ledig stunde. Weil man nun dem Keyser dieses Schuld gabe/ ließ er die gefangene Bi- schoffe vñ Cardinaͤl nach Rom ziehen/ vñ zwang sie hernach/ neben dem Koͤnig in Franckreich/ einen Papst zuwehlen; vnnd kam her- fuͤr/ einer/ der zuvor jhm sehr zugethan gewesen/
Innocentius IV.
aber also bald den vorigen Bann widerholete/ weil das Ampt die privat Freundschafft vberwogen: Der verließ Welschland/ vnd setzt sich in Franckreich/ hielt zu Lyon eine Versamlung der Geist- lichen/ verdampt vnd verbant den Keyser/ setzt jhn ab/ vnd befahlden Teutschen Fuͤrsten in einer Jnsul auff dem Rhein eine Wahl/ we- gen eines andern Keysers/ anzustellen. Der Keyser zog vber das Gebuͤrg/ vnd machte dem Papst warm/ daß er schier anders Sin- nes wer worden/ doch nahm der Papst den fuͤnfften Theil aller geistlichen Jntraden/ den so weit gesuchten Krieg auß zufuͤhren: Vnd damals entstunden die zwo feindselige Partheyen in Welsch- land/ die Welffen/ so dem Papst/ vnd die Gibeliner/ so dem Keyser anhaͤngig waren. Jn dessen wehleten Maintz vnd Coͤllen Land- graff Heinrichen zum Aberkeyser/ der sich zwar anfangs entschul- digte/ doch/ als der Papst jhm fuͤnff vnd zwantzig tausend Marck Silber vbermachte/ den Last auff sich nahm/ deß Keysers Sohn
Conradum
schlug/ vnd zu Franckfurt am Mayn sich eroͤnen las-
sen/
ET RESTAVR. DISCVRS. VII.
sen/ starb aber bald/ nach einer Wunde/ die jhm vor Vlm wurde ge- schlagen/ als ein Fieber dar zu kam. Vnd scheinet/ es habe der Papst allhie ein Fehler begangen/ daß er den Frantzosen dem Engellaͤnder an den Halß gehaͤngt/ weil derselbige sich zu Lyon beklagte/ daß der Papst sein Koͤnigreich (Jahrs sechtzig tausend Marck Sterling/ jeden Sterling zu vier Koͤnigsthaler) zu sehr erschoͤpffte. Dann wann er den Frantzosen/ wie hernach geschehen/ in Welschland bringen/ oder in Teutschland fuͤhren koͤnnen/ solte
Fridericus
vbel gesessen seyn. Der Bapst ließ Wilhelm/ Graffen in Holland/ hernach zum Aberkeyser auffwerffen/ der zu Aachen mit Gewalt gecroͤnet worden/
Conradum
deß Keysers Sohn/ anfangs erlegt/ aber durch widerwaͤrtiges Treffen jhm hernach weichen/ vnd sich in den Niderlanden halten müssen. Endlich starb
Fridericus
in Welschland im Jahr 1250. vnd macht dem Bapst Lufft/ daß er wi- der in Welschland kam: Weil aber
Conradus,
deß verstorbenen Keysers Sohn vnnd Erb (dann Heintz der andere Sohn/ muste zwey vnd zwantzig Jahr in Fuͤrstlicher Gefaͤngnüß zu Bononien sitzen/ vnnd endlich Anno 1272. sein Leben also enden/) die Nord- maͤnnische Landschaffte mit Gewalt einnahme/ thaͤt jhn der Bapst in Bann/ vnd erweckt jederman wider jhn.
Conradus
sieget al- lenthalben/ erzeigt sich aber mehr grausamer/ als sein Gluͤck vnd sel- bige Zeiten erforderten/ lud grossen Haß bey Klein vnd Groß auff sich/ vnd bewegt den Bapst/ daß er Hertzog Reicharden/ deß Koͤ- nigs in Engelland Bruder/ die Nordmaͤnnische Laͤnder antruge/ ein zunehmen/ vnd zubesitzen/ darzu er jhm behuͤlfflich seyn wolte; vnd vberkam deßwegen grosse Summen auß Engelland. Jn deß starb
Conradus,
naͤmlich/ Anno Christi 1254. Darumb fiel der Bapst in Apulien/ vnd wolte dieselbige Laͤnder an den Roͤmischen Stul bringen/ wurde aber von
Manfredo,
deß
Conradi
vneheli- chen Bruder/ der sich vor deß jungen
Conradini
Vormund auß- gab/ herauß geschlagen. Vnd erfordert Wilhelmen den Aberkey- ser vergeblich auß den Niderlanden wider jhn/ weil
Wilhelmus
bald darauff/ wegen eines Steinwurffs verwundet/ mit den Frieß-
K iij
laͤn-
GERMANIÆ PERTVRBATÆ
laͤndern viel zuthun hatte/ vnd
Innocentius
bald gestorben. Aber
Alexander IV.
macht deß Koͤnigs in Engelland Sohn zu Koͤ- nig in Apulien vnd Sicilien/ dardurch er nur dieselbige Voͤlcker de- sto mehr verbittert.
Hierauff kam
Vrhanus IV.
zum Papsthumb/ vnd ist wol zu- mercken/ daß
Manfredus
(dem man Schuld gab/ er haͤtte
Conra- do
mit Gifft das Leben verkürtzet) gewisse Zeugen vorgebracht/ mit welchen er beweisen wollen/ Keyser Friderich haͤtte seine Mut- ter noch zuletzt geehelichet/ daß er vorgeben/
Conradinus
were ver- storben/ welches doch nicht war; vnd daß er seine Tochter
Constan- tia, Petro
von Arragonien zum Weib/ vnd weil er keine Manns- Erben hatte/ das Koͤnigreich Sicilien vnd Apulien zur Morgen- gab gegeben: Hingegen der Bapst deß Koͤnigs in Franckreich Bruder/ Carlen/ Hertzogen von
Anjou,
eben dasselbige Koͤnigreich auffgetragen/ wann er
Manfredum
vertreiben/ vnnd dem Roͤmi- schen Stul Jaͤhrlich viertzig tausend Cronen zahlen wolte. Die Sach ward in Franckreich beliebt/ weil der Koͤnig der Bruͤder drey hatte/ die auß Regiersucht jhm leichtlich Haͤndel machen koͤnnen/ darumb wurd Hertzog Carlen mit grosser Macht zu Wasser vnd Land/ mit diesem Beding abgefertiget/ daß er auff das Koͤnigreich Franckreich/ vnd andere Anspruͤch an dasselbe solte verzeihen/ wie er auch zu Rom gethan/ vnd daselbst ein Koͤnig zu Jerusalem vnd in Sicilien geeroͤnet worden/ Anno Christi 1265. wegen deß Koͤ- nigreichs Jerusalem erlangte er bald noch ein ander Recht/ das jhm
Maria Domicella
wider
Hugo
von
Lusignan,
in Gegenwart et- licher Cardinaͤl vberließ/ vnd durch Notarien bekraͤfftigte/ als man jhrer ohne Kriegsmacht gar nicht achtete. Jm folgenden Jahr er- legt er
Manfredum
in einem Haupttreffen/ vnd ließ jhn durch deß Graffen
Rotæ
Verraͤhterey (darzu er/ wegen geuͤbten Gewalts) gar auß dem Wege raͤumen.
Hie meldet sich
Conradinus
an/ zu seinem Vaͤtterlichen Erb zugelangen/ wurde aber abgewiesen: Darumb verkaufft er et- liche Herꝛschafften in Schwaben/ vnnd zog in Welschland/ mit
grossem
ET RESTAVR. DISCVRS. VIII.
grossem Verlangen vnd vielfaltigem Begehren seiner Vntertha- nen: Aber der gute
Conradinus
lag vnten in einem Haupttref- fen/ kam mit der Flucht darvon/ doch am Fingerring erkannt/ ge- fangen gefuͤhret/ vnd enthauptet/ mit etlichen andern grossen Herꝛn/ seinen Helffern/ Anno Christi 1268. den 29. Octobr. auff einen Montag: Dem folget vber ein Monat
Clemens IV.
der Papst/ der dem Frantzosen den Raht gegeben/ sich solcher Gestalt seines Koͤnigreichs vnd Lebens zuversichern: Vnd stunde der Stul ledig zwey Jahr vñ neun Monat; das Roͤmische Reich aber vber zwan- tzig Jahr.
Der newe Papst
Gregorius X.
schrieb an die Teutsche Fuͤr- sten/ sie solten einen Keyser wehlen/ oder gewaͤrtig seyn/ daß er jhnen einen
K
eyser setzte: Darauff wehleten sie
Ottaker,
den
K
oͤnig in Boͤhmen/ der es abschlug/ weil er sich hoͤher daͤuchte/ als ein
K
eyser/ also fielen alle Stimmen auff Graff Rudolffen/ von Habsburg/ der eben vor der Statt Basel lage. Es konten aber die Paͤpste mit den Frantzosen in Sicilien sich nit lang vertragen/ darumb suchten sie Huͤlff bey
Rudolpho
dem
K
eyser; der aber wider die Boͤhmen vnd Bayern zu Feld lag/ vnd mehr auff Teutschland sahe/ als auff andere Laͤnder deß Roͤmischen Reichs. Also vbergab er dem Papst
Nicolao lll.
viel Landschafften in Welschland/ daß er den
K
rieg in dem gelobten Land mit den geistlichen Geldern fortfuͤhren solte/ welches aber nicht geschehen. Wie nun die Frantzosen auff einen Abend/ den zweyten Ostertag/ in zweyen Stunden/ von den Sici- lianern Anno Christi 1282. alle miteinander in der Jnsul vmb- kommen/ vnd
Petrus
von Arragonien/ deß Papsts vngeacht/ mit seiner Gemahlin/ deß
Manfredi
Tochter/ in das Land kommen/ die Frantzosen sich jhm widersetzt/ vnd verlaiten lassen/ wie man/ nach ergangenem geistlichen Bann/ in Arragonien gestritten; wie
K
oͤ- nig
Philippus
der Schoͤne/ in Franckreich/ wegen der Columneser vnd Flanderer in Vngelegenheit bey
Bonifacio Vlll.
gerahten/ der eine Bull an jhn lassen abgehen/ in welcher er sich einen Herꝛn der Welt/ in Geist- vnd Weltlichen Dingen ruͤhmet/ vnd wie sol-
ches
GERMANIÆ PERTVRBATÆ
ches
Philippus
auffgenommen; wie
Clemens V.
sich in Franck- reich gesetzt; wie die Teutsche Keyser nicht mehr vber das Gebuͤrg gangen/ sondern etliche Staͤtte den Baͤpsten/ andern den Jnnwoh- nern selbst vmb ein Stuͤck Gelts vberlassen/ vnd in Freyheit gesetzt/ dannenher solche jhnen Haͤupter vnd eygene Verwalter/ als
Vero- na, Mantua, Mutina, Patavium,
vnd andere mehr/ vnter sich auff- geworffen/ so endlich zu Graffen/ Fuͤrsten vñ Herꝛn erwachsen/ vnd den Dominat auff jhre Nachkoͤmmlinge vnd Erben fortgepflan- tzet; biß daß
Henricus Vll.
in Lombardey/ wider alles vnter sich gebracht/ vnd Anno Christi 1311. einen Reichs-Abschied gemacht: Ein Roͤmischer Keyser wer nicht schuldig einem Roͤmischen Papst den Eyd zuleisten/ Sintemal es gantz vngewoͤhnlich vnd new/ daß ein Fuͤrst vnd Herꝛ der gantzen Welt/ dem Knecht aller Knechten/ mit Pflicht zugethan sey; wie er sich zu Pisen vnd in Rom lassen croͤnen/ vnd den Koͤnig in Sicilien Roberten in die Acht erklaͤret/ vnd der Bapst hierinn widersprochen/ ist allenthalben bey den Ge- schichtschreibern zuvernehmen.
Als
Ludovicus
auß Bayern/ den Aberkeyser Friderichen auß Oesterreich vberwunden/ vnd gefangen/ thaͤt er etlichen Graf- fen vnd Herꝛn in der Lombardey Huͤlff wider den Bapst: Darumb befahl
Iohannes XXll.
der es mit dem Oesterreicher hielte/ den achten Octob. Anno 1323. der Keyser solte vom Reich abtretten/ vnd alles/ was er bißher verhandelt/ auffheben: Dann es solte oh- ne sein Vorwissen/ niemand zu solcher Hohheit gelangen: Er sol- te jnnerhalb eines Viertheil Jahrs/ vor jhm zu
Avignon
erschei- nen.
Ludovicus
hielt einen Reichrtag/ vnd fragte die Staͤnde: Von wem er den Keyserlichen Schmuck/ vnd Gewalt empfangen/ von jhnen/ oder von dem Bapst? Darauff einmal geschlossen worden/ man solte die Teutsche Freyheit verthaͤdigen/ doch foͤrch- tet sich der Keyser/ wegen deß ergangenen geistlichen Banns/ zog gen Rom/ ließ sich eroͤnen/ vnd machte einen Columneser zum Aber- Bapst/ der sich
Nicolaum V.
genannt: Richtet aber wider Ro-
berten
ET RESTAVR. DISCVRS. VIII.
berten den Sicilianer wenig auß/ vnd muste/ wegen schwaͤren Vn- kostens/ wider nach Teutschland ziehen/ in dem
Iohannes
Koͤnig in Boͤhmen/ vnd dessen Sohn
Carolus,
sich jhm allenthalben wi- dersetzten.
Benedictus Vlll.
verfolget seines Vorfahren Sach/ gab vor/ der Keyser were laͤngst tod/ dieser/ wegen deß Banns/ nicht zu- achten/ die Verwaltung deß Roͤmischen Reichs/ stuͤnde jhm/ als dem Bapst zu; vnd verordnete Voͤgte in alle Staͤtt in der Lom- bardey.
Als nun
Ludovicus
zum dritten mal an den Bapst hochan- sehenliche Gesandten geschicht/ vnnd nichts erhalten/ ließ er alle Staͤnde zusammen kommen/ vnnd die Churfuͤrsten vor jhn schrei- ben/ neben dem Erinnern/ es were Landkuͤndig/ daß sein Vorfahr wider Gott/ vnd alle Gerechtigkeit/ den Bann gesprochen: Vnd bald hernach einen Schluß machen: Der Keyser haͤtte das Reich von Gott allein/ vnnd wann er von allen/ oder den mehrern Chur- fuͤrsten erwehlet were/ solte man jhn auß solcher Wahl allein vor den rechtmaͤssigen Keyser halten/ ob jhn schon der Bapst nicht sal- bete/ weyhete vnd croͤnete; vnd wer anders gesinnet sey/ der begehe das Laster der beleydigten Majestaͤt/ vnd dessen Guͤter solle man alle miteinander einziehen. Ferner schliessen sie/ die Versamlung der Bischoffe/ sey vber den Bapst: Welcher letzte Satz hernach viel Gezaͤncks vnd Disputierens hat vervrsachet.
Auff einen andern Tag/ als der Koͤnig in Engelland zuge- gen/ wurd geschlossen/ die Ceremonien/ so der Bapst bey Bestaͤtti- gung eines Keysers brauchte/ weren Freund vnd Wort ohne Nach- druck/ die ein jeder Bischoff verrichten koͤnte. Dieweil aber der Keyser durch seine Raͤht vnd Abgesandte/ auch durch andere Po- tentaten anhalten ließ/ damit er der mal eins deß Banns entlediget wuͤrde/ bestimpt jhm der Bapst/ Anno Christi 1343. diese Puncten zum Vergleich:
Erstlich/ solte der Keyser seinen Raht den Wilhelm Okam/ hergeben: Darnach alle
Acta
wider den Bapst auffheben; mit ei-
L
nem
GERMANIÆ PERTVRBATÆ
nem Edict zu ewigen Tagen bekraͤfftigen/ das Roͤmische Reich were ein Lehen vom Bapst: Gestehen/ daß er ein Ketzer; Die Roͤ- mische Hohheit ablegen/ vnnd nicht anders/ als nach deß Bapsts Willen/ wider annehmen; Seine Person/ seine Kinder/ vnd alle seine Land in deß Bapsts Hand stellen: Welches alles die saͤmpt- liche Staͤnde verworffen vnd vernichtet/ auch deßwegen durch eine Gesandheit/ dem Bapst einen scharpffen Verweiß thun lassen. Doch begab sichs/ daß der Bapst zu Oesterlichen Zeiten/ vngeacht aller demuͤhtigen Anbietung/ den Keyser auff das grewlichste ver- ketzert/ verflucht vnd verbannet/ auch den Staͤnden anbefohlen/ in gewisser Zeit einen andern Keyser zuwehlen: Deme Trier/ Coͤlln/ Boͤhmen vnd Sachsen gefolget/ vnd zu Rentz bey Trier sich ver- samlet/ auch daselbst deß Koͤnigs in Boͤhmen Sohn
Carolum,
der eben in Franckreich sich zu Feld gebrauchen lassen/ zu einem Roͤmi- schen Keyser erwehlet.
Ludovicus
beschrieb die vbrige Staͤndenach Scheir/ vnd ließ vber solcher Wahl erkennen. Allda
Carolus
gantz verworffen worden/ weil er nicht zu Aachen/ da man jhn nicht eingelassen/ son- dern endlich zu Bonn die Croͤnung angenommen. Doch nahm er sich der Reichshaͤndel nicht/ so lange
Ludovicus
lebete/ we- nig an.
Gleichwol gab es nach desselben Tod/ allererst schwaͤre Haͤn- del/ als die Staͤnd zu Franckfurt am Mayn sich versamleten/ dem Paͤpstischen Joch widersetzten/ vnd
Carolum
den Boͤhmen/ gar nicht annehmen wolten/ der were zumal vnrichtiger Weise erweh- let/ haͤtte die Stimmen mit Gelt erkaufft/ als die Wahl anderstwo/ dann zu Franckfurt/ die Croͤnung nicht zu Aachen/ nicht offent- lich/ sondern heimlich/ auch nicht bey entledigtem Reich/ nicht nach Außweisung deß Rechten/ ohn einige tringende Noht/ nicht dem gemeinen Wesen zum besten/ sondern auß privat-Begierd gesche- hen. Darumb erwehleten sie Eduard/ den Koͤnig auß Engelland/ der kuͤrtzlich ein sehr grosse Schlacht an den Frantzosen gewonnen hatte: Er wolte aber sich keiner weitlaͤufftigen Haͤndel anmassen/
vnd
ET RESTAVR. DISCVRS. VIII.
vnd blieb in seiner Jnsul/ wie ein Schildkrott vnter jhrem Nohtve- sten Gewoͤlb. Aber der Papstließ etwas Gelindigkeit sehen/ vnd den Teutschen/ so
Ludovico
anhaͤngig gewesen/ vnd noch waren/ die Absolution vom Bann anbieten/ wann sie wolten einen Eyd thun: Es gebühre einem Keyser nicht/ ein Papst abzusetzen/ vnd sie wolten keinem Keyser vnterthaͤnig seyn/ er were dann von dem Papst bestaͤttiget. Vnd weil die Layen hierzu gar nicht verstehen wollen/ auch ein grosse Vnruhe darauß erwachsen konte/ hub der Papst den Bann ohne Bedingung auff/ welches an jhm hoͤchlich zuloben. Dann die vnwillige Staͤnde vnterliessen nichts desto- weniger Friderichen/ den Landgraffen in Thuͤringen/ der sich aber vor
Caroli
Macht vnd Nachbarschafft foͤrchtet/ vnd die angebot- tene zehen tausend Marck Silber zu einem Abstand annahme/ vnd bald darauff auß dieser Welt hinzoge: Vnd nach diesem Guͤn- thern/ Graffen zu Schwartzenburg zuerwehlen/ der sechs Wochen vor Franckfurt gelegen/ hernach eingelassen/ vnd vor einen Keyser offentlich außgeruffen/ aber mit Gifft verderbet/ sich behandeln lassen/ den angewendeten Kosten bezahlt genommen/ vnd gleich hin- gestorben. Also blieb
Carolus IV.
vbrig/ vnd hielt sich gegen je- derman gnaͤdig/ wurd auch zu Rom gecroͤnet/ vnnd zuͤchtiget die Lombarder/ dem Roͤmischen Stul zum besten/ durch seinen Cantz- ler: Macht auch den 13. Octob. Anno 1359. in Prag ein Reichs- Satzung/ daß die gantze Clerisey solte frey seyn/ vnd jhrer Privile- gien geniessen. Vnd als der Papst Huͤlff wider die Gibeliner (so es alle zeit mit den Keysern wider den Papst gehalten) begehrte/ thaͤt
Carolus
ein Zug in Lombardey/ richtet nichts nahmhafftiges auß/ als daß er vmb Gelt viel Freyheiten vergab. Vnd hiemit erlang- ten die Baͤpste/ was sie so lang gesucht hatten/ naͤmlich/ die voͤllige Freyheit von weltlichem Gewalt; auch Huͤlff wider jhre Wider- spenstige.
Wie schwaͤr aber dieses alles der Roͤmischen Kirchen gefal- len/ moͤgen die Erfahrne in alten Geschichten nachdencken. Vnd wer wird allhie den sichersten Außspruch geben: Ob die Baͤpste
L ij
den
GERMANIÆ PERTVRBATÆ
den Keysern zuviel gethan/ vnd vnbilligen Gehorsam begehrt/ oder ob die Keyser nicht genug gethan/ vnd der Clerisey zu jhrer eygenen Verdamnuß sich widerspenstig erzeiget haben. Allezeit befinden wir/ nach einem tieffen Schlaaff/ in auffgeraumbtem Hirn/ bey wolgebutztem Liecht der Vernunfft/ vnd an den fuͤnff Fingern/ daß die Ringmawer jnn- vnd außwendig nichts/ als lauter Fehler sihet/ vnd wie jener sagt: Ketgen vnd Gretgen/ Hanß vnd Haͤnsel gar offt auff den Holtzweg/ vnd in die Jrꝛe kamen.
Aristoteles
geht dem natuͤrlichen Liecht nach/ vnnd setzt/ als gantz bekant. Ein Tyrann suche sein Eygen/ aber ein rechtmaͤs- siger Fuͤrst seiner Vnterthanen Nutzen/ Paulus der Apostel schrei- bet viel von den Bischoffen/ welches aber/ nach dem sich die Zeiten verendert/ sich etwas füglicher außlegen vnd verstehen muß: Vor dißmal muͤssen wir an diesem Ort abbbrechen/ vnnd hie einen Pfal schlagen/ biß wir durch die grausame Verfolgungen wider anhero gelangen.
Der neundte Discurß.
Wie auff die Heydnischen Verfolgungen die Ketzerische gefol- get: Als von
Ario,
von Mahomet/ von Saracenen vnd Tuͤr- cken. Warumb jhnen so wenig Widerstand geschehe/ was die Clerisey vor Vortheil habe zu dem Regiment.
P
As grausame Verfolgungen in den ersten dreyhundert Jahren nach der Menschwerdung Christi/ vber die Rechtglaubigen ergangen/ ist nicht gnugsam/ als vn- muͤglich/ zubeschreiben; doch werden solche namhaff- tig gemacht von den Keysern/ vnter welchen sie geschehen/ als vnter
Nerone, Domitiano, Trajano, Adriano, Antonino, Severo, Maximino, Decio, Valeriano,
vnd
Diocletiano;
alles wegen der Heydnischen Abgoͤtterey/ weil der Teuffel sich nicht so leicht-
lich
ET RESTAVR. DISCVRS. IX.
lich auß seinem Reich vertreiben lassen/ sondern den Raub gegen vielem Blut verkauffen wollen.
Nach dem aber der Allmaͤchtige solche Keyser erweckt/ die den Christen Schutz gehalten/ vnd sich selbst zu jhrer Religion bekannt/ den Kirchen grosse Guͤter vnd Stifftungen verschafft/ auch die je- nige/ so dem wahren GOtt vnnd Heyland der Welt dieneten/ von weltlichem Last vnd Gewalt befreyet; hat Satan mit eusserlicher Macht muͤssen jnnhalten/ ausser dessen/ daß die Barbarische Voͤl- cker jederweilen in das Roͤmische Reich eingefallen/ vnd nicht ge- ringen Schaden gethan/ die doch auch bald die Heydnische Abgoͤt- terey fahren lassen/ vnd Christi Joch auff sich genommen. Dar- umb griff es Satan an auff ein andere Weiß/ bließ das Fewer deß Hochmuhts auff/ in vieler geistlichen Hertzen/ vnd bracht sie dahin/ daß sie die gesunde Lehr verfaͤlscht/ vnd zu Erlangung jhres Zwecks/ naͤmlich/ andern vorzugehen/ die Potentaten auff jhre Meynung gebracht/ vnnd wider die Rechtglaubige verhetzt haben. Dann
Arius
konte nicht leyden/ daß jhm ein ander vorgienge; darumb er- dacht er newe Artickel vber der Lehr/ von der Person vnd Gottheit Christi/ macht sich einen grossen Anhang/ verfuͤhret
Constantiam,
deß grossen
Constantini
Schwester/ die nicht nach ließ seine Sach zuverthaͤdigen/ biß er wider auß dem Elend/ in welches er/ wegen der Lehr vnd Lebens verstossen war/ zu der vorigen Stell beruffen wor- den/ vnnd Athanasius/ vmb Friedlebens willen deß Lands entwei- chen muͤssen.
Constantius
der eine Sohn deß grossen
Constan- tini,
wolte die Rechtglaubigen vnter seinen Vnterthanen nicht dul- den/ vnd hielt jnne mit der Verfolgung/ so lang seine beyde Bruͤder noch lebten/ vnd jhm den Zaum zeigten: So bald sie aber Platz ge- macht/ daß er allein regierte/ vnterhielt er die Arrianer allein/ vnnd vertrieb die Rechtglaubigen. Es vnterstund zwar der vmbge- schlagene Keyser Julianus das Heydenthumb wider auffzurich- ten/ wie auch der hochansehenliche
Symmachus,
vnd Feldoberste Arbogast; konten aber mit grosser Muͤhe erhalten; daß sie jhren Goͤtzendienst/ wo nicht offentlich/ doch heimlich/ ohne Noht/ vnnd
L iij
dan-
GERMANIÆ PERTVRBATÆ
dannoch nur eine Zeitlang verrichten moͤgen. Darumb es die Rechtglaubige damals nur mit den Arrianern zuthun hatten: Vnd weil es
Ario
bey dem Frawenzimmer anfangs wolgelungen/ bewarbe sein Anhang sich vmb Gunst bey der Keyserin Justina/ die jhren Ehevogt/ Keyser Valentzen/ vnd jhren Sohn/ Keyser Va- lentinian den Arrianern zugeneigt; daruͤber
Ambrosius
Bischoff zu Meyland/ sehr grosse Gefahr muͤssen außstehen. Vnd weil die Wenden/ neben andern vielen Barbarischen Voͤlckern an den Grentzen deß Roͤmischen Reichs Fuß gesetzt/ haben die Arriani- sche vertriebene Geistliche sich zu jhnen verfuͤget/ vnd also jhre fal- sche Lehr weit außgebreitet. Dannenhero ist es kommen/ daß/ als man den Wenden/ Gothen/ Hunen/ Alanen/ Lombarden muͤssen Land vnd Sitz einraumen/ sie auch die Arrianische falsche Lehr auff deß Roͤmischen Reichs Boden wider gebracht/ behauptet/ vnd mit Gewalt fortgepflantzet; vnnd als sie in Franckreich/ Jtalien/ Spanien/ vnd Africa sich vest gemacht/ vnd eygene Koͤnigreich ge- stifftet/ die reine Lehr verdunckelt/ vnterdruckt/ vnd grewlicher/ dann die Heyden verfolget/ aber die Arrianische Lehr allein getrieben: Dannenhero jener Kirchenlehrer bekuͤmmerlich sagt: Die gantze Welt ist Arrianisch worden/ schier vnvermerckter Weiß/ da naͤm- lich/ niemand mehr wider den Riß stunde/ vnd die gelehrte Recht- glaubige sehr wenig an der Zahl sich verkriechen/ oder sonsten die be- thoͤrte Welt gesegnen musten. Doch verliehe GOtt Gnad/ daß Rom/ Burgund/ der mehrertheil Franckreich/ vnnd gantz Engel- land die vhralte Lehr vnversehret behielten: Vnd daß die erwehnte frembde Voͤlcker/ nach vnd nach den Jrꝛthumb erkanten/ vnnd fah- ren liessen/ auch den Rechtglaubigen Beyfall gaben.
Vnd weil Satan gesehen/ daß er durch die Arrianer nichts ferner außrichten wuͤrde/ erweckt er den Gotts laͤsterlichen Maho- homet; welcher auß einer vnzeitigen Geburt deß
Arii,
entsprossen/ der mit fleischlicher Lehr vnnd grobem Gewalt/ die spitzfuͤndige Vernunfft vbertreffen/ vnd alles vberrumpeln solte. Dieser Ma- homet ist gezeuget von Abdala/ einem Arabischen Edelmann/ vnnd von Enima einer Judin/ in dem offenen Flecken Ytrarip/ Anno
Christi
ET RESTAVR. DISCVRS. IX.
Christi 606. den 24. Aprill/ welchen Tag die Tuͤrcken mit grosser Andacht ein gantze Woche Jaͤhrlich begehen. Mahomets Vat- ter hatte gute Kundschafft mit einem Juden/ der sich auff das Ge- stirn/ vnd auff deß Himmels Lauff sehr wol verstunde/ der zeigte den Eltern an/ jhr Kind wuͤrde im Reich vnnd in dem Gesetz maͤchtig werden.
Zur selbigen Zeit stunden die Voͤlcker in Africa vnd Arabien in grossem Bedencken/ weil sie sahen/ daß das Heydenthumb ab- gieng/ vnd an sich selbst voller Betrug war/ ob sie sich zu den Juden schlagen/ oder den Christlichen Glauben annehmen/ oder aber den Arrianern beyfallen solten. Da erdacht gemelter Jud/ nach Ab- dal
æ
Tod/ eine fette Luͤgen/ vnd sagt: Er haͤtte im Gesicht zween Engel gesehen/ die dem Mahomet das Hertz auß dem Leib genom- men/ als er eben vier Jahr alt gewesen/ dasselbige auffgeschnitten/ vnd ein Klumpen Bluts darauß genommen/ hernach mit reinem Wasser außgewaschen/ vnd auff eine Wage gelegt/ vnnd zehen an- dere Hertzen desselbigen Volcks/ bald hundert/ endlich tausend dar- gegen abgewogen/ da Mahomets Hertz doch allezeit schwaͤrer ge- wesen; darumb der Engel gesagt: Diß Hertz werde alle Hertzen in Arabien vbertreffen.
Als nun Mahomets Mutter auch gestorben/ nahm jhn sei- nes Vatters Bruder Abutalip zu sich/ vnd gab jhn diesem Juden zuvnterweisen/ der jhm der Christen vnnd Juden Gesetz erklaͤrete. Mit der Zeit gerieht er in Gesellschafft eines Moͤnchs/
Sergius
ge- nannt/ der deß
Nestorii
Jrꝛthumb/ so vmb ein kleines besser/ als
Arii
Gottslaͤsterung/ zugethan war: Also/ daß Mahomet das Christenthumb auß truͤben/ stinckenden Pfuͤtzen/ vnd nicht auß dem klaren Brunnen Jacobs geschoͤpfft. Darunter er die Altvaͤtte- rische Fabeln der Juden gemenget/ vnd also seinem Mischling eine Farb angestrichen.
Da nun Mahomet zu seinen Jahren kommen/ thaͤt er sich zu einem Kauff mann/ vnd ward dessen Diener/ hielt sich so wol/ daß eine Fuͤrstin vnd Wittib/ Cadegan genant/ jhn zu jhr nahm/ jhren
Kauff-
GERMANIÆ PERTVRBATÆ
Kauffhandel in Syrien vnd anderstwo zutreiben. Das Gluͤck wolt jhm so wol/ daß er diese Fuͤrstin zur Ehe bekommen/ die jhn mit allen jhren Guͤtern/ Land vnnd Leuten begabet/ welches jhm seine wolgeloͤßte Zung/ auch die schwartze Kunst/ deren er wol erfahren gewesen/ zuwegen gebracht. Er hatte auch grosse/ Kundschafft mit einem Gottslaͤsterlichen Ketzer/ Johannes genant/ der jhm ein- bliese/ wie er Christen vnd Juden begegnen solte.
Heraclius
Roͤmischer Keyser/ druckte die Persier/ Arabjer vnd Chaldeer mit grossem Geitz/ vñ besoldete die geworbene Knecht nicht; darumb bedachte Mahomet/ wo sie der Schuch druckte/ vnd mahlet jhnen die alte Freyheit vor/ vnd wurd jhr Oberster; schlug die Keyserliche Voͤgt tod/ schmidet ein newe Religion/ als ein gros- ser Prophet von Gott gesand/ der Juden vnd der Christen Gesetz zu miltern vnd zu lindern: Bestaͤttigte seinen Aberglauben durch Wunder/ wie eine verlockte Taube kam/ jhm auff die Achsel saß/ vnd den Schnabel in das Ohr steckte; auch ein Ochs mit seinem Gesetz an den Hoͤrnern/ auff sein Zuruffen/ herbey lieffe/ vnnd jhm auß der Hand asse. Auchfand er (was erlaͤngst vergraben lassen) ohngefehr vnter der Erden etliche Gefaͤß mit Gold/ Milch vnnd Honig/ die Glückseligkeit von dem Vberfluß bey seinem Glau- ben anzudeuten. Er erlaubt vier Eheweiber/ vnd die Beyschlaͤf- ferinnen ohne Zahl/ verspricht ein Paradeiß nach diesem Leben/ wie der Venusberg. Er starb Sinnloß/ oder durch Gifft/ wie etliche schreiben/ vnd wurd von Hunden zerrissen/ weil er nicht wolle be- graben seyn/ sondern den dritten Tag wider aufferstehen/ darumb jederman in dessen verbleiben von jhm abfiel. Aber
Ebubeer,
ei- ner seiner Juͤnger/ vnterfieng sich deß Regiments/ vnnd befahl bey Leibsstraaff an diesem Glauben zuhalten/ ließ ein koͤstlichen eisern Sarck machen/ vnd in den new erbawten Tempel zu Mecha/ oben ins Gewoͤlb maͤchtige Stuͤck von Magneten/ die das Eisen auß Krafft der Natur an sich ziehen/ einmawren: Also ward der eisern Sarck/ ohne Zuthun Menschlicher Haͤnde/ empor gezuckt/ wel- ches der einfaͤltige Poͤffel vor ein Zeichen seiner Herꝛlichkeit hielte.
Jm
ET RESTAVR. DISCVRS. IX.
Jm Jahr Christi 1470. schlug das Wetter in den Tempel zu Mecha/ daß beydes Gewoͤlb vnd Sarck in die Erd gesuncken/ vnd ein grosser Theil deß Tempels darnider gefallen/ wie
M. Hen- ricus Cnustinus
schreibet.
Jm Jahr 1630. erschüttert sich die Erd in derselben Gegend/ vnd warff den Tempel Mahomets zuhauff: Darauff erfolgt groß Regenwetter/ sampt einem Wolckenbruch/ vberschwemmet alles/ vnd veführet den Sarck; vielleicht zum Zeichen/ daß Himmel vnd Erd/ GOtt/ vnnd die Menscheu/ einer sothanen vnseligen Reli- gion/ bald/ vnnd vnversehener Weiß den Garauß machen wer- den.
Diese abschewliche Lehr wurd mit Schwerd vnd Fewer fort gesetzt/ auch keines Menschen/ der solcher widerstunde/ verschonet: Vnnd weil die fleischliche Luͤsten vngezaͤumet mit vnterlieffen/ wuchs diß Regiment sehr geschwind/ also/ daß jhr Oberhaupt vn- derschiedliche Caliphen/ in den Jnsuln/ vnd allenthalben verordnen muͤssen. Doch blieb die Religion nicht einig/ sondern trennete sich/ wegen etlicher Lehrer/ die den Coran/ oder das Gesetz/ auff wider- sinnische Meinungen außlegten: Also/ daß dreyerley Secten vnter jhnen entstanden/ die Tuͤrcken/ die Persier/ vnnd die Tar- taren/ die sich auch mit blawen/ roͤhten vnnd gruͤnen Turban/ o- der Huͤtten vnderscheyden/ einander nicht weniger feind/ als den Christen.
Die Saracenen liessen jhnen die newe Lehr am ersten gefal- len/ nach den Arabern/ vnd brachten sie in Africa/ in Spanien/ in Welschland/ Sicilien/ Rhodiß vnd andere Jnsuln vnd Landschaff- ten/ ob schon die Mohren nicht so gar koͤstlichen Glauben haben sollen. Als nun die Saraccnen durch zuviel grosses Gluͤck schlaͤf- ferig worden/ auch selbst einander in die Haar gefallen/ thaͤten sich die Tuͤrcken herfuͤr/ streyfften durch das Caspische Gebuͤrg/ in das flache wolgebawte Land/ vnd setzten sich endlich gar darein; funden diese newe Lehr bey dem gemeinen Mann annchmlich/ vnd ergriffen sie auch. Weil sie nun gute Kriegsleute waren/ schlugen sie sich zu
M
der
GERMANIÆ PERTVRBATÆ
der schwaͤchsten Parthey/ vnd machten/ daß sie jmmerdar einen gu- ten Brocken darvon trugen; daͤmpfften die Saracenen/ raumten auß dem Wege einen Caliphen nach dem andern/ biß sie endlich gar an derselben Stell gelanget/ also/ daß man von den Saracenen bald nichts mehr zusagen weiß. Das Roͤmische Reich in den Moh- renlaͤndern gieng zu truͤmmern/ nicht nur/ wegen der Persier vber- auß grossen Gewalts/ vnd wegen der Saracenen Macht in Egy- pten vnd Damasco/ sondern fuͤrnemlich darumb/ daß sich verschey- dene Koͤnigreich erhuben/ zu Constantinopel/ zu Nicea/ zu Hadria- nopel/ zu Trapezund/ vnd wo sich nur ein Kriegsobrister bevestigen konte. Also setzt
Soliman, Orchanis
Sohn/ vber den Hellespont/ Anno Christi 1357. mit wenig Voͤlckern/ erobert Calliopolin/ vnd macht ein Nest daselbsten/ biß Amurath auß selbigem Ort die Chri- sten gezwungen/ den fuͤnfften Sohn (oder da deren nicht so viel an der Zahl/ vor der andern jeden fuͤnff vnd zwantzig Asparen) dem Tuͤrcken auff die Kriegsschul zulieffern/ auß welchen man die Ja- nitscharen machte/ als die versuchteste Soldaten/ die vor dem Feind/ wie eine Mawer stehen/ vnd den fliehenden Hauffen den Ruͤcken/ oder Zuflucht halten.
Dessen allen vneracht/ trieb die Regiersucht
Andronicum,
deß Keysers
Iohannis
Sohn dahin/ daß er Anno 1390. dem Ba- jazeth ein Jaͤhrlichen Tribut/ vnnd einen Schultheissen in Con- stantinopel verstattet/ wann er jhme Huͤlff thaͤte/ mit welcher er- seinen Vaͤtter
Iohannem,
vnnd seinen Bruder
Emanuel
vber- wunden/ gefangen/ vnd drey gantzer Jahr also gehalten hat; aber von Bajazeth/ zu welchem Keyser
Iohannes
entrunnen/ hinge- richtet worden/ als der Vatter gleichen vnd groͤssern Tribut ver- sprochen.
Wie es nun gemeiniglich zuseyn pfleget/ daß der Nohthelffer vnd Erretter seine Arbeit wolbezahlt nimmet/ vnnd nicht so leicht- lich kan nach Hauß wider gewiesen/ als beruffen werden. Also gieng es auch mit den Griechischen Keysern/ die nach einander dem Tuͤr- cken solcher Gestalt zum Raub worden/ wie er dann im Jahr Chri-
sti 1453.
ET RESTAVR. DISCVRS. IX.
sti 1453. die Statt Constantinopel mit Gewalt erobert/ vnd den Roͤmischen Reich in denselbigen Laͤndern den Garauß gemacht auch die Christliche Religion so fern vertilget hat/ daß/ was noch vbrig ist/ zu keinen Ehren gelangen/ kein Pferd reiten/ keine Waf- fen fuͤhren/ keine geistliche Hohheit/ als vnter sehr schwehrem Tri- but/ haben kan. Wie er die Genueser vnnd Venetianer zuruͤck ge- trieben/ Siebenbuͤrgen vnd Hungarn/ sampt den angrentzenden Landen schier gar vnter seine Fuͤsse gelegt/ ist mehr zubeklagen/ als zubeschreiben.
Vnd hie moͤchte sich jemand verwundern/ warumb doch die Potentaten in
Europa
so vnversoͤhnlicher Weiß aneinander wach- sen/ vnd dem Erbfeind solchen Muhtwillen zulassen/ da sie doch weit bessere Voͤlcker in das Feld bringen koͤnnen/ vnd sich/ wegen jh- rer Voraͤltern Mannlichen Thaten jenseit deß Meers/ zuruͤhmen wissen?
Vor Zeiten vberschwemmeten die Nordlaͤnder die gantze Welt/ giengen biß in Asien/ nahmen Platz in Galatien/ vnnd in Parthien/ durchbrachen allen Widerstand/ vnd triumphierten ge- gen den vier Winden. Die einige Hindernuͤß mag seyn/ der Ehr- geitz/ daß keiner mit dem Seinigen zufrieden/ den Nachbarn auß- beissen/ vnd lieber einem solchen grausamen Feind dienen/ als neben seines gleichen stehen wil.
Die hohe Schul zu
Dovay,
hat in dieser Erwegung etliche Saͤtz gemacht: Es sey dem Tuͤrcken kein Widerstand zuthun/ wann man nicht ein einiges Haupt auffwerffe/ die gesampte Regie- rung/ jedermaͤnniglich zum besten zufuͤhren; gleich wie in einem Koͤmgreich nur ein Haupt ist/ vnnd Teutschland zu keiner Ruh nimmer kommen koͤnnen/ biß es ein Haupt vber sich gesetzt. Zu solchem Ende nun zugelangen/ daß man/ naͤmlich/ ein solches Haupt vberkomme/ das den gantzen Leib vernuͤnfftiglich regiere/ vnd seine Hohheit ohne Tyranney sehen lasse/ auch kein Glied sich dessen zuschwaͤhren habe/ sind bey den Klugen/ manche Vorschlaͤge geschehen; aber/ biß Dato allzumal/ gleich wie deß weisen
Plato-
M ij
nis
GERMANIÆ PERTVRBATÆ
nis
Entwurff/ auff dem Papier ersitzen blieben/ vnd nimmer zum Werck kommen. Also pflegt ein Vhrwerck bald zuverlauffen/ wie fleissig man es auch richtet/ sonderlich/ wann Frost vnd Hitz vmb- wechseln/ die Laͤuffe verrosten/ vnd die Gewichte nicht recht gegen- einander liegen. Es ist zwar kein einiger Potentat/ der ein solch Regiment/ wann er nur darzu gelangen koͤnte/ nicht mit beyden Haͤnden angreiffen solte; gleich wie Alexander der Grosse/ sich las- sen ein
Generalissimum
in Griechenland wider die Persier ma- chen/ ob er schon noch jung/ vnd alles auff das blinde Gluͤck dahin wagte.
Socrat fragte den jungen Alzibiad/ der deß Regiments eyf- ferig begehrte: Ob dann auch ein Lautenist/ ein Bereitter/ auch der geringste Handwercksmann/ vor verstaͤndige Leute/ vor Mei- ster vnd Gesellen tretten doͤrffte/ wann er nicht zuvor seine Lehr- Jahr vberstanden/ vnd seine gewisse Regel abgefaßt/ ja auch geuͤbet haͤtte? Darumb solte sich keiner deß Regiments vnterfangen/ er haͤtte dann zuvor alles gepruͤffet vnd erfahren.
Vnd eben dieses ist die Vrsach/ warumb die Bischoffe weit besser regieren/ als die geborne Herꝛn. Dann ein geborner Herꝛ sol vnd muß regieren/ er habe gleich den Kopff vnnd die Faust/ ein Cron vnd Scepter/ oder eine Kapp vnnd Kolben zutragen. Da croͤnet man/ wie bey den Persiern/ der Koͤnigin schwangern Leib/ ehe man weiß/ als durch Muhtmassung: Ob ein Endte/ oder Ganß sich außbruͤte? Da haͤngt man den Landsherꝛn in einer Wiegen an den Weidenkopff/ wie bey den Niderlaͤndern; oder legt jhn vor die Schlachtordnung/ wie bey den Frantzosen/ wann man alles auff die Spitz setzet: Da regiert ein Weib/ ein Frembdling/ ein Ver- schnittener/ ein Schwartzkuͤnstler/ ein Heuchler in deß Landherꝛn Namen; Da wird Buͤrgermeister/ der nicht mehr Witz hat/ als
Caligulæ
Pferd; Da tritt ein vierzehen/ achtzehen/ fuͤnff vnd zwan- tzig Jaͤhriger Juͤngling daher/ vnnd vermeinet/ seine schwache Schultern seyen dem Riesen
Atlas
gleich/ den grossen Last der run- den Welt vnd Himmels Kugel/ zugeschweigen eines Koͤnigreichs
zutra-
ET RESTAVR. DISCVRS. IX.
zutragen/ vnd besser fortzugehen/ als derselbige; welches dann vmb so viel schaͤdlicher ist/ wann das dumme Gluͤck sich erlustiget/ daß es der Weisen jederweilen spottet/ den Blinden laͤßt ein Huffeisen finden/ vnnd dem schlaffenden Moͤnch eine Abtey durch
Ludovi- cum XI.
oder dem
Timoleon
die veste Staͤtte in das Garn zu- neiget vnd anweiset. Darzu auch der Schmeichler Narꝛenthey- digung kompt/ daß mancher
Clitus
sein Leben muß lassen/ wann er den klugen Vatter mehr preiset/ als den tollen Sohn; vnd etwan eine Koͤnigliche Princessin den Tod jhres leiblichen Bruders nicht beweinen darff/ sondern ein hoch weiser Vasall sagen muß: Der Vatter sey herꝛlicher dann der Sohn/ eben deß wegen/ daß der Sohn noch nicht solchen Reichs-Erben gezeuget: Da er auch billig sa- gen sollen/ wie der Priester: Setze dein Bild nicht vber
Zoroa- strem,
dann du bist bey weitem noch nicht an seine Thaten fortge- geschritten.
Hingegen hat die Clerisey hierinn einen besondern Vorzug; darumb sie auch spricht: Sie sey geschorn (geweyhet) drumb werde sie erkorn: Wer jener nicht geborn (nach dem Lehen vnd Erbrecht) wuͤrde er nimmer erkorn/ vnd kaͤme zu keinem hohen Ampt/ welches Tugend vnnd Erfahrenheit erfordert. Gleich wie nun in dem Kriegswesen/ ein
Marius
durch Tugend/ vnter dem gemeinen Hauffen herfuͤr kreucht/ vnnd zum siebenden mal Bürgermeister wird/ dieweil das Kleinod jederman da stecket; also stehen offen auch die hohe Aempter/ denen/ so andern mitten vnter der Clerisey an Tu- gend herfuͤr leuchten. Auß solchem Fundament stehet das Rad in dem Maintzischen Wappen/ vnd sind so viel arme vnedele Kin- der zum krummen Staab/ ja zu der dreyfachen Cron erhoben wor- den/ da freylich weder Gewalt/ noch Gelt/ sondern allein die Tu- gend gelten koͤnnen. Solches haben die Hoch- vnd Wol- oder E- delgeborne desto mehr Schand/ daß sie solche Mittel/ die jhnen von den Voraͤltern sehr thewer erworben/ vnd hinderlassen sind/ sich so wenig in dem Wettlauff der Ehren bedienen: Gleich wie eines rei- chen Kauffmanns Sohn dessen wenig Ehr haben muß/ wann er
M iij
ver-
GERMANIÆ PERTVRBATÆ
verarmet/ vnd sein armer Diener reich wird. Ein vollkommener Kriegsoberst traͤgt die Mußquet anfangs/ steht Schildwacht/ er- langt die Picke/ wird ein Gefreyter/ Corporal/ Fenderich/ Vnter- vnd Ober-Hauptmann/ auch gar Oberster/ ehe man jhm das gan- tze Wesen vertrawet: Jn Verbleibung dessen/ vnnd wann er/ als ein geborner Feldoberst/ solches in Mutterleib gelernet zuhaben ver- meynet/ oder andere jhn vnzeitiger Weiß oben ansetzen/ weiß er nicht/ was sein vntergebene Kriegsleut thun sollen/ vnd worinn sie fehlen: Dannenhero kein Wunder/ wann er den Nagel nicht alle mal auff den Kopff trifft/ vnd manchen Lufftstreich thut. Aber bey der Clerisey geht man von einer Taffel zu der andern/ lernet erstlich in den Cantzleyen/ darnach geschicht einige Pruͤffung bey Verwaltung eines Ampts/ in deme alle Fehler angemerckt vnd ver- bessert werden. Hernach thut sich die Thuͤr auff zur geheimen Cantzley/ vnd zu den Staadsachen/ wann frembde Gesanden zu- empfahen vnd abzufertigen/ biß man sich selbst zu dergleichen Bott- schafften bey andern Herꝛn abzulegen tauglich macht. Kompt es dann zu Craiß- vnd Reichstaͤgen/ muß der Angehende fleissig mercken vnd lernen/ was der Alte geuͤbet/ der schon manches mal solch Ampt betretten/ fuͤrnimbt/ vnnd wie er jeder Axt einen Stiel draͤhet.
Vnd wer wolte zweiffeln/ daß nicht ein solcher/ wann er Abt/
Vicarius,
Bischoff/ Ertzbischoff vnd Churfuͤrst wird/ alles mit- einander verschlungen/ daran andere/ sonderlich/ der weltlichen Herꝛn/ junge Rechtsgelehrte/ vnd Reichs-Vnerfahrne noch lang zubeissen vnnd zukaͤwen haben? Vnd weil
Plato
geschrieben/ alsdann sey das Regiment wol bestelt/ wann die Weisen selbst/ oder doch die den Weisen folgen/ das Ruder halten; meynet die Clerisey/ die naͤchste Himmlische Weißheit/ gegen welcher der Menschen Klugheit zur Thorheit wird/ vnd jhren Glantz verlieret/ gleich wie die Stern neben der Sonnen/ erlerne sich auß heiliger Schrifft/ darauff sie sich gewidmet. Vnd muͤsse folgen/ daß jhr Regiment Gott angenehmer sey/ als der weltlichen Herꝛn/ welche auff Hetzen
vnd
ET RESTAVR. DISCVRS. IX.
vnd Jagen/ auff die Kinderzucht/ vnd andere Kurtzweil sich legen/ vnd der Bibel gar wenig achten. Dannenhero der Bapst zu Rom/ der Verwaltung deß Roͤmischen Reichs/ bey Ableiben eines Key- sers/ biß ein anderer gewehlet wird/ sich etliche mal vnterfangen. Vnd weil alle Christen Geistlich sind/ vnnd zu dem Koͤniglichen Priesterthumb gehoͤren/ haben nach dem Exempel Eli vnd Sa- muels/ im Alten Testament/ sie auch im Newen Testament beyde Schwerd etwan ergriffen/ vnnd jhnen vortragen lassen. Es wollen zwar die weltliche Herꝛn solches nicht gestehen/ vnd bleiben Jrꝛdisch gesinnet/ mit dem Vorgeben: Ein Priester soll das Schwerd/ nicht deß Zwangs vnd Mordens/ sondern deß Geistes vnd Lebens fuͤhren; vnd muͤssen gleichwol hingegen hoͤren/ daß aller Bericht von recht vnd vnrechtem Gewalt/ bey den Geistlichen zu- suchen/ vnd daß Christus nicht nach dem Fuͤrsten- vnd Lehenrecht/ nicht nach der Heydnischen Keysern Gutduͤncken vnd Reseripten/ sondern nach Mosen vnd den Propheten/ auch Aposteln richten werde. Wie geschrieben stehet: Laßt euch weisen jhr Koͤnige/ vnd laßt euch züchtigen jhr Richter auff Erden. Vnd soll keines wegs fehlen. Ein Gewissenhaffter/ wolgelehrter Geistliche/ der kein Ab- sehen auff Weib vnd Kind hat/ stehet dem Land besser vor/ als ein toller weltlicher Herꝛ.
Dieweil aber etliche Koͤnigreich auß sonderem Eyffer/ auch gewisser Vrsachen halben/ sich an den Roͤmischen Stul ergeben/ ist es allerdings billig/ daß sie auch Trost vnnd Schutz daselbst su- chen/ vnd finden: Nich zwar alle mal/ wegen eusserlicher Macht/
sondern durch Vermittelung/ wann andere/ dem Roͤmischen Stul zu Ehren/ Huͤlff leysten/ vnd Rettung thun/ als wir bißhero vielfaltig ver- nommen.
Der
GERMANIÆ PERTVRBATÆ
Der zehende Discurß.
Vom Abfall von der Roͤmischen Kirchen/ durch Peter Wal- den/ vnd was vor Mittel wider jhn gebraucht worden. Von Wikleff/ von Johann Huß/ von dem Boͤhmischen Krieg/ vnd wie die Hussiten nie koͤnnen vertilget werden/ sondern endlich den Majestaͤtbrieff/ vber welchem dieser letzte Krieg entstanden/ erhalten.
J
St
noch eins vbrig/ daß/ wann ein Abfall von der Roͤ- mischen Kirchen wil geschehen/ demselbigen auff alle Manieren gestewret werde. Derselbige Abfall ge- schicht auff dreyerley Weiß/ entweder in dem eusserli- chen Gehorsam/ wie vor fuͤnfftzig Jahren die Venetianer dem Roͤ- mischen Stul nicht wolten nach geben/ wegen der geistlichen Guͤ- ter/ doch im Glauben an jhm bestaͤndig bleiben. Oder geschicht in dem Glauben allein/ wie die Waldenser in Franckreich vor Zeiten allen eusserlichen Gehorsam vnd Schuldigkeit verrichteten/ aber viel Glaubens-Artickel deß Roͤmischen Stuls verworffen. Oder geschicht in beyden Stuͤcken zugleich/ wie die Protestierenden in Europa vom Bapst abfallen/ auch alle Keyserliche Geistliche Guͤ- ter/ deren sie ewer maͤchtig werden koͤnnen/ mit allen Jntraden jhm entzogen/ haben demnach zuwissen/ ehe wir auff den letzten Abfall kommen/ wie es mit dem ergangen/ vnd wie derselbe diesen Letzten vmb etwas vervrsacht.
Jm Jahr 1160. gedachte die Roͤmische Kirch das Sacra- ment deß Altars zuerheben/ vnnd die Leute in groͤssere Andacht zu- bringen: Verordnet derowegen/ daß auff die gewisse Wort deß Priesters/ der Leib deß Heyland/ vnter der Gestalt deß Brods seyn solte/ da die Runde/ vnd die Farb zwar bleibe/ aber das Brod ver- schwinde/ oder in den Leib verwandelt wuͤrde; darumb man den
Ostien
ET RESTAVR. DISCVRS. X.
Ostien auch Goͤttliche Ehr erzeigte/ vnd als ein Opffer vor die Le- bendigen vnd vor die Todten erkennete. Etliche enge Gewisse legtens auß zu einer Abgoͤtterey/ vnd waren widerspenstig/ sonder- lich Peter Wald/ Buͤrger zu Lyon/ der gab offentlich auß: E- weren sehr viel Mißbraͤuch in die Kirche Gottes eingeschlichen/ die Roͤmische Kirch were der vnfruchtbare vnnd verfluchte Feygen baum/ der Bapst were nicht das Haupt der Kirchen/ die Moͤnche- rey were ein garstiges Wesen/ das Fegfewer/ die Kirchweyhen/ die Verehrung der Heiligen/ vnd die Gedaͤchtnuͤß der Abgestorbenen were Teuffelswerck/ vnd Geitzstuͤcklein. Dieser Mann war ge- lehrt vnd fromm/ gab reichliche Allmosen/ vnd wurd darzu bewegt/ wie
Guidon
vom
Perpinian
meldet/ als in einem vppigen Faß- nachtspiel ein Mumschantzer gaͤhlingen Tods verfahren/ daruͤber er gantz bestuͤrtzt/ jhm hernach schwaͤrer Gedancken gemacht. Vnd weil er die Clerisey hart angriffe/ verbott Johann genannt/ von den schoͤnen Haͤusern/ Ertzbischoff deß Orts/ jhm/ als einem Layen vnd Vngeweyheten/ solche Reden zutreiben; oder wolte jhn in den geistlichen Bann thun: Aber Walds maͤchtige Freunde vberhalf- fen jhm/ daß er noch drey Jahr in der Statt/ doch etwas heimlich sich auffenthalten konte.
Alexander III.
Bapst zu Rom/ thaͤt/ nach eingenomme- nem Bericht/ als wuͤrde seine Hohheit fuͤrnemlich angetastet/ Pe- ter Walden/ wie
Claudius Rubisius
meldet/ sampt allem An- hang/ in Bann. Da Wald solchen Ernst sahe/ begab er sich in den Delphinat/ vnd hernach in die Picardey/ vnd bracht viel anse- henliche Leut auff seine Seite/ daß
Philippus
Koͤnig in Franck- reich/ wie
Dubravius,
Bischoff zu Olmuͤtz/ schreibet/ sie mit Schwerd vnnd Fewer verfolget/ etliche Staͤtte zu Doͤrffern ge- macht/ vnd vber dreyhundert Adeliche Haͤuser geschleyfft/ vnd sie also in Flandern/ vnd in Teutschland vertrieben; da sie sich je laͤn- ger je mehr vermehret/ ob schon Conrad von Marpurg/ verordne- ter Ketzermester/ sein bestes wider sie thaͤte. Dann im Jahr 1315. funden sich jhrer in der Graffschafft Passaw/ vnd in den angren-
N
tzenden
GERMANIÆ PERTVRBATÆ
tzenden Boͤmischen Landschafften vber achtzig tausend. Sie ka- men in Bulgarey/ Croatien/ Dalmatien vnd Hungarn/ vnd hat- ten einen Lehrer/ genannt Barthel von Harcassonn/ dann die Albi- genser in Gasconien es mit jhnen hielten/ vnd jhre Correspondentzen biß in Spanien sich erstreckten. Diese Leut wurden allenthalben fuͤr die aͤrgste Buben vnd Schwartzkuͤnstler verschreyet/ vnd sie verschreyten auch die Clerisey eben so vast sie mochten/ wann sie et- was am Bapst/ an den Bischoffen/ oder geringen Priestern zuta- deln funden/ aber mehrentheils auß Eyffer/ gleich wie wir droben von den Heyden vnd Christen/ erwehnet.
Doch findet man bey
Gregorio Morello, in Calendario Spirituali,
vnd bey
Carolo Molinæo
jhre Bekanntnuß/ die nach
Lindani, Bellarmini, Eccii
vnnd anderer Meynung/
Calvinus
vnd
Lutherus
wider new auffgezogen/ vnd der Welt vorgetragen haben.
Ramerius
der Moͤnch schreibet/ daß vnter allen denen/ so sich wider die Roͤmische Kirch auffgeworffen/ die Waldenser die aller- schaͤdlichste gewesen/ dieweil sie von langer Zeit her wider sprochen/ vnd jhre Sect allgemein gemacht/ daß man nicht bald einige Land- schafft solte nennen/ da sie nicht Fuß gesetzt hatten. Vnd fuͤrnem- lich/ weil alle andere Secten ein Abschewen/ wegen jhrer Gottslaͤ- sterung erwecket/ diese aber einen grossen Schein der Gottseligkeit fuͤhret/ auffrichtig leben/ vnd von GOtt/ auch allen Artickeln deß Glaubens/ recht vnd wol reden lehret; allein wider die Roͤmische Kirche laͤstert/ vnnd deßwegen von dem gemeinen Poͤbel leicht- lich angenommen wird; fürnemlich/ weil sie jeder man auff Chri- stum/ vnnd seine Apostel weisen/ auch niemand vor einen Apo- stolischen Lehrer erkennen wollen/ er bezeuge dann die Lehr mit dem Leben.
Die Baͤpste zu Rom solten wol besser gethan haben/ wann sie die Clerisey reformiert/ wornach fromme Hertzen jederzeit verlangt gehabt/ vnd diese vngestuͤmme Eyfferer nicht so hart getrieben haͤt- ten. Dann die Bischoffe hatten erstlich Befehl/ in jhren Kirchen
fleissige
ET RESTAVR. DISCVRS. IX.
fleissige Obacht zuthun/ vnnd darnach mit dem Bann zuverfah- ren.
Als nun hierauß nur vbel aͤrger ward/ versucht es
Innocen- tius III.
vmb das Jahr 1198. auff ein andere Weiß/ vnd verord- net gewisse Moͤnch/ Petern von New-Castell/ vnnd dann Nickel von Calahorꝛ in Spanien/ daß sie vmb Narbonn diese Abtruͤnni- ge wider zurecht braͤchten/ so wol mit predigen/ als mit strengem Leben. Vnd vmb so viel mehr an diesem Ort/ weil man sich zu- befahren/ der Koͤnig in Franckreich/ der dem Roͤmischen Stul nim- mer recht gehorsam gewesen/ moͤchte jhnen Beyfall/ vnd Platz geben.
Dieses Dominies Mutter hatte einen Traum von jhm/ ehe er geboren ward: Sie truͤg einen Hund der Fewer speyete; wel- ches die Waldenser auff seine Jnquisition deuteten; andere aber auff die Wachtsamkeit/ vor den Ketzern zuwarnen/ vnd dieselbige zuverbrennen; wie er dann haͤuffig toͤdten lassen/ als daß man nicht Stockhaͤuser vnd Kercker genug vor sie fand. Durch gantz Del- phinat/ sonderlich in den Thaͤlern/ haben diese Leut jhr wolbestelte Kirchen/ auch vnter dem Ertzbischoff zu Turin gehalten: Vnd wurden Anno Christi 1380. zum ersten mal durch einen Minnen- bruder/ Frantz Borelly/ verfolget/ vnter Bapst Clemens dem Sie- benden/ vnd vber anderthalb hundert Menschen dem Obergericht zu Grenobel vbergeben/ vnd verbrandt. Vnd ob schon
Louys XI.
auff vnterthaͤniges Ansuchen befohlen/ sie außerhalb der Rebel- lion vnd Widerspenstigkeit vnbekuͤmmert zulassen/ wurden sie doch durch viel Proceß/ so noch zufinden/ sehr gequelet/ vnnd endlich der Ertz-
Diacre
zu Cremmohen/ deß Koͤnigs Statthalter Anno 1488. vmb Huͤlff wider sie angeruffen/ welche allen Gewalt ge- uͤbet. Doch erhielten sie hin vnd wider jhre Kirchen/ vnd Predi- ger/ biß Anno 1560. vnd ferner.
Jn Bemond vnd in der Marggraffschafft Salutz/ gieng es eben also zu/ doch zum heimlichsten/ wegen deren zu
Pignerol,
biß sie Anno 1532. jhr Kirchenwesen offentlich bestellet. Jn Provintz
N ij
vnd
GERMANIÆ PERTVRBATÆ
vnd Calabren/ auch in den newen Thaͤlern/ so man jhnen in dem Schweitzergebuͤrg eingeraumbt zubawen/ hielten sie sich lange Zeit. Es musten aber Waldenser heissen/ vnd Verfolgung leyden/ alle/ die an der Clerisey/ jhrem Leben vnd Ceremonien ein Mißfallen trugen.
Also beklagt sich Bapst
Gregorius IX.
vnd
Alexander IV.
in der Bull
Frustra cunctis,
man hab diesen Leuten zulang vber- sehen/ in Spanien/ vnd
Ramerius de forma hæreticandi,
sie haben Anno 1250. zu Constantinopel/ zu Philadelphien/ in Scla- vonien/ Dalmatien/ Bulgarey vnd Diganicien; gar in Lieffland/ Polen vnd Sarmatien/ in Lombardey vnd Sicilien/ jhre Kirchen vnd Bischoffe gehalten. Zu Pariß verbrand man Anno 1304. hundert vnd vierzehen auff einmal.
Die Albigenser/ in Gasconien/ sind den Waldensern in allem gleich/ vnnd erschienen vor den Baͤpstischen Abgesanden/ Anno 1206. vber gewisse strittige Puncten zu disputieren/ darauff ein grosser Krieg entstund/ zwischen Graff Remond von Thulus/ als
Innocentius III.
die Creutzbruͤder auß Teutschland wider jhn sande/ vnd dem Graffen von Besiers/ der Statt Carcassonn/ dem Koͤnig in Aragonien/ dem Graffen von Foys vnd Lomminge/ so es alle mit den Albigensern hielten; vnd dann zwischen Graff Si- mon von Montfort vnd den Creutzbruͤdern.
Jn Engelland/ sagt Matthes von Pariß/ haben die Jnqui- sitions-Moͤnch schon Anno 1163. etliche Waldenser/ eylff Jahr nach Peter Walden Flucht/ verbrennen lassen/ welches daher mag kommen seyn/ weil die Engellaͤnder zur selbigen Zeit in
Guyenne,
oder Aquitanien herꝛscheten/ vnd Graff Remond von Thulus/ deß Koͤnigs in Engelland Schwager gewesen.
Bruder Reinhard Lollard/ anfangs ein Franciscaner/ has- sete die Waldenser/ predigte aber endlich derselbigen Lehr in Engel- land/ vnd wurd zu Coͤln am Rhein verbrandt: Von jhm kam sol- che auff Wikleff/ der ein beruͤhmter Schrifftgelehrter auff der ho- hen Schul zu Ochsfort/ vnd
Curatus
zu Lutervorth/ vnter dem
Bisch-
ET RESTAVR. DISCVRS. X.
Bischthumb Likolmen/ ein beredter vnnd gelehrter Mann war. Durch solche seine Tugenden entwand er das Hertz vielen Engel- laͤndern/ auch den fuͤrnembsten in dem Koͤnigreich/ namentlich dem Hertzogen von Ancastren/ so Koͤnig Reichards Ohem; Henrichen von Ferfex; Ludwigen von Schifford/ vnd dem Cantzlar Reglen/ als Graffen von Salbur. Durch dieser Herꝛn Gunst trieb Wi- kleff der Waldenser Lehr/ welche auch jhren Lauff hatte/ biß
Gre- gorius XI.
sie mit eusserster Macht gehemmet: Doch verblieben seine Buͤcher vnter den Leuten/ ob schon seine Gebein vber dreyssig Jahr nach seinem Tod erhoben/ vnd als Ketzerisch verbrand wor- den. Sonderlich/ als die hohe Schul zu Ochsfort den 8. Octobr. Anno Christi 1406. jhm ein herꝛlich Zeugnuß gegeben/ daß er von Hertzen fromm/ mit Lehren vnd Schreiben seines gleichen nicht gehabt/ auch keiner Ketzerey jemals beschuldiget worden; nur daß er auß heiliger Schrifft die Bettelmoͤnch widerlegt haͤtte: Vnd starb Anno Christi 1387. Vnd wie die Asch von dem Berg Etna in Sieilien/ wann er in die jnnerliche hefftigste Brunst gerahten/ sich vber gantz Welschland außgebreitet/ auch wol in Egyptẽ vermerckt worden; also sind deß Wiklefs Buͤcher/ deren er vber hundert wider die Roͤmische Kirch sol geschrieben haben/ durch etliche Studenten (weil selbiger Zeit Ochsfort in Engelland/ Pariß in Franckreich/ Prag in Teutschland/ vnd Bononien in Welschland/ zum hoͤch- sten florierten) nach Prag gebracht/ vnnd durch die begierige Ju- gend auffgenommen/ auch von Johann Hussen selbsten beliebet worden.
Als haben wir den Peter Wald in Franckreich/ nach jhm den Johann Wikleff in Engelland/ vnd in Boͤhmen den Johann Huß/ biß wir endlich auff den Martin Luthern kommen/ die jeder zu seiner Zeit dem Roͤmischen Stul gewaltig widerstanden/ vnd ei- nen grossen Abfall vervrsacht haben.
Es sind aber die Boͤhmen zum Christlichen Glauben kom- men/ Anno Christi 894. als Boriwoy in Maͤhren zu Olmütz mit drey vnd zwantzig Reichs-Fuͤrsten von
Methodio
getaufft wor-
N iij
den/
GERMANIÆ PERTVRBATÆ
den/ vnd denselben mit sich in Boͤhmen gefuͤhret/ allda es eine Zeit- lang viel Verfolgungen von den Heyden gegeben; biß Anno 968. Diethmar auß Sachsen zu einem Bischoff erwehlet worden/ als
Hatto
den Stul zu Maintz besessen/ da der Bapst zu Rom seine Kirchen Ceremonien/ Gesang/ Spraach/ vnd Ernst gebotten/ vnd die Boͤhmen durch jhre Abgesande/ Anno Christi 977. erhalten/ daß aber Gottesdienst bey jhnen auff Boͤhmisch geschehe. Vnd da jmmer zu durch Anruffen der Clerisey/ newe Hindernuͤssen von Rom einkamen/ erlangte Hertzog Vratislaw von
Gregotio VII.
diese Antwort: Weil die Geheimnuͤssen groß/ vnd einige Ketze- reyen darauß entstehen koͤnten/ wuͤrde man jhn seiner Bitte gar nicht gewaͤhren. Nichts desto weniger blieben die Widerspensti- ge von der Roͤmischen Kirche abgesondert/ so fern/ daß Anno 1197. der Cardinal Peter von der Breytengaß genannt/ als
Cœlestinus
den Priestern die Ehe verbotten/ eben deßwegen schier zu tod gestei- niget were worden.
Jm Jahr Christi 1350. fienge man in Boͤhmen an/ den Layen auß demheiligen Abendmahlden Kelch zuentziehen/ welches durch die Frembde/ so zu der von
Carolo IV.
new gestifften hohen Schul nach Prag zogen/ eingeschlichen. Hierwider schrieb vnd predigte Johann Miltitz/ ein edler Boͤhm/ vnd vermahnete/ in der Haupt- vnd Schloßkirche das Volck zu den beyderley Gestalten/
Gregorius XI.
vbergab jhn/ mit
Stickna
seinem Mithelffer/ vnd allen Zuhoͤrern dem Ertzbischoff in Bann zuthun. Vnd ob schon derselbig jhn in den Kercker geworffen/ muste er jhn doch/ wegen deß Volcks/ wider herauß thun/ vnd noch acht Jahr vnbekuͤmmert las- sen/ biß er endlich/ Anno Christi 1374. gestorben.
Auff diesen Miltitz folgte Matthes Janow/ der Pariser ge- nannt/ weil er daselbst lange Jahr gestudieret/ vnd sonsten zu Prag buͤrtig war. Dieser schrieb vnnd prediget noch eyfferiger wider das Bapsthumb/ weil eben selbiger Zeit zween/ ja drey Baͤpste auff einmal sassen/ vnd bewegt
Carolum IV.
dessen Beichvatter er war/ ein allgemein
Concilium
vom Bapst zubegehren/ welches so vbel
auff-
ET RESTAVR. DISCVRS. X.
auffgenommen worden/ daß
Carolus
diesen Janow muͤssen deß Lands verweisen/ vnnd eine Jnquisition wider die beyderley Ge- stalten anstellen; so fern/ daß dieselbige auch nicht mehr in den Raht gezogen/ ja/ vnter Koͤnig Wentzeln sechtzehen Teutschen/ vnnd nur zween Boͤhmen genommen wurden. Doch kam Ja- now wider/ hielte sich verdeckt/ vnd starb Anno Christi 1394. den 30. Novemb.
Vmb diese Zeit lebte Herꝛ Johann Muͤlheim von Pordo- vitz/ ein Kriegsmann/ vnd dann ein ehrsamer Kauffmann/ Krup/ Buͤrger in Prag: Diese zogen zu Gemuͤht/ daß der offentliche Gottesdienst in frembder Spraach/ vnd doch nicht verstanden/ son- dern von den Waldensern in den Haͤusern heimlich/ vnd verstaͤnd- lich/ gleichwol mit Gefahr getrieben wurde. Einer schoß das Gelt/ der ander ließ sich sehen/ vnd kaufften naͤchst der Heil. Aposteln S. Philippi vnd Jacobi Kirch ein Platz zu einer Capellen/ die sie ge- stifftet vor die Mutterspraach/ genant Bethlehem/ zu den vnschul- digen Kindlein; mit genugsamen Jntraden vor zween Auffseher/ vnd etliche Prediger/ vber welche Muͤlheim die
Collatur
behielte/ im Jahr 1392. wie die Patenten vom Apostolischen Stul/ vnd von Koͤnig Wentzeln endlich außweisen. Meister Stephan von Coͤln/ war der allererste Prediger daselbst/ deme Johann Huß/ im Jahr 1400. gefolget/ vnd hat sehr grossen Zulauff/ so lang er die Laster der Layen/ sonderlich der Herꝛn Tyranney straffete/ welches mit solchem Ernst geschahe/ daß die Herꝛn jhn vor Koͤnig Wentzeln verklagten/ aber nicht vertreiben konten/ weil jhm der Ertzbischoff Wolbram recht hierinnen gab. Doch/ als er der Geistlichen Scham auffdeckte/ vnnd Hieronymus von Prag etliche Buͤcher deß Wikleffs/ auß Engelland gebracht/ vnd zween Engellaͤnder/ Jacob vnd Conrad/ der heiligen Schrifft ergebene Studenten/ von deß Bapsts Hohheit offentlich disputierten: Vnd da solches jh- nen verbotten/ in jhr Losament deß
Her
ren Christi Wandel vnd Leyden/ neben deß zu Rom praͤchtige Hoffhaltung mahlen lassen/ dahin der gemeine Poͤbel mit Hauffen gelauffen kam/ zusehen/ zu-
mal
HERMANIÆ PERTVRBATÆ
mal Huß in einer Predigt darzu Anlaß gegeben hatte: Vnd als im Jahr 1408. den 24. Maij/ von viertzig
Magistris
deß Wikleffs Puncten eroͤrtert vnd verworffen worden/ vnterfieng Huß ein ver- wegen Stuͤcklein/ vnnd verkehrt den Verstand deß
Privilegii,
so
Carolus
bey Auffrichtung der hohen Schul/ den Teutschen erthei- let: Der Keyser haͤtte den Frembden drey Stimmen/ vnnd den Boͤhmen nur eine gegeben/ weil gar wenig Boͤhmen damals sich deß Studierens beflissen/ mit diesem Anhang vnd Verstand: Daß alles nach Art vnd Weiß der Parisischen hohen Schul/ im vbri- gen solte gehalten werden; allda die Jnnheimische drey Stimmen/ die Außlaͤndischen nur eine haͤtten. Koͤnig Wentzel gab den End- scheyd vber Jahresfrist/ nach der Boͤhmen Wundseh/ daruͤber die Teutschen stutzig worden/ vnnd mit hellem Hauffen nach Leipzig vnd Erfurt gezogen/ also derselbigen hohen Schulen ein Anfang gemacht/ welches die Clerisey zu Prag sehr vbel verdrossen/ daß die hohe Schul/ so es mit jhnen hielten/ solcher Gestalt jhr entgangen/ vnd Koͤnig Wentzel dem Huß/ der damals
Rector Magnificus
worden/ wol geneigt war. Darumb verhetzten sie den Ertzbischoff
Sbynko
von Hasenburg/ daß er/ Anno 1410. den 16. Julij/ deß Wikleffs Buͤcher (vber zweyhundert Stuͤck/ mit Gold vnd Sil- ber beschlagen/ sagt
Æneas Sylvius
) offentlich verbrante. Dar- über die beyderley Gestalter sehr geeyffert/ den Ertzbischoff verlaͤ- stert/ als haͤtte er zu Anfang solches Ampts/ allererst lesen lernen/ welches nicht von der Boͤhmischen/ sondern von der Lateinischen Spraach zuverstehen; vnd trieben den Huß/ daß er ein Tractaͤt- lein verfaßt/ wie man der Ketzer Buͤcher lesen solte. Vnd ein an- ders/ von der heiligen Dreyfaltigkeit/ zuverthaͤdigung deß Wi- kleffs.
Das Vnwesen gieng erst recht an/ als
Iohannes XXIII.
das Creutz ließ wider den Koͤnig zu Neapels predigen/ vnd Martin
Krzidelko, Iohannes Hudec,
Stentzel
Polak,
ein Schuhma- cher/ in dreyen Kirchen widersprochen/ der Bapst muͤste wol der Antichrist seyn/ daß er Christen wider Christen verhetzte: Diese
wurden
ET RESTAVR. DISCVRS. X.
wurden hingefuͤhret/ vnd wider der hohen Schul Danck vnd Be- muͤhung/ auff dem Marck enthauptet; deren Leichnam die beyder- ley Gestalter in der Capell Bethlehem/ mit grossem Lob/ als Blut- zeugen der Goͤttlichen Warheit/ beygesetzet. Hiermit war es nicht genug; dann
Hieronymus
lehrete in der Schul/ vnd Huß in der Kirch/ ja/ schlugen Schlußreden/ oder
Theses
an/ wider sol- chen blutigen Ablaß. Vnd als die Creutzbruͤder nicht jnnhielten/ stuͤrmeten die Studenten auff sie/ banden jhnen den Ablaß auff die Brust/ vnnd auff den Ruͤcken/ schlepten sie also mit grossem Ge- schrey durch die Hauptgassen/ vnnd verbrandten die Baͤpstische Brieff vnnd Patenten auff offentlichem Marckt. Der Bapst wurde dieses Handels bald bericht/ vnnd verbotte/ weil Huß auß Raht der hohen Schul/ auch etlicher grossen Herꝛn zu Rom nicht erscheinen wollen/ so lang er in Prag were/ keine Meß daselbst zu- singen. Da nun deßwegen ein sehr grosser Auffstand geschahe/ vnd das Volck sich in Partheyen trennete/ entwich Huß/ vnd pre- digte hin vnd wider in dem Koͤnigreich/ biß er auff deß Keysers Ge- laitsbrieff sich nach Costnitz zu der grossen Versamlung der Geist- lichen begeben/ vnnd daselbst im Jahr 1415. den 6. Julij; vnd sein Gehuͤlff
Hieronymus,
im folgenden Jahr den 30. Maij/ verketzert vnd verbrand worden.
Es wurde aber diese Spindel darumb nicht abgehaspelt/ in deme acht vnd fuͤnfftzig fuͤrnehme Herꝛn auß dem Koͤnigreich an das
Concilium
geschrieben/ vnd sich beklagt/ daß man jhre Pre- diger vnschuldiger Weiß verdampt haͤtte: Erhielten aber neben den Staͤnden auß Maͤhren nichts anders/ als daß sie die verordne- te Bischoffe auff vnd annehmen/ vnd die Ketzerey daͤmpffen solten: Geben den 22. Mertz/ 1417. Doch versucht es
Martinus V.
im folgenden Jahr etwas gelinder/ vnd vermahnet sie/ von Hussen Lehr abzustehen: Aber das gantze Koͤnigreich war in sich selbst ver- worꝛen/ vnd geschah im Jahr 1414. den 30. Julij in Prag ein sol- cher Tumult/ daß der gemeine Poͤbel in der Alten Statt zwoͤlff Rahtsherꝛn/ mit dem Stattschultheissen/ durch das Fenster her-
O
unter
GERMANIÆ PERTVRBATÆ
unter gestuͤrtzt. Darumb thaͤt
Martinus
sie Anno 1420. in den Bann/ vnd vermahnet alle Christen/ Groß vnd Klein/ die Boͤhmen zu vber ziehen/ mit dem Anhang/ daß/ wer nur einen Boͤhmen erleg- te/ Vergebung aller seiner Suͤnden haben solte.
Hierdurch ließ sich Keyser Sigmund zu Eyffer entzuͤnden/ vnd thaͤt mit seinen Teutschen etliche Zuͤg in Boͤhmen/ die jhm a- ber sehr vbel geglücket/ also/ daß
Æneas Sylvius
davon meldet/ die nachfolgende Zeiten werden Muͤhe haben solches zuglauben/ vnd daruͤber sich verwundern: Weil Johann von Trosenach/ zuge- nannt der Blinde/ oder
Zisca
jmmerzu jhm obgesieget. Dann die drey Heer/ vnter dem Marggraffen auß Meissen/ dem Burg- graffen von Nuͤrnberg/ vnd dem Ertzbischoff von Trier bey zwey- mal hundert tausend Mann/ kamen im Boͤhmer Wald/ im Jahr 1422. den 19. Octob. in ein vnnoͤhtige Flucht/ als ein paar Zelten ohngefehr in Brand gerahten.
Sechs Jahr hernach hube das eine Heer die Belaͤgerung vor Mieß auff/ weil die Hussiten anzogen; darumb meyneten die andere beyde Heer/ es were Schad geschehen/ vnd flohen. Dar- auff streyfften sie in Meissen/ vnnd erpresten grosse Gelder/ daß man sich/ biß vber Braunschweig/ vor jhnen foͤrchtete vnd beve- stigte.
Jm Jahr 1431. sande Bapst
Eugenius
den Cardinal
Iulia- num,
die Teutsche Fuͤrsten wider die vnruͤhige Boͤhmen zuerwe- cken: Dieselbigen fuͤhreten nur an Reuterey/ vber viertzig tau- send Mann in Boͤhmen; liessen sich aber den 14. Augusti durch ein vergeblich geschrey erschrecken/ als waͤren die Hussiten im Anzug/ flohen/ als jagt man sie/ vnd hinderliessen zwoͤlff tausend Waͤgen/ sampt allem Zeug. Doch hatten die Boͤhmen auff dem Streyff in Schlesien/ vnter
Procopio
eine Niderlag; vnd musten mit Schaden/ vor Franckfurt an der Oder/ abziehen/ daß man sie nun vmb etwas zu Ruhe braͤchte/ sanden sie einen Außschuß von drey- hundert Mann/ auff sicher Gelait nach Basel/ zu der grossen Ver- samlung/ disputierten biß in die achte Woche/ vnd erhielten die bey-
derley
ET RESTAVR. DISCVRS. X.
derley Gestalten auff gewisse Maaß vnd Bedingung/ Anno 1432. welches auch
Sigismundus
vier Jahr hernach bestaͤttiget/ als er die Fuͤrnembste auff seine Seite gebracht/ vnd die andere vberwaͤltigt/ auch der vnruͤhigen Koͤpff nicht wenig auß dem Mittel geraͤumbt; vnd demnach sich eroͤnen lassen. Dann die Waldenser nahmen zwar den Kelch vor bekannt an/ wolten sich aber im vbrigen der Cle- risey nicht vnterwerffen. Darumb der Cardinal von
Cusa
mit Schrifften/ vnd die weltliche Obrigkeit mit Gewalt wider sie ver- fahren. Den andern/ weil sie sich/ wegen deß erhaltenen Kelchs/ je laͤnger je weiter von den Roͤmischen/ vnd zu den Waldensern thaͤ- ten/ wurd der Kelch auch wider benommen. Auch waren die Boͤh- men selbst vneinig/ vnd verfolgten die beyderley Gestalter/ so sich auff dem Berge Thabor/ zehen Meil von Prag/ bevestiget hatten: Deren wurden zu Kuttenburg in eine Ertzgrub/ tausend sieben- hundert/ in ein andere/ tausend dreyhundert/ in die dritte/ tausend dreyhundert vier vnd dreyssig geworffen/ vnd wurden erkaufft/ ein Priester vmb fuͤnff/ vnd ein Lay vmb ein Guͤlden zu solchem Tod. Deren Gedaͤchtnuß noch Jaͤhrlich/ biß in das Jahr 1621. began- gen worden.
Als nun Anno Christi 1420. die Roͤmische sehr scharpff ver- fuhren/ vnd viel verbranden/ aͤrgert sich
Conradus
Ertzbischoff zu Prag daran/ sattelt vmb/ legt den krummen Staab nider/ em- pfaͤngt das heilige Abendmahl vnter beyderley Gestalt/ vnd wurd ein Oberster wider die Baͤpstler; nach dem er vier Pfarrer zu Ver- waltern in ein
Consistorium
verordnet hatte/ welches nachmalen Keyser Sigmund den Staͤnden zugelassen/ vnd mit einem Eyd be- staͤttiget/ aber vber Zeiten so gar viel Vnheil vervrsacht hat.
Als Huß gestorben/ zerfielen seine Nachfolger in vnderschied- liche Secten/ dann erstlich waren die Calixtiner/ vom
Cal x,
oder Kelch also genannt; diese behielten alles andere/ vnd waren damit zufrieben/ daß sie den Kelch brauchten: Zu Thabor wolte man gar keine Baͤpstische Ceremonien leyden/ vnd wurd von selbigem Ort die Allerheiligste/ die Thaboriten genant.
Zisca
schlug sich erstlich
O ij
zu jh-
GERMANIÆ PERTVRBATÆ
zu jhnen/ vnd darnach zu den Calixtinern/ verfolget aber die Picar- der/ (so in Franckreich die Waldenser sind/ weil sie sich in der Pi- cardey lang gehalten/ vnd endlich in Boͤhmen kommen) also daß die Vorsteher zu Prag in das Gefaͤngnuß gehen muͤssen. Doch ver- glichen sich
Zisca
vnd
Procopius,
so offt Keyser Sigismund wi- der sie angezogen kam/ vnd stunden vor einen Mann. Weil nun mit Macht jhnen nichts war anzugewinnen/ hielte der Bapst ein
Concilium
zu Basel/ auf welchem die Boͤhmen diese vier Puncten begehrt.
Erstlich/ solte der Kelch im Abendmahl Jdermaͤnniglich ge- reycht/ vnnd der Gottesdienst in der Landspraach verrichtet wer- den.
Fuͤrs ander/ solte die Cleriscy nicht weltlich herꝛschen:
Drittens/ solte man Gottes Wort frey lehren.
Vierdtens/ solte man offentliche Suͤnden/ offentlich straf- fen.
Diese Puncten wurden jhnen frey gestelt/
Rokyzan,
der Ab- gesanden einer zum Ertzbischoff gemacht/ vnd durch seine Vermit- telung alles zu Ruhe gebracht. Doch hatten die eyfferige Tha- boriten ein so grosses Mißfallen an solcher Vermittelung/ daß sie im Jahr 1434. daruͤber zu offentlichem Schlagen gerahten. Weil nun die Prager die Oberhand behalten/ wurd im folgenden Jahr
Rokyzan
zum Ertzbischoff gesalbet/ fiel doch wider ab/ da jhn der Keyser daran hinderte. Georg Padiebrack hielt es mit jhm/ vnd wurd Koͤnig/ vnnd bezwang endlich die Thaboriten; doch ergriff Rokyzan derselben Meynung vnnd Eyffer wider den Bapst/ vnd vnterstund sich/ die Griechische Kirch an sich zuhaͤngen; an welche man auff einem Reichstag wider deß Bapsts Bann/ Anno 1450. appellierte. Aber Rokyzan wolte nicht recht zu der Reformation verstehen/ vnd erlangt zwar bey dem Koͤnig/ der selbst dem Bapst viel nachgabe/ daß die Eyfferer sich nach Kunwald in das Gebuͤrg/ auff der Schlesischen Seiten/ geleichsam auß der Welt gethan/ vnd weil sie ein friedfertiges Leben fuͤhreten/ die Boͤhmische Bruͤ-
der
ET RESTAVR. DISCVRS. X.
der genant worden/ giengen auch hin vnd wider zu den jhrigen/ vnd wurden vnter dem verhaßten Namen der Picarder/ Anno 1461. verfolget/ als wolten sie/ wie die Thaboriten/ sich auffwerffen; sonderlich/ als sie den weltlichen Ertzbischoff etwas hart angefah- ren.
Diese Ltut richteten jhnen selbst Kirchen auff/ machten mit den Waldensern Gemeinschafft/ strafften doch an jhnen/ daß sie zu den Baͤpstischen Ceremonien giengen/ vnd also heuchelten/ anderst sich stelleten/ als sie glaubten. Sie liessen vnter waͤhrender Verfol- gung/ eine Schutzschrifft an Rokyzan/ an das
Consistorium,
an den Koͤnig; vnd an Jedermaͤnniglich außgehen; dardurch etliche Herꝛn sich jhrer angenommen/ vnnd der Lehr statt geben/ also/ daß sie vmb das Jahr 1500. in Boͤhmen vnd Maͤhren nicht viel weni- niger/ als zweyhundert Kirchen hatten.
Als nun ein Zwyspalt vnter jhnen entstanden; Ob man mit gutem Gewissen das Schwerd koͤnte fuͤhren/ vnnd eine schwaͤre Verfolgung daruͤber angienge/ wurden jhre fuͤrnembste Lehrer An- no 1504. zu einem Gespraͤch von Koͤnig
Vladislas
beschrieben/ doch vergeblich/ in dem hernach ein Mandat vber das andere/ wider die Picarder außgegangen. Nichts desto weniger hatten die Ca- lixtiner nicht allezeit Ruhe/ vnnd waren schier weder Fisch noch Fleisch.
Endlich wurde man der Sachen einig/ auff dem Reichstag Anno Christi 1483. daß keine Parthey die andere mehr beleydigen solte/ im Jahr 1523. schliche sich ein bey den Calixtinern
Tzahe a,
der den Luthern zu Wittenberg gehoͤrt hatte; der fiel ab/ vnd erweckt eine Verfolgung dem Bapst zu Gefallen/ welche biß in das Jahr 1535. gewaͤhret/ da sie eine Schutzschrifft
Ferdinando I.
welche zwoͤlff Freyherꝛn/ vnd drey vnd dreyssig Edelleut vnderschrieben/ vbergeben. Die Papisten duldeten die Calixtiner/ nur die Bruͤ- der/ oder Picarder durch sie zuvnterdrucken: Doch gestattet
Fer- dinandus
nicht/ daß jemand Gewalt geschehe/ biß Anno 1547. er mit
Carolo V.
dem Trientischen
Concilio
ein Genuͤgen zuthun/
O iij
Teutsch-
GERMANIÆ PERTVRBATÆ
Teutschland mit Heeresmacht vberzogen; da die Boͤhmischen Staͤnde wider die Lutheraner nicht fechten wollen/ als dieselbe vn- ten gelegen/ auch diese zum Creutz kriechen; theils mit Gelt/ mit dem Ruͤcken/ theils mit dem Kopff/ mit Gefaͤngnuͤß/ aber die Pra- ger mit jhren Privilegien buͤssen muͤssen: Da die Picarder/ oder Bruͤder/ die sich weder zu der einen Gestalt/ wie die Baͤpstler; noch zu beyderley/ wie die Calixtiner bekennen/ sondern alles rein/ ohne Menschentand haben wollen/ in dreyen Hauffen auß dem Land ge- zogen/ vnd in Polen/ in Vnter-Schlesien/ auch vnter Hertzog Al- brechten von Brandenburg in Hinder-Preussen Staͤtte vnd Fle- cken zuwohnen bekommen. Die vbrigen hielten sich still im Koͤ- nigreich/ oder zogen ab vnd zu/ auß Maͤhren vnd andern Laͤndern; vnter welchem Thun sie auch in Polen viel fuͤrnehme Herꝛn/ auff jhre Seite gebracht.
Die Verfolgung wider solche verborgene Brüder vermeh- rete zumal sehr das Geschrey/ als haͤtten sie vorgehabt/ bey gutem Gluͤck der Waffen/ den Churfuͤrsten in Sachsen zu einem Koͤ- nig auffzuwerffen/ vnd
Ferdinandum
zuverstossen. Dardurch
Ferdinandus
bewegt/ die Jesuiten in das Koͤnigreich gesetzt/ vnd auff alles fleissig acht gegeben. Sein Sohn
Maximilianus,
hatte einen Hoffprediger/ Phauser genannt/ der auch mit der Hus- siten Bruͤhe begossen/ vnnd dann der Hoff
Medicus Iohannes Crato;
diese verschafften/ daß keine Verfolgung mehr vorgienge/ biß sich die Staͤnde/ Anno 1575. gaͤntzlich gegeneinander vergli- chen/ welches auch der Keyser vor genehm gehalten/ der die Macht das
Consistorium
vnd die hohe Schul zubestellen auff ein ande- re Zeit verschoben. Keyser Rudolphen lagen die Baͤpstler jmmer an/ daß er Koͤnig Wentzels Edict wider die Picarder ernewern wol- te/ vnd erhielten/ daß man etliche wenige Kirchen gesperret/ aber nichts weiters/ weil die Staͤnde vorgaben/ solches gienge sie nicht an/ sintemal sie mit den verschreyten Artickeln der Picarder im ge- ringsten nicht zuthun haͤtten. Ja/ sie erhielten so viel bey
Rudol- pho,
daß er/ vngeacht/ was Bapst vnd Spanien eingestrewet/ in
Anno
ET RESTAVR. DISCVRS. X.
Anno 1609. jhnen den Majestaͤtbrieff vnd Freyheit ertheilet. Vnd eben dieser Majestaͤtbrieff ist die einige Vrsach dieses Boͤhm- vnd Teutschen Kriegs/ wann man je die Warheit wil ohne Schew sa- gen. Dann es meyneten die Abtruͤnnige/ nun haͤtten sie alles er- halten/ vnd koͤnte jhnen nicht mehr fehlen/ die Keyserliche Hand vnd das grosse Siegel müsten gelten. Vnd da gleich jemand zu den- selben/ oder kuͤnfftigen Zeiten einen oder den andern Koͤnig/ hierwi- der zuhandeln verleyten wuͤrde/ haͤtten sie das Defensionwerck mit Macht vnd Recht auß zufuͤhren. Hingegen trachteten die Baͤpsti- sche auff alle Mittel vnd Wege/ dieses Schloß/ diese Hauptve- stung wider zuerobern/ vnnd den Feind auß seinem Nest zutreiben. Vnd weil darinnen deß Religionfriedens in Teutschland/ auff wel- chen der Majestaͤtbrieff gemustert ist/ Meldung geschicht/ muͤssen wir allhie zuruͤck gehen/ vnd erstlich bedencken/ was bißher verhan- delt worden/ naͤmlich das Kirchenwesen gegen vnd wider das Hey- denthumb/ biß Christliche Keyser zum Regiment kommen: Vnd dann/ wie die Rechtglaubige gegen vnd wider die Ketzer viel zuschaf- fen gehabt: Auch wie sich die Clerisey/ sampt jhren Guͤtern/ vom Gewalt der weltlichen Obrigkeit/ vnd deß Keysers selbst loß gewir- cket. Vnd zum andern auch etwegen/ wie der letzte Abfall von der Roͤmischen Kirchen/ zu Anfang der fuͤnffzehenhundert Jahren nach Christi Geburt geschehen/ da Poͤbel vnd Fuͤrsten/ ja Koͤnig- reiche vom Roͤmischen Stul sich abgerissen/ Jntraden vnd Stiff- tungen an sich gezogen/ vnnd Macht gegen Macht gesucht/ in of- fentlichem Krieg den Keyser/ so viel an jhnen gewesen/ vernichtet vnd abgesetzt: Es endlich dahin gebracht/ daß ein Religionsfried im Roͤmischen Reich Teutscher Nation getroffen/ vnnd also fer- nerem Vnheil vorgebogen/ auch Ruhe vnd Fried wider gestifftet worden: Doch also/ daß man jmmer vber den Worten/ dem reif- fen Verstand/ vnd dem Gesetz selbsten gezancket; da auch einer vnd der ander/ mit Vorbehalt/ oder gar nicht eingewilliget vnd vnder- schrieben: Jede
P
arthey in Mißtrawen gestanden/ sich an auß- laͤndische
P
otentaten gehaͤngt/ vnd jnnwendig
P
racticken gefuͤhrt/
vnd
GERMANIÆ PERTVRBATÆ
vnd nur auff erwuͤndschte Gelegenheit gewartet/ seine Schantz zu- verbessern/ vnd sich zubereichen. Dann die Baͤptische wolten die vralte Stiffter wider an sich bringen/ vnnd hielten gemelten Reli- gionfried vor ein Nohtwerck/ das nicht zu ewigen Zeiten binden moͤchte: So meynten die Protestierenden/ was sie an geistlichen Guͤtern noch bey dem Gegentheil muͤsten sehen/ were jhr Gebuͤhr/ vnd solte jhren Hunger auch noch mit der Zeit stillen. Vnd eben damals eyfferten beyde Partheyen in Boͤhmen vber den Majestaͤt- brieff/ biß es blutige Koͤpff/ vnd Hundsspruͤnge geben/ die naͤchste Benach barten sich darein geschlagen/ ja gar alle Haͤupter der Chri- stenheit mit eingeflochten.
Gehen demnach zuruͤck/ vnd sehen/ wie das Fewer vor andert- halbhundert Jahren den Zunder ergriffen/ vnd zu hoher Lohe auß- geschlagen/ aber gedaͤmpfft vnter der Aschen vbel verwahret vnd vnauß geloͤscht gelegen/ biß es im Boͤhmer Wald duͤrꝛ Holtz gefun- den/ gantz Boͤhmen verzehrt/ vmb sich gefressen/ vnd weit anderst/ als der Berg
Ætna
in Sicilien (dessen Asche etwan durch den Wind/ biß in Egypten getrieben worden) seine Funcken zerstrewet/ vnd Brunsten erwecket.
Ob es nun in Westphalen besser/ als hiebevor zu Passaw/ vnd juͤngst zu Pirna vnd Prag/ sey geloͤscht vnnd gedaͤmpfft worden? Ob es jetzt gleich/ vber kurtz oder lang wider auffgehen werde/ wol-
len wir zuforderst GOtt dem Allerhoͤchsten/ vnd dann der Zeit/ so das Verborgene an den Tag brin- get/ auch den Staads-Regen- ten befehlen.
Der
ET RESTAVR. DISCVRS. XI.
Der eylffte Discurß.
Wie fünff Moͤnch den gantzen Erdboden erregt: Was vor Zei- chen in den Vier Theilen der Welt/ vor der Veraͤnderung vor- her gegangen? Vnd was vor Propheceyungen hiervon zufin- den? Woher solche Propheceyungen vnnd Straffen kommen? Vnd ob newe Orden anzustellen waͤren?
D
Er Herr Herr
thut nichts/ Er offenbare dann sein Gehe mnuͤß den Propheten/ seinen Knechten/ lehret vns die heilige Schrifft: Vnd zwar durch Wort vnd Eingeben/ oder durch Zeichen. Also sahen die Wei- sen in Morgenland den Stern/ deß newgebornen Juͤdischen/ ja Himmel-Koͤnigs/ der jhnen vorleuchtete/ biß an das Hauß.
Also ließ sich ein maͤchtiges Heer/ vnnd dann ein fewriges Schwerd vber Jerusalemsehen/ als dieselbige reiff zur Straaff/ zerstoͤret/ vnd zu einem Steinhauffen werden solte; der vielfaltigen Prophereyungen/ so von diesen beyden Wunderwercken GOttes kundbar sind/ zugeschweigen/ auff diese Weiß gefiel es dem Schoͤ- pffer aller Menschen/ dem Stiffter aller Koͤnigreichen/ vor andert- halb hundert Jahren auch mit der gantzen Welt zugebaen; in dem Er seine Zeichen schen/ vnd seine geistliche Gesanden hoͤren lassen. Dann wie der Blitz lang vor dem Schlag hergehet/ wie der Don- ner in den finstern Wolcken brummelt/ wie die Erden bebet/ wie die Thier von einer vngluͤcklichen Gegend weichen/ wie die Maͤuß vor dem Einfall auß einem hinckenden Baw wandern: Also pfleget GOtt seine Straffen nicht ehe ergehen zulassen/ biß der Himmel die erste Post seines gerechten Zorns/ den Menschenkindern zuvor angedeutet. Dann das Gestirn vnd die Planeten sind deß aller- hoͤchsten Koͤnigs sonderbare Gerichtsbotten vnd Herolden/ welche die Menschen vor Gericht einladen/ vnd wegen der bevorstehenden
P
Ver-
GERMANIÆ PERTVRBATÆ
Veraͤnderungen waren. Ja/ es haben die Himmlische Gewoͤlber/ vnd verschiedene Bewegungen jmmerdar jhren Außfluß in die vn- terste Geschoͤpff/ in welchen sie jhre Eygenschafften außdrucken/ solcher Gestalt ineinander vnd zusammen gefuͤgt/ auch mit-gegen- vnd widereinander lauffen/ daß sie den Willen deß Vrhebers der Natur verrichten. Noch ist nichts wunderlichers/ als daß man an dem Himmel- vnd Sternbuch lesen sol koͤnnen/ wie
Iupiter
vnd
Sa- turnus
den Gottesdienst veraͤndern. Dann es haben der Kunster- fahrne vnter den Regimenten vnd Schaaren deß gestirnten Kriegs- volcks so viel Zeichen/ so viel trawrige vnd erschroͤckliche Gestalten der Planeten/ vnd jhre wunderbarliche Zusammenkuͤnfften/ so nach Anno 1500. kommen solten/ gesehen/ daß sie selbst erstaunet/ vnd ge- ruffen: Ein newes Vngluͤck klopffe an der Thuͤr/ weil der Zeit das Him̃lische Gewoͤlb ineinander laufft/ vnd die Erde beschamet/ niemaln einige Zeit mit mehrern vnd seltzamern Streychen ange- fochten worden: Zwantzig Zusammenstossungen in einem Mo- nat allein/ deren sechs sich im Wassermann begeben/ moͤgen wol ein grosse Veraͤnderung im welt- vnd geistlichen Regiment ankuͤnden/ zumal alle Planeten bey der Sonn/ in einem zwyfachen Zeichen fuͤndig gewesen.
Alle
Astrologi
in
Asia, Africa
vnd
Europa,
wusten nicht/ was sie vrtheilen solten; bevorab/ als sie die groͤste
Conjunction, Saturni, Iovis
vnd
Martis,
im Zeichen der Fische betretten/ in wel- chem auch die Suͤndfluth ergangen: Aber/ ach! Es war ein Blut- bad. Man kan zwar den vnbegreifflichen Vnderscheyd der Him̃- lischen Coͤrper/ in jhrer Krafft vnnd Wuͤrckung nicht erreychen; vnd moͤgen vnsere bloͤde Augen/ durch den Himmel keines wegs in den ewigen Rahtschluß deß Allerhoͤchsten sehen: Darumb wir vns mit dem Gestirn nicht zuberahten/ oder demselben/ wie die Chal- deer/ einen vnvmbgaͤnglichen Nohtzwang zumessen; doch legt vns die taͤgliche Erfahrung an die Hand/ daß bey verstelten Liechtern etwas seltzames vorhanden seyn muß.
Der Anfang deß Evangelions in der newen Welt/ ward ver-
kuͤn-
ET RESTAVR. DISCVRS. XI.
kuͤndiget durch die fewrige Saͤul/ die ein lange Zeit vber der Statt
Mexico
gestanden.
Ein fewrige Saͤul ließ sich schier ein gantzes Jahr/ von Mit- ternacht/ biß an den Morgen/ in der Lufft; deßgleichen ein Comet/ von dreyen Knoͤpffen an den Spitzen/ so wol bey Tag/ als bey Nacht sehen.
Ein vnversehenes Fewer/ das nicht zuloͤschen war/ verzehret den Goͤtzentempel/ biß auff den Grund. Der grosse See fieng an zu sieden/ daß das Wasser in die Hoͤhe wellet/ vnd die Gebaͤw am Vfer niderschlug. Ach wurde ein weheklagende Stimme gehoͤ- ret/ wohin man doch die liebe Kinder in Sicherheit abfuͤhren koͤnte? Darauff kam
Cortesius,
ein Spanier/ vnd metzigte sehr viel Jn- dianer/ die vbrigen liessen sich tauffen/ also daß
Martinus,
erster
Vicarius Generalis
Franciscaner Ordens/ nur in New-Spanien bey wenig Jahren/ vber vierzehen mal hundert tausend Menschen getaufft hat/ welches in sechszehen Jahren auff acht Millionen sich erstreckt.
So mercke allhie zu einer Zeit fuͤnff Moͤnch/ durch welche die gantze Welt in einen andern Model ist gegossen worden:
Che- riff
setzt seine Kutte ins Spiel/ vnnd gewann etliche Koͤnigreich;
Tekel
brachts weit/ aber vor einen andern;
Martinus
der Franci- scaner arbeitet vmb das truckene Brod; Tetzel thaͤt sein bestes/ vnd trug doch kein Purpur;
Martinus Luther
spann der Roͤmischen Kirchen solch Garn/ daran sie annoch zuhaspeln/ vnnd nahm eine Kloster-Jungfraw zum Weib/ als wir folgend vernehmen werden/ sonderlich von Luthern.
Die Verfolgung der newen Christen in Japon zeigte das vorhergehend Erdbeben: Vnnd weil wir desselbigen Gestirns vnd Himmels sehr wenig gewohnet/ ist wenig von solchem Zei- chen zusagen. Doch erzehlen die Historien genugsam/ was vor Blutvergiessen/ vnnd Veraͤnderungen in der Newen Welt vor- gangen.
Der Verfuͤhrer deß rauberischen Arabien/ die andere Miß-
P ij
geburt
GERMANIÆ PERTVRBATÆ
geburt deß Satans/ Mahomet/ der sein Coran durch Raub vnd Todschlag/ wie Christus sein Evangelion durch Liebe vnd Leyden gepflantzet/ hatte viel herꝛliche Laͤnder vnter sich gebracht/ wie dro- ben erwehnet. Seine Nach koͤmmlinge zanckten sich nicht viel vmb sein Gesetz/ vnd verehrten jhn zu Mecha/ etwan 900. Jahr/ ehe sie in Zwyspalt geriehten.
Dann/ vmb das Jahr Christi 1500. eben darumb das Tuͤr- ckische Reich grossen Vngestuͤm erlitten/ vnd solches auß Anlaß ei- ner newen daselbst eingefuͤhrten Ketzerey/ welche dem newen Persia- nischen Reich/ mitten in dem Ottoman- oder Tuͤrckischen/ ein ve- stes Fundament gelegt/ daß die Türcken wider einander selbst in Harnisch gerahten. Vnd ob schon ein grosser Theil der Arabi- schen Voͤlckern in Arabien vnd Tartarey/ vnd sonderlich zu Zeiten deß grossen
Tamerlans,
jhren Herꝛn zuvor verworffen/ (dann zu
Tauris
glaubte vnd lebte man/ wie zu Mecha; aber zu
Trebisonth,
wie zu
Persepoli
) hat doch
Ismaë. Sophi,
deß
Vsun Cassans
Ge- schlechts/ sich vmb solches Reich angenommen/ vnd das Regiment/ sampt der Religion veraͤndert/ welche er von einem Mahometischen Moͤnch Tekel/ als einem Propheten/ erlernt gehabt.
Dieser
Ismaël
ließ sich
Sophi
titulieren/ welches heist ein Dolmetscher der Goͤtter/ jhm beydem gemeinen Poͤbel ein groͤsser Ansehen zumachen/ weil er nunmehr den rechten Kern deß Maho- metischen Glaubens/ weit besser/ dann alle andere vor jhm/ zu wei- sen auffgetretten kaͤme: Die jenige Laͤnder/ so jhm Beyfall gaben/ zwang er/ deß
Haly
(so Mahomets Juͤnger gewesen) Außlegung fahren zulassen/ darzu sie 30. Tag Bedenckzeit hatten. Seinen Persianern verordnet er den rohten Turban. Der Christen Reli- gion war er wolgeneigt/ vnd manglete jhm nur an Vnterweisung/ welches
Maximilianus I.
Keyser
Ludovicus XII.
Koͤnig in Franckreich/ vnd Venedig/ als er in ein enge Verbuͤndnuͤß mit jh- nen tretten wolte/ nicht haͤtten sollen verabsaͤumen. Gantz Arme- nien/ vnd Groß-Asien glaubten dem Tekel/ vnd gehorcheten dem
Sophi,
der sich auß sonderem Hochmuht ließ
Saich,
das ist/ GOtt/
nennen.
ET RESTAVR. DISCVRS. XI.
nennen. Damaln begab sich zu Constantinopel ein erschreckliches Erdbeben/ daß fast die gantze Statt darnider lag/ vnd
Bajazeth
selbst/ in seinem Pallast in Lebensnoht stunde: Der Arm deß Meers/ der
Pera
von Constantinopel scheydet/ erschuͤttert sich/ daß die Wellen die Stattmawren vberhoͤchten vnd vberschlugen.
Nach dem Exempel
Sophi
vnterstund sich
Cadi,
ein Richter/ auch was newes in der Lehr anzufangen/ hatte grossen Zulauff/ vnd verlohr im letztẽ Treffen/ ob er schon lang vnd offt gesieget/ 80000. Mann/ sampt Leib vnd Leben/ Scepter vnd Religion. Vnd hier- durch bekam
Bajazeth
Lufft/ dann
Sophi
jhn zuvor in die aͤnge ge- than hatte/ daß er das Trapezontische Keyserthumb fahren lassen/ vnd den Fried mit zwey Millionen erkauffen muͤssen: Vnd war vmb Syrien/ auch Mesopotamien geschehen/ wann nicht
Cadi
die siegreiche Waffen von
Bajazeth
auff sich gezogen haͤtte. Also stund gantz Orient in voller Kriegsverfassung/ wegen widriger Außlegung deß Corans/ vnd zwar mit solcher Verbitterung/ daß der
Mophti,
oder Ertzbischoff/ bey den Tuͤrcken ein solchen
Canon
lassen außgehen: Wer ein Persianischen Ketzer/ vnangeschen/ ein solcher dem Mahomet anhaͤngig/ erlegte/ thaͤt vor Gott ein groͤsser Werck/ als wann er sieben Christen erschluͤge.
Jn
Africa
wuste man biß dahin von keinem Mißverstand im Caran: Aber Amether ein Moͤnch/ kroch auß seiner Zell/ Anno 1514. lieff herumb/ vermahnete das Volck zur Buß/ vnd gab vor/
Haly
der Tuͤrcken/ vnd
Homars
der Persianer Propheten (mit welchem letzten es Tekel schier durchauß hielte) haͤtten deß rechten Verstands gefehlet/ vnd jhr eygene Einfaͤll dem Volck auff getrun- gen/ da sie billiger bey den duͤrꝛen Worten bleiben/ vnd Schrifft mit Schrifft erklaͤren sollen/ ohne Vmbschweyff. Dieses Moͤnchs eingezogen Leben/ vnd eyfferige Predigten brachte jhm grossen Zu- lauff; machte aber/ daß die Vnterthanen in den beyden Koͤnigrei- chen
Fessa
vnd
Marocco
sich wider die Obrigkeit aufflehneten/ darumb macht er sich fort/ vnd kam/ biß an die Lybische Grentzen/ begleytet vnnd auffgewartet von sechtzig tausend Mann/ seine ab-
P iij
gesan-
GERMANIÆ PERTVRBATÆ
gesande Juͤnger/ mehr dann hundert an der Zahl/ erweckten allent- halben grosse Begierd diesen Wundermann zusehen/ also/ daß der maͤchtige Koͤnig Tafilet seiner begehrt/ beydes der Lehr/ vnd seines vnruͤhigen Gewissens halben.
Amether
stelt sich ein/ nach gros- sem vnd vielem Flehen/ erregt das Volck/ entsetzt den Tafilet seines Throns/ vnd ergriff allen Gewalt/ zog die Larff deß strengen Le- bens ab/ kehrete das Jnnwendige herauß/ führet ein gewapnetes Heer/ reformiert mit Gewalt/ predigte jmmer zu in offenem Feld/ ließ Maͤnniglich zuhoͤren/ vnd in die
Moschen,
oder Kirchen ge- hen/ ohne Verruͤckung deß Turbans/ gantz wider der Tuͤrcken Ge- setz vnd Ordnung. Er bekriegt fuͤnff Koͤnigreich/ vnd thaͤt ein sol- ches Treffen/ in welchem er alles auff die Spitz gesetzet/ daß vber hundert tausend Mann auff beyden Seiten auff der Wahlstatt geblieben.
Sein Vatter war ein Mahometischer Priester in der Land- schafft Darra/ genant Alfakin/ in allen Kuͤnsten sehr wol erfahren/ auß dem Gebluͤt Mahomets selbsten/ welches jhm dann ein sehr grosses Ansehen/ auch allen den Seinigen machte. Weil dieser nun sahe/ daß die Portugiesen vnd Araber in Africa den Meister spielten/ warff er ein Aug auff
Fessa
vnd
Marocco,
von den Roͤ- mern
Mauritania Tingitana
genannt/ da die Hauptstatt selbiger Zeit vber hundert tausend Wohnhaͤuser/ vnnd vier vnd zwantzig Feldthor hatte. Er versandte/ seinen Zweck zuerlangen/ drey seiner Soͤhn/ Abdal/ Hameth vnd Mahometh nach Mecha/ zu deß gros- sen Propheten Grab/ als heilige Pilgram: Die Sach gieng so wol an/ daß der gemeine Poͤbel jhre Kleyder/ als Heiligthumb/ kuͤs- sete/ vnd so viel mehr/ weil sie von taͤglichen Allmosen lebten/ tieff- sinnig einher giengen/ staͤtig seufftzeten oder weyneten/ neben eyfferi- ger Erhebung der Augen gen Himmel/ vnd Anruffung Gottes. Mit solchem Gepraͤng kehreten sie wider zum Vatter/ der jhnen ferner Weiß vnd Wege zu grosser Herꝛlichkeit zeigte: Doch weh- let er die zween Juͤngsten/ als die Klugesten/ vnd sande sie nach
Fes- sa,
den einen zur Schul/ in welcher er bald Oberster Verwalter
worden/
ET RESTAVR. DISCVRS. XI.
worden/ den andern dem Koͤniglichen Printzen
Hamed
zum Lehr- meister.
Weil nun die Portugiesen/ als frembde eingefallene Feinde/ dem Koͤnig grosse Vngelegenheit machten/ vnnd viel Araber vnd Mohren vnter jhrem Zeug fuͤhreten/ erlangten diesebeyde scheinhei- lige Maͤnner/ vnter dem Vorwand eines sonderlichen Eyffirs/ jhr Leben dem Mahometh zu Ehren auffzuopffern/ Erlaubnuß einen Feldzug wider die Christen zuthun/ auß vester Zuversicht/ es wuͤr- den die Araber vnnd Mohren zu jhnen vberfallen/ wie auch ge- schehen.
Muly Nazar,
deß Koͤnigs Bruder/ war hefftig darwider/ vnd foͤrchtet/ wann die Waffen vnter dem Schein der Religion/ gluͤcklich strichen/ man sie einem Frembden so bald nicht wuͤrde auß den Haͤnden spielen koͤnnen; aber der Koͤnig war durch die Schein- heiligkeit begauckelt/ daß er jhnen das Feldbaner/ sampt der Heer- pauck/ auch Befehl an seine Statthalter vbergabe. Sie berede- ten die Landleut/ daß sie gern den Zehenden zu dem Christen-Krieg her gaben: Die Vestung Tenedest/ am Gebirg/ da der Fluß Suͤeß entspringt/ war jhr erstes Gluͤck; dar nach das Castel Tesra/ erleg- ten den Portugiesischen Feldherꝛn
Barriga;
aber Mahometh/ bissz auch ins Graß.
Hameth gab so gute Wort/ daß man jhn zu
Marocco
ein- ließ/ bließ dem Koͤnig das Liecht auß durch Gifft/ vnd nahm das Koͤnigreich zu Lehen von dem Koͤnig zu
Fessa,
dessen Sohns Lehr- meister er zuvor gewesen. Als nun vber Zeit
Hameth
zu
Fessa,
in die Regierung kommen/ vnd von
Hameth
zu
Marocco
den ge- woͤhnlichen Tribut forderte/ gab man jhm zur Antwort/ deß Ma- homets rechte erwiesene/ Nachkoͤmlinge/ vnter welche er sich rech- nen koͤnte/ waͤren nimmer Zinßbar/ darumb haͤtte er das beste Recht zu dem Regiment vber gantz Africa/ ja vber die gantze Welt: Vnd weil er mit Kriegsmacht sich an die Christen gerieben/ solte
Hamed
jhn in so viel eyfferigem Thun nicht hindern/ oder seiner feindseli- gen Waffen gewaͤrtig seyn.
Diesen
GERMANIÆ PERTVRBATÆ
Diesen Schimpff vnd Meyneyd konte der Koͤnig von
Fessa
nicht verschmertzen/ belaͤgert
Marocco
zum erstenmal vergeblich/ wurd zum andernmal geschlagen/ zum dritten mal gefangen/ vnd weil er wider den Vertrag gehandelt/ zum vierdtenmal vberwun- den/ gefangen/ getoͤdtet/ vnnd mit seinem gantzen Hauß vertilget. Hierauff erobert/
Hameth
auch Tafilet/ jenseit deß Atlantischen Gebuͤrgs/ vnnd bezwang das Vorgebuͤrg Akerni/ an der offenen See/ sampt der Vestung/ also/ daß
Iohannes III.
Koͤnig in Por- tugall/ nach solchem Verlust alle andere Ort/ wegen vnerschwing- lichen Kostens/ vnd geringen Nutzens/ von sich selbst verließ. Ab- dal der aͤltere Bruder/ hatte in allen Zuͤgen das beste gethan/ vnd ver- hoffte/ an so vielen Koͤnigreichen ein Stuͤck zuhaben: Aber
Ha- meth
bezwang jhn in Tafilet/ vnd wolt ohne Gesellen regieren. Er ließ sich
Cheriff,
das ist/ den grossen Priester nennen/ vnd bracht es mit Kriegsmacht weiter/ als zuvor Mahometh selbst. Weil nun der Koͤnig zu Argier in gleicher Gefahr/ mit den Vnterdruckten/ stunde/ auch kein andern Raht funde/ sein Nest zuverwahren/ be- handelt er deß
Cheriffs
Leibwacht heimlich/ daß sie jhn/ sampt sei- nen Hauptleuten vnd Raͤhten erschlugen/ wie sie eben von einem newen Außfall Raht hielten. Sein Sohn
Muley Abdala
fol- get in der Regierung/ vnd hatte/ wegen geuͤbter Tyranney/ schlech- ten Fortgang: Auch gab es jnnheimische Kriege zwischen den Bruͤdern/ Pupillen vnd Vormundern/ welche den jungen Koͤnig in Portugall/ Sebastian/ an sich gezogen/ vnd mit grossem Adel auffgerieben haben/ dardurch Portugall/ ohne rechtmaͤssigen Mannsstamm/ geblieben/ durch Krieg vnd Pest getoͤdet/ krafftloß gemacht/ vnd endlich an Castilien gewachsen ist.
Diese allgemeine durchgehende Veraͤnderungen haben sich zwar solcher Gestalt mit Zeichen herfuͤr gethan/ aber auch mit Worten vielfaltig bezeugt/ Jedermaͤnniglich zur Warnung. Der Koͤnig zu
Mexico
muste von seinem Abgott Quetzalkoal hoͤren/ es nahete ein frembdes Volck herbey; vnd Tetzkuka/ ein Priesterli- cher/ einsamer Koͤnig/ verkuͤndigte dem von
Mexico
den Vnter-
gang:
ET RESTAVR. DISCVRS. XI.
gang: Vnd als seine Weisen oder Priester dergleichen thaͤten/ ließ er sie ins Gefaͤngnüß werffen/ auch jhre Weiber allzumal toͤdten/ als die Gefangene durch Kunst/ auß dem wolverwahrten Gefaͤng- nuͤß entkommen waren. Ein grosser Felß/ auff welchem der Koͤ- nig pflegte Menschen zuopffern/ war erstlich gantz vnbeweglich/ hernach leichtlich/ biß an die Stattmawer zubringen/ vnd fand sich doch wider an seiner ersten Stell/ wie eine Stimm solches vermel- det hatte: Der Koͤnig selbst sahe ein Gesicht von frembden Voͤl- ckern. So gieng ein gemeine Sag vnter den Americanern: Es wuͤrden endlich frembde Voͤlcker jhr Land betretten/ die Haar vnd Barth/ Kleydung vnd Decke/ Fewer vnd Hagel truͤgen/ aber einen frembden Gott verkuͤndigten.
Ein schlechter einfaͤltiger Mensch meldet sich bey dem Koͤ- nig an/ wurd schwerlich gehoͤrt/ als er erzehlet/ wie er auff dem A- cker gearbeitet/ vnd ein Adler jhn ergriffen/ vnd vnverletzt fern durch die Lufft getragen/ vnd endlich mit diesen Worten nidergesetzt: Hie hab ich den Mann/ dein Befehlist verricht. Darauff haͤtte er ein Mannsbild auff dem Boden vor seinen Fuͤssen sehen liegen/ mit ei- nem Blumenstraͤußlein in der einen/ vnd in der andern Hand/ mit einem wolriechenden brennenden Lunten/ nach Landsart: Er wuͤ- ste nichts anderst/ als solcher wer
Motetzuma,
Koͤnig in
Mexico.
Jn dem er jhn nun mit Verwunderung betrachtet/ haͤtte er eine Stimm also hoͤren reden: Siehe doch/ wie er so sich er schlaͤfft; er ist reiff zur Straaff/ als vnempfindlich gegen allen Klagen der Be- trangten: Nimb den Lunten/ vnd halte den jhm an die Seiten/ so wirstu es wahr befinden. Als er nun endlich auff vielfaltiges Zu- sprechen solches gethan/ vnd ernstlichen Befehlempfangen/ den Koͤ- nig vor seinem Vntergang zuwarnen/ hat jhn der vorige Adler wi- der auff seinen Acker gantz saͤuberlich getragen/ vnd nidergesetzet. Auch gieng im Land ein gemeiner Ruff: Jhrer vralten Koͤnigen ei- ner haͤtte sie verlassen/ wuͤrde aber zu bestimbter Zeit wider kommen. Vnd weil sie meyneten/
Cortesius
wer derselbe/ kam er solcher Ge- stalt in die Statt
Mexico,
sucht Vrsach an den Koͤnig/ wegen der
Q
Tlaß-
GERMANIÆ PERTVRBATÆ
Tlaßcalaner/ die jhre Noht dem
Cortesio
geklagt hatten/ schlug jhn in die Eisen/ vnd halff jhm ab vom Brod; doch kostet jhn das Koͤnigreich zuerobern zwantzig Schlachten. Schier auff solche Weiß eroberte
Pisarrus
das Koͤnigreich
Peru,
vnd hernach
Cu- sco:
Dann als der Großmaͤchtigste Koͤnig
Guaynacapa,
zween Soͤhn hinderließ/ vnd
Attagualpa,
oder
Attabalipa,
der Juͤnge- reden Aeltern
Guascar
vberwunden/ vnnd gefangen/ mißfiel den Staͤnden solche Vngerechtigkeit: Vnd weil sie kein ander Mit- tel sahen/ hielten sie Fast- vnd Bettage/ daß die Goͤtter jhnen den rechtmaͤssigen Koͤnig loß machen vnd wider geben wolten. Als nun die Post kam/
Pisarrus
ein frembder Held/ haͤtte den
Attaba- lipa
geschlagen/ vnd gefangen/ hielten sie jhn vor einen Engel/ den sie von den Goͤttern erlangt:
Guascar
wurd zwar auff freyen Fuß gestelt/ lebte aber nicht lang/ vnd blieben diese drey maͤchtige vnd rei- che Konigreiche/
Peru, Cusco,
vnd
Mexico
den Spaniern.
Der Persianische Tekel vnterließ nicht lang zuvor/ ehe er auß der Hoͤhl gekrochen/ den Musulmaͤnnern den bevorstehenden Rissz/ Spalt vnd Trennung jhres Reichs vnd Gottesdiensts an- zukuͤnden. Jnmassen auch
Alfakis
auß Africa den Mohren zu Granaten jhr Verderben/ vnd die Außbreitung deß Evangelions nicht verschwiegen.
Was aber die Roͤmische Kirch belanget/ vnnd das Keyser- thumb/ sampt den anhangenden Koͤnigreichen/ finden sich alte vnd newe Erinnerungen von diesem letzten Zeichen. Die H. Jung- fraw Elisabeth auß Engelland/ so im Jahr 1165. gestorben/ hat die seltzame Veraͤnderungen jhrer Jnsul wol gesehen/ vnd trewlich verkuͤndiget/ die heilige Jungfraw
Hildegardis,
Abtissin in S. Ruprechts Closter/ da die Nahe in den Rhein faͤllet/ vnd gestorben im Jahr 1180. hat nachfolgende Wort gesprochen: O du arme Kirch/ schwaͤrlich wirstu Widerstand thun koͤnnen. Deine gewey- hete Haͤuser sollen vervnehret/ vñ das geheiligte Geraͤht geschaͤndet werden. Deine Fuͤrsten werden sich dir widersetzen/ vnd die Voͤl- cker werden sich wider dich aufflehnen; alles wird sich wider dich
ver-
ET RESTAVR. DISCVRS. XI.
vereinigen/ vnd verbinden. Die Vorsteher werden sich den Wol- luͤsten/ vnd die Vnterthanen dem Vnglauben ergeben/ vnd GOtt wird jhnen seine Kirche nehmen. Alle Schrifften singen vnnd be- deuten nichts anders/ als Straaff/ Rach/ Ruthen/ Mord vnd Zer- stoͤrung dieser armen Kirchen.
Was Abt Joachim vber das 19. vnd 20. Capitel deß Pro- pheten Jeremi
æ
geschrieben/ von Reformierung der Kirchen/ ist be- kannt.
Meister Wilhelm von Mastricht/ sagt/ wie
Wolfius
refe- riret/ vmb das Jahr 1360. Wann man nur allein die jenige/ so- wuͤrdig/ vnd deß
Her
ren Wort verkuͤndigen koͤnnen/ wie es in der ersten Kirchen der Aposteln zugeschehen pflegte/ solte wehlen/ muͤste man sie gaͤntzlich verwerffen/ vnd fuͤr ein Keersal der Welt achten: Den Ablaß/ das Meßhalten/ vnnd dergleichen Kinderspiel zumal abschaffen; ein jeden sein geistlich Ampt/ an bestimbtem Ort/ heis- sen verrichten; vnd jhnen ein spaͤhrliche Vnterhaltung/ vnd mittel- maͤssige Nahrung verordnen.
Catharina von Senen/ sagt Anno 1378. zu
Antonino:
GOtt wird seine heilige Kirch auff eine/ den Menschen vnbegreiff- liche Weiß reinigen/ vnnd seiner Außerwehlten Geist erwecken. Vnd Meister Alpfresand auff der Jnsul Rhodiß/ vmb das Jahr 1390. Es ist noͤhtig/ daß die Roͤmische Kirch verbessert/ gesteinigt/ der Fehler enthoben/ vnd reformiert werde. Welches der allein guͤtige vnd aller hoͤchste GOtt thun wolle/ Amen.
Es wird die Notturfft erfordern/ daß die falsche Lehrer der Kirchen/ vnd faule vnnuͤtze Hummeln außgestossen/ beschaͤmbt/ vñ bey jederman verspottet werden. Dann/ wie die Roͤmische Kirch zur Herꝛlichkeit/ Wuͤrde/ Reichthumb vnd Macht/ bißher ist erho- ben worden/ also wird sie hingegen mit gleicher Schmach vnd Jammer vnterdrucket werden. Vnd Bruder Fernand vmb das Jahr 1400. in seinen Lateinischen Reimen:
Wer den schreyrischen Rechtgelehrten trawt/
Dem fegen sie den Beutel vnbeschawt/
Mit ewrem Hohn:
Q ij
Drumb
GERMANIÆ PERTVRBATÆ
Drumb warn ich/ daß hinfuͤr dem Gelt man schon/
Dann deß reformierten Hauffs faͤllt zu hand/
Durch deß heiligen Geistes Trieb bekant/
Viel Fruͤcht wird tragen auff gedüngtem Land/
Vnd weit auffgehen.
Die heilige Brigitta/ so Anno 521. gestorben/ ist mit derglei- chen Warnungen diesen obigen fuͤrgegangen/ gleich wie
Capistra- nus
in Schlesien vnd Vngarn die Buß geprediget/ den Tuͤrcken zu hindertreiben/ vnd Liechtenberger auß deß Himmels Lauff vn- ser Elend gesehen.
Keyser Sigismund schreibet/
VVolfius
haͤtte zu Preßburg in Vngarn/ vor der ersten Morgenroͤhte eine Stimm gehoͤret: Er solte den Priester Onaw/ deß Friderichs Engel/ den Weg bereyten/ weil GOtt durch denselben viel Ding wircken wolte/ jhm wuͤrden die Widersacher vergeblich widerstehen. Vnd darauff hatte die- ser Keyser/ der geistlichen Hochmuht vnd Kirchenkraͤmerey abzu- schaffen/ sich so hoͤchlich bemuͤhet/ vnd endlich ein
Concilium
er- halten.
Hieronymus Savonarola,
Dominicaner Ordens/ vergaß nichts bey seinen Florentinern: Vnd weil eben selbiger Zeit
Ca- rolus Vlll.
Koͤnig in Franckreich/ gantz Welschland mit Heeres- macht vberzogen/ vnd bezwungen/ vermahnet jhn dieser Moͤnch/ er solte die Kirch reformieren: Da aber
Carolus
mehr auff das welt- liche Regiment sahe/ vnd anfieng/ in seinem Ehrgeitz eine Bruͤcke von Neaples/ biß gen Constantinopel zulegen/ achtet er dieses Er- innerns gar nicht. Darumb drohete jhm der Moͤnch/ wann er hier- inn saͤumig seyn wuͤrde/ stuͤnde jhm ein grosse Niderlag/ vnd Verlust new erworbenẽ Laͤnder/ auch eine vnversehene Flucht vor; doch solte er mit seinem Leib vnd Leben auß der Noht wider in sein Koͤnigreich gelangen; als auch bald hernach geschehen.
Bruder
Thomas
gieng von einer Statt zu der andern/ vnd redet den Leuten solcher Gestalt ins Hertz/ daß sie alle Kurtzweil vnd Vppigkeit fahren liessen/ vnd auff zehen Meil Wegs jhm zu Ge-
fallen
ET RESTAVR. DISCVRS. XI.
fallen giengen. Als er zu
Bordeaus
zum letzten predigte/ vnd von den Gasconiern Vrlaub nahm/ weynete er/ vnd sprach: O schoͤne vnd wollustige Provintz/ du bist ein Paradeiß der Welt/ aber du wirst mit deinen Zaͤhren newe Fluͤß vnnd Wasserbaͤche machen: Sehen wirstu/ was Gestalt deine reiche Felder/ deine schoͤne Haͤu- ser durchs Fewer verzehrt/ vnd deine schoͤne Kirchen/ den Feinden der Kirchen/ so vnter dir gebohren/ ein Raub sollen werden. Sehen wirstu die Diener vnd Nachrichter der Goͤttlichen Gerechtigkeit/ welche mit der Geissel die Kaͤuffer vnd Verkaͤuffer auß der Kirche treiben; die Woͤlffe werden in den Schaaffstall einbrechen/ vnd so wol die Hirten/ als die Schaaff/ zerreissen. O
Bordeaus,
von dei- nen Ringmawren wirstu die benachbarte Kirchen brennen sehen/ mit harter Muͤhe werden die jenige/ die in deinen Mawren wohnen/ den wuͤtenden Feinden der Kirchen Gottes entgehen koͤnnen; alles von wegen der Gottlosigkeit deß Volcks/ vnnd Hinlaͤssigkeit der Praͤlaten. Er redete mit grosser Freyheit von den Lastern in al- len Staͤnden vnd Orden der gantzen Christenheit/ sagt: Es befuͤn- den sich mehr Boͤck/ dann Laͤmmer im Schaaffstall. Vber fuͤnff- tzig Jahr wurd seine Weissagung mehr dann zuviel erfuͤllet: Vnd als man eben selbiger Zeit Ablaß fail truͤge/ sprach er (wie Flori- mond von Remond/ Parlamentsraht zu
Bordeaus
meldet) siehe/ was Gestalt diese Bullisten/ oder vielmehr Lauren/ das arme Chri- stenvolck betriegen: Sie gehen vnd wandern durch alle Thal/ vnd ersaigern die einfaͤltige Leut. Vnd damit sie auch jhres Gefallens schinden moͤgen/ so handeln sie aller Orten mit den Pfarꝛern/ vnd sprechen: Mein Herꝛ Pfarrer/ wir bringen vollkommenen Ab- laß; wofern jhr das Volck versamlen/ vnd Creutzgaͤng werdet hal- ten lassen/ woͤllen wir euch den dritten Theil vnsers Gewinns ge- ben/ vnd auch ein gute Zech darzu bezahlen. Damit derowegen etliche geitzige/ heyllose Pfarrer/ oder Miedling/ jhren Bauch vnd Beutel fuͤllen moͤgen/ vergliechen sie sich mit denselben Ablaßkraͤ- mern/ sam̃leten das Gelt/ vnd stelleten es jhnen zu. Dessen frewe- ten sich die Bullentraͤger/ vnd verspotteten das arme Volck/ wel-
Q iij
ches
GERMANIÆ PERTVRBATÆ
ches so freygebig vnd guthertzig war im Geltzehlen. O GOtt/ wer kan da erzehlen alle Buͤbereyen/ welche vnter dem Schein die- ses Ablaß/ durch diese heyllose Sammler/ vnd durch die jenige/ wel- che den Ablaß vermeynten zugewinnen/ begangen wurden! Dann jhrer etliche vberkamen ein solches liederliches Gewissen/ daß sie auff gut Epicurisch sagten: Laßt vns einen guten Muht haben/ fressen vnd sauffen/ die Bull wird vns alle vnsere Suͤnde/ wie groß sie auch seyn moͤchten/ vmb ein schlecht Gelt verzeihen.
Hiervon schreibet
Guicciardinus
also: Dieses Gelt/ das die grosse Thuͤr deß Himmels geoͤffnet/ vnd so wol die Straaff/ als auch die Suͤnd/ ja/ so gar die zukuͤnfftige Suͤnden auffgehoben/ war vnverschaͤmbter Weiß durch die zu diesem Werck ernannte Befelchhaber/ gefordert/ deren der meiste Theil solche Macht von den Baͤpstischen Officianten erkaufft hatten. Vnd jetzterwehn- ter Florimond: Bruder Thomas vnd Luther hatten Vrsach/ so sehr nach der Reformation zuseufftzen/ aber doch/ wie der heilige
Bernhardus,
wider die Laster der Geistlichen geschryen/ vnd nicht desto weniger bey seinem Ampt verblieben/ sein Convent vnd Abtey regiert: Luther aber haͤtte sich durch das Fenster darvon gemacht/ Fewer geruffen/ aber inmittelst vnter dem Schein das Hauß zurei- nigen/ Oel/ Pulver/ Schweffel vnd Pech hinein geworffen. Der Geitz haͤtte bey den Ordensleuten vberhand genommen/ vnd were die Christliche Lieb an vielen Orten allerdings verloschen/ die De- muht deß Lands verwiesen gewesen: Man haͤtte an allen Ordens- leuten nichts/ als Hoffart vnd Liderlichkeit gesehen/ die das Volck in einer langen vnd groben Vnwissenheit erzogen/ vnd den Kirchen- acker durch Hinlaͤssigkeit vnnd schlechten Baw allerdings vber- wachsen/ vnd mit Dorn vnd Disteln verderben lassen. Wie aber die Heßlichkeit auff die grawen Haar gemeiniglich folget; wie kein Leib so zierlich vnd wolgestaltet seyn kan/ der sich nicht verkehre vnd veralte; wie kein Baw so wol gegruͤndet/ daß er mit der Zeit nicht verfalle vnd abkomme: Also ist keine Zucht in dem Hause Gottes so wol vnd vest bestaͤttiget/ daß sie sich in die Laͤnge nicht veraͤndere
vnd
ET RESTAVR. DISCVRS. XI.
vnd zernichte. Dieses ist der Witzigen Weltgebrauch/ bey welcher alle Ding jmmerzu aͤrger werden; gantz zuwider den Alchimi- sten/ die auß Eisen Messing/ auß Messing Silber/ auß Silber Gold machen.
Vnd dannenhero disputiert sichs/ ob es nicht dem Roͤmi- schen Stul am vortraͤglichsten wer/ daß etwan jede hundert Jahr ein newer Moͤnchsorden entstuͤnde/ der die Welt durch heiligen Wandel/ vnd newe Disciplin verzuckte/ vnnd die vralte Orden/ gleich wie die Sonn bey jhrem Auffgang die zwitterende Stern/ verdunckelte. Doch meynen andere/ es waͤren der Orden mehr/ dann zuviel/ vnnd haͤtten alle treffliche gute Reguln vnd Manie- ren zuleben/ wann sie nur bey der ersten Stifftung zubleiben/ oder nach derselbigen sich reformieren lassen wolten. Aber es scheinet/ als muͤsse alles vnter der Sonnen sein Auff- vnd Abnehmen/ wie der Mond/ behalten: Darumb haben sich zu allen Zeiten Leute herfuͤr gethan/ dem verderblichen Weltwesen tieffsinnig nach ge- trachtet/ vnd entweder auß einem Prophetischen Geist/ oder staͤter Erwegung der heiligen Schrifft befunden/ daß GOtt nach sei- ner Langmuͤhtigkeit vnd Gedult/ ein Zeitlang zusiehet/ wann sich ein gut Werck durch Gelt vnd Ehrgeitz verkehret/ biß er endlich mit dem Staub besem herein streichet/ vnd die Geistliche Orden
so wol/ als die weltliche Geschlechter- vnd Fuͤrstenhaͤu- ser/ wider arm vnd veracht mache; andere aber herfuͤr bringet/ vnd hoch laͤßt steigen.
Der
GERMANIÆ PERTVRBATÆ
Der zwoͤlffte Discurß.
Klag der Reichsstaͤnde vber die Clerisey: Ob dieselbige Klag rechtmaͤssig. Nutzung der Stiffter? Ehrgeitz.
Maximilianus I.
wil Keyser vnd Papst seyn: Vnd der Papst Keyser. Bischoff zu Camin deß Landsherꝛn Feind/ Erbkassen-Vogthey recht er- halten. Pommern dem Hussen vnd Luthern beyfaͤllig.
W
As nun die Teutsche Keyser kurtz vor solcher Zeit/ für Beschwerden gegen dem Roͤmischen Stul/ vnd der gantzen Clerisey geführet/ kan auß meinem Buͤchlein/ intituliert/ Teutscher Nation Notturfft/ erhellen: Vnd kam gedachtes Buͤchlein/ an Tag/ als Keyser
Fridericus III.
(der Anno 1493. in dem drey vnd fuͤnfftzigsten Jahr seiner Regie- rung gestorben) eine Reformation der Kirchen vornahme.
Der erste Hauptartickel lautet also: Alle Geweyhete im gan- tzen Roͤmischen Reich Teutscher Nation/ sollen in jhren rechten Stand geordnet vnnd bestellet werden/ vnangesehen/ jhr Geburt/ Herkommen/ Gunst/ oder Vernunfft/ auch andere Foͤrderung/ al- lein GOtt zu Lob/ nach ziemlicher Notturfft vnterhalten werden/ damit das Wort Christi dem gemeinen Mann eroͤffnet/ auch klar vnd lauter vorgehalten werde.
Die erste
Declaration
vber diesen ersten Hauptartickel lau- tet also vnter anderm: Nach dem/ als oben gemelt/ alle Staͤnd der Geistlichen in jhren rechten Stand sollen reformiert werden; sol- len billig die Obersten vnter denselben/ als Bischoffe/ Proͤbst vnd Dechant/ sampt allen Thumbherꝛn vnd Capiteln/ sich billig am er- sten reinigen vnd purgieren/ ein jeder seinem Stand gemaͤß/ wie jh- rer jeden nach Erkanntnuß der Notturfft/ deß Reichs zugelassen wird. Vnd daß jhr keiner fuͤrbaß weiter greiffen wolle/ dann jhme
zu sei-
ET RESTAVR. DISCVRS. XII.
zu seinem Stand vnd Ampt geziemet/ damit das Lob vnd Ehre Gottes/ durch jhre Person nicht versaͤumet werde.
Jn der andern
Declaration
lieset man also: Daß fuͤrbaß hin alle Pfarren/ groß vnd klein/ ein jede mit einem ehrbarn/ wahrhaff- ten Priester/ oder Diener bestelt werde. Vnd ob einer nicht ehrlich/ vnd wol fuͤrstehen wolte/ daß man einen andern an seine statt ver- ordnen mag/ vnd jhn weg thun/ damit die armen Christen gegen GOtt nicht verkuͤrtzt werden; wie leyder viel geschehen ist.
Vnd in der dritten also: Daß im Reich alle Moͤnch/ Pfaffen vnd Nonnen/ auch andere/ die sich nach geistlichem Schein halten/ sie seyen wer sie wollen/ ein jeder bey seiner Regul/ Ordnung vnd Sitten seines Stands bleiben/ wie das der Notturfft nach/ bey dem Reich erkannt wird. Dann es ist dieses Vbermaß der Moͤnch/ Nonnen/ Pfaffen/ Nollhart vnd anderer Bettler/ die vnter einem geistlichen Schein die Welt betriegen wollen/ damit der arme Buͤrger/ vnd arme Mann auff dem Land so hart beschweret wird/ daß jhr Weib vnd Kind offt an jhrer Nahrung Mangel haben/ da- mit sie das faule muͤssiggehend Volck ernehren moͤgen. Vnd wo sie das nicht thun/ so ist Landsknecht in dem Hauß/ treibet Kuͤh vnd Kaͤlber auß; oder/ so jhnen gar guͤtlich geschicht/ laͤßt er jhn bannen/ damit er noch zu groͤsserem Schaden kompt: Das ist jhre geistliche Barmhertzigkeit/ vnd Bruͤderliche Liebe. Was man jhnen vmb Gottes Willen gibt/ das wollen sie darnach mit jhrem Geitz/ vnd Tyrannischer Weiß ersparen vnd erhalten.
Die erste
Declaration
vber den sechsten Haupt-Artickel/ spricht: Keine geweyhete/ oder Geistliche/ sie seyen hohes/ oder ni- dern Stands/ sollen nun fuͤrohin nicht mehr in deß Reichsraht/ noch anderer weltlichen Fuͤrsten/ Herꝛn/ oder Communen gezogen/ noch gebraucht werden/ als Beysitzer/ oder Raͤhte: Dann jhnen nicht gebuͤhret in weltlichen Sachen zuhandeln/ wiewol sie sich des- sen sehr anmassen/ vmb mercklicher grossen Vrsachen willen; hie zuerzehlen ohne Noht/ vnd zulang.
Jn der andern
Declaration:
Keine Gesalbte oder Geistliche
R
sollen
GERMANIÆ PERTVRBATÆ
sollen zu weltlichen Aemptern gebraucht werden/ dann sie viel ge- neigter waͤren/ vmb weltlicher Ehr vnd Geitzes willen zudienen: Dann was die Seelantrifft/ darauff sie doch gewidmet seyn/ aber davon abfallen/ vnd sich der weltlichen Sachen anmassen.
Jn der dritten
Declaration:
Daß kein Gesalbter oder Geist- licher in keinem Raht/ oder andere grosse Sachen soll gezogen/ oder geladen werden/ damit der Layen Heimlichkeit jhres Vermoͤgens/ jhr Freundschafft vnd Vnfreundschafft bey jhnen behalten werde. Dann auß solcher Heimlichkeit haben die Bischoffe sich selbst zu Herꝛn gemacht/ vnd Fuͤrsten/ Graffen vnd Herꝛn/ zu Knechten vnd Dienern. Die grosse Aebt vnd Moͤnch haben die von Staͤtten/ die fromme Ritter vnd Knecht zu Dienern vnd Gaͤsten jhres Vaͤt- terlichen Erbes gemacht; vnd sich zu Herꝛn. Das kompt daher/ daß jhr ewer eygene Sachen nicht habt moͤgen heimlich halten/ jhr ziehet sie in ewren Raht. Wann hat jhrer einer euch in seinen Raht gebetten? Durch diese vnd andere grosse Vrsachen seyt jhr von jhnen geblendt vnd betrogen worden.
Endlich/ finden sich in der vierdten
Declaration:
Wil man zu einem guten Regiment kommen/ so muß man sich der Geistli- chen im Reichs- vnd Fuͤrsten-Raht muͤssigen? Dann/ was jhnen recht/ ist vns Suͤnd. Nimbt jhrer einer ein Eheweib/ das ist jhnen nicht recht/ aber den Layen: Nimbt jhrer einer einem frommen Ehe- mann seinehelich Weib/ vnd setzet sie zu jhm/ das ist nicht vnrecht; waͤre aber einem Layen suͤnd. Nimbt ein Lay vom hundert fuͤnff/ das ist jhm suͤnd; so aber ein Geistlicher sechs oder sieben nimbt/ das ist nicht suͤnde. Der Stuͤck sind so viel/ die widerwertig sind/ daß es nicht fehlen kan/ entweder wir seyn nicht Christen/ oder aber sie seyn Ketzer; dann vnser Glaub leydet es nicht. Jn summa/ jhre Sach ist ohne Grund.
Der Beschluß dieses Buͤchleins/ ist etwas hart vnd rauch/ in Erwegung selbiger Zeiten/ mit diesen Worten abgefast: O jhr edlen Fuͤrsten/ Obern vnd Nidern Stands/ wie wir im Reich ver- samlet sind/ sehet an die grosse Gnad/ so vns GOtt in vnsern Ta-
gen
ET RESTAVR. DISCVRS. XII.
gen so gnaͤdig scheinen laͤßt: Er thut vns auff den Schatz seiner Gnaden; so wir Jhm darumb nicht dancken/ so sind wir nicht werth/ Christen genannt zu werden. Dann es ist am Tag/ daß vns die Geweyheten mit guten Worten vmb vnser gut
Patrimo- nium
gebracht/ vnnd vnsere Voraͤltern vberredt/ sie sollen mit jh- rem Vaͤtterlichen Erbe das Himmelreich kauffen; als ob vn- serm
Her
ren GOtt sein Reich fail were/ vmb das/ so Er vns zu vnser taͤglichen Notturfft verliehen hat/ das haben sie vnsern Vor- aͤltern mit suͤssen Worten abgewonnen/ damit sie/ naͤmlich/ vnsere Voraͤltern/ Weib vnd Kinder solten erzogen haben. Auff daß wir aber nicht gar zu Bettlern werden/ so solt jhr fromme Christen/ Edel vnd Vnedel/ Reich vnd Arm/ Alt vnd Jung/ bedencken/ vnd verhuͤlfflich seyn/ daß diese Christliche Reformation auffgerichtet/ vnd in das Werck gebracht werde. Wo wird doch in dem heiligen Evangelio/ oder in der Schrifft funden/ daß Christus von Moͤn- chen vnd Nonnen gesagt haͤtte; oder/ wem ist doch solches Volck nuͤtz? Die Pfaffen treiben jhre Sachen offen/ ohne Scham/ vnd darff sie niemand darumb anreden; auß der Vrsach/ daß in allen Staͤnden eygener Nutz/ den gemeinen Nutz verdruckt. Die Mon- che vnnd Nonnen wolten jhre Mißhandlung gern bergen; so wils aber die Zeit nicht mehr leyden/ daß wol abzunehmen ist/ daß GOtt sein Volck vom Vbel erloͤsen wil. Es ist schon die Axt an die Wur- tzel gelegt/ ꝛc.
Hie wissete ich nicht/ ob die weltliche Herꝛn wol Vrsach haͤt- ten/ vber die Stiffter/ vnd deren Verwaltung viel zuklagen. Be- kannt ist gnugsam/ wie es bey Hoff hergehet/ mit versetzen/ verkauf- fen/ vereussern; vnd nimmer gnug/ nimmer die Notturfft. Das Frawenzimmer muß reichlich vnterhalten werden/ (welches
Dre- xelius
vnter die Hauptvrsachen setzet/ warumb der vber alle massen reiche Koͤnig Salomon endlich den Boden in dem Beutel funden/ vnd seine Vnterthanen hart belegen muͤssen) vnd wann Hochzei- ten/ Kindertauff/ vnd dergleichen vorgehen/ wird mancher Zehen- den auff ein Kleyd verbraͤmet/ manches Dorff auff ein Servitz
R ij
gesetzt.
GERMANIÆ PERTVRBATÆ
gesetzt. Da hingegen alles/ was man den Stifftern gibt/ wol ange- legt/ auffgehoben/ vnd als ein Sparpfenning zur Noht liegen blei- bet/ nimmer ab-sondern jmmer zunimpt. Vnd wer sind endlich die jenige/ so solcher Praͤbenten vnd Stiffter geniessen? Die Fürst- Graͤff- vnd Adeliche Cadetten: Die veraltete/ oder verstimlete Fraͤwlein/ die ohne Schmaͤlerung deß Lands/ solcher Gestalt von Hoff kommen/ vnd jhr Leben in guter Ruhe/ ohne einigen Man- gel enden.
Die Protestierende zerreissen jhre Land/ vnd vernichten jhre Macht/ in dem sie die Kloͤster vnd Dechaneyen auffheben; die Roͤ- mische aber erhalten Land vnd Macht beysammen/ vnd bringen jh- re Cadetten jederweilen hoͤher/ als den regierenden Herꝛn. Also macht Spanien seine
Infantes
zu Ertzbischoffen zu Toledo; das Hauß Oesterreich seine Printzen zu Bischoffen an vnderschiedli- chen Orten; das Hauß Bayern/ vnd hiebevor Brandenburg/ die juͤngere Herꝛschafften zu Coadjutoren/ vnd endlich gar zu Ertzbi- schoffen vnnd Churfuͤrsten. Vnd haben die Teutschen sich hier- inn im geringsten nicht zubeschwaͤren/ weil die sieben Ertzstiffter Teutscher Nation also gewidmet sind/ daß der Adel/ vnd zwar auß gewissen Craissen/ von vhraltem erwiesenem Stamm/ oder auch wol die Fuͤrsten in gewisses Maaß/ alle Frembdling außgeschlos- sen/ eingenommen/ vnd zu den hoͤchsten Staffeln zugelassen wer- den.
Die Protestierende haben solchen Vortheil auch gemerckt/ a- ber etwas spaͤt; vnd jhnen bey den hohen Stifftern vor die vnver- heurate Printzen vnd Edele/ die Canonicatstellen vnter einem
Vi- cario
genommen. Darumb geht diese Klag allhie nicht an/ vnd zielet nur dahin/ daß die weltliche Staͤnde moͤchten die Stiffter in jhren Bottmaͤssigkeiten zu Cammer guͤtern machen: Jn welchem Vorhaben sie so gar vnbefugt nicht sind/ dieweil sie sehen/ daß je- derweilen ein Kloster hie/ das ander da/ einem Ertzpriester zur Taf- fel wird eingeraumbt/ als wann Camer- vnd Taffelguͤter ein Ding waͤren. Dann im vbrigen es keinem geziemet/ was seine Voraͤl-
tern
ET RESTAVR. DISCVRS. XII.
tern begeben vnd verschenckt/ auch zu gewissen Diensten verordnet/ wider einzuziehen/ vnd wider den Lauff der Natur/ sich seiner El- tern Vormund zumachen. Vnd stehet dahin/ welche Parthey solche Stifftungen am besten gebrauchen; darzu/ oder darvon thue.
Aber es ist noch ein ander Thun/ das die weltliche Herꝛn in der Nasen gruͤbelt: Sie wolten vnvergessen seyn/ daß die Baͤpste zu Rom von Anfang den Keysern Zinßbar vnd vnterthaͤnig gewe- sen; vnd wolten jhnen nun mehr auff die Achsel steigen/ ja gar auff den Kopff sitzen/ vngeacht/ alles deß jenigen/ was
Carolus IV.
Roͤ- mischer Keyser/ der Clerisey vor Freyheiten ertheilt haͤtte.
Hadria- nus IV.
schrieb an Keyser Friderichen solche Wort: Hadrian Bi- schoff/ ein Knecht aller Knechten Gottes/ entbeut
Friderico
dem Keyser/ Heyl vnd Apostolischen Segen: Das geistlich Gesetz ver- heist denen/ so jhre Eltern ehren/ langes Leben/ drohet aber auch hin- widerumb denen/ so Vatter vnd Mutter fluchen/ den Tod. Nun vnterweiset vns das Wort der Warheit/ daß/ wer sich selbst erhoͤ- het/ ernidriget werden soll. Derhalben nimbt vns/ geliebter Sohn/ in dem
Her
ren/ sehr Wunder an deiner Fuͤrsichtigkeit/ daß du dem heiligen Apostel Petro/ vnd der heiligen Roͤmischen Kirchen/ nicht so grosse Rew/ Reverentz vnnd Ehrerbietung erzeigen thust/ wie du billig thunsoltest. Dann in deinem Schreiben/ das du an vns hast lassen abgehen/ setzestu deinen Namen dem vnsern vor/ in dem du dir den Flecken einiges Stoltzes/ wil geschweigen/ deß V- bermuhts/ oder der Vermessenheit/ selbst anhaͤngest/ ꝛc.
Deß Keysers Antwort war diese: Friderich von Gottes Gnaden Roͤmischer Keyser/ allezeit Mehrer deß Reichs/ entbeut
Hadriano,
dem Bischoff zu Rom/ vnd allen denen/ die da dem je- nigen wollen anhangen/ was Jesus hat angefangen zuthun vnd zu- lehren/ seinen Gruß zuvor. Die Gerechtigkeit weiset einem jeden heim/ was sein ist. Dann wir verkleinern vnsere Eltern kei- nes wegs/ sondern erzeigen jhnen in vnserm Reich/ die schuldige Ehr; nach dem wir von gedachten vnsern lieben Voraͤltern/ die
R iij
Wür-
GERMANIÆ PERTVRBATÆ
Wuͤrdigkeit deß Reichs/ vnd die Cron empfangen haben. Kan man auch beweisen/ daß der Bapst
Sylvester,
zur Zeit deß Keysers
Con- stantini, Regalia,
vnd Koͤnigliche Freyheiten gehabt habe? Allein auß einer milden Verguͤnnung/ ist die Freyheit der Kirchen gege- ben/ vnd Fried wider bracht worden. Vnd was für
Regalia,
vnd Koͤnigliche Freyheiten ewer Bapsthumb hat/ das ist durch der Fürsten milde Gaab euch geschencket worden. Daher ist alten Her- kommens/ wann wir dem Roͤmischen Bischoff schreiben/ setzen wir von Rechtswegen/ vnd auch von alter Gewonheither/ vnsern Na- men vor: Vnd lassen hinwiderumb zu/ nach derselben Regul der Gerechtigkeit/ wann der Roͤmische Bischoff vns schreibet/ daß er seinen Namen zuvor setze. Lieber durchleset die Historien vnd Ge- schichtbuͤcher/ so von Jahr zu Jahr beschrieben/ vnd vrtheilen/ Ob jhrs auß Vnfleiß gethan; vnd dann es wider nehmet/ wo man es zu- vor gelassen.
Von Keyser
Maximiliano I.
schreibt
Goldastus,
er haͤtte ein wundersam Werck bedacht/ vnd sich selbst zum Bapst/ oder Haupt der Clerisey wollen auffwerffen; vnd solches auß diesem bedencken: Dieweil jmmerdar/ von Anfang der Statt Rom/ man einen Koͤ- nig vnter den Geistlichen/ genannt
Rex Sacrorum,
gehabt; der im Welt- vnd Geistlichen/ nach seiner Wissenschafft/ zugebieten haͤtte. Vnd weil deß letzten
Tarquinii
Flucht vnd Verbannung/ den Na- men eines Koͤnigs/ gantz verdaͤchtig vnd verhaßt gemacht; ließ sich die Clerisey dahin behandeln/ daß jhr Haupt
Pontifex Maximus,
ins Gemein genannt worden/ als ein Oberbruͤcken Verwalter. Vnd dieser Titul haben die Keyser mit sonderem Fleiß behalten/ damit sie durch Mißdeutung einiger Zeichen an jhrem Vorhaben nicht gehindert wuͤrden/ wie etwan pflegen zugeschehen/ vnd also alles vor sich vnd nach jhrem Sinn deuten koͤnten. Ja/ es haben auch die Christliche Keyser diesen Titul behalten/ biß auff
Gratia- num,
der von
Ambrosio
beredet/ als stuͤnde es nicht beysammen/ daß ein Mann das Oberhaupt im Welt- vnd Geistlichen were/ diesen Titul fahren lassen/ (sonst hatten die Heyden auch jhren Pa-
triar-
ET RESTAVR. DISCVRS. XII.
triarchen/ der als
Pontifex Maximus
jhr Heiligthumb vnd Wey- he versorgte/ auch Bischoffe hin vnd wider setzte/ wie in Juliani deß abtruͤnnigen Keysers Histori zufinden) welchen die Baͤpste zu Rom nicht lang auff dem Boden/ vnter den Baͤncken liegen lassen/ sondern selbst angenommen/ vnd demnach getragen/ auch Krafft desselben die Clerisey jhnen vnterthaͤnig gemacht/ ob schon die Teutsche Keyser sehr offtdarwider gewesen/ vnd geschlossen: Es sey ein jeder Bischoff an seinem Ort/ was der Bapst zu Rom were. Noch fanden sich jederweilen Baͤpste/ die auch das Keyserthumb an diesen
Pontificat
vermeyneten zuhefften/ vñ die zwey Schwer- der zufuͤhren/ wie Bapst
Bonifacius VIII.
gethan. Zumal wei- sen jhre
Canones
auß/ daß bey Ableiben eines Keysers/ der Bapst das Roͤmische Reich zuverwalten habe. So dann
Ambrosius,
der zu seiner Zeit die beyde Schwerder gescheyden/ vnd dem Keyser den Gewalt vber das Kirchenweisen/ als vngeraͤumbt/ entzogen/ dergleichen Verkehrung solte sehen/ stuͤnde von jhm selbst zuver- nehmen: Ob hierinn die Baͤpste zu Rom nicht zu weit greiffen/ o- der/ ob Maximilianus so gar vneben wider die Schnur gangen waͤ- re/ wann er den vhralten Zwang/ welchen die Keyser auch vber die Clerisey gefuͤhret/ wider ergreiffen/ vnnd die Kirch reformieren wollen.
Einmal ist bey den Weltverstaͤndigen/ Regimentserfahrnen bekannt vnd geschlossen/ daß keine Regierung in jhrem Stad/ ein andere sollassen außbruͤten. Ein namentlich Exempel finden wir im Stifft Camin. Dann
Otto,
der Pommern Apostel/ Graff Berchtolds von Andechs/ in Schwaben/ vnd Graͤffin Adelheyden von Eberstein Sohn/ vbergab seinem Bruder Friderichen/ das gantze Vaͤtterliche Erb/ vnd legt sich auff das Studieren/ wurd ein Schulmeister in Polen/ vnd hernach bey Hoff wolangesehen/ ja gar bey Keyser
Henrico IV.
ein Cantzlar/ der jhm Anno 1102. das Bischthumb Bamberg zuverwalten gegeben/ als er drey vnd dreyssig Jahr alt war. Vnd weil er von lauter Demuht vor der Statt vom Pferd abstieg/ vnd barfuͤssig durch den Schnee/ biß in
S. Geor-
GERMANIÆ PERTVRBATÆ
S. Georgen Kirch gangen/ vberkam er das
Podagra.
Erkam in Gefaͤngnuͤß/ als er sich wider
Henricum IV.
dessen auffruͤhri- schen Sohn
Henrico V.
anhaͤngig gemacht. Endlich war
Otto
von Hertzog Wratislaffen in Pommern beruffen/ das Heyden- thumb abzuschaffen/ vnnd Christum zupredigen/ im Jahr 1124. Nach seinem Tod wurd das Bischthumb Julin gestifftet/ vnnd Adelbert/
Ottonis
Nachfahr vnd Juͤnger der erste Bischoff erkoh- ren: Da dann Kloͤster vnnd Abtheyen nach der Menge entstan- den.
Anno 1392. verließ Hertzog Bugslaff das Bischofflich Ampt/ weil er nach seines Brudern Ableiben/ die Regierung deß Lands er- griffen/ vnd hatte mit seinem Nachfahren
Nicolao
Bock/ dem achtzehenden Bischoff/ wegen der geistlichen Guͤter diesen Streit. Weil Bugslaff von seinen weltlichen Mitteln/ auch geistlichen Einkomsten etliche von dem Bischthumb verpfaͤnde Schloͤsser vnd Gerechtigkeiten ledig gemacht hatte/ vermeynt er/ nach dem er auß- getretten/ solche nach sich zuziehen/ vnd so lang in Handen zubehal- ten/ biß das Bischthumb jhm sein Loͤßgelt wider erstattet haͤtte. Der Bapst gab dem Hertzogen vnrecht; also auch das
Concilium
zu Costnitz. Dessen Sohn Bugslaff der Neundte/ vnd Wittib/ Sophey/
Procopii,
deß Marggraffen in Maͤhren Tochter/ ver- meynten/ jhnen geschehe hierinn vngleich/ verwirckten daruͤber den geistlichen Bann/ vnd trugen denselben sechszehen Jahr; biß end- lich auch zu Basel auff dem
Concilio
das Vrtheil/ sampt dem Bann/ ernewert worden. Vnd als der damalige Bischoff gese- hen/ daß der Hertzog deß Banns wenig achtete/ vermocht er Keyser Sigmund/ den Hertzog in deß Reichs Acht zuerklaͤren. Aber Erich Koͤnig in Dennemarck/ vertrug die Partheyen im Jahr 1436. vnd so wenig hat gefehlet/ dieser Stamm deß Fuͤrstlichen Hauses Pommern/ were von Land vnd Leuten/ auß Trieb vnd Macht ei- nes Bischoffs/ deme man Raum gegeben/ seinen Stad in dem weltlichen Stad zu formieren/ in das Elend vertrieben worden. Darumb beobachtete der Hertzog sein Erbkasten-Vogtheyrecht
zuletzt
ET RESTAVR. DISCVRS. XII.
zuletzt sehr wol; vnd weil kurtz vor
Maximiliani
Ableiben/ einer vnd der ander/ Namentlich Graff Wolffgang von Newgarten/ durch grosser Herꝛn/ vnd sonderlich/ deß Keysers selbst Vorschriff- ten/ deß Hertzogen vnbegruͤst/ bey dem Papst die Coadjuterey zu Camin erlangt/ hat der Hertzog solchen Graffen abgewiesen/ wie gelehrt vnd beruͤhmbt er auch gewesen/ vnnd dem Capitel die freye vngehinderte Wahl/ dessen es dann wol zufrieden war/ gelassen. Mag auch wol dieses vnter anderem den Hertzogen in Pommern Anlaß vnd Vrsach geben haben/
Lutheri
Lehr/ so eben anfieng her- fuͤr zustechen/ Beyfall zugeben; zumal die Hussitische Lehr auch in Pommern vnd Preussen/ dahin die Hussitische Kriegsleute jhre Waffen lassen miethen/ oder selbst zum Raub gewendet/ vorlaͤngst eingerissen war.
Der dreyzehende Discurß.
Wie es kurtz vor Luthers Newerung/ vmb das Keyserthumb/ vmb Welschland/ vnd den Paͤpstischen Stul gestanden.
Julii II.
vielfaltige Krieg/ Buͤndnuͤssen vnd Tod.
Leonis X.
Friedfer- tig Gemuͤht vnnd Herkommen. Wie jhm Luther Vnruh ge- macht. Wer Luthern den Weg bereyt? Von D. Reuchlin Geburt/ Studieren/ Streitwegen der Jüdischen Buͤcher. Welchen Streit derlose getauffte Jud Pfefferkornerregt.
N
Ach dem
Carolus VIII.
Koͤnig in Franckreich/ ein jun- ger freudiger Held/ von dem Hertzogen zu Meyland auffgewickelt/ einen maͤchtigen Zug in Welschland v- ber das Gebuͤrg vornahm/ vnnd jederman mit seinet vngehewren Buͤchsen/ so damals in Gebrauch kamen/ erschreck- te/ daß die Lombardey/ Neaples/ vnd schier gantz Welschland sich vor jhm duckten; hernacher aber eins nach dem andern wider ver- lohr/ vnnd dann wider zuerobern suchte (welcher Krieg jnnerhalb
S
vier-
GERMANIÆ PERTVRBATÆ
viertzig Jahren auch deß Roͤmischen Stuls Landschafften offt be- ruͤhrt/ vnd an etlichen Orten sehr geschwaͤcht) kam endlich Julius
II.
im Jahr 1503. zur Baͤpstlichen Hohheit/ vnd faste also bald ei- nen Muht/ das Verlohrne wider herbey zubringen. Der aller- erste/ den er angriff/ war Johann Bentivol/ Fuͤrst zu Bononien; den vertrieb er auß der Statt Rom/ vnd ließ jhm durch den toben- den Poͤbel seinen schoͤnen Pallast in Rom niderreissen. Weil auch die Venetianer bey vorigem truͤbem Wasser gefischt/ Arimin/ Fa- ventz vnd Ravenn/ der Kirchen abgezwackt/ verband sich Julius mit dem Keyser Maximiliano/ mit den Koͤnigen in Franckreich vnd Spanien/ mit den Hertzogen zu Ferrar vnd Mantua/ zu Came- rich in Flandern/ die Venetianer zuvertilgen. Diese Vnierte er- hielten ein Hauptreffen bey Glorean/ im Jahr 1509. mitten im April/ vnd theilten vnter sich alles/ was auff dem vesten Land war/ also daß Venedig vnter dem geistlichen Bann seufftzet/ vnd damals nichts vbrig hatte/ dann die Statt selbst. Doch erzeigt Julius jhnen Gnad/ hub den Bann auff/ vnd sucht die Frantzosen/ die jhm zumaͤchtig wollen werden/ wider fortzuschaffen. Vnd weil der Hertzog zu Ferrar vest an jhnen hielte/ gleichwol etliche Lehen vom Roͤmischen Stul truge/ sagte jhm Julius ab/ vnnd ließ von dem Frantzosen.
Ludovicus XII.
Koͤnig in Franckreich/ konte seine Bunds- genossen nicht lassen/ noch solchen Schimpff vngeandet verschlu- cken/ macht einen newen Bund mit dem Keyser/ wider Julium vnd die Venetianer/ vnd beschrieb/ auff fuͤnff Cardinaͤln Angeben/ ein
Concilium
nach
Lisa,
vor welchem Julius seines Thuns Re- chenschafft geben solte. Derselb aber verband sich auff ein newes mit
Ferdinando,
Koͤnig in Hispanien/ bracht viel Schweitzer zu Feld/ vberzog den Hertzogen zu Ferrar/ nahm jhm Mantua/ vnd Mirandula/ wurd aber bey Giliola geschlagen/ vnnd ließ Bono- nien im Stich/ sucht vergeblich Fried bey dem Frantzosen; vnd weil seine Waffen stumpff worden/ besorget er sich eines Wetters von
Pisa,
hielt ein
Concilium
zu Rom/ im Latran/ entsetzt die fuͤnff
Cardi-
ET RESTAVR. DISCVRS. XIII.
Cardinaͤl/ seine Widersacher/ vernicht das
Concilium
zu
Pisa,
thaͤt die Frantzosen vnd die Florentiner/ weil sie die Statt
Pisa
hier- zu verwilliget/ in den geistlichen Bann/ verhetzt den Engellaͤnder vnd den Spanier wider den Frantzosen/ vnnd samlet ein grosse Macht in Welschland. Vnd ob schon der Bapst Ravennn zu- entsetzen/ schlagen müssen/ auch darmit vnten gelegen/ waren doch die Frantzosen sehr vbel zugericht/ schier mit gleichem Schaden; doch erhohlten sich die Vnierten gleich wider/ vnd trieben die Fran- tzosen in den naͤchstgefolgten dreyen Monaten gantz auß Welsch- land vber das Gebuͤrg/ zwar mehr wegen der Spanischen Macht gegen Navarꝛen/ vnd wegen der Engellaͤnder Einfall in Franck- reich/ als wegen der Jtalianer. Die
Patres
zu
Pisa
begaben sich/ wegen widerwertigen Kriegslaͤufften/ nach Meyland/ vnd endlich gar nach Lyon: Vnd zwar zu rechter Zeit/ weil die Schweitzer/ mit Zuthun der Vnierten/ Meyland gleich hernach eroberten/ vnd die Frantzosen auß den vbrigen Besatzungen fort trieben; welches der Keyser/ so durch Beyrahten deß Bapsts/ von dem Frantzosen außgesetzt/ dem Sfortzen/ als ein Reichs-Lehen auffgetragen/ vnd Julius im Latran bestaͤttigte. Dazumal erhielt Julius Bono- nien/ Ravenn/ Parma vnd Placentz; Die Venetianer Crema vnd Brixen;
Fregosus
Genua; die
Medices
jhr vorige Stell vnd Hohheit in Florentz; Vnd die Schweitzer/ so das beste wider den Frantzosen gethan/ groß Geschenck/ sampt dem Ehrentitul/ daß sie die Welsche Freyheit beschuͤtzt haͤtten.
Noch war der Himmel truͤb/ vnd voller Vngewitter: Dann die Venetianer wolten dem Keyser weder Veron/ noch Vincentz abtretten/ deß
Concilii
zugeschweigen. Darumb verbunden sich die Venetianer mit dem Frantzosen auff ein newes/ wie sehr sich auch Julius/ sie abwendig zumachen/ bemühete. Aber sein groͤ- stes Anliegen war/ daß der Frantzoß die widerspenstige Cardinaͤl jmmerhin vnterhielte/ jhm den Abt zu Clugniack/ einen sehr gelehr- ten Mann/ anden Halß haͤngte/ vnd zu keinem Vergleich verste- hen wolte/ ja sich ohne Schew vernehmen ließ/ vom Roͤmischen
S ij
Stul
GERMANIÆ PERTVRBATÆ
Sthul gaͤntzlich abzuweichen/ vnd ein absonderlich Haupt der Kir- chen in seinem Koͤnigreich/ vnter dem Titul eines Patriarchen/ wie etliche hundert Jahr lang nach der Apostel Zeiten gebraͤuchlich gewesen/ zusetzen; alle Praͤbenden an sich zuziehen/ ja/ wann man es jhm zu grob machen solte/ den Bapst gar zuvertilgen. Er schlug/ Muͤntz mit dieser Vberschrifft/
Perdam Babylonem,
ich wil Ba- bel (Rom meynende) verstoͤren.
Es hatte zwar der Spanier dem Koͤnig Johann in Navar- ren/ wegen deß geistlichen Banns/ in den er/ wegen deß Bunds/ mit dem Frantzosen gefallen/ alles/ was jenseit deß Gebuͤrgs gegen Spanien lag/ mit Gewalt abgetrungen/ vnd jhn disseits in die v- brige Laͤnder gegen Franckreich getrieben/ wie dann von derselbigen Zeit an/ Navarra dem Spanier geblieben/ vnd konte der Frantzoß seinen Bundsverwandten keine Huͤlff leysten/ weil der Engellaͤn- der die alte Gerechtigkeiten vnd Spruͤche wider herfuͤr suchte/ vnd in Gasconien sehr vbel hausete: Doch war jhm das Gluͤck der Waffen verdaͤchtig/ vnd besorgete/ die Venetianer würden nicht vnterlassen/ sich an jhme mit der Zeit zuraͤchen/ weil er sie gantz halß- starꝛig vnd verbittert/ die sich zu keinem Vergleich verstehen/ noch vom Frantzosen ablassen wolten. Darumb hielte er sein
Conci- lium
in Latran jmmer beysammen/ biß er vber siebentzig Jahr alt/ bey außgehendem Aprill/ Anno 1513. zu Rom/ auß Trawren vnd Sorgein Fieber vnd Durchlauff vberkommen/ die jhn zum grossen Hauffen geschickt.
Die gantze Christenheit stund in zweiffelhafftigen Gedan- cken/ was doch auß dem Streit/ zwischen dem Bapst vnnd dem Frantzosen/ werden moͤchte: Vnnd ob einige Reforma- tion der Kirchen/ ins Werck zurichten seyn solte/ weil/ bevorab Julius zum oͤfftern gewuͤndschet/ den Priestern/ sonderlich/ den Pfarꝛern/ mit Einwilligung vnd Gutachten deß
Concilii,
die Ehe zuverstatten. Auff seinen Tod erwartet jederman noch eyfferi- ger/ was sein Nachfahr vor Gedancken fassen wuͤrde. Johann Medizes von Florentz/ kam vor in der Wahl/ genant
Leo X.
gantz
anderst
ET RESTAVR. DISCVRS. XIII.
anderst gesinnet/ als Julius. Diß Geschlecht war eines vnter den ansehenlichsten zu Florentz: Averard brachts weit/ sein Sohn Jo- hann noch weiter/ biß der Enckle Cosman/ durch gemeinen Raht- schluß/ ein Vatter deß Vatterlands/ tituliert worden/ weil er dem gemeinen Wesen wol vnd ruͤhmlich vorgestanden. Jhm folgt
Pe- trus,
der
Laurentium,
dieses Bapsts Vatter/ mit
Clarice Ursina
gezeuget.
Leonis
aͤltester Bruder
Petrus,
war vertrieben/ vnd hielt sich bey dem Frantzosen/ biß er im zehenden Jahr seines Auß- weichens/ ertruncken/ hinderlassend auß
Alphonsina Vrsina
ein Sohn
Laurentium,
den das Gluͤck mit bessern Augen angesehen/ daß endlich seine Nachkoͤmlingezu Großhertzogen in Florentz/ vnd zu Koͤniginnen in Franckreich worden. Weil es nun
Laurentius
mit den Frantzosen hielte/ gab der Koͤnig dem Sohn/ ob er gleich noch ein Kind war/ ein sehr reiches Bischthumb.
Innocentius VIII.
macht jhn zum
Diacon-
Cardinal/ als er noch nicht drey- zehen Jahr auff sich hatte. Da
Carolus VIII.
Welschland v- berrumpelt/ wurd sein Bruder
Petrus
vertrieben/ so mochte er selbst/ wegen Bapst
Alexandri VI.
sich in Rom nicht auff halten: Doch wendet sich das Gluͤck/ vnd verkehrte der Menschen Zuneigungen/ daß der Frantzoß jhm ein Anhang zumachen/ diß Geschlecht an sich gezogen/ vnd hoch erhoben. Die hernach vom Roͤmischen Stul abgefallen/ vnnd jhn beschmitzen wollen/ geben vor/ die erste Vrsach seiner Hohheit kaͤme von dem
Innnocentio VIII.
dessen Sohn/
Franciscus Cibo
zu Genua die schoͤne Magdalena/ seine Schwester zum Weib genommen/ bey der er sich auch/ in waͤh- rendem vbelen Zustand/ auffgehalten/ vnd hernach jhr zur schuldi- gen Danckbarkeit/ das jenige Theil von den Ablaß Geltern auß Teutschland/ so in Sachsen/ vnd an der See fallen wuͤrde/ zuer- heben verordnet. Sie haͤtte aber den Bischoff Arembold deßwe- gen außgesand/ damit nichts abfiele/ noch in andern Kasten kaͤme: Vnd weil alles zu hoch gespant gewesen/ were Luther herfuͤr gebro- chen/ vnd haͤtte den gantzen Handel zuhauff geworffen.
Als nun
Leo
auff dem Stul saß/ bedacht er sich weit anderst/
S iiij
als
GERMANIÆ PERTVRBATÆ
als Julius gethan hatte/ trachtet nach Fried vnnd gutem Leben/ schickt seine Gesanden auß/ in gantz
Europam,
Fried/ oder doch Stillstand der Waffen zustifften/ auff daß sich Welschland wider erholen/ vnd die Christenheit dem Tuͤrcken begegnen koͤnte. Vnd damit ja die Spaltung in der Kirchen nit weiter einreissen/ noch die Kirch mehr dann ein einiges Haupt/ wie vor Jahren zum offtern geschehen/ wehlen moͤchte/ setzt er die jenige fuͤnff Cardinaͤl/ so Ju- lius aller Ehren entsetzt hatte/ wider voͤllig ein/ vnd benahm solcher Gestalt dem Koͤnig in Franckreich diß Mittel/ das
Concilium
zu Lyon fortzusetzen/ auff daß das Roͤmische im Latran seinen Fort- gang behielte.
Vnd als nach
Ludovici
Tod
Franciscus I.
die Cron er- langt/ auch Meyland mit Gewalt wider an sich bracht/ Placentz vnd Parma/ so Julius der Kirchen juͤngst erworben/ auch einnah- me/ dachte er der Zeit zuweichen/ vnd begehrt Fried/ mit Verlust ge- dachter Staͤtte/ biß der Keyser/ die Schweitzer vnnd Venetianer/ sich auff ein Newes wider den Frantzosen verbunden/ jhn gar auß Welschland vertrieben/ vnd dem Roͤmischen Stul das seinige wi- der einraumeten. Auch hatte sich
Leo
vorzusehen/ wegen deß Her- tzogen zu Vrbin/ vnd der Petrutzen zu Rom/ die er vertrieben/ vnd zu aller feindthaͤtlichen Rach verreitzt hatte. Die Beysorg war/ weil er etliche Cardinaͤl jhrentwegen/ nach entdeckter Verraͤhterey/ entsetzt/ es moͤchte jhm gehen/ wie Julio; darumb macht er auff ei- nen Tag ein vnd dreyssig Cardinaͤl/ die er auß der gantzen Christen- heit/ bey aller Potentaten Hoͤffen/ seine Regierung zubevestigen/ gesuchet. Vnd schreibet
Fincelius,
denselben Tag hab es zu Rom ein erschrecklich Erdbeben geben/ vnnd der Donner auß einem grewlichen Wetter/ bey der newen Cardinaͤlen Meß/ in die Kirch geschlagen/ das Kindlein Jesu der Jungfrawen Marien auß dem Schooß/ vnnd
Petro
die Schluͤssel auß den Haͤnden geschmis- sen.
Als nun
Leo
meynete/ seine Sachen stuͤnden zum allerbesten/ fieng ein Moͤnch an/ gantz Teutschland/ ja/ die gantze Christenheit
zuerre-
ET RESTAVR. DISCVRS. XIII.
zuerregen/ vnd zum Abfall vom Roͤm. Stul zubewegen. Von jhm schrieb Jacob Prun/ Calendersteller zu Vlm/ in einer Practick/ so er Anno 1500. lassen außgehen: Es wird einer im Jahr 1520. sich herfuͤr thun/ vnd Buͤcher in Teutscher vnd Lateinischer Spraach/ wider vnsern Roͤmischen Bapst/ seine Cardinaͤl vnd Priester/ ja wi- der die gantze Clerisey/ offentlich drucken lassen/ vnd alle jhre Vn- art vnd Boßheit offenbaren/ vnd entdecken.
Ja/ es schreibet
Wolfius
bey dem Jahr 1170. Es hab Key- ser Friderich mit dem rohten Barth/ in Kaͤrndten eine Kirch ge- bawet/ vnd ein steinern Bild darinn gesetzt/ wie ein Moͤnch mit ei- nem Guͤrtel/ vnd blossem Haupt/ dem Luther nicht vngleich; auch oben vber/ mit grossen Buchstaben geschrieben/
Lutherus.
Ob nun der Bildhawer etwan also geheissen/ oder dieser Name in fol- genden Zeiten daran kommen/ oder auch Luther ohngefehr dem Bild an Gestalt gleich gewesen/ (sintemal erwehnter Keyser/ mit den Baͤpsten viel zuschicken gehabt) stehet an seinem Ort.
Es hat aber Luther keine geringe Vorbereytung der Gemuͤh- ter/ bey den Gelehrten gefunden. Dieselbe nennete man vor alten Zeiten
Philosophos,
auch
Grammaticos,
endlich/
Criticos,
vnd vmb selbige Gegend die Poeten/ weil sie die Hauptspraachen nicht nur recht verstunden/ sondern auch zu vnderscheyden wusten/ was gut vnnd passierlich/ oder nicht waͤre. Diese geriehten in bittern Zanck vnnd vnversoͤhnliche Feindschafft bey der Clerisey/ welche von Rom ein geradbrechtes Latein brachten/ oder in einem Kloster die verschimlete. Spraach erlernete/ allenthalben die Oberhand er- hielte/ wann sie nur auß dem Buch das nohtwendige Latein lesen konte. Aber der Spraachen Rechtkuͤndige trieben nur jhnen Hohn vnd Spott darmit: Vnd wann Fehler in den Sitten/ die jeder- weilen wider die Erbarkeit lieffen/ neben der vnbesonnenen Ver- handlung deß Gottesdienstes/ so das Gewissen aͤrgerte/ gieng es nach Art der alten Poeten/ an ein musterhafftig Durchziehen. Da- durch jene sich verbitterten/ vnd allerhand Mittel sich zuraͤchen/ bey sich selbst/ vnd bey den Potentaten suchten/ vnd ergriffen.
Sol-
GERMANIÆ PERTVRBATÆ
Solches hat erfahren
Laurentius Valla,
so Anno 1465.
Ru- dolphus Agricola,
so Anno 1485.
Hermolaus Barbarus, Iohan- nes Picus, Comes Mirandula, Angelus Politianus,
so Anns 1494.
Conradus Celles,
erster gecroͤnter Poet der Lateinischen Spraach auß den Teutschen/ so Anno 1508. vnd sonderlich Jo- hannes Reuchlin/ von den Gelehrten auff Griechisch zugenannt
Capnio,
so im Jahr 1522. gestorben/ sehr wol erfahren. Dieser Reuchlin war gebohren zu Pfortzen/ im Jahr 1455. vnd an dem Badischen Hoff mit dem jungen Marggraffen erzogen/ mit dem er auch auff die in aller Welt beruͤhmbte hohe Schul zu Pariß ver- schickt worden/ vnd daselbst den Anfang der Griechischen Spraach von
Gregorio Thyphernate,
einem Vertriebenen auß Griechen- land/ begriffen: Hernach zu Basel von Wesseln/ den man in der grossen Finsternuͤß derselbigen Zeiten/ wegen seines hohen Ver- stands/ das Liecht der Welt nennete/ die Hebraͤische Spraach er- lernet/ vnd endlich zu
Poictou
in Franckreich sich zu einem
Doctor
der Rechten eroͤnen lassen. Hertzog Eberhard hielt einen solchen Mann hoch vnnd werth/ verschickt jhn bald zum Bapst in Lands- geschaͤfften/ bald zum Keyser
Friderico III.
Jn der ersten Reyß macht er sich bekant/ mit einem Juden Jehiel Loͤans/ die Spraach desto besser zufassen: Vnter andern verehret jhm der Keyser ein Hebraͤische Bibel/ die man selbiger Zeit vmb 300. Goldguͤlden nicht erkauffen koͤnnen.
Weil er nun seines Fuͤrsten Sachen so wol verricht/ vnd al- lenthalben in groß Ansehen gerahten/ mangelte es auch nicht an dem leydigen Neid; dessen ein gewisser Moͤnch vollstacke. Es hat- te aber Reuchlins Sanfftmuht kein Gefallen am Gezaͤnck/ vnnd wolt sich doch vnverantwortet nicht lassen verschimpffen/ macht ei- ne
Cemœdi
wider den Moͤnch/
Sergius
intituliert/ vnnd weil der- selbe etwas hoch angesehen war/ gieng er jhm auß dem Wege/ nach erlangtem ehrlichen Abscheid/ vnd begab sich nach Heydelberg/ we- gen so vieler gelehrten Leuten/ daselbsten/ sonderlich/ mit
Rudolpho Agricola
Vertrawlichkeit zumachen. Der Pfaltzgraff wolwis-
send/
ET RESTAVR. DISCVRS. XIII.
send/ was gelehrte vnd hochansehnliche Leute vermoͤgen/ versendet den Reuchlin nach Rom/ zu dem Bapst/ daß Hertzog Georgen auß Bayern einige Tochter deß Churfuͤrsten Sohn Ruprecht zur Ehe haben moͤchte/ zuerlangen; welche Reyß jhm vmb so viel lie- ber gewesen/ daß er in Rom mit den Juden/ nach Wundsch/ vnd vngehindert vmbgehen wuͤrde. Da fand sich ein gelehrter Rabbi/
Abdias Argyropolus
von
Cæsina,
der vnterwiese jhn ein gantzes Jahr/ jede Stund vmb ein Goldguͤlden. Als er wider gen Hey- delberg/ nach gluͤcklicher Verrichtung/ gelangt/ betrachtet er den Wirtenbergischen Hoff zu seinem Vorhaben/ naͤmlich/ seinen Buͤchern in der Stille obzuliegen/ gantz bequem/ vnd ließ sich da- hin bestellen. Wie er nun von dannen offt nach Pfortzen/ seine Schwester/ vnnd andere Verwandten zubesuchen/ reysete/ sahe er bey seiner Schwester einen jungen Vettern/ Namens Philips Schwartzerd/ der sich hernach auff Griechische Manier
Me- lanchthon
nennen wollen: Dem gab er alle Anleytung zum Stu- dieren/ vnd ließ nicht nach/ biß er jhn dahin heredt/ daß er Luthern anhaͤngig worden.
Reuchlin meynte in stoltzer Ruhe zusitzen/ vnd erfuhr bald ein vnversehenes Vngewitter. Dann
Doctor Hochstrat,
Ketzermei- ster/ oder
Inquisitor
in den Niderlanden/ erhielt zu Rom/ vnnd durch deß Bapsts Ansehen/ so viel/ daß man alle der Juden Buͤ- cher/ Hebraͤischer Spraach/ die Bibel allein außgenommen/ solte verbrennen; daruͤber auch der Keyser ein Mandat ertheilte. Die Juden/ die sonsten wissen die hoͤckerichte Wegeschlecht zumachen/ schlieffen vnnd feyerten bey so gestalten Sachen nicht; legten duͤrꝛ vnd gruͤn Holtz zu Fewer/ brauchten Helffer/ vnd Helffers-Helffer/ vnd brachtens dahin/ daß der Keyser von den Gelehrten Bericht be- gehrt/ was in der Sach zuthun waͤre. Nun wuste man niemand in der Christenheit/ mit dem Reuchlin/ was diesen Handel betrifft/ zuvergleichen/ weniger vorzuziehen/ wie alle Gelehrte zu Rom/ vnd am Keyserlichen Hoff bekennen muͤssen. Nach reifflicher Erwe- gung gab Reuchlin diesen Außschlag: Der Juden Buͤcher waͤ-
T
ren
GERMANIÆ PERTVRBATÆ
ren nicht einerley; etliche lehreten von natuͤrlichen Sachen/ vnd von der Artzney; etliche von der
Gabala,
oder hochsteigenden Wissen- schafft/ so Moses/ nach der Juden Außgeben/ nie schrifftlich ver- fasset/ sondern nur Muͤndlich/ von Vatter auff Sohn fortpflan- tzen wollen; etliche von Außlegung der heiligen Schrifft: Doch also/ daß eins in das ander lieffe/ neben dieser Erinnerung: Es muͤ- ste nicht alles nach dem Anblick deß ersten Gesichts/ oder deß Buch- stabens/ verstanden werden: Welcher Gestalt
Trithemii
vnd
Lul- lii
Sachen/ ja
Aristotelis Metaphysica
keinen Bestand halten koͤnten. Weil dann wenig Christen sich auff dieselbige Spraach legten/ oder doch so kurtz darvon abwichen/ daß sie den rechten Ver- stand in so vielen vnd grossen Buͤchern nicht begehrten zusuchen/ viel weniger zu einiger Ketzerey ziehen würden: Schlosse er/ man moͤchte solche Buͤcher eben so wol/ vnd noch eher/ als der Heydni- schen Poeten Schrifften/ auff den Schulen dulden; vnnd allem Vnheil vorzubiegen/ den rechten Verstand vnd Nutzen der Ju- gend darbiethen.
Auff eines so bekanten vnd berühmbten Manns vernuͤnffti- ges Gutachten gieng der Keyser/ vnnd gestattet den Juden/ durch ein widriges Mandat/ jhre Buͤcher/ nach wie vor. Das verdroß Dr. Hochstraten/ vnd gedacht sich an Reuchlin zuraͤchen; schuͤtzet sein Ampt vor/ beschuldigt den Reuchlin der Ketzerey/ vnd ließ etli- che seiner Buͤcher zu Mayntz offentlich verbrennen. Reuchlin konte diesen Schimpff/ der jhm wol selbst auff einem Scheiter- hauffen/ in Fewer vnd Flammden Athem verkuͤrtzen koͤnnen/ auff sich nicht ersitzen lassen/ stellet ein außfuͤhrliche Rede/ seiner gefaß- ten/ vnd auff Befehl heraußgegebenen Meynung/ an den Keyser selbst/ vnnd berufft sich auff den Bapst/ vor welchem er Red vnd Antwort getrawe zugeben/ oder bey vnverhofftem Jrꝛthumb/ bes- sern Bericht ein zunehmen.
Darauff wurd die Erkantnuß dieser Sach dem Ertzbischoff zu Mayntz (da Reuchlin mit etlichen vom Adel/ auß deß Hertzo- gen von Wirtenberg Befehl/ ankommen) vnd durch jhn dem Bi-
schoff
ET RESTAVR. DISCVRS. XIII.
schoff von Speyer auffgetragen/ daß er solte/ wie er dann gethan/ weise vnd gelehrte Maͤnner bescheyden/ vnd alles reifflich vbergeben lassen. Nach langer Erwegung/ vnd verzeichneten Motiven (da dann
Petrus Galatinus, Erasmus Roterodamus, Iacobus Que- stenbergius,
vnd
Huldaricus Huttenus
gar nicht gefeyert/ vnd dem Reuchlin/ als einem vertraweten Freund/ die Stang redlich gehalten) fiel das Vrtheil nach Reuchlins Meynung/ ob schon die zu Coͤlln inmittels vorgegriffen. Der Bischoff zu Speyer wolte die Haͤnd nicht gar verbrennen/ ob es jhn schon verdroß/ sondern v- berschickt die
Acta,
vnd den gantzen Vberlauff nach Rom. Der Bapst konte nicht anderst/ als dem Reuchlin recht/ aber dem eyffe- rigen Doctor Hochstrat/ der zu seiner eygenen Schand drey gantzer Jahr zu Rom auffgewartet/ verloren geben. Vnd da haͤtte man gesehen/ was es vor Haͤndel geben: Wie Coͤlln vnd Loͤven/ auch Pariß/ da Reuchlin laͤngst ein Student gewesen/ welche alle Do- ctor Hochstrat zuvor eingenommen/ die auch sein hohes Ampt foͤrchten/ wider Reuchlin vnd dessen Anhang/ oder guͤnstige Rich- ter in Eyffer entbrant; wie auch jhnen geantwortet worden/ Reuch- lin wurd deß Keysers Raht/ vnnd von
Erasmo
nach seinem Tod canonisiert.
Diese grosse Vngelegenheit kam her von einem Juden/ Pfef- ferkorn/ der die Beschneidung verlaͤugnet/ vnnd die Christliche Tauff angenommen/ dem Keyser/ vnd den Geistlichen bey Hoff/ damit er nur vor einen Judenfeind/ vnd rechten Christen angesehen/ oder von den Juden/ als ein Retter angeschryen were/ im Fall er sol- ches Vnheil abwenden koͤnte/ vorbrachte: Man muͤste den Juden alle Bücher/ außerhalb der Bibel/ auß den Haͤnden reissen/ wann sie je solten bekehret werden.
Was aber dieser Pfefferkorn vor ein ehrlicher Gesell gewe- sen/ das moͤgen die Gerichtsbuͤcher zu Hall in Sachsen wissen/ vnd vmb schrecklicher Gottslaͤsterung willen/ in Ewigkeit verschwei- gen/ ob sie jhn schon im Jahr 1524. mit gluͤenden Zangen zerrissen/ vnd mit Fewer verbrand haben/ nach dem er sich/ wie schaͤndlich er
T ij
mit
GERMANIÆ PERTVRBATÆ
mit den heiligen Sacramenten/ vnd andern Sachen vmbgangen/ vberweisen lassen: Welches alles dann deß Doctor Hochstrats Handel/ wiewol zufaͤlliger Weiß/ ohne seine Schuld/ nur desto ver- aͤchtlichlicher gemacht hat. Vnd wer siehet nicht/ daß dieser vnbe- sonnene Eyffer den Adel/ sonderlich/ Vlrich von Huͤtten/ Frantz von Sickingen/ vnnd Hartmuth von Cronenberg/ anfangs dem Reuchlin/ vnd hernach dem Luther zugeneygt hat? Auch waren die Herꝛnhoͤffe der Clerisey muͤde/ weil der Bapst viel Sachen vor sein Hoffgericht/ so man vor Alters in den Reichsversamlungen pflegte zueroͤrtern/ gezogen/ vnd noch taͤglich ziehen thaͤte.
Der vierzehende Discurß.
Wann ein Land reiff ist/ kompt die Straff. Neid bringt Streit/ vnd Enderung der Herꝛschafften/ wie in Geldern geschehen. Von einem vnartigen Sohn/ dardurch Geldern an das Hauß Burgund kommen. Keyser Maximilian bekriegt die Schwei- tzer vergeblich: Von der Schweitzer Anfang vnd Auffnehmen. Von dem Bawrenkrieg: Der Tyrannen Recht/ zur Straaff.
Platonis
Vrtheil von deß Menschen Verdammung: Woher jhm solch Liecht kommen: Vnd wie
Virgilius
mit jhm vberein- stimme.
N
Achdem der Roͤmischen Kirchen Widerspenstige/ so wol durch weltlichen Arm vnd Gewalt/ als durch vnnach- laͤssigen Fleiß vnnd besondere scharpffe Zucht der Or- densleut/ hindertrieben/ vnnd zurecht gebracht worden/ ward es ein geraume Zeit still in der Kirchen; Aber nicht anderst/ als wann ein bevorstehendes Vngewitter auff der See/ an den spie- lenden vnd Lufftspringenden Meerschweinlein wird vermuhtet/ wie dann gemeiniglich darauff erfolgt. Mag auch seyn/ daß die Cleri- sey/ so in tieffem Friede/ vnd hohem Ansehen/ bey zufliessendem
Reich-
ET RESTAVR. DISCVRS. XIV.
Reichthumb gelebt/ den zarten Wolluͤsten zuviel nachgehangen/ vnwachtsam worden/ aller Feinde/ wie vor jnnerlichen Empoͤrun- gen zugeschehen pflegt/ ohne Sorg/ die guͤldene Gefaͤß deß Heilig- thumbs mit bleyernen Haͤnden dargebotten/ die Guͤrten der heyl- sammen Kirchenzucht vbel angezogen/ oder etwa gar auffgeloͤßt/ vnd demnach allem bruͤtenden Vnheil/ Thuͤr vnd Riegel auffge- sperret; ja auch mancher sich gantz vnbesonnener Weiß zur Ge- genwehr gestelt/ mancher dem Widersprecher/ wegen verletzten Gewissens/ den Ruͤcken kehren muͤssen/ vnd nicht wenige gar vber- gelauffen sind/ vnnd jhre eygene Parthey verlassen vnnd verach- ten.
Vnd dieses geschah bald/ nach Eingang deß sechszehenden
Seculi,
als man zahlt nach vnsers Erloͤsers vnnd Seligmachers Geburt/ Ein tausend/ fuͤnff hundert/ vnd fuͤrters; damaln alles in der alten vnd newen Welt/ wie droben im Eylfften Discurß erzeh- let worden/ in Spalt- vnd Zerrüttung zufallen/ vnd dem Spruch Christi/ von Empoͤrungen aller Nationen vnd Voͤlcker/ von Miß- trawen vnd Verraͤhtereyen vnter den naͤchsten Freunden/ zuerfül- len/ anfienge/ auff daß jederman mercken vnd verstehen solte/ diese Neyge der Welt/ fuͤhrete den Reygen zu dem nechstfolgenden End deß Roͤmischen Reichs/ vnd zu dem endlichen Vntergang der gan- tzen Welt/ bey heranbrechen dem Juͤngsten Tag.
Jm Jahr 1499. fuͤhrete Keyser Maximilian Krieg in Gel- dern/ welcher dannenhero entsprossen.
Vmb das Jahr Christi 1079. erlangten die Graffen von Nassaw durch Heurath/ die Laͤnder Geldern vnd Zutphen/ bey wel- chen auch solche/ biß auff Reinholden den Dritten deß Namens/ vnd Eduarden seinem Bruder geblieben. Als aber diese Bruͤder sich gegeneinander verbittern lassen/ vnd in offentliche Vehde ge- rahten/ auch jhre Vnterthanen vnd Landsassen in Brunckhorsten vnd Hecker/ zu feindseligen Namen vnd Thaten/ zertrennet/ sind sie beyde/ Hertzog Wilhelmen von Guͤlch/ vermoͤge deß Kunckel- rechts/ alles zum besten/ gantz abgemattet/ verblutet vnd auffgerie-
T iij
ben/
GERMANIÆ PERTVRBATÆ
ben/ im Grab zu Ruhe kommen. Ein Thor laͤßt sich den Neid fressen/ daß ein frembder sein Kleyd vberkommen. Warumb goͤn- net er solches nicht seinem Bruder? Aber je besser Wein/ je schaͤrf- fer Essig: Das zaͤrteste Fleisch stinckt am vbelsten/ wann es faul wird. Doch konte der Guͤlcher den einen Schwager drumb ge- ben/ daß er deß andern queit wuͤrde.
Hertzog Wilhelms Bruder Reinhold der Vierdte/ wuste nicht/ wie jhm geschah/ als jene die Schuld der Natur mit Nutzen zahlt/ vñ keine Leibserben jhn hinderten/ er seines nunmehr so maͤch- tigen/ doch ohne Leibserben verstorbenen Bruder Wilhelms/ nutz- lichen Andenckens/ Wappen/ Helm vnd Schwerd fuͤhren solte. Doch thaͤte der Himmel ein Anblick auff Graff Arnold von Eg- mond/ vnd verschuff jhm/ wegen seiner Groß-Mutter Johannet- ten/ so dieses letzten Hertzog Reinholden leibliche Schwester war/ alle diese Laͤnder/ mit sonderlichem Gluͤck/ die abtruͤnnige Guͤlcher/ neben thewer erworbener Huͤlff bey Keyser Sigismund/ zubezwin- gen: Jn deme einigen sehr vngluͤcklicher Vatter/ daß er ein Sohn gezeuget/ Adolff genannt/ so das Regiment lieber an sich reissen/ als nach deß Vatters Tod/ erwarten wollen. Der sprach/ er wolte lie- ber in einen Brunnen werffen/ vnnd sich selbst hernach stuͤrtzen/ als sehen/ daß sein alter Vatter noch ferner/ nach den erfuͤlleten vier- tzig Jahren/ regieren solte. Nahm darauff seinen Vatter gefan- gen/ biß vber fuͤnff/ sechs/ oder sieben Jahr Hertzog Carln von Bur- gund/ den Sohn mit Kriegsmacht vberzog/ vnd den Vatter wider in die Regierung einsetzte/ in welcher er noch zwey Jahr gelebet: Der aber dem Sohn zur Straaff/ das Land dem Hertzogen/ sei- nem Erloͤser/ auß Danckbarkeit im Testament vermachte vnd v- bergabe/ wiewol es verkaufft hiesse/ als auch Hertzog Gerhard von Guͤlch gethan/ vnd mit achtzig tausend Rheinischen Guͤlden sich abkauffen lassen.
Da nun Hertzog Carlen vor Nantzey in Lothringen geblie- ben/ vnd Keyser Maximilian desselben einige Tochter/ vnd Erbin/ zur Ehe genommen/ auch solcher Gestalt alle An- vnd Zuspruͤche
auff
ET RESTAVR. DISCVRS. XIV.
auff diese Laͤnder erworben/ nahmen die auffruͤhrische Guͤnter die- sen vnartigen Adolphen auß dem Gefaͤngnuͤß/ vnnd machten jhn zum Feldobristen wider die zu Dorneck/ vor welcher Statt er in ei- nem Außfall das Leben verlohren. Seine Schwester Catharina wurd von den Staͤnden zur Regentin angenommen/ vnd stund dem Land vor/ wol fuͤnffzehen Jahr/ biß Carlen von Egmond/ jhres er- schlagenẽ Bruders Sohn zu Maͤnnlichen Jahren kommen. Die- ser Hertzog Carln hatte jmmer zustreiten mit Keyser Maximilian/ mit Hertzog Albrechten auß Sachsen/ mit den Hertzogen zu Cle- ve/ mit den Brabaͤndern/ Holl- vnd Frießlaͤndern/ lag bald vnten/ bald oben/ biß er sich endlich mit
Carolo V.
im Jahr 1527. vertra- gen/ daß/ da er ohne Leibserben/ die Schuld der Natur bezahlen wuͤrde/ seine Lande
Carolo V.
als Keyser Maximilians Tochter Sohn/ vnd rechtmaͤssiger Erbe/ heimfallen solten. Vnd als jhm vber eylff Jahr hernach ein anderer Sinn einfiel/ verglich er sich mit Hertzog Wilhelm von Guͤlch/ Cleve vnd Bergen/ wegen jhrer beyden Landschafften vnd
Succession
auff gebenden Fall: Der Guͤlcher regierte sechs Jahr/ wurd von
Carolo V.
vberwaͤltiget/ tratt jhm viel Lands ab/ vnd starb ohne Leibserben. Sein Sohn/ Hertzog Wilhelm/ hinderließ Hertzog Johann Wilhelmen (so im Jahr 1609. ohne Leibserben gestorben) vnd vier Toͤchter/ deren die aͤlteste Leoͤnora/ Marggraff Albrecht Friderichen in Preussen: Die andere/ Anna/ Pfaltzgraff Philips Ludwigen von Newburg: Die dritte/ Margretha/ Pfaltzgraff Johansen von Zweybruͤcken: Die vierdte/ Sibylla/ Marggraff Carlen von Burgaw/ geheu- ratet/ davon hernach weiter.
Als nun Keyser Maximilian in Geldern zukriegen hatte/ machten sich die Schweitzer an die Oesterreichische Land/ vnd wol- ten zu keinem Vertrag/ den die Staͤnde in Schwaben jhnen viel- faltig zumuhteten/ verstehen. Darumb erregt der Keyser das gan- tze Reich Teutscher Nation wider sie: Vnd ob man schon nicht mit eusserster Macht gefochten/ sind doch an vnterschiedlichen Orten/ bey manchem Treffen vber zwantzig tausend Mann auff- gerieben worden.
Vnd
GERMANIÆ PERTVRBATÆ
Vnd lehren diese Murmelthier alle Regenten/ wie sie vor sich selbst/ vnd dann durch jhre Voͤgte vnnd Amptleute dem Land/ als Vaͤtter/ vnd nicht/ als Tyrannen sollen vorstehen. Dann sich ja die Schweitzer auß keiner andern Vrsach vom Hauß Oesterreich ge- rissen/ weil vnter den Voͤgten kein Weibsbild jhrer Ehr vnnd Keuschheit/ kein Mann seiner Haab vnd seines Lebens sicher seyn wollen. Dann ob sie schon zur Zeit deß langwaͤhrenden Streits/ zwischen den Keysern vnd Baͤpsten sich zertrennet/ vnd in widrige Buͤndnuͤssen gerahten/ hat doch Keyser
Rudolphus I.
Fried vnd Einigkeit bey jhnen gestifftet/ vnd Reichsvoͤgte gesetzet/ daß die ver- triebene wider in das Land kommen moͤgen. Aber sein Sohn/ Ertz- hertzog Albrecht/ suchte sie wider vnter das Joch zubringen/ wolte im Geistlichen eben wol von jederman/ als ein Haupt erkannt seyn/ zog etliche Schloͤsser/ so zuvor den Kloͤstern zustaͤndig gewesen/ an sich/ vnd ließ die Regierung nicht mehr deß Roͤmischen Reichs/ son- dern vnter deß Hauses Oesterreichs Namen verwalten. Dieweil nun/ wegen veruͤbten Gewalts/ kein klagen geholffen/ vnd Tell/ der Vhrheber deß jetzigen Stands/ vor deß Vogts auffgesteckten Hut sich nicht beugen wolte/ vnnd seinem Soͤhnlein ein Apffel vom Haupt schiessen muͤssen/ auch im Fall er das Kind/ an statt deß Apffels/ troffen haͤtte/ gesinnet war/ den andern Pfeil dem Vogt in das Hertz zusetzen/ gabes Lerm vnd Auffruhr/ darbey die Schloͤs- ser den Oesterreichischen Herꝛn wider entzogen/ vnnd das Land in Freyheit gesetzt worden/ so geschehen/ im Jahr 1308. doch nahmen sie einen Reichsvogt an/ vom Keyser Henrichen dem Luͤtzelburger/ mit bedingter Freyheit. Gleich darauff hielten es Vry/ Schweitz vnd Vnterwalden mit Hertzog Ludwigen auß Bayern/ wider Her- tzog Friderichen auß Oesterreich/ die sich vmb das Keyserthumb zweyten. Hertzog Friderich ließ sein Sohn Leopold wider sie an- ziehen/ doch vergeblich/ dann er wurd zu Sempach erschlagen auff dem seinen/ von den seinen/ vmb das seine.
Jm Jahr 1332. tratt Lucern auch in den Bund/ vnd Anno 3511. Zuͤrich vnd Zug/ Anno 1357. Glaronn vnnd Bern/ da dann
ein
ET RESTAVR. DISCVRS. XIV.
ein ewige Fehde wider das Hauß Oesterreich geschlossen worden. Darumb wurd Zuͤrch zum drittenmal belaͤgert: Endlich tratten zu jhnen Fryburg/ Solothurn/ Schaaffhausen vnd Basel/ zuletzt auch Abbenzell. Diese Republic kam zu solchem Auffnehmen/ daß viel Potentaten jhrer Freundschafft/ Huͤlff vnnd Buͤndnuͤß/ auff gewisse Maaß begehrten. Weil nun wider sie nichts auß zu- richten war/ macht Keyser Maximilian ein ewigen Bund mit jh- nen/ vnd hub die Fehde gegen dem Hauß Oesterreich auff/ durch die Erbvereinigung/ welche
Ferdinandus I.
hernach ernewert vnd ver- mehret hat.
Auff diesen Schweitzerischen Schlag vermeynten die Vn- terthanen in der Luͤpfischen Graffschafft im Hegaw sich auch frey zumachen/ vbergaben jhrer Obrigkeit etliche Puncten von Jag- ten/ Fischereyen/ Frohndiensten/ Geltaufflagen/ vnd dergleichen/ so sie kurtzumb wolten geaͤndert haben. Solcher Vnsinn ergriff auch das Algaͤw/ auff der Alb/ vnd der Statt Vlm Gebieth/ also/ daß im Ried 14000. Mann zusammen lieffen/ die sich aber verkro- chen/ so bald deß Schwaͤbischen Bunds Oberst/ Georg Truchseß/ Freyherꝛ zu Waldburg/ sie mit Macht angreiffen wollen: Wie er dann mit etlichen Hauffen zum Schlagen kommen/ vnd jmmerdar mehr zuthun fand/ als wuͤchsen die Bawren auff der Erden/ wie die Regenwuͤrm/ doch wurd endlich die Sach vertragen.
Jm Odenwald warff sich auff Georg Metzler/ Gasthalter zu Ballenburg/ nahm Staͤtt/ Schloͤsser vnd Kloͤster ein/ bezwang den Adel/ vñ den Graffen von Hohenlohe. Ein anderer Hauff rot- tiert sich obig Hailbrunn/ vnd hausete sehr vbel am Necker: Begab sich in Taubergrund zu jhres gleichen/ den Fraͤnckischen Bawren. Jhr Fuͤrnehmen war/ keinen Fürsten/ Graffen/ Edelmann/ vnnd was Sporen truͤge: Deßgleichen keinen Pfaffen/ Moͤnch/ Non- nen/ noch Muͤssiggaͤnger leben zulassen.
Diß Kennzeichen vnd Losung hatten sie/ daß der eine sagt:
Was ist nun fuͤr ein Wesen?
V
Dar-
GERMANIÆ PERTVRBATÆ
Darauff der ander antwortet:
Wir moͤgen vor Pfaffen vnd Adel nicht genesen.
Die Statt Wuͤrtzburg ließ diese ein/ vnd sahe vber zwantzig tausend Mann vor dem Schloß in der Belaͤgerung.
Jm Brurein gieng es dergleichen her/ zu welchen sich die Marggraͤffischen geschlagen/ diese schrieben auß: Man solte mit Wehr vnd Waffen sich bey jhnen einstellen/ oder Leib vnd Lebens vngesichert seyn. Sie zogen herab nach Speyer/ vnd zwangen den Bischoff zu einem Vertrag/ vnnd achteten deß Pfaltzgraffen Churfuͤrsten nicht.
Jm Elsaß gab es gleiche Empoͤrung vnd Verwuͤstung/ also daß dreyssig tausend Bawren das Elsaßzabern belaͤgerten vnd er- oberten/ welche aber der Hertzog auß Lothringen geschlagen/ auch ein anderer Hauff von sechszehen tausend Mann bey Scherwei- ler zertrennt. Der Kleebergische Hauff gewann vnd verbrand das Schloß St. Rein/ dem Bischoff zu Weissenburg zustaͤndig/ sampt andern mehr Orten. Zu Nußbach bey Landaw/ lieffen die Bawren zusammen/ als wolten sie den Kleebergischen/ genannt der Kolben Hauff/ Widerstand thun; machten es aber eben arg/ nah- men Newstatt an der Hart ein. Churpfaltz ließ mit diesem/ vnd ei- nem andern Hauffen zu Westhofen handeln/ vnd vertrug sich mit jhnen.
Einen newen Lermen erweckt Pfaff Eisenhut im Craichgaw/ zwang jederman zuschweren; Ein Christlicher Mitbruder zuseyn: Jm Ampt Keyserslautern wurden die Auffruͤhrer von den Gehor- horsamen gedaͤmpffet: Aber Asmus von der Hauben/ machte zu Dirmstein so lose Haͤndel/ daß Churpfaltz mit Heeresmacht auß- ziehen muͤssen/ da Eisenhut den Kopff verloren/ Neckers-Vlm sich ergeben muͤssen/ bey Koͤnigshofen einen Hauffen/ auch einen an- dern bey Ochsenfurt/ am Mayn darnider gelegen/ Wuͤrtzburg vnd andere Ort/ auff ein newes geschworen vnd gehuldiget. Dann der Pfaltzgraff Churfuͤrst/ zog solcher Gestalt den Mayn herunter/
setzt
ET RESTAVR. DISCVRS. XIV.
setzt vber den Rhein/ erschlug bey Pfedersheim vier tausend Baw- ren/ nahm Staͤtt vnd Flecken wider ein/ belaͤgert Weissenburg/ vnd ließ die Sachen daselbst verthaͤdigen: Straffte etliche vbermuͤhti- ge Bawren/ so einen Graffen von Westerburg gezwungen/ jhnen zukochen/ vnd vor dem Tisch zudienen. Fast auff gleiche Weiß ergieng es in Hessen vnd Thuͤringen/ gab auch gleichen Lohn. Jn Francken wurden 293. Kloͤster vnd Schloͤsser zerstoͤret. Sie pfleg- ten die heilige Jungfraw Maria/ vnnd den Evangelisten Johan- nem vor das Wort zubrauchen/ sprachen das Gebet deß
Her
ren/ vnd den Englischen Gruß deß Tags sieben mal auff den Knien/ Sieg zuerhalten. Vnd diese Vnruh entstund Anno 1501. wurd im Jahr 1525. ernewert/ wie an seinem Ort soll erwehnet wer- den.
Aristoteles
hat nach dem Liecht der gesunden Vernunfft dar- für gehalten/ vnd jederman schrifftlich hinderlassen/ was den Vn- terscheid/ zwischen einem Regenten vnd Tyrannen mache/ naͤm- lich/ der Nutze. Dann/ welcher Regent alles zu seinem eygenen Nutzen richtet/ was auch den Vnterthanen vor Schaden vnnd Nachtheil darbey heim wachse/ der ist weit von einer Vaͤtterli- chen Regierung/ welche alles vmb der Kinder (der Vntertha- nen) willen thut/ vnnd an eygenen Nutzen nicht einmal gedencket. Gleich wie eine liebreiche Mutter jhrer eygenen Ruhe abbricht/ da- mit jhrem Saͤugling wol sey.
Es leget zwar Samuel der Prophet dem Volck Jsrael das Recht eines Koͤnigs fuͤr/ mit diesen Worten: Ewere Soͤhne wird er nehmen zu seinen Waͤgen vnd Reuttern/ die fuͤr seinem Wagen hertraben; vnd zu Hauptleuten vber tausend/ vnd vber fuͤnfftzig; vnd zu Arbeitsleuten/ die jhm seinen Acker bawen; vnd zu Schnit- tern in seiner Ernde; vnd daß sie seinen Harnisch/ vnd was zu seinen Waͤgen gehoͤret/ machen. Ewere Toͤchter aber wird er nehmen/ daß sie Apotheckerin/ Koͤchin vnd Beckerin seyen. Ewere beste Aecker vnd Weinberge/ vnd Oelgaͤrten wird er nehmen/ vnd seinen Knechten geben. Darzu von ewerer Saat vnd Weinberge wird er
V ij
den
GERMANIÆ PERTVRBATÆ
den Zehenden nehmen/ vnd seinen Caͤmmerern vnd Knechten geben. Vnd ewere Knechte vnd Maͤgde/ vnnd ewere feineste Juͤnglinge/ vnd ewere Esel wird er nemen/ vnd seine Geschaͤfft damit außrich- ten. Von eweren Heerden wird er den Zehenden nehmen/ vnd jhr muͤsset seine Knechte seyn. Dieses wird genant deß Koͤnigs Recht/ aber nach Heydnischer Weise/ wie sie selbst dem Propheten ant- worten: Es sol ein Koͤnig vber vns seyn/ daß wir seyen/ auch wie alle andere Heyden/ daß vns vnser Koͤnig richte/ vnnd fuͤr vns her- auß ziehe/ wann wir vnsere Kriege fuͤhren. Aber der
Herr
deu- tet es viel anders/ vnd spraach/ weil sie seine Richter/ die Er jhnen bald auß diesem/ bald auß einem andern Stamm gegeben/ vnd noch durch wundersame verliehene Sieg bestaͤttigt/ nicht wolten dulden/ haͤtten sie jhn selbst verworffen/ daß er nicht solt Koͤnig vber sie seyn. Ließ jhnen auch vber lange Zeit hernach verweisen/ Er haͤtte jhnen in seinem Zorn einen Koͤnig gegeben/ vnd befihlt/ sie sollen sich wei- sen vnd zuͤchtigen lassen/ dem
Her
ren mit Forcht dienen/ vnd mit Zittern sich frewen: Den Sohn kuͤssen/ daß er nicht zoͤrne/ vnd sie nicht vmbkommen auff dem Wege dieser jrꝛdischen Wander- schafft. Sie sollen nicht vnrecht richten/ vnd die Person der Gott- losen nicht fuͤr ziehen; sondern dem Armen vnd dem Waisen Recht schaffen/ dem Elenden vnd Duͤrfftigen zum Recht helffen; den Ge- ringen vnd Armen erretten/ vnnd auß der Gottlosen Gewalt erloͤ- sen. Sie seyn zwar/ wie Goͤtter geehret vnd gefoͤrchtet auff Er- den/ muͤssen sich dannoch von Gottes Gnaden schreiben/ als Kin- der deß Allerhoͤchsten: Ja/ sie werden auch dermal eins muͤssen sterben/ wie alle andere Menschen/ jhre Hohheit koͤnne deß Tods Mordsense nicht stumpff machen/ oder abwenden. Dann Gott sey Richter vnter den Goͤttern/ vnd werde sie/ wann sie jhnen nicht sagen lassen/ vnd solches nicht achten/ jmmmer hingehen im Fin- stern/ vnnd die Wolfahrt deß Volcks verabsaͤumen/ dardurch alle Grundvesten deß Landes/ endlich fallen muͤssen; ja/ wann sie/ als Tyrannen leben vnd regieren/ werden sie auch/ als Tyrannen zu Grund gehen.
Es ist
ET RESTAVR. DISCVRS. XIV.
Es ist nicht ohne/ wann das Maaß vberlaufft/ nimpt der
Herr
hinweg allen Vorraht/ Staͤrcke vnd Kriegsleute/ Rich- ter/ Propheten/ Wahrsager vnd Eltesten/ Hauptleute vber fuͤnff- tzig/ vnd ehrliche Leute/ Raͤht/ vnnd weise Werckleute/ vnd kluge Redner. Er gibt jhnen Juͤnglinge zu Fuͤrsten/ also/ daß Kindische vber sie herꝛschen. Jederweilen sendet er einẽ boͤsen Willen zwischen Abimelech dem Regenten/ vnnd den Maͤnnern zu Sichem/ oder Landstaͤnden/ daß einer den andern bezahlen muß. Gibt zu/ in sei- nem Zorn/ daß Satan ein frommen David reitzet/ das Volck zu zehlen/ vnnd vnnoͤhtigen Kriege anzufangen/ auff daß der Wuͤrg- Engel komme/ vnd mit dem Schwerd der Pestilentz darein schlage. Also wolte GOtt den Regenten dieser Zeit zeigen/ daß sie der Sa- chen zuviel thaͤten/ den Vnterthanen vngebuͤhrende Last auffleg- ten/ jhres Jagens vnd Banquetierens abwarteten/ vnd der Gerech- tigkeit wenig achteten; darumb wurd die Ruhte geschwungen/ vnd auch vmb etwas angezogen; aber wegen verhoffter Besserung/ wi- der hingelegt.
Die Bawren aber/ weil sie die Obrigkeit/ so jhnen der
He
rr/ entweder auß Gnaden verliehen/ oder auß Zorn gegeben/ nicht ge- ehret/ vnd mehr auff deroselben Fehler/ oder Vnachtsamkeit gese- hen/ als auff jhre eygene zumal straffbare Suͤnden/ haben muͤssen außessen/ wie grob sie es eingebrocket.
Wil man sich dann nun noch nicht bekehren/ so hat GOtt seinen Bogen gespannet/ vnd toͤdlich Geschoß darauff geleget/ ge- gen Obere vnd Vntere: Er vbet Gewalt mit seinem Arm/ vnd zerstraͤwet die hoffertig sind in jhres Hertzen Sinne. Er stoͤsset die Gewaltigen vom Stul/ vnd erhebet die Elenden. Darumb de- muͤhtige sich vnter die gewaltige Hand GOttes/ der zu seiner Zeit wil erhoben werden.
Anfangs regierte GOtt selbst auff Erden/ hielt Gespraͤch mit den Ertzvaͤttern/ vnd hatte Lust bey den Kindern der Menschen zuwohnen; aber/ als sie sich den Geist GOttes nicht mehr wolten zuͤchtigen vnd straffen lassen/ verließ Er den Erdboden/ der allent-
V iij
hal-
GERMANIÆ PERTVRBATÆ
halben/ wegen grosser Suͤnden/ gen Himmel schrye; verordnet gleichwol/ daß ein jeder Ertzvatter/ oder Haupt in seinem Stamm/ allen Anverwanden Recht vnd Straaff ließ widerfahren/ also/ daß ein Vatterhertz einer- vnd ein feindliche Forcht anderseits erblicke- te. Endlich/ wolten die Straaffwuͤrdigen sich nicht mehr vnter- werffen/ setzten jhre Koͤpff auff/ lieffen davon/ wie ein blinder Gaul/ der das Gebiß zwischen die Zaͤhn gefast/ den Springriemen zerris- sen/ vnd hinden vnd fornen außschlaͤgt.
Diesem rasenden Poͤbel nun ein Naaßband zugeben/ setzte GOtt willkuͤhrliche Richter/ die vnter den Thoren jeder Statt/ offentlich vor jederman vrtheileten/ auch bey vnvermuhtlicher Partheylichkeit jhre Ehrenstelle verlieren musten/ vnnd gar nicht Erb- oder eygenthuͤmblich regierten. Noch wolte sich die Welt nicht bessern/ oder foͤrchten; darumb stattet Gott solche Oberherꝛn/ die sich weder vor dem Himmelscheweten/ noch vor dem Abgrund entsetzten/ sondern auch wolfragen doͤrffen/ wer der
Herr
waͤre/ deme sie zugehorsamen haͤtten? Dannenhero sich auch alles Ge- walts vber jhrer Vnterthanen Gut vnd Blut/ Weib vnd Kind/ Leib vnd Leben anmasseten.
Es redet aber
Platon
in seinem
Gorgia
sehr wunderlich von diesem Handel. Die Menschen muͤssen allerdingen bloß gevrthei- let werden/ sintemal solches nach dem Tod geschehen soll. Es muß auch das Gericht selbst tod seyn/ weil es vber einen Toden gehet/ vnd zwar nach dem Gemuͤht allein/ wann dasselbe also bald nach ei- nes jeden vnverhofften Todsfall wird beschawet: Das jenige Ge- müht/ welches von allen Verwanden verlassen/ welches allen eus- serlichen Pracht hinder sich auff der Erd verlaͤßt/ auff daß das Ge- richt seinen rechtmaͤssigen Fortgang erreyche. Nach dem sie dann vor den Richter gelangt/ stelt sie
Rhadamanthus
(der strenge Rich- ter) vnd betrachtet eines jeden Seel; vnd achtet gar nicht/ wessen sie gewesen sey. Dann gemeiniglich/ wann er deß grossen Koͤnigs in Persien/ oder eines andern Potentaten vnd gewaltigen Gemuͤht/ wie es jhm vor kompt/ betrachtet/ findet er an demselben gar nichts
gesun-
ET RESTAVR. DISCVRS. XIV.
gesundes; sondern/ daß es mit vielem Meyneyd vnd Vngerechtig- keit/ als wie mit Streychen vnd Wundzeichen vberzogen/ derglei- chen eines jeden Thun vnd Lassen/ dem Gemuͤht angehaͤngt vnnd eingedruckt hat; da dann alles mit Lügen vnd Eytelkeit verwickelt ist/ ohne einige Richtigkeit/ dieweil ein solcher ohne die Warheit/ aufferzogen worden. Vber dieses ist ein solch Gemuͤht/ wegen deß freyen vngehinderten Stands vnd Muhtwillens zusuͤndigen/ wegen der Weibischen Geylheit/ vnd alles Thuns Vnmaͤssigkeit/ gantz verstelt vnd schaͤndlich. Wann dann erwehnter Richter/ das Gemuͤht so lasterhafftig bewand findet/ schickt er es stracks Fusses zum Gefaͤngnuͤß/ zu der wolverdienten Straaff.
Es geziemet aber jederman/ der von jemand rechtmaͤssiger Weiß gestrafft wird/ daß entweder er selbst sich bessere/ oder andern ein Exempel gebe/ damit/ wann andere seine Straaff ansehen/ auß Forcht sich anfangen zubessern. Wer aber bey GOtt/ vnd den Menschen also gestrafft wird/ daß er einige Nutzbarkeit darauß em- pfuͤnde/ der ist vnter solchen/ die vergebliche Suͤnden begangen ha- ben/ weil jhnen der Schmertz vnd die Qual beydes bey den Men- schen/ vñ bey den Verstorbenen befoͤrderlich ist/ dann man kan auff keinen andern Weg von der Vngerechtigkeit erlediget werden. Die aber in der eussersten Vngerechtigkeit stecken/ vnd wegen sothaner Missethaten nicht koͤnnen heyl werden/ die geben andern Exempel/ ob sie schon kein andere Nutzbarkeit vor sich selbst/ weil sie vnheilbar sind/ darvon tragen; dann sie nutzen nur allein den andern mit jhrem Exempel/ die sie/ wann sie wegen der Lasterthaten/ mit der allergroͤ- sten vnd erschrecklichsten Pein zu allen Zeiten gequelet werden/ als ein Exempel vnd Abmahnung anschawen/ wie sie dann bey den Ab- gestorbenen in dem Gefaͤngnuͤß allen Vngerechten/ so da hinunter fahren/ ein Schawspiel bleiben. Vnd halte darfuͤr/ es finden sich in deren Zahl/ so nur Exempel den andern geben/ sehr viel Tyrannen/ Koͤnige/ Potentaten/ Stattvoͤgte. Dann/ weil diese/ wegen Frey- muͤhtigkeit zusuͤndigen/ die allerschwaͤhresten vnd abschewlichsten Suͤnden begehen; kan doch nichts hindern/ daß nicht auch etwan
ein
GERMANIÆ PERTVRBATÆ
ein redlicher/ frommer Mann vnter denselben zusehen: Vnd ge- wißlich/ da ein solcher sich darthut/ dem soll man wundergrosse Ehr anthun. Dann es ist sehr schwaͤhr/ vnd vbergrossen Lobswuͤrdig/ daß der in grosser Freymuͤhtigkeit zusuͤndigen stehet/ ein vntadelich Leben fuͤhre/ auch findet man solcher Leut wenig. Dannes ist ja vn- ter den Gewaltigen der groͤste Hauff gottloß vñ verrucht. Derwe- gen/ wann
Rhadamanthus,
wie gesagt/ ein solchen betretten/ erkent er nichts anders anders an jhm/ nicht wer er sey/ noch von welchen Voraͤltern er entsprossen/ sondern/ ob er boͤß sey? Vnd wann er jhn also befind/ schickt er jhn in die Hoͤlle/ mit einem Zeichen/ ob er zu- heilen/ oder nicht zuheilen scheine? Vnd wann der Gesell dorthin kompt/ empfaͤnget er sein verdiente Straaff. Jederweilen aber be- schawet er ein ander Gemuͤht/ eines gemeinen/ oder andern Manns/ der Gottsfoͤrchtig vnnd auffrichtig gelebt hat (wie ich dann fuͤr- nemlich von den Philosophen halte/ die sich mit frembden Haͤndeln nicht beladen/ sondern das jhrige schaffen) demselben spricht er freu- dig zu/ vnd schickt jhn in die seligen Jnsuln.
Darumb ziehe ich dergleichen Reden zu Gemuͤht/ vnd beden- cke mich/ wie ich dem Richter ein gantz gesundes Gemuͤht koͤnne darbieten. Vnd eben deßwegen achte ich keiner Ehr/ so mir der ge- meine Poͤbel moͤchte anthun/ sondern betrachte die Warheit/ vnd befleissige mich hinfuͤro/ so viel mir jmmer muͤglich seyn wird/ als ein frommer Mann/ zuleben vnd zusterben. Vnd hier zu vermah- ne ich Jedermaͤnniglich nach Muͤglichkeit: Vnd schreye auch eben dich an/ zu einem solchen Leben vnd Kampff zukommen/ welchen ich bedawre/ ein jeder Mensch in diesem Leben vor allen Widrigkeiten außzustehen hat. Darumb straffe ich dich auch mit harten Wor- ten/ weil du dir alsdann nicht wirst helffen koͤnnen/ wann das Vr- theil vber dich selbst gehen soll/ vnd der Spruch/ von deme ich jetzt- erwehnte/ abgefasset wird. Du magst dieses wol fuͤr ein Maͤhr- lein auß der Spinnstuben halten/ vnd meine Wort in den Wind schlagen. Doch waͤre es fürwar nichts wunderliches/ wann du dieses verachtest/ aber einigerley Weiß was bessers suchetest/ auff
daß
ET RESTAVR. DISCVRS. XIV.
daß wir also etwas naͤher zu der Warheit kommen koͤnten. Nun aber siehestu/ da du vnd die andere zween Freunde solche Maͤnner seyt/ so vor die Allerkluͤgesten dieser Zeit gehalten werden/ gleichwol kein andere Weiß zuleben koͤnte vorschreiben/ als diese/ so auch an denselben Ort traͤget: Ja/ da in solchem Gespraͤch die andern vber- zeugt sind/ du allein vbrig bleibest/ vnd vnbeweglich bist. Man soll sich mehr huͤten vnrecht zuthun/ als zuleyden. Vnd solches soll ein Biedermann jmmer zu in Gedancken führen/ nicht/ daß er vor einen frommen Mann nur angesehen werde/ sondern/ daß er im Werck selbst/ vor der Gemein vnd im Hauß/ ein guter Mann seye. Der aber einiger massen boͤß ist/ gestrafft werde. Vmb dieser Sachen willen trawe mir/ folge mir dahin nach/ wo du im Leben vnnd im Tod wirst selig seyn. Nun gesetzt/ daß dich jemand verachte/ vnd vor einen Gecken halte/ auch nach seinem Belieben/ mit Schmach vnd Vnrecht belade; woltestu dich deßwegen bekuͤmmern/ wann du dergleichen etwas Hohn vnnd Spott zuleyden haͤttest? Dann/ wann du nur ehrlich vnd fromm mit der That bist/ auch dich der Tugend befleissest/ wirstu dannenher keine Beschwerde empfinden. So laßt vns nun diesen Weg/ den wir vor dißmal erforschet/ als ei- nen rechten Gelaitsmann/ vor vns nehmen/ dieweil er vns zeiget/ daß diß die beste Manier sey zuleben/ naͤmlich/ die Gerechtigkeit/ vnd dero anhaͤngige Tugenden/ so lang wir leben/ vben; vnd solcher Gestalt diese Welt gesegnen.
Vnd was mag dieses vor ein Liecht seyn gewesen? Schwaͤr- lich wird die Natur/ so viel gantzes nach dem ersten Suͤndenfall/ er- halten haben. Doch vermag das Nachsinnen viel/ wann die Ge- dancken das jrꝛdische verlassen/ das Gold in das waͤsserichte Meer werffen/ damit die Seel durch dasselbe nicht in die Tieffeder Sor- gen vnd Wolluͤsten (welche Dornen diese vermeynte Rooß vmbfas- sen) versencket werde. Allein waͤre die groͤste Beysorg/ es lasse sich etwan ein falsches Liecht hierbey vermercken/ sintemal auch Sata- nas sich in ein Engel deß Liechts verstellet. Vnd wann dann der Mensch von Andacht brennet/ wie ein Backoffen/ ist jhm desto
X
leich-
GERMANIÆ PERTVRBATÆ
leichter beyzukommen. Also werden die Jrꝛwische/ oder Nacht- liechter von denen/ so nicht wissen zurecht zukommen/ vor nachtbar- liche Liechter gehalten/ die aber den Trunckenen vnd Vnvorsichti- gen zu Schaden außleuchten.
Solcher Gestalt meynete
Platon,
wir solten/ als Christen/ vnd gesamptliche Bruͤder/ alles gemein haben/ auch wol die Wei- ber; welches auff gut Spartanisch (in welcher Statt
Lycurgus
ein solch Gesetz hatte gemacht) der Vernunfft nicht allerdings zu- wider/ aber mit Gottes Wort gar nicht vberein stimmet. Wann ich gleichwol/ neben andern vielen Puncten/ so bey erwehntem
Pla- tone,
als ein Blitz in finsterer Nacht/ vnd stocktruͤbem Vngewitter/ herfuͤr sticht/ auch diese erwege/ daß er von dem
Logo,
von dem selb- staͤndigen Wort Meldung thut/ verstehe ich/ daß solches von den Weisen in Egypten vnd Phoͤnieen/ vnd zwar von den Allerkluͤge- sten/ so Joseph hatte vnterwiesen/ an jhn/ als er in Kauffmannshan- del/ seine Raißkosten zugewinnen/ dieselbe Laͤnder durchwandert/ ist gekommen/ vnd als jenes Pfund ohne einigen Nutzen vergraben worden. Dann der heilige Geist wuͤrde sein Werck angefangen/ fortgesetzet/ vnd vollendet haben/ wann Er dasselbige Fuͤncklein hin- ein haͤtte geschoben. Doch essen die Huͤndlein von den Brosamlein/ so von der Kinder Tisch fallen.
Dem seye nun/ wie jhm wolle/ so bleibt dieses/ daß alle vnd jede Regenten (zumal auch die Clerisey) sich vor dem
Rhadamantho,
vorzusehen haben.
Es darff nach letztem End ein jeder nicht hingehen/
Wo jhn der Lust hinfuͤhrt;
Er muß vor allem Ding ein scharpff Gericht außstehen/
Wie es sich dann gebuͤhrt.
Manlegt gantz vnvermerckt das Looß vnd Zeugnuß hin/
Wann
Minos
solchs begehrt/
Doch kompt eins jeden Thun ohn Falsch jhm in den Sinn.
Auch was jenem beschehrt.
Rhad-
ET RESTAVR. DISCVRS. XV.
Rhadmanth ein strenger Herꝛ nicht fern von dannen wohnet/
Damit er wissen koͤnt/
Was Trug vnd Hinderlist ein jeder sonst gewohnet/
Auff Erden vnbekaͤnt;
Wer die gestolne Freud heimlich gehalten hat/
Die Buß biß auff den Tod
Verschoben; heutschet/ biß sie jhr Missethat
Bekennen in Noht.
Sagt
Maro:
Welches alles dann Teutschland mag erfahren
haben.
Der fuͤnffzehende Discurß.
Wie Pfaltz Heydelberg vom Keyser/ wegen eines Erbfalls in Bayern/ vberzogen/ in die Acht erklaͤrt/ vnnd wider versoͤhnet worden. Warumb die Craiß deß Reichs in einander vermen- get seyen: Von Frantzoͤfischer vnd Spanischer Macht. Auch Bayrischer Abstattung/ wegen geleysteter Huͤlff. Daß Land vnd Leut mit Gelt nicht zuzahlen. Von Zwyspalt zu Trier/ vnd den Auffstand im Wendischen Land: Auch Keyser Maximi- lians Tod/ vnd hinderstelliges Vorhaben.
D
er
Bayrische Krieg fieng an/ Anno Christi 1504. als Hertzog Georg der Reiche/ gestorben/ vnnd ein einige Tochter vnd Leibserbin hinderlassen/ welche mit Pfaltz- graff Ruprechten/ deß Churfuͤrsten Sohn vermaͤhlet/ das gantze Erb/ Lehen vnnd Allodial-Guͤter an sich ziehen wolte: Darwider sich die andere drey Bayerfuͤrsten/ Wilhelm/ Ludwig vnd Ernst/ setzten. Dieses glimmende Fewer wuste der Koͤnig in Franckreich wol auffzublasen/ damit er dem Hauß Oesterreich/ welches juͤngst alle Burgundische Koͤnigreiche vnd Laͤnder/ durch Heurath an sich gebracht/ vnd dem Koͤnig in Franckreich Schat-
X ij
ten
GERMANIÆ PERTVRBATÆ
den vnd Hindernuß machte/ einigen Abbruch thun koͤnte/ dann er verreytzte dem Churfuͤrsten seinen Sohn Ruprechten mit aller Macht/ wider deß Keysers Außspruch/ daß/ naͤmlich/ die Lehen bey dem Hauß Bayern bleiben muͤsten/ bey zustehen/ wiewol jhn der Keyser trewlich vor seinem vnvmbgaͤnglichen Schaden warnete/ vnd Amptswegen abhielte. Aber die Frantzoͤsische vnd Boͤhmi- sche Huͤlff/ neben der Hoffnung/ so schoͤner Laͤnder/ vbertraff wei- sen Raht/ daß der Churfuͤrst Philips daruͤber in die Acht gerahten/ vnd vom Keyser der seiner leiblichen Schwester Soͤhnen Ampts- wegen/ Hülff leystete/ vberzogen vnd gestrafft worden. Dann er die Boͤhmen bey Regenspurg geschlagen/ so gerieht Franckreich zu einem Rohrstaab Egypti/ vnnd ver weilet alles/ wegen anderer Hindernuͤssen: So thaͤten die Fuͤrsten vnd Staͤnde/ denen der Key- ser die Execution der Acht anbefohlen hatte/ als Wirtenberg/ Nuͤrnberg/ Hessen/ Zweybruͤcken/ Leiningen/ in der Obern- vnd Vntern Pfaltz/ mit Brennen vnnd Wuͤrgen grossen Schaden. Endlich/ vnterhandelt Marggraff Christoffel von Baden so viel/ daß der Churfuͤrst etliche Staͤtt vnd Schloͤsser/ die er vom Reich zu Pfand hielte/ fahren ließ/ vnnd auff einem Reichstag zu Coͤlln beym Keyser wider außgesoͤhnet ward.
Also siehet man/ wie ein jeder bey dem seinen soll bleiben/ vnd weil billige Friedensmittel vorgeschlagen werden/ solche nicht fah- ren lassen. Dann Pfaltzgraff Ruprecht solte ein dritten Theil fahren lassen/ vnd die andere zwey dritte Theil sein Lebetag genies- sen: Doch ließ der Keyser seinen Kindern vom Muͤtterlichen Erb/ das Fuͤrstenthumb Newburg wider einraͤumen/ vnd nahm von sei- ner Schwester Soͤhnen die gelaistete Huͤlff auff dem Naͤgelein be- zahlt/ dardurch viel Flecken/ Zoͤlle vnd andere Gerechtigkeiten an Oesterreich kommen.
Man wunderte sich dazumal vber drey Ding/ daß der Keyser den Pfaltzgraffen Churfuͤrsten/ so bald wider zu Gnaden angenom- men/ vnd bey weitem nicht so hart gestrafft/ als er/ nach etlicher Meynung/ zuthun befugt gewesen/ vnd leichtlich thun koͤnnen.
Fuͤrs
ET RESTAVR. DISCVRS. XV.
Fuͤrs ander/ daß er Pfaltzgraff Ruprechten Kindern so gute Brocken von dem Muͤtterlichen widerfahren lassen/ welches allem Ansehen nach/ verwircket/ vnd verspielt war/ auch eygentlich zu den Erb- vnd Lehenlaͤndern gehoͤrete.
Drittens/ daß er so scharpffe Rechnung gemacht/ vnd bezahlt genommen.
Was das erste belanget/ daß der Churfuͤrst zu Heydelberg so bald wider versoͤhnet vnd eingesetzt worden/ mag wol deß Keysers Hertz vnd angeborne Milde dessen die Hauptvrsach gewesen seyn; wie er dann vber wenig Jahr hernach/ den gedemuͤhtigten Vene- tianern eine scharpffe Lection gegeben. Es solte sich keiner seines Reichthumbs/ oder Gewatls vberheben/ sondern allezeit an das wanckende Gluͤck gedencken/ was es jederweiten vor Dücke bewei- se: Vnd er zurselben Zeit allgemach zu seinem Toden-Sarck sich genahet. Wann man aber bedencket/ daß er einsmals/ als man von deß Churfuͤrsten Pfaltzgraffen Thun vnd Lassen Anregung gethan/ es moͤchte vielleicht der Churpfaͤltzische Stamm sich su- chen an Oesterreich zuraͤchen/ gesprochen: Man haͤtte sich nicht vor den gehoͤrnten/ sondern vor den gefluͤgelten Pfaltzgraffen zube- sorgen/ ist leicht zuerachten/ daß der Keyser das gewaltige Auffneh- men deß Hauses Bayern gefoͤrchtet. Aber GOtt ernidriget vnd erhoͤhet: Die Schwaͤbische Herꝛn sind gantz auffgerieben/ vnd wer gedenckt mehr an der Roͤmer Stamm vnnd Name/ der Griechen vnd Assyrier zugeschweigen?
Daß nun auch fuͤrs ander/ deß fuͤr Leyd verstorbenen Pfaltz- graff Ruprechts Kinder/ so gute Laͤnder an der Thonaw erhalten/ mag wol auß Mitleyden auch geschehen seyn: Aber gewißlich/ da- mit ein beleydigter Fuͤrst/ von einem so grossen Hauß/ jmmerdar ei- nem Nachbarn koͤnt ins Land fallen/ wann man jhm nur ein wenig wincken solte. Vnd wird diese Regul bey der Roͤmer Regierung sonderlich gemercket/ daß sie allezeit dem Schwaͤchsten beygestan- den/ vnd also den Maͤchtigsten gedaͤmpfft/ auch vber den geringern Lehenherꝛn blieben/ vnd endlich Vrsach funden/ einen mit dem an-
X iij
dern
GERMANIÆ PERTVRBATÆ
dern zuverschlingen. Daß nun alles so wol hat muͤssen/ vnd zwar mit Landschafften bezahlt werden/ waͤre sich nochmaln zuverwun- dern/ wann man nicht wissete/ daß grosse Herꝛn jmmerdar einem Wassersuͤchtigen zuvergleichen/ deme das viel ein gegossene Was- ser den Durst so wenig loͤschet/ daß er jmmer mehr vnd mehr begehrt zutrincken. Die Burgundische Laͤnder waren bereits angefaͤsselt/ vnd seinem Sohn durch Heurath angewachsen; noch muste Bay- ern auch etliche Schwingfedern außropffen lassen/ vnd noch dan- cken/ daß die Laͤnder mitten in Bayern wider zusam̃en gewachsen: Ob schon etwas am Rand vnd Bord lag/ als Abschnitzel/ an Oe- sterreich kommen.
Es ist aber auch dieses zumercken/ daß ein jeder gern seine Macht beysammen/ Circkel/ oder Dellerweiß haͤtte/ damit alle Stuͤck desto ehe ein ander beyspringen/ vnd die Regenten auß dem Mittelpunct desto fuͤglicher an alle Ende die Straalen jhres Anse- hens/ vnd Krafft jhres Arms außwerffen koͤnten. Vnd mag wol ein sonderliches Bedencken gewesen seyn/ warumb vor alters die Craiß deß Roͤmischen Reichs Teutscher Nation nicht beysam- men/ sondern jnn- vnd durcheinander verwickelt/ daß einer in dem andern liegt/ wie etwan der Planeten-Lauff/ in der Benachbarten Feld gehet vnd durch streichet/ bald vber/ bald vnter den andern lauf- fet: Ausser allem Zweiffel/ auff daß ein Craiß auff den andern Ach- tung gebe/ daß keiner zu weit greifft/ sondern jmmer zu gedencke/ der Nebencraiß werde keine Vnbilligkeit dulden/ vnd den Vnterdruck- ten beyspringen. Hingegen aber koͤnte rechte Vertrawlichkeit vn- ter den Staͤnden sich vermehren/ vnd allem bevorstehenden Auff- lauff vorgebogen/ vnd fuͤrnemlich verhuͤtet werden/ daß nicht etwan ein Craißoberst sich zum eygenwilligen Haupt wider den Keyser/ vnd das Reich auffwerffe/ weil eine zerstrewete Macht nicht so leichtlich kan zuhauff gebracht/ vnd in Durchzuͤgen mag verhin- dert werden. Vnd wer siehet nicht/ daß eben darumb Franckreich allem eusserlichen Gewalt widerstehet/ nach dem es die Engellaͤn- der außgeschafft/ vñ Hoch- vnd Nider Britannien an sich gebracht
hat/
ET RESTAVR. DISCVRS. XV.
hat/ weil seine Macht Dellerrund liegt/ vnd sich in einander schliest/ wie die Felgen an einem Rad: Spanien aber weit groͤssere Macht hat/ welche aber mit Verlust vieler Zeit/ vnd grossen Gelts/ auch Vngelegenheit der Mittellaͤndern/ schwaͤrlich zusammen kompt/ vnd destoweniger außricht.
Dieses betrachtet Maximilian/ vnd gedachte die Oesterrei- chische Land recht zufassen/ vnd keinem Nachbarn die Thuͤr offen zulassen/ sonderlich in Tyrol/ da man sich/ im Fall der Noht/ auß dem flachen Feld setzen/ vnd den Feind abmatten koͤnte. Vnd war- umb solte dieses Stuͤcklein den grossen Herꝛn nicht erlaubt seyn/ da es doch die gemeine Leut im Brauch haben/ vnd einen Acker nach dem andern/ eine Wiese nach der andern an sich reissen/ biß man an die Wilderungen vnd Berge kompt? Zumal der Siegsfuͤrst alle Gesetz frey/ dem Vberwundenen vorschreibet/ was er wil/ wann er je keinen newen Gewalt zufoͤrchten. Jn deme die Waffen klingen/ die Heerpaucken erschallen/ die Trompeten blasen/ die Carthaunen donnern vnnd blitzen/ ist kein Gehoͤr; die Gesetz muͤssen alsdann schweigen/ oder vngehoͤrt ruffen/ sagt
Marius.
Vnd weil Faust- recht mit Gewalt vordringet/ kan man sich keiner Rechnung ge- troͤsten/ als nur deß betrieglichen/ eygennuͤtzigen Thierleins
Raison d’Estat:
Vnd durch diesen Fund liessen die Hertzogen auß Bey- ern/ wiewol vngern/ erwehnte Stuͤck/ dahinden.
Jch verstund verwichener Zeit einen Politischen Discurß/ der diese gegenwaͤrtige Zeiten gegen der Verflossenen hielte/ vnnd dem Churfuͤrsten in Bayern nicht vngleich gab/ daß er seine dem Hauß Oesterreich gelaistete Hülff wol bezaͤhlt nehme/ weil es also mit obigem Exempel koͤnte beschoͤnet werden. Ein anderer meyne- te/ der Fehler wer darinnen vorgangen/ daß Maximilian was Ey- genes an Erstattung der angewanden Kriegskosten; Chur Bayern aber aber was Vnrichtiges vnd Anspruͤchiges angenommen/ auch deß wegen im Contract sich der Eviction vnd Schadloßhaltung versichern lassen: Ein Dritter gab den Widersinnischen Ein- schlag/ weil Oesterreich damaln oben geschwebet/ vnnd dem Hauß
Bayern
GERMANIÆ PERTVRBATÆ
Bayern vmb schwaͤhre Bezahlung gedienet; newlich aber das Hauß Bayern ein gleiche vnd groͤssere Huͤlff dem Hauß Oester- reich er wiesen/ koͤnten sie die Rechnung gegeneinander auffheben/ vnd das Vhralte wider einraͤumen. Darvon an seinem Ort ein mehrers.
Weil nun eben dieser Zeit Keyser Maximilian den Fuggern zu Augspurg/ die verpfaͤndete Graffschafft Kirchberg eygenthuͤm̃- lich gegen einem Stuͤck Gelts/ neben dem Freyherꝛn-Sand/ vnd Muͤntzrecht vberlassen/ ist leicht zugedencken/ wohin das Gelt ver- wendet worden/ vnd daß an statt eines verkaufften Erbes/ ein viel bessers die Luͤcke stopffen muͤste. Vnd was kan ohne Gelt/ sonder- lich in dem Krieg/ verrichtet werden? Dasselb ist bey den Armen das Leben/ bey dem Reichen der Pracht/ bey dem Potentaten die Macht; doch mit dem Vnterscheyd/ daß der Arme dessen wenig be- darff/ vnd durch seiner Haͤnd Arbeit/ oder den Bettelstaab seine Notturfft leicht erwerben kan/ (ein Armer Mann soll nicht viel haben) ein Reicher dessen bald verlustiget wird/ ohne Hoffnung/ die außgeflogene Voͤgel wider in das Nest zubringen: Ein Po- tentat aber/ wann er nur haͤußlich (nicht/ wie ein Burgersmann/ sondern/ wie ein Fuͤrst) bey seinen Vnterthanen einen vnerschoͤpff- ten Brunn hat. Wie dann eben dieser Keyser dem Geitz feind ge- wesen/ vnd als jhm einsmals grosse Summen an Baarschafft ein- kommen/ bey eyteler Nacht seine treweste Diener zu sich gefordert/ vnd jhnen angezeigt/ weil er vor der Baarschafft nicht ruͤhig schlaf- fen koͤnte/ moͤchten sie solche vnter sich theilen: Die dann hierinn dem Keyser von Hertzen gern gefolget/ vnd Ruhe verschafft. Also begegnet er dem hoch muͤhtigen Frantzoͤsischen Abgesanden/ der auff seines Koͤnigs Macht vnd Baarschafft pochte/ vnd dem Keyser gleichsam Armuht/ oder Mangel vorwarffe/ in dem er also bald sei- nem gantzen Hoff anbefohlen/ sie solten verschaffen/ daß er auff den folgenden Tag ein ansehenliche Baarschafft beysammen finde. Worinnen sie sich so eyfferig erzeigten/ daß der Frantzoͤsische Abge- sand daruͤber verstummen müssen/ als er so vnsaͤgliches Gelt jnner-
halb
ET RESTAVR. DISCVRS. XIV.
halb vier vnd zwantzig Stunden/ gesehen zuhauff tragen/ vnd an- gehoͤrt/ wie der Keyser sich gegen seinen trewen Vnterthanen be- dancket: Er begehrte vor sich nichts/ sondern suchte nur seine Leut reich zumachen/ auff daß er auff einen vnversehenen Nohtfall/ nicht muͤste stecken bleiben.
Vnd da Land vnd Leute nicht besser waͤren/ gewisser vnd ve- ster/ wuͤrden die Fugger/ die erwehnte Graffschafft/ wol vngekaufft gelassen: Ob schon einer deß Geschlechts/ an dem Chur-Saͤchsi- schen Hoff sich wollen weit herauß lassen/ vnd die Baarschafft den Laͤndern vorziehen/ weil auch bey dem Kriegswesen/ auß Mangel Gelts/ viel gute Anschlaͤge Krebsgaͤngig wurden/ vnd die Voͤlcker sich verlieffen/ oder nicht auffbringen liessen. Den Churfuͤrsten verdroß das Gespraͤch vmb etwas/ antwortet zwar zur Stund/ man finde keine alte Geschlechtregister/ daß die Kauffmannschafft/ sampt grosser Baarschafft/ solcher Gestalt fortgeerbet/ wie man von Fuͤrsten vnd Herꝛn wisse: Hielt doch Raht/ vnd begegnet dem Fugger den folgenden Tag/ als er jhn wider auff diese Rede ge- bracht/ mit solchem Erbieten: Man wuͤste bekaͤnntlich/ was ein Baum/ so man einen Stamm nennet/ vor Nutzen bringe/ die Ma- stung zutragen/ Haͤuser vnd Schiff zubawen/ auch den Menschen im Winter zuwaͤrmen/ vnnd jederzeit seine Nahrung zufoͤrdern. Dannenhero eine Rechnung leichtlich zumachen/ an welchen Preiß/ nach Lands Beschaffenheit/ ein Stammbaum zusetzen wer. Dannoch wolten jhre Churfuͤrstliche Durchl. jhr gantzes Land/ Staͤtte/ Schloͤsser/ Flecken vnd Doͤrffer/ Zoͤlle vnd Renten/ Aecker vnd Wiesen/ Muͤhlen vnd Teiche/ Obs vnnd andere Ge- straͤuch vnd Baͤumlein nicht zuzehlen/ noch zuschaͤtzen/ gern vmb baar Gelt verkauffen/ wann sie nur vor jeden Stammbaum einen einigen Heller haben moͤchten: Vnd da Fugger Lust haͤtte/ solte der Kauff/ wie geredt/ geschlossen seyn. Aber der Churfuͤrst behielt sein Land/ vnd jener sein Gelt/ dessen er ein vnd dreyssig tausend Guͤlden an drey Schiff gewand/ vnd mit den Portugiesen in Jn- dien lauffen lassen/ die in der Widerkehr/ vber allen abgezogenen
Y
Vn-
GERMANIÆ PERTVRBATÆ
Vnkosten/ von jedem Hundert an Gewinn bracht haben/ hundert vnd siebentzig.
Gleich nach hingelegtem Bayerischen Krieg entstund ein newe Vnruh in dem Ertzstifft Trier/ als der Dechet vnd die Capi- tularn mit etlichen Graffen strittig worden/ vnd dieselbe vor dem Bapst zu Rom verklagten. Weil nun der Keyser sahe/ daß hier- inn deß Reichs Hohheit geschmaͤhlert wuͤrde. Vnd in Sachen/ so weltliche Staͤnde/ wegen Land vnnd Lehen betreffe/ die Teut- sche Freyheit nicht vber das Gebuͤrg gehen solte/ thaͤt er ein Ab- mahnungsschreiben an das Stifft. Vnd als solches nichts verfan- gen wollen/ sie saͤmptlich in deß Reichs Acht/ dadurch es endlich zum Vertrag kommen. Nun war Maximilian vom Bapst noch nicht gecroͤnt/ vnd stelt sich in Jtalien nach Rom zuziehen/ dem Bapst/ vnd den hochmuͤhtigen Venetianern seine Macht zuzeigen/ muste aber sich durchschlagen/ vnd bracht den Bapst auff seine Seiten/ doch nur eine Zeitlang/ weil derselbig bald Frantzoͤsisch/ bald Baye- risch ward. Noch erhub sich/ neben andern vielen Empoͤrungen/ da der Graff von Leiningen/ wegen seines Zugs in Franckreich wi- der deß Keysers Verbott/ Land vnd Leut verloren/ der arme Cuntz (ein Auffruͤhrer der Bawren also genant) den Hertzogen von Wir- tenberg vertrieben/ der Raht in den Staͤtten ins Gemein/ von dem Poͤbel angefochten ward/ ein grosse Vnruh im Wendischen Land/ im Jahr 1517. entstund/ allda die Amptleut vom Adel/ die Vnter- thanen vnertraͤglicher Weise im Namen deß Keysers plagten/ biß zuletzt der zu hart gespannte Bogen entzwey geknallet. Darumb lieffen Landvolcks biß in Neuntzig tausend zusammen/ griffen den Adel an/ stuͤrmeten vnd legten die Schloͤsser zur Erden/ vnd wo sie eines vom Adel konten Meister werden/ thaͤten sie jhm alle Qual an/ schlugen jhm den Kopff endlich ab/ vnd steckten den auff einen Spieß/ als ein Freyzeichen. Vnd weil der Adel den Keyser vmb Hülff anruffte/ thaͤte das Landvolck auch seine Entschuldigung/ sie waͤren im Namen deß Keysers schier lebendig geschunden; vnd weil sie sich versehen/ solches seiner Majestaͤt Will vñ Wissen nicht waͤ-
re/ das
ET RESTAVR. DISCVRS. XV.
re/ das Land mit taͤglichen newen Schatzungen/ biß auff die Beine zuschinden/ haͤtten sie/ jhr Leben zuerretten/ gegenwaͤrtige Noht- wehr ergreiffen muͤssen. Der Keyser sahe durch die Finger/ biß der Muhtwill gestrafft/ vnd zu Genuͤgen vergolten schiene. Da aber der tolle Poͤbel nicht nachließ/ vnnd jmmerzu weiter griff/ ohne Schew der Gerechtigkeit: Auch die Kloͤster pluͤnderte/ vnnd den Adel stuͤrtzten/ vnd vor jhr eygene Schloͤsser zun Fenstern hinauß henckte/ schickt er achthundert verlohrene/ nackende Landsknecht an sie/ mit einem gar kleinen reysigen Zeuglein/ die laͤgerten sich in ein kleines Staͤttlein. Da kam der Schwarm/ vnd vmbleget den Ort Rings vmb/ wie die Hewschrecken: Darauff die in der Statt/ als mehr auß Verzweiffelung zuentrinnen/ dann sich durchzu- schlagen/ sondern nur jhre Haut desto thewrer zuverkauffen/ fielen herauß/ wie die grimmige Loͤwen/ machten den Schwarm Hertzloß vnd fluͤchtig/ da doch solche grosse Menge das Staͤttlein mit jh- ren Filtzhuͤten vnd Stieffeln zu decken/ vnd sie alle darinn ersticken koͤnnen. Da war nur Wuͤrgen vnd Niderstossen; die Entrunnene haͤngt man Dutzetweiß an die Baͤume/ der Brandschatzung zu- geschweigen.
Jn deß vertrug der Keyser Frantz von Sickingen/ mit der Statt Wurms/ wie auch mit dem Bischoff von Trier/ da grosser Muhtwill an der Clerisey/ auch mit Außschneiden veruͤbet gewe- sen/ welches der Keyser zwar nicht eben gut geheissen/ doch auch/ weil er mit jhrem Geitz vnd Simoney vbel zufrieden/ vnd die juͤng- ste Trierische Vnruhe noch nicht vergessen war/ geschehen lassen: Auch wol ein Jahr vor seinem End/ als der Hertzog von Wirten- berg in die Acht zu Augspurg erklaͤrt worden: Vnd Luther allge- mach herfuͤr kroche/ gesagt: Man solte jhm diesen Moͤnch wol ver- wahren/ er wuͤrde jhn wider die Clerisey noch wol zugebrauchen ha- ben. Er starb aber den 12. Januarij im Jahr 1519. vnd haͤtte/ da er noch Juͤnger gewesen waͤre/ ohne zweiffel/ mit der Clerisey einige Reformation anfangen wollen: Sonderlich aber/ das vhralte Key- serliche Recht/ daß/ wann ein Ertz-Bischoff/ oder Praͤlat Tods
Y ij
ver-
GERMANIÆ PERTVRBATÆ
verfahren/ all desselben Baarschafft/ angelegt Gelt/ Fahrnuß/ Vie- he/ vnd anders/ nicht deß Verstorbenen Freunden/ sondern dem Keyser heimgefallen/ wider einfuͤhren/ ob schon Otto auß Sach- sen/ solches Anno 1208. fallen lassen haͤtte.
Bekannt/ daß im Jahr 1613. der damalige Keyser deß Abts von Crembsmuͤnster verlassene Baarschafft/ so vber viertzig tau- send Guͤlden sich belauffen/ vnd das Silbergeschirꝛ vor zwantzig tausend Guͤlden geschetzt/ zu seiner Cammer genommen. Nun hatte sich
Fridericus III.
im Jahr 1447. mit Bapst
Nicolao,
vmb mehrer vnd bestaͤndiger Einigkeit also vergleichen/ daß die Jta- lianische Laͤnder/ dem Roͤmischen Stul solten voͤlliglich bleiben: Dargegen aber nunmehr vnd hinfuͤro/ insonderheit in Teutsch- land/ die Clerisey dem Roͤmischen in
Civilibus \& Realibus
weiter nicht/ sondern allein in
Personalibus
vnterworffen; Vnd daß die Roͤmische Keyser/ die/ so dem Roͤmischen Stul
immediatè
vnter- worffen/ zuvor/ vnd ehe von dem selbigen bestaͤttiget waͤren/ mit den
Regalibus civilibus,
auch Land vñ Leuten nicht zubelehnen schul- dig seyn sollen. Darbey es doch nicht blieben/ in dem Anno 1460.
Pius II.
mit diesem Keyser/ vñ vmb desselben willen/ mit
Theodo- rico
von Ysenburg/ damaligen Ertzbischoff vnd Churfuͤrsten zu Maintz/ ein newes Gezaͤnck angefangen hat/ daruͤber auch erstge- dachter Ysenburger/ vnd seine Freunde/ mit
Adolpho
von Nas- saw/ vnd dessen Helffern/ in kostbare/ langwirige Kriege vnd Blut- vergiessen gerahten/ biß sie sich vber drey Jahr hernach verglichen/ welche Vergleichung doch nach
Friderici III.
Ableiben/ im Jahr 1493. bey seinem hinderlassenen einigen Sohn
Maximiliano,
biß ins Jahr 1519. vnter
Alexandro VI. Iulio II.
vnnd
Leone X.
jmmer zu gewancket/ vnd kein rechten Bestand gehabt; in dem ne- ben anderm Julius die Rechtshaͤndel/ wie wegen Trier erwehnt/ nach Rom bescheyden/ vnd jhme zwey Schwerdter vortragen las- sen/ den geist- vnd weltlichen hohen Gewalt dardurch anzudeuten. Auff welche Meinung Maximilian/ Julium/ mit Huͤlff der Reichsstaͤnde/ abzusetzen/ vnnd vmb Abwendung fernern Kriegs
vnd
ET RESTAVR. DISCVRS. XV.
vnd Blutvergiessens/ den Namen vnd Gewalt/ wie droben erweh- net worden/ eines Bapsts/ an das Keyserthumb zuhefften/ vnd zu- verbinden gedachte; also/ daß die beyde Schwerdter nicht dem Bapst zu Rom/ sondern dem Teutschen Keyser vorgetragen wuͤrden: Angesehen Melchisedech/ ein Koͤnig vnd Priester/ Moy- ses/ ein Hertzog vnnd Kirchen-Verwalter/ Samuel/ ein Hoher- priester vnnd Richter/ David/ ein Prophet vnd Koͤnig gewesen waͤre/
Iulii Cæaris,
vnd der vbrigen Keyser/ biß auff
Gratianum,
zugeschweigen.
Vnd ob es schon das Ansehen hatte/ als waͤre Maximilian nicht vngeneigt/ der Clerisey den weltlichen Gewalt vber Land vnd Leut zubenehmen/ vnnd jhnen nach dem ersten Muster der Apo- steln/ den Weg zur Kirchen in den Chor zuzeigen: Bewiese er doch im Jahr 1512. auff dem Reichstag zu Coͤlln/ daß er viel von dem Roͤmischen Stul hielte/ als er den Reichs-Abschieden ließ einver- leiben/ es solten alle Concilien/ so in Franckreich vnd Jtalien sich wider Julium versamlet/ vnnd etwan geschlossen haͤtten/ nichtig seyn. Von jhnen beyden sagten die Kriegsknecht zum Sprich- wort: Julius gebe einen guten Keyser/ vnd Maximilian einen gu- ten Pfaffen.
Der sechszehende Discurß.
Von Martin Luthers Geburt/ Eltern/ vnd Studieren. Daß der Ablaß/ wegen eines Kirchenbawes/ vnd eines
Pallii,
wie auch wegen deß Tuͤrcken angefangen/ von vngluͤcklicher
Cruciata,
vnd Ablaßpredigt: Auch Staupitzen vnzeitigem Eyffer.
S
O kommen wir dermal eins auff Martin Luthern/ vnd seine Helffer. Er ward gebohren im Jahr 1483. nicht den 22. Octob. wie etliche wollen/ sondern den 10. No- vember an S. Martins Abend/ daher jhm auch sein
Y iij
Tauff-
GERMANIÆ PERTVRBATÆ
Tauffname gegeben worden/ zu Eißleben/ in der Graffschafft Mannsfeld/ vnter dem Stifft Halberstatt/ in Nieder-Sachsen. Vnd weil sein Geburtstag vngleich verschrieben worden/ hat jhm auch
Gardanus
ein andern
Horoscopum
gesetzt/ als
Ionctinus.
Vnd finden sich vber kurtz/ wegen dieser Zeit vnterschiedene Be- dencken bey den Gelehrten: Vnter anderem/ daß/ wie der Ge- burtstag deß beruͤhmten Kirchenlehrers
Augustini
in
Africa
eben zu der Zeit eingefallen/ als Meermann/ oder
Pel
a
gius
in Groß- Britannien außgeheckt worden: Vnd wie Luther kam/ das Bap- sthumb anzufechten/ also
Ferdinandus Cortesius,
Marggraff zu Jvalla/ gebohren zu Medelin in Spanien. Die Barbarische vnd wilde Leut in der andern Welt/ vnter deß Bapst Gehorsam zu- bringen/ herfuͤr getretten. Vnd etwas naͤher zukommen/ gescha- he ein andere
Metamorphosis
in
Biscaia,
als in Asien vnd Africa: Dann
lgnatius de Loyola
schier einer Zeit mit
Luthero
gebo- ren/ hatte lange Zeit vor einen dapfferen Kriegsmann gedienet/ legt aber Schwerd vnd Spieß nider/ kroch in eine Moͤnchskutten/ fieng ein newen Orden an/ nicht nur die Vnglaubige zubekehren/ son- dern auch die von der Roͤmischen Kirchen Abgetrettene/ wider zu- gewinnen.
Vnd weil schon vorlaͤngst die vorwitzige vnd spitzfuͤndige Key- ser sich belustiget hatten/ der Roͤmischen Kirch den Namen/ vnd die Zahl deß Thiers/ oder deß Antichrists/ nemlich/ sechshundert sechs- zig sechs/ auß der Offenbarung Johannis auffzubuͤrden/ in deme sie in der Zahlder Griechischen Buchstaben deß Woͤrtleins
Latei- nos,
die erwehnte Zahl 666. (wie auch jüngst in etlichen Buͤchern zu Venedig/ vnd anderstwo gedruckt/ in diesem
PaVLoV. VI Ce Deo
) gefunden/ vnd damit den Romanisten Verdruß thaͤten; setz- te man jhnen auff Roͤmischer Seiten entgegen/ gemelte Zahl der 666. waͤre ebenmaͤssig in diesen Worten
Lautherana, item, Saxo- neios-
vnd dann
Martin Lauther,
zufinden.
Von Luthers Eltern schreibet
Matthesius,
sein Vatter Hanß Luther/ waͤre ein Bergmann gewesen/ vnd auß dem Dorff
Mohren
ET RESTAVR. DISCVRS. XVI.
Mohren bey Schmalkalden/ gen Eißleben Haͤußlich gezogen zu- wohnen/ vnd haͤtte sich mit seinen zween Schmeltzoffen vnd Burg- gut ernehret/ auch noch Anno 1530. gelebet/ wie auß einem Trost- schreiben
Lutheri
an jhn zuvernehmen/ wie auch auß einem andern/ daß seine Mutter Margretha noch in Anno 1538. gelebet. Vnd ob man schon Roͤmischer Seiten fuͤrgibt/ es haͤtte sich Satan in einen Kauffmann verstelt/ vnnd mit der Margrethen/ als einer Bader- magd/ fleischlich vermischet/ vnnd also diesen Martin gezeuget; so hat doch
Cochlæus,
seiner fuͤrnehmbsten Widersachern einer/ hie- von also geschrieben. Es sind Leut/ die fuͤr gewiß außgeben/ Luther sey von einem vnreinen Geist/ vnter der Gestalt eines Bulen gezeu- get; vnd bringen zum Zeugen/ ein altes andaͤchtiges Weib/ die zu Leipzig wohnete/ vñ Luthers Mutter/ so vor Zeiten in der gemeinen Badstubẽ zu Eißleben gedienet/ wolgekant; auch von einem Juͤng- ling/ den sie fuͤr ein solchẽ Beyschlaͤffer gehalten/ gehoͤrt haͤtte/ der sie auch geschwaͤngert/ ehe sie võ jhrem Mann/ Johan Luthern/ erkant worden. Wir binden vnsern Glauben nicht an diese Außsag/ ob sie schon in Druck ist kommen/ sondern legen dem Leser vielmehr seine selbst eygene Wort/ die er von sich selbst Teutsch hinderlassen/ fuͤr/ ꝛc. Es mag eine verwechselte Rece von der Lehr auff das Leben seyn gezogen worden; weil weder der Bapst selbst in seiner Bull/ noch der Keyser in der Achtserklaͤrung im geringsten hievon nichts mel- den. Darumb wissen die Lutheraner die Legenden; von
S Francisco
vnd
S. Dominico
dargegen zuhalten/ also/ daß beyde Theil mit glei- cher Muͤntz sich bezahlen/ vnnd wider hoͤren/ was sie in den Wald ruffen.
Als nun Luther mit seinem Vatter von Eißleben nach Manß- feld verruͤckt/ hat er daselbst vnter
Georgii Æmilii
Vatter mit der andern Jugend gelernet. Vnd weil man sonderen Lust zum Stu- dieren bey jhm sahe/ verschickt jhn sein Vatter zu hoͤheren Schu- len/ erstlich gen Magdeburg mit Johann Reineck/ als er vierzehen Jahr alt war/ vnnd mit den armen Schuͤlern auff der Gassen vor den Haͤusern ein gantzes Jahr lassen singen. Zu Eisenach vnter- hielt jhn ein erbare Matron vier Jahr/ biß er sich nach Erfurt be-
geben/
GERMANIÆ PERTVRBATÆ
geben/ vnd daselbst im zwantzigsten Jahr seines Alters/
Magister Artium
mit Ruhm worden. Jhm gefiel die Juristerey vor andern Facultaͤten/ wurd aber davon abgeschreckt/ als er mit seiner Bekan- ten einem auff dem Feld spatzieren gieng/ vnd auß einem vnversehe- nen Wetter seinen Gesellen jhm ander Seiten zu tod/ vnd jhn selbst zu Boden geschlagen/ welches/ wie er selbst schreibet/ im Jahr 1504. geschehen. Dieser Streich gieng jhm so tieff zu Hertzen/ daß er jhm fuͤrnahme/ sich der Welt abzuthun/ die Juristerey fahren zu- lassen/ ja gar in ein Kloster zugehen.
Ein gleiches wird von
Valdo
zu
Lyon
in Franckreich/ von welchem die Waldenser jhren Namen bekommen/ geschrieben. Dann es soll derselbige sich einsmals/ als ein außgelassenes Welt- kind/ in der Vorfaßnacht bey der lustigen Bursch gefunden/ vnnd biß Nachmitternacht der Kurtzweil vnd Vermummerey theilhaff- tig gemacht haben: Als er aber einen auß dem Mittel/ von dem Schlag gaͤhlingen niderfallen/ vnnd mitten in der Vppigkeit ster- ben sehen/ in sich selbst gehende/ der Welt abgesagt/ vnnd doch das Klosterleben gemeidet/ gleichwol ein anders eingezogenes angefan- gen haben. Aber Luther gieng auff
Alexii
Tag/ im ein vnd zwan- tzigsten Jahr seines Alters/ mit der seinigen hoͤchsten Bekuͤmmer- nuͤß/ in das Augustiner Kloster zu Erfurt/ aber gerade zu der Zeit/ als sieben Kloͤster sich wider jhres Generals
Vicarium
gesetzt hat- ten. Er besucht auch die Vniversitaͤt Heydelberg/ vnnd erlangt grossen Ruhm. Darumb er im Jahr 1507. von Staupitzen nach Wittenberg/ im sechsten Jahr der
Academi
beruffen worden/ vnd zwar zum Predigampt; deme gleich die
Profession Theologiæ
folgete.
Als auch der beruͤhrte Streit/ vnter den Augustiner Ordens- bruͤdern hefftiger fortgieng/ wurd er Anno 1511. von gemelten sie- ben Kloͤstern/ nach Rom versand/ jhr Recht daselbst zu fuͤhren/ weil er ein verschlagener Kopff/ vnd zu dergleichen Haͤndeln/ vor andern tauglich ward erfunden.
Nach vollendeter Raiß/ naͤmlich/ im Jahr 1512. wurd er auff
deß
ET RESTAVR. DISCVRS. XVI.
deß Churfuͤrsten Vnkosten
Doctor Theologiæ.
Nun hatte er einen lebendigen vnd munteren Geist/ ein herꝛlich Gedaͤchtnuß/ vnd wolgeloͤste Zung/ konte seine Gedancken leichtlich vnd geschwind zuverstehen geben/ die Zuhoͤrer bewegen vnd leyten: War darne- ben arbeitsam vnd vnverdrossen/ großmuͤhtig vnd keck. Kein einiger Sophist dorffte es mit jhm wagen/ weder in Philosophischen/ noch Theologischen Strittigkeiten/ also/ daß er Gunst fand/ nicht allein bey den Studenten/ denen er
Aristotelem
vorlase/ sondern auch bey dem Volck/ als er anfieng auff die Cantzel zusteigen. Was nun Luthern in Harnisch brachte/ war zuforderst der Ablaß/ den Bapst
Leo X.
durch die gantze Occidentalische Christenheit/ vnd im Jahꝛ 1517. durch Teutschland liesse predigen/ vnd zwar vmb zweyer be- kanten Vrsachen/ weil er ein sonderlichen Baw zu Rom wollen außfuͤhren/ vnnd weil der Tuͤrck weit vmb sich greiffe/ auch den Christen von Tag zu Tag nur schroͤcklicher wurde. Den Baw hat Bapst
Iulius
II.
vber alle massen kostbarlich angefangen/ vnd wegen vnzeitigen Ableibens vnvollkommen verlassen. Es war zwar diese S. Peters Kirch/ wie viel andere/ von
Constantino
dem Grossen/ praͤchtig genug mit Gebaͤw vnd Zugehoͤr versehen/ auff verschiedene Zeilen sehr grosser Saͤulen/ als man hernach/ vnd biß auff diese Zeit nicht mehr macht/ gesetzt: Weil sie nun mit der Zeit schadhafft worden/ vnd sich ansehen ließ/ als wolte sie zerfallen/ hatte jhm der Bapst vorgenommen/ nicht eben was schadhafft/ welches am besten waͤre gewesen/ zuverbessern/ sondern den Baw abzutragen/ vnd zu einem vbergrossen vnd erschroͤcklichen Werck von newem auffzufuͤhren; wie man dann noch auff den heutigen Tag/ an den Pfeilern/ Gewoͤlbern vnd Saͤulen/ die/ als hohe Thuͤrn in die Lufft hinauff gefuͤhret sind/ abnehmen kan. Vnd solches auff dem Bedencken/ daß/ gleich wie die Roͤmische Kirch al- len andern Kirchen in der von der Welt an/ Macht vnd Wuͤrden/ wegen Petri Vorzug/ vorleuchtet vnd vorgehet; also auch Petri Kirch an Groͤsse vnd Herꝛlichkeit deß Gebaͤwes gegen allen andern den Vorzug erhalte. Es war aber
Leo X.
der Julio im Bapst-
Z
thumb
GERMANIÆ PERTVRBATÆ
thumb gefolget/ freygebigen Gemuͤhts/ mehr geneigt/ Gelt zuver- schwenden/ als zusamlen. Vnd als er zu dem Vnkosten sich mit Baarschafft nicht genugsam versehen fand/ auch die ordentliche Jntraden gar nicht dahin reychten/ ließ er/ damit ein so hochan- sehenliches Werck nicht hinderstellig bliebe/ den Ablaß/ wie son- sten zu mehrmalen geschehen/ predigen/ auff daß/ wo nicht jeder eyf- ferigen Christen Haͤnde/ doch derselben Mittel/ vnd zustewren/ zu dem angefangenen Baw befoͤrderlich waͤren/ nicht zweifflend/ sol- ches niemand beschwaͤrlich fallen solte.
Vnd hierzu gab jhm fernern Anlaß/ das Ertzbischthumb Mayntz/ welches in schwaͤre Vnkosten vnd Schulden-Last/ durch fruͤhzeitiges Absterben jhrer Ertzbischoffen/ war gerahten. Dann Berchtold/ Fuͤrstlicher Graff von Henneberg starb im Jahr 1505. Jacob Liebenstein/ ein Fraͤnckischer vom Adel/ im Jahr acht: Vnd Vriel von Gemmingen/ im Jahr Vierzehen. Weil nun die Wahl auff Albrecht/ Marggraffen zu Brandenburg fiel/ vnd er das
Pallium,
so mit vielen Ceremonien zu Rom verfertiget wird/ vnd ein jeder Ertz- vnd Bischoff daselbst/ mit grossem Gelt/ bey dreyssig tausend Guͤlden zumal/ muß außloͤsen/ durch auffge- nommene Gelder erlangt hatte/ erdacht er diesen Fund deß Ablaß/ doch mit dem Beding/ daß die Helffte von den Ablaßgeldern/ dem Bapst zu jetztgedachtem Kirchenbaw gereycht wurden.
Vnd weil auch dazumal
Selym,
Tuͤrckischer Keyser/ mit sei- nen Waffen die gantze Welt erschreckte/ daß Auff- vnd Nidergang vor dem Geschrey seiner sieghafften Kriegsleute/ zitterten/ nach- dem er den
Sophi,
die Sultanen/ vnd die Mammalucken erlegt/ auch viel Koͤnigreiche vnter sich gebracht/ bildet er jhm selbst ein/ die gantze Welt zumeistern. Welschland vnd Hungarn hatten des- selben Augen manchmal an sich gezogen/ in besonderer Erwegung deß grossen Ruhms/ so Rom/ die Koͤnigin der Voͤlcker/ Jtalien/ die Beherꝛscherin der Laͤnder/ von Altersher getragen. Darumb dach- te er sich ein zufurieren/ S. Peters Kirch zu Rom/ vnd S. Ste- phans Dum zu Wien/ seinem Muhamet zuweyhen/ vnd Mo-
scheen
ET RESTAVR. DISCVRS. XVII.
scheen darauß zumachen. Regiersuͤchtiges Gemuͤht belustigte sich vber
Iulii Cæsatis,
vnd
Alexandri Magni
Thaten/ vnd vermeinte nicht zuruhen/ biß er die Christen gaͤntzlich vnterdruckt haͤtte. Die- ses alles war dem Bapst wol wissend/ darumb verordnet er Beten vnd Fasten/ gieng sampt dem gantzen
Collegio
der Cardinaͤln mit blossen Fuͤssen viel Kirchfahrten/ verschickte seine Abgesanden an die Potentaten der Christenheit/ den Cardinal
de S. Sixto,
an den Keyser; den Cardinal
de S. Maria,
an den Koͤnig in Franckreich; den Cardinal
Ægydium,
an den Koͤnig in Spanien; vnd den Car- dinal
Campegium,
in Engelland: Vnd befahl diesen Koͤnigen bey Straaff deß Banns/ entweder jhre Strittigkeiten hinzule- gen/ oder doch ein Stillstand der Waffen auff fuͤnff Jahr lang zu- machen. Der Keyser vnd der Frantzoß gelobten in eygener Person den Zug zuthun. Zu
Bologna
versamleten sich/ neben dem Bapst/ viel Fuͤrsten/ machten einen Bund/ den Krieg auß
Europa
in Asien zuverlegen/ vnd den
Selym
heimzusuchen. Dann der Keyser solte mit den Teutschen/ Vngarn vnd Polacken auff Constantinopel: Der Koͤnig in Franckreich/ sampt den Schweitzern/ Venetianern/ vnd Jtaliaͤnischen Fuͤrsten in Griechenland. Die Koͤnige in Spa- nien/ Portugall vnd Engelland mit zweyhundert Kriegsschiffen/ neben deß Bapst hundert Galleren anziehen/ vnd den Erbfeind auff einmal zu Wasser vnd zu Land angreiffen/ vnnd zu solchem Ende wurde das Creutz/ oder
Cruciata,
an allen Orten geprediget. Die- se
Cruciati,
oder mit dem Creutzbezeichnete Kriegsleute haben den Ottomannischen jederzeit ein Schrecken eingejagt/ vnd den Ma- homet etwan so weit gebracht/ daß er an Bapst
Pium
diese Wort geschrieben: Jch bin nicht schuldig an dem Tod Christi/ vnd bin ein Feind der Juden/ die Jhn gecreutziget haben. Warumb waffne- stu dann deine Leut wider mich? Warumb verheissestu Vergebung der Suͤnden/ denen/ die mich bekriegen werden?
Wie nun das Gelt/ der Nachdruck/ oder die Krafft deß Kriegs ist/ vnd ohne dasselbige kein Krieg gefuͤhret kan werden/ als hat man auff alle Mittel vnd Wege gedencken muͤssen/ Gelt zumachen/ da- mit ein so hoher Anschlag widerden
Selym
fortgesetzt wuͤrde. Zu
Z ij
sol-
GERMANIÆ PERTVRBATÆ
solchem Ende ist ein allgemeine Geltsamlung in der Christenheit angesagt/ vnd ein
Iubilæum
auff acht Jahr geprediget worden/ die jenige zu reichen Allmosen vnd Stewren zubewegen/ die solchem heiligen Krieg nicht konten in eygener Person beywohnen/ alles zum Baw/ vnd zum Krieg. Dann es ist bey den Roͤmischen Chri- sten ein altes Herkommen/ daß man in Nohtfaͤllen/ die geistliche Schaͤtze deß Ablaß eroͤffne/ vnd durch solches Mittel Huͤlff vnnd Beystand/ zu Beschuͤtz- vnd Erhaltung deß Christlichen Namens/ erlange/ vnd den Leuten den Weg zum Paradeiß/ durch Mittel vnd Zuthun der Buß/ deß Gebets vnd der Allmosen bereyte. So gar haben sich die Baͤpste dieses Mittels/ zu Beschuͤtzung der Kirchen/ gebraucht/ als offt etwan ein Fuͤrst sich geluͤsten lassen/ dieselbe an- zufechten/ aber zu vnterducken; in massen geschehen zu Zeiten
La- dislai,
Koͤnigs zu Neapels. Ja noch heutiges Tags ist die An- lag der Cruciaten in Spanien gebraͤuchlich/ vnnd ein jegliches Hauß gibt zween Real/ oder zwantzig Creutzer/ aber die Reichen geben achte. Vermittels/ welcher Cruciaten die Besatzungen in Jndien/ wider die Tuͤrcken vnd Mohren vor Zeiten erhalten wor- den/ vnd belieffen sich auff zwo Millionen Golds. Dergleichen Collecten bewilliget der Bapst jederweilen in Spanien vnnd Jta- lien/ wann etwan ein grosser Herꝛ der Christenheit ein ansehenlichen Dienst erwiesen; welches aber in Franckreich vnnd Teutschland nicht Herkommens ist.
Man findet auch sonsten in Historien/ daß vnter dem Bapst
Innocentio III. Iacobus de Vitriaco,
das Creutz wider die Al- bigenser in Franckreich geprediget/ gleich wie
Gregorius
IX.
wi- der Keyser Friderichen thun lassen. Sonderlich aber wurde viel Volcks vnd Gelts wider die Saracenen gesamlet/ das heilige Grab wider zuerobern. Doch kam ein
Nuncius Apostolicus Anno
1242. vnd hinderhielts mit grossem Vnwillen deß Volcks. Dann es stund in der Schlesien etwas gefaͤhrlich/ wegen der Tartarn/ die schon Preßlaw zerstoͤret hatten/ vnnd alles ohne Widerstand/ vnter die Fuͤß geworffen. Doch wolte der gemeine Mann anfangen zu
arg-
ET RESTAVR. DISCVRS. XVI.
argwohnen/ ob die Freygelder zu andern Sachen/ als zu den Zuͤgen wider die vnglaubige Tartarn vnd Saracenen verwendet wuͤrden. Vnd solcher Wahn ist bey den Leuten gestaͤrcket worden/ als
Car- dinalis Strigoniensis
im Jahr 1515. alles zum Auffbruch bereit fand/ mit dieser Gnad vnd Ablaß; welcher auff sein eygenen Kosten den Zugthaͤte/ der haͤtte Vergebung aller seiner Suͤnden/ vnd im Faller vmbkaͤme/ fuͤhre er von Mund auff zu der Schar der heili- gen Blutzeugen.
Viel zogen auff mit Weib vnnd Kind/ verkaufften alles/ in Hoffnung/ sich zu Constantinopel/ wie sie vertroͤst waren/ zusetzen. Vnd diese hieß man die Creutziger/ vnd kamen vnterhalb Ofen zu- sammen/ in einem flachen Feld. Als nun die Sach inmittelst sich vertrug zu einem Frieden/ verwundert sich jederman. Also wurden die Creutziger/ deren etliche jhr Hauß vnd Hoff darauff verkaufft/ abgeschafft/ vnnd mit trutzigen Worten wider nacher Hauß ge- schafft. Da kam ein grosser Vnwill in den Hauffen/ vnd erhub sich ein einhellige Empoͤrung: Einmal vor alle/ sie wolten den Zug vollenden/ vnd widersetzten sich deßwegen
Ladislao,
dem Koͤnig in Vngarn/ machten etliche Schiff mit Wein preiß/ zerstoͤreten etli- che Schloͤsser vnd Kloͤster in derselben Gegend/ vnd bestürmeten et- liche Bischoͤffe. Es fiel aber/ auß Befehl deß Koͤnigs/ G
aff Hauß Weywoda in sie mit Heereskrafft/ erlegt sie auff das Haupt/ vnd fuͤhret jhren Koͤnig gefangen nach Ofen. Jhr Koͤnig Jaͤckel- Joͤrg/ den sie im freyen Feld erwehlet/ stieß man an einen Pfal/ vnd brichte jhn/ als einen Vogel/ nach dem sie jhn mit einer eisern Cron gecroͤnet: Andere wurden enthauptet/ andere gespießt/ das vbrige Haͤufflein erschlagen/ also/ daß jhrer sehr wenig wider nach Hauß gelangt. Dannenhero gab es seltzame R den vnnd Vrtheil/ als haͤtte man den Leuten das Gelt abgeschwaͤtzt/ einen Schatz in der Engelburg zu Rom zumachen: Der Baͤpstische Abgesande waͤre mit Gelt bestochen gewesen/ ja/ solch Gelt/ welches zu einem heili- gen Zugangekuͤndiget/ erlegt vnd gesamlet/ waͤre bey dem Roͤm. Hoff nur an Suͤssigkeit verwendet/ zumal erschollen. Der Bapst
Z iij
haͤtte
GERMANIÆ PERTVRBATÆ
haͤtte Magdalenen seiner leiblichen Schwester/ die
Francisco Ci- bo,
einem natuͤrlichen Sohn
Innocentii
VIII.
vermaͤhlet war/ was vom Ablaß durch gantz Sachsen vñ dieselbe Refier/ biß an das Meer hinan kommen solte/ verehret. Vmb gedachten Heurats wil- len war
Leo
zum Cardinal gemacht/ da er 14. Jahr alt war: Vnd das ist der Anfang gewesen/ dadurch das Hauß
Medices
zu geistli- cher Hoheit ist erhoben worden. Solche Freygebigkeit erzeigte
Leo
gegen seiner Schwester/ damit er denen vom Hauß
Cibo
die Vnko- sten erstattete/ die sie hatten thun muͤssen/ als sie sich lustig nach Ge- nua begaben; dann sie nicht mochten zu Rom bleiben/ so lang
Ale- xander
VI.
es mit den Florentinern hielte/ die denen vom Hauß
Medices
auffsetzig waren/ vnd sie auff Florentz getrieben hatten.
Leonis
Schwester nun/ damit das/ so jhr geschenckt worden/ wol eintragen moͤchte/ befahl die Muͤh vnd Sorg den Ablaß zuverkuͤn- digen. Dem Bischoff Arembold/ welcher/ als ein Genuesischer Hauptmann/ die Personen nach jhrem Gelt achtete/ vnd seine Die- ner handeln liesse. Die dann nit den Augustinern/ nach hergebrach- tem Brauch/ sondern den Predigern die Verkuͤndigung an- vnd v- bergetragen; jhres vppigen Lebens allerseits zugeschweigen. Vnd dieser Vnwill setzte sehr tieffe Wurtzeln durch gantz Teutschland/ daß man anfieng/ die Clerisey zuhassen/ auff jhre Fehler vnd Gebre- chen mehr vnd zuvor zumercken/ ja sie gar anzufeinden/ als welche den einfaͤltigen Buͤrger- vnd Bawersmann vnter dem Schein der Gottseligkeit/ zu solchem Zug bewegt/ vnd in Verderben gestuͤrtzet haͤtte/ da doch nicht bald einer von den Geistlichen/ ausser etlicher weniger Moͤnchen/ sich auff die Fahrt zumachen begehrte. Einmal ist gewiß/ daß der Tuͤrck in aͤngsten gewesen/ vnd der Sachen fuͤrzu- bawen/ Pest vnd Ofen 14. Jahr hernach eingenom̃en/ aber Wien vergeblich belaͤgert.
Wegen jetzterzehlten Collecten von Ablaß/ vberkam Albertus/ Marggraff zu Brandenburg/ Ertzbischoff zu Maintz/ vnd Chur- fuͤrst/ dißfals allen Gewalt vom Stul zu Rom/ Krafft dessen er ei- nem Jacobiner/ Johann Tetzeln/ diese
Cruciatam
durch Teutsch-
land
ET RESTAVR. DISCVRS. XVI.
land zupredigen anbefohlen/ inmassen gedachter Tetzel/ auch zuvor sich zu eben dergleichen Enden Teutschen Orden/ von der Mosco- witer Gewalt zuretten/ in Lieffland hatte gebrauchen lassen. Aber
Iohannes Staupitius,
ein geborner Saͤchsischer vom Adel/
Vica- rius generalis
Augustiner Ordens/ beklagte sich/ daß er dißfals zu- ruͤck gesetzt/ vnd vberschritten waͤre/ wider alle Gewonheit/ vnd vn- denckliches Herkommen; suchte auch sich/ wegen empfangenen Schimpffs/ mit Gelegenheit zuraͤchen. Weil nun der Churfürst in Sachsen newlich die hohe Schul gestifftet/ vñ reichlich begabet/ auch mit starcken Besoldungen Gelehrte Leut dahin gezogen/ rich- tet er auch auf ein newen Dum zu allen Heiligen/ verordnet Jonam zum Probst/ vnd Carlstatt zum Ertzdiacer: Ließ das Heiligthumb mit grossem Kosten herbey bringen/ einfassen/ vnd dem Volck auff die Heerfest mit grossem Andacht zeigen. Darumb auch der Bapst jhm durch Miltitzen/ von dem hernach ferner/ die gebenedeyte Rooß verehren/ auch zur Schul vnd zum Dum/ was man nur begehrt/ willfahrte. Wie nun der Churfuͤrst ein frommer Herꝛ/ vnd leicht- glaubig/ Staupitz aber in grossem Ansehen bey jhm/ als zu allen Dingen tauglich/ geuͤbt vnd klug in Regimentssachen war/ bracht jhm Staupitz vor/ da die Ablaßpredigten jemand anders/ als seinem Orden anvertrawet wuͤrden/ gerichte es jhm/ vnd seinem gantzen Orden/ zu sonderlicher Verkleinerung/ sintemal die Augustiner sich jederzeit vmb den Roͤmischen Stul wol verdienet hatte; vnd be- redete den Churfuͤrsten/ es lieffen viel Mißbraͤuche mit vnter/ vnd verordnet Luthern/ wie gemelt/ darwider zupredigen/ alles vnter dem Schutz deß Churfuͤrsten. Aber Tetzel vnterließ nicht/ seine Bruͤ- der hin vnd wider außzuschicken/ vnd die
Cruciatam
so wol Muͤnd- lich/ als schrifftlich/ wider die jenige zuvertheydigen/ welche sich er-
kuͤhnten/ das Ansehen der Kirchen/ vnter dem Schein einigen Mißbrauchs/ vnd vngebuͤhrlichem Verhaltens/ deren/ so den Ablaß brachten/ an- zugreiffen.
Der
GERMANIÆ PERTVRBATÆ
Der achtzehende Discurß.
Daß die jnnerliche Trennungen die gefaͤhrlichsten; Wie die Prager hohe Schul vergangen: Vnd vier Moͤnch zu Bern ver- brand worden. Was Luthern vor Vortheil hierauß zukommen. Wer sich jhm widersetzt? Vom Ablaß außfuͤhrlicher Bericht.
S
O fiengen dann nun die Augustiner an/ wider den Ab- laß/ als eine Huͤlff deß Heils zuschreyen/ vnd machten die andaͤchtige/ freygebige Gemuͤhter der Teutschen kaltsinnig/ ja/ die Clerisey/ wegen Geitz vnd geistlicher Dieberey verhasset: Jn dem Tetzel mit seinem Anhang/ sich auß allen Vieren wehrete.
Da nun diese zween harte Stein so hart auff einander stiessen/ vnd zusammen schlugen/ sprang ein solches Fewer herauß/ das bald hoher Lohe außgeschlagen/ vnd ob es schon etwan geloͤscht schiene/ wider außgebrochen/ vnd je staͤrcker auffgangen. Was nun das alleraͤrgste bey einem jnnheimischen Krieg in einer Republic ist/ das fand sich auch dazumal in der Kirchen/ da kein außlaͤndischer Feind/ als Tartarn/ Saracenen/ oder Tuͤrcken/ Vngarn/ Gothen/ oder Wenden/ welche vor Zeiten die Christenheit verwuͤstet/ vnnd den Glauben an den Sohn GOttes vnterdruckt haben; sondern es ge- richten die jenige in vnversoͤhnlichen Mordzanck/ deren Orden den Roͤmischen Stul zu vnterstuͤtzen/ vnd dem Abfall zustewren etliche hundert Jahr zuvor waren herfuͤr kommen/ vnd neben sehr grossem Reichtumb zu fuͤrtrefflichen Freyheiten auffgestiegen. Derglei- chen jnnerliche Kranckheiten/ wann sie einmal angesetzt/ lassen sich schwaͤrlich anderst/ als durch die Verwesenheit außheilen.
Ein nicht vngleicher Streit vervrsachte vor selbiger Zeit/ daß sich die Vniversitaͤt zu Prag getrennet/ als naͤmlich/ die Teut- schen die Verwaltung derselben vnter Koͤnig
Wenceslao,
wolten
behaup-
ET RESTAVR. DISCVRS. XVII.
behaupten/ wie sie dann jhnen von dem ersten Stiffter gebuͤhrete/ vnd Johann Huß die Studenten/ sonderlich die Boͤhmen an sich gezogen/ welche den Meister spielen wollen/ vnnd vervrsachet/ daß auff einen Tag etliche tausend (24000. oder 40000.) Studen- ten mit hellen Hauffen von Prag nach Leipzig vnnd Erfurt sich begeben.
An diesem Ort haͤtte der Baͤpstische Stul bedencken sollen/ was im Jahr 1509. zwischen den Predigern vnd Barfuͤssern sich zugetragen/ als sie so hefftig vber der Empfaͤngnuͤß der Jungfraw Marien zanckten/ in deme die Barfuͤsser sie ohne Erbsuͤnde/ gantz rein; die Prediger aber allen andern Adams-Kindern/ in diesem Stuͤck wolten gleich haben. Doctor Wigand/ Predigermoͤnch/ dorffte die heilige Kirchenvaͤtter in seinem Buͤchlein/ alle eines Jrꝛ- thumbs bezuͤchtigen; daß es auch zu Bern in Schweitz lose Haͤn- del abgeben.
Dann vier Prediger Moͤnch der Observantz/ naͤmlich/ der
Prior, Supprior,
Predicant vnnd Schaffner/ einen einfaͤltigen Schneiderknecht/ durch einen gemachten Geist geaͤngstiget/ durch Erscheinungen beredet/ daß er den Prediger Orden vor viel heili- ger/ als der Barfuͤsser/ solte außschreyen/ vnnd die suͤndliche Em- pfaͤngnuͤß der heiligen Jungfraw Marien verkuͤndigen/ dardurch eine nuͤtzliche Wallfahrt an dem Ort anzustellen.
Als nun diese Maͤhr gen Rom kommen/ gieng eine Bott- schafft vom Roͤmischen Stul auß/ mit vollem Gewalt in der Sa- che zuhandeln. Dann/ weil dieses eygentlich vor den Bapst ge- hoͤrig/ (wie er auch im Jahr 1622. darinn gesprochen hat) haͤtten beyde Partheyen jhre Notturfft/ Gruͤnde vnd Beweiß vor dem or- dentlichen Richter darzuthun/ vnd deß Außspruchs zuerwarten. Darumb wurden diese vier Moͤnch auff Bapst Julii Verord- nung/ an die Folter gespannet/ vnd als sie vnerhoͤrte Sachen bekan- ten/ ließ der
Legatus
acht Rahtsherꝛn die Vergicht vorlegen/ die Moͤnch/ nach offentlicher Degradierung Priesterlicher Wuͤrdig- keit/ vor einer grossen Menge Volcks zu Bern/ den letzten Tag
A a
May
GERMANIÆ PERTVRBATÆ
May gemelten Jahrs/ als Ketzer vervrtheilen/ vnd auff einer Wie- sen zu Pulver verbrennen. Vnd war diß das alleraͤrgste/ daß hier- durch alle vorgebrachte Erscheinungen der Cathareinen von Se- nis/ deß heiligen
Francisci,
vnd so vieler andern verdaͤchtig wur- den/ als gehoͤreten sie vnter die Rubrick
Piæ fraudes,
weil man al- les vor thunlich hielte/ was den Menschen einigerley Weise zur Gottseligkeit anreytzen koͤnte. Zu deme wurde auch die Anruf- fung der Bilder verdaͤchtig gemacht/ sampt der Kirchen Heiligen/ so etwan groͤsser vnd eyfferiger an einem/ als an dem andern Ort ge- schicht: Sonderlich/ da Walfahrten auff guten Glauben in dem Schwang gehen/ als haͤtte dieses oder jenes Bild sich gebucket/ oder geweinet/ auch wolgar geredet. Wie dann an diesem Ort soll ge- schehen seyn/ daß der eine Moͤnch durch ein Roͤhrlein in das Ma- rienbild/ vnter der Person Christi/ gesprochen: Mutter/ was weine- stu? Hab ich dir nicht versprochen/ daß dein Will geschthe? Dar- auff hab das Marienbild geantwortet: Jch weyne darumb/ daß dieser Sach kein Außtrag gemacht wird. Vnd die Antwort gefal- len: Glaube Mutter/ sie wird offenbar.
Vber deß/ so schien es etwas vnchristlich/ ja vngeistlich/ daß die Jungfraw Maria solte befehlen: Man muͤste die Statt Bern vor endlichem Vntergang warnen. Wann sie die Barfuͤsser/ wegen jhres vngeistlichen Lebens (da sie doch den strengsten Orden haben) nicht wuͤrden außtreiben: Auch solte man jhr keine erloge- ne Ehr/ die sie weder bedoͤrffte/ noch begehrte/ nicht zumessen. So war ja noch nie kein Exempel/ daß GOtt/ oder einiger Heiliger befohlen haͤtte/ mit einem gantzen Convent also zuverfahren/ wie die Prediger mit den Barfuͤssern gedachten zuthun. So wur- den schier alle Wallfahrten/ vnnd hochgeruͤhmbte Wunder/ wo nicht vor falsch vnd erkuͤnstlet/ jedoch/ vor verdaͤchtig gehalten. Vnd ob gleich der Roͤmische Stul den rechten Grund erforschet/ auch auß eygener Vhrgicht muͤssen lernen/ daß diese vier boͤse Bu- ben/ vnd Schandflecken jhres Ordens/ mit dem abgesagten ewigen Feind vnsers Heils einen Bund gemacht/ sich von Christo gerissen/
vnd
ET RESTAVR. DISCVRS. XVII.
vnd vmb schaͤndlichen Gewinns willen/ in ewige Verdamnuß ge- stuͤrtzt; sie auch nach Verdienst/ mit den allereussersten zeitlichen Straffen/ nicht heimlich/ weil die That mehr dann kundbar wor- den/ sondern offentlich angesehen/ hat doch das aͤrgerliche Nach- dencken nicht koͤnnen auß der Menschen Hertzen gaͤntzlich außge- rottet werden. Vnd solcher Stuͤcklein wuste sich Luther wol zube- dienen/ vnnd zoge die Jacobiner durch die weite vnd enge Hechel/ sampt dem gottseligen Betrug/ die Leut auff gute Werck zureitzen: Dardurch die Baͤpstische
Commissarti
nit nur mit laͤren Haͤnden/ an manchem Ort abgewiesen/ sondern auch mit groben Schelt- worten empfangen worden/ darzu noch dieses kommen/ daß die Vr- sach der
Cruciatæ
vnd deß Ablaß gleichsam vergangen/ in dem der Tod den vngehewren
Selym
verschlungen/ der sonsten die gantze Welt wollen verschlingen; also/ daß Teutschland von der Forcht seiner Tyranney sich befreyet beduͤnckte.
Wie nun auß einem kleinen Fuͤncklein offt ein grosser Brand entstehet/ also gieng es mit dem Streit vber dem Ablaß. Luther straffte Anfangs nur die grobe vnd Handgreiffliche Mißbraͤuche/ kam aber weiter/ als man jhn deßwegen mit Schrifften angriff/ gruͤbelt nach/ vnd durch sucht den gantzen Handel vom Ablaß/ setzt auf fuͤnff vñ neuntzig Schlußredẽ/ die er zu Wirtenberg ließ offent- lich disputieren/ vnd fand niemand/ der jhm widersprochen. Doch thaͤt sich Johann Tetzel/ ein Dominicaner/ zu Franckfurt an der Oder herfür/ vnd ließ Gegenschlußreden außgehen. Luther verthaͤ- digte sein Werck mit etlichen Erklaͤrungen/ vnd bracht Johann Eck in Harnisch/ ein Gegenschrifft zu verfassen/ ja
Sylvester Prie- rias,
auch Dominicaner Ordens/ vnnd Roͤmischer Hoffmeister/ hub auch auff gegen Luthern; also/ daß etliche hoͤhere Puncten dar- neben angezepfft wurden.
Nun hatte man sich in vorigen Zeiten nicht viel vber dem Ab- laß gezanckt/ also/ daß die Schrifftgelehrten nicht allerdings die Gegenwehr finden/ oder ergreiffen koͤnnen/ vnd gieng jhnen beyder- seits/ wie den newen Kriegsknechten. Dann etliche meyneten/
A a ij
Ab-
GERMANIÆ PERTVRBATÆ
Ablaß waͤre anders nichts/ als eine Loßzehlung/ oder Milderung von der jenigen Buß/ so die Kirch/ nach Art vnd Weiß jhrer Ord- nung/ von vielhundert Jahren her/ den Bekehrten vnd Bußferti- gen durch den ordentlichen Priester/ doch also/ daß sie der Goͤttli- chen Straaff nicht entgiengen/ laͤßt abnehmen. Zum Exempel/ koͤnte ein grober Suͤnder bey der Taffel deß H
e
rren/ sich nicht ein- stellen/ nicht mit den andern beten/ nicht stehen an seinem Ort in der Versamlung/ auch nicht vnter den Juͤngern/ sondern muste nach Beschaffenheit/ gar fuͤr der Thuͤr bleiben/ biß die Zeit seiner Buß vnd Besserung/ so jhm bestimpt war/ fuͤruͤber gestrichen: Doch konte der Bischoff hierinn nachgeben/ vnd vor der bestimpten Zeit einem solchen den Zutritt gestatten/ auch auff dem Todbett die Vergebung der Suͤnden/ oder Absolution mittheilen. Vnd wie die Bischoffe die Straaff/ oder Poͤnitentz allein setzten/ also behielten sie auch den Ablaß allein vor sich/ befohlen sie dem Bußpriester/ vnd stelten es endlich in deß Beichtvatters Belieben.
Als nun etliche merckten/ daß diese Weise der Kirchenzucht/ den Christen mehr zu Nachtheil/ als zu Erbawung gerichte/ in dem die Welt/ nach erlangtem Ablaß der Kirchenbuß/ nur desto vnfleis- siger wuͤrde/ durch eine willkührige Bußgnade bey GOtt zuerlan- gen/ haben sie sich selbst beredet/ der Ablaß erstrecke sich auff bey- derley Straffen. Doch war diese Meynung auch zwyspaltig/ in dem etliche darfuͤr hielten/ der Ablaß muͤste auß lauter Verguͤnsti- gung/ vnd ohneinigen Entgelt geschehen; andere aber solches ver- worffen/ vnnd in diesen Wahn geriethen/ weil vnterden Gliedern der Kirchen eine Gemeinschafft/ vermittelst der Lieb/ bestuͤnde/ koͤn- te deß einen Glaubigen Buß/ dem andern so fern mitgetheilet wer- den/ daß diesem in Erwegung anderwertlicher Ersetzung zuhelffen waͤre. Wann aber solches von frommen vnd vnstraͤfflichen Leu- ten/ vnd die nach strenger Kirchenzucht lebten/ mehr/ als von der Priesterampt/ sich verstehen solte/ fand sich die dritte Meynung/ welche das Wesen vnd den Kern deß Ablaß zum Theil in die Loß- zehlung/ auff daß man zu deß Priesterampts Zuflucht nehme; vnd
zum
ET RESTAVR. DISCVRS. XVII.
zumtheil in die Vergeltung/ oder gleichguͤltige Buß setzet. Vnd da der Priester Wandel nicht eben allerdings vnstraͤfflich/ noch La- sterrein vnd Sünden frey/ daß sie mit jhrem Verdienst koͤnten an- dern Leuten behuͤlfflich seyn/ hat man der Kirchen-Schatz gefun- den/ in welchem aller der jenigen Verdienst/ die groͤssern Vberfluß gemacht/ als sie vor sich selbst bedoͤrfftig/ beygelegt werden. Vnd dieses Kirchenschatzes Verwaltung ist dem Bapst zu Rom/ als Petri Nachfahren/ anvertrawet/ bey deme staͤts Ablaß zuertheilen/ deß Verbrechers Schuld abzustatten/ vnnd gleichguͤltigen Ver- dienst auß dem gemeinen Kirchenschatz zulangen. Vnd wann auch dieser Schatz den Buͤssenden nicht genug waͤre/ weil der Heiligen Verdienst ein gewisses Ziel/ End vnnd Schrancken leyden/ auch dannenhero abnehmen/ vnd mit der Zeit sich gar erschoͤpffen; hat man vor gut angesehen/ daß Christi vnermeßlicher Verdienst/ dem endlichen vnd ermeßlichen Verdienst der Heiligen beygefuͤgt wuͤr- de/ vnd dieser Schatz auff solche Weisenimmermehr vergienge.
Da entstund aber ein andere Beschwerde/ worzu man die Troͤpfflein deß frembden Verdiensts solte anwenden/ da doch der vnendliche Verdienst Christi jmmer zu vnserm Nutzen vnd From- men sich ergiesse/ vnd weniger/ als das vngruͤndliche Meer sich er- schoͤpffe: Welches Nachdencken viel Leute vervrsachet/ all jhr Vertrawen deß Ablaß auff den einigen vnerschoͤpfften Schatz deß Heylands der Welt zusetzen. Vnd war dieses alles selbiger Zeit so gar vngewiß/ vnd ohn einigen bessern Grund/ als daß
Clemens I.
wegen deß fuͤnfftzigjaͤhrigen Jubeljahrs/ Anno 1350. eine Bull las- sen außgehen; mit welchem allem Luther nicht zufrieden seyn wol- len. Darumb Tetzel/ Eck vnd
Prierias,
in Erwegung jhrer so fern vngeglaubten Sach/ sich in das freye Feld begeben/ ein Geheeg mit deß Bapsts Ansehen vnd Macht/ vnnd dann mit der Schullehrer Einhelligkeit/ geschlagen/ endlich also geschlossen: Jn Betrach- tung/ der Bapst in Glaubenssachen nicht jrꝛen kan/ vnd derselb der Schullhehrer Meynung gut geheissen/ auch gedachten Ablaß/ durch seine Bullen/ den Glaubigen außgetheilet/ muͤste man diese
A a iij
Lehr/
GERMANIÆ PERTVRBATÆ
Lehr/ als ein Glaubens-Artickel annehmen vnd glauben. Luther fasser dieses wol/ ließ das Ablaßwesen ein wenig anstehen/ vnd durch- hechelt deß Bapsts Macht/ welche er biß dahin/ in dem andere sie vor die Allerhoͤchste/ die auch keinem Menschen vnterworffen waͤ- re/ hochruͤhmeten/ einem rechtmaͤssigen
Concilio
vnterwuͤrffig ha- ben wolte; mit diesem Anhang/ daß eben solcher Zeit/ vnd bey so vbe- lem Zustand ein
Concilium
der Kirchen hoͤchlich roht thaͤte. Vnd weil die Ablaßprediger jhr Thun mit der Lehr von Vergebung der Suͤnden/ von der Buß/ vnd von dem Fegfewer vnterstuͤtzten/ muste Luther dieselbige Pnncten auch fuͤr sich nehmen. Sonsten ist bey den alten Seribenten befindlich/ daß man gewisse Kirchengesetz auff den allgemeinen/ auch besondern Versamlungen gemacht/ durch welche jedem Ergernuͤß vnd Laster/ nicht nur der Gebrauch deß heiligen Abendmahls/ auff gewisse Anzahl der Zeit vnd Jah- ren/ jederwellen biß auff das Todbett vntersagt/ sondern auch ein gewisser Stand vnd Ort in der Kirchen/ sampt andern Bußstuͤ- cken verordnet ward. Wann aber ein solcher Christ etwan in Kleinmuͤhtigkeit geriehte/ oder sonsten vnfehlbare Zeichen einer ernstlichen Bekehr- vnd Besserung erwiese/ war dem Priester/ vnd sonderlich/ dem Bischoff erlaubet/ die strenge Kirchenzucht zu- lindern/ vnd alles auff die Erbawung zurichten/ welches man als- dann den Ablaß nennete/ wann/ naͤmlich/ an statt sechs Jahren/
nur zwey/ oder eins gesetzt/ oder Eyer vnd Milchspeiß auch auff die hohe Fasten zuessen erlaubt wurden.
Der
ET RESTAVR. DISCVRS. XVIII.
Der achtzehende Discurß.
Wie der Bapst Luthern angreifft/ vnd zur Verhoͤr nach Aug- spurg laͤßt kommen. Was allhie auff Roͤmischer Seiten versau- met worden. Streit vber seinem Bann. Die Bull deß Banns selbst; Vnd Vrtheil daruͤber. Disputatz zu Leipzig. Andere Bull wider Luthern/ die jhn gar in Harnisch bringt. Ceremonten deß Banns: Vrtheil von solchem Proceß.
D
Jeweil nun dieser Handel vmb sich fraß/ wie der Krebs/ vnd nur von Tag zu Tag schwerer ward/ zog der Papst zu Rom mit seinen Cardinaͤln solches zu Gemuͤht/ be- fahl dem Churfuͤrsten in Sachsen/ den Luther dem Baͤpstischẽ
Legato
an deß Keysers
Maximili
a
ni I.
Hof/
Thomæ de Vio Cardinali Cajetano
zu vberlieffern/ oder selbst gen Rom zuzusenden. Doch gesch ah Vnterhandlung/ Vorbitt vñ Entschul- digung von gedachtem Churfuͤrsten/ vnd von der gantzen Vniver- sitaͤt/ daß er nicht dorffte nach Rom ziehen. Vnd als der Cardinal Staupitzen ersucht/ er solte Luthern abhalten vnd abmahnen/ ant- wortet Staupitz: Es waͤre vmbsonst/ Luther waͤre weit vber Staupitzen in der heiligen Schrifft. Aber Bruder Jacob Hoch- strat/ ein Dominicaner/ dem die Auffsicht vnd Erforschung deß Glaubens war anbefohlen/ (von deme droben bey Reuchlins Haͤn- deln Erwegung geschehen) vbergieng alle andere Sachen/ vnd Bedencken/ vnnd gab dem Bapst diesen Raht/ den halßstarrigen Menschen mit Schwerd vnd Fewer zuverfolgen. Darumb ver- schickte der Bapst seine Praͤlaten an der Potentaten Hoͤffe/ vnd fuchte die Gemuͤhter vor einbrechender Newerung/ vnd besorgtem Abfall zuverwahren. Dann der Keyser war alt/ vnd in vorigen Zeiten mit den Baͤpsten nicht allerdings zufrieden gewesen/ der auch wol bey besserem vnd staͤrckerem Alter/ nach dem Exempel Keysers
Sigis-
GERMANIÆ PERTVRBATÆ
Sigismundi,
darumb er auch
Cajetano,
der im Namen deß Bap- stes begehrte/ der Keyser solte dem einbrechenden Vnheil der Ketze- rey mit Macht begegnen/ geantwortet: Man solte geschickte Leh- rer verordnen/ welche diese Sach nach den alten Kirchenvaͤttern vnd Außlegern der heiligen Schrifft abhandelten/ die Kirch mit Gewalt reformieren solte/ darzu er den Frantzosen mehr dann ge- neigt wuͤrde finden. Zumal ruchtbar worden/ daß er einsmals nach tieffsinnigen Gedancken gelacht/ vnd seinen anwesenden Fuͤrsten/ die dessen Vrsach begehrte zuwissen/ geantwortet: Er muͤste la- chen/ daß GOtt dem Pfaffen zu Rom/ vnd dem Gemsensteiger auß Oesterreich/ die Welt zuregieren hab anvertrawet.
Als nun der Handel ernstlich angienge/ suchten die Jacobi- ner je mehr vnd mehr Vrsachen den Luthern zuverkleinern: Aber derselbe suchte allenthalben Gegenschutz vnd Huͤlff/ erlangte auch so viel/ daß er vor dem Baͤpstischen Gesanden zu Augspurg sich verantworten moͤchte. Dahin verfuͤgt er sich mit Staupitzen vnter deß Churfuͤrsten Gelait/ ward wolempfangen/ vñ als man jhn auff kein andern Weg konte bringen/ auch er selbst
Savonarolæ,
oder
Hussi
Proceß foͤrchtete/ macht er sich wider heimlich davon.
Zum andern mal hatte er Keyserlich Gelait/ vnd ward mit harten Worten wider fortgeschickt. Vnd hie klagt
Gonzalo de Illescas,
es sey alles zu langsam vnd kaltsinnig von statten gangen/ der
Legatus
hab nichts darzu gethan: Der haͤtte den Luther auff ein Scheiterhauffen setzen/ vnnd im Rauch gen Himmel senden; zum wenigsten die Vnordnung bey den Ablaß-Collecten abstellen sollen. Hierzu kam noch ein groͤsseres Vbersehen/ daß naͤmlich/ daß der Bapst ein newe Bull in Teutschland schickte/ den Ablaß zubestaͤttigen; in welcher Luthern befohlen/ jnnerhalb sechtzig Ta- gen in Rom zuerscheinen: Aber solches war nur Oel ins Fewer gegossen/ vnd dem Luther ein Muht gemacht: Bevorab/ da die
Theologi
zu Loͤven vnd Coͤlln sich an jhn reiben wolten/ die er doch nur/ als in Philosophischen Wissenschafften weit vberlegen/ ver- lachete. Es hatte zwar der Cardinal an den Churfuͤrsten geschrie-
ben/
ET RESTAVR. DISCVRS. XVIII.
ben/ Bruder
Martini
Lehr waͤre dem Apostolischen Stul zuwider/ auch sonst verdammlich vnd verwerfflich/ den Churfuͤrsten darfuͤr warnend/ mit dem Vermahnen/ jhn entwedergen Rom zuschicken/ oder auß seinem Land zuverjagen: Vnd auch betrohen/ weil diese vberauß boͤse vnd vergiffte Haͤndel mit nichten hafften vnd beste- hen koͤnten/ werde man die Sach zu Rom treiben vnd vollnziehen/ wann er nur seine Haͤnde gewaschen/ vnd solche geschwinde List vnd Tuͤcke seinem allerheiligsten Herꝛn kund gethan habe.
Der Churfuͤrst antwortet: Daß er noch von keinem bestaͤn- diglich berichtet waͤre/ daß
Martinus
Lehre gottloß vnd ketzerisch; wolte sich sonst/ mit Gottes Gnad vnd Huͤlff/ in diesem selbst wei- sen/ daß es keiner Ermahnung bedoͤrffte.
Zum andern/ achtet er es fuͤr ein vnbilliges Gesinnen/ daß er bey so beschaffenen Sachen
Martinum
entweder gen Rom schi- cken/ oder auch auß seinem Land verjagen solte.
Wie dann auch fuͤrs dritte/ daß er billig nicht haͤtte betrohet werden sollen: Beneben Vbersendung vnd Beylag/ was Luther selbst dem Cardinal antwortete.
Hie thaͤt sich niemand herfuͤr/ der den Churfuͤrsten vnterrich- cet/ beredet/ oder genoͤhtiget haͤtte/ von Luthern Hand ab zuziehen/ dann auch
Maximilianus
der Keyser selbst zu gelind gangen/ in deme er nach dem Exempel
Friderici
III.
mit seinen Gelehrten/ die selbst nicht allerdings gut Romanisch waren/ rahtschluge/ vnd durch derselbigen
Dexteritet,
Sanfftmuͤhtigkeit vnd hohen Ver- stand in Kirchensachen verhoffte solch groß Vnheil zudaͤmpffen/ in den Lehrpuncten den rechten Grund vnd Verstand zueroͤrtern/ vnd die Partheyen zuvereinigen; vnd was etwan fuͤr Mißbraͤuch in der Practick eingeschlichen/ zuverbessern.
Dannenhero
Hondorpius
vnd
Matthesius
melden/ der Key- ser haͤtte dem Doctor Degenhart Pfeffingern/ Chur-Saͤchsischen Abgesanden den Luthern bester massen anbefohlen/ weil er nach An- leytung eines laͤngstgehabten Traums/ ein solchen Mann in hoch- wichtigen Sachen/ wider den Bapst zugebrauchen haͤtte. Also/
B b
daß
GERMANIÆ PERTVRBATÆ
daß der Churfuͤrst/ wegen Luthern/ nicht anderst angelangt wor- den/ als durch etliche Schreiben auß Rom; auff welche er endlich geantwortet: Luther gienge jhn nichts an/ wolte mit jhm nichts zuschaffen haben/ moͤchte/ als ein Ordensmann/ die angefangene Haͤndel mit seinen Obern außtragen. Man haͤtte den Luther gleichwol hefftig verreytzet/ vnd mit jhme ein andern Weg fahren sollen; daß man die Gewogenheit Augenscheinlich merckte.
Jnsonderheit vnterstuͤtzte Luthern die hohe Schul/ entschul- diget jhn bey Miltitzen zu Rom/ als daß man jhm viel Schuld ge- be wider die Wahrheit/ vnnd gab jhm doch nicht geringen Bey- fall/ berieffe sich auff jhre juͤngst erhaltene Freyheiten/ vber wel- che der Churfuͤst Patron vnnd Beschuͤtzer waͤre; der auch ein sol- ches Kleinod/ welches nicht wenig Muͤhe/ Gelter/ vnnd Stiff- tungen zufassen kostet/ nicht wuͤrde in den Koht tretten lassen/ o- der selbst helffen vernichten: Angesehen/ die allerfuͤrnehmbste Glieder derselbigen/ sich nicht lang bedencken wuͤrden/ nach an- dern Stellen zutrachten/ da sie allen Schutz zugewarten haͤtten. Auch wuͤrde der Bapst durch einen vnverhofften Eingriff/ alle ho- he Schulen auffrührisch/ vielleicht auch etliche gar abfaͤllig ma- chen. Luther wolte dannoch nicht vor halßstarrig angesehen seyn/ schrieb gantz demuͤhtig an den Cardinal/ wie er sich wolte weisen lassen: Doch klagt er vber jhn/ auch bey dem Bapst selbst/ wegen allzu grosser Partheylichkeit. Darauff verreyßt der Cardinal nach Rom/ aller Sachen einen außfuͤhrlichen Bericht zuthun/ vnd konte der Neider Zungen nicht vnverletzt vorbey gehen/ daß er dem Vnheil nicht abgeholffen. Der Bapst wehlet Carlen von Mil- titz/ seinen damaligen Caͤmmerer/ oder Hoffmeister/ auß einem fuͤr- nehmen Adelichen Geschlecht in Meissen/ der als ein
Apostolicus Nuntius,
Luthern zum Stillschweigen solte vermoͤgen. Aber es ward in etlichen wenigen Gespraͤchen nichts außgericht/ vnd schie- ne/ als achtet Luther deß Miltitzen gar wenig/ gab aber
Cajetano
Schuld/ daß sich dieser Handel nicht gelegt haͤtte; schrieb selbst etli- che mal an den Bapst: Es sol sich nur kein Mensch vnterstehen/
jhn
ET RESTAVR. DISCVRS. XVIII.
jhn zum Widerruff zuvermoͤgen/ wann man nicht wolte aͤrgere Haͤndel sehen: Es muͤste die heilige Schrifft ohne Maßgebung deß Roͤmischen Stuls/ frey außgelegt werden/ vnd sey der Sachen noch zuhelffen/ wann der Bapst solches gestatte. Der Muht wuchs jhm so hoch/ daß er alle Außforscher deß Ketzerischen Giffts/ nach Wittenberg/ mit jhm offentlich zu disputieren/ beruffen vnd einge- laden.
Als nun die Clerisey in Teutschland/ sampt den hohen Schu- len/ Luthers Lehr verdampt hatten/ langten sie den Bapst jmmer zu an/ jhn in Bann zuthun/ so lang/ viel vnd offt/ biß er seine Cardinaͤl/ Praͤlaten/ Schrifft- vnd Rechtsgelehrten zusam̃en hieß kommen/ vnd jhrem Gutachten die Sach vbergeben. Es konten sich aber die Rechtsgelehrten vber der Weise deß Bañs nit vergleichen/ weil die Schrifftgelehrten denselben ohne Verzug begehrten; die Rechtsge- lehrten aber den Beklagten vor Gericht laden/ vnd zuvor hoͤren wol- ten. Vnd ob schon seine gottlose Lehr so wol auß den Schrifften/ als Predigten/ mehr dann bekant were/ koͤnte man jhm dannoch eine rechtmaͤssige Verantwortung/ die in Goͤttlichen vnd natuͤrlichen Rechten zulaͤssig/ nicht versagen/ da doch GOtt/ dem alle Ding be- wust/ den Adam zu Rede gestelt/ vnd den Cain von seinem Bruder Habel gefragt/ auch selbst hinunter gefahren/ der fuͤnff Staͤtte La- ster in gewisse Kundschafft zubringen: Zumal auch dessen ein An- fang vor dem Cardinal
Cajetano,
zu Augspurg allererst geschehen were. Dieser Zanck wehrete lang/ vnd stritten die Schrifftgelehr- ten/ sie haͤtten den Handel zueroͤrtern/ weil er den Glauben vnd die Religion angieng; die Rechtsgelehrten aber/ den Proceß zu fuͤhren/ vnd das Gericht zubesetzen haͤtten: Endlich/ machten sie drey Theil auß dem Hauptwesen/ vnd verglichen sich/ daß man absonderlich erkennen solte von der Lehr/ von den Buͤchern/ vnd von der Person Luthers. Wegen der Lehr/ gaben die Rechtsgelehrten nach/ daß man sie ohne Einladung koͤnte verdammen; hielten aber an/ daß man die Person/ ehe man sie verdampte/ einladen muͤste/ nohtwendi- ger Weise.
B b ij
Da
GERMANIÆ PERTVRBATÆ
Da aber die Schrifftgelehrten sich hefftig erzeigten/ vnd doch nicht allerdings fort konten/ wurd beschlossen/ Luthern ein gewis- sen Tag zusetzen/ auff welchener fuͤglich erscheinen koͤnte/ welches an statt einer gerichtlichen Einladung zuverstehen.
Vber den Buͤchern gab es groͤssere Haͤndel/ in deme die Schrifftgelehrten sie zu der Lehr/ die Rechtsgelehrten aber zu der Person legen wollen: Doch bracht der Schluß mit sich/ die Buͤ- cher solten alsdann verdampt/ vnd auff einen bestimpten Tag her- nacher verbrand werden.
Nun erfolgt deß Bapst Bull/ wider Luthers Lehr vnd Buͤ- cher/ deren Jnnhalt dieser ist: Der Bapst wendet Eingangs seine Rede gegen Christum/ der
Petro
vnnd dessen Nachfahren/ seinen Statthaltern/ die Obacht vnd Verwaltung der Kirchen anver- trawet; vnd ersucht jhn vmb Huͤlff vnd Beystand in solchem be- schwaͤrlichen Zustand. Darnach kehreter sich von Christo gegen
Petrum,
vnd erinnert jhn zum hoͤchsten auff sein Hirtenampt vnd Sorg/ so jhm von obenher anbefohlen/ daß er auff der heiligen Roͤ- mischen Kirchensach wolte fleissig Achtung geben/ als die er selbst mit seinem Blut geweyhet haͤtte. Bald geht er fort zu S. Paulo/ vñ rufft jhn auch vmb Huͤlff an/ mit dem Anhang/ daß/ ob er schon erachtet/ es muͤsten Ketzereyen seyn/ zur Vbung der Glaubigen/ man doch dieselbige/ damit sie nicht vberhand nehmen/ gleich im An- fang müste daͤmpffen.
Endlich/ bittet er flehentlich/ die grosse Menge Allerheiligen/ neben der vrbigen allgemeinen Kirchen/ vmb Fuͤrbitt bey dem All- maͤchtigen GOtt/ auff daß derselbe/ wann seiner Schaͤfflein Jrꝛ- thumb gesaͤubert waͤren/ die Einigkeit der Kirchen wolte gnaͤdig er- halten.
Vnd dann erzehlt er nacheinander/ wie jhm waͤre zu Ohren kommen/ er auch mit seinen eygenen Augen gesehen/ was viel vnd mancherley Jrꝛthumb/ so vor vielen Zeiten verdampt worden/ auch der Griechen vnd Boͤhmen Ketzerey außfuͤhrlich begriffen/ jetzund wider auß dem Grab herfuͤr kaͤmen: Aber etliche/ so nach Gile-
genheit
ET RESTAVR. DISCVRS. XVIII.
genheit gantz ketzerisch/ oder falsch/ oder aͤrgerlich/ oder frommen Ohren beschwãrlich/ oder auch bey einfaͤltigen Seelen verfuͤhrisch waͤren/ bey Teutscher Nation sich außstreweten; welche Nation doch er vnd seine Vorfahren/ allezeit inbruͤnstiglich mit Lieb getra- gen/ vnd auß welcher/ nach dem das Keyserthumb von den Grie- chen genommen worden/ sie allezeit der Kirchen Beystaͤnder vnd Beschirmer genommen haͤtten: Von welchen Gottseligen Fuͤr- sten viel loͤbliche Gesetz wider die Ketzer/ so von den Baͤpsten bestaͤt- tiget worden/ hergeflossen waͤren.
Weil er dann diese Jrꝛthumb nicht laͤnger dulden wolte/ son- dern jhnen zubegegnen gedaͤchte/ haͤtte er derselbigen etliche wollen heran setzen: Erzehlet demnach ein vnd viertzig Artickel/ von der Erbsuͤnd/ von der Buß/ von Vergebung der Suͤnden/ von dem heiligen Abendmahl/ von dem Ablaß/ von dem Kirchenbann/ von deß Bapsts Gewalt/ von Ansehen der Concilien/ von den guten Wercken/ von dem freyen Willen/ von dem Fegfewer/ vnd von der Betteley/ oder freywilligen Armuht. Diese alle/ spricht er/ koͤnne jeder Verstaͤndiger erachten/ wie sie nach Beschaffenheit so gifftig/ schaͤdlich/ aͤrgerlich/ Gottsfoͤrchtigen Ohren vnertraͤglich/ ja/ wie weit sie wider die Liebe/ wider die Ehre/ so man der Roͤmischen Kir- chen schuldig/ vnd wider den Gehorsam/ der ein Band sey der Kir- chenzucht/ lauffen.
Habe derowegen vmb dieser Vrsachen willen/ weil man zu derselben Verdammung schreiten muͤste/ mit seinen Cardinaͤlen/ Proͤbsten/ oder Oberbedienten der regulierten Orden/ auch gar vie- len andern/ so wolder heiligen Schrifft/ als beyder Rechten Docto- ren/ ein fleissig vnd scharpffes
Examen
vber obgemelte Artickel/ ge- halten/ vnnd verdamme vnnd verwerffe sie alle vnnd jede; als (wie zuvor gemelt) nach Beschaffenheit ketzerische/ aͤrgerliche/ falsche/ Gottsfoͤrchtigen Ohren beschwaͤrliche/ oder bey einfaͤltigen See- len verfuͤhrische/ vnd der Catholischen Warheit zuwiderstreichende Jrꝛthumb/ vnd verbiethe bey deß Kirchenbanns/ vnd andern vnzeh- lichen Straffen/ daß niemand die vorerwehnte/ noch deren einigen
B b iij
Jrꝛ-
GERMANIÆ PERTVRBATÆ
Jrꝛthumb sich vnterfange zusetzen/ zuvertheydigen/ zupredigen/ oder zubelieben.
Vnd weil die erwehnte Jrꝛthumb/ in gedachtes Buͤchlein/ oder Schrifften sich befinden/ verdammet er deßgleichen auch die Buͤchlein/ vnd befehle bey obigen Straffen/ daß niemand so kuͤhn sey/ solche Schrifften vnd Buͤchlein zulesen/ oder einiger Weise zu- haben; ja hingegen/ daß er dieselben/ in welchen gemelte Artickel/ be- griffen/ auch alle andere/ verbrenne. Was aber jhn den
Martinum,
selbst belanget/ daß derselbe zum offtern erinnert/ Gerichtlich einge- laden/ vnd beruffen worden/ damit er von obgesagten Jrꝛthumben/ abstuͤnde/ darzu jhm auch frey Gelait/ vnd nohtwendiges Raißgelt verordnet. Welches/ wann er gethan haͤtte/ er nicht so viel Fehler/ als er wol außgesprengt/ an dem Roͤmischen Hof finden/ ja von sich selbst lernen sollen/ wie die Roͤmische Baͤpste/ seine Vorfahren in jh- ren Regeln/ oder Kirchensatzungen nimmer gefehlet haͤtten. Weil er aber auß verstocktem Gemuͤht/ die Kirchen-Censur vbers Jahr auff sich ersitzen lassen/ vnnd mit einer leichtfertigen
Appellation,
oder Auffschub/ an das kuͤnfftige
Concilium
herauß gebrochen/ deme zuwider/ was in
Pii
II.
vnd
Iulii
II.
Kirchengesetzen verbot- ten/ vnnd darinn versehen/ daß dergleichen Appellanten/ wie Ke- tzer/ gestrafft wuͤrden; haͤtte er wider jhn/ ohn ferner Bedencken/ fortfahren koͤnnen. Nichts destoweniger alle vorige Schmach ver- gessen/ vnd warne/ vnd bitte jhn/
Martinum,
vnd alle seine Anhaͤn- ger zum hoͤchsten/ daß sie von den offterwehnten Jrꝛthummen ab- stehen/ sich alles Predigens enthalten/ vnnd bey voriger Straaff/ so sie damit erlauffen werden/ jnnerhalb sechszig Tagen gedachte Jrꝛthumb/ widerruffen/ vnd die Buͤcher/ in welchen solche Jrꝛ- thumb begriffen/ verbrennen. Jm Widrigen erklaͤre er sie vor be- kante/ vnd halßstarrige Ketzer.
Verbiete vber dieses einem jeden/ bey vorgesetzter Straaff/ daß sie die Buͤcher/ auch die solche Jrꝛthumb nicht begreiffen/ so ge- dachter
Martinus,
lassen außgehen/ auff keinerley Weiß haben; sondern so wol jhn/ als seine Goͤnner meiden/ ja Handvest machen/
vnd
ET RESTAVR. DISCVRS. XVIII.
vnnd jhm vberlieffern/ oder zum wenigsten auß jhren Landen auß- treiben; vnterwerffe auch alle Ort/ wo dieselbe sich hinschlagen moͤchten/ dem geistlichen Bann. Befehle vber diß/ daß sie vor verschreyte vnd verdampte Ketzer offentlich außzuruffen; auch ge- genwaͤrtige Schrifft allenthalben verlesen/ vnnd offentlich kund gethan werde/ verschaffe/ weß Stands sie auch seyen/ auß der Gemeinschafft der Kirchen außschliessende. Bestaͤttige zum letz- ten/ daß den Copeyen dieser Schrifft vollig geglaubet/ vnd diese in Rom an der Hauptkirch deß obersten Apostels/ wie auch nicht we- niger an der Brandenburgischen/ Meißnischen vnnd Mannsfeldi- schen Cathedradkirchenthor angeschlagen/ vnd offentlich kund wer- de. Den 15. Junij Anno 1520.
Hieruͤber gab es mancherley Bedencken/ ja hochverstaͤndige Leute verwunderten sich/ warumb der Bapst diese Sach/ so mit Worten auß der H. Schrifft zuverhandeln/ nach Art der Rechts- gelehrten/ wollen abfassen? Warumb das Woͤrtlein/
Respectivè,
oder nach Beschaffenheit/ darbey stuͤnde/ weil man solcher Gestalt nicht wissen koͤnte/ was falsche/ aͤrgerliche/ Ketzerische/ oder gar der Griechen laͤngst verdampte Jrꝛthumb weren: Vnd warumb ein zumal wichtige Sach vor etlichen wenigen Praͤlaten/ so vieler ge- lehrter Maͤnner in gantz
Europa
vnersucht/ vñ zwar gar dunckel ge- schlossen worden. Weil nun die zu Loͤven vnd zu Coͤlln/ als Luthers abgesagte Feinde/ an diesem Außspruch ein grossen Gefallen tru- gen/ wurden Luthers Buͤcher bey jhnen/ als ketzerisch/ offentlich ver- brand. Er dachte aber jhnen Korn vmb Saltz zuverkauffen/ vñ vber gleiche Rach an dem Baͤpstlichen Recht zu Wittenberg; ermahnet auch jederman/ Hohe vnd Nidere/ sich deß Bapsts vngebuͤhrlichem vnd angemastem Gewalt/ auch verfaͤlschter Lehr/ zuwidersetzen. Weil nun solche feindliche Schrifften/ wie die Staren herumb flo- hen/ hielt jederman ein
Concilium
vor hochnoͤhtig/ nicht nur diesen Streit hinzulegen/ sondern die nach vnd nach eingeschlichene Miß- braͤuche wider abzuschaffen.
Man koͤnte zwar diesen Streit bißhero/ vor ein pur lauter
Moͤnchs-
GERMANIÆ PERTVRBATÆ
Moͤnchsgezaͤnck halten/ aber es brach allenthalben weit anders auß. Luther redete jmmer zu von Reformation der Kirchen/ welches we- gen geschoͤpfften Vnwillens/ vnnd Mißbrauch deß Ablaß vnd der Collecten/ Jedermaͤnniglich mit Anmuht in den Ohren vnd Zu- neygung erschollen: Bevorab/ da Luther/ vermoͤg seines Keyser- lichen Freybrieffs/ Auß augspurg von dem Baͤpstischen
Nuncio
wider zu seinem Convent war kommen/ annoch Meß lase/ auch fuͤr gabe/ daß er die heylsame Verordnungen im geringsten nicht zuver- stoͤren gesinnet were.
Der allererste Geistliche/ der sich offentlich zu jhm geschla- gen/ war Carlstatt/ Ertzdiaker zu Wittenberg/ der die Feder ansetz- te/ vnd Luthers Lehr vertheydigte/ in dem er vnter andern ein Buͤch- lein vom Klostergeluͤbden im Jahr 1521. ließ außgehen/ darinn er GOtt allein gelobt/ allein angeruffen/ vnd zwar ohne einig Bilder- werck wil haben; GOtt alle gute Werck der Menschen zuschrei- bet/ die Kirchenbaͤw veracht/ von grausamen Sünden der Moͤnch vnd Nonnen/ die nicht wol zusagen seyen/ spricht/ vnd tadelt ins Ge- mein das Kloͤsterlich Gebet/ sampt den Geluͤbden. Er disputier- te zu Leipzig wider Doctor Ecken/ ein beruͤhmbten Schrifftgelehr- ten/ vnd Professorn zu Jngolstatt/ in Gegenwart Hertzog Geor- gen in Sachsen/ dessen Raͤhten/ vnd der Vniversitaͤt Hochgelehr- ten/ in einem zehentaͤgigen Zanck/ welcher fuͤnchmlich dahin zielte/ Ob der Bischoff zu Rom das sichtbare Haupt der Kirchen auff Erden/ ein Nachfolger
Petri
deß Apostels/ vnd Statthatter Chri- sti were? Luther vnd Melanchthon entsetzten jhn/ gleich wie
Hie- ronymus Emserus
den Ecken. Diß Werck verschlug sich vnver- richter Sachen/ vnd gebahr viel gifftiger Schrifften: Es beklagt sich Luther auch bey dem Bapst vber Ecken Vermessenheit/ der sein eygene Ehr suchte/ deß Roͤmischen Hoffs Schand entdeckte/ vnd den angefangenen Vergleich mit Miltitzen/ als Baͤpstlichem
Nuncio,
verhinderte/ was den Widerruff dessen/ so ich geredt/ ge- schrieben/ geprediget/ belanget/ soll sich niemand vnterstehen/ mich darzu zuzwingen. Dann sonsten wird man die Kirchenhaͤndel viel-
mehr
ET RESTAVR. DISCVRS. XVIII.
mehr verwirꝛen/ vnd aͤrger machen/ als zuvor. Entschlossen bin ich/ kein Gesetz/ noch Ansehen in der Außlegung der heiligen Schrifft anzunehmen. Wie das Fewer in Teutschland nur groͤsser angien- ge/ ward
Cajetanus
zu Rom vervnglimpffet/ als haͤtte er grosses Versprechen vñ Draͤwwort gesparet/ vñ also sein bestes nit gethan. Darumb bestaͤttiget Bapst
Leo
die Ablaßbrieff auff ein Newes/ vnd erwiese in einer andern Bull/ jhm/ als Petri Nachfolgern/ vnd Christi Statthaltern/ sey die Macht hinderlassen/ einen so grossen Schatz vnd Gutthat/ so wol den Lebenden/ als den Verstorbenen mitzutheilen. Das sey die Lehr der Roͤmischen Kirchen/ die aller Christen Mutter vnd Lehrerin were: Solche Lehr solte jederman annehmen/ der nicht wolte von der Gemeinschafft der Kirchen ab- gesondert werden. Vnd diese Bull wurd
Cajetano
zu Lintz in Oesterreich eingehaͤndiget/ die er also bald ließ anschlagen/ vnnd glaubwuͤrdiglich abschreiben/ den Bischoffen in Teutschland zu- vbersenden/ mit Befehl/ solche offentlich anzuschlagen/ sampt an- gehenckter schwaͤrer Straaff/ so jemand anders glauben wuͤrde.
Luther hatte biß dahin deß Bapsts verschonet/ fieng aber hier- auff an/ lehret vnd schrieb/ der Bapst were eben so wol ein suͤndiger Mensch/ der jrꝛen koͤnte/ als andere/ da doch Paulus den Aposteln Petrumins Angesicht gestrafft haͤtte. Der moͤchte jhm wol mit seinem Anhang an Macht vberlegen seyn/ vnnd jhn/ wie andere mehr/ vnterdrucken/ thaͤte jhm derowegen noht/ seine Sach in einem
Concilio,
das dem Bapst an Ansehen vorgieng/ außzutragen. Vnd weil er bey jederman Gehoͤr fand/ verschwand deß Bapsts Ansehen je mehr vnd mehr. Dannehero die Moͤnch vnd andere/ den Bapst beschuldigten/ er haͤtte seinem Ampt kein Genuͤgen ge- than/ vnd die Sach nicht bey Zeiten gedaͤmpfft/ weil das Exempel von
Arrio
genugsam erwiese/ was auff Versaumung eines gerin- gen Fuͤnckleins erfolgen koͤnte.
Zu Costnitz haͤtte man gegen Johann Huß/ vnnd Jeronimi von Prag ein andern Ernst erwiesen/ vnd dem bevorstehenden Vn- heil gewaltig vorgebogen. Es war aber hingegen den Bapst eine
C c
Rew
GERMANIÆ PERTVRBATÆ
Rew ankommen/ daß er sich in das Moͤnchsgezaͤnck gelegt/ vnnd selbst partheylich gemacht/ da er vielmehr sollen zusehen/ sich Neu- tral/ wie ein Richter vnd Schiedsmann halten/ biß das Geraͤusch fuͤruͤber gewesen. Aber die Verbitterung vberlieff Luthern erst recht/ da er vernahm/ wie jhn der Bapst in den geistlichen Bann ge- gethan haͤtte.
Es ist ein vhralter Gebrauch der
r
oͤmischen Kirchen/ daß man wider alle Rebellen vnnd Widerspenstige/ das erschreckliche Decret der
Excommunication
Jaͤhrlich am gruͤnen Donners- tag vor Ostern verlieset/ wann/ naͤmlich/ der Bapst/ nach gehalte- ner Meß/ in seinen Pontifical-Kleydern zu S. Peters Kirch/ auff eine Galerey/ gegen dem Platz steiget/ auff welchem sich vnendlich viel Volcks/ von allerhand Nationen befindet. Daselbst lesen zwar die beampte/ so dem Bapst an der Seiten stehen/ die
Bullam de Cœna Domini,
auff Lateinisch vnd Jtalianisch. Es werden aber in derselbigen erzehlet/ der jenigen Ketzer Namen/ so vorlaͤngst von der Kirchen abgeschnitten/ vnnd alsdann auffs newe/ mit ge- wissen Ceremonien vnnd Worten vom Bapst verdampt werden/ in dem er sonderlich ein brennende Fackel/ zum Zeichen deß Banns/ auff die Erden wirfft/ vnd diß ist die allerschaͤrpffste Straff in dem Bapsthumb. Man pflegt alsdann/ zur Bedeutung der kuͤnff- tigen Finsternuͤß/ welche den Excommunicierten fuͤrbereitet ist/ die Liechter außzuleschen: Dann durch das Fewer die Vnsterblich- keit der Seelen/ welche im Himmel leben/ bedeutet wird; oder auch vnser lebendiger Glaub vorgebildet. Dannenhero pfleget man vor Zeiten bey hellem Tage zwo brennende Fackeln den Bischof- fen vorzutragen; anch gibt man den Sterbenden ein Kertzlein in die Hand. Darumb werden diese Liechter in dergleichen Ceremo- nien außgelescht/ weil der Vngehorsamen Glaub tod/ vnd die Kir- che deßwegen trawrig ist.
Es hat zwar die Christliche Kirch von dergleichen Ceremo- nien Anfangs in der Apostolischen Kirchen nichts gewuͤst/ auch nur das Schwerd deß Keysers gebraucht; weil aber die Welt all-
gemach
ET RESTAVR. DISCVRS. XVIII.
gemach den Geist gedaͤmpffet/ vnd verlohren/ haben die Baͤpste zu Rom der Sachen nicht anderst wissen zuhelffen/ als daß sie auß dem Judaischen Gesetz/ nach Christlicher Freyheit/ eines vnd an- ders erwehlten/ das die Augen fuͤllete/ vnd durch die fuͤnff Sinne das Hertz beruͤhrte/ wann nur ein jeder den Geistlichen Verstand auß dem sichtbarlichen Gepraͤng wuͤstete herauß zuziehen. So ward nun Luther/ als ein
r
ebellischer Ketzer/ obbesagter Gestalt/ in das schwartze Register der verfluchten Ketzer gesetzt/ vñ sein Wind- liecht außgeleschet.
Guicciardinus,
ein Jtaliaͤner/ der sich lange Jahr in den Niderlanden auffgehalten/ meynet: Man haͤtte durch die Finger sehen/ gemaͤchlich gehen/ vnd keines wegs das Fewer mehr auffbla- sen sollen: Weil alle diese Streych vnd Verfolguugen nur Lu- thers
Reputation
vermehreten/ vnd bey dem Volck seine Person/ Leben vnd Lehr in groͤsser Ansehen brachten/ darumb wurde er nur desto behertzter. Andere bildeten sich ein/ vielleicht auß eygenem Sinn/ Luther haͤtte einen krummen Staab wol tragen/ oder in ei- nen Scharlacken Rock kriechen wollen/ wann man jhm nur mit Manier begegnen koͤnnen/ vnd den Pulß besser gefuͤhlet haͤtte. Ein jeder sprach/ es wer vbersehen. Auch predigte Luther schier nichts anderst/ als von dem
r
oͤmischen Stul/ vnd von Babel: Schrieb an die saͤmptliche Cardinaͤl: Es wuͤrde der Roͤmische Stul zer- hoͤrsten/ vnnd ließ den Bapst in abschewlicher Gestalt abmahlen.
Jn summa/ Luther setzt einen Artickel nach dem andern in den Tiegel/ strieche alles auff die Prob/ vnd verwarff die
r
oͤmische
r
eligion je mehr vnd mehr.
C c ij
Der
GERMANIÆ PERTVRBATÆ
Der neunzehende Discurß.
Auff Keyser
Maximilianum I.
folget
Carolus V.
bey deme kompt der Bapst Luthern vor. Warumb der Keyser so lang in den Niderlanden blieben? Ein Tag nach Wormbs gelegt. Lu- ther eascheinet/ wird wider zuruͤck gesand: Vrtheil hievon. Si- tzet auff einem Schloß zehen Monat; Was er damals geschrie- ben.
O
Bige Sachen belieffen sich in dreyen Jahren/ vnd er- weckten bey der gantzen Welt sorgliche Gedancken/ was darauß werden koͤnte. Jn deß bezahlt Keyser
Maximilianus I.
die Schuld der Natur/ den 26. Tag May/ Anno 1518. der mehr mit Vernunfft/ vnd auß Noht/ dann mit Waffen vnd Willen kriegte/ allweg selbst vornen dran. Er setzte mit Gutachten der Reichsfuͤrsten/ das Cammergericht zu Speyer/ vnd als
Alexander
VI.
das Jubel-Jahr/ welches
Vrba- nus
II.
Anno 1100. als
Ludos Seculáres
angestellet/ vnnd seine Nachfahren auff fuͤnfftzig/ endlich/ auff fuͤnff vnd zwantzig gesetzt/ Anno 1502. in Teutschland legte/ allen Ablaß vnnd Gnad/ so ein gantzes Jahr zu Rom juͤngst war zuerlangen gewesen/ im Land oh- ne sonderliche Vngelegenheit darhielte/ beschrieb er die Reichsstãn- de gen Nuͤrnberg/ vnd im folgenden Jahr nach Franckfurt/ ob die Teutschen sich darzu verstehen solten/ oder nicht. Vnd weil es allenthalben Empoͤrungen deß Poͤbels wider die Regenten in den Staͤtten gab/ als zu Speyer/ Hall in Schwaben/ Luͤbeck/ Regen- spurg/ Nuͤrnberg/ Schweinfurt/ Coͤlln/ Erfurt/ Wormbs/ schier allemal/ wegen der Aufflagen/ vnd verweigerten Rechnungen/ da bald der gemeine Poͤbel die Regenten koͤpffte/ vnnd vertrieb; die Regenten bald den Auffwicklern es also machten/ hatte der Keyser nicht wenig Mühe/ allenthalben Fried zustifften.
Auff
ET RESTAVR. DISCVRS. XIX.
Auff seinen Tod/ solten/ vermoͤg der Reichs-Restitutionen/ der Pfaltzgraff zu Heydelberg/ vnnd Hertzog in Sachsen/ beyde Churfuͤrsten/ das Roͤmische Reich verwalten/ biß ein anderer Key- ser erwehlet wuͤrde/ welches Luthern wol zu paß kommen/ daß nichts wider jhn vorgienge/ als nur durch Federfechten. Die Wahl fiel auff den Sachsen/ der sich aber/ wegen hohen Alters/ vnd gefaͤhrli- chem Zustand deß einbrechenden Tuͤrcken/ entschuldigte/ welches der Roͤmischen Kirchen vortraͤglich gefallen/ weil auß Sachsen sie eines grossen Abfalls sich zubesorgen/ mehr dann zuviel/ Vrsach hatte.
Franciscus I.
Koͤnig in Franckreich/ bemuͤhete sich eusser- sten Fleisses die Wahl zuerhalten/ aber vergeblich/ weil der mehrer- theil der Churfuͤrsten/ die Augen auff Printz Carlen/ Ertzhertzogen auß Oesterreich/ vnnd Hertzogen zu Burgund/ deß verstorbenen Keysers Sohns Sohn/ der ohnlaͤngst zuvor schier alle Koͤnigreich in Spanien ererbt hatte/ vnnd dannenher der Tuͤrckischen Macht gewachsen seyn koͤnte/ geworffen: Also/ daß sie gemelten Koͤnig Carlen/ den 28. Junij/ im Jahr 1519. zu Franckfurt am Mayn zum Roͤmischen Keyser erwehlten/ wie sehr es auch den Frantzosen geschmertzet/ vnd zu vnglaublichem Eyffer verhetzet.
Weil nun dieser newe vnd junge Keyser das folgende Jahr auß Spanien in die Niderlanden/ vnd folgends in Teutschland/ zu seiner Croͤnung vnd Regierung kommen solte/ wie auch geschehen; gedachte Luther sich bey demselben zuforderst angenehm zumachen/ vnd vberschrieb jhm sein Buch von Reformation der Kirchen/ in welchem er sich/ wegen Gewaltthaͤtigkeit seiner Feinde/ beklagte/ die allen Fleiß anwendeten/ jhn vmb das Evangelion/ wie etwan vor alten Zeiten dem
Athanasio
geschehen/ zuvertilgen. Er beruͤhrte auch alle alte Strittigkeiten/ so etwan zwischen dem Roͤmischen Stul/ vnd den Teutschen Keysern gewesen/ vergaß nicht Neaples vnd Sicilien zumelden/ mit diesem Beschluß: Der Keyser solte sein Ansehen vnnd Macht/ so jhm GOtt/ vnd das Reich/ vber Geist- vnnd Weltliche auffgetragen/ nicht lassen vnter die Füsse tretten.
C c iij
Es
GERMANIÆ PERTVRBATÆ
Es hatte aber der Bapst gleich Anfangs dem Luther vorge- bogen/ vnd
Hieronymum Alandrum,
als ein Apostolischen
Nun- tium,
zum Keyser abgefertiget/ welcher auch so grossen Fleiß ge- than/ daß Luthers Buch vnangenehm ward/ ja/ daß der Keyser al- ler Orten/ da er durchreysete/ sonderlich aber zu Coͤlln vnd Meyntz/ Luthers Buͤcher/ die er wider das Bapsihumb/ biß dahin/ geschrie- ben/ vnd in Druck außgehen lassen/ offentlich zuverbrennen befah- le. Eben dieser
Alander,
ein geborner Jtaliaͤner/ setzte auß An- trieb der vbrigen Clerisey zu Coͤlln/ dem Churfuͤrsten in Sachsen hart zu/ daß er von Luthern nicht nur Hand abziehen/ sondern jhn auch persoͤnlich nach Rom lieffern/ oder auff einige fuͤgliche Weiß auß dem Mittel raͤumen solte. Vnd mag beydes seyn/ daß Luther sein Buͤchlein von der Babylonischen Gefaͤngnuͤß desto eyfferiger abzufassen/ aber auch der Keyser einen solchen starcken Widerwil- len gegen Luthern/ daß er seine Buͤcher zuverbrennen befohlen/ vnd dann gegen dem Churfuͤrsten selbst/ daß er jhn mit den Reichslehen auffzuhalten/ hierdurch vervrsacht worden.
Der Keyser konte sich Anfangs weder in das Regiment/ noch in diese verworꝛene Haͤndel/ da der Bapst zu Rom so tieff ein- gemischt lage/ nicht allerdingsfinden: Gedachte sein eygene Sa- chen vor allen Dingen in Ordnung zubringen/ vnd dann ein solche Macht auß eygenen Mitteln daher zufuͤhren/ daß niemand seine junge Jahr verachten/ noch seiner Gewalt widerstehen moͤchte. Er war vnvergessen/ daß sein Herꝛ Großvatter Maximilian/ von den Niderlaͤndern in der Statt Gent gleichsam gefangen gehalten/ vnd nicht anderst/ als durch Keysers
Friderici
III.
Huͤlff koͤnnen erret- tet werden. Darumb muste er vor allen Dingen der Niderlanden/ darinn so viel streitbare Voͤlcker waren/ die etwan dem Koͤnig in Franckreich/ ohn alle frembde Huͤlff/ die Spitze gebotten/ auch ehe die Landschafften alle zusammen gewachsen/ grossen Schaden zugefuͤget/ sich versichern/ auff daß er in allen Noͤhten/ die jhn in Teutschland betretten moͤchten/ einen sichern Ruͤcken vnd Zuflucht wissete.
Vnd
ET RESTAVR. DISCVRS. XIX.
Vnd diß war die erste Vrsach seines langen Verzugs. Die andere aber eraͤuget sich selbst/ daß er auß der Naͤhe der Teutschen Fuͤrsten Zuneygungen/ vnnd deß Reichs Beschaffenheit wolte er- kundigen/ in deme ein jeder/ kein einigen außgenommen/ jhn entwe- der in Person besuchte/ oder durch Abgesandte begrüste/ vnd besten Fleisses auff sein Anliegen. Doch wolte er die Fuͤrsten/ die jhn zu jhrem Oberhaupt erkohren/ auch beysammen sehen; denen/ so jhm wol nach Hoff geritten/ nach Gelegenheit Gnade zuerweisen; vnd den Abguͤnstigen/ oder wenig Geneygten seine Macht zuzey- gen. Zu solchem End schrieb er einen Reichstag auß/ auff das angehende folgende Jahr/ nach Wormbs/ sich mit den Teutschen bekannt zumachen/ vnd/ wie er vorgab/ jhres Rahts/ in Verwal- waltung deß Roͤmischen Reichs/ zupflegen. Hertzog Friderich Churfuͤrst in Sachsen/ war der erste/ der dem Keyser zu Wormbs auffwartete: Vnd ob er gleich Luthern/ wegen der Lehr vnd Le- bens/ das Wort thaͤte; auch der Baͤpstische
Nuntius
viertzig laͤngst verdampte Artickel auß dem Buch von dem Babylonischen Gefaͤngnuͤß außgezogen/ vorlegte/ wolte doch der Keyser Luthern/ auff deß Churfuͤrsten Anhalten/ auch selbst hoͤren: Vnd ertheilte jhm/ weil es also begehrt wurde/ ein Freybrieff/ den der Keyser vnd die Fuͤrsten deß Reichs/ zu mehrer Versicherung/ vnterschrieben: daruͤber es viel Bedenckens hatte gegeben: Ob nicht deß Keysers Hand vnd Wort genugsam zur Versicherung waͤren; andere a- ber das Exempel von Hussen zu Costnitz angezogen: Zu deme man sich eines allgemeinen Auffstands haͤtte zubefahren/ weil Luther ein so gar grossen Namen vnter allem Volck haͤtte. Caspar Sturm/ Keyserlicher Herold/ vberantwortet Luthern den Freybrieff/ neben etlichen andern Particularschreiben/ sonderlich von seinem Chur- fuͤrsten/ auff welchen sich Luther am hefftigsten verließ. Er wehlet jhm zu Reyßgesellen Jonam den Probst/ Amsdorff den Schrifft- gelehrten/ vnd Schurffen den Rechtsverstaͤndigen. Der Chur- fuͤrst hatte sie zu Wittenberg mit einem verdeckten Wagen/ vnd al- ler Notturfft auff den Weg versehen lassen.
Den
GERMANIÆ PERTVRBATÆ
Den 16. Tag April/ 1521. fuhren sie zu Worms ein/ vnd blieben daselbst zehen Tage. Viel seiner Freunde hatten jhm die Reyß widerrahten/ ja zweiffelten/ ob er in seinem Thun bestaͤndig bleiben wuͤrde/ wie er dann auch sich zu resolvieren/ ob er seine Buͤ- cher selbst gut heissen vnd behaupten wolte/ oder nicht/ einen Tag Auffschub genommen. Der
Nuntius
thaͤt etliche eyfferige Re- den wider Luthern/ vnd richt nichts anders auß/ als daß er sich/ we- gen bekanter Partheylichkeit/ nur verdaͤchtig machte/ biß er die ein vnd viertzig Artickel/ als jrꝛige/ zusammen klaubete. Aber Johann von Eck/ deß Churfuͤrsten von Trier Official/ ein kluger/ wolbe- redter Rechtsgelehrter/ handelt mit Luthern vor dem Keyser vnd den Staͤnden/ jhn zu einem Widerruff zubringen. Luther ver- warff zwar alle voriger Zeiten verdampte Ketzereyen/ achtet aber darneben weder auff Kirchenlehrer/ noch Concilien/ sondern hielte sich an die heilige Schrifft/ vnnd wolte kein andern Richter/ noch Wegweiser wissen/ oder leyden. Als der Keyser solches vernahme/ gieng er in sein Zimmer/ vnd schrieb an die Reichsfuͤrsten: Er were vom Teutschen Keyserischen/ vnd Spanischem Koͤniglichen Ge- bluͤt; wolte in seiner Voraͤltern Fußtapffen tretten/ bey den Con- cilien halten; gedaͤchte all sein Vermoͤgen/ Blut vnd Seel/ wider die Ketzerey anzuwenden. Man solte Luthern fortschaffen/ dem er nimmer zuhoͤren mehr begehrte/ vnd Zuleystung der vorgeschrie- benen Bedingungen anhalten; oder wolte er wider jhn/ als ein of- fentlichen vnd bekanten Ketzer verfahren. Vnd wie etliche das Cost- nitzer
Concilium
anzogen/ welches deß Hussen/ ohneracht deß Key- serlichen Geleytbrieffs/ zu Aschen verbrand/ nahm der Churfuͤrst zu Heydelberg das Wort/ vnd wolte nicht gestatten/ daß ein solcher Schandfleck auff den Teutschen Namen fiele. Der Keyser selbst sagt: Wann man bey jhm nicht Trew vnnd Zusag solte finden/ wo man es dann suchen wolte? Andere meyneten/ die Sache wer wichtig/ vnd nicht so gesch wind zuvbereylen/ deßwegen beyde Chur- fũrsten/ zu Trier vnd Brandenburg/ auff sich genommen/ mit Lu- thern/ neben andern Staͤnden vnnd Gelehrten/ zuhandeln. Vnd
als
ET RESTAVR. DISCVRS. XIX.
als sie vnter andern jhnen fuͤrhielten/ er solte die gantze Sach dem Keyser vnd den Staͤnden vbergeben/ auch deroselben Schluß vnd Gutachten sich vnterwerffen; antwortet er auß dem Psalm/ der Prophet spreche deutlich: Verlaßt euch nicht auff Menschen/ ja auch nicht auff Fuͤrsten.
Als nun bey jhm gar nichts zuerhalten war/ hielt jhm der Keyser das Gelait/ verordnet jhm ein vnd zwantzig Tag zur Wi- derkehr/ mit außfuͤhrlichem Verbott/ vnter Wegs nicht zupredi- gen; vnd ließ jhn durch eben den Herolden/ so jhn abgeholet/ wider sicherlich an denselbigen Ort lieffern. Doch ließ er den Herol- den nach dem dritten Tag zu Friedburg von sich/ weil er bey al- lem Adel mehr Schutz/ als Gefahr sich zuversehen hatte: Schrieb er an die Fuͤrsten/ vnd klagt/ daß man zu Wormbs das Wort Got- tes nicht vngebunden wollen gelten lassen. Jn dem kam ein Ge- schrey auß/ als were Luther von einem feindlichen Hauffen bey Ey- senach gefangen/ vnd elendiglich fortgeschlept worden; welche Zei- tung an sich selbst falsch vnd erdicht/ auch wahr vnd geschehen ge- wesen. Dann es waren keine Feinde/ sondern deß Churfuͤrsten ge- treweste Edelleut/ die jhn zur Verwahrung auff Wartenburg ge- führet/ da er zehen Monat ist geblieben: Aber nichsto weniger ein bittern Haß bey klein vnd groß wider die Clerisey/ auch etwas Ver- dachts wider deß Keysers geheime Raͤhte erwecket/ wurd aber bald gestillet.
Hie gab es vielerley Rahtens/ erstlich bey dem Keyser/ damit keine Weitlaͤufftigkeit darauß erwuͤchse; darnach bey den Geistli- chen/ daß Luthern einmal fuͤr alle/ die Feder gestuͤmpfft/ die Zung ge- laͤhmet/ vnd der Muht benommen wuͤrde/ entweder durch gewalt- samen Tod/ oder ewige Gefaͤngnüß. Ferner/ bey denen/ die jhm wol wolten/ wie man jhn zum besten verwahren moͤchte? Vnd end- lich/ bey den Vnpartheyischen/ die wol sahen/ daß er in vielen Sa- chen recht/ vnd die Clerisey vnrecht haͤtte/ was doch mit der Zeit darauß werden solte. Das hielt jederman vor gewiß/ Luther wuͤr- de nicht schweigen/ weil er so keck vor dem gantzen Roͤmischen
D d
Reich
GERMANIÆ PERTVRBATÆ
Reich gesprochen/ vnd weder Bann/ noch Acht/ weder Schwerd/ noch Fewer gefoͤrchtet/ demnach seine Feder wider die Feinde spi- tzen/ seine Zung wol vben/ vnd sein Gemuͤht herfuͤr lassen brechen/ auch grossen Anhang bekommen: Angesehen/ schon die Gelehrten/ so man selbiger Zeit die Poeten/ sonsten die
Philosophos
pflegte zu- nennen/ es/ wie droben gemelt/ mit jhm hielten/ vnd die Moͤnch mit jhrem Klosterlatein verspotteten/ vnter welchen auch gewesen
Era- smus
von Roterdam.
Den 8. Tag May/ ließ der Keyser die Acht wider Luthern ergehen/ vnnd vermeldet im Patent: Es erfordere eines Keysers Ampt/ daß er die Religion fortpflantzete/ vnnd die herfuͤrstechende Ketzereyen außrotte: Erzehlt hernach/ was Luther vor ein Grewel in Teutschland anrichte/ vnd wann man jhm nicht bey Zeiten bege- gne/ werde sich die gantze Nation in eusserstes Verderben stuͤrtzen. Bapst
Leo
haͤtte den Menschen erstlich gantz Vaͤtterlich erinnert/ die Versamlung der Cardinaͤl vnd anderer Gelehrten/ haͤtten seine Schrifften verdampt/ vnd jhn ein Ketzer gescholten/ wann er in be- stimpter Zeit nicht widerruffen wolte. Vnd solcher Bull Abschrifft haͤtte der Bapst durch seinen
Nunciũ
Jerom Alandern/ jhm/ als der Kirchen Schutzherꝛn zugesand/ mit Bitt/ solcher Bull in allẽ seinen Bottmaͤssigkeiten Krafft zugebẽ. Weil aber erwehnter Luther/ sich vmb nichts gebessert/ vnd noch taͤglich Buͤcher/ mit solchen Ketze- reyen/ die nicht nur jetzt new herfuͤr kommen/ sondern die auch laͤngst von den hochheiligen Concilien verdampt seyen/ anfuͤlle/ vnd solches alles so wol in Lateinischer/ als gemeiner Mutterspraach/ deren etli- che Artickel berührt vnd angezogen waren/ beschließt er/ daß kein ei- niges Buch/ ja schier kein Wort in demselben/ das nicht sein Gifft/ oder toͤdlich Angel mit sich fuͤhre. Nach dem er dann/ neben seinen Raͤhten/ die er auß allen seinen Landen vmb sich haͤtte/ alles fleissig betrachtet/ hab er dervorigen Roͤm. Keyser Fußtapffen wollen fol- gen/ vnd auff gegenwaͤrtiger Zusam̃enkunfft in Wormbs/ mit der Chur-Fuͤrsten vnd Staͤnden deß Reichs Rahtgeschafft/ ob es schon nicht allerdings sich gebuͤhrete/ einem solchen/ der vom Bapst ver-
dampt/
ET RESTAVR. DISCVRS. XIX.
dampt/ auff eygener Meynung halßstarꝛig blieb/ vnd in Ketzerey of- fentlich ergriffen wer/ zuhoͤren/ noch vorkommen zulassen/ ehe es zu Vollziehung der Bull gelangt/ vnd geschlossen/ daß er durch einen Herolden zur Stell gebracht wuͤrde; nicht zwar vber einigen Glau- bensartickel zuerkennen vnd zuvrtheilen/ welche Erkanntnuß dem Bapst allein zukomme/ sondern jhn durch heilsame Erinnerungen auff den rechten Weg wider zubringen. Erzehlt ferner/ wie Luther in die zumal herꝛliche Versamlung kommen/ was man jhn gefragt/ vnd er geantwortet/ vnd wie man jhn lassen hinziehen.
Schließt endlich/ er erkenne jhn nicht vor ein Menschen/ son- dern vor den Teuffel selbst/ der vnter der Gestalt eines Menschen/ zum Vntergang deß menschlichen Geschlechts/ eine Moͤnchskap- pen angezogen/ sehr vieler Ketzer zumal verdampte/ vnd laͤngst ver- grabene Ketzereyen in ein stinckenden Sack zusam̃en geklaubt/ auch etliche gantz Nagelnew von sich selbst erdacht/ vnd vnter der ange- masten Predigt deß Glaubens/ dener seinen Betrug zubemaͤnteln/ so offt vnd so eyfferig vorschuͤtzt/ den wahren Glauben gantz zerstoͤ- ret; Ja/ vnter dem Vorwand der Freyheit/ die er verspreche/ deß Teuffels Joch vnd Dienstbarkeit einfuͤhre/ vnd vnter dem Namen der Evangelischen Bekantnuͤß/ den gantzen Evangelischen Frieden vnd Liebe/ sampt allerding Ordnung/ mit dem so gar schoͤnen An- sehen/ der gantzen Kirchen zuverkehren/ zuschwaͤchen/ vnd vnter die Fuͤß zulegen sich vnterstehe. Wil derowegen vmb der Ehre Gottes willen/ auß Ehrerbietung gegen der Kirchen/ vnd wegen deß Reichs schuldiger Hohheit/ auß Raht vnd Einwilligung der Chur-Fuͤr- sten/ vnd Staͤnden/ daß das vom Bapst gefaste Vrtheil Krafft ha- be/ vnd befihlt/ daß man erwehnten Luthern/ vor einen offentlichen Ketzer halte vnd erkenne/ mit angehenckter Straff gegen jederman/ auch gegen die Fuͤrsten vnd Staͤnde/ daß jhn niemand/ nach verflos- senẽ 21. Tagen/ herberge/ noch beschuͤtze/ sondern vielmehr Handvest mache/ vñ verwahre: Seine Gesellen aber/ Helffer vñ Goͤnner/ al- ler jhrer Guͤter/ beweg-vñ vnbeweglichẽ entsetzte. Vber diß verbote er auch Luthers Buͤcher zuhabẽ/ noch zulesen/ ob auch schon etwas
D d ij
guts
GERMANIÆ PERTVRBATÆ
guts darinn begriffen were: Ja/ es solten alle Fuͤrsten/ vnd Jeder- maͤnniglich sie verbrennen vnd verderben. Weil auch hin vnd wi- der einiger Außzug auß demselben/ sampt etlichen Contrafaiten vnnd Gemaͤhlden/ dem Bapst vnd andern zu Schmach in Druck kaͤmen/ verbotte er in gleichem solche zudrucken/ zuhaben/ oder zu- mahlen/ sondern/ es solte die Obrigkeit solche greiffen/ vnd verbren- nen/ auch die Buchfuͤhrer/ vnd andere/ so sie kauffen/ oder verkauf- fen doͤrffen/ mit schwaͤrer Staaff ansehen.
Gebeut schließlichen bey hoher Straaff/ daß kein Buch/ wie gering es auch seyn koͤnte/ darinn von der Religion gehandelt wuͤr- de/ ohn Gutachten deß
Ordinarii,
in Druck außgienge.
Dieses Edict machte dem Keyser bey der Clerisey grossen Gunst/ sonderlich/ bey dem Bapst.
Vnd eben zu dieser Zeit wurden der hohen Schulen zu Coͤl- len/ Loͤven vnd Pariß geschoͤpffte Vrtheil wider die Satzreden/ so zu Leipzig laͤngst verhandelt worden/ eingelieffert: Diese verwarf- fen Luthers Meinung gantz vnd gar/ welches er jhm gleichwol von der
Sorbona
zu Pariß nicht einbilden wollen/ weil dieselbe sich je- derzeit dem Stul zu Rom in gewissen Artickeln/ sonderlich/ wegen der Pragmatischẽ Sanction/ die Kirchenlehen betreffend/ vñ wegen der Gallicanischen Freyheit/ so sich dem Bapstnimmer schlecht hin vnterworffen/ auch auff dem letztgehaltenen
Concilio,
durch den Reichs-Cantzler
Gerson,
hoch intoniret/ widersetzt hatte.
Weil nun Luther sich erstlich auff den Bapst/ vnd da derselb jhn verdampt: Darnach auff diese hohe Schulen beworffen/ die jhm eben wenig Beyfall gegeben/ wird darfuͤr gehalten/ da der Key- ser dieser dreyen Vniversitaͤten Außschlag Vrtheil zuvor gesehen/ er nicht so gelind mit Luthern wuͤrde verfahren seyn. Gleichwol er- hielt Doctor Eck (nicht der von Eck/ Trierischer Raht/ vnd Key- serlicher
r
edner) bestelter
Professor
der heiligen Schrifft zu Jn- golstatt/ der sonsten allenthalben/ zu Freyburg/ Tuͤbingen/ Wien/ vnd Bononien/ eines fuͤrtrefflichen Disputanten Loͤb jederzeit dar- von getragen/ durch gantz
Europa
den Preiß. War dannoch ein
Vber-
ET RESTAVR. DISCVRS. XIX.
Vbersehens auff Romanischer Seiten/ daß der Baͤpstische
Nun- tius
den Keyser mit Außlassung der Acht wider Luthern/ vbereylet/ vnd selbst mit Schrifftgelehrten Leuten/ auff demselben Plan nicht versehen gewesen/ sondern alles auff Hoffrecht hergehen ließ/ weil ohne das der Keyser dem Bapst nicht vorgreiffen wollen.
Bey so gestalten Sachen war Luther auß gegenwãrtiger Gefahr/ aber nicht auß der Forcht/ darumb gedachte er in Boͤhmen zuziehen/ ob er schon die Jnnwohner desselbigeu Koͤnigreichs/ zu- vor/ als arge Ketzer gehasset/ vnd wegen jhrer Trennungen ein Ab- schew an jhnen gehabt. Dann ein Theil hielt es mit dem Stul zu Rom/ wie andere Nationen; andere brauchten das Abendmahl vnter beyderley Gestalt/ vnnd in etlichen Stuͤcken der Meß/ jhre Mutter spraach/ wie sie vor Zeiten der Bischoff Rockezahn vnter- wiesen; in dem vbrigen den vorigen gleich. Aber die Picarder/ al- so genannt/ weil sie noch vor Johann Hussen Zeiten auß Picar- dey/ (einer Landschafft in Franckreich/ in welcher selbiger Koͤnig einsmals etliche hundert Adeliche Haͤuser/ Sitz vnnd Schloͤsser/ wegen deß Abfalls vom Roͤmischen Stul zerstoͤret) sich zerstrewet/ zum Theil in Boͤhmen kommen/ hernach Hussen Lehr begierig angenommen/ vnd brauchen das Abendmahl gantz/ gestatten den Priestern die Ehe/ haben fast keine Feyertage (ausser deß Sontags) vnd Ceremonien. Vnd diese gedachten sich dem eusserlichen Ge- walt deß Bapsts zwar zu vntergeben/ aber die Lehr nach dem jnn- wendigen Menschen im Geist fortzupflantzen/ welches jhnen Lu- ther durch ein Zuschreiben eyfferig widerrahten. Doch haͤtte Lu- ther bey diesen Leuten sich schwaͤrlich betragen koͤnnen/ weil er all- zu Heroisch/ alles nach seinem Sinn haben wollen.
Die zehen Moͤnat vber er zu Wartenburg (andere nennen das Berghauß Altstatt; vnnd mag auff beyden sich enthalten ha- ben) gewesen/ war jhm der Ort ein
Pathmos
(also nennet Johan- nes der Evangelist die Jnsul/ darein jhn
Domitianus
verbannet/ vnd er die Offenbarung geschrieben) weil er viel Sachen waͤhren- der Zeit geschrieben/ sonderlich/ an Frantz von Sickingen/ einen
D d iij
Rhei-
GERMANIÆ PERTVRBATÆ
Rheinischen Edelman im Westerich/ von der Ohrenbeicht/ dem be- fahl er
Martinum Bucerum,
dessen drunten solgedacht werden: Wider D. Johann
Latomum,
Schrifftgelehrten zu Loͤven/ vom Antichrist/ vñ der Schullehrer Sophisterey/ an
Ionam
dẽ Probst/ daß er die
Decretales
deß Bapsts/ den Lcuten außschwetzete: An Carlstatt vnd Amsdorff/ daß sie die Schlang/ deren er den Kopff zertretten/ gar hinrichteten vnd erwuͤrgten. Vnd dann an die Augu- stiner Moͤnch/ seine Bruͤder/ daß sie die einsame Messen recht vnd wol abgeschafft haͤtten: Von dem Klostergeluͤbd an seinen Vatter/ vnd 279. Satzreden/ an die hohe Geistlichen zu Wittenberg. Vnd weil jhn Melanchthon etwas kaltsinnig/ wie jhn daͤuchte/ wider die drey erwehnte hohe Schulen/ hatte verthaͤdiget/ setzt er selbst die Fe- der an/ vnd macht den Schullehrern grobe Arbeit. Zuverwun- dern ist es/ daß die Clerisey diesen Dachsen nicht hat auß der Hoͤhlen bringen koͤnnen/ noch jhme beykommen: Vnd weil man wuste/ daß er hin vnd wider schriebe/ den Keyser nicht angelangt/ Acht vnd A- beracht/ deßwegen zugebrauchen/ vnd zuvollnziehen.
Der zwantzigste Discurß.
Wer Carlstatt gewesen? Vnd wie er mit Luthern strittig wor- den: Auch endlich zu Basel gestorben.
H
J
e
muͤssen wir bedencken/ daß sich der erste Streit oh- ne Execution geendet: Dann/ als sich die Fuͤrsten vnd Staͤnde in das Werck schlugen/ vergaß man Luthers/ vnd ließ jhn seyn/ wie jhn sein Landsfuͤrst haben/ tra- gen/ vnd dulden wolte.
Weil aber offerwehnter Luther/ noch zween andere/ vnd zwar seiner Seiten vnvermuhtete Widersprecher gehabt/ die jhme nicht weniger/ als der Bapst/ zuschaffen gemacht/ vnnd die annoch jhm widerstreben/ erfordert die Notturfft/ daß wir etwas zuruͤck gehen/
wider-
ET RESTAVR. DISCVRS. XX.
vnd dieselbe particular Geschichten/ biß hiehero in das gemeine We- sen fuͤhren/ sintemal/ als sie biß auff den heutigen Tag/ noch neben einander schweben/ biß sie sich entweder vergleichen/ oder auff ein newes wider trennen.
Es wuste Luther von niemand in
Europa,
der dem Bapst sei- ner Zeit widersprochen/ als die Boͤhmen/ mit welchen er es gleich- wol nicht suchte zuhalten/ erfuhr aber/ daß in Schweitz etliche fuͤr- nehme Ort vom Roͤmischen Stul auch abgebawet/ vnd zu seinem Sinn sich vielleicht etwas besser fuͤgen solten: Vnd dessen war Carlstatt/ ein Vrheber/
Zvinglius,
ein Verfechter/
Oecolampa- dius,
oder Haußschein/ ein Vollender. Darum̃ fangen wir an von Carlstatt/ der hiesse sonst eygentlich Andreas Bodenstein von Carl- statt/ Ertzdechant zu Wittenberg/ der Luthern vnter andern den er- sten Beyfall geben/ jhn auch zu Leipzig verfochten/ vnd hernach ein Buͤchlein lassen außgehen/ dessen Vberschrifft diese: Außlegung vber das 30. Capit. deß vierdten Buchs Mose/ darinn er beschließt durch Biblische/ Christliche Rechten/ daß Pfaffen/ Moͤnch vnd Nonnen/ sich mit gutem Gewissen vnnd Goͤttlichem Willen moͤ- gen/ vnd sollen vermaͤhlen/ vnd in ehelichen Stand begeben/ vner- suchter Roͤm. Dispensation/ oder Nachgebung/ die auch gar vn- noͤhtig sey. Vnd gibt Raht/ daß obgemelte Personen/ jhr gleiß- nerisch Leben/ sampt Kappen vñ Kugeln abwerffen/ vnd in ein recht Christlich Leben tretten: Verfertigt an Conrad Gutmann/ Cast- nern vnd Centgraffen zu Kitzingen/ auff den Tag
Iohannis Ba- ptistæ,
Anno 1521. Dieser Carlstatt fuͤhrete sehr hohe Gedancken/ nach
Tauleri
Meinung/ der vmb die Zeit 1346: zu Coͤlln beruͤhmt gewesen/ Anno 1379. zu Straßburg gestorben/ Dominicaner Or- dens/ vollereyffer vnd Gottseligkeit/ daß er auch einmals im Pre- digen verstumbt/ vnd zwey Jahr schier nichts anders gethan/ dann weinen/ biß er wider zurecht kom̃en/ vnd im Predigen fortgefahren/ manchmal Entzuckungen vñ Erscheinungen empfunden/ die Laster gestrafft/ die Clerisey jhrer ersten Stifftung erinnert/ vnd deßwegen nicht wenig Vngemach erlitten/ vnd vberstanden/ als welcher alles auffdas Jnwendige vnd den Geist gezogen.
Sol-
GERMANIÆ PERTVRBATÆ
Solchen Schlag fuͤhrete Carlstatt/ auß welchem Funda- ment auch der Streit/ zwischen jhm vnd Luthern/ deme er doch den Lorbeerkrantz/ vnnd das Doctor Baretlin auffgesetzt/ erwachsen. Dann er macht sich der Zeit/ wegen der Widertaͤuffer verdaͤchtig/ als haͤtte er Offenbarungen vnd Gesichter: Weil er auch die Ge- genwart deß Leibs Christi im Abendmahl gantz verneinte.
Jn deme nun Luther nach Wormbs verreyset/ vnd auff dem Wartenburg saß/ thaͤt er die Bilder vnd Altar auß den Kirchen/ welches er gegen Luthern mit diesen Worten entschuldiget: Das hab ich nicht allein fuͤrgenommen/ sondern die drey Raͤhte/ vnd ew- rer Gesellen etliche/ die beschlossen es. Darnach zogen sie die Koͤpffe auß der Schlingen/ vnd liessen mich allein stehen. Aber Luther gab jhnen deßwegen ein groben Verweiß/ als er auß seinem
Path- mo
herfuͤr kommen. Vnd weil es ohne deß Churfuͤrsten Wissen vnd Willen geschehen/ entschuldiget er sich hoͤchlich/ sonderlich/ daß in der Kirchen/ seiner Abwesend/ etliche Stũck veraͤndert waͤ- ren.
Darumb hielten es etliche mit jhm/ etliche mit Carlstatt: A- ber Luther behielt endlich das Feld/ daß
Pelargus Stubenerus,
vnd
Cellarius
zuletzt von Carlstatt abliessen/ vnnd Carlstatt selbst/ der sonsten zum Zancken nicht geneigt war/ sich zu Ruh begab/ wie er dann juͤngst ein edle Jungfraw heurathet/ der erste vnter allen ab- truͤnnigen Priestern. Darumb auch ein sonderbare newe Manier deß Gottesdiensts/ vnd deß Gebets/ bey seiner Vermaͤhlung vor- gangen/ durch welche viel andere/ dergleichen zuthun veranlast wor- den. Vnd da gab es viel Fragens vnd Zanckens: Ob ein Bischoff solte eines Weibes Mann seyn? Ob ein Priester eine Wittib/ o- der nach Absterben der Ersten/ ein andere heurathen koͤnte? Also verließ Carlstatt das Predigen vnd Schreiben/ weil jhm Luther al- les vernichtet/ vnd in allem widersprach/ vnd wolte zusehen/ was es endlich geben werde. Seine Freunde trieben jmmer an jhm/ biß er sich bereden ließ/ die Pfarꝛ zu Orlamund in Thuͤringen anzuneh- men. Da haͤtte er bald grossen Zulauff/ vnd solte sich wider nach
Wit-
ET RESTAVR. DISCVRS. XX.
Wittenberg in das Gezaͤnck sich begeben: Welches jhm gar nicht anstunde. Dann es hoffeten viel fromme Hertzen/ es muͤste endlich die Wahrheit herfuͤr brechen/ wann man beyde Meinungen auff- spannete/ vnd die Sonne ließ durchleuchten: Doch antwortet er jhnen also: Bruͤder/ jhr wundert/ daß ich stillschweige/ vnd nicht schrieb/ vnd beschuldiget meine Faulheit darmit/ vnd thut/ als etli- che/ die tãglich vber mich schreyen: Jch verlaß ein bessere Arbeit der
Lection
(die Schrifft außzulegen) vnnd vbe mich in eusserlicher laischer Arbeit/ vnd vnterstehet euch/ mich zum schreiben zubringen/ als were ich euch pflichtig mit schreiben zudienen/ gleich als moͤch- te solcher Dienst ohne Faͤhrlichkeit vnd Nachtheil deß Geistes ge- schehen. Jch wil aber/ hoffe ich/ euch gnugsame Vrsachen an- zeigen/ vnd euch mit schrifftlichem Gezeugnuͤß fahen/ vnnd dahin fuͤhren/ da jhr bekennen muͤsset/ daß kein eusserliches Bekanntnuͤß/ als schreiben vnnd predigen/ der Wahrheit ohn Faͤhrlichkeit/ vnd ohn Geschwinde deß Geistes GOttes geschicht: Darumb auch mir nuͤtzer were/ stillschweigen/ vnd allein hoͤren/ die Stimme deß Braͤutigams/ dann auß dem Schlaaff vnd Gehoͤr lauffen.
Die erste Vrsach/ nimbt er von dem Schaͤnden vnd Schmaͤ- hen der Zancksuͤchtigen also: Wann einem vber seinen Halß ein Moab/ oder ein Babylonischer Knecht kompt/ so ist es schwaͤr/ daß er sich in schuldiger Maͤssigkeit gegen jhm erzeige/ vnd vor hohlhip- pischem Fluchen vnnd Vermaledeyung enthalte. Jtem/ auch ist es euch vnverborgen/ daß ich mich schwaͤrlich vor jhnen bergen kan/ vnd daß ich auff jhre vnnütze Scheltwort ohne Vppigkeit nicht antworten kan; dardurch ich den Vnverstaͤndigen einen Strick jh- res Erkanntnüß legen moͤchte/ als etliche gethan haben/ vnd mich ein Vrsach setzen deß Abbruchs Goͤttlicher Liebe/ vnd der Spott- werck/ welche die Narꝛen mit den guten einlesen; das dann GOtt vnd seinem Volck zu Vnehren vnd Nachtheil gereychen moͤchte. Jtem/ die Schreiberey ist geneigter zu Spotten vnd Hoͤhnen/ dann zum Vnterweisen/ vnd zum Lehren.
Die andere Vrsach/ daß er nicht gern schreibe/ nimbt er von
E e
der
GERMANIÆ PERTVRBATÆ
der Drucker Vnfleiß/ da etliche Wort/ ja Sententzen versetzt vnd verkehrt/ der Sinn vnd Jnnhalt der seinigen Buͤcher gaͤntzlich ver- stoͤrt werde.
Die dritte Vrsach ist genommen von dem Beruff eines Pre- digers. Daß jhr/ spricht er/ vnd andere meine Bruͤder/ mich be- ruffen vnd außschicken/ ist ein Menschliche vnnd eusserliche Auß- sendung/ die im Grund vor Gott nichts werth seyn mag/ ja auch wider Gott. Vnd in der Warheit ist solche Menschliche Beruf- fung ein faͤhrlich vnnd betrieglich Pfand; vnnd die Nachfolgung auff Menschen ist vermessen vnd freventlich/ so offt Gottes jnner- liche Beruffung nicht zuscheubt/ vnnd den Beruffen nicht versi- chert/ innwendig/ als ein auffgedruckter Siegel vnd gewiß Pfand. Jtem/ wir sind vnbedaͤchtliche Leut/ ich so wol/ als ein anderer/ daß wir in GOttes Sachen alsobald fuͤrfahren/ vnd lassen vns/ als ein Rohr/ einen kleinen Wind auffheben/ vnnd zu Knechten Gottes machen.
Die vierdte Vrsach findet er bey seiner Vnwuͤrdigkeit/ vnd sagt: Wer reine vnd heilige Ding vnschuldiglich wil handeln/ der soll rein vnd heilig seyn/ als die Ding/ so er begreifft vnd handelt. Jtem/ jhr wisset/ daß wir vnser Creutz deß Haß vnd Neids zu eyge- ner Seelen Heyl taͤglich tragen muͤssen; vnnd daß sich der verder- bet/ der es einen Augenblick von jhm legt/ dieweil Christus spricht: Welcher sein Seel findet in dieser/ derverderbt sie/ vnnd der sein Creutz nicht traͤgt/ vnd mir nachfolget/ der ist nicht mein Juͤnger. Demnach solt ich mein Seel/ ohn Auffhoͤren/ hassen/ mein Creutz ohn vnterlaß tragen/ vnnd Christo nachfolgen: Jnsonderheit/ wann ich Gottes vnvermackelt Wort verkuͤndigen wolte/ dann ich hab gar nichts daran; so ist es GOttes/ vnd nicht mein. Aber es kuͤtzelt die Seel/ so das Wort gelobt wird/ als were es jhr eygen/ vnd sie gedunckt sich besser dardurch. Derohalben solte ich sie ernstlich hassen: Jch aber befinde nichts in mir/ dann nur Willen vnd Be- gehrung/ ꝛc. Doch faßt er einen Muht/ jhnen zu willfahren/ vnd spricht: Jch wil GOtt bitten/ daß Er mir seinen Geist der Barm-
hertzig-
ET RESTAVR. DISCVRS. XX.
hertzigkeit gebe/ der mich Gottes wolguͤnstigen Willen verstaͤndi- get/ dem wil ich gern gefolgig seyn/ der mich vor seinen Augen ange- nehm macht. Jtem/ Gottes Will sol geschehen/ vnd ich wil Jhm gehorchen; den boͤsen Lust/ vñ die Vngelassenheit/ oder Lieb meiner Seel/ werden die Spottwort der Gottlosen Philistiner vñ Moa- biter meisterlich verbraten/ vnd als ein hitzig Fegfewer abfegen/ oder je daͤmpffen vnd verfewren. Dann ich weiß/ daß ich nicht freyer seyn wuͤrde/ dann Meister Jesus Christus war/ der mir es auch zuvor gesagt/ daß ich mich deß erwegen muß/ daß ich Spott vnd Hohn leyden sol/ als er erlitten hat. Es ist je kein Wunder/ daß sie den Beelzebub heissen/ wann sie den gerechten H
er
ren also gescholten haben. Jch wil vnd begehr auch/ daß mir mein schaͤdlicher Wol- lust durch Vnlust/ vnnd die Findung meiner Seel/ durch meiner Hasser Stichwort vnd Neid verbrand werde/ vnd die Gebresten meines schuldigen Haß/ den ich zu klein vnd wenig hab/ wider mei- ne Seel/ durch jhren haͤuffigen Haß vnd Neid erstattet vnd erfuͤl- let werden. Also hoffe ich/ wird mein faͤhrliche Außfahrt dem jnne bleiben fast vergleichet/ dann mein Leyden kan wider bringen/ das ich durch durch einen vngelassenen Außgang verderbt haͤtte. Dar- umb laß herfahren/ ich begehr weder deß Teuffels Fried/ noch Ge- sellschafft/ noch friedliche vnd freundliche Wort.
Vnd setzt endlich diese vier Vrsachen seines geaͤnderten Sin- nes also: Jch soll deß
Her
ren Willen nicht allein gegen mir mit seinen Guͤtern trewlich handeln/ vñ einen Gewinn vber die Haupt- gab wider geben; sondern auch gegen andern meinen Mitbruͤdern/ die ich lieben soll/ als mich selber. Einer bedarff auch deß andern/ Sintemal Gottes Gaben mancherley sind/ vnnd ist keiner der sie alle hat: Der aber etwas hat/ der solte je dem mittheilen/ der es be- darff/ vnd denselbigen gewinnen/ vnnd jhn mit dem Pfund wider geben. Jch foͤrchte mich vor dem Vrtheil/ das Christus wi- der den faulen Knecht setzet/ der sein Pfund vergrub/ vnnd forch- te sich/ dann er frisch solte gewesen seyn. Jtem/ Gehorsam ist besser/ dann Opffer/ vnd es ist staͤts besser/ man thue/ das GOtt
E e ij
haben
GERMANIÆ PERTVRBATÆ
haben wil/ vnd bekenne die Gebresten deß Wercks/ dann/ daß man deß Gebrechens halben/ Gottes Gebott nachlasse. Jtem/ darumb wil ich mich deß troͤsten/ daß GOtt zucket/ fordert vnd bereit; vnd gutwillig ist/ aller Suͤnden zu vergessen/ vnnd jhr nicht mehr ge- dencken. Jch weiß auch/ so ich Gottes Wort mit gutem Willen fuͤhren werde/ daß michs nicht minder wird vereinigen/ dann der Glaub. Dann Christus hat seine Juͤnger rein gemacht/ durch sein Wort/ was sol dann dem Wort GOTtes fehlen/ das die reiniget/ die es in Goͤttlicher Forcht handeln: Weil Gottes Wort ist/ als ein Fewer das brennet vnd feget: Derohalben gehe ich in Gottes Willen auß im Vertrawen zu Gott. Jst jemands/ der mich weisen wil/ der hat es gute Macht. Bitten Gott fuͤr mich.
Da- tum Orlamunde
im
December, Anno
1532.
Hierauff hat sich nun Carlstatt wider hoͤren lassen/ vnd ein groͤssen Namen bekommen: Weil er aber alles Kirchengepraͤng verwarff/ das Fegfewer verneint/ die Meß so wol/ als die Bilder/ sonderlich die Erhoͤh- vnd Anbetung der Ostien/ abschafft/ mit dem Vorgeben/ Christi Leib were droben im Himmel/ vnnd gar nicht leiblich im Abendmahl: Eben so wenig (das sind seine Wort) glau- be ich/ daß Christus an vielen Orten leiblich vorhanden sey/ als we- nig ich glaube/ daß S. Anna fuͤnff Koͤpff (die Romanischen be- schuldigend/ sie liessen deren Kopff an fuͤnff vnterschiedlichen Orten sehen) vnd das vnschuldige Kind einen Bart sechs Elen lang ge- habt. Er reychte dem gemeinen Volck das Abendmahl vnter bey- derley Gestalt/ vnd gabs jhnen gar in die Haͤnde; an welchem allem Luther ein Abschewen hatte. Darumb erhub sich ein grosser Eyf- fer zwischen diesen beyden/ dann/ als der gemeine Poͤbel auff der Saal auffruͤhrisch ward/ befahl der Churfuͤrst Luthern/ durch sei- ne Predigten dem Vbel zustewren. Der predigte nun den 22. Tag Augusti/ Anno 1524. zu Jena/ vnd macht einen Geist auß deme/ so das Sacrament verkleinerte/ die Bilder abthaͤt/ vnnd den Auff- ruhr erweckte.
Weil nun Carlstatt in der Predigt selbst gewesen/ vnd solches
auff
ET RESTAVR. DISCVRS. XIX.
auff sich gezogen/ begehrt er mit Luthern zureden/ vnnd sich solcher Aufflaff halben zuentschuldigen. Also daß sie in Luthers Herberg zum schwartzen Baͤrn/ in beyseyn vieler fuͤrnehmer Personen/ als D. Gerhard Westerburg von Coͤllen/ Martin Reinhards/ Pfar- rern zu Jena/ Wolffgang Steins/ Hoffpredigers zu Weinmar/ Andreas Breunings Burgermeisters/ deß Stattschreibers/ vnd so gar deß Keyserlichen Agenten/ auch deß Marggraffen/ hefftig mit Disputieren/ aneinander gerahten/ wie im zweyten Jenischen Theil zulesen.
Vnd weil Carlstatt nicht weichen/ noch nachgeben wollen/ ja seine Meinung in Schrifften zubehaupten sich erbotten/ sagt jhm Luther ab/ zog ein Goldguͤlden auß seiner Taschen herfür/ vnd sprach: Siehe/ dieses Goldstuͤck gib ich dir darauff/ thu es nur keck- lich. Carlstatt nahm es an/ vnd sprach: Ja/ ich wils thun/ vnd dich es in dem Werck sehen lassen. Biß daher war Carlstatt in solchem Ansehen gewesen/ daß jhn auch
Capito
noch den 24. October/ vnd dann
Bucerus
im
December
dieses Jahrs lobten vnd ruͤhmb- ten.
Vnd hie gieng es an ein hitziges Schreiben/ biß es Luther endlich dahin gebracht/ daß der Hirtzog den Carlstatt auß dem Land geschafft: Deme leuchtet Luther auß in seinen Brieffen/ an vnter- schiedliche Ort/ sonderlich/ an Straßburg/ daß man sich vor die- sem newen Teuffel/ (den er sonsten seinen liebsten Herꝛn/ sonderlich/ wegen deß Leipziger Gespraͤchs/ pflegte zunennen) welcher die Macht Christi/ vnd Gegenwart im Sacrament deß Altars laͤug- nete/ huͤten solte.
Carlstatt schrieb vnter dem 3. Mertz 1525. an die zu Rohten- burg an der Tauber/ vnd bate vmb Verhoͤr/ oder wolte es GOtt/ vnnd dem Keyser klagen. Sie solten Schrifft lesen/ oder hoͤren. Fuhr auch endlich grob herauß/ nennete Luthern ein newen Bapst/ klagt vber desselben Laͤstern/ vnd Teuffelsgeben/ sagt: Der Teuf- fel stehe in newen Chorroͤcken/ entschuldiget sich/ er wolte nicht gern auff die Spoͤtterey antworten.
E e iij
Luther
GERMANIÆ PERTVRBATÆ
Luther sagte gut rund: Es werden jhm die Bilderstuͤrmer et- wan ein Crucifix/ oder Marienbild lassen muͤssen/ das er zur Ge- daͤchtnuß trage: Er wolle dem Carlstatt die rechte Donneraxt auff den Kopff schlagen. So gehe Moses mit dem Verbott von den Bildern/ weder Heyden/ noch Christen an.
Ehe nun Carlstatt von Orlamund abscheyden muste/ brau- chet er diese Wort zu Luthern Muͤndlich: Lieber Herꝛ Doctor/ koͤnt jhr es leyden/ so empfahe ich euch. Die Antwort war/ Nein/ ich kan es nicht leyden. Jhr seyt mein Feind/ vnd ich hab euch einen Guͤlden drauff gegeben/ wie im zweyten Jenischen zulesen. Dar- umb begab sich Carlstatt von Orlamund auß Noht/ als der vor ei- nen auffruͤhrischen Geist in dem Kirchen- vnd Policeywesen auß- geruffen ward: Setzet sich nach Kemberg/ ein Dorff an Wit- tenberg/ thaͤte Bawren Arbeit/ hielt den Pflug/ fuhr selbst mit Holtz auff den Marckt/ in einem schmutzigten ledern Kleyd/ vnd stache jederweilen durch den Zaun/ biß daß er Pfarꝛer im Rhein- thal zu Alstaͤtt im Elsas worden: Aber er wurd auch auffgetrie- ben/ wie gemelt/ vnnd kam nach Straßburg/ Basel vnnd Zuͤrch/ vnterredet sich mit
Zvinglio,
vnd erklaͤret sich etwas deutlicher vom Abendmahl/ ließ etliche Buͤchlein in Truck außgehen/ daran die Widertaͤuffer/ weil von Offenbarungen Gottes/ von Verzuckun- gen/ vnd Abschaffung der aͤrgerlichen Schulen eben mit vnterlieff/ groß Belieben hatten/ vnd schrieb Luthern zu/ was Gestalt das je- nige/ so er vom Leib Christi geschrieben/ nicht so gar geschehen were/ also zuschliessen/ sondern der Warheit nachzuforschen. Aber Luther gab jhm kein Gehoͤr/ vnd behielt noch eine Zeitlang die Emporhe- bung der Ostien in der Meß/ dem Carlstatt zu Trutz/ ob er schon gesinnet gewesen/ sie fahren zulassen. Bewegte auch Melanchthon dahin/ daß er den Carlstatt verschreyte/ als einen Friedlosen/ Bar- barischen/ Geistlosen/ Lehrlosen/ vnthaͤtigen vnd gottlosen Men- schen/ der es in vielen Stuͤcken mit den Juden/ vnnd in vielen mit den Widertaͤuffern/ sonderlich/ mit derselbigen Vrhebern/ dem
Niclas
ET RESTAVR. DISCVRS. XX.
Niclas Storcken halte; den er doch zuvor trefflich zuloben pflegte. Wem man nicht Hold ist/ dem steckt man keinen Meyen. Doch spricht Luther: Gar gern wolte ich dieser Meynung seyn/ vnd den Leib Christi in der
Eucharistia
laͤugnen/ dem Bapst/ vnnd seinem gantzen Hoͤff zu Trutz vnd zu Leyd; aber ich kan je nicht/ die War- heit ist darwider. Vnd dann in einem Schreiben an die zu Speyer/ Jch wil vnd kan es nicht laͤugnen/ daß/ wofern vor fuͤnff Jahren Carlstatt/ oder jemand anderst/ mir zuverstehen haͤtte geben koͤn- nen/ daß in dem Sacrament deß Altars Brod vnd Wein were/ ich demselbigen fleissig gedanckt/ vnnd mich jhme verbunden zuseyn er- kant haben wolte. Fuͤrwahr/ ich bekuͤmmerte mich nicht wenig/ vnd bemühete mich sehr/ diese Wort außzuforschen/ vnd mich mit der- selben Meynung zuvergleichen. Dann dardurch haͤtte ich dem Bapsthumb einen starcken Streych vnnd Wunden zufuͤgen koͤn- nen: Aber die Wort deß Evangelij sind je gar zu klar/ vnnd auß- druͤcklich/ ꝛc.
Carlstatt schalt hingegen Luthern einen Schmeichler deß Bapsts/ weil er von der Meß/ der Beicht/ der Suͤnd/ vnnd von den Bildern vbel lehrete/ vnnd machte/ daß Luther das Buͤchlein wider die Himmlische Propheten vnd Schwermer schrieb/ damit Carl- statt vor einen Ertzvatter der Sacramentierer gehalten wuͤrde. Von dessen Thun schreiben die Zuͤrcher also: Der Herꝛ Andreas Carlstatt ist etliche Jahrlang ein Ertzdechant vnser Kirchen gewe- sen/ vnd hat sich Christlich/ wie einem ehrlichen Mann gebuͤhret/ verhalten: Er ist auch mit vnserm guten Frieden ab/ vnd gen Ba- sel gezogen.
Von seinem Tod wird dieses außgeben: Als jhn die Baß- ler auß seinem Armuht zu dem Predigampt beruffen/ were eins- mals vnter seiner Predigt/ ein sehr grosser Mann in die Kirchen koͤmmen/ vnd sich bey den Buͤrgermeister gesetzt.
Als nun Carlstatt nach der Predigt/ nach dem Mann ge- fragt/ vnd der Burgermeister nichts von demselben wissen wollen/
were
GERMANIÆ PERTVRBATÆ
were Carlstatt daruͤber erschrocken/ vnd vmb so viel mehr/ als er zu Hauß vernommen/ wie ein grosser Mann ins Hauß kommen/ sei- nen Sohn hoch in die Hoͤhe auffgehebt/ ohne Schaden niderge- setzt/ vnd jhm befohlen/ dem Vatter anzusagen/ daß er vber drey Tag zu jhm kaͤme. Darauff war Carlstatt nach dreyen Tagen gestorben.
Luthers Anhang schriebe gar/ sie zweiffelten nicht/ der Teuf- fel haͤtte jhm den Halß vmbgedrehet. Aber die Baßler vnd Zuͤr- cher/ die seine Meynung von dem Abendmahl/ vnnd Abschaffung der Baͤpstischen Ceremonien angenommen/ geben jhm ein viel an- der Zeugnuß/ auch nach seinem Tod. Da aber Johann Jacob
Grynæus
schreibet: D. Andreas Bodenstein von Caristatt/ sey zu Basel Pfarrer gewesen/ hab seinem Ampt wol fuͤr gestanden/ vnd sey die vngehewere Luͤgen von seinem Tod nicht werth/ daß man ein Wort darumb verliere. Vnd
D. Boquinus
wider Kirchnern: D. Carlstatts/ von dem jhr viel vnnütz Geschrey machet/
Procura- tor
wil ich dißmal nicht seyn. Allein wil ich die schoͤne Fabel von dem grossen Mann/ der jhm in der Predigt erschienen seyn soll/ et- was anregen.
Diese hab ich erstlich erzehlen hoͤren/ da in dieser Schul vnd Kirch (Heydelberg) dieser Streit (vom Abendmahl) hat ange- fangen. Einer mit Namen
Cuneus,
welchen
Heshusius,
als er allhie gedachte/ sein Ertzbischthumb anzurichten/ als einen erwehl- ten Ruͤstzeug/ zu seinem Fuͤrnehmen/ weil er eben seines Schlags war/ erwehlet/ vnd auß einem Kriegsmann zum Prediger gemacht hatte/ hat diese Fabel offentlich auff der Cantzel/ zum Zeugnuß sei- ner Vnbescheidenheit/ der Gemeind vorgetragen; zu dem End/ daß er den gemeinen Mann erschrecke/ vnd von vnser Lehr/ die damals anfieng allgemach den Leuten zubelieben/ abschreckte. Solch Ge- dicht hoͤrete ich mit desto groͤsserem Vnwillen/ weil mir eben diß- mal einfiel/ daß ich zu End deß 1541. Jahrs/ zu Basel
Mico- nium, Carolostadium,
vnd
Sebastianum Munsterum
gehoͤret profitieren.
Die
ET RESTAVR. DISCVRS. XX.
Die Pestilentz wuͤtete damals allenthalben in Teutschland/ wie auch zu Basel: Vnd vnter vielen andern starb damals zu Ba- sel auff Weyhnachten auch
Carolostadius,
der folgenden Ta- ges ehrlich begraben ward/ bey dessen Leiche viel Volcks/ vnnd für- nehmlich auß der hohen Schul erschienen/ vnter welchen ich auch selbst gewesen.
Von einem grossen Mann/ oder von einem schwartzen Hun- de/ den
Cuneus
einfuͤhrete/ seine Predigt zuspicken/ ist kein Wort geredt/ oder gehoͤret worden. Darauß dann erscheinet/ daß solche Fabel vnd Landluͤgen nachmals von leichtfertigen Leuten/ auß An- stifftung deß Satans/ der Wahrheit zu Nachtheil/ erdichtet wor- den; dann sie lautet deren gar gleich/ die lose Leute von Luthern auch außgesprenget haben/ damit sie die Evangelische Lehrbey den Leuten verhaßt machten.
Derogleichen Fabeln aber alle sind wol werth/ daß sie die Ro- mulische Goͤtzendiener/ vnnd Maͤhrleinfaͤnger in jhre guͤldene Lũ- genden verzeichnen/ weil solche Luͤgenden nichts anderst/ als alt- vettelische/ vnd in Spinnstuben gebraͤuchliche Fabeln sind/ nur zu dem Ende erdacht/ damit durch solche Maͤhrlein/ die Leut in jhrem Aberglauben vnd Abgoͤtterey verhartet/ hingegen die reine Lehr ver- finstert/ oder gar vnterdrucket werde/ ꝛc. Gleichwol findet sich nir- gends/ daß jemaln ein so grewlicher Tod/ weder Zwingeln/ noch Haußschein/ die Carlstatts Lehr jmmerhin/ ob schon vmb et- was deutlicher/ vertheydiget/ were vorgeworffen worden. Vnd weil Carlstatt das Keyserliche Recht nach Mose wollen verbessern/ auch schier den Sambstag vor den Sontag wollen einfuͤhren zu- heiligen/ gab man jhm Schuld/ er hielts vmb etwas mit den Ju- den. Damals hatte Luther grosse Muͤhe/ deß Carlstatts Mey- nung von dem Abendmahl/ den Leuten zu Wittenberg vnnd Jena
wider außzureden: Also/ daß er selbst gar offt erwehnt/ es wer- de noch mit der Zeit Rotten vnd Secten vnter jhnen geben.
F f
Der
GERMANIÆ PERTVRBATÆ
Der ein vnd zwantzigste Discurß.
Von Virich Zwingeln in Schweitz/ wie er studieret: Zu Zürch die Kirchen reformieret: Von seinem Traum/ vnd Tod. Von
Oecolampadio,
seiner Herkunfft/ Studieren/ Reformieren/ vnd Absterben.
O
B nun schon Carlstatt dem Luther auß den Fuͤssen gangen/ vnd sich ohne grosses Wesen in der Schweitz enthielte/ blieb doch der Streit vber dem H. Abend- mahl in grosser Verbitterung. Dann
Zvinglius, Oe- colampadius,
sonsten Haußschein genannt/ vnd die vier Staͤtte/ Straßburg/ Lindaw/ Costnitz vnd Memmingen/ setzten jhn so fern fort/ daß zwo Hauptmeinungen vnter denen/ so von der Roͤmi- schen Kirchen waren abgetretten/ jmmerzu im Schwang blieben. Vnd weil
Zvinglius
der Fuͤrnehmste war/ der nach Carlstatten sich Luthern widersetzet/ wollen wir von seinem Thun dieses mel- den.
Vlrich Zwingeln wurde auff diese Welt gebohren/ Anno 1457. den ersten Jenner/ in der Herꝛschafft Doggen/ im Dorff zum Wildenhauß/ Zuͤrcher Gebiets. Sein Vatter ward hochge- halten/ wegen vnstraͤfflichen Wandels/ vnd andaͤchtigen Lebens/ darumb er auch das hohe Oberkeitliche Ampt selbigen Orts/ ver- waltet; dessen Bruder/ ein Priester/ jhm gerahten/ den juͤngern Vl- richen zur Schul zuhalten gerahten. Als derselbnun das zehende Jahr seines Alters erreycht/ verschickt man jhn nach Basel/ vnter den sanfftmuͤhtigen Lehrmeister Georg Bintzeln; vnd von dannen nach Baͤrn/ vnter Heinrich Hopffelin/ oder
Lupulus,
vnd endlich nach Wien in Oesterreich/ biß er wider nach Hauß kommen/ vnd sich in den Geistlichen Stand begeben/ darinn er so weit gestiegen/ daß man jhn endlich zu einem Thumherꝛn vnd Prediger gemacht.
Als
ET RESTAVR. DISCVRS. XXI.
Als er nun von Thomas Wittenbach Anno 1505. erlernet/ daß das Blut Christi allein die Zahlung vor vnsere Suͤnde/ vnd der Ablaß nichtig sey/ auch durch fleissige Betrachtung der heiligen Schrifft/ vnd sonderlich/ deß sechsten Capitels Johannis/ we auch durch taͤglich Nachforschung in der alten Kirchenlehrer Schriff- ten so weit kommen/ daß er nicht mehr zweiffelte/ er haͤtte den rechten Verstand vom heiligen Abendmahl nach Christi Meynung/ recht vnnd wol gefast/ eroͤffnet er erstlich solchen Verstand der Ge- meind in Predigten vnd Schrifften; darnach bat er den Raht zu Zuͤrch/ daß er vber dieser Sach von den Zweyhunderten moͤchte ge- hoͤrt werden. Als nun solches geschehen/ gab er dem Raht an/ daß man die Anbetung deß Sacraments/ vnd die Meß abschaffen/ hin- gegen das H. Abendmahl schlecht nach der Einsetzung halten sol- te. Derselbe Grewel were auff die leibliche Gegenwaͤrtigkeit Chri- sti im Abendmahl gegruͤndet/ aber durch das sechste Capitel Jo- hannis vermischet/ vnd dem pflichteten bey die Artickel deß Christ- lichen Glaubens. Christus haͤtte das muͤndliche Essen selbst ver- worffen. Diß ist mein Leib/ muͤste also verstanden werden/ diß be- deutet mein Leib/ wie sonsten im Alten vnd Newen Testament gantz gebraͤuchlich.
Vnd ob schon diese Außlegung dem Mehrerntheil wol ge- fiel/ verwarff sie doch einer vnter den Schreibern/ von dem Zwing- len/ weil er jhn nicht nennen konte/ noch sonsten kennete/ gesagt:
A- ter an albus sit, nescio,
ob er schwartz/ oder weiß/ das ist/ kalt oder warm sey/ weyß ich nicht: Also daß sie/ biß in den dritten Tag/ deß- wegen miteinander gezancket/ weil fuͤrnehmlich der Schreiber/ die angezogene Spruͤch vnnd Exempel widerlegte/ oder in ein andern Verstand zoge.
Daruͤber bekuͤmmert sich
Zvinglius
sehr/ legte sich darauff schlaffen/ vnd hatte einen Traum/ von welchem er selbst also schrei- bet: Es war noch vbrig nicht die geringste Muͤhe/ daß ich/ naͤm- lich/ Exempel beybringen solte/ darbey kein Gleichnuͤß waͤre. Da dachte ich hin her/ vnd suchte allenthalben/ fand aber weiter keine
F f ij
Exem-
GERMANIÆ PERTVRBATÆ
Exempel/ als die ich allbereyt in meinem Buch an Tag gegeben hatte; aber/ so ich was fand/ so war es desselben gleichen.
Als nun der dreyzehende Tag Aprill herbey nahete/ (ich erzehle die Warheit/ vnnd es ist so gewiß wahr/ was ich erzehle/ daß mich auch mein Gewissen tringet/ daß ichs muß erzehlen/ wiewol ichs lieber verschwiegen haͤtte: Aber ich muß es sagen/ was mir der
Herr
hat mitgetheilet/ ob ich schon wolweiß/ was fuͤr Hohn vnnd Spott mir daruͤber begegnen wird/) als nun/ sage ich/ der dreyzehende Aprill herbey nahete/ dãuchte mich im Schlaaff/ als wann ich abermal mit grossem Verdruß/ mit dem widerwertigen Schreiber disputierte/ vnd also verstummet were/ daß ich die War- heit/ die ich doch bey mir wol wuste/ außzusprechen die Zung nicht ruͤhren koͤnne: Welche Angst/ wie in den Traͤumen pflegt zuge- schehen (dann ich erzehle nichts hoͤhers/ als einen Traum/ was mich anlanget/ wiewol das kein gering Ding ist/ was ich in demselben ge- lernet hab/ GOtt sey Danck/ welchem allein zu Ehren ich das an Tag bringe) mich quelete; in dessen kompt vnversehens einer/ (
ater an albus sit, nescio,
wer er gewesen sey/ melde ich nicht/ dann ich er- zehle einen Traum) der mich erinnerte/ vnd sprach: Du fauler/ warumb antwortestu jhm nicht/ was im zweyten Buch Moses/ am zwoͤlfften Capitel geschrieben stehet? Dann es ist deß
Her
ren Vberschritt.
So bald mir diß Gesicht fuͤr kame/ erwachte ich/ vnd sprang auß dem Bette/ schlug erstlich den angedeuteten Spruch auff in der Griechischen Bibel/ vnd redete darnach bey der gantzen Ver- samlung darvon/ auffs beste/ als ich jmmer konte. Durch welche meine Rede/ als man sie gern vnd willig hoͤrete/ ward allen denen/ so in der heiligen Schrifft studierten/ vnnd durch Meldung der Gleichnuͤssen/ jrꝛe gemacht worden waren/ vollend aller Zweiffel benommen. Vnd hielt man darnach drey Tag nach einander/ naͤmlich/ am Gruͤnendonnerstag/ Carfreytag/ vnnd Ostertag das Nachtmal Christi in solcher Menge/ dergleichen ich mein Leben- lang nie gesehen habe. Die jenigen/ so wegen Carlstatts allbereyt
erhitzt
ET RESTAVR. DISCVRS. XXI.
erhitzt vnd verbittert waren/ gaben Zwinglen Schuld/ als haͤtte er seine Meynung von dem Abendmahl nur im Traum gelernet/ vnd zwar von einem Geist/ an welchem er selbst zweiffele/ ob er auß dem Abgrund/ oder vom Himmel gewesen; welches doch auß seinen Worten schwaͤrlich hellet/ auch die Gemeind nicht also verstanden/ die jhm in solchem Fall nicht solte gefolget haben.
Die Vngleiche Außlegung entstehet vber den Worten/
ater an albus sit,
ob er weiß oder schwartz gewesen? Welche Wort Zwingeln auch von seiner Widerpart/ dem Schreiber/ gebraucht/ vnd bey
Hieronymo
dem alten Kirchenlehrer/ wider
Helvidium
mag gefunden/ auch/ als ein zierliche Rede behalten haben. Jch selbst/ der ich wider dich schrieb/ angesehen/ ich in eben einer statt mit dir stehe/ in welcher du lallest vnd schamroht wirst/ weiß nicht/ ob du/ wie man sagt/ schwartz oder weiß seyest. Vnd also legts auß
Erasmus
in Erklaͤrung seiner Sprichwoͤrter/ im fuͤnfften Tau- send/ im sechsten Hundert/ im neun vnd neuntzigsten Sprichwort. Die Teutschen sprechen: Jch kenne weder seiner Gaͤnß/ noch sei- ner Endten/ weiß nicht/ ob er Fleisch oder Fisch sey. Wissen aber Zwinglen Juͤnger den Lutheranern den Schimpff wol heim zu- weisen/ mit deme/ daß Luther im sechsten Jenischen Theil schreibet/ der Teuffel habe deß Nachts mit jhm disputiert/ vnd den hab er v- berwiesen/ daß die Winckelmeß vnrecht sey. Vnd dann auß dem dritten Wittenbergischen Theil/ in der Vorrede vber die Psalmen: Du ermahnest mich recht zur Bescheydenheit/ vnd ich fuͤhle es auch selbst wol: Aber ich bin meiner nicht maͤchtig/ Jch werde hingeris- sen/ weiß nicht/ von was vor einem Geist/ ꝛc. Welche Wort nicht Sprichwortsweise/ daman auff den Verstand/ vnd nicht auff die Wort siehet/ sondern schlechthin/ vnd rund/ wie sie lauten/ verstan- den werden. Nun hatte Carlstatt zwar seine Meynung vom hei- ligen Abendmahl etwas grob fuͤrgebracht/ als ob das Woͤrtlein (das) Christus auff seinen am Tisch sitzenden Leib gedeutet/ vnd an- gezogen haͤtte: Darumb kam Zwinglen etwas subtieler/ vnnd fiel auff das Bedeuten.
F f iij
Die
GERMANIÆ PERTVRBATÆ
Die andern Ort in Schweitz/ verklagten jhn zwar/ wie auch den
Leo Iuda,
wegen der abgeschafften Bilder vnd Meß: Doch wurd die Entschuldigung auffgenommen bey etlichen/ außerhalb/ daß Lucern/ Vri/ Schweitz/ Vnterwalden vnd Freyburg/ an dem Bapsthumb blieben. Wie Zwingel sich auch gegen dem Bischoff zu Costnitz verantwortet/ mit Luthern zu Marpurg so fern vergli- chen/ steht an seinem Ort. Seine Glaubensbekantnuß vberschrieb er an den Keyser/ vnd an die Fuͤrsten auff dem grossen Reichstag zu Augspurg.
Nach dem er nun ein behertzter Mann/ vnd dem Vatterland getrew war/ befand er sich auch in dem ersten Capeler Krieg/ da- mit er sehe/ daß alles recht hergienge/ wann der Vertrag ohne Blut- vergiessen/ sich geschlossen.
Jm andern Capeler Zug war er/ als ein Prediger/ etwas wi- der seinen Willen/ weil jhm die Vrsach/ naͤmlich/ Verschlagung der Proviand/ nicht gefiel: Wie er dann 14. Tag zuvor/ auff der Cantzel zum andernmal/ da alles voller Ernst war/ gesprochen: Jch weiß/ ich weiß/ sage ich/ warumb es zuthun sey? Es ist vm̃ mich zu- thun/ dann er wuͤste/ daß man jhm/ so er zu Hauß bliebe/ vbel wuͤrde nachreden. Die Zuͤrcher verloren die Schlacht/ im Jahr 1531. Die bey dem Treffen gewesen/ berichten/ Zwingel sey in dem grossen Ge- traͤng/ zu Boden gefallen/ vnd zum dritten malwider auff die Fuͤß kommen/ da er endlich mit einem Spieß vnter das Kinn gestochen/ auff die Knie gesuncken/ vnd gesagt: Was ist das fuͤr ein Vngluͤck? Nun wolan/ sie koͤnnen zwar den Leib toͤdten/ aber nicht die Seel. Jn dem war einer mit dem Schlachtschwerd heran gebrochen/ der jhm den Halß gar abgehawen. Mit seinem Leichnam ist der Feind grewlich vmbgangen/ dann er wurd gerichtlich vervrtheilet/ gevier- theilt/ vnd zu Aschen verbrand: Befindet sich aber nicht/ daß man Riemen auß jhm geschnitten. Nach dreyen Tagen giengen etliche seiner lieben Freunde zur Fewerstatt/ vnd fanden sein Hertz mitten vnter der Aschen vnverletzt/ welches seine Widersacher zum aͤrg- sten/ seine Freunde aber vnd Goͤnner zum besten außlegen/ nach dem
er eylff
ET RESTAVR. DISCVRS. XXI.
er eylff Jahr zu Glarona/ vnd zwoͤlff zu Zuͤrich/ der Kirchen war fuͤrgestanden/ im vier vnd viertzigsten Jahr seines Alters. Welches dann
Conradus Gesnerus
in seiner Bibliotheck/ vnd
Zvinglius,
dieses Vlrichen Enckel/ oder Sohns Sohn/ in der
Genealogi
be- staͤttigen; auch auff das Jahr 1516. da er noch zu Glaronn gestan- den/ offentlich ziehen.
Als nun Luther von Zwingeln vernommen/ daß er das Bap- sthumb ernstlich anfechtete/ hatte er jhn lieb/ wiewol noch vnbe- kannt/ vnd nennet jhn in einem Buͤchlein/ an
Iustum Ionam,
ei- nen starcken Verfechter Christi: Da er aber seine widrige Mey- nung von dem Abendmahl/ vnnd daß Carlstatt bey jhm Gehoͤr fand/ vernahm/ war alle Freundschafft auß. So hielt sich
Zvin- glius
eben steiff/ vnnd gab solche Wort: Was den Luther belan- get/ protestiere ich/ daß ich niemaln seiner Meynung gewesen: Jch hab das Evangelion geprediget/ ehe vnnd zuvor ich den Luther ge- kant/ nichts hab ich von jhm gelernet.
Er sagte gut rund/ Luther wer etwas nahe zu der Wahr- heit kommen/ vnd Carlstatt noch etwas naͤher/ es haͤtte aber weder der eine/ noch der andere/ die Hohheit dieses Geheimnuͤß der
Eu- charisti
erreychet; vnd hielte darfuͤr/ man solte Carlstatts Buͤcher nicht verbieten/ vnangesehen/ er nur/ wie ein Schuͤler geschriebẽ/ der gleichwol das Hertz vnd die Waffen/ aber nicht Weißheit vnd Ge- schicklichkeit haͤtte sie zufuͤhren. Man gab Zwinglen Schuld/ er machte auß Brod vnd Wein im Abendmahl nur blosse Zeichen ei- ner Gemeinschafft: Dergleichen auch bey den Widertauffern zufinden. Es erklaͤreten sich aber die Schweitzer nach seinem Tod so wol/ daß die Genffer am Boden-See/ ein Thun mit jhnen worden. Die dem Zwingeln hoffieren/ ruͤhmen jhn/ wegen seines friedfertigen Gemuͤhts/ so wol in Welt-als geistlichen Mißver- staͤndnuͤssen; darumb er so offt bey Luthern/ sonderlich/ zu Mar- purg/ vmb Bruderschafft vnnd guͤtlichen Vergleich angesucht: Geben aber Lutherngrosse Schuld/ eines hohen Geistes/ der mit Carlstatt zustreng verfahren/ mit Zwingeln sich nicht vergleichen koͤnnen/ vnnd mit
Oecolampadio
vbel zusammen gestimmet/
wie-
GERMANIÆ PERTVRBATÆ
wiewol er selbst/ bald diß/ bald das/ in den allerhoͤchsten Puncten ge- setzt. Der doch hingegen von den seinigen/ als ein vnvberwindli- cher Mann/ voller Geistes vnd Eyffers gepriesen wird.
Man wil auch fuͤrgeben/ Luther hab sich zum Eyffer wider Zwinglen/ wegen der Verdolmetschung der Bibel bewegen lassen. Vnd Froschovern/ der jhm Anno 1543. die Zuͤrcher Bibelzugesand vnd verehret/ wie
Lavaterus
meldet/ geantwortet: Er solt jhm hin- fuͤro nichts mehr schicken/ was von der Zuͤrcher Kirchendiener kaͤ- me. Dann er hab keine Gemeinschafft mit jhnen/ begehr auch jh- re Buͤcher weder anzunehmen/ noch zulesen/ sintemal die Kirchen Gottes mit jhnen keine Gemeinschafft halten koͤnten. Sie thun zwar viel Muͤhe/ aber vmbsonst vnd vergeblich/ dieweil sie auch selbst schon vervrtheilt seyen/ vnnd noch andere elende Leut mit sich zur Hoͤllen fuͤhren. Darumb wolle er der Verdamnuß vnd gotts- laͤsterlichen Lehr nicht theilhafftig seyn/ sondern hab jhm fuͤrgenom- men/ so lang er leben werde/ sie mit dem Gebet vnd mit der Feder an- zugreiffen vnd zubekriegen. Dann man hatte allbereit die gantze H. Schrifft in Teutscher Spraach/ wie noch jetzo Exemplarien/ die vor Luthers Geburt gedruckt gewesen/ bey handen/ aber etwas vbel gegeben/ vnnd in vielen Paͤssen vnteutsch: Darumb macht sich Luther druͤber/ vnnd vbersahe alles zum besten; dabey Caspar Cruciger jhm die Hand trewlich gebotten. Es wird zwar Luthers Arbeit von den Baͤpstlern gedrehet/ weil er nicht bey der
Vulgata,
oder dem gemeinen Roͤmischen Latein geblieben/ vnd allein auff das Hebraͤische/ vnd Griechische gangen; wie auch/ daß er die Capitel/ vmb so viel geaͤndert/ vnd etwan das End deß vorigen/ an dem An- fang deß folgenden/ oder das Widerspiel/ nach dem die Materi an- einander gehangen/ vnd sich theilen lassen/ gesetzt/ vnd dann/ daß er nicht sonst an dem Buchstaben gehafftet. Doch ist sein Werck/ als eines Dollmetschers vnnd Außlegers nicht gnugsam zuloben. Es kam aber Zwinglen vnnd seine Mithelffer
Leo Iuda,
mit dem Schweitzerischen Teutsch auch herfür/ vnnd verdunckelt vmb et- was deß Luthers Arbeit/ als viel kernhaffter nach der vrsprüng-
lichen
ET RESTAVR. DISCVRS. XXI.
lichen Spraach/ bevorab/ bey den Gelehrten: Dannenhero man et- was Verdruß bey Luthern verspuͤhret; wie wir dann alle Men- schen sind. Dahero einem jeden seine Arbeit am bestengefaͤllt/ vnd derselben Lob von Jedermaͤnniglich gewaͤrtig ist. Zumal er auch gegen
Bucerum
vber
Pomerani
in das Latein gebrachten Psal- ter klagt. Wer alles anders/ vnd nicht nur Gut/ sondern auch Blut vnnd Leben selbst kan in die Schantze schlagen; der kan doch den Ruhm/ welcher so suͤß ist/ neben Menschlicher Schwachheit/ nicht gleich gelten lassen/ vnd einem andern (weil er den Preiß lieber gantz fuͤr sich allein sucht zubehalten) ein Stuͤck/ weniger die Helfft/ vnd gar nicht das gantze Erbe verstatten. Ja/ je groͤssern Geist einer hat/ je begieriger ist er deß Lobs/ vnd zoͤrnet nur desto mehr/ wann/ was er zur Schuldigkeit sein achtet/ andern siehet heim gewie- sen.
Jst derowegen nichts wundersames/ noch frembdes an einem so hohen Gemuͤht/ als Luther vor andern fuͤhrete/ wann er an die Prediger zu Straßburg geschrieben: Wir doͤrffen vns ruͤhmen/ daß Christus ist erstlich von vns vnter das Volck kommen: Aber Zwingel vberfuͤhret vns dieses Handels/ vnd Ruhms. Jtem/ Es ist mir nicht zuleyden/ daß ich/ wann er vnd
Oeolampadius
reden/ schweige; wann sie vnsere Kirchen betruͤben/ vnnd vnser Ansehen schmaͤlern/ weiche. Sie moͤchten gedencken/ zumal sie selbst foͤrch- ten/ vnd nicht leyden wollen/ daß man jhr Ansehen im Lehren ringe- re/ sis auch vnser Ansehen nicht ringern solten. Endlich bricht er/ auß hefftiger Bewegung deß Gemühts/ in diese Wort heran: Jn summa/ es muß der eine Theil Satans Diener seyn; entweder sie/ oder wir: Darumb ist allhie weder Raht noch Mittel.
Hie müssen wir auch von
Oecolampadio,
auff Teutsch Haußschein/ reden. Der ward geboren/ zu Weinsberg in Fran- cken/ im Jahr 1482. von wolhabenden Eltern/ vnd vberlebt all seine Bruͤder/ vnd Schwestern. Der Vatter war gesunnen/ jhn zu ei- nem Gewerbsmann zumachen/ wo jhn nicht die Mutter/ so vor an- dern den Ruhm der Gottseligkeit/ vnd Guͤte gegen den Nottuͤrff-
G g
tigen
GERMANIÆ PERTVRBATÆ
tigen truͤge/ durch jhr staͤtig Anhalten beredt/ daß er den Kosten zum Studieren bewilliget. Weil nun dessen ein guter Anfang gemacht war/ verschickt man jhn nach Heylbrunn/ welche Schul selbiger Zeit in Flor stunde; vnd bald auff die
Academi
nach Heydelberg/ daselbst er im zwoͤlfften Jahr seines Alters/ schon ein Lateinischen Verß schrieb; Vnd im Vierzehenden den Lorbeerkrantz erworben/ biß er sich Meister in drey freyen Kuͤnsten gruͤssen lassen. Dazu- mal gedachte er sich auff die Juristerey zulegen/ vnnd verfuͤgt sich nach
Bononia
in Welschland/ konte aber vber ein halb Jahr sich daselbst nicht auffhalten/ weil der Lufft jhm nicht wollen zu der Ge- sundheit gedeyen/ vnnd seine Wechsel/ durch Fahrlaͤssigkeit der Kauffleut/ oder Sparsamkeit der Eltern/ nicht richtig erfolgten. Nachdem er dieselben seine Eltern in der wider anheim Kunfft ge- gruͤßt/ zoge er abermal nach Heydelberg/ ließ die Juristerey/ dar- zu jhn der Vatter gehalten/ fahren/ vnd nahm die heilige Schrifft vor: Enthielt sich deß praͤchtigen/ vnnd zanckischen Disputie- rens/ welches damals auß der Sophisterey im Schwang gienge/ vnd hielte sich still. Deßhalben Pfaltzgraff Philips seines Thuns solche Kundschafft einnahm/ daß er jhn seiner jungen Herꝛschafft zu einem Zuchtmeister ordnet. Als jhn aber sein Sinn anderst wo- hin triebe/ gab er nach etwas Zeit dem Hoff Vrlaub/ vnd verbarg sich widerumb/ seinen
Studiis
obzuliegen.
Da nun seine Eltern vermerckt/ daß er ein geistliche Person werden solte/ stifften sie auß seinem Anregen/ als die sonst keine Kin- der hatten/ zu Weinsberg ein Predicantenpfruͤnd/ vnd conferierten die erstlich diesem jhrem Sohn. Bald er sich aber hie zu nicht ge- nugsam tauglich geachtet/ nahm er widerumb Vrlaub/ begehret vmb mehrers Studierens willen gen Tuͤbingen/ demnach gen Stutgart zu Johann Reuchlin/ bey welchem er in wenig Tagen die Griechische Spraach begriffen. Zur selbigen Zeit kam Wolff- gang
Capito,
Pfarꝛer zu Bruͤchsel am Brurein/ wegen deß Bi- schoffs von Speyer offtermalsgen Heydelberg/ vnnd machte mit jhm gute Kundschafft/ daß sie/ als die beste Freunde/ einander alle jhre Anschlaͤge vertraweten. Vber etwas Zeit verfuͤgt sich
Oeco-
lam-
ET RESTAVR. DISCVRS. XXI.
lampadius
in sein Vatterland/ da er mit Maͤnniglichs Verwun- derung ernstlich/ vnd ohne lächerliches Possenreissen/ als damals die Moͤnche pflegten/ predigt. Mitlerweil ward
Capito
gen Ba- sel zum Predigampt beruffen/ welcher bey Bischoff Christoph/ ge- boren von Vtenheim/
Oecolampadii
halb so viel anhielte/ jhm sein Gelehrte vnd Froͤmmigkeit rühmete/ daß er jhn auß seinem Vat- terland zum Thumbprediger gen Basel beschrieben/ dahin er im 1515. Jahr kam/ vnd folgenden Jahrs/ seines Alters im vier vnd dreyssigsten/ der H. Schrifft Doctor ward. Zur selbigen Zeit bluͤ- het auch der hochgelehrte Erasmus von Roterdam auß Holland/ zu Basel/ bey Johann Froben von Hamburg/ dem Buchdrucker/ Vorhabens/ seine
Annotationes
vnnd Außlegungen vber das Newe Testament/ an Tag zugeben: Dieser gebraucht zu solchem Werck/ als er selbst bekennet/ in viel Stuͤcken deß
Oecolampadii,
als eines rechtschaffenen
Theologi,
vnd in den dreyen zu solcher Arbeit dienstlichen Spraachen wolberichten Mannshuͤlffe. Es blieb aber nicht lang anstehen/
Doctor Oecolampius
ward vom Capitel dem Thumbstiffts Augspurg zum Predigampt beruffen/ welches er angenommen.
Jm Jahr 1521. begunt es in Basel Enderung in der Lehr zu- geben: Dann daselbst fieng an Wilhelm Roͤblin/ Pfarꝛer zu S. Alban/ ein gelehrter eyfferiger Mann/ wider die Opffermeß/ Feg- sewer/ der Heiligen Anruffung/ die Seelgeraͤhte vnnd dergleichen Stuͤck/ ernstlich das gemeine Volck zulehren; darneben jhnen das Fundament aller Propheten vñ Aposteln/ Christum den gecreutzig- ten Heyland/ mit seinen Verdiensten einzubilden/ mit solchem Zu- lauff/ daß sich bißweilen vier tausend vnd druͤber/ in seiner Predigt finden liessen. Solches bedünckt die Priesterschafft ein vnleidlicher Handel/ deßhalben sie jhn vor Bischoff Christoph verklagten/ mit Bitt/ diesem Jrꝛmacher das Maul zustopffen. Weil aber der Bi- schoff auß Entsetzung deß gemeinen Volcks/ kein Gewalt an jhn legen dorffte/ begehrter/ sampt dem Capitel/ an den Stattraht/ jhr zubewilligen/ diesen Mann/ so wider der Kirchensatzungen vnd Ge- braͤuch lehrete/ zugreiffen.
G g ij
So
GERMANIÆ PERTVRBATÆ
So bald die gemeine Buͤrgerschafft dessen in Erfahrung kam/ ver- samleten sie sich zum Barfuͤssern in ziemlicher Anzahl/ Vorhabens an die Obrigkeit zu supplicieren/ jhnen diesen Prediger zuhandha- ben/ sintemal er nichts anders lehrete/ dann das er mit Goͤttlicher Schrifft wuͤste bey zubringen/ vnd sich deßwegen Maͤnniglich er- bieten thaͤte. Welcher stimpfflichen Versamlung die Raͤhte er- schracken/ mochten nicht wissen/ welcher Meynung die beschehen: Schickten derowegen Adelberg Meyern/ der erst newlich an das Buͤrgermeisterthumb kommen/ sampt etlichen Rahtsverwanden/ hinauff/ die Sachen zuerfahren. Als diese deß Volcks Anliegen verhoͤret/ sprachen sie demselben zu/ machten jhnen gute Hoffnung/ den Predicanten zubehalten/ theydigten sie also voneinander. Auff solches ruheten die Geistlichen nicht/ biß sie Raͤht jhrer Meynung beredeten/ welche jhn deßhalben jnnerhalb vierzehen Tagen/ nach gedachter Versamlung/ auff das Rahthauß forderten/ vnnd jhm noch selbiger Tagzeit auß der Statt gebotten. Allein versamle- ten sich bey fünfftzig Frawen/ Edel vnd Vnedel/ auß seiner Kirch Gehoͤrde/ hatten J. Laux Zeigler zum Redner erbetten; als sie aber auff das Rahthauß kamen/ wurden sie vnverhoͤret wider abge- wiesen.
Doctor Oecolampadius
fuͤget sich im folgenden Jahr wi- der nach Basel. Dann/ als er ein Zeitlang Thumbprediger zu- Augspurg gewesen/ vnd bey jhm befunden/ daß er seiner stillen Re- de/ vnnd vnbehertzten Sinns halben nicht sonders tauglich darzu were/ hat er jhm fuͤrgesetzt/ einem andern in selbigem Ampt Platz zumachen. Dann dieweil jhm mancherley Laster ernstlich zu- straffen/ vnd die Warheit/ vnverholen zulehren geziemet/ bekennet er in seiner andern Antwort/ an Bilibald Pirckheimer zu Nuͤrn- berg/ er sey ja zu bloͤd/ vnnd nicht genugsam behertzt gewesen: Er solte GOtt/ der jhn beruffet/ besser vertrawet vnd nicht gezweiffelt haben/ daß Er jhm Mund vnd Weißheit verleihen wuͤrde. Als er nun vor besser geachtet/ jrgend in einem Ruhwinckel/ den Leuten ab Augen/ dem Studieren vnd Beten obzuliegen/ dann mit solchem
wichti-
ET RESTAVR. DISCVRS. XXI.
wichtigen Ampt nicht ernstlich genug vmbzugehen/ begab er sich in das Kloster Alten-Muͤnster/ S. Brigitten Ordens/ nicht fern von Augspurg/ in Bayern gelegen/ vnter Hansen Balgmacher/ Apt daselbst.
Erstlich erkundiget er sich bey den Brüdern/ ob er GOTtes Worts halben frey bey jhnen leben moͤchte/ mit Vermeldung sei- nes Fuͤrnehmens? Darauff sie jhn berichteten: Jhr Gotthauß were also beschaffen/ daß man nirgend besser Gott dienen/ beten vnd studieren koͤnte/ dann in jhrem eingezogenen/ vnnd von weltlichem Grewel abgesonderten Wesen; vnd nahmen jhn gern auff. Doch wolte sich
Oecolampadius
mit seinem Klostergeluͤbd nicht weiter einlassen/ dann mit Vorbehalt eines Freyzugs/ wo er mit der Zeit/ zuverkuͤndigung Gottes Worts/ tauglich seyn wuͤrde: Welches dann die Bruͤder mit jhm annahmen/ jhm jhre Privilegien weise- ten/ daß sie selbst/ wo Jrꝛthumb einreissen wolten/ zupredigen wol hinauß gehen moͤchten.
Dieses Klosterwesen gefiel jhm Anfangs etliche Monat/ daß er also in Stille sein Leben zuverbringen gedachte; dargegen miß- fiel dlßsein Vorhaben/ etlichen seiner Goͤnner/ die jhn vermahneten/ sich deß Ordens zuentschlagen. Als er sich nachmaln auff be- gehrten Bericht/ vber etliche Fragen/ die damals in Religionssa- chen gedisputiert wurden/ vnverholen erleutert/ fuͤgt sichs/ daß sol- cher Bericht/ den er nur seinen Vertrawten mitgetheilet zuseyn vermeynet/ weit vnter andere Leut außkame. Der Gestalt war sein Buch von der wahren Beicht/ beneben andern Schrifften/ außfuͤndig.
Weil nun dieselbigen mit der Baͤpstischen Lehr nicht vber- einstimmeten/ schuffen sie jhm bey vielen vnnd etlich gewaltigen Leuten treffentlichen Vngunst. Vnd so vielmehr/ daß er sie bald hernach/ auß Anmahnung seiner Goͤnner/ in offentlichen Druck verfertiget; deßhalben jhm etliche Gefangenschafft/ andere den Tod draͤweten/ welches doch er/ in dem das Hertz wuchse/ verach- tet. Sonderlich bracht jhn Johann Glappio/ Barfuͤsser Ordens/
G g iij
Key-
GERMANIÆ PERTVRBATÆ
Keyser
Caroli
Beichtvatter/ auff dem Reichstag Anno 1521. zu Wormbs gehalten/ in hohe Gefahr/ also daß jhm etliche Monat vor seiner Entweichung/ fuͤrkame/ man wuͤrde zu jhme greiffen. Viel seiner Mitbruͤder warneten jhn/ sich auß dem Staub zuma- chen: Die hieß er wol getrost seyn; Moͤnchen/ ja allen Christen geziemet/ auch mit Gefahr jhres Lebens/ die Wahrheit rund zu- bekennen; deßhalben sie jhnen/ von seinet wegen zufoͤrchten an- fiengen/ haͤtten leiden moͤgen/ er were weit von dannen. Darzwi- schen begab es sich/ daß er etliche mal auß Bruͤderlicher Schuldig- keit/ jhre Weisen/ in dem sie mehr auff eygene Satzungẽ/ dann Got- tes Befehl sahen/ straffet: Deßhalben jhm jhre Regel vnd Gesetz auch vbergaben/ vñ bey seinem Gewissen/ nach dem er am Juͤngsten Tag Christo Rechenschafft thun muͤste/ einbunden/ dasselbe fleissig zuvbersehen/ vñ was er dem Wort Gottes widrig fuͤnd/ zuverzeich- nen/ so wolten sie es verbessen. Als er nun vermeint/ jhnen wer Ernst/ vnnd die Sach fuͤr die Hand genommen/ befand er in jhren Sta- tuten solchen Vnraht/ daß/ so bald er jhn ruͤget/ er der boͤseste ward/ ein Abtrinniger vnd Ketzer seyn muͤste; dorfften jhm doch nichts zu- fuͤgen.
Letzlich/ war der dritte Tag/ vor dem er solt gefangen werden/ empfieng er von etlichen seinen Freunden ernstliche Warnung/ sich fuͤrzusehen/ dann Gefahr stuͤnd jhm naͤher/ als er vermeint. Deß- halben er die Sach seinen Mitbruͤdern erzehlet/ mit Erlaͤuterung/ was auch jhnen fuͤr Gefahr darauß erwachsen moͤchte/ solte er vn- ter jhnen ergriffen werden/ hielten sie jhn nun fuͤr vnschuldig/ so geziemet jhnen nicht/ jhn an die Axt zugeben/ vnnd an jhm zu Bru- dermoͤrder zuwerden. Vermeinten sie/ er lehrete vnrecht/ solten sie jhn sonst auß jhrer Bruderschafft fahren lassen. Deß behiengen sie in zweiffel/ wolten jhn nicht heissen weg gehen/ vielweniger auß- stossen.
Jn dem wurden jhm von seinen Goͤnnern Pferde zugeschickt/ die liessen bey jhm anhalten/ sich an seine Gewarsam zuverfuͤgen: Bekam also von den Bruͤdern einen Abscheid vnd Zehrpfenning/
ward
ET RESTAVR. DISCVRS. XXI.
ward widerumb frey/ als er nicht gar zwey Jahr in dem Kloster ge- wesen.
Nach solchem verfuͤgt er sich zu Frantz von Sickingen/ bey dem er etliche Buͤcher deß alten Lehrers
Chrysostomi,
in die Latei- sche Sprach verdolmetschet. Da aber dieser Edelmann mit schwaͤ- ren Kriegen behafft/ verrucket er wider gen Basel/ da der Strauß mit den Geistlichen erst recht angehen solte.
Erstlich/ fand er bey
Andrea Cratandro,
dem Buchdrucker/ Vnterschleyff/ vnd Auffenthalt; vnd hatte Anfangs kein Dienst/ wuste nicht/ wohin jhn Gott fuͤhren wuͤrde:
transferirt
doch
Chry- sostomum
vber das erste Buch Moses/ prediget sonderbarlich et- lichen zuhoͤren/ vnd nahm die
Profession
der heiligen Schrifft an/ erklaͤrete den Propheten Esaiam. Vnd weil Anthoni Zancker/ wegen Podagram seine Stell zu S. Martin nicht versehen konte/ erlangten die Pfleger/ daß
Oecolampadius
Anno 1523. auffgestel- let wurde. Vnd weil er wider das Bapsthumb mit grossem Zulauff predigte/ versuchte man jhn widerumb auff deß Bapsts Seiten zu- bringẽ/ sonderlich
Cochlæus
von Stutgart auß. Da nun Wolff- gang Weissenburg Leutpriester im Spital/ Marx Bersy von Ro- stoch/ Leutpriester zu S. Leonhard/ Bruder Hans Luthard/ Predi- ger zun Barfuͤssern/ vnd Bruder Thomas Geirfalck/ zun Augu- stinern/ gleiche Lehr mit jhme trieben/ vnd die vbrige noch Baͤpsti- sche hefftig wider sie donnerten vnd schalten/ befahl der Raht/ man solte sich maͤssigen/ vnd an der Schrifft bleiben.
Als Wilhelm
Farellus
dahin kam/ vnd mit den Predigern ob etlichen Religionsstuͤcken ein Disputatz vnnd Gespraͤch zuhal- ten/ begehrte/ hierdurch/ ob er jrret/ Vnterweisung zuempfahen/ wolte die Vniversitaͤt seine Vnbaͤpstische Schlußreden nicht las- sen eroͤrtern/ noch in dem
Collegio
anschlagen/ biß deß Bischoff
Vicarius,
Heinrich von Schoͤnaw/ bey Poͤn deß Banns/ die hohe Schul abgeschreckt/ vnnd der Raht/ desselbigen vngeachtet/ die Disputatz befohlen/ die auch den fuͤnffzehenden Hornung vor- gangen.
Dar-
GERMANIÆ PERTVRBATÆ
Darauff wurd
Doctor Oecolampius
zum Kirchendienst bestaͤttiget/ vnnd schafft eines nach dem andern ab/ doch alles mit Vorwissen vnd Belieben deß Rahts. Jn deß erhube sich der Miß- verstand vber den Worten deß H. Abendmals/ zwischen D. Lu- thern in Sachsen/ vnd Vlrich Zwingeln in der Schweitz. Ein je- der hatte seinen Anhang vnd Beyfall. Vnd weil
Oecolampadnis
in grossem Ansehen stunde/ begehrte man seine Erklaͤrung: Vnd ob er schon es anfaͤnglich nach seinem Abfall/ mit Luthern gehalten/ aͤndert er doch endlich/ macht jhm selbst ein eygene Außlegung/ die er gleichwol mit der Zeit fahren lassen/ vnnd zu Zwinglen getret- ten.
Warumb aber solches geschehen/ schreibet er an Melanch- thon: Es haͤtte
S. Augustinus
jhn bewogen/ seine vorige Mey- nung vom Abendmahl zuaͤndern: Ließ auch ein gantz Jahr her- nach/ ein Buͤchlein deßwegen außgehen/ von welchem Erasmus dem Raht diß Bedencken geben: Jhr Herꝛn/ ich hab auff ewer Begehren/ das Buch
Oecolampadii,
das Nachtmahl deß
Her
- ren betreffend/ gelesen: das ist nun/ meinens Erachtens/ ein gelehr- tes vnnd wol außgemachtes Werck: Jch wolte es auch gern ein Gottsfoͤrchtiges vnd andaͤchtiges Werck nennen/ wofern das je- nige vor andaͤchtig gehalten koͤnte werden/ was der Einfaͤltigkeit der Kirchen/ von deren zuweichen es gefaͤhrlich zuwider ist.
Vnd an seine Freund schrieb er:
Oecolampadius
haͤtte ein so fleissig geschriebenes/ vnnd mit so vielen maͤchtigen Gruͤnden/ auch so vielen Zeugnuͤssen versehenes Buͤchlein lassen außgehen/ daß es auch wol die Außerwehlten solte in Jrꝛthumb fuͤhren. Vnd ob man schon bey jhm anhielte/ gedachtes Buͤchlein/ zu widerlegen/ wolte er doch nie die Feder ansetzen/ weil es der Muͤhe nicht werth/ oder jhm vielleicht nicht fuͤrtraͤglich war.
Florimond setzet/
Oecolampadius
sey der Churfuͤrstlichen Printzen zu Heydelberg Zuchtmeister gewesen/ haͤtte die Kutte von S. Brigitten Orden bald abgelegt/ ein Weib genommen/ vnd nur
Eusebium,
Jrenen vnd
Methevam
gezeuget/ welches aber zuletzt
gesche-
ET RESTAVR. DISCVRS. XXI.
geschehen/ weil das aͤlteste Kind bey seinem Tod/ nur drey Jaͤhrig war.
Zuwissen aber/ daß Carlstatt bey der Vniversitaͤt an der Re- formation/ mit Vernichtung deß Bapsthumbs/ das seinige thaͤt/ der Bischoff aber vnd Stattraht/ es bey dem alten Wesen liessen bleiben/ ohne einige Veraͤnderung/ biß gedachtes Buͤchlein herfuͤr kommen/ welches auch der Raht so fern offentlich zuverkauffen verbotten/ biß sie sich dessen berahten/ vnd entschlossen haͤtten.
Era- smus
machte sie mit obiger seiner Meinung jrꝛe/ aber
Cantiun- cula,
der Rechtsgelehrte/ gieng richtig durch/ vnnd gab
Oecolam- padio
vollen Beyfall. Darauff gieng die Reformation an/ vnd stellete
Oecolampadius
ein
Catechismum,
oder kurtzen Vnter- richt vnd Außlegung/ vber die fuͤnff Hauptstuͤck Christlicher Lehr/ welche nicht vnbillich ein Drittes/ zwischen Luthern vnnd Zwin- geln moͤchte genannt werden/ vnnd keinem Theil so gar nicht zu- wider seyn koͤnte; ja auch nicht den Widertaͤuffern. Dann Carl- statt hatte sich zwar von jhnen abgethan/ vnd behielt doch noch jm- merzu den Geruch/ von der ersten Bruͤhe/ deme
Oecolampadius
schier in allem gefolgt. Auff dem Gespraͤch zu Marpurg in Hes- sen erschien er neben Zwingeln. Vnd ob schon Melanchthon Anfangs in dem heiligen Abendmahl/ bey den duͤrꝛen Worten mit Luthern geblieben/ auch deßwegen etwas scharpff gegen Carlstatt/ Zwingeln vnnd
Oecolampadium
gewesen/ kam er doch endlich durch
Oecolampadii
erwehntes Buͤchlein/ so weit/ daß er die Schweitzerische Meynung vom Zweck deß
Her
ren Christi bey solcher Handlung ergriffen/ vnnd den Buchstaben schier gar haͤtte fahren lassen. Albert Dürer/ der edle Mahler zu Nuͤrnberg/ gab jhm auch Beyfall.
Von seinem End/ schreibt Florimond/ redet man vnter- schiedlich: Dann es bezeuget Luther/ der Teuffel hab jhm den Halß im Bett gebrochen: Dieses sey der gute Meister/ welcher jhm zuverstehen gegeben/ die Schrifft waͤre mit widrigen Reden erfuͤllet; man solte sehen/ worzu Satan die gelehrte Maͤnner brin-
H h
gen
GERMANIÆ PERTVRBATÆ
gen thue: Er sey durch die Pfeil vnd Spieß deß Teuffels gestor- ben/ im sechsten vnd achten Jenischen Theil. Da er doch zuvor im vierdten Theil diese Wort von jhm geschrieben: Dem
Oecolam- padio
hat Gott viel geben/ vñ geschenckt vor vielen andern. Vnd an Niclas Haußman: Es thut mir wol wehe von Hertzen/ daß
Oeco- lampadius,
ein so grosser Mann/ sich mit so schlechten vnd nichti- gen Gruͤnden hat fangen lassen. Vnd zu einem andernmal: Es thut mir sehr wehe/ daß der sehr edle Mann/ ꝛc. D. Schluͤsselberger schreibet: Er sey tod im Bett gefunden worden/ als er zum Land- graffen auß Hessen gesagt: Er wolte/ daß jhm die Faust abgehaw- en were worden/ ehe er von diesem Handel deß Abendmahls deß
Her
ren einigen Buchstaben habe geschrieben: Welche Wort
Petrus Plateanus,
neben andern am Hessischen Hoff sol gehoͤret vnd vbertragen haben. Es wollen seine Verthaͤtiger/ den Schluͤs- selbuͤrger vor einen Zeugen nicht passieren lassen/ weil er noch nicht auff der Welt/ als
Oecolampadius
mit dem Landgraffen ge- redt. Zu deme/ einen vnversoͤhnlichen Zorn wider die Schwei- tzerische Religionsverwanden gefaßt/ nach dem jhn Melanch- thons Nachfahren zu Wittenberg/ offentlich relegiert gehabt. Vnd der dem
Brateolo,
einem Baͤpstler/ sein Muͤhtlein zukuͤh- len/ lieber wollen Glauben zustellen/ als dem frommen/ vnd von Lu- thern selbst hoch geachten Mann Simon
Grynæo,
welcher dazu- mal gelebt/ zu Basel gewesen/
Oecolampadium
in der Kranck- heit besucht/ vnd sein Leben vnd Tod beschrieben hat.
Da lautet es/
Oecolampadius
were/ biß in den sechsze- henden Tag kranck gelegen/ haͤtte sein Bekanntnuß fuͤr allen zu sich erforderten Kirchendienern zu Basel widerhohlet/ sein Weib vnnd drey kleine Kinder gesegnet/ vnnd zur Gottesforcht ver- mahnet/ zu den Anwesenden gesagt: Er hab newe Zeitung/ daß er bald bey dem
Her
ren seyn werde/ vnnd dann am sechszehenden Tag der Kranckheit/ welcher der drey vnnd zwantzigste Novem- ber/ im Jahr tausend fuͤnff hundert ein vnd dreyssig in Gegen- wart zehen Kirchendienern/ den ein vnd fuͤnfftzigsten Psalm Da-
vids
ET RESTAVR. DISCVRS. XXII.
vids gantz außgebetet/ vnnd endlich sein Leben/ in dem neun vnd viertzigsten Jahr seines Alters/ mit diesen Worten beschlos- sen:
Salva me Christe Iesu,
mache mich selig Christe
Je
su. Doch sagt man/ als
Oecolampadius
von Zwingeln Tod ver- nommen/ habe er sich so hoͤchlich darüber bekuͤmmert; zu wel- chem Elend dann ein
ulcus super os sacrum erumpens
geschla- gen/ dergleichen Kranckheit auch
Basilius Magnus
soll erlitten haben.
Vnd solchem Verlauff gibt
D. Paulus Eberus,
in seinem Historischen Calender vmb etwas Zeugnuß:
D. Iohann Occo- lampadius,
schreibt er/ ein Schrifftgelehrter in den dreyen Haupt- spraachen sehr wol erfahren/ starb zu Basel in Bekanntnuß deß Sohns Gottes (dardurch
Lindani,
Bischoffs zu Rurmund Be- richt von seiner Verzweiffel
n
ng zerfaͤllt) Anno 1531. im 49. Jahr seines Alters.
Jtem/ D. Mattheus Dresser/ vnter dem sechsten Tausend seiner Historien: Es ist gestorben
Oecolampadius
im Jahr 1531. mit einer Pestilentzischen Druͤsen ergrieffen. Sein Grabschrifft in der Hauptkirchen zu Basel verteutschet sich also auß dem La- tein:
GOtt dem Allergütigsten vnd Maͤchtigsten geweihet: Do- ctor Johann
Oecolampadius,
offentlicher Lehrer der heiligen Schrifft in den dreyen Hauptspraachen sehr wolerfahren/ der erste Vrheber der Evangelischen Lehr in dieser Statt/ vnd dieses Tem- pels wahrer Bischoff/ so wol wegen seiner Lehr/ als seines Wan- dels Heiligkeit aller Ehren werth/ liegt vnter diesem kurtzen Grab- stein begraben.
Dieser
Oecolampadius
beklaget in der Vorrede seiner auß- gangenen Gespraͤchs von dem heiligen Abendmahl/ daß nicht we- nige seiner vorigen Freunden/ nicht nur in dem Handel vom Abendmahl fehlen/ vnnd jrꝛen/ sondern/ auch jhren Jrꝛthumb so hoch lieben/ daß sie jhm vnd den Seinigen/ weil sie ein ande- re Meynung gefaßt/ auch die schuldige Bruͤderschafft abschlagen/
H h ij
vnd
GERMANIÆ PERTVRBATÆ
vnnd die/ so jhnen nicht beystimmen/ dem Sathan vbergeben/ vngereumbte Sachen außstrewen/ vnnd der jenigen Ketzereyen/ denen er allerdings Spinnenfeind/ verdaͤchtig machen. Melanch- thon war der Bescheidenste vnter allen/ vnd haͤtte koͤnnen auff dem Gespraͤch zu Marpurg satten Bericht einnehmen/ wann er nur wollen hoͤren vnd lesen/ doch hat er mit jhrer Schwachheit jmmer- zu Gedult getragen/ vnd verhofft/ es werde der rechte Verstand des- selben Streits/ als ein Kern deß Christenthumbs/ den Ergernuͤssen der Kirchen vorzukommen/ durch besondere Schreiben vnter den Gelehrten beylegen; in dessen Verbleibung er gleichwol nicht saumselig anstehen wollen; aber keines wegs sein Gegenpart/ we- niger den Melanchthon zuverkleinern/ dann nur/ daß derselbige/ sampt seinem gantzen Anhang/ in diesem Stuͤck/ der Warheit zu- stewer/ deß gemelten Jrꝛthumbs vberwiesen werde.
Der zwey vnd zwantzigste Discurß.
Von Caspar Schwenckfeld/ seiner Lehr/ Leben vnd Tod: Vr- theil von jhm/ vnd der Geistlichen Eyffer. Wer der erste Wi- dertaͤuffer gewesen. Wie Luther wider sie verfahꝛen. Von Tho- ma Muͤntzern. Von der Widertaͤuffer Lehr vnnd Leben/ vnd Verfolgung. Von
Iohanne Calvino,
boͤses vnd gutes.
E
S geschah zwar ein grosser Abfall vom Bapsthumb/ doch wolten die Abtruͤnnigen nicht alle Luthern vor ein andern Bapst halten/ noch allen vnd jeden seinen Mei- nungen beypflichten; in Erwegung/ einem jeden so viel erlaubt/ als jhme Luthern. Vnd da derselbe die Außlegung der heiligen Schrifft anderst/ als der Roͤmische Stul doͤrffen vortra- gen/ auch das Gelaiß der alten Kirchenlehrer/ die er vmb so viel ver- warffe/ daß er sie zu Richtern in Glaubenssachen nicht wolt hoͤren/ verließ/ weist er Zwingeln/ Carlstatten/
Oecolampadio,
ja dem
Schwenck-
ET RESTAVR. DISCVRS. XXII.
Schwenckfeld den neben Weg. Dann Caspar Schwenckfeld/ ein Edelmann auß der Schlesien/ von Ossingen/ ein wolberedter Mañ/ ließ sich beduͤncken/ der Baͤpstler Lehr wer zwar jrrig/ Luthers Mei- nung in vielẽ Stuͤcken von Zwingeln widerlegt/ Zwingels Vorge- ben viel nidriger vñ fleissiger/ als Carlstatts hohe Gedancken/ Carl- statts Einbildungen dem Buchstaben zusehr verhaßt/ vnd der Wi- dertaͤuffer Vnbestaͤndigkeit gantz gefaͤhrlich: Darumb fieng er ein gantz andere Manier an/ entlehnt von einem jeden/ was jhm dienete/ vnd wolte es mit keinem halten. Sein fuͤrnehmster Punct war vom Fleisch Christi/ vnd desselben Herꝛlichkeit/ in welchem Stuͤck er sich nicht gantz an Tag gab/ sondern eben deß wegen etlicher laͤngstver- dampter Jrꝛthumb verdaͤchtig machte. Dann er setzte/ das Fleisch Christi hab kein Creatuͤrlichen/ sondern ein vbernatürlichen vnnd newen Anfang auß deß Vatters Saamen/ das ist/ auß dem heili- gen Geist/ also/ daß Christus der Menschlichen Natur eines Tuͤr- cken/ oder Vnglaubigen nicht gleich were/ weder ein Himmlisch/ noch ein jrꝛdisch Geschoͤpff/ sondern nach beyden Naturen auß GOtt geboren. Christus hatte nach beyden Naturen gelitten/ gleich wie Er nach beyden Naturen auß der Jungfrawen geboren. Wann seine Menschheit ein Creatur were/ machten sie alle seine Anbeter zu Abgoͤttischen Leuten.
Gehet darauff weiter/ vnd lehret/ die Menschheit Christi/ o- der sein Fleisch/ sey vergoͤttet/ vnd in das Goͤttliche Wesen auffge- nommen/ vnd bliebe doch Menschheit vnd Fleisch: Also/ daß das Fleisch nach der Menschlichen Natur eben das ist/ was das Goͤtt- liche Wesen vnd Natur ist/ die Menschheit/ der Leib/ ist gantz Geist- lich/ Goͤttlich/ ja eben das/ was GOtt/ vnd das Goͤttliche Wesen ist. Der gantze Christus ist nach den beyden vereinigten Naturen/ gantz eines Wesens mit dem Vatter/ vnd heiligen Geist; vnd in ei- nem Grad/ Wuͤrde/ Macht/ Wesen/ Majestaͤt/ durchauß dem Vatter gleich.
Auß diesem Punc hat er einen andern von der Widergeburt gezogen/ der jnnere Mensch sey auß dem Fleisch Christi/ vnnd auß
H h iij
seinen
GERMANIÆ PERTVRBATÆ
seinen Beinen geboren/ oder gezeuget: Dannenhero sey einem sol- chen Widergebornen gantz leicht/ muͤglich vñ erfrewlich/ das Gesetz Gottes zuhaltẽ. Die Gerechtfertigung wer eben die Widergeburt/ vnd der Glaub Christus selbst im newen Gehorsam/ dadurch die zu- gemessene Gerechtigkeit/ vñ solcher Verdienst Christi falle/ aber die wesentliche Gerechtigkeit deß Menschen gelte: Vnd muͤste fuͤr das erste die Widergeburt da seyn; darnach die Lebendigmachung folgẽ/ darauff kom̃e die Anruffung/ nechst vor der Gerechtmachung/ nach welcher der Mensch der goͤttlichen Natur theilhafftig werde.
Der ander fuͤrnemste Punct ist vom Wort Gottes/ daß dassel- be kein anders sey/ als Christus selbst/ auß dem Mund deß Vatters; kein Thon/ oder Buchstaben/ sondern Geist/ Leben/ Macht/ vñ das Wesen Gottes selbst/ das auch ohne einiges Mittel der Creaturen/ oder Werckzeug in die glaubige Seel eingehe/ also/ daß die Juden zwar die H. Schrifft/ aber nicht das Wort Gottes haben/ vñ Chri- stus sich selbst geprediget hätte/ auch die Prophetische vñ Apostoli- sche Schrifften ein eusserlich vnd corperlich Wort Gottes/ nicht a- ber das lebendigmachende Wort Gottes/ durch welche die Seelen gespeiset werdẽ/ inhalten. Dannenher versichert er/ Gott wuͤrcke nit durch das eusserliche Wort/ als durch ein Werckzeug/ oder Mittel/ sondern alleinig durch den Mitler/ den Menschẽ Jesum Christ/ von welchem das geschriebene vñ gesprochene Wort zeugen. Der Vat- ter rede den Sohn/ vnd sich selbst; der Sohn rede sich selbst/ vnd den Vatter; der H. Geist rede sich selbst/ den Vatter/ vnd den Sohn.
Zu diesen vnd andern mehren Puncten hat dem Schwenckfeld Anlaß gebẽ/ daß auf die angefangene Reformation kein Nachdruck/ weniger aber Besserung deß Lebens erfolgen wollen: Darumb zog er hin vnd her in der Schlesien/ macht jhm Velten Krautwald/ ein Dumherꝛn. Vnd Johan Sigmund Wernern/ Predigern zur Lig- nitz/ sampt etlichen andern beyfaͤllig. Da man jhn nun/ wegen Ver- achtung deß Predigampts/ zu Red setzte/ vnd er jm̃er fortfuhr/ gebot jhm Hertzog Fridrich/ sein Land zuraͤumen/ bevorab/ weil er/ wegen der Zwinglianer vnd Widertaͤuffer wolte verdaͤchtig werden. Er fuͤgt sich zu Luthern/ der jhm fuͤrhielt/ es weren ja Christi Predigten
selbst
ET RESTAVR. DISCVRS. XXII.
selbst nit jedemal krafftig gewesen/ dz Volck zubekehren. Von jhm erhub er sich nach dem Land in Schwaben/ ließ sich zu Augspurg/ Vlm/ Nuͤrnberg/ Tuͤbingen/ Straßburg/ vnd allenthalben hoͤren. Zu Straßburg bracht er den Wolffgang
Capito
dahin/ daß er die geistliche Niessung im Abendmal/ da der Mensch vom eusserlichen auffs him̃lische Brod gewiesen wird/ jhm gefallen ließ. Zu Vlm di- sputirt er fuͤr dem Raht wider Martin Fechten. Zu Augspurg setzt er sich/ ob er schon jederweilen außreysete/ vnd hielt in seinem Hauß Versamlungen/ bey welchẽ er den Geist/ der ohne Mittel deß gepre- digten Worts/ innwendig in den Hertzen wirckete/ wunder sehr her- auß striche. Er schreibt/ wie er in 28. Jahren hab 50. Buͤcher lassen in Truck außgehen/ vnd besucht seine Freund fleissig mit schreiben/ jederweiln ließ er die Feder streichẽ wider Luthern/ Melanthon/ Fa- bern/ den Koͤnig in Vngarn/ vñ andere mehr. Luther kont jhn gar nit dulden/ vnd spricht: Derhalben michs nit wenig befrem̃det/ vnd mir Gedancken macht/ daß Schwenckfeld so koͤrꝛe vnd kuͤhn ist worden/ sich mit Schrifften vnd Buͤchern an mich zumachen/ weil er weiß/ daß er mein vnversuͤhnter Feind ist/ erstlich in dieser Sachen deß H. Sacraments/ welches er in der Schlesien zu eytel Brod vnd Wein gemacht hat/ so viel tausend Seelen verfuͤhret/ dafuͤr keine Buß ge- than/ sondern/ wie Salomon sagt:
exultat in rebus pessimis,
als haͤtte er wol gethan/ vñ doch gedenckt/ der Luther muͤsse seiner Brieff vñ Buͤcher fro werden. Dann darauff solte wol ein Wahn erwach- sen/ als wer Luther mit Schwenckfeld/ vnd den Schwermern gut eins/ vnd haͤtte alles widerraffen/ nehmen vnd geben einander Brieff vnd Buͤcher/ als gute Freund/ ꝛc. Jtem/ gehe nun hin/ vnd sage/ daß Stenckfeld (dann also pflegte er jhn mit verkehrtem Namen zunennen) nit den H. Geist habe/ weit vber die drey H. Geister/ Carlstatts/ Zwinglens vñ
Oecolampadii.
Ja Luther vbergab jhn/ nach seiner hefftigen Manter/ mit den Sacramentierern vnd Zwinglianern/ kuͤrtz fuͤr seinem End/ gar dem Teuffel. Jn summa/ Schwenckfeld war allenthalben heimlich an- genehm/ vnd offentlich verfolgt/ in der Schweitz vnd Schlesien/ in Schwaben/ Hessen vnd Sachsen/ also/ daß die Kirchendiener zu Braunschweig/ vnd dann zu Hanoverein Vrtheil wider jhn erge- hen lassen. Vnd die Fuͤrsten selbst durch ein Außschreiben auß jh-
rer
GERMANIÆ PERTVRBATÆ
rer Versamlung Jedermaͤnniglich vor jhm warneten/ vnnd seine Bücher verbotten. Demnach fand Schwenckfeld grossen An- hang/ vnd starb endlich zu Vlm/ den 10. Christmonat/ im Jahr 1561. da er sich heimlich hielte/ vergraben in einen Weinkeller/ im zwey vnd siebentzigsten Jahr seines Alters. An sich selbst ein E- xemplarischer/ frommer Gottseliger Mann/ welches dann sehr viel zu Befoͤrderung seiner Lehr geholffen: Jn den Sprachen/ außer- halb etwas Latein/ nicht erfahren/ dannenhero er etwan verstossen/ als im fuͤnff vnd achtzigsten Psalm Davids setzet Luther also: Ach daß ich hoͤren solte/ daß GOtt der redet. Nun stehet im gemei- nen Latein/ (welches dem heiligen
Hieronymo,
ohne Zweiffel vnbillich/ wird zugemessen/ der doch in Hebraͤischer Spraach schier seines gleichen nicht gehabt/ vnd den Fluch wol wuste/ daß man nichts von/ noch zu Gottes Wort thun solte) Jch wil hoͤren/ was der
Herr
in mir redet. Auff welches (in mir) Schwenck- feld vest gebawet/ vnnd jmmerdar in seinen Gespraͤchen/ auch Schrifften darauff getrungen/ man muͤste den Geist jnnwendig hoͤren reden/ vnd deßwegen sey das eusserlich hoͤren vnd predigen vmbsonst.
Die jenigen/ so ohn einig Absehen/ oder Nachdencken Schwenckfelds Lehrpuncten vberlegen/ koͤnnen jhm nicht so gar vngleich geben/ als der gesucht/ sich je laͤnger je besser zuerklaͤren/ auch Vnterricht einzunehmen/ wann man jhm nur mit sanfftmuͤh- tigem Geist haͤtte begegnen wollen/ vnd durch Verschimpff- vnd Verfolgung nicht weiter zugehen/ anlaß gegeben haͤtte: Sonder- lich/ da er sich zu Schmalkalden bey der Versamlung anmeldete. Vnd ist wundersam/ daß bey allen Trennungen im Geistlichen Kirchenwesen ein solch Vbersehens mit vnterlaufft. Dann eben dieses beklagten die Baͤpstler/ als Luther wider den Ablaß anfieng zuschreyen: Man haͤtte gemach mit dem Moͤnch verfahren/ vnd alle Mittel vnd Wege/ jhm das Maul zustopffen/ suchen/ ehe den Ablaß auffheben/ oder doch verbessern sollen.
Vnd was klagt Carlstatt/ Zwingeln/ Haußschein/ auch dieser
Schwenck-
ET RESTAVR. DISCVRS. XXII.
Schwenckfeld anders/ als daß Luther allzu eygensinnig/ keinen Menschen wollen hoͤren/ alles nach seinem Kopff anordnen vnd se- tzen. Darneben alle andere/ die was weiters gesucht/ oder funden/ vnbesonnener/ ja vn-Christlicher Weise/ also bald dem Teuffel heim gewiesen/ vnnd sich wol bey einem thewren Schwur/ auff seiner Seelen Seeligkeit vermessen/ dieser vnd jener glaube nicht/ daß ein Gott im Himmel sey. Gegentheils Buͤcher liese der Teuf- fel/ von vnten vnnd von oben auß/ ꝛc. so weit verfuͤhret Eyffer vnd Zorn.
Noch hatte Luther ein andere Waͤsche mit den Widertaͤuf- fern/ die jhm viel Muͤhe machten. Von jhrem Vrheber sind vn- derschiedliche Meynungen: Dann
Hosius, Eckius
vnd
Linda- nus,
nennen Balthasar Hubnitzern von Friedberg/ der auch etliche Buͤchlein seiner Lehr außgehen/ vnnd an Tag kommen lassen/ zu Zuͤrich sein Jrꝛthumb abgelegt/ wider angenommen/ in Maͤhren getragen/ vnd daselbst mit seinem Tod im Fewer versiegelt.
Bullinger vnnd Melanchthon/ nennen Niclas Storcken; Melanchthon vnnd
Erasmus Alberus,
den Carlstatt;
Antonius Corvinus
aber den Zwingeln. Doch befind sich/ daß Thomas Muͤntzer den ersten Grund solcher Lehr gelegt hat. Melanchthon schreibet also: Gesehen hab ich an Niclas Storcken/ welcher zum ersten das schaͤndliche Widertaͤufferische Gifft in Teutschland außgesaͤct/ vnd grosse Vnruhe vervrsacht hat. Derselbe gab Lu- thern zuverstehen/ was Gestalt GOtt jhme im Traum seinen Willen geoffenbaret/ daß/ naͤmlich/ seine Außerwehlten/ vermittels deß Storcken Anleytung/ auff Erden herꝛschen wuͤrden/ vnd daß Storck die Kirch reinigen solte. Muͤntzer gab fuͤr in seinen Pre- digten/ GOtt haͤtte jhm eingeben/ er solte die strenge Religion deß Bapsts/ vnd die Libertinische/ oder freye Sect deß Luthers/ vertil- gen/ vnd das Mittelhalten: Gleich wie Muhammed auch vor- gab/ Moses wer zustreng/ vnd Christus zugelinde. Er pflegt vn- ter dem Schein der Heiligkeit/ die grosse vnd kleine/ ja die allerge- ringste Laster zustraffen/ vnnd das Volck zum Fasten/ Beten vnd
J i
stren-
GERMANIÆ PERTVRBATÆ
strengen Leben zuvermahnen.
Menno,
ein ander Lehrer schreibet: Die fleischliche vnd liederliche Lehr Luthers/ hatte dieses fleischliche vnd liederliche Volck in ein so grosse Gottlosigkeit gefuͤhret/ daß dergleichen kein groͤssere vnter den Tuͤrcken vnd Tartarn gefunden haͤtte werden koͤnnen. Sie maßten sich der Verzuckungen an/ vnd deß jnnerlichen Gespraͤchs mit GOtt/ gaben vor/ wir weren alle Adams Kinder/ darumb vnbillig/ daß einer reich/ der ander Arm seyn solte/ vnd bringen alles zusammen/ da ein jeder von dem grossen Hauffen nahm/ was seine Notturfft erforderte/ doch vnter einem Verwalter vnd Auffseher. Luther sahe Muͤntzern Anfangs durch die Finger/ da er aber den grossen Anhang/ vnd die widrige Lehr sa- he/ spitzter die Feder wider jhn/ vnd nennet jhn ein gebornen Teuffel/ mit Befehl/ an die naͤchste Staͤtte/ solche newe Prediger zuvertrei- ben.
Als nun gedachter Muͤntzer/ jhm ein grosse Menge Volcks anhaͤngig gemacht/ lieffert er den Fuͤrsten eine Schlacht/ entrann nach Franckenhausen/ erzeigt sich trotzig gegen Hertzog Georgen in Sachsen/ verlacht deß Henckers Macht/ so offt er mit dem Rad auff seine Glieder stieß/ befahl noch auff dem Rad liegend/ die Fuͤr- sten solten die Bibel fleissig lesen/ vnnd trohete den Richtern vnd Henckersknechten grosse Straaff.
Lambertus Hortensius
schreibet/ das in Teutsch vbersetz- te Buch
Lutheri,
von der Christlichen Freyheit/ sey zum Theil ein Vrsach dieser Weitlãufftigkeit in der Christenheit gewesen/ deren vier Saͤulen vnnd Haͤupter waͤren/ naͤmlich/ Hubintzer/ Storck/ Muͤntzer vnnd
Menno.
Denen folgten
Cantius
zu Wormbs/ Johann Matthes/ ein Becker auß Holland/ Johann von Leyden/ ein Schneider/ Knipperdolling/ vnd andere viel: Was dieselben vor ein Vnwesen zu Muͤnster in Westphalen angestellet/ sol an seinem Ort gemeldet werden.
Sie halten sich zu dem Feldbaw vnd Handwerck/ reden we- nig/ schweren nicht/ wann es auch gleich die Obrigkeit erfordert/ halten das Abendmahl schlecht hin/ zur Gedaͤchtnuͤß deß Todes
Christi/
ET RESTAVR. DISCVRS. XXII.
Christi/ vnnd zum eusserlichen Zeichen jhrer Bruderschafft/ vnd das halten sie zweymal im Jahr/ da sitzen Mann vnd Weib durch- einander/ vnd verreytzen sich zur Andacht/ mit grosser Zucht/ brau- chen keine Kirchen/ sondern versamlen sich/ wo sie koͤnnen/ in den Haͤusern/ vnnd in den Waͤlden; beten so andaͤchtig/ daß auch die Zaͤhren vnd Thraͤnen erfolgen; predigen ohne studieren/ wie es jhnen der Geist eingibt/ vnd heist einer den andern auffhoͤren/ tritt an deß vorigen Stell/ vnd macht es besser/ wann er kan: Sie ver- werffen den Kindertauff/ als vnverstaͤndig/ vnnd wollen die Be- kanntnuß zuvor anhoͤren. Dann wer den Tauff begehrt/ der er- scheinet in der Versamlung/ vnd wann keine Hindernuͤß nach sei- ner Bekanntnuͤß vorfaͤllet/ wird er/ nach dem er von der Erd auß- gestreckt/ wider auffgestanden/ getaufft/ wie sonsten gebraͤuchlich/ vnd legt ab alle Aempter vnnd Ehrentitul. Wer sich begehrt zu- verheurahten/ meldet sich an; dann wird jhm vnter Vieren die Wahl gegeben/ eine herauß zuwehlen; gefiel jhm aber keine/ muͤste er noch drey Jahr warten/ biß man jhm widerumb Erlaubnuß/ vnd die obige Wahl wider gestattet: Vnd ist ein falsche Aufflag/ die Weiber bey jhnen weren gemein; zu welchem Wahn das abschew- liche Vnwesen in Westphalen Anlaß geben. Doch ist zuwissen/ daß sie sich in mehr/ dann dreyssig Gattungen/ ja in siebentzig Secten/ wie Sebastian Franck wil/ trennen/ nach dem die Frey- heit deß Geistes sie zu widersprechen/ oder sich zusondern an- treibet.
Melchior Hoffmann kam nach Embden in Ost-Frießland/ vnd tauffete viel Leut/ reyset nach Straßburg/ vnnd starb daselb- sten im Gefaͤngnuͤß. Er/ vnd seines gleichen entschuldigten die Muͤnsterische Vnthat/ durch die Vnwissenheit; sintemal/ sie das Schwerd gar nicht/ auch das Leben zuretten/ fuͤhreten/ ja keinen Bruder schluͤgen.
Es haben die Lutheraner mit jhnen vielfaltig disputiret/ vnd wenig außgerichtet: Also auch die Schweitzer/ vnnd sonderlich
Oecolampadius,
wie auch die Genffer. Sie berufften sich An-
J i ij
fangs
GERMANIÆ PERTVRBATÆ
fangs sehr auff Zwingeln/ Carlstatt vnd Oecolampadien/ als we- ren diese hochansehenliche Maͤnner jhnen beypflichtig. Da es aber fehl schlug/ blieben sie dannoch auff jhrer Meynung/ verwarf- fen alle Kirchenlehrer/ als jrꝛige Menschen; wie auch die hohe Schulen/ auff welchen der Geist gedaͤmpfft/ vnd der Verstand ge- fangen werde. Es hielten etliche vnter den Gelehrten darfür/ man haͤtte jhnen/ wegen deß Kindertauffs/ nachgeben koͤnnen/ insonder- heit auff Zwinglischer Seiten; vnd die Apostolische Einfalt/ so wol im Leben/ als in der Lehr/ wider einfuͤhren/ so wuͤrden die Ne- ben-Jrꝛthumb/ daß Christus sein Fleisch vom Himmel gebracht/ daß kein Christ ein Obrigkeit seyn/ oder das Schwerd fuͤhren koͤn- te/ daß alles in der zeitlichen Nahrung muͤste gemein gelten/ vnnd dergleichen/ wol von sich selb fallen vnd vergehen: Darumb sie auch zu Genff so hart auff außdruͤcklichen Befehl die Kinder zutauffen/ getrungen/ vnd nicht geachtet/ daß man jhnen vorgeworffen: Ob dann gar keine Kirch von der Aposteln Zeiten/ biß auff jhre An- kunfft deß Jahrs 1522. were auff Erden gewesen? Jst dem- nach darbey blieben/ daß man sie allenthalben vertrieben/ vnnd nirgends leyden wollen/ ohne im Marggraffthumb Maͤhren/ da sie biß in siebentzig tausend in der Anzahl sich vorzeiten vermehret hatten.
Sie lassen sich durch ein sondern Vorsteher regieren/ der et- liche alte Beystaͤnder zu Raͤhten vmb sich hat. Neben diesem ist ein geistlicher Vatter/ der sie in Religionssachen vnterweiset; der- selb verricht das Gebet in jhren taͤglichen Versamlungen/ mit lau- ter Stimm/ vnd zusammenschlagenden Haͤnden/ darunter die an- dern zwar die Haͤnd auch zusam̃en schlagen/ doch kein Wort reden/ sondern hefftig seufftzen; darauff gehet ein jeder zu seiner Arbeit. Auch haben sie ein gemeines Haupt jhrer gantzen Kirchen/ doch dermassen geheim vnd verborgen/ daß derselb nur den jhren bekannt/ vnnd benebens bey hoher Straaff niemand anders mag offenbaret werden. Wann sie das taͤgliche Mahl einnehmen/ mochte man sie vor die strengste Ordensbruͤder ansehen; sitzen auch nicht vber
ein
ET RESTAVR. DISCVRS. XXII.
ein Viertheil Stund/ halten die Haͤnde fuͤr den Mund/ vnd reden kein Wort/ sondern betrachten vnd beten im Hertzen/ sampt/ weren sie im Geist verzuckt. Vor jhnen stehet ein alter Auff seher/ der sie nach einander ohn einiges Wort beschawet. Bald geht ein je- der vngegruͤst/ vnd vngesprochen zur Arbeit/ bey welcher ein gleiches Stillsch weigen im Gebrauch ist/ vnd wird die Arbeit auff dem Feld bey Dreyssigen/ so wol/ als in der Statt embsiglich/ ohne vmb sich gaffen getrieben. Bey Naͤchtlicher Arbeit sind die Weiber in ab- gesonderten Zimmern/ da eine Lampe/ mit einer Rauchroͤhr in der Mitte hanget. Vnd ob schon sie vnterweilen nohtwendig einan- der besprechen muͤssen/ geschichts doch mit hoͤchster Stille/ vnd we- nig Worten/ auch wol in der Kirchen: Darzu sie sich dann von Kind auff gewehnen/ also/ daß vier oder fuͤnff Kinder in der Schul auff einer Banck so still sitzen/ als werens Goͤtzenbilder/ alle auff ei- nerley Weise gekleidet. Die Haͤuser haben gemeiniglich jhren Tag von oben/ vnd nicht von den Seiten/ innwendig sehr sauber: Wann die Stund auffzustehen kompt/ gehet einer/ der darzu verordnet ist/ herumb rufft vnd schreyt: Auff/ Bruder/ auff. Am Sontag ge- hen allezeit Paar vnd Paar miteinander durch die Doͤrffer vnnd Schloͤsser/ schwartz gekleidet/ mit einem Stecken in der Hand. Jn allen Wirtshaͤusern kehren sie ein/ setzen sich nahe bey den Tisch/ zu den Gaͤsten/ fahen an vom Juͤngsten Gericht/ von der ewigen Pein/ von der Hoͤlle/ von den Teuffeln/ wie dieselben der vnbußfer- tigen Leiber vnd Seelen peinigen vnd quelen/ zureden: Vnd wann sie vermercken/ daß die Zuhoͤrer trawrig vnd zaghafft werden/ als- dann troͤsten sie dieselbigen/ vnd zeigen jhnen die Mittel/ sich von der Hoͤllen zubefreyen/ vnnd in den Himmel zukommen/ was Gestalt man zur Bekehrung gelange/ vnd sich tauffen muͤsse lassen. Sie halten keine Fest oder Feyertage/ sondern arbeiten ohne vnterlaß. Wer vnter jhnen suͤndiget/ murꝛet/ schweret/ oder mit Wein sich vbernimbt/ den schaffen sie auß jhrer Gesellschafft/ vnd nehmen jhn schwerlich/ nach langer Buß/ wider an. Dieser Gestalt leben die Maͤhrische Widertaͤuffer in der Gemeinschafft/ bericht Flori-
J i iij
mond/
GERMANIÆ PERTVRBATÆ
mond/ vnd in einer so guten Ordnung vnnd Policey/ daß es jhnen kein Kloster bevor thut.
Bey diesem Boͤhmischen Vnwesen/ da der Keyser kein an- dere/ als seine Romanische Religion dulden wollen/ sind sie in Po- len/ laͤngst den Schlesischen Grentzen gewichen.
Die in Holland/ zu Groͤningen/ vnnd anderstwo/ hattens schier auff diesen Schlag/ etwas wenigs nach Gelegenheit der Ort veraͤndert.
Hie koͤnnen wir nicht vorbey/ weil
Iohannis Calvini
in den Historien offtgedacht wird/ vnnd Zwingelns Namen sehr in Ab- gang kommen/ daß man denselbigen Theil vnter den Protestieren- den/ so wider den Bapst vnd Luthern stehen/ nicht so viel Zwinglia- ner/ als Calvinisten/ nennet/ was vor gutes vnnd boͤses auch von jhme zufinden sey/ allhero zusetzen.
Bolsecus
ein
Medicus,
vnd nach jhm viel Baͤpstische Scri- benten/ setzen/
Calvinus
sey ein so gottloser Mensch gewesen/ daß er in seinem Vatterland auß einem Kloster entlauffen/ einem Ehe- mann das Weib geschaͤndet/ auch darüber ergriffen/ vnd vbel zer- schlagen/ ja/ deß Sodomitischen Grewels vberzeuget/ zum Fewer verdampt/ auff deß Bischoffs Fuͤrbitt aber sey die Straaff gemil- tert/ vñ mit einem fewrigẽ Eisen jhm eine Lilie auff seine Schultern gebrand worden/ darauff er auß seinem Vatterland entweichen muͤssen. So wird jhm dann Schuld gegeben der Sodomi/ vnd daß er mit einem aufgebranden Zeichen/ sich vnter die Frembden be- geben/ daß er sein Namen geaͤndert/ da er zuvor
Cauvinus
geheissen/ daß er begehrt/ man solte den Sontag abschaffen/ vnd an statt des- selben/ den Freytag feyren/ daß er von den Genffern nicht wider be- gehrt worden/ nach dem er einmal zu Straßburg sich gesetzt ge- habt/ were auß Geitz daselbst gewichen/ daß er Christi/ vnd der Hei- ligen Bilder nidergerissen/ vnd sein Bild an die Stelle verordnet/ daß er doͤrffen lehren/ er sey ein Prophet/ vnd koͤnne nicht jrꝛen; Ja/ einen angemaßten Toden wollen aufferwecken/ vnnd denselbigen recht tod gefunden/ daß er den Aufflauff zu
Amboise,
vervrsacht/
daß
ET RESTAVR. DISCVRS. XXII.
daß er sich mit den Allmosen-Geltern bereichet/ vnnd solche auff Wucher geliehen/ daß er Gottslaͤsterlich gestorben/ vnnd von den Laͤusen gefressen worden/ vnd in dem vbrigen ein sehr vngelehrter Mann gewesen.
Dieses vnd anders mehr widerlegt
Beza,
vnter dem 18. Au- gusti/ deß Jahrs 1564. als
Calvinus
den vorigen May diese Welt gesegnet hatte/ mit diesen Worten:
Iohann Calvin
ist geboren zu
Noyon,
vnfern von
Verman- dos,
in der Picardey/ im Jahr 1509. den 8. Julij: Seine Eltern/ Gerhard Calvin/ vnd Johannet Frantzin/ hatten Gunst bey den Mommoren/ den Edelsten deß Lands/ thaͤten diesen jhren Sohn/ zu jhnen/ vnnd mit jhren Kindern nach Pariß/ da
Calvinus
vnter
Maturino Corderio,
gestudieret: Bald kam er in die Schul zum Spitzberg/ vnter einen Spanier. Wie er nun zu der H. Schrifft Lust hatte/ erwarb jhm sein Vatter bey dem Bischoff ein
Benefi- cium,
in der Cathedral-Kirchen/ sampt einer nahen Dorffpfarꝛ. Bald wolt jhn sein Vatter zu einem grossen Mann/ durch die Ju- risterey machen; darumb begab er sich nach Orleans/ bald nach
Bourges,
da er in den Neben-Stunden von Melchior Wolmar/ einem Teutschen auß Rohtweil/ die Griechische Spraach geler- net. Nach seines Vatters Tod begab er sich nach Pariß/ vnd war gantz verdaͤchtig/ wegen der Religion. Bald verfuͤgt er sich nach
Saintorgc,
vnd nach
Nerac
zu
Iacobo Fabro Stapulensi,
den die
Sarbona
verfolgte/ aber die Koͤnigin zu
Navarra
beschuͤtzte. An- no 1534. begehrte
Servetus
seines Gespraͤchs/ in Pariß/ stellet sich aber nicht ein: Darauff kam er abermal nach Orleans/ vnd weil man die Abgefallene sengte vnnd brennete/ zog er nach Basel/ vnd lernet von
Simon Grynæo,
vnnd Wolffgang
Capitone,
die Hebraͤische Spraach.
Vnd weil man in Franckreich die Abgefallene vor Wider- taͤuffer außschrye/ stellet
Calvinus
das erste mal seine Christliche Vnterweisung/ vnd vberschrieb es Koͤnig Frantzen: Begruͤßt auch die Hertzogin zu Ferrar/ als eine Liebhaberin der newen Religion/
kehrt
GERMANIÆ PERTVRBATÆ
kehrt wider in Franckreich/ wolt seinen einigen Bruder Antoni mit sich nach Straßburg nehmen/ muste aber einen weiten Vmb- schweiff/ wegen der Kriegsvoͤlcker/ thun/ vnd kam also nach Genff/ da jhm
Farellus
den Zorn Gottes angekuͤndet/ wann er bey jhnen nicht bleiben wolte. Darauff ließ er sich Anno 1536. vor einen Prediger vnd Professorn bestellen. Bald hatte er zufechten gegen dem Widertaͤuffer/ vnnd dann gegen einem genannt
Caroli,
vber dem Artickel der heiligen Dreyeinigkeit. Vnd weil die Buͤrger- schafft vneinig/ brachten es etliche Meutmacher/ als
Pereinne
der Hauptmann/
Grimaldus
der
Syndicus,
fürnemlich dahin/ daß
Calvinus
mit zween andern Pfarꝛern/ jnnerhalb dreyen Tagen weichen muͤssen. Also fuͤgt er sich nach Straßburg/ wurd
Pro- fessor
der H. Schrifft/ vnnd richtet auff ein Frantzoͤsische Kirch/ mit allem Zugehoͤr. Vnd als der Cardinal
Sadoletus
die Genf- fer/ durch ein zierlich Schreiben wider zu dem Bapsthumb wolte verleyten/ beantwortet
Calvinus
dasselbige Schreiben nach allen Gruͤnden.
Auff den Reichstag nach Wormbs wurde er versand/ An- no 1541. vnnd dann nach Genff instaͤndig beruffen/ da er gute Ordnung in die Kirch eingeführet/ viel Tractaͤtlein geschrieben/ viel Feinde hindertrieben/ so wol vnter den Frembden/ als Jnnhei- mischen.
Endlich/ kam
Ierom Bolsecus,
auß dem Kloster/ hielte sich/ als ein
Medicus,
wurd zu Ferrar außgewiesen/ von der Fũr- stin/ vnd zu Genff nicht viel geachtet/ der von
Calvino
die oben an- gezogene Laster außgestrewet/ vnd allen andern Gehaͤssigen derglei- chen zuthun/ Anlaß gegeben.
Servetus
betruͤbte die Kirchen da- mals auch/ vnd wurde/ als ein Gottslaͤsterer/ zu Genff enthauptet. Vnd
Castellio
widersprach etliche Hauptartickel/ sonderlich/ von der Gnadenwahl. Noch muste
Calvinus
nach einer schwaͤren Kranckheit/ nach Franckfurt am Mayn/ vnd die Strittigkeiten in selbiger Frantzoͤsischen Gemeind schlichten/ vnd dem
Westphalo,
der alles Vbels von den Reformierten redete/ vnd schriebe/ zu ant-
worten.
ET RESTAVR. DISCVRS. XXII.
worten. Hernach machte
Gentilis
vber dem Artickel von der Gottheit/ auch lose Haͤndel: Wie auch
Ochinus, Alciatus, Blan- drata,
vnd
Stancarus,
biß er endlich den 27. May 1564. im
He
rrn sanfft ist entschlaffen: Vnd sind die Schmaͤhkarten etliche Jahr nach seinem Tod außgangen/ darwider sich
Beza,
vnd andere nach jhm gelegt/ allerhand Zeugnuͤssen von
Galvini
gantzem Wandel vnd End scharpffsinnig gezogen/ vnd vor allen Dingen eine
Atte- station
auß dem
Protocoll
zu
Noyon
herfuͤr gebracht/ anderer Staͤtte/ als Basel/ Straßburg vnd Genff zugeschweigen.
Weil sich nun nicht findet/ daß
Calvino
dergleichen/ weder von
Sadoleto,
noch
Perrino
dem Hauptmann/ noch
Grymaldo
dem
Syndico,
noch von einigem andern seiner abgesagten Feinde/ bey Leben sey vorgeruckt worden/ ist es einer gehaͤssigen Aufflag/ vnd Beschmitzung aͤhnlicher/ als einer Geschichte. Ob gleich D. Schluͤsselbuͤrger/ neben
Lindano,
vnnd andern/ alles/ wie gesagt/ auffgenom̃en haben Man weiß sehr viel auff die Baͤpste/ Cardinaͤl vnd Priester zusagen/ man schewet Luthern nicht; man schencket
Zvinglio
vnd
Calvino
bitter ein. Vnd moͤgen etwan Menschliche Fehler wahr/ oder vnwahr seyn vorgangen/ benehmen aber jhrer Lehr gar nichts/ sondern dienen nur/ das albere Volck zuverleyten; schier/ wie
Æsopus
jeden Thieren Spraach/ Red vnd Verstand gegeben/ die Gemuͤhter dardurch zufangen. Verstaͤndige Leut greiffens anderst/ vnd lassen die Hohenpriester auff Moses Stul sitzen/ folgen jhrer Lehr/ vnd nicht jhrem Wandel.
Nun wenden wir vns wider auff die Policey- vnd Kirchen- Haͤndel in Teutschland/ nach dem wir die fürnehmbsten Perso- nen/ so Trennung in der Lehr/ vnd bey den Gemuͤhtern vervrsacht/ vmb etwas betrachtet/ boͤses vnd gutes vorgetragen/ vnd dem Leser vor Augen gestelt: Derselb wird nun/ entweder die gefaͤrbte Bril- len seiner Affecten auffsetzen/ vnd jhm das seinige allein/ wie der Aff seine Jungen/ gefallen lassen/ oder ohne Brill ein Vrtheil fassen/ wie die Scribenten in vorigen Zeiten/ vns die Wahrheit in einen so gar tieffen Brunn geworffen/ daß mancher
Democritus
es wol merckt/ aber jhm darumb nicht helffen kan.
K k
Der
GERMANIÆ PERTVRBATÆ
Der drey vnd zwantzigste Discurß.
Leo X.
stirbt.
Adrianus
VI.
folgt. Wer er gewesen: Vnd wie er auffkommen. Wie er sich vergeblich bemuͤhet/ den Roͤmischen Hoff zu reformieren/ sonderlich/ wegen Mißbrauch bey dem Ab- laß/ wie er durch seinen
Nuntium
zu Nuͤrnberg auff dem Fuͤr- stentag wenig erhalten/ als daß an jhn ein
Concilium
begehre worden/ vnd er endlich diese Welt gesegnet.
N
Ach dem wir gesehen/ daß
Leo X.
dem Roͤm. Stul gleich Anfangs Ruh verschafft/ aber vnverhoffter Wei- se von Luthern bevnruͤhiget worden/ vnnd bißhero seine Bullen/ vñ Bottschafften/ deß Keysers Anschlaͤge/ vnd Achten vergeblich angewendet/ sonderlich/ daß Luther wider in Si- cherheit gelanget/ vnd das Vnheil je laͤnger je aͤrger ward/ vber diß das Kriegswesen in Jtalien nicht allemal nach Wundsch ablieffe/ macht er jhm jederweilen wunderliche Gedancken. Als er aber das Kriegswesen bestes Fleisses angeordnet/ vnnd eben auff dem Lusthauß
Manliana
die Post bekam/ der Keyser haͤtte/ ver- moͤg getroffenen Bundes Meyland Frantz Sfortzen/ vnnd die zwo Staͤtte Parma vnd Placentz der Kirchen wider erobert vnd eingeraumt/ hat er sich die Freud solcher Gestalt lassen vberneh- men/ daß jhn noch vor Essenszeit ein Fieber angestossen; deßwe- gen er sich gen Rom lassen tragen/ vnd ist daselbst zu Eingang deß Novembers gestorben/ doch nicht ohne Argwohn/ beygebrachten Giffts/ schier nahe 46. Jahr alt. Jhm folgt in ordentlicher Wahl den 9. Jenner deß folgenden/ vnd 1522. Jahrs/
Adrianus,
geboren zu Vtrecht in Holland/ von schlechten Eltern. Weil er aber zu Loͤ- ven in der Portzen Stifft/ ohn seines Vatters Kosten/ sehr wol stu- dirte/ vñ ein erbarn Wandel fuͤhrte/ wurd er von der Regentin
Mar- garitha,
Keyser Maximilians Tochter/ einer Pfarꝛkirch in Hol- land vorgestelt/ vnd wegen seiner hohẽ Tugenden/ auch ruͤhmlichen Lebens
Decanus
zu Loͤven in dem hohen Stifft/ welches die hoͤchste Staffel; vnd also
Vicecancellarius,
vber die
Collegia.
Vnd weil er hierdurch etwas Baarschafft erlangẽ/ stifftet er
Adriani Colle-
gium
ET RESTAVR. DISCVRS. XXIII.
gium,
vor armer Leut Kinder/ vnd begabt sie mit reicher Vnterhal- tung: Seines Herkom̃ens vnvergessen/ oder auch jenes Fuͤrstlichen Spruchs eingedenck: Es gehen viel Doctorn hinder dem Pflug.
Endlich wurd er
Erasmo
von Roterdam/ der mit Luthers Bruͤh vmb etwas begossen schiene (vnd Churfuͤrst Fridrichen auß Sach- sen/ zu Coͤlln am Rhein/ auff die Frag/ was von Luthern zuhalten/ geantwortet. Luther haͤtte sehr vbel gethan/ daß er dem Bapst an die dreyfache Cron/ den Bischoffen an die Kebsweiber/ vnd den Moͤn- chen an die Schmaͤrbaͤuch gegriffen: Seine Lehr schiene Schrifft- maͤssig/ er sey gar strenge/ doch gehoͤre auff ein Woͤlffen Braten/ ein solch scharffe Salsen) vorgezogen/ vñ von Keyser Maximilian dem jungen Printz Carlen zum Zuchtmeister gegeben. Er erlangt bey Koͤnig Ferdinand in Spanien auff einer Bottschafft das Bisch- thumb Dertosen/ vnd nach deß Koͤnigs Tod/ eine Rahtstelle. Vnd weil
Leo X.
sich gegen seine Widerspenstige zuverwahren/ vber 30. Cardinaͤl auf einmal gemacht/ wurd auch damals dieser
Adrianus,
als ein kluger Kopf/ der bey Koͤnig Carlen viel vermochte/ zum Car- dinalat erhoͤhet. Seine Bescheidenheit vnd Trew war so groß/ daß jhn Koͤnig Carlen/ als er nach Keyser Maximilians Tod zum Key- serthumb in Teutschland beruffen/ die Verwaltung seiner Koͤnig- reichen/ als einem Statthalter/ in seinem Abwesen aufgetragen/ vñ anvertrawet/ in welcher er ein gefaͤhrlichẽ Auffstand etlicher Herꝛn/ so sich wider den Keyser verbunden gehabt/ auch mitten im Kriegs- wesen/ gestillet/ vnnd die Vhrheber Kopffs kuͤrtzer machen lassen. Biß endlich/ ob er schon weder den Cardinaͤlen/ noch dem Roͤm. Hoff wenig bekant/ in Zwyspalt der Cardinaͤln/ da
Iulius
auß dem Hauß
Medices
(der doch hernach Bapst worden/ vnd sich
Clemens VI.
genant) vnd Alexander vom Geschlecht der Farneser (der nach gemeltem
Clemens,
den Stul erhal. ten/ vnterm Namen
Paulus III.
) gegen einander eyfferten/ vnd mit jhrem Anhang ein gefaͤhrlichen Riß leicht moͤgen vervrsachen/ dieser vnpartheyi- sche Cardinal in das Mittel gezogen/ vnd das beste davon getragen.
Etliche meyneten/ weil dieser Bapst den Mehrerntheil seines Lebens in Hispanien zugebracht/ vnd ein enges Leben allzeit gefuͤh- ret/ er wuͤrde sich in der Roͤmer Weise/ vnd deß Baͤpstischen Hoffs- Wesen nicht schicken koͤnnen: Andere besorgten/ er würde alles in bessern Stand suchen zusetzen/ vnd die Kirche reformieren wollen:
K k ij
An-
GERMANIÆ PERTVRBATÆ
Andere/ er moͤchte/ wie etwan mehr geschehen/ die Cardinaͤl nach sich ziehen/ vnd den Stul an ein ander Ort versetzen. Aber solche Forcht war vergeblich: Dann er/ vnracht der hochansehenlichen Bott- schafften/ sich auffgemacht/ vnd in Baͤpstlicher Magnificentz nach Rom gezogen. Er fand Welschland in vollem Brand der feind- lichen Waffen/ zwischen dem Keyser vnnd dem Frantzosen stehen/ auch den Roͤmischen Stul mit den Hertzogen von Ferrar vnd Vr- bin in Krieg verwickelt/ ja die Statt Arimin gegen den Maltesten verlohren/ die Cardinaͤl wider einander/ vnd in grossem Mißtraw- en/ Rhodis von dem Tuͤrcken belaͤgert/ der Kirchen Landschafften vnd Eygenthumb erschoͤpfft/ vnd in eusserster Verwirrung/ da ein jeder die acht Monat vber/ daß kein Haupt vorhanden gewesen/ nach Belieben gehauset.
Aber ein so kluger Kopff/ ob es zwar Muͤhe gekostet/ richtet sich in alles. Er wehlet Wilhelm Einhevort/ Dieterich Hetzen/ zween Niderlaͤnder/ vnd Johann Ruffen/ Bischoffen zu Consentz/ zu geheimen Raͤhten: Griff den Maltesten mit Gewalt an/ vnd trieb jhn/ mit Huͤlff der außgesoͤhnten Hertzogen von Ferrar vnd Vrbin/ auß der Statt Arimin Den alten Cardinal
Soderin,
so sonsten die geheime vnd Stattsachen hatte zuverwalten/ setzt er end- lich in die Engelburg/ weil er an den Frantzosen geschrieben/ man mũste den Krieg in Sicilien ziehen/ vnd dem Bapst/ der allzusehr Keyserisch were/ gar nicht trawen. Darumb alles mit Argwohn vnd Verdacht vnterlegt schiene. Er bemuͤhete sich sehr/ die Jn- sul Rhodis zuretten/ fand aber Mangel am allerbesten vnd noͤhtig- sten: Doch bracht er etliche Schiff zusammen/ vnd ließ sie von Genua ablauffen; weil aber der Wind abließ/ vnd die begehrte/ ja versprochene Huͤlff von andern Orten sich verweilet/ muste sich Rhodis an den Tuͤrcken ergeben/ welches jhn vber alle maß bekuͤm- merte/ daß solcher Schad vnd Schand vnter seiner Regierung der Christenheit heimgewachsen. Vnd was vermocht er allein? Bey erschoͤpffter Rentkammer (dann
Leo
hatte viel Kleinodien versetzt/ so waren grosse Schulden auff die droben gemelte acht Monat/ ge-
macht/
ET RESTAVR. DISCVRS. XXIII.
macht/ daß auch nicht wenig Stuͤck deß Kirchenzierahts in der Wechselbanck lagen/ vnd nohtwendig außzuloͤsen waren) vnd da die Monarchen einander in den Haaren lagen/ Teutschland in ein verworꝛen Vnwesen der Religion/ vnd Vnachtsamkeit deß geistli- chen Stuls gerahten? Ja/ wann die hohe Haͤupter den jenigen Eyffer gegen dem Kirchenwesen/ den vor wenig hundert Jahren/ Gottfried von Bullion/ Hugo der Grosse/ Tanckred/ etliche Ro- berten im gelobten Land erwiesen/ haͤtten angezogen/ solte Rhodis vnverlohren/ vnd noch wol Constantinopel/ Trapezund/ vnd gantz Griechenland vnser seyn. Aber Troja war/ vnd ist nicht mehr: Die Milesier haben den vhralten Ruhm verlohren. Die Kirch mag mit Jeremia dem Propheten seufftzen/ vnd sprechen: Es fin- det sich niemand/ der mich troͤste/ auch nicht einer von meinen laͤngst Allerliebsten. Mich haben alle Freunde verachtet/ vnd mit Feind- schafft angegriffen.
Vnd begab sich ein wunderlicher Fall auff eben den Tag/ vmb schier in eben der Stund/ da Rhodis vbergangen/ daß der Bapst im Vatican in die Baͤpstliche Capell/ auff einen Festtag zur Meß gangen/ vnd vber ein paar Schritt nicht vom Eingang sich befunden/ ein grosser Quaderstein auß dem obern Bogen deß Thors/ herunter gefallen/ vnd ein Schweitzer/ auß der Baͤpstischen Leibwacht erschlagen. Vnterließ nichts/ dem Tuͤrcken Wider- stand zumachen; schickt Kriegsnotturfft in Dalmatien vnd Croa- tien: Vnd ein grosse Summa Gelts in Hungarn/ die er aber/ weil niemand Hand anlegte/ wider zuruͤck gezogen.
Doch ließ er jhm nichts hoͤher angelegen seyn/ als das Vnwe- sen in Teutschland. Vnd weil er sich von Jugend auff in den Schullehrern geuͤbet/ auch derselben Weißheit so wol gefaßt/ daß er jederman ohne Vernunfft hielte/ da nicht damit vmbgiengen/ darumb verachtet er Luthers Wesen/ als ohne Grund vnd Be- stand/ in der vesten Einbildung/ man haͤtte nur diese Leut verreitzt/ die im Hertzen noch an der Roͤmischen Kirchen hielten/ vnnd nach guͤtlichem Genuͤgen leichtlich wider zurecht kommen solten.
K k iij
Weil
GERMANIÆ PERTVRBATÆ
Weil er nun zu Vtrecht/ einer Statt auff den Graͤntzen/ zwi- schen Ober- vnd Nider-Teutschland gelegen/ gebohren/ vnnd son- sten eines bekanten auffrichtigen Gemuͤhts/ bildet er sich ein/ die gantze Nation wuͤrde jhm Gehoͤr geben/ vnd folgen. Vnd damit solches desto schleuniger geschehen moͤchte; gedacht er vor allen Dingen eine Kirchen Reformation anzustellen/ vnd bey der naͤch- sten Gelegenheit den Teutschen sein auffrichtig Gemuͤht zuent- decken. Berufft derowegen nach Rom/ Johann Peter Caraffa/ Ertzbischoffen zu
Chiatan,
vnnd Marzell Catzelln von Cajetta/ wegen jhres vnstraͤfflichen Wandels/ vnnd hohen Verstands in Kirchen-Sachen/ zween hochansehenliche Maͤnner/ auff daß er mit jhrem/ vnd der geheimsten Cardinaͤlen Raht einig Mittel/ den groͤbsten Fehlern in der Kirchen abzuhelffen/ ersinnen koͤnte; da sich dann erstlich das Hoffwesen selbst/ danach der vbermaͤssige Ab- laß in Teutschland/ dardurch die junge Prediger jhre eygene Ehr gesucht/ gleich Anfangs an die Hand gelegt. Ließ derowegen die von
Leone
juͤngst eingesetzte Aempter/ ob er schon grossen Gelt- mangel empfand/ abgehen/ vnnd wer solche vmbsonst erhalten/ cassiert er/ damit dann nicht wenig Widerwillen gegen jhm er- wachsen.
Die
Reservas, Accessus, Regressus, Coadjutorias,
son- derlich/ so ohne der Jnteressenten Bewilligung/ vergeben waren/ vnd dergleichen sehr viel Sachen/ da vermittelst der Baarschafft/ mancher Gesell hochgestiegen/ vnnd die Tugend hinder sich gelas- sen/ ob sie schon einen reichen Fischzug gaben/ hub er nach vnd nach auff/ vnnd vergab manche fette Praͤbend den armen Tugendrei- chen/ weil er seines Herkommens vnnd Auffnehmens/ auch in so hohem Stand allezeit vnvergessen bliebe. Ja/ ließ seine Angehoͤ- rige vnd Bekannten wol dahinden stehen/ wann sie sich nicht selbst durch Tugend herfuͤr trangen. Auch war er gantz gesinnet/ die Maranen/ Sodomiter/ Wucherer/ Simoniacken vnd andere Gottslaͤsterer/ auß der Statt zuschaffen.
Was nun den Ablaß belanget/ hatte
Adrianus
von diesem
Punct
ET RESTAVR. DISCVRS. XXIII.
Punct lang zuvor geschrieben/ ehe Luther solchen zuberuͤhren eini- gen Gedancken fassen moͤgen: Darumb gedachte er/ nach dem er zu Baͤpstlicher Hohheit gelangt/ dieselbe seine Meynung durch einen Apostolischen Schluß vnd Befehl zubevestigen/ weil er sie/ als ein Privatperson/ mit Mund vnd Schrifften haͤtte außgebreitet/ daß/ naͤmlich/ wann einem Menschen/ der ein solch Gottseliges Werck thun wolte/ der Ablaß gestattet wird/ es wol seyn koͤnne/ daß jemand das Werck nach allen Stuͤcken der Vollkommenheit/ der Gestalt verrichte/ daß er den Ablaß verdiene vñ erlange. Da aber dem Werck an der erforderten Vollkommenheit etwas abgehe/ erlange ein sol- cher den Ablaß nicht gantz/ sondern nur ein Theil/ welches etlicher massen dem vollkommenen Werck gleich gelte/ vnd vermeinte hie- mit Jedermanniglichen ein Genuͤgen zuthun/ als were dieses Pfla- ster vber die grosse Wund breit gnug/ vñ wuͤrden die Leut nach dem Ablaß zutrachten nicht vnterlassen/ darneben sich der Gottseligkeit nur desto mehr befleissen. Aber
Thomas Cajetanus,
Cardinal zu S. Sixt/ ein fuͤrtrefflicher Schrifftgelehrter/ widerrieht dieses: Jn Erwegung ein solcher Punct bey den Gelehrten noch nicht aller- dings eroͤrtert/ vñ deßwegẽ im Dunckeln zuhalten were/ wuͤrde auch nicht bald jemand den rechten Verstand hieruͤber auß deß Bapsts Buͤcher ziehen koͤnnen. Es moͤchten die Gelehrten endlich da- hin gerahten/ daß sie dem Werck alles/ vnnd deß Bapsts Ver- guͤnstigung gar nichts zulegten/ ja sein hohes Anschen schmaͤlerten. Ja er haͤtte auch selbst auff deß vorigen Bapsts Befehl/ viel hievon geschrieben/ vñ in vielen Gespraͤchen/ sonderlich in Augspurg zwey- mal mit Luthern/ so viel erlernet/ daß kein ander Mittel zuerden- cken/ als daß man den gantzen Handel auff den allerersten Fuß wi- dersetzte. Dann nichts gewissers/ daß der Ablaß/ wann man die
Decretales
durchsuche/ nur von der/ in der Beicht auffgesetzten Straaff erlasse. Darumb solte man den vhralten Gebrauch zu- beichten/ zustraffen/ vnd zuerlassen wider einfuͤhren; vnd haͤtte den Teutschen/ an diesem einigen gemangelt.
Diese Meynung gefiel dem Bapst nicht vbel/ weil er nichts fand darwider einzuwenden. Darumb befahler/ die Sach in der
Buß-
GERMANIÆ PERTVRBATÆ
Bußkammer mit denen zu der Reformation Verordneten bey den zu vberlegen. Es kam jhnen aber das Werck je laͤnger je schwaͤrer fuͤr/ biß sie endlich
Laurentium Puccium,
ein Florentiner/ deß vo- rigen Bapsts gewesenen
Secretari,
vnd fuͤrnehmbsten Anstiffter deß Ablaß/ nunmehr aber Obersten Bußmeister/ vnd Cardinal zu den vier Heiligen/ an den Bapst geschickt/ jhme vorzutragen/ daß es vnmuͤglich/ seiner Meynung zufolgen/ auch vergeblich/ dar- durch einige Linderung zuhoffen. Dann die in den Kirchenord- nungen bestimpte Bussen waͤren laͤngst auß der Acht kommen/ vnd wuͤrden sich auff diese Zeiten/ da der Eyffer bey dem Werck erkal- tet/ gar nicht mehr schicken/ biß die vorige Lieb widerkaͤme.
Jn vorigen Zeiten haͤtte man schlechthin geglaubt vnd gelebt/ auch verricht/ was die Kirch beschlossen; jetzt wol ein jeder richten/ vnd Vrsachen/ auch eines jeden geringen Dings wissen. Solche Artzney were zwar die allerfuͤglichste/ wann nur der schwache Leib etwas mehr Staͤrck haͤtte/ sie zu vertragen/ da zubesorgen/ sie moͤch- te alles verderben/ vnd gantz Jtalien abwendig machen. Es duͤnckte jhn/ Petrus ruffe jhm diese Wort zu: Was versucht jhr GOtt/ vnd wolt den Juͤngern ein Joch aufflegen/ das weder vnsere Vaͤt- ter/ noch wir haben ertragen koͤnnen? Der Bapst moͤchte vnver- gessen seyn/ was er selbst an den Rand/ im vierdten Buch der Sen- tentzen gesetzt. Die Frag von Krafft deß Ablaß sey beydes vhralt/ vnd auch zweiffelhafftig: Vnd was der Text mit sich fuͤhre/ naͤm- lich/ vier vnderschiedliche Meynungen hievon/ die alle gut Catho- lisch/ vnd doch widereinander seyen. Darumb solte man zu solchen Zeiten still schweigen/ vnd nichts herfuͤr grüblen.
Diese Red bracht den Bapst jn grossen Zweiffel/ was er thun solte/ vnd hindert jhn auch in andern Stuͤcken/ da er Verbesserung vorzunehmen gedachte: Als im Nachlaß von verbottenen Ehen/ da er jhm vorgenommen/ viel Verbott zwischen sonderlichen Per- sonen/ als vberfluͤssig vnnd beschwerlich/ auffzuheben/ vnd dem Volck ein grossen Last abzunehmen; welches jhm vbel außgelegt ward/ als haͤtte er vor/ was das Band der Kirchenzucht auffloͤsen
wuͤrde/
ET RESTAVR. DISCVRS. XXIII.
wuͤrde/ an sich zuziehen/ da er doch bey Fortsetzung derselbigen/ den Lutheranern grossen Verdacht/ deß gesuchten Gewinns ver- mehrete. Vnd widerumb/ wann er gedachten Nachlaß nur auff gewisser Personen Beschaffenheit setzte/ sahe er abermal newe Vr- sachen zuklagen/ weil in geistlichen Sachen/ vnd was den Kirchen- dienst belangt/ gantz kein Ansehen der Person gelten solte. Als er gedachte/ den Vnkosten/ so bey Erlangung dieser Sachen erfordert wird/ abzuthun/ fand er/ daß es auch nicht thunlich/ er wolte dann die Aempter/ so
Leo X.
deßwegen verkaufft hatte/ vnd davon die Kaͤuffer grossen Gewinn zogen/ wider einloͤsen/ welches dann/ we- gen vnvmbgaͤnglicher grossen Außgaben vnmuͤglich. Das aller- fürnemste/ das jhn bekümmert/ war/ daß/ wann er einigen Miß- brauch gedacht abzuschaffen/ sich alsobald Leut herfuͤr thaͤten/ den- selben zuvertheydigen. Vnd in diesen vmbwechslenden Gedan- cken lebte der Bapst/ biß in den November. Bey so gestalten Sa- chen kam
Franciscus Soderinus,
annoch in Credit/ Cardinal von Prenesten/ genannt
Volaterranus,
ein sehr verschlagener Mann in Regimentssachen/ den
Alexander, Iulius
vnd
Leo,
zu den aller- wichtigsten Geschaͤfften gebraucht/ vnnd der sonsten allezeit solche Reden pflegen zufuͤhren/ darauß ein Bapst etwas lernen vnd mer- cken koͤnnen. Dieser lobt
Adriani
auffrichtig Gemuͤht; sagte a- ber/ damit were es nicht genug/ wann man nicht die Mittel/ das Werck zuerheben/ fleissig suchte/ vnd klüglich gebrauchte. Vnd wann man dann den Roͤmischen Hoff reformiere/ wurden die Lu- theraner nur desto halßstarriger gemacht/ vnd haͤtten gewunnen Spiel. Dann das vnerfahren Poͤbelvolck/ welches von jeder Sach durch den Außgang vrtheilt/ wann es einmal mercke/ wie es dann gleich Anfangs geschehen muͤste/ daß das Baͤpstische Regi- ment in einigem Stuͤck mit Recht beschuldiget were/ solte jhm gar leichtlich einbilden/ andere Sachen wuͤrden auch nicht ohne Vr- sach vnd Grund/ als der Reformation eben wol beduͤrfftig/ ange- griffen. Vnd wann die Haͤupter der Ketzereyen in einem Streych obgesieget/ nimmer auff hoͤren zugruͤbeln vnnd zutadeln. Das
Ll
Mensch-
GERMANIÆ PERTVRBATÆ
Menschliche Wesen wer also bewand/ daß dem in einigem Begeh- ren willfahrt worden/ derselbe jmmer fort begehre/ vnd sich deß gan- tzen lasse geluͤsten/ auch sein Vorhaben fuͤr recht vnd billig erachte. Es erhelle auß den vhralten Geschichten/ daß von der Zeit an/ als Ketzereyen/ so der Roͤm. Kirchen Hohheit angetastet/ entstanden/ nichts anders/ dann die verderbte Sitten vorgeschuͤtzt worden. So hab noch nie kein Bapst die Reformation vor nuͤtzlich erkannt/ son- dern erstlich erinnert/ vnd befohlen; darnach die Fuͤrsten zu Beschuͤ- tzung der Kirchen/ angeschryen. Was nun vor hundert Jahren so wol gerahten/ solte man jetzt vest halten; sintemal kein geschwinder Vntergang eines Regiments zufoͤrchten/ als wann man solche Veraͤnderungen fürnimbt. Man stecke sich in sehr grosse Gefahr/ bey einbrechenden Newerungen/ vnd solte von der vorigen Baͤpste Strich/ in Erwegung deß gluͤcklichen Außgangs/ nicht außsetzen. Sie haͤtten nie keine Ketzerey mit dem Reformieren außgerott/ son- dern mit den Creutzbruͤdern alles außgericht: Man solte sich er- innern/ daß
Innocentius
III.
auff solche Weise die Albigenser in Franckreich vmb Narbonn/ vnd seine Nachfahren die Walden- ser/ Piccarder/ Armin von Lyon/ Arnoldisten/ Speronisten vnd Pattweiner solcher Gestalt gedaͤmpffet/ daß von jhnen nur der blos- se Namen vbrig geblieben.
Es wuͤrden sich in Teutschland wol Fuͤrsten finden/ die bey solchem Anstalt der jenigen Laͤnder/ gern vberziehen solten/ die Lu- thern sich anhaͤngig gemacht/ vnd vmb so viel mehr/ wann die be- nachbarte Voͤlcker mit Ablaß darzu veranlaßt wuͤrden. Vnd hta- te endlich der Roͤmische Stul sich nicht allein vor dem Teutschen Vnwesen zubefahren/ sondern auch den Krieg in Jtalien selbst/ daran am hoͤchsten gelegen/ außzustehen/ welcher Krieg schroͤcklich viel Gelt erfordert/ da doch die Reformation die Jntraden merck- lich schmaͤhlern/ vnd sehr schwaͤchen wuͤrde. Dann/ weil nur vier Goldgruben vorhanden/ die eine Weltlich/ von den ordentlichen Kirchengefaͤllen; die andern drey Geistliche/ vom Ablaß/ vom Nachlaß/ vnd von Praͤbendenlehen/ koͤnne doch kein einige darun- ter verstopffet vnd abgethan werden/ daß nicht ein Viertertheil deß
Ein-
ET RESTAVR. DISCVRS. XXIV.
Einkommens dahinden bliebe. Der Bapst faste alles gar wol/ be- rieht sich mit seinen droben gemelten Landsleuten/ vnd geheimbsten Freunden/ mit dieser sonderlichen Klag: Es were ein Elend vmb ei- nen Bapst/ der/ ob er gleich was guts im Sinn haͤtte/ vnd mit allem Ernst ins Werck setzen wolte/ doch allezeit daran gehindert wuͤrde/ vnd blieb also im alten Gelaiß/ da es gienge/ wie es konte vnd wolte.
Vnnd in dessen kam es mit Luthers Haͤndeln in ein stecken/ biß der Bapst an alle hohe Haͤupter in Teutschland/ Bottschaff- ten ließ abgehen/ der Kirchen Hohheit zuerhalten/ vnd dem Abfall zustewren.
Vnd eben zu der Zeit erhub sich in Spanien ein grosser Auff- stand/ welchem Vnheil zubegegnen Keyser
Carolus
auß Teutsch- land verreysen muͤssen/ vnd zwar zu Wasser/ nach dem er zuforderst einen Reichsraht angesetzt hatte. Vnd weil deß Tuͤrcken Macht je laͤnger je schroͤcklicher ward/ kamen die Staͤnde zu Nuͤrnberg zu- sammen. Vnd weil der Bapst keine Zeit/ noch Gelegenheit ver- saͤumen wollen/ verordnet er auß der Cardinaͤl Gutachten/
Fran- cist um Cheregarum,
Bischoffen zu Fabrian/ seinen Legaten da- hin; beklagt sich gegen den Fuͤrsten/ daß Luther/ vngeachtet/ er zu Wormbs verdampt vnd verbannt worden/ zuschreiben vnd zuleh- ren jmmer fortfahre/ als were er allein der witzigste Mensch von der Welt. Man solte bedencken/ daß hiedurch der Tuͤrck befoͤrdert werde/ vñ daß Luthers Anhang sich dem Kirchen Gehorsam entzo- gen/ auch bald das Joch der weltlichen Herꝛschafft abwerffen wuͤr- de. Es were bekant/ was Dathan/ Abiran/ Ananias/ Sapphira/ Jovinian/ vnd Vigilantz/ für einen Außgang bekommen: Sie sol- ten nach dem Exempel jhrer Vorfahren/ zu Costnitz verfahren. Vnd hiezu hatte er Befehl/ sieben Vrsachen fuͤrzutragen: Die Ehre Gottes/ die Liebe deß Naͤchsten/ die Vnehr vnd Schand deß Teutschen Namens/ die Betrachtung jhres eygenen Leinmuhts/ deren Voraͤltern/ etliche zu Costnitz den Hussen vnd andere Ketzer/ wol mit eygenen Haͤnden zum Fewer gefuͤhret/ vnd solten von den- selben nicht verarten/ noch jetzund vmbstossen/ was jhrer ein guter Theil allbereit zu Wormbs mit dem Keyser gebilligt haͤtten.
Ll ij
Die
GERMANIÆ PERTVRBATÆ
Die Schmach/ so Luther jhren Voraͤltern anthue/ wann er einen andern Glauben/ davon dieselben nichts gewust/ einfuͤhre/ vnd demnach zum ewigen Fewer in Abgrundverdamme; das End/ so jhnen die Lutheraner vorgesetzt/ naͤmlich/ die weltliche Obrigkeit zu- schmaͤhen/ wann sie die Geistliche/ als Vnrechtmaͤssige/ vnd wider die Evangelische Freyheit Eingefuͤhrte vernichtet/ wie scheinbar- lich sie auch die Einfaͤltigen hindergehen: Die Spaltungen vnd Auffruhr/ so durch diese Sect in Teutschland entstanden: Vnd endlich/ daß Luther sein Wesen zu fleischlicher Sicherheit/ nicht anderst/ als Mahometh/ doch etwas bescheidener fuͤhre. Man moͤchte zwar einstrewen/ Luther haͤtte kein Fuͤrsprecher gehabt/ vnd wer vngehoͤrt verdampt worden. Da were nun billig/ daß man jhn von seinem Thun hoͤre: Ob er geprediget/ eines vnd anders geschrieben/ oder nicht geschrieben. Solches finde aber nicht statt in Glaubens- vnd Sacramentssachen/ weil man/ was die Conci- lien/ vnd die Kirch durch jhr Ansehen gut geheissen/ nicht wider in Zweiffel zuziehen haͤtte.
Der Bapst befahl jhm ferner/ rund zugestehen/ daß dieses Vnwesen von der Menschen/ vnnd fuͤrnemlichst/ von der Priester vnd Praͤlaten Suͤnden entstanden/ es weren auch auff dem heiligen Stul selbst viel Grewel fuͤrgangen/ viel Mißbraͤuche in geistli- chen Sachen/ viel Vberfluß an Gebotten eingeschlichen; Ja/ alles endlich zu solchem verderbten Wesen nach vnd nach gerahten/ vnd sich veraͤndert/ daß die Seuch vom Haupt auff die Glieder/ von den Baͤpsten auff die andere Praͤlaten sich geschlagen/ vnd also auffge- breitet/ daß nicht bald ein einiger/ der davon gefreyet/ zufinden were. Wann er dann diesem Vbel zustewren/ beydes von sich selbst/ vnd wegen tragenden Ampts geneigt vnd schuldig/ wolle er allen muͤg- lichsten Fleiß anwenden/ daß vorallen Dingen der Roͤmische Hoff/ auß welchem vielleicht so viel boses hergeflossen/ verbessert werde. Vnd zwar vmb so viel mehr/ daß er sehe/ wie hefftig andere dar- nach verlangen. Doch sol es niemand befrembden/ wann nicht alle Mißbraͤuche auff einmal faller/ weil die Kranckheit alt/ vnd tieff
einge-
ET RESTAVR. DISCVRS. XXIII.
eingewurtzelt/ also daß er langsam verfahren muͤste/ damit er nicht alles vielleicht vber ein Hauffen werffe/ vnd verderbe. Auch ver- sprach ermelter
Nuncius,
in deß Bapsts Namen/ daß er die vorige Abschied mit den Baͤpsten zuhalten gedaͤchte/ vnd in kurtzem nach- forschen/ wegen weltlicher Rechtshaͤndel/ die sie vom Roͤm. Hof wi- der nach Teutschland suchten zuziehen; auff daß jeder Parthey Recht widerfuͤhre. Begehrt auch endlich von den Staͤnden eine schrifftliche Antwort/ mit dem nach maligen Anhang/ wie doch der Lutherischen Sect zubegegnen were. Beschweret sich auch/ daß man allenthalben in Teutschland Moͤnche finde/ so auß den Kloͤ- stern gelauffen/ vnd weltliche Haͤndeltreiben/ auch Priester/ die zu grosser Schand vnd Verachtung der Religion/ Weiber genom- men. Darumb solte man durch ein fuͤgliches Mittel/ solche vn- zulaͤssige vnd hochverbottene Ehen trennen/ die Vhrheber ernstlich abstraffen/ vnd die Abtruͤnnige wider vnter den Gewalt jhrer O- bern bringen.
Die Fuͤrsten vnd Staͤnd antworteten: Sie haͤtten den Ver- trag vernommen/ dancketen GOtt/ fuͤr einen solchen Bapst/ vnd wuͤndschten jhm alle Wolfahrt: Erinnerten/ wie noͤhtig die Ei- nigkeit der Christenheit/ vnd wie maͤchtig der Tuͤrck were/ vnd sag- ten: Welches das fuͤrnembste: Sie haͤtten nicht getrawet/ das Keyserliche Edict/ wider Luthern ins Werck zurichten/ weil das Volck viel Mißbraͤuche in seinen Buͤchern erlernet/ wie nemlich/ Teutschland von Rom außgesogen wurde. Muͤsten sich derowe- gen vor einem allgemeinen Auffstand/ vnd grossem Verdacht be- soͤrgen/ vnd wie der Bapst selbst/ an seinem Ort/ gemach verfahren/ weil/ biß die angeregte Mißbraͤuche/ zu Rom/ sonderlich/ was die Fuͤrsten wuͤrden zu Papier setzen/ sich verbesserten/ keine Ruhe zu- hoffen. Weil auch Teutschland die Annaten zu dem Tuͤrcken- Krieg verwilliget/ vnd nicht angewand sehen/ baten sie/ solche in deß Roͤm. Reichs Kosten folgen zulassen.
Jhre begehrte Meynung von Teutschlands Beruhigung/ wolten sie hiemit angedeutet haben/ daß es vmb Luthern allein
Ll iij
nicht/
GERMANIÆ PERTVRBATÆ
nicht/ sondern auch vmb viel Jrꝛthumb/ welche von langer Hand her eingewurtzelt/ vnd durch Vnverstand/ auß Boßheit behauptet wurden/ zuthun were: dem allem leichtlich abzuhelffen/ wann man der Teutschen Nation zum besten/ ein
Concilium,
das Gottselig/ frey vnd Christlich/ auch mit Einwilligung deß Keysers/ jrgend in Teutschland/ nach Mayntz/ Coͤlln/ oder Metz/ zum allerfoͤrderlich- sten/ jnnerhalb Jahresfrist verlegte: Vnd zwar/ daß alle vnd jede Anwesende/ Geist- vnd Weltliche/ ausser aller Gefahr deß gebro- chenen Eyds/ vnd der verletzten Pflicht/ vneracht/ was zu der Ehre Gottes/ vnd der Seelen Heyl hoͤchlichst vonnoͤhten/ frey zuspre- chen vnd zurahten Macht haben. Sie verhoffen dessen Befoͤrde- rung/ vnd wolten an jhnen nichts erwinden lassen/ daß Luther mit seinem Anhang/ jnnhalte. Vnd wer kein kuͤrtzer Weg/ allem Vn- heyl abzuhelffen/ als ein frey vnnd auffrichtig
Concilium,
oder auch/ wann fromme Leut das Priesterthumb verwalteten. Daß sie aber die Priester/ vnd Moͤnch/ so Eheweiber genommen/ nicht zur Straaff gezogen/ vberliessen sie dieselben deßwegen/ wann kein an- der Laster mit vnterlieffe/ dem geistlichen Recht. Hiemit war der
Nuncius
nicht zufrieden/ vnd hielte an/ das Wormbser Edict ins Werck zusetzen/ weil mehr an der Seelen Seeligkeit/ als an der ge- meinen Ruhgelegen/ vnd der Bapst Teutschland zuerleichtern/ al- len Mißbrauch abzuschaffen/ auch Fried vnter den Geist- vnnd Weltlichen zustifften/ im Werck were. Das
Concilium
solte man nur bescheydentlich begehren/ vñ dieser Wort/ mit deß Keysers Be- willigung/ auch der benahmten Staͤtte/ nicht gedencken/ auch bey der Einigkeit der Kirchen bleiben. Er trieb am hefftigsten/ daß die Prediger im Zaum gehalten/ die Druckereyen gestrafft/ vnd deß letzten
Concilii
im Latran gehalten Schluß buͤndig wuͤrde.
Aber solche Rede mißfiel den Fuͤrsten/ weil sie mehr auff deß Roͤm. Stuls Nutzen/ als nach der Noht jhres Vatterlands zielte. Die Teutschen solten leyden/ vnd erwarten/ wann/ vnd wer jhre Be- schwerden beobachten wolte/ vnd verfasten einlange Schrifft/ dar- inn hundert Puncten wider den Roͤm. Hoff vnd die gantze Clerisey/
die
ET RESTAVR. DISCVRS. XXIII.
die sie nach deß
Nuncii
Abscheyd/ an den Bapst gesand/ mit dem Anhang/ solche nicht laͤnger zudulden/ fuͤrnemlich aber/ die vber- grosse Geltpressuren/ wegen Nachlaß vnd Ablaß; die Vngelegen- heit/ wegen der Processen/ so nach Rom verzogen wuͤrden/ vnd dann die Vorbehalt in den Praͤbenden/ Verkehrung der Com̃enthereyen vnd Annaten; die Freyheit der bruͤchigen Geistlichen vor Gericht; den geistlichen Bann/ vnd vnrechtmaͤssige Verbott; die Abwen- dung der weltlichen Gerichtshaͤndel auff das geistliche Recht; den vnermaͤßlichen Kosten bey dem Kichenbaw/ vnd Einweyhung der Gottsaͤcker/ oder Begraͤbnuͤsse/ die Geltbussen/ die Vnkosten die Sacramenten zugeniessen/ vnd die Abgestorbene zubegraben: Al- les in diese drey Hauptpuncten gezogen/ daß das Volck mit vber- schwaͤrer Dienstbarkeit beladen/ Teutschland an Gelt erschoͤpfft/ vnd der weltlichen Obrigkeit an jhrer Bottmaͤssigkeit Abbruch ge- schehe. Endlich/ wurd der gantze Handel mit dem
Nuncio
nach der Laͤnge in Druck verfertiget/ vñ in Jtalien vbel auffgenommen/ weil der Haß wider sie/ dardurch zunehme/ vnd der Muht den Lu- theraner wachse/ vñ sie selbst genoͤhtiget wurden/ entweder das Ein- kommen zubeschneiden/ aber das Leben zuaͤndern. Doch entschul- digten etliche den Bapst/ daß er die rechte Handgriff/ den Roͤm. Stul vñ Hof bey Ansehen zuerhalten/ nicht verstuͤnde/ da er gleich- wol seines Vorfahren Exempel koͤnnen mercken/ der alles der Teut- schen Vnverstand zugemessen. Aber die Teutschen hielten alles Versprechen von Rom vor leer Stroh/ vnd sagten
pedetentim,
Fuß vor Fuß/ allgemach/ hiesse bey dem Bapst so viel/ als jede hun- dert Jahr/ ein Fuß/ ein Schritt/ oder Gang fortsetzen. Doch war deß Bapsts Auffrichtigkeit viel zubekant/ vnd sein Eyffer zu rechter Gottseligkeit/ durch das vorige Leben zu Genuͤgen erwiesen: Vnd
weil die Welt sein nicht wolte/ nahm er seinen Abschied von hinnen/ bald nach deß
Nuncii
Zuruͤckkunfft/ den 13. Sept. vnd macht
Clementii
VII.
auß dem Hauß der
Medices
Platz.
Der
GERMANIÆ PERTVRBATÆ
Der vier vnd zwantzigste Discurß.
Warumb Rhodis so langsam bewohnt/ vnd von Frembden ge- schuͤtzt worden. Von der Sonnen Coloß/ vnd deß Regiments Bestellung. Von
Neronis
Coloß/ vnnd der Saracenen Ein- fall. Wie auch der Tuͤrcken. Von den Tempelherꝛn/ vnd den Johannitern/ wie sie von Rhodis vertrieben/ nunmehr Malthe- ser genant sind/ vnd erwehlet werden/ vnd welche Teutschen in der Jnsul hohe Aempter getragen.
W
Eil nun der Tuͤrck die Jnsul Rhodis/ der gantzen Chri- stenheit Vormawer/ erobert/ ist nicht vnfuͤglich/ daß wir darvon melden/ was etwan bey den alten vnnd newen Seribenten denckwuͤrdigs zufinden.
Diese Jnsul war Anfangs so voller Schlangen/ daß man sie dannenhero
Ophiafa
genannt/ wie
Eusebius
meldet/ vnd
Strabo
: Vnd fieng an gebawet zuwerden/ zu den Zeiten deß Ertzvatter Ja- cobs/ vor Christi Geburt 1739. Jahr/ als durch einheimischen Krieg die Telchiner von denen zu Argos vnnd jhren Helffern ver- trieben/ ins Elend weichen muͤssen/ vnd an diesem Ort vor fernerer Verfolgung Freyheit suchten. Wie sie nun die Schlangen ver- trieben/ ist nicht eben bekant; vielleicht mit dem Grund auß der ei- nen Schlangen-Jnsul bey den Balearischen/ da in dieser die Schlangen gleichsam auß der Erden wachsen/ in der andern der Grund solche also bald toͤdet/ auch wol vertreibet/ wo er nur hin ge- strewet wird; gleich wie etwan ein kalte vnd warme Brunnenquell vnfern von einander stehen: Oder/ ob sie Magische Sachen/ mit einem beschwornen Storck vnnd Schlangen im Schnabel/ vnter gewissem Himmelszeichen auffgesetzt/ vnnd solcher Gestalt dem Vnraht gestewret: Oder/ ob sie Storcken vnnd
Ibis
darinn ge- bracht/ vnd sie lassen verzehren/ wie
Philo
von Mose schreibet/ daß
er die
ET RESTAVR. DISCVRS. XXIV.
er die
Ibis
in Rohrkasten eingeschlossen/ vnd nicht ehe ledig gelassen/ biß er an den Schlangenthal kommen/ vnd also den Paß/ die Moh- ren vnverhoffter Weise von hinden anzufallen/ geoͤffnet/ das laͤsset man dahin gestelt seyn.
Diese Schlangenverderber mehreten sich in anderthalb hun- dert Jahren/ daß jhre vorige Feinde sie zufoͤrchten hatten: Dar- umb kam
Phorbas,
der Ander deß Namens/ Koͤnig zu Argos/ vmb die Zeit/ als Moses gebohren ward/ vnd vberzog sie; braucht auch der vnterdruckten Frohndienst/ die Jnsul von Schlangen vñ Dra- chen desto mehr zusaͤubern/ gleich wie der fuͤrnehmbste Koͤnig in Groß-Britannien seinen Vasallen aufferlegte/ zwey/ oder drey hundert Wolffsbaͤlge fuͤr den Jaͤhrlichen Tribut zulieffern; dar- durch den Woͤlffen endlich so scharpff nachgestelt worden/ daß man dermal eins den letzten gefangen/ vnd die Art gaͤntzlich vertilget hat. Also machte jhm
Phorbas
gleichsam eine Vormawer auß dieser Jnsul/ wie
Higynus
erzehlet. Die Jnnwohner nahmen an Ge- werb vnd Nahrung mercklich zu; musten aber/ als Athen/ Sparta/ Theben/ Corinthen/ Argos vnd andere freye Staͤtte in Griechen- land/ vmb das obere Regiment stritten/ sehr viel leyden/ vnnd schier einem jeden zu Willen seyn. Also musten sie den Spartanern An- no 410. von Christi Geburt/ zwey vnd dreyssig Talent Silbers (jedes Talent zu sechshundert Cronen; oder zu sechtzig
Minas,
in diesem Land zu sechshundert/ in einem andern zu achthundert/ auch jrgend zu fuͤnffzehen hundert/ nach dem die Talent vnd
Minæ
hoch gehen/ zurechnen) erlegen/ welches den Atheniensern Anlaß gegeben/ auch ein Fischzug zuthun/ vnnd gleiche Summ zuerpressen/ wie
Thucydices
berichtet.
Sie wurden mit jhrem Schaden weiß/ vnd wie sie biß dahin in vier vbelverwahrten Staͤtten gewohnet/ machten sie sich an einen Ort zusammen/ vnd legten sich vest/ vier Jahr nach diesem Butzer/ sagt
Diodorus Siculus
: Vnd kam Anno 314. vor Christi Ge- burt/ bey angehendem Fruͤhling/ ein so grewlich Vngewitter vber diese Statt/ daß pfuͤndige Schlossen gefallen/ vnnd vnsaͤglichen
Mm
Scha-
GERMANIÆ PERTVRBATÆ
Schaden gethan. Es were auch vmb die Statt geschehen gewe- sen/ wann nicht das grosse Gewaͤsser die Stattmawren vmbgedru- cket/ vnd einen Außlauff genommen haͤtte. Sie baweten vngefehr 700. andere setzen 870. Jahr vor Christi Geburt/ ein ehernen Goͤ- tzen/ der Sonnen zu Ehren/ von 7200. Centnern/ 80. Elen hoch/ vnter dem Werckmeister vnd Kuͤnstler.
Lindius,
deß beruͤhmbten Bildhauwers
Lysippi
Juͤngern: Das Bild nanten sie der Son- nen Coloß/ mit Straalen vmb das Haupt/ auffgericht/ vber die enge Einfahrt jhres Meerhafens/ also daß die groͤste Schiff mit auffgerichtem Mastbaum vñ vollen Segeln/ zwischen den Schen- ckeln durchfuhren/ wird jederzeit gerechnet vnter die sieben Wun- derwerck der Welt.
Aber im Jahr 221. erschuttert ein so schrecklicher Erdbeben/ die Jnsul Carien vnd Rhodis/ daß dieser Coloß vmbfiel; ist auch schier nahe 900. Jahr liegen blieben/ biß endlich
Hiero,
Koͤnig zu Syrakosen in Sicilien/ ein grosse Summa Gelts/ zu wider Auff- richtung der Mawren/ geschossen/ jhre Schiff Zollfrey gelassen/ vnd andern Koͤnigen vnd Staͤnden dergleichen zuthun/ Anlaß ge- geben; dardurch die Rhodiser in kurtzer Zeit mehr erhalten/ als sie zuvorverloren/ jhrer zunehmenden Macht/ darvon
Polybius
mel- det/ zugeschweigen.
Als nun gantz Achaja/ Griechenland/ Lycien/ Rhodis/ Sa- mos/ Thracien/ Cilicien/ Comagenen/ vnnd andere Staͤtte deren Enden/ sich jederzeit frey vnd Eygenherꝛisch verhalten/ oder dahin eines vnd andern maͤchtigen Potentaten Buͤndnuß/ oder Freund- schafft/ auch Schutz getretten/ haben endlich die Roͤmer etliche 70. Jahr nach Christi Geburt/ theils durch gute Wort/ theils durch Schrecken jhrer Macht/ auch diese Laͤnder auff gewisse Maaß vnd Ziel an sich gebracht/ vnd zu Landschafften gemacht/ wie
Pausa- nias
meldet. Keyser
Nero
ließ in der Statt Rom ein Colossen auffrichten/ 107. Werckschuh hoch/ vnd ließ den Kopff nach seiner Gestalt formieren; aber Vespasian thaͤt den Kopff herunter/ vnd setzt ein Sonnenkopff/ mit sieben Straalen/ deren jeder sieben Werckschuh laͤngwar/ an die Stell; sagt
Xiphilinus.
Keyser
Com-
ET RESTAVR. DISCVRS. XXIV.
Commodus
wolt weder
Neronis,
noch der Sonnen/ sondern sei- nen Kopff nach dem Muster/ darauff setzen/ sagt
Lampridius.
Was nun Rhodis mit der gantzen Welt bey der Roͤmer wehrenden Buͤrgerlichen Kriegen/ vnd Empoͤrungen der Voͤlcker/ auch von den einbrechenden Barbaren erlitten/ ist nicht zubeschreiben.
Jm Jahr Christi 653. erobert
Manias,
ein Saracenischer Hertzog/ diese Jnsul/ nach dem er vor zwoͤlff Jahren
Cæsaream,
in dem gelobten Land durch siebenjaͤhrige Belaͤgerung/ bezwungen/ (vnd
Omar,
ein Saracenischer Koͤnig/ dem Mahomet ein stattliche Kirch auff dem Oelberg/ gegen Jerusalem erbawet/ vnd vier Jahr hernach in
Africa
eingefallen/ den Keyserischen Verwalter/ so ab- truͤnnig fuͤr sich selbst regieren wollen/ geschlagen/ vnd das gantze Land vnter Contribution gesetzt) die Jnsul Cypern mit 1700. Schiffen/ vnd die Jnsul
Aradum,
vnfern von
Tripoli;
nach gros- ser Gegenwehr vberwaͤltiget/ den Verwalter in Armenien von dem Reich abgerissen/ vnd zu seinem Lehenmann gemacht hatte. Die Stuͤcker vom Colossen zu Rhodis verkaufft er einen Juden/ der das Ertz auff 900. Cameelen (eines Cameels ordentlicher Last ist acht Centner) vertragen vnd verhandeln lassen. Diß ist der
Manias,
der den Keyser Constantz vor Constantinopel geschlagen/ vnd in die kuͤm̃erliche Flucht gebracht/ doch vmb Fried bitten muͤssen/ neben tausend stuͤck Gelts auff jeden Tag/ wegen entstandener Auffruhr. Gleichwol fiel er ab/ vnd hielts mit
Sapor
in Armenien/ wider den Keyser. Wann nun die Saracenen Jtalien/ Hispanien/ vnd die Morgenlaͤnder vberfielẽ/ gab es jmmerdar zuleiden/ dann sie hatten ein Koͤnigreich in Spanien/ ein anders in Africa/ ein anders in Ba- bylonien/ vnd ein anders in Egypten angericht/ also daß ein besonder
Amiras
in jedem Land saß vnd regierte. Vnd weil es den Sara- cenen so gar wol gienge/ fielen sie einander selbst in die Haar/ oder geriehten in Nachlaͤssigkeit/ vnnd wurden manches mal geschla- gen. Darumb rufften sie die Türcken vmb Hülff an/ vnnd erlegten den Roͤmischen Feldherꝛn
Theophilum,
biß auff das Haupt/ machten aber den Tuͤrcken/ die vber das Caspische Ge- buͤrg mit streyffenden Rotten/ etliche mal waren eingebrochen/
Mm ij
eine
GERMANIÆ PERTVRBATÆ
eine Anmuhtung/ im Land zubleiben: Wie sie dann Babylonien/ den Saracenen/ vnnd Armenien den Roͤmern abgetrungen/ vner- acht/ aller Gegenwehr deß Verwalters
Ambusti,
vnd nannten jh- ren Feldherꝛn den Sultan.
Vmb das Jahr Christi 1050. die Griechische Keyser hiel- tens viel mit den Tuͤrcken/ auß Neid gegen den Teutschen vnnd Frantzosen/ die nicht nur Jerusalem gewonnen/ sondern auch ein vesten Fuß am Phrat gesetzt hatten/ also/ daß die Christen Anno 1307. Rhodis wider eroberten.
Wie nun die Saracenen nach vnnd nach vberhand genom- men/ also machten es die Tuͤrcken auch/ vnterdruckten/ was jhnen entgegen stund/ vnd wurffen vnter sich auff Caliphen/ das ist/ Fuͤr- sten. So offt es nun innheimische Kriege vnter den Griechischen Keysern gab/ liessen sich die Tuͤrcken gebrauchen/ biß sie im Jahr 1453. Constantinopel/ auch Trapezund erobert/ vnd das Christli- che Keyserthumb in den Morgenlaͤndern an sich gerissen. Was nun die Jnsul Rhodis von den Saracenen/ Latinern/ vnnd Grie- chen/ bey so wechselendem Lauff der Waffen gelitten/ ist leicht zu- erachten.
Jm Jahr 1480. schickt Muhamed den Bassa Mesiten/ Rhodis zubelaͤgern/ vnd verlohr von dem 23. May/ biß den 18. Au- gusti/ vber dreyssig tausend Tuͤrcken darfuͤr/ ob er schon einsmals die Mawer erstiegen hatte/ erhielt doch der Teutsche Meister die Statt.
Von diesem Teutschen Meister/ oder Orden/ ist zuwissen/ daß im Jahr 1110. vnter
Gelasio
II.
dem Bapst/ der Tempel- herꝛn Orden zu Jerusalem (andere meynen Anfangs in Preussen/ als es wider die Liefflaͤnder bey langwehrendẽ Kriegen/ viel armevnd krancke Landsknecht geben/ haͤtten zween namhaffte Buͤrger von Luͤbeck vnd Hamburg/ auß den vmbgewanden Schiffen Haͤuser/ vnd auß denselben Segeln Oberkleyder gemacht/ vor die Krancken gesamlet/ vnd jhrer gewartet: Darauß jener Teutsche Orden er- wachsen/ vnd endlich den andern zu Jerusalem/ gezeugt haͤtte) sein
Anfang
ET RESTAVR. DISCVRS. XXIV.
Anfang genommen/ weil vnter Hertzog Gottfrieden auß Loth- ringen/ dem Koͤnig zu Jerusalem/ die Ritter merckten/ daß die Bil- gram/ so auß Andacht von allen Enden zu jhnen kamen/ mit Mord vnd Raub bekuͤmmert wurden/ darumb verpflichteten sie sich zu- sammen/ Gott dem
Her
rn Ritterschafft zupflegen.
Erstlich/ war jhrer ein kleine Anzahl in williger Armuht/ vnd jhr Oberherꝛein Thorwart deß Tempels/ daher sie auch den Na- men erhalten. Sie wohneten nicht fern vom heiligen Grab/ bey einander/ nahmen die Bilgram auff zur Herberg/ vnd bewiesen jh- nen viel guts/ bewahreten sie fuͤr Vnfall vnd Gewalt der Vnglau- bigen/ vnd fuͤhreten sie von einer heiligen Stell zur andern. Sie trugen fuͤr jhren Orden einen weissen Mantel/ mit einem rohten Creutz. S. Bernhard macht jhnen eine Regul/ nach der sie zule- ben haͤtten. Bald wurden sie auß Freygebigkeit der Fuͤrsten/ Herꝛn/ vnd anderer Bilgram/ die dahin walleten/ vbrig maͤchtig vnd reich/ darauff fieng Wollust an/ sich mit einzuschleichen. Wie sie nun zum Abfall von der Tugend kamen/ auch einigen Correspondentz mit den Saracenen beschuldiget wurden/ entzog Koͤnig Philips in Franckreich/ da sie jhr groͤstes Wesen hatten/ sampt andern Herꝛn/ auß Verhaͤngnuͤß deß Bapsts
Clementis V.
im Jahr 1310. jhnen auff einen Tag/ alle jhre Staͤtte/ Schloͤsser/ Schaͤtz/ Haab vnd Guͤter/ verbrand/ etwuͤrget/ vnd loͤschet sie auß/ wie vormals auch in Syrien vnnd Asien geschehen war. Deren Hoffmeister hieß Jacob/ ein Burgunder/ vnd bezeugete von seines Ordens Vn- schuld/ auch von der Potentaten Neid/ als man jhn zu Pariß zum Fewer hinfuͤhrete. Darauß leichtlich abzunehmen/ daß man sich eines newen Staads in dem Alten befoͤrchtet/ der weder Geistlich/ noch Weltlich/ vnd doch beydes zugleich war; auch eben deßwegen bey dem Bapst vnd den weltlichen Potentaten verdaͤchtig vnd ver- hasset.
Zwey Jahr zuvor/ als die Statt Jerusalem verlohren gien- ge/ vnd die Tempelherꝛn/ oberzehlter massen/ verschwunden/ ver- bunden sich etliche Ritter zu einander/ mit einem grossen Anhang
Mm iij
deß
GERMANIÆ PERTVRBATÆ
deß Adels/ vñ anderer streitbaren Leut/ in S. Johannis deß Taͤuf- fers Ehr/ darumb sie auch Johanniter genannt werden/ sie wolten weder rasten/ noch ruhen/ biß sie die Jnsul Rhodis/ so man jhnen solcher gestalt eygenthuͤmlich vbergab/ auß der Vnglaubigen Haͤn- den haͤtten gerissen. Der Eyffer war so groß/ daß die Saracenen jh- nen weichen muͤssen. Sie baweten Statt vnd Vestung/ verwah- reten die Jnsul/ vnd beschuͤtzten noch die Christen in Cypern/ nach Vermoͤgen: Derowegen jhnen der Bapst vnd andere Fuͤrsten/ der Tempelherꝛn Guͤter in den Morgenlaͤndern/ die ohne das sonsten nicht zuerhalten waren/ zueygneten. Sie nahmen
S Augustini
Regul an/ vnd erhielten grosse Gaaben vom Bapst. Der Tuͤrck bekriegte sie sehr offt/ vnd schier allezeit mit seinem grossen Scha- den. Jn dieser Jnsul hat Zemes/ deß Bajazeths Bruder/ Si- cherheit gesucht/ den Christlichen Glauben angenommen/ vnd vier Kinder geꝛeuget: Starb aber zu Rom/ von beygebrachtem Gifft/ als jhn der Bapst hatte zu sich kommen lassen.
Jm Jahr 1522. belaͤgert der Tuͤrckische Keyser Solimann/ die Jnsul Rhodis/ mit grosser Heeresmacht/ sechs Monat lang. Die Christen waren Anfangs so muhtig/ daß sie schaarlachene Tuͤcher/ vnnd seidene guͤldene Stuͤck vber die Mawren außhaͤn- geten/ mit grossem Hohn vnd Frolocken/ als waͤre die Statt vn- vberwindlich. Aber Solimann ließ von dem naͤchsten Berge Grund heran tragen/ vnd die Graͤben fuͤllen/ biß er an die Maw- ren reychen konte. Die Ritterbruͤder wehreten sich trefflich/ mit Anschuͤtten/ Blendungen/ Schantzen/ Fewerkugeln/ Schweffel- ringen/ siedendem Oel vnd Steinwerffen/ daß man schaͤtzet/ der Tuͤrck hab in zwantzig tausend Mann darfuͤr verlohren. Der Tuͤrck grub in die Statt an zweyen Orten/ hundert vnd sechszig Schritt/ vnd macht die darinnen so matt/ daß sie auch deß Gra- bens halber/ nirgend sicher stunden. Darauff wurden sie genoͤh- tiget/ auch zum Theil auß Mangel aller Notturfft/ so zu dem Menschlichen Leben/ vnd Kriegssachen gehoͤrig/ daß sie nach laͤn- ger Rahtschlagung/ die Statt musten auffgeben/ gerad auff den
Weyh-
ET RESTAVR. DISCVRS. XXIV.
Weyhnachttag/ als Christus in diese Welt wurd gebohren/ vn- ter zugesagtem Fried vnnd Geleyt/ mit allem/ Haab vnnd Gut si- cher abzufahren. Da sagt man Wunder von den schoͤnsten Reden vnd Rahtschlaͤgen/ so die in der Statt/ wegen der Vbergab/ gehal- ten: Auch die der Tuͤrckische Keyser selbst mit dem Hochmeister/ durch ein Dolmetschen gethan/ daß er auch gegen jhm seine Cron verruckt/ das er doch allein Gott/ vnd seinem Propheten Mahomet pflegt zuthun: So ehrlich hielt er den alten Greissen/ vnd Ritter- maͤssigen Mann/ dem er auch grosse Herꝛschafften angebotten/ so er bey jhm bleibe wollen. Welches der Hochmeister mit einer ernstlichẽ Freundlichkeit abgeschlagen/ er wolle viellieber ein Vberwundener/ dann ein trewloser Bruͤchiger deß Glaubens gehalten seyn. Dessen Adel ließ der Tuͤrck in Seiden kleyden/ vñ mit geladenen Schiffen friedlich abziehen. Die Buͤrger/ welche bleiben wollen/ wurden zu Geluͤbd genommen/ aber die Tempel alle zerrissen/ die Bilder darauß geworffen/ dem Crucifix besonder grosse Schand vnd Vn- chr angethan/ mit Fuͤssen in Koht getretten/ vnd fuͤr ein Faßnacht- spiel vmbgetragen/ die Grabstein zerschlagen/ vnd alles nach Ma- hometischem Aberglauben geweyhet.
Vnd wer kan hie den Vnsinn der Lateinischen Kirchen ge- nugsam beschreiben/ die lieber wollen jhre eygene Kinder verzehren/ als dem allgemeinen Erbfeind Abbruch thun/ oder nur entge- gen stehen/ daß man diese Vormawer der Oecidentalischen Chri- stenheit moͤgen erhalten/ vnd als eine Bruͤck/ die vnterdruckte Chri- sten in Orient zuerloͤsen gebrauchen? Viel war es/ daß Constanti- nopel vnd Trapezund huͤlffloß gelaͤssen/ dem Tuͤrcken zutheil wur- den. Wie kan man aber entschuldigen/ daß Rhodis jetzt auch ver- lohren gangen? Den Venetianern war am meisten daran gelegen/ wie auch der Statt Genua/ die wenig Zeiten zuvor/ biß in Asien vñ Egypten jhre Macht erstreckten. Aber der Neid vnd das Mißtraw- en gegen den Benachbarten/ ließ alles verderben. Vnd wo sind die Staadshansen/ was ist
Raison d’Estat?
Heißt das dem gemeinen Wesen wolfuͤrgestandẽ? Die Christenheit hatt zwey hohe Haͤupter/
den
GERMANIÆ PERTVRBATÆ
den Bapst vnd den Keyser. Solte nicht der Bapst/ der vor wenig hundert Jahren/ die Christen ohne Zahl/ in das gelobte Land vber Meer verschickte/ vor dißmal den Credit vnd Gehorsam sollen ha- ben/ etwan eine/ oder zwo Schiffarmaden/ auß so vielen Seelaͤn- dern/ ja auß Jtalien allein/ dem Tyrannen nur zuzeigen? So muß es aber gehen/ wann ein jeder auff seinen eygenen Nutzen siehet/ vnd deß gemeinen besten/ darinn doch ein jeder/ als in einem Schiff/ mit all seiner Wolfahrt begriffen ist/ jmmerzu vergisset. Wie viel Or- logsschiff finden sich auff beyden Meeren vmb Welschland: Auff beyden Meeren vmb Franckreich/ auff allen Meeren vmb gantz Hispanien herumb? Vmb Engell-Schott- vnd Jrꝛland? Wie viel in den Niderlaͤndischen Provintzen? Das zehende Schiff von allen genommen/ solte ein schroͤckliche Floht gemacht haben. Dan- noch nahm kein Mensch solche hohe Sachen zu Hertzen/ außer- halb deß Bapsts/ der aber/ wie gemelt/ vergeblich gearbeitet/ vnd noch new am Ampt war. Vnd wer weiß/ was fuͤr ein Geheim- nüß darunter verborgen gelegen? Grosser Herꝛn Brieff sind dun- ckel/ vbel zulesen/ noch vbeler zuverstehen. Es machten vielleicht die Rhodiser eben den Schaden/ den zuvor die Tempelherꝛn bey hohen Haͤuptern vervrsachet.
Das ander Haupt der Christenheit ist der Keyser/ vnd zwar dieses mal
Carolus V.
ein maͤchtiger Potentat/ der eben deßwegen in der Wahl dem Frantzosen vorgezogen worden/ weil er dem Tür- cken am besten widerstehen koͤnte. Warumb aber solches nicht ge- schehen/ stuͤnde zuerrahten? Ein junger Keyser/ der das Keyser- thumb in Zwyspalt sahe/ die Niderlanden/ wegen der Religion ver- worꝛen merckte/ die Koͤnigreiche in Hispanien so wol/ wegen der Maranen/ als der Landsstaͤnde/ etwas widersinnisch befande; vnd zumal seine vbrige Landschafften weit von einander entlegen wis- sete; zugeschweigen der Frantzoͤsischen in Jtalien/ Burgund/ Flan- dern/ Catalonien/ Bißkayen/ mit Abgunst fuͤr der Thuͤr lage: Hatte sich wol zubedencken/ etwas fuͤrzunehmen. Dann/ wann der Frantzoß sich zum Tuͤrcken schlagen sollen/ oder auß einigem
Bund
ET RESTAVR. DISCVRS. XXIV.
Bund auff der einen Seiten einfallen wollen; wofern
Caroli
Sa- chen in den Klammer kommen. Wie aber/ wann alle Disgou- stierte/ Banditen/ vnd der vbrige Hauff/ so nur das Vatterland be- schweret/ als ein Außfeger vnd Kehrsal/ were in ein frembd Land vbergesetzt worden; vnd einer solchen Monarchy/ als ein Aderlaß zu Nutzen vnd Gesundheit kommen/ daß durch redliche Thaten alles vorige Verbrechen außgeloͤscht/ zu newen Ehren gedient haͤt- te/ solte
Carolus
wol besser gefahren haben. Dann die Republick zu Rom sich deß vbrigen Muhtwillenden Poͤbels nimmer besser entladen koͤnnen/ als wann man feindlichen Einfall zu hindertrei- ben Musterung gehalten/ oder Colonien mit grossen Freyheiten vnd Landgütern (welches die heilige Schrifft nennet/ die Toͤchter/ so von der Hauptstatt/ als von jhrer Mutter/ entsprossen) angestel- let vnnd eingesetzet. Welcher Gebrauch dann in aller Voͤlcker Recht gegruͤndet/ bey allen Nationen vnter dem Himmel/ jederzeit vblich gewesen Vnd wann schon
Carolus
auß seinen vielen Koͤ- nigreichen/ einen verlohrnen Hauffen haͤtte lauffen lassen/ vnd die eroberte Landschafften jhnen zu Lehen vbergeben vnd gelassen/ haͤt- te dem Türcken grosser Abbruch/ vnnd der Christenheit grosser Vortheil geschehen/ auch Rhodis leichtlich koͤnnen erhalten wer- den. Ja/ es wirds die Zeit geben/ daß
Carolus
solche
Raison d’ Estat
vom Tuͤrcken muͤssen lernen/ was naͤmlich/ ein solche fliegen- de Armada/ als die zu Allgier vnnd Thunis vnter deß Tuͤrcken Schutz vnterhielten/ allen Benachbarten vor eine Sorg/ vnd dem Oberhaupt vor einen Dienst ohn einigen Nachtheil beyfuͤgt: Daß
Carolus
endlich müssen etliche Zuͤge in Barbarey thun/ vñ grossen Kosten mehr wider ein Seeraͤuber/ als wider den Tuͤrcken selbst/ mit dem er in keinem boͤsen Vornehmen/ außerhalb deß Koͤnigreichs Hungarn/ stunde/ anwenden. Welches dann auff seiner Seiten das aller beste Mittel/ den Tuͤrcken zu Wasser zuhindertreiben ge- wesen were. Gleichwol ist Rhodis verlohren/ vnd kompt nicht wider: Die Johanniter wolten jhr Geluͤbd fortsetzen/ vnd erhiel- ten in sieben Jahren/ durch viel vnd mancherley Werbungen/ bey
N n
Bapst
GERMANIÆ PERTVRBATÆ
Bapst vnd Keyser/ daß sie die Jnsul Maltha auß der Saracenen Haͤnden zureissen/ vnd fuͤr sich zubehalten befugt worden; das sie dann auch thaͤten/ vnnd bald bevestigten/ dannenhero die Malthe- ser Ritter genannt/ so lang GOtt wil. Diese Jnsul liegt vnfern von Sicilien/ vor Zeiten bekannt vnter dem Namen
Melite,
son- derlich/ wegen deß heiligen Apostels Pauli/ der Schiffbruch da- selbst gelitten/ vnd eine Otter vnbeschaͤdiget von der Hand schlau- derte.
Jhre kurtze Histori ist diese: Der hochloͤbliche Ritterliche Orden/ hat seinen Vrsprung vnnd Anfang in der heiligen Statt Jerusalem/ durch etliche Kauffleut von Malfi/ in dem Koͤnig- reich Neaples gelegen/ genommen/ in dem dieselbigen im Jahr Christi 1048. durch Vergoͤnnung deß Caliphen in Egypten/ ei- ne Kirch/ zum Vnterscheid der Griechischen/
S. Marina della La- tina
genannt/ neben einer Wohnung/ vnd einem Kloster Bene- dictiner Ordens/ die armen Bilgram darinn auffzunehmen/ vnd zu tractieren/ erbawet.
Nach deme aber viel andaͤchtige Frawenspersonen/ sich vn- ter besagten Bilgramen/ gefunden/ vnnd selbige in das Maͤnner- Kloster nicht wol auffgenommen werden koͤnnen; als hat eine ehr- liche Matron/ Agnes/ von Rom buͤrtig/ ein Frawen-Kloster/ zu Ehren
S. Mariæ Magdalenæ,
gestifftet/ vnd gemelte arme Weibs- personen/ darinn beherberget: Hat letztlichen auch/ wegen der gros- sen Anzahl der Bilgram/ neben obgemeltes Maͤnner-Kloster einen Spital/ zu Ehren S. Johannis deß Taͤuffers auffgerichtet/ vnd solches neben dem Frawen-Kloster (ob sie schon beyderseits selb- sten/ von gemelter Malfitaner Allmosen gelebt) auß Christlicher Liebe/ vnterhalten/ vnd dasselbige zuverwalten/ einen Rectoren/ zu deß Abts Benennung/ vnd vnter seiner Auffsicht vnd Gehorsam/ verordnet.
Der erste Fuͤrsteher/ oder
Rector
dieses Hospitals nun/ von welchem die Historien Meldung thun/ hieß Gerhard; der Ge- burt noch vnbekant/ vnd ohne Zweiffel kein Frantzoß/ sondern/ we-
gen
ET RESTAVR. DISCVRS. XXIV.
gen der Stiffter ein Calabreser. Gottfried von Boullon/ Hertzog auß Lothringen/ eroberte den 15. Junij/ im Jahr 1099. die Statt Jerusalem/ vnd ließ diesem Rectorn die ersten Guͤter/ so wol in sei- nen Erblanden/ als in dem newen Koͤnigreich zu Jerusalem geben vnd einraumen.
Zu dessen Nachfolg haben/ biß vmb das Jahr tausend ein hundert vnd zehen/ viel andere fromme/ allerhand Stands Christli- che Personen/ jhre Guͤter/ oder einen Theil derselbigen/ gesagtem Hospital/ verehret; Vnnd hat
Paschalis
II.
solches in seinen Schutz genommen/ auch von aller Bischoffen vnd Praͤlaten Ge- horsam befreyet. Vnd im Jahr tausend einhundert vnd dreyzehen/ den Bruͤdern deß Hospitals/ jhren Rectorn/ welcher zuvor von dem Abt deß Klosters ernennet worden/ zuerwehlen Macht/ vnd
Privilegium
gegeben. Darauff Anno tausend einhundert vnd achtzehen/
Raimundus di Poelio
der erste solcher Gestalt erwehlet worden.
Dieser
Raymundus
hat die Geluͤbde eingesetzet/ den Bruͤ- dern den schwartzen Mantel/ mit dem weissen achteckigten Creutz (dann sie zuvorn ein gerades vnd gleiches/ wie man auff den So- pravesten zubrauchen pfleget/ gefuͤhret) zutragen verordnet/ die erste Gesatz vnd Ordnung auffgerichtet/ vnd den Bruͤdern/ alldie- weil sie allbereit in Anzahl vnd Vermoͤgen sehr zugenommen/ die Gewehr vnnd Waffen geben/ sie auch in die drey Staͤnde/ Ritter/ Caplanen/ vnd
Serventid’ Armi
getheilt vnd vnterscheiden.
Dieser Ritterschafft Residentzen vnnd Wohnungen waren vnter sechs vnd fuͤnfftzig Rectorn/ Meistern vnd Großmeistern/ an sechs vnderschiedenen Orten. Das Hauptwesen war zu Jerusa- lem/ biß auff den 8. Octob. 1187. da
Saladin,
Sultan in Egypten/ die Statt Jerusalem wider eroberte. Die
Retirada
gieng auff jhr Schloß vnd Vestung/ Margat/ biß ins Jahr 1192. vnd dann zu
Tolomayda,
oder
Acri,
biß man zehlt 1291. da den 18. Maii Christen weyhen muͤssen. Vnd demnach dieser Orden hundert ein vnd neuntzig Jahr/ zehen Monat/ nach Verlust der Statt Jeru- salem/ im gelobten Land verharꝛet/ begab er sich nach Limisson in
Nn ij
Cypern/
GERMANIÆ PERTVRBATÆ
Cypern/ biß ins Jahr 1309. vnd fuͤrter zu Rhodis (durch Vbergab deß Ordens võ H. Grab/ so geschehen im Jahr 1479.) biß ins Jahr 1522. da Soliman den 20. December Meister worden/ vnd vervr- sachet/ daß der Orden bald zu
Syracusa,
zu
Viterba,
zu
Villa Fran- ca,
vnd
Nizza
sich auffenthalten/ biß
Carolus V.
jhme den 24. Mertz 1530. die Jnsul Malta eingeraͤumbt.
Die Statuten/ so von den Generaln Capitain gemacht/ vnd von jhrer Baͤpstlichen Heiligkeit bekraͤfftiget sind/ tawren so lang/ biß sie von selbigen widerruffen/ oder geaͤndert/ vnnd nachmaln be- staͤttiget werden. Aber die Ordinationen gelten von einem Gene- ral-Capitel/ biß zu dem andern: Vnd kan weder Großmeister/ noch kein anderer/ vber die Statuten vnd Ordinationen dispensie- ren/ alldieweil diese Authoritaͤt dem Bapst/ vnd den General-Capi- teln fuͤrbehalten ist; dergestalt vnd also/ daß ohne solche Dispensa- tion/ Enderung/ oder Widerruffung/ alle Ordenspersonen/ zu Haltung solcher Gesatzen vnd Ordnungen starck vnd vest verbun- den sind; wie dann die
Regula
Seel vnd Leib/ die Statuten aber vñ Ordinationen den Leib allein/ zu zeitlicher Straaff verbinden.
Die in diesen Orden werden auffgenommen/ sind fuͤr das er- ste Ritter/ vnd deren zweyerley/
Cavalieri di justitia,
die wegen jh- rer erwiesenen Ahnen solche sind; vnd dann
di Gratia,
jederweilen/ wegen Baͤpstlichen Vorschrifften/ oder sonsten/ wegen geleysteten Diensten/ solche worden/ vnd doch in einem vnd anderm das Nach- sehen haben müssen.
Die
Cavalieri di obedienza Magistrale,
wie auch die an- dere
del Maestro
schrauben sich auch herzu/ wie sie koͤnnen. Die
Fra Capellanen
sind entweder Conventualen/ oder
d’Obedienza.
Es gibt auch in Franckreich/ Hispanien/ Jtalien/ vnd Mal- ta selbst vnderschiedliche Hospital vnd Frawen-Kloͤster.
Der dritte Stand sind die
Fra Serventi,
Noch sind
Clerici
vnd
Diaco; Cavalierie di divotione,
vnd
Donaten.
Die jenige Person/ welche den Ritterlichen Orden S. Johannis von Jeru- salem anzunehmen/ vnd desselben Ritter zuwerden begehrt/ soll nach
getha-
ET RESTAVR. DISCVRS. XXIV.
gethaner Beicht/ mit einem langen schwartzen/ vnd zum Zeugnuß der Freyheit/ vngeguͤrteten Rock angethan; mit einem blossen Schwerd in der Rechten/ vnd mit einer brennenden Wachskertzen (welche die Liebe bedeutet/ vnd einem jeglichen wahren Ritter zie- met) in der lincken Hand/ vor dem jenigen/ welcher jhm das Creutz zugeben/ von dem Großmeister gevollmaͤchtiget/ erscheinen/ vnnd alsdann vor dem Altar niderknien/ die Wehren lassen weyhen/ selbst von sich geben/ vnd die Kertz in die rechte Hand nehmen/ die Meß/ biß nach Abwechselung der Epistel/ mit Andacht anhoͤren: Her- nach ohne Creutz/ vor dem Geber sich kniend setzen/ vnd folgender massen verhalten: Werden aber die Ceremonien mit dem Schwerd vnd Sporen/ mit denen
Fra Serventi
vnd
Capellani
nicht gehal ten.
Darauff geschicht Frag vnd Antwort/ von deß Ordens Hoh- heit/ vnd der Rittergebuͤhr vnd Herkommen. Das blosse Schwerd wird jhm dargebotten/ das er in die Scheide steckt/ vnd wider gibt; empfaͤngt aber hingegen Guͤrtel/ vnter dem langen Rock sich zu- guͤrten. Vnd alsdann guͤrtet jhm ein Ritter das Schwerd an die Seiten. Wann nun der Kniend auffstehet/ vnd das entbloͤsete Schwerd wider darbietet/ empfängt er drey gelinde Streych flaͤch- lingen auff die rechte Achsel/ mit diesen Worten: Es ist einer Ade- lichen Person ein grosse Schand/ wann sie geschlagen wird: Sol- let also diese drey Streych fuͤr ewer letzte Vnehr vnd Schande hal- ten. Darnach nimbt er das blosse Schwerd wider/ vnd stoͤst drey mal empor/ die Rach wider den Erbfeind zubezeugen: Ziehet es v- ber den den lincken Arm/ vnd steckt es wider an seinen Ort. Jetzt greifft jhn der Fuͤrsteher bey der lincken Achsel/ er schuͤttelt jhn/ vnd spricht: Wachet auff von allen Lastern/ vnd vnterlasset nicht/ die Tugend hoch zuhalten/ auff daß sie euch zu Ehren bringe. Vnd eben dieses bedeuten die guͤldene Sporen/ so zween Ritter jhm anle- gen; zumal auch an Fuͤssen/ die Verachtung deß Golds bedeuten. Werden jhm aber wider abgethan/ vnd muß mit der Kertz wider fuͤr den Altar knien/ biß das vbrige an der Meß vollendet ist: Da dann
Nn ij
end-
GERMANIÆ PERTVRBATÆ
endlich der newe Ritter beyde Haͤnde auff das Crueifix legt/ vnd spricht: Jch gelobe vnd verspreche/ Gott dem Allmaͤchtigen/ seiner vnbefleckten Mutter/ vnnd S. Johanni dem Taͤuffer/ dem jeini- gen/ wer er auch seyn moͤge/ welcher von der H. Religion/ vnd dem Durchleuchtigen Großmeister mir zu einem Oberhaupt gegeben/ vnd vorgesetzt werden wird/ ewigen vnd staͤtigen Gehorsam zuley- sten/ ohne Eygenthumb zuleben/ vnd Keuschheit zuhalten. Alsdann vmbfaͤnget der Obere den newen Ritter/ vnd spricht: Nun erken- ne vnd halte ich euch wahrhafftig fuͤr einen vnsern Ordens-Bru- der. Antwort/ vnd ich mich auch. Der Mantel bedeut die Buß/ die Ermel/ die Weiß der Barmhertzigkeit; das Creutz/ die acht Seligkeiten/ vnd dann alle Stuͤck der Passion Christi; die Schnur das Joch Christi. Vnd in der Herberg ein wenig Brod/ Saltz/ vnd ein Glaß Wasser/ die Geauͤglichkeit.
Jn
Provenza
ist der
Gran Commendatore,
der Prior
S. Gilles, Toulusa,
vnd
Baly Manoasca.
Jn
Alvernia,
der Marschall/ der Prior/ vnnd
Baly
von
Lyon.
Jn
Franzia,
der Hospitalier/ Prior von Franckreich/ Aqui- tanien/ Schampanien/ vnd
Baly
von
Morea.
Jn Jtalien/ der Admiral/ Prior von Rom/ Lombardey/
Pisa, Barletta, Capoa, Messina, Neapoli, Baly
von
S. Euphemia, Stephano, Venosa, Cremona, Rocella, Sebastiani.
Jn Arragonien/ Catalonien vnd Navarꝛen/ die
Castellania d’ Emposta,
Prior von Catalonien/ Navarꝛen:
Baly
von
Major- ka, Caspes, Negroponte.
Jn Engelland/ Jrꝛland;
Baly
von
Aquila.
Jn Teutschland/ der Groß
Baly,
Prior in Teutschland/ Boͤhmen/ Vngarn/ Dennemarck:
Baly
von Brandenburg.
Jn Castilien/ Leon vñ Portugall/ der Groß-Cantzler/ Prior von Castilien/ Leon vnd Portugall/
Baly
von
Lora, Sepolchro di Toro, Nuevevillas, Negroponte, Leza, Acri.
Jn Maltha der Bischoff/ in Cypern der groß
Commen-
dator.
ET RESTAVR. DISCVRS. XXIV.
dator.
Der Großmeister wird erwehlt von dreyzehen Personen: Die Vier vnd zwanßig von dem gantzen Convent: Die Drey von diesen Vier vnd zwantzigen/ wie auch die Sechszehen/ da ein jede Ordnung weiß zur Wahl zuschreiten.
Teutsche haben sich gehalten; als Priorn/ Johann Hatz- stein/ im Jahr 1512. Georg Schilling/ 1546. zuvor General von den Galleren. Georg von Hohenheim Bombast/ 1554. Adam Schwalbach/ 1567. Philip Flach/ 1573. zuvor General der Ga- leren. Philip Ried-Esel/ 1594. Bernhard von Angeloch/ 1598. Philip von Lesch/ 1599. Weipart von Rosenbach/ 1601. Arbo- gast von Andelaw/ 1607. Johann-Friderich Hund von Saul- heim/ 1612. Hartmann von der Tanne/ 1635. Die Groß-Bal- leyen sind gewesen in Maltha. Conrad von Schwalbach/ 1524. Georg Schilling/ 1534. Georg von Hohenheim Bombast/ 1546. Adam von Schwalbach/ 1554. Conrad von Schwal- dach/ 1566. Joachim Sparꝛe/ 1568. Philip Flach/ 1571. Hans Georg von Schoͤnborn/ 1573. Philip Ried-Esel/ 1587. Bern- hard von Andeloch/ 1594. Philip Lesch/ 1598. Wippart von Rosenbach/ 1599. Arbogast von Andelaw/ 1601. Wilhelm von Cronenberg/ 1607. Johann-Friderich Hund von Saulheim/ 1609. Georg Christoff von Weittingen/ 1612. Niclas von Fle-
ckenstein/ 1634. Matthias Jacob von Furt/ 1635. Jacob Christoff von Andelaw/ 1635. Maximilian Schli- derer von Lachen/ 1638. Wilhelm Hen- rich von Warsberg/ 1643.
Der
GERMANIÆ PERTVRBATÆ
Der fuͤnff vnd zwantzigste Discurß.
Wie deß Keysers Mandat den Abfall nicht gehindert; vnd son- derlich im Westerrich. Wie Ehrgeitz nicht aller Fuͤrsten Sinn einnimpt. Von dem Abfall in Schweden/ vnd Dennemarck/ auch Enderung deß weltlichen Regiments. Von
Machiavelli,
vnd
Raison d’ Estat,
deren sich jederman zu eygenem Nutzen/ seiner Angehoͤrungen vngeachtet/ bedient/ nach vnderschiedli- chen Exempeln selbiger Zeit.
N
Vn kommen wir wider auf den verworꝛenen Religions- handel in Teutschland: Daselbst wolt jederman Lu- thers Buͤcher lesen/ wordurch dann grosser Abfall al- lenthalben erfolget.
Graff Eduard in Ost-Frießland aͤndert im Jahr 1520. viel im Kirchenwesen; deme Wormbs/ Erfurt/ Goßlar/ Halberstatt/ Hamburg/ vnd viel andere im nechsten Jahr hernach folgeten/ vnd Prediger auffstelleten. Die Baͤpstische Priester auff dem Land/ vnd Closterleut beydes Geschlechts in den Staͤtten/ legten die Latei- nische Buͤcher hin/ sampt der Kleydung/ vnd begaben sich in eheli- chen Stand/ denen Frantz von Sickingen mit seinen Helffern/ Schutz vñ Vnterhalt verschaffte/ als welcher ohne das/ wie droben erwehnt/ sich aller Pfaffen Feind ruͤhmlich nennen ließ: Dadurch der Abfall/ zwischen Mosel vnd Rhein/ im Westerich sonderlich/ befoͤrdert worden.
Hertzog Ludwig Pfaltzgraff/ zu Zweybruͤcken wohnend/ hielt mit Frantz von Sickingen gute Nachbarschafft/ vnd gab jhm/ was die Religion belangt/ Beyfall/ ließ doch die Reformation anstehen/ ob schon
Hieronymus
Bock (vnter dem Namen
Tragus,
besser be- kant/ wegen seines herꝛlichen Kraͤuterbuchs) ein
Canonicus
in der Abthey Hornbach/ vnter andern sehr daran triebe/ biß Frantz von
Sickin-
ET RESTAVR. DISCVRS. XXV.
Sickingen/ wegen seiner offentlichen Feinden/ vnd der Reichs Acht sich seiner Belaͤgerung befoͤrchtet/ vnnd deßwegen seine Gelehrte von sich in Sicherheit gelassen. Also zog der von Hutten nach der Schweitz/ Caspar
Aquila
von Augspurg nach Eisenach in Tuͤ- ringen/ Martin Butzer (der auß dem Barfuͤsser Orden zu Schlett- statt außgetretten/ vnnd die Pfarꝛ Landstul eine Zeitlang versehen hatte) nach Straßburg/ vnd Johann Schwebel (Schweblin) von einem ansehenlichen Geschlecht auß Wasserburg in Bayern/ doch zu Pfortzheim gebohren/ vnd deß Melanchthons werther Freund/ welcher auch den Orden deß helligen Geistes abgelegt/ vnnd das Jahr zuvor auff Landstul/ vnd zwar auff deß Edelmanns Kosten/ Hochzeit gehalten/ Anno 1522. nach Zweybrücken zu dem Pfaltz- graffen/ mit Befoͤrderungsschreiben: Allda er wol auffgenom- men worden/ vnnd was Melanchthon im Jahr 1519. an jhn von rechter Außlegung deß Evangelisten Matthei/ vnd der Epistel an die Roͤmer geschrieben/ auff offentlicher Cantzel angefangen zu- treiben/ welches damaln in der Marggraffschafft Baden nicht wollen gestattet werden. Zuvor/ vnd damals wechselten die Ge- lehrten vnd Edele viel Schreiben/ von rechter Niessung deß Abend- mahls/ von der Meß/ von Verlassung der Kloͤster/ von Anruffung der Heiligen/ von Bildern auß der Kirchen zumachen/ vnd gar zu- verbrennen: Auch wie sie hoffeten/ der Keyser wuͤrde die Kirch re- formieren; darumb sie auch von Concilien viel herfuͤrsuchten/ wie auch von der Erbsuͤnd/ dem Evangelion/ dem Pfarꝛampt/ den Wercken/ dem freyen Willen/ der Buß/ der Tauff/ dem Abend- mahl/ den Kirchendienern.
Da nun der Keyser ein Mandat vnter dem 6. Mertz 1523. auff dem Reichstag zu Nürnberg ließ außgehen/ dieses Jnnhalts: Vnd gebieten darauff allen vnd saͤmptlich vnd sonders/ von Roͤmi- scher Keyserlicher Macht/ hiemit vnserm offentlichen Edict ernst- lich/ vnd wollen/ daß jhr Staͤnd allesampt/ vnnd jeder besonder/ in seiner Obrigkeit verfuͤge vnd fuͤrsehe/ daß mitlerzeit berührtes
Con- cilii,
allein das heilige Evangelion/ nach Außlegung der Schriff-
O o
ten/
GERMANIÆ PERTVRBATÆ
ten/ von der Christlichen Kirchen approbiert vnd angenommen/ ge- prediget vnd gelehrt/ auch mit allem Fleiß bestellet/ auff daß von allen Predigern ziemlicher Weiß geredt/ vnd gehandelt werde/ in jhren Predigen alles das zuvermeiden/ so zu Vngehorsam/ Vn- einigkeit vnd Auffruhr im heiligen Roͤmischen Reich/ oder die Christen Menschen in Jrꝛung zufuͤhren/ Vrsach geben moͤge: Vnd was vnnuͤtze disputierliche Sachen weren/ sich dieselben zu- predigen vnd zulehren enthalten/ sondern obgemeltes Christlichen
Concilii
Endscheyd zugewarten. Hierauff nahm gemelter Pfaltz- graff/ diß Mandat gehorsamlich an/ ließ predigen/ vnd zwar durch Johann Schwebeln/ den Evangelisten Mattheum/ die Episteln Pauli an die Roͤmer/ an die Galater/ an die Corinther/ neben
Au- gustini
vñ
Chrysostomi
Außlegungen. Vnd weil besagtes Man- dat/ den Ertz- vnd Bischoffen die Obsicht vnnd Bestraffung der Prediger anbefihlt/ schreibet Schwebel in seiner Verantwortung also: Jch hab mich offtmals in meinen Predigten erbotten/ vnd al- le Menschen fleissig vermahnt vnd gebetten/ ob jemand befinde/ daß ich jrꝛen wolte/ wie wir dann alle Menschen sind/ oder/ daß ich zu- viel/ oder zu wenig thaͤte/ oder predigte/ das nicht zu gutem moͤchte erschiessen/ wolte ich guͤtlichen Bericht auß dem Wort Gottes/ mit aller Dancksagung annehmen. Es ist aber weder mein gnaͤdiger Herꝛ/ noch ich/ von vnserm Ertzbischoff/ oder Bischoff/ ersucht worden/ laut deß Keyserlichen Mandats/ ꝛc. Jtem/ es haben auch jhrer viel/ hohen vnd nidern Stands/ etliche meiner Predigten ge- hoͤrt/ vnter denen auch Bischoff sind/ vnd gesagt: Wo ich allweg solche Predig thaͤte/ koͤntẽ sie es nit straffen. Pfaltzgraff Ludwig ließ Anno 1524. ferner etliche Artickel berahtschlagen/ im ersten vnd andern von Menschensatzungen/ Baͤpstlichem Gewalt/ vnd An- sehen der Concilien; mit dem Bericht: Es muͤste Gottes Wort al- lenthalben fuͤrgehen.
Jm dritten/ ob das Abendmal ein Opffer sey/ vnd ob sich es zieme/ vmb Gelt Meß lesen; mit dem Bericht/ daß wir empfahen/ vnd nicht geben/ daß Christus nicht mehr kan geopffert werden.
Jm
ET RESTAVR. DISCVRS. XXV.
Jm sechsten/ daß die Ehe den Priestern in Gottes Wort nicht verbotten sey.
Jm siebenden/ wie sich der Glaubige/ wegen der Speisen/ Feyertaͤgen/ Gesipt- vnd Gevatterschafften in Ehesachen zuhal- ten habe. Hierauff wurd seine Kirchen Ordnung verfasset/ welcher gleichwoletliche/ was die Ceremonien belangt/ auff Verbesserung/ vnd verhofften Vergleich/ außgesetzt worden. Was aber in heili- ger Schrifft zufinden war/ muͤste allein gelten/ als die beyde Ge- stalten deß H. Abendmahls/ vnd daß man die Bilder auß der Kir- chen thaͤt vnd verbrandte.
Jm Jahr 1525. vermaͤhlet jhm Pfaltzgraff Ludwig Fraͤw- lein Elisabethen/ eine Landgraͤffin auß Hessen/ Landgraff Wilhel- men deß aͤltern Tochter/ die jhm das folgende Jahr Pfaltzgraff Wolffgangen gebahr: Vnd starb Anno 1532. in beyseyn eines Edelknaben/ einer Cammermagd/ vnnd
Hieronymi Tragi,
laut dessen eygener Hand.
Schwebel hatte zuvor verschafft/ daß Caspar Glaser auß der Marggraffschafft Baden/ deß jungen Printzen Zuchtmeister wor- den/ der auch nach Schwebels Tod Anno 1540. im Predigampt deß Orts gefolgt/ vnd 7. Jahr hernach gestorben. Schwebel hielte gute Correspondentz mit seinen alten Bekanten/ so fern/ daß auch
Bucerus,
der zu vielen wichtigen Sachen gebraucht ward/ nichts ohne seinen Raht thaͤte. Daß auch Johannes Sturm/ ein Ede- ler auß Straßburg/ auff dem Tag zu Speyer Anno 1529. die aller wichtigste Kirchenhaͤndel nach Schwebels Gutachten verhan- delt: Wie dann auch auff sein Antreiben das Kloster Hornbach reformierte (ob schon dem damaligen Apt/ von Salm/ durch Vor- bitt deß Frawenzim̃ers/ die Vnterhaltung/ wie andern
Canonicis,
die nicht wusten wohin/ gereycht/ vnd der Roͤmische Gottesdienst in einem absondern Gemach vñ Zimmer verstattet gewesen/ biß der Abt nach dem Passawischen Vertrag sich mit etlichen Mobilien vnd Documenten darvon gemacht/ dannenher seinem Bischoff zu Speyer den Posseß vermeynt erhalten haben) vnd eine Schul gantz
Oo ij
gleich
GERMANIÆ PERTVRBATÆ
gleich deren zu Laugingen an der Thonaw/ mit fuͤnff Praͤceptorn/ nach
Sturmii
verfasten Gesatz vnnd Ordnungen auffgerichtet/ da- hin auch der Kloͤster Werßweiler/ Offenbach/ vnnd Dieseboden- berg/ so in dem Fuͤrstenthumb gelegen/ Einkommen vnd Gefaͤlle gezogen worden: Alles nach eyfferigem Trieb Pfaltzgraff Ru- prechts/ deß jungen Wolffgangs Vormunder/ vnd deß verstorbe- nen
Ludovici
Bruder; der im Jahr 1544. die Schuld der Natur auch bezahlt/ vnd seinen Pflegsohn dergestalt vnterwiesen/ daß der- selbige schon Anno 1538. welches war das andere mal/ dem Keyser auff instaͤndiges Anhalten/ großmuͤhtig geantwortet: Er were in seiner Religion gebohren vnnd erzogen; finde sie Gottes Wort allerdings gemaͤß/ vnd gedencke darinn zusterben/ vnd selig zuwer- den.
Nun hatten die Pfarꝛer auff dem Land schon vor Anno 1522. sich zwar vom Roͤmischen Stul nicht anderst abgethan/ als daß sie Eheweiber genommen/ vnd wider einige Mißbraͤuche predigten: Vnter andern der
Curatus
zu Waldmohr/ mit seinen Nachbarn/ vber welchen der Cardinal auß Lothringen bey dem Landsfuͤrsten; wie auch der Ertzbischoff zu Mayntz/ wegen der Cathedral Alten- Glan/ vnd andern Pfarꝛen/ auch der Filial Fluers-Cappeln/ in wel- cher Anthes Prior/ Fruͤhmesser/ ein Weib genommen/ vnd deßwe- gen neben dem Landschreiber Weidenkopff/ auch zween andern Predigern/ vor dem
Nuncio Apostolico
zu Mayntz erschienen. Dieser Nam Prior wird von Lothringen/ biß an den Rhein/ Prevell genannt/ nicht/ als were dieser Anthes selbst/ oder etwan sein Vatter ein Prior gewesen/ sondern/ weil sein Großvatter zu Nurthausen/ gleich vnten an Lautrecken auff dem Glan/ zu Winßweiler vnd zu Oberweiler im Thal gewohnt/ ein still eingezogen Leben gefuͤhret/ vnd ein langen Rock/ wie die Geistlichen/ getragen: Dannenhero man jhn den Preuell in Schimpff vnd Ernst genant. Dessen ei- niger Sohn Diel/ oder
Tilemannus,
hinderließ zwoͤlff Erben/ oder Staͤmme/ vnter welchen erwehnter Anthes/ auch einer ge- wesen.
Die
ET RESTAVR. DISCVRS. XXV.
Die Fuͤrsten vnd Staͤnde befanden sich vmb diese Zeit sehr bestuͤrtzt/ wegen deß allgemeinen Auffstands der Bawren/ im Jahr 1525. Vnd was Thomas Muͤntzer/ der Widertaͤuffer in West- phalen angefangen. Die Clerisey sahe wol/ daß es mehrentheils vmb sie gethan war/ vnd daß der rasende Poͤbel es mit jhnen würde gar auß machen/ wann der Adel/ welcher/ wegen seiner Strengig- keit eben wol verhaßt war/ vnd die andere Oberkeitliche Staͤnde sie nicht bey Gut vnd Blut erhielten. Vnd schon die Vnruh nicht ohne Blutvergiessen/ gedaͤmpfft worden/ koͤnten sie jhnen leichte Rechnung machen/ der Vnwill wuͤrde jmmer herfuͤr brechen. Wie dann von wenig Jahren/ vnd schier die gantze Zeit/ als
Maximilia- nus I.
regiert/ geschehen. Vnd wann das Ediet zu Wormbs auß- gangen/ solte dem Poͤbel mit Gewalt auff getrungen werden/ muͤste nichts anders/ als die Zerruͤttung aller Staͤnde/ vnnd der Vnter- gang der Roͤmischen Keyserlichen/ auch Baͤpstischen Hohheit in Teutschland gantz vnd gar zu Boden gehen. Zu diesen bewegli- chen Vrsachen kame noch die Forcht vnnd der Schrecken vor der Tuͤrckischen Macht/ welche/ wie in Orient/ also auch in Occident/ die Zancksuͤchtigen/ wo nicht/ vereinen/ doch vnter das Joch brin- gen wuͤrde. Vnd was ist ein Regent ohne Vnterthanen/ ein Herꝛ ohne Forcht/ ein Oberer ohne Affection vnd Eyffer? Darumb man billich damaln sagen koͤnnen/ außwendig Angst/ innwendig Schrecken. Vnd wer sahe nicht bey so gestalten Sachen/ daß Vertraͤglichkeit/ biß auff fernere Entscheydung/ das allerbeste? Darumb hielten die Staͤnde einen Tag zu Speyer/ Anno 1526. deme Ferdinand/ Ertzhertzog auß Oesterreich/ im Namen deß Keysers/ seines Herꝛn Brudern beygewohnet: Vnd betheydigten sich solcher Gestalt mit einander/ daß er das Wormbser Edict/ auff welches die Roͤmische vnd der Keyser selbst/ so hoch trange/ ohne ge- wisse Auffruhr nicht were Werckstellig zumachen. Vnd daß in al- len weg vonnoͤhten/ daß ein jeder sein Leben vnd Lehr solcher Gestalt anrichtete/ daß er zuvorderst GOtt dem Allerhoͤchsten/ vnd dann Jhrer Keyserl. May dessen getrawete Rechenschafft zugeben.
Oo iij
Die-
GERMANIÆ PERTVRBATÆ
Dieser Reichsabschied schmaͤlerte das Wormbser Edict/ vnd deß Keysers Ansehen nicht wenig/ vnd gieng ohne scharpffen Ver- weiß nicht ab. Dieweil aber nicht alle vñ jede Staͤnd das Wormb- ser Edict hatten gebilliget/ vnd nun jhrer etliche/ so es damals gebil- liget vnnd vnterschrieben hatten/ auch darvon abwichen/ konte Ertzhertzog Ferdinand nicht anderst/ als den Staͤnden willfahren/ vnd bey dem Keyser die Sach bester massen entschuldigen vnd be- schoͤnen: Zumal er auch sahe/ daß etliche Fuͤrsten vnd Staͤtte/ die Koͤpff zusammen stiessen/ vnnd in Buͤndnuß tretten wolten/ gleich wie er sich vor wenig Jahren mit etlichẽ Bischoffen wider Luthern vnd dessen Anhang verwahret hatte: Vnd dann/ daß die Staͤnde/ wegen deß Tuͤrckenkriegs nichts handeln wolten/ es weren dann jh- re vbergebene Artickel/ das Kirchenwesen vnd den Bapst betreffend/ eroͤrtert. Jn deß gab es ein newen Abfall im Geist- vnd Weltlichen gegen Mitternacht. Als der Mannliche Stamm in Dennemarck außgestorben/ vnd die Staͤnde sich vmb ein ander Haupt vnd Koͤ- nig vmbsahen/ gedachten sie allem Neid vnd Auffruhr vorzukom- men/ ein Frembder/ oder Benachbarter solte jhme besser dienen/ vnd vorstehen/ als ein Jnheimischer: Vnd erwehlten Adolff/ Hertzogen zu Schleßwick vnd Holstein. Dieweiler aber alt/ vnd der Ruh be- gierig/ thaͤt er sich der Ehren bedancken/ welches die Kluͤgsten jhm zu grossem Ruhm vermelden/ der ein Kleines ohne Gezaͤnck/ als ein Grosses mit Feindseligkeit lieber besitzen wollen. Vnd an
Æsopi
Hund gedacht/ welcher ein Stuͤck Fleisch im Maul truge/ vnd den Schatten etwas breit vnd groß ansahe/ gedachte er ein guten nuͤtzli- chen Wechsel zuthun/ vnd sein Handel zuverbessern; schnapt nach dem Schatten/ vnd ließ in deme das Stuͤck auß den Zaͤhnen fallen/ wie er eben auff einem Steg/ oder Bruͤcklein/ vber das Wasser gien- ge. Also betriegt Geitz die Weißheit; darumb jener Bawer zu sei- nes Herꝛn Jaͤger/ der jhm viel schwaͤtzte/ was er vor ein schoͤnen Ad- ler gedachte zuschiessen/ vnnd jhme zuverehren/ wann er nur seiner Mahlzeit/ vnd eines gebratenen jungen Haͤnleins koͤnte theilhaff- tig seyn/ gesprochen: Ein Spatz in der Hand/ ein Kraß in der Schuͤssel/ ein Haͤnlein am Spieß/ ist besser/ dann ein Adler auff dem
Dach/
ET RESTAVR. DISCVRS. XXV.
Dach/ ein Hecht im Fluß/ ein Hirsch im Wald. Vnd zwar/ ist es mit dem Alter also bewand/ daß es an Hitz vnnd Kraͤfften abnimbt/ auch dannenhero sich zu dem End vnd Grabe neyget. Jener Koͤnig in Engelland sahe sein jungen Printzen/ als ein Kind/ mit der Koͤ- nigl. Cron spielen/ vñ sprach mit einem tieffen Seufftzer: O Kind/ wann du wissen koͤntest/ was fuͤr Dornen an dieser Cron/ was fuͤr Gefahr vñ Sorgen vnter vñ vber derselben/ du wuͤrdest sie vnter die Fuͤsse werffen/ vnd gar nicht begehren auff deinen Kopff zusetzen.
Dionysius,
Koͤnig/ oder vielmehr Tyrann zu Syrakosen in Sici- lien/ verstund es eben wol/ da er einẽ vnter seinen Schmeichlern/ der jhn/ wegẽ Koͤnigl. Cron sehr gluͤckselig gepriesen/ an ein wolgedeckte Tafel setzen/ aber ein scharffes blosses Schwerd an ein Pferdshaar/ die Spitz recht auff sein blosses Haupt nach dem Bley gericht/ oben anhefften liesse. Jn was Sorgen dieser Schmeichler gesessen/ wie jhme Essen vnnd Trincken schmecken koͤnnen/ wie er mit Zit- tern vnd Zagen auff das End seines Lebens/ vnd deß Banckets ge- wartet/ kan jeder leichtlich erachten. Vnd eben diß/ sagt
Dionysius,
ist der gluͤckselige Zustand eines Koͤnigs. Was dencken aber die jeni- ge/ mit jenem Roͤmer/ die lieber in einem Marckflecken oben an/ als zu Rom/ nach dem Obersten sitzen: Die zwar Eyd vnd Zusag Ge- wissenhafftig halten/ aber wann ein Koͤnigreich durch Meineyd zu- erlangen wer/ Gewissen vnd Eyd fuͤr Kinderspiel achten/ vnd jeder- man mit Meineyd/ wie man die Kinder mit Poppenwerck/ Wuͤrf- feln vñ Nuͤssen betriegen vnd hinder das Liecht fuͤhren. Vnd was sol man võ den Waghaͤlsen sagẽ/ daß sie jhr Blut an ein Koͤnigreich so manches mal setzẽ/ wann das Gewissen vñ die Seel in die Schantz geschlagen werden/ daß es heist Bischoff/ oder Bader. Muß dero- wegen ein tieffes Nachdencken haben/ der/ was andere mit Verlust Leibs vnd Seelen suchen/ auch angebotten/ nicht mag annehmen. Eben solchen Sinn/ wie Hertzog Adolff/ hatte kurtz fuͤr dieser Zeit Hertzog Friderich in Sachsen Churfuͤrst/ sehen lassen/ als die Chur- vnd Fuͤrsten nach Keyser Maximilians Tod/ jhme die Key- serliche Cron angetragen/ er aber sich/ wegen seines hohen Alters/ entschuldiget/ vnd sonderlich/ daß gegẽ den Tuͤrcken ein hertzhaffter
junger
GERMANIÆ PERTVRBATÆ
junger frewdige Held erfordert wuͤrde: vnd gab damit seine Stimm Ertz-Hertzog Carlen. Wann wir immerdar solche Regenten haͤtten/ entstuͤnden kein innerliche Krieg vnd blieb ein jeder bey dem Seinigen/ dem Nechsten ohne Eintrag. Viel anderst war gesin- net Frantz/ Koͤnig in Franckreich/ der hatte sehr viel vnd grossen Ko- sten gethan/ die Kaͤyserliche Cron zu erlangen/ vnd
Carolo
vorzu- kommen; auch noch mehr verheissen/ mit deme Vorwand/ er kaͤm von
Carolo Magno
her/ vnd graͤntzte an Teutschland: So waͤren auch von vndencklichen Jahren/ Franckreich vnd Teutschland vn- ter einem Haupt/ oder doch vnter Bruͤdern vnd nechsten Blutfreun- den gewesen/ vnd sich wol vertragen. Er besorgte aber/ da der letzte Hertzog in Burgund der Cron Franckreich so hart zugesetzet/ es wuͤrde
Carolus,
als ein frischer junger Herꝛ/ deme neben den Bur- gundischen Landschafften noch etliche Koͤnigreich erblich heimge- fallen/ gantz Franckreich vmbzinglen/ vnd an vnterschiedlichen Or- ten anfallen. Vnd wann er die Teutschen auch an sich braͤchte/ koͤnte er etliche kernhaffte Kriegs-Heer ohne Muͤhe in das Feld bringen/ vnd jmmer vnterhalten. Als er nun sahe/ daß er vmb diese Braut vergeblich hosieret vnd gebuhlet/ fieng er ein Krieg in Lom- bardey an/ wegen deß Hertzogthum̃s Meyland/ das jhm nach auß- gestorbenem Mannsstamm/ wegen seiner Vhr-Großmutter
Va- lentina
solt anverstorben seyn; der vorige Kãyser aber als ein Reichs-Lehen vergeben hatte: anderer Spruͤche vnd Forderungen an Naples/ Sicilien vnd die Lombardey selbsten/ noch von
Carolo
VIII.
seinem Vorfahren herruͤhrend zu geschweigen. Er wurd aber im Thiergarten bey Pavy geschlagen/ gefangen/ vnd in Spa- nien gefuͤhret/ biß er sich mit grossem Gelt/ vnd Verzug auff etliche Landschafften/ gegen Geisel seiner beyden jungen Printzen loß ge- macht. Also thut jhm Neyd selbst leyd/ vnd wird Hochmuth jeder- weilen belohnt.
Nun wider auff vnsern Hertzog Adolffen zukommen/ wolte derselb dennoch ein so koͤstliches Kleynod lieber einem vnter seinen Bluts-Freunden goͤnnen/ als einem Landfrembden; darumb gab er
Anlaß/
ET RESTAVR. DISCVRS. XXV.
Anlaß/ die Staͤnde in Dennemarck solten seiner Schwester Sohn/ den jungen Graffen von Oldenburg/ der sich von Jugend auff an seinem Hoff gehalten/ durch ordentliche Wahl lassen zur Cron ge- langen/ wie auch geschah: Vnd also ward Christiern deß Namens der Erste/ Koͤnig in Dennemarck/ Nordwegen vnnd Schweden: Hinderließ zween Soͤhn/ Johannsen vnd Friderichen. Johannes folget in der Regierung/ vnd bekriegte die Schweden/ so etwan wi- derspenstig sich erzeigten/ vnd mit den Luͤbeckern zuhielten. Koͤnig Johannes wolte die Cron in seinem Hauß bevestigen/ darumb ließ er seinen Sohn/ Christiern den Andern dieses Namens/ gleich im sechsten Jahr seines Alters eroͤnen/ vndlebte noch sechs vnd zwantzig Jahr/ also daß
Christiernus
II.
die Regierung angetretten/ Anno 1514. Die Schweden trugen das Daͤnische Joch mit grosser Vngedult/ wurden durch den Koͤnig verreitzt/ insonderheit/ da er dem Steen/ deß gewesenen Regenten Suanton Sohn/ ein Schiff auß dem Haaffen vor Luͤbeck hinweg genommen: Vnd wurffen Steen Sturen auf zu einem Gubernator/ oder Hertzogen/ der in ei- nem Treffen geblieben/ vnd von den seinen ehrlich begraben/ aber nach verlohrnem Sieg/ von den Daͤnen mit Spott vnd Straaff wider außgegraben worden/ im Jahr 1520. doch konten die Schweden nicht lang still sitzen/ sonderlich/ da Gustaff Erichs Sohn/ sie widerumb zum Abfall reitzete/ vnter dem Schein/ er alles deß Steens Kindern zum besten thaͤte. Dann Gustaff Troll der Ertzbischoff zu Vpsalen/ konte sich mit Steenen nicht ver- tragen/ bevorab/ weil Steen deß Reichs Verwaltung/ so der Adel seines Vatters Brudern/ dem Erich Trollen auffgetragen/ durch Gunst deß gewesenẽ Manns entzogen/ vñ zu sich gerissen hatte. Als er aber mit gutem Gluͤck gewaltig worden/ nahm er das Koͤnigreich ein/ vnnd vermaͤhlet sich mit Hertzog Magnussen von Sachsen/ zur Lourenburg Tochter. Vnd hatte zu diesem Abfall Anlaß ge- geben/ daß Koͤnig Christiern nach erhaltenem Sieg/ vnd deß Stee- nen Tod/ durch den Ertzbischoff Trollen seinem Vettern/ vnd ge- trewesten Freund/ die Staͤnde/ wegen verletzter Majestaͤt/ vnd gros-
Pp
ser
GERMANIÆ PERTVRBATÆ
ser begangener Schmach ließ offentlich anklagen/ vnd vier vnd neuntzig der fuͤrnembsten Herꝛn/ auff offentlichem Marckt vervr- theilen vnd enthaupten/ vnd die Coͤrper/ auch der zween Bischoͤff/ so vnter dem Hauffen/ vor dem Rahthauß/ zu groͤsserem Schre- cken liegen/ vnd den Wittwen vnd Waisen jhre Guͤter einziehen: Dorffte auch noch ruͤhmen/ er bezeugete sich dardurch/ als einen gehorsamen Sohn der Kirchen/ vnnd vollzoͤge den Baͤpstischen Bann an den verruchten Ketzern/ welches auch der Bapst hernach gebilliget/ vnnd gut geheissen/ aber nicht die Staͤnde in Denne- marck.
Vnd weil dieser Gustaff sich wunderlich auß seinem Arrest/ vnd deß Erich Bannern Verwahrung/ vnter einer angemaßten Jagt/ nach Luͤbeck/ vnd hernach zu den Berg- vnd Ertzleuten/ den Dalekarlen gemacht/ vnd seiner Hand entrunnen war/ lieff jhm das Volck zu/ also/ daß jhn die Staͤnd Anfangs zum Gubernator ge- macht; vnd damals erobert er etliche Staͤtte/ wie auch Stockholm nach einer langen Belaͤgerung. Also verlohr Christiern das Koͤnig- reich Schweden/ vñ hatte sonst daheim in Dennemarck alle Gunst verloren/ dann er Torbern Oxin Commendanten im Schloß Cop- penhagen/ wegen seiner Beyschlaͤfferin Diwick/ wider der Staͤnde Vrtheil hinrichten/ zog den Sibritten vnnd andere Bawren/ dem Adel vor/ vnd Betrog die Schweden/ als er Geisel/ vnter denen auch Gustaff war/ von jhnen genommen/ vnd Tyrannisch hau- sete. Darumb/ als er foͤrchtet/ es wuͤrde solcher Vnwill mit Ge- fahr seines Lebens/ außbrechen/ jhn auch Hertzog Friderich/ seines Vatters Bruder/ sampt denen von Luͤbeck/ feindlich vberziehen wolten/ flohe er mit seiner Gemahl Jsabella/ Keyser Carlen leibli- cher Schwester/ vnnd seinen Kindern/ nach Seeland/ Sicherheit deß Leibs/ in seines Schwagers Gebieth suchende. Bald dar- nach setzten jhn die Staͤnde ab/ vnnd gaben
Magnus
Munichen/ dem Richter in Juͤtland/ das Absagschreiben zu vberlieffern/ der dann zu Christiern kommen/ vnd bey der Taffel seine Handschuh/ darinnen die Abdanckungs-Brieffe stacken/ mit Fleiß liegen lassen/
in ei-
ET RESTAVR. DISCVRS. XXV.
in einem Schiff eylend sich nach Holstein gemacht/ vnd ein ander Schreiben von den Staͤnden Hertzog Friderichen eingehaͤndiget/ Krafft dessen er zum Koͤnig erwehlet vnd beruffen wurde. Welches er dann theils auß Haß gegen Christiern/ seines Bruders Sohn/ theils auß Forcht/ wegen seines gantzen Stammes Vntergang vnd Verfolgung/ vnd dann auß ein wenig Ehrgeitz angenommen. Christiern sahe wol/ worinn er bißher gefehlet/ vnd haͤtte sich gern gebessert/ wann er nur/ wegen der Zeit/ vnd seines harten Gemuͤhts/ daran kommen moͤgen. Doch fielen jhm die Fionen/ Sialaͤnder vnd Scanen wider zu. Vnd weil er bey seiner Gemahlin Bruder/ Keyser Carlen; bey Churfuͤrst Joachim zu Brandenburg seiner Schwester Mann; vnd bey Hertzog Friderichen/ Churfuͤrsten in Sachsen/ seiner Mutter Bruder/ vergeblich vmb Huͤlff angesucht/ weil seine Vntugenden theils laͤngst bekant/ theils durch Außschrei- ben je laͤnger je mehr verrucht wurden/ auch ein jeder mit sich selbst zuthun hatte/ vnd zumal der Hanseestaͤtten Macht/ wegen Baaer- schafft vnd Schifffahrten nicht wenig zufoͤrchten/ gieng alles ver- loren. Dann es kam Hertzog Friderich/ der newe Koͤnig/ mit achtzig tausend Mann angezogen/ vnd vberwaͤltiget alles/ macht auch mit Gustaff in Schweden gute Nachbarschafft/ (vnd dieser Gustaff vberzeugt etliche Bischoffe jhrer Vntrew/ benahm jhnen die grosse Einkommen/ vnnd verbot jhnen alle weltliche/ sonderlich Regie- rungshaͤndel) vnd fuͤhrte wider der Bischoffe Danck/ die Lutheri- sche Religion ein/ setzte an statt der Bischoffe/ ein gewisse Anzahl
Superintendenten,
welche auff alle andere musten ein wachendes Aug halten. Vnd damit er sich/ wegen deß Keysers/ nichts zube- fahren haͤtte/ fuͤgt sichs eben/ daß derselb in Navarꝛen/ Jtalien/ vnd Flandern mit dem Frantzosen/ so in truͤbem Wasser gefischet/ beyde Faͤuste voll zuthun/ vnd der Teutschen Krieg im Sinn hatte. Auff daß nun keiner den andern hinderte/ versprach Koͤnig Friderich sich der Teutschen nicht anzunehmen; vnd der Keyser dem vertriebenen Koͤnig Christiern keine Huͤlff zuleysten.
Pp ij
Vnd
GERMANIÆ PERTVRBATÆ
Vnd dieses ist die edle Regierkunst/ genannt
Raison d’ Estat,
daß dieser seines Brudern Sohn vertreibet/ vnd seines Glaubens- genossen verlaͤst/ auch ein gantz Koͤnigreich in die Schantze schlaͤgt/ wann er nur sich vest setzen kan; jener seine Schwester/ mit dreyen Kindern/ neben dem Schwager im Elend laͤst/ daß er nur seinen Zweck erreichen moͤge. Also ist die gnaͤdige Fraw
Raison d’ Estat,
vber das Gewissen/ vnd wider alle Blutsfreundschafft. Man wil zwar dem Florentinischen
Secretario,
oder geheymen Raht
Machiavelli
Schuld geben/ als kaͤme diese Tochter von jhm/ die er mit Fraw Vnhold/ oder Tyranney/ gezielet haͤtte. So wenig aber
Æsopus
die stumme Thier reden gemacht/ daß er jhnen diese vnd jene Gedancken vnd Außspraach hochverstaͤndiglich zugemes- sen: Vnd so wenig
Hippocrates
vnd
Galenus
einige Kranckhei- ten beybringen/ in deme sie von allen kranckbarlichen Zufaͤllen leh- ren/ reden vnnd schreiben; sondern lassen ein jede Natur/ wie sie ist: So wenig hat auch
Machiavelli
diese vnzeitige Geburt/ vnd diß Ottergezuͤchte an deß Tages Liecht gebracht. Dann er dorffte kei- ne Histori/ daß sein Herꝛ darinnen wuͤrde angezepfft/ schreiben/ vnd wolte dannoch desselben Thun vnd Lassen in Schrifften bringen: Also stellet er jhm fuͤr/ einen Burgersmann/ der durch groß Reich- thumb sich beliebt gemacht/ vnd vber allen Neid empor geschwun- gen/ das Regiment allgemach an sich zureissen. Vnd wie ein sol- cher von einem Moͤnch im Kloster erlernet/ man muͤste zuforderst in heiliger Einfalt daher schleichen/ auff die Erden jmmer sehen/ vnd nicht ehe vmb sich sehen/ vnd gutes Muhts werden/ man habe dann die Schluͤssel zur Abthey gefunden.
Es macht aber
Machiavelli
einen solchen Schluß auß vor- angesetzten Gründen: Welcher Mensch sich begehrt groß zuma- chen/ vnd suchet andern auff die Koͤpffe zusteigen/ der halte diese vnd jene Regeln in gutem Gedaͤchtnuͤß: Der brauche alle vnnd jede Mittel/
Raison d’ Estat
wird alles entschuldigen: Der bediene sich der Religion/ wie auch seines Eyds/ in grossem Eyffer/ zu seinem mercklichen Nutzen/ vnnd was dergleichen wolbereitete Bißlein
Rai-
ET RESTAVR. DISCVRS. XXV.
Raison d’ Estat
kochet/ vnd saͤuberlich anrichtet/ auch dem Gau- men vnd Schlund sehr angenehm machet/ ohne Noht/ wie es end- lich auff ein Graͤmen/ Zittern vnd Zagen/ ja Verzagen außlauffen moͤge.
Vnd eben diese
Donna
regierte in Hispanien/ vnd bey dem Bapst: Dann dieser sahe vngern/ daß
Carolus
so hoch gestiegen/ vnd wol wider die vhralte Vertraͤge/ daß kein Koͤnig zu Neapels solte Roͤmischer Keyser werden moͤgen/ welchen hoͤckerichten Berg gleichwol
Carolus
Anfangs mit rohtem Gold wissen abzutragen/ vnd eben zumachen/ das Keyserthumb anzutretten/ nicht genugsa- men Eyffer wider die Lutheraner erwiese/ vnd den groͤsten Potenta- ten nach jhm in der Christenheit gedaͤmpffet/ vnnd gefangen hielte/ auch bald dem Roͤmischen Stul die Fittich beschneiden moͤchte; darumb macht er einen Bund mit dem Frantzosen/ vnd Engellaͤn- der/ auch Venetianern/ einem so maͤchtig hereinbrechenden Gewalt einen Riegel zuschiessen.
Carolus
aber hielt den Frantzosen bruͤ- chig/ weil er nicht jede Artickel seiner Freyzehlung erfuͤllete; vnd den Bapst vmb nichts besser/ weil er solches billigte/ vnd noch mit einem Bund bekraͤfftigte. Darumb gab jhm
Raison d’ Estat
diesen Raht/ er solte durch gantz Hispanien deß Bapsts Ansehen schmaͤ- lern vnd auffheben/ vnd der weiten Welt bezeugen/ es koͤnne die Kir- chenlehr vnd Zucht gar wol ohne Bapst bestehen. Welcher Punct dann schier nahe aͤrger/ als Luthers sonderliche Lehre. Vnd hier- durch vberklaͤusterte
Raison d’ Estat
allen Neid vnnd Widerwil- len/ daß einer haͤtte sagen sollen/ lachen were wahr/ wann diese wider- sinnische Gemuͤhter einander begegneten.
Diesem/ vnd keinem andern Heiligen hatte Koͤnig Christiern zudancken/ daß er huͤlffloß gelassen/ im Elend/ ja im Gefaͤngnuͤß sieben vnd zwantzig Jahr zugebracht/ vnd sein leben also jaͤmmer- lich darinnen geendet: Sonderlich aber/ daß er die Hollaͤnder seinen Lands Vnterthanen fuͤrgezogen/ vnd jhren Fleiß in den Bedienun- gen so hoͤchlich gepriesen/ daß er der Nation das Helsinghor/ nach dem Amaka wollen einraͤumen/ aber nicht allerdings koͤnnen ley-
Pp iij
sten/
GERMANIÆ PERTVRBATÆ
sten; gleichwol viel Außlaͤnder in die Landschafften eingebracht: Vnd daß sein Sohn/ genannt der Printz vnnd Erb der Koͤnigrei- chen Dennemarck/ Nordwegen vnnd Schweden/ an deß Keysers Hoff nichts erlangt. Vnd im Jahr 1532. vnter wehrendem Reichs- tag zu Regenspurg/ in dem fuͤnff- oder sechszehenden Jahr seines Alters/ Tods verfahren: Ob schon die Koͤnigliche Fraͤwlein et- was besser Gluͤck gehabt/ vnnd zwar Christina mit Frantz Sfor- tia/ dem widereingesetzten Hertzogen zu Meyland erstmals/ her- nach mit Hertzog Frantzen von Lothringen/ Hertzog Carls Vat- tern: Vnd dann Dorothea mit Hertzog Friderichen/ Pfaltz- graffen bey Rhein/ welcher nachmals zur Churfuͤrstlichen Regie- rung kommen/ sind vermaͤhlet worden.
Hie moͤchte man abermals gedencken/ so die Oesterreichi- sche Landvoͤgte gantz Schweitzerland koͤnnen verschertzen/ war- umb ein Koͤnig nicht solte sein eygen Koͤnigreich zuverspielen Macht haben? Doch were es besser/ daß die Obere regierten/ wie Vaͤtter; vnd die Vntere/ wie gehorsame liebreiche Kinder lebten/ so wuͤrde man solches Vnwesens keinerseits bedoͤrffen. Wann aber ein Herꝛ die
Raison d’ Estat,
zu weit laͤßt einreissen/ vnd jhr die geheime vnd Land Cantzley anvertrawet/ kompt endlich der Freyherꝛ Eygen- sinn/ vñ geust das Kind mit dem Bad auß/ daß ein solcher sein
Rai- son,
vnd gleich darauff sein
d’ Estat
geknipfft/ oder saͤsse jhm in dem Schooß; ja der Staad mit nohtvesten Ketten an den Himmel/ vnd dessen Seulen gebunden. Darumb laßt euch sagen/ jhr Koͤnige/ vnd laßt euch weisen/ jhr Richter auff Erden. Der Vnterthanen Koͤpff wachsen nicht wider/ wie die Krebsscheren: Es ist doch kein bessere Leibwacht/ als der Vnterthanen Trew. Vnd was hat den Marg- graffen von Brandenburg/ deß Teutschen Ordens Meistern/ in Preussen bewogen/ sich in die Ehe zubegeben/ vnd die Land zu Le- hen zunehmen/ oder auch/ jhn Huͤlffloß zulassen/ vnd auff einer an- dern Seiten zum Lehenmann zumachen/ die Kirche sage darzu/ was sie jmmer wolle/ als eben dieser geheime Raht
Raison d’ Estat?
Welcher sich dann allenthalben mercken ließ. Dieser Orden kam
auff
ET RESTAVR. DISCVRS. XXV.
auff/ Anno 1190. als Keyser Friderich gegen den Vnglaubigen in Preussen zu Feld lage; bezwang Preussen zum Christlichen Glau- ben/ Anno 1215. vnd fieng an auß grossem Reich thumb/ luͤstern vnd lasterhafftig zuwerden; darumb fiel das Land ab/ vnd er gab sich im Jahr 1419. an Casimirn/ Koͤnig in Polen. Noch ein groͤsser Ab- bruch geschahe/ als in Anno 1457. der Meister die Marienburg mit etlichen Staͤtten vnd Schloͤssern/ vmb 476000. Guͤlden dem Koͤnig in Polen verkauffte: Von welcher Zeit an/ weil der Orden/ vnd die nachfolgende Meister jhr altes Recht wider suchten/ ein jm- mer wehrender Krieg zwischen jhnen/ vnd dem Koͤnig in Polen/ ent- standen/ vnd biß auff Marggraff Albrechten von Brandenburg/ den drey vnd dreyssigsten aber letzten Teutschen Meister/ so Anno 1511. gewehlt worden/ fortgangen. Koͤnig Casimir hatte sie hart ge- schlagen/ vnd sein Sohn Koͤnig Sigmund war jhnen weit vberle- gen. So hatte auch laͤngst zuvorn der Koͤnig in Polen sechs tau- send Hussiten/ die man vor vnvberwindlich selbiger Zeit hielte/ auß Boͤhmen kommen lassen/ die den Teutschen Herꝛn grossen Ab- bruch gethan/ vnd sie/ biß nach Koͤnigsberg getrieben/ viel Schar- muͤtzel/ aber keine Feldschlacht gehalten. Marggraff Albrecht thaͤt sein bestes/ kam in Person nach Nuͤrnberg/ vnnd suchte Huͤlff bey dem Roͤmischen Reich. Aber der Keyser hatte sich mit dem Fran- tzoͤsischen Krieg vertiefft/ so war der Tuͤrck in Hungarn eingefal- len/ vnd Teutschland mit den Bawren verworꝛen/ daß er daselbst kein Huͤlff/ noch Trost zuhoffen sahe. Darumb vertrug sich Marggraff Albrecht mit dem Koͤnig in Polen/ weil kein andere Vrsach/ so vielen vnd langen Blutvergiessens gewesens/ als daß die Teutsche Herꝛn der Cron Polen nicht huldigen wollen. Die- ser Marggraff Albrecht/ war Marggraff Friderichen zu Onoltz- bach/ vnd
Sophiæ,
Koͤnig Sigmunds in Polen Schwester Sohn/ vnd zehlete drey verheurathete/ vnd vier geistliche Bruͤder. Er vntergab sich der Cron Polen/ Anno 1525. mit herꝛlichem Vor- behalt/ daß er der naͤchste nach dem Koͤnig/ auff allen Reichs- Taͤgen solte sitzen/ vnnd daß die Gerichtsstellen in Preussen/
von
GERMANIÆ PERTVRBATÆ
von selbigen Staͤnden besetzt; vnd da einiger Streit zwischen jhm vnd dem Koͤnig entstuͤnde/ solcher zu Marienburg/ oder Elbingen/ durch newbeeydigte Richter entscheyden wuͤrde. Doch solten die Vnterthanen/ da der Fuͤrst sie wider Billigkeit vnd Landrecht be- schwehrete/ den Koͤnig in Polen/ ohn einige Schmach der Auff- ruhr/ vmb Rettung frey anschreyen moͤgen.
Jn dem nun die Huldigung geschehen/ nam dieser Hertzog Al- brecht Luthers Lehr an/ ließ den Orden fahren/ macht jhm Preussen eygen vnd erblich/ vnd wurd nicht mehr der Hochmeister Teutschen Ordens/ sondern Hertzog in Preussen genannt; vermaͤhlet sich mit Dorothea/ Koͤnig Friderichs in Dennemarck Tochter/ vñ stifft die hohe Schul zu Koͤnigsberg. Dieses verdroß den vbrigen Orden so sehr/ daß sie Walthern von Cronberg zum Hochmeister erwehl- ten/ der den Hertzog Albrechten auff allen Reichstaͤgen verklagte/ vnd Huͤlff wider jhn suchte. Der Hertzog aber ließ eine Schutz- schrifft außgehen/ vnd erwiese/ daß er gantz verlassen/ das eusserste haͤtte fuͤr die Hand nehmen muͤssen.
Vnd weil die Roͤmische Religion darunter hoͤchlich leyden muste/ hub der Keyser auff deß Cronbergers Anhalten/ Anno 1530. denselben Vertrag auff/ als der zu grossem Nachtheil deß Roͤmi- schen Reichs gereychte/ vnd erkante jhr für nichtig. Doch wurd endlich der Hertzog von dem Cammergericht zu Speyer gar in die Acht erklaͤret.
Wie nun der Koͤnig in Polen solches vernommen/ ließ er durch seine Bottschafft/ auff dem Reichstage fuͤrbringen/ Preus- sen were von Alters hero der Cron Polen Lehen/ welches der Cron- berger verlaͤugnete/ ob schon das Land dem Polen jederweilen durch Gewalt vnd Zwang/ den vhralten Vertraͤgen zuwider/ haͤtte schwehren muͤssen. Gleichwol blieb Hertzog Albrecht in seinem Besitz/ biß er Anno 1568. im acht vnd siebentzigsten Jahr seines Alters/ gestorben/ hinderlassend auß zweyter Ehe/ Hertzog Albrecht Friderichen von fuͤnffzehen Jahren. Also erhielt der von Cron- berg/ vnd seine Nachfahren/ im Hochmeisterampt die Guͤter/ so
hin
ET RESTAVR. DISCVRS. XXV.
hin vnd wider im Reich den Teutschen Herꝛn zugehoͤreten/ muste aber Preussen vor verlohren schaͤtzen. Luther vermahnet den Chur- fuͤrsten zu Mayntz/ auch auß dem Hauß Brandenburg/ er solte sei- nem Vettern in Preussen folgen/ vnd das Ertzstifft zu einem Erb- fuͤrstenthumb machen/ ein Eheweib nehmen/ vnnd Kinder zielen. Nun sehe nur allhie einer/ ob nicht
Raison d’ Estat
zwey Angesich- ter trage? Jener verlaͤst sein Orden/ vnd nimpt ein Weib: Dieser bleibt im Orden ohne Weib/ alles
par Raison d’ Estat.
Eben also bekam Carlen von Bourbon/ ein Frantzoͤsischer Fuͤrst von Koͤniglichem Gebluͤt/ die Hummeln im Kopff/ als er ein Proceß/ wegen einiger Lehen vnd Erbfalls verlohren/ daß er zum Keyser vberfiel/ vnd wider sein eygen Vatterland dienete/ vnd mit dem Lutherischen Obrist Fronßberg Rom einnahm/ daher nach sei- nem Fall im ersten Anlauff/ der Bapst selbst muͤssen in die Engel- burg weichen/ viel Hohn vnd Spott hoͤren/ vnd grossen Jammer müssen in der Statt sehen/ auch sich selbst auff sehr beschwerli- che Artickel frey/ loß vnnd ledig gemacht. Vnd das war allerseits
Raison d’ Estat.
Ein schoͤnen Alamodischen Rock legt man dieser Damen an/ genannt
Revers,
daß ein vnd ander vnrechtmaͤssiges verfahren/ ins kuͤnfftige nicht verfaͤnglich seyn soll/ gefuͤttert mit
Schalck vnd Fuchsbaͤlge/ gebraͤmet mit Sincerationen. Vnd auff diese Weiß verlohr jener Bawer all sei- ne Kuͤh auß dem Stall/ vnd die Gaͤnß noch darzu.
Qq
Der
GERMANIÆ PERTVRBATÆ
Der sechs vnd zwantzigste Discurß.
Wie der Keyser mit dem Bapst/ wegen eines
Concilii,
geredt
.
Wie der Bapst zwischen dem Keyser vnd Frantzosen muͤssen la, vieren. Wie die Protestierenden ein Bund zumachen angefan- gen. Auff dem Reichstag zu Augspurg jhre Bekantnuß vber- geben/ vnd von demselben gar nicht weichen wollen. Was da- selbst geschlossen/ vnd Vrtheil vber solche Proceduren.
D
J
e
weil das Wormbser Edict nicht wolte statt finden/ vnd gleichwol der Keyser solches jmmerzu triebe/ prote- stierten etliche Staͤnde/ zu Speyer wider dasselbige/ von der Zeit an Protestierende genannt. Vnd weil mit/ Worten allein nichts außgericht/ suchten die Verstaͤndigste/ ob man sich mit einander vergleichen koͤnte/ oder nicht.
Vnd/ ob man dann die Waffen ergreiffen solte? Dann es war kundbar/ daß der Keyser zwar mit dem Bapst war auffstoͤssig worden/ daß es auch in Rom deßwegen vbel stunde/ sich aber mit jhme wider verglichen/ vnnd zu Bononien ein sonderlich Ge- spraͤch gehalten/ aber zuvor vieler hochweisen Leute Bedencken eingeholt/ deren etliche dem Keyser die Waffen/ etliche ein
Con- cilium
gerahten/ welche letzte Meynung/ als ausser grosser Ge- fahr/ er jhm vorder ersten/ gefallen ließ/ darumb auch sein Cantz- ler
Mercurinus
dem Bapst/ diese seine Meynung vorgetragen. Deme aber der Bapst angedeutet: Erstlich/ gebuͤhre jhm/ dem Bapst/ von dem grossen
Concilio
zu
Nicea
gehalten/ das
Conci- lium
zubeschreiben; darnach befinde er es nicht vortraͤglich/ we- gen der Ketzer Halßstarrigkeit. Vnd als
Mercutinus
auff Be- fehl zu widersprechen angefangen/ entruͤst sich der Bapst/ vnnd sprach jhm darein: Was darffstu dich mir widersetzen/ vnd deinen Herꝛn wider mich auffziehen? Da nahm der Keyser das Wort/
vnd
ET RESTAVR. DISCVRS. XXVI.
vnd thaͤt ein kluge vnd bescheydene Rede/ entschuldiget zu erst seine Jugend/ erwiese/ daß er auß vieler verstaͤndiger Leute Beyrahten so viel erlernet/ daß ein
Concilium
der Kirchen zum allerhoͤchsten noht thaͤte. Darumb bestehe er in seinem Fuͤrnehmen/ vnnd wer- de dahin nicht zubringen seyn/ daß er zugleich/ was gut bey der Re- ligion ist/ mit dem boͤsen solte außrotten lassen. Hieruͤber saß der Bapst mit seinen Hoͤfflingen vmb etwas bestuͤrtzt/ gab es vm̃ etwas wolfeiler/ vnd sagt: Er wolte sich mit seinen Cardinaͤlen daruͤber berahten: Erhielte doch so viel/ daß
Carol
u
s
versprach/ alle muͤg- liche Wege fuͤrzunehmen/ daß die Lutheraner wider zur Roͤmischen Kirchen kehreten/ vnd wann es nicht anderst seyn wolte/ sie mit Ge- walt dahin anzuhalten.
So stunde dann das Roͤmische Reich in hoͤchster Gefahr/ in- wendig mit Vnruh vnd Zwyspalt getrennet/ außwendig von dem vbermaͤchtigen Tuͤrcken/ vnd von dem wanckelmuͤhtigen Frantzo- sen angefochten. Vnd ist nicht ohne/ der Bapst/ als ein Haupt der Occidentalischen Christenheit/ hatte zwar das Geistliche eygentlich zuverwalten: Weil aber das Weltliche auch jederweilen in das Geistliche laufft/ muß jhm deßwegen ein grosses Ansehen auch dar- uͤber zuwachsen. Wann nun derselbe sich/ als einẽ allgemeinen geist- lichen Vatter bezeuget/ moderiert er alle Ding vnter seinen Kindern zum allerbesten; laͤßt jhnen den Zaum jederweilen lang/ jeder weilen ziehet er denselben an sich/ vnd vnterrichtet seine Kinder/ daß nicht allemal Seelet/ was wol Leibet; auch nicht allemal Gewinn ist/ wann mancher grosser Potentat/ wie ein grosser Hecht in einem Fischteich/ die Kleinen verschlinget/ vnd von jhrem Fleisch vñ Blut sett vnd starck wird. Dannenhero hat er ein wachendes Aug auff der Potentaten Verbuͤndnuͤssen/ lencket vnd wendet dieselben nach be- ster Maaß/ zu der Kirchen Auffnehmen vnd Wolfahrt. Darumb muste der Bapst zu dieser Zeit sonderliche Sorg tragen/ weil Spa- nien vñ Franckreich die gantze Welt gegen Nidergang in zwo Par- theyen spaltetẽ. Dann in Erwegung der Frantzoͤß jhre weitlaͤufftige Ding ohnlaͤngst eingebildet vnd fuͤrgenommen/ einen Durchgang durch das Alpengebuͤrg in die Lombardey/ da von dannen ein
Via
Qq ij
Appia,
GERMANIÆ PERTVRBATÆ
Appia,
biß gen Neapels sich legte/ vnd er eine Bruͤcke von
Otran- to,
oder
Palermo
naher Constantinopel woͤlben koͤnte: Aber den Roͤmischen Stul in dessen nicht wenig versehrete/ befand der Bapst mehr auff der Cardinaͤl Beyrahten/ als auß eygener Zuneygung/ daß die Schaal an der Wage/ auff Frantzoͤsischer Seiten vmb et- was zu vberwichtig/ vnd daß wegen deß
Æquilibrii
der Roͤmische Stul dem Hauß Castilien sich solte zulegen. Aber es wolte schier wider wolgefaste Gedancken außschlagen/ in dem sich mit deß Roͤ- mischen Stuls
Favor
vnd Vortheil das Gluͤck zuviel auff diesel- bige Seiten gelegt/ da Castilien/ Navarꝛen/ Arragon/ Burgund/ Neapels vnd Sicilien/ Oesterreich vnnd das Keyserthumb selbst/ auff einen Hauffen zusammen geschmoltzen/ vnd einen sehr hohen Berg gemacht: Darzu noch dieses/ daß
Franciscus I.
der doch die von der Roͤmischen Kirchen Abtruͤnnige zum eussersten verfol- gete/ welches der Keyser noch gar nicht in Teutschland/ ob schon in den Niderlanden/ vnterfangen hatte; sonsten ein kluger/ verstaͤndi- ger/ gelehrter/ vnnd in allen Stuͤcken Kriegserfahrner Held war/ wider Menschen Gedancken/ eine grosse Schlacht wider die Spanier im Thiergarten vor Pavy verlohren/ selbst gefangen worden/ nicht nur Land vnnd Leut/ sampt andern hohen Gerech- tigkeiten vnd Anspruͤchen begeben muͤssen/ sondern auch sein Koͤ- nigreich an Mitteln/ vor seiner Person/ seiner Soͤhnen/ als an deß Vattern statt hingegebenen Geyseln/ vnd so vieler vngluͤcklichen Fürsten/ Edlen vnd Kriegsleuthen Stammen zum allertieffesten erschoͤpfft. Ja es nam der Vbermuth/ nach Menschlicher Schwachheit/ wo nicht bey dem Kaͤyser selbst/ doch bey seinem Krie- gesvolck dergestalt vberhand/ daß sie Rom mit Sturm erobern/ vñ jhre Baͤpstliche Heyligkeit in der Engelburg/ durch Hunger vnd Mangel/ zu einer schimpfflichen Vbergab bezwingen doͤrffen; der Cardinaͤlen vnd Buͤrgerschafft Vngemach zu geschweigen. Da das allervnertraͤglichste war/ dz gantze Regiementer vnd Obersten der Lutherischen Lehr zugethan/ dem Kaͤyser dienten/ vnd bey solcher Begebenheit das Heiligthumb vnd geweyhete/ Bullen vnd Ablaß- Brieffe vnter die Fuͤsse wurffen/ vnd den Pferden vnterstreweten/
mit
ET RESTAVR. DISCVRS. XXVI.
mit vnglaublichem Gespoͤtt vnd Vbermuht. Wie dann dieses herb vnd schmertzlich/ also konte kein Entschuldigung/ die gleich- wol Complimentsweiß/ vnd auff gut Hoffrecht angenommen/ vnd geschehen moͤchte/ helffen/ daß nicht der Roͤmische Stul dem gros- sen (Spanischen) Gewicht etwas abnehmen/ vnnd der andern Schaal allgemach wider beylegen solte. Bearbeitete sich dem- nach der Bapst besten Vermoͤgens/ wie Franckreich wider vnter- stuͤtzt/ vnd gegen Castilien in gleiche Wage gebracht wuͤrde.
Vnd hier fielen zwo Beschwerlichkeiten ein/ daß Franckreich zwar von etlich hundert Jahren dem Roͤm. Stul trewe Huͤlff vnd Gutthaten erwiesen/ aber inmittelst die
Pragmatica Sanctio,
oder die Freyheit der Gallicanischen Kirchen im Schwang bliebe/ auch nicht nur einmal/ sonderlich mit
Bonifacio
VIII.
schlimme Haͤn- del daruͤber vorgangen. Ja/ daß der Koͤnig die Praͤbenden seines Reichs/ etlicher wenigen außgenommen/ ohne deß Roͤm. Stuls Vorwissen vnd Belieben/ als weltliche vnd verstorbene Lehen/ nach seinem Gefallen/ auch wol den Kindern in der Wiegen/ jhrer Vaͤt- ter Welt- vnd Kriegsdienste zubelohnen/ außtheilete.
So zeugten die Jahrbuͤcher mit mehrerm von der Albigen- ser Ketzerey/ vnnd der Graffen zu
Tolosa
Kriegen wider die Roͤmi- sche Kirch/ so leichtlich wider entstehen moͤchten. Vnd auch die Koͤnigin zu Navarra/
Francisci
Schwester/ den Ketzer vnverhoh- len Vnterschleyff gabe/ auch jhren Bruder dahin vermoͤcht/ daß der
Stapulensem
in seinen Schutz genommen/ vnnd vnter dem Schein einer sonderlichen Begierd zu freyer Wissenschafft/ die be- ruffenste Ketzer auß Teutschland beschrieben/ vnnd durch grosse Jahrsbestallungen an sich zubringen begehrte. Ob dann nicht auß Vorwitz alles zuerforschen/ vnd auß Vermessenheit alles zu- verstehen/ ein solcher Geist durch das subtile Gifft der Ketzerey an- zuzuͤnden/ vnd zuverkehren were? Gleichwol war auff der andern Seiten der grosse Abfall in Teutschland vor Augen/ der sich in die gantze Christenheit erstreckte/ vnnd dem Roͤmischen Stul alle vier Pfeiler entziehen vnd vmbreissen konte.
Qq iij
Wie
GERMANIÆ PERTVRBATÆ
Wie dann auch etliche hohe Praͤlaten im Verdacht der Ke- tzerey lagen. Darumb hielt es der Roͤmische Stul dieser Zeit eus- serlich mit dem Keyser/ im Hertzen aber mit dem Frantzosen/ vnnd doch mit keinem/ wegen jhrer Wanckelmuͤhtigkeit/ gantz auffrich- tig: Wie man dann in Staadssachen einig vnd allein auff den Nutzen pfleget zusehen. Zu dem hatte sich der Keyser/ als er noch in Braband war/ gegen dem Roͤmischen Stul etwas vnfreund- lich erzeigt/ da er zwischen dem Bapst vnnd
Alphonso
von Ferrar zum Scheydsmann genommen/ vber zwo strittige Staͤtte/ dem Hertzogen zum besten gesprochen. Welches dann vngleiche Ge- dancken vervrsachet/ als ob er deß Roͤmischen Stuls wenig ach- tet/ oder desselbigen Gunst mit Fleiß verschertzte; hingegen aber mit deß Roͤmischen Stuls Nachtheil/ die Fuͤrsten in Jtalien such- te zuverbinden/ vnd auff seine Seiten zubringen.
Es wolten zwar bey so gestalten Sachen/ die Protestieren- de dem Keyser zu Gefallen glauben/ daß er den Bapst nur/ we- gen eines
Concilii
besprochen; weil sie aber in dessen auch eine zusammenwachsende Kriegsmacht sahen/ vnd sie sich selbst genug- sam vermercken lassen/ daß sie von jhrer gefaßten Meynung nicht wolten weichen; war die Rechnung leichtlich zumachen/ von ei- ner Trangsal/ vnd Kriegsnoht: Darumb suchte Landgraff Phi- lips in Hessen die Gemuͤhter zuvorderst zuvereinigen/ wie er dann die
Theologos
beyderley Protestanten zu Marpurg beysammen gehabt/ vnd ein ziemlichen Frieden/ der doch nicht lang vnter jhnen gewehrt/ geschlossen.
Vnd da Doctor Pack/ Hertzog Georgen in Sachsen Raht/ den Protestierenden ein Flog ins Ohr gesetzt/ man wuͤrde die Pro- test erende bald vberziehen; kamen die Protestierenden zu Schwa- bach/ vnd bald zu Schmalckalden mit voͤlliger Jnstruction bey- sammen/ vnd erwarteten mit Schmertzen/ was jhre Abgesanden von dem Keyser/ wegen jhres Thuns/ zuruͤck bringen würden. Dieselbigen hatten jhn in Welschland angetroffen/ vnnd brach- ten auff Keyserlichen Befehl/ Schrifft- vnd kuͤrtzlich fuͤr/ was
mas-
ET RESTAVR. DISCVRS. XXVI.
massen vor dreyen Jahren ein Reichs-Abschied zu Wormbs be- schlossen/ der aber auff einen andern Reichstag zu Speyer/ alle bevorstehende Empoͤrung deß gemeinen Poͤbels zuverhuͤten/ were auffgeschoben worden: Jhre Majestaͤt wolten darvon kein Miß- fallen tragen. Die Antwort war/ Koͤnig Ferdinand haͤtte dessen satten Bericht gethan: Den ersten Abschied solte man halten/ oder gewaͤrtig seyn/ daß er die Widerspenstige abstraffe: So were auch Einigkeit/ wegen deß Erbfeinds/ mehr dann sonst vonnoͤhten. Vnd weil die Protestierenden sich solcher Antwort wol versehen hatten/ waren jhre Abgesanden alsobald mit einer Appellationsschrifft ge- faßt/ in welcher ordentlicher Weiß erzehlt wuͤrde/ wie die Protestie- rende vom Reichstag an den Keyser selbst/ als der in so kurtzer Zeit seiner Regierung/ sich deß Vatterlands nicht allerdings haͤtte er- kundigen koͤnnen. Vnd da er auch der Protestierenden Anliegen nicht beobachten wolte/ weren sie gemuͤssiget/ auff ein allgemein/ o- der Teutscher Nation besonders/ vnd frey
Concilium,
vnd sonsten fuͤr alle vnpartheyliche Richter zu appellieren. Diß verdroß den Keyser zum allerhoͤchsten/ daß er der Protestierenden Abgesanden bey Leib vnd Leben verbotten/ nicht auß der Herberge zugehen/ noch einigen Brieff zuschreiben. Vnd lauffen hiemit starcke Affecten mit vnter; die Protestierende wollen mit Gewalt durchtringen/ Ge- satz fuͤrschreiben/ vnnd das Oberhaupt pochen; vnd der Keyser ist vergessen/ daß er ein gerechte Sach hat/ vnnd solcher Gestalt auch seine groͤbste Feinde zu Richtern leyden koͤnte. Dann/ was einmal durch die mehrere Stimmen beschlossen/ sol vnd muß gelten. Dar- umb haͤtte ein wenig Gedult/ die Protestierenden zu der vollen Maaß beruffen/ vnd allen Vnglimpff jhnen anheim weisen koͤn- nen.
Nun hatten die Abgesanden ein Mitglied genannt Caden/ bey sich/ der eben damals abwesend die Sach von seinem hinderlassenen Diener soll erfahren/ vnd nach Nuͤrnberg berichtet haben. Doch besonne sich der Keyser eines andern/ vnd erließ die Abgesanden jh- res Arrestes/ daß sie also bald nach Hauß reysen konten. Doch hatte
Caden
GERMANIÆ PERTVRBATÆ
Caden Vrsach sich laͤnger auffzuhalten/ weil er von Landgraff Philipsen befelcht war/ dem Keyser ein schoͤn gebundenes Buͤch- lein zuvberreychen. Als nun ein Spanischer Bischoff dasselbige auß deß Keysers Hand empfangen/ vnd auffthaͤte/ darinn zulesen/ fand er im ersten Griff/ weltliche Herꝛschafften gebuͤhren den Geist- lichen keines wegs/ sondern den Koͤnigen; berichtet er/ der weltlichen Obrigkeit wuͤrde das Schwerd benommen. Vnd Caden solte diß Buͤchlein auch dem Bapst selbst einhaͤndigen/ saß aber auff sein Roß/ vnnd trug seinen Kopff vber Venedig wider nach Teutsch- land.
Auff solche vnd dergleichen Bericht vnd Zeitungen hielten der Churfuͤrst zu Sachsen/ dessen Sohn/ Hertzog Johann Fride- rich; Ernst vnnd Frantz/ Gebruͤdere/ Hertzogen von Luͤnenburg/ Landgraff Philips von Hessen/ vnd Marggraff Georgen von Brandenburg Raͤhte/ wie auch die Staͤtte/ Straßburg/ Vlm/ Nuͤrnberg/ Heylbrunn/ Reutlingen/ Costnitz/ Memmingen/ Kaͤmpten vnd Lindaw/ eine vnd andere Zusammen kuͤnfften; kon- ten sich aber weder vber den strittigen Puncten/ noch wegen eines Bundes vergleichen/ ob sie schon vor Augen sahen/ daß der Keyser das Wormser Edict wolte gehalten haben/ oder in dessen verbleiben/ sie gewiß mit Gewalt darzu anhalten wuͤrde.
Die zu Straßburg verbunden sich wehrender Zeit mit Zuͤ- rich/ Bern vnd Basel/ weil sie/ wegen der Lehr/ mit jhnen am naͤch- sten beystimmeten: Welches jhnen deß Reichs Regiment/ dessen Haupt in Abwesen deß Keysers der Pfaltzgraff Churfuͤrst/ war groͤblich fuͤrgehalten vnnd verwiesen: Darauff sie geantwortet/ Jhre Sicherheit erforderte ein solches/ vnnd geschehe ohne deß Reichs Nachtheil. Vnd nun sehen wir die Blaßbaͤlge angele- get; werden auch bald sehen/ wie dieselbige hefftig angezogen wer- den.
Vnd weil der Keyser ein Reichstag nach Augspurg gelegt/ auch jeden Stand ernstlich vermahnet hatte/ sich daselbst einzufin- den/ wann er vber das Gebuͤrg in Teutschland kommen solte/ ka-
men
ET RESTAVR. DISCVRS. XXVI.
men der Protestierenden etliche zusammen in Nuͤrnberg/ vnd be- rahtschlagten sich/ was man dem Keyser (der nach seiner Croͤnung zu Bononien/ dem Bapst/ wie sie glaubeten/ geschworen/ den Roͤmischen Stul mit eusserster Macht sein Lebenlang zubeschuͤ- tzen) auff dem bevorstehenden Reichstag vortragen vnd antwor- ten solte: Sie vermeinten/ sie haͤtten deß Keysers Sinn darauß gaͤntzlich vernommen/ da derselbig an die von Vlm/ die jhm entge- gen gesand/ vnd Gluͤck gewuͤnscht/ ernstlich begehrt/ von der Prote- station deß vorigen Jahrs abzustehen: Vnd da er denen von Aug- spurg befahl/ jhre achthundert newgeworbene Landsknecht abzu- schaffen/ vnd andere anzunehmen/ die er jhm selbst schweren lassen/ vnd damit ein Stattthor besetzt/ ehe er hinein kam.
Der Churfuͤrst in Sachsen thaͤt seinen Einritt den zweyten May/ deme folgten Marggraff Georg von Brandenburg/ Her- tzog Johann Friderich auß Sachsen/ Hertzog Ernst zu Braun- schweig/ Landgraff Philips in Hessen/ Hertzog Frantz von Luͤnen- burg/ Fuͤrst Wolffgang von Anhalt. Zu denen sich etliche Staͤtte deß Reichs/ als Nuͤrnberg/ vnnd Reutlingen/ hernach noch andere mehr geschlagen. Bey dem Churfuͤrsten auß Sachsen/ befand sich Philips Melanchthon/ Justus Jonas/ vnnd etliche andere Schrifftgelehrten/ in deme Luther auff der Vestung Coburg hiel- te/ alle Notturfft mit jhme von dar zuberahten. Der hatte nun schon zuvor die siebenzehen Artickel/ als die Hauptsumma der Protestierenden Lehr verfasset/ auß welchen Melanchthon/ auff Befehl/ die Confession geschmiedet/ vnd weil Luther nichts darin- nen zu verbessern gewußt/ wie die Histori auß den Sendbrieffen melden/ sie also in Bereytschafft gehalten.
Den fuͤnffzehenden Junij thaͤt der Keyser seinen Einritt/ vnd begehrt zum allerersten an die Protestierende Staͤnde/ jhre Pre- digten vnter wehrendem Reichstag/ einzustellen: Vnd weil sie sich deßwegen durch Marggraff Georgen beschwereten/ neben ange- zeigten Vrsachen/ vnd der Keyser doch anhielte/ auch sich verneh- men lassen/ darvon nicht abzustehen. Antwortet der Marggraff
Rr
gantz
GERMANIÆ PERTVRBATÆ
gantz frech: Er wolte lieber sein Kopff verlieren/ als GOtt/ vnd das Evangelion verlaͤugnen. Darauff der Keyser geantwortet: Mit nichten/ es gilt hie keinen Kopff/ vnd liesse nach/ begehrete doch den folgenden Tag/ die Staͤnde solten jhre Entschuldigung schrifft- lich vbergeben/ welches sie/ nach muͤglichem Fleiß/ gethan/ brach- ten fuͤr: Jhre Lehr were den Schrifften der Propheten vnd Apo- steln gleichlautend/ vnd auff den Tag zu Nuͤrnberg von dem Key- ser selbst bewilliget/ zutreiben: Sie haͤtten der Predigten fuͤr allen andern Dingen/ vonnoͤhten/ vnd fuͤhreten durch diese Hemmung ein vorgeschoͤpfft Vrtheil wider sie/ vnd were ja der Tag dewegen angestellet/ daß man daruͤber vrtheilen solte: Versprachen allen andern Gehorsam/ wann nur der Keyser nicht haͤrter mit jhnen/ als zu Speyer sich belieben wolte/ zuverfahren. Damit nun der Key- ser zu seinem Zweck kommen koͤnte/ beschloß er mit seinen geheimden Raͤhten/ vnd ließ durch alle Gassen bey beliebiger Straaff außruf- fen: Es solte niemand/ als vom Keyser verordnet/ in Augspurg predigen; vnd also haben die Predigten beyderseits still gestanden. Gleich auff den Fronleichnamstag ließ der Keyser allẽ Fuͤrsten an- sagen: Jhme zu der Kirchfahrt vnd Meß beyzuwohnen/ Sachsen/ Hessen/ Luͤbeck/ Brandenburg vnd Anhalt stelleten sich nicht ein: Doch trugen Sachs vnd Brandenburg/ auff Befehl deß Keysers/ vnd nach Gutachten der Theologen/ das Schwerd vnd andere Ce- remonien/ vor/ biß an das Portal der Kirchen/ vnd nicht weiter/ jhr Ampt/ wie sie sagten/ zuverrichten/ aber nur so weit das Gewissen solches gestattet. Das Capitel thaͤt dem Keyser ein Geschaͤnck/ das er mit Gnaden angenommen/ vnd den Bischoff von Hildesheim lassen antworten; auch mit vnterlauffenden Thraͤnen begehret: Man solte fuͤr jhn/ vnd seinen Bruder Ferdinand bitten/ daß sie das hochschwere Werck recht moͤchten verwalten. Vnd hie koͤnte man fragen: Ob der Keyser nicht zugelind/ vnd Hertzog Georg nicht zu eyfferig sey gewesen? Jederweilen thut Sanfftmuͤhtigkeit das be- ste/ als wann einer dem Strom weichet/ vnd dannoch an das ander Vfer schwimmet/ da er vielleicht im Widerstreben/ vnd richt durch
arbei-
ET RESTAVR. DISCVRS. XXVI.
arbeiten haͤtte hingerissen/ vnd ersaͤufft koͤnnen werden. Jederwei- len haͤlt die Hitz das Schwerd in der Schaiden; wie der Florenti- nische Stattschreiber/ als die Frantzosen Vbermuht brauchten/ vnd vnverhohlen sagten: Sie muͤsten jhre grosse Pfeiffen/ oder grob Geschuͤtz spielen lassen; bey
Guicciardino
geantwortet: So wollen wir vnsere Sturmglocken schlagen; Vnd in deme die ver- faßte Artickel dem Frantzoͤsischen Agenten auß Haͤnden gerissen/ zu Stuͤcken gemacht/ vnd vnter die Fuͤß geworffen: Dardurch a- ber vervrsacht/ daß die Frantzosen nachgeben/ vnd ein hitziger Kopff den andern erschreckt hat.
Nun war deß Keysers Vortrag/ von grausamer Macht deß Tuͤrcken/ von seiner Vorsorg vor Teutschland/ mit Zuruͤckstellung seiner eygenen Geschaͤfften in Welschland/ Neapels vnnd Hispa- nien; von deß Bapsts Versprechen/ wegen eines
Concilii,
vnnd dann von den vnruͤhigen Widertaͤuffern/ vnd auffruͤhrischen Bau- ren: Vnd weil die Fuͤrsten das Religionswesen fuͤr das allernoͤh- tigste hielten/ vbergaben sie/ auff Befehl/ jhre Bekantnuß/ welche den 25. Junij fuͤr allen Staͤnden/ auff Teutsch vorgelesen/ vñ dem Keyser auch Lateinisch vbergeben/ in allen Spraachen vbersetzt/ vnd an alle Potentaten
Europæ
verschickt worden. Vnd weil in sitzen- dem Raht vnderschiedliche Meynungen fielen/ da etliche auff das Wormsische Edict trieben/ etliche der gottseligen Gelehrten Mey- nung daruͤber zuhoͤrẽ gedachtẽ/ andere aber ein Gegenschrifft erfor- dertẽ/ blieb es bey dem letztẽ. Wurd doch gefragt: Ob die Protestie- rende noch etwan andere mehr Artickel haͤtten. Vnd als sie antwor- teten: Diß were das fuͤrnembste/ vnd weil der Keyser von guͤtlicher Verhandlung sich haͤtte verlauten lassen/ wer von den eingeschliche- nen Mißbraͤuchen nicht geandet worden. Gleichwol wolte der Key- ser dem Churfuͤrsten die Lehen/ vnd seinem Sohn den Guͤlchischen Heurath nicht verstatten/ er machte sich dann widerum̃ Baͤpstisch/ welches er bestaͤndig verweygert/ vnd jmmer demuͤhtig anhielte in seinem billigen Begehren/ was aber der vier Staͤtte/ Straßburg/ Memmingen/ Costnitz vnd Lindaw/ absonderliche Confession/ we- gen deß zehenden Artickels/ der das Abendmahl vñ die Meß betrifft/
Rr ij
an-
GERMANIÆ PERTVRBATÆ
anlanget/ ob schon dieselbige Sect den Romanisten fuͤrnehmlich deßwegen verhaßt war/ daß sie die Wahrheit deß Leibs vnd Bluts Christi im Abendmahl laͤugneten/ die Meß gaͤntzlich abschafften/ Altaͤr/ Monstrantzen/ Bilder/ vnnd Kirchenzieraht vmbrissen/ ließ man sie doch der freyen Einladung geniessen/ vnd zur offentlichen Audientz kommen/ also/ daß jhre Confession auch vor allen Staͤn- den deß Reichs fuͤrgelesen worden. Die dann fuͤrwahr mit zierli- chen Worten/ sagt
Cochlæus,
verfaßt war/ daß sie die Einfaͤltigen/ als koͤnte man sie in allen Stuͤcken gut heissen/ leichtlich betriegen konte: So gar hatte sie ein wol angestrichene Gestalt der Gottselig- keit. Vnd weil
Z vinglius
verstanden hatte/ daß solche Confession vnd Neben-Confession solten vberreycht werden/ erkuͤhnet er sich/ vnd schrieb vnter dem 3. Julij auß Zuͤrich/ an den Keyser/ vnd an die Staͤnde/ was er glaubte/ vnd schloß mit diesen sehr harten Worten: Bedencket nun/ O guͤtigster Keyser/ vnd jhr Fuͤrsten vnd Staͤnde allzumal/ was fuͤr Nutzen wir von Menschlicher Lehr bißher erhal- ten/ die erkauffte Messen haben nur der Fuͤrsten/ vnnd deß gemei- nen Poͤbels Muhtwillen vnd Ruchlosigkeit vermehret/ der Prie- ster Wolleben vnnd Meßpfaffen Fuͤllerey eingefuͤhret vnd außge- bruͤtet. Ja/ was für Laster haben sie nicht veranlaßt? Dann wer wil den jenigen Reichthumb/ so vermittelst der Messen/ vberhaͤufft worden/ zerstaͤuben/ wann er nicht in den Adern verstopfft/ vnd er- stickt wird? Gebe demnach GOtt/ der weit besser ist/ als jhr/ die wir gern die Guͤtigste nennen/ vnd glauben/ daß jhr Sorg traget/ wie dieser vnd andere mehr Jrꝛthumb in der Kirchen von der Wur- tzel abgehawen/ vnd Rom mit jhrer Grundvest/ welche der Chri- stenheit deren viel/ fuͤrnehmlich dem Teutschland/ auffgetrungen/ gelassen vnd verlassen werde. Vnd was jhr bißhero vor Macht wider die reine Lehr deß heiligen Evangelions angewendet/ jhr wi- der das lasterhaffte Vorhaben der gottlosen Papisten fuͤhret; auff daß die Gerechtigkeit/ die durch ewere Vnachtsamkeit vertrieben ist/ neben der Vnschuld/ so durch erdichte vnd verblendete Farben verdunckelt/ vns wider zukomme. Man hat gnugsam gewütet/ es
were
ET RESTAVR. DISCVRS. XXVI.
were dann/ daß ohne Vrsach befehlen/ vrtheilen/ ja/ erwuͤrgen/ toͤd- ten/ ermorden/ verbannen/ kein Wuͤten noch Toben sey.
Weil es nun auff solchen Weg nicht angangen/ muß man es nun mehr auff einen andern angreiffen. Jst der Raht von dem
Her
ren/ so streitet nicht wider GOtt; kompt er anderst woher/ wird er/ nach eygener Vermessenheit/ fallen. Darumb/ so lasset das Wort GOttes frey außgesaͤet werden/ vnd auffgehen/ O jhr Menschen Kinder/ wer jhr gleich seyt; die jhr doch nicht vermoͤcht das geringste Graß verwahren/ daß es nicht reiff vnd Hew werde. Jhr sehet ja mehr/ dann zuviel/ daß diese Saat den Thaw vom Himmel hat/ vnd durch eines Menschen Hitz nicht kan an jhrer Zeitigung verhindert werden. Betrachtet nicht/ was euch am hoͤchsten anliegt/ sondern/ was die Welt bey dem Werck deß Evan- gelions erfordert. Nehmet mit diesem/ wie es ist/ vor lieb/ vnd erwei- set in ewerem Fuͤrhaben/ daß jhr Kinder Gottes seyt.
Mit diesen sehr scharpffen Worten befand sich der Keyser nicht wenig angezepfft/ vnd warff desto groͤssern Vnwillen auff deß Zwingels Anhang: Also/ daß er hernach jederzeit den Churfuͤrsten in Sachsen/ vnd andere Protestierende Staͤnde/ die allbereyt den Schweitzern abguͤnstig waren/ vor Zwingels Wesen/ als vor den Widertaͤuffern warnete vnd abhielte: Dann es hoffete der Key- ser/ es moͤchte das Kirchenwesen in Teutschland wider zurecht zu- bringen seyn/ wil die Protestierende beyderley Gattung gar glimpf- lich giengen/ vnd deß Bapstes nach Muͤglichkeit/ schoneten. Aber Zwingeln schuͤttet deß Kind mit dem Bad auß/ mehr dann kein an- der/ weiler niemaln in Teutschland/ wie
Oecolampad
vnd Carl- statt gewesen/ vnnd seine Zuhoͤrer auff seine Meynung voͤllig ge- bracht hatte/ vnd was solten die Baͤpstler erwarten/ als jhren eyge- nen vntergang/ oder warumb solten sie deß ersten Streychs erwar- ten/ vnd nicht fuͤrnehmen/ was andere jhnen vorgeschrieben? Zu- mal schien Zwingels Schrifft vnzeitig/ weil man eben damit sich bemuͤhet/ daß man ein guͤtlichen Endscheyd/ vnd nicht ein Vr- theil/ die Parthey zu verdammen schoͤpffen/ weniger sich aneinan- der zu endlichem Verderben reytzen solte.
Rr iij
Der
GERMANIÆ PERTVRBATÆ
Der suchte die Staͤnd durch Vnterredung von jhrer Mey- nung zubringen/ oder doch nur zertrennen; ließ durch seine
Theolo- gos
die Lutherische/ wie auch der vier Staͤtte Confession/ auß den
Patribus
vnd
Conciliis
widerlegen/ vnd auch solche Widerlegung offentlich verlesen: Die Abschrifft aber/ vnter dem Beding zur Roͤ- mischen Kirchen wider zukehren/ wurd zwar begehrt/ aber nicht an- genommen/ daß man sehen moͤchte/ was recht angezogen/ vñ der H. Schrifft gemaͤß wer/ oder nicht. Eben also ergieng es mit der Ne- ben Confession/ der vier Staͤtte/ die auff ernstliches Ermahnen/ sich der Jrꝛthumb zuentschlagen/ vnd mit Jh. May. auch andern Fuͤr- sten vnd Staͤnden deß Reichs/ im Glauben vñ in der Religion ein- hellig zuwerden/ sich entschuldigt/ sie haͤtten dessen keinen Befehl/ vñ erhielten eben wenig/ als die andern/ an der Abschrifft. Jn dessen ver- reyst der Landgraff/ welches den Keyser hoͤchlich verdrossen/ daß er auch die Wachten bestellen lassen. Doch wurde deß Landgraffen Thun mit seiner Gemahlin Leibsschwachheit/ vñ deß Keysers Ey- fer mit einer Mordthat/ so man suchte zustraffen/ entschuldiget: Gleich wie Hertzog Carlen in Burgund sich entschuldiget bey
Co- minæo,
es wer ein Kaͤstlein mit Kleinodien verloren worden/ als der Koͤnig in Franckreich den glatten Worten geglaubt/ vnd mit we- nig Volck zu jhm in eine Statt in Flandern war eingekehret/ vnd schier nahe seinen eygenen Fehler mit der Haut/ oder doch/ mit Ge- faͤngnuͤß vnd grossem Nachtheil/ buͤssen sollen. Der Keyser vn- terließ gar nichts/ die Protestierenden mit den Baͤpstlern zuverglei- chen/ in deme erstlich auff jeder Seite sieben/ vnd endlich drey
Theo- logi
vber den schweresten Artickeln sich besprechen/ vnd vereinigen solten. Dieweil aber die Protestierende sich gantz Halßstarrig er- zeigten/ vnd nicht weichen wolten/ fordert der Keyser die Baͤpstische Fuͤrsten vnd Staͤnde/ hernach den Sachsen vnd vbrige Protestie- rende fuͤr sich/ bezeugte wehemuͤhtig sein vergeblichen Fleiß/ vnd ver- sprach ein
Concilium
mit dem Beding/ wann ein jeder es biß da- hin in Glaubenssachen/ mit jhm vnd den andern Fuͤrsten halten wolte: Welches die Protestierenden abermals Gewissens halben/
wider-
ET RESTAVR. DISCVRS. XXVI.
widersprochen. Vnd da erinnert der Keyser/ daß sie/ als die wenig- sten ander Zahl/ zu Speyer protestiert/ vnd etwas gelinder gehen muͤsten/ weil er nie gemeynet/ daß die Baͤpstische jhnen in so vielen Stuͤcken nachgeben vnd weichen solten.
Endlich/ wurd ein Schluß gemacht/ den 22. Sept. die Pro- testierenden weren vberwiesen/ solten sich/ biß auff den kuͤnfftigen April bedencken/ ob sie zu der Roͤm. Kirchen wider schreiten wolten/ oder nicht. Jn dessen nichts weiters anfangen/ vñ sehen/ wie die Wi- dertaͤuffer zudaͤmpffen: Auch sich eines
Concilii,
das in anderthalb Jahren angehen solte/ versichern. Vnd hie gab es ein scharffes Ge- zaͤnck/ sonderlich da der Keyser der Protestierenden Schutzred/ oder
Apologi
nit wolte annehmen/ vnd endlich gesagt: Weil er sehe/ daß sie so gar halßstarꝛig auff jhrer Meynung/ die doch laͤngst verdam̃t/ vnd jetzt hindertrieben were/ bestuͤnden/ auch all seine bißher vielfal- tig gepflogene Mühe nichts gefruchtet/ muͤste er ein andern Weg/ den sein Ampt erfordert/ fuͤrnehmen. Sie solten die Geistliche Guͤ- ter/ wider abtretten/ vnd die Personen wider einsetzen/ oder wolte die- se newe Sect in Teutschland von Grund auß vertilgen/ vnd Fried vnd Ruh schaffen. Welches alles nichts anders erhalten/ als daß die Protestierenden geantwortet/ weil auff jhrer Seit nichts mehr zuerhalten were/ muͤsten sie alles Gott befehlen. Hierauff erlangt der Churfuͤrst in Sachsen/ nach 4. Monatlichem Auffenthalt/ sei- nen Abschied/ vnd zog nach Hauß/ achtet auch nicht/ daß jhme die Reichslehen/ biß er sich wider zur Roͤm. Kirchen begebe/ wuͤrdẽ ver- sagt. Also verreystẽ auch die zween Hertzogen von Luneburg/ vñ hin- derliessen jhre Raͤhte/ biß zu End deß Tags. Vnd als der Keyser Huͤlff wider den Tuͤrcken begehrt/ wurd sie jhm dergestalt verwilli- get/ wann er den Protestierenden/ biß an das
Concilium,
Fried ver- schaffte. Vnd weil jhnen solches abgeschlagen worden/ auch noch dem Cam̃ergericht anbefohlen/ keinen in das Cammergericht auff- zunehmen/ er haͤtte dann zuforderst den Schluß von der Religion eingegangen/ beschwerdten sich dessen die noch anwesende Protestie- renden/ vnd begaben sich den 13. vnd 19. Nov. wider nach Hauß.
Vnd
GERMANIÆ PERTVRBATÆ
Vnd wer solte nicht hie deß Keysers Sanfftmuͤhtigkeit prei- sen/ der so grosse Gedult gehabt/ mit solchen verdrießlichen Kir- chenhaͤndeln vmbzugehen/ vnd dem Gezaͤnck beyzuwohnen? Zu- verwundern ist es auch/ daß die Roͤmische Kirch so gar viel nach- geben wollen/ oder vielleicht alles auff deß Roͤmischen Stuls Gut- heissen gewichen: Vnd dann/ daß die Protestierenden im gering- sten nicht gewichen/ sondern vielmehr/ als in der Confession etliche Artickel zum gelindesten angenommen/ vnd verstanden wollen wer- den/ solche in der
Apologi,
noch schaͤrpffer vnnd haͤrter gesetzt/ an statt ferneren Nachlasses. Vnd was sol der Bapst wol mit seinen Cardinaͤlen vor Gefallen tragen/ daß der Keyser mit den Staͤnden ein so hohes Werck/ das fuͤr ein
Concilium
gehoͤrig/ vnterfangen: Jn die Protestierende seine Lehr/ vnnd der Keyser seinen Gewalt schmaͤlerten. Zumal sie die beste Freunde nicht waren/ vnd der Bapst genugsam spuͤren lassen/ daß er zu einem
Concilio
wenig/ oder gar keinen Lust haͤtte. Vnd mangelte nicht an Verhetzen/ der Keyser solte/ nach dem Exempel deß
Concilii
zu Costnitz/ alles durch die Geistlichen handeln vnnd schliessen lassen/ er aber jhren Schluß mit Macht vollnziehen.
Dieweil er aber schon zu Wormbs Luthern das Gelait ge- halten/ vnd jhn nicht/ wie Keyser Sigmund Johann Hussen ver- brennen lassen/ blickte sein hoher Geist gnugsam herfür/ nicht nach anderer Leut Einblasen vnd Schliessen/ sondern nach seinem Ver- stand vnnd Gutbefindung zuverfahren. Welches dann bey den hitzigen Baͤpstlern/ jhm etwas nachtheiliger Weise nachgeredt/ bey den Sittsamen vnd Friedliebenden/ vor hohe Weißheit außge- legt; vnd bey den Protestirenden fuͤr ein Goͤttliches Eingeben bey- gelegt wurde. Dann dieser heroische Keyser vbereyste sich nicht/ sondern ließ mit sich reden. Darumb/ wann schon sein Gemuͤht zu etwas Eyffer verhitzt war/ kamen bald der Pfaltzgraff Chur- fuͤrst/ vnd der Bischoff zu Mayntz/ auch der von Granwell selbst/ den er sonst in den Burgundischen Sachen zum geheimen Raht pflegte zugebrauchen/ vnd kühleten jhn ab/ daß er innen hielte/ vnd
alles
ET RESTAVR. DISCVRS. XXVII.
alles/ was darzwischen koͤnte einlauffen/ zum allerkluͤgesten auff die Wage legte.
Gleichwol sehen wir allhie den Vrsprung deß Teutschen Kriegs/ naͤmlich/ den Abfall von dem Roͤmischen Stul/ deß Key- sers Gespraͤch mit dem Bapst/ vnd sein Versprechen/ alles fuͤrnem- lich mit der Guͤte zuversuchen/ vnd endlich die Schaͤrpffe vnd den Gewalt anzuwenden. Dieweil aber in nachfolgenden Zeiten/ wie noch/ vber der Augspurgischen Confession vnd
Apologi,
viel Ge- zaͤncks vnd Vnheils entstanden/ wollen wir auch hievon vnsere Hi- storische Gedancken beyfuͤgen.
Der sieben vnd zwantzigste Discurß.
Von der ersten/ vnd andern/ oder verbesserten Augspurgischen Confession/ vnnd
Apologi
: Auch der vier Staͤtte Beden- cken vber den zehenden Artickel: Vnd wie Philippus deß wegen gelobt vnd gescholten wird. Von den dreyen Haupt-Secten in Teutschland. Wie Ertzhertzog Ferdinand Roͤmischer Koͤnig worden/ wider deß Sachsen Danck. Wie sich der Keyser/ wegen Hungarn/ wider den Tuͤrcken geruͤstet.
W
Eil nun die Protestierende jhre Confession vbergeben/ vnd von derselbigen abzuweichen/ weder mit gelinden/ noch mit scharpffen Worten koͤnnen bewogen werden: Auch dieselbige/ wie die Trojaner das
Palladium,
vnd die Roͤmer das
Ancyle,
als ein Goͤttliche Schrifft halten/ vnd dan- noch vngleiche Meynungen deßwegen sich befinden/ erachten wir/ es werde vns niemand/ als der Churfuͤrst in Sachsen selbst wissen zusagen/ wer dieselbige verfaßt/ vnd die
Apologi
gestelt habe; vnd zwar mit seinem Handschreiben/ das er Mitwochen nach
Iubilate
Anno 1530. an Luthern selbst geschrieben.
Vnsern Gruß zuvor/ Ehrwuͤrdiger vnd Hochgelehrter/ lie-
Ss
ber
GERMANIÆ PERTVRBATÆ
ber Andaͤchtiger. Nach dem jhr vnd andere Gelehrten zu Witten- berg/ auff vnser gnaͤdiges Ansinnen vnd Begehren/ die Artickel (de- ren 17. gewesen/
Tom. 5. Germ. Ien. fol
14.) so der Religion halben sttreitig sind/ in Verzeichnuß bracht/ also wollen wir euch nicht ber- gen/ daß jetzt allhier
M. Philippus Melanchthon,
dieselben weiters vbersehen/ vnd in eine Form gezogen hat/ die wir euch hiebey vber- senden. Vnd ist vnser gnaͤdiges Begehren/ jhr wollet dieselben wei- ter vbersehen/ vnd zubewegen vnbeschwerd seyn; vnd wo es euch der- massen gefaͤllig/ oder etwas davon/ oder darzu zusetzen gedaͤchte/ das wollet also darneben verzeichnen/ damit man alsdann auff Keyserl. Majest. Ankunfft/ deren wir vns in kurtzem versehen/ gefast vnd ge- schickt seyn moͤgen: Vnd vns dieselben alsdann bey diesem Botten wol verwahret vnnd verpitschiert/ vnverzuͤglich widerumb allhero schicken. Worauff Luther von Coburg auß/ am Sontag
Cantate
geantwort: Er hab
M.
Philipsen
Apologi
gelesen/ die gefalle jhm fast wol/ vnd wisse nichts daran zubessern/ noch zuaͤndern/ wuͤrde sich auch nicht schicken; dann er so sanfft vnnd leise nicht tretten koͤnte/ ꝛc.
Was aber die Veraͤnderung der Confession selbsten/ da etli- che Wort vngleich in den vnderschiedlichen Exemplaren befind- lich/ belanget/ beklagen die Protestierende selbst offentlich/ daß oh- ne jhr Wissen vnd Willen/ von einem geitzigen Buchdrucker/ die Confession in Druck außgangen/ vnnd dieselbige/ dem Schein nach/ fuͤrsetzlicher Weise aͤrger gemacht worden; welches dann zu Breßlaw vnd Wittenberg/ in Latein vnd Teutsch/ in
Quarto
vnd
Octavo
außgangenen Exemplaren/ neben
Chytræo,
sonderlich in dem zehenden Artickel/ genugsam zuvernehmen: Welches son- sten namentlich Fuͤrst Wolffgang von Anhalt/ beyde Hertzogen von Luͤneburg/ vnd die Statt Nuͤrnberg auch beklagen. Solche Vngleichheit mercket
Franciscus Burckhardus,
beyder Rechten Doctor/ Coͤllnischer geheimer Raht vnd Cantzler/ im dritten Theil seiner
Autonomy.
Aber der Marggraff von Baden/ Jacobus er- lustiget sich vber die massen hiemit/ in seinem Buch/ das er durch
Doctor
ET RESTAVR. DISCVRS. XXVII.
Doctor
Iohan. Pistorium
lassen außgehen. Die Vrsachen deß verlassenen Lutherthumbs zubezeugen; gedruckt zu Coͤlln vnd zu Muͤnchen. Ja/ es wird in gemeltem Buch/ behauptet/ daß die er- ste Confession/ auch die erste
Apologi
in erwehntem zehenden Ar- tickel/ gantz Baͤpstisch/ vnnd die
Transsubstantiation
erhalten/ welches
Heshusius
vnnd
Pappus
erkennen vnd beklagen. Vnd wil dieses also bemaͤnteln/ daß zuforderst ein rechtes Original in den Saͤchsischen
Archiven
befindlich sey; daß die Protestierenden sich jederzeit vorbehalten/ was sie in Religion/ Glauben/ Kirchen- Gebraͤuchen/ Ordnungen/ Ceremonien auffgerichtet/ oder nach- mals auffrichten moͤchten: Welches auch der Keyser dergestalt gebilliget/ daß er in dem Religionsfrieden versprochen/ vmb sol- cher Vrsachen willen keinen Stand deß Reichs/ mit der That ge- waltthaͤtiger Weise zuvberziehen. Jtem/ wird vor geschuͤtzt/ die Ge- lehrten/ vnd Luther selbst/ haͤtten anfangs noch viel auß dem Bapst- thumb behalten: Es haͤtte sich nicht alles auff einmal thun lassen/ weil der Keyser die Meß so wenig/ als sein Hertz im Leib/ wolle an- greiffen lassen. Jtem/ man haͤtte nachmaln nohtwendiger Weise ein deutlichere Erklaͤrung muͤssen abfassen: Ja/ man haͤtte sich son- sten mit den Oberlaͤndischen Staͤtten/ daran allerseits viel gele- gen gewesen/ nicht vereinigen koͤnnen/ wie gleichwol im Jahr 1536. zu Wittenberg geschehen/ biß die
Transsubstantiation
außgestri- chen were.
Da nun in dem naͤchsten Jahr hernacher der Churfuͤrst/ der Landgraff/ vnd eylff andere Fuͤrst- vnd Graͤffliche Personen/ ne- ben der Staͤtte Gesanden/ vnd fuͤrnembsten Schrifftgelehrten zu Schmalckalden zusammen kommen/ wurde den anwesenden
Theo- logis
befohlen/ die Augspurgische Confession vnd
Apologi,
so Key- ser Carlen An. 1530 zu Augspurg auff dem Reichstag vberantwor- tet worden/ noch einmal mit Fleiß zuvbersehen; vñ wo etwas darinn befindlich/ das der Goͤttlichen Schrifft nit gemaͤß/ oder die Staͤnde in jhren Kirchen dergleichẽ nicht lehren liessen/ zuaͤndern: Vnd also haben gemelte
Theologi,
den 14. Mertz die Confession vñ
Apologi
Ss ij
auff
GERMANIÆ PERTVRBATÆ
auff ein newes vnterschrieben/ wie der ander
Tomus Lutheri
zu Eißleben vnd Leipzig gedruckt/ nach der Laͤnge außweiset.
Gleichwol wurde solches/ als eine Veraͤnderung vnd Leicht- fertigkeit von den Baͤpstischen außgeschryen/ wie sie dann nament- lich Anno 1541. auff dem Reichstag zu Regenspurg/ solches mit Frolocken getrieben/ vnd fuͤrgeben/ die Protestierende haͤtten es da- maln/ vnd nicht ehe glaublich befunden/ daß Philippus sich vnter- fangen/ die allgemeine Augspurgische Confession eygennuͤtziger Weiß zuaͤndern: Daruͤber diese starck geeyffert/ vnd solches hoch empfunden/ daß Luther insonderheit es jhme groͤblich verwiesen/ mit diesen Worten:
Philippe,
wer hat dir solches befohlen? Daß
Phi- lippus
alsobalden seine Enderung ab- vnd einstellen/ auch die Con- fession nach dem ersten Exemplar widerumb richten muͤssen; daß der Churfuͤrst durch seinen Cantzler/ Doctor Brucken/
Philippo
hart zu reden lassen: Daß Churfuͤrst Augustus in Anno 1561. zur Naumburg bey dem Convent/ sich neben allen andern erklaͤret/ bey der in Anno 1530. vberreychten Confession zubeharꝛen.
Wie nun solches dem obigen zuwider laufft/ so gestehet es doch
Dauid Chytræus
mit diesen Worten: Wiewol aber in etli- chen Exemplaren der Augspurgischen Confession/ so hernach viel- mals widerumb gedruckt vnd außgangen/ eine Vngleichheit ist. Dann auch bey Leben
Lutheri,
die Confession vnd
Apologi
ver- mehret vnd verbessert/ vnd ohne Zweiffel/ mit Vorwissen vnd Wil- len D. Luthers/ auff dem Gespraͤch zu Wormbs vnd Regenspurg/ von den Evangelischen Staͤnden den Widersachern fuͤrgelegt.
Jn der Histori/
pag.
47. vnd in der Vorrede vber das Buͤch- lein vom Leben vnd Tod: Sie sprechen: Es sey dieselbige zu etli- chen malen geaͤndert/ vnd sey ein Deckmantel allerley Rotten vnd Secten. Sie schreyen zwar/ es hab ein Privatperson nicht koͤnnen noch sollen im geringsten Buchstaben ein so offentliches
Scriptum,
das im gemeinen Namen aller Chur- vnd Fuͤrsten/ dem Keyser ist vberreycht worden/ veraͤndern. Wir wissen aber/ daß im gering- sten nichts ist daran veraͤndert/ so viel die Sachen in sich selbst/ vnd
den
ET RESTAVR. DISCVRS. XXVII.
den Verstand Christlicher Lehr thut betreffen. Allein das gestehen wir/ daß etliche Puncten darinnen heller sind erlaͤutert/ vnd auß- fuͤhrlicher bißweilen erkläret worden; vnnd solches nicht auß einer Privatpersonen Gutduͤncken/ sondern auß gemeinem Raht/ vnd im Namen aller Lehrer.
Eben dieses setzt D. Selnecker in seiner
Oration,
so Anno 1575. gedruckt/ aber Anno 1604. etwas anderst herfuͤr kommen/ eben/ wie in seiner Außlegung vber das erste Buch Moyses/ in der Vorrede: Vnd vermahnet noch ferner/ in der Altenburgischen Kirchenordnung/ die Prediger deß Orts/ daß sie die Lehr/ so in den Artickeln der Augspurgischen Confession/ vnd derselben
Apologi,
Schmalckaldischen Artickëln/
Catechismis Lutheri,
vnd darauff erfolgten angehaͤngten Büchern/ als da sind die
Repetition
der Augspurgischen Confession/
Loci Communes, Examen ordi- natorum,
vnd Widerlegung der Baͤpstischen Bayrischen Arti- ckeln erhalten/ dem Volck verstaͤndlich/ ordentlich vnd vngefaͤlscht vertragen sollen.
Iohannes Brentius
schreibet eben auff solchen Schlag an
Vitum Theodorum
: Jch pflege diese letzte
Edition
mit der er- sten zu comparieren/ daß ich sehen moͤge/ was darinnen geaͤndert; vnd befinde/ daß fast viel darinnen geaͤndert. Jch weiß aber/ daß
Philippus
nicht ohne Vrsach/ vnd auß etwan einer Leichtsinnig- keit etwas zuaͤndern pfleget.
Die Chur-Saͤchische
Theologi,
setzen zu Altenburg auff dem
Colloquio,
wider
Flaccium
diese Wort/
pag.
403. Wir koͤn- nen leicht abnehmen/ auß was Vrsachen man gern wolte auß dem Wege geraͤumet/ vnd auß der Menschen Gedancken gebracht ha- ben/ die jenige Confession/ welche auß
Lutheri
Willen/ Raht vnd Befehl widerumb vbersehen/ vnd abermals fuͤr dem tausend fuͤnff- hundert vnd viertzigsten Jahr in den Druck ist verfertiget worden. Vnd bald darauff: Sie moͤgen aber wissen/ daß wir dessen/ wol kündig/ daß auff Anmahnung vnd Beliebung/ ja auß Befehl
Lu- theti, Philippus
dieselbige vbersehen/ vnd auffs new in den Druck
Ss iij
ver-
GERMANIÆ PERTVRBATÆ
verfertiget habe. Vnd wird
pag.
368. gleichfoͤrmig gesetzt. Auch schreibet mehr angezogener
Chytræus, pag.
47. die vermehrete vnd gebesserte Confession vnd
Apologi,
seyen auff den
Colloquiis
zu Wormbs vnd Regenspurg von den Evangelischen Staͤnden/ den Widersachern fuͤrgelegt worden. Welches die Altenburgischen
p. 435. Actor.
auch andeuten. Vnd ward Keyser Ferdinand An. 1561. wegẽ deß Convents zur Naumburg/ auch damaligen Vnterschrei- bung/ schrifftlich erinnert/ daß man nichts newes suche/ sondern bey der in Anno 1530. vberreychten/ vnd in Anno 1540. vnd 1542. vberse- henen vnd verbesserten Confession vnd
Apologi
bleibe/ auch dieselbe in rechtem vnd der H. Schrifft/ wie auch der widerholten Confes- sion vnd
Apologi,
gemaͤssigen Verstand behielte. Vnderschrieben haben beyde Churfuͤrsten/ Pfaltz vnd Sachsen/ der Brandenburgi- sche Gesand/ Wolffgang Pfaltzgraff/ Philips Landgraff/ Chri- stoff Hertzog zu Wirtenberg/ Carl Marggraff zu Baden.
Vnd hieher gehoͤret/ was
Hospinianus p.
175. was die Land- graffen in Hessen Gebruͤdere/ Anno 1577. an den Churfuͤrsten Au- gustum schreiben; auch was
Tom. Ien.
4. zufinden: Auch eben- wol in
Corpore doctrinæ,
da Philippus eine
Repetition
verfaßt/ die man gen Trient auff das
Concilium
sollen senden/ vnd nicht nur von denselbẽ
Theologis,
sondern von den Brandenburgischen/ Mannsfeldischen/ Straßburgischen/ vnd vielen andern genehm gehalten worden: So gar/ daß auch
Ecc us, Burckardus
vñ
Ho- sius
allhier nichts gesucht/ vnd sich mit dem Wort Erlaͤuterung/ oder rechtmaͤssigem Verstand befriedigen lassen/ biß
Flaccius Illy- ricus
diesen Laͤrmen angefangen/ der gleichwol vber die Calvinisten sollen außgehen/ als welche/ wegen deß Abendmahls nicht die erste/ sondern die gebesserte vnd repetierte Confession vnd
Apologi,
sich belieben lassen.
Es ist aber der mehrere Streit/ wegen deß zehenden Artickels der vberreychten Confession/ der ist mit diesen Worten abgefaßt/ geschrieben/ verlesen/ vnd vbergeben: Vom Abendmahl deß
Her-
ren wird also gelehret/ daß wahrer Leib vnd Blut Christi wahrhaff-
tiglich
ET RESTAVR. DISCVRS. XXVII.
tiglich vnter der Gestalt deß Brods vnd Weins im Abendmahl ge- genwaͤrtig sey/ vnnd da außgetheilet/ vnd genommen wird: Der- halben wir auch die Gegenlehr verwerffen. Welcher Artickel mit eben so viel Worten/ Sylben vnd Buchstaben im Concordibuch/ vnd im Saͤchsischen Augapffel zufinden. Diese Abschaffung kon- te den 4. Staͤtten gar nicht gefallen/ weil sie dieselbe fuͤr gantz Baͤp- stischhielten/ wie
Cælestinus
im vierdtẽ Theil der Augspurgischen Concilien meldet/ mit diesen Worten: Jetzt komme ich auff die Sacramentierer/ deren Oberste vnnd Hauptleute auff diesem Reichstag gewesen/
Bucerus
vnnd
Capito,
die gleichwol von allen andern Artickeln Christlichen Glaubens/ den vom Abendmahl deß
He
rren/ außgenommen/ eins mit den vnserigen meynten vnd lehr- ten/ wie auß etlichen der Histori einverleibten Schreiben erhellet vnd bekannt ist. Vnd bald hernach/ weil sie aber im Werck selbst es mit den vnserigen hielten/ vnd darfuͤr wolten gehalten seyn/ daß sie auch in diesem Artickel nur mit Worten mißhellig weren/ vnd vn- sere
Theologi
solches gleichwol nicht gestatteten/ oder gestunden/ wurden sie gezwungen/ eine besondere Confession jhres Glaubens/ schrifftlich zuverfassen/ vnd dem Keyser vorzutragen. Dieselbe lau- tet also am 18. Cap. Von diesem hochwuͤrdigen Sacrament deß Leibs vnd Bluts Christilehren/ befehlen vñ treiben die vnsern alles/ was die Evangelisten/ Paulus vnd die H. Vaͤtter von denselbigen hinderlassen/ vñ preisen dannenhero allezeit mit sonderlichem Fleiß/ die Guͤte Christigegẽ die seinen/ durch welche Er nit weniger heut/ als in seinem letzten Abendmahl/ allen denen/ so vnter seine Juͤnger von Hertzen sich zehlẽ lassen/ wann sie dieses Abendmahl/ wie Er es selbst eingesetzt/ widerholen/ seinen wahren Leib/ vnnd sein wahres Blut wahrhafftig zuessen vnd zutrincken/ zur Speiß vnd Tranck der Seelen/ dadurch sie zum ewigen Leben vnterhaltẽ werden/ durch die Sacramenten gnaͤdig geben thut/ auff daß nunmehr Er in jhnẽ/ vnd sie in Jhme leben/ vnd bestaͤndig bleiben/ die Er auch am Juͤng- sten Tag zu einem newen vnd vnster blichen Leben wil aufferwecken/ nach jenen seinen Worten der Warheit: Nehmet/ vnd esset/ das ist mein Leib: Trincket alle darauß/ dieser Kelch ist mein Blut/ ꝛc.
Vnd
GERMANIÆ PERTVRBATÆ
Vnd wenden vnsere Prediger sonderlichen Fleiß an/ daß sie der Zuhoͤrer Gemuͤhter nicht allein fuͤr allem Gezaͤnck/ sondern auch von vberfluͤssigem vnd vorwitzigem Nachgruͤbeln/ auff das ziehen vnd lencken/ was allein nutzet/ vnd allein von Christo vnserm Hey- land beobachtet worden/ daß naͤmlich/ wann wir Jhn gessen/ in Jh- me/ vnd durch Jhn/ einen Gott wolgefaͤlligen/ heiligen/ vnd auch deßwegen einen beharꝛlichen vnd seligen Wandel fuͤhren: Vnd daß wir alle vntereinander ein Brod/ vnd ein Leib seyen/ die wir eines Brods in dem heiligen Abendmahl theilhafftig werden. Jst auch fuͤrwahr dannenhero geschehen/ daß die Goͤttliche Sacramenta/ namentlich das hochheilige Abendmahl Christi zumal am alleran- daͤchtigsten/ vnd mit sonderbarer Ehrerbietung/ bey vns beydes ver- handelt vnd genommen wird.
Auß diesem allem/ welches waͤhrhafftiglich auff solche Wei- se beschaffen/ erkennen ewere Durchleuchtigste Majestaͤt/ Aller- gnaͤdigster Keyser/ wie faͤlschlich von vnsern Widersachern ange- zogen wird/ die vnserige verkehren die Wort Christi/ vnd zerreissen sie durch Menschliche Außlegungen/ werde auch in vnsern Ver- samlungen nichts anders/ als das blosse Brod/ vnd der blosse Wein verhandelt/ ja/ das Abendmahl deß
Her
rtn were bey vns veracht vnd verworffen. Dann es lehren vnd vermahnen die vnserige mit hoͤchstem Ernst/ daß ein jeder mit einfaͤltigem Glauben diese Wort deß
Her
ren/ hindangesetzt aller der Menschen Außlegungen vnd falschen Glossen/ ergreiffe/ vnd sein Gemuͤht auff deroselben Mey- nung/ allen Zweiffel auß dem Wege geraumet/ setze. Endlich/ die Sacramenta zu einer lebendigmachenden Nahrung jhrer See- len/ vnd danckbarlichen Verkuͤndigung einer so grossen Gutthat/ jmmer zu mit aller moͤglichen Andacht empfahe: So weit die vier Staͤtte.
Nun lautet aber die verbesserte/ oder geaͤnderte Confession in diesem Paß viel anderster/ als wie sie vbergeben worden: Von dem Abendmahl deß
Her
ren wird gelehret: Daß der Leib vnnd Blut Christi wahrhafftiglich zugegen sind/ vnd den Niessenden in dem
Abend-
ET RESTAVR. DISCVRS. XXVII.
Abendmahl deß
Her
ren außgetheilet werden; vnd verwerffen die/ so anderst lehren. Zu dieser Abfassung wolten sich die vier Staͤtte/ auch die Schweitzer/ gern verstehen; oder solte man zu der ersten Abfassung diß einige Erlaͤuterungs-Woͤrtlein (Sacramentlicher Weise) setzen/ sonsten wuͤrde die Baͤpstische Meynung gebilliget/ daran jhnen gleichwol allen gelegen.
Sehr nachdencklich ist auch/ daß zwischen den Baͤpstlern vnd Lutheranern/ ohne der vier Staͤtte Zuthun vnd Belieben/ eben damals einen Vergleich getroffen/ vnnd lautet mit Keyserlichen Worten: Demnach gebieten vnd wollen wir/ daß in dem gantzen Roͤm. Reich vestiglich gehalten/ gelehret vnd geprediget werde/ daß vnter der Gestalt Brods vnd Weins/ vnnd vnter jeglichem dersel- ben/ der wahre Leib/ vnnd das wahre Blut Christi vnsers Heylands wesentlich vnd wahrhafftig gegenwaͤrtig sey; vnnd alle die jenigen/ so darwider lehren/ schreiben/ predigen/ oder halten/ nicht geduldet/ angenommen/ oder gestattet werden sollen.
Deme zufolge schreibet Luther an vnderschiedlichen Orten: Die jenige suͤndigen nicht wider Christum/ die einige Gestalt allein brauchen. Er fuhr zu/ vnd behielte die
Elevation,
dem Carlstatt zuwider vnd Verdruß/ welche er doch geneigt war fallen zulassen wider die Papisten.
Vnd Hoffmann spricht in seiner Schutzrede: Jch habe staͤts fuͤr Augen diese eyfferige Wort
Lutheri,
welche in
Formula Concordiæ
stehen. Jch rechne die jenige alle fuͤr Sacramentie- rer vnd Schwaͤrmer/ wie sie auch sind/ die da nicht glauben wollen/ daß deß
Her
ren Brod im Abendmahl sey sein natuͤrlicher Leib. Auch schreibet Luther anderstwo: Die Gestalt deß Brods/ seine Dicke/ Länge/ Breyte/ Farbe: Jst nun deß Leibs Christi Dicke/ Laͤnge/ Breyte vnd Farbe worden/ durch sein Wort. Welches Selnecker noch außfuͤhrlicher setzet: Die
accidentia
deß Brods/ naͤmlich/ die Groͤsse/ Weite/ Haͤrte vnd Farbe/ sind die Figur vnd Gestalt deß Leibs Christi/ welcher Leib die sichtbare vnd eusserliche Menschliche Figur abgelegt: Jn der Verantwortung auff die
Tt
fünff-
GERMANIÆ PERTVRBATÆ
fuͤnff vnd zwantzigste Aufflag. Dannenhero auch Luther wider die Waldenser/ Schwarmgeister/ vnd himmlische Propheten/ ja kurtz vor seinem Tod wider einen zu Loͤven gelehrt: Man sol Christum/ weil sein Leib in der Hostien sey/ alldar anbeten: Gibt auch den Schwaͤrmern vnrecht/ lobt aber Bapst
Nicolaum,
der
Berenga- rium
angehalten zuglauben/ daß er mit seinen Zaͤhnen den wahr- hafftigen Leib Christi zutruͤcke/ vnd zerreibe.
Brentius
macht zwar ein scheinbare Außlegung hieruͤber/ vnnd gibt dem Leib das Brod/ vnd der Seelen/ oder dem Glauben/ die angehaͤngte Verheissung/ aber nicht zu jedermanns Genuͤgen. Dann entweder haben die Lu- theraner jhre erste Confession betrieglich abgefaßt/ oder sind von derselbigen abgewichen: Vnd wann sie die erste behalten/ wer- den sie bald widerumb zu den Papisten tretten; weil sie in diesem Hauptpuncten/ daran man erkennet/ mit welcher Parthey es ein jeder halte/ den Baͤpsten so nahe vnd aͤhnlich/ ja/ so wenig von jhnen abgewichen sind: Bleibet auch vest/ tausendmal eher widerumb zuruͤck ins Bapsthumb/ als fuͤr sich zu den Calvinisten getretten: Aber doch laͤßt sich
Bellarminus
verlauten: Es haben entweder die Calvinisten/ oder die Baͤpstler/ im Streit/ wegen deß Abend- mahls recht/ vnnd schwebe Luthers Meynung nur im Mittel/ dar- umb sie sich der mal eins auff eine/ oder die andere Parthey werde lencken. Auch ist glaublich/ der Keyser wuͤrde diesen zehenden Arti- ckel gar nicht passieren lassen/ da er jhn nicht seiner Meynung gleich vnd aͤhnlich verstanden haͤtte.
Aber es muß alles vber
Philippum
gehen/ der es dem einen recht/ dem andern vnrecht gemacht haͤtte. Die Calvinisten loben jhn/ daß er sein erste Meynung/ vnnd harten Sinn wider sie sin- cken lassen/ nach dem er im Jahr 1535. zu Marpurg
Buceri
Mey- nung eygentlicher haͤtte verstanden; auch von derselbigen Zeit an/ der vier Staͤtte Bekanntnußnie verdammen wollen: Ja
Agrico- lam
vnd
Regium
zur Einigkeit vermahnet/ auch an Brentzen ge- schrieben: Er haͤtte keinen Streit mit jhnen. Die Wittenbergi- sche
Concordi
befoͤrdert er/ vnd hielt sie/ biß an sein Ende: Macht
Anno
ET RESTAVR. DISCVRS. XXVII.
An. 1540. bestaͤndige Freundschafft mit
Calvino,
demeer sich auch im folgenden Jahr zu Regenspurg gar nicht widersetzte/ sondern die Antwort/ so die Fuͤrsten dem Pfaltzgraffen vñ Bischoffen von Ar- ras solten geben/ dergestalt abgefast/ daß sie mit der Calvinischen Meynung gaͤntzlich vberein stimmet. Vnd als jhn Bischoff Her- mann An. 1542. nach Coͤln beruffen/ die Clerisey zu reformieren/ hat er die Anbetung der Hostien hindertrieben/ vnd im selben Jahr/ wie
Hunnius
bejahet/ die Zeugnuͤssen der Kirchenlehrer/ so er wider
Zvinglium
zusam̃en gelesen/ in einer Epistel widerruffen. Schrei- bet auch im folgenden Jahr an
Vitum
: Er hab gantz kein Gefallen bey dem/ daß Luther den Sacramentstreit auff ein newes wider an- gezuͤndet/ verbessert auch seine
Locos C.
fuͤr das letzte mal/ die Lutheꝛ gelesen/ vnd nicht gnugsam preisen koͤnnen. Ferner bekuͤm̃ert er sich hoͤchlich/ daß Luther die kleine Bekantnuͤß lassen außgehen/ vnd den vnseligen Krieg verbittere/ wie auß seinem Schreiben an Bullin- gern zusehen: Ließ sichs auch zu Wittenberg vnverholen vermer- cken/ ob schon Luther deßwegen vmb etwas alteriert/ vnd bey dem Churfuͤrsten klagte; doch allezeit frey gesagt: Er liebe jhn/ wie sein eygene Seel. Weil nun die Lutheraner sich je laͤnger je weiter von den Calvinisten nach Luthers Tod/ abgethan/ ist
Philippus
jenen desto verhaßter/ vnd diesen desto beliebter worden: Doch hielten viel hochansehnliche Lutheraner allezeit viel von jhm: Vnd scheinet/ er habe/ vnter dem Vorwand/ eines Vergleichs/ auff beyden Achselen wollen tragen.
Sonsten rechnete man ins gemein vnter die Lutheraner/ de- ren sie sich gleichwol nicht wolten annehmen/ die Widertaͤuffer/ so in vnzehliche Secten vnter sich selbst zerfielen/ weil sie den Geist ei- nem jeden frey lassen: Die Zwinglianer/ so hernach/ wegen gemei- ner Lehr vom Abendmahl/ Calvinisten genannt worden/ sich aber selbst Reformierten nenncten/ als die alle Ceremonien deß Bapst- thumbs abgethan haͤtten: Die Schwenckfelder/ so sich an dem Le- ben aller Sectierer aͤrgerten/ alles auß dem Geist erforderten/ vnd in vielen Stuͤcken es mit den Widertaͤuffern hielten/ aber zu Schmalkalden verworffen worden. Die Socinianer/ welche alles
Tt ij
nach
GERMANIÆ PERTVRBATÆ
nach der Vernunfft ermessen/ vnnd dannenhero weder frembde Schuld/ noch frembde Huld/ in Adam vnnd in Christo/ erken- nen.
Eben also hatte es hundert Jahr zuvor die Hussiten/ die Calix- tiner/ die Piccarder/ die Waldenser/ oder Waldbruͤder/ die Thabo- riten/ die Eyfferer in Boͤhmen gegeben. Weil aber die Wider- taͤuffer so gar wüste Haͤndel in Westphalen angefangen/ wurden sie einhelliglich von allen Staͤnden deß Reichs/ gedaͤmpffet/ in Muͤnster belaͤgert/ vnd so viel moͤglich/ auß Teutschland außge- schafft/ doch in Frießland vnnd Maͤhren etlicher massen gedul- det/ die Schwenckfelder deckten sich mit Melanchthons Mantel/ wie auch die Zwinglianer. Dann gleich wie Luther anfangs den Hussiten herb/ endlich aber sanfft ward/ nach dem er jhrer Sachen besser kuͤndig worden; also verketzerte Melanchthon auch anfangs die Zwinglianer/ vnd nahm sie doch endlich auff vnd an/ weil es mehr vmb die Wort vnd Schaal/ als vmb den Artickel vnnd Kern zuthun schiene/ gantz wider Luthers Meynung. Die Socinia- ner wurden gleich den Widertaͤuffern/ weil sie den hohen Artickel der Dreyeinigkeit/ auß der Natur vnbegreifflich/ vertilget/ biß sie sich in Polen begeben/ vnnd endlich nach Rackaw gesetzt/ vnd von dannen sehr scharpffe Buͤcher in die Welt lassen außgehen. Jn summa/ es gab in Teutschland diese drey Hauptsecten/ die Baͤpsti- sche/ so sich Catholische nennen; die Lutherische/ so sich die allein seligmachende Religion zueygnet; vnnd die Calvinische/ oder Zwinglische/ so sich die Reformierte/ oder Rechtglaubige schelten lassen.
Ein Gemaͤhld gieng auß/ selbiger Zeit/ die Roͤmische Cleri- sey auff einen Brandraitel/ Erasmus spaltet Holtz/ Luther macht das Fewer/ Zwingel schoͤret zu mit der Gabel. Vnd weil die Re- formierten anfangs nur in Schweitz/ vnd bey den vier Staͤtten im Oberland sich befanden/ achtet man jhrer nicht viel/ da aber Fuͤrsten vnd Herꝛn/ ja Chur Pfaltz selbst/ jhre Meynung von dem Abend- mahl annahmen/ eyfferten die Lutheraner gegen sie/ welches der Roͤ-
mischen
ET RESTAVR. DISCVRS. XXVII.
mischen Kirchen jederzeit zum besten kommen/ wann naͤmlich/ die Abtruͤnnige sich trenneten/ vnd einander selbst auffrieben. Eben wie die alte Roͤmer den groͤssern Theil der Welt vnter sie gebracht/ in deme sie sich in der Benachbarten Zanck gemischet/ vnnd dem Schwaͤchsten beygestanden/ den Gewaltigen zuforderst/ vnd her- nach jhren Freund selbst zu vnterdruͤcken vnnd zuverschlingen. Doch konte es der Bapst mit dieser schwaͤchsten Parthey nicht hal- ten/ dieweil die Reformierten jhm weit mehr zuwider lehreten/ als die Lutheraner.
Es hatte aber der Keyser weitlaͤufftige Gedancken/ der Bapst were zwar befriediget/ aber nicht versoͤhnet; der Tuͤrck hindertrie- ben/ aber nicht geschlagen; der Frantzoß gedaͤmpfft/ aber nicht gede- muͤhtiget; der Engellaͤnder erzoͤrnet/ (weil der Keyser wider Zusag vnd Vermuhten/ das Koͤnigl. Fraͤwlein in Portugall geheuratet/ vnd die in Engelland sitzen lassen) aber nicht bestritten; der Denne- maͤrcker verglichen/ aber nicht bekehrt/ vnd gantz Teutschland in Vnruhe; zugeschweigen/ er auch in Spanien selbst/ vnd in Jtalien ein wachendes Aug auff alle begebende Zu- vnd Abfaͤll haben mu- ste/ vnd nicht etwan die truͤbe Wolcken von Norden/ oder ein Platz- regen von Suden/ vielleicht ein Sturmwind von Osten/ vnd ein Vngewitter von Westen herein brechen/ vnd jhn vbereylen moͤch- te: Darumb trawete er dem Sonnenschein nicht zuviel/ vnd wol- te sich in Teutschland/ wie er dem Bapst versprochen/ nicht vber- tieffen/ biß er seine eygene Laͤnder in gute Ordnung gebracht haͤtte. Vnd weil er in seinem Abwesen durch seinen Bruder/ Ertzhertzog Ferdinand/ den Reichshaͤndeln beygewohnt/ gedachte er denselben den Staͤnden vor einen Roͤmischen Koͤnig/ der nach jhm den groͤ- sten Gewalt/ vnd auff begebenden Todfall/ das Keyserthumb truͤ- ge/ fuͤrzuschlagen. Ließ deßwegen die Churfuͤrsten/ vnd sonderlich den Sachsen/ nach Coͤlln/ vñ zu End deß dreyssigsten Jahrs/ durch den Bischoff zu Mayntz odentlich beschreiben/ vnd versahe sich kei- ner abschlaͤgigen Antwort/ so wol wegen seiner Macht/ die jhnen alles abtringen koͤnte/ als auch auff Hoffnung eines gelinden Vr-
Tt iij
theils
GERMANIÆ PERTVRBATÆ
theils/ oder Vergleichs in dem Religionswesen. Die Protestieren- den hatten zwar jhres Glaubensbekantnuß vbergeben/ aber darne- ben ein solchen Reichsabschied muͤssen anhoͤren/ durch welchen jh- nen nicht mit dunckelen Worten/ Krieg vnd Zwang angedeutet worden. Konten auch zum besten nicht verstehen/ daß der Keyser dem Reich seinen Bruder vnnoͤhtiger Weiß wolte aufftringen/ vnd das Keyserthumb allgemach erblich behalten/ vnnd dannoch den Schein einer Wahl lassen fuͤrgehen. Suchten derowegen solches mit Glimpff abzuwenden/ ersuchten auch den Keyser zum fleissig- sten/ seine Wohnung in Teutschland bestaͤndig zuverlegen. Zu de- me wolten sie vor gewiß mercken/ wie der Keyser vnd der Frantzoß/ neben dem Bapst/ sich wider sie/ als verruchte Ketzer/ verbunden/ vñ auß deme sonderlich abnahmen/ weil man die Lutheraner allenthal- ben/ in Welschland vnd den Burgundischen Provintzen/ auch in Franckreich/ doch/ als Staadsbruͤchige zur Entschuldigung/ ver- folgte/ sengete vnd brennete. Sie konten eintzelen nicht widerstehen/ weil sie einer so gehaͤufften Macht/ gar nicht gewachsen/ vnd selbst vntereinander zwyspaltig waren. Darumb verband sich Landgraff Philips mit denen zu Zuͤrich/ Basel vnd Straßburg auff 6. Jahr/ auff daß/ wo ein Theil der Religion halben betrangt wuͤrde/ sie ein- ander zuhuͤlff kaͤmen. Bey jhren
Theologis
hielt es anfaͤnglich hart/ die wolten nicht zugeben/ daß man zur Wehr wider den Keyser griffe/ sondern man solte jhm Thuͤr vnd Thor oͤffnen/ weil die mit- telbare Obrigkeiten gegen der allerhoͤchsten Majestaͤt/ als Vnter- thanen weren zurechnen; biß die Rechtsgelehrten einen andern Be- richt gethan/ den sie auff die Keyserliche Capitulation/ Pflicht vnd Gegenpflicht gegruͤndet.
Vnd also beschrieb der Churfuͤrst in Sachsen die Protestie- rende Staͤnde in Eyl/ wegen begehrter Wahl/ nach Schmalkal- den/ auff daß man gemeiner Hand Mittel fürschlagen/ vnd ergreif- fen moͤchte/ nicht nur die Teutsche Freyheit vngekraͤnckt zuerhal- ten/ sondern auch die Wahl zuhindertreiben; dann auch von einer Gegenverfassung/ da je das Evangelion solte mit Kriegsmacht
ange-
ET RESTAVR. DISCVRS. XXVII.
angegriffen werden/ sich zuvnterreden. Auß daß nun auch ander- wertlich nichts versaumbt wuͤrde/ schickte er seinen Sohn/ Hertzog Joh. Friderichen nach Coͤln/ vñ bezeugte/ ein solch Außschreibẽ deß Ertzbischoffs zu Mayntz wer wider die Teutsche Freyheit/ vnd wi- der die guͤldene Bull. Vnd inmittels wurden zu Schmalkalden ge- wisse Artickel der Verbuͤndnuͤß/ nit jemanden zum Nachtheil/ oder Vnfug/ sondern sich selbst nur fuͤr vnrechtmaͤssigem Gewalt zu- schuͤtzen auffgesetzt. Vnd als die Wahl dannoch fortgieng/ ließ der Sachs durch seinen Sohn Vrsachen anzeigen: Warumb solche Wahl verwuͤrfflich? Vnd protestiert offentlch/ er koͤnte nicht dar- ein verwilligen: Vnter andern auch deßwegen/ daß laͤngst zuvor ein Ruff erschollen/ die beyde Bruͤder auß Oesterreich haͤtten jhre Vaͤt- terliche Koͤnigreiche vnd Landen also vertheilt/ daß das Keyserthum̃ auff dem geringen Antheil hafften/ aber von dem Groͤssern vñ Erst- gebornen vnterhalten vnd behauptet solte werden. Nach geschehe- ner Wahl brach die Versamlung auff/ vnd verruͤckt nach Aachen/ die Croͤnung mit der eisern Cron fuͤrzunehmen. Dann die andere von Silber/ ist zu Meyland/ vnd die dritte ist von Gold/ zu Bono- nien/ oder zu Rom/ ohne Zweiffel/ nach dem grossen Bild/ so der grosse Monarch Nebucadnezar bey dem Propheten Daniel im Gesicht gesehen. Vnd weil die Protestierenden eben anhielten/ vom Cammergericht zu Speyer vnangefochten zuseyn/ wurd jhnen ge- antwortet: Sie solten nur heimziehen/ die Sach were wichtig/ der Keyser haͤtte sich noch nicht gnugsam bedacht/ vnd wuͤrde zu seiner Zeit ein reiffliche Antwort ertheilẽ; wie dann damit nach Braband zoge/ vnd an die Teutsche Fuͤrsten geschrieben/ sie solten sich/ wegen einer ansehnlichen Huͤlff wider den Tuͤrcken bereden vñ vereinigen. Sie antworteten aber: Sie konten sich nicht entbloͤsen/ in deme dem Cammergericht sein starcker Lauff/ in Religionssachen wider sie zu- handeln/ gelassen wuͤrde/ da sie der Acht/ vnd allen feindlichen Ge- walts sich zubefahren; mit angehaͤngter Bitt: Alle wider sie fuͤrge- nommene Proceß/ biß auff das
Concilium
einzustellen/ so wolten sie zum Tuͤrckenkrieg vnd andern nohtwendigen Reichssachen an jhnen nichts erwinden lassen.
Bald
GERMANIÆ PERTVRBATÆ
Bald kamen sie abermals zusammen zu Franckfurt am Mayn/ vnd schlossen die Schweitzer auß jhrem Bund/ wolten auch Koͤnig Ferdinands Wahl nicht fuͤr genehm halten.
Daß nun der Keyser Huͤlff wider den Tuͤrcken begehrete/ war dieses die Vrsach: Ludwig/ Koͤnig in Hungarn/ der Vnzeitige genannt/ (weil er zu fruͤh geboren/ vnd seine Mutter Anna im Kin- delbett gestorben; zu fruͤ zu der Regierung kommen/ als Koͤnig La- dislaw sein Vatter/ jhn im 10. Jahr seines Alters/ durch den zeitli- chen Tod hinderlassen; er selbst im 14. Jahr baͤrtig worden/ im 15. Jahr geheurat/ mit Maria/
Caroli V.
Schwester/ so hernach die Niderlanden verwaltet/ vnd im 21. Jahr vom Tuͤrcken in einem Haupttreffen erschlagen worden) hatte biß daher dem Tuͤrcken wi- derstanden/ vnd weil er deß Fuͤrsten Johann
Zapolia,
oder
Zebu- sio,
nicht erwartet/ die Schlacht vnd das Leben verloren; vnd Vr- sach geben/ daß die Hungarn denselben
Zapolia
zum Koͤnig auff- geworffen/ darauß ein Krieg zwischen jhm vnd Ertzhertzog Ferdi- nand (der einig Erbrecht/ vnnd dann wegen seiner Gemahlin/ deß letzten Koͤnigs Schwester anzoge/ erwachsen.
Zapolia
wurde bey Tockay auff das Haupt geschlagen/ vnd Hungarn an Oesterreich gebracht. Es suchten aber
Zapolia
vnd seine Freunde/ Huͤlff bey dem Tuͤrcken/ vñ trugen jhm das Koͤnigreich an/ wann er wider das Hauß Oesterreich sie wolte beschuͤtzen/ vnd dem
Zapolia
zu Lehen aufftragen. So muste nun der Keyser diesem Vnheil zuforderst stewren/ damit nicht beyde Cronen/ Boͤhmen vnd Hungarn/ an ein ander Hauß abfielen. Darumb tratt er in einen engern Bund mit dem Bapst/ vnd versprach jhm/ die
Medices
wider in Florentz ein- zusetzen/ weil der Frantzoß sie vertrieben hatte/ vnd dem Alexander
Medices
seine vneheliche Tochter Margrethen zuvermaͤhlen. Darnach verglich er sich mit den Venetianern/ auch mit dem Frantzosen zu Camerich/ daß desselben junge Printzen/ gegen Er- legung zwantzig mal hundert tausend Cronen/ wider auff freyem Fuß in Franckreich kaͤmen. Mit den Protestierenden hatte es keine Noht/ weil dieselbe nichts anders begehrten/ als Fried vnd Ruhe.
Der
ET RESTAVR. DISCVRS. XXVIII.
Der acht vnd zwantzigste Discurß.
Die Protestierende schreiben an Franckreich vnd Engelland: Der Sachß beschwerd sich gegen dem Keyser. Ein Fried wird betheydigt vnd beschlossen/ biß auff das
Concilium,
daß GOtt nicht alles auff eine Zeit gict. Vom Tuͤrcken/ wie er gewichen. Warumb er nicht weiter kommen/ oder der Keyser jhn verfolgt haͤtte. Von der Wahl eines Roͤm Koͤnigs vnd Keysers. Vnd warumb man
Carolum V.
gefoͤrchtet.
D
Je Protestierende schrieben an beyde Koͤnige/ in Franck- reich vnd Engelland/ jhren Abfall von dem Roͤmischen Stul/ damit zubeschoͤnen/ daß jhre beyde Koͤnigreiche vorlaͤngst vnd kurtzem fuͤrtreffliche Maͤnner gehabt/ die den Mißbrauch deß Gottesdiensts/ auch der Clerisey Vntugen- den nicht nur gesehen/ sondern offentlich gestrafft haͤtten: Vnd e- ben solches were durch Luthern in Teutschland auch geschehen/ der die Kraͤmerey mit dem Ablaß/ vnd nach vnd nach vielandere Fehler angefochten; deme sie auch noch Gottes Wort/ vnd zu Beruhi- gung jhres Gewissens Beyfall geben muͤssen. Sie wisseten wol/ daß jhre Lehrallenthalben verhaßter Weise/ sonderlich/ wegen der Obrigkeit/ außgeruffen wuͤrde: Es haͤtte sich aber auff offentli- chem Reichstag zu Augspurg weit anders befunden. Vñ weil man sie vnangefochten nicht gelassen/ haͤtten sie sich auff ein frey
Conci- lium
muͤssen beruffen; darneben bittend/ solches bey dem Keyser zu- befoͤrdern/ vnd zu vnterhandeln/ daß solche Spaltung ohne Krieg vnd Blutvergiessen gehefftet vnd geheilet moͤchte werden.
Der Frantzoß antwortet: Jhm were nichts libers/ als daß er gantz
Europa
in gutem Fried sehe/ vnd lasse jhm den Vorschlag/ wegen eines
Concilii
wolgefallen. Er haͤtte den Teutschen je- derzeit freyen Handel vnd Wandel in seinen Landen/ auch mitten
Vv
vnter
GERMANIÆ PERTVRBATÆ
vnter der Feindseligkeit wider den Keyser/ gestattet/ vnd hielte sich von vhralter Verwandnuß seiner Voraͤltern der Teutschẽ Freund/ zu deme sie sich alles guts zuversehen haͤtten.
Der Engellaͤder erbott sich ebenmaͤssig alles guten/ auch das
Concilium
zubefoͤrdern/ mit dem Erinnern: Sie thäten wol/ daß sie die vielfaltige gehaͤssige Aufflagen ableyneten/ ob er schon vor seine Person nicht leichtlich glauben wollen. Es verhoffeten aber die Protestierenden/ weil sie wusten/ daß beyde Koͤnige mit dem Keyser/ in einen geflickten Fried/ der leichlich wider ein Loch bekom- men konte/ stunden/ es moͤchte der eine/ oder der ander auß Politi- schen Vrsachen sich auff jhre Seiten schlagen.
Jnmittelst gieng grosse Klag vber Marggraff Georgen võn Brandenburg/ daß er dem Bischoff zu Bamberg in der geistlichen Bottmaͤssigkeit Eintrag thaͤte/ die Clerisey abschaffte/ die Kirchen- guͤter enteusserte/ vnnd dannoch wider den Schwaͤbischen Bund handelte/ mit einem nichtigen Vorwand/ einer Appellation auff das bevorstehende
Concilium.
Da nun der Keyser solcher Haͤn- del viel sahe/ schrieb er einen Reichstag gen Speyer/ vn schickt Graf Wilhelm von Nassaw/ vnd den von Newenar an den Sachsen/ wegen fuͤnff Puncten: Das Abendmal/ die Kirchengebraͤuch/ die Kirchenguͤter/ die Tuͤrckenhuͤlff/ vnd Koͤnig Ferdinands Wahl be- treffend/ neben Vermeldung/ Zwingelns vnnd der Widertaͤuffer Lehr abzuschaffen/ vnd dann persoͤnlich auff dem Reichstag zuer- scheinen. Der Churfuͤrst entschuldigte sich/ wegen der Lehr/ vnd bezog sich auff die Augspurgische Confession: Die vorgetragene Puncten aber koͤnten nicht anderst/ als auff naͤchstem Reichstag eroͤrtert werden: Sein hohes Alter vnd Vnpaͤßlichkeit geben nicht zu/ in Person zureysen/ vnd dort zuerscheinen. Zu deme haͤtte er vor zweyen Jahren zu Speyer/ vnd nicht zu Augspurg/ deß Key- sers sonderlichen Zorn wider sich verspuͤret/ in dem jhm eins vnd an- der begegnet/ daß er Vrsach haͤtte/ vom Keyser vnd seinen Mitver- wanden/ ein freyes Gelait zubegehren: Auch moͤchte er ohne Lehr vnd Predigt deß Worts Gottes nicht seyn/ noch leyden/ daß man
jhm
ET RESTAVR. DISCVRS. XXVIII.
jhm einigen Vnderscheid der Speisen fuͤrschreibe/ vnd koͤnte in Re- ligionshaͤndeln Luthern nicht entrahten/ oder missen. Vber diß fiel jhm zumal beschwerlich/ daß der Keyser auff offentliches Ersuchen/ jhm nach Reichs Gewonheit/ seine Lehen zuverleihẽ bißher Beden- cken getragẽ haͤtte. Da aber er durch Vnterhandlung/ noch fuͤr An- gang deß Reichstags koͤnte begehrter massen gewerth werden/ solte jhm kein Mangel erscheinen. Hierauff kamen die Chur-Mayntz vnd Pfaͤltzische Abgesanden/ als vom Keyser/ der fuͤr dißmal auff deß Tuͤrcken Einfall sein Absehẽ hatte/ Deputierte/ nach Schmal- kalden/ ruͤhmeten hoch jhrer Principalen friedfertiges Beginnen/ richteten aber nichts weiters auß/ als daß die Protestierenden sich er- botten/ jhre Lehr weitlaͤufftiger zuerklaͤren/ wann sie vnd jhre
Theo- logi
frey vnd sicher/ auch ohne Maßgebung moͤchten auff dem Reichstag erscheinen; aber inzwischen alle/ jhrer Lehr verwande/ vñ die sich noch kuͤnfftig darzu bekennen wuͤrden/ in Fried seyn koͤnten/ biß sich der gantze Handel einmal fuͤr alle/ vor einem ordentlichen
Concilio
liesse vertragen/ vñ der Fried in Teutschland bevestigen. Weil aber der Tuͤrck auff Hungarn starck angezogẽ kam/ verschub der Keyser den Reichstag auff den Eingang deß folgenden Jahrs/ vñ verlegt jhn gen Regenspurg/ damit er dem Hungarischẽ Kriegs- wesen desto naͤher seyn moͤchte. So feyerten die Protestierendẽ auch nicht/ weil sie sich befahrten/ der Keyser wuͤrde nunmehr mit Gewalt vnd vnterm Schein dem Tuͤrcken zubegegnen/ durchtringen/ was er zu Wormbs/ Speyer vñ Augspurg/ mit scharffen Worten nicht erhalten koͤnnen. Darumb hielten sie viel Zusam̃enkuͤnfften/ schlos- sen jhren Bund/ wegen der Gegenwehr/ vnd nahmen noch etliche Staͤtte in den Bund. Aber Dennemarck/ Mechelnburg/ Pom̃ern/ Luͤneburg vñ die Seestaͤtte/ wanden allerhand Vrsachen vor/ war- um̃ sie in den Bund nicht tretten koͤnten/ beneben sonst allem freund- lichen erbieten.
Der Keyser erhub sich mit angehendem Jahr auß den Ni- derl anden/ dem Reichstag zu Regenspurg in Person vorzustehen/ vnd weil er in Kundschafft bracht/ daß Sachsen vnd Hessen/ sambt dem Bayerfuͤrsten/ an Franckreich hielten/ vnd einen Bund/ die
Vv ij
Teut-
GERMANIÆ PERTVRBATÆ
Teutsche Freyheit zubeschuͤtzen/ geschmiedet haͤtten/ setzet er die vorige Vnterhandlung wider fort/ ließ den Protestierenden zu Schweifurt vortragen/ sie solten nichts ferners aͤndern/ biß auff das
Concilium,
sich der Zwinglischen vnd Widertaͤufferischen Lehr gantz vnd gar entschlagen/ das Kirchenwesen nicht sperꝛen/ sich zu der Tuͤrcken Huͤlff verstehen/ die Buͤndnuͤssen auffheben/ den Reichs-Abschieden/ dem Keyser vnd Roͤmischen Koͤnig Gehorsam leysten. Aber es wolte zur Genehmhaltung der Roͤmischen Koͤ- niglichen Wahl nichts helffen/ sondern wurd starck auff die guͤldene Bull getrungen/ das Fuͤrstenrecht/ vnd deß Reichs Hohheit/ auch deß Keysers Eyd vñ Pflicht herfuͤr gezogen/ vñ begehrt/ die guͤldene Bull zu einem ewigen Recht zuerklaͤren. Jm Fall sie dieses nicht moͤchten erlangen/ wolten sie in gemeiner Reichsversamlung gnug- sãme Vrsachen anzeigen/ warumb sie diese Wahl nicht billigen koͤnten. Vnd weil sie/ als Widerspenstige/ jnn- vnd ausserhalb deß Reich beschmitzt weren/ solte der Keyser jhnen nicht vbel außdeuten/ wann sie Jedermaͤnniglich wuͤrden jhres Thuns Vrsachen anzei- gen. Die Herꝛn Vnterhaͤndler meynten/ man solte desto eher zu einem bestaͤndigen Frieden gelangen koͤnnen/ wann sie die Wahl fuͤr genehm hielten; Zumal sie verhofften/ der Keyser vnd Koͤnige wuͤr- den sie nach aller Notturfft versichern/ daß solche Wahl weder jh- nen/ noch jhren Erben/ nimmermehr solte zu Nachtheil gereychen: Auch wuͤrden die Churfuͤrsten/ wegen vorgangener Wahl/ erhebli- che Vrsachen vorzuwenden wissen. Was aber die Staͤtte/ so Zwinglischer Lehr zugethan/ belanget/ haͤtten dieselbige im vorigen Jahr zu Schmalkalden zur Genuͤge sich erklaͤret/ also/ daß die Saͤchsische mit jhnen zufrieden weren.
Fuͤr dißmal geschahe den Herꝛn Vnterhaͤndlern dieser Fuͤr- schlag zum Friede: Sie/ die Protestierende wolten sich/ sampt de- nen/ so zu jhnen tretten moͤchten/ bey der vberreychten Confession vnd
Apologl,
biß auff das so offt versprochene
Concilium
halten/ jhre Prediger vngefordert/ in keine frembde Herꝛschafft senden/ doch derselben Dienst auff Reichstaͤgen/ vnd bey dem Tuͤrckenzug
nicht
ET RESTAVR. DISCVRS. XXVIII.
nicht entrahten/ die geistliche Bottmaͤssigkeit in gegenwaͤrtigem Stand lassen/ die Kirchenguͤter auch/ wohin sie eygentlich/ sampt jhren Jaͤhrlichen Einkommen gehoͤrig. Vnd demnach solte ein je- der sein Gebuͤhr/ vnd den gemeinen Nutzen beobachten. Als man nun auff das hoͤchste/ vnnd nicht naͤher zusammen kommen koͤn- nen/ setzten die Vnterhandlungs-Fuͤrsten einen Tag zu Nuͤrn- berg: Daselbst richtet der Keyser/ ob man gleich in allen Puncten nicht einig werden konte/ in Betrachtung/ der Tuͤrck in Oester- reich eingefallen/ vnd allenthalben Huͤlff zusammen zufuͤhren von- noͤhten war/ im gemeinen Fried durch gantz Teutschland auff/ vnd gebotte/ daß von wegen der Religion/ niemand solte angefochten werden/ biß auff ein
Concilium;
oder da keines zuerhalten/ also lang/ biß die Staͤnde deß Reichs einander Mittel/ solche Zwy- tracht hin zulegen/ erfinden moͤchten: Welche darwider thun würden/ solten ernstlicher Straaff gewaͤrtig seyn. Er stellet auch wuͤrcklich ein/ vnd vernichtet/ was in geistlichen Sachen der Reli- gion halben angefangen/ oder hernach mochte fuͤrgehen: Welches alles durch ein offentlich Mandat bestaͤttiget/ vnd deß Reichs Cam- mer/ auch andern Richtern anbefohlen worden.
Hierauff erklaͤrten sich die sieben Fuͤrsten/ vnd vier vnd zwan- tzig Staͤtte/ so im Bund stunden/ allen Gehorsam/ Dienst vnd Hülff wider den Tuͤrcken zuleysten. Geschehen zu Nuͤrnberg/ den 23. Julij/ Anno 1532.
Vnd ist sich billig zuverwundern/ daß der Keyser so viele Handlung gepflogen/ vnd so gar weit gewichen/ darumb er auch bey der Clerisey wenig Danck verdienet. Vnd als der Vice Cantz- ler Held einsmals herauß stieß/ der Keyser wolte das Augspurgi- sche Decret vollnziehen/ vnnd solte gleich gantz Teutschland zur Wuͤsteney daruͤber werden. Deme der Keyser in die Rede gefallen/ diß hab ich dir nicht befohlen/ solche Sachen zureden/ das sey fern/ fern sey es von mir/ daß ich Teutschland verheeren wolle/ als mein allerliebstes Vatterland/ welches mir die Zierd deß Reichs/ vnd die hoͤchste Ehr verliehen.
Vv iij
Gleich
GERMANIÆ PERTVRBATÆ
Gleich wie sich zuverwundern ist/ daß die Protestierende bald eben so vest an Luthers Schrifften/ vñ fuͤrnemlich an der Augspur- gischen Confession hielten/ als an dem Wort Gottes selbst/ da sie jhnen doch selbst fuͤrbehalten/ in Kirchensachen/ auff Belieben zu ringern vnd zumehren: Ja/ sich so sehr auff die vngeenderte Confes- sion hernach bezogen/ daß sie allen denen Wasser vñ Weyd versagt/ die im geringsten davon abgewichen/ als wann der goͤttlichen Weiß- heit vnd Erleuchtung eben damals/ biß auff den Boden erschoͤpfft/ vnd vber die Confessionsschmiede außgegossen were/ daß auff die kuͤnfftige Zeiten gar nichts vbrig bleiben kuͤnte. Gleich wie fuͤr eine Ketzerey durchaͤchtet worden/ was man von etlichen Laͤndern jen- seit der Mittagslini/ vnd von dem vierdten Theil der Welt/ auß de- ren Bewohnung herfuͤr gebracht/ welches gleichwol jetzt auch den Kindern kund ist. Also glaubten die Jndianer vnd Wilden nicht/ daß ein Brieff oder Schrifft/ vber so viel Meilen/ Berge/ Thal vñ Wasser/ mit einem andern/ ohne Stein/ durch die Augen reden/ vnd deß andern Fuͤrhaben vñ Gedancken eroͤffnen koͤnte. Vnd wer solte jemals fuͤr eine Moͤglichkeit haben gehalten/ daß ein Schrifftsetzer/ vnd ein Drucker in wenig Tagen mehr Buͤcher koͤnten schreiben/ als etliche hundert Moͤnche in Jahresfrist/ wann vns die edle/ vnd vberruͤhmliche Kunst der Druckerey nit solches moͤglich vnd werck- lich machte. Also forchteten die Wilden das blatzen/ vñ schiessen der Fewerroͤhr/ als ein hellisch Werck/ welches ein verborgẽ Fewer truͤ- ge/ vñ mit einem kleine Loͤchlein den Menschen durch ein Bley/ dem nicht zuwiderstehen/ faͤllete vnd toͤdete/ deß grossen vngehewren Ge- walts/ von den Orlogsschiffen zugeschweigẽ. Vnd werkan wissen/ ob nicht in deß Menschen Sinn noch mehr vnbegreiffliche Sachen stecken/ welche auß seinẽ Geist herfliessen/ daß er etwan etliche Wer- cke koͤnt verrichten/ so wir jetzt den Engeln allein moͤglich wissen.
Weil nun Soliman mit einem vberauß grossen Feldzug herbey ruckte/ den vorigen Schimpff (als er Zabolian wider eingesetzt/ die beste Vestungen zu seiner Versicherung fuͤr sich belegt/ vnd Wien hart belaͤgert/ aber von Pfaltzgraff Philipsen/ Kriegsobristen in der
Statt/
ET RESTAVR. DISCVRS. XXVIII.
Statt/ nach vielen vergeblichen vñ abgeschlagenen Stuͤrmen/ auch auß Forcht der anziehenden Huͤlff/ mit grossem Schaden muͤssen abziehen) zuraͤchen/ vnd so wol mit Keyser
Carolo
vmb drey Herꝛ- schafft der gantzen Welt/ als mit Ferdinand/ vmb das Koͤnigreich Hungarn zustreiten/ ruͤstet sich der Keyser/ wie gemelt/ vnd bekam grosse Huͤlff vom Bapst vnd von den Teutschen/ dann der Fran- tzoß/ vnd Polack/ die Engellaͤnder vnd Schweitzer schickten keinen Mann. Gritti deß Waywoden Feldobrister/ griff Gran an/ vnd schlug den Entsatz/ so von Wien vñ Preßburgkam. Soliman zog mit hellem Hauffen auff die Steyrmarck/ vñ ließ den Jbraim Bas- sa das Staͤttlein vnd Schloß Guͤntz am Newsidler See belaͤgern. Niclas Jurischtzi/ ein Hungar/ lag darinnen mit 10. Pferden 28. Hussaren/ vnd 700. Bawern/ schlug jhnen 11. Stürm ab/ vernicht etliche Minen mit gegengraben/ ward endlich vberhoͤhet mit dem Geschuͤtz/ vnd konte nicht hindern/ daß 8. Faͤhnlein Tuͤrcken auf die Mauren kommen/ die er nicht mehr/ wie zuvor/ da sein Volck noch muhtig war/ doͤrffen zuruͤck schlagen. Vnd als seine noch vbrige Knecht sich nahend an die Mauren vnter einen kleinen Schirm/ de- sto vortheilhafftiger zufechten wichen/ vnd jhr Leben desto thewrer zuverkauffen dicht zusam̃en ruckten/ erhubẽ Weib vnd Kinder/ als bey verzweiffeltem Handel/ ein gaͤhlinges Zettergeschrey in der Ve- stung/ daß die Tuͤrcken auff der eingefallenen Maur vermeynt/ es breche ein starcker Hinderhalt herfuͤr/ deßwegẽ zuruͤck gewichen/ vnd jhr Laͤger auffgehoben: Fuͤrnemlich aber/ weil der Keyser/ vnd sein Bruder Ferdinand 30000. zu Roß/ vnnd 80000. zu Fuß heran fũhreten/ vnd vor Wien/ bey der Wolffsbrücken sich setzten. Da auch Casan Mahalogky mit 15000. Reutern/ biß an Lintz zwar ge- strehfft/ doch võ Philips võ Oberstein/ vnd Hauptman Scherteln mit 500. Hackenschuͤtzẽ vberfallen/ vnd in die Flucht gebracht/ von Pfaltzgraff Friderichs Hauffen hernach angetroffen/ vnd 2. Meil Wegs verfolget/ auch also Marggraff Joachim von Branden- burg in die Haͤnd gejagt worden/ der jhn so blutig empfangen/ vnd abgefertiget/ daß nicht zwey hundert mit dem Leben davon kom̃en/
auch
GERMANIÆ PERTVRBATÆ
auch Casan selbst im Getuͤmmel tod geblieben: Darumb macht sich der Tyeann auff/ fort vnd darvon/ ob er schon drey mal hun- dert tausend Mann/ vnd drey hundert Stuͤck groben Geschuͤtzes in diesem Zug fuͤhrete. Vnd ob schon etliche meyneten/ man solte dem Feind nachsetzen/ hielt es doch der Keyser fuͤr rahtsamer/ daß man den Voͤlckern abdanckte/ vnd einen jeden seines Wegs widerumb ziehen ließ.
Zubedencken/ warumb der Tuͤrck nicht fortgesetzt/ oder der Keyser jhn in dem Abzug nicht verfolgt. Es waren aber die Haͤn- del in Hispanien nicht allerdings klar/ weil Granaten deß Jochs noch nicht allerdings gewohnt/ Arragonien grosse Freyheiten vor- wendete/ vnd Cathalonien an Franckreich graͤntzete/ auch von vn- dencklichen Jahren ein Aug dorthin geworffen: Fuͤr allen Dingen aber/ ein Oesterreichischer den Spanischen nicht eben in seiner Ju- gend gefallen wolte: Da auch Franckreich vmbschluͤge/ es vmb Neaples vnd Sicilien geschehen. Andere meyneten/ es haͤtte Key- ser Carlen nicht eben grosse eyl/ die Oesterreichische Laͤnder von dem Tuͤrcken zuerretten/ ob er schon denselben mit einem geschwinden Heer zuruͤck weisen koͤnnen/ weil die Voͤlcker in
Europa
gantz kernhafftig/ das gantze Jahr vber im Feld stehen blieben; die wey- che Asiatische aber zwar hiemit der Menge ankaͤmen/ doch nur biß an den Winter tauglich weren/ vnd eben jetzt gantz abgemattet/ oh- ne sondere Muͤhe/ wie die reiffe Birnfallen solten. Vber dieses/ so moͤchte sich Teutschland selbst beschuͤtzen/ oder die Spanische Huͤlff thewer bezahlen.
Es solte auch Koͤnig Ferdinand lernen/ daß er ohne die Spa- nische Macht nicht bestehen moͤchte/ vnd daß die Ertheilung zwar geschehen/ aber doch der Gestalt/ daß Spanien nicht wuͤrde vnter- lassen/ jhme solche Laͤnder je laͤnger je mehr zu officierten/ vnd nicht nur auff begebenden Erbfall/ sondern auch durch vnvmbgaͤngliche Huͤlff verobligiert zumachen. Nun war der Bapst gestillet/ vnd zu einem guten Goͤnner gemacht/ ob er sich schon nicht wenig be- klagte/ daß der Keyser sich geistlicher Haͤndel vnter fienge/ wie
An-
tonius
ET RESTAVR. DISCVRS. XXVIII.
tonius Possevinus, Andreas Fabritius, Iohannes Paulus Win- deccius,
vnd andere mehr davon schreiben. Gleichwol muste man sich allerseits in die Zeit schicken: Wie auch der Tuͤrck thaͤte/ als welcher wuste/ was Zwyspalt in der Mahometischen Religion jhm fuͤr Schaden gethan; vnd nunmehr besser/ dann zuvor gesehen hat- te/ was Teutschland allein/ ohne Franckreich/ Spanien/ Engel- land/ Dennemarck/ Schweden vnd Polen thun koͤnte. Darumb ließ er jhm die Friedenstractaten nicht allerdings zuwider seyn/ vnd lag in gleichem Spital kranck mit
Carolo.
Dann/ wie Keyser Carlen ein maͤchtigen Feind an dem Frantzosen hatte/ ob er jhn schon gedemuͤhtiget; vnnd wegen Veraͤnderung der Religion/ in Sorgen stunde/ auch auff das Hauptwesen in Spanien noht- wendig sehen muste: Also war der Tuͤrck in Hungarn/ mehr auß anderer Fuͤrsten Zwytracht/ als eygener Macht/ weit kom- men. Muste sich aber fuͤr dem Persianer foͤrchten/ er moͤchte entweder mit voller Macht jhn vberziehen/ oder durch die veraͤn- derte Mahometische Religion seine Voͤlcker zum Abfall verrey- tzen. Darumb dachte er an Constantinopel/ vnnd wolte den Keyserlichen Sitz nicht fern auß Haͤnden lassen. Nun hatte er solchen Progreß in Hungarn gethan/ vnnd den Waywoden zum Koͤnig in Hungarn eingesetzt/ auch den Christen in Occident sol- chẽ Schrecken eingejagt/ juͤngst mit der Belaͤgerung Wien/ vñ jetzt mit so scharpffen Streyffen/ daß er ihm die Rechnung wol machen koͤnnen/ man wuͤrde jhn nicht verfolgen/ noch begehren im Hauß zusuchen; darumb konte er auß Hungarn abziehen/ wann er nur wolte. Doch erachtet er eine Notturfft/ daß er in Hungarn eine Kriegsschul vnterhielt/ da sich die Asiatische Voͤlcker/ gleich/ wie Stahl vnd Eisen/ koͤnten haͤrten/ vnd jhme desto besser durch das gebuͤrgige Land Armenien/ gegen den Persianer dienen. Auch koͤn- te durch solche Zuͤge den vnruͤhigen Koͤpffen vorgebogen/ oder wol gar abgeholffen werden/ wann sie außerhalb deß Vatterlands Vr- sach vnd Hoffnung zu grossem Reichthumb vnd Ehrenstand vor sich sehen. Vnd weil der Tuͤrck weiß/ daß der Christen Macht ein-
Xx
tzelen/
GERMANIÆ PERTVRBATÆ
tzelen/ auch nicht bald zusammen stoͤst/ vnd dannenhero langweilig/ vnbeharꝛlich/ auch widersinnig ist/ achtet er solcher gar nicht/ ja pfle- get sie einem Thier mit vielen Koͤpffen/ vnd einem grossen schwe- ren Leib zuvergleichen/ da ein jeder Kopff vnd Tropff vermeinet/ seine Weiß sey der beste/ vnnd der gantze Leib auch so viel andere Koͤpffe solten jhm nachfolgen. Vnd hingegen das Tuͤrckische Wesen nur einem einigen Kopff/ der viel Arm/ Haͤnd vnd Fuͤß hatte/ die allesampt den einigen Kopff/ wo er sich hinwendet/ nach- ziehen musten.
Vnd nach dem wir so offt verstanden/ wie die Protestierende Stãnde jederzeit die Guͤldene Bull vorgeschuͤtzt/ warumb sie Ertz- hertzogs Ferdinands Wahl zu einem Roͤm. Koͤnig nicht koͤnten fuͤr genehm halten/ ist hiervon zuwissen: Dieweil in dem Roͤmi- schen Reich es mancherley Zwyspalt vnd Kriege/ sonderlich/ wegen der Wahl eines Roͤmischen Koͤnigs/ oder Keysers/ auch manches- mal lange Kriege vnd viel Blutvergiessens geben/ hielt Keyser
Ca- rolus IV.
ein grossen Reichstag zu Nuͤrnberg/ vnd richtet auff die Guͤldene Bull/ zu einem ewigen Gesatz fuͤr das Keyserthumb/ vnd redet gleich anfangs also: Wann wir Amptswegen/ so wir võ Key- serlichen Wuͤrden tragen/ den zukuͤnfftigen befahrenden Trennun- gen vnd Vneinigkeiten vnter den Churfuͤrsten selbsten (in welcher Zahl wir/ als ein Koͤnig zu Boͤhmen auch zuseyn erkannt werden) auß zweyerley Vrsachen/ so wol/ wegẽ deß Reichs/ als deß Rechten/ so wir in der Wahl haben/ zubegegnẽ schuldig: So habẽ wir Einig- keit vnter den Churfuͤrsten zuerhalten/ vnd ein einmuͤhtige Wahl einzufuͤhren/ auch besagter abschewlicher Zertrennung/ vnd man- cherley Gefahren/ so darauß entstehen moͤchten/ den Zutritt zuver- sperꝛen/ in vnserm ansehnlichen Hof zu Nuͤrnberg/ da alle Churfuͤr- sten/ Geist- vnd Weltlich/ vñ die andern Fuͤrsten/ Graffen/ Freyen/ Landherꝛn/ Edlen vnd Staͤtte in grosser Anzahl bey vns/ auff dem Keyserlichen Stul/ vnd mit Keyserl. Jnfeln/ Jnsignien vnd Crone geziert sassen/ mit fuͤrgehendem zeitigen Berahtschlag/ vñ außvoll- kommener Keyserl. Macht geordnet/ gesetzt vñ beschlossen/ im Jahr
deß
ET RESTAVR. DISCVRS. XXVIII.
deß Herrn 1356. in der neundten Jndiction/ den 10. Monatstag Ja- nuarij/ vnserer Reich im Zehenden/ vnd deß Keyserthumbs im Er- sten.
Nun folget von Zeit vnd Stell der Wahl also: Wann es a- ber darzu kom̃en ist/ daß man eines Keysers/ oder Roͤm. Koͤnigs Ab- sterben in dem Bischthumb Mayntz gewahr vnd jnnen wird: So befehlen vnd setzen wir/ daß alsdann jnnerhalb eines Monats/ von dem Tag an/ da man desselbẽ Wissenschafft empfangen hat/ anein- der zurechnen solcher Abgang vnd Verkuͤndigung/ darvon vorge- melt/ allen Churfuͤrsten durch den Ertzbischoffen zu Mayntz/ in sei- nen offnen Brieffen/ verkuͤndet vnd zuwissen gemacht werden soll. Vber dz setzen vñ ordnẽ wir auch/ daß ein Ertzbischoff zu Mayntz/ so der Zeit seyn wird/ einem jeden seiner Mit Churfuͤrsten/ Geist- vñ Weltlichen/ dieselbe Wahl durch seine Botten/ mit offenen Brief- fen verkuͤnden/ vñ in solchen Brieffen ein solcher Tag vnd Termin außgedruckt vnd bestimpt werden sol/ in welchem dieselbe Brieff je- den Churfuͤrsten vermuhtlich moͤgen zukommen.
Der Jnhalt aber solcher Brieffe sol seyn/ daß von dem Tag an- an/ darinn bestimpt/ innerhalb, Monaten/ einander zurechnen/ alle vñ jede Churfuͤrsten zu Franckfurt am Mayn seyn/ oder jhre gnug- same Bottschafften/ zu solchem Termin vnd Ort mit gantz voll- kom̃enem Gewalt/ vnd jhren offenen Brieffen/ mit eines jeden groͤs- sern Jnsigel besigelt/ einem Roͤm. Koͤnig/ so hernach zu einem Key- ser zuerheben/ zuerwehlen abordnen sollen. Nachdem aber die offtge- melten Churfuͤrsten/ oder Bottschafft zu Franckfurt einkom̃en/ sol- len sie bald den nechstfolgenden Tag in der Fruͤh daselbst in der Bar- tholomei Kirchen/ in aller Gegenwaͤrtigkeit/ eine Meß von dem H. Geist/ biß zum Ende singẽ lassen/ daß er/ der H. Geist/ jhre Hertzen erleuchten/ vnd das Liecht seiner Krafft/ in jhre Sinne eingiessen wolle/ damit sie durch dessen Huͤlff vnd Beystand/ einen gerechten/ guten vnd nuͤtzlichen Menschen/ zu einem Roͤmischen Koͤnig/ vnd zukuͤnfftigen Keyser/ zu Heyl vnnd Wolfahrt der Christenheit er- wehlen moͤgen. Vnd wann die Meß also vollbracht/ sollen alle
Xx ij
die-
GERMANIÆ PERTVRBATÆ
dieselbigen Churfuͤrsten/ oder deren Bottschafften/ zu dem Altar/ auff welchem die Meß verrichtet worden/ tretten/ da dann die geist- liche Churfuͤrsten fuͤr dem Evangelio deß heiligen Johannis/
in principio erat verbum, \&c.
so daselbsten vor sie gelegt werden soll/ jhre Haͤnde mit aller Ehrerbietung/ auff die Brust legen. Die weltliche Churfuͤrsten aber das gemelte Evangelion/ mit den Haͤn- den leiblich anruͤhren/ auch sie allesampt/ mit jhrem gantzen Gesind/ alsdann daselbst vngewapnet darbey stehen/ vnnd der Ertzbischoff von Mayntz jhnen die Form deß Eyds fuͤrhalten/ vnd zugleich mit jhnen/ vnd sie/ oder der abwesenden Bottschafften gleichfals mit jh- me/ den Eyd auff Teutsch leysten sollen/ inmassen hernach folget. Jch N. Ertzbischoff zu Mayntz/ deß heiligen Reichs durch Ger- manien Ertz-Cantzler/ vnd Churfuͤrst/ schwere zu den heiligen Ev- angelien/ so zu gegen fuͤr mir liegen/ daß ich bey den Trewen/ damit ich Gott/ vnd dem heiligen Roͤmischen Reich verbunden bin/ nach aller meiner Erkantnuß vnd Verstand/ mit der Huͤlffe Gottes wil erwehlen/ ein weltlich Haupt dem Christlichen Volck/ das ist/ einen Roͤmischen Koͤnig zu einem Keyser zuerheben/ der dazu tuͤglich sey/ so viel mich meine
Discretion,
Bescheydenheit vnd Sinne weisen/ vnd nach vorberuͤhrter meiner Trew vnd Stimm. Vnd wil mei- ne Stimme vnd Wahl geben/ ohne alles Geding/ Belohnung/ Gaab/ Verheissung/ oder/ wie solches genannt moͤge werden: Als mir Gott helffe/ vnd alle Heiligen.
Wann dann der Eyd durch die Churfuͤrsten/ oder dero Bott- schafften/ in fuͤrgeschriebener Form vnd Weiß geleystet worden/ so sollen sie zur Wahl schreiten/ vnnd fuͤran von gedachter Statt Franckfurt/ nicht kommen/ es habe dann zuvor der mehrertheil ein weltlich Haupt Christlichem Volck der Welt/ naͤmlich/ einen Roͤ- mischen Koͤnig/ zu einem Keyser kuͤnfftig zuerheben/ erwehlet. Wo sie aber solches verziehen/ vnd solches junerhalb dreyssig Tagen/ an einander zurechnen/ von dem Tage an/ daran sie den Eyd geleystet/ nicht thun wũrden: Alsdann nach Vberfliessung solcher dreyssig Tagen/ sollen sie nur Brod essen/ vnd Wasser trincken/ auch keines
wegs
ET RESTAVR. DISCVRS. XXVIII.
wegs auß der obgemelten Statt/ kommen/ es sey dann zuvor durch sie/ oder den Mehrertheil vnter jhnen/ ein Regierer/ oder weltliches Haupt der Christenheit/ als vorgemelt ist/ erwehlet wor- den.
Wir befinden auch auß offenbaren vnnd lautern Anzeigun- gen vnd Verordnungen der Alten/ daß von langer Zeit hero/ deren man nicht gedencken mag/ durch vnsere Vorfahren/ wol vnd ohne vnterlaß im Brauch gewesen/ daß die Wahl eines Roͤmischen Koͤ- nigs zum kuͤnfftigen Keyser in der Statt Franckfurt/ die Croͤnung zu Aach/ vnd der erste Koͤnigliche Hoff zu Nuͤrnberg gehalten wor- den: Derowegen wir auß gewissen Vrsachen/ auch in kuͤnffti- gen Zeiten solches zuhalten erklaͤren: Es were dann/ daß den Vorgemelten allen/ oder jhrem einen sonderbare Hinderungen fuͤr- fielen.
Vnd dieses ist der Außzug auß der Guͤldenen Bull/ auff wel- che sich der Churfuͤrst in Sachsen beruffen thaͤte: Das Roͤmische Reich were nicht ohne Haupt/ die Wahl were nicht auß Noht/ oder Gutachten der Churfuͤrsten fuͤrgenommen/ der Ort vnd Statt Franckfurt stuͤnden mit hellen klaren Worten benamet; vnnd da man zusehen wolte/ daß die Guͤldene Bull im geringsten versehret wuͤrde/ moͤchte man dieselbige hernach allenthalten duͤrchloͤchern. Doch konte man leicht erachten/ weil der Keyser den Sachsen mit den Reichs-Lehen so lang auffgehalten/ daß er jhm ein gleiches ge- dachte zuerwidern. Auch blieb vnvergessen/ daß der Keyser die Wir- tembergische Lehen seinem Bruder Ferdinand so schleunig ertheilt haͤtte/ vnd wie hiebevor geschehen/ dem Hauß Oesterreich ferner suchte alles heimzutreiben. Es haͤtte aber der Sachß auch ge- dencken sollen/ da er so steiff an den Worten hafftet/ er werde auch schlechthin zu der Meß gewiesen. Gewiß ist es/ daß Rom nit aller- dings gern gesehen/ wie gantz Spanien/ Hungarn vnd Boͤhmen/ Oesterreich vnd Burgund/ Neapels vnd Meyland/ solcher Gestalt in einander gewachsen. Dann wann ein solcher Monarch kein gleichen finde/ der sein Begierd/ alles nach Belieben zuthun/ vmb
Xx iij
etwas
GERMANIÆ PERTVRBATÆ
etwas im Zaum hielte/ koͤnte er sich auch vber vnd wider die Kirch erheben/ lauter Moͤnch vnd Meßpriester auß jhnen machen/ oder wol gar zum Ketzer werden/ vnd die Kirch verfolgen vnd vertilgen: Wie dann die Historien von den Teutschen Keysern sehr viel Vn- heyl mit sich fuͤhrten/ daß manchmal die Kirch so wol in Teutsch- als in Welschland/ in eusserster Gefahr gestanden. Also foͤrcht sich der Roͤm. Stul fuͤr Keyser Carls Hoheit vñ grosser Macht/ wegen der geistlichen Guͤter vnd Lehen; gleich wie die Protestierende auff jhre vhralte Freyheit sahen/ damit sie vnter ein solches Haupt gerah- ten moͤchten/ das jhnen eygenthaͤtiger Weiß Gesatz vnd Ordnung im Welt- vnd Geistlichen fuͤrschriebe. Dann die Fuͤrsten hielten biß daher alle einander gleich/ vñ wolten gar nicht vom Keyser/ noch seinen Raͤhten Vrtheil leyden/ sondern in gemeinem Fuͤrstenraht gegen einander zu Red vnd Antwort stehen: Welches der Sachß außer allem Zweiffel/ auch gestattet haͤtte/ wann er die Rom. Cron wollen annehmen/ auch wol gestatten muͤssen.
Weil aber ein so maͤchtiger Herꝛ/ der mit seinen Erblanden Teutschland schier vmb die Helfft vmbzirckelt/ zum Keyserthumb gelangt/ konte jederman jhm leicht die Rechnung machen/ daß viel Sachen eygensinniger Weise wuͤrden ablauffen/ vnd ein jeder nur. GOtt dancken/ wann er nicht gar vnter das Joch getrieben sehe. Vnd eben dieses hat der Ertzbischoff zu Trierweit Außsehend bey der Wahl erinnert/ als er merckte/ daß Teutschland entweder den Frantzosen/ oder den Spanier zu einem Regenten würde wehlen.
Es muste aber Gottes Fuͤrschung vnd Verordnung jhren Fortgang finden/ wie sehr sich auch Menschliche Witz darwider setzte.
Der
ET RESTAVR. DISCVRS. XXIX.
Der neun vnd zwantzigste Discurß.
Von der Schweitzer Vnruhe. Wie Engelland/ wegen eines Heurats/ abgefallen: Was fuͤr Fehler mit vnter gelauffen. Wie der Keyser in Barbarey gesieget/ vnd in Jtalien Fried ge- macht. Von deß Frantzosen Entschuldigung/ wegen deß Bunds mit dem Tuͤrcken. Wie Hertzog Heinrich von Braun- schweig vberwunden/ vnd gefangen/ aber Hertzog Vlrich von Wirtemberg wider eingesetzt worden.
J
N Schweitz gab es dieser Zeit/ wegen der Religion viel Veraͤnderungen/ vnd auch offentlichen Kri
ǝ
g/ ja blu- tige Treffen/ in deren einem Zwingeln erschlagen wor- den. Vnd dieweil sie allerseits merckten/ es wuͤrden sich frembde Potentaten darem schlagen/ vnd vnter dem Schein der ge- leysteten Huͤlff jhre Freyheit vnterdrucken/ machten sie Fried vnter- emander/ daß ein jeder glaubte/ wie er hoffte selig zuwerden. Aber in Engelland gab es ein sehr grossen Abfall/ in dem der Koͤnig/ deme der Roͤm. Stul den Namen ertheilet: Ein Beschuͤtzer deß Glau- bens. Weil die Koͤnigl. Hand vnd Feder sich so tieff herunter ge- lassen/ vnd mit Luthern vber der Religion wollen streiten/ ein Ele- phant gegen einer Muͤck/ mit allen seinen Vnterhanen vom Roͤm. Stulabgefallen/ vnd sich selbst das Haupt der Englichen Kirchen genant/ welches also zugangen. Koͤnig Heinrich hatte seines Bru- ders
Arturi
Wittib/ Fraw Catharinen/ Keyser Carlen Mutter Schwester/ durch Nachlaß
Iulii II.
zur Ehe genom̃en/ vñ 20. Jahꝛ mit jhr friedlich gelebt. Vnd ob schon die Koͤnigin offt schwanger worden/ gelage sie jmmer/ entweder einer vnzeitigen Geburt/ oder brachte Kinder/ die nicht lang lebeten/ als nur ein einige Tochter/ Maria/ so hernach Koͤnigin worden.
Endlich
GERMANIÆ PERTVRBATÆ
Endlich/ hatte der Koͤnig sonderliche Begierd nach Manns- Erben/ vnd fieng an/ weil er sonsten auch etwas Liebreich/ ein Wi- derwillen gegen die Koͤnigin/ als seines Bruders gewesen Eheweib zuschoͤpffen/ als koͤnte die Ehe nicht bestehen.
Thomas Volsæus,
ei- nes schlechten Herkommens/ den der Koͤnig zum Ertzbischoff zu Cantelberg hernach gemacht/ machte/ oder vnterhielte bey dem Koͤnig solche nagende Gedancken/ weil jhm der Keyser nicht hatte auff den Baͤpstischen Stul geholffen/ wie versprochen/ darumb gedachte er/ seinem Koͤnig deß Koͤnigs in Franckreich Tochter bey- zulegen/ wann nur das Ehebett ledig stuͤnde. Vnd weil der Koͤnig seine Augen auff Anna von Bolen geworffen/ vnd seine Gnad vom
Volsæo
abgewand/ graͤmet er sich zu tod.
Thomas Morus,
kam an seine Stell/ vnd verlohr den Halß/ weil er den Scheidbrieff nicht billigen wollen: Vnd Bapst Clemens faͤllet endlich das Vrtheil wider den Koͤnig/ nach deß Keysers Sinn/ vnd gleichwol fuhr der Koͤnig fort/ aber nach eingeholtem Gutachten seiner vnd anderer hohen Schulen/ vnd nahm die von Bolen zum Weib/ versagt dem Bapst bey angehendem 1534. Jahr/ allen Gehorsam/ vnd verbott den seinen/ kein Gelt/ auch nicht S. Petersgroschen/ nach Rom mehr zusenden/ vnd ließ sich von dem Parlament zum Haupt der Englichen Kirchen machen. Anna von Bolen gebahr jhm eine Tochter/ Elisabeth/ so nach jhrer aͤltesten Schwester Koͤnigin wor- den/ vnd wurd/ wegen deß Ehebruchs/ mit dem Beyhel gerichtet. Darumb nahm der Koͤnig Johannetten von Semeren/ die jhren Geist auffgab/ als sie Eduarden/ der vor seinen zwo Schwestern Koͤnig gewesen/ zur Welt bracht haͤtte. Deß Koͤnigs vierdte Ge- mahlin war deß Hertzogen von Cleve Tochter/ die er aber alsobald wider nach Hauß gesand. Die fuͤnffte genommen/ vnd auch ent- haupten lassen/ auff daß er die sechste nehmen moͤchte.
So machens grosse Herꝛn/ wann sie Leut finden/ die nach jh- ren Begierden rahten: Alsdann erheben sie sich vber alle welt- vnd geistliche Gesetz/ vnd schreiben dann/ das ist vnser endlicher Will vnnd Meynung: Vnd wann sie einem schlechten Mann sein
Weib/
ET RESTAVR. DISCVRS. XXIX.
Weib/ oder Tochter zu Vnehren gebrauchen/ sol man noch sagen/ grossen Danck/ gnaͤdiger Herꝛ. Dann/ wo wil man sie verklagen? Was aber fuͤr grosses Vnheil auß Geylheit vnd Vnzucht entste- he/ koͤnte der Koͤnig David erzehlen/ da seine Kinder ein ander deß- wegen ermordet/ vnd jhn selbst von dem Koͤniglichen Thron ver- stossen.
Das Exempel von dem Trojanischen Krieg ist alt/ wie auch von dem letzten Koͤnig
Tarquinio
zu Rom/ vnd dann von der Sa- racenen Einfall in Spanien. Dann was die Menschen nicht rich- ten wollen/ oder koͤnnen/ das richtet Gott/ fuͤr welchem kein Anse- hen der Person/ oder Koͤniglichen Wũrden ist. Aber hiebey wider- umb zubencken/ warumb Julius vnd Clemens vber diese Ehe mit deß verstorbenen Bruders Wittib/ widerwertiges Vrtheil gespro- chen? Vnd hatte schier das Ansehen/ als haͤtte
Raison d’ Estat,
bey dem Roͤmischen Stul hie vnd dort golten; wil nicht sagen: Daß Julius vnter dem Gedoͤß seiner Kriegswaffen/ auff alles vnd jedes so eben nicht sehen koͤnnen/ wie
Marius
der Roͤmer sagte: Als er wi- der die gemeine Stattordnung etwas gehandelt/ vnd das Burger- recht zur Vnzeit etlichen Voͤlckern geben. Doch sagt Moses im Gesetz: Du solt deines Weibs Schwester nicht nehmen/ bey jhrem Leben/ oder sie zubeschaͤmen vnd zuverstossen: Auch war es sonsten gebotten/ daß der vberlebende Bruder deß Verstorbenen Wittib nahm/ vnd seinem Bruder Saamen erweckte: Gleich wie in dem Koͤnigreich Polen annoch geschicht. Also moͤchte wol Julius noch recht gevrtheilet/ vnnd Clemens den Fehler begangen haben: Vnd zwar/ wann man durch den Anfang von der Sach sprechen soll. Dann da etwan der Nachlaß/ oder Dispensation in Ehesa- chen dem Roͤmischen Stul Freunde gemacht/ vnd Gelt gebracht/ also geschahe hie das Widrige/ daß naͤmlich/ der Koͤnig abfiel/ vnd alle geistliche Jntraden fuͤr sich/ vnd seine eygene Clerisey behielte. Also wird auß dem besten Wein der schaͤrpffeste Essig/ vnd auß dem zartesten Fleisch/ das stinckenste Aaß. Also thut der Mensch jederweilen wider sich selbst/ weil er deß kuͤnfftigen keine Wissen-
Yy
schafft
GERMANIÆ PERTVRBATÆ
schafft hat; wie die Kraͤmer sagen: Wer wißt/ der gewinne. Vnd scheinet Bapst Clemens haͤtte dem Keyser zu Gefallen etwas ge- than/ damit der Heurath zwischen deß Keysers vnehelichen Toch- ter/ vnd
Alexandro Medices
fortgienge. Auch hatte man lange Zeit vber dem Handel sich berahten: Ob ein Bapst deß andern Spruͤche zuaͤndern/ vnnd in welchen Faͤllen/ auch wie weit/ befugt vnd gemaͤchtigt were? Vnd ob das Sacrament der H. Ehe/ wie es in der Roͤm. Kirchen wird genennet/ von einem Bapst gebilliget/ vñ von dem andern vmbgestossen koͤnne werden? Schier nahe ein We- sen/ wie nach der Aposteln Zeiten man in
Africa
sich gezweyt/ ob man die bekehrte Ketzer/ oder die von jhrem Fall wider auffge- standene/ vnd nach der Verlaͤugnung der Goͤttlichen Warheit sich wider bekehrende/ solte auff ein newes tauffen? Da dann die ge- meine Regel gelten muß. Nach der Zeit Beschaffenheit aͤndert sich eins vnd anders.
Das Vrtheil/ daß die Ehe zwischen Koͤnig Heinrichen/ vnd Koͤnigin Catharinen kraͤfftig/ vnd er schuldig sey/ sie zum Weib zuhaben; vnd da er es nicht thaͤte/ deß Banns gewaͤrtig were; war zwar ergangen/ doch gerewet es den Bapst dessen alsobald. Dann sechs Tag darnach kamen Brieff vom Koͤnig in Franckreich/ daß der von Engelland zufrieden/ das ergangene Vrtheil/ wegen seines thaͤtlichen Beginnens anzunehmen/ vnnd Gehorsam zuleysten: Mit dem Beding/ daß die Cardinaͤl/ so jhm verdaͤchtig/ sich deß Handels nicht anmassen/ vnd vnverdaͤchtige Personen gen Kame- rich abgefertigt werden solten/ sich aller Sachen zuerkuͤndigen. A- ber der Koͤnig/ so bald er das Vrtheil gesehen/ sagte: Es haͤtte we- nig zubedeuten/ der Bapst moͤge Bischoff zu Rom seyn/ er wolle al- lein Herꝛ in seinem Koͤnigreich seyn/ vnd hierinn dem Exempel der alten Kirchen in Orient folgen: Er koͤnne nichts desto weniger ein guter Christ seyn/ vnd verhindern/ daß weder die Lutherische Ketze- rey/ noch eine andere in seinem Koͤnigreich einreisse. Vnter anderm schlosse sein Parlament/ das ist/ die Staͤnde/ alle Bischthumb in Engelland soltẽ von dem Ertzbischoff zu Cantelberg verliehen wer-
den/
ET RESTAVR. DISCVRS. XXIX.
den/ deßwegen soͤlte man zu Rom nicht ansuchen: Vnd solte die Cle- risey Jaͤrlichs dem Koͤnig 150000. Pfund Sterling/ das Pfund gerechnet zu 4
\frac {"4"} {"9"}
. Reichsthlr/ zu Beschuͤtzung deß Koͤnigreichs erle- gen. Diese Handlung deß Koͤnigs wurd vngleich außgelegt/ dann etliche hielten darfuͤr/ er haͤtte weißlich daran gethan/ daß er sich von der Roͤm. Dienstbarkeit befreyet hãtte/ ohne einige Newerung in der Religion/ vñ ohne Auffruhr vnter dem Volck; vnd daß er sich nicht an das
Concilium
beruffen haͤtte/ welches schwerlich in das Werck zustellen/ vnd dann eingefaͤhrlich Ding were/ dieweil leichtlich zuer- achten/ daß ein
Concilium,
so allein von geistlichen Personen be- stehet/ deß Bapsts Macht vnd Gewalt/ darvon sie erhalten vnd be- schuͤtzet werden/ wuͤrde vertheydigen wollen. Dann dieweil der Bapst jhr Haupt ist/ sind sie vber alle Koͤnige vnd Keyser: Aber der Roͤmische Hoff wolte nicht gestehen/ daß keine Enderung in der Lehr geschehen were/ dieweil der erste vnd fuͤrnehmbste Artickel/ wel- cher ist von dem Gewalt deß Bapsts/ vmbgestossen worden/ wel- ches eintzigen halben/ eben so wol Empoͤrungen entstehen wuͤr- den/ als wegen der andern allen/ wie dann auch geschehen. Dann der Koͤnig/ damit er sein Mandat hielte/ wurde genoͤheiget/ stren- ge Execution wider etliche seiner Vntersassen/ die jhm sonsten lieb vnd werth waren/ fuͤrzunehmen. Es ist nicht zusagen/ was fuͤr Hertzeleyd dieses zu Rom/ vnd bey allen Geistlichen erwecket/ daß ein so gewaltiges Koͤnigreich vom Baͤpstischen Gehorsam abge- fallen. Dann die Nachlaß in Heuratssachen/ vnd die Vrtheil/ we- gen der Ehescheidung/ so bißweilen zugelassen/ bißweilen abgeschla- gen wuͤrden/ S. Peters Groschen/ den der vhralte Koͤnig Jnos noch soll gestifftet/ vnd auff jedes Haupt gelegt haben/ zugeschwei- gen/ trug Jaͤhrlich ein grosse Summa Gelts.
Vnter deß hatte
Carolus
Anlaß/ seine Waffen in die Barbarey zusetzẽ/ dadurch er seinẽ Bruder in Vngarn vm̃ etwas Lufft mach- te/ vñ dem Tuͤrcken Abbruch thaͤte. Dann als Soliman dem Ha- riaden
Barbarossa,
einem verruͤhm̃ten Meerraͤuber von Mitylehn/ Volck vnd Schiff vntergeben/ was
Andreas Doria
der Genueser
Yy ij
in
Mo-
GERMANIÆ PERTVRBATÆ
in
Morea
vor Staͤtte eingenom̃en/ wider zuerobern/ traff das Vn- gluͤck auch den Muleaß zu Tunis/ oder alt Carthago/ daß jhn
Barbarossa
vberzog vnd vertrieb. Jhme thaͤt
Carolus
Huͤlff/ vnd nahm die Zeit wol in acht/ als Solimann tieff in Persien war ge- ruckt/ vnd Thoma Jsmaels Sohn das Gluͤck der Waffen pruͤf- fete; auch
Barbarossa
sich dessen nicht versahe/ setzt
Carolus
vber/ verjagt den
Barbarossa,
raumbt dem Muleaß alles wider ein/ auß- erhalb der herꝛlichen Apotheck/ so sehr beklagt ward/ vnnd bawe- te die Vestung
Guletta,
die Schifffahrten den Christen desto fer- tiger zumachen. Solimann hatte zwar anfangs Gluͤck/ zerstoͤ- ret Tauriß/ vnd erobert
Scleucia,
mußte aber/ wegen Mangel Le- bensmittel/ eylender/ als jhm lieb war/ zuruͤck ziehen/ vnd wurd von deß Koͤnigs Hertzogen einem vnter Wegs geschlagen. Aber
Ca- rolus
kam wider in Hispanien/ nach einem bestimbten geringen/ doch recht heroischen Tribut/ von Falcken/ vnd dergleichen. Vnd als das Hertzogthumb Meyland/ nach Absterben Hertzog Fran- tzen/ ledig stund/ behielt es der Keyser fuͤr sich/ als ein verstorbenes vnd
apert
Reichs-Lehen/ das er auß Keyserlicher vollkommener Macht/ nach Belieben/ vergeben moͤchte. Aber der Frantzoß wolte solches/ wegen seiner Vhran-Frawen Valentina/ wie sonsten ge- meldet/ zum Lehen tragen: Weil nun der Keyser es fuͤr kein Kun- ckel- oder Weibslehen hielte/ vnd den Frantzosen abwiese/ fiel derselb dem Saphoyer ins Land/ vnd nahm viel veste vnd gute Ort ein. Darumb befahl der Keyser dem
Antonio Leva,
ein Zug auff Nar- bonn vnd Marseilien zuthun. Vnd weil
Barbarossa
in Dalma- tien/ vnd in die Moldaw war eingefallen/ hatte
Paulus
III.
desto weniger Muͤhe/ Frieden zustifften/ doch mit seines Hauses Nutzen/ da
Alexandri Medices
Wittib/ deß Keysers vneheliche Tochter/
Octavio Farnesio,
deß Bapsts naͤchstem Vetter/ wurde beyge- legt/ vnd also die Freundschafft bestaͤttiget. Vnd weil der Keyser/ der Bapst vñ die Venetianer/ dem
Barbarossa
gedachten zubege- gnen/ machten sie ein grosse Schiff-Armada/ richteten aber nichts auß/ vnd erlitten etwas Schaden.
Vnd
ET RESTAVR. DISCVRS. XXIX.
Vnd weil dem Frantzosen vbel nachgeredt ward/ schickt er eine Bottschafft in Teutschland an die Protestierenden Fuͤrsten nach Schmalkalden/ vmb zweyer Vrsachen willen/ weil er die Luthera- ner an seinem Koͤnigreich ließ verbrennen/ vnd einen Tuͤrckischen Gesanden in seinem Hoff hatte/ sich zu entschuldigen. Gewiß war/ daß zu Pariß selbst jhrer sechs auff einmal offentlich verbrand worden. Das bemaͤntelt er/ ob haͤtten etliche Mißthaͤter vnter dem Schein der Religion/ den gemeinen Nutzen gehindert vnd ver- worꝛen/ denen er auch seiner gelinden Natur zuwider/ nach dem Exempel seiner Vorfahren/ muͤssen begegnen. Daß man aber nur jhn von den Teutschen zutrennen/ fuͤrgebe/ als weren etliche Teutschen auch hingerichtet worden/ wer nicht befindlich: Das jhm dann lieb/ ob gleich seine Reichs Vnterthanen anderwertlich vmb Mißhandlung wol moͤchten/ ohne sein Einreden/ zur Straaff gezogen werden. Darumb stunde den Teutschen sein Koͤnigreich vnd Hoff/ nach wie vor/ offen. Was aber den Tuͤrcken belangte/ weren etliche (den Koͤnig in Hungarn ohne Zweiffel meynend) die an Tuͤrcken gesand/ vnd Bottschafften von jhm angenommen/ ob sie schon dessen auff andere ein Nachdencken geschoͤpfft/ auch nur ihren fuͤrgesetzten Dominat auffzurichten/ sich zu ordentlichem Tribut erbotten. Der Tuͤrck haͤtte jhm fuͤrtreffliche Ding vor- geschlagen/ die er aber nicht begehrte anzunehmen: Vnd suchte al- so den Keyser vnd Koͤnig Ferdinand mit mehren verdaͤchtig zuma- chen; mit dem endlichen Anhang/ die Fuͤrsten solten keine Schew tragen/ jhre Lehr dem
Concilio
zu vnterwerffen/ lobte deß Bapsts Fleiß vnd Fuͤrsorge/ vnd erbote sich alles guten. Aber die fuͤrnemste Vrsach der Botischafft war/ daß die Protestierenden mit dem Frantzosen ein Bund machen solten. Weil nun jene den Keyser außnahmen/ zog
Bellæus
der Gesand vnverrichter Sach ab/ vnd verwunderte sich nicht wenig/ daß man einen so maͤchtigen Koͤnig außgeschlagen/ dessen Huͤlff man vber Zeit thewer gnug wuͤrde su- chen vnd erwerben.
Nun ist nicht ohne/ daß der Eyffer bey grossen vnnd kleinen
Yy iij
manch-
GERMANIÆ PERTVRBATÆ
manchmal den Wagen auff dem rechten Gelaiß fuͤhret/ welches bey den Frantzosen/ was Buͤndnuͤssen mit den Vnglaubigen vnd Ketzern betrifft/ jederweilen auch geschehen. Man moͤchte wol mit den Vnglaͤubigen/ vmb deß Gewerbs willen/ vnd wegen Nachbar- schafft Buͤndnuͤssen machen; ja sich wider allen Gewalt zuschuͤ- tzen/ wie die Ertzvaͤtter im alten Testament vns mit jhren Exempeln weisen. Wann aber solches geschicht/ die Rechtglaubigen/ vnd demnach die Bruͤder in Christo mit solcher Huͤlff zuvnterdruͤcken/ moͤchten die Gewissensraͤhte anderst davon vrtheilen/ als die
Poli- tici.
Was nun selbiger Zeit mit dem Tuͤrcken in Franckreich fuͤr- gangen/ muͤssen die Frantzosen vns selbst berichten.
Franciscus Becarius Peguilio,
Bischoff zu Metz/ so auch dem Tridentinischen
Concilio
beygewohnt/ schreibt im 23. Buch Frantzoͤsischer Geschichten also: Koͤnig
Franciscus
schickte
Poli- num
an Soliman. Als er auff der Raiß/ fand er den Barbarischen Tyrannen eben auß Griechischweissenburg auffbrechen/ vñ begeh- ret/ nach Vberantwortung gewoͤhnlicher Geschenck (welche
Io- vius
beschreibt/ ein gantz Taffel Servitz von kuͤnstlich gearbeitetem Silberwerck/ 600. Pfund schwer: Vnd dann fuͤr die fuͤrnembste Herꝛn vnd Janitscharen/ 500. Schaarlachene vnd seidene Roͤcke: Dahingegen
Polinus
zwey stattliche Pferd/ sampt einem/ mit E- delgestein versetzten Degen/ davon getragen) daß
Barbarossa
mit einer ansehnlichen Schiffarmada auff den nechstfolgenden Som- mer am Gestad deß Lands
Phocis
sich finden; vnd daß er die Ve- netianer zu einem Bund mit Franckreich wider den Teutschẽ Key- ser/ als einen gemeinen Feind/ vermoͤgen solte. Soliman antwortet: Er wolte den Frantzosen nicht lassen; weil er aber zu seiner Wider- kehr eylete/ koͤnte er fuͤr selbiges mal nichts gewissers zusagen: Wol- te ehist zu Constantinopel daruͤber Raht schoͤpffen. Als er nun ein wenig vor Anfang deß Christmonats dahin angelangt/ hat er etwas zuvor zuleysten versprochen/ bestaͤttigt. Doch hielt er fuͤr noͤhtig/ daß
Polinus
wider zu seinem Koͤnig kehrete/ vnd wann er/ wie der Koͤnig anzufangen/ außfuͤhrlichen Bericht eingenommen/ solches
vber-
ET RESTAVR. DISCVRS. XXIX.
vberbraͤchte. Er wolte inmittelst an die Venetianer senden/ vnd Fleiß anwenden/ daß sie sich mit Koͤnig Frantzen verbinden.
Poll- nus
thaͤt seinem Koͤnig voͤllige Relation/ vnd als die Zeit vnd Land- schafften/ wie er den Angriff zuthun gedachte/ verzeichnet/ zog er mit aller Vollmacht wider nach Constantinopel/ vnterredet sich mit den Bassa/ vnnd hielte instaͤndig an/ daß die fuͤrgenommene Floth außlieffe.
Als er nun diese Hoͤfflinge widersinnig befand/ argwohnete er/ sie weren bestochen/ vnd erhielte durch sein vngestümmig An- halten/ daß er/ welches fuͤr derselbigen Zeit sehr wenig Chr
i
sten ver- guͤnstiget worden/ mit Soliman Muͤndlich gesprochen/ vnnd zum hoͤchsten gebetten: Er wolte Koͤnig Frantzen/ der deß Keysers Land an dreyen Orten gedaͤchte anzufallen/ mit der versprochenen Schiffarmada vergeblich nicht auffhalten. Der Tyrann ant- wortet mit wenigem: Es were nicht durch seine Vnbestaͤndigkeit/ oder leichtgeaͤnderten Sinn/ sondern durch
Polini
langen Verzug/ die Floth hinderhalten worden: Vnd weil bereit der gantze Fruͤling/ sampt einem guten Theil deß Sommers vorbey/ were nichts nuͤtzli- ches mehr fürzunehmen. Wolte doch zu angehendem nechsten Fruͤ- ling/ ein zwey mal groͤssere Floth seinem Freund vnd Bruder/ dem Koͤnig zum besten/ außstaffiren.
Genebrardus
aber schreibet im 4. Buch seiner Chronick vber das Jahr 1549 also:
Ariadenus,
zugenant
Barbarossa,
trieb auff der Jnsul
Lesbos,
mit seinem Bruder
Hornky.
Seeraͤuberey/ vnd macht sich zum Koͤnig zu Algier in Mauritanien. Er hatte allent- halben alle Jnsuln deß Mittelmeers/ sampt dem Gestad in Spa- nien vnd Jtalien durchstreyffet/ vnnd wurd Solimans Admiral. Darnach/ als zwischen Spanien vnd Franckreich die Fehde ent- stund/ thaͤte er Koͤnig Frantzen Huͤlff/ mit einer sehr grossen Floth. Er hielt Winterquartier in Proventz bey
Tolon,
vnd verderbte das Land. Folgenden Jahrs durchstreyfft er das eusserste Theil der Lombardey/ sampt den Jnsuln/ vñ segelt nach Constantinopel/ nach dem er von den Frantzoͤsischen Meerhaͤfen gnugsame Kundschafft eingenommen/ vnd macht sein Sohn
Asan
zum Koͤnig in Algier.
Arnol-
GERMANIÆ PERTVRBATÆ
Arnoldus Ferronus
von
Bourges,
Koͤniglicher Raht/ schrei- bet in dem neundten Buch also:
Barbarossa
war mit einer sehr wol außgeruͤsten Floth (darinn hundert vnd zehen dreyzeilige/ vnd viertzig zweyzeilige Schiff gewesen) von Solimann zum Koͤnig abgefertiget: Deme/ vnd seinen Tuͤrckischen Kriegsknechten zahl- te der Koͤnig jeden Monat viel tausend Cronen. Man konte se- hen/ wie die Tuͤrcken bey Eroberung der Statt
Nicea
in Sa- voyen/ vnter den Frantzosen vernicht waren/ da die Tuͤrcken/ dem Accord zuwider/ mit den Buͤrgern vbel gehauset/ die Haͤuser in Brand gesteckt/ vnd die Mannschafft weggefuͤhret. Vnd als die Floth bey Ostia gelaͤndet/ war grosser Schrecken/ vnd ein gemeine Fluth zu Rom.
Von
Pio V.
schreibet
Franciscus Longus
: Dieser Bapst hat ein Kichengesatz gemacht/ welches anfaͤnget/
Regnans in cœ- lis,
die Koͤnigin Elisabeth in Engelland/ weil sie den Catholischen zuwider lebt/ vnd deßwegen in den Geistlichen Bann gethan/ vnd der Koͤniglichen Regierung entsetzt: Auch gemacht/ daß
Carolus
IX.
Koͤnig in Franckreich/ das Decret zu Orleans/ von Freyheit der Religion auffgehoben: Er verdampt alle Gesellschafft mit den Tuͤrcken/ vnd nennet solche ein Schandflecken.
Jm Jahr 1604. schrieb
Amurathes,
durch Vnterhandlung deß Frantzoͤsischen Gesanden
Breves,
an Koͤnig Heinrichen/ den Vierdten deß Namens/ also: Weil aber der Keyser in Franckreich vnter allen Fuͤrsten der Christenheit/ an Wuͤrden vnd Herkommen/ der alleredelste/ vnd auch vnter den Freunden/ so vnsere Voraͤltern vnter den Koͤnigen vnd Fuͤrsten Christlichen Glaubens/ der Aller- vollkommenste; dessen auffrichtiger Freundschafft gegen vns/ wir annoch Zeugnuß sehen. Darumb wollen wir/ vnd befehlen/ daß sein Gesander/ der sich an vnserer gluͤckseligen Port auffhelt/ den Spa- nischen vnd anderer Koͤnigen vnd Fuͤrsten/ die sich bey vnsern Rich- terstellen/ oder anderstwo finden moͤchten/ Gesanden fuͤrgehe. Vnd wie koͤnte dem Tuͤrcken besser geschehen/ als wann man jhm solcher Gestalt Thuͤr vnd Thor Angelweit auffthut?
Zabolia.
rieff
ET RESTAVR. DISCVRS. XXIX.
rufft jhn in Hungarn/ vnd ergibt sich vnter seinen Schutz/ damit Ertzhertzog Ferdinand seines Erbrechts verlustigt werde.
Franci- scus
suchte seine Freundschafft/ damit
Carolus
in allem seinem Thun gehindert werde. Es solte aber Koͤnig Frantz gedacht ha- ben/ hiedurch wuͤrde seiner Voraͤltern grosser Name am Tuͤrcki- schen Hoff zwar wider ernewert/ aber zu grossen Vnehren/ sinte- mal den Tuͤrcken noch wol bekannt/ daß die Frantzosen das Koͤ- nigreich Jerusalem erobert/ vnd mit schrecklichem Heer zu vnder- schiedlichen malen durchgebrochen/ auch Edessa vnd andere grosse Landschafften mit Siegreichen Waffen/ zumal dann das Keyser- thumb Constantinopel besessen/ vnd daß ein vralte Propheceyhung bey jhnen im Sinn der Weisen/ vnd auff der Zungen deß gemeinen Manns schwebet: Die Frantzosen werden das Tuͤrckische Reich von Grund zerstoͤren. So konten die Alten noch wissen/ was bey jhren jungen Tagen
Carolus
VIII.
in Jtalien verrichtet/ vnnd wie demselbigen kein Widerstand zuthun gewesen/ als musten al- le Vestungen fuͤr jhm sich neygen/ vnnd alle Berge buͤcken/ da er durch gantz Welschland/ so lang es ist/ gleichsam ohne Lantzen bre- chen/ zum Triumph gezogen/ vnd nicht vbel gesinnet gewesen/ den Weg durch Constantinopel nach Trapezund/ vnd anderwertlich nach
Alepo
vnnd
Tripoli,
endlich gar in das gelobte Land zu dem H. Grab zunehmen/ vnnd nach den Fuß stapffen seiner Voraͤltern zuspuͤren. Vnd jetzt kompt Koͤnig Frantz/ gestehet/ daß er mehr Rach/ als heroischen Muhts im Hertzen/ daß er nicht begehrt/ daß man jhn foͤrchte/ weil er sich selbst foͤrchtet/ daß er seinem Nachbarn nicht gewachsen/ vnd Muͤhe hat/ sein Eygenthumb zuverwahren. Hingegen muste dem Soliman der Muht wachsen/ der bey solchen Zerruͤttungen jmmer weiter hinein in die Occidentalische Kirche ruͤckte/ vnd auff allen Fall/ sie nicht gantz zum Feind/ ja vielmehr ein guten Theil zu Freunden haben solte.
Vnd hie setze mir einer diese zwey Stuͤck zusammen/ den Bund/ vnd das Gewissen. Vnd wo ist
Raison d’ Estat
? Sie ist ein Fluch auff der Zunge vnd in dem Hertzen/ aller der jenigen/ die
Zz
ent-
GERMANIÆ PERTVRBATÆ
entweder sich selbst/ oder jhre Leibs vnd Blutsangehoͤrige in jm- merwehrende Arbeit/ vnd durch die Verlaͤugnung deß Seligma- chers/ in ewige Verdamnuͤß hingerissen/ vnd jhres Vatterlands/ auch Gottesdiensts/ durch dieses Potentaten rachgieriges Ge- muͤht/ vnd Eyffer gegen seinem Nachbarn/ beraubet muͤssen sehen. Vnd wann Koͤnig Frantzen das Gluͤck wol gewolt haͤtte/ womit solte
Barbarossa
wol mit abzuspeisen seyn gewesen? Bekannt ist/ wie die Teutschen/ vnnd sonderlich/ die
Ægili
in Groß-Britan- nien beruffen worden/ die Jrr- vnd Schottlaͤnder abzutreiben/ vnd wie sie endlich das gantze Land vnter sich gebracht.
Vnd eben dieser Tuͤrck fand Gelegenheit/ sich deß gantzen Constantinopolitanischen Keyserthumbs solcher Gestalt zu impa- tronieren. Was dann Rahts? Soll der Frantzoß stillsitzen/ die Haͤnd in dem Schooß halten/ vnd den Keyser lassen schalten vnd walten? Besser/ das Hertz vom Neid gereiniget/ vnd einem jeden gegoͤnnet/ was jhm Gott goͤnnet: Seine Regierung wol angeord- net/ vnd seine Reichs-Vnterthanen in staͤtter Vbung der Waffen vnterhalten/ Recht vnd Gerechtigkeit befoͤrdert/ Hertz/ Mund vnd Hand aneinander gebunden/ vnd
Lycurgi
Thun fuͤrgenommen/ alsdann wird Ehr vñ Ruhm wachsen/ daß ein jeder Zuflucht vnter solches Baums Schatten suchen vñ finden wird. Keyser
Carolus
vnterließ gleichwol nicht/ daß er deß Tuͤrcken Waffen auß Hun- garn verwendete/ noch einen gewaltigen Zug in die Barbarey zu- thun/ vnd fuͤhrete zwey vnd zwantzig tausend zu Fuͤß/ vñ zehen tau- send zu Pferd: Haͤtte aber grossen Schaden von den Winden/ vnd verlohr viel Schiff vnd Voͤlcker/ ob er schon am Land gelegen/ vnd etliche geringe Scharmuͤtzel gethan: Kehret endlich wider vmb/ vnd sprach: Es were besser/ ein einigen Christen bey Leben erhalten/ als tausend Tuͤrcken/ oder Moranen erwuͤrgen.
Jn dessen gieng der Krieg abermal an/ zwischen dem Keyser vnd Frantzosen/ bald in Jtalien/ bald in Proventz/ bald in Flan- dern vnd der Piccardey: Jn summa/ sie lagen einander acht vnd dreyssig Jahr in den Haaren/ ob sie schon/ als abgemattet/ jederwei-
len
ET RESTAVR. DISCVRS. XXIX.
len sich erschnaufften/ vnd durch Stillstand oder Fried/ den Krieg vnterbrochen/ wie es einem jeden angestanden.
Es hatten die Protestierenden an Hertzog Georgen zu Leip- zig/ vnnd an Hertzog Heinrichen zu Braunschweig/ zween abge- sagte Feinde: Hertzog Georg verlohr seine beyde Soͤhne in dem Brauschweigischen Krieg/ vnd wolte seine Land vnd Leut an das Hauß Oesterreich/ erblich vnd eygenthuͤmblich vermachen/ wann sein juͤngere Bruder/ Hertzog Heinrich/ der ein schlecht Außkom- men hatte/ diese Bedingung/ die Vnterthanen bey der Roͤmischen Religion jmmer vnd ewig zulassen/ nicht solte wollen eingehen. Jn dem man aber ab- vnd zu schickt/ vnd noch nichts geschlossen/ ver- starb Hertzog Georg/ vnd verließ seinem Bruder alles ohne Bedin- gung/ welches dann vber etliche Jahr hernach geschehen/ vnd also- bald/ nach seiner Soͤhnen Ableiben. Aber Hertzog Heinrich von Braunschweig/ ließ sich
zu
Nuͤrnberg fuͤr einen Bunds-Obristen wider die Protestierenden bestellen/ vnd hatte mit denselben in der Naͤhe viel zuschicken vñ zuschreiben/ sonderlich/ weil Churfuͤrst Jo- achim zu Brandenburg/ vnd dessen Bruder Albrecht/ Cardinal/ den Märckern/ Halberstaͤttern/ vnnd Magdeburgern/ vmb eine grosse Summa Gelt/ die Protestierende Religion zutreiben erlau- bet vnd zugelassen hatten. An die Statt Braunschweig fand Her- tzog Heinrich bald Vrsach/ wie auch an Goßlar; welche dann den Churfuͤrsten in Sachsen/ vnnd den Landgraffen in Hessen vmb Huͤlff angeschryen/ darauff endlich ein offentlicher Krieg entstan- den/ was auch der Keyser jmmerzu befahl/ die Partheyen sol- ten fuͤr jhm entscheiden werden/ vnd die feindliche Waffen/ biß da- hin niderlegen. Dann Hertzog Heinrich wurde von Land vnnd Leuten in Bayern vertrieben/ vnnd wol/ als er mit Gewalt wider einkommen wollen/ von dem Landgraffen geschlagen/ vnnd mit zweyen Soͤhnen gefangen: Blieb auch in Verhafftung/ biß der Keyser den Sachsen vnd Landgraffen in Verhafft gebracht/ vnd diesen Hertzog Heinrichen wider auff freyen Fuß stellen/ vnd zu sei- nem Land vnd Leuten ziehen lassen.
Zz ij
Also
GERMANIÆ PERTVRBATÆ
Also gab es auch newe Haͤndel im Wirtemberger Land/ des- sen vraltes Herkommen dieses: Graff Eberhard schrieb sich Graf- fen zu Wirtemberg/ Teck vnd Muͤmpelgard; zeugte zween Soͤh- ne/ Ludwigen vnd Vlrichen. Ludwigs Sohn/ Eberhard mit dem grossen Barth/ wurd von Keyser Maximilian in den Fuͤrstenstand erhoben; vnd weil er keine Mannliche Leibs Erben hinderließ/ ward Eberhard/ deß obigen Vlrichen erster Sohn/ der ander Hertzog. Dieser sahe sich von Land vnd Leuten vertrieben/ weil er eines vom Adel Eheweib gebraucht/ vnnd jhn selbst auff der Jagt erstochen/ auch mit deß Pferds Zaum an einen Ast geknipfft vnd gehenckt. Dessen Bruder Heinrich regiert nach jhm/ gantz Tyrannisch/ vnd starb in Verhafftung: Sein erster Sohn Vlrich/ schrieb sich Her- tzogen zu Wirtemberg/ vnd der Zweyte/ Georg Graffen zu Muͤm- pelgart/ an dessen Sohn das Hertzogthumb endlich erblich gefal- len. Nun war es biß dahin im Reich herkommen/ daß sich Staͤtte/ Staͤnde/ oder Laͤnder; in Noͤhten einander beyzuspringen/ allen vn- rechtmaͤssigen Gewalt abzutreiben/ vnd die Feinde zustraffen/ ver- schrieben: Welches auch die Keyser jederweilen gut geheissen vnd bestaͤttiget/ jederweilen auffgehaben vnd verbotten/ wie Keyser Ru- precht gethan/ biß daß ein Cammer- vnd Reichs-Hoffgericht wi- dergesetzt worden. Jn solchem Stand stunden die Schwaͤbische Staͤtte/ auff daß sie sich wider etliche Graffen vnd Fuͤrsten/ sonder- lich wider die von Wirtemberg/ schuͤtzen moͤchten. Vnd wann es die geringste Vrsach gab/ fiel man einander ein/ vnnd stieß der Ge- waltige den Ohnmaͤchtigen vnter die Banck/ oder gar in Sack. Die Bawren sagten: Sie haͤtten kein aͤrgern Feind/ als die Obrig- keit/ den Adel vnd die Clerisey/ denen sie jhren sawren Schweiß muͤ- sten dargeben: Machten auch auff Hochzeit- vnd Kindtauffmah- len/ auch Kirchweyhen/ solche Verbündnuͤß/ darauß der Bawren- krieg zum oͤfftern entstanden/ vnnd wider new worden/ wie droben mit mehrerm zusehen.
Das beobachtet der vertriebene Hertzog Vlrich/ vnd gedach- te sein Land den Oesterreichischen Amptleuten abzunoͤhtigen.
Dann
ET RESTAVR. DISCVRS. XXIX.
Dann die Staͤnde hatten sich an den Keyser ergeben/ seinem Bru- der/ Ertzhertzog Ferdinanden diß Hertzogthumb bey der Erbver- theilung/ als ein Reichslehen vberlassen/ vnnd wolten jhres vori- gen Erbherꝛns nicht mehr. Der Hertzog bracht etliche tausend Schweitzer ins Feld/ legt sich in die Vorstatt zu Studgart; aber der Schwaͤbische Bund/ vnd die Ertzhertzogischen machten jhm sein Volck heimlich abtruͤnnig/ weil er weder Gelt/ noch Freunde/ wie die andern hatte; also/ daß er fuͤr dißmal/ naͤmlich/ Anno 1525. zu kurtz kommen.
Auff dem grossen Reichstag zu Augspurg Anno 30. ließ sich der Keyser gegen dem Landgraffen verlauten/ er wolte den vertrie- benen Hertzogen wider einsetzen/ wann man sich nur im Geistlichen bequemen wolte; als etliche Herꝛn ein sonderliche Fuͤrbitt einleg- ten: Als nun der Keyser seinen Bruder mit dem Wirtembergi- schen Lehen vnter freyem Himmel belehnet/ vnd dem Churfuͤrsten auß Sachsen die Reichslehen nicht verleihen wolte/ hatte der Land- graff ein sondern grossen Verdruß hieran/ vnd nahm es zu grosser Schmach auff; welches dann der fuͤrnehmbsten Vrsachen eine ge- wesen/ warumb er damaln ohne Abschied/ von Augspurg nach Hauß verreyst/ haͤtte auch alsobald was thaͤtliches versucht/ wann jhm etlicher Freunde Zusagen nicht gefehlet haͤtte.
Als nun der Keyser außerhalb Teutschland/ in Spanien ge- zogen/ nahm der Landgraff der Zeit in acht/ thaͤt ein Ritt zu dem Koͤnig in Franckreich/ versetzt jhm die Graffschafft Muͤmpelgard/ jnnerhalb einer gewissen Zeit wider zuloͤsen/ auff daß er nicht nur Geltmittel zuhanden bekaͤme/ sondern auch den Frantzosen mit ins Spiel braͤchte/ der dann nichts anders wuͤndschte/ als dem Keyser ins Liecht zustehen. Also bewarb sich der Landgraff vnd der Her- tzog noch mit weiter vmb Voͤlcker/ liessen jhres Vorhabens Vr- sachen schrifftlich außgehen/ trieben Pfaltzgraff Philipsen/ der sich vor fũnff Jahren so ritterlich in Wien wider den Tuͤrcken gehal- ten/ vnd jetztmals Koͤnig Ferdinands Statthalter im Wirtember- gischen Land war/ mit seinen in der Eyl auffgebrachten zwoͤlfftau-
Zz iij
send
GERMANIÆ PERTVRBATÆ
send Mann in die Flucht/ vnd weil jhm selbst ein Verse abgeschos- sen/ kam er jhnen bey dem Staͤttlein Lauffen/ auch in die Haͤnde/ darauff sich das Land/ vnd endlich auch die Nohtveste Schloͤsser wider an Hertzog Vlrichen ergeben. Jederman hatte Verlangen/ wo es doch hinauß wolte/ bevorab/ weil der Keyser vnd Koͤnig Fer- dinand geschrieben hatten: Es solte sich niemand deß Handels an- massen. Der Ertzbischoff zu Mayntz/ vnnd Hertzog Georg zu Sachsen/ vertrugen den Keyser durch Vnterhandlung mit dem Churfuͤrsten in Sachsen/ wegen der Religion/ deß Cam̃ergerichts/ der Koͤniglichen Wahl/ vñ andern Dingen: Aber Hertzog Vlrich solte Ertzhertzog Ferdinands Lehenmann seyn/ vnd Abbitt thun/ sonsten neben dem Landgraffen allen Gehorsam erweisen. Koͤnig Ferdinand entschuldiget diesen Frieden gegen dem Baͤpstischen
Nuntio,
mit der boͤsen Zeit: Der Keyser ließ jhm denselben auch nicht zuwider seyn/ schrieb doch an den Landgraffen/ er solte im Werck erweisen/ was er mit Worten versprochen.
Nun war auch nachdencklich/ daß/ da Hertzog Vlrich ohne Mannliche Erben kaͤme zu sterben/ das Hertzogthumb Wirtem- berg/ an Koͤnig Ferdinand/ als ein Reichslehen/ fallẽ solte/ bevorab/ weil nur ein eintziger Erb/ vnd zwar damals am Keyserlichen Hof/ oder doch in den Oesterreichischen Landen noch vbrig. Dann/ als Hertzog Vlrich vertrieben/ war sein Sohn Christoff nur 4. Jahr alt/ vnd kam zu seiner Mutter
Sabinæ
Bruder/ Hertzog Wilhel- men in Bayern/ als zu seinem Vormund; hernach gen Jnßbruck. Weil nun seine Freunde sich besorgten/ man moͤchte den jungen Herꝛn entweder mit/ oder wider seinen Willen in ein Kloster stecken/ verschafften sie vnter der Hand/ daß er eben zu der Zeit/ als der Key- ser vom Tuͤrckenzug nach Jtalien zog/ sich darvon macht/ durch Bayern zu seinem Herꝛn Vattern wider in das Land/ vnd hernach in Franckreich zu deß Koͤnigs Diensten kommen. Hertzog Chri- stoffels einiger Sohn Ludwig/ kam zwar zur Regierung/ vnd der sechste Hertzog an der Zahl/ hinderließ aber keine Mannliche Leibs- erben; darumb fiel das Hertzogthumb zuruͤck auff Friderichen/
Her-
ET RESTAVR. DISCVRS. XXX.
Hertzog Georgen Sohn von Muͤmpelgart. Vnd ist sich nicht we- nig zuverwundern/ warumb der Keyser so gar durch die Finger ge- sehen/ vnd seinem Bruder ein so fettes Hertzogthumb lassen entzie- hen/ da er doch befugt were gewesen/ den Landgraffen in des Reichs Acht zuthun: Ja/ daß die saͤmptliche Geistliche gestattet/ daß man einen Lutherischen Fuͤrsten restituirt/ vnd also der Roͤmischen Reli- gion zu grossem Nachtheil verfahren. Es war aber der Keyser noch nicht gnugsam gefaßt/ vnd schewte den Frantzosen/ Engellaͤn- der vnd Tuͤrcken; doch blieb es vnvergessen/ biß zu seiner Zeit/ da die Protestierende sich trennen lassen/ vnnd deren ein guter Theil auff deß Keysers Seiten stunden.
Der dreyssigste Discurß.
Von der vermeynten Coͤlnischen Reformation/ vnd Entsetzung deß Ertzbischoffs. Wie ein
Concilium
endlich angesetzt worden. Worinn beyde Partheyen gefehlet. Was eygentlich ein
Conci- lium
sey. Ob ein
Concilium
wer. Vnd von diesem letzten begehr- ten
Concilio.
W
J
e
Marggraff Albrecht sich zu einem Hertzog in Preussen lassen belehnen/ vnd wie er sich von dem Teut- schen Orden loß gemacht/ ist droben erwehnt; so dann auch/ daß Luther den andern Marggraffen Albrechten/ Cardinal vnd Ertzbischoffen zu Mayntz/ dergleichen zuthun/ ver- gebens vermahnet. So folget dannoch/ daß Ertzbischoff Her- mann zu Coͤllen/ ersucht/ oder nicht ersucht/ eben solches im Sinn gehabt/ naͤmlich/ ein Weib zunehmen/ vnd das Ertzstifft erblich zu- behalten; vnd solches auß diesem Anlaß/ weil der Bapst selbst viel Fehler an der Clerisey erkennet/ vnd versprochen/ solche abzustellen/ befahl vnter anderm auch der Keyser/ neben dem Baͤpstischen Lega- ten/ die Priesterschafft in Teutschland solte sich selbst reformieren/ vnnd die eingeschlichene Mißbraͤuche ohne Zwang/ verbessern.
Hier-
GERMANIÆ PERTVRBATÆ
Hierauff ließ dieser Ertzbischoff einen geistlichen Rechtsgelehrten/ Johann Gropper genant/ ein Buͤchlein verfassen/ vnd etliche Arti- ckel von der Lehr/ vnd Ceremonien verbessert/ darinn schreiben/ auff einem
Synodo,
deme all seine vntergebene Bischoͤffe beygewohnet. Dieweil aber dasselbige Reformationswerck/ zwar vnter seinem Namen in offentlichen Druck außgangen/ vnd jhme doch nicht al- lerdings gefiel/ griff er das Werck etwas ernstlicher an/ beschrieb al- le seine Staͤnde auff einen Landtag/ also/ daß sich beysammen fan- den in Bonn/ das Thumb-Capitel/ die Graffen/ die Ritterschafft/ vnd der Statt Abgeordnete. Da wurd zwar etwas/ wegen kuͤnff- tiger Reformation abgefaßt/ aber hinderstellig/ weil kein taugliche Prediger sich fanden; vnd also
Bucerus,
den Gropper allezeit hoch- geruͤhmet hatte/ vnd sonsten auff allen Reichsversamlungen jeder- man wol kennete/ von Straßburg/ Melanchthon/ auß Sachsen/ vnd
Pistorius
auß Hessen/ erfordert/ die setzten die Haupt-Artickel der Christlicher Lehr auff/ sampt den Reformationspuncten/ wel- ches das Thumb-Capitel/ vnd die hohe Schul zu Coͤlln auffruͤh- risch gemacht/ daß sie darwider geschrieben/ vnd
Bucerus
weder bey Groppen/ noch bey Bernhard Hagen dem Cantzler/ nicht mehr gol- te. Aber die Predigten giengen zu Bonn/ in Coͤlln vnd anderstwo jmmer fort/ daß auch
Caspar Hedio
nachmalen beruffen worden: Doch musten die Frembde alle/ nach wolbestelter Kirch/ auff deß Bapsts vnd Keysers Abmahnen/ auff Muͤndliches Befehlen wi- der abziehen. Vnd weil das Predigen jmmer fort gienge/ ersucht das Capitel den Ertzbischoff/ mit sehr beweglichen Worten/ solches abzuschaffen; wo nicht/ muͤsten sie sich dem Bapst vnd Keyser in Schutz vntergeben/ vnd appellierten fuͤr dieselben. Darumbnahm sie der Keyser in Schutz/ vnd hemmet alle Renten/ sonderlich zu Bonn/ Luick/ Andernach/ Campen/ da man fuͤrnemlich predigte. Auch solte der Ertzbischoff jnnerhalb dreyssig Tagen vor dem Key- ser/ vnd jnnerhalb sechtzig Tagen vor dem Bapst zu Rom erschei- nen/ sampt all seinem Anhang/ welcher war Graff Heinrich von Stollberg/ Thumbdechant/ Rheingraff Jacob/ Graff Friderich
von
ET RESTAVR. DISCVRS. XXX.
von Weda/ Graff Christoff von Oldenburg/ Hertzog Reichard Pfaltzgraff vñ Philips von Oberstein. Vnd weil der Ertzbischoff die Newerungen nicht abstellete/ brachten es die Widersacher da- hin/ daß jhn der Bapst in den Bann thaͤte. Aber der Ertzbischoff appelliert von seinem Vrtheil/ vor ein
Concilium
Teutscher Na- tion/ da wolte er es mit dem Bapst außfuͤhren: Vnd als die Bull von dem Bapst kommen/ daß Graff Adolff von Schawenburg/ laͤngst benahmter
Coadjutor,
solte Ertzbischoff seyn/ widersetzte sich die Ritterschafft/ vnd der Keyser selbst/ sahe durch die Finger/ weil er sich groͤsserer Abfalls befoͤrchtet/ biß er den Schmalkaldi- schen Bund vberwunden; da sich der Hertzog von Cleve darein ge- geschlagen/ vnd Graff Dieterich von Manderschied/ vnd Graff Wilhelm von Newenar den Ertzbischoff bewegt/ all Blutvergies- sen zuverhuͤten/ vnd von dem Ertzstifft abzustehen: So geschehen den 25. Januarij 1547. Er starb zu Biveren/ auff dem Seinigen/ vber sieben Jahr hernach/ alt vnd wolbetagt. Wann nun je ein Ertz- oder Bischoff reformieren wolte/ koͤnte doch solches nicht ey- gensinnig/ weniger durch der Abtruͤnnigen Dienste/ oder auch auß Anlaß eines Heurats geschehen. Dann was solte das endlich fuͤr ein verworren Wesen geben/ wann ein jeder sein Wesen absonderlich hielte/ welches vielleicht weder seinem Nachbarn/ noch seinem O- bern/ noch auch seinem Nachfahrn moͤchte gefallen? Dieweil dann Graff Hermann sich von der Roͤmischen Kirch nicht absonderte/ war er schuldig/ seinen Obern zuerkennen/ vnd sein Reformations- wesen der
Censur
vnterwerffen. Da er nun
Buceri
Dienst hier- inn gebraucht/ der juͤngst auß einem Kloster gelauffen/ haͤtte er rund bekennen sollen/ daß er es mit den Abtruͤnnigen hielte; wie er doch endlich thun muͤssen. Vnd eben dieses Absehen hatte es mit der Ehe; dann weil der Roͤmische Stul die Ehe fuͤr einen fleischlichen Stand haͤlt/ vnd der Clerisey bey Verlust jhrer Wuͤrden/ die Ehe verbiet/ kan vnd mag Ehe vnd Priesterthumb nicht beysammen ste- hen: Vnd also tritt auß dem Orden/ vnd greifft zur Ehe mancher Mannsstamm/ der allein vbrig ist/ von einem namhafften Ge-
Aaa
schlecht/
GERMANIÆ PERTVRBATÆ
schlecht/ doch mit Vergũnstigung dessen/ dem er das Geluͤbd ge- than: Wie von Constantia/ Keyser Friderichs Gemahlin zulesen/ vnd droben von einem Ertzhertzogen in Pommern erwehnt worden. Doch ist wenig Ruhm darbey/ wann ein Mann von Ehren vmb eines Weiblichen Bilds willen/ sein Geluͤbd bricht/ oder auffloͤsen laͤßt: Zumal ein jeder sich vmb so viel im Zaum halten soll/ daß/ was jhm einmal gefallen/ nicht mißfalle. Vnd mag seyn/ daß die- ser Graff Hermann an kein Heurathen nicht gedacht/ vnd wegen hohen Alters/ ausser diesem Argwohn geblieben; dieweil man aber das Exempel auß Preussen so gar frisch fuͤr Augen sahe/ doch werden wir vber etliche dreyssig Jahr auß dem Ertzstifft Coͤllen andere Maͤhrlein vernehmen/ die nicht so leicht zuverschmertzen/ als diese. Dann da wird zwar ein Ertzbischoff/ gebohren ein Graff von Ysenberg/ auß dem Orden/ vnd in die Ehe tretten/ aber ohne fernere Ergernuͤß vnd Schaden: Vnd den Graff Truchs- essen zum Nachfahren hinderlassen/ der Weib vnd Stifft mit Ge- walt wird suchen zubehaupten/ wie zu selbiger Zeit soll gemeldet werden. Vnd wann dieses solte gelten/ solten noch viel mannhaff- te Praͤlaten/ die entweder von geringer Herkunfft/ oder in dem Stammhauß die letzte vnnd juͤngste sind/ dannenhero sich keines grossen Antheils zuerfrewen haben; auch wol auß dieser einigen Vrsach zum Abfall sich verleyten lassen/ daß alsdann gebietende Herꝛn vnd Staͤnde gegruͤßt wuͤrden/ vnd jhren Nachkoͤmmlingen/ oder Leibs-Erben so leichtlich ein Stammhauß bawen koͤnten. Doch solte es bald gethan seyn/ vmb alle die geistliche Guͤter/ viel- leicht vmb einmal allein/ wie vmb der Tempelherꝛn Commande- reyen. Vnd betrifft ein solcher Abfall nicht eintzele Personen/ son- dern gantze Laͤnder/ ja/ Koͤnigreiche/ wie an allen Koͤnigen/ Chur- vnd Fuͤrsten/ so abtruͤnnig worden/ zusehen ist.
Bey so gestalten Sachen waren zwey Mittel dem gaͤntzlichen Abfall zustewren/ ein
Concilium,
oder der Krieg/ oder alle beyde/ wie dann eines/ vnd das andere zugleich sind vorgangen/ vnd end- lich der Fried/ vermittels deß Passawischen Vertrags. Der Chur- fuͤrst in Sachsen starb im Jahr 1533. vnd Hertzog Johann Fride-
rich
ET RESTAVR. DISCVRS. XXX.
rich tratt in die Regierung. Als nun der Tuͤrck wider ab/ vnd der Keyser in Jtalien war gezogen/ auch mit dem Bapst ein langes Gespraͤch zu Bononien gehalten/ kamen zween Gesanden von jh- nen zu den Teutschen Fuͤrsten: Der Baͤpstische bracht fuͤr/ weil der Keyser so viel mal eines
Concilii
Meldung vnd Zusag gethan/ hab sich der Bapst zu demselben gern verstehen wollen; allein were noch vbrig/ daß man/ wegen der Zeit/ deß Orts vnd der Weise sich berahte/ darzu auch noͤhtig/ daß sich ein jeder verpflichte/ deß
Con- cilii
Schluß anzunehmen/ vnd darnach zuleben. Deß Orts halben koͤnte man eine vnter diesen Reichsstaͤtten in Welschland/ Placentz/ Bononien/ oder Mantua/ darzu ernennen/ vñ das
Concilium
der- gestalt außschreiben/ daß es vber ein voͤlliges verflossenes Jahr sei- nen Anfang nehme. Der Keyserische Abgesand bestaͤttigt das vori- ge/ vñ begehrt/ man solte Glauben zustellen/ vnd freundlich antwor- ten. Dieser Vertrag wurd zubedencken/ vnd mit den Verwanden zuberahtschlagen angenommen: Daruͤber zu Schmalkalden ein- muͤhtig geschlossen/ dem Keyser/ wegen seines Fleisses/ sein gethane Zusag/ vom
Concilio
ins Werck zusetzen/ hoͤchlich zudancken; zu- mal
Leo X.
jhre Lehr verdampt gehabt/ vnd nicht erwogen/ daß die- selbe auß den Prophetischen vnd Apostolischen Schrifften genom- men vnd verfochten worden: Also/ daß auff kein andere Mittel sie entscheyden koͤnten werden/ als durch ein
Concilium.
Es were aber auff den Reichstägen ein frey/ Christlich/ General/ oder allgemein/ oder National
Concilium
in Teutschland/ mit abgefaßten Wor- ten versprochen/ da nicht das Baͤpstische Recht/ vnd der Schulleh- rer Wahn/ sondern Gottes geschriebenes Wort solte vrtheilen/ der Bapst verbinde sich mit den Potentaten/ damit er ein Ruͤcken haͤtte/ wann man die in vorigen Zeiten so offt gesuchte Besserung an jhn wuͤrde suchen. Ob dann der Bapst nach den Menschensatzungen/ oder nach der H. Schrifft entscheiden wolte/ haͤtten sie zuvernem̃en. Der bißher gefuͤhrte Gebrauch der Concilien lieff wider die Frey- heit: Der Bapst koͤnte nicht Richter vnd Beklagter zugleich seyn. Dem Keyser gebuͤhrte Auffsicht zuhaben/ daß alles ordentlich her- gienge. Auff solche Weiß wolten sie sich einstellen/ im widrigen muͤ- sten sie es Gott befehlen.
Aaa ij
Der
GERMANIÆ PERTVRBATÆ
Der Bapst besorgte sich nicht vergeblich/ der Frantzoß moͤch- te den Protestierenden Fuͤrsten auß Politischen Vrsachen Huͤlff leysten/ sonderlich/ weil er dem Keyser nicht ein einigen Mann wi- derden Tuͤrcken zugesand: Vnd weil er demselbigen auch wol be- dient seyn koͤnte/ entschloß er/ nach deß Keysers Abreysen in Spa- nien/ jhn zu Marseilien in Person zubesprechen. Auff daß aber der Bund desto bestaͤndiger hielte/ stiffteten sie eine newe Freund- schafft/ vermittels eines Heuraths/ zwischen deß Koͤnigs zweyten Sohn/ Heinrich von Orleans (einem Printzen von sechszehen Jahren; der nach seines aͤltern Brudern
Francisci
Tod/ so jnner- halb 3. Jahren nach diesen Geschichten/ mit Gifft verdorben/ auff deß Vatters Ableben/ Koͤnig in Franckreich worden) vñ Catharina von
Medices
deß
Laurentii
Tochter/ deß vertriebenen
Petri
En- ckel: Welcher
Petrus
den Bapst
Leo
zum Bruder/ vnnd den Bapst
Clemens
VII.
zum leiblichen Vettern/ oder Vatters Bru- ders Sohn hatte. Jederman verwundert sich vber so vngleichen Heurat/ weil das Hauß
Medices
vnlaͤngst sich nur durch vnerme- senen Reichthumbs deß
Cosmi
herfuͤr gethan/ vnd das Regiment willkuͤhrig erlangt/ das dann der Bapst suchte erblich zumachen. Auch bringt der Name/ vnd die im Wappen stehende Pillulen mit sich/ daß die Artzney den ersten Stein/ vnd das gantze Fundament zu dieser Hohheit gelegt hat. Es muste aber der Koͤnig den Bapst zu seiner Verwahrung recht fassen vnd verbinden/ der jhm gegen dem Hauß Spanien/ wegen Neapels vnd Meyland behuͤlfflich seyn; der Bapst auch das Hauß Spanien durch die Frantzoͤsische Macht/ etlicher massen im Zaum halten koͤnte. Zu deme hat sich der Keyser/ wegen eines
Concilii,
mit den Teutschen Fuͤrsten zu- weit eingelassen/ vnd dem Bapst vorgegriffen: Also/ daß der Roͤ- mische Stul sein Ansehen in Teutschland/ es were dem Keyser lieb oder leyd/ bald gar verlieren koͤnte. Es fuhr auch dieser Zeit das Cammergericht fort/ vngeachtet/ deß Nuͤrnbergischen Vertrags/ vnnd ergangenen Keyserischen Mandats. Hertzog Georg in Sachsen ließ auff Ostern Losung nehmen/ auff daß kund wuͤrde/
wer
ET RESTAVR. DISCVRS. XXX.
wer auff Roͤmische Manier gebeichtet/ vnd zum Abendmahl gan- gen were/ oder nicht. Wie sich nun in Leipzig seiner Residentz- Statt/ siebentzig Buͤrger funden/ die jhnen ein Gewissen gemacht/ das Sacrament deß Altars vnter einerley Gestalt zuempfangen/ als jhnen Luther gerahten/ sind sie nach genommener Bedenckzeit/ auff Befehl deß Hertzogen/ außgezogen/ vnd sich anderstwo Haͤuß- lichgesetzt. Der Hertzog gab Luthern Schuld/ er maͤchte seine Vnterthanen Widerspenstig; vnd weil der Hertzog dieselbigen mit einem Eyd beschwert/ die Lutheraner zuverfolgen/ nennet jhn Lu- ther in einem Schreiben/ deß Teuffels Aposteln: Vber welches Wort der Hertzog bey seinem Vettern dem Churfuͤrsten/ so grosse Klag gefuͤhret/ daß Luthern deßwegen ein scharpffer Verweiß ge- schehen/ vnd da er sich nicht verantworten konte/ wie gleichwol ge- schehen/ eine Straaff angedrohet worden. Aber Luther machte es nicht anderst/ vnd einem/ wie dem andern/ brauchte kein andere Lauge/ dem Bapst/ dem Koͤnig in Engelland/ dem Braunschwei- ger/ auch den Juden/ als dem Hertzogen in Sachsen zuzwagen/ vnd den Kopff zuwaschen.
Zu Rom hatte man viel zuersinnen/ wie man Engelland wi- der zum Gehorsam/ vnd die Lutheraner zum Roͤmischen Glauben braͤchte/ auch die Kirchen-Reformation/ sampt dem
Concilio,
oh- ne Nachtheil/ ja/ wo es seyn koͤnte/ mit Nutzen deß Roͤmischen Stuls anstellen moͤchte: Zumal auch
Clemens
VII.
zum groͤs- sern Hauffen gangen/ vnd
Paulo III.
auß der Farneser Geschlecht den Stul ledig gelassen. Darauff zog
Paulus Vergerius
zum andern malnach Teutschland/ ruͤhmete den Churfuͤrsten in Sach- sen zum hoͤchsten/ was fuͤr Ernst dieser Bapst zu dem versproche- nen
Concilio
truge/ so fern/ daß er auch gesinnet/ die vorige sondere Bedingungen fahren zulassen/ vnnd ein frey
Concilium
fuͤr alle Nationen außzuschreiben/ fuͤrnemlich/ der Protestierenden Begeh- ren gemaͤß. Mantua solte fuͤr allen andern Orten/ die Wahlstatt seyn. Die Weise deß gantzen Handels wuͤrde sich bey der ersten Versamlung von sich selbst herfuͤr thun: Darumb solten die Pro- testierenden kein ferner Bedencken tragen/ sich dem Endschluß zu-
Aaa iij
vnter-
GERMANIÆ PERTVRBATÆ
vnterweisen. Vnd als
Vergerius
gebeten ward/ diesen Fuͤrtrag schrifftlich von sich zugeben/ schob er ein/ der haͤtte Mantua schon laͤngst beliebet/ vnd wuͤrde weder er/ noch kein ander Koͤnig/ ohne deß Bapst Bewilligung/ oder wider seinẽ Willen nichts thun/ noch fuͤr- nehmen. Auch war der Bapst gaͤntzlich entschlossen/ fortzufahren/ vnd der Kirchen Ruh zuschaffen. Hierauff antworteten die Prote- stierenden/ nach gehaltener Versamlung/ Mantua wer der Ort nit; der Bapst der jhre Lehr verdampt/ koͤnte nicht Richter seyn/ sondern die H. Schrifft/ der Bapst muͤste sich dem
Concilio
vnterwerffen/ sonsten wer alles vergeblich.
Wann wir nun lesen/ was beyde Partheyen/ so wol die Prote- stierenden/ als die Baͤpstische/ von dem gantzen Kirchenwesen schrei- ben/ gibt es wundersame Gedancken/ also/ daß wir bald dem einen/ bald dem andern muͤssen Beyfall geben. Bapst
Leo
hatte lang ge- sessen/ vnd keine Widerwaͤrtigkeit erfahren/ sonder reichlich/ ja ver- schwendisch gehauset.
Adrianus
kam nach jhm zusitzẽ/ vnd wolt gar zu fromb vnd heilig seyn/ die Kirch reformieren/ vnd am Haupt an- fangen/ welcher vnfuͤrsichtiger Weiß den Protestierenden andeuten lassen/ doch mit dem Erbieten/ solches nach vnd nach ins Werck zu- richten. Nach jhm kam
Clemens
VII.
der schickte
Campegium
den Cardinal/ der vbel aͤrger gemacht/ weil er alles vorige vernichtet/ vnd als new/ oder nie geschehen/ vernahm/ auch fuͤrgab/ es were noch ehe zuverantworten/ daß ein Geistlicher viel Coneubinen oder Bey- schlaͤfferin/ als ein einiges Eheweib haͤtte. Darzu fuͤgt sich der Car- dinal
Langius,
Ertzbischoff zu Saltzburg/ vnd sagt offentlich auff dem Reichstag: Er hielt es fuͤr gut/ daß man die Meß reformierts/ die Freyheit in den Kirchenspeisen/ der Natur gemaͤß/ gestattet/ vnd den Last der Kirchengesetzen den Leuten abnehme. Daß aber ein ar- mes Moͤnchlein die gantze Clerisey in einen andern Model giessen wolte/ wer nicht zuleyden: Der Koͤnig in Franckreich gestuͤnde selbst viel vnnuͤtze Ceremonien/ so hielte der Bapst die Satzungen fuͤr ver- aͤnderlich/ in vnd mit dergleichen Reden kitzelten sich die Protestie- renden/ vñ gaben fuͤr/ der Bapst besorgte/ es moͤchte jhm im
Conci- lio
sein hohes Ansehen geschmaͤlert/ vnd seine reiche Einkom̃en ge-
ringert/
ET RESTAVR. DISCVRS. XXX.
ringert/ ja/ er selbst dem
Concilio
vnterwuͤrffig gemacht werden. Er suche nur Außflucht/ das
Concilium
entweder gantz zuver- nichten/ oder doch zuverstoͤren/ wann es je seinem Sinn nicht wolte nachgehen. Darzu schickt sich eben/ daß der Hertzog zu Mantua sich beschwert/ einige Besatzung/ vnd sonderlich vom Bapst einzu- nehmen/ oder solche mit schwerem Kosten zuvnterhalten.
Hingegen sagten die Baͤpstische: Es moͤchten sich wol einige Sonderlinge finden/ denen nim̃er kein Schuh gerecht/ vnd sie mey- nen koͤnten/ jhre Weiß wer allein die beste/ die gantze Welt muͤste sich nach jhren Koͤpffen richten vnd schlichten: Tadeln stuͤnde jederm an frey/ aber verbessern nur bescheydenen Leuten/ die ein Vnterschied machen koͤnten/ vnter rechtem vnd Mißbrauch/ die dem Kind die Nasen/ wegen deß Rotzes/ nicht außrissen/ sondern mit sanfftmuͤhti- gem Geist/ vnd eygenem Exempel/ die Jrꝛenden auff rechten Weg wider leyteten: Zumal auch Luther selbst/ solt gesagt haben: Er wuͤ- ste das Bapsthumb besser zuvertheydigen/ dann Eck/ oder Emser. Vnd weil die Protestierenden eben alles nach jhrer eygenẽ Elen ab- messen/ dem Keyser vnd Bapst zum schaͤrpffesten fuͤrschreiben/ wie ein
Concilium
zuhalten were/ koͤnte ein Halbsehender finden/ daß es nur lauter faule Fisch/ vnnd daß sie das Liecht scheweten. Jn summa/ die aller Verstaͤndigste sagten: Es haͤtten beyde Par- theyen vnrecht/ der Bapst/ daß er nicht reformierte/ vnd die Prote- stierenden/ daß sie sich absonderten/ vnd ein so vnheilbaren Riß in die Kirche machten: Es haͤtten ja zu jeden Zeiten schwache vnd en- ge Gewissen vber die Mißbraͤuche geeyffert/ dieselben scharff durch die Hechelgezogen/ vnd jederman fuͤr Augen gestelt/ aber nimmer die Kirch solcher gestalt zerrissen. Vnd weil man im Haupt-Arti- ckel der Tauff vnd deß Glaubens/ von der hochgelobten Drey- Einigkeit nicht strittig/ noch mißhellig were/ moͤchten sich die Moͤnche/ so sie wollen/ zu tod beten vnd fasten/ auch jhres Lohns erwarten; andern in jedem Stand/ keinen Eintracht thun/ es stuͤnde nicht bey einer/ oder andern Sect/ zuverdammen/ die Schluͤssel deß Himmels/ vnnd deß Abgrunds/ haͤtte der Erloͤser:
Vnd
GERMANIÆ PERTVRBATÆ
Vnd da einer den andern bekehren wolte/ muͤste solches mit der Lehr/ vnd durch den Gottseligen Wandel geschehen/ gleich wie die Apo- steln/ vnd der Erloͤser selbst/ mit eygenẽ Exempeln bezeugten. Dann wann man sich einmal gescheyden/ so hoͤrete die Freundschafft auff/ vnd wann der geringste Widerwill entstehet vnd einwurtzelt/ verloͤ- schet die Lieb/ vnnd alsdann kompt Neid vnnd Haß/ setzt die Brill mit gefaͤrbten Glaͤsern auff/ vnd mißdeutet alle Ding/ macht Fol- gereyen/ vnnd erzwungenen Schluß/ vnnd verbittert alles/ daß eine Parthey von der andern redt/ glaubet/ vnnd schreibet/ was jhre Meynung nimmermehr ist gewesen. Vnd dann müssen die
Perso- nalia
wenig/ halb/ gar/ oder nichts wahr den gantzen Bogen/ das gantze Capitel fuͤllen/ alsdann setzt man den Marckstein gar weit voneinander/ daß sie ewig gescheyden bleiben. Vnd solte wol An- fangs besser gewesen seyn/ wann der Bapst an seiner Hohheit/ vnd Luther von seinem Eyffer haͤtten nachgelassen/ vnd einander vmb etwas naͤher begegnen wollen. Dieweil es dann inmittels viel Ge- spraͤch vnd Conferentzen/ Versamlungen vnd Vnterhandlungen in Teutschland gab/ vber dem Hauptwesen deß
Concilii,
vom Ort/ vom Richter/ vnd Gewalt desselbigen/ wurd vor Mantua die Statt Vincentz/ vnd bald ein andere vorgeschlagen vnd benamet/ biß endlich Trient im Tyrolischen Gebuͤrg/ zwischen Teutsch- vnd Welschland darzu beliebet worden.
Die Protestierenden hatten den Dennemaͤrcker juͤngst in den Bund auffgenommen/ vnnd mit dem Engellaͤnder vertrawliche Schrifften gewechselt/ konten sich aber nicht allerdings in den Frantzosen finden: Dann er verfolgt die Lutheraner/ als Ketzer/ hielt doch/ sampt der
Sorbona,
mit dem groͤssern Hauffen der Geistlichen/ den Bapst nur nach weltlichen Rechten/ fuͤr ein Ober- haupt/ der nicht Macht haͤtte/ Koͤnige vnd Keyser abzusetzen: Dar- umb jhm auch selbiger Zeit widerrahten worden/ dem Koͤnig in Engelland/ wegen geschehenen Abfalls/ vom Roͤmischen Stul nicht in Bann zuthun/ noch selbiges Koͤnigreich einem jeden/ der es nur erobern koͤnte/ zugeben; welches der Bapst im Sinn hatte/
vnd
ET RESTAVR. DISCVRS. XXX.
vnd durch seine Abgesanden bey den Potentaten suchte ins Werck zurichten/ ehe er den geistlichen Donnerschlag vber den Koͤnig/ vnd das gantze Koͤnigreich hoͤren ließ. Dannenhero sande
Henricus
VIII.
Koͤnig in Engelland auch an die Protestierenden/ klagt vber den Bapst/ vnd langen Verschub deß
Concilii,
fuͤr welchem er auch seine Ehescheydung hoffte zu Genuͤgen zuerweisen; neben al- lem freundlichen Erbieten/ auch diesem erinnern/ sie solten allen Zweyspalt vnter sich selbst auffheben/ ehe man fuͤr das
Concilium
kaͤme. Vnd hie mutheten die Protestierenden jhm zu/ jhr Schutz zuseyn/ doch den Keyser vorbehalten/ vnd daß er ein ansehenliche Baarschafft hergebe; welches er/ wegen Einhelligkeit der Gelehr- ten/ vnd sonderlich/ daß etliche hohe Schulen in Teutschland seine Ehescheidung nicht billigen wollen/ nicht eingangen.
Es ist ein alter Gebrauch in der Christlichen Kirchen gewe- sen/ widerumb auff das
Concilium
zukommen/ die Spaͤn vnd Jrꝛungen durch Versamlungen/
Synodos
vnd
Concilia
auffzu- heben/ vnd die Kirchenzucht/ da sie verfallen/ wider auffzurichten. Der erste
Synodus
wurd gehalten/ als auch ein gut Theil der H. Aposteln bey Leben gewesen/ dieser Frag halben: Ob die Heyden/ welche von Christo bekehrt waren/ an die Ceremonien deß Mosai- schen Gesetzes gebunden weren? Da versamleten sich zu Jerusa- lem vier Aposteln/ vnd alle Christliche Maͤnner/ die damals in der Statt waren. Nach welchem Exempel die Bischoͤffe/ vnd andere fuͤrnehme Glieder der Kirchen/ folgends in die zweyhundert Jahr lang vnd druͤber/ auch in der groͤsten Hitz der Verfolgung/ wann etwas in einem/ oder dem andern Land fuͤrgefallen/ zusammen kom- men/ damit sie allen Vnordnungen stewren/ vnd dieselben abschaf- fen moͤchten. Wie dann dieses das eintzige Mittel ist/ den Spal- tungen in der Kirchen zubegegnen/ vnd die/ so widerwertige Lehr fuͤhren/ zuvergleichen. Als aber Gott der
Herr
seiner Kirchen Fried verschafft/ vnnd der Christlichen Religion zum besten/ den frommen Keyser
Constantinum
erwecket; haben die Kirchen fuͤg- licher/ vnd in grosser Anzahl koͤnnen zusammen kommen/ vnd mit-
Bbb
ein-
GERMANIÆ PERTVRBATÆ
einander handeln/ welches desto offter geschehen muͤssen/ weil die Spaltungen mehr dann Anfangs gemein wurden. Dann da zuvor sich dieselbe nicht ferner erstreckten/ als zu einer Statt allein/ oder zum hoͤchsten zu einer Landschafft; so haben sie sich alsdann/ weil man allenthalben frey zusammen kommen/ vnd sich miteinander vnterreden konte/ durch das gantze Roͤmische Reich außgebreitet. Darumb auch solchem Vbel fuͤrzukommen/ die Concilien auß mehr Orten vnnd Landschafften muͤssen versamlet werden. De- rohalben/ als gedachter Keyser/ ein
Concilium
auß dem gantzen Reich versamlet lassen/ welches erstlich ein Heiliger vndd Grosser/ darnach ein allgemeiner
Synodus
ist genennet worden/ wiewol es nicht auß der gantzen Christlichen Kirchen/ deren ein guter Theil außerhalb deß Roͤm. Reichs sich enthielte/ versamlet worden: Die- weil man aber damals den Keyser einen Herꝛn deß gantzen Erdkrai- ses zunennen pflegte/ vnangesehen kaum der zehende Theil dessel- ben dem Reich vnterworffen war; ebener massen sind auch derglei- chen
Concilia,
wann sich einige Zwytracht in Religionssachen er- hoben/ von den Nachfolgern
Constantini
versamlet worden. Vnd wiewol das Roͤmische Reich mehrmal getheilet worden/ also/ daß ein Theil in Orient/ das ander in Occident gewesen. Jedoch/ die- weil die Sachen vnter gemeinem Namen verwaltet worden/ sind die
Synodi
einen Weg wie den andern auß dem gantzen Reich be- ruffen worden.
Da aber das Reich in das Orient- vnd Occidentalische also zertrennet worden/ daß keine Gemeinschafft in der Regierung blie- ben. Vnd das in Orient mehrentheils von den Saracenen ward eingenommen; das in Occident aber in viel Herꝛschafften zertheilet worden/ haben die allgemeine
Concilia
nicht mehr jhren Namen behalten vom Roͤm. Reich/ welches einig pflegte zuseyn/ sondern bey den Griechen von den fuͤnff Patriarchen/ in vnsern Landen von der Einigkeit vnd Gemeinschafft derer Koͤnigreichen vnd Staͤnden/ die dem Bapst zu Rom in Kirchensachen vnterthänig waren. Von der Zeit an sind die Kirchen-Versamlungen in Vbung geblieben/
nicht
ET RESTAVR. DISCVRS. XXX.
nicht zwar/ wie vor Zeiten/ die Strittigkeiten in der Religion zu- stillen/ vnd niderzulegen; sondern/ daß entweder ein Zug in das hei- lige Land fuͤrgenommen/ oder die Spaltungen/ so in der Roͤmi- sthen Kirch entstanden/ gedaͤmpffet wuͤrden: Oder auch/ wegen etlicher strittigen Sachen/ zwischem dem Bapst/ vnd den weltlichen Fuͤrsten.
Zu Anfang deß sechszehenden
Seculi,
gleich nach dem Jahr deß Heyls 1500. spuͤrete man keine Vrsach/ warumb ein
Conci- lium
alsdann/ oder auch kuͤnfftig in langer Zeit noͤhtig seyn wuͤrde. Dann es ließ sich ansehen/ als weren die Klagen vieler Kirchen/ wi- der die Hohheit deß Roͤmischen Stuls verloschen; auch waren alle Lande der Christenheit/ die in Occident wohneten/ in der Gemein- schafft/ vnd vnter dem Gehorsam der Roͤmischen Kirchen. Allein in einem kleinerm Bezirck/ naͤmlich/ in dem Gebuͤrg/ zwischen den Alpen/ vnd Pyrenehen/ war noch etwas vberblieben von den alten Waldensern/ oder Albigesern. Dieweil es aber ein einfaͤltiges vnd vngelehrtes Voͤlcklein war/ das wenig Leut verfuͤhren/ vnd zu sich ziehen konte/ vnd darneben den Namen bey den Nachbarn hatte/ als were es ein Gottloß Gesindlein/ das sich in allerley Schand vnd Laster weltzet/ versahe man sich keiner Gefahr/ daß durch sie andere solten abgestecket werden.
Deßgleichen waren in etlichen Orten in Boͤhmen/ noch et- liche wenig/ die auch der Waldenser Lehr zugethan/ vnd von jh- nen entsprossen waren/ welche man Piccarder nennete/ sampt den Hussiten; deren allen man wenig geachtet. Als aber vber dem Ablaß ein grosser Abfall geschehen/ muste man dieses Mittel wider ergreiffen/ welches einem gefiel/ dem andern nicht/ also auch gehin- dert/ oder befoͤrdert ward.
Hie faͤlt ein schwere Frag fuͤr von den Concilien/ dann es wird ins gemein gelehrt/ die Concilien koͤnnen nicht jrꝛen. Wann wir a- ber hochansehenliche Scribenten auffschlagen/ wil es dahinauß lauffen/ daß sie jrꝛen koͤnnen/ wie
Rossensis
ohnlaͤngst gestanden/
Bbb ij
vnd
GERMANIÆ PERTVRBATÆ
vnd
Panormitanus
fuͤr jhm erwiesen. Wie auch
Nicolaus de Clemangis
in seinem Buͤchlein von dem verderbten Zustand der Kirchen. Dann etliche Concilien thun die Bilder gantz ab/ vnd stossen sie auß der Kirchen; andere aber richten sie wider auff/ vnd setzen sie/ als noͤhtig wider ein. Etliche Concilien geben den Prie- stern jhre Weiber/ vnd lassen sie freyen; andere lassen solches zwar geschehen/ doch/ daß sie/ bey Verlierung jhres Ampts/ nicht bey- schlaffen/ noch Kinder aufferziehen; andere nehmen jhnen die Wei- ber gar/ vnd verpflichten sie zu ewiger Keuschheit. Etliche thun die Ketzer weiter nicht/ als in den Bann/ vnd meiden sie; andere nehmen jhnen das Leben gar. Etliche vermaledeyen alle/ die da anderst/ als nach der Einsatzung Christi/ das Sacrament in beyderley Gestalt empfahen; andere setzen Schnurstracks das Gegentheil/ vnd ver- bannen alle/ die fuͤr Ketzer/ so nach der alten Concilien vnd Baͤpsten Decreten beyde Gestalten begehren. Etliche machen den Bapst zu Rom zum Haupt deß
Concilii,
also daß kein
Concilium
guͤl- tig sey/ wann es der Bapst nicht bestaͤttige vnd gut heisse; andere vnterwerffen den Bapst dem
Concilio,
als welches Macht habe/ jhn gar vom Stul zustossen. Etliche machen die Roͤmische Kirch zu einer Fũrstin vnd Regentin aller anderer Kirchen/ vnd geben jhr den Bapst zum Haupt der gantzen Christenheit; andere widerfech- tens zum hefftigsten.
Anno Christi 263. wurde zu
Antiochia Pauli
deß Bischoffs Meynung/ daß die Jungfraw Maria nach Christo/ mehr Kinder gebohren/ verworffen: Vmb diese Zeit zweyten sich die Africaner mit den Roͤmern/ ob man die von Ketzern getauffte Christen wider tauffen solte. Ob gleich Anno 365. Arij Ketzerey zu
Nicea
ver- dampt worden/ blieben doch jhr viel Bischoffe in demselbigen Jrꝛ- thumb/ die hielten vnderschiedliche Concilien/ zu Meyland/ zu Ari- min/ in Thracien vnd Macedonien/ vnd brachten die Keyser offt- mals auff jhre Seiten.
Was nun mehr vor Concilien fuͤrgiengen/ die setzten Maß vnnd Ordnung/ welcher Bischoff allen andern fuͤrgehen/ vnnd
wie
ET RESTAVR. DISCVRS. XXX.
wie ein jeder in der Ordnung folgen solte. Wie der Gottesdienst zuverrichten/ die gantze Clerisey vnnd Moͤnche zu regieren/ biß end- lich
Asia
vnd
Africa
sich von
Europa
trenneten: Da dann viel Concilien/ auff dieser vnd jener Seit/ all gegeneinander gehalten wurden.
Daß aber die Concilien jrꝛen koͤnnen/ erhellet starck auß deme/ daß man offt Aber-Baͤpste gesehen/ vñ auff dem
Concilio
zu Cost- nitz die drey Baͤpste/
Iohannes, Gregorius
vnnd
Benedictus
zu- gleich abgesetzt worden/ die doch zuvor ein jeder mit seinem Anhang/ die andern beyde verbannete vnd verdam̃ete/ vñ jmmer zu Concilien hielte. Jetz und nicht zugedencken/ daß Anno 900.
Stephanus
VI.
ein
Concilium
wider
Formosum
seinen Vorfahren gehalten/ al- le desselbigen Gesatz vnd Ordnungen widerrufft/ alle desselbigen Verrichtungen Krafftloß gemacht; dem Verstorbenen das Baͤp- stische Kleyd außziehen/ vnd die zween Eydfinger abhawen lassen: Auch musten auff ein newes alle die Weyhe empfahen/ so
Formo- sus
geweyhet hatte. Vnd eben dieser Meynung wider
Formosum
war
Bonifacius
VI.
Aber
Romanus,
vnd
Theodorus
II.
billig- ten
Formosi
Thun vnd Gesetz/ biß jhn
Iohannes IX.
endlich gar vnter die Zahl der Heiligen gedachte zusetzen. Wann wir aber die Concilien/ so die Baͤpste wider den Keyser/ vnd der Keyser wider die Baͤpste zumal offt gehalten/ neben einander stellen/ sehen wir gleich im ersten Anblick/ daß die Baͤpste/ den Roͤmischen Stul zuerhoͤ- hen/ vnd die gantze Clerisey in stoltze Freyheit zusetzen/ sich bemuͤhet haben. Nach deme aber die Keyser sich der geistlichen Lehen begeben/ haͤlt die gantze Clerisey an dem Roͤmischen Stul mit Eyd vnnd Pflicht/ also/ daß auch der Keyser nunmehr gar keine Gewalt vber sie hat. Ehe es aber so weit kommen/ haben die Keyser/ sampt jh- rem Anhang/ sich jmmerzu auff ein allgemeines
Concilium
be- ruffen/ jhr Recht zuvertheydigen/ vnd zuerweisen/ auch deß wegen Concilien gehalten. Weil aber alle Geistliche dem Roͤmischen Stul verpflichtet/ haben die Keyser sich den Concilien nimmer mit Guͤte wollen in diesem Puncten vnterwuͤrffig machen. Vnd im
Bbb iij
Ge-
GERMANIÆ PERTVRBATÆ
Gegensatz/ wann die Keyser ein
Concilium
angestelt/ vnd den Bapst vmb etwas angegriffen/ hat derselbe nicht nur den Bischof- fen ein anders anbefohlen/ sondern auch alle vnd jede Concilien ver- worffen/ die jhme nachtheilig vnd mißhellig fuͤrkommen. Wird derowegen jederman/ der in den alten Geschichten nur etwas er- fahren/ leichtlich nachgeben/ daß die Baͤpste in jhren eygenen Sa- chen/ wann es vmb die Freyheit gegen den weltlichen Fuͤrsten/ oder vmb die Hohheit vnter vnd wider einander selbst zuthun gewesen/ jederweilen der Sachen zuviel geschehen/ darauff solche Gesetz er- folgt/ vnd nach Moͤglichkeit/ den andern auffgesattelt worden.
Vnd dann in Glaubenssachen haben nicht nur dieser vnnd jener Bapst/ sondern auch mancher Bapst mit seinen Cardinaͤlen/ ja seinen Concilien selbst/ da er das Haupt gewesen/ vnd was das al- lerwundersambste ist/ auch die so genante allgemeine Concilien ge- jrꝛet/ vnd etwan gefehlet: Dannenhero so offt stehet: Man hat fuͤr gut angesehen/ diesen Fehler zubessern. Vnd dann/ man hat fuͤr gut angesehen/ daß diese boͤse Verordnung verbessert werde. Son- derlich ist zuverwundern/ daß Anno 1414. da die Gelehrten auß Franckreich/ Spanien/ Welsch-Teutsch- vnd Engelland/ zusam- men kommen/ man geschlossen: Ob schon Christus der
Herr
sein Abendmahl vnter beyderley Gestalten eingesetzt habe/ verord- ne doch die Kirch/ daß die Layen dasselb nur vnter einerley Gestalt empfangen sollen: Dessen man zwar manche Vrsach beybringt/ die aber bey freyen/ vnd vnvoreingenommenen Geistern nicht wol hafften/ vnd dem Bapst
Gelasio
zuwiderstreichen.
Wie nun die Fürsten jederzeit/ als Keysere/ vnd gantz gerin- ge Potentaten/ als Meynhard/ Graff von Tyrol/ vmb das Jahr 1290. sich jmmer zu auff ein grosses
Concilium
beruffen/ also hat der Churfuͤrst in Sachsen/ vnd Luther auch thun wollen/ entwe- der Zeit zugewinnen/ weil man schwerlich alle Potentaten hierzu bereden kan/ vnnd Keyser Sigismund gar wol erfahren/ auch die Baͤpste sich gantz vngern dahin lassen treiben/ oder alsdann alle newe vnd alte Klagen vnd Aufflagen wider die Clerisey herfuͤr zu-
bringen/
ET RESTAVR. DISCVRS. XXX.
bringen/ vnd jhre eygene Mutter zur Huren zumachen. Wann nun Luther/ vnd sein Hauff/ sich auff ein
Concilium
berieffe/ wis- sen sie wol/ daß keine
Theologi,
weder auß den Morgenlaͤndern/ noch auß Egypten vnnd Mohrenland/ dieweil sie den Bapst zu Rom nicht fuͤr das Haupt der Christenheit erkennen/ zur Stelle kommen koͤnten/ sondern es ward gemeynt/ daß Welschland/ Schweitz/ Teutschland/ Hungarn/ Polen/ Schweden/ Denne- marck/ Engelland/ Spanien vnd Franckreich/ welche Laͤnder die Occidentalische Kirch machen/ vnd den Roͤmischen Stul biß da- hin fuͤr S. Peters Kirch vnd Schifflein gehalten/ sich beysammen solten finden.
Nun war es mehr dann wundersam/ daß eine Handvoll newer Geistlichen/ so sich von den Alten abgethan/ von der gantzen Welt solte Rechenschafft jhres Glaubens foͤrdern/ schier in allem wider- sprochen/ vnd nach eygenem Wahn durchtringen. Vnd schien zu- mal vnfreundlich/ daß der Bapst mit allen seinen Cardinaͤlen vn- ten ansitzen/ vnd sich mit Fuͤssen tretten lassen solte/ ob er eines ver- lauffenen Moͤnchs Außlegung hoͤher halten/ dann so vieler alten Kirchenlehrer/ die Theils die letzten Aposteln noch gesehen/ oder mit den Apostolischen Maͤnnern vmbgangen/ vnd Muͤnd- vnd schrifftlichen Vnterricht von denselben eingenommen. Vnd diese solten ja billig den rechten Verstand der H. Schrifft/ die ohne das allen vnd jeden Ketzern/ es sey jhn lieb/ oder leyd/ dienen muß/ am al- lerbesten wissen/ auch fuͤr allen Koͤnigen vnd Keysern/ so sich wenig vmb das Heiligthumb bemuͤhen/ in dem geistlichen Gericht stehen.
Das Leben aber der Baͤpste betreffend/ were nicht zulaͤugnen/ daß nicht etliche vnverantwortlicher Weise zu solcher hohen Stelle gekrochen/ auch dieselbige gantz aͤrgerlich verwaltet/ doch/ wie Ju- das sein Apostelampt/ der den andern mit seiner verstockten Boß- heit/ den Glantz der Herꝛlichkeit gar nicht verdunckeln koͤnnen. Es were auch jmmer zu in dem Kirchenraht geandet/ welcher Ge- stalt man zu einer schleunigen Reformation der Kirchen/ nach al- len jhren Gliedern gelangen koͤnte; sintemal gantz vnmoͤglich/ daß
bey
GERM. PERT. ET REST. DISC. XXX.
bey so grosser Bloͤdigkeit Menschlicher Natur/ in einem so weit- laͤufftigen Hauß der Kirchen/ vnter so vielerley Kindern/ allem vnd jedem Ergernuͤß fuͤrgebogen werde. Zu welchem Ende gleichwol Neun/ vnter den gelehrtesten/ froͤmmesten/ vnd gewissenhafftesten Praͤlaten/ Baͤpstischen Befehl vnd Bullen bekommen/ alle Glie- der vnd Artickel/ Nerven vnd Adern/ Marck vnd Bein an diesem Leib der Kirchen zu durchsuchen/ vnd alle frische vnd eingewurtzelte Schaͤden vnd Maͤngel zum fleissigsten zuverzeichnen/ vnd auff das Papier zubringen.
Ende deß ersten Theils dieser Discursen.
ERRATA.
Pag. 36. l. 15. ließ eyfferig/ p. 37. l. 24. l. streyt/ p. 39. l. 29. l. sehen/ p. 57. l. 20. l. Koͤche. p. 64. l. 6. l. Suͤnd/ p. 70. l. 4. l. muͤhe/ l. pen. l. entbrand. p. 71. l. 4. l. Schwerth/ p. 75. l. 5. l. gelehnt/ p. 78. l. 29. l. Gewalts vnd Vnzucht an seinem Weib bewogen worden/ p. 81. l. 26. l. frembd/ p. 90. l. 5. l. Morgen/ p. 91. pen. l. beschweren/ p. 94. l. 11. l. Staffel/ p. 96. l. 21. l. nur/ p. 98. l. 3. l. Car/ p. 99. l. 16. l. so/ p. 101. l. 26. l. Also/ p. 102. l. 5. l. vnd Spraach mit/ l. 7. l. aller/ p. 103. l. 8. l. Pardo. l. pen. l. deß Bapsts/ p. 106. l. 19. l. die Hussiten/ p. 107. l. pen. l. wurden/ p. 113. l. 20. l. gebaren/ p. 119. l. 23. l. aber er bließ/ l. 25. l.
Hamed.
p. 123. l. 22. l. gesteupt/ p. 128. l. 10. l. einem/ p. 130 l. 21. l. Suͤnd/ ist vns recht; vnd was jhnen recht/ p. 133. l. 21 l. trew/ p. 138. l. 26. l. Pisa/ p. 140. l. 20. l. wolten/ vermerckte/ p. 143. l. 30. l. aͤrgerte/ geschahẽ/ p 150. l. 19. l. jhn lieb/ p. 151. l. 1. l. Gaͤnter/ p. 152. l. ult. l. 1351. p. 155. l. 4. l. ein Graͤfin/ p. 158. l. 4. Kind/ p. 160. l. 26. l. betheure/ p. 163. l. 7. l. peutschet er/ l 8. l. in der p. 174 l. 21. l. Ketzer/ p. 181. l. ult. l. vppig/ p. 182 l. 9. fluͤchtig/ l. 16. l. Kauff/ p. 192. l. 1. vnd 5. () p. 200. l. 5. l. Gemuͤht/ p. 207. l. 6. l. zielte. Doch/ p. 219. l. 8. l. dann mein/ l. 10. l. den Knecht p. 224. l. 11. l. Doctor/ pag. 227. l. 16. l. vernichtet/ Es/ pag. 232. l. 23. getadel/ p. 234. l. 7. l. den/ l. 27. l. kehret/ p. 240. l. ult. l. Alethejan/ p. 244. l. 10. sich bey/ p. 245. l. 5. l. fleischlicher/ p. 257. l. 17. l. schonet/ p. 260. l. 20. l. Staad/ p. 261. l. 29. l. die/ p. 266. l. 19. l. Armen/ pag. 268. l. 5. l. schwachen/ p. 269. l. ant. l. Kasten/ p. 272. l. 15. l.
Ophiusa,
pag. 274. s. 24. l. doch in/ p. 271. l. 1. l. wehren/ pag. 273. l. 15. l. Podio/ l. 32. l. die Chri- sten weichen/ p. 276. l. 11. l. Werck/ p. 279. l. 21. l. schaffen/ p. 281. l. 5. l. in welchen/ l. 26; l. der Fuͤrst das/ p. 282. l. 18. l. klagte der/ p. 283. l. 8. l. ob schon/ p. 297. l. 30. l. Lawen/ p. 298. s. 21. l. gerichtet/ p. 318. l. 1. l. der Keyser vnter deß/ l. 6. l. auff Begehren zugesagt/ p. 3
2
0. l. 13. l. dem die/ p. 325. l. 17. l. vor/ p. 327. l. fass/ p. 338. l. 29. l. weniger zu/ p. 341. l. 29. l. ist jhme/ p. 342. l. 7. l. die Goͤttliche/ l. 16. l. Stimm/ p. 243. l. 3. l. die/ p. 344. l. 27. l. Erb/ l. 29. l. afficieren/ p. 350. l. 12. l. sich biß/ l. 21. l. er sich/ p. 353. l 12. l. zubedencken/ p. 355. l. 3. l. vier Koͤnigsthaler/ p. 346. 346. l. 1. l. auß/ l. 30. was er/ l. ult. l. Krieg/ p. 358. l. 8. l. ver- mischt/ l. 12. l. Flucht.