Kriegs-Buͤchlein
:
Das ist/ Grundtliche Anleitung
Zum Kriegswesen:
Namlich
Wie ein Vestung mit Jhren Jnner- vnd Ausserwercken angerichtet: mit aller erforderlichen
Zugehoͤrd versehen/ vnd verwahret werden solle: Deßgleichen
Wie ein jeder hoher vnd niderer Kriegs- Beampteter in Zug vnd Wachten/ uͤbung der Waaf- fen/ formierung der Schlachtordnungen zu Roß vnd Fuß/ mit
Scharmützen/ Stürmen/ Fechten/ Schlagen; vnd allen anderen Kriegs- haͤndlen vnd Thaͤtlichkeiten/ nach Stands vnd Eydsgebür/ sich zuverhalten habe:
Mit beygefuͤgter Dolmetschung vnd Erklaͤrung der froͤmbden Kriegischen/ diser zeit uͤblichen Namen vnd Woͤr-
teren/ vnd wie selbige beydes in Riß vnd Schrifft zuverstehen:
Widerumb auffs new auffgelegt/ verbessert vnd denen so sich
zum Nohtschirm des lieben Vatterlands/ bey dessen biderber Landschafft/ kriegi- schen Befelchs vnderziehen/ zu getrewer nachrichtung gestellt/ vnd mit dienstlichen newen Kupffer-rissen verstaͤndtlich gemachet/
Durch
Hauptmann
Hans Conrad Lavatern
Burgern der
Statt Zürich.
Getruckt zu
Zürich/
Bey
Johann Jacob Bodmern/
in verlegung des Authors.
M
DC LI
.
Wie das Kupffer eynzubinden.
I.
Das 1. Kupfferblat sol vor dem 1. blat/ vnd das klein abge- schnitten blat des thurns hinder das 8. blat/ das ander klein mit den Stacketen/ Schantzkoͤrben/ ꝛc. hinder das 12. bl. gebunden werden.
II
.
Das
Exercitium
der Mußqueten vor das 81. bl. das 2. der Spiessen hinder das 82. das dritte mit Schilten hinder das 83. bl. eyngesetzt werden.
III
.
Das abgeschnittne bl. von Dopplierung fuͤr das 91. die uͤbrigen 3. halb boͤgen der Schlachtordnungen in einanderen nach der zalgebunden werden.
ERRATA
.
Linea 13. pag.
3. liß 36. růthen/ fuͤr 36. schůh.
Lin. 7. pag.
9. in der mitte des halben Thars.
Lin. 31. pag.
12. dritthalben schritt.
Lin. 1. pag.
19. Jede růthen.
Lin. 22. pag.
21. ist außgelassen: etliche geben einem Mann zum stand vnd distantz einen schritt.
Lin. 11. pag.
88. reyen.
Lin. 25. pag.
99. 3. Corpo- ral.
Lin. 28. pag.
120. ringsweis.
Lin. 8. pag.
121. ander theil.
Vegetius in Prol. lib. 3. de re militari
.
Qui desiderat pacem, præparet bellum: qui Victoriam cupit,
milites imbuat diligenter: qui secundos optat eventus, di- micet arte, non casu.
Der Lands-verderbend Krieg nichts gutes bringen mag/
Wir wũnschen seinen nichts: der nutzlich Frid behag!
Den
Hochgeachten/ Wol-Edlen/ Gestrengen/
Frommen/ Ehren- vnd Nohtvesten/ Fuͤrsichtigen/ Fuͤrnemmen vnd Weysen Herꝛen/
Herꝛen Burgermeistern/ Geheimen vnd Kriegs-Raͤhten/
Sampt
Den Herꝛen Quartierhauptleuhten/
Loblicher Statt vnd Landschafft
Zürich: Meinen insonders hochgeehrten/ gnaͤdigen Herꝛen.
G
Naͤdige Herꝛen: Wie erforderlich bey ei- ner wolbestellten Republic/ die Kriegs- disciplin vnd wüssenschafft der Waaffen seye/ ist so wol auß beruͤhmbten Seriben- ten/ alß der Erfahrung selbs/ außfündig vnd offenbar. Jnmassen von deßwegen vil fuͤrnem- me Politici dise bestaͤndige vnd gewüsse Regul gege- ben;
Daß alle die/ so sich in fridlichem ruhwesen befin- den/ vnd jhr Leben hierinnen hinzubringen begeren/ in den Waaffen vnderꝛichtet seyn muͤssen
; Alß durch deren mittel; nechst Goͤttlichem hilffs-schutz; die waa-
)( ij
re
Vorꝛed.
re Christenliche Religion verthaͤdiget/ vnd das Vat- terland sampt desselbigen Freyheiten; Weib/ Kinde- ren/ Ehr/ Leben vnd Guͤteren beschützet vnd erhalten werden. Vnd eben daher lehren ermeldte Politischen ferꝛners gar weyßlich vnd wesenlich:
Dem Friden seye nimmermehr so wol zu vertrawen/ daß man sich bey dessen Waͤhrung vnd Niessung/ nicht auch zum Krieg gefaßt halten solle
. Angeschen/ da ein Poten- tat oder freyer Stand/ sich auch bey der Fridens-blůst mit aller zum Krieg nohtwendigen Bereitschafft/ vnd sonderlich mit Kriegs-erfahrnen Leuthen/ staffiert finden laßt; selbiger so leichtlich nicht angetastet wer- den moͤge/ alß aber da solche Nohtwendigkeiten vnd Erforderungen verabsaumbt/ vnd auß der Achte ge- lassen werden.
Wann nun meiner Wenigkeit gar wol bewußt ist/ daß E. G. vmb eben gedachter vrsachen willen; nach vnserer loblichen Nation zu den Waaffen vnd Kriegsthaaten erblicher neigung; der Kriegs-kunst nicht vngeneigt: sondern derselbigen Erfahrne (in de- ren zahl auch Jch für den geringsten gezellt zu wer- den begere) jederzeit von E. G. in großgoͤnstiger vnd gnaͤdiger obachtung vnd gewogenheit gehalten wor- den/ vnd noch werden: Alß hab ich mir/ bey anlaß/ des von E. G. hochruhmlich fürgenom̃nen/ vnd bereits zu werck gesetzten Fortification- vnd Defensiv-wesens/ vorgesetzet/ ein
Compendium bellicum
oder Kriegsbuͤch- lein zustellen/ vnd auff das Papyr zu werffen; in wel-
chem
Vorꝛed.
chem die materi von erforderlicher Kriegs-vorberei- tung/ so wol das Fortificieren vnd Vestnen/ alß alle andere Kriegs-Actionen vnd Thaͤtlichkeiten; wie die nam̃en haben moͤgen; beruͤhrende: zwaren kurtz/ aber grundtlich/
practicè
vnd handleitlich tractiert vnd ge- handlet; vnd hiemit alles/ was von der Kriegskunst
in praxi
geredt werden mag/ in verstaͤndtliche
Præcepta
vnd Reglen eyngeschlossen vnd verfasset wurde.
Daß aber/ Hochgeachte/ Gnaͤdige Herꝛen/ diß mein Wercklein bey E. G. anlendet vnd schirm sůcht; ist nicht dahin gemeint/ sam ich eben sie die Waaffen leh- ren/ vnd in Kriegs-sachen vnderꝛichten woͤlle; (alß de- ren hohe erfahrenheit in aller Politischen/ vnd hiemit auch Kriegischen wüssenschafft/ Gott lob/ Landrüch- tig/ vnd gnugsam bekañt ist:) sondern hierdurch meine/ gegen E. G. vnd hertzgeliebtem Vatterland/ schuldi- ge pflicht vnd dienst/ nach zwaren geringem vermoͤ- gen/ jedoch eyferigen vnd hertzlichen begeren/ zu eraͤu- gen: vnd also demselbigen/ dise mein/ in vilen Jahren; bey fürtreffenlichen kriegischen Nationen; nebend laͤ- sung guter Autoren; geschoͤpffte wenige Experientz/ ja mich selbsten/ gantz vnd gar auffzuopfferen. Der hoff- nung/ sich derselben zum wenigsten die jenigen frucht- barlich bedienen werden/ welche auff E. G. biderber Landschafft sich kriegischer Officien vnd Ehrenaͤmpte- ren vnderfangen/ oder auch künfftig sich hierzu brau- chen zu lassen lust haben. Jn welchem vertrawen E. G. ich hiemit diß Kriegs-Buͤchlein dediciere vnd
)( iij
eygne:
Vorꝛed.
eygne: vnderthaͤnig bittend/ sie selbiges mit so gnaͤ- digem willen zu empfahen geruhen; alß mit vnder- thaͤnigem gemuͤt solches von mir pr
æ
sentiert vnd vber- sendet wirdt. Der Allerhoͤchste/ woͤlle bey disen vn- ruͤhigen zeiten alle E. G. Rahtschlaͤg vnd Exccutio- nen fuͤrbaßhin saͤgnen vnd leiten/ Jhme zu ehren/ vnd der Kirchen vnd gemeinem Vatterland/ der loblichen Eydgnoschafft/ zum besten! Geben Zürich den 22. Ju- nij/ im Jahr
1644
.
Eüwer Gnaden Vnderthaͤniger
Hanß Conrad Lavater/
Hauptmann.
Erklaͤ-
Erklaͤrung der froͤmbden Nammen vnd Woͤrteren/ wie solche in der Schrifft vnd Riß gelesen/ gefunden
vnd verdolmetschet werden.
Vestung/
heißt auch
Munimentum, munitio, fortalitium: fort, forteresse; fortezza, fortificatione
(wird außgesprochen/ munimentum/ munitzio/ for- talizium/ fort/ fortezza/ fortifikatione) liß das 1. blat/ vnd besihe die Figur
A.
des 1. Kupfferblats.
Regular
vnd
Irregular,
heißt richtig vnd vnrichtig liß das 1. bl.
Real
oder
Royal,
heißt ein Hauptschantz/ Hauptwerck: liß das 1. bl.
Polygonal-
linien/ ist die distantz/ oder weite zwischen 2. Bollwercksspitzen oder Puncten/ vnd heißt die eussere vill-egk oder
polygone, polygone exte- rieur,
(
oder exteriür
)
Latus polygoni exterioris,
liß das 1. bl. vnd sihe das 1. Kupfferbl.
fig. A.
mit 9. vnd
a.
bezeichnet.
Interieur polygone
ist die inner Polygonal-linien/ so von einem Kaͤlpuncten zum anderen laufft/ wie das 1. Kupfferbl.
fig. A.
mit
o,
vnd
v,
außweißt.
Bollwerckspunet/
wird auch genent
angle flanquè
(oder flanck
è
)
An- gulus propugnaculi
(oder propugnakuli)
angulus à latere propugnatus:
liß das 1. vnd 5. bl. besihe 9. vnd 8.
fig. A.
das 1. Kupfferbl.
Feldschantz/
Munitio Campestris, Castellum Campestre
(
oder Munizio Kampestris/ Kastellum Kampestre)
forteresse, fort, fortino, retranchement
Wal/
vallum: riparo, terra plena: terraces, terre plein, contregarde,
(oder terꝛasses/ taͤrꝛeplen/ contregarde) liß das 1. bl. besihe das 1. Kupfferbl.
fig. C.
mit
a, b, c, d, e,
bezeichnet.
Hoͤhe des Wals/
altitudo valli: Hauteur du rampart:
besihe das 1. Kupffer/
fig. C.
mit
b, c, e,
bezeichnet.
Superficies,
ist ein jede flaͤche eines dings:
des Wals
Superficies
(oder Superfizies) ist die
abdachung/
heißt auch straͤb/ schraͤge/ boͤschung/ beschuͤ- hung/ gaͤche/ ablauff/ abhang/ docierung/ bossierung/
talud: acclivitas,
(oder acklifitas) dise ist
innerlich
vnd
ausserlich/
Interieur, Interior,
(oder
exte- rieur, exterior:
besihe das 1. Kupfferbl.
fig. C.
mit
f, d,
vnd
e, g, k,
bezeichnet/ liß das 2. bl.
Walgang/
vallum ambulacri: terreplein:
liß das 2. bl. besihe
fig. C.
das 1. Kupffer/ mit
h,
andeutet.
Die abdachung der Brustwehr/
liß
ibidem,
wie
o, c, i,
außweißt/ in der
fig. C.
dem 1. Kupfferbl.
Banck/
Banck/
Banquet: statio: scanno: scamnum, scabellum, gradus ad lori- cam
(oder bancket/ stazio/ sganno/ sgamnum/ sgabellum/ gradus ad loricam/) liß das 2. bl. das 1. Kupffer
fig. C,
mit
o,
andeutet.
Brustwehr/
parapet: parapeta, thorax, lorica:
liß das 2. bl. das 1. Kupf- fer/
fig. C,
mit
i,
bezeichnet.
Courtine,
die Cortin/
Chorda; vallum inter duo propugnacula affixa; Cor- tina
(oder Kortine/ korda/ vallum inter duo propugnackula affixa/ kortina/ liß das 3. bl. das 1. Kupffer.
fig A,
mit
p.
bezeichnet.
Affterstreych/
ala Secundaria, ala Cortinæ,
der Streychplatz/
second flanc
(oder ala sekundaria/ sekond flanck) liß das 3. bl. das 1. Kupffer
fig A,
mit
ii,
vnd 12. andeutet.
Gesichtlinien/
facies, frons, face, la face, il fronte, el fronte,
(oder fazies/ frons/ fasse/ la fasse/ il fronte/ el fronte) sonsten auch gesichter/ stirnen/ genant/ liß das 3. bl. das 1. Kupffer.
fig. A,
wie 6. 9.
a,
vnd 13. außweißt.
Groß Streychwinckel/
angle flanquant exterieur, angle de tenaille: Angulus defensionis major, vel exterior, angulus à latere propugnans exte- rior, major.
liß das 3. bl. das 1. Kupffer/
fig. A,
mit 9. bezeichnet.
Streychwehr/ flanck/
humerus propugnaculi affixi, la ligne dú flanc,
(oder la linie dü flanck)
espaule, flanc, ala, spala, oreilon
(oder epole/ flanck/ ꝛc) flanck/ achsel/ schulteren/ flügel/ streych: liß das 3. bl. das 1. Kupffer.
fig. A,
mit 7. vnd 11. bezeichnet.
Bollwerck/
Boulevart, Bastion, propugnaculum
(
oder Bulewart/ ba- stion/ propugnakulum) Sporen: liß das 4. bl. das 1. Kupffer.
fig. A,
mit 2. bezeichnet.
Hauptlinien/
ligne capitale,
(oder linie kapitale)
linea principalis,
liß das 4. bl. das 1. Kupffer
fig A,
mit
o,
vnd 6. bezeichnet.
Blatte Bollwerck/
propugnaculum lineæ rectæ, plat Boulevart,
) oder propugnakulum linie raͤckte.)
Streychlinien/
ist die linien/ so auß der Affterstreych mit der Gesicht- linien in einem strich gezogen wird/ sonsten
la ligne de deffense flanquante
(oder la linie de deffanseflanckante)
linea defensionis minor, defensiva strin- gens, linea defensionis mobilis,
die klein Streychlinien/ ꝛc. liß das 5. bl. das 1. Kupffer.
fig. A,
mit 12. vnd 13. andeutet.
Groß Streychlinien/
die bestaͤndige defenslinien/
la ligne de defense fischante,
ist die linien/ so auß dem Punckt der Cortin vnd Flanck des Boll- wercks gezogen wird/
linea defensionis affixa, defensionis major, defensiva figens,
angeheffte Streychlinien: liß das 4. vnd 5. bl. das 1. Kupffer.
fig. A,
mit 11. vnd
a,
bezeichnet.
Erlaͤngerung der Streychen/
ala humeri producta, alæ continuatio, flanc prolongè:
besihe das 1. Kupffer.
fig. A,
mit 11. vnd 8. bezeichnet.
Kaͤl/
Kaͤl/
schlund/
gorge
(oder gorsche.) Sie wird auch
Kaͤl-linien/
linea fau- cium
(oder fauzium) genañt.
Kaͤlpunct/
a ngle polygone: angulus circumfe- rentiæ, angulus polygoni:
liß das 5. bl. das 1. Kupffer.
fig. A.
mit 11. vnd
o, r,
bezeichnet.
Das eck Centri/
Angulus ad Centrum: anglc, ou Centre:
liß das 5. bl. besihe das 1. Kupffer.
fig. A.
mit
m,
bezeichnet.
Der klein halbe Diameter der Vestung/
Semi-Diameter polygoni
oder
arcis interioris: le petit demi-diametre:
besihe das 1. Kupffer.
fig. A.
mit
m, r,
vnd
o,
bezeichnet.
Der groß halb Diameter/
Semi-diameter polygoni exterioris di- stantia centri ab extremitate propugnaculi affixi: demi-diametre le grand:
besihe das 1. Kupffer.
fig. A.
mit
m,
vnd 9. bezeichnet.
Berm/
zehen/ oder fuͤß am Wal/
lisiere: margovalli:
liß das 5. bl. besihe das 1. Kupffer.
fig. C.
mit
r,
bezeichnet.
Faussebraye
(oder fossebraye)
Succinctus:
vnderwal/ vnderstand/ vn- derlauff:
chemin
(oder schemin)
des rondes:
runde weg/
die Brustwehr/
parapet de la faussebraye: lorica horizontalis:
liß das 5. 75. 74. bl. das
1
. Kupffer.
fig. C.
mit
l, m, n,
vnd
p,
bezeichnet.
Graben/
fosse: fossa:
liß das 6. vnd 7. bl. das 1. Kupffer.
fig. A.
mit 3. be- zeichnet.
Die tieffe des Grabens/
profunditas fossæ: profundeur du foßè.
Der jnner abhang des Grabens/
heißt
acclivitas fossæ interior:
die
scarpa,
boss- oder docierung/ schroͤge/ vnd jnnerliche gaͤhe des Grabens/ wie die
fig. C.
mit 7. audeutet.
Die ausserliche abdachung des Grabens/
heißt
contrescarpa: accli- vitas exterior:
liß das 7. bl. das 1. Kupffer.
fig. C.
mit
v,
bezeichnet.
Bedeckter weg/
via cooperta, strada coperta, vallado, spianade, corri- dor, ou chemin couvert,
auch
abusivè contrescarp,
liß das 7. bl. das 1. Kupf- fer.
fig. C.
mit
vv,
der banck aber mit
x,
bezeichnet.
Brustwehr des bedeckten wegs/
Altitudo loricæ viæ coopertæ, Hauteur,
oder
parapet du rampart du chemin couvert
.
Batterey/
Batteries: collis, aut agger tormentarius, suggestus,
es seind hoͤhenen von Erden auffgeschüttet/ auff welche man Stuͤck stellet/ den Feind darmit zu beschaͤdigen/ liß das 9. 76. 127. bl. besihe das 2. Kupffer.
fig. B.
Cavalieurs,
Katzen/ Reuter/
colles aut aggeres propugnaculorum.
Ravellein/
Castellum defixum, moles: Ravelin:
liß das 12. bl. das 1. Kupffer.
fig. A.
mit
i,
bezeichnet.
Hornwerck/
opera Cornuta: ouurages â Corne:
liß das 13. bl. besihe
)( )(
das
das 1. Kupffer.
fig. C.
dessen abschnitt vnd
retrenche
(oder retrenche) mit dem bůchstaben
m,
bezeichnet.
Halber Mon/
demies lunes: luna dimidiata,
es seind kleine Bollwerck ausserhalb des Grabens vor die Bollwerck/ zu besserer beschirmung derselbi- gen geleget: liß das 13. bl.
Cronwerck/
opera Coronata: ouurages
(oder vfrasches)
Couronnes
oder
Curonnes,
liß das 13. bl.
Zang/
tenaille
(oder tenaillie)
forcipula: tenaglia.
Stagketen/
seind grosse hoͤltzer vnd zaͤun vmb ein Wal/ liß das 13. bl. das 2. Kupffer.
fig. D.
Palissaden/
Palissades, sudes præpilatæ, ferratæ
(oder sudes prepilate/ ferꝛate.) liß das 14 bl. das 2. Kupffer.
fig. B.
Sturmhaͤspel/
Barricades, cavaliers de Frises,
Friesische Reuter/
Echi- ni,
(oder Echim) liß das 14. vnd 15. bl. das 2. Kupffer.
fig. E.
Blendungen/
Chandeliers
(oder sgandeliers)
Velamen.
Fůßaͤngel/ Minckers/
fůß- oder laͤmeysen/ fůßaͤngel:
Murices, tribuli chausses, trappes:
liß das 15. 70 vnd 74. bl.
fig F.
Schantzkoͤrb/
Carbes loricales: gabions, gabionatten:
liß das 15. 16. vnd 70. bl. besihe das 2. Kupffer.
fig. H
Schützenkoͤrblein/
corbulæ, latibula, jaculatorum. Corbeilles
(oder korbeillies/) liß das 17. bl. das 2. Kupffer.
fig. I.
Approches,
Lauffgraͤben/
adductus, accessus:
liß das 17. vnd 73. 125. 129. bl. das 2. Kupffer.
fig. K.
vnd das 3. Kupffer.
fig. B.
mit 2. vnd 5. bezeichnet.
Gegenlauffgraͤben/
contre approches:
liß das 17. vnd vnd 75. bl.
Gallerie/
Schirmdach/
via intestina, vinea,
liß das 17. vnd 128. bl. das 1. Kupffer.
fig. C.
mit
D,
bezeichnet/ vnd
fig. D.
Breche
(oder Bresche)
Ruina valli,
bruch des Wals/ ein loch zum Sturm/ liß das 17. 18. vnd 130. bl.
Retrenchement
(oder retranschemant)
recessus regressio,
innerliche ver- schantzungen/ liß das 18. jtem das 74. 77. bl. das 1. Kupffer.
fig. A. C.
vnd
D.
Contremine,
vndergrabung der belaͤgerten:
cunicul
i
reciproci.
Mine,
vndergrabung/
cuniculi:
liß das 18. 74. 77. vñ 129. bl. das 1. Kupf- fer/ in der figur
C.
mit 8. andeutet.
Travers,
Zwerchwaͤl/
Loricæ transversæ:
liß das 18. vnd das 6. bl.
Tranchée,
Traͤnschey/ eynschantzungen/
aggeres continui, seps castrorum:
es seind werck so im Feld ein gantz Laͤger vmbgeben/ liß das 124. vnd 125. bl.
Reduct,
oder
Corps degarde, Redoute: receptus:
liß das 125. 126. bl.
das 1. Kupffer.
fig B.
vnd
fig. E.
mit 9. bezeichnet.
Ver-
Verdolmetschung.
A.
Accord,
Fridens-handlung.
Al’arme,
Jnsgewehr.
Approchieren,
Herzu naͤheren.
Artillerie,
Das groß Geschütz.
Capitain des armes,
Rüst oder Ge- wehrmeister.
Attaquieren,
Antasten.
Avancieren,
Fortrucken.
Auditeur,
Der Kriegssachen ver- hoͤrt.
B.
Bagage,
Was man mit sich nim̃t: P
lun
derwaͤgen.
Blocquieren,
Mit schantzwerck ver- sperꝛen.
C.
Canon,
Groß Stück.
Cannonier,
Constabel.
Cartusen,
Patronen zun Stücken/ darinn geschroͤt ist.
Corporal,
Rottmeister.
Commandieren,
Befehlen.
Collonell,
Regiments-Oberst.
Compagnie,
Ein Fendlein fůßvolck.
Cornet,
Ein Compagnie Reuter o- der desselben Fendrich.
Casquet,
Stechbelm.
Controlleurs,
Gegenschreiber.
Conducteur,
Fuͤhrer eines Wercks.
Convojieren,
Begleiten.
Commiß,
Proviant.
Commissarius,
Die allerley zu ver- richten haben.
D.
Defendieren,
Verthaͤdigen.
Defense,
Verthaͤdigung oder Ve- stung.
E.
Extraordinari,
Vngewohnlich.
Espion,
Außspaͤher.
F.
Flanckieren,
Ein ort mit Geschütz be- streichen.
Fourrage,
Fuͤterung.
Fortificieren,
Bevestnen.
G.
Galloppieren,
oder
Calloppieren,
rennen.
Guarde,
Wacht.
Corps de guarde,
Hauptwacht.
General,
Feldherꝛ.
Garnison,
Besatzung.
Gouverneur,
Fuͤrgesetzter einer Ve- stung.
Granaden,
Sprengkuglen.
H.
Humeur,
Natur.
I.
Ingenieur,
Bawmeister.
Inventeur,
Erfinder eines Wercks.
L.
Lancepasade,
Vnder-Rottmeister.
Laffuyten,
Stuck-Waͤgen.
Logieren,
Vnderschlauff nemmen.
M.
Marschieren,
Fort ziehen.
Matrosen,
Schiff- oder Bots-gesel- len.
Marquitanter,
Proviantfuͤhrer.
Mineurs,
Meister des vndergra- bens.
Major,
Obrist-Wachtmeister.
Musquet,
Lunden Rohr.
Munition,
Pulfer/ kuglen vnd lun- den.
)( )( ij
N. Neu-
N.
Neutral,
Neutralitet,
Vnpartheyisch.
O.
Offensivè,
Feindlich/ mit gewalt.
Officier,
Befelchshaber.
P.
Parallel,
Gleichlinig.
Particular,
Gemein.
Parlamentieren,
Mit dem Feind/ we- gen vbergebung einer belaͤgerten Statt handlen.
Patenten,
offene Schreiben.
Perpendicular,
Senckel-rechte linien.
Picques,
Lange Spieß.
Picquenier,
Doppelsoͤldner.
Plantieren,
Geschütz stellen.
Proviantieren,
Mit essen versehen.
Q.
Quartier,
Laͤgerstatt.
Quartieren,
Laͤgerstatt nemmen.
Qualificiert,
Tugendlich begabet.
Quartier
geben/ Sicher gleit geben.
R.
Ranzionieren,
Mit Gelt loß ma- chen.
Retranchieren,
Zu ruck-waͤrts sich verschantzen.
Rondache,
Ronde schilt.
Ruinieren,
Verderben.
S.
Salvieren,
Sich retten.
Secondieren,
Entsetzen.
Secours,
Entsatz.
Sergeant,
Wachtmeister.
Sorties, Soratori,
Heimlich außfaͤll.
T.
Tambourin,
Ein Trommelschlager.
V.
Vivres,
Lebens-speiß.
Voluntaire,
Der auff seinen Seckel dienet.
Nota.
Wie die Kupffer sollen eyngebunden werden.
1. Das erst vnd ander Kupfferblat sollen zu vorderst für das 1. blat des ersten Theils gebunden werden.
2. Die drey Kupffer der Exereitien: Musqueten/ für das 1. blat: Spieß vnd Schilt aber zwüschen das 2. vnd 3. blat des dritten Theils Kriegsbuͤch- leins.
3. Das sibende Kupffer soll zwüschen das 90. vnd 91. blat gesetzt werden.
4. Die vbrigen aber von Schlacht-Ordnungen nach der
Num.
der
Kupfferblatten zu end des dritten Theils.
New-
New-gewundener Lorbeer-Krantz/
Dem Author des Kriegs-Buͤchleins/
Auff den 22. Tag Brachmonats
des
M
DC XL IV
.
Jahrs vbersendet.
N
Vn muͤssen wir nicht mehr in froͤmbde Laͤnder reisen/
Daß wir in Krieges-kunst vns lassen vnderweisen:
Wir lehrnen es allhier in disem Buͤchlein klar/
Von einem der dem Mars gedienet etlich Jahr.
Dann:
Was ein Vestung sey/
mit allen jhren
Wercken:
Was ein Besatzung sey/ die Vestung zů verstaͤrcken:
Was der gebrauch der Wehr: vnd/ Wie ein Krieges-Held
Sich zů verhalten hab’ im Laͤger oder Feld:
Der Author vns erzellt/ vnd so für Augen stellet/
Alß hetten Wort vnd Werck zůsammen sich gesellet:
Darumb gebüret jhm/ zů seinem sondern Preiß/
Ein new-gewundner Krantz/ auff alte Roͤmer-weiß.
J. W. S.
)( )( iij
Poẽti-
Poẽtische Trachtungen/ An
Den Herꝛen Autorn dises Bůchs:
Vber Die Vatterlaͤndischen Erfinder/ etlicher vornehmen Martialischen Kunst-stucken.
G
Ar recht;
Herꝛ Lavater;
bequemt jhr euch den Zeiten:
Dann da wir rings herumb nichts hoͤren dann von streiten/
Bringt jhr ein
Manual;
darauß des
Marsen
Kunst
Vnd Griff zu lehrnen sind. Diß wird euch schaffen gunst/
Bey der
Heroën Chor;
zů deren Gnad diß Bůche
Jn vnderthaͤnigkeit thůt wander'n/ daß es sůche
Weß ihr wol wirdig seyt. Jch wünsch euch gůten Wind/
Damit der Saͤgel bald glückhafften Vfer find.
Wann aber ich mein Lieb euch sol/ in Versen/ weisen
:
So vnderzeuch ich mich das
Vatterland
zů preisen/
Die
sinn-reich Nation/
die keiner andern weicht:
Die mit Jnvention ein hohes Lob erꝛeicht/
Von Spieß vnd Faͤder-kiel. Der
Tiguriner
Faͤlde
Fürwar auch flüssig sind; deß gibt vns ein gemaͤhlde
Die Alte Zeit/ vnd jhr getrewe Schirmerin
Die schoͤn Historta: doch ziel ich nicht dahin/
Jch bring was heutig ist. Solt nicht dich
Zürich
schmucken?
Der
Alte Eberhard
mit seinen
Laͤder-stucken/
Vnd
Braͤndlj
sein Gebilff; die nicht auß Schweden her
Zü vns erst kommen sind: von vns hineyn vil mehr.
Wie in
Geometrey Ardüser
sey erfahren/
Das hat sein nutzlich Bůch bezeugt vor etlich
Jahren
:
Erfindung mancherley bestatet es bißhar:
V
n
d mehrers wird die Zeit noch machen offenbar.
Drauff folget in der Rey der harte
Niter speüwer/
Ein Corpus so formiert/ durch Kunst im hellen feüwer/
Von
Eysen/
ohne Pferd gar leicht zu bringen fort/
Wo man es haben wil/ auch in die hoͤchsten ort.
Besteht
Besteht von Glidern vil; mit straubwerck eyngeschnitten
Kom̃t auß des
Meyers
Eß/ vnd meisterlicher Schmitten.
Dahin auch
Werder
gehoͤrt/ mit seinen
Pistol-Rohr’n/
Von Moͤß/ im Fewr verguldt; dergleichen nicht zůvor’n
Die Welt gesehen hat: dahar man sie verwendet
Jn Fürstliche Pr
ę
sent/ vnd Koͤnigen zůsendet.
Derley Erfindung ist
Holtzhalben
neüwe
Bruck;
Der’n zwar ein schwaͤrer last/ staͤts liget auff dem Ruck/
Ein doppel Ziegel-tach ob jhren außgedehnet/
Hat nichts dann beyde port/ auff welche sie sich lehnet:
Jhr laͤnge sibentzig vnd Elen fünff anlangt/
Gleichwol ohn Joch vnd Blech/ in freyem Luffte hangt:
Nur schad/ daß dort herumb nicht ist ein Landes-Passe/
An dem die Wunder-Bruck/ mit pracht sich sehen lasse.
Was hat
Herꝛ Koͤrner
doch
Zunfftmeister
hie gepflantzt
Für eine
Wasser-kunst?
zum Werck da man vmbschantzt/
Des
Vatterlandes Hertz;
ein sonder-kom̃lich Stucke:
Vnd dahin angesehn/ daß es die Feücht’ weg schlucke
Von der Arbeiter’n hand. Was Zierden auch vorab
Des
Herꝛ’n Werdmüllers
Sinn vom hohen Himmel hab/
Das gibt der Augenschein. Jch mach nicht vil der worten/
Jch gib den Ohren nichts/ mit schmeichlen da vnd dorten;
Die Sachen reden selbs:
Jhr aller Nam̃ verbleibt/
Jm Bůch der Ewigkeit/
weil Kunst von Kunste schreibt.
Wol dir/
O theüwres Volck!
so du beschauwst beym tage/
Was dein Land/ in dir selbs/ für edle Geister trage;
Vnd dich derselben frewst: da du versichert bist
Der Alten Redlichkeit/ die in den schollen ist
Deins frommen Erdtereichs. Die Zeit wird d’rüber richten/
Daß deiner Kinder’n Witz nicht seye zů vernichten.
Vnd jhr/
Herꝛ Lavater/
thůt auch ein nutzlich Werck/
Wann jhr den Maͤnner’n zeigt/ wie sie jhr Mannlich sterck
Jn rechter W
a
affens-kunft/ mit form zů brauchen haben:
Diß ist ein gůtes Bůch; ein Bůch für vnser Knaben/
Die zwaren bey dem Schimpff nicht all gewesen seind/
Vnd haben doch den můht zü traͤtten für den Feind/
Wie
Wie jungen Helden zim̃t: den Nam̃ der dapffer’n Alten
Auff die Begebenheit/ mit Růhme zů erhalten;
Dem waͤrthen Vatterland zů dienen vngespart/
Jst eüwers schreibens zweck/ nach eüwer Forder’n art/
So weyser Forderen! (wie kund ist aller Welte)
So frommer Forderen! die nun ob dem gezelte
Der gstirnten Vestung sind: jhr Krantz bleibt vngeraufft/
So lang der Limmat-Fluß dem edlen Rhein zůlaufft!
Vnd weil Erfahrenheit; alß man zů reden pfleget;
Die beste Meisterin/ die gleich zur Practic leget/
Was in der Theorey ein kopff wie scharff besinnt/
Durch Trachtung nur allein so leichtlich nicht befindt;
Jst eüwer
Manual
vmb so vil mehr bewaͤhret/
Weil nicht ein jeder Mann der Practic hie begaͤret/
Vnd/ o daß Gott verleyh/ daß dise Wüssenschafft
Nur bloß ein Wüssen bleib’; ohn nachtruck/ ohne krafft
Der blůts-verderbten Kunst! Wir woͤllen lieber wüssen
Was kunstlich Kriegen sey/ dann solchs erfahren muͤssen!
Wann aber je das Spil muͤßt angetraͤtten seyn/
Vnd nichts zur Suͤhnung hulff/ was wir gleich wendten eyn;
So schaff der starcke Gott/ daß
Amaleck
verstehe/
Daß auch dem
Jsraël
der Waaffen Kunst angehe;
Weil Moses seine Haͤnd auffhebt/ vnd
Gott
anschreyt
Gesetzt auff einen
Felß/
biß jhm der Sieg gedeyt!
G. M.
Erster
Erster Theil Des Kriegsbuͤchleins:
Von einer Vestung.
Was der nam̃ einer Vestung seye.
E
Jn Vestung hat den nam̃en von dem wort Vestnen: die-
weiln ein Ort/ durch die vmbwalung/ oder vmbschantzung vest ge- machet wirdt.
Was ein Vestung seye.
Sie ist ein Platz/ so mit Mauren/ Graͤben/ Thürnen/ Waͤlen/ Bollwer- cken vnd dergleichen beschlossen wird/ darinn man sich mit wenig Volck ge- gen vilen beschirmen mag.
Wird abgetheilt in Regular vnd Jrꝛegular.
Regular/ ist ein figur von gleichen seiten vnd wincklen. Jrꝛegular/ ist ein figur von vngleichen seiten vnd wincklen.
Freytag der Jngenieur theilt sie ab in groß/ mittel/ vnd klein Real. Ein groß Real heißt er die/ deren bestaͤndige Streychlinien von 60. ruhten (jede zu 12. Rheinlaͤndischen schuhen gerechnet) gemachet werden. Ein mittel- Real aber/ da die weite zwüschen zweyen Bollwerckspitzen mehr alß 60 ruhten seind. Ein klein Real/ will er/ daß gedachte weite zwüschen zweyen Bollwerckspitzen bestaͤndig 60. ruhten seyen. Die aber darunder/ werden vnder die Feldschantzen gezellt.
Vom Wal/ vnd wie er auffgefuͤhrt wirdt.
Der Wal ist ein schuͤtte von Erden/ so auß dem Graben genommen/ vnd vmb ein Platz geschuͤttet wird/ vnd sie sam̃t seiner
Courtine,
Flancken oder Streychwehren/ vnd Gesichtlinien eynschliesset.
Man soll die inner- vnd ausser anlegung des Wals zugleich mit einan- deren aufffuͤhren/ vnd die Erden jhrer natur nach/ vermischt verbleiben las- sen. Zum ersten wird die Erden mit kaͤrꝛen durch die Pferd/ vnd darnach/ wañ man nicht weiter fort kommen mag/ mit stoßkaͤrꝛlein hinauß gesuͤhrt: vnd da der Wal eines fusses hoch gestigen/ legt man lange duͤnne Weiden/ Reyß/ weiß Hagendorn/ Erlein-Reck- oder Wachholderstauden/ doch nicht zu nahe an einander/ damit sie sich nicht anstecken/ ohngefahr 6. oder mehr schuh in den Wal hineyn. Man soll den Wal mit schweren baͤtzen oder stoͤßlen/ wie bey vns die Gassenbsetzer oder Strassenpflasterer brauchen/ steiff vnd vest auff einan-
A
deren
Erster Theil/
deren stampffen: denselben auch/ wo man zeits genug hat/ nicht zu vil auff ein mal mit einanderen auffbawen/ vnd sich ein wenig setzen lassen. Der anschlag wird von Schlehen/ Reck- oder Wachholderbeer/ ꝛc. außwendig biß an die Brustwehr besaͤyet: im auffwachsen werden die bollen abgestrupfft/ die wachsen alßdann sehr dick in einander/ vnd behalten die Erden beysammen. Oben macht man den Gang des Wals hinden ein schuh nidriger alß vor- nen/ damit sich das schnee- vnd raͤgenwasser darauff nicht setzen/ loͤcher vnd spaͤlt eynfressen/ sondern widerumb hinden ablauffen koͤnne. Es soll auch der Wal nicht zu hoch seyn/ damit wann der Feind in seinen Lauffgraͤben waͤre/ nahe zu dem Wal vnd dem Graben kaͤme/ da man sich am meisten zu wehren von noͤhten hette/ er darvon entdecket vnd gesehen werden moͤge: Er soll auch nicht zu nidrig seyn/ daß man von dem Feind nicht vberhoͤhet werde: auch nicht zu schmahl/ damit der Feind denselben nicht leichtlich vndergraben vnd sprengen/ vnd man darauff desto mehr Geschuͤtz vnd Volck stellen moͤge: vnd dann auch nicht zu breit/ damit man nicht hinder der Brustwehr entdeckt/ auch vil gelts vnd zeits ersparet werde. Oben auff dem Wal ist der Gang meistentheils 20. in 30. schuh (jeder schuh zu 12. daumen/ vntzen oder zoͤll ge- rechnet:) die Brustwehr ist 12. biß in 24. schuh.
Von des Wals
Superficie.
Superficies
ist ein jede ebne oder flaͤche/ deren der Wal 4. hat: alß die Ab- dachung der Brustwehr: der Walgang: die jnner- vnd ausser schraͤge/ boͤ- schung oder beschuͤhung. 1. Die Abdachung ist eigentlich die oberflaͤche der Brustwehr/ so sich gegen dem Feld abdachet/ oder gaͤch ablaufft. 2. Der Walgang ist oben auff dem Wal der platz hinder der Brustwehr/ zum stand für die Soldaten vnd Stuck. 3. Die jnner Schraͤge ist die streb/ ablauff/ oder fuß des Wals/ so die Erden selbst gibt. 4. Die ausser aber wird auffgebawen/ wie oben gemeldt/ vil oder wenig/ je nach dem die Erden gut oder sandig. Jn der boͤsen Erden gibt man schuh auff schuh in der mittel- maͤssigen auff vier schuh drey: in der gar guten auff drey schuh zween.
Von dem Banck.
Er ist ein Tritt hinder der Brustwehr/ vngefahr anderthalben schuh hoch/ auff dem Wal erhaben/ vnd drey schuh breit an dem puncten/ vnd oben nicht mehr alß zween schuh. Auff disem Banck stehen die Musquetierer/ vnd geben vber die Brustwehr fewr/ koͤnnen auch desto besser inn vnd vber den Graben sehen.
Was die Brustwehr seye.
Sie ist die auff dem Wal auffgesetzte vnd erhoͤchte Erden/ vnd wird Brustwehr genañt/ darumb daß sie den Soldaten/ so auff dem Wal stehen/ die Brust decket/ vnd sie darhinder wegen des Feinds Geschuͤtz sicher stehen
moͤgen/
Von einer Vestung.
moͤgen. Sie hat jnnwendig wenig docierung oder schraͤge/ vnd eben auff sechs schuh zween schuh.
Wie die Brustwehr beschaffen seyn solle.
Sie soll 6 schuh hoch seyn/ vnd von vngefahr 2. schuh gegen dem Graben jhren ablauff oder schraͤge nemmen/ weil man besser mit dem Geschuͤtz vnder- sich langen mag: doch solle sie nicht zu vil schraͤg seyn/ damit sie nicht oben zu schwach werde: vnd jnsonderheit nicht zu wenig schraͤg/ damit man den Feind in dem Graben vnd bedeckten weg sehen vnd entdecken moͤge/ vnd ist dersel- ben aussere schraͤge der schraͤge des Wals gleich: die jnner aber hat auff drey schuh einen zur abdachung/ vnd ist jhr fuß von 12. biß in 24. schuh dick/ je nach dem es ein Vestung ist: die aber weniger seind/ gehoͤren vnder die Feld- schantzen.
Was die
Courtine
seye.
Sie ist die grade linien oder strich zwischen zweyen Bollwercken oder Flancken/ vnd ist jhr laͤnge in einer Realvestung 36. schuh lang.
Was die Streychwehr oder Flancken seye.
Die Streychwehr wird auch fluͤgel/ axel oder schulter genañt/ vnd ist das
perpendicul
ar oder die senckelrechte linien/ so auff die
Courtine
gezogen/ all- wo sie die kaͤl-linien beruͤhrt: jhr nam̃ entspringt von jhrem Ampt/ dann von jhren werden die Bollwerck/ der Graben/ vnd des Grabenslauff bestrichen vnd flanckiert. Jhr laͤnge ist von 10. biß in 12. ruhten/ vnd solle also be- schaffen seyn/ damit sie jhre
Courtine
beschirmen moͤge.
Was die Affter oder Hinderstreych seye.
Die Affter oder Hinderstreych heißt auch
secund-
flanck/ ist wider ein stuck der
Courtine,
so von der Streychwehr zum puncten lauffet/ darauß das gesicht des Bollwercks mag gezogen vnd bestrichen werden: vnd je laͤnger die Affterstreych/ je besser sie zu verthaͤdigung der Veste/ dann sie mehr Solda- ten vnd fewr fasset: doch muͤssen sie dergestalten genommen werden/ daß es die eck erleiden/ vnd die Bollwerck nicht zu gar spitzig fallen: vnd ist man solcher Affterstreychen hoch von noͤhten/ dann sonst wo die Flanck vom Feind ver- derbet wurde/ hette er keinen widerstand mehr/ vnd wurde man von jhme zur auffgebung der Vestung getrungen.
Von den Gesichtlinien/ grossen Streychwinckeln oder Flancken.
Wann auß dem puncten/ da sich die Affterstreych endet/ vber das aus- ser ende vnd der Streychwehr oder Flanck/ linien gezogen werden/ welche mit der Streychwehr oder Flanck den winckel der Schulteren machen/ doch nur von der Streychwehr zum bestrichnen winckel sichtig/ die werden Stirnen vnd Gesichter der Bollwercken genañt/ vnd wo die einanderen gegen der mit-
A ij
te
Erster Theil/
te der
Courtine
schneiden/ da gibt es den grossen Streychwinckel/ dann von den Gesichtlinien der zunahende Feind am ersten gesehen wird/ welchem sie auch gleich erstlich sich entgegen setzen/ vnd jhme die Stirnen bieten: dann darauß wird das vmbligende Feld entdecket vnd beschirmet. Jhr laͤnge ist von 20. biß in 24. ruhten: man soll sie nicht zu lang machen/ damit sie gnug- sam mit Musqueten moͤge bestrichen werden.
Von den Bollwercken vnd Hauptlinien.
Ein Bollwerck/ so man Pastey neñt/ ist das jenig
Corpus,
so von zwo Kaͤllinien/ zwo Streychwehren/ vnd zwo Gesichtlinien eyngeschlossen wird: ist gleichsam das Haupt der gantzen Vestung/ dann von jhren Gesichtlinien wird das Feld bestrichen/ vnd beschirmetje eins das ander von den Streych- wehren oder Flancken/ wie auch die
Courtine
den Graben vnd des Grabens- lauff/ vnd seind gleichsam die Arm/ damit ein Vestung beschirmet wird: vnd weil sie den Kuglen oder Bollen muͤssen widerstehen/ vermeynen ich/ das wort Bollwerck seye daher entsprungẽ: sie werden auch entzwey getheilt. So man von jhren kaͤlwincklen zu den bestrichnen wincklen der Bollwercken ein linien zeucht/ wird sie alßdann die Hauptlinien genañt/ vnd je hoͤher die Bollwerck seind/ je schwerer darhinder newe abschnitt zu machen seind: Sie sollen auch vil Geschuͤtz vnd Soldaten fassen moͤgen/ vnd muß man sie von gleicher staͤrcke auffbawen/ dann wo das eine schwach/ vnd erobert wird/ das ander auch schwach vnd gar nichts nutz/ vnd ist der vnkosten vmbsonst angewendet. Die starcken Bollwerck haben auch disen nutz/ daß der Feind keinen vortheil hat/ solches bequem vnd zu seinem vortheil anzugreiffen/ weil dieselbige vberal gleich starck seind/ vnd gleiche verhinderungen/ vnd keine schwachheiten solche zu verderben gefunden/ vnd desto besser beschuͤtzet werden. Die Streychen sol- len also beschaffen seyn/ damit die kuglen der Stucken vnd Musqueten nicht weiter alß drey finger an den Gesichtlinien/ parallel/ biß an den aussersten Bollwercksspitz oder puncten streychen moͤgen. Wann nun die Bollwerck einanderen im gesicht ligen/ so kan man den Feind in der Bresche zimlich ent- decken. Es sollen auch die eusserste Bollwercksspitz nicht weiter alß 80. vnd nicht naͤher alß 60. ruhten von einanderen kommen.
Ob hole oder außgefuͤllte Bollwerck dienstlicher seyen?
Man haltet die holen Bollwerck/ welche nicht einen dickeren Wal alß die
Courtine
haben/ fuͤr dienstlicher alß die außgefuͤllten/ weil es vil Gelts vnd Zeits erspart/ vnd dann weilen man dardurch vil besser
Contramin
en ma- chen/ vnd die Sprengenen suchen vnd verderben/ auch besser wo der Feind ein Bresche oder ein Sprenge fuͤrnim̃t/ darhinder newe Werck auffwerffen kan.
Von den Streychlinien.
Die Streychlinien sollen nicht vber 720. schuh oder 60. ruhten halten/
die-
Von einer Vestung.
dieweiln allzeit hoch von noͤhten/ daß man von den Streychwehren gegen ein- anderen den eyngang in den Graben mit dem geschoß erwehre/ welches am besten durch die Doppelhaacken vnd Musqueten beschehen mag: vrsach/ die Stuck wegen jhres schweren gewichts langsam fort zu bringen/ wordurch dann manche gute gelegenheit verloren wurde/ darumb dann auch in disem stuck die Musqueten den grossen Stucken vorgezogen werden. Vnd gleich wie man mit einer Musqueten 720. schuh weit zur Scheiben schiesset/ also sollen auch die Bollwerck nicht vil weiter von einanderen stehen/ sonsten wurden die Streychen zu weit/ vnd an dem gantzen Werck ein mangel seyn. Der Winckel der Schulteren soll zum wenigsten 105. grad halten/ dann je groͤsser derselbig ist/ je besser er gehalten wird/ vnd je weiter die Streychlinien in die
Courtine
hineyn laufft/ je besser es ein Affterstreych/ oder
Secundflanc
gibt/ vnd die Stirnen desto besser beschuͤtzt werden koͤnnen: vnd nemmen alle Streychen/ biß an die fuͤnffeckige Vestung ab/ alßdann thun sie widerumb wachsen.
Was der klein Streychwinckel seye.
Er ist der jenig/ welchen die
Courtine
mit der Streychlinien ma- chen thut.
Was die Kaͤllinien/ Kaͤl vnd Kaͤlpuncten seyen.
Sie seind die Linien/ so durch verlaͤngerung der
Courtine,
vnd jhrer Zu- sammenkunfft gemachet werden/ vnd da selbige einanderen durchschneiden/ so heißt derselbig Winckel der Kaͤlpunct: die Kaͤl aber wird von beyden Kaͤl- linien/ Kaͤl genañt/ heißt auch der schlund des Bollwercks.
Was der Punct des Bollwercks seye.
Er ist der eusserste Punct an dem spitz des Bollwercks/ so beyde Gesicht- linien durch jhren durchschnitt machen.
Was das eck Centri seye.
Es ist der Winckel/ den die zween halben Diametri durch jhres zusam- men lauffen machen thůnd.
Von der Berm des Wals/ vnd was er seye.
Die Berm ist ein platz oder weite/ so zwüschen dem Graben vnd Wal vornen gelassen wird/ sonsten der fuß des Wals genañt: sein breite ist vnge- fahr 4. biß in 8. schuh. Da nun der Feind ein Bresche vor hat/ vnd durch ein Sprenge oder Geschuͤtz ein loch in den Wal machet/ ruͤtschet die Erden nicht in den Graben/ sondern wird darauff auffgehalten/ vnd kan solches loch mit diser abgefallenen Erden desto besser widerumb vermachet werden.
Von der
Faussebrayen.
Wann obbemeldter Berm gebreiteret/ vnd vornen auff demselben ein
A iij
Mawr
Erster Theil/
Mawr ringsweis vmbher gefuͤhrt wird/ so heißt es
Ronde-
weg oder
Chemin de Ronde.
Wo aber ein Brustwehr vornen von Erden darauff gesetzt wird/
Faussebraye,
vnd ist derselben Brustwehr der Brustwehr des Wals an der dicke gleich. Es solle aber die
Faussebraye
rings vmb die Vestung gefuͤhrt werden.
Maralois
leget
figurâ
87. in den Sternen-Schantzen zwüschen zwo Streychwehren oder Flancken/
Trauers
oder Zwerchwaͤl/ einen vber den an- deren/ allwo die Musquetierer fuͤglich einen stand haben/ vnd den Paß zum Graben erwehren moͤgen: man kan auch dieselbigen also machen/ daß man Stuck darhinder stellen/ vnd des Feinds
gallerie
oder schirmdach zu grund richten moͤge. Ein Bollwerck/ so kein
Faussebraye
hat/ ist vil boͤser anzulauf- fen/ weiln die Erden des Wals in den Graben/ so tieff genug gemachet ist/ fallen/ der zugang vil beschwaͤrlicher seyn wurde/ alß da es ein
Faussebraye
hette. Es wurd auch der Graben mit groͤsser beschwerung/ schaden vnd ver- lurst der zeit/ so eins der fuͤrnembsten stuͤcken ist/ außgefuͤllt werden/ dann die Belaͤgerten sich vmb nichts mehrers bekuͤmmeren sollen/ dann wie sie den Feind auffhalten/ vmb die zeit bringen/ vnd muͤhd machen moͤgen: die breite der
Faussebraye
ist 12. biß in 24. schuh. Auß diserm mag man den
horizont parallel
beschiessen/ vnd da man dem Feind von dem oberen stand nicht mehr beykommen kan/ jhme darauß begegnen: Er wird auch darauß von dem vn- dergraben abgehalten/ vnd werden alle
Faussebrayen, Courtine,
Gesichtlinien vnd Flancken
parallel
gezogen/ damit sie jhre richtige flanckierungen haben.
Wo der eyngang in die
Faussebraye
zu machen seye.
Man soll jhne in die mitte der
Courtine
machen/ vnd dann/ so vil moͤg- lich/ bedecken.
Von dem Graben.
Der Graben ist die tieffe oder hoͤle/ so ausserthalb rings vmb ein Ve- stung gehet/ vnd selbige eynschliesset. Es seind aber derselben zweyerley gat- tung/ erstlich die trocknen/ vnd dañ die Wassergraͤben: die breite solcher Graͤ- ben ist von 100. biß in 150. schuh gegen der Gesichtlinien des Bollwercks: die tieffe aber vnderschiedenlich. Man machet die trocknen so groß alß man meynt genug Erden zu auffbawung des Wals darauß zu haben/ vnd je tieffer dieselbige je besser sie seind. Die Wassergraͤben aber machet man vnder die quellen so tieff man mag/ dann je tieffer sie seind/ je besser sie gehalten werden/ damit die Erden dieselbigen nicht leichtlich außfuͤllen/ einen stand geben/ vnd die Sturmleiteren nicht wol angeworffen werden koͤnnen.
Warumb die trocknen Graͤben von etlichen fuͤr nutzlich angesehen werden?
Dieweil das Landvolck sich in dem nohtfal mit ihrem Vieh vnd Sa- chen darinnen auffhalten moͤgen: vnd da der Feind solchen mit Holtz vnd
Reyß
Von einer Vestung.
Reyß außfuͤllen wolte/ man jhme dasselbig nemmen vnd verbrennen koͤnte: da er aber Stein/ Erden vnd anders hineyn wirfft/ kan mans jhme bey der nacht hinweg tragen/ vnd jhne in dem Graben durch die heimlichen außgaͤng vnversehens vberfallen: es ist auch besser lufft/ weder bey dem stinckenden vnd allzeit stehendem Wasser.
Warumb etlich die Wassergraͤben den trocknen vorziehen.
Dieweil alles holtzwerck/ so der Feind in den Graben werffen thut/ durch das Wasser fort gefloͤtzet wird/ vnd die Erden vnd Stein versincken/ auch mit grosser muͤhe vnd langsam außzufuͤllen seind. Man ist sicher wegen des vndergrabens/ vnd ob schon der Feind die
Contrascarpe
(oder gegen- schraͤg) eyngenommen hat/ so hat er sich doch des Grabens noch nicht bemaͤch- tiget. Es halten auch jhren etliche die trocknen Graͤben nicht fuͤr gut/ es were dann in der mitte desselbigen ein tieffes Wassergraͤblin: vnd wiewol der Feind sich vnderstehen wolte einen Wassergraben abzufuͤhren/ so geschicht doch sol- ches nicht ohne sondere muͤhe vnd kosten: wañ auch der Feind Schiff- oder an- dere Brucken hinuͤber machen wolte/ so kan doch derselbig kein bedeckung ha- ben/ sonder jhme dieselbige mit Fewr-Jnstrumenten zerꝛissen werden.
Von des Grabens Schraͤge.
Die Abdachung oder Schraͤge des Grabens ist zweyerley/ jnnerlich vnd ausserlich. Die gegen dem Wal zu ist die jnnerliche: die ausserlich aber/ so ge- gen dem Feld gehet/ die gegenschraͤg oder gegenboͤschung genañt.
Was der bedeckte Weg seye.
Er ist der Gang ausserthalb dem rand des Grabens gelassen/ darauff man bedeckt gehen/ vnd den Feind von dem Graben abhalten kan.
Von der Brustwehr des bedeckten wegs.
Es ist ein Brustwehr/ so sich von 50. bis in 100. schuh in das Feld verlie- ret vnd zuspitzet/ hinder welche sich die Soldaten im außfallen/ vnd da sie zu ruck getriben werden/ alß zu einem vortheil begeben/ vnd dem Feind wider- stand thun moͤgen.
Von den Porten/ wo dieselbigen gemeinlich hingesetzt werden.
Sie stehen am besten in der mitte der
Courtine,
weil sie von den Boll- wercken am besten beschuͤtzet seind/ vnd jhnen der Feind am wenigsten bey- kommen mag.
Von der Porten beschaffenheit.
Dieselbigen sollen inn- vnd außwendig gemachet werden. Die jnn- wendigen werden nicht so vest/ alß die außwendigen gemachet: darumb soll man dise fleissig vnd starck bawen vnd anordnen/ darzu gehoͤren star-
cke
Erster Theil/
cke eychene braͤtter/ deren 4. oder 5. zusammen genaglet/ vnd mit eysernen klammeren vnd riglen wol in einander gefuͤgt/ damit sie von einem Musque- tenschuß frey seyen: der Gang zwischen den Porten wird mit starcken balcken vnd braͤtteren/ in form einer
gallerie,
doch hoͤher vnd breiter gebawen: sie wer- den auch gewoͤlbt: doch sollen die Porten nicht gleich vor einanderen vber/ sonder schlimbsweis gesetzet werden/ damit nicht ein schuß durch alle Thor zu gleich gehen/ vnd man darzwuͤschen sicher vnd ruͤhwig wandlen/ vnd dardurch auß- vnd eynfahren moͤge: sie seind jnnwendig vngefahr 14. oder 15. schuh hoch/ vnd 10. oder 12. schuh breit: jhr laͤnge aber ist der dicke des Wals gleich.
Von beschaffenheit einer Schutzporten.
Man setzet dieselbig zu ausserst auff den ausseren rand des Grabens zu end der Brucken. Dise wird mit einem Zaun von Stagketen vnd starcken Hoͤltzeren vmbgeben/ wie der Buchstab
A.
außweiset. Jhr hoͤhe ist den ande- ren jnneren Porten gleich: die breite ist von 12. schuhen. Dise Porten wird ge- woͤlbt/ vnd darauff gleich einem Thurn/ ein Wachthaͤußlein (wie
B.
anzeigt) gesetzet/ in welchem auff dem boden in der mitte ein vierecket loch ist/ wor- durch man schiessen/ werffen/ vnd den Feind zwuͤschen den Porten von seinem vorhaben verhinderen mag: gegen der Statt oder Vestung aber seind reyen- weis ein halben schuh von einander gevierte loͤcher (wie
C.
andeutet.) Dise loͤcher seind rings vmb mit eysernen blaͤchen beschlagen/ vnd neben jeglichem ein vngefahr vierspaͤnniger eyserner rigel/ so in seinem gleych gehet: durch ge- meldte loͤcher aber gehen viereckige/ grosse/ dicke/ lange/ vnd an allen vier ecken mit eysernen blaͤchen beschlagene/ eychene balcken/ so eysene schuh haben: ob solchen vngefahr eines schuhs hoch/ an dem einen eck seind kerben auch mit blaͤch beschlagen/ in welche obbemeldte eyserne rigel gehen/ vnd die balcken auffhalten/ damit sie nicht hinab fallen (wie bey
D.
zu sehen ist:) da man dise balcken hinab lassen will/ so ist ein eyserner Hammer an einer ketten darbey angeschmidet/ mit welchem man alßdann die rigel auß den kerben der balcken schlaget/ die tieff hinunder in die Erden fallen. Es hat aber dise Porten zwey Thor/ das eine jnnwendig/ das ander aber außwendig/ gleich den anderen Porten/ mit sampt einem außlaßpoͤrtlein. Auff gedachter Schutzporten hal- tet man tag vnd nacht die Wacht/ darauff dann zwey Thuͤrnlein mit schieß- loͤcheren gemach
et
werden (wie
E.
anzeiget.) Es hat auch ein Wacht- vnd Schutzportenhaͤußlein: gegen dem Feld aber seind erhabene baͤnck/ die gehen vber das gesimbs der Porten/ seind vngefahr 4 schuh hoch/ man kan die Laͤden auffheben/ vnd dardurch fuͤr die ausserste Porten auff die Feind hinunder schiessen vnd werffen (wie auch die Zahl
I.
lehret.) Die thuͤr aber gemeldten Wachthaͤußleins ist mit dicken eychenen braͤtteren vnd schußfrey gemachet: vor diser thuͤr ist ein gaͤnglein von 3. schuh breit/ an welchem ein Leiter so biß
auff
Von einer Vestung.
auff den boden hinab reichet/ so mit einer eysern ketten vest angemachet wird/ damit man auff die Schutzporten steigen koͤnne/ (wie die
II.
zahl anzeiget.) Es solle auch ein Truchen voller Baͤchring vnd Handgranaten im vorꝛaht vorhanden seyn/ damit man sich darmit desto besser beschuͤtzen vnd den Feind abtreiben moͤge.
Von den kleinen Außlaß- oder Postpoͤrtlein.
Man machet sie in der mitte des Thors oder Porten/ damit des nachts/ wo Volck auß- oder hineyn wolte/ nicht alles mit einander zumal hinauß ge- lassen/ vnd die gantze Porten (dardurch etwan vngemach entstehen moͤchte) eroͤffnet werden muͤsse.
Wie hoch vnd breit die Postpoͤrtlein seyn muͤssen.
Sie sollen 4. schuh hoch vnd 3. breit seyn: die dicke ist der dicke des gros- sen Thors gleich: Sie sollen mit starcken eysenen banden/ schlossen vnd riglen wol verwahret seyn: vnder gemeldten Außlaß- oder Postpoͤrtlein wird ein schuh hoch gelassen/ vnd also dieselbigen in dem grossen Thor ein schuh erhaben.
Von der Batterie.
Wie lang vnd breit die Batterie seyn solle.
Ein Stuck ist 15. 16. oder 18. schuh lang/ verstehe mit dem Schafft vnd Rohr/ so muß es hiemit erstlich ein platz haben daß es stehen moͤge: dar- nach gibt man jeglichem 12. schuh zu/ damit das Stuck desto besser hindersich lauffen moͤge. Wann du nun die laͤnge von 18. schuhen/ welche das Stuck zu seinem stand hat/ zu den 12. schuhen des platzes des zu ruck lauffens rechnest/ so hast du die Batterie 30 schuh/ vnd gibt man darzu 5. schuh/ vnd wird die breite 35 der stand aber des bodens hinden 1. schuh hoͤher alß vornen. Dar- nach weil ein Stuck meistentheils in der axt 7. schuh ist/ vnd man je zwuͤschen zweyen grossen Stucken einen platz von 5. oder 6. schuhen lasset/ alß werden zu einem Stuck zu der breite der axt 12. schuh gegeben: denen Stucken aber so zu beyden enden oder seiten stehen/ gibt man etwan 4. 5. oder 6. schuh darzu/ da- mit man platz habe solche fuͤglich zu laden/ vnd an sein ort zu rucken/ ꝛc.
Von der Brustwehr der Batterie/ wie solche solle beschaffen seyn.
Sie wird meistentheils von Schantzkoͤrben oder Gabbionaten/ die 7. schuh in dem diameter oder dicke/ vnd 10. schuh hoch seind/ gemachet: wann nun deren drey hinder einander gestellt werden/ gibt es ein Brustwehr von 21. schuh/ so zu beschuͤtzung des Constablers vnd der Stucken gemachet werden/ ꝛc.
B
Wie
Erster Theil/
Wie die Blendungen der schießloͤcheren der Batterie sollen beschaffen seyn.
Man vermachet dieselbigen mit reyß von aͤsten der baͤumen/ oder aber thuͤrlein von starcken bretteren fuͤr die loͤcher/ welche/ so man schiessen will/ auffgethan/ vnd so man geschossen hat/ widerumb zugethan werden/ damit die Stuck nicht also bald entdecket/ vnd die Constablers desto sicherer zum la- den kommen moͤgen.
Was vber die Banck schiessen seye.
Wann man den grund biß halb an die Brustwehr erhoͤcht/ vnd darauff mit laͤden vnd bretteren ein bruͤge machet/ worauff die Stuck stehen/ vnd man vber die Brustwehr schiessen mag.
Ob es besser vber die banck oder durch die scharten zu schiessen seye.
Vil halten mehr von dem vber die banck schiessen/ in deme man die Batterie verenderen kan/ vnd nicht an die loͤcher der schießzangen gebunden seyn muß. Es seind aber hiervon vilerley meynungen/ derhalben ich vnnoͤh- tig seyn erachtet/ zu vermeidung weitlaͤuffigkeit/ solche gruͤnd vnd vrsachen allhie an tag zu bringen.
Von den Cavalieurs.
Was die Cavalieurs seyen/ vnd derselben nam̃en.
Es ist ein besondere hoͤhung/ so man alß ein absoͤnderliche Schantz auff den Wal bawet/ daher sie auch von etlichen Katzen geneñt werden: ist gleich einer Batterie/ durch welche man in die weite den Feind mit Geschuͤtz er- langen kan.
Wo vnd wie weit die Brustwehr der Batterie von dem Wal stehen soll.
Sie soll mitten auff der
Courtine
vnd 30. schuh von der Brustwehr stehen/ damit der Wal nicht beschwert werde/ der last vornen den Wal nicht eyntrucke/ vnd so der Cavalier herunder geschossen/ nicht auff den Walgang falle/ vnd die defensen verhindere: es soll aber der Cavalier weit von der Brustwehr stehen/ damit zwuͤschen jhme vnd derselben ein breiter weg seye/ vnd man mit etlichen squadronen oder hauffen Musquetierer/ jtem Waͤ- gen vnd Stucken hindurch vnverhinderlich marchieren moͤge: ja auch daß man kleine Feldstuͤcklein/ alß Falcken/ so fuͤnff pfundt eysen treiben/ darzwuͤ- schen stellen vnd pflantzen moͤge.
Wie die Cavalieurs beschaffen seyn sollen.
Die hoͤhe der Katzen oder Cavalieurs werden vnderschiedenlich ge-
machet/
Von einer Vestung.
machet/ nach dem man hohe berg vor sich hat/ gegen welchen man dieselbigen bawen soll: man zeucht sie
parallel
(verstand die plattenformen/ so gegen den bergen gemachet werden/ sonst seind das ander erhabene Bollwerck:) Die laͤnge ist vnderschiedenlich/ nach dem man vil oder wenig/ klein oder groß Ge- schuͤtz darauff stellen will/ doch machen sie etliche vornen her 160. oder 180. schuh breit/ vnd erheben sie nur 24. schuh vber den Wal (doch/ wie voꝛ gemeldt/ seind die
Situation
en vngleich:) die Brustwehr wird 15. schuh dick.
Von den Brucken oder Brittschen/ darauff das Ge- schuͤtz stehet.
Dieselbigen seind von solcher importantz/ daß/ wann sie nicht gemachet/ vnd die Stuck nicht wol darauff ruhen vnd stehen koͤnnen/ die schuͤß eintwe- ders zu hoch oder zu nider/ dann auff dise/ dann auff jene seiten gehen: Sie werden fuͤr die Stuck auff den Wal vnd Pasteyen verordnet/ damit dieselbi- gen darauff ruhen/ jhren vollkom̃nen lauff im abschiessen hindersich nemmen/ vnd widerumb geladen vnd gewendet werden moͤgen: dann weiln die Er- den den gewalt eines Stucks nicht wol ertragen/ vnd den stoß des Geschuͤ- tzes im abschiessen nicht wol außstehen mag/ so sencken sich dieselbigen mit den Raͤderen in die Erden/ vnd seind mit grosser muͤh widerumb außzubringen/ sonderlich wann es feucht vnd naß Wetter ist/ dardurch die vngewuͤssen schuͤß vervrsachet werden/ die Raͤder geschwaͤcht/ vnd vil Volck vnd gefahrs solche zu wenden vnd zu laden erforderet wird. Solche Brittschen aber muͤssen nach einer gewuͤssen breite vnd laͤnge/ vnd nach der groͤsse der Stu- cken gemachet werden.
Wie die Bruͤttschen zu den Stucken gemachet werden.
Etliche machen dieselbige also: Sie legen grosse hoͤltzer vberzwerch auff einander/ vnd fuͤgen die laͤden vnd bretter wol vnd gleich zusammen. Etliche aber legen laͤden von Lindenem holtz darauff/ vnd giessen hinder die Stuck bley/ damit die Stuck wol zu ruck lauffen moͤgen. Etlicher meynung aber ist/ man solle vornen von der Brustwehr vnd so weit die Stuck sich erstrecken/ einen esterich von 30. oder 40. schuh lang machen/ vnd grosse quaderstuͤck da- rauff thun/ dero jedes anderthalben schuh dick/ vnd so breit alß man sie haben kan/ wol gehawen vnd fleissig zusammen geklammert oder auch gekoͤttet/ doch nicht gar zu glatt/ sonder ein wenig rauch vnd hart/ welche wie auch die Britschen ein wenig fuͤrsich haldind/ damit die Stuck nicht zu weit lauffen koͤnnen/ vnd were gar gut/ wo es nicht zu vil kosten wurde.
Von den ausseren Wercken.
Was die ausseren Werck seyen.
Sie seind die Werck/ so ausserhalb einer Vestung den Feind von der
B ij
Ve-
Erster Theil/
Vestung abzuhalten gebawen werden/ alß da seind die Horn/ Cronwerck/ Halbmoͤn/ ꝛc. werden sonsten genañt Butenwerck.
Was ein Ravelein seye/ auch wie solches beschaffen seyn solle.
Das Ravelein hat ein gestalt eines vollkom̃nen Wercks/ nur daß es an der
Courtine
nicht anligt/ vnd macht man je zwuͤschen zweyen Bollwercken Ravelein oder halbe Moͤnen/ welches viereckige Werck seind/ daran ein jeg- liche seiten 12. 15. oder 20. ruhten hat/ vnd werden gesetzt auff den aussersten rand des Grabens/ also daß sein innwendig eck oder schießzang richtig gegen dem port vnd eck des Grabens seye. Die vrsach warumb die seiten oder waͤnd derselbigen nicht groͤsser oder weiter von einander seind vnd gema- chet werden/ ist/ daß sie desto ringer zu beschirmen seind/ sonsten wurden sie anderst nicht dann von einer seiten des Bollwercks beschuͤtzt werden moͤgen/ das aber nicht genug were/ dem gewalt der stuͤrmenden zu widerstehen: Es wird auch vber den ebenen boden erhaben/ damit man desto weiter ins Feld vmb sich sehen moͤge/ vnd so der Feind sturm anlaufft/ vnd die Belaͤgerten auff jhn fewr geben wolten/ das Ravelein aber nicht erhaben were/ man die/ so im bedeckten weg seind/ beschaͤdigen moͤchte. Das Ravelein ist erhaben 4. schuh hoch: die Brustwehr 6. schuh hoch vnd 20. dick: des Grabens breite ist 50. oder 60. schuh weit/ vnd tieff nach beschaffenheit/ doch je tieffer je besser: vmb disen Graben gehet ein bedeckter weg/ dessen Brustwehr 6. schuh hoch/ vnd 50. schuh sich ins Feld verlieret.
Vom Hornwerck.
Von der Hornwercken nam̃en vnd beschaffenheit.
Die Hornwerck seind Werck/ so mit zwo langen seiten mit zweyen halben Bollwercken vor der
Courtine
vber/ oder an die schwaͤchsten ort der Vestung angelegt werden/ des Feinds Lauffgraͤben zu verhinderen. Sie sollen mit der
Faussebraye
so an der Streych des Bollwercks ist/ vberein stim̃en/ dergestal- ten daß die breite vngefahr 32. ruhten mache/ von welcher weite sie auch zwey halbe Bollwerck machen. Die Streychen werden sich finden wañ man von dem eck der schulteren zwo
perpendicu
lar zeucht auff die
Courtine
so deren grad entgegen gesetzt ist. Die aussersten eck besagter Hornwercken sollen nicht weiter von der
Courtine
abgesoͤnderet seyn alß ein Musquetenschuß/ welcher auff 60. ruhten vngefahr gerechnet wird. Dise Werck lauffen
parallel,
vnd kan man sie wol auch
non-parallel
machen: allein woͤllen wir sie allhie
parallel
haben: man schneidet auch dise Hornwerck ab. Des Grabens breite macht man nach dem Wal/ etliche aber machen jhne von 24 25. vnd biß in 35. schuh. Die Gesichtlinien/
Courtine,
Flanck haben kein gewuͤsse maaß/ doch werden die Gesichtlinien vnd
Courtine
meistentheils in gleicher laͤnge gemachet.
Man
Von einer Vestung.
Man machet meistentheils den Wal nach der breite des Grabens/ alß von 24. biß in 28. schuh: die tieffe des Grabens 6. schuh: der Wal 4. schuh hoch: die Brustwehr 15. schuh dick vnd 6. schuh hoch: darvon laßt man einen berm oder fuß von 4. schuh breit: wo es aber noht thete/ machet man vnden gar kei- nen Wal/ sonder nur ein Brustwehr von 24. schuh/ vnd 6. schuh in die hoͤhe mit einem Banck: Es soll auch besagter Hornwerck seiten oder stirnen/ oder gesichtlinien nicht kuͤrtzer alß 12. ruhten fallen.
Von den halben Moͤnen.
Wie ein halber Mon beschaffen seyn solle.
Dieselbigen seind spitzig zugefuͤhrt: man leget sie meistentheils gegen der Porten vber: Jtem/ fuͤr gar zu spitzige vnd schwache Pasteyen: Jtem/ fuͤr ein
Courtine,
wo die Pasteyen weit von einanderligen. Die Gesichtlinien aber werden von 20. ruhten gemachet/ wie die Hornwerck.
Was die Cronwerck seyen.
Es seind Werck/ so mit langen seiten ins Feld gesetzt werden/ in form eines Hornwercks/ das vornen weit vnd hinden eng ist/ mit einem/ zweyen/ oder mehr Bollwercken in der mitte/ vnd mit zweyen halben an der seiten: werden auff die hoͤhe eines bergs fuͤr die
Courtine
vnd Bollwerck gelegt/ nach dem es die gelegenheit gibt/ ꝛc.
Vnd so vil seye von einer Vestung vnd derselbigen jnner- vnd ausseren Wercken geredt. Nun folget/ was weiters zur bevestigung einer Statt dienstlich. Namlich:
Von Stagketen/ Palissaden/ Sturmhaͤsplen/ Schantz- koͤrben/ vnd anderen dingen.
Was die Stagketen seyen/ vnd wie sie gemacht werden sollen.
Man bereitet starcke viereckige hoͤltzer oder balcken/ welche vngefahr 5. oder 6. daumen auff einer seiten haben/ 12. oder 14. schuh lang/ die setzet man vngefahr einen halben schuh weit von einander: oben durch seind auch zween balcken/ so die Stagketen zusammen fuͤgen vnd halten: es seind auch noch staͤrckere balcken/ zum fundament/ daran zween/ zwuͤschen der laͤger- balcken/ vnd den zweyen vnder laͤgerbalcken angemachet seind: vnd damit die Stagketen weder hinder-noch fuͤrsich sincken oder weichen/ so wird es dahin- den mit guten sparꝛen gestuͤtzet.
Worzu die Stagketen diensilich seyen?
Sie seind treffenlich gut fuͤr alle Werck/ vnd werden auff den Berm aller Wercken kom̃lich: jnsonderheit fuͤr die aussersten Porten/ fuͤr das Wachthauß gesetzet/ fuͤrauß wo ein Vestung am Wasser stehet/ vnd man mit
B iij
Schif-
Erster Theil/
Schiffen anlenden/ oder durch das duͤnne Wasser der Feind an den Wal watten moͤchte.
Wie die Palissaden gemachet werden.
Man machet von starckem holtz pfaͤl/ die in der dicke oder diameter dritthalben/ auch vier daumen halten/ seind in vngleicher laͤnge/ dann sie muͤs- sen an vnderschiedliche oͤrter gesetzet werden: Etliche seind 5. etliche 6. oder 8. schuh in der laͤnge. Oben seind sie breit/ vnd vnden gebreñt/ vnd zugespitzt: gebreñt/ damit sie desto laͤnger in der Erden halten moͤgen. Man boret loͤcher dareyn/ vnd schlaget zween spitzig naͤgel/ die gleich den hoͤrneren sehen/ dareyn/ doch sollen die naͤgel mehr obsich alß gerad seyn/ vnd seind solche eyserne naͤgel 9. oder 10. zoll lang/ an einem ort spitzig/ am anderen aber stumpff/ etwan ein halben zoll dick/ damit man sie nicht leichtlich kruͤmmen oder außziehen moͤge. Das außwendige an den naͤglen soll scharpff vnd spitzig seyn: die pfaͤl selbsten werden nahe zusammen vngefahr einen halben/ vnd zween schuh tieff in die Erden geschlagen/ vnd drey reyen hinder einanderen/ daß sie dem Mann an den Guͤrtel gehen: den ersten reyen nim̃t man von den 5. schuͤhigen/ den an- deren reyen nim̃t man von 6. vnd den hindersten von 8. schuͤhigen Palissa- den/ vnd stellt man je einen reyen einen halben schuh hoͤher alß den anderen: will man aber einen reyen mehr haben/ kan es nach eines jeglichen gefallen gemachet werden.
Worzu die Palissaden dienstlich seyen?
Sie seind gut in den verschantzungen eines Laͤgers/ da man von 5. 6. 7. oder 8. schuhen offnungen zum auß- vnd eyngang lasset/ vnd da weder Gra- ben noch Waͤl darvor seind/ vnd man feinds zu besorgen hat/ dise loͤcher darmit zu verschlagen: bißweilen muß man sich rings vmbher mit solchen vmbpfaͤlen/ da der Feind zu nahe auff der hauben/ vnd man nicht zeit hat sich zu verschantzen. Sie seind auch sehr gut wo der Feind ein Bresche geschossen vnd man nicht zeit hat/ solche widerumb auffzubawen. Sie seind auch nutz- lich fuͤr alle Werck auff die Berm fuͤr die Stagketen zu setzen: jnsonderheit wo kein Wasser ist/ vnd man sich vnversehenen vberfals zu befaaren hat.
Von Sturmhaͤspeln/ was sie seyen vnd wie sie gemachet werden.
Die werden in Holand Frisische Reuter vnd Sturmhaͤspel genañt/ vnd werden also gemachet: Nim̃ einen baum von starckem holtz/ der sich nicht leichtlich spaltet oder aͤst hat/ der 5. oder 6. zoll dick seye: etliche machen densel- bigen auch sechseckig/ wir aber woͤllen jhn allhie rund haben: disen durchboret man an vilen orten/ doch daß die loͤcher nicht in einander gehen/ sonder ein oder zween daumen vber einander kommen/ in form eines sechseckigen Ster- nens/ also daß der vmbkreiß in drey gleiche theil getheilet werde: durch dise loͤcher stoßt man halbe Spieß 6. schuh lang/ an beyden orten mit scharpffen
eyse-
Von einer Vestung.
eysenen spitzen beschlagen/ einen oder anderthalben daumen oder zoll dick: an beyden enden des baums werden eysene zwingen/ vnd in der mitte vnd zu end desselbigen eysene ring geschlagen: vnd werden dise Sturmhaͤspel also an ey- sene kettenen an einanderen geschmidet.
Worzu die Sturmhaͤspel dienstlich seyen?
Sie seind sehr gut vmb den gantzen Wal: Jtem/ fuͤr die Porten: Jtem/ fuͤr die loͤcher eines geruinierten orts/ vnd in die gassen einer Vestung zu se- tzen: jnsonderheit seind sie sehr gut/ die eyngaͤng vnd paͤß eines Feldlaͤgers zu beschliessen/ dann man sonsten kein muͤh hat/ dann daß mans in die lucken setzet. Man setzt sie auch etwan auff kleine leichte raͤder/ desto fuͤglicher von ei- nem ort zu dem anderen zu bringen: auch henckt man dise Ygel oder Sturm- haͤspel an den axen mit eysenen naͤglen an einanderen/ daß man damit ein gantz Kriegsheer in eyl vmbgeben/ vnd dardurch den Feind auffhalten moͤge.
Von den Fußaͤnglen.
Man machet sie mit vier spitzen/ drey ligen auff dem boden/ vnd stehet allzeit einer in die hoͤhe/ geb wie man sie wirfft. Wo man sie in den trocknen Graͤben braucht/ macht man sie etwan 3. daumen lang: Etliche aber so in den Graben geworffen werden/ seind 4. 5. oder 6. zoll lang/ sonst Laͤmeysen genañt. Die Fußaͤngel oder Laͤmeysen seind dienstlich in die Werck/ welche allbereit verloren geschaͤtzt/ zu werffen/ vnd werden mit Erden ein wenig zugedeckt/ damit sie der Feind nicht sehe/ vnd dareyn trette. Man wirfft sie auch in die Bresche vnd Graͤben. So werden sie auch in jrꝛdine Kruͤg/ so daruͤber ge- bachen vnd mit reinem kalck außgefuͤllt seind/ gethan/ vnd wirfft man selbige vnder die Feind/ welchen nicht allein die Fußaͤngel an den fuͤssen/ sonder auch das kalck im gesicht grossen schaden zufuͤgen.
Von Sturmpfaͤlen/ deren zuruͤstung vnd nutz.
Sie seind 3. oder 4. zoll dick: jhr laͤnge ist 6. oder 7. schuh: sie werden halb in die Brustwehr eines halben schuhs weit von einanderen/ rings vmbher gestecket/ die ander helfft aber/ so scharpff zugespitzet ist/ gehet herauß. Etliche aber woͤllen daß man auff 10. schuh 15. nach einanderen in einen reyen stecke/ zu dem end/ damit der Feind/ wann er stuͤrmet/ nicht so leichtlich auff die Werck steigen moͤge: man stecket sie auch nicht allein in die Brustwehr des Wals/ sonder in aller Wercken Brustwehrinen.
Von Schantzkoͤrben/ deren vnd erscheid/ zuruͤstung vnd nutz.
Nim̃ dicke runde stecken/ vngefahr 12. schuh lang/ vnd 3. daumen dick/ spitze sie vnden/ vnd stecke sie alßdann in den boden circkelweis/ je ein ripp oder stecken einen schuh von dem anderen: alßdann flichte dieselbigen mit langem duͤnnem reyß oder aͤsten von baͤumen/ biß vngefahr einen schuh
von
Erster Theil/
von dem obersten theil der rippen. Es seind derselbigen dreyerley gattung: 1. kleine/ 2. mittelmaͤssige/ 3. doppelte Schantzkoͤrb. Die kleinen seind vngefahr 6. schuh hoch/ vnd in der dicke 3. schuh breit/ deren 5. machen ein Brustwehr von 15. schuh/ wann du sie hinder einander stellest. Die ander gattung/ alß mittelmaͤssig seind 7. schuh in der hoͤhe/ vnd 5. schuh dick/ deren 3. auch ein Brustwehr von 15. schuhen geben. Die doppelten vnd dritte gattung aber/ haben in der dicke 7. schuh/ vnd in der hoͤhe 10. schuh/ deren 3. ein Brustwehr von 21. schuhen dick machen. Dise Schantzkoͤrb werden mit guter Erden außgefuͤllt/ darinnen keine steinlein/ sonder mit reinem reyß ge- flochten/ vnd die ripp nicht zu dick seyn sollen. Man soll sie aber vor allen din- gen mit leimechtiger Erden/ so mit Wasser angefeucht vnd geknettet/ darun- der stroh vnd roßmist gemengt/ jnn- vnd außwendig wol verkleiben/ damit jhnen kein fewr schaden moͤge. Erstlich seind die Schantzkoͤrb gut ein ge- ruiniertes ort darmit widerumb zu vermachen/ vnd das loch außzufuͤllen: da es dargegen gefahrlich vnd lange weil erforderen wurde/ solches widerumb auff zu bawen. Zum anderen/ zu den Stucken/ an statt einer Brustwehr: Jtem/ zu den Lauffgraͤben/ da harter grund vnd nicht wol zu graben ist/ so man einanderen nachstellet/ hinder welchen man/ wie in einem Lauffgraben ge- hen mag. Jtem/ zu blendungen/ den Feind darmit zu betriegen: dann so man etliche einanderen nachstellet/ so weißt der Feind noch nicht ob sie außge- fuͤllt seyen oder nicht/ vnd da man vil einanderen nachstellet/ jnsonderheit an ein ort da man nicht ist/ so spielet der Feind vmbsonst darauff/ vnd weißt nicht wo es gilt/ da dargegen man an einem anderen ort arbeiten vnd ohne schaden bleiben mag.
Was man im mangel der Schantzkoͤrben brauchen soͤlle.
Jn mangel derselbigen fuͤllen etliche Faͤsser mit Erden. Jtem/ leinene saͤck mit Wollen/ die sie an statt der Schantzkoͤrben brauchen.
Von Wollsaͤcken/ vnd wie sie gemachet vnd dienstlich seyen.
Es seind lange/ breite leinene/ vnd doppelt zusammen genaͤyete saͤck/ die sollen in der dicke 15. schuh seyn/ damit sie kein schuß durchtringen moͤge: jhr laͤnge soll vngefahr 14. schuh seyn. Man bindet sie (wann sie hart mit Wollen zugestopfft seind) creutzweiß mit starcken seyleren/ vnd soll man derselbigen ein zimliche anzahl im vorꝛaht haben. So bald man
contra batte-
rieren will/ so legt man deren je zween vnd zween neben einanderen/ vnd las- set darzwuͤschen so vil platz/ daß das mundloch des Stucks bloß dardurch sehen moͤge: Eh man sie aber legt/ so schlaͤgt man pfaͤl zum fundament/ damit sie nicht außweichen moͤgen. Oben auff kom̃t noch ein andere lege der gattung Wollsaͤck/ welche wird an die vndersten vest angemachet: man leget sie auch fuͤr die Bresche. Jtem/ man henckt sie auch auff die seiten der
gallerie:
die
saͤck
Von einer Vestung.
saͤck werden offt mit Erden oder reinem sand außgefuͤllt/ vnd mit Wasser vnd Leim oder Laͤtt/ so durch einanderen gemischt/ wol bestrichen/ damit man sie vor fewr bewahre.
Von der Schuͤtzenkoͤrblein zuruͤstung vnd nutz.
Man flichtet sie mit duͤnnen Weydlinen/ vnd seind gemeldte Koͤrblein vngefahr 1. schuh in der dicke/ in der hoͤhe aber 10. zoll/ vnd am boden 8. zoll/ da- mit sie sich von oben biß vnden je laͤnger je mehr zuspitzen vnd verlieren/ vnd man danahen 2. daumen fuͤr die Musquetierer zu einem schießloch gehaben moͤge. Sie werden dick an einanderen auff die Brustwehr da der Feind ankom̃t/ gestellt/ zwuͤschen welchen die Musquetierer bedeckt seyn/ vnd dar- durch fewr geben moͤgen.
Was man an statt der obgedachten Koͤrbleinen brauche.
Jm mangel derselbigen werden saͤcklein von leinenem thuch mit Sand oder Wollen außgefuͤllt/ so vngefahr eines schuh dicks/ seind gut einen Mus- quetenschuß auffzuhalten.
Von heimlichen außgaͤngen/ vnd wo selbige gemachet werden.
Dieselbigen werden vnder den Streychen aller Bollwercken/ namlich vnder dem Winckel der richte des Halses gemachet in die trockene Graͤben/ damit man dem Feind im Graben beykommen/ jhme entgegen gehen vnd gar auß dem Graben vertreiben moͤge.
Erklaͤrung etlicher zur Fortification vnd Geometrey
uͤblicher Woͤrteren.
Was ein Approche seye/ vnd deren nam̃en.
Es seind Staͤnd/ oder Gaͤng/ oder Weg/ so in die Erden eyngegraben/ vnd zu beyden/ oder an einer seiten mit Erden gegen einer Statt auffgeworf- fen werden/ darinnen man sicher zu einer Vestung nahen/ vnd ohnverletzt approchieren mag.
Was die Gegen-Lauffgraͤben seyen/ vnd deren nam̃en.
Es seind gleiche Gaͤng so gegen des Feinds Werck lauffen/ auß welchen man des Feinds zu-schantzen abwehren/ vnd jhn dardurch verhinderen kan.
Was ein Gallerie seye.
Es ist ein Gang durch den Graben in die Minen/ welcher oben mit Er- den vnd Waasen/ vnd neben mit starcken Bretteren/ Erden vnd Wollsaͤcken wol verwahrt ist/ vnd wird sonsten Schirmtach genañt/ alß vnder welchem man verdeckt in die Minen gehen kan.
Was ein Bresche seye.
Sie ist das ort/ welches durch ein Minen oder Geschuͤtz eroͤffnet/ erloͤche-
C
ret
Erster Theil/
ret vnd versprengt wird/ vnd wird ein solches in den Wal oder Bollwerck gemachet/ durch welches man in ein Vestung kommen/ anlauffen vnd stuͤr- men mag. Heißt auff Teutsch: Durchbruch des Wals.
Was die Retrenchement seye.
Es seind Abschnitt/ Affterschantzen/ oder newe Brustwehr/ welche man/ so der Feind einen Wal schier innhat/ jnnerlichen dargegen auffwirfft/ den Feind weiters abzuhalten.
Was ein Contramine seye.
Es seind durchgehoͤlete vnd vndergebawene Weg/ durch welche man des Feinds Minen suchet/ vnd jhme das Pulfer auß der Mine nim̃t/ vnd die Minen widerumb verderbet.
Was ein Mine seye.
Es seind heimliche außgehoͤlte Gaͤng/ vnd viereckige Cammeren/ mit holtzwerck wol vnderbawen/ dareyn man Thonnen mit Pulfer setzet/ des Feinds Werck darmit zu sprengen/ vnd werden solche vnder die Waͤl vnd Face der Bollwercken gemachet.
Was die Travers seyen.
Es seind Brustwehrenen einer geraden linien/ vnd hin vnd her zur be- deckung auffgeworffen: sonst Zwerchwaͤl genañt.
Was die Blinden seyen.
Es seind von holtz vnd reyßwerck gemachte Wehrenen/ wordurch man bedeckt/ vnd dem Feind das gesicht genommen wird/ vnd werden solche an vnderschiedlichen orten/ wo man deren nohtduͤrfftig/ gemachet.
Von mancherley maaß/ vnd selbiger vergleichung.
Ein finger ist das kleineste vnd geringste maaß/ haltet 4. gerstenkoͤrner/ so die nach der breite an einanderen gesetzt werden/ der zwoͤlffte theil eines jeden dings/ alß auß dem gemeinen werckschuh/ der dritthalben zoll ist. Ein hand- breit begreifft 4. finger oder 3. vntz oder zoll/ ist ein vierter theil eines werck- schuhs. Drey zwerchhand/ oder Spithma/ oder Dodrans ist ein spang/ mag ein schuh breit halten. Ein werckschuh haltet 12. vntzen/ oder daumen/ oder 16. finger. Ein gemeiner schritt eines Fußgaͤngers haltet 2. schuh. Ein dumellen haltet anderthalben werckschuh/ ist die laͤnge eines Arms/ vom El- lenbogen biß zum vorderen glid des mittelfingers: 12. gran ist ein zoll: 12. zoll ein schuh. Ein ruhten/ bey etlichen 10. bey den Holaͤnderen 12. schuh. Mit der ruhten in der laͤnge misset man alle
longitudines
vnd
distantias:
mit der ge- vierten die
Superficies,
vnd alles was eben ist/ alß da seind Acker vnd Wisen: mit der Cubic-ruhten/ alles was ein laͤnge/ breite vnd tieffe hat/ alß da seind alle
Corpora,
Waͤl vnd Graͤben. Die ruhten in der laͤnge werden getheilt
in
Von einer Vestung.
in 10. oder 12. theil: jeder theil/ wie oben gemeldt/ in 12. schuh/ machet ein ruhten. Die gevierten Ruhten aber werden getheilt in 10. Rienfuß. Ein Rienfuß in 10. gevierte schuh. Ein gevierter schuh in 10. Riendum. Ein Riendum in 10. gevierte zoll. Ein gevierte Ruthen hat 10. Rienfuß/ 100. ge- vierte schuh. Ein Cubisch ruhten haltet 1000. Cubisch schuh. Zehen Schacht 100. Rienfuß. Ein Rienfuß 10. Cubisch schuh. Ein Cubisch schuh 10. Schiff- daumen. Ein Schiffdaumen ein Riendum 10. Cubischdaumen: also kan mans/ wen es gelustet/ solches weiter in kleinere theil abtheilen.
Von Schritten vnd Meylen.
Ein Stadium haltet 125. doppelter schritt/ thund 525. werckschuh oder dreyhundert/ zwoͤlff vnd ein halber gemeiner schritt/ das ist ein roßlauff. Ein Weltsche meyl haltet 8. stadia oder 2500. gemeiner schritt/ oder 5000. werck- schuh. Ein grosse Weltsche meyl/ Leuca genañt/ haltet anderthalb kleine Welt- sche meylen 12. stadia/ oder 3750. gemeiner schritt. Ein Teutsche meyl hal- tet 4. kleiner Weltscher meylen/ 32. stadia: die Spanischen meylen seind
den Teutschen gleich. Ein Frantzoͤsische meyl haltet ein halbe Teutsche meyl oder 5000. schritt. Die Vngarischen meylen halten 28. stadia/ 15000. gemeiner schritt.
Ende des ersten Theils Kriegsbuͤchleins/ von einer Vestung.
C ij
Ander
Ander Theil/
Ander Theil/ Des Kriegsbuͤchleins:
Von einer Besatzung.
Was ein Besatzung seye.
S
Je ist ein Ort oder Platz/ so zu seiner erhalt- vnd beschir-
mung mit Soldaten besetzet/ vnd mit allerley Kriegs-nohtdurfft vnd Proviant versehen wirdt.
Worinn fuͤrnemlich ein Besatzung bestehe.
Sie bestehet fuͤrnemlich in disen fuͤnff stuͤcken: 1. in dem Volck: 2. in einer guten anzahl klein- vnd grossem Geschuͤtz: 3. in der vile der Proviant: 4. in versehung der Munition-Ruͤst- vnd Zeughaͤuseren: vnd dann zum 5. in dem Gelt. Diß seind die fuͤnff fuͤrnembsten Hauptstuͤck einer Besatzung/ da dann keins ohne das ander bestehen mag: doch soll alles nach beschaffenheit der Vestung/ vnd nach dem der Feind starck ist/ gerich- tet werden.
Wie vilerley gattung Volcks man in einer Besatzung von noͤhten habe.
Jn einer Besatzung ist das meiste gelegen an Gottsfoͤrchtigen/ from- men/ getrewen vnd redlichen Amptleuthen: Alß da seind/ ein Gottsfoͤrchti- ger/ getrewer/ hochverstaͤndiger/ gar nicht geitziger/ sondern in Kriegshaͤnd- len wolgeuͤbter Gubernator oder Oberster/ sein Leutenampt/ der Comman- dant/ der Oberst Wachtmeister oder Sergeant Major/ vnd desselbigen Leu- tenampt/ der Vnder-Wachtmeister oder Vnder-Major oder Adjutant/ drey gute Jngenieurs/ Proviantmeister oder Commissarij des Viures/ ein Zeugherꝛ/ ein Adjutor/ Schultheiß oder Blutrichter/ ein Oberst Schreiber/ der die Cantzley regiert/ ein Brandmeister/ die Predicanten. Darnach die Hauptleuth zu Pferd oder Rittmeister/ die Hauptleuth zu Fuß/ Leute- nampt/ Cornet oder Fendrich zu Pferd/ die Fendrich zu Fuß/ Quartier-Wa- gen- Wacht- Buͤchsen- Wal- Minen- Ruͤst- vnd Rottmeister. Die Gefrey- ten/ Constabel/ Fewrspeutzer/ Musquetier- oder Schuͤtzen/ Spießknecht/ Hel- lepartier/ Arquibusier- oder Schuͤtzenreuter/ Curꝛassier- oder Kuͤrassierꝛeu- ter/ Profosen/ Marckitaͤnter/ Trabanten/ Fuhrleuth/ Stockmeister/ Stecken- knecht/ Scharpffrichter/ ꝛc. Jtem/ fuͤr die krancken/ Doctor/ Wundartzet/
Apo-
Von einer Besatzung.
Apotecker/ Balbierer: vnd dann allerley Handwercksleuth. Alß da seind/ Schuhmacher/ Schneider/ Schlosser/ Sattler/ Schmid/ Buͤchsenmacher/ Buͤchsenschaͤffter/ Glocken- oder Stuͤckgiesser/ Schwerdtfeger/ Harnaster/ Zimmerleuth/ Maurer/ Steinmetzen/ Tischmacher/ Kuͤffer/ Wagenmeister/ Seyler/ Walschlager/ Brucken- vnd Brunnenmeister/ Salpetersieder/ Pul- fermacher/ Muͤller/ Pfister/ Saͤgenschmid vnd Oelmacher. Wann nun ein Vestung mit solchen Leuthen versehen ist/ so solle man hernachfolgender ge- stalten sich berahtschlagen.
Wie vil Volcks man ein Vestung zu besetzen/ von noͤhten habe.
Die Besatzung vom Volck ist vnderschiedenlich/ derwegen muß/ nach gelegenheit derselbigen/ einem jeglichen ding sein maͤß gegeben werden/ wie das eines jeglichen gelegenheit gibt/ vnd die nohtdurfft erforderet. Vnd erst- lichen soll ein Gubernator mit seinen Amptleuthen oder Officiern vmb die Vestung rings vmbher reiten/ dieselbig besehen vnd abmessen/ vnd ein Boll- werck nach dem anderen fuͤrnemmen vnd vberschlagen/ wie vil Volck da- rauff soll gestellt werden/ damit er sich im fal der noht beschirmen moͤge: vnd da er 1000. Mañ darauff stellen mag/ noch 1000. Mann darzu thun/ vnd das Ort also doppelt besetzen/ damit je einer dem anderen durch Entsatz beysprin- gen moͤge. Wiewol etliche meynen/ es gehoͤren auff ein Bollwerck/ so Real ist/ 1000. oder zum wenigsten 800. Mann. Etliche aber geben auff ein jedes Bollwerck 4. oder 500. Mann/ ohne die Burgerschafft/ welche auch darzu ge- hoͤren. Da man nun ein Vestung hat so fuͤnffeckig ist/ in deren ein Gesicht- linien von 18. ein Flanc von 6. vnd ein Courtine von 27. ruhten ist/ so were der gantze Circumferentz oder Bezirck der Vestung 3750. schuh oder fuͤß: derowegen wird ein gantze Besatzung von Soldaten erforderet 1875. Mañ: doch/ wie oben gemeldt/ kan man hier keine gewisse Reglen setzen/ weiln die Vestungen vnderschiedenlich seind: derohalben man hernachfolgende stuͤck wol zu gewahren hat. Erstlich/ wo vil Ausserwerck: Jtem/ wo ein Vestung an vilen orten kan belaͤgeret werden/ da muͤssen die Staͤnd desto sicherer seyn/ vnd die Besatzung gedopliert werden/ damit ein theil den anderen abloͤsen vnd entsetzen koͤnne. Darnach wo einer Vestung nicht an allen orten mag beykommen/ oder selbige eyngeschlossen werden/ da ist vnnohtwendig starcker Besatzung: doch sollen daselbsten die Wachten fleissig vnd wol versehen wer- den/ daß darauff der Feind keinen anschlag machen koͤnne: dann ein fleissige Wacht verhuͤtet vil anschlaͤg. Zum dritten/ wo ein Vestung klein ist/ vnd liget im morast oder gemoͤß/ oder auff felsen/ also/ daß man nichts daran haben kan/ das hat ein besonder bestellens: solche Vestungen seind anders nichts/ alß Paͤß vnd Clausen zu verwahren/ dann man auch weiters nichts darauff thun kan/ vnd bedoͤrffen allein fleissiger hůt fuͤr verꝛaͤhterey. Zum
C iij
vier-
Ander Theil/
vierten/ wo ein Vestung einen grossen vmbkreiß hat/ vnd doch keinen vortheil/ sondern allein zu Wehrinen gemachet/ vnd auff die vile des Volcks gerich- tet ist/ nicht aber dahin beschaffen oder proportioniert Volck zu ersparen: Solches ist ein besorgliche Besatzung/ vnd gehet groß Gelt/ Volck/ Pro- viant/ Geschuͤtz/ Munition vnd anders darauff/ solche Zusaͤtz zu erhalten: doch/ wo solche ding/ alß Gelt/ Proviant/ Volck/ Geschuͤtz/ Munition/ Holtz/ Saltz/ Kolen/ Eysen/ Bley/ Ertz/ Wassermuͤlen/ Balbierer/ ꝛc. vorhanden/ so ist es gut wo dieselbig Besatzung starck/ weiln ein solche Vestung boͤß zu belaͤ- geren. Vnd ob schon ein Bresche zum Sturm geschossen/ so ist doch ein gros- se menge schwaͤrlich zu stůrmen: dann wo vil Volck ist/ da wird vil Arbeit verꝛichtet/ starcke Werck gemachet/ eyngegraben/ grosse außfaͤl gethan. Jn summa man kan sich in einen vortheil legen/ vnd ist ein Mann hinder seinem vortheil so gut alß 10 draussen. Dann im außfallen geschicht dem Feind gros- ser schaden an der Proviant/ welche jhme zugefuͤhrt: aber dardurch etwan abgenommen wirdt. Es seye aber ein Besatzung groß oder klein/ so wird er- forderet grosse sorg/ kosten/ ordinantz vnd regierung.
Ob Reuterey in einer Vestung zu verwerffen seye.
Dieselbig ist in einer Vestung nicht zu verwerffen/ wie aber etliche ver- meynen woͤllen: dann solche/ wo ein Vestung nicht belaͤgeret ist/ nicht allein das vmbligende Land zur schatzung vnd gehorsame bringt: sonder durch jhres recognoscieren vnd gute kundtschafften/ des Feinds anschlaͤg entdecket/ die streiffenden Feinds partheyen auß dem Land haltet/ die Convoyen versihet/ vnd die Vestung mit Proviant vnd anderem/ ꝛc. versehen thut. Jnsonder- heit ob es kaͤme daß der Feind mit einem anschlag in die Vestung ohnver- sehens kommen thete/ solche die gassen vnd strassen dermassen durchhawen/ vnd des Feinds sußvolck von den gassen abhalten/ zu ruck treiben/ vnd jhr Volck dargegen beschirmen kan. Wiewoln auch in einer langweiligen Be- laͤgerung vil Reuterey nicht von noͤhten/ weiln das fůter fuͤr die Pferd nicht zu bekommen ist/ so koͤnnen doch durch sie starcke außfaͤl beschehen/ vnd des Feinds zuhin-arbeitende Schantzer auß jhren Wercken vnd Lauffgraͤben getriben werden.
Wie vil grosses Geschuͤtz in ein Vestung gehoͤre.
Gleich wie in einer Besatzung die summa des Volcks nicht eigentlich kan beschriben werden: also hat es auch ein gelegenheit mit dem grossen Geschuͤtz: je mehr aber Volck vnd Geschuͤtz ein wolverwahrte Vestung hat/ je staͤrcker ist sie dem Feind zu begegnen. Vnder dessen muͤssen in einer Vestung auff das wenigst auff jedes Bollwerck von vnderschiedenlicher gattung suͤnff stuck gestellt werden. Namlich: zwey Stuck in ein jedere Flancken: in den ausser- sten puncten oder spitz jedes Bollwercks aber ein Feldschlangen/ die in das
weite
Von einer Besatzung.
weite Feld flanckieren. Man soll auch vier gedoppelte Carthaunen; wo deren nicht mehr; haben/ des Feinds Batterey oder Stuckbruͤginen zu grund zu richten. Die Falckonet aber seind gut die Arbeiter vom herzu-schantzen ab- zutreiben vnd zu verhinderen. Jnsonderheit ist es nohtwendig/ daß man al- lerhand gattung Geschuͤtzes in einer Vestung habe/ damit wo sie der Feind belaͤgeret hette/ man im mangel der kuglen/ wann sie verschossen seind/ dessel- ben kuglen/ so er in die Vestung schiesset/ brauchen koͤnne.
Wie die Provianthaͤuser angestellt/ vnd wie selbige sollen gebawet werden.
Der Provianthaͤuseren sollen in einer Besatzung etliche seyn/ vnd an vnderschiedenliche wol verwahrte vnd sichere plaͤtz vnd oͤrter gesetzt werden/ damit der Feind mit schiessen vnd fewr werffen nicht etwan denselben scha- den zufuͤge/ oder solche durch vngewitter oder andere vnfaͤl zu grund gehen/ vnd die Proviant nicht mit einanderen verdaͤrbe: Darumb solche weit von einanderen abgesoͤnderet/ vnd deren etliche seyn sollen. Es werden dieselbi- gen gewoͤlbt/ vnd deren thuͤren mit einem gantzen eysenen blaͤch außwendig beschlagen/ vnd mit mist (rev.) vnd starcken braͤtteren außwendig vermachet/ damit nicht dieselbigen eintweders durch verꝛaͤhterey/ oder des Feinds fewr- werck angesteckt werden.
Wie der Proviant halber des allerersten fuͤrsehung beschehen soll.
So bald einem Gubernatorn ein Vestung anvertrawet wird/ so solle er einen frommen vnd getrewen Commissari des Vivres/ oder Proviant- herꝛen erwehlen: diser soll auff alle Kornboͤden vnd Burgershaͤuser mit sei- nen nachgesetzten Proviantmeistern gehen/ sampt einem Commiß- oder Pro- viantschreibern vnd dem obersten Profosen/ vnd das Korn/ Rocken/ Habern/ Weytzen/ Bonen/ Linsen/ Gersten/ Erbsen/ Maͤl/ Habermaͤl/ Brot/ Kaͤß/ Butter/ duͤrꝛ Obbs/ eyngemacht Kraut/ duͤrꝛ Fisch vnd Fleisch/ Vieh/ Huͤner/ Gaͤnß/ Endten/ Schmaͤr/ Oel/ Vnschlit/ Hartz/ Kolen/ Schmaltz/ Saltz/ ꝛc. Jn summa/ alles was zu menschlicher Leibs auffenthaltung dienet/ auffzeich- nen/ vnd in die Provianthaͤuser verschaffen vnd tragen/ vnd dasselbige denen/ so es gewesen/ vmb einen zimlichen Groschen bezahlen lassen.
Wie man weiter die Provianthaͤuser versehen solle.
Man soll dieselbigen mit essens Speiß/ von allerhand nohtdurfft/ durch den Proviantherꝛen versehen lassen/ auch auff die vmbligende Landschafft et- liche Proviantwaͤgen/ sampt etlichen hauffen zu Roß vnd Fuß vmb Pro- viant zu holen/ commandieren/ vnd alles in die Provianthaͤuser der Vestung ordnen/ damit die Vestung auff Jahr vnd Tag genugsam versehen werde. Wo aber sich ein Vestung des Feinds halber besorget/ so werden die biderben Landleuth/ solches gutwillig herzugeben/ biß auff gelegenheit/ da mans jhnen
bezah-
Ander Theil/
bezahlen mag/ vnd die zeiten besser stehen/ sich nicht beschwaͤren: dann der Feind jhnen dasselbig ohne das nemmen/ vnd fuͤr sein eigen Volck vnd dessel- bigen besserer auffenthaltung brauchen moͤchte. Der Commissari des Pro- viants/ vnd Commissari vber das Gelt/ sollen alle Monat jhre Schatzungen fleissig auff der Landschafft/ durch die außgeschickten haͤuffen zu Roß vnd Fuß/ eynforderen vnd eynbringen: damit die Provianthaͤuser versehen/ vnd vmb das Gelt allerley Speiß/ Thuch vnd Kleider eyngekaufft/ vnd hierdurch die Soldaten vnklagbar gestellt/ vnd zur meutination oder auffruhr nicht vervrsachet werden.
Was fuͤr essens Speiß meisten theils in einer Vestung auffbehalten/ vnd in die Provianthaͤuser theils gethan/ theils aber sonst auff- geschriben werden sollen.
Man solle im vorꝛaht haben/ Korn/ Gersten/ Rocken/ Habern/ Bonen/ Linsen/ Hirß/ Erbsen/ Maͤl/ Habermaͤl/ Brot/ Zweybach/ Wein/ Bier/ Bran- tenwein/ Hanffsaamen/ Vieh/ Wicke/ Vogelhoͤw/ duͤrꝛ Obbs/ Sprewer/ Kruͤsch oder Kleyen/ Eychlen/ duͤrꝛ Fisch vnd Fleisch/ Schmaltz/ Saltz/ But- ter/ Kaͤß/ Oel/ Schmaͤr. Jtem: Nuß- Baum- Lein- Reb- vnd Lohroͤl/ Vn- schlit/ Hartz/ Kolen/ Schwebel/ Baͤch/ Glorien/ Terpentin/ allerley Gewuͤrtz vnd Artzneyen. Jtem: Ochsen/ Kaͤlber/ Kuͤhe/ Schaaff/ Geissen/ Saͤuw/ Huͤner/ Endten/ Tauben/ vnd dergleichen Gevoͤgel. Jtem: Hoͤw/ Embd/ oder Jmmat/ Stroh/ ꝛc. Vnd solle man das Stroh vnd Hoͤw an sicheren or- ten/ wegen fewrs/ wolverwahren.
Wie man sich mit der Proviant/ damit sie nicht verdaͤrbe/ verhalten solle.
Man solle alle halb Jahr die Proviant durchgehen/ vnd erstlich von dem Proviantherꝛen die rechnung nemmen/ alßdann dieselbig Proviant besichti- gen/ vnd das jenig/ so man meynte/ sich laͤnger nicht halten moͤge/ vnder die Soldaten/ vmb einen leidenlichen preiß (doch daß man sich dessen nicht zu schaden komme) verkaͤufflich hingeben/ vnd an statt derselbigen andere frische Proviant kauffen/ vnd jmmer auff den nohtfahl versehen seyn.
Wie man den vberschlag/ wegen der Proviant/ machen solle.
Den vberschlag soll man machen: Namlich/ wie vil pfundt Brots/ wie vil pfundt Fleisch/ Kaͤß/ Butter/ ꝛc. Jtem/ wie vil Erbsen/ vnd dergleichen Gemuͤß. Jtem/ wie vil Maaß/ Koͤpff/ oder Eimer trinckens fuͤr Menschen vnd Vieh/ alß Wein/ Bier/ Wasser/ ꝛc. Jtem/ wie vil Haberen/ Embd/ Korn/ Maͤl/ Sprewer/ Stroh/ Hoͤw/ vnd ander dergleichen Sachen/ so zur Speiß dienstlich seind/ auff die Besatzung/ Tags/ Wochen/ Monats/ gantzen vnd bal- ben Jahrs darauff gange. Dann wo solches nicht beschehe/ vnd man die Pro- viant vergeudete/ vnd nicht sparsam daher fuͤhre/ hette man im fahl der noht
nichts/
Von einer Besatzung.
nichts/ vnd wurde man durch mangel derselbigen zur auffgebung der Ve- stung gezwungen: wie dann solches vilen Vestungen widerfahren seyn/ die Historien zeugnuß geben werden. Es soll auch den Soldaten auffs geringste die Vivres oder Proviant außgetheilt/ vnd jhnen nicht mehr dann die blosse vnvermeydenliche nohtdurfft gegeben werden: dann zumalen eh das Volck noht gelitten/ vnd vnwillig worden/ ist es vil benuͤgter alß da man jhnen am ersten die voͤlle gegeben/ vnd letstlich an der Proviant abbrechen wolte: da auch die Belaͤgerung etwan lange zeit gewaͤhret/ vnd das Kriegsvolck vnge- dultig werden wolte/ mag man es darmit gestillen vnd zu friden machen/ wann man jhme mit vermehrung der Proviant zu hilff kom̃t.
Wie man die Proviant weiters ordenlich außtheilen solle.
Erstlich nim̃t der Proviant-Herꝛ einen Muster-rodel von jeder Com- pagnie/ vnd zellet das gantz Volck ab: alßdann gibt er auff ein jegliche Person sein genañts jederem seinen Vnder-Proviantmeistern auff zwo oder mehr Compagnien/ so vnd so vil: Hernach so theilen dieselbigen die Proviant vn- der die Hauptleuth/ vnd dise vnder jhre Wachtmeister/ dieselbigen aber vnder jhre Corporalen oder Rottmeister/ vnd dise vnder jhre Rottgesellen fein ordenlich/ gleich vnd vnklagbar auß. Wann nun die Hauptleuth auff jhr Volck Commiß empfahen/ geben sie dem Proviant-Herꝛen von jhren ei- gnen haͤnden geschribne Zedel oder Reverß/ was vnd wie vil ein jeder auff die seinigen empfangen habe/ damit der Proviant-Herꝛ sich darnach verhal- ten/ vnd zur zeit/ da man jhme rechnung abforderet/ solches aufflegen moͤge.
Vom Wasser/ so zum waͤschen vnd trincken fuͤr Leuth vnd Vieh nohtwendig.
Man soll alle Brunnen fleissig verwachen/ damit sie nicht vergifftet oder abgegraben werden: auch gute Sodbrunnen graben/ damit man zu trincken vnd traͤncken: jtem/ zum waͤschen/ backen/ fewr loͤschen vnd kochen haben moͤge. Jn mangel desselbigen aber/ soll das Regenwasser jnsonderheit auffgefasset werden/ namlich in besonderbare Gehalter/ Cisternen genañt/ die in der Erden mit grossen quaderstucken rings vmbher ins geviert auffge- mauret vnd wol verkoͤttet/ dareyn die Kaͤnel der Taͤcheren gerichtet werden. Jtem/ so es regnet/ sollen Thuͤcher auffgespannen/ auch das Thaw durch die auffgespannene Thuͤcher auffgefasset/ vnd alßdann dasselbig Wasser darauß getrucket werden.
Was fuͤr klein vnd groß Geschuͤtz/ Munition/ vnd anders in das Zeughauß gehoͤren.
Das Zeughauß soll versehen seyn mit allerley klein vnd grossem Ge- schuͤtz/ vnd zu jedem Stuck drey Schaͤfft/ mit jhren Raͤderen/ alles von star- ckem Holtz/ damit sie das schiessen außstehen koͤnnen/ vnd nicht von dem ersten
D
vnd
Ander Theil/
vnd anderen schuß zerbrechen: Jnsonderheit sollen sie mit eisernenblaͤchen wol beschlagen/ vnd darbey Wuͤscher/ Ansetzkolben/ vnd vbrige darzu dienende Sachen vberfluͤssig seyn. Jtem/ etliche Feldschlangen mit kettenen vnd kug- len: drey/ vier/ oder mehr Fewrmoͤrsel oder Boͤler zum fewrwerck/ Fewrkug- len darauß zu werffen. Jtem/ halbe/ gantze vnd doppelte Haacken/ sampt jh- rer bereitschafft: auch Musqueten/ etlich 1000. Mann damit zu bewehren/ mit allerley zugehoͤr/ sampt den Vnderwehren. Jtem/ vil 1000. Faͤßlein voll kuglen/ die alle ein loth an der groͤsse vnd schwaͤre fuͤhren: auch etlich 1000. kug- len zu den grossen Stuͤcken/ vnd model darzu. Jtem/ Picken oder Spieß/ Harnast/ Helleparten/ Morgenstern/ Bruͤgel mit eysernen naͤglen beschlagen/ Sturmkolben/ Schlachtschwerdter/ Fausthaͤmmer: deßgleichen fuͤr die Reu- terey Cuͤrꝛas/ Hinder- vnd Vorstuck schutzfreyer Harnast/ Pistolen/ Carabi- nen/ Bandalier-rohr/ Fewr-roͤhrer vnd Schloß/ Lunden-schloß. Jtem/ vil 100. centner Lunden/ Pulfer/ Carthausch/ in Zwilchensaͤcklein/ die an dem bo- den einen hoͤltzen spiegel haben/ eyngemachet: deßgleichen Pulfer fuͤr die Ar- tillerey vnd Musquetierer. Dises soll in kleine Faͤßlein/ deren ein Mann eins tragen mag/ darauß dann kom̃lich zuladen ist/ eyngemachet werden. Jtem/ hoͤltzene Eymer mit eysenen reyffen beschlagen/ vnd oben mit laͤdernen saͤcken/ die man wie ein seckel zuschnuͤren mag/ vorhanden seyn; vnd darneben vil laͤderne saͤck/ die sich gleichfals oben zuschnuͤren/ vnd vnden einen runden brei- ten boden haben/ in welchen man die Munition kom̃lich tragen mag. Es sol- len auch im vorꝛaht seyn eyserne/ bleyene/ steinene vnd jrꝛdine Stuck-kuglen in grosser menge/ vnd vil 100. centner Bley/ Ertz/ Eysen/ sauber Salpeter/ Schwebel/ ꝛc. Jtem/ die besten kolen zum Pulfer vnd Fewrwerck/ Hand- muͤlinen/ zum Pulfer zu machen: deßgleichen Kummet/ Zaͤum/ Roßge- schirꝛ/ Sattel/ etlich 1000. Hufeysen/ Laͤmeysen/ vil 1000. halbe Spieß zu den Sturmhaͤsplen/ laͤderne Fewreymer/ Fewrspruͤtzen/ Fewrhaacken/ Fewrleite- ren. Jtem/ allerley groß vnd klein Fewrwerck: alß da seind groß vnd klein Granaten/ Fewrkuglen/ Baͤchring/ Fewrpfeil: etlich 1000. schlaͤg zum Fewr- werck dienstlich. Jtem/ zu 5. biß in 8. ellen lang Sturmkolben mit 6. spitzen. Jtem/ Hartz/ Schwebel/ Terpentin/ Brandtenwein/ allerley Oel/ Abwerck/ Lumpen/ alte Seyler/ Schmaͤr/ Schmaltz/ alt Butter/ Vnschlit/ Baͤch/ Speck/ Barcket/ Fewrstangen mit eysernen Eymeren/ Hartzpfannen/ Windliechter/ Kertzen/ Facklen/ Sturmkuglen/ Sturmhaͤfelein/ vil laͤhre Faͤsser. Jtem/ groß Kessel vnd Pfannen/ darinn man Baͤch/ Vnschlit/ Hartz/ vnd derglei- chen/ zerlasset/ ꝛc. Jtem/ allerley Gezellt in das Feld zu fuͤhren. Jtem/ vil 100. Kaͤrꝛen/ Waͤgen/ Kisten/ Kaͤsten/ vnd vil 100. Raͤder: Speichen/ Deixel/ Baͤnnen/ Stoßbaͤren/ oder Kaͤrꝛlein/ haͤrine Deckenen/ das Pulfer darmit zu decken/ vnd vor Fewr vnd Wasser zu bewahren. Jtem/ Handmuͤlenen/ kuͤpfferne Backoͤfen/ Můlten zum backen/ ꝛc. Jtem/ vil 1000. Eysen zu
Schuͤp-
Von einer Besatzung.
Schuͤppen/ Spatten/ Hacken/ Bickel/ Hauwen/ Axen/ Schaufflen. Jtem/ Boͤck/ Hebeysen/ Geißfuͤß/ Winden/ Flaͤschenzuͤg/ Wasser-wannen/ Was- ser-corallen/ Wasser-schaufflen/ Wasser-raͤder. Jtem/ Haͤmmer/ Zangen/ Schlegel/ Schroͤteysen/ Saͤgen/ Beyel/ Axten/ Reuthauwen/ Sturmpfaͤl/ Palissaden: auch allerley Bawholtz/ grosse Traͤmer vnd Balcken/ Braͤtter/ Latten/ Leiteren/ Sprossen/ Zeltstangen zu den Zeltbaͤumen: deßgleichen Waͤ- gen/ darauff Schiff ligen/ sampt allerley bereitschafft. Jtem/ allerley Zim- merleuthen vnd Steinmetzen Werckzeug. Jtem/ allerley verbichte Faͤsser/ Schiff mit Růderen vnd Riemen/ Bimbse Brucken/ Sturmbrucken/ klein vnd grosse Schantzkoͤrb/ Schuͤtzenkoͤrblein/ Gelten/ Zuͤber/ Kollen/ Arm- brust/ Pfeil/ vnd dergleichen nohtwendige Sachen/ so zu erzellen vil zu weit- laͤuffig weren.
Wie man die Munition verwahren solle.
Sie solle auff wol verwahrte Thuͤrn/ vnd in besonderbare Haͤuser/ die zum wenigsten oben ein gut gewoͤlb haben/ verwahret werden: doch sollen die oͤrter nicht feucht oder naß/ sondern trocken seyn/ vnd guten durchlufft haben: auch nicht an einem/ sonder an vnderschiedenliche ort gelegt werden/ damit wo vngluͤck were/ nicht alles auff ein mal zu grund gehe: auch zu nechst dem Wal/ da man sie im fahl der noht an der hand haben moͤge.
Wie man die Munition außtheilen solle.
Der Zeugherꝛ gibt Monatlich auff einen Soldaten ein pfundt Bley/ vnd ein pfundt Pulfer/ an Kuglen vngefahr 18. das machet auff ein Compa- gnie von 200. Mann/ zween centner Pulfer vnd zween centner Bley. Wann es nun zeit solche außzutheilen/ wird solches erstlich dem Gubernator ange- zeigt: Diser gibt alßdann dem Obersten Wachtmeister oder Sergeant Ma- jorn/ bey ertheilung der losung vnd ordre/ befelch/ solches den Capitains anzu- zeigen: dieselbigen befehlen es alßdann jhren
Capitain des Armes
oder Ruͤst- meisteren/ deren jeder dañ mit zween Soldaten fuͤr seines Hauptmans Com- pagnie dieselbig abholet/ vnd solche alßdann ordenlich den Corporalen/ die Corporalen aber jhren Rottgesellen gleich vnd ordenlich außtheilen sollen. Nach empfahung derselbigen geben die Capitain dem Zeugherꝛen Zedel/ daß sie solche empfangen/ damit er sich darnach verꝛichten vnd ehrbare rechnung halten moͤge.
Wie man dem verdorbenen Pulfer helffen solle.
Man thut das Pulfer in einen grossen Kessel/ vnd schuͤttet frisch vnd sauber Wasser daran/ laßt es wol erwarmen: darnach thut man das Wasser darvon/ vnd waͤschet den Schwaͤbel/ den man darinn zu vnderst am boden findet/ fein sauber: alßdann verlasset man den Schwebel widerumb in einem Hafen zusammen: das erste Wasser sieget man durch ein thuch/ so
D ij
blei-
Ander Theil/
bleiben die kolen/ dieselbigen werden hinweg geworffen/ aber das Wasser wird widerumb gesotten/ wie man dem Salpeter thut/ vnd laßt jhne erkalten/ so setzet sich der Salpeter widerumb/ den troͤckne an der Sonnen/ so ist das Pul- fer recht gescheiden/ das mischet man dann widerumb zusammen/ vnd thut widerumb frisch kolen daran/ vnd præparierts widerumb wie ander Pulfer.
Wie man das Pulfer/ Schwebel vnd andere Pulfer Fewr- auch andere Werck probiere vnd mache/ wirst du in Herꝛen Furtenbachs vnd anderen darvon vilfaltig vnd weitlaͤuffig beschribenen Buͤcheren genugsam finden/ dahin dann ich den freundlichen Leser will gewisen haben.
Hie folget was eines jeglichen; er seye gleich hohen/ oder nideren
Stands; Ampt/ Eyd/ Ordinantz/ Zug vnd Wacht seye: auch wie er sich vor vnd zum Feind im convojieren/ Beuten vnd Be- laͤgerung verhalten solle.
Von einem Gubernator/ was desselbigen Ampt/ Eyd vnd Beruff seye.
Ein Gubernator soll Gottsfoͤrchtig/ maͤssig/ nuͤchter/ leydenlich zur Ar- beit/ scharpffer Vernunfft/ nicht geitzig/ weder zu jung noch zu alt/ deßgleichen auch wol beredt vnd Kriegs erfahren seyn. Er soll auch bedaͤchtig vnd nicht zu gaͤch seyn/ vñ sich wol enthalten vor zorn: dañ wo die vnsinnigkeit eines Mañs vberhand nim̃t/ daß er jhme nichts will wehren lassen/ machet solches jhne verhaßt. Darzu gebuͤrt jhme nuͤchterkeit/ damit er den wichtigen Sachen obli- gen moͤge: dañ offt zu nachts in der ruhe moͤgen die guten Raͤht vnd Anschlaͤg des Gubernators mit guter betrachtung erwogen/ vnd desto besser bestaͤtiget werden: sonsten die zeit/ so etwan der Gubernator im wollust/ fressen vnd sauffen hingebracht vnd verzehrt/ zu grossem vnwiderbringlichem schaden vnd nachtheil vrsach gegeben hat. So gehoͤrt auch gedult der Arbeit zu voran dem Gubernator: dann er soll vnder den Ritterlichen Arbeiten der letste muͤhd/ vnd einer begriffenlichen vnd scharpffen Vernunfft seyn/ Vogelschnell vnd al- le ding durchlauffen/ vnd zufallende ding wol bedencken/ auch sich von allen orten zu besinnen geflissen seyn: dann wo sich ein zufahl schnell begibt/ wird der Gubernator eylends Rahtschlags genoͤhtiget vnd getrungen: Er soll auch sein Kriegsvolck vnd die summa der Sachen nicht gering achten/ liederlich in die schantz schlagen/ auff gerahtwol dem vngetrewen gluͤck vertrawen oder be- fehlen. Er soll nicht geitzig seyn/ dann der Geitz vnd Hochmuht ein wurtzel al- les boͤsen/ vnd ist der verꝛaͤhterey nechstverwandter: welcher aber weder Eigen- nutz noch Geitz ansihet vnd vorbehalt/ der ist der allergeschickteste vnd qualifi- eiertiste Person/ grosse treffenliche Sachen zu handlen. Er soll auch weder zu jung noch zu alt seyn: dann der Jung zu vil mißglaͤubig/ der Alt aber schwach vnd verdrossen. Der Jung ist darumb zu verwerffen/ damit er nicht durch
die
Von einer Besatzung.
die jugend/ vnerfahrenheit vnd schnelle thorheit jrꝛe/ vnd sein Volck ingrosse noht bringe. Der Alt aber seines schwachen/ bloͤden vnd vnvermoͤglichen Al- ters/ dardurch er in allem gutem fuͤrnemmen gejrꝛet vnd gehinderet werden mag/ vnd ist die fuͤrsichtigkeit in deme der nicht zu jung ist: dann wo die staͤr- cke vnd krafft/ alß jhres Dieners beraubet ist/ da mag nichts geglaubet wer- den/ dann sie seind beyde sorglich vnd nachtheilig: welcher aber in der staͤrcke vnd weyßheit bewaͤhret ist/ der mag zu allen dingen nutz werden. Es soll auch ein Gubernator gespraͤch vnd beredt seyn/ vnd belesen in vilen Buͤcheren/ da- rauß dann den Kriegssachen vil nutzens entspringen mag: dann ein beredter Gubernator mag das Kriegsvolck bereden/ alle gefahr ring vnd gar verach- ten/ mehr alß kein Jnstrument der Trompeten/ Trommel oder Pfeiffen: dann an der wolredenheit vil gelegen: Jetz muß man das Kriegsvolck er- mahnen/ dann troͤsten/ dañ straaffen/ dann wahrnen; geschweigen was man mit den Feinden zu tagen vnd zu thaͤdigen haben mag. Es soll auch kein Gu- bernator von reichthumbs wegen erwehlet/ vnd keiner armuhts halber ge- schmaͤhet werden/ so er allein geschickt/ gottsfoͤrchtig/ getrostlich vnd auch Kriegs erfahren/ vnd sonderlich inn- vnd vor Belaͤgerungen gewesen ist/ da- mit er auch wissen moͤge ob ein Platz vest seye: dann ein vnvester Platz miß- lich zu verthaͤdigen/ ob schon vil redliche Leuth darinnen: Jtem/ wo er am schwaͤchsten/ ob er mit erfabrnen Baw- vnd Buͤchsenmeistern/ mit Geschuͤtz/ Kraut/ Loth/ Essig: jtem/ Brot/ Saltz/ Holtz/ Kolen/ Wasser/ Wein/ Korn/ Schmitten/ Muͤlinen/ oder zum wenigsten Handmuͤlinen/ auch mit Thuch vnd Kleidungen genugsam versehen seye/ ja vberfluͤssig: dann ein langwirige Belaͤgerung frisset alles hinweg: wann er auch die außfaͤhl vnd scharmuͤtzel/ convojieren/ recognoscieren vnd anders gestatten: wo er contraminieren vnd rebatterieren solle: wo/ vnd wie man die Cavallier oder Katzen auffsetzen/ vnd wie solche beschaffen seyn sollen. Vorauß soll ein Gubernator hertzhafft seyn: dann wo solches mangelte/ er nicht allein fuͤr sein Person sich selbsten bald zu ergeben geneigt/ sonder machet auch seine Soldaten (so billich auff jhn sehen) verzagt/ welches so es der Feind vermerckt/ die Vestung allbereit halb verlohren ist/ ꝛc.
So bald nun einem Gubernator ein Vestung anvertrawet ist/ solle er vmb ein Vestung mit seinen vndergebnen Officierern vnd Jngenieurn rei- ten/ dieselbig berahtschlagen/ vnd jhme selbst fuͤrnemmen/ alß wolte er sie selb- sten belaͤgeren vnd angreiffen/ dann auß der Offensen sihet vnd erfindt man die besten Defensen: vnd so er etwas mangels funde/ stracks durch die Jnge- nieur reparieren vnd machen lassen: die Provianthaͤuser/ deßgleichen auch die Zeug- vnd Munitionhaͤuser visitieren/ vnd gute fuͤrsehung thun. Dar- nach gebuͤrt jhme alle aͤmpter einer Vestung zu bestellen/ Kriegs-Raͤht zu setzen/ vnd die Wachten ordenlich vnd gleich auß- vnd abzutheilen/ die Ronde
D iij
offt
Ander Theil/
offt vnversehenlich selbsten des nachts zu thun/ vnd vmb mehrers ansehens willen vnderweilen sich auff der Parade sehen lassen: auch die redlichen vnd verdienten wol belohnen vnd promovieren/ vnd gute Kriegs-Ordnung hal- ten: mit den Neutralisten benachbarten soll er gute freundschafft haben: kein Gelt sich an gute kundtschafft/ miet/ gaaben vnd versprechungen nicht dauren lassen/ die Bawren der Landschafft zu guten freunden halten/ alß durch welche er das meiste erfahren kan: wo auch der Feind vorhanden/ oder im an- zug were/ redliche Leuth bestellen/ die des Feinds Artillerey/ Pulfer/ Munition oder Reuter-Laͤger anzuͤnden vnd verbrennen. Er solle sich auch befleissen/ etliche der Feinden lebendig zu fangen/ damit er des Feinds heimlichkeit von jhnen erfahren moͤge/ vnd so solche sagen das man gern hoͤrt/ soll er selbiges vnder das Volck spargieren/ vnd da das widerspiel/ den gefangenen solches verbieten/ vnd niemand oͤffnen: die gefangenen solle er nicht allein lassen/ sonder allzeit jhnen etwar zugeben/ sie wol halten/ jhnen gesellschafft le isten/ vnd einige schmaach nicht zustatten lassen: in summa/ es soll ein verstaͤndi- ger Gubernator selbs dahin trachten/ wo mit er dieseinen desendieren/ dem Feind aber abbruch vnd nachtheil zufuͤgen moͤge. Vnd dann ob einer in der Besatzung/ alß ein Verꝛaͤhter ertappet wurde/ der soll mit strenger fraag erst- lich ersucht/ vnd durch jhne der Feind practicken erdauret werden: nach- mals/ so er solches verschuldt/ der Verꝛaͤhter in vier theil getheilt/ alßdann vber die Mauren außgehenckt/ vnd die verꝛaͤhterey dem Feind zu erkennen gegeben werden. Es soll auch kein froͤmbder weder zu tag noch zu nacht in die Vestung vnexaminiert eyn- oder außgelassen/ auch keine Brieff inn- oder aussert die Vestung geschickt werden/ eh vnd zuvor dieselbigen vom Guberna- tor durchlesen/ vnd mit seinem Sigel verschlossen worden.
Was aber weiters eines Gubernators Ampt ist/ daß er alle tag sich mit seinen Raͤhten in Kriegs-Raht verfuͤge/ vnd was zum heyl der Besatzung dienstlich/ fleissig berahtschlagen helffe. Jm uͤbrigen was jhme weiters zu thun gebuͤrt/ wird der liebe Leser nach vnd nach genugsam berichtet werden.
Was des Gubernators Eyd seys.
Der Gubernator solle die Vestung in gute verwahrung nemmen/ vnd selbige jhme/ alß sein eygen Seel/ Ehr/ Leib vnd Leben befohlen seyn lassen/ sie auch in kein ander Herꝛen haͤnd/ dann vnser gnaͤdig Herꝛen vnd einer lob- lichen Statt N. weder durch gifft/ forcht/ liebe/ gunst oder haß/ nichts außge- nommen/ wie das mag geneñt werden/ kommen lassen/ sonder darinnen blei- ben/ vnd in seiner verwahrung vnd hůt halten/ alß sein eygen Seel/ Leib/ Ehr/ Gut oder Leben/ vnd darinn biß auff befelch hochgedachter Oberkeit/ verhar- ren/ sich darinn beschiessen vnd bestuͤrmen lassen/ vnd was jhme derhalben von dem Feind zustaht/ alles vnangesehen/ sich biß er mit gewalt mit den
haaren
Von einer Besatzung.
haaren herauß gezogen/ vnd jhme sein Leben genommen wird/ wie es einem ehrlichen Kriegsmann gebuͤrt/ wehren vnd ritterlich halten/ darnach jederzeit hochgedachten vnseren gnaͤdigen Herꝛen vnd loblicher Statt N. gewaͤhr vnd alle gebuͤrende gehorsame zu leisten/ deren schaden zu wahrnen/ derselben frommen vnd nutzen zu fuͤr deren/ vnd dero zimlich gebotten vnd verbotten nachzukommen/ vnd darauff sein Hand-trew geben/ sein Seel darfuͤr verse- tzen/ vnd einen thewren/ schwaͤren vnd leiblichen hohen Eyd/ zu dem allerhoͤch- sten Gott/ alß dem allein Hertzergruͤndiger schweeren/ getrewlich vnd sonder gefehrde/ steiff vnd staͤt zu halten.
Die erklaͤrung des Eyds/ vnd was grosser straaff dem Meineydigen darauff stande/ auß heiligem goͤttlichem Wort/ vnd den alten Kirchenlehrern zusammen gezogen.
Die straaff eines falschen vngerechten Eyds (nach außweisung der heiligen Lehr) darvor sich ein jeder Christenmensch bewahren vnd huͤten soll/ ist der verlurst Leibs vnd der Seelen heyl vnd seligkeit.
Dañ erstlich. Ein jeder Christenmensch/ der einen Eyd schweeren muß/ der soll neben seinem Ohr auffheben drey Finger. Bey dem ersten/ das ist der Daum/ ist zu verstehen/ Gott der Vatter: bey dem anderen/ Gott der Sohn: vnd bey dem dritten/ Gott der heilige Geist. Die zween Finger/ so in der rechten hand seind/ neiget er vndersich: der eine bedeutet die koͤstliche Seel/ alß die verborgen ist vnder der menschheit: der ander/ alß der fuͤnffte kleine Finger/ bedeutet den Leib/ alß wie der Leib klein ist zu schaͤtzen gegen der Seelen vnd gantzer Hand/ so bedeutet es/ daß ein einiger waarer Gott vnd Schoͤpffer Himmels vnd Erden/ der Menschen vnd aller lebendigen Creaturen seye.
Demnach/ der also schweeret/ der redet/ alß ob er spraͤche: Alß ich heut falsch schweere/ also soll mein Seel/ die da bedeutet wird bey dem vierten Fin- ger/ vnd mein Leib/ der da bedeutet den fuͤnfften Finger/ mit einanderen ver- dampt werden am Juͤngsten Gericht/ so ich Meineydiger Mensch stehen wer- de vor dem Richterstul des hoͤchsten Richters Jesu Christi alles fleisches/ vnd also abgetheilt vnd abgescheiden werde von der Gemeinschafft der Heiligen/ vnd soll auch beraubt werden der Heiligen anschawung des Angesichts vn- sers lieben Herꝛen vnd Heylands Jesu Christi/ jmmer vnd ewiglich.
Welcher Mensch/ so růchloß ist/ vnd jhme selbsten so feind/ daß er einen falschen Eyd schweeret/ der schweeret zu solcher weis: Alß ich heut falsch schwee- re/ also bitt ich Gott den Vatter/ Gott den Sohn/ vnd Gott den heiligen Geist/ vnd gantze heilige Dreyfaltigkeit/ daß sie mir nimmer zu huͤlff vnd trost kommen/ vnd sonderlich die zeit/ wann sich Leib vnd Seel bey mir von einan- deren scheiden sollen.
Vnd dann/ der also schweeret/ der redet/ alß wann er spraͤche: Alß ich heut falsch schweere/ also bitte ich Gott den Vatter/ Gott den Sohn/ vnd Gott
den
Ander Theil/
den heiligen Geist/ daß seine grundlose barmhertzigkeit/ vnd vnsers Herꝛen vnd Heylands Jesu Christi vnschuldigkeit/ sein harter tod/ sein heiliges schwaͤ- res leyden/ sein bitter angst vnd noht/ vnd seine vnschuldige marter/ an mir ar- men Suͤnder gantz entzogen vnd verlohren werde/ ꝛc.
Derowegen bedenck/ o Mensch/ wie ein grausam vrtheil du vber dich selber sprichst/ vnd bedencke dich ja wol. Darbey mag ein frommes Christen- liches Hertz wol mercken vnd bedencken/ was der falsche Eyd seyn mag/ ꝛc. wo der Mensch Gott den Allmaͤchtigen durch den falschen Eyd verlaͤugnet/ dar- vor sich ein jeder Christenmensch billich hůten soll bey seiner Seelen heyl vnd seligkeit.
Von dem Commandanten/ seinem Eyd/ Ampt vnd Beruff.
Der Commandant ist des Gubernators Statthalter/ oder Vice-Gu- bernator/ welcher im abwesen des Gubernators/ die Statt/ Stell/ Platz/ oder das Gubernament fuͤhret vnd versihet: darumb jhme billich in abwesen des Gubernators/ alle gebuͤrende ehr/ gehorsame vnd respect bewisen werden solle. Dann er hat vollkom̃nen gewalt alles befelchs des Gubernators in seiner ab- wesenheit/ so jhme vertrawet vnd anbefohlen wirdt. Es soll aber erstlich ein Commandant wüssen/ was einem Gubernator in einer Besatzung/ Vestung/ oder Guarnison zu thun/ was sein Stand außweise/ vnd was demselben ge- maͤß/ ruhmlich vnd ersprießlich. Darnach soll er wüssen wie weit sein eygen Commandament sich in gegenwart seines Gubernators/ erstrecke/ was jhme zu thun oblige/ vnd von jhme erforderet werde: vnd dañ/ was jhme in abwesen seines Gubernators zu thun gebuͤre/ wie er die Vestung zur genugthuͤung regiere/ anderst nicht/ alß wann der Gubernator selbst persoͤnlich darbey were/ darinnen dann er beyde aͤmpter wol betrachten vnd zu werck setzensolle: Daß auch kein mangel in allweg moͤge gespuͤret werden. Der Commandant ist meistentheil ein Oberst Leutenampt/ oder zum wenigsten ein Capitain von ei- nem anderen Regiment: (dann es werden die Regimenter in den Guarni- sonen vermischet/ deßgleichen die Nationen/ zu vermeydung Meuterey oder anderen Conjurationen.) Des Winters regiert der Gubernator/ so lang er in der Guarnison oder Besatzung ist: Jm Sommer aber muß er mit sei- nem Regiment/ welches auch hin vnd wider in vnderschiedenliche Guarniso- nen zertheilt ist/ in das Feld: Alßdann so fuͤhret der Commandant vber et- liche Compagnien/ so die Vestung verwachen muͤssen/ das vollkom̃ne Guber- nament: Seine Qualiteten sollen des Gubernators gleich seyn. Wie er sich aber weiter verhalten solle/ wird der gutwillige Leser folgends nach vnd nach finden. Vnd ist sein Ampt anderst nicht alß wie des Gubernators/ vnd in desselben anwesen/ wie sonsten eines Capitains befelch/ aussert daß er den an- deren Capitainen vorgezogen wirdt.
Eyd.
Von einer Besatzung.
Eyd.
Des Commandanten Eyd wird gestellt je nach bewandtnuß der sachen beschaffenheit/ sonsten hat er auch seinen Eyd/ gleich den vbrigen Capitain.
Von dem Sergeant-Major/ seinem Ampt/ Eyd vnd Beruff.
Er ist der Oberste Wachtmeister einer Vestung oder Statt/ sonst mei- stentheils ein Capitain/ deme sollen alle Sergeanten von allen Compagnien fleissig abwarten. Er soll seyn from̃/ gottsfoͤrchtig/ redlich/ vnd im Kriegswesen wol erfahren. Sein Ampt ist abends vnd morgens/ selbst eigner Person/ oder durch seinen Vnder-Majorn/ die thor auff- vnd zuschliessen: die Wachten in der Vestung fleissig/ gleich vnd ordenlich abtheilen. Jtem/ auff den Guberna- tor oder Commandanten befelch warten: deßgleichen das Wort vnd Ordre (nach dem Nachtessen) von dem Gubernator alle Abends holen/ vnd es den Wachtmeistern/ solches den hohen Officierern zu bringen/ anzeigen: auch die posten der Wachten/ wo/ wann/ vnd wie vil darauff wachen sollen/ auff zede- lein außtheilen: vnd alles (betreffend die Wacht) in gute richtigkeit bringen helffen. Des Nachts/ stracks nach besetzter doppelter Schiltwacht/ solle er alle mal des ersten die Ronde vmb die Vestung thun: die Schiltwachten besehen/ ob sie in rechter ordnung stehen/ fleissig vnd wachtbar seyen: ob die Wacht- haͤuser mit genugsamer Wacht/ vnd ein jeglicher mit Kraut/ Loth/ Harnast/ Vber- vnd Seitenwehr verfasset seye. Er solle auch jhme die Corporalen/ so rings vmb den Wal wachen/ das Wort geben lassen/ damit er gespuͤren moͤge/ sie solches recht oder vnrecht haben/ vnd da er etwas mangels sehe/ solches zu verbesseren/ oder verschaffen gebesseret zu werden. Die schluͤssel der Porten solle er niemand vertrawen/ vnd so die Porten zu- oder auffgeschlossen wird/ allzeit selbsten auffthun/ vnd biß widerumb in die Hauptwacht tragen/ vnd dem Capitain selbiger Wacht selbsten liferen. Was weiters sein Ampt/ wird der gutwillige Leser nachgehends an seinem ort finden.
Von dem Zeugherꝛen/ seinem Ampt/ Eyd vnd Beruff.
Er soll seyn ein ehrliche/ fromme vnd geschickte Person/ die da gute wüs- senschafft habe aller der jenigen dingen/ so in ein Zeughauß von noͤhten/ vnd was darinnen vorhanden seyn solle. Ein Zeugherꝛ muß anschlaͤgig seyn mit bawen/ guten anschlaͤgen wider stuͤrmen/ auch selbsten sich auff die Munition/ Fewrwerck/ Artillerey/ Zimmer-Schlosserwerck verstehen/ vnd das gut vor dem boͤsen vnderscheiden koͤnnen: dann jhme wird alles/ was an Munition/ Artillerey/ Fewrwerck vnd anderen mehr ins Zeughauß dienenden Sachen/ im vorꝛaht ist/ in seinen gewalt vnd verwahrung gegeben. Wann nun er etwas mangels an Munition/ Artillerey/ Gewehr/ oder dergleichen funde/ solle er dasselbig dem obersten Gubernator/ oder seinem Leutenampt dem Commandanten/ vnd sonsten niemandem anzuzeigen bey seinem Eyd pflich-
E
tig
Ander Theil/
tig seyn: alles soll er sauber/ rein/ in guter ordnung vnd fleissig auffbezeichnet haben. Er solle etliche Waͤgen mit Munition vnd Amanissen: Jtem/ mit Schiffen/ Leiteren vnd anderen dingen allzeit wol beladen im Zeughauß be- reitet vnd geruͤst halten: wann er Munition den Soldaten Monats/ oder zween Monats vmb außtheilet/ soll ers fleissig auffzeichnen/ vnd des empfan- genen vnd außgebenen Pulfers/ Lots vnd Kuglen halber von den Capitains zedel abforderen/ vnd zur zeit der rechnung aufflegen: das Zeughauß sol- le taͤglich gespickt/ vnd nicht geminderet werden. Wo ein Statt oder Ve- stung belaͤgert were/ soll er sparsam vnd doch nach nohtdurfft im außtheilen des Pulfers daher fahren/ vnd niemanden zum Pulfer gehen lassen/ weder freund noch feind/ tags noch nachts/ in lermen oder sonsten. Die Constaffels auff den Battereyen solle er fleissig mit Kraut/ Lunden/ Kuglen/ Wuͤscher/ Ladschaufflen/ Setzkolben/ Hoͤw vnd anderm/ so jhnen von noͤhten/ genugsam versehen: jnsonderheit solle er auff die staͤrcke der Raͤderen von Stuͤcken/ von Waͤgen vnd Kaͤrꝛen sehen/ damit sie es lang außstehen/ vnd nicht den ersten vnd anderen rung zu stucken gehen moͤgen/ ꝛc. Wie aber ein Zeughauß ver- sehen seyn solle/ auch wie die Munition außgetheilt werde/ hast du vornen ge- nugsam gehoͤrt.
Sein Eyd ist.
Daß er seinem Herꝛen getrew vnd gewaͤhr seyn solle/ seinen schaden wenden/ frommen vnd nutzen fuͤrderen vnd schaffen/ das gantze Zeughauß/ vnd alles was darinnen im vorꝛaht getrewlich befohlen zu haben/ nach bestem vermoͤgen demselbigen ob- vnd vorseyn/ vñ alles gebrauchen nach nohtdurfft/ wie es seinem Herꝛen am ehrlichsten vnd nutzlichsten seyn moͤchte/ alles nach raht vnd gut-achten des Gubernators vnd Kriegs-Rahts/ auch sonsten hie- rinn alles zu thun vnd zu lassen/ was einem getrewen Zeugherꝛen von Ampts wegen gebuͤrt/ ꝛc. Besihe des Proviantherꝛen Eyd.
Von dem Proviantherꝛen oder
Commissario des Vivres.
Ein
Commissarius des Vivres;
ein Commissherꝛ/ oder Proviantherꝛ genañt; soll nicht ein schlechter/ sonder vilgeuͤbter Kriegsmann seyn/ der auch fuͤrsichtig zu aller Handthierung vnd Haußhaltung seye.
Es hat ein Proviantherꝛ alle Proviant oder Vivres vnder seinem ge- walt/ vnd verweset dieselbig mit raht des Gubernators vnd der Kriegs-Raͤh- ten/ theilt sie auß/ vnd soll darinn allzeit ein gleichheit gebrauchen: dann wo das gegenspiel/ vnd etwas vbersehen wurde/ so erhebet sich gemeiniglich vn- willen oder meuterey: wo er auch etwas mangels in der Proviant fun- de/ soll ers dem Gubernator anzuzeigen/ aber sonsten niemand zu oͤffnen pflichtig seyn: den vorꝛaht der Vivres solle er niemand/ bey seinem Eyd/ auch den mangel derselbigen niemandem aussert dem Kriegs-Raht vnd Guber-
nator
Von einer Besatzung.
nator offenbaren. Was weiters sein Ampt vnd Beruff außweiset/ wird der liebe Leser vornen allbereit vernommen/ vnd nachgehends an seinem behoͤr- lichen ort weiters vernemmen.
Von des Proviantherꝛen/ Zeugherꝛen vnd Raͤthen Eyd vnd Ordinantz.
Jhr Eyd ist/ daß sie dem Herꝛen getrewlich dienen/ seinen schaden wahr- nen/ nutzen schaffen vnd fuͤrderen/ dem obersten Gubernator in allen billichen dingen gefaͤllig vnd gehorsam seyn/ so sie im rahten/ vnd sonsten jhrem hoͤchsten vermoͤgen vnd verstand nach des Herꝛen nutz vnd wolfahrt bedencken/ das best sie moͤgen vnd verstehen/ rahten vnd vollnbringen helffen woͤllen/ ge- trewlich vnd vngefahrlich. Weiters wird zu des Proviantherꝛen Eyd zu- gethan/ daß er die Proviant/ so er wegen der Vestung bey handen habe/ mit allen trewen verwahren/ den vorꝛaht desselbigen/ oder mangel niemand alß dem Obersten vnd Kriegs-Raht eroͤffnen/ vnd alles nach des Kriegsherꝛen ehren/ nutz vnd wolfahrt/ innhalt seiner bestallung/ gebrauchen/ auch seiner handlung/ eynnemmens vnd außgebens/ auff des Herꝛen begeren vnd gefal- len/ gute/ ehrbare/ ordenliche vnd vnderschiedenliche rechnung geben vnd thun woͤlle/ wie sich gebuͤrt.
Vom Blut- oder Oberstenrichter/ seinem Ampt/ Eyd vnd Beruff.
Ein Blutrichter wird sonst auch genañt der Schultheiß: sein Ampt ist/ daß er mit zu Gericht sitze/ in allen Sachen/ darumber von den spaͤnnigen vnd klagenden Personen oder Partheyen angeruffen wird/ es sey vmb schulden/ schmaach/ vnrecht/ gewalt/ burgerliche oder peinliche Sachen/ in allweg gut Gericht vnd Recht halten/ damit ein jeder seiner nohtdurfft nach/ sein Ge- richt vnd Recht zu suchen vnd zu finden wüsse. Er solle ein ehrlicher/ frommer Mann seyn/ der sich auff burgerliche vnd ehrbare Policey verstehe/ damit er jederzeit dem Rechten vnd der Billichkeit gemaͤß/ gut Recht sprechen/ vnd sich in allweg zu verhalten wüsse.
Von seinem Eyd.
Es soll ein Schultheiß schweeren/ dem Herꝛen trew vnd bold zu seyn/ vnd darneben das Gericht getrewlich/ ohne argwohn vnd der Partheyen vnbilliche gefehrde besitzen/ Recht halten vnd Vrtheil sprechen lassen/ solle kein Parthey vor der anderen/ oder der anderen zu nachtheil fuͤrderen oder hinderen: sondern ein vnpartheyischer Schultheiß seyn/ kein ansehen der Person haben/ dem freyen starcken Rechten nach/ einem jeden ders begert/ vnverzogenlich/ niemand zu lieb noch zu leid/ alle gefahrlichkeit hindan setzen/ Recht ergehen vnd Vrtheil geben vnd sprechen/ vnd dieselbe vollnziehen lassen/ getrewlich/ ohne arge list vnd gefehrd.
E ij
Von
Ander Theil/
Von dem obersten Schreibern/ desselben Ampt/ Eyd vnd Beruff.
Er soll nicht allein wol mit schreiben vnd lesen gestaffiert/ sondern auch ein treffenlicher Arithmeticus seyn/ sonderlich im concipieren vnd Brieff oder Missiven stellen: deßgleichen wo er hin geschickt oder gesandt wird etwas zu verꝛichten/ oder mundtlichen etwar vmb zu werben/ auffs fuͤglichst vnd best alß jmmer seyn mag/ wüssen darzuthun vnd zu verꝛichten: auch alles was im Kriegs-Raht vnd sonsten gehandlet/ bey seinem Eyd verschwigen halten/ vnd sonsten was jhme vertrawet/ vnd zu verwahrung wird eyngehaͤndiget/ dassel- big getrewlich versehen (vermoͤg seiner pflicht:) Er wird auch etwan zu zeiten fuͤr ein Raht gebraucht. Er soll einen sonderlichen bericht haben/ einem jeg- lichen Herꝛen oder Potentaten/ nach gebuͤr eines jeglichen/ titul zu stellen vnd zu schreiben: deßgleichen die Außschreibungen/ alß etwan an mancherley Staͤnd/ auff- oder abforderung/ allerley vertraͤg/ verꝛicht- vnd vereinigung/ auch in spraachhaltungen oder Tagleistungen/ sich mit behendigkeit/ worten/ wercken/ schreiben vnd anders/ so sich an solchen orten begibt/ bescheidenlich vnd gebuͤrlicher weis zu halten. Jhm gebuͤrt auch weiters was durch den Gubernator/ Kriegs-Raht oder seine Hauptleuth in geheim gehandlet vnd berahtschlaget wird/ daß er dasselbig fleissig verzeichne vnd beschreibe/ es treffe an freund oder feind/ solches soll er auch fleissig bey jhme behalten vnd bewah- ren. Er soll auch aller Sachen/ alß Außschreiben/ Missiven oder Brieff/ Co- peyen behalten/ Protocoll vnd Manual registriert haben/ auch wasserley Brieff dem Gubernator vnd Kriegs-Raht zugesandt werden/ soll er der- massen auch fleissig auff heben: dann im fal/ so es zu vertraͤgen vnd vereini- gung kom̃t: so begeben sich auch vil gespaͤn/ jrꝛungen vnd zwytracht/ derhal- ben kan vnd mag das etwan leichtlich durch die auffgehabenen Brieff vnd schrifftlich-bekandtnussen entscheiden werden.
Von den Constablern/ jhrem Ampt/ Eyd vnd Beruff.
Mancher meynt er sey ein Buͤchsenmeister oder Constabel/ wañ er ein Ca- non laden vñ abschiessen moͤge/ so faͤhlt es dannoch weit/ es gehoͤrt mehr darzu/ vnd ligt dem Kriegsherꝛen mercklicher kosten daran: Man soll den zeug nicht vmbsonst verschiessen: Ein Buͤchsenmeister soll haben sein Passeport: Er soll Thor/ Thuͤrn/ Gemaͤwr/ Waͤl/ Pasteyen vnd Schuͤtten mit rechter maaß er- kennen vnd zu fellen wüssen. Jtem/ mit bagel/ schroͤt/ schlaͤg/ gestrew/ vnd der- gleichen wüssen vmbzugehen: deßgleichen die Stuck laden vnd entladen/ vnd das Pulfer widerumb zu nutz bringen. Er soll auch mit heb- vnd brech- zeug/ boͤck/ geißfuͤssen/ schnellwaagen vnd dergleichen vmbgehen koͤnnen. Jtem/ wüssen das Geschütz vnd Architectur auffzurichten vnd widerumb ab- zubrechen. Er soll auch wüssen das Geschütz ins Feld oder fuͤr ein Besatzung
nach
Von einer Besatzung.
nach nohtdurfft anzuschicken/ damit man versehen seye/ kein mangel daran erscheine: vnd zu tag vnd nacht durch den Compaß zu richten vnd zu schies- sen: weiters des Canons schwaͤre an Metall/ gefaͤß/ loth vnd tribs/ schwaͤche vnd staͤrcke/ weite vnd ferꝛe/ sampt der fůhr vnd last erkennen/ oder wüssen zu vberschlagen was ein Monat mit allem vnkosten darauff vnd daruͤber gehen moͤchte: vnd dann schaͤdliche fewrwerck/ alß springend oder schlagend kuglen/ auß Buͤchsen/ Boͤlern/ Schlingken/ oder von der hand zu schiessen vnd werf- fen/ wider die Feind neben anderen wüssen zu machen vnd zu gebrauchen. Es sollen auch alle stund die Constablers bey jhren Stuͤcken wachen/ denen man bey den Battereyen haͤußlein auff bawet. Sie sollen sich auch in Ler- men/ so sich begebe bey tag oder nacht/ zu jhren Buͤchsen verfuͤgen/ bey dem Eyd darbey gewaͤrtig seyn/ was mit jhnen da verschaffet wirdt.
Eyd der Constablern.
Jhr sollen schweeren vnseren gnaͤdigen Herꝛen/ ꝛc. getrew vnd gehorsam zu seyn/ alle zimliche gebott/ befehlung/ ehren vnd frommen fuͤrderen/ auch al- les anders zu thun vnd lassen/ das den Herꝛen vnd der gantzen Besatzung zu gutem reichen mag/ alß dañ biderben Leuthen gebuͤret: vnd das jhr samptlich vnd sonderlich schiessen woͤllen/ so es vnseren gnaͤdigen Herꝛen zu nutz vnd gu- tem dienet/ vnd dem Feind zuwider vnd schaden/ nach ewerem besten vermoͤ- gen vnd hoͤchstem verstand: alles getrewlich vnd ohngefahrlich. Deßgleichen sollen vnd wollen jhr alle/ inmassen vnd krafft des Eyds/ ewerem obersten Zeugherꝛen/ oder seinem nachgesetzten Statthalter/ in abwesen des Zeugher- ren/ gefellig vnd gehorsam seyn.
Von dem Hauptmann/ desselben Nam̃en/ Qualitet/ Ampt/ Eyd vnd Beruff.
Ein jede Compagnie hat einen Hauptmañ oder Capitain/ vom Haupt oder Capite also genañt: dann gleich wie das Haupt das fuͤrnembste theil ist an dem menschlichen Leib/ vnd alle glider geschicklich vnd wol guberniert vnd regiert/ also nach dem befelch des Hauptmanns muͤssen sich alle nachge- setzten Officier vnd Soldaten schicken vnd richten. Er soll ein gottsfoͤrchti- ger/ redlicher/ dapfferer vnd kriegsversuchter Mann seyn. Sein Ampt ist/ gute fuͤrsorg zu tragen/ wie seine Soldaten im Feld vnd in der Besatzung/ mit guten Losamenten/ mit gutem Gwehr/ Gelt/ Proviant/ vnder vnd vber/ vn- klagbar versehen vnd accommodiert seyen: vnd in summa/ alß ein Vatter fuͤr seine kind sorgen/ also auch jhme seine Soldaten befohlen vnd in guter ord- nung vnd forcht zu haben: die rechtgeschaffnen soll er promovieren/ vnd zwi- schen denselben vnd den heillosen einen vnderscheid halten: den Fuchsschwaͤn- tzeren soll er kein gehoͤr geben/ sondern die frommen belohnen/ die straaffwuͤr- digen aber zu ernsthaffter straaff ziehen. Kein gelt/ muͤh vnd arbeit soll er an
E iij
einem
Ander Theil/
einem guten Leutenampt/ zweyen Sergeanten/ einem Balbier vnd dreyen Corporalen ansehen: sittenmalen der Compagnien meistes daran gelegen ist/ damit des Zahlherꝛen vnd der Compagnie bestes allzeit gefuͤrderet werde. Seine Officier soll er vor den Soldaten/ nach vermoͤgen/ ehren/ damit die- selbigen auch von den Soldaten geehret vnd geliebet werden: vnd so man seine Knecht musteret/ so stehet oder sitzet er bey dem Musterherꝛen sampt seinem Schreiber/ vnd nach dem seine Knecht gemusteret/ mit dem Commissario oder Musterherꝛen abgezellt/ vnd die Register/ wie es sich gebuͤrt/ verpitschiert/ vnderschrieben vnd verfertiget seind/ so empfanget er sein Gelt/ das soll er zu vermeydung klag oder rumor/ alßbald seinen Soldaten außtheilen/ sie be- friedigen/ vnd hierinnen kein finantz/ beschiß oder betrug fuͤhren/ dann darauß grosse vngelegenheit erfolget. Jn erwehlung eines Capitains solle man nicht auff reichthumb/ sondern auff frombkeit vnd gute kriegserfahrenheit sehen: Namlich/ auff erfahrene/ wolgeuͤbte Leuth/ die ein verstand vnd wüssenschafft haben/ jederzeit gegen vnd zu den Feinden jhren vortheil zu erdencken vnd zu gebrauchen/ damit des Zahlherꝛen vnd der biderben Leuthen ehr/ nutz vnd wolfahrt nicht gehinderet/ auch schmaach/ schaden vnd nachtheil an Ehr/ Leib vnd Leben vmb gunst willen nicht in groß gefahr gesetzt werde. Auff der Wacht soll allzeit der Hauptmann/ vnd jnsonderheit in Lermens vnd Feinds- gefahrlichen zeiten mit vnd bey seinem Fendlein selbst eygener Person seyn. Es soll auch ein jeder Hauptmann seinem Obersten gefellig vnd gehorsam seyn in allen billichen Sachen. Wann sich auch zur zeit seiner bestallung etwas jrꝛungs oder gespaans/ oder sonst etwas mit seinen Mithauptleuthen zutruͤge/ die nicht in der guͤte bethaͤdiget werden moͤchten/ daß er deßhalber bey endlichem entscheid des Colonells vnd Kriegs-Rahts bleiben woͤlle.
Des Hauptmanns Eyd.
Der Hauptmann soll schweeren der Statt N. nutz vnd ehr zu fuͤrde- ren/ vnd schaden zu wenden/ das Volck so jhme befohlen ist/ zu verhuͤten/ auch die Ordinantz vnd gemeinen Eyd den Knechten geben/ wahr vnd staͤt zu hal- ten/ vnd ob jemand darwider thete/ denselbigen zu straffen/ oder schaffen ge- strafft zu werden nach seinem verdienen/ vnd hierinn gar niemands zu ver- schonen/ vnd sich nicht weiterslassen bewegen/ weder mit miet/ gaaben/ gunst/ freund- noch feindschafft/ alles getrewlich vnd vngefahrlich.
Ein andere Eyds-Form.
Die Hauptleuth sollen schweeren in disem zug zu hilff vnd erhaltung vnserer lieben Bundtsgenossen N. N. Land vnd Leuthen/ vnd in disen jhren Hauptmannschafften das best vnd wegests zu thun/ vnd darinn alles das jenig/ so jhnen begegnet/ zu handlen vnd zu betrachten/ so der Statt N. lob/ nutz vnd ehr mag seyn/ vnd die Knecht so jhnen befohlen seind/ in befelch zu
haben/
Von einer Besatzung.
haben/ vnd hierinn das best zu thun/ so weit vnd ferꝛ sie moͤgen/ getrewlich vnd vngefahrlich.
Ein andere Eyds-Form.
Der Hauptmann soll schweeren/ daß er bey den Knechten das best thun/ sich mit denselben auff Zug vnd Wachten in Besatzung/ vnd wo jhne der Kriegsherꝛ/ oder derselben Oberste vnd Anwaͤld/ hinschicken/ bescheiden oder verordnen werden/ brauchen lassen/ vnd das best vnd wegst (wie es einem ehrlichen Soldaten gebuͤrt) hierinn thun woͤlle: daß er auch in der Mu- sterung oder in ander weg/ kein finantz oder betrug gebrauchen/ anderen nicht zusehen/ noch solches gestatten: sonsten seines bestim̃ten tractaments/ vnd das so jhme von dem Zahlherꝛen vber dasselbig auß gnaden gewerden lasset/ wol vernuͤgt vnd zu frieden seyn/ vnd hierinn vnd sonst vberal des Kriegs/ oder Zahlherꝛen nutz vnd frommen fuͤrderen/ dessen schaden vnd nachtheil wenden/ verhuͤten vnd verhinderen/ vnd da er zu raht gezogen/ sei- nem hoͤchsten vnd besten verstand nach dem Zahlherꝛen zum besten rahten/ vnd was jhm also vertrawet/ biß in sein end verschweigen/ vnd bey jhme selbsten behalten woͤlle.
Von dem Leutenam̃t/ dessen Nam̃en/ Eyd/ Ordinantz vnd Beruff.
Ein Leutenam̃t wird von dem woͤrtlein
Lieutenant quasi locumtenens,
Ort/ Platz/ Stell/ oder Statthaltender eines Capitains genañt/ dieweil er in abwesen seines Capitains die Stell/ Platz/ oder Lucken versihet. Er soll ein dapfferer/ auffrichtiger/ kriegsgeuͤbter vnd prafer Cavalier seyn/ vnd ist nechst dem Capitain: in desselbigen abwesen commandiert er vollkommen/ vnd hat auch in gegenwart des Capitains den gantzen befelch vber die Compa- gnie: dann wañ dem Capitain etwas von dem Regiment commandiert ist/ so ertheilt er Direction vnd Ordre dem Leutenam̃t/ wie er sich in einem vnd an- derem verhalten solle/ der dann durch seine nachgegebene Officier den befelch vollnstrecken laßt: Er soll auch des Capitains guten Nam̃en/ Ehr vnd Re- putation lieb haben/ vnd also beschirmen/ so lieb jhme sein eygen Leben vnd Ehr ist/ vnd sich sonderlich vmb dapffere vnd versuchte Soldaten dem Capi- tain vmbschawen/ auch wie er die Soldaten logieren vnd wol eynquartieren moͤge: darneben soll er fleissig auffsehen daß alles gleich zugehe/ nach guter ordnung vnd ohne klag. Alle Abends soll er sich auff der Paraden finden lassen/ vnd sehen wo mangel erscheine: ob auch die Parade/ Wacht vnd Or- dre wol angestellt vnd gehalten werden: dargegen soll er sich in seinem Com- mandement gravitetisch vnd ernsthafft erzeigen/ damit jhne seine vndergebe- ne Officier vnd Soldaten ehren/ vnd mehr alß den Capitain foͤrchten. Es werden auch die Soldaten durch jhne gestraafft/ vnd ligt aller last jhme
auff
Ander Theil/
auff dem halß: dann wo er die Compagnien nicht versehen koͤñte/ bedoͤrffte man keines Leutenam̃ts. Er soll sich also verhalten daß kein einiger faͤhler an jhme gespuͤrt werde: Sein Oberwehr ist ein Partisan/ welche er tragen soll/ vnd sich darmit beschirmen/ sonsten thut er keine Wacht/ anderst die Haupt- wacht/ da die Compagnie wachet. Er solle auch die Corporalschafften gleich an Mannschafften außtheilen/ vnd keiner mehr versuchte alß den anderen geben/ da dann der ein die besten/ der ander aber die schlimbsten Soldaten habe/ woran in einer Occasion vil gelegen ist: Er soll den straaffwuͤrdigen gestreng/ den gehorsamen aber gutthaͤtig seyn: Er soll auch aller Soldaten
Humores
erkennen/ vnd er hinwiderumb von jhnen erkeñt werden. Jn- sonderheit soll er auch wüssen was in abwesen des Capitains jhme zu thun/ wie er die Compagnie alß Leutenam̃t regieren/ mit sattsamer genugthuͤung/ alß wann der Capitain selbst zugegen were/ darinnen beyde aͤmpter wol er- waͤgen/ vnd alles dahin dirigieren/ anordnen/ gubernieren/ vnd ins werck zu setzen wüssen/ darinnen einiger mangel nicht gespuͤrt werden moͤge.
Eyd.
Des Leutenam̃ts Eyd ist in der gemeinen Soldaten Ordinantz vnd Eyd begriffen: vnd hat derselbige keinen besonderbaren Eyd.
Von dem Fendrichen vnd desselbigen Qualitet/ Eyd/ Ampt vnd Beruff.
Der Fendrich soll ein prafer/ junger/ gerader/ starcker vnd vnverdrosse- ner Cavalier seyn. Es werden auff Zug vnd Wacht die Soldaten vnd in Lermens zeit bey seinem Fahnen versamlet. Sein Ampt ist/ dem Capitain vnd Leutenam̃t im commandieren die hilffs-hand zu bieten/ vnd in dersel- bigen abwesen sie zu vertretten. Er soll auch sein Fendlein fleissig vnd wol verwahren/ damit solches nicht etwan geschaͤndet/ oder sonsten bald verꝛissen werde: Es wird auch ein Fendrich auff Convojieren/ Anschlaͤg/ Paͤß vnd Clausen zu verhawen/ zu verwahren vnd zu bewachen/ oder sonsten alß ein Fuͤhrer mit einer Trouppen commandiert: da ist dann hoch von noͤhten/ daß ein Fendrich Kriegs erfahren seye. Jm Feld oder in anderen Occasionen vor dem Feind/ soll er sein Fendlein nicht auß der hand lassen/ sondern selbst fuͤhren vnd tragen: Er soll auch in waͤhrendem scharmuͤtzieren vnd offent- licher Feldschlacht den Fahnen hoch halten vnd fliegen lassen/ dannt es seine Soldaten sehen: vnd da sie etwan gejrꝛet/ sich widerumb darbey erkennen moͤgen. Deßgleichen soll er auch auff dem Randevous/ Quartieren/ im Feld/ vnd da es nohtduͤrfftig/ den Fahnen fliegen/ auffstrecken/ oder auffrecht hal- ten. Jm stürmen soll er der erst vor seinem Volck her tretten/ den Sturm anfangen/ vnd den Soldaten ein gut Exempel vorfuͤhren/ wo auch der Hauf- fen vertreñt wurde/ soll er seinen Fahnen in die hoͤhe halten vnd fliegenlas- sen/ damit sich die vertreñten widerumb erkennen vnd samlen/ ein ordnung
machen/
Von einer Besatzung.
machen/ vnd auffs new widerumb den Feind anfallen moͤgen/ woran merck- lich vil gelegen ist. Jm fahl aber es je nicht geseyn mag/ vnd der Fendrich an seinem getrewen fleiß nichts erwinden lassen/ auch mehr nutz vnd raht nicht geschafft werden mag/ so ist jhme vnverweißlich/ daß er sehe/ wie er das Fend- lein vnd seinen Leib darvon bringe. Er soll auch eh das Fendlein zu stucken reissen/ eh ers den Feinden zu theil werden laßt: dann es ist einem Fendrich ein grosse vnd verweißliche schmaach vnd schand/ so er ohne redliche vrsachen sein Fendlein verleuhret/ vnd das Leben darvon bringet/ eh soll er sich dareyn wicklen/ vnd jhme das Leben zusampt dem Fahnen nemmen lassen. Es soll auch ein Fendrich/ zu verwahrung des Fendleins/ ein laͤdernes fůtter haben/ damit er es vber das zusammen gewickelte Fendlein streiffen mag/ dann hierdurch im raͤgen vnd vngewitter dieselbigen hefftig darmit beschuͤtzet wer- den: vnd ist gut vnd von noͤhten/ daß er sich gegen den Soldaten im Com- mando gelind halte/ jhnen freundlich zuspreche/ vnd so der ein oder der ander etwas straaffwuͤrdiges verwuͤrckt hette/ verthaͤdigen helffe/ vnd den faͤhler ab- bitte/ damit er guten gunsten bey den Soldaten erwerbe. Vnd da sich etwan Auffruhr oder Rebellion vnder dem Fendlein erꝛegete/ vnd sich die anderen Officier/ wegen strengen commandierens/ eusseren/ vnd nicht sehen lassen doͤrfften/ er solches mit guten vnd gelinden worten beylege vnd stille. Wo die Vestung belaͤgert were/ soll er sich dapffer vnd mannlich erzeigen/ vnd allwe- gen/ da er die Wacht hat/ das Fendlein auff die Schantzkoͤrb stecken/ gegen den Feinden fliegen vnd sich darbey finden lassen. Jm Sturm abtreiben/ soll er der vorderst/ vnd von den Feinden der letste seyn: Vnd da er gestellt wird/ auff der Stell verbleiben. Jn summa/ Er soll sich in allweg/ wie es einem rechtgeschaffenen Cavalier gebuͤrt/ verhalten.
Des Fendrichen Eyd.
Der Fendrich soll schweeren gemeiner Statt vnd Lands/ nutz/ frommen vnd ehre zu fuͤrderen vnd schaden zu wenden: dem Fendlein/ so jhme befoh- len ist/ zu warten/ vnd nicht darvon zu kommen: auch das in Streiten/ Stür- men vnd Gefechten offenbar vnd auffrecht zu halten/ vnd sich darvon nicht lassen tringen biß in den tod: auch gemein Ordinantz wahr vnd staͤt zu halten. Alles getrewlich vnd vngefahrlich.
Ein andere Eyds-Form.
Ein Fendrich soll schweeren/ sein Leib vnd Leben bey dem Fendlein zu lassen/ also: wann er wird in die hand geschossen/ oder verwundt/ darinn er das Fendlein traget/ daß ers in die ander/ vnd so er an derselbigen auch ge- schaͤdiget/ dasselbig ins maul nemme. Jn Stürmen/ Scharmützlen vnd Schlachten soll er dasselbig offenbar fliegen lassen. So ferꝛ er aber von den Feinden vberꝛungen/ vnd dasselbig nimmermehr erhalten kan/ solle er
F
sich
Ander Theil/
sich dareyn wicklen/ vnd sein Leib vnd Leben darmit vbergeben/ eh er das Fend- lein vbergibt vnd mit gewalt nemmen laßt: vnd sonsten beyneben vbrigen gemeinen Puneten vnd Articklen/ wie andere Befelchsleuth der Statt N. lob/ nutz vnd ehre zu fuͤrderen vnd schaden zu wenden. Alles getrewlich vnd sonder gefehrde.
Von den Wachtmeistern/ deren Ampt/ Eyd vnd Beruff.
Es sollen vnder einer Compagnie zween bestellt werden: dieselbigen sol- len wol schreiben vnd lesen koͤnnen: vnd ist auch einer Compagnie am meisten gelegen an einem guten Leutenam̃t vnd zween guten Wachtmeistern/ welche from̃/ gottsfoͤrchtig/ auffrecht/ im Kriegswesen wol geuͤbte Soldaten seyen. Deren Ampt ist/ dem Leutenam̃t die Compagnie helffen bestellen: die Wach- ten auff- vnd abfuͤhren: sich auff dem gewohnlichen platz/ da der Major alle Abend die Ordre außtheilt/ neben anderen vor Wachtzeit finden zu lassen: die Ordre vnd das Wort/ vnd was der Major weiter befilcht/ fleissig in ge- daͤchtnuß zu behalten: die Wachtzedel fleissig zu bewahren/ vnd nach auffge- fuͤhrter Wacht/ den hohen Officierern von jhrer Compagnie/ alß dem Capi- tain/ Leutenam̃t vnd Fendrichen/ wie auch den Wachthabenden Corporalen/ auff jhren Wachtposten die Ordre/ vnd was zu thun befohlen worden ist/ or- denlich vnd recht zu geben vnd anzuzeigen. Sie helffen die ordnung machen/ marchieren auch neben der ordnung beyseits/ vnd da der ein oder ander im reyen oder glid vngleich stehet oder gehet/ zu recht weisen. Die Stattschluͤssel der Porten helffen sie den Gefreyten der Hauptwacht vnd Majoren con- vojieren/ die Porten eroͤffnen vnd beschliessen/ die Schluͤssel widerumb auff die Hauptwacht (da jhre Compagnie wachet) bringen. Es werden auch die Wachtmeister vnder die Porten der Vestung/ allzeit vnder jegliche einer/ so offt an jhnen die Hauptwacht ist/ gecommandiert: deren Ampt ist/ auff die froͤmbd-ankommenden Leuth/ Waͤgen/ Kaͤrꝛen/ Schiff vnd Fůhren gut ach- tung zu geben: die Leuth zu examinieren/ vnd die Waͤgen zu visitieren: Sie werden auch Convojen zu commandieren/ vnd selbige zu fuͤhren: Jtem/ auff Anschlaͤg/ Scharmützieren/ Stürmen/ auff Paͤß/ Klausen/ Schantzen oder Castell gecommandiert/ so alßdann vollkommen Commandament haben/ derwegen von jhnen gut Kriegserfahrenheit erforderet wirdt. Sie sollen taͤglich die Wacht auff- vnd abfuͤhren/ vnd solches vnder jhnen vmb- gehen lassen: deßgleichen die Soldaten in armis exercieren/ sich alle stund bey den Officierern vnd Knechten finden lassen/ damit so man jhrer beduͤrfftig/ sie bey der hand weren. Jm commandieren sollen sie sich also erzeigen/ daß sie nicht weniger alß die Capitain gefoͤrcht werden/ vnd sich von den Solda- ten nicht cujonieren vnd meisteren lassen. Wann auch der Soldatesca etwas von noͤhten/ sollen sie es an die Wachtmeister gelangen lassen/ nachmals die
Wacht-
Von einer Besatzung.
Wachtmeister aͤllzeit derselbigen nohtdurfft bey den Capitainen mit trewen anbringen vnd handlen: were es aber daß die Soldaten vnzimmenden bege- rens weren/ sollen sie dieselbigen darvon hoͤfflich abweisen/ auch den Knech- ten in allen ehrbaren vnd billichen dingen vorstehen/ vnd in jhren sachen be- rahten vnd beholffen seyn. Wo auch die Compagnie oder ein Squadron marchiert/ die Soldaten allzeit beysammen im reyen vnd glideren behalten. Was aber weiters jhres Officium/ wirst du nachgehnds finden.
Von dem Schreiber/ dessen Ampt/ Eyd vnd Ordinantz.
Ein Schreiber soll wol schreiben vnd rechnen koͤnnen: Er soll dem Ca- pitain die Register machen/ die Knecht/ so von jhme angenommen/ dareyn schreiben/ dieselbigen wol verwahren vnd auffbehalten/ damit sie nicht ver- lohren oder verfaͤlscht werden/ vnd soll der Registern zwey gleichlautend ma- chen/ das eine fuͤr den Musterherꝛen/ das ander aber fuͤr den Capitain. Er soll auch auff jede seiten des blatts je 10. Soldaten setzen: Jn der Musterung fleissig auffmercken/ welche gut geheissen/ vnd was fuͤr Soͤld gemachet wer- den/ daß er es auffzeichne: wo aber etwas von jhme vbersehen vnd verab- sanmbt wurde/ vnd die Register nicht fleissig abgezellt werden/ muß er es auß dem seinigen restituieren vnd bezahlen. Er soll auch fleissig achtung ge- ben daß keiner mehr Gelt/ oder weniger empfange/ alß jhm aber gehoͤret. Wo auch der Capitain Commiß/ Gelt oder Kleider außtheilt/ solches in ein be- sonder Register auffzeichnen/ damit so man abrechnet/ solches dem Soldaten widerumb abgezogen werde: die Rotten soll er auch sleissig verzeichnet haben/ damit er wüsse welche wachen oder nicht wachen sollen. Demnach soll er sei- nem Capitain fuͤrsehung thun mit schreiben/ lesen/ rechnen/ darneben mit dienstlichen pflichten gefellig seyn. Er ist der Zug vnd Wacht gefreyet/ damit er die Register versorgen koͤnne/ hat sonst mit der Compagnie nichts zu schaf- fen/ vnd jhme niemand zu commandieren er sey wer er woͤlle/ alß einig vnd allein der Capitain. Es soll auch ein Schreiber guten bericht haben Missiven vnd Sendbrieff zu stellen/ vnd sich mit behendigkeit/ wort vnd wercken/ schrei- ben vnd anderem/ so sich begibt/ bescheidenlich vnd gebuͤrlicher weis zu hal- ten wüssen.
Form einer Passeporten.
Jch N. N. Hauptmann vber ein Compagnie Eydgnossen zu fuß/ vnder des N. N. loblichem Regiment/ gedachter Nation/ in dienstder Hochgeachten/ Wol-Edlen/ ꝛc. Burgermeister vnd Raht der Statt N. vnd Commando des N. N. ꝛc. General zu Roß vnd Fuß: Bekenne vnd attestiere krafft gegenwir- tiger Recognition vnd Passeport/ daß vorweiser diß Nam̃ens N. N. von N. buͤrtig/ vnder meiner vndergebenen Compagnie/ die zeit von N. Monat fuͤr einen N. gedienet/ sich waͤhrender zeit/ in Zug vnd Wacht/ vor- vnd zum
F ij
Feind/
Ander Theil/
Feind/ inn- vnd ausserthalb der Guarnison/ zu Wasser vnd Land/ im Schar- muͤtzieren/ Convojieren/ Belaͤgerungen/ Stuͤrmen vnd Schlachten/ vnd wo es die Kriegs-Occasionen geben/ jederzeit ehrlich/ redlich/ Mañlich vnd dapf- fer (alß einem rechtgeschaffnen Kriegsmann gebuͤrlichen zustehet) verhalten: Jnmassen/ Jch vnd alle meine nachgesetzten Officier ein sattsam vernuͤgen vnd gefallen darab getragen. Wann es aber fuͤr dißmals sein gelegenheit nicht weiters bey besagter meiner Compagnie zu bleiben gewesen/ vnd er sein Avancement anderstwo zu suchen in endtlichen willen kommen/ mich deßwe- gen seines thuns vnd haltens vmb disen Schein vnd Passeport gebuͤrendes fleisses angelangt vnd ersucht: Alß hab ich jhme solche nicht weigeren woͤllen oder koͤnnen/ sondern jhme gegeben voͤllige bezahlung vnd Passeport absolut. Gelangt derowegen an alle vnd jede/ weß Stands vnd Wesens die jmmer geseyn moͤgen/ mein vnderthaͤnigst/ vnderthaͤnig/ vnderdienst/ dienst vnd freundlich gesinnen/ obgemeldten N. N. wegen seines redlichen verhaltens/ durch dero Landen/ Staͤtt/ Vestungen/ Paͤß vnd Clausen/ nicht allein frey vnd sonder molest passieren vnd repassieren zu lassen/ sondern jhme auch allen gnaͤdigst- gnaͤdig geneigten vnd guͤnstigen willen vnd fuͤrderliche adresse widerfahren zu lassen. Solches vmb einen jeden respective zu verdienen bin ich so geneigt/ alß gut willens. Vnd dessen zu wahrer vrkundt/ ꝛc.
Ein andere form einer Passeporten.
Jch N. N. Hauptmann/ ꝛc. vnder deß N. Regiment/ ꝛc. in dienst der N. ꝛc. vnd Commando deß N. N. ꝛc. Bekenn/ ꝛc. daß der N. N. ꝛc. fuͤr einen N. vn- der meiner Compagnie gedienet/ vnd sich alß einem Soldaten gebuͤret/ red- lich vnd dapffer verhalten/ ꝛc. Nachdem vnd aber jetzt das Regiment seiner Diensten bevrlaubet/ vnd er N. mich solches seines verhaltens haͤlber vmb ei- nen ehrlichen abscheid vnderdienstlich ersucht/ so ich mich schuldig gegen jhme erkeñt hab/ wie daß er N. mit meinem guten consens von mir vnd der Com- pagnie seinen abscheid genommen/ auch sich alß einem redlichen Soldaten gebuͤrt/ verhalten. Darumb ich jhme zu ehren vnd befuͤrderung geneigt bin. Gelangt/ ꝛc.
Von dem Vorfendrich/ dessen Ampt vnd Eyd.
Sein Ampt ist dem Fendrich das Fendlein im marchieren nach zutra- gen/ doch nicht fuͤr den Feind: Er soll auch die Gefreyten auff Zug vnd Wacht commandieren/ vnd jhnen jhr Kraut/ Loth vnd Commiß außtheilen: die krancken vnd beschaͤdigten vnderbringen vnd versorgen/ doch mit verwilli- gung des Capitains. Wo auch einer mit tod abgienge/ selbigen zur Erden be- statten lassen: vnd im commandieren soll er sich gegen den Soldaten gleich- fals ernsthafft mit der straaff der anderen erzeigen.
Von
Von einer Besatzung.
Von dem Capitain
des Armes
oder Ruͤstmeister.
Er soll auff das Gewehr/ Pulfer/ Kuglen vnd Lunden gut achtung ha- ben/ damit nichts darvon veraberwandlet werde/ vnd er es auß dem seinigen bezahlen muͤsse. Es ist auch hoch von noͤhten daß derselbig schreiben vnd lesen koͤnne/ damit er darumb dem Capitain rechnung geben moͤge. Er soll sich mit der empfangenen Munition also verhalten/ daß jhme allzeit etwas im auß- geben vberbleibe/ damit er im nohtfahl die Knecht versehen koͤnne/ so lang biß anders kom̃t. Jm Commando soll er sein authoritet erhalten/ das Pulfer nicht liederlich verschiessen lassen/ vnd wol auffsehen daß die Soldaten das Gewehr sauber vnd rein halten: die krancken soll er besuchen/ jhnen rahten vnd helffen/ vnd im marchieren denselbigen jhr Gewehr nachfuͤhren lassen. Von seinem Ampt wirst du weiters hernach finden.
Von dem Feldschaͤrer vnd seinem Ampt.
Er soll ein rechtgeschaffner/ kunstreicher/ vnd in der Chirurgia wolerfahr- ner Meister/ vnd nicht nur ein schlechter Bartbutzer oder Stutzer vnd Ba- derknecht seyn/ wie vmb gunst willen offt geschicht/ sittemalen ein grosses da- ran gelegen: dann mancher guter Gesell etwan sterben vnd erlamen muß/ hette er einen rechtschaffenen Meister ob jhme/ er bliebe gerad vnd bey leben. Es soll auch ein Feldschaͤrer mit einer Feldkisten/ allerley Medicamenten sampt anderem nach nohtdurfft gnugsam versehen seyn: Er soll auch einen guten Gesellen bey sich haben/ der jhme helff verbinden/ vnd meniglichem mit artznen/ best vermoͤgens/ vnd sonderlich denen vnder seiner Compagnie zu hilff kommen/ die armen Soldaten nicht vbernemmen/ sondern sich mit ei- nem zimlichen vnd billichen contentieren lassen. Sein Quartier soll aller- nechst bey dem Fendlein seyn/ damit er desto ehender gefunden werde. Er hat weiter kein befelch dann dem Fendlein nachzufolgen/ vnd sonders wo man scharmuͤtzelt beyseits der Compagnie ein Fendlein auffstecken/ vnd auff die blessierten vnd verwundten achtung geben/ sie auß der ordnung ziehen lassen vnd verbinden.
Von den Corporalen oder Rottmeistern/ vnd jhrem Ampt.
Die Corporalen sollen gute redliche vnd wol-versuchte Soldaten seyn/ welche schreiben/ lesen vnd rechnen koͤnnen. Jn dem commandieren sollen sie gleiche ordnung halten/ die Schiltwachten in guter zeit auffstellen/ vnd jhr ansehen bey den Soldaten erhalten: Sie sollen gantz eysene Ladstecken/ Kraͤ- tzer vnd Kugelzieher an jhren Musqueten haben/ damit sie den Soldaten zu hilff kommen moͤgen. Was aber weiter jhr Ampt/ wirst du an seinem ge- buͤrenden ort vernemmen.
Von den Gefreyten/ oder Adelsborsten.
Die Gefreyten sollen wackere/ hertzhaffte vnd wolversuchte Soldaten
F iij
seyn/
Ander Theil/
seyn/ welche sich auff Kriegswesen wol verstehen. Jhr Ampt ist/ in der Guar- nison die Ronde zu thun/ vnd des tags an den Porten die froͤmbden Leuth examinieren/ Kaͤrꝛen vnd Waͤgen zu visitieren. Wo auch etwan ein Corpo- ral kranck/ oder sonst abwesend/ desselben Stell zu vertretten: im Feld aber vor dem Feind die verlohrnen Schiltwacht oder Santinell-perdu/ oder aus- sersten Schiltwachten zu versehen. Was aber weiter jhr Ampt/ vnd wie sie die Ronde vnd Santinell-perdu versehen sollen/ wirst du nachgehnds gnug- sam vernemmen.
Von den Trommenschlageren.
Sie sollen sich auff allerley schlaͤg/ alß Lermen/ Marsch/ Versamlung/ Trouppen/ Wacht/ Rebell oder Travaille verstehen/ vnd allerley marsch vnd froͤmbder Voͤlckeren schlag schlagen koͤnnen. Sie sollen nicht Narꝛen vnd Possenreisser/ sonder verstaͤndige Leuth seyn/ welche/ so man zu dem Feind/ ge- fangene zu loͤsen: Jtem/ Befelch vnd Bottschafft beym Feind zu verꝛich- ten: Brieff zu vberliferen schicket/ jhren befelch verstaͤndig verꝛichten/ auff al- les was sie gefragt werden vernuͤnfftig antworten/ vnd das so den Obersten oder Hauptleuthen/ auch der gantzen Guarnison zu schaden dienen moͤchte/ verhaͤlen/ vnd die heimlichkeit bey jhren Eyden niemands offenbaren/ sich nuͤchter halten/ vnd da der Feind sie fuͤllen/ vnd jhnen mit starcken truͤn- cken zusetzen wolte/ verweigern vnd abschlagen: auch so sie von jhme wegen des einen oder anderen halben gefragt wurden/ so zu vnheyl dienen moͤchte/ sich excusieren/ daß sie der dingen kein wüssen oder kein befelch haben. Was aber weiter jhr Ampt/ wirst du hernach gantz weitlaͤuffig vernemmen.
Vom Pfeiffer.
Des Pfeiffers Ampt ist/ die Wachten neben dem Trommenschlager auff- vnd abzufuͤhren/ sonsten hat er weiters nichts zu thun/ dann allein auff die Compagnie/ wann sie marchieren will/ zu warten/ vnd auffzupfeiffen.
Von dem gemeinen Soldaten vnd desselben Nam̃en/ Ampt/ Eyd/ Ordinantz vnd Beruff.
Er hat seinen Nam̃en empfangen vom Sold/ vnd ist so vil zu sagen/ alß Soldhat/ der des Herꝛen Sold nim̃t/ vnd allbereit empfangen hat: dann so bald einer angenommen wird/ ist er dem Herꝛen vnd dessen Commando vmb den Sold/ darumb er bestellt/ vnderworffen: vnd weiln er Sold empfangen hat/ ist er verobligiert/ vnd hat den balg verkaufft: dann vmb das Gelt oder Sold so er hat/ muß er in allen erforderlichen Occasionen (so ferꝛ es nicht wi- der Gott/ sein gewüssen vnd ehr ist) gehorsam seyn. Was aber sein Eyd vnd Ordinantz sey/ folget hernach.
Die Eyds-Articul gemeiner Soldaten.
Sie sollen zu dem allerhoͤchsten vnd allwüssenden Gott einen hohen
Eyd
Von einer Besatzung.
Eyd schweeren/ daß sie alle/ vnd ein jeder insonderheit/ einem Herꝛen Bur- germeister vnd Raht/ auch gantzer Ehrsamen Burgerschafft der Statt N. vnseren gnaͤdigen Herꝛen gewaͤhr/ vnd alle gebuͤrende observantz vnd gehor- same leisten/ deren schaden wahrnen vnd nutzen fuͤrderen/ auch dero zimlichen gebotten vnd verbotten nachkommen/ vnd in abwesen des Obersten/ den Hauptleuthen/ deroselben verordneten Kriegs-Raͤhten/ oder anderen so be- felch haben/ gehorsamen: auch sich ein jeder gegen dem anderen/ alß Bruͤderen erzeigen vnd halten. Sie sollen auch schweeren/ daß ein jeder zu lob/ ehr vnd wolfahrt hochgedachter Statt N. vnd dero Landschafft/ sein Leib vnd Leben/ Gut vnd Blut woͤlle darstrecken/ guts vnd boͤses gedulden/ tragen vnd leiden/ auch bey der Versamlung sterben vnd genaͤsen. Jtem: Daß keiner rebelli- sche meuterey oder vnwillen dem Obersten mache. Es soll auch ein jeder/ wo er von seinen vorgesetzten commandiert wird (da es anderst nicht wider sein gewüssen ist) sich ohne einiges widersprechen gehorsam finden lassen: deßglei- chen auch keiner auß der Guarnison/ wie vnd welcher gestalten solche beschaf- fen/ vnd was darinnen gehandlet wurde/ etwas offenbaren: auch da der ein oder ander sich mit worten oder wercken argwoͤhnisch erzeigte/ wordurch der Oberkeit vnd Besatzung vngemach/ oder nachtheil widerfahren moͤchte/ ein jeder solches anzuzeigen verpflichtet seyn: auch keiner mit dem Feind/ des- selben Trompeteren/ Trommenschlageren/ oder anderen/ ohne vorwüssen sei- ner vorgesetzten/ spraach halten. Es soll auch keiner Brieff/ sie seyen offen oder zu/ ohne vorwüssen der Oberkeit/ weder empfangen noch hinweg schi- cken: auch keiner solle sich mit pfeiffen/ schreyen/ singen/ schiessen/ leuten/ klopf- fen/ noch an vngewohnlichen orten sich gegen den Feinden mit deuten oder wincken mercken oder fehen lassen. Jtem: Es soll sich keiner weder tags noch nachts/ ohne erlaubnuß/ auch nicht ohne Poleten/ so von dem Obersten vnderzeichnet vnd besiglet seyn soll/ aussert der Besatzung finden lassen. Es soll auch ein jeder verbunden seyn/ wo einige versamlung vnd meuterey wider die Oberkeit/ die Besatzung/ oder die Officierer fuͤrgenommen werden moͤch- te/ vnfaͤhlbar in eyl anzuzeigen/ vnd den Obersten/ Hauptleuthen/ vnd ande- ren Nachgesetzten/ mit Gut vnd Blut beyspringen. Vnd letstlichen: Ein je- der/ wo die Statt belaͤgert/ bestuͤrmbt vnd angegriffen wurde/ von keinem auffgeben hoͤren/ geschweigen zu rahten/ sondern sich auff das aller ausserste/ vnd biß auff den letsten blutstropffen wehren. Alles getrewlich/ vngefahr- lich/ ꝛc.
Der Eyd selbst.
Was mir hie vor gelesen ist/ hab ich genugsam verstanden/ dem will ich gnug thun/ vnd nachkommen/ getrewlich vnd ohngefahrlich/ alß ich bitt/ daß mir Gott helff.
Nach
Ander Theil/
Naeh demselbigen soll jhnen gebotten vnd vorgelesen werden.
Es soll ein jeder all vnzimliche boͤse schwuͤr meyden/ vnd niemands mit zutrincken noͤhtigen/ noch spilen/ sondern sich in allweg gottsfoͤrchtig halten/ der ehrbarkeit vnd bescheidenheit gegen meniglichem befleissen/ aller uͤppigkeit vnd leichtfertigkeit muͤssigen/ alles bey gebuͤrender ernstlicher straaff/ damit Gott der Herꝛ desto mehr saͤgens darzu verleyhe. Es soll sich auch kein Knecht mit seinem Marckitanter/ Arbeiter an der Schantz/ noch anderen/ so auff Baͤw vnd Fortificieren bescheiden/ mit keinem gezaͤnck/ balgen/ spilen/ schelten/ noch mit anderem vnlust/ mit worten oder wercken eynlassen/ sondern was ei- ner an den anderen zu sprechen/ soll er vor seiner geordneten Oberkeit außtra- gen/ bey sonderlicher straaff. Jnsonderheit soll keiner in der Besatzung balgen/ noch einig gewehr zucken/ bey Leibsstraaff. Es soll auch keiner vnd insonders bey besetzter Wacht einig geschrey machen/ noch spil thun oder gehen lassen. Sie sollen auch gut achtung auff fewr vnd liecht geben/ bey hoher straaff. Jtem: Es soll kein Kriegsmann/ so auff einer Wacht/ keinen Marckitaͤnter/ Proviantfuͤhrer/ Bawren/ Burgersweiber/ junge oder alte Leuth/ so in der Besatzung nicht wohnen/ weder zu Roß noch fuß hineyn in die Vestung vn- angezeigt lassen Jtem: Es soll niemands froͤmbder auff die Waͤl zu gehen vergunnet werden/ bey hoher straaff. Es soll auch keiner etwas fuͤrkauffen/ sondern die Proviant auff den Marckt kommen lassen/ vnd keinem Marcki- taͤnter oder Eynwohner leid oder vngemach zufuͤgen/ bey hoher straaff: auch die Losamenter sampt den spraach- vnd anderen haͤuseren rein vnd sauber ge- brauchen vnd halten/ damit kein gestanck erfolge/ bey hoher straaff. Vnd da bey naͤchtlicher weil ein fewr oder dergleichen vnrhn entstuͤnde/ soll ein jeder mit seinem Oberwehr seinem Fahnen zulauffen/ vnd die jenigen/ so auff vnd zu dem fewr bescheiden/ vnverhinderet lassen: die nechsten aber/ so das fewr bey jhren Losamentern betrifft/ moͤgen loͤschen helffen/ vnd darbey/ biß es gar ge- dempt/ verbleiben.
Ordinantz der Marckitaͤnter vnd Eynwohner.
Die Marckitaͤnter vnd Eynwohner/ so nicht in sonderlicher pflicht der Soldaten seind/ sollen einen leiblichen Eyd zu Gott dem Herꝛen schweeren/ dem Burgermeister vnd Raht der Statt N. getrew vnd hold zu seyn/ dero schaden zu wahrnen/ nutzen vnd frommen zu fuͤrderen/ vnd thun was from̃en Vnderthanen gebuͤrt: was nachtheil aber sie etwan vernemmen/ oder ver- daͤchtlicher Personen gewahr wurden/ daß sie solches dem Obersten vnd jhnen selbst zu gutem woͤllen kundt thun. Sie sollen auch dem Obersten oder dessel- bigen Nachgegebnen in allen botten vnd verbotten gehorsam seyn: Vnd so man sie zu der nohtdurfft der Besatzung erforderen moͤchte/ sich neben ande- ren getrewlich brauchen lassen. Jtem: Es soll ein jeder sein Gesind/ was/ oder
wie
Von einer Besatzung.
wie vil er bey sich hat/ dem Gubernator schrifftlich zustellen/ vnd niemands froͤmbder vnangezeigt beherbergen/ sondern solches durch die Wachtzedel der Hauptwacht vnd Gubernatorn anbringen lassen: keiner soll ohne erlaubnuß auß der Besatzung sich begeben/ sondern jederzeit darvor dem Gubernator seines thuns vnd lassens guten bericht geben: auch sich mit Soldaten nicht rauffen/ sondern da er etwas hette/ das Kriegs-Recht darumb anruͤffen/ bey hoher straaff. Bey besetzter Wacht soll keiner vmbschweiffen/ sondern in sei- nem Losament verbleiben/ vnd sich still/ wie die Soldaten halten: deßgleichen selbiger zeit weder Wein noch Bier schencken: Ein jeder soll auch gut achtung auff fewr vnd liecht haben: Wo aber ein verwahrlosung des fewrs halber erscheinte/ soll er oder dieselben an Leib vnd Leben gestrafft werden. Jtem: Es soll sich keiner an verdaͤchtigen orten/ weder aussert- noch jnnert der Guarnison finden lassen noch dahin begeben/ bey hoher straaff. Es soll auch kein Marckitaͤnter/ Gastgeb/ ꝛc. keinen fuͤrkauff/ so wol alß die Soldaten/ ge- brauchen/ sondern solches auff freyen platz kom̃en lassen/ bey hoher straaff. Kei- ner soll auch etwas vngeschaͤtzt vnd vngetaxiert feyl haben/ bey verlierung seiner Wahr/ vnd soll ein jeder in seinem Losament zu Lermens-zeit bey Leibs- straaff verbleiben. Es soll auch ein jeder sein spraach- vnd andere haͤuser rein behalten. Jn fewrsnoht sollen die Marckitaͤnter sampt jhrem Gesind helf- fen loͤschen vnd Wasser hinzu tragen: wo aber einer im Losament ergriffen wird/ soll gestrafft werden.
Von montierung gemeiner Soldaten.
Von der Kleidung.
Ein jeder Soldat soll sich des ersten mit guten starcken Schuhen vnd Strümpffen (rev.) sonderlich des Winters/ versehen/ damit er vor feuchte/ naͤsse vnd kaͤlte bewahrt/ vnd vnden auff wol warm seye: Seine Kleider sol- len wenig faͤllt vnd naͤht haben/ dariñ sich das vnzifer nicht setzen: Fuͤrauß soll er zwey gute starcke Hembder haben/ damit er eins vmb das ander waͤschen: deßgleichen einen guten Hůt/ so den raͤgen auffhalten moͤge: Vnd wo einer ein gantz laͤderne Kleidung vermoͤcht/ solches nicht vnderwegen lassen/ dann kein waͤhrhafftiger ding fuͤr einen Soldaten seyn mag: Wie wol aber ei- nem ein Mantel bekomme/ weißt der am besten/ so solchen im Kriegswesen entbaͤren muͤssen.
Vom Pandelier.
Der Riemen eines Pandeliers soll drey finger breit seyn/ daran sollen hangen 11. Pulfer-ladungen sampt einem zuͤndhoͤrnlein oder Corporal. Die Ladungen seind die allerbesten von holtz mit laͤder vberzogen/ solche raßlen bey der nacht nicht so sehr alß andere/ dardurch mancher Soldat verꝛahten/ vnd
G
vmbs
Ander Theil/
vmbs Leben gebracht wirdt. Die kleinen riemlein seind am besten von leder/ doch sollen die oberen Ladungen nicht so lang alß die vndersten abhangen: die Ladungen aber sollen alle 8. tag außgeraumbt/ vnd das angebackene Pul- fer darauß gethan/ zerꝛiben/ vnd widerumb von newem dareyn gefuͤllt wer- den. An dem rucken des Pandeliers soll ein eysener ring seyn/ daran man drey stuͤck Lunden/ jedes stuͤck eines klaffters lang/ hencken moͤge. Ob gedach- tem ring solle ein flaͤschlein oder kruͤglein von oͤl hangen/ den haanen der Mus- queten darmit gefix zu machen/ vnd das Rohr vom rost zu bewahren: es soll auch ein starcke Kugel-taͤschen an dem Pandelier hangen/ in welcher ein hal- be kertz/ damit man die zuͤndpfannen der Musqueten rings vmbher verkleiben/ vnd das zuͤndpulfer vor dem raͤgen bewahren moͤge: Die kertz ist auch gut den Wolff (rev.) zu vertreiben/ das ort darmit geschmieret. Es sollen auch in ge- meldter Kugel-taͤschen zwoͤlff oder mehr kuglen: jtem/ etliche gevierte stuͤck- lein eysen/ so man fuͤr hagel schiesset/ ligen: deßgleichen ist von noͤhten eines schmutzlumpens/ die Musqueten darmit zu schmieren: man soll auch ein klein scharpff beyel an das Pandelier hencken/ so zum weg/ hütten zu machen/ zaͤun abzubrechen vnd zu anderen vilen dingen mehrnutz ist. Jtem/ zwo zeiglen oder raumnadlen auffzuluͤderen.
Vom Kriegssack.
Es kom̃t gar offt vnd dick/ daß man an ort vnd end zeucht da man nichts zu kauffen findt/ oder der Feind die Proviant abschneidet/ vnd sonsten man- gel ist/ vnd sich ein Soldat offt auff acht oder mehr tag mit essen-speiß versehen muß/ alß mit Saltz/ Brot/ Kaͤß/ Ancken oder Butter/ darzu man ein eygen trucken oder büchslein machen laßt: dann Fleisch fůhret vnd waͤhret nicht so lang alß Kaͤß. Jtem/ es soll ein Soldat jnsonderheit mit einem flaͤschlein voll Brandtenwein versehen seyn/ vnd loͤschet ein nußschalen voll desselben offt mehr dursts alß ein halb maaß Wasser. Der Kriegssack aber soll von laͤder seyn/ vnd groß/ damit man vil Proviant/ jtem/ Pulfer/ Lunden vnd Hembder dareyn thun/ vnd vor dem Wasser bewahren moͤge.
Vom Daͤgen.
Die Musquetierer sollen kurtze vnd breite Plauten haben/ damit sie im getraͤng desto besser damit vnverhinderlich fechten moͤgen. Jst auch gut zum holtz/ hütten vnd weg machen.
Von der Musqueten.
Grosse/ schwaͤre Musqueten seind treffenlich gut hinder den Mawren vnd in den Hoͤltzeren/ im Feld aber die leichten/ so zwey loth fuͤhren: dann je weniger der Mann vberwehret ist/ je fertiger vnd geschwinder derselbig ist.
Von Kuglen.
Alle Musquetierer einer Armaden sollen einerley loth vnd lauffkuglen
schies-
Von einer Besatzung.
schiessen/ also: daß alle Kuglen in alle Musqueten gerecht seyen/ vnd haltet man continuierlich etliche Kugelgiesser darzu/ vnd werdend alßdann die Ku- glen in kleine roͤhrlein eyngemachet/ vnd nachgefuͤhrt. Man gibt gewohnlich auff jeden Soldaten des Monats ein pfundt Bley/ machet an zweyloͤhtigen Kuglen 18. vnd des Monats auff 1000. Mann 10. centner.
Vom Zuͤnd- vnd anderem Pulfer.
Man soll das grob Pulfer durch ein kleines siblein raͤden/ vnd das rein darvon nemmen/ an der sonnen wol doͤrꝛen/ vnd alßdann lebendigen Schwe- bel gantz klein zu Pulfer verꝛeiben/ vnd vnder das Zuͤndpulfer mischen/ so ist es schnell vnd gut Zuͤndpulfer. Man solle auch des Monats jedem Soldaten ein pfundt Pulfer geben/ dann er hat die freyheit alle Abend sein Musque- ten abzuschiessen vnd widerumb frisch zu laden/ damit er versicheret vnd auff der Wacht versehen seye.
Von der Růstung.
Ein jeder soll mit seiner Ruͤstung auff Zug vnd Wacht erscheinen/ vnd sollen die Harnast dem Mann biß auff den Latz gehen/ vnd fein glatt hinden vnd vornen anschliessen.
Von der Picken/ oder Spieß.
Die gattungen der Spieß seind am besten/ welche von Eschinemholtz gemachet werden/ der spitz derselben solle zum wenigsten sampt der faͤderen 7. spannen vnd wol mehr lang seyn/ damit die Spieß von den Reuteren nicht leichtlich zerhawen werden: dann je laͤnger die faͤderen/ je besser man sich da- rauff verlassen mag. Der spitz soll 4. daumen lang vnd 1. breit seyn/ die vier- eckigen seind alich nicht boͤß: man muß die Spieß eben legen/ damit sie nicht krumb werden.
Vom Sturmhuͤt.
Jm stuͤrmen sollen so wol die Musquetierer alß die Spieß Sturm- huͤt tragen/ damit sie wegen des Feinds außwerffens vnd schlaͤgen/ so hin- ab auff jhre koͤpff geschehen/ verwahret seyen/ vnd were gut daß alle Musque- tierer allzeit Sturmhuͤt/ insonderheit wegen Reuterey auff dem kopff truͤ- gen. Es sollen auch die Spieß hinden am rucken des Harnasts haacken ha- ben/ daran sie jhre Sturmhuͤt oder Beckelhauben hencken moͤgen.
Von den Lermenplaͤtzen.
Was ein Lermenplatz seye.
Es ist ein Platz/ darauff sich das Volck im fahl der noht versamlen/ wor- von die nohtleidenden Posten entsetzt vnd secundiert werden.
Wo gemeiniglich dieselbigen gesetzt werden.
Der groͤste soll seyn auff dem Marckt/ so weiten vnd grossen raum hat
G ij
vil
Ander Theil/
vil Volck darauff zu stellen/ vnd were derselbig am besten in der mitte einer Vestung: die anderen Lermenplaͤtz aber auff den Pasteyen vnd Porten. Da nun einem Gubernator ein Vestung eyngegeben wird/ solle er jeder Compa- gnie jhren Lermenplatz zeigen/ doch alle Abend widerumb verenderen/ vnd durch den Major neben der Ordre lassen außtheilen/ damit die verꝛaͤhterey nichts schaden moͤge.
Von den
Corps de garde.
Was ein
Corps de garde
seye.
Ein
Corps de garde
wird auch geneñt ein Wachthauß/ darinnen die Officier vnd gemeine Soldaten versamlet/ wachen/ vnd darauß von jhnen die Ronde vnd Schiltwachten bestellen.
Wo die
Corps de garde
der Hauptwacht gesetzt werde.
Die
Corps de garde
oder das Wachthauß der Hauptwacht/ wird mei- stentheils auff dem Marckt oder in die mitte vnd weitesten platz der Vestung gesetzt vnd gebawen.
Wo man die vbrigen
Corps de garde
oder Wachthaͤuser bawen solle.
Man setzt auch ein
Corps de garde
fuͤr des Gubernators/ vnd eine fuͤr das Rahthauß (wo ferꝛ gemelte beyde Haͤuser nicht auff dem Marckt stehen/) vnd von der Hauptwacht mit
Saintinellen
oder Schiltwachten nicht koͤnten versehen werden. Jtem/ Man setzt auch an ein jegliche Porten jnnen fuͤr ei- ne: deßgleichen fuͤr jegliche Porten aussert der Brucken eine/ vnd dise seind mit Stagketen versehen: widerumb auff ein jegliches Bollwercks-Kaͤl oder Gorge eine.
Von der Losung oder Ordre.
Wie man das Wort/ Losung vnd Ordre außtheile.
Deß ersten empfahet der Major von dem Gubernator oder Comman- danten das Wort vnd Ordre/ darauff gehet er im Sommer zu Abends vmb 7. vnd im Winter vmb 6. vhren auff den Marckt/ allwo sich ein Wachtmei- ster von jeder Compagnie finden lasset. Alßdann trittet der Major in die mitte auff den Marckt/ vnd machen die Wachtmeister einen Zirckel/ der erst alß des Gubernators/ stehet dem Major auff der rechten/ vnd der letste/ alß des minsten Hauptmanns Wachtmeister zur lincken seiten/ vnd stehen alle in der ruͤnde: alßdann gibt der Major dem ersten zu seiner rechten das Wort heimlich flismend in das ohr/ vnd je einer dem anderen/ biß es widerumb an den Majoren kom̃t/ so jhme der letste/ so an seiner lincken seiten stehet/ wide- rumb gibet. Also kan der Major mercken/ ob sie alle das Wort recht verstan- den vnd gefaßt haben. Darnach zeigt er jhnen an was weiters zu thun befoh-
len
Von einer Besatzung.
len worden: Hierauff gehet ein jeder zu seinen hohen Officiern/ alß Capi- tain/ Leutenam̃ten/ Fendrichen/ vnd den wachthabenden Corporalen/ zeiget jhnen die Ordre vnd Wort/ auch was jhme befohlen worden/ an.
Von den
Saintinell
oder Schiltwachthaͤußlein.
Wo/ vnd wie man die
Saintinell
oder Schilterhaͤußlein setzen vnd bawen solle/ wirst du nachgehnds im Titul von den Schiltwachten finden.
Von Zug- vnd Wachten.
Die meiste kunst Kriegens bestehet erstlich in dem Zug/ zum anderen in der Wacht.
Wie Zug- vnd Wacht in einer Besatzung außgetheilt werden.
Die gantze Besatzung wird in drey theil vnderscheiden vnd abgetheilt/ da dann je ein theil vmb den anderen nach der kehr die dritte nacht: wo man sich aber des Feinds besorget/ oder die Besatzung schwach were/ vber die ander nacht der ein halbe: vnd dargegen der ander halbe theil; wo ferꝛ es gar ge- fahrlich were/ in bereitschafft auff den bestimpten Lermenplaͤtzen mit Gewehr ligen: diser gehet aber des tags widerumb heim.
Von der Parade/ oder zug auff die Wacht.
Was die Parade seye.
Die Parade ist der zug auff die Wacht/ da die Soldaten zu Wachtzeit/ ein jeder sich bey seines Fendrichs Losament finden lasset/ vnd man Rotten- halben vnd gantzen Compagnien-weis auff die Wachtposten ziehet.
Wie sich ein Soldat auff der Paraden verhalten solle.
So bald es Wachtzeit/ soll er sich mit seinem Vbergewehr vor des Fen- drichen Losament begeben/ vnd daselbsten erwartend seyn des Trommen- schlags: alßdann sich in die ordnung verfuͤgen/ vnd was man jhme weiters zu thun befilcht/ gewahren.
Wie sich ein Soldat im ab zug verhaltet.
Alßbald die Wacht/ so sie abloͤset/ kom̃t/ soll sich ein jeder mit brennenden Lunden vnd seinem Vbergewehr vor dem Wachthauß ordenlich stellen/ vnd pr
ę
sentieren/ vnd darauff sich still in sein Quartier oder Losament verfuͤgen.
Wie sich die Trommenschlager auff der Paraden verhalten.
Von jetwederer Compagnie soll sich einer alle Abend/ Sommerszeit gegen 5. vnd des Winters gegen 4. vhren/ in guter andacht mit seiner Trom- mel auff dem Marckt erzeigen/ vnd des Glockenstreichs erwarten: so bald es nun anfangt an der Vhr zu raßlen/ sollen die Trommenschlaͤger auch auff der Trommel herumb růhren: vnd namlich des ersten des Gubernators/ dar- nach die vbrigen Trommelschlaͤger/ so zwey mal neben einanderen in einem
G iij
glid
Ander Theil/
glid/ den Marckt auff- vnd ab/ den Wachtschlag schlagen: im dritten mal aber der Compagnie (so die Hauptwacht hat) marsch/ vnd darauff ein jeder seiner eygenen Nation marsch biß er zu seiner Compagnie oder Volck kom̃t/ vnd also sein Volck auff die Wachtposten gefuͤhret hat/ schlagen.
Wie sich die Wachtmeister auff der Paraden verhalten sollen.
Es gehet von jeder Compagnie/ so vil deren in der Guarnison ligen/ ein Wachtmeister vmb Wachtzeit auff den Marckt. Wann nun die Trommel schlaget/ gehen sie zusammen in einen ring/ vnd der Major in die mitte des- selben/ der hat in seinem Hůt die Zedel/ darauff die Wachtposten verzeichnet seind: alßdann greifft je ein Wachtmeister vmb den anderen; gleich alß in einen Gluͤckhafen; in den Hůt/ vnd zeucht einen Zedel herauß: Hierauff gehet ein jeder/ nach außweisung desselben/ zu seinem Volck/ stellet dasselbig in die Ordnung/ vnd gibt dem Corporalen den Zedel/ laßt die Trommel ruͤh- ren/ vnd stellet sich fuͤr die Ordnung/ wendet sich gegen derselben vmb/ zeucht den Hůt ab/ marschiert allgemach vorher/ vnd fuͤhret das Volck auff den Marckt/ da dann die Musquetierer auff dem Marckt zu der rechten hand halten/ vnd neben denselben die Spieß auff der lincken seiten eyngehen: wann dann der Gubernator das Volck besichtiget/ so marschiert ein jeder Wacht- meister mit seinem Volck auff seinen Wachtposten/ dahin er bescheiden ist.
Wie sich ein Schreiber vnd Capitain
des Armes
auff der Parade verhalten solle.
Sie sollen sich alle Wachtszeit auff der Parade finden lassen. Der Schreiber hat ein verzeichnuß aller der jenigen/ so wachen sollen/ dise lißt er ab: vnd da der ein vnd ander abwesend ist/ schreibt er solchen auff/ damit er denselbigen dem Leutenam̃t anzeigen vnd zur geborsame bringen moͤge. Wann auch der ein oder ander gestorben/ kranck oder außgerissen were/ so nim̃t der Capitain
des Armes
oder Rüstmeister desselben Gewehr zu seiner hand/ damit er dem Capitain rechenschafft geben moͤge. Sie gehen auch gli- derweis von einem zum anderen/ visitieren jhr Gewehr vnd Rüstung/ Kraut vnd Loth/ vnd da mangel erscheint/ schreibts der Schreiber auff/ damit der mangel ersetzt/ vnd der Soldat durch den Rüstmeister hierzu mit ernst gehal- ten werden koͤnne.
Wie sich ein Corporal auff der Parade verhaltet.
Er soll so bald jhme von dem Wachtmeister der Wachtzedel gebracht wird/ seine Rottgesellen/ so Schiltwacht halten/ oder holtz zum fewr holen sol- len/ bey zeiten commandteren/ damit die froͤmbden Schiltwachten bey guter zeit abgeloͤßt werden. Jm marschieren gehet er zuvorderst auff der rechten hand im ersten glid: die Soldaten fraget er/ ob sie auch genugsam mit Kraut vnd Loth versehen seyen: vnd da mangel/ zeigt er solches dem Capitain
des Ar- mes
an/ damit er verschaffung thue.
Wie
Von einer Besatzung.
Wie sich ein Fendrich auff der Parade verhalte.
Ein Fendrich hat kein Wacht/ es seye dann daß die gantze Compagnie wache: doch solle er allzeit vmb Wachtzeit auff der Parade erscheinen/ den Soldaten zusprechen/ vnd sehen wo mangel/ das solcher verbessert werde. Wann man nun mit der gantzen Compagnie auff die Wacht zeucht/ stellt er sich fuͤr den dritten Squadron oder bruch der Spiessen: Laßt seinen Fahnen fliegen/ vnd da es zeit zu marschieren/ schwingt er den Fahnen vber den kopff zu ruck gegen den Soldaten/ zeucht seinen Hůt ab/ wendet sich alßdann wider vmb/ vnd marschiert. Da man nun fuͤr die Hauptwacht kom̃t/ vnd die froͤmbd Hauptwacht abgeloͤßt wird/ steckt er des tags den Fahnen vor dem Wachthauß auff/ laßt denselben fliegen: des nachts aber stellt er jhne in das Wachthauß.
Wie er sich im ab zug verhaltet.
Jm abzug haltet er seinen Fahnen offen in die hoͤhe/ stehet vor den Spies- sen zu vorderst/ vnd so man marschiert/ fuͤhret er die Compagnie ab/ also: Die Spieß gehen eng alle in einem trouppen/ jhre Picken auffwerts tragende/ auff jhne vorher: darnach ein Wachtmeister/ so seine Helleparten den Spieß- knechten gleich traget: alßdann die Musquetierer alle auch eng in einem trouppen: vnd zu letst der Leutenam̃t hinden nach alleinig. Die Trommen- schlager marschieren vor den Spiessen auff den Fendrichen/ vnd schlagen einen besonderbaren trouppenschlag. Wo man nun fuͤr des Fendrichs Losa- ment kom̃t/ zertheilt sich das Volck in zween theil/ vnd machen eine gassen. Der Fendrich stehet zu oberst in mitte derselben/ schwingt seinen Fahnen/ wi- ckelt jhne alßdann zusammen/ zeucht den Hůt ab/ wuͤnschet den Soldaten ei- nen guten abend/ vnd verfuͤget sich darauff mit dem Fahnen in sein Losament/ darauff auch ein jeder (aussert denen/ so die Wacht haben) zu Hauß gehet: Die Wachthabenden aber stellen sich alßbald auff ein ort in die ordnung/ vnd marschieren auff die Wacht/ dahin sie bescheiden seind.
Wie sich der Leutenam̃t auff der Parade verhaltet.
Es hat ein beschaffenheit mit dem Leutenam̃t wie mit dem Fendrich durchauß: allein marschiert er mit einer Partisanen zu allerhinderst alleinig/ da man auff die Hauptwacht mit der gantzen Compagnie zeucht.
Wie sich ein Capitain auff der Parade verhaltet.
Er verhaltet sich dem Fendrichen vnd Leutenam̃t gleich/ marschiert vor- her der Ordnung/ traget ein Spieß/ zeucht aber selten mit der Compagnie widerumb ab: vnd da er abziehet/ marschiert er auff der rechten hand neben dem Fendrichen.
Wie sich ein Major auff der Parade verhaltet.
Er soll sich/ so bald es Wachtzeit ist/ auff dem Marckt vor dem Glocken-
streich
Ander Theil/
streich finden lassen/ vnd den Wachtmeistern oder Sergeanten/ die Wacht- zedel/ wo vnd wie starck sie die Schiltwachten besetzen sollen/ außtheilen/ vnd was jhme weiters befohlen/ anzeigen: das Volck in den Wachthaͤuseren vnd auff- vnd abzuͤgen besichtigen/ vnd da er etwas mangels findet/ selbigen verbesseren helffen.
Von den Wachten ins gemein.
Wie vil deren ins gemein seyen.
Die Haupt- Schar- Jnner- vnd Ausserwacht: Jtem/ die Ronde-Tag- Nacht-Ordinari-Extraordinari-Seiten-Schilt-Doppeltschilt- vnd Ronde- schiltwacht.
Was die Wacht der Haupt-
Corps de garde
seye/ vnd wie man sich darinnen verhalten solle.
Die Wacht der Haupt-
Corps de garde
wird sonsten genañt das Wachthauß der Hauptwacht/ vnd ist ein hinderhůt aller vberiger Wachten/ darvon die anderen Wachten in dem nohtfahl jhren entsatz haben/ weßwe- gen auch ein gantze Compagnie darzu geordnet wird/ damit von derselbigen die meist-nohtleidenden Wachtposten entsetzet/ vnd die Porten vnd andere Wachten damit versehen werden koͤnnen. Jn diser
Corps de garde
sollen drey Gemach seyn: Jn dem ersten Gemach besagter
Corps de garde
ist der Fahnen sampt den hoch- vnd nideren Officierern der Hauptwachthabenden Compagnie/ allda die froͤmbden Leuth examiniert vnd von dannen dem Gu- bernator zu geschickt/ die Ronden darauß gecommandiert/ vnd dareyn die Nachtzedel gebracht werden: von disem Gemach werden auch die Wacht- meister vnd Gefreyten an die Porten/ Schiff/ Waͤgen vnd anders zu besich- tigen: Jtem/ die froͤmbden Leuth zu examinieren: vnd die Gefreyten ein theil auff die Schutzporten geordnet: welcher Ampt ist/ im nohtfahl die Schutzpor- ten hinab zu fellen: Es werden auch darauß die Hauptrond vnd Patrollien des nachts verꝛichtet: vnd ist der Hauptrond Ampt/ daß sie den Corporalen rings vmbher das Wort abnemmen/ vnd da sie solches nicht recht/ geben: auch allen mangel so sie sinden/ erbesseren. Jn dem anderen Gemach aber seind die Gefreyten aller Compagnien/ so in der Besatzung ligen/ die werden alle stund des nachts/ vnd da es gefahrlich/ alle halb stund/ je zween vñ zween/ doch von vnderschiedlichen Compagnien gegen einanderen auff die Ronde commandiert. Vnd so bald die einen widerumb in das Gemach kommen/ gestracks andere vier gecommandiert/ damit der Wal nie laͤhr seye. Jn dem dritten Gemach wachen die gemeinen Soldaten sampt ihren Corpora- len: darauß werden die Schiltwachten bestellt: vnd erstlich eine vor der Offi- cierer Gemach bey dem Gewehr vnd Fendlem: die ander bey den Stuͤcken
auff
Von einer Besatzung.
auff dem Marckt: die dritt bey des Gubernators Hauß. Jtem/ eine bey der Cantzley/ zu dem Proviant-Zeug-Munition- vnd Rahthauß. Wann es nun wol tag vnd kein dicker nebel ist/ so schlaget der Trom̃elschlager des ersten die Reveille oder Trauaille/ da dañ die doppelten Schiltwachten abgehen: so bald nun derselbig anfanget zu schlagen/ so schlagen auch die vberigen Trommel- schlaͤger/ so die Wachten auff dem Wal haben. Jn summa/ es wird auß diser Hauptwacht alles bestellt/ so in Lermen oder sonsten von noͤhten.
Was die jnneren Wachten seyen.
Es seind alle die Wachten/ so jnnert der Besatzung gehalten werden/ alß da ist die Hauptwacht vnd die Particulierwachten/ so die Hauptwacht besetzet/ wie oben gehoͤrt.
Was die ausseren Wachten seyen.
Es seind die jenigen/ so aussert der Besatzung in den ausseren Wercken vnd aussert den Porten/ in den Reducten vnd
Corps de garde
gehalten werden/ damit der Feind des nachts dieselbigen nicht verderbe oder verbren- ne: auch da sie Feind vernehmen/ draussen Lermen machen koͤnnen: dieselben werden von der Hauptwacht besetzt.
Was die Patrollie seye.
Es ist die Rondewacht/ da alle stund in einer Besatzung/ etliche Troup- pen zu fuß vnd zu Pferd alle straassen durchgehen/ fleissig auff brand/ lang sitzen vnd sauffen/ jnsonderheit auff der Burgeren zusammen rottierung; da man jhnen nicht wol trawet/ vnd naͤchtlicher weyl/ vil vnraht darauß erwach- sen moͤchte. achtung gibet vnd verstoͤret.
Was die Tagwachten seyen.
Es seind die jenigen/ so des Nachts gehalten/ vnd auch des Tags ver- bleiben sollen: Jtem/ die des Nachts nicht gehalten/ vnd aber des Tags ange- stellt werden.
Was die Extraordinariwachten seyen.
Es seind die Beywachten/ so neben den Wachten gehalten werden: Namlich/ wo alles Volck (da Feind vermercket wird) die gantze Nacht mit dem Gewehr auff den Wal liget/ vnd des Feinds erwartet: wann es aber wol tag ist/ gehet solches widerumb heim/ vnd verbleibt allein die Wacht.
Was die Nachtwachten seyen.
Es seind die Wachten/ so des Nachts bey den Tagwachten gehalten werden: alß da seind die doppelten Schiltwachten. Dise vorerzellte Wach- ten (außgenommen die Beywacht) werden alle zugleich geneñt/ Ordinari- Wachten.
H
Wie
Ander Theil/
Wie/ wo vnd wann die Schiltwachten sollen auffgestellt werden.
Sie werden auffgesetzt des nachts/ Winterszeit vmb 7. des Sommers aber vmb 9. vhren/ vnd werden alßdann solche gedopplierte Schiltwachten geneñt/ weiln sie zwey oder mehrfacht alß aber des tags auffgestellt werden: vnd sollen die Sentinellhaͤußlein vnd Schiltwachten stehen/ namlich in je- dem Bollwerck drey: Jtem/ in mitte der Courtine eine: jnnert vnd auff je- der Porten eine: bey jedem Zeug- Proviant- vnd Rahthauß eine: deßglei- chen bey der Cantzley eine. Dise gehen des tags/ wann die Trommel Reveille schlaget/ alle ab/ vndverbleibt des tags keine/ aussert in jedem Bollwerck eine. Man haltet auch tags vnd nachts Schiltwachten: erstlich vor der Officierer
Corps degarde
der Hauptwacht/ bey den grossen Stuͤcken auff dem Marckt. Jtem/ auff den Schutzporten/ vnd jnnert den Porten bey den
Corps de gar- de:
des tagsaber eine auff jeder Fallbrucken in der mitte. Jtem/ die an jedem aussersten Schlagbaum.
Wie sich ein Musquetierer auff der Schiltwacht verhaltet.
Ein Musquetierer soll auff der Schiltwacht allzeit an seinem Londen ein schoͤn brennende kolen haben: die Musqueten soll scharpff geladen/ vnd die pfanneu mit gutem zuͤndpulfer versehen seyn: Er soll von jnnen/ vnd son- derlich von aussenher des Wals fleissig sehen vnd lausteren/ ob er villeicht et- was getoͤß oder Feind gehoͤren vnd spuͤren moͤge: Auff der Schiltwacht soll er des Nachts weder pfeiffen/ singen/ stampffen oder trampen/ damit er nicht vom Feind erhoͤrt vnd vberfallen werde. Niemand/ wer der were/ klein oder groß Hanß/ gefreundte oder bekañte soll er des Nachts kennen/ noch selbige vnder sein Gewehr/ bey Leibsstraaff/ kommen lassen: Er soll die Rond/ mit dem wort (Wer da) so laut er mag/ anschreyen/ damit es die anderen Schilt- wachten hoͤren/ vnd sich desto besser verfaßt machen koͤnnen: Vnd alßdann/ wo her/ wo auß/ vnd welchen weg sich die Ronde wendet/ er sich auch allzeit mit auffgetrucktem brennenden Lunden erzeigen/ die Ronde von seinem Leib abhalten/ vnd wohin sie sich wendet/ allzeit auch mit seinem Angesicht vnd Ge- wehr wenden/ vnd so lang er sie sehen mag/ das Gewehr bereit halten/ auch sich weiter nicht alß vier oder fuͤnff schritt von seinem Gewehr lassen/ damit er nicht etwan vngewahrneter sach erschlichen/ vnd in groß vngelegenheit ge- bracht werden moͤge. Da auch ein Ronde fuͤrsetzlicher weis auff das vierte oder fuͤnffte anschreyen sich nicht wolte zu erkennen geben/ auff dieselbig zu schiessen/ zu stechen vnd zu hauwen gut fug vnd macht haben. Zu nechst der
Corps de garde
oder Hauptwacht stehet meistentheils ein Musquetierer: diser soll die Ronde laut anschreyen/ vnd nicht fuͤr das Wachthauß/ neben jhne/ oder vnder sein Gewehr vorbey lassen/ sondern jhro zuschreyen mit dem
wort
Von einer Besatzung.
wort (Stehe still Ronde) vnd dem Corporal ruͤffen mit disen worten (Corpo- ral herauß:) Wann aber die Ronde vber das wolte fort gehen/ soll er sie auff- halten vnd nicht passieren lassen/ biß der Corporal kom̃t/ vnd derselben das Wort abgenommen hat: wo sie aber mit gewalt darwider thete/ hat er macht auff sie zu schiessen vnd zu stechen.
Wie sich ein Spießknecht auff der Schiltwacht verhaltet.
Er solle sich in allem dem Musquetierer gemaͤß halten/ allein daß er den Spieß oben auff die Brustwehre lege/ vnd den spitz vornen in der hand habe/ damit er sich wenden moͤge: Sein Rüstung vnd Sturmhůt soll er auffha- ben. Die Spießknecht sollen zu der Munition gestellt werden/ damit das Pulfer vor dem fewr der Londen gesicheret seye.
Wie sich ein Schiltwacht im Lermen verhaltet.
Wann die Schiltwacht etwas vernim̃t/ soll sie dasselbig/ so laut sie ver- mag/ anschreyen: den anderen Schiltwachten zuruͤffen: vnd so sie ein Mus- queten hat/ fewr darauff geben/ vnd Lermen machen: alßdann die anderen Musquetierer dergleichen auch thun/ vnd soll das schiessen rings vmb den Wal herumb gehen: alßdann so schlagen die Trommelschlager Lermen: vnd soll sich kein Schiltwacht bey Leibsstraaff von seinem Posten begeben/ sondern daselbsten des entsatzes vnd hilffs erwarten.
Was die
Sentinell-perdu
seye.
Es ist die verlohren ausserste Schiltwacht/ so vor dem Feind gehalten wirdt. Dise hat kein Obergewehr aussert jhrem Daͤgen/ auch offt ein halben Spieß: Wo nun ein Mann allein von dem Feind sich gegen jhro nahet/ so erwehret sie sich desselben so vil sie mag: kommen aber jhren zween Mann/ so begibt sie sich hindersich zu der anderen nechst hinder jhro stehenden Schilt- wacht. Dise zween wehren sich der zween Feinden: kommen aber jhrer mehr/ so retirieren sie sich zur Wacht/ vnd machen Lermen: wo aber solches dar- vor geschehe/ daß die ein oder ander wegen eines oder zweyer Feinden ohne noht Lermen machte/ der oder dieselben werden ohn alle gnad gehenckt: dann vil blinde Lermen das Volck sorgloß machen/ darauß offt groß vnheyl ent- stehet: dann kein Feind offenbaret sich mit schiessen/ sonsten ist er verꝛahten: Deßwegen auch die aussersten Schiltwachten keine Musqueten haben. Dise verlohrne Schiltwachten halten die Gefreyten/ sie werden aber alle stund or- denlich abgeloͤßt/ weiln es gar warm daselbsten. Man stellt auch an die ge- fahrlichsten ort zwo verlohren Schiltwachten zusammen.
Wie die Ronde gethan werde.
Es wird die Ronde von der Hauptwacht gethan: die erste Hauptronde thut der Capitain/ oder Leutenam̃t/ oder Fendrich/ Wachtmeister/ oder wol
H ij
auch
Ander Theil/
auch offt der Major/ oder Gubernator selbst/ vnd meistentheils des Som- mers vmb 10. vnd des Winters vmb 8. vhren. Dise visitieren die Schilt- wachten/ ob solche in rechter ordnung stehen/ vnd gute Wacht haben: den Corporalen nemmen sie das Wort ab/ vnd so selbige das Wort nicht recht hetten/ geben sie es jhnen anderst: vnd soll ein solche Hauptronde niemalen nach mitternacht/ sondern allzeit darvor geschehen. Darauff werden die Ge- freyten alle stund/ vnd da gefahr verhanden/ alle halb stund/ allzeit zween der- selben: Namlich/ einer von N. vnd der ander von N. Compagnie mit einan- deren zu der obersten: vnd die anderen zween/ namlich der von N. vnd der von N. Compagnie zu der vndersten Porten gegen einanderen geschicket/ welche vmb die gantze Statt gehen sollen/ vnd so bald selbige widerumb in das Wachthauß kommen/ sollen an deren statt andere gecommandiert wer- den/ damit der Wal nie von der Ronde laͤhr seye. Wann sie nun von den Corporalen auffgehalten werden/ sollen sie jhr Gewehr gegen jhnen pr
ę
sen- tieren/ vnd jhnen leyßling das Wort in jhr Ohr geben: vnd also solle es bey allen Wachthaͤuseren geschehen. Jhr Ampt ist/ daß sie auff die Schiltwacht gut achtung geben/ ob sie auch jhr Ampt verꝛichten/ vnd in rechter ordnung ge- stellt seyen/ vnd da sie etwas mangels befunden/ verbesseren/ oder schaffen ge- besseret zu werden: die schlaffenden haben sie gewalt tod zu schlagen/ oder jh- nen jhr Gewehr zu nemmen/ vnd verschaffen gestrafft zu werden: jnsonder- heit sollen sie offt still stehen/ vnd vber den Wal hinauß sehen vnd lausteren/ ob sie nichts gehoͤren moͤgen: auch sollen sie das wort/ so jhnen vertrawt wor- den/ fleissig behalten/ vnd solches niemand aussert den Corporalen geben vnd oͤffnen. Es soll auch kein Ronde der anderen auff dem Wal begegnend/ das Wort zu geben schuldig seyn.
Wie sich ein Corporal im wachen verhalten solle.
So bald der Corporal in das Wachthauß kom̃t/ solle er die froͤmbden Schiltwachten gestracks ohn verzug abloͤsen lassen/ vnd die seinigen auffstel- len/ damit die Schiltwachten nicht laͤhr stehen: auch etliche Soldaten com- mandieren/ holtz auff die Wacht zu holen: vnd jnsonderheit weder Tag noch Nacht/ Sommers noch Winters/ das fewr nicht außgehen lassen/ damit die Musquetierer im fahl der noht jhre Lunden anstecken koͤnnen: auch des Nachts die Hartzpfannen vnd Handgranaten (deren vil auff der Wacht ligen sollen) in der noht anzünden/ vnd damit den Feind auff halten vnd be- schaͤdigen moͤgen. Jnsonderheit soll er der Soldaten Gewehr visitteren/ vnd die vngehorsamen darumb straffen: auch nicht gestatten/ daß einer weder Ringkragen/ Pandelier/ Schuh oder Daͤgen von sich lege: auch allzeit die Lunden in dem Rohr erstecken/ vnd alßdann dieselbigen darinn stecken lassen/ damit ein jeder ein hübsche todte kolen habe/ vnd in einem augenblick selbige anstecken koͤnne. Es sollen auch allzeit vier stuͤck Lunden/ so jedes zwey
klaff-
Von einer Besatzung.
klaffter seyn solle angesteckt vnd brennend in dem Wachthaußhangen: vnd da er die Ronde abloͤset/ vier Musquetierer mit disen brennenden Lunden vnd jhren Rohren jhme folgen: darnach gehet er der Ronde zu/ zeucht von laͤder/ vnd haltet das bloß Wehr der Ronde an das Hertz/ darauff jhme die Ronde das Wort geben muß. So es aber die Hauptronde ist/ vnd es vor mittnacht were/ ist er schuldig derselben das Wort zu geben: nach mittnacht aber ist er keinem solches zu geben schuldig. Wann auch ein Ronde das Wort vnrecht/ oder gar nicht hette/ soll er sie nicht passieren lassen/ sondern widerumb zu ruck schicken. Er soll auch kein Schiltwacht auff ein mal vber zwo stund nicht stehen lassen/ sondern abloͤsen/ vnd da man kein vhren hoͤren koͤnte/ bey dem Lunden (deren neun daumen zwo stund lang brennen) abloͤsen lassen. Er solle auch sein gantze Rott fleissig auffgezeichnet haben/ die krancken vnd außgeris- senen den Sergeanten oder Wachtmeistern anzeigen: vnd da er auff Wacht/ Convoy oder Fuͤterung etliche Soldaten commandiert/ gleiche vnd gute ord- nung ohne klag halten. Er soll auch die doppelten Schiltwachten des nachts Sommers vmb 9. vnd des Winters vmb 7. vhren hinauß stellen. Er soll auch an seinem Ladstecken ein Kraͤtzer/ jtem/ Kugelzieher haben/ damit er sei- nen Soldaten zu hilff kommen moͤge: auch soll er mit kertzen gnugsam ver- sehen seyn.
Wie sich ein Corporal im Lermen verhalten solle.
Er solle in eyl seine Soldaten zur Wehr vermahnen/ vnd die Musque- tierer in die Streychwehrinen der Bollwercken/ auch in die Affter-streych/ die Spieß aber ein theil in die Stirnen/ ein theil aber in die
Courtine
stellen: auch allwegen die Hartzpfannen vnd facklen anstecken/ sich mit steinen vnd ande- rem/ biß Entsatz kom̃t/ wehren: jnsonderheit auch gut achtung mit seinem Volck auff die Stuͤck geben/ vnd den Constabel zum schiessen/ vnd das Ge- schütz auff die Feind zu richten/ antreiben: in summa den Soldaten ein gut Exempel vorfuͤhren/ vnd sie zur dapfferkeit vermahnen. Vnd nach dem er einen grossen oder kleinen Posten zu verwahren hat/ soll er einen Soldaten von dem anderen etwan 1. 2. 4. 6. schritt von einanderen in jhre distantz stel- len/ vnd soll keiner bey Leibsstraaff von seinem Posten weichen/ er werde dann etwan von einem hohen Officier auff ein ander ort commandiert.
Wie sich die Gefreyten im Lermen verhalten sollen.
So bald sie Lermen vernemmen/ sollen sie sich auß der
Corps de garde
in die ordnung auff den Marckt stellen/ vnd da das ort am meisten noht lei- det zucommandiert/ vnd die nohtleidenden von jhnen secundiert werden: Man soll auch jhnen die Handgranaten geben/ vnd sie selbige anstecken lassen/ vnd sollen in summa sie alles das jenig thun/ wordurch sie vermeynen jhren Eyd vnd Pflichten eingnuͤgen beschehen zu seyn.
H iij
Wie
Ander Theil/
Wie sich die Hauptwacht im Lermen verhalten solle.
So bald die Schiltwachten auff dem Wal Lermen gemacht vnd ge- schossen haben/ soll der Trommelschlager mit der Trommel auff dem Marckt auch Lermen machen/ vnd sich die Compagnie der Hauptwacht auff dem Marckt in ein ordnung stellen/ vnd soll man alßdann von derselbigen hin vnd wider den Soldaten/ welche am meisten noht leiden/ zu hilff kommen.
Vom Thor oder Porten.
Wann/ vnd wie man selbige eroͤffnen solle.
Wann es des Sommers vmb 6. oder halber 6. vhren/ auch heiter/ klar vnd nicht nuͤblecht Wetter ist/ werden die Porten durch den Major des mor- gens also auffgethan: Erstlich schlagt der Trommelschlager auff der Haupt- wacht vor der Haupt-
Corps de garde
einen sonderlichen Trommelschlag/ da- rauff alle Gefreyten sampt einem Wachtmeister der Hauptwacht vor der
Corps de garde
auff dem Marckt in die ordnung stehen. Der Major nim̃t zween gemeine Soldaten N. Spießknecht/ gibt jeglichem einen laͤderen sack/ darinn die Portenschlüssel seind/ (welche allzeit in der Hauptwacht hangen sollen) zu tragen/ die gehen erstlich hinder dem Major/ so nur ein Regiment in haͤnden hat: darnach ein Fendrich mit seinem Spieß/ so den Spieß auff- recht traget: dem folgen die Gefreyten mit jhren Spiessen all auffrecht selbige tragend: auff die Spieß aber folget der Trommelschlager/ ist doch meisten- theil hinder den ersten drey glideren der Spiessen: diser schlaget den Porten- schlag von der Wacht biß an die Porten/ vnd von derselben zur anderen/ vnd also fortan/ biß man die schlüssel widerumb auff/ oder in die Hauptwacht life- ret: auff die Spieß folgen auch Gefreyte mit jhren Musqueten/ vnd zu hin- derst gehet der Wachtmeister mit auffrecht-tragender Helleparten allein hin- den nach: alßdann thut man ein Porten nach der anderen/ vnd nicht mit einanderen zugleich auff. So bald man nun an die Porten kom̃t/ stehet die Wacht derselben
Corps de garde
vnd den Wachten so auß den Bollwercken auch an die Porten gehen muͤssen/ ins Gewehr: alßdann commandiert der Corporal gestracks zween Spießknecht/ die die Porten eroͤffnen vnd die Fall- brucken hinab lassen helffen. Die gefreyten Picquenierer marschieren mit ge- fellten Spiessen dem Major nach/ auff welche die gefreyten Musquetierer mit auffgestraubten brennenden Lunden hernach folgen: Etliche von den Musquetiereren gehen vngefahr einen Bůchsenschuß weit/ ausserthalb zu se- hen/ ob etwan sich feind versteckt haben: Es gehen auch etliche auff die Porten vnd den Wal/ zu sehen ob etwas vnklars vorhanden seyn moͤchte: deßgleichen thut man an allen Porten. Darnach marschiert man mit den schlüßlen wi- derumb nach der Hauptwacht/ vnd verbleibt daselbst ein Wachtmeister oder
ein
Von einer Besatzung.
ein anderer geringer Officier von der Hauptwacht/ welcher alles was in die Besatzung kom̃t examiniert vnd visitiert.
Wie man die froͤmbd ankommenden Leuth examinieren/ vnd die Schiff/ Waͤgen oder anders visitieren solle.
Die froͤmbd ankommenden Personen werden von der Schiltwacht/ so zu ausserst vor der Porten am Schlagbaum stehet/ auffgehalten vnd exami- niert/ welche alßdann dem Officier/ so vnder der Porten/ oder daselbsten die Wacht haltet/ zuruͤffet/ darauff die froͤmbde Person gleichfals von gedachtem Officier examiniert/ vnd mit einem Soldaten so dem Examen beygewohnt/ nach der Hauptwacht geschickt/ vnd daselbsten abermalen vor dem gemeldten Soldaten examiniert wird/ der dann mit der froͤmbden Person zu dem Gu- bernator gehet/ da sie widerumb geexaminiert wird: vnd da sie vnargwoͤh- nisch erfunden/ wird offtgedachter Soldat jhro/ biß sie jhr affaire vnd geschaͤfft verꝛichtet/ zugegeben: Nach verꝛichtung jhrer geschaͤfft aber widerumb zur Porten außbegleitet: Wo aber die froͤmbd Person ehehaffter geschaͤfften hal- ber vber nacht verbleiben wolte/ wird jhro ein Herberig gezeiget/ darinnen sie vber nacht verbleiben muß/ ꝛc. Wann Waͤgen mit Hoͤw/ Stroh/ Holtz/ Mist/ oder mit beschlossenen Kisten: Jtem Schiff oder andere verdaͤchtige Sachen ankaͤmen/ solle der Officier dieselben vor der Porten mit einer langen von eysen/ vnd vnden scharpff vnd spitzgemachter Stangen durchstossen/ oder son- sten visitieren.
Wie sich die Wirth vnd Burger mit den froͤmbden Personen im be- herbergen verhalten sollen.
Ein Gastgeb oder Burger solle des froͤmbden Nam̃en vnd Wohnung auff zween vnderschiedenliche Zedel auffzeichnen/ vnd des Abends den einen auff die Hauptwacht/ vnd den anderen dem Gubernator schicken: wo er aber solches vbersehe/ wurde er alßdann hoͤchlich gestraafft.
Von der Brunst.
Wie man sich in fewrsnoͤhten oder brunst verhalten solle.
Es soll ein jeder/ er seye gleich Groß- oder Kleinhanß/ zu seinem Fend- lein sich verfuͤgen/ es were dann sach daß das fewr sein eygen Quartier/ oder das nechst daran angegriffen hette: vnd soll ein Brandtmeister mit seiner Rott/ welche darzu geordnet ist/ alßbald dem fewr sampt den Soldatenweibe- ren/ Jungen/ Trabanten vnd Marckitaͤnteren zulauffen vnd loͤschen: die Compagnien aber auff jhren verordneten Lermenplaͤtzen in guter ordnung/ zu vermeydung verꝛaͤhterey/ biß das fewer gedempt ist/ vnd man keinen arg- wohn/ feinds halber gehaben kan/ verharꝛen.
Von
Ander Theil/
Von den Kundtschaffteren vnd Recognoscierenden.
Wie man die Kundtschafft anstellen solle.
Ein jeder Gubernator oder Capitain soll sich dahin bearbeiten/ daß er gute Kundtschaffter von Maͤnneren vnd Weiberen haben moͤge: ja deren so vil alß er bekommen mag: Es soll auch keiner von dem anderen wüssen/ so wird man der besten vnd heimlichsten bald gewahr: vnd soll insonderheit hie- rinnen kein Gelt angesehen werden/ dann in einer solchen sach kan man mit einem gulden offt 100000. gulden erhalten: es ist auch der best weg vnd han- del dem Feind zu begegnen.
Wie man die Kundtschaffter auß der Guarnison lassen solle.
Erstlich soll man es durch die Corporalen den Reutern vnd Fußknech- ten in geheim anzeigen/ vnd wann es zeit/ die Porten beschlossen halten/ vnd an statt der vergaderung zur Wacht blasen vnd schlagen: vnd da man außzeucht/ fleissig achtung geben/ daß niemand/ es seyen gleich Weibs- oder Manns- personen/ jung oder alt/ mit aussen wütsche/ damit die Recognoscierer oder Beuthgaͤnger nicht verꝛahten werden: vnd so bald sie zur Porten auß seind/ ohne verzug/ die Porten hinder jhnen beschliessen lassen/ darnach drey/ vier/ oder mehr stund verschlossen halten.
Wie sich ein Trouppen im Recognoscieren oder auff Partheyen halten solle.
Erstlich/ solle man offt Trouppen/ je nach dem man sie groß oder klein zu fuß oder zu Pferd/ 9. 11. 13. 19. 31. 51. 69. 101. mehr oder minder/ allzeit vngerad/ nach der Soldaten brauch/ außschicken denen verordnet man einen Gitz oder Fuͤhrer/ auch mehr/ je nach dem die Trouppen seind: vnd so bald sie in das Feld kommen/ schicken sie einen verlohrnen Trouppen vorher/ der auff die 600. schritt vngefahr vortrabet oder marschiert/ vnd außkundtschaffet/ ob Feind vorhanden. Vnd so der Feind sie angriffe/ der grosse nachfolgende Trouppen sich darnach besser zu verhalten vnd rüsten moͤge. Alle Haͤuser vnd Doͤrffer sollen sie/ so vil moͤglich/ meyden/ vnd das zu jhnen kom̃t/ es sey jung oder alt/ bey jhnen behalten/ vnd so sie auffbraͤchen/ widerumb von jhnen einen anderen weg fort schicken/ damit sie nicht verꝛahten werden. Die Schiltwachten auff einem weiten Feld sollen sie auff wolgelaubete oder ge- blaͤtterte baͤum steigen lassen/ vnd insonderheit baͤum/ so hoch/ vnd zur Schilt- wacht daugenlich außsuchen: vnder solchem baum halten zween Reuter/ oder zween zu fuß/ damit der auff dem baum/ so weit vber das Feld sehen kan/ vnd etwas gewahr wird/ es den anderen anzeige/ vnd selbige es dem grossen hauf- fen oder Parthey anmelden moͤgen. Jn Doͤrfferen stellen sie offt auff das Windenhauß vnder das Tach/ da sie Ziegel auffheben/ auch eine oder mehr Schiltwachten/ vnd fuͤr das Hauß auch eine oder mehr: dieselben seindeint-
weders
Von einer Besatzung.
weders in Weibs oder Bawrenkleidern angethan/ welche etwan dergleichen thun/ alß wann sie spinnen/ holtz machen/ vnd dergleichen: Sie lassen auch deren etlich in solcher kleidung inn vnd vmb das Dorff die Ronde thun/ da- mit sie versicheret/ vnd nicht verꝛahten werden: vnd da sie Feind schlagen/ sol- len sie fleissig achtung geben/ daß sie etlich gefangen nemmen/ vnd in die Guarnison mit bringen/ damit man sie examinieren vnd den Feind verkundt- schafften moͤge.
Wie man sich weiter verhalten solle.
Wann du gefangene bekommen/ so schneide jhnen jhre Hafften vom Kleid/ nim̃ jhnen jhre Nestel darauß/ damit sie die Hosen in den haͤnden tra- gen muͤssen: dann da einer die flügel oder arm nicht frey hat/ mag er nicht halb so starck alß zuvorlauffen: alßdann gehoͤrt einem jeden/ dem gefangenen die Messer/ Daͤgen/ Rohr/ vnd was dem Leib zu schaden gereichen moͤchte/ zu nemmen. Wann du Quartier versprochen/ solt du es halten/ vnd weiters dem gefangenen Feind nichts alß die Rantzion/ gewehr/ vnd alles das so er an seinem Leib von Kleideren vnbeschlossen traget/ nemmen: eines jeden Ran- tzion ist ein Monatsold. Du solt dich gegen den gefangenen halten/ wie du be- gerst auch von jhnen gehalten zu werden.
Wie man sich weiter mit Quartier geben verhalten solle.
Wann aber ein Soldat ein eysen/ zinne/ in speck gegossen/ gekaͤuwete/ ge- hauwene oder gevierte Kugel schiesset/ so solt du jhme kein Quartier halten. Alle die gezogene Rohr vnd Frantzoͤsische Füse fuͤhren/ haben das Quartier verwürckt. Jtem/ alle die jenigen/ die von eysen geschrote/ viereckige/ vnd an- dere geschroͤt/ vnd Stahel schiessen/ oder geflammete Daͤgen haben/ solt du todt schlagen: auch alle die jenigen/ so du in einem Land das preiß gegeben wird/ von dem Feind antriffst/ solt du hencken lassen: auch alle Spionen ha- ben kein Quartier/ sondern sollen ohn alle gnad gehenckt werden. Alle Nach- tigalsvoͤgel/ so die Strassen vnsicher machen vnd berauben/ vnd darneben keinen Herꝛen haben/ solt du hencken lassen. Jtem/ alle die jenigen/ so ohne Paßporten zum Feind vberlauffen/ vnd du sie erwütschest/ solt du todt schlagẽ.
Wie man sich im scharmutzieren vor dem Feind verhalten solle.
Es were nicht boͤß/ wann du vnder deinen Trouppen/ je nach dem du starck/ zween/ drey/ vier/ mehr oder minder Trommelschlager hettest/ selbige an vnderschiedenliche ort/ mit etlichen Musquetierern zu verstecken/ damit wann du im fechten mit dem Feind werest/ sie auff jhren posten Lermen schlagen: vnd da du etliche Reuter gehaben koͤndtest/ die gleichfals verstecket/ mit einem geschrey herfuͤr fielen/ vnd sich sehen liessen/ also daß der Feind/ alß wann noch ein groͤssere hinderhůt vorhanden were/ argwohnen vnd also erschreckeu/ vnd sich in die flucht begeben muͤßte.
J
Wie
Ander Theil/
Wie lauter Musquetierer zu fuß gegen Reuterey sich defendieren sollen.
Wo du ein Retirade/ alß hügel/ hole weg/ zaͤun/ graͤben/ baͤum/ wasser vnd morast an der hand hettest/ solt du dich dahin salvieren: wo aber nichts dergleichen vorhanden were/ vnd sie dich in dem weiten Feld erwütschten/ kanst du wider sie ein Creutz- oder runde Ordnung oder Ygel machen: wo du aber zu wenig Volck hast/ kanst du die Musquetierer je einer dem an- deren ruck an ruck setzen lassen/ doch daß sich je vier mit einander vnderꝛeden/ welcher geladen/ oder welcher schiessen solle: so du dich aber verschussest/ we- rest du des tods eygen. Vnd mit diser ordnung vnd auff dise manterkanst du dich der Reuter erwehren.
Wann ein Convoy Waͤgen bey sich hette/ wie sie sich alßdann gegen der Reuterey wehren sollen.
Du solt die Waͤgen rings vmb dein Volck fuͤhren/ vnd dich alßdann/ best vermoͤgens/ mit schiessen defendieren.
Wann dich der Feind in einem Dorff vberfiele.
Retirier dich auff den Kirchhoff vnd desselben Mauren vnd Thurn: oder hinder die Zaͤun oder Graͤben/ das dann ein guter vortheil ist.
Wie du dich in Beuthen verhalten sollest.
So bald man Beuthen bekom̃en hat/ so soll man sich nicht saumen/ son- der der Guarnison zu eylen/ damit jhnen der Paß nicht abgeschnitten werde. Es solle auch darzu ein Beuthmeister gemachet werden/ der die anzahl der ge- fangenen/ Ross/ Vieh/ Kaͤrꝛen/ Waͤgen vnd anders/ so sie bekommen/ fleissig vnd ordenlich außtheile/ vnd jedem seinem stand gemaͤß seinen antheil zu- ordne. Diser soll auch dem Gubernator/ dem Major vnd Capitain rechen- schafft geben/ vnd jedem auch seinen theil zustellen. Vnd wann die Beuth- gaͤnger gefangene bekommen/ eh sie solche in die Guarnison ziehen/ lassen sie die fürnembsten vnd ansehenlichsten für die Rantzion der anderen/ die sie loß vnd lediglassen/ gut sprechen/ damit sie mit den vbrigen gefangenen de- sto sicherer fort passieren moͤgen. Es gibt auch der Fuͤhrer der Parthey (sonst Gitz genañt) den ledig gelassenen einen Paßzedel/ damit sie von vbrigen Par- theyen angetroffen/ nicht auff das newe widerumb gefangen vnd rantzioniert werden. Sie sollen auch die gefangenen/ so bald sie Quartier von jhnen er- langet haben/ nicht weiters berauben noch beleidigen/ vnd ob schon ein gefan- gener 100. oder mehr gulden bey sich hette/ solche jhme biß an sein Rantzion/ welches ein Monatsold ist/ verbleiben. Wo er aber einen Rock/ Mantel/ oder Cassacken angethan/ vnd mit einem Nestel/ oder nur mit einem eintzigen Knopff vornen beschlossen hette/ so soll solches dem gefangenen bleiben. Wo
aber
Von einer Besatzung.
aber das widerspiel/ zur Beuth/ sampt dem Messer/ Daͤgen/ Rohr/ Kraut vnd Loth/ vnd alles was zur gegenwehr dienet/ genommen werden.
Ein form Paßzedels/ auff Beuth zu gahn.
Lasset passieren vnd repassieren zeigere dise N. N vnder meiner vnder- habenden Compagnie dienende Soldaten/ welchen ich die zeit von N. auff Hassard zu gehen/ vnd den Feind/ best vermoͤgens/ zu beschaͤdigen vnd abbruch zu thun/ consens vnd vrlaub geben. Den 1. Junij 1644. N. N. ꝛc.
Wie man einen anschlag/ da man ein Vestung heimlich eynnemmen will/ zu werck setzen muß.
Wann man ein Ort oder Vestung heimlich eynnemmen will/ so ist von noͤhten/ daß alle gelegenheit des Orts/ die weite vnd tieffe der Graͤben/ auch die hoͤhe des Wals geometrisch außgerechnet vnd abgemessen werde: vnd so bald des Abends die Porten beschlossen seind/ soll man das Volck in drey Rotten außtheilen/ vnd jeglicher Rott oder Trouppen einen Fuͤhrer zugeben/ damit sie wüssen/ wie sie in der ordnung fort ziehen muͤssen: Sie sollen auch angeloben der Beuth vnd Raub nicht nachzuhengen biß der Feind gedempt ist/ vnd sie erlaubnuß empfangen ein solches zu thun: vñ da dises beschehen/ sol- len etliche Vortraber zu fuß vnd Pferd voran geschickt werden: Demnach die Waͤgen/ Brucken/ Schiff/ vnd was man bedürfftig/ darauff nachzu- fuͤhren: vnd da man nahe darzu kom̃t/ soll man gantz still darmit vmbgehen/ daß man sie nicht hoͤren moͤge. Die erste Rott soll die Brucken vnd Schiff/ so man tragen mag abladen: vnd die ander Rott die Brucken versamlen/ vnd ins Wasser stossen. Darnach solle ein hertzhaffter Officierer auff den Wal steigen/ zu sehen ob es auch sicher seye: vnd inzwüschen die dritte Rott vber die Schiff vnd Brucken gehen/ vnd die ander Leiter tragen/ dieselbig an die Mauren oder Walrichten: die vierte Rott soll auch hinnach folgen/ vnd die erste hinauff steigen/ die vbrigen hernach: da es aber ein trockener Gra- ben ist/ vnd man der Schiffen vnd Brucken nicht manglet/ so soll die erste Rott die Leiteren tragen/ die andere hinauff steigen/ vnd wann sie auff dem Wal seind/ vnd starck genug sich in der Vestung befinden/ sollen sie dem Ca- stell/ dem Geschütz/ Lermenplaͤtzen/ Marckt/ vnd den Porten mit Braͤch- Heb- eysen vnd Haͤmmeren/ Zangen/ Sparꝛen vnd dergleichen sachen zu eylen/ die Porten eroͤffnen/ vnd den draussenhaltenden Reuteren vnd gantzem Ge- waltshauffen den zugang oͤffnen/ das Geschütz gegen den zusaͤtzeren richten/ vnd jhnen in allen dingen vorkommen.
Wie man sich mit dem so den anschlag auff solche Vestung machet/ vnd man jhme nicht wol trawen darff/ verhalten solle.
Dieweil die verꝛaͤhterey so groß ist/ kan man sich nicht genugsam vor- sehen: darumb solt du den Gesellen vorher fuͤhren lassen/ daß er nicht ent-
J ij
wei-
Ander Theil/
weiche. Vnd wann grosse/ schwaͤre/ lange/ spitzige eysen in der Erden stecken/ vnd in den Gassen eyngeschlagen weren/ da sie passieren muͤssen/ daß er es vor- her angreiff/ vnd auß dem weg raume: auch erforsche ob nicht außgegrabene Weg/ hole Gaͤng/ Minen/ verdeckte Minckers/ oder Laͤmeysen/ oder andere schaͤdliche list gelegt seyen. Es ist alles wol zu bedencken.
Wann sich der Feind mit dem Officier der Statt bespraachen will.
Wann der Feind einen Trommelschlager oder Trompeter in ein Ve- stung schicket/ so solle er auff 600. oder mehr schritt vor der Vestung halten/ Trommelschlagen oder blasen/ vnd da es ein Trommelschlager/ ein facenet- lein in die hand nemmen vnd vber den kopff schwingen/ vnd das facenetlein vmb den Hůt machen. Deßgleichen ein Trompeter auch zu vnderschieden- lichen malen blasen/ vnd dann die Trompeten sampt dem Fahnen daran vber den kopff offtermals schwingen/ hernach widerumb blasen/ damit sie nicht er- schossen werden/ vnd alßdann auff der stell warten biß sie von der Besatzung eyngeholt werden: welchen etliche gecommandierte Soldaten abholen/ vnd jhne auff der stell mit einem Thuch blaͤnden/ vnd also verblaͤndt an den haͤn- den biß in des Gubernators Losament fuͤhren: alßdann jhme das Thuch wi- derumb abnemmen. Die jhne aber abholen/ sollen die juͤngsten geradesten/ vnd auch die aͤltisten in jhrer Rüstung vnd Kleidung gantz ritterlich gerüstet seyn/ durch die der Feind etwas verwunderung/ entsetzung vnd ein muster der gantzen Guarnison abnemmen moͤge. Wann er nun in des Gubernators Hauß gebracht wird/ soll jhme das Thuch von dem Gesicht hinweg gethan/ vnd nach verꝛichtung seines befelchs in das Wirtshauß begleitet/ mit einem starcken willkom̃/ vnd hefftigem zutrincken jhme zugesetzt vnd gesellschafft ge- leistet werden/ ob man etwan hinder dem Trunck etwas heimlichkeiten des Feinds vernemmen moͤchte. Wann er nun sein antwort empfangen/ vnd seine sachen verꝛichtet/ solle man jhne widerumb verblaͤndet durch die Statt/ vnd biß auff sein vorige stell fuͤhren vnd beleiten.
Vnd so vil seye von bewachung vnd beschaffenheit einer Vestung/ auch wie man sich im Beuthen/ Anschlaͤgen/ Scharmützieren vnd Recognoscieren verhalten solle/ genugsam.
Nun folget wie man sich in einer waͤhrenden Belaͤgerung verhal- ten solle.
Wann man sich Feinds besorget/ wie man vor einer Statt raumen vnd sich rüsten solle.
So bald man sich einer Belaͤgerung besorget/ soll man erwehlen gute vnd erfahrne Krieger/ auch Zeug- vnd Büchsenmeister vnd Bawleuth: in- sonderheit gute Jngenieur/ Steinmetzen/ Maurer vnd Zimmerleuth: die sollen auff ein viertheil meil wegs vmbher die gegne besichtigen/ ob solche eben
oder
Von einer Besatzung.
oder vneben/ grůbig/ birgig/ hol/ waͤsserig/ hoͤltzig/ sümpffig/ oder maͤssig: ob Brucken/ Weg/ Steg/ Baͤum/ Laͤden/ Gemaͤwr/ Haͤuser/ oder anders derglei- chen: ob solches noͤhtig abzubrechen/ vnd ob man sich weit darvon laͤgeren/ vnd ob Wasser zu nemmen vnd abzugraben seye.
Wie man sich weiters verhalten solle.
Man soll etliche Compagnien zu Ross vnd fuß mit Waͤgen vnd Kaͤr- ren hinauß auff die Landschafft schicken/ damit sie von der Landschafft/ Korn/ Gersten/ Haber/ Geissen/ Schaaff/ Kuͤh/ Rinder/ Ochsen/ Gaͤnß/ Fleisch/ Erb- sen/ Bonen/ Linsen/ Rocken/ vnd ander Essensspeiß. Jtem/ Hoͤw/ Stroh/ Holtz: Jtem/ Mist (rev.) vnd allerley nohtdurfft in die Vestung fuͤhren: Man soll auch mit Baͤnnen vnd Koͤrben mist/ erden/ kaht vnd grosse stein in die Statt fuͤhren vnd tragen: vil reiß zu den Schantzkoͤrben vnd anderem soll vorhanden seyn. Die Brunnen vnd Wasser ausserthalb sollen ver- gifftet/ alle hohe Weg vnd Graͤben vmb die Vestung rings vmbher biß ein vierten theil wegs außgefüllet/ vnd die Haͤuser/ Zaͤun/ Baͤum vnd anders/ so der Vestung zuwider/ vnd den Feind bedecken mag/ hingerissen werden. Es sollen auch allerley grausam-brennende fewerwerck in grosser anzahl gema- chet vnd auff den Wal vil grosser stein gelegt werden/ vil Laͤmeysen/ Sturm- pfaͤl/ Palissaden/ Barricaden/ Schantz- vnd Schützenkoͤrblein/ vngeloͤschter Kalck/ aͤschen/ Handgranaten/ jrꝛdine kruͤglein mit Pulfer: Jtem/ mit Laͤm- eysen vnd Kalck außgefüllt/ zugerüstet werden. Der Wollsaͤcken/ Morgen- sternen/ vnd dergleichen dingen soll man auch nicht vergessen.
Wie man weiter fuͤrsehung thun solle.
Der Gubernator/ Jngenieurs vnd Officierer der Statt/ sollen die Ve- stung wol bey sich berahtschlagen/ nicht anderst alß wann sie die Vestung selb- sten belaͤgeren wolten/ darbey auch erwaͤgen was fuͤr vortheil vnd nachtheil sie gehaben moͤchten/ wo der Feind die Vestung am besten angreiffen koͤnne. Jtem: Wo selbige am schwaͤchsten were/ darauß sie dann am besten sehen wer- den/ was der Vestung schaden oder manglen/ vnd wo jhro der Feind am be- sten zukommen/ vnd sie demselben begegnen moͤgen/ vnd ist scheinbarlich/ daß der die Offensen verstehet/ auch die Defensen angeben kan: Derhalben soll es den Jngenieurn ernstlich befohlen werden/ daß sie das Werck fleissig besehen/ vnd wo mangel/ solches verbesseren vnd verenderen: insonderheit alle Cour- tine vnd Bollwerck wol erwaͤgind/ welches die fürnembsten vnd principal- stuͤck des rechten Hauptbaws seind: ob sie gute defension einanderen geben/ oder ob anderstwoher jhnen die Defension zu schaffen/ ob sie bawfaͤllig/ zu hoch/ zu schmal oder zu nidrig. Deßgleichen ob nicht die Brustwehr zu hoch/ zu dick/ oder zu nidrig/ vorauß auch ob die Baͤnck/ Faussebrayen/ Corridor vnd Contrascarpen zu verbesseren/ die Chemin de ronde zu schmal/ vnd hiemit zu
J iij
erwei-
Ander Theil/
erweiteren/ auch die Contrascarpa mit Sturmpfaͤlen wol zu bewahren: die Thor/ Battereyen/ Brittschen/ Schlagbaͤum/ Ygel oder Barꝛicaden/ Palis- saden/ Stagketen zu reparieren seyen. Vnd da noch zeit vnd weyl genug vor- handen were/ so ist nohtwendig/ daß man allerley Ausserwerck für die Ve- stung lege/ weil der Feind dardurch von der Hauptvestung lang abgehalten wird/ vnder welchen die meisten die Hornwerck (so man abschneiden mag) Ravelin vnd halbe Moͤnd gefunden werden. Man solle auch die schießloͤcher also anrichten/ damit die Stuͤck nicht creutzweiß wider einanderen lauffen. Jtem: alle hohe Thürn vnd Gebaͤw/ vnd sonderlich die Camin abheben: dañ durch das staͤte schiessen die Waͤg vnd Plaͤtz/ daran offt vil gelegen/ verfellet werden/ also daß darvor nirgends hinzu kommen: man muß sich auch von dem sprützen vnd fallen der steinen vnd grossen traͤmeren oder balcken alles schadens besorgen/ vnd da man sie bey zeiten abhebt/ seind die stein/ gemaͤwr vnd balcken zu anderem gebrauch dienstlich/ so man auff einem besonderen ort bewahren soll.
Von Schantzkoͤrben.
Man soll dieselben/ eh der Feind vorhanden/ stellen/ vnd mit reiner Er- den oder Mist/ fein dick vnd hart auff einander gestossen/ außfüllen.
Wie man Sturmhaͤfelein vnd Kruͤg mache/ vnd worzu sie dienstlich seyen.
Solche Haͤfelein werden von den Hafneren gebacken/ vnd haben einen grossen bauch in der mitte/ vnden einen breiten runden boden/ oben ein enges haͤlßlein mit einem roͤhrlein. Dise jrꝛdine Haͤfelein werden mit starckem Pulfer gefüllt/ vnd oben hineyn ein stuͤck Lunden eines fingers lang auff das Pulfer gethan/ vnd an dem ausseren ort angesteckt. Wann der Feind stür- met/ so wirfft man sie in den Graben hinab/ worvon sie zerfallen/ vnd durch den Lunden angesteckt werden/ vnd also durch jhre scherben grossen schaden bringen/ auch alles so sie ergreiffen/ verbrennen.
Wie die Haͤfelein mit den Laͤmeysen gemachet werden.
Sie werden flach/ breit vnd rund/ aber nicht hoch gemachet: in der mitte hol/ auch eines grossen Tellers breit: oben haben sie einen riß gleich den Trian- geln/ die füllt man mit geraͤdenem/ reinem/ wolgedoͤrꝛetem vngeloͤschtem Kalck/ vnd stecket ein Laͤmeysen darzwischen. Sie seind in dem Sturm gut zu brauchen: dann da sie vnder die Feind geworffen werden/ zerfallen sie/ vnd staͤubt alßdann das Kalck dem Feind in das gesicht: vnd ist solcher staub dem gesicht/ vnd die Laͤmeysen den fuͤssen schaͤdlich vnd verhinderlich.
Wie man sich wegen des vnnützen Gesinds verhalten solle.
So bald man eine Belaͤgerung besorget/ solle man alte betage Leuth/ Kinder/ vnd alles vnstreitbare Volck vnder die Gewoͤlb vnd Keller verord-
nen/
Von einer Besatzung.
nen/ welche zum stein- holtz vnd anders vnderweilen zu tragen/ vnd auch zum fewr loͤschen nutz vnd taugenlich seind.
Wie man sich wegen des Viehs/ weiln wenig fůtter vorhanden ist/ verhaltet.
Das Vieh soll man bey zeiten (außgenommen etliche Kuͤh fuͤr die jun- gen Kinder oder krancke) metzgen vnd eynsaltzen/ damit den Reuter- vnd Fůhrpferden am fůtter nichts abgehe/ vnd sie desto laͤnger erhalten werden.
Worzu die Blockhaͤuser noch heutigs tags dienstlich seyen.
Sie seind gut in einer Belaͤgerung: dann man solche legen/ heben/ tra- gen vnd fuͤhren mag/ wohin man sie haben vnd brauchen will. Sie koͤnnen vnder die Porten: jtem/ hinder die Breschen gestellt/ theils außgefüllt/ darauff Stuͤck gesetzt: theils aber vnaußgefüllt/ darinnen Musquetierer stehen/ sich mit Musqueten vnd Doppelhaacken wehren vnd den Feind abtreiben moͤ- gen. Dise Blockhaͤuser werden auch auff die Katzen oder Cavalieurs ge- fuͤhrt/ außgefüllt/ vnd darauff Stuͤck geplantiert.
Wo etliche in der Nacht außrissen.
So solle man die Wachten/ Lermenplaͤtz vnd das Wort verenderen/ vnd die Beywacht/ des Nachts vber/ anstellen.
Wann der Feind ein Statt oder Vestung auffforderen laßt/ wie man sich verhalten solle.
So bald ein Trompeter ein Statt oder Vestung in Nam̃en des Gene- ralissimi auffforderen thete/ so laßt man den Trompeter aussert der Statt/ oder auff form/ wie du vornen gelehrt bist/ hereyn kommen. Darnach wird sein begeren mundtlich angehoͤrt/ vnd das Schreiben des Generals abgelesen: alßdann so wird Kriegs-Raht gehalten/ Er interim in das Würtshauß ge- fuͤhrt/ jhme gesellschafft geleistet/ vnd die besten vnd verstaͤndigsten Officierer zugeben/ die jhme mit zutrincken starck zusprechen/ ob sie etwas von jhme hinder dem Trunck vernemmen moͤgen. Darnach wird jhme die endtliche resolution verschlossen an seinen General gegeben: welches Schreibens eyn- gang vngefahrlich also seyn kan. Hoch- vnd Wolgeborner/ ꝛc. Nach dem Ewer Gnaden vns durch einen Trompeter/ oder dergleichen mit ernstlicher wahrnung zur vbergebung vermoͤgen woͤllen/ daß wir vns in angesicht diß Brieffs Ewer Gnaden ergeben solten: sonsten woͤllen Ewer Gnaden alß ge- gen seinen Feinden mit der thaat handlen lassen/ laut des Schreibens außwei- sung/ ꝛc. So haben wir vns darauff berahtschlaget/ vnd gaͤntzlich resolviert/ dise Vestung/ alß redlichen/ biderben vnd/ ꝛc. Soldaten/ alldteweil Gott mit vns/ vnd wir Kraut/ Loth/ Munition/ Proviant/ ein spitz am Daͤgen/ gut Hertz/ vnd Nerfen/ Adern vnd Blutstropffen in vnserem Leib haben/ vns best vermoͤgens/ zu defendieren/ vnd den Eyd vnd Pflicht/ so wir vnserem General
schul-
Ander Theil/
schuldig/ biß in den todt zu halten: wie wir dann zu dem Allerhoͤchsten steiffe hoffnung haben/ Er vns hierzu sein Gnad verleihen werde.
Wann der Feind für die Vestung kom̃t/ wie man sich alßdann verhalten solle.
So bald ein Vestung mit der Reuterey bereñt wird/ soll man alle Vhren vnd Glockenstreich hinderstellig machen/ auch nicht leuten/ so lang man belaͤgert ist: Es sollen auch allerley Fewrwerck pr
æ
pariert werden: die Constabler sollen keinen schuß thun/ biß sie meynen er seye gantz wol vnder ei- nem Hauffen angelegt. Das meiste Volck leget man in die aussere Werck: Vil aͤschen/ Mist/ Holtz/ Kalck/ Stein/ hauffen mit Sand vnd Erden werden durch das vnnütz Gesindlein zusammen getragen. Man versihet sich auch mit Kuͤh-haͤuten/ Fewreymeren/ Gelten/ Küblen/ Fewrhaacken/ Eymeren/ Fewr- sprützen/ ꝛc. welche man ins Wasser zu waͤichen legt/ das Fewr darmit zu loͤ- schen. Die nechsten Haͤuser jnnert dem Wal/ die man meynt der Feind an- greiffen werde/ sollen oben abgenommen/ vnd mit Stein/ Holtz/ Sand/ Mist/ Erden vnd anderem außgefüllt werden: auch die Gassen mit eysenen Ketten vermachet: vnd also zwischen den Haͤuseren tieffe Graͤben vnd Brustwehri- nen gemacht/ damit/ wo der Feind etwan den Wal in einem ort eroberte/ auffgehalten/ vnd widerumb hindersich getriben werden moͤge. Die Porten soll man innwendig mit Mist/ Holtz/ Hoͤw/ Stroh/ Sand/ Erden/ Stein/ vnd anderem wol vermachen: alle Proviant- vnd Zeughaͤuser sollen vor Fewr wol verwahret werden: Man soll auch Retrenche/ Ausserwerck/ Gegenlauff- graͤben/ Schützenkoͤrblein/ Schantzkoͤrb/ Laͤmeysen/ jrdine/ metalline/ hoͤltzine vnd innwendig außgehoͤlete Kuglen/ so mit allerley Fewrwerck außgefüllt werden/ haben: Man soll sich auch mit Hoͤw zu den Stuͤcken/ mit Stagketen/ Palissaden/ Sturmhaͤspeln/ Sturmpfaͤlen/ grossen eysenen Naͤglen/ Morgen- sternen/ Boͤhmischen Ohrloͤfflen/ Sturmkolben/ so vornen in Baͤch/ Schwaͤ- bel/ Pulfer/ Hartz vnd Terpentin wol geduncket seind/ versehen: Es soll auch vngeloͤschter Kalck geraͤden/ gepülfert vnd getroͤcknet werden: auch allerley Baͤchring/ Handgranaten/ faͤsser mit Pulfer/ faͤßlein mit Kalck/ Leiterwaͤgen/ so mit Mist vnd Erden gefüllt vnd zu den Sprengenen gebraucht werden: deßgleichen grosse runde Bloͤcher/ Stein/ vnd dergleichen auff die Brustwehr gelegt/ vnd im fahl der noht hinunder gerollet vnd geworffen werden. Alles Volck soll mit Kraut vnd Loth genugsam versehen seyn/ vnd tag vnd nacht am Wal ligen. Der Cavalieurs vnd Ausserwercken soll auch nicht vergessen/ die Proviant durchgangen/ derselben mangel verbessert/ vnd alles/ wie gering es joch seye/ zu raht gehalten/ das Pulfer vnd Kuglen in kleine faͤßlein/ damit ein Mann eins tragen moͤge/ gethan; alles Ertz/ Kupffer/ Ziñ/ Bley- vnd Ey- senwerck auß allen Haͤuseren genommen/ zu hauffen getragen: die Batterey vnd Brüginen derselben verbesseret/ Wollsaͤck/ Schantz- vñ Schützenkoͤrblein
zuge-
Von einer Besatzung.
zugeruͤstet/ allerley Holtz vnd Kolen/ zum schmiden/ kochen/ bachen/ waͤschen/ bawen/ ꝛc. Jtem/ klein vnd groß Reyß zusammen gefuͤhrt: alle stücklein Ey- sen/ alt Naͤgel/ halb Kuglen/ runde Gassenstein vnd dergleichen zum hagelge- schütz dienstliche sachen wol auffbehalten: Schmaͤr/ Honig/ Baͤch: alte Lum- pen/ Seiler/ Abwerck vnd dergleichen zum Fewrwerck dienstliche sachen bewahret: allen Constablern oder Schützenmeistern sollen Handreicher/ Pulfer/ Kuglen/ Essig/ Hoͤw/ Stroh/ Wüscher/ Ansetzkolben/ Ladschaufflen/ Zündruthen/ Lunden/ Braͤtter/ Hebeysen/ Traͤm̃el/ vnd was sie von noͤhten/ auff die Batterey verordnet werden. Einer jeden Batterey solle auch ein Edelmann vom Geschütz/ zugeordnet werden/ ohne welches geheiß die Con- stabler nicht schiessen doͤrffen. Man solle auch in allen Gassen Baͤch- oder Hartzpfannen haben: jnsonderheit achtung geben/ daß niemand etwas auß der Statt floͤchne.
Wann der Feind sich anfangt eynzuschantzen/ vnd gegen der Statt Lauffgraͤben machen.
Wann er also seine Lauffgraͤben anfangt/ so soll man die Arbeiter durch die Falckonetlein vnd Schlangen/ Musqueten vnd Haacken aͤngstigen vnd abtreiben/ auch etliche starcke außfaͤll thun/ vnd sie von den Wercken abjagen/ vnd jhre Werck/ wo man zeit hette/ widerumb vmbreissen.
Wie vnd wann man außfallen solle.
Die in der Vestung sollen nicht leichtlich außfallen/ damit der Feind von den auß jhnen gefangenen Soldaten jhre anschlaͤg vnd heimlichkeiten nicht vernemme/ vnd sie durch jhr staͤtes außfallen gar geschwaͤcht werden/ sonderlich wo die Besatzung sonsten schwach were. Wo aber der Feind mit seinen Lauffgraͤben einen anfang machet/ soll man denselben durch die außfaͤll verhinderen/ alß vil moͤglich/ doch daß dieselben bald koͤnnen entsetzet/ vnd von der Statt durch das geschoß beschirmbt werden. Die außfallenden gehen still mit der sach vmb/ vnd sehen wie sie des Feinds Wachten heimlich hindergehen vnd vberfallen moͤgen: darzu dann die Armbrust vnd Boͤgen mit den Pfei- len/ darmit des Feinds Schiltwachten heimlich zu erlegen/ gar kom̃lich seind. Man solle die Soldaten nicht auff den Schlachtbanck liferen/ sonder mit nu- tzen vnd gutem vortheil anfuͤhren/ auff daß hierdurch die Vestung keinen mangel an Volck leide: dann ein Vestung ohne Besatzung/ ist ein Leib ohne Kopff. Die Reuterey thut dem Feind im außfallen den meisten schaden: das Fußvolck aber soll man auff den Sturm sparen: vnd koͤnnen die Reuter dem Feind in der flucht besser entgehen alß aber die Fußknecht. Es soll auch der Feind durch taͤgliche außfaͤll gantz verdrüssig gemachet/ vnd an seinen Wercken verhinderet werden/ welches die Arbeiter vnwillig machet/ daß sie nicht mehr ohne grossen lohn zu arbeiten begeren: in deme verliert der Feind
K
vil
Ander Theil/
vil Zeit/ Gelt/ Munition vnd Proviant: vnd kan man desto besser des Ent- satzes erwarten.
Wann der Feind allbereit an ein Ausserwerck angesetzt hat.
Kom̃t er so weit/ daß man ein Werck vast für verlohren schaͤtzet/ so soll man dasselbig abschneiden/ vnd durch die mitte desselbigen widerumb ein li- nien mit einem Bollwercklein oder einer Zangen/ oder sonsten einem Zwerch- wal machen: in den verschaͤtzten theil aber sollen Fůßaͤngel/ Braͤtter mit spi- tzigen Naͤglen/ so mit Erden bedeckt werden/ geleget: vnd dañ von dem newen Abschnitt oder Affterschantz auff den anfallenden Feind mit Handgranaten/ Baͤchringen/ hagel starck gespielt vnd geschossen werden. Man kan auch sol- che verschaͤtzte Werck vnderhoͤlen (vnderminieren) vnd den anfallenden Feind in den lufft durch eine Sprengeschicken.
Wann der Feind die Contrascarp dnrchbrichet.
Wann man sich in die Contrascarp begibt/ vnd daselbsten mit allerley Fewrwerck/ Geschütz vnd dergleichen gegenwehr der Feind auffgehalten/ vnd aber sich daselbsten weiters zu erhalten nicht mehr moͤglich/ so begibt man sich in den trockenen Graben vnd verschantzet sich darinn/ damit man dem Feind die Gallerie wehren/ vnd darvon hinderen moͤge: Es wird auch solche dem Feind von den Flancken gewehret/ vnd sonderlich von den
Faussebrayen
oder Vnderwaͤlen vnd heimlichen Außgaͤngen.
Wie man die Sprengenen oder Minen suche.
Man stellt eine Trommel vnd Würffel darauff: wo nun der Feind da- runder arbeitet/ so verenderen vnd bewegen sich die Würffel. Man hat auch Borer (Nepper) so besonderbar darzu gemachet werden/ mit welchen man die Minen suchet: oder man stellet ein Glaß gantz voll Wasser darauff: wo nun das Wasser vberschwappelt/ so ist es ein gewüß zeichen. Man kan auch Eyer legen vnd einen Pfenning darauff thun: wo nun der Pfenning hinab fallt/ ist es auch ein gewüsse anzeigung/ ꝛc. Die loͤcher aber so geboret werden/ sollen vngefahr zwo ellen tieff vnd rund seyn.
Was des Feinds fürnembster Angriff seye.
Der fürnembste Angriff so der Feind thut/ ist mit dem Geschütz: ist der- wegen noͤhtig/ daß der Zusaͤtzer sich mit Geschütz dargegen defendiere/ damit Geschütz wider Geschütz gerichtet werde: welches man dann contrabatterie- ren heißt: dann wo der Feind noch so weit mit den approchen/ daß man jhne mit den Musqueten nicht erꝛeichen mag/ ist es nohtwendig daß man seine Ar- beiter mit dem Geschütz abhalte: dann je laͤnger man den Feind ab- vnd auff- haltet/ je mehr er sich consumiert.
Wo das Geschütz hinzustellen seye.
Weiln man die gelegenheit nicht weißt wo der Feind angreiffen moͤchte/
ist
Von einer Besatzung.
ist nicht moͤglich darauff zu antworten. Doch ist hoch nohtwendig/ daß man das Geschütz gegen des Feinds Geschütz richte/ vnd also gegen des Feinds Battereyen Contrabattereyen mache: dann wo kein Offension/ da ist keiner Defension vom Geschütz noͤhtig/ ꝛc. Man soll auch das Geschütz nicht alles an die gefahrlichsten ort stellen/ sondern etliche auch an den allersichersten ort zum vorꝛaht behalten. Du hast aber gehoͤrt vornen an seinem ort/ wie daß am besten die Stuͤck/ Moͤrser vnd Doppelhaacken/ ꝛc. in den Bollwercken stehen/ die theils in die
Facen
oder Stirnen/ theils in die
Espaulen
oder Streychweh- rinen abgetheilt werden: es seye dann daß man kein Defension brauchen/ son- dern den Feind in freyem Feld beschaͤdigen woͤlle/ so stellt man etliche in die
Courtine.
Du solt auch deinen Ronde-weg erweiteren/ vnd Stück in die
Faussebrayen
plantieren: die Stück werden auch in die
Contrascarpa
ge- stellt/ darauß die schüß dem
Horizont parallel
gehen/ vnd sollen Battereyen oder Brittschen/ wie vornen gemeldt/ darzu gemachet werden. Man sencket auch die Battereyen wo hohes Land ist/ 7. oder 8. schuh tieff/ vnd vngefahr 7. schuh breit vnd lang in die Erden/ vnd heißt man dieselbige/ eyngesenckte Battereyen: dann solche vnder dem
Horizont
gemachet werden sollen. Man machet auch Cavalieurs vnd Platteformen/ von welchen ich vornen angezo- gen hab/ darauff werden auch die Stück gestellt. Wie du dich auch mit den Schantzkoͤrben/ Wollsaͤcken/ Schützenkoͤrbleinen/ Wolsaͤcklein/ Sandsaͤcken/ Palissaden/ Stagketen/ Barꝛicaden/ Sturm- vnd anderen Pfaͤlen: Jtem/ mit Mist vnd anderem versehen sollest/ bist du vornen genugsam gelehret.
Von den Contra- oder Gegenapprochen: was sie seyen.
Es seind Lauffgraͤben/ so gegen des Feinds Approchen gemachet wer- den/ vnd werden also angestellt/ daß sie des Feinds seiten in den Lauffgraͤben entdecken vnd bloß machen moͤgen. Doch sollen selbige angestellt werden/ daß sie wol secundiert/ vnd dem Feind/ da er sie darauß treibet kein vortheil seyen- vnd mit Musqueten vnd Stücken vber sie gereichet/ vnd sie defendiert wer/ den moͤgen. Solche Gegenlauffgraͤben seind vngefahr lang 60. ruthen/ der Graben 6. schuh tieff/ vnd 5. schuh weit: vnd dann theilt man die Erden zu beyden seiten. Man machet auch wider die Approchen allerley gegenwehr/ Ausser- oder Vorwerck/ alß Horn- Kronwerck/ Ravelein/ halbe Moͤn/ ꝛc. darvon genugsamen bericht an seinem ort allbereit empfangen haben wirst.
Wie man sich in mangel der Kuglen verhalten solle.
Man soll alles Zinnen vnd Ehrine geschirꝛ/ auch alles Bley auß den Fensteren/ Hauß- vnd anderen Glocken nemmen vnd zusammen tragen/ da- mit man Kuglen giessen vnd sich darmit wehren koͤnne. Man machet auch runde steinene Kuglen. Jtem/ da man zu Musqueten- vnd Doppelhaacken Kuglen giessen will/ da nim̃t man runde kiselsteinlein/ welche man in die Mo-
K ij
del
Ander Theil/
del legt/ vnd das Bley daruͤber gießt. Man formiert auch zu den grossen Ku- glen Model/ welche man mit Leinoͤl wol anschmieret/ vnd alßdann wolgebeer- ten Hafnerleim dareyn schlaget: man nim̃t darnach die Kuglen widerumb darauß/ backet sie hart in einem Ziegelofen/ vnd da man sie herauß thut/ er- saͤufft man sie im Leinoͤl/ laßt sie kalt werden. Dise Kuglen seind auch in all- weg (aussert einer Bresche) gut zu brauchen.
Wie man Contra-Battereyen anrichten solle.
Man soll insonderheit gute achtung geben/ gegen welchem Bollwerck sich der Feind mit approchieren wenden thue/ vnd wo er seine Battereyen auff- werffe/ alßdann dargegen Battereyen anrichten/ vnd des Feinds niderschies- sen. Die Battereyen werden gemachet wie du im ersten Theil dises Buͤch- leins gelehret bist: dann wo kein Offension/ da hat man sich nicht zu defendie- ren. Die Stück sollen aber auffs best bewahret vnd dem Feind aussert dem gesicht verborgen ligen. Die Constabler sollen jhre Handlangers vnd Ma- trosen bey jhnen tag vnd nacht haben/ die bey den Stucken auff der Batte- rey gute Schiltwacht halten: Es solle auch/ da man auff des Feinds Batte- rey das Zündpulfer anstecket/ jederman fallen/ vnd auff den bauch ligen: dann auff dise form/ eh das Pulfer im Rohr angehet/ man dem schuß der Stucken entgehen mag/ vnd beschicht offt vilerley betrugs/ da man nur ein falsch Laufffewr machet/ solches anstecket/ vnd gestracks/ nach dem solches ver- bronnen/ das Stuck loß brennet/ dardurch man betrogen wird/ darumb solle man fleissig achtung darauff geben. Es sollen auch die Stückmeister jhr Pulfer/ Kuglen/ Lunden/ Wüscher/ Ladschaufflen/ Setzkolben/ Raͤder zu den Stucken/ Wollsaͤck/ Schützen- vnd Schantzkoͤrb/ Quadrant/ Circkel/ Hebey- sen/ Traͤm̃el/ Schlegel/ Winden/ Boͤck/ Bleywaagen/ vnd andere nohtwendi- ge sachen vberflüssig bey der hand haben/ damit sie im nohtfahl nicht gehinde- ret werden: insonderheit allerley gestrew/ hagel/ ketten vnd kleine kiselstein/ vnd sollen die Constabler bey Leibsstraaff die Stück niemand vertrawen/ sonder darbey verbleiben/ vnd das Pulfer wol verwahren/ vnd etliche vilsaͤck- lein mit Carthusch beyhanden haben/ vnd fleissig sehen daß sie die Constabler oder Stuck/ vnd Batterey des Feinds zu grund richten moͤgen.
Wann der Feind grosse Granaten vnd andere Fewrwerck in die Vestung wirfft/ wie solches zu loͤschen seye.
So soll man vor allen dingen mit einem grossen vorꝛaht aͤschen/ Sand/ Erden/ Mist/ vngegerbten Vieh-haͤuten/ oder die angefeucht vnd naß seind: Jtem/ mit Gelten/ Küblen/ Eymeren vnd Binenkoͤrben/ so mit Laͤder vber- zogen/ vnd allzeit angefeucht seind/ versehen seyn/ vnd an vnderschiedenliche haͤuffen auff alle straassen zum vorꝛaht legen: auch besondere Leuth darzu ordnen/ so das Fewrwerck gestracks mit den Vieh-haͤuten decken/ darauff Erden/ Sand/ Mist vnd nasse aͤschen werffen/ auch solches erstecken. Man
soll
Von einer Besatzung.
soll auch ein laͤdernes Jnstrument haben/ so einer Glocken gleich geformieret/ welches an ein stangen/ daran man es traget/ gehenckt wird/ damit die schlaͤg so in den Kuglen seind/ nichts operieren moͤgen/ welche man mit gutem leim/ so wol gebeert ist/ mehr alß einer spannen dick/ innwendig verkleibet/ vnd mit sand vnd aͤschen vber decket. Wann sich aber ein ander fewr erhebet/ da solle dasselbig mit haacken vmbgezogen vnd mit Wasser geloͤschet werden: vnd da ein Camin brunne/ soll ein/ zween oder drey schüß dareyn gethan werden/ so wird es bald loͤschen.
Wann der Feind allbereit vnder dem Werck/ vnd man dasselbig verlohren schaͤtzet.
So nun der Feind vnder einem Bollwerck oder Wal sein Bresche für- genommen hette/ so soll man dasselbig abschneiden/ vnd darhinder ein newe Brustwehr von vngefahr 14. schuhen dick auffwerffen/ vnd also Affterschan- tzen machen/ damit wo der Feind anfallen wolte/ darhinder widerumb ein new Werck funde. Man soll auch hinder dem Wal blinde Graͤben machen/ vngefahr 10. schuh breit/ vnd so tieff alß man kan/ darhinder Blockhaͤuser/ so mit Sand/ Mist oder Erden außgefüllt seind/ auffrichten/ auch in die Graͤben etliche Teuchel mit Pulfer außgefüllt/ legen/ vnd etliche faͤsser mit Kalck vnd Steinen darauff setzen/ vnd darinn heimlich vergraben/ doch von runden auß- gehoͤlten Zieglen laufffewrlein machen/ damit so der Feind daselbst anfiele/ solches angesteckt/ vnd sie vbel zugericht vnd verhindert werden: Es sollen auch Blockhaͤuser vnaußgefüllt darhinder stehen/ darinnen sich die Musque- tierer halten vnd auff den Feind schiessen vnd arbeiten moͤgen/ doch daß all- wegen die Graͤben sich nach der Bresche/ oder dem geruinierten ortschicken/ auch an den vbrigen Wal sampt den Blockhaͤusern angehenckt werden.
Wann der Feind die Mine sprengt vnd Sturm laufft.
So bald der Feind ein Bresche machet/ soll man die Sturmpfaͤl; jtem/ Barꝛicaden in die lucken schlagen/ auch Leiterwaͤgen/ so mit Mist vnd Erden außgefüllt: deßgleichen Wollsaͤck/ Schantzkoͤrb/ darfür stellen: vnd da man so hart getraͤngt vnd vbereylet wurde/ Hoͤw/ Reiß/ Stroh vnd Mist in die lu- cken we
r
ffen/ damit wo der Feind anfiele/ man solches durch Fewrwerck an- stecken/ vnd den Feind durch desselben gestanck abtreiben moͤge. Alßdann sollen alle Stuͤck mit eysen Kettenen/ Musquetenkuglen/ kleinen Kiselsteinen/ Naͤglen/ stücklein Eysen ꝛc. geladen/ vnd nach dem Feind in den Graben ge- richtet seyn: vnd solle man an allen orten auffsehens haben: alle Hartzpfan- nen/ Windliechter sollen des nachts angestecket/ alle Posten mit Soldaten wol besetzet: die Boͤler auch mit Carthusch: Jtem/ die Doppelhaacken vnd Musqueten mit Endtengeschroͤt vnd Pistolenkuglen geladen werden. Die Pickquenierer sollen neben jhren Picken/ Brügel mit eysen Naͤglen/ Morgen-
K iij
sternen/
Ander Theil/
sternen/ Hellenparten/ Stecken eines Manns lang/ so oben einen kolben gleich einem Kuͤfferschlaͤgel hat/ vnd mit spitzigen Naͤglen beschlagen/ haben. Sie sollen auch die Handgranaten/ kruͤg mit Pulfer außgefüllt vnd Londen be- henckt: Jtem/ Faͤsser voll Baͤch/ Schwaͤbel/ Ancken/ Vnschlit/ Pulfer/ Hartz/ Terpentin/ Honig vnd Kienholtz durch einanderen zerlassen/ vnd außgefüllt: deßgleichen haͤfelein voll reinen geraͤdenen vngeloͤschten Kalck vnd Fuͤßey- sen: wie auch vil hundert Fuͤßeysen neben jhnen stehen haben. Sie sollen auch vil Baͤchring vnd Fewrwerck: Jtem/ Sturmpfeil/ Sturmkolben (de- ren kolben von Schwaͤbel/ Hartz/ Baͤch/ Pulfer vnd Terpentin gemachet) ha- ben: Mehr sollen oben auff der Brustwehr grosse Gassenstein: Jtem/ runde Bloͤcher ligen. Man solle auch haben Armbrüst vnd Pfeil/ Streitax/ Faͤsser voll reinen vnd pulferisierten vngeloͤschten Kalck/ sampt Fůßeysen: Jtem/ Faͤsser voll reiner wol gedoͤrꝛter aͤschen: gantze Kessel voll Vnschlit/ Terpentin/ Hartz/ Oel/ Honig/ alt Schmaͤr vnd Spaͤck durch einanderen zerlassen: deß- gleichen gantze Kessel heiß siedig Wasser/ darinnen aͤschen vnd Maͤhl gesotten ist: Jtem/ Büchsen/ so kurtz vnd weite mundloͤcher haben/ die man mit run- den Kiselsteinen lade: Es sollen auch eysene Gablen vorhanden seyn/ oder Stangen mit eysenen haacken/ die Sturmleiteren vmbzureissen/ vnd sollen etliche Compagnien zu Ross vnd fuß in einer ordnung auff dem Marckt vnd bey den Porten halten/ damit sie im fahl der noht/ je nach dem es mangelt/ die nohtleidenden secundieren moͤgen.
Wann nun der Sturm angehet so sollen die Constabler nicht alle zu- gleich loß schiessen/ sondern fleissig auff die menge des Volcks achtung geben/ vnd jhnen in die seiten das Hagelgestrew oder Carthusch gehen lassen. Die Musquetierer sollen auch dapffer arbeiten/ vnd jhre Musqueten mit hagel vnder sie gehen lassen/ auch einander fleissig entsetzen. Vnd dann/ so sollen et- liche Trouppen durch die
Soratori
oder heimliche eyngaͤng in den Graben dem Feind mit grossem geschrey in die seiten fallen: die vbrigen aber sollen sich mit Schlachtschwerteren/ Morgensternen/ Hellenparten/ angesteckten Sturm- kolben/ Streitaxen/ Armbrusten/ Gassensteinen/ Handgranaten/ welche zer- springen vnd haͤßlich sprützen: Jtem/ mit kruͤgleinen so von Kalck vnd Fůß- eysen außgefüllt/ damit die Feind dareyn tretten/ das Kalck aber jhnen in die augen stiebe: Jtem/ mit Faͤssern voll Kalck vnd aͤschen/ auff daß die Feind dar- von nicht sehen/ vnd halb ersticken/ erwehren: die Bloͤcker von dem Wal/ den anlauffenden Feind zu ruck zu halten/ vnd jhme arm vnd bein zu brechen/ hin- ab lassen rolen. Sie sollen auch Fewrwerck/ so nicht leichtlich zu loͤschen seind/ in den Graben werffen/ damit man des Nachts des Feinds fürhaben gesehen moͤge. Darnach so sollen die grossen Granaten vnd andere Kuglen gespielt werden/ welche durch jhre schlaͤg vñ das zerspringen grausamen schaden thun: die Sturmschlaͤgel mit schlaͤgen sollen auch nicht vergessen werden/ welche
durch
Von einer Besatzung.
durch Harnast vnd Pantzer schlagen/ nicht leichtlich zu loͤschen/ vnd hefftig brennen. Man soll auch vil tausend kruͤg mit Pulfer gefüllt/ vnd brennenden Lunden behenckt/ damit selbige im zerbrechen sich selbst anstecken/ vnd vnder den Feinden grossen schaden thuͤyen/ hauffenweis hinab werffen. Man solle Füßaͤngel/ auch allerley Faßreyff/ allzeit sechs oder vier zusammen gebunden/ vnd von einander zerthan: Jtem/ Leiterwaͤgen/ Braͤtter mit eysenen Naͤglen beschlagen/ vnd anders dergleichen in den Graben werffen/ damit der Feind nicht fort kommen moͤge. Die Sturmreyff vnd Baͤchring sollen auch ange- steckt werden/ vnd das heisse Wasser/ darinn aͤschen vnd Maͤhl gesotten: Jtem/ gantz Kessel voll Schmaͤr/ Vnschlit vnd Honig durch einanderen zerlassen/ auff die Feind gegossen vnd geworffen werden/ welches sie hefftig verbreñt/ ꝛc. Man solle auch fleissig mit Hagel vnd allerley Fewrwerck vnder den Feinden handlen/ vnd von allen orten dapffer vnd ohne vnderlaß schies- sen vnd schlagen: vnd da der Feind durch die Bresche kaͤme/ jhne alßdann erst recht hinder den new gemachten Affter-schantzen empfangen/ die vergrabe- nen Teuchel/ so von Pulfer außgefüllt/ anstecken/ vnd sampt dem Kalck die Feind in die lüfft sprengen/ alßdann mit Geschütz von den Battereyen wide- rumb dapffer in sie spielen/ vnd von allen orten mit gantzer macht auff sie an- fallen vnd widerumb zu ruck treiben/ vnd darauff bey Nacht/ best vermoͤgens/ das verꝛuinierte Ort reparieren.
Wo ein Vestung so weit eyngethan wird/ daß sie sich ergeben muß/ wie man alßdann parlamentieren soll.
Wann es nun so weit kom̃t/ daß man sich von dem Kriegsherꝛen keines Succurs oder Entsatzes zu vertroͤsten/ vnd doch biß auff das eusserste gehal- ten vnd das best gethan hette/ also daß man mit dem Feind zu parlamentie- ren genoͤhtiget wurde: so solle man des morgens/ oder da sie zeit zu seyn vermeynten/ durch einen Trommelschlaͤger (welcher deß ersten den Hůt an ei- nem stecken hinder den Schantzkoͤrben herfür zum dritten mal/ damit er nicht erschossen werde/ auffzeiget/ vnd darzu die Trommel drey mal auff ein- anderen schlaget) ein Brieff dem General zuschicken/ welchesse innhalt vnge- fahr also lautet. Wiewol sie taͤglicher hilff vnd entsatzung gewaͤrtig/ aber wie dem allem/ so ferꝛn sie der Gegentheil woͤlle halten/ wie Kriegers/ vnd sie sampt den Burgeren/ vnd menglichen/ niemanden außgenommen/ mit Haab vnd Gut/ Harnast vnd Gewehr/ fliegendem Fahnen/ brennendem Lunden/ Kuglen in dem mund/ vnd offenem Trommelschlag/ auch alles das/ so zu jhnen gefloͤhnet vnd vertrawt worden/ ab vnd zu jhrem Herꝛen zu ziehen: vuch jhnen alles Geschütz/ Munition/ vnd was darzu dienstlich/ vngehin- deret mit lassen/ frey sicher vnd vngeschaͤdiget passieren/ so weren sie in willen kommen die Vestung zu vbergeben: so ferꝛ aber deme nicht wurde oder koͤnte statt gethan werden/ so weren sie taͤglich Succurs von jhrem
Gene-
Ander Theil/ Von einer Besatzung.
Generalen erwaͤrtig/ vnd woͤllen eh Leib/ Ehr/ Gut/ Blut vnd Leuth darüber auffsetzen.
Wann nun der Feind sich zu accordieren eynlassen will/ so schickt er et- liche fürnemme Oberste in die Vestung zu parlamentieren/ mit Jnstruction: vnd hergegen der Gubernator die fürnembsten Capitain zu Geislen in das Laͤger/ vnd wird interim ein anstand der Wehr vñ Waaffen gemachet. Es ge- schehen aber die Accord auff vnderschiedliche gattung: vnd erstlich auff Gnad vnd Vngnad/ oder auff Gnad. Wo es auff Gnad vnd Vngnad beschicht/ stehet es dem General frey/ nach willen sich gegen jhnen zu verhalten. Wo es aber auff Gnad beschicht/ beschicht solches mit sonderen Puncten: Etwan werden etliche besonderbare Personen/ Pferd/ Harnast/ Gewehr vorbehalten/ offt Kleider vnd Kleinodien/ etwan die Vberlaͤuffer/ etwan die Gefangenen/ etwan wird jhnen erlaubt mit fliegendem Fahnen/ brennenden Lunden/ Ku- geln in dem mund vnd offenem Trommelschlag außzuziehen/ etwan auch werden sie mit Seitenwehr/ oder Haab vnd Gut des Kriegsherꝛen/ vnd mit sicherer Convoy hin gelassen/ etliche vnder die Compagnie gesteckt/ etliche preyß gemacht/ etlich gehenckt/ etwan mit den eynwohneren mit weissen staͤb- lein fort geschickt: vnd seind der gattung Accord so vil/ daß sie zu erzellen vast ein gantz Buch erforderen wurden.
Wann man auß der Guarnison zeucht.
So bald man abziehen will/ so sollen die Zusaͤtzer angeloben auff halbe/ gantze oder etlich Monat sich nicht wider den General oder sein Ar- mee zu Feld brauchen zu lassen/ vnd darneben in der oder diser Besatzung waͤhrender zeit auffhalten/ ꝛc. Hernach so zeucht offt die Bagage meisten theil zu voran: darauff die verwundten: hernach der Gubernator vnd sein Gesind/ sampt etlichen hohen Officier: Auff solchen ein trouppen Reu- ter: alßdann die Artillerey vnd Munition: darauff ein trouppen Musque- tierer: hernach die Capitain: darnach widerumb Musquetterer: alßdann alle die Fendrich: auff dieselben die Picken: alßdann die Leutenam̃t: darauff die letsten Musquetierer/ vnd zu letst der vbrig trouppen Reuterey. Eh aber die die Zusaͤtzer außziehen/ so solle alle Munition/ Proviant/ vnd Zeughaͤuser/ sampt der Artillerey besichtiget/ vnd etliche Fahnen Fußvolck dareyn gelegt
vnd gelosiert werden: vnd wann nun die Zusaͤtzer im anzug/ so gibt man denselben von Reuter vnd Fußvolck ein sicher Geleit/ oder Convoy/ biß nahe an des Feinds Quartier zu.
Ende des anderen Theils Kriegs-Buͤchleins/ von einer Besatzung.
Drit-
Dritter Theil/
Des Kriegsbuͤchleins:
Von Anleitung vnd uͤbung allerhand Wehr vnd Waaffen/ deßgleichen von etlichen Orationen/ so die Quartier-Hauptleuth/
nach gethaner Musterung auff der Landschafft halten. Jtem/ von Zug- vnd Schlacht-Ordnungen zu Ross vnd fuß/ ꝛc.
Vnd erstlichen
Das Exercitium mit der Musqueten vnd
Gablen zugleich.
Wie man die Woͤrter desselben Befelchs vnd Commandaments gebrauchen solle.
1.
Y
Emmet ewer Musqueten auff die Achsel/ die Gablen vnd
2. Lunden zusammen in die lincke hand: 3. Fasset mit der rechten hand die Musqueten hinder der Zündpfannen. 4. Nem̃et die Musqueten von der Achsel/ vnd halten sie in die hoͤhe wol vom Leib. 5. Faßt mit der lincken hand die Gabel. 6. Legt die Musqueten in die lincke hand zwüschen den Daumen vnd Gablen. 7. Mit dem Daumen vnd Zeiger- finger nembt den Lunden ab. 8. Blaset den Lunden hinder der Pfannen ab. 9. Trucket den Lunden in den Hanen/ oder straubt den Lunden auff. 10. Probiert/ oder maͤßt den Lunden auff die Pfannen. 11. Mit zween fin- geren deckt die Pfannen/ blaset den Lunden ab/ vnd oͤffnet mit zween fingeren ewer Pfannen. 12. Mit dem lincken fuͤß fürsich trett/ vnd leget die Mus- queten in die Gablen. 13. Schlaget an/ vnd gebt fewr auff des Manns Gürtel. 14. Nem̃et die Musqueten vnd Gablen zusammen in die lincke hand/ nemmet den Londen ab/ trettet ab. 15. Steckt den Lunden zwüschen beyde kleinsten vnd mittleren finger. 16. Thut Pulfer auff die Pfannen. 17. Beschliesset die Pfannen. 18. Blaset ab. 19. Leget die Musque- ten auff die Schulteren. 20. Fasset mit der rechten hand die Musqueten. 21. Nemmet die Musqueten von der Achßlen/ vnd haltet sie in die hoͤhe vom Leib. 22. Leget die Musqueten in die Gablen in die lincke hand/ vnd oͤffnet mit zween fingeren die Pfannen. 23. Thut Pulfer in die Pfannen. 24. Beschliesset die Pfannen/ blaset vnd schüttet das Pulfer ab. 25. Tret-
L
tet
Dritter Theil/
tet mit dem rechten fuß fürsich/ vnd schwencket die Musqueten gegen der lin- cken seiten. 26. Vmbtraͤhet die Musqueten/ vnd schleiffet die Gablen. 27. Offnet ewer Massen vnd Ladungen. 28. Thut das Pulfer vnd Ku- glen ins Rohr. 29. Jn zween griffen ziehet den Ladstecken auß dem Schafft der Musqueten. 30. Vmbkehrt vnd stoßt den Ladstecken an die Brust. 31. Ziehet den Ladstecken auß dem Rohr/ stoßt jhn an die Brust. 32. Wi- derumb in den Musquetenschafft eyngesteckt. 33. Ergreifft mit der rechten hand die Musqueten hinder der Pfannen. Trettet mit dem rechten fůß hin- dersich/ vnd haltet das Rohr hoch vom Leib. 34. Nemmet die Musqueten auff die Schulteren. 35. Nemmet ewere Musqueten von der Achßlen. 36. Leget die Musqueten in die Gablen. 37. Haltet ewere Musqueten auff der Gablen mit der lincken hand imgewicht. 38. Nemmet mit zween fin- geren den Lunden auß der hand. 39. Blaset den Lunden ab. 40. Strau- bet den Lunden auff. 41. Probiert den Lunden. 42. Decket ewere Pfan- nen mit zween fingeren.
Die Woͤrter mit der Musqueten ohne Gablen.
1. Nemmet die Musqueten auff die Achßlen/ vnd den Lunden in die lincke hand. 2. Trettet mit dem rechten fůß hindersich/ vnd laßt vornen die Musqueten sincken. 3. Ergreiffet mit der rechten hand die Musqueten hinder der Pfannen. 4. Nemmet die Musqueten von der Achßlen/ vnd haltets vom Leib hoch. 5. Leget die Musqueten in die lincke hand/ vnd tret- tet mit dem rechten fuͤß hindersich. 6. Nemmet mit zween fingeren den Lunden auß der lincken hand. 7. Blaset den Lunden hinder der Pfannen ab. 8. Straubt den Lunden auff. 9. Decket mit zween fingeren die Pfannen. 10. Blaset den Lunden ab. 11. Offnet die Pfannen. 12. Das Rohr vornen hoch. 13. Leget an/ vnd brennet loß. 14. Rechts oder lincks abtretten. 15. Den Lunden abgenommen. 16. Mit dem Daumenfin- ger die Pfannen außgebutzt. 17. Zündpulfer in die Pfañ/ vnd beschlossen. 18. Trettet mit dem rechten fůß fürsich/ vnd schwencket die Musqueten an die lincke seiten. 19. Die Musqueten vmbtraͤhet. 20. Pulfer vnd Ku- gel ins Rohr. 21. Ziehet den Ladstecken auß. 22. Vmbkehrt den Lad- stecken vnd an die Brust gestossen. 23. Den Ladstecken in das Rohr/ vnd stampfft das Pulfer. 24. Den Ladstecken widerumb außgezogen. 25. Vmbkehrt den Ladstecken/ vnd an die Brust stoßt. 26. Stecket jhn widerumb in den Schafft. 27. Bringet mit der lincken hand die Musque- ten herfür/ ergreifft die Musqueten hinder der Pfannen. 28. Trettet mit dem rechten fůß hindersich/ vnd haltet das Rohr hoch vom Leib. 29. Nem- met das Rohr widerumb auff die Achßlen.
Kurtzer
Von uͤbung allerley Wehr vnd Waaffen.
Kurtzer Befelch/ wann die Musquetierer allbereit die handgriff erlehrnet haben.
1. Machet euch fertig zum schiessen. 2. Schlaget an. 3. Gebet fewr. 4. Auff die seiten rechts/ oder lincks: oder recht vnd lincks auff beyde seiten/ abtretten. 5. Den Lunden abgenommen. 6. Luͤderet auff/ vnd la- det. 7. Leget die Musqueten auff die Achßlen/ vnd hencket euch widerumb hinden oder vornen an.
Befelch/ wo man ein Squadron/ fewr geben/ abtretten/ widerumb laden/ vnd sich anhencken laßt.
1. Machet euch fertig zum schiessen. 2. Das erste glid herfür trette. 3. Blaset den Lunden ab. 4. Offnet die Pfannen. 5. Gebet fewer. 6. Lincks oder rechts: oder lincks vnd rechts/ abgetretten/ den Lunden abge- nommen. 7. Stellt euch widerumb hinden an. 8. Luͤderet vnd ladet.
Wo man sich salvieren will.
1. Machet euch alle zugleich mit einanderen zum schiessen fertig. 2. Rechts oder lincks vmb kehri euch. 3. Ziehet vom Feind ab. 4. Das hinderst glid rechts oder lincks/ vmbkehrt euch/ vnd leget an. 5. Schießt. 6. Trettet ab. 7. Nemmet den Lunden ab. 8. Stellt euch widerumb vor- nen an/ vnd ladet. 9. Haltet ewere Glider vnd Reyen/ vnd die Rohr hoch.
Zu schiessen auff beyd seiten: oder etwan auff der lincken/ oder rechten allein.
1. Machet euch alle zugleich mit einanderen zum schiessen fertig. 2. Der ausserst Reyen rechts/ oder lincks vmb (oder beyd ausserste Reyen zu beyden seiten) gebt auff die seiten fewer/ schlaget an/ vnd schießt. 3. Hinden hinauff widerumb an den Spiessen angehenckt. 4. Nemmet den Lunden ab. 5. Ladet/ vnd haltet Glider vnd Reyen.
Hie folget das Exereitium der Spießknechten.
1. Den Spieß neben den rechten fůß niderstellt 2. 3. 4. Den Spieß mit dem tritt auffnembt vnd auffwerts traget. 5. 6. 7. Niderstellt den Spieß. 8. 9. Auff die Achßlen legt den Spieß. 10. Flach/ oder eben den Spieß traget. 11. Abwerts eweren Spieß traget. 12. 13. den Spieß ge- gen der Porten fellet. 14. Gegen dem Feind fellet den Spieß. 15. 16. 17. Niderstellt den Spieß. 18. Nem̃t den Spieß auff. 19. Fellet den Spieß. 20. Schleifft den Spieß. 21. Mit der lincken hand faßt das Eysen des Spiesses/ vnd trettet mit dem rechten fůß hindersich. 22. 23. Gegen der Por- ten den Spieß fellet. 24. Gegen dem Feind fellet den Spieß. 25. Fellet den Spieß gegen dem rechten fůß wider die Reuterey/ vnd ziehet von Laͤder. 26. Flach traget den Spieß. 27. 28. 29. Hindersich fellet den Spieß. 30. 31. 32. Auff die Achßlen den Spieß nembt.
L ij
Das
Dritter Theil/
Das Exereitium mit der Rondellen vnd Spieß/ wie auch
mit der Rondellen vnd Daͤgen.
Wie man solche Wort im Commando fůhren solle.
1. Eweren Spieß niderftellt. 2. 3. 4. Nembt eweren Spieß auff die Achßlen. 5. Deckt ewere lincke seiten mit der Rondellen. 6. Die Brust deckt. 7. 8. Den Spieß gegen der Porten fellet. 9. Gegen dem Feind fellet den Spieß. 10. 11. 12. Den Spieß widerumb niderstellt. 13. Schleifft den Spieß. 14. Den spitz des Spiesses deckt mit der Ron- dellen. 15. 16. Niderlegt den Spieß. 17. Durch die Riemen der Ron- dellen steckt den Arm. 18. Zuckt die Wehr. 19. Neben dem Ohr hal- ten das Wehr. 20. Zwüschen der Rondellen vnd lincken Achßlen halten ewere Wehr. 21. Vorwerts pr
ę
sentiert die Wehr. 22. Rechts pr
ę
- sentiert die Wehr. 23. Erstellt euch. 24. Steckt die Wehr eyn. 25. Zie- het den Arm auß den Riemen der Rondellen. 26. 27. Auff den Rucken werfft die Rondellen. 28. Den Spieß auffnembt. 29. 30. Den Spieß niderstellt.
Das Exereitium mit dem Schilt oder Targe
vnd Daͤgen.
Wie solche Wort gebraucht werden.
1. Erstellt euch. 2. Mit dem Schilt die linck seiten deckt. 3. Durch des Schilts Riemen den Arm stoßt. 4. Zuckt die Wehr/ vnd deckt die Brust. 5. Neben dem Kopff die Wehr auffhalt. 6. Deckt die Wehr. 7. Jn die hoͤhe vber den Kopff halten die Wehr. 8. Vorwerts pr
ę
sen- tiert vnd deckt euch. 9. Rechts deckt euch. 10. Erstellt euch. 11. Steckt die Wehr eyn. 12. Auß des Schilts Riemen die Arm ziehet. 13. Deckt den Rucken mit dem Schilt.
Befelch vnd Woͤrter fũr die gantze Ordnung/ so im wenden vnd dopplieren gebraucht werden.
1. Richtet ewere Glider. 2. Richtet ewere Reyen. 3. Rechts vmb. 4. Erstellt euch. 5. Lincks vmb. 6. Erstellt euch. 7. Rechts vmb kehrt euch. 8. Lincks erstellt euch. 9. Lincks vmb kehrt euch. 10. Rechts erstellt euch. 11. Rechts dopplieret ewere Glider. 12. Lincks erstellt euch. 13. Lincks dopplieret ewere Glider. 14. Rechts erstellt euch. 15. Rechts dopplieret ewere Reyen. 16. Erstellt euch. 17. Lincks dop- plieret ewere Reyen. 18. Rechts erstellt euch. 19. Mit halben Reyen rechts dopplieret ewere Glider. 20. Lincks erstellt euch. 21. Mit halben Reyen lincks dopplieret ewere Glider/ rechts erstellt euch. 22. Mit Reyen
rechts
Von uͤbung allerley Wehr vnd Waaffen.
rechts vmbkehrt/ marschiert/ haltet. 23. Mit Reyen lincks vmbkehrt/ marschiert/ haltet. 24. Rechts beschliesset ewere Reyen. 24. Lincks be- schliesset ewere Reyen. 26. Vorwerts schliesset ewere Glider. 27. Rechts vnd lincks oͤffnet ewere Reyen. 28. Hinderwerts oͤffnet ewere Glider. 29. Lincks vnd rechts beschliesset ewere Reyen. 30. Vorwerts beschlies- set ewere Glider. 31. Rechts/ schwencket mit gantzer Ordnung. 32. Lincks schwencket mit gantzer Ordnung. 33. Lincks vnd rechts oͤffnet ewere Ord- nung. 34. Hinderwerts oͤffnet ewere Ordnung. 35. Richtet Glider vnd Reyen.
Befelch einer gantzen Ordnung/ so Spieß allein seind.
1. Auffwerts traget den Spieß/ marschiert. 2. Fürsich fellet den Spieß. 3. Auffwerts traget den Spieß. 4. Rechts fellet den Sp
ie
ß/ auff- werts traget den Spieß. 5. Lincks fellet den Spieß/ auffwerts traget den Spieß. 6. Hindersich fellet den Spieß/ auffrechts traget den Spieß. 7. Stellet den Spieß nider. 8. Schleiffet den Spieß. 9. Fellet den Spieß. 10. Stellet den Spieß nider. 11. Fellet den Spieß gegen der Reuterey. 12. Die Wehr auß. 13. Erstellt euch. 14. Stecket die Wehr eyn. 15. Lincks vnd rechts fellet den Spieß. 16. Erstellt euch. 17. Hinder vnd vorwerts fellet den Spieß. 18. Erstellt euch. 19. Rich- tet ewere Glider vnd Reyen.
Was in dem Exercitio der Wehr vnd Waaffen fürnem-
lich zu bedencken seye.
Von der Musquetierern handgriff.
Es sollen alle Officierer alle morgen im Sommer/ es seye gleich in der Guarnison oder im Feld/ jhr Volck/ jetzt ein Rott/ dann zwo/ drey/ vier/ fünff vnd mehr Rotten zu halben vnd gantzen Compagnien taͤglich in Armis exer- cieren/ vnd jhme die handgriff vorweisen/ vnd die Wort selbsten darzu reden/ damit es der new Soldat verstehe: dann durch so vil wort machen/ auch der geschickteste perturbiert vnd verwirꝛet wird/ vnd kan durch freundlich zu- sprechen/ vnd selbs vorweisung hundert mal mehr ein vnerfahrner vnd vn- geuͤbter/ alß aber durch schlaͤg/ boͤse vnd vil wort oder balgen/ gelehrt vnd vn- derꝛichtet werden. Es gehoͤren auch den Soldaten ringferige Musqueten/ damit sie nicht vberwehret seyen: dann ein vberwehrter Mann halb geschla- gen/ vnd nicht wol fort kommen mag. Die abgerichten Soldaten haben im schiessen disen vortheil/ sie nemmen zum ersten den Mund voller Lauff- kuglen/ vnd den Hosensack voller Pulfer/ (so mich vmb etwas gefahrlich dun- cket) werffen die Gablen der Musqueten hinweg/ vnd da sie sich fertig ma- chen woͤllen/ nemmen sie ein hand voll Pulfer auß dem Hofensack/ schütten
L iij
dassel-
Driteer Theil/
dasselbig in das Rohr/ oder geben mit dem Daumenfinger der Ladung einen truck/ schütten das Pulfer ins Rohr/ alßdann stampffen sie zwey mal den kol- ben der Musqueten auff den boden/ damit sich das Pulfer im Rohr setze/ da- rauff lassen sie auß dem Mund ein Laufftugel auff das Pulfer ins Rohr lauffen/ da dann durch den fall sich das Pulfer zimlich setzet/ vnd solches so starck vnd weit alß das mit dem Ladstecken gestampffte reichen mag: vnd auff dise form thut derselben einer fünff schüß eh der ander zween oder drey verꝛichten mag.
Jn dem abschiessen legen sie sich auff jhre knie/ vnd schiessen nach des Manns knien/ damit sie nicht zu hoch schiessen: dann an den schüssen vast das meiste gelegen ist/ dieweil so das geschooß zu hoch gehet/ es wenig schadet: dar- gegen/ wo schon ein Kugel zu kurtz gehet/ würcket sie offt im gellen das meiste.
Hie folget die Erklaͤrung/ wie man sich mit einer gantzen Ord-
nung wenden: Jtem/ Reyen vnd Glider dopplieren/ beschltessen vnd schwaͤncken solle.
Erstlich/ was ein Glid seye.
Das Glid ist/ die breite genañt/ vnd seind alle die jenigen in einem Glid begriffen/ welche einanderen an der seiten/ oder seiten-werts neben einande- ren stehen/ alß da 2. 3. 4. 5. 8. 12. oder mehr neben einanderen (auff der rech- ten oder lincken seiten) stehen: das heißt dann 2. 3. 4. 5. 8. 12. oder mehr breit.
Was ein Reyen seye.
Ein Reyen ist die hoͤhe/ vnd alles das jenige/ was vor deinem angesicht/ vnd hinder deinem rucken: oder vor/ vnd hinder dir in gerader linien stehet: alß es stehen 2. 4. 8. 15. 20. hinder einanderen in gerader linien/ so sagt man/ sie stehen 2. 4. 8. 15. 20. im Reyen/ oder so vil hoch.
Was Rechts vmb seye.
Wann du dich auff dem rechten fuß/ mit der rechten hand halb vmbhin gegen der rechten seiten schwaͤnck est.
Was Erstellt euch seye.
Wann du dich widerumb den weg alß du dich gewendet hast/ auff dein vorige stell kehrest.
Was Lincks vmb seye.
Wann du dich mit der lincken hand auff dem lincken fůß gegen der lin- cken seiten halb vmbschwaͤnckest/ oder da du dich auff dem lincken fůß gegen der lincken seiten kehrest.
Was Rechts vmbkehrt euch/ seye.
Wann du dich mit der rechten hand gantz auff dem rechten fůß gegen
der
Von uͤbung allerley Wehr vnd Waaffen.
der rechten seiten vmbwendest/ also daß dein angesicht stehet/ wo du zuvor dei- nen rucken gekehret hast.
Was Lincks vmb kehrt euch seye.
Wann du dich auff dem lincken fůß mit der lincken hand gegen der lin- cken seiten gar vmbschwaͤnckest/ vnd das gesicht kehrest/ wo zuvor dein rucken gewesen ist.
Rechts erstellt euch.
Da du dich mit der rechten hand auff dem rechten fůß widerumb auff deinen vorigen platz schwingest.
Lincks erstellt euch.
Wann du dich mit der lincken hand auff dem lincken fůß gegen der lincken seiten auff deinen vorigen platz schwingest.
Was Rechts dopplieren ewere Glider seye.
Das ist/ wann auß vil Glideren der halbe theil derselben gemachet wird/ also: Jch lasse das erste Glid stehen/ vnd gehet das ander dem vorstehenden er- sten Glid: oder je ein Mann seinem vorstehenden Mann an sein rechte sei- ten: also auch das vierte dem dritten/ vnd das sechßte dem fünfften/ vnd so fortan. Also/ wo du einen Squadron nur halb so hoch/ vnd noch ein mal so breit haben wilt/ kanst du auß 6. Glideren nur 3. Glider/ vnd auß 10. Glider 5. Glider machen/ je nach dem du dich mit dem Feind schlagen wilt/ vnd di- stantz darzu hast/ ꝛc. Vnd solt du im Rechts dopplieren allzeit deß ersten mit dem rechten fůß vorher tretten.
Wann man spricht: Lincks erstellt euch.
Da solt du dich lincks vmbkehren/ mit dem lincken fůß vorher tretten/ dich auff dein vorige stell verfuͤgen/ vnd dich daselbst widerumb mit der lin- cken hand gegen der lincken seiten gar vmbschwaͤncken.
Wann man Glider lincks doppliert.
Wann du alßdann mit dem lincken fůß herfür trittest/ vnd mit deinem Glid/ gleich neben deinem vorstehenden Mann auff die lincke seiten in sein Glid eyngehest/ wie du im Rechts dopplieren gelehrt bist/ ꝛc.
Wann man sich Rechts erstellt.
So solt du dich widerumb rechts vmbkehren/ vnd auff der stell dich gleich- fahls rechts vmbschwaͤncken/ vnd erstellen.
Wann man spricht: Rechts dopplieret ewere Reyen.
Jst/ wann du auß zween Reyen einen machest/ da du etwann deine Glider/ wegen des groben Geschützes/ oͤffnen wilt/ dann je weiter die Kegel stehen/ je weniger es Kegel gibt: oder auch wegen der engen distantz/ dein Schlachtordnung erlaͤngeren/ oder in ander weg dich zu deinem vortheil wi-
der
Dritter Theil/
der den Feind gebrauchen wilt/ vnd werden die Reyen also gedopliert: der erste ausserste Reyen zur rechten seiten bleib stehen: deßgleichen der 3. 5. 7. 9. 11. so gedopplet werden/ vnd also fortan: dargegen gehet der 2. 4. 6. 8. 10. Reyen/ vnd gehet allzeit ein Mann auff die recht hand/ hinder seinen neben jhme/ zur rechten hand in seinem Glid/ stehenden Mann.
Wann man spricht: Lincks doppliert ewere Reyen.
Alßdann bleibt der erste ausserste Reyen zur lincken seiten stehen/ wie auch der 3. 5. 7. 9. 11. vnd fortan/ so gedoppliert werden/ vnd gehet alßdann der 2. 4. 6. 8. 10. Reyen/ ꝛc. vnd je ein Mann seinem nebenstehenden/ hinder den rucken auff die lincke hand.
Erstellt euch.
Jst/ wann man sich widerumb an sein vorige stell stellet.
Richtet Reyen vnd Glider.
Jst/ wann ein Mann von dem anderen im Glid vnd Reyen einen gu- ten schritt nim̃t/ vnd eben im Glid vnd Reyen stehet: vnd kan solches im Reyen geschehen/ wann je einer dem anderen vber sein scheitel des Haupts außsihet.
Warumb man Glider vnd die Reyen richten vnd ebnen solle.
Darumb/ weiln es gut für das Geschütz ist: dann wo die Kegel eben vnd weit von einanderen stehen/ so laufft gern die Kugel zwüschen durch/ vnd trifft nicht bald/ so aber einer aussert den Reyen were/ moͤchte selbiger desto ehender getroffen werden.
Mit halben Reyen rechts dopplieret ewere Glider.
Darumb/ weiln man auß 6. Glideren 3. vnd auß. 20. Reyen 40. Reyen machen kan. Vnd namlich/ es werden die drey hinderen Glider in die drey vordersten auff die rechte hand eyngefuͤhrt: dergestalten/ daß das vierte Glid in das vorderste vnd erste/ das fünffte in das ander/ vnd das sechßte in das dritte Glid gefuͤhrt werden: vnd kan man also ein Schlacht-Ordnung noch ein mal so breit/ vnd vmb das halbe theil kürtzer machen.
Mit halben Reyen lincks dopplieret ewere Glider.
Es hat darmit ein gleiche form vnd gattung/ außgenommen/ daß man alßdann die hindersten Glid lincks eynfuͤhret.
Erstellt euch.
Es verfuͤgt sich alß dann ein jeder widerumb/ da man Rechts sich er- stellen heißt/ rechts: da man sich aber Lincks erstellen heißt/ Lincks auff sein vorige stell.
Wann
Von uͤbung allerley Wehr vnd Waaffen.
Wann man spricht: mit Reyen rechts vmb kehrt euch.
Da gehet das vorderste Glid/ vnd also die vbrigen hernach/ ein schritt für die Ordnung/ kehren sich alßdann rechts vmb/ vnd gehen durch die Glider/ also daß das vorderste Glid auff den Platz oder Stell kommet/ wo das hin- derste Glid gestanden/ vnd wie es sein angesicht gewendet/ also auff demselben Platz still haltet: vnd soll auch ein jeder seinem vorstehenden Mann fleissig nachfolgen/ vnd nichts desto weniger das Glid steiff halten.
Ewere Reyen lincks vmbkehrt/ marschiert.
So geschicht dasselbig wie es zuvor mit dem recht vmbkehren beschehen/ allein daß es hier lincks vmb gekehrt wird.
Rechts beschliesset ewere Glider.
Das ist darumb angesehen/ damit man auff der lincken seiten etwan geschwind für die Wagen oder Stück/ oder andere ding ein Gassen machen/ vnd sich alßdann widerumb erstellen lassen will. Vnd wird also verꝛichtet: der erste Reyen auff der rechten seiten soll still stehen: der ander/ dritt/ viert/ ꝛc. vnd also fortan/ sollen sich an einanderen wol anschliessen/ doch so weit daß ein jeder sein Gewehr vnverhinderet fuͤhren moͤge.
Lincks schliesset ewere Reyen.
Da stehet der erste Reyen auff der lincken seiten still/ vnd werden die vbrigen Reyen daran geschlossen/ wie obbemeldt.
Vorwert schliesset ewere Glider.
So haltet das erst vnd vorderst Glid/ die vbrigen aber tretten herfür/ vnd beschließt je ein Glid das ander/ biß auff seines vorstehenden Manns Daͤgen-kloben: namlich/ wie das ander das erste/ also auch das dritte das ander beschliesset/ vnd also fortan.
Rechts oͤffnet ewere Reyen.
Wann man sich auff dem rechten fůß gegen der lincken hand vmb- wendet/ vnd auff sein vorige Stell zur rechten hand gehet/ vnd vorigen Stand nim̃t: auff dise form bleiben die Glider beschlossen/ vnd die Reyen geoͤffnet.
Lincks oͤffnet ewere Reyen.
Es ist obige meynung/ allein daß man mit dem lincken fůß vorher trit- tet/ vnd gegen der lincken hand auff sein alte Stell gehet/ oder vorige Stell widerumb nim̃t.
Offnet die Glider vorwerts.
So bleibt das letste Glid stehen/ die vbrigen aber alle gehen vorwerts auff jhre vorige Stell/ vnd nemmen jhren vorigen Stand auch vorwerts.
M
Wann
Dritter Theil/
Wann man die Glider hinderwerts oͤffnet.
So kehret sich aussert dem vordersten Glid die gantze Ordnung rechts vmb/ vnd nemmen jhre vorige Stell vnd Distantz/ wie vorgemeldt worden.
Wann man sagt: Rechts schwaͤnckt euch.
Wann die gantze Ordnung geschlossen ist/ (so meistentheils wegen der Reuterey eynbruch beschihet) vnd rechts geschwaͤnckt wird/ so schwaͤnckt man sich mit gantz beschlossenem Hauffen mit der lincken seiten gegen der rechten hand/ eintweders halb oder gar/ da dann die aussersten Reyen zur rechten seiten still stehen bleiben.
Lincks schwaͤnckt euch.
Jst eben der obige verstand/ da man sich mit der rechten seiten gegen der lincken hand gar oder halb schwaͤncket/ vnd die aussersten Reyen zur lincken seiten halten.
Von Glider vnd Reyen beschliessen.
Es moͤchte mancher gedencken warumb ich heisse die Glider beschliessen/ so man doch vnder den heutigen Kriegern die Reyen beschliessen heisset: vnd dargegen die Reyen beschliessen heisse/ da sonst in Exercitijs der Soldaten das widerspiel gebraͤuchig seye. So ist wol wahr/ daß solches auch mich auff die al- te form besser beduncket/ weiln aber solches die gemeine Landschafft schon lang im brauch gehabt/ alß habe ich zu vermeydung vnordnung/ vnd weiln solches schlechte Differentz mit bringt/ auch also mit brauchen/ doch jedem Doctor sein kapp vorbehalten woͤllen.
Bedencken von den Wendungen.
Von Glidern vnd Reyen.
Jch halte für das allerbeste/ daß man einem jeden Glid/ vnd auch jedem Reyen seinen nam̃en gebe/ damit wie man dopplieren will/ man mit einem oder zweyen worten allen den jenigen/ welche dopplieren sollen/ ruͤffen moͤge: vnd da man zuvor die Reyen vnd Glider abzellen/ vnd hin vnd wider lauffen/ still stehen/ oder gehen heissen muͤssen/ die Officier dessen vberhebt/ vnd mit minderer vnordnung die Glider oder Reyen zu dopplieren/ auch ein jeglicher sein Reyen vnd Glid/ auch neben vor- vnd hinder welchem er stehe vnd gehe/ wüssen/ vnd die Compagnie desto ehender in ein ordnung gebracht werden moͤge/ dardurch dann den Officierern vil muͤh abgenommen/ vnd desto fuͤg- licher vnd ehender auß der fundamentals Ordnung die Schlachtordnungen gemachet/ die flügel hinden/ vornen/ neben anhencken: vnd in summa dem Feind mit besserem vortheil auff das geschwindest begegnet werde. So ist mein meynung/ man solle ein Compagnie/ bruch/ flügel nicht hoͤher alß 6. hoch/ (oder 6. in einem Reyen/ oder 6. Glider hoch) machen/ vnd dem ersten
Glid
Von uͤbung allerley Wehr vnd Waaffen.
Glid
A.
Spießgesellen/ dem anderen Glid
B.
Rottgesellen/ vnd widerumb dem dritten
A.
Spießgesellen/ vnd also einem vmb den anderen Spieß- oder Rottgesellen den Nam̃en geben. Also/ wann du sprichst: Jhr Rottgesellen/ Rechts oder Lincks doppliert ewere Glider/ so gehet das ander Glid
B.
so Rottgesellen geheissen seind: vnd darnach das viert auch mit
B.
bezeichnet: vnd dann das sechßte/ so auch mit
B.
bezeichnet. Dise drey Glid seind Rott- gesellen/ vnd die anderen drey Glid seind Spießgesellen/ so mit
A.
bezeichnet seind/ die sollen stehen bleiben. Also kanst du es mit den Reyen machen/ wann du den aussersten zur rechten seiten
C.
die Rott/ den anderen
D.
die gefreyte Rott/ vnd also fortan einen vmb den anderen Rott/ oder gefreyte Rott heis- sest. Doch hast du zu observieren/ wann du dein Volck mit dem gesicht zur rechten oder lincken hand wendest/ so machest alßdann auß den Glideren Rotten. So mach es also: Sprich/ jhr Spieß- oder jhr Rottgesellen/ rechts oder lincks dopplieret ewere Reyen oder Rotten/ so schickt es sich recht vnd wol. Also auff dise form kanst du 1000. vnd mehr Mann auff ein mal ruͤffen/ da ein jeder alßdann weißt daß es jhn antrifft/ vnd ohne vnordnung doppliert/ da hingegen das ander grosse verwirꝛung gebe/ vnd da 100. oder 200. in ei- nem Glied seind/ die Officier hin vnd wider lauffen/ den so gehen oder stehen sollen/ anzeigen muͤßten/ so grosse vnordnung gebe. Wann du auch ein halbe Compagnie auß einer gantzen in einem augenblick haben wilt/ so sprich: jhr Rotten/ oder gefreyten Rotten marschieren her auß der Ordnung/ so bist schon fertig. Jn summa/ Jch befinde solches in allweg kom̃licher alß das alte: doch einem jeden Narꝛen gefallt sein kolben.
Von rechts vnd lincks vmb.
Mich duncket/ zu mehrerm verstand/ vnd daß das Landvolck solches desto ehender ergreiffe: man solle sagen/ gegen der rechten oder lincken hand halb vmb/ weil mancher nicht weißt/ ob es sonst gar vmb/ oder nur halb vmb ist/ das dann vil vnordnung machet.
Von rechts vmbkehrt oder lincks vmbkehrt.
So halte ich besser man sage/ kehrt euch gar vmb/ welches ein jeder Gro- bianus wol verstehet/ vnd ist vnnoͤhtig viler Ceremonien/ auch mag man kei- nen grossen vnderscheid zwüschen lincks oder rechts vmbkehrt euch/ haben: derhalben auch vnvonnoͤhten das gemeine Volck so vil darmit zu plagen: vnd ist einem gemeinen Landvolck (welches mehr auff arbeiten/ alß auff zier- lichkeit des Trüllens sihet) gnug/ wann sie die einfalt brauchen/ vnd jhr Ge- wehr wider den Feind ohne vilfaltige tritt vnd vbrige zierden nutzen/ vnd da- mit jhr Land defendieren moͤgen.
Wann man spricht: Rechts/ lincks/ oder vorwerts beschliesset Reyen oder Glider.
So sprich gegen der rechten oder lincken hand/ oder fürsich/ beschliesset
M ij
oder
Dritter Theil/
oder oͤffnet ewer Ordnung/ das dann ein jeglicher verstehet. Wiewol aber etliche meynen werden (wie ich wol erachten kan) daß dises wider der alten vnd jetziger Soldaten gebrauch/ vnd nicht vil/ oder wol gar nie gebraucht worden seye/ hab ich doch dise meine meynung dahin setzen vnd an tag geben woͤllen. Wer nun etwas bessers weißt zu kochen/ der woͤlle dasselbig auff sein form machen vnd anrichten/ vnd ist dises nicht für Soldaten oder hohe Of- ficier/ so es zehen mal besser/ alß ich/ moͤglich verstehen/ sonder für gemeine Landleuth angedeutet worden.
Hie folgen allerley jetz gebraͤuchliche Orationen/ so ein Quar-
tier- oder gemeiner Hauptmann/ auff der Landschafft/ nach ge- haltenem Exercitio gegen den Landleuthen vnd seinen vndergegebenen brauchen solle.
Erste form: Wie man nach gehaltener Musterung dem Volck abdancken solle.
Ehrsame/ liebe vnd gute Freund/ vnd vnserer gnaͤdigen Herꝛen vnd Oberen von N. besondersliebe/ getrewe/ ꝛc.
Dieweil jhr vnserer gnaͤdigen Herꝛen vnd Oberen von N. befelch vnd willen/ die anfuͤhrung in Wehr vnd Waaffen betreffende/ gnugsam wüssen: darüber auch jhr euch heutiges tags also gutwillig gebürender maassen allhie eyngestellt haben/ vnd euch die uͤbung/ vortheil vnd handgriff/ best vermoͤgens/ gewisen worden/ darnach sich dann ins künfftig ein jeder richten kan. Alß will ich euch für dißmalen laͤnger nicht behelgen vnd auffhalten/ sondern vmb ein mal freundtlich abgedanckt haben/ vnd zu meiner wider anheimschung/ dise ewere gehorsamlich eynstellung/ gegen hochgedacht vnseren gnaͤdigen Herꝛen vnd Vaͤttern/ mit erstem der sachen gemaͤß ruͤhmen/ die dann darab ein be- sonderbar wolgefallen tragen/ auch solches gegen euch in allem guten gebür- lich zu gnaden erkennen werden. Darneben so woͤllend jhr auch ermahnet seyn/ euch weiters (wie dann solches euch zugetrawt wird) gegen mehr hoch- vnd wol-ernañten vnseren gnaͤdigen Herꝛen vnd Oberen/ alß getrewe/ ge- horsame Vnderthanen eynzustellen/ vnd ins gemein also zu verhalten/ daß bevorderst die ehr Gottes/ vnd dann auch des Vatterlands nutz vnd wolstand/ vnd also ewer jedes eygen heyl moͤge gehandhabet werden: vnd in keinen zweiffel setzen/ dann das mehrgedacht vnser gnaͤdig Herꝛen vnd Oberen in jhren gnaden euch für befohlen haben werden. Da dann auch ich besonder- bar diser gantzen loblichen Herꝛschafft (oder Graffschafft) jetzt oder ins künff- tig wird koͤnnen angenehme dienst vnd freundschafft erweisen/ will ich mich allzeit willig vnd vnverdrossen hierzu finden lassen/ ꝛc.
Ein
Von uͤbung allerley Wehr vnd Waaffen.
Ein andere form: Wann ein Regiments-Person/ oder Quartierhauptmann/ auff alle Quartier zu musteren reitet/ vnd das Volck sich gefaßt zu halten vermahnet.
Ehrsame/ ꝛc. Alßdann vnser gnaͤdig Herꝛen vnd Oberen/ Burgermei- ster vnd Raht loblicher Statt N. auß allerley ehehafften/ vnd treffenlich vil daran gelegenen Motiven vnd Vrsachen für rahtsam vnd hoch-nohtwendig zu seyn erachtet/ vnd befunden/ daß jhre vnderhabende Landschafft/ vnd hiemit auch jhr in eweren Vberwehren vnd Waaffen angefuͤhrt vnd exerciert werden/ haben sie mir/ laut allhie eines beyhanden Schreibens/ ernstlich in befelch auffgetragen/ hin vnd wider zu reiten (oder zu reisen) vnd nach anmel- dung jhres gnaͤdigen Gruͤsses/ vnd gegen jhren Vnderthanen tragenden gün- stigen vnd geneigten Willens/ disen jhren Willen vnd Befehl ins werck zu richten: auff welchen empfangenen Befehl/ ich nicht ermanglen woͤllen oder sollen/ mich also bald auffzumachen/ vnd erstlich allhero in dise Graffschafft (oder Herꝛschafft) zu verfuͤgen vnd euch zusammen zu beruͤffen. Vnd die- weil jhr nun beysammen seind/ will ich euch hiemit mehr-gemeldten vnserer gnaͤdigen Herꝛen vnd Oberen günstigen vnd geneigten Willen angezeigt ha- ben: darneben euch jhres Befehls erjnneren/ welcher ist/ daß ein jeder der vber seine 20. Jahr alt ist/ sich mit seinem Vbergewehr gefaßt halte/ dasselbig recht lehrne fuͤhren vnd brauchen/ vnd sich von den angestellten uͤbungen/ bey vermeydung jhrer schwaͤren straaff vnd vngnad/ nicht absoͤndere vnd ent- eussere/ in ansehung jetziger gefahrlichen laͤuffen/ da vnser Widerpart aller- hand Practicken wider vns machet/ insonderheit von noͤhten ist/ daß man sich in bereitschafft halte/ damit man im fahl der noht/ für des Vatterlands wol- hergebrachte lobliche Freyheiten Leibs vnd der Seelen/ für Weib vnd Kind/ Haab vnd Gůt/ mit desto mehrerm vortheil streiten/ vnd dem Feind einen fruchtbarlichen abbruch thun moͤge. Werden euch derhalben/ alß vnserer gnaͤdigen Herꝛen vnd Oberen besonders getrewe liebe Vnderthanen der ge- bühr nach eynzustellen wol wüssen/ ꝛc.
Wann man extraordinari mustert/ vnd darneben sondere Commission hat.
Fromme/ ꝛc. Die Hochgeachten/ ꝛc. Herꝛen Burgermeister vnd ein gantzer Ehrsamer/ Hoch-wolweyser Raht loblicher Statt N. vnser gnaͤdig lieb Herꝛen vnd Oberen/ haben mich abgeordnet/ euch alß jhren getrewen lie- ben Vnderthanen/ jhren gnaͤdigen vnd günstigen Willen/ freundlichen Gruß/ sampt allem guten anzuzeigen. Vnd dieweil dann jetz ein zimlich lange zeit ein gantze lobliche Eydgnoschafft vnsers geliebten Vatterlands/ vorauß aber ein Statt N. sampt derselbigen zugehoͤrigen Landschafft in nicht geringe ge- fahr/ wegen des hin- vñ herzuruckenden froͤmbden vmbschweiffenden Kriegs- volcks gestanden vnd gesetzt ist/ inmaassen sie Hochgedacht vnser gnaͤdig Her-
M iij
ren
Dritter Theil/
ren vnd Oberen von vnderschiedlichen Orten/ ein fleissig Aug auff sich selbst zu haben seind ermahnet/ vnd hierdurch vervrsachet worden/ sich auff allen bege- benden nohtfahl/ vnd wider feindliches eynbrechen auch gefaßt zu halten/ ha- ben derowegen/ ꝛc. Vnd versehen sich also vnser gnaͤdig Herꝛen vnd Oberen/ jhr alß getrewe/ gehorsame Vnderthanen/ werden disem jhrem wolmeynli- chem Oberkeitlichem ansehen gehorsamlich nachsetzen/ vnd alles das jenige thun/ was zu erhaltung der waaren Religion/ der Freyheit des Vatterlands/ vnd zu schutz vnd schirm vnserer Weib- vnd Kinderen/ ein jeder bidermann zu thun schuldig ist. Der Allmaͤchtig Gott woͤlle zu disem allem sein heilige Gnad verleyhen/ vnd vns in gutem rhuwesen weiter gnaͤdig erhalten.
Ein andere form: Wie man ein Commission bey den Geschwornen ablegen solle.
Ehrsame/ ꝛc. Jhr wüssen gemeiniglich in was gefaaren vnser lieb Vat- terland/ ein gemeine lobliche Eydgnoschafft/ vorauß aber die vier Evangeli- sche Staͤtt/ jetzt ein lange zeit gestanden/ da man zwaren verhoffte/ es moͤchte etwan durch einen gemeinen Friden im Reych/ das Wetter sich zertheilen/ vnd das hin- vnd herschwebende Kriegsvolck abgedancket/ vnd wir also der gefaaren entlediget werden. Dieweil man aber ein vnd alle tag das wider- spiel erfahret/ vnd sich ein zimliche anzahl Volcks zu Ross vnd fuß eben nahe an den grentzen der Eydgnoschafft befindt/ seind vnser gnaͤdig Herꝛen vnd Oberen/ alß getrewe Vaͤtter des Vatterlands bewegt worden/ auch das jhri- ge zu thun/ vnd sich auff den fahl gerüst vnd verfaßt zu halten. Haben de- rowegen/ ꝛc. Vnd dieweil nun jhr jetz vorhanden seind/ hab ich euch hiemit dise Erkañtnuß vnserer gnaͤdigen Herꝛen woͤllen eroͤffnen vnd will euch zugleich ermahnet haben/ daß jhr bey eweren vertrawten Gmeinden solches außrich- tind/ ohne laͤngeren verzug/ auff daß Sie vnser gnaͤdig Herꝛen sich auff den nohtfahl ferꝛners zu verhalten wüssind. Das werden Sie vnser gnaͤdig Herꝛen in gnaͤdigem vnd günstigem willen von euch annemmen/ vnd werden jhr eben das thun/ was ein jeder ehrlicher bidermann für sein Vatterland zu thun schuldig ist.
Ein andere form.
Fromme/ ꝛc. Vnsere gnaͤdige Herꝛen vnd Oberen/ Burgermeister vnd Raht der Statt N. haben auß anlaß jetziger laͤuffen angesehen/ daß al- lenthalben in jhrer Statt vnd Landschafft/ die Wehr vnd Waaffen besichti- get/ vnd die Rotten der Compagnien vnd Fendlinen allhiesigen Quartiers completiert vnd ergaͤntzt werden: die vnaußgezogenen aber besonderbar auß- gezeichnet/ vnd also vnder die Compagnien eynget heilt werden moͤchten/ damit ein jeder wüsse/ wohin er sich mit seinem Vberwehr/ in Stürm vnd Glaͤuff/ nicht allein verfuͤgen/ sondern auch seinen Hauptmann erkennen moͤ- ge. Der vrsachen wegen auch ich/ Jaͤhrlichem gebrauch nach/ zu euch auff das
allhie-
Von uͤbung allerley Wehr vnd Waaffen.
allhiesig Quartier zu exercieren geritten bin. Da sollen nun jhr alß vnserer gnaͤdigen Herꝛen Nachgesetzte vnd beeydete treffenlich vnd ernstlich ermah- net seyn/ daß jhr mit erstem vnverzogenlich euch auff dem Gmeindhauß zu- sammen thuͤgind/ vnd mit einanderen die Rotten allerwegens ergaͤntzen/ die vnaußgezogene Mañschafft aber verzeichnen/ vnd von Hauß zu Hauß gehen/ die Wehr vnd Waaffen besichtigen/ vnd da jhr etwas mangels an Wehr vnd Waaffen/ auch an der Munition befinden/ daß jhr dann ein vnd anderen vermahnen/ sich besser verfaßt zu machen/ wo er anderst vnserer gnaͤdigen Herꝛen straaff nicht erwarten will: darneben sollen jhr auch das Volck ver- mahnen zur Gottsforcht vnd gehorsame der Oberkeit/ vnd jhnen wol zu ge- muͤht fuͤhren/ die jetzigen schwaͤren vnd gefaarlichen zeiten/ vnd daß ein Ehr- same Oberkeit nichts anders suche/ dann deß gemeinen Vatterlands Nutz vnd Wolstand/ vnd daß ein jeder bidermann ohne das schuldig seye Weib vnd Kind wider feindlichen vberfahl zu schützen vnd zu schirmen. Wann jhr nun dises also in trewen außrichten/ werden jhr eben das jenig thun/ was ewer Ehr vnd Eyd außweißt/ vnd mein gnaͤdig Herꝛen euch vertrawen/ vnd koͤnnen wir alßdann die hoffnung haben/ vnser Herꝛ vnd Gott werde hierzu verleihen sein Gnad vnd heiligen Geist/ auch vns weiters in vnserem geliebten Vatter- land gnaͤdig erhalten.
Ein andere form: Wie ein Quartierhauptmann sein Commission bey einem Obervogt ableget.
Edler/ ꝛc. Es moͤchte den Herꝛen villeicht wunder nemmen/ warumb ich dißmals zu jhm komme/ die vrsach ist kurtz dise. Es haben vnser gnaͤdig Herꝛen vnd Oberen auß anlaß jetziger gefaaren/ vnd deß hin- vnd her/ an den Eydgnoͤssischen grentzen/ schwebenden froͤmbden Kriegsvolck/ kurtz abgewey- leter tagen/ für gut angesehen/ daß man/ ꝛc. Vnd dann in ander weg wider feindlichen gewalt nohtwendige pr
ę
paratoria zum nohtfahl mache. Vnder solchen mittlen nun/ dardurch dem Feind (mit der gnaͤdigen hilff Gottes) ab- bruch geschehen mag/ haben sie auch für gut vnd rahtsam befunden/ daß ꝛc. Das ist nun von mir vnd vbrigen Herꝛen/ denen es aufferlegt/ beschehen/ vnd von vnserer gnaͤdigen Herꝛen approbiert vnd gut geheissen worden. Damit aber/ ꝛc. vnd dann allen jhren Herꝛen Obervoͤgten ein solches zu verꝛichten anbefohlen werde. Darumb haben sie mich zu dem Herꝛen abgesandt/ daß ich neben jhrem freundlichen Gruß/ gnaͤdigen vnd günstigen Willen jhme ꝛc. anzeigen thue: Wird hierauff der Herꝛ/ seinem hohen verstand vnd ansehen nach wol wüssen/ wie er mit seinen Ampts-angehoͤrigen solle vmbgehen/ da- mit vnserer gnaͤdigen Herꝛen Befehl erstattet/ vnd im fahl der noht jederme- niglich zur gegenwehr gefasset seye. Das werden vnser gnaͤdig Herꝛen in al- lem gutem erkennen. Vnd wo auch ich besonderbar für mein Person dem
Her-
Dritter Theil/
Herꝛen vnd den seinigen/ wird etwas angenehms beweisen koͤnnen/ soll es all- zeit mit gar gutem willen beschehen.
Ein andere form: Wann man die Rotten der Compagnien ergaͤntzen/ vnd sich verfaßt halten soll.
Ehrsame/ ꝛc. Demnach vnseren gnaͤdigen Herꝛen glaubwürdig für- kommen/ was massen die gefaaren/ darinn vnser geliebt Vatterland ein lan- ge zeit gestanden/ nicht abnemmen/ sondern je laͤnger je mehr wachsen/ wie dann allernechst bey jhren grentzen vmb N. N. vnd selbst herumb/ ein grosse froͤmbde Kriegsmacht sich versamlet/ vnd zusammen thut/ welche allerley muhtwillens mit biderben Leuthen treiben/ vnd niemand wüssen mag/ wo- rauff es gespielt vnd angesehen seye. Seind Sie alß ein Christenliche Oberkeit vervrsachet worden/ bey zeiten zu der Sach zu thun/ vnd von newem zu sehen/ wie die jhrigen zu Statt vnd Land mit Wehr vnd Waaffen/ Munition vnd allerhand nohtwendigkeit versehen seyen. Haben derowegen mir in befehl aufferlegt/ daß ich so wol allhie in disem Quartier vnd bey den vbrigen Wach- ten/ alß auch anderstwo in jhrer Landschafft die fürgesetzten der Gmeinden/ Vndervoͤgt/ Geschworne/ Rottmeister/ vnd dergleichen zusammen beruͤffen lasse/ vnd fleissig nachforsche/ wie ein vnd der ander im fahl der noht versehen/ vnd ob die Rotten alle ergaͤntzt/ damit wo etwas mangels/ derselbig bey zeiten koͤnne ersetzt werden: darneben so versehen sie sich zu euch/ wie auch den vbri- gen jhren Vnderthanen gemein- vnd sonderlich aller trew/ gehorsame vnd dapfferkeit/ vnd verhoffen/ jhr werden euch im fahl der noht redlich vnd dapf- fer eynstellen vnd erzeigen/ wie es rechten liebhaberen des Vatterlands wol anstehet: vnd das vmb desto ehender/ weiln es antrifft vnser eines jeden ey- gen Hauß vnd Heimath/ Weib vnd Kind/ die Freyheit waarer Religion vnd gantzen Vatterlands/ zu dessen erhaltung billich ein jeder redlicher Mann/ sich nicht scheuhen soll Leib vnd Leben auffzusetzen vnd zu wagen: das werden auch Sie vnser gnaͤdig Herꝛen (ohne das ein jeder vnder euch schuldig ist) in gna- den vnd allem gutem erkennen. Das nun hab ich euch/ von jhrentwegen woͤllen eroͤffnen/ vnd koͤnte hierauff ein anfang gemachet werden. Derhal- ben jhr Vndervogt/ oder Rottmeister bringet her den Rodel/ so wol der auß- gesetzten alß der vnaußgesetzten/ vnd jhr gebet hie bericht vnd kundtschafft/ wie man versehen seye/ vnd verhaltet nichts.
Ein andere form einer Abdanckung.
Ehrsame/ ꝛc. Demnach vns der guͤtig gnaͤdig vnd liebe Gott/ aberma- len auß sonderen gnaden vnd vaͤtterlicher barmhertzigkeit/ die froͤliche Som- mers- oder Fruͤhlingszeiten in gutem rhuwesen/ vor allen anderen Voͤlckern auß/ in vnserem geliebten Vatterland/ mit den vnseren (darumb jhme dann groß lob vnd danck gesagt sey) erleben lassen/ haben vnser gnaͤdig Herꝛen vnd
Obe-
Von uͤbung allerley Wehr vnd Waaffen.
Oberen vns die Hauptleuth abermalen auff dise zum trüllen vnd uͤbung der Wehr vnd Waaffen bequeme zeiten/ gewohnlicher abtheilung nach/ gnaͤdig befelcht/ ein allgemeine Musterung vnd uͤbung Wehr vnd Waaffen mit euch (so anjetzo beschehen) fürzunemmen/ zu was end aber vnd warumb das all- wegen auff dise zeit des Jahrs angesehen/ ist meniglich bewußt/ derhalben vn- noͤhtig solches zu erzellen. Daß jhr aber euch auff den Trommenschlag also ge- horsamlich vnd willig eyngestellt/ vnd darneben auch das ewerig gethan/ hat mich solches nicht wenig erfrewt/ vnd thu euch hiemit freundlichen abdancken/ vrbietig/ solche gutwillig vnd gehorsame eynstellung beyneben anderem/ der sachen gebür nach/ hochgedacht vnseren gnaͤdigen Herꝛen/ erster begebenheit anzuruͤhmen/ die solches zu gnaͤdigem gefallen/ vnd allen gnaden gegen euch zu erkennen wüssen werden. Verhoffentlich jhr werden euch ins künfftig wei- ters alß gehorsame/ finden lassen/ vnd darneben die 6. angesetzten Schießtag erfüllen/ auch das/ so euch jetzt gezeigt/ in fürtere obachtung nemmen/ vnd euch zu fahls zeiten (da vns doch Gott weiters gnaͤdig erhalten woͤlle) verfaßt vnd bereit erfinden lassen: welches/ so es geschicht/ zu ewer eigenen wolfahrt/ vnd dann zu vnserer gnaͤdigen Herꝛen wolgefallen gereichen wird.
Von der Reuterey.
Von derselben muntierung.
Ein Reuter soll sich des ersten versehen mit einem guten starcken/ berin- gen/ wendigen/ nicht fewrscheuchen Pferd/ das vber die Graͤben zu springen/ durch Wasser zu schwümmen/ Berg auff- vnd abzulauffen/ abgericht seye/ ꝛc. Darnach mit einem guten Sattel/ mit starcken Brust- Bauch- Büchel- vnd anderen Riemen/ Rincken/ Büchlen/ Zaum vnd Halffteren/ guten Stifflen vnd Sporen/ Pandalierꝛohr/ Pistolen/ Spanner/ Fewrsteinen/ Zünd- vnd anderem Pulfer/ oͤlflaͤschlein/ Zünd- vnd Pulferhoͤrnlein/ Kuglen/ Patron- vnd S
at
teltaͤschen/ Patronen: Jtem/ mit einem Jungen oder Knecht/ einem schne
id
enden breiten Daͤgen/ Hůt/ Goller/ Mantel oder Rock/ ꝛc. Deßgleichen allzeit zum vorꝛaht haben etliche Huffeysen/ Huff- vnd ander Naͤgel/ einen Schmidshammer/ Zangen/ Sichlen/ Saͤgesen/ Schůhmacher-Ahlen/ Draͤt vnd Nadlen/ wie auch breit/ schmal vnd lang Riemen/ Rincken/ ꝛc. Jtem/ Artzneyen für das Pferd/ ꝛc.
Von abrichtung der Pferden.
Ein Reuter hat mehrer abrichtung weder ein Soldat zu fuß von noͤh- ten: dann er muß neben uͤbung seiner Waaffen sein Pferd/ jetzt rechts/ jetzt lincks: dann fürsich/ dann hindersich zu weichen vnd zu wenden: dann zum reiten: dann zum traben: dann zum caloppieren: dann zum vollen carꝛie- ren oder springen: lincks vnd rechts/ vnd in allweg abrichten. Jm still hal-
N
ten
Dritter Theil/
ten soll ers lincks vnd rechts/ vnd gar vmb rechts oder lincks vmbkehren. Er soll auch dasselbig in einem kleinen: bald in einem noch kleineren: bald aber in gar kleinem Ring: dann gegen diser: dann gegen jener seiten vmb: jetzt ge- hend: dann trabend/ oder caloppierend an einem langen Seil (welches er nachlassen vnd an sich ziehen kan/ je nach dem das Pferd in einem Ring lauf- fen soll) mit einer geislen oder spißgerten herumb treiben: alß dann auffsitzen/ dasselbig widerumb in dem Ring/ jetztgehoͤrter massen/ herumb reiten vnd sprengen: Jtem/ für die Trommel fuͤhren/ vnd dieselbig ruͤhren: vor- neben- vnd an seinem Haupt die Pistolen loß brennen/ vnd so offt vnd dick abrichten/ biß er genugsam damit versehen ist.
Von dem Exercitio der Reuteren.
Ein jeder soll sich gewennen den Zaum in der lincken hand zwüschen beyden mittleren fingeren zu halten/ vnd sich vom boden/ die Pistolen in der rechten hand fuͤhrende/ auff- vnd von seinem Pferd zu schwingen: deßgleichen sein Pandalierꝛohr vnd Pistolen lehrnen vortheilhafftig laden vnd spannen: Jm reiten/ traben/ caloppieren vnd in vollem carꝛieren oder springen das Pandalier anschlagen/ ein Pistolen vmb die ander: dann lincks: dann rechts: jetzt hindersich: dann fürsich/ auff Mann oder Ross loß brennen: von- vnd zum Feind/ bald trabend: bald caloppierend: dann springend reiten. Die Distantzen vnd Stellungen der Ordnungen seind viererley: 1. Die gewohnlich Distantz: alß da die Pferd vier schritt zur rechten vnd zur lincken seiten/ hindersich vnd fürsich von einanderen stehen: 2. Die doppelte Di- stantz: da die Pferd acht schritt von einanderen stehen: 3. Die dreyfache Distantz: da ein Reuter zwoͤlff schritt von dem anderen haltet: 4. Die vierfache Distantz: da einer sechszehen schritt von dem anderen haltet. Man wendet/ doppliert/ schließt/ schwenckt/ ꝛc. gleich wie vnder dem Fußvolck/ dann rechts: dann lincks: je nach dem man vorhabens ist. Man gibt Glider vnd Reyenweis/ erstlich reitend: dann trabend: dann caloppierend: dann im vol- len carꝛieren oder springen fewr/ vnd hencket sich widerumb hinden/ vornen/ oder neben hinzu an: doch wo ein Glid fewr gegeben/ soll sich dasselbig in einen Reyen verfuͤgen/ vnd je ein Reuter dem anderen nachhawen: vnd soll ein Schwader nicht hoͤher alß 5. hoch/ vnd an Reutern 40. oder zum hoͤchsten 60. starck seyn.
Was im scharmuͤtzieren zu bedencken seye.
Es soll ein jeder seinen Daͤgen am Arm außgezogen an ein band hen- cken/ das Pandalierꝛohr vnd Pistolen bereit geladen vnd gespannen haben/ doch das Pandalierꝛohr im anlegen nicht auß dem Haacken vnd Riemen thun/ sondern mit dem Riemen anschlagen: nach demselben in vollem carꝛie- ren auff den Feind/ nach desselbigen kopff oder lincke brust: also auch/ da er sein
Pferd
Von uͤbung allerley Wehr vnd Waaffen.
Pferd fellen will/ schiessen. Wann er nun sein Pandalierꝛohr abgebreñt/ ge- stracks die Pistolen auß- vnd auffziehen/ vnd nicht/ er sehe dann seinem Feind das weiß in den augen/ auff jhne loß brennen: darauff den Daͤgen/ densel- ben darmit zu schaͤdigen/ in die rechte hand fassen. Da nun der Feind in dein Trouppen/ allweiln du still haltest/ auff die eintwedere seiten starck car- riert vnd anhawet/ solt du dich alßdann lincks oder rechts darmit auff ein seiten von deiner Stell verfuͤgen/ vnd schwaͤncken/ so wirst du jhme in seine seiten/ mit dem Haupt oder Fronte starck eynfallen/ vnd jhne in ein vnord- nung bringen moͤgen. Du solt aber jnsonderheit sehen/ daß dir der Feind nicht auff den rucken hawe/ sondern du jhme das gegenspiel erweisen koͤnnest/ vnd dein Compagnte in zween theil: namlich deine Glider halbierest/ vnd mit dem einen theil lincks/ mit dem anderen dich rechts schwaͤnckest/ vnd den Feind vmbgeben moͤgest. Du solt auch allzeit gut Glider vnd Reyen halten/ vnd die Pferd jhre koͤpff gleich halten lassen. Wann du nun schwaͤnckest/ so soͤll solches/ erstlich reitend/ darnach trabend/ bald caloppierend/ vnd darauff im vollen carꝛier beschehen/ damit des Feinds ordnung durch das starck an- hawen vertrennen moͤgest. Wann man aber mit etlichen Compagnien fech- ten will/ so soll man die freye Reuter/ so die best abgerichtesten Pferd vnd Maͤnner seind/ vorher auß allen Compagnien commandieren/ vnd deß ersten angreiffen lassen/ auch die abgerichtesten Pferd auff beyd seiten/ vnd vornen vnd hinden stellen.
Von den aͤmpteren.
Vnder einer Compagnie zu Pferd hat es/ erstlich ein Rittmeister/ darnach ein Leutenam̃t/ Cornet/ Quartiermeister/ oder Furier/ Fahnen-Juncker zween Corporal/ ein Schreiber/ Feldschaͤrer/ Marckitaͤnter/ etliche freye Reu- ter/ ein Huffschmid/ ein Sattler/ zween Trompeter. Eines jeglichen Ampt Zug vnd Wacht aber weiset auß was die aͤmpter/ Zug vnd Wachten zu fuß außweisen. Vnd weiln ich nun nichts von dem Furier zu fuß geschriben/ da doch ein Quartiermeister gleiches Ampt vnder seinen Reuteren verꝛichtet: So mercke allhie/ daß er mit dem General-Quartiermeister vorauß ziehe/ vnd da jhme das Quartier seiner Compagnie zeiget ist/ verordnet er das best vnd gelegnest Ort für seinen Rittmeister/ nachmals für den Leutenam̃t Cor- net/ für sich vnd andere Officierer/ jedem nach seinem Stand vnd Ansehen. Er macht auch sein zeichen an die Losament: ist es aber im Feld/ so theilt er die Losament nach gelegenheit auß. Des Trompeters Ampt ist/ auff den Ritt- meister zu warten/ der Compagnien vorziehen. Er soll auch wüssen vnd koͤn- nen sein vnderschiedenlich blaasen: alß wann man essen/ sattlen/ auffsitzen vnd marschieren solle: Jtem/ so Feind vorhanden/ zum Lermen vnd zum Treffen blaasen/ diß hat alles sein vnderschidenlich trompeten. Er soll keck vnd mann- lich seyn/ deßgleichen verstaͤndig/ geschickt vnd außrichtig/ vnd da man vor dem
N ij
Feind
Dritter Theil/
Feind ist/ soll er sich allzeit zum Fahnen halten: verstaͤndig vnd geschickt/ da- rumb/ so man jhne/ alß offt geschicht/ etwan mit Feinds brieffen oder gefange- nen/ oder etwan Besatzung auffzuforderen/ oder in anderen geschaͤfften vnd bottschafften zum Feind schicket/ er die Sach wüsse weyßlich außzurichten/ zu reden vnd zu schweigen/ was vnd wann es sich zimbt. Der Rittmeister nim̃t auch gebührliche Pflicht von jhme/ in dem er jhm eynbindet/ was jhne für gut vnd noht ansihet von jhme. Mit einem Cornet ist auch ein beschaffenheit/ alß wie mit den Fendrichen zu fuß: Er soll das Cornet allzeit im fechten hoch- vnd die Reuter wol beysammen halten/ sie ermahnen vnd trostlich zuspre- chen: Er soll auch ein mannlicher vnd wol erfahrner Mann seyn/ dann an jhme vil gelegen/ vnd ist nicht darmit außgericht/ daß er glatt außgestrichen/ wol gerüst vnd auffgemutzt seye: dann es gehoͤrt mehr alß ein rot par schuh zu disem Dantz. Wie nun die Schlachtordnungen gemacht werden/ vnd man zu Pferd weiters fechten solle: wird solches der liebe Laͤser nachgehends bey den Schlachtordnungen finden.
Ende des Exercitij zu Ross vnd Fůß.
Hie folget/ wie man allerhand gattung Zug- vnd Schlacht-
ordnungen zu Ross vnd Fůß machen/ vnd darmit fechten solle.
Was ein Ordnung seye.
Es ist ein hauffen Kriegsvolck/ so Reyen- Glider- Squadronen/ halb- vnd gantzen Compagnien vnd Regimenter-weis/ auff allerley form vnd ma- nier/ nach beschaffenheit des orts vnd feinds gestellt vnd abgetheilt wird/ dar- mit man durch Berg vnd Thal/ Paͤß vnd Clausen/ von- zu- vnd gegen dem Feind zeucht/ vnd sich darmit vor des Feinds vberfahl beschirmet.
Wie vilerley gattung derselben seyen.
Es seind derselben viererley gattungen: Namlich/ die Stell- Zug- Fun- dament- vnd Schlachtordnungen.
Was die Stellordnung seye.
Sie ist die erste Ordnung/ so gerichtet vnd gestellet wird/ darauß man die Zugordnung formieret.
Was die Zugordnung seye.
Es ist ein verlaͤngte/ vnd weit in die laͤnge/ vnd zum marschieren außge- daͤnnete dienstliche Ordnung: da sich ein halb- gantz- oder mehr Compa- gnien in 2. 3. 4. 5. 6. oder mehr Reyen (je nach dem der Paß/ oder Weg/ da- rüber man marschieren muß/ eng/ schmal/ oder breit ist) nach der laͤnge er- strecket.
Was
Von uͤbung allerley Wehr vnd Waaffen.
Was ein Fundamentordnung seye.
Sie ist das fundament/ darauß man alle vbrigen Schlachtordnungen anschicken vnd formieren kan.
Was ein Schlachtordnung oder Bataille seye.
Sie ist ein Ordnung/ so zu der zeit des Feinds/ in deme man sich mit jh- me zu schlagen willens ist/ je nach gelegenheit des orts vnd seinem angriff/ auff vnderschidenliche gattungen vnd manier gemachet/ gestellt/ vnd daher von dem woͤrtlein schlagen/ Schlachtordnung geneñt wird.
Wie man die Stellordnung mache.
Darvon besihe das ander Kupfferblat so zu end des dritten theils ge- bunden ist/ mit der grossen zahl
I.
bezeichnet: dieselbe wird also gemachet. Man stellt deß ersten alle Musquetierer zusammen an einen hauffen in 6. gli- der/ oder 6. hoch: darnach distribuiert oder zertheilt man dise jetztgenañten Musquetierer in 4. gleiche theil/ deren ein jeder theil ein Squadron/ Schwa- der/ Flügel/ oder Bruch heisset/ vnd seind hiemit derselben vier Squadronen Musquetierer/ so wirst du jeden 6. hoch/ oder von 6. glidern/ vnd in jedem 4. Mann/ oder 4. breit haben/ wie dich die kleiner zahl 1. 2. 3. 4. lehret: deßglei- chen solt du dich mit den Spiessen auch verhalten/ vnd sie in 4. gleiche theil di- stribuieren vnd theilen/ so hast du gleich vil Squadronen oder Brüch/ in glei- cher hoͤhe vnd breite/ wie 5. 6. 7. vnd 8. außweisen.
Wie man ein Zugordnung einfach/ oder zweyfach machen solle.
Darvon besihe das ander Kupfferblat mit der groͤsseren zahl
II
.
vnd
IV
.
bezeichnet. Deß ersten in einer einfachen Zugordnung marschiert der Capitain mit dem ersten bruch Musquetierer der geringeren zahl 1. darauff 2. der ander bruch oder Squadron: alßdann haltet der Leutenam̃t mit den vbrigen Musquetierern/ vnd marschiert der erst bruch Spieß mit 3. bezeich- net widerumb/ der ander bruch Spieß mit 4. Auff dise der Fendrich mit dem dritten bruch Spieß mit 5. Vnd zu letst der vierte bruch Spieß mit 4. bezeich- net. Dise Spieß beschliesset alßdann der Leutenam̃t mit den vbrigen Mus- quetierern also: Er zeucht deß ersten mit dem 7. dem dritten bruch Musque- tierer/ vnd zu letst 8. der vierte bruch letster Musquetierern. Wann man aber ein gedoppelte Zugordnung machen will/ so marschieren alßdann zween brüch neben einanderen/ wie du in dem obbemeldten Kupfferblat mit der grossen zahl
IV
.
vnd
II
.
angedeutet finden wirst.
Wie man ein Fundamentsordnung machen solle.
Darvon besihe obbemeldte zwey Kupfferblat mit der grossen zahl
III
.
angedeutet. Wann du nun mit einer einfachen Zugordnung/ wie du oben ge- lehrt bist/ anziehest/ so halte still mit 1. dem ersten bruch/ neben diser zur lincken
N iij
sei-
Dritter Theil/
seiten stellt sich 2. der ander bruch fein gleich in Reyen vnd Glider/ vnd also fortan/ je ein bruch dem anderen an sein lincke seiten.
Wie man die erste Schlachtordnung mit einer Compagnie machen solle.
Darvon besihe obangezogen ander Kupfferblat mit der grossenzahl
V.
Dise mache also: Marschiere mit 1. dem ersten flügel oder bruch Musque- tierer für die Ordnung beyseits hinauff: also thue auch mit 8. dem letsten flügel oder bruch Musquetierer/ vnd bleibe mit den vbrigen Squadronen oder flüglen 2. 3. 4. 5. 6. 7. in jhrer guten Distantz vnd Ordnung stehen.
Worzu solche Battaille oder Schlachtordnung dienstlich/ vnd wie man darmit fechten solle.
Wann du dich mit dem Feind zu schlagen bedacht/ so lasse sich die Mus- quetierer mit Kraut/ Loth vnd Lunden wol versehen: die Lunden an beyden enden anstecken/ Kuglen in den Mund nemmen/ vnd die Kriegssaͤck vnd an- ders/ so jhnen verhinderlich von sich auff einen hauffen legen/ fuͤhre alßdann die erste 2. Squadronen Musquetierer so mit 1. vnd 8. bezeichnet gegen deinem Feind an: Jnzwüschen sollen die vbrigen Musquetierer sich auch ge- faßt halten/ vnd beyneben den Spießknechten sich auff den boden nider thun/ damit das geschooß vber sie hinauß gehe/ vnd nichts schaden moͤge. Jm schar- mützieren sollen die Musquetierer gliderweis einanderen abloͤsen/ vnd auff den knien vnd gerad für sich hinauß gegen des Feinds knien fewr geben/ vnd sich im laden/ wie du vornen in disem Buͤchlein gelehret bist/ verhalten. Es soll auch die Ordnung allgemach vnderweilen hinnach rucken/ vnd sich allzeit widerumb darnider lassen. Wo nun die 2. ersten Squadronen Mus- quetierer das jhrige gethan/ so sollen die vbrigen 2. Squadronen 7. vnd 2. Musquetierer mit einem frischen muht vnd geschrey auffwütschen vnd die ersten entsetzen/ vnd auff ein newes angreiffen/ die abgeloͤßten aber widerumb jhre alte Distantz oder Stell neben die Spieß auff beyden seiten nemmen/ sich widerumb ermunteren vnd mit Kraut vnd Loth versehen/ vnd darnach jhre erloͤser widerumb entsetzen/ so lang vnd vil die hauffen auff einanderen stossen/ alßdann so sollen auch die Spießknecht auffwütschen vnd mit grossem ge- schrey auff den Feind anfallen. Es sollen auch etliche mit grossen Prüglen vnd Helleparten auff die seiten gecommandiert werden/ welche die Spieß des Feinds zuvorderst in den boden oder auffwerts schlagen/ so dann ein grosser vortheil/ vnd dargegen dem Feind einen grossen nachtheil bringet. Es soll auch der Fendrich in der mitte der Spiessen vnd wol bedeckt halten/ vnd sei- nen Fahnen empor heben/ vnd fliegen lassen.
Die ander Bataille oder Schlachtordnung.
Darvon besihe das ander Kupfferblat mit der grossen zahl
VI
.
bezeich-
net.
Von uͤbung allerley Wehr vnd Waaffen.
net. Marschiere mit allen deinen Spiessen in guter ordnung für die Mus- quetierer hinauß/ vnd lasse 1. vnd 2. zur rechten/ 7. vnd 8. zur lincken in jhrer Distantz verbleiben.
Die dritt Battaille oder Schlachtordnung.
Darvon besihe das 11. Kupfferblat mit der grossen zahl
VII
.
Lasse bey- de flügel oder alle Musquetierer zur rechten vnd lincken seiten für die Ord- nung hinauß/ neben den Spiessen hinauff marschieren/ vnd blybe mit dyner Ordnung in guter Distantz halten/ damit wo sich der Feind pr
ę
sentieren vnd wenden moͤchte du dich zu deinem vortheil erzeigen koͤntest.
Worzu dise Bataille oder Schlachtordnung dienstlich seye.
Wann dich der Feind mit starcken trouppen Musquetierer angreiffet/ so kanst du dich also mit deinen Musquetierern pr
ę
sentieren/ vnd gliderweis/ wie vornen gelehrt bist/ auff jhne fewr geben lassen: vnd da der Feind mit Hagel vnd vilem Geschütz vnder dich spilete/ solt du dein Ordnung oͤffnen vnd nicht eng zusammen schliessen: dann wo die Kegel eng in einanderen stehen/ da schlaget ein kugel/ so dareyn kom̃t/ gemeiniglich vil auff ein mal vmb.
Die vierte Battaille oder Schlachtordnung.
Darvon besihe die grosse zahl
I.
im dritten Kupfferblat. Theile den er- sten aussersten Squadronen zur rechten seiten in zween gleiche theil/ vnd mar- schiere mit dem ersten theil oder halben Squadron von dreyen Glidern/ so mit 1. bezeichnet/ ein zimliche Distantz für die Ordnung hinauß/ alßdann weiche mit dem anderen theil des zertheilten Squadrons/ hinder die Ord- nung/ wie 2. zeiget: also thue auch mit dem aussersten lincken flügel oder Squadron Musquetierer/ vnd distribuiere jhne auch also/ wie du mit dem er- sten Squadron 1. vnd 2. gethan/ vnd dich 7. vnd 8. lehret. Darnach nim- me den anderen flügel oder Squadron/ vnd zertheile jhn gleichfahls/ fuͤhre den halben theil ein wenig für die Spieß hinauß/ den anderen halben theil aber hinder die Spieß/ wie dich 3. vnd 4. zur rechten seiten lehret. Also solt du es auch auff der lincken seiten mit 5. vnd 6. machen: vnd die Spieß sollen in jhrer Distantz verbleiben.
Wie man solche Schlachtordnung brauchen solle.
Wann du nicht wüssen magst ob dich der Feind hinden oder vornen/ oder auff eintwederer seiten/ oder aber rings vmbher angreiffen moͤchte/ so kanst du dich in solcher Ordnung pr
ę
sentieren: Trifft er nur allein von vor- nen auff dich/ so kan je ein trüpplein das ander gantz vortheilhafftig mit sehies- sen auff beyden enden der Ordnung entsetzen/ wie 1. 3. 7. vnd 5. lehret/ vnd da es noͤhtig/ von den vbrigen halben Squadronen/ wie 4. 6. 2. vnd 8. außwei- sen/ widerumb entsetzt werden. Wann du nun hinden vnd vornen zugleich angetastet wurdest/ kanst du dich mit 8. 2. 6. vnd 4. vornen aber mit 1. 3. 7.
vnd
Dritter Theil/
vnd 5. wehren. Were es aber an dem/ daß du dich auff allen enden pr
ę
sen- tieren muͤßtest/ so kanst du dich vornen mit 1. vnd 7. hinden mit 2. vnd 8. vnd zur rechten seiten mit 3. vnd 4. zur lincken aber mit 5. vnd 6. defendieren vnd wehren/ vnd koͤnnen alle deine Musquetierer sich treffenlich mit jhrem Ge- wehr erzeigen. Wo du dich aber verschossen hettest/ vnd dir die Reuter zu sehr auff den Leib tringen wurden/ so solt du mit dem einen aussersten Squadron- spieß/ so mit 9. bezeichnet/ zwüschen 3. vnd 4. hinauß fallen/ also auch mit den Spiessen/ 12. zwüschen 5. vnd 6. mit 10. aber zwüschen 1. vnd 7. vnd 11. zwü- schen 2. vnd 8. vnd dise Squadronen fein hart an einanderen schliessen/ vnd also ein Creutz/ wie die groß zahl
III
.
andeutet/ machen. Da nun die Reuter vnd Fußvolck ansetzen wurden/ so sollen alßdann die Spieß vber die Musque- tierer langen. Es sollen aber die Musquetierer auff den knien ligen/ vnd nicht alle zugleich/ damit sie sich nicht verschiessind/ fewr geben: vnd ist diß ein tref- fenliche gute ordnung/ damit man sich treffenlich beschützen mag.
Die fünffte Schlachtordnung.
Besihe das dritte Kupfferblat mit der grossen zahl
II
.
Wann du einen Squadron Musquetierer hast/ so 8. Glider oder 8. hoch ist/ vnd in jedem Glid 4. Mann/ so zertheil sie also: Lasse den gantzen Squadron still halten/ alßdann marschier mit dem dritten vnd vierten Glid auff die recht seiten hinauß/ vnd lasse zwüschen den zweyen vordersten vnd vier hindersten Glideren ein weite/ darnach marschiere mit den zwey allerhindersten neben den zweyen Glide- ren/ mit 3. bezeichnet/ auff lincker seiten hinauff/ vnd stelle sie/ wie 4. außweiset/ so hast du ein Creutzordnung von Musquetierern.
Worzu du dich diser Ordnung zu gebrauchen habist.
Dise Ordnung ist gut wann du die Reuterey/ so hin vnd her vmb dich schweiffet/ zu besorgen hast: Du kanst dich alßdann hinden/ vornen/ vnd auff all beyd seiten wehren. Man kan ein solche Ordnung vnd auch besser von mehr Musquetierern anrichten/ doch sollen sich bey leib die Musquetierer nicht verschiessen.
Die sechßte Bataille oder Schlachtordnung.
Besihe das vierte Kupfferblat mit der grossen zahl
I.
bezeichnet. Wann du einen runden Ygel machen wilt/ so mache deß ersten ein Creutz mit etlichen Hellenparten abgemessen/ vnd zeichne dises Creutz/ alß weit vnd groß du die weite innwendig haben wilt: darnach so marschiere mit deiner Compagnie in der Zugordnung/ lasse die Reyen dopplieren/ vnd ziehe also rings vmbher vmb dises Creutz/ in der ründe Reyenweis/ doch also/ daß allzeit ein Musque- tierer gegen zween Spiessen kom̃e/ vnd die Musquetierer/ so bald sie loß geschos- sen/ sich widerumb durch die Spieß auff jhre vorige Stell begeben/ vnd an- dere Musquetierer sie abloͤsen moͤgind: also daß die Spieß auch nicht zu weit
von
Von uͤbung allerley Wehr vnd Waaffen.
von einanderen stehen/ vnd die Reuterey durchbrechen moͤge. Wann aber die Reuter zu nahe kommen/ sollen die Musquetierer sich in den Ygelhineyn begeben: die Spießknecht jhre Spieß gegen den Reuteren fellen/ vnd vber einanderen jhre Spieß schrencken: die Musquetierer aber jhre Musqueten vber die Spießknecht gegen dem Feind ordenlich vnd nicht alle zugleich loͤsen.
Die sibende Battaille oder Schlachtordnung.
Besihe im vierten Kupfferblat die grosse zahl
II.
Wañ du ein Schlacht- ordnung ins geviert machen/ vnd die Spieß rings vmbher mit Musquetie- rern bekleiden wilt/ so must du es also anstellen: Lasse einen jeden Squadron Musquetierer (deren du 4. haben wirst) noch ein malso lang marschieren/ so hast du einen jeden bruch von zweyen Reyen/ vnd jeden Reyen von zwoͤlff Mann hoch vnd lang: die Spieß aber solt du jeden bruch von 8. hoch vnd 3. Reyen marschieren lassen/ vnd sie alßdann zusammen fuͤhren/ so wirst du 8. Glid/ oder 8. hoch haben/ vnd in jedem Glid zwoͤlff Mann. Wann du nun die Spieß also in ein gevierte Ordnung gebracht hast/ so solt du mit dem ersten bruch Musquetierer der laͤnge nach für die Spieß ziehen/ vnd das vorderste Glid Spieß nach der laͤnge decken/ wie 1. außweiset: darnach so marschier mit 2. dem anderen bruch Musquetierer neben den Spiessen auff der rechten seiten hinan/ so hast du solche auch gekleidet. Du kleidest also auch mit 8. mit Musquetierern die Spieß am Rucken zu hinderst: vnd dann mit 7. an der lincken seiten. Wo du aber ein/ zween/ oder vier brüch Musquetie- rer für hettest/ vnd dein Compagnie staͤrcker alß 200. Mann/ vnd mehr Mus- quetierer alß Spieß darunder weren/ so kanst du noch vier Trüpplein Mus- quetierer gleich einem Creutz/ wie der buchstaben
A.
außweiset/ anhencken.
Worzu dise Battaille dienstlich seye/ vnd man sie brauchen solle.
Wann dich die Reuterey rings vmbher angreiffen/ vnd dir so naht auff den Leib kommen moͤchte/ so solt du dich alßdann vnder die Spieß salvie- ren vnd begeben/ vnd kan ein Spieß biß auff vier oder fünff Mann defendie- ren vnd vberlangen: Es sollen aber die Musquetierer auff den knien ligen/ damit die Spieß vber sie außlangen moͤgen/ vnd sich bey leib nicht verschiessen: dann wo solches geschehe/ so wurden die Reuter vngehinderet an die Spieß kommen/ vnd deine Spieß mit Pistolen darnider schiessen: darumb dann auch gut ist wo man solche Trüpplein creutzweis daran hencken mag/ welche von einem ort zum anderen mit dem Geschütz streychen vñ die Spieß beschir- men moͤgen. Es sollen aber die Spießknecht jhre Spieß hart an den fůß oder starck in die Erden setzen: vnd halten ich für gut/ wo die Spieß vnden an statt der zwingen spitzen hetten/ solche desto kom̃licher zu stecken: vorauß sol- len auch die Spieß gute eysene federen vornen haben/ damit sie nicht leicht- lich von der Reuteren Wehr verhawen werden mõgen. Es sollen auch die
O
Spieß-
Dritter Theil/
Spießknechtjhre Spieß rings vmbher wie die groß zahl
IV.
außweiset/ vber einanderen schrencken/ vnd gegen der Reuterey fellen/ doch dergestalten/ daß der spitz just gegen des Pferds brust gelencket werde: vnd da vornen/ oder hin- den ein Spießknecht darnider geschossen wurde/ geschwind ein anderer in sein lucken springen/ damit die Reuterey kein gassen habe eynzubrechen: also kanst du dich gegen der Reuterey dapffer wehren/ vnd mit diser ordnung vom Leib abhalten. Wo du dich aber mit deinen Musquetierern zu weit bloß für die Spieß begebest/ vnd es dir zu noht geschehe/ daß du dich nicht salvieren koͤntest/ wurde dir die Reuterey dieselbigen leichtfertig darnider machen. Du solt auch dein ordnung vor der Reuterey wol beschlossen halten/ doch daß ein jeder vor dem anderen sein Gewehr vnverhinderlich brauchen/ vnd dir die Reuter zwüschen den weiten lucken nicht eynbrechen moͤgen.
Die achte Schlachtordnung.
Besihe das vierte Kupfferblat mit der grossen zahl
VII.
bezeichnet. Marschiere mit deinem ersten flügel Musquetierer 1. für die Ordnung hin- auß/ vnd rucke mit 2. dem anderen Squadron Musquetierer hinder die Ord- nung: also thue auch mit den vbrigen Musquetierern zur lincken seiten 7. vnd 8. so hast du ein Battaille von 4. flüglen oder Squadronen Musquetierer.
Worzu man dise Schlachtordnung brauchen solle.
Wann du von dem Feind/ es sey gleich mit Fußvolck oder Reuterey an- gegriffen wirst/ so ist sie in beyd weg zu gebrauchen/ vnd kan deß ersten je ein flügel oder Squadron Musquetierer den anderen mit schiessen defendieren vnd entsetzen: vnd dich aber die Reuterey angriffe/ vnd du dich vnder die Spieß retirieren vnd begeben muͤßtest/ so lasse die 4. Squadronen Spieß mit 3. 4. 5. 6. bezeichnet/ zu allen 4. seiten/ wie der buchstaben
B.
außweiset/ hinauß fallen/ vnd sich eng vnd wol zusam̃en thun/ wie in der vorgehenden Schlacht- ordnung angezeigt worden/ vnd die Spieß vnd Musquetierer sich auff solche form durchauß verhalten/ so hast du ein gute Ordnung wider die Reuterey: man kan auch die 4. flügel Musquetierer/ wie die groß zahl
II.
vnd buchstab
A.
außweiset/ creutzweis anhencken/ vnd zu allen 4. ecken die Spieß außfallen lassen.
Die achte vnd erste Regiments- Schlacht- Stell- vnd Zugordnung.
Darvon besihe das fünffte Kupfferblat mit der grossen zahl
I.
bezeichnet. Wann du ein Schlachtordnung von 8. Fahnen machen wilt/ vnd ein Regi- ment vngefahr von 1600. Mann ist/ vnd darneben etliche Regimentstücklein bey dir hast/ so mach dein Stellordnung deß ersten also: Laß deine Feld- oder Regimentsstücklein für die Ordnung vorher stellen/ oder hinden/ wie es dir geliebt vnd schickt. Darnach lasse von 4. Compagnien die Musquetierer alle
zur
Von uͤbung allerley Wehr vnd Waaffen.
zur rechten hand in 6. Gliderstellen: zur lincken seiten lasse die Spieß von al- len 8. Compagnien vnd gantzem Regiment neben die Musquetierer hinan zie- hen/ sich jhren Glideren vnd Reyen gleich stellen: alßdann so stelle die vbrigen Musquetierer der letsten 4. Compagnien neben die Spieß auch auff die lincke hand in gleiche Reyen vnd Glider. Wann du nun ein Zugordnung machen wilt/ so kanst du deß ersten je ein Squadron/ oder je 2. oder 4. oder 6. oder 8. Squadronen Musquetierer neben einanderen marschieren lassen/ je nach dem Paß vnd Weg ist: vnd da die Musquetierer von 2. Compagnien also ziehen/ so soll ein zimliche weite gelassen werden/ vnd darauff ein Regiments- stücklein folgen: alßdann die vbrigen Squadronen Musquetierer von den ersten 4. Compagnien: vnd darauff widerumb ein Regimentsstücklein: auff solche folgen die ersten Squadronen Spieß von 4. Compagnien: widerumb die 8. Fendlein des gantzen Regiments mit den letsten Squadronen Spieß der 4. letsten Compagnien: alßdann wird ein weite gelassen: auff solche kom- men zwey Regimentsstücklein/ sam̃t dem halben theil Musquetierer der 4. let- steren Compagnien/ auff solche widerumb ein Regimentsstücklein/ vnd zu letst der vbrige halbe theil Musquetierer der 4. letsteren Compagnien. Man soll aber/ man marschiere gleich Trouppen/ halb- oder gantzen Compagnien- oder Regimenterweis/ allzeit ein verlohrnen Trouppen Musquetierer/ so auß allen Compagnien commandiert wird/ so weit vorher marschieren lassen/ daß man sie bloß sehen mag: dise sollen den weg entdecken/ vnd sehen ob Feind vorhan- den/ vnd ob er sich etwan versteckt hette: deßgleichen sollen auch zur seiten vnd hinden Musquetierer seiten vnd hinderwachten commandiert werden. Wann man aber ein Fundamentsordnung mit einem gantzen Regiment formieren will so sollen allzeit von 2. Compagnien die Musquetierer in einen Trouppen gebracht werden/ vnd so das geschicht/ so kommen in ein Glid 24. Musquetierer/ vnd in einen Reyen 6. Mann/ gibt 6. Glider/ diser flügel/ Trouppen oder Squadron haltet/ deme marschiert auff die rechte seiten ein wenig vorauß/ sein Regimentsstücklein: disem flügel Musquetierer mar- schiert alßdann der ander Trouppen Musquetierer von 2. Compagnien in gleichen Glideren vnd Reyen an die lincke seiten/ vnd an dieselben sein Regi- mentsstücklein/ vnd wird alßdann ein weite oder platz gelassen/ da dann die Spieß sich alle zugleich in ein gevierte Ordnung stellen/ vnd seind an der hoͤhe den Musquetierern zu der rechten seiten gleich: die Fendlein aber halten vor den Spiessen in der mitte/ vnd werden widerumb 2. Regimentstücklein/ das eine neben die Spieß zur rechten/ das ander aber neben die Spieß zur lincken seiten hinan gefuͤhrt: neben disere Spieß werden in gleicher form zur lincken seiten die vbrigen letsten Musquetierer/ von den 4. letsteren Compagnien/ in gleicher hoͤhe vnd breite/ wie die Musquetierer zur rechten seiten/ sampt jedes Trouppen Regimentsstücklein angefuͤhrt vnd beschlossen. Wann du nun
O ij
ein
Dritter Theil/
ein solche Schlachtordnung/ wie die groß zahl
I.
außweiset/ machen wilt/ so marschier mit 1. dem ersten Trouppen zweyer Compagnien vnd seinem Re- gimentsstücklein hinauß: auff welchen wird auch der ander Squadron oder Trouppen sampt seinem Regimentsstücklein folgen/ wie 2. anzeiget: also kanst du es mit den 2. Squadronen zur lincken seiten auch machen/ wie du dann bey 7. vnd 8. sehen wirst: rucke alßdann mit deinen Fendlinen in die mitte der Spieß vnd mit den 2. Regimentsstücklinen zur seiten hinab hin- der die Ordnung/ vnd verbleibe mit den Spiessen in deiner guten ordnung vnd distantz.
Wie man mit diser Schlachtordnung fechten solle.
Wann dich nun dein Feind von vornen angreifft/ so kanst du mit jhme mit 1. vnd 8. scharmützieren/ vnd die Regimentsstücklein zu beyden seiten ge- gen jhm brauchen/ vnd da du von jhme getriben wirst deine Pferd widerumb für die Regimentsstücklein anspannen/ darvon marschieren/ vnd dich salvie- ren: die anderen Musquetierer sollen beyneben den Spiessen sich inzwüschen auff die Erden nider lassen/ damit jhnen das geschoß nichts schaden moͤge/ auch vnderweilen mit jhren Stücklinen spilen/ vnd widerumb laden: wo aber es zeit ist/ die Musquetierer mit einem geschrey auffwütschen/ die ersten 2. Squadronen entsetzen. Wann du nun von dem Feind staͤrcker mit Volck antastet wirst/ sollen die ersten auch auffwütschen/ vnd jhre erloͤser entsetzen: treibt er dich aber zu ruck/ so hast du noch zum hinderhalt deine 2. Regiments- stücklein neben den Spiessen/ welche mit hagel geladen seyn sollen: darauff wütsche auch mit den Spiessen vnd newem geschrey hinauff/ falle den Feind an/ vnd wehre dich auffs best/ alß du kanst. Es soll die Bagagie/ Muni- tion vnd Fůhr/ da du den Feind von vornen zu besorgen hast/ hinder der Bat- taille oder Zugordnung marschieren: hast du jhn aber auff der seiten/ so magst du dich darmit auff die ander seiten begeben: hast du jhn aber hinden zu be- sorgen/ so lasse sie vornen: vnd so du jhne in allweg foͤrchtest/ so lasse sie in der mitte der Ordnung/ wol bedecket/ marschieren.
Die neunte Battaille oder Schlachtordnung.
Besihe das fünffte Kupfferblat mit den grossen zahlen
II. IV.
V.
be- zeichnet. Wann du ein Regiment von 8. Compagnien zu fůß/ vnd 12. Com- pagnien zu Pferd hast/ so solt du dein Zugordnung in form nechst bevorstehen- der Zugordnung anstellen: doch mustu die helffte der Reuterey vorher/ vnd auff solche etliche Schauffelbawren vnd Waͤgen mit Bawren Jnstrument/ sampt einem oder zweyen geringen Stucken marschieren lassen: die Ord- nung aber zu letst mit Reuteren beschliessen. Hast du aber das Hauptgeschütz bey dir/ so lasse dasselbig hinden auff das Fůßvolck/ oder je nach dem du den Feind besorgest/ vornen/ oder neben marschieren. Die Fundamentsordnung wird der nechstvorgehenden durchauß gleich gemachet/ allein daß zu beyden
seiten
Von uͤbung allerley Wehr vnd Waaffen.
seiten allhie in diser Ordnung die Reuterey haltet/ je ein Compagnie oder Cornet neben einanderen/ vnd das Hauptgeschütz zu hinderst. Wann du nun ein Haupt-Battaille oder Schlachtordnung darauß machen wilt/ so lasse die Spieß alle zugleich mit jhren zweyen Stücken in guter ordnung vorher mar- schieren: 2. vnd 7. aber auff jhrer Stell sampt jhren Stücklinen verbleiben/ vnd rucke mit 1. vnd 8. neben den Squadronen Musquetierer. 2. vnd 7. bey- seits hinab hinder dieselben/ vnd bleibe auff solcher Stellhalten. Mit den Reutern/ so neben dem Fußvolck zu beyden seiten halten/ solt du dich also ver- halten/ wie die groß zahl
V.
anzeiget. Laß 1. vnd 2. Jtem 5. vnd 6. zur rech- ten seiten verbleiben/ vnd marschiere mit 3. vnd 4. neben einanderen vorher/ neben den Spiessen zur rechten hand/ dises wird der recht flügel der Reuterey genañt: mit dem lincken flügel aber/ so mit 7. 8. 9. 10. 11. 12. bezeichnet/ solt du dich/ wie du es mit dem rechten flügel gemachet hast/ durchauß verhalten. Wilt du aber nur mit einer Compagnie deß ersten zur rechten/ vnd mit einer zur lincken zugleich/ oder mit dreyen zur rechten/ vnd dreyen zur lincken wide- rumb zugleich fechten/ so must du deine beyde flügel Reuter also abtheilen/ wie dich die groß zahl
IV.
lehret: Namlich mit 1. 2. vnd 3. zur rechten seiten vor- her/ vnd darauff mit 4. 5. 6. neben den Spiessen marschieren für die ersten 2. 1. vnd 3. marschieret vorher 2. mit den anderen dreyen aber die fuͤnffte zahl. Also thue auch mit dem lincken flügel Reuterey/ so mit der grossen zahl
IV.
angedeutet wird/ deren Squadronen mit 7. 8. 9. 10. 11. vnd 12. be- zeichnet seind/ vnd bleibt das Hauptgeschütz hinder der Ordnung halten.
Wie man mit diser Schlachtordnung zu Ross vnd Fůß fechten solle.
Wann dich der Feind mit Reuterey angreiffen wolte/ so solt du dich deß ersten/ je nach dem er starck ist/ mit etlichen/ oder nur mit zweyen/ wie 8. vnd 2. in der grossen zahl
IV.
außweiset/ vnd je nach dem er starck auff dich setzet/ jhme mit Reuterey begegnen vnd auff jhne treffen. Kom̃t er aber zim- lich starck/ so kanst du dich mit 6. oder aber wie
V.
die groß zahl lehret mit 8. Squadronen/ oder Compagnien Reuter herfür thun: vnd da er noch staͤr- cker/ vnd deine ersten Trouppen zu ruck getriben wurden/ mit der anderen helffte Reuter zu beyden seiten vnd grossem geschrey vnd tumult entsetzen vnd anfallen. Wann der Feind aber mit frischen hauffen Reutern ansetzen wurde/ vnd dir an Reuterey vberlegen were/ also daß du dich hindersich thun muͤßtest/ so solt du mit deinen Spiessen auffwütschen/ vnd mit den zwey Re- gimentsstücklinen/ so mit hagel geladen seyn sollen/ sampt den Spiessen tref- fen: der stügel vnd Squadron 7. vnd 2. sampt jhren zugebenen Stücklinen sollen herfür rucken/ vnd dapffer fewr vnder die Feind geben: were der Feind aber noch staͤrcker/ so werden dieselben mit den außgeruheten flüglen 1. vnd 8. auffs new/ vnd mit einem geschrey entsetzt/ vnd durch jhre Regi-
O iij
ments-
Dritter Theil/
mentsstücklein zu ruck gehalten. Kom̃t es aber daß der Feind dein Fußvolck zu ruck schlaget/ so hast du noch das Hauptgeschütz zu deinem hinderhalt/ vnd haben sich deine Reuter (inzwüschen das Fußvolck gefochten) widerumb ver- samlet/ vnd in ordnung hinder das Geschütz/ wie
V.
die groß zahl anzeiget/ gestellet: Du kanst dein Fußvolck mit dem grossen Orgelgeschütz/ so mit hagel geladen/ dermassen entsetzen/ also/ so der Feind vermeint/ daß du allbereit ge- schlagen seyest/ vnd vngeachtet des Geschützes daher tringet/ er also empfan- gen wird/ vnd nach abschiessung des grossen Geschützes widerumb auffs new durch die Reuterey angegriffen vnd zu ruck; dein Fußvolck aber widerumb zusammen gebracht/ vnd auff das new der Feind mit einem grausamen ge- schrey angegriffen vnd in die flucht geschlagen wird. Man soll aber in solchem fechten insonderheit auff den wind sehen: vnd da der Feind den gegenwind hat/ etlich vil/ ja vast vber die 100. saͤck mit geraͤdener aͤschen vnd vngeloͤschtem reinem Kalck/ die man auff Waͤgen mit fuͤhren soll/ in dem man das Haupt- geschütz abschiesset/ außschütten/ welches einen solchen staub vnd rauch verur- sachet/ daß der Feind darvor nicht sehen mag/ solches auch jhme in die augen vnd halß stiebet/ vnd dareyn beisset/ also daß er meint zu verschmachten. Jn waͤhrendem solchem wesen/ solt du alßdann grausam schreyen vnd schiessen/ jhme in die seiten fallen/ vnd seine Ordnung verwirꝛen/ auch etlichen befeh- len/ die da schreyen sollen/ sie weren geschlagen/ damit den vordersten ein forcht eynzujagen. Es sollen auch vil Kruͤg mit Pulfer gefüllt/ vnd außwendig mit brennenden Lunden behenckt/ sampt vilen fůß- vnd laͤmeysen geworffen wer- den/ so grossen schaden thut/ ꝛc. Du solt aber deine Reuter-Trouppen nicht hoͤher alß 5. hoch machen. Vnd ist der heutige Kriegsbrauch/ daß man nicht mehr alß 500. Mann in einen hauffen stellet: doch will ich einem jeglichen Doctor sein Kapp vorbehalten.
Die zehende Battaille oder Schlachtordnung/ etlicher Regi- menteren zu fůß.
Wann du 11. Regimenter zu fůß hast/ vnd dich damit in ein Schlacht- ordnung begeben muͤst/ vnd alle Regiment in einer Fundamentsordnung/ jedes absonderlich von dem anderen vnderscheiden/ neben einanderen mar- schieren/ das vnd Hauptgeschütz in der mitte stehet/ vnd du ein Schlacht- ordnung darauß machen wilt/ wie die groß zahl
I.
außweißt/ so marschier deß ersten mit dem grossen Geschütz vorher/ vnd stelle dasselbige für die Ord- nung: alßdann marschiere mit den 5. Regimentern/ so mit 2. 4. 6. 8. vnd 10. bezeichnet/ vnd lasse die vbrigen Regimenter in jhrer Ordnung vnd Di- stantz halten.
Wie man solche Schlachtordnung im fechten brauchen solle.
Wann der Feind mit grossen Stücken auff dich kom̃t/ oder dich damit anzugreiffen begert/ so solt du dich mit deinem Geschütz auch gegen jhme mer-
cken
Von uͤbung allerley Wehr vnd Waaffen.
cken lassen/ vnd inzwüschen sich die Regimenter auff den boden darnider lassen. Wann du nun sihest den Feind auff dich zurucken/ vnd die Musque- tierer fewr geben/ kom̃t ein Regiment/ so commandier alßdann widerumb eins/ oder mehr/ je nach dem du lust vnd vortheil hast gegen denselbigen/ be- halte aber die Regimentstücklein wol zwüschen den Regimenteren verbor- gen: da es nun an dem/ daß man nahe zuhauffe kom̃t/ so lasse sich dein Ord- nung ein wenig von einanderen theilen/ vnd die Stücklein mit hagel wür- cken/ alßdann mache ein geschrey/ vnd treibe des Feinds Volck zu ruck: wo nun der Feind die seinigen entsetzt/ so solt du die deinigen nicht stecken las- sen/ sondern auch entsetzen: vnd wird also ein Regiment das ander abloͤ- sen/ vnd sich ein jedes abgeloͤßte Regiment in sein vorige ordnung vnd di- stantz begeben. Wann aber der Feind mit dem gantzen Volck auff dich zu marschierte/ so solt du alßdann deine Stück bedecken/ vnd stellen daß sie auß dem wind seyen/ alßdann deine saͤck mit aͤschen/ staub vnd vngeloͤschtem Kalck auffthun/ vnd disen staub vnd rauch den Feinden durch den wind ins gesicht fliegen/ vnd die Artillerey mit grausamem geschrey abgehen lassen: die Reuterey aber/ so mit der grossen zahl
V.
anzeiget/ zu hinderst der Bat- taille in einer Fundamentsordnung/ vnd in solcher form/ wie
IV.
die groß zahl außweiset/ zu beyden seiten in den Feind mit sampt dem Fußvolck/ so mit 2. 4. 6. 8. 10. bezeichnet/ vornen/ vnd auff beyd seiten für die Artillerey oder Hauptgeschütz marschieren: die anderen Regimenter aber in jhrer Distantz mit gutem andacht des außtrags erwarten lassen/ vnd da dein Volck getriben/ widerumb die frischen Regimenter mit erlabetem hertzen/ muht vnd grossem geschrey/ alß wann der Feind flohe/ ruͤffen/ vnd anfallen/ vnd den Feind in die flucht schlagen. Was aber die Regimentsstücklein be- langet/ fuͤhret ein jedes Regiment die seinigen mit/ vnd da man darmit ge- schossen/ werden alßdann die Ross widerumb angespannet/ die Stück wide- rumb geladen/ vnd dem Regiment nachgefuͤhrt. Du solt auch/ wo du ein buͤhel sehen kanst/ vnd zum Geschütz dienstlich were/ auch alle Hoͤlenen/ He- cken/ Morast/ Wasser/ Holtz/ vnd dergleichen/ vor dem Feind zu deinem vor- theil eynnemmen/ vnd deine Musquetierer darhinder legen: dein Muni- tion vnd besten Sachen/ Jtem/ das groß Geschütz wol verwahren/ vnd dich nicht lassen vmbgeben: vnd je mehr mit einanderen zu schiessen kommen/ je besser ist es für dich/ vnd ist das meiste am angriff gelegen: insonderheit/ da das Geschütz wol angehet vnd trifft/ das dann im vortreffen grossen schraͤcken gibt. Wo das Geschütz aber durch vngeschickte Constabels zu hoch gehet/ so ist die halb vnd vast gantze Schantz verlohren/ darumb vil an guten Consta- bels gelegen ist/ vnd damit das Handgeschütz nicht zu hoch gehe/ solle man die Soldaten gewennen daß sie auff den knien gestracks fürsich außwaͤhrts fewr geben/ vnd je mehr in einem Glid fewr geben vnd fechten moͤgen/ je
besser
Dritter Theil/ Von uͤbung allerley ꝛc.
besser es ist. Du solt auch etliche Bagagie/ so nicht vil waͤrth/ an einem ort stehen lassen/ damit sich die Feind darhinder machen/ vnd auff/ vnd vber disem raub zertreñt vnd geschlagen werden. Du solt auch kein Schlacht li- feren/ du seyest dann darzu gezwungen/ vnd habest gewiß die Victori in der hand/ oder sonsten grossen vortheil. Jn der flucht solt du deinem Feind gul- dine Brucken schlagen. Du solt auch die gefangenen Feind wol examinie- ren. Jm Beuthen etliche Beuthmeister ordinieren/ vnd nur etliche Reuter vnd Fußvolck nachsetzen lassen/ aber dem Feind weder tag noch nacht rhu lassen/ daß er sich widerumb erhole vnd samle/ sondern deiner Victori nachhengen. Wo du dich mit deinem Feind schlagen wilt/ solt du allzeit sehen/ daß du ein Vestung/ Statt/ Schantz/ oder dergleichen hinder dir ha- best/ darzu du dein zuflucht vnd retirada/ in dem du geschlagen wurdest/ haben koͤnnest. Dein Troß vnd Weiber solt du weit von dem Treffen/ von dem Volck etwan auff einen buͤhel/ oder sonsten dem Feind zu sehen stellen/ vnd darumb vom Volck/ damit sie durch jhres geschrey nicht dein eygen Volck erschrecken: Du kanst auch in waͤhrendemschlagen deinen Reuteren etliche Musquetierer zu ordnen/ so zwüschen jhnen Squadronenweis halten vnd marchieren moͤgen. Die Trompeter in waͤhrender Schlacht sollen alle beysammen an einem besonderen ort beyseits der Ordnung halten vnd blaa- sen. Die Trommelschlager aber marschieren ein jeder bey seiner Compagnie in dem dritten Glid.
Die eilffte Battaille oder Schlachtordnung.
Besihe das sechßte Kupfferblat die groß zahl
III.
Wann du ein solche Ordnung mit 4. Compagnien machen wilt/ so wider die Reuterey dienen sol- le/ so lasse ein jede Compagnie besonderbar marschieren/ mache alßdann ein solches Creutz/ wie 2. 3. 4. 5. außweisen/ vnd bekleide sie mit Musquetierern/ wie
I.
zeiget: lasse alßdann die Spießknecht jhre Spieß rings vmbher gegen den Reuteren fellen/ vnd die Musquetierer sich darunder salvieren: wie du allbereit vornen gelehrt bist.
Also hast/ lieber Leser/ genugsam gesehen/ wie man die Stell-Zug-Funda- ments- vnd Schlachtordnungen/ Compagnien/ halb- vnd gantzen Regimen- terweis zu Ross vnd fůß machen/ stellen/ vnd darmit fechten solle/ vnd da du nun die Ordnungen der Compagnien wol machen vnd anordnen wirst koͤn- nen/ wirst du leichtlich mit der Regiments Schlachtordnung fort kom̃en/ sol- che darnach stellen vnd anrichten koͤnnen: doch solt du darbey wüssen daß alle
Compagnien zu 200. Mann gestellt seyen/ so in disem meinem Kriegs- buͤchlein gefunden werden.
Ende des dritten Theils Kriegs-Buͤchleins/ von
uͤbung allerley Wehr vnd Waaffen.
Vier-
Vierter Theil/
Des Kriegsbuͤchleins:
Wie man sich in Feldzügen/ Schlachten/ Convojieren/ Beuthen/ Scharmützieren/ Castrametieren/ Approchieren/ Bat- terieren/ Minieren/ Stürmen/ ꝛc. vnd anderen dergleichen fürfal- lenden Sachen verhalten solle.
Was einem Feld-Obersten/ wann er deß ersten zu Feld ziehen will/ zu bedencken seye.
E
Rstlich soll er bedencken/ mit was für einem Feind man zu
schaffen habe/ was derselbig an Macht/ Gelt/ Geschütz/ Proviant/ Mu- nition/ Staͤtt/ Vestungen/ Landen vnd Leuthen: Jtem/ an Freund- schafft/ Erbvereinigung/ Bundtnuß/ vnd dergleichen vermoͤge.
2. Ob er Vestungen vor jhm habe/ die er belaͤgeren vnd gewünnen koͤnne: wie vil Zeit vnd Geschuͤtz darzu erforderet werde/ damit Kraut vnd Loth nicht vergebens verschossen/ vnd der vberschwaͤnckliche vnkosten/ so vber Reuter/ Fußvolck/ Geschütz/ Fůhrleuth vnd Waͤgen ergehet/ erspart wer- den moͤge.
3. Ob er selbsten mit redlichen/ frommen/ erfahrnen alten Obersten/ Haupt- vnd Befelchsleuthen/ Jnfanterey/ Artillerey/ Cavalerey/ Munition/ Zeug- Büchsen- vnd Wagenmeister/ Fewerspeutzern/ Jngenieurn/ Minie- rern/ vnd dergleichen/ genugsam verfasset seye.
4. Wo er Paß/ Steg/ Weg/ vnd anders zu wegen bringen/ auch in des Feinds Land Proviant vnd Fütter für die Pferd finden moͤge.
5. Wie er bey menniglichem hilff/ beystand vnd guten raht finden/ vnd da sich der Feind mit eintwederem theil verbinden oder confoͤderieren/ vnd bey demselben hilff begeren wurde/ demselben mit zeitigem raht vorbie- gen moͤge.
6. Wie lang er sich im Feld auffzuhalten gedencke: wie vil vnkosten in der zeit auffgehe/ ob er auch genugsam mit Gelt versehen/ vnd da solches wi- der vermuhten laͤnger waͤhrete/ vnd das Gelt auffgienge/ was für andere Mittel vorhanden weren: dann wo Gelt mangelt/ da endet sich das spiel/ vnd wird mancher dardurch zu einem schaͤdlichen vnd gar spoͤttlichen friden ge- trungen.
P
7. Jtem/
Vierter Theil/
7. Jtem/ wo er vber birgig/ hoͤltzig/ waͤsserig/ wild-rauch-morastig/ lei- mig vnd sümpffig/ vnd vber grosse Wasser marschieren muͤßte/ wie er sich mit fortbringung des Geschützes/ Bagage/ Schiffen/ Waͤgen vnd dergleichen dingen verhalten vnd berahtschlagen solle: Vnd da er solches alles genug- sam vnd reyfflich betrachtet/ so solle er sich alßdann weiter vmbsehen vmb hoch- verstaͤndige Raͤht.
Was man in erwehlung der Kriegs-Raͤhten zu bedencken.
Man soll diß orts niemand anderen zu Raht ziehen/ alß alte Kriegs- verstaͤndige vnd wolerfahrne Maͤnner/ so bey Schimpff vnd Ernst gewesen/ vnd selbsten mit der Armee ziehen/ auch jhr eygen Haut vnd Beltz/ Leib vnd Leben mit daran wagen/ vnd sich bey solchem Schimpff doͤrffen sehen vnd fin- den lassen: dann es giltet dem so darzu rahtet seinen Balg mit. Es soll aber keiner dem anderen in den Rahtschlaͤgen in die wort fallen/ vnd sollen alle Rahtschlaͤg fleissig auffgezeichnet werden: darnach sollen alle hohe vnd nidere Officierer bestellt werden/ wie folget.
Was für hoch- vnd nider Officierer im Feld erforderet werden.
Erstlich der Generalissimus: demnach vnder der Jnfanterey der Ge- neral/ der General-Leutenam̃t/ der General Major/ oder Wachtmeister/ sein Leutenam̃t der General Adjutant/ der General Profoß/ Fiscal/ Pr
ę
sident des Kriegs-Rahts/ oder General Regiments-Schultheiß/ General Quartier- meister/ Grefier/ Com̃issarius vber das Gelt vnd des Viures/ General-Mu- sterherꝛ/ General Wagenmeister vnd sein Leutenam̃t/ der Medicus des Laͤ- gers/ der Wundartzet des Laͤgers/ Feldprediger: Jtem/ die Obersten: Oberst Leutenam̃t/ Regiments Major/ Quartier-Proviant- vnd Wagenmeister/ Regiment Schultheiß/ Richter/ Weibel/ Trommelschlager: Jtem/ Capitain Leutenam̃t/ Fendrich/ Vorfendrich/ ꝛc. vnd vbrige Officier/ so vnder ein Com- pagnie dienstlich seind/ ꝛc. Deßgleichen Profosen/ Hurenweibel/ Stockmei- ster/ Steckenknecht/ Hencker. Vnder der Reuterey/ der Feldmarschalck/ Ge- neral/ sein Leutenam̃t/ General Major/ General Adjutant/ General Com- missarius/ General Quartiermeister/ General Profoß/ sein Leutenam̃t: Jtem/ die Colonell: Colonell Leutenam̃t/ Regiments Major/ Quartiermei- ster/ Rittmeister/ Leutenam̃t/ Cornet/ Corporal/ ꝛc. Sattler/ Huffschmid/ Pro- fosen/ Marckitaͤnter/ ꝛc. Vnder der Artillerey der General/ sein Leutenam̃t/ Com̃issarius vom Geschütz/ Zahlmeister/ Contrerolleur oder Gegenschreiber Conducteur/ Edelleuth von dem Geschütz/ Profos/ sein Leutenam̃t/ Stockmei- ster/ Steckenknecht/ Matrosen/ Handlanger/ Bineurs. Jtem/ Commis- sarius der Munition/ der Schreiber/ Oberster Constabel/ sein Leutenam̃t/ Ca- nonier/ Oberst vber das Fewrwerck/ Petardier/ Fewrwercker/ Oberst Wa-
gen-
Vom Feldzug vnd Laͤger.
gen- Batterey- vnd Bruckenmeister/ des Wagenmeisters Leutenam̃t/ Fůhr- leuth/ Schneller/ Pulferhuͤter/ Ertz- oder Bergknappen: deßgleichen der Ge- neral Jngenieur/ Jngenieur/ Conducteur/ Contrerolleur/ Commissarij vnd Schreiber/ Werckbagi. Jtem/ Oberst Werckmeister/ Zimmerleuth/ Kuͤffer/ Sattler/ Seiler/ Wagner/ Schlosser/ Steinmetzen/ Maurer/ Schmid vnd dergleichen Handwercksleuth. Jtem/ die Capitain vnd Leutenam̃t von den Bineurs/ ꝛc.
Wie ein Armada abgetheilt werde.
Sie wird in drey Regiment abgetheilt: 1. Jn die Jnfanterey oder Fußvolck. 2. Jn die Cavalerey oder Reuterey: 3. Jn die Artillerey/ oder in das Geschütz/ Munition vnd Waͤgen.
Wie dise drey Regiment widerumb abgetheilt werden.
Sie werden in drey theil. Namlich in die Avantguarde/ Vorzug/ oder Vorhůt: 2. Jn die Battaille/ Corpus/ oder Mittelzug: 3. Jn die Re- troguarde/ Deriereguarde/ Nachhůt/ oder Nachzug/ abgetheilt: alß in den Vorzug gehoͤrt ein theil Fůßvolck/ ein theil Reuter/ vnd ein theil Artillerey/ Munition vnd Rüstwaͤgen. Jn den Mittelzug gehoͤrt ein theil Fůßvolck/ Reuter/ vnd Artillerey/ Munition vnd Waͤgen. Jn den Nachzug gleich- maͤssig der vbrig theil Jnfanterey/ Cavalerey vnd Artillerey/ ꝛc.
Was für klein vnd groß Geschütz/ Munition/ Rüst- vnd andere Waͤgen: Jtem/ wie vil Wagen- vnd Stuckpferd/ Fůhrleuth/ sampt ande- ren darzu gehoͤrigen Sachen ins Feld erforderet werden/ vnd derselbigen vberschlag.
Es werden meistentheils vier sorten des Geschützes ins Feld erfoꝛderet: 1. die 6. pfundt/ 2. die 12. pfundt Eysen/ 3. die 24. pfundt Eysen/ zum 4. die 48. pfundt Eysen schiessend. Die ersten zwo gattungen werden geneñt Feldstück: die andere beyde aber gantz vnd halb Carthaunen/ so zu der Bresche gebraucht werden. Jn dem Feldgeschoß gibt man auff 2. pfundt Eysen 1. pfundt Pulfer: wann du nun 200. schüß auff jedes Stück so 6. pfundt Ey- sen schiesset/ rechnest/ so bringt es an 200. Kuglen 1200. pfundt oder 12. cent- ner an Eysen/ vnd wird einem Ross an einem Stück 3. centner/ an Kuglen vnd Pulfer aber 4 centner zu ziehen aufferlegt/ vnd je zu drey Rossen ein Fůhrmann bestellt vnd besoldet: also hat es ein beschaffenheit mit den vbri- gen groß- vnd kleinen Stücken/ welche man nach dero schüß vnd gewicht/ die Kuglen/ Pulfer/ Ross/ Wagen vnd Fůhrleuth außrechnen kan. Was aber die Carthaunen anlanget/ werden dieselben zum brechen auff 3. pfundt Eysen 3. pfundt Pulfer erforderen. Man muß auch mit dem Geschütz etliche klein vñ grosse Moͤrser/ darauß man das Fewrwerck spielet/ vnd auch vnder die Artil- lerey gehoͤrt: Jtem/ Petarden sampt jhren Schaͤfften mit fuͤhren. Wann du
P ij
nun
Vierter Theil/
nun vil oder wenig Geschůtz bey dir hast/ so solt du alßdann deinen vberschlag machen wie vil Volck/ Pferd/ Munition/ Hagel/ Gestrew/ Canoniers/ Fewr- wercker/ Petardier/ Bineurs/ Matrosen/ Handlangers/ Lavyten zu den Waͤ- gen/ Raͤder vnd dergleichen haben muͤssest: es werden auch Seyler/ Ketten/ Winden/ Bickel/ Wüscher/ Ladschaufflen/ Zündruthen/ aͤxt/ Hauwen/ Staͤck- vnd Wurffschaufflen/ Hebstangen/ Zugboͤck/ Geißfuͤß/ Traͤmmel/ Karꝛensalb/ Rossgeschirꝛ/ Kommet/ Constablers Rüstwaͤgen/ Gelten mit eysen ring be- schlagen/ vnd oben mit lidernen saͤcken/ vnd dergleichen erforderet. Du solt auch vberschlagen wie vil Waͤgen/ Ross vnd Maͤnner darzu von noͤhten seyen. Darnach solt du ein vberschlag der Waͤgen halber machen/ alß es wer- den erforderet Waͤgen zu der hohen Officierern Bagage/ was man einer Generalsperson/ einem Obersten Hauptmann vnd dergleichen für Waͤgen zur Bagage gebe/ was man zu der Munition der Soldaten/ zu den Waaf- fen/ aͤxen/ Hauwen/ Beyel/ Bickel/ Reuthauwen/ vnd anderen Bawren-Jn- strumenten: Jtem/ zun Kriegsscheyben/ Geißfuͤß/ Zugboͤck/ Schiffbrucken/ Eselboͤcken/ vnd Ersaͤtzbaͤumen/ Winden/ Kolben/ Scheiben: Jtem/ zu den Brech- Heb- vnd Legeysen/ Naͤgel/ Haͤmmer/ Schlaͤgel/ Stoͤssel/ Baͤtzen/ Heb- traͤmmel/ Zangen/ Speitel/ Straͤng/ Schnuͤr/ Strick/ Kronseiler/ Fůßeysen/ Troͤg/ Rossbaͤren/ Můlten/ grosse vnd kleine Saͤtzbaͤum/ vnd allerley Zimmer- werck: Jtem/ Kaͤsten für die Constabels/ Faͤßlein mit beschlossenen deckenen zu den Lunden/ Strick vnd Fewrzeug: Jtem/ vil 1000. Faͤßlein mit Mus- quetenkuglen eines loths: vil 1000. groß vnd klein stück Kuglen/ Fewrkug- len/ Handgranaten/ Baͤchring/ vnd anderem Fewrwerck: Jtem/ Sylschei- ter/ Staͤb/ Lindstangen/ Sprossen zu den Leiteren/ Sturmleiteren/ Nebenspei- chel vnd dergleichen: Jtem/ zu den bereiteten vnd außgemachten Raͤderen/ Laͤden/ Holtz/ Balcken/ Reiß/ Faͤßlein zu dem Pulfer vnd Kuglen/ ꝛc. Musque- ten/ Pistolen/ Handrohr/ Fewrꝛohr/ Bandelierꝛohr/ halb vnd gantz Haacken/ Doppelhaacken/ Spießeysen/ Spießschaͤfelein/ Schweinsspieß/ Schweins- federen/ Hellenparten/ Spießnaͤgel/ Helmstangen/ Harnast/ Beckelhauben/ Kürꝛaß/ Sturmpflegel/ Morgenstern/ Prügel/ ꝛc. Jtem/ zu dem Fewrwerck/ Speck/ Geißmilch/ Vnschlit/ Ancken/ allerley oͤl/ Terpentin/ Gloriet/ Spieß- naͤgel/ Hartz/ Schmaͤr/ Brantenwein/ Honig/ Baͤch/ Salpeter/ Schwebel/ Kolen/ Reiffring/ Windliechter/ Laternen/ Facklen/ Fewrleiteren/ Fewrhaa- cken/ Fewrsprützen/ Fewreymer/ Wachs/ vil 1000. Schlaͤg in das Fewr- werck/ grosse Granaten/ Fewrpfeil/ Sturmkolben/ Baͤchkessel vnd Pfannen/ vnd dergleichen hierzu dienstlichen Sachen: Jtem/ zu Ladschaufflen/ Sessel/ Wüscher/ Kolen/ Winden/ aͤmbd/ Stroh/ Hoͤw zun Stucken/ Pulfersaͤck/ Zündrůthen/ Zündhorn oder Flaͤschen/ Lunden/ Hagelgestrew/ Ladungen zu den Feldstücklinen: Jtem/ Armbrust/ Pfeil/ Handbogen/ vnd dergleichen Sachen: Jtem/ zu den Formen/ Modlen/ Zangen/ Gießloͤfflen/ Schlaͤgschrot/
Bley/
Vom Feldzug vnd Laͤger.
Bley/ Eysen/ Ertz/ Zinn/ Glockenspeiß: Jtem/ Raspen/ Saͤnfften/ Kommet/ Rosseysen/ Saͤttel/ Afftergeschirꝛ/ Lonen/ Seiler/ Straͤng/ Strick/ eysen Ket- ten/ Zimmerholtz/ klein vnd grosse Sturmpfaͤl/ Palissaden/ Barꝛicaden/ Haa- cken/ Hebsteig/ Strauben/ allerley Schroteysen/ eysen- vnd hoͤltzene Bissen/ Naͤgel: Jtem/ ein Feldschmitten/ vnd allerley Kuͤffer- Müller- Schlos- ser- Schmid- Wagner-Zimmerleuth- vnd dergleichen Handwercksleuthen Werckzeug: deßgleichen Waͤgen zu küpffernen Backoͤfen/ Handmülinen/ Proviant/ Frücht/ Zweybach/ ꝛc. vnd was zur Wagenburg dienstlich/ so allhie zu erzellen vil zu lang were/ alles fleissig außrechnen/ wie vil man deren dingen nachfuͤhren/ vnd wie vil man Waͤgen/ Ross/ Fůhrleuth vnd Schneller dar- zu von noͤhten/ auch was man jedes Monats auff ein Pferd/ Fůhrmann/ Schneller vnd dergleichen/ ꝛc. für sold geben/ vnd solches kosten wurde. Wann man nun also mit dem kleinen vnd grossen Geschütz/ Bagage/ Munition/ vnd anderen dergleichen Rüstwaͤgen: Jtem/ mit Fůhrleuth vnd dergleichen/ auch mit Gelt solches alles im Feld zu erhalten versehen ist/ vnd die Commissarij das Volck gemustert/ die Roͤdel durchgangen/ vnd man alles wol vberschla- gen/ den vnkosten gerechnet/ vnd alle Mittel darzu gefunden vnd beraht- schlaget hat/ so solle man alßdann die Patenten hin vnd wider in die Guarni- sonen oder Befatzungen schicken/ vnd auff einen gleichen bestim̃ten Tag den Randevous vnd vergaderung anzeigen/ damit sie sich auff den gemeldten Tag vnfehlbar auff bestim̃tem ort finden lassen/ ꝛc.
Wann man am bequemsten zu Feld ziehen koͤnne.
Es ist die bequemste zeit darzu im anfang des Meyen/ dann zu derselben zeit wachset das fůtter den Pferden in das maul/ vnd ist gut zu marschieren/ vnd in allweg für Ross vnd Mann/ vnd zum graben kom̃lich.
Wo man die vergaderung oder versamlung am besten anstellen solle.
Sie sollen an einem schiffreichen Wasser/ da man an vilen enden darzu fahren kan/ oder bey einer Vestung vnd an einem sicheren Ort angestellt wer- den/ damit der Feind das Volck nicht etwan vngewahrneter Sach vberfallen vnd gar zertrennen moͤge.
Wie man sich im ersten auffbruch verhalten solle.
Es erscheinet alle abend der General Major/ oder Wachtmeister bey dem General/ vnd empfanget von demselben die Ordre vnd Losung/ auch al- len bescheid: Er hat auch seinen Leutenam̃t den General Adjutant/ so mit jhme reitet/ vnd zugleich die Ordre empfahet/ vnd hat der General Major den halben theil/ der Adjutant den anderen halben theil der Regimenteren mit der Ordre zu versehen. Wann nun die Wacht auffgefuͤhrt worden/ so reitet ein jeder Regiments-Major von jedem Regiment zu seinem bestim̃ten General
P iij
Major/
Vierter Theil/
Major/ oder Adjutanten an sein Losament/ vnd empfahet von jhme das Wort vnd was zu thun ist: alßdañ verfuͤget sich ein jeder nach seinem Quar- tier vnd Regiment/ vor welchem alßdann die Sergeanten von den Com- pagnien des Regiments auff die Ordre warten/ vnd von dem Regi- ments-Majoren empfahen/ vnd solche widerumb den Hauptleuthen/ Leute- nam̃ten/ Fendrichen vnd wachthabenden Sergeanten/ Corporalen vnd Ge- freyten bringen/ vnd was weiter zu thun befohlen/ anzeigen. Vnd da man des anderen Tags auffbrechen will/ wird solches den Hauptleuthen angezeiget/ damit sie den Soldaten Gelt verschaffen/ vnd sich auff 4. 5. 6. 7. 8. oder mehr oder weniger Tag mit Kaͤß/ Brot vnd Ancken/ oder Proviant versehen/ je nach dem man meynt der marsch gehen/ vnd man kein Proviant finden moͤchte: wo aber kein Proviant zu kauffen were/ soll man von dem Commiss- Brot vnd Zweybach außtheilen. So bald nun der Tag anbricht/ so werden die Trommel geruͤhrt/ vnd die Trompeten geblaasen: erstlich die procell vnd vergaderung: darnach zu Pferd vnd Trouppen: vnd des dritten mals der marsch: vnd da man das dritte mal in die Trompeten stoßt/ vnd die Trommel ruͤhrt/ so muß alles Volck in der Fundaments-Ordnung halten: darauff ver- fuͤgt sich der General/ General-Major/ Adjutant/ General Quartier-Bru- cken- Wagen- Proviantmeister: Jtem/ der General von der Cavalerey vnd Artillerey sampt dem Capitain vber die Wegweiser vnd Bineurs oder Schauffelbawren/ sampt anderen Officierern/ so disem anhaͤngig/ auff den Lermenplatz/ vnd nun sie sich mit einanderen/ wo/ vnd wie sie den marsch nem- men woͤllen/ vnderꝛedet/ so wird die Zugordnung folgender massen angestellt.
Wie man mit einer Armaden in Zugordnung marschiere.
Die Zugordnungen werden vnderschiedenlich angestellt: vnd deß ersten marschiert die Avantguarde/ oder Vorzug in jhrer guten Distantz so weit vor- her/ alß den Generalen gut duncket: auff solche folget die Battaille oder Cor- pus/ oder Mittelzug: vnd dañ zu letst die Retroguarde/ Deriereguarde/ Nach- zug oder Nachhůt/ alle einanderen nach/ in jhrer gebuͤrenden Ordnung vnd Distantz: darnach wird die Bagage behoͤrlichen distribuiert vnd zertheilt. Bey dem Vorzug oder Avantguarde halten etliche Trouppen zu Pferd/ wel- che den weg entdecken/ vnd so weit vorher marschieren/ daß man sie bloß ge- sehen mag: disen werden die Wegweiser zugegeben/ mit welchen etlich Bio- neurs oder Schantzbawren/ sampt etlichen laͤhren Waͤgen: Jtem/ einem Wagen mit allerley Bawren-Jnstrumenten/ vnd zween/ drey oder mehr Waͤgen mit groß vnd klein Holtz/ vnd der Schiffbrucken marschieren: auff solche folgen etliche Squadronen Musquetierer/ darnach etliche kleine Feld- stücklein/ sampt derselben Lavyten oder Schiffen/ Canoniers/ Munition vnd zugehoͤrigen Sachen: alßdann das erste Fußvolck/ Regimenterweis mit jhrer
Baga-
Vom Feldzug vnd Laͤger.
Bagage: hinder disen etliche Munition- vnd Rüstwaͤgen/ welche etliche troup- pen Reuter beschliessen/ vnd diser erste theil heißt Vorzug. Darauff folget wi- derumb das Fůßvolck/ Feld- vnd Regimentsstücklein/ Bagage/ Munition- vnd Rüstwaͤgen: dise werden widerumb mit Reutern beschlossen: inzwü- schen ordnet der General von der Artillerey sampt seinen vndergegebenen das groß Geschütz zusammen/ vnd darmit auch desselben zugehoͤrige Muni- tion- vnd andere Waͤgen/ sampt den Canoniers/ Bineurs/ Matrosen/ Handlangern/ Pulferhuͤtern/ Sattlern/ Schmiden/ Kuͤfferen/ Wagneren/ Schlosseren/ Seileren/ Zimmerleuthen/ vnd dergleichen. Die Proviant- waͤgen aber werden von dem General-Profosen durch seine vndergebene/ zusampt der Bagage geordnet: die Cavalerey ordnet meistentheils jhre Waͤgen selbsten: es soll sich aber vnder das Geschütz vnd zugehoͤrigen Waͤgen kein Marckitaͤnter vermischen: wo auch ein Wagen gebrochen/ soll er auß der Ordnung gethan werden: doch ist zu wüssen/ daß zu allervorderst ein be- sonderbar Jnstrument/ darmit man das gleiß zeichnet/ auff der straassen/ die man reyset/ seyn soll: vor dem Geschütz marschieren die kleinen Feldstücklein/ vnd hernach das Hauptgeschütz/ die grossen Stück/ sam̃t den Rüst-Munition- vnd vbrigen Waͤgen. Zu letst auff dise Artillerey vnd Waͤgen marschieret die hinderhůt/ oder nachzug/ namlich der dritte vnd letste theil des Füßvolcks mit jhren Regimentsstücklinen vnd etlichen Munitionwaͤgen/ so für das Fůßvolck gehoͤrt/ Bagage- vnd andere Waͤgen/ so zu der Wagenburg dienst- lich/ welche die vbrigen Reuter beschliessen. Es werden auch in waͤhrender Zugordnung etliche Compagnien zu Ross vnd Fůß neben auff beyd seiten/ vornen vnd zu hinderst gecommandiert/ solche sollen die vor-hinder- vnd sei- tenwachten halten. Die hinder- oder nachwacht soll so weit hinder der gan- tzen Zugordnung marschieren/ alß weit sie den nachzug bloß sehen moͤgen/ vnd seind dise Wachten gut/ wo sich etwan der Feind verstecket/ vnd in seinen vortheil geleget/ selbigen zu entdecken.
Wann man des Nachts in das Quartier kom̃t/ wie vnd wo man die Nacht vber sich laͤgeren vnd eynquartieren soll.
So bald man des Abends still ligen vnd ruhen will/ so soll der General- Quartiermeister etwan mit 100. mehr oder weniger Reuteren ein groß stück wegs bey guter zeit vorher reiten/ die gelegenheit außsehen/ vnd alle anschaf- fung thun. Das Quartier soll er an Holtz/ Morast/ Wasser/ vnd dergleichen ort/ da man Holtz zu brennen/ Wasser für Ross vnd Mann zu trincken/ vnd sonsten der Feind dem Laͤger nicht leichtlich beykommen/ vnd das Laͤger vor- theilhafftig ligen moͤge. Die gelegenheit des Orts reißt er auff Papyr/ zeigts dem General/ vnd theilt darnach das Feld den Special-Quartiermeisteren auß: dises bedarff nicht vil abmessens/ sonder sie/ die Regimenter werden in einer Ordnung neben oder hinder einanderen eyngefuͤhrt/ da dann ein jeder
bey
Vierter Theil/
bey seinem Gewehr vnd in der Ordnung sein Raht haben muß/ vnd sollen vornen vor den Ordnungen die Fendlein auffgesteckt werden vnd fliegen/ da- mit die jenigen/ so etwan Holtz/ Stroh/ oder dergleichen holen/ verjrꝛet sind/ sich darbey widerumb erkennen moͤgen: hinder den Compagnien ligen die Capitain vnd Leutenam̃t: in der mitte der Regimenteren der Oberste vnd Regimentspersonen/ der General sampt anderen hohen Officierern vnd Ge- neralspersonen/ sampt der Munition/ so mit anderen Waͤgen vmbgeben wird/ auch die Haupt-Artillerey vnd Proviant mit jhren Officierern vast in der mitte der Armaden: die Reuterey wird rings vmb das Fůßvolck gelo- siert/ darnach werden die Waͤgen vmb die Armee herumb gefuͤhrt/ vnd mit Kettenen an einanderen beschlossen. Die Hauptwachten werden Compa- gnienweis vor den Quartieren/ vnd Hauptgeschütz: Jtem/ vor der Munition gehalten/ vnd etliche Schiltwachten für die Wagenburg hinauß gesetzt: die Reuter aber halten die Wachten aussert der Wagenburg/ vnd halten meist- theils zween Reuter auff einer Schiltwacht.
Wie vnd wo man des Nachts die Haupt- vnd Schiltwach- ten halte.
Man haltet die Hauptwachten vor jedem Regiment/ allzeit mit einer Compagnie/ vnd werden die Schiltwachten also außgestellt. Man stellet rings vmb die Armaden herumb die Sentinells perdu/ oder verlohren Schilt- wachten/ welche die Gefreyten thun sollen: jnmassen du in dem anderen Theil meines Kriegsbuͤchleins gelehret bist. Dise stehen in jhrer Distantz von ein- anderen/ alß weit einer den anderen des Nachts sehen oder ruͤffen hoͤren mag. Hinder disen stehet widerumb ein Schiltwacht/ doch also/ daß je eine des hindersten Reyens zwüschen zwo der vorderen hindurch sehen mag/ vnd werden auch Sentinells perdu genañt/ so auch ein gantze Armaden in die ründe beschliessen sollen. Hinder disen zweyen Reyen stehen die anderen Schiltwachten mit verborgnen Lunden/ auch Reyenweis gleich den anderen/ vnd dise Schiltwachten ins gemein werden von den Compagnien der Hauptwachten aussert vnd für das Laͤger gestellt: wie sie sich aber verhalten sollen/ hast du in meinem anderen Theil dises Kriegsbuͤchleins vernommen. Die Hauptwacht wird auch bey den Schlagbaͤumen gehalten/ vnd werden bey allen Außgaͤngen des Quartiers Schiltwachten von den wachthabenden Compagnien auffgestellt: sie lassen auch etliche Soldaten in dem Quartier/ solches zu verwahren. Man haltet auch ein Hauptwacht bey der Munition/ Hauptgeschütz vnd Proviant: Jtem/ bey des Generals Quartier/ da dann zwo Compagnien wachen sollen: von denselben werden die Losamenter der Generalspersonen/ sampt dero Bagage mit Schiltwachten versehen. Die Schiltwachten aber bey dem grossen Geschütz werden mit Spiessen gehalten/ vnd kein brennender Lunden darzu gelassen: vnd dann die Compagnien/ so
keine
Vom Feldzug vnd Laͤger.
keine Hauptwacht haben/ sollen jhre Quartier selbsten mit Schiltwachten versehen: Namlich eine vor vnd bey dem Fendlein; eine bey dem Capitain: vnd eine bey der Bagage des Capitains: Für des Profosen Losament wird auch ein Schiltwacht gestellt/ wo ferꝛ er gefangene hat. Es bestellen auch die Hauptwachten die Schiltwachten bey des Obersten Profosen Losament/ vnd der Munition/ so zum Regiment dienet: Jtem/ bey des Obersten Waͤgen/ ꝛc. Wie sich nun ein jeder auff der Schilt- vnd Hauptwacht verhalten solle/ hast du im ersten Theil meines Kriegsbuͤchleins vernommen. Es ist auch zu wüs- sen/ daß Lermenplaͤtz vor jedem Regiment seyen/ zu deren Distantz auff die 200. schuh gegeben werden.
Wann man des Morgens widerumb auffbricht.
So solle man sich widerumb in weis vnd form wie zuvor/ durchauß verhalten/ aussert vnd allein daß die jenigen/ so die vorhůt gehabt/ nun die nachhůt; vnd die so die nachhůt/ die Battaille; vnd die so die Battaille ge- habt haben/ alßdann die vorhůt haben/ damit gezaͤnck vnd vngelegenheit vermitten bleibe: vnd solle also alle tag die kehr vnder jhnen vmbgehen/ damit sich kein theil zu klagen habe: dann die vorhüt offt des Abends vmb 4. oder 5. die nachhůt aber des Nachts vmb 1. vhren in das Quartier kom̃t/ vnd die hindersten nicht allein starck hinnach marschieren muͤssen/ sonder auch schlech- tere Quartier bekommen/ vnd in allweg vervortheilt werden/ da aber bill ich ist daß man die gleichheit hierinn gebrauche: es gehet aber der Marsch des Morgens so bald der Tag anbricht/ widerumb an.
Wann man ein Statt belaͤgeren will/ was man in acht nemmen solle.
Erstlich/ wann die Armee 4. oder 5. meil von der Statt ist/ so belaͤgert wird/ solle der Feldmarschalck sampt dem General-Jngenieur vnd Quar- tiermeister vor die Vestung mit der gantzen Reuterey geschickt werden/ wel- che alßdann die Statt plocquieren vnd vmbrennen sollen/ daß weder Hund noch Katz hinauß kommen moͤge: der Jngenieur soll allen vortheil wol ob- servieren/ vnd die gantze Revier vnd vmbligends Land/ nach vermoͤgen/ mit allen Wasserflüssen/ Wisen/ Heiden/ Bergen/ Morast vnd anderen vmbstaͤn- den fleissig auffzeichnen/ vnd auff ein Papyr vnd Plan bringen/ darauß dann ein General sich ersehen moͤge/ wie am fuͤglichsten das Laͤger vmb die Statt zu schlagen/ vnd wo die Quartier am besten zu ordinieren seyen: jnsonderheit muß man die Vestung selbsten erkundigen/ vnd wie hoch vnd dick die Waͤl: wie breit vnd tieff die Graͤben; vnd wie vil Bollwerck ein solche Vestung ha- be; wo sie am schwaͤchsten; ob die Vestung mit Munition/ Proviant/ Volck vnd Geschütz versehen; wie die Soldaten gegen jhrem Herꝛen gesinnet; ob sie auch fleissig vmb jhr besoldung contentiert/ alles auffs fleissigst/ vnd mit al- lem vortheil verꝛichten. Man soll auch mit etlichen den Eynwohneren also
Q
hand-
Vierter Theil/
handlen/ daß sie den Weg vnd Paß des Lands zeigen/ damit nichts verhinder- lich seye. Alle solche anschlaͤg sollen gantz heimlich gehalten werden/ damit der Feind sie nicht in erfahrung bringe/ vnd jhnen zu schaden nicht begegne: mit wenigen soll man sich berahtschlagen/ vnd die endliche resolution gar nieman- dem vertrawen.
Wie man für ein Statt ziehet/ vnd das Laͤger schlaget.
Man soll in voller Battaille oder Schlachtordnung/ doch weit vnd vornen breit marschieren/ damit es dem Feind ein schraͤcken gebaͤre/ vnd er die Armee für staͤrcker alß sie ist/ ansehe/ doch daß das Volck mit den Stücken nicht erꝛeichet werden moͤge: alßdañ solle man/ wo die Waͤld nahe an dem Laͤ- ger/ vnd der Feind bedeckung haben moͤchte/ alle Paͤß/ daß der Feind die Pro- viant nicht abschneiden moͤge/ wol verwahren/ vnd darauff die Quartier auß- theilen/ namlich in drey oder vier Haupt-Quartier: die Regiment von einer Nation solle man zusammen ordnen/ vnd die Nationen/ wo moͤglich/ soͤnde- ren: alßdann soll man jedem Quartier Stück/ Munition/ Proviant vnd andere nohtwendigkeiten zur nohtdurfft verordnen: der General soll in der mitte oder am besten vnd sichersten ort beyneben den Generalspersonen vnd anderen hohen Officierern gelosiert/ vnd mit etlichen Regimenteren vmbgeben werden: hinder denselbigen des Generals-Proviantplatz: die froͤmbden Kraͤmer vnd Marckitaͤnter sollen beysammen nicht weit darvon losieren: deßgleichen wird darbey gemachet ein geraumer platz für die Haupt- Artillerey/ so nicht in die Schantzen gebraucht werden/ sampt der Munition: das Pulfer wird oben mit Rosshaͤrinen deckenen vberdecket/ so für Fewr vnd Wasser gut ist: vnd werden die Waͤgen mit Kuglen; darnach die mit Lunden; hernach andere Rüstwaͤgen/ sampt einem Graben darumb gefuͤhrt/ die wird starck verwachet/ vnd Spießknecht zur Schiltwacht gestellt/ so dar- bey Schiltwacht halten: hinder demselben ist der Marckt: zu aller hinderst aber des gantzen Laͤgers ist ein platz für die Metzger: vnd hinder denselben der platz die Leibs-nohtdurfft zu thun/ so von den Steckenknechten mit stangen/ daran strohwüsch seind/ abgezeichnet wirdt. Der General-Wagenmeister vnd der General von der Artillerey sollen beysammen losieren: die Obersten vnd Hauptleuth bey jhren Soldaten: die Obersten in der mitte jhres Regi- ments: etlich Feldgeschütz soll auff dem Lermenplatz/ so zwüschen den Regi- menten vnd den Tranchen oder Verschantzungen seind/ in einer Ordnung geladen stehen: ein jeder Constabel/ sampt den Matrosen/ Handlangers/ Bi- neurs oder Schauffelbawren halten sich ein jeder bey jhren Stücken: Es soll aber die Munition nicht in der mitte des Quartiers/ sondern an einem be- sonderen ort wol verwahret stehen: die vbrigen Waͤgen sollen hinder dem Quartier/ ein jeder an seinem behoͤrlichen ort stehen/ vnd die Wagenmeister vnd Fůhrleuth darbey halten. Wann nun ein Quartier soll abgestochen wer-
den/
Vom Feldzug vnd Laͤger.
den/ so theilet der General-Quartiermeister solches den Regiments-Quar- tiermeisteren auß/ vnd gibt auff zween Soldaten zu einer hütten 8. schuh in die breite/ vnd 8. schuh in die laͤnge/ vnd machet man dielaͤnge des Quartiers nach advenant vnd beschaffenheit: dann je breiter vnd weniger hoch ein Quartier vor einer Statt ist/ je besser ichs halte: man gibt auch einer Compa- gnie von 200. Mann offt 4. Reyen zu den hütten/ offt mehr oder weniger eyn/ je nach dem es die gelegenheit mit gibt/ vnd werden die hütten parallel gezo- gen/ vnd darff kein Soldat ein zwerchhand für den anderen aussen bawen/ sonder eben/ sonst muß er sein hütten widerumb abbrechen: zwüschen zweyen Reyen hütten ist die gassen 8. schuh breit: hinder den Soldaten losieren die Capitain/ denen man 40. schuh in die laͤnge/ vnd 40. schuh in die breite gibt: die distantz vnd gassen zwüschen den Soldaten vnd Capitain halten 20 schuh: hinder denselben losieren die Marckitaͤnter/ deren hütten 20. schuh/ vnd die distantz jhrer gassen auch 20. schuh breit: der Lermenplatz soll zwüschen den Soldaten vnd Tranche 200. schuh oder 250. schuh vornen seyn: die Regi- menter sollen 40. oder 50. oder 100. schuh weit von einanderen gesoͤnderet seyn: der Collonels Losamenter halten 68. oder auch 80. vnd in die laͤnge 40. schuh: der General hat zum Quartier in 600. biß in 700. schuh: die laͤnge ist nach der laͤnge der Soldaten Quartier vnd Reyen: dem General von der Artillerey gibt man platz je nach dem er Gesind/ Artillerey/ Munition vnd Waͤgen bey sich hat: für die Proviant gehoͤrt ein absonderlicher platz: auff der rechten hand losieren die hohen Officier oder Generalspersonen einande- ren nach/ vnd sollen zwüschen den hütten zu einer distantz 50. oder 60. schuh ge- lassen werden/ damit man vngehindert von einem ort zu dem anderen/ jnson- derheit zur Munition passieren moͤge. Die Reuter sollen abgesoͤnderet wer- den von den Soldaten/ damit allerley vngelegenheit vermitten bleibe: Sie werden hinder den Marckitaͤnteren auff 50. oder 60. schuh gelosiert/ jedem gibt man zur hütten 10. schuh/ zu den Pferden 14. vnd 20. zu der gassen: die gassen ist zwüschen den hütten vnd haͤupteren der Pferden 6. schuh: der Reuteren hütten vnd gesichter sollen gegen jhrem Lermenplatz gehen: der Rittmeisteren Losament seind 40. schuh: den Kraͤmeren so dem Laͤger nach- ziehen/ gibt man allen mit einanderen zween Reyen/ oder mehr/ je nach dem jhren vil seind: das spatium der gassen ist 200. schuh: da soll der Marckt nicht weit von des Generals Quartier seyn/ ist 300. schuh.
Wann das Quartier abgestochen ist/ wie man sich alßdann verhaltet.
Alßdann werden 6. oder mehr Musquetierer weit vor der Ordnung her mit den Sergeanten von jederer Compagnie gecommandiert/ die lauffen mit dem Regiments-Quartiermeister vorher/ vnd nemmen jhre Quartier eyn: so bald man nun ein Regiment nach dem anderen in die
Q ij
Quar-
Vierter Theil/
Quartier eynfuͤhrt/ so laufft ein jeder nach besetzter Haupt- vnd Schiltwacht hin Holtz vnd Stroh zu holen/ damit sie jhre hütten machen: es sollen aber die thüren der hütten gegen den straassen sehen: die allervordersten gegen dem Lermenplatz/ die hindersten aber gegen den Capitains/ vnd der Capitains gegen der Soldaten thüren gehen: zu vorderst an den Reyen der Soldaten hütten losieren die Fendrich/ Corporaln/ vnd Feldschaͤrer: hinden aber die Leu- tenam̃t/ Wachtmeister vnd Capitain des armes: es soll ein jeder vngefahr einen schuh hoch von reyßwerck ein betthstatt oder geliger machen/ damit er nicht wegen feuchte der Erden erkrancken: vor disen hütten werden baͤncklein gemachet/ vnd in die hütten kleine gesichter: es muͤssen auch die Soldaten alle Sambstag vor den thüren wüschen/ oder kehren: vornen sollen die Fendlein alle fliegen/ vnd darneben zwo stützen auffgerichtet werden/ darüber man dañ ein stangen leget/ wird einem Galgen gleich/ an welchen man die Spieß stel- let/ vnd wird darneben vor einer jeden Compagnie ein Brunnen gegraben/ zum trincken/ waͤschen/ vnd zur brunsts-zeit sich dessen zu gebrauchen: die Kuchen zu dem kochen werden zu allerhinderst ein gute distantz von dem Quartier gemachet/ vnd das dach mit graßboͤschen/ oder breiten sooden/ we- gen bewahrung des fewrs/ gedecket/ vnd das Quartier sauber vnd rein ge- halten.
Wie vnd wann man die Tranche machen solle.
Den anderen tag darauff da wird jederer Compagnie 2. 3 4. oder mehr oder weniger růthen/ je nach beschaffenheit der groͤsse des Laͤgers/ zu graben vnd zu bawen gegeben/ von welchem man jhnen kein haller schuldig ist/ vnd wird geheissen/ die Arbeit seye für den Printzen. Dise Tranche soll in einem tag vmb die gantze Armee zu beyden seiten herumb gefuͤhrt werden/ vnd die wird folgender gestalten gemachet: der Graben 6. 7. oder 8. schuh weit: der Banck ein schuh hoch/ zween oder drey breit: vornen vnd hinden wird die Pa- rapetta oder Brustwehre von boͤschen oder sooden auffgefuͤhrt. Man machet auch die Tranche dicker vnd hoͤher/ da der Feldfeind ankommet: vnd wer- den auch alßdann die Graͤben erweiteret vnd tieffer/ auch doppelte Graͤben gemachet. Jn der mitte der Tranche/ oder Vmbschantzung/ machet man halbe Reducten/ so je eine von der anderen 40. oder 50. růthen stehet. Man solle auch ausserthalb gevierte Reducten legen/ deren jedere seiten 4. 5. oder 6. růthen halte/ vnd auff die 30. oder 50. Musquetierer begreiffen moͤge: solche sollen 40. oder 50. růthen von einanderen stehen/ mit disen werden die Paͤß verleget vnd bewahret: insonderheit wo man an die Tranche keine Boll- werck zu legen gesinnet ist/ kan man sich mit den Reducten behelffen/ vnd ist der Graben solcher Reducten 8. schuh breit/ vnd 6. tieff: der Berm 2. schuh: die hoͤhe der Brustwehr 6. schuh: vnd die schraͤge die helfft der schraͤge: man leget auch an dise Reducten/ oder Quadrat/ oder Vierung/ Bollwerck: an
den
Vom Feldzug vnd Laͤger.
den Tranchen werden auch oͤffnungen gelassen zum auß- vnd eyngang/ vnd ist derselben breite 7. oder 8. schuh/ nach gelegenheit/ so in feinds gefahr mit Palissaden vermachet werden: vnd wann man sich also eyngeschantzet oder eyntrenchiert hat/ soll man anfangen sich gegen der Statt zu mit Lauffgraͤ- ben approchieren/ oder naͤheren/ wie folget.
Wie man die Lauffgraͤben zu machen anfange.
Eh daß man anfanget/ soll man vor allen dingen die Erden erkennen: Büsch/ Hecken/ Weg/ Hoͤlinen/ Baͤum/ Hügel/ Berg vnd Thal ist auch ein gu- ter behelff darzu. Man solle die auff 1000. schuh anfangen: etlicher meynung ist ein schuß von einem Doppelhaacken: dann je naͤher man bey dem Quar- tier anfanget/ je besser man von dem Quartier selbige defendieren kan. Man soll auch sehen/ wo man der Vestung am besten beykommen moͤge: vnd seind die face/ puncten vnd eck der Bollwerck am allerschwaͤchsten. Wann nun der anfang geschehen soll/ so werden von jeder Compagnie 10. oder mehr/ oder minder Soldaten mit Bawren-Jnstrumenten/ alß Bickel/ Hawen/ Schauf- flen/ ꝛc. gecom̃andiert/ die werden von dem Jngenieur in ein gerade linea deß nachts/ da es finster ist/ angefuͤhrt/ vnd in ein jede růthen 3. oder 4. Mann ge- stellet/ doch so vil es moͤglich/ daß das Volck aussert gefahr seye: man setzet auch darbey ein Corps de garde/ oder Reduct/ vnd ein Wacht von Reutern vnd Fußvolck/ auch rings vmbher Schiltwachten/ die die Arbeiter vor des Feinds vberfahl wahrnen: vnd da Feind vorhanden/ stellet sich die Wacht zur wehr/ inzwüschen die Arbeiter sich auff ein seit machen. Da nun der Feind wide- rumb in die Vestung getriben wird/ vnd aber derselbig gar zu starck were/ be- gibt sich die Wacht in die Reduct/ oder Corps de gard: hierauff fangen die Arbeiter widerumb an zu wercken/ vnd so bald sie ein loch von 3. schuh tieff vnd 3. schuh breit gemachet haben/ seind sie ausser der gefahr/ danaher ein jeder mit allem ernst vnd vermoͤgen arbeitet/ sich selbsten zu versicheren: vnd da ein je- der ein solches loch machet/ gibt es einen Graben/ wie obbemeldt/ 3. schuh breit vnd tieff: die Erdẽ/ so man hinauß wirfft/ wirfft man gegen der Statt zu auff den rand des Grabens: wann man aber ein gerade linea gegen der Statt zu machet/ da wird die Erden zu beyden seiten auffgeworffen/ vñ 6. schuh breit vñ 6. tieff der Graben gemachet. Man machet auch die linea vngleich/ vnd laufft je ein linea gegen der anderen schlaͤm̃/ oder auch grad: wo nun der Graben 6. schuh tieff/ da wird ein Bancket für die Musquetierer gemachet: je breiter die Graͤben seind/ je mehr sollen die Brustwehrinen erhaben werden/ damit man in dem Graben bedeckt seye: weiln man aber des nachts in der finstere nicht alles so richtig machen kan/ wird der fehler des tags durch etliche Ver- dinger verbesseret. An dem aussersten theil der linien machet man gemeinig- lich ein geviertes schaͤntzlein/ oder reduct/ oder quadrat/ oder Corps de garde/ vnd ist von einem biß zu dem anderen 40. oder 50. růthen/ darinn haltet man
Q iij
des
Vierter Theil/
des tags die Wachten: es soll aber vor tags ein solche Corps de garde/ oder schaͤntzlein fertig seyn: dise seind die der linien beschützung oder defensen/ darauß man die linien bestreychen/ vnd den außfallenden Feind widerumb abtreiben mag: die seiten derselben seind 4. 5. oder 6. růthen: es sollen aber zwey eck dises quadrats/ oder Corps de garde grad in die Lauffgraͤben gerich- tet seyn/ danaher man nicht allein die Lauffgraͤben/ oder approchen/ zu beyden seiten/ sonder auch das Feld im gesicht haben kan: wo man es aber nicht gut be- finden wurde dergleichen Reducten zu machen/ soll man sie ausserthalb/ oder vor den Lauffgraͤben machen etwan anderthalbe/ oder zwo růthen von den- selbigen/ also daß selbige seyen zwüschen der Statt vnd den Corps de garde/ mit einer parallel seiten gegen der Approche/ daß man bey der nacht vnd sonsten darzwüschen gehen/ auch Kaͤrꝛen/ Waͤgen vnd grosse Stück zwüschen der Corps de garde vnd Approchen fuͤhren moͤge/ vnd also werden die Corps de garde die Approchen an der seiten bestreychen. Wann nun dise Arbeiter das jenige verꝛichtet/ so fuͤhret ein jeder Sergeant die seinigen widerumb ohne Trommelschlag ab/ vnd ins Quartier/ alßdann liferet ein jeglicher Soldat sein Jnstrument/ vnd wird jeglichem zum lohn 5. gut batzen gegeben. Die reparation oder verbesserung der Graͤben wird verdinget/ vnd gibt man so vnd so vil von einer růthen/ je nach dem es heiß vnd gefahrlich ist zu arbeiten: dann es muͤssen die Lauffgraͤben auff 8. schuh weit seyn/ damit man mit Waͤ- gen/ Stücken vnd dergleichen hindurch fahren moͤge. Die letsteren Linien werden von den Verdingeren gemachet: dann es sehr gefahrlich ist/ vnd wird vil von einer růthen gegeben/ damit man jhnen ein Hertz mache/ vnd die Ar- beit gefürderet/ vnd kein zeit verlohren werde: wann man nun mit den Lauff- graͤben nicht weiters kommen kan/ so fangt man an zu vndergraben.
Was man weiters wegen der Reducten vnd Lauffgraͤben zu beobachten habe.
Es werden die Reducten geviert Regular: etliche aber ablang/ gleich dem rechtgewinckelten parallelogram̃ gemachet: vñ werden die Regular bißweilen zur seiten fünffthalb/ von 5. vnd sechßthalb růthen haben. Die ablangen pa- rallelogrammischen aber seind in jhrem begriff nicht mehr dann 16. 20. oder 12. růthen: die kleineste seiten von den kurtzen aber 2. růthen: wo man nun kein gute Erden gehaben mag/ machet man hoͤltzene Reducten von braͤtteren/ vnd thut zwüschen 2. Reyen braͤtter sand. Der Reducten hoͤhe aber ist nicht mehr alß 6. schuh/ vnd ist derselben anlegung gemeiniglich von 14. oder 20. schuh: die hoͤhe offt auch 8. oder 10. schuh: die breite der Brustwehr 4. oder 6. schuh: die Banquet 2. oder 3. der Fůß oder Berm 3. schuh: der Graben 15. auch offt 24. die tieffe/ je nach dem der grund ist. Wann nun Morast ist/ vnd man nicht graben kan/ so machet man den boden mit reyßgestochtnen hurden/ vnd wirfft alßdann Erden darauff/ vnd werden zu beyden Schantzkoͤrb ge-
stellt/
Vom Feldzug vnd Laͤger.
stellt/ so mit Erden außgefüllt werden/ vnd stehen die Schantzkoͤrb hart an ein- anderen/ so lang ein linea seyn solle: also werden auff dise form auch Lauff- graͤben gemachet/ vnd werden just gegen einer gesichtlinien/ oder puncten ei- nes Bollwercks biß an die Contrascarp gemachet: man soll auch sehen/ daß man die Reducten auff ein erhaben ort lege.
Von den Battereyen/ wo/ vnd wie man sie ordnen solle.
So bald man anfanget zu approchieren/ pfleget man Battereyen auff- zuwerffen/ damit man die Arbeiter defendieren/ vnd der belaͤgerten außfaͤll verhinderen moͤge. Es werden aber die Battereyen dergestalt erhaben/ daß man darvon mit den Stucken/ die Brustwehrinen auff dem Wal vnd Boll- wercken der Vestung beschiessen/ vnd darnach der belaͤgerten Battereyen rui- nieren vnd verderben moͤge: Sie werden auch nach gestalt vnd hoͤhe des Wals der Vestung erhaben: dergestalten/ daß die Stück ein schuh oder zween nidriger treiben weder das oberste theil der Brustwehr ist/ vnd soll das Stück von 13. graden erhaben stehen/ je nach dem die distantz ist/ vnd da man noch weit ist/ darff man die Batterey nicht hoch erheben: wo du aber nah kommest/ so solt du sie erheben nach advenant. Man stellt meistentheil 4. oder 5. halbe Carthaunen auff ein Batterey: wie breit vnd lang man aber dieselbigen sampt deren Brustwehr/ vnd die schießloͤcher mache/ hast du allbereit vornen im ersten Buͤchlein von einer Vestung gehoͤret. Die seiten der Battereyen solt du auch mit Schantzkoͤrben oder Erden bedecken. Vnder den Batte- reyen hat man die Kuglen/ Pulfer vnd andere nohtwendigkeit. Ein Consta- bel misset das Pulfer dar/ vnd liferet die Kuglen zu sampt einem Edelmann vom Geschütz. Man haltet auff der Batterey ein Schiltwacht/ so die Con- stabels wahrnet/ wann von des Feinds Batterey fewr auffgehet: dann durch das mittel/ eh das Stück loß gehet/ kan man auff das gesicht sich nider lassen/ vnd dem schuß vnd kuglen entgehen: Es soll auch kein Constabel schiessen/ oder etwas für sich selbsten thun/ es werde jhme dann dasselbig vom Edel- mann vom Geschütz befohlen: die Amunition soll bedeckt seyn mit Rosshaͤri- nen deckenen. Man soll einen Graben vmb die Munition machen/ damit nie- mand darzu lauffe: der Gang auff die Batterey ist abhanget/ vnd verlieret sich nach vnd nach von der Batterey biß auff den boden hinab/ damit man mit Stücken hinauff fahren moͤge: man fuͤhrt auch vmb die Batterey einen tieffen Graben. Die Battereyen werden je eine gegen der anderen gerichtet/ damit man einen Creutzschuß thun moͤge. Wo man auff den rand des Gra- bens batteriert/ so pfleget man die Battereyen nicht erheben: man leget die braͤtter auff der Batterey vberzwerch von eychenem oder von lindenem holtz 12. schuh in die laͤnge/ vnd auch 15. schuh/ vnd darhinder von reyßgeflochte- ne hurden.
Wie
Vierter Theil/
Wie man die Contrascarpen durchbricht/ vnd Gallerey machet.
Wann nun die Approche biß an die Parapetta des Contrascarps kom- men ist/ fuͤhret man Battereyen auff/ darvon die Streychen vnd andere Wehren der Vestung zu demolieren; fangt auch zu gleich an die Contrascarp zu durchbrechen: wann nun die Contrascarp hoch ist/ so machet man einen verdeckten Gang dareyn/ wie eine Mina/ also/ daß der eyngang in den Gra- ben dem obersten theil des Wassers gleich lauffe: diser eyngang aber ist ab- hangend: ist der obertheil des eyngangs in den Graben: die hoͤhe des Gangs ist 6. schuh vnd 5. schuh breit/ oder vmb etwas breiter/ damit man die Erden desto fuͤglicher außfuͤhren moͤge/ vnd die Leuth besser auß- vnd eyngehen moͤ- gen. Eh man aber vnder die Erden kom̃t/ machet man ein decke von 5. schu- hen/ so lang biß man so tieff gegraben/ daß die Erden nicht zusammen falle/ vnd den eyngang zufülle/ setzt man zur seiten daͤnnine braͤtter an die seiten die nicht zu breit seind/ legt oben darauff ein eychen braͤtt von gleicher breite/ vnd fahret man darmit also im graben weiter fort: etwan werden auch Joch von daͤnninem holtz jnnwendig auffgefuͤhrt nahe an einanderen/ darnach mit daͤnninen braͤtteren beschlagen/ dardurch hinab sich in den Graben zu sen- cken: wo aber die Contrascarp wegen der nidrigkeit der Erden nicht eroͤffnet kan werden/ so fahret man mit dem vndergraben fort biß an den Graben. Damit man aber vor fewrwerffen versicheret seye/ so decket man denselben mit Laͤden vnd Erden/ vnd werden die seiten mit Wollsaͤcken vnd Schantz- koͤrben wol zugedecket: jnzwüschen werden die Schützen rings vmbher in die Lauffgraͤben gecommandiert/ die tag vnd nacht auff die Vestung schiessen/ vnd da sich etwar blicken laßt/ fewr geben/ vnd den Arbeitern frid schaffen.
Wie man den Graben außfülle/ vnd die Gallerey darüber mache.
So bald die Contrascarp durchbrochen ist/ wirfft man ein grosse menge fantaseyen/ oder büschelein mit reyß/ vnd Frantzoͤsisch Saussysen in den Gra- ben/ solchen zu füllen: es springen auch etliche Soldaten hinunder/ die sich wa- gen doͤrffen/ vnd werffen die büschelein zu recht gegen dem Bollwerck/ einen weg dahin/ vnd die Gallerey daher zu machen/ vnd ist dieselbig Gallerey vnge- fahr 7. oder 8 schuh hoch/ vnd 7. 6. oder 8. schuh breit/ dann je breiter je besser sie ist/ weil desto mehr Leuth darinn gehen moͤgen: die ripp stehen vngefahr 6. schuh von einanderen/ die dann oben mit eychenen braͤtteren/ vnd mit Er- den darauff oben bedecket/ vnd soll die Erden darauff eines schuhs dick seyn: es stehet einer oder zween in dem Graben an der Vestung-Wal/ vnd theilen die Erden mit Schaufflen/ so lang styl haben/ ordenlich vnd gleich/ damit das fewr an der Gallerey nichts schaden moͤge.
Wie man die Minen machen solle.
Wann nun die Gallerey gemachet/ so fanget man die Minen an/ eint-
weders
Vom Feldzug vnd Laͤger.
weders auff der rechten oder lincken hand/ vnd wo es sich am besten schicket/ Namlich also: Man machet einen Gang in die Erden/ so vngefahr 4. schuh hoch vnd 3. breit ist/ vnd vnderbawet jhn mit holtz vnd pfaͤlen/ damit die Erden nicht widerumb eynfalle: diser Gang wird krum̃ gemachet/ auch dardurch die auß der Minen gegrabene Erden gefuͤhret. Wo nun die be- laͤgerten deiner Minen gewahr weren worden/ so must du dieselbig verlas- sen/ vnd ein andere anfangen. Man approchiert offt auß 2. oder 3. Quartie- ren gegen einer Vestung/ vnd werden an vnderschiedlichen orten Minen ge- machet die Vestung zu vndergraben: Wann man nun die Kammeren/ da- hin man die Pulferthonnen setzet/ machen will/ so soll man sie etwan 4. oder 5. schuh hoch/ vnd 3. oder 4. breit/ je nach dem der Wal schwaͤr vnd dick ist/ ma- chen: da du nun den Wal hineynwerts fellen wilt/ must du denselben durch- graben biß an 6. schuh/ oder auch 8. schuh/ so wird die Kam̃er nicht vber 4. schuh hoch/ vnd 3. oder 4. weit seyn/ vñ 6. lang/ je nach dem man vil thonnen mit Pul- fer dahin stellen will/ vnd der Wal dick ist: Wann nun die Kam̃eren 4. schuh vnd nicht hoͤher/ so wendet sich der gewalt des Pulfers nach der Statt eyn- wendligen zu/ weiln daselbsten der geringste widerstand ist: soll aber der Wal vber sich springen/ so solle die Mina vmb etwas erhoͤcht werden/ biß daß sie 6. oder 7. schuh hoch ist: man soll aber den eyngangin die Kammer treffenlich starck vnd wol verstopffen/ daß der dunst kein lufft habe gegen dir zudrin- gen/ vnd du hierdurch grossen schaden empfangest: er solle auch vornen mit balcken/ so vberzwerch gehen/ auff das allergenawest vnd mit Erden zuge- stopffet werden/ vnd sprenget ein thonnen Pulfer 12. schuh Erden: darnach dann die Bresche außgerechnet werden kan.
Wie sich die Soldaten in den Lauffgraͤben verhalten sollen.
Sie sollen alle jhre Spieß schleiffen/ darmit man sie nicht darbey erken- nen/ vnd jhnen die Eysen vnd Spieß entzwey schiessen moͤge: Man stellet auch kleine Schützenkoͤrblein auff die Brustwehr dick vnd reyenweis an einande- ren/ wie du im ersten Buͤchlein von einer Vestung gelehret bist/ durch welche die Musquetierer auff dem Wal/ so sich nur einer herfür blicken laßt/ fewr geben/ vnd dardurch die Arbeiter defendieren: da sie mit den Approchen nahe an des Feinds Wercken seind/ sollen sie ohn vnderlaß auff die Brustwehri- nen des Feinds Wercken spielen vnd schiessen/ auch Handgranaten hineyn werffen: da nun ein Handgranaten neben einen fallet/ solle er sich auff das gesicht legen biß sie gespielt hat/ dise schlaget alßdann in die hoͤhe/ vnd schadet jhme nichts. Man soll auch von den Battereyen starck gegen des Feinds flan- cken vnd durch den Creutzschuß auff die puncten oder gesichtlinien der Boll- wercken spielen/ vnd in allweg sehen/ daß man oben dem Feind seine defensen nem̃en/ vnd alß jmmer moͤglich seine Battereyen/ vnd Constablers zu grund richten: auch die Stück auff das allerfleissigst bewahren/ vnd vor den belaͤger-
R
ten
Vierter Theil/
ten verdeckt haben. Man solle auch dem Feind mit Fewerwerck vnd grossen Granaten tag vnd nacht starck zusetzen/ vnd in seinem naͤst also warm vnd bang machen/ daß er nicht weißt wo er sich wenden vnd wehren solle.
Wie man sich nach der Bresche verhalten solle.
Erstlich/ nach dem man alle Regimenter im gantzen Laͤger auffgemah- net/ vnd in Battaille gestellt/ auch etliche Compagnien zu Ross vnd Fůß zum sturm commandiert hat/ so solle man/ nach dem die Bresche gemachet/ mit Musqueten/ Fewerwerck/ Handgranaten starck von allen orten in die Ve- stung spielen/ auch auff die Brustwehrinen des Wals mit Stücken vnd Musqueten vnnachlaͤßlich schiessen/ vnd vornen raumen: darauff fallt man an vnderschiedlichen orten an mit einem grausamen geschrey/ vnd da man die Stück von der Vestung Batterey loß breñt/ fallt das Volck auff die Er- den/ damit das geschoß vber sie hin gehe: es haben auch alle Musquetierer vnd Pickenierer jhre Sturmhauben auff den koͤpffen/ auch die vordersten schuh/ so mit eysen blaͤch beschlagen seind/ an/ so gut für die fůßaͤngel seind: dise muͤs- sen dergleichen spitzige sachen auß dem weg raumen: man stellet die Sturm- leiteren an/ vnd wirfft allerley Fewrwerck eyn: vnd da der Feind also an allen orten zu wehren/ vnd man jhme einen Stand vnd Wehre eyngenommen/ soll man jhme kein vbrige zeit lassen/ vnd starck an allen orten der Vestung lermen machen vnd stürmen: Es soll auch hinder dem Volck die Reuterey mit blossen Wehren halten/ vnd dasselbig zum stürmen antreiben/ vnd etliche Reuter mit jhren Daͤgen vnd Pistolen mit anlauffen/ vnd dem staͤrcksten hauffen zueylen/ auff das Geschütz vnd zu den Porten dringen/ vnd sehen daß man sich derselbigen bemaͤchtigen/ die Porten auffschlagen/ vnd dem meisten Gewaltshauffen einen zugang in die Vestung machen: wo man nun die Statt eroberet/ so soll allem vnstreitbarem Volck verschonet/ vnd die Kirchen bewahret werden/ daß denselben kein vnheyl widerfahre: wann man aber wider verhoffen zu ruck vnd vom Sturm abgeschlagen wurde/ so soll man nicht nachlassen/ vnd widerumb auffs new anfallen vnd angreiffen: kaͤme es aber darzu daß man parlamentierte/ so soll man geysel gegen einander schi- cken vnd fleissig zusehen/ daß die Vestung nicht vnderhoͤlet/ oder sonsten ge- fahrliche Sachen gelegt seyen: man solle auch eh der Feind außzeucht/ deß er- sten etliche Compagnien hineyn schicken/ die ort ein stund oder etlich zuvor eyn- nemmen vnd visitieren: im vbrigen aber soll man sich durchauß/ wie du im anderen Theil meines Kriegsbuͤchleins vast zu end/ gesehen hast/ verhalten.
Wie man widerumb auffbrechen solle.
So bald man auffzubrechen bedacht ist/ soll man in die eyngenomme- ne Vestungein starcke Besatzung legen/ vnd die ruinierten Ort widerumb re- parieren/ mit Proviant/ Geschütz vnd Munition/ sampt allen nohtwendig-
keiten
Vom Feldzug vnd Laͤger.
keiten versehen/ vnd darvor vnd eh nicht auffbrechen. Wann dann dises also beschehen/ so solle man die Lauffgraͤben/ Reducten/ Battereyen vnd Tran- chen abbrechen vnd die Graͤben zuwerffen lassen/ damit wann der Feind wi- derumb darfür ziehen wolte/ keinen behelff durch dieselben finden moͤge/ ꝛc. vnd wird der auffbruch gemachet/ wie du vornen in disem Theil vom Feldzug vnd Laͤger gehoͤrt hast.
Das Geschütz zeucht mit seiner zugehoͤr vornen her/ darbey auch die Schantzengraͤber jhre Stell haben/ vnd wird nicht zugelassen/ daß sich auch eintziger Wagen/ er seye gleich weß er woͤlle/ hierunder menge: zeucht aber ge- meiniglich in nachfolgender Ordnung. Erstlich fuͤhret man ein Wagen mit Schaufflen/ Hauwen vnd anderem grabzeug geladen vornen her: darauff folget ein sonderlich Jnstrument/ damit das gleiß gezeichnet wird auff der straassen die man reysen soll: darnach folgen die kleine vnd leichte Stück auff jhren Lavyten: hernach die grossen Stück/ welche in gefahrszeiten auff blaͤch- waͤgen gefuͤhrt: wann man sich aber des Feinds anlauff befoͤrchtet/ alßdann muß man sie auff den Lavyten oder Schaͤfften fuͤhren. Nach dem Geschütz folgen die Waͤgen/ darauff der Zimmerleuth vnd Schmid Werckzeug gela- den: darnach die Waͤgen mit dem Pulfer vnd Bley: nach disen die Lunden: auff welche folgen die so die Picken oder Spieß fuͤhren: vnd nach solchen folgen endlich die Waͤgen darauff die Kuglen geladen: Hierauff folgen des Generals vber die Arkeley eygne Waͤgen/ vnd die so seinen Officierern zuge- hoͤrig: vnd nach demselben folgen all andere dem Geschütz zugehoͤrige Muni- tionwaͤgen: darnach die Proviantwaͤgen vnd das Hospital/ darauff die krancken vnd verwundten nachgefuͤhrt werden: auff dise folgen die Waͤgen/ mit welchen der anfang der Bagage gemachet wird. Wann es aber die noht- durfft erforderet/ daß man auß forcht eines anfalls etliche Stück ausserthalb diser Ordnung muß vornen an ziehen lassen/ alßdann schickt man auch so vil Waͤgen mit Pulfer/ Kuglen/ vnd aller anderen nohtwendigen Munition damit/ so vil man darzu bedoͤrffen moͤchte. Wann das Feld so weit vnd eben/ vnd kein Feind vorhanden ist/ daß man von einem hauffen zum an- deren in guter Schlachtordnung ziehen kan/ so zeucht ein jeder hauff mit besserer gelegenheit allein vnd für sich selbsten/ doch also/ daß sie sich leichtlich/ da es die nohtdurfft erforderte/ koͤnnen zusammen stossen. Das Fůhrwerck soll in 8. oder 10. Glider fahren/ auff daß es naͤher zusammen gehe/ vnd mit weniger verhinderung fort komme.
Wie man in engem Feld marschieren solle.
Wie man also marschieren solle/ wirst du da vornen allbereit bericht em- pfangen haben: doch so mercke noch allhie/ wann man Creutzweg/ so auß Waͤlden/ Thaͤlern oder Gründen gehen/ antrifft/ vnd man befoͤrchten muß/
R ij
daß
Vierter Theil/
daß der Feind durch dieselbigen moͤchte herbey schleichen/ so soll man allda ei- nen hauffen Fuͤßvolck halten lassen/ welcher sie verwahret biß alle Bagage fürüber/ vnd auß der gefahr ist/ vnd solle alßdann derselbig sich zu der Nach- hůt in den Zug eynstellen.
Wie man durch einen Wald mit der Armada mar- schieren soll.
Man soll einen hauffen Reuter verordnen/ so den Wald eynnim̃t/ vnd marschiert durch den gantzen Wald neben dem weg oder straassen/ auff wel- cher die Armee oder Kriegsheer her reyset/ vnd bedeckt es also auff beyden sei- ten: vnd da man in solchem Wald einen ebenen plan antrifft/ wie es bißwei- len geschicht/ alßdann soll die Reuterey still halten/ den weg zu versicheren/ biß das Bagage hindurch ist/ welcher sie alßbald nachfolget/ vnd das fůßvolck hinder jhren/ wie dann dieselbig nohtwendig muß in der Nachhůt bleiben. Wann man auß dem Wald kom̃t/ da ein flaches vnd offen Feld vorhanden/ so sollen etliche Squadronen Reuter im außgang desselben halten/ biß die gantze Reuterey das Feld vnd Hoͤhenen eyngenommen hat.
Wann man fuͤr des Feinds Vestung nahe vorbey marschiert.
So solle man mit Fůßvolck vnd Reuterey dieselbig vmbgeben/ vnd so lang darvor bleiben biß die Bagage vnd die Armee vorbey gemarschiert ist/ damit die in der Vestung keinen außfall thun/ vnd schaden moͤgen. Wann man nun also fort marschiert/ vnd das Feld eben vnd breit were/ so soll man in breiter Schlachtordnung ziehen/ vnd der Nachtr ab zimlich hinden nachfol- gen: in vnebenen Landen aber soll man die Berg innhalten/ vnd von Berg zu Berg ziehen: vnd da die Feind dem Laͤger nachzugen/ vnd den Nachtrab vberfallen wolten/ soll man denselben verstaͤrcken. Auff einem engen Paß sol- len deß ersten Fůßvolck mit etlichen Regimentsstücklinen vorher marschie- ren/ doch also/ daß etwas Reuterey darauff folgen/ vnd das Fůßvolck secun- diert werden moͤge.
Wann man mit einer Armada vber Wasser marschiert.
Wann man zu einem Wasser kom̃t/ soll man solches wol erwaͤgen vnd berahtschlagen/ was es für einen Furt oder Paß habe/ vnd was für Schiff vnd Brucken darzu erforderet werden: Man brucket auch offt ohne Schiff mit langen Traͤm̃eren oder Hoͤltzeren/ so auch empor schwümmen/ wañ mans vast zusammen fuͤget vnd bindet mit Kettenen vnd Seileren: die Schiffbru- cken aber seind die allerbesten. Wo man nun die Brucken anfanget/ da sol- le man etliche Stück oben vnd vnden an das gestaad stellen/ damit man vber das Wasser vnder die Feind reichen/ vnd von der anderen seiten hindersich treiben moͤge: so bald aber die Brucken fertig/ gestracks darauff mit etlichen Trouppen vnd Squadronen Musquetierer hinüber trucken/ vnd ein Wacht
vor
Vom Feldzug vnd Laͤger.
vor dem Feind eynnemmen: Auff solche folgen etliche Trouppen Reuter hin- nach/ sampt einem geringen Feldgeschütz/ darzu ein starcke Hauptwacht von Fůßvolck: da aber der Feind jenseits zu starck ansetzte/ ehdie Armada oder etwas vil Volcks hinüber kom̃t/ vnd dasselbig vbereylen oder vberfal- len/ vnd jhnen zu maͤchtig seyn wolte/ so sollen neben solcher Brucken etliche ledige Schiff geordnet seyn; da ferꝛ das Volck nicht raums vnd platz ge- nug hette/ widerumb sich vber die Brucken zu salvieren; daß es alßdann in dise dabey-haltende Schiff springen/ vnd ohne gefahr des Feinds widerumb hindersich kommen moͤge: Wo man aber die Armee hinüber bringet/ so soll man gestracks ein Schantz/ zu versicherung derselben/ jenseits auffwerffen/ vnd mit aller nohtdurfft nacheylen/ vnd den Feind fürters treiben.
Wie man sich in einem Haupt-treffen oder Schlacht verhalten solle.
Man solle nicht schlagen ohn andaͤchtiges demuͤtiges gebaͤtt: auch nicht man seye dann darzu gezwungen/ oder habe einen guten vortheil/ in deme der Feind in wind/ kaͤlte/ oder hitz/ vnd sonsten mit allerley außgemaͤrglet/ vnd sein armůt verspüret wird/ vnd man den obersten platz eyngenommen/ Laͤger vnd Troß wol verwahret/ Vieh vnd Leuth wol gefuͤteret/ des Feinds heimliche list wol verhuͤtet vnd erkundiget/ der Zeit/ Tags/ Nachts/ Hagels/ Raͤgen vnd Winds gewahret/ den Feind etliche Tag vnd Nacht mit scharmützieren ins Gewehr gebracht/ ermuͤdet/ vnd man dargegen das seinige durch secundieren ruhen gelassen. Wo man nun schwach/ solle man Abends in der finstere/ oder des Morgens in einem Naͤbel angreiffen: mit kleinem hauffen soll man sei- nen vortheil in der enge vnd hoͤhe/ neben Morast/ Wasser/ Holtz/ vñ dergleichen suchen: Jtem/ gewahren/ daß dem Feind Soñ/ Mond/ oder Hitz/ Kaͤlte/ Raͤ- gen/ Wind vnd Staub schade: vnd bey einem Wasser/ da sich Leuth vnd Vieh erlaben moͤgen: auch hinderwerts zu nechst ein Statt/ Vestung/ Schloß/ Wasser/ Maaß/ See/ Weyer/ oder hohen Felsen zu seiner retirada habe/ da- mit der Feind nicht leicht darhinder kommen/ vnd man jhne dargegen dar- durch auffhalten/ vnd sich widerumb zusammen thun moͤge. Man soll Füß- volck gegen Fůßvolck vnd nicht gegen Reuteren commandieren: je breiter auch ein Ordnung je besser sie ist: dann je mehr auff ein mal zu fechten kom- men/ je besser ichs halte: die Proviant vnd Munition sollen wol verwahret werden: es sollen auch etlich Trouppen hinder der Munition vnd dem Volck halten: die Fůhrleuth/ wo sie mit jhren Pferden außreissen wolten/ auch die außreissenden Soldaten mit gewalt widerumb an den Feind zu ruck trei- ben: es soll aber der General vil Leib-Pferd halten/ vnd bey jedem Regiment ein lediges stehen haben/ damit er geschwind von einem Regiment zum ande- ren reiten/ vnd den Obersten Ordre ertheilen moͤge darzu auch vil Diener/ die seinen Befehl außrichten: die Major der Regimenteren sollen alle jhm ab-
R iij
war-
Vierter Theil/ Vom Feldzug/ ꝛc.
warten/ auff Befehl warten/ vnd denselbigen verꝛichten: die Troßbůben vnd ander vnnütz voͤlcklein sollen ferꝛn von der Armada gefuͤhrt/ vnd durch den Hůrenweibel etwan auff einen Berg gestellt werden/ damit der Feind sie von ferꝛnuß für Soldaten ansehen/ vnd desto eh erklufft werden moͤge.
Was nun die Ordnungen anlanget/ vnd wie man mit Squadronen/ Trouppen/ Musquetierern/ Spieß- vnd Reutern/ auch Compagnien vnd Re- gimenter-weis fechten solle/ wirst du im dritten Theil von Schlachtoꝛdnungen genugsam gehoͤrt haben. Wann du nun deinen Feind mit der hilff Gottes ge- schlagen hast/ so soll nicht alles Volck dem Feind nachtrucken/ sonder nur etli- che Reuter vnd Fůßvolck/ vnd die Ordnung beysammen verbleiben. Ein je- des Regiment soll seinen Beuthmeister haben/ damit das beuthen kein vnoꝛd- nung mache/ vnd daß man nicht etwan durch einen hinderhalt des Feinds/ vnversehen vberfallen/ vnd in einer vnordnung ob der Beuth geschlagen werde.
Wann man widerumb auß dem Feld ziehen solle.
Wann nun es zeit/ daß man wegen des vngewitters vnd kaͤlte nicht mehr im Feld bleiben mag/ solle man/ zu vermeydung allerley vngelegenhei- ten/ auß dem Feld/ vnd widerumb in die Winter-Quartier mar- schieren/ vnd ein jede Compagnie widerumb in jhre alte Guarnison.
Ende des letsten Theils dises Kriegsbuͤchleins/
vom Feldzug vnd Laͤger.
Faͤhler/ so in disem Werck zu verbesseren.
Jn der 13. lin. des 3. blats liß 36. rüthen für 36. schuh: in der 7. lin. des 12. bl. liß wird/ für werden: in der 2. lin. des 18. bl. in 10. oder 12. schuh für 12. schuh: in der 22. lin. des 21. bl. ist außgelassen Ein theil gibt auch auff jeden Mann 2. fuͤß zur distantz: in der 12. lin. des 84. bl. ist außgelas- sen 17. steckt die hand durch den Riemen der Rondellen/ ibid. in der 25. lin. 3. steckt die hand durch die Riemen der Targe/ vnd machet euch fertig: in der 20. lin. des 52. bl. liß Sentinellen für Saintinellen: in der 3. lin. des 53. bl. Sentinell: in der 4. lin. ibid. Sentinell: in der 16. lin. des 116. bl. liß Vndersaͤtzbaͤum/ für vnd Ersaͤtzbaͤum: in der 23. lin. des 120. bl. liß reusperen/ für ruͤffen: in der 28. linien an gedach- tem blat/ liß Ringsweis/ für Reyenweis: in der 8. lin. des 121. bl. liß im anderen Theil/ für ersten Theil.
NB.
Jn der 4. lin. im 84. blat ist das Exercitium der Spieß auch in Kupffer gebracht/ vnd sollen hiemit die fünffte vnd sechßte linien durch seyn.