ODEN und GESÄNGE
durch
Georg Rodolf Weckherlin.
Das Erste Buch Oden vnd Ge- saͤng.
An mein Buch.
M
Olan/ Buͤchlein/ du must es wagen/
Zeuch hinauß mit getrostem muht:
Weil vnser gewissen gantz gut/
So gilt es gleich was man wirt sagen.
Deemuͤhtig-kuͤssend zu begruͤessen
Einer maͤchtigen Goͤttin hand/
Soll Dich Mißgunst vnd Vnverstand
Weder verhindern noch verdriessen.
Gefallen solt du gar nicht allen/
Vihlen gefallen ist zuvihl:
Hast also dein gewisses spihl/
Das du wenigen wirst gefallen.
Diser (wie wenig jhrer seyen)
Seind gar gnug/ weil Sie gut vnd fromb;
Vnd Sie/ bey denen du willkomb/
Werden dich schon vor vnfall freyhen.
Wan du nu/ so wol aufgenommen/
Auch vor andern kaͤmest herfuͤr/
So wollen froͤlich bald nach dir
Mehr schoͤnere geschwistrigt kommen.
An die
An die
Durchleuchtig- ste vnd Hochgeborne Fuͤr-
stin vnd Fraw/ Fraw
ELISABETH
Pfaltzgraͤfin bey Rhein/ Churfuͤr- stin/ Hertzogin in Bayern/ ꝛc. Graͤfin zu Vel- dentz vnd Spanheim/ ꝛc. Geborne Koͤ- nigliche Princessin auß Groß-- Britannien/ ꝛc.
Meine gnaͤdigste Fuͤrstin vnd Fraw/ ꝛc.
D
Emnach ich mich newlich bedacht/
Welcher Musen es wolt gebuͤhren/
A iij
(Vn-
(Vnder denen/ die ich hoch-acht)
Euch dises Buch zu pr
æ
sentieren:
Da kam ein jede bald zu Mir/
Hoffend solche ehr zu erlangen;
Allein zwo kamen nicht herfuͤr/
Welche doch sunst vor andern prangen.
Die Roͤmische versagt die ehr/
Weil Jhr Euch nicht vor Rom auch naiget
Vnd die Spannische het vilmehr
Solche Ewerm Brudern erzaiget.
Aber die andre all-zumahl
Wolten sich in solches ampt dringen;
Fiengen auch an vmb dise wahl
Jhr ansprach also fuͤr-zu-bringen.
Mu
Musa Latina.
Q
Væ
splendens vagor \& culta nitoreper
Orbem, quæ ambrosium ore ab roseo jubar
Fundo, \& nomine quos clara juvant beo,
Me munus decet hoc: Cedite vos, sacro
Vos quarum ipsa rigo pectoranectare.
The English Muse.
N
Ot so, faire Muse: But shee by right,
Who first this Goddesse taught to speake,
Will novv best please her ears and sight.
Thus my tongue shall prove your tongue
vveake,
By her svveet-flovving grace and might.
La Muse Françoise.
T
Out beau, Belles. Car veu la grace
De mon langage doux \& net,
Il vous faut (quitant vostre audace)
Medeferer l’honneur de fait,
Que seule toutes je surpasse.
Die Teutsche Musa.
A
Jgen lob (sagt man) ist vmbsunst/
Sunst wolt ich mich selbs bald gnug
preisen:
A iiij
Doch
Doch hoͤret mir nu zu mit gunst/
Vnd meine Zung soll Euch beweisen/
Das Sie weder ohn lehr noch kunst.
Musa Latina.
M
Vsarum genus audax! Ego quid diu hîc
Contendam? Genitæ sic Iove Maximo
Certabant, \& Apollo quoque. Non ea
Quæ nôstis fuerant cuncta mei GenI,
Germana, Angla soror, Gallica, dicite?
The English Muse.
T
Hus to none of vs doest thou vvrong,
T’is not thine ovvne all thou doest knovv:
Her to salute allone my tong
Is fittest, and fittest to shovv
Wits and skills threasure in her song.
La Muse Françoise.
C
Ontentez vous; Ceste Deesse,
Dontle corps, le cœur, \& l’esprit
N’est que beauté, grace, \& sagesse,
Sur toutes autres me cherit,
Et se delecte en ma richesse.
Die
Die Teutsche Musa.
S
Agt was jhr wolt/ Es kan nicht sein/
Vnd solt es Euch zumahl verdꝛiessen.
Jch bin jetz Jhr/ vnd Sie ist mein/
Will Sie auch fuͤr Euch all begruͤessen
Mit einem Lied wahr/ hell vnd rein.
Musa Latina.
C
Vi Pallasq́ue, Venusq́ue, \& Charites,
Dea,
Ceduntingenio, ac ore, decoreq́ue,
Da cœlestis
Elisa
O veniam mihi,
Si, Germana suo Musa quid ore te
Compellans sapiat, nôsse animo expeto.
The English Muse.
O
De arest Dread, that doe excell
In wits, vertues, and beauties threasure,
My humble hart you knovv full vvell:
Then bee it to you no displeasure
If I let speake vvith vvhom you dvvell.
La Muse Françoise.
T
Oy donc, dont le chant ne peut plaire
A tes nourrissens mesmement,
Chante; Pour moy, je ne veux faire
A
5
Vne
Vne querelle d’ Allemand:
Pour t’entendre Je me puis taire.
Die Teutsche Musa.
S
Chwestern/ es ist auch nicht so lang/
Das jhr so koͤstlich seit gezieret/
Schlecht gnug war auch Ewer an-
Doch ist es gnug gedisputieret/
(fang:
Seit still/ ich fang an mein gesang.
J
Hr keusche Nymfen diser welt/
An leib vnd sehl so schoͤn-gestaltet/
Das jhr die Ehr mehr dan das gelt/
Die Zucht mehr dan alles gold haltet;
O all jhr Musen/ deren brust
Nur an der warheit jhren lust;
Deren mund (suͤsser dan die rosen)
Kan erklingen der Goͤtter ehr/
Aber gar nicht mit falscher lehr
Einem Vnwuͤrdigen liebkosen.
Kommet her/ O loͤbliche schar/ (Was Euch auch fuͤr sprachen gefallen)
Lasset Ewre stim suͤß vnd klar
Durch den gantzen Vmbkraiß erschallen:
Singet mir nach/ die ich ja nicht
Nur ein einiges wort erdicht/
Sin-
Singet mir nach was jhr selbs sehet/
Das (namlich) aller Schoͤnheit blum/
Vnd diser welt uͤbriger ruhm
Allein auff
Elisa
bestehet.
Elisa
die Albions schatz
Vnd wunder erstlich war geboren/
Hernach durch des himmels gesatz
Fuͤr des Teutschlands kleinoth erkoren:
Elisa/
deren augen kraft
So Lieb-reich vnd so Tugenthaft
Wir selbs oft mit verwundrung sehen/
Das an des schoͤnsten tags anfang
Die Sonn selbs nicht kan von Aufgang
Klar/ wie Sie auß dem West/ aufgehen.
Mit sovil suͤsser lieblichkeit
Kan sich Cypris selbs nicht beschoͤnen/
Solt Sie auch jhr holdseeligkeit
Von allen Gratien entloͤhnen:
Der Monat-regierende schein
Jst weit nicht so glaͤntzend vnd rein:
So mag sich Aurora lang zieren/
Wan Sie gern die schoͤnste sein wolt/
Vnd Cephalus Richter sein solt/
Wuͤrd Sie (schamroht) die sach verlieren.
Jhr
Jhr Groß-koͤnigliches geschlecht
Durch die reiche Scepter vnd Cronen/
So es traͤgt mit Verdienst vnd Recht/
Macht jhr die Mayestet bey wohnen;
Laßt aber den hochmuht gar nicht
Jn jhr gemuͤht noch angesicht:
Sondern jhre stirn (die erzaiget
Das Sie von allen fehlen frey)
Sihet kein hertz/ das nicht (getrew)
Mit forcht vnd ehr sich vor jhr naiget.
Jch gedenck noch wol/ da der schein
Dises gestirns fuͤr Vns zu leuchten
Engelland verließ/ wie die pein
Thet jhrer Nymfen augen feuchten:
Vnd wie Neptunus selbs den brand
Jhrer suͤssen Schoͤnheit empfand/
Da Er sein gesicht zu er goͤtzen
Ab diser buͤrd so schoͤn vnd zart (Verhindrend jhre uͤberfahrt)
Sie macht die Ancker oftmahls noͤtzen.
Wie gern het sein entzuͤndter muht (Nach seinem wunsch seelig zuleben)
Sein gantzes Reich/ vnd all sein gut
Vmb dise Goͤttin aufgegeben?
Wie
Wie vilmahls/ wie starck/ wie geschwind
Macht Er die vnruͤhwigste wind
Wider jhr vorhaben entstehen/
Biß endlich Gottes starcke hand (Nach seiner zusag) das Teutschland
Zu erquicken jhr fort half gehen?
Jch waiß noch/ vnd will ewiglich
Gedencken/ betrachten/ vnd segnen
Die stund/ da dise Goͤttin sich
Ernidrigte Vns zubegoͤgnen:
Die stund/ darin sich jhr anblick/ (Erfuͤllet mit trost/ hail/ vnd glück)
Auß vnserm mund trawren vnd klagen/
Auß vnsern hertzen den vnlust/
Vnd das seufzen auß vnsrer brust
Wuͤrdigte gaͤntzlich zu verjagen.
Sidher hat diser Sonnen glantz
Vns mit stehtem Fruͤling erfrewet/
Des Lands berg/ feld vnd gaͤrten gantz
Mit frucht vnd blumen uͤberstroͤwet:
Sidher hat Vns weder verdruß
Sturmwind/ gewitter/ finsternuß/
Noch winter zuvil uͤberfallen:
Das Wir also (O das mein mund
Sol-
Solches ruͤhm zu seeliger stund
!
)
Nichts haben das vns kan mißfallen.
Sidher hat auch jhre Schoͤnheit (Schoͤnheit vnd Frombkeit gleich vermehret)
Vns/ ja die gantze Christenheit/
Dessen so wir wuͤnschten gewehret:
Jn dem nach Gottes guͤtigkeit
Auß jhrer seiten fruchtbarkeit/
Vnd auß des groͤsten Printzens samen/ (Dessen Weißheit/ Manheit vnd fleiß
Verdient uͤbermenschlichen preiß)
Schoͤne Soͤhn jhren vrsprung namen.
Dise Soͤhn/ nach der Goͤtter art
Werden in kurtzer zeit aufschiessen/
Vnd in dem Sie noch jung vnd zart
Wirt die kirch jhrer vil genuͤessen:
Weil Sie verstaͤndig vnd manhaft
Durch jhrer faust maͤchtige kraft
Die feind Gottes werden vernichten;
Wa anderst selbs nicht solche that
Der welcher Sie gezeuget hat (Jhnen vorkommend) will verꝛichten.
Jedoch nein. Dan es ja nicht gut
Das Er Vns wider solt verlassen/
Vnd
Vnd folgend seinem helden-muht
Die wafen noch einmahl erfassen.
Sein hertz vnd macht seind bekant gnug:
Darumb es besser/ das Er klug
Vnd ruͤhwig woll sein Land bewahren
Reich/ vernuͤget/ froͤlich vnd still.
Doch/ wan Er ja mehr Palmen will/
So such Er sie in Ewren haaren.
Aber was mach ich nu vil wort/
O Goͤttin/ deren edles leben (Vnsers lebens einiger hort)
Vns kan alle versichrung geben?
Deren augen glantz gantz Lieb-reich
Regierct Jhn vnd Vns zugleich;
Vnd deren wandel ein exempel/
Vnd spiegel aller Tugent ist/
Das jhr ohn heucheley vnd list
Verdienet der Gedechtnus tempel.
Wan dan/ O aller Nymfen Roß/ (Mit Euch selbs allein zu vergleichen)
Ewer verdienst vnd Ehr so groß/
Das sie die welt allein bereichen:
Vnd wan es vnlaugbar vnd kund/
Das Wir beedes mit hertz vnd mund
Euch (vnd zwar billich) Goͤttin nennen;
Auch
Auch auf vnsers hertzens altar/
Nach vnsrer geluͤbd pur vnd klar
Euch ein Lob vnd Lieb-opfer brennen:
So darf mein nidriges gemuͤht
Sein vertrawen sovil erhoͤhen/
Es werd auch Ewre gnad vnd guͤht
Dise schlechte gaab nicht verschmaͤhen:
Sondern (folgend den Goͤttern nach
Welche das hertz/ vnd nicht die sprach/
Noch die gaab der menschen betrachten)
Jhr werdet das lied so ich sing/
Vnd das geschenck so ich Euch bring/
Als lieblich vnd herꝛlich hoch-achten.
Dan vnlieblich kan es nicht sein/
Weil Ewre Schoͤnheit solches ehret;
So wirt seiner herꝛlichkeit schein
Durch Ewre herꝛlichkeit vermehret:
Vnd Ewer nam/ lob/ ruhm vnd preiß/
Von Ewrer aignen Tugent fleiß
Jn der Ewigkeit buch gegraben/
Werden hiemit wol mein gesang/
Mein buch vnd mich durch hohen schwang
Mit der Vnsterblichkeit begaben.
Georg-Rodolf Weckherlin.
Das
Das erste Buch.
Die erste Ode.
Zu gluͤckseeliger heim- fuͤhrung
De
r Durch- leuchtigsten Churfuͤrstin/ ꝛc. Geboꝛnen Pꝛincessin auß En- gelland/ ꝛc.
Die erste Strophe.
A
Ls der Rhein fuͤr gewiß verstanden
Daß einer Goͤttin treflichkeit
Seines Fuͤrsten hertzens freyheit
Gefaͤncklich hielt in jhren banden:
Hat Er/ ligend ab solcher lieb
Jn seinem gewoͤlbe verdrossen/
Ein solchen zeherfluß vergossen/
Daß seine herꝛschafft davon truͤb.
Er fuͤhret Amors list zu hertzen;
B
Sar-
Das erste Buch.
Sarpedons vnd Leanders schmertzen/
Ja deß Peleiden vngluͤck
Verblaichen jhn all augenblick;
Jn dem ein ploͤtzliches getuͤmmel
Welches Er vnversehens hoͤrt/
Fuͤllet den abgrund vnd die himmel/
Vnd seine sehl noch mehr bethoͤrt.
Die 1. Antistrophe.
E
R stost/ vnwissend was geschehen/
Sein mosechtes haubt auß dem fluß/
Vnd weil er forcht einen verdruß/
Will Er/ was solches sey/ bald sehen:
Seine horn vnd gebuͤntzte haar
Vil hochspringende baͤch außgiessen/
Vor seiner nasen vnd bart fliessen
Vil wasserzapffen lang vnd klar:
Er sihet nu zu seinen seitten
Ein hoͤr gleichsam berait zustreitten:
Er hoͤret der Trometen klang/
Der kuglen fliegendes gesang/
Vnd verwundert sich ab dem wunder
Wie ein eisiner hagel kompt
Mit so starcker kraft macht vnd dunder/
Warumb widrumb die Trum nu brompt.
D
er
Das erste Buch.
Der 1. Epod.
D
Och ließ Er seine forcht fallen/
Da Er manche Nymfelein
Mit den Oreadelein
Hoͤrte jhre stim erschallen.
Die Najaden gleicher weiß
(Welche mit kuͤnstlichem fleiß
Jhre krause haar beschoͤnet/
Vnd mit kleinoten gekroͤnet)
Schwomen in hertzlichem wohn
Mit dem Neckar/ so sie fuͤhrte/
Vnd den auch ein gruͤne Cron
Vnd ein koͤstliches klaid zierte/
Welcher mit klarem gesicht
Seinen freund also bespricht:
Die 2. Strophe.
W
ie/ grosser freund/ Was will dzsagt
Das du allein in diser fraid
Runtzlest dein angesicht mit laid/
Als ob du ein vrsach zuklagen?
Oder mag es wol muͤglich sein/
Das dein gehoͤr noch nicht vernommen/
Wie dise stund alher soll kommen
B ij
Der
Das erste Buch.
Der augen lust/ der sehlen schein?
Es ist ein Fuͤrstin ausserkoren/
Von koͤniglichem blut geboren/
Die groͤste Zier auß Engelland/
Nu aber die erst in Teutschland.
Der Poͤfelpfleget Sie zu nennen
Die Churfuͤrstin Elisabeth/
Die aber so sie besser kennen
Der Schoͤn/ vnd Keuschheit Mayesteth.
Die 2. Antistrophe.
S
Je
ist allein/ nicht zuvergleichen/
Ein einige volkommenheit:
Der Sonnen gewalt vnd klarheit
Muß jhrer augen klarheit weichen:
Vnd wan jhr englische gestalt
Die Goͤtter vnd menschen versehret;
Als dan jhre Tugent verzehret
Der boͤsen gedancken gewalt.
Kurtz/ ob wol jhren Leib zusehen
Cypris selbs jhr nach muͤste gehen/
Jst Sie doch Pallas in der stirn/
Kommend auß eines Koͤnigs hirn/
Welcher auff diser gantzen erden
An verstand vnd gerechtigkeit
Muß
Das erste Buch.
Muß billich der erst gezoͤhlt werden/
Der wahre Ph
æ
nix diser zeit.
Der 2. Epod.
D
Je Goͤtter zu vnserm frommen
Wolten das jhr zarte schoß/
Verachtend Amors geschoß/
Von Hymen wurd eingenommen/
Damit sie in disem land
Jhre wunder macht bekant.
Wan vns dan die Goͤtter lieben/
Solle man sich nicht enttruͤben
Zu einer solchen ankunft?
So laß vns zu jhren fuͤssen
Nu werfen in einer zunft/
Vnd sie demuͤhtig begruͤssen
Mit dem suͤssen music klang/
Vnd einem frewden gesang.
Die 3. Strophe.
D
Vrch dise wort war bald entgruͤndet
Des Rheins angst/ so allein erdicht/
Das Er mit klarem angesicht
Sich bald bey der gesellschafft findet/
B iij
Jn
Das erste Buch.
Jn einem Tyrischen talar
Von gold vnd kleinoten vmbhangen/
Seine Landsfuͤrstin zuempfangen
Mit seiner gruͤn-blawlechtenschar/
Darauß etliche sich zufrayen
Singen vnd dantzen einen rayen;
Andre mit frischen bluͤmelein
Myrten/ gilgen vnd roͤselein
Volversetzte straͤuß vnd kraͤntz binden/
Vnd brennen zu mahl von begihr
Sich bey disem einzug zufinden
Vnd zu frolocken nach gebihr.
Die 3. Antistrophe.
H
Jezwischen gienge mit verlangen
Die gantze Churfuͤrstliche stat/
Da der Neckar den anfluß hat
Jhr liebe Fuͤrstin zuempfangen;
Welche mit grossem pomp vnd pracht
Vnder vilen Fraͤwlin gefahren
Leuchtet/ wie in Nymphischen scharen
Diana in der hellen macht:
Von perlen vnd edelgesteinen
Jhr haubt vnd jhre klaider scheinen/
Doch glaͤntzet jhre schoͤnheit mehr/
Vn
d
Das erste Buch.
Vnd ist sie selbs jhr groͤste ehr.
Gleich wie auch jhr liebliche Jugent
Schimmert in einem guldin stuck:
Also Ehr/ Gotsforcht/ Zucht vnd Tugent
Seind jhrer sehlen wahrer schmuck.
Der 3. Epod.
V
Mb sie seind jhre jungfrawen/
Welcher schoͤn vñ hoͤfllichkeit
Nimmet hinweg die freyheit
Denen/ welche sie anschawen.
Moͤniglich oͤfnet sein wohn/
Durch zungen vnd saiten thon/
Die luͤft vmb vnd vmb erschallen
Ab dem gmeinen wolgefallen/
Also das die Sehlen bald
Durch die augen oder ohren/
Jn der stim oder gestalt
Suͤßwilliglich sich verlohren.
Der Rhein mit dem Neckar fro
Besprach Sie damahls also?
B iiij
D
ie
Das erste Buch.
Die 4. Strophe.
G
Leich wie/ wan der winter sich endet/
Apollons fruchtbares gesicht
Der erden hartes hertz zubricht
Alsbald er sich gegen jhr wendet/
Vnd durch seinen glantz allgemein
Zumahl von vnsern sehl vnd tagen
Pfleget die dunckelheit zu jagen
Mit dem doppelt wuͤrckenden schein:
Also/ Goͤttin/ in dem wir sehen
Alhie deine Sonnen aufgehen/
Empfindet vnser schwache brust
Eines fruͤlings trost-reichen lust;
Vnd wir/ so gnaͤdiglich gewehret
Deiner gegenwertigen gunst/
Sehen vnsere kaͤlt verkehret
Jn ein klar angenehme brunst.
Die 4. Antlstrophe.
W
Jewol deine tugent vnd ehren
Vmbschwebend in aller leut mund/
Vns zwungẽ dich von hertzengꝛund
Vor vnser Fuͤrstin zubegehren:
Wan dir auch vnser Fuͤrst vnd Herꝛ/
Gluͤck-
Das erste Buch.
Gluͤckseelig fuͤrohin zuleben/
Sein hertz fuͤr ein opfer gegeben/
Da sein leib noch von dir gar ferꝛ:
Koͤnden Wir doch jetz erst verstehen/
Das was an dir die augen sehen
Ein menschliche zung nimmermehr
Außzusprechen geschickt gnug wer:
Vnd jetz erst werden wir recht innen/
Wie durch seines hertzens verlust
Er vnd Wir vilfaͤltig gewinnen
Mit deiner kunft/ gluͤck/ hail vnd lust.
Der 4. Epod.
D
An wie kont er immer finden
Einer schoͤnheit gleichen brand
?
Vnd was anders sehlen band
Kont jhn wol so hart verbinden?
Sein aug lüfert allezeit
Seine sehl deiner schoͤnheit;
Wa ersein gesicht hinkehret/
Wirt dadurch sein lieb vermehret:
Dan alle schoͤnheiten sunst/
Welche sich je vor Euch naigen
Herꝛlich von Natur vnd kunst/
Thun nichts dan jhm nur anzaigen/
B v
Wie-
Das erste Buch.
Wievil dich der himmeln macht
Treflicher dan Sie gemacht.
Die 5. Strophe.
D
Erwegen will es sich gebuͤhren/
Fuͤrstin gleicher schoͤn vnd from̃keit/
Deines Vaterlands suͤssigkeit
Nicht zuvil zu gemuͤht zufuͤhren:
Sondern nu bey deinem gemahl
(Dessen hertz groß zu allen stunden
Nicht konte werden uͤberwunden
Dan durch deiner Zierden anzahl)
Dein gemuͤht nit mehr zubekraͤncken/
Noch deiner Eltern zugedencken:
Wanschon dein volkomner anfang
Kam von zwifach gecroͤntem rang
Solcher Koͤnig vnd Potentaten/
Welche streitbar/ gerecht vnd milt
Mit frids vnd kriegs loͤblichen thaten
Des Vmbkraises vier eck erfuͤlt.
Die letzte Antistrophe.
H
Jngegen will auß sondern gnaden
Der himmel der erden zugut/
Auß
Das erste Buch.
Auß dises Fuͤrsten hohem blut
Dich mit suͤssen fruͤchten beladen:
Jn dem auß deinem edlen leib
Entspringen sollen grosse Printzen
Deren tugent mancher Provintzen
Erloͤsung vnd beschuͤtzung pleib:
Der groß adler sich zu er goͤtzen
Wuͤrt sich gern auf jhren schilt setzen.
Alsdan soll jhr gerechter Zorn
Des Monds zwayspitzig stoltzes horn/
Wie auch den getriplierten Cronen
Jn beedem C
æ
sarischem sitz
Zu des Hoͤchsten ehr nicht verschonen
Mit jhrer woͤhr vnd lantzen spitz.
Der letzte Epod.
O
Mit wievil Lorboͤrcraͤntzen
Wirt jhr haubt gecroͤnet sein
!
Wie wirt jhrer Sigen schein
Die gantze welt uͤberglaͤntzen
!
Wolan/ Fuͤrstin fromb vnd zart
/
Seelig sey nu dein einfahrt:
Seelig Wir Dich zubegruͤssen/
Seelig alle zugenuͤessen
Einer so seeligen Eh/
Auß
Das erste Buch.
Außderen Fuͤrstlichen zuͤchten
Man das Land bedecket seh
Stehts mit angenemen fruͤchten
!
Hie beschloß der Rhein den mund/
Vnd sanck froͤlich in den grund.
Die ander Ode.
An den Regie- renden Hertzogen zu Wir-
temberg/ ꝛc. H. Johan- Friderichen/ ꝛc.
Die 1. Strophe.
G
Leich wie ein Patron/ welcher lang
Sein schif nach nohturft wol versehẽ/
Pfleget in des hafens außgang
Erwartend guten wind zustehen/
Damit Er mit behertzter hand
Moͤge seine segel aufziehen/
Vnd der armut baͤlder entfliehen
Durch
Das erste Buch.
Durch des winds gluͤcklichem beistand:
Also will Jch mich nicht bewoͤgen/
O mein Printz/ meine zuversicht/
Biß jhr meiner Musen vermoͤgen
Mit verhilflichem angesicht
Werdet eine seglung aufloͤgen.
Antistrophe.
A
Lsdan/ wan ewer gnadenblick
Wuͤrdiget Jhꝛe fahrt zurichten/
Soll weder sturmwind/ noch vngluͤck
Durch die flut Jhre raiß vernichten:
Die zwilling-klippen/ vnd das sand/
Vnd die Charybdische gefahren
Koͤnden jhr zu euch durch zufahren
Erzaigen keinen widerstand:
Sondern sie soll khuͤn Euch zu ehꝛen
Durch Ewerer Tugenden moͤhr
Mich forchtloß die segel zu kehren/
Ja durch der groͤsten feinden hoͤr
Sicherlich zu passieren lehren.
Epod.
Das erste Buch.
Epod.
A
Lso kan der Fuͤrsten gunst/
Wan sie die Ph
æ
bische saitten
Verguͤldet/ mit suͤsser kunst
Jhr ewiges lob außspraitten:
Vnd der Donderende Got/
Zu widerstehen dem Tod/
Gab das gold den Potentaten/
Damit sie den Goͤttern gleich
Durch seiner Toͤchtern wolthaten
Nicht kaͤmen in Plutons reich
Wie sonst gemeine soldaten.
Die 2. Strophe.
D
Je maͤchtige streitten vmbsunst/
Vmbsunst die helden triumfieren/
Wan jhre namen als ein dunst
Jn kurtzen jahren sich verlieren.
Es ist nicht gnug seine khuͤnheit
Seiner fluͤchtigen feinden rucken
Mit scharpfen eysen aufzutrucken
Zu seines lobs vnsterblichkeit:
Noch der tugent gaͤntzlich ergeben
(Wie O grosser Printz ewer pracht)
Der
Das erste Buch.
Der Vergessung zu widerstreben;
Sondern es ist der Musen macht
Euch vnzugaͤnglich zubeleben.
Antistrophe.
A
Vch kan das thewreste metall/
Vnd der marberstein außgehawen/
Ohn den dreymahl gedꝛeyten schall
Nicht sehr lang seine stiffter schawen.
Die reich Pergamische pallaͤst/
Vnd die mauren so vil vermehret/
Seind nu so gar zu nichts verkehret/
Das niemand waist wa sie gewest:
Jhre Ritter weren betrogen
Vmb jhre bekante manheit/
Wa der Poet mit suͤssem bogen
Durch uͤbermenschliche arbeit
Sie nicht der Parckenhand entzogen.
Epod.
D
As derhalb kein vndergang
Ewer lob vnd ehr bedecken/
Sondern mit wachsendẽ schwaͤg
Sie sich stehts moͤgen außstroͤcken/
Jst
Das erste Buch.
Jst nicht des Golds schwacher schein/
Vnd der zeit-foͤrchtende stein
Jn der wolcken weg zusetzen;
Sondern ewer aug vnd hand
Soll die Poeten er goͤtzen/
Das sie ewer macht vnd stand
Auf die Vnsterblichkeit etzen.
Die 3. Strophe.
J
Ch
nu das schlecht/ das ich vermag/
Erwoͤhlend euch ob andern allen/
Mein herꝛ/ mein hail/ Euch jetz antrag
Vnd hof/ es soll Euch nicht mißfallen.
Vil wolten mit gleichem gesang
Jhr entlehnete kunst erzaigen/
Aber jhr stoltz vnd lieder naigen/
Ja sterben in jhrem aufgang;
Jhre dick frembde wort ersticken
Alsbald sie der erfahrnen prob
(So sie ney der hassen) erblicken/
Vnd jhr finger ist vil zu grob
Die Dorische harpf recht zu zwicken.
Anti-
Das erste Buch.
Antistrophe.
W
Je aber solche rey merey
Vnd solche Laͤsterer nicht wehren/
Also die hohe Poesey
Kan stehts gruͤn nimmer mehr verjaͤhren.
O das mich Ewer gnadenglantz
Wolte fruchtbarlich uͤberscheinen/
Vnd mich zuflechten wehrt vermeinen
Ewerer haaren Lorboͤrcrantz
!
So wolt Jch muhtig zu ergruͤnden
Der Musen weißheit/ Euch zu preiß
Lauffend jhren berg uͤberwuͤnden/
Vnd mit vnnachthunlichem fleiß
Meiner nachvolger aug verblinden.
Epod.
S
O woͤllet nu gnaͤdiglich
Mich võ foꝛcht vñ sorgẽ freihẽ/
Vnd dan auch freygebiglich
Ehr vnd guͤter mir verleyhen/
Dan die tugent vnd das gut
Zusamen groͤssen den muht:
Alsdan daͤmpfend mein begehren
Mit reich vnd fuͤrstlicher hand/
C
Soll
Das erste Buch.
Soll ewer nam vnd ruhm wehren
Alslang man in dem Teutschland
Wirt das Volck teutsch reden hoͤren.
Die 3. Ode.
Von hochermel- ter seiner F. Gn.
S
Jh ich nicht einen Got daher kommẽ/
Dessen hand
Maͤchtig in jhꝛen schutz hat genommẽ
Dises Land?
Ja/ es ist der wafen starcker Got/
Der machet vnsern feind zu spot.
Aber Mars kan so freundlich nicht sehen;
Sein gehoͤr
Achtet auch nicht der ellenden flehen
Noch begehr:
Vnd sein haubt fasset nicht sovil kunst/
Noch sein hertz sovil gnad vnd gunst.
So
Das erste Buch.
So kan Er wol Hermes genant werden/
Dan es kund/
Das die Zier seiner suͤssen geberden/
Vnd sein mund/
Reich an gnad/ reich an wolredenheit
Seind voll loͤblicher lieblichkeit.
Aber/ wie kan Mercurius haben
So vil macht/
Mayestet/ herꝛlichkeit/ reiche gaben
Kraft vnd pracht?
Freylich nein/ Hermes ist nicht so klar/
Vnd hat auch nicht so schoͤne haar.
So muß man jhm des Gots namen geben/
Der allein
Kan fruchtreich alle geschoͤpf beleben
Mit dem schein.
Doch ist auch zu manlich sein gesicht/
Darumb ist Er Apollo nicht.
Nun sih ich das sein glantz mich verfuͤhret/
Dan Jch merck/
Das es mein grosser Printz so regieret
Wirtemberg:
Dessen faust/ mund/ stirn zaiget Vns an
Was Mars/ Hermes vnd Ph
æ
bus kan.
C ij
Die
Das erste Buch.
Die 4. Ode.
Vber die heim fuͤhrung ꝛc. Frawen Bar- bara/ Marggraͤfin zu Ba-
den/ Geborner Hertzogin zu Wuͤrtemberg/ ꝛc.
D
A Marggraf Friderich
Kont billich triumfieren/
Weil man jhm praͤchtiglich
Sein gemahl heim wolt fuͤhren;
Offenbahrten mit suͤssem klang
Die Nymfen bald jhr wolgefallen/
Vnd machten von disem gesang
Berg/ thal/ feld vnd waͤld widerhallen.
Die Bademische Nymfen.
Ph
æ
bus mag nah vnd fern
Sich in der welt vmbsehen/
So
Das erste Buch.
So wirt Er Vns doch gern
Mit der wahrheit gestehen/
Das gleich wie einen gruͤnen wald
Ein schoͤner Cedarbaum kan ehren;
Also andrer herꝛen gestalt
Vnsers Fuͤrsten gestalt vermehren.
Gleich wie Achilles sich
Von anfang seiner Jugent/
Fruͤh vnd spaht muhtiglich
Beflisse aller tugent:
Also ließ vnser junge Printz
Sich in seins alters fruͤling lehren/
Das Er das gluͤck seiner Provintz
Kan fridlich vnd froͤlich vermehren.
Sein Fuͤrstliches gemuͤht (Darinnen Gotsforcht bluͤhet)
Fruchtbar an gnad vnd guͤt
Allen muͤssiggang fliehet;
Hat Er lust in einem Turnier
Sich mit dem harnisch zubeschweren/
Kan Er alsbald mit grosser Zier
Sein lob vnd lieb in Vns vermehren.
C iij
Sein
Das erste Buch.
Sein hertz so khuͤn vnd groß/
Vnd der frombkeit ergeben/
Versichert Vns forchtloß
Jn seinem schutz zuleben.
O wie fro muß die Fuͤrstin sein/
Deren augen sein hertz versehren
!
Vnd die durch jhren suͤssen schein
Jhr/ sein/ vnd vnser frewd vermehren
!
Die Wirtembergische Nymfen.
O wie groß ist der lust
Welchen Er nu empfindet
!
Weil ein so schoͤne brust
Die lieb in jhm anzindet.
Dan der Schoͤnheit Goͤttin kan nicht
Sovil schoͤnheit fuͤr augen bringen/
Als diser Fuͤrstin angesicht/
Deren preiß alle Nymfen singen.
Jn jhrem krausen haar
Die Sehlen sich verfliegen;
Jhre blick scharpf vnd klar
Das hertz lieblich betriegen;
Jhre augen/ als ein gestirn/
Mit ehr die anschawer durchtringen;
Zucht
Das erste Buch.
Zucht losieret auff jhrer stirn/
Deren preiß alle Nymfen singen.
Jhre Lippen so schoͤn
Seind rubin anzusehen/
Darunder jhre Zaͤn
Wie gute perlen stehen;
Doch oͤfnet sich jhr mund allein
Verstaͤndige wort fuͤr zubringen;
Vnd jhr leib ist so zart vnd rein
Das sein lob alle Nymfen singen.
Nu will Vns dise blum
Ewer Fuͤrst hinweg fuͤhren/
Das wir also den ruhm
Vnsrer Nymfen verlieren:
Jhre heimfahrt (Vns sawr/ Euch suͤß)
Wird vns mehr laid/ dan euch frewd bꝛingen/
Wa Sie nicht schwestern nach Jhr ließ/
Deren preiß alle Nymfen singen.
Alle Nymfen zusamen.
Das Goͤtliche gesatz/
So Vns lehret recht leben/
C iiij
Hat
Das erste Buch.
Hat auß des himmels schatz
Vns dises pahr gegeben/
Deren augen/ der Sonnen gleich/
Die erden mit blumen verehren/
Vnd machen Vns so frewdenreich/
Das Wir billich jhr lob vermehren.
Diser Goͤttin ankunft
Die Zuseher erquicket/
Dises Printzen vernunft
Vnd muth alles begluͤcket:
Deßwegen Wir in sicherheit
Froͤlich moͤgen dantzen vnd springen/
Vnd Gott loben/ dessen weißheit
Vnd guͤte alle Voͤlcker singen.
O Fuͤrstin/ deren sich/
Ein solcher Fuͤrst verbunden;
O Fuͤrst/ der du gern dich
Jhr gabest uͤberwunden/
O das ewer lust/ kurtzweil/ wohn/
Vnd liebe moͤg ewiglich wehren
!
O das auf das nechst Jahr ein Sohn
Moͤg die gemeine frewd vermehren
!
O Got
Das erste Buch.
O Got gib deine gnad/
Das Sie kinds-kinder sehen/
Die in deines worts pfad
Mit jhren eltern gehen;
Gib/ das sie fromb/ gerecht/ sigreich/
Dein vnd jhre feind moͤgen zwingen/
Auf das alle Zungen zugleich
Dein lob/ vnd Jhre thaten singen
!
Die fuͤnfte Ode.
Von ꝛc. HErꝛen Moritzen Printzen zu Vra- nien/ Grafen von Nassaw/ ꝛc.
M
Oꝛitz/ dein Nam/ ruhm/ pꝛeiß vñ ehꝛ/
Darab deine Feind noch verblaichẽ/
Koͤnden durch aigne kraft numehr
Eine solche hoͤhin erꝛaichen:
Das wer mit seiner federn spitz
Vermeinet sie recht zuberuͤhren/
Derselbig wird selbs bald probieren/
C v
Das
Das erste Buch.
Das Er ohn scham oder ohn witz:
Vnd Er wer wehrt/ sein vnverstand/
Der so hoher Ding nicht verschonet/
Wurd gar nicht mit danck barer hand/
Sondern mit scharpfer straf belohnet.
Darumb/ wissend wievil zuschwach
Meine stim ist dein lob zusingen/
Begehr ich nicht mit grosser schmach
Wie der zustoltze frosch zuspꝛingen:
Dan ja ein solche faust allein/
So die Musen so wol gelehret/
Als Pallas deine faust bewehret/
Kan dich zu ruͤhmen wuͤrdig sein.
So ist es auch allein billich
Apelli/ vnd sunst keinem andern
Zu contrafehen aigentlich
Einen so wahren Alexandern.
Vnd wan ich schon mit hoͤchstem fleiß/
Dich erhub nach meinem verlangen/
Kan dein vnvermehrlicher preiß/
Wol davon fernern glantz empfangen?
Sah man auch wol zu einer stund
Von einer zu fliessenden quellen
Sich vermehren die flut der wellen
Jn
Das erste Buch.
Jn des brausenden Moͤhrs abgrund?
Nein/ Printz/ dein Nam leuchtet so sehr/
Das welcher ein Ort wolt ergruͤnden/
Da dein lob noch vnbekant wer/
Der muͤst noch ein newe Welt finden.
Jedoch wie in einem abriß/
Darin Himel vnd erd zusehen/
Oftmahls eines puͤnctlins außwiß
Ein gantzes land gibt zuverstehen:
Also ich hie nu schlecht abmahl/ (Setzend deinen hochwehrten Namen/
Vnd deine thaten eng zusamen)
Deiner Tugenten grosse zahl/
Damit des himmels guͤtigkeit
Dich so freygebiglich begluͤcket/
Das dein Nam die Vnsterbligkeit
Der Historien allein schmuͤcket.
Dan alles was des menschen Sin
Fuͤr einen Fuͤrsten kan begehren/
Dessen kanst du jhn mit gewin
Vnd uͤberfluß gar bald gewehren.
Begehrt er Gotsfoꝛcht/ Maͤssigkeit/
Fuͤrsichtigkeit wol zu regieren/
Dapferkeit stehts zu triumfieren/
Guͤte/
Das erste Buch.
Guͤte/ Demuht/ Gerechtigkeit/
Verstand voll tieffer kunst vnd lehr/
Muht vnd staͤrck alles außzustehen/
Ja/ was andern zu wuͤnschen wer/
Das wuͤrt Er reichlich in dir sehen.
Das Gluͤck selbs hat sich mit bestand
Deiner Tugent also ergeben/
Das nichts kan deiner starcken hand
Vnd staͤrckerm hertzen widerstreben:
Nichts kan deinem lauf/ wan du wilt/
Eine verhinderung vervrsachen/
Vnmuͤglich kanst du muͤglich machen/
Du bist der deinen schwert vnd schilt/
Welcher/ wan noht/ angst vñ gefahr
Vber sie anfangen zu regnen/
Bedoͤcket also jhre schar/
Das Sie dem Feind sicher begoͤgnen.
Welches alten Helden kuͤnheit
Hat jemahls solche Sig gewonnen?
Vnd wer ist seines Feinds boßheit
Auch fridenszeit so oft entronnen?
Welcher C
æ
sar hat seine macht
Mit so tief geetzten buchstaben
Auf
Das erste Buch.
Auf seiner Feind Koͤpf eingegraben
Als du gethan in mancher schlacht?
Da dan dein schwert/ von blut stehts warm/
Verkuͤndigte aller welt augen/
Wie fein ein starck geuͤbter arm/
Vnd gutes Recht zusamen taugen.
Zu Sommer vnd zu Winters zeit
Die fluͤß/ berg/ feld vnd Moͤhr zu zwingen/
Machen daß die scharmůtzel/ streit/
Belaͤgrungen vnd stuͤrm gelingen:
Zumahl als haupt vnd als Soldat
Wol befehlen/ vnd wol verꝛichten;
Des Feinds begird vnd werck vernichten
Mit weissem raht/ vnd schneller that:
Des feinds vorhaben/ list/ betrug/
Vnd raht so wol als Er selbs wissen/
Jn anraitzung/ angrif/ aufzug/
So verstaͤndig sein als geflissen:
Einen Soldaten/ der sein blut
Zufrech verlieren will/ erhalten;
Der Jungen vnerfahrnen muht
Jn gefahr nicht lassen erkalten:
Verachten weder klein noch groß/
Eines jeden natur erkennen/
Einen
Das erste Buch.
Einen jeden mit namen nennen/
Vnd behertzen den der hertzloß;
Das seind sachen die dir allein
Alle zu vollstroͤcken gebuͤhren/
Ja/ dise kunst/ die einig dein/
Kont in andern noch niemand spuͤhren.
Gleich wie ein sturm/ oder Windsbraut
Ein schif mit vngestuͤm zuschmeisset/
Mit straichen stoltz/ schnell/ streng/ starck/ laut/
Mast/ segel/ vnd sailer zureisset:
Oder gleich wie ein starcker fluß/
Darein sich die wolcken außgiessen/
Vnd die abgehende schnee fliessen
Mit schnell vnd rauschendem außguß/
Vnd seinem laut brausenden Zorn
Ein gruͤnes fruchtfeld bald entehret/
Des ackermans hofnung vnd korn/
Baͤum/ hecken/ vnd stauden zustoͤret:
Also/ vnd schroͤcklicher hat dich
Der stoltze feind oft wargenommen/
Das er bessere fuͤß fuͤr Sich/
Dan haͤnde wider Dich bekommen:
Wie der dunder war deine stim/
Wie plitz deineblick anzuschawen/
Der
Das erste Buch.
Der stral kan nicht so tief durchhawen
Als deiner straichen schwerer grim:
So das deines schwerts wetterlaich
Einen blut-regen mit sich brachten/
Vnd deine Dunder-gleiche straich
Ein zuschmaͤttertes ellend machten.
Vor Dir/ vnd hinder Dir der Tod
Mit toben/ wuͤhten/ schroͤcken/ schreyhen/
Mit forcht/ grauß/ grim/ grewel vnd noht
Bracht den khuͤnesten ein abschewen:
Gespaltne koͤpf/ schenckel/ haͤnd/ woͤhr/
Helm/ schilt/ spieß/ fahnen/ pfeil vnd bogen
Mit kuglen in dem rauch vmbflogen/
Das blut machte gleichsam ein Moͤhr/
Alda freind vnd feind/ herꝛ vnd knecht/
Pferd vnd man/ all auf einem hauffen/
Blutdurstig/ boͤß/ from/ hoch vnd schlecht/
Musten sich sat (zwar vngern) sauffen.
Da sah man Macht/ Stoͤrcke/ Khuͤnheit
Dich belaiten zu beeden seitten/
Ja Gluͤck vnd Sig deiner manheit
Nach folgen/ vnd dir helfen streittent
Da sah man den luft schwartz vnd dick
Voll bech/ pulver vnd kuglen brennen/
Vnd
Das erste Buch.
Vnd dein geschwader sigreich rennen
Vber die Feind mit stehtem gluͤck;
Also das du in mancher schlacht/
Strafend die/ so vns vmbsunst hassen/
Die hoͤll durch Sie volckreich gemacht/
Vnd jhr feld gantz einoͤd verlassen.
O wievil widerwaͤrtigkeit
Wuͤrden wol vil Laͤnder erfahren/
Wa nicht Got deine Dapferkeit
Bewahrte solche zubewahren
!
Der Griechen fruchtbarer verstand
Hat nicht mehr wunderwerck erdichtet/
Dan du in der wahrheit verꝛichtet
So wol mit dem haupt als der hand.
Aber zuferꝛ ist dises Zihl/
Vnd meine schwachheit zuvermessen:
Deine thaten/ deren so vil/
Kan man nicht zoͤhlen noch vergessen.
Jch geschweig deines leibs vnd muhts/
Welche von keiner muͤh muͤd werden;
Des Vrsprungs deines Helden-bluts/
Deiner so loͤblichen geberden/
Jch geschweig deiner gnad vnd guͤt/
So die gehorsame erquicket/
Wie
Das erste Buch.
Wie dein billicher zorn entgluͤcket
Des auffgeblaßnen Feinds gemuͤht;
Jch geschweig dessen/ das dein mund
Vilerlay sprachen wol erfahren/
Deiner reden/ die kurtz vnd rund
Deiner sehlen schaͤtz offenbaren.
Jch geschweig deiner freundlichkeit/
Davon ich (ruhmhaft) gutes wissen/
Weil ich hat die gluͤckseeligkeit
Dein stehts-sigreiche hand zu küssen:
Dan es gewiß/ das meine jahr
Sich ehe dan mein lied wuͤrden enden/
Wan ich mit gnugsamen Vmbstaͤnden
Wolt dein Lob singen gantz vnd gar:
Weil Dir ja kein Held (das sey gnug)
Der vor Dir in der Cronic stehet/
Wie immer gerecht/ khuͤn vnd klug/
Tugent vnd thaten halb vorgehet.
Wolan Printz/ Held/ Mars/ der Welt Zier/
O das dich je nichts moͤg betruͤben
!
Leb/ streit/ sig fort/ vnd triumfier/
Das dich himmel vnd erden lieben
!
Leb/ streit/ sig vnd triumfier fort/
Vnd dan gib deiner thaten fruͤchten
D
Dem/
Das erste Buch.
Dem/ welcher sie Dir hilft verꝛichten/
Bewahrend (wie Du thust) sein wort;
Damit Er/ welcher in dem streit
Dein faust zu sigen thut regieren/
Moͤg gefaͤlliglich fridens zeit
Vnder seinem Volck triumfieren.
Die 6. Ode.
An Herꝛn Craf- ten Grafen von Ho- henloe.
J
Ch empfind nu in meiner brust
Sich eine begird anzuzinden/
Die mich treibet mit grossem lust
Ein newes gesang zuerfinden.
Neyd/ Vnerfahrenheit/ Mißgunst
Moͤgen außspeyen was sie woͤllen/
Haben doch meine stim zustoͤllen
Sie weder gnug gewalt/ noch kunst:
Deren Tugenten grosse ehr/
Da-
Das erste Buch.
Davon meine saiten erklingen/
Erleuchtet mein gemuͤht so sehr/
Das ich kan muhtiglich fort singen.
Ob wol niemand so toll vnd grob/
Der nicht wolt deinen namen preisen/
Kan doch niemand dein hohes lob/
O Hohenloe recht gnug außweisen:
Darumb ich/ durch Apollons glantz
Vnd durch der Musen gnad belaitet/
Hab mit jhnen fuͤr Dich beraitet
Einen wuͤrdigen Lorboͤr-crantz/
Welcher mit nicht geringerm schein
Moͤg vnverwaͤlcklich dein haupt kroͤnen/
Dan deine sehl vnd leib allein
Die lasterhafte welt beschoͤnen.
Wan deine thaten vnd weißheit
Zu deinem ruhm nicht gnugsam weren/
Wolt ich deines geschlechts hochheit
Vermelden/ dein lob zuvermehren:
Aber gleich wie ein Circul rund
Vnd volkommen wirt vmb gewendet/
Das Er endloß in sich selbs endet/
Also wirt auch ein lob recht kund.
Dan warlich der Voraͤlter preiß
D ij
Jhre
Das erste Buch.
Jhre nach koͤmling nicht vil zieret/
Wa nicht die Tugent gleicher weiß
Sie in jhre fußstapfen fuͤhret.
Zwar bedarf es sich auch gar nicht
Deintwegen zu pindarisieren/
Vnd auß einem alten gedicht
Ein newes lob zu distillieren:
Dein aigner verdienst/ so schon lang
Die Goͤtter vnd menschen erquicket/
Hat die neun schwestern selbs begluͤcket
Mit einem wahren lob gesang;
Jn dem deiner Tugenten macht
Vnd anzahl jhr gesicht ergoͤtzet/
Recht wie das Firmament zu nacht
Leuchtet mit sternen uͤber setzet.
Achilles war hoch von statur/
Jn aller kurtzweil wol geuͤbet/
Schoͤn/ lustig/ freundlich von Natur/
Vnd von frawen billich geliebet:
Aber wuͤrde man noch wol heut
Einiges wissen von jhm tragen/
Wa Er sich nicht hertzhaft zu wagen
Selbs geworfen het in den streit?
Gar nicht. Sein leib vnd lob zugleich
Het-
Das erste Buch.
Hetten muͤssen durch tod verblaichen/
Wa Er sie nicht khuͤn vnd sigreich
Aufgezaichnet mit rohten zaichen.
Mit solcher farb hat deine hand
Den allerstreitbarsten Soldaten
Jn Vngern vnd in Niderland
Fuͤrgemahlet vil grosse thaten.
Wie oft hat deine Dapferkeit
Vbermenschliche werck verꝛichtet/
Vnd deines feinds hoch muht vernichte
t
Durch sein verdiente Dienstbarkeit?
Wievil sehlen hat deine woͤhr
Auß den stoltzen coͤrpern getriben/
Das das feld von der feinden hoͤr
Einer schedelstat gleich gebliben?
Seind nicht die Thonaw vnd der Rhein
Oft roht worden von deinen stichen?
Seind nicht ab deiner wafen schein
Die dapferste feind oft verblichen?
Aber/ es ist gar nicht mein will/ (Wie es dan auch nicht mein vermoͤgen)
Deine thaten hie außzuloͤgen/
Darumb halt ich nu jetzund still:
Weil auch taussent Tugenten mehr
D iij
Dich
Das erste Buch.
Dich mit verstand vnd wolstand zieren/
Vnd billich jhr goͤtliche ehr
Auf meinen saitten zu beruͤhren.
Du bist milt/ fuͤr sichtig/ vnd weiß/
An dir ist kein mangel zu mercken;
Ja/ du bist vnsers alters preiß/
Taugenlich zu worten vnd wercken:
Tugent ist deine aigenschaft/
Du bist vmbsunst nicht Craft genennet;
Staͤrck dich fuͤr jhre kraft erkennet/
Dapferkeit ist ohn dich ohn kraft:
Mars wohnet in deinem gemuͤht/
Hoͤflichkeit in deinen geberden/
Amor erfuͤllet dich mit guͤt/
Das dir alle menschen hold werden.
Darumb hat dich Gots guͤtigkeit
Mit der schoͤnen Fuͤrstin begabet/
Das du durch jhre suͤssigkeit
Werdest den Goͤttern gleich erlabet;
Das du in stehter lieb vnd ruh
Moͤgest dein leben wol verbringen/
Vnd das der welt auß Euch entspꝛingen
Junge helden/ welche wie du/
Durch die kraft jhrer koͤpf vnd haͤnd
Allen
Das erste Buch.
Allen widerstand uͤberwinden/
Das ewers lobs vnd namens end
Vor der welt end nicht zuerfinden.
Die 7. Ode.
Von Esaia vom Mars/ H. von Mont- martin.
Die erste Strophe.
W
An jhr/ goͤtliche Liebelein/
Mir gantz gnaͤdiglich zugesaget/
Da ich bey ewerm bruͤnnelein
Euch zu begruͤssen mich gewaget/
Durch meiner Oden suͤssigkeit
Jener thorheit kundbar zumachen/
Welche auß aigensinnigkeit
Die Teutsche Poesy verlachen:
So machet nu/ O suͤsse schar
Jetzmahls ewere Zusag wahr;
D iiij
Vnd
Das erste Buch.
Vnd helfet mir meine wort setzen/
Das sie die Goͤtter selbs ergoͤtzen.
Antistrophe.
M
Ontmartin/ der halb-goͤtter zier/
Vñ võ dẽ Musen selbs geschmuͤcket/
Das lob/ so ich von dir formier
Jst nicht auß fremb dem schmuck gestuͤcket:
Jch nem dazu auch nicht das lob
Deines Vatters so hochgeprisen/
Welcher/ Marschalck/ mit khuͤner prob
Seinem koͤnig vil dienst erwisen:
Jn dir find ich ein aͤrnd reich gnug/
Davon ich dan mit gutem fug
Zusamen samle dise fruͤchten/
Dir dises opfer zuzurichten.
Epod.
A
Ber einer Nymsen hand
Kan ehe/ einen krantz zubinden/
Die schoͤnste blumen außfinden
Jn dem vollen blumenland/
Dan ich/ der ich (gantz verfuͤhret
Von deiner Tugenten glantz/
Wel-
Das erste Buch.
Welcher/ wie der sternen dantz
Den himmel/ deine sehl ziehret)
Zweifelhaftig nicht kan woͤhlen/
Was ich erstlich soll erzoͤhlen.
Die 2. Strophe.
S
Eitenmahl wan die Mayestehe
Der gravitetischen geberden/
Welche auf deiner stirnen steht/
Von mir solte gesungen werden;
Dein angeborne freundligkeit/
Damit du jederman gewogen/
Erzaiget jhre wuͤrdigkeit/
Auf das sie werd herfuͤr gezogen.
Vnd wan ich zusingen berait
Dein fliessende wolredenheit/
Will mich alßbald dein wolstand zwingen/
Seine zierlichkeit vorzusingen.
Antistrophe.
L
Ob ich dein wissenheit vnd lehr/
Was du gesehen vnd er fahren;
Spricht dein verstand/ das seine ehr
Vnd treflichkeit hie nicht zuspahren:
D v
Wan
Das erste Buch.
Wan ich den gluͤcklichen fortgang
Deiner werck begehr zuerklingen/
Will deine weißheit/ mein gesang
Soll sie des Gluͤcks vrsach fuͤrbringen/
Welche erwegend aigentlich
All Ort vnd Zeit belaitet dich/
Vnd das Gluͤck/ solches zuregieren/
Pfleget in dem haupt zu bosieren.
Epod.
D
Arf dan deiner Hochheit grund
Zuberuͤhren ich mich wagen;
Foͤrcht ich/ das ich anzuklagen
Durch deiner Zuͤchtigkeit mund/
Welche vngezwungen ehret/
Vnd gern dienet jedem stand/
Also den wahren verstand
Der herꝛen hochheit vnslehret/
Das auch mehr durch gunst dã prangẽ/
Der menschen lieb zu erlangen.
Die
Das erste Buch.
Die 3. Strophe.
F
Ang ich dan an ein lobgesang
Von deinem blut auf meinen saiten/
Will die Tugent/ das ich anfang
An jhr dein lob recht außzuspraiten;
Als welche allein ohn betrug
Die sterbliche mit gotheit zieret/
Vnd sie mit schnell-geradem flug
Jn der Goͤtter gemeinschaft fuͤhret.
Hercules durch jhren beystand
Eroͤfnete sein Vatterland;
Die zwilling auf dem Moͤhrgeehret
Haben durch sie die stern gemehret.
Antistrophe.
D
Jse hat dich in jhren schutz
Genommen alsbald du geboren/
Du deßgleichen der welt zu nutz
Sie fuͤr deinen glaitsman erkoren:
Dise hat zu meyden die aaß
Des kurtzen wollusts dich beraittet/
Vnd raisend auf der engen straß
Durch mehr staͤt vnd laͤnder belaittet/
Dan der Griech an weißheit sehr groß
(Von
Das erste Buch.
(Von dessen zung der honig floß/
Wie die schnee fruͤlingszeit zugehen
Von dem gebuͤrg) jemahls gesehen.
Epod.
A
Lda nu bald nach vnd nach
Was der subtil Gꝛiech gedichtet/
Der suͤß-schwer roͤmer berichtet
Die reich Englaͤndische sprach/
Was die Hochteutsche außlegen/
Der Toscaner lieblichkeit/
Der Flandern geschwindigkeit/
Was auch die Spanier waͤgen/
Vnd was vns je zugelassen
Deine Jugent wol erfassen.
Die 4. Strophe.
A
Ndere kuͤnsten gleicherweiß/
Welche den adel edel machen/
Seind so einig mit deinem fließ/
Das du ruͤhmlich in allen sachen:
Ph
æ
bus/ dem du an gaist vnd haar
Gleich sihest/ hat dir uͤber geben
Die Castalisch geneünte schar/
Jhr
Das erste Buch.
Jhr gesang wider zu beleben;
Vnd du machst das ich vnderfang/
Der Erst mit vngezwungnem klang
Die Goͤtter auf Dorischen saiten
Teutsch-lieblich spilend auß zubraiten.
Antistrophe.
V
Nd wa laß ich die Dapferkeit/
Dadurch du Mars nit nur võ stam̃ẽ/
Sõdern an staͤrck/ muht/ munderkeit
Ein wahrer Mars an that vnd namen?
Wie oft hat dein schroͤckliches schwert
Mit Martialischen buchstaben
Deinen namen so klar vnd wert
Auf Jberische haͤut gegraben?
Also das die Cimbrische Cron
Wolt sich (zu deiner Tugent lohn/
Vnd jhrem preiß) vmbsunst bemuͤhen/
Dich deinem Koͤnig zu entziehen.
Epod.
A
Ber/ zarte Liebelein/
Wie geh ich mich zu verlieren?
Kan ich dises lied volfuͤhren/
Schoͤn-
Das erste Buch.
Schoͤn-aͤugige Nymfelein?
Ach
!
vergoͤnnet mir zu weichen
Seiner Tugent buͤrd so schwer/
Das das gluͤck sich nimmermehr
Jhrem verdienst kan vergleichen/
Vnd lasset mich nu vmb wenden/
Mein lied hipschlich zu vollenden.
Die 5. Strophe.
V
Jl tausent tugenten in dir
(ben/
Sih ich haufenweiß vm̃ mich schwe-
Das ich nicht kannach der gebihr
Einer jeden jhre stoͤll geben.
Also mein Musa irꝛend vmb
Wie in dem Cretensischen garten/
Findet weder anfang noch trumb
Auf deiner tugenten irꝛfarten.
Was fahr ich dan noch weiters fort/
Das ich mich nicht mach in den port/
Weil es sich ja nicht will gebuͤhren/
Der Goͤtter ehr zu profanieren?
An-
Das erste Buch.
Antistrophe.
D
Arumb beschließ ich meinen mund
Vnd will dir mein hertz uͤbergeben;
Sih/ du wirst es erfinden rund/
Auch der Tugent allein nachstreben/
Biß einmahl mit vil hoͤherm klang
Jn deiner Lorboͤrcraͤntzen schatten
Die Goͤtter ein newes gesang
Von dir zusingen mir gestatten;
Wan mir namlich einmahl das Gluͤck
Gibt einen freindlichern anblick/
Vnd von mir all vnruh vnd plagen/
So die armut gibt/ wirdt verjagen.
Epod.
W
Olan so fahr Odelein/
Zu dem/ von dẽ du erschallen/
Sag jhm weil es sein gefallen
Mir so gar freundlich zusein/
Das ich leichtlich doͤrf ohn grawen
(Zwar frembd/ jung/ vnd wenig klug)
Zu den himmeln meinen flug
Seiner gunst fluͤgeln vertrawen/
Fluͤgel/ deren glantz belebet
Vnder beeden himmeln schwebet.
Die
Das erste Buch.
Die 8. Ode.
An Benjamin Buwinckhausen von Walmerode/ ꝛc.
Die 1. Strophe.
W
Ach auf/ meine sehl/ es ist zeit/
Deine schuld der welt zu bezeugen;
Es ist eine schand still zuschweigen/
Wan die nohtdurft die red gebeut.
O Buwinck hausen/ dessen gunst
Kan mich nach wunsch von sorgen freyhen/
Verachte nicht die newe kunst/
So mir dir neun schwestern verleihen;
Sondern hoͤr mit wie suͤssem klang
Meiner niemahls beruͤhꝛten saiten
Jch dein lob in meinem gesang
Will durch die weite welt außspraiten.
Anti-
Das erste Buch.
Antistrophe.
O
Bwol der suͤß-spihlende Got
(laubet
Die zweig stehtsgruͤn vnd frisch-be-
Allen abzubrechen erlaubet
Welche nichts fragen nach dem Tod:
Kan doch eines jeden verstand
Nicht das stehts-wehrende trumb finden/
Damit Er moͤg mit wehrter Hand
Den vnver waͤlcklichen crantz binden;
Sondern sehr klein ist die anzahl/
(Darunder Jch verhoff zubleiben)
Welche in der Ewigkeit sahl
Koͤnden einen namen aufschreiben.
Epod.
D
Einen namen nu so groß/
Vnd dein lob so hoch erhaben/
Will Jch mit einem geschoß
Tief in die gedechtnus graben:
Vnd wan ja der Musen kunst
Nicht gar eytel vnd vmbsunst/
Soll nicht weniger auf erden/
Dein preiß/ deine ehr vnd zier/
Dan ich begehr das von dir
Meine Vers/ geliebet werden.
E
Die
Das erste Buch.
Die 2. Strophe.
G
Leich wie ein Kaufman/ dessen Sin
Nach anders nichts dan reichthumb
trachtet/
Das er alle arbeit verachtet/
Halb verblindet durch den gewin/
Wan er nach vil muͤh vnd gefahr
Kan das erwuͤnschte gestad gruͤssen/
Vnd numehr mit koͤstlicher wahr
Seinen geitzigen hunger buͤssen/
Da in der kleinoten vnzahl
Sein aug vnd gemuͤht sich bewoͤgen/
Das Er nicht waist/ arm in der wahl/
Was zu nemen/ was weg zuloͤgen.
Antistrophe.
A
Lso wan meine schuldigkeit
Meinen geisttreibet zuerdichten/
Was dir fuͤr ein werck aufzurichten/
Welches der Jahren fraͤssigkeit
Mit dem reichen schmuck der warheit
Moͤg vnveraͤltlich widerstehen
Macht deiner Tugenten klarheit
Mit wunder mein gesicht vergehen;
Vnd
Das erste Buch.
Vnd jemehr ich bedencke mich
Welches lob erstlich anzuwenden/
Je weniger/ forchtsam/ waiß ich/
Wa anzufangen vnd zu enden.
Epod.
W
An es ein vortheil soll sein/
Der welt seinen alten stamen
Zuerzoͤhlen/ dessen schein
Schoͤner machet vnsern namen:
Wer zweiflet/ das nicht mit recht
Dein fuͤrtrefliches geschlecht
Seinen Vrsprung zu beweisen/
Sich ab dem edlen gebluͤt/
Weisen vnd starcken gemuͤht
Deiner Anherꝛen kan preisen?
Die 3. Strophe.
A
Ber seiner tugenden prob
Auß seiner Vaͤtter grab zuziehen/
Muß sich allein jener bemuͤhen/
Jn dessen sehl kein aigenlob.
Nicht du/ der du gantz danckbarlich
Alle gaben von Got empfangen/
Wel
-
Das erste Buch.
Welche die Tugent wuͤrdiglich
Kan immer von dem Glück erlangen;
Nicht du/ der da niemand den lohn
Seines verdiensts woltest verneinen/
Begehrest/ klar gnug/ wie der Mohn
Mit entloͤhnetem glantz zuscheinen.
Antistrophe.
W
An die mißgunst/ das arge thier/
Welches jedermans ehr verloͤtzet/
Sein blaiches gesicht auf dich setzet/
Vnd dich erfindet so voll zier/
Muß es mit zitterender sehl
Wider seinen willen gestehen/
Das es so pur von allem fehl
Keinen andern als dich gesehen:
Ja/ sein giftig vnd weitter rach
Wirt schier mit gesaͤuberter zungen/
Vnd mit vngewohnlicher sprach
Deinleben zu loben gezwungen.
Epod.
J
N welches ruͤhmliche land
Kan sich ein man wol vergehen/
Alda
Das erste Buch.
Alda Er deinen wolstand
Vnd namen nicht moͤg verstehen?
Taub ist der/ dessen gehoͤr
Die weit-vmb fliegende mehr
Deiner Weißheit nicht vernommen;
Vnd wer da will hoͤflichkeit/
Freundlichkeit vnd zierlichkeit
Sehen/ der muß zu dir kommen.
Die 4. Strophe.
W
Je oft hat dich dein Vatterland/
Wan du von meinẽ grossen Pꝛintzen
Jn vil ferꝛ-ligende Provintzen
Wuͤrdiglich warest außgesant/
Zumahl voll trawrigkeit vnd fraid
Mit hail vnd gluͤckwuͤnschung geehret?
Wissend wie dein abwesen sein laid/
Vnd auch seinen nutzen vermehret:
Dieweil deine wolredenheit
Kan an dich lieblich ohn bemuͤhen
Der groͤsten Monarchen hochheit/
Vnd die Sehl durch die ohren ziehen.
E iij
Die
Das erste Buch.
Die 4. Antistrophe.
W
Je der starcke Thetische sohn
Allerhand Ritterspihl geliebet/
Vnd sich taͤglich darin geuͤbet/
Trachtend stehts nach der ehren-cron:
Als wolgeschickt zu rechter zeit
Zu dantzen/ ringen/ vnd turnieren/
Als vnver gleichlich in dem streit
Vber den feind zu triumfieren:
Also hat deiner wafen glantz
Jn schimpf den sig oft weggefuͤhret/
Vnd den schwaissigen Lorboͤr-crantz
Jn ernst mit deinem haupt gezieret.
Epod.
A
Ber der zeit flucht so schnell
Solt mir ehe dan die red fehlen
;
So ist auch dein Nam so hell
Das jhn gar nichts kan verhaͤlen:
Vnd der worten uͤberfluß
Jst gemeinglich voll verdruß.
Darumb will ich nu beschliessen/
Damit nicht was ich gern wolt/
Das dir wolgefallen solt/
Dich villeicht moͤchte verdriessen.
Die
Das erste Buch.
Die 5. vnd letzte Strofe.
D
Er Zweck/ welchen ich mir fuͤrnem/
Darnach begihriglich zuzihlen/
Jst allein/ das ich wuͤnsch zu fihlen/
Das dir dise gab angenem.
O du/ vnder dem sich mein glück
Vor keinem anstoß darf befahren/
Laß mir mit einem frewden-blick
Deiner gunst zaichen widerfahren:
Vnd wan dises so ich dir bring
Dein verlangen nicht solt erfuͤllen/
Gedenck/ das keine gaab gering/
Wan Sie geschicht mit reichem willen.
Antistrophe.
A
Lso wolle der Goͤtter gnad
Dir stehts newe guͤter beraiten/
Vnd deinen gang froͤlich belaiten
Ohn strauchlung durch der Tugent pfad
:
Also soll dein Nam/ lob vnd ehr
Vontag zu tag lieblicher bluͤhen;
Also soll das gluͤck mehr vnd mehr/
Dem neyd zu trutz/ dich herfuͤr ziehen:
Vnd also ab deß Vngluͤckslist/
Damit die Hohe oft geschlagen/
E iiij
Hab
Das erste Buch.
Hab sich dein hauß zu keiner frist
Weder zu foͤrchten/ noch zuklagen.
Epod.
V
Nd wan die gluͤckseeligkeit
Dich auch so hoch solt erhoͤhẽ/
Das man dich in herꝛlichkeit
Vnverbesserlich kont sehen:
So sag ich doch dises frey/
Wie groß deine wolfahrt sey/
Das Sie meinem wunsch muß weichẽ;
Vnd das dein ruhm/ preiß vnd ehr
(Wie hoch immer) nimmermehr
Deinem verdienst zuver gleichen.
Die
Das erste Buch.
Die 9. Ode.
An Georg-E- berhard Horneck von Wein- heim/ Obristen/ ꝛc.
E
S ist vnrecht/ eine person/
Deren thaten jhr lob erweisen/
Vnd die schon traͤgt der Siger-eron/
Jhrem verdienst nach nicht zupreisen.
Warumb dan/ Horneck/ der du dir
Meine Verslast gantz wol gefallen/
Laß ich nach schuldiger gebuͤhr
Von dir nicht mein gesang erschallen?
Waͤr mein Vnd anckbare traͤgheit
Nicht billich von dir anzuklagen/
Wa ich nicht solt mit der warheit
Deines lobs vnd namens klarheit
Vor der welt zusingen mich wagen?
Die neun Goͤttinin/ deren lehr
E v
Zie
-
Das erste Buch.
Zieret jhre diener mit craͤntzen/
Rein zu erhalten jhre Ehr/
Koͤnden nicht wie Dienstmaͤgd fuchs-
schwaͤntzen:
Doch seind Sie auch so gar stoltz nicht/
Wie jetz mehrerthails Jungfrawen/
Die mit gefaͤlschtem angesicht/
Mit sawr vnd erhabnen augbrawen/
Mit einem eyßkalten anblick/
Mit schimpflichem lachen vnd gaffen/
Einen/ welcher (in jhrem strick)
Sie ehret als sein bestes glück/
Sie liebet vnd lobet/ abschaffen.
Die Tugent/ als die beste frucht/
So in jhrer schul zuerfassen/
Macht Sie mit aller laster flucht
Die Vndanckbarkeit gar sehr hassen;
Vnd ein Lehr—reiches lob gesang/
Ab dessen er quickendem klang
Der Goͤtter hertz sich selbs ergoͤtzet/
Dancket denen/ welche mit gunst
Jhnen die Poeten verbinden/
Vnd lobet Sie mit solcher kunst/
Das sich die Zeit bemuͤht vmb-sunst
Jhr stehtes lob zu uͤberwinden.
Nu
Das erste Buch.
Nu versprich ich dir/ vnd gelob/ (Will dir es auch ferners steif halten)
Daß deiner Tugent ruhm vnd lob
Soll weder sterben noch veralten:
Dan ich will Sie so tief vnd klar
Auf der Ewigkeit tafel etzen/
Das auch das all-fressende Jahr
Sie niemahls wirt koͤnden verloͤtzen:
Jch will mit so getrewem mund (Wan ja die Musen nicht betriegen)
Machen dei
n
ehr der welt so kund/
Das sie sich dar ab alle stund
Soll/ wie du dich ab mir/ vernuͤegen.
Gleich wie man in der fuͤnstern nacht
Das Firmament voll stern kan sehen;
Also aller Tugenten pracht
Sihet man nur auf dir bestehen.
Du bist recht den Halb-goͤttern gleich
So die Alten so hoch geehret;
Amor vnd Mars haben jhr reich
Durch dein gesicht vnd muht vermehret:
Foͤrtigkeit/ Hoͤflichkeit/ Wolstand
Haben dein gantz edle sehl innen/
Daß duleichtlicht in allemland
Mit
Das erste Buch.
Mit lieb oder macht deiner Hand
Der menschen hertzen kanst gewinnen.
Das gestirn/ so durch seine raiß
Taͤglich der gantzen welt muß zinden/
Sicht zwar alles in dem Vmbkraiß/
Kan aber dir niemand gleich finden.
Dein glaub/ trew/ vnd bestaͤndigkeit
Seind an purheit nicht zuvergleichen;
So darf auch deine Dapferkeit
Keines Helden dapferkeit weichen:
Vnd deines fruͤlings suͤsse blust
Reuchet schon so lieblich auf erden/
Das das Teutschland in seiner brust
Spricht mit wunder vnd hoͤchstem lust
Das dein Herbst gar fruchtreich muͤß wer-
den.
Doch/ wievil fruͤchten hat es schon
Von deiner dapfern faust empfangen?
Sicht man nicht einen baum mit wohn
Zumahl voll blust vnd fruͤchten hangen?
Also bist du. Dir ist nicht gnug
Deines Churfuͤrsten hof zuzieren/
Vnd erfahren/ beredt/ vnd klug
Jn vilen sprachen zu studieren
Son-
Das erste Buch.
Sondern du zeuchst hertzhaft hinauß/
Vnd wilt in dem laͤger einkehren
Vil lieber dan in einem hauß/
Da du dan deine feind mit grauß
Was du erlernt pflegest zu lehren.
Ein schlechtes vnd verzagtes hertz„
Foͤrchtet sich allzeit vor gefahren/„
Vnd seine forcht/ die selbs ein schmertz/„
Kan es sicher gnug nie bewahren;„
Ja/ ist es nicht ein grosse schmach/„
Das die/ so nur zusterben leben/„
So faul von lieb/ von muth so schwach/„
Sich nicht doͤrfen dem krieg ergeben?„
Ellend ist der/ der durch kleinmuht„
Muß lang kranck auf seinem beth zagen;„
Seelig ist der/ welcher sein blut/„
Seine ruh/ sein leben vnd gut„
Fuͤr Gottes ehr in wind darf schlagen.„
Also thust du. Jtalia
Wirt ein solches all zeit bezeugen;
Niderland/ Teutschland/ Jstria
Koͤnden solches auch nicht verschweigen.
Aber/ Wan ich mit hoͤherm thon
Einmahl sing von dem Potentaten/
Der
Das erste Buch.
Der bekant wie der khuͤn Jason (Doch getrewer) durch seine thaten;
Alß dan soll dein vnd deren preiß/
Die jhm dienen/ laͤuter erschallen;
Hiezwischen laß nach deiner weiß/
Horneck/ dir disen schlechten fleiß/
Den mein hertz reich macht/ nicht miß fal-
len.
Die 10. Ode.
Kennzaichen ei- nes Gluͤckseeligen Le- bens. An Alexandern vom Ruest/ ꝛc.
W
Je gluͤckseelig ist dessen leben/
Dem keines andern will gebeut;
Der ohn neyd/ mistgunst oder streit
Sicht andrer gluͤck fuͤr uͤber schweben.
Der
Das erste Buch.
Der selbs seine begird regieret/
Dessen frumb vnd redlicher muth
Jst sein beste ruͤstung vnd hut;
Dessen gewissen kriumfieret.
Welcher keines geschrays begehret/
Dem die Warheit die groͤste kunst;
Den des Fuͤrsten noch Poͤfels gunst/
Weder hofnung noch forcht bethoͤret.
Der die Fuchsschwaͤntzer fort laßt gehen/
Vnd nicht speiset von seinem gut;
Vnd dessen fall oder armut
Kan seine haͤsser nicht erhoͤhen.
Der selbs nicht waist/ wie uͤbel schmuͤrtzet
Des boͤsen lob/ des frommen fluch;
Dem ein guter freund oder buch
Seine schadlose zeit verkuͤrtzet.
Dessen gemuͤht sich vor nichts scheyhet/
Als allzeit ber ait fuͤr den Tod;
Der ernstlich fruͤh vnd spaht zu Got
Mehr vmb gnad/ dan vmb guͤter schreyhet.
Der
Das erste Buch.
Der mensch besorgt sich keines falles/
Sondern ist gantz frey/ reich vnd groß/
Sein selbs Herꝛ/ ob Er wol Land-loß/
Vnd habend nichts hat Er doch alles.
Die 11. Ode.
Von des Tods gewißheit vnd der Tu- gent. An Hanß Hartman von
Botzheim/ ꝛc.
M
An findet nichts vollkommen in der
welt/
Wir menschen seind mit sorgen/
pein/ vnd plagen/
All ort vnd zeit/ in staͤtten/ auf dem feld/
Von himmel/ luft/ moͤhr vnd vns selbs ge-
schlagen:
Ja
Das erste Buch.
Ja auch der Goͤtter macht
Hat jhr wohnung vollkommen/
Vnd seelig nicht gemacht.
Wer hat nicht wargenommen/
Wie Sonn vnd Mohn gemein
Verfuͤnstern jhren schein?
Vnd wie deß himmel zeichen
Oft mangelhaft verblaichen?
Mit wievil angst/ gefahren/ muͤh vnd noht
Seind ohn ablaß Wir menschen vm̃gegeben?
Dise mit list uͤber gibt man dem Tod/
Jener hertzhaft verkrieget selbs sein leben;
Diser auß vil verdruß/
Vnd
tr
awren will verderben;
Jener erbaͤrmdlich muß
Jn der gefencknus sterben;
Etlich duͤrstig nach gut/
Fliehen vor der armut/
Vnd jhren geitz versincken/
Wan Sie im Moͤhr ertrincken.
Dise mit gift/ wasser/ schwert oder strick
Vber sich selbs schroͤcklich ein vrthail spꝛechẽ/
Vnd roͤttend sich von zu schwerem vnglück/
Zweiflen Sie nicht sich wider sich zurechen:
F
Jene
Das erste Buch.
Jene kommend mit zwang
Jn dises lebens leyden/
Finden gleich den Außgang/
Vnd andre muͤh vermeyden;
Oder sich in ihr grab
Ehe sie einige gaab
Des tags (seelig) geniessen/
Jn muterleib beschliessen.
Der Tod gewiß klopfet mit einem bein
An grosser Herꝛn wolcken-tragende schloͤsser/
Vnd armer leut ligende hüttelein/
Vnd ist fuͤr beed weder boͤser noch besser
Den leib ein Tod allein
Mit vnhailbaren plagen/
Vnentflielicher pein/
Vnd vndienstlichen klagen
Engstiget tag vnd nacht;
Vnd die sehl wirt gebracht
Vor Minos/ der kein flehen
Pfleget mehr anzusehen.
Der weg ist brait in das fuͤnstere hauß/
Offen die thuͤr/ das man stets hinein gehet;
Aber widerumb zu entrinnen darauß/
Hierauf das werck/ hier auf die muͤh bestehet.
Der
Das erste Buch.
Der Tugent weg ist schmal/
Mit dornen wol verschlossen/
Vnd gering die anzahl
Deren die vnverdrossen/
Vnd durch der Goͤtter gunst/
Vnd der Tugent inbrunst
Von dem poͤfel entzogen
Zu dem gestirn geflogen.
Der/ dessen hertz mit Tugent armiert ist/
Gleich wie/ Botzheim/ dein edles hertz zusehen/
Der kan deß Gluͤcks zorn/ wanckelmuht vnd
Voͤst wie ein foͤlß/ vnzaghaft widerstehẽ;
(list/
Er ist allzeit forchtloß/
Vor dem strahl vnverblichen/
Weißheit macht sein hertz groß/
Stehts sigreich/ vnverglichen;
Er/ der fuͤr seinen lohn
Sucht der Seeligkeit cron/
Nichts Jrꝛdischem nachstrebet/
Vnd sich selbs uͤberlebet.
F ij
Klag
Das erste Buch.
Die 12. Ode.
Klag uͤber die Lieb.
M
Ein junges hertz durch vnd durch
wund/
Ohn hofnung aller hilf vñ gnaden/
Wartet des Tods zu aller stund/
Mit mehr pein dan jahren beladen.
Doch die/ deren mit solcher noht
Ein opfer ich nu muß verbrennen/
Ob Sie schon sihet meinen tod/
Will sie doch mein laid nicht erkennen.
Sondern gleich wie ein foͤlß dem Moͤhr/
Widerstehet sie meinem schreyhen/
Vnd spoͤꝛret jhr miltes gehoͤr/
Auß forcht sich jhres zorns zu reyhen.
Ohar-
Das erste Buch.
Oharte Vngerechtigkeit/
Damit die himmel mich beschwehren
!
Muß ich die/ deren grewlichkeit
Mich toͤdtet/ anrufen vnd ehren?
Wolan dan/ armes hertz/ halt still/
Wer kan den Goͤttern widerstehen?„
Sie ziehen den/ welcher nicht will/„
Vnd laitten den/ der gern will gehen.„
Meines tods vrsach ist mein lob/
Groͤssern ruhm kan ich nicht erwerben;
Vnd das end ist des maisters prob/„
Darumb will ich mit frewden sterben.
13.
Vber einen Krantz.
D
Jse Rosen in deinem Krantz
Seind roht/ wie deiner leftzen glantz/
F iij
Die
Das erste Buch.
Die frische gilgen sich vergleichen
Deiner zarten vnd glatten hand/
Vnd dasleuchtend guͤldine band
Muß deinem krauß-gelben haar weichen.
Wa nu/ hertzlieb/ dir witz gnug wer/
Zu verstehen dises wercks lehr/
Liessest du die zeit nicht hingehen
Auß zu junger vnachtsambkeit/
Sondern mit mehr fuͤrsichtigkeit
Wuͤrdest du den nachthail vorsehen.
Ein tag ist der Rosen abgang/
Die Gilgen bluͤhen auch nicht lang/
Vnd deine blum ohn widerkehren
Veraltet/ vnd verwaͤlcket sich/
Wie dan auch diser goldfad dich
Soll dein bruͤchiges leben lehren.
Warumb bist du dan so feindlich/
Warumb redst du so vnfreundlich/
Warumb thust du mich stehts betruͤben?
Erbarmst du dich nicht uͤber mich/
So erbarm dich doch uͤber Dich/
Vnd laß vns nu einander lieben.
Schoͤn-
Das erste Buch.
14.
Schoͤnheit nicht wehrhaft.
L
Aßt vns in den garten gehen/
Schoͤnes lieb/ damit wir sehen/
Ob der blumen ehr/ die Roß/
So Euch ewre farb gezaiget/
Da Sie heut der Taw aufschloß/
Jhren pracht noch nicht abnaiget.
Sih doch/ von wie wenig stunden
Jhr frischer schmuck uͤberwunden/
Wie zu grund ligt all jhr ruhm
!
Natur/ wie solt man dich ehren/
Da du doch ein solche bluhm
Kaum einen tag lassest wehren?
Was ist es dan das jhr fliehet/
Jn dem ewer alter bluͤhet
Von meiner lieb suͤssigkeit?
F iiij
Genuͤes-
Das erste Buch.
Genuͤesset nu ewrer Jahren/
Die zeit würt ewre schoͤnheit
Nicht mehr dan dise blum spahren.
15.
Amorbetrogen.
C
Vp
i
do einmahl sehr verdrossen/
Das Er hat sovil pfeil vmbsunst
Auf meine Myrta loß-geschossen/
Welche verachtet seine kunst/
Erwoͤhlet jhre zarte schoß
Zu wunden ein scharpfes geschoß.
Also flog Er bald in den garten/
Da Er dieselb zu sein gedacht/
Vnd nemend-wahr von fern der zarten/
Die Jhn in dise welt gebracht/
Wolan/ sprach Er/ Myrta dein blut
Soll jetzt büssen deinen hoch muht.
Er
Das erste Buch.
Er spannet (vnweiß) seinen bogen/
Zihlet nach dem hertzen ohn gnad/
Vnd schoß jhn ploͤtzlich loß (betrogen)
Jn seiner muter brust gerad;
Also das ein grewlicher schmertz
Vergifftet jhr goͤtliches hertz.
Ach weh
!
was magst du wol gedencken/
Sprach Sie/ du vndanckbarer knab/
Wie kanst du so toͤdlich bekraͤncken
Die/ welche dir das leben gab?
Vnd sparest gleichwol deine macht
Gegen deren die dich verlacht?
Solches das kind so sehr erschroͤckte/
Das es bald seine waͤngelein
Mit haissen zehern uͤberdoͤckte/
Vnd schryh/ Ach
!
liebes muͤterlein/
Ach
!
verzeihet mir/ ich nam Euch
Fuͤr Myrta/ deren Jhr gar gleich.
F v
Die
Das erste Buch.
16.
Bestaͤhtigung der Lieb.
D
As jhr von vilen seit geehret/
Das jhr von vilen werd begehret/
Mag wol wahr sein:
Das aber jhr andere sehlen
So sehr als die meine koͤnt quehlen/
Hat keinen schein.
Das vil schoͤnheiten hie auf erden
Gelobet vnd verwundert werden/
Mag wol wahr sein:
Das aber auch eine auß allen
Den Goͤttern moͤg/ wie jhr/ gefallen/
Hat keinen schein.
Das ein jeder/ so euch ersehen/
Ewern dienst wolte vnder gehen/
Mag wol wahr sein:
Das
Das erste Buch.
Das jhr aber moͤcht einen finden/
Den jhr so hart als mich koͤnt binden/
Hat keinen schein.
Das durch ewere suͤsse sitten
Jch nicht allein vil muͤh erlitten/
Mag wol wahr sein:
Das aber darumb andre hertzen
Leiden dem meinen gleiche schmertzen/
Hat keinen schein.
Das endlich solche pein zufliehen
Meine vernunft sich woll bemuͤhen/
Mag wol wahr sein:
Das aber von so schoͤnen haͤnden
Jch mich zu andrer dienst woll wenden/
Hat keinen schein.
Das der Tod allein meine klagen/
Vnd ewern hochmuht werd vertragen/
Mag wol wahr sein:
Das aber durch ewer belaiden
Mein hertz koͤnde von Euch abschaiden/
Hat keinen schein.
Stum-
Das erste Buch.
17.
Stummered der Lieb.
W
An zureden vnd still-zu-schweigen
Zumahl verhindert vnser glück/
So laß vns vnser hertz bezeugen
Durch sich bespra chende anblick/
Amor/ welchen wir allzeit ehren/
Wirt vns solche stumme sprach lehren.
Laß die anblick hin vnd herfliegen/
Getrewe botten deiner gunst/
Der Neyder torheit zu betriegen/
Toll vnd doͤlpisch zu diser kunst;
Dan Amor/ welchen sie nicht ehren/
Wirt sie die stumme sprach nicht lehren.
Wan aber diser blicken fahrt
Auch irgends jemand solt verdriessen/
So laß vns/ nach der Engeln art/
Vns mit den gedancken begruͤssen:
Amor/
Das erste Buch.
Amor/ welchen wir allzeit ehren/
Wirt vns solche stumme sprach lehꝛen.
Also durch die listige kunst
Wollen wir die schwetzer betruͤegen/
Vnd lachend ab jhrer vngunst/
Vnsre hertzen nach lust vernuͤegen;
Weil Sie toꝛrecht Amorn nicht ehren/
Wirt Er sie dise sprach niche lehren.
18.
Anacreontisch. Es ist vngluͤck zu buhlen vnd nicht zu buhlen.
D
Er so buhlet ley det vil plag/
Der nicht buhlet findet all tag
Auch muͤh gnug sein hertz zu verdꝛiessen:
Aber der hat mehr pein vnd rew/
Wel-
Das erste Buch.
Welcher nach langer lieb vnd trew
Kan seiner diensten nicht genuͤessen.
Weißheit/ Adel/ Tugent vnd Zucht
Bringen zu der Lieb keine frucht/
Den kuͤnsten die leut nichts nachfragen;
Die Jungfrawen jetziger zeit/
Mehrer thails fail/ erhoͤben weit
Die/ so am mehrsten gelt zutragen.
O das der jaͤmerlich verderb/
Vnd ewig sterb vnd widersterb/
lcher das gold erstlich erfunden
!
D
ardurch sich die nechste blutsfreund/
dan natuͤrliche Tods-feind/
Hassen/ durch den geitz uͤberwunden.
Dannenher kommet alle noht/
Verdruß/ neyd/ zwitracht/ krieg vnd Tod/
Trawren/ angst/ sorgen vnd mißtrawen.
Darumb jhr gesellen seit weiß/
Euch zu huͤten mit allem fleiß
Vor allen geitzigen Jungfrawen.
Vnbe-
Das erste Buch.
19.
Vnbestãdbꝛingt Vnbestand.
S
Je/ welche ich so lang geehret/
Weil ich jhr lieb standhaft gedacht/
Hat durch jhr vntrew jhren pracht/
Meine hofnung vnd frewd zustoͤret.
Aber gluͤckseelig ist die pein/„
Die die buhler lehret weiß sein.„
Sie/ die jhre angen zufeuchten
Meinetwegen allein oft schwur/
Lasset sie/ wie ein andre hur/
Moͤniglich zu erdappen leuchten:
Darumb haß ich nu jhren schein/
Dan schoͤn ist nicht was zu gemein.„
Wie oft hat sie faͤlschlich geschworen/
Das jhr hertz von betrug gantz frey;
Aber
Das erste Buch.
Aber jhre wort/ lieb vnd trew
Seind zu mahl in dem wind verlohren;
Vnd jetzund mein schlechter verdruß (Jhr grosse schand) ist meine buß.
Diser verdruß kan nicht lang wehren/
Weil jhr toꝛrechter wanckelmuht
Folget nach uͤbergebnem gut/
Vnd nach dem verlust jhrer ehren. „Zuspaht/ vnd vmbsunst ist die flucht/ „Wan man behaftet mit der sucht.
Jch kan zwar/ vnd will nicht verneinen/
Das jhr fuͤrtrefliche schoͤnheit
Gewan meines hertzens freyheit/
Mit liebkosen/ klagen vnd weinen:
Nu aber schaidet meine Rew
Meine lieb von jhrer vntrew.
Jch war jhr hertz/ jhr trost vnd leben/
Sie war die Goͤttin meiner Brust;
Jetz hab ich bey jhr keinen lust/
Will auch jhr keine frewd mehr geben.
Jhr vnbestand vnd mein verstand
Loͤschen auß Amors suͤssen brand.
Vnd
Das erste Buch.
Vnd ob sie schon wolt wider schwoͤren/
Als ob jhr mein verdruß sehr laid/
So soll mich doch kein newer ayd (Wie hoch vnd suͤß Er auch) bethoͤren.
Ein leichtfoͤrtig doppelter fehl„
Jst zu schaͤdlich fuͤr leib vnd sehl.„
20.
Klag uͤber die antwort/ Jch waiß nicht.
A
Ch
!
soll dan mein ewiges flehen
Keinen andern bericht/
Dan die toͤdtende wort verstehen
Jch waiß nicht?
Ach
!
soll ich (mein hoͤchstes begehren)
Nach meiner wahren lieb vnd klag/
Nach solcher zweifelfreyen plag
Allzeit zweifelhafte wort hoͤren?
G
Wol-
Das erste Buch.
Wollet jhr dan zu hart mich zwingen/
Mit seuftzen vnerdicht
Meinen tag vor nacht zu volbringen?
Jch waiß nicht.
Wisset/ mein gaist kan sich bemuͤhen/
O mein einige aufenthalt/
Wol durch meiner seufzen gewalt
Den leib vnd nicht die lieb zufliehen.
Wie lang sollen die zehern fliessen
Vber mein angesicht
Eh ich eines trosts zugeniessen?
Jch waiß nicht.
Wisset/ O himelische zaichen/
Schoͤne augen/ daß mein verdruß/
Will durch stehtigen zeherfluß
Euch oder den Tod selbs erwaichen.
Glaubet jhr villeicht das mein bitten
Sey allein ein gedicht
Nach anderer Liebhaber sitten?
Jch waiß nicht.
Wisset/ wie niemand kan erwoͤhlen
Ein loͤblichere Dienstbarkeit/
Das auch niemand jhre rawheit
Dan wer sie leydet kan er zoͤhlen.
Woͤl-
Das erste Buch.
Woͤllet jhr seufzen/ zehern/ klagen/
Vnd mein getrewe pflicht (Vnerbitlich) in den Wind schlagen?
Jch waiß nicht.
Wisset/ das zehern/ seufzen/ flehen
Koͤnden sich veraͤndern in rew:
Aber die wahre lieb vnd trew
Koͤnden ewiglich nicht vergehen.
Wie zweiflet dan/ O suͤsses leben/
Ewer weises gericht
Mir mit trost-worten gnad zu geben?
Jch waiß nicht.
Jch waiß/ Ewere wort voll frewden/
Jn einem mund so suͤß vnd rein
Kuͤßreiche Jnwohner zusein/
Wollen darauß mit nichten schaiden.
21.
Von der vorigẽ antwort/ Waiß Jch nicht.
G ij
Wie
Das erste Buch.
W
Je lang ich mich hab zubeklagen/
Vnd wie lang ich hilfloß zu zagen
Waiß ich nicht:
Das aber ich in meinem hertzen
Meine von Euch kommende schmertzen
Hoͤchlich liebe/ ist kein gedicht.
Was jhr/ mich allzeit zubekraͤncken/
Mit stillschweigen moͤget gedencken/
Waiß ich nicht:
Das aber wie ich Euch erkoren/
Also ich auch allein geboren
Euch zu lieben/ ist kein gedicht.
Warumb meine Liebe zu noͤhren/
Jhr meiner pein nicht wollet woͤhren
Waiß ich nicht:
Das aber gar kein schmertz zufinden/
Der meine liebe moͤg entgruͤnden/
Vnd verꝛingern/ ist kein gedicht.
Ob Euch andere sehr zu lieben
Sich mit warhaffter angst betruͤben/
Waiß ich nicht:
Das ich aber hab keinen gleichen/
Vnd mir alle Liebhaber weichen
An trew vnd lieb/ ist kein gedicht.
Wie/
Das erste Buch.
Wie/ einiger trost meiner sehlen/
Jhr mich so trost-loß moͤget quaͤhlen
Waiß ich nicht:
Das sich aber stehts/ Euch zu ehren/
Mein schmertz vnd lieb zugleich vermehren/
Gelob ich Euch/ ist kein gedicht.
Wan jhr wollet mein laid zuenden
Ewer hertz vnd lieb zu mir wenden/
Waiß ich nicht:
Das ich aber durch lieb muß sterben/
Wan ich dieselb nicht kan erwerben/
Gelob ich Euch ist kein gedicht.
22.
Horatianisch. Gespraͤchs weiß.
Φ.
A
Lß lang mir dein Hertz war kund/
Das sein suͤsser Rosen-mund
G iij
Nie-
Das erste Buch.
Niemand dan mich wolt erlaben;
War ich so seelig vnd reich/
Das ich Koͤnig in Franckreich
Zusein nicht gewuͤnscht wolt haben.
S.
Als lang ich dir so lieb war/
Das meine gelb-krause haar
Dich allein hielten gefangen;
Kont mich meinen suͤssen stand
Nicht mit der Cron Engelland
Zuvertauschen je verlangen.
Φ.
All mein gluͤck war/ das ich sah/
Wie dir nichts bessers geschah/
Dan dich hertzlich vmb zufangen;
Vnd das kein liebers halßband
Dan meine arm mit wolstand
Vmb deinen halß konte hangen.
S.
All mein gluͤck war/ das ich wußt/
Das dein hertz in keiner brust/
Dan in der meinen losieret;
Biß ich jetz (gleich wol spaht) spuͤhr/
Daß die schwartze Phillis mir
Solches listiglich entfuͤhret.
Wie
Das erste Buch.
Φ.
Wiewol es zwar nicht gar ohn/
Das die Phillis nicht wie rohn/
Vnd an schoͤnheit dir mag weichen;
Bist du doch an freundlichkeit/
Vnd suͤsser holdseeligkeit
Jhr villeicht nicht zuvergleichen.
S.
Ob es wol nicht ohn mag sein/
Das sich Ladon nicht so fein/
Vnd wacker als du kan stoͤllen;
Jsidoch seine sitsamkeit/
Wie deine geschwindigkeit/
Villeicht nicht so bald zufaͤllen.
Φ.
Obwol a
u
ch die Phillis nicht
Mich
lo
bet in mein gesicht/
Brenn
i
ch doch vmb sie zu werben;
V
nd
wan ich hoͤr jhr gesang/
Wuͤns
ch
ich/ damit sie leb lang/
Das ich
o
ft fuͤr sie moͤg sterben.
S.
Obwol auch
d
er Ladon nicht
Durch poe
t
isches gedicht
G iiij
Mein
Das erste Buch.
Mein lob/ wie du/ kan beleben;
Sitzt Er doch so wol zu pferd/
Daß fuͤr jhn/ so lieb vnd wehrt/
Jch mich in den tod wolt geben.
Φ.
Wie? wan ich ohn heucheley
Mich wider ergib/ getrew
Jn deinem dienst mich zu uͤben/
Vnd keine mehr dan dich preiß;
Wilt du mich nicht gleicherweiß
Wider/ vnd jhn nicht mehr lieben?
S.
Wiewol Er so hipsch vnd groß/
Wiewol du so gedult-loß/
Das dich alle ding verdriessen:
Jedoch/ wa dir ernst mit mir/
Wuͤnsch ich mehr nicht dan mit dir
Mein leben gantz zubeschliessen.
Sei-
Das erste Buch.
23.
Seiner Lieb- sten lob.
V
Jl schoͤner dan der Sonnen-glantz/
Vil suͤsser dan ein blumen-crantz
Jst meine Myrta anzuschawen;
Sie ist ein tag aller klarheit/
Sie ist der ruhm aller schoͤnheit/
Vnder den lieblichsten Jungfrawen.
Jhre augen seind Amors brand/
Jhre sitten seind voll wolstand/
So ist jhr leben nichts dan Tugent/
Vnd wie an jhrem leib kein fehl/
So ist voll ehren jhre sehl/
Vnd Sie ist ein wunder der Jugent.
Also dise Sonn/ dise blum/
Diser tag/ diser schoͤnheit ruhm/
Dise augen/ dise geberden/
G v
Dise
Das erste Buch.
Dise Tugent vnd dise Ehr
Machen das ich Sie lieb so sehr/
Das jhr lieb mein leben auff Erden.
24.
Musicalische Lieb.
M
Einen gaist/ muht/ sehl vnd hertz/
Amor mit klag/ forcht vnd schmertz
Recht
componieret;
Jnlaid aͤndert sich mein schertz/
Angst mit mir
accordieret.
Marter ist mein Music-klang/
Ach vnd weh ist mein gesang/
Gantz ohn
pausieren/
Dan allein das mich oft lang
Amor macht
suspirieren.
Lieblich kan es zwar nicht sein
Einig
Das erste Buch.
Einig singend stehts von pein
Nicht zu
mutieren;
Aber weil ich sing allein
Muß ich wol
colorieren.
Ach hertzlieb thu doch mit mir (Greiffend den thon nach gebuͤhr)
Nu
moderieren;
Vnd alsdan will ich mit dir
Schon tief gnug
intonieren.
25.
Von lieben haͤn- den.
A
Ch gib mir dise zarte hand/
Damit ich sie doch gnug moͤg kuͤssen/
Dise hand/ meiner hofnung pfand/
So mich auß verzweiflung gerissen;
Darumb gib mir sie her/
Das ich Sie kuͤß mit ehr.
Wie
Das erste Buch.
Wie
!
kuͤssen dise hand so frech/
So mir mein hertz doͤrfte außreissen?
Nein. Es ist zeit das ich mich rech/
Darumb will ich sie vilmehr beissen/
Damit jhrer vntrew/
Vnd boßheit Sie sich rew.
Aber/ was nutzet doch mein zorn
Wider so suͤsse gilg vnd rosen/
Die allein/ stehts frisch vnd ohn dorn/
Koͤnden meinem hertzen liebkosen?
Darumb gib mir sie her/
Das ich Sie kuͤß mit ehr.
Ohand/ warumb kuͤß ich dich lang/
Da ich mehr vrsach dich zu hassen/
Vnd zudrucken mit gleichem zwang/
Als du mein armes hertz erfassen
!
Damit deiner Vntrew/
Vnd boßheit dich auch rew.
Schoͤne hand/ meiner augen waid/
Laß dich meinen zorn nicht betruͤben/
Ob du mir schon vil thust zulaid/
Muß ich doch deine thaten lieben;
Darumb so kom nu her/
Das ich dich kuͤß mit ehr.
Je
Das erste Buch.
Je mehr ich kuͤß/ je mehr dein schnee
Mein hertz wunderbarlich anzündet/
Darumb ich billich nu absteh/
Eh mich dein schein gaͤntzlich verblindet/
Das nicht deiner Vntrew
Zu spaht vns beede rew.
O das ich (vnserm verdienst nach)
Diser hand lieblichen muhtwillen/
Vnd meines hertzens suͤsse rach
Moͤg vnabloͤßlich kuͤssend stillen
!
Vnd Sie wahre rew lehr/
Kuͤssend Sie mehr vnd mehr
!
26.
Abwesenheit.
E
Ben gleich wie die Erd
Wuͤrt mit finsternus uͤberspraitet/
Wan Ph
æ
bus seine pferd
Hat in den Nidergang belaitet:
Also ist mein gesicht verblichen
Dieweil Myrta mein Liebelein/
Vnd
Das erste Buch.
Vnd meines hertzens diebelein
Von Mir hinweg gewichen.
Gleich wie/ wan sich die Son
Abends in jhr Westhauß verstoͤcket/
Mit den sternen der Mohn
Das klare Firmament bedoͤcket:
Also bin ich mit laid vmbfassen/
Sydher Myrta mein Nymfelein/
Mein troͤstelein/ mein schimpfelein
Mich hinder jhr gelassen.
Gleich wie Apollons pracht
Mit dem lieblich-froͤlichen morgen
Hinweg-treibet die nacht/
Vnd zumahl die naͤchtliche sorgen:
Also wirt mein schmeꝛtz weggenommen/
Alßbald Myrta mein hertzelein/
Mein wohnelein/ mein schertzelein
Wirt wider zu Mir kommen.
Gleich wie der Sonnen kraft
Alle ding auf Erden ergoͤtzet/
Vnd die gewaͤchs mit saft/
Vnd das feld mit blumen besetzet:
Also soll ich mehr lusts genuͤessen/
Wan mich Myrta mein schaͤtzelein/
Mein
Das erste Buch.
Mein hertz-kuͤtzlendes schmaͤtzelein/
Wuͤrt mit kuͤssen begruͤssen.
27.
Der Lieb vnzaͤh- liche Zahl.
N
Ach dem die Nymf auß Albion (der From̃keit vnd der Tugent Cron)
Jhrer diener verdienst erwegen:
Zog Sie jhren Landshuͤrten vor
Den frembdling/ welcher Filodor
Genant ist/ seiner tugent wegen.
Fieng demnach an (fuͤr seine pein
Vnd pure trew danckbar zusein)
Jhm mit gleicher lieb zubegoͤgnen;
Das Er seinen entfreyten stand/
Vnd Amors Tyrannischen brand
Vnd stralen nu anfieng zusegnen.
Also jhr beeder schertz vnd schmertz
Wurd
Das erste Buch.
Wurd gleich/ gleich wurd jhr will vnd hertz/
Zu laid vilen jhren Landts-leuten;
Sie lieben einander so sehr/
Das all jhr sorg ist/ welches mehr
Das ander lieben kan/ zustreiten.
Nu einmahl an deß Moͤhrs gestad
Sprach Er zu jhr/ O deren gnad
Vnd lieb mich ewiglich verbinden/
Fuͤr dich hab ich mehr quahl vnd muͤh/
Dan man kan koͤrnlein sands alhie/
Oder tropfen in dem Moͤhr finden.
Myrta gab jhm hier auf antwort/
Suͤsse sehl meiner sehlen hort/
Jch trag zu dir in meinem hertzen
Mehr lieb dan minuten ein Jahr/
Mehr dan stern hat der himmel klar
Leid ich fuͤr dich heimliche schmertzen.
Alßdan der huͤrt mit grossem lust
Zog dise wort auß seiner brust/
Sovil suͤssigkeit laß Vns fuͤhlen/
Wievil blumen zieren das feld;
Vnd wievil laub tragen die waͤld/
So vil laß vns schertzen vnd spihlen.
Dar-
Das erste Buch.
Darauf mit suͤß-schmollendem mund
Sprach Sie zu jhm von hertzengrund;
So laß vns einmuͤhtiglich lieben/
Vnd laß vns nu fuͤr taussent pein/
Das die frewd dem laid gleich moͤg sein/
Mit taussent küssen auch entruͤeben.
28.
Liebliches Ge- spraͤch von der Liebe. Myrta vnd Filodor.
F
Jlodor/ sag mir doch frey/
Liebst du mich mit wahrer trew?
Ja Myrta/ ich lieb dich sehr/
Vnd ich lieb dich mehr vnd mehr.
Sag mir/ wie sehr liebst du mich?
Jch lieb dich wie eben dich:
Jch lieb dich mein schaͤtzelein/
Wie dich selbs mein hertzelein.
H
M.
Du
Das erste Buch.
Du vernuͤge stmich nicht recht;
Antwort mir fein rund vnd schlecht.
Die warheit allein ich sag/
Auf dein zweifellose frag.
So sag mir wie liebst du mich?
Jch lieb dich/ wie eben dich/
Jch lieb dich mein bluͤmelein/
Wie dich selbs mein roͤselein.
Warumb antwortest du nicht/
Jch lieb dich wie mein gesicht?
Kan mir mein gesicht lieb sein/
So ein vrsach meiner pein?
Lieber/ wie dan liebst du mich?
Jch lieb dich eben wie dich/
Jch lieb dich mein Nymfelein
Wie dich selbs mein Engelein.
Lieber/ kein gespoͤt mehr treib/
Sag wie deine sehl vnd leib.
Mein armer lieb durch lieb tod/
Hat kein sehl dan angst vnd noht.
So sag sunst/ wie liebst du mich?
Jch lieb dich eben wie dich/
Jch lieb dich mein Sehlelein/
Wie dich selbs mein troͤstelein.
M.
Sag
Das erste Buch.
Sag nicht mehr eben wie dich/
Sonder ich lieb dich wie mich.
Jch haß mich in meinem sin/
Weil ich dir nicht recht lieb bin.
So sag doch wie liebst du mich?
Jch lieb dich/ wie eben dich/
Jch lieb dich mein liebelein/
Wie dich selbs mein lebelein.
29.
Anacreontisch. Froͤlich zu leben.
W
An ich mit guter geselschaft
Vnder vollen glaͤsern gesessen/
Macht mich der suͤsse Rebensaft
Alles laids vnd vnmuhts vergessen:
Jch will stehts springen an den dantz
Gecroͤnet mit dem Ebhew-crantz.
H ij
Mein
Das erste Buch.
Mein hirn erhitzet durch ein glaß
Vermeinet mehr reichthumb zu haben/
Dan Mydas vnd Cr
æ
sus besaß:
Grosser Herꝛen gunst vnd gaben/
Dienst/ aͤmpter/ gluͤck vnd herꝛlichkeit
Trit ich zu grund als eytelkeit.
Wolan/ bring her ein volle Flasch/
Die sorg auß meinem kopf zujagen/
Vnd das ich lung vnd leber wasch/
Was hilft es sich selbs vil zuplagen?
Es ist besser zu beth voll wein/
Dan Tod in die bahr gelegt sein.
30.
Vernuͤeget vnd froͤlich.
H
O
!
laß vns gut geschirꝛ machen/
Weil wir die gelegenheit/
Laß vns singen/ springen/ lachen/
Ohn
Das erste Buch.
Ohn fuͤrsorg vnd trawrigkeit;
Laß vns sorg vnd muͤh betriegen/
So vns vnser frewd bekriegen.
Laß vns erfrischend purgieren
Alle daͤmpf/ so vnser hirn
Mit geitz vnd ehr geitz beschmieren/
Vnd mit ruͤntzlen vnser stirn/
Vnd die vns den kopf zureissen/
Vnd das haar vor der zeit weissen.
Laß vns vnverdruͤßlich leben
Recht auf gut Philosophisch/
Vnsere sehl nicht einweben
Melancolisch wie Stockfisch/
Sondern fliehen vnd vermeiden/
So vil muͤglich/ alles leiden.
Ein gemuͤht/ das nach gut trachtet„
Verleuͤret ruh/ wohn/ vnd witz;„
Charon/ der alles guts achtet„
Als einer spinadlen spitz/„
Lasset sich weder die bawren„
Noch grosse herꝛen betawren.„
Darumb laß vns nu vergessen
H iij
Aller
Das erste Buch.
Aller sorg/ angst vnd gedichts/
Froͤlich an dem tisch gesessen/
Vernuͤeget mit vnserm nichts;
Den schedel wir nur zubrechen/
Wan wir gelt zusamen rechen.
Wan mein Musa mich gewehret/
Wan ich will der Poesy/
Jst das so mein hertz begehret
Ohn andere Fantasy. „Ein frey wolvernuͤgtes leben „Jst nicht vmb ein Land zugeben.
31.
Von der Tu- gent/ vnd mancher lay Jr- tumben der menschen.
N
Ein/ Es ist nicht der Tugent schein/
So vns die wahre frewd kan geben/
Sondern die Tugent selbs allein
Kan vns machen gluͤckseelig leben;
Die
Das erste Buch.
Die Tugent selbs hat das vermoͤgen
Alle muͤh von vns ab zuloͤgen.
Die Tugent macht den menschen reich/
Das jhn die armut nie beschwehret;
Gluͤck vnd Vngluͤck gilt jhm gantz gleich/
Der hagel sein feld nicht entehret;
Gott jhn mit solchem gut belohnet/
Welches allzeit in jhm selbs wohnet.
Die Tugent gibt adel vnd ehr/
Wer sie hat der ist wolgeboren/
Ob Er wol weder Fuͤrst noch Herꝛ/
Jst Er doch von Got außerkohren:
Dan Er uͤber sein hertz regieret/
Vnd uͤber die welt triumfieret.
Obwol der Natur freye hand
Seine glider nicht wolgestaltet/
Wuͤrt der beharꝛliche wolstand
Seiner sehlen doch nie veraltet:
Soll man nu wegen guter lehren
Den hut oder das haupt mehr ehren?
Leibsgesundheit ist eine gaab/
Damit vns die Natur erlabet;
H iiij
Aber
Das erste Buch.
Aber besser ist dessen haab/
Der mit gesunder Sehl begabet/
Welche kein zufall kan erschroͤcken/
Bekraͤncken/ schwaͤchen noch befloͤcken.
Was hilft es/ das in meinem hirn
Der Zenon vnd Platon selbs stecket;
Das witzig scheinet meine stirn/
Vnd mein mund stehts von Weißheit gecket:
Wan in der Einfaͤltigen sehlen
Sich die Tugent pflegt zuverhaͤlen?
Was hilft es das ich geb bericht
Von allem/ was jemahls gewesen;
Das ich die kunst-reiche gedicht
Aller Poeten wol gelesen:
Wan Sie durch jhr liebliches liegen (Mein zeit verkuͤrtzend) mich betriegen?
Was hilft es/ das Gemaͤhld/ Gesang/
Die Zahl vnd Maaß wol zuverstehen;
Der Sternen lauf/ der Welt fortgang/
Vnd alle Laͤnder zubesehen:
Wan in sich selbs mein hertz (verblindet)
Kein zihl/ maaß/ zahl/ noch regul findet?
Was
Das erste Buch.
Was hilft es/ andern Raht/ Artzney/
Oder mein Reden zuverkauffen;
Jn frembde Land vmb spetzerey/
Oder khuͤn dem Krieg zu-zulauffen:
(get/
Wan mich kranckheit vnd zanck selbs pla-
Vnd mir der Tod allzeit nachjaget?
Was hilft es mich/ blind/ taub/ vnd stum
An grosser Herꝛen hoͤf zu wohnen/
Vnd durch Gesundheit vnd Willkum
Weder gaists noch leibs zu verschonen/
Erlangend nichts mit muͤh vnd sorgen/
Dan villeicht einen
guten morgen?
Jst es nicht fein/ eh man guts thut
Sich bitten vnd schmieren zulassen/
Mit krum-auf genagletem hut
Sich braiter machen dan dan die gassen;
Vnd mit sawr-erhabnen augbrawen
Den der besser ist schlim anschawen?
Jst es nicht ein feine mißgunst/
Das die/ so sunst die kuͤnsten fliehen/
Hochgestigen durch des gelts kunst
Die laitter nach jhnen aufziehen/
H v
Damit
Das Erste Buch.
Damit die/ deren werck bezeugen
Jhre verdienst/ nicht hin-nach steigen?
Jst es nicht artlich/ andre leut
Wollen der Seeligkeit berauben/
Vnd doch selbs nicht wissen den streit/
Noch was/ wie vnd warumb zu glauben?
Artlich ist es/ andre zu schmaͤhen
Vnd seine aigne fehl nicht sehen.
Es ist gar hoͤflich/ seine sprach
Mit frembden worten zu parlieren/
Vnd sie mit eines andern schmach/
Mit fluchen vnd bossen zuzieren;
Von spihlen/ schlimmen/ stechen/ schlagen/
Huren/ hetzen/ baitzen zusagen.
Lieblich ist es/ das arme leut
Sich vor dir naigen zu der erden:
Statlich ist es/ in kurtzer zeit
Bey seinem dienst gar reich zu werden/
Vnd doch noch dolle wort außgiessen/
Wie man dabey muͤß vil einbuͤessen.
Es ist fein/ das ein frembdling sich
Kan in ein gutes hauß einnisten/
Vnd
Das erste Buch.
Vnd mit dem fuchsschwantz listiglich
Wol auß butzet andrer leut kuͤsten;
Vnd dan/ als ein subtiler spoͤtter/
Ruͤhmet die Goͤtter seine voͤtter.
Es ist herꝛlich/ ein reiches weib (Wie Sie sunst sein mag) zu erdappen;
Vnd dann bey jhr in stehtem keib
Leben vnder der Narꝛen-kappen:
Oder ein jungfraw-Baß zufreyhen/
Damit die Herꝛen guͤnstig seyen.
Es ist kuͤnstlich/ wan einer kan
Vil guts zu nichts verdistillieren:
Es ist treflich/ mit jederman
Von jedem ding zu disputieren:
Sich in gutem gluͤck zu erfrewen/
Vnd sich selbs weiß zusein beschrayhen.
Nein. Der bemuͤhet sich vmb sunst
Ein wahres vernuͤgen zufinden/ (Er sey gleich wie Er woͤll voll kunst)
Der sich selbs nicht kan uͤberwinden;
Vnd der sein frewd vnd sein vernuͤgen
Ausserhalb Sich selbs will erkriegen.
Dan
Das erste Buch.
Dan es ja nicht der Tugent schein/
So vns die wahre frewd kan geben;
Sonder die Tugent selbs allein
Kan Vns machen gluͤckseelig leben:
Sie selbs/ die Sich einig verbindet
Mit der Gotsforcht/ stehts uͤberwindet.
32.
Anacreontisch. Reichthumb vermag nichts wider den Tod.
W
An Vns ja das gold vnd gelt
Jn der welt
Vor des Tods gewalt kont fristen:
So solt man begihriglich
Vnd billich
Schaͤtz einsamlen in die kuͤsten.
Damit in dem fall der noht
Man den Tod
Vmb das leben moͤcht bestechen/
Das
Das erste Buch.
Das Er nach empfangner Sum
Vnser Trum
Nicht mehr moͤrdrisch doͤrft abbrechen.
Weil aber des lebens lauf
Garkein kauf/
Kein geschenck/ noch gold kan stoͤllen;
Was hilft es mit grosser muͤh
Stehts alhie
Vil guts einsamlen zu woͤllen.
Besser ist es der Weißheit/
Vnd Warheit
Sich geflissen zu ergeben/
So vns eh kan dan das gelt
Jn der welt
Nach dem Tod wider beleben.
Ende deß ersten Buchs.
Etliche faͤhl so uͤbersehen worden.
Jn dem 18. blat der 15. Lini/ fuͤr vor lise Von. 22. lin. 21 fuͤr macht lise nacht. 58. lise den 8. vers also/ Pfleget in dein Haupt zu losieren. 74. den 5. vers lise: Wie jetz mehrerthails die Jungfrawen. Eben in demselbi- gen blat nach dem 17. vers/ vnd ein lehr-reiches lob- gesang/ Jst diser gantze außgelassen 2 Mit muͤh vnd zier recht außgesetzet. 77. vers 12. lise leib fuͤr lieb. 93. vers 8. lise nicht.
Was uͤbrig were/ wuͤrt der leser selbs wissen zu corrigieren.
Stutgardt/
Getruckt bey Johan-Weyrich Roͤßlin/ Jm Jahr 1618.