FURNI PHILOSOPHICI
Oder
Philosophischer Oesen
Fuͤnfter Theil.
Darinnen von des Fuͤnften Ofens wunderbahrlichen Natur vnnd Eigenschafft/
deßgleichen auch etlicher nothduͤrftigen/ zu den vor- hergehenden vier Oefen gehoͤrigen
Instrumen
ten vnd
Materia
lien/ leichtliche zurichtung vnd bereit- tung/ kuͤrtzlich/ doch deutlich ge- handelt wird.
Allen Liebhabern der wahren Hermetischen Me-
dicin/ sehr nuͤtzlich vnd dienstlich zu lesen.
Durch
Johannem Rudolphum Glauberum.
Amsterdam
/
Gedruckt bey
Hans Fabeln
. Jm Jahr
1649
.
Von bereittung des Ofens.
D
Jesen Ofen anbelangend/ davon doch in
Præfatione
des ersten Theils dieses Buchs im geringsten kein meldung oder verheissung gedacht worden/ wie ich auch nicht willens ge- wesen/ desselben in diesem fuͤnf- ten vnnd letzten Theil zu ge- dencken/ sondern hatte mir nur allein von bereittung etlicher jrdenen vnnd glaͤsernen Gefaͤsen/ vnnd andern zu den vor-her-gehenden vier Theilen/ nothduͤrftigen vnd gehoͤrigen dingen zu han- deln vorgenommen. Weilen ich aber betrachtet vnd gut gefunden/ daß seine stelle in diesem letzten Theil/ (da ich doch zuvorn ein andere darzu erwehlet hatte) vnd sonderlich darumb/ weilen keines andern Ofens hierin gedacht/ nicht vbel kommen solte. Also wil ich dem suchenden Kuͤnstler zur nachrichtung/ so viel ich thun darf vnd mir zu gelassen ist/ seine vberauß wunderbahr- liche arth vnd eigenschaft zu entdecken nicht verschwei- gen. Wiewohl ich gewiß bin/ daß jhrer sich mehr/ als an allen meinen andern Schriften/ daran stossen vnd aͤrgern werden/ vnnd sonderlich die jenigen/ welche die Natur noch nicht durchsucht haben; doch kan ich es gleichwol nicht lassen/ weilen ich dargegen auch nicht zweifele/ daß es bey etlichen fleissigen Nachsuchern der Natur vnnd Kunst/ nicht vnannehmlich seyn wer- de. Dann ich mit Warheit betaure/ daß vnter allen
A ij
meinen
Fuͤnfter Theil
meinen Secreten/ da ich hofnung zu etwas gutes in habe/ dieses mir am allerliebsten seye/ dann ich albereit wunderliche dinge darin gesehen habe/ bin auch gaͤntz- licher hoffnung/ daß mir Gott der Almaͤchtige weitern Segen darzu verleihen werde.
Was nun dieses fuͤr ein wunderbahrlicher Ofen seye/ wie er gemacht vnd gebraucht werde/ ist nicht viel davon zu schreiben/ dan er nicht wie andere Oefen auf- gebawt wird/ sondern findet sich allenthalben von der Natur bereitet/ vnnd dienet auch nur allein der Natur in jhrem vorhaben/ vnd sonsten zu gantz nichts anders/ dann allein ein solches
Menstruum,
welches nicht allein Golt/ Silber vnd alle andere Metallen vnd Minera- lien/ ja alle Edel- vnd Vnedel-gestein/ auch das Glaß selbsten ohne alle
corrosiv
vnd
strepitu
auf-loͤset/ darin gemacht wird/ vnnd ist doch der Ofen selber des
Men- strui,
vnd das
Menstruum
des Ofens vrsprung vnd herkommen. Was nun das fuͤr ein wunderbahrlicher Ofen sey/ der auß eigener kraft ein solches Koͤnigliches
Menstruum,
(der doch zuvor selber das
Menstruum
gewesen ist) ohne alle muͤhe vnnd arbeit gar bald vnnd leichtlich herfuͤr bringt/ ist leicht zu erachten/ daß es kein gemeiner Ofen sey/ dadurch man andere dinge distillire vnd gleichwol ein so kraͤftiges/ doch nicht
corrosivi
sches Wasser dargiebet. Gewißlich muß es kein gemeines/ vnd von jederman bekandtes Wasser seyn/ dan solches das einige ist/ welches mir bekant/ das nicht
corrosi-
visch/ vnd doch mehr thun kan/ als alle
corrosi
ven/ dan vnter allen
corrosi
vischen Wassern/ wie sie auch moͤ- gen genennet werden/ als
Aqua Fortis, Aqua Regis, Spiritus Vitrioli, Salis, Aluminis vel Nitri,
so maͤchtig
nicht
Philosophischer Oefen.
nicht ist/ daß es Golt vnd Silber zu gleich/ wil geschwei- gen alle andere harte/ von den staͤrckesten
corrosi
ven/ vnzerstoͤrliche dinge (wie sie auch nahmen haben) auf- loͤse. Welches fuͤrwahr ein grosses Wunder-werck der Natur ist/ daß ein solch gering-schaͤtzig/ vnachtsamb/ allenthalben findlich vñ verwuͤrflich Wesen/ ein solches vngemeines/ viel-gesuchtes vnd wenig erlangtes Werck verrichten kan. Jch weiß nicht was mich so kuͤhn ge- macht hat/ davon zu schreiben/ in deme ich wol weiß/ daß ich bey den jenigen die es kennen/ grossen vndanck/ als wann ich zu offen/ vnd bey denen/ die nichts davon wissen/ verlaͤumbdung vnd verachtung/ (gleich als wan ich keine Wahrheit geschrieben haͤtte) erlangen werde. Diese vrsach mich billich solte von solchem schreiben ab- gehalten haben/ troͤste mich aber wieder dargegen/ wei- len ich ein sehr nuͤtzlich Werck/ das manchen von sei- nem Jrthumb auf einen guten Weg bringen moͤchte/ gethan habe. Dan der mehren-theil vnter den
Chymi- cis
nicht glauben/ daß noch ein anders
Menstruum,
als obgedachte scharpffe
corrosi
vische
spiritus,
die Me- tallen darmit auf zu loͤsen/ (weilen jhnen die Natur in jhrem vermoͤgen verdeckt ist) seyn koͤnne. Da doch die Philosophi einhellig ruffen/ daß man durch
corrosi
vi- sche
spiritus
nichts fruchtbarlichs bey den Metallen verrichten koͤnne/ sondern solche nur ein verderben bey jhnen verursachen/ wie auch noch taͤglich die Erfahren- heit genug bezeuget/ daß solche
solutiones
/ die mit
Aqua Forti
oder
Aqua Regis,
oder andern
spiritibus
gemacht seyn/ alzumahl die haͤnde faͤrben/ welches ein
vera solutio Philosophica
aber nicht thut/ darauß be- wiesen wird/ daß solche
solutiones,
die die haͤnde faͤr-
A iij
ben/
Fuͤnfter Theil
ben/ vnter die wahre Philosophische
solutiones
nicht gehoͤren/ sondern als schaͤdlich zu verwerffen/ vnd als Gifft zu fliehen seyn.
Habe derohalben vielen jrrenden zur nachrichtung alhier davon etwas melden wollen. Wolle derohalben jhme niemand einbilden/ als wann ein solch gering- schaͤtzig Wesen nicht mehr als
corrosi
vische
spiritus
verrichten solte; Jch/ fuͤr mein Persohn/ habe mir selber von erst nicht einbilden koͤnnen/ daß in eim so veraͤcht- lichen
Menstruo
solche kraͤften verborgen weren/ so lang vnd viel/ biß ich durch die
Experien
tz/ die wahrheit vnd moͤglichkeit gesehen vnd erfahren habe/ vnnd gehet alhier eben also zu/ gleich wie es nun in der gantzen Welt her gehet/ nemlich/ daß von jederman nur das an- sehnliche geliebet vnd gesucht/ hergegen aber das gerin- ge verworffen vnd nicht geacht wird/ da doch die Natur al jhr Wesen in schlechtheit verrichtet/ man muß sich derowegen nicht daran kehren vnd ein ding gering ach- ten/ weilen es nicht bekandt vnd groß ist.
Die Juden aͤrgerten sich auch an Christo/ weilen Er so aͤrmlich gebohren vnd gering lebete/ welcher doch alles in allem war/ sie sahen vnd merckten wol/ daß Er solche Zeichen vnd Wunder thaͤte/ welche kein anderer/ als der verheissene
Messias
thun konte/ dannoch blieben sie bey jhrer halßstarrigkeit beharlich/ nur darumb/ weil seine gestalt so veraͤchtlich war/ vnd so Er nicht mensch- liche Natur vnnd eine geringe gestalt haͤtte an sich ge- nommen/ so haͤtte Er vnser Mittler vnnd Versuͤhner zwischen Gott nicht seyn koͤnnen/ dann durch den Fall Adams waren wir gantz von Gott gescheiden/ also daß wir in Suͤnden verhartet/ vnnd der Hoͤllen vnd Tode
gantz
Philosophischer Oefen.
gantz ergeben/ weilen der Geist Gottes von vns ge- wichen/ alzeit hetten verbleiben muͤssen. Da aber das suͤsse Manna vnd liebliche Thau/ von Oben herab auf vnsere truckene Hertzen fiele/ solche mit seinem Gnaden- reichen Wort/ vnd vergiessung seines theuren Bluts erquickete vnd befeuchtete/ also balden wurden wir wie- derumb bequaͤm den Geist Gottes zu empfangen/ wel- ches vns zuvorn vnmoͤglich war: Also siehet man klaͤrlich/ daß durch der allerverachtesten vnsere versoͤh- nung geschehen muste. Gleich wie nun die vbel-gelehr- te Phariseer vnd Hohe-priester/ sich an dem armen vnd vnachtsamen Zimmermans Sohn stiessen/ vnnd Jhn fuͤr den wahren
Messiam
nicht erkennen wolten.
Also wuͤrde es auch geschehen/ wan man das
Men- struum universale
mit nahmen nennete/ niemand et- was davon halten wuͤrde/ weilen es von jederman vn- achtsamb/ verworffen vnd allenthalben im Koth stecken bleibt/ (wil nicht hoffen/ weilen ich die verniedrigung Christi alhie angezogen/ daß es mir vbel auf genommen werden solte/ dann dieser mein Discurß nicht zu Christi verkleinerung/ sondern viel mehr zu seiner Ehre gerei- chet/ in deme Er/ vnter allen Menschen Kindern/ der aller-aͤrmste vnnd veraͤchtlichste/ dannoch das gantze menschliche Geschlaͤcht/ welches sonst kein anderer thun konte/ von allen Banden des Tenfels erloͤsen muste) al- so auch der
Mercurius universalis,
deme an veraͤcht- lichkeit in der gantzen Welt nicht vorgehet/ wann er erst selber durch den magern Tod vberwunden ist/ dem Metallischen geschlecht zu gut mit seiner herrligkeit wieder auf stehet.
Alhier koͤnte ich wol einige Gleichnuͤssen einfuͤhren/
A iiij
meinen
Fuͤnfter Theil
meinen Discurß desto besser zu erlaͤutern/ wie/ nemlich/ ein
Medium
oder
Mediator,
zwey widerwertigen na- turen vereinigen kan/ als wann man/ nemlich/ vom Wein oder Vrin/ seinen reinen
spiritum abstrahi
ret/ vnnd solchen nach der reinigung mit seinem eigenen Saltze wiederumb vereinigen wolte/ ob schon beide/ so wol der
spiritus
als Saltz/ zu vorn eins herkommens/ dannoch dieselbe ohne ein
Medium,
nemlich Wasser/ nimmermehr koͤnnen
conjun
giert werden/ vnd ist al- hier das Wasser
loco mediatoris.
Vor dem fall A- dams war Gott mit jhme/ nach vbertrettung aber sei- nes Gebotts/ wiche die gemeinschaft Gottes wieder von jhm/ vnd bliebe jhme nichts vbriges als Erden vnd Koth/ welches vnterworffen ist jammer vnd noth/ zeit- lichem vnd ewigem Tode/ so lang bis Christus Mensch worden/ vnnd sich als einen Versoͤhner ins mittel ge- legt/ haͤtte nun Christus kein beide naturen gehabt/ wie haͤtte Er vns vereinigen koͤnnen?
Gleicher weise alhier/ bey oberzehlten Exempeln/ das Wasser beider naturen theilhaftig ist/ ohne welches son- sten der subtile
spiritus
mit dem fixen Saltze nicht kan vereinigt werden. Wan es mir gezimbte vnd gut were/ viel worte davon zu machen/ so koͤnte ich leichtlich das Philosophische Werck/ mit der Empfaͤngnuß/ Mensch- werdung/ Geburt/ Leben/ Leiden/ Todt vnnd Auffer- stehung Christi vergleichen/ welches aber nicht noͤtig ist/ hab es doch nicht lassen koͤnnen/ etwas davon zu melden/ moͤchte wol wuͤndschen/ daß ich die Jrdische Wunder- wercke mit den Himlischen nur ein wenig vergleichen doͤrfte/ ich weiß dem vnglaͤubigen Thomas wuͤrden die Augen geoͤffnet/ wil sich aber nicht schicken/
wie
Philosophischer Oefen.
wie wol Moises/ Daniel/ Joseph/ vnd noch etliche an- dere Propheten/ der natuͤrlichen
Philosophia
vnd
Ma- gia,
dadurch so wol die Himlische als Jrdische Wun- der-wercke erkandt werden/ nicht vnerfahren gewesen/ vnnd an etlichen orthen sich darmit haben hoͤren lassen/ welches vnter tausendten nicht einer/ der jhre Buͤcher lieset/ in acht nimbt.
Beschließlich/ daß Gott der Almechtige/ nicht nur das Grosse vnd Ansehnliche liebe/ sondern vielmehr ni- der stuͤrtze/ vnd das Geringe erhebe/ dan Gott traͤgt kein ansehen der Persohn oder seiner Creaturen/ davon viel Exempel koͤnten bey- gebracht werden/ die Welt/ die nur das ansehnliche suchet vnd liebet/ vrtheilet von al- len dingen falsch/ darnach man sich nicht richten soll/ sondern festiglich glauben/ daß das aller fuͤrnembste/ durch gantz geringe vnnd vnachtsame dinge/ verrichtet werde.
Jch haͤtte wol von diesem Vnachtsamen
Menstruo universali
seinem geringen herkommen/ grossen Kraͤf- ten/ vnnd wunderbarlichem Wesen/ dadurch alle Me- tallen/ Mineralien/ vnd
Lapides,
seine
strepitu radica- liter solvirt, unirt,
vnd
figi
ret werden/ deren
solutio
die haͤnde nicht faͤrbet/
conjunctio
vnzertrennlich/
fi- xatio
vnverbrennlich ist/ ein mehrers schreiben koͤn- nen/ weilen mir aber nicht vnbewust/ daß man durch schreiben jhme nur selber muͤhe vnd arbeit/ ja noch wol haß/ neid/ vnnd feindschaft auf den halß ladet/ ist es bey diesem verblieben/ dann so man nur die moͤglichkeit der Natur vnd Kunst meint zu entdecken/ ist mancher nicht zu frieden darmit/ sondern meinet/ er muͤsse alsobalden alles wissen/ haben vnnd bey jederman bekant machen/
A v
wil
Fuͤnfter Theil
wil man aber nicht damit herauß/ so folget die feind- schaft/ vnnd so solche Menschen nur ein wenig wuͤsten/ wie vielmahl einer die haͤnde verbrennen muß/ ehe er et- was gutes erlanget/ sie wuͤrden anderst gesinnet seyn/ als sie thun. Wolle sich derohalben der Kunst-liebende mit diesem Discurß gnuͤgen lassen/ vnd zu frieden seyn/ daß jhme angezeigt/ was die Kunst mit der Natur ver- mag/ vnnd selber in der furcht Gottes fleissig suchen/ so zweifele ich nicht/ wan es auß guter meinung geschicht/ seine muͤhe vnd arbeit werde jhm zu seiner zeit reichlich belohnet werden.
Von auff-bawung der Oefen.
W
Je man von Steinen vnnd Laimen/ die Distillir- oͤfen zum ersten vnd andern theil auf bawen solle/ ist nicht noͤtig viel davon zu schreiben/ dan solcher Buͤ- cher sehr viel gefunden werden/ die weitlaͤuftig davon handeln/ darumb solches alhier nicht wiederholet wird/ doch ist/ so viel zu wissen/ daß ein vnterscheid muß gehal- ten werden in auf-bawung der Oefen/ dan solche Oefen darinnen keine starcke Fewer gemacht werden/ keine so starcke Mauren von noͤhten haben/ als die jenigen/ dar- innen mit grossem Fewer/ viel
sublimi
rt/
distill
irt oder geschmoltzen wird.
Zum
sublim
iren vnnd
distilli
ren kan man nur ge- meine Ziegel-steine/ von Laimen gebrandt/ nehmen/ solche fein dicht mit gutem
Luto
schliessend oder bindend auf einander setzen/ vnd auch die Mauren ziemlich dick machen/ auf daß solche die waͤrme desto besser vnd laͤn- ger halten vnnd vertragen koͤnne/ dann so man solches
vbersicht/
Philosophischer Oefen.
vbersicht/ hat man alzeit daran zu flicken/ dan die Waͤn- de bekommen leichtlich spalten oder risse/ dadurch die re- girung des Fewers verhindert wird/ derowegen man wol thut/ wann man eiserne reiffe oder baͤnder darumb leget/ so hat man des aufreissens des Ofens nicht zu be- sorgen/ vnnd gibt langwerende vnd bestaͤndige Oefen. So man aber Schmeltz- oͤfen machen wil/ dienen diese Steine nicht wol darzu/ dann sie in grosser hitze schmel- tzen/ vnnd nicht lang bestehen koͤnnen/ derowegen man dieselbe von guter Fewer-bestaͤndigen Erden/ davon die Schmeltz-tiegel vnd andere gefaͤse/ die viel Fewer ver- tragen muͤssen/ davon hernach zu finden ist/ in dazu ge- machte hoͤlzerne oder blecherne formen bereiten/ vnd dar- nach brennen muß/ vnnd nach deme der Ofen seyn sol/ rund oder viereckicht/ muͤssen auch die formen/ darein die Erden gedruckt/ gestaltet seyn/ also/ daß deren 6. oder 8. ein lege machen/ doch darff der gantze Ofen nicht von solchen Steinen auf gemauret werden/ sondern nur so weit oder hoch als die kohlen zu liegen kommen/ das vbrige kan nur mit gemeinen Steinen vollends auß ge- macht werden.
Wie man den
Lutum
zurichten sol/ mit welchem die Oefen auf-gesetzt werden.
E
Jn solcher Laimen kan auf viel vnterscheidliche wei- se zugerichtet werden/ dan immer einer sein
Lutum
anders als der ander zu-bereittet: Etliche mischen vn- ter gesiebten Laimen/ geschlagen Ochsen/ Kuͤhen oder Hirschen haar/ oder auch wol die sprewer von Gersten/ Agen von Flachs/ Scheer-Wolle/ Pferden-mist/ vnd
dergleichen
Fuͤnfter Theil
dergleichen andere dinge/ die den Laimen beysamen hal- ten daß er nicht reisse/ darzu thun sie auch gesiebten Sand/ wann der Laimen zu fett ist/ vnnd arbeiten solche
mixtur
mit Wasser wol vnter einander/ auf solche haͤr- te/ als zum bawen von noͤhten ist/ vnd helt diese
mixtur
sehr wol vnnd reisset nicht/ wird aber mit der zeit gantz muͤrb/ dann die haar/ oder sprewer verbrennen sich/ da durch der Laimen luͤck vnnd bruͤchig wird/ vnnd nicht lang halten kan.
Etliche lassen solche verbrennliche dinge herauß/ vnd mischen oder
temperi
ren den Laimen vnnd Sand nur allein mit Saltz-wasser/ vnd bawen darmit jhre Oefen/ helt sehr wol/ verbrennet nicht so bald/ wie der ersten/ vnnd reisset gleichwol auch nicht/ dann das Saltz bindet vnd verhindert das reissen/ darzu ist auch gut die Lacke oder Saltz-wasser/ welches von ein-gesaltzen Fisch oder Fleisch vberbleibt/ weilen das Blut auch mit binden hilft/ so man aber das
Caput mortuum,
wie es genen- net wird/ vom
Vitriolo
oder
Aqua forti
haben kan/ sol- ches mit Wasser weich machet vnnd vnter den Laimen vnd Sand mischet/ thut man besser/ dan dieses
Lutum
gantz nicht reisset/ vñ sehr wol im Fewer haͤlt/ damit man auch Retorten/ Kolben von Erden/ oder Glaß
luti
ren oder bestreichen kan/ die man zum distilliren gebrauchen wil/ auch koͤnnen die fugen des
Retor
ten vnd
Recipien-
ten damit bewahret werden; helt wol/ vnd laͤsst sich/ nach der
distillation,
mit eim nassen Tuch/ das man darumb leget/ wieder gern erweichen vnnd abmachen/ wie auch dieser thut/ darein Saltz kommen ist/ andere aber/ darin kein Saltz komvt/ seind vbel zu erweichen/ vnd werden bißweilen die Glaͤser damit zerbrochen/ so man aber
diese
Philosophischer Oefen.
diese oberzehlte dinge nicht haben kan/ so ist genug den Laimen vnd Sand/ nur mit einem Saltz-wasser bereit- tet/ helt wol die Oefen damit auf zu bawen. Sonsten thun auch etliche Hammer-schlag/ gestossen Glaß/ Kiß- ling/ vnd noch andere dergleichen dinge vnter dern Lai- men/ in meinung daß er desto besser im Fewer halten soll/ ist aber nicht noͤhtig zu den Oefen zu gebrauchen; doch so man Glaͤser/ darinn zu scheiden oder darauß zu
distilli
ren/ darmit beschlagen wil/ kan es nicht schaden/ sondern ist gut/ dan sonderlich der Hammerschlag/ wei- len das Saltz daran arbeitet/ wol bindet vnnd lang haͤlt.
Wie man weiters die Fugen bewahren sol/ daß die
subti
le
spiritus
nicht durch gehen.
D
Jeses ob-beschriebene
Lutum
ist gut genug/ die Fu- gen an den
distill
ir oder
sublim
ir gefaͤsen des er- sten Theils darmit zu verwahren/ da die
spiritus
lufft haben vnnd steigen koͤnnen/ derohalben nicht durch zu gehen suchen. Bey den andern Oefen aber/ darinnen
penetri
rliche
spiritus
gemacht werden/ ist er nicht gut gnug/ dan er nicht gnug haͤlt/ sondern laͤsset die
volati- li
sche
spiritus
durch-gehen/ welches ein grosser Schade seyn wuͤrde/ wan der beste Theil verlohren ginge/ derent- halben man einen andern darzu haben muß/ doch wan solcher wol trucken worden ist/ vnd man mit einem pin- sel/ klein gerieben oder gemahlen/ vngeloͤschten Kalck mit Lein-oͤhl daruͤber her streicht/ also daß der luͤcke Lai- men solches wol in sich schlucke/ so wird das
Lutum
da- von hart/ vnnd laͤsst keine
spiritus
durch-gehen/ ist aber nach der
distillation
nicht wol wieder ab zu thun/ dann
er
Fuͤnfter Theil
er das Wasser nicht gern annehmen wil/ vnnd sich er- weichen lassen/ welcher aber sonsten sehr wohl haͤlt/ dero- wegen man nur den Laimen mit Eyer-weiß anmachen kan/ auf ein Tuͤchlein streichen vnnd die Fugen damit verbinden; so man aber ein solche
distillation
thaͤte/ daß der Halß des
Recipien
ten vor grosser hitze solte zu heiß werden vnd die tuͤcher verbrennen/ so muß man ei- nen halß oder roͤhren von guter Erden oder Glaß/ zwi- schen dem
distilli
r-gefaͤß vnnd
Recipien
ten legen/ auf daß das
Lutum
nicht durch die hitze verderbe/ vnnd der
spiritus
außgehe vnnd verlohren werde: Auch koͤnnen die Fugen mit Ochsen-blasen/ die in geschlagen Eyer- weiß genetzet/ oder auch nur Steifsel auf Papier ge- strichen/ vnnd etlich mahl vber einander gebunden/ ver- wahret werden/ haͤlt alle
subti
le
spiritus,
doch muͤssen sie nicht
corrosi
visch seyn; zu den
corrosi
vischen aber dienet am besten dieser/ darunter die Remanentz/ davon ein
Aquafortis distilli
ret ist/ gemischet/ vnnd wann er trucken/ mit Lein-oͤhl vnd Kalck vberstriechen.
Solcher vnd dergleichen werden viel vnd mancher- ley gebraucht/ nach deme man jhrer vonnoͤhten hat.
Ein ander
Lutum,
auf gebrochene Glaͤser.
E
S kompt bißweilen/ daß ein Recipient oder ander Glaß von stossen/ fallẽ/ oder hitze einen Riß bekompt/ vnd doch sonsten noch gut ist; solche ritze aber/ wann die Glaͤser hernach wieder in der
distillation
warm wer- den/ forth gehen/ groͤsser werden vnnd endlich gar zer- brechen/ deme vor zu kommen/ mache einen duͤnnen
Lutum
Philosophischer Oefen.
Lutum
von Lein-oͤhl/ vngeloͤschten Kalck vnnd Mini/ streich jhn auf ein tuͤchlein/ leg es daruͤber vnnd laß es truckenen/ darnach wieder ein anders darauf/ vnd wan der Riß groß ist/ kan es nicht schaden/ daß deren tuͤchlein 3. oder 4. auf einander kommen/ haͤlt desto staͤrcker vnd laͤsst nicht weiters einreissen/ oder man kan Eyer-weiß zu Wasser klopffen/ leinen tuͤchlein darin netzen/ vnnd auf den Riß legen/ dann also bald gesiebten guten vnge- loͤschten Kalck darauf zetteln/ mit der hand hart darauf drucken/ vnnd wieder ein ander tuͤchlein/ mit Eyer-weiß genetzet/ darauf/ mit Kalck bestrewet/ also lassen tru- cken werden/ haͤlt auch sehr wohl/ doch wird dieses lie- ber von den
corrosi
vischen
spiritibus
angrieffen/ als das erste
nb.
Man muß den Kalck nicht mit dem Eyer- weiß mischen vnnd auf tuͤchlein streichen/ wie etliche thun/ es taug gantz nichts/ dann das Eyer-weiß wird hart von dem Kalck/ ehe es recht vnter einander ge- mischet wird/ derohalben nicht ankleben oder halten wil/ sondern muß also erst das nasse tuͤchlein/ vnnd her- nach auf das tuͤchlein der Kalck gestraͤuet werden/ wan das tuͤchlein schon auf dem Glaß liget/ also/ daß der Kalck nicht auf das Glaß/ sondern zwischen die beide tuͤchlein komme.
Wie man die
subti
le
spiritus
bewahren sol/ daß dieselben/ wan sie bereittet sind/ nicht verriechen.
D
Je Glaͤser darin die
spiritus
gemeinlich behalten werden/ pflegt man mit einem Stoͤpffel von Kurck oder Wachß/ vnd endlich mit einer Blasen vber-bun-
den/
Philosophischer Oefen.
den/ zu bewahren/ ist zwar gut zu etlichen
spiritibus,
die das Kurck oder Wachs nicht angreiffen/ dann alle
cor- rosi
vische
spiritus,
als
Vitrioli, Aluminis, Salis com- munis, Salis nitri, \&c.
zerfressen den Kurck/ vnnd alle
Urino
sische/ als
Cornucervi, Tartari, Salis-armonia- ci, Urinæ, Vini, \&c.
erweichen das Wachs vnnd gehen durch/ vnnd ob man schon noch andere stoͤpffel machen koͤnte/ die beiderley
Spiritus
halten koͤnten/ so ist es doch muͤhsamb/ alzeit so viel Werck zu haben/ die Glaͤser auf vnd zu zu machen. Habe derohalben den dingen besser nach gedacht/ vnnd Glaͤser machen lassen/ oben mit ei- nem Faltz/ darein sich ein Deckel schliesse/ wie bey-ge- setzte Figur außweiset/ [als zum Exempel/
A
der De- ckel/
B
das Glaß/
C
der Heber/ damit man die
spiritus
herauß hebe] in welchen Faltz man
Mercurium currentem
leget/ vnd den Deckel darauf setzet/ so laufft alsobald der
Mercurius
neben dem Deckel in dem Faltz herumb/ vnd schleusst so dicht/ daß auch das allergering- ste nicht außriechen kan/ dann der
spiritus
gehet nicht durch den
Mercurium (
nb.
)
So aber der
spiritus
gar zu
corrosi
visch were/ wuͤrde er mit der zeit den
Mercu- rium
in dem Faltz auch zu Wasser machẽ/ welches aber in langer zeit nicht geschicht/ vnnd so solches geschaͤhe/ kan er einmahl vernewert werden/ darzu ist auch nicht noͤhtig/ daß man
corrosi
vischen
spiritibus
solche Ehr anthue vnd so fleissig beware/ weilen dieselben so koͤstlich nicht seyn/ die
volatili
sche/ welche von den
corrosi
vi- schen
abstrahi
ret seyn/ greiffen den
Mercurium
nicht an/ vnd noch viel weniger die
urinosi
schen/ derent-wil- len mehrentheils diese Glaͤser erfunden seyn; koͤnnen also auf diese weise die aller-
subti
lesten
spiritus,
ohne einige
B
ver-
Fuͤnfter Theil
verliehrung jhrer kraͤften/ so lange man wil/ wol vnnd gut behalten werden/ vnnd weil man aber auß solchen Glaͤsern die
spiritus,
wan man deren vonnoͤhten hat/ nicht außgiessen kan/ dann auß dem Ranft der
Mercu- rius
mit fallen wuͤrde/ also muß man ein Glaͤßlein darzu machen lassen/ an gestalt eines Hebers/ damit man die Weine auß den Faͤssern hebet/ doch kleiner/ mit einem Baͤuchlein vnnd sehr spitzigen Muͤndlein; welches Glaß man in den
Spiritum
helt/ vnnd so viel hinein laͤsst gehen/ als man haben oder gebrauchen wil/ vnd wan man mit dem Finger das ober-theil des Glaͤß- leins zu haͤlt/ so laͤufft nichts herauß/ vnd kan man auß dem Glaͤßlein den
Spiritum
in ein besonder Glaͤßlein lauffen lassen vnd gebrauchen; den vbrigen
Spiritum
muß man dan alsobald wieder zu decken/ so bleibt er al- zeit gut/ vnnd so oft man etwas davon gebrauchen wil/ solches mit dem glaͤsern Heberlein herauß nehmen. Dieses ist nun der beste Weg/ der mir bewust/
subti
le
spiritus
vor
exhali
ren zu behalten.
Wie wohl dieses auch nicht boͤß ist/ wann man solche in Glaͤsern bewahret/ darauf geschlieffene Staͤmpfel von Glaß gemacht seyn; halten auch alle
spiritus,
ko- sten aber viel mehr als die ersten/ weilen das schleiffen muͤhsam ist/ vnd geschicht solches also.
Wie man die Stoͤpffel von Glaß/ in die Glaͤser schleiffen sol/ die
spiritus
darin zu halten.
L
Asse dir in einer Glaß-huͤtten allerhand Flaͤschen/ groß vund klein blasen/ mit einem starcken Halß vnd
Mund/
Philosophischer Oefen.
Mund/ darzu auch Glaͤserne Stoͤpffel/ die sich darein schicken/ vnd wann du die Stoͤpffel dicht machen vnnd schleiffen wilt/ so
accommo
dire dieselben in ein Holtz ge- fasst an ein Traͤhe-banck/ laß solchen vmblauffen/ vnnd halte die Flaͤsche mit dem Mund dargegen/ also daß der Stoͤpffel/ der zuvor mit gemahlen Schmirgel vnnd Wasser angefeuchtet sey/ just in der Flaͤschen Mund gehe vnnd darin herumb lauffe/ vnnd muß zum oͤftern die Flaͤsche/ die man in den Haͤnden hat/ von dem Stoͤpffel/ der an der Traͤhe-banck fest ist/ abgenommen werden; mit einem Pinsel oder Feder mehr angefeuch- ten Schmirgel daran thun/ vnnd lassen vmblauffen/ so oft wiederholet das anstreichen des Schmirgels/ biß du siehest/ daß der Stoͤpfel sich wol in die Flaͤsche schliesse/ wan solches geschehen/ so fege den Schmirgel mit ei- nem reinen Tuͤchlein schoͤn vnnd sauber auß der Flaͤ- schen Mund vnd Stoͤpfel/ vnd streiche geschabten Trip- pel oder ein ander fein geschleimte Erden mit Wasser oder Oel angefeuchtet daran/ vnd laß wieder so lang schleiffen mit oͤfterm anstreichen des nassen Trippels/ biß der Stoͤpffel gantz glat vnd hel
pall
irt ist; wan solches geschehen/ so binde denselben mit eim Band an die Flaͤ- sche/ auf daß er nicht verwechselt werde/ damit man die Glaͤser dicht zu macht/ daß kein
Spiritus
darbey auß- gehen mag.
Auf daß du aber so viel von dem Stoͤpffel vnd Flaͤ- schen nicht schleiffen darfst/ so laß dir von Kupffer eine Form machen/ darein der Glaͤsern Zapffen/ wann er noch weich ist/ vnd erst auß den Ofen kompt/ gestossen/ vnd fein rund werde; deßgleichen kan man auch ein ge- gen- huͤlsen von Kupffer machen lassen/ welchen man
B ij
in
Fuͤnfter Theil
in der Flaͤschen Mund stecke/ vnd denselben damit rund mache/ weil er noch weich ist/ auf daß man hernach den Stoͤpffel in das Glaß desto eher vnnd leichter dicht ma-
chen koͤnne: [Als bey Exempel/
A
der Stoͤpf- fel/
B
das Glaß] Vnd so du wol damit weist vmb zu gehen/ koͤnnen sie gar geschwind behaͤb ge- macht werden: Weilen aber nicht ein jedweder eine Traͤhe-banck hat/ daran er den Stoͤpffel auf das Glaß schleiffe/ so kan man nur also thun/ ist eben gut/ gehet aber etwas laͤngsamer zu/ ist aber dagegen auch wieder sicherer/ als das vorige mit der Banck/ daran bißweilen/ wann man zu sehr eilet/ die Glaͤser warm werden vnd springen.
Vnd geschicht also; man macht ein besonder Jnstru- ment von Holtz oder Eisen/ darin man die Flaͤsche fassen kan/ setzet dieselbe hinein/ schraubet das Jnstru- ment fein lind zusamen/ auf daß die Flaͤsche/ welche in Tuͤcher gewickelt/ nicht da von zerbreche/ vnnd weilen das Jnstrument auf ein Banck geschraubet/ kan es sich nicht bewegen/ sondern muß vnverruckt stehen bleiben.
Dar-
Philosophischer Oefen.
Darnach machet man den Zapffen in ein besonder Holtz [als bey Exempel/
A
der Treiber mit dem
Recip.
vnnd
B
das Glaß mit dem andern
Recip.
]
(welches sich in der mitte von einander thut/ vnd wieder zuschrauben laͤsst) auch fest/ vnd streiche auf den Zapf- fen Schmiergel/ mit Wasser angefeuchtet/ wie oben ge- meldet; nimbt das Jnstrument/ darein der Zapffen ge- fasst/ mit beiden haͤnden/ vnnd reibet damit den Zapffen
B iij
in
Fuͤnfter Theil
in der Flaͤschen Halß staͤtig vmb vnnd vmb/ gleich als wie die Kupffer-giesser thun/ wann sie die Kranen dicht machen/ die man in die Wein- oder Bier-faͤsser stecket/ vnd muß solches vmbreiben so lang geschehen/ biß der Stoͤpffel wol darein schliesse; darnach aufs new wieder mit Trippel gethan/ so wird es dicht vnd gut/ gleich als wan es an einer Traͤhe-banck gethan were.
Auf diese weise muͤssen auch die grossen Glaͤsernen
Recipien
ten/ zu dem ersten Ofen gehoͤrig/ in einander geschlieffen werden/ auf daß man dieselben nicht verlu- tiren darf/ wie oben davon gedacht worden. Deßglei- chen werden auch die Stoͤffel in die Phiolen geschliffen/ darin man etwas figiren wil/ auf daß man solche nicht verlutiren darf/ sondern nur den Stoͤpffel darein setzet/ vnd ein Bleyern huͤtlein darauf hencket/ wofern die
spi- ritus
durch vbel regierung des Fewers zu starck getrie- ben wuͤrden/ das Glaß nicht zerspringe/ sondern den Stoͤpffel etwas aufheben vnnd luft schoͤpffen koͤnne/ weilen dan solcher mit einem Bleyern huͤtlein beschwe- ret ist/ alsobald wieder darauf sitzet vnd die Phiol wie- der geschlossen ist/ vnnd ist dieser
modus
die Phiolen zu stopffen/ viel besser/ als wann solches mit Kurck/ Wachs/ Schwefel oder andern dingen geschehen were; dann wann ja vbersehen wird/ daß das Fewer zu starck gehet/ gleichwol das Glaß nicht brechen kan/ sondern so oft der
spiritus
zu viel werden/ der Stoͤpffel nur ein wenig außlaͤsst/ vnnd das Glaß gantz bleibet: Wiewol nun dieser
modus
besser als der bekandte ist/ so ist doch noch ein besserer/ die
spiritus
zu halten/ vnnd doch kein Glaß brechen kan. Nemblich dieser/ daß man eine trumme glaͤserne Roͤhren machen lasse/ nach beygesetz-
ter Fi-
Philosophischer Oefen.
ter Figur; in welches Bauch man ein oder zwey loth
Mercurii vi- vi
leget/ vnnd setzet diese Sack-roͤhren mit dem
Mercurio
auf die Phiol/ darin die
materi
zu figi- ren ist/ [als zum Exem- pel/
A
die Sack-roͤhre/
B
die Phiol/ vnnd oben von dem Bleyerne huͤt- lein
A,
mit der Phiol
B
vermeldet ist/] vnnd verlutire solche auf die Phiol/ darin deine
mate- ri
zu figiren ist/ so kan die Phiol nimmermehr bre- chen.
nb.
Diese ob erzehlte weise/ die Glaͤser vor dem zerbrechen zu be- wahren/ seind zwar an sich selber gut/ bey denen/
die auf keinem rechten Weg seind/ vnnd sich mit aller- hand
distilli
rten
spiritibus,
der Salien/ Mineralien vnd Metallen zu figiren martelen vnd quaͤlen; welche/ so dieselbe schon durch lange zeit/ mit vielem kosten fix gemacht dannoch das jenige nicht thun/ was von jhnen verhoffet wird/ in dem solche
fixationes
durch gewalt vnd zwang geschehen seyn/ die der Natur entgegen; wo man aber etwas nuͤtzliches in figirung der
B iiij
Geister
Fuͤnfter Theil
Geister zu hoffen hat/ muß die Natur gefolgt werden/ vnnd nicht also plumb darein gedapt/ dann nur die vn- weisen in jhrer vermeinten
Tinctur
viel Glaͤser zer- brechen die
Philosophi
aber nicht/ dan alles das mit ge- walt geschicht/ ist der Natur entgegen/ vnnd alles was mit der Natur gehet/ geschicht auß liebe; derohalben all die jenigen irren/ vnnd zu keinem guten Ende nimmer- mehr gelangen werden/ die jhre
fixationes
mit gewalt vermeinen zu verrichten.
Jch kan nicht glaͤuben/ wann man halb oder gar ge- toͤdtete
corpora
zwingen wolte/ daß dieselben sich mit ein ander vermischen vnnd vermehren solten/ geschehen wuͤrde; das aber glaub ich wol/ wann ein lebendiger ge- sundter Man mit einem lebendigen gesunden Weib/ zusamen behoͤrlich wol gespeiset vñ getraͤncket wuͤrden/ daß beider angebohrne Natur die vermischung vnnd forth-pflantzung selber/ ohne zwang/ verursachen. Ja lieb vnd leid bey einander außstehen/ vnnd bey einander leben vnnd sterben; jene aber die todt sind/ vnnd mit gewalt zusammen gebracht/ alzeit todt bleiben wuͤrden; dann sehet doch an/ wie viel wunderbahrliche
Jnstru- menta
von Golt/ Silber/ Kupffer/ Eisen/ Zin vnnd Bley/ wie auch von Erden/ Glaß/ Stein/ vnd andern
Materia
lien formirten geschirren/ hat man doch ge- sucht den armen
Mercurium
mit gemeinem Gold vnd Silber zu figiren/ vnnd Fewer-bestaͤndig zu machen/ aber niemahls hat gluͤcken wollen/ weilen beide nicht zu- sammen gehoͤren/ vnd keine angeborne liebe zusammen tragen; dann ob schon der
Mercurius
den Metallen an- haͤngt/ oder die Metallen jhme/ so geschicht doch solches nicht/ als wann dieselben zusammen gehoͤrten/ vnd eins
dem
Philosophischer Oefen.
dem andern zur verbesserung vnd forthpflantzung helf- fen koͤnte/ gantz nicht/ weilen gnug bekant ist/ wan solche
conjunctio
das Fewer empfindet/ der
Mercurius
im geringsten bey dem Golt/ Silber oder andern Metallen bleiben wil/ noch kan/ sondern sich gaͤntzlich davon scheidet/ welches genug anzeigt/ daß kein angebohrne Liebe zur vermehrung zwischen jhnen sey/ vnnd auch nimmermehr werden kan; die jenige Dinge aber/ die zusammen gehoͤren/ lieben auch einander/ vnd weichen nicht wieder von einander/ wann dieselbe auch noch so fluͤchtig weren/ gleich wie der
Mercurius
bey dem Golt vnd Silber
communi
thut/ sondern halten also zu- sammen/ daß auch das Fewer mit al seiner macht so starck nicht ist/ solche wieder zu trennen oder scheiden; darumb man wol in acht nehmen muß/ wann man et- was figiren wil/ ob es auch zusammen gehoͤre oder nicht/ findet man solches/ so darf man sich nicht vmbsehen wo man Glaͤser mit langen haͤlsen hernehmen woͤlle/ die- selben zu figiren/ sie werden sich selber halten vnnd bin- den/ weilen eins zum andern gehoͤret; so du aber solche Dinge nicht kennest/ so bleibstu besser davon/ vnnd lasse dein kochen verbleiben/ dan doch nichts gutes auß kom- men wird/ wie ich vnnd andere solches mit schaden ge- nug erfahren haben/ vnd noch taͤglich von vnzaͤhlichen erfahren wird; daß du mich aber besser verstehest was zu- sammen gehoͤre vnnd sich im Fewer behalte/ so mercke dieses.
Nemlich/ so jemand gemein regen- oder ander Was- ser auf Golt/ Silber oder ein ander Metall giessen wolte/ in meinung/ solche beide zusammen zu figiren; wuͤrde nicht jederman seiner spotten/ vnnd sagen/ daß er
B v
ein
Fuͤnfter Theil
ein naͤrrisch Werck vor haͤtte? Jch glaub ja/ er muͤste dan selber ein Narr seyn: Siehe nun/ lieber Sucher der Kunst/ wie vnverstaͤndig doch in diesen wichtigen Dingen gehandelt wird/ dann der mehrentheil Zeit bey den Gelt- geitzigen Al- gemisten mit solchem lumpen werck zugebracht wild/ dahero sie auch einerndten was sie gesaͤet haben/ vnd endlich nach viel erlittener muͤhe/ arbeit/ gestaͤnck vnd wachen/ das Werck als vntuͤchtig muͤssen ligen oder stehen lassen. Ob nun schon eben kein gemein Wasser dazu genommen wird/ so habe ich doch viel mahl gesehen vnnd gehoͤrt/ daß etliche den Majen-Taw/ Schnee oder Regen/ der im Mertzen ge- fallen/ Wasser/ welches von den Stern-butzen/ etlichen Kraͤutern/ Thieren vnd andern zu solchem Werck vn- tuͤchtigen dingen gedistillirt worden/ fuͤr jhr
Menstruum
gehalten/ vnd darin gesudelt: Wie nun diese oberzehlte Dinge vnmoͤglich mit einem Metall
radicaliter
zu
conjun
giren seyn/ also wird auch in ewigkeit nichts gu- tes darauß koͤnnen gemacht werden/ dan sie so weit von einander seyn; vnd ist eben als wolt einer ein hohe oder lange Leiter auf steigen/ welche viel sprossen haͤtte/ vnd von der vntersten auf die oberste schreitten/ welches dan nicht geschehen wuͤrde; also ist auch vnmuͤglich/ Dinge zusammen zu fuͤgen/ die weit in jhrer Natur von einan- der seyn. Gleich wie man aber algemach ohne gefahr eine sehr hohe Leiter gantz gemaͤchlich/ wan man/ nem- lich/ von einem sprossen auf den andern schreittet/ auf- steigen kan.
Also auch geschicht/ wann man ja die
extrema,
wel- ches doch vnnoͤtig/ wolte zusammen bringen/ erstlich das jenige in eine solche
materi,
die jhme am nechsten
verwandt/
Philosophischer Oefen.
verwandt/ bringen muͤste; hernacher solche wieder mit einer/ die jhme am naͤchsten were/ vnd also forthan/ solte es wol geschehen koͤnnen/ aber in einer sehr langen Zeit/ ohne nutzen vnd gewin. Derohalben man solche Din- ge zusammen setzen solte/ die einander nahe verwandt seyn/ so wird sich eines des andern erfrewen/ gern em- pfangen/ vberwinden vnd behalten.
Als zum Exempel/ es ist ein einiges Saltz/ welches ein jedweder gemein Wasser
corpora
lisch zu machen/ vnd in ein hart
corpus
selbigem Saltze gleich/
coagu-
liren vnd zu figiren macht hat/ welches sonsten kein an- der Saltz thun kan; deßgleichen kan dasselbe Saltz nur von einem einigen Mineral/ welches doch zu vorn gantz vnhaͤltig/ in kurtzer zeit mit dem Mineral figiret wer- den. Auch koͤnnen die Mineralien durch Metallen/ vnd die Metallen (dieses letzte ich zwar noch niemahls gethan) durch eine solche
materi,
die besser ist als ein Metall/ ohne zweifel fix vnnd in allen proben bestaͤndig gemachet werden; daß es aber darumb noͤtig seyn solte/ wan man Mineralien oder Metallen figiren wolte/ erst zu vnterst an zu fangen das Wasser in ein Saltz/ vnnd das Saltz in ein Mineral zu verwandeln/ nein gantz nicht/ man darff solchen weiten Weg nicht nehmen/ sondern nur anfangen/ an solchen Dingen/ da die Na- tur albereit jhr bestes an gethan/ vnnd daran weiters zu arbeiten aufgehoͤret hat/ dann solte hofnung seyn/ wan keine wider-waͤrtige Naturen zusammen gesetzet wuͤr- den/ daß etwas gutes darauß werden moͤchte/ sonsten gantz nicht/ siehe an/ wie gern die Natur doch helffen wil/ wan jhme nur das jenige geben wird/ deme sie helf- sen kan.
Als
Fuͤnfter Theil
Als zum Exempel: Mache ein rein Saltz durch
sol- vi
ren vnnd
coaguli
ren auß dem gebrandten
Tartaro,
(bilde dir aber nicht ein/ daß dieses Saltz das jenige sey/ davon ich kurtz oben gedacht/ gantz nicht/ dann noch ein anders vnnd bessers ist) vnnd Waͤge solches nach dem außgluͤen/ vnnd behalt das gewicht/ darnach giesse halb so schwer/ als das Saltz gewogen/ rein Regen-wasser darauf/ auf daß du aber keinen arg-wohn habest/ daß das Wasser etwas vnreines bey sich gehabt/ so distillire solches zuvorn/ vnnd setze das Saltz mit dem Wasser in einen Sand oder
Balneum, abstrahi
re das Wasser fein linde davon/ giesse solches wieder darauf/ ziehe es wieder davon/ vnd solches auf giessen vnd
abstra
hiren thue so oft vnnd lang biß es genug ist/ oder biß al dein Wasser verlohren ist; dann nimb das Saltz auß dem kolben/ gluͤe solches auß vnd waͤge es/ so wirstu befinden/ daß es am gewicht wird zu genommen haben; vnnd ist solches gewicht oder zuwachs nicht anders als Wasser gewesen.
nb.
Die
coho
bierung des Wassers vber dem Saltz muß aber sehr oft geschehen: Siehe/ also kan durch Kunst das Wasser zu einem Saltz werden/ vnnd so forth an; so du das nicht glauben kanst/ daß auß ei- nem greiflichen Wesen/ ein ander greifliches vnd fixers werden kan/ wie soltu dan glauben koͤnnen/ daß ein vn- greiffliches Wesen/ als die Sonn oder nur das Fewr/ greifflich vnnd fix/ davon in meinem Tractaͤtlein/
De Auro Potabili vero,
etwas meldung geschehen/ vnnd hernach in
libro de Generatione Metallorum,
ein mehrers (geliebt es Gott) folgen soll/ werden koͤnne?
Dann dieses mustu wissen/ daß sich die
Elementa
mit jhren Fruͤchten
circu
liren/ sich eins in das andere
verwan-
Philosophischer Oefen.
verwandelt/ sich eins von dem andern nehret vnnd er- haͤlt; als Erden gibt Wasser/ Wasser gibt Lufft/ Lufft macht Fewer/ vnd Fewer wird wieder zu Erden; wann es rein ist/ wird auch ein reine Erden darauß/ ꝛc. Auf daß du aber wohl verstehest/ wie das jenige/ das sol fi- girt werden/ muͤsse von einem andern darzu es sonder- bahre liebe vnnd freundschafft trage/ gehalten werden/ so mercke diß grobe/ doch dentlich Exempel: Wann ein Ackerman etwas in die Erde saͤen wil/ daß es sich darin vermehren solle/ so ist es jhme nicht gleich/ in was Er- den er seinen Samen lege/ sondern erwchlet jhme ein sol- che Erden/ die auch bequaͤm sey zur vermehrung seines Sahmens/ als ein solche/ die nicht zu trucken noch zu naß sey; dann so er in lautern Sand seinen Sahmen legen wolte/ wuͤrde derselbe darin nicht koͤnnen forth kommen/ sondern verdorren vnd gantz verderben; so er aber solchen in ein Wasser legte/ verfaulen vnd gleicher weise verderben. Dan ein jedweders/ das sol erhalten werden vnd bleiben/ in seiner gleichmaͤssigen
tempera-
tur bestehen muß/ vnd je gleichmaͤssiger
tempera
tur/ je bestaͤndiger Wesen.
Weilen dan zu forth-wachsung vnd vermehrung der
vegetabi
lien eine feuchtigkeit noͤhtig/ ohne welches sie nicht forth-wachsen koͤnnen/ vnd ob schon der Same in einem nassen Sande laͤge/ vnnd hernach die warmen Sonnen stralen hart darauf fielen/ so wuͤrde das Was- ser gar leichtlich durch die hitze derselben auß getrieben/ vnnd der Samen in dem trucknen Sande verbrennen vnd verderben/ weilen das Wasser mit dem Sand kei- ne gemeinschaft hat/ vnnd von jhme nicht kan gehalten werden/ dadurch der Sahmen seine nahrung vnnd
wachstumb
Fuͤnfter Theil
wachstumb behielte/ so aber in dem Sande ein bequaͤ- mes Saltz ist/ daran sich der Regen halten/ vnd vor der Sonnen hitz ohn auß getrieben bleiben kan/ so haͤlt der Sand das Saltz/ vnnd das Saltz das Wasser/ dadurch die Frucht seine nahrung hat.
Es gilt aber nicht gleich/ was es fuͤr ein Saltz seye/ dan ob schon Christus bey
Luce 14. v. ult.
saget: Wan das Erdreich nicht gesaltzen ist/ so ist es dumm/ vnd kan keine Frucht bringen; so ist doch kein gemein Saltz ge- meinet/ dann etliche
Salia,
als
Sal commune, Vi- trioli, Alumnis
vnd dergleichen/ den Gewaͤchsen nicht allein keinen nutzen bringen/ sondern auch gantz schaͤd- lich seyn/ vnd das wachstumb wegen jhrer trucknen vnd scharpffen Natur verhindern/ hergegen aber die
Urino- si
sche
Sali
en dasselbe befoͤrderen; welches die Bauren besser verstehen/ als oftermahls die vermeinte
Philoso- phi:
Dann wann ein Erdreich vnfruchtbar ist/ wissen sie jhme mit den
Excrementis
der Thieren zu helffen/ welches dan nichts anders ist/ als ein
Urino
sich Saltz mit eim Schwefel vermischet/ davon die Erden fett vnd fruchtbar gemacht wird/ auf solche weise/ wie oben gemeldet/ nemlich/ dem Regen-wasser ein
vehiculum
zu geben/ daß es so leichtlich nicht von der Sonnen wird auß getrucknet/ vnd liebet auch ein jedweder Sah- men/ welcher in einem
Sale urinoso
vnd
Sulphure
be- stehet/ gern seines gleichen/ davon er seine nahrung hat vnd geneusst/ welches so wohl bey den Gelehrten als Vngelehrten wenig in acht genommen wird; die Bau- ren seind zu entschuldigen/ daß sie nicht mehr wissen/ als was sie von jhren Vorfahren gesehen/ vnnd als ein Handwerck nach thun; andere aber/ deren Nahmen ich
nicht
Philosophischer Oefen.
nicht beschaͤmen wil/ die sich ruͤhmen/ vnd ein Titel fuͤh- ren etwas in der Natur zu verstehen; solten billig besser vrsach vom wachstumb aller Dingen zu geben wissen/ als sie thun/ welches fuͤrwahr ein schande ist/ daß die Bauren in solchen Dingen mehr verstehen als die Ge- lehrten; jederman kan das wol sagen/ der Mist duͤnget vnd macht wachsen/ aber wie er wachsen macht/ wird geschwiegen; wan kein
Sal-nitrosum
in dem Mist were/ gewißlich wuͤrde er nicht fruchtbar machen/ dann ge- nugsamb bewust ist/ daß auß allen
Excrementis anima- lium,
ein guter Salpeter kan gemacht werden/ bestehet also die gutthat des Mists nur allein im
Sale urinoso,
welches darin ist/ vnd nicht in dem Strohe oder Huͤlsen.
Moͤchte jemand sagen/ muß dann eben ein solches Saltz dem wachstumb der
vegetabi
lien dienen vnnd helffen/ das in dem Mist der
Animalien
ist/ warumb thut es nicht auch ein ander Saltz; darauf ist albereit schon oben geantwortet/ daß gleich seinem gleichen helf- sen kan vnd muß/ vnnd ein
contrarium
das ander ver- derbe: Dann die erfahrung bezeuget/ daß ein jedweder Sahmen nicht in eim
Sale acido,
sondern in einem
Sale urinoso
mit
Sulphure
vermischt bestehet/ darumb er auch seines gleichen suchet vnnd liebet; der solches nun nicht weiß oder glauben wil/ der kan es versuchen/ vnd distilliren
per Retortam,
ein pfund Sahmen eines Krauts/ welches er wil/ so wird er befinden/ daß kein
spiritus acidus,
sondern ein
phlegma
mit vielem Oel vnd
Sale volatili
vbergehet; also/ daß der gantze Reci- pient davon weiß vberzogen wird/ welches kein Wurtzel oder Stiel des Krauts thun wird; dann die edleste Kraft/ Geruch vnd Geschmack der wachsenden Din-
gen/
Fuͤnfter Theil
gen gehet bey allen
Vegetabi
lien/
Anima
lien vnd
Mi- nera
lien in den Sahmen/ vnd hat die vorsichtige Na- tur daran jhr bestes gethan/ daß sie/ nemlich/ das beste theil in den Sahmen ordiniret hat/ der auch das meiste außstehen vnd leiden muß/ vnd wird der Sahmen/ wie gesagt/ von seines gleichen vnterhalten/ ernehret/ vnnd gespeiset.
Dieser Discurs hette wohl alhier koͤnnen aussen ge- lassen bleiben/ ist aber nur darumb geschehen/ auf daß man des wachsens aller Dingen vrsach erkenne/ vnd auch das jenige von
attrahi
rung oder
figi
rung aller Dingen desto besser koͤnnen verstanden werden.
Muͤssen also zum beschluß alle wachsende vnnd ver- mehrende/ so wol
vegetabili
sche/
animali
sche als
Mi- nerali
sche Dinge auß angeborner liebe/ vnnd nicht auß zwanck vnd trang/ geschehen/ gleich bey den vermeinten Chimisten taͤglich gethan wird; vnd ist auch kein wun- der/ daß so viele jhr gewuͤndschtes Ende nicht erlangen/ weilen sie gegen die Natur jhr Werck anstellen vnd zu vol-fuͤhren vermeinen.
Derohalben auch ein jedweder/ der etwas zu figiren gesinnet ist/ zusehe/ was er jhme zusetze/ dardurch solches gehalten werde/ dann ohne ein haltung ist es vnmoͤglich das geringste zu figiren/ das Fewer thut zwar sein be- stes/ aber es kan nicht helffen/ das gegen die Natur ist; vnd wann es etwas antrifft/ das nicht nach der Natur
ordin
irt oder
constru
irt ist/ verzehret vnd verderbet es gaͤntzlich/ vnnd kan nichts gegen das Fewer bestehen/ als allein das jenige/ das wol vnnd rechtmaͤssig zusam- men gehoͤret; darnach sich ein jedweder zu richten vnd sein
fixation
an zu stellen (auf daß er nicht verlohren muͤhe vnd arbeit zu lohn bekomme) wissen wird.
Wie
Philosophischer Oefen.
Wie man gute bestaͤndige Tigel machen sol.
W
Eilen man zum vierten Ofen gute Tigel vonnoͤh- ten hat/ vnd solche nicht allenthalben zu bekommen seyn/ also achte ich gut jhre bereittung zu beschreiben/ dann ich wol weiß/ daß manchem oftermahls solche mangeln/ vnd sich mit vntuͤchtigem gut behelffen muß/ da dann nicht allein vielmahls grosser schaden gelitten wird/ wann dieselben im Fewer nicht halten/ sondern reissen/ vnnd das Metall außlauft/ sondern auch gantz verdrießlich ist/ wann man das auß-gelauffene Metall in der Aschen suchen/ vnd sein vorhabend Werck aufs newe wieder anfangen muß.
Es ist ein grosser Jrꝛthumb vnnd Thorheit (bey den
Chimicis,
Golt-schmieden/ Scheidern vnnd andern/ die Tigel gebrauchen) bißhero gewesen/ daß sie/ nem- lich/ jhnen eingebildet/ als wann nirgends gute Erden/ Tigel davon zu machen/ als in Hessen zu bekommen were; haben derohalben die Hessische/ wie auch Gibser Tigel vnnd Erden mit grossem vnkosten hohlen lassen/ vnnd nicht gedacht/ daß allenthalben dergleichen gute Erden in Teutschland mehr zu finden were/ welches ein grosse Einfaͤltigkeit der Menschen ist; ich muß be- kennen/ daß die Hessische Erden schr gut ist/ Retorten/ Tigel/ Muͤffel/ vnnd andere Gefaͤß/ die im starcken Fewer halten sollen/ davon zu machen/ wie auch die Gibser vnnd Waldenburgische sehr gepriesen vnnd ge- suchet werden: Vnd solches darumb/ weilen man nicht gewust/ daß an andern oͤrthern dergleichen gute Erden
C
auch
Fuͤnfter Theil
auch zu finden seye: Nun aber vor wenig Jahren ha- ben sich einige vnterstanden von Erden (die auß Franckreich vnd Engelland in Holland gebracht wird) Tigel vnnd dergleichen Gefaͤsen (die im Fewer halten sollen) zu machen; vnd seind nicht zu verachten/ halten im Fewer ziemlich wol/ koͤnnen aber nur Metallen vnd nicht wol
Salia
(weilen solche nicht so
compact
als die Hessische/ sondern sehr luͤck vnd
porosè
seyn) darinn ge- schmoltzen werden/ derohalben die Hessische/ wann sie am rechten Orth herkommen/ noch biß dato den preiß behalten haben/ welche nicht allein die Metallen/ son- dern auch alle
Salia
viel besser halten/ vnd ob man schon dieselbe Erden/ davon die Tigel in Hessen gemacht wer- den/ an andere oͤhrter hat bringen lassen/ hat es doch solche gute Tigel nicht geben wollen/ darumb mancher gemeint/ daß es der Luft vnd Gelegenheit des Landes thun muͤsse/ welches doch nicht ist/ sondern hat jhnen nur gemangelt die bereittung vnnd brennung; dann in Hessen das Holtz so thewr nicht ist/ wie in Holland/ da- selbsten sparen sie kein Fewer/ jhre Tigel damit dicht vnd biß auf Stein-hart zu brennen/ welches ein kleines Fewer von Turff nicht thun wil. Derohalben die Ti- gel/ die nicht hart genug gebrandt seyn/ nicht alle Dinge halten koͤnnen/ wie die Hessische thun.
Eben ein solcher Jrꝛthumb wird begangen/ wegen der Kannen/ Potten vnnd andern Geschirren/ welche bey Coͤlln zu Frecheimb/ Sieburg vnd andern Orthen gemachet/ vnnd schier durch gantz
Europam
verfuͤhret werden/ in deme man jhre guͤtigkeit nur der Erden vnd nicht der arbeit vnd machens zu geleget; nun aber wird den sachen besser nach gedacht/ vnd befunden/ daß ein
gute
Philosophischer Oefen.
gute Erden/ allein starck durch Fewer seine haͤrte vnnd steinichte Natur/ vnd nicht von dem Orth da sie gegra- ben wird/ erlangen; vnnd ist wol glaͤublich/ daß solche gute steinerne Gefaͤß mit der zeit an andern Orthen zu machen/ weilen es wol thunlich ist/ auch wird einen an- fang nehmen/ dann ein jedweder Erden/ die im brennen weiß bleibt/ gibt zwar in kleiner gluth nur luͤcke Tigel vnd Kannen/ mit sehr starckem vnnd langwehrendem Fewer aber gantz
compacte,
einem Glase gleich/ dichte vnnd glatte Geschirr/ insonderheit/ wann man gemein Saltz haͤuffig darauf wirft/ wann der Ofen am aller- heissesten ist/ welches Saltz dann den jrdenen Gefaͤsen/ (ob sie schon inwendig
compact
genug gebrandt seyn) noch zum vberfluß außwendig eine glaͤtte/ als wann sol- che verglasuret/ weren; die dan alle
Spiritus
desto besser halten/ anbrennet.
Derohalben niemand zweifeln sol/ daß auß anderer Erden/ die sich weiß brennet/ nicht eben dergleichen gu- te Geschirr/ an allen Orthen/ mit sehr starckem Fewer solten koͤnnen gebrandt werden/ vnnd je weisser sich die Erden brennet/ je besser Tigel vnnd schoͤnere Kannen davon zu machen seyn: Weilen aber in bereittung der Erden ein grosser vnterscheid ist/ wann Tigel die ins Fewer gehoͤren/ oder Kannen die ausser den Fewr nasse dinge halten muͤssen/ darauß sollen gemacht werden/ so wil ich beder bereittung/ nemlich/ der Kannen/ die zum ersten vnnd andern Ofen/ vnd auch der Tigel/ die im vierdten Ofen zu gebrauchen noͤhtig seyn/ beschreiben.
Welches dan also geschicht/ wan man eine reine vnd weisse Erden probiren wil ob sie gut ist/ vnnd sich hart brennen lasse/ so muß man derselben ein stuͤcklein/ eins
C ij
Huͤner-
Fuͤnfter Theil
Huͤner-eyes groß/ also vnbereittet in ein grosse gluth werffen/ vnnd darauf achtung geben/ ob dieselbe bald oder langsamb zerfelt oder zerspringet/ bleibt sie beysam- men/ ob sie schon viel risse bekompt/ ist nicht an gelegen/ vnd zerfellet nicht gantz in ein pulver/ so ist solche gut zu verarbeiten/ darauf man sich verlassen darf/ wann die
mixtur
nur wol gemachet wird/ welches das Meister- stuͤck ist.
Die Erden/ davon
Recipien
ten/ Flaͤschen vnnd Kannen sollen gebrandt werden/ bedarf keiner beson- derlichen bereittung/ anders/ als wie die Haͤffner al jhre Erden zurichten/ nemlich/ weilen sie gemeiniglichen zu fett ist/ mit reinem gesiebten fluͤssigem Sande ver- menget/ mit Fuͤssen getretten vnd endlich mit den Haͤn- den wieder wol durchwuͤrcket/ vnd davon gemacht was man bedarf/ an der Sonnen oder an einem andern warmen orth sehr wol trucknen lassen; darnach mit gros- ser gewalt des Fewers/ auch so man wil/ mit zuwerf- fung Saltzes/ 24. oder 30. stunden lang/ hart gebren- net/ gibt sehr gute
compact
e Geschirr/ welche alle naͤs- sigkeiten/ beynahe so wol als Glaͤser/ halten. Wil man aber Schmeltz-tiegel/ Treib-scherben/ Muͤffel/ Deckel auf die Tigel/ oder andere Geschirr (die groß Fewer sollen außstehen) darauß machen/ so muß man etwas mehr fleiß anwenden/ die Erden zu zurichten/ wie folget: Erstlich muß man die Erden lassen an der Sonnen/ oder andern warmen orth/ wol trucken wer- den/ mit einem hoͤltzern Hammer klein zerklopfen/ durch ein groͤblicht Sieb gehen lassen; vnd zu einem theil die- ser gesiebter Erden/ 2. 3. oder bißweilen wol 4. theil (nach dem die Erde fett ist) solche Erden/ welche zu
vorn
Philosophischer Oefen.
vorn in eim Haͤffners- Ofen gebrandt ist/ gepuͤlvert/ vnter-maͤngen/ mit Wasser anfeuchten/ vnd einen Tag oder Nacht also ligen vnnd sich durch-weichen lassen; darnach mit Fuͤssen wol durch einander getretten/ vnd endlich auch wol mit den Haͤnden durch-arbeitet/ so ist sie fertig/ darauß zu machen was man wil/ vnnd wann man Tigel vnnd Treib-schaͤrben darauß machen wil/ muß man grosse vnnd kleine Patronen oder Formen von Holtz traͤhen lassen/ daruͤber man solche zurichte/ dann ein solche Erden/ die im Fewer wol halten sol/ sehr mager muß bereittet werden/ die sich dan nicht wol auf eim Stuhl wil traͤhen lassen/ derohalben vber hoͤl- tzerne Formen gemeinlich geschlagen wird/ welches al- so hergehet: Man trucket mit den Haͤnden ein stuͤck be- reitter Erden vmb die Form/ welche man in der einen Hand helt/ vnd mit der andern die Erden vmbschlaͤget/ oder man setzet die Form zwischen die Beine/ so hat man beide Haͤnde frey/ vnnd kan desto besser den Tigel vber das Holtz formen; es muß aber die hoͤltzerne Form zuvorn in einem gesiebten reinen Sand vmbgewaͤltzet werden/ sonsten wuͤrde die Erden sich hart an das Holtz hencken/ vnnd der Tigel nicht gantz oder vnzer- brochen davon koͤnnen abgenommen werden; vnd wan die Erden wol mit den Haͤnden vber die Patron gefor- met ist/ so klopffet oder schlaͤget man solches weiters/ mit einem darzu gemachten glatten Holtze/ besser vnnd fein dicht daran/ von welchem schlagen die Tigel starck vnd gut werden; vnd nimmet darnach den gemachten Tigel von der Patron ab/ setzet solchen auf Bretter/ erstlich an die Luft/ vnd hernach an die Sonne oder Fewer zu trucknen/ vnnd endlich koͤnnen dieselbe in der ersten
C iij
Kam-
Fuͤnfter Theil
Kammer des Ofens/ oder bey einem Haͤffner gebrandt werden; sonsten wan man nur Metallen vnd keine
Salia
darin schmeltzen wil/ so ist es nicht noͤhtig daß solche ge- brandt werden/ sondern ist genug/ daß dieselben wol trucken seyn; doch wan sie vngebrandt sollen gebraucht werden/ muß man das Fewer von oben fein langsam angehen lassen/ auf daß dieselben nicht/ wegen gehlinger hitze/ zu stuͤcken springen.
Auf daß man aber nicht alzeit zu viel oder zu wenig Erden vmb die Patron schlage/ vnnd der eine Tigel dicker oder duͤnner werde als der ander/ so muß man den ersten/ der wol gemacht ist/ in ein Wag-schalen le- gen/ vnnd so schwer als er waͤgt/ Erden dargegen auf- ziehen vnnd abwegen/ dann wieder also/ so lang biß daß man so viel stuͤcke Erden/ als man Tigel machen wil/ abgewogen hat/ so wird immer ein Tigel so starck als der ander/ vnnd darf man an der Form die Erden nicht beschneiden/ wann man zu viel daran geschlagen hette/ vnd gehet auch desto schneller forth.
Dieses ist nun ein guter Weg/ starcke vnd bestaͤndi- ge Tigel zu machen/ gehoͤret aber viel muͤhe vnnd arbeit darzu/ derentwegen ich den sachen besser nach gedacht/ vnd die nachfolgende weise erfunden/ welche der vori- gen weit vor zuziehen ist/ dann nicht allein die Tigel viel besser vnnd staͤrcker dadurch gemacht werden/ son- dern man auch in einer stund mehr/ alß auf die be- kante vnnd erste weise im 3. oder 4. stunden kaum ge- schehen/ zurichten kan; vnd geschicht auf diese weise.
Man laͤsset eine Patron/ so groß der Tigel werden sol/ daruͤber ich die Tigel zu schlagen gelehret hab/ wie die Figur mit dem Buchstaben
A
anzeigen wird/ von
gutem
Fuͤnfter Theil
gutem Moͤssing giessen/ darzu auch eine Huͤlsen/ wie mit
B
angewiesen/ darin der Kern oder Patron des Tigels schliesse/ doch also/ daß der Kern nicht zu tieff in die Huͤlsen gehe/ sondern aufs wenigste eines fingers dick/ nicht auf den grund reiche/ vnnd wann man sehr grosse Tigel machen wil/ muͤssen die boͤden noch dicker werden/ wie dich dann die vbung lehren wird; wan man nun Tigel machen wil/ so schlaͤgt man die Erden vmb die Patron/ gleich oben bey der gemeinen weiß beschrie- ben ist/ vnd nimbt solches wieder davon/ laͤsst denselben an der Lufft halb trucken werden/ darnach/ wann man solcher so viel hat auß dem groben gemacht/ als man haben wil/ so macht man die Kernen von dem Sand vnd Erden fein rein vnnd sauber/ vnd schmieret densel- ben mit einer Speck-schwarten oder Schwaͤmlein/ welches in oͤhl genetzet sey/ deßgleichen das eusserste theil der Formen inwendig allenthalben wol/ vnnd stecket in die Huͤlsen den halb außgemachten vnd halb truckenen Tigel/ vnnd setzet den Kern darauf/ vnd schlaͤgt mit ei- nem schweren hoͤltzern Hammer zwey oder drey mahl hart auf den Stiel des Kerns/ so treibt sich durch das schlagen die Erden allenthalben fein dicht vnd glat in die Patron/ wann solches geschehen/ so ziehe den Kern her- auß/ vnnd kehr die Huͤlfe/ darin der Tigel stecken bleibt/ vmb/ vnnd stoß dieselbe ein wenig auf eine seiten auf die Banck/ darauf du die Tigel schlaͤgest/ vnnd halt die Hand vnter/ so faͤlt er dir darein/ welchen du hinsetzen/ trucknen vnnd brennen kanst/ gleich bey dem ersten ge- sagt ist/ gibt vber die massen gute/ wol geproportionirte/ glatte vnnd bestaͤndige Tigel/ so wol allerley Metallen/ als Mineralien vnd
Sal
ien/ darin fuͤglich zu schmeltzen/
der-
Philosophischer Oefen.
dergleichen an guͤte/ mir niemahln/ so lang ich mit Ti- geln vmbgangen bin/ zuhanden kommen seyn/ darauf man sich wol verlassen mag/ wan sie nur wol von guter Erden geschlagen sind/ vnd kan man alhier/ gleich oben bey dem ersten vermeldet/ erstlich einen machen/ vnnd denselben in die Wage legen/ vnnd die Erden darnach abwaͤgen/ formen vnd schlagen; laͤsst sich gar geschwind thun/ vnd ist eine saubere vnnd lustige arbeit/ daß man seine Tigel also leichtlich/ so groß oder klein als man wil/ selber zurichten vnnd bereitten kan; deß- gleichen koͤnnen auch die Treib-schaͤrben/ in der- gleichen Formen/ sehr wol vnnd gut gemacht werden; doch daß der Kern darnach gestalt sey/ dann er nur flach/ gleich/ wie man Testen o- der Cupellen damit pflegt zu schlagen/ vnnd nicht laͤnglicht/ wie die bey-ge- setzte Figur/
A
vnd
B,
anzeiget/ seyn solle/ vnnd koͤnnen in einer Form/ so wol die Cupellen als Treib-schaͤrben/ geschla- gen werden: Dieses ist aber zu mercken/ daß
man die Treib-schaͤrben/ viel leichtlicher als die Tigel/
C v
auf
Fuͤnfter Theil
auf diese weise machen kan/ dann man nur die Erden abwieget vnnd zusammen gerolt an der Lufft trucknen laͤsst/ darnach immer ein stuͤcklein nach dem andern in die Huͤlsen legest/ vnnd mit dem obern theil hart hinein schlaͤgest/ gibt sich genug nach dem Kern/ weilen solcher nicht tief/ sondern nur flag ist/ vnd gehen auch gar gern herauß/ wann man/ nemlich/ die Form vmbkehret/ vnd ein wenig an einem orth auf die Banck stoͤsset; doch so man die Erden gar zu hart in die Forme schluͤge/ vnnd ein theil derselben sich zwischen der Banck vnnd Form neben herauß schluͤge/ so muß man alzeit mit einem Messer solches abschneiden/ welches/ so es nicht geschaͤ- he/ der Tigel oder Schaͤrben sich an den Ring halten/ vnd nicht gern außgehen wuͤrde/ welches die vbung ge- nug lehren wird; dann es nicht moͤglich ist/ alles so gar deutlich zu beschreiben.
Doch dieses nimb wol in acht/ daß du die Tigel oder Schaͤrben nicht zu weich schlaͤgest/ vnd darnach solche nicht gantz auß der Formen bringen kanst/ sondern die- selbe zu vorn halb trucken machest/ so schlagẽ sich solche desto dichter/ vnnd gehen auch desto lieber gantz herauß; also/ daß man 100. kan schlagen/ darunter nicht einer mißlinget/ wann man fleissig damit (nach meiner lehr) vmbgehet; vnd ist dieses auch zu mercken/ daß man die Erden/ welche man von den boͤden/ die zu viel neben auß-geschlagen ist/ abschneidet/ nicht vnter die andere thue/ vnnd solche damit verderbe; dann weilen die For- men mit Oehl angestrichen werden/ vnnd die Erden/ die zwischen außgehet/ im schlagen mehr oder weniger schmutzig davon wird/ vnnd nimmermehr sich wieder wol vereinigen laͤsst/ sondern im brennen von einander
gehet/
Philosophischer Oefen.
gehet/ vnnd nicht haͤlt/ dadurch die Tigel vngantz vnd vntuͤchtig davon wuͤrden: Also sol man solche abschnip- lein allein legen/ vnnd die Oefen darmit außflicken/ wan solche von grosser hitze geschmoltzen seyn/ oder man kan Deckel auf die Tigel (auß der Hand/ oder in For- men geschlagen) darauß machen/ so gehet nichts ver- lohren/ weilen man doch Deckel zu den Tigeln haben muß/ vnd gantz nicht zu entrahten seyn/ wann man et- was saubers thun wil.
Anbelanget die Muͤffeln vnd ander nothwendige be- reitschaften/ zum distilliren oder schmeltzen gehoͤrig/ koͤnnen vber hoͤltzernen Patronen geformbt werden/ nemlbich also/ daß man von Holtz ein solche Patron machen lasse/ wie der Muͤffel oder ein ander Geschirr seyn sol/ vnnd von wol gearbeiteter Erden/ mit einem Kupffer-drath vber zwey gleiche hoͤltzer bletter schnei- de/ auß welchen blettern hernach man mit einem Mes- ser ein stuͤck Erden außschneidet/ vnnd vber die Form leget/ vnnd daruͤber erharten laͤsst/ dann abgenommen/ vnd folgends hart gedrucknet vnd gebrandt/ vnd wann etwas weiters/ mit außschneiden oder anflicken/ daran mehr zu thun ist/ kan solches/ wann die Erden noch nicht trucken/ sondern nur ein wenig erhartet ist/ ge- schehen; vnd kan jhme also auf diese weise ein jedweder/ ohne grossen kosten/ muͤhe vnnd arbeit/ alle Erden-wer- cken/ die er vonnoͤhten hat/ selber zurichten/ bereitten vnd brennen/ so weiß er was er hat/ vnd wie seine Tigel gemacht seyn; dann die jenige/ die Tigel oder andere dingen auf den kauf machen/ achten nicht ob sie halten oder nicht/ wan bißweilen/ welches sehr oft geschicht im truͤcknen/ der Tigel ein riß oder andern mangel bekompt/
streichen
Fuͤnfter Theil
streichen sie solchen mit ein wenig duͤnner Erden wie- der zu/ brennens vnnd verkauffens: Wann aber solche Tigel in die hitze kommen/ so koͤnnen sie nicht halten/ sondern reissen/ vnd lauft oftermahls/ einem zu grossem schaden/ sein Metall in die Aschen/ welches (ohne ab- gang) schwerlich alles wieder gefunden wird/ wie fleis- sig man auch mit dem waschen weiß vmb zu gehen; derohalben besser ist/ erstlich etwas fleiß angewendet/ seine Tigel zu machen/ als hernach seine Kretz zu waschen.
Doch ist es auch nicht muͤglich/ daß alle Tigel eben wol halten solten/ dann man nimmer so wol vnd fleissig damit vmbgehet/ es mißrahten etliche/ welche man dann auch zu besondern dingen/ da so viel nicht an gelegen ist/ vnd die besten zu guten Metallen gebrauchen kan; auch wolle jhme niemand einbilden/ als wann diese Tigel auf solche weise (wie alhier beschrieben) gemacht/ alle dinge halten vnd vertragen solten/ nein/ gantz nicht/ es sind zwar die besten/ die ich jemahln gesehen hab; gleichwol ist mir noch kein Erden zu handen kommen/ die mir Bley gelaͤtt/ oder aber das
Sal Tartari
hat lang im Fewer halten wollen/ dan gemeinlich alle Erden (so viel mir bewust) ist von der Gelaͤtt/ wie auch vom dem
Sale Tartari,
in grosser hitze nicht frey ist/ sondern da- von verschluckt vnd durch-bohret wird/ welches zu vie- len nutzbaren Wercken ein grosser schaden ist/ daß sol- che (dieser vrsachen halben) vngethan muͤssen liegen bleiben.
Dieses sey nun genug vom Tigel-machen gelehret/ einer/ deme seine sachen angelegen seyn/ wird wol fleiß anwenden/ hinfuͤrter seine Tigel selber zu machen/ dar-
auf
Philosophischer Oefen.
auf er sich dan am besten zu verlassen hat/ vnd jhme sei- ne muͤhe vnd arbeit/ die er daran wendet/ nicht gerewet. Wie nun die Testen vnd Cupellen in ob-beschriebenen Formen sollen geschlagen werden/ ist nicht noͤtig davon zu schreiben/ dann solche arbeiten (schon vor viel Jah- ren) von vnterscheidlichen fleissigen Maͤnnern/ vnd in- sonderheit von dem weit-beruͤhmten/ vnnd in solchen dingen hoch- erfahrnen kuͤnstlichen Probierer/ Lazaro Erckern/ weit-laͤufftig vnd sehr außfuͤhrlich geschehen/ also daß ich jhre Schriften (in Testen vnnd Cupellen machen) nicht zu verbessern weiß/ sondern den Liebha- bern an solche
Auctores
wil gewiesen haben; darin ein jedweder traͤulichen vnterricht/ zu gutem
contente- ment,
finden wird/ doch seynd noch besondere Testen zu machen/ davon vielleicht noch wenige wissen/ vnd gantz nicht gemein seyn/ darauf sich das Bley im abtreiben veredelt/ wann es wieder darauß geschmoltzen wird; da- von alhier nicht zu sagen/ sondern der Zeit vnd
Fortun
sol vor behalten bleiben.
Vom glasuren der Jrꝛdenen
Instru- men
ten/ davon im ersten vnd andern Theil gedacht worden.
W
Eilen man nicht allenthalben gute Glaß-huͤtten/ seine
Instrumen
ten/ zum ersten Ofen gehoͤrig/ zu machen/ haben kan; also erfordert die noth/ daß man solche von Erden mache/ vnnd hernach wol verglasure/ vnd sind dan bißweilen diese von Erden besser/ als Glaͤ- sernen zu gebrauchen/ sonderlich/ wann sie von guter Erden/ welche die
Spiritus
nicht einschlucket/ gebrandt
seyn;
Fuͤnfter Theil
seyn; wie dan solcher Erden/ welche sich in ein steinicht Wesen brennen laͤsst/ allenthalben genug gefunden wird/ vnd mangelt nur allein an der Erfahrenheit/ sol- che zu bereitten vnd backen; davon oben albereit etwas meldung geschehen ist/ daß/ nemlich/ die Erden durch starck Fewer also
compact
vnnd dicht koͤnne gebrandt werden; so man aber zu solchem starcken brand nicht ge- langen kan/ weilen der gemeinen Haͤffners Oefen/ dar- in die Koch-potten vnd ander Jrdiner Haußrath ge- brand wird/ nicht darzu dienen/ weilen eine solche starcke hitze darin nicht kan gemacht werden/ vnnd auch nie- mand/ vmb wenige Geschirr (die er vonnoͤhten hat) ei- nen solchen Ofen aufbawen wil/ welches den kosten auch nicht außtragen wuͤrde; also ist noch ein ander guter Weg/ ein jedweder gemeine Erden (doch nicht rohten Laimen) schoͤn glatt vnnd wohl zu glasuren/ die dann auch (wann es wol gethan ist) nicht zu verachten seyn/ sonderlich wan die Glasur von solchen dingen ge- macht ist/ die im kalt werden (nach dem brennen) gantz bleibet/ vnnd nicht reisset/ vnnd von scharffen geistern nicht angetastet wird/ wie das Bley-glaß thut/ sondern so wol die
subti
le als
corrosivi
sche
Spiritus
wol halte vnd nicht durchgehen lasse/ gleich wie die itzt new-erfun- dene weise glasuren/ welche in
Italia
vnd Holland schon gantz gemein seyn/ thun koͤnnen: Wann man dan seine Erden (durch mangel des Brenn-Ofens) nicht stei- nicht kan brennen lassen/ so muß man solche von guter Erden lassen zu richten/ vnnd mit gutem Zin-glaß/ vnd nicht mit gemeinem Pott-loth oder Bley ertz glasuren lassen/ welches dann nicht viel kostet/ doch jemehr man Zin-aschen vnter die Glasur nimpt/ je besser solche
wird/
Philosophischer Oefen.
wird/ dann das Zin/ wan es zur Aschen mit Bley ver- brennet wird/ von den
corrosi
vischen geistern keine gemeinschaft mehr hat/ derohalben gute vnd bestaͤndige Glasuren gibt; so man aber so viel kosten vnnd muͤhe auf solche weisse Glasur nicht wenden wil/ so kan man nur mit gemeinem Venetischen gepuͤlverten Glase gla- suren/ helt auch sehr wol/ wil aber im brennen ein ziem- liche hitze haben/ derohalben nicht in allen Haͤffners- Oefen fliessen wil/ darumb man ein wenig Borras vn- ter das Glaß mischen sol/ so fleusst es hernach gern in den gemeinen Haͤffners-Oefen/ vnd gibt gar eine gute Glasur/ oder man muß die Jrdene Geschirr mit Glaß allein also vngebrandt mit Wasser angefeucht/ anmen- gen/ vnnd damit selbe vbergiessen/ auf daß das Glaß al- lenthalben wol daran haͤngen bleibe/ darnach sehr wol lassen trucken werden/ vnd auf einen hauffen fein dicht vber einander legen/ oder in ein ander stecken/ auf daß sie keinen grossen platz oder raum ein-nehmen/ (wie die Haͤffner mit den gemeinen Potten vnd Schuͤsseln auch zu thun pflegen) vnd dann den hauffen verglasurte Ge- schirr/ er sey gleich groß oder klein/ mit gebrandten Maur-steinen rings herumb vmblegen/ doch daß oben ein loch bleibe/ dadurch man kohlen werffen koͤnne; vnd muͤssen die Steine auch einer zwerch Hand-breit von den Geschirren ab-liegen/ also/ daß die kohlen (zwischen den Steinen vnd Geschirren) hinunter biß auf den bo- den vnverhindert fallen koͤnnen; wann nun solches
spa- tium
mit guter truckenen Holtz- kohlen außgefuͤllet ist/ so leget man zu oberst auf den hauffen todter kohlen etliche lebendige/ vnnd laͤsst also das Fewer von oben an algemach hinunter brennen/ so haben die Geschirr keine
noth
Fůnfter Theil
noth zu springen/ sonderlich/ wann sie zuvorn wol trucken seyn; wan nun das Fewer wol ist angegangen/ so leget man das loch oben vber dem Ofen mit Steinen zu/ vnnd laͤsst das Fewer so lang brennen als es kan/ vnnd die Geschirr so lang also stehen/ biß solche von sich selber wol erkaltet seyn/ darnach nimbt man sie auß.
nb.
So aber der hauffen sehr groß were/ muͤste man noch einmahl kohlen zu werffen/ wann die ersten ver- brandt seyn/ sonsten wuͤrden diese Potten (welche in- wendig gestanden) nicht genug gebrandt/ vnd das Glaß wol geflossen seyn; derohalben man selber zusehen muß/ wie viel Fewer vonnoͤhten seye/ vnd wan man wol da- mit vmbgehet/ so brennen vnnd glasuren sich die Ge- schirr auf diese weise viel besser/ als in einem gemeinen Haͤffners Ofen/ doch hat es mehr gefahr im brechen/ als in eim auf-gemaurten Ofen/ vnnd wann man nur Tigel oder andere kleine Geschirre von Erden brennen wil/ vnd solcher nicht viel seyn/ kan man selbe nur in ei- nem Schmeltz- oder Distillir- Ofen/ mit kohlen vmb- schuͤttet/ setzen/ vnnd das Fewer von oben angehen las- sen/ brennet sich sehr wol; dann ich also bißhero noch alle meine Tigel vnd andere distillir Geschirr gebrandt vnd verglasuret hab/ vnnd keine bey den Haͤffnern brennen lassen. Vnd ist also diese manier zu brennen vnd glasu- ren/ ein guter behelf/ wann man keine Oefen hat/ die hitze genug geben koͤnnen/ also allerhand Erden-gefaͤß/ innerhalb drey oder vier stunden lang/ wohl durchauß hart gebrent vnnd glat glasuret werden; doch ist dieses auch darbey in acht zu nehmen/ daß die Erden/ welche also geschwind sol gebrandt werden/ an sich selber wol gut seye/ vnd das Fewer vertragen koͤnne/ sonsten wuͤr-
den
Philosophischer Oefen.
den ein theil derselben zerspringen/ vnd zerbrochen auß- kommen; doch wer den vierten Ofen mit Kammern aufgesetzet hat/ der gebrauche sich derselben/ vnd brenne vnd glasure solche in der ersten Kammer/ so gehet er sicherer/ wiewol dieser ob erzehlter Weg/ zu brennen vnd glasuren/ auch nicht zu verwerffen ist/ vnd alles Er- den-werck (wann man vorsichtig mit dem Fewer vmb- gehet) wol damit kan gebrandt vnd glasuret werden.
Wil derohalben einen jedwedern auch darbey ge- warnet haben/ wann er ja auf diese weise brennen wil/ daß er das Fewer wol zu regiren wisse/ vnnd den sachen nicht zu viel oder wenig thue; vnd wann ers durch vn- geschickligkeit versiehet/ daß jhme seine Gefaͤse brechen/ mir die schuld nicht gebe/ als wann ich jhme die warheit nicht geschrieben haͤtte/ sondern jhme selber den fehler zu rechnen/ den schaden fuͤr lehr- gelt nehmen/ vnnd auf ein andermahl fleissiger zusehen/ was er thue vnd mache.
Weiters seind mir noch viel vnterschiedliche andere glasuren (von schoͤnen farben) bekandt/ die bißhero noch nicht gemein worden sind/ vnnd auch nicht dienen gemein zu machen/ dieweilen ein grosses geheimnuͤß da- hinder stecket; dann wer so weit kommen ist/ daß er die Metallen also weiß zu zurichten/ vnnd in ein Glaß zu bringen/ welches die farb des Metals behaͤlt/ vnnd doch Glaß ist/ vnd auf der Erden gleich wie ein ander Glaß haftet vnd haͤlt/ der hat fuͤrwahr kein geringes Kunst- stuͤck gefunden/ vnnd mag den sachen wol fleissig nach dencken/ vnnd sich darin vben/ ich zweifele nicht/ wann es Gott nicht sonderlich verhindert/ jhme leichtlich ein Licht moͤge aufgehen.
D
Deß-
Fuͤnfter Theil
Deßgleichen sind auch noch andere schoͤne glasuren/ damit man die Erden vberziehen vnnd schmuͤcken kan/ als wan sie mit eim Edel-gestein vberzogen weren; wei- len aber itzund mein vorhaben nicht ist von solchen din- gen zu handeln/ so sol es bey diesem verbleiben; doch noch eine Glasur wilich den
Medicis
offenbahren/ damit sie/ ohne muͤhe vnnd arbeit/ vielen Menschen von langwuͤ- rigen kranckheiten helffen koͤnnen.
Vnd geschicht also: Lasse dir von einem Haͤffner et- liche kleine Becherlein (von guter weisser Erden) fein glat zu bereitten vnnd brennen/ darnach soltu in einem starcken grossen Tigel nachfolgends Glaß fliessen lassen/ vnd wann es wol geflossen ist/ immer ein Tigelein (wel- ches zuvorn in eim besondern Oefelein gluͤent gemacht sey) hinein mit der Zangen in das geflossene Glaß duncken/ vnd auch ein weil darin/ oder vnter dem Glaß halten/ so zeucht sich das Glaß wol vnd fein in die Er- den/ dann außgenommen/ vnnd alsobald in das neben- Oefelein/ darin es zuvorn gluͤent gemacht worden ist/ setzen/ vnnd ein anders auch also einduncken/ auß-neh- men vnnd in den Kuͤhl-Offen setzen/ so lang vnd oft/ biß alle verglasuret sind; dann soltu das gluͤende Ofelein/ darin die verglasurte Becherlein stehen/ all enthalben wol zu machen/ daß kein Wind darein schlage/ vnd also von sich selber lassen erkalten/ so bleibt die Glasur schoͤn glatt vnnd gantz; welches sonsten nicht geschaͤhe/ wann solche alsobalden an die kalte Luft gesetzet wuͤrden; vnd wird das Glaß also darzu gemacht: Nimb zwey theil
Antimonii crudi,
vñ ein theil
nitri puri,
reib beide wol vnter einander/ thue die
mixtur
in einen Tigel/ vnnd zuͤnde dieselbe mit einem gluͤenden Eisen an/ so ver-
brennet
Philosophischer Oefen.
brennet der Salpeter mit dem Schwefel des
Antimo- nii,
vnd wird ein braune
Massa
darauß/ welche du also warm mit eim Spatel auß dem Tigel nehmen solt/ vnd kalt werden lassen; darnach in einen andern starcken Tigel anderthalb oder ein gantze stund verdeckt/ wol fliessen lassen/ so wird ein
Vitrum
darauß/ darein die gluͤende Tigelein/ mit jhren Deckelein darzu gemacht/ sollen gestecket vnd verglafuret werden.
Folget nun der gebrauch dieser ver- glasurten Tigeln.
E
S ist kund genug/ daß vnter allen
Vomiti
ven/ das
Antimonium
den preiß vnnd vorzug behalten/ dero- wegen vielerhand bereittungen von den
Medicis
erfun- den/ solches bequaͤm zu machen/ daß es vnschaͤdlich zu gebrauchen sey; wie wohl ich deren selber in dem ersten vnnd andern Theil dieses Buchs gedacht/ vnnd den
usum
darneben etlicher Massen kuͤrtzlich beschrieben/ wie ich dan gern bekennen wil/ daß ein Bereittung der andern vor zu ziehen/ so beweisst gleichwol die Erfah- renheit/ daß das
Antimonium,
wann es in ein
Vitrum
gebracht/ meister genug ist/ den Magen vnd Daͤrmen deß Menschen/ von allem schleim vnnd boͤsen
humori- bus,
ohne gefahr/ (wann es recht gebrauchet wird)
per vomitum \& secessum,
genugsamb reinigen vnnd saͤu- bern koͤnne/ dadurch dan mancher schweren Kranckheit vor zu kommen/ vnud auch/ wann sie schon vorhanden/ gluͤcklich kan gewehret werden.
Daß aber mancher sagen moͤchte/ daß diese
præpa- ration
des
Antimonii
gar gering vnd schlecht/ derohal-
D ij
ben
Fuͤnfter Theil
ben nicht wol zu gebrauchen were/ der sol wissen/ daß das
Antimonium
keiner grossen
præparation
vonnoͤh- ten hat/ wan es
purg
iren sol/ dan so jhme seine wildig- keit benommen/ vnd fix gemacht wird/ solches hernach keine
vomitus
noch
sedes
machen wil; darf sich der- halben niemand scheuhen/ die vor-geschriebene
præpa- ration
oder Glaß-machung des
Antimonii
zu gebrau- chen; es ist kein gefahr darbey/ also daß mans auch jun- gen Kindern/ von ein oder zweyen Jahren/ sicherlich geben darff/ doch nicht in
forma pulveris,
sondern nur die kraft mit Zucker/ Honig/ suͤssem oder sauren Wein/ zu vorn darauß
extrahi
ret/ vnnd also geben/ zeucht auß allen
Visceribus
des gantzen Leibes das schaͤdliche her- auß/ vnnd fuͤhret solches entweder vber sich oder vnter sich/ ohne nachtheil oder schaden/ des Leibes auß dem Menschen/ davon an andern orthen ein mehrers ge- schrieben ist/ vnnd alhier nicht noͤtig weiters dasselbe zu wiederholen: Wann man dann diese Becherlein zum
purgi
ren gebrauchen wil/ so geusst man ein oder zwey vnc. Wein darin/ vnd laͤsst denselben an einem warmen orth vber Nacht darin stehen/ so
extrah
irt der Wein/ so viel als noͤhtig/ auß der Glasur/ welcher/ so er nuͤchtern gedruncken wird/ das seinige eben so wol verrichtet/ als wan der Wein vber eim gepuͤlverten
vitro Antimonii,
wie es auch moͤchte gemacht seyn/ gestanden hette/ vnnd ist auch viel saͤuberer zu gebrauchen/ als das
pulveri
sirt
Vitrum Antimonii;
dann so man jemand damit
purg
i- ren wil/ so schickt man jhme ein solches Baͤcherlein nach Hauß/ mit befehl/ daß der Patient zwey oder drey loͤffel vol seines
ordinari
Trinck-weines darein giessen/ vnnd vber Nacht an einem warmen orth stehen lassen/ vnd
folgen-
Philosophischer Oefen.
folgenden Tag/ denselben zuvorn lawlecht gemacht/ außtrincken/ vnd sich weiters wie es gehoͤrt/ vnnd auch jhme darneben sol vor-gesagt werden/ darauf verhalten wolle; welches dan dem Patienten viel annehmlicher zu nehmen ist/ wan er allein seinen gewoͤhnlichen Drinck- wein/ der nur vber Nacht in einem reinen glatten Be- cherlein (welches er selber zuvorn saͤubern kan/ so er wil) in seinem Hauß gestanden hat/ welches dann mei- nes erachtens viel saͤuberer hergehet/ als ein grosser Becher vol vbel-riechendes Trancks/ gegen seinen wil- len oftermahls vnachtsamlich zusamen gebrawet/ ein- zuschwelgen; vnnd ist ein solches Becherlein nicht nur einmahl/ sondern gar vielmahl zu gebrauchen; vnd wan der Wein letztlich ja nicht genug
extrahi
ren wolte/ so kan man das Becherlein mit dem Wein in ein heiß kochend Wasser ein weil stehen lassen/ so
extrah
irt der Wein desto besser/ vnd
oper
irt auch desto staͤrcker; wann es vonnoͤhten ist/ wie dan der jenige/ der es andern ge- brauchen wil/ guten verstand davon zu nehmen oder zu geben haben sol/ vnd ist ein solches Becherlein einem fuͤr seine gantze Hauß- haltung/ fuͤr al sein lebtag ge- nug zu gebrauchen/ doch daß solches nicht in allen Kranckheiten/ sondern nur bey jungen vnnd starcken Menschen/ vnnd auch/ wo die innerliche
principal-
glie- der nicht verletzet seyn/ sol gebraucht werden; vnnd koͤn- nen auch solche Becherlein noch auf ein andere weise/ ohne das
Antimonium,
verglasurt vnd zum
purgi
ren gebraucht werden/ als folget.
Man
sublim
irt gemein
Auripigmentum,
in einem Glaͤsern oder Jrdinen Kolben/ so gibt es vber die mas- sen einen schoͤnen
sublimat,
oder
Flores
Vranien farb/
D iij
vnd
Fuͤnfter Theil
vnd wann man solche auf eine besondere weise zusam- men weiß zu schmeltzen/ gibt es ein schoͤn roth durch- sichtig
Vitrum,
einem
Orienta
lischen Rubin nicht vn- gleich/ davon man kleine stuͤcklein brechen kan/ vnd zur ziehrath etwas damit versetzen/ sie sind aber nicht so hart gleich wie ein
Vitrum Antimonii,
sondern sehr muͤrb vnd bruͤchig; solches rohte
Vitrum
oder nur die
Flores,
ehe dieselben in ein
Vitrum
geschmoltzen seyn/ vergla- suren die Erden vber die massen schoͤn/ roth vnnd glatt; wann man dan die Becherlein damit verglasuren wil/ so macht man solche in einem Kohl-fewerlein zuvor gluͤend/ vnd tauchet dieselbe in die zerflossene
Flores Au- ripigmenti,
zeucht es wieder herauß/ vnd laͤsst es vnter einem gluͤenden Erden/ oder einem Tisernen Geschirr kalt werden/ so thun sie eben dasselbige was oben von den Becherlein gesagt ist/ welche mit
Vitro Antimonii
verglasuret seyn; vnnd darf man sich nicht schewen/ weilen die Glasur von einem giftigen Mineral gemacht ist/ es thut keinen schaden/ dann dem
Auripigmento
durch die
sublimation,
gleich wie dem
Antimonio
durch die
calcination
seine Gift benommen wird; vnd ist diß zu wissen/ wann dem
Antimonio
oder
Auripi- gmento
durchs Fewer oder Salpeter al seine Gift be- nommen wird/ daß es hernach keine
Vomitus
oder
se- des
machen kan.
Wie dann mit nechstem/ wann die fuͤnf Theile ver- mehret/ weitlaͤuftiger sol bewiesen werden/ was
purgi-
ren sey/ vnnd wie alle
purga
tien jhre wuͤrckung als ein Gift verrichten.
Es weren zwar noch andere Glasuren/ die nicht vbel solten aufgenommen werden/ wan sie beschrieben wuͤr-
den/
Philosophischer Oefen.
den/ weil aber alhier mein Fuͤrhaben nicht ist von
Me- chanicis,
sondern nur allein etwas wenige zu den vor- hergehenden Oefen gehoͤrige
Instrumen
ten glasurung zu handeln/ so sol es auf dißmahl dabey bernhen: Wann mir Gott das leben wird goͤnnen/ so habe ich mir diese fuͤnf Theile zu vbersehen/
corrigi
ren vnd
augmenti
ren vor-genommen/ da dann manches schoͤne
Secretum;
das auf dißmahl/ wegen sonderbahren vrsachen ist zu- ruͤck gehalten worden/ sol beygefuͤgt werden. Wil hier- mit auf dißmahl den fuͤnften Theil der Philosophischen Oefen beschliessen/ wie wol ich gern noch etwas sonder- lichs von kuͤnstlichen Oefen wolte eingebracht haben/ wil sich aber nicht schicken/ sondern sol an einem andern orth/ da von schmeltzung/ abtreiben vnnd seygerung der Metallen gehandelt wird/ ein mehrers vnd bessers fol- gen/ dann der nechste vnnd beste Weg/ die Metallen in grossem zu schmeltzen noch nicht bekant ist/ ob schon von dem mehrentheil Berg-leuten dafuͤr gehalten wird/ daß sie keine groͤssere Meister werden koͤnten; so wolt ich doch leichtlich beweisen/ daß nicht halb so viel muͤhe/ arbeit/ vnnd kosten/ als sie anlegen/ mehr vnd besser Metall in kuͤrtzerer zeit koͤnte auß den Ertzen/ zu grossem Vortheil der Berg leuten/ gebracht werden. Davon zu einer gelegenen zeit ein mehrers. Wolle derhalben der guͤnsti- ge Leser/ auf dißmahl/ mit diesem meinem kleinen
talen- to
vorlieb nehmen/ wann ich spuͤre/ daß diß wenige wird angenehm seyn/ wil ich meinem Naͤchsten mit einem viel bessern vnnd angenehmern Werck zu dienen/ nicht vnterlassen/ sondern solche nuͤtzliche vnd schoͤne
secre
ten an tag geben/ daß sich maͤnniglich darob verwundern wird/ wo solche bißher solang/ entweder auß vnwissen-
D iiij
heit
Fuͤnfter Theil Philosophischer Oefen.
heit oder auß mißgunst/ der Menschen haben koͤnnen verborgen bleiben.
pag. 3. l. pen.
bethewre.
pag. 7. l.
9. durch den.
l.
27. Welt nichts.
pag. 8. l.
3. widerwertige Naturen.
pag. 9. l. 22. sine strepitu.
pag. 25. l.
4. geringsten nicht.
pag. 27. l. pen.
jhr nur.
p. 33. l.
19. Jbser. 27. Jbser.
Gießbuckel zu dem vierten Ofen gehoͤrig.
AP-
APPENDIX
.
N
Ach deme ich vor zwey Jahren habe an-
gefangen meine new- erfundene Oefen zu be- schreiben/ vnnd bekant zu machen/ in welcher beschreibung etlicher Secreten vnnd Kunst- stuͤcken/ (die ich doch niemahlen gemein zu machen ge- sinnet war) gedacht worden. Gleichwol ich diese zeit hero von vielen/ wegen
communi
cirung derselben/ so wol muͤndlich als schriftlich/ viel vnruhe vnd muͤhe hab erleiden muͤssen. Derohalben ich hiermit wil erinnert vnnd ermahnet haben/ daß niemand hinfuͤrter mir/ wie auch jhme selber weiters muͤhsamb vnd laͤstig im schrei- ben oder fragen seyn wolle/ dann ich ohne sonderbahre vrsach etwas mehrers/ als diese nachfolgende stuͤcken/ bekandt vnnd offenbahr zu machen nicht gesinnet bin. Darnach man sich richten vnnd die Zeit erwarten kan/ biß die fuͤnf Theile einmahl (geliebt es Gott)
corri
girt/ verbessert oder vermehret werden/ herauß kommen; da es dan an vielen schoͤnen vnd nuͤtzlichen Kunst-stuͤcken/ welche vmb sonderbahre vrsachen/ in dem ersten Druck zu ruͤck gehalten/ nicht mangeln wird; vnd sind dieses die Secreten/ welche ich/ meinem Naͤchsten zum besten/ vn- ter dessen mit zu theilen habe eingewilliget/ doch mit sol- cher erinnerung/ weilen der mehrentheil derselben also beschaffen/ daß man in kurtzer Zeit (wann Gott seinen segen darzu giebet) einen grossen Reichthumb/ mit eh-
D v
ren
Appendix.
ren vnnd gutem Gewissen/ ohne seines Naͤchsten nach- theil vnd schaden/ darmit gewinnen kan; also wolle der jenige wohl zu sehen/ wie er damit vmbgehe vnd solches gebrauche/ vnd fuͤr allen dingen der Armen vnd Duͤrf- tigen darbey ja nicht vergessen/ auf daß jhme sein Reich- thumb zu Gottes Ehren vnd seiner Sehlen Seligkeit/ vnd nicht zur ewigen Verdamnuß gereichen moͤge.
Alle Korn-fruͤchten/ als Habern/ Gersten/ Rocken/ Weitzen/ wie auch alle Oepffel/ Bieren/ Kirschen/ Pflaumen/ vnnd andere dergleichen Baum-fruͤchten/ durch eine besondere
Fermentation
zu bereitten/ daß dieselbe in der
diftillation
einen lieblichen/ reinen vnnd guten
Spiritum
geben/ deme/ welcher auß Wein-mut- ter gebrandt ist/ an lieblichkeit vnd staͤrcke nicht viel be- vor giebet/ vnd sehr wenig zu machen kostet/ vnnd vber dieses/ wann der Brandten- wein davon distilliret ist/ auß dem hinder-stelligen/ durch zuthun behoͤrlichen din- gen/ ist es Korn/ ein gut Bier/ oder Essig; sind es Fruͤchten/ einen guten Tranck (dem Wein gleich) zu machen; also daß man doppelten nutzen davon zu genies- sen hat/ dadurch man nicht allein seine Nahrung reich- lich haben/ sondern auch ein Ehrliches darbey fuͤr die Seinigen auf-legen kan.
Auß etlichen Korn- vnd Baum-fruͤchten einen lieb- lichen gesunden Tranck/ dem Frantzoͤsischen/ Reini- schen/ vnd Spanischen Wein nicht sehr vngleich zu machen/ welcher sich viel Jahren halten kan vnnd be- staͤndig bleibet.
Guten Brandten-wein/ auß geringen vnd doch be- kandten dingen/ zu machen/ welcher in allen Proben/ dem Reinischen oder Frantzoͤsischen Brande-wein gleich ist/ vnd doch nicht halb so viel kostet.
Auß
Appendix.
Auß Honig guten Zucker vnnd Weinstein/ welcher dem Zucker auß West- Jndien/ vnnd dem Reinischen Weinstein auß Teutschland gantz gleich ist/ mit sehr wenig kosten zu machen; also daß ein Pfund Zucker kaum 8. oder 10. stuͤber/ vnnd ein pfund groben weissen Weinstein kaum zwey stuͤber zu stehen kompt.
Einen jedwedern schlechten vnreinen Weinstein/ auf eine besondere weise/ ohne abgang/ zu reinigen/ vnd in grosse Crystallen schiessen machen/ daß ein Pfund kein 6. stuͤber zu machen kostet.
Dem Honig seinen vnlieblichen Geruch vnd Ge- schmack zu benehmen/ daß man hernach darauß guten lieblichen Brandten-wein/ welcher gantz nicht nach dem Honig schmecket/ distilliren/ vnd guten lieblichen Meth/ an geschmack einem guten Wein gleich machen kan/ auß welchem Wein hernach alles/ was mit einem natuͤr- lichen Wein gethan wird/ kan verrichtet werden.
Von Rosinen vnd Corinthen einen lieblichen/ schoͤ- nen/ klaren vnnd viel Jahren bestaͤndigen Meth zu ma- chen/ der einem guten Seck oder andern Spanischen Weinen in allen dingen gantz gleich ist/ auß welchem auch guter klarer Essig wird/ der gar wenig kostet.
An solchen Orthen/ da die Wein-trauben in der wilde wachsen/ nicht gebawet werden vnnd sawer blei- ben/ gleichwol guten Wein vnnd Essig darauß zu machen.
Deßgleichen von Johans-traͤublein/ Saurach beer- lein/ Himberen/ Bromberen/ Kraͤntz beren/ Rosen vnd Hagen-dorn Putten/ vnnd andern dergleichen Hecken-fruͤchten/ gute/ liebliche vnnd gesunde Ge- traͤncke/ welche sich Jahr vnd Tag halten koͤnnen/ zu machen.
Jtem/
Appendix.
Jtem/ wie man alle truͤbe/ lange/ rohte/ schimlichte/ saure vnd andere mangelhafte Weine/ leichtlich wieder zu recht bringen sol.
Auß etlichen
Vegetabi
lien/ die allenthalben gern wachsen/ einen guten/ klahren/ lieblichen vnnd bestaͤndi- gen Essig/ dem Frantzoͤsischen nicht sehr vngleich/ in grosser maͤnge zu machen/ daß ein Ohm nicht ein Tha- ler zu stehen kompt.
Jn den mehrentheil kalten Laͤndern
Europæ,
(doch außgenommen etliche von den kaͤltesten) da sonsten kein Wein kan zeittig werden; gute/ liebliche/ suͤsse vnd be- staͤndige gesunde Weine wachsen machen/ welche an- dern guten Weinen/ die in warmen Laͤndern/ als Teutschland/ Franckreich/ Spanien oder Jtalien/ ge- wachsen/ an guͤte/ lieblichkeit vnd bestaͤndigkeit nicht viel bevor geben.
Den Wein auß Bergichten/ von den Revieren weit ab gelegenen Landen/ die wegen manglung der Schiffarten vnnd theurung der Axt-fuhren/ nicht koͤn- nen forth gebracht werden/ mit einem solchen vortheil zu verfuͤhren/ also/ daß 10. Fuder nicht so viel als anders 1. Fuder zu verfuͤhren kostet/ damit man ein grosses ge- winnen/ vnd die Auß-laͤndische Weine/ in abgelegenen Landen guten kauf trincken kan.
Auß altem Kupffer gut Spanisch- gruͤn/ in grosser maͤnge/ mit sehr geringem kosten zu machen/ also daß auch 1. pfund kaum 6. stuͤber zu machen kostet.
Auf eine gantz vnbekandte weise/ Essig leichtlich zu distilliren/ also
compendiosè,
daß auch eine gantze Ohme keinen halben Thaler vnkosten darzu erfordert/ damit man viel nuͤtzliche dinge verrichten kan/ vnd vn-
ter
Appendix.
ter solchen das Spanisch- gruͤn gantz leichtlich zu
can- dilisi
ren vnd
Cristallisi
ren/ daß auch ein pfund keinen halben Thaler zu stehen kompt.
Auß dem
Urin
einen reinen vnd starcken
Spiritum,
ohne muͤhe/ arbeit vnnd kosten/ gantz geschwind zu ma- chen/ also/ daß auch 20. oder 30. pfund fuͤr einen Tha- ler koͤnnen gemacht werden/ damit viel wunderliche vnd nuͤtzliche dinge in
Medicina, Alchimia
vnnd
Me- chanicis,
koͤnnen verrichtet werden; vnter andern/ ein schoͤner Himmel- blawer
Vitriol
von dem Kupffer/ zur
Medicina
vnd
Alchimia
dienstlich/ vnnd das Sil- ber also fluͤssig darmit gemacht wird/ daß man allerhand glaͤserne Gefaͤsse/ als Schuͤssel/ Teller/ Leuchter/ Saltz- faͤsser/ Trinck-baͤcher/ vnd anderen Haußrath zum zie- rath/ damit in- vnnd außwendig versilbern kan; welche nach dem gesicht fuͤr Silberne Geschirr erkant werden.
Den
Spiritum Salis
in grosser quantitaͤt zu machen/ mit sehr geringem kosten/ daß auch ein pfund kaum 6. stuͤber zu machen kostet/ vnnd zu viel nuͤtzlichen
labori- bus,
so wohl in
Medicina, Alchimia,
als andern Kuͤn- sten/ kan angewendet werden/ als vnter andern diese folgende stuͤcke.
Das Golt von dem Silber ab zu kochen/ daß das geschmeidt gantz bleibet; auch Silber- vnnd Kupffer- haltig Golt damit zu
solvi
ren vnnd scheiden/ rein auß dem Wasser faͤllen/ vnd das Wasser wieder zu derglei- chen arbeit mehrmahlen zu gebrauchen/ also/ daß vnter allen scheidungen der Metallen im nassen wege/ kein nuͤtzlicher vnnd profitlicher zu finden ist/ vnnd das Golt auf diese weise auf den hoͤchsten halt gebracht wird.
Auß allen Laͤtten vnd Sand/ wie auch auß Kißling-
steinen/
Appendix.
steinen/ Quartzen vnd andern Berg-arthen/ welche an- geflogen/ flaͤmmicht vnd leicht Golt halten/ vnd derent- wegen mit nutzen weder mit waschen oder
Mercurio,
noch schmeltzen kan auß-gebracht werden/ das Golt leichtlich auß-zu-laugen vnd zu gut zu machen/ damit an solchen orthen/ da dergleichen Sanden/ Laͤtten/ oder Steine gefunden/ ein grosses kan gewonnen werden.
Auf eine besondere/ geheime/ bißhero vnbekandte wei- se alle wilde Berg-arthen/ wie sie auch moͤgen nahmen haben/ kuͤnstlich zu probiren/ vnnd den rechten halt zu finden/ welches auf gemeine weise vnmuͤglich zu thun ist/ vnd dienet solche Kunst an denen Orthen/ da Berg- wercke seyn; dan oftermahlen ein wild Golt-Ertz/ wann es nach gemeiner weise probiret/ vñ nichts darin gefun- den wird/ vngebawet ligen bleibet/ vnd niemand zu nu- tzen kompt; vnd werden bißweilen auch an solchen Or- then/ da keine Berg-wercke seyn/ vnterschiedlicher arth vnd sorten glimmer/ rothe vnd weisse Talcken gefunden/ welche auf gemeine weise nichts oder gar wenig geben/ vnd gleichwol oftermahls viel Silber vnd Golt darin verborgen stecket/ vnnd verlohren bleibet/ welches doch mit grossem nutzen koͤnte herauß geschmeltzet werden.
Ein schoͤn
compendium,
vnd vber die massen nuͤtz- liche
invention,
welche noch bey niemand im gebrauch gewesen; wie man allerhand Ertz/ auf eine sehr profit- liche weise/ in grosser maͤnge schmeltzẽ sol: Also/ daß man in einem Tage in einem Stich-ofen mehr Ertz schmel- tzen/ als auf die bekandte weise in acht Tagen kaum ge- schehen kan/ dadurch viel vnkosten erspahret/ vnd jaͤhr- lich ein grosses/ mehr als sonsten/ kan gewonnen werden.
Deßgleichen solche Wercke/ die von dem schmeltzen
kommen/
Appendix.
kommen/ auf viel eine bessere weise ab zu treiben/ vnnd das Silber auß dem Bley zu scheiden.
Auch die Ertze an solchen Orthen/ da keine Holtz-koh- len zu bekommen/ oder wann sie zu bekommen seyn/ im- mer so wol durch Stein-kohlen/ in grosser maͤnge/ zu schmeltzen; ein geschwinde vnd nuͤtzliche arbeit.
Alle
Sulphuri
sche/
Arsenicali
sche/
Antimoniali
sche/
Kobolti
sche vnnd andere giftige vnd fluͤchtige Ertzen/ welche/ wegen jhrer feuchtigkeit/ nicht im Fewer zu hal- ten oder zu schmeltzen seyn; durch eine besondere arth/ ei- nes Cimentz oder Rost-ofens zu binden vnd figiren/ daß sie hernach im schmeltzen jhr Silber vnd Golt gern von sich geben/ vnd mit grossem nutzen erhalten werden.
Durch den guß das leichte vnd flaͤmmichte Golt vnd Silber auß dem Sand/ Laͤtten/ Kißling-steinen oder an- dern armen Berg-arthen/ mit nutzen auß zu schmeltzen.
Auß etlichen geringen oder vnvolkommenen Metal- len vnd Mineralien jhr vnsichtlich Golt/ welches durch gemein vnd bekandt abtreiben nicht gespuͤret wird/ mit grossem nutzen/ auf ein besondere vnnd geheime weise/ herauß zu schmeltzen.
Das auß-geschmeltzte Silber vnnd Golt/ auf eine gantz geschwinde vnnd vnkoͤstliche weise/ durch den guß von einander zu scheiden; also daß man in einem Tage im eim Ofen/ durch eine Persohn/ etliche 100. Marck kan scheiden lassen/ kostet nicht halb so viel muͤhe vnd ar- beit/ vnd anlag/ als durch das
Aq. fort
oder Cimenten.
Deßgleichen kan auch ander verarbeitet Golt/ als Ketten vnd dergleichen ander Guͤlden-geschmeidt/ gar geschwind auf den hoͤchsten halt/ wie auch das Golt vom verguͤldeten Silber/ durch den guß gescheiden wer-
den/
Appendix.
den/ also/ daß leichter 100. Marck auf diese weise/ als auf die bekandte 20. mit grossem vortheil vnnd erspah- rung vieler zeit vnd kosten/ zu scheiden seyn.
Auß einem jedwedern Bley viel mehr ☽ zu seigern/ als durch die Cupellen Probe darin gefunden wird.
Auß einem jedwedern alten Eisen gut Golt auß zu schmeltzen/ welches zwar so ein grosses nicht geben kan/ dannoch denen/ welche mit wenig zu frieden seyn/ ein ehrlicher vnterhalt seyn kan.
Deßgleichen auß allem ♃ vnd ♀/ doch auß einem mehr als auß dem andern/ ☽ vnd ☉ auß zu seigern.
Alle Ertze zeitigen/ daß sie mehr Silber vnnd Golt geben im schmeltzen/ auß dem
Antimonio, Arsenico,
vnd
Auripigmento
jhr Silber vnd Golt außziehen.
Ex Venere Sulphur extraneum separ
iren/ auf daß
Cupido,
jhr Kind geboren werde.
Den gebrauchten Testen das Silber/ welches im abtreiben darein gangen/ ohne schmeltzen oder andere muͤhe vnd kosten/ zu benehmen.
Jn allen Landen vnnd an allen Orthen/ vielerhand schoͤne Erdene Geschirr/ dem Porcellein nicht sehr vn- gleich oder geringer/ welche das Fewer vnd alle
Spiri- tus
halten/ mit wenig kosten zu machen.
Ein vnbekandter Alaun/ welcher alle Farben erhoͤhet/ schoͤner vnd bestaͤndig machet. Jst sonderlich zum Carmossin/ Schar- lacken/ vnd andern koͤstlichen Farben zu gebrauchen. Darzu ei- nen bestaͤndigen Kessel/ welcher die Farben nicht alterirt/ mit kleinem kosten zu machen.
Allerhand schoͤne Mahler-Farben/ auf eine vnkoͤstliche weise zu machen/ als
Purpur-lacca,
von vielerley Farben/ Schmalten/
Ultra-marinum,
Cinober/ vnd insonderheit eine schoͤne weisse Farb/ dergleichen noch bey niemand gesehen/ welche den schoͤne- sten Perlein gleich ist: Wie auch Golt vnnd Silber/ auf eine leichte weise zu mahlen.
ENDE
.