Vil köch versaltzen brei. Bei vil hirten wirts übel gehüt. Es ist nicht schädlichers / denn so herr Jederman / der doll pöfel / den zaum hat / vnnd iederman thůt was er wil. Es kan niemand wol ein herr sein / er sei denn vor ein knecht gewesen. Wer nit kan übersehen / der kan nit regieren. Wer nit weyß wie schrepffen auff den schynbeinen thůt /der kan andern nicht wol drauff schrepffen. Den nit dürst / ist den dürstigen gar hart / vnd lobet der voll bauch nur das fasten.