Alte freund soll man nit verkiesen / dann man weyß nit wie die newen gerathen.
Nouos par ans amicos, ne obliuiscaris ueterum:
Alte freund / alt wein / vnd alt gelt / fůrē den preiß in aller welt. Was täglich sein freund verkieset / zeygt ein wanckelmütig vnbestendigs gemüt an / das mit ernst niemandt liebt oder meynet / Wie bald die einn ieden annemen / so gering werffen sie jn vmb ein iede vrsach hin. Diogenes sprach: Hund die jhre herrn verlassen / solt keiner annemen.