Sonnete
An Ehr vnd billicheit liebende Leser.
Etlich Sonnet.
Huldrich Wisart.
1.
In dem Hauß, spricht man, stehts nicht wol
Vnd muß gewiß was böß gemanen,
Wann die Henn kräht vber den Hanen,
Da sie doch darfür gachssen soll,
Zu leuchtern jren Eyerstoll.
Also wie viel mehr muß es hön
In einem Regiment dann stehn,
Welchs grösser ist vnd sorgen voll:
Wann die Henn wil die Hanen führen,
Da muß sie die gewiß verführen,
Dann es ist wider die Natur,
Daß das schwächer das stärcker führt,
Das vnzierlichst das zierlichst ziert,
Welch vngleicheit dient zur auffrur.