2. In cladem Lipsiacam
Hæc acies prima est, hæc et victoria prima,
Lipsiacæ
Synodi quam retulere manus.
Qui non
Italicis
potuit succumbere campis,
Non, ubi victrici
Mosa
cachinnat aqua,
Westfalicus
nec ubi sua proluit arva
Visurgis,
Nec rapidus qua
Albis
rura cruore rigat,
Huc ruit ut meritas sumat pro crimine pœnas
Nec nisi
Lipsiaca
clade perire potest.
Mollia
Lipsiacis
primordia cœpit in agris,
Lipsiacis
crevit,
Lipsiacisque
stetit,
His defensa fuit
Bona Caussa,
et sanguine utrimque
Multo firmata est, area testis erit.
Area tota cruor, et plurima mortis imago,
Tota sepulcretum, tota cadaver iners.
I nunc, atque bonam dedisce lacessere caussam
Tylliades;
qui illam vindicat, ultor adest.