31.
H. Nathanael Roßteuschers vnd Alithææ Roussiæ Hochzeit
In dem das feste Gempf der Helden kühnheit übt/
Vnd endlich jhren ruhm durch seinen fall außbreittet:
Bricht auch der harte Sinn/ den Ihr biß noch bestreittet
Vnd Ewer
Alithè
bekennet daß sie libt/
Nun schöpfft Ihr lust aus dem/ was Euch bißher betrübt/
Die Hochzeit Göttin hat den einzug schon bereittet:
Weil
Hymen
/ was jhr wündscht/ ins Triumphbette leittet/
Vnd den so werthen Feind euch gäntzlich übergibt.
Er wolle noch mit jhm Glück/ Ehre/ sanfftes leben/
Gewündschte Lust vnd Frewd/ vnd Heil vnd Segen geben
Vnd fortgang vnd gewinn/ vnd was mein
Phœbus
hatt.
Der Wundsch ist zwar nicht new' vnd voll gemeiner Sachen
Herr Bräutgam: jhr mögt selbst der Brautt was newes machen.
Das Leben/ Seel vnd Geist/ vnd Händ vnd Füße hatt.