47.
Das Letzte Gerichte
Auff Todten! auff! die welt verkracht in letztem brande!
Der Sternen Herr vergeht! der Mond ist dunckel-rott/
Die Sonn' ohn allen schein! Auff/ Ihr die grab vnd kott
Auff! jhr die Erd vnd See vnd Hellen hilt zu pfande!
Ihr die jhr lebt komm't an: der HERR/ der vor in schande
Sich richten ließ/ erscheint/ vor Ihm laufft fla i' vnd noth
Bey Ihm steht Majestätt/ nach jhm/ folgt blitz vnd todt/
Vmb jhn/ mehr Cherubim als Sand an Pontus strande.
Wie lieblich spricht Er an/ die seine Recht' erkohren.
Wie schrecklich donnert Er/ auff diese die verlohren
Vnwiderrufflich wortt/ kommt Freunde! Feinde fliht'
Der Himmel schleußt sich auff! O Gott! welch frölich scheiden!
Die Erden reist entzwey. Welch weh/ welch schrecklich leidẽ.
Weh/ weh dem/ der verdamm't: wol dem der
IESVM
siht.