De Denische Dörp-Pape
Den 10 Julii am dage Saturni, do menn schreeff: Ein M. ein D. dre X. ein C.
In Puredof bym Poggenpohl/
Ein grot halff miel vam Predigstohl.
S.
S.G.S.
S.
Simile Gaudet Simili
,
Glieck freut sich sines gliecken/
Dat sehn in allen dingen wy.
By Armen un by Riecken.
Wat nicht glieckt/ dat mot wiecken/
Dat Klein vor't Grote striecken.
Im olden Sprichwort secht menn recht,
Alß de Herr iß/ so iß de Knecht/
Alß de Werth iß/ so iß de Gast/
Alß de Mann iß/ so iß de Quast/
Alß de Herder iß/ sind de Schape/
De Tohörer iß alß sin Pape;
De hoet schicket sich na den mont/
De Scho iß schneden na den font.
Ein schön Huß hefft ein Hüpschen Gevel/
Ein wacker Spect ein sinen Knevel.
De Schede moet syn na dat Mest/
Denn glieck bym gliecken/ schickt sich best,
Dat süht menn hir ock/ gevet acht/
Vnbelacht leset mit bedacht/
Im lesen alles wolbetrachtt.
Hir mit wünschet Juw gude nacht.
J.O.T.A.
Herr Hanns iß lustig im Beerhuse/
Springt mit der Maget umb bym Ruse,
Herr Hack kömpt ock/ wert dit gewahr/
Seit mit in und iß lustig dar.
Gvden dach min leve Herr Hannß/
Schall ick Juw finden hir im Danß?
Ick meend' men schold' studeren/
Dewiel idt morgen Sonndach iß;
Wol schall denn vör juw holden Miß
Vnd Juw Thohörers Lehren?
Willkam/ kamt in/ leve Herr Hack/
Wy hebben hir recht gut gemack/
Sorget doch nicht vör morgen/
In minem kopp hebb' ick idt all
Wat ick morgen herschwatzen schall/
Dar darff ick nicht vör sorgen.
Dat iß gut Herr Hannß ick gah' in/
Wiel ick ock gern mit frölich bin/
Ein Ehrloß Schelm mach truren/
Ick bin lang nicht by Juw gewest.
Wat sint dar binnen doch vör Gäst?
Idt sint min egen Buhren.
Ick wunsch Juw all'n ein guden dach.
Danck hebbt/ willkam in unse g'lach/
Wy sehn Juw hertlich geren.
Kam't neger her/ leve Herr Hack/
Verlehnt uns ock doch juwen schnack.
Sittet by unsem Heren/
Vnd drincket lustig mit umher/
Id iß recht gut und leefflich Beer/
Lett sich ock sehr wol drincken.
Dat will ick dhon up juwe bede/
Lever gut Beer alß schlimme Mede/
Ick hap' idt schall wol sincken.
Drincket her/ mak't nicht mehr verwohr.
Darup gelt idt juw/ Herr Pastor.
My alleen van juw beiden?
Dat iß my kruwen altho veel/
Ick krieg' idt nümmer dörch de keel/
Doch moet ick my bereiden/
Vnd sehn efft ick idt kan bestahn.
Ick bringt juw Herr Hannß min Compan/
Bringt idt dem Naber wedder.
Min Naber hefft all so veel Beer/
Dat he van avent drinckt nicht mehr.
He schlöpt/ legg't ehn doch neder/
Vn dhot ehm nu doch iho nehn leet.
Oleff dhot gy vor ehm bescheet/
Sett Juw in sine stede.
Ja gern Herr Hannß/ drinckt my menn tho.
Süh' Naber wat ick vör dy dho/
Vp Herr Hannß sine bede.
Oleff dat Juw Gott geve glück/
Gy dhon ein recht truw Nabers stuck/
Ick moet juw darin römen:
Gy nemen juw Bentt siner an
Alß ein fram/ ehrlich/ gut Dannmann/
So will ick juw ock nömen.
Herr Hannß mak't doch nicht so veel wort/
Gude Frundt Oleff/ drincket fort/
Latht Trüwloß ock wat kriegen.
Dat's recht Herr Hack/ gevet mit acht/
Trüwloß ehm iß lang' nehn gebracht/
He plecht so nich tho schwiegen.
Trüwloß wo ißt? wo steit de mout?
Gott loff/ Herr Hannß/ idt iß all gout/
Ick hebb' min dehl bald kregen.
Idt iß my gahn/ so alß idt plecht/
Ick hebb' wat unnern disch gelecht/
Dat moet de Magt wechfegen/
Edder gy krieg'n de Neeß all voll.
Ho/ ho/ Trüwloß/ wo? sy gy doll?
Warumb kond' gy nicht spreken?
Idt quam ehr ickt vermoden was/
Ick dranck menn ein drunck över paß/
De wold' my't hert tho breken.
Fuy Düvel/ nu rück ick den funt/
Trüwloß gy sint vörwahr nich sunt/
Idt rückt alß hädd gy't scheten.
O leve Herr Hack schwiegt still/
Idt schüth wedder min egen will/
Iß my ock offt verweten/
Seit mennigmal henn/ ehr menn't föhlt.
Trüwloß hebb' gy den munt ock spöhlt?
Dencket doch wo gy stincken.
Ho/ ho/ wat schall ick spöhlen veel?
Ick will spöhlen min munt un kehl/
Wenn gy my eins tho drincken.
De Störttensueck drinck mehr mit juw.
Herr Hack/ hebb' gy vör ehm ein gruw?
Wat schall doch dat bedüden?
Dar kehr ick my vörwahr nich an/
Drinck glieckwol mit ehm uth de Kann;
Dat wedderfahrt mehr Lüden:
Idt lett sich ja lichtlich versehn/
Iß my ock sulfest offt geschehn/
Im Bedd' by miner Fruwen;
Drincket menn mit/ denck't nicht daran/
He iß gewiß ein reinlich Mann;
Latht juw nicht vör ehm gruwen.
Iß dit juw ernst? segg't my/ Herr Hannß?
Schold ick drincken mit sölcke Manns?
Sint se doch alß de Sögen.
Ick drünck lever im Jahr neen Beer:
My wundert idt van juw recht sehr/
Dat gy idt so dhon mögen.
Ha/ ha/ dat schadet nicht ein har/
He iß ja nu innwändig klar.
Trüwloß/ latht menn her weyen/
Gy hebben juw vam unflath fryt
Holt Bror/ du heffst den bart bespy't/
Lath my't dy erst uthkleyen/
So kanstu Herr Hannß drincken tho.
Ja Oleff leve Bror/ dat dho/
Herr Hack secht/ dat wy stincken/
Nu Bror/ drinck nu/ nu bistu fry.
Herr Hack/ dit geit juw Neeß verby/
Ick will't Herr Hannß tho drincken.
Herr Hannß ick bring't juw allthomal.
Dit hir iß unse Vagetsschahl/
Dar will wy ehn mit ehren/
Danck hebb't Trüwloß/ min gode fründt/
Ein Schelm iß de ehm övel günnt/
Ick drinck sin schal recht geren.
Dat lestmal do ick by ehm was/
Spöhld he my so tho uth sin glaß/
Dat ick sülfest nicht wüste
Efft ick ein Wieff was edd'r ein Mann.
Gy weten wo he supen kan/
Ick dranck mehr alß my lüste.
Herr Peter/ Herr Christen und Herr Cnuth/
Kregen ock datmal voll de Huth:
Wy wehren alß veer blinden/
Konden up unse föth nicht stahn.
Do ick wedder tho huß wold gahn/
Kond ick de Dhör nicht finden.
Wy bleeven dar ahn unsen danck/
Leden unß all' veer up de Banck.
Ick weet nicht wat he dachte/
Dat he uns maeckd so voll und doll.
O leve Herr/ dat weth gy wol/
Wenn't so tho geit/ so lacht he.
Ja he deit na der olden wiese/
Iß nehn hunt över dranck und spiese/
Ick hebb' ock by ehm seten/
Weet wol wo he sin Gäst
tracteert
,
He iß utbündig gut thon werth/
Drinckt gern/ mach ock wol eten.
Ja/ dat iß wahr/ leve Herr Prest/
He iß ein Werth vör gode Gäst/
Dat weten all de Buhren/
Iß jümmr blied/ süht nümmer suhr/
Wol dar kömpt/ Börger edder Buhr/
He will nicht dat se truren.
O dat iß recht ein gode arth/
Wat hefft menn mehr thor hennefart
Nödig/ alß solcken Namen?
Wy nehmen nichts mit uth de Welt/
Laten hir unse guth und gelt/
Salich sint alle Framen.
Herr Hack will gy mit buten gahn?
Ick moth min Water eins affschlan.
Kamt doch bald wedder binnen/
Ja/ ja/ Oleff wy dhon ock dat/
So lang dar noch Beer iß int fakt/
Wy sint ja noch by sinnen.
Se gahn uth/ Truwloß iß quath/ Oleff suht dit/ fragt wat ehm schadt.
Trüwloß wo ist? heffstu ein schroll?
Herr Hack de maeckt my rasen doll/
Wat gaff he my vör wörde.
Kompt he hir wedder in de Stuven/
He schall dar ein Ohrfieg uthkluven.
Wo nu Bror/ bistu dörde?
Woldestu einen Papen schlan?
Idt würd dy nümmermehr wolgahn/
Dar machstu dy vör schemen.
He mach sin ein Pap' edder Ap'/
He schall wiß sehn dat ick nich schlap'
Lett he my nicht bethemen.
Iß he denn beter alß Herr Hannß/
Edder alß ander Wiese Manns/
Dar ick ock offt mit drincke?
O dat ehm warde walg und weh'
Wol hefft idt doch ehe secht alß he/
Dat ick so övel stincke?
Dat ehm ankam de Störttensueck/
He schall bald föhlen wo ick rüeck.
Lath my menn mit ehm raden.
Min hartten Brörken holt doch frede/
Lath dy stüren up mine bede/
Wahr dy sülfest vör schaden.
Kom mit my tho huß ahn rumor/
Maeck doch din Wyfften nehn verwohr/
Du weckst se kan so sorgen.
Nu Bror/ du meenst idt gut mit my/
Darumb gah' ick ock gern mit dy/
Will ehm up ditmal borgen:
Idt komt wol eins ein ander dach/
Dat ick ehn find in min gelach/
So schall he de süeck kriegen.
Dats recht/ dar heffstu minen sinn/
Kom/ lath uns gahn/ se kamen in/
Wy willen ditmal schwiegen/
Vnd gahn thor achtern dören uth/
Papen volck isz ein seltsam kruth,
Veel arger alsz de Netteln,
De henn' menn gern daran verbrennt/
De köfft se nich/ de se recht kennt/
De Düvel mach se ketteln.
Se gahn henn De Papen kamen inn.
Kam't in Herr Hack/ hir find' wy nehn/
Hört unß de Stuve nu alleen?
Wor sint de Buhren bleven?
My dünckt se wehren satt van Beer;
Wenn Trüwloß lenger bleven wer'
So hadd ick mit ehm keven.
Seeg gy nicht/ wo schrollsch sach he uth/
He iß ein schelm in siner huth;
Hadd' ick ehm by der kehlen/
Ick wold ehm geven sinen dehl
Am lieve/ he schold sine Seel
Dem leven Gott befehlen.
Wonu Herr Hack/ wats dat vör schnack?
Schold menn sich kehrn an solcken pack?
Wol wold mit dat volck kieven?
Wold gy juw wol mit Buhren schlan?
Dat wer' vör wahr nich wolgedahn/
Latht Buhren/ Buhren blieven.
Ja/ wenn ick denck an unsen stand/
So wer' idt wol ein weinig schand;
Se sint nich unses gliecken/
Idt mach so henngahn up ditmal.
Herr Hack langet my her de Schael/
Latht uns dar eins in kiecken.
Drincket my tho den halven deht.
Neen/ neen/ Herr Hannß/ ick bringt juw heel.
Drinckt uth dat juw Gott segen/
So veel alß in der bütten iß/
Dat Beer schmeckt wol.
Ja/ dat iß wiß/
Idt kan den halß wol fegen/
Idt schmeckt so liden wol na Hopp.
Ja/ dat föhl ick wol im kopp/
Dat gut west iß de Hummel.
Wo ick noch ein stund lenger sitt/
So will ick juw wol seggen dit/
Ick krieg ein guden Tummel.
Idt wert my bald nicht beter gahn.
Dat schadt nicht/ wy sintt wol gewahn/
Morgen schalt nemant marcken/
Dat wy druncken gewesen sind/
Wenn menn uns manck den buhren findt/
Vörm Altar in der Karcken.
Wy hebbent gut mit den Postillen/
Könen daruth na unsen willen/
Mehr alß uns nödisch/ spreken/
Tho verdenen dat Jarlich lohn.
Ja/ Gott sy danck/ dat kön' wy dhon/
Gar lichtlich/ ahn Kopp breken.
Wy Presters im Dörp sint mit freden/
Hebbent beter alß dein Steden.
Ja truw'n hir iß gut wesen.
Vnse Thohörers sint sin schlicht/
Verstahn sich up de saken nicht/
De meist' hup kan nicht lesen.
All wo wy't maken/ so ist recht/
Se achten uns vör Gades Knecht/
Seggen ock wy sint Hillig/
Darumb holden se uns in Ehrn.
Ja/ recht/ so moth menn se vexeren/
Idt iß nicht mehr alß billig/
Dat se uns holden ehren wert/
Darumb hebben wy iho studert/
Dat wy na unsem willen/
Mögen in ansehn leven frisch/
Vnd holden einen guden Disch/
Ock unsen Büdel füllen.
Ja/ schold menn hebben veel verwoht/
So möcht de Düvel syn Pastor/
Vnse Ampt wold nicht dögen/
Wenn idt nicht maeckd' den Büdel voll:
Averst nu hebb wy't recht und wol/
So/ alß wy't wünschen mögen.
Dats wahr/ wy hebben gude dage/
Leven in rouw und ahne klage/
Beter alß de Soldaten.
Dat Offer dricht uns grot gewinn/
Vnse schwatzen bringt Järlich in/
Mehr als der Advocaten.
Ja/ wy hebben Authoritet/
Se menen de uns deit verdreet
Kan sin dag nicht gedyen.
Vor unsem Bann forchtt jeder sick/
Veel mehr alß vör des Bödels strick/
So schall menn Buhren brüyen.
Still/ still/ schnackt doch so lude nicht/
Buhren sind lose Bosewichts/
Idt möcht uns einer hören
Vnd dragen disse wörde uth/
Dat wer' denn vör uns all nicht gut.
Den schold de Düvel rören.
Hir van genoch/ eins thom valet
Bringt my tho/ ick dho juw bescheet/
So gahn wy denn thosamen
Schlapen in unser Fruwen Armen/
Wy hebben nu gefüllt de Darmen/
Gott lacht unß wol bekamen.
A.
S.
A.S.P.S.A.
S.
A.
A
lle
S
olcke
P
apen
S
int
A
pen.
De fast in eren sünden schlapen/
Vn nich recht handlen by den Schapen.
Van ehnen iß nichts guds to hapen.
Gy Arme Maden/
Mit sünd beladen/
Staht aff vam quaden/
Dhot gude daden/
Wahrt juw vör schaden/
Latet juw raden/
In tidt der gnaden
Van Gades baden.
Midet de Rotten
De erer spotten.
David Ioris
Gottes knecht/
Hefft gesegt/ verstaht idt recht:
De Papen maken veel Apen/
De Düvel hefft se geschapen.
1.
Weh' juw Pastoren
De't Kaff vör't Koren
Hebben genamen:
Mit Juwen lehren
De Schrifft verkehren/
Wo will't juw bekamen?
2.
Gy dröge Kuhlen/
Gy blinde Vlen/
Wölfe un Bahren:
De Schap' gy biten/
Ja/ gantz tho riten/
Wo will gy doch fahren?
3.
Na er fleesch stah' gy/
In er sell gah' gy/
Ehr Melck gy drincken/
De Woll' gy plücken/
De huth affrücken;
Van laster gy stincken.
4.
Gy söken gewinn
Vn kamen nich in
Thor rechten döhren:
Vmb gelt gy spreken/
Dat gude breken/
De Lüde verföhren.
5.
Sehr veel gy lesen;
Doch iß juw wesen
Nich alß gy menen/
Mit grotem prangen
Gy Ehr entfangen/
Van groten und kleenen.
6.
Mit tituleren/
Nömt menn juw Heren/
Darna gy trachten/
Hoch gy erheven
De juw veel geven/
Sonst nemant mehr achten.
7.
All juw studeren
Vnd mediteren/
Na gelt gy richten;
Den Bueck tho füllen/
Na juwen willen/
Dat iß all juw dichten.
8.
Gy Herr Gotts deve/
Juw egen leve/
Hefft juw beseten:
Dat sath der Schlangen/
Hebb' gy entfangen/
Adams Appel eten.
9.
Packt juw gy Apen/
Gy Baals Papen/
Gy Hypocriten/
Gy falsch Propheten/
Wol hefft juw heten
Dat Volck tho beschiten?
10.
O latht juw raden/
Wahrt juw vör schaden/
Nu/ nu/ by tiden;
Van't böß juw kehret/
Dat gud' begehret/
Wiel idt noch heet hüden.
11.
Erkennt de Warheit/
Seht Gottes Klarheit/
De Dach's angangen/
Vn wert bald kamen/
Dar na de Framen
Hebben ein verlangen.
12.
Alle Welt-wiesen/
Die sich sülfst priesen/
Möthen herunder:
All de Gottlaven/
Werden erhaven/
Dar wert menn sehn wunder.
13.
O latht juw lehren/
Gott recht tho ehren/
Mit Word und Wercken;
Hört Gottes baden/
In tidt der Gnaden/
Syt nicht alß de Fercken.
14.
Dit hefft Juw gesecht/
De trüw Gottes Knecht/
Den gy verdömen:
Sin lieff iß verbrannt/
Sin Seel in Gotts hand/
Ick darff ehn nich nömen.
J.O.T.A.