I.F.P.Q.
Videre si lubet Sophos, è dissitis
mundi plagis, ad Solymorum mœnia,
cursu citato provolantes, et micans
sidus sequentes, quod sacram monstret viam;
adeste: CLAJUS hos videndos offeret.
Ostendet hic stellam, perennis gloriæ
signum, rotæ quæ Solis obstat lumine,
et carne terrestri Deum pronunciat.
Videre vultus si lubet Regis truces
Herodis, udum sanguinem spirantis, et
mortis figuras mille ter, vel pluries,
innoxii quibus cadant puelluli,
rapti genitricum furenter ubere,
quos horridi figant, secent, sicarii,
et dividant in fœda sectos frustula:
adeste: CLAJUS hos videndos offeret.
Videre casus silubet Germaniæ;
quæ, sicuti repleta mater lacrymis,
mœrore plena, tetra, nigra, squalida,
tot filiorum um mœret ob dir as neces,
et ceu novas Herodis ir as clamitat:
adeste: CLAJUS hos videndos offeret,
metroque Vobis proferet Germanico:
adeste: cùm soluta concione cras
cœtus DEI templo domum rediverit.
P.P. 11. Jan. 1645.
Johannes Michael.