In nuptias, Dn. Danielis Freteri, Lactissimæque virginis Annæ Barberiæ:
Lumine purpureum grato reseravit Olympum
Ignicomus sponsis festa ad connubia Titan:
Iam faculam accendit Cythereæ Hymenæus ad aram,
Quam quatit, in gratos, ut surgat, pronubus, ignes:
Iam sinuat arcum, celeresque Cupido sagittas
Corripit, ut cœcum faciat crudescere vulnus.
Tu, mea quid cessas, Euterpe, Teutonis ore
Teutonicas differs quid demulcere puellas,
Teutonicè consueta loqui? quid? Teutone dignus
Teutonicus sermo est, Teuto quem mente probavit.