Von Sanct. Kilian
Sanct. Kilian ein edler Schott/
Der Francken Apostolisch Bott/
Auß Rom vom Bapst in Franckenland.
Der erste Bischoff ward gesandt.
Der ist O Würtzburg Edle Statt/
Der dir gebracht den Glauben hatt/
Die Sonn hat dir das Licht gebracht/
das Liecht gebracht/
Das Liecht hat dir ein Schein gemacht.
2.
Daß du jetzt bist ein Paradeiß/
Sanct.
Kilian
sag danck vnd Preiß/
Er hat gemacht gantz Francken frey
Vom Vnkraut der Abgötterey.
Er hat gesäet von Ort zu Ort
Den guten Samen Gottes Wort/
Darauß alßbald gewachsen ist
gewachsen ist
Gosbert
der Fürst ein newer Christ.
3.
Daß nun der Lustgart wüchse sehr/
Vnd daß der Blumen würden mehr.
Goß er darauff ein Regen gut/
Sein thewres vnd heyliges Blut.
Vnd daß der Lustgart sicher blieb/
Blieb er darinn auß lauter Lieb.
Zu Würtzburg ligt sein Leib im Grab/
sein Leib im Grab/
Vnd helt die Feind vom Garten ab.
4.
Sein Seel auch vber Sonn vnd Mon
Glantzt in dem Himmel Wunder schon/
Ein Sonnenschein vom Himmel send/
Vnd diesen Schein zum Garten wend.
Ein solche
influentz
vnd Krafft/
Sehr grossen Nutz im Garten schafft/
Der Gart dardurch wird Blumen vol/
wird Blumen vol.
Vnd alle Frücht gerathen wol.
5.
O Würtzgart! wegen deiner Frucht
Sanct.
Kilian
dich viel besucht:
Ein Kräntzle du jhm geben hast
Daß er noch trägt in Gold gefast.
Das hastu
Geila
zugericht/
Weil er dein Sünd wolt leiden nicht/
O Marter Kron! O thewrer Krantz!
O thewrer Krantz!
O Kron! O Krantz! O Zier! O Glantz.
6.
Wolan kom her du edler Franck/
Sanct.
Kilian
sag lob vnd danck.
Vnd du Apostolischer Mann/
Bischoff/ Marter/ Sanct.
Kilian:
Laß dir die edle Francken dein/
Von Hertzen angelegen sein/
Den Garten fort beschützen thu/
beschützen thu:
Vnd laß kein wildes Thier hinzu.
Kilianvs.
Nobilis hibernus, etc. in Orientalem Franciam venit, etc. ibi in oppido
Würtzburg
moratur, pro gentis salute, & Christi gloria paratus mori. Cum Romam ijsset, inde à Pontifice creatus Episcopus Herbipolim remissus, Gosbertum Franconiæ Ducem conuertit ad Christum; quem à Geila fratris sui quondam vxore cum abstraheret, Geila re cognita, Duce absente, sanctum iussit mactari. Burgunda corpus sepelit piè. Geilam dæmon arripit, rapitq; in tartara, etc. Vide Lippeloo. 8. Iulij, ex Surio, & Baronio.