Niederbayrischer Kooperator
Mir, mir, mir Niedaboarn,
Hamm a den Eid schö g'schwoarn,
Dös hot si glei gebüahrt,
Daß 'n a jeda schwüart.
Net g'rad mit oana Hand,
Mit all zwoa mitanand,
G'wasch'n san s' aa net g'wen.
Zweg'na wos denn?
Mir, mir, mir Niedaboarn,
Müaß ma'r an Himmi foahrn,
Pfeigräd als geischtli Herrn,
Dös hamm mir alle gern;
Sagt da Papscht, was a wui,
Ins is koan Eid net z'vui,
Mir hamm koan Wiss'nsdurscht,
Ins is all's wurscht.
Mir, mir, mir Niedaboarn,
So san ma'r aufzog'n woarn,
Daß ma koan Angst net g'spüart,
Daß si koa Zweifi rüahrt,
Daß mir scho allesamm
So an schön Glaab'n hamm,
Da gibt's scho gar nix mehr.
Hau a Pris her!