Kāvyālaṃkāra

praṇamya sārvaṃ sarvajñaṃ manovākkāyakarmabhiḥ kāvyālaṃkāra ityeṣa yathābuddhi vidhāsyate // dharmārthakāmamokṣeṣu vaicakṣaṇyaṃ kalāsu ca prītiṃ karoti kīrtiṃ ca sādhukāvyanibandhanam // adhanasyeva dātṛtvaṃ klībasyevāstrakauśalam ajñasyeva pragalbhatvam akaveḥ śāstravedanam // vinayena vinā kā śrīḥ kā niśā śaśinā vinā rahitā satkavitvena kīdṛśī vāgvidagdhatā // gurūpadeśādadhyetuṃ śāstraṃ jaḍadhiyo 'pyalam kāvyaṃ tu jāyate jātu kasyacit pratibhāvataḥ // upeyuṣāmapi divaṃ sannibandhavidhāyinām āsta eva nirātaṅkaṃ kāntaṃ kāvyamayaṃ vapuḥ // ruṇaddhi rodasī cāsya yāvatkīrtiranaśvarī tāvatkilāyamadhyāste sukṛtī vaibudhaṃ padam // ato 'bhivāñchatā kīrtiṃ stheyasīmābhuvaḥ sthiteḥ yatno viditavedyena vidheyaḥ kāvyalakṣaṇaḥ // śabdaśchando 'bhidhānārthā itihāsāśrayāḥ kathāḥ loko yuktiḥ kalāśceti mantavyāḥ kāvyahetavaḥ // kāvyahetavaḥ] Udbhaṭa's comm. (see GNOLI 1962, p.XL); kāvyagairhyamī \edM; kāvyayairvaśī \edB; kāvyayairamī? \edBpc(\edBvl?) śabdābhidheye vijñāya kṛtvā tadvidupāsanam vilokyānyanibandhāṃśca kāryaḥ kāvyakriyādaraḥ // tadvidupāsanam] \edM; tadvidupāsanām \edB sarvathā padamapyekaṃ na nigādyamavadyavat vilakṣmaṇā hi kāvyena duḥsuteneva nindyate // nākavitvamadharmāya vyādhaye daṇḍanāya vā kukavitvaṃ punaḥ sākṣān mṛtimāhurmanīṣiṇaḥ // nākavitvam] \edM; akavitvam \edB rūpakādiralaṃkāras tasyānyairbahudhoditaḥ na kāntamapi nirbhūṣaṃ vibhāti vanitāmukham // rūpakādimalaṃkāraṃ bāhyamācakṣate pare supāṃ tiṅāṃ ca vyutpattiṃ vācāṃ vāñchantyalaṃkṛtim // tadetadāhuḥ sauśabdyaṃ nārthavyutpattirīdṛśī śabdābhidheyālaṃkārabhedādiṣṭaṃ dvayaṃ tu naḥ // Cited in Kāvyaprakāśa 6 śabdārthau sahitau kāvyaṃ gadyaṃ padyaṃ ca taddvidhā saṃskṛtaṃ prākṛtaṃ cānyad apabhraṃśa iti tridhā // vṛttadevādicaritaśaṃsi cotpādyavastu ca kalāśāstrāśrayaṃ ceti caturdhā bhidyate punaḥ // sargabandho 'bhineyārthaṃ tathaivākhyāyikākathe anibaddhaṃ ca kāvyādi tatpunaḥ pañcadhocyate // sargabandho mahākāvyaṃ mahatāṃ ca mahacca yat agrāmyaśabdamarthyaṃ ca sālaṃkāraṃ sadāśrayam // mantradūtaprayāṇājināyakābhyudayaiśca yat pañcabhiḥ sandhibhiryuktaṃ nātivyākhyeyamṛddhimat // mantra] \edM\edB; mantri \edBKa nātivyākhyeyam---this theme famously returned to in 2:20 below caturvargābhidhāne 'pi bhūyasārthopadeśakṛt yuktaṃ lokasvabhāvena rasaiśca sakalaiḥ pṛthak // nāyakaṃ prāgupanyasya vaṃśavīryaśrutādibhiḥ na tasyaiva vadhaṃ brūyād anyotkarṣābhidhitsayā // yadi kāvyaśarīrasya na sa vyāpitayeṣyate na cābhyudayabhāktasya mudhādau grahaṇastavau // grahaṇastavau] \edM\edB; grahaṇaṃ stave \edMGa nāṭakaṃ dvipadīśamyārāsakaskandhakādi yat uktaṃ tadabhineyārtham ukto 'nyaistasya vistaraḥ // saṃskṛtānākulaśravyaśabdārthapadavṛttinā gadyena yuktodāttārthā socchvāsākhyāyikā matā // saṃskṛtā@] \edM; prakṛtā@ \edB; prasṛtā@ \edBKha; prakṛtā(sṛtā) \edBGha vṛttamākhyāyate tasyāṃ nāyakena svaceṣṭitam vaktraṃ cāparavaktraṃ ca kāle bhāvyārthaśaṃsi ca // kaverabhiprāyakṛtaiḥ kathanaiḥ kaiścidaṅkitā kanyāharaṇasaṃgrāmavipralambhodayānvitā // kathanaiḥ] \edM; kathānaiḥ \edB na vaktrāparavaktrābhyāṃ yuktā nocchāsavatyapi saṃskṛtāsaṃskṛtā ceṣṭā kathāpabhraṃśabhāk tathā // saṃskṛtāsaṃskṛtā] \edM; saṃskṛtaṃ saṃskṛtā \edB anyaiḥ svacaritaṃ tasyāṃ nāyakena tu nocyate svaguṇāviṣkṛtiṃ kuryād abhijātaḥ kathaṃ janaḥ // kathaṃ janaḥ] \edM\edB; kathaṃcana GNOLI anibaddhaṃ punargāthāślokamātrādi tatpunaḥ yuktaṃ vakrasvabhāvoktyā sarvamevaitadiṣyate // vaidarbhamanyadastīti manyante sudhiyo 'pare tadeva ca kila jyāyaḥ sadarthamapi nāparam // gauḍīyamidametattu vaidarbhamiti kiṃ pṛthak gatānugatikanyāyān nānākhyeyamamedhasām // nanu cāśmakavaṃśādi vaidarbhamiti kathyate kāmaṃ tathāstu prāyeṇa saṃjñecchāto vidhīyate // cāśmakavaṃśādi] \edM\edB; * * kavaṃśyādi GNOLI apuṣṭārthamavaktrokti prasannamṛju komalam bhinnaṃ geyamivedaṃ tu kevalaṃ śrutipeśalam // alaṃkāravadagrāmyam arthyaṃ nyāyyamanākulam gauḍīyamapi sādhīyo vaidarbhamiti nānyathā // na nitāntādimātreṇa jāyate cārutā girām vakrābhidheyaśabdoktir iṣṭā vācāmalaṃkṛtiḥ // [ṣaṭ kāvyadoṣāḥ] neyārthaṃ kliṣṭamanyārtham avācakamayuktimat gūḍhaśabdābhidhānaṃ ca kavayo na prayuñjate // neyārthaṃ nīyate yukto yasyārthaḥ kṛtibhirbalāt śabdanyāyānupārūḍhaḥ kathaṃcitsvābhisandhinā // māyeva bhadreti yathā sā cāsādhvī prakalpanā veṇudākeriti ca tāṃ nayanti vacanādvinā // tāṃ nayanti] \edM; tānniyanti \edB Several interpretations of this example are presented in \msM, but it remains mysterious kliṣṭaṃ vyavahitaṃ vidyād anyārthaṃ vigame yathā vijahrustasya tāḥ śokaṃ krīḍāyāṃ vikṛtaṃ ca tat // @nyārthaṃ vigame] \edM\edBGa; @nyarthavigame \edB the anyārtha is ``effected by the vi [in vijahruḥ]". Apparently this would come under avācaka for Mammaṭa himāpahāmitradharair vyāptaṃ vyometyavācakam sākṣādarūḍhaṃ vācye 'rthe nābhidhānaṃ pratīyate // Apparenlty this would come under kliṣṭa for Mammaṭa ayuktimad yathā dūtā jalabhṛnmārutendavaḥ tathā bhramarahārītacakravākaśukādayaḥ // @mārutendavaḥ] \edM\edB; @mātrakeṅaca \edBGa; @mātra(ru?)teṣu ca \edBKa tathā bhramara@] \edM\edB; tatrābhramarahārīta@ GNOLI avāco 'vyaktavācaśca dūradeśavicāriṇaḥ kathaṃ dūtyaṃ prapadyerann iti yuktyā na yujyate // yadi cotkaṇṭhayā yattad unmatta iva bhāṣate tathā bhavatu bhūmnedaṃ sumedhobhiḥ prayujyate // gūḍhaśabdābhidhānaṃ ca na prayojyaṃ kathaṃcana sudhiyāmapi naivedam upakārāya kalpate // asitartitugadricchit svaḥkṣitāṃ patiradvidṛk amidbhiḥ śubhradṛgdṛṣṭair dviṣo jeghnīyiṣīṣṭa vaḥ // asitartibhugadrikṣit svaḥ kitāṃ patiradvidṛk| amībhiḥ śubhradṛgvṛṣṭairdviṣo jeghnīyiṣīṣṭa vaḥ \edBGha Interpreted in \msM\ with the aid of Ratneśvarasūri's commentary on the Sarasvatīkaṇṭhābharaṇa [apare catvāro doṣāḥ] śrutiduṣṭārthaduṣṭe ca kalpanāduṣṭamityapi śrutikaṣṭaṃ tathaivāhur vācaṃ doṣaṃ caturvidham // viḍvarcoviṣṭhitaklinnacchinnavāntapravṛttayaḥ pracāradharṣitodgāravisargahadayantritāḥ // @klinnacchinna@] \edM\edB; @cchinnaklinna@ \edBKa @hadayantritāḥ] \edM\edB; @hadayaṃtṛtāḥ \edBGa hiraṇyaretāḥ sambādhaḥ pelavopasthitāṇḍajāḥ vākkāṭavādayaśceti śrutiduṣṭā matā giraḥ // arthaduṣṭaṃ punarjñeyaṃ yatrokte jāyate matiḥ asabhyavastuviṣayā śabdaistadvācibhiryathā // hantumeva pravṛttasya stabdhasya vivaraiṣiṇaḥ patanaṃ jāyate 'vaśyaṃ kṛcchreṇa punarunnatiḥ // stabdhasya] \edM\edB; stambhasya \edBGa padadvayasya sandhāne yadaniṣṭaṃ prakalpate tadāhuḥ kalpanāduṣṭaṃ sa śauryābharaṇo yathā // prakalpate] \edM\edB; pragalbhate \edBKa; prakalpyate \edBGha yathā.ajihladadityādi śrutikaṣṭaṃ ca tadviduḥ na tad icchanti kṛtino gaṇḍamapyapare kila // sanniveśaviśeṣāttu duruktamapi śobhate nīlaṃ palāśamābaddham antarāle srajāmiva // kiṃcidāśrayasaundaryād dhatte śobhāmasādhvapi kāntāvilocananyastaṃ malīmasamivāñjanam // āpāṇḍugaṇḍametatte vadanaṃ vanajekṣaṇe saṃgamāt pāṇḍuśabdasya gaṇḍaḥ sādhu yathoditam // anayānyad api jñeyaṃ diśā yuktamasādhvapi yathā viklinnagaṇḍānāṃ kariṇāṃ madavāribhiḥ // mada@] \edM\edB; muda@ \edBGha madaklinnakapolānāṃ dviradānāṃ catuḥśatī yathā tadvadasādhīyaḥ sādhīyaśca prayojayet // etad grāhyaṃ surabhi kusumaṃ grāmyam etannidheyaṃ dhatte śobhāṃ viracitamidaṃ sthānamasyaitadasya mālākāro racayati yathā sādhu vijñāya mālāṃ yojyaṃ kāvyeṣvavahitadhiyā tadvadevābhidhānam // iti bhāmahālaṅkāre prathamaḥ paricchedaḥ

dvitīyaḥ paricchedaḥ mādhuryamabhivāñchantaḥ prasādaṃ ca sumedhasaḥ samāsavanti bhūyāṃsi na padāni prayuñjate // kecidojo 'bhidhitsantaḥ samasyanti bahūnyapi yathā mandārakusumareṇupiñjaritālakā // śravyaṃ nātisamastārthaṃ kāvyaṃ madhuramiṣyate āvidvadaṅganābālapratītārthaṃ prasādavat // anuprāsaḥ sayamako rūpakaṃ dīpakopame iti vācāmalaṃkārāḥ pañcaivānyairudāhṛtāḥ // sarūpavarṇavinyāsam anuprāsaṃ pracakṣate kiṃ tayā cintayā kānte nitānteti yathoditam // grāmyānuprāsamanyattu manyante sudhiyo 'pare sa lolamālānīlālikulākulagalo balaḥ // nānārthavanto 'nuprāsā na cāpyasadṛśākṣarāḥ yuktyānayā madhyamayā jāyante cāravo giraḥ // lāṭīyamapyanuprāsam ihecchantyapare yathā dṛṣṭiṃ dṛṣṭisukhāṃ dhehi candraścandramukhoditaḥ // ādimadhyāntayamakaṃ pādābhyāsaṃ tathāvalī samastapādayamakam ityetat pañcadhocyate // sandaṣṭakasamudgāder atraivāntargatirmatā ādau madhyāntayorvā syād iti pañcaiva tadyathā // sādhunā sādhunā tena rājatā rājatā bhṛtā sahitaṃ sahitaṃ kartuṃ saṃgataṃ saṃgataṃ janam // sādhuḥ saṃsārādbibhyadasmādasārāt kṛtvā kleśāntaṃ yāti vartma praśāntam jātiṃ vyādhīnāṃ durdamānāmadhīnāṃ vāñchañjyāyastvaṃ chindhi muktānayastvam // durdamānām] \edM; durnayānām \edB; durdayānām \edBGa vāñchañjyāyastvaṃ chindhi muktānayastvam \edM; vāñchantyā(ñjyā?)yastvaṃ chindhi muktāna(ma?)yastvam \edB na te dhirdhīra bhogeṣu ramaṇīyeṣu saṃgatā munīnapi harantyete ramaṇī yeṣu saṃgatā // [pādābhyāsa] sitāsitākṣīṃ supayodharādharāṃ susaṃmadāṃ vyaktamadāṃ lalāmadām ghanāghanā nīlaghanā ghanālakāṃ priyāmimāmutsukayanti yanti ca // [āvalī] amī nṛpā dattasamagraśāsanāḥ kadācidapyapratibaddhaśāsanāḥ kṛtāgasāṃ mārgabhidāṃ ca śāsanāḥ pitṛkramādhyāsitatādṛśāsanāḥ // [samastapādayamakam] anantaraikāntarayor evaṃ pādāntayorapi kṛtsnaṃ ca sarvapādeṣu duṣkaraṃ sādhu tādṛśam // duṣkaraṃ] \edM; duṣkṛtam \edB tulyaśrutīnāṃ bhinnānām abhidheyaiḥ parasparam varṇānāṃ yaḥ punarvādo yamakaṃ tannigadyate // pratītaśabdamojasvi suśliṣṭapadasandhi ca prasādi svabhidhānaṃ ca yamakaṃ kṛtināṃ matam // nānādhātvarthagambhīrā yamakavyapadeśinī prahelikā sā hyuditā rāmaśarmācyutottare // kāvyānyapi yadīmāni vyākhyāgamyāni śāstravat utsavaḥ sudhiyāmeva hanta durmedhaso hatāḥ // upamānena yattattvam upameyasya rūpyate guṇānāṃ samatāṃ dṛṣṭvā rūpakaṃ nāma tadviduḥ // samastavastuviṣayam ekadeśavivarti ca dvidhā rūpakamuddiṣṭam etattaccocyate yathā // śīkarāmbhomadasṛjas tuṅgā jaladadantinaḥ niryānto madayantīme śakrakārmukavāraṇāḥ // madayantīme śakrakārmukavāraṇāḥ] \edM(conj); maṇḍayantīme śakrakārmukakānanam \edB; madayantīme śakrakārmukakāraṇam \edBGa taḍidvalayakakṣyāṇāṃ balākāmālabhāriṇām payomucāṃ dhvanirdhīro dunoti mama tāṃ priyām // taḍidvalaya@] \edB; taṭidvalaya@ \edM ādimadhyāntaviṣayaṃ tridhā dīpakamiṣyate ekasyaiva tryavasthatvād iti tadbhidyate tridhā // amūni kurvate 'nvarthām asyākhyāmarthadīpanāt tribhirnidarśanaiścedaṃ tridhā nirdiśyate yathā // mado janayati prītiṃ sānaṅgaṃ mānabhaṅguram sa priyāsaṃgamotkaṇṭhāṃ sāsahyāṃ manasaḥ śucam // sānaṅgaṃ] \edM\edB; sānalāṃ \edBKa mālinīraṃśukabhṛtaḥ striyo 'laṃkurute madhuḥ hārītaśukavācaśca bhūdharāṇāmupatyakāḥ // cīrīmavatīraraṇyānīḥ saritaḥ śuṣyadambhasaḥ pravāsināṃ ca cetāṃsi śucirantaṃ ninīṣati // cīrī@] \edM\edB; carī@ \edBKa viruddhenopamānena deśakālakriyādibhiḥ upameyasya yatsāmyaṃ guṇaleśena sopamā // yathevaśabdau sādṛśyam āhaturvyatirekiṇoḥ dūrvākāṇḍamiva śyāmaṃ tanvī śyāmālatā yathā // śyāmaṃ] \edM\edB; śyāmā \edBGha śyāmālatā] \edM\edB; śyāmalatā \edBGa\edBGha vinā yathevaśabdābhyāṃ samāsābhihitā parā yathā kamalapatrākṣī śaśāṅkavadaneti ca // vatināpi kriyāsāmyaṃ tadvadevābhidhīyate dvijātivadadhīte 'sau guruvaccānuśāsti naḥ // samānavastunyāsena prativastūpamocyate yathevānabhidhāne 'pi guṇasāmyapratītitaḥ // sādhusādhāraṇatvādir guṇo 'tra vyatiricyate sa sāmyamāpādayati virodhe 'pi tayoryathā // kiyantaḥ santi guṇinaḥ sādhusādhāraṇaśriyaḥ svādupākaphalānamrāḥ kiyanto vādhvaśākhinaḥ // yaduktaṃ triprakāratvaṃ tasyāḥ kaiścinmahātmabhiḥ nindāpraśaṃsācikhyāsābhedādatrābhidhīyate // sāmānyaguṇanirdeśāt trayamapyuditaṃ nanu mālopamādiḥ sarvo 'pi na jyāyān vistaro mudhā // hīnatāsambhavo liṅgavacobhedo viparyayaḥ upamānādhikatvaṃ ca tenāsadṛśatāpi ca // ta eta upamādoṣāḥ sapta medhāvinoditāḥ sodāharaṇalakṣmāṇo varṇyante 'tra ca te pṛthak // sa mārutākampitapītavāsā bibhratsalīlaṃ śaśibhāsamabjam yadupravīraḥ pragṛhītaśārṅgaḥ sendrāyudho megha ivābabhāse // cited by Namisādhu ad Kāvālaṅkāra of Rudraṭa 11:24 with śaśibhāsi śaṅkham (lectio facilior?) śakracāpagrahādatra darśitaṃ kila kārmukam vāsaḥśaṅkhānupādānād dhīnamityabhidhīyate // sarvaṃ sarveṇa sārūpyaṃ nāsti bhāvasya kasyacit yathopapatti kṛtibhir upamāsu prayujyate // akhaṇḍamaṇḍalaḥ kvenduḥ kva kāntānanamadyuti yatkiṃcitkāntisāmānyāc chaśinaivopamīyate // kiṃ ca kāvyāni neyāni lakṣaṇena mahātmanām dṛṣṭaṃ vā sarvasārūpyaṃ rājamitre yathoditam // sūryāṃśasaṃmīlitalocaneṣu dīneṣu padmānilanirmadeṣu sādhvyaḥ svageheṣviva bhartṛhīnāḥ kekā vineśuḥ śikhināṃ mukheṣu // vineśuḥ] \edM\edB; vineduḥ \edBKa This verse is cited by Vāmana in his Kāvyālaṅkārasūtravṛtti ad 4.2.10 niṣpeturāsyādiva tasya dīptāḥ śarā dhanurmaṇḍalamadhyabhājaḥ jājvalyamānā iva vāridhārā dinārdhabhājaḥ pariveṣiṇo 'rkāt // śākavardhanasya [illustration of asambhava; quoted in the 10th ullāsa of Mammaṭa's Kāvyaprakāśa] kathaṃ pāto 'mbudhārāṇāṃ jvalantīnāṃ vivasvataḥ asambhavādayaṃ yuktyā tenāsambhava ucyate // tatrāsambhavinārthena kaḥ kuryādupamāṃ kṛtī ko nāma vahninaupamyaṃ kurvīta śaśalakṣmaṇaḥ // yasyātiśayavānarthaḥ kathaṃ so 'sambhavo mataḥ iṣṭaṃ cātiśayārthatvam upamotprekṣayoryathā // puñjībhūtamiva dhvāntam eṣa bhāti mataṅgajaḥ saraḥ śaratprasannāmbho nabhaḥkhaṇḍamivojjhitam // Note that, for Bhāmaha, liṅgabheda is not a problem in upamās if the genders are masculine and neuter, as he explains below (2:57). atha liṅgavacobhedāv ucyete saviparyayau hīnādhikatvāt sa dvedhā trayamapyucyate yathā // avigāhyo 'si nārīṇām ananyamanasāmapi viṣamopalabhinnormir āpagevottitīrṣataḥ // kvacidagre prasaratā kvacidāpatya nighnatā śuneva sāraṅgakulaṃ tvayā bhinnaṃ dviṣāṃ balam // \edM\ notes that the verse is cited in Keśavamiśra's Alaṅkāraśekhara (V.1) ayaṃ padmāsanāsīnaś cakravāko virājate yugādau bhagavān brahmā vinirmitsuriva prajāḥ // nanūpamīyate pāṇiḥ kamalena vikāsinā adharo vidrumacchedabhāsā bimbaphalena ca // ucyate kāmamastīdaṃ kiṃ tu strīpuṃsayorayam vidhirnābhimato 'nyaistu trayāṇāmapi neṣyate // sa pītavāsāḥ pragṛhītaśārṅgo manojñabhīmaṃ vapurāpa kṛṣṇaḥ śatahradendrāyudhavānniśāyāṃ saṃsṛjyamānaḥ śaśineva meghaḥ // rāmaśarmaṇaḥ śaśino grahaṇādetad ādhikyaṃ kila na hyayam nirdiṣṭa upameye 'rthe vācyo vā jalajo 'tra tu // jalajo] \edM; jalado \edB jalaja must refer here to the conch. na sarvasārūpyamiti vistareṇodito vidhiḥ abhiprāyātkavernātra vidheyā jalaje matiḥ // Bhāmaha might be intending to convey that he is not dogmatic on the point by suggesting that Rāmaśarman might have intended the imbalance. ādhikyamupamānānāṃ nyāyyaṃ nādhikatā bhavet gokṣīrakundahalināṃ viśuddhyā sadṛśaṃ yaśaḥ // nyāyyaṃ] \edM\edB; nyāyyā \edBGha ekenaivopamānena nanu sādṛśyamucyate uktārthasya prayogo hi gurumarthaṃ na puṣyati // ekenai@] \edM\edB; etenai@ \edBGa No answer given to this objection. vane 'tha tasminvanitānuyāyinaḥ pravṛttadānārdrakaṭā mataṅgajāḥ vicitrabarhābharaṇāśca barhiṇo babhurdivīvāmalavigrahā grahāḥ // Quoted by Namisādhu ad Rudraṭa's Kāvyālaṅkāra 11:24, reading vanitāvihāriṇaḥ prabhinnadānārdrakaṭā mataṅgajāḥ grahairapi gajādīnāṃ yadi sādṛśyamucyate tathāpi teṣāṃ tairasti kāntirvāpyugratāpi vā // ityukta upamābhedo vakṣyate cāparaḥ punaḥ upamāderalaṃkārād viśeṣo 'nyo 'bhidhīyate // [apare ṣaḍalaṃkārāḥ] ākṣepo 'rthāntaranyāso vyatireko vibhāvanā samāsātiśayoktī ca ṣaḍalaṃkṛtayo 'parāḥ // vakṣyamāṇoktaviṣayas tatrākṣepo dvidhā mataḥ ekarūpatayā śeṣā nirdekṣyante yathākramam // pratiṣedha iveṣṭasya yo viśeṣābhidhitsayā ākṣepa iti taṃ santaḥ śaṃsanti dvividhaṃ yathā // ākṣepa iti] \edM\edB; ākṣepamiti GNOLI ahaṃ tvāṃ yadi nekṣeya kṣaṇamapyutsukā tataḥ iyadevāstvato 'nyena kimuktenāpriyeṇa te // tvāṃ] \edM\edB; tvā \edBGa iyadevāstvato 'nyena] \edM\edB; iyadevāstu vānyena \GNOLI [thus vakṣyamāṇaviṣaya ākṣepa] svavikramākrāntabhuvaś citraṃ yanna tavoddhatiḥ ko vā heturalaṃ sindhor vikārakaraṇaṃ prati // svavikramākrānta@] \edM; svavikramānta@ \edB\unmetrical ko vā heturalaṃ] \edGnoli; ko vā seturalaṃ \edM\edB upanyasanamanyasya yadarthasyoditādṛte jñeyaḥ so 'rthāntaranyāsaḥ pūrvārthānugato yathā // parānīkāni bhīmāni vivikṣorna tava vyathā sādhu vāsādhu vāgāmi puṃsāmātmaiva śaṃsati // CHECK Namisādhu on Rudraṭa's Kāvyālaṅkāra ad 8:24 hiśabdenāpi hetvarthaprathanāduktasiddhaye ayamarthāntaranyāsaḥ sutarāṃ vyajyate yathā // vahanti girayo meghān abhyupetān gurūnapi garīyāneva hi gurūn bibharti praṇayāgatān // upamānavato 'rthasya yadviśeṣanidarśanam vyatirekaṃ tamicchanti viśeṣāpādanādyathā // sitāsite pakṣmavatī netre te tāmrarājinī ekāntaśubhraśyāme tu puṇḍarīkāsitotpale // kriyāyāḥ pratiṣedhe yā tatphalasya vibhāvanā jñeyā vibhāvanaivāsau samādhau sulabhe sati // apītamattāḥ śikhino diśo 'nutkaṇṭhitākulāḥ nīpo 'viliptasurabhir abhraṣṭakaluṣaṃ jalam // yatrokte gamyate 'nyo 'rthas tatsamānaviśeṣaṇaḥ sā samāsoktiruddiṣṭā saṃkṣiptārthatayā yathā // saṃkṣiptārthatayā yathā] \edM\edB; saṃkṣiptārthā yathā tathā \edBKa skandhavānṛjuravyālaḥ sthiro 'nekamahāphalaḥ jātastarurayaṃ coccaiḥ pātitaśca nabhasvatā // nimittato vaco yattu lokātikrāntagocaram manyante 'tiśayoktiṃ tām alaṅkāratayā yathā // svapuṣpacchavihāriṇyā candrabhāsā tirohitāḥ anvamīyanta bhṛṅgālivācā saptacchadadrumāḥ // apāṃ yadi tvakchithilā cyutā syāt phaṇināmiva tadā śuklāṃśukāni syur aṅgeṣvambhasi yoṣitām // @śukāni syuraṅge@] \edM\edB; @śukāny āsann aṅge@ GNOLI ityevamādiruditā guṇātiśayayogataḥ sarvaivātiśayoktistu tarkayettāṃ yathāgamam // saiṣa sarvaiva vakroktir anayārtho vibhāvyate yatno 'syāṃ kavinā kāryaḥ ko 'laṅkāro 'nayā vinā // hetuśca sūkṣmo leśo 'tha nālaṃkāratayā mataḥ samudāyābhidhānasya vakroktyanabhidhānataḥ // gato 'stamarko bhātīndur yānti vāsāya pakṣiṇaḥ ityevamādi kiṃ kāvyaṃ vārtāmenāṃ pracakṣate // Cited by Daṇḍin in Kāvyādarśa 2:244 yathāsaṃkhyamathotprekṣām alaṅkāradvayaṃ viduḥ saṃkhyānamiti medhāvinotprekṣābhihitā kvacit // bhūyasāmupadiṣṭānām arthānāmasadharmaṇām kramaśo yo 'nunirdeśo yathāsaṃkhyaṃ taducyate // padmendubhṛṅgamātaṅgapuṃskokilakalāpinaḥ vaktrakāntīkṣaṇagativāṇīvālaistvayā jitāḥ // avivakṣitasāmānyā kiṃciccopamayā saha atadguṇakriyāyogād utprekṣātiśayānvitā // kiṃśukavyapadeśena tarumāruhya sarvataḥ dagdhādagdhamaraṇyānyāḥ paśyatīva vibhāvasuḥ // svabhāvoktiralaṅkāra iti kecit pracakṣate arthasya tadavasthatvaṃ svabhāvo 'bhihito yathā // ākrośannāhvayannanyān ādhāvanmaṇḍalai rudan gā vārayati daṇḍena ḍimbhaḥ sasyāvatāraṇīḥ // maṇḍalai rudan] \edM; maṇḍalairnudan \edB sasyā@] \edM; śasyā@ \edB samāsenoditamidaṃ dhīkhedāyaiva vistaraḥ asaṃgṛhītamapyanyad abhyūhyamanayā diśā // svayaṃ kṛtaireva nidarśanairiyaṃ mayā prakḷptā khalu vāgalaṅkṛtiḥ ataḥ paraṃ cāruranekadhāparo girāmalaṅkāravidhirvidhāsyate // iti bhāmahālaṅkāre dvitīyaḥ paricchedaḥ

tṛtīyaḥ paricchedaḥ preyo rasavadūrjasvi paryāyoktaṃ samāhitam dviprakāramudāttaṃ ca bhedaiḥ śliṣṭamapi tribhiḥ // apahnutiṃ viśeṣoktaṃ virodhaṃ tulyayogitām aprastutapraśaṃsāṃ ca vyājastutinidarśane // virodhaṃ] \edM; viśeṣaṃ \edB upamārūpakaṃ cānyad upameyopamāmapi sahoktiparivṛttī ca sasaṃdehamananvayam // utprekṣāvayavaṃ cānye saṃsṛṣṭimapi cāpare bhāvikatvaṃ ca nijagur alaṃkāraṃ sumedhasaḥ // saṃsṛṣṭimapi] \edM; saṃsṛṣṭamapi \edB preyo gṛhāgataṃ kṛṣṇam avādīdviduro yathā adya yā mama govinda jātā tvayi gṛhāgate kālenaiṣā bhavet prītis tavaivāgamanāt punaḥ // Cited by Daṇḍin as Kāvyādarśa 2:276 Cf. verse relegated to appendix of Crit. Ed. of Mahābhārata: 5.90.28 After 28, K4 B Dn Ds D2 (marg.).3-9 ins.: 05*0417_01 yā me prītiḥ puṣkarākṣa tvaddarśanasamudbhavā 05*0417_02 sā kim ākhyāyate tubhyam antarātmāsi dehinām rasavaddarśitaspaṣṭaśṛṅgārādirasaṃ yathā devī samāgamaddharma maskariṇyatirohitā // ūrjasvi karṇena yathā pārthāya punarāgataḥ dviḥ sandadhāti kiṃ karṇaḥ śalyetyahirapākṛtaḥ // paryāyoktaṃ yadanyena prakāreṇābhidhīyate uvāca ratnāharaṇe caidyaṃ śārṅgadhanuryathā // gṛheṣvadhvasu vā nānnaṃ bhuñjmahe yadadhītinaḥ na bhuñjate dvijāstacca rasadānanivṛttaye // samāhitaṃ rājamitre yathā kṣatriyayoṣitām rāmaprasattyai yāntīnāṃ puro 'dṛśyata nāradaḥ // @prasattyai] \edM; @prasaktyai \edB udāttaṃ śaktimān rāmo guruvākyānurodhakaḥ vihāyopanataṃ rājyaṃ yathā vanamupāgatam // udāttaṃ] \edM; udātta@ \edB vihāyopanataṃ] \edM\edB; vihāyopavanaṃ \edBGa etadevāpare 'nyena vyākhyānenānyathā viduḥ nānāratnādiyuktaṃ yat tatkilodāttamucyate // cāṇakyo naktamupayānn andakrīḍāgṛhaṃ yathā śaśikāntopalacchannaṃ viveda payasāṃ kaṇaiḥ // kaṇaiḥ] \edM; ga(ka?)ṇaiḥ \edB upamānena yattattvam upameyasya sādhyate guṇakriyābhyāṃ nāmnā ca śliṣṭaṃ tadabhidhīyate // lakṣaṇaṃ rūpake 'pīdaṃ lakṣyate kāmamatra tu iṣṭaḥ prayogo yugapad upamānopameyayoḥ // Could iṣṭaḥ be a corruption of śliṣṭaḥ ? śīkarāmbhomadasṛjas tuṅgā jaladadantinaḥ ityatra meghakariṇāṃ nirdeśaḥ kriyate samam // śleṣādevārthavacasor asya ca kriyate bhidā tatsahoktyupamāhetunirdeśāttrividhaṃ yathā // @hetunirdeśāttrividhaṃ] \edM; @hetunirdeśāt kramaśo \edB; @heturnirdeśāt kramaśo \edBGha chāyāvanto gatavyālāḥ svārohāḥ phaladāyinaḥ mārgadrumā mahāntaśca pareṣāmeva bhūtaye // [---a combination of śliṣṭa and sahokti] unnatā lokadayitā mahāntaḥ prājyavarṣiṇaḥ śamayanti kṣitestāpaṃ surājāno ghanā iva // [---a combination of śliṣṭa and upamā] ratnavattvādagādhatvāt svamaryādāvilaṅghanāt bahusattvāśrayatvācca sadṛśastvamudanvatā // [---a combination of śliṣṭa and hetunirdeśa] apahnutirabhīṣṭā ca kiṃcidantargatopamā bhūtārthāpahnavādasyāḥ kriyate cābhidhā yathā // neyaṃ virauti bhṛṅgālī madena mukharā muhuḥ ayamākṛṣyamāṇasya kandarpadhanuṣo dhvaniḥ // ayamākṛṣyamāṇasya] \edM\edB; ayamākrandamāṇasya \edBGa ekadeśasya vigame yā guṇāntarasaṃsthitiḥ viśeṣaprathanāyāsau viśeṣoktirmatā yathā // sa ekastrīṇi jayati jaganti kusumāyudhaḥ haratāpi tanuṃ yasya śambhunā na hṛtaṃ balam // Contrast with vibhāvanā of 2:77. guṇasya vā kriyāyā vā viruddhānyakriyābhidhā yā viśeṣābhidhānāya virodhaṃ taṃ vidurbudhāḥ // upāntarūḍhopavanacchāyāśītāpi dhūrasau vidūradeśānapi vaḥ santāpayati vidviṣaḥ // nyūnasyāpi viśiṣṭena guṇasāmyavivakṣayā tulyakāryakriyāyogād ityuktā tulyayogitā // śeṣo himagiristvaṃ ca mahānto guravaḥ sthirāḥ yadalaṅghitamaryādāś calantīṃ bibhṛtha kṣitim // Cited in the Dhvanyāloka adhikārādapetasya vastuno 'nyasya yā stutiḥ aprastutapraśaṃseti sā caivaṃ kathyate yathā // prīṇitapraṇayi svādu kāle pariṇataṃ bahu vinā puruṣakāreṇa phalaṃ paśyata śākhinām // dūrādhikaguṇastotravyapadeśena tulyatām kiṃcidvidhitsoryā nindā vyājastutirasau yathā // rāmaḥ saptābhinat sālān giriṃ krauñcaṃ bhṛgūttamaḥ śatāṃśenāpi bhavatā kiṃ tayoḥ sadṛśaṃ kṛtam // sālān] \edM; sā(tā?)lān \edB kriyayaiva viśiṣṭasya tadarthasyopadarśanāt jñeyā nidarśanā nāma yathevavatibhirvinā // ayaṃ mandadyutirbhāsvān astaṃ prati yiyāsati udayaḥ patanāyeti śrīmato bodhayannarān // upamānena tadbhāvam upameyasya sādhayan yāṃ vadatyupamāmetad upamārūpakaṃ yathā // sādhayan] \edM; sādhayat \edB samagragaganāyāmamānadaṇḍo rathāṅginaḥ pādo jayati siddhastrīmukhendunavadarpaṇaḥ // Is it that the foot is first "compared" to a measuring rod and then with a mirror for the faces of the celestial women that makes this upamārūpaka? \edM\ also puzzled. upamānopameyatvaṃ yatra paryāyato bhavet upameyopamāṃ nāma bruvate tāṃ yathoditam // yathoditam] \edM; yathoditām \edB sugandhi nayanānandi madirāmadapāṭalam ambhojamiva vaktraṃ te tvadāsyamiva paṅkajam // tulyakāle kriye yatra vastudvayasamāśraye padenaikena kathyate sahoktiḥ sā matā yathā // himapātāviladiśo gāḍhāliṅganahetavaḥ vṛddhimāyānti yāminyaḥ kāmināṃ prītibhiḥ saha // viśiṣṭasya yadādānam anyāpohena vastunaḥ arthāntaranyāsavatī parivṛttirasau yathā // pradāya vittamarthibhyaḥ sa yaśodhanamāadita satāṃ viśvajanīnānām idamaskhalitaṃ vratam // (ādita is an aorist of ādā) yaśodhanamādita] \edM; yaśodhanamāditaḥ \edB upamānena tattvaṃ ca bhedaṃ ca vadataḥ punaḥ sasandehaṃ vacaḥ stutyai sasandehaṃ viduryathā // kimayaṃ śaśī na sa divā virājate kusumāyudho na dhanurasya kausumam iti vismayādvimṛśato 'pi me matis tvayi vīkṣate na labhate 'rthaniścayam // yatra tenaiva tasya syād upamānopameyatā asādṛśyavivakṣātas tamityāhurananvayam // tāmbūlarāgavalayaṃ sphuraddaśanadīdhiti indīvarābhanayanaṃ taveva vadanaṃ tava // śliṣṭasyārthena saṃyuktaḥ kiṃcidutprekṣayānvitaḥ rūpakārthena ca punar utprekṣāvayavo yathā // tulyodayāvasānatvād gate 'staṃ prati bhāsvati vāsāya vāsaraḥ klānto viśatīva tamogṛham // varā vibhūṣā saṃsṛṣṭir bahvalaṅkārayogataḥ racitā ratnamāleva sā caivamuditā yathā // gāmbhīryalāvaṇyavator yuvayoḥ prājyaratnayoḥ sukhasevyo janānāṃ tvaṃ duṣṭagrāho 'mbhasāṃ patiḥ // @lāvaṇya@] \edM; @lāghava@ \edB [---thus saṃsṛṣṭi of śliṣṭa and vyatireka] analaṅkṛtakāntaṃ te vadanaṃ vanajadyuti niśākṛtaḥ prakṛtyaiva cāroḥ kā vāstyalaṅkṛtiḥ // niśākṛtaḥ] \edM\edB; niśākṛtaṃ \edBGa [---thus saṃsṛṣṭi of vibhāvanā, upamā and arthāntaranyāsa] anyeṣāmapi kartavyā saṃsṛṣṭiranayā diśā kiyadudghaṭṭitajñebhyaḥ śakyaṃ kathayituṃ mayā // bhāvikatvamiti prāhuḥ prabandhaviṣayaṃ guṇam pratyakṣā iva dṛśyante yatrārthā bhūtabhāvinaḥ // citrodāttādbhutārthatvaṃ kathāyāḥ svabhinītatā śabdānākulatā ceti tasya hetūn pracakṣate // svabhinītatā] \edM\edB; svavinītatā \edBGha hetūn] Testimonia (Ruyyaka and Indurāja's comm. on Udbhaṭa's Kāvyālaṅkārasaṅgraha); hetuṃ \edM\edB āśīrapi ca keṣāṃcid alaṅkāratayā matā sauhṛdayyāvirodhoktau prayogo 'syāśca tadyathā // sauhṛdayyā@] \edM; sauhṛdayyā(syā?) \edB asmiñ jahīhi suhṛdi praṇayābhyasūyām āśliṣya gāḍhamamumānatamādareṇa vindhyaṃ mahāniva ghanaḥ samaye 'bhivarṣann ānandajairnayanavāribhirukṣatu tvām // madāndhamātaṅgavibhinnasālā hatapravīrā drutabhītapaurāḥ tvattejasā dagdhasamastaśobhā dviṣāṃ puraḥ paśyatu rājalokaḥ // girāmalaṅkāravidhiḥ savistaraḥ svayaṃ viniścitya dhiyā mayoditaḥ anena vāgarthavidāmalaṅkṛtā vibhāti nārīva vidagdhamaṇḍanā // iti bhāmahālaṅkāre tṛtīyaḥ paricchedaḥ

caturthaḥ paricchedaḥ apārthaṃ vyarthamekārthaṃ sasaṃśayamapakramam śabdahīnaṃ yatibhraṣṭaṃ bhinnavṛttaṃ visandhi ca // deśakālakalālokanyāyāgamavirodhi ca pratijñāhetudṛṣṭāntahīnaṃ duṣṭaṃ ca neṣyate // apārthamityapetārthaṃ sa cārthaḥ padavākyayoḥ arthavān varṇasaṃghātaḥ suptiṅantaṃ padaṃ punaḥ // padānāmeva saṃghātaḥ sāpekṣāṇāṃ parasparam nirākāṅkṣaṃ ca tadvākyam ekavastunibandhanam // kramavṛttiṣu varṇeṣu saṃghātādi na yujyate buddhau tu sambhavatyetad anyatve 'pi pratikṣaṇam // dhīrantyaśabdaviṣayā vṛttavarṇāhitasmṛtiḥ vākyamityāhurapare na śabdāḥ kṣaṇanaśvarāḥ // atrāpi bahu vaktavyaṃ jāyate tattu noditam gurubhiḥ kiṃ vivādena yathāprakṛtamucyate // samudāyārthaśūnyaṃ yat tadapārthakamiṣyate dāḍimāni daśāpūpāḥ ṣaḍityādi yathoditam // viruddhārthaṃ mataṃ vyarthaṃ viruddhaṃ tūpadiśyate pūrvāparārthavyāghātāt viparyayakaraṃ yathā // viruddhārthaṃ] \edM\edBGa; niruddhārthaṃ \edB sakhi mānaṃ priye dhehi laghutāmasya mā gamaḥ bhartuśchandānuvarttinyaḥ prema ghnanti na hi striyaḥ // upāsitagurutvāttvaṃ vijitendrayaśatruṣu śreyaso vinayādhānam adhunātiṣṭha kevalam // yadabhinnārthamanyonyaṃ tadekārthaṃ pracakṣate punaruktamidaṃ prāhur anye śabdārthabhedataḥ // na śabdapunaruktaṃ tu sthaulyādatropavarṇyate kathamākṣiptacittaḥ sann uktamevābhidhāsyate // bhayaśokābhyasūyāsu harṣavismayayorapi yathāha gaccha gaccheti punaruktaṃ na tadviduḥ // na tadviduḥ] \edM\edBGa; ca tadviduḥ \edB atrārthapunaruktaṃ yat tadevaikārthamiṣyate uktasya punarākhyāne kāryāsambhavato yathā // tāmutkamanasaṃ nūnaṃ karoti dhvanirambhasām saudheṣu ghanamuktānāṃ praṇālīmukhapātinām // śruteḥ sāmānyadharmāṇāṃ viśeṣasyānudāhṛteḥ apratiṣṭhaṃ yadatreti tajjñānaṃ saṃśayaṃ viduḥ // yadatreti tajjñānaṃ] \edM; yadekatra tajjñānaṃ \edB; yadatraijjñānaṃ (yadekatra tajjñānaṃ ?) \edBGa sasaṃśayamiti prāhus tatastajjananaṃ vacaḥ iṣṭaṃ niścitaye vākyaṃ na dolāyeta tadyathā // dolāyeta] \edM; velāyeti (velāyati?) \edB vyālavanto durārohā ratnavantaḥ phalānvitāḥ viṣamā bhūbhṛtastebhyo bhayamāśu pramādinām // yathopadeśaṃ kramaśo nirdeśo 'tra kramo mataḥ tadapetaṃ viparyāsād ityākhyātamapakramam // vidadhānau kirīṭendū śyāmābhrahimasacchavī rathāṅgaśūle bibhrāṇau pātāṃ vaḥ śambhuśārṅgiṇau // sūtrakṛtpādakāreṣṭaprayogādyo 'nyathā bhavet tamāptaśrāvakāsiddheḥ śabdahīnaṃ viduryathā // tamāptaśrāvakāsiddheḥ] \edM\edBGha; tamāptaśrāvakāḥ siddheḥ \edB sphurattaḍidvalayino vitatāmbhogarīyasaḥ tejastirayataḥ sauraṃ ghanān paśya divo 'bhitaḥ // sphurattaḍidvalayino] \edB; sphurattaṭidvalayino \edM divo 'bhitaḥ] \edM\edBGha; divābhitaḥ \edB Why is this śabdahīna? Is it perhaps that we have an -in suffix attached to what could be a bahuvrīhi (sphurattaḍidvalayinaḥ)? yatiśchando 'dhirūḍhānāṃ śabdānāṃ yā vicāraṇā tadapetaṃ yatibhraṣṭam iti nirdiśyate yathā // yatiśchando 'dhirūḍhānāṃ] \edM\edBKa; yaticchando nirūḍhānāṃ \edBGha; yatiśchando nirūḍhānāṃ \edB vidyutvantastamālāsitavapuṣa ime vārivāhā dhvananti // This pāda of sragdharā lacks the yati after the first seven syllables (sragdharā should have a caesura after each group of 7 syllables). This half-verse alone numbered 25 in \edM gurorlaghośca varṇasya yo 'sthāne racanāvidhiḥ tannyūnādhikatā vāpi bhinnavṛttamidaṃ yathā // 26 in \edM bhramati bhramaramālā kānaneṣūnmadāsau / virahitaramaṇīko 'rhasyadya gantum // line 1: a pāda of Mālinī line 2: a pāda of kṣmā (not to be confused with kṣamā), according to Apte's "A Classified List of Sanskrit Dictionaries" (Appendix A, Part II). 27 in \edM kānte induśiroratne ādadhāne udaṃśunī pātāṃ vaḥ śambhuśarvāṇyāv iti prāhurvisandhyadaḥ // 28 in \edM yā deśe dravyasambhūtir api vā nopadiśyate tattadvirodhi vijñeyaṃ svabhāvāttadyathocyate // 29 in \edM malaye kandaropāntarūḍhakālāgurudrume sugandhikusumānamrā rājante devadāravaḥ // 30 in \edM ṣaṇṇāmṛtūnāṃ bhedena kālaḥ ṣoḍheva bhidyate tadvirodhakṛdityāhur viparyāsādidaṃ yathā // 31 in \edM udūḍhaśiśirāsārān prāvṛṣeṇyān nabhasvataḥ phullāḥ surabhayantīme cūtāḥ kānanaśobhinaḥ // udūḍha@] \edM\edBGha; upūḍha@ \edB 32 in \edM kalā saṅkalanā prajñā śilpānyasyāśca gocaraḥ viparyastaṃ tathaivāhus tadvirodhakaraṃ yathā // saṅkalanā prajñā] \edM; saṅkalanā prajñāḥ \edBGha; saṅkalanāprajñā \edB 33 in \edM ṛṣabhātpañcamastasmāt saṣaḍjaṃ dhaivataṃ smṛtam ayaṃ hi madhyamagrāmo madhyame pīḍitarṣabhaḥ // pañcamastasmāt] \edM; pañcamāttasmāt \edB 34 in \edM madhyame pīḍitarṣabhaḥ] \edM; madhyamotpīḍitarṣabhaḥ \edB iti sādhāritaṃ mohād anyathaivāvagacchati anyasvapi kalāsvevam abhidheyā virodhitā // anyathaivā@] \edM\edB; anyathevā@ \edBGha 35 in \edM sthāsnujaṅgamabhedena lokaṃ tattvavido viduḥ sa ca tadvyavahāro 'tra tadvirodhakaraṃ yathā // 36 in \edM teṣāṃ kaṭataṭabhraṣṭair gajānāṃ madabindubhiḥ prāvartata nadī ghorā hastyaśvarathavāhinī // 37 in \edM dhāvatāṃ sainyavāhānāṃ phenavāri mukhāccyutam cakāra jānudadhnāpān pratidiṅmukhamadhvanaḥ // 38 in \edM nyāyaḥ śāstraṃ trivargoktir daṇḍanītiṃ ca tāṃ viduḥ ato nyāyavirodhīṣṭam apetaṃ yattayā yathā // 39 in \edM vijigīṣumupanyasya vatseśaṃ vṛddhadarśanam tasyaiva kṛtinaḥ paścād abhyadhāccāraśūnyatām // 40 in \edM @ccāra@] \edM\edB; @pā(ccā?)ra@ \edBGa antaryodhaśatākīrṇaṃ sālaṅkāyananetṛkam tathāvidhaṃ gajacchadma nājñāsītsa svabhūgatam // @netṛkam] \edM\edB; @netrakam \edBKa\edBGa antaryodha@] \edM\edB; antaryodhaṃ \edBGha 41 in \edM yadi vopekṣitaṃ tasya sacivaiḥ svārthasiddhaye aho nu mandimā teṣāṃ bhaktirvā nāsti bhartari // 42 in \edM śarā dṛḍhadhanurmuktā manyumadbhirarātibhiḥ marmāṇi parihṛtyāsya patiṣyantīti kānumā // 43 in \edM hato 'nena mama bhrātā mama putraḥ pitā mama mātulo bhāgineyaśca ruṣā saṃrabdhacetasaḥ // 44 in \edM asyanto vividhānyājāv āyudhānyaparādhinam ekākinamaraṇyānyāṃ na hanyurbahavaḥ katham // 45 in \edM namo 'stu tebhyo vidvadbhyo ye 'bhiprāyaṃ kaverimam śāstralokāvapāsyaivaṃ nayanti nayavedinaḥ // 46 in \edM sacetaso vanebhasya carmaṇā nirmitasya ca viśeṣaṃ veda bālo 'pi kaṣṭaṃ kiṃ nu kathaṃ nu tat // 47 in \edM kiṃ nu] \edM\edB; kiṃ tu \edBKa āgamo dharmaśāstrāṇi lokasīmā ca tatkṛtā tadvirodhi tadācāravyatikramaṇato yathā // 48 in \edM bhūbhṛtāṃ pītasomānāṃ nyāyye vartmani tiṣṭhatām alaṃkariṣṇunā vaṃśaṃ gurau sati jigīṣuṇā // 49 in \edM abhāryoḍhena saṃskāram antareṇa dvijanmanā naravāhanadattena veśyāvān niśi pīḍitaḥ // 50 in \edM na dūṣaṇāyāmudāhṛto vidhir na cābhimānena kimu pratītaye kṛtātmanāṃ tattvadṛśāṃ ca mādṛśo jano 'bhisandhiṃ ka ivāvabhotsyate // 51 in \edM iti bhāmahālaṅkāre caturthaḥ paricchedaḥ

pañcamaḥ paricchedaḥ atha pratijñāhetvādihīnaṃ duṣṭaṃ ca varṇyate samāsena yathānyāyaṃ tanmātrārthapratītaye // samāsena] \edB; samāsene \edM prāyeṇa durbodhatayā śāstrād bibhatyamedhasaḥ tadupacchandanāyaiṣa hetunyāyalavoccayaḥ // @lavoccayaḥ] \edM\edB; @valoccayaḥ \edBKa svādukāvyarasonmiśraṃ śāstramapyupayuñjate prathamālīḍhamadhavaḥ pibanti kaṭu bheṣajam // na sa śabdo na tadvācyaṃ na sa nyāyo na sā kalā jāyate yanna kāvyāṅgam aho bhāro mahān kaveḥ // tadvācyaṃ] \edM\edB; tadvākyaṃ \edBKa sattvādayaḥ pramāṇābhyāṃ pratyakṣamanumā ca te asādhāraṇasāmānyaviṣayatvaṃ tayoḥ kila // pratyakṣaṃ kalpanāpoḍhaṃ tato 'rthāditi kecana kalpanāṃ nāmajātyādiyojanāṃ pratijānate // pratijānate] \edM\edB; pratijanyate \edBGha samāropaḥ kilaitāvān sadarthālambanaṃ ca tat jātyādyapohe vṛttiḥ kva kva viśeṣaḥ kutaśca saḥ // tadapoheṣu ca tathā siddhā sā buddhigocarā avastukaṃ cedvitathaṃ pratyakṣaṃ tattvavṛtti hi // vitathaṃ] \edM\edB; vitayaṃ \edBGha grāhyagrāhakabhedena vijñānāṃśo mato yadi vijñānamātrasādṛśyād viśeṣo 'sya vikalpanā // vijñānamātra@] \edM; vijñānamatra \edB .asya] \edM\edB; sa(sya?) \edBGa arthādeveti rūpādes tata eveti nānyataḥ anyathā ghaṭavijñānam anyena vyapadiśyate // nānyataḥ] \edM\edB; nyāyataḥ \edBGa anyathā] \edM\edB; anyadā \edBKha\edBGha trirūpālliṅgato jñānam anumānaṃ ca kecana tadvido nāntarīyārthadarśanaṃ cāpare viduḥ // kecana] \edM\edB; kena ca \edBGa vivādāspadadharmeṇa dharmī kṛtaviśeṣaṇaḥ pakṣastasya ca nirdeśaḥ pratijñetyabhidhīyate // vivādāspada@] \edM; vividhāspada@ \edB tadarthahetusiddhāntasarvāgamavirodhinī prasiddhadharmā pratyakṣabādhinī ceti duṣyati // prasiddhadharmā] \edM\edBGa; viruddhadharmā \edB @bādhinī] \edM\edB; @vādinī \edBKha\edBGha tayaiva hi tadarthasya virodhakaraṇaṃ yathā yatirmama pitā bālyāt sūnuryasyāhamaurasaḥ // astyātmā prakṛtirveti jñeyā hetvapavādinī dharmiṇo 'syāprasiddhatvāt taddharmo 'pi na setsyati // astyātmā] \edM\edB; asyātmā \edBGa taddharmo 'pi] \edM\edB; tadartho 'pi \edBKa śāśvato 'śāśvato veti prasiddhe dharmiṇi dhvanau jāyate bhedaviṣayo vivādo vādinormithaḥ // vādinormithaḥ] \edM\edB; dhādino miśraḥ \edBKa; vādino miśraḥ \edBGha svasiddhāntavirodhitvād vijñeyā tadvirodhinī kaṇabhakṣo yathā śabdam ācakṣītāvinaśvaram // sarvaśāstraviruddhatvāt sarvāgamavirodhinī yathā śucistanustrīṇi pramāṇāni na santi vā // śucastanustrīṇi pramāṇāni na santi vā] \edM\edBGa; śucistanuḥ straiṇī tatpramāṇāni santi vā \edB; śuci * sunu straiṇī \lac \GnoliMS ākumāramasandigdhadharmāhitaviśeṣaṇā prasiddhadharmeti matā śrotragrāhyo dhvaniryathā // pratyakṣabādhinī tena pramāṇenaiva bādhyate yathā śīto 'nalo nāsti rūpamuṣṇaḥ kṣapākaraḥ // rūpamuṣṇaḥ (?) kṣapākaraḥ] \edM\edB; kūpamuṣṇaḥ kṣapākaraḥ \edBKa; *ūpe uṣṇaścandramā \GnoliMS\unmetrical san dvayoḥ sadṛśe siddho vyāvṛttastadvipakṣataḥ hetustrilakṣaṇo jñeyo hetvābhāso viparyayāt // dvayoḥ] \edM; pakṣe \edB; dvayo \edBGa san dvayoriti yaḥ siddhaḥ svapakṣaparapakṣayoḥ abhinnalakṣaṇaḥ pakṣaḥ phalabhedādayaṃ dvidhā // parapakṣānupādāne tadvṛtteścānudāhṛtau kathamanyatarāsiddhahetvābhāsavyavasthitiḥ // @pādāne] \edM; @pādānaṃ \edB sādhyadharmānugamataḥ sadṛśastatra yaśca san anyo 'pyasāveka iva sāmānyādupacaryate // vipakṣastadvisadṛśo vyāvṛttastatra yo hyasan iti dvayaikānugativyāvṛttī lakṣmasādhutā // @vṛttī lakṣmasādhutā] \Gnoli; @vṛttirlakṣmasādhutā \edM\edB; @vṛttī lakṃsasādhunā \edBGha See Gnoli 1962, p.XLI Purport: anugati and vyāvṛtti are required respectively in 2 things (viz. pakṣa and sapakṣa) and in 1 thing (viz. vipakṣa). sādhyasādhanadharmābhyāṃ siddho dṛṣṭānta ucyate tadviparyayato vāpi tadābhastadavṛttitaḥ // sādhyena liṅgānugatis tadabhāve ca nāstitā khyāpyate yena dṛṣṭāntaḥ sa kilānyairdvidhocyate // dūṣaṇaṃ nyūnatādyuktir nyūnaṃ hetvādinātha vā tanmūlatvātkathāyāśca nyūnaṃ neṣṭaṃ pratijñayā // hetvādinātha vā] \edM; hetvādinātra ca \edB; hetvādinātha ca \edBGa dūṣaṇaṃ] \edM; dūṣaṇa@ \edB jātayo dūṣaṇābhāsās tāḥ sādharmyasamādayaḥ tāsāṃ prapañco bahudhā bhūyastvādiha noditaḥ // @samādayaḥ] \edM; @samādhayaḥ \edB aparaṃ vakṣyate nyāyalakṣaṇaṃ kāvyasaṃśrayam idaṃ tu śāstragarbheṣu kāvyeṣvabhihitaṃ yathā // atha nityāvinābhāvi dṛṣṭaṃ jagati kāraṇam kāraṇaṃ cenna tannityaṃ nityaṃ cetkāraṇaṃ na tat // nityaṃ cet] \edM\edB; nityaścet \edBGha lakṣma prayogadoṣāṇāṃ bhedenānena vartmanā sandhādisādhanāsiddhyai śāstreṣūditamanyathā // @nena vartmanā] \edM\edBKa; @nekavartmanā \edB @sādhanāsiddhyai] \edM; @sādhanaṃ siddhyai \edB tajjñaiḥ kāvyaprayogeṣu tatprāduṣkṛtamanyathā tatra lokāśrayaṃ kāvyam āgamāstattvadarśinaḥ // tattvadarśinaḥ] \edM\edBGa; tattvaśaṃsinaḥ \edB asisaṃkāśamākāśaṃ śabdo dūrānupātyayam sadaiva vāri sindhūnām aho sthemā mahārciṣaḥ // sadaiva vāri] \edM; tadeva vāpi \edB rūpādīnāṃ yathā dravyam āśrayo naśyatīti ca iṣṭakāryābhyupagamaṃ pratijñāṃ pratijānate // naśyatīti ca] \edM; naśvarīti yā \edB 34ef in \edM 35ab in \edM dharmārthakāmakopānāṃ saṃśrayāt sā caturvidhā jarāmeṣa bibharmīti pratijñāya pituryathā tathaiva puruṇābhāri sā syāddharmanibandhanī // 35cd in \edM 36ab in \edM 36cd in \edM upalapsye svayaṃ sītām iti bhartṛnideśataḥ hanumatā pratijñāya sā jñātetyarthasaṃśrayā // āhariṣyāmyamūmadya mahāsenātmajāmiti kṛtvā pratijñāṃ vatsena hṛteti madanāśrayā // @myamūmadya] \edM; @myamumadya \edB\unmetrical bhrāturbhrātṛvyamunmathya pāsyāmyasyāsṛgāhave pratijñāya yathā bhīmas taccakārāvaśo ruṣā // kāryo 'nyatra pratijñāyāḥ prayogo na kathaṃ cana parityāgaśca kartavyo nāsāṃ catasṛṇāmapi // parityāgaśca] \edM; parityāgasya \edB prāyopaveśāya yathā pratijñāya suyodhanaḥ rājyāya punaruttasthāv iti dharmavirodhinī // āhūto na nivarte 'haṃ dyūtāyeti yudhiṣṭhiraḥ kṛtvā sandhāṃ śakuninā didevetyarthabādhinī // nivarte 'haṃ] \edM\edBGa; nivarteya \edB adyārabhya nivatsyāmi munivadvacanāditi pituḥ priyāya yāṃ bhīṣmaś cakre sā kāmabādhinī // atyājayadyathā rāmaḥ sarvakṣatravadhāśrayām jāmadagnyaṃ yudhā jitvā sā jñeyā kopabādhinī // yudhā] \edM\edB; yathā \edBGha athābhyupagamaprāptiḥ sandhābhyupagamādvinā anuktamapi yatrārthād abhyupaiti yathocyate // kimindriyadviṣā jñeyaṃ ko nirākriyate 'ribhiḥ ko vā gatvaramarthibhyo na yacchati dhanaṃ laghu // nirākriyate] \edM; nirākṛtaye \edB @dviṣā] \edM\edB; @dviṣāṃ \edBKa kimityayaṃ tu yaḥ kṣepaḥ saukaryaṃ darśayatyasau hetustrilakṣmaiva mataḥ kāvyeṣvapi sumedhasām // anvayavyatirekau hi kevalāvarthasiddhaye yathābhito vanābhogam etadasti mahat saraḥ kūjanātkurarīṇāṃ ca kamalānāṃ ca saurabhāt // 48cd in \edB 49ab in \edB kurarīṇāṃ] \edM; kurarāṇāṃ \edB anyadharmo 'pi tatsiddhiṃ sambandhena karotyayam dhūmādabhraṃkaṣātsāgneḥ pradeśasyānumāmiva // 49cd in \edB 50ab in \edB apṛthakkṛtasādhyo 'pi hetuścātra pratīyate anvayavyatirekābhyāṃ vinaivārthagatiryathā // 50cd in \edB 51ab in \edB vinaivārtha@] \edM\edB; vinaikārtha@ \edBKa dīpradīpā niśā jajñe vyapavṛttadivākarā hetuḥ pradīpradīpatvam apavṛttau raveriha // 51cd in \edB 52ab in \edB hetuḥ] \edM; hetu@ \edB tasyāpi sudhiyāmiṣṭā doṣāḥ prāguditāstrayaḥ ajñānasaṃśayajñānaviparyayakṛto yathā // 52cd in \edB 53ab in \edB kāśā haranti hṛdayam amī kusumasaurabhāt apāmabhyarṇavartitvād ete jñeyāḥ śarārayaḥ // @saurabhāt] \edM\edB; @sāhṛdāt \edBKa 53cd in \edB 54ab in \edB śarārayaḥ] \edM; śarāravaḥ \edB asau śuklāntanetratvāc cakora iti gṛhyatām tulyajātāvadṛṣṭatvāt sādhayatacakoratām // 54cd in \edB 55ab in \edB uktasyārthasya dṛṣṭāntaḥ pratibimbanidarśanam nanūpamānumaivāstu na hetvanabhidhānataḥ // dṛṣṭāntaḥ] \edM; dṛṣṭāntaṃ \edB; dṛṣṭānāṃ \edBGha 55cd in \edB 56ab in \edB nanūpamānumaivāstu] \edM; nanūpamānamevāstu \edB sādhyasādhanayoruktir uktādanyatra neṣyate mukhaṃ padmamivetyatra kiṃ sādhyaṃ kiṃ ca sādhanam // 56cd in \edB 57ab in \edB iti prayogasya yathā kalāvapi bhavāniha śreyān vṛddhānuśiṣṭatvāt pūrve kṛtayuge yathā // kṛtayuge] \edM; kārtayuge \edB yatra dṛṣṭāntamātreṇa vyajyete sādhyasādhane tamāhuḥ śuddhadṛṣṭāntaṃ tanmātrāviṣkṛteryathā // bharatastvaṃ dilīpastvaṃ tvamevailaḥ purūravāḥ tvameva vīra pradyumnas tvameva naravāhanaḥ // kathamekapadenaiva vyajerannasya te guṇāḥ iti prayuñjate santaḥ kecidvistarabhīravaḥ // padamekaṃ varaṃ sādhu nārvācīnanibandhanam vaiparītyādviparyāsaṃ kīrterapi karoti tat // nārvācīna@] \edM; nārvācīnaṃ \edB varaṃ] \edM; paraṃ \edB ahṛdyamasunirbhedaṃ rasavattve 'pyapeśalam kāvyaṃ kapitthamāmaṃ yat keṣāṃcittādṛśaṃ yathā // @sunirbhedaṃ] \edM; @subhi(ni?)rbhedaṃ \edB kapitthamāmaṃ yat keṣāṃcittādṛśaṃ] \edM; kapitthamāmraṃ vat(maṃca) keṣāñcitsadṛśaṃ \edB prajājanaśreṣṭhavariṣṭhabhūbhṛcchirorcitāṃghreḥ pṛthukīrtidhiṣṇya ahighnapadmasya jalāridhāmnas tavaiva nānyasya sutasya vṛttam // @chirorcitāṃghreḥ] \edM; @chirocitāṅghreḥ \edB @dhiṣṇya] \edM\edB; @dhiṣṇyaḥ \edBGha ahighna@] \edM\edB; yahighna@ \edBGha? aṃśumadbhiśca maṇibhiḥ phalanimnaiśca śākhibhiḥ phullaiśca kusumairanye vāco 'laṃkurvate yathā // kusumairanye] \edM; kusumairanyair \edB śubhamarakatapadmarāgacitre saphalasapallavabhūricāruvṛkṣe bahukusumavibhūṣite sa tasthau suramunisiddhayute sumerupṛṣṭhe // @vṛkṣe] \edM; @vṛtte \edB tadebhiraṅgairbhūṣyante bhūṣaṇopavanasrajaḥ vācāṃ vakrārthaśabdoktir alaṃkārāya kalpate // viruddhapadamasvarthaṃ bahupūraṇamākulam kurvanti kāvyamapare vyāyatābhīpsayā yathā // elātakkolanāgasphuṭabakulalatācandanaspandanāḍhyo muktākarpūracakrāgarukamanaśilāsthāsakavyāptatīraḥ śaṅkhavrātākulo 'ntastimimakarakulākīrṇavīcīpratāno dadhre yasyāmburāśiḥ śaśikumudasudhākṣīraśuddhāṃ sukīrtim // @spandanāḍhyo muktākarpūracakrāgarukamanaśilāsthāsaka@] \edM; @syandanāḍhyasṛkkākarpūracakrāgurumanaḥśilādhyāmakā@ \edB\unmetrical @kulo 'ntastimimakara@] \emend; @kulo 'ntastitimimakara@ \edM\unmetrical; @kulāntastimimakara@ \edB @kumuda@] \edM; @kumada@ \edB iti nigaditāstāstā vācāmalaṅkṛtayo mayā bahuvidhakṛtīrdṛṣṭvānyeṣāṃ svayaṃ paritarkya ca prathitavacasaḥ santo 'bhijñāḥ pramāṇamihāpare gurutaradhiyāmasvārādhaṃ mano 'kṛtabuddhibhiḥ // iti bhāmahālaṃkāre pañcamaḥ paricchedaḥ

ṣaṣṭhaḥ paricchedaḥ sūtrāmbhasaṃ padāvartaṃ pārāyaṇarasātalam dhātūṇādigaṇagrāhaṃ dhyānagrahabṛhatplavam // dhīrairālokitaprāntam amedhobhirasūyitam sadopabhuktaṃ sarvābhir anyavidyākareṇubhiḥ // nāpārayitvā durgādham amuṃ vyākaraṇārṇavam śabdaratnaṃ svayaṃgamyam alaṃ kartumayaṃ janam // svayaṃgamyam] \edM; svayaṅgama(mya?)m \edB tasya cādhigame yatnaḥ kāryaṃ kāvyaṃ vidhitsatā parapratyayato yattu kriyate tena kā ratiḥ // nānyapratyayaśabdā vāg āvibhāti mude satām pareṇa ghṛtamukteva sarasā kusumāvalī // vāgāvibhāti] \edM; vāga - - - \edB mukhyastāvadayaṃ nyāyo yat svaśaktyā pravartate anyasārasvatā nāma santyanyoktānuvādinaḥ // anya@] \edM\edBGa; anye \edB pratītirartheṣu yatas taṃ śabdaṃ bruvate 'pare dhūmabhāsorapi prāptā śabdatāgnyanumāṃ prati // nanvakārādivarṇānāṃ samudāyo 'bhidheyavān arthapratītaye gītaḥ śabda ityabhidhīyate // pratyekamasamarthānāṃ samudāyo 'rthavān katham varṇānāṃ kramavṛttitvān nyāyā nāpi ca saṃhatiḥ // na cāpi samudāyibhyaḥ samudāyo 'tiricyate dārubhittibhuvo 'tītya kimanyatsadma kalpyate // kimanyatsadma kalpyate] \edM\edB; kimanyaṃ sat prakalpyate \edBGha tasmātkūṭastha ityeṣā śābdī vaḥ kalpanā vṛthā pratyakṣamanumānaṃ vā yatra tatparamārthataḥ // śapathairapi cādeyaṃ vaco na sphoṭavādinām namaḥkusumamastīti śraddadhyāt kaḥ sacetanaḥ // ityanta īdṛśā varṇā īdṛgarthābhidhāyinaḥ vyavahārāya lokasya prāgitthaṃ samayaḥ kṛtaḥ // sa kūṭastho 'napāyī ca nādādanyaśca kathyate mandāḥ sāṅketikānarthān manyante pāramārthikān // vinaśvaro 'stu nityo vā sambandho 'rthena vā satā namo 'stu tebhyo vidvadbhyaḥ pramāṇaṃ ye 'sya niścitau // anyāpohena śabdo 'rtham āhetyanye pracakṣate anyāpohaśca nāmānyapadārthāpākṛtiḥ kila // anyāpohena] \edM\edB; anyāpohe tu \edBGha nāmānyapadārthāpākṛtiḥ] \edM\edB; nāmānya vā(pa?)dārtho vā(pā?)kṛtiḥ \edBGa yadi gaurityayaṃ śabdaḥ kṛtārtho 'nyanirākṛtau janako gavi gobuddher mṛgyatāmaparo dhvaniḥ // arthajñānaphalāḥ śabdā na caikasya phaladvayam apavādavidhijñāne phale caikasya vaḥ katham // purā gauriti vijñānaṃ gośabdaśravaṇādbhavet yenāgopratiṣedhāya pravṛtto gauriti dhvaniḥ // varṇabhedādidaṃ bhinnaṃ varṇāḥ svāṃśavikalpataḥ ke śabdāḥ kiṃ ca tadvācyam ityaho vartma dustaram // dravyakriyājātiguṇabhedāt te ca caturvidhāḥ yadṛcchāśabdamapyanye ḍitthādiṃ pratijānate // ḍitthādiṃ] \edM; ḍitthādi \edB nānābhāṣāviṣayiṇām aparyantārthavartinām iyattā kena vāmīṣāṃ viśeṣādavadhāryate // vakravācāṃ kavīnāṃ ye prayogaṃ prati sādhavaḥ prayoktuṃ ye na yuktāśca tadviveko 'yamucyate // nāprayuktaṃ prayuñjīta cetaḥsammohakāriṇam tulyārthatve 'pi hi brūyāt ko hantiṃ gativācinam // śrautrādiṃ na tu durbodhaṃ na duṣṭādimapeśalam grāmyaṃ na piṇḍīśūrādiṃ na ḍitthādimapārthakam // śrautrādiṃ] \edM; śrotrādiṃ \edB nāpratītānyathārthatvaṃ dhātvanekārthatāvaśāt na leśajñāpakākṛṣṭaṃ sa hanti dhyāti vā yathā // @kṛṣṭaṃ sa hanti] \edM; @kṛṣṭasaṃhati \edB na śiṣṭairuktamityeva na tantrāntarasādhitam chandovaditi cotsargān na cāpi cchāndasaṃ vadet // kramāgataṃ śrutisukhaṃ śabdamarthyamudīrayet atiśete hyalaṃkāram anyaṃ vyañjanacārutā // @rthyam] \edM\edB; @thyam \edBGa siddho yaścopasaṃkhyānād iṣṭyā yaścopapāditaḥ tamādriyeta prāyeṇa na tu yogavibhāgajam // iyaṃ candramukhī kanyā prakṛtyaiva manoharā asyāṃ suvarṇālaṃkāraḥ puṣṇāti nitarāṃ śriyam // vṛddhipakṣaṃ prayuñjīta saṃkrame 'pi mṛjeryathā mārjantyadhararāgaṃ te patanto bāṣpabindavaḥ // sarūpaśeṣaṃ tu pumān striyā yatra ca śiṣyate yathāha varuṇāvindrau bhavau śarvau mṛḍāviti // yathā paṭayatītyādi ṇicprātipadikāttataḥ ṇāviṣṭhavaditīṣṭyā ca tathā kraśayatītyapi // prayuñjītāvyayībhāvam adantaṃ nāpyapañcamī tṛtīyāsaptamīpakṣe nālugviṣayamānayet // tiṣṭhadguprabhṛtau vācyau naktaṃdivasagocarau yathā vidvānadhīte 'sau tiṣṭhadgu ca vahadgu ca // śiṣṭaprayogamātreṇa nyāsakāramatena vā tṛcā samastaṣaṣṭhīkaṃ na kathaṃcidudāharet // sūtrajñāpakamātreṇa vṛtrahantā yathoditaḥ akena ca na kurvīta vṛttiṃ tadgamako yathā // pañcarājīti ca yathā prayuñjīta dviguṃ striyām napuṃsakaṃ tatpuruṣaṃ puruhūtasabhaṃ yathā // sarvebhyaśca bhṛśādibhyo vadelluptahalaṃ yathā priyonmanāyate sā te kiṃ śaṭhābhimanāyase // tṛtīyaikavacaḥ ṣaṣṭhyām āmantaṃ ca vadet kvipi yathoditaṃ balabhidā surucāṃ vidyutāmiva // tṛtīyaikavacaḥ ṣaṣṭhyām] \edM\edB; tṛtīyaiva catuḥ ṣaṣṭhyā \edBKa asantamapi yadvākyaṃ tattathaiva prayojayet yathocyate 'mbhasā bhāsā yaśasāmambhasāmiti // puṃsi striyāṃ ca kvasvantam icchantyacchāndasaṃ kila upeyuṣāmapi divaṃ yathā na vyeti cārutā // ibhakumbhanibhe bālā dadhuṣī kañcukaṃ stane ratikhedapariśrāntā jahāra hṛdayaṃ nṛṇām // @nibhe] \edM\edBGa; @nibhau \edB kañcukaṃ stane] \edM; kantuke stanau \edB; kantukau stanau \edBGha śabalādibhyo 'titarāṃ bhāti ṇijvihito yathā balākāḥ paśya suśreṇi ghanāñchabalayantyamūḥ // @titarāṃ] \edM; nitarāṃ \edB śiśirāsārakaṇikāsadṛśaḥ setugandhavāṭ tvāṃ vījayati suśreṇi ratikhedālasekṣaṇām // @kaṇikāsadṛśaḥ setugandhavāṭ] \edM; @kaṇikāṃ sadṛśaste tu kaṅgavat \edB tvāṃ vījayati] \edM; saṃvījayati \edB evaṃ ṇicaḥ prayogastu sarvatrālaṃkṛtiḥ parā liṅgatrayopapannaṃ ca tācchīlyaviṣayaṃ ṇinim // tasya hārī stanābhogo vadanaṃ hāri sundaram hāriṇī tanuratyantaṃ kiyanna harate manaḥ // tācchīlyādiṣu ceṣyante sarva eva tṛnādayaḥ viśeṣeṇa ca tatreṣṭā yuckurajvarajiṣṇucaḥ // eva tṛnādayaḥ] \edM\edB; evātra nādayaḥ \edBGa viśeṣeṇa ca] \edM\edBGa; viśeṣeṇaiva \edB yuckura@] \edM; yutkura@ \edB ktinnantaṃ ca prayuñjīta saṃgatiḥ saṃhatiryathā śākārau jāguriṣṭau ca jāgaryā jāgarā yathā // śākārau] \edM; śakārau \edB upāsaneti ca yucaṃ nityamāseḥ prayojayet lyuṭaṃ ca kartṛviṣayaṃ devano ramaṇo yathā // aṇantādapi ṅībiṣṭo lakṣmīḥ paurandarī yathā añmahārajanāllākṣārocanābhyāṃ tathā ca ṭhak // aṇantādapi] \edM; aṇṇāntādapi \edB añ] \edM; aṇ \edB ḍmatubiṣṭaṃ ca kumudād yatheyaṃ bhūḥ kumudvatī ṭhak cāpi tena jayatīty ākṣikaḥ śāstriko yathā // hitaprakaraṇe ṇaṃ ca sarvaśabdāt prayuñjate tataśchamiṣṭyā ca yathā sārvaḥ sarvīya ityapi // tataśchamiṣṭyā] \edM\edB; tataścamiṣṭyā \edBKa vadedimanijantaṃ ca paṭimā laghimā yathā viśeṣeṇeyasunniṣṭo jyāyānāpa kanīyasīm // dvayasajdaghnacāviṣṭau pramāṇaviṣayau yathā jānudaghnī sarinnārīnitambadvayasaṃ saraḥ // matupprakaraṇe jyotsnātamisrāśṛṅgiṇādayaḥ inacca phalabarhābhyāṃ phalino barhiṇo yathā // matupprakaraṇe] \edM; matupprakaraṇo \edB iniḥ prayuktaḥ prāyeṇa tathā ṭhaṃśca manīṣibhiḥ tatrāpi mekhālāmālāmāyānāṃ sutarāṃ matau // matau] \edM; matā \edB abhyastājjheradādeśe dadhatītyādayo 'pi ca roditi svapitītyādi saheṭā sārvadhātukam // abhyasteṣu prayoktavyam adantaṃ ghubhṛñoḥ śatuḥ asau dadhadalaṃkāraṃ srajaṃ bibhracca śobhate // ghubhṛñoḥ] \edM; ca videḥ \edB [na tavargaṃ śakāreṇa kvacit saṃ]yoginaṃ vadet yathaitacchyāmamābhāti vanaṃ vanajalocane // na tavargaṃ śakāreṇa kvacit saṃyoginaṃ] \edM; \lacuna raṃ yoginaṃ \edB naikatraikārabhūyastaṃ gato yāto hato yathā sāvarṇyavajjhayo hasya brūyānnānyatra paddhateḥ // sāvarṇyavajjhayo hasya] \edM; sāvarṇyavatsayorbhasya \edB brūyānnānyatra] \edM\edB; bhūyānnānyatra \edBKa sālāturīyamatametadanukrameṇa ko vakṣyatīti virato 'hamato vicārāt śabdārṇavasya yadi kaścidupaiti pāraṃ bhīmāmbhasaśca jaladheriti vismayo 'sau // vidyānāṃ satatamapāśrayo 'parāsāṃ tāsūktānna ca viruṇaddhi kāṃścidarthān śraddheyaṃ jagati mataṃ hi pāṇinīyaṃ mādhyasthyādbhavati na kasyacitpramāṇam // tāsūktānna] \edM\edB; tāsūktāṃ na \edBGa avalokya matāni satkavīnām avagamya svadhiyā ca kāvyalakṣma sujanāvamayāya bhāmahena grathitaṃ rakrilagomisūnunedam // rakrila@] \edM\edB; vakila@ \edBKa\unmetrical; raktrila@ \edBGha

iti śrībhāmahālaṅkāre ṣaṣṭhaḥ paricchedaḥ

Thus \edB; \edM\ places its colophon after verse 66. ṣaṣṭyā śarīraṃ nirṇītaṃ śataṣaṣṭyā tvalaṅkṛtiḥ pañcāśatā doṣadṛṣṭiḥ saptatyā nyāyanirṇayaḥ // ṣaṣṭyā śabdasya śuddhiḥ syād ityevaṃ vastupañcakam uktaṃ ṣaḍbhiḥ paricchedair bhāmahena krameṇa vaḥ // syādityevaṃ] \edM\edB; syādityeva \edBGa