тӏагьирес емаду Ardoteli Nodar 0000-0003-3790-6896 Annotated according to the ATU system Elguja Dadunashvili 133557154 Diana Forker 1154734161 Institute of Slavic and Caucasus Studies. Friedrich Schiller University Jena Jena 2024 DFG project “Caucasian narratives in the discourse of comparative fairy tale research” Software und Texte

CC BY

The Dido Lnguage. Descriptive analysis with texts Nodar Ardoteli Arn. Chikobava Institute of Linguistic Tbilisi Ardoteli Nodar

CC BY

utf-8 Sonstige asiatische Sprachen und Literaturen Texte eines einzelnen Autors prose Volkserzählung Motiv-Index im GitHub-Repository ansehen Russische Föderation Dagestan Hamaitlach 1987 Suleiman Suleimanov 17 Russian-Federation Dagestan Nodar Ardoteli Ardoteli Nodar тӏагьирес емаду

сис зев̂н хан. несис зев̂н ичӏчӏа øигу вазир. гьобой жеду къунесно хехби зев̂но̄ну. гьобой жедо̄ къутӏи бо̄н дуниалкьо безу бокьанир бикӏа. сидахъулъ гьуних бохъно жедури. байн жеду сида шагьариа̄р. гьобой ело ресун жедур берцинав̂ ах. ело телъер бега ретин зев̂н жедур. шетӏу бутих бичин ахихъ, бегин жеду телъер. ело къ̒идан бичин, жедудер øайн ечру жекӏу. гьобой жедухъ есирно несе̄: - лъиналъ межи ургъизе бохъ̒хъ̒о? жедо̄ елӏин: - елус о̄ну сискин хехби. жа те̄хърун, несе̄ жедухъор телӏно сис гьенеш. жедухъорно елӏин: - идур ба̄йрун, болӏкьо бокӏо, барузар тел! гьобой сидер ужи øо̄й, сидер кид йо̄й. жокь - ци тӏагьир, кидбекь - ци зугьра-лӏин.

жа гьенеш бе̄хъирун, нехно идугъор. иду болӏин бокӏно, барузар телӏно. нелъкьоси заман бикӏин. сидахъулъ ханно вазирно белъих бикӏин. хизор жеду нехкьор ханес чапар øайн гьунер. жедухъор елӏин несе̄: - хан, дебер кид йос, вазир, дебер ужи øос. гъагъу øе̄зиру в̂азир гулун белӏо бокӏерно, нехно зев̂н. мада̄р øа̄йру, гулун бичин, øокьанон-окьун, øехун.

хан къв̂аридно øохъно, идугъор нехно. идур øайзакьортев̂, несир буйурухъ телӏно: - ди øайзакьор кид илой тӏагӀизе йодо-лӏин! нелъкьой содер в̂азирзо барӯ ужи киких зев̂н.

сидахъулъ ханер несис мада̄ øукан ужи. несе̄ есирно в̂азирзахъ: - жа ужи лъус-лӏин? жедо̄ елӏин несихъор: - жа ужи øе̄хуруни в̂азирес йолъ-лӏин. ханекь байн ургъел: „дин йехуренчӏей хецис йолъи, кид гьомонце йохъа". гьов̂лой сида вазире̄ елӏин: - деби кид чӏаго йолъ-лӏин. хане̄ елъ̒ин: - ентӏор йов̂о кид-лӏин!

хизо хане̄ жеду бегирно зенни тӏетӏра. зенни тӏетӏерхо зев̂н, жедус бохъно сиде̄-сидхъо рокьи. хане̄ жа кид къуйазор телъхо зев̂н. хане̄ тӏагьир øегирно цихъхъогъор башихъов̂ кӏеда. тӏагьир øикӏиноси зугьра но̄золӏа ханхо йегирно. тӏагьир цихъхъой башихъов̂но рихъин, хинзор øутин. тӏагьир øайзакьор хане̄ буйурухъ телӏно: „жа зугьра йехус-лӏин - елӏо". нелъа зугьра̄ нелъас служанкахъор мечӏохъов̂ телӏно: - йеда мечӏохъов̂ тӏагьирхъор телӏ ми! тӏагьир øа̄йру мехкьо телӏно нелъа̄ жа.

тӏагьирхъор есин: - жа йехо̄си о̄ну, ханхо йегирси. тӏагьир øикӏин ело ъалъа̄гъор. елой ъалъоз чӏиме, кикхо йесун зугьра. ело̄зай идур йикӏинчӏей, тӏагьирелъ хинзо нехно жа. ело̄зай идуртев̂ нехно, гьоболо гӀумру бода бохъно жедури (||жеди).