Dieses Werk ist gemeinfrei.
Fraktur
Bogensignaturen: keine Angabe; Druckfehler: ignoriert; fremdsprachliches Material: keine Angabe; Geminations-/Abkürzungsstriche: keine Angabe; Hervorhebungen (Antiqua, Sperrschrift, Kursive etc.): keine Angabe; i/j in Fraktur: keine Angabe; I/J in Fraktur: keine Angabe; Kolumnentitel: keine Angabe; Kustoden: keine Angabe; langes s (ſ): als s transkribiert; Normalisierungen: stillschweigend; rundes r (\ꝛ): als r/et transkribiert; Seitenumbrüche markiert: ja; Silbentrennung: keine Angabe; u/v bzw. U/V: keine Angabe; Vokale mit übergest. e: als ä/ö/ü transkribiert; Vollständigkeit: vollständig erfasst; Zeichensetzung: keine Angabe; Zeilenumbrüche markiert: nein;
Alle Ding kan Chriſtus in vns lehren/ ſo fern wir vns
auch jhm mit Raum ergeben.Apocalipſis 5. Cap.
VNd Jch ſahe in der rechten Hand/ deſſen/
der auff dem Stul ſaß ein Buch geſchrie-
ben/ inwendig vnd außwendig verſie-
gelt/ mit ſieben Siegeln/ vnd ich ſahe ei-
nen ſtarcken Engel predigen/ mit heller Stim/ wer iſt
wůrdig dieſes Buch auffzuthun/ vnd zu brechen ſeine
Sigel/ Vnd niemand im Himmel noch auff Erden/
noch vnter der Erden kundt das Buch auffthun/ noch
darein ſehen/ vnd ich weinet ſehr/ daß niemand wuͤr-
dig erfunden ward/ das Buch auffzuthun noch zu
leſen/ noch darinnen zu ſehen/ Aber einer vnter den
Elteſten ſprach zu mir/ Weine nicht/ es hat vberwun-
den der Loͤw/ der da iſt vom Geſchlecht Juda/ Chri-
ſtus/ Gott/ das Wort/ welchs iſt das Reich Gottes
in vns/ der vom Stammen Davids/ auffzuthun das
Buch vnd zu brechen ſeine ſieben Siegel.
JN dem Namen vnſers
ſchreib ich dis Buͤchlein/ darinnen auch die Ein-
feltigen ſo weit im Verſtandt gebracht koͤnnen
werden/ daß ſie vberwinden vnd treiben koͤnnen/ viel
Hochgelehrte/ Doctores vnd Weltgelehrte vberzei-
gen/ daß viel Hochgelehrte in Blindheit ſitzen in al-
len dreyen Faculteten/ So kompt nun her vñ ſchawet
die Werck des HErꝛn. Hoͤret ſchnel vnd redet lang-
ſam/ lernet zuvor/ darnach vrtheilet/ dempffet den
Geiſt nicht/ pruͤffet aber vnd ſehet/ was er rede/ vnd
ſehet mit ewern eignen Augen/ vnd nicht mit anderer
Leut Augen/ kompt doch vnd hoͤꝛet mit ewren eignen
Ohren/ vnd gleubet nicht was andere gehoͤrt haben/
kompt vnnd ſchmecket mit ewren eignen Zungen/ ſo
werdet jhr verſtendig/ klug vnd weiſe werden/ vñ aus
allem Jrꝛthumb vnd Finſternis erledigt/ dañ hinfort
ſolt jhr nicht auff gut Vertrawen gleuben/ was ande-
re ſagen/ ſondern ſelbſt ſehen/ das Warheit Warheit
ſey. Jhr werdet ſelber zeugen/ vnd niemands mehr zu
gefallen gleuben/ es iſt zeit die Warheit nicht lenger
den/ vnd ſolche Warheit iſt in euch/ Gott im Himmel
werdet jhr dancken/ daß jr durch mich/ einen ſo gerin-
gen Werckzeug ſeyd gefuͤhret vnd gebracht worden/
eben zu dem/ das euch allen zum nothwendigſten iſt/
welches das hoͤchſte iſt/ vnd welches auch in euch iſt/
jhr alle habt nichts davon gewuſt/ vnd habt euch ſel-
ber nicht erkennet/ Sich ſelber nicht kennen/ vnd auch
Gott nicht/ iſt die hoͤchſte Blindheit vnd Finſternis/
ſich aber ſelbſt vnd Gott erkennen/ treibet aus alle Fin-
ſternis vnd macht der Menſchen Gewiſſen/ daß jhn
kein anderer verfuͤhren kan/ die jnen aber ſelber nicht
woͤllen ſo guͤnſtig ſeyn/ daß ſie lernen moͤchten/ wie ſol
dann jhnen dis Buͤchlein guͤnſtig ſeyn/ die da ſagen/
was ſolteſtu mich lehren/ oder was kanſtu/ daß ich
erſt von dir lernen ſol/ Antwort/ Nichts newes kan ich
dich leren/ ſondern nur das jenige das in dir iſt/ daß
du in dir tregeſt/ aber doch nicht gewuſt haſt/ welchs
dich verwundern muſt/ Sagſtu was darff ich deines
Berichts/ ich mag deines guͤldenen Griffs nicht bran-
chen/ Jch verſtehe zuvor alle ding beſſer/ Antwort/ Ver-
ſteheſtu alles zuvor/ ſo liß dis Buͤchlein/ ſo wird es ge-
wißlich mit deinem Verſtand vberein kom̃en/ koͤmpts
aber mit dir nicht vberein/ ſo iſt der Verſtand nicht in
dir/ ſo biſtu blind vnd muſt bekennen dein Vnwiſſen-
heit als deñ wird dir geholffen/ Sagſtu aber du ſeyeſt
nicht blind/ ſondern ſeheſt/ ſo mag dir nimmermehr
geholffen werden/ denn dis Buͤchlein wird zum Ge-
richt fuͤr gelegt vnd gegeben/ auff das die da blind vnd
vnwiſſent/ ſehend vnnd verſtendig werden/ die aber
ſehend vnd wiſſent ſind/ entweder in der Wiſſenheit
vnd bleiben/ hie vnd dort in Ewigkeit/ Johan. Cap. 9
Wohl lieber Menſch/ dis Buͤchlein ſol die Vnwiſſen-
den ſehend vnd verſtendig machen/ die es aber ſehen
vnd wiſſen/ ſollen blind vñ vnwiſſent bleiben in Ewig-
keit/ nicht das die Erkentnis aus dem Gegenwurff ge-
nommen werde/ (welches wider mein ſchreiben were)
ſondern zum Gericht iſt es geſchrieben vnd gegeben/
als die da ſich blind vnd vnwiſſend erkennen/ aus dem
Jrꝛthumb erꝛettet werden/ die aber ſich fuͤr wiſſent vñ
ſehend erkennen/ vnd ſind es doch nicht/ die muͤſſen in
der Finſternis bleiben hie vnd dort/ Derhalben lieber
Leſer/ vrtheile mit Beſcheidenheit/ verwirff dis
Buͤchlein nicht/ ſo wirſtu auch nicht verwirfflich vber-zeiget/ dann wer dis Buͤchlein verwirfft/ der zeiget
ſich ſelber/ das er ſey ein Luͤgner/ vnd ein
Feind der Warheit blei-
ben woͤlle.
WEr da offt betracht den ewigen GOtt/ wie er
anfenglich durch ſein Wort vnd Geiſt ſeines Munds al-
le ding geſchaffen hat/ aus nichts etwas/ Als die Engel
kom̃en aus nichts/ dann durchs Wort Gottes/ auff das folgen die
5. Tagwercke der Schoͤpffung/ wie durch die ſcheidungen/ alle ding
ſind herfuͤr kom̃en an das Liecht/ Gott beſitzt alle ding in jm ſelber/
alſo ſchuff er auch die Engel/ daß ſie alles in jnen ſelber haben/ aus
den kom̃en herfuͤr die 4. Elementa vnd Aſtra, aus den Elementen
vnd Aſtris kom̃en herfuͤr die Corpora, aus dẽ Corporibus wach-
ſen herfuͤr die Fruͤchten/ wer das betracht (ſag ich) das alles das aus
nichts worden ſey/ durchs Wort aus dem Verborgnen in das We-
ſen alle ding aus dem vnſichtbarn in das ſichtbare kom̃en ſey/ aus
dem Geiſtlichen in das Leibliche vnd Coͤrperliche/ vnd bleib eins in
dem andern/ Als der leibliche ſichtbare Baum/ bleibet im vuſicht-
barn geiſtlichen Baum/ alſo flieſſen alle euſſere ding von dem in-
nern heraus/ vnd nichts von auſſen hinnein/ Siehe an wo koͤmpt
der Baum her/ warlich aus den Aſtris des vnſichtbaren Samens/
wo koͤmpt die Birn her/ aus dem Baum/ wo koͤmpt der Schnee vñ
Hagel her/ Regen/ Nebel/ nit aus den jrdiſchen Duͤnſten/ wie Ari-
ſtotel ſagt/ ſondern aus den vnſichtigen Aſtris der Sternen/ die das
vnſichtbare ſichtbar machen/ Nun/ wo koͤmpt der Menſch her? aus
dem limbo terrę, das iſt aus dem Erden Klotz/ der da iſt die gantze
Welt/ vnſichtbar lag Adam in der Welt/ vnd ward leiblich/ war-
aus einer iſt/ daſſelb hat vnd begert er auch in jhm/ die Birn iſt ausDer guͤldene Griff.
dem Baum/ der Kern aus der Birn/ darumb kan aus dem Kern
wiederumb eine Birn wachſen/ ſampt mehr andern Birnen/ vnd
gehet alles von innen heraus/ aus dem vnſichtigen in das ſichtige/
aus allen Geſchoͤpffen iſt Adam gezogen/ vnd alle Geſchoͤpff ligen
in jm/ aus dem Firmament oder Geſtirn iſt ſein Geiſt/ vnd daher
hat Adam alle ſeine Kunſt/ Handwerck/ Sprachen vnd alle thuͤri-
ſche Weißheit in jhm/ deñ was im Firmament iſt/ das iſt auch im
Menſchen/ vber das hat der Menſch die ewige Seel/ durch das ein-
blaſen von Gott/ ſampt dem H. Geiſt/ derhalben ligt auch die ewi-
ge himliſche Weißheit in jhm/ daraus geſchloſſen wird/ das alle
Erkentnis Goͤttlicher ding/ nit aus den Buͤchern genom̃en werde/
ſondern aus dem Menſchen ſelbſt herflieſſe/ in den Buchſtaben/
Derhalben wer offt betrachtete die ewige Gottheit vnd die Werck/
auch ſich ſelber/ lernet kennen der erlangt vollkommene Weißheit/
vnd ſein ſtudieren koͤmpt jhn leicht an/ was ein anderer in 30. Jah-
ren nicht lernen kan/ das kan ein ſolcher in 3. Jahren lernen/ ohn al-
len Jrꝛthumb/ O wuͤſten die Hohenſchulen vnd Weltgelehrten
dieſen Griff vnd kurtzen Grund/ ſie wuͤrden nicht mit muͤh vnd ar-
beit jhre Weißheit aus den Buͤchern zu leſen verhoffen/ vnd ſich
ſelbſten neben andern in ſolche ſchwere Finſternis vnd Jrꝛthumb
vor Gott anfuͤhren. Oewiger Gott vnd Schoͤpffer/ die Werck
deiner Hende bezeugen gnugſam/ daß alle ding aus dem vnſicht-
baren in das ſichtbare kommen/ aus dem geiſtlichen in das leibliche
Coͤrperliche vnd weltliche/ da alle ding heraus flieſſen in das ſicht-
bare/ Alſo iſt der Buchſtab kommen aus dem inwendigen Geiſt/
Adam aus der Welt/ die Erkendtnis oder Verſtandt aus dem A-
dam/ denn der Menſch iſt vor allen Buͤchern/ die Buͤcher ſind aus
dem Menſchen/ O HErꝛ erleuchte/ erleuchte mich wieder/ du wa-
res Liecht/ daß ich nun dich vnd mich erkenne/ ſo wird mir eroͤffnet
die Erkentnis aller Ding/ Amen.
DIe fleiſige Betrachtung der Wercken Gottes
vnd Erkaͤntniß ſeiner ſelbſt/ fuͤhret zu Gott vnd machet
das Aug klar vnd hell/ bezeuget auch daß der Verſtandt
oder die Erkaͤntniß von jnnen heraus flieſſe/ ſo mag ein ſolcher
von keinen andern verfuͤhret werden/ denn er hat das Vrtheil vnd
Erkendtnuß in jhme ſelber/ wer aber den Vhrſprung der Werck
Gottes nicht bedenckt/ vnd ſich ſelber auch nit wil lernen kennen/
was er ſey/ woher er komme/ was er in jhm trage/ der muß noth-
wendig fallen/ in mancherley Jrꝛthumb vnd Blindheit/ vnd auch
noch darzu von den Menſchen vnd falſchen Buͤchern/ verfuͤhret
vnd betrogen werden/ es ſey gleich wahr oder erlogen/ man ver-
meynet die Erkaͤntniß flieſſe her vom Gegenwurff/ das iſt/ von den
Weltgelehrten/ darfuͤr gehalten/ als moͤgen die Buͤcher den Ver-
ſtand in die Menſchen tragen/ Als moͤge der Menſch jm den Ver-
ſtandt aus dem Buche leſen/ vnd wollen nicht ſehen/ daß alle Er-
kaͤntniß nicht aus den Buͤchern/ ſondern von jnnen aus dem Mẽ-
ſchen heraus muͤſſe flieſſen/ ſie reden wieder ſich ſelber/ in dem daß
ſie ſagen/ Jch nimb den Verſtand aus dem Buch/ vnd ſie richten
vnd verſtehen es nicht/ Keme aber der Verſtand aus den Buͤchern/
ſo wuͤrden ſie auch den Verſtand daraus bekommen/ aber nein/
Jſt der Verſtand nicht zuvor im Menſchen/ er wird jn aus dem
Buch nicht nehmen/ Alle ding kommen von jnnen heraus/ vnd nit
von auſſen hinein/ denn warlich/ ſol ich ſehen/ ſo muß das Aug imDer guͤldene Griff.
Kopff ſehen/ het ich kein Aug im Kopff/ ſo koͤnt ich nicht ſehen/ ſol
ich hoͤren/ ſo muß das Gehoͤr in mir ſeyn/ were ich taub/ ſo koͤndt
ich nicht hoͤren/ Man ſage was man wolle/ ſol ich riechen/ ſo muß
der Geruch in mir ſeyn/ wann der Geſchmack in mir nicht iſt/ ſo
kan ich nichts ſchmecken/ wil ich wiſſen was in dem Buch ſtehet/
ſo muß der Verſtand vor in mir eroͤffnet ſeyn/ were der Verſtandt
nicht in mir/ ſo koͤnt ich das Buch nicht verſtehn/ Sol aber das
Buch den Verſtand in dem Menſchen tragen/ das iſt/ ſol die Er-
kentnis aus dem Gegenwurff genom̃en werden/ ſo muͤſte folgen/
das 100 Leſer einen einigen/ vngeſpaltenen Verſtand heraus neh-
men werden/ Aber nein/ wir erfahren das Wiederſpiel mit vnſerm
Schaden/ vnnd muͤſſen bekennen/ daß der Verſtand von jnnen
heraus flieſſe vnd nicht von dem Buch/ von auſſen hinein in den
Menſchen getragen werde/ So mancher Kopff/ ſo mancher Ver-
ſtand/ ſo mancher Leſer/ ſo mancher ſiñ/ wird zu vnd in die Schrifft
gebracht/ Die heilige Schrifft iſt ein Gegenwurff/ ſolte nuhn die
Schrifft den Verſtand in den Menſchen tragen oder wuͤrcken/ ſo
muͤſten alle Leſer nur ein einigen Verſtand daraus bekommen/ vñ
nicht alſo geſpalten vnd zwietrechtig in dem Verſtand werden/ Es
ſprechen die Weltgelerten ſelber/ ſo ſie einen vnverſtendigen Men-
ſchen ſehen/ caret judicio \& intellectu, das iſt/ dieſer Menſch iſt
mit keinem judicio oder Verſtand begabt/ er kan von keiner Sa-
chẽ richten vnd vrtheilen/ damit ſie bezeugen/ daß der Verſtand zu-
vor muß im Menſchen ſeyn/ ſol er anders recht richten/ vnd von
den dingen vrtheilen/ vnd ob ſie gleich ſolches reden/ ſo erkennen ſie
doch weder Gott noch ſich ſelber/ darumb bleiben Lehrmeiſter vnd
Schuͤler beyde blind/ vnnd fallen beyde in ein groſſe Finſternis/
dann einer glaͤubet dem andern/ auff gut vertrawen vnd bereden/
wiſſen gar nichts vom jnnern Zeugnis/ kein groͤſſere Verfuͤhrung
kan nicht ſeyn/ denn ſich ſelber nicht kennen/ vom inwendigen
grund nicht wiſſen.
Ach HErꝛ mein Gott/ erwecke mich zu ſchawen vnd zu beden-
cken/ die Werck deiner Haͤnde/ ſo werde ich erkennen/ daß alle ding
O HErꝛ allein von dir von jnnen heraus flieſſen/ in das außwen-
dige/ vnd nicht vom außwendigen hinein/ in das inwendige/ auch
das alle Weißheit vnd Erkendtnis in mir verborgen liege/ die ich
nicht darff von auſſen hinein/ als vom Gegenwurff tragen/ ſon-
dern daß dein Erkentnis/ aus dem Erkenner/ in das erkandte/ alles
aus dir herflieſſe/ Amen.
DAß wir mit vnſern leiblichen Augen ein Ding
ſehen vnd erkennen wollen/ ſo ſind drey Stuͤck darzu von
noͤten/ Das erſte iſt der Werckzeug oder das Jnſtrument/
als das Aug ſelbſt/ Das ander ſtuͤck iſt das objectum oder Ge-
genwurff/ als der Thurm oder der Baum/ der da geſehen wird/
Zum dritten durchſichtige Lufft oder gebuͤhrliche weite/ zwiſchen
dem Auge vnd dem Gegenwurff/ dann ſo die Lufft finſter vnd
dick wird/ kan ich den Thurm oder Baum nicht ſehen/ Auch ſo ich
mein Aug zu hette/ vnd lege an dem Thurm oder Baum/ alſo das
kein mittel oder ſpacium zwiſchen dem Aug vnd dem Gegenwurff
bliebe/ ſo koͤndte ich auch nicht ſehen/ darumb muß es ein liechter
Lufft ſeyn/ vnd bedarff das Aug ein euſſerlich Mittel oder Liecht/
den Gegenwurff zuſehen/ Was ich vom Aug ſag/ das verſtehe
auch vom Gehoͤr/ daß ich den ſchall hoͤre/ durch die Mittel Lufft/
ſind auch drey ding/ Alſo auch vom Geruch/ das iſt aber alles
geredt von dem natuͤrlichen viehiſchem Aug/ wie auch andereDer guͤldene Griff.
Thier/ mit vns zugleich haben vnd beduͤrffen/ Aber ſo weit der
Menſch vber das Vieh iſt/ ſo weit hat er auch ein beſſere art zuſe-
hen/ mit dem inwendigen auch/ darumb wollen wir auch das euſ-
ſere Aug fahren laſſen/ vnd vom rechten Aug handlen/ auff dieſe
weiſe/ Sol ich einen ſehen oder verſtehen/ gehoͤren nicht 3. Stuͤck
darzu/ wie im viehiſchen ſinnlichen Aug/ ſondern nur zwey/ als
das jnnere Aug vnd der Gegenwurff/ Als das Buch/ ſol ichs wiſ-
ſen oder erkennen/ was in dem Buche ſtehet/ ſo muß der Verſtand
in mir ſeyn/ aus dem Buch kan ich den Verſtand nit nehmen/ Sol
ich ſehen/ ſo muß das Aug in mir ſeyn/ were ich blind/ ſo koͤndt ich
nicht ſehen/ Alſo auch/ het ich kein Judicium oder Verſtand in
mir ſo koͤnt ich nit vrtheilen noch wiſſen was in dem Buch were/
das jnnere Aug des Hertzens oder der Seelen/ bedarff keines euſ-
ſerlichen Liechts oder Lufft/ Es hat ſein eigen Aug vnd Liecht in jm
ſelber/ dann wer mein Aug finſter/ ſo koͤnt ich nicht ſehen/ Matth.
16. Cap. Wiewohl der Einfeltige vnd Vngeuͤbte mir fuͤrwerffen
vnd ſagen koͤndte/ Sol ich das leſen/ ſo muß ich ja ein euſſerlich
Liecht haben/ Sonne oder Kertzen/ ſonſten koͤnt ich den Buchſta-
ben nicht ſehen/ darumb gehoͤren drey Stuͤck darzu vnd nit zwey/
Antwort/ Ja/ So du mit deinen leiblichen Augen den Buchſta-
ben ſehen wilt/ ſo muſtu drey Stuͤck haben/ das Auge/ das Liecht
vnd das Buch/ Aber ich rede nicht von einem ſolchen ſehen wie
Kuͤhe vnd Kelber/ den Schein anſehen/ ſondern vom Verſtand im
jnnern Ang/ daß das Buch verſtehet/ ohne das euſſerliche Liecht/
Dann leſen vnd nicht verſtehen/ were nicht geleſen/ legere \& non
intelligere eſt negligere, ſprechen die Weltgelehrten/ darumb
hat das jnnere Aug das Liecht bey jhm/ vnd iſt ſelber das Liecht/Marci 6. Cap. vnd gehoͤrn nur zwey ding zum ſehen vnd vrtheilen/
Nemblich das Aug vnd der Gegenwurff/ der fihet/ vnd das da ge-
ſehen wird. Ach. HErꝛ Gott der du vns gelerter machſt/ dann allesDer guͤldene Griff.
Vieh auff Erden/ vnd weiſer als die Voͤgel/ vnd lehreſt vns Men-
ſchen/ alles was wir wiſſen/ Job: 35. Cap. vnd leſſeſt Buͤcher
ſchreiben vmb vnſer Schwachheit willen/ daß wir dardurch erjn-
nert/ ermahnet vnd vberzeuget werden ſollen/ Erleuchte das Aug
in mir/ daß ich ſehe/ Eroͤffne den Verſtand in mir/ daß ich verſtehe/
vnd ſcherffe das Vrtheil in mir/ daß ich recht pruͤffe alle Ding/
So werde ich nicht das jnnere Zeugniß deines Himliſchen Liechts
verleugnen/ mit den Schrifftgelerten/ ſondern bekennen mit den
Frommen/ daß der Verſtand nicht von auſſen/ ſondern allein von
dir O HErꝛ/ vnd nicht aus den Buͤchern zu vns komme/ Son-
dern von jnnen heraus/ dem rechten Brunguell/ deiner Goͤttli-
chen Gnade flieſſe.
DIEweil zum Vrtheil vnd Erkaͤntniß von noͤ-
ten ſeyn 2. Ding/ als das Auge oder Werckzeug vnd dasobjectum oder Gegenwurff/ muß zum erſten wohl ver-
ſtanden werden/ was ich das Aug nennen werde/ vnnd wie man-
nigfalt es ſey/ vnd was objectum oder Gegenwurff heiſſe/ vnd
vnd wie mannigfalt es ſey/ daß wir vom euſſern auch anfahen/
So iſt das Aug ein Werckzeug/ damit vnd dadurch der Menſch
ein Ding ſiehet/ welches auch ein euſſerlich Liecht bedarfft/ aber
ſolch ſehen geht nur auff das viehiſche vnnd vnedleſte Theil des
Menſchens/ Derhalben vom Werckzeug oder Jnſtrument zu re-Der guͤldene Griff.
den/ ſo muß der Menſch nach dreyen Kraͤfften getheilet werden/
dann im Menſchen wird gefunden eine dreyfache Begreiff-
ligkeit/ als Erſtlich Sinnliche. 2. die Vernuͤnfftige. 3. vnd die
gruͤndliche Begreiffligkeit/ So ſich die Seel heraus zu den Sin-
nen kehret/ vnnd wircket mit durch die Sinnen/ ſo erkendt ſie ein
Ding offt viehiſcher Art/ vnd begreifft offt ein Ding/ wie ein an-
der Vieh/ ſo ſie aber kehret zu der Vernunfft vnd Kuͤnſten/ Hand-
wercken oder Sprachen/ ſo lernet vnd begreiffet ſie ein Ding wie
ein Menſch/ ſie braucht das Vernuͤnfftige Aug/ So ſich aber
die Seel kehret in das jnnerſte Theil/ in den Verſtand oder Ge-
muͤthe/ ſo ſiehet vnd erkennet ſie ein Ding auff geiſtliche weiß.Endlich im Menſchen mag geſucht werden/ ein dreyfaches
Aug/ das vnterſte vnd vnedleſte Aug iſt/ Senſualis das ſinnliche
Aug/ darzu mag auch gerechnet werden Imaginatio, da man al-
lein ſiehet/ hoͤret/ greiffet/ riechet liebliche ding/ Das mittel Augrationalis, ſo ſich der Menſch vber Sinnligkeit erhebet/ vnnd
braucht der Vernunfft/ in dem er eins ausſchlieſſen kan/ Das
dritte vnd hoͤchſte Aug iſt/ Intellectualis oder mentualis, da der
Menſch auff Engeliſche weiß den Gegenwurff anſiehet vnnd er-
kennet/ das objectum oder Gegenwurff iſt daß das Ding des
da geſehen vnd erkent wird/ Als mit den Augen ſehe Jch an das
Hauß/ oder der Mond am Himmel/ da iſt das Hauß oder Mond
der Gegenwurff der Augen/ mit der Vernunfft erkenne vnd ſiehe
Jch an die Kunſt Dialecticam, Arithmeticam, vnd andere
Kuͤnſt vnd Handwerck/ alſo ſind die Kuͤnſt ein Gegenwurff dem
vernuͤnfftigen Aug/ dann durch die Vernunfft begreiff ich ſolche
Ding/ mit dem Verſtand des Gemuͤths/ ſiehe ich an die Engel
vnd den ewigen GOTT/ Alſo iſt Gottvnd die Engel
ein Gegenwurff/ des gemuͤthlichen Auges/ vnd alles was manDer guͤldene Griff.
anſiehet/ hoͤret/ vrtheilet/ erkennet vnd verſtehet/ das heiſt ein Ge-
genwurff/ Als Biblia iſt ein Gegenwurff dem der ſie lieſet/ verſte-
het oder anſiehet/ Es iſt aber ein zwiefacher Gegenwurff/ (denn
es ſind zwey Weſen/ Gott vnd die Creatur) ein begreifflicher/
endlicher vnd beſchließlicher Gegenwurff/ als da iſt die Creatur
es ſey ſichtig oder vnſichtig/ denn alles was GOTT erſchaffen
hat/ mag der Verſtand begreiffen/ Der ander Gegenwurff iſt vn-
endlich/ vnmeßlich vnd vnbegreifflich/ Als Gott/ der da nicht
mag begriffen werden/ durch Menſchlichen Verſtand/ allein von
ferne wird er erkandt/ denn gleich wie vnſer ſinnliches Auge/ das
weite/ daß der Menſch anſiehet/ aber nicht vberſehen vnd begreif-
fen kan/ Alſo iſt dem inwendigen Auge/ der vnbegreiff-
liche/ vnauſsmesliche vnd vnendliche GOTT. Derhal-
ben das ſehen/ das hoͤren/ das verſtehen das erkennen/ das begreif-
fen/ das vrtheilen meyne ich hie/ das Aug iſt im Menſchen/ | das
aber durch des Menſchen Aug geſehen/ gehoͤrt/ ergrieffen/ verſtan-
den/ geurtheilet vnd erkent wird/ das nennet man objectum oder
Gegenwurff/ Es ſey nun endlich/ als Creatur/ oder vnendlich/ vn-
beſchließlich als der ewige GOtt.
O ewiger Gott vnd HErꝛ aller Guͤte/ du haſt den Menſchen
mit ſolchem Liecht begabet/ daß er anſehen ſol deine Creatur/ als
einen Gegenwurff/ daß da endlich vnd begreifflich iſt/ vnd daß der
Menſch ſolle gefuͤhret werden/ dardurch zu dir/ als dem vnauß-
meßlichem Gegenwurff/ auff daß er an dir erſettiget werde/ vndnicht in der endlichen Creatur verharꝛe/ Ziehe mich lieber Va-
ter/ ſo komme ich zum Sohn/ zu dir in das ewige
Leben/ Amen/ Amen.
DIeweil alle ding ſo von GOTT dem ewigen
Brunnen gefloſſen ſind/ erkaͤndt werden/ entweder aus
dem Liecht der Natur durch fleiſſiges nachforſchen/ oder
durchs Liecht der Gnaden/ in einem ſtillen Sabbath/ da man nit
wuͤrcket/ ſondern leidet/ da ſich Gott ſelber erkent/ durch ſich ſelber/
ſo ſetzet man billich eine zwiefache Philoſophiam/ als eine natuͤr-
liche durchs Liecht der Natur/ vnd ein vbernatuͤrliche durchs Liecht
des Glaubens vnd Geiſtes in Chriſto/ die natuͤrliche Sophia oder
Weißheit begreifft die Werck der Natur/ Nemblich den gantzen
Adam/ vor vnd nach dem Fall/ vnd die gantze Schoͤpffung/ Die
vbernatuͤrliche Sophia aber begreifft den gantzen Chriſtum nach
beyden Staͤnden/ als den Schoͤpffer der newen Creatur vom Him-
mel/ alſo macht man Sophiam naturalem, das iſt/ natuͤrliche
Weißheit/ von Gott vnd ſeinem Geſchoͤpff/ neben Philoſophi-
am \& Sophiam ſuper naturalem, das iſt vber natuͤrliche weiß-
heit/ von Adam vnd von Chriſto/ vom alten vnd newen Menſchẽ/
vom Buchſtaben vnd Geiſt moͤcht man heiſſen Theologiam die
vbernatuͤrliche Weißheit oder Theologia lehret vns erkennen/
was Adam vnd Chriſtus ſey/ in vns ſelber vnd auſſer vns wird be-
griffen in den Schrifften vnd Propheten vnd den Apoſteln/ dienet
zum ewigen vnd himliſchen Leben/ Aber die natuͤrliche Weißheit
vnd Philophia, lernet erkennen die gantze Natur/ des ſichtbarenDer guͤldene Griff.
vnd vnſichtbaren Liechts/ dienet auff das kurtze ſichtige Leben/ vnd
hoͤret auff mit der Welt/ vnd obwohl die Theologia erlkleret die
Natur vnd Gnad des jrꝛdiſchen Adams vnd des Himliſchen/ vnd
die Philoſophia alle natuͤrliche Geſchoͤpff ergruͤndet/ ſo ſollen
doch dieſe beyde nicht von einander geſcheiden ſeyn/ auch gantz vnd
gar nit mit einander vermiſcht werden/ ſondern beyde mit einan-
der mit Beſcheidenheit geuͤbt/ gefuͤhrt vnd erkent werden/ Es gibt
eins dem andern die Hand/ vnd ſo ſie recht ordentlich mit einan-
der ohne Vermengung gefuͤhret werden/ ſo erkent man alle Ge-
heimnuß der natuͤrlichen vnd vbernatuͤrlichen Ding/ dann diß iſt
ein ſchlechter Theologus welcher nur nach der Schrifft den euſ-
ſerlichen Chriſtum vnd Adam/ wie die Hiſtori lautet/ ohne Krafft
vnd Leben/ Wuͤrckung vnd Geiſt/ im himliſchen vnd jnnern we-
ſen bekent/ Solle er aber ohne Jrꝛgang vnd Finſterniß/ die Natur
vnd Gnad den Adam vnd Chriſtum recht erkennen vnd erkleren/
nach Apoſtoliſchem vnd Prophetiſchem grund/ ſo muß er durch
den heiligen Geiſt von oben herab gelehret werden die Natur vnd
Ordnung der Geſchoͤpff erkennen/ woraus/ warumb vnd worzu
der Menſch vnd die Weltgemacht vnd geordnet ſey/ das heiſſetPhiloſophia naturalis, eine natuͤrliche Weißheit/ vnd wird be-
grieffen/ vnd kuͤrtzlich im Moſe erzehlt im Buch der Schoͤpffung/
darumb ſol ein Theologus den Adam vnd die Natur erkennen/
ſo muß er die gantze Welt kennen/ vnd alle Geſchoͤpff/ Als dann
mag er ſagen daß der Menſch ſey ein kleine Welt/ aus dem limbo
geſchaffen/ jegliches wiſſen vnd verſtehen/ gehoͤrt zu einem natuͤr-
lichen Philoſopho, Alſo/ was iſt das fuͤr ein Philoſophus der
ſich vnterſtehet die Geſchoͤpff Gottes oder die Natur außzulegen/
ohne Chriſto/ wer nicht mit Weißheit wandelt/ das iſt/ der nicht
mit Chriſto handelt vnd wandelt/ der muß fehl vnd jrꝛgehen in ſei-
nem Vorhaben/ Chriſtus iſt die Weißheit Gottes/ ein AnfangDer guͤldene Griff.
vnd End aller Creaturen/ wil einer die Natur ergruͤnden/ vnd
philoſophirn/ ohne Jrꝛgang/ ſo muß er in Christo anfangen/
vnd in Jhm vollenden/ ſonſt iſt ſein philoſophirn nichts werth/
All vnſer ſtudiren muß aus Christo gehen/ vnd zu dem eini-
gen Christo weiſen vnd vollenden/ wer in dieſem nichts finden
wird/ der wandelt in Finſternis/ mit allen ſeinen Sophiſtiſchen
Schuelkuͤnſten vnd Menſchlichen Studijs, vnd wird jhn endlich
rewen/ daß er in dieſer Welt gelebet hat. Darumb ſo jhr diePhiloſophia vnd Theologia eine gabe Gottes/ beyde von
GOtt/ doch eine auff dieſe Zeit/ die andere zur Ewigkeit fuͤhrend/
vnd wer Philoſophiam alſo in die Natur fuͤhrt/ daß er zu Chri- komme/ vnd
stoThelogiam alſo in der Gnaden braucht/ daß er Christvm kenne/ vnd in jhme wandele/ der wird Liechtes/
Luſtes vnd Frewd in dieſer Zeit genug haben/ begert auch endlich
in Frewden zu ſterben.
Ach ewiger Gott gros Luſt/ Frewd vnd Ergetzung findet man
in deinen Geſchoͤpffen/ ſie ſind eitel Wunderwercke/ aber vnend-
liche Ergetzung findet man in deiner ewigen Weißheit/ wie ein
Troͤpfflein Waſſers gegen dem weiten Meer/ alſo iſt die jrꝛdiſche
Weißheit gegen der himliſchen/ ſind beyde von dir/ vnd ſind in
vns. Ach HERR laß mich in der jrꝛdiſchen Weißheit nichtverharren/ Sondern das ich moͤge das zeitliche hinder mir
laſſen/ vnd allein dem ewigen/ das in dir deinem
lieben Sohn Jesv Christo
iſt/ folgen moͤge/ Amen.
Amen.
DIeweil im Menſchen eine dreyfache Begreiff-
ligkeit gefunden wird/ als nach den Sinnen/ ein ſinnliche
Erkentnis/ vnd nach der Vernunff eine vernuͤnfftige Er-
kentnis/ vnd nach dem Verſtand/ eine verſtendige Erkentnis/ vnd
ſolche dreyfaltige Erkendtnis ſich helt mehrer theils leidenlich/ ſo
muß man ein zwiefaches Aug oder Erkentnis zugeben/ als nemlich
eine natuͤrliche Erkentnis durch eigne Kreffte vñ Geſchwindigkeit/
daß ſich der Menſch wircklich helt/ mit ſpeculirn, fantaſirn, be-
trachten vñ erforſchen/ vnd ein vbernatuͤrliche erkentnis oder weiß-
heit/ da der Menſch nichts im gegenwurff wirckt/ ſondern vielmehꝛ
in leidenlicher weiß/ ſeiner Erkentnis erwartet vnd empfahet/ von
dem vnbegreifflichen Gegenwurff/ von Gott ſelbſt/ der ſich in dem
leidenlichem Auge ergeuſt/ vnd alſo wircket der Menſch nichts in
dieſer Erkentnis/ er ſtehet ſtill in allen ſeinen Gedancken/ vnd iſt
gleichſam todt. Auge/ Begreiffligkeit vnd Erkentnis wird alhie fuͤr
ein ding genom̃en/ dañ mit dem Aug ſiehet man/ vnd erkent etwas/
vnd wie man mit den leiblichen vnd ſinlichen Augen ſiehet/ das ob-
jectum oder gegenwurff/ alſo mit den inwendigen geiſtlichẽ Auge/
ſieht vnd erkent man die objecta oder Gegenwurff/ vnd diß Aug
des inwendigen Menſchens ſol an beyden Liechtern der Natur vnd
gnaden verſtandẽ/ geuͤbt vnd gebraucht werden/ darum̃ vñ dieweil
man mit einem folchẽ inwendigen Auge alle ding erfehrt/ ſihet vnd
ergreifft/ ſo bleibt dz Aug oder begreiffligkeit vñ erkentnis ein ding/
welchs doch (wie geſagt) auff zwifache weiß muß gebraucht werdẽ/Der guͤldene Griff.
als natuͤrlicher wuͤrcklicher weiß/ zur Philoſophiam in dieſes Le-
ben/ vnd vbernatuͤrlicher leidenlicher weiß zur Theologia in das
himliſche Leben/ denn es iſt zweyerley Weißheit/ aus dem Adam
vnd durch den Adam/ natuͤrlich/ zeitlich/ vnd aus Chriſtum vnd
durch Chriſtum/ vber natuͤrlich vnd ewig/ Es ſeyn auch zweyerley
Liecht/ das Liecht der Natur/ auff das zeitliche Leben/ vnd das
Liecht der Gnaden vnd des Glaubens/ auff das ewige Leben/ alſo
ſind auch 2. Adam in der Welt/ ein jrꝛdiſcher mit der Natur ſich-
tig/ vnd ein vnſichtbarer vnd himliſcher/ mit der Gnaden/ als
Chriſtus/ Es iſt auch ein zwiefacher Glaub/ als der natuͤrliche an-
geborne Glaub/ aus dem allmechtigen Schoͤpffer/ in allen Men-
ſchen/ vnd der Glaub der Gnaden/ oder des Geiſtes aus Chriſto.
Welcher den Menſchen ewig ſelig macht/ So der natuͤrliche mit
dem ſterblichen Leben hingehet/ Es ſind auch 2. Gegenwurff/ als
ein begreifflicher vnnd endlicher Gegenwurff/ wie dann alle Ge-
ſchoͤpff ſind/ vnter dem Menſchlichen Verſtand/ es ſey im Him-
mel oder in der Hell oder in den Elementen/ vnd ein vnbegreiffli-
ther/ vnausſprechlicher Gegenwurff/ als Gott/ welcher in einem
Liecht wohnet/ darzu niemand kommen kan/ vnnd welchen kein
Menſch geſehen/ noch ſehen kan/ in Ewigkeit. Timoth. 6. cap.
Aus dieſem allen wird erzwungen/ daß man ſicht eine natuͤrliche
Erkentnis/ die ſich wuͤrcklich helt zu der Natur/ vnd ein vbernatuͤr-
liche Erkentnis/ die ſich leidenlich halte/ zur Gnaden vnter Gott/
den Gott vnd ſein Wort bleibet vnerforſchlich vnd vnbegreifflich/das iſt/ vnſere vnendliche Seeligkeit/ Dieſem vnergreifflichen
vnerforſchlichem GOtt ſey Lob vnd Preiß von
nuhn an diß in Ewigkeit/
Amen.
NAtuͤrliche Erkaͤndmuͤß oder Begreiffligkeit
wird vollbracht oculo carnis, das iſt/ durch die Sinnen/
vnd oculo rationis, das iſt/ durch die Vernunfft/ vndoculo mentis das iſt/ durch den Verſtand/ Wir wollen aber
weiter beſehen den Vnterſcheid des dreyfachen natuͤrlichen Auges/
vnd wie eins das ander in ſich ſchliſſe vnd weit vbertreffe/ daraus
zuverſtehen ſeyn wird/ daß alle natuͤrliche Erkentnis ſich auch muß
nach art des Gegenwurffs/ dann nicht von Gegenwurff/ ſondern
vom Aug flieſſet das ſehen vnd erkennen. Jſt nun der Seher vnd
Erkenner ſcharffſinnig vnd rechtſchaffen/ ſein vnd dargegen das
fleiſchliche Aug iſt zwiefach euſſerlich/ als die 5. Sinnen/ mit ſehen
riechen/ hoͤren/ ſchmecken/ greiffen jnnerlich als Imaginatio, da
man ohne die euſſern Sinne/ im abweſen ſicht ein ding mit inwen-
digem Auge der Imagination, ohne das euſſerliche Liecht/ auch in
der finſtern Nacht/ Als ich ſehe vor mir ſtehen ein Schloß/ vnd ge-
he darvon etliche Meilen/ dannoch ſehe ich daſſelbe Schloß/ als
ſtuͤnde es vor mir/ nicht mit den Augen/ ſondern mit der Imagina-
tion, dieweil aber Imaginatio vber leibliche ding nicht ſeyn mag/
ſondern allein in den objecten oder Gegenwurff geuͤbet wird/
Da mag man ſie wohl rechnen zu oculo carnis, das iſt/ zu dem
fleiſchlichem ſinnlichem Auge/ dann im jnnern Weſen iſt Imagi-
natio an ſtatt aller 5. Sinnen/ vnd beſchleuſt auch alle 5. SinnenDer guͤldene Griff.
in ſich/ ſie ſiehet/ hoͤret/ riecht/ ſchmeckt vnd greifft in jr ſelber/ ohne
euſſerlichs Liechtes oder Lufftes/ vnd zwar viel ſchneller als alle 5.
Sinnen/ Sie iſt der Syderiſche Geiſt/ vnd hat das Liecht in jhr
ſelber/ vnter den euſſern Sinnen/ iſt auch einer ſchneller vnd edler
dann der ander/ Viſus, das ſehen/ aus dem Geſicht/ ſchnell in ei-
nem Augenblick/ vnd ſiehet biß an das Frmament hinauff/ dahin
mag kein andere euſſere Sinne reichen. Auditus das Gehoͤr/ vber-
trifft den Geruch oder das riechen/ dann ich kan weiter ein ding
hoͤren als riechen/ dann ſo ein ding weit von mir iſt/ ſo kan ichs mit
dem Geruch nicht empfinden. Olfactus vbertrifft den Guſtum,
das iſt der Geſchmack/ denn ich kan ein ding wohl riechen/ aber
nicht von fernen ſchmecken/ als der Guſtus vbertrifft den Tactum,
das iſt das Greiffen/ dann ich kan ein ding durch den Geſchmack
empfinden/ ohne leibliches beruͤhren/ doch nicht weit von mir/ aber
ein ding kan ich nicht fuͤhlen oder greiffen/ ich beruͤhre es dann mit
meinem Leib/ darumb iſt der Tactus oder das fuͤhlen außgetheilt/
durch den gantzen Leib in alle Glieder/ vnd iſt im gantzen Leib al-
lenthalben/ aber das Schmecken hat ſein ſonder Ort am Leib/ jn-
nerlich die Zung oder Gaumen/ vnnd das riechen hat ſein ſonder-
lich ort am Leib/ nemblich die Naßloͤcher/ dann mit der Hand kan
ich nicht riechen/ das hoͤren hat auch ſein beſonder ort am Leib/ als
die Ohren/ dann mit den Haͤnden kan ich nicht hoͤren. Das Ge-
ſicht durch die Augen iſt das ſchnelleſte vnter den euſſern Sinnen/
auch in einem Augenblick/ wie der Plitz von Himmel/ alſo auch
vom Aug ſehen/ aber dieſe euſſere 5. Sinnen/ werden nicht allein
von der Imagination vbertroffen/ ſondern auch mit einander alle
begriffen vnd verbringen jhre Werck mit groſſer Geſchwindigkeit/
als die da Geiſtlich iſt/ vnd alles in jhr hat/ treget/ Sie ſiehet die
Dinge/ da kein Sinn hinkommen/ ſie kan vber etliche hundert ja
tauſent Meilen ſehen/ hoͤren/ begreiffen/ wircken/ ſie bedarff keinDer guͤldene Griff.
euſſerlich leiblich Werckzeug zu jhren handeln/ Dieſe Imagina-
tio iſt der Syderiſche Geiſt/ ſie iſt das Geſtirn im Menſchen/ ſie
iſt alle Sternen vnd wircket auch dem Firmament gleich/ davon
lieſe Theophraſtum was er ſchreibet. Von der Imagination
nun/ wie troͤſtlich die Imaginarion iſt/ die alle Wirckung in jhr
volbringet/ es ſey nahe oder fern/ dennoch iſt oculus rationis, das
Aug der Vernunfft oder der Menſch/ durch die Vernunfft ſiehet
vnd erkennet/ die ding/ welche der Imagination vnmuͤglich ſeyn
zu erkennen/ Aber die Vernunfft ſihet daß die Welt an keinem
Ort ſtehe vnd doch nicht falle/ das vermag die Imaginatio nicht
zu ſehen/ ſie kan ſich in vnleibliche ding nicht richten/ ſie gehet mit
Leibes Formen vnd Figuren vmb/ die Vernunfft iſt viel hoͤher vnd
aber hoͤher/ vnd inwendiger iſt oculus mentis ſeu intellectus,
das Aug des Gemuͤths vnd Verſtandes/ Wie die nachfolgende
Figur anzeiget.
Das eine iſt das jnnerſte vnd das hoͤchſte Aug/ durch das A
verzeichnet.
Das ander iſt das mittelſte durch das B verzeichnet.
Das dritte iſt das euſſerſte vnd vnterſte/ auch das oberſte durch
das D verzeichnet.
Je jnwendiger/ je geiſtlicher vnd edler/ je außwendiger je groͤber
vnd ſchwerer/ dieſe Figur bezeuget auch daß das Aug oder die Er-
kentnis im Menſchen ſey/ vnd von jnnen heraus komme/ vnd das
der Gegenwurff auſſerhalb dem Menſchen ſey.
O ewiger Gott du Brunn vnd Quell aller Wiſſenheit vndDer guͤldene Griff.
Erkentnis/ du begabeſt mich mit einem dreyfachen Aug/ als mit
den Sinnen dem Viehe gleich/ mit der Vernunfft als einen Men-
ſchen/ mit dem Verſtand als einen Engel. Ach HErꝛ laß mich
brauchen das jnnerſte Aug/ ſo muß ich bekennen/ daß alle Wiſ-
ſenſchafft in mir ſey/ vnd von jnnen heraus flieſſe/ vnd nicht vom
Gegenwurff koͤnne hinein getragen werden.
DAs Auge der Sinnen oder des Liechts iſt das
vnterſte/ wird beſchloſſen vnd begriffen von der Imagina-
tion, vnd dieweil Imagination inwendig iſt/ ſo iſt ſie
auch edler vnd wuͤrdiger/ als die euſſerlichen Sinne/ dann je inn-
wendiger je gewaltiger/ vnd je außwendiger je ſchwecher vnd vn-
achtſamer/ Die Vernunfft/ das iſt das mittel Aug/ beſchleuſt Ima-
gination, vnd dieweil ſie inwendigen iſt/ ſo iſt ſie auch viel hoͤher
vnnd mechtiger/ in jhrer Wirckung oder Begreiffligkeit vber die
Vernunfft/ iſt noch oculus intellectualis oder mentis das
hoͤchſte vnd inwendigſte/ darumb iſt es auch das ſcherffſte vnd ge-
ſchwindeſte in ſeiner Begreiffligkeit/ denn gleich wie euſſere ſicht-
bare ding/ mit den Augen geſehen werden/ in einem augenblick/
alſo auch mit dem jnnerſten Aug/ werden die vnſichtbaren geiſtli-
chen Ding geſehen/ mit einem augenblick/ wer alle euſſere Sinne
ſampt der Imagination kan ſtill halten/ vnd ſich hinein kehren/ in
den inwendigſten Grund der Seelen/ in ſtiller Gelaſſenheit/ auffDer guͤldene Griff.
GOtt warten in jhme ſelber/ vnd in ein vergeſſen kommen/ ſeiner
ſelber/ vnd aller ding/ der wird in ſeinem Verſtand von GOtt er-
leuchtet/ vnd das heiſt von Gott lernen/ vom Vater hoͤren/
dem Zug des Vaters raum geben/ ſolches mag ein jeder in jhme
ſelbſt erfahren/ das obriſte inwendigſte Aug kan wohl ſeine Krafft
zubringen ohne alle huͤlff vnd gegenwertigkeit der vnterſten Au-
gen/ aber das vnterſte mag nichts ſchaffen/ ohne Huͤlff vnd Liecht
des Obriſten Auges/ darauff merck allhier dieſe Regel/ Quicquid
poteſt poten tia inferior hoc idem poteſt potentia ſuperior
\& multè excellentior, ſed non contra, das iſt/ Was da ver-
mag die vntere Begreiffligkeit/ daſſelbe vermag die obere Begreiff-
ligkeit/ viel in einem hoͤhern grad/ aber nicht das gegentheil/ dann
das obere Aug vermag viel/ das dem andern vnmuͤglich iſt zuthun.Item merck dieſe Regel/ Unitas omnis eſt in ſua alteritate ut
lux in tenebris: Et omnis alteritas eſtin ſua unitate ut te-
nebræ in luce, das iſt/ die Einigkeit als das jnnerſte Aug/ iſt dem
gezweitem als dem vnterſten Aug gleich wie ein Liecht in der Fin-
ſternis/ als der Verſtand iſt die Einigkeit gegen der Vernunfft/ die
Vernunfft iſt das Gezweite gegen dem Verſtand/ vnd iſt der Ver-
ſtand in der Vernunfft/ wie ein Liecht in eim Schatten oder Fin-
ſternis/ alſo iſt die Vernunfft die Einigkeit gegen der Imagina-
tion, Imaginatio iſt der Schatten oder Bildtnis der Vernunfft/
vnd dieſe einige Vernunfft leuchtet in die Imaginatio, widerumb
in die Vernunfft wie ein Schatten in das Liecht Item die Imagi-
natio iſt die Einigkeit gegen den euſſern 5. Sinnen gerechnet/ vnd
iſt ein Liecht gegen ſie/ die euſſern Sinnen ſind ein Schatten vnd
Finſternis gegen der Imagination.
Dieſe Figur zeiget an/ wie das hinab ſcheinet in das vnterſte
Aug ſein Finſterniß/ ſeine Finſterniß oder Schatten/ wirff in das
oberſte Aug als in ſein Liecht/ das euſſerſte vnterſte wirckt nichts
ohne das Liecht des obriſten/ aber das oberſte kan wohl vor ſich
wircken/ ohne Huͤlff des vnterſten im Abſterben des Menſchen
fallen dahin die euſſern Sinne/ das Fuͤhlen/ Hoͤren/ Riechen/
Greiffen/ Schmecken/ darnach die Imagination vnd Gedancken/
darnach die Vernunfft/ vnd bleibet allein das ewige verſamlet/
im inwendigſten Geiſt/ es wird offtmahls das mitle Aug/ als
die Vernunfft/ ertrencket/ durch das vielfeltig imaginiren, vnd
alſo wird offtmahls das oberſte Aug erſeufft vnd ertrenckt/ durch
ſtrenge Wirckung der Vernunfft/ auch wird der Geiſt Gottes die
Erleuchtung in vns ertrenckt vnd verhindert/ durch vnſern Ver-
ſtand/ ſo er ſich wircklich helt/ ſo das obere wirckt/ ſo muſt das vn-
terſte ſtilſtehen vnd leiden/ als ſol die Imaginatio jr werck volbrin-
gen/ cabaliſtica magia, ſo muͤſſen euſſere ſinne ſtillſtehen/ was dieImagina-Der guͤldene Griff.Imaginatio nicht durch die 5. Sinne außgetheilt ſeyn/ ſie muͤſſen
zuſammen geſamlet werden/ alſo muß das vnterſte ſtill ſtehen/ ſol
das oberſte wircken. Jtem/ das mittel Auge/ als die Vernunfft/ ſol
ſie ihr Wirckung volbringen/ ſo muß ſie nicht durch das vnterſte
Aug gehindert werden/ als durch fremb de Formen vnd Einbildun-
gen/ alſo ſol das oberſte Aug als der Verſtand ein vnſichtiges ding
erkennen vnd ſehen/ ſo muß die Vernunfft ſtillſtehen/ ſol das ober-
ſte Aug etleuchtet werden/ ſo muß es nicht wircken/ nichts ſehen/
nichts wiſſen/ es muß am Sabbath ruhen/ inwendig auff GOtt
warten/ das iſt/ Sol GOtt als der wahre Leuchter vnd Liecht in
vns lehren vnd wircken/ ſo muß der Verſtand innehalten vnd lei-
den/ Ach wer ſo ſelig were/ daſs er ſich gewehnete zu ſi-
tzen vnd Gott ſtilhielte/ wie David ſaget/ Jch wil hoͤren was
der HErꝛ in mir reden wird/ Er duͤrffte fuͤr Kunſt vnd Weißheit
nicht ſorgen/ er lernete alle ding ohne muͤh vnd arbeit/ aber es iſt
den natuͤrlichen Menſchen ſchweer/ daß er ſol ſterben/ vnnd nicht
allezeit wircken/ mit fantaſiren, diſcuriren, imaginiren, ſehen/
hoͤren/ Wir lernen auch allhie/ ob gleich das oberſte Aug ſo hoch
vnd edel iſt/ daß es ohne Huͤlff der vntern wircken koͤnnen/ ſo kan es
doch von den vnterſten auffgehalten vnd verhindert werden/ Dar-
umb leſen wir von jenem Philoſopho/ daß er jhme ließ die Augen
außſtechen/ auff daß ſein inwendiges Aug nicht moͤchte von der
inwendigen Warheit auffgehalten werden.
Aus dieſem ſollen einfeltige Leut lernen/ andere Leut nicht zu
richten/ aus jhren eigenen Verſtand vnd Vermoͤgen/ ob ſie ſchon
ein ding nicht bald in jhren Kopff koͤnnen bringen/ daß darumb
andere Leut auch ſo grob weren wie ſie/ es folget nicht daraus/ die-
ſer iſt ein groſſer Doctor vnd Theologus, vnd hat noch nicht das
erſte Capitel Geneſis verſtanden/ darumb muͤſſen andere Leut
auch nichts verſtehen/ als die Imaginatio kan nichts begreiffen/
wie die Welt in nichts ſtehet/ vnd nicht falle/ die Vernunfft aber
ſicht Vrſachen genug/ warumb die Welt in nichts ſtehe vnd nicht
falle/ wolte nun das vntere Aug als die Imagination ſagen/ Jch
verſtehe es nicht/ derhalben wirds ratio oder mens auch nicht ver-
ſtehen/ Derhalben wird Vernunfft auch ſo toͤlpiſch ſeyn als ich
bin/ Nein trawen/ ſolches folget nicht/ daß einer aus eignen blin-
den Verſtand vnnd Vngeſchickligkeit/ andere auch jhme gleich
ſchetzen vnd vrtheilen/ Als du moͤgſt ſagen/ Jch hette ein groben
Verſtand/ Jch kan dein ſchreiben vnd predigen nicht faſſen/ dar-
umb ſind andere Leut auch alſo wie ich bin/ Sondern ſage alſo/
Jch hab ein Eſelskopff/ vnd verſtehe es nit/ andere haben geſchickte
Menſchenkoͤpff die werdens verſtehen/ ex tua propria cœcitate
\& ignorantia noli judicare, ſeu non æſtimare, alios eriam
cœcos \& ignorantes, wiſſe daß du deinẽ Verſtand nicht erhobenDer guͤldene Griff.
haſt/ durch bequemliche vbung/ ſonder liget wie ein ander viehiſch
Menſch/ im Staub der Erden begraben/ Ein jedes objectum
iſt einem jeden wie er ſelber iſt/ die Erkentnis koͤmpt aus dem Aug/
vnd nicht aus dem Gegenwurff/ darnach einer ein ding ſiehet vnd
vhrtheilet/ darnach iſt es jhme wie ſein Aug iſt/ alſo iſt ſein Erkent-
nis/ Exempel/ Den Phariſeern iſt Chriſtus ein Teuffel/ den Ho-
henſchulen iſt ein Gottsgelehrter Prediger ein Schwermer/ den
Apoſteln aber iſt Chriſtus ein Sohn des lebendigen Gottes/ vnd
kein Teuffel noch Verfuͤhrer/ den Sophiſtiſchen Theologis oderLiteranten iſt die Biblia ein Gifft vnd Verfuͤhrung der Glaͤu-
bigen/ aber ſie iſt ein angenehm lieblich Zeugnis.
Ach ewiger Gott/ einen jeglichen Menſchen haſtu Licchts
vnd Aug genug eingethan/ allein aber viel wollen ſich ſelber nicht
kennen/ auch dem nicht glaͤuben/ der ſie zur Warheit fuͤhren wil.
O HERR/ mehre vns den Glauben/ daß wir dich in der War-
heit erkennen moͤgen/ Amen.
DIeweil in der natuͤrlichen Erkentnis ſeyn muͤſ-
ſen zwey ding/ als das objectum oder Gegenwurff/ der
ſol erkent vnd geſehen werden vom Auge/ vnnd das Aug
oder der Erkenner/ der dz objectum ſiehet vnd erkent/ ſo halt gegen
einander videntem \& viſibile: cognoſcentem \& cognoſci-
bile: judicantem \& judicabile: apprehendentem vnd ap-
prehenſibile: vnnd erforſche ob die Erkentnis herkomme vomobjecto in das Aug/ oder ob das Vrtheil vnd die Erkentnis flieſſe
vom Aug in das objectum.
AdprehendensDer Erſeher.
Der Erkenner.
Der Vrtheiler.AdprehenſibileDas da geſehen wird.
Das da erkandt wird.
Das da geurtheilet wird .
Item erforſche ob ſich das Auge oder der Erkenner in ſeiner
Erkendtniß wircklich oder leidenlich halte/ dasiſt/ Ob der Ge-
genwurff etwas wirckt in das Aug/ vnd alſo die Erkendtnis ein-
geiſſet/ vnnd von aus in den Menſchen trage/ oder ob das Aug
wircke/ vnd ſein Erkentnis neme/ von dem das da ſol erkent werden/
das iſt/ Ob das Geſicht oder Vrtheil in das objectum wircke/Der guͤldene Griff.
oder ob das Vrtheil oder Geſicht durchs euſſere objectum einge-
tragen werde/ ſolches iſt nothwendig zu wiſſen/ vnd zu erforſchen/
auff daß viel Jrꝛthumbs entdeckt/ vnd die nachfolgenden ding deſto
leichter verſtanden werden/ So nun einer darfuͤr helt/ daß alle na-
tuͤrliche Erkentnis herflieſſen aus dem Gegenwurff in das Aug/
ſo muß er nothwendig zugeben/ daß von einem einigen Gegen-
wurff/ eine gleichfoͤrmige vngeſpaltene Erkentnis komme in alle
Augen/ ſo dieſen Gegenwurff vor ſich haben/ aber wir erfahren
das Wiederſpiel/ daß vom Auge flieſſe die Erkentnis in das ob-
jectum oder Gegenwurff/ denn nach art vnd eigenſchafft der Au-
gen wird vollbracht das ſehen oder erkennen/ in einem einigen Ge-
genwurff/ daß einer alſo vrtheilet/ der ander anderſt/ Tenn daß
von einem einigen Gegenwurff/ ſo manchfaltige opiniones vndjudicia oder Vrtheil gefallen/ iſt nicht des Gegenwurffs ſchuld/
ſondern deren/ ſo es anſehen/ mit vielfeltigen Augen/ ſol nuhn die
Erkentnis herkom̃en/ vnd vom Gegenwurff in die Augen getragen
vnd gewirckt werden von auſſen zu/ ſo wuͤrden alle Ding ein vn-
geſpaltene Erkentnis davon haben/ dieweil ein einiger Gegen-
wurff zu erkennen vor den Augen ſtuͤnde/ Exempel/ es iſt eine Farb
an der Wand/ darvor ſtehen 3. oder 4. Menſchen/ der eine ſagt/ ſie
ſey graw/ der ander ſagt/ ſie ſey blaw/ der dritte ſagt/ ſie ſey vermi-
ſchet aus gruͤn vnd blaw/ Nun da bleibt ja der Gegenwurff einig/
Solte er nun die Erkentnis in die Augen hinnein wircken/ ſo muͤ-
ſten die Leut gleichfoͤrmige Erkentnis von der Farb haben. Item
Es ſitzen etliche in einer Stuben/ vnd hoͤren zu vnter dem Volck/
ſie lachẽ/ der Glockenzeiger iſt auch ein einiger Klang der Glocken/
vnd wird doch vngleich gehoͤrt von vielen/ daraus geſchloſſen wird/
daß die natuͤrliche Erkentnis nicht vom Gegenwurff herkomme/
ſondern vom Auge oder Erkenner ſelber/ vnnd daß ſich ſolche Er-
kentnis gleich wircklicher weiß halte/ vnd nicht leidenlich/ das iſt/Der guͤldene Griff.
Sol das Aug ſehen/ ſo muß es ſein Wirckung vollſtrecken/ in den
Gegenwurff/ denn das erkennen vnd vrtheilen vber ein ding ſte-
het im Erkenner vnd judicare, vnd nicht in dem objecto, welches
ſich erkennen vnd vrtheilen laſſen muß/ Sprichſtu aber/ Eja/ es
muß gleich wohl die Erkendtnis nicht allein kommen vom Aug
von innen heraus aus dem Menſchen/ ſondern beydes vom Auge
vnd objecto zugleich/ dañ were kein objectum da ſo wuͤrde auch
kein Erkentnis geſchehen/ als/ were das Buch als ein objectum.
nicht geſchrieben/ ſo koͤndt ichs nicht leſen vnd erkennen/ darauff
antworte nochmals alſo: Ja es iſt war/ were die Farb nicht da/ ſo
koͤnt ich ſie nicht ſehen/ aber doch gibt mir die Farb das Geſicht
nicht/ es iſt zuvor in mir/ were das Buch nicht/ ſo koͤndt ichs nicht
leſen noch erkennen/ das iſt die kunſt zu leſen vnd zu erkennen/ Jſt
zuvor in mir/ dann das Buch gibt mir die Erkentnis nicht/ keinobjectum kan ſich ſelber leſen/ ſehen oder erkennen/ ſondern es
muß von dem Leſenden geleſen/ von dem Sehenden geſehen/ vnd
von dem Verſtendigen verſtanden werden/ Alſo fleuſt es alles von
jnnen heraus/ vnd nicht aus dem Buch hinein/ hetteſtu den Ver-
ſtand nicht in dir/ du koͤndteſt nichts verſtehen/ daraus wird ge-
ſchloſſen/ daß die natuͤrliche Erkentnis herkomme/ aus demerken-
nen/ vnd nicht aus dem Gegenwurff/ alſo bleibet judicium in
judicante, intellectus in intelligente, viſio in vidente. Dar-
aus folget vnwiederſprechlich/ Zum erſten/ daß aus dem Auge die
Erkentnis kompt vnd nicht aus dem Gegenwurff. Zum andern/
daß das objectum oder Gegenwurff nichts wircke noch eintrage
in das Aug. Zum dritten/ daß ſich das Vrtheil oder Erkentnis
endere vnd ſpalte nach art vnd Geſchickligkeit der vielfeltigen Au-
gen/ vnd nicht nach art vnd Eigenſchafft des objecti, Sonſten
muͤſte von einem objecto in alle Augen ein gleichfoͤrmiges VrtelEDer guͤldene Griff.
gefallen. Zum vierdten/ daß ſich das natuͤrliche Auge in ſeiner Er-
kentnis allezeit wircklich halte vnd nicht leideniich/ nam cogni-
tio perficitur â cognoſcente, \& non â cognito, das iſt/ DieErkentnis gibet in dem erkennen/ vnd nicht in dem BekandtenJudicium eſt in judicante, \& non in judicando. Zum funff-
ten/ daß alle Erkendtnis der Warheit vnd Weißheit zuvor im
Menſchen liege/ vnd nicht vom objecto, von auſſen zu/ eingetra-
gen werde. Zum ſechſten/ daß alle nuͤtzliche Buͤcher geſchrieben
werden/ nur zum Zeugnis/ zur Kundſchafft vnd memorial der
Einfeltigen/ inen die Erkentnis zu erwecken/ erjnnern/ ermuntern/
ermahnen/ zu vberzeigen vnd zu vberweiſen. Zum ſiebenden/ daß
allen blinden verkehrten Augen/ die allernuͤtzlichſten Buͤcher nur
ein Gifft vnd Ergernis ſind/ gleich wie Christvs den
Phariſeern war/ vnd den falſchen Theologis die heilige Schrifft
iſt. Zum achten/ daß man muß das Vrtheil oder Liecht in jhm
ſelber haben/ von Gott gelehret/ vnd nicht vom geſchriebenen
Buchſtaben holen/ denn der Schatten wirckt kein weſen/ er gibt
nur Zeugnis/ fuͤhret nur ein zum inwendigen Grunde/ ſo fern
der Buchſtabe nach dem Geiſt oder jnnern Verſtandt gebrau-
chet wirdt.
Ach HERR GOtt dein Wort haſtu in meinem Mund
des inwendigen Menſchens gepflantzet/ vnd auch darzu zum
Zeugnis in die Buchſtaben verborgen/ Regiere du mich durch dein
Liecht/ ſo werde ich ohne Anſtoß die Buͤcher leſen/ zum Bewehr/vnd Zeugnis vnd Kundſchafft/ vnd bekenn daß aller Ver-
ſtand von jnnen heraus komme/ vnd nicht von
auſſen hinein getragen werde/
Amen.
AVS den vorgehenden Capitel iſt genugſam er-
wieſen/ wie ein Aug im Menſchen hoͤher vnd edler ſey/ dann
das andere/ vnd wie eins das ander vbertrifft/ in der ſcherffe
vnd Wirdigkeit/ auch in der Geſchwindigkeit/ darumb ſolle dar-
aus billich geſchloſſen werden/ das ſehen/ erkennen/ nicht vom Ge-
genwurff/ ſondern vom Auge ſelber herkomme vnd flieſſe/ das iſt/
Alles natuͤrlich erkennen vnd ſehen komme vnd vollbracht werde/
von dem Erkenner ſebſt/ vnd nicht vom objecto vnd Gegenwurff/
alſo iſt das Aug ein lauter klar Geſicht/ ſo wird die Erkentnis rein
vnd lauter/ klar/ geurtheilet ſeyn/ Jſt aber das Aug ſtumpff vnd
dunckel/ ſo wird auch das ſehen falſch vnd dunckel ſeyn/ in aller na-
tuͤrlichen Erkentnis muͤſſen 2. ding ſeyn/ Erſtlich der Erkenner/
als das Aug/ darnach das objectum oder Gegenwurff/ der da ſol
geſehen vnd erkent werden/ ohne dieſe zwey/ wird kein ſehen oder er-
kennen vollbꝛacht/ es ſey gleich im ſichtbaꝛn oder vnſichtbarn Liecht
der Natur/ oder auch in dem vbernatuͤrlichẽ Liecht der gnaden/ wie-
wol alhie ein Einꝛede moͤcht gebraucht weꝛden/ von dem einfeltigen
Ariſtoteliſchẽ Philoſopho der Hohenſchulen/ der auch mich tadelnDer guͤldene Griff.
koͤndte vnd ſagen/ Es muͤſſen allhier 3. ſtuͤck zum ſehen vnd hoͤren
ſeyn/ als nemlich das Aug als ein Werckzeug vnd das objectum,
vnd auch die durch ſichtige Lufft als ein mittel/ So rede ich doch
nichts an dieſem ort von dem viehiſchen oder ſinnlichen Auge/
welches offtmahls ein Thor anſiehet/ wie eine Kuhe/ durch die
Mittel Lufft/ Denn ſol eine Kuh ein new Thor anſehen/ ſo muß
ſie 3. ſtuͤck darzu haben/ wie billich/ aber wir wollen der Blindheit
der Hochgelaͤrten vergeſſen/ vnd in beiden Liechtern gelehret ſeyn/
Wir reden nicht von einem ſolchen euſſerlichen viehiſchen ſehen/
ſondern von dem inwendigen Menſchliſchen ſehen/ da keine Mit-
tel Lufft darzu gehoͤrt/ wie zum Kuh ſehen/ wir ſind mehr als Kuͤh
vnd Kelber/ darumb ſol vnſer ſehen Geiſtlich vnd jnnerlich ſeyn/
vnd nit außwendig/ viehiſch vnd thieriſch/ Das vnſichtliche geiſt-
liche Aug bedarff keines euſſern oder Mittelluffts/ ſondern es nim̃t
vor ſich ſein Gegenwurff/ begreifft vnd durchdringt jhn/ ſo das
euſſere ſinnliche Aug nur herauſſen in ſuperficiè objecti liegen
muß/ Daß ich aber gleichwohl das Exempel gebe/ vom außwendi-
gen ſehen vnd gebrauch des Geſichts/ geſchicht/ daß du einfeltiger
Ariſtotoliſcher Philoſophus ſolleſt eingefuͤhret werden/ zu dem
jnnwendigen Aug/ vnd erkennen/ wie das ſehen von dem Auge her-
aus flieſſe/ vnd nicht von dem Gegenwurff hinein getragen werde/
Vnd dieweil nun alle natuͤrliche Erkentnis vollbracht wird/ vom
Aug in den Gegenwurff/ natuͤrlicher weiß/ ſo folgt/ daß ſich das
ſehen vnd erkennen endere vnd mannichfaltig mache/ nach Art/ Ei-
genſchafft vnd Geſchickligkeit des Auges/ vnd nicht nach art desobjecti oder Gegenwurffs/ Nun iſt nicht allein ein dreyfaches
Aug im Menſchen/ ſondern ein jedes Aug vor ſich kan manchen
Vnterſcheidt haben/ als das ſinnliche vnterſte Aug/ iſt nicht allein
gering vnd ſchwach gegen der Vernunfft/ ſondern auch fuͤr ſich
ſelbſt/ kan in etlichen ſcharff/ in etlichen noch ſcherffer vnd am al-Der guͤldene Griff.
lerſcherffſten ſeyn/ oder ſtumpff vnd noch ſtuͤmpffer/ Alſo die Ver-
nunfft iſt weit vnter dem Aug des Verſtands/ vnd iſt doch auch
fuͤr ſich/ in etlichen Menſchen dunckel oder gar finſter/ Alſo geht es
zu mit dem Auge des Gemuͤths/ daß es manchen Vnterſcheid gi-
bet/ etlichen iſt es hell/ rein vnd klar/ in etlichen dunckel vnd finſter.
Exempel/ das Geſicht erkennet ſeinen Gegenwurff/ in einem au-
genblick auch in der weite/ aber der Tactus der fuͤhlet vnd erkennet
ſeinen Gegenwurff langſam/ in dem/ er muß ein theil nach dem
andern greiffen/ vnd darzu in der naͤhe/ vnd nicht in der ferne/ als
Exempel/ Jch ſiehe am tage einen Thurm/ vnnd er in einem au-
genblick/ daß er ſey vierecket/ aber in der Nacht komme ich zu dem
Thurm/ vnd fuͤhle ein theil nach dem andern/ biß ich ſo lang er-
kenn/ daß es ein Thurm ſey/ vnd ſey vierecket/ Jtem ein ander Ex-
empel vom vnſichtigen Auge/ die Welt zu ſehen vnd zu erkennen
worauff ſie ſtehe/ da koͤmpt Imaginatio, die da ſonſt leibliche vnd
vnſichtige ding von fernen ſehen kan/ vnd wolt gern wiſſen wor-
auff die gantze Welt ſtehe/ aber ſie vermeynet/ ſie ſtehe auff ſtuͤtzen/
auff daß ſie nicht falle/ Solches ſiehet das vernuͤnfftige Aug leicht-
lich/ daß die Welt auff keine ſeiten fallen kan/ daraus wird aber-
mahls geſchloſſen/ daß die Erkentnis nicht vom Gegenwurff
komme/ ſondern vom Auge ſelber/ ſonſten muͤſten alle Augen ein
gleichen Verſtand nehmen/ von dem einigen Gegenwurff.
Ach HERR die Warheit bleibet Warheit vnd vnbeweg-
lich/ aber wie ein jeder ein Aug bringet/ alſo ſiehet vnd vrtheilet erdarmit/ Nun ſind wir alle vberzeuget/ daß die Erkentnis vom
Aug außflieſſe/ vnd nicht vom Gegenwurff
von auſſen eingetragen werden
darff.
WIe wilich aber die Einfeltigen vberreden/ daß
ſie mir gleuben/ wie der Menſch ſey das Auge ſelbeſt/ ſo
ich doch ſinnlicher weiß ſagen muß/ daß Aug iſt nicht der
Menſch/ ſondern der iſt der Menſch der durch das Aug ſiehet/ das
Ohr iſt nicht der Menſch/ ſondern der iſt der Menſch der dardurch
vnd mit dem Ohr hoͤret/ vnd die Zung iſt nicht der Menſch/ ſon-
dern der iſt der Menſch/ der da mit der Zungen rodet/ die Hand
oder der Fuß machen noch nicht den Menſchen/ ſondern der re-
det in dem Menſchen/ vnd macht den Menſchen/ der die Haͤnd
vnd Fuͤß brauchen kan/ aber eben hiemit wil ich guugſam erwieſen
haben/ daß nicht das Werckzeug fuͤr den Menſchen ſol geachtet
werden/ als das euſſere Aug/ ſondern der jnnerliche vnd vnſicht-
bare/ der da weiß zu gebrauchen des euſſern Auges des Liechtes/
daſſelbige ſey der rechte Menſch/ Diẽweil aber nhun dieſer vn-
ſichtbare/ jnnerliche rechte Menſch alle Ding erkennet vnnd be-
greiffet/ entweder durch die Sinn oder durch die Vernunfft/ oder
durch den Verſtandt/ Dieweil aber Vernunfft/ Verſtandt
nichts anders iſt/ als der Geiſt des Menſchen/ oder der vnſicht-
bare Menſch/ So folget ja daß der Menſch ſey/ damit vnd dar-
durch alle ſichtbare vnd vnſichtbare objecta oder Gegenwuͤrff er-
ſehen vnd erkennet werden/ Gleich wie ein Engel/ iſt alles das ſel-
ber/ was er kan vnd hat/ natuͤrlicher weiß zu reden/ (ſonſt vberna-
tuͤrlicher iſt GOTT alles im Engel) alſo iſt der Menſch auchDer guͤldene Griff.
alles ſelber/ was er kan/ vnd was ſein Kunſt/ Wiſſen vnd Vermoͤ-
gen iſt/ Sein Geiſt/ vnnd dieſer Geiſt iſt der Menſch ſelber im
ſterblichen Leib/ ſo nun dieſer Geiſt abgeſchieden iſt im Todt/ ſo
bleibet der Leib ein Cadaver fuͤr die Wuͤrme/ darumb iſt der
Menſch nicht der Leib/ ſondern der Geiſt der Jnwohner im Leib/
der iſt der Menſch ſelber/ nach Abſcheidung des Geiſtes/ wird
der Leib nimmer gebrauchet/ als ein Schmidt/ der ein Art ſchmi-
det/ hat ſein Kunſt nicht in den Henden oder Fuͤſſen/ (wie wohl
er Haͤnd vnd Fuͤſſe darzu brauchet) ſondern im Geiſt liget die
Kunſt vnd Wiſſenſchafft des Schmids/ der iſt nun der Schmidt
ſelber/ aus welchem allein die Kunſt getrieben vnnd gebrauchet
wird/ vnnd nimmet den euſſern Leib nur zum Werckzeug/ denn
der euſſere Leib vermag ohne den jnnern gar nichts/ Ein Stein-
metz hat in ſeiner Imagination oder Gedancken/ ein Bild zu-
hawen in einem Stein/ Jſt nicht aus dem euſſern Leib/ ſondern
aus dem inwendigen Menſchen/ derſelbige iſt der Steinmetz
vnd Mahler/ nemblich der Geiſt des Menſchens/ vnnd iſt der
Menſch ſelber/ darumb haben wir geſaget vnnd beſchloſſen/ Der
Menſch iſt das Aug ſelber/ dardurch vnd darmit alle ſichtige vnd
vnd vnſichtige/ natuͤrliche vnd vbernatuͤrliche ding erkant/ erſehen
vnd erforſcht werden/ vnd das von dieſen Auge die Erkendtnis vnd
Vrtheil herflieſſe/ in den Gegenwurff/ vnd nicht das Wiederſpiel/
wenn man ſpricht/ die Imaginatio wolte gern wiſſen vñ verſtehen
den Ort der Welt/ oder wo die Engel woneten/ vnd vermag ſolches
nicht/ So iſt eben ſo viel geredt/ der Monſch durch ſeine Imagina-
tion der nicht weiter kan als imaginiren, der wolte gern ſolche
ding ſehen vnnd erkennen/ ein ſolcher Menſch/ der nicht weiter
koͤmpt/ dencket es ſey auſſerhalb der Welt ein ſchoͤner Ort oder
Gemach/ darinnen die Engel wohnen vnd auff Stuͤlen ſitzen/ odeꝛimaginirt jhm einen duͤnnen Lufft auſſerhalb der Welt/ oder einDer guͤldene Griff.
euſſerlich Liecht der Sonnen/ darinnen Gott wohnet mit den En-
geln/ aber das Aug des Verſtands oder des Gemuͤths ſiehet/ daß
ſolches eine Grobheit ſey vnd groſſe Vnvollenkommenheit/ daß
GOtt oder die Engel etwas euſſerlichs ſolten beduͤrffen/ darumb
wirfft der oberſte Verſtand hinweg alle grobe Vnvolkommenheit/
vnd findet daß das weder ohne huͤlff noch auſſerhalb der Welt ſey/
vnd das weder Gott noch die Engel eines leiblichen Stuels
beduͤrffen/ auch nichts außwendiges beduͤrffen/ ſondern das ſie
weder hie noch dort ſeyn/ vnd ſind doch in jhnen ſelbſt ſchwebendt/
gleich wie Gott/ der Leib muß an einem Ort ſeyn/ hie oder da/ aber
der Geiſt bedarff keines Orts/ als die Seele bleibet/ der Leib fau-
let/ dieſen euſſern Leib helt der Menſch fuͤr den gantzen Menſchen/
ſo er doch nur ein Haus oder Werckzeug iſt des vnſichtbarẽ Men-
ſchens vnd Werckmeiſters. Alſo auch wenn Gott ſpricht/ Produ-
cat terra herbas \& arbores, die Erde bringe herfuͤr Kraut/ Gras
vnd Baͤum/ damit kan der einfeldige Theologus der da kein Phi-
loſophus iſt/ das ſichtige Corpus thue ſolches/ ſo es doch der vn-
ſichtige Geiſt aus der Erden heraus bringet/ welches das Element
iſt das wir ſehen iſt nur das corpus, vnnd nicht das/ das herfuͤr
bringet/ wiewohl ſolches das vnſichtige Element thut/ durch die
Erden/ darumb meynet der Einfeltige die Erde thue ſolches/ der
Menſch redet aus dem Mund/ nicht das corpus oder die Zung/
ſondern der Geiſt thut es/ das Fleiſch an jhm ſelber iſt nichts/ aber
mit ſolcher Vermiſchung vnd Einigung/ daß das Corpus alle
ding vermahnet werde/ ſo es doch nur ein Werckzeug iſt/ des jn-
nern Geiſtes/ vnd dieſer Geiſt iſt der Menſch/ vnd das Leben desLeibs/ vnd Leben vnd Geiſt/ erkennen ſehen vnd wircken alle
ding/ ſind aber eins vnd zwey/ das iſt/ Leben vnd Geiſtvngeſchieden.
DIe natuͤrliche Erkentnis heiſt alles das/ da der
Menſch durch eigene Krefft vnd Vermoͤgen/ ein obje-
ctum vor ſich nimpt vnd erforſcht/ vnd ergruͤndt deſſelben
Eigenſchafft/ Natur vnd Wirckung/ es ſey nun im ſichtbarn oder
vnſichtbarn Leib der Natur/ dieſe Erkentnis moͤchte auch heiſſen
ein euſſerliche Erkentnis/ verſtehe nicht das vom objecto erſt das
Vrtheil oder Er
werde/ ſondern daß an dem Gegenwurff/ ſolch inwendig Erkent-
nis durch groſſen fleiß vnd nachſuchen/ erweckt vnd erfunden wer-
de/ deñ es iſt biß anher gnugſam erwieſen/ daß der Gegenwurff nit
wircket in dem Erkenner/ als daß er ſolt geben dem Menſchen/ das
Vrtheil vnd Erkentnis/ ſondern daß es vom Menſchen flieſſe in
den Gegenwurff ſelber/ daß aber gleichwol der Menſch durch euſ-
ſerliche objecta oder Gegenwuͤrff erwecket wird zu der Erkentnis/
leſt ſich anſehn als helt ſich die natuͤrliche Erkentnis leidenlich/ vnd
nicht wircklich/ ſo ſol doch darauff geſehen werden/ daß alle mahl
die cognition vnd das judicium ſtehe nicht bey dem objecto,
ſondern in vnd bey dem Menſchen/ daß ers vrtheil vnd erkenne/
was vor jhm ligt/ darumb obwohl die Ekentnis des Menſchen
vom Gegenwurff erwecket vnd ermahnet wird/ ſo koͤmpt ſie doch
nicht leidenlicher weiß hinein in den Menſchen/ ſondern flieſſet
gleich wircklicher weiß in das ſubjectum, nach Art vnd Geſchick-Der guͤldene Griff.
keit des Auges/ ſie werde nuhn erweckt vnd erjnnert vom Gegen-
wurff/ wie ſie wolle/ ſo heiſſet ſie doch eine natuͤrliche Erkentnis/Erſtlich daß es die Natur des Menſchens ſelbs fuͤr ſich nimpt/
vnd das Vrtheil im Menſchen/ ſo da redet vber das objectum,
vnd darnach gegen der vbernatuͤrlichen Erkentnis durch Gnade/
die ſich muß leidenlich halten/ vnnd nicht wircklich/ die vberna-
tuͤrliche Eckendtnis iſt nicht aus Vermoͤgen der Natur/ ſondern
die Gnade wircket/ da der Menſch mit ſeiner Vernunfft vnnd
Weißheit in ein Stillſchweigen koͤmpt/ da ſich GOTT ſelber
in das Aug leidenlich ergeuſſet/ da der Menſch nur wartet vnd
empfehet/ vnd GOtt gibet vnd wircket/ Jn Summa/ der gleich
das objectum wircket in das Aug/ vnd das Aug nicht in das ob-
jectum wircket/ wie in der natuͤrlichen Erkendtnis geſchicht/ in
der natuͤrlichen euſſerlichen Erkendtnis ſtehet das Vrtheil/ in vnd
bey dem Menſchen das objectum/ Aber in der vbernatuͤrlichenErkentnis ſtehet das Vrtheil in vnd bey dem objecto oder Ge-
genwurff/ welcher iſt Gott oder ſein Wort/ ob gleich ſolche
vbernatuͤrliche Erkentnis vom objecto koͤmpt/ ſo koͤmpt ſie doch
nicht von auſſen hinein/ denn GOtt Geiſt vnd Wort iſt in vns/
vnd alſo flieſſet die Erkendtnis von innen heraus/ vnd nit von auſ-
ſen hinein/ auff daß die Buchſtabiſchen Theologi nicht ſagen
duͤrffen/ es komme vom Buchſtaben hinein/ auff daß ſie nur das
innere (das iſt Chriſtum das Wort des Lebens/ ſo ſeine Woh-
nung in den Glaͤubigen Hertzen hat) verleugnen/ hindanſetzen/
wie die Buchſtabiſchẽ Pharifeer/ der Juͤden/ zu denen Chriſtus
ſaget/ Jch kenne euch/ daß die Goͤttliche Lieb nicht in euch iſt/ habt
auch Gottes Wort nicht in ewrem Hertzen wohnen/ dar-
an doch alles gelegen iſt/ Item, du haſt Wort des ewigen Lebens/
nicht des Buchſtabens/ ſaget der Apoſtel Petrus/ Die deutſcheTheologia ſaget im erſten Capitel/ das vollkommene vnbegreiff-Der guͤldene Griff.
liche Gut/ mag nicht eher kommen vnd erkandt werden/ Es ſey
dann daß da auffhoͤre das Stuͤckwerck/ vnnd Creatur mit aller
jhrer Wirckung/ Kunſt vnd Geſchwindigkeit muß ſtillſtehen/
vnd zu nichte werden an jhr ſelber/ als dann kompt das vollkom-
mene/ als dann wird erkand das vnbegreiffliche objectum, nemb-
lich GOTT/ ja viel mehr Gott ſiehet ſelber durch ſich ſel-
ber/ vnd erkennet ſich ſelber in vns vnd wir in jhme/ Dieweil nun
Creatur muß vntergehen/ vnnd ſich ſtillhalten/ zu ſolchem vber-
natuͤrlichen Erkendtnis/ ſo mag ſie billich heiſſen/ eine leidenlicheErkentnis/ gleich wie die natuͤrliche eine wirckliche heiſſet/ dieweil
daſelbſten die Natur jhr Vermoͤgen/ Krafft/ Sinnligkeit/ Ver-
ſtandt/ vnd alle Wirckligktit auff die Prob vnnd Practica fuͤh-
ret/ aus dieſem allem wird geſchloſſen/ Erſtlich eine ſolche Lehr/
daß in der natuͤrlichen Erkendtnis kein Einigkeit zu finden noch
zu ſuchen ſey/ ob wohl ein einiger Gegenwurff vorhanden iſt/
dann aus Art vnd Geſchickligkeit der Augen/ fleuſſet das man-
nigfaltige vnd vielkoͤpffige Vrtheil der Menſchen. Zum andern/
daß in der vbernatuͤrlichen Erkentnis allezeit Einigkeit zu war-
ten vnnd zu finden ſey vnter allen/ dieweil alle Augen ſich nicht
wircklich/ ſondern leidenlich halten/ vnnd dieweil GOTT der
einige Gegenwurff/ ſich in Einigkeit ergeuſſet/ daher finden ſich
bey vnnd in allen Glaͤubigen ein Concordantz/ ein Glauben/
ein Tauff/ ein GOtt/ ein Geiſt/ ein Hertz/ ein Lauff/
Aber bey den natuͤrlichen ſind Rotten/ Secten/ Ketzereyen vnd ei-
tel Spaltungen. Exempel/ Die Bibel iſt ein vnbegreifflicher Ge-
genwurff oder Objectum aller natuͤrlichen Theologen/ ſol nun
in der natuͤrlichen Erkendtnis der Verſtandt vom Gegenwurff
herflieſſen/ (wie vermeynet wird) vnnd nicht von Auge ſelber/
ſo muͤſte gewiß die Biblia oder der vngeſpaltene Gegenwurff/
allen Theologen ein gleichfoͤrmige Außlegung oder vngeſpalteneDer guͤldene Griff.
Erkentnis bringen/ ſo wir doch das wiederſpiel erfahren mit groſ-
ſen Schmertzen/ Nemblich daß nicht vom Gegenwurff (das iſt
aus der Bibel) ſondern vom Auge ſelber/ das iſt/ aus dem leſen der
Menſchen die Erkentnis flieſſe/ dieweil ein jeder Leſer erkennet vnd
vrtheilet/ nach dem er ein Aug iſt vnd hat/ aber es gehoͤret zu der
Bibel nicht homo animalis nicht der natuͤrliche Menſch/
dann er vernimmet nicht Gottes Wort/ oder deren ding
die des Geiſtes ſind/ (der Verſtand iſt jhme wohl das vernehmen)
aber es bleibet jhm verſchloſſen/ darinnen wuͤhlet er wie ein Saw
in einem Rubacker/ vnd mit den Phariſeern als ein Blinder Blin-
denleiter/ die da in der Schrifft forſchen/ vnd vermeynen das Leben
darinnen zu finden/ vnd die Schrifft iſt die da von dem Leben zeu-
get/ aber zu Chriſto wollen ſie nicht/ (dem Wort des Lebens)
kommen/ das ſie das Leben haben moͤchten/ ſondern alleine zu jremIdololatra, dem ſie Goͤttliche Krafft vnd Wirckung zueignen/
vermeynen das Leben zu haben/ vnd mit den Juden zu finden/ die-
weil ſie jhrem natuͤrlichen Menſchen nicht wollen Vrlaub geben/
vnd mit verleugnung ſich ſelbſt jhm die vbernatuͤrliche/ leidenliche
Erkentnis ergeben wollen/ Durch dieſes Exempel ſolten alle Ho-
heſchulen mit Schaden gewitziget ſeyn worden/ vnd die heilige
Biblia/ die als den einigen objectum nicht mit dem natuͤrlichen
Menſchen/ der ein Feind Gottes iſt vnd bleibet/ annehmen/ leſen
vnd außlegen/ dargegen der gleubigen vnd newgebornen Theolo-
gi vnd Kinder Gottes/ die wiſſen/ daß die vbernatuͤrliche Erkent-
nis/ nicht herfleuſt von dem Auge/ ſondern vom objecto, als von
Gott ſelber/ durchs Auge/ Darumb bitten ſie dieſes vom Vater
alles im Geiſt vnd in der Warheit/ da wird jhr Aug leidenlicher
weiſe GOtt gelaſſen vnd ergeben/ von oben herab erleuchtet/ vnd
das Liecht nicht vom Buchſtaben/ ſondern vom Geiſt der in jnen
iſt/ alſo koͤmpt dieſe natuͤrliche Erkentnis auch von jnnen heraus/Der guͤldene Griff.
daruͤber was ſie ſehen in der heiligen Schrifft iſt jhnen ein ange-
nehm Zeugnis/ vnd koͤmpt mit dem Hertzen vberein/ der Verſtand
iſt in jhnen vnd auch in der Biblia/ vnd alſo wiſſen ſie die heilige
Schrifft zugebrauchen/ dieſelbigen alle ſind vnnd bleiben einig
in dem Verſtande/ bey jhnen iſt ein Glaub/ ein Geiſt/ ein Chri-
ſtus/ ein Tauff/ da iſt kein Spaltung im heiligen Glauben/ da iſt
auch kein Antichriſt vnter jhnen/ (wiewohl ſie vnter dem Anti-
chriſt wohnen muͤſſen) dieweil ſie alle eins ſind vnter dem einigen
Chriſto/ durch den Geiſt zuſammen gebunden/ darumb/ wie in der
natuͤrlichen Erkentnis das Vrtheil koͤmpt vom Auge ſelber/ wirck-
licher weiſe/ vnd creatuͤrlich in das objectum, vnd geuͤbet vielfel-
tige judicia vnd Spaltung/ alſo in der vbernatuͤrlichen Erkendt-
nis/ koͤmpt das Vrtheil auch her von dem Auge ſelber/ durch die
Erleuchtung des Worts Gottes/ des H. Geiſtes/ auch von jnnen
herauß/ aber nicht wircklich/ ſondern leidenlich/ nicht creatuͤrlich/
ſondern goͤttlich/ Alſo bleibet die einige Warheit vngeſpalten/ bey
allen rechtgleubigen Chriſten/ dieweil ſie ſich den einigen Geiſt
vnter geben.
DIeweil die natuͤrliche Erkentnis mag genent
werden eine creatuͤrliche Erkentnis/ darumb daß es die
Creatnr durch eigne Kraͤffte/ Vermoͤgens/ Nachfor-Der guͤldene Griff.
ſchung vnd Fleiſſes/ erwecke vnd jhr macht von euſſern Gegen-
wurff/ vnnd ſol darumb ein euſſerliche Erkentnis genennet ſeyn/
nicht daß es den Gegenwurff von auſſen hinein trage/ wie die fal-
ſchen Literaliſche Theologi ſagen/ auff den Hohenſchulen/ vnd
auff der Cantzel/ daß der Buchſtabe der Schrifft jhr muͤndlich
Wort Gottes/ daß die Goͤttliche Erkendtnis von auſſen
hinein geuſſet. Item, Der Buchſtabe ſey eine Wagen/ darauff Gottes Wort hinein ins Hertz fahre vnd gefuͤhret werde/
ſondern darumb/ daß ſolche creatuͤrliche Erkendtnis/ von dem
außwendigen objecto eine Erjnnerung nehme/ davon gleich ſel-
ber vermeynet/ von auſſen zu/ hinein zutragen/ Ja war iſt es/ alleobjecta ſo da Creatur vor ſich nimpt/ fuͤr ſich ſelber vnd erkennet
ſie/ die ſie nicht inwendig im Menſchen (außgenommen GOtt
ſein Wort) das inwendig im Menſchen iſt/ Sondern alle Ge-
genwuͤrff/ von welchen die Erkentnis vnd Vrtheil beweget vnd
erwecket wird/ welche Erkẽndtnis oder Vrtheil zuvor im Men-
ſchen ſeyn/ vnnd nicht erſt vom euſſern objecto muß hinein kom-
men/ aber die natuͤrliche Erkendtnis/ die mag wohl heiſſen/ die
Goͤttliche Erkendtnis/ denn ſie koͤmpt nicht von auſſen hinein/
Sondern von oben herab aus GOTT/ vnnd Einleuchtung
des Heiligen Geiſtes/ oben da das objectum ſchon darrinnen
iſt/ im inwendigen Grund der Seelen vnd Hertzens/ nemblich da
GOtt das Wort/ ſeinen Sitz vnd Wohnung hat/ da Wille/
Geiſt vnd Geſetz/ wie Chriſtus bezeugt Luc. 17. Cap. Das Reich
Gottes in vns iſt/ vnd die deutſche Theologi 1. Cap. Gott iſt ein
vnbegreifflich objectum, auſſer allen Creaturen/ vnd doch in al-
len/ vnd nemblich alle durch ſein Wort/ Geſetz vnd Geiſt/ dar-
vmb Gott von auſſen zu/ vergebens hie oder da geſucht wird/ wie
der Antichriſt das Reich GOttes an gewiſſe Perſonen/ Voͤlcker/
Orter/ Geberden vnd Ceremonien/ vnd andere jrꝛdiſche vergeng-Der guͤldene Griff.
liche vnd euſſere ding bindet/ es iſt vmbſonſt/ daß wir wolten die
ſeligmachende Erkentnis/ darinnen allein/ wie Chriſtus ſaget/
Das ewige Leben ſtehet von auſſen zu/ vnnd auſſer Chriſto dem
Wort des Lebens/ ſo in vns iſt/ ſuchen/ Jn den Creaturen wird
Gott nicht funden/ weder geſehen noch erkant/ in Ewigkeit/ denn
allein in ſeinem Bildnis/ Wort/ das aus GOtt im Menſchen/
menſchliche geſtalt angenommen/ als der Sohn des Vaters ſelbſt
in vns lebet/ dieweil er ſich in den Creaturen finden laſſen/ vns ſelig
vnd gerecht zu machen/ ſondern allein durch das Liecht des Glau-
bens/ erkennen vnd ſehen zu laſſen/ Allein daß allhie in der ſelig-
machenden Erkentnis/ dieweil die vbernatuͤrlich der Menſch das
Auge ſelber nicht ſey/ ſondern laß GOTT ſelber das Aug vnd
Liecht in deinem Hertzen ſeyn/ in mitte vnd durch den Menſchen/
denn ſein Angeſicht hat allein den hellen Schein vnnd Liecht ins
ewige Leben/ welches abeꝛ nit mit wirckender/ ſondern allein leiden-
licher weiß in vns geſchicht/ das Aug oder der Menſch das GOtt
erkennen wil/ muß nicht wircken/ ſondern todt ſeyn/ biß Chriſtus
der Erleuchter der Blinden vnd Eroͤffner der Augen vnd der Men-
ſchen Hertzen in jhn koͤmpt/ alſo im Sabbath feyren vnnd ſtill-
halten/ muß ſich GOtt ergeben/ im Gehorſam des Glaubens/
auff GOTT/ warten in jhm ſelber/ vnd nicht von auſſen hie oder
da/ mit den Gedancken wircklicher weiß hin vnnd her lauffen/
durch die Creaturen/ ſolches feyren oder Sabbath halten/ iſt nicht
wenigers als in Todt gehen vnd ſterben/ ja in die Hell geworffen
werden/ vnd gantz in Vnglauben ergriffen ſeyn/ droben iſt bewie-
ſen worden/ daß in der natuͤrlichen Erkendtnis der Menſch das
Auge ſelber ſey/ aber allhier in der vbernatuͤrlichen Erkendtnis
iſt der Menſch nicht ſelber die Erkendtnis oder das Aug/ ſondernGOTT iſt ſelber das Auge vnd Liecht im Menſchen/ vnd durch
den Menſchen/ wie dann dem Geiſt der Gnaden zugehoͤrt/ vndDer guͤldene Griff.
dem Glauben ſolle anderſt GOTT in jhme wircken/ ſo muß der
Menſch ſtillſtehen/ im Geiſt ſeyn vnd Sabbath halten/ auff Gott
warten/ ſol der Artz den Krancken heilen vnd geſund machen/ ſo
muß er jhme auch ergeben ſeyn/ vnd im Gehorſam ſtillhalten/
dann der wahre Glaub aus dem Geiſt/ das iſt die Wiedergeburt/
die leſt den Menſchen nicht ſein ſelbſt bleiben/ ſondern er muß das
ſeyn vnd bleiben an den er gleubet/ aus dem er wiedergebohren iſt/
alſo daß der Menſch nicht mehr lebe/ ſondern nur Chriſtus in jm/
das objectum welches der Menſch erkennen wil/ das iſt GOtt
vnd ſein Wort Chriſtus in vns/ von dieſem objecto einfleiſſet dieErkantnis in das Aug des Hertzens/ ſo bald er ſich helt leidenli-
cher weiß/ alſo daß ſich GOtt ſelber erkent/ vnd durch ſich ſelber/
denn die newe Creatur oder Kind Gottes/ iſt nicht ſeyn ſelbſt eder
jhr ſelber/ ſondern Gottes/ darumb ſiehet vnd erkennet ſich GOtt
ſelber/ in ſeiner Geburt vnd Bildnis jhn/ mit vnd durch den Men-
ſchen/ als durch ſein gehorſam Kind vnd Werckzeug/ vnd eben hie-
mit/ daß Gott wil ſelber ſeyn das Auge/ Liecht vnd Erkendtnis im
Menſchen/ als der da ſiehet vnſere hoͤchſte Ruh vnd Seligkeit des
ewigen Lebens. Es mag wohl die Vnerfamen verwundern/ daß
in der natuͤrlichen Erkentnis der Menſch ſelber das Aug iſt/ dar-
durch alle ding im Himmel vnd Erden/ vnd in der Hellen erforſcht
werden/ aber das iſt noch viel wunderbarlicher/ daß Gott das ob-
jectum, das Aug vnd Liecht im Menſchen ſelber ſeyn wil/ wer aber
Chriſtum kent/ der darff ſich gar nit verwundern/ denn er ſihet wol
aus Gott vnd in Gott daß die hoͤchſte Seligkeit damit gemeynet
werde/ vnſere Augen ſind Gottes Augen/ ſie ſehen was Gott wil/
vnd nicht wie wir wollen/ vnſer Verſtand vnd Vernunfft ſol Got-
tes ſeyn/ vnd ſollen verſtehen imaginirter Gedancken/ was Gott
wil vnd nicht was wir wollen/ vnd wie der Leib/ als Zungen/ Oh-
ren/ Hend vnd Fuͤß ein Werckzeug ſind in aller natuͤrlichen Be-Der guͤldene Griff.
wegung des jñern Geiſtes/ Alſo ſol auch vnſer inwendiger Menſch
mit allen ſeinen oberſten vnd innerſten Krefften ein Werckzeug
Gottes ſeyn/ dann wie der leibliche Leib mit ſeinen Gliedern nich-
tes thun mag ohne die Seel/ alſo ſol auch vnſere Seel nichts thun
ohne den Willen Gottes/ ſolches alles verbringt der ware Glaub
Chriſtus in vns/ Wer nun dieſes Capitel von der leidenlicher Er-
kentnis Gottes/ vnd wie GOtt woͤlle das Aug vnd Liecht in vns
ſeyn/ noch nicht verſtehet/ der hat Chriſtum noch nicht erkent/ vnd
weiß nit was Glaub iſt/ wer es aber verſtehet/ der kennet Chriſtum
im Glauben/ vnd bleibet in der Einigkeit der H Chriſtlichen Kir-
chen/ die da iſt ein Einſamlung aller Glaͤubigen in den Frieden
Chriſti vnd vnzertrenlicher Einigkeit in Ewigkeit/ Amen.
GLeich wie in natuͤrlicher Erkentnis/ von einem
einigen Objecto eine wiederwertige vnnd zwieſpaͤltige
Meynung entſpringt vnter den Menſchen/ vnd koͤnnen
nicht Einigkeit oder Friede haben/ wie offenbahr iſt/ in der Hellen
vnd auff Erden/ in der Menſchen Kirchen/ aus Vrſach/ daß ſich
das Auge/ Liecht oder Erkentnis helt/ wircklich/ vnd das darzu ein
jedes Aug/ ſo vielfeltiger weiſe vnterſchieden iſt/ die Erkentnis wird
genommen aus dem Buchſtaben/ durch der Menſchen Kraͤffte
was kluͤglen vnd verſtands/ Daher ein ſolches diſputiren vnd
Zanck vnter den Theologis/ Gelehrten/ gleich wie in der natuͤrli-Der guͤldene Griff.
chen Erkentnis (ſage ich) Vneinigkeit iſt vber die maß/ alſo auch
eben im Gegentheil/ als/ in der vbernatuͤrlichen Erkendtnis
eine liebliche Einigkeit gehalten/ von wegen des/ daß ſich alle Au-
gen muͤſſen leidenlich vnnd nicht wircklich halten/ vnd das obje-
ctum welches einig iſt/ ſich ſelber in alle ſolche gelaſſene Augen er-
geuſſet/ daher iſt im Himmel Friede/ vnd auff Erden Friede vndEinigkeit vnter den Gleubigen/ dieweil ſie leben in dem einigen
Willen Gottes/ Es moͤchte aber einer gedencken alſo/ daß
ich ſehe in den heiligen Glauben/ oder in die vbernatuͤrliche Er-
kentnis des einigen objecti, ſich auff das einige ergieſſe/ in alle
leidenliche Augen/ darumb wird auch ein Aug ſo viel Liechts von
Gott haben als das ander/ vnd wird alſo im Himmel keines mehr
leuchten als das ander/ ſondern es wird alles gleich ſeyn. Antwort/
Was das ewige Leben/ Einigkeit vnnd Frieden anlanget/ das iſt
wohl alles gleich/ Aber nicht was anlanget die Erleuchtung/
den haben Seraphin vnd Cherubim mehr als die Poteſtates, vnd
die Poteſtates mehr als die vnterſten Engel/ vnd alſo findet es ſich
auch auff Erden/ bey den Glaͤubigen/ daß einer mehr Liechtes
habe als der ander/ vnnd iſt doch kein Vneiningkeit noch Spal-
tung vnter jhnen/ die Gnade des Glaubens oder Liechtes/ ſind
ander groͤſſer oder kleiner/ das machet keine Zertrennung/ Sol-
cher Vngleicheit aber iſt das einige Objectum/ nemblich GOtt
kein Vrſach/ ſondern wir Menſchen ſind deſſen ein Vrſach/ in
dem daß wir vns GOtt nicht gleich ergeben wollen/ mit gelaſſen
Hertzen/ darumb nach der maß der Gelaſſenheit oder Glaubens
wird em pfangen des Liechtes von dem ewigen objecto, die Woh-
nung im Him̃el ſind außgetheilet/ einem jeden/ nach dem er ſich im
Glauben Gott gelaſſen vnd ergeben hat/ Christvs ſagt:
Jn meines Vaters Hauſe ſind viel Wohnung. Johan. 14. Cap.
Gibſtu dich GOtt gantz vnd gar von jnnen vnd auſſen/ ſo gibetDer guͤldene Griff.
er ſich dir auch wiederumb gantz vnd gar/ von ſolcher Ergebung
vnd Gelaſſenheit lieſe die Predigten des hocherlenchteten Predi-
gers Johannis Tauleri, Die Sonne iſt ein vnpartheyſches
Liecht/ leuchtet allen zu gleich/ den boͤſen vnd guten/ Alſo aucGOTT/ er iſt die Liebe vnd das Liecht ſelber/ liebet auch ſei
Feinde/ vnd iſt bereit jederman zu erleuchten/ Ja/ ſein Wort/ ſ
Liecht/ ſein Geiſt/ Chriſtus Geſetz/ leuchtet ſchon in die FinſteJohan. 1. Luc. 17. cap. vnd koͤmpt vns weit zuvor mit ſeinẽ Li
weren wir nur gleubig vnnd gelaſſener Hertzen/ willig iſt es ſchon
da bereit zu geben/ wenn wir nur auch willig mit gelaſſen
weren zu empfahen vnd zu nehmen. Ein Speyſpiel ſolt jhr hoͤ-
ren/ Es iſt in einer Stuben ein Fenſter/ dreyerley Glas/
dickes/ ein Schwartz finders/ vnd ein Weis lauters/ auff dieſe 3.
zugleich ſcheinet die Sonne/ ohn anſehen der Geſchick
aber das Schwartze finſter bleibet/ vnd nicht erleuch tet wird/ vnd
das Gelbe nicht ſo viel empfahet als das weiſſe/ da hat die vnpar-
theyſche Sonne kein ſchuld dran/ das Glas iſt
Hindernis/ durch ſeine eigene Vngeſchickligkeit/ Alſo gehet es
auch zu mit den vnvernuͤnfftigen Creaturen/ welche ſich vngleich
Gott ergibt/ vnd gelaſſen ſtehet/ dann der Geiſt/ der in ſinnlicher/
viehiſcher weiß vergraben liget/ bey den Menſchen/ weiß nichts
vom Reich Gottes oder vom goͤttlichen Liecht in der Finſternis/
vnd welcher ſonſt ſeine Gedancken auffhelt/ mit eigener Klugheit
vnd Wirckligkeit/ der befindet auch wenig von GOTT in jme
ſelber/ welcher alle ſeine Vernunfft vnnd Verſtandt einſamlet/
in den inwendigſten Grund/ in ſtiller Gelaſſenheit ſeines Her-
tzens/ ſeiner Seelen/ vnd wartet auff GOTT/ der wird erfah-
ren vnd bekennen/ daß da war ſey/ was ich hie ſchreibe/ vom in-
wendigen Grund vnd Zeugnis des Geiſtes. Das Reich Got- iſt inwendig in vns ſpricht Chriſtus. Es folgen aus dieſem
tesDer guͤldene Griff.
allein auch ſolche Lehren/ Erſtlich/ daß ſich die natuͤrliche Erkent-
w
V
fern licher vngeſchickter Darbietung oder vngleicher Zubereitung/
veru
menſ
daß gl
ſolcher vngleichen Erleuchtung. Zum 6. daß es darumb vber na-
tuͤrliche Erkentnis heiſſe/ daß ſolches objectum weder mit Sin-
nen/ VeImagination noch Verſtand mag erꝛeicht oder
begriffen
moͤgen. Z
ſtes ſey/ in den gelaſſen Hertzen/ ſo ſich allein in Gott ergeben/ vnd
nicht in oder bey den Creaturen zuerlangen. Zum 8. daß alle na-
tuͤrliche Erkentnis oder Weißheit zuvor in vns verborgen liegen/
dann goͤttliche Erkendtnis mag nicht von auſſen hinein getragen
werden (wie die Literanten lehren) ſie muß von jnnen herauß
quellen/ aus dem goͤttlichen Brunnen des Lebens/ vom Vater des
Liechts Zum 9. daß die Schrifft kein Weſen wircke im Menſchen/
ſondern ſey nutz zur Ermahnung/ Warnung zur Lehre Erwe-
ckung des Schatzes des jnnern lebendigen Wortes GOttes/ wel-
ches Gott durch ſeinen lieben Sohn Chriſtum in vns geleget hat.
Zum 10 daß der Glaub nicht ſein ſelbſt ſey/ ſondern ein gnedige
Gab vnd Geſchenck Gottes/ auff daß GOtt bleibe alles in allemſeinen Außerwehlten vnd Kindern/ ſo er jhme durch die erſte
Geburt von Gott ſeinem Himliſchen Vater
erworben/ vnd von newen wiederge-
bohren hat.
ALLes was der Menſch iſt vnd ſeyn ſoll in dieſer
Zeit vnd dort in jenem Leben/ daſſelbig iſt vnd hat er nicht
von auſſen zu/ ſondern in jhme ſelber/ Nun iſt die Weißheit oderErkentnis das beſte vnd edleſte am Menſchen/ ſolches koͤmpt aus
dem Menſchen von innen heraus vnd nicht von auſſen hinein/ Es
ſey dann ſach daß man vermeynen wolt/ die euſſern Gegenwuͤrff
vermoͤgen ein jegliche Erkentnis in den Menſchen zu tragen/ ſo es
doch nur ein Erweckung durch dieſelb/ was deꝛ Menſch iſt vnd ſeyn
ſol/ von Natur vnd Gnaden/ das muß er in jhme haben vnd beſi-
tzen/ vnd nicht von auſſen zu ſuchen/ wie aber ſolches im Menſchen
ſey vnd hinnein komme/ muß geſchehen durch die Geburt vnd Em-
pfengnis/ Es hat ein jeder Chriſt ein zwiefache empfengnis oder
Geburt/ die erſte Geburt koͤmpt aus dem Samen/ der Samen iſtlimbus terræ, das iſt die groſſe Welt mit jhren Geſchoͤpffen/ dar-
aus war der Adam/ das iſt/ Menſchen gemacht/ vnnd wie alle aus
Adam/ alſo iſt Adam in vns vnd alle ſeine Natur/ Art vnd Eigen-
ſchafft/ in dieſem Samen/ oder natuͤrlichen Menſchen/ liget ver-
borgen alle natuͤrliche Weißheit in dieſem ſterblichen Leben/ vnd
alles was Kunſt vnd Weißheit beruͤhrt/ das ligt in dieſer natuͤrli-
chen Geburt/ aus dem Erdenklotz/ Die andere Geburt geſchicht
aus dem Samen/ nemblich aus dem Weibesſamen/ welcher iſt
das Spiraculum der Geiſt/ der Geiſt GOttes/ das Wort Got-Der guͤldene Griff.
tes/ oder Chriſtus in vns durch den Glauben wonhafftig/ in die-
ſem Samen oder andern Geburt vom Himmel/ liget der gantze Christvs/ mit allen himliſchen vnd ewigen Guͤtern/ das
iſt/ das Reich Gottes gantz vollkommen/ aber nicht offen baret in
vns/ Es muß erwartet/ erkennet/ gefunden/ ergriffen/ gefuͤhlet vnd
geſchmecket werden/ inwendig in vns/ im innern Grund der See-
len/ Dieſe zwiefache Geburt begreifft die natuͤrliche/ vergengliche/
vnd auch die vbernatuͤrliche himliſche Weißheit/ vnd aus dieſen
zweyen Geburten muß es an vns kommen/ Es ſaget die Schrifft/
Daß der Menſch in Mitte des Garten geſetzet/ das verſtehe der
Menſch in das geſetz/ daraus er gemacht iſt/ dieſe groſſe Werck
vnd alle Geſchoͤpff iſt der euſſere Garten/ aus dieſem euſſern Gar-
ten iſt der Menſch geſchaffen/ vnd begreifft in jhme alle Geſchoͤpff
mit der gantzen Welt/ darumb er auch Microcoſmus genennet
wird/ das iſt/ die kleine Welt/ vnd wie er daraus geſchaffen iſt/ nach
ſeinem zeitlichen ſterblichen Theil/ alſo iſt er in Mitten hinein ge-
ſetzt/ vnd iſt ein Centrum, das iſt/ ein Mittelpunct aller Creatu-
ren/ Weiter iſt der Menſch auch gemacht aus ſpiraculo vitæ mit
einer ewigen Seel/ ſampt dem goͤttlichen Geiſt aus dem Munde
Gottes/ vnd wie der Geiſt genommen iſt aus GOtt/ aus dem in-
nern Garten/ alſo muß er auch in GOtt leben/ vnnd auſſerhalb
Gott mag er weder ſehen noch hoͤren/ weder leben noch ſterben/ Er
mag GOtt ſeines Erhaltens keinen Augenblick nicht entrathen/
alſo hat der Menſch die Welt vnd alle Geſchoͤpff in jme/ vnd wird
von der Welt begriffen/ mag auſſerhalb der Welt nicht ſeyn/
gleich wie er Gott im jhm hat/ durch das ſpiraculum oder Ein-
blaſen/ vnd wird von Gott vmbgrieffen vnd beſchloſſen/ vnd mag
auſſerhalb Gott weder Leben noch weben. Actorum 17. Cap.
Dieweil nun dieſe zween Garten im Menſchen/ der euſſere/ als
die Welt vnd alle Geſchoͤpff/ vnd der innere Garten/ als GottesDer guͤldene Griff.
Geiſt/ das Leben in vns/ ſo wird vnwiederſprechlich beſchloſſen/
das auch beyderley Entkentnis vnnd Weißheit im Menſchen ſey
verborgen/ doch eine gehet auff das zeitliche vñ vergengliche Leben/
die andere auff das vntoͤdtliche Leben/ vnd ſie beyde nit von auſſen-
zu in den Menſchen eingetragen werden/ ſondern aus dem Men-
ſchen kom̃en von innen heraus/ iſt auch offenbar aus dem Liecht der
Natur vnd Gnaden/ Von wem ſind die Buͤcher geſchrieben? von
niemands anders als dem Menſchen/ Von wannen wechſt der
Baum? aus dem Samen/ gleich wie in einẽ Kirſchkern ein groſſer
Baum ligt/ ſo muß Wurtzel/ ſamen/ Eſte/ Zweig/ bletter vnd viel
hundert Kirſchen darin verborgen ligen/ vnd niemand gleubt es/
oder wirds gewar/ man werffe dañ dieſen Kern in die Erden/ daß er
zum wachſen geſeet wird/ alſo liget im Menſchẽ Samen/ der kaum
einer Erbiß gros iſt/ alle jnnerliche vnd euſſerliche Gliedmaſſen des
Leibes/ darzu alle natuͤrliche Weißheit zum ſterblichen Leben in
dem Syderiſchen Geiſt/ vnd weñ er nun zum vernuͤnfftigen Men-
ſchen gewachſen/ ſo weiß er nichts davon/ er werde dann darzu er-
innert vnd erweckt/ Alſo iſt das Reich Gottes durch die Widerge-
burt oder Glauben in vns/ aber niemand weis/ er werde dann dar-
zu erwecket vnd ermahnet/ Es moͤchte aber der Einfeltige ſagen/
Were es alles in mir/ vnd doͤrfft nichts von auſſen zu mir hinein
kommen/ warumb ſchreibet man deñ ſo viel Buͤcher/ vnd muß ſich
vben in Handwercken vnd Kuͤnſten/ oder iſt das Reich GOttes/
Geſetz vnd Wort Gottes in mir/ warumb wird es dañ mit Buch-
ſtaben geſchrieben vnd geprediget? Antwort Eben darumb ler-
net man Handwerck vnd Kuͤnſte/ daß die Weißheit vnd Er-
kendtnis zuvor in vns iſt/ vnnd eben darumb ſchreibet man gute
Buͤcher/ daß das einfeltige in dir ermundert/ erwecket/ erjnnert
vnd vberzeuget wird/ des natuͤrlichen angebohrnen Erbtheils in
dir/ auch eben darumb iſt das Geſetz in die Steinern TaffelnDer guͤldene Griff.
gebildet/ daß es zuvor in vnſern Hertzen war/ gleich wie auch eben
das Wort iſt Fleiſch worden/ vnd iſt Chriſtus leiblich kommen/
daß ſein Geiſt in vns war/ vnd nun auch theilhafftig muͤſſe in vns
ſeyn/ durch die Newgeburt/ vnd eben darumb prediget man euſſer-
lich das Wort Gottes oder des Glaubens/ welches doch zuvor in
vns/ Rom. 10. Deuter. 30. Auff daß wir des innern Grundes vnd
Schatzes moͤgen gewar werden/ vnd Chriſtum gantz annehmen/
auch nach ſeinem Fleiſch vnd Blut/ darinnen die newe Creatur
vom Himmel ſtehet/ Es wird alles vergebens vnnd vmb ſonſt ge-
ſchrieben/ gelehrt vnd geprediget/ wenn es nicht zuvor alles in vns
iſt/ Es ſaget der Theophraſtus Paracelſus in ſeinem Buͤchlein
von den Fundament der Weißheit alſo/ Die Weißheit iſt gnug
bey allen Menſchen/ dann ſie haben alle Weißheit/ vnd kan keiner
ſprechen/ er habe mehr dann der ander/ dann als wenig ein Menſch
ein Gliedmaß von Gott geſchaffen hat/ als der ander/ als wenig
iſt er auch der Weißheit beraubt/ dann wie der Keyſer/ alſo auch
der Baur/ wie Chriſtus alſo auch der Menſch/ darumb wiſſet ſo
alſo der Leib ein ding in allem/ vnd niemand iſt in demſelben arm
oder reich/ ſondern alle gleich/ daß keiner kan ſprechen/ er ſey am
Leib mehr gegliedet als der ander/ Alſo kan auch keiner in der weiß-
heit ſprechen/ Er ſey der Weißheit beraubt/ vnd einfeltig vnd elen-
diglich begabt/ Jſt alles nichts/ ſondern das iſts/ daß dieſe durch
Faulheit nicht wollen zur Weißheit erwecket werden/ vnd das an-
geborne Erbtheil nicht ſuchen/ Jſt es nicht alſo/ wenn man in einer
Gemein zuſammen koͤmpt/ ſo kan niemand nichts/ vnd alle Men-
ſchen ſind einfeltig/ biß etwan an einen/ der aufftrit vnd gibt einen
Rath vnd Wegweiſung/ wie man den Sachen thun ſolle/ vnd ſo
er das den Bauren hat fuͤrgelegt/ ſo ſagen ſie dann alle mit einan-
der/ Bey Gott/ er iſt recht daran/ vnd iſt alſo wie er ſagt/ So nun
dieſer guter Raht vnd Anweiſung/ nicht ſo wohl in dir/ als in jhmDer guͤldene Griff.
geweſen wer/ wie hetteſtu jhme dann/ ſampt den andern koͤnnen
Kundſchafft geben/ daß dieſer Raht gut wer/ vnd er recht dran wer/
du bezeugeſt daß er recht dran iſt/ mit dir ſelbſt/ darumb haſtu die-
ſelben Witz ſo wol in dir als er/ du aber haſt dich darauff nie erjn-
nert/ ermahnet/ oder darauff gedacht/ jetzt biſtu ein Zeuge deiner
ſelbſt in dieſem Erbe/ daß du haſt/ das iſt die Weißheit/ alſo wegtTheophraſtus. Hat vns nun GOtt die Menſchliche Weißheit
oder natuͤrliche Erkentnis mitgetheilet/ aus dem euſſern Garten/
wieviel mehr hat er vns mitgetheilet ſeine Weißheit aus dem in-
nern Garten/ das iſt/ aus jhm ſelbſt/ darumb nehmen die Chriſt-
gleubigen Chriſtum an/ als den warhafftigen Zeugen Gottes/ die
Phariſeer aber vnd alle verzweiffelte an GOtt/ heiſſen Chriſtum
vnnd die ſeinen einen Teuffel/ in dem ſie den Schatz des innern
Worts/ die himliſche Weißheit in jhnen nicht wiſſen zu finden/
vnd dieſelbige durch der Schlangen Weißheit/ in euſſerlichen/
ſichtigen Creatuͤrlichen dingen/ oder des Buchſtabiſchen Worts/
vermeynen auſſerhalb Chriſto die himliſche Weißheit zu finden
vnd zu erlangen.
WIewol dieſes Capitel nur von wegen der Buͤ-
cher moͤchte geachtet werden/ als gehoͤrt es nit hieheꝛ/ dochDer guͤldene Griff.
muß man darvon etwas melden/ auff daß dardurch erwieſen wer-
de/ wie die Erkentnis nicht aus den Buͤchern/ als von dem obje-
cto in das Auge des Erkenners flieſſe/ ſondern viel mehr vom Aug
oder Erkenner/ in das objectum, es wird gemeynet vnd dafuͤrge-
halten/ daß die Buͤcher oder Schrifft des Buchſtaben/ die Er-
kentnis hinein wircke/ vnnd den Leſer von auſſen zu/ das Vrtheil
vnd Erkentnis vom Buch in den Menſchen eingetragen werde/
welches doch nicht iſt/ denn alles was da außwendig in die guten
vnd nuͤtzlichen Buͤcher geſchrieben iſt/ iſt zuvor in vns/ vnd ſo wir
es hoͤren oder leſen/ ſo muß trawen die Erkentnis oder judicium
in vns ſeyn vber das Buch/ das Buch iſt auſſer vns/ vnnd kan ſich
ſelber nicht leſen/ es kan auch nicht reden/ der Buchſtab iſt auſſer
vns/ aber der Verſtand des Buchſtabens iſt in vns/ in vns iſt dieErkentnis vnd das Vrtheil/ vnd nicht im Buch/ erwecket vnd er-
mahnet werden wir wohl dardurch/ auff daß wir kommen zum
innern Schatz zur Weißheit/ Es folget aber drumb nicht daß
die Erkendtnis oder Weißheit von auſſen zu hinein durch den
Buchſtaͤben getragen werde/ dann were dem alſo/ ſo wuͤrden alle
Leſer aus dem Buch Verſtand bekommen/ vnd nicht ſagen duͤrf-
fen/ Jch verſtehe es nicht/ oder ich weis es nicht außzulegen/ gleich
wie ein Accidens nicht kan wircken die Subſtantiam, vnnd ein
Schatten nicht kan machen das Weſen ſelbſt/ Alſo mag kein
Buch oder Schrifft das inwendige im Menſchen weſen oder wir-
cken/ das iſt der Verſtand oder die verborgene Weißheit/ vnter
dem Buchſtaben/ wie ein Spiegel an der Wand/ der weiſet wohl
vnd wie wir geſtalt ſeyn/ Er macht aber vns nicht alſo/ vnd ob ei-
nem gleich ein Kunſt auff ein Buch geſchrieben iſt/ daß er darvon
leſen kan/ ſo iſt er noch nicht der Kuͤnſtler/ Er muß ſich vben/ vnd
die auch dieſelbige Kunſt lernen/ die jhm auffgeſchrieben iſt/ die
auch im innern iſt verborgen/ Alſo ſind auch alle Buͤcher vndDer guͤldene Griff.
Schrifften/ die dann nur weiſen/ was vnd wie wir ſind/ vnd wie
wir etwan ſeyn ſollen/ aber keiner kan ſich from oder geſchickt leſen/
darumb ſind alle Buͤcher nur zum Bewehr vnd Zeugnis/ zur Er-
munterung/ Erjnnerung/ Auffweckung/ Kundſchafft/ ob wir
alſo ſeyn oder nicht/ da Adam im Paradieß war/ bedurfft er kei-
ner Schrifft oder Buͤcher/ noch des geſchriebenen Geſetzes/ gleich
wie auch die Engel im Himmel/ vnd die Vnmuͤndigen auff Er-
den/ keiner Buͤcher beduͤrffen/ aber nach dem Fall in die Suͤnde/
wie er vnd ſeine Nachkommen/ weltlich/ leiblich/ euſſerlich/ fleiſch-
liſch vnd jrꝛdiſch geſinnet wurden/ da wurde das Geſetz geſchrie-
ben/ vnd wurden die Ceremonien vnd Buͤcher geſchrieben/ von we-
gen der Einleitung zu dem innern Menſchen/ zum rechten inwen-
digen Buch des Lebens ſeines Hertzens/ daraus alle Buͤcher ge-
ſchrieben ſind/ darumb alle Ceremonien/ Schrifften vnd Geſe-
tzen ſind gegeben zum Memorial, Zeugnis/ Erweckung vnd An-
weiſung in dem innern Grund/ in die Warheit/ weren wir noch
im innern Menſchen/ vnd lebten noch im Geiſt/ wir beduͤrfften
auff dieſen Tag keiner Buͤcher/ gleich wie die Propheten keiner
Buͤcher beduͤrfftig waren/ denn was die Einfeltigen außwendig
leſen oder hoͤreten/ durch die muͤndliche Stim̃/ daſſelbig leſen vnd
hoͤrten ſie im inwendigen Buch jhres Hertzens/ darumb was von
den Propheten geſchrieben iſt/ iſt nur von wegen vnſerer Blind-
heit vnd Schwachheit geſchehen/ vnd zum Bewehr/ Zeugnis
vnd Kundſchafft/ alles das/ das in vns war/ oder auch zum Me-
morial, denn ſo offt ſich einer mit ernſt vom euſſern entſchleget
vnd einkehret zu GOTT/ in jhme ſelber/ ſo findet er Liechtes vndErkentnis genugſam/ Er weiß mehr als alle Buͤcher/ dieweil aber
nicht allezeit innerliche Menſchen geſunden werden/ als die Pro-
pheten waren/ ſo werden vns etliche ding auffgeſchrieben in Buch-
ſtaben/ vns ſelber zum Memorial, vnd fuͤr andere Erweckung/Der guͤldene Griff.
auch andere Wiederſprecher zu vberzeigen/ auff daß ſie auch zum
jnnern Grund vnd rechten Buch jhres Hertzens moͤchten gebracht
werden/ aber viel bleiben herauſſen kleben am Schatten vnd an der
Schalen/ begehren nicht weiter hinein zum Weſen vnd Buch des
Lebens jhrer Hertzen/ darinnen allein der Kern im Geiſt vnd in der
Warheit/ Gott iſt zu finden vnd geſucht werden wil.
DIe Schrifft vnd alle Vrthel haben zwey An-
ſehen/ Eins wie ein ding von Gott iſt/ vnd eins wie es vor
den Menſchen ſcheinet vnnd genennet wird/ Jetzt wie es
jnnerlich im Geiſt vnd jnnern Weſen vor Gott/ jetzt wie im euſ-
ſern vor den Menſchen heiſſe/ Da heiſt Salomon alle Weltweiſe
Narꝛen/ dann alſo ſind ſie vor Gott/ Paulus nent eben die Geſel-
len/ Narꝛen vnd Weiſe/ 1. Cor. 12. 13. wie ſie vor der Welt weiſe ſind
genent/ vnd ſich auch alſo duͤncken vnnd dafuͤr halten laſſen/ alſo
ſind ſie nicht wieder einander/ ob gleich der eine weiß/ der ander ein
das/ ſie Narꝛen ſchilt/ der eine nennet ſie wie ſie vor Gott ſind/ der
ander wie ſie vor der Weld ſind/ Theophraſtus ſagt/ Gott brau-
chet nichts/ So ſpricht Mercurius Gott wircket/ vbet vnd brau-
chet alle ding/ dieſe ſind nicht wieder einander/ dann einer redet von
Gott/ wie er iſt abſolutè/ fuͤr ſich ſelbſt verſtanden/ da iſt er war-
lich wircklich affectloß/ der ander redet von Gott gegen den Crea-
turen gehalten/ der alles in allem wircket/ vnd mag vnd kan ſichDer guͤldene Griff.
auch keine Creatur ohne GOtt regieren/ Alſo ſaget die Schrifft/
Ein Chriſt kan nicht ſterben noch ſuͤndigen/ iſt beydes war/ vnd
auch erlogen/ darnach man ſiehet vnd auch vrtheilet/ Das erſte iſt
war nach dem innern Menſchen vnd Geiſt/ das ander iſt war nach
dem euſſern Menſchen vnd Fleiſch/ Es ſtreiten offt zwey wieder
einander/ vnd haben beyde recht/ vnnd ſind alſo ſtreitig einig vnd
eins/ Die Schrifft iſt hell vnd klar/ vnd iſt GOttes Wort/ die
Schrifft iſt dunckel vnd finſter/ ja gar ein Gifft vnd Todt/ Item,
Der Menſch hat keinen Willen nach dem Fall/ vnd der Menſch
hat einen freyen Willen nach dem Fall/ iſt beydes war vnd erlogen/
Das erſte iſt war vnd auch erlogen/ was iſt es daß der Menſch kei-
nen freyen Willen hat/ ſich zubekehren aus eignen Krefften/ non
eſt volentis neq́; currẽtis, Es ſtehet nicht im Willen oder Wer-
cken des Menſchen/ daß er ſich kund bekehren/ wenn er wolte/ erlo-
gen iſt das/ daß der Menſch nicht ſolte einen freyen Willen haben/
zur vorhergehenden Gnaden Gottes/ Ja oder Nein/ zuſagen ſich
zu laſſen oder zu wiederſtreben/ darnach hat der Menſch einen freyẽ
Willen/ iſt auch war vnnd erlogen/ dann der Will muß da ſeyn
leidenlicher weiß/ Gottes Willen zu tragen vnd zu leiden/ wieder
den Willen zwinget Gott keinen Menſchen/ erlogen aber iſt es/
wenn der Menſch einen freyen Willen haben ſolte/ ſich durch eigne
Kreffte zu bekehren/ darumb kan nichts geredt noch geſagt werden/
daß es nicht ein zwiefach Vrtheil habe/ daraus dann ſo widerwer-
dige Vrtheil entſpringen/ Eins nach dem Geiſt vnd GOTT/
das ander nach dem Fleiſch vnd Menſchen/ darumb kan man von
einem ding abſolutè nicht recht reden/ auch nicht vnrecht/ dann
wie man davon redt/ alſo iſt es/ vnd darnach wie man es anſicht
vnd vrtheilet/ darumb man keinen in der Rede fangen ſol/ darnach
man ein ding anſiehet vnd vrtheilet/ daꝛnach iſt es recht odeꝛ falſch/
vnd iſt zu ſtumpff geredt von allen dingen/ wie man auff eines wegDer guͤldene Griff.
weiſe/ da man abſolutè redt oder reden mag/ von wegẽ der zweyen
Anſehen/ ſo alle ding haben/ eins nach der Menſchen Augen/ das
ander nach Gottes Augen vnd Vrtheil/ eins vor Vberſetzung vnd
Wiedergeburt/ darumb iſtes zu kurtz wenn man darauff bochen
wolt Noch mehr Exempel/ Wenn man ſprech der Menſch iſt ac-
cidentaliter verderbt/ die Suͤnde iſt accidens, vnd der Menſch
iſt weſentlich verderbt/ vnd die Suͤnd iſt ein Subſtantz/ iſt beydes
war vnd erlogen/ der Menſch iſt zufelliger weiß verderbt/ die
Suͤnd iſt ein accidens/ ſo man die ſol betrachten/ wie aus dem
Willen die Suͤnd entſpringet/ vnd alle Suͤnd ſey nur im Wil-
len/ vnnd ohn den Willen kan keine Suͤnde geſchehen/ da iſt die
Suͤnde ein accidens vnd Zufall/ dann die Seel bleibet Seel/ vnd
der Will iſt nur bruͤchig worden/ vnd der Seelen iſt nichts verlo-
ren/ wann man aber ſiehet auff die Fruͤchte der Suͤnden/ daß der
Leib verderbet iſt/ da iſt es nicht war/ da iſt die Suͤnde kein acci-
dens, ſondern ein Subſtantz, denn ſubſtantialiter iſt der Menſch
verderbet/ den gantzen Leib hat der Menſch verlohren durch die
Suͤnde/ vnnd da iſt auch die Renaſcentia ſubſtantialiter vnd
leiblich/ dann einen newen himliſchen Leib bekoͤmpt der Menſch
aus Chriſto/ Alſo iſt die Suͤnde ein Subſtantz, iſt auch war vnd
erlogen/ war iſt es/ ſo man die Wirckung oder Frucht der Suͤnden
betrachtet/ wie die Subſtantz des Leibes gar hin weg muß/ vnd die
Wuͤrmer freſſen jhn/ da iſt die Verderbung kein accidens, ſon-
dern ein weſentliche Verenderung/ aber erlogen iſt es/ ſo man die
Wurtzel der Suͤnden anſiehet/ an den Willen/ da iſt die Suͤnde
ein accidens vnd kein Subſtantz, denn weder der Will noch die
Seel hat auffgehoͤrt/ zu ſeyn an jhrer Subſtantz, der Leib iſt nur
bruͤchig/ vnd nicht die Seel verlohrn/ vnd alſo iſt die Wiederge-
burt vnd Vernewerung auch nur ein accidentz, dann ein newes
Hertz muß ſeyn/ der Wille wird nur nach der Geſchickligkeit vol-Der guͤldene Griff.
bracht/ vnd Gott ſchafft kein newe Seel/ wie er ein newen himli-
ſchen Leib ſchafft/ wer nuhn nach der newen himliſchen Geburt
wandelt/ iſt ein innerlicher Menſch/ dann der euſſere wird teglich
gedempfft/ wer aber nach der alten Geburt lebt/ der iſt ein euſſerli-
cher Menſch/ denn der innerliche wird durchs Fleiſch gedempfft/
Laſſet vns Chriſtum in vns leben/ durch ſeinen Geiſt herꝛſchen
vnd regieren/ daß das Leben vnd Weſen in Gott vnd mit GOtt
iſt/ von Ewigkeit zu Ewigkeit/ Amen.
WEr ein ding nicht weis oder verſtehet (das iſt/
Wer den Verſtand oder das nicht in jhme ſelber hat) der
muß gleuben was andere ſagen/ reden vnd ſchreiben/ vnd
muß darauff bawen. Exempel/ Es iſt eine Stadt/ die hat im Ge-
fengnis einen Vbelthaͤter/ ſie weiß nicht was zu thun ſey/ Sie leſt
eine Frage abgehen/ etwan an einen Schoͤpffenſtuel/ oder an eine
Hoheſchuel vnd Univerſitet, vnd fraget die Rechtsgelehrten/ die
geben alsdann antwort aus jrem Juſtiniano, man ſol den Vbel-
thaͤter koͤpffen/ die Stadt bawet auff dieſe Antwort/ koͤpffet den
Vbelthaͤter/ vnd leſt es die Juriſten verantworten/ weren wir aber
Chriſten/ ſo koͤndten wir ſelber ſehen/ mit vnſern eigenen Augen/
was zu thun were/ vnd duͤrfften nicht auff die Antwort vnd Rath-
ſchlaͤg Juſtiniani, Bartholi vnd Baldi (die vorlengſt geſtorben/
warten vnd gaffen/ Sihe/ alſo gehet es zu mit den Gelehrten/Der guͤldene Griff.
ſie fragen andere vber dieſen vnd jenen Artickel/ vnd wie ſie von den
Menſchen bericht werden/ alſo glaͤuben vnd thun ſie. Nun ob
ſchon das rechte warhafftige gruͤndliche Vrtel vber alle Gegen-
wuͤrff von innen heraus aus dem Auge flieſſen muß (denn nach
dem das Aug iſt/ alſo nach dem wird auch das Vrtel volbracht)
So ſind doch etliche die ſolches nicht wiſſen oder erkennen wollen/
darumb vermeynen ſie jhr Vrtheil zu holen vnd zu ſchoͤpffen/ ent-
weder auff anderer Leut gut bereden vnd anſehen/ oder auff den
bloſſen Buchſtaben/ der Schrifft zu erhalten/ vnd haben aber alle
die jenigen/ ſo jhren Glauben auff Menſchen ſetzen/ vnnd nicht
auff das jnnerliche befinden/ im Geiſt/ die gedencken jhr Vrtel zu
holen vnd zu machen aus dem anſehen vnd authoritet jhrer fuͤr-
geſetzten Lehrer/ vnd ſprechen/ darumb daß dieſer Mann alſo ge-
ſchrieben vnd gegleubet hat/ darumb wil ich auch alſo mit jhme
glaͤuben vnd halten/ Er koͤnne nicht jrren/ vnd dieweil nun ein je-
der aus Liebe der Præceptoren erwehlet einen Scribenten/ vnd
jhme ſelber aus ſolchem Anſehen auff gut bereden einen Glauben
fuͤr dichtet/ darans folgt/ daß der Glaub in ſo viel Secten zutrent
ſey (wiewohl der rechte Glaub nur einig iſt vnd bleibt) Die andern
woͤllen nicht alſo am Menſchen hangen/ ſondern gedencken jr Vr-
tel zu nehmen/ aus der Schꝛifft des Buchſtabens/ darumb daß er
alſo/ vnd alſo/ klingt/ darumb wollen ſie alſo gleuben/ von jhrem
vorgenommenen Artickel/ vnd wer anders helt/ der ſey ein Ketzer/
vnd ſie koͤnnen doch ſelbſt nimmermehr mit einander vberein kom-
men/ alle ſo am Buchſtaben hangen/ dann er iſt ein Beydẽhaͤnder/
vnd ein jeder kan jn brauchen vor ſich/ wie er wil/ daher auch ſo viel
Secten vnd Spaltungen ſind entſtanden/ Die dritten wollen nie-
mands zugefallen gleuben/ ſchoͤpffen jr Vrtel nicht aus dem Tod-
ten Buchſtaben/ ſondern aus dem Glauben des Geiſt/ durch das
jnnerliche lebendige befinden im Hertzen/ dieſe bleibẽ vnbeweglich/Der guͤldene Griff.
dann ſie/ ſind Felſer jhr Hauß iſt nicht gegruͤndet auff den Sand/
ſondern auff Chriſtum Jeſum/ auff das Wort des Lebens/ daß ſie
auch in dem lebendigen Buch jres Hertzens habẽ/ durch den Finger
Gottes eingeſchrieben/ vnd das ſind die Chriſten/ zu denen geſagt
iſt/ Pruͤffet die Geiſter ob ſie von Gott ſind/ wer den Geiſt Chri-
ſti nicht hat/ der iſt nicht ſeyn. 1. Theſolo. 5. Rom. 8. 1. Corin. 13.
Ach GOtt du wahres Liecht/ du leuchteſt nicht
allein in mir von innen/ ſondern du gibſt mir auch ein
feſtes Prophetiſches Wort/ daß ich darauff achtung
gebe/ als ein Liecht/ welches daſcheinet in einem dun-
ckeln Ort/ biß der Tag anbreche/ vnd der Morgen-
ſtern auffgehet in meinem Hertzen 2. Petri 1. O HErr
laß dein Liecht herfuͤr brechen aus dem finſtern Ort/
ſo wird mein Hertz vnd Seel erleuchtet/ durch dein
Wort in mir/ daß ich die Warheit ſehe/ fuͤhle vnd
ſchmecke in meinem Hertzen/ wie lieblich/ ſuͤß vnd
freundlich Herr du ſeyeſt/ ſo werde ich niemands
zu gefallen gleuben/ oder mein Vrtheil aus anderer
Leut Anſehen ſchoͤpffen/ Jch auch die Schrifft nicht
felſchlich fuͤrgeben/ andere zuverfuͤhren/ ſondern die-ſelbige zum Zeugnis annehmen/ vnd allein nach
deinem Geiſt vben vnd gebrauchen/ AMEN.
DAs Vrtheil dardurch man ſiehet vnd erken-
net/ was recht oder falſch ſey/ vnd keinem vnrecht thut/ Jſt
nichts anders/ als der ware ſeligmachende Glaub/ oder
Chriſtus in vns durch den Glauben Coloſſ. 1. 2. Corin. 13. Rom. 8
Dieweil aber der rechte Glaub das Hertz vernewert vnd erleuch-
tet/ ſo iſt es warlich ein lebendiges Empfinden/ fuͤhlen/ ſehen/ hoͤ-
ren/ greiffen vnd ſchmecken/ kan darauff ſterben/ vnd iſt kein Tod-
ter/ erdichter Wahn/ wie der Buchſtaͤbler Toder/ erdichter Schrifft
oder Wahnglaub/ ſo ſie aus dem Todenbuchſtaben ſchoͤpffen/
daraus folget/ daß alle die jenigen/ ſo jren Glauben auff Buͤcher/
Toden Buchſtaben/ anſehen der Lehrer vnd Perſohnen/ der Men-
ſchen ſtellen vnd bawen/ ohne alles jnnerliches Befinden vnd Er-
fahrung in Geiſt/ keinen Glauben haben/ auch kein recht Vrtheil/
dann wie iſt es muͤglich/ daß ich mit eines andern Auge ſehen/ mit
eines andern Ohr hoͤren/ mit eines andern Zunge reden ſolte/ ko-
ſten oder ſchmecken/ der Glaub iſt ein weſentlich empfinden/ auch
ein Gehoͤr im Menſchen/ derhalben er nicht geſchoͤpfft mag wer-
den/ auff gut bereden der Menſchen/ oder anſehen der Scribenten/
da alle die jenigen/ ſo dieſen auſſerhalb des Geiſtes in jhnen durch
den Buchſtaben/ von andern ins Hertz den Leuten eingetragen/
vnd gleubig machen wollen/ jhre Thorheit iſt offenbahr an Tag
gegeben/ daß ſie ſelber noch keinen Glauben haben/ oder vor GottDer guͤldene Griff.
recht gleubig worden ſind/ denn ob gleich dein Præceptor, Do-
ctor oder Scribent, recht gegleubet oder geſchrieben hette/ ſo hilfft
es dich drumb nichts/ wo du es nicht ſelber in deinem Hertzen em-
pfindeſt vnd ſchmeckeſt/ es gilt nicht auff gut beredens glaͤuben/ Es
iſt auch nicht genug/ ſprechen/ dieſer iſt ein ſolcher Mann geweſen/
Er hat den H. Geiſt gehabt/ er kan nicht jrꝛen/ Lieber beweis es
vor/ ob es war ſey/ es wuͤrde dich noch ſaur ankommen/ vnd ſchwer
werden zuverantworten vnd zu beweiſen/ was iſt Chephas? wer
iſt Apollo? wer iſt Paulus? ſpricht der Apoſtel/ wer iſt dieſer oder
jener? Menſchen ſind ſie/ Gott/ Gott/ Gott iſt es allein/ der den
Glauben wircket vnd Vrtheil gibt/ zu pruͤfen alle Geiſter vnd
Schrifften.
Ach ewiger Gott vnd Schoͤpffer/ du haſt allen Menſchen
zugleich gegeben das Aug vnd Ohr/ Zungen des Geiſtes/ daß ſie
ſehen/ hoͤren vnd reden/ ſollen die Warheit vnd keinem auff gut
bereden glaͤuben ſollen/ aber viel laſſen jhnen mutwillig aus ſchre-
cken/ vnd aus furcht vnnd gunſt der Menſchen/ die Ohren ver-
ſtopffen/ viel laſſen jhnen die Zungen des innerlichen Menſchens/
mit Menſchlichem Geiffer vnd Koth beflecken vnd beſudeln/ daß
ſie weder hoͤren/ ſehen noch ſchmecken koͤnnen/ Ach Herre
GOtt du einiges warhafftiges Liecht/ erleuchte in mir das Aug
meines Hertzens/ Ach GOtt du einige ewige Weißheit/ du einige
Verſtendnis vnd Erkentnis/ eroͤffne mein Ohr. Ach O HErꝛeGOtt du hoͤchſte Reinigkeit/ waſche ab mein Zung des innern
Menſchen/ von aller Vnreinigkeit vnd Befleckung/ ſo werde ichhoͤren vnd ſehen vnd ſchmecken/ mit den Propheten vnd dem
gleubigen Abraham den Tag vnd die Krafft in mir/
vnd keinem Menſchen zu gefallen
gleuben duͤrffen/
Amen.
WER ſein Vrtheil nimpt aus dem Buchſtaben
der Schrifft/ vnd nicht aus dem H. Geiſt/ der bawet ſei-
nen Glauben auff den Sand/ vnd muß vngewiß bleiben
in allen Stuͤcken/ das rechte Vrtel (wie geſagt) iſt der Glaub/ vnd
der Glaub iſt das wahre Erkentnis in Chriſto/ vnd ſolche Erkent-
nis iſt das Vrtheil/ vnd der Beruff fein zu vnterſcheiden/ was
falſch vnd recht iſt/ wo nun das Vrtheil oder der Glaub ſolte ge-
nommen werden/ aus dem Buchſtaben der Schrifft/ ſo muͤſſe die
Erkentnis flieſſen aus dem Gegenwurff der Schrifft/ vnd Chri-
ſtus das Wort des Lebens in vns Todt vnd vnkrefftig im H. Geiſt/
die Warheit vns nicht lernen oder wircken koͤnnen/ vnnd das Er-
kentnis Gottes/ darinnen allein das ewige Leben ſtehet/Johan. 17. flieſſen aus dem Gegenwurff (der Creatur des Todten
Buchſtabens/ O Thorheit vnd Blindheit/ ſolcher falſchen Lehrer
vnd Hirten) welches vnmuͤglich iſt/ auch wieder alle Schrifft vnd
Propheten/ wie im naehfolgenden Capitel ſol erwieſen werden/
Die Schrifft ohne Geiſt geleſen/ iſt eine Beidenhenderin/ es kan
ſie ein jeder brauchen vnd fuͤhren/ wie er wil/ weil ſie eine Creatur
vnd der Nitelkeit (wie alle andere ding vnterworffen iſt) wieder ſei-
nem Feind vnd Wiederpart gebrauchen/ dañ ein jede Sect kan jrer
Wiederparthey mit gewapneter Schrifft begegnen/ vnd ſprechen/
Sehet euch fuͤr/ vor den falſchen Propheten/ vnd falſchen Lehrern/
Alſo dargegen ſpricht die andere Sect/ Sehet euch fuͤr/ vor denDer guͤldene Griff.
alſchen Propheten/ vnd ſind vielleicht aus einem Teuffel/ durch
ſeines Geiſtes Trieb/ noch koͤnnen ſie Schrifft wieder einander
fuͤhren/ auch er ſich ſelbſt der Teuffel in ein Engel des Liechts ver-
ſtellen vnd verkleiden/ mit dem Mantel der Schrifft bedecken/ dañ
er ein tauſent Kuͤnſtler/ wie auch deßgleichen zwo Huren in einem
Hauſe/ da ein jede wil gerecht ſeyn/ vnd iſt an beyden nichts guts/
Chriſtus ſagt wieder die Phariſeer/ Jhr ſeyd vnter des Teuffels/
vnd ſeyd aus dem Teuffel/ Die Juͤden ſagen auch hinwieder/ Nu
erkennen wir daß du den Teuffel haſt/ Alſo ſpricht auch eine Sect
wieder die ander/ Quid Chriſtus cum Belial, was hat Chriſtus
mit dem Belial zuſchaffen/ vnnd fuͤhret ein jede Schrifft fuͤr ſich
wieder ſeinen Gegenpart/ wer nun vrtheilen oder pruͤfen wil/ wer
recht oder falſch ſey/ der muß ein Aug haben/ er muß das Liecht desGlaubens haben/ Es ſehen 2. gegen einander/ einer ſpricht ſie wer-
den euch haſſen/ verfolgen/ verketzern vnd verdammen/ vmb mei-
nes Namens willen/ Der ander kan auch ſolche Schrifft vnd Re-
den fuͤhren/ vnnd ein jede Part meynt die Schrifft gehe ſie allein
an/ ſie ſey gleich ſo falſch als ſie jmmer wolle/ dann der erſte Ketzer
kan ſich mit der Schrifft flicken vnd decken/ wie Adam mit den
Feigenblettern/ darumb wird keiner richten noch vrtheilen/ was
recht oder falſch ſey/ er habe dann den Geiſt Chriſti/ das rechte Vr-
theil in jhm/ dann nicht aus dem Spiegel ſiehet ſich ein Krancker
geſund/ ſondern aus der Artzeney/ welche Chriſtus das Wort des
Lebens iſt/ auch der rechte warhafftige Spiegel/ Liecht vnd Wie-
derglantz/ ja das Ebenbild vnd Weſen ſeines Vaters/ darinnen
man das ewige Leben erſiehet/ daß er ſelber iſt/ durch ſeinen Geiſt
vnd Krafft in vns/ Die Schrifft iſt ein euſſerlicher Spiegel/ ſie zei-
get dir an wie du ſeyeſt/ ſchoͤn oder grewlich/ kranck oder geſund/
ſie macht dich aber nicht alſo/ kan dir auch dein Kranckheit vndSchmertzen weder ſtillen noch heilen/ ſie weiſet dich zu jhremDer guͤldene Griff.
HErꝛn vnd Meiſter Chriſto/ denſelben Artzt/ der allein heilen vnd
die Krancken geſund machen kan/ darum̃ kanſtu den Glauben vnd
das Vrtheil nicht aus dem Buchſtaben der Schrifft nehmen/ ſon-
dern vom Worte oder Geiſt muſtu jhn ſuchen oder gewarten.
Ach O HErꝛe Gott du wahres Liecht/ du haſt mir deinen
Geiſt geben zum Leben/ daß ich darinnen wandlen ſol/ als in einem
Liecht/ du haſt mir auch die Schrifft gegeben zu einem Zeugnis
des Liechts in mir/ daß ich wiederumb einkehren ſol zum innern
Menſchen/ daraus ich durch vngehorſam war gelauffen/ wircke
den waren Glauben/ durch deinen H. Geiſt in mir/ ſo wird der
Tag anbrechen/ vnd der helle Morgenſtern auffgehen in meinem
Hertzen/ als denn werde ich ein Vrtheil vnd Zeugnis des Geiſtes
beweiſen/ in aller Beſtendigkeit vnd Lauterkeit meines Hertzens/
ohn allen Jrꝛthumb. Den Brauch vnd Zeugnis der Schrifft zur
Warheit deinem Preiß/ Lob vnd Ehr allein fuͤhren/ Amen.
SOlich ein ding ſehen/ ſo muß ich ein Aug im
Kopff haben/ ſo ich blind bin/ ſo kan ich nicht ſehen/ ſol ich
hoͤren/ ſo muß das Gehoͤr im Kopffe ſeyn/ dann ſo ich
taub were/ ſo koͤndt ich nicht hoͤren/ ſol ich ſchmecken vnd die Gu-
ſtus vnterſcheiden/ ſo muß ſolches alles in mir ſeyn/ wo nicht/ ſo
moͤchte ichs nicht befinden/ was kalt oder war/ ſuͤß oder ſaur wer/Der guͤldene Griff.
daraus wird erwieſen/ vnwiederſprechlich/ daß die Erkentnis aus
dem objecto nicht herflieſſe/ ſondern aus dem/ der es anſiehet vnd
erkennet/ das iſt das Auge vnd nicht aus dem Gegenwurff/ cogni-
tio kennet aus dem cognoſcente, vnd nicht aus den cognoſci-
bile objecto, Judicium muß kommen aus dem judicante ſein/
vnd nicht aus dem ſubjecto judicando. Es iſt zweyerley judi-
cans vnd judicandum, das eine iſt activum, das ander iſt paſſi-
vum, das iſt/ leidenlich.
Solte aber das Vrtheil vnd die Erkentnis von dem objecto
gehen/ vnd nicht vom Auge ſelber/ ſo muͤſte nothwendig folgen/
das 10. Ertheiler oder Seher/ von einem einigen objecto oder Ge-
genwurff/ ein gleichfoͤrmiges Vrtheil vnd Erkentnis empfingen/
daß doch nicht iſt/ dann ſo offt ein Aug/ ſo offt ein ſonderlich Vr-
theil vnd Erkentnis/ von dẽ einigen objecto felt/ ſo mancher Kopff
ſo manch Vrtheil/ ſo mancher Leſer/ ſo mancher Sinn/ welches nit
geſchehe/ ſo die Erkentnis oder das Vrtheil vom objecto herkom̃e/
in das Aug/ nach dem nu ein jeder ein Aug hat/ nach demſelben ſie-
het vnd erkennet er. Jſt das Aug recht Liecht in dir/ ſo wird die Er-
kentnis vnd Vrtheil auch liecht vnd ohne Jrꝛthumb ſeyn/ Jſt aber
dein Aug ein Schalck vnd finſter/ ſo wird auch dein Erkendtnis
falſch vnd finſter ſeyn/ daher geſchloſſen wird/ daß alle Erkentnis
aus dem Auge in das objectum gehn muß/ ſolches bezeugen das
Liecht der Natur/ deñ Gott hat alle ding aus dem verborgnen her-
fuͤr geruffen an das Liecht/ aus dem geiſtlichen vnſichtbahren/ in
das leibliche vnd ſichtbare/ daher alle ſichtbare ding durch den vn-
ſichtbaren Geiſt muͤſſen vnd ſollen erſehen vnd erkennet werden.
Ach O HERR Gott/ du vnſichtbarer verborgener
Schoͤpffer/ der du alle ding erſieheſt in dir ſelber von innen/ ehe ſie
herfuͤr kommen/ der du auch die Engel alſo geſchaffen haſt/ daß
ſie alle ding/ wie du von innen ſehen/ in jhnen ſelber/ du biſtDer guͤldene Griff.
das ſehen vnd erkennen/ vnd das Vrtheil in einem jeden/ du haſt
alle Ding aus dem vnſichtbarn in das ſichtbare beruffen/ zum
greifflichen Gegenwurff.
Ach erleuchte vnſere Hertzen/ daß wir doch nicht verneinen das
Auge deines himliſchen Liechtes/ daß du vns gegeben haſt/ dich zu-
erſehen vnd zu erkennen/ ſo werden wir muͤſſen ſagen/ wie alle Er-
kentnis O HERR allein/ von dir herflieſſe/ aus dem Auge in den
Gegenwurff/ auch als in dich/ das einige/ ewige/ himliſche Liecht/
durch welches wir von dir erleuchtet werden in die Ewigkeit zu
ſchawen/ auch alles daher zu vrtheilen/ dich zu erkennen/ nicht aus
dem objecto der Creatur oder Geſchoͤpff hinein getragen/ ſon-
dern aus dem judicante, vnd alſo werden wir aus vielen Jrꝛthu-
men erloͤſet vnd erꝛettet werden/ Amen.
ES ſagt Chriſtus nicht vergebens Matthei 6.
cap. Jſt dein Auge Liecht/ ſo wird dein gantzer Leib liecht
ſeyn/ vnd dargegen iſt dein Aug dunckel/ ſo wird auch dein
gantzer Leib finſter ſeyn/ Wil ſo viel ſagen/ ſo dein Hertz im Glau-
ben erleuchtet iſt/ ſo haſtu gut Schrifft leſen/ dann ſie koͤmpt mit
deinem Hertzen vberein/ vnnd alle deine Außlegung flieſſen aus
dem Geiſt/ aus dem rechten Aug vnd Brunquellen des Lebens/
dargegen biſtu vngleubig/ ſo iſt dein Aug finſter/ alle deine Außle-Der guͤldene Griff.
gung iſt falſch/ es gehet nur aus dem Buchſtaben/ vnd wirſt dich
vnd andere neben dir verfuͤhren/ in die ewige Finſternis/ Es ſagen
etliche/ die Schrifft ſey hell vnd klar/ vnd wollen damit ſchlieſſen/
man muͤſſe den Glauben vnd die Erkentnis Chriſti auch daraus
nehmen/ ſie ſagen aber nit wem ſie hell vnd klar ſey/ nemblich den
Reingleubigen vnd Gottsgelehrten Hertzen/ den Vngleubigen
aber iſt ſie dunckel vnd finſter/ jhnen bleibet ſie verborgen vnd ver-
decket/ Darumb nach dem du dein Aug zu der Schrifft bringeſt/
nach demſelben ſieheſtu ſie an/ (wie zum oͤfftern mahl erwieſen)
Setzeſtu blawe Brillen auff/ ſo ſcheinen dir alle objecta blaw/
Setzeſtu rothe Brillen auff/ ſo erſcheinen dir alle objecta roth/
haſtu keinen Verſtand durch den Geiſt/ ſo ſcheinet dir die Schrifft
geſpalten vnd wieder einander/ vnd iſt doch einig im Geiſt. Dar-
umb wiltu die Schrifft mit Nutz vnd Frucht gebrauchen/ ſo muß
das Erkentnis vnd Vrtheil vor in dir ſeyn/ vnd aus deinem Auge
des Geiſtes flieſſen/ vnd nichts von dem Gegenwurff hinein kom-
men. Nim̃ ein Exempel/ Die Biblia iſt ein einiger vnbegreifflicher
Gegenwurff (wie bißher ſo offt erwieſen/ So ſeyn hundert Leſer
vorhanden/ vnnd nimpt ein jeder daraus nach ſeinem Kopff vnd
Verſtand/ Jch ſage/ ein jeder aus ſeinem Kopff/ das iſt/ ein jeder
aus ſeinem Auge/ vnd nicht aus ſeinem Gegenwurff/ ſolte nun
vom Gegenwurff das Vrtel oder Erkentnis herkommen/ vnd nit
aus dem erleuchtenden Auge des Hertzens/ vnd Liecht des H. Gei-
ſtes/ ſo wuͤrden gewißlich alle hundert Leſer/ einen gleichfoͤrmigen/
vngeſpaltenen Verſtandt aller Artickel aus dem einigen objecto
vnd Gegenwurff empfahen vnd bekommen/ das doch nicht iſt/ ſon-
dern es gehet vielmehr/ wie vor augen iſt/ Quot homines tot
ſenſus, ſo viel Menſchen/ ſo viel Koͤpff/ darumb ſind wir mit vn-
ſerm einigen ſchaden vberwieſen/ daß die Erkentnis vnd Vrtheil
ſtehe in dem Erkenner/ oder Judicante, vnd nicht in dem objecto,Der guͤldene Griff.
Sihe alſo geht es auch zu mit allen denen/ die ſich durch den Buch-
ſtaben fuͤr Ketzermeiſter auffwerffen/ dieweil ſie ein blind Aug ha-
ben/ vnd manglen des groſſen Zeugnis/ verleugnen das Goͤttliche
Aug vnd Liecht in jhnen ſelber/ daß nach art des Auges/ welches
finſter vnd ſchwartz iſt/ Chriſtum vnd alle ſeine Nachfolger/ fuͤr
den Teuffel vnd Verfuͤhrer anſehen/ vnd vrtheilen.
Ach O Herre Gott/ du haſt vns allen im Anfang ein
reines lauteres/ helles Auge geſchaffen/ in dem du vns von deinem
Geiſt haſt geben/ auff daß wir nit nach dem Fleiſch euſſerlich/ ſon-
dern nach dem innerlichen Menſchen wandlen ſollen/ dieweil wir
aber außgewichen vnd euſſerliche Welt Menſchen worden ſeyn/
vnd des innern Schatzes alſo vergeſſen/ haſtu vns auch eben das/ ſo
in vns war/ verborgen in die Schrifft ſchreiben laſſen/ zum Zeug-
nis/ Warnung vnd Lehr/ Ach brich herfuͤr in vns du wares Liecht/
eroͤffne vns den Verſtand/ durch deinen Geiſt/ der die Schrifft ge-
dichtet vnd geſchrieben hat/ ſo werden wir nicht mit dem Anti-
chriſto aus dem Buchſtaben/ als aus dem objecto das Vrtheil
vergebens ſuchen/ ſondern in deinẽ Liecht das Liecht ſehen/ innerlich
mit groſſer Luſt vnd Frewden vnſerer Hertzen/ vnd die H. Schrifft
ein tewr Geſchenck vnd Gab zur Zeugnis annehmen/ vnd ſeliglich
gebrauchen/ nach deinem Hertzen/ Sinn vnd Willen/ Amen.
GLeich wie der ſeligmachende Glaub iſt/ der mit
ſich bringet alle Tugenden/ vnd alles was man gutesDer guͤldene Griff.
nennen ſol/ alſo iſt er auch die Maß oder Richtſchnur vnd Win-
ckelmas/ der Maßſtab vnd Richtſcheid/ damit man das himliſche
Jeruſalem abreiſt/ mit jren Jnwohnern/ Laß dich nicht wundern/
daß ich ſag/ der Glaub ſey alle ding/ als/ er iſt das Vrtheil/ dar-
durch alle Secten vnd Partheyen erkent werden vnd geurtheilet/
Er iſt das Aug/ dardurch alle Geiſter geſehen vnd gepruͤfet wer-
den/ wer des Glaubens hat/ der hat Chriſtum/ vnnd alle ding in
Chriſto/ wer dieſen Glauben hat/ des Grund iſt vnbeweglich/ ſein
Hauß iſt nit auff den Sand gebawet/ ſondern auff einen Felſen/
dann dieweil der Glaub nicht ein Menſchlich Werck iſt/ ſondern
ein werck vnd ein Liecht Gottes/ vnd Geſchenck/ ſo wirckt Gott al-
les gutes in den gelaſſen Hertzen der Menſchen/ dann GOtt gibt
ſich ſelbſt jnen ins Hertz/ durch den Glauben/ daß er im Menſchen
wohne/ vnd das heiſt Chriſtus in vns warhafftig verſetzt den Men-
ſchen aus der Natur in die Gnaden/ vernewert/ reiniget/ heiliget
vnd erleuchtet/ daß er ein newe Creatur wird durch Chriſtum ge-
ſchaffen/ zu guten Wercken/ daß der Menſch nicht ſeyn ſelber ſey/
ſondern Gottes/ ein jeder Glaͤubiger iſt jhme ſelber entnommen
vnd Gott gelaſſen vnd ergeben/ da erkennet ſich GOtt ſelber im
Menſchen/ aus ſolcher Erkendtnis koͤmpt das Vrtheil vber alle
Gegenwuͤrff/ da wird die Schrifft angenom̃en zum Zeugnis/ daß
ſie mit dem Hertzen vber einkoͤmpt/ denn ein ſolcher darff nicht deſ-
ſen er wieder ſein Hertz gleubt/ der beredt ſich nur ſelber/ er ſey gleu-
big/ vnd iſt doch nichts/ es manglet nur doch am Zeugnis des Gei-
ſtes/ daher kan er auch keine Sect oder Parthey pruͤfen vnd vrthei-
len/ deñ er hat den Geiſt Chriſti nit/ Rom. 8. Darum̃ pruͤfe zuvor
ein jeder ſich ſelbſt ob er gleubig ſey/ ob Chriſtus in im wone/ 2 Cor.
13. Wer dieſen nit hat dem manglets an der Richtſchnur vñ Richt-
ſcheid/ die Geiſter zu pruͤfen vnd zu erkeñèn/ die objecta zu leſen/ die
Schrifft zu leſen vnd vnterſcheiden die Warheit von den Luͤgen/Der guͤldene Griff.
dargegen wer dieſen hat/ der hat das Auge zu ſehen alle Gegen-
wuͤrff/ mit einem lieblichen Vnterſcheid/ der hat auch die Richt-
ſchnur/ abzutheilen/ die Luͤgen von der Warheit/ denn wer da wil
wiſſen/ was falſch oder krumb ſey/ der muß zuvor erkennen/ was
gerad vnd war ſey/ vnd diß alles thut der Glaub/ aus welchem das
Vrtheil gehet/ vber alle Gegenwuͤrff ohne Jrꝛthumb.
Ach Gott/ du ewige Warheit/ du haſſeſt die Luͤgen/ Ach Gott du ewiges Leben/ du vberwindeſt den Todt/ Ach GOtt
du wahres Liecht/ du vertreibeſt die Finſternis/ erwecke durch dei-
nen Geiſt in mir/ den ſeligmachenden Glauben/ ſo werde ich er-
leuchtet in meinem Auge des Hertzens/ zu ſehen vnd zu vnterſchei-
den/ das Falſche vnd das Vnrechte zu meiden/ die Finſternis des
Todes zu erkennen in der Warheit aller Geiſter/ ob ſie ſind von
dir oder nicht/ Amen.
EHe ich zum Anfang des waren Glaubens kom-
men/ vnd auch noch mit andern/ nicht GOtt/ ſondern der
menge der Menſchen zu gefallen gleubete/ war ich offt ſehr
bekuͤmmert/ vmb dieſen vnd jenen Artickel/ Jch hette auch gern ge-Der guͤldene Griff.
wuſt/ worauff ich bawen ſolte/ ich nam vor mich viel Scribenten
Buͤcher/ vnd laß dieſelben/ aber mir geſchach kein genuͤgen/ Mein
Hertz war jmmer vngewiß/ Sihe/ Jch kundt weder Grund noch
Warheit finden/ Jch ſahe an/ vnd bedachte vnſere klaͤgliche vnd
erbaͤrmliche Finſternis/ das Schwancken/ Tappen vnd Feelgreif-
fen der Menſchen/ ſo viel Secten vnd Glauben/ fand ich vnter
denen allein/ die da jres Grundes vnd Dinges wolten gewis ſeyn/
vnd Schutz aus der H. Schrifft zu haben vermeynten/ Jch ſage
an wie ein jrꝛiges vnnd verwirꝛendes Ding vnſer Babiloniſcher
Thurm were/ ſo man vom Glauben redete/ ſo wolte der ander
Werck haben/ So man von Fruͤchten fragete/ ſo wolten jene einen
erdichten Glauben haben. Der dritte ſaget/ die Sacrament weren
nothwendig zum Glauben oder zur Seeligkeit. Der vierdte gab
vor/ man muͤſte den Glauben erſt holen aus den Sacramenten.
Der 5. hielt es dafuͤr/ der Glaube muͤſte vor den Sacramenten da
ſeyn/ ſonſt weren ſie weder krefftig noch nuͤtz. Der 6. ſprach/ Allein
der ware Glaub an Jeſum Chriſtum/ macht gerecht vnd ſelig vnd
ſonſt nichts. Es heiſſe wie es wolle/ daruͤber war er ein Schwer-
mer vnd Sacramentirer geſcholten/ Da ſahe ich wie einer den an-
dern vor Weltlicher Obrigkeit angabe/ vnd jhn carcerirte, ver-
jagte/ von wegen der Erbſuͤnde/ des freyen Willens/ der Perſon
Chriſti/ vnd war ein ſolches Tappen/ Fehlgreiffens vnnd Schar-
muͤtzelns vmb den Himmel/ vnd wolte doch niemand hinein/ wie
auch noch geſchicht/ jetziges Jahr 1578. auch noch dieſe Zeit 92.
vnd wil noch kein Ende nehmen/ Wie ich nun alſo vngewiß war/
vnd hart bekuͤmmert/ vnd mit einem junigen/ inbruͤnſtigen Her-
tzen zu GOtt ruffte/ vnd ſchry vnd ſprach/ Ach GOTT vnd
Warheit dir ſey es geklaget/ wie wandien wir ſo elendiglich im
Finſternis/ es iſt doch gleich/ als habe man die Blinden aneinander
gehetzt/ in der Fiuſternis mit einander zu kempffen vnd zu fechten/
$$$$$Der guͤldene Griff.
da einer eben ſo bald ſeinen beſten Freund trifft vnd ſchleht/ als
ſeinen Feind/ Laß mir leuchten dein Liecht/ O HERR/ auff daß
Jch neben andern/ aus dieſem Wuſt der Finſternis erꝛettet wer-
de/ Wie ich alſo ſchlieff vnd betet zu dem HErꝛn/ wiederfuhr mir
Gnad von oben herab/ dann mir ward ein Aug gezeiget/ welches
mich erfrewete/ vnd mein Hertz erleuchtete/ daß ich alle Ding ſehen
vnd vrtheilen kundt/ viel klaͤrer vnd lauterer/ weder daß mich aller
Lehrer/ mit jhren Buͤchern in der gantzen Welt lernen kundten/
denn daraus waren alle Buͤcher geſchrieben/ von Anfang der
Welt/ vnd diß Buch iſt in mir vnd in allen Menſchen/ in Groſſen
vnd Kleinen/ in Jungen vnd Alten/ in Gelehrten vnd Vngelehr-
ten/ aber gar wenig/ ja freylich gar wenig koͤnnen daſſelbige leſen/
Ja viel derſelben Wolgelehrten/ duͤrfften daſſelbige in jhnen ver-
neinen vnd verleugnen/ kleben alſo am Todtenbuchſtaben/ der da
auſſer jhnen iſt/ vnd verlaſſen das Buch des Lebens/ daß doch mit
den Finger Gottes eingeſchrieben iſt/ in aller Menſchen
Hertzen/ Jch aber/ O HERR/ dancke dir/ du Krafft meines Le-
bens/ vnd du Liecht meines Verſtands vnd Hertzens/ Daß du
mich gelehrter macheſt/ als alle meine Lehrer vnd Buchſchreiber/
der du mir das rechte Buch zeigeſt in meinem Hertzen/ dardurch
ich die heilige Schrifft leſen kan/ die mir gegeben iſt zum Zeugnis/
dann ich ſiehe ſie an nach dem Weſen vnnd Geiſt/ der in mir iſt/
vnd nicht nach dem Schatten/ vnd Todenbuchſtaben der auſſer
mir iſt/ Kehre mich/ mich hinein zu dir/ in mich ſelber/ ſo werde ichbefinden vnd bekennen/ daß der einige Glaub ſey die Richt-
ſchnur/ vnd der Brieff/ der zu leſen ſey vnd zu
vrtheilen alle Secten vnd Geiſter/ ⁊c.
Was es fuͤr ein trefflicher Schatz ſey dieſes Buch
haben vnd wiſſen/ auch erkennen/ findeſtu im 7. vnd 8.
Cap. Sapientiæ, Nun iſt ſolch Buch nicht allein in mir/
ſondern in allen Menſchen/ keinen außgenommen/ denn wenn diß
Buch nit were/ ſo moͤcht kein Menſch leben/ in der gantzen Welt/
Es iſt das Leben aller Menſchen/ vnd iſt das Liecht der Menſchen/
welchs ſie erleuchtet in der Finſternis/ es iſt Gottes Wort/ dañ wie
durchs Wort oder durch die Weißheit alle Menſchen ſind geſchaf-
fen/ alſo muͤſſen auch noch alle Menſchen im Wort vnd durchs
Wort erhalten werden vñ leben/ das Wort iſt die Weißheit Got-
tes im Menſchen/ es iſt die Bildniß GOttes im Menſchen/ es iſt
der Geiſt oder Finger GOTtes in Menſchen/ es iſt der Same Gottes/ das Geſetz Gottes/ Christvse GOttes
Reich/ es iſt das Weib des Lebens in vns/ ſolches kan Johan. am
1. Cap. erwieſen werden/ daß Gottes Wort/ Geiſt/ Liecht/ Sa-
me/ Sohn/ ein ding ſey/ GOtt iſt das Wort/ vnd das Wort iſt
das Leben des Menſchen/ vnd erleuchtet alle Menſchen/ ſo in dieſe
Welt kommen/ Alles was von GOtt wird geſaget/ daß iſt er ſel-
ber/ vnd iſt von ſeinem Weſen vngeſcheiden/ als GOtt iſt ſelber
der Wille/ vnd der Wille GOttes iſt das vnwandelbare Geſetz
Gottes im Menſchen/ mit Gottes Finger ins Hertz geſchrieben/
daraus folget/ daß Gottes Geſetz/ Gottes Wort/ Gottes Wil-
le/ Gottes Same/ GOttes Bildnis/ Chriſt/ Geiſt/ Finger vnd
Gottes Reich ein ding ſey/ vnd ſey in allen Menſchen/ darumbDer guͤldene Griff.
wo das Geſetz GOttes iſt/ da iſt auch ſein Wille/ Wort/ Reich/
wie geſagt iſt zu den Vngleubigen Phariſeern/ Das Reich Got-
tes iſt inwendig in euch/ Solches ſage ich derenthalben/ die da ſpre-
chen/ Gottes Geſetz iſt wohl in allen Menſchen/ aber nicht
GOTtes Wort oder Reich/ ob es aber wohl in allen Menſchen
iſt/ in Guten vnd Boͤſen/ in Gelehrten vnd Vngelchrten/ vnd alle
das Leben davon haben/ dennoch woͤllen es die Menſchen weder
kennen noch ſehen/ Johan. cap. 1. \& 14. Tazu aber helffen jhnen nit
wenig/ die falſchen Lehrer vnd Schrifftgelerten/ die ſolches Buch
nicht leſen koͤnnen/ die es verleugnen/ vnd die Warheit durch jhre
Vngerechtigkeit auffhalten/ Rom. 1. Cap. Solche ſetzen jhren
Glauben auff Menſchen/ vnd nehmen an mit hitziger affectio-
nirter vnd biſſiger Beſchirmung/ was andere gegleubet vnd ge-
ſchrieben haben/ ob ſie es gleich durch den Geiſt weder geſehen noch
empfunden haben/ daher koͤmpt es/ daß ſie vom Glauben reden/
als wie der Blinde von der Farb. Derhalben Ojhr Menſchen/
denen die Seeligkeit zu Hertzen gehet/ mercket auff vnd leſet was
ich ſchreibe/ jhr werdet bekennen/ daß ich euch die Warheit ſchreib/
Vrſach/ jhr habet den Geiſt Christj in euch wohnende/Rom. 8. cap. Darumb muͤſſet jhr mit mir Kundſchafft geben/
daß ich aus dem Buch/ Wort vnd Geiſt ſchreibe/ der in mir vnd in
euch iſt/ denn es iſt ein Geiſt/ vnd iſt in allen. Sap. 11. Cap. Jn den
Frommen iſt er gepreiſet/ in den Gottloſen iſt er geleſtert vnnd ge-
ſchendet.
Ach Herr Gott vnd Vater/ du biſt ſelbſt das Wort
vnd der Geiſt in mir/ das iſt/ aus dir/ gehet aus das Wort/ der
Geiſt/ das Liecht vnd Leben/ du biſt in mir vnd in allen Menſchen/
du wolteſt gern daß alle Menſchen erleuchtet wuͤrden/ ſo in dieſe
Welt kommen/ aber gar wenig wollen ſich dir gelaſſen vnterge-
ben/ gehe auff in mir du heller Morgenſtern/ vnnd laß den TagDer guͤldene Griff.
herfuͤr brechen/ ſo werde ich die Menſchen vberzeugen/ wie wir alle
das Buch zugleich in vns haben/ ſchaffe nur/ daß wir es recht leſen
vnd verſtehen moͤgen/ Amen.
DIß Buch oder Wort ligt verborgen im Her-
tzen/ es ligt verborgen im Buchſtaben/ vnd iſt auch ver-
bergen im Fleiſch/ es wird offenbar/ vnd dem Menſchen
fuͤr die Augen vnd Ohren geſtellet/ auff dreyerley weg/ Erſtlich
durch die Steinere Taffel/ da die gantze Summa der Schrifft ein-
gefaſſet wird in die Buchſtaben. Zum andern/ wird es geoffenbaret
in Fleiſch/ denn das Wort ward Fleiſch/ denn das Leben iſt er-
ſchienen vnd leiblich worden. Zum z. wird es offenbahret durch
das Predigampt in der gantzen Welt/ Gottes Wort wird offen-
bart vnd ſichtbar ſcriptione in tabulis in carnatione, durch die
Menſchwerdung. Zum dritten predicatione durch das Ampt
des Geiſtes/ alles dieſes koͤmpt vom vnſichtbaren/ geiſtlichen/ in
das euſſerliche ſichtbare vnd leibliche/ von innen heraus/ vnd were
es nicht in vns/ das Wort vnd Leben/ es were nicht in die Buch-
ſtaben gefaſſet worden/ were das Wort des Lebens nicht in vns
leiblich erſchienen/ durch Annehmung menſchlicher Natur/ were
des Lebens Wort nicht in vns/ es duͤrffte nicht gepredigt werden/
Ja were es nicht in vns/ niemands wuͤrde durch die Stim̃ des Va-Der guͤldene Griff.
ters zu Chriſto gezogen werden/ vnd niemand keme zu Chriſto/ es
koͤndte auch kein Schrifft von den Menſchen geleſen werden/ noch
verſtanden were es nicht in vns/ vmb ſonſt wuͤrde es gepredi-
get/ man muͤſte predigen biß an den Juͤngſten Tag/ noch koͤndte
es nicht hinein geprediget werden/ darumb wird es gepredigt/ daß
es in vns iſt/ darumb wird es von den Glaͤubigen angenommen/
daß es jmmer in jhnen iſt/ darumb werden die Vngleubigen vnd
Wiederſprecher gerichtet vnd verdampt/ daß es in jhnen iſt/ were
es nicht in jhnen/ ſie koͤnten nicht verdampt oder gerichtet werden/
weren wir im Paradeiß blieben/ ſo hetten wir keiner Schrifft vnd
euſſerliche Prediger beduͤrfft/ wie noch jetzund die Vnmuͤndigen/
dieſes ding nicht beduͤrffen/ vnnd ſind doch die allergeſchickteſten
zum Reich Gottes/ dieweil wir aber aus dem Paradies getrieben
ſind/ vnd euſſere Welt Menſchen worden ſind/ darzu verloren den
Leib vnd heiligen Geiſt/ ſo iſt von noͤthen/ daß wir newgebohren
werden aus Chriſto/ denn einen newen himliſchen Leib muͤſſen wir
haben/ mit Chriſto aus dem heiligen Geiſt/ der alte gehoͤrt den
Wuͤrmen zur Speis/ darumb von wegen vnſerer Blindheit vnd
Schwachheit iſt das innere Wort/ in die Schrifft gefaſſet/ vnnd
wegen des Leibs vom Himmel iſt das Wort Fleiſch worden/ dar-
innen das ewige Leben gefunden wird/ vnd daß ſolche newe Ge-
burt/ durch Chriſtum der gantzen Welt verkuͤndiget wird/ muß es
offentlich geprediget werden/ dieweil nun das innere Wort euſſer-
lich vnd ſichtbar worden iſt/ ſo folget/ daß der Geiſt oder Verſtand
in vns/ vnd der Buchſtab auſſer vns iſt/ allein Chriſtus/ Gott vnd
vnd Menſch die gantze Perſon/ die da in der Schrifft vnd Predi-
gen fuͤrgehalten wird/ iſt in den Gleubigen auch mit ſeinem Fleiſch
vnd Blut/ daher er auch ſolches befohlen zu eſſen/ zu ſeiner Ge-
dechtnis.
Ach HErꝛe Gott vnd Vater/ du haſt vns ja eingeſchrie-Der guͤldene Griff.
ben mit deinem Finger/ in das Buch des Lebens/ daß wir es nicht
von auſſen zu ſuchen duͤrffen/ auff dem Pappier/ in dem Fleiſch
oder in der Menſchen Buchſtaͤbler Mund/ doch dieweil die Men-
ſchen das Buch nicht leſen koͤnnen/ vnd auch beduͤrfftig weren/ des
newen Leibs vom Himmel/ So leſtu es ſichtbar vor vnſern Augen
vnd Ohren/ in der Schrifft/ im Fleiſch/ in Predigen erwecken.
Aber du OHERR/ erleuchte vns von innen/ ſo werden wir nit
hangen vnd kleben an dem Buchſtaben/ oder euſſerlichen Creatu-
ren/ vnd Chriſtum auff Erden hie vnd da/ (wie der Antichriſt leh-
ret) nicht ſuchen/ ſondern im innern Jeruſalem/ das droben iſt/ vnd
vns mit jhme vereinigen/ als newe Creaturen/ das ſichtbare ge-
brauchen/ biß wir endlich dich Vater im Sohn/ in ewiger Frewd
vnd Wonne anſchawen/ mit den vnmuͤndigen außerwehlten Kin-
dern Gottes/ welches iſt das Buch des Lebens in vns/ Amen.
DAS Aug ſiehet leibliche ding an/ vnd wird
dardurch beluͤſtiget/ Aber das inwendige Aug ſiehet Gott an im Sabbath/ vnnd wird zum hoͤchſten
erfrewet/ Gleich wie aber der kleine Finger/ ſo er vor das Auge
geleget wird/ oder gehalten/ verhindert/ daß man eine Stadt
oder Berg nicht ſehen kan/ Alſo auch verhindert eine kurtze
Schnoͤde Luſt der Welt/ den Ewigen vnendtlichen SchatzDer guͤldene Griff.
der Newengeburt/ die da ſuͤſſer dann Honig vnd Honigſaum/
Ach moͤchten wir vergleichen/ die Suͤſſigkeit aller Welt/ nur mit
einem Kraͤfftlin Goͤttlicher Suͤſſigkeit/ wir wuͤrden bekennen/
daß aller Welt Frewd/ Luſt vnd Ergetzligkeit/ die hoͤchſte Trawrig-
keit/ Hertzenleid vnd Vnluſt vor Gott were/ befinden wir ſolches
hie nit in der zeit/ ſo muß es dort in jener Welt/ mit ewigem Jam-
mer vnd Schmertzen erfahren vnd bekennet werden/ da ſolche ſa-
gen werden/ Jch habe mein gutes dart empfangen/ nun werde ich
gepeiniget/ Ach kunten wir vergleichen/ die zeitliche kurtze Frewde/
vnd die ewige vnendliche Qual/ es wuͤrde vns gewißlich in den
Sabbath treiben/ von dem Luſt vnd Suͤnden des Fleiſches abzie-
hen/ daß wir auff Gott hoffeten/ vnd warten lerneten/ zum ewigen
inwendigen Schatz vnd Luſt vnſer Seelen kommen/ dann nie-
mand koͤmpt darzu/ dann durch die Gelaſſenheit vnd Gehorſam
des glaubens oder Sabbats im ſchweigẽ ſtill ſeyn/ Eſa. 30 Dreyer-
ley grobe Hinderniſſen werden gefunden/ die das ewige groſſe Gut
verhindern vñ auffhalten/ Erſtlich iſt es der hauff aller Gelehrten/
die da an Kunſt/ Sprachen vñ Geſchwindigkeit/ jren Luſt vnd Er-
getzligkeit ſuchen/ mit leſen/ ſchreiben/ diſputiren/ Poeterey/ Can-
torey/ ſie koͤnten nicht leben/ ſo ſie nicht ſolten darinnen jhr Para-
dieß ſuchen/ vnter allen Weltgelehrten wird kaum einer gefunden/
der jhm ein einige Stund nehme/ Sabbath zu halten/ am Son-
tag Goͤttliche ding betrachten/ im ſilentio ſacro, weit ſind ſie
vom Reich Gottes mit jhren Buͤchern/ Schrifften vnd Studi-
ren/ vnd alſo außgefuͤllet mit Kuͤnſten/ daß Gott nicht raum hat/
einer Nadelſpitzen gros in jhren Platz zu wircken.
Der ander Hauff der ſich vom Sabbath auffhelt/ iſt der ge-
meine Mann/ durch ſeine Handarbeit/ Handwercker nemen jnen
nicht ſo viel weil/ daß ſie am Sontag koͤnten GOttes Wort hoͤ-
ren/ vnd bedechten/ daß ſie GOtt feyreten oder Sabbath hielten/Der guͤldene Griff.
ſondern entweder ſie bringen den Sabbath zu mit zeitlicher Sorg
oder Arbeit/ oder durch vnnuͤtz Geſchwetz/ ſpatzieren gehen/ vnnuͤ-
tzer ding/ ergoͤtzung fleiſchlichẽ Luſtes/ offt mit vbrigem Eſſen/ Fuͤl-
lerey vnd was ſie ſonſt mehr Boͤſes thun/ jhrer Arbeit halben/ am
Wercktag nemen ſie fuͤr daſſelb zuvolbringen am Sontag/ Gott
hat beſohlen 6. Tage zu arbeiten/ am ſiebenden ſolten wir mit dem
Leib auffhoͤren/ vnd vnſer Hertz in den inwendigen Sabbath keh-
ren vnd richten/ O wie ein gering Kurtzweil vnd Luſt/ erſehen wir
an/ vnd verſeumen den vnendlichen ewigen Schatz.
Der dritte Hauff der ſich ſelbſt hindert vnnd auffhelt vom
Sabbath/ darinnen man muß erlangen den vnendlichen ewigen
Schatz/ ſind alle die/ ſo in fleiſches Luͤſten leben/ als freſſen/ ſauf-
fen/ ſpielen/ tantzen/ bulen/ ſingen vnd ſpringen/ Geſellſchafften
halten/ offt die gantze oder halbe Wochen/ am Sontag am aller-
meiſten/ O wie ein kurtzer kleiner Luſt verhindert vns die ewige/
lange/ vnendliche/ ewige Frewde des Himmels/ der Sabbath iſt
von noͤthen/ vnd hat GOtt den eben darumb eingeſetzet/ daß wir
vns mit Goͤttlichen Sachen bekuͤmmern ſollen/ mit hoͤren/ leſen/
beten/ betrachten/ vnd endlich in einer ſtill auff GOTT warten/
dann GOtt wil ſelbſt den ſiebenden Tag vor vns arbeiten/ daß
wir nicht deſto aͤrmer/ ſondern beyde an zeitlichen vnd ewigen deſto
reichlicher Segnen/ vnd reicher werden ſollen. Wer das nichtbetrachtet vnd thut/ Er ſey gelehrt oder vngelehrt/ der koͤmpt
nicht zum Reich Gottes in die ewige
Frewd vnd Seligkeit/
Amen.
ES ſind auffgeſtanden die BuchſtaͤbiſchenThe-
ologi vnd Rabinen/ Lehrer vnd Prediger/ die da den Geiſt
gedempffet haben/ daß ſie nur bey jhrem Luſt vnd Creatuͤr-
lichen Wirckung/ vnd nicht im Sabbath vor Gott ſelber duͤrffen
abſterben/ Chriſtum luͤgen geſtrafft/ als citire er die Propheten
nicht recht/ da er ſagt/ Johan. 6. Cap. Es ſtehet geſchrieben in den
Propheten/ Sie werden alle von GOtt gelehret ſeyn/ wer es nun
hoͤret vom Vater vnd lernet es/ der koͤmpt zu mir/ So verſtehen ſie
dieſe Rede/ von der zukuͤnfftigen Welt/ wollen es ſparen ad æter-
nam Academiam, vermeynen es werden im Him̃el hohe Schu-
len ſeyn/ da man ſie oben an ſetzen wird/ wie allhier fuͤr Profeſſo-
res vnd Rabinos, halten wird/ in Summa, ſie beſtetigen/ man ſol
Gottes Wort nicht von lernen oder hoͤren/ ſondern von jhnen/ als
Goͤttern/ oder an Gottes ſtat/ von den Menſchen erhaben/ hoͤren
vnd lernen ſol/ heben auff die Salbung von allen Menſchen vnd
Chriſti. (vnd ſprechen gantz ſpoͤtlich/ man ſol hinder den Ofen ſi-
tzen/ vnd warten/ biß der Geiſt komme/ vnd in die Ohren blaſe)
Davon Johan. 1. vnd 2. geſchrieben ſtehet. Daß aber Chriſtus
ſampt den Propheten von dieſer zeit reden/ vnd nit von jene. Welt/
iſt klar vnd offenbar worden/ aus dieſen langen Capiteln/ dann
erſtlich iſt es gewiß/ daß man aus der Biblia den Verſtand nicht
nehme oder leſe/ ſie iſt auch darumb nicht geſchrieben/ ſondern fuͤr
dieſe/ ſo den Verſtand vorhin in jhnen ſelber haben/ die Wieder-
ſprecher zu vberzeugen/ Zum andern iſt auch war/ daß kein natuͤr-Der guͤldene Griff.
licher Menſch (wie an jhnen offenbahr) den Verſtand aus jhme
ſelber haben kan/ da man wircklicher weiſe moͤchte den Glaubenjhm ſelber leſen/ Es iſt alles vmbſonſt/ wie bißhero erwieſen/ Zum
dritten muß nothwendig zugelaſſen vnd geſetzt werden/ ein vber-
natuͤrliche leidenliche Erkentnis der Warheit/ da der Menſch
ſchweigen vnd ſtill ſtehen muß/ da der Verſtand durchs beten muß
erlanget werden/ wie ſie ſelbſt bekennen/ man muͤſſe Gott vmb den
Verſtand bitten/ daß er vns denſelbigen eroͤffnen wolle/ zu ſehen
was in der Schrifft ſtehe/ Bitten aber heiſt im Geiſt vnd in der
Warheit auff Gott warten/ vom Vater hoͤren/ vom H. Geiſt ler-
nen/ wie die vbernatuͤrliche Erkentnis erfordert/ kan mans nicht
lernen aus natuͤrlichen Krefften/ auch nicht aus den Buͤchſtaben
der Schrifften/ Wolan/ ſo muß man zu ruͤck einkehren/ vnd den
Vhrſprung ſuchen/ daraus die Schrifft gefloſſen iſt/ nemblich
vom Geiſt/ muͤſſen wir es hoͤren vnd lernen/ in einem ſtillen Sab-
bath/ zur Ruhe vnd zum Sabbath ſind wir erſchaffen/ die Ruhe
iſt die Ewigkeit/ die bleibet vnd nicht vergehet/ aber die zeit hoͤret
ſchnel auff vnd vergehet. Ach GOtt/ Ach Herre GOtt/
was thun wir Menſchen doch? die Ruhe haben wir verlaſſen/ vnd
vns geworffen in die zeitliche Vnruhe/ daß wir koͤnnen behalten/
vnd auch bey vns bleibe/ ohn ende/ das verlaſſen wir/ vnd das nicht
bleiben kan/ von vns benom̃en/ bald auffhoͤren muß/ vnd koͤnnens
nicht behalten/ daß begehren wir zu beſitzen/ als alle zeitliche ding/
darinnen man nichts beſtendiges kan lernen oder finden/ vnd da
ein ding zu finden wer/ das verlaſſen wir/ nemblich die Ruhe vnd
die Ewigkeit/ vnd in dem nichts nicht zu behalten iſt/ als wirckli-
che zeit/ dem jagen wir nach vnd verſchwinden damit. Ach Gott/wenn oder wie ſollen wir von ſolcher zeitlicher Vnruhe kom̃en
in den ſtillen Sabbath/ da alle ding ewig moͤgen
beſeſſen werden/ Amen.
DAs ich mit ſo viel Worten/ ſo viel Capitel hab
angefuͤlt/ ſo viel Wort hab geſchrieben von
einerley Materi/ iſt darum̃ beſchehen/ ob man
doch einmahl die Wiederſprecher vberzeugen koͤndte/
So da leugnen die innere Zeugnis des Geiſtes/ oder
die Salbung in vns allen/ 1. Johan. 2. Cap. daran
doch aller Grund gelegen iſt/ vnd ob wir doch einmal
wolten klug werden/ Menſchliche Lehr zuverlaſſen/
GOtt vnd Chriſto allein die Ehre geben/ im gehor-
ſam des Glaubens/ jhm vnterthenig werden vnd blei-
ben/ auff daß wir vns nit alſo erbermlich wiegen vnd
wegen laſſen/ von einem jeden Wind der Lehre. Dar-
vmb guͤnſtiger Leſer/ hab keinen verdruß/ daß einerley
ding mit ſo viel Worten iſt fuͤrgeben/ widerholet vnd
offt gemelt worden/ es iſt noth halben geſchehen/ vns
alle mit einander/ zum innerſten Zeugnis zufuͤhren/
daß wir bekennen muͤſſen/ wie das Vrtheil oder die
Erkentnis nicht von auſſen zu in den Menſchen kom-
me/ aus den Buͤchern oder Menſchlichen Kunſt/ als
aus den Gegenwuͤrffen/ Sondern von innen heraus
komme/ wie dann beyde Liechter genungſam bezeu-
gen/ daß es alles von innen heranß kom̃e/ vnd nichtsvonvon auſſen hinein. Durchließ dis Buͤchlein zum oͤff-
termal/ vnd bitte Gott vmb den Verſtand/ ſo kanſtu
mit wenig Worten alle Sophiſtiſche Weltgeleh rte
Theologen vnd Doctores eintreiben vnd vberwin-
den/ allen Hohen Schulen mit ſpoͤttlicher Wehr be-
gegnen/ vnd wie der kleine David den groſſen Go-
liath ſchlagen vnd zuſchanden machen/ denn diß iſt
einmahl war/ was fuͤr der Welt hoch iſt/ ſol bald nie-
drig genug werden/ vnd was gering vnd verſchmecht
iſt/ ſol bald erhaben vnd geehret werden/ Amen.